Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

Hmasawnna Thar Vol - 34/31 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

thlaphal (November) 04, 2018 pathieNNi (suNday)

NGENNAHmasawnna Thar insuonaa hmang ding lekhapuon Guwaha-ti-a ei order, November 2, 2018 a Churachandpur tlung hman dinga ti chu a tlungzo tanaw a, zani zantieng khan a hungtlung thei chau a. Hi lei hin Novem-ber 3, 2018 khan Hmasawnna Thar a hung suok thei naw a, pawi kan ti hle. Chanchinbu suok naw ding hrillawk hmasa thei lova kan umna chungthuah khawm pawi kan ti takzet. Hi kawngah hin \hahnemngai taka ei chanchinbu latu le tiemtu hai po poin kan harsatna tuok hi mi lo hriethiempui hram dingin ka hung ngen cheu. Hmasawnna Thar insuona lekhapuon hi tuolsung dawr or Imphal-a inchawk el thei a nita naw a, a hnai takah Guwahatui beka order a ngai a, hi lei hin lekhapuon inchawkna kawngah hin harsatna ei tuok hlak a nih. A thei chenah chun lekhapuon hmangzo hma ngeia a dang hungtlung hman dinga advance-a order hlak a nih. Amiruokchu, motor engine sie thei le lam-puia intang thei a ni leiin a hun taka a tlung thei naw chang hi a um hlak a, hmatiengah khawm la um thei ngai a ni leiin chu-ong hun haiah khawm ei inhri-etthiem pei nuom a um. Motor engine le lampui siet tihai hi chu mihriem thuneina khel tieng-pang a ni si a.

editor & publisher,Hmasawnna Thar Daily

Lekhabu pahni tlangzar dingCCpur: Dr Lal dena buotsai le-khabu pahni, HMAR FOLK TALES (Retold) le IN SEARCH OF IDEN-TITY; HMARS OF THE NORTH EAST INDIA tihai chu November 10, 2018 11AM khin RWUS Conference Hall, Sielmat ah tlangzar ning a tih.

Hmar Folk Tales (Retold) hi Rev.Dr J.L.Songate in tlangzar a ta, In Search Of Identity; Hmar of the North East ti hi Rev.Rohminglien Pakhuongte in tlangzar a tih. Hi huna \hang ding hin Lal Dena le Mary Beth han mitin ngaina takin an fiel.

Joint Inpui inrawinain Peaceful public rally nei

CCpur: November 5, 2018 nia United People’s Front (UPF) le Kuki National Organisation (KNO) han India sawrkar le Political Dialogue a vawi 8-na an nei ding thlawpna le Manipur-a tlangmi hai ta dinga mania ro inrelna hran a hung hring suok ngei thei ding ditna leiin November 3, 2018 khan Zomi Council, Mizo People Convention, Hmar Inpui le Thadou Innpi \hangruol Joint Inpui Public Rally Mobilisation Committee hmalaknain CCPur khawpui sungah Peacefull public rally nei a ni bakah Public Ground hmunah public meeting (mipui inkhawm) nei a nih.

Public meeting huna Pu Joseph Lalr-othang in thu a hrilnaa chun, zani hmasa lai el khan Imphal khawpuiah mipuiin lampui hrawna neiin tlangmi hai chan-puol lieu lieu India Constitution in ham\hatna a mi pek Article 371 an ditnaw-na an khekpui a, Sixth Schedule chen khawm pek ei ni nawna dinga Cabinet chena peklut an tum leiin ei inthuruola, pumkhata ei um a \ul tiin a hril. Ei chan ding um sa hai ei chang ngei theina dinga ei \hangruol theinaw chun ei hmakhuo hi an thim hle ding a ni a, harsatna tamlem ei la tuok pei ding a nih tiin a hril. >>sunzawmna phek 4-ah

Hnina pek thei CCpur: November 21-30, 2018 inkar sung khin Sangai Festival, 2018 a um ding a ni a, hi huna hnam lam inentir nuom Cultural Troupes/Cul-tural Groups hai chun 05-11-2018 4PM chen khin hnina lekha DC, CCPur kuomah peklut thei a nih. Hnina le-kha a hin artist-hai hming, address, contact numbers, passport thlalak le synopsis/concept note kilde sa ding a nih. Cultural Troupe-a hin members 15-20 bek an \hang a \ul ding ti a ni bawk. CCPur a inthawk Cultural troupes 5 thlang ning an tih.

Ni kum khan Drug Peddlers 600 man an ni a, Fast Track Court indin a nih: CMManipur sawrkarin Drugs sukbona dingin ‘War on Drugs’ a puong

imphal: Tulai khawvel rambung tin le sungkuo tin buoina, mimal le khawt-lang nun suksetu Drugs sukbo vawng tumin Mani-pur sawrkar chun theitawpa hma laiin ‘War on Drugs’ a puong niin Chief Minister Mr N. Biren Singh chun a hril. Chief Minister-in Li-long-a chanchinbumihai le an inpawlna huna Manipur-a Drugs problem thu a hril-naa chun, mi tinin Drugs a bo theina dinga mani hmazawn seng thei tawpa hma la ve dingin a ngen a. Manipur sawrkar khaw-min sukbo tuma hma lain ni kum 2017 sung ringawt khawm khan Drugs Ped-dlers (zawrtu) mi 600 a man niin a hril. Drugs a sumdawnghai

inrang taka hrem vat vat an ni theina ding le reha-bilitation khawm thaw a ni theina dingin an chungthu relna ding bikin Fast Track khawm a hrana indin niin Chief Minister chun a hril. Drugs a sumdawngtu-hai hremna ding le Drugs thawhai siem\hatna din-gin sawrkar chun security forces hai chen hmangin thei tawpin hma a lak thu a hril a. Ei rama mi tamtak

hringna la ta le natna hri \ha lo intluntu Drugs dona kawnga \hangruol dingin mipui a fiel bawk. Pu Biren-in a hril dan chun, Manipur chu khawvela Drugs siemtu rambung pathum, Golden Triangle leh an hnai taluo a, international ramri Moreh a nih bawk leiin Drugs phurlut a awlsam a. Hi lei hin Drugs addiction bakah sumdawngna \halo le natna

hri \ha lo HIV/AIDS chen-in a pung hrat niin a hril. Golden Triangle ram-bung laia pakhat Myanmar le inri a nih leiin Drugs kung Poppy chenin phurlu-tin a um a. Chu Poppy chu Myanmar le inrina laia tlangram mihaiin an ching nasa hle niin a hril bawk. “Ram acres sang tam-tak chu Poppy chingna dinga hmang a nih a. Army le Assam Rifles hai \hang-puina hniin Poppy hai hi suksiet vawng an ni a. An fakzawngna ding thil dang Lemongrass, etc hai ching-na ding \hangpuina pek an nih” tiin a hril. Thoubal district-a All Lilong Drugs Association (ALADA) hai le chanchin-buhmihai le an inpawl >>sunzawmna phek 4-ah

Zangnadawmna Rs.2,00,000/- ve veCCpur: Nov.2, 2018 11AM khan Commissioner (IPR), Govt.of Mani-pur Office pindanah Manipur State Journalists welfare Scheme Committee meeting nei a nih. Hi meeting chun (L) V.Khamkhanthang, Manipur Express a Joint Editor lo ni hlak le (L) Ningth-oukhongjam Gitchandra Singh, Manipur

Mail a Joint Editor lo ni hlak sunghai kuomah zangnadawmna Rs.2,00,000/- v eve pek ding le damnawa um mek Journalist 6 hai chu Medical Assistance pek dingin an rel. Medical Assistance dawng dinga tihai laia mi 5 hai kuomah Rs.1,00,000/- seng le mi pakhat kuomah Rs.50,000/- pek dinga remti le rel a nih.

Sakhuo danghai sawisel el ding an nawh: Karam Shyam

imphal: CAF & PD, Revenue Minister, Mr. Karam Shyam chun, Meiteihai sakhuo pakhat Meitei Sanamahi Laining chu sukli-ena mi danghai khawm a hip theina dinga ditum taka suklang a \ulzie thu hrilin, mi danghai sakhuo sawisel kher a \ul nawh tiin a hril. Hi thu hi zan ta SEACO huoihawt, 4th

Observation Day of Cultural Revivalist, Lamyanba Shanglen, Palace Compound-a an neinaa a hril a nih. “Meitei Sanamahi Laining hi mi dang khawmin an hung ngaina ve theina dingin a zuituhai ei mawphurna an sang hle a nih” tiin a hril. Hi huna hin Meitei Sanamahi Laining sakhuo zuitu, Maharaj han an lo hnawt suok fam tahai sunna hunser khawm nei a nih. Maharaja Churachand Singh inlal lai, 1937 khan Brahma Sabha chun mi iemani zat a lo hnawt suok a nih, tiin a hril. Minister chun, indigenous culture, \awng le sakhuo hran hran lo zuituhaiin harsatna tamtak kara an lo zui \awk \awk le vawnghim hram hramhai chu, nuoma sa-wisel el lovin bichienga hrietchieng a ching>>sunzawmna phek 4-ah

Hmasawnna Thar2 thlaphal (November) 04, 2018 pathieNNi (suNday) artiCle/health & employmeNt NeWs

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUILalpa chun, ‘Mi ka hmu lo dingin hmun fienrielahai an bihmang thei am a ni? a tih. ‘Hnuoi le van chu keia suksip a ni nawm a nih?’. -JEREMIA 23:24

Skill Development le Training uor

Lekhathiem le degree insang nei nazawng hin sin an thiem kher naw ang bawkin kut sin thaw thiem po po hin hisap an thiem kher naw a, tha hrat ringawtin a thaw hlawk kher chuong nawk naw bawk. Sin hlawk taka thaw ding chun sin thiem a \ul. Chun, lekha-thiem popo hi Officer ei ni thei naw a, ni ngai bawk naw manih. Sawrkar sin in a dai nawh. Tienlai Mat-ric/Graduate hmasa sain sin in a zawng lem ang huna cheng kha ei ni ta nawh. Hi lei hin mitinin mani theina le thiem zawng dapsuok a \ul a, chu lampui hrawtu phawt chu khawvela hin sin thiem le mi hlawtling an ni hlak. Tulai khawvel thiemna le varna nasa taka an sang ta lei le tuipui dam duoia luong zuoi zuoi ang ni loin ei khawvel hi jet fighter anga hrata khawvel varna le thiemna hi inphe zak zak el a ni ta leiin thiemna/thiem bik nei lo hai chu ei la dâwng pei ding a nih. Tienlai le tulai chu hnuoi le van anga kar inhlat a nita a. Technology khawvela leng ei ni ta leiin ieng sin khawm thaw dingin Technology/IT thiemna nei a \ul ta a. Technology thiemna nei lo, computer tawk thei lo thawktu hai chu sawrna ding an hung um tanaw pei leiin sawrkar khawmin thawktu hai training a pek hlak ti ei hriet. Central sawrkar le state sawrkar hnu-oia khawm exam pek ding chun Computer hrietna nei a hung ngai ta a, chu thaw thei lo hai chun exam pek khawm harsa ei hung ti ta pei a ni hih. Thiemna le varna insangtak le khawl thilthaw theina hmanga khawvel mihriem hai hi chang ei ni ta ang bawkin sawrkar thlungpui khawmin Skill De-velopment hi a ngaipawimaw tak laia mi a hung ni ta a, hi le inzawm hin sawrkar thlungpui chun National Skill Development Board le National Skill Develop-ment Corporation hai indinin \halai a tam thei ang tak hmang le sawr tlak dinga thiemna pek a tum a nih. A hmatienga ei hril ta ang khan lekhathiem naza-wngin sin an thiem naw a, kut sin thiem nazawngin lungvar le hisap thiemna ei nei kher nawh. Hi lei hin Skill Development thiltum tak chu sinthawtu amanih annawleh sin nei lo khawm nisien, an theina le thiem-na (skill) sukpung a, sawr tlaka siem a nih. Ei rama hin development um sien ei nuom a, devel-opment indik tak a tlung theina ding chun a ram mi han theina le thiemna ei nei a ngai. Chuong a ninaw chun ei ramah ieng development khawm hung tlung sien, a ram mi hai sawr tlaka ei um sinaw chun puot-inga inthawk work force laklut hung ning an ta. Thlir dan khatah hmasawnin inngai inla khawm chuongang hmasawnna chu hmasawnna/development khingbai ning a tih. A san chu a ram mi le a sunga cheng hai nilo, puotiengmi han an sawr tlat chun a ram mi han kawng khatah hlawkpuina lo nei inla khawm ei ram economy insang thei tak tak chuong naw nih. Hieng a ni lei hin ei ramah ieng development sin khawm hung lut sien, sin thaw thei dinga theina le thiemna neidinga ei lo intathriem a ngai. Ram pui lo vat ding chun chem tatngei hmasak a ni hlak. Chu ang chun ei hrietna le theina hai hi tathriem a \ul. Mi tuin amanih khawl changkang le ropui tak mi pe sien, a hmang dan ka hriet sinaw chun ka ta dingin hlutna a nei naw a, ka lo hmang a ni khawmin midang ka ruoi a hung \ul a. Mi ka ruoi chun a ni ding angin ka hlawk-pui ngainaw ding a nih. Officer ei ni seng thei naw ding leiin ei Graduate lei amanih annawleh a neka insang degree ei nei lei ela ‘Officer/Gazette Officer sin naw chuh’ tia sin hi hnawl thei ding ei ni nawh. Degree insang ei nei lei el khan ei thiemna kha ei hmang tumnaah hmang tlak a lo ni khernaw thei. Chu leiin iem a na ka thaw ding, iem ka thiem zawng, iem ka chem fena ti ei dapsuok thiem a ngai. Ei rama Industrial Training Institute (ITI) le Voca-tional Training Centre hai ei hmang le sawr \angkai thiem a pawimaw. Sin thiem le thiemnaw kar hi hnuoi le van ang a nih. Hi lei hin sin thiem annawleh expe-rienced hai chu thawktu ruoitu han an dit bik hlak a nih. Tum mumal tak le tum suksang ding a ni hrim a nih, sienkhawm ei thil tuma ei hlawtlingna ding chun tuorsel a ngai a, tuorselna nei si loa \henkhatin degree ei hang lak dek deka, mani nina in hre loa mit meng sang ringawt hi chu mi hlawtling ei vang nuom vieu. |hen tam takin ei hmusit sin hai thaw pum zinga tum-ru taka an thaw hnungah degree lain, Central le State Service hai inziekkai a, Officer sin chel tam tak an um tah. Sin hrim hrim hi mi’n mani inenkawlna ding le sungkuo enkawlna dinga a lo hmang chun an hnuoi le an sang a um nawh. Sin \henkhat a lo hadam deu ti thu chau a nih. Degree ei nei theina dinga A, B, C a inthawk in\an vawng ei nih. Tuta Officer lien tak tak hung ni ta hai in\anna khawm ‘A, B, C’ a inthawk tho a nih. A tumru le tuorsel nu/pa an hlawtling a, a peinaw hai ei phak inhnuoi el a nih. Hi lei hin inhnuoi tak A,B, C a inthawk in\an hi inzak ding a ni nawh. Hausak phut, lien thut tumna hi ei \hangmawbawk a nih. Train-ing chite khawm hin \angkaina a lo nei hlak. Chu leiin training hi inzak ding a ninaw a, hmusit ding khawm a ni bawk nawh. Uor hle el ding a nih.

SC Judges dingin mi 4 NeW delhi: Supreme Court Judges thar dinga ruot le hlangkai thar Jus-tices Hemant Gupta, R. Subhash Reddy, MR Shah le Ajay Rastogi han Su-preme Court Judges dingin zani hmasa khan Chief Jus-tice of India Rajnan Gogoi hmaah intiemkamna an nei. Judges 4 in intiem-kamna an nei hnung hin Supreme Court a Judges

sanction post 31 um din-gah Judges umzat chu 28 an hung nitah. Supreme Court Colle-gium in October 29, 2018-a Chief Justice of India Ranjan Gogoi and Justices Madan B Lokur, Kurian Joseph, A K Sikri le S A Bobde han SC Judges a hlangkai dinga recommendation an thaw dungzuia SC Judges dinga hlangkai an nih.

Go to Village ProgrammeCCpur: Pherzawl dis-trict sunga Sipuikon le Tipaimukh haiah Go to Vil-lage Programme nei ning a tih. Sipuikon-ah Nov.6, 2018 le Tipaimukh-ah Nov.7, 2018 haiah nei ning a tih tiin DC, Pherzawl chun inhriettirna a siem.

Thu chieng lem contact No-986217023 ah hriet thei ning a tih. Go to Vil-lage camp/programme-a hin Medical camp. CMHT inzieklutna, Aadhar thlal-akna, Poshan Campaign, Certificate pek suokna le a dang dang nei ning a tih.

Congress le mNF han manifestoes an puongaizaWl: November 28, 2018 a Mizoram Assembly seats 40 haia inthlangna hung um ding le inzawmin Congress party le Mizo Na-tional Front (MNF) chun an manifestos an puong tah. Congress chun thlan-glal an ni chun Higher Secondary School Leav-ing Certificates Exami-nations le a chungtienga hlawtling (passed) student hai kuomah Laptops pek

ding, naufahra, hmeithai le piengphunga ruolbanlo hai special financial assistance pek ding \hangin thutiem dang dang point 21 an man-ifesto-ah an zieklang. MNF chun, thlanglal an ni chun village level citizens registration thaw ding, puotienga inthawk dan kala Mizoram hung lut hai dang an ni theina dinga khau taka hma an lak ding, martyrs a thi hai le an sung-

hai sawmdawlna pek ding ti hai an manifesto-ah an zieklang. Election ding le inza-wm hin Election Commis-sion chun zani hmasa khan Madhya Pradesh le inruolin Election Notification an suo ta leiin nomination file \an nghal a nita a, campaign khawm nasa lema sunzawm pei a nih. Nomination hi November 9, 2018 chen khin file thei ning a tih.

Om Prakash Chautala in a tuhai pahni a hnawtdawk

ChaNdigarh: Indian National Lok Dal presi-dent Om Prakash Chautala chun insung thila inrem-nawna um leiin a tuhai pahni INLD MP Dushy-ant Chautala le Youth lead-er Digvijay Chautala hai chu party primary member an ninaa inthawk a hnawt-dawk. Dushyant le Digvi-jay Chautala hai hi Mr Chautala nau upa tak Ajay Chautala nauhai an nih. INLD in party-a inthawk a suspended an ni hnunga Mr Chautala in a tuhai hi a hnawtdawk an nih. Dushyant Chautala le Digvijay Chautala hai hi Oct. 7 a Devi Lal birth an-niversary hunah mawi lo taka khawsaa intum an nih.

Addl. SP in an kaisangmuolhoi: Pu David R. Neingaite, APS, s/o Upa H.L. Sanga Neingaite, Muolhoi, Haflong le Pi Marilyn Zawlsangmawi, APS, d/o Pu Thangchuoilo Khojol of Muolhoi, Ha-flong hai chu Deputy Su-

perintendent of Police, As-sam Police Service (Junior Grade) a inthawk Addition-al SP, Assam police Ser-vice (Senior Grade-II) in an kaisang. An kaisangna hi ei chanchinbu chun a lawm-pui hle. (Source: Virthli)

HYA AMBULANCE Project UpdateEi Ambulance Project fe mek le inzawmin hi a hnuoia hai hi a hung pe thar hai an nih. Kut hung rawltu hai po po chunga a thar a tharin ei lawm takzet a nih.1. EFCI Rengkai Muolhlum Rs. 20002. EFCI Shan Veng Rengkai Rs. 10003. Douglas Memorial High School Rs. 50004. Maolien Rs. 15005. Thenmuol Local Church Rs. 50006. EFCI Saikawt Rs. 50007. ICI Saikot Sub- Headquarter Rs. 50008. Standard English High School Rs. 30009. Unity Church Saikawt Rs. 150010. Saikot Government High School Rs. 3500 Chun Pathienin Rem ati chun hungtlung ding tarik 5th November 2018 hin For One Life Asia Mi Sponsor na hnuoia HYA Tui\haphai Joint Headquarters le CDSA hai \hangruolin 1st District Level Volleyball Tournament Stephen High School Campus Saikawt a zan Dar 5.30pm hin huoihawt ei tum a nih. Hi taka hin Chief Guest in M. Mohendro Singh District Youth Affairs and Sports Offi-cer, Guest of Honour in Dr Vanlallien Pulamte Assistant Professor le Functional President in Pu James Cole Chief of Saikot \hang bawk an tih. Hi ei thaw nasan chu ei sir le vela \halai tamtak hai inthuoruolna mi siemtu nisien nuomna lei le ei Ambulance Project fe mek le inzawmin |halai hai suphurna ding el khela Ambulance Project Fund ding a hung taphawt hai kuoma Rs. 20 pei la a fund drive ei tum bawk a nih. Hi huna hin Churachandpur District huom sunga Volleyball inhnel thiem tak tak hai inhnel el khela hlasakthiem tak tak hai in hlasakna nei hlak ni bawk atih. Hi huna hin mi tuelkhawm hung \hang a hung en a mi hung uop dingin ei in ngen takzet a nih. Pathienin ami \huoia ei Ambulance Project fe mek a ei nei vat theina dingin Pathien kuoma \awng\aina in mitin lo hre seng dingin ei in ngen nghal bawk a nih.

Thilmak le danglam; Mata khawsunga khawm hmuCCpur: Tulai hnai el khan Churachandpur town sunga Chiengkonpang khawsun-gah thilmak le danglam a tlung. Hieng thil tlunghai hi \ium le pangzatum an nih. October 27, 2018 zing dar 1 le dar 3 inkar khan Mr Pautinkhual hai varak 5, an ring her, pawttan le thisaa hmu an ni a, thisen suok or tla ruok chu hmu ding a um nawh. An mawt vui khawm pawtthlak saa hmu a nih. Hi zan ma hin Mr Samuel hai Ar 3, thingkung insang taka riekhai khawm an ring her le pawttan saa hmu an nih. October 29, 2018 khawm khan Mr k.Thangkhomang hai varak 4, a sung han Varanda-a an sie hai chu hmu ding an um tan aw a, an hmul le an thisen khawm hmu ding a um nawh. Octo-ber 30, 2018 in Headquar-

ters venga um Rev.Soik-hogin hai varak 4 hai chu an ringah pawttan saa hmu an nih. October 31, 2018 in Mr Mangpu of Khamkhokai Road Vawk, fun 4 vel ding vawitieng ke vun at hliema kei hawk sain a um a, vawk in sungah thisen hmu ding

ruok chu a um nawh. Hi ni ma hin Mr Kamngul of Khamkhokai Road hai ui hnungzang vun keihawk saa hmu a ni a, ui khawm hi a lawn \ha thei naw bawk. Hi lei hin uihai khawm an \i a. tuolah riek ngam lovin in-sung an bel.

Hi thil tlung hi ienganga tlung am ti YMA, Chieng-konpang Branch le Village Authority han an suizui mek niin Mr Songtinpau, Sec-retary, YMA, Chiengkong-pang Branch chun a hril. Tulaia Chiengkongpang biel sunga ran chi tum tum mak le danglam taka sawisa-ka an um ang hin Mata khaw-sunga khawm Nov.2, 2018 zan khan Arpui dum pakhat sawisak a nih. Hi Arpui hi a rilhai inlang raka keidar a ni a, sienkhawm thisen suok hmu ding a um naw a, Ar khawm hi a thattu’n fa chu-ong lovin a maksan. Chieng-kongpang-ah zani zan khan UPC kohran chun an biel sunga thil tlung hi Pathien thu hmanga sukthiengna programme an hmang. Hi programme \hanghai chun lampui hrawna an nei bawk.

|hungphasei 2 an pek

CCpur: Kochuam Nuh-mei Pawl, MPSC, D. Phail-ian (Pastor Bial) chun November 2, 2018 khan Pastor Joseph Lalnun-mawia inrawinain District Hospital hmang dingin |hungphasei an nghaina um (back-rest benches) 2

an pek/inhlan. Dr V.C. Pau Tonsing, Medical Superintendent, District Hospital, CC-Pur chun hospital hmang dinga \hungphasei hung petu Kohran hai kuomah Chanchinbu fethlengin lawmthu a hril.

ralthuom phur pasa pahni na taka vuok hliemCaChar: Assam-a Cachar district-a chun khan Harinagar bazar lai paikawnga ralthuom phur pasal pahni mipui pungkhawm han manin an vuokhrawn baka khaw hrelo rak khawpin an chil-hrawn. Hieng mi pahni hai kuta inthawk hin AK-47 Rifles 5 bakah Grenades 5, silaimu 500 le 9mm Pis-tol 1 hmu a nih tiin Cachar SP Rakesh Roushan chun a hril.

Police chun NSCN-K ni dinga an ringhla thu an hril a, an pahni hin Silchar Medical College Hospital panpui le enkawl an nih.

Bengali \awng hmang mi 5 kap hlum an ni dodal-naa zanita darkar 12 sung bandh thaw a ni huna hi thil hi tlung a nih.

Pavanglai Annual ConferenceCCpur: ICI 5th Pavanglai Annual Conference, Tui\haphai Presbytery Novem-ber 2, 2018 a inthawka ICI Biekin, Rengkaia \ana um chu vawizan hin a \um\iek ta ding a nih. Hi Confer-ence thupui chu “ Sungkuoa

Lalpa rawngbawl(Joshua 24:15)” ti a nih. Hi Confer-ence sunga thuhriltuhai chu , Pu Timothy L.Tuolor, Pas-tor Lalbuotsai, Rev.Lalh-mingthang, Rev.Dr.J.L.songate, Rev.B.L.Sandam le Rev.Zathangsing Zate hai an nih.

Sainik School-a kai theiCCpur: Academic Session, 2019-20 a Sainik School, Imphal a Class VI & IX inchuk nuomhai ta dingin ngaiven hun lai a nih. Thu chieng lem, http://sainikschooladmis-sion.in/Index.html ah hmu thei a nih.

HNU Block No. 6 \huoitu ding thlang

Jiribam: November 2, 2018 khan Hmar National Union (HNU) Block No. 6 kum 2018-2021 inkar sung \huoitu ding thlangna nei a ni a. President dingin Pu Benjamin of Jiribam th-langtling a ni a, Vice Pres-dident in Pu Lalramnghet

of Tuisuolien; Secretary in Lalramhuol of Jairon; Asst. Secy. in Pu Lawmthang of Bekarasuo; Fin. Secy. dingin Pu Zawlneikhum of Jairon le Treasurer dingin Pu Thanglawm (Buonga) of B. Huonveng thlangtling a nih.

Blood Donation camp an nei

CCpur: Mizoram Presby-terian Church Synod hnu-oia um Kristien Khanglai Pawl (KKP), S. Kotlian Branch chun zanikhan Dis-trict Hospital, CCPur-ah Voluntary Blood Donation camp an nei a, hi huna hin nuhmei le pasal an rengin mi 13 in thisen Unit khat seng an pek. ‘Thilpha hi ding a huk-dam” ti thupui an hmang le inzawma, thisen mamaw le harsa han an hmang thei dinga blood donation camp hi an huoihawt niin

KKP \huoitu han an hril a. Hmatieng peia khawm blood donation camp hi la nei nawk pei an tum thu an hril bawk. Thisen peka um hai hi Blood bank-ah ni 35 a um thei a, voluntary blood do-nator chu rikna kg. 45 le chungtieng, haemoglobin level 12.5gm chen le hrisel pangngai ni a \ul a, ni 90 danah kum 18-65 inkar hai ta dingin thisen hi pek nawk pei thei niin, mihriem pakhat hin thisen vawi 188 chen a pek thei a nih.

RFT in thuomhnaw sem CCpur: Ropiang Foun-dation Trust chun CCPur khawpui sung le tlangram biel, a bikin mi harsa zuol hai kuomah Cloths Box Foundation le \hangruola thuomhnaw semna an la sunzawm pei a, zani khawm khan RFT Chair-

man Dr Thangchinkhup Guite inrawinain Molnom, Bethel, N. Bualjang haiah branded thuomhnaw (za-kuo, jacket, kekawr etc) 100 chuong an sem nawk a, tukum sunga thuomhnaw an sem hi piece 2000 chu-ong a nitah.

Behiang khuioah AYUSH Camp nei

CCpur: November 3, 2018 khan Singngat Battalion Assam Rifles tia hriet 2nd Assam Rifles le Dept. of AYUSH, Govt. of Manipur huoihawtnain India le Myan-mar ramri Behiang khuoah AYUSH camp an huoihawt. Ayush Camp hi Health & FW Minister L. Jayenta-kumar in khuolliena \hangin a hawng a, camp hawngna hi Ginsuanhau Zou, MLA Singngat & Chairman, MANIREDA bakah Dr A. Guneshwor Sharma, Director, AYUSH hai khawmin an uop.

AYUSH camp a hin Commander, 27 Sector AR han nu le pa nei talo naufahra iemanizat kuomah scholar-ship inhlanna an nei bakah piengphunga ruolbanlo hai kuoma scholarship pek an ni a, medical camp hunah mi 305 hai en le damdawi a thlawna pek an ni bawk. Chun, Behiang khuo le a sevela khaw tum tum haia Youth Clubs le School tum tum hai kuomah inkhelna hmangruo an sem bawk.

Kangpokpi-ah bomb a puok nawkimphal: Inrinni zingkar khan Kangpokpi Ward No. 5-a Kangpokpi Women Welfare Organization office bul lai Wholesale dawr tuol lai bomb a puok nawk. Hi dawr neitu chu Tutu Pandey a nih. Hi bomb puok dodalnain za-nikhan hi lai vela cheng non-local community han an dawr hai kharin “Stop planting bomb”, “We condemn bomb cul-ture at Kangpokpi DHQs”, “Stop bomb culture”, le a dang dang inziekna Placard hai hawiin protest rally an nei. October 19, 2018, 1:10AM khawm khan ADC Sadar Hills Chairman Haokholal Hangshing In tuol lai bomb a lo puok ta bawk a nih. Chun, November 3, 2018 zingkar 4:20AM vel khan Kwakeithel Makha Thokchom Leikai-a Cement le Iron bar zawrna LYS Sales Private limited bul lai Bomb a puok. Hi dawr neitu chu Laishram Yaima a ni a, zingkar dawr dawr hawng dinga a fe hunah a dawr tuolah polythyne duma infun a hmu a, a ringhla leiin dawr sungah a lut san a, sawt-nawte hnungin bomb hi a hung puok nia hril a nih.

Manipur-a Doordarshan VLPT hai sukbo imphal: Manipur hmun hran hran hieng Senapati, Chandel, Moreh le Kangpokpi haia Doordarshan VLPT hai chu an hun ding ang kum 15 an tling tah leiin Nov. 15 a inthawkin sukbo vawng an ni ta ding niin Director (E), Prasar Bharati, Doordarshan Maintenance Centre, Imphal thusuok chun a hril. Hi thil hi Oct. 16, 2018-a Prasar Bharati Board, New Delhi-in a rel ang dungzuia thaw niin a hril. (DIPR)

laKtaWi

3thlaphal (November) 04, 2018 pathieNNi (suNday) NatioNal/iNterNatioNal & advertisemeNt Hmasawnna Thar

DR CHOUDHURY’S HOMEOPATHIC CLINIC

Address: Opposite Lighthouse, CCPurphone: 8168261769/ 98628899610

Natna chi tum tum hieng a hnuoia natna nei damna dit han mi hung pan ro.

1. Sinus2. Hernia3. TB4. Corns (Ngamit)5. Asthma6. Ha na damdawi7. Pile cases8. Skin Disease9. Cancer 1st & 2nd stage10. Liver problem11. Tonsil12. Sciatica(Thana)13. Headache (Luna)14. Nuhmei natna

15. Diabetes (Zunthlum)16. Appendix (at lova sukdam thei)17. Heart Case (Acute case)18. Chronic Dysentery (Santen)19. Phingpui hratna damdawi20. Kala Lung le Mît a lung um at loa suk dam theina21. Sterility (nau nei theina damdawi)

* Homeopathic Medicine-Side Effect um lo a nih* Registration Free (22,24,26,28,30,1,3)

LAWMTHU HRILNA

Keini Rovakot village khawtlang nu le pa hai kan lawm khawpel. |hangkhat liem veng vawng hnunga High School building kan nei nawk hi tawnmang nisilo a tak ngei a hluo theia kan um ta hi suolsuoktu Dr Chaltonlien le Pathien zara School kai theia kan um ta hih kan lawmin hril ngaina khawm kan hriet nawh. Hmatieng peia ei MLA suongum tak le Workers hai ei ram hnufuol na le a tlaksietna hai hre a hmatieng peia mi ensan loa \hang la pui ding in kan ditsak na insangtak kan hung in hlan che.Rovakot mipui aiaw in

sd/- lalneihlu sd/- lalsiemrem sd/- hrangzathang CHAIRMAN SECRETARY SECRETARY V/A Rovakot V/A Rovakot HNU Rovakot

KAn nGAI eM eM KAn pA dIttAK

LALRUATMAWIA(1962- 2017)

November 3, 2018 i hnuoi taksain khawvel a maksan ni champha a hung tlung hin kan ngaina che a bang naw a, Pa kuomah chawlin lungngaina le beidawngna haiin chimbuoi ta naw sien che khawm, i nuhmei le sunghan nang ngai hi bang zai kan rel thei nawh. Nang kan nghil nawna’n i hlimthla le i thuhaiin an min fui rawp a, iengtik ni a mani chu Van In ropuiah intuokkhawm nawk ngei ei tih ti hi kan beiseina meiser a nih.

I nuhmei- Kaplienthang le I nauhai- 1. Laldinthara 2. Lalrempuii 3. Darchhungpuii 4. Lalmalsawma 5. Esther Laikhumi

Sanjay Singh in Congress a zawm

bhopal: Madhya Pradesh Chief Minister Shivraj Singh Chouhan tarpupa (a nuhmei \apa) Sanjay Singh Masani chun Congress party a zawm. Mr Sanjay Singh hi Union minister hlui le PCC Chief Kamal Nath le cam-paign committee chief han party-ah a lo lawmlut. Madhya Pradesh hi November 28, 2018-a As-sembly election nei ding an ni a, BJP chun zani hmasa khan first list candidate 177 hming an puong tah.

Gujarat-a College students 3 lakh han tablet PCs an dawng ding

ahmedabad: Gujarat Chief Minister Vijay Rupa-ni chun Gujarat-a College first-year students 3 lakh hai kuomah tablet computers Rs. 11,000 manhu ding Rs. 1000 rate-a pek an ni ding thu Inrinni khan a puong. Hi thil hi “Namo E-Tab” hnuoia pek ding niin, a za-wna sawrkarin college stu-dent hai kuoma hiengang Tablet PCs a pekna ding a nih. Hi thil hi kum tina pek dinga riruong a ni a, nikum khan hi thil sukpuitlingna dingin Rs. 250 crore hmang

dinga riruong a nih tiin Mr Rupani chun a hril a. student haia inthawk token fee Rs. 1000 pei a lak haia inthawk Rs. 30 crore hmukir a ni thu a hril bawk. Hi thu hi Inrinni-a Gu-jarat University le Gujarat Technological University students hai kuomah tablet semna programme hmang huna Mr Rupani in a hril a nih. Tablet sema um hai hi 4G technology le 2GB RAM nei an ni a, nikuma sem hai chu 3G technology le 1GB RAM an nih.

An thu loa Nawchi inzawrtir nuhmei

4 sansuokthaNe: Bhayander Dis-trict-a Golden Nest A area-a chun an thu le hla loa nawchi inzawrtir nuhmei 4 police han an sansuok a. Nawchi inzawrtirnaa maw-phurtua intum nuhmei pahni \hangin mi 4 an man bawk. Mana um hai hi Im-moral Trafficking (Preven-tion) Act (PITA) and Arms Act hnuoiah case siem khum an nih.

mi 13 zet se hlumtua intum sakei kap hlumNagpur: Mi se ching Sakei pui (Pand-harkawda tigress T1) chu Zirtawpni zan dar 11 khan Borati village-ah sharp shooter Asgar Shafah Ali Khan in a kap hlum. June, 2016 a inthawk tuchena hin Pand-harkawda divisional forest huomsungah Saikei in mi 13 zet a se hlum ta a, hienghai laia 11 hai chu ran chingtu an nih. Zani hmasaa inthawk sakei hi an inchan hnungah Zirtawpni zan dar 11 vel

khan Sakei hi an hmu a, tranguilisation gun hmanga kap a ni hnunga khawm a kaptu hi se nawk tuma \hang a lak leiin ama sa himna dingin Asgar hin a kap hlum ta a nih tiin forest officer Mishra chun a hril. Hieng laizing hin senior veterinarian le forensic expert Prayag Hodigere Siddalin-gappa chun, Sakei kap hlum a ni dan chu dank al a nih tiin forest department chu dan anga khing a tum.

Sakei fun Rs. 10 lakh manhu leh

mi 2 manthaNe: Maharashtra a chun Zirtawpni zan khan Mumbai-Ahmedabad high-way-ah pasal pahni hai chu Sakei vun Rs. 10 lakh manhu ding leh Police han an man. Police patrolling-a fe han Hotel pakhatah hieng mi pahni hai hi an lo inchan a, Hotel an hung lut huna Police hai hin an lo man a nih. Mana um hai chu Ga-janan Desai (45) le Arjun Tayade (47) hai an nih. An pahni hin Court hmaah in-langtir an ni a, Court chun Nov. 6, 2018 chen Police custody-a la um phawt din-gin a rel.

lAwMtHU HrIlnA

Dr Chaltonlien Amo, MLA Tipaimukh A/C in PHSC building tharlam hlawk le mawi em em keini Lungthu-lien khuo mipui hai ta dinga a mi hung bawl zo pekna chunga kan lawm takzet a. Pathien in tam takin mal-sawm pei dingin kan ditsakna kan inhlan. Chun, hieng anga PHSC building ropui tak le mawi em em a mi bawl zo pekta si chun, a sunga thawktu ding Government of Manipur in a sie dungzuiin, Doctor, Nurse hai le staff a \ul dang danghai a bikim in mi hung sie pek nawk pei dingin Lungthulien Village Authority le khawsung mipui hai po poin kan hung ngen takmeu a nih. Khaw-sung mipui nat le sat zing zana emergency a hang rawn ding kan nei naw hi mi hrie peka, an rang thei anga hma mi hung lazui pek dingin ei chanchinbu Hmasawnna Thar fethlengin kan hung ngen takzet che a nih. Bieltu MLA Pu Dr Chaltonlien Amo damzing raw sen.

sd/- mr lalsuonglienV/A Chairman, Lungthulien

1.20 crores chuon-gin APY

NeW delhi: Tuta fi-nancial year sung hin Atal Pension Yojana subscribers 27 lakh chuong an um belsa a, tuchenah APY subscrib-ers 1.20 crores chuong an um ta niin Finance minis-try thusuok chun a hril. Uttar Pradesh, Bihar, Andhra Pradesh, Maha-rashtra le Karnataka hai chu APY enrolment a con-tribution hau tak an nih tiin thusuok chun a hril. Hi scheme subscribers han pawisa an pek (con-tribution) dungzuiin thlatin pension sum Rs. 1000-Rs. 5000 an dawng hlak a nih.

NIA in Saeed le Salahuddin hai

chunga non-bail-able warrant

NeW delhi: Special NIA Court chun Pakistan \hangsana um Lashkar-e-Taiba founder Haviz Saeed le Hizbul Mujahideen chief Syed Salahuddin hai chu terror funding activities haiah inrawlna an nei leiin Inrinni khan non-bailable warrant an suo khum. NIA in Special NIA court-ah hieng mi pahni hai chunga non-bailable war-rant insuo dinga an inhri-ettir dungzuia warrant hi insuo khum an nih. NIA chun hieng terror-ist hotu pahni hai hi Kash-mir le India ram hmun tum tuma chetna haia inrawlna neiin an intum bawk a nih.

amit shah ta dinga ruoi siemtu in bJd a zawmberhampur: Odisha a chun nikum-a BJP Presi-dent Amit Shah in Ganjam district a va sir huna Amit Shah puola ruoi siemtu Naveen Swain of Hu-gulapeta chun zanikhan BJD a zawm. Mr Swain ruol hin BJP Sarpanch Pradeep Kumar Malana le a supporter tam tawk

takin sawrkarna siemtu Biju Janata Dal (BJD) an zawm bawk a, Gopalpur a inthawk BJD MLA hlui le minister hlui Pradeep Panigrahy han an lo lawm-lut. BJD in an thutiem an sukpuitling leia BJD hi zawm an ni thu Mr Swain (36) chun a hril.

Mr Swain chengnain hi October, 2013 a cyclone Phailin hrang khan a suks-iet a, BJP leader hai chun a In hi an sir a, sienkhawm iengkhawm an ngaisak zui chuong naw leia lungawi lo a ni a, BJD ruok chun state government spon-sored scheme hnuoiah a In hi an bawl pek a nih.

Teacher in tleirawl a ringah a at hliem

hyderabad: Andhra Pradesh-a Kurnool district-a chun Inrinni zingkar khan school teacher pakhat chun a student class IX inchuklai nuhmei tleirawl pakhat chu a ringah a at hliem. Student a ringa at hliemtu hi Shankar a ni a, Bangarupeta area hmuna Rockwell High School-a Hindi inchuktirtu a nih. Nuhmei tleirawl hi sex hmangpui a tuma,

sienkhawm nuhmei tleirawl hi a nuom naw leiin a ringah chemin a at el nia hril a nih. Nuhmei tleirawl hi Hospital panpui le enkawl mek a nih. Mr Shankar hin hi thil a thaw huna hin zu an rui a hril a ni a, hi thil tlung le inzawm hin Andhra Pradesh Education Minis-ter Ghanta Srinivas chun teacher hi a sina inthawk suspended nghal dingin or-der an suo.

australia mi khuolzin inkhaihlum saa hmugaya: Bihar-a chun Inrinni khan Bodh Gaya hmuna Australia mi khuolzin pak-hat chu thingkungah inkhai hlum saa hmu a nih. Bodh Gaya hi Buddhist hmun pawimaw le ramdang khuolzinmi tam tak

hai fena hlak a nih. Police chun hi thil tlungna hmuna hin bag, diary le tui bottle hai an hmu a, A thi dan chieng taka hriet a la ninaw a, Forensic team chun enfel dingin Bodh Gaya an pan.

Islamic Helpawl Han Egypt Kristien 7 Kap Hlum, 12 HliemCairo: Egypt rama Kris-tien tlawm lemhai chunga a tam lem Muslim hai nunrawngna le neksawrna chun zuol tieng a pan pei a. Zirtawpni zan khawm khan Egypt khawpui Cairo simtienga um Kristien hai Biekin pakhat an run a, mi 7 an kap hluma, mi dang 12 an hliem bawk niin Inte-rior Ministry thusuok chun a hril. An Kohran thupuongtu Bouls Halim chun, silai an hmet puok leia mithi hi ring nekin an la tam lem el thei tiin a hril. Hi thil tlungna Minya province-a Church official hai hril dan chun, tuchena hriet chu mithi hi 10 an nih a, hi nek khawm hin a la tam el thei, tiin a hril. Hi thil tlung hi tu helpawl khawmin direct-

in anni thaw a ni le ni naw an puong nawa chu, thil umdan le an hnuhma vela inthawk chun Sinai thla-ler laia khawsa Islamic helpawlhai ngei nih dinga ring a nih. An chet dan hin Sinai le Libya rama Islam-ic helpawlhai kuthnung a hawi. Zirtawpni-a an beina hi, St Samuel the Confes-sor a Biekin (Monastery)

a Pathien be dinga fehai helpawlin an lo bei a vawi hnina a nih tah. Kha hma khawm khan, May 2017 khan Kristien hai an lo thaw tah a, mi 30 neka tam an that. Sinai thlaler laia Kris-tien hnam tlawm lemhai hi Muslim hai target an ni zing zing hlak a. An bei nu-omna deu khawpuihai chu Cairo, Alexandria le Nile

vadung kam laia Tanta hai an nih. Hieng khuo pathum hai khawm hi an bei vawng tah a, Kristien an that tah po khawm 100 an chuong tah. Hieng lei hin sawrkar chun Kristienhai venghim-na nasatakin a sukkhau pei a, iengtin takin am a dang hne ding chu hunin la hril a tih. Egypt ram mipui 100 million laia 10% vel chauh khu Kristien an nih a. A tamlem Muslim hai khun an sawisak nasa thei em em. Kristien hai hin an Presi-dent hlui Abdel-Fattah el-Sissi, 2013 kuma Finance Minister a nih laia Islamic President Mohamed Morsi pei thlakna dinga hmalatu kha an thlawpa, ama hnu-oia chu zalen taka umin Church Allied khawm an indin thei a nih.

Cbi director alok verma leave pek dan kal a nih: Kharge

NeW delhi: Sawrkar thlungpuiin CBI Director Alok Verma leave-a a tir hmang chu dan lo (illegal) a nih tiin Congress Leader Mallikarjun Kharge chun Inrinni Supreme Court-ah patition a peklut a, sawrkar thil thaw dan chu CBI Act. bawsietna a nih tiin Mr Kharge chun a hril bawk. Mr Kharge chun, CBI

Act. dungzuiin CBI Di-rector ban annawleh a thar ruotna chu member pathum Opposition leader, Prime Minister le Chief Justice of India umna chauin an thaw thei a ni thu hrilin, Central Vigi-lance Commission (CVC) in CBI Director chunga power nei theina a neinaw thu a hril bawk.

Sharda University student in Terrorist a zawmNeW delhi: Greater Noida hmuna Shar-da University-a first year student Kashmir mi Ahtesham Bilal Sofi chu University-a in-thawk kar hmasaa inthawka umna chin hriet loa inhmang chun Jammu and Kashmir-a terrorist group a zawm. Mr Sofi hin ISIS flag bulah headgear le uniform duma an bel lai thlalak social media-ah a post a, hi taka inthawk hin ISIS le \hangruol terrorist group a zawm ti hrieta hung um a nih. Kum 17-a upa Sofi hi Srinagar mi a ni a, October 28, 2018 a inthawka kha Delhi fe dinga phalna a lak hnunga University suok-san a ni a, sienkhawm a zinga chen khawm

University a la hung kir naw leiin University chun inhmang report an pek a, a hnungin Sri-nagar Police han case an registered bak a nih. Social media post-a an ziek dan chun Sofi hin terrorist group ISJK a zawm nia hril a nih.

sad in delhi-ah protest rally an neiNeW delhi: Shiromani Akali Dal (SAD) chun, kum 1984 anti-Sikh Riots huna thi-na tuok sungkuo hai rorelna indik pe dinga phutnain Inrinni khan New Delhi hmunah protest rally an nei. Protest march hi Gurudwara Pratap-garh-ah inthawk \anin Parliament street po-lice station chen an fe a, an party president Sukhbir Singh Badal le Union Minister Har-simrat Kaur Baldal han an inrawi. Union Minister Kaur chun, 1984 Sikh riots huna khan Sikhs hnama mi tam tak a hawna that an ni bakah nuhmei tam tak

suollui niin, mi tam takin In an chan bawk a,tuchen hin rorelna indik an la hmu naw a nih tiin a hril a. Iengleia suo-motu action lak a ninaw am a ni a, tiin indawnna a siem bawk.

pm Ni nawk dinga modi dittu an tam tak

NeW delhi: ‘Daily-hunt’, le Nielsen India news portal han online sur-vey thawa India le khawvel rambung dang haia inthawk dawntu mi 54 lakh chuong hai ngaidan an lakkhawm naah Prime Minister ni lai Narendra Modi chu a term hnina dinga Prime Minister la ni nawk dinga dittu an tam tak. Survey dungzui hin 64% in Modi hi an la dit niin a hril a, Congress ruok chun an survey report hi an ringnaw hle thung. Assembly Election nei ding Madhya Pradesh, Ra-

jasthan le Chhattisgarh haia khawm Modi ringzo an la tam tak niin survey report chun a hril a, Mizoram ti loah Telangana chau Modi buk rik nawna hmun a hriet a nih. Survey report in a hril danin Modi in 62%, Ra-hul Gandhi in 17%; Arvind Kejriwal in 8%, Akhilesh Yadav 3 per cent le May-awati in 2 per cent an hmu.

EC in LS Election a hmang ding M3 type EVM NeW delhi: Kum 2019 Lok Sabha Election huna hmang ding M3 type Electronic Voting ma-chines siemtu dinga ruot public sector undertaking chun Election Commis-sion kuomah ballot units 22.3 lakh, control units 16.3 lakh bakah VVPATs/ paper trial machines 17.3 lakh deuthaw a pek (de-livered) ta niin Election Commission senior official chun a hril. EC a machines peka um ta hai lai hin training-naa hmang ding le a \ha lo hai thlengna ding hai a \hangsa. Kum 2019 Lok Sabha Election hung um dinga hin ballot units 22.3 lakh vel; control units 16.3 lakh le VVPATs 17.3 lakh hmang dinga riruong a nih. Hieng machines thar hai hi Lok Sabha Election hung um dingah India ram pumpuia Polling stations 10.6 lakh vel haiah hmang ding a nih. Machine siemtu hi Bharat Electronic Ltd. le Electronics Corporation of India Ltd. hai an ni a, September 30, 2018 che-nah Election Commission kuoma an pek hman ding ti a ni a, tuhin machines hai chu Election Commission in a dawng kim tah tiin of-

ficial thusuok chun a hril. M2 or mark 2 type EVMs (2006-10) han NOTA \hangin candidates 64 chen a keng thei dinga siem niin, provision dugn-zuiin balloting unit pakha-tah candidate 16 pei um thei ding niin, candidate 16 neka tam an um chun balloting unit 4 chen za-wmsain candidates 64 chen keng thei ding a nih. Amiruokchu, tuta M3 EVMs thar tak hi kum 2013 hnunga siem \an niin, NOTA \hangin balloting unites 24 chen thlungzawma candidates 384 chen keng theina dinga siem a nitah. A ruol (simultaneous) a Lok Sabha le Assembly Election nei hunah EVM hran hran hmang a \ul ding a nih. September 26, 2018 a Election Commission in thusuok a siema chun Lok Sabha Election a dingin ballot units 171 percent,

control units 125% bakah VVPATs 135% mamaw a ni ding thu a hril. Kum 2000 a inthawk tuchena hin Assembly Elections 113 le Lok Sab-ha Elections 3 haiah Elec-tronic Voting Machines hi hmang a lo nitah. EVM hmang ta loa ballot paper hmang din-ga ngenna tam tak um sienkhawm Election Com-mission chun EVM hin booth capturing a sukbo bakah vote tiem hun sung an rang a, suksuol a tlawm lem a nih tiin a hril. Tulai hnaia all-party meeting huna khawm khan party tum tum hai chun EVM ringhlana an nei thu le sukdanglam thei niin intumna an siem a. Oppo-sition parties 17 hai chun kum 2019 Lok Sabha Elec-tion hung um dingah ballot paper hmang nawk dingin a tharin rawtna le ngenna an siem nawk a nih.

Karnataka byelection zobaNgalore: Inrinni khan Karnataka –a Lok Sabha seats 3 le Assembly seats 2 haia bylection nei a nih. Bellary LS seat-ah votes 63.85% a tla a, Shimoga ah 61.05% le Mandya LS seat-ah 53.93% a tla. Jamkhandi Legislative Assembly constituency a chun votes 81.58 per cent le Ramnagar ah 73.71% vote a tla.

Hmasawnna Thar4 EntErtainmEnt / SportSthlaphal (November) 04, 2018 pathieNNi (suNday)

sun ZAWMnA.......

Seikam Memo. Football Tournament 2018Venue : Kholmun playground, Churachandpur.

pre-Quarter Finals roundResults : 3rd November, 2018 (Saturday) :

1. Koit YU 4 vs 1 Bungmual YC 2. Ozawa FC 1 vs 1 Ahshijolneng FC (Full Time)

Penalty Ozawa FC 5 vs 4 Ahshijolneng FC

Football Fixtures: November 4, 2018Premier League

Manchester City v/s Southampton - 8:30PMChelsea v/s Crystal Palace - 9:30PM

La Liga

Eibar v/s Alaves - 4:30PMVillarreal v/s Levante - 8:45PM

Huesca v/s Getafe CF - 11:00PMReal Sociedad v/s Sevilla - 11:00PM

Serie aLazio v/s SPAL - 5:00PM

Sampdoria v/s Torino - 7:30PMChievo v/s Sassuolo - 7:30PMParma v/s Frosinone - 7:30PM

Bologna v/s Atalanta - 10:30PM

Dillian Whyte le Chisora Decem-ber 22-ah an inhnek \ha ding

loNdoN: Britain heavy-weights Dilian Whyte le Dereck Chisora hai chu December 22, 2018 khin Lodon-a O2 Arena hmuna an inhnek\ha (rematch) ding a nih. Whyte le Chisora hai hi kum 2016 khan an lo inhnek ta a, kha huna khan Whyte chun Chisora hi point tlaw-

mte in a lo hneban a nih. Whyte chun Chisora a hne hnung hin boxing dang a khel vawi 4 haiah hratna a lo chang ta a, Chisora hnunga Whyte in a hneban hai lai hin WBO world champion hlui Joseph Parker a \hang. Whyte hin July thla khan Parker hi a lo hneban a nih.

Jennifer Lopez, Caffeine Le Alcohol Dawn Ngai Lolos aNgeles: Kum 49 nau pahni nei an taa chu la nunghak tak le exercise ni tin darkar thum bek la thaw pei, hlasakthiem le actress Jennifer Lopez chun Caffeine le Alcohol a dawn ngai naw leiin a hriselna la \haa a tha khawm a la fan zing thei niin a hril. Jennifer Lopez hi tuta \um Halloween Party an hmang zovin a ngaizawng Millionaire Alex Rodriguez leh Miami, Gym ah exercise la dinga an fe lai hmu a nih a. An hung suok tieng chu Jennifer chauh skin-tight (leggings) le bra dum hakin Bag dum bawk le sunglass dum buna nuhmei dang pakhat le an hung suok lai hmu a nih. ‘Fly Girl’ changtunu Jennifer hin Sneaker a buna a la fit hle ti hmu thei a nih a. Ama khawm an hriet thei ning a tih, “Ka taksa hriselna ka veng \haa hmu theiin kan hriet niin ka hriet” tiin a hril. “Second Act’ changtunu hin kutsebi a bun nawa chu nabe Diamond lien deu a be a, hei ena ho deu a hawia chu maktaduoi tam man a nih. December InStyle cover girl a nih a. A sungthu ah Caffeine le Alcohol a dawn ngai naw thu le fak le dawn an sum danhai, imu a tam thei ang tak a in hlak thuhai a hril. A hril dan chun, zan tin dar 10pm in a zala chu kheltieng chu a meng ngai nawh a. Zingkar khawm a tho ngaiin inhma takin a tho zie hlak niin a hril. InStyle magazine a hril dan chun, an sungkuo chu mawngbawr lien sungkuo an nih a, a \ha a nih

tiin a hril. Hienglai zing hin kawng inrek a dit a, ni tin a workout hlaka chu a kawng lai a la na zie hi a ngaina a hriet naw deu thu le kawng inrekhai, figure nalhai an hnar ve hlak thu a hril bawk.

Jennifer Lopez hin hlasaka an vak kuol el bakah TV le Film iemani zat khawm a chang tah a. Chuonga film a chang venahai a inthawk chun ‘Batman’ Ben Affleck le an inhmu lai hun a hril a. Kum 2002-2004 sung khan Ben Affleck leh an inzui a. Ben hin a dit tak taka innei ding chenin a fiel a, nau khawm Bennifer an nei pha nghe nghe niin a hril. “My Love Don’t Cost A Thing’ ti saklartu Jennifer chun, “Ben-in a mi dit taluoa, innei dinga a mi hei fiel el chu um ngaina ka hriet nawa, kan hai mup mup el a nih. Khaw hre mumal rak lo hlim taluoiin Bennifer khawm ka pai a nih” tiin a hril. Ben Affleck le hin ‘Gigli’ an chang lai le “Jenny From The Block” hai an siem laia inhmu \an an nih. J-Lo hin tulai tak chu hlasak, album siem le film siem khawm a tum hran nawh a. Alex leh hun an hmang deu tak hlaka. Amiruokchu, a career fe peina ding le thaw iemani bek a neina dingin tiin rimtui inhnik (fragrances) advertisement na contact pakhat a thaw a. A ta ding chun ‘natural tak’ niin a hril. Entertainment a ngaidan chun, “Iengleiin am hla sakin, dancer niin actress khawm i ni thei naw ding? Entertainment chun hieng po po hi a huom vawngin ka hriet. Mi tamtak chu thaw khawp thei naw nih hai, an thei chun a \ha. Kei khawm ka thei ang angin ka thaw a nih” tiin a hril.

Model Hmingthang 3 Victoria Secret Fashion Show ah

los aNgeles: Tulai fashion khawvela fashion company inlar le in\hang hrat pawl tak, David Beckham a nuhmei Vistoria Beckham le an ta, Victoria Secret-in kum tina a nei hlak an nipui, Victoria Secret Fashion Show 2018-a \hang dingin tulai khawvela model inlar le hmingthang bawk Kendall Jenner, Gigi Hadid le Bella Hadid hai khawm \hang dinga confirmed an nih tah. Victoria Secret official instagram account chun, “‘MARK YOUR CALENDARS! The #VSFashionShow will air Sunday, Dec. 2 at 10/9. See the Angels in action (and yes… @kendalljenner, @gigihadid & @bellahadid,

too!)’ tiin a puong. Thla hmasak khan, 2018 model han an bun ding pheikhawk designtu Brian Atwood chun social media ah a lo puong lawka, chutaka chun Bella Hadid hming a hril sa nawa chu tuhin a hung \hang tah a nih. Bryan chun Gigi Hadid 2016 Show thlalak tarlangin, “Less than 1 month away!!!! Let’s do this @gigihadid @victoriassecret. Can’t wait to show you what we have done for the show!! #highheels #shoes #sexy #angels #victoriassecret #fashionshow #gigihadid #fashion #victoriassecretfashionshow #madeinitaly #luxe #brianatwood (sic)” tiin a post a. A dawtaah Kendal Jenner a catwalk lai tarlang nawkin, “Can’t wait to see this beauty @kendalljenner strutting in my shoes for the @victoriassecret fashion show... less than a month away!!!! (sic)” tiin a post a. A hrillang lo Bella Hadid khawm a \hang ding an tah. VS Annual Catwalk hi musical artists inlar tak tak, Bebe Rexha, The Chainsmokers, Halsey, Kelsea Ballerini, Rita Ora, Shawn Mendes le The Struts hai khawmin an program hmang zing lai lo perform an tih. Khawpui hminga Fashion Show lienhai an zo vawng phatleh VS hin Annual Catwalk hi a buotsai hlak a nih. Tu kuma Show chu Taylor Hill-in hawng a ta. December 2 a inthawkin ABC Sunday ah Holiday Special angin Show \an a tih. Executive Producer Ed Razek chun, “Hi Show neina ding hin kum intluonin kan lo in prepare hlaka, kum khat sung sin thawrahai pholangna ding a nih. Khawvela model hmingthang le inlar 60 vel \hang an ta, khawvela Fashion Show ropuitak le lientak a nih” tiin a hril

Sunny Leone-in Malaylam Film Hmasatak Chang Ding

mumbai: Indian-Canadian mi adult film star hlui, pasal neia nau laa India ram tieng hung kira film Bollywood le TV tienga lut tah,thawk khat lai tak chu khawvela nunghak hmel\ha tak le sexy tak, Google-a zawng hlaw tak Sunny Leone chun a vawikhatna dingin Malaylam film a chang tum. A social media account-a a puonglang dan chun, 2014 kuma ‘Money Ratnam’ film direct-tu Santosh Nair direct ding a nih a. Jayalal Menon produce ding niin a hril. A film siemtu ding Santosh hin film dang ‘Sachin’ khawm a siem ding niin a hril a. Chutaka chun a \hang ding le ding naw ruok chu a hril nawh.

A social mediaa puong dan chun, “Hey everyone!! I am so excited to announce my debut in a Malayalam film!! Releasing soon. The movie will be produced by Jayalal Menon under the banner Backwater Studios and will be directed by Santosh Nair.” tiin a post. Sunny Leone changna ding film hi Fairytale production le Backwater Studios hai \hang kawpa an produce le sem suok ding a nih a. One World Entertainment chu distribution tieng mawphurtu ning a tih. Kha hma met kha khan Sunny Leone hin South Indian f i lm tho pakhat “Veeramadevi” khawm a lo chang tah.

Serie A:Napoli in Empoli an hne; Mertens in hat-trick a hmurome: Napoli chun zani an home ground Stadio San Paolo stadium-ah Em-poli an mikhuol a, Napoli chun an mikhuol Empoli 5-1 in an hne a, Dries Mertens chun hat-trick a hmu bawk. Napoli chun Empoli an hne lei hin game 11 an khel ta haiah point 25 hmuin a pahnina an ni ta a, hma\huoitu Juventus leh an karah point 3 chau a um tah. First-half minute 9 naah Lorenzo Insig-ne in Napoli ta dinga goal hmasa tak a thun a, hi zo minute 38 naah Dries Mertens in goal a hung thun nawk leiin Napoli chun first-half chenah 2-0 in Empoli hi an hne a, second-half minute 58 naah Francesco Caputo chun Empoli ta dingin goal a hung thun ve a. Dries Martens in minute 64 naah goal a thun nawk bakah injury time minute 90+3 ah Napoli ta dinga goal thun

nawkin hat-trick a siem a, Arkadiusz Mi-lik chun minute 90 naah Napoli ta dingin goal a hung thun bawk leiin Napoli chun Empoli hi 5-1 in an hne ta a nih. Hma\huoitu chun game 10-ah point 28 an hmu ta a, zani zanril khan Juventus hin an home-ah Cagliari an mikhuol.

Ligue 1PSG chun LOSC an hne; a zawna vawi 12 hrat record an siem

paris: Paris Saint-Ger-main (PSG) chun zanikhan an home ground Parc des Princes stadium-ah LOSC 2-1 an mikhuol a, season fe mekah an inkhingpui hai hnenaw la nei der loin a vawi 12-na dingin hratna an chang nawk leiin record an siem. First-half chenah goal thun bik um loin 0-0 in an indraw a, second-half minute 70 naah Kylian Mbappe chun PSG ta dinga goal hmasa tak a hung thun bakah Neymar chun minute 84-naah PSG ta dingin goal a hung thun bawk a. Inkhel

hun pangngai bo hnung in-jury time minute 90+3 ah Nicolas Pepe chun penalty a hmu hlau leiin goal in an changtir leiin LOSC chu nil lo deuin PSG lakah an tlawm a nih.

PSG chun matches 12-a hratna an chang lei hin point 36 hmuin hrat takin hma an \huoi mek a, LOSC khawmin games 12-ah point 25 hmuin pahnina an nih.

Mourinho in title an beisei phaknaw thu a hrilmaNChester: Season fe meka che fuk hlei theilo Manchester United man-ager Jose Mourinho chun season fe meka hin United chun Title an beisei phak naw thu a hril. Amiruok-chu, Manchester United chun hmatieng peiah hma an sawn pei a beisei thu a hril a. Premier League team a chunghnungtieng palina vel chena \hang phak naw hin chu title lak inbeisei chia khawm a ngainaw thu a hril a. Sienkhawm top 4 vela an la hung \hang phak a ni ruok chun an chunga um hai le point inthlau dan le point an la hmu thei ding zat hai enin cham-

pion ngirhmun inchu thei ding an la ni le ninaw an la hril ding chauah a ngai thu Mourinho chun a hril. Tuchenah Manchester United chun games 10 an khel ta haiah vawi 5 hratna changin vawihni an kh-ingpui hai an indrawpui ta bakah vawi 3 zet an lost ta leiin point 17 hmuin league

table-ah Inrinni chen khan a 8-na in an la \hang phak chau a, City le Liverpool chun point 26 ve ve hmuin pakhatna le pahnina an ni a, Chelsea chun point 24 le Arsenal in point 22 hmuin pathumna le palina an ni a, Tottenham chun game 10-ah point 21 hmuin pangana an ni mek a nih. Mourinho in a hril pei-naa chun, an ngirh-mun \hat tieng a pan pei nia hrilin, December thla tawp vela chun tuta an ngirhmun neka insang taka khawm an lo um thei thu hrilin, tuta an position a chun title be-sei ngam chi an la ni hrinaw thu a hril.

Nicklas Bendtner chu ni 50 sung jail intang dingCopeNhageN: Ar-senal Striker hlui Nicklas Bendtner (30) chu Septem-ber thlaa Denmark khaw-pui Copenhagen hmuna taxi driver pakhat na taka a vuok leiin Court chun ni 50 sung jail intang dingin a chungthu a rel bakah fine pound 177 chawi dinga a chungthu rel a ni bawk. Bendtner hi kum 2005-

14 inkar sung khan Arsenal ta dingin a khel a, games

171 a khelna haiah goals 45 a thun a, a hliem leiin Russia FIFA world Cup squad-a khan a \hang phak nawh. Tuhin Norweigian club Rosenborg ta dinga khel mek a nih. Bendtner le a lawyer hai chun a chun-gthu rela um hi appeal thawin hremna pumpel dan an ngaituo ring a nih.

North Korea-in Nuclear Program Sunzawm Nawk El TheipyoNgyaNg: Inhmangaina le inlain-at lei ni lova beisei nei leia thu intiemna chun tum a hmu naw pha pha a thutiem a \hiek nawk el hlak angin, North Korea khawmin US-in economic sanction a pu-ongkhum hlip tumna a la nei naw rawp chun a Nuclear Program a sunzawm nawk el thei thu a puong. North Korea chun a state policy pakhat ‘pyongjin’ tia an buk, nuclear ralthuom sukhratna policy chu US-in economic

sanction a puonga a rekbetna a la hlip na rawp chun a hmang nawk ding a nih tiin US an \hi. Hi thusuok Foreign Ministry-in zani ta an suo hi, Washington le Pyongyang han a tu tu khawma an thutiem sukpuitling hmasa dinga an innawr ve ve lai zinga hung suok a nih a. Washington chun hieng anga in\hina le invauna \awngbau hi North Korea-in a hmang a ring reng zie a hril.

Indian Super LeagueNov. 3, 2018 result

Chennaiyin FC 0-1 Mumbai CityNov. 4, 2018 Fixture

Delhi Dynamos v/s Jamshedpur - 7:30PM

Hero I-LeagueNov. 3, 2018 result

Mohun Bagan 2-2 Aizawl FCNov. 4, 2018 Fixture

Gokulam v/s Chennai City - 5:00PM

tlangnaa chun, mipui tienga inthawk khaw-min Drugs dodalna a hung hrat pei tah leia lawmum a ti thu a hril a. “Thu lawmum tak chu Drugs do dingin vantlang mipuihai ei hung pensuok ve ta hi a nih” tiin a hril. Lilong le a sevela Drugs dona kawn-ga an hmalakna hrilin, an Secretary Abid Hussain chun, July 2017 indin \an tira in-thawkin ALADA chun Rs. 6 crore man vel Drugs a man tah niin a hril. Hussain hril dan chun, India ram sun-ga Drugs inruitheia an hmanghai, an man tamtak chu N10 (Nitrosun 10 Mg) Spas-moproxivial (SP) le Codein contents syrup (pharmaceutical drugs) hai an ni a. Myan-mar tienga inthawka hung lut chu Heroin No.4 le World’s Yours (WY) hai niin a hril. Drugs addict an pung hratna san pak-hat chu sin nei lo um mei mei tam lei le retheina lei niin a hril a. Inhawi chen nu-oma thaw khawm an um niin a hril bawk. Manipur-a khawm Thoubal district Li-long hi a hluor bik a. Ni kum sung ringawt khan Lilong ah Drug Users 2, 000 lai an identify niin a hril. Drugs Rehabilitation Centre khawm a \hatna le tamna niin a hril a. Nuhmei khawm Drugs thaw an tam tah hle niin a hril bawk.

Manipur-a nuhmei Drugs thawhai en-kawlna ding bika indin ‘Sneha’ Rehabilita-tion Centre enkawltu Sister Veronica chun, tu tak hin an Centre ah nuhmei drug addict 11 an enkawl niin a hril. Centre-a enkawl-na chang phak lo Drugs thaw zing nuhmei chu za tel an um ve niin a hril bawk. Pawisa tamtak hlawk beiseia Poppy chingtuhai laia pakhat, sawrkarin Lemon-grass chingna ding \hangpuina a pek Mr Lalboi hril dan chun, an khuoa mihai chun kum tamtak Poppy ching in pawisa an lo lamsuoka fak an zawng hlak niin a hril. Mr Laboi chun, an khuoah ringawt khawm Poppy chingtu mi 150 vel an um a. Tuhin chu Assam Rifles hai an sat thluk vawng ta a, Lemongrass chi pein a ching-dan chenin an inchuktir niin a hril. “Lemongrass chingdan kan thiem taa chu a ra kan sikna ding chun kum 4-5 vel a la \ul a, Poppy chu kum tinin kan sik thei. Anachu, thil \ha lo a nih leiin kan hausapui chuong naw a, \i dawr dawrin kan um a. Tuhin chu \i ding iengkhawm um tah lovin lungril hadamin kan um thei tah” tiin nau 5 nei Lalboi chun a hril. Lemongrass chu a thau sawrin rimtui inhnik tak tak le thau chi hran hrana siem thei a nih tiin thafan takin a hril. (PTI)

Ni kum khan Drug Peddlers 600 man an ni a,

Chandel, Ukhrul, Tamenglong le hmun dang danga um hai leh ei \hangruol naw chun tuta tulaia ei buoipui Imphal khaw-pui sung ngeia sakhuo zalenna khawm sir-dein a um thei thu, Kohran hai khawmin inlahrang loa an \hangruol a pawimaw tiin a hril. Naga Framework Agreement thuah chun, India sawrkarin sukpuitling ngei tuma hma la a ni leiin an nin an hmu hunah ei ni khawmin Autonomous Territorial Council ei hmu naw chun hmatieng thil a hung harsa deu deu ding a ni leiin rala inthlir el loa “To-gether We Can” ti thei zing dinga hmatieng ei pan a hun ta a nih tiin a hril. Pu John K. Ngaihte chun, Manipur a tlangmi hai ngirhmun siet dan, state ei hmu hnung le hmaa buoipui a lo nita a, seat reservation nisien, sin zawngna nisien, tlangmi hai chanvo nasa taka sirdein a um a, India danpuiah tlangmi hai ta dingin Sixth Schedule um sienkhawm Manipur le Tripura haiah vawisun chen hin tlangmi hai Sixth Schedule pek an la ni naw a, chu chu ei la buoipui zing a nih tiin a hril. Manipur sawrkarin tlangmi hai kan hmangai tia Go to Village dam hung \an hai sienkhawm ei chan \hatna ding Sixth Schedule peklo dinga khekpui thei hai leh iengtin am khawsa tlang thei ei ta, ti hi chik taka ngaituo a \ul tiin a hril. Bodoland Territorial Council le inang Territorial Council peng kan ti cheu tia Union Ministry in a mi tiem le inzawmin inbiekna nei mek a ni a, in\hehrang thei lo,

nuom inla, nuom naw inla khawm a hnun-ga umkhawm tho tho ding ei nih tiin a hril bawk. Rally hi 9:30AM-11AM inkar sun-ga nei a niin, khaw tum tuma inthawk mipuihai Public Ground-ah fekhawm a ni a, sun dar 12 in Public Ground-ah mipui inkhawm (public meeting) nei a nih. Hun hmangna N. Thangzamawi in a kei\huoi a, Pastor Thangchinlun, Local Pastor, EBCC Hiangtam Lamka in \awng\aina in hun a hawng a, Pu Francis Son-gate in lawmlutna thucha a hril zoin Pu Joseph Lalrothang, President Hmar Inpui GHQ le John K Ngaihte, Chairman Zomi Council han thuhrilna hun an hmang zo hin H. Pauzalal in lawmthu hrilna hun a hmang a. Hi zo hin Pastor Hrangtinai, Mission Promoter, ICI in \awng\aina in hun a khar. Rally fe hai an \indar hnungin Inpui \huoitu han DC, CCPur fethlengin India Prime Minister kuomah Memorandum an pek. Rally nei huna in UPF/KNO le sawrkar thlungpui in Political dialogue an nei mek thlawpnain “Give us what you promised”, “Political Solution is the Only Solution”, Restore Autonomy of The Tribals, Protect our Rights through Territorial Council, We support UPF & KNO, Stop Discrimination of the Tribals, Enough is Enough We want solution now, Stop encroaching Tribal Land ti le a dang dang inziekna Placard hai chawi a nih.

Joint Inpui inrawinain Peaceful public rally nei

dan hran hran hai khawm pawm a hun tah tiin a hril. “Ei rama hin cultural group hran hran 36 ei um a. Ei culture le sakhuo hrat taka hma a sawn thei nawna chu ei inthruol thei nawa pum khata ei luong khawm thei naw lei a nih” tiin a hril a. Ei sakhuo le \awng, inchei dan (dress), lifestyles, culture le tradition hai ei vawnghim zinga mihai khawmin an hung inhnar thei ding khawpa ei chawilar a pawimaw a nih, tiin a hril bawk. Khawvel hnam hran hran lai hin Dar-

win’s Natural Theory of Struggle for Exis-tence (A hrat hrat dingchangna thu) an dik a, a hrathaiin a hratnawhai an sirde pei chu a nih, tiin a hril. Ex-MLA Mr Sapam Keba Singh chun, tulai khawvel danglam zung zunga hin mi tinin mani nina humhal ei tum seng a. Ei nina indiktak chu khawvel khawlai hmuna khawm um inla bo naw nih. Chuleiin, ei pi le puhai le ei inmatna khawm suktan lova sukhring hram hram ei tum ding a nih, tiin a hril. (DIPR)

Sakhuo danghai sawisel el ding an nawh: Karam

CM in Sangai Festival Ticket book website a hawng; Sangai Festival Rs. 3 lakh in an sponsoredimphal: Manipur CM N. Biren Singh chun zanikhan Chief Minister’s Secretariat-a Cabinet Hall-ah Manipur Sangai Festival, 2018 hung um ding le iznawma ticket book-ing thaw theina ding website:www.sangai-ticket.in a hawng. Hi huna hin Cabinet ministers, MLAs, Chief Secretary, DGP, Administrative Sec-retaries le Festival Organizing Committee members hai an \hang tawl. Chun, zanikhan Golden Trans Power, Manipur chun Manipur Sangai Festival,

2018 hung um ding Rs. 3 lakh in an spon-sored. Golden Trans Power a inthawk Hero Thokcom chun festival sponsored-na sum hi zanikhan CM N. Biren Singh kutah an hlan.