Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377 Hmasawnna Thar Vol - 33/191 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

thlatun (april) 29, 2018 pathienni (sunday)

Rev. Dr Lalhmuoklien inthlana

CCpur: EAC Direc-torial Office -ah April 28, 2018, 1:30PM khan Executive Commit-tee le Head Office staff han a sina inthawka pension ta ding Rev. Dr Lalhmuoklien inthlana (farewell programme) an hmangpui. Rev. Dr Lalhmuoklien hi kum 40 sung a lo ser-vice ta a, Kohran in\huoi dan angin taksa kum 65 a tling ta le inzawmin Full Pension inhlan a nih.

NEWS TOMkiMcHANcHIN LAKTAWI

April 30-ah Interview nei ding

CCpur: DKU Free Hos-pitality le Embroidary Training, Thoubal, Mani-pur a um dinga Application form pelut hai ta dingin April 30, 2018, 12:00PM a inthawk Saikot SDO Of-fice Complex-ah Interview nei ning a tih. Hi huna hin Qualification Certificate le Aadhaar Card chawi ding a nih, tiin incharge, CC-Pur & Pherzawl District Pu Timothy Z. Zote chun inhriettirna a siem.

A/C 6 haia CMHT enrol-ment thawtu ding hai

CCpur: Dr Jire L. Pu-daite, District Nodal Offi-cer, CMHT, CCPur chun Go to Village mission hnuoiah Churachandpur District sunga Assembly Constituencies 6 haia Chief Minister-gi Hakshelgi Tengbang (CMHT) enrol-ment thawtu ding KIOSK Operators 6 a ruot. Hi dungzui hin Tipaimukh A/C sunga beneficiaries hai CMHT enrolment thawtu dingin Mr Emmanuel Lalsansuok

(9862514225) ruot a ni a, Henglep A/C a dingin Mr Tuanmuanson Vualnam (7005514228); Singngat A/C ah Mr S. Thanglunlal (8974931917); Saikot A/C a dingin Mr Naulak Vung-zamuan (8787897026); Thanlon A/C a din-gin Ms Kimhauching (9862229552) le Chura-chandpur A/C a dingin Mr Thuamkhanlian Ngaihte (9612503667) hai CMHT enrolment thawtu dinga ruot an nih.

Book Fair vawisun chen

CCpur: Word of Christ, Dimapur in Synod Hall, IB Road, CCPur-a ‘Christian Book Fair’ an buotsai chu vawisun chen hin la hawng ning a tih. Book Fair hi April 26 , 2018 a \an a ni a, 9AM-5PM sung hawng a nih.

Tax Collection thaw \ha takah Manipur a pahnina a nih: Commssiner Tu kum sunga Manipur-in Tax a hmu dingin Rs. 700 Core target a nih

imphal: Ni kum July 1, 2017 a inthawka GST hmang \an a nia inthawkin Manipur sawrkarin tax (sie) a hmu nasatakin hma a sawn a. Tax Collection thaw \ha le hmu \ha takhai lai Manipur chu pahnina a nih phak niin Commissioner Taxation Manipur Mr. Ravender Singh chun a hril. Hi thu hi zani ta DIPR buotsai press conference an neina huna chanchinbumihai kuoma a hril a ni a. State Sawrkarin GST (tax) a hmuhai hrim hrim chu state-in nuom dan dana hmang ding a nih leiin a mipuihai hmasawnna dinga hmang pei thei a ni leiin mipui ta bawk a hung nawk a. Chuleiin, tukhawmin tax pek ei rin ding an nawh, tiin a hril. “GST hnuoia tax ei pek po po hi ei state hmang nawk vawng ding a nih leiin mani hmasawnna dinga

tax pe ei ni a. Chuleiin, pek dan la hre naw hai khawmin Taxation Department ah indawn thei zing a nih” tiin office an nawleh e-mail hai khawma indawn thei a nizie a hril. Abikin sumdawngtu thuomh-naw phur lawntuhaiin e-Way Sys-tem hmanga Tax an pek theina ding

chu Manipur ah April 1, 2018 a in-thawk khan \an a ni ta thu hrilin, https://ewaybillgst.gov.in khawm chanchin kimchang hriet thei a ni thu a hril. GST pek le monthly return fill-ing thawna kawngah mi tam lem chu computer internet la hmang thiem lo ei ni leiin a la harsa meta

chu a thaw \ha pawl ei la nih phak thu a hril a. Chuonga GST pekna ding le pek dan la hre nawhai chun Facilitation Centre (Network) hai le Taxation Office ah \hangpuina hni el dingin a ngen bawk. Tuchenah Manipur ah GST pe inzieklut tah po chu mi 10, 732 an nih a. Sawrkarin Financial Year 2017-18 sunga tax hmu thei dinga a beisei target zat chu Rs. 700 crore a ni thu a hril a. “GST Council meeting nuhnungtak Meeting vawi 26-naa report dungzuin, February 2018 chena revenue collection ah Manipur chu thaw \hatak 2-na a nih” tiin a hril. Manipur-in tax a hmu dan chu indirect tax Goods and Services Tax (GST), Value Added Tax (VAT), Professional Tax (PA) etc hai an nih a. Tax la khawmtu Taxa-tion >>>sunzawmna phek 4-ah

MSPDCL hmalaknain Gram Swaraj AbhiyaanCCpur: Manipur State Power Distribution Com-pany Ltd. (MSPDCL), CC-Pur hmalaknain zani 11AM khan Bijang, CCPur-a MSPDCL Office-ah Gram Swaraj Abhiyaan le Gram Dhakti Abhiyaan program hmang a nih. Khuollienin Pu Ginsuanhau, MLA & Chairman, MANIREDA a \hang a, Guest of Honour in Shyam Lal Poonia, IAS, DC, CCPur le Special invi-tees in DLOs hai an \hang tawl. Pu Ginsuanhau chun, BJP chu Kristien sakhu-ona le inkala ngaina tam tak umsienkhawm BJP sawrkar um hnungin hma-sawnna tam tak hmu theia a um ta thu, Singngat, Hen-glep le Thanlon bielah elec-tric tlung lo na khuo haia hmang ding Solar \hahnem-tawktak sem a nita thu, CM N. Biren Singh chu a taka thil sukpuitling nuom mi a ni thu hrilin mipui han \ha taka an thlawp chun hma-

sawnna nasa lem a hung um pei ding thu a hril. Pradhan Mantri Sa-haj Bijli Har Ghar Yoja-na-‘Saubhagya’ scheme hnuoih December, 2018 chenah India ram sunga electric tlung in vaibelsie 4 hai kuomah meivar pek tum a ni thu, hi scheme hnuoiah SECC 2011 a hming um le BPL card nei han electric connection a thlawnin an hmu thei ding thu, SECC 2011 list a um lo hai khawmin Rs. 500 pe-kin electric permit lak thei a ni ding thu, a dang po chu

fee pek huna instalment a kat a ni ding thu a hril. DC, CCPur chun, sawrkar thlungpui hmal-akna leiin CCPur district sunga khuo tam tak in electric meivar an hmu ta thu, Central health scheme Ayushman Bharat khawm ASHA hai fethlenga suk-puitling dinga hma lak mek a ni thu le mitin lo ngaiven dingin a ngen. Programme hmang zo hin Ujjawala scheme hnu-oiah a dit hai ta dingin sub-sidized in LEB bulb pakha-tah Rs. 50 peia zawr a nih.

Student vuo hliemtu a nu aia thawk; Mi vawtu nu (teacher) suspended

CCpur: CCPur Police a inthawk ei thu dawngnain a hril danin April 26, 2018 khan Koite khuo a Kumbi-pukhri Govt. Jr. High School –ah mi aia teacher sinthaw pakhat chun Class I inchuklai student pakhat nasa taka a vuok le sawisak le inzawma report/com-plain an dawng dungzuiin Police han mi vawtu chun-gah FIR No. 36(4)2018 CCP-PS u/s 324 IPC & 23 of Juvenile Justice Act, 2000 an file khum. Thu dawngnain a hril danin naupang hi District Hospital-ah admit a ni a, hi thil le inzawma Mr Sei-jamang Kipgen, s/o (L) Nengkhopao Kipgen of Khengjang Village in April 27, 2018 a Police kuoma

report a pek danin April 26, 2018 zantieng dar 1-2PM inkar khan a nau pathum hai laia Class I in-chuklai chu Social Science textbook a chawi naw leiin an hotu Demmang Haokip (30), s/o Letkhohao Haokip of K. Salbung in tinghmaw-lin nasa taka a vuok hliem thu a hril a, In lawn tlung thei lo hiela a um leiin a upa pakhatin In chen a

hung puok niin a hril. Hi thil tlung le inzawm report um dungzuia Police han an suizuinaah mi vaw-tu hi appointment teacher ni lo, mi aia thawk a nih ti hrietsuok le Mr Demmang Haokip hi a nu aia thawk a nih ti hmusuok a ni leiin a nu (a teacher tak) chu a sina inthawk suspended nitain Rakesh Balwal, IPS, SP, CCPur chun a hril.

Saikot TD Block Office-ah Ayush-am Bharat meeting

CCpur: April 28, 2018, 12:00Noon khan Saikot TD Block Office-ah Prad-han Mantri-Rashtriya Sw-asthya Suraksa Mission (PM-RSSM) (Ayusham Bharat) le inzawmin Pi Lal\hazam, MCS, SDO, Saikot le Dr Jire Pudaite hai inrawinain meeting nei a nih. Hi meeting-a hin Saikot Sub-Division huop sunga khuo tum tum 31 haia Vil-

lage Authorities le ASHA members hai an \hang tawl. Ayushmen Bharat Ab-hiya hi CMHT ang deu sawrkar thlungpui hnuoia health scheme chikaht a ni a, hi scheme hnuoia Card nei han damnaw hunah sawrkar thlungpuia inthawk Rs. 5 lakh chen \hangpui-na an hmu thei ding a nih. Hi le inzawm hin meet-ing huna mipui hai hrilhri-etna nei a nih.

Ganja Kg. 653 zet leh pasal pakhat an man

imphal: Army-a Se-napati Brigade chun Saikul Police hai le \hangruola Saikul Bazar, Kangpokpi district-a Tata Sumo Reg. No MN 05C-2559 sukchaw-la an dapnaah Ganja kg. 653 zet dapdawkin motor a chu-ong Mr Thangpu Hangsh-ing (42), s/o H. Chaoba, N.

Phailen Village, Saikul Sub Division leh anman. Mana um pa kuta in-tahwk hin Aadhaar Card, Driving Licence, sumfai Rs. 1000/- dapdawkin an man sa bawk. An thil man hai hi April 27, 2018 khan Saikul Police Station-ah an peklut. (PIB-DW)

cW Games Gold Medalist-hai Governor in lawmpuina a nei

imphal: Gold Coast, Australia hmuna Com-monwealth Games, 2018 a Manipur mi Gold Medalist pathum, World Boxer Pi MC Mary Kom le Weight-lifters Saikhom Mirabai Chanu le Khumukcham Sanjita Chanu hai chu zani khan Manipur Governor Dr. Najma Heptulla in Raj Bhavan, Imphal-ah lawm-puina a nei. MC Mary Kom hi 45-48 kg category a Gold Medal lak a ni a, S. Mirabai Chanu le Kh. Sanjita Cha-nu hai hi 48 kg Category le 53 kg category haia Gold Medal lak an ni thung. Governor Dr. Heptulla chun state le national level el ni lo, international level

a Manipur mi in a pakhatna ngat an lak thei chu ropui a tiin a lawmpui thu uor ta-kin a hril. Manipur nuhmei thaw\ha hai hin, anni ang bawka mithiem le hrat tak tak siemin, India hi nation-al level-ah an ngirsuokpui tum ding a nih. Manipur mi han sports tieng theina tamtak an nei a, B. Chaoba Sharma in ‘Modern Indian Round Take Down’ a siem suok dam hi thil ropuitak a nih. Hienga hmalakna tum tum hin Manipur state hming a siem a nih tiin Dr. Heptulla chun a hril. Dr. Heptulla chun ‘Ma-nipuri Pony’ pawimaw zie thu khawm hrilin, Pony humhalna ding hin fund

raise thaw a \ul a nih tiin a hril. Central sawrkarin Ma-nipur state ta dingin thaw ding tamtak a la nei a nih tiin Dr. Heptulla chun a hril a, Sports University a func-tion \an le inzawmin, Union Minister of Sports khawm Manipur a inzin dingin a fiel thu a hril bawk. Sports Minister Pu Letpao Haokip hmalakna hrilmawi in, Ma-nipur state in a pawimaw tak ‘Football Academy’ thua Union Sports Minister an biekpui chu lawmum a ti thu a hril bawk. Gold Medalists hai lawmpuina a hin Youth Af-fairs & Sports Minister Pu Letpao Haokip le medal dawngtu sunghai an \hang. Programme pui tak an \an hmain Governor chun Sajik Tampak, Chandel District a ‘St. Mary and Sajik Tam-pak Government Higher Secondary School’ stu-dents hai inbiekpuina a nei. Students hai chu 4th Assam Rifles, Sajik Tampak in ‘exposure tour’ a huoihawt le inzawma Imphal a ni 2 cham dinga um an ni a, an rengin students 28 le teach-ers 8 an nih.

Post office thawktu han inthlana an nei

CCpur: Tuibong-a Head Post Office (Mukhya Dak Ghar), CCPur thawktu han zani zantieng 3:00PM khan a sina pension H. Chinmuan-thang, Superintendent of Post Master, Head Post Of-fice, CCPur inthlana an nei. Hi huna hin Diu Goon le staff \henkhat han inthla-nain Belpui le Memento hai an inhlan a, staff \henkhatin ngaihruinain puon insiltirna an nei bawk. Chinmuanthang hi March 29, 1990 a inthawk Postal Dept. a thawk \an a ni a, April 29, 2018 a in-thawk pension ding a ni a, sienkhawm a pension ni ding hi Pathienni cahwl a ni leia

thawktu han zanita farewell programme an hmangpui a nih. H. Chinmuanthang pen-sion lei hin Singngat Sub-Post Office-a Supdt. of Postmaster ni lai T. Lam-khanthang in Tuibong Head Post Office-ah Superinten-dent of Post Master hung chel a ta, CCpur Sub-Divi-sion a Overseer Cash chel mek Md. Tahir Ali in SPM, Singngat chel a tih. Chun, New Lamka Sub Post office a SPM Chin-neihlam chu IICA, Gurgaon tieng sawn a ni leiin Diphu Goon PA, CCPur SO in a sin hi chel a tih. Head Post of-fice-a hin thawktu 24 an um.

PTC CWC Chairman dingin V. Vungzathang

CCpur: PTC GHQ kum 2018-2021 sunga \huoitu ding mi 21 thlang an ni hnungin zanikhan PTC GHQ Office, Hiangtam Lamka-ah Office Bearer ding thlangna le cabinet formation nei a ni a, hi huna hin CWC Chairman dingin V. Vungzathang

thlangtling a ni a, Vice Chairman dingin G. Vung-suanthang thlangtling a nih. Chun, PTC GHQ Presi-dent dingin K. Suanthang thlangtling a ni a, Vice President dingin khingtu um lovin Dr DK Mang a tling a, General Sec-retary dingin Thangza-

muan Tombing thlantling a nih. Finance dingin N. Vialkhanthang; Secy. (Organisation) dingin V. Gouthianmuan; Secretary (Internal) in T. Awnkhan-lun; Secretary (External) dingin Chinkhup R. Tomb-ing; Secy. (Custom & Cul-ture) dingin Nengkhansuan Guite le Treasurer dingin T. Singneng thlang a ni bawk. |huoitu thar hai hi Pre-siding Officer Dr Lalza-gou in intiemkamna an nei tir a, Pastor Letzathang Guite in \awng\aipekna a nei. |huoitu hlui le thar han May 1, 2018 khin PTC Ghq office, Hiangtam Lamka-ah charge inhlanna nei an tih.

Imphal-ah World Veterinary Day 2018 hmangimphal: Zani khan Lamyanba Shanglen, Pal-ace Gate, Imphal-ah Di-rectorate Of Veterinary & AH Sciences, Government of Manipur hmalakna in “The role of veterinary profession in sustainable development to improve livelihoods, food secu-rity and safety” ti thupui hmangin World Veterinary Day 2018 hmang a nih. Hun hmangna-ah H. Dingo Singh, MLA khuollienin a \hang a, thu a hrilna-ah, mi-hriem le ransahai inlaich-inna hin mihriem hringnun dawmsangna dingin ham\hatna tamtak an tlun thei a nih tiin a hril. Veterinary department in vaccination hai pea ransa an enkawlna chu inpakum a ti thu hrilin, hmabak peia mihriem hai

hringnun \hat lemna dinga an sinthaw sunzawm pei dingin Pu H. Digo in in-fuina a nei. Programme a \hang dingin districts tum tuma Veterinary staffs hai an fekhawm a, Pu H. Chaoba Singh, Director (retired); Pu S. Joy Kumar, Secre-tary (Vety. & A.H) le Pu Sumant Singh, IAS hai chu khuol inzaum le functional

president in an \hang. Hun hmangna-ah Department dawmsangna dinga sinthaw \ha b$k Dr. N. Muncha Devi, Veterinary Officer, Kwakta Vety. Hospital; Ch. Ajanta Devi, Vety. Field Assistant, Akampat Vety. Dispensary le N. Dias Singh,Vety. Attendant, Kakwa Vety. Hospital hai chawimawina in Awards le citation inhlan an nih.

Diesel Auto drivers han protest an neiimphal: TRPC (Traf-fic Regulation and Park-ing Committee) in meeting neiin Imphal khawpui-ah Diesel Auto inluttir ta lo dinga an rel anga thu an hriet leia lungawi lovin, zani khan Kiyamgei, Lil-long, MU le Kwairamband Keithel inkara Diesel Auto drivers han Manipur Uni-versity gate bul lai an Auto park khawmin protest an huoihawt. TRPC meeting chu April 25, 2018 khan nei a ni a, chu huna chun CM Pu Biren Singh in Imphal khawpui-ah Diesel Auto inluttir ta lo dingin a hril a nih tiin ‘local daily paper’ pakhatin an suo a nih. Chuong lai zing chun, TRPC meeting a \hang ve MAHUD Director Pu Gitku-mar in ISTV a hril dan chun, CM in Diesel Auto ban din-gin a ti nawh a, mithiem han study \ha tak nei hai sienla, Diesel Auto pung hrat em

em leia traffic buoina ch-ingfel dan le, Diesel Auto hai enkawl dan \ha lem siem thei nisien \ha a ti thu a hril chau a nih tiin a hril. CM in ‘auto rickshaw’ le ‘diesel van’ hai hi ‘state bus service’ le ‘E-rickshaw’ han thlak thleng thei a ni el dim tia a duthusam a hril laiin, news-paper chun “CM in diesel auto hai city bus service le e- rickshaw in a thleng ding” tiin an insuo dai a nih tiin Pu Gitkumar chun a hril bawk. Auto drivers hai chun sawrkar thutlukna theitaw-pin an dem a, diesel auto banned a ni chun, an fakza-wngna ding ‘electric rick-shaws’ loan a pe dingin an ph<t a nih. Manipur a hin rickshaws registration nei 18,000 neka tam a um a, banned a ni chun sungkuo 18,000 neka tam a nghawng ding a nih tiin Huiyen Lan-pao Daily-ah N. Hementa, Editor chun a zieklang.

Hmasawnna Thar2

THUHRILTU ROPUI REV. DR. BILLY GRAHAM:(november 7, 1918 – February 21, 2018)

~Rev. Dr. J. L. SongateMalsawmna In, Lal Veng,

Sielmat

thlatun (april) 29, 2018 pathienni (sunday) artiCle/health & emplOyment neWs

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute: Co-Editorlalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

VAWISUN THUPUIHi khawvel dan ang hin um naw unla, Pathien ditzawng, a \ha le lawmtlak ni dingin, in taksa chu inhlan dingin ka ngen cheu a nih; chuchu in rawngbawlna awm hrim a nih. - Rom 12: 2

Nupa NunMihriem Nupa ni ta chun, Nupa inngei em em, nupa tuok inngaizawng em em el, nupa tuok inhmangai le inrem diel diela um hai hi inhnar um takel an nih. Nupa tuok inrem lo hai chun hnuoi hi hremhmunah an hmang a nih. Van hremhmunah an la tla diel lem chun a dabawlin hremhmun rinumna an tuor ding a nih. Hieng a ni lei hin pasal, nuhmei la hung nei dinghai, nuhmei pasal la hung nei dinghai hi an fimkhur a \ul bek bek el a nih. Nupa in\he hi a \ha naw a, a ri-num takzet a nih. Nau le te nei hnunga in\he lem chu a rinum zuol bik a, thil pawi nasa tak a hung intlun hlak. Hi lei hin an hawi le a rinum, pasiet le hausak hun, upat hnung, tar hnung le vuoi hun hai chena ei inngaizawngpui thei ding hai chau nuhmei le pasala nei ngei ngei tum ding a nih. Hmel le hausakna hai hi fak zing thei a ni nawh ti hi hriet tlat dinga \ha a nih. Mihriemhai hi khawl (machine) ang tho, enkawl \hat naw chun ei engine hi an vir ding angin an vir \ha thei ngai naw a, a chang lem chun a nuorin a hung se thei hlak. Hi lei hin nupa tuok ei lo ni ta chun, hman-gaina tel, lunginsietna tel, ditsakna tel, inpakna tel, dawtheina tel, ngaipawimawna tel le hrietthiemna tel dam innaltuo rawp a \ul hlak. A chang leh ei taksa bung hran hran (parts) hai hin \hat lo hun an hung nei hlak. Hi huna hin ei part \hat nawna lai hai chu en-kawl a, siem \hat vat vat hlak ding a nih. A sietna lai ei siem \ha zung zung chun, ei dit le ei nuom dan ang takin ei engine or ei part chu a hung invir char char pei thei ding a nih. Damdawi pek si lo le a mamaw em em el a tel nal mang si lova nuom hun huna nuoi vir tum hi chu nuhmei le pasal han ei ngei naw a, ei tuorhlain ei sietpui hlak. Ei Bible khawma nuhmeihai hi Bel kawi awl leh a tekhi a nih. Hi lei hin pasal lem chun nuhmei lem na nana chu duot hlak ding a nih. Nupa inngei lona san tam tak chu pasalin nuhmei an nei hin thlai suongna khawl, bu sukna khawl, tui chawi khawl, hmunphit khawl, nau nei khawl le a \ul taphawt thawtu khawl amanih an sawn le ngai hlak lei a nih. Suna an in-vir char char a, zan huna pasal sukhlim le suk lun-gawina dingin an pei naw sa sa khawma inhmang a lo \ul chang a um bawk hlak. Hi huna hin chu inhri-etthiemna pasal han an nei hi thil \ul le makmaw a nih. Pasal zurui \henkhatin hrietthiemna an nei thei ngai naw leiin nupa inkarah buoina, harsatna le inrem nawna chen a hung suok pha hlak. Nuhmeihai hi khawl le inang nawna chu taksa na el chau ni loin lungril na an nei thei a. Ngaidan khawm an nei thei a, chu ngaidan chu an hmang thei naw nasa taluo chun an lungril a hung intar a, chu thil chun nunsietna an tlun a; mi hrat naw deu hai lem chu in-vetna hiel an tlun thei hlak. |henkhat lem chun natna an hung hau pha hlak. Pasal han ngaisakhai sienla an nuom taluotnaah nat dam an nuom hlak. Nat khawm an nat pha hlak. Doctor-hai chun nupuihai lai invet an tam thu an hril hlak. A tlangpuiin lungril sawl taluo lei le ngaituo tam taluo leiin invetna hi a hung um hlak. Ngaituo ding nei bar lo, hlim tak le innui huou huou a um zing thei hai chun invetna ding san an nei ngai nawh. Lungril sawlna hin ngaituona thluok a chawk-buoi thei hlak. Mihriem chun lungril hadam hi ei ma-maw hle a, hrisel theina chikhat a nih. Pasalhai ta ding chun nuhmeihai lungril hadam taka an umna ding hi an ngaituo sa rawp a \ul a nih. Khawl le motor chi hran hran hai khawm hi a tel nal \hat naw chun a \ha sawt thei naw ang bakwin nuhmeihai chu khawl ang deuin ngai ta inla, tel nal rawp an ngai a nih. Nisienlakhawm tel chu pasala in-thawka bun dawk ngai a ni tlat bawk si. Nuhmeihai chu neitu nei an nih. An nunghak laiin nu le pa ta anni a, pasal an hung nei ta chun pasalhai ta anni tah. Hi lei hin nuhmei duot le enkawl chu pahai mawphurna a nih. Pa’n a mawphurna a thaw hne chun nupa tuok le sungkuo an hung hlim hlak. Chun, nupuihai khawmin pasalhai hi tharuma hrat lem le iengkima thil thaw thei lem khawm nihai sien-la, ei piengsuoka inthawka mihriem han ei mamaw le ngei em em chu “Duot” hi a nih ti an hriet. Hi lei hin papuihai hin duot an nuom a nih ti hi nupui han hriet tlat ding a nih. Pasal anni an nawm ti le induot chu a pa nawthlak ti lungril hi nupui han an lungrila an ngaituo le an put ding a ni nawh. Ienganga insuk pasal le intisek khawm nihai sienla mani nuhmei hai duot le ngaisak hi chu papui han an beisei a nih ti hi a thar taka nupui han hriet a, a practical-a an thaw ding a nih. Duot hi mitin lawmzawng le hlimna a nih.

Khawvel pumpui h<opa thuhriltu ropui le hming inthang em em, Rev. Dr. Billy Graham chanchin hi Kristien Magazine, Vol. LXI, No. 04, April 2018 issue a

hung insuo ani a. A thuhai thleng met le belsa in Hmasawnna Thar tiemtuhai tiem ve dingin \angkaina a nei chun ti a hung insuo a nih. Rev. Dr. Billy Graham hi eini Kristien sungkuo a mihai a hming hrelo v^ng phar ei tih. A hming lo hrelo pal a b$kin Kristien s<ngkuo a mi ei um chun mawl tak le ch<t tak eini el thei. Rev. Dr. Billy Gra-ham hi November 7, 1918 khan Charlotte, North Carolina, USA a a pienga. A chanchin hi t^wite a ziek lang seng el ding ani naw leiin, a pawimaw z<ol b$khai chau ei ziek ding nisien. Rev. Dr. Billy Graham hi a pa hming chu William Franklin Graham Sr. a nih, Farm (lo neitu) niin, Associate Reformed Presbyterian Kohran a inkhawm a nih. A na<hai hi Pathien thu thataka enkawl hlak mi a nih. Sienkhawm, Rev. Dr. Billy Graham chun Pathien thu a hriet a chu, piengtharna tak a nei naw leiin r<ok taka umin an hriet hlak. Tleirawl a ni lai, kum 1934 khan Dr. Mordecai Fowler Ham in beiruolna a neina hmunah, Isu Krista chu Lal le Sandamtu dingin fie takin a pawm ta a. Hi taka inthawk hin, hnungkir nawk ta ngailo in ringna nun a puitlingna lampui a hraw ta pei a nih. Pathien rama rawngbawltu ni a nuom leiin kum 1937 khan Florida Bible Institute, Tampa khawpui kawl, Florida ah Bible an chuka. Kum 1939 khan Southern Baptist Pastor haiin rawngbawltu dingin namdetna (ordination) pek a nih . Wheaton College, Illinois hmunah an chuk zawm nawka, kum 1943 khan Anthropology subject ah a graduate a. Hi kum v>k hin, Wheaton College a a classmate, Ms. Ruth Bell leh Au-gust 13, 1943 khan Montreat, North Carolina, USA ah an innei a. Nau pasal pahni le nau nuhmei pathum an nei a nih. A tarpu pa, Dr. L. Nelson Bell, hi General Surgeon thiemtak el Presbyterian Medical Missionary sin China rama kum tamtak lo hang thaw ta a nih. Dr. Billy Graham hi Pathien thuhril thiem tak ani leiin, kum tawite sungin a rawngbawlna chun ra nasatak el an suo a. USA ram pumpui chu a rawngbawlna hu-vang chun meipui angin a chawk z<r z<r ta a. Khawvel pumpui huopin rawngbawlna a fe senglo ding khawpin fielna a hmu a nih. Pathien thu a khir zawnga hril lo in, a ng^ituhai in Pathien thu awlsam taka an hriet le man thei dinga hril a thiem em em el a nih. Rambung hran hranah fielna dawn senglo a hmupei leiin, kum 1950 khan ‘Billy Graham Evangelistic Association (BGEA) an indin ta hiel a, Minneapolis, USA ah Office lientak an hawng ta a nih. USA Khawpui lien a hai le rambung hran hranah Crusade lien tham tak tak neiin, hun awl hrim neilo in Isu Krista Sandamna thu chau hrilin khawvel hi vawitam a hel suok a nih. Crusade a neina a hai hin mipui a sing tel tel ngawtin a thuhril ngai dingin an f<on khawm hlak.Crusade a neina hai a rengin ei suklang seng thei naw ding ani leiin hmun pathum a a neina chau hang suklang hram inla. Kum 1991 khan New York khawpui, USA ah Crusade a neia, hi huna hin a thuhril ngai dinga fekhawm mipui 250,000 (nuoi hni le singnga) lai zet an nih. Mipui nuoi hni le singnga lai hang fekhawm chu thu mei mei ani nawh. Mipui hu-vang ringawt hang rik ding zie chu ngaituo khawp a tling a nih. Hi Crusade a hin sap pachal le nunghak sing tamtakin an hringna Isu Krista tading chauin a an hringna an inhlan a nih. A pahnina a dingin, Kum 1972, November 17-22 inkar sung khan Kohima Crusade, Kohima khawpui Nagaland ah a hung nei a. Rev. Dr. Billy Graham Crusade hi ‘Kohima miracle’ ti khawma ko hiel a ni bawk. Hi Crusade a danglamna lientak pakhat chu hi Kohima Crusade hun sung hin, ‘Naga ramhnuoi mihai (underground) chenin India Sipaihai laka inkap chawl (ceasefire) an puong a nih.’ ti thu kha I lo hriet hlak? Ramhnuoi mihai khawm a za telin Kohima Crusade a hin an \hang a nih. Kohima Crusade a hin Naga papui, tlangval, nunghak le misuol tamtak an piengthara, Isu Krista tadingin mi a sing telin an hringna an inhlan a. Kohima khawpui hmun dang po po chu a re vawnga. Ui hawn ruol chau kawtthler ah hmu ding an um an ti hiel a nih. Kohima Crusade a hin mipui thuhril ngai dinga fekhawm 103,000 chuong an tling a nih. Kohima Crusade hin rasuok ropui tak el a hau khawp el. Nagaland a re-vival tlungin, Nagaland Missionary Movement (NMM) indina umin, Naga nunghak le tlangval tamtak India ramril le khawvel hmun hran hran a hai Missionary dingin tamtak tirsuok an nih.Vawisun chen hin Nagaland ram I lut pha chun, poster tamtak a inziek, ‘Nagaland for Christ’ an tar fer-fur a ni saw. Eini a bikin Kristienhai chun ei hang pawng nel ngam nghal ve tlat. Nagaland ram saw a boruok inhawina tak pakhat chu an Police hai hrim hrim sawn, Kohran motor le Pastorhai motor an ditsakin an inza tlat! A pathumna dingin, Rev. Dr. Billy Graham a Crusade thawna a a thuhril

ngai dinga fekhawm tamna taka an record chu June 3, 1973 a, Seoul khawpui Korea hmunah a Crusade a hang neina kha a nih. Hi Seoul Crusade a hin a thuhril ngai dinga mipui fekhawm chu mipui 1.1 million (maktaduoi khat le singkhat) lai an nih! Mipui maktaduoi khat neka tam fekhawm chu tam nasa chem chem tak a nih. An tam nasa hem hem hle el! Mipui hu-vang ringawt khawm ennuom um tham ni ngei a tih. Seoul

Crusade hin ra ropuitak an suo nasa hle. Korea rama kohranhai in Isu Krista chanchin hrilna kawngah phurrik thar lientak an nei a. Missionary tamtak el khawvel hmun hran hranah an tirsuok <r <r a nih. Tuhin, khawvel a rambung zawnga in khi chun Korea ram hi khawvel ramdanga missionary tirsuok tamna taka hril phak ani ta hiel a nih. Rev. Dr. Billy Graham mihai ngai ropui a hlawna lien-tak chu, a rawngbawlna kha a pawimaw taka a sie tlat hi a nih. NBC Television Company lientak haiin an TV channel a Pathien thuhrilna hun minute 20 nei a, a thuhrilna a hin, 1 million dollar (dollar maktaduoi khat) kum khat sunga lawmman a pek dingin an fiel a chu a hnawl ngam tawp. A Crusade neina ding an fielna pro-gramme danghai a sukbuoi ding ani tlat leiin. Pathien thu minute 20 chau a hunbi nei a, kumkhat sung dollar maktaduoi khat hlaw bawk ding a hang hnawl ngam tawp el hi chu a mak ngei! Eini rawi chu ni tawl inla chu, Pathien thu hril bawka hieng zat hlaw dinga hang infiel chu, Pathien mama hi a \hain ami hmangai a ni ie, Pathien remruot ngei ani hi, ei ti tawl nghal el naw di’m ani aw?

USA ram hi an hausa bakah, indona thuomhnaw an neihai po po hi khawvel a a \hatak a ngai a nih. Tu ram hneban theilo dinga ralhrat khawkh>ng anni leiin, a cho ngam an um nawa. an huphur seng a nih, Hi lei hin USA President nina sin cheltu phawthai hi, khawvel a mi thilthawthei tak le sin ropuitak cheltu a ngai a nih. A mak danglamna tak chu, USA President sin chel phawt hai hin, Rev. Dr. Billy Graham hi ruol\ha takin an man vawng el hi a nih! USA President Harry S. Truman a inthawk tuta President nilai zing Donald Trump chenin an tlawn \ha dawp dawp vawng hi a makna thur<k pakhat a nih. USA President Lyndon B. Johnson lem chu President sin a chellai, Rev. Dr. Billy Graham in kum 1965 a Houston, Texas,USA a Crusade a neina hmunah mipui lai a thuhril a va ngai ngat a nih. Rev. Dr. Billy Graham, thuhriltu ropui hi ditsak tlak le chawimawi tlak ani ang hrimin, chawimawina a dawng nasa hle. ‘America mi a dam zinghai laia ropuitak’ nina chanvo inhlan ana. Protestant Kristien, Roman Catholic haiin Doctorate Degree an inhlan hmasa tak nina chanvo a h^u bawk. Kum 1967 khan Roman Catholic hai College inlar tak el, Bielmont Abbey College, Bielmont chun an thaw ngai derlo ditsakna insang tak Doctorate Degree hi Rev. Dr. Billy Graham, Protestant Kohran kuomah an inhlan a nih. Kum 1983 khan US Presidential Medal for Freedom, Presi-dent Ronald Regan in an hl^n a. Kum 2001 khan England Kumpinu Elizabeth II na in Knighhood tangkapui a p>k bawk. Doctorate Degree 20 chuong lai ditsakna a dawnga, a hnawl hlawl tamtak a um bawk! Thuhriltu ropui chau nilo in lekhabu 33 lai zet a ziek bawk! A lekhabu ziekhai pakhat chau suklang inla, ‘Facing Death & the Life After’ ti lekhabu hi mi lungngai beidawng sing tamtakin malsawmna an dawngna lekhabu a nih. Kum 2001 a World Trade Center an bomb siet zo a ni thum hnung, September 14, 2001 khan, Memorial Service,Washington National Cathedral hmuna an neina hunah thuhrilna hun ditsak taka la pek a ni a. A hriselna a tlahnuoi pei a. A sermon nuhnung tak chu DVD in an siema, a thupui chu, ‘MY HOPE AMERICA’ (America Ka Beiseina) ti chu November 7, 2013 khan a kum 95na Birth Day huna tlangzar a nih. Hi DVD hi mipui ngainuom le ennuom a hlaw nasa khawp el. A hung upa ta leiin a mithai a chau bakah a na a hung s>t bawk. Cancer le Pneumonia natna hai leiin a taksa a hung chau ta pei a. February 21, 2018 khan Montreat, North Carolina hmuna a chengna Inah, kum 99 a upa niin muol a lo liemta a nih. Rev. Dr. Billy Graham a thi thu hin khawvel a nghawr hning nasa hle. Mi maktaduoi tamtak Krista kebul a thuoitu ani leiin a suntu an tam ngei el. A vuina hunser a hin, USA President, Donald Trump hai nupa le Vice President Mike Pence hai nupa khawm an \hanga. An body-guard hawn hang invir buoi nak nak dam kha en nuom a um letling lem hiel ani kha maw. Rev.Dr.Billy Graham in a thuhrilna a alo hril rawp hlak, ‘Ieng tik ni am ani chu Billy Graham a thi tah ti in tiem le in hriet hun la um ngei a ta. Chu thu chu awi chi ni naw ni a, tuta nek hin ka hring lem chau ding ani si a. Ka umna address chau thlengin, Pathien kuomah ka fe lem ding ani si a’ a lo ti a. Chuong angin, thonawkna huna ropui taka thonawk dingin, khawvel mi lien le ropui tamtakhai uopna hnuoiah ropui taka vuina hunser hmang a nih. A thuhrilna a lo hril hlak angin, a umna address a lo thleng ta a nih. Rev. Dr. Billy Graham anga Pathien thuhriltu ropui hi ei chengna khawvel hin nei nawk hun um a tim ti ruok chu Pathien kuta um a ni si a. A TAWP

Diana Hayden thua a \awngkam Tripura CM an sir; C Engg students han CS exam an pek dinga hrilaGartala: Miss World dinga Diana Hayden a fit naw thu le a chungchang thu mawi lo taka a hrilna thua mi tam takin an sa-wisel hnungin, Tripura Chief Minister Biplab Ku-mar Deb chun a \awng-kam suok chu an s$r thu chanchinbumihai kuomah a hril a, tu natna dinga \awngbau a nei naw thu a hril bawk. “Tripura state a handloom products (puon-khawng) hai zawrsuok dan ka hril a ni a, ka thiltum chu midang suknat le an hming suksiet a ni nawh. Ka \awngbau leia na an um chun pawi ka ti hle. Ka nu \hangin nuhmei taphawt

kan z^ vawng a nih” tiin Mr. Deb chun a \awngbau thuah hrilfiena a siem. Mr. Deb in 1997 kuma Miss World Diana Hayden thu a hril a, Aishwarya Rai leh tekhi in Miss World a tling theina san chu a thuom international market a suklar tumna lei a nih tia \awngbau a nei hnungin, kiltin kiltanga inthawk mi tam takin an sawisel a nih. Beauty pegeants hrim hrim organisers han a tling ding an sukfel sa niin Mr. Deb chun a hril a, Diana Hayden laka chun Aishwarya Rai hi Miss World dingin an fit hle a, tuchen hin Diana ang lo takin India sukmawitu a

la ni zing thu a hril bawk. Mr. Deb in Diana thua a \awngkam leia thupha a chawi lai zingin, Civil ser-vice day hmangna-ah mi tamtak ngaiven \awngbau thar a nei nawk. Mr. Deb hin Mahabharata hunah Internet le satellite a um tah ti le Miss World 1997 Diana Hayden Miss World dingin a fit nawh ti \awng-kam chau ni lovin, thu a hril zatin mi ngaiven le inselna chawksuok thei \awngkam pakhat bek a saksuok zie hlak niin an lang. April 27, 2018 a Civil service day hmangna huna Mr. Deb in thu a hrilna a chun, Civil Service Ex-

amination hi Civil Service ding thlangna a ni leiin, Mechanical Engineering ni lovin Civil Engineering students han an exam ding a nih tiin a hril. Mr. Deb chun, “inhma khan civil service examination hi ‘hu-manities background’ nei han an pek tlangpui hlak a, tu ruok hin chu doctors le engineers hai khawmin hi exam hi an pek ta hlak” tiin a hril bawk. Mr. Deb chun a hril peina-ah West Bengal CM Mamata Banerjee cho-na a siem a, “kum 3 sungin Tripura state hi West Ben-gal nekin ‘growth rate’ in-sang lem a tih” tiin a hril.

Naxal cadres 7 kaphlum, 1 manraipur: Zani khan Chhat-tisgarh hmun pahni-ah Naxal cadres 8 kaphlum le man an nih. Naxal cadres 7 kaphlum hai lai chun nuhmei 2 an \hang a, inkaptuona chu Se-curity Forces le district Po-lice \hangruola Ilmidi area, Bijapur district hmuna dap-pui an thaw huna tlung a nih.

Naxal cadres 7 hai ruong chu inkap chawl le inruola hmu nghal an ni a, inkapna hmuna chun rocket launch-ers, 303 rifle le revolver \hangin ralthuom tamtak man an ni bawk. Zani bawk khan Chaiba-sa, West Singhbhum district-ah National Investigation

Agency (NIA) han Janata Dal (U) MLA thatna a \hang Naxal cadre Sushil Dangil alias Chris an man. Chris chu an \huoitu inpe tah ‘Kundan Pahan squad’ pawla \hang a nih. JD (U) MLA chu 2008 kuma kha that a ni a, chutaka inthawk Chris hi police han wanted list a an sie tah a nih.

Dâm a tla hlum students 3 hai 3 lakh sengChennai: April 25, 2018 a ECS Matriculation school, Chennai students summer camp an nei huna Mulshi dam a tla hlum stu-dents 3, S Saravanakumar, K Danish Raja le G San-thosh hai chu luongman Rs. 3 lakh seng pek dingin zani khan Tamil Nadu Chief Minister, K Palaniswami

in a puong. Summer camp a chun an teachers hai leh students 20 vel an \hang a, dam a tla hlum students pathum hai laia Raja chu a khawmi han a ruong an laksuok niin, a dang pahni hai chu sansuokna sinthaw National Disaster Response Force (NDRF) hai laksuok an nih. Tamil Nadu CM in

thupek a siem dungzuiin luongman chu zani khan Rs. 1 lakh seng pek nghal an ni a, Rs. 2 lakh dang chu Chief Minister’s Public Re-lief Fund fethlenga la pek dinga ti an nih. Thiltlung thu hi CM chun suichieng-na nei dingin School Edu-cation department hai thu a pek bawk.

Pakistan hackers group mi 2 manneW delhi: Zani khan Delhi Police Special Cell han pro-Pakistan hackers group hai hmunpui, India rama web-site 500 vel sawisa hlak tah an dap a, an group members Kashmir mi 2 an man. Hackers group hai chu Pakistan rama hackers group dang leh thaw tlang hlak niin, groups \henkhat chu Pakistan Intelligence Agencies le \hangkawp an nih tiin Delhi police thusuok chun a hril. Mi 2 mana um hai chun sawrkarin access dinga website \henkhat a khap hai Virtual Private Network (VPN) hmanga lut dan Kash-mir \halaihai an inchuktir hlak nia hril a nih.

KA PILE NATNA A MI SUKDAM PEKAshma natna invawi ka ni leiin nasa takin kan khul a, ka tha a zawi a, ka hnar a ping a, ka awm a na hlak. Chun, ka lu khawm a sukna a, a chang leh ka hnar sun-gah thil inbawk a hung um a, a na hle hlak a. Ka kutparhai chen a suk zawi hlak. Ka beidawn-gin MV Azad Phusam ka pan a, damdawi a mi pekhai ka faka inthawk ka hung dam tah. A mi enkawl dam lei hin ka lawm hle a, hi Chanchinbu fethleng hin MV Azad Phusam chungah lawmthu ka hung hril. Ashma natna neihai ta dingin pan chi a nih. MV Azad Phusam hi Centre Road, Opp: J.P. Selection near Police Traffic Point, CCpur a pan thei le contact num-bers 9089738275/ 7628890261 haiah rawn le inbiekpui thei a nih.

Lawmthu hriltu,sd/-minlen

Old Bazar, CCPur.

3thlatun (april) 29, 2018 pathienni (sunday) natiOnal/internatiOnal & advertisement Hmasawnna Thar

laKtaWi

(25-29)

(25-29)

FOOT BALL ACADEMYFootball under 15 years boys Academic hawn ani a, tel duh tan ngaihven theih a ni e. Place: M.Y.C. play ground (muolvaiphei) Time : 6:00 am (morning) Date : 7 may 2018 a tan tur Admission fee : Free Monthly fee : 300/-Participants te hi Jersey, pants, football te hi a thlawn (FREE) a pek an ni ang. Application form hi K.Sainghinga (Muolvaiphei)inah lak thei a ni e.

Contact details8837396730

K.Lalhriatpuia.(28,29)

INSTALMENTLED TV full High Definition, flat, World Cup Offer in size i dit ang ang Instalment, a man tlawmtein kan pek thei che, hung pan rawh.

First Come First Serve

Add: Sinlung Tech.Nehru Marg, CCPur; Near Appolo Junction# 8729905213/ 8258051965

(26,

27,2

9,1,

3,5,

7,9,

11,1

3)

FIelnA /InHrIettIrnAHmar Martyrs’ Day a vawi 28-na le inzawmin Hmar Martyrs’ Badminton Tournament a vawi 6-na chu 7th-12th May, 2018 sunga HMARTOB-in huoihawt a tih. Inhnikna nei taphawt hai ta dingin ngaiven thei a la nih.CateGOries: Junior (U-17) - Singles & Double -Entry Free Rs. 100&200/-Open - Singles & Doubles -Entry Fee Rs. 100 & 200/-Veteran (40 plus): Singles & Doubles -Entry Fee Rs. 100 & 200/-

Entry Form lak theina hai:-1. Parate Enterprise, Lighthouse Lane2. Life Cafe, Rengkai Road3. HMARTOB Office, Rengkai4. Kamin Shop, Synod BuildingContact no. 9774213120, 7085343057, 9615794598* Last date of entry form submission: On or before noon, the 6th May, 2018.

sd/- Convenors, hmartOB

KAn nGAI eM eM KAn pA ZONUNSANG

(18 April 1976 – 29 April 2017)

Ei chatuon hmun ding pana i milo inlawisan ni Kum khatna a hung inher suok hin kan ngai che a zuol ngei! Ropuina ram i lo inlawisan tah I nuhmei le I naunu hin kan in nghil theinaw che; Chu hmun pana kan hung mek lai hi milo thlir hlak raw aw. Kan ngai che.

- Zathangmawi le Nancy Lalthamawi

Myanmar Rohingya Tamtak An Tlansie Nawk: UNOunited natiOns: Myanmar hmartienga Rohingya Muslim hai umna bielah buoina thar Burma sipaihai le Muslim helpawlhai karah a suok nawk leiin Rohingya tamtak chun ti le thlabarin an tlan suok san nawk niin UN thusuok chun a hril. UNO thusuok chun, Rohingya l e M y a n m a r s i p a i h a i k a r a inhrietthiemnaw hun sawt taka mi tah chu a tharin a hung zuolkai nawk leiin Rohingya tamtak in an suoksan mek a nih tiin a hril. Myanmar hmartieng Rakhin-a Rohingya hai chu an tlan suok vawng tah hnungin, thlang tieng panga Kachin state, China le ramri lai khawm buoina thar a suok leiin Rohingya umhai an ral tlan nawk niin a hril. UN Office for the Coordination of Humanitarian Affairs (OCHA)-a hotu tak Mark Cuttis chun, kar thum liemtah sung khan Myanmar le China inrina tienga a kilkhawr takah buoina a suok thar leiin Rohingya mi 4, 000

vel chun an in le lohai an tlansiet san tah, tiin a hril. Hi number hin kum bul laia mi dang 15, 000 tlansie hai le Internal Displace Persons (IDP) hai umna camp-a um mi 90, 000 hai tiem sa lo an la nih tiin a hril. Hieng mihai hi, Kachin Independence Army (KIA) le Burma sawrkarin 2011 a inremna an neia inthawk khan Kachin le Shan state haiah an uma, an la um zing a nih tiin a hril.

Cutts chun, “Report kan dawng danin, tulai hnaia buoina thar suok leiin tuolsung mi tamtak chu tlan suok thei lova lan tang an la um niin an mi hril bawk” tiin a hril. Kan ngai pawimaw tak chu nupui nau pai naupang le upa, tarhai an nih. Hieng mihai him taka an um hi kan nuom tak le thiltum chu a nih” tiin a hril bawk. Myanmar ramri zulhai, ramdang le an inrina hai po po chu 1948 kuma British a inthawka zalenna an hmu a

inthawk khan an him naw bik reng a nih. Ramri zula hai hin helpawl le drugs a sumdawngtuhaiin intawmna an nei a, buoina dang dang a suok hlak a nih tiin a hril. Hun sawttak sipai rorelna hnuoia um Myanmar chu, 2016 a democracy hotu Ang San Suu Kyi-in a tling chun, inremna le muongna a buoipui hmasatak ding ti a lo hril tah a. A la ni thei chie nawh. Burma rama hnam tlawm lem ethnic minority hai chun autonomy ngenin mania ro inrel theina insang lem an demand fur a, buoina hi a re thei nawh. Ni kum August a inthawka khan, hmartienga Rakhin state a Rohinghai le sipaihai an insukbuoi a, Buddhist le Muslim buoina le inzawmin, Rohingya 700, 000 vel Bangladesh an lut tah. UNO le US chun ‘Rohingya hai nuoibo vawng’ tumah Myanmar sawrkar an tum a. Myanmar sawrkar ruok chun intumna hi a hnawl. (Reuters)

Israel Sipai Kap Hliem Palestinian Tleirawl Pakhat A Thi

Gaza City: Palestine hai umna Gaza City-a Health Ministry thusuokin a hril dan chun, Inrinni khan Palestinian tleirawl pakhat Israel sipai han an kap hliem chu a hliemna tuor muolsuo zo lovin Inrinni khan a thi tiin a hril. Thusuokin a hril dan chun, “Azzam Pweida (15) chu Zirtawpnia Gaza City lai nuorna an nei khan Israel sipai han an kap hliem a.

A hliemna tuor zo lovin Inrinni khan a thi a. Ama hi Palestine han Zirtawpni hmasa a inthawka nuorna an nei chin a inthawka Palestine mi a thi palina a nih tah” tiin an hril. Pa les t ine ha i chun Gaza City le Israel inrina lai nuorna an nei zing a. Palestine tamtakin Police hai lungin an deng hlak leia Israel hai khawma silaia an kap niin Israel

police thusuok chun a hril. Palestine mipui sang tamtak chun Israel ramri lai buooina va siemin an va khek khum hlak a nih. Palestine hai hin thla hmasak March 30 a intawk khan Great March of Return tin nuorpui an thaw a. Mi panga thi tain mi 1, 500 neka tam an hliem ta bawk. Israel mi chu pakhat khawm an la thi nawh a, hliem khawm an la um bawk nawh. B u o i n a l i e n l e m suok ding venga, rally thawtuhai chu dangkir an tum hlak a. Amiruokchu, \halai lungsenin lungin an deng nawleh saihliin ral a inthawkin an per hlak leiin Israel sipaihai ‘mipui hnawtzamna’ hmangruo hmangin an hnawt zam hlak niin an hril.(Reuters)

India le China in Afghanistan-ah ‘joint economic project’ nei an remtih

neW delhi/ Wuhan: China rama cham mek Prime Minister Narendra Modi le Chinese Presi-dent Xi Jinping han zani khan inbiekna an sunzawm nawk a, India le China in Afghanistan ram sukhma-sawnna dingin an ram sun-gah ‘joint economic proj-ect’ nei dingin remtina an nei. PM Modi le Mr. Xi hin Wuhan khawpuia inbiekna an nei nawk a ni a, project hmalakna ding thua chun a zaia inrawntlang pei a, strategy \ha tak siema \an dingin remruotna an siem. Tuta project hi India le China in Afghanistan rama project an nei vawi khatna ding a nih. Afghanistan rama China in India ram le project thaw tlang a tumna hin Pakistan lung a sukh-nuol pha dinga ring a nih. PM Modi le Mr. Xi han

inbiekna an nei huna hin India-China border region-ah inremna le muongna a um thei dan thu chipchier takin an hriltlang. Inbiekna a chun Foreign Secretary Vijay Gokhale khawm a \hang ve a, inbiek zova chanchinbumihai hmaa thu a hrilna a chun, PM Modi le Mr. Xi han an rambung sipaihai dan le dun \ha tak hnuoia keihruoi a, inpawna \ha lem siemin inremna le inhrietthiem tawnna sim\ha dingin thutlukna an nei tiin a hril. Mr. Gokhale in a hril peina a chun, \huoitu pahni hai hin ‘institutional mechanisms’ hai sukhrat a, border areas ngirhmun siem\hat a ni theina dinga sipaihai inkarah inpawna \he lem siem dingin an remtih tiin a hril. India le China ram hin danglamna

tamtak nei hai sien khawm, an inkarah inremna \ha lem a um theina dingin harsat-na tum tum chingfelna din-ga puitlingna le varna \ha tak nei an nih a, chuleiin, a khawtieng tieng khawmin an ngirhmun inhrethiem tawnin, ramri chau ni lovin, inzawmna tum tum an nei haia harsatna hai chu awlsam takin chingfel pei an tih tiin Mr. Gokhale chun a hril sa bawk. Inbiekna an nei huna \huoitu pahni hai chun India le China inkarah inbiekpawna \ha lem siema inpawna suk\hat a pawimaw thu an hril a, terrorism hi rambung in-laichinna suksietu a nih ti hre in, terrorism le a keih-nawi thilhai suktawp dinga \hangruol dingin an intiem tiin Mr. Gokhale chun a hril bawk. An inbiekna le inza-wma External Affairs Min-istry in thusuok a siemna a chun, PM Modi le Mr. Xi han India le China ram inkara sumdawngna sukh-rat zuol dingin remtina an nei tiin a hril. Sumdawng-na a hrat zuolna dingin sinthawtu insawr tawn le mechanism dang danga in\hangpui tawn \huoitu pahni hai hin an remti bawk.

‘Mann Ki Baat’-ah thu a hril ding

neW delhi: Prime Min-ister Narendra Modi chun PM a ni hnunga thla tina a thaw dan pangngaiin, vawisun dar 11:00 AM hin 43rd episode-na ding AIR fethlengin Mann Ki Baat programme-ah thu hril nawk a tih. PM Modi thuhril chu AIR le Doordarshan haiah Live a insuo ning an ta, Prime Minister’s Office le Ministry of Information official YouTube channels le DD News haia khawm insuo ni bawk an tih.

Van eksiden-ah mi 12 thi

luCKnOW: Zani khan Uttar Pradesh a Lakhim-pur Kheri-ah passenger 16 phurtu Van a chesuol a, a sunga chuong mi 12 thiin midang 6 na takin an hliem. Van chu Pasgawan police station huom sung National Highway 24 a chesuol niin, stationery dawr a baw nia hril a nih. Van driver le a \hangpuitu khawm a hmu-nah an thi ngal a, Van hi a tlan hrat taluo leia chesuol niin police thusuok chun a hril.

UP-ah kum 6 mi suollui

luCKnOW: April 27, 2018 khan Uttar Pradesh a Deori khuo-ah naupang kum 6 mi tleirawl pakhat kum tling lo bawkin a suol-lui a, a suolluitu chu zani khan man a nih. Nuhmeit-enu chu a suolluitu hin thil ramtin inhmutir dinga thle-min a room-ah a \huoi a, chu huna chun a suollui a nih. Nuhmeinu pa in report a peklut dungzuia a suollu-itu hi man a ni a, nuhmeinu chu zani ma khan medical test inthawtir a nih.

Bar Association in nuorna an chawlsanKOlKata: Calcutta High Court Bar Association chun an ngenna anga judges 4 le chief justice sawrkarin a ruot pek ta ding leiin, thla hni sung zet sin chawlsana nuorna an nei chu zani khan an chawlsan tah. April 30, 2018 (Thaw\anni) hin Law-yers han an sin sunzawm nawk tang an tih tiin Uttam Majumder, President, Bar Association chun a hril. Calcutta High Court chun January, 2018 chen khan pending case 2.22 lakh a nei a, hieng hai sukfelna ding hin judges tam lem ruot pek dingin sawrkar an nawr a, an ngenna sukpuitling a ni naw leia Bar Association chun nuorna an nei a nih. Judges 4 le chief justice chu karthar hin sawrkarin a ruot pek ding a nih.

Naxal cadre 3 an inpe RAIPUR: Zani khan Kondagaon district, Chhat-tisgarh-ah nuhmei \han-gin Naxal cadres 3, Sukku Korram (30), Palidhar Nag (27) le Andhari Nag alias Ajanati (22) hai chu Ab-hishek Pallav, Kondagaon Superintendent of Police kutah an inpek. Naxal cad-res hai chu Maoist ideology an in\awmpui thei ta naw leia inpe an ni a, sawrkarin dan a nei dungzuia sawm-dawlna pek ning an tih tiin Maheshwar Nag, Kondaga-on Additional Superinten-dent of Police chun a hril.

Naxal cadres 3 inpehai chu wanted le luman nei vawng an nih. Korram chu LOS (local organisation squad) active member niin luman Rs. 3 lakh a nei a, ama hi 2007 kuma Marda-pal police station r<nna a \hang le 2008 kuma Go-lawand culvert bula bomb puoka police constable 7 an thina a inrawlna nei a nih. Palidhar Nag le Ajanati hai chu luman Rs. 1 lakh le Rs. 10,000 nei an ni a, Nag chu janmilitia commander niin, Ajanati chu janmilitia member a nih.

Karnataka election a ding candidates 2,655 an um

BenGaluru: May 12, 2018 a Karnataka Legisla-tive Assembly election hung um dinga candidates han nomination an hnukdawk theina hun tawp chu zani hmasak kha a ni tah a, state Chief Electoral Office data dungzuiin election a in con-test ding candidates 2,655 an um a nih. Assembly elec-tion a ding hin candidates 3,509 in nomination an file a, scrutiny thaw hunah can-didates 271 hai nomination hnawl pek niin, candidates 583 chun April 27, 2018 zan khan an nomination an hnukkir a nih.

Candidates 2,655 hai laia 222 chu ruling Congress candidates an na, BJP in candidates 224 a nei a, Jana-ta Dal-Secular (JD-S) in 201 le Independent candidates 1,155 an um a, a dang po 800 chu national, regional le fringe parties candidates an nih. Candidates hai lai hin nuhmei 219 an um bawk. Kolar district sunga Mulba-gal constituency a chun can-didates 39 umin an tamna tak a nih. Assembly seats 244 hai chu phase khatin May 12, 2018 a inthlang ning a ta, May 15, 2018 hin vote tiem ning a tih.

Pasal huom dinga POCSO Act amendment thaw dingneW delhi: President Ram Nath Kovind in kum 12 hnuoitieng suolluitu thi dinga hremna pekna dan remtina a pek hnungin, sawrkarin hi dan hin nuhmei chau ni lovin, nuhmei pasal-na thila tuortu pasal khawm a huom theina dingn POC-SO Act amendment thaw dingin hma a lak mek tiin

Women and Child Develop-ment Ministry chun a hril. Hi hmalakna hi filmmaker-activist Insia Dariwala in ‘Change.org’ hmanga a \an a ni a, pasal khawm huom dinga POCSO Act siem\hat chu WCD Minister Maneka Gandhi khawmin a thlawp thu a hril. Campaign website

a rawtna Pi Gandhi in a dawnna a chun, hi thua hin study la nei phawt ning a tih tiin a hril a, hi chungthu hi 2017 kum khan National Commission for Protection of Child Rights (NCPCR)-ah a lo intlun ta thu a hril bawk. President in ap-proval a pek Criminal Law (Amendment) Ordinance

2018 dungzui chun, nuhmei kum 12 hnuoitieng suol-luitu chu khaihlum dinga thiemnaw inchangtir thei a ni a, hi chungthu ngaituotu ding ‘fast-track courts’ thar siem ding le hospital le po-lice stations hai kum tling lo suolluina thu suina a hmang ding ‘special forensic kits’ pek dinga ti an ni bawk.

Yasin Malik hrentang

srinaGar: Zanita Sepa-ratist hai protest a \hang tum JKLF (Jammu and Kashmir Liberation Front) Chair-man Yasin Malik chu police han manin an hrentang. Za-nita protest huoihawttu chu Joint Resistance Leadership (JRL) hai an ni a, Malik chu Nowhatta area pana a tlanna lampuia man a nih tiin JKLF spokesman chun a hril. Hurriyat Conference chairman Mirwaiz Umer Farooq chun J&K police hai

chetna a dem thu a puong a, twitter-ah post siemin, “Po-lice hai chetna theitawpin ka dem. JKLF chief Yasin Ma-lik in Jama Masjid a panna lampuia man a nina le mi pawitawk lo an sukbuoi hlak hi ka dem hle. Separatist hai hin Kashmir phairuoma \halai hai Security Forces han an thatna, students laka tharum insuona le an \huoitu hai dan lova NIA han an manna thua ‘peaceful rally’ nei an tum a nih” tiin a hril.

AIIMS doctor strike ni 3 tling tah

neW delhi: AIIMS, Delhi residential doctors han an sinthawpui senior doctor pakhatin a sawisak leia lungawi lova strike an nei chu zani khan ni 3 a tling tah. Senior doctor chun resi-dential doctor chu damnaw hai hmu hawiah a ben nia hril a ni a, senior doctors chu an ph<tna angin zani khan suspend a ni tah. Ni 3 liemtah sung khan AIIMS chun strike leiin buoina nasatak a tuok a, operation thaw ding tamtak \hul niin, OPD patients hai doctor in-dai naw leia tir kir an ni a, ICU le emergency services hai chau ngaiven an nih. Residential doctor a bienga bentu senior doctor in aw-rard a lo dawng tahai Resi-dent Doctors Association chun Union Health Minis-ter, JP Nadda chu lakir pek dingin ngenna an siem. Mr. Nadda hi AIIMS, Delhi President khawm a nih.

Pak. in helpawl thlawp ta lo dingin neW delhi: Jammu and Kashmir hmuna helpawlhai an thlawpna tawpsan dingin Indian Army in Pakistan a hril. Hi thu hi Lt Gen Anil Chauhan, Director Gen-eral of Military Operations (DGMO), Indian Army in Pakistan Army DGMO leh telephone a an inbiek huna a hril a ni a, Pakistan sipai han helpawl an thlawpna an tawpsan chun, Line of Con-trol, Jammu and Kashmir hmuna harsatna tum tum a chingfel a ring thu a hril a nih. An inbiekna le inza-wma Lt Gen Chauhan in thusuok a siemna a chun, Indian Army chun Paki-stan sipai han thil\hanaw an thawhai theitawp suo in dawnlet zing a tih tiin a hril. Indian Army le Paki-stan Army DGMO hai chu Pakistan in a ph<tna leia inbie an nih.

US President in Korea Hai Inbiekna A LawmpuiWashinGtOn: Ni kum laia hmur pilip North Korea chu lungril kim lo “Little Rocket Man” in a \huoi suol ding a nih, tia hril pung pung US President Donald Trump chun, North Korea le South Korea inbiekna chu ‘historic’ tiin ‘good things’ tiin a lawmpui thu aTwitter ah a puong. North Korea le South Korea hai an inbiek zoa

Declaration an puong zovin, Korean rambung lai thil \ha a tlung pei a. Kum khat sung tawp nuclear test le missile test boruok sosang hnungin, inchik tlak North Korea le South Korea inbiekna chu nei thei a ni tah” tiin a post. “KOREAN WAR TO END! America ram ropui le a mipuihai chun tulaia Korea-a thil tlung leiin lawm hle ding a nih!” tiin a

tweeted. North Korea President Kim Jong Un le South Korea President Moon Jae-in hai chu April 27 khan an inrina khawpui Panmunjom a Peace House ah inbiekna neiin inremna le muongna a um theina dinga ralthuomhai sukbona dingin hma an lak a. Hmatieng peia khawm khawvel him lem siem dinga intiemna thuhai an nei bawk.

Hmasawnna Thar4 EntErtainmEnt / SportSthlatun (april) 29, 2018 pathienni (sunday)

sun ZAWMnA.......

The 15th Hmar Martyrs Trophy 2018 Venue: Saikawt Playground

Pre-Quarterfinalsresults : 28 april 2018

United Khawzim Brothers(UKB) 6-1 Tuiring FC April 30th 2018 Fixture

2:00PM- Buoina FC v/s FC Zotal

Football Fixtures: April 29, 2018PREmiER LEAguE

West Ham v/s Manchester City - 6:45Manchester United v/s Arsenal - 9:00PM

LA LigAGetafe CF v/s Girona - 3:30PM

Alaves v/s Atletico madrid - 7:45PMValencia v/s Eibar - 10:00PM

Deportivo v/s Barcelona - 12:15AMSERiE A

Benevento v/s Udinese - 6:30PMBologna v/s Milan - 6:30PMAtalanta v/s Genoa - 6:30PMVerona v/s SPAL - 6:30PM

Sampdoria v/s Cagliari - 6:30PMFiorentina v/s Napoli - 9:30PM

BuNDESLigA Mainz v/s RB Leipzig - 7:00PMWerder v/s Dortmund - 9:30PM

FRANCE LiguE 1Rennes v/s Toulouse - 6:30PMAngers v/s Marseille - 8:30PM

Unai Emery in season tawpah PSG a suoksan ta dingparis: Paris Saint Ger-main (PSG) coach Unai Emery chun tuta season tawpah PSG a suoksan ta ding thu Zirtawpni khan a puong. Mr Emery hin kum 2016 a kha PSG zawm a ni a, tuta season fe mekah hin PSG chu Ligue 1 ti-tle a lakpui a, sienkhawm

Champions League last/round of 16 ah defending

champion Real Madrid in an hneban a nih. PSG hin French League 1 ah defending champion Monaco chu 7-1 a hnein Ligue 1 title an lo lak a nih. Emery hin tuta hma khan Spanish side Sevilla khawm Europa League title a zawnin vawithum a lo lakpui a nih.

Khel Ratna award dawng dingin Neeraj ChopraneW delhi: Gold Coast, Australia rama Commonwealth Games-2018 nei zo hlima hmawl khaw (Javelin throw) a Gold Medal latu Neeraj Chopra chu Athletic Federa-tion of India (AFI) chun India rama sports chawimawina insang tak Khel Ratna Award dawng dingin a recommend. Kum 20-a upa Chopra hin kum 2016 world junior championship a khawm khan Gold medal a lo lak a, Arjuna award dawng dingin federation chun a recommended bawk a nih. Chun, Javelin thrower Annu Raini le Commonwealth Games medal vawi 4 lo la tah Seema Antil Punia hai khawm Arjuna dawng dinga recommended an ni bawk. Legendary athlete le coach hung nitah

PT Usha le India youth team coach San-jay Garnaik hai chu Dronacharya Award dawng dinga nominated an ni bakah Bobby Aloysius, Kuldeep Singh Bhullar le Jata Shankar hai khawm Dhyanchand Award dawng dingin AFI chun a recommended a, TP Ouseph chu Life Time Achievement Award dawng dingin Ministry-ah a recom-mend bawk.

Neymar in French League Player of the Year nomination a hmu veparis: French League Players of the Year Award dawng thei ding hai hming puong a ni ta a, nomination hmu hai lai Paris St.-Ger-main Brazil striker Neymar bakah PSG-a a team mates Edindon Cavani le Kylian Mbappe hai hming a \hang ve. Nominee dang pakhat chu Marseille winger Flo-rian Thauvin a nih. Neymar hin games 20 ah league goals 19 a thun a, sienkhawm February 25, 2018 a Marseille le inkhel hunah a ke changtiengpang a sukhliem a inthawk khel nawk ta lo a ni a, a ke hi

March thla khan Brazil-ah surgery thaw a nih. Cavani hin sea-son nuhnung taka khan goals 25 a thun a, league top scorer inhlan a ni a, Mbappe hin goals 13 a thun ta bawk. PSG chun Ligue 1 title an lak ta

bakah goals 104 an thun tling ta a, games 4 khel ding an la nei. Thauvin hin Marseille ta dingin overall ah goals 22 a thun tah. French league Players of the Year dawngtu ding hi May 13, 2018 khin puong ning a tih.

Diego Maradona in a suoksan

aBu dhaBi: Al Fujai-rah coach sin thaw mek Argentina international le World cup winner hlui Di-ego Maradona chun a team hai United Arab Emirates

second division-a automat-ic promotion an hmu phak naw leiin coach a ninaa in-thawk an ban. Kum 57-a upa Mara-dona hin May 2017 a in-thawka khan Al Fajairah coach sin a hung chel a ni a, Zirtawpni khan Khorfak-kan 1-1 in an indrawpui lei-in table-ah pathumna neka insang an kai phak tanaw ding a nih.

Miss Zofa Inter-national sub-ti-tles dawngtuhaiaizaWl: Lelte Weekly huoihawt Miss Zofa International 2018 Grand Finale Zirtawpni zana nei huna Sub-title dang dang la tuhai-Miss Perfect 10 - Panieli Darlong, TripuraMiss Photogenic - Mad-eleine NC Lalrinawmi, Tipa, SiahaMiss Personality - R Lalhmangaihpuii, Zobawk LungleiMiss Multimedia - Rocy Niangbiakmawi, ManipurMiss Talented - Rebecca Neihsial Vaiphei, ShillongMiss Congeniality - Rose-lyn Nivarmawi Khozol, HaflongBest Costume - B Lalthuthlungthari, Sangau Lawngtlai DistBest Gown - J Vanlalhlani Anni baka hin Third Runner-up Roseleen Lal-nundangi kuomah lawm-man Rs. 50,000/- le fourth Runner-up Julie kuomah lawmman Rs. 30,000 inh-lan a ni bawk.

Kum 35 Hnungah ABBA An Inzawmkhawm Nawk DingstOCKhOlm: ABBA! M a m a M i a ! K u m 3 5 hnungin recording thar an la siem nawk ding a nih! Sweden band inlar 1974 a inthawka 1982 sung po po khawvela inkhina po po Top an hluoa an hlahai “Mama Mia!” “Dancing Queen” “Chiquitita” “Eagles” le a dang dang “Volez Vouz”, “Thank You for the Music” hai vawisun chena an la hring zing ABBA chun recording thar siem an tum. An fans hai lawmna dingin 2013 an album n u h n u n g t a k d a w t a a hmasatak nawkna dingin album thar record an tum thu an puong a. Member palihai an la dam vawng a, an nupui an papui khuk taa chu an rawl a la danglam nawh. ABBA member pali - Agnetha Faltskog (68), Bjorn Ulvaeus (73), Benny Andersson (71) le Anni-Frid Lyngstad (72) kum 60 le 70 bawr an ni taa chu hla an la sak pei a nih. Zani khan social media ah recording an thar thaw

ding thu an puong. “Kum 35 hnungah inzawmkhawm nawka recording studio hei lut nawk chu inhawi danglam dingin kan ring tlata, kan thaw ding a nih” tiin thusuok an siem. “ H u n t a w i t e c h a u chawla fe nawk ah angin kan in ngai. Holiday tawite hmanga inzin angin kan inngai. Holiday danglam tak! Kan hla thar pakhat, “I Still Have Faith In You” ti chu kan tour hmasatakah sak kan ta, BBC in December khin suksuok a tih. Chu zovah “Avatar Show” chu khawvel pumpuiah kan nei ding a nih” tiin tumru takin

an puong. ABBA hai hi 1982 khan kum 10 hla an sak hnungin an in\he a chu, an hlahai khawvelah sak zing an ni leiin fans an la nei zing a nih. “Mama Mia” lem chu film pahni tawpa siem a ni tah. Nupa tuok hni hai hi, an hming bul seng an Band hming dinga hmangin 1974 a Euro Vision Song Contest ah khan an hlasak “Waterloo” in lawmman an lak a, an hung inlar \an ta a nih. An rawl inthien tak le ngaino bei tak, melidous tak le an incheina nal danglam tak takhai lei amani ding UK No.1 pakuo zet an nei

a nih. ABBA hi 1982 khan an in\he a. Ulvaeus le Miss Faltskog an hung inthe leiin, chu hnunga Andersson le Miss Lynstad an hung inthe nawk a. Anachu, 1986 khan an ruol pakhat hrietzingna dingin a ruolin an sak a, tulai hnai 2006 khan private party ah an sak bawk. Spice Girls hai manager hlui Simon Fuller-in 2016 khan inzawmkhawm nawk dingin a fiel a. Avatars (lim cheimawi fawm) hmangin, an nunghak tlangval laia an inlang dan anga inlang nawk dinga cheimawiin ‘final tour’ nei an tum ta a nih. “ABBA Avatar Tour project ding hi ring lawk lova um thut a nih. Hla pahnia inthawka in\an a nih a. Kan hla thar pakhat “I Still Have Faith In You” lem chu kan thlalak digital han sak an ta, NBC le BBC hai special production ning an tih. Kan kum a upa taa chu, a hla ruok chu a thar a nih. December khin tlangzar ning a ta, an hawi bawk a nih” tiin an puong.

Cheryl Cannes Film Festival 2018 ah Inlang Nawk Dingparis: ‘Girls Aloud’ member hlui, model ni bawk Cheryl (34) chun a naute Bear a nei zo hnung kum khat a chawl hnungin May thlaa French Rivera-a Cannes Film Festival 2018 ah L’Oreal brand ambassador a nina angin an lang \an nawk ta ding niin a hril. Hi thu hi Cheryl in kum khat chawl a lak hnungin, French Cosmetic company le contract an ziek dungzuia puong a nih. Company thusuok chun, “Cheryl chu tu kum Cannes Film Festival ah inlang nawk tang a tih” tiin a hril. Cheryl hin 2017 khan One Direction member Liam Payne leh an nau hmasatak ding Bear a nei leiin a sin po po a chawlsan a. Nau a neina hmasatak a ni bawk leh, nau nei zo hlim laia khuol inzin suok le hlasak chu remchangin a la hriet naw leiin 2017 khan a \hang nawh a. Inzin dingin nau nei hlim lai chu a la remchang nawh a ti lei a na, company khawmin an hrietthiem pui bawk. Amiruokchu, 2018 Cannes Film Festival ah chu inzin suok a harsa ta naw ding an leiin \hang a tum ta a nih.

Cannes a \hang ta ding si chun Britain’s Got Talent ah ‘musical come back’ thaw a tum chu a thei ta hmel nawh, tiin The Sun-in a ziek. A fans hai chu BGT ah hla sak nawk sien an nuom hlea chu a sak ta

hmel nawh. Cheryl hin Red Carpet vawi tam a hraw mawi tah a. Company dang dang ta dingin a suklar ta bawk. Product thar hai launch-tua hmang a nih deu hlak. Cheryl hin cosmetic le taksa hriselna ding thilhai a pholar bik hlak a. Red Carpet a hrawin a nal thei bakah hril a hlaw thei hle. Kum 2011 khan Habemus Papam premiere naah Sephane Rolland a dress design hakin a awmbawr lai po an lang vawng a, hisap inthuk rak ngai loa inlang vawng a nih. A hma 2010 khawm khan Cannes premiere ah malpui insing deu ‘cream gown’ taksa inlang tlang thei a haka, hril a hlaw hle. Cheryl hi L’Oreal brand ambassador a ni zing ni kum khan ama puol bika Collection a siem a. Make-up chi hran hran le sam nal chihai an nih. December 2017 khan Team Salut producer Nicola Robert leh ‘musical comeback’ nei dingin an tia chu an la thaw naw deu a nih. Cheryl hi tu kum X Factor ah Judge-in a \hang ta ding nia hril a nih.

Liam le Ali inhnek ding \hul

lOndOn: Britain boxer Liam Smith le America mi Sadam Ali hai May 12, 2018 a New York hmuna inhnek dinga ti chu Liam Smith damnaw leiin \hul (postponed) a nih. Smith (29) hin kum 2016 khan Mexico mi Saul ‘Canelo’ Alvarez a hnenaw

leiin WBO light-middle-weight title a lo chan a, a title hi lakkir nawk tuma Ali le inhnek dinga riruong siema um a nih. Ali (29) hin nikum De-cember thla khan Miguel Cotto hnea WBO light-middlweight title hi a lo lak a nih.

La Liga:

Levente le Real Sociedad an hrat; Espanyol le Las Palmas indraw

madrid: La Liga khel mekah zanikhan Levante chun Ciutat de Valen-cia stadium-ah Sevilla a mikhuol a, Levante chun an khelmuolah Sevilla hi 2-1 in an hneban. First half minutes 10 naah Roger Martif in goal hmasa tak a thun a, min-utes 15 naah Carlos Fer-nandez Luna in Sevilla ta dinga goal a hung thun ve leiin first-half chena chun 1-1 in an indraw a, sec-ond half minutes 73 naah Jose Luis Morales Nogales

chun Levante ta dinga goal a hung thun leiin Levante chun league table-a a pasa-rina ni mek Sevilla chu 2-1 in an hne ta a nih. Sevilla hin games 34 ah points 48 an hmu ta a. Levante hin zanita hratna an chang lei-in games 35-ah points 40 hmutain a 17-na an ni mek a nih. Chun, Real Sociedad chun Anoeta stadium-ah Athletic Bilbao a mikhuol a, Real Sociedad chun Bilbao hi 3-1 in a hne. Real Sociedad ta dingin

Mikel San Jose in min-utes 14 ne le minutes 53 na haiah goal (OG) ve ve a thun a, Mikel Oyarzabal chun minutes 36 naah goal a thun a, Athletic Bilbao ta dingin Raul Garcia chun minutes 58 naah Penalty in goal a thun. Real Socie-dad player Ruben Pardo chun minutes 84 naah Red Card hmuin tirdawk a nih. Ball possession Real Socie-dad 52% le Bilbao 48% a nih. Real Sociedad chun zanita hratna a chang lei hin games 35-ah points 46 hmuin a 10-na a ni a, Bil-bao hin games 35-ah points 40 hmuin a 14-na an nih. Chun, zani ma khan Es-panyol le Las Palmas 1-1 in an indraw bawk. Espanyol hin games 35-ah points 40 hmuin a 16-na an ni a, Las Palmas chun games 35-ah points 22 hmuin a mawng-dap tak dawttu an la ni zing.

Department chu Finance Department hnuoia um niin a hril. India pumpui com-mon market hnuoiah com-mon tax rates neia integrat-ed economy a um theina dinga GST hi hmang a ni thu a hril bawk. GST hi consumption based tax (thil inchawtu/hmangtuhai pek) a nih leiin Manipur chu a siemtu le za-wrtu nekin an chawktu le hmangtu ei ni lem leiin GST regime hnuoiah chu ei chan a \ha ding a nizie a hril. GST hi a \hatna le thaw dan dinghai ei la hriet chieng tawl naw leiin abikin e-Way Bill, Tax De-

duction at Sources (TDS) haiah inhrilhrietna tamlem thaw a la ni ding thu a hril a. E-Way Bill hlenna kawn-gah district tinah inhrilhri-etna a la um ding niin a hril bawk. Superintendent of Tax-ation, Mr Y. Indrakumar khawmin, thla tinin Con-sumer Club le organization hran hran hai le inthuruolin awareness camp vawi 40-50 chu district hran hran ah nei a nizie hlaka, chuong chu print le electronic me-dia hai fethlengin hrildar a ni hlak tiin a hril. Sumdawngtuhai MRP (Maximum Retailed Prize)

hmangna kawngah an indik le indiknaw khawm enkai sa a ni a. State level anti-profiteering Committee chun MRP suksang le in-sang hrat taluo thilhai chu a enkai hlak niin a hril. MRP dan bawsiea a neka insanga zawrtuhai chu Rs. 20, 000 chen fine inchawitr thei an nizie a hril bawk. Assistant Commission-er Taxation, R.K. Khurkh-ishor Singh chun, GST tax le General income tax chu a danglamna umin an ang nawh, tiin a hril. Press con-ference hi Joint Director IPR Mr W. Phajatombi-in a moderate. (DIPR)

Tax Collection thaw \ha takah Manipur a pahnina

1st Hmar Martyrs’ Trophy Air Ri-fle Shooting Competition 2018 nei

CCpur: Hmar Martyrs’ hai hrietzingna ni May 16 inserna ding le inzawma Manipur State Level a 1st Hmar Martyrs’ Trophy Air Rifle Shooting Competition 2018 chu April 28, 2018 sun khan Pherzawl District Rifle Association (PDRA) Under Hmar Martyrs’ Trophy Organizing Board (HMARTOB) huoihawtna hnuoiah For One Life, Com-munity Life Centre, Saikot, CCPur, Manipur hmun ah nei a nih. Hi hun a hin Chief Guest in Pu Lalhrillien MDC, Saikot le Guest of Honour in Pu H. Balram Singh MPS SP, Pherzawl, Manipur hai an \hang a, an thuhrilna haia chun hieng anga vate le ramsa silai a kap nilo a, mi tam tak talent chosuokna dinga silai kap huoihawt theia a um chu \ha an ti hle thu hai an hril. Hi Manipur State Level a 1st Hmar Mar-tyrs’ Trophy Air Rifle Shooting Competition 2018 lawmman hai hi May 16 Hmar Martyrs’ Day inserna le The 15th Manipur State Level Hmar Martyrs’ Trophy Grand Final, Saikot Playground, CCPur ah a dawngtu ding hai kuomah inhlan ning a tih.Competition results: 20 metres:1st Prize Master Darchawisang of Khawpui-bung.2nd Prize Mr. Lalremsang of Saidan.40 metres: 1st Prize Mr. Lalremthar of Tuiring. 2nd Prize Mr. Ivan D. Sinate of Sielmat.60 metres:1st Prize Mr. John Laltanlien of Saikot.2nd Prize Mrs. Sangte Hrangchal of Sielmat.70 metres:1st Prize Mr. Robinson Pulamte of Imphal.2nd Prize Mr. Fimneilal of Rengkai. 3rd Mr. Ivan D. Sinate of Sielmat. Opening Program hmangna hun ah Con-ductor in Pu Robert Infimate a \hang a, Open-

ing Prayer Rev. Joseph R. Joute, Director, For One Life Asia in a nei zoin Opening of the Shooting Competition Chief Guest in a nei a, Short Speech Pu LV Hmar Chairman, HMARTOB le Speech Guest of Honour le Chief Guest haia inthawk ngaithlak a ni zoin Closing Prayer Pu Lalnghaklien Khaw-bung in a nei zoin Competition hi \an a nih. 20 Metres Category a 1st Prize dawngtu Master Darchawisang S/o Mr. Hmangaizuol of Khawpuibung hi kum 12 mi chau a la nih a. Ama hi Guests le mihai lawm a hlaw hle a, a Prize dawng neka tam ding lawmpuina/lawmna thilpek sumfai a dawng a nih. Huoi-hawttu hai chun hi hlawtlingna dinga spon-sor, co-sponsor le hmalatu hai popo kuomah lawmthu an hril. (LRS Puruolte)

Legal AwarenessCCpur: Manipur State Legal Services Authority le District Legal Services Authority, CCPur spon-sored-nain April 28, 2018, 11AM khan Chothe Vil-lage, Samulamlan Block-ah ‘Legal Awareness Program on Fundamental Rights & Duties & RTE nei a nih. Hun hmangna hi Van-inmawi, Para Legal Vol-unteer in an kei\huoi a, George Munluo, Advocate in ‘Fundamental Rights & Duties’ ti thupui hmangin thu a hril a, Chingsonkim, President, CDS chun ‘Para Legal Volunteer’hai sin le mawphurna hai hrilna a nei a, Khumi Gangte, Dis-trict Coordinator, SSA/RTE chun ‘Right to Education (RTE)’ chungchang a hril.

Solar 63 an semCCpur: 6th Sikh Li In-fantry or Khuga Battalion chun ‘Self Observed and Initiated Little (SOIL) proj-ects’ hnuoia ‘PROJECT ROSHINI’ an fepui mek le inzawmin zanikhan elec-tric meivar la tlung lona Tuigamjang le Sekken hmun haiah Solar lamp 63 an sem. School naupang han zan huna khawm harsa loa lekha an tiem theina ding le thil dang danga awlsam-lemna dinga Solar lamp hi an sem a nih. Solar lamp dawngtu hai chun Khuga Battalion chungah lawmthu an hril.

Khuo 4 a ding Solar Set 42 a vailiemCCpur: Zomi Council Chairman, John K. Ngaihte chun zani zingkar 10:30AM khan Dorcas Veng-a Thanlon MLA Vungzagin Valte chengnain-ah Thanlon A/C a Mualnuam Sub-Division sunga khuo 5 haia ding Solar set 42 a vailiem. Solar set hai hi Singngat A/C MLA le Chairman, MANIREDA in a ngaituo pek an ni a, Solar set vailiem huna hin Minister hlui le NPP Natl. Vice President Phung-zathang Tonsing, V. Valte, MLA Thanlon A/C le MDC \henhat an \hang. B. Munpi in Solar set 10; Mualkui in st 27, Thiek-

bung in set 6 le Umtal in set 5 chang an tih. Henglep biela khuo 4 hai khawm solar set 59 pek ni dinga hril a ni bawk.

‘Khelo India’ hnuoiah Sports suk-changtlung ning a tih: N. Praveen

imphal: Infiemna tieng inhnikmihai sukchangkang an ni theina dinga India sawrkar Ministry of Youth Affairs and Sports hmal-akna Khel India hnuoiah Manipur ah khawm inkhel mihai, a kilkhawr tak chena mihai sukchangt-lungna dingin hmnagruo pawimaw po po pek ning an tih tiin YAS Director Mr N. Praveen chun a hril. “Sports inhnik, abikin naupang le \halaihai chun an talent hai an sukpunga an hlawtling pei theina dingin hmun kilkhawr takhai chen khawm sports hmangruo sukchangtlung

ning an tih” tiin zani ta DIPR press conference ah a hril. Mr. N. Praveen chun, Khelo India scheme hnu-oiah state hmun kilkhawr le tlangram haiah khawm State Level Khelo India Centre, basic primary level training facility hai le um vawng hawng a ni ding leiin tah ding a nih leiin infiemna hmunpui le hmangruo po po Imphal khawpui sunga um vawng bikna khawm hi a um tah naw ding a nih, tiin, hitaka ding hin DPR Rs. 3 crore khawm Centre-a peklut ni tain a hril.