OMAA ÄÄNTÄ ETSIMÄSSÄ CVT:n vaikutus laulajan musiikilliseen ...
Boozhoo gidigoom omaa Gichi- onashowewining onji · 2020. 5. 10. · omaa Kaanada Akiing,...
Transcript of Boozhoo gidigoom omaa Gichi- onashowewining onji · 2020. 5. 10. · omaa Kaanada Akiing,...
Boozhoo gidigoom omaa Gichi-
onashowewining onji
Ojibwe | ojibwé
Gichi-Ogimaa-Ikwe Niigaan Giigidootamaagewin Gaa-onaakonigewaad
105 APABIWINAN 338 APABIWINAN
• Niigaanizim Akiing
• Gichi-Ogimaakwe Odanogiinaaganan
• Ishpimigamigoons
• Onabi’igaade
• Gaganoodamaage Kaanada akiinsing
• Anaamigamigoons
• Gaa-bakinaaged Biinjiwebinigewining
• Gaganoodamaage Kaanada gakina awiyag asigibii’iganing
S����S�����CANADA
Aaniin ezhi-anokiimagak Gichi-onashiwewinOgimaawiwin biminizha’igaade omaa Kaanada Akiing, Gichi-ogimaakwe niigaanii Kaanada Aki. Gichi-Kaanada Ogimaa dash oniigaanishkaan Kaanada ogimaawiwin.
Niswewaanagan ogimaawiwin Gichi-onashiwewin gakina dash wiidanokiimaganoon ji-ozhichigaadegin oshki-onaakonigewinan.
3
5
2
4
1
Senate (the Senate of Canada Building)
House of Commons (West Block)
Centre Block (closed for rehabilitation)
East Block
Visitor Welcome Centre
2
3
4
5
1
Midaachinoon Akiikaanan omaa Kaanada Akiing gaye nisinoon Giiwedino-akiikaanan gaa-izhi-dibendaagwakin omaa Kaanada. Niigaan Gaa-giigidootamaagewaad gaye gaa-gii-asindwaa ji-abiwaad imaa gichi-onashiwewining wiidanokiimidiwag ji-ganootamawaawaad Kaanada Akiing gaa-ayaawaad awiyag omaa Kaanada Akiing.
Gichi-onashowewining onjiimagan gaa-gikendamang omaa Kaanada Akiing bizaanigo ji-giigidoying. Amii imaa ezhi-nagishkodaadiwaad gaa-onaakonigewaad ji-ozhitoowaad oshki-onaakonigewin gaye ji-dazhindamwaad onaakonigewin gaye ji-naanaagadawendamowaad gaa-izhiseg noongom.
Ozhichigaadegin Kaanada Onaakonigewinan. Aaniin ezhiseg.
Mii dash ishkwaa-zhaabwiimagak nayenzh onaakonigewigamigoon, mii dash Gichi-Ogimaakwe Odanogiinaaganan daangigwanebii`ige, Gichi-Ogimaa Bagidiniwewin izhise, mii dash Kaanada onaakonigewin eyaamagak.
Giishpin gaa-bakinaaged aazhidebii’igewin I’iw onaakonigewinens, mii zhigo biminaazhikaagemagak yi’iing bezhig awe onaakonigewigamig.
Amii zhigo onaakonigewinens ezhi-azhegiiwemagak ji-ishkwaa aayaazhindendiwaad i’iw onaakonigewinens gaye ishkwaa aazhidebii`igewaad, anokaadamowij-wiindamaagewin onji.
Giishpin gashki`ewad onaakonigewinens, amii dash biminaazhikaaged gaa-anokaadamowijing, ji-naagawaabandang weweni amii dash ji-wiindamaagewaad aanjibii’igewinan nandawendamoog.
Gichi-onashowewininiwag gaye -ikwewag aayaazhindendiwag i’iw onaakonigewinens gaye aazhidebii`igewag ji-giizheninjigewaad giishpin ji-naagawaabandang geyaabi.
Izhi-mookinigaade onaakonigewinens Gichi-Ogimaag Gaa-Zhaabotoowaaj Onashowewining gemaa Gichi-Onashowewigamigoong.
Niigaan Giigidootamaagewin Gaa-onaakonigewaad
Niigaan Ganootamaagewin Waakaa’igan
Bakaan miinawaa owe Gaa-onaakonigewaad niisiya’iing ayaamagan Endaso-inini gaye ikwe gaa-gii-odaapinaaganiwid ji-ogimaawid oganoodaan gaa-gii-onji-odaapinaaganiwid.
Empii izhinikaazo awe. Oganoodamawaa’ idash gaa-gii-odaapinigod, Gichi-onashowewining ebiindigadoowaad gaa-izhi-andawendamowaad igi. Amii ezhichewaad igi e-gaagiigidowaad imaa Gichi-Onashowewining gaye e-aazhidebii’igewaad apii izhiseg ji-gagwe-biindigajigaadeg oshki-onaakonigewin gaye enamadabiwaad gamidi abiwining.
Igi Empii gaa-inindwaa bezhigwayak izhi-dibendaagosiwag. Awe gaa-niigaanishang iwe maawach niibiwa abiwinan gaa-ayaawaad amii awe e-gichi-ogimaawid. Awe dash miinawaa gaa-ani-baatiinowaad awe gaa-niigaanishkang gaa-giikaamaawaad gichi-ogimaan Gichi-onashiwewigamigong.
Ningaabii’anong Inake Waakaa’igan
S����S�����CANADA
Niigaan Giigidootamaagewin gaa-izhinikaadeg, amii iwe gaa-niigaaniimagak. Igi gaa-namadabiwaad imaa gii-asaawag imaa ji-ganootamawaawaad awiya omaa Kaanada Akiing. Miziwe ondinaaganiwiwag igi imaa gaa-namadabiwaad gakina awiyan onootamawaawaan.
Bebakaan anokiiwining onjiiwag igi Niigaan Giigidootamaagewining gaa-namadabiwaad. Odanokaadaanaawaa onaakonigewin, e-ikidowaad aaniin ge-izhi-aanjibiigaadegiban gaye e-biindigadoowaad oaanokigewinan gaye e-dazhindamowaad gegoonan gaa-izhisegin.
Gii-dazhiikamowaad gegoon igi Niigaan Gaa-giigidootamaagewaad maawaji’idiwag gaa-naagajitoowaad gegoon ji-dazhiikamowaad onaakonigewin gaye onoondawaawaa’ aninda awiya’ gaa-gikendaminid ji-ganawaabandamowaad ini onaakonigewinan.
1912 gii-izhiseg iwe noongom Niigaan Ganootamaagewin Waakaa’igan gaa-inwaadeg gii-izhi-bagamibizowag ishkode-odaabaanag.
1966 dash gii-giba’igaade iwe ishkode-odaabaanigamig. Egii-maajii-aabajichigaadeg ji-izhi-maawindoobiwaad ogimaag. Gii-aanjichigaade iwe gichi-waakaa’igan megwaa Msidal balag (Naawaya’ii -Waakaa’igan) gii-aanjichigaade.
1865 gii-izhiseg ningaabii’anong inake waakaa’igan gii-inwaade ji-danakamigiziwad ogimaag. Amii dash imaa ezhi-asindwaa igi ogimaag gaa-namadabiwaad Gichi-onashowewining. Gii-ani-aanjichigaade dash miinawaa noongom dash imaa abiwag ogimaag.