PROGRAMA ANUAL DE ACTIVIDADES COMPLEMENTARIAS E DEPARTAMENTO... · PROGRAMA ANUAL DE ACTIVIDADES...

! !I.E.S. SAN PAIO Rúa Casal Aboy, 11 36.700 TUI (Pontevedra) Teléfono: 886110762 http://www.edu.xunta.gal/centros/iessanpaio !

PROGRAMA ANUAL DE ACTIVIDADES

COMPLEMENTARIAS E EXTRAESCOLARES

IES SAN PAIO - TUI


ÍNDICE

ACTIVIDADES COMÚNS DO CENTRO 3 ....................................BIBLIOTECA E DO CLUB DE LECTURA 5 ..................................PROXECTO DE FOMENTO DO USO DO GALEGO E DE FORMACIÓN 8 ..............................................................................DTO. DE BIOLOXÍA E XEOLOXÍA. 9 ..........................................DEPARTAMENTO DE DEBUXO 10 .............................................DEPARTAMENTO DE ECONOMÍA 10 .........................................DTO. DE EDUCACIÓN FÍSICA 11 .................................................DEPARTAMENTO DE FILOSOFÍA 12 ..........................................DTO. DE FÍSICA E QUÍMICA. 12 ..................................................DEPARTAMENTO DE FRANCÉS 13 ............................................DEPARTAMENTO DE GREGO 13 ................................................DEPARTAMENTO DE INGLÉS 14 ................................................DEPARTAMENTO DE LATÍN 15 ..................................................DTO. DE LENGUA CASTELLANA E LITERATURA. 16 ..............DTO. DE LINGUA E LITERATURA 16 .........................................DTO. DE PORTUGUÉS 17 .............................................................DEPARTAMENTO MATEMÁTICAS 17 ........................................DEPARTAMENTO DE MÚSICA 18 ...............................................DTO. DE ORIENTACIÓN 18 .........................................................DEPARTAMENTO DE RELIXIÓN 19 ...........................................DTO. DE TEXNOLOXÍA 20 ..........................................................DTO. DE XEOGRAFÍA E HISTORIA 21 ........................................ESTRATEXIAS DE APRENDIZAXE E COMUNICACIÓN 22.....


ACTIVIDADES COMÚNS DO CENTRO

Complementarias e Extraescolares.

๏ Continuación do Proxecto Lector colaborando co Equipo da Biblioteca que prepara e coordina este proxecto. O tempo de lectura na aula sigue sendo de 30 minutos para todos os cursos da ESO e 1º BAC.

๏ Colaboración na creación e promoción dun “Club de Manga” para o noso alumnado así como coas actividades que dende ese foro se propoñan a este Departamento e sexan aceptadas.

๏ Participación no programa da Consellería do Medio Rural “Semana da froita fresca”. Este programa xa está solicitado e levaríase a cabo, en caso de ser aprobado, durante catro semanas repartidas o longo do curso.

๏ Colaboración na organización das exposicións no salón de Actos e no vestíbulo do centro de materias puntuais ou ben de traballos realizados polo alumnado do Instituto, dirixidas polos Departamentos.

๏ Colaboración na organización das exposicións de Carteis na entrada do Instituto, a realizar polos distintos Departamentos.

๏ Organización de proxeccións de vídeos ou distintas creacións elaboradas polo alumnado na pantalla xigante.

๏ Asistencia a obras de teatro ou musicais programados polo Concello ou outras Institucións. ๏ Continuación das actividades de Xadrez durante os recreos colaborando cos profesores que levan a

cabo esta actividade: Organizador: Emilio Pazo. Colaboradores: Francisco Docampo, Luís Bugarín, Rafael Pérez, Serafín Rodríguez, Beatriz Iglesias, Alfredo P. Romero e Marta Rodríguez Taboada.

๏ O Departamento de actividades promoverá a realización de actividades que conmemoren as festas tradicionais (Samaín, Magosto, Entroido, etc.); así mesmo das datas sinaladas polo calendario oficial da Xunta de Galicia: día da Paz, día do Libro, día das Letras Galegas, etc.; ademais doutras conmemoracións coma poida ser a celebración do día Mundial da bicicleta, actividade que se puso en marcha fai catro cursos, con moito éxito polo que o continuaremos este ano en colaboración cos concellos de Tui e Valença.

Viaxes didácticas

๏ Coordinación da viaxe de fin de curso e participación, xunto cos alumnos/as de 4º ESO, nas actividades que desenvolvan co fin de recadar fondos. A viaxe realizarase -previsiblemente- no mes de xuño e cunha duración aproximada dunha semana.

๏ Dende o Departamento de Actividades continuaremos a organizar a viaxe cultural a Lisboa, para alumnado de 3º de ESO, que se levará a cabo no 2º trimestre.

๏ Tamén introducimos unha nova saída cultural para alumnado de Bacharelato ao Couto Misto e Pobos Promiscuos. Estas actividades faranse en colaboración con outros departamentos.

๏ Plantexámonos como obxectivo a organización dun intercambio con alumnado portugués dalgunha escola de Valença.


Deportivas e Artísticas

๏ Recreos activos: promoveremos actividades deportivas e competicións nos recreos e de fin de trimestre, colaborando co proposto polo departamento de Educación Física.

๏ Colaboración nas actividades, ensaios dos grupos do Instituto… para participar nas distintas actividades do Centro, así como para outros centros externos (Galiña Azul, Residencia de Maiores, Tui Le…)

๏ Promoción de Actividades de Deporte Escolar, coa colaboración do Departamento de Educación Física e, en concreto, cos deportes de Orientación a pé, rugby e esgrima.


BIBLIOTECA E DO CLUB DE LECTURA

O equipo encargado, coa idea de seguir potenciando e poñendo en valor a biblioteca do instituto ten programado unha serie de actividades, moitas son continuación das emprendidas nos pasados cursos e outras novas, contando coa colaboración dos diversos departamentos didácticos e titores/as:

Boletíns e outras publicacións: ๏ Continuar a redacción do Biblioxornal para recoller novas relacionadas coa biblioteca (efemérides

culturais, actividades desenvoltas, novidades bibliográficas, traballos de creación …) ๏ Elaboración de escolmas e materiais para distintas celebracións e conmemoracións (oitenta

aniversario da Guerra Civil Española, defuntos, violencia de xénero, paz, amor, muller...) e para o tempo de lectura común nas aulas.

๏ Continuar con iniciativas como a poesía do mes e o libro do mes.

Publicidade: Aproveitando efemérides e datas sinaladas colocaremos nos lugares de gran concorrencia carteis e tamén citas alusivas á lectura, os libros e á biblioteca.

Concursos: ๏ De poesía. ๏ De relatos de medo. ๏ De carteis e lemas de animación a lectura. ๏ Concurso “San Valentín”. ๏ De marcadores de lectura. Repartiranse agasallos entre os traballos máis suxestivos.

Conferencias e encontros con autores: Ao longo do curso esperamos contar con algúns autores/as en datas dependentes da súa dispoñibilidade e aproveitando a colaboración dos distintos Departamentos Didácticos e/ou editoriais.

Cuestionarios: Repartidos entre todos os grupos e Departamentos didácticos para recibir suxestións sobre novos materiais cos que dotar a biblioteca do centro e para avaliación.

Exposicións: ๏ De traballos feitos polo alumnado. ๏ De fondos bibliográficos sobre temas concretos. ๏ Outras

Visitas: ๏ Á Biblioteca do instituto, para que o novo alumnado coñeza a nosa biblioteca, como está

organizada, en que consiste a CDU… Estas visitas guiadas por membros do equipo de biblioteca celébranse ao longo do mes de outubro.

๏ Á Biblioteca pública municipal, guiadas e orientadas polos responsábeis da mesma e pensadas tamén para os alumnos de 1º da ESO.


๏ “Coñece a biblioteca do teu próximo centro”: xornadas de portas abertas para o alumnado do último curso dos colexios de primaria adscritos.

Outros: ๏ Seguir incrementando os fondos de literatura xuvenil . ๏ Mellorar a dotación, en colaboración co departamento de orientación, de materiais para atención á

alumnado con NEE, atención á diversidade, agrupamentos específicos, PMAR, inmersión lingüÍstica...

๏ E-lecturas: sesións de divulgación e manexo dos e-readers. ๏ Grupo de traballo “ALFIN ao servizo dos proxectos da BE” integrado por gran parte do equipo de

biblioteca e por outro profesorado interesado, grupo que funcionará entre os meses de novembro de 2016 e maio de 2017.

๏ Participación de profesores do equipo de biblioteca en actividades de formación externa como os Encontros de Bibliotecas integradas no PLAMBE e as Xornadas de Bibliotecas Escolares de Galicia e de Clubs de Lectura.

๏ Club de Lectura “Pedra do Acordo”. ๏ Posible contacto e intercambio cun club de lectura luso. ๏ Coordinación do Tempo Específico de Lectura común nas aulas. ๏ Novos contidos para o espazo de biblioteca dentro da web do centro e para os blogs da biblioteca e

do club de lectura. Publicidade e pleno funcionamento dos nosos facebook e twitter. ๏ Sesións de busca de materiais nas diversas fontes para a elaboración dun traballo. ๏ Sesións de divulgación e práctica dos recursos que oferta o programa MEIGA (enciclopedias virtuais,

prensa dixital... ) para profesorado e alumnado. ๏ Literatura e cine: proxección de películas e lectura da correspondente obra literaria que as inspirou. ๏ Música e letras: en colaboración co departamento de música, breves audicións e recitacións

coincidindo con distintas conmemoracións. Elaboración de listas de reprodución de vídeos musicais.

๏ Rutas literarias por Tui e bisbarra (memoria histórica en Tui) e outras aproveitando viaxes didácticas do alumnado: Ourense (roteiro A Esmorga de Blanco Amor; roteiro esculturas urbanas: Concepción Arenal, Cabanillas e Valle Inclán, Castelao, López Cuevillas, Padre Feijóo, Ferro Couselo, Lamas Carvajal, Otero Pedrayo ou Vicente Risco; roteiro “os literatos no cemiterio de San Francisco”: Blanco Amor, Xocas, Ángel Valente, Otero Pedrayo, Lamas Carvajal, López Cuevillas; outras referencias literarias no rueiro ourensán: en Santo Domingo, no nº 64 a casa de Filomena Dato e no 39 onde viviu e morreu Vicente Risco que nacera na rúa da Paz 21, na mesma casa pero no segundo andar naceu e viviu Otero Pedrayo e no nº 26 viviu e morreu Xocas. No 1 da praza do Trigo viviu e tivo a súa magnífica biblioteca Rey Soto. En Lepanto, 27 estivo vivindo Eduardo Branco Amor; o Museo Arqueolóxico Provincial lémbranos ao seu director Ferro Couselo que aquí residiu... referencias tamén ao autor do Día das Letras 2017 Carlos Casares e a Marcos Valcárcel ámbolos dous nados en Ourense); en Monforte (roteiro Manuel María, pazo de Tor, pazo do conde de Lemos: mecenas de Góngora, Cervantes..., referencias a Lois Pereiro...); en terras de Castela-A Mancha (Belmonte: pazo do infante Don Juan Manuel, casa e pía bautismal de Frei Luis de León e referencias a Jorge Manrique, ou a películas como El Cid, Las hijas del Cid, El caballero don Quijote ou O señor dos aneis; roteiro do Quijote: Mota del Cuervo muíños quixotescos-El Toboso ruta literaria e casa de Dulcinea-Campo de Criptana muíños Lagarto ou da poesía e Quimera ou de Vicente Huidobro-Alcázar de San Juan casa do fidalgo e Cuenca xardín dos poetas, referencias aos irmáns Valdés, a . Sebastián de Covarrubias foi cóengo na catedral, a Pérez Galdós que en De Cartago a Sagunto presenta como pano de fondo a toma de Cuenca polos carlistas e un itinerario conquense en parte recoñecible, a Tirso de Molina, desterrado a Cuenca en 1640 polo Conde Duque de Olivares; a Azorín coa súa obra La hechicera de Cuenca, a Camilo José Cela e o seu texto “Cuenca abstracta, la de la piedra gentil”, que aparece en Cajón de sastre, ou aos poetas Gerardo Diego, Federico Muelas ou Jesús Munárriz coas súas visións líricas de Cuenca e a cidade encantada.

๏ Voluntariado Lector: as xa tradicionais visitas, en Tui, ás residencias de anciáns para animar os nosos avós con música e literatura.


๏ Lecturas, dramatizacións e apadriñamentos lectores coa escola infantil próxima. ๏ “As bibliotecas da Eurocidade”: potenciar actividades comúns co resto das bibliotecas do concello e

de Valença (escolares e municipais). Tui Le Participación en actividades ofertadas pola biblioteca municipal e por distintas asociacións culturais.

๏ Continuidade do alumnado-colaborador. ๏ Realización dun expurgo de materiais a cargo dos departamentos. ๏ Colaboración e participación en actividades interdisciplinares e festivas (nadal, fin de curso, revista

do centro, día contra a violencia de xénero, da muller, dos dereitos humanos, do traballo, semana da prensa…)


PROXECTO DE FOMENTO DO USO DO GALEGO E DE FORMACIÓN EQUIPO DE NORMALIZACIÓN LINGÜÍSTICA

ACTIVIDADES PARA TODA A COMUNIDADE EDUCATIVA: ๏ Inicio do estudo da situación sociolingüística do Centro [Todo o curso] ๏ Safarí Fotográfico [Xaneiro] ๏ Namorar en galego [14Febreiro] ๏ Participación no día da muller [8 de marzo] ๏ Exposición A Música en Galego e desde Galiza [Abril] ๏ Colaboración co equipo da bilioteca [Todo o curso] ๏ Actualización TaboleiroEDLG novas, prensa, suxestións,,etc [Todo o curso] ๏ Conferencias [Todo o curso] ๏ Difusión da figura do Apalpador [Decembro] ๏ Letras Galegas Carlos Casares [Maio] ๏ Exposición a Tradución [Maio] ๏ Actualización na WEB do instituto dos contidos do EDNLG [Todo o curso]

ACTIVIDADES PARA TODO O ALUMNADO: ๏ Concurso de Poesía e Fotografía sobre a igualdade entre homes e mulleres. [Novembro] ๏ O entroido (Lectura de textos e elaboración de exposición) [Febreiro] ๏ “Imaxinas unha Galicia sen lingua? [Abril] ๏ Maruxa Mallo [Febrero]

1º DE ESO ๏ Visita ao Museo de Pontevedra [Sen determinar] ๏ Safari pola Lingua [Marzo] ๏ Correlingua [Maio]

2º DE ESO ๏ Safari pola Lingua [Marzo]

3º DE ESO ๏ Viaxes de estudos Fortalezas do Miño [ ] ๏ Proxecto e Roteiro Siñor Afranio [ ]

4º DE ESO ๏ Homenaxe aos Mártires de Sobredo [ ]

1º BACHARELATO ๏ Xornadas Xurídicas[Febreiro] ๏ Visita á Fundación Rosalía de Castro e Panteón Galegos Ilustres [ ]

2º BACHARELATO ๏ Xornadas Xurídicas [Febreiro] ๏ Viaxe de Estudos á Casa Museo Otero Pedrayo [Sen determinar]


DTO. DE BIOLOXÍA E XEOLOXÍA. Activades extraescolares programadas:

1º de E.S.O: ๏ Visita a unha depuradora de augas residuais (EDAR de Tui). Visita ao Museo do Mar (Vigo) ๏ Visita ao Esteiro do Miño concertada con ANABAM (mes de novembro). Estudo dun

ecosistemadunar. Visita a unha areeira, Áridos do Mendo. Data por determinar.

3º de E.S.O: ๏ Visita a Casa das Ciencias, Domus e Aquarium Finisterrae, na Coruña. ๏ Recorrido en piragüa polo Miño (actividade destinada para 3º ESO e 4º ESO. Obxectivo: Estudiar

o bosque e ribeira e os procesos de transporte e modelaxe do río no seu tramo final. A realizar en colaboración co Departamento de Xeografía e Historia.

4º de E.S.O: ๏ Visita o Parque Nacional das Illas Atlánticas (Illas Cíes) e a Costa da Vela na península do

Morrazo. ๏ Visita a unha depuradora de augas residuais (EDAR de Tui) ๏ Durante o 3º trimestre realizárase unha práctica de fecundación e desenvolvemento embrionario

do ourizo, coa colaboración do Departamento de zooloxía da Universidade de Vigo.

1º de Bacharelato: ๏ Visita o Parque Nacional das Illas Atlánticas (Illas Cíes) e a Costa da Vela na península do

Morrazo. ๏ Visita ao Parque Eólico Experimental SOTAVENTO. Segundo Trimestre.

2º de Bacharelato: Bioloxía. ๏ Visita ao Departamento de Medicina Legal da Facultade de Medicina da USC e ao Instituto de ๏ Acuicultura de Santiago. Segundo Trimestre. Visita ao Centro de Apoio Científico e Tecnolóxico á

Investigación(CACTI), da Universidade de Vigo.

2º Bacharelato Xeoloxía. ๏ Visita a unha areeira, Áridos do Mendo. ๏ Visita do Parque de Corrubedo para o estudo xeolóxico do mesmo. ๏ Saida para recorrer a Serra da Capelada e o Parque Xeolóxico de Cabo Ortegal.


DEPARTAMENTO DE DEBUXO Co obxectivo de reforzar os coñecementos adquiridos o departamento promoverá, se o desenvolvemento do curso o permite, actividades relacionadas coa nosa área e colaborará, na medida do posible, en todas aquelas actividades e celebracións que se organicen no centro en datas sinaladas, coa realización e exposición de traballos realizados polo alumnado.

Outras actividades que poderán ser organizadas polo departamento:

๏ Visita a museos, exposicións, talleres didácticos

๏ Asistir a eventos de interese artístico cultural si se considera de interese para o alumnado.

๏ Decorar paulatinamente distintas estancias do centro con murais, repoducción de obras de arte,...

๏ Exposición de traballos do alumnado no mes do maio

Tamén se poderán levar a cabo proxectos en colaboración con outros departamentos co fin de aunar esforzos para a realización de traballos comúns.

DEPARTAMENTO DE ECONOMÍA

Actividade Complementaria: Para este ano en 4º da ESO plantexamos a lectura en colaboración coa Voz de Galicia: na voz da escola. Valoramos de xeito positivo o reparto de periódicos ós alumnos, que os poidan levar para a casa e o posible comentario das novas de contido económico con eles por seren esta unha sección da que normalmente non se fixan. Se houbese algunha exposición no propio Tui á que os alumnos se poidan desprazar no horario das clases valoraríamos a participación nela.

Actividades Extraescolares: ๏ Visita ó peirao de Vigo, para comprender o proceso de cadea de frío que se ven utilizando para a

óptima conservación dos produtos. Esta visita poderíase combinar coa do parque tecnolóxico de Valadares nas que temos unha amplia gama de empresas a visistar.

๏ Estudaremos a posibilidade de visitar empresas no propio Tui tanto o ciclo económico da pedra, como doutros sectores coma o aeronáutico en colaboración con outros departamentos. Esta actividade se programaría para 4o ESO.

๏ Se é posible organizarase outra visita á empresa UROVESA en Santiago, por ter estratexias competitivas propias e innovadoras na produción e venda dos seus produtos. A visita poderíase completar con outras na vila, con ou sen colaboración con outros departamentos como por exemplo: visita ó Parlamento, Instituto Galego de Consumo, ....

๏ Visita a Ourense ó grupo Cuevas, Aceites Abril, termalismo,...

๏ Visita a GADISA e INDITEX, para coñecer cómo funciona a distribución alimentaria e téxtil. A visita sería nas súas sedes de Betanzos e Arteixo e poderíase completar con outras na zona.

๏ Isto é un programa de máximos: valorarase a realización das referidas actividades para os diferentes grupos do departamento: 4o ESO e 1o/2a de Bacharelato, dependerá da existencia de datas libres, do custo de realización e aceptación das mesmas por parte do alumnado.


DTO. DE EDUCACIÓN FÍSICA Actividades extraescolares:

๏ Sendeirismo, un día de duración.

๏ Rafting, piragüismo e actividades de orientación no medio natural.

๏ Sesións o aire libre, na natureza e na praia.

๏ Competicións deportivas no centro (tódolos cursos).

๏ Participación nalgunha carreira de orientación.

๏ Práctica do patinaxe sobre xeo.

๏ Carreira pedestre “kilómetros de solidaridad” Save the Children.

Actividades complementarias. ๏ Charla sobre “Alteracións na alimentación: anorexia e bulimia”. Para alumnos de 4º ESO e

relacionado co tema de alimentación e nutrición xa comentado anteriormente e que tenta concienciar ó noso alumnado dos problemas que acarrea unha alimentación inadecuada.

๏ Charla sobre “Hixiene e educación postural”: dirixida a alumnos de 2º ESO. Será impartido por persoal especializado no tema. Terá lugar ó longo da 2ºevaluación.

๏ Sección bilingüe: Charla con deportistas anglosaxons de diferentes modalidades deportivas:esta charla será organizada para o alumnado que participa este curso académico na sección bilingüe(3ºESO A/C).

๏ Charla sobre “1º auxilios”: para o alumnado de 4º ESO. Nela se darán coñecementos básicos para que o alumnado saiba como reaccionar e que técnicas aplicar en certos casos de urxencia.

A temporalización destas actividades estará supeditada a climatoloxía, o grado de aceptación por parte dos alumnos de cada unha das actividades e os medios humanos, técnicos e materias dispoñibles.

“Promoción de Estilos de Vida Saudables “ Para esta Materia de Libre Configuración, durante o curso 2016/17 propondremos as seguintes actividades

Actvidades complementarias. ๏ Taller sobre o consumo de tabaco, alcohol e drogas.

Actividades extraescolares. ๏ Saída para a realización dun roteiro no medio natural.

๏ Saída ó centro urbano para a creación de circuitos seguros en bicicleta, andar o carreira


DEPARTAMENTO DE FILOSOFÍA Actividadades Complementarias E Extraescolares.

Este departamento tentará organizar de novo a actividade complementaria dirixida esta vez ao alumnado de Filosofía 1º de bacharelato, que consiste na visita aos xulgados de Tui para presenciar xuízos penais ou de faltas. Neste caso serviría para estudar as relacións entre ética e dereito e que están relacionadas cos temas dedicados á ética e filosofía política. Dita actividade tería lugar no primeiro trimestre (preferentemente) e ocuparía como mínimo dúas medias mañás, xa que non é posible polo tamaño das salas dos xulgados levar a todo o grupo dunha vez, ademais este curso o número de alumnado é maior e non se sabe se poderá dividirse en só dous grupos. Nesta actividade o xuíz despois da celebración do xuízo soe explicar ao alumnado aspectos importantes do desenvolvemento do mesmo que resultan moi ilustrativos para eles.

Tentaremos repetir, tamén, a actividade complementaria gratuíta que consiste nun obradoiro sobre o Comercio Xusto ca colaboración de Solidaridade Internacional de Galicia. Iría dirixida a todo o alumnado de 4º de ESO xa que cursan Valores éticos. O obradoiro ocuparía unha mañá. O colofón sería o posto de venda de produtos de Comercio Xusto xestionado polo alumnado voluntario a semana anterior ao Nadal, no vestíbulo do centro.

Aínda que poda resultar díficil a súa celebración vaise intentar volver a celebrar as Xornadas Xurídicas nas que este departamento colaborará na organización das conferencias e na participación do alumnado de Historia da filosofía de 2º de bacharelato e 1º de Filosofía dun xeito preferente aínda que tamén poderán participar preferentemente alumnado de 2º de bacharelato dos grupos de ciencias sociais e humanidades no desenvolvemento de ditas xornadas. O problema será o da disponibilidade dos ponentes para dar as charlas.

Tamén se tentaría organizar a asistencia a unha proxección de cine a Vigo para ver algunha película sexa documental

DTO. DE FÍSICA E QUÍMICA. Este Departamento poderá preparar, fóra (extraescolares) ou dentro do horario lectivo (complementarias), actividades como visitas a instalacións, museos, exposicións, fábricas e centros que teñan relación co ámbito da Física e/ou da Química, así como conferencias, demostracións, etc.

Sinálanse a continuación algunhas actividades, realizadas en anos anteriores que tiveron unha boa acollida entre o alumnado, e que poden levarse a cabo neste curso se as circunstancias así o permiten:

๏ Museo Científico Itinerante, dirixida ao alumnado de 4º de ESO e/ou 1º de Bacharelato que curse materias científicas, sempre que sexa organizada conxuntamente polos Departamentos de Física e Química, Tecnoloxía e Bioloxía e Xeoloxía. A actividade ten un carácter divulgativo que non esixe coñecementos moi específicos. Duración 2 horas de clase repartidas ao longo dunha mañá en sesións de 30 alumnos.

๏ Participación na xornada “Masterclass Hands on Particle Physics” para estudantes de bacharelato. Actividade organizado polo Departamento de Física de Partículas da Universidade de Santiago de


Compostela en colaboración coa Sociedade Europea de Física e o CERN. Esta actividade efectúase sobre o mes de marzo.

๏ Participación do alumnado que o solicite, no curso “Escola de verão de Física” organizado pola Facultade de Física de Porto, para alumnado de 4º ESO e 1º de Bacharelato coas materias do Departamento. Esta actividade solicítase sobre o mes de maio e celébrase na primeira semana de setembro.

๏ Participación do alumnado que o solicite, no “V campus de verán científico-técnico” organizado pola Universidade de Santiago no Campus de Lugo, para alumnado de 4º ESO e 1º de Bacharelato coas materias do Departamento. Esta actividade solicítase sobre o mes de maio e celébrase a finais de xuño.

DEPARTAMENTO DE FRANCÉS Dende o departamento de francés propoñeremos as seguintes actividades para o alumnado de francés:

๏ O alumnado de francés de ESO e de Bacharelato poderá asistir a representacións teatrais en francés, a escoller entre as varias propostas que ofertan diferentes compañías teatrais.

๏ Propoñemos a posibilidade dunha viaxe didáctico cultural a París ou a outro destino francófono, que poderá estar organizada xunto con outros departamentos do centro, ou cos departamentos de francés doutros centros para abaratar custos.

๏ Proporase tamén a posibilidade dun intercambio con un país francófono.

๏ Intercambio epistolar co alumnado de centros educativos en Francia ou calquera país francófono por medio de correo tradicional ou medios dixitais.

O Departamento poderá incluír, durante o curso, calquera outra actividade relacionada coa materia que se programe na contorna do centro e que estime interesantes como conferencias, visitas a exposicións, excursiós, etc. Estas actividades non se poden determinar pois dependen da programación cultural dos concellos, a universidade, fundacións, etc..

DEPARTAMENTO DE GREGO No presente curso programamos as seguintes:

Viaxes didácticas:

๏ XIV Viaxe Clásico-Literaria: por terras de Castela-A Mancha.- ruta quixotesca: Belmonte (pazo do infante Don Juan Manuel, casa e pía bautismal de Frei Luis de León e referencias a Jorge Manrique, ou a películas como El Cid, Las hijas del Cid, El caballero don Quijote ou O señor dos aneis)-Mota del Cuervo (muíños quixotescos)-El Toboso (ruta literaria e casa de Dulcinea)-Campo de Criptana (muíños Lagarto ou da poesía e Quimera ou de Vicente Huidobro)-Alcázar de San Juan (casa do fidalgo); cidades romanas de Segóbriga (teatro, anfiteatro, termas, basílica, foro, murallas...) Ercávica (recinto amurallado, vivendas e domus, construídas en terrazas aproveitando o desnivel topográfico, a casa do médico, foro, termas e restos tamén do período visigodo) e


Valeria (foros, templo dedicado ao culto imperial, tabernae, ninfeo, domus colgantes, cisternas…); Cuenca (xardín dos poetas, referencias aos irmáns Valdés, a Sebastián de Covarrubias, a Pérez Galdós que en De Cartago a Sagunto presenta como pano de fondo a toma de Cuenca polos carlistas e un itinerario conquense en parte recoñecible, a Tirso de Molina, desterrado a Cuenca en 1640 polo Conde Duque de Olivares; a Azorín coa súa obra La hechicera de Cuenca, a Camilo José Cela e o seu texto “Cuenca abstracta, la de la piedra gentil”, que aparece en Cajón de sastre, ou aos poetas Gerardo Diego, Federico Muelas ou Jesús Munárriz coas súas visións líricas de Cuenca e a cidade encantada) e pazo e xardíns de La Granja de San Ildefonso (abundantes referencias mitolóxicas). Faremos esta viaxe (pensada para alumnado do segundo ciclo da ESO e bacharelato) en cinco días, a comezos do terceiro trimestre, inmediatamente antes das vacacións de Semana Santa, os días 3 a 7 de abril de 2017. Aproveitaremos as xornadas de ida e volta para visitar tamén algún outro lugar pendente de concretar (Puebla de Sanabria, Valladolid, Arévalo, Alcalá de Henares...??)

๏ Para primeiro da ESO proponse unha saída, no primeiro trimestre de 2017, ao Vigo romano (vila romana de Toralla, Centro Arqueolóxico do Areal-Salinae, O Castro...)

๏ Con segundo da ESO proxectamos visitar, os vindeiros 10 e 11 de novembro, o parque arqueolóxico da cultura castrexa (Lámbrica-San Cibrán de Lás), Ourense (ponte romana, burgas, catedral e roteiro literario: praza Maior, rúas da Paz, Santo Domingo, Lepanto… lembrando a Blanco Amor e a súa Esmorga, Vicente Risco, Otero Pedrayo, Xaquín Lorenzo, Rey Soto, Carlos Casares ou Marcos Valcárcel; e Monforte (Escolapios, pazo de Tor, museo dos ferrocarrís de Galicia, roteiro Manuel María, castelo, pazo do conde de Lemos: mecenas de Góngora, Cervantes..., referencias a Lois Pereiro…). Esta actividade e a segunda edición do “Outono literario” (pola Atenas galega e o Monforte do conde de Lemos e de Manuel María)

๏ Posible asistencia a representacións teatrais de obras clásicas; datas e lugares en función das ofertas que recibamos.

Confeccionaranse pequenas unidades didácticas e/ou cursos virtuais cos datos histórico-artístico-literarios básicos dos lugares que imos visitar nas viaxes. E no último trimestre realizarase unha exposición fotográfica.

Colaboración na revista do centro.

DEPARTAMENTO DE INGLÉS Os alumnos asistirán a obras de teatro na sua propia cidade ou na mais cercana si se da o caso de que haxa algunha obra en inglés. Ademais, se proxectan películas e hai audicións de música coas correspondentes actividades para o bo aproveitamento por parte dos estudiantes. O alumnado tamén poderá participar de eventos culturais anglosaxóns, como a celebración do Día de Acción de Grazas (Seccións Bilingües).


DEPARTAMENTO DE LATÍN Este departamento organiza e/ou colabora na realización das seguintes actividades para o presente curso:

Actividades extraescolares:

๏ XIV Viaxe Clásico-Literaria: por terras de Castela-A Mancha.- ruta quixotesca: Belmonte (pazo do infante Don Juan Manuel, casa e pía bautismal de Frei Luis de León e referencias a Jorge Manrique, ou a películas como El Cid, Las hijas del Cid, El caballero don Quijote ou O señor dos aneis)-Mota del Cuervo (muíños quixotescos)-El Toboso (ruta literaria e casa de Dulcinea)-Campo de Criptana (muíños Lagarto ou da poesía e Quimera ou de Vicente Huidobro)-Alcázar de San Juan (casa do fidalgo); cidades romanas de Segóbriga (teatro, anfiteatro, termas, basílica, foro, murallas...) Ercávica (recinto amurallado, vivendas e domus, construídas en terrazas aproveitando o desnivel topográfico, a casa do médico, foro, termas e restos tamén do período visigodo) e Valeria (foros, templo dedicado ao culto imperial, tabernae, ninfeo, domus colgantes, cisternas...); Cuenca (xardín dos poetas, referencias aos irmáns Valdés, a Sebastián de Covarrubias, a Pérez Galdós que en De Cartago a Sagunto presenta como pano de fondo a toma de Cuenca polos carlistas e un itinerario conquense en parte recoñecible, a Tirso de Molina, desterrado a Cuenca en 1640 polo Conde Duque de Olivares; a Azorín coa súa obra La hechicera de Cuenca, a Camilo José Cela e o seu texto “Cuenca abstracta, la de la piedra gentil”, que aparece en Cajón de sastre, ou aos poetas Gerardo Diego, Federico Muelas ou Jesús Munárriz coas súas visións líricas de Cuenca e a cidade encantada) e pazo e xardíns de La Granja de San Ildefonso (abundantes referencias mitolóxicas)

๏ Faremos esta viaxe (pensada para alumnado do segundo ciclo da ESO e bacharelato) en cinco días, a comezos do terceiro trimestre, inmediatamente antes das vacacións de Semana Santa, os días 3 a 7 de abril de 2017. Aproveitaremos as xornadas de ida e volta para visitar tamén algún outro lugar pendente de concretar (Puebla de Sanabria, Valladolid, Arévalo, Alcalá de Henares…??)

๏ Para primeiro da ESO proponse unha saída, no primeiro trimestre de 2017, ao Vigo romano (vila romana de Toralla, Centro Arqueolóxico do Areal-Salinae, O Castro…)

๏ Con segundo da ESO proxectamos visitar, os vindeiros 10 e 11 de novembro, o parque arqueolóxico da cultura castrexa (Lámbrica-San Cibrán de Lás), Ourense (ponte romana, burgas, catedral e roteiro literario: praza Maior, rúas da Paz, Santo Domingo, Lepanto... lembrando a Blanco Amor e a súa Esmorga, Vicente Risco, Otero Pedrayo, Xaquín Lorenzo, Rey Soto, Carlos Casares ou Marcos Valcárcel; e Monforte (Escolapios, pazo de Tor, museo dos ferrocarrís de Galicia, roteiro Manuel María, castelo, pazo do conde de Lemos: mecenas de Góngora, Cervantes..., referencias a Lois Pereiro...). Esta actividade e a segunda edición do “Outono literario” (pola Atenas galega e o Monforte do conde de Lemos e de Manuel María)

Actvidades complementarias.

๏ Confeccionaranse pequenas unidades didácticas e/ou cursos virtuais cos datos histórico-artístico-literarios básicos dos lugares que imos visitar nas viaxes. E no último trimestre realizarase unha exposición fotográfica.

๏ Proxección de películas sobre temas clásicos, de maneira especial heroes mitolóxicos. ๏ Posible asistencia a representacións teatrais de obras clásicas; datas e lugares en función das ofertas

que recibamos. ๏ Exposicións sobre temas clásicos (arqueoloxía, institucións, mitoloxía, monumentos, toponimia...) a

partir de traballos realizados polos alumnos. ๏ Colaboración na revista do centro.


DTO. DE LENGUA CASTELLANA E LITERATURA. Activades extraescolares programadas:

E.S.O: ๏ Asistencia a representaciones teatrales y/o cine en el Área Panorámica de Tui. ๏ Visitas culturales, exposiciones, recitales en la ciudad o en localidades cercanas. ๏ Participación en concursos literarios en la ciudad o en localidades próximas. ๏ Viaje clásico-literario: Cuenca y alrededores.

Bacharelato: ๏ Viaje clásico-literario: Cuenca y alrededores. (2º Trimestre) ๏ Viaje cultural: Almagro (representación teatralen el Corral de Comedias) y alrededores. (2º

Trimestre).

DTO. DE LINGUA E LITERATURA Poderanse propoñer actividades como conferencias, exposicións, teatro,etc. segundo a disponibilidade do Centro así como outras que teñan relación con aqueles acontecementos importantes que surxan no Concello ou na comarca.

Poderanse organizar saídas co alumnado do instituto, por exemplo, paseos por Tui cos alumnos de 1º de ESO para traballar léxico, roteiros doutra índole, a saída cos alumnos do 2º ciclo da ESO para participar nos actos de homenaxe aos Mártires de Sobredo, con outros centros da comarca, etc.

Poderá haber algunha saída pedagóxica aínda sen determinar que iremos comunicando coa debida antelación á Vicedirección. Con respecto ás saídas ou actividades a idea do Departamento é que, polo menos, en cada trimestre os alumnos dos diferentes cursos poidan asistir a unha conferencia relacionada coas lecturas escollidas ao longo do curso, ou a algunha de temática sociolingúística.

O Departamento sumarase ás actividades propostas e organizadas polas consellerías de Cultura, Educación, etc. Ou outras institucións como o Consorcio Audiovisual Galego, a Fundación Comarcal Baixo Miño e así participar en actividades como “Audio-visual na aula, seminarios de cultura oral e outras que vaian nacendo.

O noso Departamento segue a apoiar a candidatura para a declaración do patrimonio inmaterial galego e portugués como patrimonio da humanidade e, xa que logo, potenciar actividades que mostren esa riqueza, como as regueifas, ou participar nas actividades de “Ponte nas ondas”. O noso centro hai anos que participa no Proxecto Cultural Interfronteirizo. Neste curso continuará a haber actividades relacionadas coa recuperación da memoria histórica.

O Departamento de Lingua e Literatura Galega colaborará nas actividades propostas desde o Equipo de Normalización Lingü.stica, por exemplo no “Correlingua”, e participará no proxecto elaborado por este


equipo de fomento da lingua galega no centro. Tamén colaboraremos co Departamento de portugués naquelas actividades que se programen e precisen da nosa colaboración.

O Departamento desexa concluír que moitas das actividades irán nacendo ao longo do curso e que as actividades enumeradas arriba poden sufrir alteracións, dependendo do tempo e da marcha do curso.

DTO. DE PORTUGUÉS Posibeis Actividades Complementarias E Extraescolares:

๏ Sen data concretada e sen determinar onde: Visita de estudos de 1 DÍA a unha cidade portuguesa: Guimarães, Braga, Amarante …

๏ Asistencia a representación dunha obra de teatro no São João do Porto. ๏ Charlas e lecturas sobre Língua e Literatura portuguesa, sen determinar datas por agora ata non

contactar cos escritores/profesores que poidan vir ao noso centro do Instituto Camões ou doutras institucións portuguesas GRATUITAMENTE. Están en trámite.

๏ Intercambio e convivio con alumnos doutras escolas galegas ou estremeñas que teñan portugués como lingua opcional. Aínda están sen determinar a data os posibles institutos cos que facer o intercambio. Están en trámite un posible intercambio con alumnos de Allariz e outro con unha escola de Portugal (Agrupamento de Escolas Morgado de Mateus, en Vila Real).

๏ Saída de estudos ao Aquamuseum de Cerveira en colaboración co Departamento de Bioloxía. Posiblemente o mércores 27, de permitilo o tempo.

๏ Excursión cos alumnos de portugués da Escola Secundaria Indalecio Tizón a Porto e Coimbra de 2 días ou 3.

DEPARTAMENTO MATEMÁTICAS Proponse a realización de algunha destas actividades:

๏ Concurso de Fotografía Matemática. ๏ Participación na semana matemática de Vigo. ๏ Colaboración con outros departamentos en saídas e actividades. ๏ Aula de Xadrez nos recreos e Torneo de Xadrez: coordinado por Emilio Pazo e Francisco

Docampo. ๏ Viaxe a Lisboa.


DEPARTAMENTO DE MÚSICA 1º Trimestre: ๏ Actuación música tradicional galega no Samaín. Data: 28 Outubro ๏ Festival de panxoliñas navideñas nas residencias de anciáns da vila de Tui.

2º trimestre: ๏ Visita á catedral de Tui . Para os alumnos de 3º de ESO. Data sen concretar. ๏ Visita ao Pórtico da Gloria, do Mestre Mateo na Catedral de Santiago co fin de analizar os

instrumentos medievais presentados na iconografía pétrea.(3º ESO) ๏ Visita á exposición de instrumentos antigos no Museo do Pobo Galego.(3º ESO) ๏ Asistencia a un concerto ou dous concertos da Real Filarmonía de Galicia ,organizada polo

Auditorio de Galicia para 2º, 3º , 4º ESO ou 1º Bacharelato) . Diferentes datas sen concretar. ๏ Seminario de Jazz en Pontevedra para alumnos de 4º de ESO ( data sen concretar) Concerto

didáctico Jazz, organizado pola produtora musical Fisterra. ๏ Espectáculo musical en Salesianos-Vigo. Para alumnos de 2º ESO. Data sen concretar ๏ Visita á Escola Superior de Arte Dramático en Vigo. Para alumnos de 4ºESO e 1º BAC. Data sen

concretar. ๏ Obradoiro sobre instrumentos tradicionais galegos a cargo de Pablo Carpintero. ๏ Visita a un obradoiro de bombos de Tomiño e outro de gaitas do Rosal ou en Ponteareas . Para

alumnado de 2º ESO. Data sen concretar. ๏ Visita a un estudio de Gravación, co fin de coñecer o proceso de elaboración dun disco e a

gravación das distintas partes que forman unha canción.( 4º ESO e BAC). ๏ Visita en calidade de público a un programa musical en TVE, para coñecer o medio audiovisual

(como se fai un programa; son directo e son pregravado...) (3º ; 4º ESO e BAC) ๏ Visita ao Mosteiro de S. Rosendo (Celanova) para audición de órgano (ESO) ๏ Visita aos estudios radiofónicos de Radio Tui ( 3º , 4º ESO e BAC) ๏ Visita ao taller de creación e restauración de instrumentos (Escola de Artes e Oficios de Vigo).

(2ºESO e 3º ESO) ๏ Viaxe cultural na semana anterior ás vacacións de S. Telmo. Musical en Madrid ๏ Visita aos Conservatorios de música galegos, co fin de coñecer como funciona o sistema de

aprendizaxe musical galego.(2º ESO)

3º trimestre: ๏ Música de cine: música en directo sonorizando unha película . Grupo musical “ Caspervek”. Data

sen concretar ๏ Festival final de curso: Concerto . Data sen determinar.

DTO. DE ORIENTACIÓN

1º ESO ๏ Obradoiro sobre prexuízos e estereotipos sexistas. Concello de Tui. ๏ Prevención de drogodependencias. Concello de Tui. ๏ Charlas sobre os riscos de seguridade asociadas ás novas tecnologías. Policía Nacional e Garda

Civil. 1º e 2º de ESO. ๏ Visitas a centros de primaria. Orientadora.


2º ESO ๏ Charlas sobre os riscos de seguridade asociadas ás novas tecnologías. Policía Nacional e Garda

Civil. ๏ Cine nas aulas. Concello de tui. ๏ Conferencia sobre a motivación para estudar e traballar. Jesús Fdez. Alonso.

3º ESO. ๏ Prevención de drogodependencias. Concello de Tui. ๏ Obradoiros sobre prevención de conductas violentas ( violencia de xénero e entre iguais). Cruz

vermella. Obradoiro sobre bullying e ciberbullying. Cruz Vermella. ๏ Obradoiro sobre discriminación por identidade sexual. Cruz vermella. ๏ Obradoiro sobre racismo. Cruz Vermella. ๏ Visitas a centros de FP. Profesores e orientadora. 3º de PMAR. ๏ Obradoiro sobre habilidades sociais. Concello de Tui. ๏ Charlas sobre elección de optativas, itinerarios, PDC, ciclos básicos de FP. Orientadora do centro.

4º de ESO. ๏ Charlas sobre o consumo de drogas e sobre nutrición, anoréxia e bulimia. POVISA/ Cruz vermella. ๏ Obradoiro sobre Drogas. Cruz vermella. ๏ Obradoiro sobre violencia de xénero. Concello de Tui. ๏ Programa de prevención de conductas infractoras. ARELA. ๏ Visitas a centros de FP. Profesores e orientadora. ๏ Visitas a centros de primaria. Orientadora. ๏ Charlas sobre opcións ao rematar a ESO, elección de optativas, deferentes itinerarios, busca de

emprego. Orientadora de centro.

BACHARELATO ๏ Charlas sobre elección de optativas, itinerarios, cambio de modalidade, repetición…Orientadora do

centro. 1º BAC. ๏ Charlas informativas sobre determinados graos universitarios. Profesores das universidades de Vigo,

Santiago, Navarra e outras. 1º e 2º de BAC. ๏ Visitas a Universidade de Vigo. Profesores e orientadora. Alumnado 1º e 2º BAC. ๏ Charla informativa sobre o funcionamento da universidade. Profesores da UVIGO, da USC,

Galaecia… 2º de BAC. ๏ Charlas sobre a Selectividade, Becas e axudas, Sistema universitario de Galicia, Busca de emprego.

Orientadora do centro. 2º de BAC.

DEPARTAMENTO DE RELIXIÓN (En colaboración con IES A Sangriña de A Garda e IES de Tomiño)

Actividades Complementarias Serán dunha xornada, puntuais ou no propio Centro (para todos os cursos) ๏ Actividades relacionadas co Samaín. ๏ Xornada do Día Internacional contra a Violencia de Xénero. ๏ Xornada de solidariedade no Nadal. ๏ Celebración do Día dos Dereitos Humanos, Día da Paz e Día da Muller.


๏ Actividades especiais no Nadal e Pascua como por exemplo: decoración con calendarios de advento,visita as Residencias de anciáns...

๏ Charlas-coloquios-mesas redondas. ๏ Participación en campañas de diferentes ONGs (Campaña contra a Fame de Manos Unidas,

Solidariedade Internacional, Entreculturas, REDES...). ๏ Exposición no hall e corredores do Instituto de tarefas realizadas con murais ou carteis. ๏ Participación en datas sinaladas colaborando con actividades organizadas por outros ๏ Departamentos que estean en relación cos obxectivos desta materia.

Actividadades Extraescolares

1º ESO ๏ Visita ao Castro de Santa Tegra e Castelo de Santa Cruz ๏ Vigo romano (vila romana de Toralla, Centro Arqueolóxico do Areal-Salinae, O Castro…) ๏ Visita a Catedral de Tui, conxunto histórico

2º ESO ๏ Percorrido polas parroquias dos alumnos das que fan un traballo. ๏ San Cibrán de Lás-Ourense-Monforte de Lemos. ๏ Visita a Catedral de Tui, conxunto histórico .

1º a 4º ESO e BAC ๏ Visita ao Belén do asilo “Residencia San Telmo”

3º e 4º ESO ๏ Visita ao Convento das Clarisas de Tui.

1º a 4º ESO ๏ Visita ao mosteiro cisterciense de Santa María de Oia

3º , 4º ESO e BAC ๏ XIV Viaxe Clásico-Literaria: Cuenca, El Toboso, Alcázar de San Juan, Segóbriga, Valeria, Ercávica e

pazo da Granja de San Ildefonso

Outras que poidan xurdir ao longo do curso en relación a programación elaborada.

DTO. DE TEXNOLOXÍA Actividades extraescolares:

๏ Visita ao parque eólico de sotavento. [4º de ESO]

๏ Concurso de robótica na escola superior de enxeñeiros industriais de Vigo. [4º de ESO]

๏ Visita á Citroen. [1º de Bacharelato] ๏ Visita á facultade de enxeñería de minas da universidade de Vigo. [1º de Bacharelato]

๏ Visita á facultade de enxeñería de telecomunicacións. [1º e 2º de Bacharelato]

Actividades complementarias: ๏ Exposición dos proxectos realizados durante o curso.


DTO. DE XEOGRAFÍA E HISTORIA Están previstas varias saídas á vila de Tui e arredores como ven sendo habitual tódolos cursos. Ademais, programamos unha serie de saídas que a continuación se relacionan para cada nivel educativo en cada trimestre. Ao longo do curso poderán engadirse outras actividades en función da oportunidade pedagóxica das mesmas ( exposicións, saídas...) Algunhas destas actividades poderán ser realizadas , sempre que sexa posible e oportuno, en colaboración con outros departamentos do centro. Algunha das activades poderán non levarse a cabo si xa foron realizadas en cursos anteriores, ou si son coincidentes coas de outros departamentos do Centro.

Actividades Complementarias E Extraescolares

1° ESO: ๏ Xeiras para coñecer a nosa contorna (arredores de Tui, concellos próximos) nos aspectos históricos,

patrimoniais ou económicos ๏ Visita ao centro interpretación de arte rupestre de Campo Lameiro e/ou castro e museo de Santa

Tegra. ๏ Castro Alto dos Cubos. ๏ Centro histórico de Tui, museo diocesano e catedral

2° ESO: ๏ Xeiras para coñecer a nosa contorna (arredores de Tui, concellos próximos)nos aspectos históricos,

patrimoniais ou económicos ๏ Casco vello de TUI , museo diocesano e Catedral ๏ Saída ao Aloia ๏ Realización dalgunha ruta de carácter etnográfico ๏ Visita ao casco histórico de Pontevedra e ao Museo Provincial

3° ESO: ๏ Visita a unha fábrica (por exemplo Citroen) ๏ Porriño: ciclo do granito ๏ Visita a unha área comercial. ๏ Visita a unha plantación do Baixo Miño (viñedos, invernadoiros...) ๏ Visita a E.D.A.R ๏ Visita ás fortalezas do Baixo Miño 4° ESO: ๏ Participacion no acto conmemorativo dos Mártires de Sobredo. ๏ Santiago: Parlamento e museos (Mueseo do Pobo, Museo de Arte Contemporánea...). ๏ Ruta das fortalezas do Miño ๏ Ruta do “SeñorAfranio” ๏ Visita a exposicións ou asistencia a algunha sesión cinematrográfica relacionada co currículo da

asignatura

1° BACHARELATO: ๏ Saída a Ferrol ๏ Visita á Illa de San Simón e ao museo da batalla de Rande ๏ Visita a exposicións ou asistencia a algunha sesión cinematrográfica relacionada co currículo da

asignatura


2° BACHARELATO (historia, arte e xeografía): ๏ Tui monumental. ๏ Madrid e Toledo: museos e recorrido urbano(Madrid dos austrias e borbónico, trama urbana de

Toledo...) ๏ Vigo: MARCO / IFEVI (algunha posible exposición) – ๏ Saídas pola contorna: Tui-Valença; polígono de As Gándaras; ๏ Saída xeomorfolóxica: Monte Aloia ๏ Saída Santiago: museos, Catedral ๏ Visita ao taller ou estudo dun artista da bisbarra. ๏ Asistencia a exposicións temporais. ๏ Visita á E.D.A.R. de Tui ( sempre e cando non fora feita en cursos anteriores ou con outros

departamentos)

ESTRATEXIAS DE APRENDIZAXE E COMUNICACIÓN Para esta materia de Libre configuración de Centro e durante o desenvolvemento do curso se plantean distintas actividades complementarias e extraescolares e que fornecerán os contidos traballados na aula:

Actividades Complementarias:

๏ Visita á Biblioteca Escolar do Centro e a Biblioteca Municipal de Tui. ๏ Participación na actividade municipal de TUI LE ๏ Participación nas actividades deseñadas no centro para as conmemoración escolares ( Día dos

Dereitos Humanos, Dereitos dos nenos e nenas, Día da Paz, …) ๏ Participación nas actividades da Biblioteca Escolar do IES así como nas actividades do Departamento

de Normalización Lingüística. ๏ Participación de contadas no Centro de Educación Infantil da Galiza Azul de Tui e/ou outros centros

da cidade.

Actividades Extraescolares

๏ Visita e participación no Salón do Libro de Pontevedra. ๏ Asistencia a algunha obra de teatro, cine ou contada. ๏ Participación en concursos ou programas relacionados coa temática traballada no curso e no

Proxecto. ๏ Intercambio experiencias e/ou visitas con outros centros escolares e/ou culturais.

En Tui, a 8 de novembro de 2016

A Vicedirectora

Amalia Pérez Otero

PROGRAMA ANUAL DE ACTIVIDADES COMPLEMENTARIAS E DEPARTAMENTO... · PROGRAMA ANUAL DE ACTIVIDADES...

Documents

Transcript of PROGRAMA ANUAL DE ACTIVIDADES COMPLEMENTARIAS E DEPARTAMENTO... · PROGRAMA ANUAL DE ACTIVIDADES...