Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlahmur (July) 22, 2019 thaw|anni (monday)

Hmasawnna Thar Vol - 34/275 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

GAS NEWS

Kim Joe GasBooking: 4th. June to 19th.July, 2019delivery :22-07-2019 (MOn) Time :10AM-tillstockstOCK : @ Rs. 759please bring exact changes 19KG&FTL 5kg available

Agency : SASBooking :29th. June., 2019 to 25th. July, 2019delivery :22-07-2019 (MOn)Time : 9:00AM till stockstOCK :306 @rate:Rs. 759/-

VANGSEI INDANEK. SalbungBooking:07-07-2019 to 10-07-2019delivery :22-07-2019 (MOn) Time :10AM -12 noonstOCK :270

BUNGMUAL INDANE GV Booking:6July Delivery: 22/7/2019 Time: 10am - 12pm Stock:280 19kgCommercialavailableSongtal Indane Booking:25thAprilto 18thJuly.2019. Delivery:22ndJuly.2019 Time: 9am -12noon. Com.Refillavailable. DoubleCylinderngaiventheiSangbiaklal Indane.Booking:upto12july2019.Time 10am to 1pm..BPL/Ujjwalagascon.available.

District Super Divi-sion league

CCPur: CCPur District Sports Association (CDSA) huoihawtnain Aug. 3, 2019 khin Public Ground, CC-Pur-ah T. Lianboi Simte Memorial District Super Division League, 2019-2020 um a tih. Tournament-a hin CDSA hnuoia district Su-per Division Club hai \hang thei an ta, winner in Tro-phy+ Rs. 30,000 + Certifi-cate + Medal, Runners-Up in Rs. 20,000 + Certificate + Medal bakah Best Player, Top-Scorer, Best Goal-keeper le Most Promising Player of the tournament hai le Fair Play Team in RS. 5,000 + Certificate dawng an ta, match tinah Man of the Match award siem ni bawk a tih. July 24, 2019 a inthawk entry form lak thei le July 30, 2019 chena peklut thei ning a ta, Aug. 1, 2019 in CDSA Office-ah manag-ers meeting le fixture draw ning a tih.

Shija Vision centre, CCPur hawngna

CCPur: July 23, 2019 2PM khin Chiengkonpang, Churachandpur-ah Agricul-ture, vety & AH Minister, V.Hangkhanlian in Shija Vision Centre, Churachan-dpur hawng a tih. Hi huna hin Dr Kh.Rajendro Singh, State Programme Officer (NPCB) Guest of Honour in \hang a ta, Dr Palin Khun-drongbam, Chairman-cum-Managing Director, Shija Hospital chu Functional President in \hang a tih.

Cabinet meet-ing-ah Minis-ters 7 \hang loimPhal: July 20, 2019 zantieng dar 4 a inthawk khan Chief Ministers’ Sec-retariat, Imphal-ah CM, N.Biren Singh inrawinain Cabinet meeting nei a nih. Cabinet meeting-a hin Manipur a Cabinet Minis-ters 12 um hai laia Cabi-net Minsiters 5 an \hang a, Cabinet Ministers 7 an \hang ve naw tiin ei thu dawngna chun a hril. State Cabinet meeting chun Ma-nipur state chu khuo in\hal (Drought hit state) state a puong dinga sawrkar thlungpui kuoma recom-mend ding, School Edu-cation Department hnuoia thawk ding Contract lecturer lakna result puonglang ding, Department tum tum haia Stenographer sin le IRB Bat-talion 2 lakna sukchawla um (ban) hlip ding, MPSC Chair-man thar lak ding ti le State Project Management Unit in-din ding tihai an rel. Cabinet meeting-a hin CM, N.Biren Singh, Dy.CM.Y.Joykumar, Education Minister Th. Rad-heshyam, Forest Minister Th.Shyamkumar le Revenue Minister karam Shyam hai an \hang.

ZUF cadre pakhat manimPhal: 13th Sikh Light Infantry pawl chun July 19, 2019 khan Tamenglong District a Khoupum Area sunga Laichok Village a inthawk Zeliangrong United Front (ZUF) Self Styled Lieutenant Gaipao (32) chu an man a, Khoupum Police Station-ah an peklut. Ama hi July 11, 2019 a ABCI thawktu 3 \huoihmangnaa \hang ve nia intum a nih. ABCI pawl hi Khoupum area sunga lampui siemtu an nih. ZUF in ABCI workers 3 an man hai chu hring le damin July 17 & 18, 2019 zan khan an lo insuo ta anih.

District bifurcate ding le inza-wmin inrawntlângna nei

HAFLONG/CCPUR: 19 July 2019 khan Mahur IB ah IPF kei\huoina hnuoiah Mahur le Borial area a khuo tin lalhai (GBs) chu IPF de-mand le inzawmin District bifurcate hungum ding thu ah inrawntlângna an nei. Assam Budget Session 2019 a suklanga lo um tah angin Dima Hasao chu Dis-trict pahni a bifurcate a ni ding thu le District demar-cation a hungumna ding a

hin IPF family-hai chu \he\hawpa an umnawna ding le family pakhat anni anga District pakhat ah an luon-glût vawng ngeina dingin thei ang anga hma la ding le sawrkar kuomah lalhaiin (GBs) joint memorandum pêklût dinga remtitlang a ni bawk. Khuo tina inthawka lal (GB) fêkhawmhai chun an lawm hle thu an hril ruol ruolin demarcation thu a hin

buoina a lo um pal khawma IPF family chu hmunkhata an luonglût vawngna dingin an theina zawn sengah hma an lâk nuom thu an hril a, meeting a hin mi pawimaw IPF family huomsûnga In-pui tin hai le Student \huoi-tu hai an \hang bawk. IPF family a hin Hmar, Zeme, Kuki, Biate, Vai-phei, Rongmei, Hrang-khawl, Karbi le Khasi hai an \hang a nih.

Mithiruong pahni hmu a nih

imPhal: Manipur hmun hran hranah zanikhan mithiruong pahni hmu an nih. Mithiruong pakhat chu Chingmeirong Christian Cemetry-a hmu ani a, a hming chu Miss Mona Deb (20), d/o (L) Nityananda a nih. Miss Mona Deb hi ama khat chauva Lei Ingkhol, Chingmeirong-a mi In hluo a um, Stone Crusher-a sin thaw hlak a nih. A u nu Mrs Ganga Deb chun a sangnu hi July 20, 2019 zan dar 8 vel khan an Inah a va leng a, Thingpui an dawn zo hnunga a In hluona tienga fe a nih tiin a hril. Mona Deb hi hna-mah chun Bengali a nih. Hi thina le inzawm hin Lamphel Police Station-ah case registered a nih. Chun, zanikhan pasal pakhat chu a thisain NHPC Loktak Canal sungah hmu a nih. Mithiruong hmua um hi R.K.Sanayaima of Urup nia hriet a nih.

PM in Naga issue chingfel vat a nuom leia Governor dinga Ravi ruot: Report

Guwahati: Prime Minister Narendra Modi chun Naga Political issue an hmatienga sukfel a nuom leia Deputy National Security Adviser (NSA) le Centre Interlocutor R.N. Ravi Nagaland Governor ding ruot a ni a. Ravi hin tuta thla tawp annawleh August chawlkar hmasa tak khin Nagaland Gover-nor sin a chel \an beisei a nih tiin thu dawngna chun a hril. Government official pakhatin Assam Tribune a hril dan chun, Nagaland Governor dinga RN Ravi ruot a nina san tak chu Naga Peace Talks hrat lema fepui le an hma thei ang taka a hmawr inbawk nuomna lei ani ring a ni a. Naga helpawl hai le in-biekna hi final stage-a um a nita a, a, chu ding chun legal issue \henkhat sukfel ding a la um niin a hril. Thu laknain a hril pei dan chun, Prime Minister chun, Ravi Governor din-ga ruot hin peace talks fe mek buoipuina kawnga a ta dinga thilthaw awlsam lem dinga a ring leia hiengang thutlukna hi a hung siem ni ring a nih tiin a hril. Kum 2014 a BJP inrawi National Democratic Al-liance (NDA) in rorelna an hung chel \an a inthawk khan civil servant pakhat

khawm Governor dingin an la ruot naw a, Ravi hi NDA sawrkar hnuoia re-tired civil servant Gover-nor dinga an ruot hmasatak a la nih. Ravi hi Special Direc-tor, Intelligence Bureau a pension a ni a, a pension hnung le NDA in kum 2014 a sawrkarna an hung chel char khan Naga Peace Talks-a Interlocutor dinga ruot nghal a ni a. Hi hnung hin Joint Intelligence Com-mittee (JIC) le Deputy Na-tional Security Adviser dinga ruot a hung ni bawk a nih. Ravi in Interlocutor sin a hung chel hnung August, 2015 khan India sawrkar le NSCN(IM) chun Frame-work Agreement an hung ziek a. Sawrkar thlungpui chun Naga popo huop (in-clusive) solution siem a nuom leiin Naga helpawl dang hai khawm inbieknaa

an \hang theina dingin hma nasa takin a hung lak a. Tuhin NSCN –IM chau ni ta loin Naga helpawl 6 hai inthlungkhawmna Naga National Political Groups (NNPG) khawm peace process a hin an hung \hang ta a. Tuchena NSCN-IM le NNPG han sawrkar leh ahran ve vein inbiekna nei hai sienkhawm, inremna (agreement) pakhat chau ziek a hung ni ding a nih. Hieng laizing hin Ravi in Nagland Governor sin a hung chel hnungah India sawrkarin interlocutor hrat a ruot ding le dingnaw hri-et a la ni naw a. Sawrkar chun helpawl group hai le inbiekna la hung um pei dinga sawrkar aiawa \hang ding Interlocutor pakhat chu a hung ruot el thei a, sienkhawm Naga issue hmawr inbawkna chu Ravi mawphurna la ni pei a tih tiin ei thu lakna chun a hril.

operation tui\hapui Consultative; 27 July ah tlangsin ko-LRS Puruoltetui|haPhai/CCPur: 20 July 2019 zing dar 7 AM khan MYC Hall, Muolvai-phei, CCPur ah HPC(D), General Headquarters hmalaknain “Opera-tion Tui\hapui” le inzaw-min Tui\haphai/CCPur phairuom-a Hmar khuoa Village Authority hai leh Consultative Meeting nei a nih. Hi hun a Mr. Alan Hmar, Defence Secre-tary, HPC(D), GHQ in a thuhrilna a chun seminar hran hran hai a lo \hang tah hlak le Guwahati hmunah North-East Regional Con-sultation On Community Rights Over Environment And Natural Resources ti thupui hmanga Seminar nei a ni huna khawm a lo \hangna a chun mi’n ram le hnam ka hmangai an ti

chun an thing le ruo, an tlang le muol, an vadung-te hai le an ran/ramsa hai chen khawm an lo hman-gai zie a hmusuok thu hai a hril a, eini hai khawm “Kan Pi le Pu ha’n ropui an relna, kan ram hi kan rohlu” tiin ei ram hi humhal veng ei tiu, tiin ngenna a siem. Hi huna fekhawm Vil-lage Authority hai chun “Operation Tui\hapui” ti hi \ha an thi thu le an thlawp

zie thu hai an hril a, 27 July 2019 hin Hmar khuo tinah “Operation Tui\hapui” ti thupui hmangin Tui\hapui vadung ah tlangsin/hnat-lang ko lunginruol takin an remtitlang a nih. Hi hun a hin HYA Tui\haphai JHQ le HPC(D), GHQ inkaw-pin Tui\hapui sukfaina sin thawa um hai khaw tinah fangkuolna sinthaw ning a ta, mi tlawmngaihai tadin-gin emergency thil a lo um

thut a ni khawma hmang thei dingin HYA Ambu-lance, nurses le medical assistance a um ding thu le Operation Tui\hapui hi Tui\hapui vadung suk-thienghlimna dinga hmal-akna pawimaw tak a ni lei-in an hmalakna lo thlawptu hai popo chungah PRO le Information and Publicity, HPC(D), GHQ chun an pawl aiawin lawmthu an hril.

ADC hmalaknain Cleanliness Drive neiCCPur: Autonomous District Council (ADC), CCPur hmalaknain zani zingkar 6AM-8AM inkar sung khan CCPur khaw-pui sunga bazar hmun pawimaw New Bazar le sumkong Kaimun haiah Cleanliness Drive nei a nih. Cleanliness Drive a hin hieng bazar pahni haia dawrkaihai bakah ADC tienga inthawk Mobile Task Force, Supervisor, Sanitary Workers le Town Sweepers hai an \hang tawl. Cleanliness Drive huna hin Bazar hmun haia hmunhnawk hai bakah tuilu-ongkawr (nulla) haia huotfai niin, Sanitary Truck hmanga

hmunhnawk hai phurhmang an nih. Drive neina hi T. Paukhanlian, Chairman, ADCC bakah Vice Chairman, Paolao Haokip hai khawm \hangin sin thawna an enfel.

ADCC chun Bazar hmun hai fai le thienghlim lemna dingin theitawpin hma a lak mek a, New Ba-zar area haia chun Nulla hai huotfai vawng an lo ni ta bawk.

loneitu hai beidawngna in a vawrtawp a tlung tah CCPur: Boruok sik-le-sa mumal naw leia tuchena Manipur in ruotui mumal a la hmunaw leiin Manipur state sung district tum tuma phailo/leilet neitu hai chu an beidawng ta hle. Mani-pur sawrkar chun loneitu hai harsatna hriepuiin an har-satna chingfel dan lampui theitawpa dap a ni thu hril sienkhawm Ruo siemtu a ni sinaw leiin tuchena loneitu hai harsatna phuhruk a la nei thei hri nawh. Loneitu hai le district mipui hai inhnemna Cheng vaibelsie zatel senga Khuga Multipurpose project, Churachandpur district –a siem le kum 2010 hawng ta khawm chun Right le Left Side Canal huopsung haia loneituhai harsatna phuhruk thei loin ‘beiseina thlawn’ an chang mek. Leilet siem hun hi an khel tieng a nita leiin loneitu tam tak chun tui hmunaw hai sienkhawm ruo a hung sur pal leh tiin an lo hai \awl bawr bawra um chu khawl hmanga keiletin, \henkhatin an tu a, \henkhatin an the bawk a. Sienkhawm buchi thea um hai khawm a kak hmu ding a la um meunaw bakah

Buchi thea um hai hi Vate in an rut bawk leiin tui umnaw leia loneituhai beidawngna chun a vawrtawp a tlung ta a nih. Kum dang khan chu Canal-ah tui a hung theinaw khawmin van malsawmna ruotui tlawm a zawng hmu hai leiin harsa sienkhawm Lo siem thei hram hram a ni hlak a. Sienkhawm tukum ruok chu khaw in\hal zuol-kaina karah Canal hmun tam takah a siet lei a ni a, a sietna hai hi siem\hat tuma hma lak mek a ni a, a sietna hmun \henkhat haia chun tu-ilawng (pipe) hmanga canal tui hi zawnkai tuma hmalak mek niin thu dawngna chun a hril a. Amiruokchu a siet neu neuna hi a tam leiin lo-

neitu tam tak chun beiseina an nei insangnaw hle thu ei chanchinbu palai an hril. Nikum hman khan ruotui a \hanaw leia bu thar-suok a tlawm leiin bufai man to hrat zie bufai fa ei ni leiin a hretu seng ei ni a. Loneitu han Bu an hung ch-ing theinaw lem chun kum thar tieng chu Manipur bufai man hi a to hle ding a nih ti a sukchieng a, hi lei hin Mani-pur bufai fa phak lo khawm ei tam hle/ fa phak ei um meu naw khawm a hung ni thei leiin ei hmabak hi an kho hle a nih. Hieng laizing hin zani hmasa zana Manipur Cabi-net meeting chun Manipur chu khaw \hal in a sukbuoi (drought state) a puong dinga

sawrkar thlungpui ngen din-gin a rel. District Hqrts. CCPur a inthawk km. 10 vel chaua hla Khuga Dam ti a ko Khuga Multipurpose project hi kum 1980 a inthawk Rs. 15 crore seng dinga bawl \an, electric power 1.5MW pesuok thei ding, Tuilo/Leilet 15,000ha a lien tui pe thei ding bakah CCPur khawpui sunga cheng mipui hai tui hnienghnar taka pe thei dinga riruong a lo ni a. Amiruokchu, buoina dang dang leia kum ieman-ichen zet sin sunzawm thei loa a um hnungin kum 2002 khan sunzawm nawk a ni a, kum 2010 khan Congress president Sonia Gandhi in a lo hawng a nih. Zo ding huna zo thei

loa a um lei hin hawng a ni chena Khuga Dam bawl-naa sum seng zat hi Rs. 335 crore chuong a nih. Hieng zat sum sengralna nisienkhawm tuchena hin a purpose pakhat khawm duthusama peksuok thei a neinaw a, Electric power lem chu hawng a ni hma khan a pek thei tanaw ding ti puonglanga lo um ta a nih. Electric power a peksuok theinaw khawmin Loneitu hai ta ding le district mipui hai chun tui hnienghnar tak hmu theina dingin an lo in-beisei a, sienkhawm hawng a nia inthawk kum 9 laizet a liem hnung khawmin mipui mamaw phuhruk dingin tui khawm a la peksuok thei tanaw rawp a nih.

uP- ah nikhat sung |ekin mi 32 zet a deng hlum

luCknow: Uttar Pradesh a chun Pathienni khan hmun hran hranah |ekin mi 32 zet a deng hlum niin official thusuok chun a hril. Thu dawngnain a hril danin, Pathienni khan Kanpur le Fatehpur haiah mi 7 ve ve |ekin a denghlum a, Jhansi-ah 5, Jalaun-ah 4, Hamirpur-ah mi 3, Ghazipurah mi 2 le Jaunpur, Pratapgarh, Kanpur Dehat le Chitra-kot haiah mi pakhat seng |ekin a denghlum bakah mi 13 in hliemna an tuok bawk tiin official thusuok chun a hril. July 20, 2019 khawm

khan Deoria hmuna mi pakhat |ekin a lo deng-hlum ta bakah July 18 le 20, 2019 hai khan Kushi-nagar hmunah Rul in mi pahni a lo chukhlum ta bawk tiin sawrkar thusuok chun a hril. Uttar Pradesh Chief Minister Adityanath chun, thina tuok sungkuo hai a tuorpui thu a puong bakah district Magistrates tin hai chu thina tuok sungkuo hai kuomah zangnadawmna Rs. 4 lakh seng pe dingin an hriettir. Hliem hai khawm \ha taka enkawl an ni theina dinga \hangpuina pe dingin an hriettir bawk.

Vadunga tla hlum nuhmeite 2 ruong hmu ve ve an ni tahimPhal: July 20, 2019 zantieng dar 4:30 vel khan nuhmeite pahnihai chu Imphal East District a Ma-habali Mathak Leikai hmuna Imphal Vadung (Run Va-dung) kama an ruolhai le an inhnel laiin changsuolin va-dungah an tla hlum. Imphal vadunga tla hlum hai laia

nuhmeite pakhat ruong chu a zantieng hmu nghal a nih. A hming chu Osin Dangmei (7), d/o Razor Dangmei of Mahabali Mathak Leikai a nih. Nuhmeite ruong dang pakhat chu zani zingkara in-thawk khan NDRF, SDRF,

Manipur Fire Service le In-dian Red Cross Society hai \hangruolin an zawng nawk char char a, zani 2:30PM vel khan hmu a nih. A hming chu Gaigiuliu Panmei (7), d/o Ambition Panmei of Noney tuta Mahabali Mathak Lei-kai a cheng a nih.

NPF in a sukmuong an ringGuwahati: Nagaland a Opposition party Naga Peo-ple’s Front (NPF) chun, Nagaland Governor dinga Centre Interlocutor ni lai RN. Ravi ruot a ni chu an lawmpui a. Sienkhawm Interlocutor dinga ruot a ni chun Naga Peace talks nei mek a sukmuong pha el thei thu an hril. R.N. Ravi Governor dinga ruot a nina in Naga Peace talks sukbuoi lo dingin sawrkar an ngen.

Hmasawnna Thar2 thlahmur (July) 22, 2019thaw|anni (monday) artiClE/hEalth & EmPloymEnt nEwS

Editorial Boardlalmalsawm sellate:Editor&Publisherroding l. sellate: Jt.Editor : Co-Editor Joshua l. Amo: Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUIIn tuor hi nangni thununna ding a nih; nau-hai chunga thaw angin Pathienin in chungah a thaw a ni hi; pa thunun naw nau tu am a um hlak a. -HEBRAI 12: 7

Mihirem hringnuna ei hmel le ei taksa a mawi le a maw naw, a nal le a nal naw, a fai le a fai naw, ei inhme le ei inhmei naw, ei thil innal hlak hai an ruol le an ruol naw enfiena ding chun Darthlal-ang ei hmang hlak. Mihriem hringnuna ding chun darthlalang hi hmangruo pawimaw em em el a nih. Nunghak le tlangval hai ta ding lem chun darthlal-ang hi a pawimaw zuol bik. Nitina bu le hme ei fak hlak ang thova pawimaw a nih. Darthlalang inen lo chun ei um thei nawh. Mihriem taksa, mihirem hmel, sil le bil a mawi le a mawi naw enfiena ding chun darthlalang hi a \ha tak a nih. Mihriem lungril, mihriem nungchang le ei thlarau nun enfiena ding ruok chun “Anachu” ti hi inenfiena \ha tak a ni thung. |awngbau ei hmang hai laia ei hmang rawn tak chu “Anachu” ti hi a nih. Anachu ti \awngbau hi iengleia ei hmang rawn le an lar em em el am a na ei ti chun, thil a \ha tieng le a \ha naw tiengpang a kawk thei ve ve a, \awngchang lakna takin ei hmang rawp el hlak a nih. Mitin chunga “Anachu’ ti \awngbau ei hmang dan izirin, mi fel tak amani, mi fel naw tak amani, mi suol ei ni amani, mi \ha ei ni amani, mi indik le mi ringum ei ni amani tihai hriet theina chin a hung um thei hlak. Mihriem ei inbiek le ei titina haiah hin anachu ti \awngbau hi ei hmang lar hle hlak. Thil \ha le thil \ha naw ei hril khawmin anachu ti \awngbau hin a tawpna ei khar hlak. |awngbau hmang inrim le \awngchang lakna chu a ni hrim hrim. A \ha tieng hrilna le a \ha naw tieng hrilnaa hmang ve ve thei, \awngbau pawimaw takel chu a nih. Ei hmang dan iznira \ha thei le \ha naw thei, umzie inthuk tak nei a ni leiin a hmang khawm ei fimkhur hle nuom a um.A \ha zawnga “Anachu” ti \awngbau hmang dan a fie zuolna dingin hiengang hin hang hril ei tih. Hi pa chu a hmel en el chun pa mawl tluongtlam tak, ho ve tak, pawisak nei mang lo a ang. Anachu ti \awngbauin a zui ta chun “Ring nekin a fel dai” a nih ti ei lungrilin a hriet thei hlak. Hi tlangval hi chu a hausain, lekha an chuk sang si, sawrkar sin lien tak a chel bawk a, khawvel nu-omchenna tieng khawm nuom tawka chen ve thei a ni vei leh. Anachu ti \awngbauin a zui ta chun, “Mi insum thei, mi fel tak, mi indu lo, inla lien nuom lo, mi uong lo, tlangval \ha, pasala neitlak a nih” ti chieng taka hriet thei nghal a nih. Chun, hi nu hi tuta \uma Gospel camp huna pi-engthar a ni a. Ama hi pathien thuhril, midanghai inchuktir le hlasak hai chu a thiem hranpa nawh. Anachu ti \awngbauin a zui chun, “A ringna chu a nunah an lang fie hle” ti an hriet thei bakah piength-ar indik le nu fel tak a ni a, nuhmei ding khawma iei a um nawh ti mihai hril ngai lova hriet thei a nih. Anachu ti \awngbau a \ha naw le a se zawnga hmang dan a fie zuolna dingin hiengang dei hin hang hril ei tih. Hi Ukil hi dan a hriet hnesaw bakah a thiem hle a, thu buoi khawm a hne thei a, a ruoitu khawm an tam. Anachu ti \awngbauin a zui ta chun, “Sum a du taluo” ti chu mihai hril \ul kher lovin hriet thei a hung ni hlak. Hi Pastor hi thuhril a thiemin, Pathien thu khawm a hriet inthuk. Anachu tiin a zui chun, “A hril angin a thaw naw a, a nunpui nawh” ti chieng taka hriet thei a hung ni nghal hlak. Hi nunghak hi a hmel a \ha, inkhawm khawm a taima, a hawiher le a pumduong khawm a \ha,. Anachu tiin a zui ruok chun, “A ruk a ler hur, buon hrat lo a ni a, ring ang a ni nawh” tia ngairuot le hriet theiin a hung um hlak. Buon hrat lo, mi ler hur nunghak chu tukhawma nuhmei dingin an dit ngai nawh. Nunghak nungchang \ha lo a nih ti khawm hriet thei a hung ni hlak. Mi han ei chungah “Anachu” ti \awngbau an hmang dana inthawkin mani nun seng inenfie hlak ei tiu. Ienganga \ha le felah inngai hlak inlakhawm ei nungchangin a zir naw a, ringumna, indikna le titakna hai ei nei naw chun mi han mi \ha le felah mi sie ngai naw nihai. Ei hnungtieng mi demin an mi nuisaw hlak ding a nih. “Anachu” tia hrilzui ei ni nawna dingin ei hringnun hi ei hmang \hat a \ul a nih. “Anachu” ti \awngbau hi ei hringnun Darthlal-ang ni raw seh. “Anachu” tia comment hlaw lo nunghak le tlangval ni ngei tumin \halaihai hi intuoi thar ei tiu.

Anachu

Sir t.t.Zuola, inspector, mang\haBy:- Songrokhum SongateCamp-Office, Parbung Police Station

Tui\haphai 20-07-2019

Pu Tlangthangzuol @ T.T.Zuola hi 14th October, 1986 in Manipur Police Department ah Assistant Sub-Inspector (ASI) in a join a, 13rd June, 1994 in Sub-Inspector (SI) le December 23, 2009 in Inspector in a kaisang (Promotion) a nih. A service sung hin Police Station dang dang ah posting in sin a thawa, SP Office/Churachandpur ah Reader sin le Reserve Officer to SP (RO to SP) kum 10 lai a chela chun OC Parbung Police Station kum tamtak a lo chel ta bawk a nih. A sina ringum le mi taima, hotuhai inpak hlaw rawp hlak mi a nih. Ama hi ruol pawl thiem le ngaina mi, a postingna hmun hmuna mipui le inkara inlaichina tha siem zung zung nghal thei le biel mipui hai ngainat hlaw rawp hlak mi a ni bawk. Ama (Sir T.T. Zuola) le hmaisana kan inhriet \anna le kan inthlawp \an na chu kum 2009 kha a nia, a murna, seilienna le a khuozawl ang el a, a lo awp rawpna Parbung Police Station OC a chel laitak a ni nghe nghe. Ama hi senior I/O (Investigation Officer) a ni ang bawkin case investigation a thiem em em. A hnuoia thawktu (Station Writter) dingin tlinglo tak pumin a mi laklut nghal leiin ka mawphurna chu huphur hle lang khawm ka sel nawa, chutaka inthawkin a thini chenin kan in\he ta nawh. A hrietna a \ha em ema, tulai khawvel thiemna insang hle ta sienkhawm, ama hi mi in upgrade hrat takel a nia, Dan (Law) hmanga rorel hlak a ni angin Indian Penal Code (IPC) hi a hriet hnesaw hle. “Ama um chun Law book a \ul nawh” ti hi a sin thawpui hai \awngbau a ni rawp hlak. Hi lei khawm hi a ni, Churachandpur-Pherzawl District ah Police Officer tamtakin an rawn rawp nasan a nih. Sawrkar sinthaw lai chu Police Department (Discipline Force) hi sin harsa le sawl um pawl tak a nia, “Lal lai chu sipai in Lal a na” ei ti hlaka, a ni hrima, sipai hotu in thupek ansuo chun a rawi haiin an nuom tam an nuom naw tam “Yes Sir” tia lungawi taka thupek zui kha a nel a. Chun sipai chun an hotuhai an nuom ang angin an biekin ruol angin an umpui thei bawk naw, inza taka hril nuom an nei a ni khawmin dan ang taka inzana salute pek a \ul hlak. Amiruokchuh, Sir T.T.Zuola hin chu a chin a lien ti lovin inang rawng in a tu tu khawm a dawngsawng thei vawnga, a hnuoia thawkhai harsatna hriethiempui mi, nel um taka um hlak a ni bawk. Ei la hriet seng ring a um, kum 2000-2006 bawr lai vela Tipaimukh biela PREPAK, KCP le UNLF, Meitei underground vanglai huna a ram phekin harsatna rapthlak takel ei tuok kha, a vangnei am vangduoi, Sir T.T.Zuola hin OC/Parbung-PS a chel laitak kha a nia, khang lai huna khan Manipur Police Department abitakin Churachandpur District Police in nasa takin manpower a tlasam a, ama OC/Parbung-PS ni zing si in RO to SP/CCP a chelsa bawk, a biel mipui beidawng \ap ri a so vung vung zing bawk si, ramhnuoimi silai dawt kara a khat chauin Tipaimukh biela a tlan suk a ni kha. Extortion, Kidnapping, Bomb blast, Murder le Rape case hai po po Dan hmangin FIR a register ta vawnga, chu chun, thuneitu insang lem hai nakawr a ver chieng hle. Aman a hril dan in Pu. Tlanlothang of Parbung, Pu Zolawmsang of Parbung le mi tlawmngai dang dang hai \hangpuina in karkhat sung in case FIR sawmli (40) lai a register a nih. Chu el bakah, kum 2006 ah Lungthulien incident chungchanga Justice (Rtd.) Rajkhawa Judicial Enquiry huna khan a unau chipui hai an phat naw zie le Hnam issue a tling leiin nuhmei nauhai tlansan in sun-zan chawl lovin a taksa pumin an pek a ni kha. Kum 2015, May thla ah |ieulien khuoah Mizoram Armed Police (MAP) haiin ei Hman sipai (L) Malsawmkima nunrawng taka an sawisak zek hnunga Tuiruong kam a an kaphlumna le inzawm khan Sir T.T.Zuola hi Hmar mipuiin theinghil ngai naw inla nuom a um takzet. “Vawi nilo, vawia intum hman a na” ti angin mi’n ei indikna ah thukhel in an mi’n tum chun mihriem ngaia chu na tak a nih. Kha case kha Sakawrdai-PS (Mizoram Police) haiin 0 (Zero) FIR an register a, a hnunga PBG-PS ah hung transfer in Parbung-PS chun FIR No. 03(05)2015 PBG-PS u/s 307/400/34 IPC & 25 (1-A)A.Act hnuoia a register sawng nawka, ama case I/O a ni nghe nghe. Hi case ah hin a thla nawk, June (ka chieng ta nawh) in spot visit/inspection dingin ama rawiin |ieulien kan pana, motor a tlung thei naw leiin Ankhasuo an inthawk |ieulien kai chen motor boat in kan chuonga, nipui lum vanglaitak a ni leiin a lum kher el. A hmun kan tlung chun MAP hai kut tuor leia hliem hai statement kan laka, a \hen lem chuh an hliemna serious leia Lamina Hospital, Silchar chena refer khawm an lo um. Chun wireless phone (WLL) an suksiet pek hai dam kan hmua, thukhel zepsa der lovin thudik tak hmangin spot visit kan zo a. Chu hnunga Sir T.T.Zuola in higher authority hai kuomah a finding chu kimchang

takin report a submit zui ta nghala, hi chara inthawk hin a nih, namen lova a biel mipuihai a ngaituo leia sukdudana a tuok \anna chu. A report peka chun (L) Malsawmkima thina kha Fake Encounter a ni, ti chu a suklang naw thei nawh. Asanchuh, |ieulien V/A members le mit ngeia hmutu hai statement pek dan a ni tlat. Chu thil chun Mizoram DGP Balaji Shrivastava, IPS le Manipur DGP Syed Ahmed, IPS haiin an vai thisen inzawmna chu tlungdetin Sir T.T.Zuola chu Thokang (Mosquito) hmu in an hmu ta tlat el. Mi \hahnemngai pawl khatin High Court chena Fake Encounter a ni, tiin PIL file in an zuolko \an zing bawk. Nikhat chu Sir T.T.Zuola chu SP/CCP in a office ah hmu dingin a ko ta a, a va hmu ta ngeia leh, SP/CCP chun “I himna dingin hotu insang lem haiin a var khawm a dum an ti chun, ti el rawh” tiin a lo hril ta a, nisienlakhawm, ama ruok chun “Sir, I mi advice-na chu a ka lawm hle, amiruokchuh, ka thei nawh, iengpokhawm ka chunga tlung sien pawm ka tih” tiin a dawna, SP/CCP khawm a ngaina hrie lovin a lu a huot tawp a nih. Ama hril dan tak lem chun “Sir, I am ready to face the consequences” tiin a office a suoksan a nih. An hril ta ang ngeiin tawite hnunga OC/PBG-PS a inthawk hmun danga dingin a transfer order chu a suok inrang hle. Kum tamtak a hnuoia sinthaw ka ni leiin a mizie hrie hne vieu a kan ngaia, vawikhat chu Senvona kan um lai a ruol\ha hai nupa hin arsa hmepui dingin bufaka an kova, ama chun “Ka lawm hle a chu hung fa dal ka ti, kei chau in mi kova ka naupang hai an \hang ve si naw chun, keiin sa hme’ng ka ta, an ni’n hme lo ding chu inhawi ka ti nawh” tiin a dawn chu, a ko tuhai khawm in a naupang hai a ngaituo zie an hrieta, mak an tia an mengphawk vel el chu tie. Kan inzin chang hin a lainatu haiin kan renga an mi ko naw chun a khatin a hnik tam, an hnik naw, a nuom ngai naw hrim hrim a nih. Kum 2014 khan Rengkaia school naupang, Parbunga inthawk Tui\haphaia lekha inchuka um ruolcham hawnkhat le Rengkai tleirawl \henkhat an inchawkbuoia, chu ri chu a hriet charin a ina inthawk tlan dawkin a hmun chu a van pan nghala, a chengna khuo Rengkai a \an naw tina nilovin, a awpna hmun, a biel Parbung naupang hai thlamuongna dingin “Kei Parbung tlangval, tum ana buoina siem” tiin rawl a va suo a ni awm. A theina china chu a biel mipui hai hmangai em em tu a nizie a suklang hle. Patpuihmun khuoah hin ngaizawng (a hming ka hriet ta nawh) a nei tlat el. Chu nunghak chu nu hmel\ha tak chu a ni hran nawh. Vangaitlang kan inzin zatin thuomhnaw a hawn pek naw leh, pawisa sum bek hi a pek zie hlak. Kum 2016, Vangai Olympic, Patpuihmuna a um tumin kan fe a, chu \um chun a ngaizawngnu leh an in hmu ta ngeia, chu nu chuh a hmel en chun nuhmei ngaizawng nei chi bek chu a ni naw khawpel a, Sir T.T.Zuola chun “Ka ngaizawngnu!” tiin ka hei kova, ama nu ruokchun “Pu” tiin a dawn ve thung. Thuomhnaw a hawnpek naw leiin pawisa 500/- note a peka. An in ngaizawng dan a hril chun kumkhat laia case pakhat le inzawmin Tuiruong, Patpuihmun kaia inthawk ke in Patpuihmun a pana, lampuia \amsawl an vawia, tui takngiel khawm dawn ding um lo, a chau beidawng lawmpui sira a zalhlep el ta lai chun tuta a ngaizawngnu hin hung tuok fuin a paikawnga a phur mawt le tui an dawn tir leia a lawm ema ngaizawnga a man a nih. Pi |anpui (Sir T.T.Zuola nuhmei) ngei khawmin an Pa inzin ding pha chu a ngaizawngnu thil ding an hawntir hlak a ni awm. Hun le kum hai a hung liem peia, kum 2017, October thla vela inthawkin a taksa hriselnawna hai chu hung sawisel \anin doctor haiin Zunthlum (Diabetis) a nei ti an hung hmusuoka, a kal (Kidney) hai hung effect peiin Tukum, kumbul a inthawkin nikhata vawi 2/3 dialysis thawzie a hung \ul ta a. A sin thawzawm pei dingin a taksan a tlin nghang ta naw leiin 31st March, 2019 khan medical ground in a lo pension ta a nih. A pension ni hin ram tadinga a thawpui le a naupang haiin ngai tak pumin a hnuoia thuziek hmanga kan inthlana chu hnuoi rinum maksana, natna um ta nawna, Chatuon ram mi’n lawi san ta sienkhawm, lungrila vawng zing kan tih.

Who knows the way, goes the way and shows the way.

Thank You for all your wisdom and help during our adventures together.

Your decision-making skills always inspired us to be like you.

As we express our gratitude, we must never forget that the

Highest appreciation is not to utter words, but to live by them.

May we live up to your example.

assam tuilien leiin mi 12 thi bel, 1.3 lakh hai relief camp ah an la umGuwahati: Assam state a tuilien chun Inrinni khan kiem tieng a pan na hnuhma hmu theiin um ta sienkhawm, tuilien le inzawm thoin darkar 24 sung mi 12 dang an la thi belsa nawk a nih. Assam state dis-trict 33 a inthawk district 24 haia mi nuoi 44 hai chu tuilien hin a la tawkbuoi ran thu official hai chun an hril. Tuilienna hmun Baksa, Hojai le Majuli district a mi hai chu kiem tieng a pan met met tah niin report a um a. Amiruokchu, thlai ch$ngna hmun ram 1.51 hectare le Ka-ziranga National Park hmun lien tak el chu tuiin a la ch$m a, samak 10 a thi hai khawm

chu buoipui thei an la ni hri naw a nih. Assam State Disaster Management Authority (ASDMA) flood bulletin in a report dan chun Morigaon district ah mi 5 thi, Barpeta ah mi 3, South Slamara ah 2 le Nalbari le Dhubri hmuna hai pakhat ve ve an thi niin report chun a ziek. Lower Assam hmuna tuilien harsatna tuortuhai \hangpuina dingin Army le res-cue hai chun darkar 24 sung sansuokna sin an thaw thu thuneituhaiin an hril. Ruo chat loa a sur zing laiin mi 488 hai sansuok an ni a, mi 450 hai kuomah \hang-puina thil pek an ni bawk.

ASDMA bulletin in a hril danin cheng-na ding in le lo nei ta lo mihriem nuoi 1.3 hai chu relief camp 689 ah an la um zing thu le district administration chun relief distribution centre hmun 240 a siem thu a suklang. Kaziranga National Park (World Heritage site) a chun hriet thei chinah ran 129 an thi tah a, tuilien chu 138cm in hi lai hmun \henkhat ah a tlahnuoi ta bawk. July 13 a inthawka mi rannung 129 thi hai laia hin samak 10 le sai an \hang an ring thu divisional forest officer chun Inrinni a statement a siemna a chun a hril.

Brahmaputra vadung chu Jorhat dis-trict a Neamatigha, Golaghat district a Goalpara, Dhubri, Dhansiri le Numa-ligarh le Nagaon district a Dharamtul a Kopili hmuna hai danger level chungin a la luong niin ASDMA bulletin chun a suklang. Tuilien harsatna tuortu tam tak hai chun relief centre a hai relief item \ha le huntawk pek an ni naw thu Finance Min-ister Himanta Biswa Sharma le hmun tum tum a media hai kuoma an lungawi naw thu an hril a, a \hen chu lawng chunga in siem-fawm a dam an um niin an hril.

JE natna indar mekin assam tuilien harsatna a suk zuol

Guwahati: Tuilien na hmun hai a tui hai chu kiem tieng an pan met met thei ta leiin a zie a um pei tah. Amiruokchu, kum 38 a upa Dalimi Kalita chu Guwahati a inthawka km 30 a hla an umna Chandra-pur a an compound a chun tui palin lungril sawl hmel deuin a hung lawn a. Dalini chun tui bal le hmunhnawk tam tak thu veng vung hai leia JE natna hung indar zau ding chu a \i el chau ni loin a naunu kum 6 mi chu hrit-langin a na mek a nih. Sawrkarin hi natna hri indar zau tak a vengna din-gin damdawi a buoipui a ngai a nih. Ka nau chu dei a ti a, hriltlang khawsik in

a man mek a nih tiin Dalimi chun NDTV a hril. Tuilien hi Assam ta ding chun harsatna chi hni in a tlakbuokna a nih. April a inthawk khan JE natna leia thi an um zing an tah. Tuilien leiin mi 62 in an hringna an chan tah a, JE natna leiin April a inthawk khan mi 100 chuongin hringna an chan tah a, chun Acute Encephalitis Syn-drome (AES) leiin mi 200 an thi ta bawk a nih. Kum 2013 a inthawk khan tuilien le JE hi inruol takin an la fe tung peia, hieng hai pahni lei hin tuchenah mihriem 1,000 laiin thina an tuok pha ta a nih.

BJP in hratna chang ngei an inbeiseiBEnGaluru: Karnataka-a sawrkarna siemtu Con-gress le JD(S) MLAs 16 hai inbanna leia ministry buoina fe mekah Thaw\anni (vawisun) hin Mr HD Kumaras-wamy Chief Minister nina hnuoia \hangruol sawrkar chu buk a ni ring a ni a. Sawrkar buk a ni huna hin BJP chun hratna an chang ngei ding thu Karnataka BJP chief BS Yeddyurappa chun a hril. Mr Yeddyurappa chun, Thaw\anni chu Kumaraswa-my sawrkar nuhnung taka ni ngei ding thu a hrilsa bawk.

Mizoram ah NRc ngen ve an umaiZawl: |henum ram-bung Bangladesh le le Myanmar hai le ramri nei Kristien state Mizoram -a party um, Congress party ti lo po hai chun Mizoram sungah National Register of Citizens (NRC) thaw ve an nuom thu an hril.Sawrkarna cheltu Mizo National Front (MNF) chun nikum assembly election nei tawm khan an manifes-to ah thlangtling an ni chun NRC chu state sungah thaw ve a ni ding thu campaign hunah an lo intiem ta sa a nih. MNF hi BJP inrawi North East Democratic Al-liance (NEDA) a \hang ve a nih State sunga NGO dang dangin dan loa ramdangmi hung lut hai dangna dinga NRC nei ve dinga an ngen-na leia MNF hin hieng manifesto-a an lo in\hangtir

a nih. Assam a NRC publish hmasatak 1951 a mi chu Supreme Court dungzuiin base year ah March 25, 1971 hmang dinga siem\hat a nih. May 18 khan Mizoram Assembly chun lungruol takin Mizoram a um po po (household) register siem-na dingin Bill an lo pass ta a nih. Mizoram Maintenance of Household Registers Bill, 2019 hriltlang hunah, Chief Minister Zoramthan-ga chun, hi bill a pawimaw nasan chu ramri in\awmpui haia inthawka ramdangmi an hung lut hlak lei a nih tiin a hril. Hun tam taka chu de-velopment le welfare pro-gram hai chu ramdangmi hung lut hai hin an fakral nasa a nih tiin hi bill state-ment a chun an ziek a nih.

indian army tuilien in a suk-buoina hmun haiah medical camp

Guwahati: Manipur in ruotui mumal a hmunaw leia mipuiin harsatna nasa tak an tuok lai meka tuil-ienin a sukbuoi leia har-satna namenlo tuok mek Assam state a chun Indian Army han July 21 le 22, 2019 hai khan tuilienin a sukbuoina Lower Assam haia hmun pathumah Med-ical camps le hmun pahni haiah Veterinary Camp an huoihawt. Medical camp an buot-saina hai chu BArpeta, Moigaon le Sonitpur dis-trict hai an ni a, Veterinary

Camps hi Dhubri le Nalbari district haiah an huoihawt a nih. Tuilien leia mihriem ta dinga natna chi tum hung inleng thei a ni leia Medi-cal le Veterinary camps hai hi an huoihawt a nih. Chun, July 11, 2019 a inthawk khan Indian Army-a Flood Relief Col-umns 6 hai chun sansuokna le sawmdawlna sin an thaw a, mi tam tak an sansuok ta bakah chengna ding nei lo relief camps a um hai kuomah \hangpuina thil chi tum tum an sem bawk a nih.

armed Forces tribunal ah case 16000 lai pending

nEw dElhi: Security force personnel hai lun-gawinawna le neksawr an nina hai rorelna indik le an chanvo hai indik taka inhmu tir tu dinga siem Armed Forces Tribunal (AFT) chu bench function lo tam tak an nei leiin mum-al a nei bek nawh. Tuhin AFT ah case pending sing-khat le sangruk (16000) lai zet a nei phak an tah. Bench 11 an nei hai laia 3 chau function in a um a, hi dan nghaktu hai ta ding chun rorelna indik nghak

chu hun sawt tak a ni ding a nih. Tribunal Chairperson a head na hnuoia Delhi bench (principal bench) ti loa chu Chandigarh le Srinagar a mi hai chau function an um a nih. Principal bench khat hin case pending 4,500 a nei a nih. Armed Forces Tribu-nal Act- 2007 dungzuia hi Tribunal hi inngir a ni a, hi case in a buoipui ding hai tak chu commissioning, ap-pointments, enrolment le sipai hai service conditions chungthu hai a nih.

3thlahmur (July) 22, 2019thaw|anni (monday) national/intErnational & advErtiSEmEnt Hmasawnna Thar

laktawi

Pak. PM Imran Khan US a tlung

waShinGton: Paki-stan Prime Minister Imran Khan chu Inrinni chawh-nungtieng khan Qatar Airways vuongnain US a tlung a, Hotel-a innghat loin US-a Pakistan Am-bassador Asad Majeed Khan chengnainah a tlung. Mr Imran Khan le US President Donald Trump hai chun vawisun hin in-biekna nei an ta, hi huna hin an ram pahni hai inlaichin-na chungchang bakah US in Pakistan kuoma military aid a pek hlak a suktawp ta chungthu hai khawm an hriltlang ring a nih. US chun Pakistan hin a ram sunga Terrorist um hai chungah action a lak tawk nawh ti leia military aid a pek hlak a lo suktawp a nih.

Pakistan-ah nuhmei thichil bomb paitu in bomb a sukpuok; mi 9 an thidEra iSmail khan: Paki-stan a chun Pathienni khan thichil bomb paitu nuh-mei pakhatin Dera Ismail Khan hmuna Kotlan Said-an village-a hospital tuolah a bomb pai a sukpuok leiin mi 9 in thina an tuok bakah midang 30 velin hliemna an tuok niin official thusuok chun a hril. Dera Ismail Khan hmuna senior Police offi-cer Salim Riaz Khan chun, motorcycle a chuong han mipui chengna (residential

area) lai silai an kaphrut leiin mi pahni an thi a. Hi zo hin thichil bomb paitu hin Hospital tuol lai a bomb pai a sukpuok leiin Police 4 le hospital-a an

sunghai damnaw kan civil mi 3 in thina an tuok niin a hril a. Hi thil tlunga hliem hai lai hin Police 8 an \hangsa a, hliem \henkhat chu an inrik hle niin Khan

chun a hril. Local forensic expert Inayat Ullah chun, nuhmei thichil bomb paitu in bomb a sukpuok hi kg. 7 vela rik, a sunga thingkilna (thirkil) le ball-bearing inthun a nih tiin a hril. Bomb puok hin hospi-tal emergency room a suks-iet leiin hospital khar pha a ni a, hliem hai chu mili-tary hospital tieng panpui an nih. Pakistan Taliban pawl chun bomb hi an suk-

puok a ni thu an puong a, sienkhawm bomb pai/suk-puoktu hi nuhmei a ni le ninaw iengkhawm an hril nawh. Taliban hai hin kum 20 deuthaw liemtaa inthawk hienganga tharum thaw-na hi an lo nei tah a ni a, Pakistan sipai han tukdawl tumin nasa takin an hnaw-chep a, sienkhawm a bik takin security hai bei tum-nain an la che zing a. An khattawka bomb puok hriet ding a um zing a nih.

US-ah Hindu thiempu lama fe lai sukhliem

waShinGton: Nin-gani sun dar 11 AM (local time) khan Hindu thiempu pakhat, a thiempu thuom inbel-a Floral Park, New York lai temple bula kea a fe lai chu pasal kum 52 mi in a bei thut a, a hmai le a taksa pum hmun dang dang haiah hliemna a tuok leiin Hospital panpui a nih. Hindu thiempu vuoka um hi Swami Harish Chan-der Puri a nih a, lampuia

a fe lai a hnungtienga in-thawka bei thut el niin PIX 11 news channel report chun a hril. Police chun Hindu thiempu vawtu a intum Sergio Gouveia (52) hi an man ta a, mi sukna thei hriemhrei a chawi lei le mi a sukhliem leiin case siem khum nih. Hi thil tlung hi intheidana (hate crime) a ni le ninaw suichieng an tih.

nuhmei pakhatin a nu lu tanbawng

SydnEy: Australia rama nuhmei pakhat chun a nu lu tanbawngin an \henum hai In tuolah a nu lu a tan-bawng hi a maksan. Police thusuokin a hril danin, Inrinni zan khan nuhmei kum 57 mi chu a thisain a lu boa hmu a ni a, a lu chu an \henum hai In tuolah hmu a nih tiin a hril. Hi thil tlung le inzawm hin a naunu nuhmei kum 25 mi chu a nu that le a lu tanbawnga intumna le

inzawmin Police han an man tiin Daily Telegraph report chun a hril. National broadcaster ABC report in a hril danin, a nu thattua intum nuhmei hi Pathienni khan Parra-matta Bail Court-ah Video link fethlengin inlangtir a ni a, thluok tiengpang buoina nei ringhla a ni leiin medical assessment thaw dinga thawn a nih tiin Police thusuok chun a hril.

Buy-back scheme hnuoiah new Zealand mi han silai 10,000 chuong an pekkir tah

SydnEy: Christhurch hmuna silai kaphrutna tlung hnunga sawrkarin gun reform law April thlaa a passed hnungin New Zealand mi han buy-back scheme hnuoiah tuchena hin silai 10,000 chuong an pekkir ta niin Pathienni-a

Police thusuok chun a hril. April thlaa sawrkarin gun reform law a passed dungzuiin semi-automatic popo deuthaw khap a ni a, hi le inzawm hin silai nei hai chun December 20, 2019 chenah an silai hai sawrkar kuta an pekkir ding ti a ni

a. Silai neitu han silai an inchawkna zat a inthawk 95 percent a an chawk kir (compensate) ding ti a nih. Hi thila ding hin sawrkar chun NZ dollr 208 million or dollar 140.63 million hmang dingin fund a sie a nih. Christchurch hmuna Zirtawpni \awng\aia \hang Muslim hnam hai pasal pakhat, semi-automatic silai chawiin a kaphrut leia mi 51 zetin thina an tuok hnunga buy-back scheme hi New Zealand sawrkarin a hung passed a nih. Police report in a hril danin, tuchena silai pekirtu hai kuoma hin compensation in dollar 4.06 million chu-ong seng an tah tiin a hril.

Nuhmei naupai km. 8 a hla puon-a zawnv i S a k h a P a t n a m : Andhra Pradesh –a Vishakhapatnam district a Kothavalasa hmuna cheng nupui pakhat Jnapareddi Devi chu hospital panpui a \ul a, sienkhawm an khuo a hin Ambulance a lut thein-aw leiin km. 8 zeta hla puon-a zawn a nih. Sankaram village-ah Ambulance lain KJ Prima-ry Health Centre tlungpui a ni a, PHC a hin nau nuhmei te a nei. Nu le a naute hai hi an hriselna a \ha tiin doctor han an hril.

Johnson PM a tling chun inban a tum

london: British Finance minister Philip Hammond chun, British Prime Minis-ter dinga Boris Johnson th-langtling a ni chun minister a ninaa inthawk an ban ding thu Pathienni khan a hril. Mr Hammond chun, Brexit chungchanga Bo-ris Johnson strategy chu a pawm theinaw niin a hril.

Pafa Electric in a man hlum

kota: Rajasthan a chun Pathienni khan Kota dis-trict-a Etawa town-ah pasal pakhat le a naunu kum 10 hai chu electric in a man hlum. Electric in a man hlum hai chu Ramjhani (30) le a naunu Payal hai an ni a, Payel hin thir len sunga an khum rabbit hai bu a pek hunah an electric in thir len a lo tawk pal leiin elec-tric in a man a, sansuok a tumnaah ama khawm a man hlum ve niin Police thusuok chun a hril. An pahni hin hospi-tal panpui nghal an ni a, sienkhawm doctor han an san thei ta chuong naw a nih.

BJP leader thina thuah mi 2 man

GhaZiaBad: Inrinni zana Dasna Town, Dhood-hiya Peepal area-a BJP mandal president Dr Bal-bir Singh Tomar (50) kap hlum a nina le inzawmin Pathienni khan police han mi pahni an man. Mana um hai chu Shahrukh le Tahseem hai an ni a, hi thil tlunga intum midang pahni hai chu Dag-ga le Aman hai an nih. Dr Balbir Singh Tomar hi nursing home nei a ni a, a clinic-a an \hung lai hieng mi 4 hai hin an va kaphlum a nih. Man loa la um mi pahni hai man an ni theina dinga information pe theitu hai kuomah lawmman Rs. 25,000 pek dingin Police chun an puong.

Delhi BJP chief hlui a thi

nEw dElhi: Delhi BJP president hlui Mange Ram Garg chu Pathieni khan a thi. PM Narendra Modi chun Garg thi hi a sun thu a puong. BJP leader dang dang hai khawmin Garg thi an sun thu an puong tawl.

In thutiem black money nuoi 15 pei mipui kuoma pe ro: Mamata

kolkata: West Ben-gal CM Mamata Banerjee chun, BJP hai in India mipui hai kuoma an thut-iem black money nuoi 15 pei pek dinga an intiem chu pe raw hai sen tiin Pathienni a mega Martyrs’ Day rally Kolkata a nei hunah a hril. Ms Banerjee chun zanita martyrs’ day rally hmangnaah hin state elec-tion le inzawm a campaign khawm a hawng nghal a, chu ruol chun BJP hai chu, TMC hai cut money chu in indawn mawh? Nuoi 15 in intiem kha mi pe ro tiin \awng a nei khum tawl

a nih. Kum 2014 Lok Sabha polls a khan PM Modi chun India pawisa black money ramdang a um hai chu In-dia ah laklut nawk dingin thu an tiem a. Chu dungzui chun black money chu India ah laklut a ni hunah India mi hai po po an bank account chitah nuoi 15 seng thun a ni ding thu a hril a nih. Hi thut-iem hi opposition Trinamool Congress hai chun sawrkar fe lai mek beina ding rem-chang takin an hmang a nih. Thu a hril peinaa chun, TMC chun hung tlung ding July 26 khin BJP hai an

thutiem sukpuilting a nuoi 15 seng an hung thun ding demand nain state huop in protest an nei ding thu Ms Banerjee chun a hril. Inrinni a BJP chief Dilip Ghosh in TMC leader hai chun cut money pekir raw hai sen tia a \awng khumna chu Ms Banerjee chun rally a fe hma charin dawnletna la siemin, Cut money i min dawn maw? Nang kha rukru hriemhrei chawi \ium tak i ni kha. TMC chu pawisa pe-kir dingin i ti mawh? TMC hi mi pasie hai party a nih, mipui hai le kan \hang-khawm tiin dawnletna a siem a nih. Ms Banerjee chun rally na ah BJP hai chu demon-etisation le inzawmin a bei nawk a, BJP in black money an hmu hai, khawlai hmun dang danga office in bawl-na hai khawlam in sie zo, pawisa mi pekir ro tiin a hril a nih.

Bihar tuilien leia thi 97 tling tah, Sitamarhi district ah 27 thi tahPatna: Tulasi hnaia Bi-har tuilien um chun harsatna a la’n tlun sap zing a, mi 5 in thina tuoksa in Inrinni chena tuilien leia thina tuok chu mihriem 97 an kai ta a. District 12 ah mihriem nuoi 69 zet a tawkbuoi niin state disaster management depart-ment chun an hril. Mithi um thar 5 hai laia 4 chu Madhubani district a inthawk an nih a, hi district a hin tuilien leiin mi 18 in an thi pha ta a nih. Chun, a dang pakhat chu Darbhanga district a inthawk a ni a, hi district a tuilien leia thina tuok ta po chu mi 10 an nih. Mi 27 zetin thina an tuokna Sitamarhi district chu Bihar state sunga tuilien tu-ortu hai laia tuor nasa tak a ni thu disaster management de-

partment report chun a hril. District dang thina tuok zat hai chu Araria (12), Sheo-har (10), Purnea (9), Kishan-ganj (5), Supaul (3), East Champaran (2) le Saharsa (1) an nih. Muzaffarpur le Kati-har district a inthawk thina thu report a la um hri nawh. Inrinni khan tuilienin mihriem nuoi 2 dang a tawk-buoi sa nawk a, tuilien leia

harsatna tuortu mihriem nuoi 69 an hung kai phak ta a nih. Nuoi 1 bawr vel hai chu chengna le khawsakna ding boin a siem a, nuoi 1.4 hai chu relief camp 131 a hai an um thei a nih. Hienga harsatna tuortu-hai ta ding hin bu fak ding thlaisuongna hmun 859 ah buotsai a ni a, hieng thlaisu-

ongna thil hai hi mihriem 796 haiin lawng 125 hman-gin an sem a, chuong hai chu NDRF team 19 haiin an \hangpui a nih. Deputy Chief Minister Sushil Kumar Modi le Di-saster Management Minister Lakshmeshwar Roy hai chun tuilien tuor nasatak Sitama-rhi le Madhubani district hai ngirhmun chu Inrinni khan sirin an enfel. Dy. CM chun tuilien leia thina tuoktu sunghai kuoma chun an rang le fel thei anga zangnadawmna pek an ni vat theina dingin official hai chu a \ul hai sukfel dingin an hriettir a. Chun, tuilien in a sawp damsuok hai chu sum a \hangpuina hmu lo an um naw ding a nih tiin a hril.

Super-rich category ah mi 5,000 bak an um nawh : SitharamanChEnnai: Finance Min-ister Nirmala Sitharaman chun, mi hausa zuol (su-per-rich) hai chunga tax chu beiseina tlawmte chau, mi pasie hai ta dinga an thawlawm ve dinga siem a nih tiin a hril. Hi thu hi Nagarathar Chamber of Commerce haiin an buot-sai International Business Conference of Nagarathars program hawngna hunser Inrinni a an hmang huna a hrillang a nih. Ms Sitharaman in a hril dan chun India ram sung a hin a hausa zuol mihriem 5,000 bak an um naw thu le union budget 2019-20 chun start-up hai \hangpuina ding thil a nei nuom ti thu a hril. Mi pasie hai \hangpui an nina dingin mi hausa zuolhai chun sawrkar maw-phurna baka tlawmte an

liengko ah phur ve a \ul thu a hril a. An sumdawngna chawkbuoi rak khawp an-nawleh, an sum inrukna a ni nawh tiin a hril. Corporate hai chu hau-sakna le sin hai an siem pei thei leiin lawmum a ti thu a hril a.Kum 60 liemtah sung khan ei indikna le chanvo ei hril char char a, ei duty ruok chu ei ngai pawimaw hne nawh. Mi pasie hai chu

hmu le beisei let nei loin an thaw ding an thaw ran a, chu lei tak chun sawrkarin inchukna a thlawn, hriselna le ham\hatna chi dang dang hai a siem pek ti thu a hril. Ms Sitharaman chun budget thiltum tak chu \ha-lai hai ta dinga \hangpuina pawimaw sawrkarin a pek theina ding, bank hai le thil dang dang hai sumdawngna ding hai khawm tiin a hril.

Fm S Jaishankar China ramah an zin dingnEw dElhi: External Affairs Minister S Jais-hankar chu tukum October thla a PM Modi le Chinese President Xi Jinping hai India ah an inhmu na ding le inzawmin thla thar khin China a lo hang sir ding niin sawrkar source chun a hril. Beijing a hin Dr Jais-hankar chun State Coun-cillor le Foreign Minister Wang Yi hai chu thu dang dang le inzawmin hohlim pui a tih. China va sir nasan tak chu October a informal

summit a vawihnina ding India ram ah PM Modi le President Jinping han an nei ding le inzawma thil \ul le pawimaw hai lo buoipui a nih. Hi leader hai pahni hin informal summit vawikhat-na chu China khawpui Wu-han ah April 2019 khan an lo nei ta a nih. Wuhan summit a khan PM Modi le President Jin-ping hai chun inlaichinna \halem nei dingin an hril a, inringzotuona le inhri-etthiemna hai, Doklam

buoina ang hai hmatieng a um nawk ta naw na ding hai dam an lo hril ta a nih. India kuoma China Ambassador Sun Weido-ng chun India le China an inhmu nawk na dinga hin hi neka ngirhmun insang lema hin an kai ding niin a hril. Thla liemtah a Kyrgyz-stan capital Bishkek hmuna Shanghai Cooperation Or-ganisation (SCO) summit neina a khan Mr. Modi le Mr. Jinping hai hin hi sum-mit sir a hin bilateral meet-ing an lo nei ta bawk a nih.

israel Pm September 9 ah india ram a hung inzin ding

J E r u S a l E m / n E w dElhi: Israel Prime Min-ister Benjamin Netanyahu chu nikhat sung cham din-gin September 9, 2019 khin India ramah hung inzin a ta, Prime Minister Narendra inhmupui a tih. Israel Presidential Elec-tion nei \hatna ding ni 8 chau bak ta huna Mr Ne-tanyahu hi India ram hung inzin tum niin thu dawngna chun a hril. Mr Netanyahu hi July 20, 2019 khan Prime Min-

ister hmasa tak le ni sawt tak David Ben-Gurion khumkhelin Israel Prime Minister ni sawt tak nina record thar a lo siem a nih. Election nuhnung taka khan thlangtling nawk nisienkhawm sawrkar a siem theinaw leiin May thla khan Israel Parliament (Knesset) a MPs han vote an lak a, dissolve dinga dit pawl member an tamlem leiin September 17, 2019 khin inthlang\hatna a um ding a nih.

chandrayaan-2 a technical harsatna sukfel tah - ISRO chief

nEw dElhi: Indian Space Research Or-ganisation (ISRO) chief K Sivan chun July 15 a thlapa pan ding Chandrayaan-2 kap-suok \hul a nina san tak technical harsatna chu siem\hat le sukfel vawng a ni tah a, rocket chu Thaw\anni (vawisun) a kapsuok

thei dinga inpeifel diem a ni tah tiin Pathi-enni khan a hril. Chandrayaan-2 kapsuokna dinga in-buotsaina po po chu zofel vawng a ni tah. Kapsuok tumna hmasataka technical har-satna khawm sukfel a ni tah. Zani zan tieng (Pathienni) a inthawk khan kapsuok-na ding countdown \an a ni tah. Chandray-aan -2 hin ni hungtlung ding haia hin van boruok ah vawi 15 lai inthlakdanglamna a nei ding a nih tiin ISRO chief K Sivan chun a hril. July 15 khan India chun Chandray-aan-2 kapsuok a ni tawm \ep darkar 1 khawm tling ta lo khan technical problem um leiin a \hul thut a nih. Chandrayaan-2 kapsuok a \hul na-san tak chu rocket indigenous cryogenic upper-stage engine a Liquid propellant an hnaw lut laia hi harsatna hi an tuok a nih. Tuta Chandrayaan-2 kapsuok an tum-na le inzawma vawi 5 an \hul na a ni tah. Chandrayaan 2 hi Lunar South Pole tukhawm la lut ngai nawna hmun tieng enthla dinga kapsuok tum a nih.

UDAN scheme hnuoiah vuongna lam 8 nEw dElhi: UDAN Re-gional connectivity scheme hnuoia vuongna lam 8 hai chu Zirtawpni khan hmang thei dinga suk fel an lo ni tah. Tuchena operational routes um tah chu 194 a ni ta thu Civil Aviation Min-istry chun Inrinni khan a hril. Ministry chun UDAN (Ude Desh ka Aam Nagrik) scheme hi October 21, 2016 khan regional air con-nectivity sukphurna ding le vuongna a inlawnna mipui

hai ta dinga in man lema siem a ni thei beiseinaa in-din a ni thu an hril. Hi 8 le inzawmin hin UDAN hnuoia vuon-gna lampui hmang thei le hmang mek a um ta chu 194 a kai ta a nih. Vuongna lampui hai hin Mysore-Hyderabad, Hyderabad-Mysore, Goa-Mysore, Mysore-Goa, Cochin-Mysore, Mysore-Cochin, Kolkata-Shillong le Shillong-Kolkata hai an \hang tawl a nih.

Tukum sung Well-ness centres 20000

nEw dEhi: Tukum fe mek sung hin Ayushman Bharat programme hnu-oiah India ramah Health and Wellness Centres 20,000 hawng fel hman ning a tih tiin Health and Family Welfare Minister Dr Harsh Vardhan chun Hyderabad hmunah zani hmasa khan a hril. Tuchena hi programme hnuoia hin India ram sun-gah wellness centres 1.5 lakh hawng a ni ta thu Mr Vardhan chun a hril. A hril peinaah, sawrkar thlungpui chunk um 2025 chenin India ram sunga Tuberculosis (TB) sukbo tumin target a nei a nih tiin a hril a. National Medical Council Bill chu Thaw\anni hin Parliament-ah phar a ni ding thu a hril bawk.

Hmasawnna Thar4 EntErtainmEnt / SportSthlahmur (July) 22, 2019thaw|anni (monday)

Manny Pacquiao chun Keith Thurman hnein WBA Super Welterweight title a lak

laS vEGaS: Philip-pines boxer le MP (sena-tor) ni bawk Manny Pac-quiao chun Inrinni zan khan MGM Grand Garden Arena, US ah WBA Super champion Keith Thurman split decision a hnein WBA Welterweight champion thar a nitah. Pacquiao hi tuhin kum 40 mi a nita a, Thurman a hne le inzawm hin Welter-weight champion nita hai laia upa tak a ni a. Thurman hi boxing a lo khel ta haiah hnenaw la nei ngailo (un-defeated) a nina a sut pek bawk a nih. Tuta \um hi a zawna vawithum (3) Pac-quiao in hratna a changna a ni tah. Thurman hin kum 40-a upa Pacquiao hi hnebana boxing khel zawm ta lo dinga inchawltir tum a in-puocha a ni a, sienkhawm Pacquiao chun first round an inhnek hunah a lawk thluk nghal a nih. Thurman (30) hi boxing vawi 29 a lo khel ta haiah hratna la chang vawng, a zawna vawi 30-na dinga Pacquiao hi hneban

tum a ni a, sienkhawm a hlawsam a nih. “Pac-Man’ tia ko Pac-quiao hi division 8 haia champion ni thei la um sun le record lo nei tah a ni a, first round-ah Thurman a hnek thluk bakah round hmasa tieng a che \ha lei-in Thurman hi a che man gnaw a. Sienkhawm round lailung vel an tlung hunah Thurman hi a hung \hang zuol deu leiin Pacquiao hi a khak le lu haiah vawi ie-manizat chu a hnek fuk ve a. Chu lai zing chun Pac-quaio khawmin round tawp hnai tieng a hung che nawk a, sienkhawm a lawk thluk sap nawk tanaw bawk. Round 12 an inhnek zo

hnungah Judges pahni hai chun Pacquiao hi 115-112 an pek a, pakhat dang Glenn Feldman chun Thurman hi 114-113 pein Pacquiao chun hratna a chang ta a nih. Pacquiao chun, an hnekpui Thurman chu boxer le fighter \ha tak a ni thu an inhnek zo hnung hin a hril. A hrat a. Theitawp ka suo a, ama khawmin theitawp a suo a nih tia hrilin, fans hai ta dinga inhnek hmunuom um tak an inentir ngei nia a hriet thu a hril. Hmatieng peia a um dan ding thutlukna a siem hmain Philippines tieng kir nawk a, Senator a nina anga sin a la thaw zawm nawk

phawt ding thu Pacquiao chun a hril a, kum thar tieng an hnek nawk a beisei thu a hril. Tuta hma khan Britain boxer Amir Khan chun Ri-yadh ah November 8, 2019 a inhnek dingin Pacquiao in a remti niin tulai hnai khan a lo hril a, sienkhawm Pacquiao team chun hien-gang agreement iengkhawm a um naw thu an hril a nih. Pacquiao le Thurman inhnek hi boxer chawl tah le Pacquiao lo hnebantu Floyd Mayweather khaw-min ring bula \hungin a en ve a, an inhnek hma hin ring sunga lutin inhnek ding hai hi ditsakna anhlan ve ve bawk.

Dillian Whyte chun Oscar Rivas point in a hnelondon: Inrinni zan khan London khawpuia O2 Arena ah British boxer Dil-lian Whyte chun round 12 an inhnek hnungah Colom-bia mi Oscar Rivas point in a hne. Whyte (31) le Rivas hai hi an inbeitawk hle. Round hninaah Whyte hin a kut-tum changtieng pangin na taka a hnekfuk leiin Rivas hi a knockout \ep a, chu lai zing chun round 9 naah Whyte hi Rivas in a lawk thluk ve a, sienkhawm a na taluo naw leiin an inhnek zawm pei a, round 12 zet theitawp suoa an inhnek hnungah Whyte hin point a hmu rawn lem (115-112 115-112 116-111 ) leiin hratna a chang ta a nih. Whyte in hratna a hung chang le inzawm hin WBC heavyweight champion ni lai Deontay Wilder manda-tory challenger a hung ni ta ding a nih. Whyte le Rivas inhnek

hi Manchester United man-ager hlui Jose Mourinho le pop star Ellie Goulding hai khawmin ring bulah an lo en ve a, chun, world heavy-weight champion hlui Frank Bruno khawm a ring bula in\hungin a en ve a. Whyte ta dingin a \hang nasa ve hle a, vawi iemanizat ngir-suokin Whyte chu nasa

lema thaw pei dingin a lo infui sen bawk. Whyte hi WBC title mandatory challenger nisienkhawm champion ni lai Deontay Wilder le hin an lan hnek vat ring a um nawh. A sanchu, February thla khin Wilder le Britain boxer Tyson Fury hai chun rematch an nei ding a ni lei-

in. Heavyweight division pathum dang-IBF, WBO, WBA le IBO titles hai kawl mektu Mexican boxer Andy Ruiz Jr. chu Anthony Joshua le inhnek \hat (re-match) nawk dinga inpuo-cha mek a nih. Hi lei hin heavyweight title fight-ah Whyte hi

iengtik am an hnek ding ti hril thei a la ni hri nawh. Sienkhawm tukum No-vember annawleh December velah inhnek nawk an beisei thu Whyte chun a hril. Inrinni zan inhnek dan-gah David Price chun a British chanpui Dave Allen (27) round 10 naah knockout in a hne. Allen hi fimkhur thu in hospital panpui a ni bakah scan thaw a ni bawk. Price (36) hi Olympic le Commonwealth medallist a ni a, tuchena boxing vawi 31 a khel ta haia vawi 25-ah hratna lo chang tah a nih. Chun, Britain mi Dereck Chisora in Poland mi Artur Szpilka round 2 naah knockout in a hne bawk. Chisora hin New Zea-land boxer le world cham-pion hlui Joseph Parker a nawkah inhnekpui an beisei tiin a manager David Haye chun a hril.

International Champions Cup:

Benfica, Arsenal le Bayern han hratna an changSanta Clara, CaliFornia: International Champions Cup khel mekah Pathienni zingkar (IST) khan Ben-fica chun Guadalajara 3-0 in an hne. Goal hmasa Raul de To-mas in minute 4 naah Ben-fica ta dingin goal a thun a, second-half minute 70 le minute 73 na haiah Rafa Silva le Haris Seferovic han Benfica ta dingin goal an thun bawk a nih. Chun, Arsenal in Ed-die Nketiah le Joe Willock hai goal hmangin Fiorentina 3-0 in an hne bawk. Eddie Nketiah hin minute 15 le 65 haiah Arsenal ta dingin goal

a thun a, Joe Willock hin minute 89 naah a thun a nih. Bahern chun Corentin Tolisso (15); Robert Le-wandowski (67) le Serge Gnabry(69) hai goal hman-gin Real Madrid 3-1 in an hne. Pathienni zan khan Ju-

ventus le Tottenham an inkhel. Arsenal chun tuchenah game 2 an khel ta haiah point 6 hmuin group hma an \huoi a, Benfica, Bayern, Man. United le Fiorentina han point 3 seng hmutain top 5 lai an \hang.

Asia Trophy an lak. Inkhel pangngai hun sung hin Manchester City chun inkhel an thunun lem a, sienkhawm goal an thun theinaw leiin an indraw pha

a nih. Raheem Sterling khawmin first half-ah pen-alty a lost bawk. Hun pangngai minutes 90 an inkhel sung a tu tieng tieng khawm goal thun um

loin 0-0 in an indraw leiin Penalty pet a ni a. Penalty vawi 5 ve ve an pet hunah penalty vawi 5 hai chu goalkeeper han an save annawleh pet goal lo an ni a, Wolves in goal 3 an thun a, Manchester City chun penalty vawi 2 chau an petlut leiin Wolves chun hratna an chang ta a nih. Manchester City play-er pathum Ilkay Gundo-gan, Davi Silva le Lukas Nmecha han an pet hai chu Wolves goalkeeper Nunu Espirito Santos in a saves a nih.

Wolves chun penalty Man. City hnein Pre-season Premier League Asia Trophy an lak

ShanGhai: Inrinni liemta khan China khaw-pui pakhat Shanghai hmu-nah Wolves le English champion Manchester City han pre-season Pre-mier League Asia Trophy an inkhel a. Wolves chun penalty-a Man. City hnein pre-season Premier League

Football Transfer news:

David de Gea in United-ah contract thar a ziek ding; Io-wbi in Arsenal a suoksan el thei thu a hril

london: Spain goal-keeper David de Gea chun Manchester United-ah kum 2025 chena dingin contract thar ziek nawk dingin rem-tina a nei ta a, kum 6 sung hin pound 110 million chu-ong a hlawsuok ding a ni a, a nuom chun summer transfer window nawkah suok thei dinga zalenna a nei bawk. De Gea hi PSG in an dit leiin iemanichen thutlukna siem thei loin a um a. Uluk taka an ngaituo hnungin United-ah contract thar hi a ziek nawk a nih. De Gea representative in a hril danin, chawlkarkhat-ah pound 375,000 hlaw din-gin United in a remti niin a hril a, pre-season tour zoa Club a hung kir nawk hunah contract hi ziek a tih tiin a hril.

Hieng laizing hin Inter Milan in striker Romelu Lukaku 60m euro (pound 53.9million) a an dawt (of-fer) chu Manchester United in a hnawl. Kum 26-a upa Belgium international Lukaku hi kum 2 liemtaa kha Man-chester United in pound 75 million-a Everton a inthaw-ka an lo laklut a nih. Chuong laizing chun Arsenal in Crystal Palace a inthawk Wilfried Zaha pound 80 million a laklut an tumna an sukpuitling chun

club-a a ngirhmun Wilfried in a hung hluolan ding leiin Iowbi in club a suoksan ding thu Arsenal a hril. Wilfried Zaha hi pound 80million zet sak nisienkhawm Arsenal target number 1 a la ni zing a a, hi lei hin Nigerian internation-al Iowbi chun Zaha lakah a ngirhmun a chan thei ding leiin club-a um zing ta din-gin thil remchang nia a hriet naw leiin Zaha laklutna a fethleng chun club suoksan el a tum a nih. Manchester City chun

Argentina wonderkid Thia-go Almada (18) chu pound 16 million in Velez Sars-field a inthawk contract ziekpui dingin an sukfel ta niin The Sun report chun a hril. Thiago Almada hi Pep Guardiola in hun ieman-ichena inthawka kha a lo enthlak tah a ni a, Almada hi ‘the new Messi’ tia ko a ni bawk a nih. Tuta kar sung hin United leh contract an ziek beisei a nih tiin report chun a hril. Almada hin tuta hma khan a club-a contract thar ziek dinga fielna a lo hnawl a nih. City hin a bul chun pound 11 million in an dawt phawt a, sienkhawm hnawl a ni leiin tuhin City chun pound 16 million an offer nawk a nih.

Esha Gupta defamation case file khum a nihnEw dElhi: Bollywood actress Esha Gupta chu sex thila sawisak le sukbuoi nia Delhi businessman pakhat chunga intumna a siem le inzawmin criminal defa-mation case file khum a nih. Report I a hril danin Delhi-based a um sum-dawngtu (businessman) chun advocate Vikas Pah-wa fethlengin Indian Penal Code section 499 le 500 hnuoiah Saket Court, New Delhi-ah sumdawngtu hin criminal defamation case a file bakah indiklo taka in-tum le sukhmingsietu actor hi dan dungzuia hrem ding le compensation inpetir

dingin a ngen bawk a nih. Court chun defamation case file-a um le inzawm hin

August 28, 2019 a hearing nei dingin a ruot. Esha in an tum pasal

hi Rohit Vig a ni a. Delhi-a restaurant pakhatah bu a fak laiin Rohit Vig hi a hma chara table-ah in\hungin a mit lasawn lek loin a en zing a, inhawi lo takin a siem niin a hril a. Hi chungthua hin Twetter-ah , “If a wom-an like me can feel violated and unsafe in the county, then IDK (I don’t know) what girls around feel. Even with two securities around I felt getting raped... #Rohit-Vig you’re a swine.. he de-serves to rot.” tiin a post a. Instagram profile-ah this guy was literally raping me with his eyes.. tiin a post bawk a nih.

Hong Kong Actor Simon Yam chu stage chungah chema sun hliem a nih

BEiJinG: Hong Kong ac-tor Simon Yam (64) chu Inrinni zan khan Guang-dong province-a Zhong-shan khawpuia promotion-al event-ah stage-a an lang hunah chema sun hliem a nih. Thu dawngnain a hril danin, Simon Yam hi stage-a a um laiin pasal pakhat stage chunga va kaiin a phing takah chemin a va sun niin a hril a, hi thil tlung lai hin local media haia khawm video suklang a nih. Yam hi a phing bakah a kut changtiengpang a hliem

bawk a, local hospital-ah enkawl mek a ni a, a ngirh-mun a derthawng nawh tiin Huoju Development Zone police thusuok chun a hril. Yam’s management company chun, actor hi hlawtling taka surgery thaw a ni a, a phing sunga

hliemna hai \ha taka \hui a nitah tiin a hril. Yam hi Films le TV series 234 zeta lo inlang tah a nih tiin IMDB chun a hril. Hollywood film Lara Croft: Tomb Raider-The Cradle of Life haia khawm lo inchang a nih.

“Thor: Love and Thun-der” ah Natalie Portman

waShinGton: Acad-emy-Award winning ac-tor Natalie Portman chu ‘Thor:Love and Thunder’ ah nuhmei Thor hmasa tak ni dingin an chang ding niin film director Taika Waititi chun a puong. Portman hi film series dang haia khawm lo \hang tah a ni a, film hmasa pahni haiah Jane Foster lem a lo inchang ta a nih.

whatsapp fethleng a sin tehlem apply india mi 9 uaE ah int^ngduBai: Pathienni a media report dungzuiin India mi 9 hai chu WhatsApp fethleng a sin tehlem an zawm leiin UAE ah an intang mek niin report chun a hril. Mi 9 hai hi Kerala state a inthawk an ni a, Al Ain le Ajman hmun ah an intang mek a nih. An hril dan chun agent anga in hril Shafeeq hming put chu WhatsApp ah an inhrietpui a, chu pa kuoma chun UAE visa hmu theina dingin 70,000 an pek niin Khaleej Times chun a report. Hi thiltlung hi Con-sulate General of India, Dubai a mi in thla iemani zat liemtah a UAE a sin zawng ding inhlemna laka

inthawk fimhkur dinga thu an suo hnunga hieng ang thil hi hung tlung a nih. Consulate chun sin za-wngtuhaiin hieng ang sin in offer na mei mei hai chu awi el lo ding le, hri-etchieng nuom an nei a ni chun Consulate chu rawn dingin a hril. An ni laia mi Fazil, Kerala Malappuram district a mi chun an sin of-fer hi WhatsApp a inthawk an dawng a ni thu a hril. UAE in ni 15 sung sin pek ding ti WhatsApp mes-sage um chu Kerala state ah nasatakin an dar a, chu message forward a um chu kei khawma ka lo dawng ve a. Mi tam takin hi sin an ngaiven leiin khel ni dingin

ka lo ring naw a nih tiin a hril. Fazil in a hril peinaa chun agent anga inhril pa le chun an inbiek a, Al Ain a supermarket a sin pe dingin a mi’n tiem a nih ti’n a hril. Ama chun thla tin Dh1,200 (Rs. 22,496) hlaw ka hmu ding thu le fak le umna ding hai chu an mi tum pek vawng ding niin a hril a. Harsatak ngirhmun a um ka ni lai a ni leiin hi thil hi ka ta ding chun in\anna \ha tak ni dingin ka ring a nih tiin Fazil, qualified technician chun a hril. Fazil chun hi a fena dinga hin a nu gold orna-ments hai chu a sukthlawng a, sin thaw lo chun a hung

kir thei ta naw thu a hril a nih. A dang Mohammed Rafeeq (30) Kozhikode, Kerala mi tho chun pawisa Rs 70,000 chu hi sin hmu-na ding hin a ruolhai le a sunghai kuoma a bat thu a hril. Mi 9, kei \hangsain pawisa chu kan pek fel thei a. Agent chun keini mi 9 hai ta dingin WhatsApp group a hranin, kan inbiek-na dingin a siem tiin a hril a. Agent in a hril dan chun UAE ah a ruolin an fe ding thu a hril pek bawk a nih.Amiruokchu, July 15 a Abu Dhabi ah an \um char chun mi 9 hai chun hlem an nih ti an hriet dawk ta a nih.

Cm yogi in Sonbhadra inkapnaa thi sunghai an hmupuiSonBhadra: Uttar Pradesh chief minister Yogi Adityanath chun liemtah Nilaini a ram inchu buoina leia mi 10 kaphlum a um hai sunghai Pathienni a an hmupui huna chun Congress hai chu an thaw tehlem mei mei (crocodile tears) tiin a \awng khum. CM Yogi in Sonbhadra hmuna Umbha village a va kan hi Congress general secretary Priyanka Gandhi Vadra in thina tuok sungkuo hai Chunar fort khuolbuk a

an hmupui zo hnung a zinga an hmupui a nih. CM in a hril dan chun hliem tuor hai sengso po po sawrkarin a tum ding thu a hril. BJP Uttar Pradesh unit president Swatantra Dev Singh, director general of police O P Singh le chief secretary Anoop Chandra Pandey haiin CM hi an zui a nih. Kaphlum a \hang mi 10 hai hi Gond tribal vawng an nih. Village headman Yagya Dutt in ram anchu pui huna

inselbuoi, chu taka a rawi-haiin tribal hai hi an kaphrut el a nih. Inrinni khan Priyanka Gandhi chun BJP hai chu hi thil rapthlak tak tuortuhai chu inhmupui loa a ri sukdei an tum a ni thu a hril. Chu le inzawm chun Umbha ah CM in Congress hai chu awle nu mitthli an suk thlak a nih tiin a \awng-khum a. Umbha thiltlung hi Congress hai suksuol lei a nih tiin intumna a siem letling.

Hi thiltlung rapthlak tak el an tuok zo hnunga ruling sawrkar a mi tukhawma an kan naw lei le an ni va kan tumtu Priyanka khawm state sawrkar thupek anga lo dang a nina le inzawm chun Umb-ha mipui hai chu an lung a sen em em a nih. Chau chu ni loin, state thuneina hman-gin hi harsatna tuoktu hai kan dinga UP vuong lut tho Trinamool Congress palai hai Derek O’Brien inrawi-naa fe hai chu airport a lo hrentang an ni bawk a nih.

indian 18 hai insuo zalen dingin iran a hrilnEw dElhi: Inrinni a India in thusuok a siem dan chun Strait of Hor-muz hmuna British flagged tanker Iran in a hrentangna a \hangve India mi 18 hai chu insuo zalen dingin Teh-ran leh inbiekpaw ran a ni thu a hril. Philippine sawrkar khawma Iran in a hrentang

lawnga \hangve Filipino crew member chu insuo zalen dingin a hril ding thu Zirtawpni khan an hril. India foreign ministry ta dinga spokesman Ra-veesh Kumar in AFP a hril dan chun hi lawnga hin In-dia mi 18 an um a, an ni hai insuo le ram tieng thawnkir dinga inbiekna Iran sawrkar

le nei zing a ni thu a hril. Hi tanker hi internation-al maritime rules a bawsiet leia man a ni thu Iran thu-neituhai chun an hril a nih.Philippine foreign depart-ment in a hril dan chun Filipino pakhat, Russian 3 le Latvian 1 hai khawm hi lawng crew a hin an \hang thu a hril.

Britain in a hril dan chun lawng dang pakhat Persian Gulf ah Liberian-flagged Mesdar chu hren-tang nawk a ni thu a hril a. Amiruokchu, Mesdar neitu in a hril dan chun lawng chu sipai haiin an hmang a, a hnunga zalen takin a crew hai le infe tir nawk an ni thu a hril.