stoljeća učenike škola zavičajnom riječju običajima, osjećajima … 2021.pdf · 2 days...
Transcript of stoljeća učenike škola zavičajnom riječju običajima, osjećajima … 2021.pdf · 2 days...
-
Zbor malih pjesnika, festival dječje kajkavske poezije, više od
pola stoljeća okuplja u Zlataru učenike osnovnih škola koji progovaraju zavičajnom riječju o svom kraju, običajima, ljudima… i osjećajima - i o onom najljepšem – ljubavi, koja ne poznaje godine.
Dani kajkavske riječi Zlatar
-
Bruno Bračić, 1974.
IMAM TE RAD
Pital sam čera japu:
„Kak bi Janici rekel:
Imam te rad?“
Japa mi je rekel:
„Skineš škrlak i veliš:
Imam te rad!“
-
Milivoj Pavlin, 1974.
PRVI ZESTANEK
Mladi je Markec prvipot išel
na zestanek s pucom.
Doge je čakal,
z noge na nogo skakal.
Bile ga je strah
kaj bo Jalžici rekel,
gruntal si je kak bi se s tega
zestanka zvlekel.
Dok si je Markec tak zdihaval
i „kak bo zišlo?“ – premišlaval,
Jalžica je došla,
lepe se nasmejala,
Markeca pod roko prijela,
kušnula ga i rekla:
„Imam te rada!“
-
Hrvoje Šumanski, 1975.
SAME DA NI KESNE
Gda si ju pogledam,
ona počrleni.
Zakaj? To mi jasne ni.
Gda joj bliže dojdem,
se dale beži.
Zakaj? To mi jasne ni.
Gda pak mene ni,
ona za me pita.
Zakaj? To mi jasne ni.
A gda joj pak dojdem,
ne mari več za me.
Zakaj? To mi jasne ni.
Jednog dana,
ni tome tak duge,
se mi je jasne!
Joj meni, joj,
same da ni kesne?!
-
Anica Koprek, 1975.
OČEM TE
Štela sam te ščera
dok sam išla spati.
Očem te i denes
dok se idem stati.
I zutra bum te štela
makar i sreče ne imela.
Štela te bum i unda
dok bum vsemu stara.
Štela te bum navek,
jedini moj golubek.
-
Tanja Plačko, 1976.
IMAM GA RADA
Mama, zakaj si stiha,
zakaj me tak glediš?
Pa nikaj nisam kriva!
Zakaj se za me bojiš?
Vidim ti žalost vu oku
i brigu vu kutu čela.
Ista sam kak sam bila,
samo sam jako vesela.
Po senokoši smo bežali,
bila je lepša neg igdar,
kak noro je dišalo cvetje,
tak kak neje još nigdar.
Mama, naj biti žalosna!
Naj mama!
Tak sam vesela!
Za roke smo se držali.
Misliš da nisam smela?
Još v jutro smo se smejale
kak da si z menom mlada.
Mama, ne srdi se na me!
Mama, imam ga rada.
-
Davorin Brckan, 1977.
PLAVO OKO
Več dva dneva same čkomim,
mama mi veli da sem kaj Dudek,
a ja si nikak pomoči nemrem,
gruntam i gruntam, al furt sem na istom.
Se bi to nekak drukče bilo
i ja bi i vezda bil onaj stari,
da me ni fčera hudo zmotala
plava strela z jenog lepog oka.
Odonda se mi ide naopak,
čas bi se smejal, pak opet srdil.
Kam god se obrnem, se mi je plavo:
plavi oblaki i plavi škrlaki.
A z sakog vugla nekaj me luče:
Jedno plavo oko spod plavih lasi.
-
Ivanka Krajnc, 1977.
ŠTELA BI
Štela bi
da bi navek cvelo cvetje
na našim senokoššama,
da bi martuli meli sonca dosti,
štela bi
da dojdeš k meni ti
ka bi mi srce drhtalo od radosti.
Štela bi
da bi navek bilo zeleno drevje
mlado, friško, dišeče,
štela bi
da bi veter coukal veje
vesele, trepčeče.
Štela bi
da bi tak liepe bilo vse
kak si liepi ti
i naše
zeleno
Zagorje.
-
Draženka Ribić, 1979.
GDO JE MENI SRCE V SRCU NARISAL?
Gda sem denes došla z škole doma,
v moji sem torbi našla nekaj čudnoga,
nekaj narisano,
lepo napisano.
Nisem znala gdo je to napisal,
gdo je meni srce v srcu narisal.
Dogo sem mislila,
v školi sem iskala,
nemirne oči pitala:
Negdo je svoje oči sramežljivo vupral v pod,
začrlenil se v licu i okrenul se v kot.
Znala sem:
On je to napisal,
on dva srca meni narisal,
jengove su oči čudno zatreptale,
jengove su roke rahlo zadrftale.
On je pismo v torbu del,
on je mene za se štel.
-
Milica Bezek, 1980.
DA SAM
Da sam črlena roža,
vu vrt bi se sama ja dela,
ftice bi vse me gledele
jer najljepši bi miris imela.
Da sam pahuljica snega,
na okne bi tvoje opala,
srebrnu granu od inja
za poklon ja ti bi dala.
Da sam sunašce zlatne,
pozlatila bi oči tvoje
da me z njimi pogledaš
da zaigra srce moje.
-
Ljiljana Drenški, 1980.
POKLE SEM TE SENJALA
Tihe spustilo se veče.
Saki cvetek več spi,
same reka dalše teče,
a v mojih misli si ti.
Jena zvezda je pala.
Mesec za oblak štel bi se skriti.
Sova je sovu dozvala,
a v mojih misli si ti.
Stari je zvon polnoć odzvonil.
Več veter po cesti prašinu mete,
še staru jalšu je povil
a ja, ja senjam te.
-
Željka Mihalj, 1980.
KAJ JE TO LUBAF?
Lubaf neso samo kušleci
i velike stvari kaj ti nešče daruvle.
Lubaf je i to
da ti negdo posodi gumicu,
da ti kupi čokoladu,
da ti šepeče vu školi če kaj ne znaš,
da ti otpre vrata,
da ti knige pomore nesti,
da ti pol jabuke da jesti,
da ti se lepo nasmeje –
pa kaj vse to lubaf neje?
-
Darinka Krofak, 1980.
ĐAČKA LJUBAF
Saki dan kad v školu idem,
jedan mali me gledi,
pak mi stalno namigava
s črnemi očmi.
Niš mi nemoj namigavat,
znaš da mi smo deca još,
a i one tvoje pisme
hitila sem v koš.
Samo da ga mati najde,
kaj bi rekla, bog te oslobodi:
„Još nije ni žabe do vuha,
a več z dečkami hodi.“
-
Nada Rafaj, 1982.
ZAKAJ
H škole blizu njega sedim,
a strah me je bar neke mu reči,
kad me kej pita, h knjigu gledim
kak da ne čujem njeguve rieči.
Naviek od njega same mučim,
a h srcu se ipak nadam…
Ni sama ne znam zakaj ga se bojim
i zakaj tugu negda jedva svladam?
A kad spim,
po senja mi hodi.
Nu, senja se hitro prevrne
h prah.
I če me baš srce k njegovem vodi
ja nič nemrem napraviti –
jer me je strah!
-
Danica Trubelja, 1983.
OKO VIDI
Dok moje oko gledi rože zelene,
vidi i granu kaj ju veter njiše.
Dok gledi more, vidi i stiene.
Dok gledi oblake, vidi i kiše.
A dok se okrene,
vidi samo tebe
i nikaj više.
-
Sanja Đimbrek, 1986.
PUŠLEC - KUŠLEC
Kupila sam jeden pušlec
Pušlec, pušlec.
Al zgruntala i jen kušlec
Kušlec, slatki kušlec.
Dala bi ga jenem dečku.
V ruke bi mu dala pušlec,
A na obraz mali kušlec.
-
Magdalena Nikić, 1987.
NE ZNAM, ILI IPAK ZNAM
Ne znam zaka
Pustala sam taka
Zamišlena i mila
Kak nigder niesem bila.
Udjemput sam zbujena sa
Pa čak i sama ja
Ne znam ka se z menum dugaja
I sega ka se primem z rouke mi vuhaja.
A morti sam se…
Ne smem reči kaj
V škuoli se samu nekam zgledavam
I jednug malug-velikug skrivečki
pugledavam.
-
Hijacinta Ključarić, 1988.
LJUBAV NA ZIDU
V prepiknutom srcu
na zidu
z črleno farbo veliko piše:
Tief i ta se imaju rad!
Prva se ljubav
vu srcu skriva.
Ne slika se po zidu
gde ju saki lefko zbriše
i za čas drugu napiše.
-
Pučko otvoreno učilište dr. Jurja Žerjavića Zlatar
Zlatar, veljača 2021.