Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/137 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

THLA|Au (mArcH) 02, 2017 NINGANI (THurSDAY)

GAS NEWS Agency : KIM JOEBooking : 27th. nov., 2016 to 27th. dec, 2016Delivery :02-03-2017 (THU) Time :8AM-tillstockstOCK : 306 New Rate Rs. 90119 kg. availableAgency : SASBooking: 9th. nov., 2016. to 9th.DEC., 2016delivery :02-03-2017 (tHU)time : 8AM- till stock stOCK : 306Rate: Rs. 901

NEWS TOMkiMCHANCHIN LAKTAWISubsidized LPG man a kaisang

ccPur: Tuta hmaa thlaisuongna subsidized Liquified Petroleum Gas (LPG) man Rs. 809 ni hlak chu Rs. 901/- in a kaisang. Rs. 901 a hin Rs. 432.92 chu sawrkarin a tum pek a ni a, Bank Account le thlungzawm Consumer hai chu an Account-ah a lut pei a nih. Chun, Commercial 19 kg. man khawm Rs. 1660.5/- a ni tah.

Free Medical Check-up nei

ccPur: Zanikhan Mol-non khuoa Creative Acad-emy (CA) hmunah Free Medical Check-up buotsai a nih. Hi huna hin Dr Kakai Haokip, Child Specialist in naupang hai hriselna a enfel. Free Medical Check-up hi Academy founder/Administrative Secretary Mr T. Lhungdim, Ex-MDC (ADCC) in a sponsored a ni a, student hai hriselna ngaipawimawna leia buot-sai a ni a, hiengang free check up hi hi academy chun thla tin vawikhat pei buotsai a tum.

Web Casting le inzawmin training an nei

ccPur: 11th Mani-pur Assembly Election hung um ding le inzawma 59-Saikawt A/C a Polling Officer (Media incharge) hai chun zanikhan a thawkhnina dingin DC Office Conference Hall-ah training an nei nawk. Poll-ing station tina vote thlak

lai chu thla lain Web Cast-ing thaw ning a ta, EVM, polling Officers le vote thlaktu hai popo Video in lak vawng ning a ta, Poll-ing station-a thil fel lo an-nawleh buoina a lo um chun hi thla laka um hai hmangin enfel a ni ding a nih.

Tribal movement ni 550 tlingna

ccPur: Joint Action Committee-Against Anti-Tribal Bills (JACAATB) hmalaknain March 3, 2017 khin Tribal Movement ni 550 tlingna le inzawmin martyrs hai hrietzingna hun hmang ning a tih. Hi le inzawm hin hi zan 6PM in tinah candle sitvar seng dingin JACAATB chun mitin a ngen a, March 4, 2017 nia vote thlak hunah pasal\ha hai inpekna hrez-ing puma tlangmi hai ta dinga mi\ha hai vote pea, mani vote thienghlim le zalen taka thlak seng dingin an ngen bawk.

Home minister a hung dingccPur: Manipur As-sembly Election hung um dinga BJP candidate hai ta dinga vote campaign din-gin Union Home Minister Rajnath Singh chu vawisun hin CCPur-ah hung a ta, 10:00AM in Ngathal Public Ground a public meeting huna BJP candidate hai ta

dingin vote campaign a tih. Home Minister hi Assam Finance Minister Heman-ta Biswas; BJP National Secretary, i/c of North East Ram Madhav; Bharat Singh, Ex-MLA le MNF President Zoramthang hai khawm hungin thuhrilna hun hmang tawl an tih.

WPF hmalaknain |awng\airuolna neiccPur: Zani 10AM khan EBCC Zenhang Lamka, CCPur hmunah Women Prayer Fellowship (WPF), CCPur hmalaknain \awng-\airuolna nei a nih. Ei ram buoina ngaitmawna le hartharna a hung tlung

thei ding ditna leia \awng\airuolna hi nei a nih. Hun hmasa Rev. Thangkhosiem, Adviser, Executive Direc-tor, ESC in an rawi a, hun hnina chu Rev. S. Vung Minthang, Adviser, General Secretary, EBC in an rawi.

Manipur sawrkarin chawl a puong

ImPHAL: 11th Mani-pur Legislative Assembly Election, 2017 hung um dingah Voters han an vote an thlak seng theina dingin March 4, 2017 a 1st Phase Election Assembly Con-stituencies 38 le March 8, 2017 nia Constituencies 22 haia 2nd Phase election hung um ding haiah State sawrkar chun sawrkar Offices, Educational In-stitutions, Private Sector Undertakings, Banks, Fi-nancial Institutions, LIC haiah chawl (Public Holi-

days) a puong. Chun, 1st le 2nd phase election hun haiah thaw-kna nei han anvote umna hmun sengah vote an thlak theina dingin thuneituhai chu Special Casual leave pe dingin sawrkar chun an hriettir bawk. Chun, sumdawngna hmun, dawr le industry nei-hai khawm an thawktuhai chawl pe a, an hlaw ruok chu a kima pe seng dingin Deputy Labour Commis-sioner, Govt. of Manipur chun inhriettirna a siem.

Plice Commando post sie \ha an ti nawhImPHAL: Manipur sawrkarin Kangpokpi a Ma-nipur Police Commando post a va sie chu \ha an ti naw thu le an dodal thu, election duty dinga Central Paramilitary Force le Civil Police siea um chu a huntawk, Mani-pur Police Commando posts

hi sielui a ni chun dodalnain nuorna an nei ding thu zanita Kangpokpi hmuna Kuki Women Union, Kuki Stu-dents Organisation le Civil Society Organisation dang dang \huoitu han Chanchin-bumihai an inhmupui huna an hril.

Rangkachak 9 kg chuong an manImPHAL: Zanita Assam Rifles han Tengnoupal Check Gate a Moreh a in-thawka Imphal pana fe DI Tata pakhat sukchawla an dapnaah rangkachak 9kg

chuong, Rs. 2.79 crore manhu vel an dapdawk a, a neitu leh an man a, Moreh Customs Office-ah an pe-klut niin ei thu dawngna chun a hril.

CPI(M) in Sharmila an thlawpImPHAL: Communist Party of India (Marxist), Manipur State Commit-tee chun Irom Sharmila Chanu chu an party in an thlawp a ni thu Kshetri-mayum Shanta, Secretariat

member, CPI(M), Manipur State Committee chun thu-suok a siem. Irom Sharmi-la Chanu hi Thoubal A/C a PRJA ticket a ngir, CM O.Ibobi Singh le inkhing an nih.

Manipur-ah BJP an sawrkar chun thla 2 sungin National Sports University bawlna hmun ding sukfel ning a tih; Manipur tlangram biel haiah Eco-Tourism siem dinga hmalak zing a nih: Amit Shah

ImPHAL: BJP National President Amit Shah chu zanikhan BJP candidate-hai ta dingin Mission Ground, Ukhrul le Yum-nam Leikai haiah vote a campaign. Amith Shah in vantlang inkhawmna haia thu a hrilnaa chun, Manipur ah BJP an hung sawrkar chun corrup-tion sukbo ning a ta, eco-nomic blockade darkar 24 sungin hlip ning a ta, thla 2 sungin National Sports University bawlna ding hmun sukfel ning a ta, thil indiklo thawtu-

hai case suizui ning a ta, suksuol neihai chu dan angin hrem ni ngei an tih.

Manipur-a Information Technolgy hup hawng ni bawk a tih. Central a BJP

sawrkar chun Manipur a hmun remchang haiah Eco-Tourism siem dingin

hma a lakzing a nih tiin Amit Shah chun a hril. Vote campaign a neizo hin Amit Shah hi Imphal suksanin New Delhi a pan. Union Human Re-source Development Min-ister Prakash Javadekar chun zanikhan Langmei-dong-ah Vote a campaign a, mipui hma thu a hril huna chun, Manipur-ah BJP in sawrkarna an hung siem chun thla 2 sungin Imphal-Delhi inkarah Rel lampui inthlungtir ning a tih tiin a hril. Sugnu-ah

Assam Finance Minister Himanta Biswa Sarma in BJP candidate-hai ta din-gin vote a campaign a, Union Social Justice & Empowerment minister Ramdas Athawale in vote a campaign bawk. March 4, 2017 a As-sembly Constituencies 38 haia election neina ding le inzawma vote campaign-na chun a vawrtawp a tlung tah. Vote campaign theina chu vawisun hi a tawpna a ni ta a, zantieng dar 5 hin vote campaign khar a ni ta ding a nih.

CMO inrawinain pension ding hai inthlana

ccPur: Dr Kimngaihch-ing @ Dr Kim Simte, CMO, CCPur inrawinain zani zantieng 1:30PM khan a Office chamber-ah thawktu an sina inthawka pension ding mi 4 hai inthlana hun an hmang. Pension ding an inthla hai chu - V. Vung-zathang, Para Medical As-sistant, T. Amuba Singh, Extension Educator, Tu-alngaihchiin, UDC le T. Sumzamang, Medical Store Officer hai an ni a. Ngainat

inentirnain belpui (besung) pakhat seng an inhlan. CMO chun, dam taka pension chena sin thaw theia um chu thil lawmum tak a ni thu a hril a. Ieng department khawm nisien, staff pension hi an um zing a, sienkhawm a pension hai thlaktu ding lakna re-cruitment thaw a ni ngain-aw leiin department tam takin staff indainaw leiin harsatna an tuok hlak thu a hril.

BJP Office hlukhum, Con-gress office khek khum

ImPHAL: Zanikhan Student’s Union of Kan-gleipak (SUK) pawlin Imphal a BJP Office an va hlukhum a, thil suksiet an nei nuol. Chun, zani ma khan Kangleipak Students Asso-ciation le Khwairamband

Ima Keithel Temporary Shed hai \hangruolin Con-gress Bhavan an va khek-khum. Fake encounter case a an hmalak dan an dittawk naw leia hieng pawl 3 hai hi lungawi lova BJP Office le Congress Bhavan haia va che an nia hril a nih.

PBFC fethlengin mi 690 in vote an thlak tah

ccPur: Manipur As-sembly Election hung um ding le inzawma Polling station tum tuma Election duty a suok ding hai hmak-huo ngainain DEO, CC-Pur chun, polling duty hai innghakkhawmna Tuibu-ong Peace ground hmunah Assembly Constituencies tina dingin Information Centre le Postal Ballot Facilities Centre (PBFC) a hawng a, hi Centre a hin election Department chu zing dar 7 a inthawk zan-tieng 1:00PM chen duty in an in\hung a, hi hmuna hin polling duty a suok ding han Postal Ballot paper

hmangin Ballot Box/Drop Box-ah vote an thlak tawl. Duty ding hai suok-dawk ni tawpni tak March 3, 2017 chenin PBFC hi hawng a la ni ding a nih. Zani zantieng 1:00PM chen khan polling per-sonnel 690 in Postal ballot hmangin vote an thlak ta a, hienghai lai hin 55-Tipaimukh A/C-ah mi 12; 56-Thanlon A/C -ah mi 6; 57-Henglep A/C-ah 102; 58-Chura-chandpur A/C ah mi 355; 59-Saikawt A/C a inthawk mi 180 le 60-Singngat A/C a inthawk mi 35 an \hang.

Rajya Sabha MP Abdul Salam a thi; State sawrkarin half holiday

ImPHAL: Manipur a Congress Rajya Sabha MP Haji Abdul Salam (70), s/o Hafiz Mufizuddin of Hei-bong Makhong chu zani hmasa zan dar 7:35 vel khan damnawna leiin Raj Medicity, Imphal-ah a thi a, zanikhan a ruong vuiliem a nih. Ama hi February, 2014 a kha Rajya Sabha MP a thlangtling a nih. 36-Wa-bagai A/C a khawm MLA a thlangtling le minister lo ni ta hlak a nih. Thiemna tieng Gauhati University hnuoia B.A. LLB le MLA (political science) zo a nih. A nuhmei, nau pasal 1 le a nau nuhmei 5 hai a thisan. Manipur Rajya Sabha MP, Haji Abdul Salam thi sunnain zanikhan Manipur State sawrkarin Govt. Of-fices le Govt. Educational Institutions haiah half Holiday a puong. Manipur Governor Dr Najma A. Heptulla le CM O.Ibobi Singh hai chun Haji Abdul

Salam thi hi a sunghai an sunpui thu an puonglang. Haji Abdul Salam ruong hi zanikhan an khuo thlan-muolah ropui taka vuiliem a ni tah. Hi hunsera hin CM, Dy. CM, MLAs le mi pawimaw tum tum hai an \hang tawl. Haji Abdul Salam hi Manipur Muslim hai laia MP hmasa tak a nih. Vice President M. Ha-mid Ansari, PM Narendra Modi; Congress President Sonia Gandhi le Congress Vice President Rahul Gan-dhi hai khawmin Haji Ab-dul Salam thi hi an sun thu an puong tawl.

Jennifer Aniston in Jennifer Lopez zakhuo a hak-P4

Polling duty ding hai an suok tawl

ccPur: March 4, 2017 nia 11th Manipur Assembly first phase election hung um ding le inzawma CC-Pur district sunga Assembly constituencies \henkhat haia duty ding Polling Personnel/polling team, Polling station ram hla deua mi hai chun zanikhan election huna ding Electronic Voting Machine (EVM), Ballot Box, Genera-tor le an hmangruo \ul ding hai Tuibong Peace Ground suoksanin an duty-na ding hmun an pan tawl. Polling teams a hin Security person-nels hai khawm an \hang. Zanita Polling team suok dawk hai chu- 55-Tipaimukh a Sector 1 to Sector 5 (1-20, 23-25, 27, 21, 22, 26 & 28-38,); 56-Thanlon Sector 8 le Sector 9 (1-6, 16-24, 28-33) hai le 57-Henglep Sec-tor 12 (1-6, 6, 16-18) hai an nih.

Churachandpur district-a Assembly Constituen-cies 6 haia ding hin Poll-ing Stations 318 hawng a ni a. Hi laia 38 hai chu 55-Tipaimukh A/C a mi an ni a, 56-Thanlon Assem-bly Constituency ah Poll-ing Station 38, 57-Henglep Assembly Constituency-ah Polling Station 56; 58-Churachandpur Assem-bly Constituency-ah Poll-ing Station 70, 59-Saikawt Assembly Constituency –ah Polling Station 67 le 60-Singngat Assembly Constituency-ah Polling Station 49 an nih. Vawisun khawm hin Constituency dang danga duty ding han an dutyna ding hmun pan tawl nawk an ta, Polling teams hai hi March 3, 2017 chen khin an duty-na ding hmun hai pan tawl an tih.

Inrim taka sinthaw chu Harvard neka thilthawthei lem a nih: Prime MinistermAHArAJGANJ: Uttar Pradesh a Assembly elec-tion fe mek ah, zanikhan Prime Minister Narendra Modi in Maharajganj hmuna election rally ah thu a hril a, Nobel laureate Amartya Sen in demonetisation chungth-ua sawiselna a siem dawn-letna a nei. Prime Minister chun Inrim le taima taka sinthaw chu Harvard neka thilthawthei lem a ni thu a hril. Nikum November thla a Rs. 500 le Rs. 1,000 hai thatna in economist haiin an hrillawk ang lawm lawmin GDP a nghawng naw a hriet hnunga PM chun hi thu hi a hril a nih.

“Note thatna leiin sa-wiselna tam tak a um a. Har-vard, Oxford le Economist ropui tak tak haiin India GDP in 2% a inthawk 4% chen a tlakhnuoi pha thei dingin an hril a. Amiruok-chu, India in Harvard le

Inrim taka sinthawtu hai ngaituona a hriet ta a nih” tiin PM chun Lucknow a inthawka 300 km vela hla, Maharajganj hmuna mipui tam tak pungkhawm hai lai a hril. Prime Minister in Har-

vard le India sawrkar chu kut khing hni angin a hril a, “kut khingtieng chu Harvard hminga \awngtu a na, khingtieng chu nuhmei pasietak naupa, rambung economy inrim taka sintha-wa thleng danglam tumtu a nih” tiin a hril. Zanita data suksuoka um a chun, note hai thatna leia mi tam takin hmath-lir an lo nei neka insangin India GDP chu a um a nih. December quarter chena khan 7% a kai phak a, khawvela GDP in\hang hrat taka hril a la ni tho a nih. Reuters in polls a siemna a chun, October-December

haia India GDP chu 6.4% ni dingin Economist haiin an hril a nih. Amartya Sen chu Har-vard University a Econom-ics le Philosophy subject haia Professor a na, note thatna chu ‘domestic norms inzana nei lova a enkawltu um lo Missile kapsuok’ angin a hril a nih. India economy khawm nasataka a nghawng siet ding thu a hril bawk. Congress chun GDP suksuok thar chu sawrkar kuoma zawna siemin, mak tak le ringhla um ani thu se-nior leader Anand Sharma in a hril.

Ngurrivung-in ngawr takin campaign thawc c P u r : A m a n g e i a inthawka chanchin ei lo dawng danin, 55-Tipaimukh A/C a Independent candidate Mr Ngurrivung chun tulai hin Vangai bielah ngawr takin vote campaign a thaw zing a. Zanikhan Khangbawr, Ankhasuo, Kharkhuplien le khuo dang dang hai a fang a. Zani hmasa khan khuo 3 vel a sir ta bawk. Khawtlang

mipui hai khawmin an lo hlutsak thei hle niin chanchin ei lo hriet. H i e n g l a i z i n g h i n Hmarbiel tienga vote nei Tui\haphaia umhai khawm mâni vote seng thlâk dingin Tipaimukh tieng an pan sup sup a. Candidate haiin motor ngaituopekin a hawn hawnin an vote umna khuo sengah an fe tâwl niin chanchin ei

lo hriet. Vote thlakna ding ni 3 chau a um ta leiin Hmarbiel le Tui\haphai khawm vote campaign a nasa \ana, tuchen ah buoina suok ruok chu hriet ding a la um nawh. Kum dang hai naw ang takin tu kum chu house-to-house campaign le lekha sem a hluora, boruok a deia a ruk taka \hang lâkna a rik.

Hmasawnna Thar2

THLA|Au(mArcH) 02, 2017NINGANI (THurSDAY)

VAWISUN THUPUILalpa in Pathien chu chel tlat lem hlak ro. Lalpan in hmaa hnam ropuitak le hrattakhai a hnawtsuok vawng ta hi; nangni hmaa chun vawisun ni chen khawm hin, tukhawm a \hang thei hrimhrim an

um der naw hi.- Joshua 23: 8-9

Editorial

Editorial Boardlalmalsawm sellate: Editor& Publisherroding l. sellate: Jt. Editor ramditum @ rama ralsun: Asst. Editor lalsansuok pulamte &samuel Zothanglien@sZ Zote:Sports Joseph Joute: Freelancelalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

ram \huoitu thlang“Nitin ka hnai deu deu” ti hla angin Manipur-ah MLA inthlang nitin ei hnai deu deu a, March 4 le 8 haiah ei aiawa roreltu ding MLA thlangna ei nei ta ding a nih. Political party han inlal ngei tumin an thei tawk neka nasain hma an lak seng a, sum le pai, tha le zung, ngaituona lungril an seng nasa tawl ta hle ring a um. MLA candidate-hai sum hmang thei ding zat Election Commission of India-in bituk sienkhawm a neka tam an hmang tawl ngei ring a um. National Party-hai laia a lien lawr bik Congress le BJP hai lem chun party danghai nekin sum le pai an seng rawn bik hle ring a um. Public meeting vawikhat an huoihawtna ringawtah khawm hin cheng nuoitel an seng phak ring a um. Cen-tral BJP \huoituhai Vuongna kalman ringawt khawm hi sungkhuo \henkhat ta ding chun intodelna khawp a tling phak ta ngei ring a um. A tu party el khawm hung sawrkarhai sienla, hma-sawnna dinga an hmalakna lo \hangpuitu hi mipuihai mawphurna a ni le inruolin, thuneina changtuhai khaw-min, thuneina an chang huna Pathien le ram mipui, a thlangtlingtuhai inza puma ram ta dinga a \ha thei ang tak nia an hriet le mipui han an hrietah huoisen le indik taka rawng an bawl a pawimaw em em el a nih. “Lal” ni lova “Rawngbawltu” ( minister) an nih ti an hrietzing a, mani nauhai \hatna ding an ngaito anga ei ram \hatna ding an ngaituo thiem nuom a um. Mipui rawngbawltu ni lova Lal anga ram \huoituhai an inngai chun mipui beisei le dit dan leh an kal hle ding a nih. March 4 le 8 haia ram \huoitu dinghai ei thlangna huna hin mani hlutna le inzaumna hriezing puma mi indik, mifel le mi ringum, ram kei\huoi thiem ding ei thlang thiem seng nuom a um. Kohran pawl hran hran, \hahnemngai le Tlawmngai Pawl tum tum han ram \huoitu dinghai thlang huna thaw ding le thaw lo ding an hril le ngenna an siem hai hi ei renga ta dinga \hat-tlangna ding a ni leiin vote nei han zui le zawm seng ei tiu. An thurawn siem hai hi a \ha el chau a ninaw a, inza a um leiin a zuitu le a zawmtu ni thei seng inla nuom a um. Election hun hi ngaisang ding le ngaihlut dinghai hriet hun a nih ti hriet tlat ding a nih. Abraham Lincoln chun America ram, mingo le mihang hai chengna ram chu, inenhran ding an ninaw zie, mingo le mihang chu inang vawng an nizie a ngaipawimaw hle a, sal le sal neitu um tlang theina chi a ni naw ti a, sal banna ding char char ngaituoin Amer-ica President ni tumin a suol a, America President a hung ni chara sal a ban tak thu dam, Mahatma GAndhi in India zalenna a suol san khawm chuongang tho chu a nih. Hnam insang bik le hnam hnuoihnung bik an um \ha a ti der naw a, hnam inthlierhranna a ditnaw hulhuol bawk. India in zalenna a hmu ni ngei khawm khan, De-li-a zalenna lawmna ropui tak hmangnaa \hang nekin Bangladesh rama Muslim le Hindu intuolvuokna \hel le veng dingin a fe a ni kha. Mihriemhai hi Pathien angpuia siem ei ni a. Inhman-gaituo ding ei nih. Ram \huoituhai chu Pathien ruot an ni a, chuleiin, ram le hnam an hmangai ding a nih. Ram le hnam an hmangai tak tak a ni chun election lai chau ni lovin thlangtling le thlanglala an um huna khawm an mipuihai an hmangai ding a nih. Mipui le ramin \huoitu ding, enkawltu ding le \hangpui an \ul huna \hangpuitu ding an mamaw leia ram \huoitu ding thlangna hi a hung um hlak a nih. Ramdanghai anga hmasawnna khawvel \huoi lut thei ding, hmangaitu indik, var le ringum, ram rorelna le hmasawnna kawnga fe dan phung le a ngaina hrie ram \huoitu ei mamaw takzet a nih. Ei ram inrieng tak hi naupang sawngnawi tak a ang chang khawm a bo bik nawh. Ei rama ro inrel dan hi an dik naw chang le a fe suol chang khawm a um hlak niin an lang. “Naudawntu a thau tawl tawl a, a nau dawn a cher deu deu” an ti ang deua ei um chang a um hlak bawk. Ei budget a pung deu deu, Scheme, Project, Pro-gramme le policy \ha ei induong rawn deu deu. Mipui khawsakna a harsain an hnuoi deu deu. Ram \huoituhai an changkang duok duok a, an hausa tul tul hlak. Thil fe dan an dik nawna lai a um niin an lang. Hi lei hin mipui le ram \huoitu han an dik nawna lai hi siem \hat tum ei tiu.

ARTICLE/HEALTH & EMPLOYMENT NEWS

ALL INDIA RADIO: CHURACHANDPUR PROGRAMMEDate: march 02, 2017 (Thursday)

TrANSmISSION- FM-101.4 Megahertz

Hours Studio/ Programme CD/No

5.23pm CR/P Signature

5.25pm CR/PVande Mataram, Time Reading, Opening An-nouncement& Mangal Dhwani

5.30pm PPAITE Prog. Sig. Tune & Announcement Announcer: Ellen Lomngaikim1)Listener’s Choice (dev)

6.00pm P

HMAR Prog., sig. Tune & Announcement Announcer: Niangngaihlun1) James Joel Joute (Mod)2) Lalremro Pulamte (mod)3) Talk: Tawng a dam chun hnam a dam- H. Zaneisang

CD-65CD-65CD-1139

6.30pm PTHADOU Prog., sig. Tune & Announcement Announcer:Seilienmang1) Nemsemhoi Haokip (dev)

CD-1800

7:00PM P

Farm & Home: Paite1) Gerson & party (mod)2) Interview with T. Chinkhanthang on Carpentry as a source of income

CD-9CD-1724

Police in ABVP activists 2 manNEW DELHI: Delhi Uni-versity a buoina fe mek le inzawmin, zanikhan Delhi police haiin BJP le inzawm-na nei student organisation ABVP activists 2 an man. Mana um hai chu D Raja le Sitaram Yechury hai niin, tharum insuona leia man an nih.

ABVP supporter haiin an vuok niin student 2 in an hril a, complaint an thelut dungzuia Raja le Yechury hai chu man an nih. Delhi University student 2,000 te-lin zanikhan North campus-ah rally an nei a, placard chawiin slogan inring tak taka hril ruolna an nei a nih.

For Quality Theological Education

TRIVANDRUM BIBLE COLLEGEInvites Applications from Born Again Individuals with a Specific Call for Christian Ministry for the

Following Courses Accredited By ATA Course Duration EligibilityDip.Th 2 years S.S.L.C/ H.S.L.CB.Th 3 years Higher SecondaryM.Div 2 years B.Th or Equivalents with 50%

aggregate marks M.Div 3 years B.A/B. Sc. Non-ATA B.

Th. or Equivalents from a recognized University

Facilities Include:Computerized Library Lab with Digital

Biblical, Theological and General LibrariesWe Emphasize on:

Systematic Theology, Biblical Languages, Bible Expo-sition and Mission

Enjoy a Well-Balanced Spiritual & Disciplined Atmo-sphere

Utmost Care Is Given For Character Formation and Personality Development, along with Biblical Theologi-

cal EducationLimited half and full scholarships will be available for de-serving B. Th. candidates and fee concession for M. DivAdmission is Going on, and the New Academic Ses-

sion begins on Monday 27th May 2017candidates who are waiting for the results also can applyProspective candidates visit our website: www.tbc.org.in and download the application form. Send the filled-in application form to the following address

The Registrar,Trivandrum Bible College, Powdikonam P.O., Thiruvananthapuram, Kerala- 695 587Telephone: Cell Phone: 09447583072, 09446174897E.mail. registrartbc@yahoo.co.in /tbc.official.id@gmail.com

(2,3

)

InHrIettIrnA le nGennA 1. Mi tuel khawn Nehru Marg, AG Road, Rengkai Road area sungah buoina/risie siem/suk suok phal ni naw nih. 2. Nehru Marg, AG Road, Rengkai Road sunga function nei ding hai hrim hrimin Development Com-mittee kuomah inhriettirna siem ngei dinga ngen ei nih. 3. Nehru Marg, AG Road, Rengkai Road area a function um hrim hrim a hnuoia ang hin hunbi siem a nih. (A bikin concert/music le inzawm in) (i) Summer (Nipui): March to September - Zan dar 10:00pm chen. (ii) Winter (Thlasik): October to February- Zan dar 9:30pm chen. Mitin in a chunga inhriettirna le ngenna ei hung siem hai inza taka mi zawm pek dingin ei inngen a, inza lo leia harsatna tuok pal an lo um ani chun a maw anni mimal/pawl chitin phur an tih.

Sd/- Secretary Information,Nehru Marg, AG Road, Rengkai Road Development

Committee

BERAM A NEITU HRIETLO MANNi 3 vel liemta khan Rengkai Thailand-ah a neitu hri-etlo Beram pakhat huona lut man a nih. Aneitu chun a um dan indik taka hrilin March 4, 2017 chen khin Chanchinbua thu insuo man le a enkawl man pein lakir thei a tih. Hun tiemchin liem hnunga chun suk riral a lo ni khawma buoina siem thei nita naw nih. Thu chieng lem contact No. 9612474577 ah ngaiven ding a nih.

Child trafficking case ah BJP Women wing leader man

JALPAIGurI: West Bengal-a India le Nepal ramri-a Batasia hmunah Child Trafficking case-ah BJP Women’s Wing leader Juhi Chowdhury chu zani hmasa zan khan Criminal Investigation Department (CID) Officials han an man. Tuchena hin naupang kum tlinglo 17 zet ramdanga zawr le thawnlutna (traf-ficking) case-ah mi 4 man an ni tah. Ms Juhi Chow-dhury hi zanikhan district Court hmaah inlangtir a nih. West Bengal BJP Presi-

dent Dilip Ghosh chun, Ms Juhi intuma a umna hi thu-dik a ni chun a chungah ac-tion lak ning a tih tiin a hril. Tuta hma khan hi case a hin NGO pakhata Chief Adoption Officer, Son-ali Mondal; Chairperson Chandana Chakraborty le a unaupa Manas Bhowmik hai chu CID han an lo man ta bawk a nih. Naupang kum 1-14 inkar mi 17 zet indiklo takin ramdang mi-hai kuomah an nau dingin an lo zawr ta nia intum an nih.

ELEcTION BAZAr(Ka Sún mang)

-Thangsawihmang Phalbi lai hin chu ei thil ngaituo hi mangin ei hmu nuom khawp el a, ka sûn mangin election bazar ka hmuh a, chu thu chu ka hril nuom a nih. Chun, hi thu hi phuokfâwm ni loin sun bík le khík bík a nei nawh; ka sûn manga election bazar ka hmu dân ka hril el lem a nih. Manipur U.T. a ni chena khan chu kohran nun le mipui nun a la thienghlim a, vote zawr le inchâwk thu ei la hriet nawh. Ni 21 January, 1972 hin Manipur chu state puitling a hung nih a, constituency a hung tam a, election bazar chu bazar puitling a hung nih. Chu bazara mipui vote zawr le inchawtu buoi nuoi nuoia ka hmu dân chu tuta \uma election hin mipui lungril a siem \ha beisei lei’n ka hril nuom a nih. February 09, 2017 Hmasawnna Thara khan Prof. Dr. Laldena le Pu L. Thanmawi Pajamte thuziek ei tiem chun election huna candidate thlang ding tinzâwn an nei ve vein ka hriet a. Amiruokchu, an tinzâwn dân kha a \huomkâk le a thochuon inzawnin ka hriet chuong nawh. Kei ruok chu tinzâwn nei dêr loin ka sún mang ka târlang el lem a nih. Bazara chun thil zawrtu chun a thil nei chu a rate insâng thei ang takin zawr a tum a, inchawtu ruok chun a thil dit chu a rate inhnuoi thei ang takin inchâwk a tum a. Chuonga mipui innêp buoi nuoi nuoi chu hmu nuom a um khawp el a; kohran \huoitu \henkhat chu an hner an phen a, mak ti takin rala an thlír a, \henkhat ruok chu bazar bubitna laia lútin an thil nei chu an zawr ve a. Candidate pakhat chun pawisa bag puom \ulin a pai a, a râwihai chun an zui dum dum a, a râwihai chu zurui dâm, râwi haupa dâm, mi indikpa dâm an nih. Zurui ruol chun candidate chu vote an tum lei ni loin zu man ding sum an dit leia an zui mei mei a nih. Candidate khawmin anni chu a ring chuong nawh, an vote a dit leia a biek \ha mei mei a nih. Chuong ang pei chun election bazara chun vote zawr pâwl chun candidate dang an hung khawmin an lo zui dum dum pei hlak. Candidate po po kuomah vote zawrin sum hmu an tum seng hlak, candidate tam tak umhai sien, sum hmuna ding tam tak um sien, ti chu mipui duthusâm a nih. Candidate khawm mipui lungril an hriet lei’n thukhêl thoin mipui an dâwr a. Election bazar hi chu rura deu a nih, thudik hmu ding a um nawh, thu khêl ruok chu buhak ruol ruolin a vuong el a nih, khêl bazar a nih. Election bazara hin chu tlâng mi nupui khawm an hâkat Meitei nupui ang tho an nih. Nupui pahni hin candidate pakhat thil inchaw dinga hung chu an lo chibai a, an pasalhai an hnezie dâm, an mâkpahai an hnezie dâm, an nau hauzie dâm, an vote hauzie dâm an lo hril a. Candidate chun nuhmei an ni lei’n a ring deu a, an duthusâm nêka insâng lemin an vote chu an châwk a, a lungril ruok chun ‘Mi vote tak tak an tím aw’ a tih a. An pasalhai khawm an nuhmeihai ang bawkin an vote an lo zawr ve a, election bazar hi chu rura deu a nih. Candidate pakhat ruok chu bazar lút loin râwi khawm \huoi loin campaign a thaw a, contractor in dâm, V/A chairman in dâm, khawtlâng hotu in dâm, kohran upa in dâm a sir a. An indâwrtuo dân chu rura deu a nih, a hril ngawt khawm inzak a um el a nih. Candidate chun kohran upa pakhat in a sir hmasatak a, ama chu a lo khau khawp el a. An biekin chun rangva man ding le ama mimal khawm kohran mipui hriet lo dinga sum tam tak pe dingin a kar a. Sâwt fê an inbiek hnung chun an inrem thei hrâm a. Kohran upa chun kohran mipui khawm candidate tâ ding chun a \awng\ai pui ding thu hrilin an in\he tah a. A hril ang ngêi chun election tâwm zân chun candidate tâ ding chun kohran mipui an \awng\ai a. An \awng\ai hmâ chun hla an sak a, “Aw Lalpa I malsâwmna hlu kan iengkim chungah an lang” an ti lai tak chun kohran upa chu a lâm a biekin chung a mel zuk zuk a. Candidate chu biekin tuolah a ngír a, a lâwm khawp el a, kohran upa chu naupang a van ko dawktir a, an intiem angin Rs. 7000/- a pêk a, kohran upa chu a kut a ben a, a lâm nâwk hluo hluo el a. (Hi thu hi chu Upa Hawnga thu mi hril a nih). Chun, candidate chu ka enzui zinga contractor in-ah a lút a, chung lâk deu hin, “Tuta \um chu ka khingpui ding contractor dâm, officer bâng dâm, mahajon black market thaw hausa tak tak dâm an na, sum lakh sâwm bêka I mi \hangpui \úl a tih,” a tih a. Contractor chun a lu a lei a, a bâwk vun a suk\âwm a, “Pu pawisa lakh sâwm chu ka ta dingin vâna râ ang a nih, \hangpui thei naw ning cheng,” a tih a. Candidate chun vín deuin “Community Hall le bazar shed kan bâwltir che kha,” a tih a. Contractor chun, “Pu ka bâwl ngêi, nangin 20% I lâk a, mi dangin per cent an lâk bawk, kei chun chang duk dak ka nei nawh. Contract sin lien deu sum tam hmuna ding hlak chu nangin mi dang hming hmangin I thaw pei a,” a ti chun candidate chu an nghir dar dar a, lungsen deuin a suok a. Candidate chun khaw khat mâksanin khaw dang a pan a, tirko (evangelist) biel fang hi an tuok pui a. “Nang chu biel lien tak nei I n’a, Pathien thu I hril hunah I biel mipuihai mi vote ngêi dingin mi hung zepsa zie raw aw,” a tih a. Tirko chu thlarau mi deu a ni lei’n fímkhur

takin candidate chu a dawn a. “Election tâwm a ni lei’n kohran mipui’n vote zawr ta lo dingin, election khawm thienghlim taka mâni vote chau tlâk dingin ka hril pei a nih. Chun, Pathien \i mi, mi indik tak, Pathien thu le inmila mipui aia sinthawtu ding thlangtlinga a um theina dingin ka thu hrilnaah khawm ka zepsa vet hlak a. Chuong ang mi chu thlangtling a ni ngei theina dingin kohran mipui khawm an \awng\ai vet hlak. Nang khawm chuong ang mi chu I ni chun Pathienin \hangpui êm êm a ti che,” a tih a. Candidate chun chuong ang mi chu nia an hriet naw lei’n a mâksan a. Zântieng inhnu deu hin candidate chu khuo pakhata a lút a, pastor quarter-ah a lút hmasatak a, pastor chun solar lamp sitin lekha a lo tiem a, a tarmit chu inthâwl deuin a hnâr hmawr chunga an nghat a. Candidate chun, “Pastor, I biel mipui lai I mi \hangpui beisei’n ka hung lút chawt el a nih,” a tih a. Pastor chu a lo khau khawp el a, “Nangni politician, MLA le Minister hi in nih ram le hnam suksetu chu, ram inhmangai dân hlak hi indik lo, nangni ram ding chau in hmangai a, khawpuiah ram lien tak tak in inchâwk a, building insu khep khupin in bâwl a. MLA \henkhat hlak chu ram nêkin rum (zú) an hmangai lem a, an rum (zú) hmangai taluo lei’n an indâwn hlum mêk bawk. Nangni chun mipui chan ding sum in fâkrúk a, keini chu Pathien thu besanin ram le hnam siem kan tum a nih,” a tih a. Candidate chun an dawi bík nawh, “Nangni kohran hotu tak tak hi in ni an nâwm ram le hnam suksetu chu, Bible in inchúk a, Bible chau inchúk loin sâp hlêm dân in inchúk a, sum dit lei’n kohran hming hmangin thu khêlin sâp in dâwr a, in sum fâkrúk hi ka hriet naw bík an le. Titak tak rala chu nangni nêkin kohran tâ ding khawmin \hangkai lem ka tih, MLA ka ni súng kohran biekin inchung rangva ding khaw sâwm ka pêk a, kristmas zât hlak chun kristmas gift Rs. 10000/- khaw tin ka pêk zie bawk; damnaw khawpuia hung hlak chu sum tamtak takin ka lo \hangpui zie bawk. Chun, mipui chan ding sum kan lâk hi fâkrúk an nawh, kan vote inchâwk man rulna a nih. Ngaituo rawh, nangni kohran hotu chun foreign car in khal a keini chun India car kan khal phâk chau a nih. Kohran sum chau ni loin pastor \henkhat hlak chu ní danga biel fang pei si lo, election a hnai po leh Pathien thu hrila inhlêmin an sum dit lei’n biel an fang a,” a tih a. Pastor chun hril ding hre loin ‘He he’ a tih a; candidate chun in ti champ deuin a suoksan a. A zinga chun candidate chu, chu khuoa election bazara chun a lút a, mipui chu vote zawrin an so nuoi nuoi a. Election bazar chu ei hmu phâk tâwk Silchara Chodaw Lane (Nawchi Lane) ang el a nih, nawchizawr chun a taksa a zawr a, vote zawrtu khawm a taksa tho a zawr a nih, inang char ‘ek saman’ an nih. Election tâwm hin chu inchawtu chun dawha po po an hmang a, zawrtu khawmin dawha po po an hmang hlak. Candidate ruol chu sún le zân an châwl nawh, zâna chun in tina an lút a, an lo in ta chun pansak bang an zuk ben a, in neitu chu inzuna inhlêmin a hung suok a, sum an lo pêk pei hlak; chu chu election bazar um dân a nih. Candidate \henkhat mipui leh vote zawr le inchâwka an buoi nuoi lai chun candidate pakhat hin mike hmangin thu a hril a. “Unau dittakhai, lunginsiettakin ka thu hril hi mi ngaithla pêk ro. Kei chu candidate dang angin vote inchâwkna ding sum ka nei ve nawh a. Amiruokchu, in mi lunginsiet a thlangtling ka ni chun sum faru dêr naw ning a. Pathien thu le inmilin sin thaw bawk ka tih. Ka hlaw bâk sum faru lo ding, building bâwl lo ding, sawrkâr motor ka hmang ti naw chu motor inchaw naw bawk ka tih. Lunginsiet taka in vote hlu tak mi pe seng dingin Isu hmingin ka hni cheu,” ti’n a hril a. Bazar lút lo, râla inthawk a thu hril lo ngai thlarau mi deuhai chun an pan hnai a, a thu hril chu an lo Amen peia an lu an lo suk nghut nghut a. Nupui pahni bazara in\hung chu an inbiekrúk a, “Hi pa hi chu Pathien mi, mi indik tak chu a nih, hei vote ding hlak chun ei nauhai zakuo man’ ding ei dit si a maw,” ti’n inhlíp sar sarin an hril a. Chuonga nupui pahni’n thu an hril lai zing chun nupui pakhat chun inti thlarau mi deuin, “Hieng anga mi \ha thlarau mi hi kohran khawma vote an t’a, Pathien zârin tling ngêi ngêi a tih,” a tih a. A kuoma nupui pakhat chun thil inti hre deuin hieng hin a hril a. “Kohran hotu a tam lem hi chu ring tlâk an ni nawh, kohran mipui \henkhat hlak chu \hâl ngavawk vi ang el, kohran hausa le sum hau chu an baw huoi huoi a. Chuong ang bawkin kohran mipui a tam lem chun candidate hausa chu an sum du lei’n vote tling rêk naw ni ham. Lo ngai zing rawh, candidate hausa vote inchaw râwn tak chu thlangtling níng a tih; vote inchaw ve thei lo, candidate laia rethei tak chun vote hmu inhnuoi tak naw nim; chu chu ei ram kohran mizie enna darthlalang chu a nih,” ti’n a hril a. Chuongchun, hi nu \awngbau hi indik ngêi a tih, tia pawiti taka ka suongtuo lai chun ka \hanghar tah a.

Inchung rangva hawkin an lakpekImPHAL: Feb. 27, 2017, 3PM vel khan Congress Work-ers \henkhat chu Imphal West District, Konthoujam A/C huop sunga Khumbong Makha Leilai ah an va fe a, Chabungban Ibochouba Inchung rangva chu hawkin an va lakpek. Chabungban Ibecha chun, kum 13 vel liemta khan Konthoujam A/C a Congress MLA, K. Sarat chu an lo thlawp hlak a, kum 3 liemtaa kha kan inchung rangva bun-dles 2 chu K. Sarat worker pakhata intahwka kan dawng a ni a. Tuta BJP candidate in thlawp tia intuma kan inchung rangva hi hawk le lakkir peka um kan nih tiin a hril.

Tukum kum dang neka lum dinga hril

NEW DELHI: India Me-teorological Department (IMD) in hrillawkna a siemna a chun, tukum nipui chu kum dang nekin a lum ding niin a hril. Ut-tar Pradesh, Delhi, Punjab, Haryana, Gujarat, Madhya Pradesh, Chhattisgarh, Bi-har, Jharkhand, West Ben-gal, Odisha le Telangana hai bakah, tlangram state Jammu and Kashmir le Himachal Pradesh hai chu a lum bik zuol dinga hril an nih. India tlangram state

tum tum hai khawmin a tlawm takah 1 degree bekin a lum lem ding niin IMD chun a hril. Kumtina boruok a hung lum tiel tiel dungzuia hrillawkna chu siem a na, nikum 2016 kha India a dingin kum 100 sunga a la lum tak a nih. IMD in study a thaw-na dungzuiin, thli lum khawm kum dang neka a tam lem ding thu a hril a. Greenhouse gas le In-dian le Pacific tuipui haia warming leia thli lum chu a tam ding niin a hril.

Hmasawnna Thar3 THLA|Au(mArcH) 02, 2017NINGANI (THurSDAY) NATIONAL/INTErNATIONAL & ADvErTISEmENT

Houthi helpawl han Child soldiers 1,500SANAA: Yemen rama Houthi helpawl hai chun child sordiers dingin school naupang kum tling lo 1,500 lai zet an pawlah an lak niin UN report chun a hril. Hieng nau-pang hai hi an nu le pa hai hrietpui lova an kaina school haia inthawk an pawla an laklut tawl niin Amnesty International Beirut regional office-a deputy Director Samah Hadit chun a hril. Hi thil hi inter-national law bawsietna nasa tak a nih tia hrilin Hauthi helpawl hai chu hienganga naupang kum tlinglo an pawla an laklutna chu tawpsan dingin Haidid chun a ngen. Hienganga naupang tam tak raldo din-ga Hauthi helpawl han an laklut hi nu le pa hai chun remtinaw hle hai sienkhawm

sawisak le sukhlum inlauna leiin nu le pa hai chun an khinglet ngamnaw leiin an tuor tlawk tlawk el nia hril a nih. Naupang hai hi lawmman le hlaw \ha tak tak pek dingin an thlem a, silai \ha le uniform an hang inbeltir chun naupang ngaituo sei tak la nei lo hai chun inhawi an ti a, hi lei hin an pawla \hang dinga nau-pang an fiel hai chu an lungril awlsam ta-kin an hne thei a, a \hen tam tak lem chu buoina tlungna hmunah a hmatawng in an sie tawl a nih. Yemen rama hin kum 2 liemta sung khan buoina leiin mi 10,000 in thina an tuok ta bakah midang 40,000 lai zetin hliemna an tuok ta a nih.

Obama’n Lekhabu Ziekin $60 Million Hlaw DingWashIngTon: US Presi-dent hlui Barrack Obama chun President sin nêka pawimaw dang thaw ding hlâwk tak a nei nâwk tah. President a ni sûnga a hlâw nêka tam ding hlâwna din-gin, Penguin Random House chun a nuhmei Michelle Obama leh lekhabu pakhat ve ve ziek zova $60 mil-lion (48 million Pound) hlaw dingin inremna an siempui. Penguin publisher chun, “Company chun hieng lekhabu pahni, President Obama le a nuhmei Michelle hai ziek ding (autobiogra-phies or memoirs) hai world publication rights chu a nei tah” tiin a hril. A lekhabu hming ding details danghai puong a la ni nawa chu, a pahni hin Dollar $60 million man ding niin a hril. Lekhabu pakhat ziek manah Dollar $30 mil-lion pei hisap ang a nih. Mr

Obama hin kha hma 2006 khan, Senator a ni lai best seller pahni “Dreams from My Father” le “The Audac-ity of Hope” hai a lo ziek tah. M i c h e l l e O b a m a khawm huon (garden) siem inhnik tak a nina angin, “American Grown” ti le-khabu, bu le gardening chungchânga thu a lo ziek tah bawk. Penguin House published niin, “An thuhai le an leadership (\huoitu nîna) in khawvêl an suk-

danglam a, chuong ang bawkin Penguin Random House a inthawka lekhabu kan published hai khawm hin thaw ve kan tum a nih” tiin Chief Executive Officer (CEO) Mr Markus Dohle chun a hril a. “Tuhin chu, President Obama hai lekhabu hi ‘global publishing event’ a siemin la um ngai lo scope lien le pawimawtak kan siem ngei kan beisei a nih” tiin a hril bawk. Obama hai nupa hi

White House an lut khan $1.3 million value ang vel chau an nih a, tuhin chu kum 15 sunga an hlâw dawk ding (hlutna) ringawt khawm $242.5 million a nih, tiin Kogod School of Business chun a hril. Pawisa hi kum tina a pension (annual pen-sion) $ 200, 000 le thuhrilna le lekhabu ziekna haia in-thawka an sum hmu ding bel khâwm a nih. Vawi khat thuhrilah a tlângpuiin $200, 000 a hlâw a, kum khatah vawi 50 bek chu thu a hril hlak. Tax pek hma khawmin a tlâwm takah $200 million chu an hlâw phâk tah hrim hrim a nih. US President hlui Bill Clinton le Hillary hin vawi khat thuhril ah $210, 795 an hlâw tlângpui hlak. US President la hausatak ruok chu Donald Trump a nih a, a hlutna hi $3.7 billion vela hisap a nih.

Phase-VI UP polls campaign hun kharLUCKNOW: March 4 a election nei ding Uttar Pradesh Assembly Phase-IV campaign hun chu vawisun hin khar ni tang a tih. Election chu district 7 huom sunga constitu-ency 49 haia nei ding a nih. Phase-IV election a ding hin candidate 635 an um a, 1.72 crore voter an um bawk.

Election neina ding district hai chu Mau, Ma-harajganj, Kushinagar, Go-rakhpur, Deoria, Azamgarh le Ballia hai an na, Aza-mgarh hi SP patron Mu-layam Singh a ngirna a nih. Amargarh a hin Assembly seat 10 a um a, 2012 inth-lang \um khan SP in seat 9 a chang a nih. Mulayam Singh chun campaign hun

khar ding chen khawmin meeting a huoihawt naw a, campaign vawikhat khawm a thaw naw a nih.Phase-VI Assembly polls a hin polling booths 17,926 um a tih. Gorakhpur-ah candidate 23 umin a tamna tak ani a, candidate tlawm-na tak chu Mohammadabad Gohna niin mi 7 an ngir a nih.

Jaitley account thua Kejriwal ngenna court in a hnawlNEW DELHI: Delhi Chief Minis-ter in defamation case siem khumtu Union Finance Minister Arun Jait-ley bank account details chungthua ngenna a siem chu Delhi High court in a hnawl pek. Kejriwal chun Jaitley bank account chau nilovin, tax a pek dan, bank statement le kawng hran hrana financial record hai suklang

dingin a ngen a, a sunghai bank de-tails le 10% share an neina company details khawm kimchang taka pe din-gin Kejriwal chun a ngen bawk. 2015 khan Arun Jaitley in Kejri-wal le AAP \huoitu Raghav Chadha, Kumar Vishwas, Ashutosh, Sanjay Singh le Deepak Bajpai hai chu Rs. 10 crore anghu thil suksieta intumin

dafamation case a siem khum a nih. AAP \huoitu hai chun Arun Jaitley le a sunghai chungthu social media le forum hran hran a hai an sukdar a, sum thua ringum loa intumin Jaitley in kum 13 sung President sin a thawna Delhi and District Cricket Associa-tion (DDCA) chungthu khawm an hril sa bawk.

Nagaland in IT le e-Governance Award dawngKOHIMA: Computer Society of In-dia in Nagaland state chu IT le e-Gov-ernance haia a thaw \ha tak ani leiin Award an hlan. Nagaland hi India a state hai laia private Data Centre Op-erator (DCO) hai ruoi loa State Data Centre IT department in a enkawlna umsun a nih. Award chu Chief Minister Dr. Shürhozelie Liezietsu in a dawng-sawng a, inhlanna hunser a chun Paiwang Konyak, IT&CP Minister

le Pankaj Kumar, Chief Secretary hai khawm an \hang ve. Nagaland in hiengang Award hlutak a dawng leiin Minister, Com-missioner le Secretary kuomah CM in lawmthu a hril a, IT department a thawktu hai takinning taka sin an thaw leia lawmthu hrilna a nei bawk. Hun sawtnawte sungin Nagaland chu IT tieng hma a sawn hrat hle a, tuhin chu rambung danghai khawm hipna a nei ta niin CM chun a hril a, Nagaland

state IT department sukhmasawnna dinga state sawrkarin theitawp a suo ding thu a hril bawk. Nagaland hi Northeast state a BPO lientak umna a na, chutaka thawktu chu mi 400 niin, January 27, 2017 khan hawngna nei a nih. CSI chu India a Computer professional hmasatak le a lientak niin, India ram sungah ama hnuoia mi chapter 72 a um a, 511 student branch le 100,000 members an um bawk a nih.

Ralthuoma sum-dawngtu man

DImAPur: Zanikhan ralthuom iemanizat le a mu leh ralthuoma sumdawngtu Dimapur-ah Assam Rifles haiin an man. Mana um chu Kiphire District a tlangram khuo Kuosam khaw mi a na, a kuta ralthuom man chu Point 22 mm Pistol a nih. AR haiin report an hmu dungzuia dappui an thawna a man a nih. Nikum September thla khawm khan ralthuom le bawk man ani tah a, Dima-pur khawpui le hmun tum tumah dawrkai hai silai le chuktuo in pawisa khawm a lakpek hlak niin AR thu-suok chun a suklang.

SI Missile hlawtling taka ensinBHUBANESHWAR: Ab-dul Kalam Island, Odisha-ah zani zingkar dar 10:15 AM khan Supertonic In-terceptor Missile hlawtling taka ensinna nei a nih. In-terceptor Missile chu hmel-ma in Missile an kapsuok hai lo hrie theitu ding a na, zanita Interim Test Range, Odhisa a inthawka Missile kapsuok chu a lo mansuok thei leiin a hlawtling hle a ngai a nih. Interceptor Missile chu India in ballastic missile de-fence programme a neina a \hang ve a na, tuta project a zona hin India chu khawve-la anti-ballistic missile sys-

tem nei a palina a nih. Hi ang Missile nei tah rambung hai lai US, Russia le Israel hai khawm an \hang ve. Missile chu \um 8 en-sinna nei tah niin, a la hlawtling vawng a, Armed Force han hmang an ta, hmelma in ram a hung

bei ding lo dangtu dinga hmang ning a tih. DRDO in Missile chu a siem niin, February 11 khan Abdul Kalam Island a bawk hin 100 km vela insang ah Mis-sile kapsuok lo mansuokin hlawtling taka ensin a lo ni tah.

Hmasawnna Thar4 EntErtainmEnt / SportSTHLA|Au(mArcH) 02, 2017NINGANI (THurSDAY)

Adele-in Emma Stone Oscar LawmpuiLONDON: British hlasakthiem kum 30 hnuoi millionaire le Grammy Award winner le 2013 ah Oscar Award lo la ve tah Adele chun a ruolnu Emma Stone-in Oscar Award 2017 Best Actress a lak chu a lawmpui thu, milim taka Stone-in Oscar a lak lai TV screen lim leh “Ah Emma” tiin social media fethlengin a thawn. “Hello” singer Adele hi a var vawng (gown) in an thuom a, TV hmaah a um lai a nih. Best Picture latu “Moonlight” khawm a lawmpui thu a thawn a, “And Moonlight, con-gratulations so so wonderful” tiin Billboard Top Artist of the Year 2016 chun a ziek bâwk. Adele hi Award tieng chu a mei mei ve naw hle. Kum 5 sungin Grammy Award 15 a dawng tah a, tuta thla ringawt khawm a album “25” ah Grammy Award 5 a dawng a nih. Oscar Award khawm 2013 khan a ruolnu Emma Stone hma dai hin, James Bond film “Skyfall” hla sakin Best Original Song a lo dawng ta bawk. Kum 28-a upa Emma Stone hi 2015 khan a Oscar nomination hmasatak dingin Best Supporting Actress nominated a nia chu a lak phâk nawh a. Tu kum chu a film “La La Land” leiin award hran hran a lak \eu tah a, tuta Oscar hi chawimawina insangtak a nih. Ama chun, “Tamtak inchuk ding le thaw ding ka la nei” tiin a hril a. Award hi “vangneina le ham\hatna intlingkhawmna” a ti bawk. Hienglai zing hin Adele chun a Austra-lian tour hmasatak chu a sunzawm zing a. Grammy Award a lak zo char khan Down Under, Australia a tlung thla nghâl a. A al-bum le hlahai promote-in Brisbane, Sydney, Adelaide le Melbourne hai a sir pei ding a nih. An zin sung chu nau pai a tum nawh a,

a tour zo pha nau pahnina ding pai a lungril deu a hawi.

Jennifer Aniston-in Jennifer Lopez Zakuo HakLOS ANGELES: Lem-derna hi inlârna ding chun a \ha nîng a tih. Lemchangna le mi thaw dan entawn khawm lem-changna khawvêl Hol-lywood ma ah an lar tak. ‘Copy paste’ hun a ni tah leiin “copy paste’ hi a lo remchâng tak chu a nih awm, inchei dan fashion chenin. Eini lai chau za-kuo or puon bil ei inhaw hlak am a nih ei tia chu khawvêla mihausa le milarhai khawmin an lo thaw ve hlak tho niawm a nih. T u \ u m O s c a r Award 2017 ah award la phâk ve naw sienkhawm A-list star Jennifer Aniston chun red carpet hrawin hmun tamtakah thlalatuhai hmaah an pholang pei a. Versace gown dum infuol, dara inkhai a malpui sir thler suok vawng, awmbawr le malpui sir hai inlang vawng thei, a taksa le sam eng thal tak le a puon dum in-match tak a ni bawk leiin hmet le hril a hlâw hle a, ama khawm inhawi a tih. An chei dan sexy tak le nal tak chu hril a hlâw em em nasan dang pakhat a lo um tlat el. A style nal tak hi Jennifer dangin a lo hak tah ti hriet suok a nih tlat. Jennifer ve ve an

ni leiin an inhaw tâwm am ti ruok chu hriet a ni nawh a, an inhmepui dan chu a dang ve ve a, an inhmepui ve ve. Hriet lova inang char an nei am, zawl an ni leia thuomhnaw an inhaw tawn? Hieng ang za-kuo (gown) char hi hlasakthiem Jennifer Lopez-in ni kum August a Madison Square Gar-den, New York ah Marc Anthony leh hla an sak lai khan a hak a. An ang char a nih. An thuom (gown) an ang chara a danglamna chu an taksa incheina le an hmel\hat dan char a nih.

Jennifer Aniston chun a sam an thla suk vawng a, a lunghlu nabe 100-carat diamonds hai khawm an inlang thei nawh a. Lorraine Schwartz lunghlu $10.7 million man ding an bel ruok chu hmu theiin a um a. Jennifer Lopez ruok chun a sam a hlim tung vawnga, a nabe le ring chu an lang chieng hle. An nene bal inlang dan chu an ang char a nih. Zakuo a haw a ni lei am a nih ding Jen Aniston hi an zum deu duka, inphalamna tak le iemani thurûk ip nei a hawi a nih.

Ireland Baldwin Saruok Thlalâk Pholang

Los angELEs: Mi tamta-kin tuifinriet pang phaiphin mi re dapna lai chu \iuma ngaiin an fe ngam naw laiin Ireland Baldwin ruok chun phaiphin chunga inphoa nisa luma inem chu inhawi hmeltak le chakum tak angin an langtir thei tlat. Saruok ngatin phaiphin chunga a zal lai lim social media a hei pholang meu chu, hril a hlawa contract a hmu ur ur nghâl el a nih. Ireland Baldwin hi tulai hnai khan Trevor Flores leh Bahamas ah thla la dingin an fe a, chu laia an thlalâk pak-hat, saruok vawnga phaiphin chunga a bawk lai, phaiphin mal a hnungzang le mawng-tam laia um phir pher lim In-stagram ah share-in, “One of the most special and freeing adventures of my life” tiin a ziek a. Zalenna a hmang \angkai thiem bik hle. Ireland hi special mod-elling program le inzawma Trevor le fe an nih a. Trev-or khawmin “Excited for what the future holds” tiin a caption ah “women” tiin a account ah a post bawk. Thlalâk angle thiemna le Ireland pieng nalna a hei inkawp chu company le magazine dang dangin an dawr sup sup nghâl el a nih. Tulai hnai el khan Treats!

Magazine khawmin contract a ziekpui. Ireland chun, model chi hran hran, a nal le nal naw deu leh a support vawng thu a hril. “Piengzie nal kher kher hi a pawimawtak a ni nawh ti khawm ei hung hriet pei tah niin an lang a. Pieng-zie nal el khelah angle dang danga inlang dan dam, thil chi hran hranin nuhmeihai nalna le thilthawtheina hi suklang thei a nih” tiin a hril. Spor t s I l lus t ra ted Swimsuits issue nuhnungtak release zoa a hril dan chun, “Kei khawm mihai anga nal ka ni bik nawh a, stick skinny kan nawh. Amiruok-chu, piengzie dang danghai pawm dan ei hung thiem pei tah hi lâwmum ka tih a. Mani kea ngira, ei body type vawng\hatna ding le suklarna dinga thaw hi harsa ka ti ve hlak a. Hlawtlingna \ha tak nei ding chun thaw fet a ngai a nih” tiin a hril. “Mitin nal ei nuom seng a, a chang chu inthikna hi an sang taluo hlak a, thil a suk harsa hlak. Dam khawsuok le hlâwtling tum seng ei nih leiin inhrilsietna le indemna hai a um naw thei nawh a, diktak chun mâni hmasiel naw an um naw niin ka hri-et” tiin modelling khawvêl a hmu dan a hril bawk.

Varalaxmi: Nuhmeihai Hmusitna An Sang

cHENNAI: South Indi-an actress inlâr Varalaxmi Sarathkumar chun ni khat laia Kerala-a film star pakhat \henkhatin an suolluina thu le inzawmin, India film indus-try le entertainment khawvêl ah nuhmeihai hmusitna an sang zie le pasal han rem-chânga hmanga an zalpuina hlak ‘couch culture’ hluor zie Twitter ah a hril a, tamtakin an liked bâkah thu le hla a siem tam hle. A Twitter account ah “Needs to be said” ti thupui hmangin film industry-a sexual harassment a tam zie a ziek a. Tamil film industry-ah khawm hieng ang thil hi a tuok niin a hril. TV program pakhat neitu le an inbieknaa hril sawngin, “Darkar chanve kan inbiek

zo hnung chun, ‘Iengtik am puotieng ei inhmu thei ding?’ a mi tih a. Sin dang thua maw? ka ta, ‘Ni love, thil dangah ti’ a tih a” tiin sex neipui dingin a fiel niin a hril. Producer pa offer chu hnâwlin, “Hitaka hin sa ser (piece of meat) anga fak mei mei dinga hung kan nawh” tiin a ziek a, sang tamtakin an liked a, discussion a siem nasa hle bawk. BBC a hril pei dan chun, “Film indus-try-a nuhmei tamtak chun hieng ang thil (sin hmuna dinga sex hmang) ‘couch culture’ hi an pawmzam tah” tiin a hril bawk. “Nuhmei tamtak chun ‘normal’ in an ngai tah. Ka experience ka hril phât leh, ‘Film industry chu hieng

rêng hi an nawm, iem a ta i nuom nawh a?” an mi tih a. Kei le mi dang tamtak chu acting kan inhnik leia lut kan nih a. Film changna dingin mi tu amanih zalpui, sex hmangpui kher ngaiin ka hriet nawh” tiin a hril. Hieng anga zawrtu hi tum a nia ti a hming a hril nawa chu, hi thil hi a hmawr (tip of the iceberg) chau niin a hril a. Nuhmei tamtak chu an nîna le ngîrhmun leia thlierhrang hlak an nizie a hril bawk. Hi thu hi ni khat laia Kerala nuhmei pak-hat pasalin an sawisak thu social media-a a pholang a inthawka thil hung um a inthawka a hril a nih a. “Milar hai le nuhmei nîna nei deuhai chu harsatna an tuok chang police khâw-min an ngaiven vat vat a. Mi narân deu an ni phât ruok chu ngaisak an hlâw ngai nawh” tiin, “Western ram-bung haia chu nuhmeiin siet an tuok chu an khêk suokpui a. India rama ruok chu siet ei tuok chun inzakpui dinga ngaiin ip bo ding dâmin ei ngai a. Ei mindset hai thleng a \ul” tiin a hril bawk.

SPANISH PREMIER LEAGUE-LA LIGA SANTENDER

Real Sociedad chun hun tawp tawmah goal an insuo leiin 4-na an kai zo nawhThawleni zan La Liga inkhel pathum um lai Real Sociedad chun Top 4 kai ngei tumin Eibar an lo mikhuol a. Minute 14 chauah Juanmi chun goal a thun nghal leiin Sociedad chun 1-0 in hma an \huoi a. Chu goal chu minute 26 naah Eibar chun Gonzalo hmangin an rul a 1-1 in an inang tawk hri a nih. Min-ute 46 naah Eibar player Florian Lejeune chun Yel-low vawihnina a hmu leiin hnawtdawk a tuok a, player kim lovin iemani chen Ei-bar chu an \hang a. Half zo minute 59 naah Sociedad ta dinga goal hmasa thuntu Juanmi khawma Yellow card pahnina a hmu leiin hnawtdawk a tuok ve leiin mi 10 ve ve an inkhel ta a nih. Iemani chen an inkhel hnung minute 67 naah Real Sociedad bawk an vangnei hmasa nawk a, Penalty an hmu chu Carlos Vela chun a thun a, 2-1 in hma an \huoi ta a nih. Real Sociedad chu an hrat sawng ngei ta dinga ring a ni laiin hun bo tawm \ep minute 90 naah vangnei thlak takin Eibar chun Pe-dro Leon hmangin goal an thun leiin hun tawp chenah 2-2 in an in\hat\he ta a nih. Hi dungzui hin Real Socie-dad chun Atletico Madrid lekhelna hun remchang an bawpel hri phawt a, point 45 ve ve neiin goal differ-ence-ah Atletico Madrid an

insang lem leiin anni hi pan-gana an la ni hri a nih. Eibar khawm Top 5 kai theina hun remchang an insuo hri tina a nih. Tuhin pasarina an ni mek ve thung. Inkhel dangah Mala-ga chun Real Betis an lo mikhuol a, mikhuol team hi 2-1 in an hrat. Hun hmasa tieng Malaga chun Pablo Fornals hmangin goal an thun a, half zovah chu goal chu Real Betis chun Jonas Martin hmangin an rul a, chu hnungah Real Betis bawkin minute 74 naah Antonia Sanabria hman-gin goal dang an thun sa a, hun tawp chenah goal dang a lut sap ta naw leiin Real Betis chun point pathum an h^wn ta a nih. Inkhel hi an in-ang tawk hle a, ball pos-session ruok chu Malaga tieng an insang lem met. Goal shot khawm an inang-tawk thawkkhat hlea chu Real Betis an vangnei lem ta a nih. Real Betis an hrat lem lei hin relegation zone an hlat deu deu a, 14-na an

inhlangkai a nih. Malaga ruok chu Betis hai hnuoia charah an um ve thung. Inkhel nuhnung takah Valencia chun Leganes an lo mikhuol ve a, vangnei thlak takin 1-0 in an lo hne. Hi taka goal umsun le hrat-na goal thuntu hi Eliaquim Mangala a nih a, minute 29 naa a thun a nih. Leganes tieng an hratnaw lem naksa-pah Alberto chun minute 80 naah Red Card a hei hmu nawk nghal a, anachu an tam lem chu remchanga hmang \angkai chuong lovin Valencia chun goal an thunsap ta chuong nawh. Valencia hin ball an chang rawn a, goal shot khawm vawiruk tawp an nei a, Le-ganes chun goal zawnah vawikhat khawm goal shot an nei nawh. Chuleiin hrat ph< lem an hrat ti thei a nih. Valencia hi tuhin table-ah 12-na an ni mek a, Leganes ruok chu relegation zone-a um Sporting Gijon nekin point 4 charin an insang lem a, 16-na an ni mek.

Deportivo chun Manager thar an neiWest Brom le Real Betis hai enkawl hlak Pepe Mel chu Deport-ivo chun February 28 khan an Manager thar dingin an ruot. Ama hin 4th February-a De-portivo-in an peithl^k Gaizka Garitano hmun a hluo ding tina a nih. Kum 54 a upa Pepe Mel hin January – May 2014 sung khan West Brom a enkawl a, kha sung khan inkhel vawi 17 char an inkhel hman. Chu hnung chun La Liga Club Real Betis a enkawl nawk a, anachu January 2016 khan Real Betis chun an peithlak nawk a chu hnung chu Club en-kawl neiloa um a nih. Deportivo hi tuhin League tieng tlahnuoi el thei ngirhmunah an um leiin Manager hi thleng \ulin an hriet ni ngei a tih. Kum 2000 khan Champion an lo ni a, tu ruok hin chu

r e l e g a t i o n zone-a in-thawk point 2 char neia um an nih a, nikum De-cember-a in-thawk khan v a w i k h a t khawm an

la hrat naw bawk. Chun, a zawnin vawi 4 tawp an hrat ta bawk. Pepe Mel hi kum 6 sunga Deportivo Manager pasarina a nih. Tuta contract an ziek dungzuiin season tawp chen hi enkawl dinga ti a nih. Pepe Mel hi a vanglai chu striker \ha ve tak a nih a, Spain-ah Segunda Division tieng a lo khel hlak. Chuong hun lai chun Real madrid Casilas-ah a khel hlak. Man-ager sin a thaw hnungin April 2015 khan Segunda Division Manager of the Month dinga thlang a lo ni bawk.

Chinese Club-hai chun thlasik Transfer tukver inhawng sung khan £331 million an seng hmanChina rama thlasik football transfer tukver inhawng sung khan Club dang dan-ghaiin player inchawkna dinga an hmang zat chu 331 million tawp a tling hman. Hi transer tukver hi 2nd March 2017, Thawleni in a lo tawp ta a nih. Chinese Super League Cup-a \hang hi Club 16 an ni a, Club 20 umna Premier League (England) hai seng zat an kh<m hne hle a nih. Janu-ary sung khan English Pre-mier League Club-hai chun £215 million(chau) an seng a nih. Player man tam zuol-

hai chu Chelsea-a inthawka insawn Oscar (£60 million) le Argentina player Carlos Tevez (£40 million) hai hi an nih. Chinese Super League hi March thla hin \an hman ning

a ta, hi taka hin Club dang danghai ta dinga inruol phuo-rna dingin inkhel vawikhatah foreign player pathum b^k \hang phal a ni naw ding a nih. A hma khan chu foreign player (Asia sunga mi ni lo)

pali le foereign player tho (Asia sunga mi) pakhat le a dang po cho Chinese player an ni ding ti a nih. Tuta \uma an pawisa seng hin nikuma an seng zat £ 36 million-in a kh<m bawk a nih. Hieng anga pawisa seng tam hung in\anna san deu tak chu Oscar-in Chelsea maksan dinga thuthlukna a siema inthawk a nih. Carlos Te-vez khan a hung zui a, chu zovah Odion Ighalo-in a hung zui ve nawk a, chun Belgium midfielder Asel Witsel chun a hung zawm

nawk ta pei a nih. Hieng player-hai hi an hlaw a tam tawl thawkkhat hle. Car-los Tevez ringawt khawma China President Xi Xinping kumkhat hlaw l>t 20 deu-thaw kar khat sungin a hlaw phak ding a nih. China-in tuta \uma player inchawkna dinga an seng hi La Liga Club-hai pawisa seng let 16 tawp a ni bakah transfer kawt thawkkhat sunga Spain, Italy, Germany le France Club-haiin an seng po po belkhawm nek khawmin a tam lem a nih.

Trump in India mi thatna a dem thu puongWASHINGTON: Kar hmasaka Kansas hmuna India mi Engineer Srinivas Kuchibhotla kaphluma a umna chu a dem thu US President Donald Trump in zanikhan a puong. US congress kuoma thu a hrilna a chun, Trump in a ram sunga suolna le intheidana hai chu ama le US mipui haiin iengti kawng zawng khawma an do in an dit naw thu a hril. Terrorism chungthu a chun, US chu ama ang lungril put rambung hai leh an \hang tlang ding thu Trump in a hril a, theitawp suo a Islamic State terror group hai chu khawvela inthawk an la sukbo ding thu a hril. Helna siem hrim hrim US-ah an lut phal ani naw a, extremist haiin hadam taka umhmun khuorna a an hmang phal ani naw thu Trump chun a hril. Trump chun India a high-tech professional hai US a sin an thaw theina dingin immigration system thar an duong a, Canada, Australia le rambung dang dang hai khawma chu system chu an sawr bawk. Chu thil chu immigrants sunguo hai \hangin mi tam takin an \angkaipui ding thu Trump in a hril a, hlaw hai sukpung ning a ta, US in dollar tam tak a save pha ding thu a hril. Immigration order thar chu Trump in zanita a signed a na, Muslim rambung 7 haia inthawk US lut thei lo dinga a ti hai laia Iraq chu dan thar a siemin a banned-na a hlip tah. Pentagon le State Department in thurawn a pek dungzuia Trump in dan thar chu an duong niin White House thusuok chun a hril. Trump in ni 90 sunga Muslim rambung 7 a inthawk US lut lo ding a ti hai chu Iran, Iraq, Syria, Yemen, Somalia, Sudan le Libya hai niin, tuhin federal court in a la blocked a nih.

France ramah sungkuo pakhat an inhmang vawngPArIS: France rama Troadec hmuna sungkuo pakhat-a mi 4- Pascal (50) , Brigitte (50) le an nau-pa Sebastien (21) le an naunu Charlotte (18) hai chu February 16, 2017 a inthawk khan mak ta-kin an umna chin hriet lovin an inhmang a, an umna chin hriet lova an um hnung hin an Bank Accounts le an mobile phones hai khawm suk-chang a ni tanaw hrim hrim nia hril a nih. Hi thil tlung hi France Police chun an suizui mek a. Nantes hmuna an chengna in a chun Thisen niawm tak hmu a ni a, DNA thaw a ni hunah mi

inhmang 3 hai DNA le chun an mil niin official thusuok chun a hril. Reports in a hril dan chun tuta hma khan an sungkuo pa tak Pascal hi depression lo nei ta hlak a ni a, an naupa Sebastien hi lungril buoina nei hlak nia hril a nih. An cars

pahni hai chu an In tuo-lah lan nghat zinga hmu an ni a, sienkhawm Sebas-tien Car ruok chu an hmu nawh. Sebastien hi kum 2013 khan a blog hmanga mi a vau leiin thiemnaw inchangtir a lo nitah.

Jej in Hat-trick siem

KOLKATA: AFC Cup south zone playoff uma chun Jeje Lalpekhlua hat-trick hmangin Mohun Bagan hai chun an khing-pui Valencia-Maldives hai chu 4-1 in an intlawm. Hi inkhelna-a hin Mohun Bagan ta ding hin Jeje hin 2nd(P), 45th le 82nd min-utes haia ball petlutin, Sony Norde in 87 minutes-ah ball a hung petlut ve a nih. Kh-ing tiengpanga first leg-a goal thuntu Godfrey West Omodu in minutes 52-ah consolation goal a hung petlut ve a nih. First leg-a khan Mohun Bagan le Mal-dives hai hi 1-1a indraw an nih. Mohun Bagan hin Ben-galuru FC, Mazia Sports, Recreation of Maldives le Abahani Limited Dhaka hai Group E-ah umpui a ta, March 14 khin away match hmasatakna dingin I-League chamoion hai inkhelpui an tih.

Jitu Rai le Amanpreet Singh in Gold le Silver medal lak

NEW DELHI: ISSF Shooting World Cup, New Delhi khawpuia nei meka chun nilaini khan Jitu Rai chun 50-metre Air Pistol category-ah India ta din-gin Gold Medal hmasatak alo kapdawk tah. Hi inel-naa hin India mi tho, 226.9 points hmutu Amanpreet Singh in Silver medal hung kapdawkin le Iran mi Va-hid Golkhandan in Bronze medal a hung kapdawk ve a nih. Kum 2014 khan, Jitu Rai hin ISSF World Cup a tho 10 metres pistol event-ah silver medal lain, chu zoa hi kum tho, Maribor World Cup-ah 10 metres

pistol event-ah Silver med-al la nawkin le 10 metres air pistol event-ah gold medal lak nawkin World Cup pakhata medals pahni la theitu sport person hma-satak a hung ni a nih.Hi kum hin, Rai hi 10 metres air pistol, 4 metres le 50 metres pistol-ah world no. 1 hmun hluotu a nih.

Judo-ah Mizoramin bronze medal lakSenior National Judo Championship, 2017 chu February 25-27 sung khan Jawaharlal Nehru Stadium, Chennai-ah nei a nia, Mizoram team athawk, nunghak Lalhumhimi chun 52kg category-ah Mizoram ta dingin bronze medal a awr. Lalhumhimi hin kum 2016 khan USAM Most Prom-ising Player chawimawina alo dawngta bawk a nih. Mizoram team team hai hi coach F Vanlalruala le man-ager Dominic Lalremsiama hai keihruoina hnuoia fe an nia, hi hunah hin Judo Federation of India (JFI) Executive meeting nei nghal ani bawk.

Arsenal academy manager An-dries Jonker in Wolfsburg pan

Head coach hmun hluo dingin Ar-senal academy manager Andries Jonker chun Wolfsburg chu alo zawmfel tah. Bundesliga club hai hin tuta sea-sona ding hin manager pathum an neina niin, Jonker hin Valerien Ismael hmunruok a hluo nghal a tih. Kum 54-a upa Jonker hin hi hma khan Wolfsburg-ah hin assistant manager sin lo thawtain, kum 2014 Janury thla khan Arsenal hi zawmin, kum thum hnungah a club hlui ngei-ah sin insang lem chel dingin a kir nawk a nih. Arsenal forward hlui Freddie Ljungberg chu a assistant-in \hang nghal a tih. Dutch pachal Jonker chun, “Chona intak le harsatak a ni ding a na, inrang taka point 40 hmu chu kan thil tum hmasatak ani ding a nih,” tiin a hril. Wolfsburg hin Bundeslig League-a hin beisei an hlaw naw hle a, match 22 inkhelna-ah point 22 hmuin team 18 umna league table-ah 14-na hmun an hluo a nih. Jonker hin a match hmasatakna dingin Inrinni zan khin Mainz hai in nawrpui a tih.