Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlatUN (april) 13, 2019 iNriNNi (SatUrday)

Hmasawnna Thar Vol - 34/182 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

Kar thar sung AB-PMJAY Booking laklo dingCCpUr: AB-PMJAY Card siemna le inzawmin tuta-kar April 8-12 sung electric mumal naw leiin duthusama sin thaw thei a ninaw leiin kar thar April 15-19, 2019 inkar sung booking lak

ninaw nih tiin CMO, CC-Pur chun inhriettirna a siem a. Mipui hai lo hriethiem seng dingin a ngen. April 29, 2019 a inthawk booking hawng nawk ni dingin CMO chun a hril.

GAS NEWSAgency : KIM JOEBooking : 12th. FeB.,2019 to 24th. April., 2019

(advance booking) delivery :13-04-2019 (sAt)Time :10AM - till stockStock : 200 @rate:Rs. 825/-19kg & 5kg available

Agency : SASBooking :9th March. , 2019 to 3rd April, 2019delivery :13-04-2019 (sAt)Time : 9AM till stockstOCK :306 @rate:Rs. 825/-

Sangbiaklal Indane (SBL) Booking 22nd feb to 31st March.Time 10am to 1pm.Delivery @ Salem VengTime: 10AM-1PMATM Card payment accepted

One Day MarketCCpUr: Independent Church of India (ICI) Tui\haphai Presbytery Nuhmei Pawl chun April 13, 2019, zingkar 6:30AM a inthawk ICI Secretariat tuol le Lighthouse Lane, CCPur lai “One Day Mar-ket for Missions 2019” huoihawt an tih. Hi huna hin thuom-hnaw chi tum tum inman tak taka zawr ning a tih. Pathien rama rawngbawl-naa ngaia an bazar hung dawr pek seng dingin ICI Tui\haphai Presbytery Nuhmei Pawl chun fielna an siem.

hornbil in hmar ChannelCCpUr: Kârhni liem taa inthawk khan Hornbill Cable Network a Hmar Channel 24x7 a lo pek tah a, a hming-ah Hmar Arasi inbuk a ni a. Ni danga LPS 1 Channel pe-kna, Channel number 110 a enthei zing a nih. Hmar Channel hih du-thusamin sukfel la ninaw leiin program mumal tak a la nei nawh. Pathienni hin Pa-thien inpak le chawimawina hla thu le hla tieng pek bik a nih. Thaw\annia inthawk

inrinni chen hin a remchang dungzuiin Sâihla le Pathien inpak le chawimawina hla pek a nih. Tutak hin Hmar Chan-nel a ding program a la tam naw leiin lakkhawmna sin khawm thaw mek a nih. Hi thila ding hin ieng ang pro-gram khawm nisien, Hmar \awng hmangna a ni phawt chun, ieng state khawm nisien El Fimate Whatsapp number 9612491540 -ah inhriettir thei ning a tih.

AR han HPc(D) cadres ni dinga ring 11 an man, mi 10 hai bail-a insuoCCpUr: Police a in-thawk ei thu dawngnain a hril danin April 11, 2019 chawhnung dar 12 -1:30PM vel khan 25-Asam Rifles han Rengkai le Saikawt area-ah HPC(D) cadre ni dinga ringhla mi 11 an man a. Mana um hai laia mi 10 hai chu Zirtawpni (April 12, 2019) khan bail-a insuo an nih. Mana um hai chu- Zawlthangsiem (37) s/o Lalngaisang of Rengkai; Laldemlo Lung\au (34) s/o L C Hneha of Rengkai; Hrangbiekthang (66) s/o (late) Hawpa of Ankha-

suo; T.Buonga (54) s/o (L) Rinthanga of Rengkai; Lal-huoplien (33) s/o Dokhum of Rengkai; Lalchawisang (27) s/o Hrangdailo of Pher-zawl; Chawng\hakung (30) s/o Lalkhobuoi of Reng-kai; Hrangthakung(54) s/o (late) L.Thanga of Reng-kai; Thangrosung (36) s/o CN Thanga of Parbung; Jacob Ramhlulien (34) s/o Zothanghlun of Senvon le Thangsuanlian Zou (30) s/o Khupkhanmang of Sim Veng hai an nih. Mana um hai kuta in-thawk hin Mobile handset 12, MA-3 MK-II Rifles

(Regd.No. 33944), maga-zine 2 le a 5.5mm mu 50 an man sa. Mana um hai hi CC-Pur Police Station-ah an peklut hnungin CCPur Po-lice chun FIR No.50 (4) 2019 CCP-PS u/s 400/171-F/506/34 IPC an registered khum a. Zani (April 12, 2019) khan Chief Judicial Magistrate (CJM), CCPur hmaah an inlangtir a, CJM chun mi 10 hai chu bail-in an suo a, Mr Zawlthang-siem (37), s/o Lalngaisang of Rengkai chu April 22, 2019 chen Police Custody-a la um dingin a rel.

Bunghei \awng\ai CCpUr: Division Bap-tist Dorcas Fellowship (DBDF) Lamka south Divi-sion EBC inrawinain zani 7AM-1PM inkar sung khan EBCC Petheul, Vengnu-am South N. Lamka-ah bunghei \awng\airuolna an nei.

Gas Cylinder inruk hmang

CCpUr: Zani hmasa zan khan rukru han Pu Khup-mang of Simveng (South Point) store room kalna tala vaw siein an rawk a, Gas Cylinder (spice gas) tui um lao pakhat an inruk hmang

In pakhat a kangCCpUr: Zanikhan Than-lon Sub-Division sunga Sialbu khuoah kangmei a suok a, Mr Jangsei In a kang fair it. In sunga thuomhnaw pakhat khawm laksuok hman a ni nawh. In hi a neihai Lo fe kara kang a nih.

APWC in Annual General body meeting an neiCCpUr: All Pensioners Welfare Council CCPur (APWC) chun April 12, 2019, 10AM khan YPA GHQ Hall, Hiangtam Lam-ka, CCPur-ah Annual Gen-eral Body meeting an nei. 10AM-11AM inkar sung hming zieklutna huna hmang a ni a, session hnina 11:30AM in \an le Business session nei a nih. Khamza-dinga, Vice President (Org) chun \awng\ainaa hun hawngin L. Thanngur, Vice President (Admin) in wel-come address hrilin LT Juan Tonsing chun general body meeting hmasaa thutlukna lo um ta hai tiemdawkin an-

nual report a pek a. Rev. Dr Th Lamboi Vaiphei, Ex-Committee member inrawinain mem-ber lo thi ta hai sunna hun hmang a ni a, Khamzadong Samte, Secretary (Fin) in Financial statement le bud-get 2019-20 pharin approve

a ni a, HL Hminga, Secy. (Internal) in lawmthuhrilna hun hmangin GB meet-ing in thutlukna an siem hai LT Juan Tonsing in tiem-dawkna a nei zoin Upa Dr Saidokhum Joute, Treasurer in \awng\ainain hun a khar. >>sunzawmna phek 4-ah

UPC –NEI in Golden Jubilee le General ConferenceCCpUr: United Pentecos-tal Church, North East India (UPC-NEI) chun April 14, 2019 chen aw dingin Nin-gani –a inthawk khan El Scism High School Cam-pus, Salem Veng, CCPur-ah Golden Jubilee lawmna le 51st General Conference an hmang. Conference hi zani hma-sa khan Rev. SR Tourngam, Chandel District in a hawng a, Rev. Thangtinlien Sing-son, Dist. Superintendent, Imphal District in Pathien thucha a hril. Zani 10:30AM a in-thawk khan Mission De-

partment, Sunday School Department, Pentecostal Youth Department han De-partmental Conferene an nei a, business session an nei a, zan hunah Genral Sunday School le Pentecostal Youth Dept. Golden Jubilee ser-

vice an hmang a, Pastor H. Lalropuia, President General PYD in Pathien thucha a hril. April 14, 2019 sun inkhawm hunah Ordination service um a ta, Rev. Lal-malsawma Sailo, General Superintendent, UPC-NEI in

thu a tih. UPC-NEI hnuoia district tum tum- North Mizoram, Aizawl East, Lunglei, Chimtuipui, CCpur, Imphal, Barak, Central, South East Nagaland, Chandel le Tri-pura haia hmu ding General target dingin Rs 1,17,00,000 inruogn a ni a, Bufai mana an hmusuok ding target Rs 61,99,000 an induong a, Field tum tum- Arunachal, Dimapur, North Bengal Sik-kim, Assam, Upper Assam & East Arunachal, Bhutan, Andhaman, Odisha le Bi-har haia target dingin Rs 36,08,000 an induong bawk.

General Elections 2019 First Phase hlawtling taka zofel Vote Thlak dan all Manipur: 80%, CCPur Dist: 68.90% le SoO Camps: 100%

CCpUr: India sawrkar thar siemna dinga General Elections 2019 (17th Lok Sabha Elections) chu April 11 khan, India ram State 23-a Biel 91 lakah Manipur tlangram biel, Outer Mani-pur Parliamentary Constit-uency le a biel huop sunga um Thuobal+Kakching le Jiribam haiah vote thlakna chu buoina taluo um lovin hlawtling taka zofel a nih tah. Chief Election Officer (CEO) Manipur le District Election Officer (DEO) Churachandpur hai hril dan chun, tu kum MP elections chu kum danga hai nekin a ralmuongin a peaceful a, MLA le MDC election hai nekin a ralmuong niin an hril. Vote thlak zat per centage chu All Manipur ah 80% le Churachandpur dis-trict ah 68.90% niin an hril. Kawng danga thlir chun, hun danghaia MP election nek chun tukum a MP election ei ngaivenin ei inhnik tiin political observ-er hai chun an hril.

“India ram roreltu sawrkar chu ka vote pakha-tin ka thleng theia, ka vote pakhat lei bawkin sawrkar ngai kan ngirtir nawk thei, ti hrietna ei nei ve ta a. Delhi tlanga sawrkar ror-eltu pawimaw zie ei hriet \an ve tah leiin vote thlak mawphurna khawm ei ngai pawimaw deu tain an lang” tiin tuolsung political observer kum upa pakhat chun a hril. Manipur pumpui levelah chu a ‘ralmuong’

ti dingin a um a. Thouba,l abikin Khangbok A/C ah BJP le Congress workers hai karah inthawluina met met a um ti naw chu thilt-lung lien taluo hril ding a um nawh. PS pakhatah Congress worker lut an phal naw a, buoina a suok vang chu dang hne a nih. Churachandpur district pumpui ah khawm A/C pa-rukhaia vote thlak zat per centage a huntawk hle a. Vote thlakna le inzawma insukbuoina report a um

nawh. A zanah Rengkai lai security forces haiin mi tlawmte thu indawn dingin an \huoia. A zingah HWA han an lak suok nawka, buoina a um naw niin chanchin ei hriet. Vote thlak ni tak lem chu Polling Station 333 haiah buoina suok a um nawh. Hmun \henkha-tah \awng dang hmang helpawlhaiin EVM capture an tum ti thu dam a uma chu rikrap taluo thil a um nawh.

Abikin Churachand-pur district sunga Polling Station hai Kohran tin deu thawin tawng\aina leh sana an lo nei bakah CSO le VA tinhai khawmin thieng-hlim taka mani dittak seng vote thlak a ni theina dinga hmalakna zarin vote thlak dan kum dang election hai naw ang takin a ralmuong hle. Hmun \henkhatah lem chu Kristien ei nina ang ta-kin ‘Good Christians Poli-tics’ tiin vote thlak hmain Polling Booth \awngtainaa hawngin, vote thlak zovin \awngtaina bawka khar khawm an um ti thu ei lo dawng. Vote hi zing dar 7am a inthawka zantieng dar 5pm chen thlak a nih. Buoina um teuna tak chu dar 12pm velin Valte Khamzathang H/S, Zenhang Lamka ah BJP le NPP worker hai karah buoina a suok hman vanga. Election Observer, SDPO/CCPur le SDO/CCpur han a hmun an pana chu lo in-bierem theiin iengkhawm a

tlung nawh. Tu kuma inchik thlak vote thlak \henkhat chu: piengkena ruol banlo, pi-eng danglam (Persons with Disabilities – PwD) iemani zatin an vote hai an thlak ve a. Helpawl/ramhnuoimi KNO+UPF, SoO hnuoia um cadres hai Desiganted Camp 8 ah vote nei 173 an uma, an rengin vote an thlak vawng (100%) niin an hril. EVM/VVPAT tamlem chu Strong Room, DC Of-fice an tlung meka. Polling Station tina vote per cent-age report a tlung zinga chu, mobile phone network \ha naw leia la tlung kim lo le EVM/VVPAT lama thang mek khawm an um leiin hriet thei chena mi a nih. Zantieng dar 6pm che-na vote per centage chu A/C-wise ah CCPpur an hnuoi taka, 45.77% a nih. Tipaimukh A/C ah 55.69% a nih. Henglep A/C ah 76.54% a tla, Saikot A/C ah 63.53%, Thanlon A/C ah 63.29%, >>sunzawmna phek 4-ah

Kaiku in Election office hawngin Vote Campaign \an

imphal: Misukhlimtu Entertainer a ni ang bawkin Kaiku tia hrietlar RK Somendro chu 17th Lok Sabha elections 2019s ah Inner Manipur a inthawkin Independent candidate an-gin a ngir ve a. Zani khan a election office hawngin vote campaign a \an a, mipuhai ditsak a dawng-naah a hlim em em laiin mipui khawm a hmel an hmuin an hlim em em. Flag keipharna hunser an neinaa chun, “Ka flag kei pharnaa mipui hieng zozai in hung khawm hin a mi sukhlim takzet a. Ka tling thei ding niin ka hri-et” tiin mipui kuoma innui saiin inzak hmel siin law-mthu a hril a. Politics khel-na boruok lum thei vei le Kaiku boruok chu politics khawm a dei chap el. Flag Keipharna tak chu a chengna Inah neiin film star chanpui tamtak an \hang ve a. Chu zovah mipuiin Thangmeiband Athletic Ground ah rally an nei a, mipui sang tel an fekhawm. Tlangval pakhat chun, “Kaiku ka support nasan chu a la tlangval a. Mani-pur \halaihai lampui \ha mi kawkhmuin ama ngeiin a mi \huoi thei ding a nih lei a nih. Manipur mipui \ha-lai, naupang, nu le pa, upa-hai ngirhmun a hrieta, anni khawmin an ngaina em em a. Ama khawmin mipuihai lungril takin a ngaina niin

ka hriet” tiin a hril. Kaiku chun, “Ka thil-tum hmasatak chu Myan-mar le Manipur ramri siem\hat a na. Chun, CAB nasa-takin dodal tlat bawk ka ta. Ei state-in a tuok harsat-nahai a hmatieng chingfel tum ka tih” tiin a hrila, a thei hmel nawa chu mipui a law em em, kut an ben dur dur. A thiltum dang, a thaw dinghai chu: Manipur Spe-cial Status category-a sie nawkna ding, AFSPA lak-suokna ding, Meitei hai ST status hmuna ding, \halai le nuhmeihai dawmkangna ding, information technol-ogy, home based industries, services, economic boost le disabilities and women em-powerment hai a priority an ni thu a hril. Manipur hmasawnna ding daltu Corruption na-sataka do dingin an tiem bawk a. “Miin pawisa le thawluina tharum hmang lovin election an tling thei ti hi ka fie nuom a nih” a tiin a hril bawk. “Screen Hero ka lo nih tah hlak a. Tuhin chu Mani-pur mipuihai ta dinga a tak taka Hero ni ka tum a nih” tiin a hril. Kaiku hi 2003 a in-thawkin Manipur cinema a lut \an a. Film za chuong a chang tah a. Shumang Lee-la actor khawm a lo ni tah a. Tuhin a tak taka Hero, mipui sansuoktu ni a tum a nih.

JCB pakhat eksiden, mi 5 hliem

CCpUr: April 12, 2019, zantieng 1PM vel khan Buallian khawsak lai JCB pakhat brake failed leiin a eksiden a, mi 5 in hliemna an tuok. JCB eksiden-a hliem hai hi inrang takin District Hospital phurtlung an ni a, mi 2 hai chu District Hos-pital Ortho Ward-ah ad-mit an nia, JCB khaltu tak Naoton (38) chu a hliem inrik deu leiin Raj Medicity tienga enkawl dingin doc-

tor han an refer a, midang hai chu dressing thaw zo an ni hnungin insuoktir nawk an nih. JCB hi lampui siem dinga fe mek anni a, an sinthawna ding hmun an tlung hma deuin brake fail leia eksiden hi tuok an ni a, lamthlang feet 100 vela insangah an inhlumthla a, vawi 10 vel an inlet nia hril a nih. JCB khawm hi a se nasa hle tiin thu dawngna chun a hril.

Langthaba-ah pawl pahni hai karah buoina suok vangimphal: Zani khan Langthabal Kunja le Langthabal Chingkha le Khoupum hai karah mithi or hunser neina chungchang thuah ngaidan an kala, buoi-na a suok hman vang. Langthabal Kunja chun Langthabal Chingkha le

Khoupum hai chu Langtha-bal Chingkha ah hunser an nei phal an ta nawh tiin thu-pek an siem a. Langthabal Khoupum Cultural Club-a Secretary Mr Pousing Golmei chun Langthabal Khoupumah press conference neiin,

hieng khuohai hin an mi sukbuoi a nih, keini chun inzawmna kan nei nawh. An pahni buoinaah an mi hnuk lut a nih, tiin a hril a. Social boycotted anga puong khum an nina khawm internationa human rights dan an bawsi-etna a nih, tiin a hril.

Run vadungah nuhmei naupang a tla hlum

CCpUr: Nk. Grace Hatneichong Baite, d/o of Jamkhongam Baite chu April 12, 2019 zantieng

khan School exam zo Run vadunga tui insil dinga a fe hunah changsuolin va-dung-ah a tla hlum.

Thu dawngnain a hril danin Grace Hatneichong Baite hi Class VI inchuk-lai niin, exam zo zantieng dar 2 vel khan a sung-hai kuomah tui insilah a fe ding ding thu a hril a, sienkhawm In an lawi el tanaw leiin a sung han an va ngaiven hunah Run va-dungah tlahlumin an va hmu a nih. A ruong hi tuia inthawk laksuok niin an In phurtlung a nita a, April 13, 2019 hin Dongjang thlanmuolah a ru-ong vuiliem ning a tih.

Eksiden a hliem an sansuok

imphal: April 12, 2019 zingkar dar 6:45 vel khan Imphal a in-thawk Dimapur pana tlan Oil Tanker Reg. No. MN-05-2070 chu Maram bazar bul lai a eksiden a. Assam Rifles-a Maram Battalion chun Tanker khaltu hi an laksuok a, an unit office-ah first-aid

pek a. First Aid anpek zo hin District hospital tieng inrang takin an panpui nghal leiin driver hliem hi a hringna an sanhim. Driver hi kum 50 mi vel a nih tiin Press Informa-tion Bureau PIB -De-fence Wing thusuok chun a hril.

Hmasawnna Thar2 thlatUN (april) 13, 2019iNriNNi (SatUrday) artiClE/hEalth & EmplOymENt NEWS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUINisienlakhawm, nang Pathien mi, chuong thilhai chu tlansan la, felna dam, Pathien ngaisakna dam, ringna dam, hmangaina dam, dawtheina dam, thuh-nuoirawlna dam hnawt pei rawh.

-I TIMOTHE 6: 11

A zie a um lem tahZani hmasa khan Outer Manipur Parliamentary Constituency sunga chenghai chun buoina le har-satna lien tham um lovin Lok Sabha member ding thlangna ei nei a. Inner Manipur Parliamentary Con-stituency a chenghai chun hungtlung ding April 18, 2019 khin Lok Sabha member ding thlangna nei nawk an ta, chu huna chun Manipur-a Lok Sabha election chu zo a hung ni ding a nih. Manipur-ah inthlangzo inlakhawm India rama State le UT hran hran haiah Lok Sabha member ding thlangna zo a la ni naw leiin election result chu ei la hriet nghal thei naw ding a nih. Lok Sabha election phase sarina zo hnung, May 23, 2019 khin India ram pumpuia vote tlahai a ruolin tiem ning a ta, hi ni ma hin election result hriein Central-a sawrkar thar siem theitu ding party hriet theiin a hung um ding a nih. Inthlang zatin “Free and Fair election” ei dit thu ei hril hlak. Amiruokchu, vote ei hang thlak a, a duam taluo le an vetchil pawl an lo um hlak a, free and fair election a um thei ngai nawh. Outer Manipur Parliamentary Constituency-a vote thlak huna khawm khan kum danga election ang bawkin Money power le Muscle power hmangin a hung um nawk thu social media report haia inthawk hriet a nih. Hi thil hi Manipur State chauva tlung a ni naw a, India ram pumpuia tlung hlak a nih. Election fe dan le thaw dan ding angah ei ngai ta niin an lang. Vote thlaka mipui ei fe dana inthawka inkhi hin chu MLA election nekin MP election hi ei la ngaipawimaw tawk naw hle ti an lang chieng hle. MLA election kha chu ei ngaipawimaw tawl a, money power le muscle power chau ei hmang naw a, inhawmthawna leiin insel inhal, insuol le invuok, buoina le harsatna chi tum tum a tlung hlak. Hien-gang thil hai hi tuta \uma Outer Manipur Parlia-mentary Constituency-a Lok Sabha member ding thlangnaah hin a um tanawh tina ni lovin a hmaa inthlang hun hai nekin a zie a um lem tah. Hmatieng peiah khawm hiengang thil hi hung nepin hung bo ta sienla nuom a um khawp el. Election le inzawma in\huoi hmangna, silai hmanga invau le in\hi, booth capture, EVM suks-iet, mithi vote thlak, a um naw hai vote thlak pek ti le a dang danghai khawm a la bo chuong nawh. Amiruokchu, kum danga election hai nekin a zie a hung um deu ta niin an lang. India rama election free and fair-na taka sawrkarin a record, Mizoramah khawm thil indik naw tlung a bo bik naw a, hrilsep ding a um ve tho a nih. Khawvela um ei la ni leiin sawisel bo der dinga thil thaw chu ei ramah hin a la harsa a nih. April 18, 2019 ah Inner Parliamentary Constituency-ah Lok Sabha member ding thlangna a hung um nawk ding a ni a, iem an hung chang ding, Outer Parliamentary Constituency-a inthlang nekin election a free and fair am lo en seng ei tiu. Outer Parliamentary Constituency-a inthlang-na a khan Tengnoupal District sunga Moreh town sunga Polling Station \henkhatah chun vote zaah za (100%) a tla nia hril a nih. Hi thil hi chu ngaimaw a um khawp el. Vote zaah za tla ti hi chu thil ni thei lo hulhuol a nih. Damnaw dam, mithi dam, inpem dam, mani venga um lo, hmun danga sin nei le lekha inchuka fe dam an um ngei ngei ding a nih. Vote zaah za a tla chun thil indik lo a um tina a nih. Hi thilah hin hekna a um chun a tuortu ding chu Polling Official-hai an ni ding a nih. Hiengang kawngah hin Polling Official-hai an fimkhur a \ul hle a nih. Outer Parliamentary Constituency sunga Lok Sabha member ding thlangnaa vote tla hi a \ha tlangpui a. Amiruokchu vote tlahai laia a zatve deu-thaw hi chu vote neihai thlak ni lo, midanghai thlak pek a ni el thei. Hi thil hin vote nei han vote thlak pawimawna ei la hrietchieng tawk nawzie a suk-lang. MLA a ni am, MP inthlang a ni am, mipuihai hin vote thlak dinga inchuktirna hi ei la ngai nasa ti an lang. India khuo le tui ei ni chun ei vote hi mani ngeiin ei thlak ding a nih.

Ka riNG i Va aNG NaW dE-3~ Ruoivel Pangamte

hmaSaWNNa thar fethlengin Ka riNG i Va aNG NaW dE… 1-na le 2-na insuo a lo ni tah a. Mi pakhatin, “ I article –Ka ring i Va ang Naw de – ti kha ka tiem a. Ka ring a ang naw khawp el..” a tih a. Mi dang dang khawmin, an ring a ang naw thu an mi hril tàwl sap sap a. Khawvela hin ka ring ang nêkin ka ring ang lo hi ka tawng ràwn lem hlak hrim a. Chuleichun, ka article ziek, an ring ang a lo ni naw thu an mi hrilhai chun, a mi sukphùr zuol sau a. Ka làwm khawp el. Ka ring naw tak tak haiin hmasawnna thar hi an lo tiem a. Ka ring tak tak haiin an lo tiem nâw bawk a. Ring ang hmu nawna khawvèl le ringnaw ang hmuna khawvèla chêng ka lo ni zing annawm! Ka nuhmei hin ka ring a ang nawh a. Ka nauhai khawm hin ka ring an ang nawh. Chuong ang bawk chun ka nuhmei ring hi ka lo ang ve nawh a. Ka nauhai ring khawm hi ka ang ngai nawh. Hringnun hi dithai hmu nawna le ditnawhai hmuna hmun a nih. Thuthlung Hluia Joba hi mi fel le tluong, Pathien \ia suol nghatsan mî a nih a.

(Job Lekhabu 1:1) Chu ang mi

chun harsatna tuok ngai naw âwm tak. “Var ka beisei laiin thim a hung tlung a. Thil \ha ka beisei laiin, thil \hanaw a hung tlung” a ti vê tlat. (Job Lekhabu 30:26) Dithai hmunawna le ditnawhai hmuna khawvêla hin, ieng tak hi’m ei beisei a ni âw…? Nau \ha ditlo nu le pa um naw hai nih a. Nu le pa \ha ditlo nau um bawk naw hai nih. “Mî nauhai ang hin um hlak ta unla..” tiin naupanghai ka zil hlak a. Ka naunu chun, “Pa, ‘mî nauhai’ i tihai chu tu hai am an ni a? Mî nauhai um ang hin um inlang, i lâwm chie di’m a nih?” a mi hei ti chu, \awng suol ka’n ti char char hle. Chu chauh khawm chu a ni nawh. Ka nuhmei khawm hi, “Mî nuhmeihai ang hin um hlak la..” ka lo ti pal nàwk hlak. “Mî nuhmeihai anga um dingin maw i mi ti? Tû nuhmei anga um dingin am a n’a, i mi ti chu…? I tinû chu mi hril la, i mi sawisèl ta nawna ding a ni phawt chun, ama ang ang chun um el naw ning am?” a hei ti chu, ka hnâr ka hmu lien lur lur el! Ka nuhmei ka nauhai hi ka hal hlak dea chu, anni tluka ka ta dinga hlû hi, vawi tam pieng nawn lang khawm, ka hmu chuong naw ding a nih ti ka hrietsuok hlak leiin, lungawi taka enkawl a, hlim taka khawsakpui dàn hi ka ngaituo ta lem hlak. Papui \henkhatin an nuhmeihai, “Ka ring i va ang naw dê… I nunghak laia i fel em em vei leh, hieng hlawl hi i lo ni maw! Ka va hei nei suol char char che de e.... ‘Chûnû’, ‘khânû’ ku kha lo nei ta lem lang \ha lem ding….” dàm an ti hlak. Hienga nuhmei ti hlaktu pakhat hi a nuhmeiin, “Ka nunghak laia ka fel em em hlak vei leh, nang ka nei che a, ka’n vèt zo vawng an’ ta hi... Ka ring i lo ang naw khawp el! I ‘chûnû’, i ‘khânû’ ku khah ka’n hnar isawnnaw. I lo nei naw ku kha, a vàngneipha an’ ta hi.. Nang ku hin mi lo nei lovin, ‘Chûpâ’, ‘khâpâ’ ku khan mi lo nei lem sien chu, nu fel le \ha, mîhai hril huoi huoi ka lo ni ve ding bah… A pawi a, a pawi zo vawng an’ ta hi…. Kei’a ang tâwk chauh ka lo nei che a, invêt le invêt innei chu, ieng chu’m ang hrim ei ti leh…! Vàngduoi i’n ti hlea chu, a dik dik chun, kei ku hi a vàngduoi lem chu ka nih. Ka felnawnahai mi tuom mawi hlaktû ding, ka ni ang anga mi’n hlutthiemtu ding pasal \ha le hrietthiemna nei kha, lo nei ni lang chu, nufel le \haa inthang vê ding hi ka ni vei leh... A mi kawltu’n zir tlat lo chê chu, ieng am ang chuong ka ti leh? Lunghlu man tam khawm hi, vawk hnârah inbûk inla, a mawipui chuong ding am a nih? I ring ang ka lo ni nawh a, ka ring ang i lo ni bawk nawh a. Ei lo inringsuol vê ve a ni hi…! In\he inla hlak, nang ang chau, pasala lo nei nuomtû che hi, tûkhawma ieng ding khawm an mi ti ta âwm si nawh. Kei’a ang ang ku hin chier chier lovin to \awk \awk la a ni’l.” a tipèk a. A’n ngaituo vung vung a. “A ni àwm takluo ie..” tiin zuntehmer che rak khawpin an innui niin an hril. Kei khawm hi ieng uol ka ni bìk ngai nawh. An pâ tak, fel vê mang si lo hin, ka nuhmei ka nauhai hi fel èm èm ding hin ka lo beisei hlak a. Nuhmei \ha ditin nau \ha ka’n hnar hlak a. Ruolhai nau haiin an nu le pa inza a, a tlûn a kawia an thu an awi ka hmu chàng dàm hin, ka’n hnarin chuong ang nau ka nei ve naw lei chun, ka lungril hi a na ngawi ngawi hlak. Nauvin an mi’n zana ding le, an ngaisàng ka hlawna dingin, entawn tlàkin ka khawsa ngai bawk si nawh. A ring ang ka ni naw ang bawk a, ka ring ang ni ve lo, mi pakhat hi a um a. Ama chu a pa’n kawng

iengkima a buoipui, a sàwlpui èm êm hlak a nih. A pâ zàra ngirhmun insâng chuongkai thei khawm a ni nghe nghe. A pa chu mi mâwl el a ni leiin, a naupa’n ngirhmun insâng le inzaum a chuongkai chu, làwm takmeu meuvin a làwm hlak a; a uongpui hlak. Inzapuium rak khawpin a sopui hlak a nih. Ka ring naw ang takin a pa chu inzapuiin a lo hmusit rùk èm êm hlak a. Pawi ka ti thei hle. Ka ring dàn le ka lo beisei dàn chun, ama chu mithiem, chinchàng hrie, a pa chu mimâwl, hrietna nei tlàwm a ni leiin, a pa chun thil inzakum tak tak a lo thaw hlak khawm a, ama chun inkhingpui el lo a, hrietthiemna insâng tak le a pa chu tuommawi hlak dinga ka lo ring hlak hi a nih. Ka ring naw ang taka a pa a’n khingpui a, inzapana nei dêr lova a pa a \awng khum hlak le a biek sisaw hlak thu ka hei hriet chu, pawi ka ti taluo a, malsawmna a dawng ding po po a ben buok vawng niin ka hriet a. Ka’n pàmpêk hle. Hi pa hin a nu le pa a chawimawi naw a nih. Ei nu le pahai hi an var, an fel, an \hat lei chauva inza a, chawimawi ding ei ni nawh. An lo invèt a, an lo fel nawh a, an lo \ha naw a ni khawmin, hmangainaa tuommawi a, an saruok zamaw chen khawm inkhummawipèk hlak ding ei ni lem. Nu le pa inkhingpui thûr thur le, nu le pa inzana nei dêr lova a ru inlang râwt ràwta be hlakhai rêng rèng hi, a tluongtlung an um ngai nawh. Thuvarhai 30: 17-na tiemtu chun, a nu le pa sukduda ngam naw nih. Nautesen ei ni laia inthawka mi lo dawn tlei a, a tlûn a kawia mi lo keitlei hlaktû an ni leiin, a tlûn a kawia ei dawm ve an \ùl a nih. Nu le pahai hi, an upat hnung lem hin chu, an lungril natna le an lawmna khawm a chin tah ti hrie a, indawi le duot taka enkawl hlak ding ei nih. Chuong anga nu le pahai dawm thiem dinga ka ring haiin, an nu le pa an suknawmnat ka hmu chàng hin pawi ka ti thei taluo a; an tàwpna ding ka thlìrin ka lungngai hlak a nih. Khingtieng pang ka thlìr nàwk a. Nauhai chunga nuorna ding le thlasietna ding zawng ngat ngat pàwl hi ka hmu nàwk a. Hieng ang mihai hin famkimlona khawvèla hin thil iengkim - a sie le a \ha khawm - a lo um famkim vawng a nih ti hi an ngaituo ngai naw niin ka hriet hlak. Joba chun, “Pathien kuoma inthawkin thil\ha ei hmu chun, thil\halo khawm ei hmu naw ding am a nih? ” a lo ti kha tie. Pa pakhat hin naupasal sawmkhat a nei a. Anni laia pakhat ti naw chu an \ha vawng a. Pakhat chu a suol èm êm a. A ngaina um lo khawpin a suol a nih. Chûpâ chun a nau pakuohai \hatna leiin, Pathien kuomah lawmthu a hril ngai hrim hrim nawh a. Pakhat suolna chun a nun a kei kùr a, hlimnî hrim nei lovin damlai nî a hmang hlak. Chuonga beidawng taka a um chu a nau pakuohai chun an ngaithei naw èm êm a. “Pa, i nau pakuohai hi ka \hapèk èm êm che a. Keini \hatna zâr bèk hin insukhlim tum hlak ta la. Beidawng le hmâithùma i um zing hi hmu rinum kan ti ve annawm. Annawleh, hienga i um tho tho ding a ni chun, keini khawm hin, suol lampui hi kan hraw vê el ta ding? ” tiin pâ tak chu hnèm le zil an thaw a. Pâ tak chu a hung harsuok phut a. “A ni takluo. Thil hi a’n thim tieng ngawt ka lo thlìr hlak a. Ka lo thawsuol a nih. Mi ngaidam ro. Sawmkhat laia pakuo in mi \hapèk èm êm a. Pakhat suol leia kûrinkuk el ding hi chu ka ni bìk nawh…” tiin a nau pakuohai \hatna chungah Pathien kuomah làwmthû a hril a nih. Nuorna ding ngawt ei zawng chun, hlaphuoktu Lalsangawi-in, “A harsa ngei khawvel hi chu, lungawina rèng a um nawh” a ti angin, lungawina ding nêkin, lungawinawna ding hi ei hmu ràwn lem ding a nih. Pa pakhat hin a sanghai insuol thu a hriet leiin hmun hla taka inthawkin, a sanghai umna khuoah a hung inzin a. A sanghai pahni chu kovin. “Bawihai, inhal thei le insuol theia ei la dam dàm hi. Làwm a um ie maw… Lawmthu hril hlak ei tiu…” tiin Pathien kuomah lawmthu hrilin a \awng\aipui niin an hril. Ka ring tak tak, lungawina ding nèka lungawinawna ding ngawt zawng tam tak an um laiin, ka ringnaw tak tak, beidawngna sûmpui hnuoia hlim zing tam tak ka hmu hlak bawk. Ka ring i va ang naw de…! ti ding hi tam tak ei um a nih.

April 07, 2019 Rengkai, Tui\haphai

PM Modi biopic hearing April 15-ahNEW dElhi: Election Commission in Lok Sabha Election zo a ni hma chu Prime Minister Narendra Modi chanchin film a siem Modi biopic release lo din-ga a ban khingletna peti-tion file-a um thuah April 15, 2019 khin Supreme Court chun hearing nei dingin a remtih. PM Biopic hi April 11, 2019 a kha tlangzar dinga ti a ni a, sienkhawm Election Commission chun release ding a

cheltang/ban a. Election Commission in release a ban khingletnain biopic producer chun Supreme Court-ah petition a pek a nih. A hma chun SC in film hi release thei dingin rem-tina a pek a, sienkhawm a hnungah Election Com-mission chun Lok Sabha election process fe mek a ni leiin political thilah inhrietthiemnawna intlun thei a nih ti leia release ding a cheltang a nih.

Odisha in resources a hau, sienkhawm mipui an pasie zing: ShahKEONjhar: BJP national presi-dent Amit Shah chun, Odisha-a BJD sawrkar beiin, Odisha chu natu-ral resources tienga hausa a ni a, sienkhawm Naveen Patnaik inrawinaa Odisha sawrkar hnuoiah mipui hai an la pasie zing tiin a hril. Hi thu hi zanita Keonjhar hmuna rally neina huna Mr Shah in a hril a ni a, BJD sawrkar rorel dan indiknaw le corruption nasat leia state changkang theilo a nih tiin an tum.

A hril peinaah Opposition con-gress khawm nasa takin a sawisel bawk a, Rahul Babu party chun In-

dia ramah kum 70 sung ro an rel ta a, sienkhawm retheina an sukbo thei nawh tiin an tum bawk. BJP inrawi central sawrkar ruok chun ram sunga hmasawnna kalbi thar remin, retheina sukbo dingin hrat takin hma a lak a nih tiin a hril. District Mineral Fund hnuoiah dis-trict ta dingin Rs. 1600 crore pek a ni a, BJP an hung sawrkar nawk chun hi sum hmanga sin thaw a ni ding thu a hril.

RPF in kumtling lo 708 an sansuokGUWahati: Kum 2018 sung khan Northeast Fron-tier Railway (NFR) hnuoia Railway Protection Force (RPF) chun NFR huop sungah pasal le nuhmei kum tling lo 708 an sansuok tiin NFR Chief Public Re-lation Officer P.J. Sharma chun Zirtawpni khan a hril. Naupang sansuok an ni baka hin mihriema sum-dawngtu mi 20 an man bawk niin Mr Sharma chun

a hril. Naupang sansuok hai lai hin kum tlinglo pasal 428 le nuhmei 280 an \hang a, pasal 30 le nuhmei 45 hai chu kum tling (adults) an nih. Sansuoka um hai laia 410 hai chu NGOs hai kuta inhlan an ni a, 233 hai chu an nu le pa hai kuta inhlan an ni a, a dang po chu concerned GRP/Police kuta inhlansawng an nih.

Fourth phase withdrawal hun a tawp; campaign ngawr taka nei mekNEW dElhi: 17th Lok Sabha Electio process fe meka April 29, 2019 a States 9 chuong haia Lok Sabha seats 71 haia Fourth phase inthlangna hung um ding le inza-wma nomination paper file tu hai ta dinga inhnukdawk theina hun chu April 12, 2019 khan a tawp tah. Fourth phase a hin Maharashtra-ah seat 17, Uttar Pradesh le Raj-asthan hahai seats 13 ve ve, West Bengal-ah 8, Odisha le Madhya Pradesh haiah 6 ve ve, Bihar ah seat 5 le Jharkhand-ah seat 3 hiah inthlangna a um ding a nih. May 6, 2019 –a Fifth phase inthlangna um dinga nomination

file-na process khawm a fe mek a, hi phase a diga nomination paper file nuom han April 18, 2019 chen khin file thei an tih. Hieng laizing hin First phase election zo a ni hnungin Politi-cal party leader tum tum hai chun phase dang haia dingin campaign ngawr takin an fepui mek. PM le senior BJP leader Naren-dra modi chun Ahmednagar (Maha-rashtra), Gangavathi (Karnataka) le Kozhikode (Kerala) haiah zanikhan vote campaign a nei. Thu a hrilna haiah NDA chun sawrkar hrat le corruption free sawrkar a pek ding thu a hril.

Congress president Rahul Gan-dhi khawmin zanikhan Tamil Nadu hmun pathum haiah vote campaign neiin an party Minimum Income Support Scheme chungchang uor takin a hril. Uttar Pradesh a chun Samajwadi party president Akhilesh Yadv in Pilibhit hmunah campaign a nei a, Congress leader Jyotiraditya Scin-dia in Hathras hmunah road show a nei a, NCP chief Sharad Pawar chun Sangli hmunah campaign a nei bak. BJP leader le party leader dang dang hai khawmin an party ta din-gin campaign an nei tawl.

First anniversary an hmang

CCpUr: Ascend Coach-ing , Simveng chun zani zantieng 2:00PM khan Simte Inn, Simveng, CC-Pur-ah First Anniversary an hmang a, Pu T. Paukhan-lian, Chairman, ADCC spe-cial guest in a \hang. T. Puakhanlian in thu a hrilnaah, Ascend Coach-ing in sumdawngna ding ni loa Humanity Service-a ruolchamin an hawng chu inpakum a ti thu a hril a, Society ta dinga innghatna tlak hung ni ngei dinga \han la dingin an fui a. Ei nu le pa hai an hung pen-sion hunah iengtin am

ei khawsain hringnun ei hmang ding ti an hrat lai ngeia ei khawsak dan ding ei ngaituo a \ul tiin a hril. Zanita Coaching in-din champha vawikhatna hmang huna hin khawsak harsa zuol an school-a kai mi 4 hai kuomah Scholar-ship an pek. Ascent Coaching hin Combined Graduate level le 10+2 level exam tm tum a ding coaching a pek a, thawktu mi 4 an um a, chu-onghai chu- Greta Khaw-bung, Chinsuanlian Tomb-ing; Haumuanlal C. Tombing le Lun Ngaihte hai an nih.

Free School Uniform an sem

CCpUr: SSPP Residen-tial School, Ngathal chun zani zingkar 10AM khan an school campus-ah Free School Uniform distribu-tion hun an hmang. Hi huna hin Pu Ricky Vanlallawm Guite, outgo-ing Principal, CCPur Govt. College chief guest in a \hang a. Thu a hril hunah, Pathien \i chu hlawtlingna bulpui a ni thu le tumruna \hangloin iengchen khawm tlung thei a ninaw thu hri-

lin, mi pakhat-pahni suol leiin mi popo an suol vawng naw a, mi pakhat-pahni suol leia lampui indiknaw hraw lo dinga \hang la din-gin student hai an fui a. Hlawtlingna dingin mi han darkar 10 an tiem chun, darkar 12 bek lekha tiem tiem inla hlawtling ngei in tih tiin a hril bawk. SSPP Residential School-a hin students 634 umin inchuktirtu 23 an um.

rFt in \hangpuina an pek

CCpUr: Ropiang Founda-tion (RFT) chun Apriul 11, 2019 khan CCPur khawpui sunga naufahra enkawlna home pahni haiah \hang-puina an pek nawk. |hangpuina an pek hai chu Hebron Children Home le Covenant Children Home hai an ni a, Quilt le bedsheet an pek. Zani

hmas khawm khan Mercy Home, Thingkangphai le Pangzawl-a um Hapinesss Home hai Quilt le bedsheet an lo pek ta bakah tuta hma met khan Sangga muon In, Bijang; Tunnu Limbel, Zomi Colony le Vondei Sauliim, Zomi Colony hai khawm Quilt le bedsheet an lo pek tah.

Smriti irani Graduate lo

amEthi: Union Minister Ms Smriti Irani chun Lok Sabha election hung um dingah Ningani khan Ra-hul Gandhi inkhingpui din-gin Uttar Pradesh-a Amethi biela dingin nomination pa-per a file. Nomination paper a file huna affidavit a pe-klut a chun three-year de-gree course a zonaw thu a zieklang. A qualification a zieklang dan chun School of Open Learning (Corre-spondence) University of Delhi ah Bacherlor of Com-

merce Part-1 chen a thaw a, sienkhawm a zo nawh. Kum 2014 lok Sabha Election-a Amethi bielah a ngir hmasa tak \um khan School of Open Learning (Correspondence) Univer-sity of Delhi-ah 1994 khan Bachelor of Commerce Part-1 chen thaw niin a ziek lang a, kum 2004 a Delhi-a Chandni Chowk biela Con-gress leader Kapil Sibal an khingpui \um khan a affidavit-ah BA chu kum 1996 khan Delhi University (School of Correspondence) niin a lo inziek bawk a nih. A Quaification thu hi tuta hma khan hril a lo hlaw ta hle a. Tuta \uma mi hi chu an dik tak nita awm tak a nih. Class XII chu a zo chieng ngei a, sienkhawm BA zo loin Commerce Part-I chen chu an chuk a nih.

3thlatUN (april) 13, 2019iNriNNi (SatUrday) NatiONal/iNtErNatiONal & adVErtiSEmENt Hmasawnna Thar

laKtaWi sIelMAt BIBle COlleGeSielmat, Box-3, P.O. Churachandpur,

Manipur-795128

Admission noticeSielmat Bible College offers Theological training to committed men and women with specific call to Christian Ministry. Applications are invited for the following regular theological courses:Course Eligibility DurationDiploma in Theology (Dip.Th) 10 pass 2 yearsBachelor of Theology (B.Th) 10+2 pass/Dip.Th pass 3 years

(Both courses Accredited by Asia Theological Association) Last date of submission of application forms : April 30, 2019 Entrance Test - First phase : May 06, 2019

- Second phase : May 17, 2019Application forms can be obtained from the office of the Registrar, Sielmat Bible College For further details please contact: The Registrar Sielmat Bible College Sielmat Box-3, Churachandpur Manipur – 795128 Mob: 08794179530 (Reg) / 08787319129 (R)09436443921(Prin)(13,16)

SiNlUNGtech Special lucky draw

MeMBeRs HAI KuoMA INHRIeTTIRNA SPLD 1ST draw tarik 13/04/2019 (Saturday) ah nei ding tikha, tulai MP Election leiin nuom angin Agents tlangram le hmun hlaa mi haiin, an list le pawisa hai an hung submit hman naw a. An hung hni angin, Sinlung Tech Special Lucky Draw Scheme Board chun, karkhat la extend dingin thutlukna a siem a. Member hai ei har-satna hrie thiema, lo la nghak fan fan dingin ei in ngen in ei inhriettir a nih. First draw re-shedule date chu 20/4/2019 (Saturday) 1:00 PM sharp. At Rengkai Community Hall, Rengkai, Churachan-dpur.

By:- SSLD Scheme Board.

Office of the

hmar Women association General Headuarters

CondemnationApril 12, 2019

Hmar women association. Gen htrs chun date 11.4.2919 zana Saikot, le Rengkai Edenthar hmun a silai kap ani-na chungchanga kan dem hle a nih. Hiengang ang thil thiltlung um chang hin nuhmei naupang an thlabar a damnaw hai ta ding lem chun natna suk zuoltu ani leiin tu pawl khawma hiengthil hi thaw ta lo dingin kan ngen a. A thawtu hai hi kan dem takzet anih. Hmar Inpui thu-suok ngaipawimaw loa hieng in rikrap na a silai hmet puok hai hi HWA Gen. Hqrts. chun demna insang tak in a dem a nih.

Sd/-president Sd/-SecretaryHmar Women Association GHQ

Office of the

Saikot Village authorityChurachandpur, Manipur

CONdEmNatiON12-4-2019

Date 11th April, 2019 (Ningani zan) zan re ta hung a tu ti hrietlo han Saikawt Kanan Veng Nu le nau sukthlabar zawnga silai an hung hmetpuok hi \ha kan tinaw a, kan dem takzet a nih. Tuta hnung hiengang thil ditumlo hi kan khawsungah a tlung nawk a ni chun Saikawt mipui hai in en liem in tosan mei mei ta nawng kan tih.

Sd/- james Cole Sd/- lalropui Chief/Chairman, Secretary,

Saikawt Village Authority.

In mi vote naw chun mi hung

pan naw ro: Maneka Gandhi

NEW dElhi: Union Minister for Women and Child Development Ms Maneka Gandhi chun Lok Sabha election hung um ding le inzawma vote a campaign hunah Muslim hai chu vote dingin a ngen a. An vote naw a ni chun ieng sin thaw ding khawma ama pan lo dingin warning a pek. Ms Maneka Gandhi in hienga Muslim voters hai a vau hin sawisel le ngaimaw a hlaw hle a, a thuhril lai videwo khawm social media-ah nasa taka thedar a ni nghe nghe. Ms Gandhi chun, ‘hrat-na chang ka tih, sienkhawm Muslim hai vote \hang loa hratna chang ka ni chun lawm naw ning’ tiin Mus-lim voter hai kuoma a hril. Hi thu hi Uttar Pradesh-a Sultanpur hmuna mipui hmaa a hrilna huna a hril a nih.

Motor eksiden-ah mi 9 an thi

jaipUr: Rajasthan a chun Zirtawpni khan Jai-pur district-a hmun hran hran pathum haiah motor eksiden tlung leiin mi 9 in thina an tuok a, midang 32 in hliemna an tuok bawk. Eksiden leia thi hai lai hin nuhmei 5 an \hangsa. Jaipur-Delhi national highway-a Rayali village-a Van le Truck inbaw leiin nuhmei 2 le pasal pakhat an thi a, midang 22 an hliem. Govindgarh area-ah Bus inletthlu leiin mi 2 an thi a, midang 10 an hliem bakah Renwal area ah mo-torcycle in car a baw leiin mi pathum an thi bawk a nih.

Kishtwar-ah Cur-few la zam zing

jammU: Jammu and Kashmir-a Kishtwar dis-trict-a chun a zawna ni 4-na dingin Zirtawpni khan Curfew la zam zing a nih. District thuneitu hai chun zani zantieng 4PM khan darkar khat sung chu cur-few hi an inthlazal niin thu dawngna chun a hril. Thawleni liemtaa Kishtwar town-a health centre pakhata sinthaw se-nior RSS leader Chander-kant Sharma le a security guard hai kaphlum an ni le inzawma Kishtwar hmuna hin Curfew zama um a nih. Mr Sharma kap hlum a nina le inzawm hin over-ground workers (OGWs) iemanizat chu thu indawn dinga \huoi an nih.

KriShNaGiri: Congress president Rahul Gandhi chun Prime Minister Nar-endra Modi chu a ruol\ha mi 15 hai ta dinga sawrkar enkawlin an tum a, bank de-faulters Vijay Mallya bakah Nirav Modi le Vijay Mallya hai chu bank loan an thun-gkir theinaw hnungah India rama inthawk an tlanhmang a, a tutu khawm jail-a thun an la ni nawh tiin a hril. Hi thu hi zanita Tamil Nadu-a Krishnagiri hmuna thu a hrilnaa Rahul Gan-dhi in a hril a nih. A party sawrkar siem dinga thlan-glal an ni huna chun bank loan thungkir theinaw leiin

loneitu tukhawm jail-a sielut ni naw ni hai, mi hausa tawntaw hai jail an lut naw laiin anni ang tho loneitu hai jail an lut bik chu a fair nawh tiin Rahul chun a hril. Nirav Modi kuomah Rs. 35,0000 crore; Mehul Choksi kuomah Rs. 35,000

crore le Vajay Mallya chu Rs. 10,000 crore pein Ra-hul chun PM Modi an tum a. Kum 5 liemta sung khan Modi chun a ruol\ha mi 15 hai ta dingin sawrkar a siem a nih tiin a hril. Rahul in a hril peinaah, a party le an \hangruolpui

hai chun Tamil Nadu mipui chu Nagpur (RSS) in ro an rel khum a phal ngainaw ding thu a hril a, DMK chief MK Stalin chu Chief Min-ister a hung ni vat tah a ring thu a hril.

Rahul hin PM Modi chu a ruol\ha 15 hai ta dinga sin thaw in an tum

Gujarat HC in BJP MLA tlinglo in a puongahmEdabad: Gujarat High Court chun Dwarka biela BJP MLA Pabubha Manek chu a nomination form-a fillup kimnaw leiin MLA a thlangtlinga puong a nina hnawlin MLA a in-thawk a ban (invalidated). Mr Manek hi kum 2017 Gujarat Assembly Election a khan Dwarka bielah th-langtling a ni a, an khingpui Congress candidate Mera-man Ahir chun a nomina-tion paper file chungchanga hin a khinglet a, chu le inzawma Justice Paresh Upadhyay in Zirtawpni-a

hearing a nei huna MLA a puong a nina a kansel/ban ta a nih. Meraman Ahir chun, BJP MLA hin a nomina-tion form-ah constituency hming a zieklang naw/thein-

ghil a nih tiin an tum a nih. Mr Manek hin a nomi-nation form-ah constituency hming ziekna dinga pro-poser hming a ziek nia hril a nih. Mr Manek MLA nina

kansel nisienkhawm Mera-man Ahir in ama MLA din-ga thlangtlinga puong dinga ngenna a siem ruok chu High Court hin a hnawl. Chun, Manek lawyer in Supreme Court-ah a khinglet theina dinga or-der chawlkar 4 sung stay pek dinga a ngenna khawm Court chun a hnawl bawk. Hi lei hin Dwarka biel chu hluotu um loa ngai a ni tah. Manek hi term 7 zet hi biela lo tling tah a ni a, kum 2017 election a khan votes 5739 in Meraman Ahir a lo hne a nih.

SC in Political parties tin hai electoral bonds le donors hai May 30 chena pelut dingin an hriettir

NEW dElhi: Asso-ciation of Democratic Re-forms (ADR) NGO in elec-tion process lantlang lema a um theina dinga politi-cal funding details insuo ding am annawleh Political bond scheme stay ding ti thuah petition a file le inza-wmin Supreme Court chun Political party tum tum hai chu May 30, 2019 chenah electoral bonds le donors hai nina (identity) chieng tak sealed cover in Election Commission kuoma pelut seng dingin Order an suo. Chief Justice of India Ranjan Gogoi, Justices Deepak Gupta le Sanjiv Khanna hai umna Supreme Court chun political bond scheme stay loin fe pei a ta, sienkhawm Political parties tin hai chun fund an hmu hai, donors hai nina, sum an pekzat le bank accounts chen chieng taka zieklangin May 30, 2019 chenah “Sealed Cov-

ers” a peklut ding a nih tiin Zirtawpni khan Order an suo a nih. January, 2018 khan sawrkar thlungpui chun Electoral Bond scheme notification an suo a, hi scheme hnuoia hin Sec-tion 29A of the Represen-tation of the People Act, 1951 hnuoia registered political parties , Lok Sa-bah annawleh state Leg-islative Assembly a votes one percent neka tlawm lo hmu han electoral bonds an dawng thei ding ti le, Electoral bonds hrim hrim political parties han au-

thorized bank a inthawk bank account fethlenga an sumfaia an laksuok ding ti a nih. Scheme hi sumfai-a political funding sukbonaa thaw niin, scheme hnuoia hin donors hai hming chu banks chauin an hriet ding ti a nih. Supreme Court chun Electoral bonds inchawk thei hun suktawi dingin Finance Ministry an hriettir bawk. Petition petu hai aiaw-a ngir advocate Prashant Bhusan chun Election Commission figures dung-zuiin bonds inchawka um

Rs. 221 crores laia 210 crores chu BJP a lut niin tuta hma khan a lo hril ta a, Attorney General KK Venugopal chun hnielin, voters han an candidates hai hrietchieng theina rights an nei a, sienkhawm political parties han fund-ing an hmuna an hriet kher a \ulna a um nawh tiin a hril. Petition petu hai chun Electoral Bonds Scheme hi political parties hai ta dinga India le foreign companies hai chena inthawk limit um loa donation lut theina kawt a ni leiin Indian Democra-cy-ah impact \ha lo tak um thei a nih tiin an hril. Election Commission khawmin sawrkarin po-litical parties hai funding hmu theina dinga electoral bond scheme \ana um chu a kal naw a, sienkhawm a petu hai le an pek zat suk-lang loa um chu a ngaimaw tak a ni thu a hril.

Jamia nuhmei VC hmasa tak dingin

Prof. Najma Akhtar

NEW dElhi: National Institute of Educational Planning and Administra-tion (NIEPA) chun kum 1920 a Jamia Millia Isla-mia indin a nia inthawk nuhmei Vice-Chancellor hmasa tak dingin Ningani khan Professor Najma Akhtar a ruot. Prof. Najma Akhtar hi university Vice-Chancellor 16-na le Delhi a Central University um haia nuhmei vice chancellor hmasa tak a nih. Prof. Akhtar hi NIE-PA-ah Educational Ad-ministration a Head of De-partment sin chel lai mek niin, kum 15 sung lo thawk tah a nih.

Sonia Gandhi in nomination a file

raE barEli: UPA Chairperson Pi Sonia Gan-dhi chun Ningani khan Roadshow neiin, Lok Sab-ha Election hung um dinga Rae Bareli PC a ngir dingin nomination paper a file tah. Pi Sonia Gandhi hi MP dinga vawi 4 thlangtlinga lo um tah a ni a, nomina-tion a file huna hin a naupa Congress president Rahul Gandhi, a naunu Priyanka Gandhi Vadra le a makpa Robert Vadra han an zui. Rae Bareli hi phase 5-naah May 6, 2019 a inth-langna nei ding a ni a, tu-lai hnaia BJP lo zawm tah Congress chief hlui Dinesh Pratap Singh leh an inkhing ding a nih.

Amritsar-ah Sha-heed Udham Singh

statue in\hutamritSar: Kum 1919 a Jallianwala Bagh silai kap huna Lieutenant Gov-ernor of Punjab Michael O’Dwyer kap hlumtu, July 31, 1940 a London hmuna khaihluma lo um Shaheed Udham Singh lim chu a hmasa takna dingin Amrit-sar hmuna in\hut a nitah.

Trump, Moon Han North Korea Le Inbiek Nawkna Ding Hril

WaShiNGtON: A panthlang pa North Korea’n Nuclear bomb a nei zing ti hriet zing leia um inhawi ti thei lo South Korea President Moon Jae-in chun, North Korea le US inbiekna thawk hni hlawsam ta chu, thawk thumna nei nawkna dinga hma laa Washington an zin chu a hlawtling ding a hawi. US President Donald Trump khawm, Kim le Hanoi-a an inbiek zo President Moon an hmupuina hmasataka chun, Kim leh inlaichinna suk\ha zingin an inbiek zing thu le Nuclear bomb sukbona dinga inbiekna chu \ha a ti thu a lo hrilpek a. Moon khawm a lawm hle.

Amiruokchu, North Korea suklungawina dinga Sanction hlipek or inthlazal met dinga a ngenna chu, President Trump chun, “Sanction chu umzing sien kan tih. Tutaka sanction umdan khawm a \ha a, an level \hat lai tak a nih” tiin a hrilpek a. President Moon chun North Korea le South Korea kara sumdawngnahai rekbeta um hai bik thuah US kuomah inthlazal pek dingin a ngenna ruok chu, Trump-in hun a la ti naw a. “Tuhi a hun \ha tak a lan nawh” tiin a hril. Trump chun a neka chin deuhai hriltlang (inthlazal) chu pawi a ti naw a. A zuolpui tak

ruok chu Nuclear bomb sukbo hmakna ding hi a nih a. A pawimawtak chu Nuclear bomb sukbo vawng hi a nih. Chutaka ding chun, chite te hai lo sukfel pei thei a nih” tiin a hril a. North Korea le inbiekna Summit vawi thumna nei khawm a nuom thu a hril bawk. Henglai zing hin North Korea Cenral News Agency chun Nuclear ralthuom thua inbiekna chu a chawl hri a, sunzawm nawkna ding chance khawm Kim Jong Un an biek ta naw leiin hriet thei khawm an tak tah, tiin a lo ziek ve. Nilainia Kim Jong Un rawia a Cabinet meeting ah, President Kim Jong Un chun, “Hmelmahai hne theina ding’ chun ‘mani ralthuoma intodel’ a pawimawzie uor takin a hril a. “North Korea inkuntirtu chunga phuba lakna dinga \ha tak chu, hmelma pa dittawka rawtchimit vawng a nih” tiin inbiekna nekin tharum hmang a hrilmawi niin a hril.(Reuters)

South Korea-in Nausukthlak Khapna Dan Sukbo TahSEOUl: South Korea chun an ramah kum 1950 laia inthawka lo hmang tah, nausukthlak khapna dan (Anti-Abortion Law) chu a Constituion leh an kal tiin suk bo/sukdanglam a rawt a. Vote 7-2 a hnein Anti-Abortion Law chu sukbo a nih tah. Hi thil hi mi pakhat abortion vawi thum lo thaw tah daktor-in Anti-Abortion Law leia hek a nina le case a neina hai a inthawka 2017 a complaint a thelut a inthawka hriltlang \an a nih. Ningani a Court thurel chun, Anti-Abortion Law hi ei Constituition dungzui chun dankal a ni leiin nau pai a tir laia thla thum chenhai chu a \ul

anga sukthlak phal ni ta raw se tiin a rel tah niin Yonhap News Agency chun a ziek. Court chun Parliament chu kum 2020 chena hi dan hi ennawna siem\ha dingin a tih a. Chu chena a siem\ha hman naw chun, Anti Abortion Law hi ‘iengkhawm nih lo’ anga

puong a ni ta ding a nih, tiin a rel a. Kum 2020 chen nghak lovin a ziem\ha ta a nih. “Tuta dan chun nuhmeiin dit an thlang theina ding a dang tlat a, chu chu dankal a nih. An dikna chanvo an thlang theina ding a dang pek a nih” tiin a hril.

South Korea ah khin Anti-Abortion Law 1953 a inthawkin an lo nei tah a. Naute sukthlak chu ‘tuolthat’ tiin a khap a. Amiruokchu, Sexual assault, rape, incest, hereditary disorder le health risk hai leia thaw chu danin a phal. A n t i A b o r t i o n L a w dungzui (khan) chu daktor abortion thawtu chu kum 2 jail intang thei a nih. Nuhmei nausukthlatu chu kum hni jail intangin pawisa fai Yuan million 2 (Rs. 1.20 lakh vel) a chawi ding a nih. Tuhin chu nuhmei naupai, thla thum neka naupang chu a nuom chun a sukthlak thei tah tina a nih. (AFP)

GILEAD DIAGNOSTICS, RENGKAI, CCPUR

A hnuoia Doctor thiem tak tak pan dinga booking thaw nuom han a hnuoia phone number a hai hin thaw thei zing a nih.1. Gynaecologist - Tuesday (7:00AM) Friday (10:00AM)2. Urologist - Every 2nd Saturday3. master of Surgery (mS)- Monday-Thursday (7:00AM onwards)4. ENt Specialist- Wednesday (3:00PM)5. Eye Specialist- Saturday (10:00AM)6. Ultrasound - Tuesday, Friday, Saturday7. Child Specialist- Monday-Saturday (7:00AM-10:00AM Morning) (3:30PM- 6:00PM Evening)8. General OPD on booking

(13,14,) # 9366040243, 8414006553.

bEthESda SChOOl OF NUrSiNGMuolvaiphei, Churachandpur

AdMIssIOn nOtICe- 2019 bEthESda COllEGE OF NUrSiNG invites a female candidate for admission to B.Sc Nursing and General Nursing & Midwifery (GNM) course for the year 2019.

ELIGIBILITY: - (1) B.Sc.(N) = Cl- XII Science (PCB&E) (2) GNM = Class XII (Arts & Science)

application procedure: (1) Application form & Pro-spectus can be obtained from the Office at Muolvai-phei on all working days.

# limited seats- First come first serve basisContact No. 7629093929/ 6909464862/ 9612427308hp power minister an ban

Shimla: Himachal Pradesh power minister Anil Sharma chu BJP ministry a inthawk Zirtawpni khan an ban a, sienkhawm party a in-thawk chun an ban naw ding thu a hril. Mr Sharma hi MLA term 4 lo tling ta le Rajya Sabha member hlui a ni a, A naupa Ashray Sharma chu BJP a inthawk inbanin Mandi Lok Sabha seat a dingin Congress party chun an candidate din-gin an lo ruot ta a nih.

Ashray Sharma hi tuta hma meta kha a pu le Union Minister hlui Sukh Ram leh BJP a inthawk inban-a Con-gress lo zawm a nih. Mr Sharma chun, min-ister ka ninaa inthawk inban

lang khawm Mandi mipuiin an mi thlangtling a ni leiin MLA la ni zing ka tih, tiin a hril. Party in an mi ban a ni ngawt naw chun BJP a in-thawk inban tumna ka nei nawh tiin a hril bawk. Lok Sabha election um dinga hin Mandi biela Con-gress ticket-a ngir a naupa kal zawnga campaign nuom lo a ni a, hi leia minister a in-thawk inban ni dinga ring a nih.

Hmasawnna Thar4 EntErtainmEnt / SportSthlatUN (april) 13, 2019iNriNNi (SatUrday)

sun ZAWMnA.......

Football Fixtures: March 17, 2019 PrEMIEr LEaGuE

Tottenham v/s Huddersfield - 5:00PMBrighton v/s Bournemouth - 7:30PMSouthampton v/s Wolves - 7:30PM

Fulham v/s Everton - 7:30PMBurnley FC v/s Cardiff City - 7:30PMMan. United v/s west Ham - 10:00PM

SPanISH La LIGaEspanyol v/s Alaves - 4:30PMHuesca v/s Barcelona - 7:45PM

Atletico Madrid v/s Celta Vigo - 10:00PMSErIE a

SPAL v/s Juventus - 6:30PMRoma v/s Udinese - 9:30PM

FrancE LIGuE 1Marseille v/s Nimes - 8:30PM

Monaco v/s Stade Reims - 11:30PMStrasbourg v/s Guingamp - 11:30PM

Caen v/s Angers - 11:30PMBunDESLIGa

Werder v/s SF Freiburg - 7:00PMVfB Stuttgart v/s Bayer - 7:00PM

RB Leipzig v/s Wolfsburg - 7:00PMHannover v/s Monchengladbach - 7:00PM

Dortmund v/s Mainz - 10:00PM

Europa league roundup:

Arsenal, Chelsea, Valencia le Benfica an hratlONdON: Arsenal chun Zirtawpni zingkar (IST) khan Uefa Europa League quarter-finals first leg an home Emirates stadium-ah Napoli an mikhuol a, Ar-senal chun Aarom Ramsey le Koulibaly (OG) goal hmangin Napoli 2-0 in an hne. Goal hmasa minute 14 naah Aaron Ramsey chun Arsenal ta dingin goal a hung thun a, hi zo minutes 25 naah Kalidou Koulibaly chun Arsenal ta dingin Own Goal (OG) a hung thun nawk leiin first-half chenah Arsenal chun Napoli hi 2-0 in an hne ta a. Second-half sung Na-poli in a goal bat a thungkir naw bkah Arsenal khaw-min goal a thun belsa tanaw leiin inkhel tawp chenah Arsenal chun 2-0 in Napoli an hne ta a nih. Second Leg-ah Na-poli chun April 19, 2019

khin Arsenal hi mikhuol ve thung a tih. Chun, zani zingkar khan Slavia Praha chun quarter-finals first leg-ah an home Sinobo Stadium-ah Chel-sea a mikhuol a. Chelsea chun Marcos Alonso goal hmangin Slavia Praha 1-0 in an hne. First-half chenah goal a lut naw a, second-half min-ute 86 naah Marcos Alon-so chun Chelsea ta dingin goal a hung thun a, Praha in inkhel tawp chenah an thungkir tanaw leiin Chel-

sea chun Slavia Praha hi 1-0 in an hne ta a nih. Second leg April 19, 2019 khin Chelsea in Sla-via Praha mikhuol ve thung a tih. Chun, Benfica in an home-ah Eintracht 4-2 in an hne bakah Valencia chun a mikhuoltu Villar-real 3-1 in an hne bawk. Second-leg ah Valen-cia chun Villarreal hi April 19, 2019 khin mikhuol vet hung a ta, Eintracht chun Benfica mikhuol bawk a tih.

Champions League round-up:

Juventus in Ajax an indrawpui; Barcelona in Man. united an hneamStErdam: UEFA Champions League quarter-finals khel mek first-leg ah Ajax chun April 11, 2019 khan an home Amsterdam Arena-ah Serie A hma\huoitu Juventus an mikhuol a, a hrat lem um loin 1-1 in an indraw. Juventus chun 4-3-3 formation hmangin a hma-tawng a laiah Mandzukic le a sirah Cristiano Ronaldo le Bernardeschi an tlan a. First-half hun bo ding tawm minute 45 naah Cristiano Ronaldo chun Juventus ta dinga goal thunin hma an \huoi a. Sienkhawm second-half khel \an hlim minute 46 naah David Neres chun Ajax ta dingin goal a hung thun fe leiin an hung inang a. Inkhel

tawp chenah goal dang a lut tanaw leiin 1-1 in an indraw a nih. Champions league quar-ter-finals ah Ajax le Juven-tus inkhel hma met hin Ju-ventus le Ajax fans hai karah inbeituona a tlung a, Amster-dam Police han mi 140 chu-ong manin an hrentang. Quarterfinals leg 1 match dangah Manchester

United chun an home Old Trafford-ah Barcelona an mikhuol a. Barcelona chun minutes 12 naah Luke Shaw in Barcelona ta dinga Own Goal (OG) a thun hmangin Man. United 1-0 in an hne. Second-leg-ah April 17, 2019 khin Juventus chun Ajax hi mikhuol a ta, Bar-celona chun Man. United mikhuol ve thung a tih.

Claressa Shields le Christina Hammer an inhnek dingNEW jErSEy: Nuhmei boxing history-a boxing ropui event ropui tak ni ding Inrinni hin Chlaressa Shield le Christina Hammer han Boardwalk Hall, New Jersey hmunah IBF/WBA/WBC/WBO middleweight unifica-tion bout nei an tih. Shields le Hammer hai hi an khingpuihai hnenaw la nei lo ve ve undefeated an ni a, Shield hi World mid-dleweight WBA, WBC le IBF title hai kawl mektu a ni a, Hammers hin WBO title a kawl mek a. Inrinni-a an inhnek huna a hrat lem lem chun middleweights title 4 vawikhat thuin an lak/kawl ding tina a nih. Tuta hma khan Terence

Crawford, Jermain Taylor, Bernard Hopkins, Oleksandr Usyk le women’s Welter-weight-ah Cecilia Braekhus hai chun vawikhat thuin ma-jor world titles 4 an lo lak ve tah. An inhnek hun ding hi Inrinni 9:30PM ET a ni a,

IST a chun zingkar 7:00AM vel a ni el thei. Middleweight title pathum kawl mektu Shields (24) chun, Hammers le an inhnek hunah nuhmei box-er ropui tak a nina fans hai hmuin a pholang ding thu a hril.

Shield hi a America mi niin kum 2012 London Olympic le kum 2016 Rio Olympics haia Gold medal lo la tah a ni a, prossional bout vawi 9 a khel na dinga hin tu hne zolo nuhmei box-er ropui tak a nina suklang a tum a nih. An hnekpui ding Ham-mers (28) hi German mi niin, October, 2010 a in-thawka WBO middleweight title lo kawl tah a ni a, pro-fessional boxings vawi 24 zet lo khel tah, hnenaw la nei lo le vawi 11 zet a khing-pui hai knockout-a lo hnetu a nih. Shields le an inhnek ding hi a ta ding chun nuh-mei boxing-ah ‘game chang-er’ a hung ni ding thu a hril.

PV Sindhu semifinals

lutSiNGapOrE: Olympic silver medalist le world number 6 PV Sindhu chun Zirtawpni khan China mi Cai Yangyan 21-13, 17-21, 21-14 a hnein Singapore open women’s singles semifinals a lut. Quarter finals dangah Sixth seed Saina Nehwal chun world champion hlui le second seed Japan mi Nozomi Okuhara a hne zonaw leiin a tla tah. Sindhu hin semifinals-ah Okuhara inkhelpui a tih. Men’s singles quarter-finals a chun Taiwan mi Chou Tien-chen in India mi Sameer Verma a hne.

Princess Diana Lem Chang Dingin Emma CorrinlONdON: Britain Royal Family chanchin bik film-a siem, Netflix-a ‘The Crown’ tia Lady Diana lem changtu dingin, lan lar bek lo a nia chu, newcomer Emma Corrin (23) chu thlang fel an tah tiin Netflix-in a puong. ‘The Crown’ Third series chu zofel an tah a. Corrin \hangna ding Fourth Series chu July 2019 vel khin insuo hman tum a nih, tiin a hril. A hmaa hrietlar bek lo Emma Corrin hin film iemani zata chu a lo chang tah hlak a. ITV detective drama ‘Grantchester’ (1960 story) ah khawm a lo chang tah a. ‘The Crown’ ah hin 1980s laia Prince Charles le Lady Diana inngaizawng (inleng) hun lai lem a nih a. Prince Charles lem chu Josh O’Connor inchang a tih. Emma Corrin hi Tunbridge Wells, Kent, UK-a pieng a na. An sungin Sevenoaks ah an um a, Unau sang pasal pahni Richard (20) le Charles (17) a nei a. A pa Christopher

chu businessman niin a nu Juliette chu Speech and Language Therapist a nih. St John’s College ah Education le English le Drama an chuk hnungin tulai hnai khan Cambridge University a inthawkin a graduate a. A hma chun Woldingham School, Surrey ah kaiin Catholic boarding ah kum khatah Rs. 30 Lakh vel (Pound 36, 000) a seng

a nih. Tuhin chu ‘The Crown’ a changna a inthawkin kum khata an chukna man khsa chu kar khatin a hlaw tah ding a nih. Chu bakah film thar ‘Misbehaviour’ tlangzar ding a nei bawk. ‘The Crown’ ah hin Lady Diana chu kum 18-22 mi, a nunghak vanglai tak, mani thu thua khawvel nun

hmang nuom lai Britain lal naupa Prince Charles-in a hung biek leia, a nuhmei huol ni leia khawvel hrieta hung inlar, an in chen cameramen hai hnawtzui, tlan suokna ding nei tah lova, ‘beidawng le mani-insukna hlak’ nunghak a nih a. Series Four ah chu, Prince Charles leh an innei zo, nunghak vanglai takin a tarpi le tarpu Queen Elizabeth le Prince Philip hai suklungawi tuma a thaw/bei danhai a nih a. Lady Diana khan iengtinam thawin a tarpi le tarpuhai kha a tlangnela a biek lungawi thei a, tihai dam a nih. Chun, Diana kum 20 bawr lai vela a nungchang le hmel\hatna, a khawsakzie le naupang tea pasal nei phurrik phur hringun khawm kha ziektu hin phawrlang a tum a. Naupang tea mawphurna insangtak a hei phur nun le a pasal Charles, ngaizawng dang nei le an kar thu, insung a enkawl danhai a nih bawk.

WESTLIFE Han Album Thar Spectrum Suksuok

lONdON: Mihriem hi ei lungril put dungzuiin ei naupangin ei upa an lo ti hlak a. Irish Band inlar WESTLIFE (Nicky Byrne, Kian Egan, Markus Feehily le Shane Filan) hai khawm Dubin a an indin \an tir 1998 a inthawkin kum 21 an tling taa chu an ‘hlim deu deu’ a, inhma neka ‘la naupangin’ an inhriet lem niin an hril. Hi thu hi an career in\an tir a inthawka an album thaw \ha taknaa an hriet, album thar ‘Spectrum’ an siem zona le inzawma an hril a nih. Hi album hi kum sari lai an in\hea hla an sak kawp ta naw hnung, October 2018 a an inzawmkhawm nawk hnunga an suksuok hmasatak a la nih. A n a l b u m t h a r ‘Spectrum’ an siem zona

le inzawmin, “Tuta hma nekin kan tha a fan lem a, kan naupang lemin kan hriet bawk a. Kan hlim lem a, phur khawm kan phur bawk leiin ‘Specturm’ tiin kan inbuk a nih. “Spectrum ti hin kan mizie chi hran hran, ngaidan dang dang nei, kan rawl ki dang dang le music thiem dan chi hran hran, mizie hran seng neihai \hangkhawma Band pakhat anga kan um theina, mak le danglam taka pum khata Music kan siem theina a ni leiin a awm tiin album hmingah kan inbuk el a nih” tiin an hrilfie. ‘Spectrum’ siemna dinga hin hlasakthiem inlar iemani zat khawmin an thaw ve a. Steve Mac, James Bay le Ed Sheeran

hai kuthnung khawm a \hang. An album-a single hmasatak ‘Hello My Love’ ti khawm Ed Sheeran phuok a nih. Steve Mac khawm hi WESTLIFE hlawltingna dinga pawimaw tak a nih. Wes t l i f e h i 1998 , Dublin, Ireland-a an indin a inthawk khan an hlawtling em em a. Orgininal member Brian McFadden in 2004 khan a suoksan hnung khan iemani chen hrat takin an fe peia, 2012 a inthawk khan malzai dawm thawin an indar a. October 2018 a inthawk khan an inkawp nawk ta a nih. Tuhin Tour thar May khin Belfast a inthawkin \an an tuma, July chenin UK hrut suok an tih. Chu zovah Southeast Asia-a thlang bik City haiah nei bawk an tih.

Lori Laughlin, Thamna Pawisa Pek Thiemnaw An Tih

l O S a N G E l E S : M i beidawnghai hi khawlvela \iumtak an nih an ti hlak a. Nuhmei beidawng le beiseina nei khawm thil thaw rin an nei naw leiin an thaw suol nuom khawp el. ‘Desperate Housewives” changtu Lori Laughlin le a pasal Mossimo Giannulli chu annau USC (University) kai theina dinga thamna USD 500, 000 an pek leiin kum 40 Jail intang theina an nei a nih. Lori hin a nau nunghak pahnihai hi lekha thiemhai sien a nuoma. University admission hmu an tak tah si, an thiem bek bek taluo bawk si nawh. Nuin nauhai (lekha) inchuk theina ding a lo \hangpui chu suolin a ngai nawh a, a tir chun court thurel kum 40 jail intang thei ti thu hi mak a ti lem a nih. Amiruokchu, ‘Fullhouse’ changtunu Lori chun ‘dan lo’ a nih ti a hriet naw lei a ni thu a hril. Dankal a nih chun a

thaw suol let der a nih inhrein ngaidam an hni hnungin Court chun pawisa chawi ding le thla ruk bek Jail bang zut dingin a la ti nawk a. Amiruokchu, Jail lut kher lova inbiekfel dan lampui ngaituo a nih a. A lawyer-in a bawzui zing bawk. Lori ta ding chun mani nauhai lekha inchukna ding or sin hmuna ding chun ‘lawmman’ inpeka sin an hmu chu ‘dankal’ or ‘suolah’ a lo ngai naw a nih awm. “Ama ngaidan chun ‘dankal’ an nawh a, mani hmasielna ruok chu niin a hriet” tiin People chun a ziek. PageSix hril nawk dan chun Lori chu a nauhai an kai ngei ngei kha a nuom taka. Thei tawpa \hangpuia thei ang ang thaw an huom a nih. ‘An nauhai Isabella le Olivia hai USC an lut ngei ngei kha chu a \ul si leiin a thaw el a nih” tiin a hril. An nauhai hi an thiem thei bek naw chu a nih awm. Justice Department a case lan lartak le lientak (insangtak) a la nih bawk fine (lei) $500,000 chawi hi. Isbaella le Olivia hi lawng an kar thei nawa chu USC Crew Team ah Recruits angin zieklut an nih. N u h a i i n n a u h a i hlawtlingna ding hin chu ieng po khawm an thaw huom chu a nih hi. Abikin, mani nuom dan dan thaw thei pei hlakhai hi ‘hlawsam’ an nuom ngai nawh a. An hlawtlingna chu mi dang ta dingin a lo pawi ta hlak leiin an ta ding khawmin a pawi tah hlak a nih.

Singat A/C ah 63.03 le Churachandpur+Pherzawl A/C ah 64.88% a nih. Kum 2014 ah Tipaimukh A/C chu 81.95% a nih a. MLA election chu 69.33% a nih. Network le transport \hat tawk nawk leiin EVM/VVPAT le information la hmu kim lo a ni leiin Re-poll um \ul le \ul naw khawm iengkhawm hi thu sut chenah hriet thei a la ni nawh. Manipur-a District-wise vote per cent-age chu hieng ang hi a nih: Thoubal 76.1, Chandel 87.8, Ukhrul 87.3, Senapati 87.99, Tamenglong 77.87, Churachandpur and Pherzawl 64.94, Jiribam 68.20, Kangpokpi 81.99, Tengnoupal 86.24 a nih. Tuta \uma candidate hai chu: Naga Peoples Front ah Lorho S. Pfozie, Indian National Congress ah K. James, BJP ah

Shokhopao Mate @ Benjamin Mate; Na-tional Peoples Party ah Thangminlien Kip-gen, NEIDP ag Ashang Kasar; Janata Dal (United) ah Hangkhanpau Taithul, NCP ah Angam Karung Kom le Independent candi-date Leikhan Kaipu hai an nih. North East State hai per cent chu Ma-nipur an sangtaka 78.20% a nih. A dawtah Assam 68%, Sikkim 69%, Mizoram 50, Nagaland 78%, Tripura 81.8% an nih. Second Phase elections chu April 18 khin nei ni nawk a ta, Manipur chu Inner PC ni tang a tih. Phase dang la um po chu 3rd Phase April 23, 4th Phase April 29, 5th Phase May 6, 6th Phase May 12 le 7th Phase May 19 ning a tih. May 23 in vote po po tiem ning a ta, result puong ni nghal pei a tih. May 24 ah ieng sawrkar thar am a ngir ding hriet thei ning tih.

General Elections 2019 First Phase hlawtling taka

APWCC hi November 22, 2007 a in-din niin March 31, 2019 chen khan member hming zieklut 672 an um a, members 148 in thina an tuok ta a, member inban 35 an um a, member ban 33 an um ta bawk. Kum 2018-19 sung member thar dingin mi 16 an inzieklut a, 2018-19 sungin mem-

ber thina tuok 23 an um. Zanita thutlukna siem dungzuiin mem-ber dinga inzieklut nuom hai chun an pension-a inthawk kum 3 sung ngeia an in zieklut ding ti a ni a, chu sunga hming zieklut lo hai chu member a laklut lo ding ti a nih.

APWC in Annual General body meeting an nei

Pakistan Bomb Puokah Mi 16 Thi, 30 Hliem: PoliceQUEtta: Pakistan chu an Prime Minister thuhril leia boruok sosang lai le India le inlaichinna a derthawnga h e l p a w l h a i c h a n c h i n -in boruok a hluosip laiin simthlang tienga Quetta khawpui ah helpawlhai bomb chang kam a puoka, mi 16 an thia, 30 dang an hliem bawk niin police han an hril. M r M o h s i n B u t t , provincial police chief, Balochistan ruok chun mithi hi 8 niin a hril a. Mithihai lai hin security forces le Bazaar dawrkai hai an \hanga a tamtak chu Shia Muslim Hazaras ethnic hai an nih tiin AFP a hril. Hazaras hai hi Central Asia a inthawka hung Shia Muslim an nih a. An chin bik lei hin hriet hran an inhawi a nih. Sunni Muslim haiin an theida em em a nih. Senior police official Mr

Abdul Razaq Cheema chun, Hazarganji neighbourhood, Quetta, Balochistan hai capital laia tlung a nih tiin a hril. Mihriem ru le chang, kut le ke, taksa bung hran hran tamtak chu Bazaar lai ram tin hmu le rut kawm an nih. Mi thenkhat hliem na tuorhai khek ri inri rawng rawngin hriet ding tamtak a um bawk, lung\hawng thei

hle. Police hai hril dan chun, bomb phurtu Truck hi zingkar inhma taka hmeruo phurtu truck Bazaar hung lut sunga an hung thun niin an hril. Truck lien a inthawkin la suokin hmeruohai chu Quetta khawpui ram tina semdar ding a nih. Helpawl tukhawmin anni thaw a ni le ni naw thu an la puong nawh. (AFP).

Israel Vanboruoklawng Thlapa Tlung Lova sie

jErUSalEm: Khawvel lailung lai tak rambung chite, ar hmai tiet chau a nia chu thiemna le varna insangtak nei Israel chun Thlapa sunga vanboruoklawng (spacecraft/satellite) a tir suok hmasatak chu Thlapa sung tlung hman lovin a sie a, khawvela private fund hmanga thlapa sung lut hmasatak ni a tumna khawm a hlawsam nghal bawk. A mak hle, asan hriet a lan nawh. A n h r i l d a n c h u n Ningaini zan khan khawvel le an inbiekpaw zingna communication line chu a chat (thi thut) a, an inbiekpaw thei ta nawh. Hun iemani chen hnunga chun, ‘mission a hlawsam’ ti thu a hung puong tah a nih. I s r a e l A e r o s p a c e Industries, Space Division-a

General manager Opher Doron chun, “Thlapa sungah lut lovin thlapa puotieng a sie tah a nih” tiin satllite vanboruok lawng a hlawsam thu a puonga. A hril dan chun, a \um hma sawtnawteah engine a thi thut niin a hril. Vanboruok lawng hi a kawidar vawng bawk a nih. Scientist hai chun a san ding awm an la zawng zing a. A \um tawmin a vuong hrat taluoa a nih ti pawl an um a. Engine that hmaa ama lo thi khan engine a \ha tawk nawh ti hriet thei a nih a. Asan ding awmhai zawng dawk tum a nih. Thil tlung hi Prime Minister term ngana dinga thlang thar Benjamin Netanyahu rawia mipui tamtakin an thlir zing laia tlung a nih a. Private space company pakhat SpaceL le

Israel Aerospace Industries \hangruola an siem a nih a. Prime Minister Netanyahu chun, “Vawi khatna in hlawsam leh, thaw nawk pei ro” tiin an fui. P r i m e M i n i s t e r Netanyahu chu, tuta inthawka kum hni hnungah chu Israel mi astronaut ngei Thlapa sunga tirlut a tum a nih. President Reuvin Rivlin, naupang tamtak le lo en vetu chun, “Thlapa sunga a lut kar kan nghakhla vei leh a pawi khawp el. A buoipuituhai inpak an um hle. Thei hun chu la um ngei a tih” tiin a hril. NASA chun a tuorpui hle a. NASA Administrator Jim Bridenstine chun, “Thlapa sung lut tuma hlawsamna taphawt chu ei ta dinga inchukna a ni pei a nih. Adjust a, inchuka, hma sawn pei ding. Israel SpaceL le Israel Aurenonautics Industries hai khawmin ni khat chu la hlawtling ngei an tih. Chutaka ding chun hi hlawsamna hi a \angkai hle ding a nih leiin a thlawn an nawh” tiin a hril. (Reuters)