Republika e Kosovës

Republika Kosova-Republic of Kosovo

Qeveria - Vlada - Government

Ministria e Administratës Publike

Ministarstvo Javne Administracije – Ministry of Public Administration

Raporti Vjetor Për 2017

Progresi i zbatimit të Strategjisë për Modernizimin e

Administratës Publike 2015-2020

mars 2017

PËRMBAJTJA

Shkurtesat31.Përmbledhje Ekzekutive4Hyrje7Progresi i Përgjithshëm i Zbatimit të Strategjisë82. Shërbimi Civil- Menaxhimi i Burimeve Njerëzore10Progresi në Aktivitete11Progresi në Kuadër të Indikatorëve153.Procedurat Administrative dhe Ofrimi i Shërbimeve Publike Administrative21Progresi në Aktivitete22Progresi në Kuadër të Indikatorëve274.Organizimi i Administratës Publike dhe Llogaridhënia33Progresi në Aktivitete34Progresi në Kudër të Indikatorëve365.Sfidat Kryesore dhe Hapat Prioritarë në Zbatimin e Strategjisë për 2018396.Rekomandimet41

Shkurtesat

ASHI Agjencia për Shoqërinë e Informacionit

ASK Agjencioni i Statistikave të Kosovës

DASHC Departamenti për Administrimin e Shërbimit Civil

DMRAPIE Departamenti për Reformën e Administratës Publike dhe Integrime Evropiane

IKAP Instituti i Kosovës për Administratë Publike

IRK Institucionet e Republikës së Kosovës

MAP Ministria e Administratës Publike

MTI Ministria e Tregtisë dhe Industrisë

MF Ministria e Financave

RAPReforma e Administratës Publike

SIMBNJ Sistemi Informativ i Menaxhimit të Burimeve Njerëzore

SMAP Strategjia për Modernizimin e Administratës Publike

SHCKShërbimi Civil i Kosovës

1. Përmbledhje Ekzekutive

Ky raport i përmbledh dhe paraqet në mënyrë të detajizuar arritjet e objektivave dhe progresin në kuadër të aktiviteteve të Strategjisë për Modernizimin e Administratës Publike 2015-2020 (SMAP), i cili ka për qëllim të evidentojë përparimin e zbatimit të Strategjisë gjatë vitit 2017. Në kuadër të kësaj, Departamenti për Menaxhimin e Reformës në Administratën Publike (DMRAP), obligohet të përgatisë raporte të rregullta vjetore të vlerësimit të progresit dhe t’i paraqesë ato në formën e raportit vjetor të monitorimit të zbatimit të Strategjisë për Modernizimin e Administratës Publike 2015-2020 (SMAP). Zbatimi i SMAP, është ndërtuar në dy dokumente bazë, planin e veprimit të SMAP dhe Pasaportën e Indikatorëve.

Bazuar në të dhënat e raportuara nga institucionet përgjegjëse brenda MAP-it, dhe institucionet tjera të linjës, sipas strategjisë dhe planit të veprimit, dhe duke marrë në referencë indikatorët e performancës, mund të raportojmë që ka një progres të përgjithshëm në të gjitha fushat e zbatimit të strategjisë. Me qëllim përgatitjen e një raporti përmbajtësor, të mjaftueshëm me informata, dhe të përfunduar brenda afateve kohore, kemi përdorur një mënyrë të adoptuar i cili ka qenë një kombinim i takimeve dhe puntorive punuese. Fillimisht është përgatitur tabela raportuese e bazuar në udhëzimet e Pasaportës së Indikatorëve dhe Planit të Veprimit të SMAP. Në takimet dhe puntoritë e mbajtura janë diskutuar dhe inkorporuar kontributet e strukturave përgjegjëse.

Strategjia e Modernizimit të Administratës Publike 2015-2020 (SMAP), është ndërtuar mbi 3 shtylla, 15 objektiva specifike, dhe 24 tregues/indikator që përfshijnë të gjitha fushat e reformës së Modernizimit të Administratës Publike. Për secilën fushë informatat paraqiten për statusin e zbatimi në nivel të aktiviteteve që janë ndërmarrë gjatë vitit 2017 dhe informatat të cilët tregojnë rezultatet që lidhen me indikatorët e progresit të paraqitura në strategji. Në shumicën e treguesve dhe varësisht prej të dhënave në dispozicion, është bërë edhe vlerësimi për secilin indikator dhe aktivitet. Në kuadër të kësaj janë paraparë 54 aktivitete, nga të cilat 14 kanë përfunduara së zbatuari, 29 prej tyre janë pjesërisht të zbatuara, dhe 8 prej tyre s’kanë filluar fare zbatimin, dhe në vazhdim të raportit do të informoheni saktësisht dhe më në detaje për secilin aktivitet dhe nivelin e tyre të zbatimit. Ndërkaq, për 3 aktivitete ende nuk ka informata dhe vlerësim final rreth nivelit të zbatimit, për këto 3 aktivitete ende jemi në pritje të publikimit të Raportit Vjetor të DASHC.

Mund të raportohet progres në zbatimin e sistemit të ri të pagave që bazohet në katalogun e vendeve të punës dhe klasifikimin e vendeve të punës. Departamenti i Administrimit të Shërbimit Civil, gjatë vitit 2017 ka vazhduar me reformat në shërbimin civil të fokusuara në menaxhimin e burimeve njerëzore dhe atë në: Klasifikimin e vendeve të punës në grada dhe vendosja në SIMBNJ; Avancimi dhe përdorimi i sistemit të informatave për menaxhimin e burimeve njerëzore; dhe Planifikimi i personelit në shërbimin civil si dhe përmirësimin e legjislacionit në shërbimin civil. Andaj, Qeveria me vendimin nr.09/2018, ka aprovuar përditësimin e klasifikimit të vendeve të punës në shërbimin civil.

Sa i përket plotësimit të katalogut me vende të reja dhe me përshkrime të standardizuara janë përditësuar dhe plotësuar me tituj të ri të punës vetëm 1,752 tituj të punës, ndërkaq janë hartuar dhe standardizuar vetëm 355 përshkrime të detyrave të punës. Njëherit, titujt e punës dhe përshkrimet e detyrave të punës janë vendosur në SIMBNJ dhe në ueb faqen e MAP-it, të cilat janë në funksion dhe në dispozicion te të gjitha institucioneve të Shërbimit Civil. Po ashtu, pritet miratimi i Koncept Dokumentit të ligjit të pagave, Hartimi dhe Miratimi i ligjit të pagave dhe zbatimi i tij, si dhe hartimi i Metodologjisë për Standardizimin e përshkrimeve të vendeve të punës sipas katalogut.

Ka vazhduar me sukses përfshirja e nëpunësve civil në trajnimet e organizuara nga IKAP, ku gjatë vitit 2017 në zbatim të SIMBNJ, janë trajnuar 254 zyrtarë të njësive të personelit, nga ta 123 pjesëmarrës nga niveli qendror, dhe 131 nga niveli lokal. Ka pasur edhe vështirësi në disa prej aktiviteteve. Tashmë, është në fuqi Ligji i ri Nr. 05/L -031 për procedurën e përgjithshme administrative (në vijim LPPA) i miratuar në Kuvendin e Republikës së Kosovës me 25 maj 2016. Për zbatimin e këtij projektligji nga Komisioni Evropian përmes fondeve “IPA 2014” është paraparë edhe projekti për mbështetje në reformën e administratës publike ku shumica e komponentëve kanë të bëjnë me zbatimin e LPPA. MAP, e përkrahur nga OSBE, në qershor të vitit 2017 ka realizuar 5 puntori në 5 regjione të Kosovës për t`i njoftuar zbatuesit në lidhje me të rejat që sjell ky ligj, meqenëse projekti i KE ka filluar me vonesë deri tani janë realizuar vetëm 3 aktivitete:

-procesi i harmonizimit të ligjeve të veçanta që përmbajnë procedura të veçanta administrative me LPPA, ku fillimisht janë identifikuar dhe analizuar 232 ligje që përmbajnë procedura të veçanta dhe harmonizimi i tyre do të bëhet si në vijim: 15% e ligjeve do të harmonizohen me LPPA në vitin 2018; 30% e ligjeve do të harmonizohen në vitin 2019; dhe 60% e ligjeve do të harmonizohen në vitin 2020. Procesit të harmonizimit do t`i paraprijë një analizë e secilit ligj duke ofruar të gjeturat dhe rekomandimet se si duhen harmonizuar ato me LPPA.

-përzgjedhjen e trajnerëve për trajnerë të cilët do të bëjnë trajnimin e 1,800 nëpunësve civil për LPPA-n e ri.

-identifikimi i nevojave për trajnim për LPPA, dhe deri tani janë organizuar dy fokus grupe me nëpunës civil, ndërsa gjatë muajit mars do të mbahen edhe 6 fokus grupe të tilla.

Sa i përket ri-shikimit të rregullores për organizimin e brendshëm, Ministria e Administratës Publike, më qëllim të funksionalizimit të strukturave në kuadër të saj, gjatë vitit 2017 me ndihmën e ekspertëve të jashtëm (në kuadër të projektit të financuar nga BE, i cili mbështet reformën në administratën publike), ka realizuar një analizë funksionale e fokusuar në analizën e njësive organizative të MAP dhe funksionet që ato kryejnë. Qëllimi final është përmirësimi i proceseve të punës dhe rritja e efiçiencës së strukturës së MAP dhe të agjencive në varësi të saj. Bazuar në këtë, është bërë analiza dhe është studiuar mënyra e riorganizimit të brendshëm, nga ana tjetër nuk është përmbushur ri-shqyrtimi i tregullores për organizimin e brendshëm (vetëm DMRAP, ka përmbushur pjesën e saj).

Ndërkaq, në kuadër të zhvillimit të platformës kryesore të interoperabilitetit (ndërveprimit), në fund të muajit qershor të vitit 2017 është nënshkruar kontrata ndërmjet Ministrisë së Administratës Publike dhe Kompanisë Microsoft, Kontrata është trevjeçare, ku në vitin e parë do të ndërtohet platforma e Interoperabilitetit, kurse, në vitin e dytë dhe të tretë, planifikohet të bëhet ndërlidhja e sistemeve përmes platformës. Në nëntor të 2017 është zhvilluar Platforma e Interoperabilietetit (Governmnet Gateway) dhe është vendosur në infrastrukturën e ASHI-së. Fillimisht, janë konfiguruara dhe integruar këto sisteme: Regjistri Civil; Sistemi i Tatimit në Pronë; Sistemi i Regjistrit të Adresave; dhe Sistemi i Noterisë. Po ashtu, gjatë vitit 2018 pritet të integrohen edhe 10 sisteme në Platformë.

Ka edhe disa vonesa në realizim të disa aktiviteteve, kjo përgjithësisht si pasojë e nisjes së procedurave të prokurimit dhe përgatitjes së termave të referencës, njëherit, vones ka paraqitur edhe nisja me vonesë e asistencës së jashtme, dhe pjesa më e madhe e asistencës është e bazuar vetëm në nivel të analizës dhe si i tillë nuk ka pasur zbatim në praktik. Sa i përket krijimit të bazës ligjore gjithëpërfshirëse për organizimin e brendshëm, gjatë vitit 2017 ka filluar procesi i hartimit të Koncept Dokumenteve për organizimin e administratës publike; shërbim civil; dhe ligji për pagat, ku në maj të vitit 2017 janë miratuar në Qeveri, koncept dokumenti për administratën publike dhe shërbimin civil.

I gjithë procesi i hartimit të koncept dokumenteve është bërë në mënyrë të koordinuar dhe uniforme. Gjithashtu, janë organizuar dhe mbajtur puntori për hartimin e Draft-ligjit për Organizimin e Administratës Publike dhe Shërbimin Civil, të cilat në bazë të planit legjislativ për vitin 2018, janë paraparë të dërgohen në Qeveri për miratim në muajin qershor të vitit 2018, ndërsa në Kuvend në muajin shtator 2018.

Po ashtu, MAP, gjatë vitit 2017 ka vazhduar punën për shqyrtimin e Projekt-rregulloreve për organizim të brendshëm dhe sistematizim të vendeve të punës në bazë të LASH në fuqi, ku ka shqyrtuar kërkesat e pesëmbëdhjetë (15) Institucioneve të Republikës së Kosovës, ku shtatë (7) nga to kanë marrë Pëlqimin nga MAP, si në vijim:

· 1. Ministria e Mjedisit dhe Planifikimit Hapësinor, me 28 mars 2017; 2. Agjencia për Mbrojtjen e Mjedisit të Kosovës, me 28 mars 2017; 3. Agjencia Kadastrale e Kosovës, me 28 mars 2017; 4. Ministria e Diasporës, me 16 mars 2017; 5. Biblioteka Kombëtare e Kosovës, me 16 mars 2017; 6. Ministria E Financave, me 9 gusht 2017; dhe 7. Ministria e Inovacionit dhe Ndërmarrësisë, me 27 dhjetor 2017.

Ndërsa, nga Qeveria janë aprovuar Projekt-rregulloret për Organizim të Brendshëm dhe Sistematizim të Vendeve të Punës për:

· 1. Ministrinë e Mjedisit dhe Planifikimit Hapësinor, me 4 maj 2017; 2. Agjencinë për Mbrojtjen e Mjedisit të Kosovës, me 4 maj 2017; 3. Agjencinë Kadastrale të Kosovës, me 4 maj 2017; dhe 4. Ministrinë e Inovacionit dhe Ndërmarrësisë, me 27 dhjetor 2017.

Sa i përket krijimit të databazës për kërkesa për qasje në dokumente dhe informata publike, është miratuar në Qeveri Koncept-Dokumenti për Qasje në Dokumente Publike (15.05.2017), njëherit është zhvilluar Moduli për Qasje në Dokumente Publike në kuadër të Sistemit për Menaxhimin dhe Arkivimin Elektronik të Dokumenteve, dhe së shpejti pritet fillimi i përdorimit të tij.

Plotësimi i kuadrit ligjor dhe monitorimi i zbatimit të lejimit, ka shënuar progres të vazhdueshëm, është finalizuar Projektligji për qasje në dokumente dhe informata publike dhe pritet miratimi në kuvend. Ndërkaq, sa i përket hartimit dhe miratimit të koncept dokumentit për përgjegjësinë e AP-së, ekziston një draft i konsoliduar i këtij dokumenti, dhe si hap i radhës është miratimi i koncept dokumentit në vitin 2018, ndërsa hartimi dhe miratimi i ligjit parashihet që të bëhet gjatë vitit 2019, ndërkaq zbatimi i tij pritet të bëhet nga fillimi i vitit 2020.

Hyrje

Strategjia për Modernizimin e Reformës së Administratës Publike 2015-2020 (SMAP), është një komponent i rëndësishëm i kornizës së përgjithshme strategjike për Reformën e Administratës Publike në Republikën e Kosovës. Kjo Strategji përbëhet nga tri fusha, gjegjësisht objektiva strategjike:

1. Shërbimi Civil- Menaxhimi i Burimeve Njerëzore;

2. Procedurat Administrative dhe Ofrimi i Shërbimeve Publike Administrative; dhe

3. Organizimi i Administratës Publike dhe Llogardhënia.

Reformat e parapara me këtë Strategji janë drejtpërdrejtë të ndërlidhura me obligimet e Republikës së Kosovës për procesin e Integrimit Evropian dhe përveq strukturave qeveritare të monitorimit dhe mbikqyrjes si Këshilli i Ministrave të RAP-it dhe Qeverisë, ato monitorohen edhe nga Komisioni Evropian. Progresi i zbatimit të reformave të planifikuara me Strategji janë të ndërlidhura ngushtë dhe kushtëzohen me mbështetjen direkte buxhetore që për herë të parë Komisioni Evropian jep për Kosovën.

Duke pasur parasysh karakterin gjithëpërfshirës institucional dhe qasjen e përcaktuar në arritjen e synimeve prioritare për modernizimin e administratës publike, monitorimi konsistent i zbatimit të këtij dokumenti strategjik është një proces thelbësor i sistemit për monitorim dhe vlerësim të reformës së administratës publike në Kosovë. Në këto kushte, ky raport vjetor i vlerësimit synon:

- Të vlerësojë progresin e arritur në zbatimin e Planit të Veprimit të Strategjisë për MAP 2015-2017, në arritjen e objektivave të përgjithshme dhe specifike, duke analizuar shkallën në të cilën janë realizuar aktivitetet e planifikuara dhe nëse caqet e treguesve janë përmbushur dhe kanë kontribuar në arritjen e përgjithshme të objektivave të strategjisë;

- Të vleresojë efektivitetin, efikasitetin, dhe mënyrën e organizimit institucional për mekanizmat e monitorimit dhe Reformën e Administratës Publike;

- Të shqyrtojë çdo pengesë dhe faktor tjetër që ka ndikuar negativisht apo edhe në zvarritjen e zbatimit të strategjisë së MAP, dhe në funksionimin e mekanizmave të raportimit dhe monitorimit, njëherit do të japë rekomandime se si duhen adresuar ato, konkluzionet dhe të dalurat e saj, si dhe vërejtjet e mundshme;

- Të vlerësojë rëndësinë e objektivave të përgjithshme dhe specifike, si dhe, treguesit e suksesit dhe caqet.

Me qëllim përgatitjen e një raporti përmbajtësor, të mjaftueshëm me informata, dhe të përfunduar brenda afateve kohore, kemi përdorur një mënyrë të adoptuar i cili ka qenë një kombinim i raporteve dhe intervistave:

I. Shqyrtimi dhe analizimi (desk revieë) i raporteve të brendshme zyrtare te të gjitha institucioneve brenda MAP-it, raporteve të vlerësimit të OECD/SIGMA, si dhe, planin e veprimit të SMAP dhe Pasaportën e Indikatorëve;

II. Për disa tregues është bërë verifikimi i raportimeve për një numër të dhënave, ky verifikim është bërë në të dhënat nga burimi/ institucioni, dhe është përdorur mostra e përzgjedhjes së rastit, dhe

III. Takime dhe intervista të thelluara me akterët kyç të përfshirë në proces. Shqyrtimi i raporteve zyrtare, të dhënat nga takimet, dokumenteve ekzistuese dhe dëshmive me të dhëna statistikore, mundësoi realizimin e një analize krahasuese kuantitative për të gjitha arritjet faktike nga viti i kaluar (vitet e raportimit) në mënyrë të detajuar dhe e specifikuar me grafikone, si dhe të një analizë kualitative me të arriturat dhe gjetjet për vitin raportues 2017, duke e krahasuar atë me vitin paraprak 2016.

Ky raport vjetor i zbatimit të Strategjisë për Modernizim të Administratës Publike 2015-2020, për periudhën kohore janar 2017 – dhjetor 2017, është pjesë integrale e sistemit të monitorimit dhe vlerësimit të RAP në Kosovë dhe pasqyron progresin dhe dinamikat e zbatimit të këtij dokumenti strategjik. Vlerësimi i progresit të zbatimit të SMAP për vitin 2017 bazohet në indikatorët e përcaktuar po në këtë dokument strategjik – duke vlerësuar progresin në treguesit bazë kundrejt treguesve të synuar.

Progresi i Përgjithshëm i Zbatimit të Strategjisë

Për periudhën raportuese 2017 vlerësohet se ka progres në implementimin e aktiviteteve në të gjitha shtyllat e strategjisë. Nisur nga fakti se SMAP është aprovuar në vitin 2015, dhe si i tillë ndikimi në arritjen pikave të referimit të indikatorëve për vitin 2017 objektivisht është i vazhdueshëm dhe kanë bazë referimi deri në vitin 2020. Dhe për shkak të kësaj indikatorët kanë Vlerën bazë dhe Qëllimin për vitet 2017-2020. Gjatë hartimit të Pasaportës së Indikatorëve janë definuar edhe vlerat e treguesve për vitin raportues 2017 dhe vitin pasues 2018. Me ç’rast pikat e referimit për indikatorët e SMAP janë të paraparë për vitin 2017, dhe pjesërisht për vitin 2018. Prandaj në disa fusha ka vend për përmirësim, apo angazhim të shtuar me qëllim të arritjes së pikave të referimit, vlerave të treguesit për vitin 2018 dhe synimit për vitin 2020.

Gjatë vitit 2017, 14 aktivitete janë zbatuar (në krahasim me vitin 2016, ku zbatim ka pasur vetëm në 11 aktivitete), - (pra diferenca është në 3 aktivitete), 29 aktivitete kanë filluar së zbatuari/ ose janë në zbatim e sipër (ku, në vitin 2016, 23 aktivitete ishin në zbatim e sipër), - (diferenca është në 6 aktivitete), njëherit, vetëm 8 aktivitete kanë mbetur të zbatohen për vitin pasues (krahasuar me vitin 2016, ku 20 aktivitete ishin bartur për vitin pasues), -(njëherit, diferenca këtu është në 12 aktivitete). Siç shihet nga të dhënat statistikore, aty paraqitet një diferencë progresive në krahasim  me raportin e vitit 2016, sa i përket zbatimin të Planit të Veprimit “SMAP 2015-2020”.

Figura 1: Statusi i zbatimit të aktiviteteve gjatë vitit 2017

Në nivel të objektivave apo fushave, shkalla e zbatimit dallon nga fusha në fushë. Vlerësohet se është arritur progres në realizimin e objektivave në kuadër të të trija fushave- ku shumica e aktiviteteve kanë filluar zbatimin dhe ose janë zbatuar, apo janë në përfundim e sipër.

Siç mund të shihet në rafin më poshtë, fusha e parë (Shërbimi Civil), ka progresin më të madh të arritur.

Fig 1: Statusi i zbatimit sipas fushave

2. Shërbimi Civil- Menaxhimi i Burimeve Njerëzore

Objektivi i përgjithshëm: Sistem adekuat i avancuar për menaxhimin, monitorimin dhe zbatimin e legjislacionit për shërbimin civil dhe krijimi i mundësisë për një shërbim civil profesional, efikas dhe efecientë zhvillimi i të cilit është e bazuar në parimet e administratës së mirë dhe të orientuar kah zbatimi i obligimeve ligjore.

Objektivat specifike:

1. Zbatimi i sistemit të ri të pagave për nëpunësit civilë që bazohet në katalogun e vendeve të punës dhe klasifikimin e vendeve të punës, të jetë i drejtë dhe transparent dhe të bazohet në parimin pagë e njëjtë për punën e njejtë.

2. Sistemi informativ për menaxhimin e burimeve njerëzore (SIMBNJ) i zbatuar në tërë institucionet e shërbimit civil dhe përdoret nga të gjitha institucionet. Gjithashtu forcimi i sistemit të monitorimit të zbatimit të legjislacionit për shërbimin civil.

3. Organizimi dhe funksionimi i shërbimit civil profesional dhe jopolitik. Rekrutimi dhe përzgjedhja konkurruese në bazë të meritës dhe kriteret e qarta të testimeve. Trajnime të vazhdueshme dhe të nevojshme. Sistem të vlerësimit të performancës të bazuar në objektiva institucionale dhe individuale.

4. Sigurimi i qasjes strategjike në zhvillimin e shërbimit civil dhe trajnimin e nëpunësve civil në të gjitha nivelet e administratës publike.

Objektivi i përgjithshëm për shërbimin civil në Strategjinë për Modernizimin e Administratës Publike (SMAP) përbëhet nga katër (4) objektiva specifike. Për arritjen e këtyre objektivave janë planifikuar tetëmbëdhjetë (18) aktivitete. Siç shihet në të dhënat statistikore, paraqitet një lëvizje e zbatimit të aktiviteteve në kuadër të shtyllës së parë krahasuar me vitin e kaluar 2016, nga 18 aktivitete, 8 janë zbatuar (krahasuar me vitin 2016, ku ishin zbatuat vetëm 6 aktivitete), 7 janë në kanë filluar së zbatuari/ ose janë në zbatim e sipër (ku, në vitin 2016, ishin 9 aktivitete), dhe vetëm 1 aktivitet s’ka filluar fare zbatimin (krahasuar me vitin 2016, 3 aktivitete s’kishin filluar fare zbatimin).

Ndërkaq, për 2 aktivitete ende s’ka informata për nivelin e zbatimit dhe të gjitha këto shifra bazohen në raportimin e departamenteve gjegjëse. - (shih figurën 3 në vijim).

Figura 3: Statusi i zbatimit të përgjithshëm në shërbimi civil

Progresi në Aktivitete

Objektivi specifik që ka të bëj me, Zbatimin e sistemit të ri të pagave për nëpunësit civilë që bazohet në katalogun e vendeve të punës dhe klasifikimin e vendeve të punës, të jetë i drejtë dhe transparent dhe të bazohet në parimin pagë e njëjtë për punën e njejtë, janë 3 aktivitete për zbatim:

· Aktiviteti: 1) Harmonizimi i pozitave sipas katalogut të vendeve të punës në SHCK- Statusi i zbatimit: E përfunduar. 1. Ministria e Administratës Publike/ Departamenti i Administrimit të Shërbimit Civil, gjatë vitit 2017 ka vazhduar me reformat në shërbimin civil të fokusuara në menaxhimin e burimeve njerëzore dhe atë në: Klasifikimin e vendeve të punës në grada dhe vendosja në SIMBNJ; Avancimi dhe përdorimi i sistemit të informatave për menaxhimin e burimeve njerëzorë; Planifikimi i personelit në shërbimin civil si dhe përmirësimin e legjislacionit në shërbimin civil. Komisioni ka shqyrtuar propozimet e institucioneve për klasifikim të cilat paraprakisht nga Departamenti i Administrimit të Shërbimit Civil në bashkëpunimin me institucionin propozues janë harmonizuar dhe përshtatur me legjislacionin në fuqi dhe Katalogun e vendeve të punës.

Qeveria, me vendim nr.09/2018 ka aprovuar përditësimin e klasifikimit të vendeve të punës në shërbimin civil. Njëherit, Ministria e Administratës Publike/ DASHC, edhe gjatë vitit 2018 do të vazhdoj me harmonizimin e pozitave specifike të punës të institucioneve të cilat ende nuk i kanë dorëzuar propozimet për klasifikimin e vendeve të punës apo aprovimin e pozitave të reja. Përgjatë vitit 2018, është planifikuar harmonizimi i rreth 100 pozitave të reja.

· Aktiviteti: 2)  Plotësimi i Katalogut me pozita të reja dhe me përshkrime të standardizuara të detyrave të punës për pozitat specifike të cilat nuk janë në Katalog- Statusi i zbatimit: E përfunduar. 2. Në Katalogun e vendeve të punës në Shërbimin Civil, gjatë vitit 2017 është përditësuar dhe plotësuar me tituj të ri të punës rreth 1,752 tituj të standardizuar dhe unifikuar në shërbimin civil, janë hartuar dhe standardizuar 355 përshkrime të detyrave të punës. Titujt e punës të standardizuar dhe përshkrimet e detyrave të punës janë vendosur në SIMBNJ dhe në ueb faqen e MAP-it, njëherit janë në funksion dhe në dispozicion te të gjitha institucioneve të Shërbimit Civil. Plotësimi i Katalogut me pozita të reja dhe me përshkrime të standardizuara të detyrave të punës do të vazhdoj edhe në vitin 2018, me ç’rast është planifikuar të përgatiten 100 përshkrime të standardizuara të detyrave të punës.

· Aktiviteti: 3)  Finalizimi i klasifikimit të vendeve të punës të shërbimit civil dhe zbatimi i sistemit të ri të pagave- Statusi i zbatimit: E përfunduar. 3. Në Katalogun e vendeve të punës në Shërbimin Civil, gjatë vitit 2017 është përditësuar dhe plotësuar me tituj të ri të punës. Plotësimi i katalogut me pozita të reja dhe me përshkrime të standardizuara të detyrave të punës do të vazhdoj edhe në vitin 2018, njëherit, si hap i ardhshëm është edhe Miratimi i koncept dokumentit të ligjit të pagave; Hartimi dhe miratimi i ligjit të pagave dhe zbatimi i tij; dhe Hartimi i metodologjisë për standardizimin e përshkrimeve të vendeve të punës sipas katalogut.

Në kuadër të nën-objektivit, Sistemi informativ për menaxhimin e burimeve njerëzore (SIMBNJ) i zbatuar në tërë institucionet e shërbimit civil dhe përdoret nga të gjitha institucionet. Gjithashtu forcimi i sistemit të monitorimit të zbatimit të legjislacionit për shërbimin civil, janë paraparë 5 aktivitete për zbatim:

· Aktiviteti: 1) Integrimi i të dhënave personale dhe të punësimit të nëpunësve civil në formë elektronike nga dosjet fizike në SIMBNJ, nga të gjitha institucionet- Statusi i zbatimit: E përfunduar pjesërisht. 1 Vendosja e të dhënave nga institucionet në SIMBNJ ka vazhduar gjatë vitit 2017, ku afërsisht 60% e të dhënave të nëpunësve civil janë plotësuar nga ana e institucioneve. Me vendosjen e të dhënave do të vazhdohet edhe në vitin 2018. Planifikohet që në tre mujorin e fundit të vitit 2018 të përfundohet (90%) e vendosjes së të dhënave në SIMBNJ. Njëherit, pritet që në pjesën e fundit të vitit 2018 të përfundoj vendosja e të dhënave nga të gjitha institucionet, ndoshta, me përjashtim të komunave veriore (me shumicë serbe) dhe 5 institucioneve kushtetuese.

· Aktiviteti: 2) Zhvillimi i Moduleve të reja (Planifikimit të Personelit, Aplikimi Online duke përfshirë edhe procedurat e rekrutimit për nivelin e lartë drejtues)- Statusi i zbatimit: E përfunduar. 2. Të trija modulet janë zhvilluar dhe pritet që të fillohet me zbatimin e tyre. Me modulin e planifikimit të personelit është planifikuar të fillojë zbatimin në Q4 2018, ndërsa aplikimi on-line në procedurat e rekrutimit në Q3 2018.

· Aktiviteti: 3) Ndërlidhja e SIMBNJ-së me sistemin e pagave dhe me trustin pensional- Statusi i zbatimit: Plotësisht i zbatuar. 3. Ndërlidhja e SIMBNJ-së ka përfunduar me sukses.

· Aktiviteti: 4) Trajnimi i menaxherëve të personelit dhe zyrtarëve përgjegjës për përdorimin e SIMBNJ-së, sipas nevojës- Statusi i zbatimit: E përfunduar. 4. Gjatë vitit 2017 në zbatim të SIMBNJ, janë trajnuar 254 zyrtar të njësive të personelit nga ta 123 pjesëmarrës nga niveli qendror dhe 131 nga niveli lokal. Në këtë aktivitet IKAP ka shpenzuar 4,320 euro. Trajnimi për SIMBNJ është aktivitet i vazhdueshëm dhe përgjatë tri viteve të ardhshme do të ketë trajnime për çdo vit, Q2 dhe Q4 2018, si dhe është vendosur edhe në draft planin e veprimit të SMAP 2018-2020.

· Aktiviteti: 5) Monitorimi i zbatimit të legjislacionit të SHC- Të dhëna nga raporti vjetor i DASHC?

Sa i përket nën-objektivit, Organizimi dhe funksionimi i shërbimit civil profesional dhe jopolitik. Rekrutimi dhe përzgjedhja konkurruese në bazë të meritës dhe kriteret e qarta të testimeve. Trajnime të vazhdueshme dhe të nevojshme. Sistem të vlerësimit të performancës të bazuar në objektiva institucionale dhe individuale, janë 4 aktivitete për tu zbatuar:

· Aktiviteti: 1) Plotësim ndryshimi i Ligjit për Shërbimin Civil me qëllim të organizimit dhe funksionalizimit të shërbimit civil me funksional dhe jopolitik- Statusi i zbatimit: E përfunduar pjesërisht. 1. Është në hartim dhe parashihet të miratohet nga Qeveria, në vazhdimësi do të punohet në finalizimin, miratimin, dhe hartimin e akteve nënligjore.

· Aktiviteti: 2) Hartimi i akteve përkatëse nënligjore të cilat derivojnë nga plotësim-ndryshimi i LSHCK-së- Statusi i zbatimit: E përfunduar pjesërisht. 2. Kjo do të bëhet pas miratimit dhe hyrjes në fuqi të ligjit dhe nëse parashihet nxerrja e akteve nënligjore atëherë ato duhet të nxirren siq do të përcaktohen në ligj, dhe kjo pritet të zbatohet pasi të miratohet ligji.

· Aktiviteti: 3) Pilotimi i zhvillimit të testimit dhe vlerësimit në formë elektronike për avancim dhe rekrutim në shërbimin civil- Statusi i zbatimit: S’ka filluar fare. 3. Në këtë aktivitet nuk ka pasur progress, dhe tek pas miratimi të ligjit të ri për SHC, parshihet krijimi i një strukture përgjegjëse e cila do të mirret me testimin dhe vlerësimin në formë elektronike për avancim dhe rekrutim në SHC.

· Aktiviteti: 4) Trajnimi i menaxherëve të personelit dhe zyrtarëve përgjegjës të institucioneve në ndryshimet të reja në legjislacionin e SHCK-së (Menaxheri i personelit dhe një zyrtar)- Statusi i zbatimit: ?? 4. (Ndërlidhet me ligjin). Pas miratimi të ligjit të ri për SHC, parshihet trajnimi i menaxherëve të personelit dhe zyrtarëve përgjegjës të institucioneve.

Ndërkaq, sa i përket nën-objektivit për, Sigurimi i qasjes strategjike në zhvillimin e shërbimit civil dhe trajnimin e nëpunësve civil në të gjitha nivelet e administratës publike, janë gjithësej 6 aktivitete për zbatim:

· Aktiviteti: 1) Hartimi dhe miratimi i Strategjisë së Trajnimeve të Nëpunësve Civil 2015-2019- Statusi i zbatimit: E përfunduar. 1. Funksionalitetin e trajnimit në draft-raportin për Menaxhimin e Burimeve Njerëzore, në qershor 2017 SIGMA e ka vlerësuar me noten 3 (faqe 4 dhe 23) për këto arsye: 1. Buxheti i pamjaftueshëm për të realizuar trajnimin e nënpunësve civil në shkallen mbi 30% të të gjithë efektivitetit të shërbimit civil. 2. Strategjia e trajnimit nuk i ka adresuar mjaftueshëm trajnimet e vazhdueshme (faqe 3). Rreth këtyre vlerësimeve duhet të konsultohet edhe DASHC. Si hap i ardhshëm do të bëhet vlerësimi i ri i nevojave për trajnim, hartimi i kurrikulës së re dhe ri-azhurnimi i strategjisë së trajnimit të nënpunësve civil në draft planin e veprimit të SMAP 2018-2020.

· Aktiviteti: 2) Hartimi dhe miratimi i Planit të veprimit për zbatimin e Strategjisë së trajnimeve- Statusi i zbatimit: E përfunduar. 2. Gjatë vitit 2017 IKAP ka trajnuar 3,761 pjesëmarrës, nga numri i përgjithshëm, ndërsa numri i pjesëmarrësve që së paku një herë kanë marrë pjesë në një trajnim ka qenë 2,632 pjesëmarrës. Në këtë aktivitet IKAP ka shpenzuar 80,852 euro. Po ashtu, gjatë vitit 2018 do të ketë një rritje të shifrave në vlerë 5% apo në numër 3,100 pjesëmarrës.

· Aktiviteti: 3) Avancimi i sistemit elektronik për menaxhimin e trajnimeve në IKAP- Statusi i zbatimit: Pjesërisht e përfunduar. 3. Platforma elektronike në zbatim të projektit “Avancimi i sistemit elektronik për menaxhimin e trajnimit në IKAP” i përkrahur nga (GIZ) është dizajnuar. Janë vendosur proceset dhe veglat që i përshkruajnë proceset e IKAP-it. Platforma është hostuar në serverët e ASHI-së. Ka pasur vonesa në aktivitete dhe këto vonesa lidhen me arsyet si në vijim: 1. Organizata (GIZ) ka pasur disa ndryshime në menaxhimin e saj dhe si rezultat i kësaj ka pasur vones në konfirmimin e përkrahjes; dhe 2. Objektivi ishte ambicioz dhe i janë bërë ndryshime në dizajnim, (nga rezultatet e komenteve nga ASHI dhe DASHC), konkretisht është kërkuar që sistemi i IKAP të lidhet me sistemin e ASHI dhe SIMBNJ. Si aktivitet i vazhdueshëm parashihet që gjatë vitit 2018-2020 të bëhet pilotimi, plotësimi dhe lidhja me sistemin e menaxhimit të burimeve njerëzore.

· Aktiviteti: 4) Krijimi dhe zhvillimi i sistemit të kreditëve për trajnimet e zhvillimit të karrierës dhe të detyrueshme- Statusi i zbatimit: Pjesërisht e përfunduar. 4. Ky projekt është financuar nga (UNDP) dhe në vitin 2016 IKAP ka zhvilluar analizën dhe ka nxjerrur raportin për vendosjen e sistemit të kredive në trajnime të karrierës dhe të detyrueshme. Gjatë vitit 2017, sistemi i kredive është trajtuar në kuadër të ndryshimit të ligjit të shërbimit civil. Ndërkaq vonesat në aktivitet lidhen me konkluzionet e raportit “Krijimi i Sistemit të Kredive për Trajnimet e IKAP, analiza krahasuese, studimi i fizibilitetit dhe udhërrëfyesi 2016”.

Raporti ka rekomanduar që së pari duhen bërë ndryshime në legjislacion e më pas të vendosen në sistemin e kredive. Ky sistem do të adresohet në ndryshimet e ligjit të shërbimit civil.

· Aktiviteti: 5) Organizmi i programit të ekselencës në administratën publike- Statusi i zbatimit: Pjesërisht e përfunduar. 5. Në vitin 2017 IKAP ka hartuar propozim projektin për zbatimin e kornizës së përbashkët të vlerësimit (KPV/CAF). Projekt propozimi është dërguar për mbështetje financiare te Shkolla Rajonale për Administratë Publike (ReSPA). Aktivitetet e mbajtura ishin trajnime promovimi të CAF, si një instrument vetëvlerësimi të kapaciteteve të brendshme. Aktiviteti është dërguar si propozim për tu vendosur në PVSMAP 2018-2020. Arsyeja e vonesës së aktivitetit është aplikimi dhe dorëzimi me vonesë në ReSPA. Projekti do të mbështetet nga ReSPA (projekti është pranuar për mbështetje, konfirmimi është bërë në fillim të vitit 2018). Sistemi i kreditëve për trajnimet do të adresohet në ndryshimet e ligjit të shërbimit civil, dhe atë: 1. Organizimi i trajnimit për trajner për CAF (20 pjesëmarrës nga 5 institucione, pilot); 2. Hartimi i koncept dokumentit për promovimin dhe zbatimin e CAF në administratën publike (duke marrë praktikat më të mira); dhe 3. Zbatimi në institucionet e përzgjedhura.

· Aktiviteti: 6) Krijimi i mekanizmave (sistemit) për monitorimin dhe vlerësimin e ndikimit të trajnimeve- Statusi i zbatimit: Pjesërisht e përfunduar. 6. Në zbatim të këtij aktiviteti është hartuar procedura e trajnimit dhe janë hartuar aplikacionet për vlerësimin e ndikimit, si dhe janë përcaktuar dy trajnimet për pilotimin e procedurës së trajnimit. Trajnimet e përzgjedhura për pilotim janë: Procesi i hartimit të legjislacionit, dhe përafrimi i legjislacionit vendor me legjislacionin e BE-së. Vonesat në aktivitet lidhen me dy arsye: 1. Ndryshimet në menaxhmentin e (GIZ), ku si rezultat ka pasur një vonesë në konfirmimin e përkrahjes; 2. Eksperti i angazhuar gjatë vitit 2016 është tërhequr, dhe, po ashtu, situatë e njëjtë është përsëritur në vitin 2017 dhe 2018. Njëherit, plani i zbatimit dhe vlerësimit të ndikimit të trajnimit është i përfshirë në planin e punës për vitin 2018, (saktësisht shtator-dhjetor 2018).

Progresi në Kuadër të Indikatorëve

Bazuar në raportet e strukturave përgjegjëse, nga 10 indikatorët, është evidentuar progres dhe realizim në 8 indikator, në 1 indikator (indikatori 7- përqindja e nënpunësve civil të rekrutuar përmes procedurave të jashtme) kemi tejkalim të vlerës bazë dhe cakut të paraparë për vitin 2017, po ashtu, në 1 indikator gjendja është e përafërt me të dhënat e vitit paraprak dhe vlerësohet se nuk është arritur realizimi.

· Progresi në arritjen e caqeve gjatë vitit 2017 për Indikatorët sipas SMAP dhe Planit të Veprimit

Shtylla I

Indikatorët

Baza

Caku

Arritja e Indikatorit 2017

1. Shkalla në të cilën sistemi i pagesave për nënpunësit civil është i drejtë dhe transparent si dhe aplikohet në praktikë.

2

4

2 (Vlerësimi i SIGMA-s 2017)

2. Niveli i zbatimit të sistemi të ri të vlerësimit të performancës në praktikë në shërbimin civil.

3

4

3 (Vlerësimi i SIGMA-s 2017)

3. Shtrirja horizontale e aplikimit të SIMBNJ.

Q1 - 2015

90%

95%

100%

4. Shkalla e përdorimit të moduleve të SIMBNJ.

Q1 - 2015

10%

50%

47%

5. Niveli i daljes së nënpunësve nga Shërbimi Civil.

1.13 % (2013)

1.0%

2.2%

6. Përqindja e nënpunësve civil të rekrutuar përmes procedurave të brendshme në nivel të SHCK sipas rregullave të shërbimit civil.

79%

rekrutimet e brendshme përfshijnë transferet dhe avancimet

75%

31%

7. Përqindja e nënpunësve civil të rekrutuar përmes procedurave të jashtme të rekrutimit në nivel të administratës qendrore.

21 %

15%

69%

8. Përqindja e nënpunësve civil sipas prejardhjes etnike në shërbimin civil në nivel të administratës qendrore në raport me kriteret e përcaktuara me legjislacion.

6.5%

8 %

9.43%

9. Shkalla në të cilën sistemi i trajnimeve për nënpunësit civil është vendosur dhe aplikohet në praktikë.

4

4.5

3 (Vlerësimi i SIGMA-s 2017)

10. Përqindja e numrit të nënpunësve civil të cilët kanë pranuar ndonjë trajnim nga IKAP së paku një herë në vit nga numri i përgjithshëm i nënpunësve civil.

9.1%

15%

20.90%

· Indikatori 1: Shkalla në të cilën sistemi i pagesave për nëpunësit civilë është i drejtë dhe transparent si dhe aplikohet në praktikë:

Ky indikator është i rregulluar në atë mënyrë që matë vlerësimin dhe zbatimin në bazë të dy legjislacioneve, atë primar dhe sekonadar. Sa i përket parimeve të pagesës (legjislacioni primar), ekziston Ligji nr. 03./L-147 për Pagat e nëpunësve i civil.

Nëpunësit civil kanë të drejtë në pagën e garantuar, në përputhje me dispozitat e përgjithshme të punës. Njëherit, për arsye të implikimeve buxhetore sistemi i pagave sipas Ligjit për Pagat e nëpunësve civil nuk është e mundur të implementohet.

Përmes Legjislacionit sekondar- është paraparë, Rregullorja nr.05/2012 për Klasifikimin e Vendeve të Punës në Shërbimin Civil i cili është në funksion, po ashtu, Katalogu i vendeve të punës përditësohet me rastet e pozitave të reja të punës.

Njëherit, sa i përket shtesave dhe benifiteve të cilat rregullohen në mënyrë eksplicite, janë të rregulluar shtesat mbi pagën bazë, të cilat janë përcaktuar me Ligjin nr. 03/L-147 për pagat e nëpnunësve civil, Kreu III, njëherit, rregullorja nr.33/2012 për Shtesat në pagë dhe kompensime tjera të nënpunësve civil, shqyrtimi i shtesave në pagë dhe kompensimeve tjera është në zbatim.

Caku i treguesit për vitin 2017 ishte (4), bazuar në Metodologjinë e Vlerësimit të SIGMA-s. Sipas vlerësimit të SIGMA 2017, arritja për këtë indikator është 2. Megjithatë, pasi vlerësimi i SIGMA dhe të gjitha të dhënat u zhvilluan deri në mes të vitit 2017, dhe pas kësaj date qeveria ka ndërmarrë disa masa që kanë rezultuar në përmirësimin e situatës në fushën e sistemit të pagave për nëpunësit civilë. Prandaj, bazuar në vlerësimet e brendshme të MAP-it, arritja për këtë tregues është 5.

· Indikatori 2: Niveli i zbatimit të sistemi të ri të vlerësimit të performancës në praktikë në shërbimin civil:

Po ashtu, edhe vlerësimi i performancës së nënpunësve civil, është i rregulluar përmes Ligjit për Shërbimin Civil i cili përcakton procedurën, kushtet dhe kriteret për vlerësimin e performancës, si dhe rregullorja nr. 19/2012 për Vlerësimin e Rezultateve në Punë të Nëpunësve Civil, e cila siguron procedura efektive dhe transparente për vlerësimin e nëpunësve civil.

Nr. rendor

INSTITUCIONI

NOTAT E VLERËSIMIT TË REZULTATEVE NË PUNË TË NEPUNESVE CIVIL TE INSTITUCIONEVE QENDORORE TE ADMINISTRATES PUBLIKE

Numri i nënpunësve civil të vlerësuar në nivel institucioni/ Shërbimi Civil,deri në periudhën raportuese

Shkëlqyeshëm

(5)

Sh. Mirë

(4)

Mirë

(3)

Mjaftueshëm

(2)

Dobët

(1)

GJITHSEJ:GJITHS

8,370

1,681

3,848

2,068

327

5

Tabela 1: Burimi: Raporti përmbledhës i vlerësimit të përformancës së nënpunësve civil për vitin 2017

Vlerësimi i performancës bëhet rregullisht, duke përdorur mjete të vlerësimit të drejtë dhe transparent përmes LSHC-së dhe rregullores nr. 19/2012, që përcakton procedurën dhe kriteret për vlerësimin e performancës dhe rregullisht bëhet vlerësimi në fund të vitit aktual.

Caku i treguesit për vitin 2017 ishte (5), ndërsa vlerësohet se ky tregues ka arritur rezultatin e parashikuar (4), bazuar në vlerësimin e SIGMA 2017.

· Indikatori 3: Shtrirja horizontale e aplikimit të SIMBNJ:

SIMBNJ ka një shtrirje horizontale të aplikimit në të gjitha institucionet. Që do të thotë se në 100% të institucioneve është i shpërndarë Sistemi.

Caku i treguesit për vitin 2017 ishte 95%, ndërsa vlerësohet se arritja e këtij treguesi ka arritur në 100%.

· Indikatori 4: Shkalla e përdorimit të moduleve të SIMBNJ:

Në bazë të llogaritjeve, 28 nën-module përdoren nga gjithësej 59 sa janë në tërësi, që në përqindje kap shifrën 47%.

Vlera e treguesit për vitin 2017 ka qenë 50%, ndërsa vlerësohet se realizimi i këtij indikatori ka arritur pothuajse në 47%.

· Indikatori 5: Niveli i daljes së nënpunësve nga Shërbimi Civil:

Në bazë të të dhënave, duke përfshirë edhe periudhën raportuese (shih të dhënat në tabel)- deri në këtë fazë të raportimit përfshin rreth (80%) në nivel të përgjithshëm të SHCK-së për të gjitha institucionet (për informata më të sakta dhe korrekte ne ende jemi në pritje të raportit vjetor të DASHC-së). Niveli i daljes së nënpunësve nga shërbimi civil është si në vijim:

Largimet

Me dëshirë

Masë disiplinore

Shkurtim i pozitës

Pensionim i parakohshëm

Pensionim

Shkak tjetër

 

 

 

 

 

 

6

0

0

0

1

4

29

4

0

1

36

4

63

8

0

5

134

15

11

5

0

4

57

13

109

17

0

10

228

36

Total 400

· Indikatori 6: Përqindja e nënpunësve civil të rekrutuar përmes procedurave të brendshme në nivel të SHCK sipas rregullave të shërbimit civil:

Ky indikator nuk është realizuar dhe se rekrutimi, është bërë bazuar në numrin e pozitave të lira të plotësuara me konkurs të brendshëm gjatë vitit brenda SHCK, si dhe numri i përgjithshëm i pozitave të lira gjatë vitit brenda shërbimit civil.

Caku i treguesit për vitin 2017 ishte 75%, ndërsa vlerësohet se ky tregues në arritje ka rënë në 31%. Objektivi kryesor i kësaj ishte rritja e nivelit të rekrutimit të nëpunësve civilë përmes procedurave të brendshme. Por zhvillimet pas miratimit të Strategjisë së SMAP në vitin 2015 shkuan kundër objektivit të synuar.

· Indikatori 7: Përqindja e nënpunësve civil të rekrutuar përmes procedurave të jashtme të rekrutimit në nivel të administratës qendrore:

Në këtë indikator kemi shkallë të lartë të përqindjes, madje tejkalim të bazës së paraparë dhe cakut për vitin 2017. Njëherit rekrutimi është bërë duke u mbështetur në numrin e pozitave të lira të plotësuara me konkurs të jashtëm gjatë vitit, si dhe numri i përgjithshëm i pozitave të lira gjatë vitit 2017.

Caku i treguesit për vitin 2017 ishte 15%, ndërsa vlerësohet se arritja e këtij treguesi tejkalon vlerën bazë dhe ka arritur në 69%. E njëjta gjë sikurse te indiktori i mëparshëm zbatohet këtu gjithashtu. Objektivi kryesor në këtë rast ishte zvogëlimi i nivelit të rekrutimit të nënpunësve civil nëpërmjet procedurave të jashtme. Por zhvillimet pas miratimit të Strategjisë së SMAP në vitin 2015 shkuan kundër objektivit të synuar.

· Indikatori 8: Përqindja e nënpunësve civil sipas prejardhjes etnike në shërbimin civil në nivel të administratës qendrore në raport me kriteret e përcaktuara me legjislacion:

Bazuar në Ligjin Nr. 03/L –149 për Shërbimin Civil në Republikën e Kosovës, Neni 11.3 “Në kuadër të shërbimit civil në institucionet e nivelit qendror minimum 10% e posteve duhet të rezervohen për personat të cilët u përkasin komuniteteve të cilët nuk janë shumicë në Kosovë dhe që përmbushin kriteret specifike të punësimit”.

Pra ky indikator është realizuar, dhe kjo është bërë duke u bazuar në numrin e nënpunësve civil sipas përkatësisë etnike në fund të vitit në administratën qendrore, si dhe numri i përgjithshëm i nëpunësve civilë në fund të vitit në nivel qendror të administratës.

Caku i treguesit për vitin 2017 ka qenë 8%, ndërsa vlerësohet se realizimi i këtij indikatori ka arritur 9.43%.

1080x100:11457=9.43

Ministritë dhe institucionet e tjera të nivelit qendror

Nr. i përgjithshëm i të punësuarëve

Struktura Etnike

Shqiptar

Serb

Boshnjak

Turk

Goran

Ashkali

Egjiptian

Rom

Tjerë

Total:

11,457

10,377

811

103

129

16

3

2

11

5

90.57

7.08

0.90

1.12

0.14

0.03

0.02

0.10

0.04

Tabela 2: Përqindja e nënpunësve civil sipas prejardhjes etnike në shërbimin civil në nivel të administratës qendrore në raport me kriteret e përcaktuara me legjislacion për vitin 2017

· Indikatori 9: Shkalla në të cilën sistemi i trajnimeve për nëpunësit civil është vendosur dhe aplikohet në praktikë:

Shkalla e realizimit të këtij indikatori është e kënaqshme dhe është realizuar thuajse në tërësi. Sitemi i trajnimeve është bërë duke u bazuar në manualin e metodologjisë së vlerësimit të nevojave për trajnim në SHCK, i cili është në fuqi që nga dhjetori i vitit 2010. Manuali/Udhëzuesi tregon mënyrën se si rënditen dhe prioritizohen nevojat e dala nga procesi i vlerësimit të punës. Në praktikë: Procesi ka disa vështirësi që lidhen me kapacitetet për të përcaktuar se nevojat për trajnim gjatë vlerësimit të punës, me procesin e shkrirjes së nevojave të individëve në planin e nevojave të institucionit dhe me adresimin për implementim.

Njëherit, nën indikatori 3: parashehë zhvillimin, zbatimin, monitorimin dhe vlerësimin e planeve strategjike të trajnimit për nënpunësit civil, që parashihet tek neni 6, pragarfi 2.5, të ligjit për SHCK, ku definohet përgjegjësia (MAP/DASHC) për hartimin e politikave të trajnimit. Po ashtu, hartimi i dokumenteve strategjike bëhet sipas udhëzimit administrativ nr. 02/2012 për procedurat, kriteret dhe metodologjinë e përgatitjes dhe miratimit të dokumenteve strategjike dhe planeve për zbatimin e tyre.

Caku i treguesit për vitin 2017 ka qenë 4.5%, ndërsa vlerësohet se realizimi i këtij indikatori ka arritur 4%.

· Indikatori 10: Përqindja e numrit të nënpunësve civilë të cilët kanë pranuar ndonjë trajnim nga IKAP së paku një herë në vit nga numri i përgjithshëm i nënpunësve civil:

Përqindja e nënpunësve civil është bërë duke u bazuar në numrin e nënpunësve civil që kanë pasur trajnim nga IKAP gjatë vitit të kaluar, si dhe numri i përgjithshëm i nënpunësve civil në të gjitha nivelet e administratës publike. Ky indikator është realizuar dhe ka bazë të mirë, me ç’rast edhe ka tejkaluar cakun për vitin 2017.

Caku i treguesit për vitin 2017 ishte 15%, ndërsa vlerësohet se zbatimi i këtij treguesi ka tejkaluar vlerën bazë dhe arriti në 20.90%.

3.Procedurat Administrative dhe Ofrimi i Shërbimeve Publike Administrative

Objektivi i përgjithshëm: Shërbime publike administrative kualitative, të qasshme, të bazuara në procedura administrative të arsyeshme dhe duke përdorur metodat e e-qeverisjes të orientuara kah nevojat e qytetarëve dhe bizneseve.

Objektivat specifike:

1. Kornizë strategjike dhe politika të bazuara në analiza të mirëfillta për shërbimet publike administrative duke zbatuar Ligjin e Procedurës së Përgjithshme Administrative.

2. Korniza ligjore për ofrimin e shërbimeve publike, procedurave administrative dhe kontrollimin e kualitetit të tyre e plotësuar dhe zbatuar.

3. Mekanizma institucional dhe kapacitetet e ngritura për udhëheqjen, planifikimin, monitorimin, vlerësimin dhe zbatimin e shërbimeve publike-administrative.

4. Ndërtimi dhe integrimi i Sistemeve elektronike në mënyrë progresive duke u bazuar në kornizën e interoperabilitetit.

5. Ofrimi i shërbimeve për qytetarë në pika të vetme të kontaktit (one stop shop).

6. Informimi i vazhdueshëm i qytetarëve për zhvillimin dhe ofrimin e shërbimeve publike, për të drejtat e tyre dhe mënyrat e realizimit.

7. Përcaktimi i mekanizmave dhe instrumenteve për matjen e opinionit publik për kualitetin dhe qasshmërinë e shërbimeve publike.

Objektivi i përgjithshëm për Procedurat Administrative dhe Ofrimin e Shërbimeve Publike Administrative është zbërthyer në shtatë (7) objektiva specifike. Për arritjen e këtyre objektivave janë planifikuar njëzet e pesë (25) aktivitete. Siç shihet në të dhënat statistikore, paraqitet një lëvizje e zbatimit të aktiviteteve në kuadër të shtyllës së dytë, ku 3 aktivitete janë zbatuar plotësisht (nivel i njejtë zbatimi me vitin 2016, (3 aktivitete të zbatuara)), ka ngecje sa i përket aktiviteteve në zbatim e sipër/ ose që kanë filluar së zbatuari, 16 janë në zbatim e sipër (krahasuar me vetëm 8 sa ishin në vitin 2016), dhe 6 aktivitete s’kanë filluar fare zbatimin (nga 14 sa ishin në vitin 2016), dhe këto shifra bazohen në raportimin e departamenteve gjegjëse. - (shih figurën 4 në vijim).

Figura 4: Statusi i zbatimit të përgjithshëm në procedurat administrative dhe ofrimi i shërbimeve Publike.

Progresi në Aktivitete

Objektivi specifik, Kornizë strategjike dhe politika të bazuara në analiza të mirëfillta për shërbimet publike administrative duke zbatuar Ligjin e Procedurës së Përgjithshme Administrative, janë paraparë 3 aktivitete për zbatim:

· Aktiviteti: 1) Identifikimi i shërbimeve publike administrative që ofrohen nga AP- Statusi i zbatimit: E përfunduar. 1. Është realizuar Projekti i GIZ në dy faza për identifikimin e shërbimeve, mirëpo, gjatë këtij procesi disa nga shërbimet nuk kanë arritur të identifikohen, përderisa ka edhe informacione të pasakta për disa nga të dhënat për shërbimet. Si hap i ardhshëm është bërja e një analize, publikimi i databazës me të gjitha elementet, numrat, dhe ofrimi i shërbimeve.

· Aktiviteti: 2) Analiza e shërbimeve administrative të identifikuara nga raportet paraprake- Statusi i zbatimit: Nuk ka filluar fare zbatimin. 2. Arsyeja kryesore që ka quar në mos realizimin e këtij aktiviteti është vonesa në identifikimin e shërbimeve, njëherit, rreth kësaj pritet që gjatë vitit 2018 të bëhet një analizë e detajuar me karakter shpjegues dhe sqarues.

· Aktiviteti: 3) Hartimi i kornizës politike dhe strategjike për ofrimin e shërbimeve në të mirë dhe sa më pranë qytetarëve dhe bizneseve- Statusi i zbatimit: Nuk ka filluar fare zbatimin. 3. Në kuadër të kësaj nuk është bërë ndonjë kornizë e veçantë, pritet që gjatë vitit 2018 të plotësohet përmes SMAP-it të rishikuar, ose me ndonjë formë tjetër.

Ndërkaq, nën-objektivi, Korniza ligjore për ofrimin e shërbimeve publike, procedurave administrative dhe kontrollimin e kualitetit të tyre e plotësuar dhe zbatuar, janë paraparë 5 aktivitete për tu zbatuar:

· Aktiviteti: 1) Miratimi i Ligjit për Procedurat e Përgjithshme Administrative- Statusi i zbatimit: Ka filluar së zbatuari. 1. Tashmë është në fuqi Ligji i ri Nr. 05/L -031 për procedurën e përgjithshme administrative (në vijim LPPA), është miratuar nga Kuvendi i Republikës së Kosovës me 25 maj 2016. I njëjti ka hyrë në fuqi një vit më vonë, përkatësisht me 21 qershor 2017. Për zbatimin e këtij projektligji nga Komisioni Evropian përmes (IPA 2014) është paraparë edhe projekti për mbështetje në reformën e administratës publike, ku shumica e komponentëve kanë të bëjnë me zbatimin e LPPA. Kontrata me projektin është nënshkruar në prill 2017, ndërsa punët kanë filluar në korrik të po të njëjtit vit. MAP, e përkrahur me OSBE në qershor të vitit 2017 ka realizuar 5 punëtori në 5 regjione të Kosovës për t`i njoftuar zbatuesit në lidhje me të rejat që sjell ky ligj. Meqenëse projekti i KE ka filluar me vonesë deri tash janë realizuar këto aktivitetete:

-janë realizuar dy seminare për LPPA me temë “të rejat që sjell LPPA” me pjesëmarrës nga shoqëria civile, përfaqësues të bizneseve, dhe nëpunës civil;-është përfunduar konkursi për përzgjedhjen e trajnerëve për trajnerë të cilët do të trajnohen për trajnimin e 1,800 nëpunësve civil për LPPA-n e ri, së shpejti do të filloj trajnimi i 20 trajnerëve për këtë çështje;

-procesi i identifikimit të nevojave për trajnim për LPPA ka filluar dhe deri me tash janë organizuar dy fokus grupe me nëpunës civil nga niveli lokal dhe qendror, ndërsa gjatë këtij muaji do të mbahen edhe 6 fokus grupe të tilla;

-ka filluar procesi i harmonizimit të ligjeve të veçanta që përmbajnë procedura të veçanta administrative me LPPA, ku fillimisht janë identifikuar dhe analizuar 232 ligje që përmbajnë procedura të veçanta dhe harmonizimi i tyre do të bëhet si në vijim: 15% të ligjeve do të harmonizohen me LPPA në vitin 2018; 30% e ligjeve do të harmonizohen në vitin 2019; dhe 60% e ligjeve do të harmonizohen në vitin 2020. Procesit të harmonizimit do t`i paraprijë një analizë e secilit ligj duke ofruar të gjeturat dhe rekomandimet se si duhen harmonizuar ato me LPPA. Më tutje do të vazhdohet me trajnimin e nënpunësve civil, (rreth 1,800 nënpunes civil, periudha “mars-prill”) dhe do të vazhdoj përgjatë një viti deri në përfundimin e trajnimeve, gjithshtu hap i ardhshëm mbetet fushata sensibilizuese e cila ka filluar në dhejtor të vitit 2017 dhe do të vazhdoj edhe në vitin 2018, ku do të sensibilizohen/ informohen zbatuesit (shërbyesit civil, qytetarët dhe bizneset).

· Aktiviteti: 2) Analiza e procedurave të veçanta në raport me LPPA- Statusi i zbatimit: Ka filluar së zbatuari. 2. Është bërë identifikimi i ligjeve që përmbajnë procedura të veçanta (232 ligje) administrative si dhe aktet nënligjore që përmbajnë procedura administrative (mbi 1,000). Tashmë ka filluar analizimi i ligjeve të veçanta ku synohet të nxjerren rekomandime të vlefshme për harmonizimin e tyre me LPPA. Synimi për vitin 2018 është që të zbatohen në masen prej 15%, si dhe, të përfundoj brenda projektit (IPA 2014) deri në gjysmën e parë të vitit të ardhshëm.

· Aktiviteti: 3) Hartimi i manualit për zbatimin e LPPA- Statusi i zbatimit: Pjesërisht i zbatuar. 3. Projekt ky i cili financohet nga Komisioni Evropian përmes (IPA 2014), me ç’rast ka filluar hartimi i manualit për zbatimin e LPPA-së.

· Aktiviteti: 4) Trajnimi i Nënpunësve Civil- Statusi i zbatimit: Pjesërisht i zbatuar. 4. Është bërë përzgjedhja e kandidatëve të cilët do të ndjekin trajnimin për trajner, njëherit ka filluar procesi i identifikimit të nevojave për trjanimin në të gjitha institucionet e nivelit qendror dhe lokal. Projekt ky i financuar nga BE, dhe pa kosto shtes buxhetore. Si hap i ardhshëm është paraparë përgatitja e materialit për trajnim.

· Aktiviteti: 5) Vetëdijësimi i opinionit publik- Statusi i zbatimit: Ka filluar së zbatuari. 5. Në qershor 2017 janë organizuar 5 puntori në 5 regjione të Kosovës me qëllim informimin e nëpunësve civi me LPPA-n e ri. Në dhjetor të vitit 2017 janë organizuar dy tryeza të rrumbullakta me përfaqësues të nëpunësve civil nga niveli qendror dhe lokal, përfaqësues të shoqërisë civile, bizneseve etj. Edhe në vitin 2018 do të vazhdoj fushta e njejtë e sensibilizimit të këtyre akterëve.

Nën-objektivi, Mekanizma institucional dhe kapacitetet e ngritura për udhëheqjen, planifikimin, monitorimin, vlerësimin dhe zbatimin e shërbimeve publike-administrative, janë paraparë 4 aktivitete për tu zbatuar:

· Aktiviteti: 1) Analiza e rishikimit të funksioneve të MAP lidhur me shërbimet publike-administrative- Statusi i zbatimit: E përfunduar. 1. Në këtë pikë, është përfunduar analiza e cila ofron rekomandime sa i përket funksioneve që kanë të bëjnë me politikat e ofrimit të shërbimeve.

· Aktiviteti: 2) Rishikimi i Rregullores për organizimin e brendshëm të MAP-it- Statusi i zbatimit: Ka filluar së zbatuari. 2. Sa i përket rishikimit të rregullores për organizimin e brendshëm, Ministria e Administratës Publike, me qëllim të funksionalizimit të strukturave në kuadër të saj, gjatë vitit 2017 me ndihmën e ekspertëve të jashtëm ka realizuar një analizë funksionale e fokusuar në analizën e njësive organizative të MAP dhe funksionet që ato kryejnë. Qëllimi final është përmirësimi i proceseve të punës dhe rritja e efiçiencës së strukturës së MAP dhe të agjencive në varësi të saj. Në bazë të kësaj analize është vlerësuar se ri-organizimi i MAP duhet të kaloj në dy faza: Faza e parë, ka paraparë fuzionimin e Departamentit për Menaxhimin e Reformës së Administratës Publike me Departamentin e Integrimeve Evropiane dhe Koordinimit të Politikave, gjë e cila është bërë duke ndjekur proceduarat e hartimit të Rregullores së re për Organizim të Brendshëm të MAP e cila është miratuar nga qeveria me 29 janar 2018, dhe Faza e dytë, krijimi i njësisë përgjegjëse për udhëheqjen, planifikim, monitorim, vlerësim dhe zbatimin e shërbimeve publike-administrative, dhe kjo pritet të realizohet në fazën e dytë të riorganizimit të MAP. Njëherit, ëshët paraparë edhe rishikimi i rregullores për organizimin e brendshëm të MAP me qëllim të krijimit të strukturës pergjegjëse për shërbimet publike administrative.

· Aktiviteti: 3) Krijimi i njësisë (strukturës) përgjegjëse për udhëheqjen, planifikimin, monitorimin, vlerësimin dhe zbatimin shërbimeve publike-administrative- Statusi i zbatimit: Nuk ka filluar zbatimi. 3. Në bazë të analizës së njësive organizative të MAP, krijimi i njësisë përgjegjëse për udhëheqjen, planifikim, monitorim, vlerësim dhe zbatimin e shërbimeve publike-administrative, pritet të realizohet në fazën e dytë të riorganizimit të MAP e paraparë të bëhet në pjesën e dytë të vitit 2018 pasi të jenë realizuar të gjitha kushtet që parasheh Ligji për Procedurën e Përgjithshme Administrative që përfshijnë identifikimin e shërbimeve, mbajtjen e trajnimeve etj.

· Aktiviteti: 4) Hartimi i metodologjisë për menaxhimin e procesit për vlerësimin e shërbimeve publike-administrative- Statusi i zbatimit: Ka filluar së zbatuari. 4. Deri tani është hartuar drafti fillestar i metodologjisë për menaxhimin e procesit për vlerësimin e shërbimeve publike-administrative, dhe finalizimi i këtij manuali pritet të bëhet deri me Q2 2018.

Në kuadër të nën-objektivit, Ndërtimi dhe integrimi i Sistemeve elektronike në mënyrë progresive duke u bazuar në kornizën e interoperabilitetit, janë planifikuar 5 aktivitete për tu zbatuar:

· Aktiviteti: 1) Zhvillimi i Platformës Kryesore të Interoperabilitetit (ndërveprimit të sistemeve) dhe fillimisht integrimi shtatë (7) sistemeve- Statusi i zbatimit: Pjesërisht i zbatuar. 1. Sa i përket zhvillimit të platformës kryesore të interoperabilitetit (ndërveprimit), në fund të muajit qershor 2017 është nënshkruar kontrata ndërmjet Ministrisë së Administratës Publike dhe Kompanisë Microsoft, kontrata është trevjeçare, ku në vitin e parë do të ndërtohet platforma e Interoperabilitetit, kurse, në vitin e dytë dhe të tretë, planifikohet të bëhet ndërlidhja e sistemeve përmes platformës. Për implementimin e kontratës konform dispozitave ligjore është caktuar menaxheri i kontratës. Gjithashtu, Drejtori i Përgjithshëm i ASHI-së ka emëruar grupin teknik dhe analistin e biznesit për menaxhim të kontratës “Platforma e Interoperabilitetit”. Në nëntor të vitit 2017 është zhvilluar Platforma e Interoperabilietetit (Governmnet Gateëay) dhe është vendosur në infrastrukturën e ASHI-së. Platforma mundëson ndërlidhjen e sistemeve elektronik të IRK-ve dhe shkëmbimin e të dhënave ndërmjet këtyre sistemeve në kohë reale. Fillimisht, janë konfiguruara dhe integruar këto sisteme: Regjistri Civil; Sistemi i Tatimit në Pronë; Sistemi i Regjistrit të Adresave; dhe Sistemi i Noterisë. Në vitin 2017 shuma e ndarë për këtë projekt ka qenë 400,000.00 euro, po ashtu, edhe për vitet 2018 dhe 2019 janë paraparë shuma në vlerat e njejta nga 400,000.00 për secilin vit. Njëherit, gjatë vitit 2018 pritet të integrohen edhe 10 sisteme në Platformë.

· Aktiviteti: 2) Në kuadër të projektit “Platforma Kryesore e Interoperabilitetit” do të ndërlidhen katërmbëdhjetë (14) sisteme- Statusi i zbatimit: Pjesërisht i zbatuar. 2. Lidhet me pikën një.

· Aktiviteti: 3) Në kuadër të projektit “Platforma Kryesore e Interoperabilitetit” do të ndërlidhen katërmbëdhjetë (10) sisteme- Statusi i zbatimit: Pjesërisht i zbatuar. 3. Është në nivelin e njejtë të zbatimit sikurse dy pikat e lartëcekura.

· Aktiviteti: 4) Zhvillimi dhe funksionalizimi i platformës dhe infrastrukturës së Çelësave Publik për zyrtarë (PKI)- Statusi i zbatimit: Pjesërisht i zbatuar. 4. Projekti tashmë ka filluar të realizohet me ndihmën e ekspertëve të Microsoft. Është përgatitur plani se si do të realizohet PKI në IRK gjatë viteve të ardhshme. Në aspektin buxhetor nuk paraqet implikime tjera shtesë, sepse, përkrahja nga Microsoft është e përfshirë në kontratën për liçenca. Ky aktivitet është i vazhdueshëm dhe është paraparë që deri në qershor 2018 infrastruktura e PKI-së të jetë gati.

· Aktiviteti: 5) Portali e-Kosova- Statusi i zbatimit: Nuk ka filluar zbatimi. 5. Ky aktivitet është paraparë të filloj tek në qershor 2018, ku do të fillohet me procedurat e prokurimit për zhvillimin e Portalit e-Kosova, ku është paraparë edhe kostoja buxhetore në vlerë prej 150,000.00 euro. Në kuadër të kësaj si hap i ardhshëm është përgatitja e termave të referencës, pastaj, përfundimi i procedurave të prokurimit, dhe përzgjedhja e operatorit ekonomik. Tek në qershor të vitit 2019 pritet zhvillimi dhe funksionalizimi i Portalit.

Sa i përket nën-objektivit, Ofrimi i shërbimeve për qytetarë në pika të vetme të kontaktit (one stop shop), janë paraparë 2 aktivitete për tu zbatuar:

· Aktiviteti: 1) Ndërtimi i dy pilot pikave të vetme të kontaktit- Statusi i zbatimit: Nuk ka filluar zbatimi. 1. Projekti tashmë ka filluar dhe vetëm është bërë drafti i saj, mirëpo nuk është realizuar konformë afateve të rregullta të parapara me plan të veprimit dhe strategjisë, shkak për vonesa është nisja me vonesë e asistencës së jashtme. Kostoja buxhetore është e mbuluar nga Projekti i IPA-s, ndërkaq gjatë periudhës Q4 2018 është planifikuar hartimi i konceptit për pilot pikat e vetme të kontaktit.

· Aktiviteti: 2) Analiza për shtrirjen e shërbimeve publike administrative që mund të kryhen përmes pikave të vetme të kontaktit- Statusi i zbatimit: Nuk ka filluar zbatimi. 2. Analiza- njejtë sikurse pika 1- (projekti është vetëm në nivel Analize), si i tillë nuk ka pasur zbatim praktik.

Po ashtu, edhe nën-objektivi, Informimi i vazhdueshëm i qytetarëve për zhvillimin dhe ofrimin e shërbimeve, i ka paraparë 2 aktivitete për zbatim:

· Aktiviteti: 1) Publikimi i listës së shërbimeve administrative, kohëzgjatja e realizimit, kriteret si dhe kostoja për realizimin e tyre- Statusi i zbatimit: Pjesërisht i zbatuar. 1. Projekt ky i realizuar nga (GIZ) i paraparë në dy faza për identifikimin e shërbimeve. Gjatë këtij procesi disa nga shërbimet nuk kanë arritur të identifikohen, përderisa ka edhe informacione të pasakta për disa nga të dhënat për shërbimet. Në momentin e parë që do të rishikohet kjo listë do të jetë e publikuar për qytetarët. Zhvillimi i platformës, është planifikuar të bëhet në 6 mujorin e parë të vitit 2018 ku pritet të ri-shikohen të dhënat për shërbimet, këto të dhëna do të jenë të qasshme për të gjithë qytetarët përmes ueb portalit për shërbime.

· Aktiviteti: 2) Publikimi i të dhënave të kontaktit për çdo Institucion dhe për personin i cili është përgjegjës për ofrimin e shërbimit publik administrativ përkatës- Statusi i zbatimit: Pjesërisht i zbatuar. 2. Është shënuar progres edhe në publikimi e të dhënave të kontaktit, me ç’rast, është realizuar Projekti i GIZ-it në dy faza për identifikimin e shërbimeve, dhe gjatë këtij procesi disa nga shërbimet nuk janë arritur të identifikohen, përderisa ka edhe informacione të pasakta për disa nga të dhënat për shërbimet. Ndërkaq, zhvillimi i platformës do të bëhet në 6 mujorin e parë të vitit 2018, ku edhe pritet të ri-shikohen të dhënat për shërbimet. Në kuadër të vendosjes së kutive për marrjen e opinioneve, pritet zgjerimi i projektit edhe në disa institucione tjera, të cilat do të analizohen gjatë vitit 2018, dhe atë në 35 institucione, 60 lokacione, dhe 672 shërbime. Ka edhe disa vonesa në realizim të disa prej aktiviteteve, kjo përgjithësisht si pasojë e nisjes së procedurave të prokurimit dhe përgatitjes së termave të referencës, njëherit, vones ka paraqitur edhe nisja jo në kohën e paraparë e asistencës së jashtme, dhe pjesa më e madhe e asistencës është e bazuar vetëm në nivel të analizës dhe si i tillë nuk ka pasur zbatim në praktik.

Ndërkaq, sa i përket nën-objektivit, Përcaktimi i mekanizmave dhe instrumenteve për matjen e opinionit publik për kualitetin dhe qasshmërinë e shërbimeve publike, janë planifikuar 4 aktivitetet për tu zbatuar:

· Aktiviteti: 1) Vendosja e kutive për marrjen e opinioneve në të gjitha IRK-të mbi shërbimet e ofruara- Statusi i zbatimit: Pjesërisht i zbatuar. 1. Ky projekt është realizuar me mbështjetjen e UNDP-së, si dhe pritet zgjerimi i projektit edhe në disa insitucione tjera, institucione këto të cilat do të analizohen gjatë vitit 2018. Zgjerimi do të përfshij 35 institucione, 60 lokacione, dhe 672 shërbime.

· Aktiviteti: 2) Hartimi i rregullativës juridike për rregullimin e formave dhe standardeve të marrjes së opinioneve- Statusi i zbatimit: Pjesërisht i zbatuar. 2. Projekt ky i realizuar me bashkëpunim dhe financim të përbashkët në mes UNDP dhe MAP. Ekziston drafti i udhëzuesit për matjen e opinioneve. Me ç’rast, aktivitetet do të kryhen në 6 mujorin e parë të vitit 2018. Një mori aktivitetesh nuk janë kryer për shkak të mos qartësimit të pozitave dhe kompetencave brenda MAP. Në vijim parashihet të bëhet miratimi i udhëzuesit dhe fillimi i praktikimit.

· Aktiviteti: 3) Matja e opinioneve përmes formave të tjera (TI, mobile, klasike etj)- Statusi i zbatimit: Pjesërisht i zbatuar. 3. Ka ndërlidhje me pikën 2, është aktivitet i ngjajshëm dhe në formë të njejtë të zbatimit.

· Aktiviteti: 4) Analiza dhe raportimi i opinioneve- Statusi i zbatimit: E përfunduar. 4. Raportet e nxjerra nga e-Kutia, janë përgatitur dhe raportuar në vazhdimësi. Raporti dhe analiza finale nuk janë publikuar akoma. Pas finalizimit të raporteve, të njejtat u janë drejtuar nivelit të lartë menagjerial në MAP, ku të njejtit kanë qasje në të. Pas analizave të detjauara, çështjet e ngritura do të adresohen tek instancat përgjegjëse të insitucioneve përkatëse. I tërë aktiviteti nuk ka pasur kosto shtesë buxhetore dhe është aktivitet që vazhdon edhe në vitet vijuese.

Progresi në Kuadër të Indikatorëve

Vlerësohet se ka një progres, ku nga 8 indikator është evidentuar progres në më shumë se 4 indikator, ndërkaq, në 4 indikatorët tjerë gjendja është e njejtë, apo edhe nuk është shënuar progres. Progresi më i theksuar është arritur në numrin/përqindjen e institucioneve të cilat aplikojnë hulumtime për kënaqshmërinë e përfituesve të shërbimeve në baza të rregullta.

· Progresi në arritjen e caqeve gjatë vitit 2017 për Indikatorët sipas SMAP dhe Planit të Veprimit

Shtylla II

Indikatorët

Baza

Caku 2017

Arritja e Indikatorit 2017

1. Shkalla në të cilën politikat të orientuara kah interesi i qytetarëve për ofrimin e shërbimeve janë vendosur dhe aplikohen në praktikë.

1

2

2 (SIGMA 2017)

2. Niveli në të cilin legjislacioni për ofrimin e shërbimeve publike administrative është plotësuar dhe zbatohet.

2

3

4

3. Baza ligjore për njësinë për shërbimet e krijuar, si dhe struktura e plotësuar me staf.

0

3

4

4. Numri i sistemeve elektronike të integruara sipas kornizës së interoperabilitietit (ekzistojnë mbi 100 sisteme elektronike).

Platforma e interoperabilitetit ende nuk është zhvilluar. Tashmë rreth 5% të sistemeve kryesore janë të ndërlidhura përmes uebserviseve.

31%

5.71

5. Numri i qendrave për shërbim me qytetarët që ofrojnë shërbime për më shumë se tri institucione publike të ndryshme.

1

3

0

6. Numri i shërbimeve të ofruara nga një qendër për shërbime të qytetarëve.

5

30

0

7. Shkalla e publikimit të informatave për shërbimet publike në uebfaqet e institucioneve në raport me numrin total të shërbime të ofruara për secilin institucion (Informatat për shërbimet publike të publikuara përfshijnë adresën ku ofrohet shërbimi, zyrtari përgjegjës, listën e shërbimeve të ofruara, procedurat dhe kushtet, kostoja e ofrimit të shërbimit, kohëzgjatja për ofrimin e shërbimit, e drejta për ankesë në rast se përfituesi i shërbimit nuk është i kënaqur me kualitetin e shërbimit të ofruar).

N/a

80%

50.45%

8. Numri/përqindja i institucioneve të cilat aplikojnë hulumtime për kënaqshmërinë e përfituesve të shërbimeve në baza të rregullta (së paku çdo dy vite).

0 %

6

35

· Indikatori 1: Shkalla në të cilën politikat të orientuara kah interesi i qytetarëve për ofrimin e shërbimeve janë vendosur dhe aplikohen në praktikë:

Ky indikator është realizuar, dhe në kuadër të kësaj ekziston Korniza strategjike për ofrimin e shërbimeve, aktualisht ajo përbëhet nga Strategjia për Modernizimin e Administratës Publike 2015-2020 (Strategjia e RAP 2015-2020) dhe Strategjia e Rregullimit më të mirë, e cili synon reduktimin e ngarkesave administrative, PKZMSA dhe PVPQ. Njëherit, ekziston edhe lista e shërbimeve, e cila është përgatitur si një databazë për shërbimet, dhe vazhdimisht është në proces të plotësim-ndryshimit sipas nevojës.

Njëherit, indikatori 1 ka paraparë ekzistimin e mekanizmave për të analizuar dhe shmangur burokracinë në procesin e hartimit ligjor, dhe mbi këtë janë marrë disa iniciativa nga MAP dhe ZKM, me ç’rast kanë filluar procesin e harmonizimi të ligjeve të veçanta me LPPA dhe gjithashtu është bërë një analizë e strukturave për politikat e ofrimit të shërbimeve.

Po ashtu, sa i përket edhe thjeshtëzimit të barrierave administrative, ka pasur iniciativa të veçanta, ku institucione të ndryshme kanë marrë iniciativa për thjeshtësimin e barrierave administrative. Vlen të cekën: regjistrimi i bizneseve në ARBK, thjeshtësimi i dixhitalizimit të disa shërbimeve në ATK, në Dogana, regjistrimi on-line i OJQ-ve në MAP, shërbimet elektronike në ARC (e-kioska) etj.

Caku i treguesit për vitin 2017 ishte 2, ndërsa vlerësohet se ky tregues ka arritur rezultatin 2 sipas vlerësimit të SIGMA-s 2017.

· Indikatori 2: Niveli në të cilin legjislacioni për ofrimin e shërbimeve publike administrative është plotësuar dhe zbatohet:

Edhe në indikatorin 2 kemi kemi shkallë të mmirë të realizimit dhe është arritur caku për vitin 2017. Sa i përket legjislacionit, ekziston ligji për procedurat e përgjithshme administrative (LPPA), dhe ai ka një fushëveprim të gjerë, njëherit, Rregulloret e veçanta janë të kufizuara dhe ekziston një listë e rregulloreve të veçanta.

LPPA i ri njeh të gjitha parimet kryesore të sjelljes së mirë administrative, siç janë: proporcionaliteti; barazia dhe mosdiskriminimi; objektiviteti dhe paanshmëria; pritjet e ligjshme dhe të arsyeshme; administrimi i hapur; deburokratizimi dhe efikasiteti i procedurave administrative; ofrimi i informacionit dhe ndihma aktive, minimizimi i shpenzimeve procedurale; dhe e drejta për mjete juridike.

Neni 95 i LPPA, parasheh 1. Të drejta e dëgjimit; 2. Njoftimin, i paraparë me paragrafin 1 të këtij neni; 3. E drejta për t’u dëgjuar; dhe kur dëgjimi ndaras i secilës prej palëve të përfshira, në pajtim me paragrafin 3 të këtij neni, është jopraktik për shkak të numrit të madh të palëve, dëgjimi do të zhvillohet në çfarëdo mënyre të përshtatshme të dëgjimit të përbashkët.

Caku i treguesit për vitin 2017 ishte 3, ndërsa vlerësohet se arritja e këtij treguesi ka arritur rezultatin 4.

· Indikatori 3: Baza ligjore për njësinë për shërbimet e krijuar, si dhe struktura e plotësuar me staf:

Ekziston baza ligjore për strukturën përgjegjëse për ofrimin e shërbimeve, rreth kësaj, Projekti i Komisionit Evropian për mbështetje të Reformës në Administratën Publike, ka dhënë rekomandime për strukturën përgjegjëse për ofrimin e shërbimeve, mirëpo, ende nuk është marrë një vendim.

Njëherit, ekziston një strukturë në kuadër të ASHI-së, (Drejtorati për Racionalizim të Proceseve Administrative), e cila është e paraparë në Rregulloren për Organizimin e Brendshëm të MAP, dhe aktualisht është duke kryer këto përgjegjësi.

Synimi për vitin 2017 ishte struktura e themeluar dhe e kompletuar me legjislacion. Rezultati ishte 3, dhe vlerësohet se arritja për këtë tregues ka tejkaluar objektivin dhe ka arritur rezultatin 4.

· Indikatori 4: Numri i sistemeve elektronike të integruara sipas kornizës së inter-operabilitietit (ekzistojnë mbi 100 sisteme elektronike)?

Në kuadër të këtij indikatori përllogaritet se numri i përgjithshëm i sistemeve elektronike që janë integruar në Platformën e Interoperabilitetit, si dhe numri i përgjithshëm i sistemeve elektronike që duhet të integrohen bazuar në numrimin e përgjithshëm të sistemeve ekzistuese është gjithësej (70 sisteme). Pra ky indikator nuk është realizuar, sepse Platforma e interoperabilitetit nuk është zhvilluar

Në kuadër të zhvillimit të Platformës së Interoperabilitetit (ndërveprimit), është bërë integrimi i katër sistemeve elektronike:

· Regjistri civil;

· Regjistri i Adresave;

· Sistemi i Noterisë; dhe

· Tatimi në Pronë.

Caku i treguesit për vitin 2017 ka qenë 31% të sistemeve të integruara, ndërsa vlerësohet se realizimi i këtij indikatori ka arritur notën 5,71%.

· Indikatori 5: Numri i qendrave për shërbim me qytetarët që ofrojnë shërbime për më shumë së tri institucione publike të ndryshme:

Shkaktar për mos realizimin e këtij Indikatori deri më tani ka qenë vonesa e fillimit të zbatimit të Projektit “IPA II” dhe mos miratimi i Ligjit për Procedurat e Përgjithshme Administrative. Aktualisht jemi në fazën e analizës së gjendjes aktuale, ku janë angazhuar dy ekspertë nga Projekti “IPA II”.

Caku i treguesit për vitin 2017 ka qenë 3, ndërsa nga të dhënat e raporteve të institucioneve gjegjëse, vlerësohet se ende nuk është realizuar indikatori.

· Indikatori 6: Numri i shërbimeve të ofruara nga një qendër për shërbime të qytetarëve:

Edhe tek ky indikator nuk kemi shkallë të realizimit. Shkaktar për mos realizimin e këtij Indikatori deri më tani ka qenë vonesa e fillimit të zbatimit të Projektit “IPA II” dhe mos miratimi i Ligjit për Procedurat e Përgjithshme Administrative. Aktualisht jemi në fazën e analizës së gjendjes aktuale, ku janë angazhuar dy ekspertë nga Projekti “IPA II”.

Caku i treguesit për vitin 2017 ka qenë 30 shërbime përmes qendrës së vetme, ndërsa nga të dhënat e raporteve të institucioneve gjegjëse, vlerësohet se ende nuk është realizuar indikatori.

· Indikatori 7: Shkalla e publikimit të informatave për shërbimet publike në ueb-faqet e institucioneve në raport me numrin total të shërbime të ofruara për secilin institucione (Informatat për shërbimet publike të publikuara përfshijnë adresën ku ofrohet shërbimi, zyrtari përgjegjës, listën e shërbimeve të ofruara, procedurat dhe kushtet, kostoja e ofrimit të shërbimit, kohëzgjatja për ofrimin e shërbimit, e drejta për ankesë në rast së përfituesi i shërbimit nuk është i kënaqur me kualitetin e shërbimit të ofruar):

Ky indikator nuk ka arritur të realizohet dhe për këtë deri me tani shkalla e publikimit të informatave për shërbimet publike është bërë në:

17 Ministri kanë publikuar informata për shërbime publike;

28 Agjencione kanë publikuar informata për shërbime publike;

11 Komuna kanë publikuar informata për shërbime publike;

Pra, gjithësej 56 Institucione të Republikës së Kosovës kanë publikuar informata për shërbime publike.

Sa i përket bazës dhe mbështetjes ligjore, Numri i përgjithshëm i faqeve të internetit të institucioneve që janë të obliguara të mbajnë faqet e tyre të internetit janë të bazuar në Udhëzimin Administrativ Nr. 01/2015

Caku i treguesit për vitin 2017 ka qenë 80%, ndërsa vlerësohet se realizimi i këtij indikatori ka arritur vetëm 50.45%.

· Indikatori 8: Numri/përqindja e institucioneve të cilat aplikojnë hulumtime për kënaqshmërinë e përfituesve të shërbimeve në baza të rregullta (së paku çdo dy vite):

Sa i përket këtij indikatori, vlerësimi i shërbimeve përmes e-Kutive është bërë në 35 institucione dhe në 60 lokacione të ndryshme, ku vlerësohen 672 shërbime publike administrative në kohë reale, dhe kjo bëhet përmes formave/mjeteve si në vijim:

Vlerësimi përmes metodës së Klientit Misterioz (Mystery Shopping);

Anketimi i Barometrit Ballkanik; ndërkaq

ATK ka një vlerësim individual për shërbimet që ofron.

Caku i treguesit për vitin 2017 ka qenë 6 ose 5 % e institucioneve, ndërsa vlerësohet se realizimi i këtij indikatori është bërë në 35 institucione.

4.Organizimi i Administratës Publike dhe Llogaridhënia

Objektivi i përgjithshëm: Administratë publike transparente, të përgjegjshme, me sistem të qartë të llogaridhënies të karakterizuar me shërbim civil profesional, me struktura të brendshme administrative funksionale të bazuara në legjislacionin për administratën publike në pajtim me parimet e qeverisjes së mirë.

Objektivat Specifike:

1. Kompletimi i kornizës ligjore për organizimin e Administratës Publike për të gjithë tipologjitë e AP-së.

2. Përforcimi i sistemit të monitorimit në zbatimin e parimeve të etikës dhe integritetit në administratën publike;

3. Avancimi i mekanizmave për qasjen në dokumentet dhe informata publike.

4. Autoritetet publike krijojnë mekanizma të cilët marrin përsipër borxhet në rast të shkeljeve dhe të cilët garantojnë korrigjim dhe/ose kompensim adekuat.

Objektivi i përgjithshëm për Organizimin e Administratës Publike dhe Llogaridhënies është zbërthyer në katër (4) objektiva specifike. Për arritjen e këtyre objektivave janë paraparë njëmbëdhjetë (11) aktivitete. Siç shihet në të dhënat statistikore, paraqitet një lëvizje e zbatimit të aktiviteteve në kuadër të shtyllës së tretë krahasuar me vitin paraprak 2016, nga 11 aktivitete, 3 janë zbatuar plotësisht (krahasuar me vitin 2016, ku ishin zbatuar 2 aktivitete), 6 aktivitete janë në zbatim e sipër/ ose pjesërisht të zbatuara (nivel i njejtë zbatimi me vitin 2016), dhe vetëm 1 aktivitet s’ka filluar fare zbatimi (ku, në vitin 2016, 3 aktivitete s’kishin filluar fare zbatimin), ndërkaq për 1 aktivitet s’ka informata rreth nivelit të zbatimit, dhe këto shifra bazohen në raportimin e departamenteve gjegjëse. - (shih figurën 5 në vijim).

Fig. 5: Statusi i zbatimit të përgjithshëm në Organizmin e Administratës Publike dhe Llogaridhënie

Progresi në Aktivitete

Sa i përket objektivit specifik, Kompletimi i kornizës ligjore për organizimin e Administratës Publike për të gjithë tipologjitë e AP-së, janë 2 aktivitete për tu zbatuar:

· Aktiviteti: 1) Krijimi i bazës ligjore gjithëpërfshirëse për organizim të brendshëm të AP- Statusi i zbatimit: Ka filluar së zbatuari. 1. Sa i përket krijimit të bazës ligjore gjithëpërfshirëse për organizimin e brendshëm, gjatë vitit 2017 ka filluar procesi i hartimit të Koncept Dokumenteve për organizimin e administratës publike; shërbim civil; dhe ligji për pagat, ku në maj të vitit 2017 janë miratuar në Qeveri, koncept dokumenti për administratën publike dhe shërbimin civil.

Sa i përket koncept dokumentit për pagat, gjatë muajit dhjetor janë realizuar konsultimet publike dhe pritet të dërgohet në Qeveri për aprovim. I gjithë procesi i hartimit të koncept dokumenteve është bërë në mënyrë të koordinuar dhe uniforme. Gjithashtu, janë organizuar dhe mbajtur punëtori për hartimin e Draft-ligjit për Organizimin e Administratës Publike dhe Shërbimin Civil, të cilat në bazë të planit legjislativ për vitin 2018, janë paraparë të dërgohen në Qeveri për miratim në muajin qershor të vitit 2018, ndërsa në Kuvend në muajin shtator 2018.

· Aktiviteti: 2) Riorganizimi i AP sipas bazës së re ligjore- Statusi i zbatimit: Nuk ka filluar zbatimi. 2. Ndërkaq, në kuadër të ri-organizimit të administratës publike sipas bazës së re ligjore, nuk ka filluar fare të zhvillohet, i njëjti pritet të realizohet pasi të jetë miratuar korniza ligjore për AP-n. Po ashtu, MAP, gjatë vitit 2017 ka vazhduar punën për shqyrtimin e Projekt-rregulloreve për organizim të brendshëm dhe sistematizim të vendeve të punës në bazë të LASH në fuqi, ku ka shqyrtuar kërkesat e pesëmbëdhjetë (15) Institucioneve të Republikës së Kosovës, ku shtatë (7) nga to kanë marrë Pëlqimin nga MAP, si në vijim:

· 1. Ministria e Mjedisit dhe Planifikimit Hapësinor, me 28 mars 2017; 2. Agjencia për Mbrojtjen e Mjedisit të Kosovës, me 28 mars 2017; 3. Agjencia Kadastrale e Kosovës, me 28 mars 2017; 4. Ministria e Diasporës, me 16 mars 2017; 5. Biblioteka Kombëtare e Kosovës, me 16 mars 2017; 6. Ministria E Financave, me 9 gusht 2017; dhe 7. Ministria e Inovacionit dhe Ndërmarrësisë, me 27 dhjetor 2017.

Ndërsa, nga Qeveria janë aprovuar Projekt-rregulloret për Organizim të Brendshëm dhe Sistematizim të Vendeve të Punës për:

· 1. Ministrinë e Mjedisit dhe Planifikimit Hapësinor, me 4 maj 2017; 2. Agjencinë për Mbrojtjen e Mjedisit të Kosovës, me 4 maj 2017; 3. Agjencinë Kadastrale të Kosovës, me 4 maj 2017; dhe 4. Ministrinë e Inovacionit dhe Ndërmarrësisë, me 27 dhjetor 2017.

Ndërkaq, nën-objektivi që ka të bëj me, Përforcimi i sistemit të monitorimit në zbatimin e parimeve të etikës dhe integritetit në administratën publike, ka paraparë 3 aktivitete për zbatim:

· Aktiviteti: 1) Vendosja e sistemit të monitorimit- Statusi i zbatimit: Ka filluar së zbatuari. 1. Në kuadër të këtij aktiviteti është krijuar draft sisitemi për monitorim dhe pritet finalizimi i tij në periudhën e ardhshme, aktivitet që pritet të vazhdojë përgjatë vitit 2018.

· Aktiviteti: 2) Trajnimi dhe ngritja e kapaciteteve për personat përgjegjës për monitorim të parimeve të etikës dhe transparencës në AP- Statusi i zbatimit: Ka filluar së zbatuari. 2. Aktiviteti ka paraparë kryerjen e trajnimeve për trjanerë ku janë trajnuar “TOT” dhe në momentim që sigurohet buxhet do të vazhdohet tutje me trajnimet për SH.C.

· Aktiviteti: 3) Monitorimi i zbatimit të kodit të etikes në shërbimin civil- Statusi i zbatimit: ?? 3. Të priten të dhënat nga raporti vjetor i DASHC për vitin 2017 rreth shërbimit civil.

Në kuadër të nën-objektivit, Avancimi i mekanizmave për qasjen në dokumentet dhe informata publike, janë planifikuar 4 aktivitete për tu zbatuar:

· Aktiviteti: 1) Krijimi i databazës për kërkesa për qasje në dokumente dhe informata publike- Statusi i zbatimit: Pjesërisht i zbatuar. 1. Sa i përket krijimit të databazës për kërkesa për qasje në dokumente dhe informata publike, është miratuar në Qeveri Koncept-Dokumenti për Qasje në Dokumente Publike (15.05.2017), njëherit është zhvilluar Moduli për Qasje në Dokumente Publike në kuadër të Sistemit për Menaxhimin dhe Arkivimin Elektronik të Dokumenteve, dhe së shpejti pritet fillimi i përdorimit të tij.

· Aktiviteti: 2) Krijimi i listës së informatave për të cilat institucionet janë të obliguara t’i publikojnë në ueb-faqet e tyre- Statusi i zbatimit: E përfunduar. 2. Ka filluar zbatimi i Udhëzimit Administrativ për ueb-faqe në IRK në të gjitha institucionet, si në nivel qendror (ministritë), atë lokal (komunat), agjencitë, dhe portalet.

· Aktiviteti: 3) Hartimi i koncept dokumentit për politikat e qasjes ne dokumentet publike- Statusi i zbatimit: E përfunduar. 3. Është hartuar dhe miratuar në Qeveri Koncept-Dokumenti për Qasje në Dokumente Publike (15.05.2017), dhe si hap i ardhshëm ka mbetur Hartimi i Projekligjit për Qasje në Dokumente dhe Informata Publike.

· Aktiviteti: 4) Plotësimi i kuadrit ligjor për qasjen ne dokumentet publike- Statusi i zbatimit: Pjesërisht i zbatuar. 4. Plotësimi i kuadrit ligjor dhe monitorimi i zbatimit të lejimit, ka shënuar progres të vazhdueshëm, është finalizuar Projektligji për qasje në dokumente dhe informata publike, dhe pritet miratimi në kuvend.

· Aktiviteti: 5) Monitorimi i zbatimit të lejimit në qasje në dokumentet publike- Statusi i zbatimit: E përfunduar. 5. Është publikuar raporti gjithëpërfshirës i Institucioneve Publike për Realizimin e së Drejtës për Qasje në Dokumente Publike dhe është dërguar në Kuvend sipas Ligjit. Mbledhja e raporteve nga të gjitha institucionet publike bëhet në baza tremujore dhe në fund të vitit hartohet raporti gjithëpërfshirës. Raportet janë hartuar nga viti 2011 deri me 2017, (gjithësej 7 raporte). Raportet e viteve të ardhshme me Projektligjin e ri, është paraparë që të hartohen nga institucioni i Komisionerit për Lirinë e Informimit.

Njëherit, sa i përket nën-objektivit, Autoritetet publike krijojnë mekanizma të cilët marrin përsipër borxhet në rast të shkeljeve dhe të cilët garantojnë korrigjim dhe/ose kompensim adekuat, është paraparë vetëm 1 aktivitet për tu zbatuar:

· Aktiviteti: 1) Hartimi dhe miratimi i koncept dokumentit për përgjegjësinë e AP-së- Statusi i zbatimit: Në proces. 1. Sa i përket hartimit dhe miratimit të koncept dokumentit p�