Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370

Fire Brigade : 8974 147 799/ 8258 057 887 / 8974 103 600

sp Hotline number:7085-256-377

thlatUN (april) 17, 2019 NilaiNi (wEDNESDay)

Hmasawnna Thar Vol - 34/186 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

GAS NEWSAgency : SASBooking :12th March. , 2019 to 6th. April, 2019

delivery :17-04-2019 (wed)Time : 9AM till stockstOCK :306 @rate:Rs. 825/-

Agency : KIM JOEBooking : 15th. FeB.,2019 to 27th. April., 2019

(advance booking) delivery :17-04-2019 (wed)Time :10AM - till stockStock : 306 @rate:Rs. 825/-19kg & 5kg available

VANGSEI INDANEK. SalbungBooking:03-03-2019

to 05-03-2019delivery :17-04-2019 (wed) Time :10AM -12 noonstOCK :306

rangva bundle 19 le a kilna ding hai an sem-LRS Puruolte tUi|haphai/CCpUr: April 15, 2019 sun a thlipui hrangin a suksiet mihriem chengna in a sie nasa zuol bik hai chu kanin April 16, 2019 sun khan Saikot bieltu MDC le EM, ADC Churachandpur Pu Lalhril-lien le HYA Tui\haphai Jt. Hqrs. \hangruolin rangva bundle 19 le a kilna ding hai an sem. MP Election le inzawma Model Code of Conduct um lei le DC tienga inthawka relief fund pek suok el thei loa a la um leiin Saikot bieltu MDC le

EM, ADC Churachandpur Pu Lalhrillien in ama sum senga a lo ngaituo le HYA Tui\haphai Jt. Hqrs. in \hangpui ngai zuol bik a

lo thlang suok hai kuoma \hangpuinaa rangva bundle 19 le a kilna ding hai hi Saikot, Muolvaiphei le >>sunzawmna phek 2-ah

YPA Unit tum tum inthlangna

nei mekCCpUr: Young Paite As-sociation (YPA) New lam-ka block hnuoia Unit tum tum hai chu an term a tawp le inawmin tulai hin Unit tum tum hai inthlangna nei mek a nih. Zanikhan YPA V. Munhoih Unit \huoitu ding thlangna nei a nih.

Security indainaw leiin SBI in sin thaw vat thei lo

CCpUr: State Bank of In-dia (SBI) CCPur Branch-a duty IRB hai chu Election duty dinga tir an ni leiin anni aiawtu dingin Police le VDF personnel 10 sie an ni a,sienkhawm Inner biela Lok Sabha Election duty ding hai lai an \hangsa nawk leia security indain-aw leiin zanikhan darkar 2 le a chanve sung SBI staff

han sin thaw thei loin an um pha a, customer hai nasa takin a sukbuoi pha tiin ei thu dawngna chun a hril. Thu dawngnain a hril danin Sr. SP CCPur in zani hmasa khan Inner PC a April 18, 2019 a inthlangna um ding le iznawmin CC-Pur a inthawk VDF 50 le >>sunzawmna phek 2-ah

B.Sc 1st Semes-ter Exam result

imphal: Manipur Uni-versity hnuoia B.Sc 1st Se-mester Examination, 2018 (November) result chu za-nikhan insuo a ni a, candi-dates 7171 an exam a, can-didates 5125 an pasi a, pass percentage 71.47 a nih. A pasihai lai hin nuhmei 2392 le pasal 2733 an \hang.

Polling Stations 19 ah repoll nei

dingimphal: Election Com-mission of India chun Out-er Manipur Parliamentary Constituency sunga Polling Stations 19 haiah re-poll nei a remtih. Re-poll hi In-ner Manipur Parliamentary Constituency-a inthlangna neina ni April 18, 2019 a nei dingin ECI chun a hung ruot. Re-poll neina ding za-nita ei hung zieklanga \hangsa lo hai chu Senapati District a 48/Mao A/C sun-ga 48/65-Laii (A) le 48/68-Laii (C) bakah Tadubi A/C sunga 49/10-Tadubi Poll-ing Station hai an nih.

Electric: ni 2/3 vel lut el theiCCpUr: April 15, 2019 a thlise hrangin Electric high tension tower hmun tam takah a mutthluk lei khan CCPur District chu zanikha meivar hmu loa a um ni hnina a nitah. Electric sietna hi MSP-CL le MSPDCL chun siem\hat tumin theitawp an suo mek a, tuta inthawk ni/3 vel hnungah 33-KV Moirang a inthawk CCPur district in meivar a hmu hman el thei tiin H. Upen Singh Manager, Manipur State Power Company Ltd. chun zanikhan thusuok a siem.

Electric department (MSPDCL), CCPur divi-sion a inthawk ei thu dawng

danin, tuta 132/33/11-KV (Ningthoukhong & Khak-ching Power Sub-Station) a inthawk 132/33/11-KV Khengjang Power Sub-Station in electric meivar a hmu theina dingin ni 15-20 vel a hun a lut el thei a, tuta beiseina umsun chu 33-KV Moirang a inthawk a nih tiin a hril. Moirang a inthawk elec-tric hung lut sienkhawm Feeder pakhat chau a pekzo ding a ni a, hi lei hin 11-KV IB feeder in electric a dawng chun 11-KV Singn-gat feeder in a hmunaw ding a ni a, a ruolin IB & Singn-gat feeder mei a pekzonaw ding a nih tiin Department thusuok chun a hril.

Highway dang-a nuorna nei dingin a vauCCpUr: April 13, 2019 a DC/DEO Office, CCPur-a Saikot A/C, CCPur A/C le Singngat A/C haia EVM hai siena strong room sealed ta hnung hawng nawk a nina thuah A.Gangmei, Conve-nor, Naga People’s Coor-dination Committee chun thusuok siemin, Strong

room 3 a EVM hai vote tiem huna in\hangtir lo dinga an ngenna sukpuitling a ninaw chun April 17, 2019 zingkar 6;00AM a inthawk April 18, 2019, 5PM chen street le highway hai danga nuorna an nei ding thu a hril. Thusuokin a hril danin, Strong room hai kha April

3, 2019, 11:03, 11:11 le 11:46AM haia NPF candi-date le NPF representative hrietpui loa hawng niin an tum a, hi thua hin Shyam Lal Poonia, DEO/CCPur le BK Singh, Observer, i/c Strong Room, CCPUr hai chunga khawm action la dingin a ngen bawk

L. Pangamte kutah ccPur college Principal charge an hlanCCpUr: Churachandpur Govt. College Principal in-charge a cheltu Ricky Vanlallawm chun College teachers hai hrietpuinain April 16, 2019 khan Vice-Principal ni lai mek le senior tak Pu L. Pangamte (Lalruoivel Pangamte) ku-tah CCPur College Princi-pal (in-Charge) sin an hlan tah. Pu Ricky Vanlallawm hi February 28, 2019 a kha a sina inthawka pension tah a ni a. Sienkhawm sawrkarin Termination Order a lan suo naw bakah ama thlaktu ding Principal a la hung ruotnaw leia tlawmngai insuoa a pension hnung hun kha chen CCPur Govt. College Vice Principal incharge-a a lo la chelzawm a nih. Sawrkarin College principal ding a la hung ruot el naw lei hin CCPur College Students Union sunga pawl \henkhat chun Regular Principal ding sawrkarin a ruot hma poa dingin April 9, 2019 a in-thawk khan College Gate le kawt hai po po an khar a. Chu lai zing chun College Students Union sunga Executive member \henkhat chun incharge-a Vice Principal ni lai Pu

Ricky Vanlallawm hi pen-sion ta sienkhawm ter-mination order insuo a la ninaw leiin a la valid zing a nih tiin student hai hmak-huo ngainain College hi khar an remti naw a. College gate kala um khawm zani hmasa khan khar ditlo pawl ni dinga ringhla han an hawng ta a nih. Student Union sunga khawm College principal chungthuah ngaidan ink-alna leia buoina um thei ding nia an hriet leia Col-lege Teachers fekhawm hai hrietpuiin zanikhan Pu

Ricky Vanlallawm chun Pu L. Pangamte kutah ziek in Transfer Charge hi an hlan ta a nih. Pu Ricky Vanllawm in Principal in-charge an hlanna hi Pu L. Pangamte khawma pawmin transfer charge inhlanna lekha hin hming a ziek. Pu L. Pangamte kuta Principal in-charge inhlan a nita lei hin Principal chun-gchanga buoina chu a hung inveng tah beisei a nih tiin ei thu dawngna chun a hril. Tuchena hin College Principal hai hi in-charge vawng an la nih.

HYA Leisen Branch in law-

mthu an hrilCCpUr: Thla liemtaa Leisen khuoa kangmei suok leia harsatna tuortu hai sawmdawlna kawnga HYA Tui\haphai JHQ le a hnuoia Unit le Branch tum tum han theitawpa \hang-puina le sawmdawlna an pekna thuah HYA Leisen Branch a Finance Secetary Lalramnghak chun HYA Tui\haphai Joint Hqrts fethlengin lawmthu a hril. Hi le inruol hin In tina Rs. 100 khawm Village Authority Census –a In 104 a inthawk Rs. 10400 (in Aid of Ambulance proj-ect) khawm a hung thawn nghal thu a hung inhriettir bawk.

2nd Phase LS Election Campaign hun a tawp

Iengleiin am Fake Encounter-a mi 1, 500 thattu in Vote ding? -N. Biren Singhimphal: Election Commission of India (ECI) thupuong dung-zuiin India sawrkar thar siemna dinga Lok Sabha Elections 2019, 2nd Phase April 18-a neina ding le inzawma vote campaign theina hun chu zanikhan a tawp ta a. Party ti-nin hming\hat hlaw tumin an \hang nasa tawl ta hle. Chief Minister Mr N. Biren Singh khawm, Inner Manipur-a BJP candidate Dr RK Janjan ta dinga vote zawngin Congress candidate chu nasatakin a sawisel a. “Iengleiin am Fake Encoun-ter hminga mi 1, 500 neka tam an sawrkar sunga thattu Congress chu in la vote nuom ding?” tiin zawna siemin a hril. Zani ta Kwakeithel Moirang-purel-a BJP candidate Dr RK Ran-jan ta dinga vote a zawngnaa chun, sawrkar hmasa hun laia Ms Rabina le Mr Sanjit hai khawvar lai, mipui tamna tak Khwairambam Bazaar-a ‘fake encounter’ a security forces han an thatna thuhai thuhnung a phawrlang a. Sawrkar hmasa hun laia mi inkaptuona tehlema that mi 1, 500 hai case Supreme Court ah a um zing niin a hril. Sawrkar hmasa hnuoia dan le thupek chu a \ha naw em em a. A sawrkar a hung ngir, kum hni hnun-gah tlangram le phairam inlaichin-na khawm hung siem\hain tlangmi le phaimi inhrietthiem hung umin dan le thupke ngirhm un khawm a hung \ha tah niin a hril a.

“High Court judge pakhat lem chun, security forces (Police) inkaptuona tehlema mi that hman-ghai Police hai nungchang chenin a hung \ha tah, tiin a hril” a ti bawk. Thaw \ha inti fut Chief Min-ister Mr N. Biren Singh chun, an sawrkar hung uma inthawk thil tlunghai hrilin, “Khang hunlai kha hei ngaituo hman ta u, com-mon men hai kha nasatakin secu-rity forces han an neksawr a. Tuhin chu Judge meu khawmin security forces hai nungcahng an pak ta nih” tiin a sawrkar ngir leia nundan hmasawnna chu uong takin a hril. “Kum hni sung chu Churachan-dpur ei lut thei nawh a. Anachu, hi sawrkar hi a hung ngir a inthawkin harsatna po po sukkieng vawng a nih tah a. Tuhin chu tlangram le phairam mihai inlaichinna khawm a \ha tah” tiin a hril.

Churachandpur bakah Ukhrul le Senapati hai khawm sawrkar a lut thei ta thu le Economic Block-ade leia NH khar hawng a ni thu a hril bawk a. “Tlangram mihai khawm Manipuri mi inti an phur tah” tiin a hril bawk. BJP sawrkar chun mipuihai hriselna a ngaipawimaw zie a hril bawk a. Chief Minister-gi Hakselgi Tengbang (Chief Minister Health Scheme) a inthawkin mi nuoi telin a thlawna damdawi inenkawl thei-na an nei tah a. Keishamthong biel ah chu mi \henkhat politics khel indik naw leiin tamtakin CMHT an dawng naw pha niin a hril. Inner Manipur a inthawka ngir ding chu candidate 11 an um a. Chuonghai chu - RK. Ranjan Singh (BJP), Mr O. Nabakishore Singh (Congress), Dr. M. Nara (CPI), Mr RK Anand (Northeast India Demo-

cratic Party (NEIDP), Mr Oinam Jugindro (Manipur People’s Party (MPP), Mr M. Tonsana Nongshaba (NEDP), Mr RK Somorendro @Kaiku (Indpenedent), W Pobitra le Md Illyash Khan (Independent can-didates ve ve) hai an nih. Manipur Innner PC bakah hin India rama state hran hran 13 le UT haiah khawm nei ning a ta. April 18 khin 2nd Phase vote thlak ning a tih. Manipur a Seat pakhat ti lo, Lok Sabha seat 23 danghaiah vote thlak ni bawk a tih. Second phase-a inthlangna nei ding state hai chu- Tamil Nadu ah 39, Karnataka ah 14, Maharash-tra ah 10, Uttar Pradesh ah 8, As-sam, Bihar le Odisha haiah 5 seng, Chhattisgarh le West Bengal ah 3 ve ve le, Jammu and Kashmir ah 2 le Tripura le Pondicherry haiah pakhat ve ve ning an tih. Inner Manipur Parliamentary Constituency ah hin vote 9, 28, 626 an um a. Pasal 4, 47, 843 le Nuhmei 4, 80, 751 an um. Service (sawrkar sin nei) voter 8, 838 an um a, nuhmei le pasal khawm nih lo Third Gender 32 an um bawk. Polling station 1, 300 ah nuh-mei chauvin an enkawl PS ie-mani zat siem a nih a. Piengkena ruol banlo, pieng danglamhai ta dingin vote thlakna ding hmun bikhai siem an nih bawk. Inner Manipur PC-a MP nuhnungtak 2014 a tling chu Congress candi-date a nih.

Mr O. Ibobi-in a sawrkar hrilmawiin BJP a beiimphal: 17th LS Elec-tion 2019, 2nd Phase cam-paign hun a tawp le in-ruolin, Chief Minister hlui le Congress Legislature Party \huoitu Mr O. Ibobi chun BJP han an sawisel an sawisel beiletna dingin, Congress-in an thina ding Atom Bomb chang kam sienkhawm pawisa lovin Congress an dem zui char char ding am a nih?” tiin a hril. Pu Ibobi chun BJP hai chu vote hmuna dingin khe-la mi hlemin Congress dem-siet chau an thaw tiin an tum a. Mipui hnena dingin AFS-PA hmangruoin an hmanga, Congress ngawt an inthiem-naw niin a hril bawk.

“AFSPA chu Congress hun laia inthawka um an tah ngei. Tiena tlanga in-thawka State-in a sawm tung a nih. State congress chun \ul a ti nawna hmun hai a inthawkin a laksuok a. BJP khawmin \ul a ti naw chun iema a ta a laksuok el bik nawh a? Kum hni sung

khawma laksuok an tum naw reng renga, AFSPA um zing an dit tina a nih” tiin a letlingin a bei let tawl. “Congress chun Greater Imphal Area a A/C segment 7 a inthawkin AFSPA a lak suok tah. BJP in \ha naw a ti chun iem a ta Heingang A/C a inthawk khawmin

a lak suok naw a?” tiin an dawn a. Heingang A/C hi Chief Minister Mr N. Biren Singh biel a nih. Iengkhawm thaw lova indemna chauh an thaw nuom zie suklang dingin, “Congress-in Atom Bomb siem sienkhawm ienga khawm hma la lovin a dem ringawt el ding a nih?” tiin vawi thum CM nita chun an dawn bawk. BJP chu Black Money thuah bei nawkin, “Khaw-lam Black Money laklut dinga a hrilhai an um zo ta leh? Mimal tin Jhan Dhan account ah Rs. 15 lakh seng pek ding a ti chu khawlam a lut zo tawl tah leh? Indian >>sunzawmna phek 2-ah

Manipur ah CAB hmang ning a

tih: RK Ranjan

imphal: Manipur mipui le North East mi han Hindu tamlem han an mi chimpil-na ding a nih tia CAB (Citi-zenship Amendment Bill) 2016 an dodala Parliament inpuiah put lut a ni ta naw hnungin, Inner Manipur-a BJP candidate Mr RK Ran-jan Singh chun, ‘Indige-nous people hai humhimna dingin’ CAB hi Manipur ah bek hlen ngei ngeina dinga a bei ding thu a hril. Dr RK Ranjan chun, a tling ngei ngei chun Mani-pur ah illegal immigrants an hung lut thei ta nawna dingin ILP khawm sie nih dingin a hril a. ‘Illegal Immigrants’ hai dang theina ding chun NRC (National Register of Citizenship) thaw ngei ngei a ngai tiin a hril bawk. Election campaign hun nunhnungtak a nina le inza-wmin PTI kuomah, “Kan manifesto ah chieng takin kan ziek a. CAB hlen kan ta, NRC khawm indigenous people hai humhim na dingin thaw bawk kan tih” tiin a hril. “State mipuiin CAB an dit nawna san chu Congress-in information indiklo an thedar lei a nih” tiin Con-gress an tum lem hlauh. “A Bill hi Parliament ah 2016 khan introduced a nih a. Kha lai khan Manipurah Con-gress sawrkar an lal a. Ien-gleia a ditnaw si chun kha huna khan a khap naw am a na?” tiin an dawn bawk. NRC thuah Assam ang bawkin ‘illegal migrants’ hai zawng dawkna dingin Manipur ah khawm NRC thaw a ni ding thu hrilin, NRC vawi khat zo ta chun Manipur mihai ta dingin ‘il-legal migrants’ hai \i an um ta nawh” tiin a hril. Inner Line Permit thu-ah, state sawrkar chun The Manipur People’s Protec-tion Bill, 2018 pass dingin President a ngen zinga hi hi pawm a ni chun Manipur mipuihai ta dingin \ithawng ding iengkhawm a um ta naw ding niin a hril. (IT)

Vote thlak hmasatak 50 hai present pek dingimphal: ECI-in 17th Lok Sabha chu ‘Festival of Democracy’ a nina pro-mote rak a nuomna leiin 2nd Phase election April 18 ah khin chu, Polling Sta-tion tina vote thlak hmasa-tak 50 na chenhai po po a tar a zurin hrietzingna ding thilpek (present) a pek seng

ding nih, tiin CEO Mani-pur-in a puong. Inner Manipur, Imphal West district sung poah chu Polling Station 524 a um a, chu laia 26 (A/C tinah PS 2 pei) chu nuhmei vawngin an enkawl ning a ta. Second le Final Phase ah chu 13 PS hai Model PS anga puong

ning an tih. Mipui sukphurna ding le Festival of Democracy suklarna dingin naute nene pe lai nuhai ta ding bik khawmin a hran provision siem a ni a. Kum upahai ta ding khawmin siem a nih. BLO tin chu voter hai dawn >>sunzawmna phek 2-ah

TSN in Lamp Lighting & capping ceremony an hmangCCpUr: Perasonmun khaw bula um Tunnu School of Nursing (TSN) chun zani sun dar 11:00 khan Community Hall, Pearsonmun-ah Lamp Lighting & Capping Cere-mony an hmang a. Pu Vum-lunmang Vualnam, IAS, Principal Secretary (Health & FW, Sericulture), Govt. of Manipur Chief Guest in a \hang a, Shyam Lal Poonia, IAS, DC/CCPur, M. Roma Devi, Jt. Direc-tor (Nursing), Directorate of Health Services le Dr V.C. Pau Sonting, CMO,

CCPur hai functional presi-dent, Chief Host le Guest of Honour in an \hang a, Dr Zuii, MS, Dist. Hospital, CCPur khawm Chief Host in a \hang bawk.

Chief Guest Pu Vum-

lunmang Vualnam chun, Manipur state-a inthawk Nurse zo hai lai CCPur a inthawk-a zohai hmun tam takah sin an hmu a, an sin-thawnaah an fel leiin >>sunzawmna phek 2-ah

Hmasawnna Thar2 thlatUN (april) 17, 2019NilaiNi (wedNesday) artiCle/health & emplOymeNt News

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNAVAWISUN THUPUIKei Lalpa le Inchuktirtu hmanin in ke ka sawp chun, nangni khawmin in ke in insawppek ding a nih. In chunga ka thaw ang hin nagni khawmin in thaw vena dingin ka sukhmu cheu a ni si a.

-JOHAN 13: 14-15

Khuorel sietnaKhuorel sietna (Natural Calamity) hi khawvel mi han ei dang le hnawl thei ni lo, ei tuok rawp hlak a nih. Ei ramah chun a tlangpuiin khuorel sietna hi fur-pui huna a tlung hlak. Furpui huna khuorel sietna ei tuok vik hlakhai chu, thlisie, tuilien, \ek tla, mimkei, Riel tla, hnuoi kak, hnuoi che le tlum thla hai an nih. Tu kum 2019 a ding chun fur hun hi ei hmang \an chau a ni a, hmatienga hun la hung um pei dingah hin iengang khuorel sietna am ei tuok ding ti ei hri-etlawk thei naw a, hawphur um takel a nih. Khuorel sietna hi ei hnawl le dang ruol lo a nih. Amiruokchu, khuorel sietna a tlung huna hin inveng theina chin ei nei a, chu ding chun inralring saa ei um a \ul a nih. Khuorel sietna laka inveng dan ding hi inchuk thei a nih. Hi lei hin khuorel sietna laka inveng dan hi inchuk rin der lo ding a nih. Khuorel sietna laka inveng dan min chuktir thei ding hi mithiem, mi rem-hrie le mi bik sawrkar chun a nei. Hieng a ni lei hin ei ram sawrkar hin a ram mipuihai hi khuorel sietna laka inveng dan hi min chuktir uor sienla nuom a um. CSOs, NGO, Kohran le pawl tum tum hai khawmin khuorel sietna laka inveng dan ding hi ngaipawimaw zuolhai sienla, inveng dan ding hi an member hai hi min chuktir sup sup hai sienla chu tuta nek hin khuo-rel sietna lakah ei him thei ngei beisei a um. Zani hmasaa Manipur mipui hai thlisie (cyclone) leia harsatna le mangangna ei tuok kha a rapthlak hle. Nupui 3 in thina an tuok a, mi 50 chuong an hliem a, sawrkar building, mimal in le school a za-tel thlisiein a mut siet a, electric transmission tower 11, a hrui le a ban tam tak a suksiet a nih. Electric thil a suksiet nasa taluo leiin zani hmasaa inthawk ta khan Churachandpur le Pherzawl District mipuihai chu electric var nei lova umin zan huna chu an thim mup el a nih. Thlise hrang leia electric thil a suksiet hai siem \hat nawkna ding hun ni 10-15 lai a lut ding niin Manipur State Power Company Limited (MSP-CL) thusuok chun a hril. Hieng a ni chun CCPur le Pherzawl District mipui han electric ei nghei sawt hle ding tina a nih. Electric power hmanga sinthaw le fakzawng hi ei \hahnem ta hle a. Electric a var naw sawt chun electric power hmanga fakzawngtu le sinthawtuhai chun harsatna namen lo tak an tuok ding a nih ti chu a chieng sa a nih. generator hmanga sin an thaw a \ul ding a ni leiin petrol le diesel manah cheng sang-tel an seng ding a nih ti chu a chiengsa a nih. Hi lei hin State sawrkar le MSPCL han mipui hmakhuo ngaiin electric sietna lai hai hi ni 1 / 2 sunga siemzo thei dingin hma hung la ngeihai sienla nuom a um. Electric hi dit el ni lovin ei mamaw takzet ta a nih. Ei state sunga electric hrui, electric ban, trans-former, transmission tower le a hmangruo dang dang hai hi a hlui, derdep le awngrawp tak tak a tam ta a. Thlisie (cyclone) chau ni lovin thli hrang mei mei khawm an dawlzo tanaw a ni deu tak. Hi lei hin MSPCL hin hmangruo le khawl thar hung inbuk thei sienla nuom a um. State sawrkar khaw-min mipui hmakhuo ngaina leiin MSPCL hi phuisui lemin induongin thuom \ha zuol sienla nuom a um bawk. Ei electric hmangruo le khawl han thuom \hat le thuom thar an mamaw ta a nih. Van a hung innim zata electric that el hi chu nghawk a um ta a nih. Thei nisienla lem chu electric hruihai hi hnuoi sungah phum ni ta sienla chu khaw innim leia current that hi \ul naw nih. Ei ram neka pasie le hnufuol leme ei ngai Myanmar hmanin an electric hruihai hnuoi sungah an phum thei ta a, iengleia India sawrkarin a la thaw thei naw ti khawm hi ngaituo tham tak a tling a nih. Thiemna le varna an sang ta leiin weather forecast hi indik takin thaw thei zat zat ni ve ta sienla nuom a um. Khawmuol um dan ding hrillawk lo nisienla chu zani hmasaa thlisie hrang khawm kha ei tuornep thei lem ngei ring a um. Khawmuol (weather) chanchin tiengpanga ei mithiemhai khawm intuoi hriem thar hai sienla, mipuihai kuomah khawmuol um dan ding hi hrillawk thei zat zat tahai sienla nuom a um. Chu-onga an thaw thei chun khuorel sietna laka ei tuorna hi a hung nep thei ngei ring a um. Ei CM chun thlisie hrang leia sietna tlungna hmun \henkhat zani hmasa khan a va sir a. Lok Sabha election leiin model code of conduct leiin siet tuokhai chuongzat khangzata \hangpuina, sawm-dawlna le zangnadawmna pek ning an tih ka ti thei naw a. sawrkar dan um sa angin pek ning an tih tiin a hril a. Amiruokchu, thlisie hrang leia thi, hliem le sietna tuokhai hi lo la nghak ro ti thei an ni nawh. Hi lei hin tu nghala an hmu ding le an dawng dinghai pek an ni ngei theina dingin, ei CM hin special case in hma hung la lem sienla thil \ha le indik a hung ni lem ngei ring a um. Sietna thilah chun sawrkar thlungpui le Election Commission of India (ECI) khawmin a hung hrietthiem ngei ring a um. sawm-dawlna, \hangpuina le ex-gratia tihai hi nakie leh ti chi niin an lang nawh.

Army a sin pek ding tia mi hlemtu pathum manNew delhi: Inrinni zan khan Army-ah sin pek ding tia India ram state tum tuma \halai mi 150 chuong zet hlema sum lapek hlaktu mi pathum hai chu Delhi Police han an man. Mana um hai chu- Balk-ishan (34); Kallepalli Srini-vasa Rao (25) le Kottapalli Venkata Ramana Rao (36) hai an ni a, an kuta inthawk Admit cards lem 11 le Mo-bile Phones 3 man a nih tiin Additional Commissiner of Police Rajiv Ranjan chun a hril.

Hieng mi pathum han

an hlem hai hi Haryana, Delhi, Odisha le Tamil Nadu state mi an ni tawl a, ringzo an ni theina dingin

senior army officers anga umin hotels haiah fake medical test an neipui hlak nia hril a nih.

“Special 26” movie/film an ena inthawk hien-ganga sipai lut nuom hai hlemna ding lungril an hung nei \an niin mana um hai chun an hril a, an in-biekrempui dan ang peiin Army lut nuom \halai an hlem haia inthawk Rs. 1 lakh le Rs. 1.50 lakh inkar an lakpek hlak niin an in-puong bawk.

Mana um hai laia an hotu tak Balkishan hi Haryana mi a ni a, Class X le XII inchuklaihai ta dinga coaching centre nei a nih.

School pakhatah VVPAT slips hmu; cEO in suizui dingin Order an suoNellOre/Vijayawa-da: April 11, 2019-a 17th Lok Sabha Election phase khatna nei huna Nellore district-a Atmakur seg-ment sung polling station pakhata hmang government school pakhata chun Vot-er Verifiable Paper Audit Trail (VVPAT) machines a mi slip iemanizat zet hmu a nih. VVPAT slips hi school campus-a naupang han an inhnel huna an hmudawk a ni a, student hai chun an thil hmu hi teachers hai an inhriettir hnungin media dang dang le social media

haiah nasa taka thedar a nih. Media haia thedar a ni hnung hin revenue offcials hai chun VVPAT slips hmu a nina schools hi va sirin VVPAT slips hai en-felna an nei a, a hnungin official hai chun a lem a

nih tiin hrilfiena an siem. Official hai hril dan chun, Election vote thlak-na nei a ni hmaa officials han EVMs le VVPATs slips hai enmil le ensinnaa an hmang, vote thlakna tak taka \hang lo an nih tiin Returning Officer S. Chin-

na Ramudu chun a hril a, vote thlak hmaa hiengang randomise hi thaw hlak hrim a ni thu hrilin, proto-col dungzuiin suksiet ding an ni a, sienkhawm staff hai lo fimkhurzonaw leia hmu thei dinga um an nih tiin a hril. Hieng laizing hin Chief Electoral Officer (CEO) Gopal Krishna Dwivedi khawmin ZP High School, Atmakur a VVPAT slips hmu hai chu election vote thlaknaa \hang lo an ni thu a hril a, sienkhawm suich-ieng dinga Order insuo a nih tiin a hril.

Naga helpawl 2 hai le Ceasefire a suksei; Naga hel pawl dang pakhat leh SoO ziek thar

New delhi: Sawrkar thlungpui chun Naga helpawl pahni- National Socialist Council of Naga-land-Reformation (NSCN-R) le National Social-ist Council of Nagaland NSCN-Nekpao-Kithovi (NSCN-NK) le Ceasefire (inkapchawl) an nei chu April 27, 2020 chena dingin a suksei nawk niin Thaw\anni-a Ministry of Home Affairs thusuok chun a hril a, Naga helpawl dang National Socialist Coun-cil of Nagaland/K-Khango pawl leh Suspension of Operations (SoO) ziek thar nawk a ni bawk tiin Home

Ministry thusuok chun a hril. NSCN/NK le NSCN/R hai le Suspension of Opera-tion hi April 28, 2019 a in-thawk kum khat sung, April 27, 2020 chena suksei dinga remti a ni dungzuia suksei niin Ministry thusuok chun a hril. Agreement hi April 15, 2019 khan siem a ni a, Satyendra Garg, Joint Sec-retary (Home) chun sarwkar thlungpui aiawin agreement a ziek a, NSCN/NK aiawin Jack Jimoni, Supervisor, GPRN/NSCN le NSCN/R aiawin Amento Chishi, Su-pervisor le Toshi Longkum-er, Secretary han hming an

ziek a nih. Ceasefire suksei dinga agreement siem huna hin NSCN-a Khango Faction khawm sawrkar le cease-fire neinaa hin hung lut thar vein sawrkar thlungpui chun Suspension of Op-eration (SoO) agreement a ziek pui a nih. NSCN(IM) chun kum 1997 a inthawk khan cease-fire agreement neiin Naga hnam hai ta dinga political solution um theina ding Framework Agreement khawm an lo ziek tah. NSCN-K ruok chu cease-fire zieknaah \hang ta loa um mek an nih.

mi pakhat khawmin Rs. 15 lakh hmu an um naw a. Foreign a inthawkin Black Mone sek khawm a laklut bawk nawh” tiin BJP khel inhlipzie suklangna dingin a hril a. BJP chu ring lo dingin mipuihai a fielbawk. MPCC President Pu Gaikhangam chun, BJP sawrkar chu khela mi hlemtu, mang rama mi \huoitu, \awngbau kaw-rawng sawrkar a nizie le state ah ro an la rel zawm pei chun sawtnawte ah buoina namenlo an chawk suok ding leia vote lo dingin a hril. “BJP chun mipuiin thuneina an pek chu an hmang suola, mipui a petuhai chun-gah bawk an \uong a. Mipui hmelmaah an

insiem tah. Thlantling nawk an nih chun buoina re mei mei thei ta naw nih” tiin a hril. “Totalitarian sawrkar chu sawrkar mi tlawmte chauh rawl ngaia roreltu hai hi an nih a. BJP khawm a nih. Mi tlawmte hausa le chethei (Industrialist) hai rawl a ngai a. Mipui tamlem rethei le losinthawtuhai rawl ngai ta lovin Dictatorial government ang an tah” tiin a hril. BJP chun Manipur mipuihai a ngaisak nawzie le hmusit zie chu CAB dodal hrep tah hnung khawma an Manifesto (thawd-ing) ah an la sie tho tho niin a hril. “CAB in dit chun BJP vote unla, in dit naw chun Congress vote ro” tiin a hril (IT)

Mr O. Ibobi-in a sawrkar

Saidan khuo haia a sie nasa zuol bik hai sem an nih a, thlipui hrangin a suksiet in hai hi khawtlangin hnatlang neiin an siem \ha pek tawl a nih. Hi le inzawm hin DC, Churachand-pur tienga inthawk chun inhmaw thil thu a chun Tarpaulin le Dal ti hai ang bak zuk hmu el thei ding a um naw thu hrilin Saikot bieltu MDC le EM, ADCC Pu Lalhrillien an ngenna anga ama’n rangva le a kilna ding hai sema um hai chu a hung ngaituo tah niin HYA Tui\haphai Jt. Hqrs. chun an hril a, \hangpuina pek bika um hai hi \hangpui ngai bik zuol hai niin an hril

bawk. Pu Lalhrillien chun April 15, 2019 sun a thlipui hrangin mihriem chengna in a suksiet hai hi \hangpui dan ding ngaituoin thei tawpin hma a lak nghal a, Chairman, ADCC; CEO, ADCC le SDO, Saikot Sub-Division hai khawm hi thu a meeting neipuiin thil umdan hai le hmalak dan ding hai a hriltlang pui a nih. Hieng lai zing hin mi \henkhatin a naw zawngin Pu Lalhrillien hin ngaisak lo le biek thei lo ang damin thukhelin social media a hai an lo hrilsiet hman a, \hang-puina dawngtuhai ruok chun Pu Lalhrillien le HYA Tui\haphai Jt. Hqrs. hai chunga hin an lawm hle thu an hril.

Rangva bundle 19 le a kilna ding

Civil Police an rengin personnel 300 Bish-nupur district-a duty dingin a ruot a, chu hai lai chun SBI a duty Police le VDF hai khawm an \hang leiin zani zingkar 7AM vel khan anni laia 7 chu election duty din-gin an suok a. SBI CCPur Branch chu sum tam tak umna a ni leiin security boa trans-action thaw thei a ninaw leiin Bank staff

hai sin thaw thei loin an um pha niin thu dangna chun a hril. Election duty dinga ruot hai laia mi 5 lakkir nawkin zani 12:00Noon vel khan a pangngaiin sin an tahw thei nawk chau a nih. Chest branch hrim hrimah a tlawm takah Security (armed guard) 18 bek an um a \ul nia hril a nih.

Security indainaw leiin SBI

Ni 5 hnungah nupui inhmang an lawiimphal: Pasal nei laiz-ing nupui pakhat chu April 11, 2019 a inthawk khan a umna hriet lovin a um a, Ni 5 sung zet In inlawi lova a um hnungin, a pasal Inah inlawi ta lovin April 15, 2019 khan a piengna nu le pa hai In tieng an lawi.

Hi nupui hi a hming chu

Sagolsem Rosy (28) a ni a, a pasal chu Thoubal Nepra Company Makha Leikai-a um Shinghajit Sagolsem a nih. Shinghajit Sagolsem hin a nuhmei inhmang thu hi Thoubal Police Station-a FIR a peklut a, sienkhawm an Leikai-a nupui ruolin a nuhmei hi a that an ringhla

leiin a In an lo \hiek hman a nih. Sienkhawm Rosy hi an hmanga inthawka ni 5 hnungah damin a hung inlawi nawk a nih. Rosy hin pallel-a dawrkai pak-hat ngaizawng a nei a, chu pa kuoma va fe nia hril a nih. Pasal neizing pumin ngaizawng a lo nei a nih.

ding tui le a \ul \ul siena dingin Rs. 1000 seng pek an ni bawk. Piengkena ruol banlo (People with Disabilities-PwD) hai vote thlakna ding, thakna ding motor hran 5 sie zing ning a ta, mitdelhai ta ding lem chun an fe le hungna dingin motor 5 sie zing ning a tih. Annihai \hangpuitu dingin tleirawl kum 18 hnuoia mi iemani zatin \hangpui an ta, anni rawi chu vote thlak nia volunteer-a mi an \hang-pui leiin Rs. 200 seng pek ning an tih. Hienga tleirawl kum tling lohai hmang-na san chu election process an lo hmelhriet

vena ding a nih, tiin CEO chun a hril bawk. Danglam takin Presiding Officers hai po po chu kum upahai le selfie thla lakin ARO hai WhatsApp ah post seng dinga ti an nih. Dar 7am hma dar 6am in EVM/VVPAT an tha am? ti enna dingin ‘mock poll’ nei sin ni bawk a tih. Vote thlak dinga ngir intlarhai po po khawm fak ding Mi\hai amani pek seng ni bawk an tih. Vawisun April 17 hin Imphal West DC Complex, Lamphelpat a inthawkin polling station hla methai chu lo fe suok hmasang an tih. (DIPR)

Vote thlak hmasatak 50 hai present pek ding

CCPur an suk hming\ha a nih tiin a hril a, Distric sunga Nurse zo han Imphal-a Hospi-tal chau ni loin India ram pumpuia damdawi-in lien tak tak haiah sin an hmu a, an sinthaw \hat le hming\hat lein District sunga nursing school um hai inpakum a ti thu hrilin. Nurse hai chu damnaw enkawltu tak, sawl pawisa loa sin thaw an ni leiin an mawphurna a lien a, an pawimawna hi a lien hle a nih tiin a hril. Doctor hai nek hmani Nurse hai maw-phurna hi a lien a, hi lei hin hun hmang an, fak le dawn le hriselna kawnga mihai entawn theia an umzing a pawimaw thu le Nurse in-chuk mek han theinghil loa an vawng zing a nuom thu a hril. Kum khat le a chanve liemta khan Mani-pur state sung chau ni loin India rama Health & Wellness Centre tam tak hawng a nita a, hieng centre haia hin GNM zo Staff Nurse hai a lien taka sie an ni a, IGNOU in syllabus a siem dungzuia thla 6 sung training inneitir

hai chu Wellness Centre enkawltu dinga sie an nih tiin a hril. Hi hun hmangnaa hin Lalneikim, Princi-pal, TSN chun nurse training ding hai Oath taking an neitir a, Rev. V. Khamvum in \awng\ai pekna nei a ni bakah TSN a inchuk sum thua harsatna nei hai ta dinga siem (L) Niankhovung Scholarship chu GNM 2nd year student hai laia Nemzoukim kuomah Scholarship Rs. 10,000; Niangmuanthian in Rs. 7500, Chinlungkim kuomah Rs. 5000, Nudawni Rs. 3500 le Irene Chiineizou Rs. 3500 pek an nih. GNM 1st Year student hai lai Lhingngai-kim kuomah Rs 10,000, Chingkhannuam Rs 7500, Lhingneivah Rs 5000, Rualngaihlian le Esther Chingneilam Rs 3500 ve ve inlan an ni bawk. Lamp Lighting & Capping Ceremony a hin 1st Year students 30 hai capping inneitir an nih.

TSN in Lamp Lighting & Capping Ceremony

Fire Service Day & Service Week hmang

CCpUr: Manipur Fire Service huoihawtnain zani zantieng 1:30PM khan Rayburn College Campus-ah “Fire prevention is better than Fire Fighting” ti thu-pui hmangin Fire Service Day & Fire Service Week, 2019 hmang a ni a, kang-

mei suok huna \helmit dan ding inhrilhrietna nei a nih. Jillangamba Singh, SO in hi huna thu a hril-naah, sietna tlung hai hi pumpel thei lo thil a um a, sienkhawm chuongang pumpel theilo sietna tlung huna inveng dan hriet chun

him taka suok thei a nizie hrilin, kangmei suok hi mihriem fimkhurnaw lei le natural disaster a um a, chuong sietna tlung huna him theina dinga hrilhrieta um hai hmang \angkai tum seng dingin hi huna \hang hai an fui.

College building thar ding an bawl mek

CCpUr: Rayburn College chun STC BSF road bul, Gangpimual le Lanva ramri lai College building bawlna sin an thaw mek. Building hi June, 2018 a inthawka bawl \an niin, North East-ern Financial Institution (NEFI) in financial Assis-tance a hung pek dungzuia building bawlna sin hi thaw a nih tiin Rayburn College

principal Rev. Dr Khen P. Tombing chun a hril. Building bawlna ding hin NEFI in Rs. 6 crore sanction a ta, a dang crore 4 chu college in a tum ding, a rengin Rs. 10 crore vel senga bawl ni dingin a hril. Building a hin class-rooms 48, library, Labora-tory, staff room, Adminis-trative Block hai um a ta,

ground floor tiemsa loin sawng 3-a bawl ding a ni a, ground floor a inthawk sawng chungtieng kaina ding Elevator (lift) khawm pak-hat sie dinga riruong a nih. Building thar hluo a nip ha BA. B.Com chau ni loin B.Sc bakah Master chen inchuk theina dinga process fepui mek a nih tiin princi-pal chun a hril bawk.

Shatrughan Sinha nuhmei Poonam in SP zawm; Ra-

jnath an khingpui ding

New delhi: Actor-a inthawk Politician hung nit ah, tulai hnai ela BJP suoksana Congress party zawm tah Shahtrughan Sinha nuhmei Ms Poonam Sinha chun Thawleni khan Samajwadi Party (SP) a zawm. Ms Poonam hin SP leader Akhilesh Yadav hrietpui le umnaa SP zawm a ni a, Uttar Pradesh-a Lucknow Parliamentary Constituency-ah Union Home Minister Rajnath Singh an khingpui ding niin ei thu dawngna chun a hril. Congress chun Luc-know biela ding hin can-didate an la puong naw a, hi lei hin Rajnath Singh le Poonam Sinha hai hin Luc-know PC-ah direct in an inkhingtuo el thei.

A hma khan Congress

leader Jitin Prasada chu Lucknow biela hin ngir a nuom a, sienkhawm a hnungin a constituency ngai bawk Dhaurhara bielah a ngir nawk ta lem a nih. Poonam hi UP a \hangruol pawl SP-BSP-RLD candidate a ni ding a ni a, April 18, 2019 khin nomination paper file a tih tiin party thusuok chun a hril a, BJP hneban a ni theina dingin Congress chu candidate nei lo dingin SP chun an ngen. Poonam hi Sindhi le a pasal Shatrughan Sinha hi Kyastha a ni a, Lucknow PC a hin Kayastha voters 4 lakh vel le Sindhi voters 1.3 lakh vel an um bakah Muslim voters 3.5 lakh vel an um a nih.

3thlatUN (april) 17, 2019NilaiNi (wedNesday) NatiONal/iNterNatiONal & adVertisemeNt Hmasawnna Thar

laKtawi Election Commission in LS 6th Phase Election notifica-tion an suo; 2nd Phase campaign thei hun a tawp

New delhi: Election Commission chun 17th Lok Sabha Election fe me-kah a phase 6 na (penulti-mate phase) Election No-tification April 16, 2019 khan an suo. Sixth Phase Lok Sabha Election hi May 12, 2019 a nei ding niin India rama state hran hran 7 haia Lok Sabha seats 59 haiah hi phase-a hin inthlangna a um ding a nih. Sixth phase hi 17th Lok Sabha phase 7-a nei ding tawp tak dawt-tu a ni a, phase tawpna tak a vawi 7-na chu May 19, 2019 khin nei ning a tih. Sixth Phase-a Lok Sab-ha election nei ding hai chu Uttar Pradesh-ah seats 14; Haryana-ah seat 10, Bihar, Madhya Pradesh le West Bengal haiah seat 8 seng;

Delhi-ah seat um popo 7 le Jharkhand-ah seats 4 hai ning an tih. Hieng laizing hin April 18, 2019 a States 12 le Union Territory pakhat haia Lok Sabha seats 97 a Lok Sabha inthlangna sec-ond phase um ding le inza-wma campaign theina hun chu Thawleni zantieng khan a lo tawp tah.

Second phase a hin

Tamil Nadu-a Lok Sabha seat um popo 39; Karna-taka-ah seats 14, Maha-rashtra-ah seat 10; Uttar Pradesh-ah seat 8, Assam, Bihar le Odisha haiah seat 5 seng; Chhattisgarh le West Bengal haiah seat 3 seng; Jammu and Kashmir-ah seat 2 le Manipur, Tri-pura le Puducherry haiah seat 1 sengah inthlangna a um ding a nih.

Second phase vote campaign theina hun zani zantienga tawp ta ding lei hin political party leaders hai chun hmun hran hra-nah an party candidates hai ta dingin vote campaign ngawr takin an nei. Hieng laizing hin April 23, 2019 a States 12 le Union Territories 2 haia Constituencies 115 haia Third phase Lok Sabha election hung um ding le inzawm khawmin party leader hai chun campaign ngawr takin an nei mek. Senior BJP leader le PM Narendra Modi chun zanikhan Odisha le Chat-tisgarh haiah vote cam-paign a nei a, Congress president Rahul Gandhi chun Kerala hmuna cam-paign a nei ve.

Jagan in AP CM chu a thuneina

hmangsuolin an tum

hyderabad: YSR Congress chief Jagan Mo-han Reddy chun Andhra Pradesh Chief Minister N. Chandrababu Naidu chu a thuneina (office) hmang-suolin an tum a, Governor chu a party cadres hai bei an nina suktawpna dinga kut rawl dingin Thawleni khan a ngen. Mr Naidu chu EVMs hai tawkdanglam tumin an tum bawk.

mla hlui in ls election-a dingin a Kal zawr phalna a ngen

balaghat: Madhya Pradesh-a MLA hlui, tu-kum Lok Sabha Election nei mekah Balaghat par-liamentary constituency-a Independent candidate a ngir Kishore Samrite chun election le inzawma sum an dainaw leiin a Kal zawr a nuom. Hi thua hin Mr Samrite chun District Electoral Of-ficer kuomah lekha pein, sum le pai thilah an dainaw leiin a Kal zawr phal pek dingin a ngen. DEO kuoma permis-sion pe dinga ngenna lekha a pek a chun, Lok Sabha Election-a candidates han sum an hmang thei chu a tam takah Rs. 75 lakh a ni a, sienkhawm hieng zat zat

sum ka neinaw bakah can-didates dang han vaibelsie tel manhu rothil le sum-fai crore tel an nei a, ni 15 chau vote campaign theina hun a um ta a, hi hun sung hin crowdfunding thaw thei a nita bawk sinawh tiin a Kal zawr phalna pe dingin DEO hi a ngen a nih. Hi thua hin Samrite chun EC chu Rs. 75 lakh

pe dingin a ngen a, a ninaw khawmin bank loan ngaituo pui dingin a ngen a, chuong a ni sinaw chun Election a hmang ding a Kal zawr phal pek dingin a ngen a nih. A hril peinaah, kum 10 sung election ngir ta a ni thu, tulai chu election a ngir hi seng a tam ta leiin mi naran hai ta dingin thil harsa tak a nitah tiin a hril.

Mayawati ngenna SC in a hnawl

New delhi: Saharan-pur le Bareilly district haia April 7, 2019 a BSP-SP han joint rally an nei huna Ms Mayawati in Muslim voters hai direct taka party dang hnawl dinga an fui le inzawma Election Com-mission in darkar 48 sung vote campaign theilo dinga a ban le inzawma Ms May-awati in petition a peklut chu Supreme Court in a hnawl. Mayawati ruol hin Uttar Pradesh CM Yogi Adityanath khawm ni 3 sung vote campaign thei lo dingin EC chun a ban bawk a nih.

Urmila matondkar venghimtu pek a nitah

mUmbai: Mumbai North biela Congress candidate Actor-a inthawk politician hung nitah Urmila Matond-kar chun ama sukna tum an

um le a hringna a him naw nia complaint a pek le inzawmin venghimtu Police pek a nitah. Thaw\anni-a Mumbai-a Borivali Rel station lai pubic

meeting nei a ni a, chu hu-nah Congress le BJP workers nasa takin an inbeituo a, chu le inzawma Urmila Matondkar hin venghimtu a ngen a nih. Urmila in Borivali Rel station-a public meeting a nei huna khan BJP supporters hai chun Urmila in thu a hril laiin “Modi, Modi” tiin inring tak takin an khek khum a, chu huna Congress worker han an beilet leia inbeituona hi tlung a nih. Mumbai North Parlia-mentary Constituency a hin Urmila chun BJP MP ni lai le candidate Gopal Chi-nayya Shetty an khingpui ding a nih.

India rama ngaimaw hlaw tak Terrorism: SurveyNew delhi: February 14, 2019 a Pulwama, Jam-mu and Kashmir-a terrorist han CRPF convoy motor thichil bomb hmanga an bei leia CRPF personnel 40 zet an martyr hnunga survey thawnaa chun India mipui han an \i tak le ngaimaw tak chu Terrorism a nih. Survey hi World Glob-al Survey, The Ipsos What Worries in an thaw a ni a, survey/poll thawna dawntu hai laia 45 percent deuthaw han tu ngirhmuna India rama an ngaimaw tak le an \i tak chu Terrorism a ni a, unemployment ngaimaw tu 44% le political corruption ngaimawtu 42% an um.

IT team in hmun tum tum an dap

baNgalOre: Income-Tax Department team chun Thawleni khan tax evasion a intumna le inzawmin Karnataka state sunga state khawpui Bangalore, Has-san le Mandya haia hmun tum tum an dap. Karnataka-a hin Lok Sabha seats 28 um haiah phase hniin April 18 le 23, 2019 hai khin inthlangna a um ding a nih.

Independent a ngir dingin RJD MP hlui

an ban

patNa: Bihar-a RJD MP hlui le Union Minister hlui Ali Ashraf Fatmi chu Bihar-a Madhubani PC a Independent candidate-a ngir dingin Thawleni khan party-a a nina po poa in-thawk an ban. Mr Fatmi hi Darbgan-ga biela RJD MP vawi 4 zet lo tling tah a ni a, party-a a nina haia inthawk inban sienkhawm RJD-ah a la um zing ding thu reporter hai kuomah a hril. RJD chun tuta hma khan Madhubani bielah party ticket an pek ding niin an tiem a, sienkhawm senior leader Abdul Bari Suddiqui chu Darbhanga biela dingin ticket an pek a. Madhubani biela ding hin ticket an pek ding le ding naw April 18, 2019 chen a la nghak ding thu Fatmi chun a hril. Congress leader le Union miniter hlui Shakeel Ahmed khawmin Madhu-bani biela hin Independent in a ngir ding thu Thaw\anni khan a puong.

AU student hlui kap hlum

lUCKNOw: Pathienni zan khan Allahabad Uni-versity (AU) student hlui chu Prayagraj hmuna hos-tel-ah hmel hrietlo han an kap hlum. Kap hluma um chu Ro-hit Shukla (30) a ni a, mi suom le sum dawlna \hanga criminal cases hran hran 6 nei mek a ni a, a ruoldang pahni hai le PCB hostel a va fe, chu hua kap hlum a nih.

eC in azam Khan le maneka gandhi hai khawm campaign thei lo dingin a ban ve

New delhi: Uttar Pradesh Chief Minister Yogi Adityanath le Ba-hujan Samajwadi Party (BSP) chief Ms Mayawati hai darkar 72 le darkar 48 sung mipui hmaa thu hrila vote campaign thei lo dinga a ban hnungin Election Commission chun Sama-jwadi Party (SP) leader Azam Khan khawm dark-ar 72 sung vote campaign theilo dingin a ban bakah BJP MP Ms Maneka Gan-dhi khawm darkar 48 sung campaign nei theilo dingin a ban ve.

Mr Azam Khan hin an

khingpui BJP candidate Jaya Prada le RSS in-laichinna hrilnaah “khakhi underwear” bun ti \awng-kam a hmang leiin FIR file khum a ni a, hi thu le inza-wma EC in darkar 72 sung vote campaign theilo dinga a ban a ni a, Ms Maneka

Gandhi hi hnam thila inth-lierna \awngkam hmanga, Sultanpur hmuna vote a campaign huna Muslim han an vote naw chun an harsat-na a ngaisaknaw ding thu hrila a vau leia vote cam-paign thei lo dinga a ban a ni bawk.

NASA-in Khawvel (Earth) Ang Planet Dang A HmusuokwashiNgtON: National Aeronau t i c and Space Administration (NASA) chun khawvel ang planet dang zawng dinga a tirsuok vanboruoklawng Transiting Exoplanets Survey Satellite (TESS) chun Neptune ang tiet vela lien ei khawvel Earth ang Planet thar a hmusuok tiin Astrophysical Journalst Letters chun a ziek. NASA-in a hmusuok thar tak planet hi khawvel tiet vel a nia chu a umna chu hnuoi a inthawka light Year 53 vela hla a nih. (Light Year khat hi var speed-a vuongin, varin kum khat sunga a tlung phakna chen khan One Light Year a nih!)

Var (light) in kum khat sunga a tlung thei ding chen chu hei ngaituo la, chuong ang peia kum 53 sunga varin a fe phakna chen vela hla a nih chu. Carnegie Institution for Science, US-a um Johanna Teske chun, “Kum khat vel chau liemtaa kap suok TESS-in hieng anga thil pawimaw tak a hung hmu suok hi a ropui takzeta, thafan a um takzet a nih” tiin a hril. Teske hril dan chun, TESS in vanboruoka vuong peia thil a hmuhai lim a hung thawnhai chu khawvela Ground-based satellite le Telescope hai hmangin Planet dinghai chu an lo zawng suok

hlak niin a hril a. Khawvela um telescope a hmanghai chu Planet Finder Spectorgraph le Megellan II Telescope, Chile hai an nih tiin a hril. Tutaka scientist hai thaw thei chu Planet thar an hmusuok hai Mass inkhi a nih a. Chu Mass (rikna or sana)dungzui chun Planet chu a

gravity hrat dan chenin an inkhi hlak a nih. An inkhina dang pakhat chu, arasi hipna (gravity) chun Planet-in a helna orbit a affect thei a. Planet gravity khawmin arasi var suok dan ding a affect ve hlak bawk. Hienga an inhiptawnnaa inthawk le var insuo dana inthawk damin an

chanchin kimchang hriet thei a nih. P F S h i k h a w v e l s i m t i e n g a t e l e s c o p e umsunhai laia mi a nih a. Hieng ang Planet le arasi Mass inkhi theitu umsun a ni bawk. S u b - N e p t u n e H D 21749b hin a hel Arasi (Ni) suokna dingin ni 36 a \ul a, TESS hmusuok planet hai lai chu a orbit seitak a la nih. A host star (a heltak arasi) hi ei Nisa nekin 80% in a rik lem a. Ei umna a inthawka Light Year 53 vela hla a nih. Khawvel nekin a let 23 velin a rik lem a, a radius khawm 2.7 velin a lien lem bawk.

A sa dan hin boruok sa

tak a nei \eu hmel a, lungpui le tlang hai vel chu a tam hmel nawh. Hi hin astronomer hai chu a chanchin inchukna kawngah nasatakin a \hangpui thei ding a nih. HD 21794b ang hin a neka chin met HD21949c an um ve nawka, an Host Star helna dingin ni 8 chauh an \ul ve thunga, khawvel nekin an chin lem. Exoplanets hai hi ei Solar System sunga um Planet hai nek chun an chin lemin an danglam met meta chu ei Planet hai le danglamna taluo chu an nei nawh a, astronomer hai chun kimchanga sui suok vat an inbeisei. (Reuters)

PM in a thutiem a sukpuitling nawh: Rahul Gandhip a t h a N a p U r a m : Congress president Rahul Gandhi chun Thawleni khan Kerala-ah vote cam-paign a nei a, Prime Minis-ter Narendra Modi chu elec-tion huna a thutiem hai kum 5 liemta sung sukpuitling loin an tum. Hi thu hi zanita Kollam district-a St Stephen Col-lege ground-a rally nei huna thu a hrilnaa a hril a ni a. Modi in a thutiem hai a suk-puitling naw a, sienkhawm Anil Ambani in Rafale deal fethlengin Rs. 30,000 crore a dawng tiin Rahul chun a hril a. Prime Minister chun defence deal lientak vuong-na vawikhat khawm la siem ngailo kuomah contract a pek a nih tiin a hril.

A hril peinaah, kum

5 liemta sung khan Prime minister chun sin 2 crore siem ding tiin vawi tam tak an tiem a, bank accounts-ah Rs. 15 lakh thun ding le lo-neitu hai price support pek ding tiin a hril a, sienkhawm hieng a thutiem hai hi suk-puitling a nei nawh tia hri-lin, ‘Prime Minister in bank account a pawisa thun pek

ding nia a hril dawngtu ieng-zam in um a? tiin mipui lai indawnna a siem. Nanded hmuna Rahul in thu a hrilnaah, Congress in centre-ah sawrkarna an hung siem chun ‘NYAY’ minimum income guarantee scheme hnuoiah nuhmei 5 crores hai \hangpuina pek

an ni ding thu hrilin, NYAY hnuoia hin India rama mi rethei sungkuo hai kuomah kum khatah Rs. 72,000 an-nawleh thla tin Rs. 6,000 pei pek an ni ding thu Rahul chun a hril bakah Congress in sawrkarna an hung siem chun kum tin sin 22 lakh an siem/pek ding thu a hril bawk. Rahul hi Uttar Pradesh-a Amethi PC bakah seat pakhat neka tam a ngirna hmasa tak dingin tukum Lok Sabha Election a hin Way-anad PC-ah a ngir bawk ding a nih. Rahul hi zani hmasa zan khan ni 2 sung cham dinga Kerala tlung a ni a, Kollam bakah hmun dang dang pathum haia khawm election campaign nei a tih.

Home Minister in nomination paper a file

New delhi: Union Home Minister Rajnath Singh chun Thawleni khan Uttar Pradesh-a Lucknow khawpuiah roadshow a nei a, Roadshow a nei zo hin Lucknow Parliamen-tary Constituency a ngir dingin Nomination paper a file. Opposition Congress chun Lucknow PC a an par-ty candidate ding tuchenah an la puong nawh. Rajnath Singh hi kum 2009 khan Western UP-a Ghaziabad bielah MP

dinga thlangtling a lo ni a, sienkhawm kum 2014 khan Lucknow tieng a hung in-sawn a nih. Kum 2014 khan Luc-know biela hin UP minis-ter Rita Bahuguna Joshi, tuta Congress a um ta chu Rajnath Singh khingtu hai laia a lien tak a lo ni a, votes 2,80,000 a hmu phak a, Rajnath Singh chun votes 5,60,000 hmuin thlangtling a ni a, Ms Mayawati (BSP chief) chu pathumna in a \hang a, Samajwadi Party (SP) chief Akhilesh Yadav

chu vote hmu danah a pa-lina in a \hang a nih. Kum 1991 a inthawk khan Lucknow PC hi BJP in an lo chel \an ta niin, 1991-2009 sung khan ac-tive politics a chawlsan hma chen PM hlui Atal Bihari Vajpayee in a lo hluo a, chu hnungah Ra-jnath Singh hin a hung hluo zawm nawk a nih. Lucknow PC a hin May 6, 2019 khin inthlangna a um ding a nih. Samajwadi Party chief Akhilesh Yadav chun Luc-know biela an party candi-date ding an puong vat ta ding thu hril a, actor-a in-thawk politician hung nitah Shatrughan Sinha nuhmei Poonam Sinha chu an party candidate a ni el thei thu kar hmasa khan a lo hril a, sienkhawm tuchenah Luc-know biela an candidate ding an la puong nawh.

Reuters Journalist Pahni Pulitzer Prize Inhlan An Nih

y a N g O N : K h a w v e l a Journalist reporter hai sin thaw \hat leia chawimawina lawmman insang tak el Pulitzer Prize 2019 chu, Reuter journalist pahni, Myanmar rama Rohingya Muslim hai sawisakna, an inhai rawpeka mi 10 neka tam a tela an thatna

thu le lim khawvel hrieta pholangtu Reuters journlalist pahni, an thil phawrsuok leia Jail intanghai chu inhlan an nih. P u l i t z e r P r i z e h i American journalism history-a chu lawmman insang le inlar tak a nih a. Newspaper

publisher Joseph Pulitzer thi hnungin 1917 a inthawk khan journalist huoisen, thu khir tak tak le thutak phawrlangtuhai kuomah inhlan hlak a nih. Board Member hi 18 an nih a. Journalist hmingthang le thiem tak tak, hi Pulitzer Prize le a dang dang khawm lo dawng tahai dam an nih. T u k u m a R e u t e r s Journal i s t pahni ha i h i Rohingya Muslim, Myanmar-a umhai army le police in an bei nasa taluo leia Bangladesh tieng raltlanhai chanchin an phawrlang. An thlalakhai sawrkarin pesuok dinga a ngen khawmin an peksuok nuom nawh a. An chungthu relin Jail-a a khum mek an nih.

EC in Vellore PC a election nei ding a cancelledNew delhi: Elec-tion Commission of India (ECI) chun, Tamil Nadu-a Vellore Parliamentary Constituency-a inthlangna nei ding chu DMK lead-ers haia inthawk pawisa tam tham tak man a ni le inzawma election thilah sum nasa taka thedar ring-hla a ni leiin inthlangna nei lo dingin President kuomah a recommended a, president in Law Min-istry kuoma ngaidan a lak hnungin Thawleni zan-tieng khan Vellore biela Lok Sabha Election cancel

dinga EC recommendation chu a pawmpui ta a nih.

Vellore PC hi India rama sum inleng nasat leia Lok Sabha election nei ding cancelled-a um hmasa tak a la nih.

Kum 2017 khawm khan Tamil Nadu-a Dr Radhakrishan Nagar As-sembly seat-a inthlangna chu pawisa an lar taluo leiin a lo \hul ta bakah April, 2016 khawm khan Aravakurichi le Than-javur biel haiah EC in election nei ding a lo suk\hul ta a. Kum 2012 khan

Jharkhand-a Rajya Sabha seats 2 haia sum inrawl nasat taluo leiin election nei loa \hul a lo ni ta bawk. Chawlkarhni vel liemta khan Income Tax Depart-ment chun Cement go-down neitu local DMK functionary chengnaina inthawk Rs. 11 crore chu-ong an dapdawk a. Hi le inzawma ECI in election cancelled dinga a lo recom-mended a nih. Vellore hi April 18, 2019 a inthlangna nei din-ga Election Commission in a lo puong a nih.

Hmasawnna Thar4 EntErtainmEnt / SportSthlatUN (april) 17, 2019NilaiNi (wedNesday)

Premier League:

Arsenal chun a mikhuoltu Watford hnein palina an chuongkaiwatfOrd: Premier league khel mekah Wat-ford chun Thawleni zing-kar (IST) khan an home Vicarage Road stadium-ah Arsenal an mikhuol a, Arsenal chun a mikhuol-tu Watford hi 1-0 a hnein games 33-ah points 66 an hmuta a. Points 66 tho hmua palina ngirhmun lo hautu Chelsea lanin pal-inaah an \hang tah. Watford in Arsenal a mikhuol huna hin 4-3-1-2 formation hmangin hma-tawngah Deeney le Gray intlantir an ni a. Arsenal chun 4-2-3-1 formation hmangin hmatawngah Aubameyang siein a hnungah Aaron Ramsey le a sir-ah Mkhitaryan le Alex Iowbi hai intlantir

an nih. Inkhel \an deu hlim minutes 10 naah Pierre-Emerick Aubameyang

chun Arsenal ta dingin goal a hung thun a, hi zo minute 11 naah Watford Player Deeney chu a foul

leiin Referee chun Red Card pein a tirdawk a, hi taka inthawk Watford chun player 10 chauin Arsenal hi an hmasawn a. Sienkhawm first-half sung goal dang a lut-naw bakah second-half hnunga khawm goal dang a lut tanaw leiin Arsenal chun Watford hi 1-0 in an hne ta a nih. Watford hin games 33-ah points 46 hmua 10-naa \hang mek an nih. Arsenal manager Unai Emery chun, Top 4 an tling ding le ding-naw chu anni kuta um le innghat a ni thu Watford an hne zo-a top 4 ngirh-mun an hung hau hnun-gin interview nei hunah a hril.

Spanish La Liga:

Real Madrid chun Leganes a hneban zo nawh, an drawpuimadrid: Thaw\anni zingkar (IST) khan Leganes chun an home Butarque stadium-ah La Liga histo-ry-a Champion ni rawn tak, vawi 33 zet champion lo nita le tuta season fe meka pathumna Real Madrid an mikhuol a, a hrat lem um loin 1-1 in an indraw. Goal hmasa first-half minute 45 naah Jonathan Silva chun Leganes ta dinga goal thunin hma an \huoi a, second-half inkhel \an hlim minutes 51 naah Karim Benzema chun Real Madrid ta dinga goal hung thunin an goal bat a hung thunkir

a. Sienkhawm inkhel tawp chenah a tu tieng tieng khawm goal thun belsa an um tanaw leiin 1-1 in an in-draw ta a nih. Real Madrid hin an du-thusama an chet \hat naw leiin manager banin an

manager hlui le ama thua suok Zinedine Zidane chu manager dingin tulai hnai khan an laklut a, sienkhawm tuchena hin hmasawnpuina an la nei hran naw a, tuta season a ding chun title race-ah an \hang phak ta

chuong nawh. Amiruokchu, season tawp a hnai ta leiin tuta an ngirhmun chenah chun Champions League khel phak lo ding inlau le \itthawngna ding an nei hran naw bawk. Real Madrid hi tukum Champions League last 16 a khan Ajax in an lo knock-out a nih. Team P G D Pts1 Barcelona 32 50 742 Atl Madrid 32 26 653 Real Madrid 32 18 614 Sevilla 32 15 525 Getafe 32 11 516 Valencia 32 9 49

Man. United in Pound 130m neka tlawm chun Pogba zawrdawk tum lo

maNChester: Man-chester United directors chun Paul Pogba in club a suoksan na dingin pound 130 million neka tlawm an remtinaw ding thu Pogba agent Mino Raiola an hril. Paul Pogba hi Real Madrid Manager Zinedine Zidane in summer trans-fer window inhawng huna club sukhratna dinga laklut an beisei a ni a, sienkhawm Man. United chun transfer fee pound 130 million neka tlawm chun club suoksan an phalnaw ding thu chieng takin an hril a nih. Reports in a hril danin Paul Pogba hin Old Traf-ford suoksana Zidane hnu-

oia khel a hnielnaw niin a hril a, sienkhawm Man. United awlsam taka inthla-suok an tumnaw thu Pogba agent Railola an inhriettir a nih. United in sak to hle hai

sienkhawm Real Madrid chun an contract ziekpui an lan beisei zing tho a, chu lai zing chun alternative options an zawng mek bawk a nih. Chuong laizing chun Man. United khawmin

club-a la hrentang zing an nuom leiin full-time basis-a captain armband pek dan an ngaituo mek a nih. Pogba hi Jose Mourinho in United a enkawl sung khan hril neu neu tam tak a um a, play khawm a \ha naw a, sienkhawm Mourinho bana Ole Gunnar Solskjaer in nikum December thlaa inthawk United a hung en-kawl hnung khan United ta dinga player ban pawimaw tak a hung ni tung nawk ta pei a. Kar hmasaa West Ham 2-1 a an hne \um khawm khan Man. United ta dingin goal 2 a thun a nih.

Football thuthang• Arsenal le Manchester United chun Brazilian Ajax forward David Neres Campos (22) an inchu ve. Campos hi Chelsea le Everton hai khawmin contract ziekpui an nuom a nih.• Transfer ban hlip a ni chun Barcelona midfielder Philippe Coutinho (26) chu Chelsea in lak an tum el thei. Hieng laizing hin United boss Ole Gunnar Solskjaer chun Coutinho chungchang iengkhawm hril a nei nuom nawh.• Barcelona chun Man. United le England forward Mar-cas Rashford (21) chu pound 100 million pek an ngam. Rashford hin Old Trafford-ah contract kum khat a la nei a, tuchena hin a contract suksei nawk a la ni nawh.• Newcastle United chun manager Rafael Benitez con-tract suksei dinga inremna nei thei ngei an beisei.

• Leicester City forward Shinji Okazaki chun summer transfer window inhawng hunah free transfer in club a suoksan ring a nih. • Arsenal le France midfielder hlui Patrick Vieira, tuta Nice manager ni mek chu Lyon manager hung ni dinga ring a nih.• Manchester City captain Vincent Kompany (33) chun season nawka khawm club-ah a la um ding thu a hril. Kompany contract hi tuta season tawp chena ding a nih.• Inter Milan chun Man. City’s Germany midfielder Ilkay Gundogan (28) contract ziekpui an nuom. • Man. United, Juventus le PSG hai chun Sporting Lis-bon Portuguese midfielder Bruno Fernandes (24) con-tract ziekpui an nuom.

US-in Balochistan le Khyber (PoK) Inzin A KhapwashiNgtON: US chun a mi le sahai tukhawm Pakistan Occupied Kashmir (PoK) sunga um Balochistan le Khyber Pakhtunkhwa hai chu helpawl an tam lei le a \ium taluo leia inzin lo dingin a hril tawla, inzin a khap. Tulai hnaia US-in khawvel rambunghai inzinna ding ngai ngam um dana level a siemah Pakistan chu Level 3 ah sie a nih a. A ram sung Balochistan, KPK province, PoK le India-Pakistan hai chu khawvela \ium tak ‘Level Four’ ah a sie. High Risk Areas a ni leiin US mihai chu tukhawm fe lo dingin a hril. State Department chun, travel advisory insuoin, “Due to risks to civil aviation

operating within or near Pakistan, the Federal Aviation Administration (FAA) has issued a Notice to Airmen (NOTAM) and/or a Special Federal Aviation Regulation (SFAR)” tiin a ziek.A mi le sahai a warning-naa chun, Pakistan chu ralmuong lo, iengtiklai khawma Bazar le mipui tamna hmun haia bomb puok thei zing, militrary installation, airports, university, tourist locations, schools, hospital, place of worhsip le govern ment facilities hai po po chu iengtiklai khawm helpawlin an attack thei zingna a nih” tiin hieng hmunhai hi inkiengsan dingin an zinhai khawm an cha bawk.(AFP)

Demi Rose-in Egypt Lalnu Cleopatra Lim Chang

l O s a N g e l e s : Birmingham nunghak, kum 20 a tling hma chu thaw ding hre lo fena ding hre lova tuipui kama zakuo hnuoi le um mei mei hlak kha tuhin chu thaw seng lo ding sin a nei taa a buoi thei tah hlea, hunawl a nei ta meu nawh. Kum 24 a tlingna ding le inzawmin English model Demi Rose chun khawvel history ah khawm a hming chuoi ta ngai lo ding, lalnu hmel\haa hril kai, Egypt lalnu Cleopatra angin an chei a, Chleopatra nekin a nal lem. K u m 2 4 b i r t h d a y lawmna le inzawmin Sutton Coldfield-a pieng Demi Rose hin bra dum hakin a sam dum bawksam inruol hmara tanin, rangkachak ‘headdress’ a khimbawk a. Tienlaia Egypt lalnu Cleopatra mi hip thei tak el nek khan a ang lema, mi a hip lem a nih. Tlangrama pieng ding chun khawpui nun a hnesaw tah em em a. Khawpui deu deu pan peiin hma a sawn peia tuhin a tum chu Hollywood a nih. Demi Rose hi kha hma khan, model dawta a thiltum chu Actress a nih a. Abikin James Bond film ah a changtunu ni a

nuom thu a hril. TheSun a hril dan chun, “Ka naupang laia inthawkin film siema Actress ni hi ka nuom tak hlak a. Chu lai zinga ka duthusam hung suok chu James Bond filma changtunu a nih. Asan chu James Bond hi a elegant a, a smart a. Bond Girl hang ni hi ka chak rieu a nih” tiin a hril. Demi Rose hi an lar \anna chu Kylie Jenner ngaizawng hlui rapper Tyga leh an inngaizawng a inthawk khan a ni h a. Model tieng a lut pei a, Instagram ah a limhai uploadin an hung hrietlar pei a. Social media a lut phut laia 60, 000 vel chauh zuitu a nei kha tuhin chu maktaduoi 3 neka tam a nei tah. A piengzie a pangngai zingna san an indawn a, balance diet a thaw am ti leh. “Ka duzawng ka fakin ka thau awl taluo leiin ka duzawng naw deu thilhai ka fak lem ta hlak. Taksa pangngai put zingna dingin fak insum bakah nitin ‘workout’ a \ul” tiin a hril. Mihai hin model nina ding ringawt khawma mani rinum pawisa lovin fak le dawn insumin thlantui an sukput a nih.

Directing-in Actor Thalemin A Mi siem: Brie Larson

seOUl: Oscar winning actress le ‘Captain Marvel’ thar le ‘Avengers: Endgame’ changtu nih bawk, Marvel Cinematic Universe-a nuhmei superhero hmasatak Brie Larson chun, director sin thawin actor a nina sin chu an thaw \ha tir thei lem niin a hril. Brie Larson (29) hi ‘Avengers: Endgame’ promote-na dinga Press tour neia South Korea thang mek a nih a. ‘Avengers: Endgame’ film-a a changpuihai Iron Man, Captain America le midang danghai leh an nih a. Cparain Marvel pa deu kha nuhmei incheina nal deu leh a hei inchei chu nunghak nal tak a nih nawk tah. Brie Larson hin a changtunu a ni bakah camera hnung tieng umin ‘Unicorn Store” a direct ve ding a nih. “Directing ka thawa inthawk hin acting thaw dan ding a mi hril

nasa hlein ka hriet a. Ka thiem sawt ding niin ka hriet” tiin a hril. Brie chun, “Directing thaw hin a process po po ei hmu vawng a. Actor ang chun a rengin ei hmu kim thei naw a. Director umnaa inthawk chun set sunga mi ei hmu kim vawng nawa, mani part chau ei hmu leiin limitation a um nuom a. Director seat a inthawk hin chu fie deuvin a baksamna le \ulna hai ei hmu theia, acting khawm ei thiem sawt niin ka hriet” tiin a hril. Brie Larson hin nuhmei zakuo Blouse dar inhawng hakin a malpui le mawngbawr puon sendang parte anga \hui par suou a bil a, mipui sang tel lai a hei inpholar chu mipui an lawm hle. Ama khawm inhawi a tih hle. Brie Larson hi South Korea ah Marvel Comics film thar tak ‘Avengers: Endgame’ promote dinga fe an nih a. Marvel Studios President Mr Keving Feige le Directors Anthony le Joe Russo hai khawm an \hang a. Iron Man (Robert Downey Jr) le Jeremy Renner hai khawm an \hang. ‘Avengers: Engame’ hi Marvel Cinematic Universe hai film 25-na a ni tah a. April 25 khin UK ah le April 26 khin US an tlangzar ning a tih. Tulai superhero sum hui lut rawntak an nih. Feige hril dan chun, ‘Avengers: Endgame’ hin Interval nei nawng a ta. Darkar thum sungin a renga insuo zo ning a tih. Endgame thuah a changtu Brie Larson chun, “Captain Marvel hmaa shooting ka thaw a nih a. A chanchin kimchang khawm ka hriet ta nawh” tiin a hril. ‘Iron Man’ Robert Downey Jr chun, “Nuhmei superhero hmasatak le in\hung kawp ka nih bawk a. Ka uong naw thei nawh” tiin thutak fiemthuin a hrila an hlim dar dar hle.

Angelina Jolie Le Brad Pitt, Official Taka Single TahlOs aNgeles: Nupa inrem thei tak le nau enkawl khawm thiemtakhai kha, nau lei bawka kum hni le ti met an in\he hnungin, inmak tak tak nuom si lovin, official taka ‘single’ anga um nuom siin court ah ngenin tuhin chu ‘officially single’ ve ve an ni tah. Angel ina Jo l ie chun 2016 khan an naulak upatak Maddock le Brad Pitt vuongna sunga an insukbuoi leiin Brad Pitt-in zuruiin a hnek tiin in\hena ding court case a siem a. Naupang chunga nunrawng tiin a hek sa bawk a. FBI chenin an sui hnungin Brad Pitt-in naupang chunga nunrawng taka kut a thlakna an hmu naw thu report an peklut hnungin Brad Pitt chu thiem changin a nauhai khawm kar khata vawi li hmu theina, ni tin darkar li hun Court-in a pek a. Jolie chu nauhai enkawlna ding (custody) pek a nih bawk. Chu chen chun a hranin an um ve ve tah a. An nauhai ruok chu an inmak tah ti an inhriettir nuom naw bakah Court rel an nuom naw leiin mimalin an inbiek fel a nih, Brad Pitt hin a nauhai chawmna ding pawisa thla tin a pek hlak. TheBlastziek dan chun, “Nupahai pahni hin an nauhai ta dinga \ha an ngaituo tak a.

Inmak sawng em chu an nuom nawa chu tuhin ‘officially single’ anga um an nuom leiin inmak tak tak si lovin an um ta a nih” tiin a ziek. June 2018 khan an nauhai chunga Brad Pitt thuneina le enkawlna mawphurna ding thu le a visit theina right hai ah, naupanghai a hmu theina ding hun darkar le ni hai siem pek a. Maddock ruok chu ama khata thutlukna siem thei khawpa puitling an tah leiin court-in fix pek lovin ama le a pa Brad Pitt inbiekremna dungzuia an nuom

dan dana inbiek phalna a pek a. Angelina Jolie-in ama khata nauhai enkawla umpui ding le Brad Pitt inhmutir ta lo dinga a ngenna chu Court-in a hnawl peka. Brad Pitt chu hun tamlem a pek ta a nih. Hi hnung hin Jolie chun naupanghai enkawlna man pawisa an dai nawh tiin Brad Pitt a ngen a. Nov 2018 khan court puotieng ‘iengkim a ngaia fe ding le naupanghai chawk buoi lo dingin’ inremna an siem a. Chuong ang chun an la fe pei a nih.

HMF’s GUITER IDOL 2019 Tv. STEPHEN SONGATECCpUr: Hun iemanichen a’nthawk a Hmar Musi-cians’ Forum ha’n online fethlenga “HMF’s Gui-ter Idol 2019” an buotsai a chun Tv. Stephen Songate s/o Francis Songate (Sec-retary Hmar Inpui GHQ) of Rengkai, Churachandpur, Manipur chun pakhatna la in”HMF’s Guiter Idol” hmasatak nina a lak. Hmar Musicians’n Fo-rum hai hi hun sawt bek la liem lova indin chau ni a hriet a nih a, an hun; tha le zung tamtak senga ei Thalai hai Talent inthup pholangna

dinga an hma lakna le hi ang Competion an buotsai thei hi lawm a um takzet. Mazu mei anga inzui tieng pan lovin hung lien

tuol tuolin thalai tamtak tal-ent inphum zawngsuokna sin hi hung sunzawmpei dingin ditsakna ei inhlân nghal. (ElârEs)

Paris-a Notre-Dame cathedral A Kang, Khawvelin Pawi Tihparis: Khawvel biekin hmasa pawl , kumzabi sawmpangana (15th) laia bawl Notre Dame Cathedral ti el, biekin ropui le upa tak hausa em em chu Thawlenni zingkar khan Thaw\an zana kangmei suok that thei lova um leiin thil tamtak a kangsiet a, khawvel a suk ngui pha hle. Paris khawpui lailung lai taka um, France history le culture hriltu le sukhausatu Notre Dame Cathedral hi a ropui em em a. Tienlai a inthawkin runtu tamtak nei tah sie theilo a nih. Kangmei hin a chung a kang hawp vawnga, \uongah an hung tla a, a danghai khawm a suksiet malam peia, a sung a sie rawn ve hle. F r e n c h P r e s i d e n t Emmanuel Macron chun, an ram ropuina Biekin chu bawl thar nawk dingin an tiem a. A zuolpui po a kang zo tah leiin an thuok huoi niin a hril. Kangmeiin a in chung a hmatiema a kang lai chu tourist khuolzin le Paris mi tamtakin an hmua chu thaw thei an nei si nawh, lungril natakin an thlir liem el a nih. Kangmei hin kum 850 a upa, UNESCO in Cultural Heritage anga a puong, Gothic hai style-a bawl chu a sukseit hne hle a. Kangmei theltu mi 400 velin an \hela an \helmit thei chauh a nih. Kangmei suok a inthawka darkar 9 sung

velin an thelmit a nih. State Secretary, interior ministry Mr Laurent Nunez chun, “|ium tak chu a bo tah a. Tuta thaw ding chu kangmei kangsiet iengzam ti suisuok a nih” tiin a hril. Paris fire brigade chief Jean-Claude Gallet chun, “Notre-Dame Cathedral a pui tak chu sanhim thei a nih a, Dar (Bell) lien pa pahni hai leh. Anachu, inchung po po chu a kangfai vawng” tiin a hril.Kangmei suokna san tak hi hriet an nawa chu, tulai hin siem\hatna tamtak thaw a nih a. Chuonghai vela inthawk chun khawlai taka inthawkin am a nih a hung suok ring a nih. Khawvelin pawi an ti em em a. Mi tamtakin a bawl \hat nawkna dinga \hang an nuom thu an hri la. US President Donald Trump le a nuhmei Melania Trump hai khawmin an \hang ve ding thu an puong. British kumpinu Queen

Elizabeh le a naupang a lal \hungpha hluotu ding Prince Charles khawmin pawi a ti thu an puong tawl a. UK Prime Minister Ms Theresa May khawmin pawi a ti thu a hril. F r a n c e B i l l i o n a r e Francois-Henri Pinault, Salma Hayek pasal khawmin USD 100 million siem\hatna dingin a thaw ding thu a puong. German Chancellor Angela Merkel chun, “Kum 200 laia upa tah Notre-Dame Cathedral hi ‘Symbol of European Culture’ ti a nih a. Kum 200 sung sukse tumtu tamtak laka inthawkin mak tak taka humhim lo ni hlak a. Zalenna inentirna a lo nih hlak bawk. August 24, 1944, Liberation of Paris ah khawm khan Bell of Notre-Dame biekin dar hi ‘zalenna dar’ anga vuok a nih” tiin a kang hi pawi a ti thu a hril.(Reuters)