Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377 Hmasawnna Thar Vol - 33/259 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

Thlahmur (july) 11, 2018 NilaiNi (WedNesday)

NEWS TOMkiMcHANcHIN LAKTAWI

Rengkai khawsun-gah Diagnostic

centreCCPur: Rengkai Bazar laili lai takah Gilead Di-agnostic Centre thar hawng a ni ta a, Test chi hran hran thaw nuom hai ta dingin pan thei zing an ni bakah ENT Specialist le MD hai khawm pan thei an ni ding a nih. A pan nuom hai ta dingin chanchin chieng lem manager number 9366040243 ah biekpaw thei ning an tih.

ThangkoTv. Robert Ramhuollien Khawbung (39), s/o Dr Laldawmlien Khawbung of Sielmat chu zani zan-tieng khan Jaundice leiin a thi a, July 11, 2018 hin Sielmat Thlanmuolah a ruong vuiliem ning a tih. Puhai- Leiri

Ukhrul-ah Dawr 3 a kang fai ritukhrul: Zani zingkar dar 3:40 vel khan Ukhrul Town sunga Phungreit-ang-ah Kangmei a suok a, dawr 3 a kang fai rit. Dawr pathum hai laia pak-hat chu sa zawrna dawr

a ni a, pakhat dang chu Thingpui Hotel le pakhat dang nawk chu Petrol le Diesel zawrna a nih. Van-gneithlak takin mihriem thi le hliemna tuok an um nawh.

Lungthulien-ah Go to Village Mission hmangPherzaWl: July 10, 2018 Lungthulien vil-lage, Pherzawl District-ah khawm Go to Village Mis-sion hmang a nih. Tipaimukh SDO tam takin Lungthulien sir dêr lova an sawnkuol lai pu Lalsuong Gangte SDO le a rawihaiin Go to Vil-lage scheme le inzawma Office thil mipuihai ma-

maw phuhrûka an um hi Lungthulien mipui chun an lawm hlea. BPL sûngkuo BPL card siem pêk an nia. Apollo veng, Churachand-pur Tipaimukh SDO Office fe thei lo mi 300 bawr vêl Aadhaar card nei lo um lai mi 40 bawr vel Aadhaar thla lâk a ni bawk a. Hieng hai baka hin sawrkar thil mipui hriet \ûl tamtak mipui-

hai hrilhrietna hun hmang a nih. Lungthulien mipui chun Go to Village scheme an hlâwkpui hlea. Hmang rawp nisien an nuom thu an hril baka Go to Village scheme hung sukpuitling tu Pu Lalsuong Gangte SDO le a rawihai chunga Lungthu-lien mipui chun lungril takin lawmthu an hril. -Daniel Lalsanhim

Tuibong community Hall-ah Go to Village MissionCCPur: District Ad-ministration, CCPur huoi-hawtnain zani 9:30AM khan Tuibong Block sunga 14-Tuibong area a dingin Tuibong Community Hall-ah Go to Village Mission nei a nih. Tuibong Community Hall-a Go to Village mission hi - Tuibong, L. Semol, N. Semol, K. Munhoi, Seilal Veng, Tonglal Veng, Lei-jang Khopi, B. Kholmun, T. Muipha, Teiseng, Ngah-munnom, Kotsohoi, Kim Commiserate, Theimol,

Khaopijang, T. Dengmu-nom, Tuinom, Phailen, Gelmol, S. Khomunnom, L. Cilon, Lhangjol, E. Bung-jang, K. Monnaphai, Beth-lehem, D. Phailen, Ngul-

zen Veng, Sielmat, Synod Veng, Kipgen Veng, Mol-dung le Matejang Khopi khuo hai ta dinga huoihawt a nih.>>sunzawmna phek 2-ah

Beer boxes 8 an man

CCPur: Singngat Police chun July 9, 2018 zan-tieng khan Behiang a in-thawk CCPur pana hung tlan Bus pakhat an dapnaah Beer (Diablo) Parcel box 8 dapdawkin an man a, zani zantieng 3:30PM khan Ex-cise Department kutah an inhlan. Beer an dapdawk hun hi zantieng 1:30PM vel kha a ni a, Bus ML05D/9730 sukchawla an dapnaa an dapdawk a nih. Box pak-hata hin bottle 24 pei a um a nih.

Rev. (Dr) Ruolneikhum ruong Siel-mat, ccPur tieng hung phur ding

shilloNg/CCPur: Evangelical Free Church of India (EFCI) president pahnina le full-time presi-dent hmasa tak Rev. Dr Ruolneikhum Pakhuongte chu July 10, 2018, 4:50 vel khan Supercare Hospital, Shillong, Meghalaya-ah a thi a, a ruong hi Sielmat, CCPur tienga vui dingin hung phur ning a tih. A ruong hung phurna ding hin Vuongna ticket ngaiven a ni a, sienkhawm zani zan chen khan a ruong hung phurna ding le a hung zuitu dinghai chuongna ding indaitawk ticket hmu a la ninaw leiin vawisun (July 11, 2018) hin chu hung phur beisei a la ninaw thu ei thu dawngna chun a hril a, Vuongna ticket ma-maw tawk hmu remchang hmasa takah hung vuon-gpui ning a tih tiin a sung-haia inthawk ei thu lakna chun a hril. Rev. Dr Ruolneikhum Pakhuongte hi April 13, 1934 khan Khawlien, Mizoram-ah a pieng a, kum 1979-2006 inkar sung khan EFCI President sin a chel a, a pension hnungin EFCI Presiden Emeritus inhlan a nih. Inchukna tieng Alla-habad University a inthawk

M.A. a zo a, USA ah M.Th. a zo bawk a nih. Kum 1964-68 inkar sung khan Sielmat Christian High School-ah Principal sin a chel a, 1969-78 inkar sung khan Bibles for The World ah Vice-President sin a lo chel bawk a, kum 2005 khan Senate of Serampore University (Col-lege) chun Degree of Doc-tor of Divinity a lo inhlan a nih. Rev. Dr Pakhuongte hi ram le hnam ta ding khaw-ma mi \angkai takel niin, lekhabu khawm iemanizat lo ziek ta a ni a, Union Christian College (UCC), Barapani, Meghalaya-a Board Chairman khawm lo nitah a nih. Rev. Dr Pakhuongte hin a nuhmei Pi |anpui Pakhuongte le a nauhai 4 a thisan.

Chief Minister-in aR lo Lambuntuhai man ngei an ni ding thu a hril

Helpawlhai Inbiek dinga fiel vawng an ni a, \henkhat nuom lo an um: CMimPhal: Chief Minister Mr Nongthongbam Biren Singh chun, Thaw\anni July 9-a Kamjong dis-trict, Skipe khuo kawla Assam Rifles lo lambuna AR pakhat kap hlumtu helpawlhai chu man ngei an ni ding thu a hril. Chief Minister Mr N. Biren Singh chun, 32nd Assam Rifles hai patroling fe lai, Kamjong district, Skipe khuo kawlah lo lambuna, Rifleman Ningthoujam Subhash Chandra Singh s/o N. Tharonggou Singh of Khangabok Awang Lei-kai, Thoubal district thina thu chu pawi a ti thu a hril a. “Mi inring naw laia lo kaptuhai hi mi dawizep an ni a. State security forces hai chun hieng mi dawizep hai hi man lo le hrem lovin insuo naw nih” tiin a hril. Assam Rifles personnel thi Ri-fleman Ningthoujam Subhash Chan-dra Singh ruong inthlana le sunna hunser Imphal International Airport hmuna neinaa chanchinbumihai

kuoma a hril danin, a lo lambuntu-hai hi nasa taka zawng le hnawtzui nghal an ni a, man an ni hmakhat hnawtzui ning an tih tiin a hril. Hienglai zing hin, Manipur phairam helpawl People’s Libera-tion Army (PLA) hai chun thusuok siemin, Assam Rifles patroling par-ty lo lambuntuhai hi anni (PLA) an

nizie an puong a. Thawluina hman-ga Manipur awp lui tumtuhai tuo-rna ding chu hieng ang hi nih pei a tih, tiin an pawl thupuongtu chun a hril niin Imphala official thusuok pakhat chun a hril. Chief Minister Pu Biren Singh chun, dan ang taka an chunga ro rel a ni theina dinga man an ni ngei

ding thu a hril lai zingin state sawrkar ditdan chu tharum hmang loa inbiek rem a ni thu a hril bawk. “Sawrkar chun tu helpawl khawm ni hai sienla, inbiekrem-puia thil sukfelpui a nuom vawng a. Tu pawl khawm thlierbik um lovin inbiekna dawkan hung hnai din-gin a fiel vawng a nih. “Ralthuom chawihai po po chu an ralthuom siethlaa inbiekna dawkan hung pan hnai seng dingin kan ngen a nih; inremna le muongna a um theina dingin” tiin a hril. Hienga sawrkarin ratlhuom chawi pawlhai inbieknpuia an na-tional mainstream an hung hraw ve nawk theina ding lampui a ngaituo mek laia boruok lo sukse tum khawm an um ran bawk a. “Tharum hmangna le silaihai hin ieng politi-cal solution khawm min tlun naw nih. Helpawl \henkhat chun state security hai sukna phet phet an la tum a nih” tiin a hril.>>sunzawmna phek 4-ah

MUSU, MUTa le MUSa in Joint

Press statement an siem

imPhal: PRO Office, Manipur University hmin-ga thusuok, ‘“irrepress-ible loss” ti thupui hmanga thlasie deua thuziekna suksuok a ni le inzawmin, zani khan MUSU, MUTA le MUSA han Joint Press Statement siemin an dem thu an puong. MU PRO hminga thusuok chu \um hni insuona a ni tah a, hi thusuok hin VC Professor AP Pandey in a mawphurna a thlada zie le a ngirhmun anga a ngirsuok zo naw zie a suklang a nih tiin an hril. Prof. Pandey chun Manipur mipuihai lun-gril hne tuma hma a lakna chu tawpsan nghal din-gin pawl pathum hai chun thusuok a chun an hril a, VC in a mawphurna ang a thaw suok nawna thu le, PRO hminga thusuok chu thukhel a ni zie points pa-riet a ziekin an puonglang. Prof. Pandey in PRO Of-fice hming lem chawia thu an suona-ah Governor le CM hai keilut a tum chu inrang taka tawpsan a, a ngirhmuna inthawk inb^n nghal dingin pawl pathum hai chun an ph<t bawk. Prof. Pandey in PRO Office hminga thusuok a siemna a chun, MU a buoi-na siemtu students \huoitu, teachers le non teaching staffs hai chun inbiekpui ding an palai tir dingin fiel-na a siem. Thusuokin a hril pei dan chun, MUSU chun University a undergradu-ate students 60,000 le post graduate students 5,000 vel hai hmakhuo ding thlir der lova hmasiel taka hmal-ak niin intumna a siem. MUTA le MUSA hming chawi staffs tlawmte han MUSU chu thlawpin Uni-versity-ah buoina an siem a, buoina chu VC le univer-sity administration intumin mipui an \huoi suol zo niin thusuok chun a hril bawk. University a buoina siem pawl han students, teachers le staffs \henkhat in\hi\hai in an uorna zawm dingin an nawr a, deans le HoDs hai chu an thu le hla ni lovin an inbantir a, an thilthaw hi dan kal a ni leiin, University offices le academics le inza-wmna neihai chu cham lovin an khartir pha niin PRO Of-fice thusuok chun intumna a siem bawk.

NAB han heroin 20 crore manhu an man

imPhal: Narcotics and Affairs of Border (NAB) team han zani khan Naga-ram area laia Punya Hyun-dai Car showroom an dap a, heroin phit Rs. 20 crore manhu leh a neitu Hi-dangmayum Inao Sharma (43), S/o (L) H. Nilamani Sharma le Hijam Tondum Singh (37), S/o (L) H.

Ihohal Singh hai an man. Mana um hai hi Yairipok Yambem Makha Leikai, PS-Andro, Imphal East a um ve ve an ni a, NAB po-lice station-ah thubuoi siem khuma an chungthu suich-ieng mek a nih tiin W Basu Singh, Superintendant, Po-lice/NAB le PRO, Manipur Police Department chun a

hril. Heroin chu interna-tional market rate a s<t a ni a, local market rate hmun sawp pei, kg khatah Rs. 1 crore anghu peia interna-tional market a chun zawr hlak a nih. Basu Singh in reporter hai kuoma a hril dan chun, NAB in ‘pre trial disposal committee’ a nei a, drugs a man hai hrim hrim ni 15 sunga suksiet/raw hmang dinga phalna CCF (controller company facto-ries) kuomah a lak hlak a, tuta drugs man sa hai chu tuta thla ni 15 annawleh ni 16 hin raw hmang \an ning an ta, a danghai khawm a hmatiema raw hmang pei ning an tih tiin a hril.

Nemcha Kipgen in GTV Mission camp a uop

kaNgPokPi: Social Welfare and Cooperation Minister Pi Nemcha Kip-gen chun zani khan Songtun Kuki Village, Champhai Sub Division, Kangpokpi District hmuna 7th phase GTV Mission camp a uop. Camp chu Songtun Kuki,

Amaledara le T. Lamjang huo hai huop dinga hawng a nih. GTV Mission camp a chun Chief Ministergi Hakshel Tenbang (CMHT) health cards, old age pen-sion forms, widow pension, >>sunzawmna phek 2-ah

Assam Rifles han rangkachak Rs. 19.92 lakh manhu an manimPhal: 26 Sector Assam Rifles (HQ IGAR-South) hnuoia Tengnoup-al Battalion chun July 10, 2018 khan rangkachak tlang (gold biscuits) 4, grams 664 a rik, Rs. 19.92 lakh manhu ding chu Khudengthabi-a Perma-nent Vehicle Check Post (PVCP) hmunah an man. Assam Rifles thusuok in a hril danin Moreh a inthawk Imphal pana hun Silver rawng Maruti Van

MN 06L 9255 Khudength-abi PVCP hmuna sukchawl

a, Ladies Check Point-a bag pakhat sunga inthawk rangkachak hi an dapdawk niin a hril. Rangkachak dapdawk a ni le inzawm hin a neitu Tinlam (37), w/o Jamk-honjang Haokip of Cha-vangphai Veng, Tuinom Part 2, Moreh, Tengnoupal District chu an man sa bawk. An thil man hai hi Custom Preventive Force, Moreh kutah an inhlan.

NFSA bufai Agent hai kuoma pekdawk mekCCPur: National Food Security Act (NFSA) hnu-oia thla tina Bufai sem hlak chu FCS Godown-ah CCPur & Pherzawl District sunga Rationing Agent hai kuomah sem dinga pe-kdawk mek a nih. NSFA Bufai hi July 4, 2018 a inthawka kha Agent hai kuoma pekdawk \an a ni a, zanita inthawk khan CCPur A/C or Sub-Division sunga Rationing Agency han an laksuok \an a, July 11, 2018 hin lasuok zawm nawk an tih. Saikot AC/Sub-Division a Rationing Agent han July 12, 13 & 14, 2018 in lasuok an ta, Thanlon AC/Sub-Di-vision a Rationing July 16, 2018 in lasuok an tih.

Tu \uma NSFA bu-fai constituency tina ding hung zat chu- Saikot Quintal 3746.45, Par-bung/Tipaimukh Quintal 611.80, CCPur Quintal 2536.50, Thanlon Quin-tal 911, Singngat Quintal 2290.40 le Henglep Quin-tal 1914.50 a nih. Parbung & Sangaikot

AC/Sub-Division a Ration-ing Agent han July 4, 2018 khan an lo lak ta a. Singn-gat AC/Sub-Division a Ra-tioning Agent han July 5 & 6, 2018 khan an lak a, Henglep AC/Sub-Division a Rationing Agent- han July 7 & 9, 2018 hai khan bufai hi an lo laksuok ta a nih.

Thailand Tleirawl 12, an Coach sansuok vawng an ni tahmae sai, ThailaNd: Thailand hmar tienga khuolzinmihai fe nuomna tak tlang pakhat Tham Lu-ang Nang Non Cave (puk) a football player 12 le an Coach pa ni 18 intang tahai chu zani Thawlenni khan an rengin sansuok vawng an ni tah, tiin Thai Navy SEALS hai chun an hril. Thailand-a football player 12 hai hi, June 23 khan an Coach pa leh foot-ball practice zova tlang hn-uoia puk en dinga fe an nih a. Puk sung an lut hnungin suo sur nasa leia tuilet leiin an intang a. An suokna ding lampui umsun tui a let vawng tah leiin ni 18 zet an intanga, khawvel an chawk luhai hrep hman a nih. Khawvelin an thlir le pawl hran hranin an buoipui sup

sup laiin, an sung han puk hmaah sun zanin an nghak zing bawk a. Sansuok tum-hai laia pakhat tui sungah a thi pha ta bawk. Pathienni chen khan mi 4 chu tui hnuoi lilutna hmangruo (scuba diving gear) hmangin an \huoi suok a. A danghai khawm diving gear hmangin sansu-ok an ni a, tuhin an rengin dama sansuok an ni ta a nih.

Tleirawl hai hi fak \ha khawm fa thei lo, tlang puk sunga intang an ni leiin an cher thei ta em em a. Amiruokchu, puk a inthaw-ka an hung suokin doctor han an hriselna an enfel pei a, chuong lawm lawma natna khrikhan nei le chau chu an um naw niin an hril. Khawvel an thuok huoi el a nih. June 23 a puk sung lut

kha an intang sawng a. Ni sawm sung pawl hran hra-nin an zawng hnungin Brit-ish mi diver han an umna puk sung hi an va hmu a. Puk sung an lutna hmun, an umna lai tak hi khawsak theina dinga zawl ang deua um a ni a. A dang po (an hung lutna) chu vadung ang lampui (khur) a nih a, ruo hung surin a sipliem vawn-ga a hnuoi/sunga lilut naw chun fe theina an tah nawh. Zani chena an lak suok nuhnungtakhai hriselna khawm an en a, a la \ha a. Tukhawm natna nei buoium taka enkawl ngai ding an um naw niin doctor hai chun an hril. FIFA President khaw-min ‘tleirawl huoisen 12’ hai le an coach pa hi World Cup Final a thlawna hung en dingin a fiel. (Reuters)

Education Minister GTV Mission camp-ah a \hangimPhal: Education Min-ister Pu Thokchom Rad-heshyam chun zani khan Heirok A/C huom sunga 7th phase GTV Mission camp-ah a \hang a, Ujjwala scheme beneficiaries hai LPG con-nection bakah Health cards le Weaver cards dawng thar hai a peksuok. Camp chu Salungpham, Kangyambem le Kangthokchao khuo hai

huoma Salungpham Kang-yambem Laibung Commu-nity hall & Ching Tam High

School Complex hmuna hawng a nih. Camp a chun Labour

Department, Revenue De-partment, Social Welfare, Health Directorate, Power, Education Department, Public Works Department, Bank le departments tum tum han stalls an hawng a, beneficiaries han harsatna an neihai hrilfie in, sawrkar schemes le inzawmin awareness nei an ni bawk.>>sunzawmna phek 2-ah

Hmasawnna Thar2 Thlahmur (july) 11, 2018 NilaiNi (WedNesday) arTiCle/healTh & emPloymeNT NeWs

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute: Co-Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

Ro le rang ei hauManipur State hi 22,327 sq. km. a lien, kum 2011 intiempui (Census) dungzui chun mihriem 28,55,794 hai chengna, Districts 16, Assembly Constituencies 60, MPs 3 nei, \awng chi hran hran hmang, sakhaw chi tum tum zuihai tuollengna, India rama states 29 um hai laia a chin pawl group-a um le mihriem num-ber tlawmna pawla \hangsa ve a nih. Thawsuok le lamsuok neitlawm, state intodel lo, sawrkar thlung-puia innghat le sawrkar thlungpui chawmhlawm a la nih. India rama state lienhai le tekhi chun state chit-erek le mi tlawmna a nih. Amiruokchu, ro le rang (is-sues chi hran hran) hau em em el; State sawrkar le sawrkar thlungpui chawkluhai rawptu a nih ti inla ei hril suol bek bek ring a um nawh. Manipur state hi chinin a mihriem tam tham naw inlakhawm, hminginthangna ei hau ang reng hle. Amiruokchu, a \ha zawng nekin a \ha naw zawnga hminginthangna ei hau lem. Hi hi thil pawi takel, ei thawhla em em el chu a nih. A \ha nawzawnga ei hminginthang zuolbikna hai chu, drugs addict tam thua dam, drugs le smuggling thil haia sumdawngna thuah dam, HIV le AIDS natna hri invawi tamna kawngah dam, helpawl group hran hran tamna thua dam, gang group hran hran tamna kawngah dam, fake encounter-a mihriem thi tamna chungchangah dam, Ganja le Poppy ching tamna kawngah dam, inrawk, insuom, in\huoihmang, inthat, invau le thawluina hmangna kawng haia dam an nih. A \ha awnga hminginthangna ruok chu ei nei tlawm hle. a \ha zawnga ei hminginthangna um ve sun chu Sports hi a ni el awm ie. Sports tiengpangah chun national level chau ni loin international level haiah chen ei hming an lang phak. India ram sunga ding lem chun “sports power house” ti hiel ei nih. Hi lei taka hi ei state-ah National Sports University in-dina hung um pha a nih. Ei ramle ei hnam suk hming \hatu, chawimawitu le khawvel hriet khawpa suklara suk hminginthangtu inkhelmihai hi suong an um a, ei ram ta dingin an hlu bek bek el a nih. Inkhelmi han ei ram hming\hatna dinga hmatieng peiah khawm theit-awp tak meu suoa hma an hung lak pei nuom a um. A hmatienga ei hril ta ang khan ei state hi chin hle sienkhawm a sunga chenghai hin ro le rang ei hau hle a. Ei state sawrkar khawm a lu a sukhai pha thei hle ring a um. Tulai tak kawm hin buoina le harsatna suk-suok theitu ding ro le rang iemanizat ei nei a, chuhai laia a lien le ngaimaw um deuhai chu, Myanmar ram le ramri buoi chungthu, Manipur University buoina thu, Protection of Manipur Peoples Bill chungchang, Citizenship (Amendment) Bill, 2016 chungthu le In-dia le NSCN(IM) han Framework Agreement an ziek thuhai hi an nih. Hieng thil hai hin buoina le harsatna chi hran hran a suksuok thei ding niin an lang leiin sawrkar ta ding chun ngaitha le tobopui el chi niin an lang der nawh. Chik taka ngaituo a, an hmatienga a hung chingfel thil \ha a ni ring a um. Chuong a ni naw chun nghawng \ha lo le ditum lo tak a hung intlun pha inlau um takel a nih. Ei hriet seng angin Manipur mihai hi ei thil thawna hai hrim hrimah hin hnambing thil dama lak le fepui ei ching a. Chun, thil hrim hrim hi a sosang (sensi-tive) zawnga thaw ei ching a. Hi thil hin nghawng \ha lo takel a hung intlun nuom hlak. Ramri chun-gchang, Framework Agreemeng le Protection of Ma-nipur Peoples Bill hai lem hi chu chik taka ngaituo le fimkhur taka thaw chi an nih. Chuong a ni naw chun chappui kang ang ela \hel thei lo ding hiel khawpa buoina le harsatna a hung intlun ding hi inlau a um a nih. Ro le rang (sensitive issues) chi tum tum ei hmaa inkhang mekhai chingfelna ding kawngah hin sawrkar, political party le mipuihai ei \hangtlang le ei inthuruol a \ul hle a nih. An dem zawng, an sa-wisel zawng le an tumtuo zawnga thil ei thaw hlau chun ei tuorhla hle ding a nih. Inhawi muola dak bik ding ei um nawh. Buoina le harsatna suksuok thei thil an nih. Manipur University buoina chungchang ringawt khawm hin student-hai career nasa takin a tawkpawi mek a, a pawi em em el a nih. Ieng ieng hril inlakhawm a hma latu ding tak le mawphurtu tak sawrkar a ni tlat leiin, sawrkar hmalaknaah an nghat a, mipui han ei lo thlir \hup el a nih.

VAWISUN THUPUIKawka um rawpa, ring sukngartu chu karlovin se dar a ta, sukdam nawkna um ta naw nih.

-ThuVarhai 29: 1

SUnZaWMna

employment Newsdirectorate of education, manipur

recruitment 2018: 688 lecturers Posts

DOE Imphal aims to recruit candidates for the period from the date of contract agreement up to 28th February 2019. Interested candidates can apply for the relevant post on or before 27th July 2018. Directorate of Education Imphal Recruitment 2018 application process to fill 688 vacancies for the posts of Lecturers on Contract basis has begun on the official web-site of Directorate of Education, Government of Manipur, Imphal - manipureducation.gov.in. DOE Imphal aims to recruit candidates for the period from the date of contract agreement up to 28th February 2019. Interested candidates can apply for the relevant post on or before 27th July 2018 by following the below mentioned instructions: How to apply for Directorate of Education Imphal Re-cruitment 2018 for Lecturers Posts? Step1 – Visit the official website - http://manipuredu-cation.gov.in Step 2 – Click on the link – ‘Recruitment of 688 Lec-turers on Contract basis’ under Notification on the right side of the homepage Step 3 – Click on ‘Application form’ Step 4 – a PDF file will display Step 5 – Download the prescribed format of the appli-cation form and take a print out Step 6 – Fill the form with required information and send the hard copy of the duly filled application form along with other documents and application fee at the be-low mentioned address: ‘The Office of Director, Educa-tion, Lamphelpat’ Direct Link for Application form - http://manipuredu-cation.gov.in/wp-content/uploads/2018/07/Application-Form.pdf Application Fee:Unreserved/ OBC Category – Rs.500SC/ ST Category – Rs.400Vacancy details:Total Posts: 688Botany=71 [UN-37, OBC(M)-9, OBC(P)-3, ST-21, SC-1]Chemistry=65 [UN-34, OBC(M) 8, OBC (P) 2, ST 20, SC-1]english=134 [UN-69, OBC(M) 17, OBC (P) 5; ST-41, SC-2]Home sc. =56 [UN-29, OBC (M) 7, OBC (P)-2, ST17, SC-1]Manipuri =100 (UN-50, OBC(M)-13, OBC(P)-4, ST-31, SC-2]pol. sc.= -79 [UN-41, OBC(M)-10, OBC(P)-3, ST-24, SC-1]Zoology =71 [UN-37, OBC(M)-9, OBC(P)-3, ST-21, SC-1]Geography =20 [UN-11, OBC(M)-3, ST-6]education =17 [UN-10, OBC (M)-2, ST-5]History post 23 [UN-13, OBC(M)-3, ST-7]economics Post 8 [UN-5, OBC(M)-1, ST-2]physics post 1 [UN-1]Mathematics post 1 [UN-1]Mizo post 4 [UN-3, ST-1]paite post 4 [UN-3, ST-1]Hmar Post 2 [UN-2)tangkhul post 2 [UN-2]thadou-Kuki post 12 [UN-7, OBC(M)-2, ST-3]Zou post 4 [UN-3, ST-1]Vaiphei post 4 [UN-3, ST-1]Kom post 6 [UN-4, OBC(M)-1, ST-1]ruangmei post 4 [UN-3, ST-1]Eligibility Criteria: The applicants must possess a Post Graduate Degree with a minimum of 50% marks in the subject concerned in the Post Graduate Degree Examination from a recognized University. Applicants are advised to visit the official website and download advertisement to ascertain their eligibility:ht tp: / /manipureducat ion.gov. in/wp-content /up -loads/2018/07/Notification-688-Lecturer.pdfage limit: The age of the applicants must not be more than 38 years as on 1st July 2018. Age relaxation rules are applicable as stated in the above advertisement.Pay scale: The selected candidates will be eligible to receive a monthly pay of Rs.9,300 with Grade Pay of Rs.4,400.selection Process: The selection of the candidates will be done on the basis of a Written Test and an Interview.

2. hindustan aeronautics limited (hal) hnuoiah Technician Aprentice post 61 a ruok.( Electronics Engi-neering- 35; Mechanical Engineering- 14; Electrical Engi-neering- 02; Civil Engineering- 01; Information Technol-ogy- 04 le Computer Science- 05).Qualification: 3 years Diploma in EngineeringKum: Maximimum 26 years.Thu chieng lem official website: www.hal-india.com ah hmu thei ning a ta, Application peklut theina hun nuhnung tak July 27, 2018 a nih.

3. airport authority of india (aai) hnuoiah Air-port Operations post 6; Engineering (civil) post 12; Engi-neering (Electrical) post 10 le CNS personnel post 21 a ruok.Inhnikna nei han July 20, 2018 chenin application peklut thei ning a ta, thu chieng lem official website www.aai.aero ah hmu thei ning a tih.

Assam tuilien chun zieum tieng a pan peiguWahaTi: Assam tuilien chun zieum tieng a pan pei a, zani chena khan Nagaon district-ah tuilet a um ta nawh a, tuilien chun districts pathum chau a nghawng tah a nih tiin Assam State Disaster Management Authority (ASDMA) chun a hril. ASDMA re-port in a hril dan chun, zani chena khan Lakhimpur a chun tui a l>t nasa tak a, hi districts sunga ringawt hin tuilien

in mihriem 21,200 vel a la sukbuoi a, Dhemaji a chun 2,500 vel sukbuoiin a pahnina a ni a, mihriem 921 velin buoina an tuokna Biswanath district chu a pathumna a nih. Assam tuilien leia thina tuok chu mi 33 an tling tah a, zani chen khan thina tuok thar hriet an ni ta nawh. Mithihai chu mimkei leia thi khawm an \hang. Tuilien chun khuo 30 vel lo neina hmun

858 hectares a lien a suksiet vawng a, 959 hectres a lien chu zani chen khan tuiin a la ch$m vawng niin ASDMA re-port chun a hril bawk. Dhemaji le Lakhimpur districts haia chun thuneitu han relief camps an hawng a, chutaka mihirem 2,000 bawr vel umhai chu sawrkar, tlawmngai pawl le NGOs \henkhatin fak le dawn pe in an \hangpui.

NeW delhi: Lok Sabha Speaker Sumitra Mahajan chun inpui in\hung sukbuoi rawp a ni hlak le inzawmin, Lok Sabha MPs hai chu an rengin lekha a thawn. LS Speaker lekhathawn chu internet haia khawm the-

dar a nih. Lekhathawna a zieklang dan chun, 16th Lok Sabha chu a kum tawpna ni tah in sessions pathum char a um tah thu a hril. July 18, 2018 a inthawk hin Mon-soon session \an nawk ding a ni a, hi sessions le session dang pahni la um ding hai hin ra \ha tak an suo theina dingin, MPs hai chu risie siema inpui in\hung suk-buoitu ni lo dingin Speaker chun ngenna a siem a nih.

LS Speaker in MPs hai lekha a thawnMinister ke a them leiin ASI suspendBaTala: Fatehgarh Churian police station, Batala, Punjab hmuna posting Assistant Sub-Inspector (ASI), Mr. Pal-winder Singh chu Punjab Minister Tript Rajinder Singh Bajwa a chengna in-ah a ke a them pek leiin suspend a nih. Mr. Pal-winder Singh chun Minis-ter chu thil ngen a nei leia an hmupui a ni a, a dit-sakna dawng tuma a ngen huna vaihai thaw danin a

ke a them nia hril a nih. Minister chu ASI in a ke a them lei chun a lung a sen a, inrang taka IG Bor-der SPS Parmar phone a bie in suspend dingin an hriet-tir a. Minister in a phone hnung hun sawtnawte sun-gin Mr. Palwinder Singh chu suspend nghal a ni a, a suspend-na order chu a phone hmanga thawn a nih. Mr. Palwinder chu thu nawk um hma pova dinga suspend nia hril a nih.

ADB in USD 503 million a approvedNeW delhi: Asian Development Bank (ADB) chun Shahabad-Bhojpur region, Bihar hmuna Son canal lining project a dingin USD 503 million a approved. Projects chu tuilo nei han tui awlsam le tam lem an hmu theina ding a ni a, loneitu han nasatakin an sawr \angkai ding a nih. Hi thua hin Power and New & Renewable Energy Minister, Mr. RK Singh in ADB officials hai meeting a neipui a, chu huna fund chu an approved a nih. Mr. Shah chun ADB officials hai chungah lawmthu a hril a, ADB officials le Finance Ministry officials han proj-ects zofelna hun ding hun tiemchin (timeframe) siem pek dingin a hril bawk.

District of Development councilhafloNg: July 9, 2018 zantieng dar 4 khan Circuit House, Haflong-ah Assam sawrkar palaihai chun In-digenous Peoples Forum (IPF), student le Women Organisation \huoituhai bakah Village Chief hai an inbiekpui. Hi inbieknaa hin As-sam sawrkar palaihai chu Dr Himanta Biswa Sarma (Finance Minister), Sum Rongchang (HAD minis-ter); Pakab Bhattacharya,

IPS, DGP, Assam, Mrigan-ka Barma, State BJP Gen-eral Secretary, DC, Dima Haosao le SP, Dima Hasao hai an nih. Dr Himanta Biswa Sar-ma chun N.C. Hills ADC pahnia \he chu sawrkar thlungpui thu lieu lieu (Cen-tral Subject) a ni a, kan pek thei cheu chu District of Development Council a ni a, in dit lem lem thlang ro tiin a hril tawl niin ei thu dawngna chun a hril.

B.Sc. (Hons) Forestry Entrance Exam

imPhal: Manipur sawrkar tira kum 2018-19 a B.Sc (Hons) Forestry 4 years Degree Course in-chuk nuom hai ta dingin Forest Dept., Govt. of Ma-nipur chun Competitive/Entrance Exam a huoihawt ding a ni a. Chu taka \hang nuom hai ta dingin July 21, 2018, 5PM chenin Fee Rs. 300/- pein Forest Head Of-fice, Sanjenthong, Imphal-ah peklut thei ning a tih.

Seat ruok zat hi 5 (OBC-1, UR-3 le ST-1) a ni a, Application Form chu July 12-18, 2018 inkar sungin lak thei ning a ta, Exam chu July 29, 2018 in nei ning a tih tiin Principal Conservator of Forest & HoFF), Govt. of Manipur chun inhriettirna a siem. Inchukna hmun ding chu College of Horticulture and Forestry, Pasighat, Arunachal Pradesh a nih.

Chief Minister Gi Sotharabasingi Tengbang (CMST), schools kits, thingkak le a dang dang sem an ni a, medi-cal department hmalakna in free health camp hawng a ni bawk. Stalls \henkhatah department officials han free health check-up, Aadhaar enrolments, birth certificate, death certificate, residential certificate le voter Ids enrol-ment hai an thaw bawk. Pi Nemcha Kipgen chun camp a \hanghai inbiekpuina a nei a, GTV Mission hmanga ham\hatna an ke bula int-lun a ni tah leiin, sawrkar schemes le programmes hai chu theitawpa sawr \angkai dingin an fui tawl. Mission offi-cials hai chu awareness \ha taka thaw a, hmun kilkhawr tak tak haiah camps hawng a, mipui tam lemin sawrkar schemes hai an sawr \angkai theina dinga hma la dingin a hril tawl bawk. Pi Nemcha Kipgen chu Champhai SDO/BDO Pu Chunlenmang le officials \henkhatin an \awiawm a, Kang-pokpi district sunga GTV Mission a stalls 19 hai a rengin an kan vawng a nih.

nemcha kipgen in gTV

Hun hmangna James Doujapao Haokip, SDO/BDO Tuibong in a kei\huoi a, Special Guest in Dr Kimngaihch-ing Simte, CMO, CCPur a \hang a. Fishery, Autonomous District Council, Social Welfare, Health Department, For-est, PHED, Electric, Agriculture hai \hangin District sung a Department tum tum hai chu mipui dawr thei dingin an in\hung. ZEO, CCPur chun Tuibong Jr. H/S a Class V student hai 93 kuomah Uniform pheikawk an sem a, class dang hai chu an school a sem dingin in an pekdawk a. ADCC chun school 5 hai hmang dingin Water Filter le Chalk bakah Register book an pek a, Seilal UP School a dingin Com-puter Set 1, le Water filter 1; Teiseng JB school, Tuinom JB School, Lhangjol JB school le Gelmol JB school hai kuomah Water Purifier filter pakhat seng pek an nih. Chun, Vangsei Indane Gramin Vitrak (Gas Agency) in PMUY hnuoiah customer thar mi 50 chuong kuomah Gas connection an pek bawk.

Tuibong Community hall-ah go to Village Mission

Education Minister chun Multipurpose Community hall, Thoubal Achouba hmuna camp hawng khawm a kan. Hi hmuna hin stalls 30 hawng an ni a, hmun danga ang bawkin beneficiaries hai chu ham\hatna chi tum tum pek an nih. Camp a \hang mipui le mission officials hai Educa-tion Minister chun inbiekpuiiin thurawn a pek tawl.

Education Minister gTV

Gang member pahni an manimPhal: 9 Sector As-sam Rifles hnuoia Tulihal Battalion chun helpawl le inzawmna nei nia inhrila tuolsungmi hai kuomah pawisa dawl hlak pasal pahni an man. Mana um hai chu Li-long Haoreibi Awang Lei-kai mi ve ve Md. Rizwan (23) le Md. Muzibur Ra-haman (45) hai an nih.

Thu indawnna nei hunah helpawl le \hangkawp nia inhrilin midang dang kuomah pawisa an dawl hlak ngei thu an inpuong a, an kuta intahwk country made pistol pakhat an man sa bawk nin PRO, IGAR (South) thusuok chun a hril. Hieng mi pahni hai hi Lilong police kutah an inhlan.

Tree Plantation programme an hmangCCPur: July 1, 2018 a inthawk Van Mahotsav hmang na fe mekah zan-ikhan Mata khuoa Vungza-gen Govt. Hr. Sec. School chun One Day Tree Planta-tion programme an hmang. Hi huna hin Chief Guest in Pu Shyam Lal Poonia, IAS, DC, CCPur a \hang a, Guest of Honour in Pu Lallunkam, Chief of Mata a \hang. DC, CCPur chun, ama khawm Govt. School a in-thawk inchuksuok a IAS

Officer hung ni thei a ni thu a hril a, hlawtlingna dingin tumruna le tuorselna

a pawimaw tia hrilin stu-dent hai chu tumru taka lekha inchuk dingin an fui.

Thingkak phuna um hai chu an hung puitling ngei theina dinga \ha taka enkawl le venghim dingin a fiel bawk. Chun, student hai lai in-dawnna dang dang siemin a dawn thei hai kuomah lawmmanin Rs. 100/- seng a pek bakah Dum thil (Ta-lab) fak tawpsan dinga in-tiem student pahni kuomah Rs. 250/- ve ve a pek bawk. Zanita tree plantation huna hin school campus le school ground le a sevel haiah thingkak 200 an phun.

CM in “Manipur Today” a TlangzarimPhal: Chief Minister Mr N. Biren Singh chun, zani khan Directorate of Information and Public Relations, Government of Manipur-in an suo “Mani-pur Today” ti thla tina suok chanchinbu magazine chu CM Secretariat-ah hunser neiin a tlangzar. Magazine tlangzarna hunsera hin Kakching MLA Mr Y. Surchandra, Wangjing Tengtha MLA Mr P Brojen, Wangoi MLA Mr O.Lukhoi, Director IPR Mr H. Balkrishna Singh le department hotu dang dan-ghai an thanga. Monthly magazine thiltum tak chu sawrkar program hai grass-root levela umhai kuom in-tlungir a nih .

Chief Minister chun hieng ang magazine pawimaw tak suksuok nachang a hriet leiin IPR department chu an pak hle a. Hieng ang publication hin mipui a rethei le en hn-uoitak hai kuomah sawrkar sinthawna le hmalakna, an ham\hatpui thei dinghai in-dik le fel taka an hrieta an apply ve theina dinga thil \angkai tak a nih ding thu a hril. CM chun publisher de-partment hai kuomah, hieng anga publication pawimaw hi mipui tamlemin an tiem ngei theina dingin Ral sta-tion dam, airport dam, bus stands le public places hran hran hai ah khawm semdar dingin a phut bawk. (DIPR)

Police han SSUM \huoitu-hai an zawng mek

imPhal: Tulai hin So-cialist Students’ Union of Manipur (SSUM) \huoitu-hai chu man tumin police han hmun tum tumah an zawng mek nia hril a nih. SSUM hin state Assembly session nei nawk phaa phar ding ILPS Bill sungthu chu sawrkar official website-ah mipui hmu thei dinga phol-ang dingin an ph<t a, an thil ph<t a halwtling naw chun state pum huopin July 13, 2018 a inthawk general strike thaw an tum a nih. ILPS Bill a chun border buoina thu sukfel a ni dan, weightlifter Khumukcham Sanjita chungthua thudik le sawrkar schools a teachers

hai transfer & posting thu kimchang takin an zieklang niin SSUM chun an hril. Hi le inzawmin SSUM President Sanahal chun, police han hmun tinah an zawng a, umna mumal nei thei lovin a tlanhmang zing niin a hril. Sanahal in a hril pei dan chun, ieng an-gin police han hnawzui hai sien khawm July 13, 2018 a inthawka strike an thaw ding chu an \hul naw ding thu a hril a, students hai man tuma zawng nekin, police hai hin Manipur mi-hai hmakhuo \hatna dingin Burmese Army hai indopui lem hai sien a \hat lem ding thu a hril bawk.

Suangdoh PHSC –ah Health & Welness Centre hawng

CCPur: Central scheme hnuoia Ayushman Bharat for a New India-2022 feth-lengin zanikhan Suangdoh PHSC ah Health & Welness Centre hawng a ni a, Com-munity Health Officer din-gin Mrs Y. Ruhima Begum posting pek nghal a nih.

CHO sin hi Certificate in Community Health course zo han an chel thei a nih. Suangdoh Sub-Division sunga hin PHSC 7 a um a, sienkhawm PHC pakhat khawm a um naw leiin tu-tah Centre hawnga um hi mipuiin an lawm hle.

lakTaWi

3Thlahmur (july) 11, 2018 NilaiNi (WedNesday) NaTioNal/iNTerNaTioNal & adVerTisemeNT Hmasawnna Thar

LIQUOR AND GROcERY cARD LOSTI have lost my Liqour and Grocery Card on the way between Rengkai and New Bazar, Churachandpur on 02-07-2018. Finders are requested to handover the same to the undersigned.

sd/- rorellienPherzawl, Pherzawl District, Manipur

Contact No. 8730033409

Prince Louis Khawm Baptisma Inchangtir A Ni TahloNdoN: Britain lal sungkuohai, lal la hung ni pei dinghai le lal sungkuoa mi reng reng khawm, Christian an nina angin naupang laia baptisma inchangtir lo thei lova makmaw an nei hlak angin Prince William le Kate hai nau pathumna Prince Louis khawm St James Palace, Chapel Royal ah baptisma inchangtirin kohran member dinga laklut a ni ve tah. Prince Louis baptisma inchangtirna hunah hin sung kuo le ruol \ha Kensington Palace in a fiel hai chau an \hang (thei) a. Sungkuo thil deu hlek a nih leiin Prince Louis a ‘Godfather dinghai khawm puong nghal an ni hlak. Fie la umhai la ia a langsar tak le mit latak chu May 19 a innei, Prince Harry le a nuhmei Duchess of Sussex, Prince Louis a nute Meghan Merkle hai

an nih. Duchess of Sussex Meghan chun, a hring uk zakuo le puonbil inkawp (skirt) insing Ralp Laurent a designed a hak a, an hme hle. Meghan hin Stephan Jones des ign lukhum rawng inang char a khum a. Pheikhawk khawm rawng inang char a bun bawk a. lady Diana inchei dan ang char a nih. Kate chun Prince

Louis a pawm zing a. Zakuo fuol var hakin a lu khum var a khum bawk a. A nupui ve khuk tah. Prince William chu coat suit van rawng pawlin an chei a, Prince George le Charlotte hai a kei\huoi a. Princess Charlotte hin a sangte Certificate a chawi tat a, mipui tieng a en nuom em em a. Princess indiktak, mipuihai suklawm thiem tak

a nih. Prince George ruok chu a zak a sie em em a. A pa kut a chel ran el a nih. Hi hmun le nia Prince Louis an baptis hi Meghan ta ding khawmin a pawimaw em em. Prince Harry leh an innei ding ti hriet a nih char khan hi Kohran mi a nih a \ula, kohran dana baptisma a chang ve ngei ngei a \ul. Archbishop of Canterbury Justin Welby-in a baptis a, Prince Louis khawm Welby bawkin a baptis a nih. T u t a P r i n c L o u i s baptisma changnaa an sungkuo inlang hi Prince Harry le Meghan hai an innei hnunga Lal sungkuo program ah, abikin Prince Louis leh an inlang kawpna hmasatak a la nih. Harry le Meghan hin Louis a ta dinga Godparent an ni tah lai zingin, William le Kate chun Prince Louis hin Godfather dang iemani zat nei an tum a, chuonghai chu

an fiel vawng a nih. Duchess of Sussex, Harry le Meghan hai khawm official engagement an hau deu deu. Pathienni-a prince Louis baptisma a chang zoin, Thawleni zingkar khan Queen le lal sungkuo senior hai leh Royal Airforces (RAF) kum 100 a tlingna Centenary an lawm a. Hi zoa hin Ireland-ah program hmang dingin Dublin pan nawk nghal an tih. Deublin ah hin ni hni sung Irish hai ngaina thilhai ah \hang vawng an ta, Gaelic Football team hai indin \anna hmun/khuo le University pawimaw hai sir an tih. Chu zoah British ambassador chengna reisdence ahGarden Tea Party a \hang nawk an ta, Irish President Michael Higgins le Prime Minister Leo Varadkar hai inhmupui bawk an tih.

Russia Vanboruok Lawngin ISS Ah Thuomhnaw Thak KaimosCoW: Khawvel in khawvel dang tienga thil umhai a en thlithlaina le khawvel mihai inbiekpawna communication satellite hai enkaitu le vantieng chanchin i n c h u k p e i n a k a w n g a vansipaihai hmunpui tak pakhat, International Space Station a um hai fak ding le dawn ding, bu le bal le hmangruo chi hran hran ton thum vela rik ‘supplies’ chu Thawtanni khan Russia vanboruoklawng pakhatin International Space Station ah a hang thak kai tah. V a n b o r u o k l a w n g (spacecraft) fak ding chi hran hran le thautui phurtu MS-09 hi Kazakshan-a Russia ta Baikonour Cosmodrome

(vanboruoklawng kapsuokna hmunpui) a inthawkin a dar 3:51am khan a vuong suok a nih, a khaltu mihriem um lovin. A khaltu mihriem um lo, hnuoia inthawka control vanboruoklawng ton 3 neka rik supplies phurtu vuongna hi a vuong suok a inthawka darkar li na charah International Space Station a hang tlung a,

ama le ama an buk chat thei a nih. Hi hi inrang taka supplies thakna ‘fast track approach’ an hmang phutna a nih a, a hlawtling hle. Kha hma khan chu, ISS tlungna dingin supplies phurtu vanboruoklawng hai chun a tlawm takah darkar ruk dam, ni hni dam hun an lak hlak. Russia space agency Roscosmos chun, Soyuz a

booster rocket version thar hmanga hi thil hi thaw/siem a nih a. Orbit lai inrang lema a hang vuong lut theina hi a hratna le \hat bikna a nih a, a changkangna a nih, tiin a hril. Roscosmos hin hi system hi ni kum khan a hmang sin taa chu a la hlawtling nawh a, technical thil leiin a \hul nawk a nih. Tuta \uma new station crew dinghai chu NASA astronaut Drew Feustel, Ricky Arnold le Serena Aunon-Chancellor ning an ta. European Space Agency a inthawk astronaut, Germany astronaut Alxendar Gerst le Russian astronauts oleg Artemyev le Sergey Prokopyev hai ning an tih. (Reuters)

US le South Korea Joint Military Drill |hul Leiin USD 14 Million Save

WashiNgToN: US anga sawrkar hrat le defence budget tam, 700 billion neka tam neitu ta ding chun USD 14 million chu a tam naw el theia chu, US le South Korea han Joint Military Drill an nei zata an sengso , tuta \um an nei ta naw leiin tax payer hai pawisa an hmang tah lo ‘save’ zat chu a nih ve tlat. Ni thum vel chau sunga s ipaihai han ral thuom hran hran kap suok dan an inchuka, indo dan ding le ral rel dan ding an inchuknaa an hmangral mei mei ding chun USD 14 million chu tam ve tak a nih. Hi sum hi, President Donald Trump-in Joint Military Exercise nei zie hlak chu a ‘expensive’ taluo leiin North Korea le inrem theina ding a nih bawk si chun nei ta lo a \ha tia a suktawp a inthawka Pentagon-in ieng

zam hmang hlak a nia ti a sutnaa a hung hril lang a nih. President Trump le Kim hai chun June 12 khan Korean Peninsula lai chu ralmuonga siem ding le nuclear ralthuom um lova sie dinga thutiem an nei angin le, North Korea’n US in venghimna le run nawna dinga thutiem (security) a pek ding a ni phawt chun an nuclear bomb an suksiet ding thu a hril a. US le South Korea han Joint War Game an nei hlak hi North Korea ta dinga tium tak, an beina dinga lo inbuotsai nia a hriet leiin thaw tah lo dingin a dit a. US chun inremna ditin, South Korea President khawm rawn lovin Joint Military Exercise chu a lo inchawltir el a nih. “Inbiekna fe mek hi dit dan angin hmatieng pei

a fe nawh hmu le hriet a ni hmakhat chu, inbiekna ang taka sukhlawtling a nih theina dingin, sengso a tam bawk a, Joint Military Drill hi la chawl hri phawt dingin ka remti tah a nih” tiin President Kim a hril. President Trump chun, Twitter ah Joint Military Drill (War Game) \hul a inthawkin pawisa Dollar maktaduoi tamtak ei save thei tah a nih, tiin a hril. Hi USD 14 million sengso hi US Defence budget USD 700 billion en chun chite chau a nih, amiruokchu, ringumna suklangna dinga thilthaw a nih leiin a pawisa hlutna nekin a entir hlutna kha a \ha lem tiin a hril. America hin South Korea ah sipai 28, 500 a sie zing a. Anni laia 17, 500 chu kum tinin Freedom Gurdian ti military exercise ah South Korea sipaihai leh an \hang hlak a. An fak le dawn, allowances le ralthuom ensinhai manin 14 million hi a seng zie hlak a nih. Hi hi North Korea chun, in\hi\haina, uong khumna le chapona, North Korea runna dinga inpuochana tiin a hrilpek hlak leiin an kar thu a buoi hlak a nih.

India le South Korea inkara sumdawng sukhrat dingin thu an thlungNeW delhi: Prime Minister Narendra Modi le South Korean President, Mr. Moon Jae-in han zani khan New Delhi-ah ‘delega-tion-level talks’ an nei a, trade le economics a inzawmna upgrade a Comprehensive Economic Partner-ship (CEPA) sukhrat dingin thu an thlung. CEPA chu a ra s$k vat thei chi ‘Early Harvest Package’ a upgrade ding niin PM Modi chun a hril. PM Modi le Mr. Moon han inbiekna an nei zovin chanchinbu-mihai hmaah thu an hril. Technol-ogy khawvel a hung danglam pei le inzawmin, India le South Korea han inlaichinna an nei sukhrat a, ‘Innovation Cooperation Centre’ le ‘Future Strategy Group’ hai siem dinga rawtna siem an nih tiin PM Modi chun a hril. India le South Korea hi President hlui Mr. APJ Abdul Kalam hmalakna zara 2010 kuma inthawk inpawna \ha tak nei an ni a, East Asian rambung dan-ghai le inlaichinna khawm a ng-hawng \ha pha a nih tiin PM Modi chun a hril. Kum tinin India le South Ko-

rea inkara sumdawngna chu an \hang pei a, kum 2 liemtah sung khan USD 20.5 billion a ni a, chu hmaa kum leh tekhi chun 70% in an \hang a nih. 2014-15 kum khan USD 16.82 billion chau niin a tlahnuoi a, 2016-17 sungin USD 18.13 billion hung niin kum danga inhmang hai a hung recover nawk thei a nih tiin PM Modi chun a hril. PM Modi chun a hril peina-ah South Korea companies han India ramah an sumdawngna an inzau leiin lawmthu a hril. South Korea companies hai hin ‘Make in India’ hmalakna nasataka \hangpuiin \ha-

lai tamtak sin an siem pek a nih. Companies hai kutsuok a \ha leiin In tinin an kutsuok chi khat bek an kawl seng hlak tiin PM Modi chun a hril. Inbiekna an nei zovin ‘Vision Document’ an tlangzar a, PM Modi le Mr. Moon chun India le South Korea inlaichinna thlung nghet dingin thutiem an nei. Mr. Moon hi Asia rambung-hai inpumkhata hmalak dinga vi-sion \ha tak nei ve a nih. Nikum November thla khan ‘New South-ern Policy’ an duong a tlangzar a, chutaka chun Southeast Asian Na-

tions (ASEAN) rambung han dip-lomatic, economic le kawng tum tuma pheikhai inruol taka hma an lak tlang theina ding zieklang a nih. Mr. Moon in chanchinbumihai hmaa thu a hrilna a chun, ‘New Southern Policy’-ah a lo suklang angin, India chu South Korea in sumdawngna-ah inzawmpui a nei \hatak rambung a siem ning a tih tiin a hril. Sinthawtu chi tum tum India le South Korea han an insawr tawnna hi thil\ha tak a ni a, inpaw-na \ha lem a hung um peina dingin hi hmalakna hi sukhrat ning a tih. India le South Korea chun ‘mutual summit-level visits’ dan pangngaia nei dingin rawtna an siem tiin Mr. Moon chun a hril bawk. Mr. Moon chu South Korea President a ni hnunga India rama a vawi khat hung inzinna a ni a, PM Modi le inbiekna an nei huna chun kawng hran hrana thaw tlangna ding, Memorandum of understand-ings (MoUs) pasari an ziek a nih. Mr. Moon chun zani zan khan Rashtrapati Bhavan, New Delhi-ah President Ram Nath Kovind khawm inbiekpuina a nei.

Dope test a positive thawktuhai hrem le ban ni nawng an tih: Punjab cMChaNdigarh: Punjab Chief Minister, Captain Amarinder Singh in sawrkar thawktu han inruithei an ch$ng am ti hrietna dinga ‘dope test’ thaw dinga thu-suok a siem chun mi ngaiv-en a hlaw hle a, mi tamtak chun theitawpin an sawisel a nih. Hi le inzawmin Capt. Amarinder chun zani khan hrilfiena a siem a, dope test a positive hai chu hrem le b^n ni nawng an ta, \ha taka enkawlna pek ni lem an tih tiin a hril. Test result chu tukhawm hriet lo dinga thup tlat a ni ding thu Capt. Ama-rinder chun a hril sa bawk.

Capt. Amarinder chun hi thu hi Cabinet Sub-Committee meeting huna a hril a nih. Meeting a chun Cabinet Sub-Committee in anti-drug

campaign a nei le inzawma hmalakna ennawn a ni a, thawktuhai dope test thawna ding guidelines le Standard Operating Procedures (SoPs) siem dingin Capt. Amarind-

er chun Chief Secretary thu a pek. Dope test chu police personnel hai khawm thaw vawng ning an tih. Punjab sawrkar chun tulai hin inruithei do in theitawpin hma a lak zing a, drugs a sumdawngtu that theina dan siem dingin rawt-na khawm a siem pha hiel. Meeting an nei huna chun Capt. Amarinder chun offi-cials han Drug Law sukhrat dingin an fui a, drugs dona, drugs ch$nghai enkawlna le drugs le inzawma nei hrim hrim hai a hma neka sukhrat vawng dingin thu a pek sa bawk.

Tamil NEET students hai extra marks pe dinga hril

CheNNai: National Eligibility cum Entrance Test (NEET) exam huna khan Tamil \awnga exam pe hai question 49 an dik naw leiin, Madras High Court Bench, Madurai chun extra marks 196 stu-dents hai pe dingin thupek a siem. Court chun exam huoihawttu Central Board of Secondary Education (CBSE) thupek chu a pek a, NEET hi medical col-leges/institutions haia medical courses inchuk

ding thlangna niin, zawna 49 chu Tamil \awnga an inlet hunah an inlet suol a nih. Communist Party of India-Marxist (CPM) MP, Mr. T.K. Rangarajan in Public Interest Ligitation (PIL) a file leia hi thu hi Madras High Court in a ngaituo a ni a, High Court chun Tamil students hai extra marks a pek hnunga ranking list suksuok nawk a, admission process \an dingin an hriettir bawk.

Chidambaram hai pafa interim protection suksei

NeW delhi: Aircel-Maxis deal le inzawma thubuoi nei mek Union Fi-nance Minister hlui le Con-gress \huoitu, Mr. P Chid-ambaram le a naupa Karti hai chu zani khan ngenna an siem angin Court in Au-gust 7, 2018 chen man thei

lo dingin ‘interim protec-tion’ a suksei pek nawk. Mr. Chidambaram le a naupa hai aia ngir chu se-nior advocates, Kapil Sibal le Abhishek Manu Singhvi hai an nih. Mr. Chidam-baram hai pafa chungthu hi CBI le ED han an sui mek a,

zanita investigation report an pekluta chun, FIPB in-dik lo hmanga foreign fund laklutna kha Union Finance Minister in a approved ngei a nih ti an hrietsuok tah. Aircel-Maxis deal buoina le inzawmin En-forcement Directorate (ED) chun hi hma khan chargesheet ph>k 3,600 zet a lo peklut tah. Mr. Karti chu hi thubuoi le inzawma man tah le bail a insuo a ni a, July 31, 2018 khin court a inlang nawk dinga ti a nih. ED chargesheet a chun Mr. Chidambaram a hming tamtak zieklang nia hril a nih.

Nuhmei le mo-hai ta dinga ‘gifts’-ah tax la lo dinga ngenNeW delhi: Minister for Women and Child Devel-opment, Pi Maneka Gan-dhi chun Income Tax Act amendment thaw a, pasalin a nuhmei le an mo-hai gifts an pek ding haia inthawk tax la lo dingin Union Finance Minister, Mr. Piyush Goyal kuomah ngenna a siem. Ms. Maneka Gandhi chun, economics tlura nuh-meihai sukhratna ding maw-phurna chu mi tin chungah an

nghat a nih tiin a hril. Union Finance Minister chu mi nuhmei le mo tam takin an ph<tna anga ngenna a siem

niin Ms. Maneka Gandhi chun a hril a, IT Act amend-mani thaw dinga a ti chu Sec-tion 64 a nih.

IT Act Section 64 in a hril dan chun, mi pakhatin a nuhmei kuomah sumhnar um thei thilpek a pek chun, a nuhmei in sum lamna in a hmang thei leiin a pasal a sumhnar a inthawk tax lak ning a tih tiin a hril. Hi dan hi 1960s laia siem a ni tah a, hieng huna hin mi nuhmei le mo-hai chu sum lam der lo ding anga ngai hlak an nih tiin Ms. Maneka Gandhi chun a hril.

JeM member 1 manjammu: Jaish-e-Muham-mad (JeM) member Sameer Ahmad Sofi of Kakapora, Pulwama district chu zani khan Security Forces han an man. Ahmad Sofi hi June 28, 2018 a inthawk a umna chin hriet lova inhmang a ni a, a kuta inthawk pistol pakhat le a mu iemanizat man sa niin, a chungthu suizui dingin Sogam police station-ah peklut a nih. Chu lai zingin, zani zantieng khan Kundalan area, Shopian lai Secu-rity Forces le helpawl an inkaptuo a, helpawl pahni le pali inkar ding In pakhat sungah an intang nia hril a ni a, thuchieng hriet a la ni nawh.

Jail intang 42 in paramedical courses

inchukBhoPal: Bhopal Central Jail a intang mek mi 42 chun paramedical courses an inchuk mek. Hi courses hi jail thuneitu han a nuom taphawt inchuk thei dinga an siem hrim a nih. Para-medical courses inchuk hai laia \henkhat chu damsun-ga intang dinga thiemnaw chang an nih. Hi courses inchuktirtu chu puotienga University le Colleges a teachers dam an ni a, class lak dingin jail sunga chun an lut hlak nia hril a nih.

MPSC office petrol bomb a deng

shilloNg: Meghalaya Public Service Commission (MPSC), Shillong chu zani zingkar dar 8:00 AM vel khan hmelhriet lo han petrol bomb hmangin an d>ng. Pet-rol bomb chu MPSC Secre-tary W.A.M. Booth a room sunga d>nglut a ni a, bomb puok leia thi le hliem an um nawh. Bomb puok lai hin Union Home Minister Ra-jnath Singh chu NEC Plenary meeting inrawi in Shillong-ah a cham mek lai a nih. Po-lice han thiltlung chungthu suichiengna an nei zing.

Thuruk pesuoktu IaF cook hlui man

gorakhPur: Indian Air Force (IAF) thuruk (se-cret information) pesuoktu a intum IAF cook hlui Sha-shikant Jha chu zani khan Official Secret Act (OSA) besanin police han an man. Shashikant Jha chu IAF of-ficers’ mess a thlai suong hlak a ni a, Banka district, Bihar mi niin, IAF thuruk a peksuok hlak nia hril hai lai IAF fighter plane schedule a \hang tiin Praveen Kumar Singh, Circle Officer, Crime, Gorakhpur chun a hril. Jha a chungthu chu An-ti-Terrorism Squad \hangin agencies tum tum khawmin an sui mek a nih. Jha kuta inthawk chun IAF station Gorakhpur map, fighter planes schedule le docu-ments dang \henkhat man an nih. Jha chu IAF cook a ni hma in IAF officers driv-er khawmin a \hang a, IAF thuruk tamtak a hriet dinga ring a nih.

India damdawi man tax suktlawm dinginNeW dlhi: India le China chun India damdawi China rama thawn luthai, abikin cancer damdawi mana tax suktlawm din-gin inremna an siem. Hi le inzawma Chinese Foreign ministry Spokesperson Mr. Hua Chunying in a hril dan chun, India le China chun India damdawi manah tax suktlawm dingin thutlukna

an nei tah tiin a hril. India le China in thuthlung an siem hin China chau ni lovin, a se vela rambung dang dang khawm a \ha tiengin la ng-hawng a tih tiin Mr. Chuny-ing chun a hril sa bawk. Tax suktlawmna chu July 1, 2018 a inthawka tiem a hmang \an dinga ti a nih. Tuta tax suktlawmna hi Asia Pacific Trade Agree-

ment (APTA) in meeting \um li na a nei huna thut-lukna a ni a, APTA a hin Bangladesh, Laos, South Korea le Sri Lanka hai khawm an \hang ve a nih. China in damdawi thila an dawrpui hlak western ram-bung hai nekin India rate an man lem leiin, abikin can-cer damdawi hi India rama mi an laklut nasa hle a nih.

J&K inkapna-ah helpawl 2 thi, civil mi 20 hliemsriNagar: Shopian district, jammu and Kash-mir-ah zani khan Security Forces le helpawlhai an inkaptuo a, helpawl 2 kap hlum an ni a, an inkap zo hnunga civil mihai le Se-curity Forces an insuk-buoina-ah civil mi 20 velin hliemna an tuok. Inkap-tuona chu Kundalan vil-lage a tlung a ni a, hi huna helpawl thi pakhat chu a pa in a chanchin a hrietin ama

khawm lungphu chawlin a thi ve nia hril a nih. Helpawl thihai iden-tity chu hriet a la ni nawh. Helpawl le an inkaptuo zo charin, civil mi tamtak an In haia inthawk tlansuokin Security Forces hai an bei a, mi \henkhatin lungin an deng a, \henkhat chun kut-tum hmangin an bei thung. Security Forces han mipui hnawt darna dingin tear gas le pellet gunshots an hmang

leiin mi 20 in hliemna an tuok pha. Hliem hai chu hospital a enkawl mek an ni a, anni laia pakhat chu a ke-ah silai kapna be hmu nia hril a nih. Inkap huna chun Security Personnel pahni khawmin hliemna an tuok a, Army’s 92 Base Hospital a enkawl an nih. A naupa thina leia lungphu chawla thi ve chu Zeenat a pa Muhammad Ishaq Naikoo a nih.

Hmasawnna Thar4 EntErtainmEnt / SportSThlahmur (july) 11, 2018 NilaiNi (WedNesday)

sun ZAWMnA.......

Jack Wilshere in West Ham a zawm tah

loNdoN: Premier League club West Ham United chun kum 3 sunga dingin Ar-senal midfielder hlui Jack Wilshere chu contract an ziekpui tah. Wilshere (26) hin a contract bo ta le

season tawp hnungah Arsenal suoksan a ni a, kum 17 sung Arsenal ta dingin a lo khel a nih. Wilshere hin kum 2008 khan Arsenal ah senior a khel \an a, kum 2014 le 2015 hai khan Arsenal ah FA Cup vawihni a lo lak a, Arsenal-a a um sungin vawi 197 an khel a nih. West Ham United hi season nuhnung taka khan a 13-na an ni a, 2018-19 Premier League season-a an match hmasa takah August 12, 2018 khin Liverpool inkhelpui an tih.

Anthony Joshua in April 13 a inhnek dingin Wilder contract sign a nghakloNdoN: IBF, WBO, WBA heavyweight cam-pion ni lai British pro-fessional boxer Anthony Joshua chun Wembley stadium-ah September 22 , 2018 le April 13, 2018 haia inhnek dinga contract a ziek fel hnungin WBC title hau mektu American heavy-weight boxer Deontay Wilder in April 13, 2019 a Wembley stadium a inhnek dinga contract a ziek ding a la nghak zing. Anthony Joshua hi world heavyweight 4 um hai laia pathum hau mektu a ni a, IBF title hi kum 2016 a inthawk a hau ta a ni a, WBA title hi 2017-a a lak le WBO title hi March 2018 a kha Jo-seph Parker a hneban hnunga a lak nawk a nih. Hieng hai

baka hin IBO title khawm kum 2017-a a lo lak ta chu a hau sa zing bawk a nih. WBC title holder De-ontay Wilder le inhnek din-ga inbiekna duthusama a fetluong naw lei le inremna siem el thei a ninaw hnun-gah WBA chun Anthony Joshua hi mandatory chal-

lenger Alexander Povetkin inhnekpui dinga thu pek a ni a. Hi le inzawm hin An-thony Joshua chun Septem-ber 22, 2018 khin Wembley stadium-ah Povetkin hi an hnekpui beisei a nih. Amiruokchu, April 13, 2019 a Wimbley stadium-a an hnekpui dinga beisei

Wilder chun Joshua le inhnek ding hin contract a la ziek naw a nih. Hi chungthua hin Wild-er in inhnek dinga remtina signature a pek ding a la nghak mek thu a social me-dia account-ah a hril. Hi le inzawm hin Wild-er khawmin kar thar vela chun a thutlukna a sukfel le puong ta beisei a nih. Hieng laizing hin Josh-ua promoter Eddie Hearn chun Wilder hi Joshua le inhnek dingin dollar 15 million flat fee pawm din-gin a offer a, chu lai zingin Wilder chun 50-50 a phut a nih. Wilder chun tuchenah hlaw inhnuoi lema Joshua inhnekpui chu a nuom naw a ni a, inremna an nei thein-aw chun an inhnek naw

ding a ni el a, sienkhawm inremna an nei thei a ni chun Joshua Anthony le Deontay Wilder hi inhnek ngei an ta, a hrat lem lem chu heavyweight title 4 um hai pakhatin a ruolin an hui vawng ding a nih. Chuong ang chu heavyweigh box-ing history-a la um ngai lo a ni a, Joshua le Wilder hi an inhnek a ni chun thil la um ngai lo chu a hung tlung ding a nih. Inhnek dinga an inrem thei nawna dang pakhat chu Joshua in an ram UK ngeia inhnek a nuom a, Wilder in US a inhnek ngei a nuom ve chu a nih. Hi hma khan UK le US a inhnek ve ve dinga rawtna (proposal) khawm a lo um ta a nih.

Fernando Torres in Japan Club Sagan Tosu a zawmloNdoN: Liverpool le Chelsea striker hlui Fer-nando Torres chun Japanese club Sagan Tosu a khel din-gin contract a ziek. Torres hi Atletico Ma-drid-a contract a tawp a, a suk thar nawk ta naw a nih. An langna nuhnung tak chu Europa League final-a Marseille an hne \um kha a ni a, kha \um khan substitute a umin 90 minute ah an lang

chau a nih. Spain striker Torres hin World Cup a lo dawm ve bakah Chelsea-ah kum 2012

khan Champions League a lo lak a nih. English football ah kum 8 a um sungin matches vawi 314 a khel a, goals 126

a thun hman a nih. A goal thun hai lai hin Liverpool-a kum 4 a um sung games 142 a khel haiah goals 81 a thun hai a \hangsa. Torres chun, France, Germany bakah Spain a khawm offer chu a hmu a, sienkhawm European team ni lo hmun dang deua khel le boruok dang hip a nuom ta leia Japanese club hi zawm a ni thu a hril.

Wimbledon 2018:

Pliskova a tla; nuhmei top 10 an tla vawng tah; Federer, Nadal le Djokovic hai an la damloNdoN: Wimbledon tennis khel meka chun Thaw\anni khan nuhmei top 10 hai laia la dam sun Czech mi Karolina Plis-kova chun Dutch mi 20th seed Kiki Bertens a hne zonaw leiin a tla nawk a. Hi lei hin Wimbledon khel meka chun nuhmei tennis top 10 hai chu quarter-finals hmain an tla vawng ta a nih. Kiki Bertens hin Pliskova hi 6-3 7-6(1) in a hne a nih. kum 1927 a Wimbledon khel \an a nia inthawk hienganga nuhmei tennis player lien zuol hai

quarter-finals lut phak loa an um hmasa takna a nih. Pliskova hi rank 8- na niin Wimbledon khel me-kah fourth round lut hai laia rank insang tak a nih. Pliskova hi nikum Wim-bledon zo khan ranking no. 1 chen lo kai ve phak a nih.

Grand Slam title vawi tam tak lo la ta le champion hlui 25th seeded Serena Williams chu quarter-fi-nals a lut ve ta a, zanikhan C Giorgi leh quarterfinals an inkhel. Tuta nuhmei la dam hai laia rank insang tak chu 11th rank An-gelique Kerber a ni a, zani

zan khan D. Kasatkina leh quarterfinals an inkhel. Pasal-ah Roger Federer chun Adrian Mannarino 6-0, 7-5, 6-4 a hnein quar-ter-finals a lut bakah Rafa-el Nadal khawmin 7-6 (4), 7-6 (2), 5-7, 7-6 (4) a Jiri Vesely hnein quarter-finals a lut a, Novak Djokovic khawmin Karen Khacha-nov 6-4, 6-2, 6-2 a hnein quarterfinals a lut bawk. Federer hin quarter-fi-nals-ah July 11, 2018 khin K. Anderson inkhelpui a ta, Djokovic hin July hin Kei Nishikori inkhelpui a tih.

FIFA World Cup Semifinals: Croatia v/s EnglandmosCoW: Thawleni zana France le Belgium han semifinals hmasa an khel hnungah July 11, 2018 (vawizan), 11:30PM hin Croatia le England chun Luzhniki Stadium-ah semifinal inkhel nawk an ta, July 15, 2018 a FIFA World Cup FINAL inkhel ding team hai a chieng ta ding a nih. Vawizana inkhel ding Croatia hi World Cup la dawm ve lo an ni a, Eng-land ruok chu kum 1996 khan West Germany hnein World Cup an lo dawm ta a ni a, tuta \um hi England le Croatia vawi 8 an inhmu na ding a ni ta a, a hmaa an lo inkhel na haiah vawi 4 ah England in hratna an chang a, vawikhat an indraw a, Croatia in vawi 2 an lo hne ve a nih. Chun, tuta hma an lo inkhel hai laia vawi 6 hai chu Wednesday (Nilaini) a inkhel an lo ni bawk. Eng-land hi world cup semi-fi-nals an khel vawi 3-na ding a ni a 1966 khan World Cup an lak a, sienkhawm 1990 khan Germany lakah penalty in an lo tlawm a nih. Croatia hi World Cup la dawm ve lo nihai sienkhawm tukum world Cup a hin an khel \ha hle bakah penalty-ah vâng an nei bawk leiin final luta Cup khawm la thei ngirh-muna um ve an nih.

England in Croatia hne a World Cup final an lut theina ding chun khawvela midfielder \ha tak Luka Modric le Ivan Rakitic hai an dang hne a \ul ding a nih. A pum chin keng kawng sienkhawm Modric hi England ta ding chun tuorhla tham a tling thei. Comment petu \henkhat lem chun hun an tep po leh a che \ha el a nih tiin an hril. Rakitic khawm hi midfielder \ha niin an pahni hin khawvela midfield \haa hril laia mi an nih. Team NeWs: Croatia: Croatia play-er pawimaw pathum-Goal-keeper Danijel Subasic,

right-back Sime Vrsaljko le Liverpool cenre-back De-jan Lovren hai chu Thaw \anni-a Luzhniki stadium training complex-a training session-ah an \hang naw tlat el. Subasic hi Russia le Quarter-finals an khel \um khan hamstring injury leiin harsatna a tuok ti ei hmu a. semifinals a hin an fit hman dim? Chun, Vrsaljko hi quarterfinal extra time a khan a ke a sukhliem a, a khel theinaw el thei bawk. england: Eng-land tieng khawm player pawimaw Liverpool midfielder Jordan Hen-derson chu quarter-finals-a Sweden le inkhel \um

khan a ke tha nat leiin minute 85-naah thlak a ni a, sienkhawm semifinals a hin a khel thei nawk chu beisei a nih. Jamie Vardy khawm round of 16 a Co-lombia le inkhel \um khan an sukhliem ve a, a khel ve ding le dingnaw a chieng nawh. England team chu tu-kum world Cup fe mekah goal 6 thun taa top scorer ni mek , Golden Boot dawng thei dinga ngai Harry Kane in an rawi ding a ni a. Cro-atia chu an team captain le Russia World Cup fe me-kah man of the match vawi 3 ni tah Luka Modric in an rawi ding a nih. Possible starting line-ups england Xi: Pickford, Walker, Stones, Maguire, Trippier, Henderson, Alli, Lingard, Young, Sterling, Kane Croatia Xi: Subasic, Vrsaljko, Lovren, Vida, Strinic, Rakitic, Modric, Rebic, Kramaric, Perisic, Mandzukic

2020 Olympics ah M.Chanu 49 kgh ah khel el thei

NeW delhi/imPhal: Manipur mi world champion weighlifter Saikhom Mirabai Chanu chu kum 2020 a Tokyo khawpuia Olympic Games hung um din-gah tuta a category 48kg ni ta loin 49kg category-ah competition-ah a \hang el thei. Commonwealth Games, 2018 a khan Mirabai Chanu hi 48kg category ah \han-gin a ma taksa rikna lethni neka tam clean and jerk in a dawmzo a nih. International Federation in category thar siem dinga thutlukna a hung siem le inzawma Ms Chanu 49kg category-ah a \hang el theia hril a nih.

July 5, 2018 khan International Weightlifting Federation chun Tashkent khawpuiah Executive Board meeting an nei a, chu huna chun Olympic games hung um dinga hin pasal le nuhmeiah weight categories 7 introduce dingin an rel a, in-ternational championships dangah numei le pasal ah classes thar 10 siem dingin an rel bawk a nih. Hi dungzui hin 2020 Olympic games hung um dinga hin nuhmei hai ta dingin weight categories- 49kg, 55kg, 59kg, 64kg, 76kg, 87kg le +87kg hai um a ta, pasal a chun 61kg, 67kg, 73kg, 81kg, 96kg, 109kg le +109kg categories hai a um ding a nih. Asian games a chun weight categories hai sukdanglam um naw nih. Ms Mirabai hin nikum November thlaa United States-a World Champion-ship a khan 48kg category-ah Gold medal a lak a, Indonesia rama Asian Games hung um dinga hin 48kg category-ah a khel ding a nih.

Khawvela Nunghak Hmel\hatak Thylane, St. Tropez ahsT TroPez: Kum ruk a ni laia inthawka model, vawi tamtak catwalk lo thaw ta hlak, kum 16 a nia inthawka khawvela nunghak (model) hmel\ha taka record kai Thylane Blondeau (17) chu model danghai angin an thelar bek bek nawh a. Tuta Thawlenni khan a sunghai leh chawl hmanga Saint-Tropez an inzin hmu a nih a. St Tropez, France tuipui tuidei lai an sukdei lai vel le insukhlim lai vel hmutuhai chu mi vangnei tak an nih. Kum 17 a upa French nunghak Thylane hin zakhuo hnuoi (bikini) a dum le rangkachak rawnga cheimawi a hak a. A sam dum thlap chu a nakawra zepin nam dawkin hnungtieng a put a. Sunglass dum a bun bawk a. A kekawrte le bra dum sirhai chu rangkachak ‘dot’ a cheimawi vawng a nih a. Make-up a hmang naw bawka, a natural nal hle. Amiruokchu, make up a hmang nawa chu Silver \hi a awr a, banbun lunghlu man tam chia siemhai a bun

bawk a. An cheina chu fil thal a hawia chu man to tak, burip tak a nih. Thylane hi model dang hai naw ang takin chawl a nei chang khawm a sunghai leh an hmang hlak. Tuta \um

khawm hin a sunghai leh chawl hmanga fe an nih. Tuifinriet tui lai W a t e r Polo an inhnel a, nisa lum taluo tuiah an inchie dei zing a ni leiin inhawi an tih hle. Thylane hin game an hnel tak tak chun tu midang khawm a ngai tah ngai naw a, midangin iem an lo thawa ti khawm a dawn ta ngai nawh. A thilthaw (game) ah khan a focus tlat el hlak a nih. Thylane hi French TV presenter Veronika Loubry le football player Patrick Blondeau hai nau a nih a. Kum 4 a niin catwalk a \an a. French designer inlar Jean-Paul Gaultier design hai a hak lar a. Naupang tet a inthawkin ‘khawvela model hmel\ha tak’ nina an pek tah a nih. Amiruokchu, kum 10 a niin Vogue cover le centre-spread ah an hmang a. Nuhmei naupang kum tling lo sex mi hipna dinga hmang chu mi tamtakin an dit nawh a. Nunghak puitling hai

hak ding chi naupangte an inhaktir chu tamtak in a mgazine an sawisel a. Thylane ruok chu an lar pha hle a. Chu china inthawkin America tieng WME agency le New York-a um IMG Models han an lak a. Model puitling angin a catwalk tah a nih. Ni kum chen khawm khan Dolce & Gabbana ta dingin vawi hni a catwalk hman a nih. French cosmetic inlar L’Oreal Paris ta dingin Brand Ambassador a ni zing bawk a. instagram ah zuitu million 2.2 a nei a, buoina dang iengkhawm a nei ta nawh. Model le celebrity dang hai anga inpholar a nuom nawa chu a fena na a hmu tawk ding paparazzi a lo um pei leiin, chite te chu a khilai ve zeu zeu hlak a nih. A thlalakpakhat pahni chauh story tawite, a chanchin ziek met chun Journalist han Dollar sang tel an hmu theina a nih ti a hriet ve leiin, a thla an lak dingin a ‘khilai’ ve zeu zeu hlak a nih.

Selena Gomez Tlangval Hmelthar Leh ‘Justin’ Lawng ah

NeW york: Latin nunghak “Good For You” saklartu, Justin Bieber leh an tleirawl laia inthawka inngaizawng, 2011 a inthawka inzuia in\he nawk pei, The Weeknd leh khawm kum 2 vel inzuia 2017-a in\hea Justin Bieber le bawk inzui nawka 2018 a an \hepui nawk hnungin, Selena Gomez chu tlangval hmelhriet ngai lo mi thar pakhat leh New York lawng ‘Justin’ a lut lai hmu a nih. ‘Justin’ Lawng a lut lai mek hin khawvel khingtieng US ah chu a ngaizawng hmasatak ‘first love’ Justin Bieber chu Hailey Baldwin leh an inhuol fel der tah ti a hriet naw niin an lang, a hmel a la hlim sar zing. Annawleh, Justin Beiber laka inthawkin a him tah ding ti a hriet leia a hlim lem ti khawm hriet an nawh. Selena Gomez chun Notebook le Bible hi

a kep deu zing ta hlak a. Nuhmei pasal tieng chu a lungkhawm bek bek hmel ta naw hle. Hi ni khawm hin kekawr inphan, ni luma bun chi a bun a. A kawng lai hruia khit, zan zalpui kekawr pajama ang deu, crop top zakuo var insing leh. Sandal bunin a sam an tawm a, sunglass dum a bun bawk a. Tlangval tleirawl thar pa hin kekawr bul le T-shirt dum a hak a. Puon pheikhawk Sneaker var le Puma mawza var a bun a. A la tleirawl hle. Cold drink an chawi ve ve bawk a. An ruolhai tamtak leh sun lai Brooklyn vadung chunga lawng chuong ding an nih. An lawng hming khawm ‘Justin’ a nih ti a hriet le hriet naw a suklang nawh. Tuta an lawng chuongna hi Coney Island fena ding a nih a. Coney Island chu Long Island fena dinga kawt suo ang deua um, Brooklyn vadung simthlang tienga Lower Bay laia um a nih a. New York khawpui inzinhai chun hilai hmun hi an fang rawn pawl tak a nih. Selena Gomez hin New York le Los Angeles a kar tawn hlaka, Justin Bieber leh an nih deu hlak. Selena Gomez hi ngaizawng a hau tah hle. 2008-2010 khan Nick Jonas leh an inngaizawng a. 2009 Taylor Lautner leh, 2010-18 chen Justin Bieber leh an inngaizawng a. Kum 2 (2016-17) The Weeknd le an ingaizawng hnungin 2018 khan Justin leh bawk an ni nawk a. Anachu, a nu Mandy Teefy-in Justin Bieber a ditpui naw leiin an \hepui a, tuhin tlangval hmel thar leh an inzui a, tum a ni ti hriet a lan nawh. Justin Bieber hlak chun Hailey huolin nuhmeia nei a tum el tah si. Hailey hi Kristien sungkuoa seilien a nih angin Kristien sungkuo indin a nuom thu a hril a. Justin Bieber khawm thlarau damna ding zawng lai zing a nih a, iem an ang pei ding ti ruok chu hunin la hril a tih.

George Clooney Motor Accident Hospital Admit

sardiNia: Hollywood A-lister George Clooney le a nuhmei Amal Clooney le an naute inphirhai chawl hmanga Costa Coralina, Puntaldia, Sardinia, Italy ram inhawi deua um mekhai chu Thawlenni tuk khan George Clooney chuongna motor-cycle chun Car pakhat tukver a va baw pal leiin a accident a, hospitala admit a nih. TGR Rai Sardegna hril dan chun, George a motorbike hin Mercedes Car windshield a va bawa a tlu niin a hril a. George chu John Paul II hospital ah admit nghal a nih a. A ngirhmung chuong taluo

chun a derthawng or ti a um naw niin daktor hai chun an hril. La Nouva in a lim le suklanga a hril dan chun, Mercedes Car dum pakhat hin George moorbike-a tlan chu a hung baw a, vangnei thlak takin an hem hman leiin a kea rawt leiin a tukver darthlalang lai a baw leiin a him lem hlau a. George hi Olbia, Sardinia-a Giovanni Paolo II (John Paul II) Hospital ah admit a nih tiin a ziek. George (56) le an nu Amal (40) hai hi chawl hmanga Italy-a cham mek, tulai hin Sardinia ah a film thar ‘Catch 22” shooting thaw dinga a nau inphirhai (family) \huoia a tarpinu Baria Alamuddin hai le um tlang vawng an nih. Tuta George hai f i lm shooting na hi an umna Lake Como a inthawka mel 600 vela hla Mediterranean Sea laia Italy ram thlierkar inhawi deu el Sardinia ah a nih a. Italian Prime Minister Silvio Berlusconi chengna Villa a inthawka hnaite a nih. George Clooney hin a TV serial “Catch 22’ a buoipui mek a. Aman a direct a, a chang nghal bawk a, a produce bawk a nih. Episode neia siem a ni a. Episode parukna ding a nih tah a. Joseph Heller’s a novel a inthawka lak suok a nih.

Degree Certificate lem leiin Harmanpreet Kaur sin Constable a \humhnuoi el thei

ChaNdigarh: Arjuna Award lo dawng tah Indian Women T20 cricket captain Ms Harmanpreet Kaur graduation Certificate chu a lem (fake) a nih ti hrietsuok a ni leiin Pun-jab Police-a DSP a nina chu Constable-a \humhnuoi ni el theia hril a nih. Hi chungthua hin Punjab sawrkarin thutlukna a la hung siem ding a nih. Punjab sawrkarin Deputy Superinten-dent of Police (DSP) dinga a ruotna hi thla 4 vel chau a la liem a ni a ni a, Police De-partment in degree certificate a neina Meerut University ah verification an thaw hunah a certificate hi a lem a nih ti hrietsuoka um a nih. Ms Kaur hi a hma chun Western Rail-ways-ah Office Superintendent sin chel a ni a, sienkhawm nikuma Women’s World Cup-ah a performance \hat leia Punjab Chief Minis-

ter hin DSP sin pek dinga a fiel, chu le inza-wma Railways-a a sin inbana DSP sin hi a lak a nih. Police-a DSP sin chel ding hin qualifica-tion Graduate ni ngei a \ul si a, tuta a certifi-cate kawl a lem ti hrietsuok a ni lei hin thil a hung buoi ta vawng a nih.

Politics leia ram le hnam hmangai-na leia ram suoka inhril si, ram le hnam tungding theina dinga political solution a um theina dinga inbiekna nei nuom nawk si lohai hi mi chawkbuoitu, anni thiltum khawm hrie fie lo, idealogy mumal nei lo an nih, tiin a hril bawk. Chief Minister chun Assam Rifles per-sonnel thi pa sunghai an hmupui a. Pawi a ti thu le a tuorpui takzet thuhai a hril a. Sawrkar chun a thaw thei ang ang \hang-puina an rang thei anga a pek ding thu a hril. Kha hma khan state sawrkar chun helpawlhai kut amanih accident leia thina tuokhai chu, sin annawleh mithi pakhatah

a tlawm takah Rs. 20-25 lakh pei pek ni ta dingin State Cabinet khawmin a lo rel tah a nih. Chief Minister chun, helpawl maw-phurtuhai hi man suok ngei an ni ding tiin a hnem a, Subhash Chandra Singh sunghai kuomah, mi pakhat tak chunga sawrkar sin pakhat (die-in-harness) pek a ni ding thu a hril bawk. Zani ta AR personnel sunna hunsera hin Dy Chief Minister Mr Y. Joykumar Singh, Chief Secretary Dr Suresh Babu, Director General of Police (DGP) Mr. L.M. Khaute le security officials le high ranking civil-ian leaders le police officer hai khawm an \hang. (DIPR/PNS)

CM-in aR lo Lambuntuhai man ngei an ni ding thu