Årets nysgjerrigper 2020 6.klasse ved Askvoll skule · 2 1. Dette lurer eg på 6.klasse ved...
Transcript of Årets nysgjerrigper 2020 6.klasse ved Askvoll skule · 2 1. Dette lurer eg på 6.klasse ved...
Årets nysgjerrigper 2020
6.klasse ved Askvoll skule
«Korleis er det å leve som ein viking ein heil
skuledag?»
1
Innhaldsliste
Trinn 1 – Dette lurer eg på
- Korleis er det å leve som ein viking ein heil skuledag?
Trinn 2- Kvifor er det slik?
- Hypotesar
Trinn 3- Legg ein plan
- Organisering
- Forarbeid og førebuing
- Kva type undersøking brukar vi for å hente inn informasjon?
Trinn 4- Hent opplysningar
- Korleis henta vi opplysningar?
- Spørjeskjema med resultat
Trinn 5- Dette har eg funnet ut
- spørjeundersøking
- vurdering av hypotesane
- konklusjon
Trinn 6- Fortell andre
- utstilling på skulen og bibliotek
2
1. Dette lurer eg på
6.klasse ved Askvoll skule består av 14 elevar, og dei hadde eit ønskje
om å arbeide tverrfagleg ein periode. Ideen kom då eit kapittel i
samfunnsfagboka dukka opp, som heitte «Vikingtida». Elevane snakka
lenge om korleis dei trudde det var å leve som ein viking, og då
nysgjerrigpermetoden vart introdusert for dei, var ein av
problemstillingane dei ville undersøke «Korleis er det å leve som ein
viking ein heil skuledag?» Så denne problemstillinga var med heilt frå
byrjinga før vi hadde idémyldring utan eit bestemt tema.
Dei hadde mange idear, som omfatta all slags tema. Vi hadde fleire
runder på kva problemstillingar dei ønskte å ha. Først måtte vi gjennom ei inspirasjonsrunde.
Då gjekk vi gjennom nysgjerrigpermetoden sine nettsider, og spontane spørsmål dei kom på.
Etterpå skulle kvar enkelt skrive ned så mange problemstillingar dei kom på. Vidare delte alle
ideane sine med sidemannen i klasserommet, før vi tok til på ei ny runde der dei skreiv ned
idear. No var dei inspirert av klassekameratane, så denne gongen vart spørsmåla endå meir
nyansert.
Den siste delen bestod av å velje ut ei problemstilling kvar, av alle dei hadde skrivet ned.
Etterpå samla vi alle problemstillingane i eit dokument som ei liste. For å finne fram til den
problemstillinga som flest elevar var interessert i å arbeide vidare med, brukte vi
elimineringsmetoden. Vi hadde dokumentet med problemstillingar på storskjerm, og for kvar
runde skulle elevane bestemme seg for ei problemstilling dei ikkje ville ha. Ved å bruke
handsopprekking, såg vi raskt kva problemstilling som blei stemt ned for kvar runde. Slik
haldt vi på til vi stod igjen med ei problemstilling.
«Korleis er det å leve som ein viking ein heil skuledag?»
3
2. Kvifor er det slik?
Sidan dette vart eit tverrfagleg prosjekt, der nysgjerrigpermetoden var noko som
kom litt på toppen av det heile, var allereie aktivitetar vi skulle gjennomføre
bestemt. Då visste elevane kva som skulle gå føre seg denne dagen dei ville leve
som vikingar. Då vart det litt lettare då dei skulle danne seg ei meining om korleis
dette kom til å bli.
Elevane måtte først bli kjend med kva ein hypotese var, før dei kunne formulere tankane sine
til ein slik hypotese. Vi gjekk gjennom mange eksempel, og dei fekk prøve seg på å lage
hypotesar knytt til andre tema. Etter litt førebuing på dette, var dei ivrige etter å lage
hypotesar til problemstillinga dei skulle teste. Elevane fekk skrive mange hypotesar kvar, men
måtte til slutt velje ut to kvar som dei ville skulle verte ståande. Kvar enkelt elev har altså sine
to hypotesar som klassen skal teste.
Her er hypotesane frå elevane:
Eg trur det vert vanskeleg å leve som ein viking
Eg trur eg kan lære noko nytt om vikingane
Eg trur det vert kjekt å prøve nye ting
Eg trur det vert rart å sløye ein fisk
Eg trur vi lærer noko vi ikkje visste frå før
Eg trur vi får mykje energi, og at vi får lyst til å gjere meir ting
Eg trur at det vert gøy
Eg trur at vi lærer mykje
Eg trur det vert tungt
Eg trur eg kjem til å verte meir svolten enn vanleg
Eg trur det vert mykje jobb
Eg trur det vert rart
Eg trur det vert spennande
Eg trur det blir ein morosam dag
Eg trur vi vert fortare svolten enn kva vi pleier å bli
Eg trur vi vert trøytte
Eg trur vi vert litt sterkare
4
Eg trur vi treng meir drikke enn vanleg
Eg trur det vert utfordrande
Eg trur det vert spennande å sjå korleis dei gjorde ting før i tida
Eg trur eg kjem til å vere sletne når vi er ferdige
Eg trur eg får ilt i kroppen
Eg trur det vert strevande
Eg trur eg kjem til å like å leike at eg er ein viking
5
3. Legg ein plan
Organisering Vidare var spørsmålet korleis ein skulle organisere arbeidet for å teste
hypotesane. Sidan sjølve inn hentinga av informasjon skulle gå føre seg ein heil
skuledag. Opplegget var lagt opp som ein skuledag, men med livsstilen til ein viking, så var
det naturleg i dette tilfellet at alle elevane skulle vere engasjert i alle aktivitetar, og alle skulle
gjennom dei same aktivitetane i løpet av denne dagen. Dagen var lagt opp som ein type
stasjonsarbeid i skogen, slik at måten å organisere aktivitetane på var ein måte elevane var
vande med å arbeide på.
Forarbeid Før denne dagen var det ein del forarbeid som måtte ligge til grunn, for å vere bevisst på
korleis livet til ein viking eigentleg var. Elevane hadde arbeida med teoristoff om
kvardagslivet til vikingane, og snakka om kva ressursar dei hadde tilgjengeleg. Kvardagslivet
innehaldt både matlaging, fysisk arbeid, estetiske oppgåver og leik. Elevane hadde også brukt
sløydtimar å laga sin eigen flettevev, som dei kunne ha med denne dagen. På denne
fletteveven, skulle dei veve snor til eit smykke. Sjølv anhenget til smykket skulle dei også
støype denne dagen. Så ein del av førebuingsarbeidet omfatta også å lage former av keramikk,
som dei kunne legge smelta tinn oppi.
Opplysningane elevane måtte fokusere på å finne denne dagen, var korleis dei opplevde dei
ulike aktivitetane dei skulle gjennom. Gjennom fysisk arbeid, finmotoriske aktivitetar,
estetiske vurderingar, og praktiske oppgåver måtte dei erfare korleis det var å arbeide på desse
måtane for å få eit innblikk i kva kvardagslivet til vikingane dreia seg om.
Kva type undersøking må vi førebu? Sidan heile klassen skulle evaluere denne dagen, måtte vi velje ein enkel måte vi kunne hente
inn informasjon frå 14 elever på. Etter samtale i plenum, vart vi einige om at eit spørjeskjema
var lurt, for det var både tidssparande, og det var lett for alle å bidra, og vi fekk henta inn lik
og like mykje informasjon frå kvar elev. Spørjeskjema skulle innehalde dei ulike typane
spørsmål, enkle og korte spørsmål, ikkje for mange spørsmål, opne spørsmål, lukka spørsmål,
og alle spørsmål måtte ha eit «veit ikkje» alternativ
Tanken var også og ha ein samtale i klassen etterpå, der ein kunne komme med litt generelle
tankar og erfaringar dei hadde lyst å dele med alle.
6
4. Hent opplysningar
Elevane skulle no prøve seg «ute i felt», og teste hypotesane. Undervegs
på denne dagen kunne dei snakke med andre, samtidig som dei utførte dei
ulike oppgåvene. Vi snakka på førehand om at ein hypotese kan vere
vanskeleg å teste, men det var viktig å gjere det ein kunne for å kunne
anten styrke eller svekke hypotesane. Elevane var bevisst på at dei skulle
prøve alt av aktivitetane, slik at dei hadde eit godt grunnlag når dei skulle
konkludere. Dei vart minna på hypotesane, slik at dei kanskje kunne danne
seg litt meiningar og tankar undervegs.
Gjennom stasjonsarbeid med fire stasjonar, byrja elevane å utforske korleis kvardagslivet til
ein viking kunne vere. Stasjonane var :
Lage bål, som ein trong til å smelte tinn. Tinnet skulle dei helle over i heimelaga
keramikkform.
7
Sage ved
Teikne typiske motiv frå vikingtida med kolstift
8
Sløye fisk og snakke om kva ein kunne bruke dei ulike
delane av fisken til
Veve på heimelaga flettevev – ei oppgåve dei kunne kose seg med
inn i mellom, og ved lunsj.
Vi hadde også grilling av fisk på bål med grønsaker, og ein tautrekkingskonkurranse, sidan
dette var ein av formene for leik vikingane brukte.
Evaluering av dagen – spørjeskjema Dagen etter skulle elevane svare på spørjeskjema om denne dagen. Dette var individuelt
arbeid, og dei fekk ikkje snakke med nokon på førehand. Dei hadde god tid til å tenkje
gjennom kva dei skulle svare. Vi snakka om at det var viktig å vere ærleg, slik at
opplysningane vart mest mogleg rett. Dette var for å danne eit godt grunnlag når vi skulle sjå
på hypotesane etterpå og prøve å konkludere om hypotesane stemde eller ikkje stemde.
Opplysningane vart systematisert i ei oversikt, slik at det var lett å lese kva resultata var frå
spørjeskjemaa.
9
Spørjeskjema nysgjerrigpermetoden
«Korleis er det å leve som ein viking ein heil skuledag?
Korleis var opplevinga di av denne utedagen, samanlikna med det å ha ein vanleg skuledag?
veldig kjekk noko kjekk lite kjekk veit ikkje
7 3 0 0
Korleis var arbeidsoppgåvene i vanskelegheitsgrad?
vanskelege noko vanskeleg litt vanskeleg veit ikkje
0 6 4 0
Kva synes du var den kjekkaste aktiviteten?
matlaging støype sløye
fisk
sage tautrekking teikne
med
kolstift
veve veit
ikkje
II IIIIIIII 0 1II IIIII IIIII I 0
Var det noko du synes var vanskeleg?
matlaging støype sløye
fisk
sage tautrekking teikne
med
kolstift
veve veit
ikkje
0 I IIII IIIII I I 0 II
Lærte du noko nytt denne dagen?
ja nei veit ikkje
9 0 1
Ville du hatt ein slik dag igjen?
ja nei veit ikkje
8 0 2
Dersom du lærte noko, skriv ei lita liste her over kva det var:
At det var vanskeleg å tenne bålet
Å sløye fisk
Å teikne med kolstift, og at mønstera dei brukte var vanskelege
Å støype
At vikingane hadde mykje å gjere
10
5. Dette har vi funnet ut Då vi hadde systematisert desse opplysningane i skjemaet, var det naturleg og ha
ein samtale i plenum om kva andre tankar dei satt att med. Så først hadde vi ei
runde i klassen der alle fekk sei noko. Etterpå tok vi hypotese for hypotese og
gjekk gjennom, der vi summerte opp litt kva dei tenkte i forhold til dei enkelte
hypotesane. Då fekk vi eit godt innblikk i kva klassen til saman hadde funnet ut
av. Her er hypotesane med ein kommentar under om kva heile klassen tenkte:
Eg trur det vert vanskeleg å leve som ein viking
Noko av aktivitetane var vanskelege, som til dømes å sløye fisk, og å sage
Eg trur eg kan lære noko nytt om vikingane
Ingen tvil om at vi lærte noko
Vi lærte å sløye fisk, støype, at å vere viking var mykje arbeid, at det var vanskeleg
å fyre opp eit bål med flint og stål, og at motiva dei brukte var mykje meir annleis
enn dei vi brukar
Eg trur det vert kjekt å prøve nye ting
Dei fleste synes det var kjekt å få prøve fleire nye arbeidsmåtar
Eg trur det vert rart å sløye ein fisk
Dei fleste synes dette var både rart og ekkel, nokre frå synes det var heilt greit
Eg trur vi lærer noko vi ikkje visste frå før
Det var noko lærdom i denne dagen, spesielt det å sløye fisk, støype og teikne med
kolstift
Eg trur vi får mykje energi, og at vi får lyst til å gjere meir ting
Energinivået var kanskje ikkje så høgt etter ei stund, men motivasjonen var på plass
Eg trur at det vert gøy
Dei fleste ville hatt ein slik dag igjen, for dei synes det var kjekt
Eg trur at vi lærer mykje
Elevane synes dei lærte mykje, spesielt om ein såg denne dagen i samanheng med
førebuingane vi hadde gjort i andre fag
Eg trur det vert tungt
Nokre kjende på at det å sage var tungt
Eg trur eg kjem til å verte meir svolten enn vanleg
11
Elevane var svoltne når det var lunsj, så svoltne at fisk smakte veldig godt!
Eg trur det vert mykje jobb
Det var travelt med alle arbeidsoppgåvene dei skulle gjennom
Eg trur det vert rart
Det var ikkje så veldig rart
Eg trur det vert spennande
Spennande var dei einige om at det var
Eg trur det blir ein morosam dag
Einige var dei også om at det var ein morosam dag
Eg trur vi vert fortare svolten enn kva vi pleier å bli
Då vi skulle ete var alle svoltne, men ingen hadde tenkt over det sidan vi hadde så
mykje å gjere
Eg trur vi vert trøytte
Då dagen var slutt var alle klar for å reise heim, så litt trøytte vart dei
Eg trur vi vert litt sterkare
Det fysiske arbeidet var tung synes dei, men om dei vart sterkare var det tvil om
Eg trur vi treng meir drikke enn vanleg
Same som med maten, så tenkte ein ikkje over drikke heller det var ein travel dag
Eg trur det vert utfordrande
Noko av arbeidet var utfordrande, og dette var veldig individuelt kva som var det
Eg trur det vert spennande å sjå korleis dei gjorde ting før i tida
Motivasjonen var god heile tida, og noko av arbeidet var spennande
Eg trur vi kjem til å vere sletne når vi er ferdige
Alle var noko trøytte og sletne då dagen var ferdig
Eg trur eg får ilt i kroppen
Ingen fekk ilt i kroppen, det var berre godt å få brukt den litt annleis enn ein vanleg
skuledag
Eg trur det vert strevande
Ikkje så frykteleg strevande, noko individuelt kva som var strevande
Eg trur eg kjem til å like å leike at eg er ein viking
Alle var einig i at vikingdagen var vellykka, og spesielt leiken med tautrekking var
kjekk
12
Klassen konkluderte med at mange av hypotesane stemde. Delar av oppgåvene var
noko individuelt korleis elevane opplevde dei, men dei fleste konkluderte med at
vikinglivet kunne virke kjekt. Lærerikt og kjekt å prøve å leve som ein viking, i staden
for å sitje i klasserommet og lese om det.
6. Fortell til andre
Etter prosjektet og utedagen var fullført, og vi hadde prata og reflektert over prosessen og
arbeidsmetoden, måtte vi formidle noko av arbeidet. Noko av det klassen gjorde, var å lage ei
utstilling av ein liten del av prosjektet. Dei fortalde om prosessen med å lage flettevev og
smelting av tinn, som resulterte i eit smykke. Utstillinga vart sett opp på biblioteket, og
foreldre, lærarar og ordførar var blant gjestane. Utstillinga bestod av smykket dei hadde laga,
plakatar med runesymbol, og vevane dei sjølv hadde laga. Ved opninga fortalde nokre av
elevane kva vi hadde arbeid med siste tida, korleis vi hadde arbeidd, og litt om korleis dei
opplevde prosjektarbeidet og utedagen då vi testa hypotesane.
Elles har elevane laga ei lita utstilling på vegg inne på skulen, med teikningar og rapporten
tilgjengeleg for alle å lese. Vi har også sendt inn til «Årets nysgjerrigper 2020».