PUNIM DIPLOME - edukimi.uni-gjk.org Diplome... · FALENDERIM Ndihem shumë e lumtur dhe krenare që...
Transcript of PUNIM DIPLOME - edukimi.uni-gjk.org Diplome... · FALENDERIM Ndihem shumë e lumtur dhe krenare që...
UNIVERSITETI I GJAKOVËS ‘‘FEHMI AGANI’’
FAKULTETI I EDUKIMIT
Dega: Programi Parashkollor
PUNIM DIPLOME
TEMA: Përrallat, dramatizimi dhe ndikimi tek fëmijët
Udhëheqësi shkencor: Kandidatja:
Dr. Ilir Muharremi Ylberina Vorfi
Gjakovë, 2018
Ylberina Vorfi UGJ. FAKULTETI I EDUKIMIT. Prog. Para. Gjakovë, 2018
Ky punim diplome u mbrojt me datën ___________ para Komisionit vlerësus në
përbërje me:
1. ___________________ Kryetar
2. ___________________ Anëtar
3. ___________________ Anëtar
Komisioni vlerësues e vlerësoi punimin me notën ________
Nënshkrimet e antarëve të Komisionit vlerësuese :
1. _____________
2. _____________
3. _____________
Ky punim është realizuar në Fakultetin e Edukimit me qëllim të arritjes së titullit
Bachelor i Edukimit – Programi Parashollor.
FALENDERIM
Ndihem shumë e lumtur dhe krenare që pas një rrugëtimi të gjatë dhe sfidues, arrita të
përmbush me sukses një qëllim të rëndësishëm në jetën time.
Dëshiroj të falenderoj dhe të shpreh mirënjohjen time të gjithë atyre që më kanë mbështetur
dhe më kanë inkurajuar gjatë këtyre katër vitëve të vazhdoja edhe kur vështirësitë dukeshin të
pakapërcyeshme.
Së pari, shpreh falenderimet e mia për udhëheqësin tim shkencor Prof.Dr.Ilir Muharremin, për
mbështetjen e tij të vazhdueshme, inkurajimin dhe profesionalizmin që e karakterizon atë.
Së dyti, shpreh falenderimet e mia për gjithë stafin profesional të profesorëve të
Departamentit të Programit Parashkollor të Fakultetit të Edukimit në Universitetin e Gjakovës
“Fehmi Agani” për kontributin dhe angazhimin e palodhshëm të tyre.
Së treti, faleminderit kolegeve dhe shoqeve të mia, me të cilat kemi ndarë bashkë çdo mirësi
dhe sfidë gjatë gjithë këtij rrugëtimi.
Së fundi, por jo për nga rëndësia, falenderime të veçanta dhe mirënjohje të thellë dëshiroj të
shpreh për familjen time, për mbështetjen dhe kurajon e vazhdueshme që më ka dhënë gjatë
gjithë kohës së studimeve moralisht dhe financiarisht.
Ju faleminderit!
ABSTRAKT
Në këtë punim flitet rreth përrallave dhe dramatizimit të tyre përmes teatrit të kukullave, si
dhe tregohet se sa kanë ndikim tek fëmijët këto.
Ndikimi i aktrimit në personalitetin e fëmijës në përgjithësi, duke veçuar dhe u mbështetur në
aspektet zhvillimore që fëmija nxënë gjatë dëgjimit të përrallave dhe shikimit të aktorëve në
skenë në shfaqje të ndryshme teatrale.
Poashtu ky punim është i ndërlidhur me faktorin (aktrim) i cili ndikon në fushën e zhvillimit
motorik socio-emocional, dhe motorik të fëmijës.
Fjalët kyçe : përralla, drama, teatri, kukulla, fëmijët etj.
PËRMBAJTJA
HYRJE...................................................................................................................6
KAPITULLI I
1. PËRRALLAT.................................................................................................7
1.1.Ndikimi i përrallave tek fëmijët................................................................8
1.2.Rëndësia e përrallave ................................................................................9
1.3.Imagjinata e përrallave, arma më e mirë kundër frikës.............................9
1.4.Pse fëmijëve duhet lexuar përralla?.........................................................11
1.5.Çfarë duhet të bëjmë gjatë leximit të përrallës?......................................12
1.6.Çfarë nuk duhet të bëjmë gjatë leximit të përrallës?...............................12
KAPITULLI II
2. DRAMATIZIMI...........................................................................................13
2.1.Dramatizimi për fëmijë............................................................................14
2.2.Drama dhe ndikimi i saj tek fëmijët........................................................15
2.3.Tregimet..................................................................................................16
KAPITULLI III
3.TEATRI........................................................................................................17
3.1.Qëllimi i artit teatror................................................................................18
3.2.Teatri i kukullave.....................................................................................19
3.3.Kukullat...................................................................................................20
3.4.Llojet e kukullave....................................................................................21
3.5.Shfaqjet me kukulla.................................................................................24
PËRFUNDIMI.....................................................................................................25
REFERENCA......................................................................................................26
AUTOBIOGRAFIA............................................................................................27
6
HYRJE
Mosha parafillore është periudha në të cillën zhvillimi social-emocional, fizik, intelektual dhe
gjuhësor kalon momente që ndikojnë në të gjithë jetën e njeriut.
Komunikimi i lirshëm i fëmijëve të kësaj moshe paraqet një aspekt të rëndësishëm të
zhvillimit të fëmijëve dhe suksesit në shkollimin e mëtutjeshëm. Duke komunikuar lirshën me
moshatarët dhë me të tjerët fëmijët zhvillojnë shkathtësitë gjuhësore, pasurojnë fjalorin dhe i
përdorin fjalët në kontekste të ndryshme, zhvillojnë imagjinatën dhe fitojnë shkathtësi
komunikuese.
Shumica e fëmijëve të kësaj moshe hasin në vështirësi për të treguar një ngjarje nga jeta e
përditshme.
Mundësi të mirë për të zhilluar komunikimin e lirë dhe efektiv tek fëmjët na jep edhe loja me
role. Kur fëmijët hyjnë në role shprehen më lirshëm dhe i shprehin ndjenjat, emocionet dhe
mendimet e tyre . Ata mësohen të komunikojnë me njëri-tjetrin duke përdorur në shumë raste
shprehje që dëgjojnë nga mjedise të caktuara, si p.sh.“ Të lutem, mund të më japësh një
fletore?”, “Sa kushton? Faleminderit!”
Përzgjedhja e një përralle, tregimi apo vjershe ku flitet për dëshirat dhe nevojat që kanë
fëmijët për gjëra të ndryshme u mundëson fëmijëve të angazhohet në lojëra me role (p.sh.
bën sikur është doktor, ndërtues, shofer etj.)
Prandaj , loja me role ne komunikimin e lirshëm të fëmijëve të moshës parafillore ka ndikim
pozitiv të madh.
7
KAPITULLI I
1. PËRRALLAT
Përralla është një nga format më të përhapura e më të njohura të prozës.
Përralla është një tregim i trilluar, plot fantazi dhe elemente të çuditshme në subjekt me anë të
së cilës paraqiten mendimet dhe ëndërrimet e njerëzve në formë alegorike. Përrallat nuk nisen,
si ndodh me këngët legjendare, nga një fakt i vërtetë (ndoshta edhe historik) që
legjendarizohet, por nga një trillim i plotë, që megjithatë mban kurdoherë lidhje me probleme,
me situata, me mendime filozofike, morale, shoqërore, estetike të jetës njerëzore.
Përrallat tregohen në prozë dhe kanë domosdo strukturën dhe elementet e tyre. Ato janë të
përhapura në të gjithë botën dhe janë tepër të pëlqyera si për vlerat e tyre filozofike, ashtu
edhe për vlerat e tyre didaktike. Pikërisht për vlerat e saj të gjithanshme, përralla ka tërhequr
vëmendjen e shkencëtarëve : me të merren folkloristët, etnografët, psikologët, letrarët.
Etnografia e studion përrallën si dokument kulturor e historik dhe merret me rolin e saj në
shoqëri, psikologjia e sheh përrallën si shprehje të proceseve shpirtërore, ndërsa shkenca e
letërsisë përpiqet të përcaktojë se ç'është ajo që e bën përrallën të jetë e veçantë edhe brenda
llojeve të prozës gojore. Ajo synon të përcaktojë elementet më të qenësishme të këtij lloji dhe
ashtu si etnografia, të kërkojë zanafillën e saj.
Përrallat shqiptare shquhen për larminë e fantazinë e tyre dhe për thurjet interesante të
subjekteve. Roli i fantastikës edhe në përrallat tona është shumë i madh. Me anë të saj
rrëfimtari popullor deformon dhe përpunon qoftë artistikisht, qoftë në mënyrë filozofike
subjektin, elementet e realitetit duke krijuar një simbolikë të pasur që flet alegorikisht për
mësime shoqërore, etike dhe estetike për jetën. Pikërisht në vlerën e saj filozofike qëndron
edhe një nga anët më të rëndësishme të përrallës. Nëpërmjet saj jepen gjykime për jetën, për
lumturinë, për të mirën dhe të keqen, për të bukurën dhe të shëmtuarën, për aspiratat dhe
ëndërrimet e njerëzve. Duhet thënë se vizioni i përgjithshëm që buron nga përrallat për botën
e jetën është optimist. Kështu, edhe në përrallën tonë, e mira triumfon dhe njeriu me anë
përpjekjesh dhe sakrificash, duke qenë kurdoherë i ndershëm, ia arrin më në fund lumturisë,
arrin ta fitojë atë (e Bukura e Dheut, si simbol i lumturisë). Ky vizion optimist e realist e ka
burimin te karakteri kolektiv i folklorit dhe shpreh soliditetin dhe qëndrueshmërinë e popullit
përballë problemeve të jetës dhe vështirësive që dalin përpara.
Me afirmimin e leximit ndër masat e gjëra popullore, shumë shkrimtarë i kanë mbledhur
përrallat së bashku me gojëdhënat popullore dhe nga to kanë krijuar gjini të ndryshme letrare,
siç është p.sh. proza. Veqori kryesore e rrëfimit të përrallës është mënyra se si rradhiten
episodet me qëllimin për ta mbajtur tensionin emocional deri në fund.1
1 Skica për ligjeratë, “Dramatizimi dhe shfaqja me kukulla”, Ilir Muharremi 2017
8
1.1.Ndikimi i përrallave tek fëmijët
Fig.1.02
Librat e përrallave apo tregimeve luajnë një rol të rëndësishëm në zhvillimin psikologjik dhe
social të fëmijës. Duke mundësuar zhvillimin e sjelljeve si përgjegjshmëria, mosthënia e
gënjeshtrave dhe marrja mësim nga ngjarjet, përrallat ndikojnë pozitivisht edhe në zhvillimin
e karakterit të fëmijës nëse zgjidhen në mënyrën e duhur.
Pothuajse çdo fëmijë jeton me një hero imagjinar të marrë nga përrallat apo tregimet e
lexuara. Kjo imagjinatë dhe këta personazhe luajnë një rol shumë të madh në krijimin e
personalitetit të tij. Përrallat zhvillojnë zgjuarsinë e fëmijës, rrisin forcën konceptuese dhe
përqendrimin, dëshirën për të mësuar, pasurojnë fjalorin dhe i bëjnë fëmijët më kureshtarë.
Specialistët pohojnë se me anë të përrallave mund të hysh në botën e fëmijës dhe të
mbështesësh zhvillimin e karakterit të tij. Fëmija e gjen vetën tek përrallat. Përpiqet t’i
ngjasojë personazhit, përputhet dhe bëhet një me të. Sipas specialistëve, përrallat duhet të
kthehen në një mjet bisedimi mes fëmijëve dhe prindërve nga mosha 3-4 vjeç.
Familjet duhet të ndajnë një kohë të caktuar për t’u lexuar fëmijëve përralla apo tregime,
fëmijët duhet të flasin rreth përrallës. Me anë të përrallave apo tregimeve të dëgjuara fëmijët
arrijnë të zgjidhin problemet e tyre dhe të zhvillojnë ndjenjën e gjykimit, marrëdhënien shkak
- pasojë.
Familja mund ta përdorë përrallën për të transmetuar tek fëmija karakterin e dëshiruar, p.sh.
një njeri të mirë apo të keq, dembel apo punëtor, të përgjegjshëm apo të papërgjegjshëm. Për
fëmijët e moshës 1 -3 vjeç duhen zgjedhur libra me kopertinë të trashë dhe me shumë figura
që t’ia tërheqin vëmendjen fëmijës.
Për moshën 3-5 vjeç mund të gjenden libra aktualë dhe të pasur me figura.
Për moshën 5-8 vjeç të zgjidhen përrallat tërheqëse për fëmijët dhe që cilat japin mesazhin e
të mirës dhe të keqes. Ndërsa për moshën 8-12 vjeç mund të zgjidhen libra aventureskë,
përralla, anekdota, poezi, romane apo tregime të cilët zhvillojnë forcën imagjinare të fëmijës.
(Rrahmani, Z. 2008)
2 http://www.subsidekick.com/blog/books-that-substitute-teachers-can-read-aloud-without-leaving-students-hanging/kindergarten-teacher-reading-to-children-1/
9
1.2. Rëndësia e përrallave
Vlera më e rëndësishme e përralles qëndron në faktin se ajo i paraqitet fëmijës në një gjuhë që
ai kupton, një situatë konflikti dhe në të njejtën kohë i tregon atij rrugëdaljen.
Fraza klasike “Na ishte njëherë” shërben pikërisht për të theksuar largësinë e momentit të
tregimit me momentin e ngjarjes. Faza e parë shërben për të prezantuar me personazhet, me
vone shtrohet problemi që duhet zgjidhur, pastaj arrihet tek zgjidhja e tij (zakonisht përrallat
mbarojnë me “ dhe të gjithë jetuan të lumtur ”.
Përrallat e mëdha, që i kanë rezistuar kohërave reflektojnë ato që janë ndjenjat globale të
njerëzimit: braktisjen, rivalitetin me nënën, babain, vëllain ose motrën. Pikërisht për këtë
arsye ato duhet të mbarojnë gjithmone mirë. Në fakt po të vëmë re, në përralla e keqja dhe e
mira janë të dallueshme në mënyrë shumë të qartë dhe në shumicen e rasteve ështe pikërisht e
mira ajo që fiton. Duke e vënë përballë këtë situatë ku e mira triumfon mbi të keqën, fëmija
ndihet më i sigurtë dhe i mbrojtur.
Në këtë mënyrë, ata arrijnë të kontrollojnë frikën e tyre, ankthin apo makthet gjatë natës.
Karakteret qofshin monolite, pozitive apo negative, protagonistët e antagonistët e lehtësojnë
personifikimin, ndërsa gjuha e përdorur e përbëjnë prej imazheve dhe simboleve, që mund të
kuptohet nga një fëmijë edhe pse ai ende nuk është në gjendje të deshifrojë arsyetimin
abstrakt. Gjithnjë fëmija mbetet në koherencë me sekuencën e imazheve tipike të përrallave
klasike.
(Kujtoni këtu Kësulkuqen, Ujkun, Hirushen, Borëbardhën, Shtrigën, Mollën e helmuar etj).
Me pak fjalë, për të gjitha qëllimet dhe synimet, përrallat janë instrumentet e para arsimore që
mami, babi, gjyshërit dhe edukatorët mund të përdorin për të ndihmuar fëmijën të rriten.
1.3. Imagjinata e përrallave, arma më e mirë kundër frikës
Ngjan si paradoks nëse mendojmë që shpesh është vetë fantazia e tyre që krijon personazhet
më të frikshme dhe burimet më të mëdha të frikës së tyre. Psikologët shpjegojnë se koncepti i
magjisë është një pikë e rëndësishme në rritjen e fëmijëve sepse u lejon atyre që të gjejnë
përgjigje për të gjitha gjërat dhe fenomenet që ende nuk e njohin dhe nuk i kuptojnë.
Në veçanti, disa studiues kanë treguar se ekziston një korrespondencë e ngushtë midis
strukturës së përrallave dhe zhvillimit psikologjik të fëmijëve të moshës 4 deri në 8 vjeç.
Sipas tyre në përralla çdo gjë është e lejuar dhe asgjë nuk është e ndaluar. Elementet
ndërveprojnë me njëri-tjetrin. Objektet dhe personazhet e pajeta mund të flejnë dhe të kenë
cilësitë dhe karakteristika e njeriut. Nuk ekzistojnë rregullat e hapësirës dhe kohës, ligjet e
frikës apo logjika. Çdo histori ka një ligj të vetin, ku çdo gjë është e mundur. Ky realitet i jep
10
lexuesit të vogël një mjet për të analizuar jo vetëm historinë që po e lexon, por edhe shoqërinë
në të cilën ai jeton.
Protagonisti i tregimit ose përralles është shpesh vetëm në përballjen me aventurat dhe
padrejtësitë që ndeshë gjatë rrugëtimit të tij, por ai ndihmohet nga aleatë të jashtëm të cilët
përfshihen vetëm në rastet e rrezikut të madhë siç bëjnë edhe prindërit për fëmijën e tyre në
jetën reale.
Në përrallat lufta midis së mirës dhe të keqës, të dobëtit dhe të fortit është gjithmonë në
qendër të historisë dhe është gjithmonë e mira ajo që triumfon në lidhje me dinakërinë dhe të
keqën. Fëmija prezantohet me të gjitha anët e jetës, por ushqehet me idenë se e mira është
arma e duhur dhe gjithashtu pajiset me stimujt e duhur për të mos hequr dorë nga ëndrrat dhe
qëllimet e tij, sepse në fund ai do të ja dali mbajnë.
Edhe karikaturat apo filmat vizatimorë mund të kenë këtë funksion, por imagjinata në këtë
rast është më e reduktuar sepse pamja e personazheve dhe mjedisi është i përcaktuar tashmë
dhe nuk lë vend për ndryshime. Kjo është një tjetër arsye pse është e rëndësishme të lexoni
tregime me fëmijët tuaj dhe të flisni me ta mbi atë që lexuat për të analizuar dhe kuptuar më
mirë karakterët dhe ngjarjet e kësaj historie.
Gjithashtu është shumë e dobishme dhe interesante të iu kërkoni fëmijëve të krijojnë dhe
tregojnë një histori të tyren. Shpesh është mirë që gjatë rrëfimimit të tyre të përqendroheni te
elementet ose personazhet e fenomenet që fëmijëve iu ngjallin frikë, ose që etikohen prej tyre
si negative dhe në këtë rast duhet ti nxisni ata të përdorin imagjinatën për të krijuar një formë
të tyre për të i mposhtur ata me fantazi.3
Shpesh prindërit janë të shqetësuar dhe të merakosur për ekzistencën e miqve imagjinar në
jetën e fëmijëve të tyre. Psikologët e zhvillimit të fëmijëve shpjegojnë se fëmijët gjithnjë
zhvillojnë një llojë të tillë miqësie, jo reale. Shpesh është thjesht një kukull apo një lodër që e
shoqëron në mënyrë të vazhdueshme, por mund të jetë edhe fizikishtë inekzistente, por shumë
prezente në momentet e përjetimit të frikës. Në sytë e një të rrituri mund të duket një sjellje e
çuditshme, por për fëmijët nuk përbën asgjë të dëmshme, madje e ndihmon atë për të kuptuar
më mirë botën rreth tij edhe me kalimin e viteve. Është totalishte e gabuar që të qortoni
fëmijën tuaj për ekzistencën e një miku imagjinar. Do jetë vetë ai që do e largojë nga jeta e tij
në një moment kur të jetë i gatshëm për të përballuar frikën dhe vështirësitë i vetëm. E
rëndësishme është që miku imagjinar të mos shpenzojë hapsirat e miqve real dhe të humbasë
dobishmërinë e tij.
3 http://www.ikub.al/
11
1.4. Pse fëmijëve duhet lexuar përralla?
Përrallat mund të identifikohen përmes shenjave dhe simboleve. Simbolet më të rëndësishme
në psikologji quhen arhetipe, të cilat i identifikon në përrallë. Për shembull arhetipi i nënës në
përralla mishërohet si një nënë e mirë, gjyshe e mirë, magjistare e pabesë, njerkë e keqe.
Arhetipi i mashkullit mishërohet si një hero, shpëtimtar etj. Pra, përrallat tregojnë në mënyrë
figurative aspektin shpirtëror dhe mitik, përkatësisht atë që i takon psikologjisë primitive
njerëzore. Edhe pse përrallat mund të ndryshojnë nga kultura në kulturë, simbolet që shfaqen
në përralla kanë kuptim universal, tema që flasin për zhvillimin e njeriut dhe raportet mes
tyre.
Përrallat mund ta thjeshtësojnë situatën si dhe njohurinë e fëmijëve me gjërat përreth. Për
shembull ka karaktere të ndryshme njerëzish, që përshkruhen me personazhe tipike si: njëri
vëlla budalla ndërsa tjetri i mençur, një motër me cilësi të plota ndërsa tjetra e mbrapshtë dhe
përtace. Një prind mund të jetë i mirë ndërsa një tjetër jo i mirë.
Përmes këtyre përshkrimeve, fëmijët e moshës parashkollore mund të zhvillojnë strukturat
njohëse me realitetin, për të kuptuar praninë e cilësive të ndryshme, të mira dhe të këqija tek
një person. Fëmija e identifikon vetën me ndonjë personazh hero, duke ia marrë vetitë e mira
dhe duke tentuar të adoptojë sjelljet e pëlqyeshme sociale duke ndikuar kështu pozitivisht në
zhvillimin psiko-social të fëmijës. Fëmija mund të mësojë nga përrallat se një njeri mund të
jetë i guximshëm, imagjinativ, pjesëmarrës, person që fiton në situata të ndryshme dhe që e
mban fjalën. Në këtë kontekst, përrallat paraqesin një hapësirë ku fëmija takohet me tiparet
njerëzore, gjërat që mund ti përkasin atij dhe gjithë njerëzimit, vlerat positive dhe negative.
Përrallat janë frymëzuese dhe stimulojnë imagjinatën dhe krijimin artistik, janë një formë
unike e artit. Tek fëmijët inkurajon zhvillimin e imagjinatës e cila parashikon sukses. Kështu,
fëmija krijon besimin dhe hapësirën e tij për ëndërrimin e fitores, si dhe përgatitet për
aktivitetet në botën e jashtme.
Përrallat tregohen më mirë në formën e tyre origjinale, me të gjitha figurat stilistike të saj që e
bëjnë një vlerë artistike. Përralla është pjesë e folklorit, vendtakim me të magjishmen,
poetikën dhe emocionalen. Për shkak të simboleve të pasura, përrallat janë një inspirim i
qëndrueshëm jo vetëm për fëmijët, por edhe artistë, shkencëtar dhe shumë shpirta tjerë
kuriozë. (Bruno Bettelheim, 1976)
12
1.5. Çfarë duhet të bëjmë gjatë leximit të përrallës?
Fig.1.14
Fillimisht zgjidhni një pozicion që i lejon fëmijës të shohë figurat, të shfletojë librin dhe të
ndjekë përrallën me vëmendje. Përgjigjuni të gjitha pyetjeve të fëmijës, duke u përpjekur që të
jeni i sinqertë sa më shumë të jetë e mundur, por pa e modifikuar përrallën. Duhet t’i tregosh
fëmijës, se dhe dragonjtë apo personazhet e frikshme e kanë një pikë të dobët dhe do të
mposhtën medomos. Kështu do ta ndihmoni dhe fëmijën tuaj të mposhtë frikën e tij.
Rilexojeni përrallën nëse fëmijët ua kërkojnë, edhe për të disatën herë radhazi. Pas moshës 3
vjeçare, ata do të kërkojnë shpesh t’u ritregoni të njëjtën përrallë. (Gladiona Busulla, 2013)
1.6. Çfarë nuk duhet të bëjmë gjatë leximit të përrallës?
Mos i modernizoni dhe mos i transformoni karakteret e përrallave (princin, viganin,
katallanin, përbindëshin, magjistarët) në personazhe reale. Fëmija duhet të bindet se përralla
nuk ka lidhje me realitetin. Ai nuk duhet të trembet, por të kuptojë ndarjen midis reales dhe
ireales. Mos përdorni emrin e fëmijës në vend të ndonjërit prej personazheve. Kjo është
gjithashtu e rëndësishme për të mbajtur distancën e duhur nga përralla. Mos e censuroni
përrallën për shkak të frikës se fëmija mund të traumatizohet. Përrallat u tregojnë vogëlushëve
si të përballen me problemet. Ato i forcojnë emocionalisht, i rrisin vetëvlerësimin dhe i
zhvillojnë mendimin kritik. Në fund të çdo përralle mbretëron e mira, dhe heronjtë e dashur të
fëmijëve jetojnë të lumtur përgjithmonë. Ky është mesazhi që duhet të transmetojmë dhe
kultivojmë tek ata. Do të rriten më të mirë, më të sigurtë në vetvete dhe do të jenë më të
përgjegjshëm.5 (Gladiona Busulla, 2013)
4 https://www.rd.com/advice/parenting/reading-to-kids/ 5 https://durreslajm.al/
13
KAPITULLI II
2. DRAMATIZIMI
Shfaqja që ndiqej nga spektatorët në teatrin antik quhej dramë.
Dramë do të thotë: veproj bëjë diqka të rëndësishme në momentin që flas. Nuk rrëfej, nuk
tregoj diqka, por e bëjë tani sikur të ndodh në këtë moment këtu, para syve të të gjithëve.
Në lashtësi egzistonin tri llojë dramash:
Tragjeditë: (me tematikë serioze që nxisnin spektatorëve ndjenja ngurimi,
pavendosmërie, agonie, frike, simpatie dhe pendimi).
Komeditë: (me tematikë shaka rreth aktualitetit, që nga njëra anë u shkaktonte
spektatorëve të qeshura me gjithë zemër, duke bërë humor me aktualitetin politik dhe
social, por pas humorit, mësonte dhe disiplinonte spektatorët leksione nënkuptuese).
Satira: (dramat) që ishin vepra me të cilat nderonin jetën dhe faktet legjendare rreth
perëndisë.
Pra, çdo dramë ishte një lloj poezie që kombinonte elementë epikë ( me dialogët ndërmjet
aktorëve ) elementë lirik (me këngët e korit, që shprehnin në përgjithësi ndjenjat e popullit)
dhe element kërcimi, përderisa pjesëtarët e korit nuk këndonin vetëm me ndjenja, por kërcenin
nën shoqërimin e muzikës dhe me ritëm sipas ndjenjave të tyre.6
6 Skica për ligjeratë, “Dramatizimi dhe shfaqja me kukulla”, Ilir Muharremi 2017
14
2.1. Dramatizimi për fëmijë
Dramatizimi ka kuptimin e përzgjedhjes së tekstit letrar qoftë tregimi e përralla të cilat
shndërrohen në tekste dramatike, më pastaj inskenohen në skenë. Studimet kanë treguar se
zhvillimi i aftësive për të mësuar të interpretosh gjenden në natyrën e interpretimit teatror.
Duke ndjekur udhëzimet, të rinjtë do të kenë një përfytyrim të ri të jetës, të vetvetes dhe do të
mësojnë:
Të tërhiqen nga fabula që kanë krijuar;
Të futen me fantazi në një situatë imagjinare;
Të njohin dhe të përjetojnë rrethanat, dilemat dhe pasojat e veprimeve të
personazheve të krijuara dhe rrjedhojat përkatëse;
Të riinterpretojnë gjithçka nëpërmjet personalitetit të vet.
Thelbi i lojës dramatike është ndërtimi i një historie nëpërmjet interpretimit. Përpunimi i
historisë të shpie drejt një problemi, një seri veprimesh dhe ngjarjesh që ndërtohen rreth një teme
(një pikënisje për të mbajtur qëndrim). Në këtë rast, tema është puna e fëmijëve.
Në modulin e lojës me role nxënësi ka filluar të bëjë të vetat ndjenjat e fëmijës që punon.
Paralelisht, moduli i shkrimit krijues ka përgatitur terrenin për të krijuar një dramë.
Nëpërmjet vënies në jetë të një pjese, pra vënies në skenë të një historie të krijuar dhe të
interpretuar nga të rinjtë, nga këndvështrimi i tyre, sillet një dozë e kënaqshme e zotërimit dhe
e përgjegjësisë në raport me projektin.
Nëpërmjet dramatizimit, të rinjtë do të pajisen me instrumente të reja për të shprehur
emocionet.
Thelbi i dramatizimit është historia e thënë ndryshe, krijimi i një bote ireale ku në kushte të
caktuara, personazhe të caktuara përjetojnë gjendje të caktuara. Të rinjtë e grupit do të
luajnë personazhe të ndryshme të historisë. Nëpërmjet punës për të nxjerrë rolin, ata do të
karakterizojnë tiparet e personazhit, duke përvetësuar karakteristikat e tij fizike, emocionale
dhe intelektuale.
Në dramatizim veprimi lind nga bashkëveprimi i personazhit ireal dhe situatës në të cilën
ndodhet. 7
7 Skica për ligjeratë, “Dramatizimi dhe shfaqja me kukulla”, Ilir Muharremi 2017
15
2.2. Drama dhe ndikimi i saj tek fëmijët
Përjetimet e fëmijëve, mënyrat e shprehjes së tyre njëkohësisht janë masat e aktiviteteve të
tyre në lojërat dramatike por edhe në format e tjera të krijimtarisë dhe zbulimeve të fëmijëve.
Drama mund të ndihmojë fëmijët në shumë drejtime dhe mund të ndikojë pozitivisht në
personalitetin dhe formimin e tyre.
Drama mund të ndihmojë:
Për të kuptuar dhe të moderuar sjelljen e tij,
Të bëhet më spontan, të ketë besim dhe vetëbesim në trajtimin me të tjerët,
Të nxisë në mënyrë praktike, ndjenjat e tij unike dhe nga ana tjetër të zhvillojë një
këmbëngulësi pozitive, për trajtimin e konfliktit dhe zgjidhjen e problemeve,
Të vlerësojë aftësitë dhe prirjet e tij,
Të njohë aspektet pozitive dhe negative të emocioneve dhe rëndësinë e tyre në jetën
e tij,
Të ketë besim, respekt dhe mbështetje te të tjerët, sepse baza është hedhur gjatë
bashkëpunimit në krijimin e dramës,
Të përjetojnë hapjen me të tjerët për të praktikuar, pa frikë zbulimin dhe shprehitë e
vetes,
Të respektojë dhe çmojë dallimet në njerëz,
Të jetë i kënaqur dhe ekspresiv në gjuhën verbale dhe jo-verbale,
Të përjetojnë dhe të krijojë një atmosferë në të cilën idetë, mendimet dhe ndjenjat
mund të shprehen lirshëm.
Të përjetojnë marrëdhënie të hapura dhe të shëndetshme me të gjithë anëtarët e
klasës dhe jo vetëm me një pakicë të zgjedhur .8
8 Skica për ligjeratë, “Dramatizimi dhe shfaqja me kukulla”, Ilir Muharremi 2017
16
2.3. Tregimet
Çdo tekst letrar qoftë përrallë apo tregim si bazë ka idenë dhe qëllimin.
Më fuqinë e përrallës fëmijët i dërgojmë në të gjitha rrugët fantastike, pikërisht këtu realiteti
shndërrohet në fantazinë.
Qëllimi është që fëmijët t’i njohin personazhet, të mishërohen me ta, të përjetojnë përvojë e
cila i ndihmon edhe në mësime. E rëndësishme është që fëmijët t’i dëgjojnë tregimet, por jo
të kalojnë në obligim, qëllimi është sipas interpretimit të zgjohet kureshtja për dëgjim të një
pjese letrare. Nëse fëmijët kanë rolet e tyre aktive, më lehtë e kuptojnë idenë e rolit, ngaqë
janë më të angazhuar, kuptojnë gjendjen e brendshme dhe të jashtme të personazhit, madje
edhe tregimin. Në momentin kur fëmijët emocionalisht dhe intelektualisht aktivizohen,
zhvillojnë kreativitetin dhe imagjinatën.
Shpesh tregimet që i zgjedhim nuk janë dinamike atraktive dhe gjatë leximit të pjesëve, duhet
të imagjinojmë disa elemente shtesë që lidhen me ngjarjen ta bëjmë më atraktive përrallën. Të
arrihet efekti ku edukatorja gjatë leximit të pjesës t’i dërgojë fëmijët në rolet e tyre. Në
momentin kur edukatorja interpreton në formë profesionale tregimin, fëmijët do t’i gjejnë vet
rolet e tyre. Edukatorja dhe fëmiu-aktor komunikojnë harmonishëm. Nga ky moment
ringjallet loja spontane dhe rolet e dramatizuara. Pas kësaj çdo fëmijë ka rolin e tij, edukatorja
është moderatore që bashkëvepron me rolet e tyre. Kjo kërkon prova më shumë, por rezultati
është pozitiv. Në disa dialogë fëmijët do t’i dramatizojnë gjatë interpretimit. Gjatë provave
mund të kërkojmë që fëmijët të jenë edhe bashkëbisedues të roleve të tyre. Në fillim kërkoni
t’i vendosin emrat e roleve kryesore, ose ta përshkruajnë ambientin e vendngjarjes, kur e
bëjnë këtë atëherë vëmendjen do ta kenë të gjithë, dhe do të vazhdojnë duke iu pyetur:
Çfarë ndodh më pastaj?
Si ta zgjidhim këtë problem?
Si do të veprojë nëna?
Qëllimi është integrimi në lojë dhe krijimi i balancit ndërmjet fëmijëve. Fëmijët më të vegjël
do ta humbin përqendrimin. Nëse dramatizojmë një tregim të njohur, apo të ri, duhet ta
zgjedhin teknikën e cila do të jetë tërheqëse për të vegjlit, t’i shohin imazhet, kjo arrihet
përmes zhvillimit të lojës.9
9 Skica për ligjeratë, “Dramatizimi dhe shfaqja me kukulla”, Ilir Muharremi 2017
17
KAPITULLI III
3. TEATRI
Teatri është nocion që nënkupton rrëfimin e një ngjarjeje të inskenuar, që e realizojnë artistët,
aktorët, komunikimi i të cilëve bartet te publiku. Mirëpo, për shkak të kompleksitetit të tij,
teatri vështirë mund të shpjegohet me një definicion të vetëm: vetë nocioni teatër njëkohësisht
nënkupton edhe artin teatror, edhe vendin ku realizohet ai, edhe aktin shoqëror të pranisë dhe
të përcjelljes së shfaqjes.
Teatri është art i fjalës së folur. Kur krijimi letrar luhet në skenë me interpretimin e aktorëve
krijohet arti teatror. Ngjarja vendoset në një hapsirë të caktuar që quhet skenë. Më herët skena
ishte në teatrot e hapur ose amfitetatrot.10
Shfaqja teatrale fillon në kohën e caktuar ose në terminin e planifikuar, ndërkaq zgjatja e
shfaqjes është paksa e kufizuar, ekzistojnë shfaqje një orësh madje maksimale edhe dy orësh.
Në ditët e sotme koha është tejet e kufizuar në teatër. “ Pas duartrokitjeve të gjata, aktorët
largohen nga skena dhe shikuesit e braktisin hapësirën e teatrit. Skenën edhe sallën i ndan një
vijë e cila mund të jetë e dukshme, por edhe e pa dukshme në raste të caktuara, ose varet edhe
nga lloji i shfaqjes. Teatri ndodh në mes aktorëve dhe publikut. Të realizohet komunikimi
është e nevojshme të përmbushen disa rregulla. Disa teorik aktorin do ta quanin bartës i
mesazheve, kurse publikun pranues të mesazheve. Në këtë rast, aktorët na shfaqen sikurse
disa persona të koduar, që kanë për qëllim publikun për dekodimin e kodeve të tyre, apo disa
shifra matematikore që duhet të zgjidhen. Fjala, lëvizja, skenografia, muzika, ndriçimi, të
gjitha këto duhet të jenë të ndërtuara mirë, se përndryshe efekti i shfaqjes bie në humnerë.
Përveç këtyre elementeve primare, aktori është i obliguar të ketë zërin e fortë, ta bëjë
artikulimin e fjalëve rrjedhshëm që të mund të dëgjohet edhe në rreshtin e fundit. P.sh aktori
duhet të flasë me një shpejtësi të cilën e pranon shikuesi. Nëse nderohet ritmi dhe “tempo” e
të folurit të aktorit, duhet ta ketë shpejtësinë efikase e pranimit të publikut. Në anën tjetër
ekzistojnë edhe situata tejet interesante, kur në festivale të shumta të shfaqjeve publiku
përkthimin e shfaqjes e dëgjon në dëgjuese. Nganjëherë përkthyesi e vonon përkthimin e
aktorit në skenë, dhe mundohet të imiton të folurat e aktorit, çka bënë ai me këtë?! Pengon
spektatorin e shfaqjes.
Për të qenë komunikimi i mirë mes aktorit dhe spektatorit, nevojitet një përvojë mes këtyre dy
palëve. Komunikimi është i mirë atëherë kur publiku ka një përvoje historike, shoqërore dhe
kolektive me aktorët. Ekziston edhe një ansambël publiku i shëndoshë i cili kur mërzitet del
në kohë të pauzës, ndërsa lloji tjetër i publikut të premierës janë në gjendje të aktrojnë për
publikun e interesuar për shfaqje edhe pse shfaqja është e dobët. Para se të fillojë shfaqja
aktorët janë të obliguar t’i bëjnë disa ushtrime, nxehje, por në fund secili paraqitet me
teknikën e vet të aktruari, ata duhet të bashkëpunojnë kolektivishtë, të mos ndërhyjnë në lojën
e partnerit nëse nuk është e nevojshme sepse mund të reflektojnë në lojën e tij.11
10 https://sq.wikipedia.org/wiki/Teatri
11 Skica për ligjeratë, “Dramatizimi dhe shfaqja me kukulla”, Ilir Muharremi 2017
18
3.1.Qëllimi i artit teatror
Për ta njohur jetën kuptohet eksplorimi i anëve të dukshme dhe të padukshme, zbulimi i të
fshehurave dhe eksplorimi i të zbuluarave. Ky është qëllimi themelor i artit teatror. Për këtë
arsye arsimimi teatror mundëson fëmijëve në mënyrë tërheqëse të arrijnë zbulimet dhe dituritë
e rëndësishme për botën, sjelljet e tyre në jetë, ngaqë shikimi i shfaqjeve ngacmon fëmijët për
ngritjen e emocioneve të tyre duke i ndërtuar në mendime, përjetime, konkluzione duke
pasuruar përvojën e shëndrrimit mbi konceptet e caktuara.
Fig.1.212
Ndërlidhja në mes artit teatror dhe fëmijës shërben si përjetim i brendshëm dhe zhvillim i
imazheve të jashtme që vijnë nga veprimi.
P.sh shfaqjet teatrore të cilat fëmija i shikon apo merr pjesë në to si aktor, realizohen përmes
pikturave të njëpasnjëshme të gjalla skenike duke ndikuar në edukim të shumëfishtë, ngaqë
pikturat e gjalla skenike ekzistojnë vetëm në skenën teatrore. Nuk duhet harruar se çdo
shfaqje teatrore pavarësisht a dedikohet për fëmijë apo të rritur në thelb përmban sintezën e
fjalëve, tingujve, ngjyrave, lëvizjeve, kohës dhe hapësirës jetësore e mendore. (Papagjoni,
2011)
12
https://www.google.com/search?rlz=1C1CHMZ_deCH357CH365&biw=1024&bih=653&tbm=isch&sa=1&ei=u
25CW5j2DInf9QPfu7igAQ&q=children+in+theater&oq=children+in+theater&gs_l=img.3...15063.21594.0.217
06.24.18.0.0.0.0.643.2602.4-
2j3.5.0....0...1c.1.64.img..22.1.414...0.0.jV7vOKAeg4I#imgrc=VMZ9moAz4OJIjM:
19
3.2.Teatri i kukullave
Fig.1.3 (Shfaqje me kukulla)13
Teatri i kukullave i ringjallë dhe u jep shpirt atyre që nuk kanë. U jep shpirt kukullave,
objekteve, gjësendeve. Paradoksi shpesh është kur aktorëve, kukullarëve apo kukulltarëve, u
thuhet për ndonjë lojë të dobët në skenë, se nuk i kanë dhënë shpirt kukullave, ndërsa ata/ato
ta kthejnë: "Kukullat nuk kanë shpirt!" E prej këtyre përgjigjeve të pasuksesshme del
definicioni i teatrit të kukullave:
"Teatri i kukullave është kur aktori i jep shpirt kukullës, e bën atë të flas, të lëviz, të shpreh
emocion, të rrëfen, të ndërton dialogë, të interpreton, të vallëzon, të këndon, të lexon, të luan,
e tjerë e tjerë." (Rudaku Avni, 2017)
Teatri i kukullave është shumë joshës në depërtimin e imagjinatës dhe vëmendjes së fëmijëve
parashkollorë e të nivelit fillor, por nuk kufizohet vetëm në moshën e tyre.
Teatri i kukullave është një lloj teatri pa ndonjë traditë shumë të zhvilluar në Kosovë,
krahasuar qoftë edhe me traditën më të gjatë të teatrit të kukullave në Shqipëri. Në Kosovë,
përjashtoni teatrin e kukullave për fëmijë "Dodona", në asnjë qytet tjetër të Kosovës nuk
kultivohet apo zhvillohet. Është zhanër, tipologji e lloj teatri i papranishëm e pa ndonjë
zhvillim profesional të specializuar. Këtu mungon edhe cirku, sikur ekziston për kohë të gjatë
në Shqipëri! Në disa teatro qytetesh të Kosovës, ka rrallëherë ndonjë shfaqje për fëmijë, por
zakonisht janë edhe shfaqje me 'maskota', aktorë të veshur në maska kafshësh apo
personazhesh të ndryshme, por jo edhe me lloj-lloj kukulle teatrore. 14
13 Shfaqje me kukulla në Teatrin “ Dodona” , Prishtinë 14 http://www.kosova-sot.info/
20
Teatri i kukullave në vendin tonë, mungon madje edhe më shumë në literaturë sesa në skenë.
Sadopak teatri i kukullave "Dodona" ka shfaqje në Prishtinë, por mungojnë studimet dhe
literatura përkatëse në fushën e teatrit të kukullave. Teatri i kukullave është teatër mjaft joshës
jo vetëm për të vegjlit sikur e mendojmë shpesh, por edhe për botën e të rriturve, e veçanërisht
teatri i hijeve, që është aq shumë i zhvilluar në Kinë, Indi, Iran, etj.
3.3.Kukullat
Çka janë kukullat teatrale?
- Kukullat teatrale janë objekte të animuara ose prezantojnë figura të animuara që
manipulohen nga një person. Ato përdoren në një teatër kukullash, një lojë ose një
prezantim e cila është një formë e vjetër e teatrit.
Ka shumë variante kukullash të cilat realizohen me një sërë materialesh, që varën nga
forma e tyre dhe nga mënyra e përdorimit. Ato mund të jenë shumë komplekse ose
shumë të thjeshta në ndërtim. Ato gjithashtu mund të jenë edhe objekte të gjetura.
Kukullat janë të bëra prej leckash dhe letrash. Kanë formë plastike të skulpturës dhe
mundësinë potenciale për të lëvizur. Në shkrirjen e veprimit të brendshëm të aktorit me
lëvizjet plastike të kukullës arrihet veprimi plastik i aktorit të teatrit të kukullave. Ky veprim
lind në mënyrë të jashtëzakonshme. Ai është rezultat jo vetëm i forcës natyrore njerëzore të
aktorit, po në masë aspak më të vogël edhe të veçorisë së mjeshtërisë profesionale. Veprimi
këtu është në të njëjtën kohë edhe natyral, edhe artistik. Njëherësh veprimi fizik i aktorit në
teatrin e kukullave gjithashtu merr forma të jashtëzakonshme, artistike - bëhet ndërmjetësues
mes veprimit psikologjik të aktorit dhe veprimit plastik të kukullës.
Kukullat janë të lashta aq sa teatri. Mendohet se kukullat e para janë krijuar në Indi dhe
Egjipt. Në të dyja vendet janë gjetur teatro të lashta kukullash.15
Fig.1.4 (Kukulla teatrale)16
15 Skica për ligjeratë, “Dramatizimi dhe shfaqja me kukulla”, Ilir Muharremi 2017 16https://www.google.com/search?biw=1024&bih=653&tbm=isch&sa=1&ei=dXNCW4uEOMKR6ATukYo4&q
=puppes+theater&oq=puppes&gs_l=img.3.0.35i39k1j0i10k1l9.50009.53325.0.55411.23.13.0.0.0.0.154.1037.1j8
.9.0....0...1c.1.64.img..16.7.849.0..0j0i30k1j0i5i30k1j0i67k1.0.cRO9BQY9HBo#imgrc=R17A8p6SKBkwJM:
21
3.4.Llojet e kukullave
Ekzistojnë kukulla të ndryshme të cilat interpretohen në teatër: disa vendosen në duar, të tjerat
lëvizen me litar, tela dhe me gjëra të ndryshme.
Më poshtë do ti cekim disa prej tyre:
Kukullat me dritë në sfondin e zi – Janë një formë kukullash, të cilat krijohen me
drita ultravioletë, e cila thekson ngjyrat e kukullës dhe fsheh aktorin që e mban.
Mbajtësi i kukullës (aktori) performon me uniformë të zezë, në një sfond të zi. Aktori i
lëviz kukullat nën efektin e dritës, ndërkohë që pozicioni i tij është i padukshëm në
sfondin e zi. Kukulla të madhësive të ndryshme mund të përdoren në mënyra të
ndryshme shumë interesante.
Fig.1.5
Kukullat prej druri – këto kukulla përgatiten duke gdhendur drurin. Përdoreshin në
dritën e skenës mbi sfondin e zi.
Fig.1.6
22
Kukullat me gishta – një variant shumë i thjeshtë kukullash janë kukullat me gishta.
Ato janë të ndërtuara nga një cilindër në formën e gishtit dhe nuk ka pjesë lëvizëse.
Kjo formë kukulle ka aplikim të kufizuar, dhe kryesisht përdoret në parashkollor.
Fig.1.7
Kukullat me thes. – kukullat e formuara nga një thes ku në të dyja anët I vendosen
duart. Ato të japin mundësi të krijosh lëvizjen e duarve duke luajtur herë njërën anë e
herë tjetrën. Dhe të japin përshtypjen e të folurës. Elementet e tjerë si sytë goja etj,
vendosen për ti bërë më realiste. Ato janë të thjeshta për tu bërë dhe për tu përdorur.
Kryesisht ato përdoren në shfaqje satirike dhe për fëmijë.
Fig.1.8
23
Kukullat e dorës – Këto janë kukulla që kontrollohen nga një dorë e cila zë vend në
brendësi të saj. Te kjo llojë kukulle mund të kontrollosh gojën, lëvizjen e duarve, të
kokës, të trupit. Kukullat e dorës mund të përgatiten me çorape, me dorëza prej cope
apo me dorëza prej letre.
Fig.1.9
Marionetat – këto kukulla kontrollohen nga një numër fijesh, të cilat mblidhen në një
pikë kontrolli që komandohet nga mbajtësi. Kontrolli mund të jetë horizontalisht ose
vertikalisht. Fijet kryesore ndodhen në kokë, në shpinë, duart( për të kontrolluar
krahët) dhe në gjunjë (për të kontrolluar këmbët). Është një formë komplekse dhe e
sofistikuar për tu përdorur. (Rrahmani, Teoria e letërsis, 2012)
17
Fig.2.0
17 Të gjitha fotografitë marrë nga interneti
24
3.5. Shfaqjet me kukulla
Fig.2.118
Të jemi fëmijë apo të ritur, në jetën e shumicës prej nesh ka kaluar një shfaqje apo tregim me
kukulla.
Ata që janë pak në moshë të thyer kur u përmend kukullën në mendje u vjen menjëherë
“Pinokio”, me hundë të gjatë, faqe të kuqe dhe këmbë prej druri. Edhe fëmijët e sotëm kanë
personazhe të ndryshme të kukullave.
Zanafilla e artit të kukullave përkon me kohërat kur njeriu filloi të merret me gdhendjen e
drurit. Gjatë këtij procesi kukullat dhe shfaqjet me kukulla kanë vërtetuar vetën si një art në
vete dhe nuk mbetën të kufizuara vetëm me lodra prej druri të cilat i lëviznin me penj.
Brenda artit të kukullave sot kemi teatro të hijeve, shfaqje kukullash, kukulla të prodhuara nga
materiale të ndryshme dhe natyrisht kukulla të bëra me kompjuter.
Në këtë art bëjnë pjesë edhe vantrologët (njerëzit që të lënë përshtypjen sikur flasin me bark)
me kukullën e tyre në prehër. Ndoshta për shkak se bota e kukullave mendohet në përgjithësi
bashkë me fëmijët, shfaqjet me kukulla bëhen me lloje të pasura dhe të kënaqshme të
kukullave. Por, me shtimin e llojllojshmërisë së kukullave ka ndryshuar edhe përceptimi i
tyre.
Në tërë botën filluan të jepen shfaqje me kukulla, ku kemi ndërthurjen e disiplinave të videos,
kërcimit dhe muzikës. Shembujt e satirës dhe ironisë që demonstrohen në këto shfaqje rritën
moshën e grupit të shikuesve. Edhe artistët e kukullave, së bashku me anën fëmijërore, me
këto shfaqje mundohen të tregojnë se këto shfaqje me kukulla nuk janë vetëm për fëmijë.
Mendohet që teatrot e para të kukullave kanë lindur në Kinë, me kukullat hije, por duket se
shfaqjet me kukulla kanë ekzistuar shumë herët dhe në shumë vende njëherësh, ndoshta
përpara teatrit të hijeve.19
Teatri i kukullave është përmendur në shkrimet e Aristotelit dhe të Platonit, dhe kukullat kanë
qenë pjesë e historisë njerëzore. Kinezët i bënin kukullat nga lëkura e gomarit apo e deleve,
derrave ose peshkut.
Në shekullin e XVI, teatri i kukullave ekzistonte në të gjithë Evropën.
18 https://carwad.net/sites/default/files/puppet-show-pictures-137374-7158711.jpg
19 Skica për ligjeratë, “Dramatizimi dhe shfaqja me kukulla”, Ilir Muharremi 2017
25
PËRFUNDIMI
Fëmijët nuk mund ti shikojmë vetëm si objekt, por edhe si subjekt i edukimit, ka urtësi dhe
dituri të cilat duhet të mësohen nga fëmijët, sepse ata i kanë disa fuqi të cilat ne rrallë i
vërejmë. Gjithmonë është e rëndësishme që të kuptojmë çka fëmija dëshiron të tregojë apo në
të vërtetë çka dëshiron të bëjë, pa marrë parasysh se çfarë tregon apo ç’është duke bërë tani.
Por në vend se të udhëhiqemi me dëgjimin dhe ndjenjat e pulsit të natyrës së fëmijës, ne
udhëhiqemi me atë që së shpeshti është sipërfaqësore për fëmijën.
Për këtë arsye, krahas zhvillimit të dijes rreth fëmijëve, duhet të zhvillojmë ‘veshin’
(dëgjimin) për fëmijën, për ta dëgjuar botën e brendshme të tij, pavarësisht se sa dhe si ajo
botë shprehet apo fshihet. Për këtë, është e rëndësishme mënyra dhe niveli që arrin një fëmijë
të shprehet përmes lojës dramatike, dhe artit në përgjithësi.
26
REFERENCA
Rrahmani, Z. (2008). Teoria e letërsis, botimi i dytë Faik Konica.
Prishtinë: Zejnullah Rrahmani.
Papagjoni, Josif, Teatri dhe dramaturgjia shqiptare, Tiranë, 2011,
Rrahmani, Z. (2012). Teoria e letërsis. Në Z. Rrahmani, Teoria e letërsis
(f. 335). Prishtinë: Zejnullah Rrahmani.
Bruno Bettelheim, The Meaning and Importance of Fairy Tales, 1976
Nagy, J. (1976). MLN, 91(6), 1642-1644. doi:10.2307/2907161
Skica për ligjeratë,“Dramatizimi dhe shfaqja me kukulla”, Ilir Muharremi
2017
https://sq.wikipedia.org/wiki/Teatri
https://durreslajm.al/
Busulla Gladiona, Rëndësia e përrallve, Durrës, 2013
http://www.ikub.al/
Rudaku Avni, Teatri i kukullave, Prishtinë, 2017
http://www.kosova-sot.info/
Fotografitë marrë nga interneti
27
AUTOBIOGRAFIA
Unë jam Ylberina Vorfi, e lindur me 19.09.1995 në Gjakovë.
Shkollën fillore e kam përfunduar në Bishtazhin,
SHMFU “At Gjergj Fishta” me sukses të shkëlqyeshëm,
duke qenë pjesëmarrëse në shumë aktivitete të ndryshme të
organizuara nga shkolla.
Shkollën e mesme e kam përfunduar gjithashtu në
Bishtazhin në gjimnazin “Hajdar Dushi”, dega Shkenca
Natyrore po ashtu me suksese te shkëlqyera.
Shkolla e mesme ishte shumë frytdhënëse ngase me
përfundimin e saj u përcaktova në profesionin më human që
ekziston.
Pas përfundimit të shkollës së mesme, e kuptova ҫfarë doja nga jeta, doja të isha një mësuese,
profesion ky mjaft i shenjtë sepse nuk ka asgjë më të bukur sesa të punohet me fëmijët,
brezin e së ardhmes, mision nga i cili varet e ardhmja e një familje dhe e një vendi.
Shpreha dëshirën që të regjistrohem, në Fakultetin e Edukimit “ Fehmi Agani” në Gjakovë, në
Programin Parashkollor, si studente e rregulltë ku kam përfunduar të gjitha ligjeratat dhe
provimet me sukses.
Sot erdha në përfundim të këtij kapitulli falë Zotit, familjes që janë mbështetja ime më e
madhe në ҫdo aspekt, shoqërisë dhe gjithë stafit akademik të këtij universiteti.