MIKROTEZË - uamd.edu.al · Rezultati i ASA për statusin fizik të pacientit ( Culver et al.,...
Transcript of MIKROTEZË - uamd.edu.al · Rezultati i ASA për statusin fizik të pacientit ( Culver et al.,...
REPUBLIKA E SHQIPËRISË
UNIVERSITETI “ALEKSANDËR MOISIU”, DURRËS
FAKULTETI I STUDIMEVE PROFESIONALE
DEPARTAMENTI I MJEKËSISË
MIKROTEZË
TEMA:
Parandalimi i infeksioneve të plagëve kirurgjikale (SSIs)
Studente: Udhëheqëse shkencore:
Anisa ÇELA Ph.D. Cand. Laura GJYLI
Durrës, 2014
ÇELA A. (2014). Parandalimi i infeksioneve të plagëve kirurgjikale (SSIs)
2
TEMA:
Parandalimi i infeksioneve të plagëve kirurgjikale (SSIs)
QËLLIMI I STUDIMIT
Të raportojë strategjitë e pararandalimit të infeksioneve të plagëve kirurgjikale (SSIs) në
periudhën preoperatore, operatore dhe postoperatore dhe në veçanti rëndësinë e kujdesit
infermieror në parandalimin e tyre.
OBJEKTIVAT
1. Të paraqesë llojet kryesore të infeksioneve të plagëve kirurgjikale (SSIs).
2. Të raportojë pacientët më vulnerabël dhe operacionet kirurgjikale, që kanë rrezik
më të lartë nga infeksionet e plagëve kirurgjikale.
3. Të raportojë metodat kryesore të mbikqyrjes të infeksioneve kirurgjikale SSIs dhe
asepsisë në sallat kirurgjikale, të personelit mjekësor dhe pacientit.
4. Të japë kontribut në raportimin e SSIs në rang kombëtar dhe të analizojë në
mënyrë krahasuese me SSIs gjendur në SHBA dhe / ose Bashkimin Europian.
ÇELA A. (2014). Parandalimi i infeksioneve të plagëve kirurgjikale (SSIs)
3
ABSTRAKTI
Infeksionet e plagëve kirurgjikale (SSIs) ndodhin 4-25 % të pacientëve pas procedurave
kirurgjike kryesore dhe vlerësohen të shkaktojnë mbi 8’000 vdekje në vit. Shfaqja e një SSI është
duke u kuptuar gjithnjë e më tepër si një dëm i parandalueshëm dhe si rezultat, shkallët e SSIs po
përdoren si një matje zëvendësuese e cilësisë së kujdesit shëndetësor. SSIs janë gjithashtu të
kushtueshme. Kohëzgjatja e qëndrimit në spital, pajisjet për kujdesin ndaj plagës, dhe kujdesi i
nevojshëm në shtëpi llogariten 10.07 miliard $ në vit në SHBA.
Patogjenët shkaktar varen nga lloji i operacionit; mikroorganizmat e izoluar, ku më të
zakonshme janë Staphylococcus aureus, stafilokokët koagulazë negativë, Enterococcus spp. dhe
Escherichia coli.
Kujdesi infermieror luan rol thelbësor në parandalimin e infeksioneve të plagës
kirurgjikale gjatë periudhës pre-operatore, intraoperatore dhe postoperatore.
Rezultatet e e mbikqyrjes së SSIs, paraqesin një kontribut të madh në njohjen e SSIs në vendet
europiane për periudhën 2010-2011. Studimi evropian i parandalimit të infeksioneve të kujdesit
shëndetësor (HAIs) dhe përdorimi antimikrobik tregoi se SSIs janë HAIs, dhe zënë vendin e dytë
hasur me shpesh në spitale evropiane. Numri i operacioneve të raportuara për vendet europiane
është rritur. Mbikqyrja e SSIs është mjet thelbësor për parandalimin dhe kontrollin e SSI në
nivelin hospitalor. Rezultatet e survejimit treguan edhe tendencat në rënie në incidencën SSIs në
disa lloje operacionesh (CSEC, HPRO dhe LAM), duke sugjeruar se përpjekjet parandaluese,
duke përfshirë dhe mbikqyrjen, ishin të suksesshme në spitalet pjesëmarrëse. Megjithatë, shumë
prej SSIs të ndodhur janë ende të parandalueshme dhe duhet të bëhet shumë për të maksimizuar
parandalimin e SSIs në spitale evropiane.
Prandaj SSIs vazhdojnë të përbëjnë një sfidë të rëndësishme klinike. Menaxhimi i duhur i
faktorëve të rriskut, bën që një pjesë e mirë e këtyre infeksioneve të parandalohet duke shmangur
kështu shifrat e larta të sëmundshmërisë dhe mortalitetit të lidhur me infeksionet e plagëve
kirurgjikale.
Shqipëria ende mbetet një shtet, që nuk ka një ligj dhe nuk i raporton të dhënat për SSIs
në një format të aksesueshëm për taksapaguesit dhe publikun në tërësi. Përfshirja në BE, do ta
detyrojë edhe vendin tonë të raportojë rastet SSIs dhe masat që do të marrë në parandalimin e tyre
në përputhje me direktivat e ECDC.
Fjalët kyçe: Infeksionet e plagëve kirurgjikale (SSIs), faktorët e rrezikut, CDC & ECDC,
mbikqyrje dhe parandalim i SSIs, baktere patogjene, kujdesi infermieror.
ÇELA A. (2014). Parandalimi i infeksioneve të plagëve kirurgjikale (SSIs)
4
FALENDERIME
Përfitoj nga rasti të shpreh falenderime dhe mirënjohje ndaj:
Departamentit të Mjekësisë dhe Fakultetit të Studimeve Profesionale,
Universiteti “Aleksandër Moisiu”, Durrës, që më dhanë mundësinë dhe realizuan
mbarëvajtjen e mikrotezës, si pjesë e programeve të ciklit të dytë, Master Profesional në
drejtimin “Infermieri Kirurgjikale”.
Kartotekën e Kirurgjisë, pranë Spitalit Rajonal, Durrës, për ndihmesën në
mbledhjen e të dhënave për rastin klinik.
PhD. Cand. L. Gjyli, lektore e Dep. Mjekësi, udhëheqëse e mikrotezës, e cila dha
ndihmesë shkencore lidhur me gjetjen e një teme dhe literature bashkëkohore; me
përparësi jo vetëm në fushën e infermierisë kirurgjikale dhe fushave të tjera mjekësore,
por edhe në ekonominë shëndetsore të një vendi; në hartimin e mikrotezës, si dhe për
gjithë besimin që ka patur dhe ka për mua, për t’u bërë një profesioniste e zonja në fushën
e mjekësisë.
Gjithë lektorët e Departamentit të Mjekësisë, në veçanti Prof. As. Dr. P.
Prifti, Koordinator i Master Profesional “Infermieri Kirurgjikale”, që dhanë kontributin e
tyre në formimin tim shkencor dhe profesional, gjatë periudhës së studimeve të mia,
Bachelor dhe Master.
Këtë studim ia dedikoj familjes sime, në veçanti prindërve, jo vetëm
për mbështetjen e vazhdueshme morale dhe financiare, por mbi të gjitha
për besimin dhe forcën që më kanë dhënë për të ecur përpara…
ÇELA A. (2014). Parandalimi i infeksioneve të plagëve kirurgjikale (SSIs)
5
PASQYRA E LËNDËS
Qëllimi i studimit 2
Abstrakti 3
Falenderime 4
Pasqyra e lëndës 5
Shkurtime 8
Lista e figurave, tabelave dhe grafikëve 9
Hyrja 10
KAPITULLI I. PJESA TEORIKE 12
1.1. Infeksioni i plagës kirurgjikale dhe llojet e (SSIs) 12
1.1.1 SSIs e prerjeve sipërfaqësore 13
1.1.1 SSIs e prerjeve të thella 13
1.1.1 SSIs e organeve dhe hapësirave 13
1.2 Klasifikimi i plagëve kirurgjikale 13
1.3 Epidemiologjia e SSIs 14
1.4 Faktorët e rrezikut për SSIs 15
1.4.1 Parashikimi i rrezikut për SSIs 16
1.5 Mikrobiologjia e SSIs 18
KAPITULLI II. MATERIALE DHE METODA 21
2.1 Metodat e mbikqyrjes të infeksioneve kirurgjikale inçizive (SSIs) 21
2.1.1 Mbikqyrja e SSI-ve tek pacientët e hospitalizuar 21
2.1.2 Mbikqyrja e SSIs pas daljes nga spitali 21
2.1.3 Mbikyrja ambulatore e SSIs 22
2.2 Kategoritë e klasifikimit të rrezikut nga infektimi prej pajisjeve apo mjedisit rrethues
22
2.3 Metodat e sygjeruara për dekontaminim 23
2.3.1 Pastrimi manual 23
2.3.2 Pastrimi i mjedisit 24
ÇELA A. (2014). Parandalimi i infeksioneve të plagëve kirurgjikale (SSIs)
6
2.3.3 Dezifektimi 24
2.3.3.1 Metodat termike 25
2.3.3.2 Metodat kimike 26
2.3.4 Dezifektimi i sipërfaqeve 26
2.4 Sterilizimi 26
2.4.1 Sterilizimi me avull 27
2.4.2 Nxehtësia e thatë 27
2.4.3 Gazi i oksidit të etilenit 27
KAPITULLI III. REZULTATE DHE DISKUTIME 29
3.1 Strategjitë e parandalimit 29
3.1.1 Strategjitë preoperative 29
3.1.1.1 Dushet antiseptike preoperative 29
3.1.1.2 Heqja e qimeve 30
3.1.1.3 Përgatitja e lëkurës së pacientit në sallën e operacionit 30
3.1.1.4 Antisepsia para-operative e duarve/parakrahut 31
3.1.1.4.1 Agjentët e rekomanduar për pastrimin e duarve 32
3.1.1.4.2 Pastrimi kirurgjik i duarve/dezifektimi 32
3.1.1.5 Profilaksia antimikrobike 33
3.1.1.6 Menaxhimi i personelit kirurgjikal të infektuar apo kolonizuar me mikroorganizma 34
3.1.2 Strategjitë operative 34
3.1.2.1 Mjedisi i dhomës operative 34
3.1.2.1.1 Ventilimi 34
3.1.2.1.2 Sipërfaqet mjedisore 35
3.1.2.1.3 Sterilizimi konvencional dhe flash sterilizimi i instrumenteve kirurgjikale 35
3.1.2.2 Veshja kirurgjikale 36
3.1.3 Strategjitë postperative 37
3.1.3.1 Kujdesi për inçizionin 37
ÇELA A. (2014). Parandalimi i infeksioneve të plagëve kirurgjikale (SSIs)
7
3.1.3.2 Planifikimi i daljes nga spitali 37
3.2 Ndikimi i SSIs në kujdesin shëndetësor dhe kostot për pacientin 38
3.3 Raportime statistikore të SSIs nga Shqipëria, Europa dhe SHBA 39
3.3.1 Raportime të SSIs në Shqipëri 39
3.3.2 Raportime të SSIs nga Europa 40
3.3.3 Raportime të SSIs nga SHBA 42
KAPITILLI IV. KONKLUZIONE 44
KAPITULLI V. REKOMANDIME 45
KAPITULLI VI. BIBLIOGRAFIA 49
ÇELA A. (2014). Parandalimi i infeksioneve të plagëve kirurgjikale (SSIs)
8
SHKURTIME
SSIs (Surgical Site Infections) infeksione të plagëve kirurgjikale
CDC (Centers for Disease Control and Prevention in USA) qendrat për kontrollin dhe
parandalimin e sëmundjeve në SHBA)
ECDC (European Centre for Disease Prevention Qendra Europiane për and Control) parandalimin dhe kontrollin e
sëmundjeve NNIS (National Nosocomial Infections Surveillance) mbikqyrja kombëtare e
infeksioneve nosokomiale SENIC (Study on Efficacy of Nosocomial Infection studim mbi eficiencën e Control) e kontrollit të infeksioneve
nozokomiale ASA (American Society of Anesthesiologists) shoqata amerikane e
anesteziologëve
Implant çdo pajisje ose material,
veçanërisht (një substancë inerte), që përdoret për riparimin ose zëvendësimin e një pjese të trupit
HAIs (Infections of Health-care) infeksione të kujdesit shëndetsor
AMP (Surgical antimicrobial profilaksi profilaksia antimikrobiale kirurgjikale
EEA (Europian Economic Area) Zona Europiane e Ekonomisë
BE Bashkimi Europian
AAMI (Association for the Advancement shoqata e mjekësisë së of Medical Instrumentation) avancuar instrumentare
ÇELA A. (2014). Parandalimi i infeksioneve të plagëve kirurgjikale (SSIs)
9
LISTA E FIGURAVE, TABELAVE DHE GRAFIKËVE
Figura 1. Prerje tërthore e veshjes së abdomenit që përshkruan klasifikimet sipas CDC –
ve për infeksionin e plagës kirurgjikale (SSI) (Mangram et al., 1999).
Figura 2. Harta e shteteve të SHBA me Legjistacion mbi SSIs që kërkojnë Raportime
Publike (Owens & Stoessel, 2008).
Tabela 1. Faktorët e lidhur me pacientin dhe procedurën që ndikojnë në rrezikun për
infeksionin e plagës kirurgjikale (Mangram et al., 1999).
Tabela 2. Koha në orë e proçedurave të përgjithshme kirurgjikale (Culver et al., 1991 ;
Mangram et al., 1999).
Tabela 3. Rezultati i ASA për statusin fizik të pacientit ( Culver et al., 1991).
Tabela 4. Shkallët e SSIs sipas indeksit i riskut NNIS dhe proçedurës kirurgjikale
(Culver et al., 1991).
Tabela 5. Patogjenët e lidhur me procedura kirurgjikale të ndryshme (përshtatur nga
Mangram et al., 1999).
Tabela 6. Përqindja e shpërndarjes së patogjenëve në plagët kirurgjikale (Centers for
Disease Control and Prevention, 1996; Mangram et al., 1999).
Tabela 7. Mekanizmi dhe spektri i aktivitetit të agjentëve antiseptik më të përdorshëm
për përgatitjen preoperative të lëkurës dhe sterilizimi kirurgjikal (Larson, 1988; Hardin &
Nichols, 1997).
Tabela 8. Raportime të proçedurave sipas SHBA për SSIs-të(Owens & Stoessel, 2008).
Grafiku 1. Shkalla e mesatares së SSIs-ve sipas indeksit të rrezikut NNIS (Culver et al.,
1991).
Grafiku 2. Shpërndarja e operacioneve të raportuara të mbikqyrjes Europiane të SSIs-ve
nga vendet pjesmarrëse. EU/EEA, 2010–2011 (ECDC, 2013)..
Grafiku 3. Incidenca akumulative e SSIs-ve sipas vitit dhe llojit te operacionit, në vendet
e EU/EEA, 2008–2011 (ECDC, 2013).
ÇELA A. (2014). Parandalimi i infeksioneve të plagëve kirurgjikale (SSIs)
10
HYRJE
Infeksionet e plagëve kirurgjikale (SSIs), janë një nga shkaqet e infeksioneve lidhur me
kujdesin shëndetsor, quajtuar ndryshe infeksione hospitalore ose nozokamiale dhe zënë
vendin e dytë me 22%. Përveç tyre, në infeksionet hospitalore përfshihen infeksionet e
traktit të sipërm respirator, pneumonisë, traktit urinar, septicemisë, etj.
(http://www.darkdaily.com/wp-content/uploads/40412-300x225.jpg).
SSIs janë përshkruar si infeksione që ndodhin brenda 30 ditësh pas operacionit ose
brenda një viti për pacientët që kanë të vendosur implant duke prekur inçizionin ose indet
e thella të plagës kirurgjikale. Pavarësisht përmirësimeve në parandalimin, SSIs mbeten
një problem i rëndësishëm klinik, meqenëse janë të lidhura me vdekshmëri dhe sëmundje
të konsiderueshme, dhe imponojnë kërkesa të ashpra mbi burimet e kujdesit shëndetësor.
Incidenca e SSIs mund të jetë aq e lartë sa 20%, në varësi të procedurës kirurgjikale,
kritereve të mbikqyrjes së përdorur, dhe cilësia e mbledhjes së të dhënave. Në shumë
SSIs, patogjenët përgjegjës e kanë origjinën nga flora endogjene e pacientit. Patogjenët
shkaktar varen nga lloji i operacionit; mikroorganizmat e izoluar më të zakonshme janë
Staphylococcus aureus, stafilokokët koagulazë negativë, Enterococcus spp. dhe
Escherichia coli.
Faktorë të shumtë të lidhur me pacientin, procedurën apo mjedisin spitalor ndikojnë në
rrezikun e SSIs, prandaj parandalimi kërkon vëzhgime të vëmendshme sistematike të
faktorëve të shumtë të rrezikut për të reduktuar rrezikun e kontaminimit bakterial dhe për
të përmirësuar mbrojtjen e pacientit. Direktivat e Qendrave për Kontrollin dhe
Parandalimin (ECDC) e SSIs theksojnë rëndësinë e përgatitjes së pacientit, praktikat
aseptike dhe rëndësinë e teknikave kirurgjikale dhe profilaksinë antimikrobike, e cila
kryhet në rrethana specifike (Owens & Stoessel, 2008).
Ka një presion në rritje mbi shtetet për të mbledhur dhe raportuar, të dhëna të sakta të
standardizuara mbi SSIs dhe për t’i bërë këto të dhëna lehtësisht të lexueshme për
pacientët. Ky fokusim risi mbi cilësinë e të dhënave lehtësisht të aksesueshme paraqet një
tjetër arritje drejt transparencës së rezultateve dhe çmimeve për konsumatorët.
ÇELA A. (2014). Parandalimi i infeksioneve të plagëve kirurgjikale (SSIs)
11
Një pasojë e ndjekjes dhe raportimit në rritje të infeksioneve kirurgjike nga spitalet është
përdorimi i testeve laboratorike klinike, që përdoren për të identifikuar infeksionet dhe
për të ndihmuar mjekët për të monitoruar progresin e pacientëve me SSIs. Pathologët dhe
mikrobiologët kanë një rol të rëndësishëm për të ndihmuar spitalet në zvogëlimin e
numrit të SSIs, krahas kujdesit të vazhdueshëm infermieror sipas direktivave të CDC dhe
ECDC.
Në një studim të 2010, vetëm 21 shtete në SHBA, kishin ligje të raportimit SSIs. Nga
këta, vetëm 8 shtete i kishin të dhënat në dispozicion të publikut në një format lehtësisht
të arritshëm.
Në vitet 2010 dhe 2011, të dhënat për Europën u morën nga 20 rrjete në 16 vende
evropiane (15 anëtare të BE dhe një shtet EEA). Rezultatet e survejimit treguan edhe
tendencat në rënie në incidencën SSIs në disa lloje operacionesh (CSEC, HPRO dhe
LAM), duke sugjeruar se përpjekjet parandaluese, përfshirë dhe mbikqyrjen, ishin të
suksesshme në spitalet pjesëmarrëse (ECDC, 2013).
Problemi më i madh qëndron në faktin se në vendin tonë nuk ka studime
stastistikore të mirëfillta për shkallën e infeksioneve të plagëve kirurgjikale (SSIs), në
mënyrë që t’i kushtohet më tepër rëndësi parandalimit të tyre, ashtu siç ndodh në shumë
vende të botës. Në vendin tonë, qëndron akoma mentaliteti i mos tregimit të infeksioneve,
mos shkrimit në kartelën e pacientit, sepse kështu duket sikur “përbaltet” puna e
personelit mjekësor. Kjo nuk është aspak e vërtetë, sepse nuk është vetëm kirurgu
shkaktar për infeksionin, por janë shumë arsye apo shkaktarë që një plagë kirurgjikale të
infektohet, siç sqarohet më lart.
Prandaj është shumë e rëndësishme studimi dhe parandalimi i infeksioneve të
plagëve kirurgjikale (SSIs), për të shmangur pacientë të sëmurë rëndë, shtrime të
përsëritura në spitale, kosto të mëdha ekonomike dhe sociale për pacientin dhe familjen,
taksapaguesit, apo edhe humbjen e jetës që është shumë e rëndë.
Le të shpresojmë se futja në BE, do ta detyrojë edhe Shqipërinë të këtë jo vetëm ligjin për
raportimin e SSIs, por edhe të dhëna për SSIs në dispozicion të taksapaguesve dhe
publikut në tërësi (Owens & Stoessel, 2008; ECDC, 2013).
ÇELA A. (2014). Parandalimi i infeksioneve të plagëve kirurgjikale (SSIs)
12
KAPITULLI I. PJESA TEORIKE
1.1 Infeksioni i plagës kirurgjikale dhe llojet e (SSIs)
Infeksion të plagës kirurgjikale do të quajmë: infeksionin që ndodh brenda 30 ditëve pas
një operacioni kirurgjikal ose brenda një viti, nëse gjatë operacionit është vendosur një
implant në vendin ku është kryer ndërhyrja.
Infeksioni i plagës kirurgjikale karakterizohet nga shenjat klasike si: skuqje (rash),
dhimbje, enjtje (edema), temperaturë në indet rreth prerjes kirurgjikale dhe ethe
sistemike. Më pas plaga mbushet me inde të nekrotizuara, neutrofile, baktere dhe likid, që
së bashku përbëjnë pusin.
Infeksionet e plagës kirurgjikale (SSIs) ndahen në:
(SSIs) e prerjeve sipërfaqësore,
(SSIs) e prerjeve të thella,
(SSIs) e organeve dhe hapësirave (Horan et al., 1992 ; Mangram et al. 1999).
Figura 1. Prerje tërthore e veshjes së abdomenit që përshkruan klasifikimet sipas CDC –ve për infeksionin e plagës kirurgjikale (SSI) (Mangram et al., 1999).
ÇELA A. (2014). Parandalimi i infeksioneve të plagëve kirurgjikale (SSIs)
13
1.1.1 (SSIs) e inçizioneve sipërfaqësore
Infeksioni ndodh brenda 30 ditëve pas operacionit dhe përfshin vetëm indin e lëkurës ose
subkutan të prerjes. Infeksioni paraqet të paktën një prej shenjave klasike të tij si:
dhimbje, skuqje, enjtje, temperaturë, kullim purulent nga inçizioni sipërfaqësor (Horan et
al., 1992; Mangram et al., 1999).
1.1.2 (SSIs) e inçizioneve të thella
Infeksioni ndodh brenda 30 ditëve pas operacionit, në qoftë se nuk ka implant të
vendosur ose brenda një viti, nëse ka implant dhe infeksioni lidhet me operacionin dhe
përfshin indet e thella të buta (p.sh. shtresat e muskujve dhe indit lidhor fibroz) të
inçizionit. Infeksioni ka të paktën njërën nga shenjat e mëposhtme si: ethe (> 38 ºC),
dhimbje e lokalizuar, enjtje, kullim purulent nga inçizioni i thellë, hapje spontane e
plagës, abcese (Horan et al., 1992; Mangram et al., 1999).
1.1.3 (SSIs) e organeve dhe hapësirave
Infeksioni ndodh brenda 30 ditëve pas operacionit, në qoftë se nuk është lënë implant në
vend ose brenda një viti nëse implanti është i vendosur. Shfaqja e infeksionit lidhet me
funksionimin e tij. Infeksioni përfshin çdo pjesë të anatomisë (p.sh., organet ose
hapësirat). Ai paraqitet me shenjat e mëposhtme si: kullim purulent nga dreni, abcese të
pranishme dhe me shenjat klasike të infeksionit (Horan et al., 1992; Mangram et al., 1999).
1.2 Klasifikimi i plagëve kirurgjikale
I. Plagë e pastër. Një plagë konsiderohet e pastër kur procedura kirurgjikale nuk është
bërë në viscera apo lumenin e trupit, që në kushte normale konsiderohet e ndotur (psh.
trakti respirator, gastrointestinal dhe urinar). Përbën rreth 75% të gjithë operacioneve,
plagë jo-traumatike, pa inflamacion. Niveli i infeksionit është më pak se 2% dhe varet
kryesisht nga kontamini i mjedisit operator, nga ekipi kirurgjikal dhe më shpesh nga
lëkura.
II. Plagë e pastër – kontaminuar. Një plagë konsiderohet e pastër - kontaminuar kur
procedura kirurgjikale bëhet në viscera apo lumen të trupit të kolonizuar, por në rrethana
ÇELA A. (2014). Parandalimi i infeksioneve të plagëve kirurgjikale (SSIs)
14
të përzgjedhura dhe të kontrolluara. Pushimi është minimal në teknikën kirurgjikale dhe
niveli i infeksionit paraqitet 4 - 10% të rasteve.
III. Plagë e kontaminuar. Një plagë konsiderohet e kontaminuar kur një kontaminim i
madh është i pranishëm, por infeksioni nuk është i dukshëm. Plaga është e hapur, e
freskët, traumatike dhe me pushim të madh në teknikën kirurgjikale. Niveli i infeksionit
mund të arrijë deri në 20% të rasteve.
IV. Plagë e ndotur ose infektuar. Një plagë konsiderohet e ndotur ose infektuar kur
infeksioni aktiv është i pranishëm në plagën kirurgjikale. Janë të pranishme inde të
devitalizuara dhe / ose të nekrotizuara. Niveli i infeksionit paraqitet 40% (Culver et al.,
1991; McGraw-Hill, 2002).
1.3 Epidemiologjia e SSIs
Studimet e epidemiologjisë së SSIs janë të komplikuara, për shkak të natyrës heterogjene
të këtyre infeksioneve. Incidenca ndryshon shumë ndërmjet procedurave, ndërmjet
spitaleve, ndërmjet kirurgëve dhe ndërmjet pacientëve (Leaper et al., 2004).
Të dhënat nga sistemi NNIS i CDC tregojnë se SSIs janë tre nga infeksionet nozokomiale
më të shpeshta, duke zënë 14 - 16% të infeksioneve të tilla në pacientët e hospitalizuar
dhe 38% të pacientëve kirurgjikale (Mangram et al., 1999). Në mënyrë të ngjashme, të
dhënat evropiane sugjerojnë se incidenca e SSIs mund të arrijë deri në 20% në varësi të
procedurës, kritereve të përdorura të mbikqyrjes dhe cilësisë së mbledhjes së të dhënave
(Leaper et al., 2004). Përdorimi në rritje i procedurave minimale invasive (laparoskopike)
në operacion ka rezultuar në një rënie në incidencën e SSIs. Për shembull, në pacientët që
i nënshtrohen kolecistektomisë, norma SSIs pas proçedurave laparaskopike është
raportuar të jetë 1.1%, krahasuar me 4% të procedurave të hapura (Boni et al., 2006). Në
mënyrë të ngjashme, në pacientët me apendesitis akut, shkalla e SSI është raportuar të
jetë 2% me proçedurat laparoskopike dhe 8% me proçedurat e hapura. Arsyet e
mundshme për incidencën më të ulët të SSIs me proçedurat laparoskopike përfshijnë
prerje më të vogël, lëvizje më të shpejtë, zvogëlim të dhimbjes postoperative, ruajtjen më
të mirë të funksionit të sistemit imunitar dhe zvogëlim në përdorimin e katetereve venozë
centralë (Boni et al., 2006).
ÇELA A. (2014). Parandalimi i infeksioneve të plagëve kirurgjikale (SSIs)
15
1.4 Faktorët e rrezikut për SSIs
Një numër faktorësh të lidhur me pacientin dhe proçedurat janë treguar nga një analizë
univariable dhe multivariable, që ndikojnë në rrezikun e SSIs (Tab. 1). Faktorët e
mundshëm të lidhur me pacientët përfshijnë moshën e vjetër, infeksion para ekzistues,
kolonizimin me Staphylococcus aureus dhe patogjenë të tjerë të mundshëm, diabetin dhe
pirjen e duhanit (Mangram et al., 1999).
Tabela 1. Faktorët e lidhur me pacientin dhe procedurën që ndikojnë në rrezikun për infeksionin e plagës kirurgjikale (Mangram et al., 1999).
Faktorët e lidhura me Pacientin Faktorët e lidhura me Proçedurën
Mosha
Statusi ushqyes
Diabeti
Pirja e duhanit
Obeziteti
Infeksionet pre-egzistuese në pjesë të largëta të trupit
Kolonizimi me mikroorganizma (veçanërisht Staphylococcus aureus)
Përgjigjja imune e ndryshuar
Gjatësia e qëndrimit preoperativ
Kohëzgjatja e pastrimit kirurgjikal
Antisepsia e lëkurës
Rruajtja para-operative
Përgatitja para-operative e lëkurës
Kohëzgjatja e operimit
Profilaksia antimikrobiale
Ventilimi i dhomës operative
Sterilizimi joadekuat i instrumenteve
Materiale të huaja në ambjentin kirurgjikal
Drenimi i plagës
Teknika kirurgjikale
-homeostazë e dobët
-dështimi për të larguar indet e nekrotizuara
-trauma të indeve
Faktorët e lidhur me proçedurën përfshijnë teknikën e varfër kirurgjikale, kohëzgjatjen e
operacionit, cilësinë e përgatitjes preoperative të lëkurës dhe sterilizimin jo adekuat të
instrumenteve kirurgjikale. Një analizë e kohëve të fundit ka identifikuar moshën dhe
përqëndrime të ulëta të albuminës në serum, si faktorët më të rëndësishëm të lidhura me
pacientët, si dhe cilësinë e teknikës kirurgjikale, si një faktor i rëndësishëm i lidhur me
proçedurën. Kjo analizë ka dalë në përfundimin se shumica e SSIs i atribohet më shumë
ÇELA A. (2014). Parandalimi i infeksioneve të plagëve kirurgjikale (SSIs)
16
faktorëve të lidhur me pacientin krahasuar me faktorët e lidhur me proçedurën
(Dominioni et al., 2006).
1.4.1 Parashikimi i rrezikut për SSIs
Rreziku i SSIs në një pacient mund të vlerësohet duke përdorur sisteme të ndryshme
vlerësimi me pikë, të tilla si: indeksi i rrezikut NNIS SSI (Mangram et al., 1999). Ky
indeks përfshin një diapazon 0 - 3, dhe llogaritet duke caktuar një (1) pikë për secilën nga
tre variablatë e mëposhtëm:
-Kohëzgjatja e operacionit më gjatë se 75% e kohëzgjatjes së përafërt të një
operacionioni specifik të kryer (Tab. 2).
-Prania e një plagë të kontaminuar, të ndotur apo të infektuar.
-Një rezultat > 2 (p.sh. sëmundje sistemike e butë (jo e rëndë) në klasifikimin e statusit
fizik nga Shoqata Amerikane e Anesteziologëve (ASA) (Tab. 3).
Tabela 2. Koha në orë e proçedurave të përgjithshme kirurgjikale (Culver et al., 1991 ; Mangram et al., 1999).
Operacioni Koha (orë)
Bypass i arterieve koronare(rivendosje e qarkullimit të arterieve koronare)
5
Duktusit biliar, heparit dhe pankreasit 4
Craniotomy(operacion duke hapur kafkën) 4
Koka dhe qafa 4
Kolon 3
Proteza të gjymtyrëve 3
Vaskulare 3
Abdominal ose hysterectomy (heqja e uterusit) 2
Shunt ventricular (kateter për drenimin e ventrikujve të trurit)
2
Herniar (trajtim i llojeve të ndryshme te hernieve)
2
Apendectomy (heqje e apendesitit) 1
Amputacion i gjymtyrëve 1
Seksio Cezare (lindje me operacion) 1
ÇELA A. (2014). Parandalimi i infeksioneve të plagëve kirurgjikale (SSIs)
17
Tabela 3. Rezultati i ASA për statusin fizik të pacientit ( Culver et al., 1991).
Klasa I Një pacient me shëndet normal. Klasa II Një pacient me sëmundje sistemike të
moderuar dhe pa limitim funksional. Klasa III Një pacient me sëmundje sistemike të rëndë
që kufizojnë aktivitetitet, por nuk janë të paaftë.
Klasa IV Një pacient me sëmundje sistemike të rëndë që janë në rrezik të vazhdueshem për jetën.
Klasa V Një pacient në prag të vdekjes, që nuk mund të mbijetojë për 24 orë.
Sipas indeksit kumulativ NNIS,( tab.4), Kirurgjia e Colon-it mbart rrezikun më të lartë të
SSIs, ndjekur më pas nga kolecistoektomia dhe trasplanti i organeve. Tabela 4 dhe
grafiku 1 përshkruan rritjen e përgjithshme të shkallëve SSIs ndërsa kategoria e rrezikut
NNIS rritet.
Tabela 4. Shkallët e SSIs sipas indeksit i riskut NNIS dhe proçedurës kirurgjikale (Culver et al., 1991).
Tipi i operacionit Kategoria e rrezikut
0 1 2 3
Kirurgji e Colon-it 3.2 8.5 16.0 22.0
Kirurgji vaskulare 1.6 2.1 6.1 14.8
Cholecystoectomya 1.4 2.0 7.1 11.5
Transplant organesh 0.0 4.4 6.7 18.0
Grafiku 1. Shkalla e mesataresë së SSIs-ve sipas indeksit të rrezikut NNIS ( Culver et al., 1991).
ÇELA A. (2014). Parandalimi i infeksioneve të plagëve kirurgjikale (SSIs)
18
1.5 Mikrobiologjia e SSIs
Në mjaft SSIs, patogjenët përgjegjës origjinohen nga flora endogjene e pacientit.
(Mangram et al., 1999) .Organizmat më të zakonshëm të izoluar janë S. aureus,
stafilokokët koagulazë negative, Enterococcus spp. dhe Escherichia coli; megjithatë
patogjenët e izoluar varen nga proçedura (Tab. 5). Një rritje e numrit të SSIs i atribohen
patogjenëve rezistent ndaj antibiotikëve sikurse S. aureus meticilin-rezistent (MRSA) ose
Candida albicans. Zhvillimi mund të reflektojë një rritje të numrit të pacientëve
kirurgjikal me imunitet të dobësuar ose të sëmurë dhe një përdorim të gjerë të
antibiotikëve me spektër të gjerë (Mangram et al., 1999).
Patogjenët mundet të origjinohen nga vendet e infeksioneve preoperative larg vendeve
operative, veçanërisht në pacientët që i nënshtrohen vendosjes së një proteze ose një
implanti (Mangram et al., 1999). Përveç kësaj, flora endogjene e pacientit mund të
origjinojë nga burime ekzogjene sikurse anëtarët e ekipit kirurgjikal, mjedisi ku kryhet
operacioni, si dhe instrumentat dhe materialet sterile gjatë procedurës. Të tillë patogjenë
janë kryesisisht aerobët, sidomos bakteret Gram pozitive të tillë si gjinia Staphylococcus
dhe Streptococcus (Mangram et al., 1999).
Rreziku i zhvillimit të një SSIs pas kontaminimit mikrobik të vendit kirurgjikal do të
varet nga doza dhe virulence e patogjenit dhe niveli i rezistencës së pacientit, sipas
lidhjes:
ÇELA A. (2014). Parandalimi i infeksioneve të plagëve kirurgjikale (SSIs)
19
Tabela 5. Patogjenët e lidhur me procedura kirurgjikale të ndryshme (përshtatur nga Mangram et al., 1999).
Lloji i kirurgjisë Patogjenët e zakonshëma
Vendosje grafti, protezë ose implanti Staphylococcus aureus; CoNS
Kardiake S. aureus; CoNS
Neurokirurgji S. aureus; CoNS
Kraharor S. aureus; CoNS
Oftalmike S. aureus; CoNS; streptokokët; Bacilet Gram-negative
Ortopedike S. aureus; CoNS; Bacilet Gram-negative
Jo-kardiotorax S. aureus; CoNS; Streptococcus pneumoniae; Bacilet Gram-negative
Vaskulare S. aureus; CoNS
Heqje e apendesitit Bacilet Gram-negative; anaerobët
Taktit biliar Bacilet Gram-negative; anaerobët
Kolo-rektale Bacilet Gram-negative; anaerobët
Gastroduodenale
Bacilet Gram-negative; streptokokët; anaerobët orofaringial (p. sh.
peptostreptokokët)
Operacione të kokës dhe qafës S. aureus; streptokokët; anaerobët orofaringial (p. sh. peptostreptokokët)
Obstetrike dhe gjinekologjike Bacilet Gram-negative; enterokokët; Group B streptokokët e grupit B; anaerobët
Urologjik Bacilet Gram-negative aCoNS, stafilokokë koagulazë-negativë
Rreziku i SSIs konsiderohet i rritur kur niveli i kontaminimit kalon 105 organizma për
gram të indit (Krizek & Robson, 1975), megjithëse doza me të ulëta kërkohen nëse
materiale të huaja, sikurse suturat janë të pranishme (Mangram et al., 1999).
Virulenca e organizmit lidhet me aftësinë për të prodhuar toksina ose faktorë të tjerë, që
rritin aftësinë për të invaduar ose dëmtuar indin. Shkalla e vdekshmërisë në pacientët e
infektuar me patogjenë virulent sikurse MRSA mund të jetë e lartë deri 74% (Dohmen,
2006).
ÇELA A. (2014). Parandalimi i infeksioneve të plagëve kirurgjikale (SSIs)
20
Sipas të dhënave nga sistemi NNIS, shpërndarja e patogjenëve të izoluar nga site-tet nuk
ka ndryshuar shumë gjatë dekadës së fundit (Tab. 6).
Tabela 6. Përqindja e shpërndarjes së patogjenëve në plagët kirurgjikale (Centers for Disease Control and Prevention, 1996 ; Mangram et al., 1999).
Patogjenët e izoluar Përqindja (%)
Staphylococcus aureus 17-20
Stafilokokët koagulazë-negativ 12-14
Enterococcus spp. 12-13
Escherichia coli 8-10
Pseudomonas aeruginosa 8
Enterobacter spp. 7
Proteus mirabilis 3-4
Klebsiella pneumoniae 3
Streptococcus spp tjera 3
Candida albicans 2-3
Streptokoket e grupit D (jo-enterokoke) <2
Të tjerë aerobë gram-pozitive <2
Bacteroides fragilis <2
ÇELA A. (2014). Parandalimi i infeksioneve të plagëve kirurgjikale (SSIs)
21
KAPITULLI II. MATERIALE DHE METODA
2.1 Metodat e mbikqyerjes të infeksioneve kirurgjikale inçizive (SSIs)
Metodat e mbikqyrjes së SSIs-ve të përdorura të dyja si projekti Seniç dhe sistemi NNIS
janë projektuar për monitorimin e kujdesit akut të pacientëve në spitale. Gjatë dekadës së
kaluar, zhvendosja e kujdesit kirurgjikal nga kujdesi spitalor në atë ambulator (i quajtur
edhe kirurgji ambulatore ose outpatient) ka qenë dramatik. Shumica e spitaleve nuk kanë
burime për të monitoruar të gjithë pacientët kirurgjikal gjatë gjithë kohës, as nuk është i
nevojshëm i njëjti intensitet i mbikëqyrjes për proçedurat me rrezik të lartë dhe ato me
rrezik të ulët (Lee, 1992).
2.1.1 Survejimi e SSIs-ve tek pacientët e hospitalizuar
Për identifikimin spitalor me SSIs janë përdorur dy metoda: (1) vëzhgimi direkt i vendit
kirurgjikal nga kirurgu, infermierja e trajnuar ose nga personeli i kontrollit të infeksionit
(Olson & Lee, 1990; Cardo et al., 1993; Poulsen & Jepsen, 1995) dhe (2) zbulimi indirekt
nga personeli i kontrollit të infeksionit përmes shqyrtimit të raporteve laboratorike,
shënimeve apo diskutimeve me dhënësit e kujdesit parësor (Ehrenkranz et al., 1995;
Hirschhorn et al., 1993).
Literatura sugjeron se vëzhgimi kirurgjikal i drejtpërdrejtë i vendit kirurgjikal është
metoda më e saktë për të zbuluar infeksionin kirurgjikal (Olson & Lee, 1990). Për shkak
se kohëzgjatja e hospitalizimit është shpesh shumë e shkurtër, survejimi post-kirurgjikal
për infeksionet është bërë gjithnjë e më i rëndësishëm për të marrë normat e sakta të
SSIs-ve. Për të llogaritur normat e SSIs, të dhënat duhet të mblidhen në të gjithë pacientët
që kanë kryer operacionet e interesuara (popullsia në rrezik), sepse një nga qëllimet e saj
është zhvillimi i strategjive për shtresëzimin e rrezikut.
2.1.2 Mbikqyrja e SSIs pas daljes nga spitali
Midis 12%-84% e infeksioneve kirurgjikale janë zbuluar pasi pacientët janë larguar nga
spitali ( Ferraz et al., 1995; Walsh et al., 1996).
Në së paku dy studime kanë treguar se shumica e infeksioneve kirurgjikale të inçizionit
janë bërë evidente brenda 21 ditëve pas operacionit. Duke qënë se gjatësia e
ÇELA A. (2014). Parandalimi i infeksioneve të plagëve kirurgjikale (SSIs)
22
hospitalizimit postoperative vazhdon të zvogëlohet, shumë SSIs nuk mund të zbulohen
për disa javë pas daljes dhe për pasojë rishtrohen me vonesë për trajtimin e infeksionit
(Sands et al., 1992).
Metodat e mbikqyrjes post-daljes janë përdorur me shkallë të ndryshme të suksesit për
proçedura të ndryshme dhe midis spitaleve dhe përfshijnë: (1) ekzaminimin e
drejtpërdrejtë të plagës së pacientit gjatë vizitave ndjekëse ( follow-up), në klinikën
kirurgjike apo zyrat e mjekëve (Ferraz et al., 1995; Fanning et al., 1995); (2) rishqyrtimi i
regjistrimeve mjekësore kirurgjikale të pacientit (Mertens et al., 1994); (3) survejimi i
pacientëve me postë apo telefon (Fanning et al., 1995; Walsh et al., 1996; Sands et al.,
1996; Manian & Meyer, 1997).
2.1.3 Mbikqyrja ambulatore e SSIs
Metoda direkte dhe ajo indirekte janë përdorur për zbulimin e SSIs, që komplikojnë
operacionet ambulatore. Një studim 8-vjeçar i operacioneve për hernie dhe venat
varikoze, përdorën vizitat në shtëpi nga infermierët, të kombinuara me një survejim nga
kirurgu të vizitave klinike të pacientëve 2-javë pas operacionit për identifikimin e SSIs.
Shkalla më e lartë të përgjigjeve për pacientët janë marrë nga pyetësorët, që zhvillonin
kirurgët nëpërmjet telefonit (72% -> 90%) (Fanning et al., 1995; Sands et al., 1996;
Manian & Meyer, 1997), dhe shkalla e përgjigjeve nga pyetësorët me anë të postës, për
pacientët ishin mjaft të ulëta (15% -33% ) (Fanning et al, 1995; Sands et al., 1996).
2.2. Kategoritë e klasifikimit të rrezikut nga infektimi prej pajisjeve apo mjedisit
rrethues
Rreziku i ulët
Në këtë kategori të rrezikut futen pajisjet që bien në kontakt me lëkurën normale apo të
padëmtuar, si dhe përbërësit e mjedisit, që nuk janë në kontakt me të sëmurin (p.sh. mure,
dysheme, mobilie, lavamanë). Për këtë nivel, larja dhe tharja zakonisht mjaftojnë për
dekontaminim.
ÇELA A. (2014). Parandalimi i infeksioneve të plagëve kirurgjikale (SSIs)
23
Rreziku mesatar
Këtij grupi të rrezikut i takojnë pajisjet që bien në kontakt me mukozat e padëmtuara ose
me lëkurën e dëmtuar, si dhe pajisjet e tjera të kontaminuara me mikroorganizma
virulente, si p.sh. pajisjet respiratore, endoskopët gastrointestinalë, instrumentet vaginale
dhe termometrat. Për këtë nivel të rrezikshmërisë duhet bërë fillimisht pastrimi dhe pastaj
dezinfektimi.
Rreziku i lartë
Këtij grupi i përkasin pajisjet që futen në brëndësi të indeve sterile, përfshirë zgavrat
trupore dhe në sistemin e qarkullimit të gjakut, p.sh. instrumentet kirurgjikale, pajisjet
brendauterine, kateterët vaskularë etj. Në këto raste, së pari duhet bërë pastrimi dhe pastaj
sterilizimi (Bennett & Brachman, 1998).
2.3 Metodat e sugjeruara për dekontaminim
Pastrimi i plotë dhe tharja largojnë shumicën e mikroorganizmave nga sipërfaqja e
pajisjeve mjekësore apo objekteve të ndryshme. Prandaj, pastrimi gjithnjë duhet t’i
paraprijë dezinfektimit dhe sterilizimit. Pastrimi zakonisht bëhet me ujë, me veprim
mekanik dhe me detergjente (Wenzel., 1994).
2.3.1 Pastrimi manual
Të gjitha pajisjet, që duhen dezinfektuar apo sterilizuar, paraprakisht para pastrimit duhet
të çmontohen. Për pastrim preferohet përdorimi i ujit të ftohtë, sepse ai e largon pjesën
më të madhe të materialit proteinik (gjaku, sputum etj.).
Përdorimi i ujit të ngrohtë apo dezinfektantit mund të shkaktojnë koagulimin e materialit,
duke e bërë më të vështirë heqjen e tij. Metoda më e thjeshtë dhe më e lire është pastrimi
i pajisjeve me furçë, e cila pozicionohet nën sipërfaqen e ujit për të evituar krijimin e
aerosoleve. Pas përdorimit, furça duhet të dekontaminohet dhe të thahet. Në fund, pajisjet
shpërlahen me ujë të ngrohtë dhe thahen. Prej këtij momenti ato janë të gatshme për
dezinfektim e sterilizim. Personeli që punon me pajisjet e kontaminuara duhet të vesh
doreza të cilësisë së mirë me qëllim mbrojtjen në punë.
ÇELA A. (2014). Parandalimi i infeksioneve të plagëve kirurgjikale (SSIs)
24
Sipas rekomandimeve pastrimi duhet filluar me ujë të ftohtë, pastaj me ujë të ngrohtë apo
tretja e detergjentit dhe në fund të bëhet shpërlarja përfundimtare (Association for the
Advancement of Medical Instrumentationn, 2003). JHPIEGO, një agjensi e cila zakonisht
përfshihet në institucionet që kanë burime shumë të kufizuara, sugjeron zhytjen e
instrumenteve dhe të pajisjeve të tjera të ndotura në ujë të ftohtë i cili përmban 0.5%
zbardhues klorik me qëllim të dekontaminimit dhe pastaj të bëhet larja e shpërlarja, po
ashtu, me ujë të ftohtë (Tietjen et al., 2003).
2.3.2 Pastrimi i mjedisit
Dyshemeja, sipërfaqet dhe drenazhet duhet të pastrohen me ujë dhe detergjent. Nuk ka
nevojë për përdorimin rutinor të detergjentëve. Nëse ndodh derdhja e materialit të
dyshimtë infektiv (p.sh. gjaku, sputum,etj.), rekomandohet që para pastrimit të bëhet
dezinfektimi. Pastrimi apo fshirja duhet bërë me doreza duke përdorur 0.5-1% natrium
hipoklorit. Gjatë këtyre veprimeve gjithnjë duhen veshur doreza. Nëse përnjëherë
pastrohet ndonjë sipërfaqe e madhe me dezinfektantë të klorit, atëherë mund të lirohen
sasi të mëdha të gazit klorik, i cili mund të jetë i rrezikshëm për personelin. Nëse
materiali i derdhur largohet menjëherë, atëherë nuk ka nevojë të bëhet dezinfektimi i tërë
hapësirës, por mjafton vetëm pastrimi i mirë.
2.3.3 Dezinfektimi
Dezinfektimi mund të bëhet me nxehtësi apo me proçese kimike. Kurdo që ka mundësi,
përparësi duhet të ketë dezinfektimi me nxehtësi. Ai është më i sigurt sesa proçesi i
dezinfektimit kimik , nuk lë shenja, kontrollohet më lehtë dhe nuk është toksik.
Materiet organike (serumi, gjaku, qelbi ose materiali fekal) ndikojnë në efikasitetin
antimikrobik tek të dy metodat. Sa më shumë mikroorganizma të pranishme, aq më e
gjatë duhet të jetë koha e dezinfektimit. Prandaj, pastrimi thelbësor para dezinfektimit ka
rolin më të madh.
ÇELA A. (2014). Parandalimi i infeksioneve të plagëve kirurgjikale (SSIs)
25
2.3.3.1 Metodat termike (nxehtësia)
Përveç faktit se autoklavimi dhe sterilizimi me avull nuk janë të domosdoshëm për
dezinfektim, nganjëherë mund të kenë përparësi për dekontaminimin e disa pajisjeve, siç
është p.sh. spekulumi vaginal.
Nxehtësia e lagësht në 70-100 °C
Vlimi (100 °C) për së paku 5 minuta është metodë e thjeshtë dhe shumë e besueshme për
inaktivizimin e mikroorganizmave, përfshirë këtu edhe virusin e hepatitit B, virusin HIV
dhe mykobakteret. Nëse bëhet me kujdes, kjo proçedurë i përket dezinfektimit të nivelit
të lartë. Paraprakisht, pajisjet duhet të pastrohen mirë, të vihen në kontenierë dhe të
mbushen me ujë. Uji nxehet deri sa të arrij pikën e vlimit. Dezinfektimi duhet të zgjasë 5
minuta prej momentit të arritjes së pikës së vlimit. Shtimi në tretësirë i 2% bikarbonat
natriumi e pengon korrozionin e instrumenteve dhe të pajisjeve të tjera. Nëse përdoren
pincetatat e mëdha për nxjerrjen e materialit, ato duhet të zihen (apo autoklavohen)
bashkë me dorezat e tyre së paku një herë në ditë. Boljeri (ena për vlim) duhet të zbrazet
dhe të thahet.
Për instrumentet, që mund të dëmtohen në temperaturë të vlimit, si alternative është
dezinfektimi në temperatura më të ulëta (p.sh. 80 °C në kohëzgjatje prej 5 minutash).
Dezinfektimi me ujë të nxehtë mund të bëhet në makina speciale të larjes p.sh. të
rrobave, të enëve, të çarçafëve, të gypave për respiratorë, të qelqurinave mikrosopike, dhe
të instrumenteve kirurgjikale para autoklavimit. Në këto makina proçesi i pastrimit,
dezinfektimit me ujë të nxehtë, dhe tharjes janë të kombinuara në një proçedurë shumë
efektive, duke i përgatitur disa instrumente të gatshme për përdorim (p.sh. gypat për
respirator) ose të sigurta për përpunim të mëtejshme (p.sh. instrumentet kirurgjike).
Shpërlarja dhe pastrimi fillestar heqin shumicën e mikroorganizmave, prandaj edhe koha
e nevojshme për dezinfektim mund të shkurtohet, p.sh. 70°C për 3 minuta apo 80°C për 1
minutë. Makinat e përdorura për dezinfektim duhet të mirëmbahen dhe të kontrollohen
rregullisht. Varësisht nga lloji i makinave dhe kompleksiteti i pajisjeve mund të
realizohet dezinfektim i nivelit të ulët apo të lartë.
ÇELA A. (2014). Parandalimi i infeksioneve të plagëve kirurgjikale (SSIs)
26
2.3.3.2 Metodat kimike
Para së të vendoset për përdorimin e dezinfektantëve, së pari duhet studiuar cila metodë
është e mundshme dhe më praktike. Dezinfektantët kimikë përdoren kryesisht në
dezinfektimin e pajisjeve që janë të ndjeshme ndaj nxehtësisë dhe në ato raste kur
shfrytëzimi i paisjeve për një përdorim nuk është ekonomik. Disa pajisje mjekësore (p.sh.
bronkoskopët) kërkojnë dezinfektim të nivelit të lartë. Për këtë qëllim mund të përdoret
një numër i kufizuar i dezinfektantëve. (p.sh. glutaraldeidi 2%, peroksid hidrogjeni 6%,
acidi peracetik 0.2-0.3%). Nëse kërkohet veprim sporocid i dezinfektantëve, atëherë
pajisjet zhyten në glutaraldeid 2% në kohëzgjatje prej së paku 3 orësh.
Dezinfektantët kimikë duhet të përgatiten të freskët dhe në përqëndrime korrekte sipas
udhëzimeve të prodhuesit. Njëkohësisht, ato duhet të hidhen pas kohës së caktuar dhe pas
serisë së caktuar të përdorimeve. Dezinfektantët duhet të mbahen në shishe të pastra me
kapakë plastikë. Pas zbrazjes dhe para rimbushjes shishja duhet të pastrohet mirë. Shishet
pjesërisht të zbrazëta nuk bën të mbushen, sepse ky veprim mund të shkaktojë
kontaminim dhe shumëzim të mikroorganizmave rezistentë. Pas dezinfektimit, pajisjet
duhet të shpërlahen mirë me ujë të distiluar. Nëse nuk ka ujë të distiluar, mund të
përdoret uji i valuar dhe i ftohur. Pas shpërlarjes, pajisjet duhet të thahen dhe të mbrohen
mirë nga një kontaminim tjetër.
2.3.4 Dezinfektimi i sipërfaqeve
Sipërfaqet e ndotura mund të pastrohen nga pluhuri dhe të dezinfektohen me agjentët
përkatës kimikë. Në sipërfaqet e pastra, alkooli ka veprim të shpejtë baktericid dhe nuk
ka nevojë për shpërlarje.
2.4 Sterilizimi
Metodat e sterilizimit janë: sterilizimi me avull nën presion të lartë (autoklavimi), me
nxehtësi të thatë, me gaz të oksidit të etilenit, me avull nën presion të ulët dhe me
formaldeid.
ÇELA A. (2014). Parandalimi i infeksioneve të plagëve kirurgjikale (SSIs)
27
2.4.1 Sterilizimi me avull
Sterilizimi me avull është metoda më e shpeshtë dhe më e preferuara për sterilizimin e
pajisjeve që depërtojnë lëkurën dhe mukozat, me kusht që nxehtësia dhe lagështia mos t’i
dëmtojnë pajisjet. Sterilizimi me avull është metodë e sigurt, jo toksike, e lirë, sporocide,
arrin shpejt nxehtësinë dhe depërton mirë në materiale.
Metodologjia
Avulli duhet të aplikohet në kohëzgjatje të caktuar, me qëllim që pajisjet e ndryshme të
arrijnë temperaturat e dëshiruara:
121°C gjatë 20 minutave për materialet e pambështjella, 30 minuta për materialet e
paketuara.
134°C në kohëzgjatje prej 4 minutash për materialet e pambështjella në sterilizator
gravitar apo pajisjet e mbështjella në sterilizator vakumi në 2.026 bar mbi shtypjen
atmosferike (Reichert & Young, 1997).
2.4.2 Nxehtësia e thatë
Nxehtësia e thatë preferohet për sterilizimin e shiringave të xhamit, yndyrërave,
pluhurave, vajrave, etj.
Metoda
Sterilizatori i thatë punon sipas parimit të furrës me ventilator, i cili mundëson
shpërndarjen e njëtrajtshme të nxehtësisë. Temperaturat dhe koha e rekomanduar për
sterilizimin e pajisjeve mjekësore janë si vijon:
170° C për 2 orë
180° C për 1 orë
Materialet sterile duhet të mbrohen nga rikontaminimi.
2.4.3 Gazi i oksidit të etilenit
Ky gaz përdoret për sterilizim në temperatura të ulëta të disa pajisjeve në spital. Oksidi i
etilenit është gaz toksik, prandaj duhet t’i përmbahen me përpikmëri udhëzimeve të
prodhuesit për instalimin dhe përdorimin e tij. Për të mundësuar sterilizimin me oksid
etileni duhet t’iu përmbaheni 4 parametrave: përqëndrimi i gazit, temperatura, lagështia
ÇELA A. (2014). Parandalimi i infeksioneve të plagëve kirurgjikale (SSIs)
28
dhe koha e ekspozimit. Përqëndrimi i gazit duhet të jetë 450-1200 mg/l, rangu i
temperaturës 29-65°C, lagështia 45-85%, dhe koha e ekspozimit prej 2-5 orë. Procesi ka
një cikël të gjatë kohor, për shkak se është i nevojshëm ajrimi i materialit. Rekomandohet
kontrolli mikrobiologjik i procesit të sterilizimit.
ÇELA A. (2014). Parandalimi i infeksioneve të plagëve kirurgjikale (SSIs)
29
KAPITULLI III. REZULTATE DHE DISKUTIME
3.1 Strategjitë e parandalimit
Strategjitë për parandalimin e SSIs bazohen në reduktimin e rrezikut të ndotjes bakteriale
dhe në përmirësimin e mbrojtjes së pacientit ndaj infeksioneve. Kjo kërkon metoda të
hollësishme në studimin e faktorëve të rrezikut të lidhura me pacientin dhe proçedurën.
Studime të shumta në një shumëllojshmëri rastesh klinike kanë treguar që metoda të tilla
kanë çuar në reduktime të rëndësishme të niveleve të SSIs gjatë periudhës së ndjekjes
deri në dy vjet pas ndërhyrjes (Weinberg et al., 2001; Gastmeier et al., 2002; Borer et
al., 2004; Lutarewych et al, .2004; Schelenz et al., 2005; Haycock et al., 2005; Dellinger
et al., 2005).
Të dhëna të bazuara në udhëzuesit për parandalimin e SSIs janë botuar nga CDC.
Zhvillimi i udhëzuesve të tillë është i ndërlikuar për shkak të natyrës heterogjene të SSIs,
e cila e bën të vështirë përgjithësimin e gjetjeve nga një studim në një popullsi specifike
pacientësh (psh, pacientët me kirurgji ortopedike) për një mjedis më të gjërë dhe për
faktin se ndikimi i shumë praktikave rutinore (p.sh. veshja e dorezave sterile) nuk mund
të jenë vlerësuar për arsye etike apo logjistike (Mangram et al., 1999).
3.1.1 Strategjitë preoperative
3.1.1.1 Dushet antiseptike preoperative
Bërja e një dushi ose banjë antiseptike para operacionit zvogëlon rrezikun për kolonizim
mikrobik të lëkurës. Në një studim ku u përfshin më shumë se 700 pacientë, të cilët iu
nënshtruan dy larjeve antiseptike para operacionit me klorhexidine, reduktuan
kolonizimin bakterial 9-fish, ndërsa larja me jod - povidon ose sapun
triclocarbanmedicate reduktoi rrezikun për kolonizim respektivisht 1.3 dhe 1.9-fish
(Garibaldi, 1988).
Dushet me glukonat klorhexidin kërkojnë disa aplikacione për të arritur përfitime
antimikrobiale maksimale (Kaiser et al., 1988).
ÇELA A. (2014). Parandalimi i infeksioneve të plagëve kirurgjikale (SSIs)
30
3.1.1.2 Heqja e qimeve para-operative
Heqja e qimeve në vendin ku do të bëhët incizioni, një natë para operacionit është e
lidhur me rrezik më të lartë për infeksion sesa në rastet kur kjo gjë bëhët po të njëjtën ditë
apo disa minuta para se të bëhët ndërhyrja kirurgjikale e planifikuar (Olson et al., 1986).
Në një studim, normat e SSIs ishin 5.6% në pacientët të cilët kishin hequr qimet nga një
brisk rroje në krahasim me një normë 0.6% në mesin e atyre që kishin hequr qimet me
depilator ose që nuk i kishin hequr fare. Heqja menjëherë para operacionit krahasuar me
atë brenda 24 orëve para operacionit u shoqërua me ulje të normave të SSIs ( nga 7.1% në
3.1%); kurse nëse heqja e qimeve është kryer > 24 orë para operacionit, norma SSIs-ve i
tejkalon 20%.
3.1.1.3 Përgatitja e lëkurës së pacientit në sallën e operacionit
Jod-povidoni, alkooli dhe glukonat klorhexidine janë agjentët e përdorur më së shumti
për pastrimin e lëkurës në sallën operatore.
Alkooli me përfaqësues alkoolin etilik (60-95%) apo alkoolin isopropil (50%-91.3%)
është një antiseptik efektiv për lëkurën pasi ka veprim të shpejt, nuk kushton dhe ka
aktivitet germinicid kundër baktereve, kërpudhave dhe viruseve, por sporet mbeten
rezistente nga veprimi i tij. Një disavantazh në përdorimin e alkoolit është se merr flakë
shumë shpejt (Larson, 1988; Hardin & Nichols, 1997). Agjentët glukonat klorhexidine
dhe jodoforët kanë aktivitet me spektër të gjerë antimikrobik (Hardin & Nichols, 1997;
Mayhall, 1993; Hardin & Nichols, 1995). Në disa krahasime midis dy antiseptikëve, gjatë
perdorimit si dezifektues të duarve në periudhën paraoperative, glukonat klorhexidina ka
arritur të reduktoj më shumë numrin e mikroorganizmave të lëkurës në krahasim më jod-
povidonin, gjithashtu ka aktivitet më të madh të mbetur pas një aplikimi të vetëm (Aly &
Maibach, 1988). Glukonat klorhexidina nuk çaktivizohet nga proteinat e gjakut ose
serumit (Brown et al., 1984; Lowbury & Lilly, 1974), ndërsa jodoforët mundet të
çaktivizohen, por ushtrojnë një efekt bakteriostatik aq kohë sa ata janë të pranishëm në
lëkurë (Mayhall, 1993).
ÇELA A. (2014). Parandalimi i infeksioneve të plagëve kirurgjikale (SSIs)
31
Tabela 7. Mekanizmi dhe spektri i aktivitetit të agjentëve antiseptik më të përdorshëm për përgatitjen preoperative të lëkurës dhe sterilizimi kirurgjikal (Larson, 1988 ; Hardin & Nichols,
1997).
Agjenti Mekanizmi i veprimit
Bakt.g+
Bakt.G-
Mtb Fungi
Virus Shpejtësia e veprimit
Aktiviteti rezidual
Toksiciteti Përdorimi
Alkool Denatyron proteinat
E E G G G Shume i shpejtë
Nuk ka Tharja,flakë SP,SS
Chlorhexidina
Shkëput membranën
qelizore E G P F G Mesatare E
Ototoksiciteti, Keratitis
SP,SS
Jodi/Jodoforët
Oksidim/ E G G G G Mesatare Minimale
Përthithje nga lëkura me
toksicitet të mundshëm,irritim
të lëkurës
SP,SS
PCMX Shkëput murin qelizor
G F* F F F Mesatare G Nuk është zbuluar
tërësisht SS
Triclosan Shkëput murin qelizor
G G G P U Mesatare E Nuk është zbuluar
tërësisht SS
Legjenda: E = e shkëlqyer, F = shumë e mirë, G=e mirë, P = e varfër( e ulët), U=e panjohur, Mtb = Mycobacterium tuberculosis, F* = shumë e mirë, veçanerisht për Pseudomonas spp. PCMX = para-chloro-
meta-xylenol, SS = surgical scrub, SP = skin preparation.
3.1.1.4 Antisepsia para-operative e duarve/parakrahut
Anëtarët e ekipit kirurgjikal, të cilët kanë kontakt të drejtpërdrejtë me fushën sterile
operative apo instrumentet sterile lajnë duart dhe parakrahët në një proçedurë tradicionale
të detajuara, menjëhëre para veshjes së dorezave, duke përdorur për pastrim një antiseptik
me spektër të gjërë dhe që të ketë një efekt të vazhdueshëm (Larson et al., 1990; Garner,
1995; Faoagali et al., 1995).
Larja higjienike e duarve apo dezinfektimi është proçedurë me të cilën duart lahen me
detergjent antiseptik apo dezinfektohen me alkool (fërkimi me alkool). Kjo është metoda
më efikase për heqjen dhe shkatërrimin e mikrooganizmave kalimtare nga duart.
Pastrimi kirurgjik i duarve ka për qëllim heqjen dhe shkatërrimin e florës kalimtare dhe
uljen e florës së përhershme të mikroorganizmave në atë shkallë që të redukojë rrezikun e
kontaminimit të plagëve në rast të dëmtimit të dorezave sterile.
ÇELA A. (2014). Parandalimi i infeksioneve të plagëve kirurgjikale (SSIs)
32
3.1.1.4.1 Agjentët e rekomanduar për pastrim të duarve Pastrimi higjienik i duarve/ dezinfektimi
-Tretjet ujore
4% glukonat klorheksidinë me tretje detergjenti,
jod-povidoni me tretje detergjenti që përmban 0.75% jod.
Pasi lagen duart me ujë të rrjedhshëm, aplikohet 3-5 ml substancë për pastrim (varet nga
prodhuesit), duhet të pastrohen duart 10-15 sekonda, fërkohen të gjitha pjesët e duarve,
shpërlahen dhe thahen.
-Alkoolet
0.5% klorheksidinë ose povidon-jod në 70% izopropanol ose etanol,
60% izopropanol ose 70% etanol pa antiseptikë tjetër,
Hidhet në duar së paku 3 ml të preparatit dhe fërkohen duart deri sa të thahen (afërsisht
30 sekonda). Alkooli është më efikas sesa tretjet ujore të antiseptikëve .
3.1.1.4.2 Pastrimim kirurgjikal i duarve/dezinfektimi
Agjentët për pastrimin kirurgjikal të duarve janë të njëjtë sikurse ato për pastrim higjenik.
Dallimi qëndron në kohëzgjatjen e procedurës, e cila është më e gjatë ( 2- 3 ) minuta dhe
duhet të përfshijë edhe nyjet e dorës dhe parakrahët. Nëse përdoren preparate alkoolike,
atëherë rekomandohet aplikimi në duar 2 herë nga 5 ml dhe fërkimi deri sa të thahen.
Gjatë pastrimit duhet të përdoret edhe:
furça për thonj, sterile, përdoret vetëm për pastrimin e thonjve,
furça përdoret vetëm për pastrimin e parë të ditës.
Pas pastrimit të duarve me ujë dhe sapun, duhen fërkuar duart me substancë me bazë
alkoolike (70%). Kjo gjë përforcon shkatërrimin dhe pengimin e florës së përhershme
(Guideline for Hand Hygiene in Healthcare Settings, 2002).
Pas kryerjes së pastrimit kirurgjikal, duart duhet të mbahen larg nga trupi (bërrylat në
pozicion të fleksuar), kështu që uji shkon nga gishtat drejt bërrylave. Tharja e duarve dhe
parakrahëve bëhet me peshqir steril para veshjes së kostumit kirurgjikal dhe të dorezave
sterile (Association of Operating Room Nurses, 1999).
ÇELA A. (2014). Parandalimi i infeksioneve të plagëve kirurgjikale (SSIs)
33
3.1.1.5 Profilaksia antimikrobike
Profilaksia antimikrobiale kirurgjikale i referohet veprimit të shkurtër të një agjenti
antimikrobial iniciuar vetëm para fillimit të një operacioni. Cefalosporinat janë agjentët
profilaktikë antimikrobiale më të shpeshtë (Nichols, 1995). Këto medikamente janë
efektive kundër shumë mikrorganizmave gram-pozitive dhe gram-negative. Në veçanti,
cefazolina ka përdorim të gjerë si zgjidhje e parë për operacionet e pastra (Med Lett
Drugs Ther, 1997). Nëse një pacient nuk mund të marrë cefalosporinë si pasojë e
alergjisë ndaj Penicilinës, një alternativë ndaj mikroorganizmave gram-pozitive mund të
jëtë përdorimi i Klindamicinës ose Vancomicinës dhe ndaj gram-negativëve mund të
përdoret Cefazolinë (1-2gr), që jepet tek pacientët adultë jo më shumë se 30 minuta para
se të filloj operacioni (Page et al., 1993; Classen et al., 1992). Ndërsa si AMP për
operacionet e traktit intestinal përdoret Cefatoksinë (ose antibiotikë të tjerë të gjeneratës
së dytë të cefalosporinave) që sigurojnë mbrojtje nga anaerobët. Infuzioni intravenoz
është mënyra e ofrimit të AMP që përdoret më shpesh në praktikën moderne kirurgjikale
(Nooyen et al., 1994; Med Lett Drugs Ther, 1997; Scher, 1997).
Për të maximizuar përfitimet nga përdorimi i AMP duhen ndjekur 4 etapa:
1*Përdorni një agjenti AMP për të gjithë ato operacione ose klasa operacionesh në të cilat
përdorimi i tyre ka treguar ulje të nivelit të rrezikut për SSIs ose në ato operacione ku
SSIs inçizionale ose të organeve dhe hapësirave mund të jenë fatale për pacientin
(Ehrenkranz, 1993; Trilla & Mensa, 1993; Nichols, 1995).
2*Përdorni një agjent AMP që të jetë i sigurtë, jo i shtrenjtë dhe bakterocidal me një
spektër in vitro, që mbulon shumicën e kontaminimeve të mundshme në periudhën
intraoperative të operacionit.
3*Koha e infuzionit në dozën fillestare të agjentit antimikrobial llogaritet që perqëndrimi
bakterocidal i medikamentit të jetë i pranishëm në serum dhe inde para se të bëhet
incizioni i lëkurës (Classen et al., 1992).
4*Mbajtja e niveleve terapeutike të agjentit antimikrobial në serum dhe inde gjatë
operacionit dhe deri disa orë pasi incizioni është mbyllur në dhomën operative (Mayhall,
1993; Nichols, 1995; Med Lett Drugs Ther, 1997; Scher, 1997; McDonald et al, 1998).
ÇELA A. (2014). Parandalimi i infeksioneve të plagëve kirurgjikale (SSIs)
34
3.1.1.6 Menaxhimi i personelit kirurgjikal të infektuar apo kolonizuar me
mikroorganizma
Anëtarët e personelit kirurgjikal që kanë infeksione aktive apo janë të kolonizuara me
mikroorganizma të caktuara janë shpesh shkaktarë të SSIs-ve (Wenger et al., 1998;
Boyce et al., 1993; Weber et al., 1996).
Kështu që është e rëndësishme, që organizatat e kujdesit shëndetësor të zbatojnë politika,
që parandalojnë transmetimin e mikroorganizmave nga personeli tek pacientët. Këto
politika duhen adresuar në menaxhimin e sëmundjes, sigurimin i profilaksisë pas
ekspozimeve të lidhura me punën dhe kur është e nevojshme, përjashtimin e personelit të
sëmurë nga puna ose nga kontakti me pacientin. Ata duhet të inkurajojnë personelin që të
raportojnë ekspozimet apo sëmundjet e tyre dhe jo duke e penalizuar atë me humbjen e
pagës, përfitimeve apo statusit të punës (Bolyard et al, 1998).
3.1.2 Strategjitë operative
3.1.2.1 Mjedisi i dhomës operative
3.1.2.1.1 Ventilimi
Dhoma operative duhet të mbahet në presion pozitiv në lidhje me korridoret dhe
ambientet e tjera. Të gjitha sistemet e ventilimit apo të klimatizimit në spitale, duke
përfshirë ato në dhoma operative, duhet të kenë dy filtra në seri. Efikasiteti i filtrit parë
duhet të jetë > 30% dhe të filtrit të dytë > 90%. Sistemet konvencionale të ventilimit në
dhomën operative prodhojnë një minimum ndryshimesh ajri prej 15 njësi ajri të filtruar
për orë. (Nichols., 1992; American Institute of Architects, 1996).
Si masë shtesë për të zvogëluar rrezikun e SSIs janë sugjeruar përdorimi i fletëve Airflow
dhe rrezatimit UV në operacione të caktuara. Fletët airflow janë projektuar për të lëvizur
grimcat e lira të ajrit (i quajtur "Ultraclean air") nga fusha aseptike operative me një
shpejtësi uniforme (0.3-0.5 μm sec), duke larguar grimcat nga rruga e saj. Riqarkullimi i
ajrit bëhet nëpërmjet kalimit të grimcave nëpër filtra (HEPA) me efikasitet të lartë. Filtra
HEPA heq grimcat me diametër > 0.3μm me një efikasitet prej 99.97% (Nichols, 1992;
Sessler et al., 1992; Babb et al., 1995; Velasco et al., 1996).
ÇELA A. (2014). Parandalimi i infeksioneve të plagëve kirurgjikale (SSIs)
35
Në një studim multivariabël ku jane shqyrtuar 8000 zëvendesime totale të kokes së
femurit dhe të gjurit, Lidwell ka krahasuar efektet e përdorimit të ultraclean, profilaksisë
antimikrobiale dhe kombinimin e të dyjave mbi shkallën e SSIs-ve të thëlla në
operacione. Norma SSIs ku është përdorur vetëm Ultraclean ajri ka rënë nga 3.4% në
1.6%, ndërsa norma për ata të cilët kanë marrë vetëm profilaksi antimikrobiale ka rënë
nga 3.4% në 0.8%. Kur të dy ndërhyrjet janë përdorur në kombinim, norma SSIs ka rënë
nga 3.4% në 0.7%. Siç shihet kombinimi i këtyre dy ndërhyrjeve mund të zvogëlojë
incidencën e SSIs pas operacioneve ortopedike me vendosje implanti. Rrezatimi UV
intraoperativ nuk tregoi për ulje të rriskut të përgjithshëm të infeksioneve kirurgjikale
(Taylor et al, 1995).
3.1.2.1.2 Sipërfaqet mjedisore
Sipërfaqet mjedisore në dhomat operative (tavolinat, dyshemetë, muret, tavanet, dritat)
janë rrallë burime të patogjenëve të rëndësishëm në zhvillimin e SSIs. Kur kemi njollosje
të dukshme të sipërfaqeve ose pajisjeve gjatë një operacioni, duhet të përdoren
dezifektues për të dekontaminuar zonat e prekura para operacionit të ardhshëm (Bueno
Cavanillas et al., 1991; Nichols, 1992; Sessler et al., 1992; Association of Operating
Room Nurses, 1999).
Të gjitha pajisjet dhe sipërfaqet mjedisore duhet të pastrohen pas kontaktit me gjakun apo
materiale të tjera potencialisht infektive (U.S. Department of Labor, Occupational Safety
and Health Administration, 1991). Kujdes duhet patur për të siguruar mbulimin e
pajisjeve mjekësore të lëna në sallën operative në mënyrë që solucionet e përdorura gjatë
pastrimit dhe dezinfektimit të mos bien në kontakt me pajisjet sterile (Rudnick et al.,
1996).
3.1.2.1.3 Sterilizimi konvencional dhe flash sterilizimi i instrumenteve kirurgjikale
Sterilizimi jo adekuat i instrumenteve kirurgjikale ka rezultuar në rritje të SSIs, prandaj
është shumë e rëndësishme përdorimi i agjentëve të duhur dhe respektimi me përpikmëri
i rregullave të sterilizimit sipas metodave të ndryshme që mund të përdoren për këtë
qëllim (Soto et al., 1991; Sessler et al., 1992; Centers for Disease Control, 1992).
ÇELA A. (2014). Parandalimi i infeksioneve të plagëve kirurgjikale (SSIs)
36
AAMI përcakton flash sterilizimin si "një proçes i caktuar për sterilizim me avull i
instrumenteve për përdorim të menjëhershëm” (Association for the Advancement of
Medical Instrumentation, 1996). Duke qënë se bëhet një sterilizim i shpejt ka rrezik të
lartë për infeksione të rënda (Favero & Bond, 1991; American Society for Healthcare
Central Service Personnel, 1993; Association for the Advancement of Medical
Instrumentation, 1996).
Gjithashtu, ai nuk rekomandohet si një metodë rutinë sterilizimi për shkak të mungesës së
indikatorëve biologjik të duhur për monitorimin e performancës, mungesën e paketimit
mbrojtës gjatë sterilizimit, mundësia për ndotje e artikujve të përpunuar gjatë
transportimit për në dhomat operative dhe përdorimi i parametrave minimale të ciklit të
sterilizimit (koha, temperatura, presioni) (Favero & Manian, 1993).
3.1.2.1.4 Veshja kirurgjikale
Në këtë seksion termi ”veshje kirurgjikale” i referohet kostumit steril, kapuçit, mbulesës
së këpucëve, maskave, dorezave dhe përparëses. Përdorimi i barrierave duhet për të
minimizuar ekspozimin e pacientit ndaj lëkurës, membranave mukozale, apo qimeve të
anëtarëve të ekipit kirurgjikal (Moylan et al, 1987; Hardin & Nichols, 1995), si dhe për të
mbrojtur anëtarët e ekipit kirurgjikal nga ekspozimi ndaj gjakut (si psh, virusi HIV dhe
viruset e hepatitit) apo ndaj lëngjeve të tjera të trupit të pacientit.
Të gjitha veshjet e përdorura në një sallë operatore klasifikohen si: me një përdorim ose
me shumë përdorime. Pavarësisht nga materiali që përdoret për prodhimin e tyre, ato
duhet të jenë të papërshkueshme nga lëngjet dhe mikroorganizmat (American Society for
Testing Materials, 1998).
Megjithatë, veshje të tilla "të papërshkueshme nga lëngjet" mund të jenë të parehatshme
për shkak se ato pengojnë humbjen e nxehtësisë dhe avullimit të djersës. Këta faktorë
duhet të merren parasysh kur bëhet përzgjedhja e materialit të këtyre veshjeve sterile (
McCullough, 1993; Lewis & Brown, 1998).
ÇELA A. (2014). Parandalimi i infeksioneve të plagëve kirurgjikale (SSIs)
37
3.1.3 Strategjitë postperative
3.1.3.1 Kujdesi për inçizionin
Tipi i kujdesit postoperativ të plagës përcaktohet nëse inçizioni është mbyllur që në
ndërhyrjen e parë (dmth skajet e lëkurës janë të ri-bashkuar në fund të operacionit ), lihet
e hapur për t’u mbyllur më vonë ose lihet e hapur për t’u shëruar me anë të një ndërhyrje
të dytë.
Kur një prerje kirurgjikale është e mbyllur në ndërhyrjen e parë, siç janë shumica,
zakonisht incizioni mbulohet me një veshje sterile për 24 - 48 orë. Pas 48 orësh,
është e paqartë nëse inçizioni duhet të mbulohet nga një veshje sterile apo nëse
dushi ose banjoja është e dëmshme për shërimin.
Kur një inçizion kirurgjikal lihet i hapur në nivel të lëkurës për pak ditë para se
ajo të mbyllet, një kirurg përcakton nëse ajo mund të jetë e kontaminuar apo nëse
gjendja e pacientit e pengon mbylljen primare ( p.sh. , edema). Në këto raste,
inçizioni është i mbushur me një veshje sterile.
Kur një inçisioni kirurgjikal është lënë i hapur për t’u shëruar me një ndërhyrje të
dytë, ai mbushet me një garzë sterile të lagësht dhe mbulohet me një veshje
sterile. Kolegji Amerikan i Kirurgëve, CDC, apo organizata të tjera shëndetësore
rekomandojnë përdorimin e dorezave dhe pajisjeve sterile gjatë ndryshimit të
veshjes së çdo tipi incizioni kirurgjikal ( Kravitz, 1996 ).
3.1.3.2 Planifikimi i daljes nga spitali
Në praktikën aktuale, shumë pacientë dalin nga spitali shumë shpejt pas operimit të tyre,
para se prerja kirurgjike të jetë shëruar plotësisht. Qëllimi i planifikimit të daljes nga
spitali është për të ruajtur integritetin e shërimit të inçizionit, edukimin e pacientit në
lidhje me shenjat dhe simptomat e infeksionit dhe të këshillojë pacientin se me kë duhet
të kontaktoj për të raportuar për ndonjë problem që mund të ketë pas daljes.
ÇELA A. (2014). Parandalimi i infeksioneve të plagëve kirurgjikale (SSIs)
38
3.2 Ndikimi i SSIs në kujdesin shëndetësor dhe kostot për pacientin
Pavarësisht përmirësimit të teknikave kirurgjikale, përparimeve teknologjike,
përmirësimeve mjedisore në sallën e operacionit dhe përdorimi i antibiotikëve
profilaktikë preoperative, infeksioni i plagës kirurgjikale mbetet ngjarja e dytë më e
zakonshme negative pas ndërhyrjes që ndodh për pacientin dhe burim kryesor i
sëmundshmërisë pas proçedurës kirurgjikale.
Aktualisht janë më shumë se 40 milionë operacione spitalore dhe 31 milionë operacione
ambulatore që kryhen çdo vit në SHBA dhe të paktën 2% e këtyre pacientëve, ose rreth
1.4 milion, zhvillojnë një infeksion të plages kirurgjikale (SSIs) të llojeve të ndryshme (
Rutala & Weber, 2005).
Në krahasim me një studim të bërë në vitin 1999 vlerësohet se është dyfishuar rreziku për
vdekje në pacientët me SSIs pas një operacioni nga 3.5% në 7.8 %. Gjithashtu janë rritur
nivelet e trajtimit në njësinë e terapisë intensive nga 18% në 29%, është shtuar me 5 ditë
periudha e qëndrimit në spital (nga 6 ditë mesatarisht në 11ditë) dhe janë dyfishuar
shpenzimet e hospitalizimit nga 3’844 $ në 7’531 $, dhe është rritur mundësia e rishtrimit
nga 7% në 41 % (Owens & Stoessel, 2008; Suzanne, 2007; Kirkland et al., 1999 ).
Të dhëna të ngjashme mbi incidencën dhe ndikimin ekonomik të pacientëve me SSIs janë
marrë dhe nga Europa. Zgjatje të hospitalizimit që mesatarisht është 9.8 ditë për pacientët
e infektuar dhe rritje në kosto të kujdesit shëndetësor. Kostoja mesatare për një pacient të
hospitalizuar për herë të parë ishte 3’089 $ dhe është rritur në 5’038 $ për pacientët që
rishtrohen në spital. Për pacientët me SSIs, një ditë në spital kushton përafërsisht 325 €.
Infeksionet e indeve të thella ose të organeve dhe hapësirave trupore shoqërohen me kohë
më të gjatë hospitalizimi dhe kosto më të larta ekonomike krahasuar me infeksionet që
prekin vetëm incizionin (DiPiro et al., 1998; Kirkland et al., 1999).
Të dhënat më të fundit të botuara në nëntor 2006 zbuluan rritjen astronomike në koston e
kujdesit shëndetësor amerikan. U raportua se një pagesë sigurimi për një pacient me SSIs
ishte 27’470 $, ose 70 %, më e madhe se një rast pa infeksion. Pagesa aktuale për
kujdesin e pacientëve me SSIs është shumë më e lartë: 132’110 $, krahasuar me 31’389 $
për patientët pa infeksion (Pennsylvania Health Care Cost Containment Council, 2006).
ÇELA A. (2014). Parandalimi i infeksioneve të plagëve kirurgjikale (SSIs)
39
Megjithatë, kostoja monetare e lartë e sistemit shëndetësor, kostoja për pacientin në
drejtim të dhimbjes, vuajtjes apo humbja e jetës janë gjithmon shumë të larta.
3.3 Raportime statistikore të SSIs nga Shqipëria, Europa dhe SHBA
3.3.1 Raportime të SSIs në Shqipëri
Me gjithë përpjekjet tona për të gjetur të dhëna statistikore lidhur me SSIs në spitalet në
Shqipëri, veçanërisht në QSUT dhe Spitalin Rajonal Durrës, nuk morëm asnjë
informacion, pasi kartotekat e spitaleve tona nuk disponojnë statistika, dhe në të shumtën
e rasteve SSIs, nuk raportohen nga personeli mjekësor. Kërkimet tona u vazhduan në
faqen zyrtare të ISHP, por edhe aty nuk gjetëm asnjë informacion lidhur me SSIs.
I vetmi rast klinik u gjet në Kartotekën e Kirurgjisë në spitalin e Durrësit dhe rezultoi si
vijon.
Një pacient 64 vjeç, operohet për cholelytiasis (heqja e gurëve në tëmth). Pas 7 ditësh
pasi kishte dalë nga spitali, ai rishtrohet në spital, sepse kirurgu zbulon se i është
infektuar plaga kirurgjikale. Pacienti ankon për dhimbje të fortë, veçanërisht rreth plagës,
temperaturë mbi 38 ̊ C. Në pamje plaga është e skuqur, buzët të enjtura dhe të pambyllura
dhe në prekje kemi rrjedhje purulente nga plaga.
Pacienti fillon menjëherë trajtimin me antibiotikë Gentamicinë 80ml dhe Cefazoline 1 gr
për të luftuar infeksionin. Përshkak të infeksionit plaga nuk është mbyllur, prandaj
kirurgu vendos që pacienti duhet të rifutet në sallë për t’i pastruar plagën dhe për ta
rimbyllur.
Gjatë periudhës së hospitalizimit, pacienti i’u nënshtrua trajtimit me antibiotikë (i/v dhe
i/m), mjekimit lokal të plagës çdo 24 - 48 orë, marrjes së analgjezikëve, infuzioneve dhe
edukimit për kujdesin që duhet të ketë pas daljes nga spitali me qëllim që kjo situatë të
mos përsëritet. Pacienti doli nga spitali pas 7 ditësh. (Kartoteka e Kirurgjisë, 2013)
Ky është vetëm një rast klinik i raportuar midis gjithë atyre që ndodhin çdo ditë në
spitalet tona.
Problemi më i madh qëndron në faktin se në vendin tonë nuk ka studime
stastistikore të mirëfillta për shkallën e infeksioneve të plagëve kirurgjikale (SSIs), në
mënyrë që t’i kushtohet më tepër rëndësi parandalimit të tyre, ashtu siç ndodh në shumë
ÇELA A. (2014). Parandalimi i infeksioneve të plagëve kirurgjikale (SSIs)
40
vende të botës. Në vendin tonë, qëndron akoma mentaliteti i mos tregimit të infeksioneve,
mos shkrimit në kartelën e pacientit, sepse kështu duket sikur “përbaltet” puna e
personelit mjekësor. Kjo nuk është aspak e vërtetë, sepse nuk është vetëm kirurgu
shkaktar për infeksionin, por janë shumë arsye apo shkaktarë që një plagë kirurgjikale të
infektohet, siç sqarohet më lart.
Prandaj është shumë e rëndësishme studimi dhe parandalimi i infeksioneve të
plagëve kirurgjikale (SSIs), për të shmangur pacientë të sëmurë rëndë, shtrime të
përsëritura në spitale, kosto të mëdha ekonomike dhe sociale për pacientin dhe familjen,
taksapaguesit, apo edhe humbjen e jetës që është shumë e rëndë.
3.3.2 Raportime të SSIs nga Europa
Të dhënat për 2010 dhe 2011 janë marrë nga 20 network-e në 16 vende të Europës dhe
përfshijnë 811 468 operacione kirurgjikale. Në total, 796 495 operacione janë raportuar
duke përdorur protokollet e bazuara tek pacienti dhe 14 973 (<2%) duke përdorur
protokollet e bazuara tek proçedura. Një total prej 386 597 dhe 424 871 operacione janë
raportuar në 2010 dhe në 2011, respektivisht në 1 557 spitale në 2010 dhe 1 635 spitale
në 2011. Numri i operacioneve të raportuara është rritur me 34% në 2011 krahasuar me
2012. Mbretëria e Bashkuar (Angli, Irlanda e Veriut, Skoci dhe Wellsi) kontribuon me
34% të operacioneve të raportuara në total në 2010–2011, më pas Gjermania 24% dhe
Franca 20% të operacioneve në total (Graf. 2) (ECDC, 2013).
Grafiku 2. Shpërndarja e operacioneve të raportuara të mbikqyrjes Europiane të SSIs-ve nga vendet pjesmarrëse. EU/EEA, 2010–2011.
ÇELA A. (2014). Parandalimi i infeksioneve të plagëve kirurgjikale (SSIs)
41
Në përputhje me analizat e survejimit të ECDC, incidenca akumulative e SSIs-ve është
analizuar vetëm për katër vitet e fundit (2008-2011), dhe për network-et që kanë
kontribuar me të dhëna për të paktën tre prej këtyre viteve të survejimit.
Për CSEC dhe HPRO është vëzhguar një ulje e ndjeshme e incidencës akumulative për
tre vitet e fundit (p < 0.05). Për CHOL dhe COLO nuk vëzhgohen ndryhime të dukshme
të incidencës së SSIs-ve.
Për LAM, incidenca akumulative është ulur (p < 0.05). Për KPRO, incidenca akumulative
ka rënie të ndjeshme. (p < 0.001) (Graf. 3) (ECDC, 2013).
Grafiku 3. Incidenca akumulative e SSIs-ve sipas vitit dhe llojit te operacionit, në vendet e EU/EEA, 2008–2011 (ECDC, 2013).
Burimi i të dhënave: ECDC, HAI-Net SSI , bazuar tek pacienti. 2008–2011. Vendet (network-et) pjesëmarrëse gjatë tre viteve të fundit nga 2008 në 2011 nga lloji i operacionit: CABG: AT, DE, ES, FR, HU, IT , LT, MT, NO, UK (England); CHOL: AT, DE, ES, FR, HU, IT, LT, NL, NO, PT; COLO: AT, DE, ES, FR, HU, IT , LT, NL, NO, PT, UK (England); CSEC: AT, DE, ES, FR, HU, IT, LT, NL, NO, PT, UK ; HPRO: AT, DE, ES, FI, FR, HU, IT, LT, NL,NO, PT, UK ; KPRO: AT, DE, ES, FI, FR, HU, IT, LT, NL, PT, UK LAM: DE, ES, FR, HU, IT, NL, PT. CABG = Coronary artery bypass graft, CHOL = Cholecystectomy, COLO = Colon surgery, CSEC = Caesarean section, HPRO = Hipprosthesis, KPRO = Knee prosthesis, LAM = Laminectomy.
ÇELA A. (2014). Parandalimi i infeksioneve të plagëve kirurgjikale (SSIs)
42
3.3.3 Raportime të SSIs-ve nga SHBA
Njëzet e një shtete (42%) kanë legjislacion lidhur me monitorimin dhe raportimin e SSIs
(Fig. 2). Njëzet (40%) e shteteve kërkojnë raportimin SSIs dhe një shtet (Arkansas) ka
legjislacionin që inkurajon raportimin vullnetar. Të 29 shtetet e mbetur (58% ) nuk kanë
ligje që specifikojnë monitorimin dhe raportimin e SSIs.
Të dhënat janë të shpërndara në 15 shtete nga raportet vjetore, 18 shtete përdorin
agjensinë e Website-ve të shtetit të tyre, dhe 12 shtete i përdorin të dyja. Përveç kësaj, tre
shtete gjithashtu sigurojnë raporte tre ose gjashtë mujore.
Nga tetë shtete me të dhëna publike të SSIs aktualisht në dispozicion, janë raportuar
gjithsej 10 procedura. Shtatë (88 %) shtete raportojnë procedurat e bypass-it të arterieve
koronare, gjashtë (75%) shtete raportojnë mbi procedurat e zëvendësimit të
koksofemoralit, dhe gjashtë (75%) raportojnë për procedurat e zëvendësimit të gjurit.
Katër (50%) shtete raportojnë për hysterectomy, dy shtete (25%) raportojnë për kirurgji
të zorrës së trashë , dhe dy shtete (25%) raportojnë kirurgji herniare. Një shtet (13 % )
raporton për procedurat e kirurgjisë së gjirit, një shtet (13 %) raporton për procedurat e
fshikëzës së tëmthit, një shtet (13%) raporton mbi procedurat e seksio-cezariane, dhe një
shtet (14%) raporton për operacione të shtyllës kurrizore (Tab. 8). Midis tetë shteteve me
të dhëna aktualisht në dispozicion, janë raportuar një nivel midis 2-7 procedurave.
Karolina e Jugut raporton shtatë procedura, Missuri raporton pesë procedura, Kolorado
dhe Massachuset raportojnë katër procedura, New York , Ohaio, dhe Vermont raportojnë
tri procedura, dhe Oregon raporton dy procedura. Vonesa mesatare e kohës ndërmjet
mbledhjes dhe publikimit ështe 6 muaj, me një nivel prej 2-11 muajsh.
Nga 21 shtete me legjislacion, 20 (95%) prej tyre raportojnë duke përdorur network-et
kombetare të qendrave për kontrollimin e sëmundjeve dhe sigurisë shëndetësore (NHSN)
dhe një shtet raporton nepërmjet agjencisë së tyre shtetërore (Owens & Stoessel, 2008).
ÇELA A. (2014). Parandalimi i infeksioneve të plagëve kirurgjikale (SSIs)
43
Figura 2. Harta e shteteve të SHBA me Legjistacion mbi SSIs që kërkojnë Raportime Publike (Owens & Stoessel, 2008).
Tabela 8. Raportime të proçedurave sipas SHBA për SSIs-të(Owens & Stoessel, 2008).
Shtetet Procedura (Numri i rapotimeve te Shteteve, %) SC MO CO MA NY OH VT OR
Bypass i arterieve koronare (n = 7, 88%) √ √ √ √ √ √ √ Protezë e koksofemoralit (n = 6, 75%) √ √ √ √ √ √ Protezë e gjurit (n = 6, 75%) √ √ √ √ √ Hysterectomy (n = 4, 50%) √ √ √ √ Kirurgji herniare (n = 2, 25% √ √ Kirurgji e kolon-it (n = 2, 25%) √ √ Kirurgji e gjirit (n = 1, 13%) √ Cholecysectomy (n = 1, 13%) √ Seksio-cezariane (n = 1, 13%) √
Operacione të shtyllës kurrizore (n = 1, 13%) √
ÇELA A. (2014). Parandalimi i infeksioneve të plagëve kirurgjikale (SSIs)
44
KAPITULLI V. KONKLUZIONE
Rreziku për zhvillimin e një infeksioni të plagës kirurgjikale është i lartë për
shkak të faktorëve të shumtë rriskues, të lidhur më pacientin (mosha, diabeti, statusi
ushqyes, pirja e duhanit, obeziteti, infeksione të tjera egzituese në pjesë të tjera të trupit, )
apo me proçedurën kirurgjikale. (kohëzgjatja e pastrimit kirurgjikal, antisepsia e lëkurës,
kohëzgjatja e operimit, sterilizimi jo adekuat i instrumenteve, drenimi i plagës, teknika
kirurgjikale, profilaksia antimikrobiale ).
SSIs kanë një ndikim të dukshëm në sëmundshmërinë dhe mortalitetin e
pacientëve.
SSIs kanë kosto të larta ekonomike dhe sociale, jo vetëm për pacientët dhe
familjet e tyre, por edhe në ekonominë e një shteti.
Sipas raportimeve statistikore për SSIs në vëndet pjesmarrëse në Europë, rezulton
se për periudhën kohore 2010 – 2011, SSIs paraqiten në vëndin e dytë të infeksioneve
nozokomiale (HAIs) pas infeksioneve respiratore. Pas survejimit (2008 – 2011), rezultoi
se pas operacioneve (CABG, CHOL, COLO, CSEC, HPRO, KPRO, LAM ), operacioni i
kolon-it ka përqindjen më të lartë për zhvillimin e SSIs-ve, kjo edhe për faktin se është
vendi më i populluar nga mikroorganizmat (ECDC, 2013).
Sipas raportimeve të mbikqyrjes së SSIs-ve në SHBA, vihet re se proçedura
kirurgjikale e bypass-it të arterieve koronare shoqërohet me rrezikun më të lartë për SSIs
me 7.88% të rasteve, ndërsa proçedurat kirurgjikale të shtyllës kurrizore kanë përqindjen
më të ulët me 1.33% të rasteve të pacientëve të operuar (Owens & Stoessel, 2008).
Nëse në gjithë botën i kushtohet një rëndësi shumë e madhe statistikave dhe
raportimit të tyre në lidhje me infeksionet e plagëve kirurgjikale, me qëllim parandalimin
sa më të mirë të tyre, ndryshe ndodh në vendin tonë. Nuk ka statistika të mirëfillta për
studimin e SSIs-ve, por vetëm raste sporadike të raportuara.
ÇELA A. (2014). Parandalimi i infeksioneve të plagëve kirurgjikale (SSIs)
45
KAPITULLI V. REKOMANDIME
Rekomandime Para-operative
Duke u nisur nga direktivat e CDC dhe ECDC për periudhën paraoperatore
rekomandohet:
a. Përgatitja e pacientit
1. Identifikohen dhe trajtohen të gjitha infeksionet, që mund të ketë pacienti para se ai t’i
nënshtrohet operacionit kirurgjikal të përcaktuar. Kategoria IA
2. Nuk hiqen qimet në vendin ku do të bëhet prerja në periudhën pre-operative, por
menjëherë para operacionit, mundësisht me gërshërë elektrike. Kategoria IA
3. Në mënyrë adekuate duhet të kontrollohet niveli i glukozës në gjak në pacientët
diabetikë, për të shmangur hipergliceminë perioperative. Kategoria IB
4. Inkurajohet ndërprerja e duhanit. Udhëzohen pacientët të heqin dorë nga pirja e
duhanit për të paktën 30 ditë para kryerjes së operacionit. Kategoria IB
5. I kërkohet pacientit bërja dusheve ose larja me një agjent antiseptic, të paktën në natën
e fundit, para ditës kur do të kryet operacioni. Kategoria IB
6. Përdorimi i agjentit antiseptik të duhur për përgatitjen e lëkurës. Kategoria IB
b. Antisepsia e duarve dhe parakrahëve tek anëtarët e ekipit kirurgjikal
1. Thonjtë duhet të mbahen të shkurtër dhe mos të vendosen thonj artificiale. Kategoria
IB
2. Kryhet një pastrim preoperativ kirurgjikal për të paktën 2-5 minuta, duke përdorur
antiseptikun e duhur për pastrimin e duarve dhe parakrahëve deri në bërryla. Kategoria
IB
3. Pas kryerjes së pastrimit kirurgjikal, mbahen duart lart dhe larg nga trupi, në mënyrë që
uji të arrijë nga gishtat drejt bërrylave. Thahen duart me një peshqir steril. Kategoria IB
4. Pastrohet secili thua para kryerjes së pastrimit të parë kirurgjikal të ditës. Kategoria II
c. Menaxhimi i personelit kirurgjikal të infektuar apo kolonizuar
1. Edukohet dhe inkurajohet personeli kirurgjikal, që ka shenja dhe simptoma e një
sëmundjeje ngjitëse infektive, të raportojë menjëherë lidhur me gjendjen tek mbikqyrësit
e tyre dhe personeli i shërbimit shëndetsor. Kategoria IB
ÇELA A. (2014). Parandalimi i infeksioneve të plagëve kirurgjikale (SSIs)
46
2. Merren kulturat e duhura dhe përjashtohen nga detyra kirurgjikale personeli, që ka
lezione drenuese të lëkurës deri në infeksione. Personeli qëndron i përjashtuar, derisa të
marrë terapinë e duhur dhe infeksioni të jetë shëruar. Kategoria IB
d. Profilaksia Antimikrobike
1. Bëhet zgjedhja dhe administrimi i një agjenti antimikrobik profilaktik, bazuar në
efikasitetin e tij kundër patogjenëve më të zakonshëm, që shkaktojnë SSIs për një
operacion specifik. Kategoria IA
2. Administrohen përmes rrugës intravenoze doza fillestare e agjentit profilaktik
antimikrobik në kohën e duhur, në mënyrë të tillë që përqëndrimi baktericid i
medikamentit në serum dhe inde, të jetë në sasinë e duhur kur kryhet inçizioni.
3. Para operacioneve të caktuara kolo-rektale, bëhet përgatitja e zorrës së trashë
nëpërmjet përdorimit të agjentëve purgativë. Administrohen agjentë antimikrobikë oralë
në doza të ndara në ditën përpara operacionit. Kategoria IA
4. Për operacionet seksio-cezariane me rrezik të rritur, administrohen agjentë
antimikrobikë profilaktikë menjëherë pas prerjes së kordonit umbelikal. Kategoria IA
5. Nuk përdoret në mënyrë rutinore vankomicina për profilaksinë antimikrobike.
Kategoria IB
2. Rekomandime Intraoperative
Në bazë të direktivave të CDC dhe ECDC, në periudhën intraperative duhen patur
parasysh këto rekomandime:
a. Ventilimi
1. Ruajtja presionit pozitiv të ventilimit në dhomën operative në lidhje me korridoret dhe
zonat ngjitur. Kategoria IB
2. Mbahen mbyllur dyert e dhomës operative, përveç nevojës për kalimin e pajisjeve,
personelit dhe pacientit. Kategoria IB
3. Kufizohet numri e personelit, që hyn në dhomën operative në personel të nevojshëm.
Kategoria II
b. Sterilizimi i instrumenteve kirurgjikale
1.Sterilizohen të gjitha instrumentet kirurgjikale sipas udhëzuesit të botuar. Kategori IB
ÇELA A. (2014). Parandalimi i infeksioneve të plagëve kirurgjikale (SSIs)
47
2. Kryhet sterilizimi flash vetëm për mjetet, që do të përdoren menjëherë (p.sh., për një
instrument, që bie padashje dhe të nevojitet gjatë operacionit). Kategoria IB
c. Veshja kirurgjikale dhe mbulesat
1. Veshja e një maske kirurgjikale, që mbulon plotësisht gojën dhe hundën, kur hyjmë në
dhomën operative, në qoftë se operacioni është gati të fillojë apo tashmë është në proçes,
apo nëse instrumentet sterile janë të ekspozuara. Kategori *IB
2. Veshja e një kapuçi për të mbuluar plotësisht flokët, kur futemi në dhomën operative.
Kategori * IB
3. Veshja e dorezave sterile nga anëtarët e ekipit kirurgjikal. Kategori * IB
4. Përdorimi i përparëseve kirurgjikale dhe mbulesave, që janë barriera efektive ndaj
lagështirës (dmth., materiale që i rezistojnë depërtimit të lëngjeve). Kategoria IB
6. Ndryshimi i kostumit steril, që është dukshëm i ndotur, i kontaminuar ose i depërtuar
nga gjaku ose materiale të tjera potencialisht infektive. Kategori * IB
d. Asepsia dhe teknika kirurgjikale
1. U përmbahemi parimeve të asepsisë për vendosjen e pajisjeve intravaskulare (p.sh.,
kateterët e venave qendrore), kateterët për anestezinë spinale ose epidurale, apo gjatë
administrimit të medikamenteve intravenoze. Kategoria IA
2. Mblidhen pajisjet sterile dhe tretësirat menjëherë pasi janë përdorur. Kategoria II
3. Trajtimi i indeve të buta, ruajtja efektive e homeostazës, minimizimi i indeve të
devitalizuara dhe trupave të huaja (dmth., qepjet, indet djegura, mbeturinat nekrotike) në
vendin kirurgjikal. Kategoria IB
4. Nëse kullimi është i nevojshëm, përdoret një dren me thithje të mbyllur. Hiqet dreni sa
më shpejt që të jetë e mundur. Kategoria IB
3. Kujdesi postoperative i inçizionit
Duke u bazuar në direktivat e CDC dhe ECDC për periudhën postoperatore,
rekomandohet:
1. Mbrohet me veshje sterile për 24 - 48 orë pas operacionit incizioni, që është mbyllur
menjëherë. Kategoria IB
2. Lahen duart para dhe pas ndryshimit të veshjes dhe çdo kontakti me plagën
kirurgjikale. Kategoria IB
ÇELA A. (2014). Parandalimi i infeksioneve të plagëve kirurgjikale (SSIs)
48
3. Kur duhet të ndryshohet veshja e plagës, përdoret teknika sterile. Kategoria II
4. Edukohet pacienti dhe familja lidhur me kujdesin e duhur për plagën, simptomat e
SSIs, dhe raportimin i simptomave të tilla. Kategoria II
4. Rekomandime për qendrat spitalore dhe institucionet qendrore dhe lokale të
shendetsisë në Shqipëri
1. Kërkohet në një kohë sa më afërt prej personelit mjekësor, raportimi i rasteve me SSIs.
2. Hartimeve i një ligji per raportimin e statistikave për SSIs në dispozicion të publikut.
3.Të deklarohet performanca e spitaleve publike dhe jopublike në vendin tonë, nisur dhe
nga raportimi i SSIs-ve.
Shënim:
Renditjet
Kategoria IA. Rekomandohet për zbatim dhe mbështetet nga studime të mirë projektuara eksperimentale,
epidemiologjike ose klinike.
Kategoria IB. Rekomandohet për zbatim dhe mbështetet nga disa studime eksperimentale, epidemiologjike
ose klinike dhe nga arsyetimi i fortë teorik.
Kategoria II. Sugjerohet për zbatim dhe mbështetet nga studime klinike, ose epidemiologjike apo arsyetim
teorik.
Asnjë rekomandim; çështje e pazgjidhur. Praktika të pazgjidhura, për cilat provat janë të pa mjaftueshme
ose nuk ka konsensus në lidhje me efikasitetin.
Praktikat e kërkuara nga rregullorja federale janë shënuar me yll (*).
ÇELA A. (2014). Parandalimi i infeksioneve të plagëve kirurgjikale (SSIs)
49
KAPITULLI VI. BIBLIOGRAFIA
American Institute of Architects, (1996). Guidelines for design and construction of hospital and health care facilities. Washington (DC): American Institiute of Architects Press.
American Society for Healthcare Central Service Personnel, ( 1993 ) Recommended practices for central service. Section one, continuous quality improvement. Chicago: American Hospital Association..
Anonymous, (1997). Antimicrobial prophylaxis in surgery. Med Lett Drugs Ther. p.97-102.
Association for the Advancement of Medical Instrumentation, (1996). Flash sterilization: steam sterilization of patient care items for immediate use (ANSI/AAMI ST37-1996). Arlington (VA): Association for the Advancement of Medical Instrumentation.
Association of Operating Room Nurses. (1996). Recommended practices for skin preparation of patients. p.813-6.
Association of Operating Room Nurses,(1999). Standards, Recommended Practices, Guidelines. Denver: Association of Operating Room Nurses.
Ayliffe GA, (1991). Role of the environment of the operating suite in surgical wound infection. Rev Infect Dis. p.800-804.
Babb JR, Lynam P, Ayliffe GA, (1995). Risk of airborne transmission in an operating theatre containing four ultraclean air units. p.159-68.
Bassett DC, Stokes KJ, Thomas WR, (1999). Wound infection with Pseudomonas multivorans: a water-borne contaminant of disinfectant.
Beck WC, (1992). The surgical mask: another ‘sacred cow’? AORN J. p.955-7 Bolyard EA, Tablan OC, Williams WW, Pearson ML, Shapiro CN, Deitchman
SD, et al., (1998). Guideline for infection control in healthcare personnel, 1998. Hospital Infection Control Practices Advisory Committee. p.289-354.
Boni L, Benevento A, Rovera F, et al. (2006). Infective complications in laparoscopic surgery. p. 109-111.
Borer A, Gilad J, Hyam E, et al. (2004). Prevention of infections associated with permanent cardiac antiarrhythmic devices by implementation of a comprehensive infection control program. Infect Control Hosp Epidemiol. p. 492 -497.
Boyce JM, Opal SM, Potter-Bynoe G, Medeiros AA, (1993) Spread of methicillin- resistant Staphylococcus aureus in a hospital after exposure to a health care worker with chronic sinusitis. p. 496-504.
Bueno Cavanillas A, Rodriguez-Contreras R, Delgado Rodriguez M, Moreno Abril O, Lopez Gigosos R, Guillen Solvas J, et al. (1991). Preoperative stay as a risk factor for nosocomial infection. Eur J Epidemiol. p.670-6.
Cardo DM, Falk PS, Mayhall CG, (1993). Validation of surgical wound surveillance. Infect Control Hosp Epidemiol. p. 211-5.
Centers for Disease Control, (1992). Postsurgical infections associated with nonsterile implantable devices. MMWR Morb Mortal Wkly Rep. p. 263.
Classen DC, Evans RS, Pestotnik SL, Horn SD, Menlove RL, Burke JP, (1992). The timing of prophylactic administration of antibiotics and the risk of surgical-wound infection. N Engl J Med. p. 281-6.
ÇELA A. (2014). Parandalimi i infeksioneve të plagëve kirurgjikale (SSIs)
50
Committee on Control of Surgical Infections of the Committee on Preand Postoperative Care, American College of Surgeons. Manual on Control of Infection in Surgical Patients, (1984).
Cruse PJ, (1992). Surgical wound infection. In: Wonsiewicz MJ, ed. Infectious Diseases. p. 758-64.
Culver DH, Horan TC, Gaynes RP et al., (1991). Surgical wound infection rates by wound class, operative procedure, and patient risk index. National Nosocomial Infections Surveillance System. p. 152-157.
Dellinger EP, Hausmann SM, Bratzler DW, et al. (2005). Hospitals collaborate to decrease surgical site infections. p. 190-915.
Dellinger E,(1997). Surgical infections and choice of antibiotics. In: Sabiston DC, ed. Textbook of Surgery. The Biological Basis of Modern Surgical Practice. p. 264
Demling R, LaLonde C, Saldinger P, Knox J, (1993). Multiple-organ dysfunction in the surgical patient: pathophysiology, prevention, and treatment. p.345-414.
DiPiro JT, Martindale RG, Bakst A, Vacani PF, Watson P, Miller MT, (1998). Infection in surgical patients: effects on mortality, hospitalization, and postdischarge care. p. 777 -781.
Dohmen PM, (2006). Influence of skin flora and preventive measures on surgical site infection during cardiac surgery. p.13-17. Dominioni L, Imperatori A, Rotolo N, Rovera F, (2006). Risk factors for surgical infections. p. 9-12.
ECDC, (2010-2011). Surveillance of surgical site infections in Europe. Ehrenkranz NJ, Shultz JM, Richter EL, (1995). Recorded criteria as a “gold
standard” for sensitivity and specificity estimates of surveillance of nosocomial infection: a novel method to measure job performance. Infect Control Hosp Epidemiol. p.697-702.
Ehrenkranz NJ, (1993). Antimicrobial prophylaxis in surgery: mechanisms, misconceptions, and mischief. Infect Control Hosp Epidemiol. p.99-106.
Emori TG, Gaynes RP, (1993). An overview of nosocomial infections, including the role of the microbiology laboratory. p 428 -442.
Fanning C, Johnston BL, MacDonald S, LeFort-Jost S, Dockerty E, (1995). Postdischarge surgical site infection surveillance. p. 75-79.
Faoagali J, Fong J, George N, Mahoney P, O’Rouke V, (1995). Comparison of the immediate, residual, and cumulative antibacterial effects of Novaderm R*, Novascrub R, Betadine Surgical Scrub, Hibiclens, and liquid soap. p. 337-43.
Favero MS, Bond W, (1991). Sterilization, disinfection, and antisepsis in the hospital. In: Balows A, Hausler WJ Jr, Herrmann KL, Isenberg HD, Shadomy HJ, eds. Manual of Clinical Microbiology. 5th ed. Washington (DC): American Society of Microbiology. p. 183-200.
Favero MS, Manian FA, (1993). Is eliminating flash sterilization practical? Infect Control Hosp Epidemiol. p. 479-80.
Ferraz EM, Ferraz AA, Coelho HS, Pereira Viana V, Sobral SM, Vasconcelos MD, et al., (1995). Postdischarge surveillance for nosocomial wound infection: does judicious monitoring find cases? p. 290-294.
Garibaldi RA, (1988). Prevention of intraoperative wound contamination with chlorhexidine shower and scrub. p. 5-9.
ÇELA A. (2014). Parandalimi i infeksioneve të plagëve kirurgjikale (SSIs)
51
Garner JS, (1995). CDC guideline for prevention of surgical wound infections. p.193-200.
Gastmeier P, Brauer H, Forster D, Dietz E, Daschner F, Ruden H, (2002). A quality management project in 8 selected hospitals to reduce nosocomial infections: a prospective, controlled study. Infect Control Hosp Epidemiol. p.91-97.
Hardin WD, Nichols RL, (1997). Handwashing and patient skin preparation. In: Malangoni MA, ed. Critical Issues in Operating Room Management. p. 133-49.
Haycock C, Laser C, Keuth J, et al., (2005) Implementing evidence-based practice findings to decrease postoperative sternal wound infections following open heart surgery. p.299-305.
Henderson B, Poole S, Wilson M, (1996). Microbial/host interactions in health and disease: who controls the cytokine network? Immunopharmacology. p. 1-21.
Hirschhorn LR, Currier JS, Platt R, (1993). Electronic surveillance of antibiotic exposure and coded discharge diagnoses as indicators of postoperative infection and other quality assurance measures. Infect Control Hosp Epidemiol. p. 21-28.
Jarvis WR, Bolyard EA, Bozzi CJ, Burwen DR, Dooley SW, Martin LS, et al. (1995). Respirators, recommendations, and regulations: the controversy surrounding protection of health care workers from tuberculosis. p. 142-6.
Jarvis WR, (1995). Epidemiology of nosocomial fungal infections, with emphasis on Candida species. p. 526-30.
Kaiser AB, Kernodle DS, Barg NL, Petracek MR, (1988). Influence of preoperative showers on staphylococcal skin colonization: a comparative trial of antiseptic skin cleansers. p. 35-8.
Kirkland KB, Briggs JP, Trivette SL, Wilkinson WE, Sexton DJ, (1999). The impact of surgical-site infections in the 1990s: attributable mortality, excess length of hospitalization, and extra costs. Infect Control Hosp Epidemiol. p. 725 -730.
Krizek TJ, Robson MC, (1975). Evolution of quantitative bacteriology in wound management. Am J Surg. p. 579-84.
Krizek TJ, Robson MC, (1975). Evolution of quantitative bacteriology in wound management. p. 130:579
Larson EL, Butz AM, Gullette DL, Laughon BA, (1990). Alcohol for surgical scrubbing? Infect Control Hosp Epidemiol. p. 139-43.
Larson EL, (1995). APIC guideline for handwashing and hand antisepsis in health care settings. Am J Infect Control. p. 251-69.
Leaper DJ, van Goor H, Reilly J, et al. (2004). Surgical site infection a European perspective of incidence and economic burden. p. 247 -273.
Lee JT, (1997). Making surgical care better: hard work, small gains [editorial]. Infect Control Hosp Epidemiol. p. 6-8. Lee JT, (1992). Wound infection surveillance. Infect Dis Clin North Am.
Lidwell OM, Elson RA, Lowbury EJ, Whyte W, Blowers R, Stanley SJ, et al., (1987). Ultraclean air and antibiotics for prevention of postoperative infection. A multicenter study of 8,052 joint replacement operations. Acta Orthop Scand. p.4-13.
Lowry PW, Blankenship RJ, Gridley W, Troup NJ, Tompkins LS, (1991). A cluster of Legionella sternal-wound infections due to postoperative topical exposure to contaminated tap water. p. 109-13.
ÇELA A. (2014). Parandalimi i infeksioneve të plagëve kirurgjikale (SSIs)
52
Lutarewych M, Morgan SP, Hall MM, (2004). Improving outcomes of coronary artery bypass graft infections with multiple interventions. Infect Control Hosp Epidemiol. p. 517- 519.
Mangram AJ, Horan TC, Pearson ML, Silver LC, Jarvis WR, (1999). Hospital Infection Control Practice Advisory Committee. Guideline for prevention of surgical site infection, 1999. Infect Control Hosp Epidemiol. p. 247.
Manian FA, Meyer L, (1997). Adjunctive use of monthly physician questionnaires for surveillance of surgical site infections after hospital discharge and in ambulatory surgical patients: report of a seven-year experience. p. 390-394.
Manian FA, Meyer L, (1993). Comparison of patient telephone survey with traditional surveillance and monthly physician questionnaires in monitoring surgical wound infections. Infect Control Hosp Epidemiol. p. 216-218.
Mastro TD, Farley TA, Elliott JA, Facklam RR, Perks JR, Hadler JL, et al., (1990). An outbreak of surgical-wound infections due to group A streptococcus carried on the scalp. p. 968-72.
Mayhall CG, (1993). Surgical infections including burns. In: Wenzel RP, ed. Prevention and Control of Nosocomial Infections. 2nd ed. Baltimore: Williams & Wilkins, p. 614-64.
Martin A. Makary, Monica S. Aswani, Andrew M. Ibrahim, Julie Reagan, Elizabeth C. Wick, Peter J. Pronovost, (2013). Variation in Surgical Site Infection Monitoring and Reporting by State.
McDonald M, Grabsch E, Marshall C, Forbes A, (1998). Single- versus multiple- dose antimicrobial prophylaxis for major surgery: a systematic review. Aust N Z J Surg. p. 388-96.
Mertens R, Jans B, Kurz X, (1994). A computerized nationwide network for nosocomial infection surveillance in Belgium. Infect Control Hosp Epidemiol. p. 171-179.
Mitchell NJ, Hunt S, (1991). Surgical face masks in modern operating rooms— a costly and unnecessary ritual? J Hosp Infect. p. 239-42.
Nichols RL, (1989). Antibiotic prophylaxis in surgery. J Chemother. p.170-8. Nichols RL, (1995). Surgical antibiotic prophylaxis. Med Clin North Am. p. 509-
22. Nichols RL, (1992). The operating room. In: Bennett JV, Brachman PS, eds.
Hospital Infections. 3rd ed. p. 461-73. Olson MM, Lee JT Jr, (1990). Continuous, 10-year wound infection surveillance.
Results, advantages, and unanswered questions. p.794-803. Olson MM, MacCallum J, McQuarrie DG, (1986). Preoperative hair removal with
clippers does not increase infection rate in clean surgical wounds. p. 181-2. Osler T, (1995). Antiseptics in surgery. In: Fry DE, Ed. Surgical infections. p. 119
-125. Page CP, Bohnen JM, Fletcher JR, McManus AT, Solomkin JS, Wittmann DH,
(1993). Antimicrobial prophylaxis for surgical wounds. Guidelines for clinical care. Arch Surg. p.79-88.
Pennsylvania Health Care Cost Containment Council, (2006). Hospitalacquired Infections in Pennsylvania; Data Reporting Period: January 1, 2005 - December 31, 2005.
ÇELA A. (2014). Parandalimi i infeksioneve të plagëve kirurgjikale (SSIs)
53
Poulsen KB, Jepsen OB, (1995). Failure to detect a general reduction of surgical wound infections in Danish hospitals. p. 485-8.
Richet HM, Craven PC, Brown JM, Lasker BA, Cox CD, McNeil MM, et al., (1991). A cluster of Rhodococcus (Gordona) bronchialis sternal-wound infections after coronary-artery bypass surgery. p. 104-9
Rudnick JR, Beck-Sague CM, Anderson RL, Schable B, Miller JM, Jarvis WR, (1996). Gram-negative bacteremia in open-heart-surgery patients traced to probable tap-water contamination of pressure-monitoring equipment. Infect Control Hosp Epidemiol. p. 281-5.
Rutala WA, Weber DJ, (2005). Cleaning, Disinfection, and Sterilization in Healthcare Facilities. APIC Text of Infection Control and Epidemiology. p. 21-1-21-12.
Sands K, Vineyard G, Platt R, (1996). Surgical site infections occuring after hospital discharge. p. 963-970.
Schelenz S, Tucker D, Georgeu C, et al., (2006). Significant reduction of endemic MRSA acquisition and infection in cardiothoracic patients by means of an enhanced targeted infection control programme. p.104 -110.
Scher KS, (1997). Studies on the duration of antibiotic administration for surgical prophylaxis. p. 59-6
Sessler DI, McGuire J, Hynson J, Moayeri A, Heier T, (1992). Thermoregulatory vasoconstriction during isoflurane anesthesia minimally decreases cutaneous heat loss. Anesthesiology. p. 670-5.
Soto LE, Bobadilla M, Villalobos Y, Sifuentes J, Avelar J, Arrieta M, et al., (1999). Post-surgical nasal cellulitis outbreak due to Mycobacterium chelonae. J Hosp Infect. p. 99-106.
Suzanne M. Pear, (2007). Patient risk faktors and the best practices of SSIs. Tanner J, Woodings D, Moncaster K, (2006). Preoperative hair removal to reduce
surgical site infection. Taylor GJ, Bannister GC, Leeming JP, (1995). Wound disinfection with
ultraviolet radiation. J Hosp Infect. p. 85-93. The Human Body’s Non Specific Defense, (1999). The skin as an organ of
defense.Surg Trilla A, Mensa J, (1993). Perioperative antibiotic prophylaxis. In: Wenzel RP,
ed. Prevention and Control of Nosocomial Infections. 2nd ed. Baltimore: Williams & Wilkins. p. 665-82.
Tunevall TG, Jorbeck H, (1996). Influence of wearing masks on the density of airborne bacteria in the vicinity of the surgical wound. p.263-6.
U.S. Department of Labor, Occupational Safety and Health Administration, (1991). Occupational exposure to bloodborne pathogens; final rule. Federal Register. p. 182.
Viglionese A, Nottebart VF, Bodman HA, Platt R, (1991). Recurrent group A streptococcal carriage in a health care worker associated with widely separated nosocomial outbreaks. Am J Med. p. 329-33. Walsh AL, Roberts FJ, Bryce EA, (1996). Post-discharge surveillance of surgical wound infections [letter]. Can J Infect Control. p.29.
ÇELA A. (2014). Parandalimi i infeksioneve të plagëve kirurgjikale (SSIs)
54
Weber DJ, Rutala WA, Denny FW Jr, (1996). Management of healthcare workers with pharyngitis or suspected streptococcal infections. Infect Control Hosp Epidemiol. p. 753-61.
Weigelt JA, Dryer D, Haley RW, (1992). The necessity and efficiency of wound surveillance after discharge. p. 77-82.
Weinberg M, Fuentes JM, Ruiz AI, et al., (2001). Reducing infections among women undergoing cesarean section in Colombia by means of continuous quality improvement methods. p. 2357- 2365.
Wenger PN, Brown JM, McNeil MM, Jarvis WR, (1998). Nocardia farcinica sternotomy site infections in patients following open heart surgery. J Infect Dis. p. 539-43.
http://www.darkdaily.com/wp-content/uploads/40412-300x225.jpg