8/15/2019 Mehetwakanksha

1/4

KHAALI CHAIR

Coffee ke dhunye mey lipti khaamoshi,

Chair pey chhatpataati ankahi chaahat,

Unke aakar chale jaane tak ke lamhe,

Abhi bhi guzar rahe hain nazron ke saamne,

Mey abhi bhi stabdh hun soch-soch kar,

Cafe mey saamne us khaali chair ko dekhkar,

Jaise ki woh fir aayenge kisi bahaane,

Ek meethe bharam ko kuchh aur badhaane,

Unke lafzon ki khanak taazaa hai kaanon mey,

Jaise ki maujood hai ab bhi khayaalon mey,

Aur mey yahi soch kar hun abhi tak yahin,

Ki unka aana hi mera sach hai kahin,

Nazrein dekh kar bhi dekh rahi hain wahin saamne,

Unke aakar fir chale jaane tak ke lamhe,

Chair pey baithe tasmasaati chaahat,

Coffee ke dhunye se mehekti khaamoshi.

GAADI PAR LAGI DHOOL

Gaadi par lagi dhool par ungli se apna naam likhna,

Thehre paani mey kankar fenk kar hulchul paida karna,

Bekaari ke khaamosh lamhon mey soch ko tatolna,

Khurdure sunsaan raaste par jooton se shor machaana,

8/15/2019 Mehetwakanksha

2/4

Traffic ke shor mey baithe yaadon ki chuskiyaan lena,

Ghadi ki suiyon ko dekh dekh kar intezaar ko behlaana,

SMS mey bheje jazbaaton se shabdon ko sametna,

Jaagti karwaton mey soye sapnon ko thapthapaana,

Kabhi Jaagna, fir so jana, fir jaag ke tasmasaana,

Subah ki chai ke dhunyein mey beparwaahi chhupana,

Zindagi ruki hai yeh maan kar khud bhi tham jaana.

WRITING KA KEEDA

Hai dimaag ki khujli ya fir dil ki bhadaas,

Shaitaaniyon ki badhazmi ya fir frustration ki ulti sa ehsaas,

Achaanak se jaagti shiddat ya bas khaali dimaag ki khurafaat,

Kuchh bhi kaho saala writing ka keeda pal raha hai.

Kabhi shaukiyaa shaayari, kabhi gyaan ka ujaas,

Kabhi ladkhadaati sacchayi, kabhi unlimited josh bhari bakwaas,

Dheere dheere jism mey failte jaise ek naye virus ka aaghaat,

Mat poochho saala writing ka keeda pal raha hai.

Lat lag gayi yeh kaisi, karegi yakeenan bad-hawaas,

Maine kiya tha sachet khud ko ki na pado is jhamele mey anaayaas,

Ab chahe hai dimag ki khujli ya fir bas bina baat ki baat,

Jo bhi samjho, saala writing ka keeda pal raha hai.

8/15/2019 Mehetwakanksha

3/4

MAKING WAY

Just hold for a moment,

I am trying to make peace with past,

Bidding it goodbye,

Looking back but not thinking,

Let this time be filled with few pauses,

Making no attempts for any action,

Leaving no marks or traces,

As if nothing exists in this moment,

In complete silence,

I am making way for something,

Something unknown…. 

No, it’s not patience, 

I am just making way for that something,

Something untold… 

JAZBAAT AUR KHALIPAN

Shoonya aur jeevan,

Ushnata aur bheegapan,

Marubhumi aur shaadwal,

Aakaash aur baadal,

Chaahe yaa anchaahe,

Vipreet udaaharan,

Mile bin bulaye,

8/15/2019 Mehetwakanksha

4/4

Jazbaat aur khaalipan.

Kashmakash ki chaah na thi,

Naa alhadpan bhulaaya,

Beparwaahi ki ummeed na thi,

Naa sanjeedapan apnaaya,

Chaahe ya anchaahe,

Anginat udhedbun,

Mile bin bulaye,

Jazbaat aur khaalipan.

Naa adhik jataya,

Naa jaan kar chhupaya,

Kabhi zubaan fisli,

Kabhi aankhon ne bataya,

Chaahe ya anchaahe,

Adhkhula aavaran,

Mile bin bulaye,

Jazbaat aur khaalipan.