Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

Thlaphal (November) 21, 2019 NiNgaNi (Thursday)

Hmasawnna Thar Vol - 35/48 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

YAAY!! ‘KING KONES’ is hiring!!Are you driven? Hardworking? Good with people? And a multi-tasking ninja? Then we’re looking for you. Come, join one of the fastest home-grown brands right here in Churachandpur and be part of history as we make it. position 1: Assistant Manager (1 post)pay: ₹10000 aboveQualifications: Graduate in any streamCandidates who can speak English, Manipuri and any one local language will be preferred.position 2: production Assistant (5 posts, Male only)pay: ₹ 4500 aboveQualification: Any class, a good team player.position 3: Helper (1 post, female only)pay: ₹ 4000Qualifications: Any class, a good team player. position 4: social Media Assistant (1 part time post)pay: ₹4000 plus TAQualification: Must have good Social Media skills.Candidate with DSL Camera will be preferred

Send Your complete CV (with photo) at kingkonesre-cruitment@gmail.com before 25th November 2019

Interviews for shorlisted candidates will be held be-tween 26th to 30th November 2019

Lamka foods started as a retail store and now is a food production company born in Churachandpur, manufac-turer of the best-selling ice cream brand ‘King Kones’. We are in the process of launching the first non-govern-ment ISO-certified meat processing unit for the tastiest meat products made right here in Churachandpur.

health baby Competition an huohawtCCpur: ICDP-CCPur, Development Department, RPC-NEI hmalaknain No-vember 19 le 20, 2019 hai khan M. Lhavom Commu-nity Hall le Dumsaumual LP School haiah “Healthy Baby Competition” nei a nih. Competition hun haia hin Dr Thangboi Kipgen le Dr Ginthianlal han naute kum 0-3 years hai hriselna an en-fel. Competition a \hang hi an rengin naute 50 vel an nih. Competition huoihawt nasan le naute enkawl dan

hai hieng camp hun haia hin nuhai hrilhrietna hun hmang a ni bawk a. Lawmman pak-hatna a inthawk a pathum-

na chen sumfai le certificate hai inhlânna nei nghal an ni bakah competition-a \hang >>sunzawmna phek 2-ahGAS NEWS

Kim Joe GasBooking: 27th. August to 22nd. Oct., 2019 delivery :21-11-2019 (tHU) Time :9:30AM -12:30PMstOCK : 306 @ Rs. 79619kg & 5 kg available

Agency : SASBooking :28th. Oct., 2019 to 27th. nov., 2019delivery :21-11-2019 (tHU)Time : 9:00AM till stockstOCK : 306 @rate:Rs. 796/-

Songtal Indane GV Booking: 1st Sept. to 27th Sept.2019 Delivery: 21st.Nov. 2019. Time: 9:30 - till stock last. Com.refill available. One man,one card.

CDSA Hon. Secy. hlui a thi

CCpur: Churachandpur District Sports Association (CDSA) a Honorary Sec-retary kum 7 lai lo chel tah Lhunchon Chongloi chu Liver Cirrhosis leiin zani zingkar khan Porompat, Imphal-a Uthan Clinic-ah a thi a, zanikhan Molnom th-lanmuolah a ruong vuiliem a nih. Lhunchon Chongloi hi kum 2008-10 sung CDSA ah Jt. Secretary lo chel tah, 2010-2017 sung Honor-ary Secretary le tuta Kuki Innpi, CCPur-a Games & Sports Secretary chel lai mek a ni bakah Hill Dis-trict Sports Assn. Manipur a founder member a nih.

M.Songpijang khuoah In 5 a kangCCpur: Zanikhan Churachandpur District a Kangvai Sub-Division sunga um M.Songpijang khuoah kangmei a suok a, In 5 a kang. Kangmei hi pitar kum 100 vel mi, a suk a sak hre ta lo, Vahnem in

insunga mei a semnaa in-thawka in\an nia hril a nih. Pitar hi khawsunga um pasal pakhat Hegin in a va sansuok hman niin ei thu dawngna chun a hril. Kang-mei suokah hin mithi le hliem an um nawh.

bomb pahni hmu a nih

imphal: Zani zingkar dar 10:15 vel khan Imphal-Ukhrul Road, Lamlai Police Station huop sunga Nepat-pali hmuna bomb pahni Assam Rifles han an hmu a, Police a bomb expert-hai inpun an ni a, zani sun dar 12:14 vel khan pawitawk nawna hmuna bomb hi an suk puok. Nepatpali hi Imphal East District sung a nih

Nov. 25-ah rally nei dingin an relCCpur: November 20, 2019, 7:30AM khan Zomi Council (ZC) Hqrs chun ZC hnuoia frontal organ-isation dang dang hai leh joint emergency meeting an nei a, silai chawi pawl hai le sawrkar inbiekna sukh-rat dinga nawr dan ding le thu pawimaw dang dang an hriltlang a. Tlangmi popo huop dinga Civil Society Organ-isations le kohran tin hail eh \hangruola political/peace talks a hlawtling thei-

na dinga inbiekna sukhrat dinga nawrnain November 25, 2019 in peacefull rally ropui taka nei dingin an rel. Rally nei ni hin CCPur district sunga sub-division hran hran hai bakah Met-ro City hai lai New Delhi khawpuia khawm rally nei dingin an remtih. Agenda dangah Zomi Mothers’ Association (ZMA) GHQ 2019-2022 \huoi thar ding thlangna khawm De-cember 30, 2019 hma ngeia nei dingin an rel bawk.

|hangpuinain Rs. 10,000 an pek

CCpur: Thangkhal Baptist Church (TBC) Central Mis-sion Board chun zani zing-kar dar 7:30 khan Thing-kangphai-a um My Home kanna an nei a, \hangpuina dingin Rs. 10,000 an pek. Mission Board hai hi Upa DK Pau in an rawi a, naufahra enkawlna My Home enkaitu Upa Chinkhankap chun \hang-puina an dawng chu law-mum a ti thu hrilin, Mission Board hai kuomah lawmthu a hril. Hun hmang sung hin Pastor Hangmuanlian, Mis-sion Director, TBC chun home-a um naupang 7 hai ta dinga \awng\aipekna hun a hmang bawk.

Ram pum huopin NRc thaw ning a tih, tukhawm lungngai ding an nawh - Amit ShahNew delhi: Assam state a zofe tah National Regis-ter for Citizens (NRC) chu India ram pumpui a thaw ning a tih tiin Home Min-ister Amit Shah chun zan-ikhan parliament ah a hril a. Tu sakhuo khawm hi thil lei hin lungngai ding a ni nawh tiin a hril. Shah in thu a hrilna a chun, NRC chu citizen list a mitin sie na ding process ringawt a nih tiin a hril. Assam NRC khan Su-preme Court thupek na hnuoia thaw a nih a, NRC chu India ram sung ah thaw vawng a ni ding a nih. As-sam a khawm thaw nawk ning a tih. Tu mihriem ieng sakhuo a mi khawm tukhawm lungngai ding a ni nawh tiin a hril. Assam NRC August a final list insuo a um a chun, Assam-a khawsa mi nuoi 19 hai chu list ah an \hang naw a nih. Hieng nuoi 19 hai hi a tlangpuiin a ram mi ka ni ti na dinga document nei kim lo dam an ni thu officiala chun a hril a. Sawrkar chun hieng hai hi ram dang mi an

nih tiin puong nghal naw nih. Foreigners’ Tribunals le court pan thei dingin dit-thlangna an la nei a nih. Home Minister chun a hril peina ah, NRC a hming \hang lo hai chun tribunals haia panin annawleh Assam sawrkar khawma tangka in a \hangpui thei ding a nih tiin a hril. Mr. Shah in hi hma khan Kolkata ah NRC thaw a nina san tak chu national se-curity lei a nih, tu rambung khawm dan loa ramdang mi tam tak an tlanlut na hmun ah \ha takin a fe thei ngai nawh tiin a hril a nih. Mamata Banerjee in Hindu million tam tak haiin

Bengal an suoksan a ngai ding ti-a a hril chu thudiklo a nih ti a intumin, vawisun hin Hindu, Sikh, Jain, Bud-dhist le Christian raltlan hai kuomah hi hi ka sukchieng nuom, sawrkar in thawluina hmangin India a inthawk in suok tir nawng a ti cheu. Thuthang indiklo ring naw ro. NRC thaw a ni hmain Citizenship Amendment Bill hung thaw ning a ta, hieng mihriem hai po po hin ram mi nina an nei ngei ding a nih tiin a hril a nih. Chuong lai zing chun, Lok Sabha a Shiv Sena MP chun defence hai hmunpui bul a um a ni angin a in a siem\ha tum chu khapna a

um leiin a siem\ha thei naw thu a hril a. Question Hour ah Rahul Shewale chun national se-curity umzie tak hi ennawn ni raw sen tiin a hril. MP ka nih a, ka pa chu Naval Officer a lo ni hlak. Amiruokchu, ka in ngei khawm siem\ha thei loin ka um a nih tiin a hril. Inpui hin defence hmun-pui umna lai haia building um haia khapna thil um hai an hriltlang hun a hi thu hi Sena MP hin a hril a nih. Hi chungthu a hin, Fi-nance Minister le Defence Minister hlui Nirmala Sith-araman chun, a um dan chu project a dingin phalna pek

\hak lo a la ni nawh. Phalna chu pek ngei a ni hlak, chu sa khawm chun national se-curity chu derthawng taka sie thei a ni nawh tiin a hril a nih. West Bengal CM Ms Mamata Banerjee chun, Assam a NRC chu PM hului Rajiv Gandhi huna Assam Accourd zieka um dungzuia thaw a ni a, In-dia ram pumpuiah hmang thei ninaw nih tiin Mur-shidabad district-a thu a hrilnaah a hril a. Bengal-ah NRC thaw a phal ngainaw ding thu a hril. Assam finance minis-ter Himanta Biswa Sarma chun, state sawrkarin tulai hnai ela NRC published a um chu hnawl dingin centre a ngen tiin zanita Guwa-hati hmuna press conferene hunah a hril a, Unon Home Minister khawm tuta a ni ang ang (current form) hi hnawl dingin a ngen. Sarma chun, Assam Ac-cord hnawl ding kan tinaw a, sienkhawm Cut-off year 1971 a ni chun state tin haiah cut-off inang vawng raw seh, tiin a hril.

Rural consultancy & Assistance centre hawng

CCpur: November 20, 2019, 6:30AM khan Reng-kai Road, CCPur-ah Ru-ral Consultancy and As-sistance Centre (RCAC) hawng a nih. RCAC hi Rev. Lal-sawmsang, Local pastor, EFCI Rengkai in a hawng a, \awng\ainaa inhlanna a nei nghal. Chawngneilien @ Chawnga in RCAC chun-gchang a hrilnaah, RCAC hi district sunga govern-ment tiengpang le inza-wm/dawrna kawnga har-satna/buoina dang dang nei hai \hangpuitu dinga indin a ni thu a hril a. Hawng theina ding hin kum 2014 a inthawk khan

an lo buoipui ta a ni thu a hril. Dawr a hin Computer Centre CSC, BCA le Con-sultancy centre (RCAC) Handloom and handicraft products, mush textiles private limited, RCAC en-terprise small industries machines and equipment, RCAC electricals, RCAC tailoring Unit, RCAC Skill development training unit, Ruonglevaisuo agro production and collection centre bakah tailoring train-ing centre a um a. Tuhin tailoring training a dingin seat 20 a um a, hi laia seat 5 chu khawsakna harsa zuol hai ta dinga huol a nih tiin a hril.

Ram sunga kut-themthiem hai an thiemna izir a skill development training pek a, an ngirhmun dawmsang chu centre thil-tum a nih tiin a hril bawk. Centre-a hin office cum-cumputer, common service centre a sinthaw mi 3, consultancy ah mi 7, wood cane and bamboo ah mi 34, carpentry, electric wiring le shop and wall painting-ah 6, traditional looms and loin loom, han-dloom sectionah mi 30; hand, manual ginger pro-cessing ah mi 4, tailoring training and production centre ah mi 2 bakah exhib-itors 4 an um a, RCAC ah thawktu mi 90 an um mek.

MHRC in darkar 48 a report pe

dingin an hriettir

imphal: Manipur Hu-man Rights Commision (MHRC) chun UNLF hotu, tulai hnai ela Guwa-hati Jail-a inthawk insuo a ni hnung a \huoihmang le a umna hriet loa hrentang a ni chungthuah Manipur Chief Secretary le Manipur DGP hai chu Zirtawpni chenah darkar 48 sunga hrentang a nina san report chieng tak pelut dingin an hriettir. Meghan kha November 9, 2019 a inthawk an tang ding hun sung a hmang zo hnunga Guwahati Cen-tral Jail-a inthawka insuo a ni a, insuo a ni zo sawt-nawte hnungah ama bakah a naupa le a lawyer leh an pathuma Delhi tienga \huoi le thuphmang an nih.

New Born care Week: Oct. thla chenah naute pieng 2059

CCpur: District Health Society, CCPur hmal-aknain zanikhan District Hospital, CCPur a Chil-dren Ward le Maternity Ward haiah New Born Care Week hmang a nih.

Hi huna hin Dr Vumchin-pau Tonsing, CMO/CC-Pur; K Lamsanglian, DPM/NHM CCPur, Md Baria, DFM/CCPur; Seiboi Mate DDM/NHM CCPur le

Vung Mary, DCM/NHM CCPur hai bakah Nurses hai an \hang tawl. New Born Care Week hi India ram sungah kum tin November 15-21 inkar sung hmang dinga ti a ni dung-zuia hmang a ni a, naute/naupang hai damkhawsuok le \ha taka an in\hanglien theidan ding ngaituonaa Week hi hmang hlak a nih. District Hospital, CC-Pur-ah tukum sung naute pieng January-October thla sung khan 2059 an um a, hi lai hin pasalte 1043 le nuh-mei 1016 an \hang.

minister Karam shyam in \hangpuina a pek

uKhrul: CAF & PD Minister Karam Shyam chun November 18, 2019 a Ukhrul town a kangmei suokin Dawr 14 le mi-hriem chengna In pakhat a kangral pek hai kuomah

zanikhan \hangpuina bufai bag 20 le tangka fai nuoi 2 chu Vice-President TNL kuomah an hlan. Hi hma hin Chingai MLA Khashim Vashum in Rs. 1 lakh \hangpuina

a lo pek ta bakah Ukhrul DC Joseph Pauline in bufai bag 10 le kangmei tu-ortuhai kuomah Rs. 10,000 seng \hangpuina a lo pek ta bawk a nih. Wino bazaar a hun hmang a ni hun ah, Minis-ter Shyam chun sawrkarin hi sietna tuoktuhai ngirh-mun chu a hrietthiem pui hle a, a \ul hun a mipui hai \hangpui dingin sawrkar chu an pei zing thu a hril. Harsat le beidawng hun a in\hangpui hlak mihriem hai umna Manipur ram mi ei ni chu intithei a um hle. Hi thil hi tuta ei thil tuok mek a a \ul le mamaw hai ei >>sunzawmna phek 2-ah

Minister Nemcha Kipgen in One Stop centre a hawng

imphal: Social Welfare Minister Nemcha Kipgen in Kangpokpi District Head-quarters, Kangpokpi ah za-nikhan SAKHI - One Stop Centre (OSC) a hawng. Hi One Stop Centre hi Min-istry of Women and Child Development (WCD), Government of India hmal-akna hnuoia hawng a nih. Chief Guest-a \hang a Minister Nemcha Kipgen in thu a hrilna a chun, Kang-pokpi chu hmun pawimaw tak, nuhmei harsatna le suolna tuok dang dang hai ta dinga medical, legal, res-cue & response services, police service le psycho-

logical le social counselling support an hmu theina ding a hung inchang ding a nih tiin a hril. Nemcha chun stake-holder le Kangpokpi mipui hai chun hi OSC hawng thar hlim a um hin a sin \ha taka a thaw theina dingin enkai le thlawp din-gin a hril a, Mipui hai chun nuhmei misuol kut tuor a harsatna tuok tu hre le hmutuhai chun ham\hatna le himna an dawng theina dingin OSC kawkhmu din-gin a hril tawl. Intiemna lo nei ta an-gin, Minister nu chun, One Stop Centre chu Manipur

district 15 a hawng an ni ta thu a hril a, district pakhat a bak la um a chun hawng vat a ni ta ding thu a hril. Ms Kipgen hin a hma khan OSC hi district tin ah hawng a ni ding thu a lo hril ta sa a nih.

Sc in 2007 ‘direct batch’ MPS officer hai ngenna a hnawl New delhi/imphal: 2007 ‘direct batch’ Mani-pur Police Service (MPS) haiin promotion chungthu le inzawma ngenna an siem chu Supreme Court chun a hnawl pek a. Supreme Court chun hi ngenna a hnawl malam hin state sawrkar chu MPS promo-tion le inzawmin High Court judgment angin MPS Grade-II cadre chu “inter-se seniority list” siem\ha dingin thu a pek. Supreme Court in thut-lukna hi Thawleni a kha a

siem ni a. March 1, 2007 a MPS Grade II Cadre a lak-lut an nina ah inspector of police in an thawk a, hieng hai hi departmental promo-tion committee (DPC) feth-lengin promotion pek an nih a, chuong lai zing chun private respondents hai chu MPS Grade II Cadre ah di-rect a laklut an nih.Court chun Manipur Police Service a appointment le seniority chu MPS Rules, 1965 dungzuia fe a nih ti chu a hriet a. Hi dungzui hin promotees le direct re-

cruit officer hai chungah May 17, 2013 khan MPS Grade II Officers final se-niority list a puong a nih. Hi thu hi promotees hai chun Manipur HC fethlen-gin 2013 khan an bei a nih. An petition siem\ha in, pro-motees hai chun January 20, 2014 le February 19, 2014 a sawrkar order anga direct recruit an chunga sie a um hai chu court ah an challenge a nih. MPS Grade II a service mek direct le promote haiin >>sunzawmna phek 2-ah

Hmasawnna Thar2 Thlaphal (November) 21, 2019NiNgaNi (Thursday) arTiCle/healTh & employmeNT News

Editorial Boardlalmalsawm sellate: Editor& Publisherroding l. sellate: Jt. Editor Joshua l. Amo: Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNA

Ram changkang le khawpuilien hai angin Chura-chandpur khawpui sung le a se vel haiah hin fac-tory lien tham, Industry lien tham, khawl \ha, khawl mantam le changkang tak tak la um naw sienkhawm, fakthei le dawn ding siemna khawl dam, private hospital dam, private clinic dam, private laboratory dam, khawl le hmangruo chi tum tum ei tlin tawk, ei inchawk le ei neizo tawkhai ei nei nuol tah. Hi thil hi ni dang neka hma ei sawnna, ni dang neka ei chang-kangna le ei ham\hatna a ni leiin lawm a um. Lawm a um laizingin ei thil neihai chungah hin sawrkarin dan le dun a siem hai indik taka zuiin ei hmang am ti le ei enkawl am ti hi District Administration-in a enfeltu ding ruotin enfel hlakhai sienla nuom a um. A bova ei um thei lo, ei mamawzing tui thieng-hlim dawn ding (Mineral water) siemtu le supply-tu ei khawpui sungah hin \hahnemtawk tak an um tah. Mineral water \henkhatah hin samzai dam, hmunhnawk le thil bal dam hmu a ni hlak thu hril rik a nih. Hiengang tui hi chu mihriem ta dingin a hrisel ring a um nawh. Hieng a ni lei hin ei District a mineral water siemna hmun hai hi thuneitu han enfel hai sienla, a \ul angin action la ngam pei bawk hai sienla thil \ha, ei renga ta dinga damna le hriselna a hung ni thei ngei ring a um. Tui hi nuom nuoma zawr thei lo, permit nei a ngai a, tui zawrhai hin tui zawrna ding permit an nei am, dan le dun an zui \ha am ti hi mipui tiengpang khawma ei enzui thil \ul a nih. Mineral water siemtu le supply-tuhai ang bawk hin private Hospital, private Clinic le private Labo-ratory neihai khawm hin licence an nei le sawrkarin dan le dun zui ding le zawm dinga a siem hai an zuiin an zawm ve a ngai a nih. Tuta hma deu le tulai hnaiah khawm hin Laboratory test result indik lo ti dam le operation thawna septic ti dam hril rik a um nuol a, hi thu hi thudik khawm nia hriet a nih. Hieng a ni lei hin hospital, clinic le laboratory pantuhai ei fimkhur a ngai hle a nih. Hi thil khawm hi thuneitu han enfel hai sienla, action lak \ulhai chungah action la ngam ngei sienla nuom a um. Ei ramah hin thil a zalen taluo a, action lak le inhekna hai a um ngai naw leiin thil suksuoltu han an mi namnul niin an lang. Ei Bible-in I venghai hek naw rawh a ti umzie hi ei hriet \hel deu niin an lang. Mi \hahai hek naw ro a tina a nih. Thil suol, thil indik naw le thil \ha lo thawhai hi hek a thieng a; ei hek ngam bawk ding an nih. Inhek hi ei ngam naw chun ei ram le ei society sungah hin thil indik naw le thil suol hi a punlun deu deu ding a nih. Bu le hme bakah fakthei le dawn thei, tuolsuok tam tak a um tah. Hiengang thil hai khawm hi mi-hriem fak tlak dingin a fai tawk am ti le a thienghlim tawk am ti hi an chawtu han ei enfel le ei ngaituo ve hlak a \ul a nih. Lampui sira fakthei le dawn thei, thil chi tum tum, a sin le an khumna \ha tak um lo hai lem hi chu inchawk lo le fak lo hram hram a \ha. Boruoka inleng le tuia um natna hri chi tum tum a um leiin fak le dawn thilah hin fimkhur hle a ngai a nih. Fak le dawna fimkhurhai chu fimkhur nawhai nek chun an hriselna a \ha lem hlak. Fak le dawn-hai hi mihriemin ei dampui an ni thei ang bawkin ei natpui thei le ei thipui thei an nih ti hi hriet tlat ding a nih. Chun, lampui sira fakthei le dawnthei zaw-rhai khawmin an thil zawr hi a thienghlim tawk naw chun man thei, hrem thei le inchawitir thei an nih ti an hriet a \ul. Ei khawpui sung le a se vela sa le nga zawrhai sa zawrna le nga zawrna hmun hai khawm hi enfel \ulzing an nih. Sa \ha lo, sa\hing le ran pulsa zawr hi an la umzing a nih. Hi lei hin sa le nga zawr dinghai hi zawr suok an ni hma ngeiin ran doctor han enfel hmasa thei hlak hai sienla chu duthusam a nih. Tuta hma deu khan NGO, CCPur in a enfel hlak a, kha thil kha hung sunzawm nawk ta sienla nuom a um. Sa le nga zawrna hmun hai an enfelna kha a sawt ta leiin enfel nawk hi a hun ta a nih. Sa du le sa bova um thei lo hai ei ni leiin ei sa fak ding hi a hrisel a, a thienghlim a ngai a nih. Ei khawpui sungah hin enfel ding thil hi a tam taluo a, enfel seng vawng chu ni naw nih. Amiruok-chu, enfel \ul bik a um a, hiengang thil hai hi chu thuneitu han hung enfel zing hlak hai sienla nuom a um. Bu le thingpui zawrna dawr, fakthei le theitui zawrna dawr (Hotel) changkang le thienghlim tak tak a um laizingin bu fakna le thingpui hotel \awp em em el ei khawpui sungah hin a la tam lem niin an lang. Hotel-a fak thei \henkhat lem hi chu a hlui, fakthei ta lo hiel khawpa \hing, thum le a rim sie ta hi a um nuol a nih. Hi lei hin thuneitu han an khat tawkin bufakna hotel le thingpui hotel hai hi enfel (check) hlak hai sienla nuom a um. Ei thuziek le ei thu hril hai hi intheidana leia ei ziek le ei hril a ni naw a, ei renga ei \hat tlangna ding, ei renga ei damtlang le hrisel \hatna ding ditna leia ei hung ziek a nih ti hi hrie seng ei tiu. A \ha hi ei dit seng a nih.

enfel ding

VAWISUN THUPUIMani tisa tienga thetu chun tisaa sietna chu sik a tih; Thlarau tienga thetu ruok chun Thlaraua chatu-ona hringna a sik ding a nih. - GALATI 6: 8

indira gandhi piengna in rs. 4.35 Crore Tax Notice pekprayagraj: Uttar Pradesh Prayagraj a Prime Minister hlui Indira Gan-dhi a piengna in Anand Bhawan chu Rs. 4.35 crore house tax notice pek a nih. Tax hi non-residential category hnuoia siem khum niin 2013 a inthawk pek lo a la um a nih tiin official in a hril.

Anand Bhawan hi Gan-dhi sungkuo in umna a an hmang le Congress presi-dent Sonia Gandhi inrawi Jawaharlal Nehru Memo-rial Trust in an enkawl a nih. P K Mishra, chief tax assessment officer, Praya-graj Municipal Corpora-tion chun hi tax notice hi

Municipal Corporation Act and Property Tax rules be-san a pek a ni thu a hril. Tax siem ding zat hriet theina dingin survey thaw a ni a. Assessment thawna le inzawm hin kalna a um chun siem dinga fielna siem a nih a, kalna pakhat khawm a um nawh. Chu hnung a chu assessment hi

sukfel le notice thawn a nih tiin Mishra chun a hril. Chuong lai zing chun PMC mayor hlui Chaud-hary Jitendra Nath Singh chun Jawaharlal Nehru Memorial Trust chu tax a inthawk fihlim vawnga sie a ni leiin Anand Bhawan chungah tax siem thei ni naw nih tiin a hril ve thung.

pride / proud(Chapo am Uong?)

~ Lalkhawlien Pulamte

Authority intoxicates,And makes mere sots of magistrate;

The fames of it invade the brain,And makes men giddy, proud and vain,

(samuel butler)

Sap\awng inletna hmangruo dingin Hmar \awng hi a famkim naw, ei ti a, an dik vieu lai zingin saptawnga inlet thei lo ding Hmar \awng mal ei b<m thur thung. A bikin thu hril uor \awngkam, hieng: tit tet, leu luou, \eng \awng, lel lul le a dang dang, English-in inlet thei lo ei hau ang lawi a. Chun, Sap\awnga mawi em em. Hmar\awng ruokchun \hanaw tieng kawk thei a um nawk. Entirna dingin: “I am proud of you” ti le “He is the pride of the nation” Chu chu ei \awngin inlet inla, ‘Ka suong che’ amanih ‘ka uongpui che’ ti le A hnamin an uongpui’ ti chu inpakna \awngkam chu a ni ngei a. Amiruokchu, \henkhatin ‘uong’ le ‘chapo’ hi thuhmun anga an hmang pawl leiin thu \ha hrila inngai zingin, mi hn^m kai khawm hlaw thei a nih. |awng hi fimkhur a ngai, an naw chun hrietnaw karin mi hner phenkhum hlaw thei a nih. Pa pakhat chu a khawsak an hmul deu ta a, mi dang \hangpuina khawm ngai lova bakkhawp hmu a ni leiin, ‘kei chu mi pawisa ka puk ngai le’ a ti awl p^wt a. Inhawinaw ka ti deu khawp el a. Theitawp suo hnung khawma lo theilo ngirhmun a um a, mi ta zuk haw vat \ulna a um a, haw naw hlak chun sietna chen tlung thei ding a ni bawk hlak si. Hieng ang hmun sir ve lo hai chu inhnar an lo va um de aw! Vangnei khuolzinin a la tlungchil lei a ni a, vangduoina an mikhuol pha ieng am an chang phing ding, ralah thlir hri phawt naw chu suo ve ding a um nawh. Hmar \awnga ‘uong’ le ‘chapo’ hai hi hawrawp pathum ‘pui’ belsa inla, ‘uongpui’ ‘chapopui’ ei ti chun thumal kawlhrawng zie a nep deu a hawi. Kei a thlang leia k^wk danglam ding nisien chu “Kan naupa hlawtlingna hi kan uongpui” ti chu “Kan naupa hlawtlingna hi kan chapopui” ti nek chun a ngai a hadam deu nin ka ngai. A hmasa lema hin chu ‘uongpui’ ti chu kan suong’ ti ang tluk a nih. Tuta \uma ding chun chapo ti hi mani nina baka inngai ti’n hrilfieng ka ta, uong khawm hi lawmph^m ti chawt ka ta, khaw hnungah a khel neng a khawl nawngin la sui nisien. Kristien thuring Bu hi besana nei ding chun ‘Chapo hming chu Hmusit a nih, a ti tawp a (Thuvarhai 21:24). Chu umzie chu chapo hi a \ha naw tienga hmang nin an lang. Chu le inzawm chun ‘Chapo’ ti hi English thumal hieng: boast., puff/ show off/swagger/ blow one’s own trumpet/ undue assumption of superiority ti hai hi laibung vawng ni hai sien a hawi ka tih. Thu khawchang tawite ka phawr dawk khi a \hawmmawla hmangin Samuel Butler \awngkasuok khi hang sui inla: A hmasatakin ‘authority intoxicates’ a ti hi ei tulai hun tongmeka hin a van dik ngei de aw!. Inti thunei/chapo ku hi inrui thei a lo nih. Khampalei inchu politiks a hluor china inthawkin mihriem hringna ngainepnan thla a zara, mi hmangtlak hringna iem a ni zat ei hermit tah a, la hermit pei bawk ei tih. Elekson hnai pha pha ram hmangaitu ei punga, tling nuomin sakhuo dai ei ner a, chang hera tling a harsa leh vawi herin, damdawi inrui thei, chengrang ei inlek a, mithi aia v^wt thlak chu a nep a, a damhai aiin khampalei inchutu khawma an tet nghek nghek a, anni vengtu dinga sawrkarpa’n pheisenral a pekhai khawm an duoi bik nawh. Inthlang zo pha chu Pathien nauhai inkhawmpui pha |HUNGPHA LETLINGa an \hung nawk zai. Lal thisen hi chu a lo va \angkai char char de aw! Inthlang hri inleng ku hi chapo hai huong intau hun a ni mawl el. Mipui ta dinga hmalak tum dan hril insiek thawna hun a ni vei leh khingpui neka \ha intina, hmel beramte tehelm pholangna a ni a, Kristien dan zawm \ha a inngai si’n khampaleia \hung pha chu Gospel chu hnuka bai sie ang tho. An khaw ngar chu a ni hi.

Inthlang laia ei inchawkhai khu en ro, mani thing-at sa khawm rama inthawka in put tlunga, rama bawk zu thak nawk dinga thafan inla an um nok tah. Sawl nawna damdawi fa, nupui ruol khawm sawl hre lova pielral kai pha khawm an um tawl tah. Thunei nuomna hin chu a mi vairui nasa ngang chu an naw maw? Chapona ruihlo ra chu, And makes mere sots of Magistrate ti hi hrilsei lang, zurui anga mihriema sin thawtu chu authority, thuneina ku hi a lo nih. Min a thuneina a hmang suol pha chun lungril fim hmang lovin, inrui nei angin mi chunga thuneina a vilik a, mi a hnawtz^m a, phung-le-ruolin an \insan hlak. Thuneina hi inrui thei a lo ni ngar a, chapo hmangruo \ha fahran khawm a lo ni nalawm el . Dan anga thutantu (magistrate) khawm dan bu a ziek anga thu a tan naw chun a thuneina chu a hmang suol tina a nih. Chu chu tulaia ram-awptu sawrkarna cheltu haiin sum le thuneina an hmang suol, pha korapson-a inhnel ti a a hming ei phuok ku hi a nih. Chu chu Kohran sunga khawm a ngampa hle tah. Sakhuo dai puoa tienga inhnel hai hin ram le hnam, divolopmen hming salin rubak sin an thaw a, sakhuo dai sunga hai chun Pathien ram hmingin an lo rok ve tlet tlet,, a tu am a suollem, mimal ngaituo dingin sie el ka tih. Mi \henkhatin ei ram sietna san lientak chu Kohran tam taluo an intum a, an dik le dik naw chu mani hmu dan ni sien. A cheureu, a teu leu chun hril naw ning. Sui inzen ding a tam. |awng thu a ei buorchuor san pakhat chu pupit chum theihai lei a nih, min an tih. Lo sui ve ta. Vawizan ni’n thu an hrila, thawlawm dawlna an nei a, mi hmur chu haw l>m lovin tawngtaina an nei bawk. Dawka si si’n Pathien thu tiem lovin Bible ch^ng an tiem bawk. Ch^ng ieng zat am an tiem ruok chu an mi hril chuong l>m nawh. A dawta fe nawk inla, tulai chu thil\ha tienga hming inthang a harsa ta leiin thilsuol thaw hin inlar hlaw a awllem tah. Khawvela mimal le pawlah suol a pung hrat em em dam, America rama naupangte chena silai an chelek thu, Muslim firfiekhaiin thisen insuo an lawm pham dam, dan bawse a hausak thut tumna leia hmalakna, ralthuom ti-bai-uma in-elna po po hai hi mihriem thluoka t<r lut, hming suklar tumna lei ngei a lo nih. ‘The fames of it invades the brain’ a ti ang hrimin mi \ha hniekhnung zui tumna nekin mi rilo mizie laksawng tumna hin khawvel mihriemhai thluok a chiehnip chauh ni lovin a r<n tak meu a nih. Tulaia naupangin an lumpui rak rak, in-elna ni si, a man laklawhai chun an thichil top ngam, Entirna dingin Blue whale, PUBG, (Player’s Unknown Battle Ground) MoMo Challenge le a dang dang hai hin mihriem thluok a runa, a tlungchil leiin naupang \henkhat chun tuol an that pha a, anni ngei khawm an inthat pha \hak \hak tah. Smart phone khawm hi hmangruo tangkai em em chu a nih, amiruokchu hmang suol chun suol bawia \huoiluttu \ha fahran a nih. Mi tamtak ta ding chun pathiente a nih. Mi rawn tlaka ngaihai khawmin committee (ngaituo neia inkhawm) chang khawmin mi thuhril laiin sik-te-hmerin an lo buoi rak rak. Mithi nia pastorhai inhnelna chu smart phone tho, mi hlasak an zawm ve naw a, an phone hmangin an ni an lo inhnem lem. |halai pawl hlasak hai khawmin lekha phek rik an ti a, an phone bawk an mela, tu ta am a \hatak, ti ni awm fahranin inruolsiek ei thaw a chu mi lungril a hnem chuong l>m nawh. Chapona ku hi inti thuneina (mani nina indiktak neka insanglema in ngaina) leh an inherthlop tlat hlak leiin mani nina indiktak humhal hi hluo lo ram lien tak lak nekin a hlawk lem an naw maw? Lo ngaituo ve ta.

Central agency 10 hai phone tapping thaw phal pek: mhaNew delhi: Central Bu-reau of Investigation(CBI), Enforcement Directorate (ED) le Intelligence Bureau (IB) hai \hangin central agency 10 hai chu phone tapping thaw phalna India sawrkar in a pek thu Min-istry of Home Affairs chun zanikhan Lok Sabha ah a hril a. Amiruokchu, agency hai hin mi phone ngaithlak

an nuoma an thaw ding a ni chun Union Home Sec-retary phalna le remti na an lak phawt ding a nih. WhatsApp call le mes-sage hai tapping thawna chungthu a zawna um le inzawma sawrkar in dawn-na hi a siem a nih. Union Minister of State for Home G Kishan Reddy chun, Section 69 of the In-

formation Technology Act, 2000 chun central sawrkar annawleh state sawrkar hai chu ram inenkawlna le ram humna ding kawng ah ngaithlak, enthlak, in-peksawng, inthawnsawng hai a phalpek a nih tiin a hril. Central sawrkar in hieng ang phone ngaithlak, information lakdawk le a dang dang hai thaw thei

dinga phalna a pek hai chu Intelligence Bureau, Central Bureau of Investigation, En-forcement Directorate, Nar-cotics Control Bureau, Cen-tral Board of Direct Taxes, Directorate of Revenue In-telligence, National Inves-tigation Agency, R&AW, Directorate of Signal Intelli-gence le Delhi Police Com-missioner hai an nih.

\hangpuina a hin hmu thei dingin a um a nih tiin a hril. Shyam chun Ukhrul mi hai chu an pak a, abikin Tang-khul hai mi enkawl le bawisawm thiem em em tiin a hril. Hieng ang sietrupna tlung hun ah sawrkar, mipui le CSO hai chu in\hangpuituo seng ding ei nih tiin mipui hai kuomah fielna a siem.

Minister Karam Shyam in \hangpuina

naute hai kuoma consolation prizes le certificate pek an ni bawk. Hiengang programme buotsai a nina thuah Dumsau-mual VA le M. Lhavom VA chun organisers hai chungah lawmthu an hril. Prize latu hai: 1st prize- 1) Joseph Lalditum s/o Tlanglawmkim of Thenmuol; 2) Mangsanglen s/o Hemzalal of M.Lhahvom 2nd prize- 1) Lianthianmuan s/o Tinghoimoi of Dum-saumual; 2) Dingmuansang s/o Kamsuanthang of Mualpi 3rd prize- 1) Hoideiching d/o Christy Ngahneihoi of Ngurte; 2) Chingjemhoi d/o Hemminlal of M.Lhahvom.

Health Baby Competition an huohawt

ccPur Block IcDS Week hmangCCpur: Sawrkar thlungpuiin hriselna ngaipawimawna leia No-vember 14-19 sung ICDS week a hmang dinga kum 2013 a inthawk a lo pu-ong ta dungzuiin zanikhan Synod Hall, IB Road, CC-Pur-ah ICDS, CCPur Block huoihawtnain ICDS Week hmang a nih. ICDS Week hi Novem-ber 19, 2019 a kha hmang dinga ti nisienkhawm bandh um leia zanita hmang a nih. Lucy Chingnou, CDPO/CCPur chun, school la kai theilo hai enkaina bik dinga Anganwadi Centre tum tum hai hawng a ni thu hrilin, workers hai mawphurna hai hrilhrietna a nei. Hi zo hin CCPur le

Pherzawl District a ding Poshan Abhiyan enkaitu dinga Ministry of Women & Child Development pa-lai dinga sie Prerak in thuhrilna hun a hmang a, Anaemia Mukh Bhart chungchang bakah Poshan Abhiyan thiltum hai hril-hrietna a nei. Hun hmang sung bawk hin Dr Jamthianlal, DFWO chun nuhmei naunei tasa hai le naupai hai ta dinga Routine Immunization pawimawna hrilhrietna a nei bawk. Hi huna hin ICDS Block tum tuma Angan-wadi Centres 182 haia inthawk Anganwadi work-ers 182 le Mini Aganwadi workers 33, an rengin 215 an \hang.

a chunghnung lem an inchuna a hin, Supreme Court chun direct recruit haiin special leave petition 2019 a an file chu SC ian a hnawl pek a, chun, state sawrkarin appeal a file chu a lawmlut naw bawk a nih. SC chun thutlukna siem a ni a inthawk hapta kar 8 dun-gin sawrkar thuneithai chu MPS Grade-II cadre inter-se seniority list chu ennawn dingin le siem zo dingin thu a pek a nih.

SC in 2007 ‘direct batch’ MPS officer hai

helicopter an chuong

CCpur: Directorate of Education (S) le Transport Dept., Manipur \hangruola Nov. 14-22, 2019 sung dis-trict tum tuma ZEO hnuoia Schools students hai heli-copter inchuongtirna ding competition nei huna He-licopter chuong thei dinga thlangsuokhai Helicopter inchuongtirna chu sunza-wm pei a ni a. November 20, 2019, 1:00PM -1:30PM inkar sung khan ZEO/CCPur hnuoia students le official hai Helicopter an chuong a, Loktak Lake an thlir. ZEO/CCPur hnuoia Helicopter chuong dinga thlangsuok le Helicop-ter chuong hai chu- Cat-egory-I (Class IV-V) ah Nemsonngak, Class-V of Vimala Raina High School;

Thangzalen, Class-V of Gandhi Memorial High School le T.Martha Kom, Class-V of Bunglushi UPS. Category-II (Class V-VIII) ah VL Thangc-hunghnung, Class-VIII of Gandhi Memorial High School; Nganthoi, Class-VIII of Bunglushi UPS; Dicky Tingbiakdik, Class-VIII of CCPur Hr. Sec. School; Nialnunmawi, Class-VIII of Lanva Model High School; Lalrosiem, ClassVIII of Rengkai Hr. Sec. School le Stephen Lalminlen, Class-VIII of Tuibong High School hai an ni a. Teacher Represen-tative in Hauzel Khaithan-lian of GM High School le N.Chingkhei Singh, MES, ZEO/CCPur hai an \hang a nih.

Pollution thuah LS Speaker in a ko tawlNew delhi: Lok Sabha Speaker Om Birla chun Zirtawpni liemtah a Parliament standing com-mittee on Urban Develop-ment in Delhi pollution chungthu ngaituo dinga meeting a kona a fe lo official, municipal com-missioner 3, DDA Vice Chairman le Delhi Jal Board CEO hai chu ko in anhmupui tawl.

Source in a hril dan chun official hai hin Speaker an inhmupui a, hi hun a hin meeting an fe naw nasan indawn an nih. Standing Committee on Urban Development in-rawitu BJP MP Jagdambi-ka Pal chun official hieng ang meeting a \hang lo hai chungah action khau taka la dingin Speaker kuoma chun lekha a thawn a nih.

Lufthansa Pilot anga lo inthuom Delhi mi airport a man New delhi: Sei tak tak in tlar le security check hai pumpel theina ding a Delhi mi pakhat Lufthan-sa airlines pilot anga lo insiem chu Indira Gandhi International Airport ah man a nih tiin official hai chun Thawleni khan an

hril. Rajan Mahbubani (48) hi airport departure gate a a um lai Thaw\anni khan man a nih. Kolkata pan ding Air Asia flight a chu-ong tawm \ep a man a nih tiin police hai chun an hril a. A hnungin Delhi police

hai kuta inhlan a nih. German airlines haia inthawk Lufthansa airlines captain anga inthuom pak-hat a um a nih ti a informa-tion an pek le inzawmin CISF (Central Industrial Security Force) hai chun hma an lak a, Rajan hi an

man a nih. Mahbubani hi Delhi Vasant Kunj laia khawsa a ni a, Lufthansa Airlines pilot fake ID a nei a, air-port a ham\hatna um hai lakna in a hmang hlak a nih tiin senior CISF offi-cer chun a hril.

3Thlaphal (November) 21, 2019NiNgaNi (Thursday) NaTioNal/iNTerNaTioNal & adverTisemeNT Hmasawnna Thar

laKTawi

sOlAr InstAllMentSolar product a hnuoia hai hi installment awlsam deuin kan pek thei.• Solar Home Lighting system: 20 watt, 40 watt, • Solar Home Lighting system: 100 & 200 watt with

inverter• Solar Water Heater: 100 & 200 litres• Solar Streetlight & Solar Sewing machineSystem hai hi complete set ani a, free installation kan thaw baka warranty kum 3 sung pek anih. Ngaiven thei na hmun: Contact: Rural Women Upliftment Society, gospel Centenary Building 9862741198/ 8415016481

(20-23)

LEISEN KHAWTLANG LAWMTHU HRILNADated : 20th November, 2019.

Leisen khuo hi 56-Thanlon Assembly constituency sunga Hmar khuo a chuh, a pawimaw pawltak nisien khawm, mihai chun Khuo mawngping le Ngaisak hlawlo khuo an lo ti hlak a. Tu ruok hin chu, Leisen hmangaitu Pu Vung-zagin Valte, Hon’ble MLA,& Chairman, MTDC, Govt. of Manipur, kan nei tah leiin kan thla amuongin, Leisen mipuihai chuh a chungah kan lawm hle a nih. Pu Vung-zagin Valte chungah kan lawmthu kan hril le inruolin a hnungzuitu le Leisen khuo tadinga mi \angkai taktak hai chungah lawmthu kan hril nghal bawk anih.Leisen khuo tadinga a thiltha thaw hai hei tarlang ei tih.1. Rangva, inchungneizo lohai in 30 vel an khum pek tah.2. Khawtlanga kan tlan khawp Tui kan khuozawlah a siem pek bawk.3. Leisen Jr High chuh High School puitlingin a hlang-kaia, building tha tawktak bawl ani bawk.4. Anganwadi building \ha tawktak bawl a ni bawk.5. Leisen vadungah Wooden suspension Bridge daw ani ta bawk.6. Tlangpuiah Waiting shed thatawktak a min ngir ta bawk.7. Tuhin motor tlungtawpna Tlangpuiah inthawkin JCB le Bulldozer hmangin lampui an nawrtir meka , Christmas hmangeia Leisen khuo an tlungtir beisei a nih.Hieng ang MLA, mihmangaitu kan nei hi kan vangneiin kan lawm hle a, iengtik laikawmin Leisen mipui haiin theinghil nawng kan tih. Hmatieng peiah a dam sunga Lalthungpha ah inthung dingin kan ditsakna insangtak kan inhlan. Pu Vungzagin valte le asunghai Lalpa’n an hma thuoiin malsawm pei rawsen.

Leisen mipui aiawin

sd/- mr. darkapthang, sd/- mr. Tlangrelthang, President, Leisen HYA Chairman, Leisen Val-Upa

sd/-mr. buonglienthuom Chairman, Leisen Village Authority

Shinzo Abe chu Japan PM ni sawt tak a nitahToKyo: Japan Prime Minister Shinjo Abe (65) chu Nilaini kha Prime Minister a chel ni 2,886-na niin Japan history a dingin Prime minister ni sawt tak record a siem tah. Shinzo hmaa Prime minister lo ni sawt tak chu Taro Katsura a ni a, term 3 sung kum 1901 le 1913 inkar sung khan rorelna a lo chel a nih. Japan ram rorelna chel sawt tak a ni el baka hin

Group of Seven major economies German Chan-cellor Angela Merkel ti loah ram \huoitu ni sawt tak pahnina a nih. Shinzo Abe tuta term hmang mek hi Septem-

ber, 2021 chen ding a la ni bakah tuchen hin ama thlak-thleng theitu ding an lan lang naw bawk a nih. Shinzo Abe hi kum 2006 khan kum 52 mi chau niin Japan Prime Minis-ter naupang tak a lo ni a, sienkhawm scandals dang dang le a hriselna \hatnaw leiin kum khat hnungin an ban a. Hi zo kum 2012 a in-thawk khan Japan economy keitho dinga intiemin office a hung hluo \an nawk a nih.

BOre well BOre wellTuisunsuo kuta cho ngailo, machine ngei a tui \hatak chosuok I nuom a ni chun, iengtik lai khawma ko thei zing kan nih. Thuchieng hre nuom ta ding chun hi a hnuoia phone number a hin contact thei zing kan nih.Contact phone No: 9862391897, 8119843320

(21-

27)

Midum hai inkhawmna biekin bei a tum leiin kum 16 mi mangeorgia: US a chun mingo tleirawl kum 16 mi chun Georgia state-a African-American mi-dum (black) African hai inkhawmna Biekin Bethel African Methodist Espis-copal Church bei a tum tia intumna leiin man a nih. Midum hai inkhawm-na Biekin bei tumtu hi nuhmei tleirawl a ni a, a notebook-ah Biekin bei a tum thu a ziek chu a stu-dent chanpui han school thuneituhai kuomah an in-tlun a. School chun Police kuoma report an pek hnun-gin a thil thaw tum a suk-puitling hma in an man ta

niin police thusuok chun a hril. Tleirawl hi a hming le nina puonglang a ninaw a, tuolthat tumna case siem-khum niin Georgia hmuna Youth detention center-ah thawn a nih. Gainesville Police

Department official in a hril dan chun, thil umdan an suichiengnaah hi nuh-mei tleirawl hin vun rawng lei ringawta midum hai inkhawmna biekin le hi biekin-a inkhawm hai bei a tum ti sukchieng a ni thu a hril.

Thil rapthlak tak tlung ding pumpelna dinga stu-dent body, school adminis-tration le law enforcement agency han inlaichinna \ha an nei pawimawzie suk-chiengtu a nih tiin Police chief Jay Parris chun a hril. Kum 2015 khawm khan pasal pakhat Dylann Roof chun Charleston hmuna Emanuel Afri-can Methodist Espicopal Church Bible study ses-sion nei hunah va fein .45 caliber Glock semiau-tomatic pistol hmangin African-American kohran member 9 zet a lo kap hlum ta a nih.

Philippines ramah Vaping ban

maNila: Philippine President Rodrigo Duterte in e-cigarette khap a ni ding thu a puong zo cha-rin Police chun Nilaini khan thusuok siemin, mipui umna hmuna vaping thaw hmu hai chu man le an hmangruo lakpek ning an tih tiin a hril. E-cigratte hin sa-wisel dumziel hawp neka him lem nia hrilmawi nisienkhawm tulai hnai ie-manichena inthawk khan mihriem hriselna ta dinga a him nawna hmusuok le mi tam takin an natpui ta leiin sawiselna nasa tak a lo um ta a, hi le inzawm hin Duterte chun Thawleni

khan e-cigarette khap a ni ding thu a lo puong a. Hi le inzawm hin Nilaini khan Philippines police chun mipui hmua E-cigarette hip/inhale hmu hai chu man le hrem dingin thusuok a hung siem zui nghal a nih. Vaping leia Philippines mi nuhmei tleirawl kum 16 mi hospital-ah admit a ni hnunga Duterte in e-cigarettes hi a ram sungah ban dinga a lo puong a nih. Philippine ram a mi-hriem 24 percent vel hi dumkhu hawp/hmuom hlak an nih tiin kum 2015 a World Healdh Orgnisation study report chun a hril . E-Cigarette hi dumziel

hawp anga kang a ninaw a, sienkhawm a khu/hu suok hip hlak a ni a, hi a hu suo-ka hin a tlangpuiin nicotine a \han vawng a nih. Hmang \an a hung ni a inthawk nasa takin an lar a, sienkhawm kum tlawmte hnungin vaping leia natna le thina chen a hung tlung thu hriet a ni leiin India rama khawm September, 2019 a inthawk khan e-cigarette laklut, zawr, siem le hrilmawi hai a lo khap ta a. Khawvel rambung dang dang Brazil, Singapore, Thailand le US a Massa-chusetts haia khawm ban a lo nita a nih. E-Cigarette ban tum thu puong a ni hma hin Duterte sawrkar chun dumkhu hawp hin mihriem hriselna a suksiet leiin tuta hma met khan dum thil hrim hrim hrilmawi (advertising) a lo khap ta bakah cigarette bawm hai hrim hrimah mihriem ta dinga hrisel lo a nina zieklang ngeina ding dan a lo siem ta a nih.

Sri Lanka PM Ranil Wickremesinghe an ban dingColombo: Sri Lanka Presidential Election nei zo hlimah sawrkarna siemtu party in hratna chang zo loa opposition candidate Gotabhaya Rajapaksa President thar dinga th-langtling a hung ni hnungin Sri Lanka Prime Minister Ranil Wickremeshinghe chu Ningani hin Prime Minister a ninaa intahwk an ban ta ding niin a office thusuok chun a hril. President hlui Ma-

hinda Rajapaksa chun In-rinni khan sawrkar in \ha lema ro a rel theina dingin President le cabinet hai

party pakhat a mi an ni a pawimaw thu le Prime minister hi inban dingin phutna a lo siem ta a nih.

Thu dawngnain a hril danin Gotabhaya Ra-japaksa chun a upa le President hlui ni bawk Opposition leader Mahin-da Rajapaksa chu Prime minister thar dingin a hung ruot ring a nih. Mahinda Rajapaksa hi a hmasa tak dingin kum 1970 khan kum 24 chau ni in Parliament member dinga thlangtling niin, member naupang tak a lo nih.

India le Singapore han Trilateral mari-

time Exercise

siNgapore: Singapore hmuna cham mek Defence minister Rajnath Singh chun Nilaini khan Sing-pore defence miniter Ng Eng Hen inhmupuiin an ram pahni hai inlaichinna le thawtlangna \halem nei dan ding uluk takin an hriltlang a, kum thar 2020 a inthawk kum tin Singa-pore, India le Thailand \hangsain Trilateral Mari-time exercise nei hlak din-gin an remtih. Singapore-India-Thai-laind maritime exercise (SITMEX) hmasa tak chu September thla khan Anda-man tuipuiah nei a lo nitah.

Rajapaksa in Imran Khan fielna a pawm

Colombo: Sri Lanka President dinga thlangtling thar hlawk Gotabaya Ra-japaksa chu Pakistan Prime Minister Imran Khan in Pakistan inzin dingin a fiel a, a fielna hi Mr Rajapaksa chun a pawmpek tiin Paki-stan High Commission thu-suok chun a hril. Khan hin Thawleni khan Rajpaksa hi tele-phone a biein President a tling lawmpuina thu a hril bakah a remchang hmasa takah Pakistan inzin dingin a fiel a nih. Rajapaksa hin President a ni hnunga ramdang an zin hmasa takna dingin PM Modi fielna angin Novem-ber 29, 2019 khin India ram a hung inzin ding a nih.

Jammu & Kashmir ah Academic channa a nasa :NN Vohra

New delhi: Jammu and Kashmir governor hlui N N Vohra chun hi Union Terri-tory a academic ch^nna chu a nasa hle a, hi lai phairuom ta dingin hmingsietna an tlun a nih tiin a hril. Jammu & Kashmir a hun liemtah a buoina lo suok hlak hai leia student haiin ch^nna nasatak an tuok thu a hrilna a nih. Observer Research

Foundation haiin an huoi-hawt “Kashmir after 370” hriltlangna hun a hi thu hi Mr Vohra in a hril a nih. Hi lai phairuom a ch^nna lien tak kum 10-20 inkar sung a mi chu, school ch^nna, college kai nau-pang hai ch^nna, university kai naupang hai ch^nna. Ag-riculture University ei nei a, state university, central uni-versity le National Institute

of Technology hai. Ieng ang hlawl a nasa am ei ch^n ka hril thei naw cheu tiin Mr Vohra, 2008-18 sung a gov-ernor lo cheltu chun a hril. NIT student 350 velin Srinagar an maksan thu a hriet chun, hi thil hin hming-sietna an tlun tiin a hril a. Tuolsung naupang hai chun-gthu ka hril hi, apple chingtu nauhai, secretariat a clerk nauhai, truck driver nauhai, Lal Bazaar a dawr thawtu nauhai an nih. Ei administration in 90 per cent neka tam hai him le muongum taka sin an thaw tir thei naw le naupang hai school kai le exam hai an nei thei naw a ni chun, thunei-tuhai ta dinga chona harsa-tak ning a tih tiin Mr Vohra chun a hril.

hrentang hai insuo ro – pdp New delhi: Jammu and Kashmir Chief Minister hlui Mehbooba Mufti a party a inthawka MP chun Jammu & Kashmir a in-thawka Article 370 sukbo a ni a inthawka political hotu man le hrentang a um hai po po chu insuo tawl dingin Home Minister Amit Shah kuomah lekha a thawn. Parliament winter ses-sion \an a ni a inthawk ni 2 a liem hnung a Peoples Democratic Party (PDP) MP Mir Mohammad Fayaz hin lekha a thawn a nih. Winter session \an thara um mek a hin opposition party hai chun mana um ve mek chief minister hlui tho Farooq Abdullah chu hi session a in\hang tir ve din-gin an phut a nih. Political hotuhai le party worker le CM hlui 3, thla 3 neka tam hrentang ni ta hai chu insuo zalen ni ta raw hai sen tiin Mr Fayaz in Home Minister Amit Shah kuoma a hrilna a chun a hril.

Mr Abdullah hi hren-tang a ni lai zinga Public Safety Act hnuoia charge siem khum sa a nih. Oppo-sition hai chun sawrkar in Chief Minister hlui chu an \i leiin debate na a inthawk Kashmir issue ah a tlansie a nih tiin an intum. Thaw\anni liemtha khan Congress MP Adhir Ranjan Chowdhury chun Speaker kuomah, sawrkar chu insuo dinga hril dingin annawleh Home Minister chun hi chungthu a hin in-pui ah statement siem raw sen tiin a lo khekpui ta bawk a nih. A lekha thawn ah, Mr Fayaz chun, political hotu le party worker hai chu an umna ding sub-jail thara sawn an ni hun ah inzakum taka sawisak an ni thu a hril a. Hotu hrentang a um hai hin kar liemtah a an sawnna a chun police haiin an sawi-sak tiin intumna an siem a, police haiin chu intumna chu an hniel thung a nih.

Youth Congress han parliament bulah

protestNew delhi: Congress interim president Sonia Gandhi, a nauhai Priyanka Vadra le Rahul Gandhi hai venghimtu SPG sawrkar in a lakdawk le inzawma lungawi lo Youth Congress hai chun SPAG venghimna pekir dinga ngenna ni sa in parliament bul hnai ah zan-ikhan nuorna an nei. Hi hun a hin Prime Minister Narendra Modi le Union Home Minister Amit Shah hai lim khawm an raw bawk a nih. Protest an thawna hmun sung Shastri Bhawan le Krishi Bhawan gate hai police in an kal lei-in Congress worker iemani zat hai chu hrentang an nih. Hi hmun sung a hin min-istry office tam tak a um a nih. Central Secretariat Metro station gate khawm kal sa a ni bawk. Youth Congress mem-ber tam tak hai chun, Con-gress interim President Sonia Gandhi le a nauhai chunga thil tlung a um a ni chun PM Modi le Amit Shah in a maw phur an tih tiin an khek a nih. Protest a \hang hai chu police in ie-mani zat manin Parliament Street police station ah an hrentang a nih.

Jallianwala Trustee a congress chief nina pei a ni theina ding Bill passNew delhi: Amritsar a Jallianwala Bagh massacre memorial enkawlna a Con-gress permanent President in ni tirtu ‘Jallianwala Bagh National Memorial Act’ a provision sukbo na ding Bill chu Thawleni khan Rajya Sabha ah voice vote hmang a pass a nih. Hi hun a hin MP Jairam Ramesh in a kal zawngin vote a pek a, Congress MP dang hai chu vote thlak a ni sung hin an to \awk \awk a nih. Hi amendment bill Lok Sabha a pass lo ni ta hin, Leader of Opposition an-nawleh party mal a lien tak chu permanent member in ni tir theina a sawm a nih. Hi chungthu a inselna um a chun, Minister of State for Culture and Tour-ism Prahlad Singh Patel chun dawnna siemin, hi trust hin hun liemtah a poli-tics rawng a lo kai na chu suktawp a ni thei ta ding a nih tiin a hril.

Opposition hai chu beiin, bill a provision dang a hai chu iengkhawm harsatna an nei naw thu a hril a. Con-gress hai chu hi memorial a ding hin cheque iengzam an pek ta ti chu kan dawn nuom tiin a hril a. Mipuiin an thlang tling hai chun hi trust a hin hmun an chang ding a nih tiin a hrilsa. Communist Party Of In-dia a inthawk Binoy Viswam chun, zalenna suolna kawnga Mahatma Gandhi le Jawaha-rlal Nehru hai mawphurna

pawimaw tak chu hnawl thei ni naw nih. Hi thil hi History siem\hatna kawnga lampui indik lo tak a nih tiin a hril. Amritsar a peaceful procession thaw a ni laiin British General Reginald Dyer chun firing order pe in Jallianwala Bagh ah 1919 kum khan India mi tam tak that an nih. India in zalenna a hmu hnungin hi thil tlung hrietzingna dingin memo-rial bawl a nih a, dan siem niin Jallianwala Bagh Na-tional Memorial Trust chu indin in a lo um a nih.

Kashmir a internet that remchang hunah hlip ning a tih - Amit Shah New delhi: Ni 100 neka tam internet hmang thei lo a sie ni tah Kashmir a chun, local administration in \ul a ti hun ah hmang thei a sie nawk ning a tih tiin Union Home Minister Amit Shah chun zanikhan Rajya Sabha in\hungna ah a hril a. August 5 a sawrkar in J&K special status a suk-bona le inzawmin police si-lai kapna leia thi tukhawm an la um naw thu a hrilsa. Kashmir hmun a inter-net hmang thei nawk ta dinga local administration haiin an hriet hun ah hmang thei a siem nawk ning a tih. |henum rambung haia inthawk Kashmir region a hin activity a um ve a nih, chu chu lungril a sie zingin, local authority haiin a thei ta ding ni a an hriet hun ah thutlukna siem ning a tih

tiin Mr. Shah chun RS ah a hril.Srinagar kawtthler ah thisen insuona nasatak a suok ding ti thu hotuhaia inthawk ei hriet a, amiruok-chu, chuong ang chu ieng-khawm a tlung nawh. Police hai silai kap leiin tukhawm an thi naw chu ka lawm tiin Home Minister chun a hril a. Lung dengna um hlak khawm chu 805 a

inthawk 544 in a tlahnuoi thu a hrilsa bawk a nih. Central sawrkar chun August 5 khan J&K special status a sukbo a, UT pahni – Jammu & Kashmir le La-dakh in a khawi a nih. Central in Article 370 sukbo a puong hma charin internet le telephone ka suktawp vawng a ni a. Hun sawt tak an vawi hnungin postpaid phone le landline

service hai chu hmun\henkhat a hai hmang theiin a um tah. Amiruok-chu, internet le SMS chu hmang thei lo tawp a la um zing a nih. Kashmir a chanchinbu le TV channel hai chu an function zing, chanchinbu circulation tlakhnuoina a um nawh tiin Mr. Shah chun a hril. Hi lai phairuom a apple phur hlaktu truck khalu hai helpawl haiin an that hlak le inzawm chungthu ah Mr. Shah chun, 22 lakh metric tonnes apple hi laia inthawk hin thawndawk a ni ta thu a hril a. Phur inlawnna chu a tluong. Apple chingtuhai chu \hangpuina a hrana pek an nih, landline 93,247 hawng a ni a, mobile 59 hai hmang theiin an hring zing tiin a hril.

daltuhai sukfel a ni tah: raut mumbai: Maharashtra state sawrkar siem tum a NCP le Congress inthlawp-pui tum Shiv Sena hotu Sanjay Raut chun, daltu thil um hai chu sukfel vawng a ni tah a, zing ah hriet thei ni tang a tih tiin a hril. Ni 10-15 sunga daltu um thil hai chu sukfel vawng a ni tah. Zing a inthawk daltuhai sukfel vawng a ni ta thu hrieng in tih tiin Shiv Sena MP Raut chun zanikhan reporter hai kuomah a hril. Sanjay Raut in a hril pei dan chun, PM kuomah Pawat chun Maharashtra state a loneituhai ngirhmun hril dingin a ngen thu a hril bakah politician haiin state

thubuoi Prime Minister le an hril chu a danglamna le a makna a um naw tiin a hril. Shiv Sena neka seat pahni chaua tlawm lem NCP hai chu BJP in sawrkar siem dinga an hanwtzui ti indawnna an siem hun ah, Raut chun, chuong ang the-ory chu Shiv Sena sawrkar hmu pei naw tuhai chauin an thedar tiin a dawn. Sena a chun, a chung taka inthawk a hnuoi tak phak dingin thu a hung hlak a ni leiin thutlukna siem an rang, NCP a chun chief in democratic in\huoi dana thutlukna siem dingin thu a puong a hun an lak sawt met, Congress chun thut-lukna lak a ni ding hrim

hrim ah kum 100 neka tam nunphung a alo fe pui ta a nei bawk a nih. A lim chu zinga inthawk fie takin in-lang tang a tih tiin Raut chun a hril. Source in a hril dan chun Sena-NCP-Congress alliance inbiekna chun a lampui a hraw zing a, in-remnawna hai chu sukfel phuor a ni tah. Amiruok-chu, NCP le Congress chun Maharashtra chu PR hnuoia sie a ni ta leiin hun tam tak a um tiin an hril niin report chun a hril.

India mi tirkir hai Delhi an hungtlung

New delhi: US a in-thawk India mi hung thawnkir mi 150 vel hai chu Nilaini zingkar khan Delhi Airport an hung tlung tah. Hieng India mi hai hi visa dan kal le dan loa America ram an lut leia hung thawnkir an nih tiin official thusuok chun a hril. Oct. 18, 2019 khan Mexican immigration au-thorities han dan kala Mexico fethlenga US lut tum India mi 300 chuong a lo hung thawnkir ta bawk a nih.

Hmasawnna Thar4 EntErtainmEnt / SportSThlaphal (November) 21, 2019NiNgaNi (Thursday)

District Second Division League 2019Venue : Public Ground, Churachandpur

resUlts : 20th nov.2019 (wednesday) 1. FC Lina 2 - 4 TYAU

2.FC Zion 2 - 0 Rising SC 3. B. Aijalon SC 1 - 2 YC Personmun

FIXtUre : 21 november, 2019. (thursday) 1. Molnom YC Vs Happy Feet FA @ 11:30am.

2. Neihsial Veng YC Vs Phuaisanphai @ 01:00pm 3. Tangnuam YC Vs APFC @ 02:30pm.

Olympic Qualifiers trial hmain Mary Kom le Nikhat Zareen an inhnek ding

New delhi: Tokyo Olympics hung um ding le inzawma selection trials nei hma in World champi-on vawi 6 lo ni ta le London Olympics bronze medallist MC Mary Kom le Nikhat Zareen hai chu Boxing Federation of India (BFI) hnuoia professional league hmasa tak ding – The Big Bout- ah an inhnek ding niin report chun a hril. The Big Bout hi De-cember 2-21, 2019 inkar sung New Delhi hmuna nei ding a ni a, hi ding le inza-wm hin BFI chun Thawle-ni khan City Hotel-ah inhnek ding team owners le players draft puonglang a ni a, chu taka chun Mary Kom le Nikhat hai hi 51kg lightweight category –ah an inhnek ding a nih. Draft puonglanga um dungzui hin kum 36-a upa nau pali nei tah Mary Kom chu NCR Punjab Roy-als hmingin inhnek a ta, Nikhat (23) chu league a hin Odisha Warriors hmin-gin an hnek ding a nih. Chun, Pinki Rani khawm Bengaluru Brawlers hmin-gin 51kg weight division-a hin an hnek bawk ding a nih.

Olympic qualifiers thu-ah a performance dungzuia MC Mary Kom trial nei loa in fethlengtir tumna le inzawmin August thlaa inthawk khan Nikhat Za-reen hin sawiselna a lo siem tah a ni a, chu hnungah tuta \um hi Mary Kom le Nikhat Zareen inhnek hma-sa takna ding a nih. Zareen in complaint a pek le inzawm hin Boxing Federation of India chun tuta hma met khan Olym-pic qualification tour-nament Wuhan, China rama February 13, 2020 a inthawk um dinga India team \hang thei ding hai thlangsuokna dingin 51kg category \hangin selec-tion trial December thlaa

nei dingin a lo puong ta a, hi dungzui hin December 29 le 30, 2019 hai khin women’s trial New Delhi hmunah nei a ni ding a nih. BFI original selec-tion policy dungzui chun World championships a gold le silver medal latu hai Olympic qualifiers ah direct-a lut ding ti a ni a, a hnungin Mary Kom hin world championship Sep-tember thlaa nei a khan bronze medal la phak chau sienkhawm trial nei lo din-ga ti a ni a. Sienkhawm Zareen in Mary Kom di-rect quafication thu sports minister kuomah complaint a lo pek lei khan BFI in a thutlukna sutin Mary Kom khawm trial hmasawn din-

gin a rel nawk ta a nih. The Big Bout a hin pasal-ah category pangai- 52kg, 57kg, 69kg le 91kg haiah inhnek ning a ta, nuh-mei a chun category pahni 51kg le 60kg ah inhnek a um ding a nih. Mary Kom le Zareen hai hi an teams finals an lut ve ve chun The Big Bout a hin thawkhni zet an inhnek ding a nih, an inhnek ding hun ruok chu puong a la ni nawh. Mary Kom hi light flyweight 45-48kg a khel hlak a ni a, sienkhawm To-kyo Olympics hung um dinga hin \hang a nuom leiin Mary Kom hi 51kg-ah a pakai a, record a lo nei \ha lem si leiin nuhmei boxer hung inlar thar Za-reen ta dingin hmatieng fe peina dinga lampui dangtu a hung nita leiin Zareen hin Mary Kom a theida pha a nih. Zareen hi tukum May thlaa Guwahati hmuna In-dia Open semifinals a khan Mary Kom in semifinals ah a lo hne tasa a ni a, Nikhat hin tukum Asian Cham-pionship a khan 51kg ah bronze medal a lo lak ve a nih.

Tottenham in manager Mauricio Pochettino an ban, Jose Mourinho manager thar dingin an ruot

loNdoN: Premier League club Tottenham chun an manager Mau-ricio Pochettino an ban a, Mauricio an ban a inthawk darkar tlawmte hnungin Tottenham Chairman Dan-iel Levy chun Manchester United manager hlui Jose Mourinho chu Tottenham manager thar dingin a ruot zui nghal. Report in a hril danin Jose Mourinho hi kum 2022-23 season chena din-gin Tottenham in contract an ziekpui a nih. Mourinho hi nikum-a Manchester United in man-ager-a inthawk an ban hnun-gah sin (manager) thaw loa um tah a ni a. Tottenham in manager dinga an ruot le club zawm thei dinga a umna thuah lawmum ti thu le a sin thar zawm dinga a

phur thu a hril a, squad le academy quality chu sin thawpui dinga a phurna tak a ni thu a hril bawk. Chairman Daniel Levy chun, Jose Mourinho chu football manager hlawtling takel, tawnghriet hau, tacti-cian ropui tak a ni a, teams hai nasa taka a suk thatho thei ding thu hrilin, team chu thahrui le hratna a hung pek ngei a beiei thu a hril.Mourinho hin kum 2005, 2006 le 2015 hai khan Chelsea chu Premier League titles a lo lakpui bakah FA Cup a lakpui bawk a. May, 2016 khan Man. United a zawm a, kum 2017 khan Europa League le Carabao Cup a lo lakpui a, sienkhawm December, 2018 khan Man. United chun manager a inthawka

an lo ban a nih. Hi baka hin Mourinho hin kum 2004 khan Por-tuguese side Porto chu Champions League a lo lakpui bawk a. Italian club Inter Milan ah kum 2020 khan league, cup le champions league treble a lo lakpui bawk a, FIFA’s world coach of the year chawimawina a lo dawng ta bakah kum 2012 khan Spanish team Real Madrid khawm La Liga title a lo lakpui bawk a nih. Old Traford a suoksan hnung khan China, Spain le Portugal haia khawm of-fer a hmu a, sienkhawm a lo hnawl vawng a, tuhin Tottenham leh contract an hung ziek ta a nih. Pochettino hin season nuhnung taka khan Totten-ham hi Champions League

final a lutpui a, sienkhawm final-ah Liverpool an hne zo nawh. Argentina mi Pochet-tino hin May, 2014 a in-thawka kha Tottenham lo zawm a ni a, sienkhawm Tottenham a enkawl sung hin trophy a dawmpui hman nawh. Tottenham in trophy an lak nuhnung tak chu kum 2008 League cup kha a nih. Liverpool defender hlui Jamie Carragher chun Pochettino in Tottenham a hung enkawl hnungah trophy lak pui la neinaw sienkhawm Tottenham in nasa takin hma a sawn thu hrilin, Tottenham in an hung ban thut el chu mak a ti thu a hril. Sin a thaw \ha a, an ban ding a ni khawmin season tawp chen bek chu a phu hle a nih tiin a hril. Hieng laizing hin Tot-tenham manager hlui Harry Redknapp chun, Mauricio Pochettino chun a players hai leiin a sin a chan a nih tiin a hril. Pochettino chu manag-er \halo a ninaw thu hrilin, ama hnuoiah Tottenham hin Champions League fi-nal an lut a, club in Cham-pions League final an lut hmasa takna a ni nghe nghe tiin a hril a, a players hai leia Pochettino chun ban a tuok pha niin an tum.

India chun Oman an hne naw leiin 2022 World Cup qualifying round-ah knockout an nitah

omaN: World Cup qualifiers khel mekah Group E second round-ah Oman chun Thawleni zan khan an home Sultan Qa-boos Sports Complex-ah India an mikhuol a, min-ute 33 naa Muhsen Al-Ghassani goal hmangin India 1-0 in an hne leiin group-ah point 12 hmuin

pahnina an ni a, India chu 2022 World Cup qualify-ing round-a inthawk an knockout tah. India hin second round game 5 an khel haiah vawikhat khawm hratna an chang naw a, draw vawi 3 neiin vawihni an lost bawk leiin point 3 char hmuin table-ah palinain an \hang-

phak chau a nih. Oman hin first leg-ah September thla khan Guwahati hmunah India team hi 2-1 in an lo hne ta bawk a nih. Group E a hin Asian Champion Qatar chun game 5-ah point 13 hmuin a chunghnung tak an nih. India team hi World Cup 2022 qualifying round-ah lut phak tanaw hai sienkhawm 2023 Asian Cup qualifiers third round lut thei an la nih. Word Cup qualifiers khawm la khel phak lo India ta ding chun World Cup inkhel phakna ding a la hla hle.

Euro 2020 qualifiers round-up:

Aaron Ramsey goal hmangin Wales chun Hungary an hne, Euro 2020 finals khel dingin an qualify ve tah

Cardiff: UEFA EURO qualifiers khel mekah Group-E matches 10 of 10 ah Wales chun Nilaini zing-kar khan an home Cardiff City stadium-ah Hungary an mikhuol a, Wales chun Aaron Ramsey goal pahni thun hai hmanga Hungary 2-0 in an hne leiin points 14 hmua group-ah pahnina niin Euro 2020 finals khel dingin an lo qualify ve tah. Goal hmasa minute 15 naah Aaron Ramsey chun Wales ta dinga goal thunin hma an \huoi a. Second-half minute 47 naah a goal hnina dingin Ramsey hin goal a

hung thun nawk a. Inkhel tawp chenah Hungary chun an goal bat hi an thungkir tanaw leiin Wales chun 2-0 in Hungary hi an hne t a nih. Group E a hin Croatia chun point 17 hmuin group

winners an nih. Wales Euro 2020 finals an lut le inzawm hin au-tomatic qualification hmu chu teams 20 an ni a, chu-onghai chu- Austria, Bel-gium, Croatia, Czech Re-

public, Denmark, England, Finland, France, Germany, Italy, Netherlands, Poland, Portugal, Russia, Spain, Sweden, Switzerland, Tur-key, Ukraine, Wales an nih. Euro 2020 draw November 30 a nei dinga top seeds 6 an um a, chu-onghai chu- Belgium, England, Italy, Germany, Spain le Ukraine hai an nih. Defending champion Portu-gal le world Cup Winners France hai chu top seed tournament-a hin an \hang phak nawh. Euro qualifying group games khel zo a nita le inza-

wm hin play-off fethlenga Euro 2020 finals khel thei ding inchuna kum thar March thla khin a um nawk ding a ni a, chu huna play-off khel ding hai chu- Be-larus, Bosnia-Herzegovina, Bulgaria, Georgia, Hunga-ry, Iceland, Israel, Kosovo, North Macedonia, Norway, Northern Ireland, Republic of Ireland, Romania, Scot-land, Serbia le Slovakia hai an nih. Play-off draw hi No-vember 22, 2019 khin um a ta, teams 16 hai hi groups A, B, C le D a \he ning an tih.

Maradona chu Gimnasia boss a inthawk a bang

la plaTa: Argentina legend Diego Maradona (59) chun Argentina side Gimnasia y Esgrima charge thla 3 vel chau a enkawl hnungin an ban nawk tah. Maradona hin September thlaa kha manager sin a lo chel \an a nih. Maradona hi 1986 World Cup lo la tah niin, a hriselna \hatnaw leiin tuta hma met khan Mexican second division Dorados de Sinaloa manager a ninaa inthawk lo inban ta a ni bawk. Maradona in manager sin a lo thaw na hai:-• Textil Mandiyu (Oct 1994 - Dec 1994)• Racing Club (Jan 1995 - Mar 1995)• Argentina (Oct 2008 - Jul 2010)• Al-Wasl (May 2011 - Jul 2012)• Al-Fujairah SC (May 2017 - Apr 2018)• Dorados (Sep 2018 - Jun 2019)• Gimnasia (Sep 2019 - Nov 2019)

Raja Kumari in 2019 American Music Awards a host ding

los aNgeles: Ameri-can-Indian rapper le singer Raja Kumari chun 2019 American Music Awards ceremony hung um dingah host dinga thlang a ni a. India mi hai laia red carpet award ceremony host thei hmasa tak a ni ding a ni a, Kumari chun a phur hle thu a hril. Ms Kumari hi America rama seilien niin, awards ceremony hunah artist mawi tak taka inthuom hai hmu thei dinga host-a a \hang ding hi Indian –

American hai laia a hmasa tak a ni bawk leiin hi neka iniempui ding dang a nein-aw thu hrilin, a ta ding chun chawimawina ropui tak a ni thu a hril. American Music Awards hi November 14, 2019 khin Los Angeles-a Microsoft Theater-ah nei a ni ding a ni a, Kumari baka hin Sofia Carson, AJ Gib-son, Jaymes Vaughan, Lau-ren Jauregui le Nick Viall hai khawm host in an \hang ding a nih.

Award ceremony a hin Christina Aguilera, Ozzy Osbourne, Travis Scott, Watt le Green Day hai khawm perform an ta, Os-bourne, Scott le Watt hai chun Television-ah live-a an inlang hmasa takna din-gin an single thar an sak ding a nih. Green Day chun an al-bum hmasa tak kum 1994 a ‘Dookie’ an release hnun-ga kum 25 tlingna hmang an ta, “Basket Case’ ti hla perform an tih. Anni hai baka hin stars hlasakthiem dang dang hieng Jonas Brothers, Ca-mila Cabello, Billie Eilish, Selena Gomez, Lizzo, Dua Lipa, Kesha feat Big Freed-ia, Shania Twain le Thom-as Rhett hai le Artist of the Decade recipient singer Taylor Swift hai khawm an perform ding a nih. American Music Awards hi khawvela art-ists le pop culture icons hai fekhawmna lien tak a nih.

Mandy Moore in hun sawt tak chawl hnungah music tour nei dingwashiNgToN dC: American singer-songwriter Mandy Morore chun kum 10 deuthaw tour nei loa a chawl vang vang hnungin music tuor nei nawk hmasa tak ding hun a puong. Moore (35) in hun sawt tak a chawl hnunga a music tour nei ding hun a puonglang dan chun March 20, 2020 khin Benedum Centre, Pitts-burg hmunah a tour hi kick-off a ta, Beacon, New York le The Warfield, San Francisco hai \hangin ram pum-pui hmun hran hran haiah tour hi a

sunzawm pei ding niin a hril. The’Only Hope’ singer hin al-

bum thar release a tum bawk a, sienkhawm release ding thun le title a la puonglang naw a, sienkhawm kum thar khin record label Verve Forcast fethlengin a release ding a hril a nih. Moore hin September thla khan kum 10 deuthaw liem hnungin a hla thar “When I Wasn’t Watching” ti chu a lo release a, a music tour hu-nah hi hla khawm hi sak a tih. A music tour ding le inzawm hin November 22, 2019 a inthawk khin ticket zawrdawk \an ning a tih.

Scarlet Johnansson le Adam Driver chawimawina inhlan ding

washiNgToN dC: Kum thar January 17, 2020 a Santa Barbara Interna-tional Film Festival huna chun Scarlett Johansson le an changpui (co-star) Adam Driver hai chu chawimawi-na inhlan an ni ding a nih. Johansson le Adam Driver hai hi ‘Marriage

Story’ a inchang an ni a, film pakhata changtu ve ve in chawimawina an dawng ding hi a film hlawtlingna pakhat a nih. Award an dawng ding hi Outstanding Performers of the Year Award a nih tin Entertainment Weekly report chun a hril. Festival executive di-rector Roger Durling chun, ‘Marriage Story’ a Johans-son le Drivers lemchang hi tuchena an chang \hat/fukna tak a la nih tiin a comment. Award hi Santa Bar-bara, California hmuna sem ding a nih.

carpentry Training certificate semdawkna hun hmang

CCpur: November 20, 2019 khan LBI Training Hall, DIC Complex, CC-Pur-ah Natural Agro-Tech Research and Processing Service (NARPS)/Liveli-hood Business Incubator (LBI), DIC Churachand-pur huoihawtnaa thla 2 sung Carpentry Training zo a ni le inzawmin Cer-tificate peksuokna hun hmang a nih. Hi huna hin T. Paukhanlian, Chairman, ADCC khawm \hangin certificate hi inhlanna a nei. Thangchinkhup Guite, DDM, NABARD, CCPur chun, BJP in sawrkarna an hung chel hnungah en-trepreneurship tiengpang le kutthiem thil tiengpang nasa takin hma a lak a, sawrkar hnuoia um a ni dungzuia NABARD khaw-min fund a a pek a ni thu a hril a. Hmun danga sin-thaw le ei ni laia sinthaw hi inangnaw na met um nia

hriet a ni a, chu chu inring-zotuona ei tlaksam lei a ni a. Sawrkarin mipui a ring-zonaw ang bawkin mipui khawmin sawrkar ring-zona ei tlasam a. Inring-zotuona ei nei hun hunah sawrkar tienga inthawk khawmin ham\hatna tam-lem a hung um thei ngei a ring thu a hril. Dawnga, Supervisor, DIC, CCPur chun, train-ing zo thar hai chu mihai ringngam ni dinga titak le ringum taka sin thaw din-gin an fui a, khawtlanga thil \halo thaw \halai hai entawn le siem\hatu ni tum seng dingin an fui bawk. T. Paukhanlian chun, training zo hai le train-ing buotsaitu hai ditsakna an hlan a, ei ram chite a khawm chanchinbu le in-formation dang dang hai ei hmang \angkai thiemnaw leiin training tum tum nei thei ding le \hang thei ding

tam takin an hrietnaw thil um thei a ni thu hrilin, pub-licity le awareness tieng-pang nasa lema thaw din-gin mawphurtuhai an fui. Training hi NAB-ARD in mi 20 hai training na dinga funding a pek nisienkhawm mi 25 an \hang a, training qualify nei taka pek a ni leiin zanikhan mi 15 kuomah Certificate le hmangruo pek an ni a, a la dawng lo hai khawm train-ing instructor hai le admin-istration tieng han enkaiin certificate le hmangruo pek theina dinga approval pek la ning an ti tiin Joma, program manager chun a hril. Training hi Aug. 26, 2019-October 27, 2019 inkar sunga nei a ni a, mi 4 instructor in an \hang.