Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/151 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

THLA|Au (mArcH) 17, 2017 ziTrAwpni (fridAy)

GAS NEWSAgency : SASBooking: 22nd. nov.,2016. to 22nd.DEC., 2016delivery :17-03-2017 (FrI)time : 8AM- till stock stOCK : 306Rate: Rs. 901

NEWS TOMkiMCHANCHIN LAKTAWI review meeting

an neiccpur: March 16, 2017, 11AM khan CCPur town sunga Primary Health Centre (PHC) tum tuma ASHA workers han CMO Mini Conference Hall, CMO Complex hmuna review meeting an nei a, Mary Huaisianvung, DCM in meeting a keihruoi a, workers han an sinthawna report an pek. Fund um-naw sienkhawm hiengang review meeting hi thlatina nei ding, fund hung hun huna worker hai Incentive ding Bank Account feth-lenga pek ding chungthu hai hi huna hin hriltlang a ni bawk. Meeting a hin Town sunga ASHA work-ers 64 vel an fekhawm.

Album release dingccpur: Bethany Male Voice in “Bangkim Jesu Di’n” ti thupui hmanga Gospel Music Video al-bum an siem chu March 25, 2017, 11AM khin EBCC Bethany, Zoar Veng, Bung-mual-ah Rev. Thangkhan-gin, Director of Missions, EBC in tlangzarna le inh-lanna nei a tih.

KNO/ZRF in thusuok le hrilfiena an siemccpur: Mr Roger Zomi, Secretary, Inf. & Public-ity, Kuki National Organ-isation/Zomi Revolution-ary Front (KNO/ZRA) chun March 15, 2017 khan YPA GHA in thu-puong 1(13)/YPA GHQ/PR-CIR/2010-2013, Block le Unit Joint meeting resoltution No. 1. dated 13th March 2017 dung-zuia Pu Songlianlal in Mr Chinminthang caretaker YPA N/L Block election zo hnunga YPA in vauna a pek an demthu thusuok an-siem le inzawmin hrilfiena an siem. Hrilfiena an siema chun, Pu P Songlianlal in Bethel Veng, New Lamka-a meeting a nei huna Mr Chinminthang khawm a va \hang a, Mr Chinminthang in Pa Lal 2012 election a khawm nanga ta dingin nasa takin \hang ka lak a, tukum khawm nang ti lo midang ta dingin ka tlan nawh tiin a hril a. Chu le

inzawmin Pu P. Songlian-lal ruolnu in thautui man ding tiin Rs. 500/- a pek a. A zingah Mr Chinmin-thang hin Pu P. Songlianlal kuomah Rs. 2000/- a va lak nawk a. Mr Chinminthang le a ruolnu Mrs Ngaineih-par han Pu P. Songlianlal kuomah chau sum la loin midang candidate tum tum kuomah khawm sum lain a ti anga um loin a tlan ti hrietsuok a ni a. Hi lei hin election zo hnung khan i sum lak hung pekir rawh tiin P. Songlianlal chun Mr Chinminthang hi a hril ngei. P. Songlianlal hin Mr Chinminthang hi a vau ni loin a hlem leia lungsena a sum lak pekir dinga a ti a ni lem. Hi thua hin Mr Chinminthang khawmin P. Songlianlal kuoma sum a lak chu a pekkir nawk tah. YPA in hiengang mi dukdaklo Mr Chinmin-thang thuhril thudik hre hmasa loa P. Songlianlal thiemnaw inchangtirna

thu a puong hi ZRF/KNO chun a hrietthiem naw a, pawi a ti bawk. YPA in thlier bik a nei am a nih? Election thuah mi \huoih-mang, in suksiet, In raw, in suosam, motor raw, motor suksiet thu haiah iengleia YPA in dem le demlo bik a nei thei am a ni ti hi ZRF/KNO chun mak a ti a nih. YPA in Songlianlal chunga demna thiemnaw inchangna thupuong an siem an lakkir naw chun ZRF/KNO in thupuong siemtu hai chunga an phutawk ang action lang a tih. 11th Manipur Legis-lative Assembly election thuah Free and Fair elec-tion um theina dingin Or-ganisation tum tum, kohran le veng le khaw tina hma latu hai chunga ZRF/KNO chun lawmthu a hril a, hmatieng khawm hienga hma la zawm pei dingin a ngen. Election zo hnunga thil

\halo thawtu hai khawm ZRF/KNO chun nasa takin a dem a, Lamzang khuo a mi 2 \huoihmang le sawi-saktuhai; Lamzang khuo a nuhmei naupang va suk-buoitu hai; Lamzang lalpa S. Suankhogin Ngaihte In sukse le bike rawtu-hai. T. Phungzathang, NPP Candidate CCPur A/C in suosam a, compound sun-ga Bike/Activa tam tak suksie tuhai, Hebron veng, N. Lamka a S. Suankhogin Ngaihte Lamjang lalpa in rawtuhai demin hiengang thil tukhawma thaw nawk ta lo dingin KNO/ZRF chun a ngen. Election leia insel inhal le invauna hai ZRF/KNO khawmin a dit naw a, a dem hle a nih. Tuta hung khawmin mimal nisien, Orgnisation khawm nisien, Election le inzawma hiengang chingdan \ha lo hi thaw ta lo a tawpsan din-gin inhriettirna le ngenna a siem bawk.

HSLC Exam 2017 vawisuna inthawk \an dingccpur: Board of Secondary Educa-tion Manipur (BSEM) huoihawtnain High School Leaving Certificate (HSLC) Exami-nation, 2017 chu March 17, 2017 (vawisun) hin \an ning a tih. Main Centre chu Ebene-zer Academy, New Lamka a ni a, Sub-centre chu Donbosco Hr. Sec. School ning a tih. Main Centre Ebenezer Academy-a hin Candidate 1,217 in\hung an ta, Block-A ah Roll No. 17302 a inthawk 17993 inkar candidates 692 le Block B ah Roll No. 17994 a inthawk 18518 inkar candidate 525 in\hung an tih. Sub-Centre, Don Bosco Higher Sec-ondary School Block A-a chun Roll No. 18519 a inthawk Roll No. 19118 inkar student 600; Block B ah Roll No. 19119 a inthawk 19546 inkar candidates 428 le Block C ah Roll No. 19547 a inthawk 20208 inkar le Roll No. 44927, an rengin candidates 663 in\hung an tih. Don Bosco Hr. Sec. School Block C-ah External Can-didate, Roll No. 101 le 128 inkar Candi-date 28 in\hung an tih. Tukum HSLC Exam a hin CCPur dis-trict Private Centre-a inthawk Regular Candidates 2,906 le External candidates 28, an rengin Candidates 2,934 an um a, Main Centre le Sub-Centre haiah Invigila-

tors 110 ruot an nih. Vawisun hin English subject exam an tih. HSLC exam-2017 a hin Answer sheet-a Roll No. zieklut dan sukdanglam a ni a, Optimal Mark Recognition (OMR) le Bar Code hmang a ni ding leiin candidate han Ball point Pen (black le blue) chawi a \ul ding a nih.

roll number ziek dan ding sample( I Roll No. 18519 a lo ni chun a hnuoia

ang hin pentuia naldum ding a nih.)

1 8 5 1 9

February thla sungin HIV Postive 11 hmusuok

ccpur: District AIDS Prevention & Control Unit (DAPCU), Churachand-pur chun February, 2017 thla sung khan mi 1,561 hai thisen an enfelnaah HIV positive 11 an hmu-suok a, hi laia mi 9 hai chu ART Centre-ah reg-istration thaw pek an nih. DAPCU hnuoia hin CCPur district sunga Inte-grated Counseling & Test-ing Centre (ICTC) tum tum haiah mi 1,561 hai thisen enfel a ni a, nuh-

mei naupai 618 hai thisen laa enfel a ni hunah posi-tive pakhat hmu a ni a; In-jecting Drugs User (IDU) mi 131 le Female Sex Worker (FSW) 149 hai thisen an enfelnaah ruok chun positive hmu a ni nawh. August thla sung khan mi 663 hai thisen enfel a ni hunah HIV positive 10 hmu a ni a, hi laia mi 9 hai ART centre-a registered an ni bakah ART damdawi infaktir \an nghal an nih.

Manipur-ah IS ni din-ga ringhla mi 2 man

impHAL: March 14, 2017 khan Trans Asian Highway No. 1 a Khudengthabi bor-der check post-ah Assam Rifles han Islamic State (IS) Terrorist ni dinga ringhla mi pahni- Nzair Mohammad le Abu Bakir hai an man a. An kuta inthawk SIM Card 14, mobile handset \henkhat, India pawisa Rs. 75,130 le ramdang pawisa \hahnem-tawktak an mansa bawk niin zanita Police thusuok chun a hril. Mana um mi pahni hai hi Tamil Nadu mi an ni a,

Moreh-a inthawk Imphal pan tum an ni a, March 9, 2017 a kha Kolkata hung suoksan le Assam fethlen-gin March 10, 2017 a kha Dimapur Rel Station (Naga-land) hungtlung. Hi taka in-thawk Imphal an hungtlung hnunga Moreh a fe an ni thu le tuta \um hi Manipur an hung vawihnina a ni thu mana um mi pahni hai hi Police kuomah an inpuong. Police chun ieng thaw dinga Manipur-a hung inzin am an nia ti an suizui mek.

Floor Test zoah port-folio puong ding

impHAL: Autonomous District Council (ADC) Chandel a Congess MDCs 4 hai chun zanikhan Con-gress Party suoksanin BJP an zawm. Hieng MDC 4 hai hi zanikhan BJP Mani-pur Pradesh chun Imphal hmuna an Office-ah lawm-lutna an nei. ADC Member BJP

zawm hai chu- Ch Ngamthang Mate; Seithang Haokip; Ngamlal Baite le Limkhojam hai an nih. Hi huna President Ksh. Bhabananda in thu a hril-naa chun, Ministry sukli-enna le Minister-hai port-folio ding puonglangna chu Floor Test zoah nei ning a tih tiin a hril.

Chief Secretary rawiin High level meeting neiimpHAL: Chief Min-ister N. Biren Singh hril angin zanikhan Manipur Chief Secretary O. Nabak-ishore Singh chun Old Secretariat Conference Hall, Imphal-ah high level meeting a huoihawt. Hi meetinga hin Additional Chief Secretaries, Com-missioners, Secretaries le

Head of Department hai an \hang. chief Secretary chun, sawrkar thar thiltum, dit dan, ngaipawimaw le in-tiemna hai chu, sawrkar-na \ha, Corruption umlo, inlang tlang taka sin thaw, indik le ringum taka sin-thaw hai a ni thu a hril tawl. Chun, thawktuhai

chu a hun taka office kai dingin a hril tawl bawk. Hill Areas suk hma-sawnna ding chu sawrkar ngaipawimaw a ni leiin Centre-a Special fund package hnina ding De-tailed Project Report (DPR) haptakar khat sunga siem dingin Ad-ministrative Head-hai

an hriettir bkah Director (Planning) chu proposal siemna kawngah Deaprt-menthai thlawp \ha ding le Department tin chu an Department seng sawrkar thar kuoma peklut dingin an sinthawna power point siem fel seng dingin Chief Secretary chun a ngen tawl.

CM N. Biren Singh in Economic Blockade hlip ta dingin UNC a ngen;

N. Biren Singh ngenna United Naga Council in a hnawlimpHAL: Zanikhan Manipur Chief Minister N. Biren Singh inrawi-nain Special Meeting nei a nih. Special meeting a hin Cabinet Ministers le MLA-hai an \hang tawl. Special meet-ing-a \hanghai chun Economib Blockade chungchang an hrilt-lang. a. Chipchier taka Economic Blockade chungchang an hriltlang hnungin Special Meet-ing a \hang hai chun United Naga Council (UNC) chu an Econom-ic Blockade thaw hlip ta dinga ngenna siem ni raw seh tiin lungruol

takin thutlukna an siem. UNC hin November 1, 2016 a inthawka Eco-nomic Blockade hi an thaw \an ta a ni a, thla 4 le a chanve (Ni 136) zet a tling ta a nih.

Hieng laizing hin CM, N. Biren Singh in Economib Blockade hlip ta dinga ngenna a siem chu United Naga Coun-cil (UNC) chun a hnawl. An thil ngen le inzawma

sawrkarin inbiekpui din-ga a fiel hmakhat chu an Economic Blockade thaw an la sunzawm pei ding thu UNC chun chieng takin a hrillang. UNC Economic Block-

ade chungchangah hin sawrkar chun inbiek din-gin a mi la fiel naw a, Economic Blockade chu sunzawm pei ning a tih tiin UNC \huoitu pakhat chun a hril.

Election Campaign lai khan PM Narendra Modi, Union Home Minister Rajnath Singh, Union Human Resource Development Minister Prakash Javadekar le BJP National President Amit Shah hai \hangsain Central BJP \huoituhai chun Manipur-ah BJP an sawrkar chun Eco-nomic Blockade hi dark-ar 48 ( 2 days) sunga hlip a ni ding thu vantlang inkhawmna haia thu an hril huna hai an hrillang a nih. BJP chun March 15, 2017 a inthawk khan Manipur-ah sawrkarna n lo chel \an ta a nih.

CMO in an thawkna hmun chita um dingin

ccpur: Dr Kimngaih-ching Simte @ Dr Kim Simte, Chief Medical Of-ficer (CMO), CCPur chun zani sun dar 11 khan GNM Training School, CMO Complex-ah Malaria De-partment hnuoia Multipur-pose Worker regularized thar hai meeting a neipui. Hi huna hin Dr Kim Simte, CMO, CCPur chun Multi-purpose workers hai chu an thawkna ding hmun chita um ding le Depart-ment-a an thawktpui haileh inlaichinna \ha tak neia an

sin seng \ha le ringum taka thaw dingin an fui tawl. Hi huna hin S. Thangth-ianmuan, DPO/Consultant DHS-DVBDCS chun Slide hmangin test hran hran thaw dan ding hai hrilhri-etna a nei bawk. District Malaria De-partment, CCPur hnuoia Contract basis a thawk Multi-purpose worker mi 32 hai chu nikum khan an sin hai suknghet (regular-ized) a ni a, hi laia mi 15 zanita meeting huna hin an \hang.

Lamzang lalpa In raw-naa inrawlna neia in-

tum an va man tum leiin boruok sosang

ccpur: March 16, 2016 (zani) zan dar 9 vel khan CCPur Police team chu Lamzang khuoah fein tuta hma meta New Lamka hmuna Lamzang khuo lalpa In rawna le inza-wma inrawlna neia intum Lamzang khuo mi Suan-lianmang chu va \huoi an tum leiin zani zan khan Lamzang khuoah mipui inhawrkhawmin boruok a sosang nawk a, sienkhawm Police hai chu boruok sos-ang ding nia an hriet leiin an inhemkir nawk niin ei thu dawngna chun a hril. Khawsung mi hai hril dan chun, hmaituom Police hawnkhat Lamzang khuoah hung lutin silai vawihni an kappuok a, mipui an suk-thlabar a, chu taka inthawk mipui pungkhawma boruok hi hung sosang niin an hril. Police hai chun, Lam-zang lalpa in raw a nina le inzawma a complaint a

um leia thu indawnna din-ga Suanlianmang hi an va \huoi (tum) a ni thu an hril a, suksuol a neinaw chun insuo nawk a ni ding thu an hril. Police chun complaint um lei hin statement an laknuom thu an hril a, khawsung \huoitu hai chun statement in lak nuom a ni chun in hmai tuomna hlip inla inbieng ei tiu an ti a, sienkhawm an hmaituomna an hlip nuomnaw nia hril a nih. Election zo boruok sos-ang mek le inzawma Lam-zang khaw tlangval hai hi duty inruot a la duty zing an ni a, Police han mi va man an tum leia mutrik (whistle) an mutring nghal leia mipui inrang taka pungkhawm le boruok hi hung sosang a ni a, zani zana thil tlung lei hin khawsung duty chu a hma neka sukkhau nawk zuol a nih.

Rajnath Singh UP CM a hung ni ding

new deLHi: Union Home Minister Rajnath Singh chu Uttar Pradesh Chief Minister a hung ni dinga hril a nih. Chun, tuta Union Minister of State for Power, Coal, New and Renewable Energy le Mines (Inde-pendent Charge) Piyush Goel chun Union Finance Minister a hung chel din-ga hril a nih. Union De-fence Minister Manohar Parrikar chu Goa CM a ruot a ni leiin Defence minister chanvo chu Union Finance Minister

Arun Jaitley in a chelsa ta a nih. Hiengang bawk hin Rajnath Singh in UP CM a hung chel chun Home le Defence Minister chu tuta Finance Minister Arun Jaitley in a hugn chel ding nia hril a nih. BJP chun majority an lak zo nawna Goa le Manipur haiah inrang takin sawrkarna an siem a, sienkhawm majority an nina Uttar Pradesh a chun state Chief Minis-ter ding an la sukfel naw zing a nih.

Morgue-ah bungheia \awng\ainaccpur: All Tribal Women Union (ATWU), GHQ, CCPur inrawinain March 16, 2017, 7AM a inthawk khan District Hospital Morgue-ah martyrs hai sunna lengkhawm le bungheia \awng\airuolna nei a nih. March 5, 2017 nia Lamzang khuoa mi \huoi-hmangna le inzawma mipui lung-sen han NPP Candidate chengna in an hlukhumna le inzawma Police in mi 27 an man hai insuo vat an ni theina dingin zanikhan \awng\airuolna nei a nih. March 17, 2017 hin Manipur a BJP sawrkar in an

rang thei anga Sixth Schedule a hung pek theina dinga \awng\airuolna nei nawk ni dingin ei thu dawngna chun a hril.

Angelina Jolie Geneva-a UN office-ah thu a hril nawk-P4

Hmasawnna Thar2

THLA|Au(mArcH) 17, 2017zirTAwpni (fridAy)

VAWISUN THUPUINaupanghai, Lalpaa chun in nu le pahai thu

zawm ro, chuchu thil indik a ni si a; “ I nu le pa chawimawi rawh,” (chuchu thupek tiem nei hma-

satak a nih.) “Chuongchun i ta dingin \hang a ta, hnuoiah dam-

dawt bawk i tih. - Efesi 6:1-3

Editorial

Editorial Boardlalmalsawm sellate: Editor& Publisherroding l. sellate: Jt. Editor ramditum @ rama ralsun: Asst. Editor lalsansuok pulamte &samuel Zothanglien@sZ Zote:Sports Joseph Joute: Freelancelalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

exam hun lai

ARTICLE/HEALTH & EMPLOYMENT NEWS

ALL INDIA RADIO: CHURACHANDPUR PROGRAMMEdate: march 17, 2017 (friday)

TrAnSmiSSiOn- FM-101.4 Megahertz

Hours Studio/ Programme CD/No

5.23pm CR/P Signature

5.25pm CR/PVande Mataram, Time Reading, Opening Announcement& Mangal Dhwani

5.30pm P

PAITE Prog. Sig. Tune & Announcement Announcer: Ngaibiaklun1)Ningmuanching Guite (dev)2) This Week in Churachandpur

6.00pm P

HMAR Prog., sig. Tune & Announcement Announcer: Elizabeth1) Lawmnakim (dev)2) This Week in Churachndpur

6.30pm P

THADOU Prog., sig. Tune & Announcement Announcer:Lamneichong1) Esther Sithlou (dev)2) This Week in Churachandpur

7:00PM PFarm & Home: Hmar1) Joshua Lalrohlu Thiek (mod)2) Talk: Cultivation of Ladies Finger- Lalsuong Famhoite

Ei Bible chun thil iengkimin hun an nei thu chieng em emin a mi hril bakah mihriem an vet biling tawp ni lo, mihriem puitling pangngai taphawt chun thil ieng-kim hun an nei seng ti ei hriet. Election hun a um a, Manipur mihai chun MLA election ei neizo ta a, tuhi Exam hun lai a nih. Tuhin Board of Secondary Educa-tion, Manipur hnuoia High School Leaving Certificate (HSLC) Examination, 20917 hun a hungtlung a, zinga le zingnawk haiah Council of Higher Secondary Educa-tion, Manipur hnuoia Higher Secondary Examination, 2017 le Class XI Examination, 2017 hai \an nawk hung ning a tih. HSLC Examination, 2017 hi March 17, 2017 to April 4, 2017 inkar chen awng a ta, Higher Second-ary Examination, 2017 hi March 20, 2017 to April 21, 2017 chen nei ning a ta, Class XI Examination, 2017 hi March 21, 2017 to April 24, 2017 chen nei ning a tih. Tienlai deu khan chu Matric (HSLC) Exam kha lekha inchuklaihai ta dinga kawtsuo an lo ti hlak a. A hlu em em a, mitinin matric result suok ding kha ng-hakhla takin ei lo thlir \hup hlak a nih. Hun a hung fe pei a, khawvela thiemna, varna le hrietna hai a hung insang pei a, tuhin chu changkangna khawvela cheng ei ni tah. Hieng thil hai lei hin lekha inchuk sang pei hai ta ding chun Higher Secondary Examiantion or Class XII passed chu kawtsuo a hung ni nawk ta a nih. Class XII pasi hnungah chau mani inhnikna lien a fe thei le inchuk thei a hung ni ta a nih. Ei ram sawrkar khawmin sawrkar thawktu ni nuom hai ta dinga qualification a phut chu a hung insang pei ta a nih. Tienlai le tuta kum 5 vel liem ta a khan chu sipai lubawk le Grade-IV sin ding lakna haiah Class-V or Class-VIII passed chin hai chu candidate la ni thei dingin a phal a, tulai ruok hin chu Candidate ni thei ding hai chu Matfic or HSLC pasi an ni ding a nih tiin thusuok a hung siem ta a nih. Hi lei hin sawrkar sin dit hai chu lo thei lova HSLC/Class X pasi an hung ni ngei a \ul ta a nih. Hi lei hin HSLC/Class X pasi chu a hung pawimaw zuol deu deu ta a nih. Hmasawn chau ni lovin changkangna khawvela um ei ni ta leiin hun sawtnawte hnungah chu Graduate naw chu an la hung ti ding a nih. Lekha inchuk sang pei nuom le sawrkar sin \ha dithai ta ding chun Class X, Class XI le XII exam hai hi lo thei lo, makmawa pasi ngei ngei a \ul a nih. Hiengang khawpa pawimaw an lei hin exam dinghai le nu le pa hai chau ni lovin mitinin ei ngaipawimaw seng a \ul a nih. Hun khang chen kha MLA election in a mi chim buoi hle a. Election ei zo ta bawk a, mitinin exam dinghai hi ngaipawimaw seng inla nuom a um. Exam dinghai insingsatna kawngah khawtlang \huoitu, kohran pawl hran hrana \huoitu, hnam tum tuma \huoitu le pawl hran hrana \huoitu han mawphurna ei nei seng a nih. Exam hun sung bek hin chu a tu tu khawma \halai le tleirawl hai inrawl le \hang ngaina programme hi siem ngaw tawp inla nuom a um. An lungril la peng thei ding thil hrim hrim khawm hril lo le thaw lo a \ha tak ring a um. Class X, Class XI le Class XII exam hai hi mihriem hun tawnga dinga hun pawimaw le kawtsuo a ni leiin exam a \hang dinghai khawma an bei nasa hle a \ul a. Taimak an insuo nawk zuol nuom a um. Pasi awlsamna tak chu mani subject tiem taimak hi a nih. Ei tiem rawn po leh ei hriet rawn ting el a nih. Lekha tiem rawn leia invet pha ei la hriet ngai nawh. Lekha tiem rawn hrim hrim chu pasina el chau a ninaw a, lekhathiemna a nih. Lekha tiem tlawm le lekha tiem thabo lekhathiem hriet le hril ding an la um nawh. Lekha tiem rawn rawn lekhathiem an hung ni el hlak. Exam hun sung hin chu khawtlang le veng-sung haiah khawm thawm inring le boruok \ha lo, student-hai lungril le ngaituona sukbuoi thei ding thaw lo hram hram ding a nih. Thabal Chongba hun le exam hun an tuok hlak khawm hi a pawi a nih. Thabal Chongba ri a na a, zan sawt tak tak chen hi chu thaw ngai naw hai sienla lawmum hleng a tih. Exam hun lai hin chu sungkuo thil haia khawm pro-gramme siem lo ding a nih. Naupanghai exam mawl kha ngaipawimaw ding a nih. Nang chu sungkuo programme-ah \hang naw la, lekha lo tiem rawh ti kha thil thei lo, naupanghai lungril keipengna mei mei a nih.

pHerzAwL diSTricT Le A kHeL Tieng-david Buhril

Hmar Inpui le a aihna phapui pawlpuihaiin Hmarbielah inthlangna felfai le zalen (free and fair election) nei ni ngei sien ti thutlukna (resolution) an lo siem chu a ram le mipuihai kuomah the dar dingin Hmar Inpui \huoituhai leh February 20-22, 2017 sung khan Hmarbiel fangin hun kan hmang a. Nikodem tu le te ni awm tak tak hai chun felfai tak le thienghlim taka inthlangna chu a um thei tak tak dim a ni tiin hmai sanah ngaidan an hril ngei. Keini khawm chu Jona’n Nineveh khuoa tlanbahrika thu a khekpui ang khan kan khekpui ie. Kan inkhek dangcharin, kan \am laklawna khawm tam a tih. Thupuong bak kha chu hril hadam rak dan ding khawm a tam nawh. A zalen le a fel thu el ni lovin, a um lem a \ul ngei. Chu ding chun thutlukna siema um chu a del ram le mipuihai kuomah inhriettir le puong dar chu sin \ul a ni hrim. Thutlukna pawimaw deu Tui\haphaiah lakin a lo um a, a sawr ding mipuihaiin thutlukna hi an hriet si naw chun pawlpuihai le an thutluknain umzie a nei naw ding a nih ti chu a chieng hle. Thil tinreng, kawng tinrengah thutlukna a pawimaw. Siem thei le siem ngam chun siem ding hrim a nih. Pasal khawmin an siem, nuhmei khawmin an siem. A \ul. Siem ta chun det taka ngirpui ding a ni bawk. Thutlukna hi siem a awl a chu a sukpuitlingna tieng ruok chu mawphurna (obligation) siem a ngai. Rorelnaah thutlukna tam tak ei siem a, ei \in a, a pawimaw tak chu a bawzui kha a nih. Suit le tie thil an nawh; annawleh ruoi le \awng\aina el kha an nawh. Thutlukna sukpuitling ding chun thutlukna siema um chu hrepui dinghai leh sukpuitling a \ul hrim. Bawzui a pawimaw bawk. A ni naw chun siem naw law law a \ha. Tha le zung an kei thei po po an kei mek lai ‘thutlukna’ hril chu ngaituo um tak a nih. An ring am? An ringzo dim? Fai vura inngai thei dingin an mi sie hran nawh. “Ei bal inruol seng”, an ti nuom hun lai tak a ni hrim. “Tu vote zawnga hung am in nih?” an mi ti tho tho. Ei inhriet thiem a \ul ngei. Vawisun khan Tui\haphaia khawm “free and fair” election an ta mihriem sang telin chu chu beiseiin lam hrawna an nei ngei. An sipaitehaiin a kum a telin an thu le hla dawn sak lovin an sirde a; an khum bet a. Chu lai chun, “anni chu an inthuruol ie”, ei lo ti el kha an nawh. Inthuruol an lo ni nawh; damnaw an ni lem. Inthlangna kawngah khawm zalenna tak tak chen hmasa theituhai chu an ham\ha hle an tih. Vanram khawm hnuoiah hluo ngei an tih. Ei inpel nek nuk a; a khu le pilvut leh zeldin tlangah ei inkei mat vawng. A bal le a bal intat tuo ang vawngin ei intuok a. A khemin ei inen naw leh ei inmel reu ruou a. Ei khawvel thli hip lut ruok hi chu a hadam tak chu an nawh. Thanlon kan hang khel a; khuo kan chawlna hmasa taka chun an valhai an kat nek nuk vawng a.

An hril dan lem chun zaa sawm sari panga neka tam chu inruina chi khatin an inrui vawng niin an mi hril. A pawi tawp! Chu taka inthawk chun “Spasmindon” an ta. Khuo pakhata chun “Donte” tiin an lo ko duot a. An valhai dawntu a ni awm ie. Khaw dang nawka chun a hmanghai an bengvar bek bek a, an tlawmngai a, an “polite” taluo a, an hming dingin “HYA” an ti nghe nghe. Khuo danga nawk thung chu an thing at an phur taimaa; an hma an hnu dawn lovin an liengkoah an thing athai chu hla tak tak an phur an phur el hlak a ni awm. Chuong hmun haia chun “liengdam” tiin an ko ve thung. MLA ni tumhai chu a \hen kan intuokpui a; a \hen ralah kan hmu a, a \hen ruok chu an thu hril hun lai dam kan hmu ngei. Beiseina a sip ruol ruolin, ngaituona khawm a hrat. Political party flag dang dang a vuong ei uoi uoi. Naupang \henkhat chu BJP lukhum khumin Congress flag vai parin, hnap kai per purin khawlai an leng. Cheng zanga note an zawng an ta; an sem zo nawk ta maw? Candidate hai thu hril ngai thlak ding a tam. A \hen an indem an tih. A \hen an inse an tih. A \hen an luin an zo lo ding an hril an tih. A \hen an hril invai an ti bawk. Inpak le inlawmna hun chu a ni hmel nawh. Motor \ha tak tak an kat nek nuk hun lai tak a nih. Ka hlut lai tak a nih ti ni awm takin an remchangna naa motor lo sukchawl tum el pawl khawm an tam. Hun dangah motor tam remchang ngai lo reng chu. Pilvut le hritlang insem hun a ni ringawt. A ni ngei! Elek\ik hrui chu an kei mar ngei. Senvawna ruok chu an la kei tlung nawh. An kei tlungnaa hai khawm a la var chuong nawh. Bukpi khelah lampui \ha le lampui dum a tawp; Thanlon constituency ruok chu Hmar Saron Damdiei chen a ni vei leh! Hotel le dawrte a tam. An hlawtling tak. Anachu, economic blockade leiin thuomhnaw an ti angin a tam pek nawh. Vawk le bawngin an tuor ngei. Kel le arhai khawmin an tuor ve tho. A ram suok thlai a vang. Aithing man hlak a \ha thei nawh. Election zo tieng dam an ti chauh. Hmunphi an tawl nasa. A truck truckin an tawla chu AAP hai hmu ding an um nawh. An phit fai nuom ding vei leh! Khuo tam lemah tui a harsa. Tuiin man a nei hle. Politics ei ti hi an ruol naw ngei. A \hen ta dingin mimal. A \hen ta dingin pawl/kohran. A \hen ta dingin pahnam. A \hen ta dingin party (political). A \hen ta dingin hnam. A \hen ta dingin hlawk intelna. A \hen ta dingin nghawkum thil. An tuok kim vawng intet tuo chu en nuom um tak a tling. Tlangval Ngurrivung khawm Parbung le Lungthulien inkarah motor leh inhnawk rupin kan intuok ngei. Ka lawm takzet. Tlasam ding hi chu ei ni bik nawh. Ana! Shakespeare in “Vanity Fair” a ti kha Hmar \awngin ieng tinam ei inlet ta ding? (February 25, 2017. Bethel).

Criminal Case nei lo MLA an tla hnuoinewS deLHi: As-sociaion for Democratic Reforms (ADR) in data a lakkhawm dungzuiin Ut-tar Pradesh (UP), Punjab le Goa hai \hanga India rama states 5 haia sawrkar thar siem mek hai lai Criminal case nei MLA umzat an tlahnuoi niin a hril. Uttar Pradesh, Uttara-khand, Punjab, Manipur le Goa haia MLAs dinga th-langtlinga um 690 hai laia 192 ( 28.8%) hai chu crimi-

nal case nei an ni a, hi laia 140 (20%) hai chu tuolthat-na le mi \huoihmangna hai \hangin case rik tak tak nei an nih. States 5 hai laia states 3 haia criminal case nei tlaw-mtieng a pan laiin hieng states 5 haiah Manipur ti loah criminal case lien tham (serious criminal cases) nei ruok chu hieng an pung thung niin data chun a hril. BJP chun UP seats 403 umah seats 312 lain hrat

filawrna an chang a, Con-gress chu states 3 haiah party mala tling rawn tak (single largest party) an ni thung. States 5 haia candidates 1,000 vel hai chu criminal case nei le 850 hai chu seri-ous criminal case nei an nih tiin IndiaSpend report chun a hril. Criminal record nei lo MLA pungna tak chu UP a ni a, criminal record nei lo 19.2% in an pung. UP As-

sembly thar a hin criminal case neilo MLA 260 an um a, kum 2012 khan criminal case nei 189 an um a, tu-kum hin 143 an um thung ta a, sienkhawm criminal case nei chu kum 2012 a 98 a ni laiin tukum hin 107 zet an um thung. Punjab-ah criminal case nei lo MLA pungna chu 3% a ni a, Goa-ah 10% a nih. MLA thlangtlinga um 690 hai laia 540 hai chu crore-paties an nih.

J&K-a Class-X exam hai Class-XI a admit ding

JAmmu: Jammu and Kashmir state sunga Class-X exam mek hai chu exam an zo le inruola Class-XI a admit nghal dinga ti an nih. Admission chu provisional ding a na, State School Edu-cation Department in dan thar a siem dungzuia thaw ding a nih. Hi thil hi Board in examination system a nei siemrel na a thaw a na, class work day sukpungin inchuk-

lai haiin kum an inhmang pha nawna dinga ti a nih. Board in order a siem dungzuiin, Class-X result a suok huna fail hai khawm, kum chanve exam result a suok hma po Class-XI an inchuk sunzawm pei thei dinga ti a nih. Kum chanve exam (bi-annual exam) a la fail rawp hai chu an provi-sional admission suktawp pek ning an tih.

Minister guard mani inthatAGARTALA: Tripura School Education Minis-ter, Tapan Chakraborty a chengna In-a security guard a um Badal Sur (52) chu zani zingkar dar 9:00 AM velin ama chawi lai a service revolver in ama le ama an kap a, GB Pant hospital a \huoi a na, a hliemna tuor lovin zani zantieng khan a boral. Badal Sur hi police Havil-

dar on security duty a um lai mek a nih. Sur hin kum 1 liemtah khan a nuhmei a chan tah a, chuleia lungril buoina neia um nia hril a nih. Sur chun a naupa a thisan a nih. Thil tlung chungthu chu SP inrawina a suina nei a nih. Chakraborty in Sur chu a s<nna thu a pu-ong a, security ringum le inpezo tak a ni thu a hril.

ROP thua cabinet thutlukna hnawlkOHimA: Nagaland hmu-na State Services Associa-tions (SSA) in zanikhan Co-ordination meeting an nei a, 7th Pay commission chun-gthua March 11, 2017 a state cabinet in thutlukna an siem thu ngaituona an nei. Meeting an neina a chun 7th Revision of Pay (ROP) thua cabinet in thutlukna an

siem chu an hnawl. SSA hin 7th Central pay commission dawng ve dinga an ngenna anga cabinet in a ngaituo naw leia an hnawl a nih. SSA in thusuok an siem-na a chun, Nagaland state cabinet in March 1, 2017 a in\an dinga 7th Revision of Pay (ROP) implement thaw dinga thutlukna an siem

chu an dang ding thu an pu-ong. Tuta cabinet in ROP implement a thaw tum dan hi 2014 a inthawka SSA in an ngenna ang an naw thu S Takatuba Aier, All Naga-land State Services Employ-ees’ Association (CANS-SEA) chun a hril. Nagaland sawrkarin 7th ROP chungthu ennawn a,

SSA ngenna anga March 18 chena implement thaw a ni naw chun, March 20 a inthawk an sinthaw chawl-sana Nagaland pum huopa strike an thaw ding thu an hril. SSA in strike a thaw ding chun hospital, inchuk-na In le emergency thil hai huom lo dingin thusuok chun a hril.

Assam school in Asia Educa-tion Summit & Awards

GUWAHATI: Assam a Jorhat hmuna Springdale High School chu New Delhi hmuna ‘gala event’ hmangna ah Asia Educa-tion Summit & Awards 2017 inhlan a nih. Spring-dale High School hi Assam state sunga school campus mawi le Public school hai laia a \ha taka thlang suok a ni leia hi Award hi inh-lan a na, award hai chu khawvel huopa inhlan hlak an nih. BJP \huoitu le As-sam state BJP spokesper-son Syed Shahnawaz in award inhlanna a nei a, Hussain Shahnaz Ahmed,

Managing Trustee; Javed Ahmed le Zoheb Ahmed, Directors, Springdale High School haiin award hi an dawng sawng. Springdale High School hi 1991 kum a indin niin, co-educational English Medium CBSE affiliated school (No. 230127) a nih. School campus chu 3 acres a lien a na, campus sunga chun field zawl mawi tak le thingpui huon siem niin, Club Road-ah Kindergar-ten section hai inumtir an nih. Inchuklai naupang hai chu education, sport le cul-tural facilities hai a \ha pa tak pek an nih.

CWWC Rs. 31,733 cr dawl suokNEW DELHI: December 31, 2016 chen khan Con-struction Workers’ Wel-fare Cess Rs. 31,733 crore dawl suok a ni thu zanikhan Rajya Sabha-ah Labour and Employment Minister, Bandaru Dattatreya in a hril. Hieng fund hai hi state le union territories hran hrana mi hai niin, construc-tion thawna haia inthawka 1% pei lakna a hmu an nih. Fund dawl suoka um po hai laia Rs. 6,872.51 crore hai chu hmang a ni tah. Building and Other Construction Workers’

Welfare Cess Act (BOCW-WCA) in tax lak theina dan an nei dungzuiin, 1% neka tlawm lo le 2% pel lo dinga ti a na, tax hai chu construc-tion thawna dinga sengso po po a inthawka lak ding niin, central sawrkrin inhri-ettirna a siem dungzuia lak hlak an nih. Nikum sung khan central sawrkarin 1% lak dinga a ti anga thaw niin Labour Minister chun a hril. Cess chu state sawrkar-in a lakkhawm hlak niin, building bawlna le sinthaw-tu hai ta dinga fund hai chu hmang nawk hlak a nih.

President Trump-in $38 Million Tax pek

wASHingTOn: US Pres-ident Donald Trump chun 2005 khan income tax $38 million a pek niin White House thusuok chun, MS-NBC report-in phêk hnia sa annual return a nei ti thu a hrilna le inzawmin a hril. Hi thu hi journalist David Cay Johnston-in mail a hmu thu a hrila inthawka a hriet niin MSNBC host Rachel Mad-dow chun a hril. MSNBC in an website-a an sie dan chun, President Trump hin 2005 khan fed-eral tax rate 25% a pek a, $100 million a sukhmang (losses) niin a hril. Trump Organization chun “large scale depreciation for con-struction” leiin an loss niin a hril a nih. Trump hin a tax thu hi vawi tamtak tlângzar a nuom nawh a, election campaign lai khawm khan nasataka sawisêl a nih. New York Times report-in October a a hril dan chun, real estate sumdawngtu Donald Trump hin 1995 khan $916 million loss a report niin a hril bawk. Hienga loss a report lei hin income tax kum 18 zet pe lovin an umtir thei ding niin a hril.

Ni kum khan Washington Post chun Trump hin 1970 lai khan kum 2 chu federal tax iengkhawm a pek nawh tiin a ziek ve. H i W h i t e H o u s e thusuokin a hril dan chun, Trump Organization lutak a nîna angin President Trump chun sawrkara a tul bak tax chu pekna ding san a nei bik nawh tiin a hril. US dan dungzui chun President le official lienhai chun an annual tax pek dan an pholang zie a ngai a nih. Trump chun a tax return a tlângzar nâwkna san chu Internal Revenue han an audit lei niin a hril. Expert hai ruok chun IRS audit-in document tlângzar ding a khap nawh an ti ve thung. Election lai khawm khan, a khingpui Hillary Clinton chun Trump-in tax a pek ngai nawh tiin a hril a. “Chu chu ka smart-na a nih” tiin a hril a. Media ah nasataka hril sep a kai bawk a nih. White House thusuok chun, “Media han an buoipui pui lo buoipui an ta, President chun a thaw ding thawng a tih, chu chu tax reform a nih” tiin a hril bawk.

BJP Parliamentary meeting nei; General Election, 2019 hmadawm pawimaw taka ngai

new deLHi: State 5 haia Assembly election nei hnunga a vawihnina dingin zanikhan BJP Parliamentary meeting nei nawk a nih. A \um hmasak khan Goa, Uttar Pradesh, Manipur le Utta-rakhand haia Chief Minis-ter ding chungthu ngaituo a na, zanita meeting a chun 2019 a Lok Sabha election ding chungthu ngaituo a nih. Meeting a chun party lulawk ruol an fekhawm a, Prime Minister Narendra Modi khawm \hangin, BJP \huoitu hai chu \halai hai laia hma la nasa zuol dingin an fui. Meeting neina a chun, BJP National President Amit Shah in parliamentary election hung um ding hi party hmadawm lientak a ni thu a hril a. Assembly polls a hratna an changna chu parliamentary polls a dingin chona thar siemtu a ni thu a hril.

BJP Parliamentary meeting chun dalit le hnam hnufuol-hai dang danghai hmabak chu a pawimaw an ti thu an hril a, mi hnuoihnungha khawmin an thlawp leia Uttar Pradesh a hratna an chang nia hrilin, hung tlung ding April 14 a Bhim Rao Ambedkar piengchampha a in\anin, mi hnuohnunghai dawmsangna ding scheme tam tak hawng dinga rem-tina an nei. April 14 a in\anin chawlkar khat sung aw ding events hmang dingin thu

an sukthluk a, hi hun sung hin, PM Modi chun BHIM Apps, digital payment le e-payment portal dang dang-hai mipui haiin an hmelhriet theina dingin party \huoitu hai chu sin thaw dingin a hril. Chuong Apps hai chu in download tir a, digital economy ni dinga hmalakna mipuihai in an thlawp theina dinga theitawp suo dingin a hril a nih. PM chun India \halai hai chu ‘good governance’ le Union government in mipui-hai \hatna dinga scheme hran hran a siem haia ‘am-

bassador’ ni dingin a fiel a, \halai hai chu newspaper nekin mobile phone le in-ternet hai an hmang \angkai lem ta thu a hril. State 5 haia inthawk mipui hai lungril hriet thei a ni ta thu Amit Shah in a hril a, BJP chu corruption dotu, hnam thlier hranna neilo le mi hnuoihnung hai dawmdsang tumtu a ni leiin mipuihai in an vote niin a hril. Modi \huoina hnuoia sawrkar chun hma a la sawn pei ding thu Amit Shah chun a hril bawk. BJP Parliamentary meeting chun 2019 a Gen-eral Election um ding hi an hmadawm lientak niin an ngai a, state hran hran haia hratna an changna chu an beiseitak ‘good governance’ le vantlang ta dinga welfare scheme hran hran hai suk-puitlingtu dingin an ngai a nih.

Hmasawnna Thar3 THLA|Au(mArcH) 17, 2017zirTAwpni (fridAy) nATiOnAL/inTernATiOnAL & AdverTiSemenT

LAkTAwi

LAwmTHu HriLnAInhnawm harsa ka tiin ka tawl a na hlak a. A chang leh ka kawng a na a, kan hnawmna a inthawk thisen a suok hlak a. MV Azad Phusam ka pan a, a mi enkawl a inthawk ka hung dam ta a. Ami enkawl damtu chungah hin lawmthu ka hril. a pan nuom han Old Bazar, Teddim Road, Near ICI Church Road-ah pan thei le contact Nos. 8014025567/ 7628890261 haiah ngaiven thei a nih.

Sd/- ginkhualNew Lamka

AdmiT cArd LOSTI have lost my Admit Card for coming HSLC Ex-amination, 2017 bearing Roll No. 19134 issued by the Board of Secondary Education, Manipur on my way from Rengkai to Tuibuong Bazar on 13-03-2017. Finders are requested to handover the same to the undersigned.

Sd/- chinneikim khongsaiK. Nivangphai

Contact No. 8413979200

MO lAwM dInGA FIelnAPathienin rem a ti chun March 18, 2017 (Inrinni) zing dar 11:30 AM hin kan naupa/sangpa Tv. emmanuel ramngailien Lung\au, s/o (L) Lalramtiem le nk. rohlupui, d/o Laltlanmawi hai Kohran danin Muolvaiphei ICI Biekinah an innei ding a ni a. Hi in-neina hun mi hung uopa mi hung lawmpui dingin hi Chanchinbu fethleng hin mitin kan fiel cheu. A hranin mimal fielna kan siem naw leiin hi fielna hi mimal fielna anga mi ngaipek dingin kan hung ngen cheu.

Fieltuhai:1. Mrs Lal\hangpui (A nu)2. Pu Laltlangmawi Inbuon (A pate)3. Upa David L. Lung\au (A u)4. Pastor Solomon Lalremthang (A u)5. Pu Omega Ruolngul (A zawlpa)

(17,18)

LAwmTHuRam siemthatna lungril le ngaituona nei, Unau hman-gaitu Tipaimukh biela mi hai po po kuomah ditsakna chibai ka buk cheu. Ei Ram invawina le siem\hat beiseina lientak neia,tuta 11th Manipur Legislative Assembly Election hunah 55/Tipaimukh Constuency ah ka hung ngir ve a, hi hunah theitawpa hma milo la puitu hai po po chunga lawmthu ka hung hril. Hmangaina le Lainatna inthuktak neia, fak le dawn khawm zawng lova, theitawp suotu hai po po kha ka lungrila in cham zinga, theinghil ngainawng ka tih. Ram siem\hat tumna lungril neia ka hmalakna a ringum le taima taka milo thlawptu hai le mi ngainatuhai, amiruokchu ngainatna ataka suklang theilo hai kuomah khawm ka lawmthu kala hung hril nawn nawk anih.Keia leia lungril sawl le beidawngna ruom in hraw lai khawm khan ngaituona lungril chun in kuomah ka um zing anih.Ringumna le huoisen taka ei ram siem\hatna dinga ei hmalak tlangna a khan lo hlawsam inla khawm,ei lun-gril le ei policy kha chu eila vawng zing ding anih. Ram siem\hatna lungril ka nei hi, Mipui hin chu hriephak hai sien chu aw…kati vawng vawng hlak. Ei ram siemthatna ding hin tha inthla lovin, \hang la fan fan ei tiu a, Iengtikam ani chu ei ram hi Lalpa mal-sawm ram rim a lan nam ngei ding a nih. Chu hunah chun, ei rama hin thienghlimna, Indikna, Ringumna in rorel tang a ta, inremna le muongna hai hung um tang a ta, a mipui le ram hin Lalpa la chawimawi ve ngei a tih. Ei ram hi Lalpan hung tungding nawk ngei dingin \awng\ai rawp ei tiu.

Sd/- dr.Lallukhum fimate55/Tipaimuhk (ST)

BJP Candidate

Health check-up thaw dingin Sonia

gandhi ramdangahnew deLHi: Congress President Pi Sonia Gandhi chu a health check-up thaw dingin ramdangah an zin ding niin Congress spokes-person Randeep Surjewala chun a hril. Pi Sonia Gan-dhi hi a naupa le Congress Vice President Rahul Gan-dhi khawmin a zui ve ding thu a hril bawk. A hriselna \hatnaw leiin Pi Sonia Gandhi hin tulai hnaia State 5 haia Assem-bly election nei zo ta haia khan Congress candidates hai ta dingin vote a cam-paign naw a nih.

|huoihmanga um Australian aid worker insuo a

nitahkABuL: Afghanistan rama nikum November thlaa Kabul khawpuia in-thawk Australian aid worker nuhmei pakhat \huoihmanga um chu dam le hima insuo an ni tah thu Australian government offi-cial thusuok chun a hril. No-vember, 2016 a kha Kabul-a Qala-e-Fatullah hmuna car-a a chuong lai a driver le \huoihmang a ni a, Agency Coordinating Body for Af-ghan Relief (ACBAR) hnu-oia sinthaw a nih.

Hmunhnawk dehawnna hmuna mimkei tlung leiin mi 113 an thiAddiS ABABA: Ethiopia khawpui Addis Ababaa- Koshe hmuna March 11, 2017 nia hmunhnawk den-hawnna hmuna mimkei tlung leia mihriem thina tuok chu 113 an tling tah. A hma chun hi mimkeia thina tuok hi 72 nia hril a ni a, sienkhawm sansu-okna sin thawtu han hi thil tlungna hmun an dapnaah mihriem thina tuok hi an la dapdawk pei leia tuche-na mithi hmusuoka um hi 113 an hung tling phak ta nin local official thusuok chun a hril. Mimkei tlung huna hin hi lai vela hin mi 150 vel an um nia hril a nih. Hi lai hmunhnawk dehawnna hmuna thil de-hawna um hai hi mi rethei

le harsa \henkhat hai chun thil la hmang tlak deu hai lain an khawsa a, \henkhat lem chu hi lai hmuna in-bengbel le khawsa tawp an nih. Ethiopia sawrkar chun hi sietna tlunga thi hai chu ni 3 sung sun din-gin a puong a nih. Mimkei tlung lei hin hi lai biela cheng mi 350 vel hai chu hmun himna

hmuna insawndawktir an nih. Koshe hi Ethiopia ram sunga hmunhnawk dehawnna hmun lien tak a ni a, nikum khan sawrkar chun hi lai hmun hi khara hmun danga sawn a tum a, sienkhawm hi lai biela cheng mipui han nasa taka an dodal leiin \hul nawka lo um ta a nih.

uS director intelli-gence dingin dan coats

wASHingTOn: Sena-tor hlui Dan Coats chu za-nikhan US Senate chun Director of National Intel-ligence dingin an namnghet tah. Hi le inzawm hin Presi-dent Donald Trump hnuoia National Security team chu an kim ta a nih. Coats (73) hi kum 1989-1999 inkar sung khan Indi-ana Republican Senator sin a lo chel a, Jan. 2011 a inthawk Jan. 3, 2017 a term tawp chen khan Senator sin a lo chel a. George W. Bush administration hun kum 2001-2005 inkar khan US ambassador to Germa-ny sin a lo thaw bawk a nih.

mumbai-ah note hlui rs. 2 cr man

MUMBAI: Mumbai a Kh-erwadi hmuna zanikhan Mumbai police haiin note hlui Rs. 500 le Rs. 1,000 note ngawtin Rs. 2 crore an man. Pawisa neitu mi 4 hai khawm man an na, an rengin private finance company a thawk vawng an nih. Note hlui hai hi a thar le thleng an tum nia hril a nih. Income tax department kuoma intlun a na, hi chun-gthu hi suichiengna nei mek a nih.

LS-ah sawrkar le opposition nasatakin an insel buoiNEW DELHI: Parliament Budget session chu zan-ikhan sunzawm nawk a na, Lok Sabha a chun sawrkar le opposition hai nasatakin an insel buoi leiin boruok a sosang nasa hle. Opposi-tion haiin sawrkarna siemtu NDA hai hmalakna kum 2 le a chanve sunga mi phawr lang dingin an ph<t a, NDA chun congress in sawrkarna a chel laia a hlawsamna hai a list suklang dingin an ph<t thung. Congress member Mal-likarjun Kharge in Power Minister Piyush Goyal kuoma Modi sawrkarna hn-uoia ‘power project’ chun-gthua hmalak dan zawna a siem huna inselna chu in\an a nih. Kharge chun Modi sawrkarin May, 2014 a office a chel \ana inthawk

power iengzam a pek suok tah ti zawna a siem a nih. Goyal chun kum 2 le chanve sung Power Min-ister a chel tah thu a hril a, ram sunga power ngirhmun chu lungawi a um tawk naw thu a hril. India rama In 7 crore neka tam chu electric-ity connection la nei lo niin a hril. Goyal in dawnna a peka chun congress mem-ber hai an lungawi tawk naw a, chuleiin, NDA sawrkarna hnuoia kum 2 le chanve sunga hmalakna phawr lang dingin an ph<t pha a nih. Inpui a chun rihau na taka inselbuoi a na, con-gress hai chun sawrkarna an chel laia bul an lo \an le, an hmalakna sunzawm thei lo in NDA sawrkar chu an intum a nih. Chuleiin, NDA

sawrkarin hma a lakna iengkhawm suklang ding a um naw a nih tiin Kharge chun a hril. Chuong lai zing chun, BJP MP hai chun, congress in sawrkarna an chel laia an hlawsamna hai a list an siem thu an hril. India sun-ga power project hran hran Sikkim hmuna 1200 MW Teesta hydro-electric proj-ect le Northeast a Subansiri hydro-electric project hai chu NDA sawrkar hnunga hmalakna \an a ni thu Goy-al in a hril.2014 khan solar energy a inthawk 2631 MW power peksuok a na, tuhin 10,000 MW a sukpung ni tah in, solar power man unit khat peia Rs. 2.97 in a thlahnuoi tah thu Goyal chun a hril.

Bangladesh-ah ISIS 4 thatCHITTAGONG: Chit-tagong hmuna ISIS hai inb$kna zani zingkar inhmatak khan Security Forces haiin an hluo khum a, nuhmei \hangin ISIS member 4 that an nih. Mi 4 hai laia 2 chu suicide bomber niin, an bomb suk-puoka thi an na, midang 2 hai chu Security Force haiin an kaphlum a nih. Security Force hai chu ISIS haiin grenade hmangin an lo bei veh a, mi 3 in hliemna an tuok pha. Bangladesh a Security Force hai chun tulai hin ‘special operation’ an nei a, an ram sunga helpawl intawm hai hnawt suok

vawng tumin \hang an lak mek niin Bangladesh de-fence spokesperson chun a hril. Special operation chu ‘Assault 16’ tia a hming in-buk niin, Counter Terrorism and Transnational Crime unit, Special Weapon and Tactic Team (SWAT), Rap-id Action Battalion le Chit-tagong district police hai \hangruola an thaw a nih. Bangladesh hmuna helpawl intawm hai chu Neo-Jamaatul Mujahideen Bangladesh (JMB) le inza-wmna nei ni dinga ring an na, hieng hai hnaw suokna ding hin ‘Assault 16’ hi sun le zan inzawma sunzawm zing a nih.

USS Aircraft Carrier South Korea A TlungSeOuL: Tulaia North Korea-in nuclear missile a ensin vetna le hilai biel muongna le himna sukder-thawnga a umna le inza-wma North Korea a hung che thut khawma lo dang lo le bei let theina dinga inralringna dinga South Korea le US Joint Mili-tary Exercise thaw dingin USS aircraft carrier (vuon-gna phurtu lawnglien) Carl Vinson chu vawisun Busan lawngchawlna hmun a tlung tah. US Secretary of State Rex Tillerson-in hilai biela inremna le muongna a um theina dinga rambunghai be lawr dinga an zin lai takin indo vuongna phurtu lawng hin South Korea, Busan khawpui a hung tlung a nih. Indo vuongna chi hran F/A-18F Super Hornet, E-2C Hawkeye le EA-18G Growler 80 neka tam a phur a nih. US Navy thupe-suoktu chun, “South Korea sipaihai leh joint military exercise Foal Eagle kar thara inthawk khin nei nîng a tih” tiin a hril. S. Korea news agency Yonhap ruok chun, hi thil hi North Korea

lut ruka an War command centre le military facilities hai suksietna dinga thaw niin a hril a, North Korea “sukthlawng” vawngna ding niin a hril. Hming thup Admiral pakhatin a hril anga a hril sâwng dan chun, “Hi nêka lien lem le tam lem sipai ex-ercise tu kum sung ngei nei nîng a ta. North Korea lut rukin an ralthuomhai suksi-etpek vawng nîng an tih” tiin a hril niin a ziek bawk. Hi bâka hin “Gray Eagle” attack drone khawm South Korea ah nei ni bawk a tih. Naval drill chi hran hran le submarine lo bei let danhai inchukna hi White House chun “mâni le mani invengna” ding chau a nih tiin a hril a. Rear Admiral

James Kilby, commander USS Carl Vinson Carrier Strike Group 1 chun, “Hi exercise pawimawna chu ei inruol\hatna le inlaich-inna suknghet nawk zuolna dingin a nih a. Ei Lawng-hai an \hangruol thiem a pawimaw a nih” tiin a hril.US le South Korea joint exercise hi March 1 kha \an a ni a. Ni kum khawm khan US sipai 17, 000 le South Korea sipai 300, 000 an \hang a nih. Tu kuma mi khawm hi hieng vel baw-ka tam nîng an tih. China chun a ngaimaw thu hrilin, “buoina lien lem thunun thei lo suok theina dinga bul \antu ding” niin a hril.North Korea KCNA chun, “DPRK an mi hung chawk-buoia, kan thuneina le nîna

an hung palzut a ni chun, kan sipai han indawina nei der lovin a fuk ding chat chat fu chat chat theiin khawmuol, boruok, tui le tui hnuoia inthawkin bei let vêng a tih” tiin a hril a. “March 11 khawm khan, indo vuongna tamtakin North Korea ramri zul tui chung le khawmuol hung lutin bomb thlâk dan ‘drill’ an hung nei a, North Korea sipaihai inring hmaa hung bei an tum a nih” tiin a hril.North Korea President Kim Jong-Un khawmin, a hung beituhai chu indawi der lova bei let ve nghâl pei dingin a sipaihai thu a pek bawk. North Korea inhro nasa lei le bomb a ensin vetna leiin a ralmu-ong nawh a, rambunghai \hangruola dang dan ding ngaituo tlâng dingin US Secretary of State Rex chu Japan, South Korea le China hai sir dingin an zin a nih. Nilaini khan Japan, Tokyo a tlung a, Zirtaw-pni hin South Korea, Seoul tlung a ta, chu zovah China tieng President Xi Jinping inhmupui dingin a fe pei ding a nih.

BJP in sum thilthawtheina hmangin Goa le Manipur-ah sawrkarna an siem: Rahul GandhicHAndigArH: Con-gress Vice President Ra-hul Gandhi chun BJP hai chu Goa le Manipur haiah sum thilthawtheina hmanga sawrkarna siem niin an tum. “BJP in sum theilthawtheina Goa le Manipur-ah a hmang a nih. Mipuihai dikna le an dit thlang theina an in-ruk pek a nih” tiin zanita Manipur le Goa haia BJP in sawrkarna an siemna thu le inzawma zawna a dawn. Goa hmuna chun Manohar Parrikar in trust vote hmu in sawrkarna

siem thei dingin an um ta a nih. State pahni kan hrat-na hmuna hai hin, BJP in democracy chu umzie bovin a siem a nih. Sum thilthawtheina an hmang

a nih. Chu chu a nih thil tlung chuh! BJP hin Ma-nipur le Goa mipuihai dit thlang thei lovin an siem a nih” tiin Rahul chun a hril. Zanita Punjab Chief Minister thar Capt Ama-

rinder Singh in CM dinga intiemkamna a neina huna hi thu hi Rahul in a hril a nih. Amarinder in CM dinga an tiemkamna hun chu Raj Bhawan hmuna hmang a na, ama ruolin Governor VP Singh Bad-nore hmaa cabinet min-ister dinga laklut thar Navjot Singh Sidhu, Braham Mohindra, Man-preet Singh Badal, Sadhu Singh Dharamkot, Tript Rajinder Singh Bajwa, Rana Gurjit Singh Sodhi le Charanjit Singh Channi haiin intiemkamna an nei

bawk. Nuhmei MLA pahni Aruna Chaudhary le Ra-zia Sultana hai khawmin Ministers of State (Inde-pendent Charge) dinga in-tiemkamna an nei.Congress Vice President chun chanchinbumihai hun sawtnawte inhmupui-na a nei a, Punjab mipui-hai in Congress ah ringna an nei leia lawmthu hrilna a nei. Amarinder Singh a sawrkar chun Punjab state hmasawnna dinga ka sawl ka kham ti lova sin a thaw ding thu Rahul chun a hril.

cBi in cannabis 158 kgs man

NEW DELHI: Central Bu-reau of Investigation (CBI) haiin zanikhan mi 5 le can-nabis (Ganja) 158 kgs, Rs. 15 lakh manhu an man. Mi 5 hai chu Saharanpur Rail-way Station, Uttar Pradesh hmuna man an na, an ren-gin Haryana mi vawng an nih. Cannabis 1 kgs hi In-dia market rate chun Rs. 10,000 man pei niin CBI chun a hril. Mana um mi 5 hai chu CBI in an hrentang mek.

Trump Budget in Pakistan nghawng dinga hrilwASHingOn: United States President Donald Trump in Budget thar le a hmasatak a siem ding chun ramdang \hangpui (foreign aid) a suktawp dinga hril a na, Budget thar chun US \hangpuina tam tak dawng-tu Pakistan ram nasatakin a nghawng dinga hril a nih.Budget thar chu Obama huna “soft power” kha mak danglam takin “hard power” in a thlak thleng dinga hril niin, chu thil chu military tienga hmalakna siem\hatna dinga thaw ding a nih. Ramdang \hangpuina suktawp nisien khawm, US Defence Budget chu USD 54 billion a suksang ni thung a tih. Kumhluia US Budget chun ramdang \hangpuina in USD 40 billion vel a seng dinga hril a na, chu

hai laia 60% chu economic le development haia hmang niin, 40% chu security thila hmang a nih. 9/11 a inthawk khan, Pakistan hi khawvela rambung hai laia US a inthawka financial \hangpuina hmu rawn pawl laia mi a na, US Budget thar suok ding hin a ng-hawng nasa hle dinga ngai a nih. US \hangpuina hmu rawn tak hai lai Afghani-stan ah US sipai 8,400 tirlut an na, USD 4.7 billion vel a hmu hlak a; Israel in USD 3.1 billion; Egypt in USD 1.4 billion; Iraq in USD 1.1 billion; Jordan in USD 1 billion le Pakistan in USD 742 million hai an nih. Ke-nya, Nigeria, Tanzania le Ethiopia haiin USD 500 million an hmu hlak bawk. “Fair taka siem le mak

danglam taka sukhnuoina State Department (budget)-ah hmu vat tang in tih. Hi hi State Department in Presi-dent policy thua comment a pekna a ni chuong nawh” tiin Mick Mulvaney, Direc-tor, Budget Management office chun a hril. Ramdang \hangpuina hai chu State Department ro-in-relna hn-uoiah a tla lut ta ding niin Mick chun a hril. Trump in campaign a nei lai khan, ram puotienga pawi-sa tlawmte hmanga ramsunga laklut rawn a tum thu a hril hrim a na, Budget thar suok ding hin a thiltum hi a suk-lang ding nia ring a nih. “Budget blueprint” chu zanikhan White House-ah tlangzarna nei a ni tah a, Budget puitling ruok chu May thla a suksuok ning a tih.

Manohar Parrikar in trust vote-ah hratna chang

PANAJI: Goa Chief Min-ister thar Manohar Parrikar in CM dinga sesamna a nei hnungin, sawrkarna a siem thei ding le ding naw enna in zanikhan Goa Assembly hall-ah floor test nei a na, vote 22-16 hmu in Parrikar chun trust vote ah hratna a chang a, Goa CM dinga in-tiemna a nei chu sawrkarna siem thei dinga namnghet a ni tah. Floor test a chun con-gress MLA \henkhat an \hang naw a, BJP le NCP MLA haiin BJP \huoina a sawrkar siem an thlawp thung. Floor test thaw zovin, Inpui in\hung chu March 22, 2017 (Nilaini) chena dingin sukchawl a nih. Goa Assembly election khan BJP in seat 13-ah hratna

a chang a, Congress in seat 17-ah hratna an chang thung. Goa hmuna BJP \huoina hn-uoia Coalition Government siem ding hin MGP MLA 3, Goa Forward Party MLA 3, Independent MLA 3 le NCP MLA 1 haiin an thlawp a nih. Liemtah Thawleni khan Congress in Supreme Court in Parrikar CM dinga sesa-mna a nei ding la cheltang dinga an ngenna chu a hnawl pek a, zanikhan floor test nei lem dingin a ti a nih.

IAF Sukhoi-30MKI fighter plane a chesuolJAIPUR: Zani hmasaka Indian Air Force (IAF) hai Chetak helicopter Alla-habad hmuna a tlak hnun-gin, zanikhan IAF hai ta tho Sukhoi-30MKI fighter jet chu Rajasthan a Barmer hmuna a chesuol nawk.

Sukhoi a chesuol hma in a sunga chuong pilot pahni hai chu an inchawm suok hman. Thil tlung chungthua hin IAF headquarter chun Court of Inquiry (CoI) thaw dingin thusuok a siem. Suk-

hoi fighter jet hi Jodhpur IAF base a inthawka vu-ong suok a na, sortie train-ing neia vuong suok a nih. Nikum September thla khawm khan Mig 21 chu Barmer hmuna a lo chesuol ta bawk.

Tuolthattua intum DSP mani inthatCHANDIGARH: Punjab mi Hisar hmuna DSP sinthaw Bhagwan Dass chu tuolthattua intum a ni leiin ama le ama an that. Hisar Shekhpura hmuna mi 3 thatna a Bhagwan chu inrawlna neia intum a na, intuma a uma inthawka ni 2 a tlingna chara ama chawi lai pistol hmanga inkap hlum a nih. Bhagwan hi tuolthatna tlung leiin police headquarter a transfer a na, chu hmuna chu inthat a nih. Bhagwan chu a bek a inkap a na, a lua thisen sip vawng puma hospital \huoi niin, hun iemanichen chu la enkawl hman a nih. Bhagwan changtieng beka inthawk a vawitieng tlang parin silaimu in a deng a nih. A room-ah suicide note hmu a na, amiruokchu, suicide note chu po-lice department in suksuok an la phal hri nawh.

Driverless metro IGI airport-ahNEW DELHI: Indira Gandhi International (IGI) airport, New Delhi chun passenger hai terminal pakhata inthaw-ka terminal danga phurtu ding driverless metro nei vat tang a tih. Driverless metro chu ‘Automated People Mover (APM)’ tia a hming inbuk ding niin, nikum 2016 huna Master Plan siemin recommendation a thaw

dungzuiin 2020 hmaa nei hman a ni ding thu Minister of State for Civil Aviation, Jayant Sinha chun a hril. APM design, sengso zat ding le a pawimaw dang hai sukfel vawng a ni tah a, Del-hi Metro Rail Corporation hai le \hangruolin Delhi In-ternational Airport Limited hai chun hmalakna an fepui \an mek. APM chu 5.5 km a

seia siem ding niin, 1.5 km chu hnuoi sunga um ding a nih. Hi project hi zo a ni pha chun Hong Kong, Changi Paris, Munich le London hai angin IGI Airport chu khawvela airport changkang hai laia tiem sa a ni ta ding a nih. Hieng airport hai hin tuhin APN facilities hi an nei mek a nih.

Hmasawnna Thar4 EntErtainmEnt / SportSTHLA|Au(mArcH) 17, 2017zirTAwpni (fridAy)

Real Madrid Coach Zinedin Zidane chun Champions League Quarter Finalah Leicester City intuokpui a nuom nawhChampions League Cup kawl mektu Real Madrid Coach Zinedine Zidane chun Quarter Finalah Leicester City intawkpui naw hram hai sien a nuom thu a puong. Ei hriet seng angin nikum khan Leicester City hi Pre-mier League-a tu ring phak loin an hung Champion thut a, chu hnungah tukum round of 16-ah ring lo takin Sevilla an hung letthal nawk a, hi lei hin hawphur um tak chu an ni ve bawk a nih. Zidane

chun tuta team \ha \hal pa-riet la um lai Barcelona le Bayern Munich hai khawma an hawphur ve hle a ring thu a hril bawk. Leicester hai hi

Manager thar Craig Shake-speare hnuoiah match tlaw-mte chau an la khel a, Pre-mier League-ah Relegation zone an hlat deu deu nghal a.

Premier League-ah a zawnin vawihni an hrat bawk. Real Madrid chun Champions League hi vawi 11 tawp an lak ta a, anachu chu record lei ela ngaimu-ong ding a ni nawzie a tar-lang bawk a. A hril peinaah chun, ‘An thaw thei lo dinga mi’n an hrilhai khawm an thaw thei pei leiin Coach a tu tu khawma anni (Leices-ter) intuokpui hi an ph<r zawk zawk ring a um nawh,’ a ti bawk.

CHAMPIONS LEAGUE:

Atletico Madrid an fethleng lai Manchester City lungnat um takin an tlaChampions League Round of 16 nuhnung tak pahni chu Ningani zan khan khel a nih a. Manaco chun Man-chester City an lo mikhuol a. Leg 1 a khan Manches-ter City khan 5-3 tawpa an hne sa a ni leiin inring zo takin an va khel a. Ana-chu Monaco chun 3-1 in an lo hne letling a, aggre-gate goal enin 6-6 ni sien khawm Monaco hin away goal pathum an nei a, City hin pakhat chau an nei leiin Monaco an fethleng ta lem a nih. Hi inkhela hin Mo-naco ta dingin Lottin(8`) le Bakayoko(59`& 77`) haiin goal an thun a. City ta dingin Leroy Sane chun

goal khat thun sien khawm hratna an chang zo ta naw a nih. Hi inkhel hi City Boss Pep Guardialo ta dingin Eu-ropean Competition-a vawi 100 an langna char a nih a, a hlawsam ta a nih. Chun, round of 16 a Pep Guar-dialo a tlak vawikhatna a ni bawk. Inkhel dangah At-letico Madrid chun Bayer Leverkusen an lo mikhuol ve a, 0-0 in inhnetawk hai sien khawm Atletico Ma-drid hai Leg 1-ah 4-2 a an lo hrat lem ta leiin Quarter Final an kai lem ta a nih. Tuhin Quarter Final kai ta po hrietchieng thei a ni ta a, chu dungzui chun Quarter Final kai po chu

Atlético Madrid (ESP), Barcelona (ESP), Bayern München (GER), Borussia Dortmund, (GER), Juven-tus (ITA), Leicester City (ENG), Monaco (FRA) le Real Madrid (ESP, Cham-pion lai mek) hai an nih. Quarter Final Draw hi Zir-

tawpni khin nei ning a tih. Hi draw hi Open Draw ning a ta, rambung khat Club hai khawm inkhel tawn thei an tih. Hung tlung ding April 11 le 12 hai khin Quarter Final Leg 1 inkhel ning a ta, Leg 2 chu 18 le 19 April haiah khel ni bawk a tih

Day 1 Test-ah Virat Kohli insukpal

Day 1, Ranchi Testa dar suknat Virat Kohli chu a natna suichiengna dingin vawituk hin scan nei ning a tih. India captain hi Day 1 khan 40 over-ah boundary line bul lai ball dang tuma a lo dive leia insukpal a nih. An sukpal lei hin inkhel zawm thei ta loin khelmuol a suoksan a nih. Kohli hliem dan hi enin, run khat a hum tum leia a

dive chu vangduoitlak takin a dar changtiengin hnuoi a nawr leia insukpal a ni deu tak. A natna hi zinga zingkar (vawituk) hin hriet chieng thei chau ning a ta, a pawimaw dang hai chu ni-dangah la enchieng nawk pei ning a tih,” tiin team field-ing coach R Sridhar chun a hril. Kohli umnaw sung hin Ajinkya Rahane in India team hai hi alo enkai a nih.

Djokovic le Nadal Quarter final kaizo ta lo

Indian Wells fe meka chun, a vawihnina dingin Nick Kyrgios chun a kh-ingpui Novak Djokovic chu hnein quarter final alo inhlapkai der tah. Nick hin a khingpui vawithum zet defending champion lo nitah Djokovic hi 6-4, 7-6 (7/3) in a vuokdawk a nih. Quarter final-ah hin Rafael Nadal hnetu Roger Federer inkhelpui a tih. Match dangah liemta January thlaa Australia Open final inkel hmu nu-omum tak inkhel zoin, har-satna um \hak loin Roger Federer chun a khingpui

Rafael Nadal chu 6-2, 6-3a hnein quarter final alo inhlap kai tah. Hi hai pahni hi kum 2004 a quarter final hmaa an tuok tilo kha tuta hi quarter final hmaa an intuok nawk hmasatakna a nih. Indian Wells inelnaa hin, khawvel Tennis paly-er thiem filawr, nomawi chawi ngei dinga beiseia um, player dang ieng bek niloa ngai hai laka tlawm hmasatak chu Djokovic hi a ni a, ama hin kum 2008 le 2011 khan Indian Wells Nomawi hi alo dawm ta a nih.

IAAF World Relays-ah Usai Bolt inlang lo ding

Hung tlung ding April 22 – 23 sunga IAAF World Relays um ding le inzaw-min, Jamaica tlan hrat Us-ain Bolt chun an lang naw ding thu hrilfelna alo siem tah. Jamaican sprinter hi hliemna nei \hak loa kum a muolsuok tum leia inlang tum loa um a nih. Kum 30-a upa Bolt chun, “Ka coach-in World Relays chungchanga hin iengkhawm hrilna a nei naw a, hliem nei loa ka chawl hun ding nghak ka nuom leia Bahamas-ah in-lang lo dinga um ka nih,” tiin a hril. 100m le 200m-a world record neitu Bolt hin tukum hin intlansiek chawlsan

tuma inseingsa mek a ni a, June 10 khin a hnuhnung taka dingin an rama inelna um ding Racers Track Club Grand Prix-ah inlang a tih. Rio Olympic-a gold medal pathum zet latu Bolt hi June thla a nei ding World Championships-ah kawm hin inlang tum nawk loa um a ni a, hi ienelna dinga hin qualifying nei ngai loa tlingsa um nghal a nih. Bolt chun, “Tu ngirh-muna ding chun thil ieng-kim tluong takin a fe pei a, \ha takin inbuotsaina hun ka nei thei a, a pawimaw tak chu hliemna tuok loa tluong tak hma tieng pan pei hi a nih,” tiin a hril.

Kumtawp tieng Pro Boxing India Championship huoihawt ding

new deLHi: India ramah professional boxing suk vul-na dingin tukum kum tawp tieng khin Asian Boxing Council hai le \hang kawpin Pro Boxing India Champi-onship huoihawt ning a tih. Hi thil hi a hmasatak \um le a vawikhatna ding niin Roy-al Sport Promotions haiin enkaina sin thawng an tih. Tulai hin Royal Sport Promotion hai hin boxers 20 enkai-in, association dang danghai hnuoia mi boxer 25 zet an inkawppui bawk a nih. Nikum khan AIBA Pro Box-ing Night lo huoihawtta-in

tukum khawm hin khawvel rambung dang danga in-thawk inelnaa \hang ding RSP hai hin kei khawmna sin thaw’ng an tih. PBIC huoihawtna ding le inzawmin, Director Royal Sports Promotions, Jai Singh Shekhawat chun “hieng inelna runpui ei buotsai tum hi India sunga boxer naupang tak takhai suk phurna ding le hmatieng peiah hi neka insang lema ei \huoilut nuom leia PBIC hi ei huoihawt tum a nih. Hi inheknaa hin boxer 48 um an ta, hi hai lai 32 chu pasal le boxer 16 hai chu nuhmei nieng an tih,” tiin a hril. Hi inhneknaa hin hratna inchu dingin team 8 hai kar khat sung inhnek an ta, catego-ries 6-a \hein title 6 sem ni bawk a tih.

genevA: UNHRC spe-cial envoy le Hollywood A-list star Angelina Jolie chun London School of Eco-nomics (LSE), Centre for Women, Peace & Security ah thu a hril zo Geneva-a UN office ah thu hrilin, “indo leia raltlan pung hrât taluo le patriotism anga incheia nationalism hluor taluoin khawvêl a suksiet” hrât zie le sawrkarhaiin sin nasa nâwk zuola thâng an lak a pawimaw thu a hril. “Ei tulai khawvêl ‘im-perfect’ ta em em a hin diplomacy thiemtak hmanga buoinahai chingfel vat vat a pawimaw tah a nih” tiin, “Sawrkarhaiin international-ism a ni dan ding ang tak le \ha taka an kengkaw zo ta naw a ni chun mipui haiin ei sukhring zing a \ul tah a

nih” tiin, 2003 kuma Bagh-dad bomb puoka UN worker thi Sergio Vieira de Mello hrietzingna dinga annual lecture huna chun a hril. Jolie chun, “Patriotism nisi lo nationalism tha lo a hung suok a, midang-hai theidana le hnâmna lungrila le midang suksiet tumna policies haiin ram an hung lak a. Hieng laka

inthawka invêng fimkhur a \ul a nih” tiin Muslim helpâwl hung hrât pei le politician \henkhatin mâni hmasiela thil an thawnahai le inzawmin a hril. US President Donald Trump a hming direct-a hril lovin, “Tulaia refugee le foreigner haiin ei \i em em, \itna siemtu chu politician hrietna tlâwm, khawnghat

Angelina Jolie, London Zovah UN ah Thu HrilShah Rukh Khan Car-in Photographer Baw

mumBAi: Cinema ni lo a tak takin Shah Rukh Khan chun Alia Bhatt birthday lawmpui dinga a fe laiin photo journalist pakhat la thar deu hin SRK a hmu phur taluo thla lak tuma a hei fe laiin a car-in a baw pal a. Shah Rukh Khan chun in-rang takin photographer chu a motor-ah phurin Nanavati hospital a panpui nghâl a. “Lo enkawl unla enkawl man po po chu keiin peng ka tih” tiin a maksan niin official thusuokin a hril. Thudawngnain a hril dan chun, “Dear Zindagi” a co-star Alia Bhatt birthday lawmpui dinga SRK a fe lai hin photographer tamtakin an hnawt sup sup a. Car sung a lut hnung chun an bawzui sup sup a, buoina a suok niin a hril. Car a tlân lai chun photographer hin phur taluo’n thla lo lak a tumnaah carin a ke a rawt niin a hril. “Shah Rukh Khan chu inhmaw deuvin a tum vat a. Photographer hi damdawiin

a phur tlung a, tha taka lo enkawl dingin a hril nghâl a, bill khawm apek ding thu a hril a nih” tiin, “SRK hin photographer pa hi mithar a ni leiin a la hmu ngai naw niin a hril bawk” tiin a hril. Hienglai zing hin, Alia Bhatt chu Zee Cine Award ah khan a che fuk naw hle. Kum 19 a ni laia a film changna hmasatak “Student of the Year” ti Karan Johar siem, a hlâwtling pei leia a mentor Karan Johar kuoma a lâwmthu hrilna anga a lam laiin a sam siemfâwm a hung tla a, stage ah, hmai a mawk nuom hle. Amiruokchu, Alia Bhatt chu thil chite thaw suola insukbuoi mei mei a tum nawh. Mi tamtakin an in-nuisawa chu a tawpa innui ver ver chu ama tho a nih. Thil iengkhawm um lo angin a lam zawm pei a, \ha takin a zo a. Award an hung puong chun Best Actress (Udta Punjab) award in tieng a hawn tah a nih.

Hillary Clinton NY Mayor Dingin

new yOrk: Gossip site TMZ hril dan chun, US Secretary of State hlui le President dinga Democrats nominee Ms Hillary Clin-ton chun hung tlung ding November 7-a New York Mayor election ah ngir tu-min nasatakin hma a lak tiin a ziek. Hi thu hi zani ta Clinton le a political associ-ate hai meeting an nei huna hril niin a ziek. Tuta New York mayor chu Democrat Mayor Bill de Blasio a nih a. Term hnina dingin Mayor seat hi inchu nâwk a tum a nih. Kar hni vela inthawk khan Ms Clinton-in New York Mayor a contest ding ti ri a um tah a. Hi thu le inzawm hin March 2-5 khan phone le online ah US voter 1,000 hai ngaidân lakkhawm a nih a. Zaa 58% chun thaw lo dingin an dit a, 23% in thaw dingin an dit lai 19% chun an hril thei nawh tiin Rasmussen Reports chun a hril. President candidate hnunga City Mayor

thaw nâwk chu ‘demeaning’ a nih an tih. Tuta New York Mayor Bill de Blasio hi Clinton-in President campaign a nei lai khan \hangpuina dingin thla tamtak thutlukna siem thei lovin a um a. Mani hmasiel le Clinton tling inlaupuitu angin \henkhatin an ngai leiin Clinton chu khing thla dingin an dit a nih. January-a Quinnipiac University poll chun, Ms Clinton hin Bill De Blasio hi inhnaite 49 to 30-in hneng a ta, Democrats sungah chu 61 to 30-in hne naw nih tiin a tarlang. State Island mi le Republican hai sûngah chu Bill hin, candidate danghai laka khawm, hnêna a chang ding niin a tarlang bawk. Republican candidate dinghai chu Paul Massey Jr., Rev. Michael Faulkner le NYPD detective hlui Richard Ditel hai an nih. Hi thu le inzawma Ms Clinton comment ruok chu hriet a la ni nawh.

Selena Gomez, Incheidan Thar le Hla Thar

LOS AngeLeS: Nunghak lai ngaizâwng thar ei nei chun ei inchei dan khawm ei thleng danglam nuom vieu an tia, an dik hmêl. Nung-hakhai incheina tak chu pasal epna ding le nal nuom, pasal suklungawina ding a ni leiin nal nuomin dei le lum an hriet naw an ti angin a lan dik pei bawk, abîkin Selena Gomez a inthawkin hmu thei a nih. Naupang lai ngaizâwng, lung inrawm short tem-per Justin Bieber le an inzui laia an chei dan le tuta The Weeknd (Abel) le an inzui hnunga an chei dan le khawsak dan khawm a dan-glam tah hle. The Weeknd, phawk deu le inzui ding chun phawk deu le gum deua inchei le khawsak a \ul khawm a ni el thei, a dit hle

sih a. Mipui hmaa khawm a fawp el a nih. Suituhai lo suidan chun The Weeknd le an inzui hnung hin Selena Gomex chu an cheidan chenin a ‘af-fect’ niin an hril. Mit a lak theina dingin The Weeknd ditdan le lâwmzâwng nia a hriet, ni danga an cheidan hai chenin a thaw thar nâwk niin a hril a. Tulai hin hla thar record a neia studio ah hun tamlem hmang a \ula chu ‘hunawl’ zawngin hun tamlem The Weeknd kawla hmang a tum tlat niin a hril bawk. Selena Gomez hin The Weeknd hi a dit hle a, pasala nei a nuom bawk leiin a sûnghai khawm an hmupui tah a. Selena Gomez nu khawmin \ha a tipui niin a hril.

Kourtney Kadarshian, Pajama Rs. 1.32 Lakh ManLOS AngeLeS: “Keeping up with the Ka-darshian” star Kourtney Kadarshian chu nau pathum nei tah nisienlakhawm nupui dupa ina intawm el chu a tum nawh. An \hepui tah a pasal hlui Scott Disick-in “sex addict ka nih” tiin Costa Rica ah nunghâk tamtak leh hun a hmang laiin, ama chu insukharna dingin bazar bag leh, zakuo banbul awm inhawng tawnzau le pajama (jogger pant) nal deu bunin a bodyguard leh Los Angeles ah bazar an lo kai a, hril le lâwm a hlâw hle. Kourtney chun a car nal tâwk tak Ashton Martin chawiin Whizin Market, Agoura Hills, California ah a fawr kuol a. A payjama bun, royal navy blue a sira a sen le var \iel hi simple deu angin an langa chu a mei mei naw hle. Kendall+Kylie collection-a mi niin aman khawm Rs.1.32 lakh vel ($2,000) a nih! An cheidan dang po khawm a simple hle, leather bag var a khai a, a sam eng thal khawm vawitieng darah an khai thlatir hnap bawk a, pheikhawk simple tak leh. A kekawr bun, wool le silk Gucci jogger pants, a pawl, var le sena in\iel, a kawng laia kil pakhat chau um khawm simple tak angin an langa chu a to \ei a nih. Make up khawm a natural

look suknal tâwk chau dingin ‘shiny pink’ lipstick a hmanga, a pangngai hle. A nau pathumhai pa Scot-in Costa Rica-a nunghâk a lengpuia ‘sex addict’ a nizie a hril rik a hrieta inthawk a lungrila a sâwl hlea hril a nia chu a lungrila sâwlna hmêl iengkhawm suklang lovin hâdam takin a um thei a nih. Ama le ama an ringzona le hâdam hmêl chun mi a sukthlamuong lem a nih.

zau lohai an nih” tiin a hril a. UNO-in sinthawna dinga a mamaw pawisa, rambunghaiin donate dinga an intiem a zatve khawm an pek ngai naw leia UN-in harsatna a tuok niin a hril a. Diplomatic taka sinthawa buoinahai chingfel vat vat dinga UN an dit a ni chun an thutiemhai indiktaka sukpuitling a \ul thu a hril. Rambung pali, Yemen, Somalia, South Sudan le Ni-geria haia mihriem vaibelsie 20 chu phîng\am dangchar, thi lêng lenga um an nih a. An ni tin mamaw tâwk hmu zo lo, donor haiin an thutiem hlen zo lo leia ‘underfund” an ni thu a hril bawk. Kum 2011 a inthaw-ka UN Council on Human Rights and Refugees special envoy Angelina chun, “Proud American” niin khawvêl pumpuia sinthawtu “an inter-nationalist” niin a’n hril. Indo le buoi leia harsatna tuor, mani in le lo suoksan Iraq, Cambodia le Kenya rama mihai sir dinga inzin London le Geneva sir malam a nih.

Deep Purple La Tawp El Lo Ding

LOndOn: British band inlâr Deep Purple hai bassist Roger Glover chun, kumz-abi chenve zet hla an sak taa chu tâwp el an la tum naw a, album pahni vel an la suksuok tum niin a hril. Kum 2018 khin kum 50 an tlingna ding le inzawmin an studio album 20-na “Infi-nite” tlângzar an tum thu a hril bawk. Roger chun, “Tawp el kan la tum hnai nawh. Tawp hmain album 1-2 chu kan la

suksuok ka ring. Hriselna le kum thu chau a ni a, phurna le thafanna kawnga chu tukhawm kan tha a la chuoi nawa, tâwp nuom kan la um bawk nawh” tiin a hril. Deep Purple hin “Infinite” an release zovah “The Long Goodbye Tour” khawm khawvêl huopin an la nei ding niin a hril. “Mimal thil taka khawm, Deep Purple hi um naw sien chu iem ka chang ding chu, ka hringnun hi a kuo

lien deu a um, an kuo huou ka ring. Ana-chu, ni khat chu a la tâwp awm si a. Kan \an lai nêkin tâwp tieng kan hnai tah ti chu kan hriet, nuom ruok chu kan la nuom nawh. Tawp hun ding bituk khawm kan thei nawh, harsa kan ti seng leiin, tukhawm kan nuom bik nawh”

tiin a hril bawk. Deep Purple hi 1968 khan Hertford, UK ah Ian Paice, Roger Glover, Ian Gillan, Steve Morse le Don Airey han an indin a, tuhin kum 60 bawr vawng an ni taa chu an la active hle a nih. November 2017 khin UK tour nei an ta, London-a O2 le Glasgow-a SSE haia concert nei an tih. An album thar tak “Infinite” UK ah April 7 khin tlângzar nîng a tih.