1.dalykums

Pasuocīņa „Jaunūs literatu škola „Tievanānu pavasars 2013”” aproksts

1. Golvonuo informaceja:

Pasuocīņa nūsaukums: „Jaunūs literatu škola „Tievanānu pavasaris 2013””Pasuocīņa reikuotuojs: bīdreiba „Latgolys Studentu centrs”Pasuocīņa koordinators: bīdreibys vaļdes lūceklis Renārs KancānsTelepona numers: 25152774 (LMT), 22143390 (Bite), e-posts: renars10101@inbox.lvPasuocīņa laiks i vīta: 2013.goda 6.-9. juņs, Jaunviļāni

2. Pasuocīņa aktualitate:

Volūda var byut dzeiva toļkin tod, kod tei tīk lītuota i “raksteita”. Ituo pasuocīņa mierkis ir salaseit vīnuvīt jaunūs i jau rokstūšūs jaunīšus i jau atzeitūs Latgolys literatus, lai naformalūs apstuokļūs varātu acadūt latgalīšu volūdai, dzejis i prozys raksteišonys procesā kai ari tuos saisaitē ar publiku i gruomotnīceibys vaicojumūs. Tai kai pasuocīnī tiks īsaisteiti gon jaunī, gon jau atzeitī literati – tei ir unikala īspieja sasatikt visim kūpā i daleitīs vīnam ar ūtru sovuos idejuos, kas, sekmej literaruo procesa virzeibu i latgalīšu rokstu volūdys i literaturys atteisteibu.

3. Pasuocīņa mierkis i aizdavumi:

Mierkis: veicynuot latgalīšu literaturys atteisteibu, sekmejūt dialoga rašonūs jaunūs i zynomūs literatu vydā, apvuiceibu kontekstā tai, lai nūtyktu literaruos atteisteibys virzeiba, kai ari latgalīšu literaturys saglobuošona i Latgolys kulturys pezenteišona.

Aizdavumi:

- īsaisteit pasuokuma dalinīkus latgalīšu literaturys dzeivē caur dažaidom tuos “pryzmom”;

- veicynuot solidaritati i toleraņci apvuiceibu dalinīku vydā, kai ari nūstyprynuot pamatīmanis komandys dorba pryncypūs caur aktivū atpyutu i tuos īpazeišonu caur tradicejom;

- nodrūšynuot apvuiceibu dalinīku rodušūs spieju izpausmis tai, lai apvuiceibu rezultatā, tyktu radeiti jauni literarī dorbi, kuri tyktu prezenteiti pasuokuma ītvorūs i uorpus.

4. Pasuocīņa nūtikšonys laiks i vīta: Viļānu nūvoda “Tievanāni”, sātys nūsaukums “Kalna Ozoliņi” (natuoli nu ceļa krystuojumim (Reiga-Zilupe, Preili - Gaigalova)).

5. Pasuocīņa mierķauditoreja:

Pasuocīnī jemt daleibu ir aicynuoti jaunīši vacumā nu 18 da 25 godim, kuri gryb tivuok īsapazeit ar latgalīšu literaturu caur sovys raksteišonys īmaņu atteisteišonu i kurim nav problemu īsajust lauku vidī ar visim nu tuo izrītūšajim “puorsteigumim”. Vysvaira aicynuoti pīsadaleit Rēzeknis nūvoda, Viļānu i Viļānu nūvoda jaunīši.

6. Pasuocīņa planā:

Pasuocīņa dorba grupa: LgSC studenti nu Daugovpiļs, Rēzeknis, Jelgovys i Reigys nūdalem.Darbneicu, nūdarbeibu vadeituoji, konsultanti: V. Lukaševičs, I. Sperga, Raibīs Suņs (O.Orlovs), Z. Lāce, M.Mortuzāne-Muravska, V.Vilcāne.

Literaruos školys laikā, tiks runuots par:

literaturys žanrim i raksteišonys tehniku, prozys i dzejis volūdu, latgalīšu rokstu volūdu, tekstu pasnīgšonu publikai, latgalīšu literaturys materialuos izpausmis formom,

kā ari nūtiks praktyskuos nūdarbeibys rodušūs dorbu raksteišonā i dažaidys aktivitates, kas saisteitys ar apvuiceibu dalīnīku savstorpejuos tolerances nūstyprynuošonu, kai ari īsapazeišona ar latgaliskajom kulturys tradicejom, vidi i mentalitati.

7. Pīsasaceišona: da 1. juņam ir juoaizpylda anketa, kas atrūnama portalūs lakuga.lv voi lgsc.lv kai ari juoīsyuta 2 sovi rokstu dorbi (dzeja, proza) latgaliski voi latviski iz LgSC e-postu: lgsc@lgsc.lv. Dalīnīku skaits ir īrūbežuots. Daleiba apvuiceibuos ir bez moksys, dalinīki poši sadz transporta izmoksys leidz pasuokuma vītai i atpkaļ.

Vaira dazynuošonys:Renārs Kancāns T.: 25152774 (LMT), 22143390 (Bite), e-posts: renars10101@inbox.lv

Pasuocīns „Jaunūs literatu škola „Tievanānu pavasars 2013” teikt eistynuots ar Rēzeknis nūvoda dūmes i Viļānu nūvoda dūmes finansialu atspaidu.