Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

TUOLBUOL (JANUARY) 28, 2019 ThAw|ANNi (MONdAY)

GAS NEWSAgency : SASBooking :3rd. deC. , 2018 to 28th. deC., 2018delivery :28-01-2019 (MOn)Time : 9AM - till stockstOCK : 306 @rate:Rs. 812/-

BUNGMUAL INDANE GV Booking: 27 Oct to 3 Nov Delivery: 28/1/2019 Time:9:30am - 12pm Stock: 280VANGSEI INDANEK. SalbungBooking : date 16-11-2018 to 17-11-2018delivery date: 28-01-2019time: 9AM - 12 noonstock:306

Hmasawnna Thar Vol - 34/109 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

IN HmuN Le scooTer zAWrSaikawt Canan Veng EFCI Meitei Christian Leikai bul, main road a inthawka hnaitea um, In hmun plot khat zawr a ni a, a dit le an chaw nuomhai chun Contact No.9612495699 ah ngaiven ding a nih. Chun, secondhand Scooter (Select-II) zawr a ni a, a dit le an chaw nuomhai chun Contact No.8974457394 ah ngaiven ding a nih.

Hmar Inpui Execu-tive Meeting

CCPUR: January 28, 2019 (Thaw\anni) 11:00AM hin HYA GHQ Office, Reng-kai, CCPur-ah Hmar In-pui General Headquarters Executive meeting ko a nih. Hi huna hin Executive members hai kim taka \hang seng dingin Pu Fran-cis Songate, General Secre-tary, HI GHQ chun ngenna le inhriettirna a siem. Meeting huna hin Elec-tion nei dan ding, Council le Assembly nei dan ding hai hriltlang ning a tih.

Kim Joe Gas office inhawng lo ding

CCPUR: Vawisun January 28, 2019 (Thaw\anni) hin condolence leiin Kim Joe Gas Office khar ning a tih tiin Proprietor chun inhriet-tirna a siem.

Transformer sie la siem thei lo; A thar inbuk hma po alternate loadshedding fe pei ding

CCPUR: 132/33/11 KV Khengjang Sub-Station-a 5MVA 33/11KV Trans-former a LV side B Phase a internal winding buoina a um chu department in theit-awp suoa siem\hat tumin hma an lak a, sienkhawm January 27, 2019 chen khan an la siem\ha thei nawh. A sietna hi siem\hat nekin a thar inbuk awlsam le remchang lem dinga hri-et a ni leiin Transformer 5MVA thar inbuk dinga

rawtna siem a ni a. A thar inbuk hma po chu tuta in-varsawk tir ang hin peak load (zan inthim le zan sawt hma) hunah invarsawktir ning a tih tiin MSPDCL official haia inthawk ei thu dawngna chun a hril.

Transformer thar hi Imphal-a inthawk tuta kar thar sung hin hung tlung hman dinga beisei a nih tiin ei thu dawngna chun a hril. Tuta a sietna hi 11KV Khengjang feeder le 11KV Kangvai feeder hai mei petu a ni a, January 25, 2019 zana inthawka buoi \an a nih. Student Exam ding hai lekha tiem inhawmthaw lai a ni leiin an hmatienga siem\hat ni ngei sien nuom a um.

MO thar 241 hai posting pek CCPUR: Manipur Health Department hnuoia MHS Grade- IV Medical Of-ficer hmu thar hai chu an posting-na ding pek fel an ni tah a. Posting pek a um hai lai Dr Thanglienzuol chu CHC Parbung; Dr DJ Lalneiruol- PHC Sinzawl; Dr Ramneithieng- PHC Patpuihmun; Dr Hannah Lalremmawi- PHC Sinza-wl; Dr Richard Zarzolien

Hriler chu PHC Thanlon le Dr CA Laldinsang Pudaite chu CHC Parbung-ah post-ing pek a nih. Medical Officer (MO) dinga posting peka um hi an rengin Doctors 241 an ni a, an posting-na ding hmun an joint hmain Induction/orientation course nei din-gin Directorate of Health Services, Manipur-ah in re-port hmasa dinga ti an nih.

Senapati ah sim-khawlei an hning

iMPhAL: Pathienni zing-kar 10:19AM vel khan Ma-nipur-a Senapati district-a chun richter scale 4.2 a hratin simkhawlei an hning a, sienkhawm thil suksiet a nei thu hriet a ninaw bakah thi le hliemna tuok an um nawh. Ni 3 liemta sunga Ma-nipur-a simkhawlei inhning a vawithumna a nih. January 25, 2019 khan magniture 4.0 in Chandel District a sawihning bakah hi zo darkar 3 vel hnun-gah magnitude 4.6 a hratin Churachandpur district a sawihning bawk.

Skill TrainingCCPUR: January 28, 2019, 11AM hin SSPP Complex, Siloam Veng, Bungmual-ah 13 days Skill Development training S. Khaikhopau Ngaihte, AC to DC, CCPur in khuolliena \hangin hawng a tih.

EM an lawmpuiCCPUR: Young Vai-phei Association (YVA), Haupi Block chun Janu-ary 26, 2019 zantieng khan Saipum lal Khamliankap In-ah Haupi Range MDC P. Kamkholal Vaiphei in ADCC, CCPur a Execu-tive Member (EM) a chang lawmpuina an nei.

Chingmun khuoah in 1 a kang

CCPUR: January 26, 2019 zantieng dar 3:30 vel khan Vangai Sub-Division huop sunga Chingmun Khuoa Mr M.Thangkhanson In chu a sunga thil laksuok hman um der lovin a kang vawng. In neituhai hi an sunga va-dunga tui insil dinga an fe

kara an In hi a lo kang a nih. Hi In bula Bu In ruok chu khawsung mi han an san-him. Mei hi thuka inthawka in\an ni dinga ring a nih. Khawsunga tlawmngaihai chun inhmangruo lakkhaw-min Mr M.Thangkhanson In ding hi an bawlpui.

RS-ah CAB passed a ni chun MP election boycott an tum

iMPhAL: Coalition for Indigenous Rights Cam-paign (CIRCA) chun, Lok Sabha-a Citizenship (Amendment) Bill, 2016 passed-a lo um ta chu an dodal thu puongin Rajya Sabha-ah passed a hung ni nawk vai chun Lok Sabha Election hung um ding hi an boycott ding thu an puong. Hi thu hi Pathienni-a CIRCA president So-morendro Thokchom in Manipur Press Club, Ma-

jorkhul hmuna press con-ference huna a hril a nih. Hi Bill Lok Sabha-a passed a hung ni leiin hmar-sak bielah \itthawngna le dodalna nasa tak a hung int-lun thu hrilin, CIRCA chun bill hi a dodal tlat ding thu a hril. A hril pei naah, Bill passed-a um hi sawrkar thlungpuiin Northeast re-gion-ah civil war a pu-ongna ang a nih tiin So-morendro Thokchom chun a hril bawk.

CAB dodal ning a tih: D.Raja

iMPhAL: CPI MP, Mr D.Raja chu zanikhan Imphal-ah a hung inzin a, an Party chun Parliament Budget Session hung um dingah hin Citizenship (Amendment) Bill, 2016 chu pasi lo dinga an dodal ding thu a hril. Zanita Irabot Bhawan, Imphal-a thu a hrilnaa chun, tuhin Rajya Sabha-ah Sel-kaltu members (Rajya Sab-ha MP) 142 le sawrkar chel mek han members 103 an nei a, Selkaltu member hai-hi an \hangruol phawt chun CAB, 2016 hi fe thleng naw nih tiin a hril. CAB, 2016 hi NE biel ta ding chau ni lovin India ram pumpui ta dinga \ha lo a nih tiin a hril bawk. An Party chun hi Bill hi Select Committee ngaituo dinga pelut dingin an lo nawr ta niin a hril.

Plastic bottle zawr theiBiShNUPUR: Tui thun-na (water plastic bottle) ruok hi zawr thei a nih. Mr L.Gokulchandra Singh, Ex-ecutive Engineeer, PHED, Bishnupur chun plastic bottle ruok an inchawk nu-omzing thu zanikhan a hril. Plastic bottle (Half litre)

pakhatah duli pei le litre khat keng pakhatah Rs.2/- peiin an inchawk niin a hril. Plastic bottle ruokhai chu Zun In bawlna le thil cheimawina (decoration) chi tum tumin an siem a, an hmang \angkai hle niin a hril.

CCPur dist. Level Republic day hmangCCPUR: January 26, 2019 khan Public Ground, CC-Pur-ah District Adminis-tration hmalaknain 70th Republic Day hmang a nih. Hi huna hin Pu Shyam Lal Poonia, IAS, DC, CCPur khuolliena \hangin India puonzar keipharna neiin parade contingents hai sa-lute lakna neiin thuhrilna hun a hmang. Republic day huna hin social workers, sawrkar thawktu sin thaw \ha zuol hai chawimawina pek an ni bakah Lal puonsen semna nei a ni bakah DC XI team le SP XI team han friendly football match an inkhel. DC, CCPur chun, District Administration chun rorelna \ha um thei-na dingin theitawpin hma a lak a nih tiin a hril a. India Constitution hnu-oiah thil tlung iengkim a lien le chin hai khawm inbiekna chingfel a ni thu hrilin, kum 1 liemta sunga district hlawtlingna hai a hrillang. DC chun, CCPur chu Beti Bachao Beti Padhao (BBBP) Abhiyan imple-ment dinga thlang ve a ni thu, hi le inzawmin Foot-Gal buotsai a ni a, Foot-Gal -ah nuhmei naupang talent \ha tak tak nei tam tak phawrdawka a um thu, BBBP hnuoiah Agan-

wadi centre tum tum haiah nuhmei le pasal pieng hai inchikna a hran ve ve a siem niin, National Gild Child Day 2019 hunah BBBP Anthiem \ha tak hawng a ni thu, le Immu-nization zo hai lawmman pek a ni thu, People Ini-tiative for Gild Education hnuoiah nuhmei naupang 23 hai kuomah Scholar-ship Rs. 2.5 lakh anghu sem a ni thu hai a hril a. Ministry of Minory Affairs, Govt. of India hn-uoia Seekho Aur Kamao hnuoiah nuhmei le pasal 120 han Guwahati hmu-nah kum khat sung aw ding Aviation and Hospi-tality training an nei mek thu a hril a. District Ad-ministration chun Public Ground bul charah nuhmei naupang hai dawmsangna dingin Youth Centre in-din dingin plan a siem a nih tiin a hril a. Mipui hai

chu BBBP mission thlawp seng dingin a ngen. Go to Village (GTV) mission chu district sunga khuo 603 hai huop vawng anei a nita thu DC chun a hril a, District Hospi-tal in Kayakalp Award a dawngna thuah district health official hai a lawm-pui thu a hril. Parade-ah Rayburn NCC 1st Platoon in NCC category-ah pakhatna an lak a, Rayburn Jr. wing in pahn-ina le Rayburn NCC 2nd platoon in pathumna an lak. Senior category a chun JNVJr girls pakhatna, Rengkai Hr. Sec. School sr. Boys pahnina le Vi-mala Raina H/S in mixed contingents pathumna an lak a. Junior-ah VK Tawna Hr. Sec. Jr Girls in pakhatna, JNV Jr boys in pahnina le VK Tawna Hr. Sec. Jr. Boys in pathumna an lak.

Bomb 4 puok, PrePAK-in anni thaw niin an hriliMPhAL: Manipur phai-ram helpawl dan puoa sawrkarin a sie (outlawed) People’s Revolutionary Party of Kangleipak (PRE-PAK) chun Republic Day boycott an puongna le inzawmin Imphal khawpui sung hmun 4-ah bomb an sukpuok niin an hril. Secretary in charge, Publicity and Propaganda, PREPAK, Mr Leibaakngak-pa Luwang chun, Jan. 25 8pm a Lamphel Power House kawla mi le Republic Day ni 5am, Santa Market, Thoubal Yairipok le dar 6:50pm a Singjamei Wang-ma Thongkhong Kshetri Leikai le 1pm a BRTF camp bang, Imphal Sankar Talk-ies kawla mihai chu anni sukpuok a ni thu a hril. “Hieng bomb sukpuok-nahai hi India sawrkarin a mi awpchilna kan ditnaw zie suklangna a ni a. India sawrkar thil thaw reng reng chu kal pei kan tih, abikin WESEA region ah” tiin PREPAK chun a hril. WeSEA biela mihai chu Aryan thla (Vaihai) leh ei inang nawh. Chuleiin, 1950 a inthawka Repub-lic Day lo boycott tah hi a dodalna suklangna lien-tak a ni a. PREPAK chun sunzawm pei a ta. A ram le mipuihai zalenna ding chu thawluina a \ul khawmin PREPAK-in India sawrkar a inthawkin la huot dawk tho tho a tih, tiin a hril.

State Level 70th Republic Day hmang;Damsung Jail Intang Kum 70 Mi 4 insuo zalen an nih

iMPhAL: Kum tina inser hlak a nia chu kum danga um ngai lo, Republic Day kum 70th tlingna le inzaw-min Manipur Central Jail, Sajiwa-a damsung lungin intang ding mi 4 kum 70 tling \hal tahai chu Repub-lic Day 2019 le inzawmin damsunga dingin insuo za-len an nih. Home Department Or-der No. 6/89(1)/18-H (J) (SLC) Dt. 25/1/2019 dung-zuia Mr S. Touthang, Su-perintendent, Central Jail, Sajiwa, Imphal-in Janu-ary 26 nia thusuok a siem dungzuia damsung lungin intang ding insuo zalenhai chu: 1. Mr Oinam Birachan-dra Singh (70) s/o (L) O. Aganghal Singh of Kakyai Langpok Village, Nam-bol PS, Bishnupur Dist., 2. Mr. Wangkhem Jadu-mani Singh (70) s/o (L) W. Kanhai Singh of Lambal, A/P Lamlongei, Lamsang PS, Imphal West, 3. Mr.

Narengbam Shyamkanhai Singh (70) s/o (L) N. Dhana Singh of Lalambung Mak-hong Takkhelambam Lei-kai, Lamphel PS, Imphal West le, 4. Mr Thangjam Khomdon @ Khomdonlei Singh (70) s/o (L) Th Gu-lamjat Singh of Nungbram Awang Leikai, Lamlai PS, Imphal West hai an nih. Home Department, Government of Manipur chun, hieng mi 4 kum 70 tling vawng ta hai hi an damsunga Jail intang ding nihai sienkhawm India-in zalenna a hmua Dan a

hmang \anna ni, January 26 kum tina Republic Day anga inser hlak kum 70th a tlingna kum a ni leiin, kum 70 tling tangmihai khawm hi insuo zalen ni raw hai se ti dungzuia insuo zalen an nih. An ham\ha hle. Ha-damin mani in lumah an thi thei tah ding a nih. 70th Republic Day chu hmun tinah inser a ni a. Manipur state level celebration chu Kangla Fort ah inser a nih. Gov-ernor Dr Najma Heptulla chu khuol lien a ni a. Na-tional Flag tri-colour a kei

phara, parade contingent tamtakhai \huoitu 5th IRB Commander Smt Bidyapati Thingbaijam, DSP, 9th IRB (Mahila) a inthawkin salute a dawng bawk. Governor hin Marching Contingent dang 73 le Band Contingent 9 le school hran hran a inthawka Contingent hai Parade Commander Mr Thaimei Gaipuiril Ka-bui, Asst Director, MPTC a inthawkin salute a lak bawk a. Cultural Troupe hran hran 20 han an hnam lamhai an inentir bawk a. Sawrkar department hran hran a inthawkin Tableaux 18 suklang a nih bawk. Governor hin Presi-dent’s Police Medal for Distinguish Service chu Mr. Thangkhanlal Guite, ADGP (Modernisation) le Police Medal for Merito-rious Service chu Mr. K. Ajitkumar Sharma, Addl. SP, Jiribam, Mr. Rudra Na-rayan Singh, Inspector, >>sunzawmna phek 4-ah

Pherzawl-ah Republic Day hmang

PheRzAwL: India ram hmun tum tum haia hmang a ni ang bawkin Pherzawl District a khawm District level in January 26, 2019 khan Public Ground, Pher-zawl District Headquarters-ah 70th India Republic Day hmang a ni bakah Parbung, Patpuihmun le Thanlon Sub-Divisional headquarters haia khawm Republic Day hmang a nih.

Pherzawl District Level-a Republic Day hmangnaa hin Pi Mannuamching, IAS, DC, Pherzawl chu khuolli-ena \hangin India puonzar keipharna a nei bakah parade contingents hai salute lakna a nei. Hun hmang sung hin hnam lam inentir a ni bakah Lal/VA Chairman 10 hai kuomah Puonsen inhlan an ni bakah award dang dang

sem a ni a, Clubs/Schools 15 hai kuomah sports material le Govt. thawktu 30 hai kuomah Appreciation certificates inh-lan an ni bawk. DC, Pi Mannuamching chun, sawrkarin district suk hmasawnna dingin theitaw-pin hma a lak a nih tiin a hril a. Ei ram hmasawn ding ei dit a, ei nuom tak tak a ni chun \hangthar hai ei hrilhriet a pawimaw tiin a hril. (DIO)

MPP le Janata dal United all party meeting \hang tum lo

iMPhAL: Vawisun (Janu-ary 28, 2019) a Citizenship (Amendment) Bill, 2016 le inzawma CM N. Biren Singh inrawinaa Chief Ministers Secretariat hmu-na all party meeting nei dinga hin Manipur Peoples party (MPP) chun an \hang-naw ding thu an puong. MPP chun Citizenship Bill dodalnain zanikhan MPP Office complex-ah

sit-in protest an nei. MPP chun zanikhan Governor Najma Heptul-la kuomah memorandum pein, Rajya Sabha-ah pass a ni hmaa hnukkir a ni thei-na dinga hma la dingin an ngen. Janata Dal United khawm meeting a hin \hang an tum naw naw a, party dang hai chu \hawng an tum tiin ei thu dawngna chun a hril.

Folk Dance competetion le Brc nei a nih

iMPhAL: India Repub-lic a nina kum 70 tlingna le inzawma Republic Day 2019 le inzawmin “Folk Dance Competition and Beating the Retreat Cer-emony” chu 1st Bn Mani-pur Rifles parade ground, Imphal ah nei a ni a. Gov-ernor Dr Najma Heptullah khuol liena \hangin lawm-man chi tum tumhai a sem. Folk Dance Competi-tion inruolsieknaa hin Cul-tural Troupe 70 tlangram le phairam a inthawkin an \hang a. Lianda Folk & Classical Academy, Nagamapal Soram Leirak, Imphal West chun 1st Prize lain, Star Musical Centre, Khurai, Imphal East Dis-trict le Chingu Thangjing Women Cultural Associa-tion, Moirang, Bishnupur District han 2nd le 3rd prize

an lak. Uniform Contingent March Past Category ah, BSF le CRPF (Male) Con-tingents han First an lak a. Meghalaya Police-in Sec-ond le Civil Police (Male), Imphal West le 5th IRB han Third an lak. Mahila Contingent ah, CRPF (Female Con-tingent), 9th IRB Mahila Contingent le Civil Police Female, Imphal West han First, Second le Third po-sition an lak tawl. School Contingent ah, Manipur Public School, National Sports Academy (Boys) le Poiroukhongjin High School han 1st posi-tion an laka, KGBV Andro le National Sports Acade-my (Girls) han 2nd lain TG Higher Secondary School le 2nd Manipur Rifles

Unit High School (Boys & Girls) han 3rd an lak. Band Party Contingent (Uniform Category) ah As-sam Rifles Band, 2nd MR & 2nd IRB Combined Band le Sainik School Band han first, second le third an lak. Cultur-al Troupe, Display Category ah Vaiphei Cultural Troupe-in First an laka Tribal Cul-tures Research Centre, Non-ey le Tousem Namchi Youth Club, Tamenglong District han 2nd le 3rd an lak. Gate Construction, Display Category ah For-est Department, Samagara Shiksha, Manipur le Ag-riculture Department han first, second le third an lak. Tableaux Display ah Relief & Disaster Manage-ment (SDRF) han First lain, Directorate of Information and Public Relations->>sunzawmna phek 4-ah

Hmasawnna Thar2 TUOLBUOL (JANUARY) 28, 2019ThAw|ANNi (MONdAY) ARTiCLe/heALTh & eMPLOYMeNT NewS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

Kangmei laka fimkhur

VAWISUN THUPUITu suol khawm suolin thung naw ro, mi po po ngaia thil mawi chu ngaituo lawk ro. A thei phawt chun nangni tieng bek mi po po le inremin um ro.

-ROM 12: 17-18

Khuo an \hal leiin kangmei \i a um nawk ta hle. Ma-nipur le India ram hmun hran hran haiah kangmei leia thi, hliem le sietna tuok ri hriet ding inzing utin a um nawk tah. Lo le huon raw hun ding khawm a hnai nawk ta leiin a \ium zuol hun ei tlung ta mek a, mitin kangmei lakah ei fimkhur a \ul takzet. Ei ram hi kum tinin ei la suk kang duoi duoi a, hieng anga ei ram ei la suk kang pei chun ei ram hi ram \awl, pawn ram le thlaler ram ei inchangtir inlau um takel a nih. For-est survey of India tiengpangin report an pek nuhnung tak a inthawka an lang danin Manipur hin ramngaw \haa tiem tlak (very dense le moderate dense forest) hi ei ram lien dan a inthawka 30% ei nei phak ta nawh. Ram hring ve satlie le ram ruok (open forest) hi ei nei lien em em el ta a nih. Kangmei chungchanga ei fimkhurna ding le ei hriet dinga \ha \henkhat hang hril ei tih. Tlangram lo nei (Jhum cultivation) hi ei la bansan thei naw a, tlangram lo neia fakzawng hi 60% vel zet ei la um leiin mei lam \ha taka siem hi a pawimaw takzet a nih. Mei lam \ha taka siem a, fimkhur taka raw chun ram kang siet ding nasa takin ei veng thei ding a nih. Lo raw hrim hrim hi a nasa naka laia, vat bak le raw ding bak ei suk kang sa \eu hlak hi a pawi hle a nih. Hi kawnga hin lo neitu hai a hma neka ei fimkhur lem a \ul takzet a nih. Hi hi thil hi loneitu han ram hmangaina thil tak tak a nih ti an hriet a \ul takzet a nih. ram ei hmangai chun ram kang siet ding hi ei veng fimkhur hle a \ul a nih. Meisi le meibawng thlada leia kangmei suok hi a um ve rawp hlak. Ramah ei fein meisi le meibawng (dumziel hawpna bawng) hi that lova pei lo ding a ni a; ramah mei ei sem hrim hrimin that hmin lova maksan ngai lo ding a nih. Ei ram hi a pawn ta si leiin meibawng ei dehawn hai hin \hulbuk tawl em em hai a hung kang thei a nih. Chun, hna\awl hi a tam em em a, khuo an \hal ta leiin a kang awl em em a nih ti hriet ding a nih. Cigarette hawpna meibawng lem hi chu an ai sawt bik hlak. Hi lei hin cigarette hawp hai lem chun cigarette bawng hi ei pei huna \ha taka sir hlum ngei ngei ding a nih. Hi thil hi ngainep, namnul le ngaitha der lo ding a nih. meisi chiterek khawmin ram lien tak a kang siet duoi duoi thei a nih ti hi hrietzing ding a nih. Sawrkar, lal le Village Authority hai khawmin kangmei laka ei him theina dingin mipui zui le zawm ding dan an siem hlak. Hieng dan zui le zawm dinga siema um hai hi ei zui a, ei zawm chun kangmei leia thina, hliemna, inhmangna le sietna hai ei pumpel thei ngei ring a um. sawrkar, lal le VA hai thu ei zawm naw leia kangmei leia siet tuok hi ei la umzie a nih. sawrkar, Lal le VA hai khawma dan siema um hai hi huoisen, khau le indik taka an hmang ngam a \ul a nih. Dan bawsehai laka hremna lek a um mumal ngai naw leiin dan hi mipui han an palzut hlak niin an lang. Hi lei hin sawrkar, lal le VA han dan an siem hi huoisen takin lekkaw ngam rawhai seh. Khawpui le town area sunga kangmei suokna san a tam lem hi chu electric a inthawk niin an lang. Hi lei hin Electricity Department le electric lahai hin ei electric hrui hai a la \ha tawk am, a kilna a nghet tawk am, a banhai a \ha tawk am, tawk lo ding a tawk pal am tihai hi an khat tawkin enfel hlak hai sienla nuom a um. Hieng anga thil ei thaw phawt chun kang-mei \henkhat hi chu ei pumpel thei ngei ring a um. A dawta chun thuk mei le vawkbu suongna mei hai hi kangmei suok in\anna a nih. Hi lei hin Gas thuk le electric le inzawm thil hai hrim hrim chu In ei suok-san hma ngeia that saa sie ani le ni naw enfel a, that lo a um chun that vawng ding a nih. Ei hriet seng angin ei ram hi a pawn ta em em a. tleirawl le tlangval hawklak \henkhat chun ram raw hi inhawi an ti em em a, fena le hungna an nei chang hin ram raw hi an ching a nih. Hi lei hin ram raw hi dan kal le suol chi khat a nih ti hi ei hril hriet a \ul a nih. Kangmeiin nghawng \ha naw tam tak a nei a, chuhai laia \henkhat chu, tuihnar rawmngaw le ramsahai suk chereuna a nih. sap thuvarin, “Fire is good servant but can be a bad master” a lo ti hi lungril taka ngaituo pu-min kangmei lakah mitin fimkhur ei tiu. Tienlai khan chu kangmei suokna In neituhai chu khawsung Lalin lei an chawitir hlak. Hi dan hi la hmang inla chu ei \hatpui phien ring a um.

delhi khawpui sung inthawl lemna dingin sawrkarin Rs. 50,000 highway project thawng a tih: Gadkari

New deLhi: Delhi khawpui in air le water pollution bakah traffic intar takel a buoipui mek thu hrilin, Delhi khawpui inthawl lem theina dingin sawrkar thlungpui chun Rs. 50,000 crore highway project a thaw ding thu Union minister Nitin Gad-kari chun a hril. Hi thu hi Rs. 2,820-crore senga Ak-shardham- Eastern Periph-eral Expressway (EPE) junction highway corridor

project siemna ding lung-phum hawngna Inrinni-a a nei huna Road Transport

and Highways Minister Mr Gadkari in a hril a nih. Rs. 10,000 crore senga

Dwarka Expressway siem-na ding foundation lung kar thar hin hawng a ni ding thu, Delhi-Meerut Expre-sway chu March thlaah zo ning a ta, April thlaa in-thawk chun Meerut le Delhi inkar fena dinga darkar 3.5 hun la hlak chu minutes 40 sung chauin an tlung thei ta ding a nih tiin a hril. Ring road thar Urban Extension Road (UER) chu Rs. 4,000 crore senga siem a ni ding thu Minister chun a hril bawk.

SOS in Kerala CM inrawl dingin an ngenNew deLhi: Bishop Franco Mulakkal in nun suolluia intumna le inza-wma protest hma\huoitu Save our Sisters (SOS) chun, protest a \hang nun 5 hai hmundanga sawn an nina Order insuo thuah Kerala Chief Minister Pina-rayi Vijayan chu inrawl a, transfer order dang dingin an ngen.

SOS chun, suolluia intumna siemtu le nuns panga hai chu an thil phut le inzawma an movement sukchau na dingin Kerala-a inthawk hmun hran hrana sawnhmang tum an ni thu an hril. Mulakkal man dinga phurnaa protest-a \hang Kerala-a Catholic Church a nuns 5 hai chu Missionaries

of Jesus convent a inthawk Kuravilagad tieng sawn niin Order hi zawm dingin tulai hnai khan inhriettirna pek nawn nawk an nih. Mulakkal hi Nun pak-hatin kum 2014 le 2016 inkar sung khan vawi ie-manizat zet a suollui niin an tum a. Protest nasa taka nei a ni hnungin Mulakkal kha man niin Pala Jail-ah thun a

ni a, sienkhawm a hnungin bail-a insuo nawk a nih. Nikum khan Nuns 5- Sr Alphy Pallasseril, Sr Anupama Kelamangal-athuveliyil, Sr Josephine Villoonnickal, Sr Ancitta Urumbil le Sr Neena Rose han Mulakkal man dinga phutnain Kerala High Court, Kochi hmuna indef-inite strike an lo nei a nih.

Aizawl a R-day hmang naah con-tingent 9 chau parade-ah an \hang

AizAwL: January 26, 2019 nia Aizawl Sipai Lammuol a Mizoram state Level-a India Republic Day a vawi 70-na hmang huna chun Governor Kumma-nam Rajasekharan in India hnam puonzar keipharna neiin Parade contingents hai salute lain thuhrilna hun a hmang. Bill, 2016 dodalnaa Re-public Day boycott an pu-ong leiin parade-a hin stu-dent contingents \hang an umnaw leiin Band party hai \hangin Contingents 9 chau

an \hang bakah district dang dang haia khawm DC han an Office tuolah hnam pu-onzar keiparna neiin Repub-lic Day hi an hmang. Aizawla Republic Day hmangna Assam Rifles lammuol Gate bulah hin boycott puongtu tam tak an umkhawm a, sawrkar of-ficial ti lo hai chu an inlut-tir nawh. Hi lei hin Aiza-wla Republic Day hmangna hmuna chun official hai ti lo mipui tiengpang hmu ding um loin programme hman-gna hmun a ruok huou.

employment NewsDirectorate of MAHUD Department, Manipur hnu-oiah hieng a hnuoia sin hai hi a ruok a, apply nuomhai chun vawisuna (29-01-2019) inthawk hin offline form chu Directorate of MAHUD, 2nd Floor, PDA Complex, near 2nd MR Gate, Imphal east le onlie form chu www.manipur,gov.in ah Rs 600/- general & OBC, Rs.400/- SC/ST hai ta dingin lak thei ning a tih. Application form hi fill up zova 10-02-2019 4PM chenin peklut thei ning a tih. Of-ficial website a hin thu chieng lem hriet thei ni bawk a tih. 1. Imphal Municipal Corporation (IMC) hnuoiah AE (Civil), Grade-I post-1, SO (Mech) Grade-II post-1, Draftsman post Grade-II post- 1, Sanitary Inspector post- 1, Asst,Inspector (Revenue) post- 1, Jamadar post- 2. 2. Kakching MC hnuoiah Revenue Officer post- 1, SO (Civil) post- 1, Revenue Inspector- 2, LDC- 1, Peon- 3. 3. Thoubal MC hnuoiah Chowkidar-cum-Sweeper post- 1. 4. Lilong MC hnuoiah SO (Civil) post- 1, Revenue Officer post- 1, Revenue Inspector posts- 2, Sanitary In-spector Posts- 2, Computer Operator post- 1, LDC-1, Peon post-1, Driver posts-2. 5. Mayang Imphal MC hnuoiah Revenue Officer post-1, Revenue Inspector post-1, sanitary Inspector post-1. 6. Nambol MC hnuoiah Revenue Officer post-1, Rev-enue Inspector post-1, Sanitary Inspector post-1 le Driver post-1. 7. Moirang MC hnuoiah sanitary Inspector post-1, Computer operator post-1 le Driver post-1.Bishnupur MC ah Section Officer (Civil) post-1. 8. Kakching MC hnuoiah SO (Civil) post-1, Revenue Inspector post-1, Sanitary Inspector post-1, Computer Op-erator post-1, LDC post-1, Peon post-1 le Driver posts-2. 9. Yairipok MC ah SO (Civil) post-1, Sanitary Inspec-tor post-1, Computer Operator post-1, le Driver post-2. 10. Kumbi MC hnuoiah SO (Civil) post-1, Sanitary In-spector post-1, Computer Operator post-1 le Driver post-2. 11. Wangoi MC hnuoiah SO (Civil) post-1, Sanitary Inspector post-1, Computer Operator post-1 le Driver posts-2. 12. Kwakta MC hnuoiah SO(Civil) post-1, Sanitary In-spector post-1, Computer Operator post-1, Driver posts-2. 13. Wangjing lamdeng MC hnuoiah SO(Civil)-1, San-itary Inspector post-1, Computer Operator post-1, Driver posts-2. 14. Sikhong Sekmai MC hnuoiah SO(Civil) 1, SI post-1, Computer Operator (CO) post-1 le Driver post-2. 15. Sugnu MC hnuoiah SO(Civil) 1, SI-1, CO-1, Chowkidar-cum-Sweeper-1, le Driver-2. 16. Lamlai MC hnuoiah SO(Civil) 1, SI-1, CO-1le Driver-2. 17. Sanurou NP hnuoiah SO(Civil) 1, RI-1, CO-1, LDC-1, Peon-1, Peon-2. 18. Thongkhong Laxmi NP hnuoiah SO(Civil) 1, RI-1, SI-1, CO-1, LDC-1, Peon-1 le Driver-2. 19. Lilong NP (T/W) hnuoiah So (Civil) 1, RI-1, CO-1, SI-1i, LDC-1, Peon-1 le Driver-2. 20. Andro NP hnuoiah SO(Civil) 1, SI-1, CO-1 le Driver-2 21. Lamshang NP hnuoiah SO(Civil) 1, SI-1, CO-1 le Driver-2. 22. Oinam NP hnuoiah SO(Civil) 1, SI-1, CO-1 le Driver-2. 23. Sekmai NP hnuoiah SO(Civil) 1, SI-1, CO-1 le Driver-2. 24. Heirok NP hnuoiah SO(Civil) 1, SI-1, CO-1 le Driver-2.

Joint Presbyteries Inkhawmpui Hmarkhawlien-ah

h M A R k h A w L -ieN: January 24-27, 2019 inkar sung khan Hmarkhawlien, Assam-ah Presbyterian Church of India (PCI) sunga C.H.T. Synod hnuoia Hmar \awng hmangna Presbytery pathum inza-wmkhawm Joint Pres-

byterian Youth Fellow-ship (JPYF) khawmpui a vawi 2-na hmang a nih. Khawmpui huna hin Hmar \awnga la nei ngai lo HLAPUI BU chu Rev. Laldinglien Inbuon, Executive Secretary, Ngaibantlang Presbytery PCI in a tlangzar.

JCO in Raising day an hmangCCPUR: All Junior Com-missioned Officer, CCPur chun January 26, 2019, 12:30PM khan MEMCO Office, Opposite, Ngulthong Bazar, New Lamka hmunah 51th Raising Day an hmang. Hi huna hin Sub-Major Hranghleia, Vice President in welcome address a hril a, conductor inrawinain member thar mi 3 laklutna

nei a ni bakah kum 2018 sunga member thina tuok Sub T. Kamzathang, Sub-H. Thangkunga le Sub-Lalbia-ka hai sunna hun hmang a ni a, kum 2019-21 inkar sung \huoitu ding thlangna nei a ni bawk. AJCO a hi kum 1986 a members 17 han an lo indin a ni a, tuhin member 73 an um.

Thanlon MLA in a thawnPheRzAwL: January 25, 2019 chawhnung dar 3 vela Thanlon Sub-Division huopsung, Phaitong hmu-na kangmei suokin a In a kang pek Thangpenson, h/o Chiinkhannem le a sunghai \hangpuina dingin

bieltu MLA Vungzagin Valte chun Rangva 0.30 mm bundle 5, ridging ft. 10 a sei phek thum, thirkil kg. 5 le washer box 5 bakah Superfine bufai half bag ie-manizat a thawn.

delhi-a R- day hmangnaah SA Presdident khuollienin a \hangNew deLhi: January 26, 2019 khan New Delhi-a chun Rajpat hmunah India Republic Day a vawi 70-na hmang a ni a. South Africa President Cyril Ramaphosa chu khuollienin a \hang a, President Ram Nath Ko-vind in India hnam puon keipharna neiin parade hai salute a lak. Rajpath hmuna Repub-lic Day lawmna parade hi Vijay Chowk a inthawk Red Fort chen nei a ni a, Headquarters Delhi Area General Commanding Lt.

General Vijay Asit Mistry in parade hma a \huoi a, huoisen lawmman dawngtu han a hnungah an zui a, a hmasa takna dingin Assam Rifles nuhmei contingents

hai khawm parade-a hin an \hang. States le Union Terri-tory 16 hai bakah sawrkar ministry le department tum tum 6 han Mahatma Gan-

dhi nun le inchuktirna suk-langna Tableaux an suk-lang bakah India sipai han ralthuom \ha chi tum tum an nei hai an pholang bawk. Republic Day hman-gna hi Union ministers hai bakah PM hlui Dr Man-mohan Singh le Congress President Rahul Gandhi hai khawm an \hang. Republic Day Celebra-tion kick off a ni hmain Prime Minister Narendra Modi chun Amar Jwan Jyoti hmunah martyrs hai inzana pein par inhlanna a nei.

Kpi chief Association in darkar 24 bandh kANGPOkPi: Kangpokpi Block Chief Association chun MGNREGA chungthuah sawrkarin an thil ngen a ngaisaknaw chun January 28, 2019 6PM a inthawk Janu-ary 29, 2019, 6PM chenin Bandh an thaw ding thu an puong. Bandh an thaw sung hin National Highway 2 ah mo-tor hrim hrim inlawn an phalnaw ding thu le Kangpokpi, Champhai le Tujang Vachong Block sunga Govt. offices, institutions hai khar vang a ni dign thu an hril a. Bandh thaw hnung khawma sawrkarin a ngaisaknaw a ni chun nuorna khau lem an \an ding thu an hril. Chief Assn. chun, MRNREGA schemes le project haia ringawt ringsan an ninaw thu an hril a,sienkhawm welfare schemes le projects hai a ni ding ang taka suk-puitling dinga nawrnaa bandh hi thaw an tum niin an hril.

Student hai manin nuorna suk-tawp chuong naw nih: MSAd

iMPhAL: Manipur Stu-dents Association Delhi, (MSAD), vice president Mr Makakmayum Furkan chun, student hai chun state sawrkar mizie le lungril an hriet ta a. Tulaia CAB leia nuorna le nawrna hai le inzawmin student hotuhai man leiin nuorna suktawp chuong naw nih, tiin a hril.Mipuihai khawmin State-a BJP sawrkar le central-a BJP sawrkar lungril le thiltum ngun taka ngaituo a hun tah. Thawluina le thilthawtheina (power) hmanga mipui rawl khap-dei tumna chu hlawtling chuong ngai naw nih, tiin a

hril a. Student pawl 5 han an nawr zawm pei ding thu a hril bawk. Manipur Students As-sociation Delhi, (MSAD), Reformist Students’ Fed-eration (RSF), Socialist Students’ Union of Mani-pur (SSUM), All Manipur Muslim Students’ Organ-isation (AMMSO) le All Meitei-Pangal Students’ Union of Manipur (AMP-SUM) han joint statement an insuoa chun, Lok Sabha-in January 8-a a pass CAB leiin nuorna hun iemani chena inthawk khan nei a lo ni tah a. La nei zawm pei a tih tiin a hril.

KcP-People’s War Group-in A HrilfieiMPhAL: Dan puoa hnawl helpawl Kanglei-pak Communist Party (KCP) People’s War Group (PWG) chun. ni khat laia Thoubal Police han an man Mr Ningthoujam Amarjit @Apikpa s/o Ningthoujam

Borajao chu an pawla mi a ni nawh tiin a hrilfie. Mr. Lenin Meitei, Cen-tral media Co-ordinator hril dan chun, an pawl People’s War Group (Marxist Cen-tre) ah Amarjit @Apikpa an um naw thu a hril.

TPo in 39th General Assembly an hmang

CCPUR: January 26, 2019, 11:30AM khan Em-manuel School, Lingsiphai-ah Thangsing Phungpi Organisation (TPO) 39th General Assembly hmang a nih. Hi huna hin Liansaw-mthang Thangsing, Secre-tary, TPO in secretary re-port le Max Paulemmuan Thangsing han finance re-port an pek a, Ginzamang Thangsing, Chairman TFT in report a pek bakah Dr Chinkholal Thangsing in-rawinain Lifetime Achieve-ment Award le TPO Spe-cial Achievement Award

semna nei a ni a. Thong-kap Thangsing le Tunkhai Thangsing hai chu Lifetime Achievement Award pek an ni a, Goulianlal Thangsing chu TPO Special Award inhlan a nih. Chun, kum 2019-22 sunga TPO Executive Committee ding thlang a ni a, President dingin Dr Chinkholal Thangsing, Secretary in Liansaw-mthang, Finance Secy. in Max Paulemmuan, Trea-surer in Chinneiniang le Inf. Secy. in Rev. Thang-kholal Thangsing hai th-lang an nih.

republic Day, ccPur a Awards le chawimawina dawng haiDistrict sunga officer taima tak Of-ficer of the District award S Gin-muan Ngaihte, Asst Commissioner; Special Recognition (Administration) Award dawngtuhai chu- Sarat Chan-dra Singh, SDC, SDO office Tuibong; Sutkhansuan, Asst Subject Matter Specialist (Horti & soil Conserva-tion); H Paokhothang, DI of School, Hq office ADCC; Sumzakap, LDC; B Lunching, LDC; Lhunkhotinchon Baite, Jr Accounts Assistant; Thou-naojam Kiran Kumar Singh, VLW; Letgoulal Anal, Road Mohorrir le Thianminlun, Office Asst DIPR hai an nih. Special recognition Medical award chu Dr Romeo Sanate, DAO; Dr N Thangginmang, Dental Sur-geon; Dr Niangngaihlian, MO PHC Sinzawl; Florence Niangsuankim, Staff Nurse; Seiboi Mate DDM/NHM; Dimkhanman, ANM; S Naot-ing Vaiphei, ASHA; Kaizaching, Support staff; Chingngaihniang, Sup-port staff. Special Recognition Education Awards- Nangkhanlal, DI ZEO Of-fice; Jangkhohao Haokip, AI/ZEO

Office; D Letkholal Haokip, AI Hen-glep; L Thangchinkhup, Headmas-ter; T Paominlien Haokip, Primary Teacher; Marie Lalsangliani, Primary Teacher; T Chingouthang, BRP ZEO le Lalsawma Gangte, Head Clerk ZEO office. Special Recognition Police Awards- T Jangkholal, SI; Letjapao Kipgen SI; H Dalkhansiam Constable le LH Jamminlet, Constable hai inh-lan an ni a; Special Recognition IRB Award chu Jemadar CL Son; Havil-dar Ch Nandakumar Singh; Havildar Ngamjatong Haokip; Havildar S Bud-hachandra Sharma; Riflemen Kh Joy-kumar Singh; Riflemen Md Kalam le Riflemen Zamlianthang Zou hai inhlan an nih. Special recognition award Grade-IV chu Chinzahau, Peon; G Goukhanthang, Grade IV; S Tong-kholam Grade IV le Chingzamang, Grade IV hai inhlan an ni a, Gender Champion award chu T Vunglallian, Principal Lalpuithluaii Foundation School le Paukhenkhup Guite, Direc-tor Tunnu School of Nursing hai inh-lan an nih.

Special recognition award in Pub-lic Service ah M/S Kimjoe Gas Ser-vice le M/S Sialngenthang & son; Special Recognition Award in NGO ah NESEED Foundation in a dawng. Puonsen inhlan hai chu -Tong-kholun, Chief of Pangjol village; JC Chongkholien, Chief of Rengkai; VL Hriata, Chief of Khawpuibung; Khamliankap, Chief of Saipum; T Jamsei Haokip, Chief of T champhai; Letkam Haokip, Chief of Kholmun; Thongkhothang Baite, chief of K Khomunnom le S Manlian, chief of Hebron Veng New Lamka hai an nih. Ex-servicemen puonsen dawng hai chu- Honorary Captain Thang-khosat; Subedar Liangin Samte; Subedar Thuamlian; Naik Subedar Liankhokap; Naik Subedar T Thang-sin; Havildar Haukopau; Havildar Vankunga le Sepoy Shokhojang hai an nih. Rengkai Hr Secondary Schoola Class X inchuk mek Dorothy Lal-neimoi khawm lekha inchukna sun-zawm pei theina dingin District Administration in \hangpuina a pek bawk.

3TUOLBUOL (JANUARY) 28, 2019ThAw|ANNi (MONdAY) NATiONAL/iNTeRNATiONAL & AdveRTiSeMeNT Hmasawnna Thar

LAkTAwiiN hMUN iN hMUN

Saikawt Phailienzau, SDO Office fetung a, changtieng pangah Inhmun \het a nih. A dithai chun a hnuoia hmingziek kuomah hin ngaiven thei ning a tih.

Sd/- Lalnunmawi zote# 8837395442 12,14,16,18,20,22,24,26,28,30)

(26-31)

LALROChAM khAwBUNG(1930-29th, January, 2018)

Van khawpui I min lawisan NiKum khat lo tling tah sien khawmKAN NGAINA CHE A LA ZUOL PEI.

I nuhmei le nauhai Mrs. |hazo Le nauhai Muolhlum, Rengkai Churachandpur

KAn InnGHIl tHeI lO

(28,29)

LS Speaker in Jan. 30 in All-party meeting

New deLhi: January 31, 2019 a inthawk Parlia-ment Budget Session hung um ding le inzawmin Lok Sabha Speaker Pi Sumitra Mahajan chun January 30, 2019 khin all-party meeting a ko. Speaker chun all party meeting huna hin politi-cal party tum tum hai chu Inpui rorelna \ha taka a fe theina dinga thlawp dingin ngen a tih. Dan pangngai angin President Ram Nath Ko-vind in Central Hall-ah 11AM in Joint sitting-ah thuhrilna nei a tih. Interim Budget chu February 1, 2019 khin phar ning a tih. Budget Session hi Febru-ary 13, 2019 chen aw ding a nih. LAwMThU

Kan naupa, J. Obet Lalruotlien (Pakhuongte) 26th De-cember, 2018 -a a mi lo boralsan naa mi sunpuitu le ngainatu Rengkai Khawtlang \huoitu, Val Upa, HYA, Kohran Nu le pa, HWA, K|P, Shanveng HWA, De-partment dang dang. Pi le pu, A ruol\hahai, Laibung, Far le zuor, Tu-le mak hai, in mi tuorpui el khawm ni loin sum le puon, tha le zung senga in mi tuor pui tak-meu kan hmuin kan lawm takzet a. In renga chungah Hmasawnna Thar hmangin lawmthu kan hung hril takzet ti mi lo hrie pek dingin kan hung ngen cheu. Kan chunga in \hatna po po hi keini’n kan thung zonaw ding a ni leiin. A thung theitu ei Pathien in mal-sawmin, tam taka thung dingin kan ditsakna kan inhlan cheu.

A pa: Upa Raldothang (Pakhuongte)Kangrengdawr.

J&K ah Journal-ist han R-Day an

boycottSRiNAGAR: Jammu and Kashmir a chun January 26, 2019 a Sher-e-Kashmir stadium-a India Republic Day hmang huna khan na-tional le international me-dia organisations a inthawk photo le video senior jour-nalists 6 programme cover dinga inluttir phal an ninaw a. Hi thil dodalnain Sri-nagar-a journalist hai chun Republic day hmangna an boycott pha.

Office of thePMeGP BeNeFiCiARieS ASSOCiATiON

Churachandpur District, Manipur- 795128

eMeRGeNCY MeeTiNG27/01/2019

It is hereby informed to all the beneficiaries of PMEGP who are selected and sponsored by DIC, KVIB and KVIC 2018-19 that there will be an emergency Meet-ing again on 30th January (Wednesday) 2019 at Hmar-veng Community Hall at 11:00AM Those who are sending in the bank (Getting SMS) and not sending in the bank (not getting SMS) should register to Associantion Compulsory. Those benefi-ciaries who are note sending in the bank, please don’t despair. Association will bear your problems and they will meet Chief Minister, Industry minister and other reliable officers. All the beneficiaries should be present without fail, if not present at the meeting, there is no responsible in your case.

Yours faithfully, Sd/- President, Sd/- Secretary,

PMEGP Beneficiaries 2018-19, Churahcandpur District.

Helpawl pahni kap hlum

SRiNAGAR: Jammu and Kashmir a chun Inrinni khan Khanmoh area-ah Se-curity forces le helpawl hai an inkaptuo a, inkaptuonaa hin helpawl pahni kap hlum an nih. Kar hmasa liemta sunga inkaptuona hran hran tlunga security forces han helpawl 11 an kap hlumna a nitah.

PM Modi in Tamil Nadu-ah AIIMS bawl-na ding lungphum a hawng

MAdURAi: Prime Min-ister Narendra Modi chun Pathienni khan Tamil Na-du-a Thoppur bul laia Rs. 1,264 crore senga All India Institute of Medical Sci-ences (AIIMS) indinna ding lungphum hawngna a nei. Chun, video confer-ence fethlengin Madurai, Thanjavur le Tirunelvelli haia medical College haia super speciality blocks hai a hawng bakah Post Office Pass Port Seva Kendras dozen khat ding a hawng bawk. Mitinin man tlawm lema inenkawlna \ha an hmu theina ding le mitin hrisel lem theina dingin NDA sawrkar chun health sector hi a ngaipawimaw

tak laia mi a ni thu a hril. 10% reservation thuah, hi thil hin quota lo nei tasa Dalit, Tribals le OBC hai a tawkbuoi naw ding thu PM Modi chun a hril bawk. PM Modi hin zanikhan Kerala hmunah Bharat Pe-troleum Corporation Lim-ited expansion complex a hawng bakah Kochi hmu-nah Petrochemical complex

bawlna ding lungphum hawngna a nei bawk. Chun, Kochi hmuna Indian Oil Corporation Limited (IOCL) LPG bot-tling plant-a storage vessel a hawng bakah Ettumanoor hmuna skill development institute bawlna ding lung-phumna a nei a, Thrissur hmunah mipui inkhawm-naah thu a hril bawk.

Shivpal Yadav chun Firozabad

bielah ngir a tumeTAwhA: Pragatisheel Samajwadi party-Lohia (PSP-L) chief Shiv Pal Yadav chun Lok Sabha Election hung um dinga hin Firozabad constituency-ah a ngir ding thu Inrinni khan College pakhata Republic Day functiona thu a hril-naah a hril. Firozabad mipuiin ngir dingin an mi dit a, chu dungzui chun Firoz-abad bielah ka ngir ding a nih tiin, Yadav chun a hril a, PSP-L thlawpna chauin Centre-ah sawrkarna siem thei a hung ni ding thu a hril.

Ayodhya buoina darkar 24 sungin chingfel kan tih: Yogi

New deLhi: Uttar Pradesh Chief Minister Yogi Adityanath chun, Ram Temple bawl dinga phutna thuah mipui zaidaw thei chin a tawp \ep ta a, Supreme court in ram buoi chungthuah an hmatienga thutlukna a siem theinaw chun mi hung pedawk raw seh, darkar 24 sungin ch-ingfel kan tih tiin a hril. Hi thu hi India TV in Ayodhya chungchanga in-dawnna an siem huna Mr Yogi Adityanath in a hril a ni a. Lok Sabha Election hung um dinga hin kum

2014 neka tam BJP in seat an lak ding thu a hril. Ayodhya ram thubuoi hi a sawt taluo ta a, Court in thutlukna a puong vat a \ul a nih, a theinaw a ni chun kan kutah mi hung pedawk sien darkar 24 sun-gin chingfel kan ta, ching-felna dingin darkar 25 hun hmang nawng kan tih tiin Yogi chun a hril.

Kum 2015 a police silai kap leia mi 5 thi-na thuah Punjab Police officer hlui manChANdiGARh: Octo-ber, 2015-a Behbel Kalan Police han Faridkot hmuna silai an kap leia mi 5 zetin thina an tuok phana le inza-wmin Punjab Police Of-ficer hlui Charanjit Singh Sharma chu Pathienni khan Punjab Police-a Special In-vestigation Team (SIT) han an man. Mr Sharma hi Chan-digarh-a inthawk km. 150

a hla Hoshiarpur hmuna a chengnaina an man a nih. Mr Sharma hin a bul chun man a nuom naw a, sienkhawm a hnungin SIT team chun an man thei hram a, Amritsar tieng thu in-dawn dingin an \huoi a nih. Mr Sharma le officer dang pathum han appeal an thaw Zirtawpni liemtaa Punjab le Haryana High Court han an hnawl le inza-

wma Mr Sharma hi man a nih. Mr Kumar bakah police officer dang pathum- Bi-kramjit Singh ( thil tlung huna SSP Fazilka), Inspec-tor Pardip Singh le sub-inspector Amarjit Singh hai chu tuolthattua intum an nih. Charanjit Sharma hi suspended a ni a, a hnun-gin compulsory retirement pek a nih.

Car eksiden-ah mi 6 an thi

dehRAdUN: Utta-rakhand-a Champawat district-a chun pathienni khan mithi ruong raw din-ga fepui mek a ni lai Car pakhat changsuolin rawlah an hlumthla a, mi 6 in thina an tuok bakah midang 12 in hliemna an tuok. Sansu-okna sin thaw mek a ni a, hliem hai chu keidawk le Hospital panpui an nih.

Train 18 hmingah ‘Vande Bharat Express’ inbuk a nih: Goyal

New deLhi: India in engineless semi-high speed train a siem hmasa tak Train 18 hmingah ‘Vande Bharat Express’ inbuk a nih tiin Union Minister Piyush Goyal chun Pathienni khan a puong. Hi Train hi Delhi le Varanasi inkara tlan ding niin darkar khatah km. 160 a hrata tlan thei ding a ni a, Prime Minister Narendra Modi in a vailiem vat ta ding a nih. Train 18 hi India in ama khat hlawka a siem a ni a, mipui haia inthawk a hming ding rawtna tam tak lut sienkhawm sawrkar chun Vande Bharat Ex-press ti hming a pek a nih.

A vailiemtu dingin Prime Minister fiel le ngen ning a tih tiin Goyal chun a hril. Train hin coach 16 a nei a, Rs. 97 crore senga Modern Coach Factory, Rae Barele in thla 18 sunga an siem a ni a, kum 30-a upa Shatabdi Express thlak-thlengtu hung ni dinga ngai a nih. Chun, Train 18 hi air condition vawng niin Kanpur le Allahabad haiah chawl (stop) a ta, executive chair cars 2 nei bawk a tih. Train 18 hin Zirtawpni khan Electrical Inspector to the Government (EIG) a inthawk regular clearance a hmu ta a nih.

rahul le sonia hai ni 3 cham dingin Goa-ahPANAJi: Congress Presi-dent Rahul Gandhi le a nu Sonia Gandhi hai chu an mimal thil leia ni 3 sung cham dingin Pathienni khan Goa an tlung. Rahul hai nufa hi spe-cial flight-a Goa inzin an ni a, an cham sungin South Goa hmuna five-

star hotel-ah innghat an tih. An cham sung hin par-ty \huoitu dang dang hai khawm an inhmupui ring a nih tiin Congress spokes-person Sunil Kawthankar chun Panaji hmuna re-porter hai an hmupui huna a hril.

Police officer Subodh Kumar mobile phone dapdawk

LUCkNOw: December 3, 2018-a Uttar Pradesh-a Bulandshahr hmuna Bawng thatna chungthua mipuiin protest an nei huna police officer kap hluma um Subodh Kumar Singh CUG (Closed User Group) mobile phone chu a kap hlumtu nia intum Prashant Nutt chengnaina inthawk Inrinni zan khan Police han an dapdawk. Prashant Nutt hi De-cember 28, 2018 a kha Bulandshahr le Noida ramri laia man a ni a, thla hmasa khan Nutt hin police of-ficer hi silaia a kap ngei thu a puong a nih. Ama le midang pahni han officer

hi a Revolver inchu thla peka an kap hlum a nih. Mr Nutt in dap a ni huna hin mobile phones dang 6 dapdawk le man a ni bawk a. Bulandshahr-a buoina tlungna le khan inzawmna an nei am ti mobile phone hai hi enfel mek a nih. HI thila mawphurtu taka intum Yogesh Raj chu January 2, 2019 khan man a lo nita bakah Janu-ary 1, 2019 khan midang pakhat Kalua chu man a lo ni ta bawk. Kalua hi Po-lice Inspector Kumar kut-par hreia tukbawng pek le a taksa hmun dang danga sukhliemtua intum a nih. Tuchenah Bulandsha-har hmuna buoina tlung le inzawm khan mi 30 chu-ong man an nita a, mana um hai lai Army jawan Jeetender Malik khawm a \hang. Inspector Kumar kha Bawng that a nih ti leia protest chingfel dinga a fe naa kap hlum a nih.

Rahul in PM \ha ni dinga qualities popo a nei: Tejaswai

New deLhi: RJD leader Tejashwi Yadav chun Con-gress president Rahul Gan-dhi chun Prime Minister \ha nina dinga qualities popo a nei tiin a hril a, BJP chu Congress leader (Ra-hul) sukhmingsietna dinga sum crores tel sengralin an tum. Amiruokchu, Prime Minister ding chu kum 2019 Election zoah grand alliance members han an thlang ding

a nih tiin Mr Tejashwi chun a hril. Ama sukhmingsietna ding zawngin campaign nasa taka nei ni sienkhawm a tuorselna, a \hatna hai leiin Gandhi chun mi lungril a la hne zing tho a nih tiin a hril a. Rajasthan, Chhat-tisgarh le Madhya Pradesh haia Gandhi leadership hnuoia Congress in hratna an hung chang chun party sunga

inringzona nasa takin a siem pha thu a hril. Mr Tejashwi chun, Ra-hul chu India rama National party upa tak-a president a ni a, parliament-ah kum 15 sung member a nita a, a \huoi party chun tuhin state panga-ah Chief minister a nei mek bawk leiin PM ni ding hin a tlin nawna a um nawh tiin Tejswai chun a hril bawk. Congress inthlawppui DMK president MK Stalin khawmin a hmasatakna in tulai hnai khan Opposition hai chu Narendra Modi sawrkar hnebantu dingin Congress president chu prime ministerial candidate a ruot dingin rawtna a lo siem ta a nih.

MANiLA: Philippines rama Muslim helpawl Abu Sayyaf hai hratna biel Jolo thlierkar-a Roman Catholic hai Biekin pakhat ah bomb hrat tak tak pahni a puok leiin mi 27 an thi a, tamtak an hliem bawk tiin police hai chun an hril. Mita hmutuhai hril dan chun, Pathienni zing tieng inkhawm lai takin Catholic hai Biekin ah bomb hrat tak a hung puok a. Sawtnawte hnungah pakhat dang a hung puok nawk a. Mi 20 neka tam an thi nghal a, hliem tamtak chu thisen kai zel zulin an hung tlan suok tiin an hril. Police le army hai chu inrang takin Biekin hmun an tlan tlung nghala chu bomb

pahnihai a puok zo tah leiin a thawtu tak khawm hriet thei an ta nawh a. Dappui an thaw nghal. Jojo thlierkar hi Muslim helpawl hai hratna biel, Catholic Christian hai an sawisak zing zingna hmun a nih. Bomb hmasa lem hi kawtkhar pui le main hall lai a puok a, Biekin \uong le tukverhai le glass panels a sukkawi \eu bawk a. Bomb pahnina hin a sunga mihriem tamtak a thata, an taksahai a deng dar tawl tiin Cathedral of Our Lady of Mount Carmel-a thuneituhai chun an hril. TV le news thlalakhaia an lang dan chun, Biekin sungah thing \hungna hlek tamtak an dar neng nung a. Police

hai chun bomb pahnina chu motorcycle a inthawka puok ni dingin an ring a. Bomb puoka hin civil 15 le sipai 5 thihai lai an \hang a. Hliemhai lai civil 65 le police 2 le Army 14 an \hang bawk. Kohran motor haiin hliem hai hospital tieng an phur pei laiin army hai khawmin ralthuom burip taka inthuomin an mi le sahai an lo inthiel bawk a. Zamboanga City hospital panpui an nih. P r e s i d e n t R o d r i g o Duterte office thusuok hril dan chun, “Hieng misuolhai hi khawvel tawp/hmawr chen khawm nisien hnawtzui kan ta, man tho kan tih. Dan in ngaidamna \hang hlek lovin

Philippines Biekin Bomb Puokah mi 27 An Thi

a nat thei ang takin hrem a tih. Philippines Army hai hung suokin helpawlhai hi nuoichimit vawng an tih” tiin thusuok a siem. De fense Sec re t a ry Delfin Lorenzana chun, “Kan sipaihai inralring ding le Biekin po po uluk taka veng dingin thu ka pek tah a. Helpawlhai tukdawlna sin thaw nghal bawk an tih” tiin a hril. Helpawl tukhawmin anni thaw a nizie an la puong nawh. (AP)

Thlan 50 Neka Tam Mihriem Hawn Phumna HmusuokkiNSAhA: Democratic Republic of Congo ah a telpuia inthatna a hluor em em a. Inrinni khawm khan a telpuia mi an phumna thlan hmun 50 vel sipai han an hmu suok niin army chief, western DRC, General Fall Sikabwe chun AP a hril a. Susizuina an \an mek niin a hril. UN Joint Human Rights Office (UNJHRO) director Mr Abdoul Aziz Thioye hril dan chun, “Western Mai-Ndombe province-a Yumbi ah mihriem a telpuia inphumna thlan hmun 50 neka tam kan hmu a. Kan suizui mek a nih” tiin a hril. A hril pei dan chun, thlan pakhatah hin mi 10 dam, 20 dam an phum a. |henkhatah chu mithi ruong 5 a inthawka 10 dam le, ruong 100 umna khawm a um niin a hril. “Hi taka inthawka fie

chu a tela inthatna a tlung ti a chieng a nih” tiin a hril. Army chief, western DRC, General Fall Sikabwe in AFP a hril dan chun, “Police le army hai khawm an that a, an ralthuom an dit leiin, an lakpek pei hlak” tiin sipaihai khawmin an tuor thu a hril a. Thla hmasak khawm khan

UN chun, hilai biela hin hnam le hnam inbeina leiin 80 an thi niin a hril bawk. UN High Commissioner for Human Rights Ms Michelle Bachelet chun January 16 a thusuok a siem dungzui chun, Yumbi khuoa mihai hi chu December 16 le 18 inkar laia that niin a hril a. Intheidana le inthatna hi Banunu le Betende ethnic group hai kara buoina lei niin a hril. Banunu hnam haiin Batende khaw lal (chief) pakhat December 13 zana an that leia buoina in\an niin a hril. UN Human Rights agency han an hril dan chun, hnam buoina lei hin chengna in (house) 465 an raw siet tah a. Primary school building 2 le health care center pakhat le market shed le sawrkar office pakhat an raw siet tah bawk.

Hmasawnna Thar4 EntErtainmEnt / SportSTUOLBUOL (JANUARY) 28, 2019ThAw|ANNi (MONdAY)sun ZAWMnA.......

Australian Open doubles:MeLBOURNe: Australian Open men’s double Pathienni a inkhel a chun fifth seed France mi Pierre-Hugues Herbert le Nicolas Mahut han an inkhingpui Finland mi Henri Kontinen le Australia mi John Peers hai 6-4, 7-6 (7/1) a hnein a vawilina dingin Grand Slam men’s double title palina an lak. Herbert le Nicolas hai hi kum 2015 a kha Austrailain Open-a inkhelkawp ( men’s double) khel \an an nih. Chun, mixed doubles Inrinni zana inkhel hunah Third seed Barbora Krejcikova le Ra-jeev Ram han an inkhingpui Astra Sharma le John-Patrick Smith hai 7-6 (3) 6-1 a hnein

mixed doubles title an lak. Chun, Zirtawpni khan women’s double-ah Zhang Shuai le Samantha Stosur han an inkhingpui Kristina Mladenovic le Timea Babos hai 6-3, 6-4 a hnein women’s double title an lak bawk.

FA Cup:

Ligue 1 mawngdap AFc Wimbledon in West Ham an knockout; man. city in Burnely Fc hnein fifth round an lut MANCheSTeR: Pathi-enni khan AFC Wimbledon chun West Ham 4-2 in an hne leiin West Ham chu FA Cup-ah an tla tah. West Ham hi Premier League season khel mekah games 23 an khel ta haiah points 31 hmuin a 10-naa \hang mek an ni a. FA Cup-ah League One-a a mawng-dapa \hang AFC Wimble-don an hne zonaw leia FA Cup-ah an tlak hi a player hai ta ding chun a muol-pho thlak hle thu manager Manuel Pellegrini chun a hril. AFC Wimbledon hin League 1 ah games 29 an khel ta haiah points 23 chau la hmua a mawngdap 24-naa um an nih.

Goal hmasa Kwesi Appiah in minute 34 naah AFC Wimbledon ta dinga goal a thun bakah Scott Wagstaff chun minute 41 naah goal thunin first-half chenah West Ham 2-0 in an hne a. Second-half khel \an hlim minute 46-naah Scott Wagstaff chun AFC

Wimbledon ta dingin goal a hung thun nawk bakah minute 88 naah Toby Sib-bick chun Wimbledon ta dingin goal a hung thun nawk a nih. West Ham tieng chu minute 57 naah Lucas Perez in goal a thun a, Felipe Anderson in min-ute 71 naah goal a thun

bawk a nih. Hieng laizing hin In-rinni zan khan Manches-ter City chun an home-ah Burnley FC 5-0 zeta hnein FA Cup Fifth Round an lut tah. Goal hmasa minute 23 naah Gabriel Jesus in City ta dinga goal thunin hma an \huoi a. Second-half minute 52 le minute 61 na haiah Bernardo Silva le Kevin De Bruyne han City ta din-ga goal an thun bakah min-ute 73-naah Kevin Long chun Own Goal le minute 85 naah Sergio Aquero chun Penalty in City ta din-gin goal a thun bawk leiin inkhel tawp chenah 5-0 in Burnley hi an hne ta a nih.

Inrinni zan FA Cup match dang haia chun Bris-tol City in Boldon 2-1 in an hne a, Manchester United in Arsenal 3-1 in an hne a, Derby County in Stanley 1-0 in an hne a, Shrews-bury le Wolves 2-2 in an indraw a, Middlesborough le Newport County 1-1 in an indraw a, Swansea City in Gillingham 4-1 in an hne bakah Watford chun Newcastle 2-0 in an hne a, Brighton le West Brom 0-0 in an indraw a, Doncaster in Oldham 2-1 in a hne a, Portsmouth le QPR 1-1 in an indraw a, Millwall chun Premier League club Ever-ton 3-2 a hnein Everton an knockout bawk.

Australian Open:

Naomi Osaka le Djokovic han Australian Open title an lakMeLBOURNe: Austra-lian Open women’s singles final-ah Inrinni zan khan Japan nunghak Naomi Osaka (21) chun Wimble-don champion vawihni lo nitah kum 28-a upa Czech star Petra Kvitova chu 7-6(2) 5-7 6-4 a hnein Aus-tralian Open title a lak. Naomi Osaka hi Japan tennis player hai laia Aus-tralian Open title la hmasa tak a ni bakah Thaw\anni hin WTA ranking thar pu-ong a ni ding a ni a, chu hu-nah No. 1 ni lai mek Simo-na Halep lekhelin World Number One a hung ni ding a ni a. Asia khawmuolpuia inthawk WTA ranking No.

1 hmasa tak nina record a siem bawk a nih. Naomi Osaka hin ni-kum September thla khan US Open a lo lak ta lei-in kum 2001 a Jennifer Capriati in Grand slam title a zawna a lo lakve hnungah Naomi Osaka hi a zawna Grand Slam title la thei nawk hmasa tak a ni bawk. Japanese Prime Min-ister Shinzo Abe chun a lawmpui thu a puong a. “The thrill of a hard-fought victory! Congratulations on winning the Australian Open, Naomi Osaka,” ….“I am very proud of the emergence of a new queen.

I look forward to your con-tinued accomplishments.” tiin a twitter page-ah a post. Osaka hi a pa Haiti mi

le a nu chu Japan mi a nih. Chun, Pathienni khan Serbia mi Novak Djokov-ic (31) chun World No. 2

Rafael Nadal 6-3, 6-2, 6-3 a hnein Australian Open men’s Singles title a lak. Djokovic hin zanita ti-tle a lak nawk lei hin Aus-tralian Open title 7 la thei hmasa tak (individual) a ni a, tuta \um hi Grand Slam title vawi 15-a lakna a ni-tah. Djokovic hin kum 2008 2008, 2011, 2012, 2013, 2015 le 2016 hai khawm khan Australian Open title a lo lak ta leiin Roy Em-erson le Roger Federer hai leh men’s single title lak rawn-ah an lo inang a, sienkhawm tuta \um hin Djokovic chun record thar a hung siem ta a nih.

David Beckham-in Victoria Beckham £ 23 Million A PekL O N d O N : N u h m e i sumdawng fuk naw hi chu an thawhla nuom an ti angin, Victoria Beckham khawm a sumdawngna fashion company a thaw fuk rak nawa, Pound £10 million vel a kiem leiin a sunzawm nawk theina ding tiin an pa David Beckham chun Pound £23 million a hmang ding a pek hlawl. The Mirrior ziek dan chun, David Beckham (44) hin an nu sumdawngna 2017 kuma Pound 10 million zeta kiema an report leiin loan angin Pound 4 million a pek a, chu hnungah a sumdawngna suklienna dingin Pound 6.6 million a pek nawk a nih. Victoria Beckham company hin David Company kuomah £12.2 million vel a bat tah.Vic to r i a ’s des igns ha i hi milien le milar tak tak

Meghan Markle, Lady Gaga le midang dangin an hak hlak a. Design a thiemin sum le pai a them let rawna chu 2008 a inthawka in\an a Fashion company hin kum li vel chu a kiem an tah. Vi c t o r i a B e c k h a m Company hin a sukhmang

laiin David Beckham Ventures Ltd ruok chun kum 2017 khan a hlawk ringawt £23.2million a hmu phaka, ama puola dingin £18.75 million a hmu phak bawk. Spice Girls hlui Victoria sumdawngna chu fashion man to chi vawng a nih a.

Tu kum hi 10th Anniversary a hmangna ding chu a nih taa, amiruokchu, thla 12 sung khan a kiemna £2 million a nei hman nawk a nih. Victoria company hin 2017 khan revenue growth £42.5million a hmua chu, ni khatah £27,000 (Rs. 22 lakh vel) pei ang a sukhmang a nih. Victoria company hin Mayfair dawr London ah khawm a nei a. Incheina thuomhnaw pakhatah £2,900 (Rs.2.3 lakh vel) pei a nih a. Kum 2016 khan £8.4million a k i em n i i n a r epo r t . Amiruokchu, expert hai hrillawk dan chun, Victoria hin a sumdawngna a thaw \ha pei chu tuhin sukhmang sienkhawm ‘midum term’ ah chu hlawk dinga hisap a nih a. Tu taka a company hlutna chu £240 million, a nih. Nau pali nei tah Victoria

Beckham h in inche ina thuomhnaw tieng a sumdawng a. Retail outlet (dawr) 400 le rambung 50 chuongah office a nei bawk, London le New York \hangin. Tuhin a kiem angin an langa chu kum laihawl vela inthawka a hlawkna ding a hmu leiin David Beckham khawm hin a pawisa an puktir ngam niin The Mirror chun a ziek bawk. Tu tak hin fashion tieng challenge a tamem em a. Ama fashion khawm hrietlar a hung ni pei leiin hriet a hung hlaw \an a. Fashion tieng inthang Chanel neitu Karl Lagerfeld chenin a hung biek \an a. A company a kiem angin a uma chu, a brand pahni ‘Victoria Beckham Line’ le Victoria, Victoria Beckhawm’ hai chu online le in-store ah an thaw \ha ve ve leiin a la hlawk ding niin an hril.

Kate Beckinsale, Sul Thia Hawr Damnaw Hospital ah

LOS ANGeLeS: Kum 45-a upa ‘Total Recall’ star Kate Beckinsale chu kar liemtah Nilaini khan Los Angeles-a Art Show ah St. Jude Children’s Research Hospital ta dinga fund raising a thawpui zovin, Inrinni khan sul thia hawr natna leiin hospital a lut niin a hril. Inrinni zan khan hospital tuol le sunga thlalak hai iemani zat social media a tarlangin, a damnaw a hriet chara hospital panpuitu a ruolhai kuomah lawmthu a hril a. Hospital-a enkawl a ni lai lim a tarlang bawk. Thlalak pakhata chun a hnarah inthuokna ding thil inbuk lai a nih a. Pakhat dang chu hospital khum chunga a zal lai a nih. Hospital a lut hmaa a hril dan chun, fund raise a thawpui Jude Hospital rawngbawlna hlut zie hai a hril a. Cancer a nahai rinum tuor nasat zie a hril bawk a. Cancer natna hran hrana nahai \hangpui hlak dingin ngenna a siem a nih. “Jude hospital-in

naupanghai, abikin Cancer-a nahai a enkawlna le \hangpuina ka hmu hi ka lungril a them hle hlak a. An sunghai \hangpui an ngai em em leiin Jude Hospital khawmin chu chu a hriet leiin charity program a nei a nih” tiin a hril. Kate Beckinsale hin a pasal hlui Michael Sheen leh nau nuhmei Lily (19) an nei tah a. Kum 2 liemtah 2016-a SHAPE magazine a hril dan chun zu khawm a dawn ngai naw a. A hriselna a veng \ha em em niin a hril. ‘Zu ka dawn ngai nawh. Asan chu, ka dawn thei naw tawp el a nih. Glass khat khawm ka la dawn tling nawh ti thei a nih” tiin a hril. Taksa hriselna tieng khawm exercise \hat zie uor takin a hril hlak a. “Working out is basically nature’s antidepressant” tiin a hril a. “Exercise tamtak thaw hin ka hringnun ah danglamna nasatak a mi pek niin ka hriet. Ka thlantui a put nasa thei em em a. Chu chu ka hriselna san tak khawm niin ka hriet” tiin a hril bawk. Chuonga hrisel si chu sul tieng natna a lo nei ve tlat a. Sul thi hawr ei ti ang hin a na ve tlat. Doctor hai chun, sul or naubawm hrisel naw (thi put) hi a natna inlang suok dan chu phing le tai nem a na hlaka, a chang leh an inluok hlak. Chuong anga natna neihai chu an rang thei anga hospital panpui ding a nih, tiin an hril .

Miley Cyrus le Liam Hemsworth, Innei Hnunga Inlang

LOS ANGeLeS: Hlasakthiem Miley Cyrus le a pasal thar Liam Hemsworth hai chu ni kum December 28-a to \awka an innei zo hnunga mipui vantlang hmaa an inlang kawp nawkna hmasatakna dingin Inrinni zan khan 16th Annual G’Day USA Gala an neina, Culver City, Los Angeles ah an hung \hang ve. Kum 29-a upa Liam hi Australian star creative arts tienga hlawtlingna

chang chawimawihai lai a \hang ve a nih. Coat dum hakin, nectie dum le zakuo var in-match tak hakin a khakhmul tam taluo lo hlain a pa khuk a. Red Carpet ah Miley Cyrus (26) chu chelin a hung hrawpui a. An table ah inngai takin an va \hung. Kum 26 Miley khawm nunghak vanglai ang tho a la nih. Zakuo fuol Gown dum a awmlai le dar lai inhawng vawng, dara inkhai chi a haka nene bul

lai le phing chung awm lai po an lang vawng thei a, bra a hak naw ti chieng taka hmu thei a nih. A ngo bawka, lunghlu rangkachak \hi pahni le nabe inkuol a be a. Sam sen-eng kawi ngiuin mitmeng fel kawkin a nunghak lai nekin a hmel a \ha ti dingin a fresh a nih. G’Day USA ah hin Australian star pa Liam hi a film ‘The Hunger Games’ le ‘Independence Day: Resurgence’ hai a chang hlawtlingna leiin ‘Excellence in Film award in recognition of outstanding performances’ inhlan a nih. Australian singer Helen Reddy le Games of Thrones production designer Deborah Riley hai khawm ‘artistry’ an thaw \hat leiin chawimawi an nih. Australian actress bawk Isla Fisher khawm ‘The Wedding Crashers’ a chang \hatna leiin chawimawi a nih a. Red Carpet a hung hraw lai chu mit a lak tak a nih. Hi zana celebrity danghai chu, Liam a unaupa Luke Hemsworth, John Travolta, Jamie Lee Curtis, Vince Vaughn, Olympia Valance, Emilie de Ravin, Luke Bracey, Lara Bingle-Worthington le Australian band ‘5 Seconds of Summer’ hai an nih.

Brazil-a Dam chim Leiin mi 11 An Thi a, 296 InhmangBRUhMANdid: Inrinni inhnu tak khan Brazil simtienga Minas Gerais state Belo Horizonte khawpui kawla Vale Mine hai enkawl Dam pakhat chu a chim leiin mi 11 an thi a, 300 neka tam inhmang an um bawk niin official thusuok chun a hril. Dam chim hin in tamtak a len hmanga, pilpawk le tui inkawp a nih leiin thaw dan a vang a, helicopter tamtak hmang in chung t i enga inthawkin en el a nih a. Vadung sung lut ngaina a um nawh a. Damin a hrutna vadung sung khawm chirhak-tui a sip vawng leiin mihriem ruong hmu dan a um nawh niin an hril. Dam tui \e hin pilpawk siemin Brumaldinho khuo hai tuilo hai khawm a chim pil vawng a. A kawl hnaia khuo le inhai khawm pilpawk tuiin a chim pil leiin mithi an um le um naw khawm hriet thei an nawh, tiin an hril. Sansuokna sinthawtu Fire Service hotu Colonel Edgard chun, “Mi \henkhat dama hmu kan lan beisei a, kan la zawng pei ding a nih” tiin reporter hai a hril a. Lampui le road hai po po chirhak a sip vawng leiin helicopter sawm neka tam hmangin zawngna sin thaw a nih.

A nuhnungtaka report hriet dan chun mi inhmang chu 296 an nih a. An rengin Vale record dan chun Mine thawktu an nih. Hliem 176 an um bawk a, 23 chu hospital admit an nih. Brazilian President Jair Bolsonaro chu a hmun a vuong tlung nghala, thil umdan a enthlithlai a. Reporter hai kuomah iengkhawm a hril nawh a. Khawhnungah Twitter ah “A hmun thil tlung hmu chun lungril a na naw thei nawh” tiin social media ah a puong. President chun thaw thei an nei tlawm em em a. Natural Disaster or calamity laka inthawka invengna ding le sansuokna sin thawna ding kawnga inchuk ding a la tam hle niin a hril bawk. Dam chim hi Bosonaro President office a hluoa inthawka pathumna a nih tah a. Brazil history ah chu a rapthlak taka hril a la nih. Vale thawktuhai chu bu an

fak lai tak le an hadam lai taka tui hi hung \e/put a ni a. Pilpawk le tui inkawpin a hung len hmang vawng el a nih. Dam hi kum 42 a ni tah a, meter 86 a insang, feet 282 a nih a, hmang ta lo dinga decomission thaw tum mek a nih. Dam tui hin Brumaldinho khuoa mi 39, 000 hai chu thawk le khatin tuin a chimpil vawnga, in le tractor le lamlien hai chu a chimral vawng el a nih. Brazil’s Environmental Protection Agency chun Vale hi USD 66.6 million chawi dingin a tih a. Minas Gerais state authorities hai khawmin USD 270 million inchawitir an tum thu an hril bawk. Va le ’ s CEO Fab io Schvartsman le Minas Gerais Governor Romeu Zema ha i chun mi th i sunghai an sunpui thu an puong a. Zangna dawmna a tul ang ang pek le hliemhai \hangpui an intiem. (AP)

Hero I-League:east Bengal in mohun Bagan an hne; NerocA le Aizawl Fc an indrawkOLkATA: Mohun Bagan chun Pathienni khan an home Salt Lake stadium-ah East Bengal an mikhuol a. East Bengal chun Jaime Santos le Jobby Justin hai goal hmangin a mikhuoltu Mohun Bagan an hne leiin games 13 an khel ta haiah points 25 hmuin league table-ah a palina an nitah. First-half minute 35 naah Jaime Santos in goal hmasa a thun a, second-half minute 75 naah Justin in

East Bengal ta dinga goal a hung thun nawk leiin inkhel tawp chenah 2-0 in Mohun Bagan hi an hne a nih. Chun, zanita inkhel dangah NEROCA (Ma-nipur) chun an home-ah champion hlui Aizawl FC an mikhuol a, a tu tieng tieng khawm goal thun an umnaw leiin 0-0 in an in-draw. Zani zan inkhel zo chena hin Chennai City chun games 13-ah point

30 hmuin hma an \huoi a, Churchill Brothers in game 14-ah point 28 hmuin pahn-ina an ni a, Real Kashmir chun games 13-ah point 25 hmuin pathumna an ni a, NEROCA chun zanita Aizawl FC an indrawpui leiin games 14-ah point 22 hmuin pangana an ni a, Mohun Bagan chun poin 21 hmuin parukna an nih. January 28, 2019, 2PM hin Real Kashmir chun Chennai City mikhuol a tih.

Indian Super League:

Ne United le Mumbai City an hratGUwAhATi: North East United chun Inrinni zan khan an home-ah Chen-naiyin FC an mikhuol a. NorthEast United chun Bartholomew Ogbeche goal hmangin Chen-naiyin FC 1-0 in an hne leiin games 13-ah point 23 hmuin league table-ah pathumna an nitah. First-half chenah goal a lut naw a. Second-half a khawm indraw thei ngirh-

muna an um lai minute 87 naah Ogbeche in NorthEast United ta dinga goal a hung thun hlau leiin North East United chun Chennaiyin FC hi 1-0 in an hne ta a nih. Chun zanikhan Mum-bai City in Bengaluru FC 1-0 in an hne bawk. Mumbai City chun Bengaluru FC an hne lei hin games 13-ah point 27 hmuin a chunghnung tak an ni ta a, Bengaluru FC

khawm point 27 hmuin pahnina an la nih. Zani an inkhel zo che-nah North East United chun games 13-ah point 23 hmuin pathumna an ni a, Goa FC in game 11 ah points 20 hmun palina le Jamshedpur in game 12-ah point 19 hmuin pangana an nih. January 28, 2019, 7:30PM hin Goa FC in Jamshedpur mikhuol a tih.

CID (SB), Mr. E. Bhubaneshwor Singh, Inspector, CID (SB), Mr. Yambem An-derson, Subedar of MPTC, Mr. Pebam Inaoba Singh, Havildar, 2ndIRB, Mr. Kh. Indrakumar Singh, Havildar, 7th MR le Mr. Kh. Suranjoy Singh Havildar, MPTC hai kuomah an hlan bawk. Chief Minister Mr. N. Biren Singh khawmin thu a hril a, state sawrkar chun Manipur mipuihai inpumkhatna a humhal tlat ding thu a hril. Hnam hran hran lun-gruol taka um khawmhai lungril sukna thei thilhai chu a do tlat ding thu a hril a. CAB ah state themchang thei ding thil a um chun state sawrkar to \awk \awkin um naw nih, tiin a hril. Chief Minister chun mipihai chu Citi-

zenship (Amendment) Bill, 2016 hi chip-chier taka tiema hrietchieng hma chu nuo-rna le nawrnahai thaw lo dingin a hril a. Hi Bill leia ni tin fak le dawn zawngna sukbuoi theitu bandh/strikes/shut down hai thaw ta lo hram dingin a ngen bawk. Home Ministry chun Bill hin Manipur a them chang naw ding thu a tiem ta niin a hril a. State sawrkar phalna bovin ieng-khawm a thaw naw ding thu a tiem niin a hril. Civil society hai chu legal experts hai le inrawn tlang dingin a fiel a, open discus-sion hai nei dingin a hril. “Sawrkar chun Manipur People’s (Pro-tection) Bill thu Central an tlun ta leiin sawrkar thlungpui chun CAB thuah nuom elin thil thaw naw nih.” tiin a hril.(DIPR)

State Level 70th Republic Day hmang;

in Second le Office of the Chief Electoral Officer, Manipur le Tourism Department han Third an lak. Special Prizes khawm Commandant, 1st Bn. Manipur Rifles; Director, IPR, Manipur; Chief Engineer (PWD); Chief Engineer (PHED); Managing Director (MSPDCL), Commissioner, IMC; Parade Commander, AD/MPTC, Pangei; Secre-tary, Rajya Sainik Board, Maipur; Secre-tary, Young Eagle Brass Band Association; Social Welfare Department (Differently-

Abled Platoon); Secretary, Meitei Sana Leipak Sana Kangla Yek Taret; Secre-tary, Meitei Sana Leipak Kangla Lairembi Taret; Secretary, Indian Red Cross Society, Manpur; Nupilal and Khongjom War Me-morial Society, Yaiskul le State Samvad Prabhari BST, Manipur State hai kuomah pek an nih. Chief Minister Mr. N. Biren Singh le Council of Ministers, Chief Secretary, DGP le high ranking officials, civil le po-lice tamtak an \hang (DIPR)

Folk Dane Competetion le BRC nei a nih