Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSTipaimukh GasM/s Sunrise Indane Gramin Vitrak TipaimukhBooking : 20-10-2017 to 25-10-2017delivery :15-11-2017 (wed) Time : 9AM-1:30PM

GAS NEWS agency : kim JOEBooking : 20th July, 2017 to 9th. August, 2017delivery :16-11-2017 (tHU) Time :9AM-tillstockStock :306New Rate Rs. 843/- (19 kg. & 5kg available)

HmasawnnaTharVol-33/43 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

thlaphal (november) 16, 2017 ningani (thursday)

NEWS TOMkiMcHANcHIN LAKTAWI

RADIANT E L E C T R I C A L S

Lighthouse LaneTiddim Road, Churachandpur

Electric hmangruo chikim, company hran hran kutsuok

(multi brand) kan nei, mi hung pan ro

Discount khawm kan pek thei.

# 8413801371

Healthy mother & Baby Show

CCpur: Nov. 16, 2017, 10AM a inthawk hin DFWO le DHS hmalaknain DFWO Office-ah District Level Healthy Mother and Baby Show competition nei ning a tih. A hmuna Registration thaw fawm ding a nih.

Assam Rifles in thilpek an inhlan

CCpur: Assam Rifles-a Town Commander Major Pankaj inrawinain Assam Rifles chun November 15, 2017, 3:30PM khan Zomi Mothers Association (ZMA) GHQ enkawl nau-fahra enkawlna Only Grace kuomah thilpek chi tum tum an inhlan. Thilpek an inhlan hai lai Bufai bag 3, Chini kg. 15, Bawngnene litres 15 le Chi kg. 5 a \hang. Only Grace home-ah tuhin naupang 13 an um mek thu Managing Com-mittee Chairperson Joyce chun a hril a, thilpek petu Assam Rifles chungah law-mthu a hril. Only Grace Home hi

ZMA in an project pakhat ni dinga Vengnuam, New Lamka hmuna naufahra hai enkawlna dinga June, 2006-a kha an hawng \an niin kum 2010 chen Partner-ship sponsored-na hnuoia enkawl a ni a, kum 2010 a inthawk ZMA sponsored-na hnuoia enkawla um a nih. Mimal bakah pawl le Kohran tlawmngai pawl han an thawlawm an pekkhawm hai hmanga enkawl a ni a, ZMA chun Home enkawlna ding hin kum tin in tinah Rs. 100/- an dawl hlak bakah Pearsonmun le Buallian khuo lampui sirah donation box an daw hai hmanga an enkawl a nih.

Gilead’s Balm care centre 15th Anniversary hmang

CCpur: November 15, 2017, 11:00AM khan Pear-sonmun Vengthlang-a um Gilead Balm Care Centre indin a nia inthawk kum 15 tlingna Anniversary an cen-tre hmunah hmang a nih. Hi huna hin Khaipao Haokip, Chairman, ADCC khuollienin a \hang a, Kai-khomang, MDC, Thangk-hosuanmung Guite, MDC & Chief of Hiangtam Lam-

ka, nu le pa le ditsaktu tam tak an \hang. Pu Khaipao Haokip chun, Pathienin ama ang-puia a siem mihriem hai a hmangai ang bawkah Care Center neitu han inruithei suoka intang an mihriem chanpui hai hmangai taka an enkawlna thuah lawmum a ti thu a hril. Mihriem han \halai huna thil dang dang thawin ei lo tawk a ni thei,

kei khawm ka tlangval laiin Ganja, Kani hai ka lo hawp hlak a, sienkhawm a ngawl invawi khawpa a thaw hmain a tlansan thu hrilin, a ruoldang \henkhat hai chu an thil ching \hatnaw leiin an thi ta bakah tam tak hringnun rinum takin an hmang mek a nih tiin a hril. A hril peinaah, ama theina chinah inruithei dona kawnga hma lain, inruithei suoka inthawk suokdawk nuom iemanizat jail-ah a thun a, chu laia \hahnem-tawk tak inruithei sala in-thawk suokdawkin insung khawsak inhawi taka um ta khawm an um tiin a hril. Programme hmang sung hin Gilead’s Balm Care Centre-a inthawk hla-sak thiem hai, Peter >>sunzawmna page 4-ah

Pathway Health & Fitness club hawng dingCCpur: Nov. 18, 2017, 1:00 PM khin The Path-way Health & Fitness Club chu Opp. CBA Office, New Lamka (G), Churachandpur, Manipur (Tiddim Road)-ah Mr Thangkhosuanmung, MDC & Chief of Hiangtam Lamka in ribbon cutting neiin hawng a tih. Hi Gym neitu chu Col-ney thangi a ni a, hawng a ni zoah 3:00PM-7:00PM inkar nuom hun huna hi Gym-a lut thei ni dingin Gym neitu chun a hril a,

Event & Surprise um a ta, arm wrestling, pushup competition, 1st, 2nd le 3rd prize hai siem a ni ding bakah dance le singing, gift hampers, discount coupon le a dang dang ham\hatna dawng thei ni dinga hril a nih. Hawngna huna hin Health & Fitness Talk: Dr. Chinkholal Thangsing in nei bawk a tih. Hi huna \hang ding hin Gym neitu chun inhnikna nei taphawt a fiel.

Golden Jubilee an hmang ding

CCpur: Nov. 18, 2017 khin SSPP Churachandpur College Branch chun YPA General Headquarters Of-fice/Hall, Hiangtam Lam-ka hmuna SSPP CCPur College Golden Jubilee hmang an tih. Khuollienin Agriculture, Vety & AH Minister V. Hangkhan-lian, Guest of Honour in Haulianlal Guite, IAS, Secretary, Jaipur Develop-ment Authority, Function-al President in Lianzapau Samte, President, SSPP GHQ le Chief Host in Ricky Vanlallawm Guite, Principal, CCPur College hai \hang an tih.

Nov. 20 le 21-ah darkar 48

bandhimphal: All Tribal Con-tractors’ Association, Ma-nipur (ATCAM) chun Nov. 20, 2017 zanrila inthawk Nov. 21, 2017 zanril chen, darkar 48 sung district route le National Highway haiah bandh an thaw ding thu le an thil ngen state sawrkarin a ngaisak naw chun economic blockade an thaw zui ding niin LS Asheli, President, ATCAM le Ringo Haorei, Secre-tary, ATCAM han Nov. 14, 2017 khan thusuok an siem. Kum 2000 a inthawka Engineering Department han pending liabilities state sawrkarin inruol taka a pek naw lei, District Head office haia sin thaw lova Imphal-a head of depart-ment haiah centralized tha-wa sin an thaw le, contract sin thawna dinga conces-sional deposit 50% sukbo pek a nihai dodalnaa bandh hi an haw tum niin AT-CAM thusuok chun a hril.

KNLF/KNO \huoi-tu tak dinga ruot

CCpur: Hauminthang @ Thangpi Haokip, C-in-C (KNLF/KNO) KNA/KNO Under Secretary (Trade & Commerce) hlui chu KNLF/KNO \huoitu lu tak dinga ruot a ni tah tiin Boithang Haokip, Organ-ising Secretary-cum-JMG, KNLF/KNO chun zanikhan thusuok a siem. Hi thil hi Boithang Haokip @ HL Kuki ngenna PS Haokip, President, KNO in a hung sukpuitling leia hung um a ni a, a chungah KNLF/KNO chun lawmthu a hril.

Gypsy eksiden-ah MR 3 an thiimphal: Zanita CM N. Biren Singh le cabinet ministers-hai Tamenglong fenaa duty zova Imphal pana hung 5th Manipur Rifles Gypsy, mi 6 chuon-gna Khongsang le Keikao inkara a eksiden a, lamth-lang tieng an tawl tla a, MR 3 an thi niin ei thu dawngna chun a hril. Hi motor eksiden-a thi hai chu - Hav. No. 15007008

Somorjit Singh of Khurai; Rfn. No. 05976166 Domi-nic of Tamenglong le Rfn. No. 05126981 Kh. Bungo Singh hai niin ei thu dawng-na chun a hril. Hi motor-a chuong dang hai chu- K. Mongsang maring; Rfln. Paopugulung of Noney le civil driver Gaithalong hai niin ei thu dawngna chun a hril. Thu chienglem nghak mek a nih.

Teacher Award hni thei

CCpur: Education Depart-ment, Govt. of Manipur hnu-oia zirtirtu, National le State Award hni nuomhai chun hnina lekha le mani biodata Nov. 25, 2017 chen khin ZEO, CCPur-ah peklut thei a nih. Thu chieng lem ZEO Office, Churachandpur-ah ngaiven thei a nih.

Tlangrama Cabinet Meeting vawithumna dingin Tamenglong ah nei

Tamenglong District sukhmasawnna dingin Rs. 325 crore pek a nih: cMimphal: Manipur Chief Minister Mr N. Biren Singh inrawina BJP sawrkar tlan-gram le phairam inkhu-ongruol taka hmasawnna dinga tlangram district headquarter tinah State Cabinet Meeting nei dinga ti angin, a pathumna din-gin November 15 (Nilaini) khan Tamenglong district headquarter ah Cabinet Meeting nei a nih. Chief Minister Mr N. Niren Singh chu a Cabinet Minister hai le security of-ficial iemani zat leh ram kilkhawr tak Tamenglong ah Cabinet Meeting nei dingin an suok a. A dis-trict sukhmasawnna ding economic package Rs.325 crore le project hran hran hawng dinga fe an ni bawk leiin mipuiin an lo lawm nasa hle. Chief Minister hi a ma lo lawmluttu mipui

han Naga puon insiltirin lukhum le fei inchawiti-rin an zawna, an nui vur vur ran el a nih. A Twit-ter account-a khawm, “My govt’s ”GO TO THE HILLS” mission reached at the most remote and back-ward district Tamenglong. Thousands gave warm re-

ception. I salute you all!” tiin a tweeted. Pu Biren hi Naga area ah an lo lawm thei em em a. Tlangram biel danghai nekin Naga area hai hi a ditsak bik amanih ti din-gin economic or special package hranin a puong pei a; Ukhrul, Senapati ah.

Churachandpur district le Chandel district hai ruok chu ‘package’ hran puong nei lovin project le scheme um tasa hai a hawng. Tamenglong mipui sang telin, BJP Mandal Tamen-glong huoihawtnain Lower Ground, Tamenglong ah an lo welcome a. “Thank You!

Please visit again!” tiin an inthla. Mipui inkhawmna an nei hma met hin khum 50 umna Tamenglong District Hospital thar chu a hawng a. Mipuihai chu thienghlim tak le fai taka hospital enkawl dingin aan fui tawl. CM chun hospital-a hmangruo chi hran hran a tharhai khawm a fang kuol vawng bakah, damnaw hai pakhat khatin a sir tawla. An damdawi inenkawlna dingin pawisa iemani zat pei a pek tawl bawk. CM chun Rs. 10 crore ve ve senga bawl ding Rani Gaidinlui Market Shed le Transit Accomodation Centre le, Rs. 40 Crore sen-ga bawl ding Water Supply Scheme le Food Corpora-tion of India (FCI) Godown (5000 MT) lungphum khawm a hawng bawk. Project hai hi January

thla tawp annawleh Febru-ary first week 2018 a zofel vawng ding niin a hrila. Tamenglong district chu Manipur-a district chang-kang thei lo a ni leiin a sawrkar khawmin a ngai pawimaw niin a hril. A district lamhai suk-changkangna dingin PMG-SY hnuoiah pucca road Km. 411.35 a sei Rs. 1, 078.99 lakh senga siem ding le Tamenglong MST Bus service a ni vat ta ding thu a hrila. PMAY-R hnu-oiah In 1, 068 bawl ni din-gin a hril bawk. NH-37 (Imphal-Jiri road) repair work thaw zing a nih thu le NHIDCL han an enkawl ta ding thu hrilin, Kaipundai-Tousem road Km.56 khawm ‘dou-ble-lane’ a suklienna ding NEC kuomah proposal pek ni tain a hril bawk.>>sunzawmna page 4-ah

Pasal pakhat Sanghal-in a se hlum

pherzawl: Novem-ber 15, 2017 khan Mr Lalruotthang Khawbung (23), s/o Thanglervung of Parbung, Pherzawl District chu Tuibum vadunga Ngaman dinga ram an riek-naah Sanghal in natakin a sehliem a, damzo lovin a thi niin ei thu dawngna chun a hril. Ei thu dawngnain a hril danin, Mr Lalruotthang hi an riekna ding Bukte bawlna dinga hmangruo lakhawm dinga a khata ram a suok huna Sanghal leh an intuok a, chu huna Sanghal le an insuol huna Sanghal hin na taka a sukhliem a ni

a. Sanghal in na taka a sehliem hnung hin a ruol-hai umna tieng a pan a, chu huna a ruolhai hin lo hmuin an bawisawm nghal a, sienkhawm damzo lovin a thi a nih. Parbung khawtlang chun hi sietna tlung an hriet le inruolin an bawzui nghal a, zani zan dar 10 vel khan Parbung Muolmak ram tlungpui nitain ei thu dawngna chun a hril. Mr Lalruotthang hin a nuhmei Ms Khawlkung, d/o Lalngai le a nauhai nuhmeite 2 a thisan a nih. (input: Lalruotlien Hmar) AR le PLA inkaptuo; mi 2 thi, midang 4 hliem

imphal: Zani zing dar 5 vel khan Chandel district a Sajik Tampak Police out-post a inthawka 3 km vela hla, Chamol khaw bulah 4 Assam Rifles le PLA hai an inkaptuo a, Assam Rifles 1 le PLA 1 an thi a, As-sam Rifles pakhat le PLA

pathum an hliem niin ei thu dawngna chun a hril. Assam Rifles hai chun inkaptuona hmuna hin AK-56 Rifle pakhat le IEDs 3 an hmu a. Assam Rifles thi hi Rifleman Jai Prakash Oran a ni a, Leimakhong Army Hospital tlungpui a ni hnun-

ga thi a nih. Assam Rifles hliemna tuok hi Havilder Golmei Pum a ni a, a ban changtiengpang-ah hliemna a tuok a, Leimakhong Army Hospital-ah enkawl a nih. Nov. 13, 2017 khawm khan Chandel-ah bomb a puok a, AR pahni an thi a, AR dang paruk an hliem a nih. Bomb hi PLA pawl chun an ni sukpuok niin an hril. Hi lei hin zani zing-kar khawm khan Chandel Headquarters-ah venghim-tu han dappui nasatakin an thaw a, Moreh a inthawka Imphal pana hung motor-hai khawm uluk taka dap vawng an nih.

Inruitheia sumdawngtu an man

CCpur: Kanan Veng YPA Unit in an khaw sunga inruithei dona an fepui zing a. Zani zingkar 8:30AM khan Kanaan Veng-ah in-ruithei zawr dinga inpektu-ona Mr Pumkhanmuan, s/o Liankhannuam In-ah Inruithei zawr dinga pe-sawngtu Mr Suanlian (41), s/o (L) Thanmoi of Tor-bung Bangla an man. Mana um Suanlian chun, Mr Siam, s/o (L) Thangluai of Thing-kangphai kuomah hi Ina inthawk zawr dingin a

peksawng hlak niin thu in-dawnna nei huna an puong. Kanaan Veng YPA Unit chun Mr Suanlian kuta in-thawk inruithei No. 4 zawr ding Khaini bur khat sip, mi pawisa ding a chawi Rs. 8,000 le inruithei zawrna man Rs. 3,010 le a motor hmang Yamaha RX100 an mansa bawk. Inruithei mana um hi ama (Suanlian) inrawh-mang tir a ni a, hiengang thil khawsunga thaw nawk ta lo dinga an hril hnungin an insuo nawk.

Gas Cylinder leaked leia mei chawkin a kanghliem

CCpur: November 15, 2017, 8:00AM khan Pu Zorem of M. Ramthar chu an thlaisuongna LPG Cyl-inder leaked a inthawk kangmei suok in a kang-hliem a, sienkhawm hliem inrik taluo naw niin ei thu dawngna chun a hril. Pu Zorem hi a hmai le kut ah meiin a kanghliem a nih. Ei thu dawngnain a hril danin Gas-a zingkar thlai an suong laiin Pu Zorem hi meiphu awia in\hung a ni a. An \an dan hi chieng taka hriet ninaw sienkhawm

Gas leaked leia hiengang thil hi tlung ni dinga ring a nih. Pu Zorem hi HYA M Ramthar, HYA Tui\haphai Joint Hqrts le Gen. Hqrts \huoitu hai fekhawmin in-rang takin District Hospital an panpui a, a kanghliemna hai sukfai le tuompek a ni hnungin zani poa dingin doctor han an admit. Gas leaked leia kang-mei suok hin Insung hman-gruo tlawmte tinaw chu thil kangsiet taluo a nei hman nawh.

manipur hi thlai chau ni lovin, \halai hai sukhmasawnna dinga hmun \ha tak a nih: Governor

imphal: Ni 2 sung hmang dinga Manipur Institute of Management Studies, Ma-nipur University le Centre for Global Management and Responsible Leadership, XLRI, Jamshedpur haiin \hangruola an huoihawt, “National Conference on ‘Promoting Business Op-portunities in North Eastern India and India’s Act East Policy’” chu zanikhan Ma-nipur Governor Dr. Najma Heptulla in hawngna a nei. Governor in thu a hrilna a chun, Manipur ram hi ram \ha tak a na, a hmun hi thlai ch$ngna ding chau nilo, \ha-lai hai sukhmasawnna dinga hmun \ha tak niin Governor chun a hril a, hi leiin \halai

le naupanghai thilthawna haiah taima taka a \hang hlak niin a hril bawk. Governor in a hril peina a chun, Prime Minister Na-rendra Modi chu mi hnu-oihnung abikin, Northeast hmuna umhai chu a ngaiven hle niin a hril a. “PM a ‘Look East Policy’ hin ‘Work East Policy’ khawm a \hang sa a nih” tiin Governor chun a hril. Sawrkar thlungpuiin Northeast a ngaipawimaw ngai nawh tia thu hril a ni hlak chu, Governor chun sawrkarin ngaipawimaw naw a nei nawh a, hi ngaituona um theina san chu Northeast hi states danghai leh an inkar a hlat lei niin a hril.>>sunzawmna page 4-ah

Special Outreach Program hmang

CCpur: November 15, 2017, 8:00AM khan Tinnu Doungel Memorial CFC Hall, Saihenjang-ah Di-rectorate of Field Publicity, Ministry of Information & Broadcasting, Regional le Manipur Regional Office huoihawtnain Ministry of Agriculture and Farmers Welfare hnuoia Flagship

Scheme tum tum hai le inzawmin Special Out-reach Program nei a ni a, Pu Khaipao Haokip, Chair-man, ADCC khuollienin a \hang a, James Doujapao Haokip, MCS, SDO Tui-bong le Chief of Saihen-jang guest of honour in a \hang.>>sunzawmna page 4-ah

Hmasawnna Thar2RINGTUHAI LE RAM

RORELNA

~ Rev. HL. Laltholien

thlaphal (november) 16, 2017ningani (thursday) artiCle/health & employment news

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUILalpa chu ring la, thil\ha thaw rawh. Hi rama hin um la, a ringumna a chun inchawm pei rawh. Lalpa a chun lawm la, chuongchun i lungril ditzawnghai chu peng a ti che. - Sam 37:3-4

Editorial

Hril le fe ringawt chu a harsa naw iePu N. Biren Singh in Chief Minister a hung chel hnun-gin phairam le tlangrama cheng hai kara inringhlana le kar awl lientak lo um tah siem\hat dinga hma a lak ding thu a hril angin hma khawm a lak nasa a. Ka motto chu ‘Hill Chalo” or “Go to Hills” or “Tlangrama fe rawh” ti ning a tih tia CM a tling hlima a lo hril angin Manipur CM lo nita hai leh a sawrkar upat dan tekhi chun Manipur Chief Minister nita hai lai N. Biren Singh hi tlangram biel sir rawn tak khawm a ni ta ngei ring a um. Cabinet meeting khawm tlangram district haia nei hlak a ni ding thu a lo hril angin tuchena hin Chura-chandpur le Chandel District hai bakah November 15, 2017 khan Tamenglong district-ah Cabinet meeting nei nawk a ni a. Tlangram district haia Cabinet meet-ing nei el chau ni loin Manipur CM chun a hran lieuin Churachandpur District, Ukhrul District le District thar Kangpokpi District hai sirin ropui taka lawmlutna hai nei a lo nitah. Churachandpur District-a September 12, 2017-a CM lawmlutna programme hmang a ni huna khan CM N. Biren Singh chun Churachandpur District le Pherzawl district haia development sin thawnaa hmang dingin Rs. 300 crore pek dingin a tiem a, April 11, 2017 nia Ukhrul district-a lawmlutna hun hmang \um khan Ukhrul district a development sin thawna dingin Rs. 201 crore pek dingin a tiem bakah April 26, 2017 nia Kangpokpi district-a lawmlutna huna khan Kangpokpi district-a development sin thawna dingin Rs. 185 crore pek dingin a lo puong ta a, May 22/23, 2017 khan Senapati district ta dingin Rs. 202 crore a lo puong ta a, November 15, 2017 khan Tamenglong district hmasawnna sin thawna dingin Rs. 325 crore special package a puong bawk a nih. Hieng Districts 6 haia CM N. Biren Singh in de-velopment sin thawna dinga a puong ta po a renga belkhawmin Rs. 1,133 crores (cheng vaibelsie sang-khat, zakhat le 33) zet a tling ta a nih. A hril awl vieu sienkhawm vaibelsie khat khawm hi lakh/nuoi zakhat a ni leiin Crore 1,133 chu a tlawm naw hle a nih. CM N. Biren Singh in pek dinga a puong ta po hi Manipur State sawrkar khat chun awlsam taka hung peksuok el ding a neinaw ding a ni leiin Central sawrkar ring-sana an tiem a ni ring a um leiin, a pawisa nambar tam tak pek dinga a tiem hai hi boruoka la um vawng an ni a, mipui ta dingin inngup muta um pui el thei ding a la ninaw bakah sawrkar khawmin a hrila hril ringawt ni loa a thuhril a taka sukpuitling a ni ngei theina dinga an hmatienga sin a hung \an nuom a um hle a nih. A bikin District thar puonga um hai hi Manipur CM N. Biren Singh le a sawrkar hin hung ngaipawimaw hmasa zuol sienla chu Manipur-a BJP sawrkar hi mipuiin ringzo tlaka an hung ngai ngei ring a um. ‘Hill Chalo’ sukpuitlinga tlangram district tin sira thaw ding intiem zut zut ringawt hi a tak um lo chun umzie neilo a nih. Manipur-a BJP sawrkarin tuchena development sin thawna a hawng tam tak hai hi Con-gress sawrkar huna sin lo thaw ta sa hai dam an ni leiin titak ema chuh a hrila hril ringawt tinaw chu Pu N. Biren Singh CM nina hnuoia Manipur-a BJP sawrkar hin thaw meu a la nei naw a nih. Hieng a ni lei hin Manipur-a BJP sawrkar fe mek hin mipui ringzona an chang theina ding chun a hrila hril ringawt ni loin a tak ngeia sin a hung thaw mup mup hi a \ul a nih. Tuchena chu sin thaw nekin CM lawmlutna dinga programme buotsai le insingsatna hai bakah tlangrama cabinet meeting neina dinga sum sengso hi a la tamlem el thei a nih! Politicians tam tak tactic chu election nawk ding thlir-a thu intiemkam hi a nih ti inla ei hril suol ta-luo ring a um nawh. An term sung hrat taka sin thaw le sukpuitling tumna nekin term nawka tling theina dinga campaign hlaa hmang dinga sin thaw ding hai hi an puong am a nih ti dingin a um hlak a. Chu ang ngei chun term hmasaa sin thaw dinga an puong, la thaw zolo hai sukpuitling le zo a ni theina dingin Politician tam tak chun campaign huna thu an hril rawp hlak. An term sunga thaw dinga an hril hai sukpuitling hman ngei dingin sin thaw hai sien, term tharah sin thar le hma thar dawm ding campaign hlain hmang thei zat zat ta hai sien chu ei ram hi tuta nek hin nasa takin hma a sawn ta ngei ring a um. Chu ding chun tuta BJP sawrkar hin hma nasa le-min hung la sien nuom a um tak zet. Daikil kara um hai khawma an thaw thei ‘fe le hril’ ringawt hin inzo naw hram hai sienla nuom a um.

Kolosa 1:16. Ama chun iengkim siem a ni sia, vana um hai, hnuoi a um haileh, hmu theilo le hmu theihai le chun lal\hungpha hai khawm, rorelna hai khawm, in-lalna hai khawm, thuneina hai khawm, iengkim amaa chun ama ta ding bawka siem a nih. Manipur State khawm kum tamtak democracy ro-relna ei hmang ve zing ta, a hun fe ta hai a ei Manipur State Politics siem\hat ngai tlawm a zawng chau hang tar lang ka tum a nih.ram (politics) pathien ta a ni. Ei hriet fuk naw rawp nia in lang chu politics hi Pa-thien ta a nih, Pathien ta ang in en ding a nia. Hi hnuoia ei um sunga ei taksa chakkhai le mamaw hai ngaituo le relna a nih. Hnuoi hi Setan ta ni naw a, Pathien siem ama ropuina dinga buotsai a ni hi hriet chieng phawt ding a nih, Pathien ropuina hlie zawnga thil ngaituo le thaw chu a rem naw a, Pathien theida zawng a ni ti Party Leader le hnam \huoitu hau chun an hriet hmasa phawt a \ul hle. Ei nuom amanih, ei nuom naw a manih khawm nisien, ei vela thing le ruohai a um tlat ang hin ieng lai khawm in Politics chun ami tuom zing a, ei tlan hmang san thei lo chu a nih, chuleiin sukthienghlim le siem\hat chu ringtuhai mawphurna a nih. Pathien hnam thlang Israelhai khawm Pathien dit zawng anga ro an rel pha malsawmin an um hlak, Pa-thien a umpui a hmelma hai in hung do hai sienkhawm an hne ngai nawh. Amiruokchu, Pathien \i lova Pathien dit naw zawnga an khawsa pha mi suoka le mi sala an um hlak. Chuleiin, khawvel hi Lalpa ta a nih ti hre a, ama dit zawng a rorel a pawimaw ti Politics \huoitu hai in an hriet a pawimaw hle.Hun fe ta hai a in siem\hat ei ngaina tlawmte chau hang tar lang inla. 1. duamna: Ei ram Politics in a hri vawi re thei lo chu duamna le hmasielna ei neina hi an nih. Sawrkar sin lakna hai, contract sin semna hai, development sum siemna a hai Party mi le sa le sungkhat laina in ditsakna, mawi le mawi naw khawm dawn zo lo khawpa duamna ei nei na a re thei naw hi a nih. Hi hin ei ram Politics a sukpawrche a nih. Assam ram Dima Hasao District a Pastor sin ka thaw lai in, Jemi Naga pakhat hi primary teacher sin appoint-ment an peka, lekhathiem lo a na ama chun pu lekha ka thiem si naw teacher sin thaw thei naw ning a ti a, EM pa chun ka ta dinga vote zawngtu I ni leiin interview na a khawm I tling a nih appointment la el rawh a ti pek a a nih. Hieng ang deu hin ei ram a khawm la hung um naw ni tunam ti thei ei ta. Tulai khawm pawisa hau naw chun sin hmu thei an tanaw an ti in ka hriet. A tling le a \ha taphawt lak el hi ei thaw dan ding chu a nih. 2. party invetChil: Hmar kohan in zawm-khawm (HKI) le hnam \huoitu in inthlang naa fimkhur ding an ti lai khawma Party invetchil hi a re tak tak thei naw a, Pathien nekin mani party ei sie lal lem ta. Party dang hai misuola ei ngaia, ei party chau mi\ha le fel lem khawm nisien mani party a ni naw chun ei vote nuom naw a, mi\ha loa ei hriet chienghai chu hnawl ngam inla, ei ram roreltu chu mi\ha thlang khawm a ni el ding a nih. A bikin ei Hmar Kristien hai lai lem chun party chau ni loin Kohran pawla a lut nawka, candidate pakhat a hung chun tu pawl am, tu Kohran am a na tia indawnna um hlak. Mani pawl a ni naw chun mi \ha lo a ngai pawl an um hlak mi\ha mi indik an ni chun tu Kohran khawm nisien thlang in la rorel \ha ei nei theina dinga lampui um sun chu a nih. 3. vote inChawK le zawr: Party candi-date hai vote inchawk ching hlak an uma, nuoi tam-tak senga vote inchawka tling tum in an bei hlak. Mi tam tak vote zawr nuom an um bawk hlak. A tam thei ang tak candidate sum lak pek tum tawk khawm an bo nawh. Hmar ram Kohran inzawkhawm (HKI) hai khawm in an in vawi tak pakhat chu a nih. Amiruokchu an khap hne naw deu niin an lang, a re naw chau ni lo

in a zuol tul tul an naw mani ti hriechieng tu \henkhat ngai dan a nih. |henkhat chun “Khang chen kha vote ka lo thlak ta a, hlawkna iengkhawm khawm ka hmu nawh, pawisa mi pe thei an um chun iengtin am ka vote naw ding” ti dam an um hlak. Rorelna chu Lalpa ta ani ti chu an hriet naw hle. Sim a hun ta ie. 4. Corruption: Mipui haiin ei mamaw le pawimaw tak chu rorel na thienghlim le indik nei hi a nih, corruption leiin ei chan ding ei chang phak naw a ei dawng ding ang ei dawng phak naw a, ei nei ding ang ei nei phak bawk nawh. Ei budget hai hi indik taka ani ding anga hmang nisien chu ei ram a changkang hle ding a nih. Mizorama Pastor sin thaw in Khawliena ka um lai chu Primary sikul naupanghai chun thla tin bufai an fak ding an sem hlak. Ei state ei rama hin chu an sem ka la hriet naw a, central government in peknaw lai am a ni ti dam ka ngai tuo hlak. Chuleiin, corruption hi mitinin ti tak zeta ei do tlang a ngai a nih. Ringtuhai in beidawng loin ei ram siem\hatna dingin ei thaw pei ding a nih. Ei hne hun a tlung ngei ding a nih 5. ringumna: Khawvela natna \i um tak chu “Ringum nawna” hi a nih. Chuleiin, mani sin a ringum a pawimaw em em. Manipur tlang rama sawrkar sinthaw tu hai ta dingin mani sina ringum naw a pawi zuol in ka hriet, Hmar biela khun khuo tamtak High School (3) a uma, Junior High School lem chu khuo tin deu thaw in a a um in ka hriet, teacher hai hlak chu lekha thiem tak tak an thawka, nisienlakhawm, mi tam tak an thawkna hmun um lo an um el am ana? hlaw (Salary) hlak chu tam tak an hlaw si a, ngaituo um tak niin ka hriet. Mis-sion School (PMS) school dam annawleh (RPC) school dam hlaw tlawm lem hai hman an thawkna hmun a ring-um tak in an thawk thei sia, iengtizie a sawrkar sinthaw hai tam tak an um thei naw chu a san ni awma in lang chu a biel a maw phurtu MLA le Administration felnaw lei a ni el naw dim a nih ti thei a ni entirna dingin kei kum 30 lai Pastor sin ka lo thaw ta a, vawi ruk lai state hran hran ka transfer ta a, ka chunga hotu hai ti hun huna ka fe el hlak, a san chu ka chunga hotu hai in action an lak el ding a ni leiin. Mission a administration cheltu hai an fel em leiin a hun taka kan fe hlak a nih. Board of Secondary Education Manipur HSLC re-sult a hung suok chun Pawl sawm first division le sec-ond division pass hai chu Partnership Mission Society (PMS) school mi deu vawng niin ka hriet mani sin a ringum hai chu Lalpan mal a sawm leiin an student hai result \ha tak tak an nei thei chau a nih. Damdawiin tieng khawm Primary Health Centre dam a um sia, nisienlakhawm a biel mipui hai damnaw-na an tuok pha an harsa hlak ieng ti zie am ning a ti aw ka ti vawng vawng hlak. Hmar biel a sawrkar sinthawtu (Worker) hai po po mani thawkna hmun a um seng hai chu ram dang ei ngai bik ka ring nawh darang kan leng-na Hmarram an hawi ngei an ti ka ring. Mitin mani sina ringum seng dingin \hang la suou suou ei tieu. China lal Howng Chee in kul bang ropui tak “ The Great wall of China” a bawl chu a ropui vei le a sunga cheng hai in ringumna an thlasam leiin kawtkhar vengtu hai an tham leiin hmelma haiin an run el a ni kha. Ei nikhawm ei ram in hawi in ropui hle sien District dam neiin, school ropui tak neiin, Higher Secondary school dam, Damdawiin (Hospital) dam um sien khawm a ram mipui hai ei ring um sinaw chun umzie nei naw nih, Damdawiin (Hospital) \hatak um sienkhawm a sunga thawktu hai an um sinaw chun \angkai naw nih. Ei rama \halai hai le nu le pa le sawrkar thawktu hai laia ring-umna, mani sina ringumna ei nei sinaw chun ei ram chun siet tieng a pan pei ding a ni leiin mitin mani sin a ringum seng inla nuom a um hle. Ringum le fel taka um in. Nitin ringum tak a mani sinthaw in, Hlaw tlingna chang ve ngei dingin, Dam sung in thaw pei ei tiu.

Meghalaya congress suoksan an tumshillong: Meghalaya Chief Minister Mukul Sangma chunga lungawi-naw leiin Congress leader pahni hai chun kum 2018 Meghalaya Assembly Elec-tion hmain Congress a in-thawk inban an tum. Congress a inthawka inban tum hai chu Dy. CM

hlui Rowell Lyngdoh le cabinet minister hlui Pres-tone Tynsong hai an nih. Rowell Lyngdoh chun National Peoples Party (NPP) zawm a tum deua hril a nih. Meghalaya Assembly fe mek hi March 6, 2018 a tawp ta ding a nih.

Rs. 121 crore fakrukna a inrawl Assam IAS officer manguwahati: 2013-2017 inkar sunga Assam state a Labour Department Commissioner Chohan Doley, IAS chu ‘printing works’ thawna le inzawma Rs. 121 crore fakrukna leiin man a nih. Dholey hi tuhin Assam Panchayat and Rural Depar-ment-a Secretary ni lai mek a na, Labour Department Com-missioner a chel sung hin private firms hai leaflets le folders print le thil dang danghai contract in a pek hlak nia hril a nih. Mr. Doley chu court hmaa inlangtir a na, ni 10 sung police custody-a um phawt dinga a chungthu rel a nih. Hi fakrukna case le inzawm hin firm neitu Piyangshu Bairagi khawm man sa niin, ni 10 sung police-in an kawl sung hin thu chipchier taka indawnna nei an tih.

Assam state sunga fakrukna chungthu suitu ‘cell’ hai hmalakna hi a fe hrat hlea hril a na. Kar hmasak khawm khan Ranjit Gogoi, Director, Directorate of Information and Pub-lic Relations chu Rs. 31 crore fakrukna-a inrawlna a nei leia man a nih. Gogoi hi police haiin an kawl mek a, Rs. 31 crore hi Congress sawrkar hun laia publicity campaign le inzawma fakruk a nih. Assam state a corruption suitu ‘SVC cell’ chun APSC scam le inzawmin mi 22 an man ta bawk a. Assam state sunga fakrukna um hai chu uluk taka sui zing an na, hi thila inrawlna nei hai chu tukhawm hla ni naw ni hai tiin Chief Minister Sarbananda Sonowal chun a hril.

Tripura-ah NH thar 4 siem dingagartala: Tripura state sunga road pali hai chu sawrkar thlungpuiin ‘in principal’ in National Highways in a puong a, PWD (NH) chu Detailed Project Report (DPR) siem dingin thu a pek. Chu-ong lampui pali hai chu Kamalpur-Santirbazar via Ambassa, Gandacherra le Amarpur inkar 148 km, 40 km a sei Champaknagar a inthawk Udaipur le 24 km

a sei Amarpur to Udaipur le 17.25 km a sei Santirbazar to Belonia hai an nih. National Highways thar hai le inzawm hin PWD (NH) chun Union Minis-try of Road Transport and Highways-ah DPR consul-tant dinga a ruothai a peklut tah a, sawrkar thlungpuiin approval a la pek ding a nih. Tuhin Tripura chun National Highways 6 a nei mek a nih.

Jamiat Ulema-e-Hind Prez. case siem khumguwahati: Assam state sunga National Register of Citizens (NRC) update process fe mek le inzawma comment mawi lo taka a siem leiin, Jamiat Ulema-e-Hind President Maulana Syed Arshad Madani chu thubuoi siem khum a nih. Mr. Madani chun hi hma deu khan NRC lei hin buoina a la suok ding niin a hril a, As-sam state sunga hnam pak-hat chu NRC-ah an hming zieklut a ni naw chun helna siemin sawrkar an bei ding niin a hril a. Myanmar ngirh-mun anga Assam siem tuma thu phierrutu an um niin Madani chun a hril a nih. NRC hi Assam state in Supreme Court thupek dungzuia a thaw a na, Ban-gladesh le rambung \henkhat

a inthawka Assam lut an tam hlak leiin, Assam mi nina in-diktak neihai hriet an ni thei-na dinga NRC hi thaw a nih. NRC update chu uluk taka thaw a na, indik lo um der lo (error-free) a thaw tum a nih tiin Assam Chief Minister Sarbanand Sonowal chun a hril. NRC update process fe mek sukbuoi chu remti a ni nawh. BJP \hangin Asom Gana Parishad le organisa-tions tum tum haiin Madani \awngbau hi theitawpin an dem a nih tiin Assam CM chun a hril. Madani chun-gthu hi Biswajit Nath in FIR a thelut niin AIR report chun a hril a, ama ruolin midang \henkhat khawm thubuoi siem khum sa niin a hril sa bawk.

J&K-ah helpawl 2 mansrinagar: Kulgam district, South Kashmir huom sungah zanikhan helpawl pahni man an na, pakhat chu zani hmasaka Security Forces hai le an inkaptuona-a hliem a nih. Security Forces le helpawl hai an inkaptuo huna hin Army jawan pak-hat le helpawl pakhat hai kaphlum niin, an inkap zo a Security Forces haiin operation an thaw chu zani chen khan an la sun-zawm pei a nih. Hliem nilo helpawl pakhat Shamsul Waqar alias Pyara chu Kulgam district-a Check-e-Budwani hmuna Security Forces haiin dapna an nei huna man a nih. Helpawl pahni haia in-thawk hin ralthuom le thil puok thei iemanizat man a ni bawk.

Miz-in 7th pay ngaituotu ding comtteeaizawl: 7th Pay Commis-sion in recommendation a thawhai uluk taka study thaw a, Mizoram state a hmang thei a ni ding le ding naw ngaitu-otu dingin Mizoram sawrkar chun committee an din. Oc-tober 25, 2017 a Council of Ministers haiin meeting an nei huna thutlukna an nei le inzawma ‘Pay Committee’ hi indin niin zanita Mizoram Chief Secretary, Lalmal-sawma in thusuok a siemna a chun a hril. Mizoram Pay Commmit-tee a chun H. Liansailova, Vice Chairman, State Plan-ning Commission a lukhaitu tak a na, Vanlal Chhuanga, Taxation Secretary chu member-secretary niin,

Agriculture Minister K. S. Thanga le Finance Secretary Lalthansanga hai chu mem-bers dinga ruot an nih. Pay Committee hai hin 7th Pay Commission in rec-ommendation a thawna a pay scale a siem hi Mizoram state-a hmang thei a ni am ti uluk takin ngaituo’ng an ta, state sawrkar thawktuhai hlaw pek dan ding le, an pay bithliek ding khawm riruong siem bawk an tih. Hi hma khan Finance Minister Lalsawta chun, 7th Pay Commission in rec-ommendation a thaw anga Mizorama hmang a ni chun, Rs. 800 crore vel state in a seng belsa a \ul ding niin a hril a nih.

J&K ngirhmun ennawnna nei; operations sukhrat dingnew delhi: Zanikhan New Delhi hmunah Union Home Minister Rajnath Singh inrawinain Jammu and Kashmir ngirhmun ennawnna nei a nih. Hi huna hin J&K hmunah a hma neka operations sukhrat a, J&K state sunga helna le tharum insuona hai chu suktawp hmak dinga \hang la dingin thutlukna siem a nih. J&K hmuna inkapna a tlung rawpna le inzawma zanita high-level meeting hi nei a na, hun iemani chen liemtah a inthawk khan Kashmir phairuoma inkapna tlung leiin Se-curity Forces tam takin an hringna an lo chan ta bawk a nih. High-level meeting chu Home Minister Rajnath Singh in an rawi, Defence Minister Nirmala Sitharaman, National

Security Advisor Ajit Doval le Home le Defence top offi-cials hai meeting a chun an \hang. Meeting huna hin Secu-rity Forces hai chu thurawn pek an na, J&K hmuna helpawl hai chungah action lak a, a na thei ang taka hremna pe hlak dinga ti an nih. Sawrkar thlungpuiin special representative dingin Dineshwar Sharma ruot tah sien khawm, J&K hmuna helpawlhai sukchimitna dinga operations hai chu sunzawm zing ding a nih. J&K hmuna stakesholders hai po po in-biekpuina nei dinga hma lak zing a na, Jammu and Kash-mir state hi hmun ralmuong taka siem tum a nih tiin Home Ministry thusuok chun a hril.

Pakistan in ceasefire dan a bawsiet nawkJammu: Pakistan chun tukum sung hin vawi tam tak ceasefire dan a bawsiet tah a. Zani khawm khan dan bawsie nawkin Poonch district, Jammu and Kash-mir hmuna Security Forces duty-hai chu Pakistan sipai haiin an hung kap. Pakistan sipai haiin silai an hung kap hin Security Forces hai nek hmanin civil mihai an tum lem niin AIR report chun

a hril a. Zani zingkar dar 8 AM vela silai chu hung kap niin, Shahpur sector laia civ-il mihai umna hai chu vawi tam tak silaia kap niin AIR report chun a hril bawk. Pakistan sipai hai chu Security Forces hai khaw-min an kaplet veh a, hun iemani chen an inkaptuo pha nia hril a nih. Inkaptu-ona leia thi le hliem an um report a um nawh.

Himachal Pradesh-ah Sakeiin Kel 8 a se hlumsirmour: Sirmour district, Himachal Pradesh hmuna chun tulai hin Sakei an huong intau hle nia hril a nih. Ni-tin deuthaw in Sakei le mihriem le ransa insuol thu report a um deu zing hlak nia hril a na, zani zingkar inhmatak khan Sirmour district huom sunga bawk hin Sakei pak-hatin Kel 8 zet a se hlum a nih.

Sakei hai chu Shimla khawpui se vela khawm hmu ding an um hlak nia hril a na, chuong Sakeihai chun khawlai Ui le ransa \henkhat fak tumin an hnawt hlak nia hril a ni bawk. Hienga Sakei an hmu rawp hlak leiin chu lai hmuna mihriem chenghai chu an \ithawng thei hle.

‘Air ambulance’ hawngna nei dingguwahati: Vawisun November 16, 2017 hin Gu-wahati-ah Assam Chief Min-ister Sarbananda Sonowal in ‘air ambulance’ hawngna nei a tih. ‘Air ambulance’ hi Delhi a um ‘Flaps Avia-tion Pvt Ltd’ in a siem niin, hawngna nei zo a ni pha ‘air ambulance’ chu Guwahati

hmunah in\hut ning a tih. Hi thil hi Northeast states hai medical services sukhratna dinga thaw a na, a siemtu ‘Flaps Aviation Pvt Ltd’ chun tool-free number ‘108’ a siem a, hi number hmang hin Northeast mipuihai chu ‘emergency medical servic-es’ a pek ding a nih.

Hmasawnna Thar3 thlaphal (november) 16, 2017ningani (thursday) national/international & advertisement

laKtawi KIM’S AQUAMuolvaiphei, CCPur, Manipur- 795128

Tui thienghlim / Mineral Water Connection thaw nuom hai chun connection thaw thei zing a nih. A haw/hire nuom hai khawm kan pek thei zing. Tui \ha hmang ding dit hai khawm pick-up (motor) in kan pek thei zing cheu. Rate : 2000 Litres – ` 500, 1000 Litres– ` 250, 500 Litres– ` 150

Contact No : 961523897 / 8131815864

LAwMTHU HRILNAHun sawt takel Pile natna ka nei a. Ka nat dan chu ka tawlah thil inbawk umin ka Pile a hung suokdawk pei a, ka hnawlut pha leh a sain a na hlak a. Ka ek khawm Kel (Goat) ek angin an khal \ik \ek a, thi leh inpawlin ni 2/3 dam inhnawm thei lovin ka um bakah ni 3 vel bawk a na hle hlak. Ka beidawngin MV Azad Phusam ka pan a, tuhin chu a mi enkawl dam tah. Hi lei hin MV Azad Phusam le Pathien kuomah lawmthu ka hril a nih. A pan nuom le an biekpui nuom han a hnuoia hmun le phone number haiah hin pan le inbiekpui thei a nih. 1. Tidim Road, Opp, J.P. Selection, ICI Church Road, Lamka, CCPur. 2. Hatta, Opp. Oil Pump near Public Hospital, Hat-ta, Imphal. 3. mobile phone nos. : 8014025567 & 7628890261

sd/-lenBoljol

sIelMAt CHrIstIAn HOspItAl & reseArCH Centre

specialist doctor (urologist) pan nuomhai chun date 18th november, 2017, 10AM hin Sielmat Christian Hospital-ah pan thei ning a tih. Zunlam tienga harsatna neihai ta ding khawmin pan thei ning a ta, Operation a lo \ul khawma thaw thei nghal ning a tih. Registration fee Rs. 300/- ning a ta, ticket booking khawm 7:30AM - 6:30PM chen thaw thei ning a tih.

Contact no. 919862853047

LAWMTHU HRILNAKa mawngkuo a na hle hlak lei-in inhnawm a harsa a, ek suok lovin a vawiin ka vawi a, ka ek kuta kheldawk a \ul a, thisen a suok a, ka mawng an thip hle hlak. Chun, ka ek an khal a, ka mawng an thak bakah ka ek a rim a se hle hlak. Ka beidawn-gin Md Zia-ul Haque Phusam ka pan a, tuhin chu a mi en-kawl dam ta a, ka lawm hle a, a chungah lawmthu hi Chanchinbu hmang hin ka hung hril. A pan nuom han Old Bazar, Zomi Colony, Near Muslim Masjid, CCPur le Kekru Village, North AOC, Opp. AMUCO, UCM Gate, Imphal-ah pan thei le Mobile phone numbers 8014254414 / 9615391873 haiah inbiekpui thei a nih.

Lawmthu hriltu, -m. neimo Charoipung

6th PhaseMillenium 1st Lucky Draw ResultSl.No.

C.No. Winner Address Prize Agent

1 1887 Lambem T. Molkot Fascino Board

2 1937 Moses Molnom TVs Phonix Minlen

3 1401 Manggougin Cananphai Jupiter Thngminlen

4 0324 Kamarjit Singh

Waroich-ing

Discov-er125

Paosei

5 1427 Letboigin Thombol Platina Lhingneo

sd/- Manager

Indore chu Indur a thlakthleng tumindore: Madhya Pradesh state financial cap-ital ‘Indore’ chu ‘Indur’ tia thlakthleng tum a ni a, hi le inzawm hin Municipal cor-poration general council meeting huna zani hmasa khan phar le hriltlang a nih. Indore Municipal Cor-poration (IMC) Chairman Ajay Singh Naruka chun, Indore hming hmasa tak indik tak chu ‘Indur’ a nih tiin reporter hai kuomah a hril a. British hai um lai an lam indiknaw leia ‘Indore’ tia hung um ta pei niin a hril.

Borewell sunga naupang a tla

hlumJaipur: Rajasthan-a Madhopur district-a Sawai hmuna chun pasal nau-pang kum 5 mi Aman chu borewell ft. 40 chuonga in-thuka a tla hlum. Borewell bul lai an hnelnaah zani hmasa zan-tieng 5PM vela kha chang-suola tlalut a ni a, a tlaka inthawk darkar 15 hnungin laksuok chau a nih. Borewell sunga a tlak thu hriet a ni char hin Dis-trict Administration chun sansuok ngei tumin theit-awpin hma a lak a, Police bakah National Disaster Response Force (NDRF) team chen ko an ni a, sienkhawm zani zingkar 7:30AM khan an laksuok thei chau a nih. Laksuok a ni hnung hin hospital panpui nghal a ni a, sienkhawm doctor han an san thei ta chuong naw a nih. (IANS)

GOVernMent OF MAnIpUrdIreCtOrAte OF MInOrItIes And OtHer

BACKwArd ClAsses1st FlOOr, sOUtH BlOCK, seCUred OFFICe COMpleX,

A.t.lIne, IMpHAl: MAnIpUr

nOtIFICAtIOnImphal,the15thNovember,2017

No.A/1/2017-MOBC (NSP): In continuation of thisDirectorate’s notification of even number dated31/10/2017 and in pursuance of the e-mail dated15/11/2017 from theUnder Secretary (S),MinistryofMinority Affairs, Government of India, it is herebyinformedtoallconcernedstakeholdersoftheStatethattimelineforonlineverificationofMinorityScholarships,2017-18underNSP(2.0)hasbeenextendedupto30th November, 2017. However, institutes are to complete the first level verification by 25th november, 2017 positively and the remaining 05 (Five) days are to be exclusively reserved for next level verification(s). It has been informed/noticedthatlargenumberofonlineapplicationsisyettobeverifiedbytheconcernedDistricts(ZEOs)incaseofMinorityPre-MatricScholarship,2017-18asondatedespiterequestforthesame.

2.Work-flowforverificationofonlineapplicationsfortheStatefor2017-18remainedunchangedwiththatoflastyearasgivenbelow:Pre-Matric :Institute >District(ZEO) >State(MOBC)Post-Matric :Institute >State(MOBC)MCM :Institute >State(MOBC)

3.ConcernedDistrict(ZEOs)areonceagainrequestedtotie-upwiththeStateEducation(Schools)DirectorateforavailingoftheUserIDandPasswordforcausingonlineverification.NewlycreatedDistricts(ZEOs)arerequiredtoco-ordinatewiththeparentDistrict(ZEO)andEducation(Schools),ManipurforcausingonlineverificationasthenewdistrictsareyettobereflectedunderNSP.OnlineverificationofoutstationstudentsbytheDistrict(ZEOs)istobefocusedontheauthenticity/genuinenessoftheinstitutionand/ordomicileofthestudent.

4.Forfurtherdetails,pleasecontactShriL.KumarSingh,SchemeOfficerandShriM.DamuSingh,NodalOfficer(Scholarships)/MOBC,ManipurduringofficehoursandalsoatEnquiringmail:mobc-scholarships@googlegroups.com NSP website: www.scholarships.gov.inmayalsobereferredtoforMinorityscholarships,2017-18.

sd/- Kh. dineschandra singhDirector/MOBC,Manipur.

Pasal pakhat kaphliem

ghaziabad: Uttar Pradesh-a high security Hindon airbase dai lawnkai tum pasal pakhat Sujet (25) chu kaphliem a nih. Mr Sujeet hi zani hma-sa zan dar 11 vel khan dai lawnkaia airforce station lut a tum a, security han \um dinga an hril hnung khaw-ma dai lawnliem a tum tho leia security han silaia an kap a nih. Sujit hi Uttar Pradesh-a Pratapgarh mi a nih. Iengleia dai lawnkai tum am ti hriet a la ni naw a, suizui mek a nih. (PTI)

Indo-Kazakh military exercise zobaKloh: Bakloh, Him-achal Pradesh hmuna India le Kazakhstan sipai haiin terrorist hai do tlangna ding le inzawma ‘joint military exercise’ an thaw chu zan-ikhan zo a ni tah. Zanita hun tawpna tak hmangna huna chun India le Kazakhstan tienga senior military offi-cials haiin an uop ve veh a, hieng rambung pahni haia inthawk hin ‘cultural show’

inentir a ni bawk. ‘Indo-Kazakh military exercise’ a hin India tieng 3rd battalion 11 Gorkha Ri-fles a platoon khat an \hang a, anni ang zat bawk Ka-zakhstan Army hai khawm an \hang ve a nih. Joint mili-tary exercise hi chawlkar hni sung nei niin, “Prabal Dostyk” ti thupuia hmangin kawng hran hran haiah train-ing ngawr takin an lak a nih.

Revised GST rates hmang \an; thil 200 neka tam man tlawm ta ding

new delhI: November 10, 2017 huna Guwahati-a GST Council meeting an neina a GST rates an siemthar chu zanita in-thawk khan hmang \an a ni tah. GST rates thar a hin thilman 178 hai chu 28% a inthawk 18% a \umhnu-oi an na, hieng hai lai hin chewing gum a inthawk bur le bel le thuomhnaw s^wpna, detergents chen a huom a nih. GST rates thara hin 12% a mi thilman 8 hai chu 5% a \umhnuoi an ni bawk. GST rates thar siem nawkna le inzawm hin, Union Finance Minister Arun Jaitley chun sin awl-sam lema thaw a ni theina dinga thaw niin a puong a. Air-conditioned um le um lo restaurant hrim hrim

chun Input Tax Credit (ITC) \hang lovin 5% tax an pek ding thu Finance Minister chun a hril bawk. Tax rates thar hi restau-rant thawhai chun an lawm hle a, ‘The Federation of Hotel and Restaurant Asso-ciations of India’ chun ITC \hang lova restaurant hai 5% a tax rate GST Council-in a sukhnuoi pek leiin, In-dia rama restaurant hai chu awlsam lem le hlawk lemin sin an thaw thei ding niin an hril. Goods and Services Tax

(GST) hi July 1, 2017 a hmang \an a na, tax lak dan hi chi 5 a \he niin, 0%, 5%, 12%, 18% le 28% haia \he\hawp an nih. GST Council in GST rate a sukhnuoina a hin hieng chewing gum, choco-lates, hmai n^l le make-up, hmul m>tna hmangruo, shampoo deodorants, washing powder detergent le granite and marble hai an \hang a, 18% GST rate sukhnuoina hin anni pawla mi items danghai khawm a huom sa a nih.

Japan-in January 1 a inthawk visa awlsam lemin

new delhi: Kumthar January thla a inthawk hin Japan sawrkar chun India mihai awlsam lemin visa a pek ta ding niin New Delhi-a Japanese Embassy chun zanikhan a hril. Hi thil hi India mihai Japan rama lut an tam lemna dinga thaw a na, Japan sawrkar chun India mi hun tawite sung chau Japan ram lut dinghai khawm ‘multiple-entry-visa’ a pek ding niin Japa-nese Embassy, New Delhi thusuok chun a hril. Tuta visa regime thar siem ding hin visa hmu a awlsam chau ding nilovin, visa application documents

le Japan ram lut thei ding a tlingna nei (eligible ap-plicant) thua khawm a hma nekin awlsam lem tang a tih. Visa regime thar hnuoia hin ‘multiple-entry-visa’ hnituhai chu ‘employment certificate’ le ‘explanation letter’ hai peklut ngai ta nawng a ta. Kum khat liem-tah sunga Japan ram vawi hni lut tah hai chu kum 5 sung nuom hun huna Japan ram lutna thei ‘entry visa’ pek ning an ta, chu visa hmang chun Japan-ah \um khat lutin a sawt takah ni 90 sung an um pei thei ding a nih tiin Japanese Embassy thusuok chun a hril.

J&K-ah drugs a sum-dawngtu mi 2 man

Jammu: Jammu and Kashmir hmun pahni, Jam-mu le Doda district haiah zanikhan drugs a sum-dawngtu pahni a hran ve ve a man an nih. Hieng mi pahni haia inthawk hin can-nabis, heroin le poppy hai man an na, RS Pura border belt, Jammu-ah poppy 1 kg, heroin 1 gram le syringe 8 hai man niin, Doda district-ah cannabis 700 grams le a phurtu Asif Ahmed hai man an nih. Mana um mi pahni hai hi RS Pura le Bhaderwah police stations haiah thubuoi siem khuma hrentang mek an nih.

Australia Mipui 61.6% in Same Sex Marriage “Yes” An Votes y d n e y: K h a w v e l a rambung 25 zetin pasal le pasal, nuhmei le nuhmei innei (same sex marriage) an phal ta laiin Australia khawm a 26-na ni thei ding ngirhmuna umin, Nilaini khan mipui vote (referendum) 61.6% chun “Yes” tiin an vote a, nuoi telin LGTB flag Rainbow (Sumrisang) kei pharin khawlai an fang. Hienga mipui tam lemin “Yes” (same sex marriage kan dit) an tih ta si leiin Prime Minister Malcolm Turnbill chun kum 2017 tawp hma ngeiin parliament in\hung kovin hi thua sawrkar ngaidan (vote) lain ‘dan anga phal’ ding le ding naw an rel a \ul ta a nih. A u s t r a l i a s a w r k r a conservat ive tak chun 1997 chen khan Same Sex Marriage hi a la khap tlat a. Tukhawm hin state

tamlem chun \ha an ti nawh a, sakhuo (Christianity) kal nia ngaiin an dodal tlata chu mipui tamlem an hne ta nawh a. Nilaini vote ah khawm ditnawtu chu 38.4% chau an ni phak tah. R a m p u m u i a v o t e thlakna tiem a nih laiin result chu Sydney Park ah TV screen lien deuvin an tarlang zing a. Lesbian, Gay nuoi telin an nghak fur a. Anni lai hin milar tak tak le huasa tak tak, khawvela hming inthang tamtak an um. Olympic Swimmer Ian Thorpe, kum thum liemtaa Gay inpuong tah khawm a thang a. “Midang i ngaina/hmangaina chu, ieng ang mi khawm lo nisien, a thieng tah tina ding a nih a, kan thuok huoi el” tiin a pasal chanpui a hmangai ve tlat chun a hril. Tuta voluntary Poll (a nuom taphawtin vote thlak) ra suok hi ‘non-binding’

(thaw/pawm ngei ngei ding) tina a ni nawa chu, Prime Minister Malcolm-in mipui tamlemin ‘yes’ an vote chun sawrkarin bawzui a tih a lo ti tah leiin lo thei lovin kum tawp Christmas hma ngeia an bawzui/rel a \ul tah a nih. “A ram mipui chun an ditdan an puong tah a. A dittu a tamlem dai an nih bawk. Inneina intluktlang ding ti thu an ditdan a nih tah. Inkhina pathum Fair-

ness, Commitment le Love haiah ‘yes’ an vote vawng a nih” tiin reporter hai a hril.Hi poll hi Australia ta ding chun hnena ni ropui ah an ngai a. Sakhuona tieng kulmut le Christian hai chun ‘thil tha lo tak’ thil pawi niin an ngai ve thung a. Mawngkuohur le Lesbian hai Kohran dan thienghlima mi dang ang thova an innei thei ding chu tha an ti nawh a. Pastor or Kohranin inneitir

lo theina dikna nei ve rawse tiin an nawr a nih. Sawrkarin Same Sex Marriage a phala, dan ang a hung nih chun, Kohran khawmin nuom le nuom lovin Gay le Lesbian hai khawm an neitir a \ul ding a nih. US TV host, Lesbian ve tho, Australia nunghak Portia de Rossi nuhmeia neitu Ms Ellen DeGeneres chun, “It’s a g’day. Way to go Australia” tiin Gay mar-riage phal a ni ding chu \ha a ti thu a hril. National poll-a hin Australia voter po po laka 80% velin vote an thlak a. England Brexit le Ireland Referendeum belkhawm nekin an tamlem a nih. Mark Barry (59) a pasal chanpui nuhmei anga a nei leh kum 35 um kawp tah chun, mit-thli pumin, “Celebrity hi thu lawmtu ding ka hriet” tiin a nuhmei (pasal tho) in a lawm

ding zie a hril. Kohran le Catholic hai chun an lawm naw hle a. Parliament inpui ah Kohran lo thei lova an zelna ding danhai siem\haa, excep-tional case Bill ah in\hangtir dinga hma la dingin an lan puocha ve a nih, abikin “No” vote thlaktuhai le \hangruolin. Catholic Archbishop of Sydney Anthony Fisher chun, national poll result chun a ‘suklungngai’ hle a. Australia-in dan anga same sex marriage phalna a nei ding chu pawi a ti hle thu a hril. Kohran tamtak khaw-min an ringna (sakhuona) le inkala thil an thaw nawna dinga dan siem kawngah sawrkar fimkhur dingin an ngen. Parliament ah iengtinam thil a hung um ding ti chu sawtnawte ah hriet ni vat tang a tih.

GHSMc in Garoland state demand-na in rally huoihawt

tura: Garo Hills State Movement Committee (GHSMC)-in Meghalaya state a inthawk Garoland state hran an ngenna le inzawmin zanikhan rally an huoihawt. GHSMC hin kumthara Meghalaya As-sembly election hma ngeia an ngenna hi sukpuitling dingin sawrkar an ph<t a nih. GHSMC in rally a huoihawt hi Chandmari playground a \anin Tura bazar fethleng a nih a, Law college playground, New Tura-ah rally hi suk-tawp a nih. Rally a \hang hai chun “A’ching A’song Tangbangchina” (Garo-land damsawt raw seh) tiin inring takin a ruolin an khek a, ‘Jago Modi Jago’ (Modi \hanghar rawh), ‘We want Garoland, no state, no rest!’ le a dang dang plac-ard rally a \hang hai hin an chawi bawk.

Garo hai hin Megha-laya state sunga Khasi le Jaintia hai leh cheng tlang an nuom ta naw leia Ga-roland hi an demand a na, state hran hi hun sawttak a inthawk, an Pi le Puhai hun lai daia an lo demand tah niin, kumthara Assembly election hung um ding hi remchanga hmangin hmal-akna hi an sukthar nawk a nih. GHSMC \huoitu hai hril dan chun, Bristish hai hun lai dai khan Garo free-dom fighter, Sonaram R. Sangma in Garoland thu hi a lo ngirpui tah a, Garo National Council (GNC) khawmin 1960 kum khan Meghalaya Chief Minister hmasatak Captain William-son A. Sangma inrawina in hma an lo lak tah niin an hril. “GNC in 1992 a inthawk khan memorandum pelut-in Garoland a lo demand \an

tah a. Hopingstone Lyn-gdoh pawl HSPSP, EDF le pawl tum tumin Garoland demand chu an thlawp a nih. Amiruokchu, politi-cal tienga thilthawtheina tlawm leiin an demand chu ngaitha a na, tuhin sukthara hmalakna sukhrat a \ul a nih” tiin GNC \huoitu Au-gustine Marak chun a hril. Hill State Peoples Dem-ocratic Party (HSPDP), United Democratic Party (UDP) le People Demo-cratic Front (PDF) hai khawmin Khasi le Jaintia hai tadinga state hran ph<t an tum a. Chuleiin, GNC khawmin 2018 state assem-bly election huna hin Ga-roland chungthu hi phawr lang a ta, hrat nawk zuolin hmalakna a fepui ding a nih tiin Augustine Marak chun a hril sa bawk. GHSMC chun 2012 a inthawk khan Garoland an demand-na le inzaw-min hmalakna ngawr ta-kin a fepui nawk a, zanita rally an nei hi a \um 22-na a ni tah. Garoland state an demand-na le inzawmin Prime Minister Narendra Modi, President Ram Nath Kovind le Union Home Minister Rajnath Singh hai kuomah memorandum an lo peklut ta bawk.

Jharkhand foundation day hmang; Prez-in lungphumna a neiranChi: Zanikhan Jharkhand khawpui Ran-chi-ah ‘Jharkhand state’s foundation day’ hmang a nih. Jharkhand in State-hood day a hmangna a hin President Ram Nath Kov-ind Chief Guest in a \hang a, projects hran hrana mi lungph<mhai ph<mna a nei bakah, Rs. 5,000 crore an-ghu sengna hmangruo hran hran beneficiaries 35,000 hai kuomah peksuokna a nei. Jharkhand hin Novem-ber 15, 2000 khan Bihar a inthawka \hethlak niin statehood a hmu a, tukum hi a kum 17 tlingna a ni tah. President-in projects lungph<mna a nei hai chu a state sunga miretheihai dawmsangna dinga riruong an na, chu hai laia mirethei-

hai tadinga \angkai zuol dinga ngai chu Rs. 1,500 crore anghu sengna ding ‘Johar Scheme’ hi a nih. ‘Johar Scheme’ hnuoia hin miretheihai chu an sumh-nar a lethni a pung dinga ti a na, doctors 254 appoint-ment peng a ta, teachers 363 le college principal 24 siem suokin, a thlawna

Ambulance hmang theina, 108 dial a ‘free Ambulance service’ ko thei a hung ni ta bawk ding a nih. Jharkhand in statehood day a hmangna huna hin ‘Health Insurance Scheme’ thar puong a ni bawk a, chu scheme hnuoia chun sungkuo 57 lakh hai chu health insurance pek ning an tih. President chun Ran-chi khawpuia hin flyovers pahni le ‘smart roads’ pahni hai hawngna a nei bawk.Statehood day an hmangna a hin Jharkhand Governor Draupadi Murmu, Chief Minister Raghuwar Das le a cabinet ministers hai an \hang tawl a, President hin Ranchi khawpui a suoksan hma in Ranchi hmuna ‘Yo-gda Satsang Ashram’ sirna a nei bawk.

India companies 100 han US-ah 113,000 sin an siem: Report

washington: India companies 100 haiin Amer-ica le Puerto Rico ram haia sumdawngna an thawhai data zanikhan suksuok a na, chu dungzui chun Unit-ed States hmuna India com-panies haiin 113,000 sin a siem niin report chun a tar-lang. Hieng India compa-nies hai hin US-ah USD 18 billion investment a siem nia hril a ni bawk a, data chu state tin haia invest-ment thawa um hai thlang suok an ni dungzuia siem a nih. Hi report hi ‘Indian Roots, American Soil’ tia a hming inbuk niin, Confed-eration of Indian Industry (CII) in zanita tlangzarna a nei a nih. ‘Indian Roots, American Soil’ data dung-zui chun, India companies haiin US a social ngirhmun siem\hatna dingin USD 147 million a contribute niin a suklang a, USD 588 million chu ‘research and development’ thawna din-gin a peksuok niin a hril bawk. India companies 100 haiin thawktu 113,423 a nei mek a, chuong hai chu states 50 haia mi niin, Co-lumbia district le Puerto Rico hai khawm a huom sa a nih. Hieng companies 100 haiin investments an thaw hai chu USD 17.9 bil-lion nekin a tam niin report chun a hril. India companies haiin sin an siem tamna tak states

5 hai chu New Jersey (8,572 jobs), Texas (7,271 jobs), California (6,749 jobs), New York (5,135 jobs) le Georgia (4,554 jobs) hai an na, ‘foreign direct invest-ment’ an thaw tamna tak state 5 hai chu New York (USD 1.57 billion), New Jersey (USD 1.56 billion), Massachusetts (USD 931 million), California (USD 542 million) le Wyoming (USD 435 million) hai an nih. US hmuna India com-panies 87% hai chun tuta inthawka kum 5 chenah US mi thawktu ruoi tam lem an la tum a. India companies le professionals haiin US economy a dinga contribu-tion an thaw hi a hlawk hle a nih tiin Indian Ambassa-dor to the US, Navtej Sarna chun a hril. Donald Trump US President a hung nia in-thawk India le US hai in-ruol\hatna chu hma a sawn hrat hle niin Congressman Pete Sessions chun a hril a. Indian business in Texas le US khawpui hmun tum tum haiah sin sangtel le million dollars tam tak a hung phurlut a, India Prime Minister Narendra Modi in danglamna a siemna hin America companies hai ta dingin tukver a hawng pek a, hi lei hin US companies hai khawmin India ramah a hma nekin sin an thaw hrat thei a nih tiin Pete Sessions chun a hril bawk.

Hmasawnna Thar4 EntErtainmEnt / SportSthlaphal (november) 16, 2017ningani (thursday)

SUNZAWMNA

Serena williams le Alexis Ohanian hai Nov. 16 ah an innei ding

new orleans: Ser-ena Williams (36) chun nau nuhmeite a nei zo chawlkar 11 a liem hnun-gin November 16, 2017 khin Reddit co-founder

Alexis Ohanian (34) leh New Orleans hmuna in-neiin ringumna thu intiem an tih. An inneina ding hmun chie hi puonglang a ninaw bakah an inneina

sîm tu ding hai khawm hril an la ni naw a, an inneina ding khawpui hming chau an la hril a, a hmun ding tak hi an innei ding tukah inhriettir chau an tum. An inneina hunser hi hlasakthiem Beyonce, Jay Z le Kris Jenner hai khawmin an uop dinga hril a ni a, Prince Harry le Meghan Markle hai innei huna sum seng nekin dol-lar 1 million velin inneina programme-a sum seng hi tam lem dinga hril a ni bawk.

Drogba kum 2018-ah a retire ta ding

Chelsea striker hlui Didier Drogba (39) chu kum 2018 November thlaa United Soccer League (USL) sea-son tawp hnunah a retire ta ding a nih. Ivorian soccer star Drogba hin Chelsea ta dingin vawi 380 chuong a khel a, Premier League titles 4 \hangin Chelsea-a

a khel sungin trophies 14 a lak a, tuhin United States professional soccer Phoenix Rising-ah a khel mek a nih. Drogba hi French club Olympique Marseille le Turkey club Galatasaray hai \hangin teams dang dang 8 haiah vawi 670 chuong football a khel ta a nih.

James DeGale le caleb Truax hai December 9-ah an inhnek ding

london: IBF super-mi-dleweight title hau mektu James DeGale chun a title defend dingin December 9, 2017 khin Caleb Truax leh London-a Cooper Box Arena hmuna inhnek an ta,

IBF featherweight cham-pion Lee Selby chun hi hmuna bawk hin Eduardo Ramirez inhnekpui a tih. Truax (34) hin vawi 28 haia hratna a chang haiah 18 hai chu knock-

out-a hratna chang a ni a, sienkhawm an ram USA puotienga lan hnek ngailo a nih. Mexican Ramirez (24) hi boxing vawi 20 a khelna haiah la hrat vawng le vawihni draw a ni a. Welsh mi Selby (30) hin July thla khan Jonathan Victor Barros a hneban a nih. DeGale (31) in boxing a khel nuhnung takna chu January thlaa WBC super-middleweight champion Badou Jack inhnekpuia an indraw kha a nih.

Katie Taylor in wBA world title defend dingin Jessica McCaskill leh an inhnek ding

Cardiff: WBA World lightweight title hau me-ktu Katie Taylor chun a title hum dingin Decem-ber 13, 2017 khin London-a Bethnal Green hmunah American boxer Jessica McCaskill inhnekpui a tih.

Katie Taylor (31) hi kum 2012 Olympics-a khan Ireland ram ta din-gin Gold Medal a lo lak ta bakah October, 2016-a professional boxing a khel-a inthawk vawi 7 an hnekna haiah hratna a la chang

vawng a nih. Thla hmasa khan Car-diff hmunah Argentina mi Anahi Sanchez chu point-a hnein WBA title hi a lo lak a nih. An hnekpui ding Mc-Caskill (33) hi profes-sional boxing vawi 6 a khel haiah vawi 5 haia hratna lo chang ta a nita a, tuta \um hi America ram puotienga boxing a khel vawikhatna ding a ni a, Taylor a in-thawk WBA world title belt hi lak ngei a tum a nih. An inhnekna hi Sky Sports-ah live-a peksuok ning a tih.

The Zou Gal centenary Shield 2017GrOUp-stAGe

results: 15th november, 2017 (wednesday) Peace Ground, Tuibong :

1.TuibongAreaYC0-0UZOTuiningUnit. 2.GanggamSC1-0SaipumYC.

3.RangersUnitedSS3-1SanakhangFC........

Kholmun playground, Churachandpur : 1.KorteBrothers1-0UZOKamdouVengUnit.

2.LenlaiClub5-0TangnuamYC. 3.AhsijolnengFC3-0ZenhangLamkaYC(Declared).

========================== Fixtures : 16th november, 2017(thursday)

1.SYMROPIAvsUZOSingngatBlock@11:00am. 2.HeadquarterSCvsAvoiFC@12:30pm.

3.UZODaijangUnitvsBungmualYC@2:00pm. Venue : Peace Ground, Tuibong, Churachandpur.

Group Choir, Bob Sang bakah Gilead’s Balm Care Centre Trio haia in-thawk hla ngaithlak a nih. Zani zan 5:30PM khan Musical Nite an sunzawm a, hi huna hin Khaikhomang, MDC,

T h a n g k h o s u a n m u n g Guite, MDC le CT Lian Guite, MDC hai special host in an \hang tawl a, guest artistes in Ching-gelkim bakah centre-a music bandh Iron Band, The House band le Cru-

saders han hla an sak. Gilead Balm Centre hi Director M. Pau-thangkham le a team hai enkawlna hnuoia um mek niin tuhin inruithei sala intang mi 100 chuong an um.

Gilead’s Balm care centre 15th Anniversary hmang

Hi conference a \hang policy makers, researchers le practitioners hai hin North-east hi sumdawngna hmun \ha tak a ni zie le, chu chanvo a nei chu India sung hmun tum tum haiah an puongdar ding a nih. Thing le thlaihai tadingin hmun \ha tak a na, investment thawna ding khawmin hmun \ha le inhawi a nih. Sawrkar ‘Act East Policy’ hin hi lai hmun tadingin ham\hatna tam tak a hawng pek ding a nih. ‘Act East Policy’ hin Imphal khawpui fethlenga

ASEAN countries hai thlungzawmtu ding ‘tri-lateral highways’ khawm a \hang a, chu hai baka khawm Manipur sukhmasawn theitu ding sumdawngna le thil dang dang tam tak a um bawk. Hi conference hi mith-iem, researchers le practitioners hai \hang-na a na, ra \hatak a hung insuo ka beisei tlat a nih. Manipur hmasawnna dinga Confer-ence in recommendation a thaw hai en a, bawzuina nei chu ka thil inhawk tak a nih tiin Governor chun a hril.

manipur hi thlai chau ni lovin, \halai hai sukhma-sawnna dinga hmun \ha tak a nih

Hi huna hin Mangjangam Touthang, Re-gional Director, Directorate of Field Public-ity, Nagaland & Manipur Region in keynote addres a hril a, Technical hunah Manngai-hkim, Technical Officer, Krishi Vigyan Kendra, Churachandpur chun Pradhan Mantri Fasal Bima Yojana chungthu a hril a, M. Ginzalian, Agriculture Officer, Dis-trict Agriculture Office, Churachandpur chun Pradhan Mantri Krishi Sinchai Yo-jana Soil Health Card chungthu a hril. Khaipao Haokip chun, District Council le SDO hai le \hangruolin PMRY \ha taka fepui a ni thu a hril a. Regional Director

an hmupui dungzuiin ama fethlengin Dis-trict Agriculture Officer kuomah loneituhai ham\hatna ding sum tam tham tak hung pek dinga beisei a nih tiin a hril. James Doujapao chun, tuta hmaa thlai ching hai le tulai thlai ching hai inmil naw leia thlai tharsuok tlawm peina thuah lonei-tu hai chu thlai chingna tiengpanga thiemna nei hai indawn hlak ding le indawn theia um zing an ni thu a hril. Zanita hun hmangnaa hin loneitu hai inthlungkhawmna Self Help Group tum tum han an thlai thar suok hai zawrna an nei bawk.

Special Outreach Program hmang

Mipui harsatna phuhrukna dingin Tamei le Tamen-glong ah Bank le DTO of-fice ve ve hawng a ni ding thu a hril a. Tousem, Nungba le Khoupum haiah khawm ATM le Bank Branch hawng dinga riruong niin a hril bawk. Sawrkar thawk-tuhai Transfer and Posting a dingin District Cadre Sys-tem hmang a ni ding thu a hril bawk. Kum thara inthawkin Tamenglong district sukhmasawnna dingin NERCORMP (North East-ern Region Community Resource Management Project)-in project hran hran hung thawng a ta. Khuo po po December 2017 bo hma ngeiin electric-a sukvar vawng an nih ding niin a hril a. UJALA scheme hnu-oiah March 2018 chenah LED bulbs 7000 sem ni dingin a hril bawk. Tamenglong DC office-a Multipurpose Hall ah Cabinet Meeting nei a ni a. Cabinet Meeting chun,

kum 7 vel liemtaa siem Advocate General of Ma-nipur terms and conditions, thilman hai a kaisang pei ta leia revision siem chu a pawm a. AGM thla hlaw (fee) Rs.30, 000 chu Rs. 10, 00, 000 dingin a pawmpui. AGM terms and conditions hai hi 2010 khan, Law Dept Order No. 8/1/2007-AG /L dated 24/05/2017 dungzuia revised a nih. Cabinet chun, Veteri-nary Officer 37, contract-a thawk tuta la um zinghai regular appointment pek a remti bawk. An sin thaw dan enin Court thurel zuia appointment hi pek an nih. VO 37 hai hi May 5, 1999 khan State Cabinet thurel

March 16, 1999 dungzuia contract basis-a lak an ni a. February 28, 2003 chen khan an contract suksei peia lo thawk an nih. Manipur State Power Company Ltd and Mani-pur State Power Distribu-tion Company Ltd kuta pek dawk ta Manipur Electric-ity Department-a promo-tion-na dingin ‘one-time relaxation of recruitment rules’ a pawmpui bawk. DC/Tamenglong Mr Armstrong Pamei chun a district chanchin le sawrkar hmalaknahai le harsatnahai power point presentation an entir a. Project hran hran le scheme hai enin review an nei bawk.

Tlangrama cabinet Meeting vawithumna dingin Tamenglong ah neiQueen Elizabeth Hai Nupa Platinum Jubilee Lawm Ding

london: Tulai khawvela kumpinu dam sawt tak tah le upatak, Britain Queen Elizabeth II chu a pasal Prince Philip leh an taksa kum 90 a chu-ong ve ve tah laiin an inneina Platinum Jubilee khawm, kum 70 tlingna November 20 khin lawm dingin an lan buotsai thei a nih. Khawvel Indopui 2-na zo kum hnina 1947, November 20 khan, Princess Elizabeth chun a dittak le hmangaitak, Lieutenant Philip Moun-batten chu London, Westminter Abbey ah Pa-thien le a Kohran hmaah a nei tah a nih. Kum 70 hungin Queen Elizabeth chu kum 91 niin Prince Philip chu kum 96 a ni tah a. November 20 khi nupa anga kum 70 an sirna ding a nih leiin Windsor Castle ah sung le kuo le ruol\ha fiel tlawmte hai leh lawm an tum a nih. Prince Philip hi Greek mi, Elizabeth a nu pi Queen Victoria a inthawka chi thlasawng ve tho hin, a nuhmei Queen Elizabeth inlal kum 65 sung hin British lalhai laia inlal sawt tak ni thei dingin a thlawp hne hle a. Queen Elizabeth ta dinga ‘an nghatna lungpui’ a nih. Hun rinum le harsa, lawm le hlim laia enkawltu a nih. A pa King George VI, 1952-a a thi lai khawm, a thi thu hriltu chu Prince Philip a nih. Royal historian Hugo Vicker chun, “Hi nupa nun sawt tak el hi, det taka a ngir zing theina chu Prince Philip-in a thlawp tlatna lei a nih. Ama chau a nih lalnu a iengkim, thu \ha le \ha naw hril theitu chu. |ha dinga a ring chu tlang takin a hril a. |ha naw dinga a ring khawm a hril tho.

A ngaidan ni naw deu khawm \awngbau a nuom ang anga bie thei chu ama chau a nih” tiin a hril. Queen Elizabeth le Prince Philip hi an inhmuna hmasatak chu Prince Philip a cousin, Princess Marina of Greece le Elizabeth a pate, Duke of Kent inneina 1934 khan a nih. Prince Philip-in a ngaiven \anna chu, an chukna hmun, Cadet a nina Royal Naval College, Darmouth ah kum 13-a upa Elizabeth-in a nu le pa leh an hung sir \um khan a nih. Lalnu cousin Margareth Rhodes, ziek dan chun, “Elizabeth-in Philip a hmu chara in-thawkin a hmangai nghal em em a. Philip khawm chuong tho. A bula inthawkin inhmangai em ema um nghal an nih” tiin a Memoirs ah a ziek. An inhuolna thu 1947 June-in puong a nih a. A thla nawk July ah an innei nghal. Indopui a tuor zo chauh a ni leiin Birtain khawm a la harsa em em a. Kum 21-a upa Elizabeth chun,

chuong hun laia mo danghai ang bawkin a mo form ding khawm ama ngeiin an \hui tira a lak a \ul a. Sengso tam lo, simple deuin an innei a, south Scotland tieng honeymoon an hmang. A naupa Prince Charles le Diana inneina (1981) mihriem billion khat velin TV ah an en a. A tupa William le Kate inneina (2011) billion 10 velin an thlir laiin, lalnu takhai inneina chu radio hmangin mi million 200 velin an ngaithlak a nih. A pa King George chun, “Philip kuomah i hlim hle ti ka hrieta, a \ha. Anachu, i pa, thil dithai le kan cha che hai kha theinghil ngai naw rawh aw” tiin an innei zovin lekha a thawn. Elizabeth le Philip hin harsatna tamtak an pal tlang ve a. An nau palihai nuhmei-pasal innei in\um nawna le Lady Diana thina thuhai leh. Harsatna tamtak to \awkin an tuor tlanga, an inneina Golden Jubilee 1997 an hmang \um khan Elizabeth-in, “Hieng po po huna hin, indiktak chun, ka hratna le ka phaw a nih” tiin a pasal an pak. Elizabeth anga lal\hungpha le nupa nun, hieng anga sawt lawm thei an um nawh. Dia-mond Jubilee khawm 2007 khan an lawm tah bawk a. Lal\hungpha kum 60 neka sawt a \hung sung hin Prime Minister 13 a hmu hman a nih. “Chu theina chu Prince Philip a nih a. Philip boin lalnu chun nun khawsawt um tak le inrieng tak hmang a tih. A ta dinga lungpui innghatna a nih, a lal\hungpha a hluo china inthawka vawisun chen” tiin Royal biographer Claudia Joseph chun Reuters a hril.

Cindy Crawford Naupa Pre-sley Gerber A Nu Ang Model

los angeles: Supermodel Cindy Crawford naupa Presley Gerber (18) chu a nu ang thova model figure neiin pasal model tulai tak le nal pawl tak chu a ni hrim hrim ti a sukchieng hle. Model ding hrima pieng a nih ti dingin Thawlenni khan Miami ah Camilla Marrone le pasal dang pakhat Miles McMillan leh photo-session an nei a, a nal thei hle. Presley Gerber chun kekawr sen chau bunin, zakuo boin a ngir a. Camilla khawm zakuo sen le puonbil sen bunin, a zakuo insing hnuoiah a nene bal hnuoitieng dawk takin Gerber awmah kut siein, a phing lai themin mit meng khu saiin imu suok hmel deu, inhawi ti hmel deuvin an awn diei a. Hnuoi tieng enin an sim iei iei a, titak deuva ngir Gerber leh an inhme hle. Miles ruok chu an sirah ngirin a lo innui sei sei a, model hai ta dinga pawimaw em em hmel expression tieng chu Presley Gerber a phak naw hle. Thlalak dang pakhat nawka

chun an pathum bawk a nih a. Camilla chu Presley hmaah ngirin puon sen parte lim anga chei bawr lui silin, Camilla chun Gerber hmai a tuoi a, an hmelah titakna an lang a. Camilla chu a sam inhnawk chieiin a meng sexy bawka, en nuom an um hle. Presley Gerber hi Cindy Crawford nauhai a upa lem a nih a. A sangnu Kaia Gerber (15) khawm tu kum a inthawkin runway ah a catwalk \an ve tah a, inlar tak a nih tah. Kaia le a u Presley hai hi an pahni hni’n IMG Models an nih. Kaia khawm Dolce & Gabbana Spring 2017 ah a catwalk bakah New York, London, Milan le Paris Fashion Week haiah a \hang vawng a. Ralph Lauren Spring/Summer 2018 Collection khawm a pholang bawk. Kaia chu kum 10 a niin fashion khawvel an tem a, modelling a lo \an tah. Vogue magazine ah khawm a nu Cindy Crawford leh an inlang ta bawk. Cindy Crawford chun a nau haiin a hnung an hung zuia model an hung ni ve thei chu lawmum a ti thu a hril a. Vanity magazine kuomah, model an ni laiin taima taka an thaw nasat a tul thu an fui hlak niin a hril a. Catwalk an thaw dan ding nekin backstage le khawvel puotienga an hringnun hmang dan ding a hril lem hlak niin a hril. “Ka nauhai leh fashion khawvel ropuitak ah kan um tlang thei hi ropui ka tih a. Fashion khawvela cheng kan nia chu model anga lawn dan ding le hawiher dan dinghai ka hril ngai nawh. Ka hril rawn tak chu inring ding, professional taka um ding, an mobile phone hmang ram lo ding, ruolhai le mitak le inbiek rawn ding, hlim taka ruolhai le inpawla hun hmang dingin kan fui hlak” tiin a hril. “An pahni thluok an nei \ha ve vein ka hriet a, ka ngaituo bek nawh. Anni le anni inenkawl thei ding tawk chun ngaituona thluok khawm an nei thovin ka hriet” tiin khawvela Calvin Jean hung bun lar hmasatu Cindy chun a hril.

Blake Shelton Sexiest Man Alive a Puong

los angeles: Khawvel h i s to ry -a vawikha tna dingin Country singer le “The Voice” a Judge Blake Shelton chu People magazine-in ‘Sexiest Man Alive’ in a puong. Kum 41-a upa Blake Shelton chun, “Ka pienga inthawkin ka damsunga hmelsie ka nih a. Kum khat sung ka hmel a tha thei chun, pawm el naw ning am” tiin fiemthu a thaw. Oklahoma mi Country singer Blake Shelton hin kum 10 neka tam country hla a sak tah a. Hlasakthiem anga an lar bakah 2011 a NBC TV in reality show hlasakthiem zawngna “The Voice” an nei, thuvar tak tak hrila Judge a \hanga inthawk khan an lar zuol a. A album thar tak “Texoma Shore” chu thla hmasak khan tlangzar a nih. Blake chun, 2013 kuma Sexiest Man Alive nina lo la ve tah a ruolpa, Maroon 5 hai frontman nih bawk, a Judge chanpui Adam Levine kuomah a title lak hril a chak tah thu a hril a,

fiemthu taka sawisak kar a nghakhla niin a hril. A th langtu People magazine a hril dan chun, “Jack Hughman angin annawleh, inngaitlawm taka um hai angin ka um ve naw ding a nih, hi thu khera hin chu” tiin fiemthu bawkin a hril a. A taksa hriselna thuah fak le dawn insumin nasatakin exercise hai a lak hlaka chu, snack le ‘jalapeno poppers le pickles hai chu an sum thei naw thu a hril. Blake Shelton hi country singer tho Miranda Lambert leh an innei a, an in\he hnungin kum hni vel chu pop singer Gwen Stefani leh an inzui tah. A bielnu Gwen Stefani-in Sexiest Man Alive nina an pek hi pawm dingin a dit thu a hril niin a hril bawk. Sexiest Man Alive nina hi Dwayne “The Rock” Johnson, Brad Pitt, George Clooney, Johnny Depp, H a r r i s on F o rd , Ryan Reynolds le David Beckham hai khawmin an lo lak tah.

Zimbababwe Army Han Thawlunain Sawrkarna An Lak

HARARE (Reuters): Kum 36 neka sawt Zimbabawe ramah ro a rel ta hnungin, President Robert Mugabe chu ama sipaihai vekin Nilaini khan a rorelna khawlpui lakpekin, a kawl le kienga um ‘misuolhai’ an inthielfai zo phat a sawrkar an pek kir nawk ding niin an hril pek. Z i m b a b w e M a j o r General SB Moyo, Chief of Staff Logistics chun, State TV hmangin, kum 93 a upa tah Robert Mugabe le a sunghai chu dam le him takin an um thu a puong a. Thil ‘sukfel’ zo phat thuneina an pekkir nawk ding niin a puong. Army le armour vehicle tamtakin sawrkar office

hmunpui lienhai fena an dang vawng a, Harare-a Parliament inpui le Court hai an hluo bawk a. Mipui hai ruok chu pangngai takin motor le taxi hai an tlan kuol zing a, sawrkar thawktu le mihai po an buoi. Major General SB Moyo chun, “President a kawl le kienga um misuol, sun le zana veltu, ei ram le hnam fasetu, economic le social suksietuhai man kan ta, dan ang taka an chunga rorelna chelek a ni zo phat thil iengkim a pangngaiin an hung um nawk kan beisei” tiin a hril. President Mugabe le a nuhmei Grace, a ai aw tumtu hai chu an hmel hmu ding le rawl hriet ding a um

nawh a. Army hai chun him takin an um ti chau an hril. Selkaltu tieng Movement for Democratic Change hai chun sipaihai inrawlna chun, sawrkar det lem le hrat lem le hmasawn lem an din ngei beiseiin, constitutional democracy ang tak sawrkar a ngir nawk ngei an beisei thu an lo puong ve. Zimbabwe Liberation War Veterans hai chu South Africa le Southern le Western Africa rambung dang danghai chu Zimbabwe leh thangruol nawkin, kum 20 vel zet an ram economy tla hnuoi char char tah, southern Africa rambunghai chen kang zap tah chu thangpuia tungding nawk dingin an ngen. “Rambung la naupang tak, mi upa takin hun sawt tak a enkawla a thau po po a fak zo hnunga a nuhmei le ruolhai kuomah la um po pe suok, a hun (chapter) tawpna a ni tah. Hi hi rawla liem ding sansuokna, thil fe suol sukdik nawkna a nih” tiin an hril.