Naam:

1

Eerste kwartaal program.

Sondag 18 Januarie - bekendstelling van ons week van inspirasie

19-22 Januarie - week van inspirasie - 'Kom ons bid saam!'

Sondag 25 Januarie - Nagmaal. Vertel my die storie! Fokusteks: Markus 1:14-20

Sondag 1 Februarie - Kinder en gesinsdiens. Fokusteks: Markus 1:21-28

Sondag 8 Februarie - Biddag vir opvoeding en onderwys. Fokusteks: Markus 1:29-39

Sondag 15 Februarie - Lydensweke begin. Fokusteks: Markus 9:2-9

Sondag 22 Februarie - Fokusteks: Markus 1:9-15

Sondag 1 Maart - Fokusteks: Markus 8:31-38

Sondag 8 Maart - Fokusteks: Johannes 2:13-22

Sondag 15 Maart - Fokusteks: Johannes 3:14-21.

Sondag 22 Maart - Paassangdiens

25 Maart - skole sluit.

Sondag 29 Maart - Groot lydensweek. Fokusteks: Markus 14:1-15:47

Paassondag 5 April - Fokusteks: Markus 16:1-8

Sondag 12 April - Fokusteks: 1 Johannes 1:1-2:2.

13 April - skole open vir tweede kwartaal.

2

Inhoudsopgawe Eerste kwartaal program. .................................................................................................................................................................................... 1

Ons volg die kerklike Seisoen. .................................................................................................................................................................. 3

Jesus, die Seun van God! ...................................................................................................................................................................................... 3

Byeenkoms 4 – week van 15 tot 21 Februarie 2015 ........................................................................................................................... 3

Fokusteks is Markus 9:2-9, asook Markus 1:9-11 en hoofstuk 25 uit die Storie ..................................................................... 3

Jesus die Seun van God! (vervolg) .................................................................................................................................................................... 5

Byeenkoms 5 – week van 22 tot 28 Februarie 2015 ........................................................................................................................... 5

Fokusteks: Markus 1:9-15 saam met hoofstuk 25 uit die Storie. ................................................................................................... 5

Jesus, die Seun Van God (vervolg) ................................................................................................................................................................... 7

Byeenkoms 6 – week van 1 tot 7 Maart 2015 ......................................................................................................................................... 7

Fokusteks: Markus 8:31-38 en hoofstuk 25 uit die Storie ................................................................................................................ 7

Jesus, die Seun van God (vervolg) .................................................................................................................................................................... 9

Byeenkoms 7 – week van Sondag 8 tot 14 Maart 2015 ...................................................................................................................... 9

Fokusteks: Johannes 2:13-22 en hoofstuk 25 uit die Storie ............................................................................................................. 9

Die uur van duisternis ......................................................................................................................................................................................... 11

Byeenkoms 8 – week van 15 tot 21 Maart 2015 ................................................................................................................................. 11

Fokusteks: Johannes 3:14-21 ...................................................................................................................................................................... 11

Die uur van duisternis (vervolg) .................................................................................................................................................................... 13

Byeenkoms 9 - week van 22 tot 28 Maart 2015 .................................................................................................................................. 13

Fokusteks: Johannes 12:20-33 en hoofstuk 26 uit die Storie......................................................................................................... 13

Die uur van duisternis (vervolg) .................................................................................................................................................................... 15

Byeenkoms 10 – week van 29 Maart tot 4 April 2015 ...................................................................................................................... 15

Fokusteks: Markus 14:1-15:47 en hoofstuk 26 uit die Storie ........................................................................................................ 15

Die opstanding ........................................................................................................................................................................................................ 20

Byeenkoms 11 – week van 5 tot 11 April 2015 ................................................................................................................................... 20

Fokusteks: Markus 16:1-8 en hoofstuk 27 van die Storie ............................................................................................................... 20

Ons kerklike seisoen gaan verder ......................................................................................................................................................... 22

Die Storie gaan aan! ......................................................................................................................................................................................... 22

3 Ons volg die kerklike Seisoen.

* Sondag van die Verheerliking is die laaste Sondag van Epifanietyd.

- Markus was die eerste evangelis wat van Jesus se verheerliking op die berg

vertel het.

- Met dié fokus op Jesus se heerlikheid, beweeg ons na die nuwe seisoen in die

kerklike jaar.

* Aswoensdag vorm deel van hierdie week in die kerklike jaar.

- Dit is die aanbreek van die seisoen van Lydenstyd. Nog 46 dae voor Paasfees.

Jesus, die Seun van God! (les 25 in die Storie)

Byeenkoms 4 – week van 15 tot 21 Februarie 2015

Fokusteks is Markus 9:2-9, asook Markus 1:9-11 en hoofstuk 25 uit die Storie

a. Klim uit die loopgraaf.

* Begin met sang en aanbidding.

* Hierdie gesprek fokus op Jesus se verheerliking op die berg.

* Vir die openingsgebede (Ps 50:2) – “Uit Sion, stad van volmaakte prag, verskyn God in glans.”

b. vat ’n hap!

* Lees Markus 9:2-9, asook Markus 1:9-11.

2 *Ses dae later neem Jesus vir •Petrus, Jakobus en Johannes* saam en lei hulle teen 'n hoë

berg uit waar hulle heeltemal alleen was. Hy het toe voor hulle van gedaante verander. 3 Sy klere het blink geword,

spierwit, so wit soos niemand op aarde iets kan bleik nie. 4 Toe het Elia saam met Moses aan hulle verskyn, en

gesprek gevoer met Jesus. 5 Petrus reageer toe en sê vir Jesus: “Rabbi, dit is goed dat ons hier is. Laat ons drie hutte

bou; een vir U, een vir Moses en een vir Elia.” 6 Hy het immers nie geweet wat hy moet sê nie, want hulle was totaal

verskrik. 7 Daar kom toe 'n wolk wat 'n skaduwee oor hulle gooi, en uit die wolk kom daar 'n stem: “Dit is my

geliefde Seun, luister na Hom!” 8 Skielik het hulle, toe hulle rondkyk, niemand anders behalwe net Jesus by hulle

gesien nie. 9 Terwyl hulle van die berg af gaan, het Jesus hulle beveel om niemand te vertel wat hulle gesien het*

voordat die Seun van die Mens uit die dood opgestaan het nie.

4 1:9 In daardie dae het Jesus vanaf Nasaret, in Galilea, gekom en is Hy deur Johannes in die Jordaan gedoop. 10 En

net toe Hy uit die water opkom, het Hy die hemel sien oopgaan en die Gees soos 'n duif op Hom sien neerdaal. 11

En 'n stem het uit die hemel gekom: “Jy is my geliefde Seun. Oor Jou verheug Ek My!”

Vergelyk die twee gedeeltes, wat is die verskille en wat is die ooreenkomste?

...............................................................................................................................................................................................................................................

c. Herkou!

Hoe voel julle oor geheime? Het jy geheime? Kan jy ’n geheim hou?

.......................................................................................................................................................................................................

Jesus verbied die duiwels om oor Hom te praat, ook die mense wat Hy gesond maak. Hoekom

doen Hy dit. Hoekom hou Jesus dit ’n geheim wie Hy is en wat Hy kom doen?

..............................................................................................................................................................................................................................................

Hoekom tree Petrus hier op die berg so vreemd op? Het Petrus miskien gedink die koninkryk waarvan Jesus praat

het nou aangebreek?

..............................................................................................................................................................................................................................................

Is die bedoeling van die verheerliking op die berg sodat Moses en Elia Jesus kan versterk vir sy pad vorentoe?

..............................................................................................................................................................................................................................................

Wat dink julle is Jesus se geheim?

..............................................................................................................................................................................................................................................

Jesus sê die dissipels sal eers later die geheim verstaan. Hoekom is die geheim vir ons as dissipels so moeilik om te

verstaan.

..............................................................................................................................................................................................................................................

Gesels bietjie oor die volgende stelling: ons as Christene soek die heerlikheid, sonder die lyding.

d. Duik in

Dis nie asof ons die Jesus geheim kan uitredeneer en begryp nie; wat kan ons wel doen?

Doen dit dan.

e. As op my voorkop laat my dink

Op watter manier deel jy in Jesus se geheim en hoe kan jy sy geheim met ander deel?

Wat van ’n Aswoensdag viering saam met die selgroep byeenkoms?

Aswoensdag is die begin van die veertig dae Lydenstyd. Lydenstyd is ‘n tyd van

5 selfondersoek, skuldbelydenis, vas, gebed en diens aan ander. Dit is ‘n tyd om nóg meer as gewoonlik die Bybel te

lees en te oordink. Deur dit alles berei ons voor vir Paasfees, wat die hoogtepunt van die kerklike jaar is.

Die gebruik met Aswoensdag is dat die palmtakke van die vorige jaar se Palmsondag verbrand word, met olyfolie

gemeng word en dan in die vorm van ‘n kruis op die voorkop van lidmate gevorm word met die woorde “mens,

dink daaraan dat jy stof is en tot stof sal terugkeer”. As is egter nie net ‘n teken van ons verganklikheid nie, maar

ook van boetedoening (vgl. die gebruik om as op die kop te strooi as teken van berou). Daarom is die Aswoensdag-

liturgie ‘n geleentheid vir boetedoening en verootmoediging met die oog op die lydenstyd wat voorlê. Soms het

mense hul sondes op papiertjies geskryf en dit saam met die palmtakke verbrand.

Jesus die Seun van God

Byeenkoms 5 – week van 22 tot 28 Februarie 2015

Fokusteks: Markus 1:9-15 saam met hoofstuk 25 uit die Storie.

Ander tekste om te lees = Genesis 9:8-17; Psalm 25:1-10; 1 Petrus 3:18-22;

Eerste week in Lydenstyd

a. Kom spring uit die loopgraaf!

* Begin met sang en aanbidding.

* Gebruik Psalm 25:1-10 as openingsgebed.

- Wy julleself aan die Here;

- Bid dat Hy julle nie in die steek laat nie;

- Bid dat Hy vanuit sy genade aan julle sal dink;

- Vra wysheid om die regte besluite te neem en op sy paaie te gaan.

b. vat ‘n hap

* Lees Markus 1:9-15.

9 In daardie dae het Jesus vanaf Nasaret, in Galilea, gekom en is Hy deur Johannes in die

Jordaan gedoop. 10 En net toe Hy uit die water opkom, het Hy die hemel sien oopgaan en die Gees soos 'n duif op

Hom sien neerdaal. 11 En 'n stem het uit die hemel gekom: “Jy is my geliefde Seun. Oor Jou verheug Ek My!” 12

Direk daarna het die Gees Hom die woestyng in gedryf. 13 Hy was vir veertig dae in die woestyn, waar Hy deur

Satan versoek is. Hy was saam met wilde diere, en engele het Hom versorg. 14 Nadat Johannes gevange geneem is,

het Jesus na Galilea gegaan, waar Hy die evangelie van God verkondig het. 15 Hy het gesê: “Die bestemde tyd is

vervul en die koninkryk van God is op hande. Bekeer julle en glo die evangelie.”

6

c. Herkou dit!

Onthou julle nog wat ons aan die begin van hierdie gedeelte gese het?

...............................................................................................................................................................................................................................................

Hoe verstaan julle die gedeelte nou?

...............................................................................................................................................................................................................................................

Volgens die opskrifte van die NAB is daar drie temas in vers 9-15.

- Jesus se doop deur Johannes in die Jordaan.

- Jesus se versoeking deur die Satan in die woestyn.

- Jesus begin die evangelie van God in Galilea verkondig.

Watter elemente van lyding hoor julle in hierdie drie dele?

...............................................................................................................................................................................................................................................

Die woord “evangelie” beteken goeie nuus. Dit is die inhoud van Jesus se verkondiging, maar in die woestyn word

Hy versoek. Hoe is sy versoeking dan goeie nuus?

…………………………………………………………………………………………………………………………………………………………………………….

Dink oor die woorde in vers 15: “die tyd is vervul” - Bring dit in verband met Jesus se lyding en dink daaroor na.

……………………………………………………………………………………………………………………………………………………………………………

Kan dit ook van ons lewens waar wees dat die goeie nuus van God se koninkryk eers in lyding vervul word?

…………………………………………………………………………………………………………………………………………………………………………….

d. duik in

- Dit is ’n tyd van gebed, meditasie en stilte. Gebruik 1 Petrus 3:18 as meditasie vir julle

slotgebed: “Ook Christus het een maal vir die sondes gely, die onskuldige vir die skuldiges, om

julle na God te bring, Christus wat as mens doodgemaak is, maar deur die Gees lewend gemaak

is.”

e. iets wat ek opoffer laat my dink

Wat van julle besluit om tydens lydenstyd as gesin iets op te offer as herinnering aan Jesus

se lyding.

7

Jesus, die Seun Van God

Byeenkoms 6 – week van 1 tot 7 Maart 2015

Fokusteks: Markus 8:31-38 en hoofstuk 25 uit die Storie

Ander tekste: Genesis 17:1-7, 15-16; Psalm 22:23-31; Romeine 4:13-25.

Tweede week in Lydenstyd

a. Klim uit die loopgraaf

Gebruik Romeine 4:25 as gebedsmeditasie aan die begin van die byeenkoms: “Hy is ter

wille van ons oortredinge oorgelewer en ter wille van ons regverdigmaking opgewek.”

Psalm 22:24 & 25 beskryf die reaksie van ’n gelowige wat God se ontferming ervaar het te midde van lyding: “Loof

Hom, julle wat vir die Here ontsag het! Want Hy het die lyding van die magtelose nie geminag of misken nie; Hy het

sy gesig nie vir hom verberg nie, maar toe hy om hulp gesmeek het, het Hy gehoor.”

b. Vat n hap!

Lees Markus 8:31-38.

31 Hy het begin om hulle te leer dat die Seun van die Mens baie moet ly, deur die familiehoofde, leierpriesters en

skrifkenners verwerp en doodgemaak moet word, en ná drie dae moet opstaan. 32 Hy het dit ronduit gesê. Petrus

het Hom eenkant toe geneem en Hom begin teregwys. 33 Maar Hy het omgedraai, na sy dissipels gekyk en Petrus

berispe: “Gaan weg agter my, Satan,a want jy bedink nie die dinge van God nie, maar die dinge van mense.” 34

Nadat Hy die skare saam met sy dissipels nader geroep het, het Hy vir hulle gesê: “As iemand agter My wil aankom,

moet hy homself verloën, sy kruis opneem en My volg.* 35 *Want wie sy lewe wil red, sal dit verloor; maar wie sy

lewe ter wille van My en die evangelie verloor, sal dit red. 36 Wat baat dit 'n mens immers as hy die hele wêreld as

wins bekom, maar sy lewe verloor? 37 Wat sou 'n mens gee as losprys vir sy lewe? 38 *Want wie hom vir My en my

woorde skaam in hierdie owerspelige en sondige generasie, vir hom sal die Seun van die Mens Hom skaam

wanneer Hy in die heerlikheid van sy Vader kom, saam met die heilige engele.”

Wat staan vir jou uit?

...............................................................................................................................................................................................................................................

c. Herkou

Jesus vertel van sy komende verwerping, dood en opstanding. Dit is wat God wil hê, nie wat die

mense wil hê nie.

8 Hoor die interaksie tussen Jesus en Petrus. Dink aan Jesus se harde woorde aan Petrus (vers 33) en hoe dit deel van

sy lyding was.

……………………………………………………………………………………………………………………………………………………………………………

Vanaf vers 34 gee Jesus aan sy dissipels en die skare onderrig oor hoe hulle Hom moet volg.

- Hulle moet bereid wees om hul eie wil te verloën.

- Hulle moet hul kruis in die lewe dra.

- Hulle moet hulle nie skaam vir Jesus en sy woord nie.

Dink na oor julle eie lewens as volgelinge van Jesus.

- Vind julle dit maklik om God se wil bo julle eie te volg?

...............................................................................................................................................................................................................................................

- Hoe belangrik is wêreldse erkenning en beloning vir jou / julle? Het skaamte al ’n rol gespeel in julle navolging

van Jesus? Hoe raak dit jou bereidheid om aan Jesus getrou te bly?

...............................................................................................................................................................................................................................................

- wat is die invloed van beproewinge en probleme op julle geloofslewe. Hoe raak dit jou gemoedstoestand en

vrymoedigheid vir elke dag se lewe ?

...............................................................................................................................................................................................................................................

d. Duik in al lyk die water koud

* Gebruik vers 35b vir julle slotgebede: “… maar wie sy lewe ter wille van My en die evangelie

verloor, sal dit red.”

- Dit is beide ’n belofte én ’n oproep.

- Dit vra keuses en ’n toegewyde verbintenis.

e. om op te offer laat my dink

Gaan jy nog voort met jou besluit? Wat se reaksie kry jy?

9

Jesus, die Seun van God

Byeenkoms 7 – week van Sondag 8 tot 14 Maart 2015

Fokusteks: Johannes 2:13-22 en hoofstuk 25 uit die Storie

Ander –tekste: Psalm 19; 1 Korintiërs 1:18-25; Eksodus 20:1-17.

Derde week in Lydenstyd

a. Klim uit die loopgraaf

Begin met sang en aanbidding.

Gebruik Psalm 19:8 & 9 vir julle inleidingsgebede.

- “Die woord van die Here is volmaak: dit gee lewe. Die onderwysing van die Here is betroubaar; dit gee wysheid

aan dié wat nog onervare is. Die bevele van die Here dui die regte koers aan: dit bring blydskap. Die gebod van die

Here is helder: dit gee insig.”

b. Vat ’n happie

Lees Johannes 2:13-22

13 Die Pasga van die Jode was op hande, en Jesus het opgegaan na Jerusalem. 14 Op die

tempelterrein het Hy verkopers van beeste, skape en duiwe aangetref, en ook die geldwisselaars wat daar sit. 15

Daarop het Hy 'n sweep van toue gemaak en almal van die tempelterrein weggejaag, ook die skape en die beeste,

en die munte van die geldwisselaars het Hy uitgegooi en die tafels omgekeer. 16 Vir dié wat duiwe verkoop, het Hy

gesê: “Vat hierdie goed hier weg! Hou op om die huis van my Vader 'n huis te maak waar handel gedryf word!” 17

Sy dissipels het onthou dat daar geskryf staan: “Die hartstog vir u huis sal My verteer.” 18 Die Jode vra Hom toe:

“Met watter teken kan u vir ons bewys dat u hierdie dinge mag doen?” 19 Jesus het hulle geantwoord: “Breek

hierdie tempel af en binne drie dae sal Ek dit opbou.” 20 Daarop het die Jode gesê: “Ses-en-veertig jaar lank is aan

hierdie tempel gebou, en u sal dit binne drie dae opbou?” 21 Maar Hy het van die tempel van sy liggaam gepraat. 22

Toe Hy later uit die dood opgewek is, het sy dissipels onthou dat Hy dit gesê het, en hulle het die Skrif en die woord

wat Jesus gespreek het, geglo.

c. Herkou

Lees weer in stilte en onderstreep die gedeelte wat vir jou uitstaan

……………………………………………………………………………………………………………………………………………………………………………

10 Ons het hierdie teks al op verskillende maniere verstaan. Een daarvan is dat soos Jesus kon kwaad word, mag ons

ook kwaad word; n ander een is dat ons nie poeding verkope op n Sondag by die kerk mag hou nie, dis handel dryf.

Is dit die boodskap van hierdie gedeelte?

…………………………………………………………………………………………………………………………………………………………………………….

Wanneer dit moeilik is om n gedeelte te verstaan, moet ons mooier kyk na die konteks.

Jesus sê - hou op om my Vader se huis n handelshuis te maak. Eintlik was die handeldryf deel van die hele

tempeldiens om offerdiere vir mense te voorsien sodat hulle kon offer. Om die tafels om te gooi is amper om te sê

hou op met al julle diere offers.

Toe die Jode Hom vra wie Hom die gesag gee om die tempeldiens te wil stop, is sy antwoord – breek hierdie tempel

af en Ek bou dit in drie daar weer op.

Die Jode en seker ook die dissipels was uit die veld geslaan. Wat bedoel Jesus hiermee? Wat dink julle? Waarna

verwys Jesus?

…………………………………………………………………………………………………………………………………………………………………………….

Hoe moet ons dan die tempel reiniging verstaan? Is dit nie eerder n aankondiging dat die ou bedeling van

offerdiens tot n einde gaan kom en vervang gaan word met iets anders nie?

…………………………………………………………………………………………………………………………………………………………………………….

Dit sluit aan by Jesus se eerste wonderwerk in Kana, net voor hierdie gebeure, waar die wyn opraak en die

huweliksfees tot stilstand kom en Jesus water vat – nogaal die water wat die Jode voorgeskryf het vir reiniging – en

dit in die beste wyn verander sodat die fees van nuuts af kan voortgaan.

…………………………………………………………………………………………………………………………………………………………………………….

Dit sluit ook aan by die gedeelte in Johannes 3 – die gesprek tussen Jesus en Nikodemus. Waaroor gaan dit eintlik?

Waarvan is die wyn n teken? En die afbreek van die tempel en die opbou in drie dae en die noodsaak om

weergebore te wees?

Dit alles wys op n nuwe lewe wat alleen God gee?

…………………………………………………………………………………………………………………………………………………………………………..

Hoe gee God dit volgens Johannes 3:16?

……………………………………………………………………………………………………………………………………………………………………………

Hoe het God sy Seun vir ons gegee?

…………………………………………………………………………………………………………………………………………………………………………..

d. Duik in

Wat sit agter God se gawe? Wat kos dit Jesus om ons deel te gee aan die ewige lewe? Hoe kr

mens deel aan die ewige lewe? Antwoord in gebed.

11 ....................................................................................................................................................................................................

e. Die omkeer van die tafels laat my dink

Wat is die ou goed (tafels met geld vir offerdiere) waaraan ek nog krapagtig vashou?

Die uur van duisternis

Byeenkoms 8 – week van 15 tot 21 Maart 2015

Fokusteks: Johannes 3:14-21

Ander tekste: Psalm 107:1-3, 17-22; Efesiërs 2:1-10; Numeri 21:4-9 en hoofstuk 26 van die Storie

Vierde week in Lydenstyd

a. ons klim uit ons loopgrawe

* Begin met sang en aanbidding.

* Gebruik Psalm 107:1-2 as inleidingsgebed.

- “Loof die Here, want Hy is goed, aan sy liefde is daar geen einde nie!” So moet die mense sê wat deur die Here

bevry is, dié wat Hy uit hulle nood bevry het.

b. Skriflesing.

* Lees Johannes 3:14-21

14 En net soos Moses die slang in die woestynb verhoog het, so moet die Seun van die Mens

verhoog word, 15 sodat elkeen wat in Hom glo, die ewige lewe kan hê. 16 “Want so lief het God die wêreld gehad

dat Hy sy enigste Seun gegee het, sodat elkeen wat in Hom glo, nie verlore gaan nie, maar die ewige lewe kan hê.17

God het immers nie sy Seun na die wêreld gestuur om die wêreld te oordeel nie, maar sodat die wêreld deur Hom

verlos kan word. 18 Wie in Hom glo, word nie veroordeel nie, maar wie nie glo nie, staan reeds veroordeel omdat

hy nie in die Naam van die enigste Seun van God geglo het nie. 19 En dit is die oordeel: Die lig het in die wêreld

gekom, maar die mense het die duisternis liefgehad bo die lig, omdat hulle dade boos was. 20 Want elkeen wat

kwaad doen, haat die lig en kom nie na die lig nie, sodat sy dade nie aan die kaak gestel kan word nie. 21 Maar wie

volgens die waarheid leef, kom na die lig, sodat sy dade bekend kan word, dat hulle in God gedoen is.”

12

c. Herkou

Carl Jung, bekende sielkundige het gesê ons het die prentjie van ‘n man wat onskuldig aan ‘n kruis

sterf nodig om te kan leef.

Om Johannes se woorde te verstaan moet ons die storie in Numeri 21:4-9 lees.

Wat is die verskille en ooreenkomste tussen die twee gedeeltes?

.............................................................................................................................................................................................................................................

Watter gedagtes kom by julle op as julle stilword en na die kruis kyk? Dink eers elkeen in stilte en skryf jou

gedagtes hier neer. Daar is ook ander Bybelse beelde wat kan help.

Dink aan die lammetjie wat geslag is met die uittog uit Egipte

Die lydende kneg van Jesaja

Die sondebok wat die woestyn in gestuur is met die sonde van die volk.

............................................................................................................................................................................................................................................

Wat beteken die kruis as ek dink aan - my eie ‘onskuldige self’, my ‘opstandige self’, my eie en andere se

onverdiende kruis’, myself en andere, wat ek so maklik kruisig?

..........................................................................................................................................................................................................................................

Deel julle gedagtes met mekaar.

...........................................................................................................................................................................................................................................

d. Duik in

* Die boodskap van Lydenstyd is ’n bevestiging van God se ontfermende liefde.

* God se liefde is bedoel vir en geld vir alle mense wat smag na heling en versoening.

* Gee geleentheid vir die groeplede om in stilte met God te praat.

Gebruik Johannes 3:14b as slotgebed.

- “So moet die Seun van die mens verhoog word, sodat elkeen wat in Hom glo, die ewige lewe kan hê.”

e. Die Man aan die kruis laat my dink

Dink daaraan dat die waarheid van die kruis eintlik die diepste

waarheid van ons siele is; heling vind plaas as ons dit begin raaksien en aanvaar.

13

Die uur van duisternis

Byeenkoms 9 - week van 22 tot 28 Maart 2015

Fokusteks: Johannes 12:20-33 en hoofstuk 26 uit die Storie.

Ander tekste: Psalm 51:1-12 of Psalm 119:9-16; Hebreërs 5:5-10; Jeremia 31:31-34 en hoofstuk 26 in die

Boodskap.

Vyfde week in Lydenstyd

a. Spring uit die loopgraaf

* Begin met sang en aanbidding.

* Lees Psalm 51:1-12 en of Psalm 119:9-16 as gebede.

b. Vat ‘n happie

Lees johannes 12:20-33

20 Daar was 'n aantal Grieke onder die mense wat gekom het om op die fees te aanbid. 21

Hulle het toe na Filippus gegaan, wat van Betsaida in Galilea was, en hom gevra: “Meneer, ons wil Jesus sien.” 22

Filippus het dit toe vir Andreas gaan vertel, en toe gaan sê Andreas en Filippus dit weer vir Jesus. 23 Maar Jesus

antwoord hulle: “Die uur het gekom dat die Seun van die Mens verheerlik moet word. 24 Amen, amen, Ek sê vir

julle: As 'n koringkorrel nie in die grond val en sterf nie, bly dit net een enkele korrel; maar as dit sterf, dra dit baie

vrug. 25 Wie sy lewe liefhet, verloor dit; maar wie sy lewe in hierdie wêreld as gering ag, sal dit vir die ewige lewe

behou. 26 As iemand My wil dien, moet hy My volg; en waar Ek is, daar sal my dienskneg ook wees. As iemand My

dien, sal die Vader hom eer.” Verhoging van die Seun van die Mens 27 “Nou is my siel ontsteld. Wat sal Ek sê?

Vader, red My uit hierdie uur? Maar Ek het tog juis met die oog op hierdie uur gekom! 28 Vader, verheerlik u

Naam!” Daar het toe 'n stem uit die hemel gekom: “Ek het dit verheerlik, en Ek sal dit weer verheerlik.” 29 En die

skare wat daar gestaan en dit gehoor het, het gesê dat daar 'n donderslag was. Ander het gesê: “'n Engel het met

hom gepraat.” 30 Jesus het geantwoord: “Hierdie stem het nie ter wille van My gekom nie, maar ter wille van julle.

31 Nou het die oordeel oor hierdie wêreld aangebreek; nou sal die heerser van hierdie wêreld uitgedryf word. 32

En as Ek van die aarde af verhoog word, sal Ek almal na My toe trek.” 33 Dit het Hy gesê om aan te dui watter dood

Hy sou sterf.

Die Hebreeuse woord •Amen word hier gebruik as 'n baie sterk bevestiging van sekerheid. Die herhaling daarvan

is tipies van Johannes.

14

c. Herkou dit!

Wat staan uit in hierdie gedeelte?

……………………………………………………………………………………………………………………………………………………………………………

Die koms van die Grieke wat Jesus wil sien, herinner Jesus dat sy uur gekom het. Hoekom noem Hy dit die uur van

sy verheerliking?

…………………………………………………………………………………………………………………………………………………………………………….

Miskien help die beeld van die koringkorrels ons om die heerlikheid van Jesus te verstaan.

…………………………………………………………………………………………………………………………………………………………………………….

Is dit die groot waarheid van Jesus se lewe? – lewe nie sonder dood en dood nie sonder lewe nie. Die kruis is nie

net n simbool van dood nie, ook van lewe.

…………………………………………………………………………………………………………………………………………………………………………….

Bespreek die stelling Jesus wys die pad aan wat elke volgeling van Hom ook moet loop. Johannes 12:25-26.

……………………………………………………………………………………………………………………………………………………………………………

Wat ontstel jou oor hierdie boodskap?

…………………………………………………………………………………………………………………………………………………………………………….

Wat maak jou opgewonde?

…………………………………………………………………………………………………………………………………………………………………………….

d. Duik in.

Lydenstyd is ’n tyd van toewyding.

Dink na oor waaroor ons vanaand gesels het.

Praat met God hieroor in julle slotgebede.

e. ‘n Koringkorreld laat my dink

Sien ek iets daarvan raak in my eie lewe?

15

Die uur van duisternis

Byeenkoms 10 – week van 29 Maart tot 4 April 2015

Fokusteks: Markus 14:1-15:47 en hoofstuk 26 uit die Storie

Ander tekste

Fees - Markus 11:1-11; Psalm 118:1-2, 19-29;

Passie - Jesaja 50:4-9a; Psalm 31:9-16; Filippense 2:5-11;

Groot Lydensweek

a. Klim uit die loopgraaf!

* Groot Lydensweek fokus op die laaste week van Jesus se aardse lewe.

- Besluit vooraf watter simbole en handelinge julle in die byeenkoms gaan gebruik.

* Begin die byeenkoms deur na te dink oor Markus 14:1b-2.

- Die leierpriesters en skrifkenners het 'n manier gesoek om Jesus met slinksheid gevange te neem en dood te

maak.* 2 Hulle het gesê: “Nie tydens die fees nie, sodat daar nie oproer onder die volk ontstaan nie.”

* Gee geleentheid dat die groeplede die emosies in gebed bid wat die teks oproep.

* Sing lydensliedere uit die liedboek of ander bundel.

b. vat ‘n hap en herkou!

* Lees Markus 14:1-15:47 rustig deur.

- Onderbreek waar nodig vir beklemtoning, nadenke en simboliese handeling:

* In Markus 14:3-9 word Jesus deur ’n vrou gesalf as voorbereiding vir sy begrafnis.

1 Die Pasga en die Fees van die Ongesuurde Brood sou twee dae later plaasvind. Die leierpriesters en skrifkenners

het 'n manier gesoek om Jesus met slinksheid gevange te neem en dood te maak. 2 Hulle het gesê: “Nie tydens die

fees nie, sodat daar nie oproer onder die volk ontstaan nie.”

3 Terwyl Hy in Betanië in die huis van Simon die Melaatse aan tafel aangelêl het, het 'n vrou met 'n albasterfles met

baie duur, egte nardusoliem gekom, die albasterfles gebreek en die olie oor sy kop uitgegiet. 4 Sommige het

verontwaardig onder mekaar gesê: “Waarom het hierdie verkwisting van die kosbare olie plaasgevind? 5 Hierdie

olie kon vir meer as driehonderd denariin verkoop word en dit kon aan die armes gegee word.” En hulle het teen

haar uitgevaar. 6 Jesus het egter gesê: “Laat haar begaan! Waarom maak julle dit vir haar moeilik? Sy het 'n goeie

daad aan My bewys. 7 Die armes het julle immers altyd by julle; en wanneer julle wil, kan julle aan hulle goed doen,

16 maar vir My het julle nie altyd nie. 8 Wat sy kon doen, het sy gedoen. Sy het vooruit my liggaam gesalf met die oog

op my begrafnis. 9 Amen, Ek sê vir julle: Waar in die hele wêreld ook al die evangelie verkondig word, sal daar, ter

herinnering aan haar, vertel word van wat sy gedoen het.”

Pasga: Die fees wanneer elke gesin in Israel 'n lam moes slag en dit moes eet saam met bitter kruie en ongesuurde

brood. Hulle moes die fees vier op 14 •Nisan;

* In vers 10-11 bied Judas sy hulp vir die priesterhoofde aan om Jesus te verraai.

10 Judas Iskariot, een van die twaalf, het na die leierpriesters gegaan met die doel om Hom aan hulle oor te lewer.

11 Hulle was bly toe hulle dit hoor en het beloof om vir hom geld te gee. Daarop het hy na 'n manier gesoek om

Hom op 'n gepaste geleentheid oor te lewer.

* Vers 12-16 beskryf die voorbereiding vir die paasmaaltyd.

12 Op die eerste dag van die Fees van die Ongesuurde Brood, wanneer hulle gewoonlik die Pasgalam geslag het, het

Jesus se dissipels vir Hom gesê: “Waar wil U hê moet ons gaan voorbereidings tref sodat U die Pasgap kan eet?” 13

Hy stuur toe twee van sy dissipels en sê vir hulle: “Gaan in die stad in, en 'n man wat 'n kruik water dra, sal julle

tegemoetkom. Volg hom. 14 Waar hy ook mag ingaan, sê vir die eienaar van die huis, ‘Die Leermeester vra: Waar is

my gastekamer waar Ek die Pasga saam met my dissipels moet eet?’ 15 Hy sal vir julle 'n groot bokamer wys wat

reeds ingerig en gereed gemaak is. Daar moet julle vir ons voorbereidings tref.” 16 Die dissipels het vertrek en die

stad ingegaan. Hulle het dit net so aangetref soos Hy vir hulle gesê het. En hulle het die Pasga voorberei.

die Fees van die Ongesuurde Brood - 'n Fees wat begin het met die •Pasga en wat sewe dae lank aangehou het, van

14 tot 21 •Nisan. In daardie sewe dae moes die Israeliete brood eet wat nie suurdeeg in het nie;

* In vers 17-21 voorspel Jesus dat een van die binnekring Hom sal verraai.

17 Teen die aand kom Jesus toe met die twaalf. 18 Terwyl hulle aan tafel aanlê en besig was om te eet, het Jesus

gesê: “Amen, Ek sê vir julle: Een van julle sal My verraai, een wat saam met My eet.*” 19 Hulle het bedroef geword

en een vir een vir Hom gevra: “Tog seker nie ek nie?” 20 Hy het vir hulle gesê: “Dit is een van die twaalf, die een wat

saam met My sy hand in die kom insteek. 21 Die Seun van die Mens gaan wel heen soos daar oor Hom geskryf

staan, maar ellende wag op daardie man deur wie die Seun van die Mens verraai word. Dit sou vir hom beter

gewees het as hy nie gebore was nie.”

Mense het destyds met feesmaaltye op hulle sy langs 'n lae tafel aangelê om te eet.

* In vers 22-25 stel Jesus die nagmaal in met die simbole van brood en wyn.

22 Terwyl hulle eet, het Hy brood geneem en nadat Hy die seëngebed uitgespreek het, breek Hy dit en gee dit vir

hulle en sê: “Neem, dit is my liggaam.” 23 Toe het Hy die beker geneem, gedank, dit vir hulle gegee, en hulle almal

het daaruit gedrink. 24 Hy het vir hulle gesê: “Dit is my bloed, die bloed van die verbond wat vir baie uitgegiet

word. 25 Amen, Ek sê vir julle: Ek sal beslis nie meer van die vrug van die druiwestok drink tot daardie dag

wanneer Ek dit, nuut gemaak, in die koninkryk van God sal drink nie.”

* In vers 26-31 voorspel Jesus dat al sy dissipels van Hom afvallig sal word.

- Petrus is baie selfversekerd, maar Jesus sê prontuit dat hy Hom gaan verloën.

26 Nadat hulle die lofsang gesing het, het hulle na die Olyfberg vertrek.

17 27 Toe sê Jesus vir hulle: “Julle sal almal struikel, want daar staan geskryf: “‘Ek sal die herder neervel, en die skape

sal uitmekaar gejaag word.’ (Aanhaling uit Sag 13:7 as heenwysing na Jesus Christus) 28 “Maar nadat Ek opgewek

is, sal Ek voor julle uit gaan na Galilea.” 29 Petrus sê daarop vir Hom: “Selfs al sal almal struikel, ek sal nie.” 30 Jesus

antwoord hom: “Amen, Ek sê vir jou: Jý sal vandags — vannag nog — (Die Joodse dag begin met sononder) voor die

haan twee maal kraai, My drie maal verloën.” 31 Maar Petrus het uitdruklik gesê: “Selfs al moet ek saam met U

sterf, ek sal U beslis nie verloën nie.” Almal het dieselfde gesê.

* Vers 32-41 beskryf Jesus se worsteling in Getsemane en die dissipels wat slaap.

32 Toe kom hulle by 'n plek met die naam Getsemane, en Jesus sê vir sy dissipels: “Bly hier sit totdat Ek klaar gebid

het.” 33 Hy neem toe vir Petrus, Jakobus en Johannes saam met Hom. Hy het erg ontsteld en beangs begin word 34

en sê toe vir hulle: “My siel is diep bedroef, tot die dood toe. Bly hier en waak.” 35 Hy het 'n entjie verder gegaan, op

die grond neergeval en gebid dat, as dit moontlik is, die uur by Hom moet verbygaan. 36 Hy het gesmeek: “Abba,

Vader, alle dinge is vir U moontlik. Neem hierdie beker van My af weg, maar nie wat Ek wil nie, maar wat U wil.*”

37 Hy kom toe, vind hulle aan die slaap en sê vir Petrus: “Simon, slaap jy? Was jy nie in staat om een uur lank te

waak nie? 38 Waak en bid sodat julle nie in versoeking kom nie. Die gees is wel gewillig, maar die vlees is swak.” 39

Hy het weer gaan bid en dieselfde woorde gesê. 40 Toe Hy terugkom, vind Hy hulle weer aan die slaap, want hulle

oë het swaar geword. Hulle het nie geweet wat om Hom te antwoord nie. 41 Hy kom toe 'n derde keer en sê vir

hulle: “Slaap en rus julle nog steeds? Genoeg! Die uur het gekom. Kyk, die Seun van die Mens word in die hande van

sondaars oorgelewer.

Abba = Die Aramese woord vir ‘Vader’, waarmee Jesus God in die gebed aangespreek het;

* In vers 43-52 word Jesus met stokke en swaarde gevange geneem, terwyl sy dissipels vlug.

43 En dadelik, terwyl Jesus nog praat, daag Judas, een van die twaalf, daar op. En saam met hom was daar 'n

menigte, met swaarde en knuppels, gestuur deur die leierpriesters, skrifkenners en familiehoofde. 44 Sy verraaier

het vir hulle 'n teken gegee: “Die een wat ek soen, dit is hy. Gryp hom en vat hom weg onder bewaking.” 45 Toe

Judas daar aankom, het hy dadelik na Jesus gegaan en gesê, “Rabbi” en Hom gesoen. 46 Hulle het Hom gegryp en

Hom gevange geneem. 47 Een van dié wat naby gestaan het, het sy swaard getrek, die slaaf van die hoëpriester

geslaan en sy oor afgekap. 48 Jesus sê toe vir hulle: “Het julle soos teen 'n rower met swaarde en knuppels

uitgetrek om My gevange te neem? 49 Daagliks was Ek by julle op die tempelterrein besig om onderrig te gee, en

julle het My nie gevange geneem nie. Maar laat die Skrifte vervul word!” 50 Almal het Hom in die steek gelaat en

weggevlug. 51 Ook 'n sekere jongman met net 'n linnedoek om sy naakte lyf het Hom gevolg. Hulle het hom ook

gegryp, 52 maar hy het die linnedoek laat los en naak weggevlug.

Rabbi: 'n Eerbiedige aanspreekvorm in Hebreeus en Aramees wat ‘my •Meester’ beteken.

* In vers 53-65 verskyn Jesus voor die Joodse Raad. Die skare oordeel Hy verdien die dood.

53 Hulle het Jesus weggelei na die hoëpriester, en al die leierpriesters, familiehoofde en skrifkenners het daar

saamgekom. 54 Petrus het Hom op 'n afstand gevolg tot in die voorhof van die hoëpriester. Hy het saam met die

dienspersoneel gesit en hom by die vuur warm gemaak. 55 Die leierpriesters en die hele Sanhedrinx het getuienis

teen Jesus gesoek om Hom dood te maak. Hulle kon egter niks vind nie. 56 Baie het vals teen Hom getuig, en die

getuienisse het nie met mekaar ooreengestem nie. 57 Sommige het toe opgestaan en valse getuienis teen Hom

afgelê deur te sê: 58 “Ons het Hom hoor sê, ‘Ek sal hierdie tempel, wat met hande gemaak is, afbreek en in drie dae

'n ander bou wat nie met hande gemaak is nie.’*” 59 Maar ook hieroor was hulle getuienis nie eenders nie. 60 Die

hoëpriester staan toe in hulle midde op en vra vir Jesus: “Antwoord jy niks oor wat hierdie mense teen jou getuig

nie?” 61 Maar Hy het stilgebly en niks geantwoord nie. Die hoëpriester vra Hom toe weer: “Is jy die Christus, die

18 Seun van die Lofwaardige?” (•Christus: Die Griekse vorm vir die Hebreeuse ‘Messias’ en albei woorde beteken

‘Gesalfde’) 63 Die hoëpriester skeur toe sy klere en sê: “Waarom het ons nog getuies nodig? 64 Julle het die

godslastering gehoor. Wat is julle bevinding?” Hulle almal het geoordeel dat Hy die dood verdien. 65 Sommige het

begin om op Hom te spoeg, sy gesig te bedek en Hom te slaan, en vir Hom gesê: “Profeteer!” Die dienaars het Hom

geneem en Hom geslaan.

* Vers 66-72 vertel hoe Petrus Jesus verloën, die haan kraai en Petrus in trane uitbars.

66 Terwyl Petrus onder in die binnehof was, kom een van die diensmeisies van die hoëpriester, 67 en toe sy vir

Petrus sien, besig om homself warm te maak, kyk sy na hom en sê: “Ook jy was saam met Jesus, die Nasarener.” 68

Hy het dit ontken deur te sê: “Ek weet nie en verstaan nie waarvan jy praat nie.” Hy het buitentoe gegaan na die

voorhof toe, en 'n haan het gekraai. 69 Toe die diensmeisie hom sien, het sy weer vir die mense wat daar naby

gestaan het, begin sê: “Hierdie man is een van hulle.” 71 Hy begin toe vloek en sweer: “Ek ken nie hierdie man van

wie julle praat nie.” 72 En onmiddellik het 'n haan 'n tweede keer gekraai. Toe het Petrus die woorde onthou wat

Jesus vir hom gesê het: “Voor 'n haan twee maal kraai, sal jy my drie keer verloën.”* En hy het bitterlik begin huil.

* Markus 15 beskryf Jesus se verskyning voor Pilatus (vers 1-5).

1 En dadelik, vroeg die oggend, het die leierpriesters met die familiehoofde, skrifkenners en die hele Sanhedrinb 'n

plan beraam. Hulle het Jesus geboei, weggeneem en aan Pilatus oorgelewer. 2 Pilatus vra Hom toe: “Is jy die koning

van die Jode?” Hy antwoord hom: “U sê dit.” 3 Die leierpriesters het Hom van baie dinge beskuldig. 4 Pilatus vra

Hom toe weer: “Antwoord jy niks nie? Kyk hoeveel beskuldigings bring hulle teen jou in!” 5 Maar Jesus het steeds

niks geantwoord nie, (Toespeling op Jes 53:7 as heenwysing na Jesus Christus) sodat Pilatus verwonderd was.

- Pilatus lewer Jesus oor om gekruisig te word (vers 6-15).

6 Tydens elke fees het hy vir hulle op hulle versoek een gevangene vrygelaat. 7 Daar was 'n man met die naam

Barabbas, wat saam met die rebelle wat moord gepleeg het tydens 'n opstand gevange geneem is. 8 Die skare het

na Pilatus gegaan en gereed gemaak om te vra dat hy soos gewoonlik sal optree. 9 Pilatus vra hulle toe: “Wil julle

hê dat ek vir julle die koning van die Jode vrylaat?” 10 Hy het immers geweet dat die leierpriesters Hom uit afguns

oorgelewer het. 11 Die leierpriesters het die skare egter opgestook dat hy eerder Barabbas vir hulle moet vrylaat.

12 Pilatus het hierop gereageer en weer vir hulle gevra: “Wat wil julle dan hê moet ek doen met hom wat julle die

koning van die Jode noem?” 13 Hulle het opnuut geskreeu: “Kruisig hom!” 14 Pilatus vra toe vir hulle: “Watter

kwaad het hy dan gedoen?” Maar hulle het nog harder geskreeu: “Kruisig hom!” 15 Pilatus wou die skare tevrede

stel en het Barabbas vir hulle vrygelaat. Maar Jesus het hy laat gesel en oorgelewer om gekruisig te word.

- Die soldate bespot Jesus (vers 16-20).

16 Die soldate het Hom weggelei die paleis, naamlik die pretorium,( Dit was óf die ou paleis van •Herodes, óf die

vesting Antonia, waar die •prokurator gedurende feestye tuisgegaan het) binne, en die hele kohorte byeengeroep.

17 Toe trek hulle vir Hom 'n purperrooi mantel aan en sit 'n doringkroon wat hulle gevleg het vir Hom op, 18 en

begin Hom spottend groet: “Gegroet, koning van die Jode!” 19 Hulle het Hom herhaaldelik met 'n riet oor die kop

geslaan, op Hom gespoeg, en knielend aan Hom eer bewys. 20 En nadat hulle Hom bespot het, het hulle die

purperrooi mantel afgehaal en sy boklere vir Hom aangetrek. Hulle lei Hom toe weg om Hom te kruisig.

- Jesus word saam met twee misdadigers gekruisig (vers 21-32).

21 Hulle het 'n verbyganger, 'n sekere Simon van Sirene wat van die platteland gekom het, die pa van Aleksander

en Rufus, gedwing om sy kruis te dra. 22 Hulle bring Jesus toe na die plek Golgota, wat, as dit vertaal word,

‘Kopbeenplek’ beteken. ('n Heuwel buite Jerusalem waar teregstellings plaasgevind het) 23 Hulle wou Hom wyn

19 gemeng met mirre gee, (Toespeling op Ps 69:22 as heenwysing na Jesus Christus) maar Hy het dit nie geneem nie.

24 Toe kruisig hulle Hom en verdeel sy klere deur te loot oor wie wat sou neem. (Toespeling op Ps 22:19 as

heenwysing na Jesus Christus.) 25 Dit was die derde uur (Volgens Westerse tydsbepaling 09:00) toe hulle Hom

gekruisig het. 26 Die opskrif van die aanklag teen Hom is geskryf: “Die koning van die Jode.” 27 Saam met Hom het

hulle ook twee rowers gekruisig, een aan sy regterhand en een aan sy linkerhand.j 29 Die verbygangers het Hom

gelaster terwyl hulle hulle koppe skud en sê: “Ha! Jy wat die tempel afbreek en in drie dae opbou, 30 red jouself,

kom af van die kruis!” 31 Op dieselfde manier het ook die leierpriesters saam met die skrifkenners spottend vir

mekaar gesê: “Ander het hy gered, homself kan hy nie red nie! 32 Laat die Christus, die Koning van Israel, nou van

die kruis afkom, sodat ons kan sien en glo!” Ook hulle wat saam met Hom gekruisig is, het Hom beledig.

- Jesus sterf en die offisier bely dat Jesus waarlik die Seun van God was (vers 33-41).

33 Toe die sesde uur aanbreek, het dit oor die hele aarde donker geword tot die negende uur toe.( Volgens

Westerse tydsbepaling vanaf 12:00 tot 15:00) 34 Op die negende uur het Jesus met 'n harde stem uitgeroep: “Elo-i,

Elo-i, lemá sabagtáni?” wat, as dit vertaal word, beteken, ‘My God, my God, waarom het U My verlaat?’ (Aanhaling

uit Ps 22:1 as heenwysing na Jesus Christus.) 35 Toe sommige van die omstanders dit hoor, sê hulle: “Kyk, hy roep

Elia.” 36 Iemand het gehardloop, 'n spons met suur wyn deurweek, dit op 'n riet gesit en vir Hom gehou om te

drink, met die woorde: “Wag, laat ons sien of Elia kom om hom af te haal.” 37 Jesus het met 'n harde stem uitgeroep

en sy asem uitgeblaas. 38 Die voorhangsel van die heiligdom is in twee geskeur, van bo tot onder. 39 Toe die

centurio, ('n Romeinse offisier wat bevel voer oor honderd) wat reg oorkant Hom gestaan het, Hom sy asem so sien

uitblaas, sê hy: “Waarlik, hierdie man was die Seun van God!” 40 Daar was ook vroue wat op 'n afstand gekyk het,

onder wie Maria Magdalena, (Die bronteks noem haar deurgaans “Maria, die Magdaleense vrou,” dws ‘Maria, die

vrou afkomstig uit Magdala’. Magdala is 'n dorpie aan die wesoewer van die •See van Galilea.) Maria, die ma van die

jong Jakobus en Joses, en Salome. 41 Dit is die vroue wat Hom, toe Hy in Galilea was, gevolg en bedien het. Baie

ander vroue, wat saam met Hom na Jerusalem gegaan het, was ook daar.

- Josef van Arimatea versorg Jesus se liggaam en begrawe Hom (vers 42-47).

42 Toe dit reeds aand was, en aangesien dit die Voorbereidingsdag, (Die dag van voorbereiding voor die Sabbat,

dws Vrydag.), die dag voor die Sabbat was, 43 het Josef van Arimatea, 'n vooraanstaande lid van die Raad, wat ook

uitgesien het na die •koninkryk van God, na •Pilatus gegaan. Hy het moed bymekaar geskraap en die liggaam van

Jesus gevra. 44 Pilatus was verbaas dat Hy al dood was, en het die centurior laat roep en hom gevra of Hy reeds 'n

geruime tyd dood was. 45 Toe hy dit wel by die centurio verneem het, het hy die lyk vir Josef gegee. 46 Josef het toe

'n linnedoek gekoop en nadat hy Hom van die kruis afgehaal het, Hom in die linnedoek toegedraai, Hom neergelê in

'n graf wat in 'n rots uitgekap was, en 'n klip teen die ingang van die graf gerol. 47 Maria Magdalenas en Maria, die

ma van Joses, het gesien waar Hy neergelê is.

c. Duik in.

* Gee geleentheid vir stil oordenking ná die Skriflesing en simboliese handelinge.

* Laat die groeplede hulle emosie in ’n enkele sin formuleer en voor God lê.

* Sluit af met die sing van Liedboek 396:1-4.

d. Die feit dat ek iets opgeoffer het het my laat dink.

20 Ons vorder met die kerklike Seisoen.

* Die Paasseisoen in die kerklike jaar getuig van lewe en oorvloedige vreugde.

- Christus het opgestaan en Hy lewe!

- Hy is nie meer in die graf nie.

* En ons wat in Hom glo as die Opgestane Here, het nou die ewige lewe.

- Hoe uitbundig kan mens dan wees.

Die opstanding

Byeenkoms 11 – week van 5 tot 11 April 2015

Fokusteks: Markus 16:1-8 en hoofstuk 27 van die Storie

Ander tekste: Jesaja 25:6-9; Psalm 118:1-2; 14-24; Handelinge 10:34-43

Paassondag en die week daarna

a. Spring uit die loopgraaf

* Begin met sang en aanbidding.

* Besluit vooraf dat die groeplede blomme bring om die opstandingslewe simbolies te

vier.

* Julle was moontlik almal die afgelope Sondag teenwoordig in ’n Paassondag Feesdiens.

- Gee geleentheid vir groeplede om hul ervaring van die afgelope naweek te deel.

* Lees Handelinge 10:40 & 41 as groep om daarna in stilte te oordink.

- “Maar God het Jesus op die derde dag uit die dood opgewek en Hom laat verskyn, ... aan ons vir wie God reeds

gekies het om getuies daarvan te wees, ons wat ná sy opstanding uit die dood saam met Hom geëet en gedrink het.”

* Gee geleentheid aan groeplede om hul nadenke in kort gebede te bid.

b. Vat ‘n hap!.

* Lees Markus 16:1-8.

21 1 Toe die Sabbat verby was, het Maria Magdalena, Maria, die ma van Jakobus, en Salome geurige speserye gekoop

sodat hulle Hom kon gaan salf. 2 Baie vroeg op die eerste dag van die week, (Letterlik ‘op die eerste van die

Sabbatte’, dws Sondag.) kom hulle net ná sonop by die graf. 3 Hulle sê toe vir mekaar: “Wie sal vir ons die klip van

die ingang van die graf af wegrol?” 4 Maar toe hulle opkyk, sien hulle dat die klip reeds weggerol is — dit was 'n

baie groot klip. 5 Toe hulle in die graf ingaan, het hulle 'n jongman, met 'n wit stola om, ('n Lang toga wat

ooreenstem met die Joodse talliet. Dit strek tot op die voete en is 'n simbool van hoë status en waardigheid) aan die

regterkant sien sit, en hulle was uit die veld geslaan. 6 Maar hy sê vir hulle: “Moenie verbaas wees nie. Julle soek

Jesus van Nasaret, wat gekruisig is. Hy is uit die dood opgewek. Hy is nie hier nie. Kyk, hier is die plek waar hulle

Hom neergelê het. 7 Maar gaan sê vir sy dissipels en vir Petrus, ‘Hy gaan voor julle uit na Galilea. Daar sal julle Hom

sien, soos Hy vir julle gesê het.’ ” 8 Hulle het uitgegaan en van die graf af weggehardloop, want bewing en

verbystering het hulle oorval. Hulle het vir niemand iets gesê nie, want hulle was bang. (Ander manuskripte en

ouer vertalings bevat ook ná vs 8 nog vs 9-20. Dit word aanvaar dat dit nie deel van die bronteks is nie)

c. Herkou dit

- Bly by die teks. Doen moeite om die atmosfeer en emosies in die vertelling op te tel. Kom ons

stel ons in ons verbeelding die verskillende karakters voor.

Met watter ingesteldheid gaan die vroue na die graf?

-Wat word julle wys uit die gesprek tussen die jongman met wit klere aan, en die vroue?

Lees weer vers 8 en gesels oor die vroue se reaksie. - Sien hulle angs en vrees - Is dit nie ook vir julle vreemd dat

hulle vir niemand vertel het nie?

.............................................................................................................................................................................................................................................

Watter gewoontes en gebruike het julle oor Paasfees?

...............................................................................................................................................................................................................................................

Hoe het dit julle verstaan van Jesus se opstanding geraak?

...............................................................................................................................................................................................................................................

Besluit saam op ’n liturgiese ritueel wat julle as groep tot aan die einde van Paastyd kan gebruik.

d. Duik in.

* Gebruik Handelinge 10:42 & 43 vir julle afsluitingsgebede:

- “En Hy het ons beveel om aan die volk te verkondig en kragtig te getuig dat dit Hy is wat deur

God aangewys is as Regter oor die lewendes en die dooies. Oor Hom getuig al die profete dat

elkeen wat in Hom glo, deur sy Naam vergewing van sondes ontvang” (2014, Direkte Vertaling).

e. ‘n Paaseier laat my dink

22

Ons kerklike seisoen gaan verder

* Paastyd is ’n uitgebreide seisoen van vyftig dae - Paasfees tot Pinksterfees.

* Die sentrale gebeurtenis van die Christelike geloofstradisie word in Paastyd

gevier.

- Jesus Christus het opgestaan/is opgewek uit die dood!

* Paastyd verkondig Jesus Christus, die Regverdige, as ons Voorspraak/Vriend wat vir ons intree by die Vader.

Die Storie gaan aan!