Shpendim Maksuti, PhD - centrum.mkcentrum.mk/wp-content/uploads/2018/07/PJESA-23.pdf · dhe i...
Transcript of Shpendim Maksuti, PhD - centrum.mkcentrum.mk/wp-content/uploads/2018/07/PJESA-23.pdf · dhe i...
C E N T R U M 9
379
Shpendim Maksuti, PhD1
UDC: 341.231.14
GJYQËSIA KUSHTETUESE KRAHASUESE DHE MBROJTJA E TË DREJTAVE DHE LIRIVE TË NJERIUT
Qasja komparative e funksioneve në Gjyqësinë kushtetuese
СПОРЕДБЕНО УСТАВНО СУДСТВО И ЗАШТИТА НА ЧОВЕКОВИТЕ ПРАВА И СЛОБОДИ
Компаративен пристап на функциите на уставното судство
COMPARATIVE CONSTITUTIONAL JUDICIARY AND PROTECTION OF HUMAN RIGHTS AND FREEDOMS
Comparative approach of functions in the Constitutional Court
Abstract
Comparative approach to functions in the constitutional judiciary,
in my professional analysis The comparative approach of functions in
the Constitutional Court and the protection of human rights and
freedoms in the constitutional comparative judiciary conclude that there
are common innovations.
It deserves in particular to elaborate the issue of a violation of a
regular court procedure, ie a violation of a regular legal procedure. In
the opinion of well known constitutionalists it would be considered that
this violation was committed if, for example, the parties were not given
1 Ligjërues part time në Fakultetin Administratë biznesi, Universiteti Shtetëror i
Tetovës
C E N T R U M 9
380
the opportunity to be defended in court proceedings; if the party was
not informed of the court hearing; if the party has not received any call
for trial; if the party's lawyer was not enabled to represent the party in
the concrete proceedings and to protect their interests. Based on the
terminology of our positive regulation, this would have been a violation
because of which the party has not been given the opportunity to declare
it before the relevant court. These are just a few of the examples on
which the constitutional norm is interpreted which is in violation of
important principles of regular court proceedings, namely the regular
legal procedure. On the basis of the above, it is emphasized that such a
definition of the Constitution does not guarantee the citizen's right to
constitutional juridical protection as a universal right which should
include all other constitutionally guaranteed rights.
Hyrje
1. Gjyqësia kushtetuese e Austrisë
Republika e Austrisë paraqitet si vend i parë në Evropë që paraqet
Gjykatën Kushtetuese si institucion të posaçëm, jashtë organeve të tjera
shtetërore, e cila gjykatë në kompetencat e saj ka mbrojtjen e kushte-
tutshmërisë dhe ligjshmërisë në vend. Por, gjyqësia kushtetuese në
Austri ka edhe historinë e saj. Ky është në fakt edhe rasti me gjyqësinë
kushtetuese në vendet tjera. Gjyqësia kushtetuese e Austrisë gjenezën e
saj e ka që nga Perandoria Austriake dhe Kushtetuta e 21.12.1867. Me
këtë Kushtetutë në Perandorinë Austriake është formuar edhe gjykata e
perandorisë. Në vitin 1919 shfuqizohet Gjykata e Perandorisë Austriake
dhe formohet Gjykata e Lartë Kushtetuese. Kjo gjykatë, krahas të
tjerave, ka pasur për kompetencë t’i vërtetojë ligjet e sjella nga
kuvendet kombëtare të provincave, edhe atë ligje para se të shpallen të
njëjtit, do të thotë, para se të hyjnë në fuqi juridike.
Në zhvillimin historik të gjyqësisë kushtetuese në veçanti meriton
të theksohet rregullativa kushtetuese nga viti 1920. Nga ky vit daton
edhe kushtetuta e re e Austrisë, autor i së cilës ishte juristi i njohur Hans
Kenzell, në atë kohë profesor i shkencave juridike dhe profesor i filozo-
fisë së të drejtës në Universitetin e Vjenës. Me Kushtetutën e përmendur
paraqitet edhe Gjykata kushtetuese dhe profesori Kenzel ishte gjykatës
në atë gjykatë nga viti 1921. Por, me paraqitjen e fashizmit në formë të
theksuar nga viti 1933, Gjykata Kushtetuese do të shfuqizohet. Me
C E N T R U M 9
381
Kushtetutën e vitit 1934 formohet Gjykata Federale, e cila gjykatë në
kompetencë të saj i kishte edhe kompetencat e gjykatës së mëparshme
kushtetuese si dhe të gjykatës administrative. Në periudhën e fashizmit,
më saktë në vitin 1938 edhe gjykata kështu e formuar do të shfuqizohet.
Pas Luftës së Dytë Botërore edhe në Republikën e Austrisë u krijuan
kushte dhe mundësi që të vazhdohet me aktivitetet për formimin e
gjyqësisë kushtetuese dhe veprimit të saj. Në Austri sillet ligj kushtetues
nga 12 tetori i vitit 1945.
Funksionimi i gjykatës kushtetuese në parim ka ngelur si në vitet
e mëparshme, edhe pse, për vullnetin e së vërtetës, lëndët që evidento-
hen dhe zgjidhen në kompetencë të Gjykatës Kushtetuese janë në
ngritje të vazhdueshme. Gjykata Kushtetuese sipas rregullave vendos
në seanca plenare. Në përbërjen e saj nuk ka seksione konkrete. Gjykata
Kushtetuese përbëhet prej 14 anëtarëve, nga kryetari, nënkryetari dhe
12 gjykatës. Gjatë vitit sipas rregullave seancat plenare mbahen gjatë
muajit mars, qershor, shtator dhe dhjetor. Një seancë plenare zgjat deri
katër javë. Në raste urgjente Gjykata Kushtetuese mund të caktojë edhe
seanca të jashtëzakonshme. Është me rëndësi të theksohet se gjykatësi
i Gjykatës Kushtetuese pas zgjedhjes së tij mbetet në funksion deri sa
të arrijë moshën 70 vjeçare.
Nga kompetencat e Gjykatës Kushtetuese të Austrisë në veçanti
meriton të theksohet edhe kompetenca për mbrojtjen e të drejtave dhe
lirive të njeriut. Kjo mbrojtje në veçanti vjen në shprehje nga viti 1975
nga i cili vit çdo individ ka pasur të drejtë të drejtohet deri te vet gjykata
me kërkesë që të kontestohet një ligj konkret federal, ndërsa me të cilin
ligj janë rrezikuar, përkatësisht janë shkelur të drejtat e qytetarëve.
Në kuadër të kësaj kompetence është me rëndësi që të theksohet
se në shumicën e rasteve Gjykata Kushtetuese vepron edhe si Gjykatë
Administrative, krahas ekzistimit të saj edhe kompetenca e saj si gjyka-
të kushtetuese. Gjykata Kushtetuese, në bazë të kërkesës konkrete i
analizon dhe i vlerëson aktet administrative me të cilat shkelen të drejtat
e qytetarëve të garantuara me kushtetutë. Kjo kompetencë quhet –
kushtetutshmëri. Lidhur me Gjykatën Administrative, në rregullativën
pozitive të Austrisë është theksuar se kjo gjykatë i zgjidh kontestet
administrative në të cilat shkelen të drejtat e individëve të parapara dhe
të garantuara me ligj. Në bazë të theksuarës rrjedh se të drejtat të cilat
janë garantuar me ligj dhe me kushtetutë kanë mbrojtje të dyfishtë. Në
fakt, të drejtat të cilat garantohen me Kushtetutë, ndërsa që shkelen me
akt administrativ i mbron Gjykata kushtetuese e Austrisë, përderisa të
C E N T R U M 9
382
drejtat të cilat janë garantuar me ligj, ndërsa të njëjtat shkelen me akt
administrativ, mbrohen nga ana e gjykatës administrative të këtij vendi.
Meriton kujdes se Gjykata Kushtetuese e Austrisë në kuadër të
kompetencës së saj bën edhe një funksion konkret, funksion të një
gjykate – të lartë të drejtësisë, gjegjësisht gjykatë e represionit. Dhe më
konkretisht, Gjykata Kushtetuese ka në kompetencë të debatojë dhe ta
vërtetojë përgjegjësinë konkrete politike ose përgjegjësinë penale
juridike të organeve të larta të vetë Federatës.
Nga korpusi i të drejtave dhe lirive të njeriut vërehet një dukuri
se çështja e mbrojtjes juridike në baza ekonomike dhe të drejtave
ekonomike sociale para Gjykatës Kushtetuese është mjaft e kufizuar.
Por edhe kjo mbrojtje është e kufizuar dhe e njëjta realizohet me
zbatimin dhe mbrojtjen juridike të një parimi të rëndësishëm, ndërsa ai
është parimi i barazisë. Me shkeljen e parimit të barazisë rritet numri i
akteve të cilët gjykata i shfuqizon, ndërsa të cilët akte, gjithashtu
paraqesin objekt, objekt të diskutimit, shqyrtimit dhe vendosjes.2 Për
kompetencat dhe për vetë procedurën para gjykatës edhe në punimin e
Dr. Jelena Trajkovska-Hristovska.3
Në këtë kontekst është me rëndësi që të theksohen disa specifika
dhe veçori të vendimeve të Gjykatës Kushtetuese. Vendimet e Gjykatës
Kushtetuese të Austrisë janë përfundimtare, të njëjtat janë të obliguara
dhe ekzekutive. Për zbatimin e vendimeve të Gjykatës Kushtetuese
është paraparë kompetenca e kryetarit federal, zbatim i të cilave kupto-
het, zbatohet përmes ministrive përkatëse dhe organeve tjera të autori-
zuara. Gjithashtu, është me rëndësi risia se vendimet e Gjykatës Kushte-
tuese janë të natyrës shfuqizuese. Në këtë kuptim, ndërsa lidhur me
periudhën kohore të veprimit të vendimeve vërehet risi e rëndësishme.
Zakonisht, vendimet e Gjykatës Kushtetuese kanë veprim nga momenti
i sjelljes së tyre - ex nunc. Shumë rrallë vendimi i Gjykatës kushtetuese
mund të ketë edhe veprim retroaktiv, ndërsa kjo do të thotë se ka veprim
në momentin kur akti konkret është sjellë, kushtetutshmëria dhe
ligjshmëria e të cilit kontestohet, ndërsa ajo do të thotë - ex tunc.4
Modeli i Gjykatës Kushtetuese nga viti 1920 me Gjykatën e këtij
vendi nga viti i njëjtë do të shërbejë dhe paraqet një model i cili do të
2 Për të theksuarën më gjerësisht në veprën e Kristaq Traja, Drejtësia kushtetuese,
Laurasi, Tiranë, 2000, f. 187-196. 3 „Уставно судската контрола на уставноста и законитоста“, Disertacion
doktorature, Fakulteti juridik Justinian i I - Shkup, 2013 4 Për të theksuarën, Dr. Vesella Mukoska-Çingo, vepër e cituar, f. 276 – 277 dhe f. 284.
C E N T R U M 9
383
pranohet në një pjesë të mirë të sistemeve kushtetuese në Evropë.
Përndryshe le të theksohet edhe këtu, Gjykata e Austrisë nga viti 1920
është e njohur dhe Kushtetutë e Kelzenit, sepse i njëjti është i punuar
dhe i artikuluar në bazë të ndikimit të autorit në veprën “teoria e pastër
e të drejtës”.5
2. Gjyqësia kushtetuese e Shqipërisë dhe të drejtat e njeriut
Kur bëhet fjalë për mbrojtjen e të drejtave dhe lirive të njeriut nga
aspekti i gjyqësisë kushtetuese dhe kompetencave të saj, që në fillim
dua të theksoj se gjyqësia kushtetuese e Republikës së Shqipërisë nuk
paraqiste organ karakteristik për mbrojtjen e të drejtave të njeriut. Por,
në listën e gjykatave kushtetuese në disa vende të caktuara përfshihet
edhe gjyqësia kushtetuese e Shqipërisë edhe atë nga arsyet si vijojnë.
Në Republikën e Shqipërisë nuk kishte mbrojtje juridike të të
drejtave dhe lirive të njeriut pothuajse në tërë periudhën socialiste. Në
këtë periudhë, bëhet fjalë për periudhën e socializmit në Republikën e
Shqipërisë dhe nuk ekzistonte gjyqësi kushtetuese. Kontrolli i ligjsh-
mërisë në mënyrë juridike formale ushtrohej nga organi i posaçëm
politik në kuadër të parlamentit të Republikës së Shqipërisë. Më saktë,
kontrolli për harmonizimin e ligjeve me Kushtetutën e Republikës së
Shqipërisë, si akt më i lartë juridik ushtrohej nga Presidiumi i Kuvendit
Popullor. Për vullnetin e së vërtetës, ndërsa sipas të dhënave me të cilat
disponohet, në atë periudhë edhe nuk ka pasur kontroll konkret për
ligjshmërinë dhe kushtetutshmërinë. Me fjalë të tjera, dukuria e këtillë
ishte edhe në vendet tjera socialiste. Dukuria e këtillë më gjerësisht
ishte elaboruar edhe në sistemin e ish-RFPJ gjegjësisht në sistemin e
ish-Republikës Popullore të Maqedonisë.
Me rënien e realsocializmit edhe në Republikën e Shqipërisë
fillon etapa e re e zhvillimit të marrëdhënieve shoqërore. Në këtë kup-
tim paraqitet etapa e re edhe e zhvillimit të gjyqësisë kushtetuese. Si në
vendet e tjera ashtu edhe në Republikën e Shqipërisë me aktet e para
juridike të sjella pas vitit 1990 rregullohet edhe çështja e gjyqësisë
kushtetuese ndaj modelit të gjyqësisë kushtetuese të Austrisë dhe
krijuesit ideor, juristit të njohur Hans Kelzen. Në këtë kuptim edhe në
këtë drejtim në Republikën e Shqipërisë në vitin 1991 sillet ligj
5 Për autorin e Kushtetutës së Austrisë nga viti 1920, përkatësisht për rolin e Hans
Kelzen, më gjerësisht edhe në veprën e Svetomir Shkariq, “Споредбено и
македонско уставно право”, vepër e cituar, f. 255.
C E N T R U M 9
384
kushtetues. Me propozim të ligjit kushtetues, ndërsa kur bëhet fjalë për
gjyqësi kushtetuese, parashihet që të formohet edhe një organ i posaçëm
i cili do të ketë kompetencë, krahas të tjerave, edhe të vlejë kontrolli i
kushtetutshmërisë dhe ligjshmërisë. Organi quhej, në propozim Ligj
kushtetues, Këshill kushtetues.6
Megjithatë, shumica e vendimeve të propozuara në Ligjin kushte-
tues nuk ishin pranuar nga parlamenti. Vijoi që të bëhet intervenimi
thelbësor dhe esencial në Ligjin kushtetues. Intervenim i tillë u bë në
vitin 1992 kur me zgjidhjet e tij për herë të parë u formua gjyqësia
kushtetuese në këtë vend. Krijohet institucioni Gjykata Kushtetuese.
Vërehet një risi e rëndësishme në ligjin kushtetues nga viti 1992. Në
fakt, krahas kompetencave të tjera institucioni Gjykatë Kushtetuese, si
institucion i rëndësishëm dhe kyç në gjyqësinë kushtetuese, i kishte
kompetencat edhe në sferën e të drejtave dhe lirive të njeriut. Me dispo-
zita konkrete kushtetuese dhe me vendimet e tij është propozuar Gjy-
kata kushtetuese të veprojë ndaj ankesave të aplikuesve në procedurën
e gjyqësisë kushtetuese, ndërsa për shkeljet e të drejtave dhe lirive të
njeriut.7 Dispozitat e ligjit kushtetues të propozuara dhe të miratuara në
kuptimin e theksuar edhe nuk u aplikuan deri në vitin 1998 kur u soll
edhe Kushtetuta e parë e Republikës së Shqipërisë në periudhën e
tranzicionit.
Meriton të theksohen një pjesë e vendimeve kushtetuese të Kush-
tetutës së Shqipërisë, i sjellë në vitin 1998. Ndalemi vetëm në vendimet
për gjyqësinë kushtetuese, kompetencat e saj me qasje të veçantë në të
drejtat dhe liritë e njeriut dhe mbrojtjen e tyre kushtetuese-gjyqësore.
Në teorinë e të drejtës kushtetuese të Republikës së Shqipërisë thekso-
het se në Kushtetutën e re, më saktë, në Kushtetutën e Republikës së
Shqipërisë të vitit 1998, munguan dispozitat e ligjit kushtetues të vitit
1992. Bëhet fjalë për dispozitat për mbrojtjen e të drejtave dhe lirive të
njeriut me mjet konkret juridik para Gjykatës Kushtetuese. Ajo ka
ngelur, siç theksohet në teorinë e të drejtës kushtetuese nga “arsye
politike”.8 6 Për këshillin kushtetues dhe rregullativën e këtij organi të vitit 1991 më gjerësisht në
veprën e Luan Omari dhe Aurela Anastasi, E drejta kushtetuese, Tiranë, 2008, f. 382. 7 Për vendimet e Ligjit kushtetues nga viti 1992 në veprën e Luan Omari dhe Aurela
Anastasi, vepër e cituar, f. 382. Vërehet se me vendimet nga Ligji kushtetues nga viti
1992 parashihej mundësia për përdorimin e ankesës kushtetuese në procedurën
kushtetuese-gjyqësore për mbrojtjen e të drejtave dhe lirive të njeriut. 8 Për arsye politike dispozitat e Ligjit kushtetues nga viti 1992 për përdorimin e
ankesës kushtetuese nuk ishin inkorporuar në Kushtetutën e parë të sjellë në periudhën
C E N T R U M 9
385
Megjithatë, sërish me Kushtetutën e Republikës së Shqipërisë ka
vendime të caktuara të cilat ofrojnë garanci edhe për mbrojtjen e të
drejtave dhe lirive të njeriut para Gjykatës Kushtetuese. Para se të
shprehem për vendimet konkrete lidhur me rregullimin juridik të
mbrojtjes së të drejtave dhe lirive të njeriut para Gjykatës Kushtetuese,
është me rëndësi të theksohen disa risi për gjyqësinë kushtetuese më
saktë për Gjykatën Kushtetuese si institucion i posaçëm. Kushtetuta e
Republikës së Shqipërisë përmban risi të rëndësishme për pozitën, zgje-
dhjen dhe kompetencat e Gjykatës kushtetuese. Lidhur me strukturën,
më saktë përbërjen e Gjykatës Kushtetuese theksohet se ky institucion
numëron 9 anëtarë. Gjykatësit e Gjykatës Kushtetuese i zgjedh kryetari
i republikës në bazë të pëlqimit të marrë nga parlamenti. Mandati i tyre
zgjat 9 vjet pa të drejtë për zgjedhje të sërishme. Theksohet risia se
përbërja e Gjykatës Kushtetuese ripërtërihet çdo tre vjet me nga 1/3 e
anëtarëve të saj.
Gjykata kushtetuese ka kryetar. I njëjti zgjidhet nga radhët e
gjykatësve, ndërsa e zgjedh kryetari i shtetit në bazë të pëlqimit të
parlamenti për periudhë prej 3 vjet. Bie në sy se nuk ka dispozitë
kushtetuese me të cilën kufizohet mandati i kryetarit të gjykatës të mos
zgjidhet sërish në funksionin e njëjtë. Lidhur me ndërprerjen e mandatit
të gjykatësit të Gjykatës Kushtetuese, Kushtetuta e këtij vendi është
kategorike kur i thekson çështjet, ndërsa do të thotë se mandati
gjykatësit të Gjykatës Kushtetuese i ndërpritet në rast dorëheqje; kur do
të arrijë moshën 70-vjeçare; nëse mungon pa arsye nga puna më shumë
se 6 muaj; nëse vërtetohet paaftësia e tij e përhershme për ushtrimin e
funksionit të gjykatësit, nëse gjykohet për vepër konkrete penale me
vendim të plotfuqishëm gjyqësor. Kandidati i zgjedhur për gjykatës të
Gjykatës Kushtetuese fillon me punë pas dhënies së betimit para
kryetarit të republikës.
Kompetencat e Gjykatës kushtetuese në mënyrë taksative janë
theksuar në vetë Kushtetutën. Nga kompetencat theksohen kompetencat
si vijon. E vlerëson pëlqimin e ligjeve me Kushtetutën e vendit si dhe
me marrëveshjet ndërkombëtare të parapara në vet kushtetutën; e
vlerëson pëlqimin e marrëveshjeve ndërkombëtare me Kushtetutë para
se të bëhet ratifikimi i tyre me ligj; e vlerëson pëlqimin e akteve tjera
normative të organeve të pushtetit qendror si dhe të organeve të
e tranzicionit në Republikën e Shqipërisë. Kushtetuta është miratuar me referendum
të mbajtur në vitin 1998. Për të theksuarën edhe në veprën e Kristaq Traja, vepër e
cituar, f. 254-255.
C E N T R U M 9
386
pushtetit lokal me Kushtetutë dhe me marrëveshjet ndërkombëtare;
vendos për konfliktin e kompetencës ndërmjet organeve në horizontale
dhe vertikale; e vlerëson edhe kushtetutshmërinë e partive dhe të
organizatave tjera politike dhe asociacioneve, si dhe veprimtarinë e tyre
ndaj dispozitave të Kushtetutës; vendos për shkarkimin e kryetarit të
shtetit si dhe e vërteton paaftësinë e tij, gjegjësisht pamundësinë e tij që
ta ushtrojë funksionin. Vendos në harmonizimin e ushtrimit të
funksioneve të kryetarit të shtetit dhe të deputetëve në parlament si dhe
për verifikimin e zgjedhjes së tyre; vendos për kushtetutshmërinë e
referendumit të zbatuar dhe për verifikimin e rezultateve të tij.
Ajo që është me rëndësi, ndërsa që i përket çështjes së mbrojtjes
së të drejtave dhe lirive të njeriut vërehet edhe një risi. Në fakt, Gjykata
Kushtetuese vendos në bazë të ankesave të parashtruara nga aplikuesit,
ndërsa lidhur me shkeljen e të drejtave të tyre kushtetuese në rastet kur
shkelen parimet e përgjithshme të procedurës së rregullt gjyqësore
(procedura e rregullt ligjore) e zbatuar në gjykata të kompetencave të
përgjithshme dhe në rastet e shfrytëzimit të të gjitha mjeteve juridike
për mbrojtjen e tyre. Lidhur me këtë parim dhe lidhur me këtë dispozitë
në teorinë e të drejtës kushtetuese, ndërsa edhe në bazë të përcaktimit
të vet Kushtetutës, paraqiten vërejtje serioze. Vërejtja e parë i përket
vetë risisë së paraparë në Kushtetutë, ndërsa në fakt, se ankesa indivi-
duale mund të parashtrohet nëse paraqiten shkelje në “procedurën e
rregullt gjyqësore, përkatësisht procedurën e rregullt ligjore”. Menjëhe-
rë parashtrohet pyetja në procedurën e këtillë të rregullt ligjore mendo-
het edhe çfarë shkelje janë në pyetje. Cilat janë ato shkelje të cilat duhet
të paraqesin bazë ligjore për parashtrimin e ankesës individuale para
Gjykatës Kushtetuese. Kjo dispozitë është joprecize, e pa mbaruar dhe
mjaft konfuze. Me interpretimin e kësaj dispozite në shkencën kushte-
tuese juridike bëhet përpjekje kjo dispozitë të zbatohet në raste konkre-
te. Në bazë të interpretimit të kësaj dispozite rrjedh si konsekuencë
juridike se e njëjta mundëson të parashtrohet ankesa individuale deri te
Gjykata Kushtetuese në kushtet vijuese: së pari, në duhet të jetë në
pyetje e drejta konkrete kushtetuese e garantuar me kushtetutë; së dyti,
për këtë çështje të ketë procedurë pranë gjykatave të rregullta të vendit;
së treti, që të mund të parashtrohet ankesa individuale para Gjykatës
Kushtetuese duhet të shfrytëzohen të gjitha mjetet e parapara dhe të
lejuara juridike dhe mjetet juridike në procedurën gjyqësore, ndërsa për
mbrojtjen juridike të Kushtetutës të drejtat e garantuara të qytetarit.
C E N T R U M 9
387
Meriton në veçanti të elaborohet çështja e shkeljes së procedurës
së rregullt gjyqësore, gjegjësisht shkelja e procedurës së rregullt ligjore.
Sipas mendimit të konstitucionalistëve të njohur do të konsiderohej se
kjo shkelje është bërë nëse, për shembull, palëve nuk ju është dhënë
mundësi të mbrohen në procedurën gjyqësore; nëse pala nuk ka qenë e
informuar për seancën gjyqësore; nëse pala aspak nuk ka marrë thirrje
për seancë gjyqësore; nëse avokatit të palës nuk i është mundësuar ta
përfaqësojë palën në procedurën konkrete dhe t’i mbrojë interesat e saj.
Nisur sipas terminologjisë së rregullativës sonë pozitive kjo do të
thoshte dhe do t’i përkiste shkeljes për shkak të së cilës palës aspak nuk
i është dhënë mundësi të deklarohet para gjykatës përkatëse. Këto janë
vetëm disa nga shembujt në bazë të të cilëve interpretohet norma kush-
tetuese e cila i përket shkeljes së parimeve të rëndësishme të procedurës
së rregullt gjyqësore përkatësisht procedurës së rregullt ligjore. Në bazë
të theksuarës, me bazë theksohet se një përcaktim i tillë i Kushtetutës
nuk e garanton të drejtën e qytetarit në mbrojtjen kushtetuese juridike
si e drejtë universale e cila duhet t’i përfshijë të gjitha të drejtat tjera të
garantuara me kushtetutë. Përkundrazi, bëhet fjalë për shkelje konkrete
në procedurën gjyqësore dhe në këtë kuptim Gjykata Kushtetuese, duke
vepruar sipas ankesës së subjektit konkret, faktikisht ushtron kontroll
ndaj gjykatave me kompetenca të përgjithshme, por jo që do të vendos
për të drejtën e subjektit konkret.
Theksohet se të drejtat dhe liritë e njeriut dhe qytetarit, ndërsa në
rastet kur të njëjtit shkelen me akt administrativ, për ato ofrohet
mbrojtje para Gjykatës Kushtetuese, kjo gjë paraqet risi. Megjithatë,
edhe për mbrojtjen e tyre ka kufizim të caktuar. Për mbrojtjen e tyre
duhet të inicohet procedura dhe aplikimi nga ana e Avokatit të Popullit
të vendit. Në të gjitha rastet kur Avokati i Popullit do të parashtrojë
aplikacion për shkeljen e të drejtave dhe lirive të njeriut, Gjykata Kus-
htetuese e vendit sipas aplikimeve të këtilla vendos dhe sjell vendim
konkret. Në këtë mënyrë rrjedh se të drejtat dhe liritë e njeriut të
shkelura apo të rrezikuara me akt konkret administrativ gëzojnë
mbrojtje gjyqësore kushtetuese. Por, për shkeljen e tyre titullari konkret
i të drejtës nuk ka mundësi me aplikim të kërkojë mbrojtje kushtetuese-
gjyqësore. Theksoj se ajo do të sigurohet dhe realizohet vetëm në rastet
nëse si propozues i autorizuar, parashtrues i autorizuar i aplikacionit
paraqitet avokati i popullit të vendit.9
9 Më konkretisht në veprën e Kristaq Traja, vepër e cituar, f. 263 – 264.
C E N T R U M 9
388
3. Gjermania dhe gjyqësia kushtetuese si dhe kompetencat e
saj në mbrojtjen e të drejtave dhe lirive të njeriut
Mbrojtja gjyqësore kushtetuese e të drejtave dhe lirive të njeriut
është në veçanti e rregulluar në Republikën Federale të Gjermanisë.
Bëhet fjalë për një mbrojtje të plotë, më përkatëse dhe më të komple-
tuar. Risitë për mbrojtjen kushtetuese-gjyqësore i përmban Kushtetuta
e këtij vendi të sjellë në vitin e largët 1949. Në bazë të Kushtetutës është
sjellë edhe Ligji për Gjykatën Federale Kushtetuese të vitit 1951 i cili
disa herë dhe në pjesë konkrete është plotësuar dhe ndryshuar. Me risitë
e Kushtetutës në Gjermani formohet edhe organi i posaçëm për mbrojt-
jen e kushtetutshmërisë dhe ligjshmërisë, ndërsa ajo është Gjykata
Federale Kushtetuese. Formimi i organit të posaçëm për mbrojtjen e
kushtetutshmërisë dhe ligjshmërisë është rezultat i përcaktimit kush-
tetues për ndarjen e pushtetit në legjislativ, ekzekutiv dhe gjyqësor.
Megjithatë menjëherë duhet të theksohet, kur bëhet fjalë për ndarjen e
pushtetit, se ndarja e tillë nuk do të thotë ndarje pa kurrfarë pika të
përbashkëta. Përkundrazi, siç theksohet në teorinë kushtetuese-juridike
ndërmjet tre pushteteve të theksuara ekziston bashkëpunim i harmoni-
zuar. Në pajtim me kushtetutën, krahas Gjykatës Federale Kushtetuese
ekzistojnë edhe gjykata të ashtuquajtura kushtetuese të çdo vendi në
përbërje të Republikës së Gjermanisë.
Gjykata Federale Kushtetuese përbëhet prej dy seksioneve më
saktë dy senateve. Me risitë e Kushtetutës së vitit 1949 çdo senat numë-
ronte nga 12 gjykatës. Me ndryshimet e bëra në vitin 1956 numri i
gjykatësve për çdo senat binte në nga 10 gjykatës dhe më pas me ndry-
shimet e bëra në vitin 1963 çdo senat numëron nga 8 gjykatës. Meriton
kujdes zgjedhja dhe kushtet për zgjedhje të gjykatësve të Gjykatës
Federale Kushtetuese. Gjysmën e numrit të përgjithshëm të gjykatësve
i zgjedh Kuvendi federal (Bundestagu), përmes komisionit të formuar
të posaçëm të saj dhe gjysmën tjetër e zgjedh qeveria federale (bundes-
trat). Kandidatët e zgjedhur për gjykatës nuk mund të jenë më të rinj se
40 vjeç. Gjykata Federale Kushtetuese ka kryetar dhe nënkryetar dhe të
njëjtit një pas një zgjedhen nga kuvendi federal gjegjësisht qeveria
federale. Është me rëndësi të theksohet se në numrin e përgjithshëm të
gjykatësve të zgjedhur për në të dy senatet, nga tre prej tyre zgjedhen
nga gjykatat supreme të Republikës Federale të Gjermanisë, ndërsa ato
janë gjykata federale; Gjykata Federale Administrative; Gjykata
Federale Financiare; Gjykata Federale për Punë dhe Gjykata Federale
C E N T R U M 9
389
për Çështje Speciale. Mandati i gjykatësve është 12 vjet pa të drejtë për
rizgjedhje. Gjatë kohës së ushtrimit të detyrës gjyqësore, gjykatësve të
zgjedhur nuk u është e lejuar të ushtrojnë detyrë, profesion apo funksion
tjetër politik. Parashihet përjashtim se të njëjtit mund të jenë profesorë
në shkolla të larta përkatësisht në ndonjë nga universitetet në Gjermani.
Gjykatësit të Gjykatës Kushtetuese funksioni i ndërpritet kur do të arrijë
moshën 68-vjeçare; nëse vërtetohet paaftësia e tij e qëndrueshme për
ushtrimin e detyrës së gjykatësit, nëse gjykohet për vepër penale dhe
nëse tërhiqet. Si arsye e posaçme për ndërprerjen e funksionit është
edhe sjellja e gjykatësit kur ai me sjelljen e tij në mënyrë të rreptë e
shkel dinjitetin e gjykatësit të Gjykatës Kushtetuese dhe të vetë
Gjykatës Kushtetuese.
Gjykata Kushtetuese e Gjermanisë ka kompetenca të gjera. Të
gjitha çështjet për të cilat ai vendos dhe sjell vendim konkret grupohen
në 5 sfera, ndërsa ato: janë çështje nga kompetencat e tij që i përkasin
kontesteve kushtetuese ndërmjet organeve; kontestet të cilat i përkasin
kontrollit të akteve, kontesteve me rastin e ankesës kushtetuese të
parashtruara nga qytetarët dhe subjektet tjera të autorizuara; kontestet
të cilat i përkasin vendimeve për braktisjen e partive politike. Në
kompetencë të Gjykatës Kushtetuese janë edhe kontestet në procedurat
e ashtuquajtura të posaçme.
Nga aspekti i temës që elaborohet në këtë punim, ndërsa që bëhet
fjalë për mbrojtjen gjyqësore kushtetuese e të drejtave dhe lirive të
njeriut, është e rëndësishme kompetenca e Gjykatës Kushtetuese në
rastet kur i njëjti vepron sipas ankesave kushtetuese. Siç theksohet në
punim, një nga kompetencat e rëndësishme të Gjykatës Kushtetuese të
Gjermanisë është mbrojtja gjyqësore kushtetuese e të drejtave dhe lirive
të njeriut. Procedura pranë Gjykatës Kushtetuese inicohet me ankesë
kushtetuese gjegjësisht padi kushtetuese. Do të thotë bëhet fjalë për
mjet konkret juridik që është paraparë me rregullativën pozitive dhe me
të cilën kërkohet mbrojtje kushtetuese-gjyqësore. Padia kushtetuese
parashtrohet kundër akteve të pushtetit publik dhe me të cilat akte
shkelen të drejtat themelore të njeriut dhe qytetarit. Me parashtrimin e
padisë kushtetuese, parashtruesi është i obliguar t’i dorëzojë edhe
vërtetimet se bëhet fjalë për veprim dhe akt të pushtetit publik dhe se
me veprimin e tillë është shkelur e drejta konkrete themelore. Të drejtat
themelore në mënyrë taksative janë theksuar në vet kushtetutën. Thek-
sojnë se mbrojtje më përkatëse kushtetuese gjyqësore ofron Kushtetuta
(ligji themelor) e Gjermanisë. Në vend të ankesës kushtetuese mund të
C E N T R U M 9
390
parashtrohet për shkelje të të drejtave themelore si dhe për shkelje të
atyre të drejtave të cilat barazohen me të drejtat themelore. Përcaktim i
tillë rrjedh nga dispozitat e Ligjit të Gjykatës Federale Kushtetuese, të
sjellë në vitin 1951. Deri tani disa herë është ndryshuar dhe plotësuar.10
Lidhur me subjektet të cilat kanë të drejtë parashtrimi të padisë
kushtetuese, theksohet se e drejtë e tillë i përket çdo personi fizik, çdo
personi juridik. E drejtë e tillë i takon edhe vet shtetit si person juridik.11
Sa i përket akteve me të cilat shkelen të drejtat themelore, këto
akte mund të jenë: akte administrative; vendime gjyqësore; aktet ligjore
dhe nënligjore. Është me rëndësi të theksohet se Gjykata kushtetuese
gjatë zgjidhjes së padisë konkrete kushtetuese nuk e analizon saktësinë
e gjendjes faktike. Gjithashtu nuk e vërteton edhe saktësinë e pohimeve
në aktet e organeve konkrete shtetërore dhe as nuk nënshtrohet në
interpretimin e rregullt dhe jo të rregullt të ligjit nga ana e organeve
shtetërore. Në këtë kuptim, me të drejtë theksohet se Gjykata Kushte-
tuese nuk paraqet “gjykatë super revizore”. Gjykata Kushtetuese, duke
vepruar sipas padisë kushtetuese ka obligim të vërtetojë edhe në atë
aspekt të analizojë a është shkelur e drejta themelore e individit në
procedurën konkrete. Kështu për shembull nëse sulmohet vendimi
gjyqësor gjykata do të vërtetojë se nga ana e gjykatës në kompetencën
gjyqësore a është vepruar sipas masave juridike dhe mjeteve juridike të
cilat janë në kundërshtim me të drejtat themelore të njeriut dhe qytetarit.
Është me rëndësi të theksohet edhe çështja e afateve për parashtri-
min e padisë kushtetuese. Në rastet kur parashtrohet padia kushtetuese
kundër vendimeve gjyqësore ose akteve administrative me të cilat
shkelen të drejtat themelore të njeriut, afati është një muaj nga dita e
sjelljes së këtyre akteve. Në rastet kur parashtrohet padia kushtetuese
kundër ligjit konkret, për të cilin konsiderohet se është kundër-
kushtetues dhe me të cilin ligj dhe me dispozitat e tij shkelen të drejtat
themelore, afati për parashtrimin e padisë kushtetuese është 1 vjet nga
dita e hyrjes së tij në fuqi juridike.
10 Për të theksuarën, Dr. Dimitrije Kuliq, Уставно судство во светот, Beograd, viti
1982, f. 118-119.
Në këtë kuptim edhe dispozitat nga neni 33, 38, 101, 103 dhe 104 nga Kushtetuta
federale e Gjermanisë. 11 Për subjektet të cilat kanë të drejtë të padisë kushtetuese para Kushtetutës Federale
të Gjermanisë më konkretisht në veprën e prof. dr. Dimitrije Kuliq, vepër e cituar, f.
129-130.
C E N T R U M 9
391
Vendimet e Gjykatës Kushtetuese, me rastin e padive kushtetuese
për mbrojtjen e të drejtave themelore janë të njohura. Vendimi mund të
jetë negativ për parashtruesin nëse gjykata vërteton se kontestimi nuk
është i bazuar. Në rastet kur vërtetohet se janë tejkaluar të gjitha rregu-
llat në rrugë të rregullt juridike, Gjykata Kushtetuese me vendim kon-
kret do t’i ndërpresë vendimet e tilla, qofshin gjyqësore, përkatësisht
administrative. Në rastet kur gjykata do të vërtetojë se ligji konkret
është në kundërshtim me kushtetutën, ndërsa me zbatimin e tij janë
shkelur të drejtat themelore, gjithashtu gjykata do të sjellë vendim për
ndërprerjen e tij.
Në kontekst të mbrojtjes së të drejtave dhe lirive të njeriut nga ana
e Gjykatës Kushtetuese, është me rëndësi të theksohen edhe risitë rreth
vet procedurës dhe punës së Gjykatës Kushtetuese. Procedura para
Gjykatës Kushtetuese çdoherë ngrihet në bazë të propozimit konkret të
parashtruar nga propozuesi i autorizuar. Gjykata vendimet i sjellë me
shumicë të anëtarëve të pranishëm në seancë. Kuptohet, për vendime
konkrete kërkohet edhe shumicë tjetër, shumicë e kualifikuar, përka-
tësisht dy të tretat e shumicës nga numri i përgjithshëm i anëtarëve të
gjykatës. Në rastet kur për vendim konkret votohet me numër të bara-
bartë të votave “për” dhe “kundër”, konsiderohet se vendimi nuk është
sjellë. Vota e kryetarit të gjykatës nuk ka përparësi. Gjykata vendos me
aktgjykim. Vendimet e Gjykatës Kushtetuese shpallen në “Gazetën
zyrtare” të shtetit. Shpallen edhe mendimet e veçanta të pakicës së
anëtarëve - gjykatësve në gjykatë. Deri në vitin 1970 mendimi i veçantë
nuk publikohej. Tani kjo gjë praktikohet. Vendimi i gjykatës ka veprim
të ligjit. Vendosje meritore për padi konkrete kushtetuese ose propozim
konkret, i paraprin procedura paraprake në të cilën procedurë ankesa
mund të refuzohet. Ankesa do të jetë e refuzuar në rastet: nëse ankesa
është jo në rregull; nëse është përpiluar edhe përmbajtja e saj është në
kundërshtim me rregullativën pozitive, nëse propozimet nuk janë të
arsyetuara, nëse ankesa nuk është bazuar. Në procedurën paraprake
vendos komisioni prej tre anëtarëve. Gjykata vendimet i sjellë në seancë
plenare. Publiku është i përjashtuar. Palët në mënyrë obliguese duhet të
jenë të përfaqësuar nga ana e avokatit. Profesori i universiteti mund të
jetë përfaqësues i palës në procedurë gjyqësore. Është e rëndësishme
risia e cila i përket dokumenteve të propozuara si provë. Gjegjësisht,
për dokumente konkrete gjykata mund të vendosë të mos grumbullohen
dhe të mos nxirren si provë nëse ajo nuk “përputhet me parimet e
sigurisë së vendit”.
C E N T R U M 9
392
Kur bëhet fjalë për procedurë gjyqësore dhe vendosje sipas padisë
kushtetuese për mbrojtje të të drejtave të njeriut, është esenciale të
theksohet se Gjykata Kushtetuese për ankesën e tillë do të veprojë nëse
janë shfrytëzuar të gjitha mjetet juridike në mënyrë të rregullt, gjegjë-
sisht në procedurë të rregull gjyqësore, përkatësisht administrative. Nga
rregulli i këtillë parashihen përjashtime kur gjykata mund të vendosë
edhe para se të jenë shfrytëzuar mjetet në procedurë para organeve të
tjera. Ky do të ishte rasti nëse bëhet fjalë për shkelje nga “rëndësia e
përgjithshme”, nëse parashtruesit të padisë i kanoset rrezik t’i shkak-
tohet dëm i pakompensueshëm dhe në rast kur në procedurën e rregullt
janë paraparë mjete jo të përshtatshme juridike për mbrojtjen e të drejtës
së shkelur.12
Në procedurën para Gjykatës Administrative, gjykata në raste
konkrete dhe në bazë të kushteve të plotësuara konkrete mund të sjellë
edhe masë të përkohshme. Kundër masave të përkohshme mund të
protestojë. Masat e përkohshme kanë veprim të kufizuar deri 3 muaj.
Qëllimi i masave të përkohshme, ndërsa në rastet kur të njëjtat i miraton
Gjykata Kushtetuese, është që të pengohet dëmi i pakompensueshëm
gjegjësisht të pengohet veprimi i organeve me vendimet e të cilit
shkaktohet dënimi në “vlerave më të mëdha” gjegjësisht shkaktohet
prishje më serioze e marrëdhënieve në shtet.
Në bazë të theksuarës qartë rrjedh se Gjykata Federale Kushte-
tuese në Republikën Federale të Gjermanisë paraqet një gjykatë me
autoritet të madh. Paraqet gjykatë me kompetenca të rëndësishme për
dallim nga gjykatat tjera kushtetuese të më tepër vendeve të Evropës.
Ndikimi i saj në rendin juridik në veçanti vërehet përmes konceptit të
të drejtave themelore për të cilat konsiderohen se paraqesin jo vetëm të
drejta konkrete subjektive për titullarët e tyre, por të drejtat themelore
kualifikohen edhe vlerësohen si element mjaft të rëndësishëm objektiv
të gjithë rendit juridik të vendit. Në teorinë e gjyqësisë kushtetuese sot
konsiderohet se Gjykata Federale Kushtetuese e Gjermanisë ofron
mbrojtje më përkatëse dhe më institucionale-gjyqësore për të drejtat dhe
liritë e njeriut.
12 Përjashtimet e ngritjes së procedurës pranë Gjykatës kushtetuese për mbrojtjen e të
drejtave dhe lirive të njeriut, ndërsa para se të përfundojë paraprakisht procedura pranë
gjyqësisë së rregullt, në veçanti elaborohen në veprën e prof.dr. Dimitrije Kuliq, vepër
e cituar, f. 130 dhe 140-141, si dhe në veprën e Kristaq Traja, vepër e cituar, f. 204.
C E N T R U M 9
393
Conclusion
In this text, as is the title of the topic itself, it is about the consti-
tutional comparative judiciary and protection of human rights and
freedoms, the Republic of Austria is presented as the first country in
Europe to present the constitutional court as a special institution outside
the other organs of the state, while the court in its competencies has the
protection of constitutionality and legality in the country. But the
constitutional judiciary in Austria also has its own history. This is in
fact the case with constitutional judgments in other countries.
With the fall of real socialism, the new stage of the development
of social relations begins in the Republic of Albania as well. In this
sense, a new stage of constitutional justice is also presented. Both in
other countries and in the Republic of Albania with the first legal acts
brought after 1990, the issue of the constitutional judiciary is also
regulated by the model of the constitutional judiciary of Austria and the
conceptual creator, the well-known lawyer Hans Kelzen. In this sense,
in 1991, a constitutional law was passed in the Republic of Albania.
The constitutional judicial protection of human rights and fre-
edoms is particularly regulated in the Republic of Germany. It is about
a complete, more appropriate, and complete protection. The novelties
for constitutional-judgements protection are contained in the constitu-
tion of this country brought in the distant 1949. According to the
Constitution, the Law on the 1951 Constitutional Federal Court was
also introduced, which several times and in concrete parts has been
supplemented and amended. With the Constitution's novel in Germany,
a special body for the protection of constitutionality and legality is
formed, while it is the constitutional federal court.
It may be noted that in constitutional judiciary theory today it is
considered that constitutional courts provide more appropriate and
institutional-judicial protection for human rights and freedoms.
Bibliography
1.Omari, Luan: "State of Law" (Правна држава), Tirana, 2002.
2.Omar, Luan i Anastasi, Aurela: "Constitutional Law" (Уставно
право), Tirana, 2008.
3.Traja, Kristaq: "Constitutional Justice" (Уставно судство),
Tirana, 2000.
C E N T R U M 9
394
4.Sokol S. "About Concept and Types of Assembly Govern-
ment", Xbornik Pravnog Fakulte u Zagrebu, 1976/3.
5.Sokol Smiljko, Smerdel Branko, "Organization of Power -
Political Ideas, Constitutional Models, Reality", Zagreb, 1988
6.Sokol. S. "The Constitutional Characteristics of the Contempo-
rary French Political System", Political Thought, Zagreb, No.4 / 1971.
7.Sruk, Josip "Constitutional Order of SFRJ", Zagreb, 1982.
8.Shkaric, Svetomir: "Macedonia on all continents (peace-
democracy-geopolitics)", Skopje, 2000.
9.Shkaric, Svetomir: "Comparative and Macedonian Constitu-
tional Law", Skopje, 2004.
10.Shkaric, Svetomir: "Constitutional Law", "Matica", Skopje, 2006.
11.Shkaric, Svetomir r: "Constitutional Law", Skopje, 2015
12.Siljanovska-Davkova, Gordana and Vladimir Mitkov. "Local
Self-Government", MAGOR, Skopje, 2004.
13.Maksuti Shpendim Doctoral Thesis, 2017
Legislation and international acts
1.The constitution of the Republic of Austria year 1920
2.The constitution of the Republic of Albania year 1998
3..Federal constitution of Germany year 1949
4.The law on the constitutional court year 1951, Germany
5.Constitutional law from the year 1992, Albania