Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370

Fire Brigade : 8974 147 799/ 8258 057 887 / 8974 103 600

sp Hotline number:7085-256-377

Hmasawnna Thar Vol - 34/26 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

changer (OctOber) 28, 2018 Pathienni (sunday)

NEWS TOMkiMcHANcHIN LAKTAWI

Pu L. Keivom lekhabu “Translation’ tlangzar

ccPur: October 27, 2018 khan RWUS Conference Hall, Sielmat, CCPur-ah Sinlung Academy of Let-ters (SAL) huoihawtnain DAWNTLANG-8 nei a ni a, hi huna hin Pu L. Keivom in TRANSLATION ti hming chawia lekhabu a ziek chu Pu Hrangthanglur Keivom in mitin inchawk thei dingin a tlangzar. Dawntlang-8 hi hun thuma \he niin hun hman-gna hi Pu David Buhril in a kei\huoi a, Rev Edwin Darsanglur in hun hawng \awng\aina a nei zoin Le-khabu tlangzarna hun hmang a nih. Hun hninaah Dr John Pulamte in Lekhabu thlir-na neiin thuhril nuom hai ta dingin thuhril tawi hun hmang a ni a, Hun thumnaa chun nuom nuom indawn theina hun hmang a ni a,

hun tawpah Rev. Lalth-lunglien in \awng\ainain hun a khar. Pu L. Keivom khawmin Dawntlang-8 le lekhabu tlangzarna programme hi a hung uop a, tlangzara um lekhabu chungchang hrilna hun a hmang.

Tlangzara um ‘TRANSLATION’ lekhabu a hin \he thum-a \he a ni a, \he khatnaah Bible inlet chungchang, \he hninaah Hla inlet le \he thumnaa chun Gitanjali Hmar le English text a chuong. |he thumna Hla inlet a hin hnam hla le Lenglawng bakah English Poems inlar tak tak The Daffodils, The Solitary Reaper, Candle in the Wind, Green Green Grass of Home, Home Sweet Home le Blessed is the Man ti sap\awng le Hmar \awnga inletna hai a chuong.

Pasal pakhat a thisaa hmu

ccPur: October 27, 2018 zingkar khan Zomi Colo-ny lai pasal pakhat a thisaa hmu a ni a. Police han a ruong laa District Hospi-tal, CCPur Morgue-a an sie hnungin mithi hi Rangam Koireng (29), s/o Shokam Koireng of Hijam Dewan Leikai, Koreng Colony Ward No. 2. Imphal a nih ti hriet a ni a. Thil pawimaw le \ul hai sukfel a ni hnungin zani zantieng 2:30PM khan Imphal tieng a ruong hi phur a nih. Rangam Koireng hi (L) Chinlal of Zomi Colony leh an nu hai unau an ni leiin Zomi Colony-a hin a Pu hai inah an khattawka hung um hlak a nih, a thi nasan tak hriet ninaw sienkhawm sap\awng (OD) a thin i din-ga ring a nih.

ICI le EFCI K|P khawmpui

ccPur: Independent Church of India (ICI) Tui\haphai Presbytery Kristien |halai Pawl chun October 26, 2018 a in-thawk khan Saikot North ICI Biekin-ah 58th An-nual Conference, 2018 an hmang a, vawizan hin \um\iek a tih. Chun, Evangelical Free Church of India (EFCI) Saikawt Presbytery khaw-min “Krista Hniekhnung Zui” ti thupuia hmangin Oct. 26, 2018 a inthawk khan Muolvaiphei EFCI Biekin-ah 47th Annual Conference an hmang \an a, vawizan hin \um\iek a tih.

MLA hai inchawkna dingin BJP-in pawisa a thupruk \eu: LalthanhawlaMizoram-a BJP sawrkar chu ‘Van Malsawmna’ a ni el thei: Rev. LR Colney

aizawl: Mizoram Chief Minister Mr Lalthanhawla chun, “November 28 As-sembly Election zova MLA hai inchawkna din-gin, khawlai hmun tak am ka hriet nawa chu, BJP-in pawisa a lo thupruk \eu a nih.” tiin a hril. Zani ta Congress Bha-van, Aizawl-a Mizoram Pradesh Congress Com-mittee (MPCC) workers hai le meeting an neina ah, “Khawlai hmun tak am ka hriet chieng nawa chu, Cen-tral Reserved Police Froce (CRPF) headquarters an-nawleh Assam Rilfes hai hmunah; BJP chun Election zova MLA hai inchawkna dingin pawisa a thup ruk \eu ti ka hriet a nih” tiin a hril. “BJP chun Meghalaya-a an thaw ang char khan, political parties hai a in-thawkin MLA inchawng an tih. Sawrkar a siem theina ding a ni phawt chun par-ty dang danga mi MLA khawm inchaw lawr a tih”

tiin, MNF chun pre-poll alliance tukhawm an siem-pui naw ding thu le BJP an inzawmpui naw ding thu an hrila chu, BJP \huoi North East Democratic Alliance (NEDA) member a ni leiin BJP rawngkai tho a nih tiin a hril bawk. BJP Mizoram Presi-dent Prof. JV Hluna chun, Pu Lalthanhawla thuhril hi a hniel a. BJP chun ‘horse-trading’ a thaw ngai nawh tiin a hril. “BJP chun Prime Min-ister Narendra Modi sawrkar

thilthawah innghat a ta, pawi-sa sum le tha hratna mei mei-ah innghat naw nih” tiin a hril. Prof. JV Hluna chun, “Pu Lalthanhawla chu, a thuhril chu thudik a nih chun Election Commis-sion of India (ECI) kuomah ziekin report pe rawse. A hriet chieng naw chun a hriet chieng lo iengkhawm hril naw sien a ta dingin \hang a tih” tiin a hril. BJP General Secre-tary Mr Vanlalhmuaka khawmin thusuok siemin,

Pu Lalthanhawla chu thu belchieng dawllo hrila CRPF le AR hai hming suk-setu ah an tum a. Lalthan-hawla chun Delhi ah BJP hotuhai vawi tam an hmu-puia chu fielna iengkhawm a hmu naw niin a hril bawk. Hienglai zing hin Aiza-wl West (1) BJP candidate Rev. LR Colney chun, BJP a zawmna san hril malamin, Mizoram-a BJP sawrkar chu ‘van malsawmna’ a nih el thei a nih, tiin a hril.

BJP chu hnam le

sakhuo feeling nei taluoa an ngaina chu hrilfie tumin, “In ngaidan naw angin, Mizoram hmasawnna ding chun BJP sawrkar hi ‘van malsawmna’ a nih lem el thei a nih. BJP a commu-nal an ti hi an dik nawh. Hi lei hin kei khawm BJP ka zawm a nih. Mipuihai kaw-min an mi zawm ve ngei ka beisei” tiin a hril. Ni danga Odisha Mis-sionary lo nih tah hlak Rev. LR Colney chun, zawnahai dawnin, “Mizoram chun

MNF le Congress sawrkar-hai a lo nei ve ve tah a. Ana-chu, corruption hluor taluo lei le an policy hai infuk naw leiin Mizoram-in \ha takin hma a sawn thei naw a, sawrkar \hatak khawm an mi pek thei nawh” tiin BJP a zawmna san a hril. “MNF le Congress nina chu ei hmu seng tah a. BJP hai hlimthla ding awm ei ngairuot thei bawk a. Cen-tre-a an sinthaw dan ei hmu a. Tu hi development taktak a um theina ding hun \ha a ni el thei a nih” tiin BJP chu chance pek ve \ha a ti thu a hril. BJP chun ni khat lai khan Assembly Inpui member 40 umnaah an ngir vawng ding thu pu-ongin candidate 13 hming an tarlang tah a. Christmas ah chu BJP sawrkar inngir ngei an tum a nih. Rev. Colney bakah hin Pastor dang pakhat H. Lal-ruata khawm BJP candidate lai a \hang. Kum nga liem>>sunzawmna phek 4-ah

Water Supply sin thawna ding Nov. 2 vela hawng ning a tih: V. Hangkhanlian

ccPur: India sawrkarin In tinah Portable Drink-ing Water intlungtir vawng dinga programme a siem le inzawmin Planning De-partment hnuoiah CCPur khawpuia cheng mipui hai tui pekna dingin state sawrkar chun Rs. 20 crore a sanction a, hi thil thawna dinga sin \anna ding No-vember 2, 2018 vel khin hawng ning a tih tiin Agri, Vety & AH Minister Pu V. Hangkhanlian chun a hril. Hi thu hi zani zingkar 8AM a PHED in Lower Chapellane, Hiangtam Lamka hmuna tui lakna din-ga tuilawng phumna zo fela

um ta chu chief Guest-a \hanga official taka hawng-na a nei huna a hril a nih. A hril peinaah, CCPur khawpui sung tui supply-na tiengpang a ngaimaw thu hrilin, tuta IB hmuna 1mil-lion Ltrs. Capacity Reser-vior hmang thei loa um chu

siem\hat dan ngaituo a ni ding thu a hril a, siem zo a ni huna chun CCPur khaw-pui sunga cheng han tui dawn ding ei tlasam tanaw ding bakah ZEO Office bu-lah Rs. 3 crore vel sengin Transit Camp siem a ni ding >>sunzawmna phek 4-ah

Facilitation centre ruot belsaccPur: Electoral Roll Special Summary Revision 2019 fe mek le inzawma Vote nei thei, vote la nei lo hai zieklutna dinga DEO/DC, CCPur in CCPur khawpui sunga Falicitation Centre 4 hawng dinga Or-der a lo insuo ta hai bakah East Churachandpur-ah Saikot Sub-Divisional Of-

fice Complex-ah Facilita-tion Centre hawng ve din-gin Oct. 22, 2018 khan DEO/CCPur chun an hri-ettir. Falication centre dang hai chu District Hospital, CCPur; Nute (nuhmei) Ba-zar, Lamka; Peace Ground, Tuibong le Tuibong Gazar hai an nih.

IGNOU hnuoia B.Ed CourseccPur: Indira Gandhi National Open University (IGNOU) hnuoia B.Ed kum 2 Course inchuk nuomhai ta dingin ngaiven hun lai a nih. Entrance test Decem-ber, 2018 ah nei ning a tih. Course fee Rs 50,000/- a nih. Hi programme hi Janu-ary, 2019 a Session a ding

a nih. Hnina lekha chu on-line a peklut ding a nih. Hnina lekha peklut theina nuhnung tak November 15, 2018 a nih. IGNOU Study Centre hi Churachandpur College-a khawm a um. Ad-mission thaw thei dinghai chu Bachelor/Master degree haia marks 50% hmu a ngai.

Mr Kaigin Guite, Ex-MDC a thi

ccPur: Damnawna leiin Pu Kaigin Guite, Ex-MDC of Pearsonmun chu zani zingkar khan a thi a, a ru-ong zani zantieng khan Pearsonmun thlanmuolah vui liem a nih.

Inngaisaktawnnain Inremna le Muongna an tlun ding a nih: chief MinisterimPhal: Chief Min-ister Mr N. Biren Singh chun, hnam hran hranhai inngaisaktawnnain inremna le muong, inthuruolna a siem ding a nih tiin a hril. Hi thu hi zani ta 12th In-digenous Brothers’ Meet 2018, Amity Hall, Adimjati Complex, Imphal-a Fourth World People, Kangleipak (Manipur) hai huoihawt a hawngna huna a hril a nih. Chief Guest anga thu hrilin, Mr N. Biren Singh chun, state mipuihai hmak-huo thembuoi thiena ding thilah chu state mipuihai rawn hmasa lovin ieng-khawm ka khatin thutlukna siem ngai nawng ka tih, tiin a hril a. Meiteihai chu hnam tamlem le upa lem an

ni leiin kawng iengkimah, inremna le muongna, in-pumkhatnahai a um theina dingin, upa lem chan chan-ga hma\hoitu ding an nizie a hril bawk.

“Manipur mihai chu thil thiem tak tak, thawthei hau tak ei ni tawla. Ei \hangruola ei thiemna senghai hmang kawp dan

ei thiem phat chu khawv-elin a mi hriet naw thei naw ding a nih. Hmasawnna le danglamna \ha a um theina ding chun grassroot level ah positive change a um a \ul” tiin a hril. Sawrkar hlawtlingnahai hrilin, tlangram le phairam mihai indaidanna \hiekna ding le lungrila inpumkhat-

na siemna ding le hmasawn-na inkhuongruolna dingin ‘Go to the Hills’ misison \an a ni a. Welfare scheme hran hran ‘Go to Village’, CMHT, CMST hai mi nuoi telin an sawr \angkai tah a. Hill district tin deu thawah Nuhai Bazar (Women’s Market) bawl an nih tah bawk a. Nuhmeihai ngirh-mun khawm dawmkangin a um pei tah, tiin a hril. Infepawna le inzinna sukchangtlungin Imphal-Delhi direct flight, Heli-copter Service hai khawm a um tah a. October 29 khin Tamenglong le Moreh um nawkin, Flying Doctors (Air Ambulance) khawm a um vat ta ding niin a hril. >>sunzawmna phek 4-ah

ATM Card chawi a \ulimPhal: Manipur Uni-versity, Canchipur a Depart-ment/Subject hran hran haia admission thawna dinga en-trance test result a suok ta leiin admission thaw \an a ni tah. Admission thawnaa hin

pawisa faia lak a ni naw lei-in admission thaw dinghai chun ATM Card chawi ding a nih tiin ei thu dawngna chun a hril.

PwDs hai ta dingin Enrolment Drive nei

ccPur: District Election Officer, CCPur hmalaknain Inrinni zantieng 1:00PM khan Persons with Disabil-ity (PwDs) hai ta dingin Electoral Roll Summary Revision-2019 le inzawmin District Hospital, CCPur hmunah Enrolment Drive nei a ni a. Hi huna hin CC-Pur District sunga constitu-ency tum tum haia inthawk BLOs hai an \hang a, pi-engphunga ruolbanlo vote nei thei si, electoral roll-a hming la um lo hai zieklut an nih.

Electoral Roll Summa-

ry Revision-2019 fe mek a hin October 31, 2019 chen khin vote nei lo, hming ziek indik lo, peihmang ding le polling station pak-hata inthawk polling sta-tion danga insawn ding hai Form hran hran hmangin zieklut le thaw thei a nih.

November 30, 2018 chenin Claims & Objec-tion thaw nuom han thaw thei ning a ta, January 3, 2019 in hming zieklut thar hai Data update zo le Jan-uary 4, 2018 in Final Elec-toral Roll insuo a ni ding a nih.

Trainees 17 in TCS ah job of-

fer an hmuccPur: NESEED founda-tion Office, Kamdou Veng, CCPur-ah Oct. 24 le 25, 2018 hai khan Tata Consul-tancy Services (TCS) chun campus placement drive an nei a, placement drives a trainees 28 \hang hai laia 17 han TCS ah job offer an hmu. Placement hmu hai lai hin nuhmei 8 le pasal 9 an \hang. NESEED le TCS \hangruola 100 hours Skill training project an nei huna \hang hai an nih. Job offer hmu hai hin Police Verification an zo hunah vacancy um dung-zuiin India ram khawpui tum tum haia TCS Office-ah training \an an tih. NESEED le NAB-ARD \hangruolin August thla khan Skill training for Umemployed youth project hnuoih CPur district sunga \halai 64 hai Poultry Farm-ing le Construction Paint-ing & Designing training an huoihawt a, construc-tion painting & designing ah trainee 53 percent in placement hmuin Con-struction company tum tum ah Assistant Painter sin an thaw ta a nih.

international chen khel thei dinga \hang la dingin an fui

ccPur: United Zou Organisation, Lamka Block huoihawtnain zani 11:00AM khan Zogal Hall, Zoveng, CCPur-ah UZO Haupi Block in Golden Jubilee Tournament an huoihawt huna UZO Lam-ka Block in champion an lak lawmmna nei a nih. Pu Ginsuanhau, MLA, 60 Singngat A/C & Chairman, MANIREDA khuollienin a \hang a, Michael Ginzasu-an, DSO (retd), CCPur; M. Thangsuanpau @ SP Zou, Social Worker le Chinlun-thang Zou, President, UZO GHQ hai guest of hon-our, functional president le chief host in an \hang.

Hi huna Pu Ginsuan-hau in thu a hrilnaa chun, inkhelna hi taksa hriselna ding le mani inthununna ding khawma pawimaw le \angkai taka hmang thei a ni thu hrilin, tulai chu football le game dang dang hai khawm fak hmunaaa hmang thei ni thu hrilin, ei tum an sang po leh ei phak insang hlak tia hrilin, inkhelmihai chu Interna-tional level chena khel thei dinga nasa taka \hang la dingin an fui. Mary Kom leia khawv-el mipuiin Kom hnam an hriet pha a, chu ding chun ei ni khawm \hang lang ei tiu, tiin a hril.

Unemployment Problem Sukvengna ding chu Entrepreneur a nih: RadhesyamimPhal: Education Minister Mr. Thokchom Radheshyam chun, In-dia ram le Manipur-a unemployment problem sukvengna ding chu entre-preneureship a nih tiin a hril. Mania sin thawa mi dang sin ding khawm siem peina entrepreneurship hin lekh-athiem sin neilohai khawm sin a pek theia, economic in\hanglienna dingin a \ha a nih, tiin a hril. Zani ta Lamphelpat, Imphal-a 10th Annual Cultural Festival of the Institute of Cooperative Management (ICM) an neina huna a hril dan chun, hlawtlingna chu mani duthusam le

thiltum beisei tak le taima taka hnawt-tuhai ta a nih tiin a hril. Student hai chu an hratnawna le thabonahai sie

hmangin, hmatienga an thiltum ah fo-cus taka fe dingin an fui tawl.“Business chu Demand and Supply thu, hlawsam inlauna le risk hai lak ngama sinthaw a nih” tiin, student entrepreneur or business men nia hlawtling nuomhai chun tuta inthaw-ka goal hai siema an thiltum tak \ha taka planning lo siema thaw \an a \ul tiin a hril. “Thil thar innovative deu le hlawtlingna \hahai chu tu huna ding chauva \ha ding nih lovin hmatieng peia ding khawma thil \ha a nih ding a nih” tiin a hril.DIPR)

Kum 40 hnungah minister-in khuo a sir nawk chau

imPhal: Forest and En-vironment Minister Mr. Thounaojam Shyamkumar chun, Ukhrul district, Indo-Myanmar border-a Khama-som khuo chu Oct. 26 khan va sirin, an ram leilung, thing le ruo, ramngaw (vir-gin forest) \ha taka an hum-hal zingna leiin lawmman Rs. 2 lakh a pek. Minister-in a va sir hi kum 40 hnunga Minister-in an khuo a sir nawkna hmasatak a la nih. Khamsom khuo hi Myanmar Border Pillar No. 24 kawl laia um a na. Ukhrul a inthawkin Km. 40 vel a nih. Minister-in a va sirna nuhnungtak chu Chief Minister Mr Yangmasho Shaiza-in 1978 kuma a va sir kha a nih. Forest Minis-ter chun a khawmihaiin an

kawl le kieng (environment) le ramngaw (virgin forest) hai an la humhal \hatzie a hmuin mak a ti raka. A lawm taluo leiin pawisa Rs.2 lakh hi a pek a nih. Thuthar lakhawmtuhai kuoma a hril dan chun, tu-lai khawvel global warm-ing le climate change hrat tak, miin ramhai an suksiet zung zunga, thing le ruo an sat thluk hrat em em leia khaw in\hal a pung pei laia an ramngaw, thing le ruo-hai \ha taka an la humhal zing thei hi inpakum a ti hle niin a hril. Chief Minister chun Cabinet Minister hai chu tlangram kilkhawrhai fea an harsatnahai ngaiven din-gin a hril a. Sawrkar policy >>sunzawmna phek 4-ah

Hmasawnna Thar2 changer (OctOber) 28, 2018 Pathienni (sunday) article/health & emPlOyment news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUII rawng bawl nuom naw hnam le ram chu a bohmang awm si a; a nih, chuong hnamhai chu suksiet derin um an tih. -ISAI 60:12

Finishing TawihIeng thil khawm thaw ding ni inla a tawp chen tlung hi a \ul makmaw a nih. A tawp chen tlungzo nawhai chu mi hlawtling an ni ngai nawh. Lekha inchuk ei lo ni khawma an hnuoi takah Bachelor degree nei ngei a \ha. A thei lem chun master degree le Doctor-ate degree hai chen nei ding a nih. Tienlai khan chu pawlsawm pasi khawm a hlu em em a, tulai huna ruok hin chu a hlu bek bek ta nawh. Sawrkarah lem chu sin hnuoihnung tak Grade-IV thaw ding bakin an dit ta nawh. Hi lei hin lekha ei inchuk a ni chun, sawrkarin mi puitlinga a ngai chin Graduate bek ni ngei ngei tum ding a nih. Football inkhelhai khawm an tawpna (finishing) chu goal thun a nih. An inkhelpuihai neka goal an thun tam lem naw chun champion/winner an ni thei ngai nawh. Ieng anga hrat le inkhel thiem khawm nihai sienla goal an thun der naw chun an tawpna (finishing) kha \ha, mawi le nal ei ti ngai nawh. Hieng ang bawk hin mihriem hringnunah hin game inkhel \ha vieuin inngai hlak inlakhawm ei finishing a \ha naw chun a tawp chu boralna tho a nih. Hi lei hin ei hringnun hi a tawp chena ei khel \hat a \ul a nih. Tawih ti hi tulaia \hangtharhai, a bik takin \halai han \ha, nal le mawi tinaa an hmang a nih. Mistiri-hai khawm an finishing a tawih naw chun tukhawma an ruoi nuom ngai nawh. Finishing tawih hi thil \ul le pawimaw tak el a nih. Lekha inchuk khawm pawl insang nekin a thiem filawrhai chu mi han anhmu tawi hlak. Mi rethei le mi mi hmelsie nihai sienkhawm of-ficer an hung nipha chun hmu tawih an hung ni hlak. Hieng ang mihai hi nu le pa hai chun an makpa ding le an monu dingin an dit a, inchu an hung ni hlak. Khawvela mi ropui nia ei ngaihai lai khawm finish-ing tawih naw fe fe hmu ding le hril ding an um nuol. Adolf Hitler kha a hun lai na nana chun pa ropui le thil thaw thei, a ke pen khat ringawt khawmin khawvel hi a suk hning dur dur thei ti inla ei hril suol naw ie. “German mihai hi khawvela roreltu dinghai kan nih” tic hang chawiin Nazi Party a hung indin a, Khawvel Indopui pahnina a hung chawk suok a ni kha. Nisien-lakhawm a finishing kha dit a um naw a, a tawih naw khawp el. A hun tawpah ama le ama an kap hlum a nih. Iraq President lo ni hlak saddam Hussien khawm a ro-rel hun lai khan lal a hrawt a, ropui inti hle sienkhawm a hun tawpah chun muolpho taka khai hlum a nih. A hun tawpna (finishing) kha a tawi naw hle. An ni pahni chau hi an ni naw a, khawvelah hin mi ropui, milien le milal an hun tawp tawih naw deu deuva hmang an tam el. Zuk hril seng el ding an ni nawh. Bible-ah khawm finishing tawih naw fe fe ei hriet rawn hle. Chuonghai laia pakhat chu mi hrat khawkheng Samson kha a nih. sabengtung khakru hmang ringawt khawmin Philistine mi sangkhat zet a vuok hlum thei a ni kha!. Kul kawtkhar banhai kha a lien thei awm veil eh, a phawi a, Hermon tlang panna lampui tieng a put phei a ni kha. Chuong khawpa mi hrat chu nunghak Delaila zunah an uoi a, dawl zaw-rin a zawr a, Pathien thu a zawm naw leiin bu rawtna khawla dam, ennuom insuona damin an hmang ta mei mei a, ama hringna hiel khawm lak ngaiin a hmelma-hai a thichil a nih ti Bible-a ei hmuh. A finishing hi a tawih naw ve khawp el. Vawisuna ei um dan hin ei hmakhuo (future) ding iemani chen hril sienkhawm ei hringnun hmawr baw-kna a la ni nawh ti hi ei hriet a pawimaw hle. |ha-lai hmel\ha tak, sungkuo hausaa khawsa, lekhathiem tak i ni el thei. Hieng el a lungawin dittawk el naw rawh. “Mi hmangtlak ka ni am?”, ti hi ngaituo rawh. Mi hmangtlak ni lova i um mei mei a ni chun, i tawpna chu finishing tawi lo a hung ni ve ding a nih. Lekha ei inchuk laia ei en hnuoi le hmusithai kha a tawp chena an taima le tumru leiin VIP car leh an mi la tlan pel thei a nih ti hriet tlat ding a nih. Sin \ha le inzaum tak thaw ei ni thei. Amiruok-chu, ei sin iengtin am ei thaw a ti hi a pawimaw a nih. Lekha inchuk laia Pathien \i mi tak ni si, Officer ni hnunga fakruk le thamna la hlak, zu le sa, nunghak le gambling thawa chen hlak ei ni chun ei tawpna (fin-ishing) chu tawih naw hleng a tih. Aw leh, vawisun hin a \ha tak, a fel tak, a var tak, a hausa tak le a hlawtling tak ei ni naw el thei. Hlawsam chang hungtlungin, ei hringnunah harsatna tuokin ei bei a dawng rum rum el thei. Ei ruolhai le ei lekha inchukpuihai sin insang chel le ngirhmun inhna-rum takah umin, tluk lo le phak lo rieuah ei inngai thei, chu chun ei nunah depression nasa tak an tlunin, mani insitna le lungril hadam nawna an tlun el thei. Sienkhawm beidawng lovin bei fan fan inla, finishing tawih tak ei la siem thei a nih. Vawisun hin pathienin chance \ha a mi la pek a, insiem \hatna hun ei la nei a nih ti hi hrie thar ei tiu.

Pu buanga le saP uPa-haithlan zawng thu

As reported by K.Lalsanga, Ex MLA.MizoramCourtesy: Lalthanglien Ruolngul, High Commission of India, London.

-Dr Lal Dena

Pu Buanga (J.H.Lorrain) le Sap Upa (F.W.Savdge)-hai kha Mizorama rawngbawl hmun khatin kum tam tak um hai sienkhawm, United Kingdom (UK)-ah ruok chu hmun hrana um an nih . Sap Upa kha October 4, 1935-in a thi a; London khawpui puo met Stretham Cemetry, Cambridgeshire-ah phum a nih. Pu Buanga ruok chu July 1, 1944-in a thi a, South Ealing Cemetry, London West-ah phum a nih. Hi khuo pahnihai kar hi car-in darkar khat vel tlan niin an hril. Eini lai angin thlan lungdaw hi Saphaiin an lo thupui rak naw niin an lang, Pu Buanga le Sap Upahai thlan kha daw mumal a um nawh a; thulin a bawm zo ta leiin khaw lai tak am an um a ti khawm hun sawt tak hriet vak thei lovin a um. Mak tak elin Pu K.Lalsanga, Ex-MLA, Lunglei, a naunu nau nei ding kanin London-ah a zu fe a. September 17, 2016 zanbu fak khawpin Rev Dr Zaichhawna Hlawndo chun Lalsanga kuoma,“Hun I la hauh bawka, Wales-a Zosaphai thlan khawm I la fang naw dim a nih?” a tih a. Lalsanga chun, “Wales-ah mi fepui ding an um naw ding leiin, London-a Zosaphai thlan fang lem de ning” a tih a. Rev Zaichhawna chun Pu Buanga le Sap Upahai thlan umna hriet chieng a ni naw thu a hril a. Chu zana inthawk chun Pu Lalsanga chun Pu Buong le Sap Upa thlan zawngsuok nuomna inpui thei ta lovin an vawi ta tlat el! Lalsanga hi Pu Darphawka tusawng a nih. Darphawka khan kum 1880 khan tuipui rala inthawka Mingo pahni hung ding le Pathien thu an la hriet ngai lo an hung hril ding hrillawktu kha a nih. A mak kher kher ngei, tuhin Darphawka tusawng ngei Lalsanga hin Mingo pahni chanchin \ha hung hriltuhai thlan zawngsuok dinga mawphurna neia inhriettirin a um tlat chu! Kum 2015 khawm khan Rev Dr P.L.Lianzuala-in Baptist Missionary Society (BMS), United Kingdom (UK) le inrawnin hi Zosap pahnihai thlan hi an lo buoipui tah a, an la hlawsam ri a. Pu Lalsang-in theitawp suoin chinchang hre deuh mi \henkhat an biekpui hnung chun Rev.Dr John Traveli, Penge, London-a pastor pension a la dam chun amaa inthawkin chanchin sui thei ding um awmin hriet a nih a. A pawimaw hmasa tak chu Pu Buonga le Sap Upa hi iengtik hun am an thi a, khawla’m phum an nih a? Pastor John Traveli hi a la dam am? A la dam chun ieng anga zawngsuok dim? tihai hi indawnna pawimaw an nih.1.sap upa thlan zawngna:Lalsanga chun a makpa Lalrinawma Zadeng, London-a thangkhat zet lo um ta le chun online church archives an en tan a. Rev Lianzuala khan Sap Upa chu Ely, Stretham, Cambridgeshire hmuna lo khawsa hlak a ni thu a hril bawk a. Lalsanga le Lalrinawma chun Stretham-a Local Historical Society an \angkaipui hle. Hi taka hin historian Mike Petty-a inthawkin chanchin chieng lem Stretham thlanmuola Sap Upa an vui chanchin inziekna chanchinbu hlui “The Cambridgeshire Times, Friday, October 4, 1935” an hmusuok tah a, an lawm hle. Chu chanchin bua inthawk chun Sap Upa sinthaw dan. vui a ni dan le programme iengkim chieng taka tiem theiin a lo um a. Vuituin II Samuel 3: 38 tiemin, “Chatuon lungpui, aw Krista!” ti hla sakin Sap Upa ruong chu a vui a liem a, mi langsar 34 le Pu Buonga-hai nupa khawm an thang nghe nghe thu a zieksa bawk. A thu’n hmusuok nisienkhawm, zawng a la ngai a. Mike Petty chun hi thlanmuola sinsiena fie tak a um naw el thei ti thu khawm Lalsanghai chu a hril a. Hieng anga chanchin chieng tak an hriet hnung hin Lalsanga le a makpa Lalrinawma le a nuhmei chu October 17, 2016 chun darkar khat kms 100 vel car-a tlanin Sap Upa phumna Stretham Cemetry chu an pan tah a . Hi cemetry hi mi 200-300 vel phumna hmun a ni leiin a lien thama, sun ni thlak Sap Upa thlan an zawng khawm a, an hmu zo nawh a, an beidawng hle. October 21, 2016-in Lalrinawma chun chawl lain thlan zawng an sunzawm nawk a, an la hlawsam nawk a. Stretham-a Local Parish Council chun November 8, 2016-a council sitting an neinaah Sap Upa thlan zawng an ngaipawimaw ve em leiin agenda-a an in\hangsatir ding a ni thu Lalsanga chu an inhriettir nawk a. Hun iemani ti hnunga Stotford Town Council chun Sap Upa nuhmei Margaret Savidge chu 1933-in a thi a, a pasal nekin kum thumin a thi hmasa thu le an phumna thlan Old section Plot No.1022 chu email-in Lalrinawma chu an hei hril nawk tah a. Sienkhawm Pu Lalsanga chun Sap Upa thlan chu zawngsuok hman ta lovin October thla tawp tieng chun India ram tieng a hung suoksan tah lem a nih. Stretham Parish Council chun kum thar 2017-a Sap Upa phumna record chu lo en fel nawk thu le an Council-a sinthawtu Rachel Watts hmu dingin Lalrinawma (Lalsanga makpa) an hei hril nawk a. February 3, 2017 chun Lalrinawma le a nuhmei chu Pi Rachel Matts hmu ding chun an inthawk dawk nawk tah a. Rachel hi a felin record hluihai fimkhur taka lo enin Sap Upa chu plot no.B 281 hmuna phum a nih thu a lo enfel vawng a. Chubaka ama ngeiin Lalsanga makpa le a nuhmei chu cemetry-a \huoiin Sap Upa thlan chu a va hmusuokpui tah a nih. Sap Upaphumna hmunah hin sinsiena lung tak ngiel khawm a um nawh. Hi B 281 kawl takah hin Sap Upa laichin hnai Cornelius Savidge thlanlung chieng taka hmuh a nih. Sap Upa thlana chun Plot B 281 chauh a um. Hienga nasa taka Sap Upa thlan zawng a ni lai hin Lungleia Kohran le mimal tam takin thahnemngai taka an lo \awng\aipui zing leia hlawtling a nih tiin Pu Lalsanga chun a hril. A bul taka chun iengkim ruottu Pathien remruotnaa fein, “ka makpain iengkim a thaw vawng a, kei chu a tirtu tir angin a tirsawngtu chauh ka ni lem a nih” tiin Pu Lalsang chun report a pek a nih. A ropui ngawt el. Ama bul \an leiin Sap Upa thlan inchikna lungphek tak ngiel khawm um lo, thulin a bawm zo ta hnung chu hmusuokin a um nawk tah a nih.ii. Pu buanga thlan zawngna: Pu Lalsang-in Sap Upa thlan hmusuoknaah \hang hman naw sienkhawm, Pu Buanga thlan ruok chu ama rawiin an zawngsuok hman a nih. Pu Buanga kha London West-a cheng a ni leiin Local Study Team Hounslaw Library-a historian Dr Jonathan Oates rawn a nih a. Ama thurawn dungzui hin Ealing Local Historical Society-a mihai biek nawk an nih a. Anni hin chanchin bu hlui, magazine le register hluihai fimkhur takin an lo en fel a. Pu Buanga chu July 1, 1944-in Brentford, London West-a thiin South Ealing Cemetry lane KK Section No.CC Plot No.16 J-a phum a ni thu sukchieng a nih a. October 18, 2016 chun Lalsanga le a makpahai chu map chawiin Ealing panin darkar hni car-in an tlan tah a. Hi cemetry-ah hin Sap nutar pakhatin a pa thlan a lo sukfai mek lai an hei hmuh a. An hei zawng char char a, British-hai nipui hun zantieng dar li le a chanve chun Pu Buanga thlan chu an hei hmuh tah a nih. Lungdaw le thil ziek iengkhawm hmu ding a um nawh a, Hi hmunah hin Pu Buanga le nuhmei chu hmun khatah hin phum an nih. An thlan chungah hin iengkhawm sinsiena lung khawm phun a um nawh. Hi Pu Buanga phumna hmun hi a velin teklei fit chanve vela insangin cement-in an char a. Cement bangah hin “In loving memory of J.Herbert Lorrain, Died 1 July, 1944, Aged 74, Pioneer Missionary to Lushai Tribe, India, 1893-1932, 16 J CC” tia inziek a um. A khingtieng sirah a nuhmei hming “In loving memory EleanorMabel wife of J.Herbert Lorrain” ti an ziek bawk. Pu Buanga thlan an hei hmuh chun, “Haleluia, Lalpa kan lawm e, Lalpa, kan lawm e”tiin Pu Lalsanga, Lalrinawma le a nuhmei chu an khek chul el. Amiruokchu Pu Buanga thlan lung sira “Pioneer Missionary to Lushai, India” ti inziekna lai tak hi a lo bawng ta leiin an an intung \ha nawk a. Tawngtaina le lawmthu hrilin hlim takin thlanmuol chu an maksan tah a nih. October 19, 2016-in Mizoram tienga mihai Pu Buanga thlan an hmu thuhai an hang hril a. Upa Lalnunmawia le Joseph Lalhimpuia, bieltu MLA haiin sum zuk thawnin Pu Buanga thlan bul laia thulhai an thlo fai a, tekleia pil kawphai puontieka hru faiin Pu Buanga thlan chu fie taka hmu theiin Pu Lalsanga le a makpa le a naunu chun an siem tah a nih. Picture of sap upa le Pu buanga thlan.

Khi a chunga Sap Upa le Pu Buanga thlan ei hmuh ve ve a. Sap Upa thlan lem khi chu inchikna lung tak ngiel khawm um lo, B.281 ti ringawta inchik a nih. Pu Buanga le a nuhmei thlan khi chu a hmingin teklei kutphabawk neka insang metin an rem kuola cement-a zut el a nih, a panga thuziekhai khawm nasa taka sukfai hnunga tiem thei an ni chauh. Khawvela ngaia chu an inrieng tlawk tlawk hle. Sam ziektu chun, “A mi inthienghai thi chu, Lalpa ngai chun hlu tak a nih” (Sam 116:15) a lo tih a. Baptist Church of Mizoram le Baptist Missionary Society of United Kingdom le London-a Zohnathlakhai \hangruolin sum tam tak sengin Sap Upa le Pu Buanga thlanlung thar an daw \ha nawk a, chu hawngna report chu hun nawka an thlalak le ei hung insuo nawk ding a nih.

India le Myanmar hannew delhi: India le Myanmar ram hai chun an ram sunga terrorist/helpawl group um hai chunga action la dingin remtina an nei.

Chun, international boundary-a mipui fe vel le insumdawngna kawn-ga security tiengpang thawtlang dingin an remti bawk.

Electric in Sai 7 zet a man hlumdhenkanal: Odisha-a Dhenkanal district sunga Ka-malanga village a chun Sai 7 zet Electric in a man hlum niin Inrinni-a forest official thusuok chun a hril. Sai 13 vel a hawna an fe laiin 11-KV electric hrui an tawk pal leia Sai 7 hai hi

electric in a man hlum an nih tiin Assistant Conservator of Forest (ACF) Jitendranath Das chun a hril. Electric in a man hlum hai lai a pui 4 an \hang a, high-tension electric wire hi a lo tla fuol deu leia hieng thil hi tlung ni dinga ring a nih.

Thlanglal an ni chun OROP suk-puitling ning a tih: Rahul Gandhinew delhi: Kum 2019 Lok Sabha Election hung um dinga hin Congress thlanglal an ni chun ‘one rank, one pension’ (OROP) \hangin sex-servicemen hai thil ngen sukpuitling ning a tih tiin Rahul Gan-dhi chun a hril. Hi thu hi Inrinni-a ex-servicement group hai an

hmupui huna Mr Rahul Gandhi in a hril a nih. Ra-fale fighter jet deal thuah Narendra Modi sawrkar chun industrialist Anil Am-bani kuomah Rs. 30,000 crore a pek a, sienkhawm OROP thuah sipai hai thil ngen a sukpuitling nuom naw a nih tiin Rahul chun a hril.

HYA AMBULANcE PROJEcT UPDATEKohran hai a inthawka donation hung thaw tu hai po po le mimal a hung thawtu hai po po a thar a tharin law-mthu ei hung hril nawn a nih. Kohran haia inthawka Donation ei hmu ta popo chu Rs. 1,50,590 ani ta a, ei lawm takzet a, a la hung pe pei ding hai chung a khawm lawmthu ei hril a nih. Tulai a hung pe thar hai ei insuo hmabak po hai1. Hmarveng EFCI Rs. 50002. Lamka HYA (Rs. 100 a intin a ei dawl submit bang) Rs. 29003. EFCI Muolbem Rs. 40004. UPC (M) Rengkai Rs. 20005. ICI Rengkai Rs. 10000 Hieng hai baka hin School hai a inthawkin ei dawng zing bawka lawmthu ei hril mawl mawl a nih.School a pe ta hai po1. Sielmat Christian Higher Secondary school Rs.200002. Young Learners School Rs. 200003.Vision Academy Rs. 20004. Hill- Top School Rs. 30005. Saidan JB School Rs. 20006. Saikawt Govt High School Rs. 3500Chun mimal in Pu Upa. Laltlansang & Family Rs. 2000 Ambulance Project le inzawmin hma nasatakin ei lak mek a chu le inzawm chun Fund Drive dan ding dap mek ani a. Pathienin rem a ti chun hung tlung ding tarik ni 1st Nov 2018 hin Motor sawp a inhlawna buotsai ei tum bawk a nih. Hi huna hin nang le kei ringsan in Mo-tor hmun 3 hmun 4 laia sawp ei tum a nih a, ei phal ang tawk hai pe a Ambulance Project a hung \hangve ngei dingin mipui tuelkhawm ei in fiel takzet a nih.

sd/ lallienkhum traiteSecretary HYA T\p jhq

Tagore Award dawngtu dingin Rajkumar Singhajit Singh thlang

new delhi/imPhal: Manipuri dancer inlar Shri Rajkumar Singhajit Singh chu Tagore Award for Cultural Harmony 2018 dawngtu dinga thlang a nih. Manipuri dance suk hmasawnna dinga a thawhlawkna leia Award dawngtu dinga thlang a nih. Tagore Award for Cultural Harmony 2015 dawngtu dingin Bangla-desh cultural organisa-tion Chhayanaut le 2016 award chu India sculptor inlar Shri Ram Vanji Sutar kuomah inhlan ning a tih.

Tagore Award hi In-dia sawrkarin Gurudev Rabindranath Tagor pi-engchampha vawi 150-na le inzawma a lo indin a ni a, Award dawng hmasa tak chu Indian Sitar Maestro Pt. Ravi Shankar niin kum 2012 khan inhlan a ni a, a pahnina chu kum 2013 khan Shri Zubin Mehta kuoma inhlan a nih. Award hin sumfai Rs. 1 crore bakah Citation/scroll, plague le traditional handicraft/handloom item a sawm a nih.

Right to Life hi A Pawimaw Tak A Nih: L. Jayantakumar

imPhal: Health and Family Welfare Minister Shri L. Jayantakumar Singh chun, khawlai ram khawm a mihai dikna le chanvo chu Danin a hum vawng a. Chu laia pawimawtak chu Right to Life (Hringna ding) hi a nih tiin a hril. Zani ta Free Medical Camp & Observance of World Sight Day, 2018,

Khangabok Higher Sec-ondary School-a an neina huna hril dan chun, mi hlim tak le lawm taka a um theina ding chun hriselna a pawimaw a. Hriselna a \ha naw chun mi a hlim thei nawh. Mihriem hringa a hriselna ding chun a cheng-na chu \ha taka enawl le siem a \ul, tiin a hril.

laktawi

3changer (OctOber) 28, 2018 Pathienni (sunday) natiOnal/internatiOnal & advertisement Hmasawnna Thar

visiOn academyCoHSEM Recognition No.1/312/09 - HSERengkai, Churachandpur – 795128, Manipur, India

admissiOn OPensAdmission opens for Preparatory, nursery , kg & class-i for Academic Session 2019. Admission form can be obtained from the office during office hours (10am – 2pm).

sd/- Principal10-22,24,26,27,28

DR CHOUDHURY’S HOMEOPATHIC CLINIC

Address: Opposite Lighthouse, CCPurPhone: 8168261769/ 98628899610

Natna chi tum tum hieng a hnuoia natna nei damna dit han mi hung pan ro.

1. Sinus2. Hernia3. TB4. Corns (Ngamit)5. Asthma6. Ha na damdawi7. Pile cases8. Skin Disease9. Cancer 1st & 2nd stage10. Liver problem11. Tonsil12. Sciatica (Thana)13. Headache (Luna)14. Nuhmei natna

15. Diabetes (Zunthlum)16. Appendix (at lova sukdam thei)17. Heart Case (Acute case)18. Chronic Dysentery (Santen)19. Phingpui hratna damdawi20. Kala Lung le Mît a lung um at loa suk dam theina21. Sterility (nau nei theina damdawi)

* Homeopathic Medicine-Side Effect um lo a nih* Registration Free (22,24,26,28,30,1,3)

sIelMAt CHrIstIAn HOspItAl And reseArCH Centre

dr.chongrolien chonzik m.s (laparoscopic sur-geon) pan nuom hai chun October 30th-november 6th, 2018 chen Sielmat Christian Hospital ah zing dar 10.A.M ah pan thei ning a tih. Phingpui (Stomach), Pile (Hemorrhoids), Mit (Cholelithiasis), Kal (Kidney), Ril-phir (Appendicitis), Panginbawk (Swelling), Awrpuom (Thyroids), etc. tienga harsatna neihai khawma pan thei ning a ta, key hOle Opreration/Operation thaw nuom hai khawma thawthei ning a tih. registration Fee rs.300/- ning a ta, ticket khawm 7:A.M-6:30P.M chen booking thaw thei ni bawk a tih. registration contact no:- 919862853047. (25,27,28)

MV Azad chunga lawmthu hrilnaPile benvawn natna nei ka ni a. Ka nat dan chu, ka rilah thli a um a, ka kutparhai a na a, ka mawng a sa hlak. Ka tha a zawi a, ieng-khawm du lovin ka um hlak. Thil ka fak chang ka sungin a zo naw a, iengkhawm fak chak ka nei nawh. Inhnawm thei lovin ka um a, kan hnawm changing ka mawnga inthawk thisen a hung suok hlak. Ka kawng a hung na a, ka thahrui a nain kan sim bawk hlak. Pu MV Azad Phusam ka pan a, a mi enkawla inthawk ka hung dam fel a, ka lawm bek bek el a nih. Pu MV Azad Phusam le Pathien kuomah ka lawmthu ka hung hril. Address: CCPur Opposite J.P.Selection, Near Lamka ICI Church, ICI Road, CCPur. Contact No.7628890261/9089738275

Lawmthu hriltu,sd/-lunminthang, boljol

NcP leader hlui Tariq Anwar in congress a zawmnew delhi: National-ist Congress Party (NCP) leader hlui Mr Tariq An-ward chun Inrinni khan New Delhi hmunah Con-gress party a zawm a. Congress President Rahul Gandhi chun party sungah lawm takin a lo lawmlut. Mr Anwar hi NCP founder member laia mi niin, kum 1999 a kha tuta NCP Chief Sharad Pawar le Congress lo suoksan in-ruol an ni a. Sharad Pawar in Rafale deal chungchan-ga Prime Minister Naren-dra Modi thlawp zawnga \awngkam a nei leia Septem-ber 28, 2018-a kha NCP a inthawka lo inban ta a ni a. An ban hnung hin Congress a zawm ding thu a hma in a lo hril ta hrim a ni a, a hmaa a lo umna bawk Congress party-ah a kir nawk ta a nih.

Marathi news channel in Mr Pawar interview an thaw huna khan PM Modi in Rafale fighter jet deal a siem chungchangah lungril suol puta deal a siem ni loin a hril a. Kha thil kha Mr Anwar hin a theida hle leia NCP a suoksan pha a nih. Mr Pawar ruok chun PM Modi thlawp anga hrila um chu hnielin Modi a sup-

port ngainaw ding thu a hril a nih. Anwar hi kum 1980s lai khan Bihar Congress president a lo ni a, 1990 khan Congress Work-ing Committee member le AICC general secretary hai khawm lo nitah, Katihar biela inthawk Congress MP dinga vawi 4 thlangtlinga lo um ta a ni bawk.

ED Director dingin Sanjay Mishra ruotnew delhi: Indian Rev-enue Service (IRS) Officer Mr Sanjay Mishra chu En-forcement Directorate (ED) Chief thar dingin Inrinni khan ruot a nih. Mr Mishra hi Delhi-ah Chief Commissioner of In-come Tax sin chel lai mek a ni a, NDTF chunga intumna le Gandhi sungkuo chunga National Herald case inves-tigation thawnaa lo \hang a ni bakah Ahmedabad-a khawm sin lo thaw ta le Ministry of Home Affairs le Enforcement Directorate a khawm lo um tasa a nih.

Tuta ED Director ni lai mek Karnal Singh zani (Inrinni)-a a sina inthawk a pension le inzawma Mr Mishra hi ED Director thar dinga ruot a nih. Mr Karnal Singh hin kum 2 le a chanve sung ED Director sin a lo chel a nih. A hma chun Karnal Singh hi a sin keisei el thei nia hril rik a lo um a, sienkhawm tulai hnaia CBI sunga buoina hung um leiin ama khawm inkeidei a nuom leiin a term keisei ta loa midang ED thar dinga ruota hung um ta a nih.

Ahmedabad-a Modi lim rawng dum nalahmedabad: October 31, 2018 a hawng ding Statue of Unity Sardar Vallabhbhai Patel statue hawng ding dodaltu Tribal han Ahmedabad khawpuia PM Modi le Mr Patel hai lim chuongna poster an suksiet bakah rawng dum an nal. Patel Statue hi Gu-jarat-a Narmada district-a in\hut niin khawvela statue insang tak ding a ni a. Statue hawng dinga ins-ingsatna nasa taka nei mek niin, hi le inzawma Modi, CM Vijay Rupani le statue hawngna ding le inzawm district sunga posters tara um 90% vel chu suksiet le rawng dum nal niin official thusuok chun a hril. Sardar Patel statue in\hutna dinga sawrkarin ram a lak hai compensation mumal taka pek an ninaw leia dodalna hi an nei a nih.

Diwali zoah UP CM in ministry suklien a tum

lucknOw: Kum 2019 Lok Sabha Election hung um ding insingsatnain Uttar Pradesh-a Yogi Ad-ityanath sawrkar chun tuta Diwali zo hin state minis-try suklien a tum. Ministry suklien tumna le inzawm hin Chief Min-ister Yogi Adityanath chu New Delhi-ah in camp-in, ministry suklien huna laklut ding hai sukfel tumin senior party leader tum tum hai an rawnpui mek. UP ministry suklien dan ding thua hin BJP chun Thaw\anni khin high-level meeting an nei beisei a nih.

tHInA CHungA lAwMtHu HrIlnA

Ka nuhmei/kan nu Lalparvul hun sawt tak el natna khumah a zal hnungin October 21, 2018 khan chatuon ram a mi lo inlawisan ta a. Ka nuhmei/kan nu thina le inzawma mi \hangpuitu le raltu hai po po kuomah lawmthu kan hung hril. A bik takin Hmar Veng HYA, Val Upa, VA le UPC Kohran hai chungah lawmthu kan hung hril. Mikhuol el ni inlangkhawm khawsunga um ang elin kuong, thlan le thil iengkimah inthlier hranna um lova a ruong in mi vui liempuina chungthuah kan lawmna a suk zuol. Kan chunga in \hatna hai po po hi Lalpain a let tam lema malsawmnain vur seng ding cheuin kan ditsakna kan hung inhlan cheu.

In hmangaina dawngtuhaimr hrangthan\huom songate (a pasal) le a nauhai

CHILDREN’S TRAINING HIGH SCHOOLGolden Jubilee Celebration

INVITATIONThe School Managing Board and Staff cordially in-

vite all the Parents, Teachers, Alumni, and Well wishers to grace the occasion of

GOLDEN JUBILEE CELEBRATION on Wednesday, 31st Oct, 2018 at 10:00am in the

School Premises.

RSVP PrincipalPhone:8787364256 Kindly be seated by 9:45am

(28,

30)

Iqbal Kaskar VIP treatment petu po-

lice 5 suspendedmumbai: Underworld don Dawood Ibrahim un-aupa jail-a intang mek Iqbal Kaskar VIP treatment pea intumna le inzawmin Police personnel 5 hai chu an sina inthawk suspended an nih. Mr Kaskar hi sum ngenna case leia Thane Jail-a intang mek a ni a, September 18, 2017 a kha man a nih.

Pak. ISI ni dinga ringhla man

bulandshahr: Uttar Pradesh Police chun In-rinni khan Khurjanagar area hmunah Pakistan In-telligence agency Inter-Service Intelligence (ISI) ni dinga ringhla pasal pakhat an man. Mana um chu Zahid a ni a, a kuta inthawk thuruk \henkhat le lut phal lona hmun maps hai man sa a nih. ISI ta dinga sinthaw (agent) an um ti report an dawng le inzawma Police han an suizui hnunga Mr Zahid hi an man a ni a, thu indawnna nei mek a nih.

Lung dengtu hai chungah khau taka action lak ning a tih: Rawat

new delhi: Kashmir-a lung dengtu hai chungah khau taka action lak ning a tih tiin Army Chief Gen. Bipin Rawat chun Inrinni khan a hril.Tulai hnaia Kashmir-a lung deng leia kum 22 mi Army Jawan in thina a tuok le inzawma hi thu hi Mr Rawat in a hril a nih. Pakistan khawm ramri-a terrorist hai \hangpuina a sunzawm pei chun In-dian Army hai khawmin an thaw let ve ding thu Infantry Day hmangna hu-nah Army chief chun a hril

bawk. Amiruokchu, ien-ganga action lak am an tum ti ruok chu a hrillang nawh. Jammu and Kashmir chungchanga Pakistan chun a hlawtlingnaw ding a hrietchieng leiin Terror-ist hai hmangin Kashmir phairuom hmasawn ding sukbuoi a tum a nih tiin Mr Rawat chun Pakistan an tum bawk. September 28, 2016 khan Indian Army hai chun Jammu and Kashmir-a Line of Actual Control-ah ter-rorist hai beinain ‘Surgical strikes’ an lo thaw ta a nih.

Rafale deal thuah centre in decision details a peklut tah: Scnew delhi: Tulaia hril hlaw em em, Opposition le sawrkarna siemtu hai nasa taka an inbeituo mekna Ra-fale Deal thuah thutlukna sawrkarin a siem dan kim-chang chu Inrinni khan sawrkar thlungpuiin sealed cover in Court Secretary-General kutah a peklut ta niin official thusuok chun a hril. Rafale fighter jet inchawkna dinga deal siem dan chungchangah Chief Justice Rajnan Gogoi in-rawinaa Supreme Court

bench in technical details le a man chungchang \han-ga loin detail pelut dinga an hriettir dungzuia sawrkarin decision detail hi Supreme Court-a a peklut a ni a. Hi thua hearing nawk chu Oc-tober 29, 2018 khin nei a ni ding a nih. Rafale deal thua hin

Nilaini khan advocate Prashant Bhushan le Union miniters hlui Yashwant Sinha le Arun Shouri hai chun Public Interest Liti-gation (PIL) thar an peklut nawk a, chu taka chun Ra-fale deal thu hi SC enkaina hnuoiah CBI insuitir dingin an ngen.

Helpawl le inkaptu-onaah CISF ASI a thisrinagar: Jammu and Kashmir-a Srinagar a chun Zirtawpni le Inrinni inkar zan khan Wagoora hmu-nah helpawl han Grid station silaiin an kap hrut leiin CISF a assistant Sub-inspector (ASI) pakhatin thina a tuok. Hi thil tlunga thina tuok CISF a ASI chu Rajendra Prasad a ni a, inrang ta-kin Hospital panpui a ni a, sienkhawm damzo loin a thi a nih.

Barrack Obama-in President Donald Trump A Bei

washingtOn: Hung tlung ding November 6 US mid-term election ding le inzawmin \hang a nasa ta em em a. President hlui Barrack Obama chun a hnung hung zuitu Republic President Donald Trump le an Party Republ ican ha i be i in , corruption an do hne naw bakah American mipuihai in\hena ding (desicive politics) an khel a nih, tiin an tum. “Republican hai chun Corruption sukbo dingin an intiem a. In la hriet am? Washington ah hei lut a, an inruk/keidar vawng nghal a

nih” tiin a hril. Wisconsin-a Election rally-a thu a hrilnaa chun, “Mi thiemna inchangtir an hei hau takzie chu football team khawp an nih tah” tiin, ama sawrkar a inthawk chun tukhawm corruption leia thiemnaw inchangtir an um naw thu a hril. Obama hin a hril tak chu, 2016 Presidential Election le inzawma Trump a campaign thubuoi le Russia sawrkar inrawlna thubuoi suina le inzawma Robert Mueller investigation in mi tamtak thiemnaw an changtirna kha a nih.

Japan Le china Han USD 2.6 Billion Business Deal Siemb e i j i n g : K h a w v e l Inpui laia innghirnghoa indo nasa em em, sungril takah chu phuba inlak la nuom zing Japan le China chun, sumdawngna kawng l e i n f e p a w n a k a w n g sukhmasawnna dingin USD 2.6 billion man hu Business Deal an siem. I n r e m n a h i , a n inlaichinna siem\ha nawk dinga China ram inzin Japanese Prime Minister Shinzo Abe le Chinese Presidnet Xi Jinping han zani ta an ziek a nih. Japan PM hin Prime Minister Li Keqiang khawm an hmupui a. Great Hall of the People, Tianamen Square tuolzawl ah chawimawina ropui tak Guard of Honour pek a nih bawk. Beijing a Japan Prime Minister inzin nuhnungtak chu 2011 khan a nih a. Chu hnung chun 2012 khan Beijing-in an ta anga a hril thlierkar Japanin ‘nationalised’ a thaw leiin an kar thu a \ha nawk det a. US le China sumdawngna a buoi a inthawkin China chu Japan tieng a ngha nawk tah a nih.

C o m m u n i s t h a i mouthpiece People’s Daily ziek dan chun, President Zi Jinping chun Abe kuomah, “Ni tinin rambung pahnihai innghatna le pawimawtuona chu a zuol tiel tiel a nih” tiin economic cooperation sukrat a \ulzie le a nuom thu a hril. A n p a h n i a p r e s s conference neiin, Abe chun, China le Japan \hangruola sin an thawtlang a pawimaw zie a hril a. “Insumdawngtuona hin China le Japan inlaichinna a sukdet nawk zuol ka beisei” tiin a hril. Xi J i n p i n g c h u n , “International level thil, khawvel a buoi deu deu

a, sumdawngna le politics leh, China le Japan chun a biel laia inremna le muongna a um theina dinga an \hang tlang a pawimaw a nih” tiin \awngbau \hain an inhril ve ve. Hienglai zing hin Japan PM Abe chun, China chu hrillawk ang deuvin, East China Sea lai muongna a um naw chun inlaichinna sukhmasawn tak tak chu a harsa el thei tiin, East China Sea laia China thunei taluo chu \ha a ti naw thu a suklang bawk. “East China Sea lai muongna le inhrietthiemna a um naw chun inlaichinna hmasawnna um harsang a tih” tiin a hril. (Reuters)

Malaysian Drug Dealer Singapore ah Khai Hlum A Nih

singaPOre: Khawvela Drugs thaw le sumdawnghai chunga nunrawng pawl tak rambung Singapore chun zani khan Malaysia mi drug-a sumdawngtu pakhat Prabu N. Pathmanathan (31) chu mi danghai zirtirna ding tiin a khai hlum. Thla bul laia ‘dead penalty’ sukbo dinga inhril, Malaysia chun Singpore chu, humanitarian ground ah Prabu chu khai hlum lo hram dingin a ngena chu a khai hlum ta tho a nih. Malaysian Foreign Ministry hril dan chun, Prabu hi a sunghai le Malaysian embassy palai \hangin Changi Prison ah khai hlum niin a hril. M i n i s t r y c h u n , t he i t awp in S ingapo re sawrkar kuomah, an ram dan inza naw lei nih lovin, mihriemna thil lei bekin

Prabu chu khai hlum lo hram dingin a ngena chu a hnawl pek a nih. Malaysia le Singapore haiah Drugs sumdawnghai hremna a na hle a, khawvela a natna tak a nih. Dead Penalty-a inhremna hi British han an awp laia inthawka lo um tah an la hmang zing a nih. Tulai rambung tamtak chun an sukbo tah. Prabu khai hlumna san chu, 2014 khan Heroin No.4 gram 227.82 (8.87 ounces) leh Singapore ah man a nih lei a nih. An sungkuo lawyer N. Surendran chun, an khai hlum zantieng hin Singapore President a inthawkin khai hlum a ni tah tiin a hung hril niin a hril a. Ngaidam an hnina chu an hnawlpek niin a hril. A ruong hi a sunghaiin an lak tah niin a hril bawk. (Reuters)

Ni 3 sung cham dingin PM Modi Japan ramah

new delhi: Prime Minister Narendra Modi chu Japan rama ni 3 sung cham dingin Inrinni khan New Delhi suoksanin Ja-pan ram a pan. Japan ram a cham sun-gin PM Modi hi 13th India-Japan Annual Summit \hangin Japan Prime Minis-ter Shinzo Abe leh inbiekna nei an tih. Tuta \um hi Mr Modi le Mr Abe han Annual Sum-mit meeting an nei vawi 5-na ding a ni bakah an vawi 12 an inhmuna ding a nitah. India le Japan han Spe-cial Strategic and Global Partnership framework an nei dungzuiin an ram pahni

inlaichinna le khawvela is-sue inang an nei hai chun-gchang hriltlang an tih. PM Modi hin a cham sungin Yamanashi hmu-nah Robotics and Automa-tion firm FANUC khawm sir a ta, business leaders hai inhmupui bawk a ta, Ja-pan rama India mi um hai khawm inpawlpuina nei bawk a tih.

chhattisgarh-a Naxal hai bomb suk-puok leiin cRPF 5 an thi

bijaPur: Chhattisgarh-a Bijapur district a chun In-rinni zantieng khan Naxal helpawl han Central Re-serve Police Force (CRPF) personnel 6 chuongna Mine-Protected (MPV) ve-hicle bomb hmangin an bei a, CRPF 5 in thina an tuok. Hi thil hi zantieng 4:00PM vela kha Murdana camp bul laia tlung a ni a, CRPF hai hi 168th battal-ion a mi an nih tiin Bijapur SP Mohit Garg chun a hril. MPV hi Tata 407 bul-letproof a siem (converted) niin official thusuok chun a

hril. Chhattisgarh hi No-vember 12 le 20, 2018 haia Assembly Election nei ding an nih a, thil tlungna hmun Bijapur hi first phase As-sembly seats 18 haia inth-langna neina ding hmun laia \hang ve a nih.

Pak. Lawyer in Rights Prize

islamabad: Pakistan human rights activist le lawyer Ashma Jahangir chu a thi hnung (posthu-mously) in UN Human Rights award dawngtu dinga thlang a nih a, ama ruol hin Tanzania mi Re-beca Gyumi le Ireland Human Rights organisation Front Line Defenders hai khawm UN Human Rights Award hi dawng dinga th-lang an ni bawk. Human Rights hum-

halna kawnga sin thaw \ha le thaw hlawk hai kuoma United Nations Prize hi inh-lan hlak a nih. Award hi September 10, 2018 a New York hmuna World Human Rights Day hmang huna inhlan ning an tih. UN Human Rights award hi tuta hmain Paki-stan mi nuhmei pathum, Begum Ra’ana Liqquat Ali Khan, Benazir Bhutto le Malala Yousufzai hai khawm inhlan an lo nitah.

NE state 3-ah MLAs pending criminal

case nei um loguwahati: India ram chu state tum tum hai laia MLAs pending criminal case tlawmna tak a ni a. Nagaland, Meghalaya le Sikkim state hai chu In-dia ram sunga state hran hran haia MLAs pending criminal case nei an um naw bakah Union Territo-ries pathum-Andaman and Nicobar Island, Chandigarh le Daman and Diu haia khawm pending criminal case nei an um naw bawk. Assam state a chun pending criminal case nei MLAs 45 an um. Manipur a chun, cases 5 um hai lai pending case pakhat a um a investigation \an a la ni nawh. Mizoram a khawm pending case pakhat a um.

Hmasawnna Thar4 EntErtainmEnt / SportSchanger (OctOber) 28, 2018 Pathienni (sunday)

sun ZAWMnA.......

Seikam Memo. Football Tournament 2018Venue : Kholmun playground, Churachandpur.

KnOCK-Out rOund results : 27th October, 2018 (saturday)

1. FC ZALEN (CT) 7-0 Tulihar FC. 2. Konsham FC 2-0 Eimi United FC.

Football Fixtures: October 28, 2018Premier League

Crystal Palace v/s Arsenal - 7:00PMMan. United v/s Everton - 9:30PM

SPaniSh La Liga

Getafe CF v/s Real Betis - 4:30PMBarcelona v/s Real Madrid - 8:45PM

Alaves v/s Villarreal - 11:00PMSerie a

Sassuolo v/s Bologna - 5:00PMSPAL v/s Frosinone - 7:30PMGenoa v/s Udinese - 7:30PMCagliari v/s Chievo - 7:30PM

Milan v/s Sampdoria - 10:30PMBundeSLiga

Numberg v/s Eintracht - 6:00PMRB Leipzig v/s Schalke -8:00PM

Werder v/s Bayer - 10:30PMFrance Ligue 1

Rennes v/s Stade Reims - 7:30PMBordeaux v/s OGC Nice - 9:30PM

Gigi Hadid, Brazil Khawpui Rio de Janeiro ah Photo Shot

r i O d e j a n e i r O : Supermodel Gigi Hadid chu tutar kar chu New York City le Brazil inkar a vuong inlawn deu ran el a nih. Ningani khawm khan New York ah sin pakhat a zo chauvin Brazil khawpui Rio de Janeiro ah Photo shooting thaw dingin a vuong suk nawk nghal. Brazil khawpui la lum tak, boruk dei \an ve mek tah tuifinriet phaiphin lai inchei dan nal danglam tak tak, figure chieng taka inlang theina nisi Brazil mihai ngaisang rawng chi hran hrana siem zakuo le puonbil, kekawrhai a pholang a, a nal thei hle. Tuta \uma mel tam vuonga Brazil khawpui Rio de Janeiro kher khera thla a zuk lakpui hi ‘multi-color

wrapped styled’ a nih a. Brazil mihai ngaisang chi rawng chi hran hrana \hui incheinahai a nih. Kum 23-a upa Gigi Hadid incheina pholar hi a pum rek, mawngtam lai khawm ‘skin-tight’ a nih a. A piengzie indiktak inthup thei lova inlang theina zakuo le puonbil inkawp a nih, pum rek a nih. A \iel dan khawm Brazilian hai ngaisang rawng, a eng, a hring le a sen in\iela \hui a nih. Incheina hmangruo dang chu a nabe inkuol pathum inthil khawm chau hmu ding a um. A sam eng buong thal inkhai thla zatin, ke inkak \akin a nghei tle bawtin a ngira, a nabe-in a dar a zu them vang a nih. Tuifinriet pang phaiphin chung lai kelawngin re dapin thla an laka chu tulai chu a hringnun ni tin sin le personal thil leh a re naw hle. Nilaini khan New York ah Jeremy Scott’s H&M x Moschino Show ah khan a \hang a. Inhawi a ti ning a tih. Design hran hran pholarnaa khan hma \huoi bawk a. Instagram ah khawm designer kuomah l awmthu h r i l in Show lungawi a um zie a hril hlawl a nih. ‘Opened the @moschino x @hm show last night. Huge thanks to my amazing friend @itsjeremyscott, it’s been so fun to be a part of this project with you ! #HMOSCHINO’ tiin a post a. Rangkachaka cheimawi overcoat nal deu haka a catwalk lai lim a tarlang bawk.

Mourinho in Ibrahimovic laklut nawk tumna umnaw

thu a hril

manchester: Portu-guese Manchester United manager Jose Mourinho chun kum 37-a upa Zlatan Ibrahimovic United tienga lakkir nawk tumna a nein-aw thu a hril. Hi thu hi Zirtawpnia pre-match press conference huna Zlatan lakkir nawk tumna I nei am? tia indawn-na dawna Mr Mourinho in a hril ni a, Romelu Lu-kaku beisei phaknaw leia striker-ah harsatna a nei leiin Sweden international Zlatan Ibrahimovic con-tract ziek pui nawk a nuom nia hril rik um le inzawma chanchinbu mi hai indawn-na dawna Mourinho in hi thu hi a hril a nih. Zlatan Ibrahimovic hi MLS tieng

LA Galaxy a khel mek a ni a. LA Galaxy ta dinga games 26 a khel ta haiah goals 22 a thun ta bakah mi (a player chanpui hai) goal thun ding vawi 7 a assist ta bawk a nih. Zlatan Ibrahimovic hin kum 2016-2018 inkar sung khan United ta dingin a lo khel a, hi hun sung hin EFL Cup le Europa League hai a lo lak a nih. Man. United hi Premier League season fe mekah game 9 an khel ta haiah vawi3 an lost ta bakah vawihni an khingpui hai an indrawpui ta leiin points 14 chau la hmuin a sawm-nain an \hang mek a, Pathienni zan khin Everton an inkhel-pui ding a nih.

kigali: Kum thar January thlaa Girona le Barcelona han United States-a domestic league game an inkhel dinga rawtna um chu football khawvela thuneitu insang tak FIFA in a hnawl nawk leiin United States-a Girona le Barcelona han Liga game an khel dinga rawtna um chu har-satna thar a hung um nawk tah. La Liga chun August thla khan US- chena match khelna suklien tumin Relevent Sports leh kum 15 sunga dingin con-tract an lo ziek a, hi thil hin sa-wiselna nasa tak a hlaw a, Span-ish FA in a dodal bakah FIFA president Gianni Infantino khawmin rawtna um hi Zirtaw-pni khan a hnawl a, League matches chu a kheltu club hai ram (home) ngeia inkhel ding a

nih tiin a hril. La Liga president Javier Te-bas chun thla hmasa khan US a inkhel dinga rawtna um hi “90 percent sure” a nih tiin lo hril sienkhawm FIFA khawmin a hung hnawl nawk ta pei leiin dodalna dang dang um karah harsatna a hung um belsa ta a

nih. Hieng laizing hin La Liga chun FIFA in US a La Liga inkhel ding a khapna official notification a hmu chun Court of Arbitration for Sport ah ap-peal an thaw ding niin La Liga spokesman chun a hril. FIFA chun Women’s World

Cup hung um dinga prize mon-ey sukpung a tum. Hi dungzui hin kum 2019 France edition a inthawk chun dollar 15 million a inthawk dollar 30 million a sukpung nita dingin president Gianni Infantino chun Zirtawpni khan a puong. Women’s World Cup prize money sukpung ding thu hi Rwanda hmuna FIFA Council meeting huna rel a ni a, prize money baka hin pre-tournament preparation a dingin dollar 20 million riruong a ni a, hi le hin Women’s World Cup a sum seng dinga riruong chu dollar 50million a tling phak ding niin Infantino chun a hril. Hieng laizing hin glogal footballers Union FIFpro chun, Women’s world Cup prize mon-

ey sukpunga um hi a hun tawk nawh tiin an sawisel. Tukum men’s Russia FIFA World Cup a prize money kha dollar 400 million a ni a, Cham-pion team France chun dollar 38 million an dawng a nih. Hi lei hin Nuhmei le pasal football prize money chu kar hla tak a la nih. Australia, Norway, Sweden le New Zealand players’ union team hai chun women’s prize money hi a leta sukpung dingin ngenna siemin protest an lo nei ta a nih. Women’s World Cup vawi 7 inkhel ta haia vawi 3-a champion lo nita le women’s World Cup team a hlawtling tak US women team khawmin prize money hi sukpung dingin ngenna an lo siem ta a nih.

FIFA in USA La Liga inkhel remti lo ; 2019 Women’s Wold Cup prize money a sukpung

Tottenham stadium thar hawng hun sawn hlat nawklOndOn: Premier League Club Tottenham in entu mipui 62,000 inlengna ding White Hart Lane stadium thar a bawl hawng le hmang thei ding hun chu kum thar 2019 chena dingin an sawnhla nawk. Tottenham hin Sep-tember 15, 2018 khan an home ground-a game hma-sa tak khel an inbeisei a, sienkhawm “critical safety systems” thil leiin a vawih-nina dingin hawng ding hun sukhnuk nawk a nih. Hi lei hin hi stadium thar hawng a ni hma po chu Wembley chu an home game a la ni pei ding a nih. Tottenham Hotspur hi

season nuhnung taka khan pathumna an ni a, tuta sea-son fe meka hin an home game hmasa tak dingin Sep-tember thla khan an inkhel hman beisei a ni laiin sukh-nuk a ni bakah a hnungin Zirtawpni khan hi stadium hawng ding hun hi kum thar

an hma takah January 13, 2019 chena dingin sukhnukin a hung um nawk ta a nih. An hmatienga zo fel a ni theina dingin contractors hai nawr zing a nih tiin club chairman Daniel Levy chun a hril.

Lionel Messi le Ronaldo \hang loin vawiz-an El Clasico inkhel a ni ding

madrid: |hangkhat chuong zet Lionel Messi le Cristiano Ronaldo hai leia Real Madrid le Bar-celona hai inhmatuok hun ‘El Clasico’ tia hrietlar in khawvel mipui ngaiven nasa taka a hlaw hlak chu tuta Pathienni zana El Clasico inkhel dinga hin kum 11 hnunga a hmasa takna dingin Lionel Messi le Cristiano Ronaldo hai \hang loa inkhel a ni ding a nih. Tuta \um El Clasico-a Lionel Messi an khel naw-na ding san chu a hliem lei a ni a, Nilaini khan Rafinha chun Barcelona le Inter Milan inkhel hunah Lionel Messi hmunruok hlawtling takin a lo hluo ta a, Pathienni zana El Clasi-co inkhel huna khawm hin Rafinha hin Messi hmun-ruok hi a hung hluo nawk ring a nih. Hieng laizing hin Cris-tiano Ronaldo tuta \um El Clasico-a an lang ta nawna

ding san chu July thlaa Real Madrid suoksana Juventus a lo zawm ta lei a nih. El Clasico hi Camp Nou (Bar-celona home ground)-ah inkhel a ni ding a nih. La Liga season fe meka hin Barcelona chun game 9 an khel ta haiah vawi 5 a hratna changin vawikhat an lost ta bakah vawi 3 an khingpui hai indrawpui ta hai sienkhawm point 18 hmuin league hma an la \huoi a, Real Madrid ruok chu Ronaldo in Juventus a zawm san leia a hmun ruok hluosip tu ding an la um thei naw leiin games 9 an khel ta haiah points

14 hmuin a pasari-naah an \hang mek a nih. Real Madrid hin vawi 3 an lost ta bakah vawihni an kh-ingpui hai an indrawpui a, vawi 4 chau an la hrat a nih. Real Madrid coach Julen Lopetegui ta dingin tuta \um hi El Clasico a khel hmasa takna ding a ni a, coach thar ni sienkhawm beisei a phak naw leiin Ju-len Lopetegui hi ban tuok el thei ngirhmuna um mek niin, tuta \uma inkhel hin a ngirhmun ding ieman-ichen a hril ding leiin a ta ding chun game pawimaw tak a tling phak ding a nih.

Johnny Depp ‘Pirates of the Caribbean’ ah Ban Tah

lOs anegeles: Tienlai Pirates hai hun laia chanchin film-a siemthara inlarpui le hausakpui em em Hollywood A-list Johnny Depp (Captain Jack Sparrow) chu Disney-in a film reboot thawa siemthara sunzawm nawk a tum a. Amiruokchu, Johnny Depp a \hang ta naw ding niin dailymail.co.uk chun a ziek. Hi thu hi original script ziektu Stuart Beattie-in official-a puong hmaa a lo hril niin a hril. J o h n n y D e p p c h u ‘Pirates of the Caribbean’ film serial 5 haiah ‘lead role’ (a changtupa tak) a nih a. Stuart hril dan chun a film

hi reboot thawin a thara siem tum nawk a nih a. Johnny Depp chu Disney Studios-in lungrilah a sie ta naw niin a hril. Johnny Depp hi kum li vel chu a personal life a buoi em em a. A nuhmei Amber Heard leh thubuoi neiin an in\he bawk. A changna nuhnungtak ‘Pirates of the Caribbean: Dead Men Tell No Tales’ khawm a fe ta naw leiin a film laia chu a thaw \hanaw tak a nih. Stuart hril dan chun, ‘reboot’ an thawa script a zieka chun Johnny chu a \hang ta naw niin a hril a. Johnny performance

thua ruok chu, “Johnny-in character hnesaw takin a play a, khawvelin Jack Sparrow tiin an hriet pha hiela. Naupanghai lem chun Jack Sparrow ti chauvin a hmel khawm an hriet a, an ngaisang hle a nih. A hlawtling hlein ka hriet a. Chuleiin, a lo \hang ta naw khawmin Johnny chun hnuhma ropuitak chu a maksan tah reng reng a nih” tiin a hril. Stuart chun, “Johnny Depp hin film 5 haia inthawk khan USD 4 billion vel a hlaw suok a. Pirates of the Caribbean ah \hang ta naw sienkhawm Hollywood-a hriet pei a ni dan ding chu Captain Jack Sparrow a nih ta tho tho. A legacy an tah. Naupanghai suklawmna dinga hospital a fe leh Jack Sparrow a nih a, chuong ang khawpin mihaiin an ngaisangin an lar pha tah a nih” tiin a hril.

Jennifer Lopez, Kutsebi Le |hi USD 1 Million Man Leh

lOs angeles: Millionaire hlasakthiem le actress Jennifer Lopez chu a ngaizawngpa Alex, millionaire thovin a pek amanih ding kutsebi le rangkachak \hi USD `1 million man pholangin zakuohnuoi (Bikini) thar eng leh an pholang a. Fans hai hril a hlaw hle. A kutsebi hi inhuolna kutsebi chu a hawi nawh, a bunna an dik naw tlat. ‘World of Dance’ star Jennifer Lopez (49) chu nau pahni a nei taa chu a la nunghak hle a. Zakuohnuoi (bikini) eng thar leh Priv Revauz sunglass leh a hei inpose lem chu nunghak thienghlim a hawi el a nih. A sam eng thalin engin a khaw eng chuoi bawk, a hner inkak sieuin mitmeng khu sai saiin a kekawrte hrui keiin a hei iner chu, nal ve tak a la nih. A kutsebi bun hi Alex le an inhuolna kutsebi an sawna chu, an nawzie Daily Mail a hril. Tuta a thlalak hi JLO X Bad Bunny a promote-na a nih a. A film thar December-a suok ding ‘Second Act’ suklarna a ni bawk. A \hi awra hin ‘Jenni’ ti an ziek. Alex le an kar thua chu, nau pahni ve ve nei tah an nia, inhuol kher \ulin an hriet nawa chu an inhmuin an um kawp zing tho niin Daily Mail chun a hril. “A tu tu

khawm an puitling ta leiin innei ding chun an inhmaw nuom ta naw a nih” tiin a hril. A kutsebi manto thuah ‘inhuolna ning a tih’ tia fans tamtakin an ringthu an hril laiin, inhuolna kutsebi bunnaah khawm a bun naw leiin inhuolna a ni nawzie social media ah a hrilfie ve.Sports Closing function an hmang

ccPur: D. Phailien khawsunga Philanthropic Organisation tum tum YPA, KKL le YMA hai \hangna Phailian Joint Philanthropic Organisation in Oct. 24, 2018 a inthawk “Unity Through Sports” ti thupui hmanga Sports meet, 2018 an lo \an tah closing function zanikhan hmang a nih. Hi huna hin Chief

Guest in V. Hangkhanlian, Minister (Agri, Vety & AH), Functional President in TN Haokip Saikot MLA & President MPCC aiin a nuhmei, Guest of Hon-our in Shyam Lal Poonia, IAS, DC/CCPur le Special Guest in Col. Mithun Shet-ty, CO, 25Bn Assam Rifles aiin Major RS Kuntal a \hang. Pu V. Hangkhanlian

chun, a sunga mipui hai hai karah inremna a um phawt chun ram inhawi a nel. In ropui le khawvel hausakna le thil dang dang hnienghnar inla khawm, a sunga cheng hai ei inthur-uol naw a, ei inrem naw chun ram inhawi a ni ngai nawh. Ram inhawina din-gin a sunga cheng hai inrem taka chengtlang a \ul tiin a hril.

tah 2013 ah khan chu BJP hin Mizoram ah seat pakhat khawm a la nei nawh a. Kum 2019 ah hin pakhat bek chauh khawm ni tah lovin, sawrkar siem a tum a nih. Pastor pahnihai hin BJP an zawmna san chu, development sin a thaw hrat dan \ha an ti em leia an zawm a nih tiin an hril. Rev Colney hin a hma chun BJP sawrkar hnu-oia Kristienhai sawisak an ni danhai report a lo pek hlak niin Aizawl mihai chun a hril. BJP hotuhai BJP sawrkarin Kristienhai a neksawr naw ding thu an hril tawl. As-sam Finance Minister Mr Himanta Biswa Sharma chun, Kristien haiin BJP sawrkar a inthawkin neksawrna iengkhawm tuok naw nih hai tiin a hril a. Congress chu politics remchang lakna dingin sakhuo a

hmang niin an tum. BJP President Amit Shah chun, Mizoram chun tu kum Christmas chu BJP sawrkar thar hnuoiah in hmang ding a nih, tiin Oct. 17 Aizawl a hung inzin khan a hril. Tuchenah chu Mizoram civil society le Kohran le philanthropic organization tukhawmin BJP an la sawisel nawh a. Poli-tics thila inhnamhnuoi a mawinawa an ngai lei a nih el thei. YMA President Mr Vanlaruta ruok chun, ieng political party khawm nih hai sien, Krsitien hai ringna le inkal, values le principles kal zawnga sawrkar (party) taphawt chu an kal ding thu a hril. (TT/UNS)

MLA hai inchawkna dingin BJP-in pawisa a thupruk

thu, SDO le ZEO office raw sieta um hai khawm siem \hat a ni ding thu le Veng-nuam, New Lamka hmunah khum 100 um theina ding Hostel pakhat bawl a ni ding thu a hril bawk. Motor hung tam pei leia Tiddim Road ei intar ta leiin National Highway Infra-structure Development Corporation Lim-ited (NHIDCL) hnuoiah CCPur Police Station zero point a inthawk km. 5-a sei Tiddim Road keklienna sin thaw a ni ding

thu, hi thila ding hin Managing Director, NHIDCL khawm DPR siem dinga nawrna a lo pek ta thu Pu V. Hangkhanlian chun a hril a, Lampui hi four lane-a kekleng dinga ngen a ni a, sienkhawm compensation state sawrkarin a pek ding a ni leiin harsatna a um niin a hril. Portable Water System thuah veng \henkaht tui hmu lo an um thei leiin In tinin tui an hmu ngei theina dinga hma lak a nih tiin a hril.

Water Supply sin thawna ding Nov. 2 vela

Manipur Transport Department siemthar nawkna le inzawmin, Transport department \ha taka puongin ‘Commend-able Initiative Award for the Revival of Manipur State Transport’ award Novem-ber 4 khin Maharashtra-ah a dawng ding niin a hril a. Tu pek ding ti ruok chu a hril nawh.Health tieng le inzawmin RIMS ah Radio-therapy Department thar hawng a nih tah bakah Sports Medical Department khawm hawng a nih vat tah ding niin a hril. Tlangram haia tui thienghlim dawn

ding semsuokna le inzawmin hill dsistrict Senapati, Tamenglong le Churachandpur haiah Water Supply System Rs. 30 Crore, Rs. 45 Crore le Rs. 25 Crore sengin bawl an nih ding niin a hril bawk. Hnam hran hranhai cultural heritage hai humhal zing an ni theina dingin le in-pumkhatna a siem pei beiseinain Keibul Lamjao National Park ah Rs. 29 crore sen-gin Heritage Park bawl ning a ta. Imphal-a Rengpa in compound Royal Palace ah tlangram mihai tlungna ding Guest House bawl a ni bawk ding niin a hril. (DIPR)

Inngaisaktawnnain Inremna le Muongna an tlun

haiin a tlung theina dinga a kilkawr tak chenhai tlung dinga a hrilna anga fe niin a hril a. Chu dungzui chun Khamsom khuo khawmin sawrkar department hai a inthawkin scheme le program tamtak a dawng ve ding thu a hrilpek bawk. Minister chun, Imphal hung tlung kher lo khawma an khuoah sawrkar scheme le program haiin a tlung theina ding le thil umdan an hril pei theina dingin a contact number a peka. A pawimaw le \ul ang ang hril pei dingin a tih a, hma a hung lak pei ding thu a hril bawk. Minister chun, Khamsom khuo hi sat-ellite thlalak a inthawka ‘virgin forest’ ti chu hmuchieng a nuom leia Ukhrul Flower Festival nei zova ama ngei a hmuna hung

niin a hril. Forest Department taima taka sinthawtuhai chungah khawm a lawmthu a hril a. Sin chu table work ela zo lovin a hmun ngeia thaw hlak ding a nizie thu hri-lin, Christmas hma ngeiin a la fe nawk ding tuh a hril bawk. A khawmihai aiin Yang Academy Headmaster Mr Rio chun Minister kuomah lawmthu a hril a. An khuo chanchin hrilin, Khamsom chu Ukhrul central sub-division-a um niin, Khamasom Khayangkho, Kha-masom Walely, Khamasom Phungdhar le Khamasom Phungrei hai belkhawmin in 400 vel niin a hril a. Minister hrillawk lova hung thut chun an barakhai deuva chu an lawm hle niin a hril. (DIPR)

Kum 40 hnungah minister-in khuo a sir nawk chau