Texte: dIsaïe LAMPIN Laisser le diaporama défile seul.
-
Upload
clovis-riou -
Category
Documents
-
view
134 -
download
0
Transcript of Texte: dIsaïe LAMPIN Laisser le diaporama défile seul.
![Page 1: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/1.jpg)
Texte: d’Isaïe LAMPIN Laisser le diaporama défile seul
![Page 2: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/2.jpg)
L’heure qu’al a tant r’doutée, al le vot arriver
Es’n infant i dort cor, al s’in va l’réveiller.
I l’est pas core chinq heures, déhors i fait cor nuit.
Ein’ à ein’ tous ches lampes s’alleument autour dé ch’puits,
![Page 3: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/3.jpg)
Avant d’ouvrir el porte al intind ein’ tiote voix
Ech gamin i-a compris,es maman al est là.
L’matinée là, sur’mint i s’in rapp’lra tout l’temps,
I l’est hiaut comme tros peimmes, i n’a pas cor quinze ans,
![Page 4: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/4.jpg)
Sin p’tit nez i-est pinché, ses yux i sont rougis
Nan ch’pétit i-a pas brait, mais i l’a mal dormi
I l’a vu tout passer, tout a tourné din s’tête.
Cha a tourné sùr’mint pu vite que les molettes.
![Page 5: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/5.jpg)
Es maman al est là tout alintour ed li
Pour l’première fos dé s’vie, i va quitter sin nid
I sait à peinne voler, il li faudrot quéqu’un
Sin papa n’est pu là pour li l’printe par la main
![Page 6: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/6.jpg)
Al l’imbrasse cor ein’ fos,al le serre su sin cœur,
Min tiot faut partir,té vos i va ête l’heure.
Ches mineurs i s’in vont,i vont t’accompagner
Avec eusses n’ai pas peur,i n’y ont tertous passé.
![Page 7: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/7.jpg)
Mais ch’quémin qu’i dot faire i li paraît si long
I l’a tant ravaudé pour li juer au ballon
Qu’i qu’minche à découvrir des coins qu’i n’a pas vus.
Ech’chevalet là-bas, i l’est au fond dé l’rue.
![Page 8: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/8.jpg)
Es’tiote barette su s’tête, es musette à sin dos
Avant d’rintrer dins l’cache,i soupire ein grand cop.
Ses pétites mains sont moites, sin pétit cœur i bat
Dins ein pétit momint i sera tout in bas.
![Page 9: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/9.jpg)
Alors comme ein’ éclair tout s’jeunesse al arpasse
I s’arvot su ches bancs quand i l’étot in classe.
I r’pinse à sin papa,sin pépé,sin papi
Pour faire ech’ dur labeur, i n’y-ont laiché leu vie
![Page 10: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/10.jpg)
Avec deux gros yux ronds,comme ein p’tit cat poursui
I tersaute à chaque cop qu’cha buque autour ed li.
I baisse bin s’pitite tête, i va buter ses pieds,
I li faudra longtemps pour apprinte ch’métier.
![Page 11: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/11.jpg)
Et cha va ête comme cha pindant l’pu dure journée.
Quand briquet i viendra,cha n’voudra pas passer,
Sin bout’lot, ses tartines i res’tront dins s’musette
Pour sin tiot frère in hiaut,cha s’ra ch’pain d’alouette.
![Page 12: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/12.jpg)
A mitan arlavé, avec deux grosses leunettes
I traverse ch’coron, comme ein’ poute d’escampette.
Jamais autant dé s’vie,i’a aimé es maman.
Al est là qu’al attind,d’pu ch’matin in trimblant.
![Page 13: Texte: dIsaïe LAMPIN Laisser le diaporama défile seul.](https://reader034.fdocuments.net/reader034/viewer/2022051515/551d9da4497959293b8d536e/html5/thumbnails/13.jpg)
I queur én’ dernière fos,il li saute à sin cou.
Alors deux gross’é larmes i queurtent su leurs joues
Et pi tout frémichant, s’blottichant su sin cœur
I li dit calmemint, maman j’ai pas eu peur.