სსიპ გრიგოლ წულუკიძის სამთო...

სსიპ გრიგოლ წულუკიძის სამთო ინსტიტუტი

ზოგადი ინფორმაცია

სსიპ გრიგოლ წულუკიძის სამთო ინსტიტუტი (წარსულში ცნობილი როგორც

საქართველოს მეცნიერებათა აკადემიის გ. ა. წულუკიძის სახელობის სამთო მექანიკის

ინსტიტუტი) დაარსდა 1957 წელს. 2006 წელს ინსტიტუტმა მიიღო საჯარო სამართლის

იურიდიული პირის სტატუსი.

განყოფილებები და ლაბორატორიები:

1.მიწისქვეშა ნაგებობებათა მშენებლობის, საბადოთა დამუშავების და კომპლექსური

მექანიზაციის განყოფილება:

ა) მიწისქვეშა ნაგებობათა მშენებლობის ლაბორატორია;

ბ) საბადოთა დამუშავების ლაბორატორია;

გ) კომპლექსური მექანიზაციის ლაბორატორია.

2. აფეთქების ტექნოლოგიების განყოფილება:

ა) ფეთქებადი მასალების კვლევისა და აფეთქების ტექნოლოგიების ლაბორატორია;

ბ) მაღალტექნოლოგიური მასალების ლაბორატორია;

გ) აფეთქებისაგან დაცვის ტექნოლოგიების ლაბორატორია.

3. ქანების, საშენი მასალების თვისებების და ხარისხის კონტროლის განყოფილება;

4. ანალიზური ქიმიის და წიაღისეულის გამდიდრების განყოფილება;

5. საკონსტრუქტორო კვლევების და პროექტირების სამეცნიერო ცენტრი.

საკონტაქტო ინფორმაცია:

ნიკოლოზ ჩიხრაძე

დირექტორი

ე.მინდელის ქ. 7, 0186, თბილისი, საქართველო

ტელეფონი/ფაქსი: +(995 32) 2324716/+(995 32) 2325990

ელ-ფოსტა: [email protected]

ვებ-გვერდი: www.mining.org.ge

mailto:[email protected]

http://www.mining.org.ge/


ინსტიტუტის ძირითადი სამეცნიერო-ტექნიკური სამუშაოების მიმართულებები:

1. სამთო, სატრანსპორტო, ჰიდროტექნიკური, კომუნალური, სპეციალური და სხვა

დანიშნულების ნაგებობების მშენებლობის და რეკონსტრუქციის სრულყოფა,

მიწისქვეშა გვირაბების საიმედო და ეკონომიური გაყვანის ტექნოლოგიების და

სამაგრი კონსტრუქციების შექმნა.

2. გვირაბების და მიწისქვეშა ნაგებობების ირგვლივ ქანების მასივის დაძაბულ-

დეფორმირებული მდგომარეობის შესწავლა და შეფასების მეთოდების

სრულყოფა.

3. გვირაბების და მიწისქვეშა ნაგებობების სტატიკურ, რეოლოგიურ და დინამიკურ

დატვირთვებზე ზღვრულ მდგომარეობებზე გაანგარიშების მეთოდების, მათი

კომპიუტერული პროგრამების და ტექნიკური სახელმძღვანელოების შექმნა, მათი

გამოყენება კონკრეტულ პროექტებში.

4. ფენობრივ და ძარღვეულ საბადოთა გახსნისა და მომზადების დაპროექტების

მეთოდების სრულყოფა.

5. რთულ სამთო-გეოლოგიურ პირობებში ნახშირის სქელი ფენების ღრმა

ჰორიზონტების დამუშავების ტექნოლოგიების კვლევა – სრულყოფა.

6. მანგანუმის საბადოების კომპლექსური ათვისების მეთოდების დამუშავება.

7. მილსადენი ჰიდროსატრანსპორტო სისტემების (წყალსადენი, პულპსადენი,

ნავთობ და გაზსადენი) უსაფრთხო და საიმედო ექსპლუატაციის ღონისძიებების

შემუშავება; მილსადენების, სამილსადენო არმატურის და სხვა მოწყობილობების

მდგომარეობის ტექნიკური დიაგნოსტიკა.

8. მილსადენი ჰიდროსატრანსპორტო სისტემების მუშაობის რეჟიმების შესწავლა და

ჰიდრავლიკური დარტყმებისაგან დამცავი ეფექტური საშუალებების დამუშავება

სისტემების უსაფრთხო ექსპლუატაციის, საიმედოობის, ეკოლოგიური

სისუფთავის დონის გაზრდის უზრუნველყოფისათვის.

9. მილსადენებისა და მოწყობილობების ჰიდროაბრაზიული ცვეთის შესწავლა და

მის შესამცირებლად ეფექტური ხერხებისა და საშუალებების დამუშავება;

10. საბაგირო სატრანსპორტო საშუალებების, ამწევი სატრანსპორტო მოწყობილობების

და მექანიზმების დიაგნოსტიკა.

11. მილსადენი ჰიდროსატრანსპორტო (წყალსადენი, პულპსადენი, ნავთობსადენი,

ნავთობპროდუქტსადენი, გაზსადენი) სისტემების გაანგარიშების, დაპროექტების,

მშენებლობის ექსპლუატაციის, ექსპერტიზის და მონიტორინგის პრობლემები.

12. ძნელდნობადი და მტკიცე მასალების მისაღები შავი და ფერადი ლითონების,

სამრეწველო ნარჩენების და სამხედრო მრეწველობაში გამოყენებული (ჭურვები,

ჯავშნები და ა.შ.) მასალების სადნობი ახალი პლაზმური ტექნოლოგიის და მისი

განხორციელებისათვის საჭირო დანადგარების შექმნა და კვლევა.


13. ბაგირ–ღეროვანი სტრუქტურების მოდელირება და გაანგარიშება.

14. ახალი, ეკოლოგიურად სუფთა, სამრეწველო ფეთქებადი ნივთიერებების შექმნა.

15. მასიური აფეთქებით გამოწვეული სეისმური ეფექტის კვლევა და საინჟინრო

ნაგებობებზე მისი ზემოქმედების შემცირების ხერხების შემუშავება.

16. მჭიდროდ დასახლებულ ადგილებში აფეთქებითი სამუშაოების წარმოების

ტექნოლოგიების სრულყოფა, ბუნებრივ და ისტორიულ ძეგლებზე მათი მავნე

ზემოქმედებიდან დაცვის უზრუნველყოფის მიზნით.

17. ბურღვა-აფეთქებითი სამუშაოების კომპიუტერული პროგრამების შემუშავება

ოპტიმალური პარამეტრების დადგენის მიზნით.

18. აფეთქებით წნეხვის, განმტკიცების, შედუღების და სინთეზის ტექნოლოგიების

შემუშავება.

19. აფეთქების დარტყმითი ტალღებისა და საწყისი მაღალი ტემპერატურის

გამოყენებით ზესალი მასალების მიღების ტექნოლოგიის დამუშავება.

20. ნანოსტრუქტურული კომპოზიციური მასალების მიღების ტექნოლოგიების

დამუშავება.

21. აფეთქებით გამოწვეული დინამიკური დატვირთვების გათვლის მეთოდების

ანალიზი და შემუშავება.

22. ხალხის და სამთო ობიექტების აფეთქების ზემოქმედებისაგან დაცვის სისტემების

შემუშავება;

23. შახტებში მტვრის, მეთანის და ნახშირის აფეთქებისაგან დამცავი სისტემები;

24. ქანების და საშენი მასალების თვისებების მახასითებელთა დადგენა და ხარისხის

კონტროლი.

25. ახალი ბგერაჩამხშობი და დაბალი თბოგამტარობის მქონე ხელოვნური

სამშენებლო მასალების ტექნოლოგიების შემუშავება.

26. მიწისქვეშა ნაგებობებისა და გვირაბების კონსტრუქციების გაანგარიშება და

დაპროექტება.

27. მადანთა და მათი გამდიდრების პროდუქტების ქიმიური ანალიზი.

28. წყლისა და ნიადაგის ანალიზი (მიკრობიოლოგიურის გარდა).

29. მეტალური და არამეტალური სასარგებლო წიაღისეულის ტექნოლოგიური

ტესტირება გამდიდრების მექანიკური (გრავიტაცია, მაგნიტური და

ელექტროსტატიკური სეპარაცია, ფლოტაცია) და ქიმიური (ჰიდრომეტალურგია)

მეთოდებით, საბადოს ეკონომიკური პოტენციალის შეფასების მიზნით.

30. სასარგებლო წიაღისეულის გამდიდრების არსებული ტექნოლოგიური პროცესების

და გამდიდრების კუდების მეორადი გადამუშავება.

31. საბადოთა დამუშავებასთან დაკავშირებული გარემოს დაცვითი პრობლემები.


მატერიალურ-ტექნიკური ბაზა

ინსტიტუტს გააჩნია მიწისქვეშა ექსპერიმენტალური ბაზა ფეთქებადი

ნივთიერებების გამოცდისათვის 100 კგ ტროტილის ექვივალენტის ფარგლებში,

წნეხები (TechPress2TM ჰიდრავლიკური პნევმატური ავტომატური მონტაჟის წნეხი),

სტენდები, ოპტიკური მიკროსკოპები, რენტგენო-დიფრაქციული სისტემები X1 (Scintag,

აშშ), მეტალოგრაფიკული, ქიმიური და დიაგნოსტიკური ლაბორატორიული

აღჭურვილობა.

თანამშრომლობა სამეცნიერო კვლევებისა და ტექნოლოგიების სფეროში

სამთო ინსტიტუტი მჭიდროდ თანამშრომლობს ევროკავშირის ქვეყნების

სამეცნიერო-კველვით ცენტრებსა და ინსტიტუტებთან: გერმანია (კლაუსტალის

ტექნოლოგიური უნივერსიტეტი), საბერძნეთი, ნიდერლანდები, პოლონეთი, ესპანეთი,

ბულგარეთი, ჩეხეთის რესპუბლიკა; აშშ (ლოს-ალამოსის ნაციონალური ლაბორატორია,

აშშ-ს არმიის სამეცნიერო-კვლევითი ლაბორატორია, ლოურენს ლივერმორის

ნაციონალური ლაბორატორია, ჯორჯიის ტექნოლოგიური ინსტიტუტი, სამხრეთ

დაკოტის სამთო მრეწველობის და ტექნოლოგიის სკოლა, სან-დიეგოს უნივერსიტეტი,

ბრუკჰავენის ეროვნული ლაბორატორია); რუსეთი (ჩერნოგოლოვკის სემენოვის

ქიმიური ფიზიკის ინსტიტუტი, მაღალი წნევების ფიზიკის ინსტიტუტი,

ნოვოსიბირსკის ჰიდროდინამიკის ინსტიტუტი; უკრაინა (ეროვნული მეცნიერებათა

აკადემიის ბუნებათსარგებლობის და ეკოლოგიის პრობლემათა ინსტიტუტი

დნეპროპეტროვსკში, პატონის ელექტროშედუღების ინსტიტუტი, სახელმწიფო

საკონსტრუქტირო ბიურო ”იუჟნოე”) და სხვა.

სამეცნიერო პროექტებში მონაწილეობა

გ.წულუკიძის სამთო ინსტიტუტმა მონაწილეობა მიიღო შოთა რუსთაველის

ეროვნული სამეცნიერო ფონდის (საქართველო), საერთაშორისო სამეცნიერო-

ტექნიკური ცენტრის (ISTC), უკრაინაში მეცნიერებისა და ტექნოლოგიების ცენტრის

(STCU), აშშ სამოქალაქო კვლევებისა და განვითარების ფონდის (CRDF), საქართველოს

სამეცნიერო-ტექნოლოგიური განვითარების ფონდის (GRDF), NATO-ს პროგრამაში

”მეცნიერება მშვიდობისა და უსაფრთხოებისათვის” (SPS), ყოფილი საბჭოთა კავშირის

დამოუკიდებელი რესპუბლიკების მეცნიერებთან თანამშრომლობის საერთაშორისო

ასოციაციის (INTAS), იაპონიის საერთაშორისო თანამშრომლობის სააგენტოს (JICA) მიერ

დაფინანსებულ მთელ რიგ სამეცნიერო პროექტებში.

მიწისქვეშა ნაგებობათა მშენებლობის

ლაბორატორია

სამთო, სატრანსპორტო, ჰიდროტექნიკური, კომუნალური, თავდაცვის და სხვა

დანიშნულების მიწისქვეშა ნაგებობების სტატიკურ და დინამიკურ დატვირთვებზე

გაანგარიშება და დაპროექტება საექსპლუატაციო მოთხოვნების ზღვრულ მდგომარეობებზე

ჩვეულებრივ და მძიმე სამთო-გეოლოგიურ პირობებში.

ინსტიტუტში დამუშავებული კომპიუტერიზებული გაანგარიშების მეთოდები იძლევა

ნაგებობის ტექნიკურ-ეკონომიკური თვალსაზრისით ოპტიმალური საპროექტო გადაწყვეტის

მიღების საშუალებას ქანების მასივის და სამაგრი კონსტრუქციების დრეკადობის,

პლასტიკურობის და ცოცვადობის გათვალისწინებით.


განყოფილების უფროსი, ლაბორატორიის გამგე

ტექნიკის მეცნიერებათა დოქტორი,

პროფესორი ლევან ჯაფარიძე

ტელეფონი: +(995 32) 2325831





რიცხვით მეთოდებზე დამყარებული თანამედროვე მძლავრი კომპიუტერული

პროგრამების („Rocscience” – “Pase2”, “Lira” და სხვა) გამოყენებით ბუნებრივ და ტექნოგენურ

სტატიკურ და დინამიკურ ზემოქმედებებზე:

ქანების არაერთგვაროვანი მასივების დაძაბულ-დეფორმირებული მდგომარეობის შეფასება

წიაღისეულის მიწისქვეშა დამუშავებისას წარმოშობილი გამონამუშევრების ირგვლივ;

წიაღისეულის მიწისზედა მოპოვების, სატრანსპორტო, ჰიდროტექნიკურ და სხვა

დანიშნულების საინჟინრო სამუშაოებისას რელიეფის უსაფრთხო ფერდების დაპროექტება და

მეწყრული მოვლენების შესაძლებლობის შეფასება;

სხვადასხვა ტიპის სამთო-ტექნიკური ნაგებობების და საინჟინრო კონსტრუქციების

გაანგარიშება.


განყოფილების უფროსი, ლაბორატორიის გამგე

ტექნიკის მეცნიერებათა დოქტორი,

პროფესორი ლევან ჯაფარიძე

ტელეფონი: +(995 32) 2325831





პოლიმერული კომპოზიტი ჰიბრიდული ბოჭკოების საფუძველზე

აღწერა შემოთავაზებულია კომპოზიტი, რომელიც დამზადებულია ეპოქსიდური ფისის (მატრიცა)

და მაარმირებელი ჰიბრიდული სტრუქტურების (მინის, ნახშირბადის, ბაზალტის ბოჭკოები) საფუძველზე. ნაჩვენებია მაღალი სიმტკიცისა და მაღალი მოდულის მქონე ნახშირბადის ბოჭკოს ბაზალტის ბოჭკოთი ნაწილობრივი ჩანაცვლების შესაძლებლობა მასალის ფიზიკურ–მექანიკური

თვისებების მნიშვნელოვანი გაუარესების გარეშე. კომპოზიტში გამოყენებული ბაზალტის ბიჭკო დამზადებულია ქართული ნედლეულიდან და ხასიათდება რკინის ოქსიდების დაბალი შემცველობით და დამზადების ტექნოლოგიის სიმარტივით. ბორის კარბიდის, ჩვენს მიერ შემუშავებული ტექნოლოგიით მიღებული იმავე ბაზალტის ფხვნილები გამოყენებულია როგორც პოლიმერული მატრიცის გამაძლიერებლები.

კომპოზიტი ფორმირდება ავტოკლავური მეთოდით, რომელიც გამოირჩევა მთელი რიგი უპირატესობებით სხვა მეთოდებთან, კერძოდ ,,სველ’’ მეთოდთან შედარებით, რომელიც გულისხმობს მაარმირებელი კომპონენტების გაჟღენთვას და ფორმირებას ერთდროულად. ავტოკლაური მეთოდის უპირატესობა გამოიხატება იმაში, რომ წინასწარ გაჟღენთილ და დამზადებულ ნახევრადფაბრიკატში–პრეპრეგში პრაქტიკულად სრულადაა დასველებული

ბოჭკოები შემკვრელი მასით. ნაკეთობის მიღება ხდება ასეთი პრეპრეგის გადამუშავებით (დაწნეხვა).

გამოყენების სფეროები განახლებადი ენერგიის ტექნოლოგიები

(ზემოთ აღწერილი კომპოზიტები, განკუთვნილი ქარის ტურბინის ფრთების,

კერძოდ, გარსისა და ლონჟერონის დასამზადებლად დამუშავდა ჩვენს მიერ STCU პროექტის N G-3631 ფარგლებში, სამრეწველო გაერთიანება ,,Южное’’-სთან (უკრაინა) ერთად;

ახალი მასალები და ნანოტექნოლოგიები; აეროკოსმონავტიკა; ბირთვული ტექნოლოგიები და უსაფრთხოება.

დამუშავების სტადია მასალის დამზადების ტექნოლოგიის პრინციპიალური საკითხები გადაწყვეტილია.

ჩატარებულია მასალის სრულმასშტაბიანი ლაბორატორიული გამოცდები. დამზადებულია

ნაკეთობის პილოტური ნიმუში. ამჟამად მიმდინარეობს სამუშაოების დაპატენტების პროცესი. ვეძებთ შესაძლო პარტნიორებს, რომლებიც დაინტერესებული იქნებიან ახალი ეფექტური მასალის – ბაზალტო-კარბოპლასტიკის და მისგან მიღებული ნაკეთობების წარმოებით და რეალიზაციით. სამუშაოს ძირითადი მიზნის პრაქტიკული რეალიზაციისათვის აუცილებელია ფინანსური მხარდაჭერა. სურ. 1 კომპოზიტი გამოცდების შემდეგ (ა) გაჭიმვაზე და (ბ) ღუნვაზე


უფროსი მეცნიერი თანამშრომელი, ტექნიკის მეცნიერებათა დოქტორი,

პროფესორი გურამ აბაშიძე

ტელეფონი/ფაქსი:+(995 32)324716/+(995 32)325990 ელ-ფოსტა: [email protected]


კომპლექსური მექანიზაციის ლაბორატორია

მაგისტრალური, სამრეწველო და ტექნოლოგიური დანიშნულების მილსადენი

ჰიდროსატრანსპორტო სისტემების გაანგარიშება, დაპროექტება და მათი

ექსპლუატაციის მდგრადობის უზრუნველყოფის მეთოდები და საშუალებები

მილსადენი ჰიდროსატრანსპორტო სისტემები

(პულპსადენები, წყალსადენები, ნავთობსადენები,

ნავთობპროდუქტსადენები) ფართოდ გამოიყენება

მრეწველობის პრაქტიკულად ყველა დარგში,

სამხედრო საქმეში და საყოფაცხოვრებო სექტორში.

ამ სისტემების ექსპლუატაციის მდგრადობა და

ეფექტურობა დიდად არის დამოკიდებული

რაციონალური პარამეტრების დადგენაზე,

ოპტიმალური რეჟიმების უზრუნველყოფაზე.

დამუშავებულია აღნიშნული სისტემების მიერ

განვითარებული ჰიდროდინამიკური პარამეტრების

ოპტიმალური მნიშვნელობების გაანგარიშების, მათი

განხორციელების რაციონალური სქემების შერჩევის,

უარყოფითი მოვლენების (გარდამავალი რეჟიმების და დაუმყარებელი პროცესების დროს

დინამიკური წნევების ნაზარდის; მილსადენების,

მილსადენი არმატურის, ტუმბოების

ჰიდროაბრაზიული ცვეთის და ა.შ.) თავიდან

აცილების მეთოდები და საშუალებები, რომელთა

რეალიზება მნიშვნელოვნად ზრდის მათ ტექნიკურ-

ეკონომიკურ მაჩვენებლებს, ამაღლებს საიმედოობას,

უზრუნველყოფს ეკოლოგიურ უსაფრთხოებას.

დამუშავებული მეთოდიკების, მეთოდების და

საშუალებების სანდოობა შემოწმებულია ნახევრად-

სამრეწველო ლაბორატორიულ, აგრეთვე მსხვილ

სამრეწველო დანადგარებზე და სისტემებზე, მრავალი

მათგანი შეტანილია ჩვენს მიერ შედგენილ

დარგობრივ ნორმატიულ სახელმძღვანელოებში.


ლაბორატორიის გამგე,

ტექნიკის მეცნ. დოქტორი,

პროფესორი ლეონ მახარაძე ტელ.: +(995 32) 2321978


უფროსი მეცნიერი თანამშრომელი,

ტექნიკის მეცნ. დოქტორი

ვლადიმერ სილაგაძე

ტელ.: +(995 32) 222 2461





ელექტრორკალური პლაზმატრონის

გამარტივებული სქემა

ელექტრორკალური პლაზმატრონის

გამარტივებული სქემა

პლაზმური დანადგარი ახალი ტიპის წყალ-ელექტრული

პლაზმატრონით და კვების წყაროთი

წყალ-ელექტრულ პლაზმატრონებში

შესაძლებელია შედარებით გრძელი ელექტრული რკალის

სტაბილური მოქმედების განხორციელება, რკალის

მოქმედების კამერაში, წყლის ძალიან მცირე

ცილინდრული ფორმის ნაკადით, რაც იწვევს

ტემპერატურის და ენტალპიის მქონე პლაზმური ჭავლის

მიღებას. ამის გამო წყალ-ელექტრული პლაზმატრონს

გააჩნია რიგი უპირატესობები მასალების პლაზმური

მეთოდით დამუშავებისას, როგორიცაა: პლაზმური

დაფრქვევა, ნარჩენების გადამუშავება და განსაკუთრებით

ლითონების პლაზმური ჭრა. ასეთი ტიპის

პლაზმატრონებით შესაძლებელი ხდება უფრო მარტივად

გაიჭრას 120 მილიმეტრამდე სისქის მქონე სხვადასხვა

სახის ლითონები, მათ შორის ბრონირებული.

ლითონების წყალ-ელექტრული პლაზმური ჭრის შემთხვევაში თერმული გავლენის

ზონა ჭრის ზედაპირზე მნიშვნელოვნად ნაკლებია ჰაერპლაზმურ ჭრასთან შედარებით,

როდესაც დამატებით ხდება ჭრის ზედაპირის აზოტირება და ამ ზონის მოხსნის გარეშე

საპასუხისმგებლო დეტალების ერთმანეთთან შედუღება შეუძლებელია.

ჩვენ გთავაზობთ ტექნიკურად გამარტივებულ და ზემოთ აღნიშნული თვისებების მქონე

პლაზმური დანადგარის (ახალი ტიპის წყალ-ელექტრული პლაზმატრონით და კვების

წყაროთი) დამუშავებას.

მისი გამოყენების სფეროებია: სამხედრო მრეწველობა, მანქანათმშენებლობა,

მეტალურგია, ლითონური ჯართის დამუშავება და სამშენებლო ინდუსტრია.




პროფესორი ლეონ მახარაძე ტელ.: +(995 32) 2321978




დაშვების სიჩქარის ავტომატური რეგულირების სისტემით აღჭურვილი

საბაგირო საევაკუაციო მოწყობილობის სასინჯი ეგზემპლარის

დამზადება და გამოცდა

აღწერა

სამთო ინსტიტუტის ტრანსპორტის

სპეციალური სახეობების, საიმედოობის და

დიაგნოსტიკის განყოფილების სამეცნიერო ჯგუფმა

2004-05 წლებში დაიწყო მუშაობა აღნიშნულ

პრობლემაზე. სამეცნიერო კვლევის შედეგად

დამუშავდა ორიგინალური საევაკუაციო

მოწყობილობა, 2008 წელს საგრანტო დაფინანსებით

შეიქმნა ექსპერიმენტული ეგზემპლარი და ჩატარდა

ლაბორატორიული ცდები, სადაც ნაჩვენები იქნა, რომ

შესაძლებელია დამუშავებული ორიგინალური

კონსტრუქციის ბაზაზე მომზადდეს მასობრივი

წარმოებისთვის ხელსაყრელი და კონკურენტუნარიანი პროდუქტი - ავტომატური საბაგირო

საევაკუაციო მოწყობილობა.

ინოვაციური ასპექტი და ძირითადი უპირატესობები

მოწყობილობის მთავარი განმასხვავებელი თვისება არსებულთაგან შედარებით

მდგომარეობს ევაკუაციის სიჩქარის პერიოდული ავტომატური რეგულირების მექანიზმში.

გამოყენების სფეროები

სამხედრო სფეროში – ვერტმფრენებიდან სამხედროების და ტვირთების სწრაფი და

უსაფრთხო დესანტირებისათვის. აქ აღსანიშნავია, რომ დაშვების დროს თოკზე მყოფ

ჯარისკაცს ეძლევა სრული შესაძლებლობა დაშვების პროცესშივე აქტიურად ჩაერთოს

საბრძოლო მოქმედებებში, ვინაიდან დაშვება შეიძლება განხორციელდეს ავტომატურ

რეჟიმში.

სხვადასხვა სახის მაღლივი ვერტიკალური სამონტაჟო სამუშაოების შესრულების დროს;

საბაგირო ტრანსპორტის მოძრავი შემადგენლობიდან მგზავრთა უსაფრთხოდ

ევაკუაციისათვის;

მაღლივი შენობებიდან და საინჟინრო ნაგებობებიდან განსაკუთრებულ შემთხვევებში (მაგ.

ხანძრები, ტერორისტული აქტები, მიწისძვრები და სხვა სახის კატასტროფები) ადამიანთა

ევაკუაციისთვის, როდესაც სხვა სახის სამაშველო ოპერაციების ჩატარება შეუძლებელია ან

უკიდურესად შეზღუდულია;

ექსტრემალური სპორტის სახეობებში – ალპინიზმი, ვერტიკალური სპელეოლოგია,

კანიონინგი, ჯამპინგი და ა.შ. – ვერტიკალური დაშვებისთვის.

დამუშავების სტადია

ლაბორატორულ პირობებში დამზადებულია და გამოცდილია საცდელი მოწყობილობა.


მეცნიერი თანამშრომელი,

აკად. დოქტორი გიორგი ნოზაძე ტელ.: +(995 32) 2326991




ტურისტული, სასოფლო, სამრეწველო და თავდაცვითი დანიშნულების

საბაგირო სატრანსპორტო სისტემების, კიდული ხიდებისა და

ლითონკონსტრუქციების უსაფრთხოების ანალიზი, ექსპერტიზა,

კომპუტერული მოდელირება და დაპროექტება

ბაგირგზების და ბაგირ-ღეროვანი სტრუქტურების უსაფრთხოების ანალიზი,


საბაგირო ტრანსპორტი კანონმდებლობით

მიეკუთვნება მომეტებული საფრთხის შემცველ

ობიექტებს, რომელთაც სავალდებულოა

ჩაუტარდეს ე.წ. უსაფრთხოების ანალიზი.

შედეგები და რეკომენდაციები უნდა

დაფიქსირდეს ოფიციალურ დოკუ-მენტში -

უსაფრთხოების ანგარიშში.

ლაბორატორიაში შემუშავებულია

ორიგინალურ მიდგომაზე დაფუძნე-

ბული პროგრამული უზრუნველყოფა,

რომლის საფუძველზე ტარდება

ბაგირგზების, კიდული ხიდების და

სხვა გავრცობილი კონსტრუქციების

უსაფრთხოების ანალიზი, კომპუტე-

რული მოდელირება და გაანგარიშება.

დამუშავებულ მათემატიკურ და პროგრამულ უზრუნველყოფას აქვს საერთაშორისო

აღიარება.

HTTP://WWW.MINING.ORG.GE/DEVELOP/PATARAIA-DMR/INDEX.HTML

ლაბორატორიის თანამშრომლები სერტიფიცირებული არიან ევროპული

რეგულაციების - „საბაგირო გზები - თანამედროვე ევრონორმები და უსაფრთხოების

წესები“ შესაბამისად სათანადო საექსპერტო სამუშაოების ჩატარებაზე.




პროფესორი დავით პატარაია ტელ.: +(995 32) 2326991; +(995 599) 506487 (მ.)


[email protected]




ტურისტული, სასოფლო, სამრეწველო და თავდაცვითი დანიშნულების

საბაგირო სატრანსპორტო სისტემების, კიდული ხიდებისა და

ლითონკონსტრუქციების უსაფრთხოების ანალიზი, ექსპერტიზა,


ბაგირების და ბაგირ-ღეროვანი სტრუქტურების ინსტრუმენტული

დეფექტოსკოპია და ექსპერტიზა

სამგზავრო და სატვირთო საბაგირო

გზების უსაფრთხო და ეფექტური

ექსპლუატაციის უზრუნველყოფის

მიზნით ლაბორატორიაში

დამუშავებულია მზიდი და საწევი

ბაგირების და მათთან დაკავშირებული

კვანძების, ელექტრონული და

მექანიკური მოწყობილობებისა და

დანადგარების ვიზუალური და

ინსტრუმენტული ექსპერტიზის

მეთოდიკა. ლაბორატორია აღჭურვილია

თანამედროვე გამზომი და

დიაგნოსტიკური აპარატურით.

ექსპერტიზის ეს მიმართულება

ტრადიციულია და წარმატებით

ფუნქციონირებს ინსტიტუტში მისი

დაარსების დღიდან.




პროფესორი დავით პატარაია ტელ.: +(995 32) 2326991; +(995 599) 506487 (მ.)


[email protected]



ფეთქებადი მასალების კვლევისა

და აფეთქების ტექნოლოგიების ლაბორატორია

ფეთქებადი ნივთიერებების და აფეთქების საშუალებების ტესტირება და ექსპერტიზა;

საამფეთქებლო სამუშაოების უსაფრთხო ტექნოლოგიების შერჩევა;

ახალი და მოქმედი კარიერებისათვის ბურღვა-აფეთქებითი სამუშაოების პროექტირება;

საამფეთქებლო სამუშაოების პროექტირება სხვადასხვა დანიშნულების მიწისქვეშა

ნაგებობების გაყვანისას;

საინჟინრო ნაგებობების აფეთქებით დემონტაჟის პროექტირება;

მუხტების სეისმოუსაფრთხო მასების და მანძილების გაანგარიშება;

აფეთქებითი სამუშაოების გარემოზე მავნე ზემოქმედების შემცირების ღონისძიებების

შემუშავება და მონიტორინგი;

ღია სამთო სამუშაოების დაპროექტება;

კარიერების და სანაყაროების მდგრადობის გათვლა, მათზე სტატიკური და დინამიკური

დატვირთვების ზემოქმედებისგან;

მოსაპირკეთებელი ქვის ბლოკების მოპოვების ახალი რესურსდამზოგი ტექნოლოგია.

1.


განყოფილების უფროსი, ლაბორატორიის გამგე,

აკად. დოქტორი სერგო ხომერიკი

ტელეფონი/ფაქსი: +(995 32) 2328191/+(995 32) 2326887



ფეთქებადი მასალების კვლევისა

და აფეთქების ტექნოლოგიების ლაბორატორია

ახალი ტიპის ფეთქებადი ნივთიერება

აღწერა ყოფილი საბჭოთა კავშირის გაუქმებულ სამხედრო ბაზებზე, მათ შორის საქართველოში,

დიდი რაოდენობით არის დაგროვილი ვადაგასული საბრძოლო ჭურვები, რომლებიც

მოსახლეობისათვის საშიშროებას წარმოადგენენ. ამიტომ ისინი, როგორც წესი, ექვემდებარებიან განადგურებას აფეთქებით ან დაწვით. მათი განადგურება იწვევს ატმოსფეროში დიდი რაოდენობით ტოქსიკური ნივთიერებების გამოფრქვევას, ამასთან მოითხოვს სპეციალური პოლიგონების მოწყობას. ეს გარემოება მძიმე ტვირთად აწვება ქვეყნებს, რომლებიც განიცდიან თავისუფალი და დასახლებული პუნქტებიდან საკმაო დიდი მანძილით მოშორებული მიწის ფართობების დეფიციტს

ვადაგასული ჭურვების განადგურებისათვის საჭირო პოლიგონების მოსაწყობად. ამავდროულად დადგენილი იქნა, რომ გასანადგურებელი ჭურვების უტილიზაცია იძლევა სხვადასხვა სახის ახალი პროდუქციის შექმნის საშუალებას.

ინოვაციური ასპექტი და ძირითადი უპირატესობები ბოლო წლებში გაფართოვდა კვლევები უტილიზებული საბრძოლო მასალების სამრეწველო

ფეთქებად ნივთიერებად ტრანსფორმირების ტექნოლოგიების შემუშავების მიზნით. ამ მიმართულებით შესრულებულ პროექტებში ძირითადი აქცენტი გაკეთდა ვადაგასული კოლოიდური დენთებისა და მყარი სარაკეტო საწვავის მგრძნობიარობის, დეტონაციური თვისებების და ქანების დამსხვრევის

ეფექტურობის დადგენაზე. უტილიზებული, კონვერსიული ფეთქებადი ნივთიერებების გამოყენების ეკოლოგიური პრობლემების გადასაჭრელად, ავანგარდული როლი შეასრულა გ. წულუკიძის სამთო ინსტიტუტმა, რომელმაც ISTC-ს მხარდაჭერით 2004-2007

წლებში შეასრულა პროექტი ,,უტილიზებული საბრძოლო მასალების ბაზაზე სამრეწველო ფეთქებადი ნივთიერებების შექმნა’’. ამ პროექტში შესწავლილი იქნა არა

მხოლოდ უტილიზებული კოლოიდური დენთების და სარაკეტო საწვავის, არამედ მათთან ამონიუმის ნიტრატის შერევის გზით დამზადებული, ჟანგბადის მიხედვით გაწონასწორებული,

შენარევების დეტონაციური და ტექნოლოგიური მახასიათებლები. უპირატესობები: 1. შეიქმნა იაფფასიანი და ეკოლოგიურად უსაფრთხო სამრეწველო ფეთქებადი ნივთიერებები, რომლებიც თავისი ჰიდროდინამიკური მახასიათებლებიდან გამომდინარე, არაფრით ჩამოუვარდებიან დღევანდელ ბაზარზე არსებულ ფეთქებად ნივთიერებებს.

2. ახალი ტექნოლოგიები საშუალებას იძლევა ვადაგასული საბრძოლო მასალებიდან ამოღებული კოლოიდური დენთები, რომლებიც უნდა დაქვემდებარებოდნენ აუცილებელ განადგურებას, გამოყენებული იქნან ძირითად საწვავ ელემენტად და მათ ბაზაზე დამზადდეს ახალი ტიპის ეკოლოგიურად უსაფრთხო იაფი ფეთქებადი ნივთიერებები. 3. ახალი ტიპის ფეთქებადი ნივთიერებები გაწონასწორებულია ჟანგბადის შემცველობის

მიხედვით, რის შედეგადაც მინიმუმამდე არის შემცირებული აფეთქებისას ტოქსიკური აირების ატმოსფეროში გამოფრქვევა.

გამოყენების სფეროები ღია სამთო სამუშაოები;

კომუნიკაციების ქსელების მშენებლობა; სამშენებლო მოედნების მოწყობა; შენობა-ნაგებობების დემონტაჟი.


განყოფილების უფროსი, ლაბორატორიის გამგე,

აკად. დოქტორი სერგო ხომერიკი

ტელეფონი/ფაქსი: +(995 32) 2328191/+(995 32) 2326887



მაღალტექნოლოგიური მასალების ლაბორატორია

აფეთქებით შედუღების მეთოდით ანოდური დამმიწებლებისათვის

ბიმეტალური ელექტროკონტაქტების დამზადება

აღწერა

სარკინიგზო მაგისტრალის, გაზსადენისა და ნავთობსადენის ძირითად მუშა ორგანოდ გამოიყენება

ლითონის გაყვანილობა, რომელიც ძირითადად, როგორც წესი მიწასთანაა უშუალო კონტაქტში, მიწა კი,

როგორც ცნობილია კოროზიისათვის იდეალური გარემოა. კოროზიის შესამცირებლად გამოიყენება

ანოდური დამმიწებელი, რომელიც თავის მხრივ დაკავშირებულია ლითონის კონსტრუქციებთან და

მილსადენებთან მექანიკურად. ნაკლებ საიმედო ელექტროკონტაქტების გამო, ანოდური დამმიწებლები,

რომლებიც ანეიტრალებენ მოხეტიალე დენებს, ხშირად გამოდის წყობიდან და საჭირო ხდება მათი

შეკეთება ან გამოცვლა.

გ. წულუკიძის სამთო ინსტიტუტში მეცნიერთა ჯგუფის მიერ შემოთავაზებულ იქნა ანოდური

დამმიწებლებისათვის მექანიკური კონტაქტები შეიცვალოს ბიმეტალური ელექტროკონტაქტებით.

ამისათვის გამოყენებული იქნება აფეთქებით შედუღების

ტექნოლოგია.

ინოვაციური ასპექტი და ძირითადი უპირატესობები

მიდგომის უნიკალურობა გამოიხატება იმაში, რომ შეიცვალოს

ანოდური დამმიწებლებისათვის მექანიკური კონტაქტი ერთი

მთლიანი ბიმეტალური ელექტროკონტაქტით, რომელიც

დამზადებული იქნება აფეთქებით შედუღების მეთოდით.

შემოთავაზებული პროდუქცია და ტექნოლოგია ძირეულად

განსხვავდება არსებულებისაგან. შემოთავაზებული ტექნოლოგია

არის ეკოლოგიურად უსაფრთხო, ენერგოდამზოგავი

(ელექტროენერგიის 80% დანაზოგი) ეკონომიურად ეფექტური და

კონკურენტუნარიანი.

ახალი ტექნოლოგიის საიმედოობა გამოცდილ იქნა ”საქგაზთან”

არსებული, ლითონების კოროზიისგან დაცვის სამმართველოსთან

ჩატარებული ერთობლივი კვლევების საფუძველზე.

აფეთქებით შედუღების გამოყენებით მიღებული ბიმეტალური

ელექტროკონტაქტების თვითღირებულება 2/4 -ით ნაკლებია,

ვიდრე სხვა მეთოდებით (პლაზმური, დეტონაციური, თბური და

სხვა) მიღებული. მათ გააჩნიათ იდეალური გადასასვლელი ზონა

ელექტროგამტარებლობისათვის და საუკეთესო მექანიკური

თვისებები ამ ზონაში.

გამოყენების სფეროები

ბიმეტალური ელექტროკონტაქტები გამოიყენება ნავთობ და გაზსადენი სისტემების, მიწისქვეშა

კომუნიკაციების კოროზისაგან დასაცავად. ბიმეტალები ასევე გამოიყენება რკინიგზის ტრანსპორტში

რელსების ელექტრული შეერთებების ადგილზე. ასეთი ელექტროკონტაქტები გამოიყენება აგრეთვე

მაღალი ძაბვის დენსადენებში.

დამუშავების სტადია

პროდუქცია, ბიმეტალური ელექტროკონტაქტების სახით, მზად არის დისტრიბუციისათვის და

მსოფლიო ბაზარზე გასაყიდად. პატენტი გაფორმების სტადიაშია.

ბიმეტალის ნიმუშები



ფიზ.-მათ. მეცნ. დოქტორი

ელგუჯა ჩაგელიშვილი

ტელეფონი/ფაქსი:+(995 32) 210230/+(99532)325990



მაღალტექნოლოგიური მასალების ლაბორატორია

ახალი ტიპის კონტეინერი რადიაციული ნარჩენებისათვის

აღწერა ახალი, მრავალფენიანი, მაღალი სიმკვრივის გრძელტანიანი ცილინდრული კონტეინერები, მაღალი

აბსორბციული თვისებებით ნეიტრონული და გამა გამოსხივების მიმართ, შემუშავებული იქნა გ. წულუკიძის

სამთო ინსტიტუტის თანამშრომლების მიერ. ცილინდრული მრავალფენიანი ნამზადები მიღებული იქნა

აფეთქებით დაწნეხვის ტექნოლოგიის გამოყენებით. დატვირთვის ინტენსიურობა დაწნეხვის დროს არ

აღემატებოდა 10გპა-ს. გამოყენებული იყო სამრეწველო დაბალი სიჩქარის ფეთქი მასალა ამონიტი და მისი

ნარევები სელიტრასთან სხვადასხვა პროპორციებით. წარმოდგენილი კონტეინერის კედლები, ისევე როგორც

ძირი და თავსახური შესდგება Al-B(B4C)-Pb(PbO)–Al (ფოლადი) ფენებისაგან. შემუშავებულია კონტეინერები

Al-B4C-Pb & Al-(B+Pb) მრავალფენიანი კედლებით შიდა Al (ფოლადი) ფენის გარეშეც. გამოსხივების

სიმკვრივისა და ინტენსიურობის საფუძველზე შესაძლებელია გამოყენებული იქნას მაღალგამდიდრებული

10B იზოტოპი და ტყვიის ჟანგი ( PbO) შესაბამისად სტანდარტული ბორისა და ტყვიის ნაცვლად.

შემოთავაზების სიახლეა გრძელტანიანი ნამზადების ერთ დატვირთვაში დაწნეხვა და დამზადება, რაც

საშუალებას იძლევა დავამზადოთ მრავალფენიანი კონტეინერები მაღალი სიმკვრივის B და Pb-ის

ფენებისაგან. მიდგომის სიახლე მდგომარეობს სპეციალურად შემუშავებული სქემებისა და აქსესორების

გამოყენებაში, რაც განაპირობებს მრავალფენიანი- მაღალი სიმკვრივის კედლებისა და თავსახურის

ფორმირებას.

შემოთავაზებული კონტეინერები ხასიათდებიან მაღალი აბსორბციული და სიმტკიცის

მახასიათებლებით ნეიტრონული და γ გამოსხივების წინააღმდეგ, ტრანსპორტირებისას მოხერხებულია,

მსუბუქია და ეკოლოგიურად უსაფრთხო.

ინოვაციური ასპექტი და ძირითადი უპირატესობები შემოთავაზებული მრავალფენიანი კონტეინერების შესწავლა და მათი ეფექტურობის შეფასება

მიუთითებს მათ აშკარა პერსპექტიულობაზე ბირთვული ნარჩენებისა და საწვავის შენახვის არსებულ

საშუალებებთან შედარებით. მარტივი და დაბალი თვითღირებულების დამზადების ტექნოლოგია, რომელიც

დაფუძნებულია დაბალფასიანი და ვადაგასული ფეთქებადი მასალების გამოყენებაზე და ნამზადების შემდგომ

სახარატო ჩარხზე დამუშავებაზე , განაპირობებს შემოთავაზებული ახალი ტიპის კონტეინერების

პერსპექტიულობას და მაღალ კომერციულ პოტენციალს ყველა განვითარებულ ქვეყანაში.

გამოყენების სფეროები ბირთვული ნარჩენებისა და საწვავის შენახვა ტრანსპორტირება.

დამუშავების სტადია დაკვეთის შემთხვევაში შესაძლებელია დამზადდეს საჭირო ზომის კონტეინერები დამკვეთთან

შეთანხმებითა და კოპერაციით.

დამზადებული Al-(B4C+Pb)-ფოლადი. მრავალფენიანი კონტეინერის საჩვენებელი ნიმუში: ა) საერთო ხედი;

ბ) თავსახური და კონტეინერის ტანი ცალ-ცალკე.

კონტეინერის ტანის აფეთქებით დამზადებული სხავდასხვა ზომისა

და შემადგენლობის ნიმუშები

ნამზადები.

ა)

ბ)

ა)

ბ)


უფროსი მეცნიერი თანამშრომელი, აკად. დოქტორი აკაკი ფეიქრიშვილი ტელ: (+995.32) 214-0957



აფეთქებისაგან დაცვის ტექნოლოგიების


მიწისქვეშა ნაგებობებში შემთხვევითი და ტერორისტული

აფეთქებებისგან ხალხის დამცავი სისტემა

დამცავი სისტემა შეიცავს: ა) აფეთქების დეტექტირებისა და დამცავი სისტემის გააქტიურების

უსადენო მოწყობილობას; ბ) ახალი კონსტრუქციის აფეთქების ენერგიის ჩამხშობს, რომელიც

უზრუნველყოფს წყლის ნისლის ბარიერის შექმნას დარტყმითი ტალღის გავრცელების ზონაში.

სასტენდო და მიწისქვეშა გამოცდების შედეგებით დადასტურებულია ახალი დამცავი სისტემის

ეფექტიანობა.

დამცავი სისტემის ტექნიკური დახასიათება:

სასტარტო სიგნალის მიღებისას დამცავი სისტემა გვირაბში ქმნის წყლის ნისლს, რომელშიც

წვეთების ზომა შეადგენს 25-400 მიკრონს;

ჩამხშობის გააქტიურების დრო აფეთქების მომენტიდან: არაუმეტეს 11 მილიწამი;

დარტყმითი ტალღის ჭარბი წნევის შემცირება 2.1-2.3-ჯერ.

წარმოდგენილი დამცავი სისტემა შესაძლებელია გამოყენებული იყოს:

1. საავტომობილო და სარკინიგზო გვირაბებში;

2. მეტროს გვირაბებში;

3. ნახშირის შახტებში, სადაც არის მეთანის აფეთქების საფრთხე;

4. ზედაპირულ და საზღვაო ნავთობმომპოვებელ პლატფორმებზე;

5. სხვა ნავთობ-ქიმიურ საწარმოებში,

ვიდეოკლიპი დამცავი სისტემის შესახებ: www.vimeo.com/19792318

ახალი დამცავი სისტემა შექმნილია ნატოს სამეცნიერო პროგრამის “მეცნიერება მშვიდობისათვის”

მხარდაჭერით.

A-წყლის ნისლის გენერატორი ჰორიზონტალური გაფრქვევისათვის;

В - ვერტიკალური გაფრქვევისათვის


A B


აკად. დოქტორი ედგარ მატარაძე

სსიპ გ. წულუკიძის სამთო ინსტიტუტი

მინდელის ქ. 7, 0186, თბილისი

ტელეფონი/ფაქსი: +(995 32) 325990

ელ-ფოსტა: [email protected] ვებ-გვერდი: www.mining.org.ge

პროფ. ტედ კრაუტჰამერ

ინფრასტრუქტურის დაცვისა და ფიზიკური

უსაფრთხოების დაცვის ცენტრი,

ფლორიდის უნივერსიტეტი

365 Weil Hall Gainesville, FL 32611-6580, USA

ტელეფონი/ფაქსი: (352) 273-0691/ (352) 273-0186

ელ-ფოსტა: [email protected] www.cipps.eng.ufl.edu

http://www.vimeo.com/19792318


http://www.mining.org.ge/


http://www.cipps.eng.ufl.edu/

ქანების , საშენი მასალების თვისებების და ხარისხის კონტროლის განყოფილება

1. ქანების და სოილების (გრუნტების) თვისებების კვლევა, დადგენა, ხარისხის კონტროლი და

გარანტია:1

1.1 ტენიანობა, სიმკვრივე, წყალშთანთქმა, კონსისტენცია;

1.2 სიმტკიცის ზღვრები: შეკუმშვაზე, გაჭიმვაზე, ღუნვაზე, ძვრაზე;

1.3 დრეკადობის მოდული, პუასონის კოეფიციენტი, ცოცვადობა;

1.4 აბრაზიულობა, ცვეთა;

1.5 ყინვამედეგობა.

2. ბეტონის თვისებების კვლევა, დადგენა, ხარისხის კონტროლი და გარანტია:1

2.1 ბეტონის ინგრედიენტების თვისებები;

2.2 ბეტონის ინგრედიენტებს შორის თანაფარდობა;

2.3 ნარევის თვისებები;

2.4 ნარევის სამშენებლო ყალიბებში ჩასხმა, კომპაქტირება, მოვლა;

2.5 გამყარებული ბეტონის თვისებები.

3. საკვალიფიკაციო ტრენინგების ჩატარება ქანების, სოილების (გრუნტების) და ბეტონის

თვისებების კვლევა-დადგენის და ხარისხის კონტროლის შესახებ.1

1 გამოიყენება თანამედროვე ამერიკული, ევროპული სტანდარტები, ნორმატიული დოკუმენტები და მეთოდები.

ცდა პირდაპირ ძვრაზე ცდა მოცულობით შეკუმშვაზე სლამპის ცდა


განყოფილების უფროსი

აკად. დოქტორი გიორგი ბალიაშვილი

ტელ.: +(995 32) 2321978; მობ.: +(995 99) 741125



ანალიზური ქიმიის და წიაღისეულის

გამდიდრების განყოფილება

საექსპერტო და საკონსულტაციო შესაძლებლობები:

კონსულტაცია სასარგებლო წიაღისეულის გადამუშავების

და მინერალური ნედლეულის გამოყენების სფეროში;

სინჯის აღება და მომზადება;

ანალიზური მომსახურება;

სასარგებლო წიაღისეულის (მადნების) ტექნოლოგიური ტესტირება;

მომსახურება გარემოს დაცვის სფეროში.


განყოფილების უფროსი

აკად. დოქტორი ნინო შეყრილაძე

ტელეფონი/ფაქსი: +(995 95) 512229/+(995 32) 2325990

ელ.–ფოსტა: [email protected]


საკონსტრუქტორო კვლევების და

პროექტირების სამეცნიერო ცენტრი

საპროექტო-საკონსტრუქტორო ჯგუფი:

1. კონსტრუქციების საანგარიშო სქემების დადგენა, მათი დამუშავების და გაანგარიშების

უზრუნველყოფა.

2. სამოქალაქო-სამრეწველო საინჟინრო და მიწისქვეშა შენობა-ნაგებობების კონსტრუქციული და

არქიტექტურული ნაწილების შედგენა-დამუშავება.

3. ობიექტის მშენებლობის პროცესში გამოვლენილი ტექნიკური საკითხების გადაწყვეტა.

4. საავტორო ზედამხედველობის განხორციელება.

5. მშენებლობის ორგანიზაციის პროექტების შედგენა.

6. სახარჯთაღრიცხვო დოკუმენტაციის შედგენა ლოკალურ-რესურსული მეთოდით, მოქმედი

ნორმატიული აქტების და აგრეთვე მიმდინარე საბაზო ფასების მიხედვით.

7. შესრულებული სამუშაოების მოცულობების და საჭირო მასალების რაოდენობის განსაზღვრა.

8. დეფექტური აქტების შედგენა.

საინჟინრო სისტემების პროექტირების ჯგუფი:

1. მშენებლობისათვის საჭირო მანქანა-დანადგარების შერჩევა და

მათი ექსპლუატაციის კონტროლის წარმოება.

2. საინჟინრო ნაგებობების ენერგომომარაგების პროექტების შედგენა.

3. საინჟინრო ნაგებობების წყალსადენ-კანალიზაციის სისტმების პროექტების შედგენა.

4. საინჟინრო ნაგებობების გათბობით უზრუნველყოფის პროექტების შედგენა.

5. საინჟინრო ნაგებობების ვენტილაციით უზრუნველყოფის პროექტების შედგენა და მათი

თბოფიზიკური და აეროდინამიკური გაანგარიშებების განხორციელება. სავენტილაციო სისტემების

დაპროექტება კლიმატკონტროლით და მათ გარეშე.

ავტომატიზირებული პროექტირების ჯგუფი :

1. პროექტირებისათვის აუცილებელი საწყისი მონაცემების შეგროვება.

2. საპროექტო დოკუმენტაციის დადგენა და დამუშავება თანამედროვე კომპიუტერული სისტემების

საშუალებით.

3. საპროექტო დოკუმენტაციის მომზადება დამკვეთისათვის გადასაცემად.

4. აზომვითი სამუშაოების წარმოება და დეფექტური აქტების შედგენა.

საკონსტრუქტორო კვლევების და

პროექტირების სამეცნიერო ცენტრი

საინჟინრო გეოლოგიური და გეოდეზიური ჯგუფი:

1. საყრდენი გეოდეზიური ქსელის შექმნა და გეოდეზიური წერტილების განსაზღვრა.

2. გეოდეზიური წერტილების ადგილზე პოვნა და საველე ტოპოგრაფიული აგეგმვა.

3. აზომვის შედეგების კამელარული დამუშავება და მისი გრაფიკულად გამოსახვის უზრუნველყოფა;

4. საინჟინრო ნაგებობათა დაკვალვითი სამუშაოების წარმოება და გეოდეზიური კონტროლის მოხდენა;

5. ორიენტირების ამოცანების გადაწყვეტა.

6. მარკშეიდერული ქსელის შექმნა და მარკშეიდერული წერტილების განსაზღვრა.

7. მიწისქვეშა აგეგმვითი სამუშაოების წარმოება და მათი გრაფიკულად გამოსახვის უზრუნველყოფა.

8. გვირაბებისათვის მიმართულების მიცემის და მარკშეიდერული კონტროლის განხორციელება.

9. მიწისქვეშა ნაგებობათა დაკვალვით სამუშაოების წარმოება და ასევე მარკშეიდერული კონტროლის

მოხდენა.

10. საინჟინრო-გეოლოგიური კვლევითი სამუშაოების ჩატარება.

11. კვლევების შედეგების საფუძველზე საინჟინრო-გეოლოგიური დასკვნის მომზადება.

12. სამუშაოების მაღალი დონით შესასრულებლად გამოიყენება მაღალი სიზუსტის ხელსაწყოები:

• GPS - სისტემა Leica GS-08plus; • ტაქეომეტრი (Total station) Leica TS-09 plus.


ცენტრის უფროსი,

აკად. დოქტორი გიორგი ჯავახიშვილი

ტელ.: +(995 555) 588798 (მობილური)

+(995 32) 2329113 (სამსახური)



სსიპ გრიგოლ წულუკიძის სამთო...

Documents

Transcript of სსიპ გრიგოლ წულუკიძის სამთო...