Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377 Hmasawnna Thar Vol - 33/13 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

changer (october) 15, 2017 pathienni (sunday)

NEWS TOMkiMcHANcHIN LAKTAWI

VISION PLAY SCHOOLRengkai, Churachandpur-795128

ADMISSION NOTICE

Admission open for Preparatory, Nursery & KG for Academic Session 2018. Admission form can be obtained from the School office during office hours (9:30 am - 2:00pm)

Sd/- Principal(12-17)

RADIANT E L E C T R I C A L S

Lighthouse LaneTiddim Road, Churachandpur

Electric hmangruo chikim, company hran hran kutsuok

(multi brand) kan nei, mi hung pan ro

Discount khawm kan pek thei.

# 8413801371

SRR in Sangamuon Inn \hangpuina an pek

ccpur: October 14, 2017, 7 AM khan Sinlung Royal Riders hai chun an Charity Initiative sunza-wmna neiin Sangamuon Inn (Fahrahai umna), Bi-jang-ah \hangpuinain bufai bag 5 an hang thawlawm. Hi hunser hmangnaa SRR Chief David Buhril in

thu a hrilnaa chun, “ Sin-lung Royal Riders chun \hangpui ngai hai \hangpui ding ti chu SRR indin a in-thawk a thiltum a ni thu a hril. Pathien zara \hang-puina tlawmte an hang pek thei chu Pathien ropuina dingin an hlan. >>sunzawmna page 2-ah

Tlangram le Phairam level inanga sukhmasawn ding: H. Dingo Singhccpur: October 14, 2017 khan Mangaal Rural hmal-akna in Muolvaiphei Com-munity Hall-ah Sharing and Growing Together (Puna Hingminaba Amasung Chaokhatminaba) hmang a ni a, programme hmang ding hin Muolvaiphei khawsunga |halai le Nu le Pa Community Hall sipin an fekhawm a, Muolvai-phei khuo besana \halai haiin Computer a thlawna an inchuk theina ding Com-puter Literacy Programme hawng a nih. Computer Literacy Pro-gramme hi Pu Heikham Dingo Singh, MLA, Sek-mai A/C Chief Guest niin launch-na a nei a, thuhrilna a nei hunah Manipur pum-pui, tlangram le phairam thlier hran bik um lovin Manipur Chief Minister N. Biren Singh inrawina hnuoiah ngirhmun (level) inang vawnga sukhmasawn an ni ding thu a hril. Sharing and Growing Together (Puna Hingminaba

Amasung Chaokhatminaba) programme hi Pricilla Darn-gawn le Okendro Khun-dongbam haiin hnesaw takin an keihruoi a, Rev. Lalneikhup Hmar, Superin-tendent, Bethesda College of Nursing (BCS) in hun hawng \awng\aina neiin, Pu Simon L Hrangchal, Direc-tor, Relief & Development, EAC in Welcome Address hrilna a nei. Pu Simon-in thuhrilna a nei huna chun, Mangaal Rural hai leh kum 5 vel sin an lo thaw tlang ta thu le,

chu hun sung chun inchuk-lai hai hmakhuo ngaina lei-in tlangram biel \henkhat-ah Study Solar Lamp hai semin, mi hnuoihnung hai dawmsangna ding project hran hran hai khawm an lo thaw hlak ta thu a hril. Mangal Rural hai hi NGO naran ang el nilo, social en-terprise niin mi hnuoihnung hai dawnsangna kawngah hma nasa taka la hlak le, fahra enkawlna Home a hai donation khawm thei ang anga thaw hlak an na; tuta Computer Literacy

Programme hi October 20, 2017 a \an ding niin, Man-gal Rural haiin Computer 8 vel Muolvaiphei hmunah in\hut an ta, a thlawnin Computer training \halai hai an pek ding niin Pu Si-mon chun a hril. Mangaal Rural Founder Ningthoujam Surjit in Key-note Address hrilna a nei a, Mangaal Rural in kum 2016 sunga Solar le Com-puter Literacy project an neihai za ah za (100%) suk-puitling a ni thu a hril. Pu Surjit chun kum 6 liemtah sung khan human resource person a lo ni ta thu le, chu hun sunga sin lakna dinga recruitment a thawna hai ah \halai talent \ha tak tak nei tam tak a hmu leiin Mani-pur in chanvo \hatak neiin, a hmakhuo a êng zie a hmu-suok thu le, inchuklai le \halai hai hmakhuo ngaina leiin Churachandpur \han-gin Manipur hmun tum tum ah Tablet instalment in a peksuok tah thu a hril. >>sunzawmna page 2-ah

TCP in Helmet Drive an thaw; Helmet khum lo mi 52 an manccpur: Traffic Control Police (TCP), Churachand-pur chun October 14, 2017 khan Tiddim Road-ah Hel-met drive an thaw a, Helmet

khum loa two-wheeler khal iemanizat an man a. TR-5 receipt katin fine inchawitir an nih. Helmet drive hi CCPur

District Legal Services Au-thority (CDLSA) khawmin Traffic Lok Adalat an lo nei ta hlak a nih. Motor khaltu hai himna

ding ngaituona leia traffic drive hi thaw hlak a ni a, sienkhawm Traffic (Hel-met) drive huna khawm hin mi 52 zet man an nih.

PCI, Mizoram Synod Jt. Presby-

tery Khawmpuiccpur: Presbyterian Church of India, Mizoram Synod hnuoia Manipur area chun October 20-22, 2017 inkar sung khin Lingsiphai Biekin-ah 2nd Joint Pres-bytery inkhawmpui 2017 nei an tih. Hi khawmpui dinga le inzawma insing-satna a fe mek a, mipui 10,000 vel inlengna ding Hall bawl tum a nih. Khawmpui sunga thuhriltu ding chu Rev. Lal-rinmawia, in-charge, Elec-tric Veng Pastor Bial le Ex-Synod Moderator ning a tih.

Unau 3 Khuoi hawnin an bel hlumnungba: Zanikhan Nungba Sub-Division, Noney District a Nungba Police Station huop sun-ga Tajeikaiphun (Keikru Naga) khaw mi, Mr Anand Rongmei le Chamdanthail-iu hai nau 4 hai chu khuoi hawnin an bel a, Nungba Community Health Cen-tre (CHC) panpui an ni a, hienghai laia unau pahni-hai chun khuoi hawnin an belna tuorzo lovin CHC, Nungba hmuna hin zani zantieng khan an thi. Thina tuokhai hming chu Mr Poudungai Rong-mei (6) le Ms Gaipuidin-liu Rongmei (4) niin ei thu dawngna chun a hril. Khuoi hawnin an bel hliem pahni danghai, Mr Luke Rongmei le Mr Obedient Rongmei hai chu Imphal hung pan-

pui an ni a, zani zan dar 7:30 vel khan Khuongsang an tlung a, hi lai hmuna hin pakhat a thi nawk leiin khuoi bel leia thi hi unau 3 an tling ta a, pakhat dang chu Imphal tieng panpui a la ni a, lamlaka thi hi an khuo tieng phurkir nawk a nih. A thi lem hi a tu lem am ti chu ei thu dawngnain a hril nawh. Hieng unau 4 hai hi an farm-ah an fe a, a upa takin khuoibu a hmu a, saihli hmangin khuoibu hi a per a, a per fuk leiin khuoi hawn lungsenin an hnawt a, an ureng hin khuoi hawnin an belt a sup sup el niin ei thu dawngna chun a hril. Tulai hnai el khan Mizora-mah khawm mi 2 khuoiin an bel hlum ti thu dawng a ni bawk.

Bomb suk puok-tu KCP PWG

imphal: October 13, 2017 zan dar 7 vela Imphal West District a Lamphel Police Station huop sunga Tera Leirak hmuna Lukram Leirak Youth Club (LLYC) Ground-a Mela thawna hmuna bomb suk puoktu kha kei ni pawl kan nih. Mela hi Zoar (gambling) thawnaa hmang a ni a, hi thil hi an dit nawzie le dodalzie suklangna dinga bomb hi an va suk puok niin zanikhan Kangleipak Communist Party (KCP) a Peoples War Group (PWG) chun thusuok a siem. Kha bomb puokah khan mi 12 an hliem a, hliemhai laia 3 an hliem inrik a, Hos-pital-ah enkawl mek an nih. CM N. Biren Singh chun bomb suk puoktuhai hi nasa takin a dem a, terrorist-hai chet dan a nih tiin a hril.

“Ana mak thei baka! Thil hi hming tha nuom a ka thaw, kei ka thaw ti hi an tam thei bak el a!

Tulai style a ni awm...”

Lai Haraoba Hin Hnam Tin Inpumkhatna A Mi Siempêk Thei: cMimphal: Manipur-a hnam tin inpumkhatna dittu Chief Minister Mr N. Biren Singh chun, mipuihai kuoma Lai Haraoba (Pathien Suklâwm-na Dinga Biekna) chanchin le a thu inchuktirhai \ha taka inhrilhrietin, a thu phur hi \ha takin inchûktirin zawm thei inla chu Mani-pur-a hnam tinhai inrem le inngeitakin a min umtir thei ding a nih tiin a hril. “Lai Haoraba hi mak takin mihriem lungrilah inpumkhatna, inlainatna, inngaisakna le inhmangai-nahai tuin pumkhat le in-rem takin mi tin a min um-tir/siem thei a nih” tiin Lai Haraoba-in kakhawk a nei inthuk zie a hril. Hi thu hi Umang Lai Kanba Apunba Lup (UKAL)-in Maharaja Chandrakirti Auditoirum, Palace Compound, Imphal-a Mera Meepham (Annual Conference of Umang Lai

Haraoba) an neina huna khuol lien anga thu a hrilna a hril a nih. Chief Minister chun, kum iemani chena inthawk khan Manipur phairam le tlângram mihaiin ei common history le culture, ei hung suokna, ei bul\hut le pieng le murna ei sui nawa ei ngaisak tah naw leiin inremna le mu-ongna, thlamuongna a um tah naw niin a hril. “Manipur-a hnam chenghai hi suol khat suok, phairam mi le tlângram mi

khawm ei hung suokna \obul thuhmun, in hla naw deuh a nih ti hre inla chu unau ei nina angin ei inhri-etthiem nâwna ding hi a um nawh” tiin a hril. State sawrkâr chun hun sawt taka inthawka cul-ture le tradition (thawdan le chîng dan) lo um ta hai vawng hring hi a thiltum lientak a ni thu a hril a. State sawrkâr chun culture le tradition a ngaisak zie suklangna dingin thuneina a chela inthawka thla tlâw-

mte sûngin Kangla hmuna Joint Interrogation Cell chu a sawn hmang nghâl a ni thu a hril. “Tuhin chu Kangla, tienlai pi le puhaiin hmun thienghlima an lo ngai le nei, an inza em em ei nuna kawp ve tlat culture le tra-dition le inmatna nei, ei lungrila thi ngai lo chu a nina le hlut dan ang taka enkawl thei dingin a um tah a nih” tiin Kangla chu a ni dan ding ang takin a sukthienghlim nawtuhai in-thielfai a ni tah tiin a hril. Pu Biren chun, hi Kan-gla Fort pawimawtak hi tienlaia a ni dan ang takin, saktieng a inthawka lûtna Gate khawm, Imphal River chungah bawl a ni theina dingin Detailed Project Re-port (DPR) zofel a ni vâng tah thu hrilin, hi thila ding hin map hluihai khawm a lo study vawng ta niin a hril.>>sunzawmna page 4-ah

Diamond Jubilee an hmang ding

ccpur: EOC kohran-a Women Christian Organ-isation (WCO) le Young Christian Organisation (YCO) chun October 19-22, 2017 inkar sung khin Lingsiphai khuioah Dia-mond Jubilee le 40th Mis-sions Anniversary hmang an tih.

Rengkai Road-a SBI ATM rawk tumccpur: October 13 le 14, 2017 inkar zan ( zing-kar 2:00AM) vel khan Rengkai Road, CCPur-a State Bank of India (SBI) ATM chu tu ti hrietlo han rawk an tum a, sienkhawm an hlawsam. Hi ATM enkawltu Ra-diant Company chun zan-ikhan ATM hi an enfel. An lang danin ATM rawk tumtu hai hi shutter chunga in-thawk ATM booth sunga lut niin an lang a, ATM booth sunga CCTV hmai chu pa-per belkhuma hmu a nih.

ATM cover suksein an hawk a sienkhawm pawi-sa umna chin an hawng theinaw leiin pawisa lakhmang an neinaw niin

Radian Company chun an hril a. ATM a pawisa thun hai hi JCB hmanga bei khawma laksuok el thei lo dinga siem a ni a. Hi lei hin hienganga ATM machine sukbuoia um hi mipui ta dinga thil pawi le inhman-gna lientak a nih tiin com-pany chun a hril. ATM hi company En-gineer han hung enfel an ta, hmang thei dinga an siem\hat huna hmang thei a ni chau ta ding a ni a, siem\hat a ni hun ding hriet a la ni nawh.

MLA In huongsungah bomb

imphal: Zani zing dar 7 vel khan Sekmai A/C MLA, Heikham Dingo of Khur-khul Awang Leikai In huon-gsungah Gul Mohur parking bulah bomb (hand grenade) pakhat hmu a nih. Bomb hi Police Department a bomb disposal squad han an va lak a, pawitawk thei lo dingin an siem. Tu pawl khawma bomb hi an va sie a ni thu an la puonglang nawh.

Saikawt Presby. Golden Jubilee lungdaw hawng

ccpur: Saikawt Presby-tery Kristien Nuhmei Pawl 50th Annual Conference le Golden Jubilee Celebration chu October 13, 2017 a in-thawk khan Saikawt EFCI Biekin-ah \an a ni a, Octo-ber 14, 2017 khan Golden Jubile lawmna puithu taka nei a nih. Zani 10:30 AM khan Dr Lalrimawi Pudaite chun Jubilee lungdaw hawngna le Jubilee darkhuong vuok-na nei a ni a. Jubilee lung hawng a ni zo hin Jubilee lawmna inkhawm Biekin sungah hmang a ni a, Ju-

bilee lung hawngtu Dr Lal-rimawi Pudaite in Pathien thu hrilna a nei. Chun, zanita Biekin inkhawm huna Rev. Lal-biektluong, Vice President, EFCI in Souvenir tlangzar-na a nei bawk a, zantieng mipuiin Jubilee ruoi hlim takin an kiltlang. Vawisun zing inkhawm huna Rev. Lalbiektluong, Vice President, EFCI in Pathien thu hril a ta, zan inkhawm hunah Rev. Son-grolien Songate, Evange-list-at-Large, EFCI in Pa-thien thu hril a tih.

M. Gouzamang Guite MDC in AE-FaWCen a hawngccpur: Oct. 14, 2017 sun khan Aerobic Exercise-Fitness and Wellness Cen-tre (AE-FaWCen), HSA Campus, Rengkai, CCPur hawngna LJ Memorial Hall, JJ Plaza, Rengkai Road, CCPur hmun ah Pu M. Gouzamang Guite, MDC, ADCC in Chief Guest niin a nei a, Pu Michael Esh, International Director, For One Life chun Guest of Honour a thangin thuhril-na a nei a, Rev. Joseph R. Joute, Director, For One Life, Asia in hi Centre hi \awng\ainaa inhlanna a nei.

Hi hun sponsor-tu taksa hriselna leh inzawma Com-pany inlar ProYoung in thuhrilna hun hmang ve in a \hang taphawt tadingin an Product- Free in Gano Cof-fee in dawn tirin an product

30% discount in an zawr-suok bawk. Obvious Crew, (Winner, Talent Show & Dance Competition 2017 Orgnd by Team CT Lian), Mr. Kevin Lalrintluanga Khawlhring @Marin le Mr.

Zawlkapthang Thiek @Kaka, Instructors haiin an talent lam le hlasak an suk-langa, hi huna fekhawm hai Aerobic Exercise an lakpui nghal bawk. Hi hun hi Imphal le CC-Pur based printed le elec-tronic media khawmin an uop \ha hle. Instructor hai hi dancer, singer, beautician le hair stylist dam an nih. Chief Guest chun mihri-emin taksa hriselna ei ma-maw zie le hieng ang Aero-bic Exercise-Fitness and Wellness Centre hawnga >>sunzawmna page 4-ah

Mipui hmasâwnna dingin Sawrkâr an pei zing: K. Shyam

imphal: Consumer Af-fairs, Food & Public Dis-tribution and Revenue Min-ister Shri Karam Shyam chun, society hmasâwnna ding le state ta dinga thil \ha a nih phawt chun mipui-hai ngênna le beiseina chu sawrkârin sukpuitling pei a tih, tiin 2nd Observa-tion of AMSSTA Day (All Manipur School Students Transporters’ Association), Naharol Sintha Kanglup Community Hall, Wangkei Keithel Ashangbi, Imphal

East-a an neina huna khuol lien anga a hril a nih. Minister chun, Sawrkâr policy le program hai chun mipuihai hmasâwnna ding chauh ngaituoa rel le passed, hlen (implement) hlak an ni a. Hi Associa-tion khawm hi sawrkârin Social Security Scheme a siemthar, Chief Minister-gi Sottharabasingi Tengbang (CMST) hnuoia ham\hat-nahai dawng ve ngei tum dingin an fui tâwl. School Van Drivers hai chu society-a dinga mi pawimawtak pakhat, contri-bution nei ve an nih leiin an sin inzapui lo dingin an fui a. >>sunzawmna page 4-ah

AR le BYF han thisen an pek

ccpur: Khengjang Post-a um 25 Assam Rifles chun zanikhan district Hospital-a um mek nuh-mei naupai, thisen pek \ul thei ding ngirhmuna a um leiin Blood Bank, District Hospital fethlengin Thisen Unit 2 an pek. Thisen petu hai chu 25 Assam Rifles-a Rifleman- Gaya Prasad le P. Believe hai an nih. Thisen an pek hi Ching-zanuam (32), w/o Lalthah Singson of Tuizang a ni a, a thisen tlawm leia nau nei thei lova um a ni a, Ms Ch-ingzanuam sung hai chun thisen petu 25-Assam Ri-

fles chungah lawmthu an hril. Chun, EBC hnuoia |halai Pawl Baptist Youth Fellowship (BYF) Day le inzawmin zanikhan Bung-mual Zoar Veng-a um Beth-any BYF chun damnaw thisen mamaw hai hmang dingin zanikhan District Hospital Blood Bank-ah thisen an pek. Thisen an pek hma hin Awareness programme hmang a ni a, hi huna hin Blood Bank MO incharge Jijyanta Kshetrimayum chun Thisen pekna le inza-wma hriet ding \ul hai hril-hrietna a nei.

Hmasawnna Thar2 changer (october) 15, 2017pathienni (sunday) article/health & employment neWs

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIThunnuna chu naupanga inthawk chun lakir naw la, hmawla i vuok leiin, ama chu a thi awm si naw a. Ama chu hmawl chun vuong i ta, Sheola in-thawkin a thlarau chu i sansuok ding an nawm.

- Thuvarhai 23:13-14

EditorialSik le sa mumala fe thei ta loKhawvel huopa thil tlung, tulaia khawvel pumpuia rambung hran hrana Sawrkar tinin an mangangpui chu Climate Change or Global Warming hi a nih. Climate change le global warming hi ei ni lai ngei khawm ei tuorhla \an ta a, ei la tuorhla pei ding a nih. Tuta hma deu khan chu fur huna chau ruo a sur hlak a, \hal hun lai chun ruo a sur ngai meu nawh. Tulai huna ruok hin chu sik le sa fe dan a hung inthlakthleng (climate change) ta leiin ruo sur hun le sur naw hun a um bik chuong ta nawh. |hal changrum Christmas ni takah khawm ruo a sur chang a um ta hlak. Good Friday a ruo a surzie hlak dam kha tulai chu a ni tanaw a, Good Friday a khawm ruo sur lo chang a um ta hlak. Hi thil hi Climate Change hung inumtir, mihriem han ei dan-gzo ruol lo a nih. Tu kum khawm hin Manipur-ah thawk thum lai tui a liensang bakah thawkkhat thlise a hrang a, mi 20 lai zetin an thi pha a nih. Climate change leiin ruo sur dan le thli hrang dan hai chenin a hung inthlakth-leng vawng ta a nih. Ram lum, Jiribam bielah chau \ha hlaka ngai Kuva le Jubi hai khawm Climate Change leiin Manipur State sunga hmun tum tum haiah ching hlawtling thei a hung ni tah. Sik le sa fedan a hung in-thlakthleng dan le inmila thlai, thei, bu le bal hai ching dan khawm ei hung thlakthleng ve pei a \ul ta a nih. October, 2017 thla chanve ei hmang mek a, boruok lum le dei dan a la danglam chuong nawh. Tuta hma deu khan chu Manipur-ah chun boruok a dei \an a, zakuo lum taluo lo ei hak \an a, boruok an hawi ta hle hlak. Tulai ruok hin chu boruok um dan an thlak dan-glam a, ruo a sur leh boruok a dei met a, Nisa a sa leh boruok chu a lum pangngaiin a la lumzing. Hi lei hin sil le bil hak dan ding chungchangah khawm ei lungril a suk buoi a, harsatna ei tuok pha a nih. Thlasik hun ei hnai ta hle. Thlasik hun khawm hi kum dang hai angin a sei ta naw a, sil le bil lum ei mamaw sawt ta nawh. Boruok hi a hung dei pei pha leh tuorhla um khawpin hung dei rek a ta, ei thawhla tawl rek ding a nih. Ei hriet seng angin climate change le global warm-ing hung inumtirtuhai chu, van pawp (Ozone layer hung inphan ta pei) lei dam, Antartica chung zawna lien taka a hung pawp lei, ramngaw ei nei chin ta lei dam. Petrol, diesel le lungmeihawl khu tam taluo lei dam, industry lien le khu dang dang han boruok an hung sukpawrche lei dam a nih. Hi lei hin ei ramah khawm ramngaw le hlohna mei meia ei ngaihai chen hin ei indawi naw chun khawlum hi tuta neka nasa lemin tuor ei ta, thing le ruo tlasamin khawsak hung harsa deu deu a ta, mimkei le sietna chi hran hran ei la tuor thei bakah damdawi \ha le hlu tak tak, ei la hriet suok lo hai hi a hlutna ei hriet suok hmain sukrem vawng pal ei tih ti hi inlau um takel a nih. Hi lei hin ram ei fena a dam, vadunga ei fena haia dam ngaitu-ona fim tak hmang hlak inla nuom a um. Pu L. Keivom in kan “Tlangram mawi hring dum dur hi” ti hla a phuoka inthawk hin, ei ram chu tuta hma khan ramngaw, thing le ruo tamna, ramsa le vate chitinreng hai umna ram, ram inhawi tak a lo nih ti a chieng hle. Tu ruok hin chu, chuong thil hai chu ei suk chereu zo ta a, hmun tam lem hi phulin an chang a, a sen vuk el ta a nih. Hi lei hin khuo a kum telin a lum deu deu a, ruotui, sik le sa fe dan a mumal thei ta nawh. Hi lei hin tuta ramngaw, hmun hring \ha tlawmte ei la nei hai hi humhal \ha a, a bak or a dang khawm ei siem belsa pei hi a \ulin a pawimaw hle a nih. A pawi-na hre lo le ngaituo lem lova thing le ruo hring \ha lai sat mei mei hi bansan hmak ding a nih. Mi var le hnam changkanghai chengna, ram hmasawn le changkang haiah chun thing hring \ha, a damsawt chi phun an uor hle. Washington DC Local Channel-a an hung suklang hai khan thing hring an hauzie le a tamzie ei hmu tawl a, an hawi el chau ni lovin a mawi em em a, ha a suk-dam rawng rawng el a nih. Ei ramah sik le sa mumal thei ta lo hi mumal tak le umzie nei taka a hung fe thei nawkna dingin ramngaw, thing le ruo, tui hai hi hum-hal tlat tum seng ei tiu.

Ka pei hlaWl naWh!Rev. Dr. H.M.Songate

“chun, ‘thalhai kha hung la ta’, a ti nawk a; chuongchun, a hei lak a. chun, israel lal kuoma chun, ‘hnuoi kha hei sun ta’ a ta; chuongchun, vawithum a suna a chawl ta a. chuongchun, pathien mi chu a chungah a lungasen tah a, ‘vawi nga vawi ruk

lai i sun ding in sawnnaw, chuongchun suria mihai chu bohmang der khawpin i hne ding a nih. amiruokchu, suria mihai chu vawithum chau i hne ding a nih’ a ta” -2 lalhai 13:18-19

lusei \awngin “Tling\hel a piang pawi tih a zual” anlo ti hlak hin umzie iemanizat a lo nei ding a nih. First division ding mark khat chaua tlingnaw

dam, second division ding mark hni chaua tlingnaw dam, civil service result ah mark khat chaua inthlau dam, sipai hai tading chun minute khat chau service join inhnu dam hin thil kawngro nasatak a sut phak hlak a nih. Tling nawna le tlingna kar kha an hnai emem veil eh, an kar hlak chu a hla nawk emem el si a. Chuleiin, tling vanga, tlinglo deu hi pawi ei ti nawk zuol hlak a nih. Ka sangpa H Lallien Songate tuta Customs service-a um pa khu class ten an examnaah mathematics ah mark 19 chau an pek ve tlat leiin First division ding kha an in fail tir der el a nih. Hazat a um emema examinerhai zawngdawktak ei nuom deu thaw el a nih! Chuong ang deu chun mi tamtakin ei nina ding anga Pathienin a mi siem (potential) ei phak thei nawna san iemani zat a um thei a. A \hen chu an tumru naw lei dam, \henkhat chu an thabo lei dam, \henkhat chu hmasawn le insiemthar (change) an pei naw lei dam, \henkhat vethung chu an khaw hmu tawi leia huntawk inti dam, \henkhat chu inchuktir theilo hrim hrim dam (un teachable) anni tlangpui lei ani hlak. Hieng mizie popohai hi mani develop (in\hanglienna) dinga \ha pakhat khawm a um nawh. Ka pei hlawl nawh! 1981 khan Guwahati ah Mizo tlangval thabo deu el, lekhathiem emem bawk leh in kan hluo hmunkhat a. Civil service a exam zatin ‘B’ group le ‘A’ group an hnuoi tieng deu a hmu zie a. SBI PO khawm a tling zie bawk a. Vawikhat chu hieng ang hin ka hril a, “|huama, kei chu rawngbawl dinga hung ka nih a, nang chu sin lientak zawng dinga exam I nih a. Hi neka nasa lem hin thaw la IAS Ila hmu ding a nih” ka tih a. “Mizoram pawnlamah awmtur chuan eng post pawh ka duh lo”! a ti chu. SBI ah PO a na, kha hma deu khan SBI, Mizoramah a lientak a nih. Mizoram chu a suoksan naw ngei a, amiruokchu, SBI a khan number bel le pei bak kha a thaw ka ring nawh! Ka thu lo awi sienla, Mizoram kha vanram te ang deuin lo ngainaw sien chu, Chief Secretary level chu ani el thei an tah. Chun,1995 lai khan Guwahati ah Kan tupa Ringum Joute ka umpuia. Nasatakin kan fui hlak a, SBI, IDBI le a dang dangah PO an ziek kai pei a, civil service ah ala tling zo nawa chu a mark a hmu insang thei leiin tling thei dingah ka ruot a. Amiruokchu, vangduoia siemin Assistant Grade a hung hmu hlau ela, a pate Neikung le kan thu la lovin, Delhi ah a hung um thang ta mei mei el a, pawi ka ti em em. Naupangte in muol a mi liemsan a nih. A ninain a tlin ding le phak ding chen kha ava tlung phak naw zie kha a hmutu ka nih. Pei ta hlawl lo chu! Kan ruolpa Mizoram sawrkar department a head department lo ni hlakin a pate government teacher chanchin hieng ang hin a hril. “Black board ah ka inhum tar lo tawp ang”! tiin. A tumru dan chu hriet thei a nih. ‘Teacher sin hi ka damsung thaw naw tawp ka tih’, a tina ang a nih. IPS officer lientak hung niin a penson el a nih. Teacher-a penson nek chun state pakhat police liena penson chu a ropui lem hrim hrim! “Mi thiem khawm iengkhawm an ni chuong nawh, officer lien khawm iengkhawm an ni bik nawh”, ei ta, lungawi ni awmtakin ei chau zie ei chapopui nawk hlak hi ei thabo taluo umngaina hrelo ei nih! Mihriem pakhat ni ve bawka tum mumal neilo neka mi lunginsietum an um nawh! Mi invet letder ni bawk lova, mani tumram le fena ding lampui ngaituona chang hrenawhai chu mi chut, ruol banlo chu anni ding hrim a nih. College kan kai laia kan ruolpa pakhat chun, “Kei chu BA pass phawt phawt lang, Mizoram High schoolah teacher ni ngei lang; ka student laia mi ngei nuhmei ding ka thlang ding a nih!” a tih. A ti ang ngei chun High school teacher sin a zu hmu ta khawng khawnga, a student ngei nuhmeiah a zu nei! Ka ruolhai laia ‘duthusam ang char hmu um sun’ niin ka hriet! Mi vangnei tak chu a nih! social network pasal\ha!: Tulai hun iemani chen hi India hmarsak tienga tribal ruol hin social network hi ei inhnik emem a, ei inhaakpui ani deu tak tah! Group hei tam zie hlak chu! Nakie el khawm khan \awng dang group pakhatah an mi hung belsa nawk. Group ka \hangna nekin ka suokna a tam lem dai. Suok

(exit) lo theilova ka ngaina san tlangpui deu deuhai- “Vawizan khan mang mak deu ka nei”!! “Vawituk chu ka tho inhnu bak el”! , “Lungrila ngairuk nei hi chu….!”, “Tho ta ro”, “Vawisun chu a lum rek ie”!, “Vawk sung kan hme”!, “In va re tawl de”!, “Pu Thanga phone number hrie in um?”etc, etc ti vel a tam taluo! Chun, group danga chanchin mak deu an hung post hnung post sawng a tam taluo bawk a, ngawk a um anih! Hieng ringawt buoipui hin nutling-patling sunnithlakin an um el hlak chu a na! Nuizat umtak tak dam a hung suok pha, milai innui \uiin ei en nawk hlak! |henkhatin mi thuziek dam, chanchin hung suok hrim hrim an lo comment-hai lem hi a buluk thei taluo a, pangzat a um el a nih. Hnam chungchang thu tiem dam inzapui um taluo an hung hril pha le chu kalo inzak ngawi ngawi hlak! Social Network hmang \angkai lohai chun thabo an inchuk malam pei a, an mawlnain zuol tieng a pan pei bawk a nih. Pathien thu chang le sermon tawi thiemtak tak le practical deu deu dam ka tiem fuk hlak a, a tamlem chun chuong ang thu\ha chu an ngai pei chuong nawh. Internet hmang \angkaiin mi nauhai chun khi, khi an phak tah a, ei ni rawi khawm a tlawm a zawng, a bikin nuhmei tiengin hma an hung sawn pei a. ei lawm hle a nih. Fiemthu le thu hmang tlaklo buoipuinaa hmangtuhai hi WhatsApp le FB medal pek chi an na, \halai tamtak a hmang thiemhai hi inzana insangtak pek chi an nih. Social network (internet facility) hmang \angkailo student le rawngbawltuhai hi mi hnung hnawt anni thei bawk. Ei hrietna le ei thiemnahai hi ei dittawk awl taluo hi a pawi emem a nih. Hmasawn met le hriet tam deu hi iengkhawm a pawina a um nawh a, mihriem puitlingna lampui a ni lem. taimakna le varna inkawp: Israel lal Joas hi a vangnei teu emem a, Pathien mi Elisha in Joas kuomah “suria mihai chu bohmang der khawpin i hne ding annawm”, a ta (2 Lalhai 13:17). Amiruokchu, Thalin hnuoi kha vawithum chau a hei suna a tawpsan el kha a pawi emem a nih. A sun ding zat hril ani nawha, a varna, a rem hrietna le a taimakna chungah khan an nghat tawp el a nih. A zuk duam naw deu kha chu pawi ka ti ngawt el! Chang 7 naah, Suriahai hne ram vawng dinga a hril kha, a hnuoi sun tlawm taluo leiin, a sunzat- vawithum chau a hnepha an tah. |huoitu dinga ruothai (leadership) ta ding thil pawimaw tamtak a min hmutir a nih. ‘Thil hrim hrim ngaituo chet chet zova thaw ding chau ani zie a suklang’. ‘A san hre der lova nuom pawnga thaw hlak ani leia thaw el ding an naw zie a suklang bawk’.’ Ei thilthaw le ei thawnasan ei hriet a ngai bawk a nih’. ‘Thutiem tasa khawm ei felhlel leiin ei la chan rawp thei zie a min hmutir bawk’. ‘Pathienin ami bieknahai chiengtakin ei ngaituo chet chet ngainaw zie amin chuktir bawk’. ‘Hmalakna hrim hrimah fimkhur a \ul zie a suklang bawk’. ‘Taimak le remhrie ding ei ni zie a sukchieng bawk’. ‘Pathien tinaw ang zawnga thilthaw a awlsam zie a suklang bawk’. ‘Iengtiklai khawma \awng\ai puma Pathien rawn a pawimaw zie amin chuktir bawk’. ‘Inchukna le sin thawna hrim hrimah taimak a \ul zie a suklang bawk’. Nang teh, Pathienin ieng thaw dingin am a hril che a? I thaw am le? Titak le taima takin I thaw am? A tirtu che a lungawi tawk dingin I ring am? Vawithum chau inthuok phut phutin hnuoi I lo sun ve el am am aw? Ral hne theilo le suol do peilo ringtuhai hi dan naranin an thawding ang thawlo an ni nuom nuom vieu. An thaw khawma, thaw phuol, thaw nuol, mani ning ninga thaw dam, mani \ha ti zawnga thaw dam an ni nuom vieu. Parthien nauhai hi taima hnam ding ei nih. Piengthar feltak thabo le mani sina ringumlo an um thei ka ring nawh. Mawphurna ngaimawlo ringtu \ha an um thei ka ring bawk nawh. Ei thaw taphawt hi Lapa sin angin thaw inla, Ama \i dek pumin; ei hlawtling ngei ka ring. Bat tlakna meimei dinga lekha inchuk, bat tlakna meimei dinga rawngbawl, bat tlakna meimei dinga insung, ram le hnam enkawl dam hi \i a lo um de! Student \huoituhai dam, hnam \huoituhai dam, kohran le khawtlang \huoituhai dam, Pathien dit ang tawka taimakna nei \ul hle. An naw leh, vawi thum chau I suna I dittawk ve el? Vawi nga, vawi ruk bek sun ta la!

Ram ta dinga martar a ni leiin ka mitthli sukthla naw ning: SoumenKolKata: October 13, 2017 nia Darjeeling hmuna security forces han GJM hotu Bimal Gurung man tuma dappui an thawnaa inkaptuona tlunga kaphluma um Police Sub-In-spector Amitava Malik pa Soumen chun, a naupa chu ram le hnam san-himna dinga a duty-na hmuna thi a ni leiin a uongpui hle thu hrilin, ‘ram ta dinga martar a ni leiin a ruong chun-ga hin ka mitthli sukthla naw ning’ tiin a hril. Mr Malik hi kum 2015 a inthawka Darjeeling hmuna posting a ni a, tu-kum August thlaa an chengnain Mad-hyamgram a va sir huna a pa Soumen hin a sin inbana sin dang thaw din-gin thurawn a pek a. Amiruokchu Mr Malik chun ‘police officer pa (father) I ni hi uong hle rawh, sin dang thaw dingin ka sina inthawk bang ngai naw

ning’ tiin a pa hi a seldawng a nih. Television-a a Mr Malik thi thu an hung puong huna khan naupa \awng-kam hi a nakawr-a hung inri nawk vang vang thu Mr Soumen chun a hril a. Hi lei hin a naupa chu ram ta dinga martar a nina hriein a mithli hrim hrim sukthlak a tum naw a hril a nih. Mr Amitava Malik hi school le college haia topper ni hlak, lekha-

thiem thei takel a ni a, kum 2014 a kha Police zawm a nih. Burwan University-a inthawk electrical engi-neer inchukzo a ni leiin competitive exam dang dang Bank le Insurance sector haia khawm hlawtlingna lo hmu ta hlak a ni a, nuom sien chu a sin him lem khawm thaw thei ding a nih. A nu le pa hai chun Bank le sin him dang zawm dingin an fiel hlak a, sienkhawm Amitava Malik hi a nuom ngainaw a nih. State education minister Par-tha Chatterjee chun, Mr Soumen hi North 24 Parganas-a education department office-ah sin pek ding le CM relief fund a inthawk a sung hai zangnadawmna Rs. 5 lakh pek a ni ding thu a hril bakah Mr Malik nuh-mei chu Home department-a sin pek a ni ding thu a hril.(TNN)

Sharing and Growing Together programme thiltum tak chu \halai hai sukhmasawnna le inpumkhata um niin Pu Surjit chun a hril a, ei ram sukhmasawnna dingin maw-phurna mitinin ei nei thu a hril bawk. Ei ram hmasawnna ding chun a thlawna dawng ding le sawrkar kut nghak el lovin, tlangram hmuna hai khawm luta pumkhata hmalak a pawimaw zie thu Pu Surjit chun a hril a, tlangmi le phaimi \halai hai \hangruola inpumkhatna neia hma la tlang dingin fielna a siem bawk. Programme a hin Pu Heikham Dingo Singh, MLA, Sekmai A/C; Pu Lalrohlun Hrangchal, Secretary Muolvaiphei Village Authority; Pu Nupur Bora, Area Sales Manager, North East Circle le Ksh. Somorendro, President, Acoam Lup, Kangleipak hai Chief Guest, Guest of Honour le President in an \hang a, chawimawi-na dingin Hmarpuon insiltir seng an nih. Chief Guest Heikham Dingo Singh in thuhrilna a neina a chun, Ma-nipur sawrkar thar inrawina hnuoiah thla 6 sung chauin danglamna tam tak a um thu a hril a, CM inrawina in tlangram biel haia khawm fe in Awarness nei pei niin, hmasawnna ding plan tam tak siem pei a ni thu a hril. Pu Heikham in a hril peina a chun, India sawrkarin Digital India project neia hmalakna a fepui mekna ah Manipur sawrkar khawmin theitawp a suo ve thu le, tlangram le phairam biela cheng hai inang vawnga Computer in-thiemtir ding niin, thlier hran bik um lova level inang chara sukhmasawn an ni ding thu a hril. CM N. Biren Singh inrawi sawrkarin hi kawnga hin \halai hai a ngai pawimaw bik thu Pu Heikham in a hril a, Manipur pum-

pui pumkhata um le sukhmasawn tuma sawrkar hmal-akna chu mipui hai khawmin thlawp seng dingin a fiel bawk. Programme a hin items chihran hran a um a, hun hawngna dingin Bethesda College of Nursing Choir haiin rimawiin mipui fekhawm hai an in-awi a, Muolvai-phei Cultural Troupe haiin Fahrel Tawk lam le Khum-bong Village han “Maibi the Great” lam mawi tak inen-tirna neiin, AIR Singer Damini in hla mawi tak 2 sakna a nei bakah, Muolvaiphei VA le Mangaal Rural \huoitu haiin tlangram le phairam mi hai angkhat vawng ei ni zie suklangna in mani hnam puon inpek tawnna an nei. Pu Lalrohlun Hrangchal in Presidential speech le Vote of Thanks hrilna hun a hmang a, Muolvaiphei hmuna Mangaal Rural haiin project an hawng thar ding chu lawmum a ti thu le, Muolvaiphei khuo chu hmun kilkhawr le lampui inhawi naw tak khawm nisien, Insti-tution le Centre pawimaw tam tak umna a ni leia hmun pawimaw tak a ni thu hai a hril. |halai inchuk mekhai hmakhuo ngaina leiin, Man-gaal Rural hin August, 2017 a inthawk khan Churachan-dpur-ah Tablet instalment a inchawk thei dingin project a nei \an a, Computer thiemna tienga \halai hai sukhma-sawnna dingin a thlawna Computer inchuk theina Com-puter Literacy Programme hi a hung hawng nawk a nih. Computer training hi October 20, 2017 a nei \an dinga ti niin, hi hun tlung hma po hin Computer inchuka \hang ding hai chun Max Computer, Muolvaiphei-ah inzieklut ding niin thuneitu haiin an hril.

Tlangram le Phairam level inanga sukhmasawn ding-sunzawmna

Hmatieng peia khawm SRR chun a Charity Initiative hi nasa lema fepui pei dingin an inpuocha thu David Buhril chun a hril. Sangamuon Inn-a SRR thawlawm inhlanna le law-mthu hrilna Pastor Alan Thiek in a nei a, “Vawisuna Sinlung Royal Riders hai thilthaw hi Pathien thu le inmat thlap a nia; mani unau hai le \hangpui \ul hai vawisun hin a thu ringawt niloin thilthaw ngeiin ei \hangpui thei hi Pathien ditdan le lawm dan a nih” tiin a hril. Hi hunser hmang zo hin Sinlung Royal Riders chun fahrahai chu refreshment an fak pui. SRR chun zani ma khan official deuin an office le signboard hawngna an nei. SRR office chu Buhril Cottage, Bethel a ni a, hi huna hin SRR member hai khawma hun hmangin chona nasa-tak a pek tawl thu an hril.

SRR in \hangpuina an pek -sunzawmna

LYF GHQ in Jubilee Calen-der an tlangzar

ccpur: Lutheran Youth Fellowship (LYF), GHQ chun Oct. 14, 2017, 7:00AM khan ELWA Ju-bilee Hall, MELC Office, Zomi Colony-ah Diamond Jubilee hrietzingna ding Table Calendar 2018 & 2019 tlangzarna an nei. Hi huna hin M. Lhunk-homang @ Mangboi, Special Contractor chief guest in a \hang a, T. Kh-upzathang, Social worker le M.Haumang, Manager, UBI, CCPur Branch hai

functional president le guest of honour in an \hang a, Rev. Dr SK Manlun Chief host in a \hang. Calendar hi M. Haukhanthang in a tlangzar a, Rev. (Retd) Dr Hang-minthang, Bishop, MELC in Pathien kuomah \awng\aia inhlanna a nei. Calendar zawrnaa sum hmu hai chu LYF Diamond Jubile hmangna le inzawma Diamond Voice a \hang hai Music Video Album siem-naa hmang tum a nih.

Hmasawnna Thar3 changer (october) 15, 2017pathienni (sunday) national/international & advertisement

laKtaWi

LAWMTHu HRILNAAsthma natnain hun sawt takel ka damnaw a, inthuok harsa ka ti a, ka taksa a hung zawi a, ka in thei naw a, kan khul zing bawk a, ka kut le ke hai a hung ngawi hlak a. Beidawngin M.V. Azad Phusam ka pan a, tuhin chu ka dam tah. Hi lei hin M.V. Azad Phusam chungah lawmthu ka hril. Hieng a hnuoia hmun le phone number haiah hin pan le biek thei a nih.1. Tiddim Road, Opp. J.P. Selection, ICI Church Road, Churachandpur.2. Hatta, Opp. Oil Pump, Near Public Hospital, Hatta, Imphal.phone numbers : 8014025567 / 7628890261

sd/-themneoTuibuong

tHe pAtHFInder sCHOOl Sahei Road, Vengnuam, New Lamka Churachandpur, Manipur-795128

ADMISSION NOTICE• Admission for Prep Class opens from 16th October, 2017• Admission for Nursery – Class X will begin on the 5th January, 2018

speCIAl FACIlItIes:• Class Toppers (Old & New) of the previous acade- mic session will be exempted from Admission Fee.• The fourth child of the same parents will be exempted from Admission fee.• Fifth child will enjoy exemption from Admission and Monthly Tuition Fees.

Admission Form can be obtained from the School Of-fice during School hours from 16th October, 2017.

sd/- principal(10, 12, 14,15)

nGHIlnI UMlO KAn pA

NGURTUOKLIEN(Feb. 2, 1943 – Oct. 15, 2016)

Khawvel rinumna le natna tuor talo dinga Vankhawpuia i min lawisan ni a Champha a hung tlung hin kan ngai che a zuolin mitthli a sur naw thei naw !

I nuhmei : Lalthienghlim Pudaite le I nauhai le I tuhai Shan Veng, Rengkai.

J&K a inkaptuonaah LeT command kaphlumsrinagar: Jammu and Kashmir-a Pulwama district-a chun zani zing-kar khan Lashkar-e-Taiba le security forces hai an inkaptuo a, inkaptuonaa hin Laskhkar –e-Taiba (LeT) Commander pak-hat \hangin helpawl pahni kaphlum an ni bakah Civil mi pakhat Gulzar Ahmad Mir in thina a tuok bawk. Hi inkaptuonaa thi LeT helpawl pahni hai chu self-styled LeT district com-

mander Wasim Shah le Nasir Ahmad Khan hai an nih. Security forces-a spe-cial operation group le Army \hangruol han re-port an dawng le inza-wma dappui an thaw huna helpawl han silaiin an lo kap a, chu taka inkaptuona hi tlung a nih. Inkaptuona hmuna hin AK-47 rifle 1 le AK-56 rifle 1 bakah magazines 6 dapdawk a nih.

LeT commander kaphluma um Shah (23) hi Shopian-a Heff-Shrimal a cheng niin kum 2014 a kha LeT zawm a ni a, ‘Abu Osama Bhai’ tia hrietlar a ni bawk. Shah hi case tum tuma inrawlna neia intum le sawrkarin luman Rs. 10 lakh neia a lo puong ta a ni a. Kum 2016 a South Kashmir huopsunga buoi-na le tharum thawna tum tum haia mawphurtu taka intum a nih.

Delhi-ah Swine flu leiin mi 12 thi tah

neW delhi: Tukum fe mek sung hin New Delhi-a chun Swine Flu leiin mi 12 in thina an tuok ta a, hi laia 8 hai chu Delhi mi (resi-dents) an nih tiin Delhi Health Minister Satyendar Jain chun zanikhan a hril. Data puonglanga um dungzuiin tukum October 12, 2017 chen khan Swine Flu invawi mi 2,818 hmu-suok an ni a, hi laia 620 hai chu state dang mi Delhi-a um an ni a, Swine flu leia thi 12 hai laia 4 hai chu state dang mi an nih tiin Mr Jain in data a puong-langa chun an ziek.

Swaraj in Pak. mi 2 Medical visa pek an ni ding thu a hrilneW delhi: External Affairs Minis-ter Ms Sushma Swaraj chun Pakistan mi damnaw pahni India rama inenkawl dinga visa pe dinga hnina petu hai chu Medical visa pek an ni ding thu a hril. Hi thua hin Islamabad-a Indian High Commissioner

kuomah visa pe dingin an hriettir tah. Pakistan mi medical visa pek ding hai chu India rama liver transplant thaw ding nuhmei pakhat Naseem Akhtar le Mr Shabbir Ahmed Sha, liver transplant thaw ding tho hai an nih. (PTI)

Delhi CM Car inhmang hmukir

neW delhi: Delhi Chief Minister Arvind Kejriwal hmang lai WagonR Car inrukhmanga um chu zani hmasa khan Delhi Police han Ghaziabad-a Mohan Nagar hmunah an hmukir. Car sunga hin kawlhnam dapdawk a ni bawk. Ghaziabad Police chun a car engine chassis num-ber a inthawk Mr Arvind Kejriwal Car a ni ngei ti an sukchieng tah. Car hi Mohan Nagar lai maksana hmu a ni a, Police han an enfel hnunga Mr Kejriwal Car inhmang a ni ngei ti an sukchieng a nih. Hi car hi Mr Kejriwal in kum 2015 Assembly election huna nasa taka a lo hmang a ni a, October 12, 2017-a kha tu ti hrietlo han an inrukhmang a nih.

Silaimu leh mi pakhat man

shillong: Meghalaya-a India le Bangladesh ramri bul Nongbareh Rim hmuna chun zani hmas khan Amla-rem Police han silei le a mu leh mi pakhat an man. Police han dappui an thawna hmuna ralthuom hi an dapdawk niin Amalarem SDPO Jason Marom chun a hril a, ralthuom an man hai lai Muzzle loading single barrel rifle 1, a mu 41 le si-lai hlo bur khat a \hangsa.

EC in PDF symbol dingin candle shillong: Election Commission chun Megha-laya political party thar People’s Democratic Front (PDF) symbol dingin Can-dle ( pair of candles) a pek. PDF President chu I.Marbaniang a ni a, Elec-tion Commission-a regis-tration an ngenna pawm-pek a ni bakah an party symbol dingin October 3, 2017 khan candle a hung sukfel pek ta a nih.

PDF hi kum 2016 a kha indin a ni a, party symbol pek a ni thu hi October 9, 2017 khan hung inhriettir a ni a, hi le inzawm hin zani hmasa zan khan PDF chun an party symbol tlangzarna an nei a nih. PDF General Secretary Auspicious Lyngdoh chun, hmatieng peiah Megha-laya MLA ni lai tam ta-kin PDF an hung zawm ding niin party symbol

tlangzarnaa thu a hrilnaah a hril a, Khasi Hills Au-tonomous District council a members \hahnemtawk takin PDF an zawm ta thu a hril bawk. Meghalaya hi kum 2018 kumbul vela Assem-bly Election nei ding an ni a, PDF chun Khasi-Jaintia Hills region-a constituen-cies 36 hai bakah Garo Hills-a seat iemanizatah candidate nei an tum a nih.

NIA in militant funding thuah Nagaland officials 4 an mandimapur: National In-vestigation Agency (NIA) chun October 13, 2017 khan Nagaland government of-ficials 2 \hangin mi 4 hai chu sawrkar sum (pawisa) helpawl hai kuoma pek din-ga keihek a intumna leiin Dimapur hmuna an man. NIA in an man hai chu Agriculture Department-a Additional Director V. Aza; irrigation Department-a joint Director Hotoi Sema; Fisheries department-a Ca-

shier Kekhriesatuo Tep le Tourism director hlui Pura-khu Angami hai an nih. Dimapur police han tuta hmaa 384 IPC hnuoia case an siemkhum dungzuia hieng mi 4 hai hi NIA in an man a nih. April , 2017 khawm khan SS Khaplang fac-tion NSCN-K hai ta dinga sawrkar fund keihek a in-tumna leiin Nagaland gov-ernment officials 3 man an lo ni ta bawk.

Helpawl hai kuoma sawrkar fund keihek pe-kna thua hin sawrkar offi-cer dang dang khawm man an la hung ni pei ring a ni thu NIA thusuok chun a hril. Project thawna dingin fund lakdawk le paper a chun indik taka hmang anga ziek a ni a, sienkhawm project thawna ding pawisa peksuoka um hai chu kei-hek a nih hmusuok a ni thu NIA chun an hril. (ENS)

PM in Public university 10 le Private univer-sity 10 World Class –a siem a ni ding thu a hrilpatna: Prime Minister Narendra Modi chun, India rama sawrkar University (Public University) 10 le Private University 10 hai chu world class University-a siem an ni ding thu zan-ikhan Patna hmuna a puong. Hi thu hi zanita Patna University centenary cele-brations lawmna huna thu a hrilnaa a hril a ni a, hi thila ding hin sawrkar thlungpui chun Rs. 10,000 a pek ding thu a hril. Hieng world class Universities a siem ding hai chunga sawrkarin thu neikhum naw ni a, puotien-

ga inthawk tukhawm inrawl naw nihai a, university hai chu an nuom anga inenkawl dinga thuneina pek ning an tih tiin a hril bawk. University a student hai chu pensuok a, tulai khawvel buoina chingfel dinga ngaituona thar hmang dingin Pu Modi chun a ngen

a, ngaituona thar innova-tion chu ram hmasawnna dinga thil pawimaw tak a ni thu hrilin, tuhin India ram chu khawvela palina a ni a, hmatieng peiah pakhatna a hung ni ngei a beisei thu a hril. Pu Modi hin Mokama hmuna Rs. 3700 crores zet thawna ding project tum tum a hawng bawk. Project thawna ding hawng hai lai hin Namami Gange hnuoia sewerage project 4, National Highway projects 4 le Ganga vadung chunga leilak lane 4 a lien dawna ding hai a \hang.

Nupa tuokkhat a thisaa hmu an nihmamit: Mizoram-a Mamit district-a chun zani zingkar khan nupa tuokkhat a thisaa hmu an ni a, mi that ni dinga ringhla an nih. A thisaa ruong hmu hai chu Pu Hmingchungnunga le Pi Rozika hai an ni a, Kawrthah le Tumpanglui inkar, Kawrthar-a inthawk km. 2 vela hlana hmuna an Kuva chingna huon-a hmu an nih tiin Mamit District SP Pu Narayan Thapa chun a hril. An lang danin thil ngei tak hmanga that anni ding

a ni a, Pi Roziki hin sa-ruoka um a ni leiin suollui a ni ring a ni thu Police thun an hril. Hi thil thawtu hai hi hriet an la ninaw a, suizui mek a nih tiin Police chun an hril. Pu Hmingchungnunga hi Kawrthah Police Sta-tion-a lo thawk hlak niin Mamit SP Narayan Thapa chun a hril a, a pension hnung hin Kawrthah tieng huon siema um a ni a, nau pasal pakhat le nau nuhmei pahni an thisan.

Trump-in Iran Nuclear Agreement Certify Nuom Tah NawhWashington: North Korea tieng buoina a re ta dim a nih ti laiin, Middle East tieng Iran le US kâra Nuclear Agreement an nei chun that tieng nêkin siet tieng hma a sawn pei a. Nuclear Bomb dang hung suokna ding an her suok mek niin an lang. US President Donald Trump chun Iran leh Nuclear Agreement an nei chu, Iranin inremna ang takin a zui nawh a, nuclear bomb nei theina dingin hma a lak ruk zing ti leiin a certify nuom ta nawh. A tâwpa, a nungchang a sunzawm pei lem chun a la sukbo (terminate) el thei thu a hril. President Trump hin a hmaa President Obama le Iran-in Nuclear Agreement an lo siem chu Iranin US a hlemna tiin sukbo a ni ding thu a lo hril ta sa a nih. Amiruokchu, hi inremna hi US le Iran chau ziek a ni nawh a. Rambung dang UK, France, Russia, Germany, China le EU hai khawm an thang a nih. Rambung danghai chun Iran hin inremna a zui a, nuclear bomb a siem nawh tiin Agreement chu suksei nawk an rawt a. Iranin Agreement a zawm sung chu fak le dawn sumdâwngna hren lo ding ti a nih. US President ruok chun, tlâwmte te’n thil chîte te a pawisak naw tan a, a bawsiet zing a. US chu iengah khawm a ngai nawh. A nep taluo leiin a mi hmusit a nih, tiin Obama le inremna lo siem tah chu a khau naw taluo niin a hril a. A certify zawm nuom ta nawh a. Thutlukna tâwp

ruok chu House of Congress siem ding a nih tiin a hril. “Tuta thil umdân taka fe pei chun a tawpah Iran chu Nuclear Bomb inneittir thei a ta. US rekbetnahai chu iengmalo inchang vawng an tih, a nep taluo” tiin a hril la. House of Congress chun hremna le rekna (sanction) hai sukkhauin en \ha sien, a nuom chun a sukhring nawk thei thu a hril bawk. Hienglai zing hin Iran chun President Trump a thuhril chu ‘umzie bo’ le ‘belchieng dawllo’an tih a. Inremna ang takin Iran chun iengkim a zawm vawng a, a la zawm pei ding thu hrilin Europe rambunghai le Russia le China hai chu economic sanction thaw lo dingin a ngen. President Trump chun, “Fak le dawn ding an hmu theina ding a nih phawt chun ieng ang khêl khawm an hril pei a. A taka ruok chu a ruka râlthuom le bomb siem zing an nih a. Ei chawi

ei châwm sung hin a tawpah Nuclear Bomb an lo nei der ding a nih, North Korea angin” tiin a hril bawk. Iranian President Hassan Rouhani chun, a sawrkâr chu inremna ang dungzuiin ngîr zing a ta, Trump chu bêlchieng dâwllo thu hrlin an tum. “Iran rambung chu tu hnuoia khawm kun ngai naw nih. Iran le Agreement chu hrât takin an la ngei zing a nih” tiin a hril. UN Atomic Watchdog hotu, Iran nuclear râlthuom enkaitu chun, “Iran chu khawvêla nuclear râlthuom enkaitu chiktakin a enkai a nih a, Iran chun inremna dan ang takin a zawm a nih” tiin nuclear bomb a siem naw niin a hril. International Atomic Energy Agency director general Yukiya Amano chun, Iranin JCPOA hnuoia thaw dinga an tiemhai chu tha takin a thaw” tiin a hril a. Agreement dan a zawm niin a hriet. Trump a Secretary of State, Secretary of Defence, National Security Advisor le Chairman of the Joint Chiefs of Staff hai chun Agreement la fepui \ha an tih a. Amiruokchu, CIA Director Mike Pompeo ngaidân a lak ta tlat leiin a fepui nuom ta naw a nih. US dan chun ni 90 hnung dan peiah Inremna hi sukthar nawk (verify) pei a tul a. Tum hni khawm President Trump hin phur lo zetin a lo verify tah a. Tuhin chua verify nuom tah naw a nih.

IG Award for Na-tional Integration

dawngtu dingin TM Krishna

neW delhi: Car-natic Musician inlar T.M. Krishna chu Indira Gandhi Award for National Inte-gration 2015-2016 dawngtu dinga thlang a nih. Mr T.M. Krishna hi tuta hma khan Magsaysay Award khawm inhlan a lo nitah. Award hi October 31, 2017 nia Indira Gandhi thi champha hmangna hunah Congress President Pi So-nia Gandhi in inhlan a tih.

Syria Raqa ah ISIS Helpâwl 100 An InpeKobane: Syria rama civil war le Muslim Helpawl ISIS haiin lalram lo indin an tum ve senna leia buoinahai chun re tieng a pan tiel tiel tah a. Abîkin, Islamic helpawlhai chu an tlawm tiel tiela ni tinin sipaihai kuta inpe an tam deu deu niin AFP chun a hril. Syria rama ISIS hai stronghold ni hlak Raqa khawm, America \hangpui Syria army han an bei hrep a. Ni tinin ISIS helpâwl dozen chuong zet zet an hung inpe (surrendered) zing a. Ni khat sûngin ISIS helpâwl 100 neka tam an silaihai leh an hung inpe (surrendered) tah niin US Allies hai chun e-mail in AFP an hril.

Syria rama Islamic helpawlhai ram tungding tumna kawnga hin ramdang (foreign) haia inthawk khawmin tamtakin Syria lutin an \hangpui a. Chuong foreign fighter hai tamtak chu hilai Raqa ah hin an lan birua hriet a nih a. US thlawp military thusuok

chun, “ISIS fighter foreign mi tukhawm Raqa suoksan phal an ni nawh” tiin a hril. Inrinni khan Syrian Observatory for Human Rights, Britain chun, Syrian Jihadist, ISIS Jihadist mi 200 vel chun an sung le kuohai leh an hrâtna biel (stronghold) an suok tah niin

a hril. Rami Abdel Rahman chun, ni 5 sung liemtaa khan ISIS helphawlhai chun Raqa an suoksan vawng tah” tiin a hril ve. Raqa official-in AFP a hril dan chun, ISIS Jihadist hai chun thawk le khatin US \hangpui Syrian Democratic Force (SDF) hai kuomah an hung in pe thuta, mi 200 nekin an tam niin Raqa Civil Council le Tribal hotuhai kuomah khawm an hung hril niin a hril. Ama chun, “Hieng ISIS helpawlhai hi foreign a mi an um nawh a. Toulsung mi deu vawng an nih” tiin a hril bawk. Abdel Rahman chun, “Tu tak hin Raqa ah ISIS helpâwl 150 vel an la um’ tiin a hril.

Gauri Lankesh thattu ring-hla hai limziek tlangzar

bengaluru: September 5, 2017 nia Bengaluru hmu-na Rajarajeshwari Nagar area hmuna journalist le activist Ms Gauri Lankesh a In tuola kaphlum a nina le inzawmin Special Investiga-tion Team (SIT) chun zan-ikhan a kaphlumtu ni dinga ringhla le intum hai limziek (sketches) an tlangzar. CCTV camera a thlalak hai enfel a ni hnunga Ms Lankesh kaphlumtu dinga ringhla hai lim hi ziek-

suok a ni thu SIT inrawitu B.K. Singh chun a hril a, a kaphlumtu hai hi kum 25-30 inkar vel an ni ring a ni thu Mr Singh chun a hril. Ms Gauri Lankesh kaphlum a nina le inzawmin SIT chun tuchena hin mi 250 thu indawnna an nei ta a nih. Ms Gauri Lankesh kaph-lumnaa hmang silai kha 7.65mm country made pis-tol a nih ti sukchieng a nita bawkh. (ENS)

Twitter-in US Senate ah Account 201 Pêk LûtWashington: Social Media thil awlsam tak le uolau taka thawna a nih lai zingin a \hatna nêkin a \hat nâwna a tam nîng a tih, Russia sawrkâr meu khawm a fimkhur tâwk nâwna ni dinga ngai thei dingin US Election 2016-a inrawlna a nei le nei naw fiena dingin Twitter-a Russian account 201 zet chu US Senate kutah pek lut a nih. H i t h i l h i s o c i a l networking site Twitter khawmin sawrkâr thil suina kawngah \hangpui a nuom lei a ni a. Election lai khan Russia sawrkâr chun Twitter le Facebook hmangin advertisement tamtak US citizen hai target an châwk a, Trump a tlingna dingin a

campaign pui ti a nih. T w i t t e r c h u a hmangtuhai ‘privacy’ leiin a pek dawk nuom vat nawh a. Member haiin iem an thaw, iem an hril etc. tihai record hi a nei vawng a. An mimal le official nina po po leh, Anachu ‘terms of service’ le ‘privacy’ lei bawkin a pekdawk nuom nawa, anachu, lo thei lo a ni ta leiin a pek suok tah a nih. Hi thil hi sawrkar le mipui tienga inthawkin thudik phawrlangna dingin

social media giant Twitter hin a thaw tâwk nawh tia intumna a tam ta leia a thaw a nih. Chubakah, Twitter hin Russia an hnamhnuoi le hnuoi naw hriet theina ding post tamtak chu a lo ‘delete’ vawng ta niin hril a ni bawk a. Fiena ruok chu a la um thei nawh. Social Media hai hi sawrkâr regulation hnoia um an nih leiin information po po sawrkâr kutah an pek ding a nih lai zingin an client/customer hai dikna le chanvo an humhal pek ding a nih. US House of Senate chun Twitter, Facebook le Google hai chu hi thubuoi le inzawmin November 1 khain Court hmaa inlang dingin a ko tâwl a nih.

Hmar nunghak pathumin mobile lapektu pasal 3 an beilet

diphu: October 14, 2017 khan Diphu nunghak pathum- Nk. Lisa VArte, Nk. Priscila Varte, d/o Pu

Robert Varte le Nk. Esther Infimate, d/o Ramtharng-hak Infimate hai chu K|P (RPC) inkhawmpui uni-

form ding T-Shirt order dinga an fenaah Dimapur Rel station lai pasal 3 ve-lin Nk. Lisa Varte mobile phone an lakpek a. Huoisen taka an beilet leiin tlangval pahni hai chu an man a, a hnun-gin Police kutah an peklut. Mobile phone chawitu tak chu a tlan hmang hman leiin an man hman nawh. Hi thil tlung le inzawm hin Dimapur HYA contact nghal a ni a, HYA \huoitu hai chun hnawtzuiin an buoipui nghal a, Mobile tlanhman-gpuitu tlangval khawm hi man a ni ngei theina dinga bawzui mek a nih. (FHG)

Bimal Gurung zawngna sin sunzawm pei

darjeeling: Buoina siem dinga mipui infui-pawrtua intumna le inzaw-ma man dinga zawng mek Gorkha Janmukti Morcha (GJM) president Bimal Gurung man ngei tumin Police chun zanikhan a ni hnina dingin Darjeeling le a sevel haiah dappui nasa takin an thaw. Zani hmasaa Police han dappui an thawnaa khan GJM chief Bimal Gurung thlawptu ni dinga ringhla han silaia an lo kap

leiin Police Sub-Inspector pakhatin thina a tuok bakah Police 4 in hliemna an tuok a nih. GJM chun zani hma-saa Police hai silai hmet-puok leiin GJM supporter 3 in thina an tuok niin an intum. Mr Gurung hi West Ben-gal sawrkarin man dinga thusuok a siem le inzawma August, 2017 a inthawka kha inbihmang a nih. Darjeeling-a hin GJM hmalaknaa Gorkhaland ngenna leiin ni 104 sung zet shutdown/bandh thaw a lo nita a, sienkhawm Union Home Minister Ra-jnath Singh in shutdown tawpsan ta dinga a ngen lei le inbiekna nei a ni theina dinga hma a lak laia Sep-tember 26, 2017 a kha Shutdown hi hlipa lo um ta a nih.

Hmasawnna Thar4 EntErtainmEnt / SportSchanger (october) 15, 2017pathienni (sunday)

SUNzawmNa

Johor cup-a Indian team ding mi 18 hai puongneW delhi: October 22, 2017 a inthawk Ma-laysia rama Joyhor Bahru hmuna 7th Sultan of Joha Cup hung um dinga Indian cricket team member ding mi 18 hai puong an nitah. Indian team captain dingin Vivek Sagar Prasad ruot a ni a, Pratap Lakra chu vice-captain dinga ruot a nih. Johor Cup opening match-ah India chun Japan inkhelpui an tih. Indian team hai hi Sep-tember 11, 2017 a inthawk Lucknow-a SAI National camp-ah hi tournament-a dinga junior men’s team coach Jude Felix hnuoia training ta an nih. Kum

2015 khan Indian team hi final an lut a, Great Britain an hne zonaw leiin a pahni-na an nih. Indian team/squad hai chu hieng a hnuoia hai hi an nih. goalkeepers: Pankaj Ku-mar Rajak, Senthamizh Arasu Shankar.defenders: Suman Beck, Pratap Lakra (vice-cap-

tain), Sukhjeet Singh, Varinder Singh, Mandeep Mor, Sanjay.midfielders: Harmanjit Singh, Rabichandra Singh Moirangthem, Vivek Sagar Prasad (captain), Vishal Singh, Vishal Antil.Forwards: Shilanand Lakra, Raushan Kumar, Abhishek, Dilpreet Singh, Maninder Singh.

neW delhi: Modern-day Maharaja le WWE Champion ni lai mek Jinder Mahal chun zanikhan In-dian cricketer hlui Sachin Tendulkar chu a chengnai-nah an hmupui a, Sachin le a naupa Arjun hai chu December, 2017-a New Delhi hmuna WWE LIVE

event um ding uop ve din-gin ama mimal takin a fiel. Sachin naupa Arjun hi WWE fan le Jinder ngai-sangtu a ni a, Mr Jinder in an ina a van hmupui huna hin Sachin le Arjun hai chun “Modern day Maha-raja” T-Shirt an lo present.

Eimi Riders hai inthlasuokna hun hmangccpur: Chandel Dis-trict-a Lonpi khuoa An-glo-Kuki War Centenary hmang ding le inzawma Churachandpur District-a hung inzin Eimi Riders hai inthlaliemna zani 11AM khan KKL Complex, IB Road-ah nei a nih. Hi huna hin Ngainei-kim, President, Kuki Wom-en Organisation for Human Rights chun Eimi Riders hai \awng\aipekna a nei a, Lakhohao Chongloi, Gen-eral Secretary, Kuki Innpi, CCPur in a vailiem. Eimi Riders hai hi An-glo Kuki Ward centenary hmang ding le inzawma October 13, 2017-a kha

Kangpokpi District a in-thawk district tum tum sirkuol dinga hung an ni a, zani hmasa zan khan CC-PUr district an hungtlung a nih. Anglo-Kuki War Cen-tenary hi October 17, 2017 nia Lonpi khuo a Anglo-kuki war Centenary Com-memoration Committee and Celebration Committee huoihawtnaa hmang ding a ni a, hi huna hin Manipur CM N. Biren Singh khuol-lienin \hang a ta, Letpao Haokip, Minister, Water Resources and YAS func-tional president in \hang a ta, Nemcha Kipgen, Min-ister, Social Welfare, Govt.

of Manipur le Lhunkhosei Zou, Chairman, ADC Chan-del hai guests of honour le Thangkhosei Haokip, kumpi Kuki Innpi Chief Host le Khamliankhup Li-anzaw, President, Kuki Innpi Manipur; Krishna Kumar, IAS, DC, Chandel le Brigadier Rajesh Ku-mar, DIG 28 Sector Assam Rifles hai special guest in \hang an tih.

Lady Diana, Attitude Legacy Award 2017 Inhlânlondon: Princess of Wales, Lady Diana, kum 20 vel liemtaa Paris kâwla car accident-a thi chu magazine inlâr Attitude-in khawvêla HIV/AIDS dona kawnga a sinthaw-nahai leiin Attitude Legacy Awards 2017 an hlân a. Ama a um tanaw leiin a naupa naupang lem Prince Harry-in a nu lawmman hi a va dawng pek. Khawvela mi thil thawthei le milâr celebrity tamtak chawimawi an nina le an \hangna event a hin Prince Harry chun a nu thilthawhai le a mizie hre zingin, legacy a mâk-san ropui ziehai hriein, “A thilthaw a hrietchieng a, midanghai khawm challenge a pek hlak a nih” tiin a nu thil thaw dan a hril. Lady Diana bâka hin hlasakthiem Kylie Minogue, Amanda Hold-en le Mayleene Klass hai khawm chawimawina Award inhlan an nih. Roundhouse, Camden, north London-a nei event hi England-a Gay hai event anga ngai a nih a. Prince Harry hi Royal Family ah hieng ang award inhlannaa \hang hmasatak a la nih, a nu zârin. Diana kha HIV/AIDS khawvel ngai pawimaw dinga pholangtu pakhat a nih. Lawmman dawnga thu a hrilnaa chun, a nu kha HIV/AIDS chanchin a hriet a, do dinga thutlukna a siem lai khan kum 25 chau a la ni thu a

hril a. Khang lai huna khan miin an la hriet chieng naw leiin HIV/AIDS kha an \iin an tirdak em em a. HIV/AIDS nei chu insûng le khawsunga inthawka hnawt dawk dam an ni hlak niin a hril. A nu Lady Diana khan nasatakin hienga inthlierhrangna (discrimination) le stigmatization hai hi a do thu a hril. “HIV natna hriet dik naw/suol lei khan thil \ha nawtak le \iumtak ngaidân, homophobia le inkawp a siem a. Natna neihai chu an damnaw lei ringawtin an khuoa inthawka hnawtdawkin an um a, an sunghaia inthawk dâmin hnawt dawk an nih hlak” tiin a hril. Lady Diana khan kum 32-a upa

HIV/AIDS a na mi pakhat kut a chela, chu thlalâk chu khawvel pum-puiah an dar chum chum a. HIV/AIDS inthawka inkai thei an nawh ti message khawvêla mi inlârtak Princess of Wales-in a hei hril chu khawvel a var huoi huoi el a nih.“A nina, Princess of Wales kha mi po po hrilhrietna dingin a hmang \angkai a. Damnaw enkawl le hman-gai le duot ngaihai kha lunginsietna suklang dingin mi tin an chûktir a nih” tiin Harry chun a hril. Hi hunser hi Tomo Daley-in a keihruoi a. Ama khawm hi tulaia LGBT community-a inlâr a nih. LGBT community khawm hi tulai hin mi \henkhatin an la endawngin an la pawm tak tak thei nawa chu tamtakin an pawm tan mek tah a nih. Mikhuol inzauma an neihai lai hin Kylie Minogue, Matt Lucas, Sam Smith, Chris Robshaw, Beverly Knight le Little Miz’s Jade Thirlwall hai khawm an thang a. X-Factor singer Louisa Johnson khawm a thang bawk. Prince Harry a hung inlang ve hi mi tamtak chun mak an ti hle. Lady Diana chu Attitude Legacy Award dawngtu a ni leiin magazine suok thar tak cover ah a la chuong nawk ding a nih. Thi hnung khawma magazine Cover la hluo thei chu Lady Diana char a nih.

Stream Publishing managing director le Attitude magazine pub-lisher Darren Styles chun, “Diana hmêl\ha phena khan, thil \ha thaw nuomnaa khat phurna iemani a um a. Mi tlâwmte chauvin mi maktaduoi tel lungril ngaituona sukdanglam theina an nei a. Chu laia pakhat chu ama a nih ti Diana khan an hriet a – a nina (position-title) leiin HIV/AIDS natna nei abîkin Gay hai ta dingin a khêk suok tah a nih” tiin a hril. “Tu kum 2017 Diana thia in-thawka kum 20 tling kum a nia chu HIV/AIDS dona kum 30-n a nih tah a. Diana leiin do dan a danglam em em a nih. Mi tinin ei pawm thiem ta hi ama zar a nih. La dam sienla iem \hawng a tih aw ti hi ka ngaituo hlak, khangang lawma mi hne thei le mi \hangpui inhnik em emtu kha” tiin a hril bawk. Harry khawm hi a nu anga HIV/AIDS dotu a nih ve a. Free testing hrilmawia ama ngei khawm khawvel hmu hawia testing thaw a nih a. Naupanghai \hangpuina ding “Sentebale” charity an din bawk. Kensington Palace thusuok chun, “A nu kut hnung HIV/AIDS dona kawngah a sunzawm theina dinga hi huna hi va thang a nih a. A \hangpui le a thawkpui hlak Elton John Foun-dation a \hangpui pei ding suklangna a ni bawk” tiin a hril.

BYC in GSC 5-4 in an hneccpur: Churachandpur District Sports Associa-tion (CDSA) huoihawtnaa (L) Khaikhanlian Memo-rial District First Division Football League 2017 final le closing function chu Oct. 14, 2017, 2:00PM khan Peace Ground, Tuibong, CCPur-ah nei a nih. Hi huna hin H. Thang-zamuan, Special Contrac-tor le ST Solomon, Chief of Chiengkonpang hai chu Special Guest in an \hang a, Bungmual Youth Club (Bungmual YC) le Gang-gam Soccer Club (GSC) han final an inkhel. Guest han inkhel ding (players) hai inspection an nei zoin final inkhel \an ng-hal a ni a, full-time chenah goal khat ve ve thuna an in-

draw leiin extra time khel nawk a ni a, sienkhawm a tu tieng tieng khawm goal thun an umnaw leiin penal-ty pet a ni a, BYC in GSC chu 5-4 in an hne ta a nih. Inkhel zo hin award tum tum sem nghal a ni a, S. Molcham Youth Club-a inthawk Jersey No. 21 Thangkholal Haokip (15) chu Most Promising Player award inhlan a ni

a, Youth Club of Pear-sonmun a inthawk Jersey No. 19 Mangthianmuan (goal 6 thuntu) chu Top Scorer award inhlan a ni a, Federation Club of Zion Goalkeeper Liansu-anthang chu Safe-Hand Award inhlan a nih. Zanita Final khel BYC le GSC hai chu Su-per Division-ah an lut/kaisang ta a nih.

Manipur football player-hai ropui taka lo hmuokimphal: FIFA Un-der-17 Boys World Cup a zu \hang, Manipur football players 8 hai laia 7 hai chu zanikhan Imphal an hun-gtlung. Manipur football players 7 hai hi Tuilihal In-ternational Airport, Imphal-ah ropui taka lo hmuok an nih. Goal Keeper Dheeraj Singh chu a la hung naw a, New Delhi-ah a la cham-bang. Indian team Captain Amarjit Kiyam chun Mani-pur in World Class football stadium ei nei a \ul thu a hril. FIFA U-17 World Cup a Indian squad a khan Ma-

nipur-a inthawk Dheeraj Singh Moirangthem (Goal Keeper), Boris Thangjam (Defender), Amarjit Ki-yam (Mid Fielder-Captain), Jeakson Thounaojam (Mid Fielder), Md Shah Jahan

(Mid Fielder), Nongdamba Naorem (Mid Fielder), Suresh Wangjam (Mid Fielder) le Ningthoinganba Meitei (Mid Fielder) hai an \hang a nih.

Jinder Mahal in Tendulkar le Arjun hai WWE Live Event uop dingin a fiel

Jennifer Aniston-in $1 Million a Pêklos angeles: Tulai hnaia thlipui le ruopuiin North le Central America, Caribbean hai a nuoi nasat leiin mi tamtak thina tuok le harsatna tuok an um a. Hurricane chi li lai le thlipui ruopuiin a nuoi leia harsatna tuorhai \hangpuina dinga pawisa a la lut belsa pei a. Celebrity tamtakin an thâwlâwm tâwl tah a. Jennifer Aniston khawmin Hurricane Harvey tuortuhai \hangpuina dingin American Red Cross Socie ty le Ricky Martin Foundation fethlengin $500, 000 ve ve, a rêngin $1 Million a pek. Hurricane Maria, mi 43 zet thina tuortuhai \hangpuina dingin Ricky Mart in Foundat ion ah $500, 000 a thâwlâwm a, Hurricane Harvey le a dang dang han Puerto Rico le US state hai an suksietna le inzawma tui dawn ding tienga dingin $500, 000 a pek bawk. |hangpui ngaihai \hangpui dinga Puerto Rico inzin Martin chun Twitter ah Jennifer Aniston kuomah lâwmthu a hril. “Jennifer Aniston U R amazing Thanx 4 $500K f o r o u r # P u e r t o R i c o relief fund. We will never forget. U R saving lives Jenn. #All in4PR” t i in Ricky Martin-in a tweeted.

|hawngaleivir thlipuiin a nuoi leiin Puerto Rico hmun tam lem chu tui dawn ding le electric hai an la nei nawh a. |hangpuina sin ngawr taka thaw zing a la nih. Celebr i ty tamtakin thlipui le ruopui suksiethai \ h a n g p u i n a d i n g a n thâwlâwm tâwl tah a . September thla khawm khan Jennifer Lopez-ini $1 million bawk Puerto Rico rambung \hangpuina dingin a lo pek tah. Daddy Yankee khawmin $1 million a pek tah bawk. Hieng bâka hin fund raising Puerto Rico ta ding bikin a tam em em a. USA anga ram hausa an naw lei

le a rama inthawk celebrity (hlasakthiem) an suok râwn ve leiin a dawng râwn bik khawm a nih el thei, miin an ngaisak hle. Kar hmasak khawm khan Nick Kroll le host Stephan Colbert han @PuberMe ti fundraising challenge campaign an thawa Puerto Rico mihai \hangpuina ding, 1 million vel bawk an hmu suok. H a m i l t o n s i e m t u E m m a n u e l M i r a n d a khawmin 1 million a pek bawk a. Fundraise-na ding dang, Latin hlasakthiem Jennifer Lopez , Marc Anthony, Camilla Cabello, Gloria Estefan, Fat Joe, Luis Fonsi, John Leguizamo le Rita Moreno han “Almost Like Praying” ti hla/album an siem a, a sum hlawk po po Hurricane Maria t u o r t u h a i \ h a n g p u i n a dingin Hispanic Federation UNIDOS Disaster Relief Fund ah peklut nîng a tih. A hnai tak pakhat chu kar liemtah khan The Tonight Show host-tu Jimmy Fallon chun a TV program host The Tonight Show le Walmart han \hangruolin $1 million Puerto Rico Food Bank le Feeding America \hangpuina dinga an pek kha a nih. Chu zovah Jennifer Aniston pek hi a nih.

Justin Bieber Nuhmei Pakhat Leh Mexico Ah Hmu

los angeles: Canada tlangvâl US ah hun tam lem hmanga thang mek, Los Angeles, abîkin Beverly Hills laia mihaiin a um ding an phal naw leia thubuoi nei met, thlarau tieng damna ding zawnga a world tour tam lem khawn kansel tah Justin Bieber chu Los Cabos, Mexico ah nunghâk pakhat u deu leh zakuo bova an um lai hmu a nih. Justin Bieber (23) chun kekawr bul chau a bun a. Tui insilna hmun swimming pool sira ah table ah fâkthei le dawn ding tamtak siein nunghaknu insilna zakuo hâka fil thula um nu kuomah iemani dawn ding a pek a, inngei taka an inbiek lai hmu a nih a, iem an hril ti ruok chu hriet an nawh. Justin Bieber hi a pumin tattoo a rang sip vawng a. Kekawr bul tiel loose

deu bunin a sam eng thal khawm inkhir batin a um a. Nuhmeinu hin kekawrte le bra inang (bikini) var le van rawng pawl tiel a hâka. Tarmit dum bunin a sam a hlim tung vawnga chu Justin Bieber nêkin upa lem tahin an lang. An pahni hin dawn dinga sip table kâwla chair pahni ah an thunga, hunawl hmanga hâdam, ni danga inhre hlak an nih ti chu a chieng hle. Justin Bieber hi a ruolpa Adam Sandler chun an pak em em a. “Tlangval \ha tak le fel tak a nih. Fiemthu a thaw peiin a kâwla um chu ei innui râwn bawka, bu khawm kan fak râwn hle hlak. Fiemthaw a thiem el bâkah hlasak khawm a thiem em em a. Hlasak le lam hi a thiem zawngtak a nih ti kei khawm tulai hnai ka hriet chau a nih” tiin a hril.

a um chu lawmum a ti thu hrilin, a dit-sakna a’n hlan a, a lawmpuinain hi Centre hawngtuhai thilpek an hlan bawk. Guest of Honour chun hieng ang Cen-tre hawng theia a um chu lawmum a ti thu le a ditsakna inhlanin, anni ministry, For One Life chun thlarau thil chau mihri-emin ei mamaw naw a, hieng ang taksa insawizawina le taksa hriselna ding, \halai sin neilo hai sin siem pek le sin pek chu an ngaipawimaw laia mi a ni thu hai a hril a. AE-FaWCen neitu hai kuomah tulai hnai khan an inpawltlangna huna chun tuta in-thawka kum 3 hnunga zo dinga riruong an siem le an Project, Saikot, CCPur a mi chu Wellness Centre khawm a um ding le hmalak tlang an pei thu a lo hril ta a nih. Tuhin Stadium, indoor hall, football ground le indoor games chi tum tum thaw theina ding Saikot hmun a hin an riruong mek a. Talent chi tum tum nei tha tak tak an tam thu hrilin \hangpui an ngai thu a lo hril ta bawk a nih. Manager, AE-FaWCen chun hi hun hlawtlingna dinga lo thlawptu hai popo

kuomah lawmthu a hril a. Nei lei nilo a, mipui mamawna leia hi Centre hi hawng a ni thu le mitin pek thei ding tawk in man tak le in hluo man (house rent) le a hminga in-structor hai lawmman ding a tlawm a zawng Rs. 600/- chau monthly fee lak le enrollment khawm free a thaw a ni thu hai a hril. Herbal Life leh thangruolin Oct. 16. 2017 in zantieng dar 1:00pm ah Centre hmun ah khawl hmanga mani taksaa thau um zat enfelna, ‘Free Fat Detection’ um a ta, chu zo ah a \hang hai Life Cafe ah re-freshment khawm pek ning an ta, Imphal a’nthawk Herbal Life company hai hun-gin inhrilhrietna hun hmang le a nuom taphawt \hang thei a ni ding thu LRS Pu-ruolte, Promotor, AE-FaWCen chun a hril. Hi thil a inhnikna nei ha’n ama le Ms. Nao-mi Chhakchhuak Manager, AE-FaWCen contact thei anni ding thu a hril bawk. A hril pei danin khawvela inkhelmi inlar tak tak David Beckham, MC Mary Kom, Saina Nehwal etc khawmin Herbal Life hi an lo hmang ve thu le brand ambassador dam an ni thu hai a hril.

MDC in AE-FaWCen a hawng

Tulaia Manipur mihai thilthawthei zie le khawvel hrieta ei inpholang \an mek thu-hai hrilin, khawvêlin Manipur mawina tak tak le a thawnthu hausak zie khawvêlin a hriet theina dingin tienlai lekhabu inthieng (ancient scriptures of Manipur) Puyas hi English le Hindi dâmin inlet nisien chu, mi tamtakin Manipur hausakna an hung hmu thei ding a nih tiin a hril. Hi huna hin Art and Culture Minister Mr L. Jayantakumar le Organising Com-mittee Chairman, Prof. Ng. Kangjiya Man-gang hai chu khuol inzaum le khuol chang-pu an nih. Khuol inzaum Art & Culture Minister Mr L. Jayentakumar chun, “Hh-nam tinin culture le tradition ei nei seng a, mani chi le kuong, thlatuhai le thisen line

suisuok ei nuom hlaka, mawphurna a nih” tiin a hril. Minister chun, Lai Haoraoba a meaning le a thu inchûktir (thuphur) hai, mihriem le thilsiem inlaichinna le leihnuoi le vana hringna le inzawmna a nei inthuk zie dam, hringna le inzawmna a neizie hai dam hi hriet an pawimaw hle thu a hril. “Chuleiin, a tira inthawka a nina indik-tak le a hlutna indiktak a bo nâwna dingin ei hrietchieng a \ul a. A thu phur le entirhai tulai khawvel le inhme chauh zawngin a nina indiktak inlet fu naw pal ei tih ti in-lau a um” tiin a hril. “Lai Haoraoba nina indiktak le a ‘original form’ hi ei kengkaw zing theina dingin sukdanglam lo dinga ei fimkhur a \ul a nih” tiin a hril.

Lai Haraoba Hin Hnam Tin Inpumkhatna A Mi Siempêk Thei: cM

Driver hai chu ‘Mawphurna insâng nei citi-zen’ anga hrilin, an pawl thupui “Naupang-hai chu hmatieng khawvel hung phurtu ding ban an ni a, AMSSTA chu ban phurtu a nih” ti theinghil ngai lo dingin an fui bawk. All Manipur School Students’ Trans-porters’ Association hi Manipur ah chu Pawl (Association) angin an um tah a. Tu kum hi 2nd Anniversary an lawmna a nih tah a. An thupui chu, “‘Children are the pil-lars of the future generation and AMSSTA are the carriers of the pillars’ ti a nih. Pu Karam chun, driver hai chun an motor Van sûnga an um laiin naupanghai kuomah thu \ha tak tak an lo inchûktir ve thei a nih tiin a hril a. Zirtirtu le nu le pa dawtah chu Driver han naupanghai an inhmupui râwn taka an inbiekpui râwn tak bawk, tiin student hai chu lampui indik kâwkhmu hlak dingin an fui tâwl. Minister chun School Van Driver hai inchuklaihai ta dinga an pawimaw zie hrilin, an sin chu khawtlâng ta dinga sin pawimaw tak anga an ngai phawt chun, hmatieng hunah khawtlâng \ha tak le soci-

ety inhawi tak an siem thei a ni tiin a hril. Van Driver hai chu inchuklaihai kuomah pawisa hmang ral mei mei lova inkhâwl dan inchûktir a, lampui \ha lo le chingdan \ha lo (bad habits) an thaw ding veng tlat dingin a hril bawk. “An hotuhai ang tho school van driver hai hin student hai chungah thuneina le thaw thei an hau a nih” tiin a hril. Guest of Honour, Mr B.K. Sharma, OSD cum Joint Director, Transport De-partment chun, Transport Department chun State Cabinet-in 2015 kuma a passed kha a la ennawn a. An pawl Association chu an thil dit/ngen proposal chu in\hangtir thei a ni am ti enfiena dingin an rang thei anga hung submit dingin an hriettir bawk. School Van Driver le Commercial Ve-hicle Drivers hai le Passenger Drivers As-sociation (motor khaltu le handyman) hai ta ding khawmin sawrkâr chun Insurance Scheme a lo siem fel vawng tah. Chu poli-cy hnuoiah chun School Van Drivers’ As-sociation hai khawmin ham\hatna an hmu thei thu a hril.

Mipui hmasâwnna dingin Sawrkâr an pei zing: K. Shyam

SSPP in Flag Day an hmangccpur: Siamsinpawlpi (SSPP) GHQ chun Oct. 14, 2017, 7AM khan SSPP Com-plex, Siloam Veng, Bungmual-ah Siamsin-pawlpi Flag Day, 2017 an hmang. Lianza-pau Samte, President, SSPP GHQ in SSPP Flag keipharna a nei a, hi zo hin SSPP President inrawinain SSPP thiltum tiem-ruolna nei a nih. Hi huna hin Ricky Vanlallawm Guite, Chairman, Standing Committee chun Flag rawng le a tar dan tum tum hai hrilhri-etna a nei a, T. Hanglamthang, Chairman, SSSPP Foundation Trust chun SSPP thil tum le a sinthaw hai hrilna a nei a, Siam-nunlian Valte, Chairman, SSPP Residential School Managing Committee chun SSPP Residential School chungthu report a, T

Tuanzakhup, President SSPP JHQ Lamka chun Joint Headquarter, Lamka education le inzawma hmatienga thaw tum le sin lo thaw hai report a pek bawk.

Ui a thaw tia intumin pasal pakhat manmumbai: Maharashtra-a Powai hmuna chun zani hmasa khan khan pasal kum 19 mi Kuldeep Karotiya chun khawlai Ui pakhat Community Hall toilet-ah \huoitin a thaw tia intum a ni a, hi le inzawm hin Police han an man. Mita hmut hril dan chun Mr Kuldeep Karotiya hin toilet sung Ui a thaw lai

hi a va phawkdawk niin a hril a, a va hmu huna hint u kuoma khawm hril lo din-gin a ngen nghe nghe niin a va hmutu hin a hril a. Sienkhawm a hmutu hin Powai Police station-ah re-port a pek leiin under sec-tion 377 (unnatural offenc-es) of IPC hnuoiah case siemkhumin thu indawn dingin an \huoi a nih.