TSV63-1229M Hu Na Munna Hafha Ane A Nga Funga Luvhone VGRdownload.branham.org/pdf/TSV/TSV63-1229M...

HU NA MUNNA HAFHA

ANE A NGA FUNGA LUVHONE

Ndi a ni livhuwa mukomana. (I ri ni a imbe.) Kha ri kotamise zwifhaṱuwo zwashu zwino. Khotsi ashu wa Ṱaḓulu, ri a U livhuwa matsheloni ano nga nṱhani ha vhuḓi Hau na khathutshelo, wo ri ṋea pfanelo ya u kuvhangana fhano roṱhe hafhu, nga ḓuvha thungo iyi ya Vhutshilo-tshoṱhe vhuhulwane, u luvha Muthihi a funwaho, Murena Yesu Kristo. Ri a U livhuwa ngauri Ene o ḓa kha ḽifhasi u—u ri rengulula kha vhu—vhutshilo ha tshivhi, na u ri ṋea iḽi ifa ḽihulwane ḽine ra vha naḽo nga kha u luga Hawe. Huno vhunga riṋe, matsheloni ano, ri fhano sa vhaambasada Vhawe, u—u vunḓa itshi Tshinnkwa tsha Vhutshilo kha itshi tshivhidzo tsho lindelaho, ngavhe Muya Mukhethwa u tshi ṱuṱuwedza Ipfi ḽiṅwe na ḽiṅwe huno wa ḽi vhea mbiluni dza vhathu, u tou fana na musi ri na ṱhoḓea. Ri humbela izwi Dzinani ḽa Yesu. Amene.

Dzulani.2 Zwa vhukuma ndi dzhia izwi, nahone pfanelo khulwane, matsheloni ano hafhu, u vha ndo ima fhano na vhoinwi. Pfarelo ngauri a ri tshe na lufhera u fhira zwine ra ita, u londa vhathu. Thaberenakeḽe yashu a si khulwane nga maanḓa lwo eḓanaho. Huno ri a livhuwa nga maanḓa u vha fhano, nga kha holidei idzi, u bva—u bva fhasi hayani hashu ngei…ngei Tucson. Huno mutsho wo vha u tshi nga ndi muvhi, fhedzi ro vha ro takala u vha fhano na u vha na muṱangano.

Zwino, ndi ṱoḓa u ḓivhadza uri madekwana a ṋamusi hu ḓo vha na tshumelo ya phodzo madekwana a ṋamusi, kana thabelo ya vha lwalaho. Huno ndo vhudza Billy zwa zwino. O ri, “Zwo luga, naa ni ḓo itani?”3 Nda ri, “Zwo luga, khamusi ndi khwine ni tshi ṋea dziṅwe garaṱa madekwana a ṋamusi, tshi tshi ṱoḓa u rwa hafu u bva kha ya rathi, u itela uri hune vhathu vha sa ḓo…”

Huno, ni a vhona, ho tsitsikana nga maanḓa ngomu hafha, ri nga ḓivha uri vha nga ḓiswa hani, nga muthihi nga muthihi, u itela uri ni nga vhidzwa nga nomboro ya garaṱa yaṋu, huno ngauralo a hu nga vhi na nyivhirinyivhiri. Ri nga tou vha vhidza, nga muthihi nga muthihi, ra vha tendela u ya nga kha muduba musi ri tshi vha rabelela.4 Ngauralo, inwi, arali ni tshi lwala, kana ni na vhafunwa vha no lwala, huno ni tshi ṱoḓa u vha dzhenisa ngomu, iḓani tshi tshi ṱoḓa u rwa hafu u bva nga awara ya rathi, tshiṅwe

2 IPFI ḼO AMBIWAHO

tshithu tsha u ralo, awara ya sumbe nṱha ha tshithoma, huno na wana garaṱa ya thabelo. U ḓo vha muṋangoni, kana naho zwo ralo a tshi vha ṋea nnḓa, musi ni tshi dzhena ngomu.5 Huno, zwenezwo, hu na khonadzeo ya uri izwi zwi ḓo vha nga tshifhinga tsha u fhedza ndi tshi swika hune nda vha murahu, nga tshiṅwe tshifhinga, ngauri ndi na shedulu i lemelaho nga maanḓa zwino. Fhasi, nahone kha United States u swika kha itshi tshimedzi, tshifhinga tsho no ṱuwa. Ngauralo, riṋe, khamusi ri ḓo humela murahu hafhu ngavhuya zwiṱuku nga tshino tshilimo.

Arali Murena a tshi funa, ndi ḓo takalela u ralo, arali ri tshi wana fhe—fhethu nga hangeno arali ho rothodzwa muya. Ndo vha ndi tshi khou yo humbela Billy. Ndi ḓo takalela u amba nga ha idzo Phalaphala Dza Sumbe, nda vha na tshume-…muṱangano fhano u itela Phalaphala dza Sumbe, arali—arali Murena a tshi funa. Ngauri, izwo, zwi—Zwikhathi Zwa Tshivhidzo Zwa Sumbe, na Mapfundo A Sumbe, huno zwino Phalaphala Dza Sumbe. Huno ndi nga wana tshiṅwe tshifhinga vhunga nga Fulwi hune vhathu vha vha na holodei yavho, ra vha ṋea tshifhinga uri vha kone u dzhena ngomu. 6 Huno nṋe ndo takala u vhona Mukomana Shepherd fhano matsheloni ano, a tshi bva sibadela. Ndo vha ndi nnḓa u mu vhona ḽiṅwe ḓuvha. Huno Khaladzi Shepherd, a tho ngo swika he nda ni founela mulovha. Uyo muloro we na nthumela wone wo vha u wavhuḓi nga maanḓa, nga maanḓa. No zwi vhona, sa zwe zwa vha zwi zwone, Kristo ngomu ha—kha…kha—kha lutombo, kha iyi bere tshena, fhedzi i tshi kha ḓi vha yo vhoxwa, inwi ni a vhona. Fhedzi, naho zwo ralo, zwi sa athu phinyela, muṱa waṋu woṱhe u tea u zwi vhona. Izwo, ṱhalutshedzo ya muloro, ndi ya uri muṱa waṋu wo vhona nyito Yawe ya aya maḓuvha a u fhedzisela a sa athu fhira, zwe Ḽa vha ḽi zwone. Ngauralo, ndi zwone, izwo zwo vha zwi zwa tshimuya nga maanḓa, na phaṱhutshedzo yavhuḓi nga maanḓa kha vhoinwi, vhoinwi muṱa. Uyo muṱa u bva kha maṅwe maṱhupho mahulwane, u ḓa hune vha vha hone ṋamusi.7 Huno zwino ri na tshiṅwe tshithu, tshiṱuku nga thungo ya vhuṱungu, matsheloni ano. Tshi bva tshee nda ṱangana hafha…Muṅwe wa khonani dzashu dza ndeme, huno—huno vhaḓi kha iyi thaberenakeḽe, muṱa wa ha Coats; une, ri a vha funa vhoṱhe. Vha ḓa fhasi vha tshi bva vhubvaḓuvha, huno, kana vha bva Chicago, u mona hoṱhe. Huno Khaladzi Billie Habib, na—na khaladzi awe, Armstrong, na vhasidzana vhoṱhe. Vhone…Ndi elekanya uri vho vha vhe vha Nazarini u thomani, huno vho ḓa kha Murena, huno vha khonani dza vhuṱhogwa dzashu.

Huno Mukomana na Khaladzi Coats, khotsi avho na mme, vho vha vhe nḓilani ya u ya hayani ḽiṅwe ḓuvha, vha tshi bva nga nṱha ha Vhukovhela, huno muṅwe a redzemuwa nḓilani huno—huno a vhulaha Khaladzi Coats, nga u ṱavhanya.

HU NA MUNNA HAFHA ANE A NGA FUNGA LUVHONE 3

Huno—huno musi vha tshi mmbidza nga hangei, ngei—ngei Tucson, huno nda pfa nga hazwo, ndo vha ndo dzula henefho zwenezwo na bogisi ḽa maḽegere ane a kha ḓi bva u tou nnyitela one, o dzula kha—kha ḓafula. Huno a ni zwi ḓivhi uri zwo nnyita uri ndi ḓipfe hani. Fhedzi ndi—ndi elekanya uri, livhuwani Murena matsheloni ano, ho ngo tea u tambula. O vha a tshi khou kegula, huno ho ngo tea u tambula. Huno o ya Hayani u vha na Mudzimu.8 Ndo vha ndi tshi khou elekanya, huno ndi tshi khou amba na vhasidzana vhawe vhavhili, zwa zwino, lufherani ngomu henefho. Mukomana Coats u fhano matsheloni ano; o wana mbavu dzo vunḓeaho. Huno ndo mu vhidza ngei sibadela na he a vha o vhewa sibadela, nga hangei ha Missouri, huno mbavu dzawe dzo vunḓea na zwithu, fhedzi ene zwa vhukuma o vha e na tshivhindi tsha vhukuma, Mukriste wa vhukuma; a tshi zwi ḓivha uri khosikadzi ṱhukhu yawe a yo ngo fa, u a tshila misi yoṱhe, na Kristo, huno hu ḓo vha na tshifhinga tsha u ṱangana.9 Yobo o ri, nga tshiṅwe tshifhinga, “Oo, uri Iwe u ḓo nndzumba tshaloni, huno wa mmbulunga fhethu ha tshidzumbe, u swika vhuhali Hau vhu tshi fhira.”10 Naa no no vhuya na dzhiela nzhele Mudzimu, kha mvelo, u ita zwenezwo zwithihi? Vhunga sama ḽi re kha miri afha nṱha, ḽo fara maṱari; nahone tshifhinga tsha vhuriha tshi sa athu ḓa, mbiti dzi shululwaho nnḓa kha ḽifhasi…Ni a vhona, nga tshiṅwe tshifhinga ḽifhasi ḽo vha ḽi si na vhuriha. Huno kha Ṅwahagidi a hu tsha ḓo vha na vhuriha hafhu, inwi ni a vhona. Ngauralo ndi mbiti kha ḽifhasi. Zwenezwo musi izwo zwi tshi bvelela…Ni a vhona, mbiti dzi sa athu ḓa, Mudzimu nga khathutshelo Yawe u rumela iḽo sama henefho fhasi ngomu ha…fhasi ha mavu, ngomu ha midzi ya uyo muri, huno a i vhulunga henefho u swika mbiti dza vhuriha dzi tshi fhira, zwenezwo a i takusa murahu nṱha hafhu, ni a vhona, nga tshifhinga tsha tshimedzi.

“Oo, uri Iwe u ḓo nndzumba tshaloni, huno wa mmbulunga fhethu ha tshidzumbe, u swika mbiti Dzau dzi tshi fhira.” Izwo ndi zwe A itela khaladzi ashu. Izwo ndi zwine A itela Vhakriste vhoṱhe.11 Mukomana Coats, Mudzimu a ni fhaṱutshedze. Nṋe ndo takala u zwi ḓivha uri, uri Luswayo lwa Mudzimu lwo fara nga tshifhinga tsha vhuleme. Ndi a zwi ḓivha zwine a khou fhira nga khazwo, ngauri ndo fhira nga khazwo na tshiṅwe tshithu tshi fanaho, miṅwaha yo fhiraho. Fhedzi nṋe…Nga muthihi nga muthihi ri tea u pfuka uyu mulambo muhulwane; huno, nṋe, huno tshi ḓo vha tshifhinga tshanga, ḽiṅwe ḽa aya maḓuvha; na tshifhinga tshaṋu, ḽiṅwe ḽa aya maḓuvha. Fhedzi vhunga Dafita o amba, “Ndi nga si ofhe vhuvhi; ngauri Iwe u na nṋe. Lubaḓa Lwau na mbaḓa Yau zwi a nnkhuthadza.”


12 Zwino nga tshihumbudzo tsha Khaladzi Coats, khaladzi ashu wa vhuṱhogwa o no yaho kha Mudzimu. Ndi…Sa tshihumbudzo tshiṱuku khae, matsheloni ano, ndi ṱoḓa tshivhidzo tshi tshi ima lwa tshikhathinyana. Kha ri kotamise zwifhaṱuwo zwashu huno ri elekanye nga ha muṅwe we a vhuya, maḓuvha a si gathi o fhiraho, a tshimbila kha—kha iyi thaberenakeḽe, ngomu na nga nnḓa vhukati hashu, a dzinginyisa zwanḓa zwashu, Mukriste a funwaho, zwino u afho fhethu he Murena a ntendela u vhona hu si kale, musadzi muswa hafhu, o lindela muṱa u ḓaho wawe.13 Khotsi ashu wa Ṱaḓulu, ri a U livhuwa nga nṱhani ha nyelelwo dza Khaladzi Coats. Ndi khaladzi wa vhuṱhogwa, a funwaho nandi! Huno zwino tshifhinga tshi khou ḓa tsha uri musi ri tshi tshila tshifhinga tshashu vhutshiloni, tshe ra ṋewa tshone, ri fanela u buḓa mulambo. Ri a U livhuwa uri ho ngo tea u tambula. Hu fanela uri hu sa vhe na tshithu tshi hanedzanaho nae fhano, tshine a ḓo tea u tambulela tshone. O tou ya tswititi ngomu zwanḓani zwa Mudzimu, nga tshikhathinyana fhedzi.14 Munna wawe, vhana vhawe, vha fhano matsheloni ano, Murena, murahu kha poswo yavho ya mushumo. Nga nḓila ine ra U livhuwa nga nṱhani ha ulwo lutendo lwa tshivhindi! “Lutendo lwa vhokhotsi ashu vha no khou tshila, vhudzuloni ha khotho, khavhu, na banga.” Ri a U livhuwa nga nṱhani ha izwi zwithu zwoṱhe.15 Awedza muya wa vhuṱhogwa wawe, Murena. O vha e khaladzi ashu. Vhuṱungu, marotha a miṱodzi a wela mbiluni dzashu, u itela u sa vha hone hawe, fhedzi dakalo ḽi fhufha ḽi tshi bva kha marotha a miṱodzi, u ri ḓivhadza na vhuṱanzi ha Ipfi Ḽau uri u a tshila u ya phanḓa kha vhutshilo vhu sa ṱahali vhune na khathihi vhu nga si kone u fa. Huno na khathihi hu nga si vhe na khombo hune a vha hone zwino, fhedzi o lindela avho vha ḓaho nga murahu u vha muraḓo nae.16 Fhaṱutshedza Mukomana Coats, huno fhaṱutshedza avho vhasidzana na muṱa wawe, Murena, na avho vhafunwa, na avho vhoṱhe vha mu funaho. Huno ḽiṅwe ḓuvha, Khotsi, ri fulufhela u ṱangana nae ngei nṱha kha uho Seli huhulwane, hune ha sa vhe na vhulwadze, vhuṱungu, kana lufu. U swika nga itsho tshifhinga, ri vhulunge roṱhe ri na mutakalo nahone ro luga, ri tshi U shumela, huno ro sedza phanḓa kha iḽo ḓuvha. Dzinani ḽa Yesu Kristo ri a zwi humbela. Amene.17 Ngavhe Muya Mukhethwa muhulwane u no shuma na riṋe fhano thaberenakeḽeni, u tshi khou dzumbulula Ipfi Ḽawe, ngavhe U tshi awedza muya wa tshivhindi wawe nga mulalo u swika ri tshi ṱangana nae.18 Zwino hu a dudela ngomu hafha nga matsheloni, ngauri ndi mivhili, inwi ni a zwi ḓivha, nga maanḓesa hu mufhiso wa muvhili wa muthu.


19 Zwino, ri ḓo takalela u ita nḓivhadzo zwino. Nga zwiṅwe zwifhinga tshumelo dzashu fhano, dzo lapfa, nga—nga matsheloni, tshi itisaho ndi…Zwa vhukuma a si zwone u fara tshumelo tshifhinga tshilapfu zwingafho, ngauri, awara, awara na hafu, kana nga zwiṅwe zwifhinga awara mbili. Fhedzi zwine nṋe nda khou ita, nṋe ndi khou theipha murahu fhano, ni a vhona, huno iyi theiphi i ya shangoni ḽoṱhe. Huno izwo ndi zwine nda…ri a kuvhangana, tshifhinga tshilapfu, nga matsheloni, ndi—ndi ngauri ndi ḓa fhano u ita idzi dzitheiphi. Izwo ndi zwa u…Ndi…vhone vha…Ni a vhona, ni kona u vhona lufherani hangei, the—theiphi dzi no khou—khou itwa. Zwino…Huno dzi a bva dza ya nnḓa huṅwe na huṅwe kha shango ḽoṱhe.20 Zwino, nga u ṱavhanya, Murena a tshi funa, u ḓa uhu, u tou vha nga u ṱavhanya musi ndi tshi ṱuwa fhano…Ndi ḓo vha ndi tshi khou ṱuwa, Murena a tshi funa, matshelo nga matsheloni, nga tshiṅwe tshifhinga, murahu kha Arizona, ngauri ndi na muṱangano u no khou ḓa. Huno zwenezwo hu tou vha nḓilani yoṱhe u buḓekanya Tshipembe. Huno vhoinwi vhathu vha tshipembe u bva fhasi ngei Georgia, na Mississippi, na Texas, na Alabama, ri khou ḓa henefho fhasi ngomu henefho, nḓilani yoṱhe ngomu Florida, nga u ṱavhanya.21 U bva fhano u swika Phoenix, zwenezwo u swika California, na henefho murahu u swika Dallas, na—na khamusi na tsela fhasi ngomu San Antonio, ndi elekanya uri ndi hone, na murahu hangei Alabama, na Florida, na nga kha henefho. Ngauralo ri ḓo vha ri tshi ni vhona vhoinwi vhathu fhasi ngomu henengei, Murena a tshi funa, nga u ṱavhanya.22 Huno zwenezwo vhoinwi dzulani ni tshi ri rabelela, huno ri ḓo ni ḓivhadza uri lini, arali ri…Murena u vhea mbiluni dzashu zwino u fara maḓuvha a—a si gathi fhano, itshi tshilimo tshi ḓaho. 23 Ndi na tshigwada tsha miṱangano yo vhekanywaho. Huno vhunzhi haṋu ngei New York ni a zwi ḓivha musi bono ḽi tshi ḓa, ḽe ḽa amba zwauri iyo miṱangano shangoni ḽa Scandinavia…Ni a elelwa uri yone yo vhekanywa ngomu henefho? Huno zwenezwo, musi ndo vha ndi ngei New York, bono ḽa ḓa, uri muṅwe na muṅwe wa iyo miṱangano u ḓo thuthiwa, nga nṱhani ha tshiṅwe tshiitisi. Huno ndi a elelwa uri ndo vhudza vhaṅwe vha vhoinwi hafha, musi ro vha ri ngei New York. Izwo zwi tou vha kokotolo zwe zwa bvelela, ngauri vhoṱhe vho vha vha tshi ṱoḓa ḓuvha ḽithihi huno a vho ngo wana itsho tshifhaṱo.

Ngauralo, zwenezwo, izwo zwi nga ḓi sia fhethu huṱuku henefho nga Fulwi. Hu nga ḓi vha ho vha hu lufuno lwa Murena, ndo vha ndi tshi khou elekanya, khamusi u vhuya murahu u itela idzo Phalaphala henefha, hu sa athu lengeswa. Ni a vhona?


Ngauralo ri a zwi ḓivha uri tshiṅwe na tshiṅwe tshi shuma nga nḓila yone. Ngauralo izwo zwo vha zwi mbiluni yanga, ngauralo zwi nga ḓi vha zwine A ṱoḓa riṋe ri tshi zwi ita.24 Zwino ndi a ni vhona ni tshi tshintsha madzulo nga tshaṋu, huno—huno nnḓa dziholoni, na zwiṅwe-vho. Ri tama ro vha ri na fhethu ha u dzula. Huno zwino musi ri na idzo Phalaphala, izwo ndi…ri ṱoḓa u wana vhugudelo ha tshikolo tsha nṱha. Ndi elekanya uri vhu dzudza maḓana a fuṱhanuṱhanu, huno zwenezwo ri na tshikhala, na riṋe-vho, muṅwe na muṅwe u vha na tshidzulo, huno a dzula fhasi huno a thetshelesa o dzika musi riṋe ri—musi riṋe ri tshi khou rera.25 Kana, idzi, Phalaphala, ndi dzavhuḓi nga maanḓa, nga maanḓa. Nṋe ndo dzi sedza ḽiṅwe ḓuvha. Ni a vhona, kha Pfundo Ḽa Vhurathi, Phalaphala Dza Sumbe dzoṱhe dzi pfala henefho kha Pfundo Ḽa Vhurathi, ni a vhona, zwenezwo Pfundo Ḽa Vhusumbe ḽi sa athu vulela U Ḓa ha Kristo.26 Huno, madekwana a ṋamusi, ndi na Mulaedza wa ndeme nga maanḓa une nda ṱoḓa u amba phanḓa ha tshu—tshu—tshumelo ya phodzo. Huno arali inwi ni fhano, huno ni tshi khou yo sala, zwo luga, ri ḓo lingedza, arali zwi tshi konadzea u thoma nga u ṱavhanya zwiṱukunyana, ngauri hu ḓo vha na muduba wa thabelo. A thi nga reri tshifhinga tshilapfu, fhedzi hu na tshiṅwe tshithu tshe nda ṱoḓa u tshi amba kha tshivhidzo, nga tshiṅwe tshifhinga, huno nda nga ndi a ni posela kha—kha—kha—kha…nḓila ine zwithu zwa khou gidima nga tshino tshifhinga, nahone henefho fhedzi he ra ima hone, na nḓivho yanga ya khwinesa nga kha Luṅwalo.27 Zwino, ndi ṱoḓa inwi ni tshi rembuluwa matsheloni ano na nṋe, arali ni tshi ṱoḓa u swaya fhasi kana u vhulunga rekhodo ya hune ra khou vhala hone, Bugu ya Yesaya. Huno ndi ṱoḓa u vhala kha Yesaya, ndima ya 42 ya Yesaya.28 Ro takala nga maanḓa nga matsheloni ano, na riṋe-vho, u vha na Mukomana Dauch o dzulaho na riṋe fhano. Musi ni tshi khou rembulutshela…Inwi ni a ḓivha, vho elekanya uri o vha a sa khou yo tshila, fhano kha ḽa Shreveport ḽiṅwe ḓuvha. Huno zwa vhukuma u na lutendo. Ee, muṋe wanga, u namela a tsa henefho khayo; Murena u a mu fhaṱutshedza, iina. Ni a vhona, Mukomana Dauch u na miṅwaha ya fuṱahenthihi, huno o vha na u kundelwa nga mbilu tshoṱhe; na vhulwadze ha mbilu, nga nṱha hazwo. Huno dokotela onoyo o amba uri a vho ngo vhona uri hu na iṅwe nḓila ya uri ene a tshile. Mukomana Dauch u khou tshila, huno dokotela o fa. Ni a vhona? Ngauri, ene…Ni a vhona, Mukomana Dauch u dzula hafha.29 Huno zwenezwo, mu—munna wa miṅwaha ya fuṱahenthihi, e na u kundelwa nga mbilu na vhulwadze ha mbilu. Huno henefho, musi ndo vha ndi tshi khou ya ngei nṱha, ndo mu


vhona a tshi ḓa a tshi khou tshimbila tshiṱaraṱani; ndo mu vhona tshivhidzoni. Huno ndo ya nahone nda mu vhudza, fhasi ha dennde ya gesedungi, “Nga Dzina ḽa Murena, ndi dzinginyisa tshanḓa tshaṋu kha…Ndi ḓo ni vhona tshivhidzoni hafhu, huno nda ni lumelisa tshiṱaraṱani.” Tshumelo yeneyo i tevhelaho, fhano o vha e hone, o dzula henefha murahu hafha tshivhidzoni. Huno ndo ya ngei Louisville, hune ra ḽa kha Blue Boar hangei, u ḽa, huno zwenezwo ndo bva moḓoroni wanga, nda thoma u tshimbila tshiṱaraṱani, fhano hu ḓa Mukomana Dauch a tshi khou tshimbila tshiṱaraṱani. Henefho zwo vha zwi hone, zwo tou vha zwo fhelelaho. Huno nga nḓila ye Murena a mu fhaṱutshedza!30 Zwino ri khou yo amba nga ha phodzo, madekwana a ṋamusi, na zwithu, huno nda vha na zwiṅwe zwithu zwa ndeme vhukuma zwine nda ṱoḓa u ni vhudza madekwana a ṋamusi.31 Fhedzi zwino, u itela uri ndi kone u wana dzitheiphi zwino, zwenezwo nda lugela u dzi rembulusa, ndi ṱoḓa u thoma u vhala kha Yesaya ndima ya vhu42, huno ndimana ya 1 u swika kha ya vhu7. Huno Mateo ndima ya vhu4, u thoma, ndi a tenda, ndimana ya vhu15 na ya vhu16.32 Zwino, kha—kha ndima ya vhu42 ya—ya Yesaya, ri khou yo vhala.

Vhonani mulanda wanga, ane Nda mu hulisa; munangiwa wanga, ane muya wanga wa mu takalela; Ndo vhea muya wanga khae: u ḓo ḓisa khaṱhulo kha Vhannḓa.

Ha nga lili, kana a takulela nṱha, kana a vhanga uri ipfi ḽawe ḽi pfiwe tshiṱaraṱani.

Luṱanga lwo piḓeaho ha nga lu vunḓi, huno luvhone lu kha ḓi nyengaho ha nga lu dzimi: u ḓo ḓisa khaṱhulo i bveledzaho ngoho:

A nga si feile kana a nyamiswa, u swika o no…vhea khaṱhulo kha ḽifhasi: huno zwiṱangadzime zwi ḓo lindela milayo yawe.

U ralo…ene MURENA, ene we a sika maṱaḓulu, huno a a ṱharamudza; uyo a no phaḓaladza ḽifhasi, na itsho tshi bvaho khaḽo; uyo a no ṋea mufemo kha vhathu khaḽo, huno na wone muya kha avho vha no tshimbila khaḽo:

Nṋe MURENA ndo u vhidza nga u luga, huno Ndi ḓo fara tshanḓa tshau, huno ndi ḓo ni vhulunga, huno nda ni ṋea u itela mulanga wa vhathu, u itela tshedza tsha Vhannḓa;

U vula maṱo o pofulaho, u bvisa vhadziadzhele dzhele, na avho vha no dzula swiswini kha nnḓu ya dzhele.


33 Zwino kha Mafhungo-maḓifha a Mateo, ndima ya vhu4, ndi tama u vhala u khunyelela ha uvho vhuporofita ho ṋewaho nga Yesaya. Kha ndima ya vhu4 ya Mateo, ndi—ndi ḓo thoma u vhala. Arali zwi tshi konadzea, kha ri thome kha ndimana ya vhu12 vhudzuloni ha ya vhu15.

Zwino musi Yesu o no pfa uri Yohane o poselwa dzhele, a ya Galilea;

…a ṱuwa Nazaretha, a ḓa huno a dzula Kapernaume, hu re kha khunzikhunzi ya lwanzhe, mikaṋoni ya Zabuloni na Nephthalim:

Uri zwi kone u khunyelela zwe zwa ambiwa nga Yesaya muporofita, a tshi ri,

Vhonani, shango ḽa Zabuloni, na shango ḽa Nephthalim, tsini na lwanzhe, nga phanḓa ha Yorodane, Galilea ḽa Wannḓa;

Vhathu…vho dzula swiswini vha vhona tshedza tshihulwane; huno kha avho vho dzulaho kha madzingu a mirunzi ya tshedza tsha lufu vho vuwa.

Huno u bva nga itsho tshifhinga Yesu a thoma u rera, na u ri, Shandukani: ngauri muvhuso wa ṱaḓulu u tsini.

34 Ngavhe Murena a tshi inga phaṱhutshedzo Dzawe kha u vhalwa ha Ipfi Ḽawe! Huno zwino, ḽiṅwalwa ḽiṱuku ḽi sa pfesesei ḽe nda ḽi pfa muṅwe a tshi khou ḽi amba, o amba izwi, fhedzi ndi ṱoḓa u dzhia iḽi u itela ḽiṅwalwa: Hu Na Munna Hafha Ane A Nga Funga Luvhone. Huno zwino ri khou yo amba nga ha ṱhoho ya tshedza.35 Izwi zwi tevhela ṱhoho tharu dze ra vha ri tshi khou amba nga hazwo. Nthihi yadzo, ngei Tucson, kana ngei Phoenix, nga ha uri ndi ngani Yesu o ḓa nga nḓila ya Betlehema. Iyo, U fanela u ralo, ngauri Ene ndi Betlehema. Betlehema! B-e-t-h ndi “nnḓu”; e-l, “Mudzimu”; e-h-e-m ndi “tshinnkwa,” tshinnkwa. “Nnḓu ya Tshinnkwa tsha Mudzimu.” Huno Mukriste muṅwe na muṅwe o bebwaho e kha Kristo o bebelwa Betlehema, nnḓu ya Mudzimu ya tshinnkwa.36 Zwenezwo, ngomu henefho, hu tshi fanyiswa Dafita, we a vha e mutendeleki nga tshifhinga tsha u kheluswa nga vhathu. O bviselwa nnḓa. Huno Betlehema wo govhelwa, huno Vhafilista vha tanga Betlehema. Huno Dafita, mutendeleki, tshifanyiso tsha tshivhidzo tsha ṋamusi, tsha Kristo. Ni a vhona, Kristo ndi mutendeleki kha tshivhidzo Tsha Ene muṋe ṋamusi. Vhone vho…Mutendeleki ndi “tshiṅwe tshithu tsho haniwaho.” Huno Dafita o haniwa, naho zwo ralo o vha o ḓoliswa u vha khosi; fhedzi muporofita o mu ḓolisa.


37 Huno nga itshi tshifhinga, u vha mu—mutendeleki kha vhathu vha hawe, o no ḓi doba Vhannḓa vhanzhi vha tshivhindi. Muṅwe wavho o vhulaha vhanna vha maḓana a malo, ḓuvha ḽithihi, nga pfumo, kana banga. Huno muṅwe o fhufhela ngomu bidzini huno a vhulaha ndau, nga ḓuvha ḽa mahaḓa. Huno—huno vho vha vha tshi khou kuvhanganya lentili, ine ya vha dziṋawa kana dzieregisi, kana tshiṅwe tshithu, huno—huno vhoṱhe vha shavha, huno a ima huno a vhulaha munna u swika tshanḓa tshawe tshi tshi neta. Vho vhulaha na avho vhakomana vha miswonḓa vha Goliada.

Munna wa tshivhindi, o farelela kha Dafita, ngauri vho zwi ḓivha uri o vha a tshi khou ḓa nga maanḓa. Vho zwi ḓivha, a hu londwi zwe muṅwe a amba. Mudzimu o vha na nḓodzo kha Dafita, huno vho zwi ḓivha. Vho vha vhe Vhannḓa. A hu londwi uri vho mu ṱanutshela zwingafhani, vho zwi ḓivha uri o vha a tshi khou ḓa kha maanḓa. Huno ḽiṅwe ḓuvha henefho…38 Ndi tshifanyiso-ḓe ṋamusi, tsha—tsha Kristo, mutendeleki! Inwi ni ri, “Kristo, mutendeleki?” U ya nga Bivhili, ine ra…Mudzimu o ri fhirisa nga kha izwo Zwikhathi Zwa Sumbe Zwa Tshivhidzo nga tshivhindi. Itshi tshivhidzo tsha Laodikea, Kristo o vha e mutendeleki nga nnḓa ha tshivhidzo Tshawe, o landulwa, a tshi khou lingedza u humela murahu hafhu. Ni a vhona? Ndi mutendeleki, kha tshivhidzo Tsha Ene muṋe. Huno tshi itisaho uri A vhe mutendeleki, ndi ngauri Ndi Ipfi, huno vha nga si tendele Ipfi nga ngomu. Vho ṱanganedza dzindaela, vhudzuloni.39 Huno ri a wanulusa, tshifhingani itsho, zwauri kha u kakarika uhu huhulwane, avho vhanna vha tshivhindi u mona hoṱhe—u mona hoṱhe Dafita, Vhannḓa.40 Arali ni tshi ḓo dzhiela nzhele nḓila ye Betlehema ya vhumbiwa. A ri ṱoḓi u swika kha iyo ṱhoho, fhedzi nḓila ye Betlehema…Zwa vhukuma, Rahaba, phombwe, murwa wawe o vha e muṅwe we a tea Betlehema. Ho vha hu senthara ya goroi, na maḓi avhuḓi manzhi henefho. Huno a wana muḓi muṱuku. Huno wo vha u muṱukusa wa miḓi yoṱhe, ngauri muporofita o amba, “Nnḓa…Betlehema wa Yuda, naa a si iwe muṱukusa vhukati ha vhakololo vhoṱhe vha miḓi ya Yerusalema…kana Yuda? Fhedzi kha iwe hu ḓo ḓa Muvhusi a no ḓo vhusa vhathu Vhanga.” Kha muṅwe muṱuku.41 Dafita, musi o vha o nangiwa ngei nṱha. Vhakomana vhahulwane, vhavhuḓi, musi muporofita Samuele a tshi gonya, u ḓolisa, vhone vhoṱhe vho vha vho ima henefho. Munna muhulwane, wa tshivhindi, o vhonala a tshi nga u ḓo ralo, sedzani, khosi dzi vhonalaho dzi dzavhuḓi. Fhedzi onoyo o landulwaho o vha e ene, Dafita, we a vha e na mapfura o shululelwaho khae. Muḓi wo landulwaho wo vha u wone we Kristo…


Ndi vho landulwaho vhane Kristo a vha doba, ni a vhona, avho vho landulwaho.42 Zwenezwo ri a wana, nga murahu hu ḓa Obede. Huno nga murahu hu ḓa Boasi. Huno henefho hu ḓa muṅwe Wannḓa ngomu, a no dzhena ngomu nga Ruthe. Huno henefho hu ḓa Isai. Huno kha Isai hu ḓa Dafita. Huno tshitale tshiṱuku tsha muvhundu ngei nnḓa tsho ḓisa Khosi ya dzikhosi, Yesu Kristo, Murwa wa Dafita, Murwa wawe wa tshimuya.43 Zwino zwenezwo, o vha, Dafita ene muṋe a tshi bebwa ngomu muḓini uyu, o ḓo tea u ḓa fhethu afha huṱuku. Huno ho vhidzwa Betlehema, ḽine ḽa amba, “yone—yone nnḓu ya tshinnkwa tsha Mudzimu.” Huno Ene ndi Nnḓu ya Tshinnkwa tsha Mudzimu. 44 Dafita, o eḓela henefho muvhunduni nga iḽo ḓuvha, huno a sedza fhasi huno a vhona Vhafilista vho govhela u mona hoṱhe nga u ralo, vha fanela u vha vho fhisa huno vha vha na ḓora. A ri, “Oo, arali ndi tshi nga tou wana tshinwiwa kha itsho tshisima, hafhu!” Mulandu, mihumbulo yawe ya fhasisa yo vha i ndaela yawe, avho vhe vha mu funa.45 Zwo ralo na ṋamusi, miṱukusa ya mihumbulo ya Yesu, kana mini-ha nga ha Ipfi Ḽawe, i tea u vha ndaela kha Vhannḓa vha no Mu funa. Ngauri ri a zwi ḓivha uri U ḓa e kha maanḓa, a hu londwi uri O landulwa zwingafhani. Maṱaḓulu na ḽifhasi zwi ḓo fhira, fhedzi Iḽi ḽi ḓo ḓi vhusa u tou fana na musi maṱaḓulu oṱhe na ḽifhasi zwo ṱuwa. Huno ri a zwi ḓivha uri U khou ḓa nga maanḓa, ngauri a hu na tshithu tshi no ḓo tshi thivhela u bvelela. [Mukomana Branham u phaphatha Bivhili yawe—Mudz.] Uyu ndi Kristo, nzumbululo Yawe, huno izwi zwi khou yo bvelela nga nḓila ye Ipfi ḽa ri zwi ḓo ralo, ngauri Ene ndi Ipfi. Huno miṱukusa ya ndaela Dzawe henefho, a hu londwi uri ndi miṱuku hani, arali i a u “lovhedzwa hafhu,” kana tshiṅwe na tshiṅwe tshi re tshone, ri ḓo zwi ita, nga iṅwe nḓila. Ndi ndaela Yawe.46 Huno zwiṱukusa zwa muhumbulo wa Dafita zwo vha zwi ndaela kha avho Vhannḓa, ngauri, vhone, tshifanyiso tsha Tshivhidzo tsha Vhannḓa ṋamusi. Munna wa tshivhindi! Ni a vhona, avho vhanna vhe vha ima nga Dafita vho vha vhe Vhannḓa, fhedzi, munna wa tshivhindi. Vho vha vha si na nyofho. A vho ngo vhuya vha zwi ḓivha uri nyofho yo vha i mini.47 Munna muthihi o dzhia banga huno a vhulaha vhanna vha maḓana a malo, na avho vhe vha vha vho mu tingeledza. Ndi vhanna-ḓe avho nandi! Muṅwe wavho, ndi… Muṅwe munna. Ho vha hu na swole ḽa Muegipita ḽo gidimelaho, ḽi na pfumo ḽilapfu. Ene fhedzi o vha e na lubaḓa tshanḓani tshawe. O dzhia lubaḓa huno a kuḓa pfumo ḽa bva tshanḓani tshawe; a dzhia pfumo huno a mu vhulaha, ene muṋe. Ni a vhona?


48 Muṅwe wa iyo miswonḓa o vha e na minwe ya intshi dza fumiiṋa, nga u ralo. Zwino, intshi dza fumiiṋa, munwe waṋu wo lapfa u tou fana na tshanḓa tshaṋu, tsho vala; tshi vuleni itsho, itsho tshi ḓo vha tshanḓa tsha intshi dza fumbilimalo. Huno na pfumo! Huno a fhufhela ngomu henefho huno a mu vhulaha. Ni a vhona? Ndi ngani? O vha e munna wa tshivhindi, Wannḓa o sedzaho kha muṅwe o ḓoliswaho we a mu ḓivha uri u khou ḓa kha maanḓa.49 Naa no dzhiela nzhele, vhone vhe na tshivhindi nga maanḓa kha Dafita, musi Dafita mafhedziseloni a tshi ḓa kha maanḓa, o vha ita muvhusi wa miḓi? Naa Yesu ho ngo fulufhedzisa zwenezwo zwithihi? Zwenezwo zwithihi, a vha ita muvhusi.50 Zwenezwo, ngomu henefho, musi lutamo lwa Dafita lwo vha lu lwa u vha na u nwa huswa. Hu na khonadzeo ya uri o vha e na maṅwe maḓi a kale, a dudelaho a sa eleli ngei nṱha, o vha a tshi khou a nwa. Fhedzi zwo itea a elekanya nga ha ayo maḓi maswa henefho fhasi Betlehema, nnḓu ya tshinnkwa tsha Mudzimu. Huno a ri, “Arali ndo vha ndi na tshinwiwa tshi bvaho kha itsho tshisima!” Huno avho vhanna vho kokodza banga ḽavho huno vha lwa maela dza fumiṱhanu dza Vhafilista, hu si ngauri o vha humbela u ralo, fhedzi ngauri vho zwi ḓivha uri o vha a tshi a ṱoḓa. Huno vha tumula avho Vhafilista, nḓilani yoṱhe u swika kha tshisima. Musi vhavhili vhavho vho lwa, muṅwe o wana—bakete yawe ya maḓi; huno vha lwa nḓilani yavho ya u humela murahu, nḓilani yoṱhe ya u vhuyela murahu, huno vha i ṋekedza kha Dafita. Ambani nga ha u vha na tshivhindi!51 Dafita, uyo munna a ofhaho Mudzimu, o ri, “Mudzimu u a hana uri ndi ḓo a nwa kha idzi khonani dzine dza vhea vhutshilo hadzo khomboni.” Huno a ita tshinwelo tsha tshiṱhavhelo; a tshi shululela nnḓa mavuni, kha Murena. “Ṋeani Murena. Ndi Ene o fanelaho izwo, hu si nṋe.” Vha vhea…52 Tshifanyiso tshenetsho tsha Kristo Ene muṋe, e na Vhutshilo Vhu Sa Fheli Ha Ene muṋe kha Ene; Tombo ḽo rwiwaho, a shululela Vhutshilo Hawe kha mavu, sa tshiṱhavhelo tsha tshivhi tshashu, uri iḽi Ipfi ḽi kone u tshila.53 Oo, Vhannḓa, vhunga ndo amba, ndi nnyi a no ḓo kokodza iḽo banga na nṋe? U ṱoḓa tshinwiwa tshiswa, matsheloni ano, hu si idzi ndaela dza tshivhidzo dzi sa eleli dza kale na zwithu zwine ra ita vhutambwetambwe nazwo. U ṱoḓa lutendo lwa vhukuma kha Ipfi Ḽawe, a no ḓo tenda Ipfi ḽiṅwe na ḽiṅwe Ḽaḽo. Kha ri ye kha tshisima huno ri vhuise tshinwiwa, tshidzivhulusi; u luvha ho fhaṱwaho hu si kha dzindaela na dinomineisheni. Fhedzi u luvha ha Muya wa vhukumakuma, ri na Kristo vhukati hashu, a tshi khou tshila Vhutshilo Hawe


nga nḓila ine A ṱoḓa u ralo, vhukati hashu, uri—uri a si nga dzindaela na zwithu zwo fhambanaho. Kha ri tou—tou vha Nae nga iyo nḓila.54 Zwino, tshi tevhelaho tsho vha tshi tsha nḓila ine Mudzimu a ḓo shuma na vhathu nga kha muloro, maḓuvhani a—a Yosefa. Naa no dzhiela nzhele? Muloro ndi wa vhuvhili. Ndi nḓila ya vhuvhili ya Mudzimu ya u shuma. Vhaṅwe vhathu vha a kona u vha na miloro, a zwi ambi tshithu. Inwi ni nga ḽesa huno na vha na miloro. Huno muloro ndi nḓila ya vhuvhili. Ni a vhona? Fhedzi ndi ngani Mudzimu o vha a tshi ḓo tsireledza Murwa Wa Ene muṋe nga kha nḓila ya vhuvhili? O bvelela kha Yosefa. Vhulondavhathu ha Ṅwana Wa Ene muṋe, O rumela ngomu nga nḓila ya vhuvhili. Naa no no vhuya na elekanya nga hazwo? Ngauri, ho vha hu si na muporofita shangoni. O ḓo tea u shuma nga miloro. Huno ho vha hu si muloro we wa ḓo tea u ṱalutshedzwa. Muruṅwa wa Murena o amba, “Yosefa, u songo ofha u dzhia Maria mufumakadzi wau, ngauri itsho tsho hwaliwaho ngae ndi tsha Muya Mukhethwa.”55 Tsho vha tshi tshithu tshi si tsho ḓoweleaho uri itsho tshi bvelele. Yosefa e munna o lugaho, ene…Zwo vha zwi songo ḓowelea. Mudzimu ho ngo ḓowelea. Huno zwi songo ḓoweleaho zwi a konḓa u pfesesea. Izwo ndi ngazwo zwi tshi konḓa nga maanḓa u pfesesa Ngoho ṋamusi; A i pfesesei nga maanḓa. Musadzi uri a vhe na ṅwana a sa ḓivhi munna, izwo zwo vha zwi songo ḓowelea nga maanḓa.

Fhedzi arali ni tshi fhulufhedzea nahone ni tshi fulufhedzea, Mudzimu a nga bvelela kha inwi naho zwo ralo kha muloro. Zwi ya zwa sumbedza uri tshiṅwe na tshiṅwe tshine na vha natsho, kana ndi ṱhalukanyo yaṋu, kana ni nga lidza ndwevha, na imba, na ṱanziela, kana tshiṅwe na tshiṅwe tshine ni nga ita, arali tshivhili tshaṋu tshoṱhe tsho kumedzwa kha Mudzimu, Mudzimu a nga tshi shumisa arali ni tshi nga Mu tendela u zwi ita.56 Zwenezwo, vhusiku vhu tevhelaho ngeno nṱha, Murathu Neville o rera nga ha ṱhoho ya “u ponya,” nḓila ye mu—munna a ponya. Huno ndo elekanya uri zwo vha zwi tshi nga zwi a mangadza.

Huno matsheloni ano Muya Mukhethwa u vhonala e na nṋe u shuma na ṱhoho ya tshedza, yeneyo i tevhelaho. Iyani henengei phanḓa, u rangani, nḓila ye vhutshilo ha Kristo ha thoma mukungwani, ri khou tshimbila henefho murahu nga khayo hafhu kha ḽiṅwalwa ḽashu. Huno ho ngo zwi ḓivha; a tho ngo zwi ḓivha; huno ngezwi hafha kha zwenezwo zwithihi. Ni a vhona, phanḓa, tshithu tshi tevhelaho ndi hune A dzhena kha mushumo Wawe. Huno madekwana a ṋamusi ri na tshiṅwe tshithu tshine tsha ḓo vangana na itsho, u ya phanḓa, madekwana a ṋamusi, Murena a tshi funa.


57 Zwino, Tshedza tshihulwane! “Vhannḓa vho dzulaho kha madzingu a mirunzi ya lufu, Tshedza tshihulwane tsho takuwa vhukati havho. Ngei Zabuloni, na Nephthalim, kha…nga nḓila ya Galilea ya Vhannḓa, Tshedza tshihulwane, vho vhona Tshedza tshihulwane.”58 Zwino tshedza, tshedza tsha tshifhinga tsha u thoma, ri tshi wana Bivhilini, tshi wanala kha Genesi 1:3. Ho vha hu, Ipfi ḽo ambiwaho ḽa Mudzimu ḽo itwa tshedza. Mudzimu o ri, “Kha hu vhe na tshedza,” Genesi 1:3, huno ha vha na tshedza.59 Zwino elelwani, zwenezwo, tshedza tshi ḓa nga Ipfi ḽa Mudzimu ḽo ambiwaho. Huno tshedza ndi khwaṱhisedzo, kana ṱhoho ya uri O amba, ndi tshedza. Musi tshedza tshi tshi fhufha, tshi sumbedza izwo. Mudzimu o amba, “Kha hu vhe na tshedza.” Ho vha hu si na tshedza, huno A ri, “Kha hu vhe na tshedza,” huno ha vha na tshedza. Iyo ndi tsumbo. Tshedza ndi khwaṱhisedzo ya Ipfi Ḽawe ḽo ambiwaho. Ndi zwenezwo zwithihi ṋamusi, khwaṱhisedzo ya Ipfi Ḽawe ḽo ambiwaho.60 Zwino musi ni tshi vhona Ipfi Ḽawe ḽi tshi khwaṱhisedzwa, kana, maṅwe maipfi, a tshi ḓivhadzwa, a sumbedzwa, itsho ndi—Tshedza tsha Ipfi Ḽawe ḽo ambiwaho. Huno, hu si na tshedza, a hu na tshithu tshine tshi nga tshila hu si na tshedza. A hu na vhutshilo kha ḽifhasi ṋamusi nga nnḓa ha he ha ḓa nga tshe—tshedza tsha ḓuvha, kha vhutshilo ha ḓivhamela, na zwiṅwe-vho. Huno a hu na Vhutshilo Vhu Sa Fheli nga nnḓa ha Murwa wa Mudzimu. Ni a vhona? Ndi ene Tshedza.61 Zwino ri a wanulusa, ndi a tenda, musi ri tshi guda zwino, huno itshi tshedza…“Ḽifhasi ḽo vha ḽi si na tshivhumbeo.”62 Zwino, vhaṅwe vhathu vha a ṱaṱa khani ṋamusi zwikoloni zwashu, na zwiṅwe-vho, nga ha shango ḽi miṅwaha ya milioni minzhi nga maanḓa, huno vha tshi khou lingedza u haṱula Bivhili huno vha ri Yo khakhea. Vha tou vha vha sa iti, na khathihi a vha vhali Bivhili. Ndi zwenezwo fhedzi. Ngauri, Bivhili a i ri vhudzi uri shango ndi ḽa kale hani. Bivhili yo ri, “U rangani Mudzimu o sika maṱaḓulu na ḽifhasi.” Phiriodi! Musi, hani, izwo ndi, a ri zwi ḓivhi. Zwino, izwo ndi zwa u thoma. Huno, iyo ndi phiriodi, ayo ndi magumo a iḽo fhungo.63 “U rangani Mudzimu o sika maṱaḓulu na ḽifhasi.” Hu nga ḓi vha ho vha hu milioni dza ḓana, kana bilioni, kana tshiṅwe na tshiṅwe tshe tsha vha tshi tshone. Huno nḓila ye A zwi ita, izwo zwi kha Ene u zwi ḓivha, ni a vhona, hu si kha nṋe. Fhedzi shango, zwo luga, “Ḽifhasi ḽo vha ḽi si na tshivhumbeo, nahone ḽo vilingana; huno maḓi o vha e kha ḽi—ḽifhasi. Huno Mudzimu,” a ri, “a tshimbila kha maḓi.” Huno ha pfi, “Kha hu vhe na tshedza.”64 Zwino, ndi a zwi tenda uri ḓuvha, na zwiṅwe-vho, zwo vha zwi hone, ndi a tenda, ṅwedzi. Musi u tshi tshimbila, Genesi


3, u zwi ṱalutshedza…Fhedzi ndi a tenda, zwe zwa vha zwi fhano, zwe shango, ro vha ri tshi khou yo ḽi shumisa, huno ngauralo-ha…Huno ḽo dzhena ngomu; ho vha hu na vhutsiḓi na khuli kha ḽifhasi ḽoṱhe, zwi tshi ḽi swifhadza. Huno Mudzimu a ri, “Kha hu vhe na tshedza,” huno swiswi ḽa ngalangala, huno ho vha hu na lutombo lu si na makole.65 Huno ndi a tenda uri iyo ndi nḓila ya Mudzimu ya u ita zwithu. Ene…Bivhilini, ndimana i tevhelaho i ri, ndimana ya vhu4 i ri, “Huno A fhandekanya tshedza na swiswi. Huno tshedza O tshi vhidza ‘ḓuvha,’ huno swiswi A ḽi vhidza ‘vhusiku.’” Huno Ipfi ḽa Mudzimu tshifhinga tshoṱhe ḽi fhandekanya Tshedza na swiswi. Ni a vhona? Ndi Ipfi ḽi no fhandekanya, ni a vhona, Tshedza na swiswi.66 Mudzimu misi yoṱhe u ita zwenezwo zwithihi, musi A tshi ḓilugisela u shumisa tshiṅwe tshithu. Vhunga O ḓilugisela u shumisa iyi ṋaledzi ya kale, kana tshiṅwe na tshiṅwe tshe tsha vha tshi tshone, iḽi shango, O ḓo tea u fhandekanya tshedza na swiswi. Musi A tshi ḓiimisela u ṱuwa, u shumisa tshi—tshigwada tsha vhathu, U tea u fhandekanya Tshedza na swiswi. Musi A tshi ḓilugisela u shumisa muthu, U fhandekanya Tshedza na swiswi. Ni a vhona?67 Tshedza tshi ḓa nga Mudzimu. Huno…Elelwani, tshedza tshi ḓa nga Ipfi Ḽawe ḽo ambiwaho. Ipfi ḽa Mudzimu ḽo ri, “Kha hu vhe na tshedza,” musi hu si na tshedza, huno A rumela tshedza uri tshi fhandekanye swiswi na tshedza.68 Iḽi Ipfi ḽa ndaela ḽo vhonadza lutombo u itela uri ḓuvha ḽi kone u penya ngomu. Huno Ipfi Ḽawe ṋamusi ndi ḽone ḽi no vhonadza mufhe woṱhe wa u sa tenda.69 Ndo vha ndi tshi khou amba, ndi na—ndi na, ndi a elekanya, mivhudzisano ya fuminthihi zwenezwo ndi sa athu swika kha phuluphithi matsheloni ano, ngomu henefho. Ho vhifha nga maanḓa…70 Ḽiṅwe ḓuvha khonani ṱhukhu yanga, Jim Poole, mutukana wawe muṱuku, vho elekanya uri o vha e na vhulwadze ha mbilu, vha mu gidimisela sibadela. Ho vha hu nyimele ya asima, yo posela muthu muṱuku…O kundelwa…Mbilu yawe ṱhukhu i tshi khou fhufha, na u fema, huno—huno ene a tshi khou zhamba huno a tshi kundelwa u wana mufemo wawe, huno muthu muṱuku o vhonala a tshi nga u khou fa, musi vha tshi mu wana fhano. Huno ndo vha ndi tshi khou ḓilugisela u ya sibadela; vha mu ḓisa fhano. Huno nda fara tshanḓa tshawe tshiṱuku; nda ri, “Ndi tshini tsho zwi itaho, tshifumbu tsho rwa ṅwana. Huno, tshifumbu, mufhiso wo rwa muthu muṱuku. Inwi ni mu sedze. Nga maḓuvha a si gathi ndi ṱoḓa u mu vhona hafhu. U ḓo vha o ḓala tshifumbu.” Huno hafha o ḓala tshifumbu, inwi ni a vhona. Ni a vhona?


71 Zwino, mini? Mudzimu u fhandekanya swiswi na tshedza, kana tshedza na swiswi. Huno U fhandekanya lufu na Vhutshilo, huno U zwi ita nga Ipfi Ḽawe. Ipfi Ḽawe ndi tshine tshifhinga tshoṱhe tsha bveledza izwi.72 Zwino, tshedza! Zwo luga, zwino, mbeu yo vha yo no vha kha ḽifhasi. Ndi tenda uri Mudzimu o no zwala mbeu. Huno zwenezwo ḓuvha ḽi tshi nga kona u swika kha iyo mbeu, i thoma u aluwa. Huno itsho ndi tshone tshiitisi yo dzhia maḓuvha fhedzi u bveledza izwi zwithu, ngauri mbeu yo vha yo no ḓi vha kha ḽifhasi. Zwoṱhe zwe ya ṱoḓa ho vha hu tshedza.73 Huno iyo ndi nḓila ine Mudzimu a vha nayo ṋamusi. Mbeu Yawe yo no ḓi vha hone hafha, Ipfi Ḽawe. Tshithu fhedzi tshine Ya ṱoḓa ndi Tshedza Khayo. Huno Ene ndi itsho Tshedza, ngauri Ndi ene Ipfi. Ipfi na Tshedza ndi zwenezwo zwithihi. Vhutshilo ngomu henefho ndi Tshedza tsha Ipfi, ni a vhona, ndi Vhutshilo. Kutshili kwa vhutshilo ku kha thoro, huno thoro…vhutshilo ndi hone vhune ha vunḓekanya huno ha ḓisa vhutshilo vhu bvaho kha thoro. Iyo ndi nḓila ine Kristo, kha Ipfi, a ita Ipfi uri ḽi ite zwine Ḽa tea u ita. U tou fana na vhutshilo kha thoro ya goroi, kana tshiṅwe na tshiṅwe tshine tsha vha tshone; tshi ita uri goroi i ite zwine ya tea u ita, ngauri ndi vhutshilo vhu re khayo. Vhutshilo hoṱhe!74 Ngauralo, Vhutshilo vhu nga Ipfi ḽa Mudzimu fhedzi ḽi tshi vhonadzwa. Vhutshilo vhu ḓa fhedzi nga Ipfi ḽa Mudzimu ḽi tshi vhonadzwa. Samusi vhu tshi tou vha kha Bugu fhedzi, ngaurali, vhu nga kha ḓi vhudziswa. Fhedzi musi vhu tshi vhonadzwa, zwenezwo ni vhona tshibveledzwa tsha zwe Ḽa amba nga hazwo, ḽi tshi vhonadzwa, zwenezwo itsho ndi Tshedza kha—kha Ipfi. Ni a vhona? Izwo ndi zwine zwa ḓisa…Ipfi ḽo amba nga u ralo, huno, zwenezwo, musi zwi tshi khunyelela, uvho ndi Vhutshilo kha Tshedza, Tshedza tshi tshi ḓisa Vhutshilo. Tshedza tshi ḓisa Vhutshilo.75 Ṱavhani goroi ngeno nnḓa, i ḓo…huno ni i vhee kha basimennde, ni i tibedze hoṱhe, huno i nga—i nga si bveledze tshiṅwe tshithu na khathihi, ngauri i nga si kone. A hu na tshedza henefho. Fhedzi zwenezwo tshedza tshi tshi i rwa, zwenezwo i ḓo bveledza vhutshilo arali i mbeu yo melaho. Izwo ndi zwenezwo zwithihi kha Ipfi. Ni a vhona, Ipfi ndi Mudzimu, huno musi Vhutshilo vhu tshi Ḽi rwa, vhu Ḽi ḓisa…Tshedza tshi a Ḽi kwama, tshi ḓisa Ipfi kha vhutshilo hafhu. Tshikhathi tshiṅwe na tshiṅwe tsho vha zwenezwo. Oo, nga nḓila ine ra takalela izwi zwithu zwihulwane, nga nḓila ine Ipfi ḽi no khwaṱhisedzwa ḽa vha Tshedza tsha Ipfi ḽo ambiwaho. Ni a vhona? Mudzimu o amba, “Kha hu vhe na tshedza.”76 Zwino, mini-ha arali O tou zwi amba huno tshedza tshi sa ḓe? Zwenezwo a ri zwi ḓivhi arali zwi ngoho kana hai. A ri zwi


ḓivhi arali Ene o luga tshoṱhe. A ri zwi ḓivhi uri kana Ene ndi Mudzimu kana hai, ngauri O tou amba, “Kha hu vhe na,” huno ha sa vhe na tshithu. Ni a vhona? Ngauralo zwenezwo musi Mudzimu a tshi amba huno ra zwi vhona uri zwo ralo, zwenezwo itsho ndi Tshedza tshi no penya, Ngoho ya Ipfi. Ni a vhona? Hu na Tshedza na Vhutshilo. 77 Vhutshilo ha mvelo hoṱhe vhu ḓa nga Ipfi Ḽawe ḽo ambiwaho. Huno ḓuvha ndi Ipfi Ḽawe ḽo ambiwaho. O amba uri O sika tshedza tshihulwane kha maṱaḓulu, u itela masiari, na tshedza tshiṱuku tsha vhusiku. Ni a vhona? Huno vhutshilo ha mvelo hoṱhe vhu tea u ḓa nga Ipfi ḽa Mudzimu ḽo ambiwaho. Dzuvha ḽi nga si kone u aluwa hu si na tshedza tsha Ipfi ḽa Mudzimu ḽo ambiwaho tshi penyaho khaḽo, ngauri ḓuvha ndi, ḽone ḓ-u-v-h-a, ndi Ipfi ḽa Mudzimu ḽo ambiwaho, musi A tshi ri, “Kha hu vhe na tshedza.” Ni a vhona? Ndi vhutshilo ho ambiwaho ha Mudzimu. Huno a hu londwi uri ndi vhathu vhangana vha no lingedza u—u amba itshi, itsho, kana tshiṅwe, zwi kha ḓi vha zwithihi. Inwi ni tea u vha na iḽo ḓuvha, ngauralo vhutshilo, ha mvelo, vhu nga ḓa fhedzi nga Ipfi ḽa Mudzimu ḽo ambiwaho.78 Huno Vhutshilo ha tshimuya, Vhutshilo Vhu Sa Fheli, vhu nga ḓa fhedzi nga Ipfi ḽa Vhutshilo ḽa Mudzimu ḽo ambiwaho. Vhutshilo ho vha vhu M-u-r-w-a nga tshino tshifhinga. Kha Ene hu na Tshedza, huno kha Ene a hu na swiswi; huno Ene ndi Tshedza tsho ambiwaho tsha Mudzimu. Naa izwo ndi zwone? [Tshivhidzo tshi ri, “Amene.”—Mudz.] Ipfi ḽa Mudzimu ḽo ambiwaho, ngauri, “U rangani ho vha hu Ipfi, huno Ipfi ḽo vha ḽi na Mudzimu, huno Ipfi ḽo vha ḽi Mudzimu.” Huno Ḽone ndi Mudzimu lwa lini na lini. Ni a vhona? Huno zwi dzhia Tshedza tsha Mudzimu u rwa Ipfi, u ita uri Ḽi tshile. Hafha ndi zwe A amba [Mukomana Branham u phaphatha Bivhili yawe—Mudz.], zwino i ri ni Tshedza tshi penye! Amene! I ri ni Tshedza tshi penye, huno Tshedza tshi ḓo ḓisa Ipfi ḽiṅwe na ḽiṅwe kha vhuimo Haḽo ho teaho, nga khalaṅwaha yaḽo. Amene! Oo! Inwi ni a vhona, musi hu tshi ḓa tshifhinga!79 Tshiṅwe tshifhinga iyo thoro i vha kha ḽifhasi, i sa iti tshithu, tshoṱhe kha vhu—vhuriha, vhunga mbeu, goroi ya vhuriha yo zwalwa mavuni. Fhedzi musi ḓuvha ḽi tshi luga, oo, i tea u tshila. Ni a vhona? Huno i nga si kone u tshila hu si na ḓuvha. Huno Mudzimu o ita pfulufhedziso dza tshikhathi tshiṅwe na tshiṅwe na ḓuvha ḽiṅwe na ḽiṅwe. Huno musi Tshedza tshi tshi luga, huno tsha penya kha itsho, tshi ḓo bveledza fhedzi kokotolo zwe Ipfi ḽa amba, ngauri Ene ndi Tshedza na Vhutshilo.80 Ipfi ḽa Mudzimu ḽi ḓa fhedzi nga Bivhili. Bivhili ya Mudzimu ndi tshi—tshivhumbeo tsho ganḓiswaho tsha Murwa


wa Mudzimu, ngauri Bivhili yo amba uri Ndi nzumbululo ya Yesu Kristo. Ndi Mudzimu a no khou Ḓidzumbulula nga kha Kristo, huno Kristo ndi Ipfi. Huno zwi dzhia Tshedza tsha Mudzimu u penya kha iḽo Ipfi, u Ḽi khwaṱhisedza, u sumbedza uri Mudzimu u kha ḓi amba Vhutshilo, Vhutshilo Vhu Sa Fheli. U amba tshedza tsha mvelo, u ḓisa vhutshilo. Vhutshilo vhu ḓa fhedzi nga Tshedza, Ipfi ḽi vhonadzwaho, kana ḽo itwaho ṋama. Musi pfulufhedziso dzoṱhe dzi tshi vha hone, Bivhilini, dzi a vhonadzwa, ndi musi Yesu Kristo, Ipfi, ḽi tshi itwa ṋama vhukati hashu. Mudzimu tshifhinga tshoṱhe u shuma nga kha munna. Munna ndi ṱhoho ya Mudzimu.81 Zwino, arali hu tshi dudela zwiṱuku ngomu hafha kha inwi, ni nga kokodzela mafasiṱere fhasi, kana tshiṅwe na tshiṅwe tshine na tama u tshi ita, u tumulela ṋanḓo fhasi. Khamusi mulindakhoro u ḓo tumulela ṋanḓo fhasi zwiṱuku. Ndi vhona uri vhanzhi vha a dudela. Huno hu a dudela no ima hafha, na hone-vho, ngauralo—ngauralo elelwani izwo. Ndo takala ngauri hu a dudela vhudzuloni ha u rothola, ngauri ndi—ndi takalela vhududo. Ndi…Vhududo tshifhinga tshoṱhe vhu ḓisa tshedza, vhutshilo, vhu dzhia mulilo.82 Dzhielani nzhele zwino, “o itwa ṋama.” Musi Ipfi ḽi tshi vha ṋama, Ḽi a vhonadzwa. Vhunga, dzhiani Ipfi huno ni Ḽi vhee vhuimoni ho teaho na mavu a lushaka lu re lwone, Ḽi ḓo aṋwa. Mbe—mbeu i ḓo bveledza zwa lushaka lwayo. Huno Ipfi, ḽo ḓiswa ngomu ha lushaka lwo teaho lwa mbilu, ḽi ḓo Ḓivhonadza. Ḽi ḓo bveledza tshedza. Ḽi ḓo ḓa khaḽo. Zwo luga.83 A hu na tsha mvelo, a hu na tsha mvelo kana tsha tshimuya, tshine tshi nga tshila hu si na Tshedza tsha Mudzimu. Vhutshilo vhu nga kona u ḓa fhedzi zwenezwo nga Tshedza. A hu na tsha mvelo kana a hu na tsha tshimuya tshine tshi nga kona u tshila nga nnḓa ha Tshedza tsha Mudzimu. Elekanyani izwo. Zwo luga. Fhedzi musi A tshi ri rumela Tshedza, ni a vhona, huno a tshi ita izwi zwithu zwoṱhe, huno zwenezwo ri tshi Ḽi landula; zwino itsho ndi tshipiḓa tshi pfisaho vhuṱungu, ndi musi Tshedza tshi tshi landulwa musi tshi tshi rumelwa kha riṋe.84 Zwino inwi ni nga humbulela muṅwe munna ṋamusi a tshi ri, “Ndi tou hana u amba uri hu na tshithu tsho raloho tshi no nga ḓuvha. A thi tendi uri hu na ḓuvha”? Huno u gidimela fhasi ngomu ha basimennde, huno—huno u vala mahothi oṱhe, huno a dzula murahu swiswini, huno a ri, “A hu na tshithu tsho raloho tshi no nga ḓuvha. A hu na tshithu tsho raloho tshi no nga tshedza.” Inwi no vha ni tshi ḓo ḓivha, nga u ṱavhanya, ho vha hu na tshiṅwe tshithu tsho khakheaho muhumbuloni wa uyo muthu. Ni a vhona? Hu na tshiṅwe tshithu tsho khakheaho, musi a tshi gidimela murahu ngomu ha basimennde yo swifhalaho huno a hana u ṱanganedza mbuelo ya tshedza tsho ṋewaho nga Mudzimu. Hu na tshiṅwe


tshithu tsho khakheaho khae. Ha ṱoḓi masana aḽo a dudelaho. Ha ṱoḓi tshithu tshaḽo tshi ṋeaho mutakalo. Ha ṱoḓi tshedza tshaḽo, u tshimbila khatsho. U ḓo ṋamba a dzula swiswini. Zwi a sumbedza, muhumbuloni, uri tshiṅwe tshithu tsho khakhea, tsha mvelo, kha munna.85 Huno ndi amba izwi nga lufuno lwoṱhe na ṱhompho. Ngauralo hu na tshiṅwe tshithu tsho khakheaho lwa tshimuya kha munna a no ḓo gidimela murahu ngomu ha dinomineisheni dzawe dza ndaela huno a hana u vhona Tshedza tsha Bivhili musi tshi tshi penya henefho phanḓa hawe. Hu na tshiṅwe tshithu tsho khakheaho khae. Ni a vhona, u humela murahu ngomu ha ndaela dzawe na zwivhumbeo, huno a vala vothi huno a ri, “A hu na tshithu tsho raloho tshi no nga Itsho. Maḓuvha a maḓembe o fhira. A hu na tshithu tsho raloho tshi no nga phodzo ya Muya, henefho a hu na tshithihi tsha izwi zwithu. Izwo zwo vha zwi zwa muapostola.” Munna u a penga lwa tshimuya. Ni a vhona? Hu na tsho khakheaho khae. O—o—o kokodzela fhasi dzixaraḓeni huno a landula Muya Mukhethwa une u nga ḓa khae. Arali a tshi kona…

“Arali ni tshi dzula kha Nṋe, huno Maipfi Anga kha inwi, zwenezwo, Tshedza tshi tshi penya kha iḽi Ipfi, humbelani tshine na funa.” Ni a vhona? Ni a vhona?86 Hu na tshiṅwe tshithu tsho khakheaho, uri u ḓo landula zwiko zwo ṋewaho nga Mudzimu zwine Mudzimu a tea u ri ṋea zwone uri ri tshile ngazwo, Ipfi Ḽawe. “O lugaho u ḓo tshila nga lutendo.”

“Huno muthu a nga si tshile nga tshinnkwa fhedzi, fhedzi nga Ipfi ḽiṅwe na ḽiṅwe,” hu si tshipiḓa tsha Ipfi, “Ipfi ḽiṅwe na ḽiṅwe ḽi bvaho mulomoni wa Mudzimu.” Huno musi munna a tshi ḓo tou hana Iḽo, hu na tshiṅwe tshithu tsho khakheaho kha uyo muthu; hu na tshiṅwe tshithu tsho khakheaho kha tshenzhemo yawe, ine a amba uri u funa Mudzimu huno zwenezwo u hana Mudzimu. Hu na tshiṅwe tshithu tshine tsha vha uri tsho khakhea kha uyo muthu. Ri a zwi ḓivha izwo, hu si na murunzi wa u timatima. U a Ḽi landula, a gidimela ngomu afha fhethu, huno a ri, “Zwino ndi tou…A thi ṱoḓi u ḓivha tshithu nga Haḽo. Ni songo mmbudza tshithu nga ha izwi Zwithu. Nṋe, a thi tendi tshithu nga Haḽo. Inwi, a thi londi zwine na amba!”87 Muthu o amba, hu si kale. Ndo vha ndi tshi khou ni vhudza nga hazwo. O ri, “A thi londi arali ni tshi ḓo ḓisa pfuko dza fuṱhanu, huno na ḓisa madokotela a fuṱhanu uri vha dzi ṱanzilele, a thi tendi. A thi londi arali ni tshi ḓo vusa vhafu, henefha phanḓa hanga, a thi nga zwi tendi.” Ni a vhona, hu na tshiṅwe tshithu tsho khakheaho kha uyo muthu. Tshi—tshi—tshi hone. Huno—huno, naho zwo ralo, munna o vha e mushumeli, ni a vhona, ni a vhona, a tshi tea u vha mushumeli.


Fhedzi nga u tou ri iḽo dzangano a ḽi tendi kha—kha maanḓa a Mudzimu, ha tendi uri (Ipfi) Ḽi amba zwenezwo zwe Ḽa amba, munna u gidimela ngomu ha iyi basimennde, basimennde ya kale yo undaho, ya tshika, yo tshikafhalaho ya dzangano, huno u hana vhududo na masana a ṋeaho Vhutshilo ha Muya Mukhethwa, Yesu Kristo, ane a sa shanduke mulovha, ṋamusi, na lini na lini. Zwenezwo hu na tshithu tsho khakheaho kha uyo muthu. Ni a vhona? A nga ṋamba a dzula kha uho u unda, swiswi, na zwiṅwe-vho, u fhira u dzula Tshedzani tsha Mudzimu na tsha Bivhili tshe tsha amba, uri, “Yesu Kristo ha shanduki mulovha, ṋamusi, na lini na lini. Mishumo ine Nda ita ni ḓo ita-vho. Na i fhiraho iyi ni ḓo ita, ngauri Ndi ya ha Khotsi Anga.” Hu na tshiṅwe tshithu tsho khakheaho kha uyo muthu. Hu si na mbudziso, na luthihi, hu na tshiṅwe tshithu tsho khakheaho.88 Huno kha uyu munna a no khou thetshelesa kha izwi, u buḓekanya shango, huṅwe na huṅwe hune na vha hone. Hu na tshiṅwe tshithu tsho khakheaho kha tshenzhemo yaṋu, musi ni tshi ri ni funa Mudzimu huno na hana Ipfi Ḽawe. Hu na tshiṅwe tshithu. Inwi ni hana yone…A zwi mangadzi zwithu zwi sa koni, tshivhidzo tshi kha nyimele yatsho, huno zwithu zwi nga si kone u itwa sa Mudzimu o fulufhedzisa, ndi ngauri ni nga si vhuye na ṱanganedza Ipfi kana na tshimbila Tshedzani. Bivhili yo amba, “Kha ri tshimbile Tshedzani, vhunga Ene e Tshedzani, zwenezwo Malofha a Yesu Kristo, Murwa wa Mudzimu, a a ri ṱanzwa tshivhini tshoṱhe.” Tshivhi ndi “u sa tenda.”89 Zwenezwo arali ri tshi khou tshimbila Tshedzani tsho ṋewaho nga Mudzimu tsha awara, zwenezwo Mudzimu u dzhia iḽo Ipfi ḽo ṋewaho awara huno a Ḽi khwaṱhisedza. U tou fana na musi O ita kha Genesi 1:3, a ri, “Kha hu vhe na tshedza,” huno tshedza tsha bvelela. Ipfi Ḽawe ḽo ya, huno tshedza tsha Ḽi tevhela, huno tsha bvisa khuli. Huno swiswi ḽa ya kha iṅwe khuḓa, huno tshedza tsha penya thungo iṅwe.90 Iyo ndi nḓila ine Mudzimu a ita ṋamusi. U rumela Ipfi Ḽawe ḽa ino awara, huno Muya Mukhethwa u a ḓa huno wa ita uri iḽo Ipfi ḽi tshile. Huno swiswi ḽi ya kha ndaela dzavho na dzidinomineisheni, fhedzi Tshedza tshi a penya ngauri ndi Ipfi ḽa Mudzimu ḽi no khou khwaṱhisedzwa uri Ipfi Ḽawe ndi ngoho. Zwino, a hu na tshithu tshi re tsha lungano nga ha hezwo, izwo zwi tou vha kokotolo Luṅwalo. Zwo luga.91 Zwino, ri wana uri mu—munna wa vhuṱali, munna wa vhuṱali wa Ndala, o tevhela tshithu tshe Mudzimu a ṋea. Vho tevhela Ipfi ḽa Mudzimu, kha Tshedza, ngauri ho vha hu Ipfi ḽo ḓisaho Vhutshilo. Zwino inwi ni ri, “Naa vho tevhela hani?” Zwo luga, vho vha vhe, na vhulenda, vho ṱalifhaho, ri a pfesesa.


92 Huno zwenezwo ri a wanulusa uri Biliamu, muporofita, murahu kha Numeri 24:17, Biliamu o vha a tshi nga mudziavhuṱali ene muṋe. O vha e muporofita, nga ngoho, huno o porofita fhano huno a ri Ṋaledzi i ḓo ṱavha Yakobo. Huno musi avha vhanna vha vhuṱali vha tshi vhona uri Ipfi ḽa Mudzimu ḽo ri Ṋaledzi i ḓo ṱavha Yakobo, vho tevhela ulwo luswayo luṱuku lwe vha ṋewa nga Mudzimu kha tshiko tsha Vhutshilo Vhu Sa Fheli. Zwi ḓo ralo kha munna wa vhuṱali ṋamusi, we a sa pofudzwe nga dzindaela, u ḓo tevhela Ipfi ḽo ṋewaho nga Mudzimu, ḽo ambiwaho u swika vha tshi vhona Maanḓa a Mudzimu nga vhuḓalo a tshi fhufhuma nga ino awara. Vhone, vhone vha a a vhona, huno vha a ḓivha uri a fhano kha Luṅwalo. Mudzimu o a fulufhedzisa kha ḽino ḓuvha.93 A hu londwi uri mafhethu a vhusedzi ndi mangana, zwiṅwe zwithu ndi zwingana, ho amba munna wa vhuṱali, “Mulandu, no bva kha ṱhalukanyo yaṋu!” Miṅwaha mivhili vhe kha u enda. Vho fhira tshaka nnzhi, huno vha ri, “Naa ni khou yafhi?”94 “Oo, ro vhona Ṋaledzi Yawe ngei Vhubvaḓuvha, huno ri ḓa u luvha Ene.” Huno musi vho ima mutaloni ngei Yerusalema, musanda wa dinomineisheni, a vho ngo vha na phindulo. Vho ya nṱha na fhasi zwiṱaraṱani, vha tshi khou lila, “Naa U ngafhi, o bebwaho e Khosi ya Vhayuda?” A vho ngo ḓivha tshithu nga hazwo. Ngauralo, vha vhidza Ipfi, u wanulusa. Vho tevhela, vha zwi ḓivha uri iyo Ṋaledzi yo vha yo vha ranga phanḓa u ya kha Tshedza tsha U Ya Nga Hu Sa Fheli. “Ri endedzele kha Tshedza tsho fhelelaho Tshau.” Huno Ipfi ndi ḽone ḽine ḽa ni endedza kha Tshedza, huno Tshedza ndi tshone tshi no ita uri Ipfi ḽi khwaṱhisedzwe. Dzhielani nzhele, vho vha vhe vhanna vha vhuṱali.95 Huno munna wa vhuṱali ṋamusi, hu si wa vhu-…“Vhuṱali ha ḽino shango ndi vhuḓabaḓaba kha Mudzimu.” Vhorasaintsi vhaṋu vhoṱhe, na vhoinwi vhathu vho ḓitikaho nga dziṅwe nḓivhongudwa khulwane, kana tshiṅwe tshithu tshiṅwe-vho, tshi tshi ni vhudza uri athomo i paḓulwa hani; i nga si kone u ni fha Vhutshilo. A hu na tshithu tshine tshi nga kona u ni ṋea Vhutshilo nga nnḓa ha Ipfi ḽa Mudzimu ḽo ambiwaho. Ndi hone fhedzi hune uvho Vhutshilo vhu nga kona u ḓa, ndi nga Ipfi ḽo ambiwaho Ḽawe.96 Huno izwo zwo luga, u ḓivha uri athomo i paḓulwa hani. Ndi tama vho vha vha songo zwi wanulusa na khathihi. Fhedzi arali vhone…Vha tea u zwi ita, ngauri iḽi shango ḽi khou nembelela ṋamusi…Zwi tea u bvelela, u kwashekanya iyi milindi mihulu ḽifhasini, u tendela ulwo luritha lu tshi ḓa huno lwa vusuludza iḽi shango hafhu, u ita ḽifhasi ḽiswa; hune vho lugaho vha ḓo tshimbila nnḓa kha buse ḽa vhavhi, hune


tshivhi tsha ḓo hangwiwa. Tshiṅwe na tshiṅwe tshi na nḓila ya u ḓivusuludza. Huno munna, we a ṋewa u dzula kha iḽi ḽifhasi, nga vhuṱali hawe, a tshi dzhia muri wa nḓivho vhudzuloni ha muri wa vhutshilo, u ḓo tshinyadza ḽifhasi ḽe Mudzimu a mu ṋea ḽone uri a dzule khaḽo. Fhedzi avho vhane vha kha ḓi vha kha Muri wa Vhutshilo, vha ḓo ḓa kha maṱaḓulu na ḽifhasi ḽiswa, hune ha sa vhe na vhulwadze kana lufu. Tshedza! Tshedza, Murena, ri rumele Tshedza.97 Ho vha hu Vharuṅwa vha Mudzimu vhe vha sumbedza tshedza kha muvhundu, u endedza vhalisa kha Tshedza tsha U Ya Nga Hu Sa Fheli. Ni a vhona, vhu ḓa fhedzi nga Tshedza. Vhutshilo vhu nga ḓa fhedzi nga Tshedza. Vhalisa, vha tshi ṱoḓa u zwi ḓivha. Inwi ni a ḓivha, musi khosi i tshi bebiwa, vha vha na u imba, u bvela phanḓa huhulwane, musi khosi i tshi bebiwa. Zwino, O bebwa nga nḓila ya tshiphiri, huno a bebwa tshitaleni, kha mu—mukungwa hune dzikholomo na bere dza vha dzi tshi khou ḽa, fhedzi naho zwo ralo O vha e Khosi. Huno vha—Vharuṅwa vho tsela fhasi huno vha imba dzinyimbo kha vhalisa, Tshedzani. Vharuṅwa, vhone vhaṋe, vho vha vhe zwiedza zwe zwa sumbedza na Ipfi ḽa Mudzimu. Vho vha vhe na Ipfi ḽa Mudzimu, huno vha vha vhudza, “Ṋamusi, muḓini wa Dafita, ngei Betlehema, ho bebiwa Kristo ene Mutshidzi.” Vharuṅwa vho vha vhe na Ipfi, huno Ipfi ḽo ḓa nga Tshedza, u endedza. Huno vho tevhela Ipfi ḽa Vharuṅwa, u ya kha Tshedza tsha U Ya Nga Hu Sa Fheli. Vho wana Lushie henefho, lwo putelwa nga miṅwenda, vhunga Vho no amba. Ngauri, inwi ni a vhona, Vhutshilo vhu ḓa fhedzi nga Tshedza.98 Dzhielani nzhele, O vha e Ipfi ḽo itwaho Tshedza, kana ḽo vhaho Tshedza. Ipfi kha uyo murafho, O vha e Tshedza tsha Ipfi tsha uyo murafho, ngauri vhaporofita vha kale vho vha vho amba nga Hae, huno hafha U a ḓa nahone o khwaṱhisedzwa uri O vha e Tshedza tsha Ipfi ḽo ambiwaho ḽa Mudzimu. Ni a vhona? Vhaporofita vhoṱhe vho—vho amba, vho khunyeledzwa Khae, ni a vhona, vhaporofita murahu ngeno na Ipfi. Vhunga zwe Mudzimu a vha e zwone u rangani, musi A tshi ri, “Kha hu vhe na tshedza,” huno tshedza tsha ḓa. Zwino muporofita o ri, “Musidzana u ḓo ḓihwala, a bveledza Murwa. Vha ḓo vhidza Dzina Ḽawe Imanuele, ngauri U ḓo vha e Mudzimu na riṋe.” Zwino, vho zwi amba, Ipfi ḽo bvela nnḓa; fhedzi O vha e Tshedza. Naa O vha e mini? Khunyelelo. Haḽeḽuya! O vha e khunyelelo ya iḽo Ipfi. O vha e u vhonadzwa ha iḽo Ipfi.99 Zwo ralo ṋamusi, Ipfi ḽa Mudzimu ḽo khunyeledzwa nga awara! Itsho ndi Tshedza. Ndi Mudzimu a no khou Ḓivhonadza. O vha e Tshedza tsha shango.


100 Huno musi vhaporofita, vho hevhedzwa nga Muya Mukhethwa, vho ri, “Kha riṋe Ṅwana o bebwa, kha riṋe mu—Murwa o ṋewa, kana Ṅwana o ṋewa; huno Dzina Ḽawe ḽi ḓo vhidzwa ‘Mueletshedzi, Mukololo wa Mulalo, Mudzimu wa Maanḓa, Khotsi wa Lini na Lini,’” zwo vha zwi hone henefho. Naa O vha e mini? Tshedza tshe tsha khunyeledza iḽo Ipfi, amene, Tshedza tshe tsha khunyeledza iḽo Ipfi.101 Kha Mateo, kha Mateo Mukhethwa ndima ya vhu28, ri a wana. Huno musi Yesu o vuwa vhafuni, Ene nahone o vha e Tshedza tsha Ipfi ḽa Dafita ḽo ambiwaho, ḽe ḽa ri, “A thi nga litshi muya Wawe ngei vhudzulavhafu; nahone Ndi nga si litshe Uyo Mukhethwa Wanga a tshi vhona u sina.” Lufu lwo vha lu swiswini. Fhedzi O vunḓa a vula mapfundo a lufu, huno a dzhena ngomu halwo, huno a ḓa murahu hafhu. O vha e Tshedza, Ipfi ḽo khwaṱhisedzwaho, ḽa uri vhafu vha nga tshila nga murahu ha musi vho fa. O vha o ralo.102 Nga Ḓuvha ḽa Pentekoste, iḽo ḽo vha ḽi Tshedza tshe tsha sumbedza uri Muya Mukhethwa wo ḓa lini. Yesaya o amba, kha ndima ya vhu28 ya Yesaya, Yesaya o amba uri, nga, “Ndayo i fanela u vha kha ndayo; mutalo u fanela u vha kha mutalo; hafha zwiṱuku, huno henefho zwiṱuku.” “Farelelani kha izwo zwe zwa vha zwi zwavhuḓi.” “Ngauri nga milomo ya makakamela na dziṅwe ndimi Ndi ḓo amba na avha vhathu. Huno uvhu ndi vhuawelo, iyi ndi Sabatha ine Nda ḓo ṋea kha…Huno izwi zwoṱhe a vha nga zwi pfi; vha ṱutshela kule, vha dzinginyisa ṱhoho dzavho.” Huno musi nga Ḓuvha ḽa Pentekoste, musi Muya Mukhethwa wo wela kha avho vhathu, huno vha ḓifara sa vhanna na vhasadzi vho kambiwaho, vha tshi khou dedeleka vha tshi itiswa nga Muya Mukhethwa. Huno vha ṱutshela kule huno vha dzinginyisa ṱhoho dzavho, huno vha ri, “Avha vhathu vho kambiwa, vho ḓala veini ntswa,” na zwiṅwe-vho. Tshone zwa vhukumakuma tsho vha tshi Tshedza, Ipfi ḽo no porofitiwaho, ḽo vhonadzwaho.103 Zwo ralo kha tshikhathi tshiṅwe na tshiṅwe, Ipfi ḽo vhonadzwaho, ḽi ḓa kha Vhutshilo, ndi Tshedza tsha itsho tshikhathi, henefho Ipfi ḽo vhonadzwa. U tou fana na zwe zwa vha zwi zwone kha Genesi 1, musi Mudzimu o ri, “Kha hu vhe na tshedza,” huno ha vha na tshedza. Musi Mudzimu o amba uri hu ḓo vha na Murwa; huno ha vha na Murwa.104 Musi Mudzimu o ri, kha Yoele 2:28, “Zwi ḓo khunyelela maḓuvhani a u fhedzisela, Ndi ḓo shulula Muya Wanga kha ṋama yoṱhe; vharwa na vhananyana vhaṋu vha ḓo porofita; kha vhashumi Vhanga na mushumi wa musadzi Ndi ḓo shulula Muya Wanga; vhaṱhannga vhaṋu vha ḓo vhona mabono; vhanna vhaṋu vha kale vha ḓo vhona miloro.” Huno izwi zwithu zwoṱhe zwe A zwi fulufhedzisa, musi


Wone, Muya Mukhethwa u tshi wa, ho vha hu na Tshedza kha iḽo Ipfi. Musi Ipfi ḽo vha ḽi tshi vhonadzwa, zwenezwo Ḽo vha Tshedza. Ndi ene Tshedza. Ndi ene Tshedza tshine ra tea u tshi tevhela. Ndi ene Tshedza fhedzi. Vharuṅwa vho wana Tshedza, huno vha Tshi tevhela Khae.105 Zwino, kha zwikhathi zwoṱhe, Mudzimu o dzudzanya zwingafha zwa Ipfi Ḽawe u itela tshikhathi tshiṅwe na tshiṅwe. Mudzimu tshifhinga tshoṱhe u rumela muṅwe muthu uri iḽo Ipfi ḽi kone u dzhena ngomu huno ḽa sumbedza Tshedza Tshaḽo. Itsho, tshikhathi tshiṅwe na tshiṅwe, tshi ita zwenezwo zwithihi, tshifhinga tshoṱhe tshi ita izwo.106 O vha e u khunyelela, vhunga ndo amba, ha maanḓa oṱhe a Mudzimu, makhethwa a vhaporofita. Vho vha vhe midzimu miṱuku. Musi Ipfi ḽa Murena ḽi tshi ḓa kha munna, Yesu o amba, Ene muṋe, uri o vha e mudzimu. Inwi ni a zwi ḓivha izwo. O ri, “Arali mulayo waṋu wo amba, huno vhokhotsi aṋu ngei murahu, vho vha vhidza, vhe Ipfi ḽa Mudzimu ḽa ḓa khavho, vho vha vhidza ‘midzimu,’ naa ni nga kona u Nkhaṱula hani, ni tshi ri, musi Ndo ri, ‘Nṋe ndi Murwa wa uyo Mudzimu’?” Ni a vhona? Ngeno, onoyo Mudzimu Ene muṋe, We a amba Ipfi nga kha vhaporofita, O vha e u vhonadzwa ha iḽo Ipfi ḽo ambiwaho. Huno arali muporofita o vha a tshi vhidzwa mudzimu, ngauri o vha e u vhonadzwa ha Ipfi ḽa muṅwe muporofita, naa ni nga Mu haṱula hani ngeno O vha e zwenezwo zwithihi? O vha e Murwa wa Mudzimu, vhunga A tshi ḓo vhidzwa Murwa wa Mudzimu.107 O vha e Mesia o fulufhedziswaho kale we shango ḽa mu lindela. O vha e pfulufhedziso ya Mesia yo vhonadzwaho.108 Mu sedzeni musi O ima henefho. O ri, “Arali Ndi sa iti mishumo ya Khotsi Anga, zwenezwo Nkhaṱuleni.” Ni a vhona? “Fhedzi arali ni sa koni u Ntenda, tendani mishumo ine Nda ita. I ṱanziela uri Ndi Nnyi. I ni vhudza uri Ndi Nnyi.” Inwi ni a vhona, iyo awara yo pofulaho, yo swifhalaho ine vha tshila khayo, vho kundelwa u I vhona. Vho tou sa kona u pfesesa. “Naa O vha a tshi nga kona hani u vha Uyo? Naa A nga kona hani u vha Murwa wa Mudzimu, musi O bebwa henefha fhasi ngeno Betlehema?” Arali vho zwi ḓivha fhedzi, Ipfi ḽo zwi amba uri U ḓo ḓa nga iyo nḓila. “Mulandu, khotsi Awe, Yosefa, ndi muvhaḓi. Mme Awe, mulandu, zwa vhukuma zwi a tendwa vhukati ha vharathu vhashu uri O bebwa lu si lwa mulayo.” Ni a vhona? Fhedzi naho zwo ralo Ipfi ḽa Mudzimu ḽo amba izwo.109 O ri, “Fhenḓani Maṅwalo, ngauri Khao ni elekanya uri ni na Vhutshilo Vhu Sa Fheli, huno ndi One eneyo Ane a ṱanziela


uri Ndi Nnyi. Ayo ndi One a ṱanzielaho nga ha Nṋe, aya Maṅwalo Makhethwa.” Zwenezwo O vha e mini? Tshedza tsha Mudzimu. A zwi mangadzi O ri, “Ndi Tshedza tsha shango.”110 Ho ngo amba fhedzi u ri, “Ndi nṋe Tshedza,” fhedzi O ri, “Ni Tshedza.” Arali Ipfi Ḽawe ḽi kha inwi, ḽi tshi ṋea rekhodo ya Ḽone ḽiṋe, zwenezwo inwi ni Tshedza tsha shango. Dzhielani nzhele, ri a wanulusa, Tshedza tsha tshikhathi tshiṅwe na tshiṅwe tsho vhonadzwa lu fanaho.111 Zwenezwo ndi ṱoḓa u vhudzisa mbudziso, vhunga…tshifhinga tshashu tshi sa athu ṱuwa. Mulandu, ndi ngani vho vha…vho zwi thudzela kule? Naa vho vha vha tshi nga zwi ita hani, musi…Bivhili yeneyo yavho, ye vha vha vha tshi khou i vhala, yo vha i tshi khou vhonadzwa phanḓa havho. Zwino gudani nga maanḓa zwino.112 Zwino elelwani, nṋe ndi khou amba na vhathu vhanzhi nga tshino tshifhinga, inwi ni a vhona. Hu si vha maḓana maṋa kana maṱanu fhano, fhedzi nṋe ndi—nṋe ndi khou amba na zwigidi zwinzhi.113 Imani lwa muniti. Imisani theiphi rikhoda yaṋu huno ni vhudzise mbudziso. Ndi ngani munna wa vhurereli, munna wavhuḓi…Ndi ngani Yosefa o vha a tshi ḓo vhudzisa? Ni a vhona? Ndi ngani Yo-o vha a tshi…? Ngauri na khathihi ho ngo ṱoḓa Luṅwalo. Ndi ngani vhotshifhe vho vhudzisa? Tshiitisi tshithihi vha songo ita…vho tshi ḓivha. Nikodemo o tshi bula zwavhuḓi. O ri, “Rabi, ri a zwi ḓivha uri Iwe u mudededzi a bvaho ha Mudzimu. A hu na munna we a kona u ita zwine Wa ita nnḓani ha musi Mudzimu e nae. Ri a zwi tshenzhela izwo.” Fhedzi ho vha hu mini? Maitele avho o vha dzindela kha u zwi ita.114 Zwenezwo ndi ngani vho, vho landula Mesia? Ndi nga-…Ndi ngani vho landula itsho Tshedza? Ngeḽi Ipfi ḽe vha ḓivha uri ḽi khou khunyelela, fhedzi musi Ipfi ḽi tshi vhonadzwa u sumbedza uri Ipfi ḽa Mudzimu ḽo khunyeledzwa, vhambedzani izwo na ṋamusi. Ni a vhona? Musi henefho, zwo ṅwalwa kha Ipfi, uri izwo zwi ḓo itea, zwenezwo ndi ngani avho vhanna vho zwi landula; vhadededzi? Ngauri vho vha vha tshi khou tshila kha mbonalo ya tshiṅwe tshedza. Izwo ndi zwone. Vho vha vha tshi khou tshila kha mbonalo. Itsho ndi tshithu tshine vha khou tshi ita ṋamusi. Vha khou tshila… Tsho itisaho uri vha zwi thudzele kule ndi ngauri vha khou tshila kha mbonalo ya tshiṅwe tshedza. Ni a vhona? Zwino, vho vha vha tshi khou tshila kha mbonalo ya zwe Mushe a amba, vho amba. Vho vha vha tshi khou tshila kha mbonalo ya zwe (tshiṅwe tshikhathi) zwa vha zwo no fhira.


Huno itsho ndi tshone tsho itisaho ṋamusi uri uyu Mulaedza, wa uri, “Yesu Kristo u kha ḓi vha a sa shanduki,” u tshi thudzelwa kule, ngauri vhathu vha khou tshila kha mbonalo dza zwiṅwe zwikhathi. Tshiitisi tshenetsho tshithihi, vha ḓo Ḽi thudzela kule. Zwino ri ḓo dzhiela nzhele.115 Huno Webster u amba, zwauri, “Mbonalo ndi lushaka lwa tshedza tsha khole-khole. Mbonalo ndi tshedza tsha khole-khole; zwenezwo zwithihi zwi na mbonalo.” Vhunga—vhunga madzivhaṅombe nḓilani. Inwi ni tsa nga nḓila, vhunzhi haṋu ni tshi khou reila mimoḓoro, huno ni tshi sedza fhasi nga phanḓa haṋu. Musi ni tshi vhona iḽo ḓuvha kha mavu, ḽi vhonisa tshedza, nahone vhunga madzivhaṅombe, hu vhonala hu tshi nga hu na maḓi hoṱhe-hoṱhe nḓilani. Fhedzi, musi ni tshi swika henengei, hu na u sa vha na tshithu henefho. I tou vha mbonalo ya khole-khole fhedzi, madzivhaṅombe, mbonalo ya tshedza tsha ngoho. Izwo ndi zwine diabolo a khou ita ṋamusi, u khou sumbedza vhathu madzivhaṅombe, Khoro ya Zwivhidzo, tshigwada tsha dzidinomineisheni, zwine zwa ḓo fhedza zwi zwa khole-khole. Ngauri, ndi ngauri hu na Tshedza tsha vhukuma tshi no khou penya. Itsho Tshedza tsha vhukuma tsho vha tshi sa khou penya, madzivhaṅombe o vha a si nga koni u vha henefho. Tshedza tsha vhukuma tshi a penya. Huno itsho ndi…Vha khou tshila kha mbonalo ya tshiṅwe tshikhathi, tshiṅwe tshithu, ngauri tsho rwiwa nahone tsha fhiriwa. Zwino, mbonalo, aya madzivhaṅombe ndi a khole-khole. Ndi mbonalo ya ḓuvha.116 Huno iyo ndi nḓila, vho ita zwenezwo zwithihi, mbonalo ya khole-khole ya Tshedza tsha ngoho.117 Zwino, zwo sumbedza uri O vha e Tshedza tsha ngoho. O vha e Tshedza. Ndi ngani vho zwi ḓivha uri O vha e Tshedza? Naa inwi no vha ni tshi nga zwi ḓivha uri O vha e Tshedza? Ngauri Ipfi ḽe ḽa fulufhedziswa ḽo vhonadzwa nga kha Ene, ngauralo O vha e Tshedza tsha iḽo Ipfi ḽo ambiwaho. Amene! Oo, izwo kaṱukuṱuku zwi ḓo nnyita, Mubaphuthisi wa pentekoste, ṱavhani mukosi. Dzhielani nzhele, zwi elekanyeni!118 Mbonalo, ni a vhona, ni tshi khou tshila kha mbonalo! Fhedzi musi Ipfi ḽa ngoho ḽi tshi khou tshila, itsho ndi Tshedza, zwe Mudzimu a amba. Zwino, mini-ha arali Mudzimu o amba, u rangani, “Kha hu vhe na tshedza,” huh, zwo luga, huno ho vha hu na tshiṅwe-vho tshe tsha bvelela, ni a vhona, madzivhaṅombe fhedzi? Ni a vhona, zwo vha zwi tshi ḓo vha zwi songo ralo, nangwe, zwe Mudzimu a amba. Hai, zwo vha zwi tshi ḓo vha zwi songo ralo. Mini-ha arali Mudzimu o ri, “Kha hu vhe na


tshedza,” huno vhutsiḓi ho engedzeaho ha ḓa? Ni a vhona, tsho vha tshi tshi ḓo vha tshi songo vha tshedza. Fhedzi, tsho itisaho uri tshedza tshi ḓe, tsho vha tshi Ipfi Ḽawe ḽo vhonadzwaho. Huno ṋamusi, musi Mudzimu o amba uri zwithu zwo raloho zwi ḓo itea nga tshino tshifhinga, huno ni a zwi vhona zwi tshi zwi ita, (naa ndi mini?) ndi Tshedza kha Ipfi ḽa Mudzimu. Ndi Ipfi ḽi tshi khou ita Tshedza, ḽi tshi khou Ḓivhonadza.119 Zwino, vho ri, “Naa Iwe uri ri vhonnyi? Mulandu,” a ri, “U lingedza u…Ri a zwi ḓivha uri Iwe u a penga. Mulandu, Iwe u Musamaria; A u na ṱhalukanyo Yau yo teaho. Zwo luga, U ḓo lingedza u…Ndi nnyi ane a nga vhudza…Ri a zwi ḓivha uri Iwe wo bebelwa tshivhini. A ri ḓivhi hune Iwe wa bva hone. A ri na rekhodo ya ṱhaluso Yau kha zwigwada zwashu. Mulandu, Iwe u a penga. U na diabolo.” Ni a vhona? Ha pfi, “Mulandu, Iwe wo bva kha ṱhalukanyo Yau.” Fhedzi Ene zwa vhukuma o vha e Tshedza tsha Mudzimu tsha vhukumakuma, tsha ngoho, tshi penyaho. Huno mbonalo yo dzima, maṱo avho o bva. “Ri na Mushe sa muendedzi washu!”120 A ri, “Arali no vha no tenda Mushe, no vha ni tshi ḓo vha no Nnḓivha.”121 Huno arali no vha ni tshi ḓo tenda Yesu na Bivhili, no vha ni tshi ḓo ḓivha ino awara ine na khou tshila khayo. Vha ri, “Zwo luga, ri Vhakriste. Riṋe…” Arali no vha ni vhone, no vha ni tshi ḓo ḓivha mishumo ya Kristo ya ḽino ḓuvha. Ni a vhona, no vha ni tshi ḓo i ḓivha.122 Yesu o ri, “Avho vhaporofita vhoṱhe vho amba nga ha Nṋe. Huno arali ni tshi tenda avho vhaporofita, mulandu, no vha ni tshi ḓo Nnḓivha. Mishumo Yanga i a ṱalusa. Ngauri, zwe vha amba uri Ndi ḓo ita, Ndi a zwi ita. Huno ndi nnyi ane a nga Nkhaṱulela u sa tenda zwino?”123 Huno naho zwo ralo a vho ngo zwi vhona. Ndi ngani? Maṱo avho o vha o bviswa, nga mbonalo; ni a vhona, mbonalo ya tshiṅwe tshithu-vho tshe vha tshi dzhia uri ndi zwe Ipfi ḽa ngoho ḽo ambiwaho ḽa vha ḽi zwone. Zwino zwi elekanyeni. Zwi elekanyeni. Vho amba uri vho tenda iḽo Ipfi. Fhedzi maitele avho o shandukisa zwifhaṱuwo zwavho kha Ipfi ḽa ngoho, kha mbonalo, ngauralo-ha vho kundelwa u vhona tshithu tsha vhukuma. Zwo ralo ṋamusi. Zwo ralo kha tshikhathi tshiṅwe na tshiṅwe. Ni a vhona, i—Ipfi ḽa ngoho ḽi a penya, fhedzi vho itwa vha maitele, lune, a vha koni u vhona iḽo Ipfi. Vho sedza mbonalo, huno vho pofula. Mbonalo i ḓo ni pofudza. Hu na akha yazwo. I ḓo ni pofudza. Huno, i ḓo ralo, musi…


124 Yesu o amba, “Inwi no pofula, ni tshi ranga phanḓa vho pofulaho.” Vho tea u vha vho kona u zwi vhona, u vhona uri O vha e Nnyi. Fhedzi a vho ngo ralo, ngauri vho vha vha tshi khou tshila kha iyo mbonalo.125 Zwino, mbonalo, vhunga ndo amba, ndi tshedza tsha khole-khole, ndi madzivhaṅombe, ndi muhumbulo wa khole-khole wa Tshedza tsha ngoho. Muhumbulo wa khole-khole; ndi tshiṅwe tshithu tshine tsha—tsha tea u nga Tshone, fhedzi a si Itsho.126 Zwino nḓila fhedzi ye vha kona u amba phambano, ngauri zwithu zwenezwo zwe Yesu a ita zwo sumbedza uri O vha e Nnyi, uri Ene o vha e Tshedza. Vho elekanya uri vho vha vhe Tshedzani. Fhedzi zwino arali na tou ima lwa muniti huno na sedzesa uri ndi nnyi a re Tshedzani, zwenezwo.127 Zwino, ṋamusi! Arali khakho yo raloho i sa londi uri hu bvelelani yo itwa nga vhanna vha tshivhidzo tsha iḽo ḓuvha, tshithu tsho raloho tsha u sa londa uri hu bvelelani tsho itwa, vharathu, naa a ni elekanyi uri ndi tshifhinga tsha uri ri ime huno ri sedzese uri Tshedza ndi mini? Ri songo ita khakho yo raloho ya u sa londa uri hu bvelelani. Fhedzi ni khou i ita. No no ḓi i ita, ni a vhona, huno a no ngo zwi ḓivha, u tou fana na zwe vha vha vhe zwone tshifhingani itsho. Zwino imani lwa muniti fhedzi huno ni wanuluse zwine Ipfi ḽa amba zwa ṋamusi.128 Arali vho vha vha tshi ḓo vha vho ima huno vha elekanya, “Hafha U khou khunyeledza, u ya kha ḽeḓere, kokotolo zwe Ipfi ḽa amba uri U ḓo ita.” Huno O vha itela khaedu, vhunga nṋe ndi tshi khou ni itela khaedu! Ni a vhona? Ni a vhona? Nṋe ndi khou ni itela khaedu ya u sedza kha Ipfi, na fhenḓa Maṅwalo, na vhona arali iyi i si yone awara. Ni a vhona? “Fhenḓani Maṅwalo, ngauri Khao ni elekanya uri ni na Vhutshilo Vhu Sa Fheli, huno One ndi One a no ṱanziela nga ha Nṋe.” One ndi One a no ṱanziela nga ha uyu mushumo ṋamusi. Mishumo yone iṋe i ṱanziela uri izwo zwi khou itwa, huno Luṅwalo lu amba uri zwi ḓo itwa, ngauralo ndi Tshedza tsha awara. Ipfi ḽa Mudzimu ḽo amba nga u ralo.129 Maitele aṋu na zwithu ndi kokotolo zwe Bivhili ya amba, vhunga avho vho dzinginyisaho ṱhoho dzavho huno vha tshimbila. “Maṱafula oṱhe a ḓala maṱanza,” Bivhili yo ralo. Huno afho ndi he vha vha vhe hone. A vho ngo zwi tenda. Vho dzinginyisa ṱhoho dzavho. Huno, dzinzhinga, ni a limuha? Huno, vharathu, naa ni a limuha izwi, zwauri, musi ni tshi khou landula tshenetsho tshithu tshine Mudzimu a khou tshi khwaṱhisedza phanḓa haṋu, uri ni khou ita zwenezwo zwithihi zwe vha ita, ni tshi humela murahu kha u ṱanza haṋu ha maitele?130 “Vhunga mmbwa i tshi ya maṱanzani ayo.” Arali zwo mu ita uri a lwale lwa u thoma, zwi ḓo mu ita uri a lwale nga


tshifhinga tsha vhuvhili. Arali tshivhidzo tsha Kaṱoḽika, tshi tshi dzudzanywa huno tshi tshi itwa dzangano ḽa u thoma, tsho ḓisa vhulwadze kha tshivhidzo; ngauralo Muḽuṱere u ḓo ralo, Mumeṱhodisi, na vhaṅwe vhoṱhe, Mubaphuthisi, Mupuresbiterieni, na Vhapentekostaḽa. “Mmbwa i humela murahu maṱanzani ayo, huno nguluvhe ya tsadzi i humela u vhumbuluwani hayo.” Ni a vhona? Ri khou swika kha izwo nga miniti i si gathi, Murena a tshi funa.131 Mbonalo, a tshi khou tshimbila kha mbonalo, ni a vhona, madzivhaṅombe, muhumbulo wa khole-khole wa Tshedza tsha ngoho. O sumbedza uri O vha e Tshedza. Ngauri, Ene, e kha…nḓila ya vha si gathi, yawee, nṋenṋe, vha milioni vha hanedzanaho Nae! Ho vha hu si tsharathi tsha vhathu, tshithihi tsha fuṱahe tsha vhathu, kha ḽifhasi, tshe tsha vhuya tsha zwi ḓivha uri O vha e fhano. Hu si, ndi a humbulela, tshithihi—tshithihi tsha ḓana tsha Vhayuda, kana vha sa swiki tshithihi tsha fuṱhanu tshavho, kana tsha fumiiṋa tshavho, ndi ḓo ri, khamusi vha re fhasi ha iyo, vha shango Ḽa Ene muṋe, vhe vha vhuya vha zwi ḓivha uri O vha e henefho. Huno avho vhe vha zwi ḓivha uri O vha e henefho, vho Mu sedzesa sa tshiṅwe tshithu tsha khole-khole, ngauri dinomineisheni yo vha vhudza uri izwo ndi zwe A vha e zwone. Ni a vhona? Fhedzi naho zwo ralo Ene o vha e Tshedza tsha ngoho tsho ambiwaho u bva kha Genesi, u rangani, huno a vha humbela u fhenḓa Maṅwalo huno vha wanulusa arali O vha a sa khou tshila nga itsho tshifhinga; arali Ene, mishumo ye A ita, i songo khunyeledza kokotolo zwe zwa fulufhedziswa zwa itsho tshifhinga. Amene. Oo!132 Ndi tshithu tsha ndeme, mukomana! Ri khou tshila kha tshifhinga tshi ofhisaho.133 O sumbedza u vha ene. O vha a Tshedza tshenetsho tshe vha amba uri vho vha vha tshi khou tshi luvha. Vho amba uri vha khou luvha itsho Tshedza. Huno zwo ralo ṋamusi. Vha amba uri vha khou luvha Itsho. Vhapentekostaḽa vha a zwi amba. Vha amba uri vho ralo, huno vho pofula nga maanḓa lune vha nga si kone u zwi vhona. Ndi ngani? Vha a dzudzanya, huno, fhedzi mbonalo kha tshifhaṱuwo tshavho. Ni a vhona? Maitele ndi zwe vhaṅwe vhathu vha vhekanya fhethu huthihi, huno vha ri, “Ri ḓo ya huno ra ita itshi na itshi, na itshi na itsho.” Zwino ri khou ḓo ḓa kha uri ndi ngani izwo zwo bvelela, Murena a tshi funa.134 Dzhielani nzhele, mishumo Yawe yo vha i Ipfi ḽi tshilaho Ḽone ḽiṋe. Zwe A ita ho vha hu Ipfi ḽi tshilaho Ḽone ḽiṋe, zwi tshi khou sumbedza uri O vha e itsho Tshedza tsho fulufhedziswaho u bva u rangani ha shango. O vha e itsho Tshedza. Tshedza Tshawe kha Ipfi ḽo fulufhedziswaho ḽa tshikhathi tsho Ḽi ita uri


ḽi tshile kokotolo kha zwe pfulufhedziso ya ri Tshi ḓo ita, fhedzi vho vha Natsho tsho rembuluswa nga maanḓa u swika vha tshi kundelwa u Tshi vhona. Ni a vhona? Fhedzi O vha e Tshedza tsha itsho tshikhathi.135 O vha e Tshedza tshe vha amba uri vha khou tshi luvha. Vho elekanya uri vho vha vha tshi khou luvha onoyo Mudzimu wa tsiko. Vho vha vha tshi khou tshila nahone vha tshi khou luvha mbonalo, huno Yesu a ri, “Vhoinwi ni Ntshumela nga ḽifhedzi, ni tshi funza Pfunzo maitele a muthu, huno hu si Ipfi.” Ndi ene Ipfi, huno O vha e Ipfi ḽo vhonadzwaho. Vha tea u vha vho zwi ḓivha.136 Ndi a fhulufhela uri izwo zwi nga phuletshedza, huṅwe na huṅwe hune zwa pfiwa, ni a vhona, uri ndi Ipfi ḽi vhonadzwaho. “Oo,” ni ri, “oo, ri na Ipfi.” Mulandu, Ipfi, muṅwe na muṅwe o hwala Bivhili, a no ṱoḓa u ralo. Fhedzi, musi Ipfi ḽi tshi khwaṱhisedzwa, ḽi tshi vhonadzwa! Mulandu, ni ri, “Zwo luga, ri a tenda!”137 Ee, muṋe wanga, vho tenda, nḓilani yoṱhe. Na Saṱhane u ralo. Avho Vhafarisei, ndi nnyi we a vha a tshi nga kona u vha haṱula, vha sa tendi? Fhedzi a vho ngo tenda Ipfi ḽa awara. Vho vha vha tshi khou luvha mbonalo ya tshiṅwe tshithu-vho. Ndi zwenezwo zwithihi zwine vha khou ita ṋamusi. Ni a vhona? Vha khou vhulunga u bvu-ha Luther…maitele, kana—kana maitele a Wesley, na vhaṅwe vhoṱhe, maitele a Pentekoste. Fhedzi mini nga ha awara? Vhafarisei vho vha vha tshi khou vhulunga maitele avho. Fhedzi murahu ha maitele avho ho vha hu na Ipfi ḽa Mudzimu ḽi tshi ḓa u penya, huno, musi Ḽo ita, Ḽo pofudza maṱo avho. A vho ngo kona u Ḽi vhona ngauri vho vha vha tshi khou sedza tshiṅwe tshithu-vho. Zwo ralo ṋamusi! Ngavhe Mudzimu a tshi litsha izwo zwi tshi nwelela ngomu, u swika zwi tshi rwa hayani zwa vhukuma kha vhathu vhane vha tea u zwi tenda. Tshifhinga tsho ṱuwesa u fhira zwine na elekanya.138 Murwa wanga, Billy Paul, u amba o eḓela, fhedzi ha na miloro kanzhi nga maanḓa. O vha na muṅwe nga vhuṅwe vhusiku we wa mu dzinginyisa. O ri o lora e tshivhidzoni, huno—huno vha…Ndo vha ndi sa athu dzhena ngomu. Ha pfi, musi ndi tshi dzhena ngomu, mulilo wo vha u tshi fhufha u tshi bva maṱoni, huno nda ri, “Tshifhinga tshi fhano. Tsho fhela.” Huno muṅwe na muṅwe a thoma u zhamba, “Ndi nga si kone! Vhananga!”139 Huno mufumakadzi wanga a ri, “Ndi nga si kone u wana Sarah uri ndi humbele phaṱhutshedzo ḓafulani,” na zwiṅwe-vho. Huno nda ri…


A ri, “Ndi tea u ṱuwa nda wana Loyce na—na lushie.”140 Nda ri, “Loyce a nga si kone u ḓa zwino. Lushie ndi luswa nga maanḓa u zwi ḓivha. Billy, awara i fhano. Ri fanela u ṱuwa.” Nda ri, “Ndi vhukati ha vhusiku zwino. Masiari a sa athu swika, Yesu u ḓo vha fhano. Arali zwi sa khou ralo, zwenezwo ndi ṱhanzi ya khole-khole ya Kristo.” Huno muṅwe a amba, a ri, “A hu na munna a no ḓivha muniti kana awara.”141 “Na khathihi a tho ngo ri muniti kana awara. Ndo ri, ‘Tshiṅwe tshifhinga vhukati ha zwino na tshedza tsha masiari.’” Huno nda ri, “Kha ri—kha ri ṱuwe.”…?…Nda ri, “Fhedzi ri kha tshifhinga. Kha ri ṱuwe.” Huno ra dzhena moḓoroni, huno ra thoma, huno ra thoma u gonya thavha. Huno musi ro ita, ho vhonala hu tshi nga tshedza tsho vha tshi tshi khou ḓa lutomboni, fhedzi swiswi kha ḽifhasi. A ri ndo kokodza sia ḽa nḓila, huno nda fara zwanḓa zwanga nṱha nga iyi nḓila, mulilo u tshi kha ḓi fhufha u tshi bva maṱoni. Huno o ri ndo ri, “Murena, ndo ita izwi u ya nga mulayo Wau. Ndo ita izwi ngauri Iwe wo mmbudza uri ndi zwi ite nga iyi nḓila. Ndo ita izwi zwithu u ya nga ha zwe Wa mmbudza.” Huno nda mu sumbedza thavha khulu ya giranete; na tshe—Tshedza, hu si na zwanḓa, ha tumulwa Tombo ḽi tshi bva kha thavha, ḽi tshi khou lemela thani dza maḓana, huno hafha Ḽi a ḓa. Nda ri, “Rembulusani ṱhoho dzaṋu; ni songo sedza. Zwi ḓo fhela zwoṱhe nga miniti i si gathi fhedzi.” Ha pfi, zwenezwo u dzika huhulwane hukhethwa ha ḓa huṅwe na huṅwe, musi iḽi Tombo ḽi tshi ḓa u yela fhethu.142 Hu nga vha ho no lengeswa u fhira zwine ra elekanya. Henefho, ni a vhona, izwo zwi tou vha kokotolo zwa Luṅwalo, inwi ni a vhona, “Tombo, hu si na zwanḓa, ḽo tumulwaho kha thavha.” Huno ngauralo ḽiṅwe ḽa aya maḓuvha zwi khou yo vha nga u ralo, musi ni tshi khou yo zhambela tshiṅwe tshithu. Ndo ri khavho, “No no ḓi vha na itsho tshifhinga. Mudzimu o dzulela u ni tsivhudza, tshifhinga nga murahu ha tshifhinga. Iina.” Nda ri, “Naho hu uri ndi ṅwananga, kana nnyi na nnyi ane a vha ene, awara i fhano. Ndi nga kona u amba fhedzi zwe A mmbudza uri ndi zwi ambe, huno zwi ḓo vha hone,” huno zwa vha hone. Huno—huno zwenezwo, nga u ṱavhanya [Mukomana Branham u vhanda zwanḓa zwawe zwoṱhe luthihi—Mudz.] hafha U a ḓa, “Tombo ḽo tumulwaho kha thavha, hu si na zwanḓa.” Daniele izwo o zwi vhona, inwi ni a zwi ḓivha, murahu miṅwaha minzhi yo fhiraho. Billy a hu na tshithu tshe a ḓivha nga ha hezwo, fhedzi ho vha hu—ho vha hu muloro wo rumelwaho ene u tshi bva ha Murena.


143 Zwino, ni a vhona, vha amba u luvha uyo Mudzimu onoyo we vha vha vha tshi tamba nga hae. Huno zwenezwo zwithihi zwo huma hafhu ṋamusi, nga tshiitisi tshenetsho tshi fanaho, a tshi khou tshila kha mbonalo vhudzuloni ha Tshedza. Zwiedza zwihulwane zwi na u penya. Zwo luga.144 Sedzani swiswi ḽine ra vha khaḽo ṋamusi! Sedzani zwi no khou bvela phanḓa ṋamusi! Sedzani vhuvhulahi, u tshipa, mufhirifhiri! Mulandu, zwo no ḓi khunyelela. Ndi tenda uri ho vha hu Billy Graham o ambaho, kha muṱangano wawe wa u fhedza, “Nga miṅwaha ya fumi u bva zwino, mudzulapo muṅwe na muṅwe wa California u ḓo tea u hwala tshigidi tsha u ḓitsireledza. Ni nga si kone u dzhenisa mulayo wo eḓanaho wa khwaṱhiso.” Vhathu vho no thoma u penga; u thuntsha, vhuvhulahi, na u tshipa, tshiṅwe na tshiṅwe, ni a vhona. Zwo sokou ṱanganana, ni a vhona, kha zwiṱaraṱa. Ni a vhona, ndi—ndi ḓuvha ḽine ra khou tshila khaḽo, ḓuvha ḽa Sodoma. Ni a vhona?

Fhedzi hu na Tshedza tshi no khou penya! Arali vha tshi nga sedza fhedzi, arali vha tshi nga vhona fhedzi, vha sedza ngomu ha Ipfi huno vha vhona zwine zwa tea u vha zwone nga ino awara, vha ḓo zwi ḓivha zwine zwa khou lingedzwa u itwa.145 Zwino, vha amba uri vha khou luvha itsho Tshedza, ngauralo vho amba uri vha khou luvha itsho Tshedza, fhedzi vho vha vha tshi khou luvha kha mbonalo ya tshiṅwe tshedza vhudzuloni ha tsha vhukuma. Ni a vhona? O vha e Tshedza.146 Dzindaela na maitele, kha nyimele yavho yo pofulaho, zwo vha shandukisa u bva kha Tshedza tsha ngoho tsha Ipfi ḽo fulufhedziswaho. Ipfi ḽe Mudzimu a ḽi khwaṱhisedza, nga Yesu, Tshedza tsha shango, tsho ḓa huno tsha ita uri iḽo Ipfi ḽi tshile kokotolo nga kha tshifhinga Tshawe, kokotolo u ya nga maḓuvha. “U ḓo tumulwa vhukati ha vhege dza fusumbe, izwo ndi zwone, zwine zwa vha miṅwaha miraru na hafu ya vhuporofita Hawe. Mesia u ḓo ḓa, ene Mukololo, huno u ḓo porofita, huno maḓuvha mararu na hafu a itshi, zwenezwo U ḓo tumulwa kha vha tshilaho, huno a ita tshipfumelo.” Huno izwo ndi kokotolo. O rera miṅwaha miraru na hafu. Huno yavho…147 Huno Phisalema yeneyo ye Dafita a amba, “Mudzimu Wanga, Mudzimu Wanga, ndi ngani Wo Nṱutshela?” Phisalema ya vhu22, “Marambo Anga oṱhe, a a Nzwondolola. A dzinginyisa ṱhoho dzaho. A a Mphira.” Miṅwaha ya maḓana a fumalo na ya fuṱhanu, tshifhinga tshi sa athu swika, musi Dafita a tshi imba ulwo luimbo e Muyani, huno lwa dzhiiwa sa vhuporofita, huno lwa ṋewa. Vho vha vha tshi khou dzi imba idzo nyimbo thembeleni musi Tshiṱhavhelo itsho tshithihi tsho nembelela kha tshifhambano, tshi na zwanḓa Zwawe, nahone zwo rungiwa. “Huno vho runga zwanḓa Zwanga na milenzhe


Yanga.” Ni a vhona? Ni a vhona ngei? Zwenezwo, mulandu? Vho vha vha tshi khou tshila kha mbonalo. A vho ngo vhona Tshedza.148 Naa ni nga humbulela muthu wa ṱhalukanyo a tshi ita izwo? A zwi fhiri nṋe ndi tshi humbulela muthu wa ṱhalukanyo a tshi gidimela fhasi kha basimennde huno a dzhena ho fanelaho, huno a tshi kokodza mahothi awe fhethu huthihi, huno a ri, “Ndi hana u vhona uri hu na tshedza.” Ndi u ṱangana ṱhoho. Huno lwa tshimuya lwawe lwo redzemuwa, huṅwe fhethu, musi munna a tshi vhona uri Bivhili yo fulufhedzisa izwi, huno na i vhona i tshi tshila henefho phanḓa hawe huno ya vhonadzwa, huno zwenezwo na dzulela u dzula kha idzo ndaela na zwithu ngei nnḓa zwine zwa Ḽi landula. Ndi vhukundavhalai ha tshimuya. Izwo ndi zwone kokotolo.149 Hafha O vha e hone zwino. “O vha e—O vha e Tshedza tsha shango, huno shango ḽo zwi ḓivha…O ḓa kha Vha re Vhawe; Vha re Vhawe a vho ngo Mu ḓivha. O ḓa shangoni, huno shango ḽo itwa nga Ene, huno shango a ḽo ngo Mu ḓivha.” Ni a vhona? “Fhedzi vhanzhi vhe vha Mu ḓivha, khavho O ṋea maanḓa a u vha vharwa vha Mudzimu, kha avho vho Mu tendaho.”150 Elelwani, ri nga si kone u tshila nga tshedza tsha mulovha. Tshedza tsha mulovha tsho ṱuwa. A tshi tsheeho. Tshone, tshedza tsha mulovha, ndi nyelelwo fhedzi. Tshedza tsha ḓuvha tsha mulovha ndi nyelelwo fhedzi, kana, ndi ḓivhazwakale. Ri nga si kone u tshila nga tshedza tsha mulovha, a tshi tsheeho. Huno zwi a fana, naho hu ḓuvha ḽeneḽo ḽithihi, ḓuvha ḽeneḽo ḽithihi, fhedzi ḓuvha ḽiṅwe na ḽiṅwe ḽi ḓisa nungo dzaḽo lwo khwaṱhaho zwiṱuku, u vhibvisa thoro u itela khaṋo. Ni a vhona?151 Ḓuvha ḽi a ḓa ṋamusi, ḽa vha na maanḓa zwiṱuku. Ḓuvha ḽiṅwe na ḽiṅwe zwino ḽi ḓo vha na maanḓa zwiṱuku, maanḓa zwiṱuku, huno u swika mafhedziseloni goroi, i re henefho, i tshi ḓo—i tshi ḓo ya u dzhia vhutshilo. Nga murahu ha tshikhathinyana, vhu—vhutshilo vhu a ḓa, zwenezwo lwo khwaṱhaho zwiṱuku, lwo khwaṱhaho zwiṱuku. Ṱhafamuhwe, Lambamai, Shundunthule, Fulwi, Fulwana, vhu kha khaṋo zwenezwo, inwi ni a vhona. Ḓuvha ḽeneḽo ḽithihi ṋamusi, nga—nga Phando kana Nyendavhusiku, izwo ndi ngei nṱha hu tshi khou ṱambiwa ayo mahaḓa na u a ṋokisela fhasi kha iyo thoro, a tshi ḓisa maḓi; ndi ḓuvha ḽeneḽo ḽithihi, fhedzi iyo goroi yo kundelwa u tshila kha tshedza tsha ḓuvha tshi fanaho nga Fulwi. Ni a vhona, tshi nga si zwi ite. Ni a vhona, ḓuvha ḽi ḓa ḽo khwaṱha zwiṱuku ḓuvha ḽiṅwe na ḽiṅwe, huno thoro i tea u vha yo aluwa lwo engedzeaho zwiṱuku u ṱanganedza tshedza tsha nga masiari. 152 Iyo ndi yone thaidzo ṋamusi. Thoro ye ya zwaliwa kha vhokhotsi vha u ranga, ngei murahu kha—kha Luther na Wesley na vhaṅwe, yo pfufhifhala; i nga si dzhie Murwa. Murwa u a i


vhulaha. Yo hana u aluwa. Ni a vhona? Yo ḽi tumula, yo ḓibvisa kha luṱanga, vhunga, huno ya ḓa nga hafha huno ya ḓiita tshithu tshiṱuku tshayo. I vha ganda, zwenezwo, huno a hu na Vhutshilo khayo. Thoro i tea u aluwa na u vha na maanḓa, musi Murwa a tshi vha o khwaṱhaho ḓuvha ḽiṅwe na ḽiṅwe.153 Zwino kha ri sedzese lwa muniti. Ri ḓo sedzesa zwikhathi zwa tshivhidzo. Hu na zwikhathi zwa tshivhidzo zwa sumbe. Huno musi izwi zwikhathi zwa tshivhidzo, tshiṅwe na tshiṅwe, sedzesani nḓila ye A amba navho uri zwine zwa ḓo ita ndi zwifhio, nḓila ine thoro ya ḓo aluwa huno ya ḓa fhasi kha iyi awara ya u fhedza fhano, iyi awara ya u fhedza ine ra khou tshila khayo. Ngauralo zwivhidzo zwi fanela u ita zwenezwo zwithihi, ni a vhona, zwivhidzo.154 Zwino sedzani, Luther o zwala thoro, huno Luther o vha e thoro huno a i zwala. Zwo luga. O vha o ralo Wesley; na, na ene, o vha o ralo Mupentekostaḽa; vho vha vho ralo Vhabaphuthisi, Vhanazarini. Fhedzi, inwi ni a vhona, zwino Luther a nga si ye murahu huno a tshila nga tshedza tsha dinomineisheni ya u thoma, Kaṱoḽika. Hai, muṋe wanga; o vha e tshiṅwe tshedza. Uyo o vha e Mudzimu a tshi khou vhibvisa tshiṅwe tshithu. Zwino vha si gathi vha a bva kha iyo, iyo mvuseledzo ya Luther. 155 Zwenezwo hu ḓa mvuseledzo ya Wesley, huno zwenezwo, nga izwo, mulandu, vho kundelwa u ya murahu huno vha ita Vhaḽuṱere. Ni a vhona? Huno zwenezwo hu ḓa Vhapentekostaḽa. Huno zwenezwo Vhapentekostaḽa vho dzudzanya huno vha ita zwenezwo zwithihi, vha dzhia ganda. Dzhielani nzhele.156 Fhedzi thoro i ya phanḓa. Zwino ri kha tshiṅwe tshikhathi. Ndi ngani vha si nga Ḽi ṱanganedzi? Ndi ngani vha si nga vhoni uri thoro yo aluwa? Hafha hu na Ipfi ḽo fulufhedziswaho ḽa ḽino ḓuvha. [Mukomana Branham u phaphatha Bivhili yawe—Mudz.] Ndi ngani vha sa Ḽi vhoni? Ngauri vha khou tshila kha mbonalo ya Luther, mbonalo ya Wesley, mbonalo ya Baphuthisi, mbonalo ya Pentekoste. Vha khou tshila kha mbonalo ya tshiṅwe tshedza. Itsho ndi tshone tshiitisi tsha uri vha si kone u ṱanganedza Tshedza tsha Ipfi ḽoṱhe ḽi no khou khwaṱhisedzwa vhunga Mudzimu o fulufhedzisa. Ayo Mapfundo A Sumbe, hune tshiphiri tshoṱhe tsha dzumbululwa, a ḓo vhuya murahu huno a amba uri ndi ngani izwi zwiphiri zwo itwa nga iyo nḓila; huno, naho zwo ralo, musi izwo zwi tshi dzhena, vha a tshimbila vha ya kule Naḽo u fhira misi yoṱhe. Ndi vhane vha sa vhe na tsha u ḓilandula.157 Mudzimu o zwi ita nga kha Muya, nga kha dzinzumbululo. O zwi—O zwi sumbedza nga nḓila yo fhelelaho, nga saintsi na tshiṅwe na tshiṅwe-vho, uri ndi Ngoho, uri ndi Ngoho. Huno vha kha ḓi ṱoḓa u tshila kha mbonalo ya Pentekoste,


“Ndi nṋe wa Dzikhuvhangano! Ndi nṋe wa Vhuthihi! Ndi nṋe wa Tshivhidzo tsha Mudzimu! Ndi nṋe uyu!” Ni a vhona, hu tshi khou tshilwa kha mbonalo ya vhukale ha fuiṋa, miṅwaha ya fuṱhanu yo fhiraho. Hu tshi khou tshilwa kha mbonalo ya Luṱere. Hu tshi khou tshilwa kha mbonalo ya Wesley, ya Baphuthisi, ya Muphuresbiterieni, kana iṅwe ya Nazarini, mbonalo ya tshiṅwe tshikhathi tsha tshivhidzo tshe tsha bvela phanḓa huno tsha dzudzanya huno tsha ita zwenezwo zwithihi, huno tsha hana nahone tsha landula Tshedza musi zwa vhukuma Tshi tshi khou penya.158 Huno ni khou tshila kha madzivhaṅombe. Ndi amba izwo nga khuliso, ni a vhona, fhedzi ni…hu si u ni vhaisa, fhedzi u ni vusa. Ni khou tshila kha madzivhaṅombe.

Mini-ha arali Yesu, o ri, “Mulandu, wo pofula, huno u khou ranga phanḓa vho pofulaho”? A vho ngo kona…O lingedza u vha vhudza; huno a sa zwi ite. Ha pfi, “Vha litsheni vhe vhoṱhe. Arali bofu ḽi tshi ranga phanḓa bofu, vhoṱhe vha ḓo wela museleni.” Iyo ndi awara ye nda ḓa khayo! Arali vha tshi khou yo dedeleka, ndi nga si zwi kone. Ndo ita zwoṱhe zwine ndi nga kona. Ndo ita kokotolo.

Ndo ita izwi nga ndaela Yau, Murena. Iwe u ṱhanzi.

U bva nga 1933, fhasi kha mulambo, musi itsho Tshedza henefho ni tshi tshi vhona, tsho penyela fhasi, Tsho vha tshi henefha kha thaberenakeḽe huno tsha ṱanziela kha vhoinwi, miṅwaha iyi yoṱhe. Huno tshiṅwe na tshiṅwe tshe Tsha amba tsho ḓa tsha khunyelela. Huno u isa phanḓa vha bvela phanḓa. “I ri ni bofu ḽi range phanḓa bofu.” Ndi ḓo tou lindela iyo awara; U ḓo swika, nga ḽiṅwe ḽa aya maḓuvha.159 Dzhielani nzhele, ni tshi khou tshila kha mbonalo ya Luther, ni tshi khou tshila kha mbonalo ya Wesley, ni tshi khou tshila kha idzo mbonalo ngeyo murahu, itsho ndi tshiitisi vha sa koni u vhona Tshedza tsha ngoho. Arali vha tshi ḓo ima lwa miniti i si gathi, huno vha sokou doba Bivhili huno vha I vhala, vha ḓo vhona uri…itshi ndi Tshedza tsho fulufhedziswaho awara.160 Zwino ri khou yo dzhia zwiṅwe zwa izwi zwithu nga muniti. O fulufhedzisa, u ya nga Maleaxi ya 4, izwi zwithu zwi ḓo bvelela. O fulufhedzisa, zwoṱhe nga kha Maṅwalo, zwi ḓo bvelela. Ni a vhona?161 Dzhielani nzhele Israele na yone, tshifanyiso tshashu, kha lwendo. Sedzani, vha tshi khou ḽa mana, e a vha e Tshedza tshavho, Vhutshilo, vhune ha vha ṋea nungo, Vhutshilo. Naa izwo ndi zwone? [Tshivhidzo tshi ri, “Amene.”—Mudz.] Israele a yo ngo kona u ḽa mana e mulovha a wela khavho. O vha o tshinyekanywa. O vha o sina. O vha a songo vha lugela. Vho vha vha tshi ḓo fa, ngao. Mana e a ita uri vha tshile mulovha


a ḓo vha vhulaha ṋamusi. Bivhili yo amba uri o vha e na zwitzhili khao, o tshinyekanywa. Huno mana, vho ḓo tea u wana mana maswa ḓuvha ḽiṅwe na ḽiṅwe. Amene. Huno ho vha hu mini? Vhathu vha no tshila nga mana a Luther, Wesley, na vhaṅwe murahu ngomu henefho, ni khou ḽa zwithu zwo tshinyekanywaho zwi no khou ni vhulaha, lwa tshimuya. Zwi khou ni vhulaha, no fa kha maitele aṋu.162 Zwa mulovha, mana a Luther, a nga si shumele Meṱhodisi. Mana a Meṱhodisi a nga si shumele Pentekoste. Mana a Pentekoste a nga si shumele ṋamusi. Ni a vhona zwine nda khou zwi amba? Ḓuvha ḽiṅwe na ḽiṅwe a a ḓa, ḓuvha na ḓuvha, e maswa, huno ngauralo O ralo nga kha zwikhathi zwa tshivhidzo. Mana a Luther o vha e mulaedza wa u itwa vho lugaho. Mulaedza wa Wesley wo vha u u vhonadzwa ha khethefhadzo. Wa Pentekoste wo vha u wa u vhuedzedzwa ha zwifhiwa. Fhedzi izwi zwi khou ḓivhadza Tombo ḽa tshiuludza, ḓuvha ḽa u fhedzisela, Muri wa Muselwa, wo fhambanaho nazwo zwoṱhe, huno naho zwo ralo Ndi Tshedza tshenetsho tshithihi tsha vho aluwaho. Vhunga ḓuvha ḽeneḽo ḽithihi, ḽi a penya ṋamusi, ḽi ḓo vha ḽi tshi khou vhibvisa thoro u itela khaṋo nga Fulwana. Ni a vhona zwine nda khou amba? Fhedzi tshedza ṋamusi tshi nga si ite zwavhuḓi henefho murahu nga Fulwana. Tsho khwaṱha. Goroi yo bvela phanḓa lwo engedzeaho; yo ḓiimisela u zwi dzhia. Amene. Zwa vhukuma zwo ralo. A vho ngo kona u zwi dzhia zwino; i nga kona-ha. Khalaṅwaha yo vha i si yone, zwenezwo; zwo ralo zwino.163 Inwi ni nga si kone u tshimbila ni tshi hanedzana na mvelo ya Mudzimu. U na mulayo, huno, u vha o fhambanaho na uyo mulayo, hu vhulaha tshimela tshaṋu. Inwi ni tea u tshimbila u ya nga milayo yo ambiwaho nga Mudzimu, huno milayo Yawe ndi Ipfi Ḽawe. Mulayo muṅwe na muṅwe-vho ndi ipfi ḽo ambiwaho. Huno ipfi ndi muhumbulo wo vhonadzwaho. Ni a vhona? Zwino ri—ri a zwi ḓivha uri izwo ndi ngoho.164 Bono ndi mini? Ipfi ḽa Mudzimu, kana tshiṅwe tshithu tsho buliwaho, kana u vumba ha tshiwo. Huno bono ḽe vhaporofita vha vha naḽo, na Yesu a vha naḽo, Paulo a vha naḽo, na vhaṅwe vhoṱhe, huno vha amba nga ha iḽi ḓuvha, ho vha hu u vumba ha zwine zwa ḓo bvelela. Huno hafha ri vhona u vumba hu tshi vhonadzwa, huno vhathu a vha vhuyi vha zwi limuwa. Naa ni khou vhona zwine nda khou amba? Zwino, mana a mulovha…165 Sedzani hafha. Naa no no vhuya na dzhiela nzhele, ḓuvha, ḓ-u-v-h-a, ḽo enda, Vhubvaḓuvha u ya Vhukovhela, vhunga ḽo tshimbila tshifhinga tshiṅwe na tshiṅwe. Naa izwo no zwi dzhiela nzhele? Huno, dzhielani nzhele, zwikhathi zwa tshivhidzo zwo ita zwenezwo zwithihi. Mini?


Ḓuvha, m-u…ḓ-u-v-h-a, ḽo thoma Vhubvaḓuvha. Huno vhutshilotshedza ho enda na ḓuvha, tshedza tsho ambiwaho nga Mudzimu tshavho uri vha tshile ngatsho. Vho ḓa, vha tshi khou tevhela ḓuvha, vha vhona he ḽa vha ḽi tshi khou ya hone.166 Vhutshilo hone huṋe, musi ni tshi bebiwa, vhu fana na ḓuvha. Inwi ni bvela phanḓa, ngei phanḓa kha u kovhela ha ḓuvha, u bva kha mbebo yaṋu u ya kha u kovhela ha ḓuvha.167 Munna o enda a tshi ya vhukovhela, tshifhinga tshoṱhe. Vhutshilotshedza ha kalesa vhune ra vha naho ndi Tshaina, kha mashango a vhubvaḓuvha. Yerusalema…Huno, dzhielani nzhele, vhu dzulela u enda u ya vhukovhela vhunga ḽi tshi tshimbila, huno musi ḽi tshi tshimbila u ya phanḓa na phanḓa, u ya Vhukovhela.168 Ngauralo tshikhathi tsha tshivhidzo tsho enda nga nḓila i fanaho, nga M-u-r-w-a wa Mudzimu. Sedzani, Paulo, tshivhidzo tsha u ranga, tsho thoma ngei Vhubvaḓuvha; tsho bva henefho, tsha fhufha u buḓekanya lwa—lwa—lwa—lwanzhe, u ya ngomu Dzheremane. Zwo no ita miruro miraru. Sedzani hafha. U bva Asia, u tsela fhasi ngei—ngei Palestina, tsha fhufha u buḓekanya ḓanzhe u ya Dzheremane; uyo o vha e Luther. Huno tsha fhufha u bva kha Luther, u buḓekanya English Channel, u ya ngomu England; nga Wesley. Huno u bva kha Wesley, tsha fhufhela ngei Khunzikhunzini ya Vhukovhela, u ya kha ḽa United States. Huno izwi, arali na ya phanḓa-vho, tshi khou vhuya murahu Vhubvaḓuvha hafhu. Itshi ndi tshifhinga tsha nga madekwana.169 Sedzani uri zwikhathi zwa tshivhidzo zwo lwa hani. Luther…Paulo, wa u thoma, murahu kha tshikhathi tsha u ranga; zwenezwo ra ḓa fhasi kha Ireland u ya kha Irenaeus, na vhaṅwe-vho; u tsela fhasi ngomu Fura; u bva henefho, u ya ngomu Dzheremane; u ya ngomu England; misi yoṱhe ni tshi khou ya Vhukovhela. Huno zwino ri nga si kone u ya phanḓa. Itshi ndi tshikhathi tsha u fhedzisela. Huno Bivhili i ri mini nga ha itshi tshikhathi tsha u fhedzisela? Ni a vhona, u ya nga ḓivhashango, vhagudi vha rekhodo dza ḓivhazwakale, kaṱukuṱuku na nḓila ine na ṱoḓa u zwi dzhia. U ya nga Luṅwalo, u thoma; Luṅwalo, a hu na zwiṅwe, u thoma. Vhuṱanzi, u ya nga ḓivhazwakale, nḓila iṅwe na iṅwe ine na ṱoḓa u zwi dzhia, ri vhufheloni, tshikhathi tsha u fhedzisela tsha tshivhidzo.170 Huno, sedzesani, vhunga zwo ya phanḓa zwo khwaṱha na u khwaṱha. Huno ngauralo vha si gathi vha vhukuma, vhaṱuku vha Tshivhidzo vho aluwa u bva kha u itwa vho lugaho, khethefhadzo, ndovhedzo ya Muya Mukhethwa, huno zwino kha Tombo ḽa u pfufha, vha tshi khou ḓivhumba. A hu tshe na madzangano nga murahu ha izwi. A hu tsha ḓo vha na maṅwe. Ni a vhona, zwi nga si konadzee, ni a vhona, ri kha Vhukovhela.


171 U tou ni sumbedza, nga kha zwifanyiso zwoṱhe na tshiṅwe na tshiṅwe-vho. Huno sedzani uho u fhufha huraru, miruro miraru. Ri ḓo dzhena kha izwo madekwana a ṋamusi, ni a vhona, ni a vhona, nḓila ine ra vha tshifhingani tsha vhufhelo. Hu tou vha…172 Ḓ-u-v-h-a ḽo enda vhunga M-u-r-w-a; M-u-r-w-a vhunga ḓ-u-v-h-a. Tshivhidzo tsho no ḓa kha zwenezwo zwithihi, u bva kha Zwikhathi Zwa Sumbe Zwa Tshivhidzo, na zwiṅwe-vho. Vhutshilotshedza ho ya phanḓa henefho Vhukovhela, huno Tshivhidzo tsho no ya phanḓa henefho Vhukovhela. Huno zwino arali ri tshi ya phanḓa u fhira zwine ra vha zwone zwino, ri a vhuya murahu Vhubvaḓuvha hafhu. Inwi ni ṱutshela Khunzikhunzi ya Vhukovhela, na ya henefho murahu ngomu Tshaina, Japani, henefho murahu hafhu. Maela dza zwigidi zwa sumbe u buḓekanya, inwi ni tou ya murahu Vhubvaḓuvha hafhu. Ngauralo, Vhubvaḓuvha na Vhukovhela zwo ṱangana, izwo ndi zwenezwo zwoṱhe fhedzi. Ri kha vhufhelo. A hu na tshithu tsho salaho.173 Huno zwenezwo zwithihi zwo bvelela, ṋamusi, zwe zwa bvelela murahu hangei. Zwenezwo zwithihi zwo ṱangana Vhukovhela zwe zwa ṱangana Vhubvaḓuvha. Vhathu vha tshilaho kha mbonalo ya tshiṅwe tshedza tshe tsha vha tshi tshi khou lingedza u sumbedza zwa vhukumakuma Tshedza tshe tsha vha tshi tshi khou ḓa, huno tsha Tshi landula, ngauri vha na mbonalo vhudzuloni ha Tshedza. Oo! “Huno ho vha hu na Tshedza tshihulwane shangoni ḽa Vhannḓa; Zebuloni, Nephthalim; vha Galilea,…ngei Galilea, shango ḽa Vhannḓa.”174 Itshi ndi tshikhathi tsha vhusumbe tsha tshivhidzo. Elelwani, huno tshifhinga tshiṅwe na tshiṅwe tshine iḽo ḓuvha ḽa thoma u penya Vhubvaḓuvha, ndi ḓuvha ḽeneḽo ḽithihi ḽi penyaho ngei Vhukovhela. Huno Muya wonoyo muthihi wo no vhaho fhasi nga kha zwikhathi, nga u ralo, ndi Murwa onoyo muthihi ṋamusi. Fhedzi, naa ndi mini? U tou fana na u vhibva, khalaṅwaha. Ḓuvha ḽi re hone zwino, ḽi ḓo vha ḽeneḽo ḓuvha ḽithihi ḽi no vhibvisa thoro nga luno luṱabvula, tshino tshifhefho, ni a vhona, fhedzi (naa ndi mini?) ndi iḽi ḓuvha na zwine zwa ḓo vha zwone. Huno ṋamusi, kha tshino tshikhathi tsha u fhedzisela, ndi zwine zwa vha zwi zwone, na Izwi.

Huno naho zwo ralo vha ṱoḓa u tshila ngeyo murahu, sa mupfufhi, vha tsela fhasi ngomu ha ho undaho, ha vhuka-ha kale…basimennde ya kale ya dzina na ndaela, huno vha kokodzela mabofu avho fhasi, vha ri, “Ndi tou hana u Ḽi vhona. Ndi vhuṱafuṱafu fhedzi.” Huno musi yeneyo Bivhili, ine vha amba uri vha a i tenda, i tshi khou ṱaluswa nga wonoyo Muya Mukhethwa muthihi u ḓisaho Tshedza maḓuvhani a u fhedzisela!175 Naa no zwi dzhiela nzhele? Huno sedzesani zwavhuḓi henefho kha Maleaxi, nḓila ye a kovha izwo, “Lutendo lwa vhokhotsi kha vhana, na vhana kha vhokhotsi.” Ni a vhona,


Muya wonoyo muthihi he Wa vuwa murahu henengeyo, hune Wa vuwa fhano hafhu, zwenezwo zwithihi. Ni a vhona, ndi u tou fhambanyisa, kokotolo, u dzula henefho murahu hafhu. Ngauri, mulandu? Vhubvaḓuvha na Vhukovhela ho ṱangana. Henefho kokotolo fhasi ha tshifhaṱuwo tshashu, huno naho zwo ralo a vha zwi vhoni. Ndi ngani? A zwi mangadzi Yesu o ri, “Itonu vha litsha vhe vhoṱhe, zwenezwo. Vho pofula, vha ranga phanḓa bofu, vhoṱhe vha wela museleni.”176 Tshedza tsha zwiṅwe zwikhathi tsho vhonisa fhedzi itshi Tshedza. Ni a vhona? Ḓuvha ṋamusi ḽi a vhonisa, ndi u vhonisa ha ḓuvha hune ha ḓo vha iyi Fulwana kana Ṱhangule, arali Mudzimu…u itela khaṋo. Huno Murwa, wa Luther, Martin Luther, na Wesley, na Sankey, Finney, Knox, Calvin, Moody, vhaṅwe vhoṱhe, vhaṅwe vhanna vhahulwane ngomu henefho vhe vha vha vhe na itsho tshedza; na John Smith wa tshivhidzo tsha Baphuthisi, na Alexander Campbell, na tshivhidzo tsha Campbell, na vha no sokou vhidzwa Vhafunziwa vha Kristo, Tshivhidzo tsha Vhukriste, na maṅwe madzina-vho ane vha vha nao u itela vhone. Vhanna vhoṱhe ngeyo murahu, kha zwikhathi zwavho, vho vha vha tshi khou vhonisa tshine Tsha ḓo vha hone fhano vhufheloni.177 Huno zwenezwo fhano, vhana, nga u ṱavhanya nga murahu ha avho vhathomi, naa vha ita mini? A vho ngo dzula kha luṱanga. Vho kokodzela kule Haḽo huno vha ḓiitela tshithu tsha ganda ḽiṱuku ngeno nnḓa. Zwine, inwi ni ṱutshela kule ha tshiko tsha vhukuma tsha Vhutshilo, a ni na Vhutshilo. Ni dzhia ganda ḽi bvaho kha tshithu, huno na ḽi ṱavha ngeno nnḓa mavuni, ḽi ḓo vha fhasi huno ḽa sina. Huno ngauralo no ralo, ni tshi khou lingedza u ḽa mana o sinaho a bvaho murahu kha ayo maḓuvha. Khaṋo yo vhibva! Yesu u na ḓafula yo adziwaho, hune vhakhethwa vha Mudzimu vha fushwa nga Zwiḽiwa zwo vhibvaho zwa ḓuvha, nga Tshedza tsha Mafhungo-maḓifha tshi no khwaṱhisedza huno tsha sumbedza uri U fhano ṋamusi. Amene. Vhakhethwa vha ḽa Tshinnkwa.178 Itonu elekanya. Ganda ḽa kale ḽa mulovha, ni a vhona, ni songo ḽi ṱavha murahu henefho. Ḽo sina. Ḽi nga si kone, ḽi nga si kone u dzula naḽo. Hai, muṋe wanga. Ḽi nga si farise tshithu. Ḽi nga si aluwe. Ḽo bva kha Vhutshilo; huno Ipfi ndi Vhutshilo. Izwo ndi zwone. Ganda ḽi wela fhasi, ndebvu ṱhukhu dza kale dzi wela kule, na zwithu zwa u ralo. Zwi tou ḓidinomineitha zwone zwiṋe huno zwa wa. Zwi hana u bvela phanḓa na Vhutshilo. Fhedzi Tshedza tshi a Vhu khwaṱhisedza. Yawee, nṋenṋe! Ee, muṋe wanga.179 Zwa mulovha, yawee, nṋenṋe, nḓila ine ra tea u vhona izwo! Ni a vhona, izwo, zwithu zwo sinaho zwa mulovha, ni


songo zwi ḽa ṋamusi. Ni a vhona? Zwi na dzimbungu khazwo. Inwi ni a a ḓivha aya mabuluvhulu maṱuku ane nda a vhidza nga u ralo? A thi zwi ḓivhi. A—a thi ḓivhi zwinzhi nga ha vhutshilo ha kutshili, fhedzi ndi a ḓivha uri tshifhinga tshoṱhe ro a vhidza mabuluvhulu. A dzhena kha tshiṅwe tshithu musi tshi tshi sina zwiṱuku. Ni a vhona? A thi tshi ṱoḓi zwenezwo. Arali tshi tshi ni fusha, iyani phanḓa, fhedzi hu si nṋe. Fhedzi elelwani… Inwi ni ri, “Zwenezwo ndi ngani tsho vha tshi tshavhuḓi mulovha?”180 Arali no zwi ḓivha fhedzi uri ḽeneḽo ganda ḽiṱuku nga maanḓa ḽe ḽa vha ḽi kha goroi ngei u rangani, arali ḽi tshi dzula kha thoro, ḽi dovha ḽa ita thoro hafhu. Itsho ndi tshenetsho tshithu tshi no ita dzuvha ḽa goroi, ndi zwe ḽa vha ḽi zwone mulovha; fhedzi arali ḽi tshi ḓifhandekanya na thoro, huno ḽi sa aluwi, zwenezwo ḽi a ṱuwa. Ni a vhona? Fhedzi arali ḽi tshi ṱuwa nga kuitele, kuitele ku ṋeaho vhutshilo, vhunga ḽi tshi fa ḽi tou ṱangana na tshiṅwe tshithu-vho huno ḽa ita thoro. Arali zwi songo ralo, naa ḽi bvafhi? Amene. Ni a zwi wana? [Tshivhidzo tshi ri, “Amene.”—Mudz.]181 Vhunga Khosikadzi ya England, luthihi, o ya kha khamphani ya bammbiri khulwane, huno a ri u ḓo takalela u vhona nga kha zwigayo zwa mabammbiri. Ngauralo vha mu sumbedza zwigayo zwa mabammbiri, miṅwaha minzhi yo fhiraho vha sa athu ita phalipi na zwithu, ngauralo vha wana…vha tshi khou ita mabammbiri ngazwo. Ngauralo vhone, zwo luga, nga murahu ha tshikhathinyana, a ḓa ngomu lufherani lwe lwa vha lu si tshithu nga nnḓa ha thulwi khulu ya kale ya zwiambaro zwa tshika, huno a ri, “Naa izwi zwo bva ngafhi? Naa itshi ndi mini? Oo,” a ralo. Mu—mu—mupuresidennde wa tshimela a ri, “Itshi ndi—ndi tshine ra ḓo ita bammbiri ngatsho, izwi zwiambaro zwa tshika.” A ri, “Itsho, tsha ita bammbiri?” “Ee.” Ngauralo ho ngo kona u zwi tenda.182 Ngauralo nga murahu ha musi o no ṱuwa, munna a dzhia thulwi yeneyo ya tshika nthihi ya zwiambaro zwo kheruwaho, huno a zwi gidimisa nga kha kuitele kuṅwe, huno a vha bvisela nnḓa ha bammbiri yo kunaho, yo ṱambaho, inwi ni a zwi ḓivha, zwa vha zwo ṱuwa nga kha kuitele huno zwa itwa zwa vhukuma…Huno a vhea mvumbo yawe khazwo, huno a i rumela khae, a tshi vhonisa ene muṋe kha izwi zwine a zwi vhidza “zwiambaro zwa tshika.”183 Zwino izwo ndi zwone zwine zwa vha zwone. Zwithu zwo faho zwa mulovha, mulaedza wa Luther, mulaedza wa Wesley, mulaedza wa Pentekoste, arali u tshi nga ṱuwa fhedzi


nga kuitele kwa Muya Mukhethwa wa Mudzimu na Ipfi ḽa khwaṱhisedzo, u ḓo ḓisa u vhonisa ha Yesu Kristo, Khosi. Amene. Fhedzi arali na u litsha wo lala, ndi zwiambaro zwa tshika. Ni a vhona?184 Zwi tea u vhumbea kha tshiṅwe tshithu-vho. Luther u tea u vhumbea ngomu ha Wesley, huno Wesley u tea u vhumbea ngomu ha Pentekoste, huno Pentekoste i tea u vhumbea ngomu ha Kristo. Zwi ya nga kha kuitele. Ngauralo Mafhungo-maḓifha o no ya nga kha kuitele. Zwi khou vha na kuitele. Tshikhathi tsha Luther, tsha u itwa vho lugaho, ri a zwi tenda izwo; zwa Wesley, zwa khethefhadzo, ri a zwi tenda izwo; zwa Vhapentekostaḽa, zwa u vhuedzedzwa ha zwifhiwa, u itela Muya Mukhethwa, ri a zwi tenda izwo, zwa vhukuma. Fhedzi, zwi vhumbeni zwoṱhe, naa ni bvela nnḓa na mini? Yesu, henefho, ha shanduki mulovha, ṋamusi, na lini na lini. Oo! Zwi ḓo bvela nnḓa na Yesu.185 Musi munna e kha bindu ḽa mimetala a tshi khou ita tsimbi, u na muungo une a tea u u dzhenisa khayo. Musi a tshi khou dzudzanya tshivhumbeo tshawe na u shela tsimbi yawe, u dzhenisa musinaseṱha mungafha, tshitili tshingafha, koporo nngafha. Ndi ngani? U a zwi ḓivha kokotolo uri u tea u dzhenisa zwingafhani, u ita, u i ṋea muungo u re wone. Huno izwo ndi zwe Yesu a ita nga Muselwa Wawe. O ḓo tea u vhea Luther mungafha, Mumeṱhodisi mungafha, na Mupuresbiterieni mungafha, Pentekoste nngafha, khayo. Fhedzi Ene u bvela nnḓa na mini? U vhonisa Ha Ene muṋe. Naa ndi mini? U tou fana na Mulaedza wa phiramidi, inwi ni a vhona, zwi khou ṱhophekana, izwi, zwi ḓa ngomu ha vha si gathi, na Tombo ḽa tshiuludza. Mushumo wa Yesu Kristo, kha ḽifhasi, u tea u vha wonoyo muthihi vhunga mushumo we A vha nawo, kana A nga si ḓe khawo. U tou fana na ṱhoho, u swika milenzheni. Ṱhoho…Milenzhe a si ṱhoho, fhedzi ṱhoho i hwala milenzhe, kana i ita milenzhe, i i vhudza uri i ye ngafhi. Ni a zwi pfesesa? [Tshivhidzo tshi ri, “Amene.”—Mudz.] Nga lunako, ndi Tshedza tsha awara.186 Wesley o vha e Tshedza tshihulwane. Vhunga O amba kha Yohane Mulovhedzi, “O vha e Tshedza tshihulwane tsha ino awara.” Ngoho, o vha o ralo.187 Hai. Ee, muṋe wanga, zwiambaro zwo kunaho…Kana, zwiambaro zwa tshika zwa mulovha, arali ni tshi sala nga iyo nḓila, zwi na…zwi ḓo tou vha zwiambaro zwa tshika tshifhinga tshoṱhe. Zwo shumela ndivho yazwo, sa zwiambaro, fhedzi zwino zwo no vha bammbiri. U itwa vho lugaho ho shumela tshifhinga tshaho, kha u itwa vho lugaho fhasi ha Luther, zwenezwo ho ḓo tea u vha khethefhadzo nga kha Wesley. Huno khethefhadzo yo shumela tshifhinga tshayo, u swika i tshi vha ndovhedzo ya


Muya Mukhethwa. Huno ndovhedzo ya Muya Mukhethwa yo shumela tshifhinga tshayo; u swika Muya Mukhethwa (une, hu na Mudzimu muthihi fhedzi) u ṱangana ngomu ha Tshivhidzo, huno Tshivhidzo ngomu ha Kristo, huno zwi ita Yesu Kristo uri a vhoniswe kha ḽifhasi, zwe A zwi fulufhedzisa hafha Bivhilini. Ni nga ḓi si zwi tende; ndi nga si kone u ni ita uri inwi ni ite izwo. Nṋe ndi na vhuḓifhinduleli ha kha Ipfi. Ni a vhona? Izwo ndi zwone.188 Ngauralo ni a zwi vhona? Naa ni a zwi vhona izwo? Arali ni tshi zwi ita, zwi ḓo nga mu—munna nga tshiṅwe tshifhinga o ya kha…nga tshifhinga tsha, o ya ngei Wales, nga tshifhinga tsha mvuseledzo ya vhadzulapo vha Wales. Tshivhalonyana tsha vhanna tsho ṱuwa United States. Ngauralo vha tsela fhasi, huno vho ri vha ṱoḓa u wanulusa uri ndi tshifhio tshifhaṱo tshe vha vha vho fara iyi mvuseledzo ya vhadzulapo vha Wales ngomu. Vhunzhi haṋu ni a elelwa mvuseledzo ya vhadzulapo vha Wales, mvuseledzo khulwane yo thoma vhukati ha vha—vhathu vha Wales ngei Wales. Ngauralo avha vhanna, avha vhashumeli vhahuluhulu, na vhaṅwe-vho, vho ṱuwa United States, madokotela a ḓivhavhurereli. Vho ṱoḓa u ya huno vha vhona uri vho ita tshithu tshihulwane-ḓe, ni a ḓivha. Ngauralo vho vha vha tshi khou tshimbila u tsa nga tshiṱaraṱa, huno vha ri…vha ṱangana na pholisa ḽiṱuku ḽa kale ḽo ima khuḓani, ḽi tshi monisa thanda yalwo u mona hoṱhe, inwi ni a ḓivha, huno a tshi lidza mulodzi wa lu—luimbo, nga u ralo. Vha ri, “Zwo luga, u khou tou lidza mulodzi wa luimbo. Ri nga ḓi gonya nṱha, huno ra mu vhona, ra vhona zwine a khou yo ita. Ndi ngani, mu vhudziseni mbudziso.” Ngauralo vha ya nṱha khae, huno vha ri, “Muṋe wanga, naa mvuseledzo ya vhadzulapo vha Wales i ngafhi?”189 A tshingamisa muṅadzi wawe; a ri, “Vhaṋe vhanga, mvuseledzo ya vhadzulapo vha Wales yo farelwa ngomu hafha,” mbiluni yawe. Oo, izwo ndi zwone, o vha e mvuseledzo ya vhadzulapo vha Wales. Oo Mudzimu, arali ri tshi nga kona fhedzi—fhedzi u pfesesa uri riṋe ri u vhoniswa ha Yesu Kristo, Ipfi Ḽawe ḽo vhonadzwaho. Inwi ni u vhoniswa ha Ipfi Ḽawe. Ni a vhona? “Naa mvuseledzo ya Wales yo farelwafhi? Naa i kha tshifhaṱo tshifhio?” A ri, “Muṋe wanga, i kha mbilu yanga.” O vha e mvuseledzo ya vhadzulapo vha Wales. Izwo ndi zwone.190 Huno ṋamusi Tshivhidzo tshi tea u vha Yesu Kristo nga nyito kha ḽifhasi. “Ngauri Ndi a tshila, na inwi ni a tshila; huno Vhutshilo Hanga vhu ḓo vha kha inwi. Mishumo ine Nda ita, na inwi ni ḓo ita-vho.” Ni a vhona? Tshivhidzo tshi tea u swika afho fhethu, na tshone-vho. Huno O fulufhedzisa uri


tshi ḓo zwi ita, huno tshi ḓo ralo. Tshi tea u ḓa nga iyo nḓila. Ngauralo, inwi ni a vhona, izwo ndi zwine zwa itea. Riṋe, ri tea u vha nga iyo nḓila.

Ndi ene Tshedza.191 Ngauralo Tshedza tsha Noaxe tsho vha tsho ralo nga ḓuvha ḽawe. O vha e Tshedza. Noaxe o vha e Tshedza. O vha e Tshedza kha mini? U ita Ipfi ḽa Mudzimu, “Ndi ḓo tshinyadza muthu kha ḽifhasi, ḽe Nda sika. U fhaṱa gungwa, huno vhoṱhe vha no tama u dzhena ngomu haḽo vha ḓo tshidzwa.”

Noaxe o tshimbila ngei nnḓa, a ri, “Hu na nḓila nthihi, huno iyo ndi gungwa.”192 Vha ri, “Wa vhusweleli ho kalulaho wa kale a pengaho.” O vha e Ipfi ḽo vhonadzwaho. Noaxe o vha e Tshedza tsha awara, ngoho o vha e tshone. Ḓuvha ḽawe, vhukale hawe, o fhufhela kha Tshedza.193 Mushe o vha e Tshedza tsha ino awara. “Ndi ḓo ni dalela nga ngoho,” Mudzimu o amba na Abrahamu. “Huno Ndi ḓo tsela fhasi, huno Ndi ḓo bvisa vhathu Vhanga, nga tshanḓa tsha maanḓa, huno Ndi ḓo sumbedza maanḓa Anga kha ḽa Egipita.”

Huno musi Mushe ngei nṱha a tshi ṱangana na tshiṱaka tshi dugaho ngei nṱha, huno a wanulusa uri NDI HONE o vha e kha itsho tshiṱaka, Mushe o tsela fhasi henefho, huno o vha e Tshedza. Amene. A zwi mangadzi o kona u dzhia mabuse, huno a a vhudzulela nṱha huno a ri, “Kha hu ḓe madzedze kha ḽifhasi.” O vha e na Ipfi ḽa Mudzimu. Naa ho bvelelani? Mabuse a thoma u vhudzula, huno madzedze a thoma u tshila. Haḽeḽuya! Ndi ngani? O vha e u vhonadzwa ha Tshedza tsha Ipfi ḽa Mudzimu, “Ndi ḓo rwa Egipita nga bulayo.” O vha e muporofita. Zwe a amba zwi a khunyelela. O vha e Tshedza tsha iḽo ḓuvha. O vha e Tshedza tsha Mudzimu.194 Farao a nga ḓi vha o vha e na tshiṅwe na tshiṅwe tshe a ṱoḓa u vha natsho, na vhaṅwe vhoṱhe, zwoṱhe zwe tshifhe a vha e nazwo ndi zwe vha ṱoḓa, fhedzi Mushe o vha e Tshedza. Ndi ngani? O vha a tshi khou sumbedza Ipfi ḽa Mudzimu, ḽo vhonadzwaho. Mudzimu o fulufhedzisa, “Ndi ḓo vha bvisa, nga tshanḓa tsha maanḓa, huno Ndi ḓo ḓiwanela vhugala Hanga.” Izwo ndi zwe A vha a tshi khou ita.

Itsho ndi tshone tsho itisaho uri Mushe a sumbedze uri u kona u sika. Hu si ngauri o vha a tshi ṱoḓa u sika; ngauri Mudzimu o mu vhudza uri a ite. “Huno nga izwo, ‘Iya tshivhidzoni, i ri, “Matshelo…”’ Murena Mudzimu u kha ḓi bva u amba na nṋe, ‘Dzhia tshanḓa tsho ḓalaho mabuse huno u tshi posele nṱha lutomboni, ngaurali, huno u a vhidze.’ A hu na muthu hafha, fhedzi a ḓo vha henefho.” Amene!


Oo, ndi a fhulufhela uri a no ngo eḓela. Oo! [Mukomana Branham u vhanda zwanḓa zwawe zwoṱhe luthihi—Mudz.] U vhonadzwa!195 A ri, “Nṋe ndo ruṅwa. Mudzimu o ri kha vhokhotsi ashu, ngoho U ḓo ri dalela fhasi hafha huno a ri bvisa. Ndo ḓa u ni sumbedza uri awara yo sendela. Khaukanani na zwine na vha nazwo. Kha ri ṱuwe!” Ee.196 Vhaṅwe vhavho vha ri, “Zwo luga, ndi a tenda…” Dathani a ri, “A thi elekanyi uri hu na u dzhaha. A ro ngo tea u nyanyulea tshoṱhe nga ha izwi.” Huno zwo vhonala unga zwo kundelwa, zwifhinga zwiṋa kana zwiṱanu. Fhedzi, zwi tshi tou fana, zwa bvela phanḓa.197 Vho elekanya. Vha a bva huno vha ri, “Ri ḓo kanḓa uyu Mushe! Mu ṱuwiseni kha riṋe! A ri mu ṱoḓi kha tshigwada tshashu—tshashu fhano.” Mushe o sokou ya phanḓa, naho zwo ralo, ngauri o vha e Vhutshilo, o vha e Tshedza tsha awara. Zwe a vha e nazwo, naa ho vha hu mini? Mudzimu a tshi khou vhonadza Ipfi ḽo fulufhedziswaho Ḽawe nga kha Mushe, huno Mushe o vha e Tshedza.198 Eḽiya o vha e Tshedza. “Iyani ngei nnḓa huno ni dzule kha uyo muvhundu! Ndo laya mahunguvhu uri a u kanzwe.” Amene! Ee, muṋe wanga.199 U tsa fhasi e na U RALO MURENA. “Na ṅwando u nga si we u tshi bva Ṱaḓulu u swika ndi tshi u vhidza.” Amene! “Ḓuvha ḽi nga ḓi penya, inwi ni nga vhidza makole oṱhe, huno na ita tshiṅwe tshithu tshine na ṱoḓa, fhedzi na ṅwando u nga si ḓe u swika ndi tshi u vhidza.” Naa o vha e mini? Tshedza! Haḽeḽuya! O vha e Tshedza. Tshedza! O vha e Ipfi ḽa Mudzimu ḽo vhonadzwaho.200 Vho elekanya uri u a penga, o dzula henefho nṱha. O vha e na vhahwali vha mihwalo vha tshi mu kanzwa; huno vhone vha tshi khou fa nga nḓala. Vho vha vha tshi ṱoḓa u tshila nga maitele avho; iyani phanḓa. Hu si Mushe, kana hu si Eḽiya, o vha a tshi khou tshila henefho kha Tshedza. O dzula henefho nṱha tsini na mulambwana, Kiriti, huno a tshi tou vha na tshifhinga tshavhuḓi; e na zwiḽiwa, na muṅwe muthu wa u mu londa, na tshiṅwe na tshiṅwe. Vha elekanya uri o vha a tshi penga, fhedzi o vha—o vha e Tshedza.201 Vha ri, “Hei, naa ho bvelelani kha uḽa muvhumbuluwi-mukhethwa wa kale we ra vha ri nae u mona hafha? Zwo luga, inwi ni a zwi ḓivha uri mini? Muṅwe muthu o vha a tshi khou zwima ḽiṅwe ḓuvha, huno a ri vho mu vhona a tshi ya ngei nṱha nga nḓila, nga nḓila ya u ya nṱha ha iyo thavha henefho. Ndi a betsha uri uyo muthu wa kale u tsini na u oma, nga tshino tshifhinga.” Oo, hai. O vha e Tshedza. O vha e Tshedza. O vha e Tshedza tsha Mudzimu, nga ḓuvha ḽawe.


202 Yohane, musi a tshi ḓa kha ḽifhasi, huno a bva a dzhena sogani u wana pfunzo yawe i bvaho ha Mudzimu, hu si seminari. O ḓo tea u ḓivhadza Mesia. Ngauralo musi a tshi ḓa, Yesu o ri, “O vha e Tshedza tshi vhengamaho tshi penyaho.” Haḽeḽuya! Ndi ngani? O vha e Ipfi ḽo vhonadzwaho. Yesaya o amba nga u ralo. Ndi zwone. Izwo ndi zwone. “U ḓo rumela ipfi sogani, a tshi khou lila, a tshi ri, ‘Lugisani nḓila ya Murena, huno ni onyolose khoro Yawe, onyolosani nḓila.’ U ḓo lila, muṅwe…ipfi ḽa muṅwe a no khou lila ngei sogani.” Hafha u a ḓa. Naa o vha e mini? “Ipfi ḽa muṅwe a no khou lila ngei sogani.” Naa o vha e mini? U vhonadzwa ha Ipfi, Tshedza. Mudzimu onoyo muthihi we a amba kha Genesi; we a amba izwi, huno hafha hu ḓa Tshedza. Vhunga O amba, “Kha hu vhe na tshedza, u itela ḓuvha,” ḓuvha ḽi a vha hone; a ri O amba uri hu ḓo vha na “ipfi ḽa muṅwe a vhidzelelaho sogani,” hafha ḽi a ḓa. Ho vha hu Tshedza tsha awara.203 O amba, maḓuvhani a u fhedzisela! Amene! Ndi Tshedza tsha awara, tshi tshi khou vhidzelela sogani ḽa Babele, “Ibvani khaḽo, vhathu Vhanga, uri ni songo vha vhahura vha zwivhi zwaḽo. Ni songo kwama tshithu tshawe tshi songo kunaho! Ṱutshelani kule hatsho! Shavhani vhuhali vhu no khou ḓa!”204 Yohane o amba zwenezwo zwithihi. “Mbaḓo yo vhewa mudzini wa muri.” O vha a si na pfunzo, ho ngo vhuya a amba vhunga mureri. O amba nga ha dziṋowa, na vhuṱasana, na miri, na dzimbaḓo, na zwithu, zwe a vha o zwi ḓowela, ngei sogani. Ho ngo aluswa kha zwiṅwe zwa izwi zwithu zwihulwane, zwihulu, zwavhuḓi zwine vha vha nazwo ṋamusi, vhunga vho vha nazwo nga iḽo ḓuvha. U ḓa nnḓa na luambo lwawe. Ho ngo ima huno a ri, “Ah-munna,” huno a ita izwi zwa u kotama zwoṱhe zwa maṱeleṱele. U ḓa henefho nnḓa, nnḓa sogani, hu songo vhibvaho hu hwasaho. Ha pfi, “Ni songo thoma u elekanya uri, ‘Ndi wa itshi nahone ndi wa itsho.’ Mudzimu u a kona nga haya matombo u vusela Abrahamu vhana.”205 Ni songo elekanya uri ngauri ni Mumeṱhodisi, Mubaphuthisi, Mupuresbiterieni, uri ni na he na fara kha Mudzimu. Mudzimu u a kona u dzhia vharengisi vha halwa na dziphombwe tshiṱaraṱani, a ita vharwa vha Mudzimu ngavho. Muṅwe muthu u khou yo Ḽi pfa, huno muṅwe u khou yo Ḽi tenda.206 O ri, nahone, “Mbaḓo yo vhewa mudzini wa muri. Huno muri muṅwe na muṅwe u sa tendi, u a reṅwa huno wa poselwa ngomu muliloni.” Ngauralo uyo wo vha u mulaedza wawe. O vha e Tshedza tsha ḓuvha.207 Yesu o amba, “O vha e Tshedza tshi vhengamaho tshi penyaho, huno vhoinwi lwa tshikhathinyana no tama u tshimbila khatsho.”


208 Huno Yohane o ri mini, muporofita? “O ima vhukati haṋu zwa zwino. Nṋe a tho ngo fanela u pfuṋulula zwienda Zwawe. Huno zwenezwo A tshi ḓa vhuponi, nṋe ndi khou ṱuwa.” Yawee, nṋenṋe! Ngauri, O vha e Tshedza. A hu na Zwiedza zwivhili kana zwiraru, a hu na madzangano maṋa kana maṱanu o fhambanaho. Ho vha hu na Tshedza tshithihi. A hu na Mumeṱhodisi, Mubaphuthisi, Muḽuṱere, Mupuresbiterieni. Kristo ndi Tshedza, huno Tshedza ndi Vhutshilo. Huno Ipfi ḽo vhonadzwaho ndi Tshedza tsha awara.209 “Kha hu vhe na tshedza, huno ha vha na tshedza.” Ee, muṋe wanga. “Kha hu vhe na Tshedza,” huno hu na Tshedza! O amba uri hu ḓo vha na Tshedza nga ḽino ḓuvha, huno hu na Tshedza. U khou ḓa. Ndi a tenda. Sedzani kha pfulufhedziso dza itshi tshikhathi. Yawee, nṋenṋe!210 Tshedza tshiṅwe na tshiṅwe tshe tsha vhuya tsha penya, izwi zwikhathi zwa tshivhidzo, ri vhona nḓila ye…Yo—yo vha mbono i pfisaho vhuṱungu u vhona, u landula. Nzumbululo ya 3, ye nda i ṅwala fhasi hafha, Nzumbululo ya 3, huno ndi a ḓivha zwe—zwe nda vha ndi tshi khou amba nga hazwo tshifhingani itsho.211 Sedzani pfulufhedziso ya ino awara, ine ra khou tshila khayo; Tshedza tsho landulwaho. Naa vho itani? Vho Tshi landula ngei murahu. Ndi ngani? Vho vha vha tshi khou tshila kha mbonalo. Naa vha khou itani ṋamusi? Zwenezwo zwithihi.212 Zwo luga, naa—naa ni Mukriste? “Nṋe ndi Muḽuṱere. Nṋe ndi Mubaphuthisi. Nṋe ndi Mupuresbiterieni.” Izwo a zwi ambi tshithu na tshithihi. Ni nga ḓi tou ri inwi no vha ni “nguluvhe ya tsadzi, nguluvhe,” kana tshiṅwe tshithu-vho tshine na ṱoḓa u ḓivhidza tshone. Ni a vhona? Izwo, izwo zwi malugana na uri zwi amba zwingafhani. Zwino a hu na—a hu na u sa ni ṱhonifha kha inwi, fhedzi arali ni tshi khou zwi dzhia na zwi isa kha tshipiḓa tsha ndeme tshazwo, izwo ndi zwone. Ndo vhudzisa mbudziso, “Mukriste?” Uyo ndi Kristo kha inwi. Huno arali Kristo e kha inwi, zwenezwo Ipfi ḽi kha inwi. Huno zwenezwo arali Ipfi ḽi kha inwi, musi Tshedza tshi tshi khou penya, naa ni khou yo bva hani Khaḽo? Ni a vhona, iyo ndi mbudziso. Itsho ndi tshone tshi re ngomu zwino, Tshedza. Tshedza tsha nga madekwana tshi khou penya. Muri wa Muselwa u khou fhufhuma.213 Oo, elelwani, vho khwathela uyo Muri wa kale. “Huno zwe tshivhungu tsha sia, vhuu—vhuukhula ho ḽa; huno zwe vhuukhula ha sia, nzie yo ḽa.” Zwe Mumeṱhodisi a sia, Mubaphuthisi o ḽa; zwe Mubaphuthisi a sia, Mupentekostaḽa o ḽa. O ri, “Uyu Muri wo vha,” Juele hangei, “wo reṅwa u swika fhasi kha tshitanda,” fhedzi o vha a tshi ṱoḓa u ḓivha arali u tshi ḓo tshila hafhu. Oo, iina! O vhaledza uyo muri. O vhaledza uyo Muri, ee, muṋe wanga, ngauri wo vha u Muselwa Wawe.


Huno A ri, “‘Ndi ḓo vhuyedzedza,’ u ralo Murena.” Naa ndi mini? “Ndi ḓo zwi bveledza, zwoṱhe zwe Muḽuṱere a ḽa, na Muwisiḽi a ḽa, na avho vhoṱhe. Huno Ndi ḓo zwi vhuyedzedza, ngauri zwoṱhe zwi kha ḓi vha mudzini wa Muri.” Ni a vhona? Zwi henefho fhasi mavuni. U tou fana na sama ḽe ḽa tsela fhasi, vhunga ndo amba nga ha khaladzi, ḽi henefho. Huno lufhalafhala lwa Mudzimu lu ḓo lila, ḽiṅwe ḓuvha, huno avho Muḽuṱere o nangiwaho, Vhameṱhodisi, Vhabaphuthisi, vhe vha sa vhe na tshithu tshine vha nga ita na ḽiṅwe dzangano-vho…214 Luther ho ngo dzudzanya tshithu na khathihi. Moody ho ngo dzudzanya tshithu na khathihi. Ho vha hu itsho tshigwada tsha Rickey, nga murahu hawe, ndi tshone tsho vhumbaho dzangano, tsha dzhia ganda. John Smith ho ngo dzudzanya tshithu. A hu na na muṅwe wavho we a dzudzanya; ho vha hu Tshedza tsha awara. Luther, Wesley, kana a hu na muṅwe wavho; ho vha hu itsho tshigwada nga murahu, tsho ḓaho, tshe tsha vhumba dzangano.215 Muya Mukhethwa a wo ngo dzudzanya tshiṅwe tshithu kha pentekoste. Pentekoste ndi tshenzhemo, hu si dinomineisheni. A yo ngo dzudzanya tshithu na khathihi. Oo, hai. Fhedzi munna ane a amba u vha pentekoste, o i dzudzanya. Iḽo ndi ganda hangei, ḽi tshi khou fa. Vhudzuloni ha u ḽi kwanyeledza ngomu ha bammbiri, huno na ita tshifanyiso nga vhuḓalo tsha Yesu Kristo uri tshi bvelele; hai, vho ḓikokodzela nnḓa, ngauralo a vha tshithu tsha u ita ngomu Haḽo. Itonu vha litsha vhe vhoṱhe.216 Fhedzi ri a wanulusa zwino, itshi Tshedza, uyu Muri, Kristo, o landulwa hafhu nga tshivhidzo. Ndi ngani? U itela yeneyo ndivho nthihi ye vha ita u rangani, mbonalo dza kale dza khole-khole dza zwiedza zwa maṅwe maḓuvha. Huno “Ha shanduki mulovha, ṋamusi, na lini na lini.” Vhaheberu 13:8 i amba uri U ralo. Ha shanduki ṋamusi vhunga O vha e zwezwo tshifhingani itsho, ngauri U ita zwenezwo zwithihi zwe A ita. Ipfi ḽeneḽo ḽithihi, uyo Kristo.217 Thetshelesani, ndi ṱoḓa u tou ni dzhia zwino, huno nda litsha izwi zwi tshi vha zwa muthu. A thi zwi ḓivhi, nṋe ndo dzhia tsheo zwiṱuku uri kana ndi dzime izwo zwino kana hai, ni a vhona, u itela iyo theiphi. Ndi ḓo tou i tendela ya dzula henefho. Ni a vhona? [Tshivhidzo tshi a takala—Mudz.]218 Ndi ṱoḓa u ni vhudzisa tshiṅwe tshithu. Sedzani, sedzesani itshi. Ni a vhona, “Ha shanduki mulovha, na lini na lini.” Sedzesani. Mishumo Yawe, ye A ita, i a ḓivhonadza. Zwino thetshelesani nga vhuronwane. Musi O ima henefho, kha Yohane 14:12, O ri, “Mishumo ine Nda ita na inwi ni ḓo ita-vho. I fhiraho iyi ni ḓo ita, ngauri Ndi khou ya ha Khotsi Anga.” Zwino, O zwi amba. “Maṱaḓulu na ḽifhasi zwi ḓo fhira, fhedzi iḽo Ipfi ḽi nga si kundelwe na khathihi.” Zwino arali ri kha vhufhelo ha u fhedza ha tshikhathi, naa iyo “mishumo mihulwane” i ḓo ḓa ngafhi? Ni a vhona? Ri fhano. A ri na…


219 Thetshelesani, arali khaḽenda ya Vharoma yo luga, ri na-rathi…ri na miṅwaha ya furarurathi yo salaho. Miṅwaha ya zwigidi zwivhili miṅwe na miṅwe, shango ḽi ṱangana na vhufhelo haḽo. Miṅwaha ya zwigidi zwivhili ya u ranga, yo tshinyadziwa nga maḓi; miṅwaha ya zwigidi zwivhili ya vhuvhili, Kristo u a ḓa. Uyu ndi 1964 u no khou ḓa; miṅwaha ya furarurathi. Zwino, khaḽenda ya ngudo ya dziṋaledzi ya Egipita i ri ro bva nga miṅwaha ya fumisumbe, “ndi miṅwaha ya fumisumbe nga phanḓa ha izwo,” izwo zwi ḓo sia miṅwaha ya fumiṱahe yo sala. Yesu o ri, “Mushumo u ḓo fhungudzwa, u itela Vhanangiwa, kana a hu nga vhi na ṋama i tshidzwaho.” Naa ri ngafhi?220 “Mishumo ine Nda ita na inwi ni ḓo ita-vho. Ya lushaka lu fanaho, fhedzi mihulwane, ni ḓo ita.” Zwino sedzani. Thetshelesani nga vhuronwane. Ivhani kha yaṋu…Ndi rabela uri Mudzimu u ḓo vula mbilu yaṋu na ṱhalukanyo yaṋu, u ya kha pfeseso, u itela uri ni pfesese ni sa ambi uri ndi zwinzhisa hafha. Dzhielani nzhele. O amba nga ḽiṅwe ḓuvha… Kha ri vhone muṅwe wa mishumo “mihulwane” ye A ita. Kha ri tou ima u itela zwithu zwa tshivhalo. Kha ri elekanye. Tshifhinga tshithihi, O ri, “Inwi ni vha kanzwe tshiṅwe tshithu tsha u ḽa.” Vha ri, “A ri na tshithu.” Ha pfi, “Naa ni na mini? Nnḓiseleni zwine na vha nazwo.” Huno vha ri, “Ri na lofo ṱhanu dza baḽi na khovhe mbili.” A ri, “Dzi ḓiseni kha Nṋe.”221 Huno A dzhia lofo ṱhanu dza vhubvo dza baḽi huno a thoma u vunḓa dzilofo. Huno, u bva kha zwa vhubvo, A ita tshinnkwa. Zwa fusha vha zwigidi zwiṱanu. Naa izwo ndi zwone? [Tshivhidzo tshi ri, “Amene.”—Mudz.] Zwenezwo A ri, nahone A wana khovhe, “Nṋeeni khovhe.” Ho vha hu khovhe, tsha u thoma. Huno A dzhia, iyo khovhe, iṅwe khovhe na iṅwe khovhe, huno a kanzwa vha zwigidi zwiṱanu. Naa izwo ndi zwone? [“Amene.”] Fhedzi nga maḓuvha a u fhedzisela O vha a si na tshithu. O tou amba, huno a ri, “Ambani tshi ḓo vha henefho,” huno tsha vha henefho, hu si na tshiṅwe tshithu khazwo. Na khathihi Ho ngo vha na tshisindi; ho vha hu si na tshithu henefho. O tou amba, “Kha hu vhe,” huno zwa ralo. Ni a vhona? Oo, Ipfi Ḽawe a ḽi kundelwi, huno Ḽi tea u khunyelela.222 Ndo vha ndi tshi nga ni vhudza zwithu zwine zwa ḓo ni dzinginyisa. Ni a vhona? Tshi henefho musi A tshi amba uri tshi henefho. I ri ni A zwi ambe. Ni a vhona, zwo tou kokotolo.223 Ni a vhona, Vhubvaḓuvha, Vhukovhela fhano ho vhuya murahu huno ha ṱangana na Vhubvaḓuvha. Ho vha hu Mushe, we a vhuya a doba muṱavha, huno a ri, “Kha hu vhe na


madzedze,” na zwiṅwe-vho nga u ralo, “kha ḽifhasi.” Fhedzi kha iḽi ḓuvha ḽa u fhedza Ha dzhii tshiṅwe tshithu; ni a vhona, Ipfi fhedzi. “Kha hu vhe,” huno ndi zwenezwo. Zwine zwa ambiwa, iyo ndi nḓila ine zwa ḓo vha ngayo. Ndi khou ṱoḓa u ṱanziela nga ha zwiṅwe zwa izwo zwithu madekwana a ṋamusi, ni a vhona, ni a vhona, nga ha zwe zwa bvelela, uri ni kone u vhona uri U kha ḓi vha Mudzimu. Maipfi Awe a nga si kone… “Iyi mishumo ine Nda ita na inwi ni ḓo ita-vho, na mishumo mihulwane u fhira iyi ni ḓo ita. Ndo dzhia khovhe u ita khovhe; inwi a ni tei u vhuya na vha na khovhe.” Ni a vhona? U kha ḓi vha Mudzimu, u kha ḓi vha onoyo Murwa muthihi. Murwa onoyo muthihi wa Mudzimu we a dzhia khovhe ya khovhe, ndi onoyo Murwa wa Mudzimu muthihi ṋamusi. “Iyi mishumo ine Nda ita ni ḓo ita-vho. Na i fhiraho iyi ni ḓo ita.” I ḓo huliswa, “Mihulwane u fhira iyi ni ḓo ita.” Huno vhathu vha hana u i vhona. Huh! “Mishumo mihulwane!”224 Tshedza tsha khole-khole. Ni a ḓivha, ndo vha ndi tshi khou elekanya nga ha tshiṅwe tshithu. Ndo vha ndi tshi khou amba nga maanḓa nga ha England, fhedzi ndo vha ndi tshi khou elekanya nga ha tshedza tsha khole-khole. Fhano a si kale, vhoinwi noṱhe ni a elelwa uho vhuvemu vhuhulwanesa he—he England ya vhuya ya vha naho, izwo zwo itwa. Ho vha hu u farelela ha doḽara dza milioni dza sumbe. A thi elekanyi uri ho vhuya ha vha na tshiṅwe tshithu shangoni tsha u vhambedza nazwo. U farelela huhulwane, zwa zwenezwino, ha doḽara dza milioni dza sumbe, na Scotland Yards i nga si ite uri zwi humbulelwe. Inwi ni a zwi ḓivha uri vho zwi ita hani? Nga tshedza tsha khole-khole. Vha vhea tshedza kha ṱhirekhe ya tshiporo, ha ṱhogomelwa, u tsa fhasi u swika i tshi ḓa kha tshedza tshitswuku, huno tsha vha imisa. Huno henefho vhuvemu ha itea, henefho fhethu hu re hone. Tshedza tsha khole-khole tsho ṋea vhuvemu vhuhulwanesa he tshaka dza vhuya dza vhu ḓivha. Ho fhura dzitshaka. Ha u farelela huhulwane, vhuvemu vhuhulwanesa, ho itwa nga tshedza tsha khole-khole.225 Huno vhuvemu vhuhulwanesa he tshivhidzo tsha Mudzimu tsha vhuya tsha vha naho ndi tshedza tsha khole-khole, mbonalo, dinomineisheni yavho. Zwo vha fhura kha maanḓa a Muya Mukhethwa. Zwo dzhia kha tshivhidzo wonoyo mutalo wa Vhutshilo. Zwo vha fhura kha Ipfi, musi vho ṱanganedza ndaela vhudzuloni ha Ipfi. Zwo vha fhura. Oo, vha amba u vha na Ipfi. Ipfi ḽi a Ḓitshilela nnḓa u itela tshikhathi; Ḽi Ḓiita uri ḽi ḓivhee. Vha amba uri vho vha vhe na Ipfi, na vhone-vho, ngei murahu maḓuvhani a Yesu. Fhedzi Ḽo ri, “Vho vhona Tshedza tshihulwane,” huno vha Tshi landula. Vho Tshi vhona, fhedzi vha Tshi landula.


226 Oo, tshedza tsha khole-khole, ee, zwo ita uri tshivhidzo tshi vhe na vhuvemu vhuhulwane he tsha vhuya tsha vha naho. Ndaela dzi rotholaho dza dinomineisheni, mukomana, dzi nga si vhibvise Ipfi ḽo khwaṱhisedzwaho, thoro. Bivhili yo amba, Yesu o ri, “Ipfi ḽa Mudzimu ndi yone—yone Mbeu ye muzwali a zwala.” Ni a vhona? Huno ndaela dzi rotholaho dzi nga si vhibvise iḽo Ipfi. Hai, hai! Maḓuvha a ḓumbu ḽi rotholaho a nga si vhibvise goroi. Hai, nga ngoho! Zwi dzhia vhududo ha tshedza tsha ḓuvha, ngauri ho vha hu Ipfi ḽo ambiwaho nga Mudzimu u ita tshithu tsho raloho. Huno tshi ḓo dzhia Ipfi ḽo ambiwaho nga Mudzimu, ṋamusi, u sumbedza vhakhethwa vha Mudzimu uri Yesu Kristo u a tshila. U tou fana na zwe A vha e zwone mulovha, U zwenezwo ṋamusi. Dzindaela na dzidinomineisheni zwi nga si zwi ite na khathihi. Zwi a rothola nahone a zwi na dzangalelo, huno thoro i ḓo sina henefho mavuni. I nga si bvelele fhasi ha afho.227 Itsho ndi tshone tshiitisi, ṋamusi, ri na zwine ra ita. Vhunga Mukomana Billy Graham washu wa vhuṱhogwa, muvuseledzi muhulwane. Ndi elekanya uri Mudzimu u khou shumisa uyo munna. Fhedzi sedzani zwine a ita; u a bva a ya ngei nnḓa vhukati ha Vhabaphuthisi na Mupuresbiterieni. Naa ni itani? Ni wana tshivhalonyana tsha miraḓo ya tshivhidzo.228 Ni a vhona hune Vhabaphuthisi vha Tshipembe vha lilela fhasi henefho ngauri vho vha na dinomineisheni nnzhi, kana, dinomineisheni yavho yo aluwa u fhira vhaṅwe Vhaporotestanti-vho? Vhakaṱoḽika vho vha dzhia vhoṱhe, kaṱukuṱuku, mahoḽa. Inwi ni a zwi vhona kha bammbiri? Zwo ralo nga ngoho. Ni songo vhilaela, vha khou yo vha dzhia vhoṱhe, ngauri vha dzhia Vhabaphuthisi na vhoṱhe, henefho vhoṱhe. Huno vhone vhoṱhe ndi vhathihi, huno a vha zwi ḓivhi. Khoro ya tshivhidzo, Khoro ya Zwivhidzo, i vha vhea vhoṱhe vha tshi tou vha zwenezwo zwithihi. Dinomineisheni i vhea…Mulandu, ndi ngani ni tshi ḓo ṱoḓa u dzula nga hafha kana nga hafha? Samusi ni tshi khou landula Itshi, zwi ita phambano-ḓe? Naa a ni khou shumisa zwisumbavhuyo zwenezwo zwithihi zwa dinomineisheni, u tou fana na zwine na vha zwone fhethu huthihi? Ḽithihi, ḽivhanda; huno ḽiṅwe, luswayo. Ngauralo, khezwo, ngauralo a zwi tou ita phambano-vho.229 Ndi afho he a vha e hone. O ganḓisa tshishateli tshawe tsha thendelo, huno henefho ni ḓo tshi dzhia. Huno henefho a ranga phanḓa tshoṱhe, henefho tswititi u ya kha White House, na u ya Washington, D.C., na—na Khoro ya Zwivhidzo, huno henefho ni a ya. Vhafunzi vha vha dzhia henefho murahu, kokotolo zwe Bivhili ya amba uri vha ḓo ita. [Mukomana Branham u khokhonya karathi kha phuluphithi—Mudz.]


Nṋenṋe, ndo tama iyo watshi i songo tshimbila nga u ṱavhanya nga maanḓa! [Tshivhidzo tshi ri, “Dzhiani tshifhinga tshaṋu.”—Mudz.]230 Zwino, itonu elekanya zwino hune ra vha hone. Sedzani pfulufhedziso dza ḓuvha, dzo landulwa hafhu. Nḓila ye zwivhidzo zwa ita nga iḽi ḓuvha ḽa u fhedzisela, mbonalo ya dinomineisheni!231 U tshila nga mbonalo ya khole-khole ndi tshone tshi itisaho uri Ḽi sa vhibve. Itsho ndi tshone tshiitisi tshine, iḽi Ipfi, inwi a ni vhoni maḓembe.232 Tshifhe o nnyitela muvhudzisano, a si kale-kale, huno a ri, “Vho-Branham,” a ri, “naa ni ḓo lovhedza hani?” Mu—muṅwe musidzana a no bva kha itshi tshivhidzo; huno o gunea huno a mala mutukana wa Mukaṱoḽika, huno a ya kha tshivhidzo tsha Kaṱoḽika. Huno o vha a tshi khou yo mu dzhia a mu dzhenisa tshivhidzoni.233 Nda ri, “Ndo mu lovhedza nga ndovhedzo ya Vhukriste.” A ri, “Mubishopo u ṱoḓa u ḓivha.” Nda ri, “Zwo luga, ngezwo.” Ha pfi, “Naa ni a zwi anela izwi?”234 Nda ri, “A thi ani na luthihi.” Huno a ri…“Iina,” a ri, “arali a si nga dzhii ipfi ḽanga u itela yone, zwo luga, izwo zwo luga. Ngauri, a thi ani. Bivhili yo ri, ‘Ni songo ana nga maṱaḓulu; ndi khuluṋoni ya Mudzimu; ḽifhasi ndi vhukando ha milenzhe Yawe. I ri ni ee yaṋu i vhe “ee,” huno hai, “hai.”’” Nda ri, “U ḓo tea u dzhia ipfi ḽanga u itela yone.” Ha pfi, “Zwo luga, inwi—inwi no ri ‘ndovhedzo ya Vhukriste,’ naa ni khou ambani nga hayo, nga u mbwandamedza?”235 Nda ri, “Iyo ndi yone nḓila fhedzi ine ndovhedzo ya Vhukriste ya itwa.” Nda ri, “Ndo mu lovhedza kha mulambo wa Ohio; nda mu isa fhasi ha maḓi, nga Dzina ḽa Yesu Kristo, huno nda mu ḓisa. Ndo mu lovhedza nga ‘Dzina ḽa Murena Yesu Kristo,’ ine ya vha ndovhedzo fhedzi ya Vhukriste i re hone.” Ha pfi, “Ee, muṋe wanga.” A i vhea fhasi nga u ralo. Huno a ri, “Zwisili!” Ha pfi, “Ni a ḓivha, tshivhidzo tsha Kaṱoḽika tsho vha tshi tshi anzela u lovhedza nga iyo nḓila.” Nda ri, “Lini?” Huno a ralo. A bvela phanḓa, huno therisano ya bvela phanḓa lwa tshikhathinyana. Huno a ri, “Zwo luga, ri vha Kaṱoḽika vha vhubvo.” 236 Ndi tshi ḓivha, ho vha hu na dzi—dzibugu henefho, inwi ni a ḓivha, na ḓivhazwakale nga hazwo, nda ri, “Izwo ndi ngoho, fhedzi,” nda ri, “ndi ngani ni sa zwi iti ṋamusi?”


A ri, “Ri na maanḓa a u hangwela zwivhi.” Ha pfi, “Yesu, naa Ho ngo vhudza vhafunziwa Vhawe, ‘Zwivhi zwa uyo we na mu hangwela, khae zwi a hangwelwa; huno kha uyo ane zwivhi na sa mu hangwele, khae a zwo ngo hangwelwa’?” Nda ri, “Ee, muṋe wanga. O ita.” A ri, “Zwenezwo izwo a zwi ṋei tshivhidzo ndango? Petro o vha e ṱhoho ya tshivhidzo.”237 Nda ri, “Arali tshivhidzo tshi tshi ḓo hangwela zwivhi nga nḓila ye Petro a zwi ita.” Nda ri, “Zwino, musi vha tshi vhudzisa, ‘Naa ri fanela u itani uri ri tshidzwe?’ A ri, ‘Shandukani, muṅwe na muṅwe waṋu, huno ni lovhedzwe nga Dzina ḽa Yesu Kristo u itela khangwelo ya zwivhi zwaṋu.’” Nda ri, “Inwi ni ita izwo, huno ndi ḓo ṱuwa na inwi.” “Oo,” a ri, “ni khou lingedza u luvhelela Bivhili.” Nda ri, “Iḽo ndi Ipfi.” A ri, “Mudzimu u kha tshivhidzo Tshawe.” Nda ri, “Mudzimu u kha Ipfi Ḽawe. ‘Munna muṅwe na muṅwe, maipfi a vhaṅwe vhanna, ndi mazwifhi; Awe ndi Ngoho.’” Ni a vhona?238 Ngauralo a hu na nḓila ine a nga kona u vhona. Fhedzi henefho—henefho vha a ṱuwa, henefho swiswini. Huno Vhaporotestanti, nga zwigidi, vha tshi wela khazwo. Vhone vha hafha, henefha fhasi kha u dzhia ndaela dzavho na zwithu, u ya phanḓa nazwo nga ngomu. Ipfi ḽi tshi bvela henefho nnḓa, ḽi tshi zwi sumbedza, Yesu Kristo a tshi Ḓivhonadza, “a sa shanduki mulovha, ṋamusi, na lini na lini.” Kha iyo mbonalo ya ndaela, vha a bvela henefho nnḓa ngomu swiswini. U tou fana na musi vho ita tshifhingani tsha Noaxe, u tou fana na musi vho ita zwifhingani zwoṱhe, vha a zwi ita hafhu ṋamusi, henefho nnḓa swiswini! Ndi ngani? Vha landula Tshedza ngauri ndaela yo vha pofudza.239 Oo, ndi awara yo swifhalaho-ḓe ine ra vha khayo zwino! Uh-huh! Iina, vha landula Tshedza tsha U Ya Nga Hu Sa Fheli tsha ngoho tsha Kristo, huno izwo ndi zwine zwa zwi ita. 240 Dinomineisheni dzi rotholaho dzi nga si ḓise Vhutshilo kha Ipfi ḽa Mudzimu, ngauri zwi ḓisa vhutshilo kha dinomineisheni yavho. Ri na Vhakriste vha u ḓiitisa zwa zwino…Sedzani hafha, arali Mukriste… Ndo vhudzisa uyu tshifhe izwi. “Arali…ndi ḓo ṱuwa na inwi, he tshivhidzo tsha Kaṱoḽika tsha vha tshi hone, u rangani, ngei Pentekoste,” hu si kha Nicaea, Roma. Tshivhidzo a tsho ngo thoma ngei Nicaea na khathihi, Roma. Tsho thoma ngei Pentekoste. Ni a vhona? Ngei Yerusalema ndi hune Tshivhidzo tsha thoma. Fhedzi ndo ri…


241 Hafha, ndi ḓo tenda uri avha vhathu, vhone dziphuli na zwithu, vhe vha wana Muya Mukhethwa, vhaṋe vhavho vho vhona maanḓa avho na zwithu, zwe vha vha vha tshi khou ita; vha tshi vusa vhafu, vha tshi amba nga dzindimi, vha tshi pandela vhodiabolo, vha tshi bvumba zwithu. Huno vhaporofita vhukati havho, na zwiṅwe-vho, vha bvela nnḓa na mikumba ya dzinngu u mona navho; vha tshi khou ḽa miroho, vha tshi ḓa kha iyo Khoro ya Nicaea, na zwiṅwe-vho, na uri munna mungafhani! Huno henefho vha a bva henefho, huno vha ḓa henefho kha iyo Khoro ya Nicaea, vho imela iḽo Ipfi.

Fhedzi, ayo maḓuvha a malofha a fumiṱhanu, vho ṱanganedza “Khotsi, Murwa, na Muya Mukhethwa” sa ndaela, vhudzuloni ha pfunzo ya Bivhili, “nga Dzina ḽa Yesu Kristo.” Nga kha izwo hu ḓa zwivhidzo zwoṱhe zwa Porotestanti, zwo bebelwa henefho ngomu hazwo, zwenezwo zwithihi, zwiṅwe izwi zwithu zwoṱhe. Muhumbulo wa khole-khole wa Muya Mukhethwa; vho dzhia, vha dzhia tshilalelo, vha nwa veini, “Iyo ndi sakramente khethwa, ine ya amba, ‘Muya Mukhethwa.’” Tshifhe u ni ṋea yone.242 Zwino, Bivhili a i vhali, “Musi Ḓuvha ḽa Pentekoste ḽo no ḓa nga vhuḓalo, hafha hu ḓa tshifhe nṱha ha nḓila, kholoro yo moniswa, ha pfi, ‘Ṋanzwani lulimi lwaṋu huno ni dzhie sakramente khethwa.’” Hai, A yo ngo ri, “Vhoinwi vhathu noṱhe gidimelani ngeno nṱha huno ni ṋee vhuṱama ha pfanelo, vhoinwi Vhabaphuthisi, Vhameṱhodisi, na Vhabaphuthisi, ndi ḓo vhea dzina ḽaṋu. Ḓisani luṅwalo lu tshi bva huṅwe.”243 A ri, “Vhoṱhe vho vha vhe fhethu huthihi, nga mbilu nthihi. Huno nga u ṱavhanya ha ḓa mubvumo u tshi bva Ṱaḓulu u tshi nga muya u vhudzulaho wa maanḓa, huno wa ḓadza lufhera lwoṱhe he vha vha vho dzula. Vhoṱhe vho vha vho ḓala Muya Mukhethwa, huno vha thoma u amba nga dziṅwe ndimi, vhunga Muya wo vha ṋea u amba. Huno henefho…” Nnḓa tshiṱaraṱani vha ya, vha tshi dedeleka vhunga munna o kambiwaho, Maria na vhaṅwe vhoṱhe, fhasi ha ṱhuṱhuwedzo ya Muya Mukhethwa.

Mulandu, vhathu vho amba, vha vha sea, huno ha pfi, “Avha vhanna vho ḓala veini ntswa.” Naa vho vha vhe mini? Vho pofudzwa nga ndaela. 244 Uyo mureri muṱuku wa vhavhili na vhaṋa a ima henefho nṱha, a tshi pfi Petro, huno a ri, “Vhoinwi vhanna vha Yuda na vhoinwi ni no dzula…vhoinwi vhanna vha Yerusalema, vha no dzula kha ḽa Yuda, i ri ni izwi zwi ḓivhee kha vhoinwi, huno ipfani maipfi anga. Avha a vho ngo kambiwa. Fhedzi i ri ni ndi ni vhudze zwe Luṅwalo lwa amba uri zwi ḓo vha zwone. Itshi ndi Tshedza. Iḽi ndi Ipfi ḽi tshi khou vhonadzwa.” Amene.


Zwenezwo zwithihi zwi bvelela ṋamusi, huno zwi ita vhunga zwo ita tshifhingani itsho, vha ḓitshimbilela huno vha dzinginyisa ṱhoho dzavho. Ha pfi, “Vha litsheni vhe vhoṱhe; bofu ḽi ranga phanḓa bofu, vhoṱhe vha wela museleni.”245 Oo, zwi dzhia Kristo, Vhutshilo Vhu Sa Fheli, u ḓisa Ipfi ḽa Vhutshilo kha khwaṱhisedzo, ha itwa ṋama. Yawee, nṋenṋe, nga vhanna! Zwi dzhia Ipfi…zwi dzhia Muya Mukhethwa u shuma Ipfi ḽa Mudzimu.246 Musi Yesu o ri, “Iyani kha shango ḽoṱhe, huno ni rere Mafhungo-maḓifha kha tshivhumbwa tshiṅwe na tshiṅwe.” Zwino sedzani, Marko 16, ndaela Yawe ya u fhedzisela. “Shango ḽoṱhe, shango ḽoṱhe,” na khathihi a yo ngo swika afho naho zwo ralo, ni a vhona. “Shango ḽoṱhe, huno ni rere Mafhungo-maḓifha kha tshivhumbwa tshiṅwe na tshiṅwe. A no tenda,” kha shango ḽoṱhe, “huno a lovhedzwa u ḓo tshidzwa; a sa tendi u ḓo laṱwa. Huno izwi zwiga zwi ḓo tevhela avho vha no tenda.” “Vha ḓo lumelisana na mure-…”? Hai. “Vha ḓo vha muraḓo wa tshivhidzo wavhuḓi”? Hai. “Nga Dzina Ḽanga vha ḓo pandela vhodiabolo; vha ḓo amba nga dzindimi ntswa; vha ḓo dzhia dziṋowa; kana, vha nwa zwithu zwi vhulayaho, a zwi nga vha tshinyi; arali vha tshi vhea zwanḓa kha vhalwadze, vha ḓo fhola.” Yawee, nṋenṋe!247 U swika ngafhi? “Tshivhumbwa tshiṅwe na tshiṅwe.” Zwingafhani? “Shango ḽoṱhe,” u swika A tshi ḓa hafhu. “Izwi zwiga zwi ḓo…” “A no tenda kha Nṋe, mishumo ine Nda ita u ḓo ita na ene-vho. Na mishumo i fhiraho iyi u ḓo ita, ngauri Ndi ya ha Khotsi Anga.”248 Oo, naa ri nga kona hani u tshimbilela kule Nayo ine ya vha yo engedzeaho kha zwine ndi nga amba! Ri kha swiswi ḽo engedzeaho zwino u fhira ḽe vha vha vhe khaḽo. Zwino ri tou vha na ndimana dzo engedzeaho hafha, zwenezwo ndi ṱoḓa u ḓa kha vhufhelo nga u ṱavhanya u ya nga hune zwa kona-…Ri kha swiswi ḽo engedzeaho u fhira vhone. Ndi a zwi ḓivha uri ndi a ni netisa ngeno nnḓa, lwa tshi no ṱoḓa u vha awara na hafu. [Tshivhidzo tshi ri, “Hai!”—Mudz.] Fhedzi, ni a vhona, iyi theiphi i khou bvela phanḓa ngomu henefho. Ni a vhona? Ni a vhona?249 Vha kha swiswi ḽo engedzeaho u fhira riṋe. Ndo ita tshitatamennde, tshetsho. Ndi ngani? Zwivhidzo, kha iyi mbonalo, zwi khou fhura nga maanḓa, zwi vhonala zwi tshi nga ndi Ngoho. Zwino, naa Yesu ho ngo ri? Kha ri vhone Mateo 24, ni a vhona. Mateo 24, Yesu o amba zwauri, “Maḓuvhani a u fhedzisela, mimuya mivhili i ḓo vha tsini nga maanḓa u swika i tshi fhura vhenevho Vhanangiwa arali zwo vha zwi


tshi konadzea.” Hu ḓo vha na tshigwada tsho nangiwaho tshi no bva u ita Tshivhidzo, maḓuvhani a u fhedzisela. Huno aya madzangano, na izwo zwine vha zwi vhidza Ngoho yavho, zwi ḓo vha tsini nga maanḓa vhunga Tshithu tsha vhukuma, zwine zwi ḓo fhura vhenevho Vhanangiwa, na Vhapentekostaḽa.250 Zwino, ni a zwi ḓivha uri a ni khou yo dzhia Mupentekostaḽa huno na mu fhura nga iṅwe pfunzo ya Mumeṱhodisi kana Mubaphuthisi. A ni khou yo mu vhudza izwo. U ḓivha zwa khwine. Huno a ni khou yo fhura muṅwe Mubaphuthisi nga pfunzo ya Ḽuṱere, nga iṅwe nḓila. Ni a vhona? Huno nahone a ni khou yo ṱanganedza Mulaedza, u vhona Mulaedza zwino kha iḽi Ipfi, nga iṅwe pfunzo ya Pentekoste, “Khotsi, Murwa, Muya Mukhethwa” ya khole-khole, na izwi zwithu zwa u ralo, na murahu henefho kha idzo ndaela dzine vha vha nadzo kha iyo nzudzanyo ya dzangano. Hai, nga ngoho. Ni nga si vha fhure na khathihi, ngauri Vhanangiwa vha nga si fhurwe.251 Naa ndi mini? Naa ndi mini? U fhura. Idzi mbonalo, naa vha khou itani? Vha khou ranga phanḓa tshivhidzo vhuṱhavheloni ha khoro, nga mbonalo yavho. Uho hu ḓo vha vhuṱhavheloni ha u fhedza, musi ene na Roma zwi tshi ṱumana. Musi vha tshi vhumba itsho tshifanyiso tsha ḽivhanda, uho ndi vhuṱhavheloni ha u fhedza. Huno idzi mbonalo dzine na vha nadzo zwino, sedzani uri dzi khou itani, dzi tshi ranga phanḓa vhathu. Ndi mbudzi.252 Mbudzi tshifhinga tshoṱhe i ranga phanḓa nngu vhuṱhavheloni. No no vhona izwo zwitumbani zwa vhuṱhavheloni. Iyo mbudzi i ḓo gidima henefho nṱha huno ya ranga phanḓa nngu, zwenezwo i ḓo fhufhela nnḓa huno ya litsha nngu i tshi bvela phanḓa ya dzhena. Izwo ndi zwone zwine ya ita. Tshifhinga tshoṱhe i a ita. Ho vha hu mbudzi dzo rangaho phanḓa Yesu, Ngwana, ngei vhuṱhavheloni. Mbudzi dza Vharoma! Izwo ndi zwone. Ndi—ndi mbudzi dza dinomineisheni ṋamusi dzo rangaho phanḓa nngu dzi si na mulandu ngei vhuṱhavheloni. Vheani dzone dziṋe, madzina adzo kha dzone bugu hangei, huno dzo fhela. Ulwo ndi luswayo lwa ḽivhanda. Nga Dzina ḽa Murena, ndi a amba. Ndo fara itsho lwa tshifhinga tshilapfu. Izwo ndi ngoho. Izwo ndi kokotolo. Naa ḽivhanda ndi mini? Naa ḽivhanda ndi mini? Ndi maimo a Vharoma, dzangano ḽa u thoma. Naa luswayo lwaḽo ndi mini? Zwenezwo zwithihi, kokotolo, zwenezwo zwithihi kokotolo sa zwe izwo zwa vha zwi zwone. Vhuṱhavheloni, kha mbonalo!253 Fhedzi kha tshifhaṱuwo tsha swiswi ḽa zwino, ri kha ḓi vha ro vhona Tshedza tsha Mudzimu tshi tshi penya. Nḓila ine ra livhuwa izwo!


254 Thetshelesani nga vhuronwane. Ro vhona Tshedza, Ipfi Ḽawe ḽe A fulufhedzisela iḽi ḓuvha, ḽa sumbedzwa nahone ḽa khwaṱhisedzwa. Ndi Ngoho! Tshedza tsha awara. Yawee, nṋenṋe! Nṋe ndo takala nga maanḓa. A hu na tsho khakheaho. A hu na tshithu.255 Fhano a si kale-kale mushumeli o vha a tshi khou amba uri o vha e fhasi ngei Florida, huno o vha e na mo—moḓoro, ndi tenda uri ho vha hu Chevrolet, huno tshithu tsha bva khae. Ho ngo kona u tshi lugisa. Huno a ya giratshini, huno mekhanikhe muṱuku wa kale o vha a tshi khou ya fhasi hawo na nga nṱha hawo, nahone a tshi khou mona nawo; ho ngo kona u ita uri u lugiswe. Huno ene—ene u ḓo lingedza itshi, huno tsha sa shume. Huno a lingedza tshiṅwe tshithu-vho; tsha sa shume. A dzhenisa mutshini, a vhea itshi, huno a dzhenisa dzipulaga, a dzhenisa dziphointsi; a kundelwa u ita uri tshithu tshi shume. O kundelwa u ita uri tshi shume. Mafhedziseloni, munna o ambaraho zwavhuḓi a sendela. A ri, “Naa ndi nga ni fha ngeletshedzo?”256 Mekhanikhe muṱuku o vha na tshipfi tsho eḓanaho u ri, “Ee, muṋe wanga.” A ri, “Inwi dzhiani itshi, huno ni andise nga itshi na itshi, huno,” a ri, “vheani izwo fhethu huthihi huno ni u lingedze.” Huno a dzhia itshi a andisa nga itsho, huno a zwi vhea fhethu huthihi, huno ngoyo wa ṱuwa.257 Mekhanikhe muṱuku a mona hoṱhe, huno a ri, “I ri ni, naa ndi inwi nnyi?” O vha e muinzhiniere, muinzhiniere muhulwane wa General Motors. O ita tshithu. O vha e ene we a tshi ṋea tshivhumbeo.258 Huno, ṋamusi, musi ri tshi amba nga ha Meṱhodisi, Baphuthisi, na Puresbiterieni. Mekhanikhe Muhulwane u fhano; Muṋei wa tshivhumbeo tsha Ipfi Ḽawe, Munna O sikaho maṱaḓulu na ḽifhasi, huno a ṋea Tshivhidzo Tshawe tshivhumbeo! Naa U ḓivha zwo engedzeaho nga ha zwine zwa dzhia kha U Takulelwa Ṱaḓulu, kana tshivhidzo tsha Meṱhodisi kana tsha Baphuthisi tshi a ḓivha zwo engedzeaho nga ha zwine ha dzhia? Ndi ene Muṋei wa tshivhumbeo. U ḓivha zwine ha dzhia. O ambara zwavhuḓi nga Maanḓa a mvuwo Yawe. Haḽeḽuya! U khou tshimbila vhukati hashu, ṋamusi, nga Maanḓa a mvuwo Yawe. U a ḓivha zwine zwa dzhia u vhea Tshivhidzo kha nzudzanyo ya U Takulelwa Ṱaḓulu. O Hu ṋea tshivhumbeo, huno a vhea zwipiḓa fhethu huthihi fhano kha Bivhili. Amene! Itonu tendela Lutsinga lu tshi elela nga Khayo, zwino I sedzeni i tshi shuma. I ri ni lutendo, kha Ipfi Ḽawe ḽo fulufhedziswaho ḽa ṋamusi, ḽi elele, ni ḓo vhona nḓila ine Ḽa shuma. Ndi ngani? O ṋea tshithu tshivhumbeo. O ṋea Tshivhidzo Tshawe tshivhumbeo nga Ipfi. Izwo ndi zwe A


vhea fhethu huthihi. Hu si nga Meṱhodisi, kana Baphuthisi, kana Puresbiterieni, kana dzangano ḽa Pentekoste; fhedzi nga Ipfi Ḽawe. “Muthu a nga si tshile nga tshinnkwa fhedzi, fhedzi nga Ipfi ḽiṅwe na ḽiṅwe ḽi bvaho mulomoni wa Mudzimu.” Ee, muṋe wanga.259 Ibvani kha idzo mbonalo, vhukati ha swiswi, itshi tshifhinga tsho swifhalaho tshine ra tshila khatsho zwino. (Ndi na miniti i ṱoḓaho u swika miṱanu yo salaho.) Vhukati ha swiswi, naa ndi nnyi a no khou yo bvisa Muselwa muṱuku nnḓa? Naa ndi nnyi a no ḓivha nga Hae? Muṋei Muhulwane wa tshivhumbeo. Oo, iina. U bva kha iyi nḓaḓo ya mbonalo! Hafha, Mumeṱhodisi a tshi vha na mbonalo nga iṅwe nḓila, Mubaphuthisi iṅwe, huno Mupuresbiterieni iṅwe, huno Vhapentekostaḽa iṅwe, izwi zwoṱhe zwi na mbonalo u mona hoṱhe. Vha a gidima, vha vhea dzina ḽavho nga hafha, kha iyi mbonalo hafha; vha ḓa u wanulusa, tshiṅwe tshithu henefho. Huno vha ḓa nga hafha; huno tshiṅwe tshithu henefho. Vha ḓa nga hafha…260 Vhunga ndo amba kha uyo tshifhe, “Arali vhoinwi noṱhe ni tshivhidzo tsha u rangani, huno no ya ni tshi tevhela pfunzo ya avha vhanna vho dzulaho fhethu huthihi ngei Nicaea, ndi ngani ni si na maanḓa e vha vha vhe nao ngei murahu u rangani tshifhingani itsho? Ni a vhona? Ndi ngani ni sa iti zwithu zwe a ita, zwe Yesu a amba?” Ha pfi, “Oo, ri vhathu vho engedzeaho zwino. Riṋe, ri tshila kha tshikhathi tsho fhambanaho.”261 Nda ri, “Fhedzi Ipfi a ḽi shanduki. A ri, ‘Izwi zwiga zwi ḓo vha tevhela kha zwikhathi zwoṱhe. Maṱaḓulu na ḽifhasi zwi ḓo lovha, fhedzi Ipfi Ḽanga ḽi nga si ralo na khathihi.’ Ndi zwone.” A ri, “Zwo luga, ni khou amba nga ha Bivhili.”262 Nda ri, “Ee, Ipfi, ḽine ḽa vha Kristo.” Izwo ndi zwone. Huno ngauralo khezwo. Ni a vhona?263 Huno kha iyi mbonalo, vha Meṱhodisi vha tshi khou sumbedza yavho, vha Baphuthisi vha tshi khou sumbedza yavho, vha Puresbiterieni vha tshi khou sumbedza yavho, iṅwe na iṅwe i tshi khou vha khulwane na khulwane, tshifhinga tshoṱhe. Muselwa muṱuku a pfisaho vhuṱungu, naa U ngafhi? U gidima nga hafha kha vha Vhuthihi ha Pentekoste, lwa tshikhathinyana; U vhea dzina Ḽawe henefho, huno U ri, zwo luga…U ḓa u wanulusa, sedzani zwine vha ita. Huno vha ḓa nga hafha, huno, “Inwi ni tea u vha washu. Arali ni sa vhi wa tshivhidzo tshashu, a niho kha Muselwa. A ni tshithu.” Iyani nga hafha kha Dzikhuvhangano, huno ni sedze zwine vha vha nazwo; ni henefho hafhu. Tselani fhasi kha Vhabaphuthisi, sedzani zwine vha vha nazwo. Sedzani Puresb-…


264 Naa hu khou yo bvelelani kha Tshithu tshiṱuku tshi ṱungufhadzaho? Ni a vhona? Fhedzi U khou ḓa. Ni songo vhilaela. U khou ḓo vha henefho.265 Muthu o vha a tshi khou amba, hafha kha miṅwaha i ṱoḓaho u swika miṅwaha i si gathi yo fhiraho. O vha e fhasi ngei New Mexico. Ndo fara muṱangano henengei tsini na Carlsbad Caverns. No no pfa nga havho ngei fhasi, tshihulwane…Huno vho dzhia munna na mufumakadzi wawe, na tshivhalonyana tsha vhana, vha ya kha uyu mutshini wa u takula, vha ya nḓilani yoṱhe fhasi u swika fhasi ha dinndi. Huno musi vho swika henengei fhasi, vha dzima mbone dzoṱhe. Huno musi vho dzima mbone dzoṱhe, ho vha ho swifhala vhunga vhukati ha vhusiku. Ndo vha navho uri vha ite izwo nga hafha kha idzi ngadeni fhano, huno nga tshifhinga tshithihi nga hangei Colorado henefho, mufumakadzi na nṋe, murahu henengei, o vha e nga ngomu. Huno vho dzima mbone. Nṋenṋe, ni vhea tshanḓa nga nḓila iyi, a no ngo kona u vhona tshithu. Huno ho vha hu na musidzana muṱuku o ima henefho, huno a thoma u zhamba, “Oo!” A tshi khou zhamba. Ene, ene o vha o tshuwa u isa lufuni, ho vha hu na swiswi nga maanḓa. Tshithu tshiṱuku tshi pfisaho vhuṱungu tsho vha tshi tshi khou fara huṅwe na huṅwe, huno tshi tshi khou lingedza u zhamba na u huwelela baba vhatsho, mma, huṅwe na huṅwe. O tou sa kona u zwi tendelela, ho vha hu na swiswi nga maanḓa. Ene ha athu vhona swiswi ḽo raloho na khathihi.266 Huno izwo ndi nga nḓila ine zwa vha ngayo zwino. Izwo ndi zwone. Ho vha hu na swiswi nga maanḓa lune na sa ḓivhe uri ni nga ya ngafhi. Inwi ni ya kha Meṱhodisi, ni ya kha Baphuthisi, ni ya kha Mupuresbiterieni, ndi zwoṱhe zwenezwo zwithihi, ni a vhona, a tshi khou ḽa ayo mana a kale o faho, o sinaho e na mabuluvhulu khawo. Ni a vhona, zwenezwo zwithihi, iṅwe ndaela, “Dzhenani ngomu huno ni vhe muraḓo wa itshi, na tshiṅwe, itsho,” ndaela ya kale na tshiṅwe na tshiṅwe. Inwi a ni vhoni Kristo khazwo. Ni a vhona? Oo, ni vhona vhathu vha ḓiḓivhaho vho luga, ndi ḓo amba nga u ralo. Vhanzhi ndi vhathu vhavhuḓi ngomu henefho zwino, kha idzo dinomineisheni. Nṋe ndi khou ri sisteme, hu si vhathu ngomu henefho. Fhedzi, inwi ni a vhona, izwo ndi zwone zwine vha khou zwi ḽa. Vha vhudzeni nga hazwo! Huno Hafha hu na Zwiḽiwa zwiswa!267 Huno uyu musidzana muṱuku o imaho henefho, o vha a tshi khou zhamba, ipfi ḽawe ḽi nṱha, e tsini na u dzhena kha vhuḓipfi vhu sa langei; zwi tshi nga Muselwa muṱuku. Fhedzi ni a ḓivha uri mini? Murathu wawe muṱuku a lila, a ri, “Khaladzi muṱuku, u songo ofha.” Ngauri, o vha o ima tsini na muinzhiniere. Ha pfi, “Hu na munna hafha ane a nga funga mbone.”


Ni songo ofha, Khaladzi muṱuku, hu na Munna hafha Ane a nga funga Luvhone. A nga kona u ita uri iḽi Ipfi ḽi tshile. A ri ḓivhi uri U ḓa hani. A ri ḓivhi uri hani, U ḓa lini. A thi ḓivhi tshithu nga ha hezwo. Fhedzi Ene u hafha, huno A nga funga Mbone. Naa ri khou yo bva khazwo hani? A thi ḓivhi. Fhedzi U hafha, huno ndi Ene Ane a nga funga Mbone. Ee, muṋe wanga. Ndi Ene. Ndi ene Tshedza. U khou tou Ḓiḓivhadza, iyo ndi nḓila ine A funga Luvhone. Ndi zwone kokotolo.

Zwi dzhia Kristo, u taidzela Mbone Dzawe, zwenezwo swiswi ḽoṱhe ḽi a balangana. U a fhandekanya. U khou kokodzela Muselwa Wawe muṱuku nnḓa. “Ndi ḓo bvisa vhathu kha Vhannḓa, u itela Dzina Ḽanga, vha no ḓo vha na Dzina Ḽanga.” Naa Dzina Ḽawe ndi ḽifhio? Zwo luga. Hu si Mumeṱhodisi, Mubaphuthisi, Mupuresbiterieni, Muḽuṱere. Ndi Yesu Kristo. Izwo ndi zwone.268 Ndi ene Tshedza, Ngoho; Tshedza, huno a hu na swiswi Khae. Huno U balanganya swiswi musi A tshi dzhena ngomu, ngauri Ndi ene Ipfi. Ipfi ndi Tshedza. Izwo ndi zwone. Ngauri, O amba huno a ri, “Kha hu vhe na tshedza,” iḽo ḽo vha ḽi Ipfi ḽi no vha tshedza. Musi A tshi amba Itshi, ndi Tshedza tsha itsho tshikhathi, tshifhinga tshiṅwe na tshiṅwe.

Zwino Ene u hafha, kha—kha hu si kha mbonalo; fhedzi vhathu vha khou tshila kha mbonalo. Fhedzi Ndi ene Ipfi ḽo khwaṱhisedzwaho. Ene zwa vhukuma ndi—ndi Tshedza nga tshifhinga tsha swiswi. Ee, muṋe wanga. Idzi mbonalo dzoṱhe dza khole-khole na zwithu zwi ḓo ngalangala. Ee, muṋe wanga. U fhano. Ni songo ofha. Fungani Mbone, Ipfi ḽo fulufhedziswaho Ḽawe. Ḽi a tshila. Ḽi ita…

“A tendaho kha Nṋe, mishumo ine Nda ita, na inwi ni a ita.” Zwenezwo, ndi Ipfi. “Vhunga Khotsi o ruma Nṋe, ngauralo Ndi a ni ruma.” Khotsi we a Mu ruma, u dzhena kha Ene. Ene Yesu a no ni ruma, u dzhena kha inwi. Huno mishumo ye A ita tshifhingani itsho, U ita zwenezwo zwithihi, ngauri (ndi ngani?) Ipfi ḽi itwa ṋama, ṋamani ya muthu, ḽi a Ḓivhonadza sa Tshedza tsha ḓuvha. Ri henefho. Zwi henefho. Zwi khou tou sumbedza nḓila ya u ya kha Tshedza, kha Tshedza. Munna wa vhuṱali, a songo pofudzwaho nga dzindaela na dinomineisheni, u ḓo tshimbila kha itsho Tshedza. Yawee, nṋenṋe!269 Hu na Munna hafha ane a nga funga Zwiedza, zwo luga. Naa U itani? Nga u khwaṱhisedza Ipfi Ḽawe u itela iḽi ḓuvha. Yesu, Murwa wa Mudzimu, We a fulufhedzisa Ipfi ḽa iḽi ḓuvha, u hone na riṋe.

Ni songo tshuwa. Ni songo dzhia tshenzhemo ya zwine vha khou ita; inwi na ita, ni ḓo tshimbila swiswini.


Ivhani na vhuṱali. “Vha no ita zwa vhuṱali,” Daniele o amba, “kha aya maḓuvha a u fhedzisela, vha ḓo itela Mudzimu wavho mishumo mihulu.” Ni a vhona? Ni a vhona? Vha ḓo tshimbila Tshedzani, vhunga Ene e Tshedzani.270 Ni songo vhilaela. Hu nga ḓi vha ho swifhala, ha nga vha khou yo ri kombetshedza, muṅwe na muṅwe. Zwoṱhe izwi, inwi ni vhona nḓivhiso i tshi khou bva, “Izwi zwivhidzo zwiṱuku zwoṱhe na zwithu zwi tea u dzhena ngomu zwino. Inwi ni tea u dzhena ngomu,” kana vha khou yo ni valela. Vha khou yo zwi ita.271 Zwino ri ṱoḓa u rwa izwo nga maanḓa, madekwana a ṋamusi, musi ndi tshi swika kha itshi tshifhinga, ni a vhona.272 Zwino, vhone, “Riṋe ri khou yo valela.” Inwi ni tea u vha muṅwe wavho, kana hai. Inwi ni—inwi ni kha izwo, kana inwi ni nga si kone u ita tshithu, ni nga si kone u renga kana u rengisa. Ndi zwone. Inwi a ni tei u rabelela vhalwadze. Arali inwi na fariwa ni tshi khou shumela muṅwe a lwalaho kana muthu a re na tshithu tsha tshimuya ngomu henefho, no vhoxwa nga mulayo wa federala, u vhulawa. Izwo ndi zwone kokotolo. Ni a vhona? Inwi ni a zwi ḓivha izwo. Izwo ndi zwone. Zwi kha mabammbiri avho. Ee, muṋe wanga. Ngauralo, ni nga si zwi ite, ni tea u vha wa vhukheluwi. Mukomana, i ri ni ndi ni vhudze tshiṅwe tshithu. Inwi ndi khwine ni tshi wana Kristo nga ngoho mbiluni yaṋu zwa zwino, ngauri hu khou ḓa tshifhinga hune na ḓo Ḽi ṱoḓa. Inwi no bva tshifhingani itsho. Elelwani, musi ulwo luswayo lu tshi vhewa, u henefho u ya ho ya. Ni a vhona? Ngauralo, ni songo zwi ita. Ni songo tenda izwo zwithu. Inwi dzhenani henefho kha Kristo zwa zwino, Ipfi. Ee, muṋe wanga.273 Hu khwaṱhisedzwa Ipfi, huno zwi sumbedza uri Ndi Tshedza tsha awara. Iyo ndi nḓila ine ra ḓivha uri Ene ndi Tshedza, ngauri Ene ndi Tshedza tshi no khou Ḓivhonadza ṋamani. Naa ri ḓivha hani? O vha e Ipfi ḽa Mudzimu ḽo itwaho ṋama. Ni a vhona, Ipfi ḽa Mudzimu ḽo vha ḽi tshi khou Ḓisumbedza, ḽi tshi khou Ḓikhwaṱhisedza, musi Mesia a tshi ḓa, zwine A ḓo ita.274 Musadzi o amba, tshisimani, “Musi Mesia a tshi ḓa, U ḓo ita izwi zwithu. Inwi ni fanela u vha Muporofita, ane a vha Ipfi, a tshi ri bulela izwi zwithu.”275 A ri, “Ndi nṋe Ene.” Ni a vhona? Izwo zwo vha zwo eḓana. Tshedza tsho penyela Ipfi ḽo fulufhedziswaho. Tshi henefho Tshedza.276 Henefho ngomu muḓini a ya, a ri, “Iḓani, vhonani Munna O mmbudzaho zwithu zwe nda ita. Naa uyu a si ene Mesia?” Izwo zwo vha zwi zwone. Ni a vhona? A hu londwi zwe vhaṅwe vha amba, ene o zwi ḓivha uri uyo o vha e Mesia.


277 Elelwani, kha tshikhathi tshiṅwe na tshiṅwe, nga tshifhinga tsha swiswi, Mudzimu tshifhinga tshoṱhe o vha e na Ipfi Ḽawe u kovha Tshedza na swiswi. O vha e Naḽo maḓuvhani a Luther, musi tshivhidzo tsha Kaṱoḽika tsho vha tshi na tshiṅwe na tshiṅwe; O rumela Luther sa Tshedza tshi penyaho, huno Luther a kovhekanya Ngoho na swiswi. Huno musi Vhaḽuṱere vho no ṱanganana, A ita ene John Wesley, huno a kovha Tshedza na swiswi. Huno maḓuvhani a pentekoste, musi Muwisiḽi o wana zwoṱhe…huno Mumeṱhodisi o fhumudzwa tshoṱhe, huno Mubaphuthisi, na Mupuresbiterieni, A rumela mulaedza wa pentekoste u fhandekanya Tshedza na swiswi. Pentekoste yo humela henengei murahu nnḓa ngomu swiswini hafhu, nga u ralo, kha dzangano ḽavho, ya dzhia ndaela dzavho na zwithu. Zwino awara yo ḓa uri iḽi Ipfi ḽi khwaṱhisedzwe. U rumela Tshedza, Ipfi ḽo vhonadzwaho, vhunga O ita u rangani; u rumela Ipfi, huno Ḽi a Ḓisumbedza. Hu na Tshedza, huno Ene tshifhinga tshoṱhe u a fhandekanya. Zwi a fana zwino, vhunga Zwiedza zwiṱuku zwa U Ya Nga Hu Sa Fheli u rangani.278 Vhana vho sedzaho, vhunga ndi tshi amba, nṋe ndo fhira nga miniti miṱanu zwino. Fhedzi i ri ni ndi ambe itshi tshithu tshithihi. Hu na Munna a re hone! Ni songo tshuwa, a hu londwi zwine vha amba. Ndo zwi vhona zwi tshi ḓa fhethu he nda sa zwi ḓivhe uri ndi nga yafhi hu tevhelaho, fhedzi U hone tshifhinga tshoṱhe. Vhuhone vhu sa kundelwi na khathihi, U henefho tshifhinga tshoṱhe. A nga kona u funga Luvhone. Ee, muṋe wanga. O tou lindela, u vhona zwine na khou yo ita. A nga dzima switshi tshifhinga tshiṅwe na tshiṅwe A tshi ṱoḓa. Ee, muṋe wanga.279 Hu na Munna hafha ane a nga funga Mbone. “Avho vho dzulaho madzinguni a murunzi wa lufu,” vhaṅwe vhavho fhasi ha pfuko, vhaṅwe vhavho fhasi ha lufu lwa dinomineisheni, vhaṅwe vhavho fhasi ha lufu lwa dzindaela, vhaṅwe vhavho fhasi ha lufu lwa maitele, na tshaka idzo dzoṱhe dza lufu, “huno vho vhona Tshedza tshihulwane.” Munna o taidzaho Zwiedza tshifhingani itsho, ndi Ene We a ri, u rangani, “Kha hu vhe na tshedza.” Mudzimu a sa shanduki, “wa mulovha, ṋamusi, na lini na lini,” U hone ṋamusi, henefha zwino. Ni songo tshuwa. A nga kona u funga Mbone. Musi mutovholo u tshi ḓa, ni songo tshuwa. Hu na Tshedza, o ri U ḓo dzhia vhathu Vhawe. A nga si ye nga kha maṱhupho. A nga si zwi ite na khathihi. O ri Ha nga iti. U ḓo dzhiiwa. “Naa vha khou yo zwi ita hani, Mukomana Branham?


Hu vhonala ho swifhala lu shushaho!” A hu londwi uri hu swifhala hani, ni nga si kone u vhona tshanḓa tshaṋu phanḓa haṋu, itonu elelwa, hu na Munna hafha ane a nga funga Luvhone. U ḓo Takulela Ṱaḓulu itsho Tshivhidzo. Inwi ni ri, “Zwo luga, nṋe ndo luga…”280 Iina, Shadraka, Mishaka, na Abednego, vho vha vhe henefho kha ṋanḓo ya mulilo, fhedzi hu na Munna henefho Ane a nga vulela muya. Ee, muṋe wanga. Uyo Muya wa maanḓa u vhudzulaho u ḓaho nga Ḓuvha ḽa Pentekoste, O U rembulusa hafhu huno a vhudzulela muya woṱhe kule navho, mulilo woṱhe. Ho vha hu na Munna henefho; U vhidzwa “Munna wa vhuṋa.”281 Hu na Muthihi fhano ṋamusi. Ndi ene Muthihi fhedzi! Haḽeḽuya! U na switshi ya Luvhone tshanḓani Tshawe. “Avho vho dzulaho madzinguni a murunzi wa lufu, Tshedza tshihulwane tsho bvelela.” Ni songo Tshi landula. Tshi ṱanganedzeni, nga Dzina ḽa Murena. Musi ri tshi kotamisa zwifhaṱuwo zwashu lwa tshikhathinyana fhedzi.

Ri ḓo tshimbila Tshedzani, Tshedza tsho nakaho,

Iḓani hune marotha a ṅwando a khathutshelo a penya;

Penya hoṱhe u mona na riṋe masiari na vhusiku,

Yesu, Tshedza tsha shango.Ri ḓo tshimbila Tshedzani, ndi Tshedza tsho

nakaho hani,Tshi ḓa hune marotha a ṅwando a

khathutshelo a penya;A penya hoṱhe u mona na riṋe masiari na

vhusiku,Yesu, Tshedza tsha shango.Iḓani, vhoinwi vhakhethwa vha Tshedza,

ḓivhadzani,Yesu, Tshedza tsha shango;Zwenezwo tsimbi dza Ṱaḓulu dzi ḓo lila,Yesu, Tshedza…

Naa ndi mini? Ipfi ḽo khwaṱhisedzwaho ndi Yesu ṋamusi. Ndi ene Ipfi.

Ri ḓo tshimbila Tshedzani itshi, ndi tshedza tsho nakaho,

Tshi ḓa hune marotha a ṅwando a penya;Oo, penya hoṱhe u mona na riṋe masiari na

vhusiku, Yesu, Tshedza tsha…

282 Zwifhaṱuwo zwaṋu zwo kotama. Ndi a mangala uri ndi vhangana hafha vha no ḓo takalela u tshimbila kha itshi


Tshedza, fhasi ha vhurangaphanḓa ha Muya Mukhethwa, Ipfi ḽo khwaṱhisedzwaho ḽa ṋamusi? Ni a vhona? Ipfi ḽe Mudzimu a fulufhedzisa ṋamusi, vhonani Ḽo vhonadzwa! Naa izwo a si zwe A vha e zwone u rangani? O vha e Ipfi. Murwa o bebwa; O vha e Ipfi. O vha e Mesia; O vha e Ipfi ḽo khwaṱhisedzwaho. Ngauralo zwenezwo Ipfi, Mudzimu o amba u te-…vhufhelo u bva u rangani.283 Zwino hu na Ipfi ḽa ḽino ḓuvha, huno U fhano u khou khwaṱhisedza iḽo Ipfi. Vhukati ha nḓaḓo, swiswi na dzimbonalo, hu vhonala hoṱhe hu tshi nga Ḽone, fhedzi a si Ḽone. A zwi sumbedzi uri ndi Ḽone; ndaela.284 Yesu o amba, “Arali Ndi tshi pandela vhodiabolo nga munwe wa Mudzimu, vhoinwi ni mu pandela nga nnyi?” A vho ngo vha pandela. Ni a vhona? “Fhedzi, hai, arali Ndi tshi pandela diabolo nga munwe wa Mudzimu, zwenezwo Muvhuso wa Mudzimu wo ḓa tsini haṋu.” Oo, kha ri elekanye nga hazwo, musi ri tshi imisa zwanḓa zwashu. Nga u ongolowa zwino, huno ri elekanye, ro dzika zwa vhukuma.

Ri ḓo tshimbila Tshedzani itshi, itshi ndi Tshedza tsho nakaho,

Huno tshi ḓa hune marotha a ṅwando a… Bulani zwino. Tendani Mudzimu zwino.


Yesu, Tshedza tsha shango.Ri ḓo tshimbila Tshedzani itshi, ndi Tshedza

tsho nakaho,Tshi ḓa hune marotha a ṅwando a penya;Penya hoṱhe u mona na riṋe masiari na

vhusiku,Yesu, Tshedza tsha shango.

285 Musi vha tshi isa phanḓa na u tamba, ndi ṱoḓa u vhudzisa. Tshikhathi tshiṅwe na tshiṅwe tsho fana. Maḓuvhani a Noaxe, avho vhe vha landula Tshedza, naa vho itani? Vho bvela nnḓa vha dzhena kha khaṱhulo ya Mudzimu. Naa ho bvelelani kha Farao maḓuvhani a Tshedza tsha tshiṱaka tshi swaho, tshe tsha vha tshi kha Mushe? O tshimbila ngomu lwanzheni lwa lufu. Naa ho bvelelani kha Dathani we a thoma huno a landula Tshedza? A tshimbila ngomu ha mutwe wa ḽifhasi; wa mu mila. Naa ho bvelelani kha zwikhathi zwoṱhe, kha avho vhe vha kundelwa u tshimbila Tshedzani, Tshedza tsha ḓuvha? Ndi Yesu tshifhinga tshoṱhe. Ho vha hu Yesu maḓuvhani a avho vhanna. Ndi Yesu ṋamusi, ngauri Ene ndi Ipfi, huno Ipfi ḽi ita Tshedza. Ndi Tshedza tsha masiari.


Zwi elekanyeni zwino, no dzika zwa vhukuma, musi ri na vhufulufhedzei, vhudzisani, naa ni khou tshimbila Tshedzani? Musi ri tshi lu ṅuṅuna hafhu. [Mukomana Branham na tshivhidzo vha thoma u ṅuṅuna, Yesu, Tshedza Tsha Shango—Mudz.]

…Tshedza tsho nakaho, Tshi ḓa hune shotha ḽa ṅwando ḽa

khathutshelo ḽa penya;Penya hoṱhe u mona na riṋe masiari na

vhusiku, Oo Yesu, Tshedza tsha shango.

Kha ri ime zwino, nga milenzhe yashu.286 Ndi rabela Khotsi wa Ṱaḓulu uri a tendele uyu Mulaedza u nwelela fhasi ngomu mbiluni dza vhathu vha re hone, na avho vha no ḓo U pfa nga theiphi. Huno ngavhe Tshedza tshi tshi ḓa kha Ipfi, Mbeu, huno tsha bveledza Mbeu yo tiwaho iṅwe na iṅwe yo ṱavhiwaho nnḓa hafha kha mbonalo dzo fhambanaho na madzangano. Ngavhe vha tshi vhona vhunga Nikodemo, naho arali vha tshi tea u “ḓa vhusiku,” iḓani kha Tshedza. Zwi tendele, Khotsi.287 Ngavhe hu tshi bvelela aya mafhungo mahulwane, a iḽi Tombo ḽo tumulwaho kha thavha, hu si na zwanḓa. Ḽi ḓo kwashekanya iyi mivhuso ya Vhannḓa u swika mavuni, iyi mivhuso yoṱhe, mivhuso ya tshimuya na mivhuso ya mvelo. Huno Tombo ḽi ḓo tibedza ḽifhasi ḽoṱhe; ḽi ḓo vha fhungo ḽo ṱambaho. Avho vhane iḽo Tombo ḽa ḓo vha kwashekanya vha ḓo kuyiwa vha vha luvhanda; avho vha welaho kha iḽo Tombo vha ḓo vha na mutheo wa tshiomate.288 O Kristo, i ri nṋe, sa mulanda Wau, ndi fe kha iḽi Tombo, iḽi Tombo ḽa Ipfi Ḽau. Murena Mudzimu, i ri ndi ime, sa Dafita, na ayo maswole a kale e a imela Dafita, i ri ndi imele iḽi Ipfi ṋamusi musi ndi tshi vhona uri Ḽo landulwa nga dzidinomineisheni. Ḽi henefha nṱha kha vhudzumbamo vhuṱuku huṅwe fhethu. O Mudzimu, ndi…Tendela uri ri ḓo vha na nungo na tshivhindi, na Muya Mukhethwa, u ima, ngauri awara dzi khou swifhala na u swifhala. Fhedzi i ri tshifhinga tshoṱhe ri elelwe uri Iwe u hone u funga Luvhone. Nga awara ine Iwe wa tama u ralo, U nga funga Luvhone, Khotsi. Ngauralo ri a rabela…289 Vhunga Wo amba, “Ni Tshedza tsha shango.” Tendela, Murena, uri Zwiedza zwashu, vhane ra vha vha tshumelo Yau, zwi ḓo penya nga maanḓa kha vhaṅwe, zwine vha ḓo vhona Tshedza tsha Mafhungo-maḓifha vhunga ri tshi a tshila, Murena, ḓuvha na ḓuvha, ri tshi vhonisa khavho Vhutshilo ha Yesu Kristo u fana na musi O vha e kha ḽifhasi; o ḓala u ḓiṱukufhadza na u ḓifha, naho zwo ralo e na Ipfi ḽi tshi khou tshilwa nga Khae. Zwi tendele, Murena.


Ngauri, ri khou sedza kha Iwe, Muthihi muhulwane a re na switshi tshanḓani. Wo fara shango tshanḓani Tshau. Wo fara zwithu zwoṱhe tshanḓani Tshau, huno u khwaṱhisa shango nga Ipfi Ḽau. O Khotsi, kha ri ṱanganedze Ipfi; U ḓo ralo, ndi a humbela, Murena? I ri uvho vhu vhe vhuṱanzi na lutamo lwa mbilu iṅwe na iṅwe ngomu hafha.290 Khotsi, musi ri tshi imba idzi nyimbo…Vhunga Dafita o imba dzinyimbo, dzi vha vhuporofita. Dzo vha dzi vhuporofita, huno Iwe wo dzi limuwa, vhuporofita. Musi ri tshi lu imba, Murena, i ri zwi vhe mbiluni dzashu, na dzone-vho, musi ri tshi imba, “Ri ḓo tshimbila Tshedzani itshi.” I ri zwi ralo, Murena. Itshi ndi Tshedza tsho nakaho. Ndi Ipfi. Ndi Kristo u khou tshila vhukati hashu. Hu si zwe A vha e zwone; zwine A vha zwone, nahone, ri a zwi ḓivha uri U vha o vhoniswa fhedzi zwine A vha zwone. Huno ri a rabela, Khotsi, uri vhathu vha ḓo pfesesa huno vha tshimbila kha itshi Tshedza tsho nakaho. Ri a humbela Dzinani ḽa Yesu.291 Huno musi ri tshi vha ro ima lwa tshikhathinyana, ndi ṱoḓa roṱhe ri tshi imba.292 Zwino ngomu hafha hu na Mupuresbiterieni, Mumeṱhodisi, Mukaṱoḽika. Avha ndi vhathetshelesi vho vanganaho, musi zwi tshi ḓa kha zwa dinomineisheni.293 Zwino elelwani, i ri ni zwi ḓivhee, zwauri nṋe a thi khou amba tshithu tsha u hanedzana na vhathu kha idzi mbonalo. Fhedzi ndo zwi sumbedza, u ya nga Bivhili, uri ndi dzone mbonalo. Arali zwo vha zwi songo ralo, Kristo o vha a tshi ḓo vha a tshi khou ita vhunga O fulufhedzisa u ita, navho. Ni a vhona? Fhedzi vha hana Izwo. Ni a vhona? Huno musi ni tshi swika henefho, naa ni wana mini? Ndi “ivhani muraḓo wa tshivhidzo, dekeshani ndaela.” Huno ndi mini tshi no bvela nnḓa? Iḓani magumoni a nḓila, ni a wanulusa uri tsho vha tshi madzivhaṅombe, a khole-khole. Kristo ndi Ipfi. Ndi ene Tshedza. Tshilani zwino, musi ni tshi kona u tshila. Ni tshilela tshiṅwe tshithu.294 Naa ni khou tshilela mini? Ngauralo ni nga kona u fa. Muṅwe na muṅwe waṋu, naa ni khou shumela mini? U ḽa. Naa ni khou ḽela mini? U tshila. Naa ni khou tshilela mini? U fa. Ngauralo ndi ngani ni sa tshili u tshila? Ndi ngani ni sa tshili u tshila? Zwenezwo, nḓila i yoṱhe ine ni nga tshila ndi ya u ṱanganedza Ipfi. Ngauri, “Muthu a nga si tshile nga tshinnkwa fhedzi,” zwine ra zwi ita ngeno nnḓa nga biko ḽa tsie yashu, “fhedzi nga Ipfi ḽiṅwe na ḽiṅwe ḽine ḽa bva mulomoni wa Mudzimu.” Zwino Ipfi nga mulomo wa Mudzimu ḽi khou khwaṱhisedzwa henefha phanḓa hashu, nga Muya Mukhethwa. Tshilani Ngaḽo, a ni ralo?


295 Zwino ndi a ṱoḓa, musi ri tshi imba ulu hafhu, muṅwe na muṅwe washu kha a ime fhethu hashu, a swikelele huno a fare zwanḓa zwa muṅwe, huno a ri, “Mukomana, kha ri tshimbile Tshedzani itshi,” musi ri tshi imba Tshimbilani Tshedzani. Ni ḓo ralo? Rabelelanani musi ni tshi vhea zwanḓa zwaṋu fhethu huthihi, musi ri tshi lu imba roṱhe; ro vala maṱo ashu, u ya nga hune zwa konadzea.

Ri ḓo tshimbila Tshedzani, Tshedza tsho nakaho,

Tshi ḓa hune marotha a ṅwando a khathutshelo a penya;

Penya hoṱhe u mona na riṋe masiari na vhusiku, (Naa ndi Nnyi?)

Yesu, Tshedza tsha shango. Zwino kha ri imise zwanḓa zwashu.

Ri ḓo tshimbila Tshedzani, ndi Tshedza tsho nakaho,

Iḓani hune marotha a ṅwando a khathutshelo a penya;


O Yesu, Tshedza tsha shango.Iḓani, vhoinwi vhakhethwa vhoṱhe vha

Tshedza, ḓivhadzani, (Naa ndi mini?)Yesu, Tshedza tsha shango;Zwenezwo tsimbi dza Ṱaḓulu dzi ḓo lila, Yesu, Tshedza tsha shango.

Roṱhe, kha ri lu imbe zwino.Ri ḓo tshimbila Tshedzani, huno ndi Tshedza

tsho nakaho, Tshi ḓa hune marotha a ṅwando a

khathutshelo a penya;Penya hoṱhe u mona na riṋe masiari na

vhusiku, Yesu, Tshedza tsha shango.

296 Zwifhaṱuwo zwashu zwo kotama zwino. Elelwani musi Israele yo vha i kha lwendo lwayo, i tshi khou ḽa mana maswa ḓuvha ḽiṅwe na ḽiṅwe, vho tshimbila Tshedzani tsha Khavhu ya Mulilo. Iyo Khavhu ya Mulilo yo vha i Yesu Kristo. Bivhili i ri Yo vha i yone. Huno ṋamusi U na riṋe; ri Nayo. Ri a zwi ḓivha uri U na riṋe, Khavhu ya Mulilo yeneyo nthihi, a tshi khou ita zwithu zwi fanaho zwe A zwi ita musi O vha e fhano kha ḽifhasi, u khunyeledza Ipfi Ḽawe.297 Musi ri tshi bva hafha, kha ri elelwe, ri vhulunge ulwo luimbo mbiluni dzashu musi ri tshi ya mahayani ashu, musi malinga a tshi ṅuṅuna luimbo. Ni sa athu ḽa tshiswiṱulo tshaṋu,


kotamisani ṱhoho yaṋu huno ni livhuwe Mudzimu nga u rumela tshedza tsha u ḓisa zwiḽiwa kha ḽifhasi, u itela muvhili wa ṋama waṋu. Zwenezwo livhuwani Mudzimu nga u rumela Tshedza tsha tshimuya, Ipfi Ḽawe, uri A kone u ṋea Zwiḽiwa kha muya. “Ngauri muthu a nga si tshile nga tshinnkwa fhedzi, fhedzi nga Ipfi ḽiṅwe na ḽiṅwe ḽi no bva mulomoni wa Mudzimu.”298 Dzulelani u imba ulu luimbo kha vhoinwi vhaṋe, hayani haṋu, vhukati ha vhathu vhaṋu, huno ni ṱangane na riṋe murahu hafha i tshi ṱoḓa u rwa hafu u bva kha ya rathi, madekwana a ṋamusi, u itela garaṱa dza thabelo na zwiṅwe-vho. Ri ḓo ni vhona zwenezwo. U swika zwenezwo, kotamisani zwifhaṱuwo zwaṋu.299 Nṋe ndi khou yo humbela Murathu Neville arali a tshi ḓo tshimbila a namela hafha zwino, mufunzi, huno a ri balanganya nga ipfi ḽa thabelo.

HU NA MUNNA HAFHA ANE A NGA FUNGA LUVHONE TSV63-1229M

(There Is A Man Here That Can Turn On The Light)

Hoyu Mulaedza nga Mukomana William Marrion Branham, u rangani wo ṋewa nga Tshiisimane nga matsheloni a Swondaha, Nyendavhusiku 29, 1963, Thaberenakeḽeni ya Branham kha ḽa Jeffersonville, Indiana, U.S.A., wo dzhiwa kha rekhodo ya theiphi ya maginete huno wa ganḓiswa u songo pfufhifhadzwa nga Tshiisimane. Heyi ṱhalutshedzo ya Tshivenḓa yo ganḓiswa huno ya phaḓaladzwa nga vha Voice Of God Recordings.

TSHIVENDA

©2015 VGR, ALL RIGHTS RESERVED

VOICE OF GOD RECORDINGS, SOUTH AFRICA OFFICE58 DISA ROAD, ADMIRAL’S PARK, GORDON’S BAY 7140 WESTERN CAPE

REPUBLIC OF SOUTH AFRICA

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

Nḓivhadzo ya nzivhanyedziso

Pfanelo dzoṱhe dzo londolwa. Heyi bugu i nga ḓi ganḓiswa nga tshiganḓisi tsha hayani u itela u shumiswa nga muthu ene muṋe kana uri i anḓadziwe, hu si na mbadelo, sa tshishumiswa tsha u phaḓaladza Mafhungo-maḓifha a Yesu Kristo. Heyi bugu i nga si kone u rengisiwa, u bveledzwa hafhu nga maanḓesa, ya poselwa kha website, ya vhulungiwa kha sisteme ya u wana mafhungo, ya ṱalutshedzelwa kha dziṅwe nyambo, kana ya shumiswa kha u ṱuṱuwedza u humbela tshelede hu si na thendelo yo ṅwaliwaho zwi khagala nga Voice Of God Recordings®.

U itela u ḓivha zwinzhi kana u itela zwiṅwe zwishumiswa zwi wanalaho, kha vha kwame:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

TSV63-1229M Hu Na Munna Hafha Ane A Nga Funga Luvhone VGRdownload.branham.org/pdf/TSV/TSV63-1229M...

Documents

Transcript of TSV63-1229M Hu Na Munna Hafha Ane A Nga Funga Luvhone VGRdownload.branham.org/pdf/TSV/TSV63-1229M...