Roque e Raimundo percorren Galicia para ver aos seus parentes.

os morcegos galegos

Vendo que polo mundo tiñan centos de parentes decidiron investigar cantos viven preto deles.

E despois de estudar, dar cen voltas e falar con xente, saben que en Galicia hainos de dezanove especies.

Buscaron nas casas,

nas ruínas,

nas palleiras,

por montes e vales,

nas covas,

nas igrexas…

Entrando e pescudando en recunchos e furados conseguiron ver xente de todas e aquí están retratados.

Morcego grande de ferradura (Rhinolophus ferrumequinum). Mide de 56 a 71 mm, máis outros 30 a 40 mm de rabo, e pesa entre 14,5 e 31,5 gr.

Atópase amplamente distribuído por toda Galicia.

Morcego pequeno de ferradura (Rhinolophus

hipposideros). Mide uns 45 mm, máis outros 23 a 33

mm de rabo, e pesa entre 4,2 e 9 gr. Atópase

amplamente distribuído por toda Galicia.

Morcego mediterráneo de ferradura ( Rhinolophus euryale). Mide entre 40 e 58 mm, máis outros 22 a 30 mm de rabo, e pesa de 10 a 18 gr. Escaso.

Morcego de bigotes (Myotis mystacina). Mide entre 35 e 50 mm máis outros 30 a 43 mm de rabo, e pesa de 4 a 10 gr. Moi raro.

Morcego de orellas fendidas (Myotis emarginata). Mide

entre 41 e 53 mm, máis outros 38 a 46 mm de rabo, e pesa

de 7 a 15 gr. Moi raro.

Morcego de Natterer (Myotis nattereri). Mide de 42 a 50 mm, máis outros 32 a 47 mm de rabo, peso 5 a 12 gr. Raro.

Morcego de Bechestein (Myotis bechsteinii). Mide de 45 a 55 mm, máis outros 34 a 45 mm de rabo, e pesa entre 7 e 14 gr. Moi raro.

Morcego rateiro grande (Myotis myotis). Mide de 67 a 80mm, máis outros 45 a 60 mm de rabo, e pesa de 18 a 45 gr. Distribución irregular.

Morcego rateiro mediano (Myotis blythii). Mide de 59 a 74 mm, máis outros 46 a 60 mm de rabo, e pesa de 15 a 29,5 gr. Moi raro.

Morcego das ribeiras (Myotis daubentonii). Mide de 41 a 55 mm, máis outros 30 a 44 mm de rabo, e pesa de 6,5 a 15 gr. Escaso.

Morcego común (Pipistrellus pipistrellus). Mide de 33 a 52 mm, máis outros 23 a 36 mm de rabo, e pesa de 3,5 a 8 gr. Común.

É o máis pequeno dos morcegos galegos.

Morcego do monte (Hypsugo savii). Mide de 40 a 54 mm, máis outros 31 a 43 mm de rabo, e pesa de 5 a 10 gr. Moi raro.

Morcego rubio (Nyctalus noctula). Mide de 60 a 82 mm ,máis outros 41 a 60 mm de rabo, e pesa de 15 a 40 gr,. Moi raro.

Morcego das hortas (Eptesicus serotinus). Mide de 62 a 82 mm, máis outros 46 a 57 mm de rabo, e pesa de 14 a 35 gr. Distribución irregular.

Morcego das fragas (Barbastella barbastellus). Mide de 44 a 58 mm, máis outros 38 a 54 mm de rabo, e pesa de 5,6 a 13,5 gr. Raro en Galicia.

Morcego orelludo común (Plecotus auritus). Mide de 41 a 53 mm, máis outros 34 a 55 mm de rabo, e pesa de 4,6 a 12 gr. Escaso en Galicia

Morcego orelludo meridional ( Plecotus austriacus). Mide de 39 a 58mm, máis outros 37 a 55 mm de rabo, e pesa de 5 a 15 gr. Moi raro en Galicia.

Morcego das covas (Miniopterus schreibersii). Mide de 50 a 62 mm, máis outros 56 a 64 mm de rabo, e pesa de 8 a 20,8 gr. Escaso en Galicia

Morcego rabudo (Tadarida teniotis). Mide de 81 a 92 mm, máis outros 44 a 57 mm de rabo, e pesa de 22 a 54 gr. Escaso en Galicia

Morcego Roque. Único representante da súa especie. Nacido no mundo de

garabatos de Mon Daporta como amigo da rata Luisa. Evolucionou a viaxeiro

polo mundo por contacto co seu parente o morcego Raimundo.

Tamaño: o que a imaxinación lle dea e a situación precise.

Alimentación: do recoñecemento dos lectores.

Duración: a que teñan as ideas que lle dan vida.

Sen contar, por suposto, ao noso morcego Roque,que é un morcego de conto, feito con lapis e cores.

Ata a próxima!

E cunhas curiosidades, que veredes ao pasar a folla, remátase esta historia e agárdovos na próxima

No mundo hai máis de 1.100 especies de morcegos. O máis pequeno é o morcego de fuciño de porco de Kitti e o máis grande o raposo voador de Filipinas. Case o 70% aliméntanse de insectos e outros pequenos animais, o 25% aliméntanse de froitas, o 5% de nectar e pole, unhas dez especies son carnívoras, catro ou cinco especies aliméntanse de peixes, tres aliméntanse de sangue e hai algunha especie omnívora.

O morcego máis pequeno do mundo. O morcego fuciño de porco de Kitti ou morcego abellóm (Craseonycteris thonglongyai). Vive en covas preto dos ríos do oeste de Tailandia e do surleste de Birmania. Mide entre 29 e 33 mm e tan só pesa uns 2 gramos. Está ameazado de extinción.

O morcego máis grande do mundo. O Raposo voador de coroa dourada, ou morcego da froita de capa dourada (Acerodon jubatus). Ten unha envergadura de máis de 1,5 m. Vive na selva tropical de Sarangani, en Filipinas.

Morcego pescador. (Noctilio leporinus). Mide 13 cm e pesa entre 40 e 70 gramos. Ten as patas máis longas que os demais morcegos. Vive nos bosques húmidos do centro e sur de América. Aliméntase de peixes.

morcego de labios con flecos (Trachops cirrhosus). Mide entre 6,5 e 8,8 cm, máis 1 ou 2 cm de rabo, e pesa entre 24 e 36 gr. Vive nos bosques de América Central. Aliméntase de pequenos animais: paxaros, réptiles e ras

Vampiro común (Desmodus rotundus). Mide entre 6,8 e 9,3 cm e pesa entre 19 e 43 gr. Atópase desde México ata o norte da Arxentina e de Chile. Aliméntase de sangue. Faille pequenas feridas ao gando e lambe o sangue que sae delas.

vampiro das aves ou vampiro de ás blancas (Diaemus youngi). Mide entre 8 e 9 cm e pesa entre 30 y 45 gr. Vive nos bosques da América tropical. Aliméntase de sangue de aves.

Morcego menor de rabo curto, (Pekapeka en maorí) (Mystacina tuberculata). Mide de 6 a 7 cm de lonxitude, ten unha envergadura de 28 a 30 cm e pesa entre 10 e 22 gr. É un morcego omnívoro e oportunista endémico de Nova Celandia.

Morcego da froita da cor da palla (Eidolon helvum). Mide entre 14 e 23 cm, ten unha envergadura duns 75 cm e pesa de 230 a 340 gr. Vive en África ecuatorial e tropical. É o morcego da froita máis grande de África onde fai un importante labor polinizador e dispersador de sementes.

Morcego mexicano de fuciño longo (Choeronycteris mexicana). Mide entre 8 e 10 cm e pesa entre 10 e 20 gr. Vive entre o sur dos Estados Unidos e Venezuela. Aliméntase de pole e néctar.

fin As imaxes foron collidas da internet.Agradezolle aos autores a súa dispoñibilidade e agardo que saiban disculpar o uso que fixen delas. Mon Daporta

COUSIÑAS FEITAS NA CASA

Cando andaban a visitar aos morcegos descubriron que había outros bechos pequenos.

E quedaron con eles, para máis adiante, en facer para vos unha das súas reportaxes.