Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/168 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

THLATun (ApriL) 03, 2017 THA|Anni (MOnDAY)

GAS NEWSAgency : SASBooking: 17th. deC,2016. to 17th. JAN., 2017delivery :03-04-2017 (MOn)time : 8AM- till stock stOCK : 306 Rate: Rs. 884/-

VANGSEI INDANEK. SaltungBooking : 12-2-2017 to 20-2-2017delivery :3-04-2017 (MOn) Time :8AM-tillstockstOCK : 288Commercial stock available.

NEWS TOMkiMCHANCHIN LAKTAWI

prEpAK worker pakhat maniMpHAL: Zani zantieng khan Imphal West Police Commando han PREPAK (PRO) ta dinga sinthawtu Ms Geeta Sharma (39), d/o (L) Chandra Prasad of Moreh Premnagar Part-II, Purana Bazar, tuta Ma-jorkhul, Imphal-a khawsa

mek chu an man. Ms Geeta Sharma hi S/s Comander Ningthi hnuoia sinthaw, cadre hai hmang ding pawi-sa lakhawm le semdartu, Imphal a inthawk Moreh le Moreh le Imphal haia cadre hai pawisa petu nia hril a nih.

Daily &

Direct Service Jiribam /

HmarkHawlien

C/o Babita# 9862129273

Review meeting CCpur: District AIDS Prevention and Control Unit (DAPCU) chun April 5, 2017; 12:30 khin DACO Office Chamber-ah Monthly Review Meet-ing nei an tih. Hi huna hin meeting nuhnung taka resolution siema um hai ennawnna le Annual Performance pekluta um hai ennawnna nei an tih. Meeting-a hin ART Centre a Counselor le DEO, Tar-geted Interventions tin haia Project Manager le CC-Pur district sunga National AIDS Control Program (NACP) Facilities Centre 28 haia DRP, Link Worker Scheme (LWS) hai \hang seng dinga inhriettir an nih.

SBC 32nd Graduation Service NeiCCpur: Sielmat Bible College 32nd Graduation Service chu April 2, 1:00pm khan Robert Memorial Cha-pel. Sielmat ICI Biek -ah nei a ni a. Hi huna hin Bache-lor of Theology (B. Th) mi 15 le Diploma in Theology (D. Th) mi 9 graduate hai certificate Principal Rev. Jaya Kumar-in an hlân tâwl a. Student thaw \ha bîkhai

kuomah award hran hran Rev. D. Ruolngul le Rev. Jaya Kumar han inhlânna an nei bawk. Graduate hai introduc-tion hi Rev. Michael Z. Zote-in a nei a, ICI Cen-tral Choir a inthawkin hla hring tak ngaithlâk niin Mrs Lalhlimpuiin Scripture Reading a nei bakah Rev. Lalhmingthang, Secretary

Evangelism-in Consecrato-ry Prayer a nei a. Students’ Response ah Lalramvota Darnei-in a nei a. Convo-cation Address chu Rev. S. Vungminthang, Gen. Secy. EBC in a hril. Vote of thanks Rev. D. Ruolngul-in a hril a, mipui hla sak zovin Rev. Zathang-sing Zate-in benediction a hrila service suktawp a nih.

iMpHAL/JAMMu: April 1, 2017 nia Poonch Sector Jammu and Kashmir, Line of Control (LoC) –a Im-provised Explosive Device (IED) bomb pok leia Ma-nipur mi thina tuok JCO Naib Subedar Sanayaima Kom ruong chu April 3, 2017 hin Jammu a inthawk vuongnain Manipur hung phurtlung ning a ta, hi taka inthawk an khuo tieng a ru-ong phur ning a tih.

Zanikhan Jammu hmu-na inthlana hunser hmang a ni a, hi huna hin Com-mander Poonch Brigade chun Lt. General D. Anbu, Army Commander, North-ern Command le Lt. Gen-eral A.K. Sharma, Gen-eral Officer Commanding, White Knight Corps hai hmingin a kuong chunga par inhlanna a nei. Sanayaima Kom (37) hi Moirang Mantak Village

mi a ni a nuhmei Reinu Kom bkah naunuhmei kum 7 mi le nau pasal pahni kum 6 le kum 11 mi hai a thisan. Naib Subedar Sanayai-ma Kom hi sina inpezo, huoisen le sipai ringum le mani sin hnesaw taka thaw hlak mi a ni a, ram ta dinga hringna an hlanna hi thein-ghil ni ngai naw nih tiin za-nita PIB, Defence Imphal thusuok chun a hril.

Naib Subedar Sanayaima Kom ruong vawisun hung phurtlung ding

Khangbawr le Kharkhuplien inkarah mimkei

VAngAi: Pherzawl dis-trict huop sung Vangait-lang-a Khangbawr le Low-er Kharkhuplien inkarah chun mimkeiin lampui hmun 5 velah a keicim leiin motor-a infepaw thei loin a um niin ei thu dawngna chun a hril. Mimkei tlung lei hin motor service le thuomhnaw phur motor hai chun Vangaitlang lut thei

loin an intang a, khuolz-inmi le sumdawngtu han harsatna nasa tak an tuok pha niin ei thu dawngna chun a hril. Chun, ruosur le thli-hrang in Electric ban le hrui khawm iemanizat a suksiet nia hril a ni bawk leiin iemanichen electric an hmu naw bawk niin ei thu dawngna chun a hril.

JNIMS-ah damnaw khum 1oo um theina Mental Hospital bawl ning a tih: N. Biren Singh, CM

iMpHAL: Ministry of Electronic and Informa-tion Technology, Govt. of India le Directorate of Information Technology and Communication, Govt. of Manipur hai \hangruola huoihawtna hnuoiah za-nikhan Digi-Dhan Mela Manipur chu City Conven-tion Centre, Palace Gate, Imphal-ah nei a nih. Hi huna hin CM N. Biren Singh khuollienin a \hang a, Union Minister of State for Home Kiren Rijiju, Union Minister of State for Railways Ra-jen Gohain, Dy. CM Y. Joykumar, Parliamentary Secretary (Finance) Th Satyabrata Singh le Par-liamentary Secretary (In-formation Technology) Dr Sapam Ranjan Singh hai

chu Guest of Honour in an \hang tawl. CM N. Biren Singh in thu a hrilnaa chun, Digi-Dhan Mela Manipur hi Ma-nipur State a khawm Digi-tal Payments hlawtling taka thaw a hung ni theina ding lampui kawkhmutu dinga huoihawt a nih. Ka sawrkar

chun Manipur tlangram le phairam biel haiah ditsak bik nei lovin hmasawnna sin thawng a ta, ei state pumpuiah inthlakthlengna hmel hung inlang a tih. Tlangram kilkhawr hai chenin internet, power, Bank le Cashless payment hai thaw thei dingin hma

lak ning a tih. Damnaw khum 100 um theina Men-tal Hospital bawl tum a nih. Chun, JNIMS, Porompat-ah damnaw khum 150 um theina Cancer Hospital bawl ning a tih. Cancer Hospital bawlna ding hin sawrkar thlungpui chun sum hung pek a remti tah.

Air Ambulance Service khawm inumtir ning a tih. Hi thila sum seng chu 100 ah 75 percent sawrkar thlungpuiin tum a ta, 100 ah 25% chu State sawrkar-in tum a tih. Khuman Lam-pak Sports Complex Main Stadium (Hockey Stadium \hangsain) ah floodlight

inbuk ni bawk a tih tiin N. Biren Singh chun a hril a. Chun, Bank le inter-net tienga thuneituhai chu tlangram biel haia khawm Bank Branches hawng ding le internet Connectivity in-tlungtir dingin CM chun a ngen tawl. Sawrkar thiltum chu Manipur pumpuiah muon-gna, inremna le hmasawn-na a hung um hi a nih. Chu ding chun sawrkarin hma a hung lak ding a nih tiin Kiren Rijiju chun thu a hril huna a hril. Y. Joykumar Singh, Dy. CM chun, ei ram hma-sawnna dingin Digital Transaction/payment hi a hung \ul ta leiin mitinin ei ngaipawimaw seng a \ul ta a nih tiin thu a hril huna a hril.

Mi \huoihmangnaa \hang man a nih

iMpHAL: Zani zing dar 7 vel khan Imphal West Police Commando hai M.Amit Singh MPS, Dy SP, CDO Imphal West le Inspector Sowayo R Shim-ray, 2nd OC, CDO, IW hai inrawina hnuoiah mi \huoihmangnaa \hang ve KRA(U) Cadre Chongtham Ibomcha Singh(43), s/o Ch Mani Meitei of Taothong Mayai Leikai chu Taothong Ayungba Maning Lei-kai hmuna an va man niin

Dr.S.Ibomcha Singh MPS, Addl SP(Ops), Imphal West chun a hril. Mi an \huoihmang hi Soibam Da-nabhir Singh(70) of Tera Lokram Leirak, SDS Brick Field, Lamdang Khunou a nih. Feb.16, 2017 in an \huoihmang a, Feb 23, 2017 khan Police han an sansuok a nih. A \huoihmangtuhai hin Soibam Dhanabir Singh hi a sunghai kuomah Rs 2 crore zeta intlansuok dingin an phut a nih.

naupang kum 5 hnuoitieng hai Zenghri vengna damdawi pek

CCpur: District Task Force-Immunization (DTF-I), Churachandpur hmal-aknain zani April 2, 2017 zingkara inthawk khan Churachandpur district pumpui huopin naupang kum 5 le a hnuoitieng hai kuoma Zenghri vengna damdawi pekna National Immunization Day/Intensi-fied Pulse Polio Immuniza-tion (NID/IPPI) 2017 Sec-ond Round nei a nih. NID/IPPI 2017 second Round hi zani zingkar dar 7 khan Mr R. Sud-han, IAS, DC, CCPur chun District Immunization Of-fice Compound hmunah a hawng. DC, CCPur hin NID/IPPI second Round a hawng zoin naupang hai Zenghri vengna damdawi indawntirna a nei. IPPI second round hawngna hi Dr. Kimngaihching Simte, CMO Churachan-dpur, Dr. J. Son Goukham Samte, Medical Superin-tendent, District Hospital, Dr. Thangchinkhup Guite, Additional Director, Fam-ily Welfare, Government of Manipur Goihzachiin, Principal, GNM Training College bakah District Level Officer \hahnemtawk takin an uop. Dr Kim Simte, CMO, CCPur chun, IPPI first round January 29, 2017 khan hlawtling taka nei a

lo nita thu, second round a hin Booth 448 hawng a ni thu, naupang kum 5 le a hnuoitieng tukhawm pe-khmai an um nawna dinga theitawpa hma lak a ni thu a hril. R. Sudhan, DC, CCPur chun, Polio (zenghri) suk-bona dinga District Health Department hmalakna law-mum a ti thu a hril a, nu le pa hai chu naupang hai zenghri vengna damdawi pekhmai an um nawna din-ga department hmalakna thlawp le \hangpui dingin a ngen. Polio natna hi In-dia ramah um ta lo a ngai a ni a, sienkhawm ei \he-num rambung haiah zeng-hri natna hi a la bohmak naw leiin inveng fimkhur a pawimaw hle a nih tiin a hril. NID/IPPI Second Phase a hin Polio booth 448 enkaitu dingin Divisional Supervisor 19 le Sectoral Supervisor 90 ruot an ni a, vaccinator 1,792 han OPV vials 2,234 hmangin naupang kum 5 le a hnu-oitieng mi 35,235 kuomah Zenghri vengna damdawi an pekzo dinga riruong a nih. Pekhmai an um naw-na dingin Vaccinators han Booth Day ni baka hin ni 2 sung House-to-House visit neiin damdawi pekhmai an um le umnaw an la enfel nawk ding a nih.

Senvawn le Singngat bielah riel a tla nasa; In iemanizat zet a dengsiet nia hril

CCpur: Zani March 2, 2017, 2:30PM vel khan Manipur State sunga Sen-vawn khuo a chun ruo le riel inthuoin nasa taka surin a tla niin zanita Senvawn khaw mi haia in-thawk telephone hmanga ei thu dawngna chun a hril. Riel tla hi a lien thei hle a, Inchung rangva tam

tak a dengsiet niin khawt-lang \huoituhaia inthawk thu ei dawng a, In iengza chie am a suksiet ti ruok chu an la kan kim zonaw leiin hi thu sut chena hin an la hung hril thei nawh. Singngat Sub-Division sunga Geltam le Muallum khuo khawm zani hmasa zan khan thli, ruo le riel

inthuoin a nuoi a, Geltam le Muallum khuo haia hin In iemanizat thlihrangin a mustsiet bakah inchung tam tak rielin a deng veng nia hril a nih. Geltam khuoa chengna In 6 le Muallum khuoah In 10 hai chu chengna theilo deuthaw in rielin a deng siet nia hril a nih.

HPC(D) le Mizoram sawrkar inbiekna April thla sung nei dinga riruong a nih: LalbiakzamaAiZAwL: Mizoram sawrkar le HPC(D) palai han inremna lampui dapa inbiekna an nei mek chu April, 2017 thla sunga sun-zawm nawk dinga remruot-na siem a nih tiin Home Department-a Additional Secretary Pu Lalbiakzama chun a hril. Inbiekna hi March thla lailung vela sunzawm nawk dinga ti a ni a, siekhawm sawrkar tiengpang an inzozap hmannaw leia inbiekna sunzawm nawk ding hun hi

sawn a nih tiin Lalbiakza-ma chun a hril. Tuhin Finance Depart-ment tiengpangah sum chungthu peklut a ni a, pawm le sukfel vat a ni ta beisei a nih. Inbiekremna nei a lo ni chun HPC(D) member inpe hai sawm-dawlna dingin sum le pai riruong lawk a ni a, chu chu Finance Department in an sukfel hun huna inbiekna hi sunzawm ni dingin a hril bawk. Mizoram sawrkar le

HPC(D) palai hai hin boruok \ha tak hnuoiah inbiekna vawi 3 an lo nei ta a, chuong hun haia chun Sinlung Hill Development Council siem\hat dan ding hai hriltlang a ni a. March thla sunga Mizoram Assembly in\hung a ni bakah department dang dang le an zawmpui han thil sukfel ding nei neu an nei leia inbiek a thawklina nei hun ding hi sawn hlat niin ei thu dangna chun a hril.

Dustbin neilohai license suktawp dingiMpHAL: Zanikhan MAHUD Minister Th. Shyamkumar Singh in Khawiramband Bazar sûnga Ima Keithel bawl that mek le Temporary Market Shed, B.T Park a Ima Markets 3 hai a hmuna fein a va en. Min-ister hin dawrkai, Bazar a \hung le mipuihai chu hmunhnawk dengthang mei mei lo dingin a ngen. Chun dawr neituhai le Ba-zara thung nupuihai chu hmunhnawkbawm (Dust-

bin) nei seng ding le Dust-bin neilo dawrkai le Ba-zara thunghai chu an dawr

license suktawp pek ning an tih tiin Th. Shyamku-mar Singh chun a hril.

IPPI Second Round Health Minister in a hawngiMpHAL: Zani zing-kar khan Family Welfare Services, Imphal Confer-ence Hall-ah Health & Family Welfare Mininter L.Jayantakumar Singh in Itensified Pulse Polio Im-

munization (IPPI) Second Round a hawng. Hi huna hin Parliamentary Secretary ( Health & Family Welfare) Soibam Subhaschandra Singh le P.K.Singha, Com-missioner ( Health), Govt

of Manipur hai khawm an \hang. IPPI Second Round sung hin naupang 0-5 years inkara mi nuoi 3 le a chanve chuonghai kuoma Polio damdawi indawntir dinga hmalak a nih.

India rama road tunnel seitak PM in hawngCHEnAni: Kashmir phairuom le Jammu hai inkara siem India ram sunga road tunnel hai laia seitak ‘Chenani Nashri Tunnel’ chu zanikhan Prime Minister Narendra Modi in a hawng. ‘Chenani Nashri Tunnel’ chu fur le \hal huna hmang thei dinga siem niin, lampui pangn-gai chu 31 kms in a sukh-nai pha ding a nih. Tunnel hawngna chu Jammu and Kashmir Governor NN Vohra le Chief Minister Mehbooba Mufti haiin an uop ve.

Tunnel hawngna nei a ni zovin PM le J&K CM hai chu Jeep hmangin tun-nel a chun an tlan nghal a, PM, J&K CM le Governor hai bakah, tunnel siem-tuhai in thlalakna an nei.

Tuta tunnel hi lampui v<r in a vurkhum vet hlakna hmun helna dinga siem a na, Jammu le Udhampur a inthawka Srinagar hmuna Ramban inkar chu darkar 2 in sukhnai tang a ta, ni-

tinin hi lai kara motor in-lawn haiin thautui mana an hmang Rs. 27 lakh chu a save pha bawk ding a nih. Tunnel hi a kuo pakhat le lampui pahni um a siem a na, a lien zawng 9.35 mtrs a siem a nih. Tun-nel a inthawka suok dawk theina ding 300 kms zova siem niin, Integrated Traf-fic Control System, Sur-veillance, Ventilation le Broadcast Systems hai in-buka changkang taka siem a na, 150 kms dan peiah SOS call-boxes inbuk a ni bawk.

Hmasawnna Thar2

THLATun (ApriL) 03, 2017THAw|Anni (MOnDAY)

VAWISUN THUPUIChun hieng hi a na, khaw hnawma an \huoi suok

hnug chun, “I hringna dingin tlan suok rawh, I hnungtieng ngha naw la, Phaizawla hrimhrim hin ngir bawk naw rawh; tlanga sawn tlan rawh, chu-

ongnaw chun, bohmang rawi i tih,” an ta. - Genesis 19:17

Editorial

Editorial Boardlalmalsawm sellate: Editor& Publisherroding l. sellate: Jt. Editor ramditum @ rama ralsun: Asst. Editor lalsansuok pulamte &samuel Zothanglien@sZ Zote:Sports Joseph Joute: Freelancelalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Khawvel um dan le la hung um pei dan ding

ARTICLE/HEALTH & EMPLOYMENT NEWS

ALL INDIA RADIO: CHURACHANDPUR PROGRAMMEDate: April 03, 2017 (Thaw\anni)

TrAnSMiSSiOn- FM-101.4 Megahertz

Hours Studio/ Programme

5.23pm CR/P Signature

5.25pm CR/PVande Mataram, Time Reading, Opening Announcement& Mangal Dhwani

5.30pm P

PAITE Prog. Sig. Tune & Announcement Announcer: Ellen Lawmngaihkim1) V. Paukhansiam & party (dev)2) Moibiaklian & party (dev)

6.00pm PHMAR Prog., sig. Tune & Announcement Announcer:Malsawmkim1) Listener’s Choice (devotional songs)

6.30pm PTHADOU Prog., sig. Tune & Announcement Announcer: Seilienmang1) Limminlien Lhungdim (mod)

7:00PM P

Farm & Home: Paite1) Chingmuankim (dev)2) Talk: “Overcoming Halitosis (bad breath)” by Dr Ching-nunsiam

Mihriem ninaah hin mani neka harsa, khawsakna inhnuoi lem, thiemna le varna tiengpangah khawm a mawl lem hai thu le hla pawm le zawm hi harsa takel a nih. Isu Krista chanchin \ha mi hung hril hmasatuhai khawm kha ei ni neka khawsakna harsa le inhnuoi lem nihai sienla chu khangang em em khan chu Kristien sakhuoah ei inlet rui rui kha ring a um nawh. Indik tak chun Zohnathlakhai hi mi lulul ve tak, ei ngaidan naw thilah chun mani khaw Lalhai meu khawm inpemsan ngam hlak ei nih. Enkawl harsa le mi lulul ve tak ei nih. Mi lulul vieu e ti lo chun ei chunga mi nia ei hriet le ei ngaihai lakah chun ei tlawm nawk em em a, hri-etthiem intak takel ei nina chin a um. Sap pachal ni lo, ei ni neka inhnuoi lem nia ei ngaiin Isu Krista Chanchin \ha kha a mi hung hril nisienla chu khang el khan Kristien sakhuo zui dingin a mi baptist dal el thei. Tuchen khawm hin ei biekina thuhriltuhai khawm hi, hi thilrna mit hin ei la thlir a nih. Ei mi ngaisang zawnghai thuhril \uma ei phur dan le ei mi ngaisang zawng ni lem lo hai thuhril \uma sawt ei ti inhma hlak dan ngaituo hin a chieng hle. Chang sang inti fut fut hai khawm hin ei ni neka harsa le retheihai hi chu ei mi ngaisang zawng an ni nuom naw khawp el. Midang ngaidan inthlakthlengtir a, lampui \ha lem kawkhmutu ding khawmin ei chung en deuhai hin hma an lak hrat lem ti a chieng khawp el. Mi rethei le hausa kar dam, mithiem le mimawl kar dam, milien le milal hai le mi riengvaihai inkar dam hi a kar an hla nuom hle. Mi khawsa thei, khawtlang le kohrana mi langsarhai chun zarzo ding an hau a, an sietni le an \hatni haia khawm mi an fe tam a, \hang-puina le ralna sum khawm an hmu tam hlak. Hiengang bawk hin mi rethei le chanhai hai chun zarzo ding an nei tlawm a, sietni le \hatni haiah khawm mi an tlawm a, \hangpuina le ralna sum lut khawm a tlawm hlak. Hi thil hi khawvel umdan, khawvel la hung um pei dan ding niin an lang. A chunga ei hril hai po po hi a hung um thar thut a ninaw a, tiena tlanga inthawka lo um \an ta a nih. Lien-dohai unau tienami hin mise le mi \ha kar lo inhlat dan a sukchieng em em el a nih. Ei pi le pu hai hun lai daia inthawka kha ei hnam um dan le fe dan a lo ni ta hrim niin an lang. Lal nau le Lal nau nuhmei pasalin an innei a, mi rethei, naufahra le mi riengvai hai ta ding chun Lal nauhai chu nuhmei le pasala innei ding ruol an ni nawh. Mi riengvai, hmeithai le naufahra hai chan kha a lo inhnuoi hle a nih. Khawtlangah khawm hmeithai nau tia tham lo taka ngai le \awng chang lak-na taka an lo hmang hlak a nih. Sailo Lalhai ropui le inlal dan lem kha chu hrilin a siek nawh. Hnamchawm hai lem chu mihriemah an lo ngai naw ni takin an lang. Election huna khawm mi hausa, mi khawsa thei, nina insang lo nei ta le mi naran hai inkar chu inhlat takel a nih. Mi rethei pawisa nekin mi hausa, mi khawsa thei le nina insang lo nei tahai pawisain umzie a nei lem niin anlang. Mi hausa, mi khawsa thei le nina insang lo chel tahai thu hril chun mi lungril a hne lem. Mi naran le mi \ha pangngaihai thu hril chun ngainep a hlaw hle. Hi thil hi tlangmihai lai chau ni loin phaimihai lai khawm a ni tho. Assembly election nuhnung takah khawm khan nina insang lo chel hlak hai an ni hlaw hle. DGP hlui pakhat lem chu Deputy Chief Minister a hung ni ta hiel a nih. IPS le IAS Of-ficer Voluntary pension la Minister chanvo chang an um bawk. Mi hausa le mi hausa nau hai la hung innei pei an ta, lekhathiem le lekhathiem nauhai la hung innei pei an ta, milien le milal nauhai khawm nuhmei le pas-alah la hung innei pei an ta, rawngbawltu le rawng-bawltu nauhai la hung innei pei an ta, sawrkar thawktu le sawrkar thawktu nauhai khawm la hung innei pei an ta, mi rethei le mi rethei nauhai la hung innei pei an ta, mimawl le mimawl nauhai la hung innei pei bawk an tih. Lungawinaw le lungsena lak chi hlak a ni der si nawh. Khawvel um dan le khawvela thil la hung um pei dan dingah ei pawmtlang el a \ul a nih. A pawm thei naw naw a chaw ding ei nih.

Tui|HApHAi DiArYBy: L.Keivom

Stranger in a Strange Land.-Robert A.Heinlein

Khumbeta intĕknu Dari damnaw leia thla riet zet inzin suok ta lo khah, ka rawi upa, kum 2003-a muol liem tah Ex-MLA L.Rokung tunu Mercy-in March 17, 2017-a pasal a neinaa a pu aiaw-a \hang dinga an mi fielna chu ngaipawimaw-in, March 15 khan Delhi-a ka mikhuol David Buhril leh Indigo-ah Manipur panin kan zing suok a, sunchangah Imphal kan vuong lut a. Kan bu fakna hlakah a khulang khangna dinga sunbu fak kan rawta chuh, BJP inrawina hnuoia sawrkarna thar an siem ding le inzawma buoina suok thei ding laka invengna leiin, Imphal khawpui sunga lut an khuokhir a, Churachandpur panin kan suok nghal a.

Tuolpâra kutdaw Moirang khel hma po lampui intluonin Jaosang (Holi) kutdaw pawl a za ruol nĕr ding an um a, chengkawl hniek tiem tak meua intawl a ngai. A hre lawk angin, cheng sawm note kan lo chawi rawn hlauh a, a zieum. Kristmas ei hmang chang hin ei sum mamaw inphuhrukna dingin tuolparah kut ei daw ngai naw a, anni rawiin an kŭtpui Jaosang an hmang changa kut an daw bik tlat el hlak hih, a san iem ning a ti aw? Hmun dangah ka la tuok ngai nawh. Ieng mizie am ni tang a ta? Ngaituo tham a nih. Kawng khat zawnga ngaituo ruok chun, kum sawmnga neka tam liem taa D.M.College-a kan kai laia kan tawnhriet tah a ni leiin, lung hlui an sukleng vawng vawng a. Nghaklakte, a \hen lem chuh thûr fe fe tah ruolin mi bawr lai lai a, ei kekawr mansa chen an pur nawk nawk hun lai kha mitthlaah an hung inlang ier ier a. Zan rè chen chen an nunghakhai inchelpui a, thaban kan chuong ve hep hep dam khah, a hun laia ding chun, thil inhawi a tling ve a nih. Inphalam loa fel-fai taka chalrâng ‘lanu’ hnai le inhmerpui thei hun a ni si a. An tlangvalhaiin an mi lo thîk hlak khawm khah inthiem an um. Khang hun laia mimir ngaisang hlaw, College student kan ni tlat a!

inthlang pilvut bal karah March 4 le 8-a Assembly Elections an nei chuh March 13 khan rizal a suok a, Congress Party-a inthawkin 28 an tling a, a dawttu BJP chun 21 a hui thung a. Sienkhawm NPP (4), NPF (4), Trinamool Congress (1), Congress (1) le Independent (1) leh \hang kawpin BJP chun mi 32 a nei leiin sawrkarna a siem a, kum tam lo inlal tah Congress chu an \huoitu Okram Ibobi Singh rawiin vǐng taka kahâkin an hmŭr an tuoi zum el a nih. Sawrkarna siemtuhai laia âr chang tawn pawlhai khawm hi kha hma ela Congress bu zawla inthawka hung inchawm suok an ni leiin, ieng chen am an daih ding ti hi mi tin zawna indawn a nih. Pa pakhatin, “Haokip pali an tling zatin mid-term poll a um hlak” a ti thu an mi hril chu, zawlnei mit puta a hril a ni palh chun, an hma bak chu thina hlim ruom hraw nawk a ni hmel khawp el. An District thar puong zozai ringawt khawm hi a tu sawrkar khawm hung inlal sien, Sawrkar Laipui hmaa kutdawa dam \awk \awk Manipur State ta ding chun hang sukpuitling chu thil namen lo a nih. Manipur State sunga khawsa tlangmihaiin hmun danga an tribal chanpuihaiin Fifth Schedule le Sixth Schedule hnuoia inhumhimna an dawng ang dawng ve tuma inthuruola ngawr taka \hang an lak lem chun blockade khawvelin la sip a ta, a lu bûr tam lem nina ringawtin kawng ro suk naw nih. Manipur hi ram inhawi le mawi, sienkhawm a mi chenghaiin \awngsephur rama ei inchangtir ni sien a hawi khawp el. Robert D. Kaplan-in, The Revenge of Geography: What the map tells us about coming conflicts and the battle against fate ti a zieka khan Manipur hi \hang ve naw sien khawm, buoina sumpuiin pik taka a bawm khum laia pakhat a ni ve ti inhmai ruol a ni nawh. Hnam hrang hrang le sakhuo hrang hrang betu-a insâl, aidentiti (nina) hrang seng neia inngai, mani hluona hmun seng mani ta bika ngai le mi dang ngai thei nawna lungril put ding le mani seng puon indelkil tum tlatna lungril nei dinga intuna, rorelna felfai tak nei neka indawha tumna lungril puta ieng khawm rel fel um loa khawsak tumna ram a ni leiin, a rama chenghaiin nikhuo ei hung hriet deu deu ruolin ei hma hi inhnawk deu deu mei a tih. Ram roinrelna siem fel lo a, tlangmihai inhumhalna dan ei kawl le kienga chenghaiin an nei ang chu mi pe nuom teuh si lo a, tin le ha nei lo Autonomous District Council (ADC) lem le a puopa mi pe a, thawk thei lo ding Councillor inthlangna an min neitir dam hi hnâng vâra inkhit an hril chu nep te a nih. Manipur ram 90% hluotuhai chunga ro nuom nuoma reltu dinga 10% hluotuhai ei thlang hlak hi democracy hminga ei thaw ni sien khawm a democratic nawh. Hieng thil hi sukfel hmasa si loa inthlang ei nei hlak hin umzie a pai tlawm. Tlangmihai harsatna hi naupang ‘toy’ ei pek anga district lem inpeka sukdam thei chi a ni nawh. Inthuruolna nei thei lo dinga vuok darna hembawka district tharhai dam hi hmang tumna a um palh lem chun, thil vangduoithlak a ni bakah a hung kakhawk nawk ri a siet hle ring a um. Three Bills leia sosangna kha chuh a aitecheuna mei mei ning a tih. Invet biling thaw zing a, suma inzawrna leia dawl zawra zawr ei thlang zawm pei a ni ruok chun thu dang. Ram thleng khat hluo ei ni tawl leiin, var tak le fimkhur taka ei renga dam tlangna ding lampui dap a \ha. Inthlang pawlitiks pilvut khu chum chumin rè tieng a pan taa chuh a kakhawk tuortuhai in-iel vel ri ruok chu a la’n ring hle. Tlangval Ngurrivung-in a mi hung pan a, a hma neka hma a sawn leiin ka lawmpui thu ka hril a, an nui ver ver. Mi huoisen le pasal\ha, ram le hnam invawitu tak tak a nih. A mawng dapa \hang Thang\hatling Sinate khawm an inpuiah ka tuok fuk a, a sim hle thu a hril. A tlingpa inchawk nia thuthang inleng vel thua a lungawi naw thu khawm Hmasawnnathar-ah a’n suo nghe nghe. Thudikin hmun a chang naw lai a ni leiin, an intumna sukdiktua ngai pawl an um khawma thil maka ngai ding a ni nawh. Thing le lung khawma mit le na an nei hun; ieng thuthang khawm zingtienga mengte ruol kha zantieng chu keipui tiet a tling pei hun; mithi khawm an hung tho nawk hun; Pathien neka Gandhi lim chuongna phek

inlal hun; Mathai (24:15) hril ‘sukramtu tirdakum’ huongtau hun a ni si a! Tipaimukh Constituency sunga a tling le tling nawhai tling san le tling naw san an hril chu a’n ang tlangpui. Free & fair election nei dinga an lo inlungruolna thuthlung uolau taka hung bawsetu a um lei niin an ngai tlangpui. Hmar Inpui hminga an thucha hriltu dinga palai an tirhai lai Filistin mi pakhat a \hang thu le an inzin ding khawm President hrietpui a ni naw thu hril rik a um bawk. Isun, “..khawvel hausakna hmangin in ta dingin ruol siem ro” (Lk 16:9) a ti kha, a titu inkawktir tak a ni naw khawmin, inthlang le inzawma hmang hlawk thiem pawl ruok chu ei um ti a chieng. Diebol hi bol deu a nih. Chuonghai dawpa lut nuom le hmŭr malsawmna tlawr taka inkhumtu ding kohran rawngbawltuhai lai khawm hmang seng lo a nei. Inthlang hun hi Diebol intodel zuol hun a nih. A tawkdar khawm a lien deu deu.

Khûkna, khûkna Inthlang boruok neka khu lem chu Tui\haphai ruoma khaw kar lamhai an nih. Churachandpur ei hang lut a, Police Station tuolah Rengkai panin Rengkai Road-ah ei lut a, minit khat sungin lu sipa inthawka ke par chenin a mi nawk sawp hman a nih. A khu chum chum a, leidara bu sep ang elin a lampui khokham le inthir chun mi tawmin a mi nawt a, nuom thu le hla ni loin ha chung le ha hnuoi an intauh bawp bawp a. Rev. Chhawna hla keileta, “Aw ka sawi thei lo, aw ka hril thiam lo, Min bum dan a va na êm! Khûkna, khûkna, ka sawi thei lo, Min bum dan a va na êm!” ti-a ram \huoitu le rorelna fung cheltuhai khek khum an phu hlie hlie niin ka hriet a. A chuong tah nekin an inthlang tlut tlut a, mi hlĕm hrât hrăt an dingchang lem amani aw, ti dingin a um. Ei lampuihai hi ei ngirhmun hriltu an ni a, ei ram \huoituhai hmelhmang chieng taka tarlangtu darthlalang an ni bawk. Ram hnufuolzie hriltu laia pakhat chu fur laia indiek, \hal huna khu chum chum, lampui/lamlien a nih. A se vawng ti ding ni inla, thlanghai ditsakna dawng phak khuo le veng \henkhat ruok chu pucca road-in a sun thlêr sung tho si! Chunghnung lem inchŭna khawvela hin pipu thurosie “Sem sem, dam dam; ei bil, thi thi” nêkin “A ru no no suok” pawlisi hmangna, hnengtawna hrât lem lem dingchangna a hung ni zuol pei ding a ni leiin, inthuruola kalchawi thiem dan inchuk hi a va hang pawimaw de aw! Ei pilvut hap po po hi eini pal khuk a ni nuom khawp el. Chu dinga hma \huoitu chu Pathien nau inti pawl, sienkhawm a letlinga khawsa sihai hi an ni nawh ti \al nuom inla khawm thudik leh an inzawl naw ding a ni si! Beidawng a um a, sienkhawm beisei a bo ruok chu phal nawng ei tiu. Esau anga bu thleng khata rochan zawr hi sim tum phawt ei tiu. Dimawkrasi hnuoia mi tin rochan hlu tak chu dit thlang theina ei nei hi a nih. Hmang thai chun ram le hnam tluksietna, hmang hlawk chun intungdingna le damkhawsuokna a hring. Hmang indik chu Pathien thu a ni a, hmang suol ruok chu Diebol le zawlpuon inzawnna a nih.

innei rûnpui Sawt taka inthawka an lo tum lawk inruol khawm ni kher naw nih, Churachandpur ka lut ni-a inthawkin ni li zet a zawnin innei a um a, Delhi tlanga kan mi le sahai deu vawng an ni bawk a, Delhi tieng mi khawm khaw khat rŭn tham zet kan intuok khawm a, a vangneithlak hle. Pungkhawmna pawimawa Delhi tlanga sei lien, zalenna boruok lo hǐp tah, tukver sîr hrang hranga inthawka khawvel thlir dan lo inchuk tah, khawlbingna ripa inthawka intâl suok tah, Fellowship pawimawzie hre tah, lemderna puon hlip thlaa tlang taka khawvel pal ngam tahai ka hang hmu chang hin ei ram leh hnam laka ka beiseina nakawr lo tlep tah chu, hnapkhawn pachang hmu an hril angin, a kapparh nawk hlak. Kohran ripa intang nawkhai ruok chu dam zinga thi hnina tuok, inthiemnawna arbawm khum an ni leiin, an mi nel naw a, ka bul hnaiah an hung ngam naw tlangpui. Ieng khawm chu ni sien, inneina lawmpui dinga fe ka ni ang hrimin, pakhat chauh ni lo, pathum dang khawm ka kêp sa leiin, vangnei ka’n ti hle. Delhi tlanga kan khap tah, ‘mopa le monu’ inneitir chur chur khah an sim deuh taa chuh thuhrilna hrang hrangah ‘moneitu le mo’ ti nekin mo nu le pa ‘monu le mopa’ an la săm rawn lem. A danglamna hre nghal lohai! Inneina ser le sang le inzawma ka na sukkhamtu chu rawngbawlna hmangtuhai Hmar \awng hmang a nih. Thingtlang mimawl ei tihai hi \awng indik hmang thuah an buoi nawh. A buoihai chu a ieng khawm thiem phak si loa a sil tawk le chapo tawk chauha lekha inchuk phakhai an ni lem el thei. Thaw ding makmawa ka ngai chu kohranin kum tin kar khat bek \awng hmang le ziek indik dan an thawktuhai inchuktir a nih. Kohran hrang hrang insuo magazine-hai ei tiem chun, hi \ening hi a lien taka inthawka \an a ngai ti inhmai ruol a ni nawh. Thangtlawma lak ding a ni nawh. Thiem naw chu thiem naw a ni mawl tawp el. Hril sei rak a ngai nawh. Chun, ei thiem naw chun ei sinah ei tlak nawh tina a ni bawk. Church Forum hnuoiah hi \ening hi huoihawt \ha mei a tih. Lesson ei buotsai hrim hrim standat neia fimkhur taka duong a ngai. Ei hriet ding pawimaw chu, tuta mi tam takin ei la hmang zing Bible Society of India (BSI) a hin inlet suol nek hmanin \awng kalhmang indik lo a tam lem leiin, \awng hmang indik dan inchukna hmangruoa hmang chi ni kher naw nih. A mimir deuthawa Hmar \awng ei thiem nawna san laia pakhat khawm BSI Version lei a ni sei hle. Sentence tin deuthaw hi siem ngil ngai a nih. Hi thil ei hril leia lo sahal nghal khawm ei um el thei. Chu sahalna chu hremhmun le inzawm a nih. A mi awk zing theina dinga Diebol chang kam laia a suong pawl tak khawm a ni el thei. (La um pei ding. March 31, 2017 Delhi)

Churachandpur Weather Forecast: April 3, 2017(MON)

The W

eath

er N

etwo

rk

MON MOrNiNgRisk of a thunderstorm

20°CFeels like: 20POP: 90%Rain: ~5 mmWind: 5 km/h SWWind gust: 8 km/hHumidity: 85%

MON AFterNOONRisk of a thunderstorm

24°CFeels like: 24POP: 60%Rain: 1-3 mmWind: 10 km/h SWind gust: 14 km/hHumidity: 88%

MON eveNiNgCloudy with showers

19°CFeels like: 19POP: 40%Rain: ~1 mmWind: 5 km/h WWind gust: 7 km/hHumidity: 94%

MON OverNightChance of a shower

15°CFeels like: 15POP: 40%Rain: <1 mmWind: 5 km/h SWWind gust: 6 km/hHumidity: 97%

Kum 3-4 dan peiah sawrkarin banknotes security features thleng tumNEW DELHI: Note tehlem a um le umnaw ensinna ding le, note tehlem suok ding vengna in sawrkar thlung-puiin kum 3-4 dan peiah banknotes denomination insang Rs. 2,000 le Rs. 500 hai security features thleng a tum thu zanikhan a hril. Thla 4 liemtah, demonetisation hnunga notes tehlem tam tak mansuoka um leia hi thil hi sawrkarin thaw a tum a nih. Union Home Secretary

Rajiv Mehrishi \hanga Fi-nance Ministry le Home Ministry officials haiin high-level meeting an nei huna hi thu hi hril a nih. Rambung changkang lem haiin kum 3-4 dan peiah banknotes security features an thleng hlak thu Home Ministry officials haiin an hril a, chu thil chu India khawma thaw ve awma an ngai leia hi thutlukna hi an siem a nih.

relief Camps 25 hawng a nihiMpHAL: Tulaia Manipur a inzing tak le intak taka ruo a sur leiin hmun tam takah tui a let a, sungkuo tam takin harsatna nasa tak an la tuok pha zing. Tuilet leia umna ding neilo hai umna dingin Re-lief camps 25 hawng a ni a, hienghai laia Relief camps 4 hai chu Imphal East District a Lamphelpat area sunga hawng an nih. Relief Camps dang 21 hai chu Imphal

West district sunga hawng an nih. Relief Camp a um hai fak ding le dawn ding tui, bufai, an\am thau, machi le hme ding sawrkar chun zani khawm khan a la sem. Imphal East District a Ishi-kha Village a Alu Bil chu tuiin a chim nasa hle a, Alu an tharsuok dingzat khawm an tharsuok zo tanaw ding nia hril a nih. Ishikha village a hin ram hectres 35 vela lien Alu bil siem a nih.

ALLAHABAD: Prime Minister Narendra Modi in zanikhan Allahabad High Court’s sesquicentennial celebrations closing cer-emony hmangna-ah thu a hril a, India in dan a nei chu mihausa hai ta ding chau nilovin, mirethei hai ta ding khawm a ni thu a hril. India in kum 2022 hin zalenna a hmua inthawk kum 74 a tling ta ding a ni leiin, India chu a mipui-hai in beiseina an nei anga siem a hun ta thu PM chun a hril. Dan tienga thiemna nei (legal professionals) hai chu India in zalenna a suolna kawngah hmun pawimaw tak an chang thu PM in a hril a, legal experts hai chu Colonialism laka India humtu an ni thu a hril. Allahabad High court hi India judiciary system a dingin ‘Tirtha Kshetra’ ang a na, court hi technol-ogy thilthawtheina hmanga

upgrade a pawimaw hle thu PM chun a hril. Prime Minister chun Chief Justice of India in court rorelna huna technol-ogy hmang \angkai dinga hmalakna a fepui thu le lawmum a ti thu a hril a. Hun le pawisa sengso hai a tlawm theina dingin, trial nei huna video conference hmang \angkai dinga \ha a ti thu PM chun a hril bawk. Hunser hmangna a chun Chief Justice of India JS Khehar khawm a \hang veh

a, India rama court haiin judges an tlaksamna chu court rorelna sukhnu hlak-tu a ni thu a hril. Judges tlaksamna leiin court tum tum haiin pending case tam tak tak an nei a, dan tienga mawphurna nei le \huoitu hai chu chuong pending cases hai chu sukfel vat dan lampui ngaituo dingin JS Khedar chun ph<tna a siem. Paper \hang lova court rorelna (paperless) thu Khedar chun a hril a, a beiseina sukpuitling vat

a ni theina dingin, technol-ogy up gradation thaw vat a \ul thu a hril. Uttar Pradesh Chief Minister Adityanath Yogi khawmin thu a hril a, judi-cial system-ah inpaw taka rorelna a pawimaw taka a ngai thu a hril. State tum tuma pending case um hlak chu a hun taka pharsuok pei hlak ding a ni thu a hril a, \hangpuina pawimawtu hai chu a hun takah an \ul anga dan rorelna thua \hangpui an ni hlak ding thu a hril. Dan hmang chauin rorelna indik suklang thei a ni thu Adityanath chun a hril. Hunser hmangna a hin UP le West Bengal Gov-ernors Ram Naik le K N Tripathi, Union Law Min-ister Ravi Shankar Prasad, UP Chief Minister Yogi Adityanath, Allahabad High Court CJI Dilip B Bhosale le danhriemi tam tak an \hang ve.

Dan chu mihausa le pasie hai ta ding a nih: pM narendra Modi

Vairengte-ah thlipuiin In 30 vel a suksietKOLASiB: Zani zingkar dar 6 vel khan Mizoram state sunga Kolasib district huopsunga um thli, ruo le riel inthuoa a hrang le sur leiin Vairengte IOC veng-ah In 30 vel a suksiet niin

ei thu dawngna chun a hril. Thli hrang hin Electric ban khawm iemanizat a mutth-luk nia hril a nih. Amiruok-chu, mihriem thi le hliemna tuok an um thu hriet a ni nawh.

Hmasawnna Thar3 THLATun (ApriL) 03, 2017THAw|Anni (MOnDAY) nATiOnAL/inTErnATiOnAL & ADVErTiSEMEnT

LAKTAwi

LAwMTHu HriLnAInhnawm harsa ka tiin ka tawl a na hlak a. A chang leh ka kawng a na a, kan hnawmna a inthawk thisen a suok hlak a. MV Azad Phusam ka pan a, a mi enkawl a inthawk ka hung dam ta a. Ami enkawl damtu chungah hin lawmthu ka hril. a pan nuom han Old Bazar, Teddim Road, Near ICI Church Road-ah pan thei le contact Nos. 8014025567/ 7628890261 haiah ngaiven thei a nih.Time- 8:30AM to 3:00PM

Sd/- Kipgen ThangkhochuonM. Songgel

Benefits of Tender Coconut Water

TGoodDigestionTPerfectHydrationT It’s 100% NaturalTPerfectFunctionaryofbodyT For Pregnant women and nursing momsTEssentialForinfantsandKidsT Revitalizes SeniorsTLifelineforpatientsT The Sports DrinkT A Travel CompanionT A Natural Aid for Flawless Skin and to look youngerT A hangover HelperT Best companion for Diabetespatients

Available at all leading Pharmacies

(7-7)

Cocaine dapdawk leiin india ngamantu 6 mannEw DELHi: Sri Lanka chun zani hmasa khan Nainatheevu hmunah India Ngamantu 6 hai chu an Lawng a inthawk inruithei Cocaine an dapdawk nia intumin a man. Sri Lanka Navy chun heroin an dap-dawk hi kg. 13.5 zeta rik niin an hril a, mana um hai hi thu indawnchieng dingin Nangeshanthurai Naval Camp tieng an \huoi.

ramdang lawng 81 a suksiet

JAKArTA: indonesia sawrkar chun dan lova a ram sung tuipuia Nga man naa hmang nia intum leia a man ramdang Ngamantu hai Lawng 81 a man le hrentang hai chu a suksiet. Indonesia sawrkar chun kum 2014 a inthawk tuche-na hin ramdangmi Nga-mantu hai lawng a man 317 zet a suksiet pek ta a nih. Hieng Lawng suksieta um hai laia a tamlem chu Viet-nam, Philippines, Malaysia le Thailand Ngamantuhai lawng an nih.

Bawng thattuhai khaikang ning an tih: Raman Singh

rAipur: Chhattisgarh Chief Minister Mr Raman Singh chun, a state sunga Bawng thatna le inzawma thiemnaw inchangtira um hai chu khaikang/khai ning an tih tiin zani hmasa khan a hril. BJP inlalna state haia Bawng humhalna dan khau

tak siem dinga nawrna nasa tak um mek chungthuah a sawrkarin Bawng hum-halna dingin dan bawsietu hai hremna ding dan siem a tum am ti a, Jagadalpur hmuna programme hman-gnaa chanchinbu reporters han indawnna an siem huna

hi thu direct takel hi Mr Ra-man Singh in a hril a nih. March 31, 2017 khan Gujarat Assembly chun Bawng thattu hai hremna ding Bill a lo passed ta a, hi bill dungzui hin Gujarat state sunga dan kala bawng that le phurlawntu mana um hai chu kum 10 chen jail intang theina le bail theilo (non-bailable) an ni ding a nih. Haryana-a BJP sawrkar khawmin kum 2015 khan dan kala bawng thattu hai kum 3-10 chen jail intang thei dingin dan a lo siem ta bawk a nih.

Lungril buoi pasal pakhatin Pakistan Shrine-ah mi 20 zet a thatLAHOrE: Pakistan a Punjab province, Sargod-ha district-a Muhammad Ali Gujjar Shrine a chun March 1, 2017 zanril/ zani zingkar inhmatak khan lungril buoina nei Abdul Waheed le a \hangruolpui han hi shrine-a um mi 20 zet damdawi hmanga a vairui hnungin a that bakah nuhmei 2 \hangin mi 4 in hliemna an tuok bawk. Mr Waheed hi lungril buoi le hi shrine-a enkawl (cus-todian) a nih. Sargodha Deputy Com-missioner (DC) Liqquat Ali Chatta chun, Abdul Wa-heed hi Lahore mi le Paki-stan Election Commission thawktu (govt. employee) niin a hril. Hi inthatna rapthlak takel tlung huna dama suok le Sargodha district Hospital -a tlanlut han report an pek hnunga hriet chau a nih. Hi thil tlung an hriet le inruolin Police tam tak chun Shrine hmun hi an pan ng-hal a, Mr Waheed le a \hangruolpui nia intum mi 4 hai chu an man nghal a nih. Hi thil tlunga dama

suokdawk pakhat chun, devotees hai hi telephone hmangin pakhat khatin a room-ah a ko lut a, chu huna an thuomhnaw hai a hlip pek vawng hmain damdawi iemani a pek a, a damdawi pek an inrui hnunga hienganga sat le a vuokhlum ni a ring thu a hril tiin Deputy Commis-sioner chun a hril. Kum 50-a upa Abdul Waheed chun mi 20 hai hi ama in a that a ni ngei thu an puong a, ama thaw le that tuma hung ni dinga a ring leia that niin Waheed hin a hril tiin regional Po-lice Chief Zulfiq chun a hril. Hi thil tlung le inzawm hin Abdul Waheed \hangin mi 7 ringhla le thu indawn

dinga man an nitah tiin Police chun an hril. Ien-glei taka tlung am a nih ti chieng taka hriet a la ninaw a, hliemna tuok pakhat chun pawl pahni han Dar-gah hmun enkawltu ni an lo inchu ta hlak thu a hril a, Police chun a san hrietsuok tumin an suizui mek. Punjab Chief Minister Shahbaz Sharif chun hi thil tlung dan report chu darkar 24 sunga pelut din-gin thuneituhai an hriettir a. Thina tuok sungkuo hai a sunpui thu hrilin thina tuok sungkuo hai kuomah zang-nadawmna Rs. 500,000 seng le hliemna tuok hai kuomah \hangpuina Rs. 200,000 seng pek an ni ding thu a puong.

Columbia rama tuilien le mimkei nasa tak tlung leiin mi 200 chuong in thina an tuok

BOgOTA: Colombia rama chun tulaia ruotui nasa taka a tlak le vadung hai nasa taka an luongliem bakah zani hmasa ( April 1, 2017) zana mimkei/chirhak intawl nasatak tlung leiin mi 200 chuongin thina an tuok bakah mi iemanizat an umna chin hriet lovin an inhmang niin official thu-suok chun a hril. Mimkei hin In tam tak a sukchim bawk Hi thil tlungna hmun hi Colombia rama khawpui pakhat Mocoa town a nih.

Tuilien in In, leilak le motor tam tak a fen hmang bakah thingkung tam tak a sukthluk bawk niin ei thu dawngna chun a hril. Hi thu ei sut chena mithi umzat chu 206 vel an ni a, midang 202 velin hliem-na an tuok bakah midang 220 lai zet an lan hmang niin Colombian Red Cross chief Cesar Urena chun a hril. President Juan Manuel Santos chun siet tlungna hmun hi a va sir a, thuneitu hai

chu sansuokna le sawmdawl-na sin a \ul le pawimaw anga hrat taka thaw dingin an hriet-tir bakah thina tuok sungkuo hai a sunpui thu a puong. Putumayo Governor Sorel Aroca chun, sungkuo zatel hai chu an umna hriet loin an lan hmang a nih tiin a hril. National Disaster Risk Management Unit director Carlos Ivan Marquez chun, mimkei/chir intawl hi Mo-coa radung le a kaupeng hai an luongliem leia hung um

a nih tiin a hril. Sansuokna le sawmdawlna sin nasa taka thaw mek a nih. Tuta \uma khuorel si-etna tlung hi tulai hnai Colombian history-a dinga khuorel sietna (natural di-saster) leia sietna rapthlak tak \um ni dinga ring a nih. Kum 1985 khawm khan Nevado del Rui vol-cano (tlangkang) rapthlak tak tlung leiin Armero khawpui a vurkhum a, mi 25,000 deuthaw in thina an lo tuok ta a nih.

Bhakra Canal-ah mi 11 ruong le mihriem ru 4

JinD (HArYAnA): Za-nikhan Narwana le Garhi area-a Bhakra canal sun-gah mihriem thisa 11 zet ruong le mihriem ru 4 hmu a nih tiin Police chun a hril. Mithiruong 8 hai chu Nar-wana hmuna hmu an ni a, midang 3 hai ruong le mi-hriem ru 4 hai chu Garhi hmuna hmu an nih. Mithiruong hmu a ni thu hi Police han report an hmu le inzawma an va enfelnaa hieng ruong le mi-hriem ru hai hi hmu an ni a, ruong hai hi an rim a se ta hle a hril a nih. Hi thil tlung le inzawm hin Police chun case an registered a, ruong hai hi Narwana civil hospital morgue-ah sie an nih.

nga hme leia CrpF jawan 400 damnaw phaT H I R U V A N A N T H A -PURAM: Pallipuram CRPF camp, Kerala hmuna posting mek CRPF jawan 400 hai chu Nga an hme leiin an damnaw pha a, an thil faka chun t<r a um nia ngai niin, CRPF jawan dawmnaw hai chu hospital a enkawl mek an nih. Hieng CRPF hai hin an phing an sawisel tak a, a tam lem hai chu an inluok zing bawk. Nga chu ni dang khaw-min an lo hme rawp ta hlak a nih. Doctor haiin suich-iengna an neina a chun an Nga hme lei chu ni takin an hril. Trivandrum Medical College Hospital a enkawl mek CRPF jawan 200 hai chu Kerala State health minister KK Shylaja in hospital-ah kanna a va nei.

Jagannath temple-ah kum tlinglo suollui

BARIPADA: Baripada hmuna Lord Jagannath temple sungah zanikhan piengphunga ruolbanlo le kum tlinglo suollui a nih. Suolluia um chu kum 11 mi a na, ‘Darshan’ thaw dinga Temple a lut huna suol-lui niin, chu hun lai chun Temple chu mi an re lai tak a nih. Nuhmeinu chu Cut-tak SCB medical college a enkawl mek a na, S K Puro-hit, Baripada sub-collector in an enkawlna dingin Rs. 10, 000 a pek. Mi suolluitu chu thubuoi siem khuma man a nih.

Smriti Car zuirutu student 4 manNEW DELHI: Union Tex-tile Minister Smriti Irani car zuirutu Delhi Univer-sity student 4 hai chu za-nikhan man an nih. Hieng student 4 hai hi zurui an na, damte a an zui ruk zing lai, Moti Bagh flyover hmuna tlan lekhel an tum lai vela Smriti staff haiin Police koa inmantir an nih. Student 4 hai chu kum 18-19 inkara mi vawng an na, medical test inneitir niin, zu an dawn ngei hri-

etchieng an nih. Chuong student hai chu an ruolpa birthday party a \hang zo, khawpuia motor tlankuol (driving) mei mei niin po-lice hmaah an inpuong. An thilthaw chu thiltum neia thaw nia ngai an na, Delhi Commission for Women chairperson Swati Mali-wal le nuhmei pawl \huoitu hran hran haiin an demna thu an puong. Student 4 hai chu an chungthu suichieng dinga hrentang an nih.

EVM indiklo enfeltu ding EC in MP-ah team tir ding

NEW DELHI: Madhya Pradesh hmuna by-polls neina dinga Electronic Voting Machine (EVM) indiklo report a um a, chu thil enfeltu dingin Election Commission chun high lev-el officers team tir a tih. EC in team a tir ding chu Bhan-war Lal, Chief Electoral Officer, Andhra Pradesh ning a tih. Madhya Pradesh a hin April 9, 2017 huna by-polls nei ding a na, EVM hai chu demonstration an thaw hunah an diknaw an hmusuok niin Congress le AAP members haiin Elec-tion Commission-ah an in-tlun a nih.

Madhya Pradesh a by-polls neina ding hi As-sembly constituencies 2 an na, hi hmun haia EVMs le VVPATs enfeltu ding hi team pahni EC in a tir ding a nih. EC team chu Assem-bly election nei hun chenin um zing an tih. EVM infuknaw thu EC kuoma an intlun huna hin Congress member hai chun an ngaimaw hle thu an hril a. Congress in EC-ah memorandum an peklutna a chun senior Congress leaders Mohan Prakash, Digvijay Singh le Jytoradi-ya Scindia haiin hming an ziek.

Terrorist that let 6 hmangai-na in India mihai a that

NEW DELHI: India rama hin terrorist hai chetna leia thi an tam hle a, news head-line a hai khawm terrorist hai chetna hmu ding a um deu zing hlak. Amiruok-chu, research thawtu haiin an tarlang dan chun, kum 15 liemtah sung khan ter-rorist hai chetna l>t 6 a tam hmangaina leia thi India mihai an um niin an hril. 2001 le 2015 inkar sun-gin hmangaina leia inthatna case 38,585 zieklut a na. sawrkar record-ah 79,185 zieklut niin, inneina ding thu le inzawma nuhmei \huoihmangna case 2.6 lakh hai zieklut an nih. Hieng case hai hi semruol chun, nitinin tuolthatna vawi 7 um ang a na, mani inthat 14 le in\huoihmang-na vawi 37 a um ang a nih. Hieng hai laia a tam tak chu nuhmei le pasal an innei an sunghai in an remtipui naw leia tlanhmang, chu hnunga thina tlung an nih. Hman-gaina leia inthatna tlung hai laia sawrkar data in a suklang danin a tamna tak chu Andhra Pradesh a na, Uttar Pradesh in a dawt a,

Maharashtra, Tamil Nadu le Madhya Pradesh haiin an zui a nih. Hieng state 5 a hai hin kum 15 sungin case 3,000 neka tam zieklut seng an na, state lien le mipui tam-na hmuna hai case hi a tam pei niin an lang. “Mihriem an zalenna inhmangtir lova hnengde pekna a tharum insuona hi hrietchiengna ding chun, abiktakin innei-na kawnga hin patriarchy le caste system hai hi hriet zing an pawimaw” tiin pro-fessor Uma Chakravarti, gender le inzawma research thawtu chun a hril. Mani inthatna a chun West Bengal in hma a \huoi a, chu khawm chun 2012 a data a um nawa hril a nih. West Bengal a hin kum 14 sungin hmangaina leia mani inthat 15, 000 an um a nih. A dawttu chu Tamil Nadu niin mani inthat kum 15 sungin 9,405 an um. Tamil Nadu chu Assam, Andhra Pradesh, Odisha le Madhya Pradesh haiin an dawt a, an rengin kum 15 sung hin hmangaina leia mani inthat 5,000 an um a nih.

RBI Governor hlaw sukpungNEW DELHI: Reserve Bank of India (RBI) Gov-ernor Urjit Patel le a Dep-uty chu sawrkarin an basic pay a hmun 3 vanga tamin a sukpung pek. Tuta an pay scale thar dungzuiin Rs. 2.5 lakh le Rs. 2.25 lakh hai an lak ta ding a nih. RBI Gov-ernor le Deputy hai chu kum khat neka tam liemtah January 1, 2016 a effect \an dinga an hlaw chu suk-pung niin, an basic chu Rs. 90,000 le Rs. 80,000 hai ni tang a tih. Tuta RBI Governor le

Deputy hai hlaw hi RBI hnuoia Bank \henkhata top officials hai hlaw nekin a la tlawm lema hril a nih. RBI Governor hlaw thara hin ba-sic pay, dearness allowance le allowance hran hran a ren-ga belkhawmin Rs. 2,09,500 a lak phak ding a nih. RTI Act besana zawna dawnna a RBI chun hi thu hi a suksuok a na, February 21, 2017 khan Union Finance Ministry le inkawpin Gov-ernor le Deputy hai hlaw hi ennawnna nei a na, chu huna sukpung pek an nih.

Delhi-ah zu dawr le bars 100 chuong khar tah;Bihar-ah Zu khap leiin mi 500 chuongin sin an chan

nEw DELHi: Supreme Court in Highways a motor khaltu han Zu an inrui hlak leia motor eksiden tlung hlak suknepna dinga national highways le state highways haia inthawk metres 500 a hla biel sunga Zu dawr hawng khapna thupek an suo chu zani hmasaa inthawk khan hmang \an a ni a. Supreme Court Order hi April 1, 2017 a inthawka kha hmang \an a ni a, hi le inzawm hin Delhi a chun highways haia inthawk metres 500 biel sunga um Zu dawr, restaurants le hotel bars 100 chuong khar a nitah. Order le inzawm hin Ex-cise Department chun order zawm lo an um le umnaw en-fel March 31, 2017 zanril-a inthawk khan drive an thaw \an a, drive hi April 3, 2017 chen an sunzawm ding a nih. Department record dungzuiin tuhin sawrkar en-kawl zu dawr 350 le private

ta zu dawr 400 vel Delhi khawpui sunga an um a, government data dungzuiin restaurants le hotels 700 vel han zu an zawr bawk a nih. Chun, Bihar sawrkarin a state sunga Zu khapna dan a hmang le inzawmin Liquor major United Spir-its (USL) hnuoia bottling centre/facilities 4 khar a ni leiin thawktu 500 chuong in sin an chan pha tah. USL chun hienganga state sawrkarin zu a hung khap hi nasa takin an sa-wisel a, alcohol hmang-

suolna do dan ding lampui indik tak a ni nawh tiin an hril a, Zu khapna lei hin Bihar-a zu siemna hai an sukchawl leiin an thawktu tam tak sin nei lovin an um pha thu USL Chief Strat-egy and Corporate Affairs Officer Abanti Sankarana-rayanan chun a hril. Bihar-a Nitish Kumar sawrkar chun April 5, 2017 khan Bihar state chu Dry State a puongin India Made Foreign Liquor (IMFL) \hangin Zu zawr le dawn a khap hmak a nih.

AP CM naupa le midang 10 in minister dinga intiemkamna an neiAMrAVATi: Andhra Pradesh Chief Minister N. Chandrababu Naidu chun zanikhan minister 5 banin a naupa Nara Lokesh le midang 10 hai cabinet-a lalutin a ministry a suklien. Hieng minister dinga laklut thar hai hin zanikhan Governor E.S. L. Narasim-han hmaah minister dinga intiemkamna an nei. Minis-ter dinga laklut thar hai lai hin Opposition YSR Con-gress a inthawka sawrkar-na siemtu Telugu Desam Party (TDP) zawm mi 3 hai khawm an \hangsa. Lokesh (34) hi Mr N. Chandrababu naupasal neisun niin Stanford Busi-ness School a inthawk graduate niin March thlaa

Assembly election-a kha MLA dinga thlangtling a ni a, tuhin TDP General Sec-retary sin chel lai mek a nih. Mr Lokesh hin Minister dinga sesamna a nei zoin a pa (N. Chandrababu) le Governor hai ke tawkin an malsawmna a lak. Cabinet suklien huna minister-a inthawka ban

hai chu- Palle Raghunath Reddy, R. Kishore Babu, B. Gopalakrishna Reddy, P. Sujata le K. Mirnalini hai an nih. Minister-a laklut thar hai lai Kala Venkat Rao, Chandramohan Reddy le Pitani Satyanarayana hai chau mi hlui an ni a, a dang chu mi thar vawng an nih.

President in Haj House lungphum hawngrAnCHi: Ranchi hmu-na Muslim hai sakhuo hmunpui ding Haj House lungph<m chu zanikhan President Pranab Mukher-jee in ph<mna a nei. Lungph<m hawngna a nei laiin, President chun Mecca chu Muslim sakhuo zuitu-hai ta dinga hmun thieng-hlim a ni leiin khawvel huopa Muslim haiin Haj festival hmang huna an pan hlak thu le, ‘Haj Pilgrim-

age’ chu Muslim taphawtin an damsung vawikhat bek nei ngei ngei an tum hlak thu a hril. Haj House hi Rs. 55.12 crore vel senga bawl tum a nih. Bangladesh le Paki-stan hai nekin kumtin India Muslim hai Haj Pilgrim-age a fe an tam lem hlak thu President chun a hril a. Jharkhand state a inthawk mumal taka Haj Pilgrimage fe dan ding riruong a la um

naw thu a hril bawk. Hi le inzawmin, Muslim sakhuo zuitu hai sakhuona le custom thila inpawna \ha lem an nei theina ding ngaituoa Jharkhand state sawrkar chun Haj House hi siem a tum a na. Haj House hin Haj Pilgrimage fe nuom taphawt hai ta dingin fa-cilities a \ul angin a ngaituo pek ding thu President chun a hril. President chun Rs.

155 crore anghu senga bawl ding Rabindra Bha-wan khawm a lungph<m ph<mna a nei nghal a. Jharkhan state leh Noble laureate Gurudev Rabin-dranath Tagore chu inza-wmna \ha tak an nei thu a

hril. Rabindra Bhawan chu Ranchi hmuna cheng haiin art le culture promote-na hmuna hmangin, Rabin-dranath Tagore a mizie le hmathlir puongsuoktu a ni a beisei thu President chun a hril.

Jail sungah Cell phones 14 dapdawkJAMMu: Zanikhan Jammu and Kashmir-a Baramula district sub-jail sunga in-thawk Police han Cell phones 14 zet dapdawkin an man. Cell phones bakah doc-ument \henkhat an dapdawk

sa a ni bawk a, hi le inzawm hin jail-a intang mi 10-12 hai case registered khum an ni a, iengti kawnga hieng Cell phones hai hi jail sunga an chawilut thei am ti investiga-tion thaw mek a nih.

Nabha jail break maw-phurtu tak man

JALAnDHAr: Nikum laia Nabha hmuna jail in-tanghai an tlansuokna le inzawma mawphurtu taka intum Amandeep Dhothian chu zanikhan man a na, a kuta inthawk point 32 bore Revolve le a mu 7, SIM card 4 le sumfai Rs. 5,000 hai man an nih. Dhothian chu Punjab Armed Police (PAP) complex bula man niin, intelligence report an hmu dungzuia Punjab po-lice haiin an man a nih. Dhothian chu case 26 awr lai mek a na, Punjab hmuna Gangster hai laia police haiin an tum tak (most wanted) nia hril a nih. Nabha jail a inthawk

hin mi 6 an tlansuok a, chu hai laia mi 4- Dhothian, Gurpreet Singh Sekhon, KLF militant Harminder Singh Mintoo le Neeta Deol hai chu man nawk an ni tah a, tuhin Vicky Gounder le Kashmir Singh hai chu man tuma zawng zing an nih.November 27, 2017 khan Police uniform a inthuom hawnkhat Nabha jail-ah Jeep in an tlan lut a, a sunga intang mi 6 an in tlanhmangtir. Mintoo chu Delhi hmuna Nizamuddin railway station a man niin, Deol chu Madhya Pradesh-ah tukum kumbul lai khan man a lo ni ta bawk.

Hmasawnna Thar4 EntErtainmEnt / SportSTHLATun (ApriL) 03, 2017THAw|Anni (MOnDAY)

Maldives Model A Thisa Ruong Hmu A Nih

MALDiVES: Mal-dives nunghâk, hang ngaino bei, Vogue India ah khawm cov-er-girl-a lo \hang tah, Islami Bank Medical College, Rajshahi City, Bangladesh a second year thaw mek Raudha Athif (21) chu Nilaini khan a room sûngah a thisaa hmu a nih a, mâni inthat ni dinga ring a nih. A ruong hi a ruol han an hmu a, police an hril zovin Rajshahi Medical College hospital ah autopsy thaw dinga lak a nih, tiin The Daily Star-in a ziek. Female Hostel superin-tendent Mahmuda Begum chun, model nu hi a ‘hlim zing hlak’ a, hienga mâni inthat ding hin chu ‘ring harsa’ tak a ti thu a hril. Ama chun, “Ka room ah ka um a. Students hai khêk ri ka hriet thut a. Building sâwng ruk floor hninaa chun ka tlân tung a. Student han Athif room kawtkhar hawng an tum lai chu ka va hmu a. Kawtkhar chu suksein kan lut a, a ruong hi kan va hmu tah a nih” tiin a hril. Officer-in-charge Zil-lur Rahman chun, “Mani le mâni inthat (suicide) ang kan tih a. Autopsy result hung suok hma chu hri-etchieng thei ni naw nih” tiin a hril. Raudha Athif hi Mal-dives nunghâk a nih a. A hung inlâr \anna chu pho-

tographer Sotti-in “Maldiv-ian Girl With Aqua Blue Eyes” tia a hung pholang a inthawk khan a nih a. An President khawmin social media chena an pak nu kha a nih. Kha thlalâk khan 2014 khan a suklar nghâl a. Ni kum 2016 khan Vogue India, October issue cover ah a ruol \henkhat leh an inlang nghe nghe a nih. Ama chun, “Modelling hi ka fakzawngna (career) nêkin kan hnikna (hobby) a ni lem a. Kei chu dactor ni dingin lekha kan chuk a nih” tiin a lo hril tah a. Tuhin hienga a hung thi el hi asan ding awm hriet an tak hle. Model khawvêl, abîkin nunghâk lai hin, thu le hla a tam ve a, ngaizâwng thil leh. Lungril sâwlna ding nei lem chun nunghâk chu mâni le mâni inthat hi pawi an ti ngai nawh. Hobby leiin tamtak chu an thi pha rawp hlak rêng a. Tulai lem chu ‘selfie’ hobby leia thi an pung hrât em em.

Justine Bieber, Car Sungah Nunghak LehriO DE JAnEirO: Cana-dian tlangval, nunghâk tam-takin an invetchil deuthaw, a fena na an hnawtzuia a bufak mahla chen dawka-na mi fapeka a thirhaihaw chen an lâkpêk el hlak, sawrkâr le thuneituhai le thubuoi hlabuoi nei zie Jus-tine Bieber bawkin chanchin ngai nuomum le hmu nu-omum a siem nâwk tah. Car sûngah nunghâk pakhat leh an in-kiss. Brazil khawpui Rio de Janeiro ah concert a neina le inzawmin Ningani zan khan a hunawl kar lakah a tlungna Fasano Hotel a inthawkin limousine Car nal takin Brazil nunghâk pakhat a phur suok a. Car sûngah hin tu hmu lovin ti deuin inhawi an chen nasa hlea chu camera hmaia lo hmu tlangtu an um hlau el. Sam dum thlap nunghâk hmêl\ha deu a hming hrietlo le hin mobile phone-a thlalâk hai an inentir vela, an hlim hlea. Hnaitea hmai intuok vangin taksa inhneng tuo zin-gin an \hung a. Justin Bieber chu a hmai a sen phit phita, pakhat nu chu an nui hawr hawra. Kiss dinga a hei hnai khawm chun a lo kiss let ve nghâl a. Body guard le driver hai hmu lovin car sûngah an lo infâwp châwt châwt el a nih. Court case rik tak phur

a ni leiin insukhadam met a tum a hawi. Purpose World Tour a nei dinga hin hi sam dumnu hi a \hang ve naw leiin a hmaa lo inhre tah an ni naw chun, Brazil a châm sûnga a umpui dinga Hotel supply a ni el thei. Justin Bieber hi bielnu nei lai a nih. A world tour le inzaw-min Inrinni-in Sao Paulo a lut a. Sao Paulo a inthawkin Peru, Ecuador le Colombia haiah concert nei pei a tih. Rio a châm sung hin insukthawveng met khawm a nuom leiin Rio Rainforest hnuoiah hiking fein ke in mi tamtak a fans “Beliebers” hai lam lakah an tawngpui a. Zingkar hun khawm inhawi takin hun a hmang a. A hun an bichil leiin hunawl a nei nâw bawk leh car sung khawm a hmang remchâng el tah niin an lang.

Car sûnga inhnaichil vel hi inhawi a ti chi tak a hawi. Ningani zan khawm khan khawvar tawmin Rio hotel pakhata inthawka nunghâk pahni le an hung suok lai hmu a nih a. An pathumin car hnungtieng an thung a. Sam bum nu kawngah chun a kuo a, pakhat nu darah a kuo bawk a. Inhawi an ti hle. Social media fans hai kuoma a hril dan chun nuhmei pakhat nu hi Luciana Chamone, instagram ah fol-lower 87, 000 neitu a nih a. Justin a ruolnu anga hril nunghak pakhat kum 21 mi hi chu blogger Marina Pumar, Pontifical Universi-ty of Rio de Janeiro-a kai lai mek niin Vogue Brazil chun a hril. Justin le hotel-a party nei, party zo an la dittawk naw leia Justine tlungna mansion tieng sunzawm dinga fe an nih.

Kourtney Kadarshian, 4-Steps Body MoisturizingLOS AngELES: Nau pathum nei hnung khâwma a \hatna la chuoi lo, a hrisêlna khawm a \ha deu deu am-anih ti dinga vun rawng nal em em, TV reality star Kourtney Kadarshian (37) chun a vun a suknam dan le a enkawl dan ‘step li’ suklangin, terry-cloth-towel vara a nene hmur po thupin basam thla hniengin an pose a, a vun rawng nalna a suklar hle a. A thil chinghai a shar hi lo en ve ta, i \hathnempui ve tak duoiin. Ni tin a taksa (vun) a suk-fai dan, daily four-step body moisturizing-a a hmang chu, organic coconut oil, apple cider vinegar, detox salts, face oil le silk pillow case hai an nih. “Zana ka routine chu detox salts-a inchiea insil a nih. Vun inchie hu vawng hin vuna toxins hai a fawpfai a, vun a sukhrisel a nih” tiin KourtneyKardashian.com ah a ziek. “Khuma ka zal hmain Manuka Doctor face oil kan nal a, awmbawr, kut le ke, a moisture (tuihu) hai a um/cheldet zing theina dingin mawza (socks) ka bun a. Lukham 100% pure silk ka khâm zie bawk,” tiin, New Zealand skincare company brand ambassador chun a hril a. Social Media-a zuitu 92.5 million zet neitu hin a fans hai kuomah, tamtakin controversial an ngai “tea-tox” Flat Tummy Tea dawna Waist Gang Society trainer (taksa insawizawina trainer)

hai leh taksa sawizawi hlak dingin an fui a nih. Kum 22 a ni laia nene operation thaw, University of Arizona graduate, Arme-nian-chenve model Kourt-ney hi Forbes magazine inkhi dan chun model hlâw tamhai lai a thâng phâk a. Flat Tammy Tea promote na ding hin $200,000 le chun-gtieng a hlâw niin a hril. Ama anga model hlâw tam dang chu, Nicole ‘Snooki’ Polizzi, Lindsay Lohan le Amber Rose hai an nih. Hminginthangna hnawt sûngkuo Kardashian hi hrisêlna ngaina mi tak a nih a. A pasal Scott Disick leh nau pathum, Mason (7), Penelope (4) le Reign (2) an nei hnung khâwmin nunghâk angin hrisêl takin a la um thei a. October 2015-a

an \hepui tah a pasal Scoot khawmin, “The master of healthy eating” a ti hiel a nih. A hnuk châk zâwng ni lovin a taksa \hatna dingin bu a fak hlak. A pasal Scoot leh kum 9 an innei hnungin October 2015 khan inmâkna thu a thelut a. A pasal Costa Rica ah model iemani zat leh châwl hmanga fein an hung kir tieng “sex addict ka nih” ti social media haia a hrillang lei ni takin an lang a. Kha hma po chu, “Kan karah iengkhawm inhrietthiem nâwna a um nawh a. Kan inhrietthiem a, tukhawm hin kan nauhai le \ha takin kan la um tlâng pei thei tho an nawm” tiin Scott chun March 19 khan People magazine a hril.

One Direction, Student a Inthawk Millionaire KaiLOnDOn: Kum sari vel liemtaa khan chu sikul nau-pang an la nih a. Tuhin chu mimal seng hlutna ringawt khawm mi pakhatah Pound $50 million pei niin “One Direction” hai chu million-aire an ni tah. Britain-a kum 30 hnuoi millionaire hai laia tiem sa an ni tah; Harry Styles, Louis Tomlinson, Zayn Malik, Niall Horan le Liam Payne hai hi. Zayn Malik-in malzai thawin a suoksan taa chu “One Direction” tiin an la um zing a. Tuchena an pawisa lam suok tah po chu 262 mil-lion Pound a ni tah a. Tuta kar khan Companies House tarlang dan chun, X Factor graduate hai hin an firm 1D Media-a share sâwm zawrin 14 million Pound an hlawk a. Kum 25 hnuoi vawng niin Sunday Time’s Rich List ah an lut phâk vawng a nih. Hlasakthiem man a um bik veng veng hle. Hlasakthiem group in-larhai le khaikhinin, abîkin khawvêla Band inlârtak The Beatles hai le khaikhin khâwmin, One Direction a hausa lem dai a nih. The Beatles hai kha anni hun laia an hlutna inkhi dânah mi pakhat kha Pound 1.1 mil-lion peia hlu an ni a. Tulai rate-a hisap ding khâwmin mi pakhatin Pound 16.7 million vel pei hu ang an nih

phâk chau a nih. An album hmasatak “What Makes You Beauti-ful?” (2011) kha Number One a nih nghâl a. Darkar 36 sungin copy 82, 000 zawr a nih a, khawvêl pumpuiah 1.2 million copies zawr suok a nih. An album 5 hai chu 20 million copies zawr suok a nih tah. Mi panga umna band, Quintet “One Direc-tion” hai hin US Billboard ah khawm Number One hmun rukah chângin record an break a nih. One Direction hai hin mi hla phuok an sak tam lema chu tulai hin anni ngei khawmin hla an phuok/siem ve tan tah a. An hla phuok ngei khawm iemani

zat an sak tah. A tir chun X Factor ah pathumna chau an nia chu Simon Cowell-in nasatakin a siem tâwl a. Kum thum vel hnungah chu an hung hlâwtling tah em em a. Kum 3 hma khan $10 million contract an lo signed tah bawk. Simon khawm a kiem bik nawh. A company Syco le Sony \hangruola an siem a ni angin tuchenah chu $630 million an lam suok ve tah a nih. Simon mimal taka a hmu suok ve hriet a ni nawa chu, company pahni hai hi 20% pei an hlâw ve a nih. Simon-in mimal tinin finance adviser nei dinga a hrilhmu angin an nei seng tah a nih.

ENGISH PREMIER LEAGUE:

Crystal palace lakah Leader Chelsea an tlawm zan Manchester United khawm West Brom lakah goal an thun thei nawhKar-hni sung International Break a um hnungin Inrinni zan khan league tieng pang rambung hran hranin an \an nawk a. Premier League khawm inkhel pa-riet tawp a um a, Club lien-hai khawm an inlang phuor bawk. Early Kick off-ah Liverpool chun Everton an mikhuol a, 3-1 in an lo hne a, pathumna an inhlang-kai a, anachu an hnuoia um Manchester City nekin vawihni an inkhel rawn lem a point pahni chauin an in-sang lem. Liverpool ta din-gin Sadio Mane chun min-ute 8 na chauah goal hmasa a thun a, chu goal chu Mat-thew Pennington chun a thunglet a, half hma charin Liverpool ta ding bawkin Coutinho chun goal a hung thun nawk a, Half chenah Liverpool chun 2-1 in hma an \huoi a nih. Half zo min-ute 60 naah Zivock Origi chun goal pakhat a thun nawk leiin Liverpool hratna a hung namnghet zuol ta a nih. Everton an hrat naw le inzawm hin pasarina an ni mek a nih. League leader Chel-sea chun Crystal Palace an lo mikhuol a, tu ring phak lovin Chelsea hi 1-2 in an

khelmuolah an tlawm a nih. Inkhel \ana inthawk minute 5 na chauah Chel-sea chun Fabregas hmangin goal thun hai sien khawm Wilfred Zaha chun minute 9 naah a hung rul nghal a, chu zo minute 2 khawm a la liem fel hma’n Christian Benteke chun Everton ta dingin goal a thunsa leiin Chelsea chu an tlawm lem ta a nih. Chelsea hin inkhel thunun hle hai sien khawm goal an thun hlei thei naw leiin table-a a hnuoi tienga um Crystal palace lakah an tlawm lem ta a nih. Crystal Palace an hrat lei hin rel-egation zone an hlat met met a, 16 na niin an hnuoia um Swansea nekin point

paliin an insang lem ta a nih. Chelsea an hrat naw le inzawm hin a zawna vawi 13 an hrat zawm char char chu a lo tawp ta a nih. Chel-sea Coach Antonio Conte chun title inchuna \hang a nasa zuol deu deu ding thu le an hawi zuol pei ding thu a hril. Tuhin inkhel pakuo a la um a, Chelsea hi pahnina Tottenham chungah point pasariin an insang lem mek. Tuta kar Nilaini hin Man-chester City leh inbei an ta, an hmabak ding iemani chen chu hriet thei ning a tih. Champion lai mek Leicester City chun Stoke City an lo mikhuol a, 2-0 in an lo hne. Hi taka goal

thuntuhai chu Ndidi(25`) le Jamie Vardy(47`) hai an nih. Leicester City hi tuhin a 13-na an ni mek a, Stoke City ruok chu pakuona an nih. Manchester Unit-ed chun West Brom an mikhuol ve a, inkhel thunun hle hai sien khawm goal pakhat khawm an thun zo nawh. Inkhel pumpui enin ball possession 75% an nei phaka chu West Brom De-fender hai an paltlang zo hlawl naw a nih. Hull City chun West Ham an lo mikhuol ve a, half chenah West Ham tieng goal khatin hrat lem hai sien khawm second Half-ah Hull City tieng An-

drew Robertson le Andrea Rannocchia haiin goal pak-hat ve ve an thun leiin Hull City an hrat letling ta lem a nih. Hull City hi hrat lem hai sien khawm relegation zone an la suoksan naw a, game 29-ah point 27 chau neiin a 17-na an ni mek. Inkhel dangah table-a pahnina ni mek Tottenham chu Burnley tieng an van zin ve a, khuolralah 2-0 a va hratin point hlu tak pathum an va hlaw. Tottenham ta dinga goal thuntuhai chu Eric Dier(66`) le Heung-Min Son (77`) hai an nih. Watford chun Sunder-land an lo mikhuol ve a, 1-0 in an hrat. Watford ta dinga goal thuntu chu Miguel Britos a nih. Ama hin minute 59 naah goal umsun le an hratna goal a thun a nih. A tawpna takah Southampton le AFC Bournemouth an inkhel a, goal thun bik um lovin 0-0 in an inangtawk. AFC tien-gin minute 79 naah Penalty an hmu a, anachu Harry Arter chun a petlut naw a nih. Tuhin Southampton hi table-ah 10-na an ni a, Bournemouth chu an hn-uoi charah 11-na an ni ve thung.

Dylan in a Nobel Prize a dawng tahSTOCKHOLM: Nobel Prize for Literature 2016 dawngtu dinga thlang Bob Dylan chun, a Nobel prize a dawng ding le dawng naw ding chiengkuong lo taka a um hnungin April 1, 2017 khan Swedish Academy le secret meeting huna a dawng ta niin local media report chun a hril. Dylan hin a Nobel diploma le medal hai a dawng ta ngei thu Academy member Hor-ace Engdahl chun Swedish public broadcaster SVT kuomah a hril. Stockholm hmuna Dylan in concert hmasatak a nei ding hma deua a hmun hrillang lo hmun pakhata meeting nei

huna Dylan hin a Nobel hi a dawng a nih. Dylan hi khawvela hlasak le phuok thiem hai laia hiengang Nobel Prize Literature dawngtu hmasa tak a la nih. Bob Dylan (75) hi No-bel Prize literature dawng dinga thlang a ni angin a pawm a, sienkhawm De-cember, 2016-a Nobel

Prize Ceremony-a khan a \hang theinaw ding thu a hril a, sienkhawm message a thawn a, chu taka chun No-bel prize literature dawng dinga thlang a ni chun a suk surprise hle thu le award dawng dinga ceremony-a a \hang thei nawna thuah pawi a ti thu a ziek a nih.

Prince Charles Italy ramah

LOnDOn: Prince of Wales Charles chu August 24, 2016 nia Italy ram richter scale 6.2 a hrat sim-khawlei inhning in a sawi leia mi 297 zetin thina an tuokna hmun Amatrice khawpui sir dingin zan-ikhan Italy ramah an zin a, a cham sungin simkhawlei inhning in a sawisietna hmun hai sirkuol a tih. August 24, 2016 a Am-atrice khawpui simkhawlei inhning in a sawi huna thi-na tuok hai lai khan Lon-don mi Marcos Burnett (14) \hangin Britain mi 3 an \hang a, kha sietna tlun-

ga khan mi 4,000 deuthaw chengna ding In nei lovin an um pha bawk a nih. Duchess of Cornwall Camilla chun Florence hmunah a mimal takin hi human trafficking le do-mestic violence survivors hai inpawlpuina nei a ta, anni hai enkawltu kum 1985-a indin non-profit organisation Progetto Ar-cobaleno Association staff le volunteers hai inhmupui bawk a tih. Camilla hin 16th Centu-ry Vasari Corridor le St. Mark’s Anglican Church hai khawm sir a tih.

S. Korean cargo ship Steller Daisy a umna hriet loin an hmangSEOuL: South Korea car-go ship (thil phurna lawng) mi 24 chuongna chu South Atlantic tuipuiah a umna chin hriet lovin zani hma-saa inthawk khan an hmang. Lawng inhmang hi zawng-na sin thaw mek a ni a, hi lawnga chuong hai laia mi 2 hai chu sansuok an ni ta a, midang 22 hai zawng mek an nih tiin South Korean foreign ministry official thusuok chun a hril. Lawng inhmang zawngna le sansuokna sin thawna kawnga Brazil le Uruguay sawrkar hai \hang-

14th State Level Hmar Martyrs TrophyHung tlung ding May 16-a, 27th Hmar Martyrs Day 2017 hunser hmangna ding le inzawma 14th State Lev-el Hmar Martyrs Trophy, Manipur (football) buotsai a um chu zani khan Saikawt pavilion-ah HMARTOB \huoina hnuoiah Manager meetingneiin team pool siemfelna nei a nih. Hun hmasataka Pu. Lalvullien Hmar, Chairman HMARTOB in team manager/captain le fekhawmhai lawmlutna a nei hnungin Pu. Rohminglien, President Saikot Youth Club in hun hawng \awng\aina a nei. Inkhel dan ding le thu pawimaw tak takhai hrilzo a ni hnungin Pu Vanlalruot, match commissioner inrawina hnuoiah tide draw/Fixture siemrelna nei a nih. Inkhel hun sung substitution 5 pei nei thei ning a ta, League match sung minutes 40 pei inkhelin, match danga ruok chu minutes 45 pei ning a tih. Inkhel hun sunga player chang mawilo le fans chang mawilo hai chunga hremna pek ning a ta, team/player buoina siem an um a ni chun match ban le fine chen pek ning an tih. Opening match 5th April 2017 dar 1:00 PM khin nei ning a ta, Buonzawl FC le Neis-hial YC hai inkhel an tih. Hi hunsera hin khuollienin Shri Thangjang Haokip, Presi-dent Kuki Inpi Churachandpur \hang a ta, Khuolinzaumin Shri. B. Dongzalian, Chair-man Zomi Council le Hunserpain Shri. Joseph Lalrothang \hang bawk a tih. Rimawi tiengah Nk. Lawmnakim Hrangate, Nk. Lalengvar Sinate le Tv. Thawlehnaniro-pui (Puipuia) haia inthawk ngaithlak ni bawk a tih. Hi hunsera \hang ding hin HM-ARTOB chun club participants po po le mipui a hrephak ta phawt hai fielna a siem. Hi inkhel runpuia ding hin team/club 33 umin, pool 8-a \he an nih. Match Fixture ruok chu nidanga la sukfel dingin chanchin ei lak khawmna hai chun an hril.pool A 1. Sielmat YC 2. VASA3. Megadas FC4.TuiţhapiYC pool B 1. FAST A 2. Zenhang Lamka YC 3. Zawnglai FC 4. Bungkhawpui FC pool C 1.KangleiFC 2. ABC Saidan 3. Faxton FC 4. Teksiepu FC

pool d 1. Lamka SC 2. Zawlbuk FC 3. Zoheisa FC 4. Neishial Veng YC pool e 1. FC Phailenders 2. TMT 3. Zeal SC 4. HYA Imphal pool F 1. FC Ridil 2. Central Lamka FC 3. Thenmuol FC 4. Hmarveng YC

pool G 1.UnitedKhawzimBrothers 2.KapţhuomMemorialTeam 3. Shanveng FC 4. Young Brothers FC 5. Leisen FC pool H 1.MuvanlaiAthletic 2.KorteBrothers 3. Lenlai Club4. FAST B

pui dingin South Korea chun a ngen a. Hi le inzawm hin Uruguay Navy hai chun san-suokna le zawngna sin ngawr takin an thaw mek. Steller Daisy (lawng)

hi Very Large Ore Carrier (VLOC) niin tonnes 260,000 a rik phur thei a ni a, South Korean Company ta a ni a, Lawng hi Brazil rama in-thawka hung suok a nih.