Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlavul (February) 26, 2019 thawleni (tuesday)

GAS NEWSAgency : KIM JOEBooking : 3rd.JAn., 2019 to 28th. Feb., 2019

(advance booking) delivery :26-02-2019 (tUe)Time :10AM - till stockStock : 306 @ ` 774 19kg & 5kg /FTL available*Apply DBC& NC avai.

Agency : SASBooking :9th. Jan. , 2019 to 31st.Jan.., 2019delivery :26-02-2019 (tUe)Time : 9AM - till stockstOCK : 306 @rate:Rs. 774/-

VANGSEI INDANEK. SalbungBooking: 21-12-2018 to 24-12-2018delivery :26-02-2019 (tUe) Time :10AM -12 noonstOCK :306

Hmasawnna Thar Vol - 34/137 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

JNIMS a inthawk MBBS zo CCPur: Mr Sangnei-hlu Sanate, s/o Dr Romeo Sanate chun Jawaharlal Nehru Institute of Medi-cal Science (JNIMS), Imphal a inthawk MBBS hnesaw takin a lo zo tah. Mr Sangneihlu Sanate hin All India Pre-Medi-cal Test (AIPMT), 2014

MBBS Entrance Exami-nation a khan seat hmuin JNIMS a hin MBBS an chuk a. Back subject nei der loin MBBS result suok-a khan hlawtlingna a chang a nih. A hlawtlingna hi ei Chanchinbu chun a lawm-pui hle.

An kai \an nawk tah

CCPur: Joint SSA & RMSA Teachers Asso-ciation in an thil ngen sawrkarin a ngaisaknaw leia Ceasework strike an thaw chawlsan hri a ni thu an puong hnungin ZEO CCPur Office hawng le of-fice kai nawk a nita bakah School hai khawm Feb-ruary 25, 2019 a inthawk khan an kai \an nawk tawl tah.

STC GHQ Dia-mond Jubilee

CCPur: March 8-9, 2019 inkar sung khin Simte Inn, Simveng, CCPur-ah Simte Tribe Council (STC) GHQ kum 60 tlingna Diamond Jubilee hmang ning a tih. STC Diamond Jubi-lee lawmnaa ding hin JK Simte, IRS, Addl. Com-missioner; B. Dongzalian Simte, President, STC GHP le H. Ginzamang Simte, Chairman, STC Diamond Jubilee Celebration Com-mittee han Siel puitling pakhat seng an thawlawm ding a nih. Th. Jamchin-thang Simte, EM, ADCC in Rs. 1 lakh le sawrkar-a of-ficer dang dang han pawisa an thaw lawm bawk.

Enruk thaw 4, mi aia exam

17 hnawt-dawk an nih

imPhal: Board of Sec-ondary Education Manipur (BSEM) huoihawtna hnu-oia Class X (HSLC) Ex-amination, 2019 fe mekah February 25, 2019 khan enruk thaw mi 4 le mi aia exam 17, an rengin mi 21 hnawtdawk an nih tiin K. Tiken Singh, Controller of Examination chun Febru-ary 25, 2019 khan thusuok a siem. Enruk thaw hnawtdaw-ka um hai chu Paritzeau Maranatha Academy, Kangpokpi a inthawk Roll No. 22970; New Ideal H/S, Thoubal a inthawk Roll No. 36937 le 36940 le Uchiwa H/S, Uchia centre-a inthawk Roll No. 38973 hai an nih. Mi aia Exam hnawt-dawka um hai chu Khang-sillung Hr. Sec. School, Khoupum Centre-a in-thawk Roll Nos. 15653; 15654 le 15656. Don Bosco H/S Khoupum Cen-tre-a inthawk Rool No. 15453. Kasom Khullen H/S a inthawk mi 8- Roll Nos. 13805, 13809, 13788, 13798, 13794, 13774, 13853 le 13782 hai an nih. Ideal H/S, Pallel Cen-tre-a inthawk Roll No. 47061. Islamic Baby Eng-lish School, Lilong Centre-a inthawk Roll Nos. 47107 le 47108; Chingtam H/S Yaingangpokpi Centre-a inthawk Roll No. 26414 le Thangtong Hr. Sec. School, Saikul Centre-a inthawk Roll No. 21479 hai an nih.

Feb. 28 ah darkar 24 bandh thaw an tumimPhal: Feb. 28, 2019 chena Manipur Assembly fe mekah Greater Noida hmuna nunrawng taka thata um Pravish Cha-nam chungthu hriltlang a ni naw chun Fe. 28, 2019 zanrila inthawk darkar

24 sung bandh an thaw ding niin Laimayum Pi-shu Sharma, Convenor, People Action Committee Against the Brutal Killing of Pravish Chanam of Uri-pok Achom Leikai chun a hril.

cPI in Dr M.Nara an candidate ding

imPhal: 17th Lok Sabha election hung um dingah hin CPI, Manipur chun Dr M.Nara Singh chu In-ner Manipur Parliamen-tary Constituency-ah can-didate an tih tiin zanikhan L.Shotinkumar, Secretary, CPI, Manipur State Council chun an Party Head Office, Irabot Bhawan, Imphal-a Ex-ecutive meeting an nei huna chanchinbumihai an hmupui huna a hril. Chun, a thi huna a mamawhai ta dingin a mit a thawlawm (donate) ding thu L.Shotinkumar chun a hril bawk.

SP Office-ah Addl. SP (LO) inthla

CCPur: Churachandpur Police-a Additional SP (law & Order) sin chel lai mek, Addl. SP, Kakching sin chel dinga sawn Pu Lunkhomang Khongsai, MPS chu zani zantieng 2:30PM khan SP/CCPur Office chamber-ah inthla-na hun hmang a ni a. Zani ma khan Addl. SP (L&O) sin chel dinga hung sawn Sandip Gopaldas Mo-hurle, IPS leh charge inhlanna an nei nghal. Pu Lunkhomang Khongsai chunk um 2 chuong zet Addl. SP, CC-Pur sin a chel sung mipui han \ha taka an thlawpna thuah lawmthu a hril a, dan le thupek enkawlna kawngah thil\ha dit leia \awngkam mawilo le thawsuol a lo nei chun ngaidam dingin a ngen a, Press & Media han an thlawp na thua lawmthu a hril bawk.

Ama thlaktu ding San-dip Gopaldas Mohurle, IPS khawm students, phil-anthropic Organisation le a thawkpui hai khawmin ama an bawka thlaw-pna \ha tak lo pe dingin a ngen. Pu Lunkhomang Khongsai hin December 12, 2016 a kha Pu Da-vid Piaklian, MPS kuta inthawk Addl. SP (L&O) charge a lo lak a nih. Addl. SP, CCPur thar ding Pu Mohurle hi 2015 batch IPS Officer, Mani-pur cadre niin, Moreh a SDPO sin chel lai a nih. Hieng laizing hin Addl. SP (Ops), CCPur sin chel lai Pu Lunzamang Tungnung chu Addl. SP (L&O), Pher-zawl sin chel dinga sawn a ni a, Addl. SP (Ops), CC-PUr dingin Nobin Singh, MPS, Dy. Co/8th MR hung sawn a ni a, charge an inhlan hun ding hriet a la ni nawh.

Director a inthawk Dy. DG in a kaisang

CCPur/new delhi: Ministry of Defence, Govt. of India hnuoia Director sin thaw lai Pu V.L. Renga Hriler, s/o Pu Lienkim Hril-er of Rengkai, CCPur chu January 21, 2019 a inthawk khan Dy. Director General

(Army ah Brigadier rank) in a lo kaisang tah. Pu VL Renga Hriler hi tuhin Engineering Branch, Army Headquarter-ah Dy. Director General Works (Budget) sin a chel mek. Pu Hriler hi kum 1998 khan Indian Civil Service Exam-ah tlingin, Armed Forces Headquarter Civil Service a lo zawm a nih. Army Headquarter a tho hieng Ordinance Dte (Ve-hicle-Vehicle Auction) le Recruitment Dte (Officers) bakah Integrated Service Headquarters (NCC) haiah a lo posting ta hlak a nih. A kaisangna hi ei chanchinbu chun a lawmpui hle.

Demands For Grant 4- Rs. 14, 08, 91, 25, 000 passed

Old Age Pension Rs. 4000 a inthawk Rs. 8000-a sukpung a ni tah: Nemcha Kipgen

imPhal: Social Welfare Minister Ms Nemcha Kip-gen chun, Social Welfare Department chun theitaw-pin scheme hran hran hma\hatna hmutuhai chu an hmu ding indiktaka an hmu theina dingin Direct Benefit Transfer hman-gin hma lak zing a nih thu a hril a. Old Age Pension khawm Rs. 4000 a inthawk Rs.8000-a sukpung a ni tah tiin a hril. Hi thu hi zani ta 11th State Legislative Assem-bly rorel in\hung ni linaa Demands for Grants pali a pass-na le inzawma indaw-na le dawnna huna a hril a nih. Inpui chun Demands for Grants pali, a rengin Rs. 14, 08, 91, 25, 000/- a passed. Demands for Grant passed hai chu: Demand No. 8, Rs. 8,54,04,63,000/- for Public Works Depart-ment, Demand No. 16, Rs. 34,74,28,000/- for Co-

operation, Demand No. 26, Rs. 98,74,71,000/- for Administration of Jus-tice, Demand No.44, Rs. 4,15,98,51,000/-, for Social Welfare Department le De-mand No. 46, Rs. 5, 39, 12, 000 for Science & Technol-ogy an nih. Nemcha Kipgen chun, beneficiaries \henkhat a hun taka pek dinghai har-satna \henkhat leia hmu lo khawm an um niin a hril a. Ham\hatna a hun taka an hmu nawna le an hmu zawm pei ding daltu pakhat chu Utilisation Certificate pek lut ngai naw lei niin a hril. Ministry of Social Wel-fare instruction dungzuiin tuta inthawk chu an pawisa hmu ding reng reng chu Direct Benefit Transfer (DBT) system vawnga pek an ni ta ding niin a hril bawk. Anganwadi Centre bawlna thuah 169 bawlna ding sanctioned an tah a, a

dang po Work Order suok-na ding chu a hmun (site) thua buoina leiin pending a la nih tiin a hril. ah Chief Minister khawm \hangin, tar upa Bank chen tlung zo ta lohai ta dingin an in annawleh an hnaina tak Common Ser-vice Centre haia Tar Pen-sion an hmu theina dingin sawrkar chun hma a lak zing niin a hril. Inpui leader Pu Biren Singh chun, local represen-tative, MLA, MDC le DC/CDPO/BDO hai chu, an biel senga tar upa taksa chau Bank tlung phak ta lohai an um chun concerned depart-ment hotuhai kuomah intl-unin chuongang mihai chun an inah Tar Pension an hmu theina ding lampui ngaituo pek hlak dingin a hril bawk. “Sawrkarin a pek ding chu an in ngeiah a pek thei chun a \ha taka, a thei naw tawpah an khuoa CSC hai >>sunzawmna phek 2-ah

Manipur Tourism Policy hlen ni vat tang a tih: chief MinisterManipur Tourism sukhmasawnna dingin Rs. 4, 171.14 Lakh riruong a nih

imPhal: Chief Minister Mr N. Biren Singh chun Manipur-a Tourism sukchangkangna ding le sukchangtlungna dingin Manipur Tourism Policy chu sawtnawte ah hmang nih vat tang a tih tiin zanita 11th State Legislative Assembly rorel Session 7-na ni linaa zawna dawnin a hril. Opposition Member Okram Henry Singh-in starred question a zawna dawnin, Manipur Tourism sukhmasawnna ding sin chi hran hran thaw mek a ni ha, chu lai chun state le local festival hran hran hai promote-a suklarna ding le ei products hai puotieng international market chena zawr suokna ding thilhai a \hang tiin a hril. Manipur Tourism develop-ment-na dinga sum riruong po chu Revised Estimate 2018-19 dung-zuiin Rs. 4, 171.14 lakh a ni a, chu laia Rs. 3, 703.14 chu Tourism Insfrastructure, organizing state festivals le promotion of tourism a hmang ding bik niin a hril. A hril pei dan chun, tourism metro city haiah promotion le pub-licity thawa visitors haiin Manipur an hung sir thei dan ding hrilhri-etnahai khawm thaw niin a hril a. Ministry of Tourism, Ministry of DoNER le NEC hnuoia Infrastruc-ture development projects State

Plan hnuoia hung dinghai khawm process mek niin a hril bawk. Mihai an hung inzin nuomna ding le inzinna sukawlsamna din-gin lamlienhai siem\hatin Helicop-ter service hai chen thaw a ni thu a hril a, ram kilkhawr tak chenhai an tlung theina ding thaw tum niin a hril. Khuolzin thuah domestic le international levela hung inzin an pung pei leiin lawmum a ti thu hri-lin, khuolzin han an hmelhriet thei-na ding le lamlien sukchangtlungna dingin Swadesh Darshan le North East Tourist Circuit hnuoia sinhai khawm thaw mek an nih tiin a hril. Visitors han Loktak Lake mawizie an hmu theina ding le

an hung nawk pei nuomna dingin Loktak Dil chu tourist hai attract-na dinga cheimawiin Loktak Heri-tage Park khawm siem tum a ni thu a hril a. Khawvela parte mawitak Shirui Lily khawm national le internation-al level-a chena mihai hriet a hlaw theina dingin Shirui Lily Festival khawm state level-a hlangkai niin a hril a. Festival dang Barak Festival khawm state level Festival-a hlang-kai a nih ding niin a hril. Manipur ah mi an hung inzin nuomna ding chun a ralmuong a pawimaw tak a. Infrastructure ienga tam le mawi nei inla khawm ei ram a ralmuong nawa, strike/bandh/ambush hai a tlung zing chu

tukhawm hung ngam naw ni hai, chuleiin, a mi chenghai inremna le muongna ei siem a pawimaw tiin a hril bawk. Tourism le inzul tho Smart City siemna thuah, Mr. Surjakumar Okram, MLA, 35-Khangabok a za-wna dawnin MAHUD minister Mr Th. Shyamkumar Singh chun, ‘fast track round of Smart City challenge process’ ah khan Imphal chu May 25, 2016 khan Smart City-a siem dinghai laia pakhatin thlang a ni thu a hril a. First Instalment Rs. 107 crore khawm April 20, 2017 khan hmu a ni tah tiin a hril. Hitaka State Share 50:50 dinga Rs. 25 Crore khawm released ni tain a hril bawk. Social Welfare Minister Pi Nemcha Kipgen chun, Dr. S. Ran-jan Singh, MLA, 18-Konthoujam a inthawka Starred Question dawnin, state pumpui ah Anganwadi Centre 100 bawl a nih ding niin a hril a. Hi-taka sum seng ding zat chu Rs. 20.25 core a ni a, Centre pakhatah Rs. 4.5 lakh pei dinga hisap niin a hril. Anganwadi Centre bawlna Phase 6-na chu sin \an a la ni naw thu a hril a. A/C tina bawlna ding hmun chu MLA pei Committee Chairman niin DC hai Secretary ning an ta, SDO, DPO, CDPO le EE/DRDA hai Member ning an tih >>sunzawmna phek 2-ah

Poppy kung suksiet nawk

CCPur: February 23, 2019, 7AM khan David Ki-long, MPS SDPO/Thanlon inrawinain CCPur Police team, Police Drug Cell Unit, NAB PS Manipur, NCB Team Manipur, 25

Assam rifles personnel hai bakah Executive Magis-trate Mualnuam Sub Divi-sion hai \hangruolin Hen-glep Sub-Division sunga Ukha Loikhai village ram sung acres 86 vela ching

Kani (poppy) kung an suksiet nawk. Poppy kung suksieta um hi a suma hisapin Rs. 2,58,00,000 vel man ding nia hisap a ni a, Poppy pod 6 anman sa bawk. Poppy suksieta um le inzawm hin FIR no. 01(2)2019 Henglep-PS u/s 18 (b) ND & PS Act regis-tered a nih. February 22, 2019 khawm khan Saikot Sub-Division sunga Tuikham-phai bielah ram acres 103 vela ching Poppy kung suksiet/vatthluk a lo ni ta bawk. Hi \uma Poppy suksieta um hi Rs. 5 crores manhu vel nia hisap a nih.

Pasal pakhat a thisaa hmu

CCPur: Mr Lam-khankhual @ David, s/o Pauzadou Ngaihte & h/o Kimzahoih of Bukpi Vil-lage, Thanlon Sub-Divi-sion, Pherzawl District, tuta Pearsonmun vengthlang-a um mek chu Thaw\anni zingkar 1:30AM vel khan Pearsonmun field thar th-lang Sumpi ruo huon sungah a thisaa hmu a nih. A ringah hruia inkhitin inkhaihlum anga hmu a nih. Lamkhankhual hi Feb. 23, 2019 zantienga In-a inthawka suok, In an lawi naw leia zawng a ni hnun-gah a thisaa hmu a nih. Lamkhankhual hi Me-decins Sans Frontieres (MSF) a driver sin thaw lai mek a ni a. A thi nasan tak hriet ninaw sienkhawm lungril beidawngna nei nia hril a nih. A ruong February 26, 2019 hin Pearsonmun thlan-muolah vuiliem ning a tih.

In rawk

CCPur: February 25, 2019, zantieng 1-2PM inkar khan Dorcas Veng, CCPur-a N. Vashti cheng-nain rukru han an rawk a, Almirah kar siein a sunga pawisa \hahnemtawk tak an inrukhmang. N. Vashti hi HSLC Exam fe mekah Ebenezer Academy Centre-B a Offi-cer in-charge a nih. Rukru hai hi In hnung tieng dai lawnliemin In kawt-kharpui suksiein insung an lut a, chu hnunga room sunga Almirah suksie a pawisa hi an lakhmang a nih. In neitu hai hril dan chun, an In rawktu hi chieng takin hrie naw hai sienkhawm an in-sung khawsak le um dan hrechieng an ni ngei an ringhla thu an hril.

Edn. Minister-in Education Free Zone-a siem a ngen

imPhal: Education Min-ister Mr. Thokchom Rad-heshyam stakeholders hran hran hai chu Education hi a pawimaw em leiin ‘free zone’ a siem dingin a ngen. Ei rama Education chu strike/bandh le a dang dang buoinahai hin a chawk buoi ta nawa zalen taka inchuk theina a um pha pha le chau in\hanglien taktak thei a tih tiin a hril. “Education instituion hai chu Private le Govern-ment an nih thei a. Insti-tuiton tinin naupang an thiemna dingin an chuktir a nih. Society \halem le nundan inhawi lem ei nei theina dingin \hangthar peia ei inchuktir vawng a nih. Chuleiin, educational institution hai suksiet za-wng le sukbuoi zawng chun

thil thaw ngai nawng ei tiu. Tharum thawna chun soci-ety a suksiet lem a nih” tiin a hril. Pu Th. Radheshyam chun UNACCO School, Meitram pahnina (kaupeng) UNACCO Social Develop-ment Trust hawng theia um chu a lawmpui thu a hril a. A school hin education sec-tor ah contribution lien tak a nei ding thu hrilin, hieng ang school hi tlangram ah khawm hawng ve \ha a ti thu a hril bawk. Tlangram district Ukh-rul District le Kamjong Dis-trict hai an zinna thu a hril a, la tlung phak lo tlungna ding a la tam taluoa, abikin ramri zula school hai chu nasataka sukchangkang \ul an nih tiin a hril. Hmasawnna ding chun

connectivity, health le education a pawimaw a. Tlangram school \ha la um nawnahai hin phairam mihai khawmi NGO hai le \hangruolin education sukhratpui inla chu inlaich-inna siemna kawnga khawm thil \ha tak a ni ding thu a hril. Tulai khawvelah ‘change’ a tlung hrat em em a, chuleiin education a ei inchukhai hai khawm hun a danglama ni a danglam ang peiin update le upgrade ve pei an \ul tah ti thu a hril a. Naupang hai chu ‘copy and paste’ el inchuktir lovin, ‘in-novative’ deu le ‘creative’ deu an ni dan ding ngaituo ding a nih. Education a in-thawkin hringnun tak tak an hmang dan ding inchuktir ding a nih, tiin a hril. (DIPR)

Hmasawnna Thar2 thlavul (February) 26, 2019thawleni (tuesday) artiCle/health & emPlOyment news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

Assembly News: SunzawmnaVAWISUN THUPUILunginsen unla khawm a suol ruok chu suol naw ro; in lungsen chu nisain tlakpui naw raw se; Diebol chu hmun inkien bawk naw ro. - EPHESI 4: 26-27

Lungmeihawl khurah mithi ru hmu nawk

shillOng: December 13, 2018 a Meghalaya-a East Jaintia Hills district-a lungmeihawl khur-a bula um Lytein vadunga inthawk tui luonglut leia khur sunga lungmeihawl chodawknaa sinthawtu mi 15 intang hai laia pakhat thisa ruong/ru ni awm tak Pathienni khan hmu nawk a nih. Lungmeihawl khur hi Lumthari village huomsung Ksan area-a um a ni a, khur hi feet. 370 zeta inthuk a nih. A hma khan mi pahni ruong hmawn ta hnung hmu a ni a, pakhat chau lakdawk thei a lo ni a, tuta mi khawm hi Indian Navy hai ta underwater ROV hmanga hmusuok niin, laksuok tuma buoipui mek

a nih. Mithi ru hi feet 150-na vela hmu a nih tiin Opera-tion spokesperson R. Susn-gi chun a hril. Thla hmasa khawm khan mi pakhat ru hmu a lo nita a, sienkhawm a lo intawlhmang nawk leiin hmu nawk a la ninaw a, tuchena hin mi pakhat ru-ong chau lakdawk a la nih. State sawrkar chun hi thil tlunga thina tuok sungkuo hai kuomah zang-nadawmna Rs. 1 lakh seng pek dingin a lo puong a nih. Lungmeihawl khura tui lut hi pump dawk vawng tumin tui pump hrat tak chi hai khawm hmanga bei a lo nita a, sienkhawm tui hi a kiem thei chuongnaw leiin sansuokna le mithi hai ru-ong laksuokna hi a fe hrat theinaw a nih.

Sc in SF hai humtu ding policy induong dinga rawtna Sc in enfel a remtihnew delhi: Jammu and Kashmir-a sipai le Army convoys hai lunga deng an ni rawpna le inzawma security forces hai chunga human rights bawsietna kawnga se-curity hai human ding policy siem ni raw seh tia petition pekluta um chu Thaw\anni khan Supreme Court chun enfel dingin a remtih. Hi thua hin Chief Jus-tice Ranjan Gogoi le Justice Sanjiv Khanna hai umna Supreme Court bench chun Sawrkar thlungpui, Minis-try of Defence, Jammu and Kashmir le National Hu-

man Rights Commission (NHRC) hai notice a pek. Petition hi CRPF jawan pension tah naunu le officer sin thaw lai mek naunu Preeti Kedar Gokhale (19) le Kajal Mishra (20) han an file a nih.

An petition a chun, mu-ongna le inremna um theina dinga Indian army han an mawphurna an thaw hunah lunga deng an ni rawp hlak chun a sukbuoi niin an hril a, lunga dengtu hai chunga

action lak a ni ngainaw an ngaimaw na lei le Army personnel han an duty an thaw huna an chunga human right bawsietna tlung rawp hlak ngaimaw leia petition hi an peklut a ni thu an hril. Lung dengtu mi 9,760 chunga FIR registered-a um J&K sawrkarin a lakkir chungthuah petition petu hai chun indawnna an siem bawk. Mi tuamani chunga FIR registered a um ta chu State in a lakkir ding a ninaw thu, CrPC/RPC dan hnuoia thaw ding a ni thu an petitionah an ziek.

Mipui thuneina ram (democracy) ah chun mipui han an aiawa sinthaw ding le sawrkar enkawl a, mipui mamaw ang peia dan siem dinga an thlang suokhai hi an pawimawna hril nep thei a ni nawh. Hieng lai zing hin an ni le an ni an induot a, an invur taluo hi chu a fel hlel deu an naw mani ding aw ti thei-in a um. India ramah hin Parliament a ni am, State Assembly a ni am, member dinga thlang hai hi an pawimaw em em, dan siemtu “Legislator” an nih. Democracy lungthu pawimaw pathum, legislature, executive le judiciary hai laia mi an nih. An thuneina le nina hi an sang a, a thlangtu mipuihai hi ieng bara an ngai ta ngai naw mani ding aw ti theia a um chang a um hlak. MP le MLA han ham\hatna an dawng hai laia awm ang lo pakhat chu MP/MLA an ni naw hnunga pension an inpek hi a nih. An sin hi sawrkar sin pan-gngai (employment) a ni ve naw a, Representative of People Act hnuoia inthlangnaa thlangtlinghai an ni a, ruoi le sawr nawn thei an ni le ni naw tiengpang hi Act-ah hin a chuong naw a, a thlangtu han an la dit chun thlang nawn nawk thei an nih. Kum 5 a dinga thlangtling an ni zova, MP/MLA dinga laklut an ni ta phawt chun pension an hmuin an lak thei a nih. MP/MLA hai hi an chawl (retired) hin sawrkar thawktuhai anga pension-a suok an ni ve naw a; mipui han thlangtling ta lova an hnawl hnungah an chawl a nih. Sawrkar thawktuhai chu an sin-thawna ding le inmila thiemna nei dinga bithliek sa um vawng, an sin an thaw \an a inthawkin kaisang theina ding dam, an hlaw pung dan ding tlangpui le an chawl hlen (pension) hun ding induong sa vawng a nih. MP/MLA hai ruok chu thiemna tiengah nina iengkhawm an mamaw naw a, school kai der lo khawm nisienla inthlangnaah a ngir thei a, a tling chun iengang chanvo khawm a chel thei. Sawrkar thawktuhai chu Pay Commission in an hlaw a siem pek a; MP le MLA hai ruok chu an nin an hlaw dingzat an bituk a, chu chu Parliament an-nawleh Assembly-ah an ni rawi bawkin an hriltlang a, an pawm chun hmang nghal thei a nih. Tukhawma an siem pek nawh. An ni annawleh an sunghai laia a damnaw an um chun enkawlna sengso sawrkarin a tum pek vawng a, an ni thlangtu mipui mimirhai ruok chun pawisa sengin health care scheme an tiah kumtin inziek lutin inenkawlna sengso thei zat bithliek a um hlak. Natna tam takah sengso hmukir thei a ni nawh. Mipui thlangtlinghai ruok chun an nuom zat zat, bituk um der lovin damdawia inenkawlna an ta ding le an sunghai ta dingin an hmang thei a, chu chu sawrkarin mipui sum a inthawkin a tum pek vawng a nih. Hlaw tam tham tak hlawin, a bebawm chi tum tum an la hmu \eu sa bawk a nih. Hi bakah hin an ni bakah an sunghai hla tak takah a thlawnin an inzinpui thei a, electric fee, tui fee le phone hmang man chen sawrkarin a la tum pek vawng a nih. sawrkarin a tum pek zat ding hi an ni han an la bituk a, an nuom chun an la suksang thei nawk nghal. MP le MLA an ni naw hnungah khawm pension inhnarum tham tak, mi tam takin sawl taka ei thaw suok neka tam dai an la lak zui a nih. A nina takah chun penson ni lovin mipuiin an hnawl leia MP/MLA nita lo a ni lem a, pension hlaw hi an lakna ding san a um am ti hi ngaituo tham a tling a nih. Sawrkarin mipui mimir hai kuomah thlai suong-na Gas inchawkna sengsoah an phurrik sawkna dinga subsidy a pek khawm la lo dinga ti an ni laiin, ei thlangtlinghai chun subsidy le concession hran hran cheng tam tham tak an la dawng a nih. Thil ieng-kima hin a bik nina le ditsak bik nina hi an dawng rawn hle a nih. Govt. Guest House-ah an tlung khaw-min pindan \ha tak an chang a, tlung man le fak man sawrkarin a tum pek nawk a. Hiengang khawpa mipui sum (public money) hmanga duot an ni lai hin, an ni thlangtlingtu mipuihai ruok chu sawrkarin a hrek a, sie an chawitir nghek nghek el a nih. Bank Account neihai lem chun chawi ding inzen hi an haut a em em a, Bible in a hau hai pek belsa pei ning an tih a ti ang el kha a hung nitah. Bank Account a sum um, thla khat sunga chawkruola Rs.3000 bek account-a sum sie ding nei lo khawpa retheihai chun an pawisa sie tlawm man an la chawi belsa pei a ni hi! MP le MLA hai hi an umna Political Party han inthlangnaah an candidate ta naw lei amani, inth-langnaah mipuiin an thlangtling tan aw a, an hnawl ta leia pension an nih. Politics chawlsan hrim hrim khawm an um bawk hlak. An nuom naw lei ni lo, mipui han an dit tanaw le an hnawl ta leia MP/MLA nita lo hai hi pension hlaw pek hi an phu am? Ngaituo chet chet chi a nih. Pension pek ding an ni chun, sawrkar thawktuhai angin an pension hun ding kum 60 or 62 a bituk ve nisienla a \ha naw ding maw? Pei le nuom chen chen thuneina chel tum tlat han pension hlaw an nei hi thil indik a ni chie am? Thaw dan le fedan indik tak chu a ni chie naw niin an lang. Thlanglalhai hi an ni le an ni invur ham\ha le hausa an ni deu tak.

An ni le an ni invur an nih

PM Modi in National War Memorial a hawngnew delhi: Prime Minister Narendra Modi chun Thaw\anni zantieng khan India Gate bul, New Delhi hmunah mei sit chawkin National War Memorial a hawng. National War Memo-rial hi India ramin zalenna (Independence) a hmua in-thawk India ram ta dinga hringna lo inhlan ta sipai hai chawimawi le hrietz-ingna dinga indin a ni a, India sipai raldonaa lo thi tah 25,942 hai hming granite phekah rangkachak rawngin an hming ziek vawng a nih. War Memorial complex hin a lai takah granite a siem obelish metres 15.5 a insang a um a, eternal flame bakah Indian Army, Air Force le Navy hai in-donaa an lo \hangna hai inentirna lim bronze mu-rals 6 a um bakah Param Yoddha Sthal-ah Param Veer Chakra awardees 21 hai lim (busts) in\hut a ni bawk. PM Modi chun In-

dian Armed forces hai chu khawvel army hai laia huoisen tak hai laia mi an ni thu war memorial a hawng hunah a hril a, India sipai hai chu an hmaa chona um hai hnesaw taka hmasawn le dawnlet hlak an ni thu hrilin, hun sawt taka in-thawk indin dinga ngenna lo um tah chu a sawrkarin a hung sukpuitling tah a ni thu a hril a. A sawrkar chun Indian Armed forces chu mania

an todel thei dan ding lam-pui ngaituoin theitawpin hma a lak a nih tia hrilin, sawrkar hmasa ngaitha leiin armed forces le ram security in harsatna a tuok pha a nih tiin an tum a. Ra-fale fighter jets laklutna dinga Congress chu har-satna intluntu in PM Modi chun an tum bawk. A sawrkar chun ex-servicement hai ta dingin One Rank One Pension a sukpuitling ta a, hi scheme

hnuoiah sawrkar chun kum 4 liemta sung khan Rs. 35000 crores a semdawk ta a nih tiin a hril. PM Modi chun Armed Forces hai ta dingin super speciality hospitals pathum indin a ni ding thu hri a hril bawk. Hi huna hin De-fence minister Pi Nir-mala Sitharaman khawmin thuhrilna hun a hmang. National War Memorial hi Rs. 176 crores senga in-din a nih.

tiin a hril. Committee hin Sawrkar school sunga Aganwadi Centre umhai zawng suok hmasa phawt an tih, tiin a hril bawk. CAF & PD Minister Mr Karam Shyam chun, Welfare Institutions and Hostels Scheme (WIHS) scheme chu ei State ah hlen a nih tah tiin Opposition Member, Okram Henry Singh, MLA, 15-Wangkhei zawna dawnin a hril a. April-September, 2018 khan bufai MT 857.93 chu 1st In-stalment anga pek a ni a, 2nd Instalment khawm peksuok ni vat tang a tih tiin a hril. Hi Scheme hnuoia hin Hostel Scheduled Caste, Sched-uled Tribes le Other Backward Classes student ratio 2:3 neihai chun an hmu thei niin a hril. Hostel bakah, Nari Niketan, NGO le Organization hai le PDS-in a cover phak nawhai khawm a cover sa niin a hril bawk. (DIPR)

Manipur Tourism Policy hlen

ah, chu khawm chu la fe thei lo an um chun an aia Banka fepektu ding mi nominate theina ding dan siempek ding an nih” tiin a hril. ‘Go to Village’ le ‘Go to the Hills’ hai khawm hi lun-gril neia policy siem a nih thu hrilin, ham\hatna hmutu ding indiktak haiin hmu lovin a hmu lo ding le awm lo lohaiin an hmu lem ti thu dam a hriet leia pawi a ti thu a hril a. Abikin Old Age Pension awm lo tak takin an hmua, awm tak tak hmu lo an um ti thu a hrietin a lungril a na niin a hril. A hmutu ding indiktak hai chun an hmu ngeia, lam-lak ‘cut’ iengkhawm a um ta nawna dingin DBT ngawta pek an nih ta ding thu a hril bawk. “Old Age Pension tlawmte an hmu karah lamlak lo ‘hi-jack’ tu dam an la um nawk pei hi chu a pawi a nih” tiin a hril. Works Minister Mr. Thongam Biswajit Singh chun, RIMS Road improvement work chu March 1st week ah zofel nih tang a tih tiin a hril. Meisnam Leikai Road, Thangmeiband road improvement-na ding chun fund sanction iengkhawm a um naw a, a \ul chun ‘pawimaw theinghilhai’ lai ‘additional program’ ah sie thei ning a tih tiin a hril a. Sawrkar chun National Highways, State Highways, Major District Roads, district roads le inter-village roads hai siemna ding le inzawmin policy infuk deu siem a tum niin a hril bawk. Imphal-Saikul Road upgradation thu le inzawmin Cen-tre chun State Highway 7 chu National Highway-a siem dingin a approved tah a, election hma ngeia sukfel dinga ngen niin a hril. Paona-Bazar le Thangal bazar lamlien-hai thingbul phunna leia suksiethai chu March-April sung ngei siem zo ning an tih tiin a hril bawk. Zani ta Inpui rorel chun 9th Report of Business Ad-visory Committee, 2019 a pawmpui a. Mr. Th. Shyam-kumar, Minister (in-charge of Environment and Forest) in “The Manipur Loktak Lake (Protection) (Third Amend-ment) Bill, 2019” a put lut bawk. (DIPR)

Demands For Grant 4- Rs. 14, 08, 91, 25, 000 passed

cM-in Sport Policy Siem Ni vat ta dingin a hril

imPhal: Chief Minister Mr N. Biren Singh chun Sportperson hai sukphurna ding le Games and Sports sukchangtlungna dingin ‘Sports Policy’ siem ni vat tang a tih, tiin a hril. Hi thu hi zani a Main Sta-dium, Khuman Lampak-a ‘Shannaroishingee Numit 2019’ a hawngna huna a hril a nih. Chief Guest anga thu hrilin Chief Minister chun, Sportsperon hai sukphur-na dingin sawrkar chun sawrkar sin 5% chu an ta dingin a hauh a, chubaka National le International level-a Gold Medallists hai chu sawrkar sin pek pei niin a hril bawk. Local Club hai chu \halaihai suphur dingin an fui tawl. Pu N. Biren Singh chun, Sports hin naupanghai lai Discipline le Character a siem a, ei rama hriselna sukhrata Hospital hai sukt-lawm theina dingin Sports hi uor ding a nih, tiin taksa hriselna le insawizawina chu hausakna chi khat a ni

thu a hril bawk. “Sports hin mihriem ah positve values iemani takin a siem a, chu chu ram le khawtlang ta dingin a \ha a, khawtlang hrisel le chang-kang a siem thei a nih” tiin a hril. Manipur chun na-tional le International level player tamtak a sersuok ta thu hrilin, President Ram Nath Kovind lem chu Ma-nipur chu ‘Sports Capital of India’ a ti hlawl niin a hril. Manipur chun Nation-al le International levela hlawtlingna chang tamtak a ser suok tah ti thu hrilin, tuchen hin Padma Bhuh-san 1, Padmashri 4, Arjuna Awardee 18, Rajiv Gandhi Khel Ratna Awardee 3, Dronacharya 1, Dhayan-chand Awardee 1 le Olym-pian 17 an um tah niin a hril. Hi huna hin Minister for YAS Mr. Letpao Ha-okip, Secretary YAS Mr. Bobby Waikhom, Direc-tor YAS Mr. Armstrong Pame, MOA official le SAI coaches le players haiin an uop. (DIPR)

mizoram Cm in union minister gadkari an hmupuinew delhi/aizawl: New Delhi-a cham mek Mizoram Chief Minister Pu Zoramthanga chun Thaw\anni khan Union Road Transport and High-ways Minister Pu Nitin Gadkari chu a chengnai-nah an hmupui a, Mizoram ta dinga thil pawimaw tum tum hai a hril pui. Pu Zoramthanga chun, Mizoram state chu ruotui tamna hmun a ni leiin Al-katara hmanga lampui siem hlak chu a tlo naw leiin Ce-ment concrete hmanga lam-pui siem a \hat lem ding thu, Mizoram le India hmarsak biel economy siem\hatna dinga Ruo ching uor a pawimaw thu, Ruo phur velna dingin bamboo link road siem a pawimaw thu,

Mizoram National High-way tamlem hai Highways and Infrastructure Develop-ment Corporation kuta pek tumna chu ennawn a, NH-54 pumpui Lailapur a in-thawk Tuipang chen bakah Highway chin lem hai chu State PWD kuta sie ding le Mizoram Highway hai

siem\hatna ding ruohm-anna Lok Sabha election hma ngeia pesuok dingin Pu Nitin Gadkari hi a ngen. Pu Gadkari chun Seling le Champhai inkar lampui hmun pahni, New Vervek le Tuivang inkar lam-pui siemna ding le Tuivai leilak daw\hatna ding, Air-

port lampui Tlawng Leilak dawna ding le lampui \henkhat siem\hatna ding hai chu sawtnawte hnunga peksuok a ni el thei thu Mizoram CM hi a hril. Hieng thil hai hi thil inhmaw a ni leiin sanc-tion insuo hma khawma tender lo insuo dinga Pu Zoramthanga in a ngenna chu Pu GAdkari hin a remti a, Lunglei le Tlabung inkara Phairuangkai leilak le Durtlang le Siphir lam-pui suklienna ding khawm an rang thei anga sanction dinga hmalak tum a ni thu Pu Gadkari chun a hril a. Cement concrete road le Highway enkawltu chun-gchang khawm a ngaituo ding thu Pu Gadkari chun a hril.

assam zu \halo dawn leia thi 150 chuong tah.guwahati: Assam-a Zu \halo dawn leia mi thina tuok chu Thaw\anni chen khan mi 155 an tling tah. State Minister Chandra Mohan Patowary chun, Gola-

ghat district-ah mi 95 le Jorhat district-a inthawk mi 60 an thi ta niin a hril. Zu \halo dawn leia dam-naw mi 97 hai chu Golaghat hmuna enkawl mek an la ni

bakah Jorhat-ah mi 171 en-kawl mek an la nih. Hi thil tlung le iznawm hin Golaghat-ah mi 26 le Jorhat-ah mi 8 man an ni ta bawk. State sawrkar chun zu

\halo dawn leia thi sunghai zangnadawmna Rs. 2 lakh seng le hospital-a enkawl mek hai Rs. 50,000 seng \hangpuina pek dingin a lo puong tah.

AP sawrkarin PRC buoipui ta naw nih: Pema Khandu

itanagar: Arunachal Pradesh sawrkarin a ram mi ni non-tribal hnam 6 hai Permanent Resident Cer-tificate (PRC) pek tuma hma a lakna le inzawma dodalna nasa tak um le inzawmin Chief Minister Pema Khandu chun PRC hi state sawrkarin a buoipui zawm tanaw ding thu a pu-ong a. Mipui hai chu muongna um theina ding le nunpung pangngai a um nawk thei-na dinga tharum thawna le nuorna tawpsan dingin a ngen bakah PRC dodalna leia thina tuok sungkuo hai

zangnadawmna pek an ni ding thu a hril. PRC chungchanga dodalna nasa tak um le inzawm hin zanikhan all party meeting ko a ni bakah hi chungthua hin Commu-nity tum tuma Organisa-tions hai khawm meeting neipui tum anih. Hieng laizing hin Ita-nagar khawpuia Curfew zama lo um ta chu Nilaini chena dingain keisei a nih. Curfew hi Inrinni-a kha February 25, 2019 chena dinga puong a nih. Union minister Kiren Rijiju chun PRC thua buoi-na suok chu state sawrkar fel tawknaw lei a nih tiin, thina tuok sunguo hai chu zangnadawmna \hatawk pe dingin Thaw\anni khan a ngen. PRC dodalnaa khan mi 3 in thina an tuok a, motor tam tak suksiet le raw a ni bawk.

mha in ar hai zokhawsang a insawn dingin an hriettir

aizawl/new delhi: Ministry of H ome Af-fairs chun Mizoram-a As-sam Rifles hai chu Aizawl khawpui sunga an head-quarter chu May 31, 2019 chenah Zokhawsang area-a insawn dingin Thawleni khan an hriettir. MHA chun battalion headquarters insawnna ding le inzawma action taken report pelut dingin Assam Rifles thuneituhai an hriet-tir bawk. Assam Rifles hai hin Treasury le Zodin Square, Aizawl chu battalion head-

quarters-a an hmang mek a nih. Zokhawsang hi Aizawl-a inthawk km. 15 vela hla a ni a. Kum 1988 a Assam Rifles han Civil mi 12 an kap hlum a inthawk kha huna Chief Minister Laldenga inrawi Mizo National Front (MNF) sawrkarin Assam Rifles battalion Headquar-ters hi Aizawl-a inthawk sawndawk dinga an lo ngen tah a nih. An insawnna ding Zo-khawsang a hin infrastruc-ture \ul hmasa zuol hai chu bawl zo a nitah.

3thlavul (February) 26, 2019thawleni (tuesday) natiOnal/internatiOnal & advertisement Hmasawnna Thar

laKtawi

LAWMTHU HRILNAHunsawt taka inthawk takhan Sinus natna kan vawi a, ka nat dan tlangpui chu, bu du lo, hnar sung hung inbawk le inpan, bu fak harsa, tui dawn le lem harsa bakah inkhul rak rak hai a nih. Ka beidawngin Dr MV Azad Phusam ka pan a, hun sawt-nawte sungin a mi enkawl dam a, ka lawm hle. Hi lei hin Dr MV Azad Phusam le Pathien kuomah hi chanchinbu hmang hin lawmthu ka hung hril. Dr MV Azad Phusam hi CCPur , OPP: J.P.selection, ICI Road-ah pan thei le phone numbers 7628890261 & 9089738275 haiah biekrawn thei a nih.

Lawmthu hriltu, sd/- zoawikim, rengkai

PmKvy trainingFREE OF COST –WITH STIPENDEXPERIENCED TRAINERS- CAREER ORIENTEDJOB/PLACEMENT GUIDANCE

Sl. No. COURSE Qualifi-

cation REGD. DOCS

1 BASIC COMPUTER CLASS-X

Aadhar Card, bank Front Page, P/P-2, Education Certificate

2 BEAUTY PARLOUR/THERAPY Cl-VIII -do-

3FIELD TECHNICIAN COMPUTING & PERIPHERALS

DIPLOMA GRADUTE -do-

4 CRM DOMESTIC NON-VOICE CLASS-X -do-

CoordinatorJeM # 9366163414 / # 9774447218NIMAI Trining Centre, ICICI Bank, Old Bazar. (23-1)

Sungkuo pakhata mi 3 thisaa hmu

balramPur: Ut-tar Pradesh-a Balrampur district-a chun Thaw\anni zingkar khan Jogiyapur village-ah sungkuo pakhata mi 3 hai chu a thisaa hmu an nih. Hmangruo ngei tak hmanga sat hlum an nih tiin SP, Anuraq Arya chun a hril. A thisaa hmu hai chu Jagram (55); a naupa Raju (25) le a naunu Lilawati (20) hai an ni a, an monu Nirmal Devi (22) chu na ta-kin a hliem a, Hospital pan-pui an nih.

Student leader kap hlum

varanasi: Uttar Pradesh-a chun Uday Pratap College-a student leader Vivek Singh (22) chu Pathienni zan khan an college hostel campus tuol lai hmelhrietlo han an kap hlum. Vivek Singh hi B.Com second year inchuklai niin, Jamundeeh Village, Aza-mgarh district mi a nih. Mr Singh hi .32 Pis-tol hmanga vawi 8 zet kap a nih tiin SSP Anand Kulkarni chun a hril.

Uttarakhand le MP haiah BSP le SP thaw tlang ding new delhi: Lok Sabha Election hung um dingah Bahujan Samajwadi Party (BSP) le Samajwadi Party (SP) han Ut-tar Pradesh-ah thawtlang dinga an puong hnungin Madhya Pradesh (MP) le Utta-rakhand haia khawm Lok Sabha Election hung um dinga thawtlang dingin Thaw\anni khan joint press statement an insuo. Madhya Pradesh-a hin Lok Sabha seats 29 le Uttarakhand-a hin Lok Sabha seats 5 a um a nih. SP chu Uttarakhand-a Gadhwal district le Madhya Pradesh seats pathum, Balaghat Thikri le Khujrao haiah ngir an ta, BSP chu hieng states pahni haia seat dang poah anngir ding a nih. BSP le SP hin tuta hma khan Uttar Pradesh Lok Sabha seats 80 um haia thaw tlang ding le SP chu seats 37 le BSP chu

seats 38 a ngir dingin inremna an lo siem ta a, seat 3 chu Rashtriya Lok Dal (RLD) an pek a nih. BSP le SP hin Uttar Pradesh-a Con-gress hratna le an biel Amethi le Rae Bare-li haia chun candidate nei an tum nawh. Hieng seat hai hi Rahul Gandhi le Sonia Gandhi hai biel a nih.

Delhi Court in Priya Ra-mani bail in an suo

new delhi: #MeToo movement-a politician MJ Akbar chunga sex thila suknawmnatna case a siem leia Mr Akbar in criminal defamation case a siem khum Journalist Ms Priya Ramani chu Court in inlang dinga a ko an-gin Thaw\anni khan Pa-tiala House Court-ah a vawikhatna dingin an lang a. Delhi Court chun surety Rs. 10,000 in bail in an suo bakah April 10, 2019 ah Court hmaa inlang nawk dinga inhriettir a nih. Priya Ramani hi #MeToo Movement-a Mr MJ Akbar chunga sex thi-la suknawmnaa intumna siemtu hmasa tak a ni a, Ms Ramani in a chunga intumna a siemlei hin MJ Akbar hi October 17, 2018

khan Prime Minister Na-rendra Modi cabinet-a ju-nior Foreign minister a in-thawk lo inban ta a nih. Inbanna a pek hnung hin Ms Ramani chungah criminal defamation case a file a, chu le inzawmin Additional Metropolitan Magistrate Samar Vishal in Ramani hi court-ah inlang dinga a ko a nih. MJ Akbar legal team a senior Advocate Geeta Lu-thra le lawyer Sandeep Ka-pur hai chun Priya Ramani hin indiklo taka intumna siemin MJ Akbar hming nasa takin a suksiet a nih tiin an intum. Ramani baka hin MJ Akbar chunga intumna siemtu hai lai United States-based journalist khawm an \hang.

Nuhmei tui insil lai thla a lak leiin

student manthane: Indian Institute of Technology (IIT) Bom-bay a inchuklai Thane mi Avinash Kumar Yadav (34) chu nuhmei tui insil lai a mobile phone in thla a lak tia intumna leiin Inrinni khan Police han an man. Complaint siemtu nuh-mei chun Zirtawpni zana bathroom-a tui an sil lai mobile phone a hmu a, a pasal an hriettir a, a mobile chu an lakpek hman a, a ma ruok chu a tlan sie hman niin a hril. Mana um pa mobile phone enfel a ni hunah an umna building a nuh-mei dang dang hai thlalak khawm a um ti hmusuok a ni bawk.

Moradabad-ah Robert Vadra contest dinga lawmlutna posters

new delhi: Priyanka Gandhi pasal Robert Vadra in a chunga intumna case um mek hai fel/tawp hunah politics lutchil a nuom thu facebook-ah a post hnungin an sungkuo chengna Ut-tar Pradesh a Moradabad a chun election-a ngir dinga lawmlutna “Welcome to Contest” poster hmun tam takah tar a nih. Poster a hin Congress president Rahul Gandhi le Pi Sonia Gandhi hai lim

khawm a chuong a, an post-er a chun “Robert Vadraji, you are welcome to contest from the Moradabad Lok Sabha seat,” ti an ziek a, poster hi Moradabad Youth Congress in an siem a nih. Moradabad hi tuhin sawrkarna siemtu BJP in an hluo lai mek a ni a, kum 2009 a lo tling tah cricketer hlui Mohammad Azaharud-din chu hi biel-a hin ngir a tum deu a hril a nih.

Luman Rs. 5 lakh nei Maoist cadre an pe

malKangiri: Odisha- a chun sawrkarin luman Rs. 5 lakh neia a lo puong tah Maoist cadre Dhanan-jaya Gope @ Sudheer (27) of Malkangiri dis-trict chu Pathienni khan Koraput-a DIG (South Western Range) Himansu Lal hmaah an pe (surren-dered). Mr Gope hi civil mi thatna, lampui siemna mo-tor rawsietna le thil suol dang dang thawnaah cases 27 nei mek a ni a, Odisha sawrkarin luman Rs. 5lakh neia a puong a nih.

Delhi Court in docu-ment copies pe din-

gin ED an hriettirnew delhi: Mr Robert Vadra in Money Launder-ing case le inzawma ni-kuma a office dap a ni huna soft le hard copies docu-ments an lo lak hai a copies pe dinga ngenna a siem an-gin Delhi Court chun En-forcement Directorate (ED) chu Mr Vadra kuomah cop-ies pe dingin Thaw\anni khan an hriettir. Mr Vadra hi Bikaner, Rajasthan le ramdang-a in-diklo taka sum laklut hman-ga ram le hmun inchawa intum a ni a. Hi le inzawm hin December 7, 2019 khan ED chun Delhi-a Mr Vadra Office dapin a documents hai an lakkhawm a nih.

Truck in In a baw leiin mi 3 thi

JaunPur: Uttar Pradesh-a Jaunpur a chun Thaw\anni zingkar khan Mundgrabadshahpur area-ah Truck pakhatin In a baw a, mi 3 an thi bakah midang 5 an hliem. Truck hi Azamgarh a inthawk Allahabad pana tlan a nih. Thina tuok hai chu Shahikala (40), a naunu Sandhya (12) le Rani (5) hai an nih. Truck driver hi a tlanhmang.

UP-ah pawisa note lem sut/print tu mi 2 man

muzaFFarnagar: Uttar Pradesh a chun Thaw\anni khan Shamli district-ah Delhi Police han India pawisa note lem an sut/print leiin mi pahni an man. Mana um hai chu Mehtab le Jabbar hai an ni a, Bhasani village-a man an ni a, an kuta inthawk printer

le pawisa lem an sut sa \henkhat man a nih tiin SHO Sandeep Balyan chun a hril. New Delhi hmunah In-dia pawisa lem Rs. 5 lakh anghu leh mi pakhat Javed man a ni hnunga an puon-gna dungzuia dappui an thawnaa hieng mi pahni hai hi man an nih tiin SHO chun a hril.

Ieng category-a khawm Online a vote thlak theina ding facility a um nawh: EC

new delhi: Lok Sabha Election hung um dingah Indian passport nei Non Resident Indian (NRIs) han online hmangin vote an thlak thei ta ding nia WhatsApp le social media dang dang haia thedar-a um chu thudiklo a ni thu Elec-tion Commission chun Thaw\anni khan thusuok siemin a hrilfie a. Voter ieng category-a khawm online voting facility a um-naw thu hrilin, mipui hai

chu hiengang thu diklo (fake news) lakah fimkhur ding ECI chun mipui hai an hriettir. Social media-a online –a vote thlak thei ding nia thu thedar-a uma hin ECI web-site link khawm sie sa niin thu dawngna chun a hril. ECI thusuok in a hril danin India ram puotienga um hai chun nvsp.in an-nawleh Voter Helpline mo-bile app hmangin form 6A hmangin application pelut

thei an ta, election niah ramdanga um hai chun identification document dingin an passport hman-gin Polling station haiah vote thlak thei an tih tiin a hril. ECI chun, http://nvsp.in portal.” Fethlengin voter registration chau thaw thei a ni thu a hril. Hi thudiklo thedar le inzawm hin EC chun Delhi police hai FIR file le suizui dingin a ngen. ECI chun NRI hai ta dinga online-a inzieklut theina ding option a siem a, sienkhawm social media haia online-a vote thlak thei ding nia hril chu thu-diklo a ni a. Vote thlak din-gin mani taksa ngei polling station-ah fein thlak thei chau a nih tiin EC thusuok chun a hril.

Kulgam-a inkaptuonaah helpawl 1 le police officer thisrinagar: Jammu and Kashir a chun Pathi-enni khan Kulgam district a Turigam area hmuna se-curity forces han dappui an thawnaah helpawl hai leh

an inkaptuo a. Inkaptuonaa hin helpawl pakhat kap hlum a ni bakah police of-ficer pakhatin thina a tuok. Helpawl an um ti report an dawng leia security forc-

es han dappui an thawnaa inkaptuona hi tlung a ni a. Inkaptuonaa Police officer thi chu Dy. Superintendent of Police Aman Thakur a nih.

UP Board exam-a enruk thaw-na \hangpuitu mi 17 jail-a thun

muzaFFarnagar : Uttar Pradesh Board hnu-oia Class XII exam fe mekah Inrinnia Physics paper exam hunah Muzaf-farnagar Exam Centre-ah a hawnpuia enruk thawna (mass copying) \hangpuitu mi 17 mana um hai chu Pa-thienni khan court hmaah inlangtir an ni a. Court chun ni 17 sung Judicial custody (jail) a um phawt dingin an chungthu a rel. Hi thil thawnaa intum hai lai hin centre-a super-intendent Yogender pal khawm a \hang. Special Task Force han exam cen-tre an va enfel huna hieng thil hi an va hmusuok a ni a, mana um haia inthawk

exam question dawnna (solved examination pa-pers), pistol, mobile phone le exam guides hai man sa a ni bawk. Mr Yogi Adityanath CM nina hnuoia Uttar Pradesh sawrkar chun kum 2018 a inthawk khan stu-dent han enruk an thaw nasa taka dang tumin hma a lak a, hi le inzawm hin exam huna enruk thaw hai dapdawk le mantu dingin Special Task Force (STF) \hahnemtawk tak ruot an nih. Nikum khan candidates 66 lakh um hai laia exam a renga pe zo lo 10,44,619 an um a, tukum khawm exam pe zawm ta lo \hahnem-tawk tak an um tah.

Atomic Bomb Pakhatin India Ei Kap Chun, 20-in Mi Kap A Tih: Musharrafabu dhabi: Pakistan Dictator hlui General Pervez Musharraf tuta UAE-a um mek chun, Atomic bomb pakhatin India ei kap chun, 20 in mi kap sie vawng a tih, tiin Atomic Bomb nei dan inthlau leia Pakistan-in India a hnenaw ding zie a hril. Kum 1999 a Army Coup-a Pakisan rorelna k h a w l l a t u G e n e r a l Musharraf chun, tulaia India le Pakistan kar boruok a luma, indo thu le Atomic Bomb chen hmang khum ngama inhrilna tamtak karah, Pakis tan chun Nuclear bomb hmangin

India a hne naw ding thu a hrilna le inzawma a hril a nih. Dawn chanchinbu a hril dan chun, “Pakistan le India inlaichinna chun a vawrtawp le ‘dangerous level’ a tlung nawk tah a. Nuclear attack ruok chu um naw nih. India chu Atomic

Bomb pakhata ei attack ding nisienla, Nuclear bomb 20-in mi nuoi bo nghal thei a tih. Solution ding chu, atomic bomb 50 ei nei a \ul. Atomic bomb 50 hmangin beitu hmasa i nih ngam ding am?” tiin Pakistan sawrkar le mipui zawna ang rengin a hril.

Musharraf hin tulaia K&K Pulwama disrict CRPF attack na le inzawma a hril a nih a. India le Israel chun inlaichinna sawt taka inthawkin an nei tah a. Pakistan chun a nuom chun Israel le India inlaichinna chu a suksiet pek thei niin a hril bawk. Pakistan le Israel chun inlaichinna an siem thei ve thu khawm a hril a. Tulaia brouok le inzawma Pakistan sukhratna dinga mipuiin an dit a nih chun, se l f -ex i le -a UAE um Pakistan Muslim League (APML) hotu Musharraf chun Pakistan kir nawk a

nuom thu a hril bawk.“Ka ngaidan chun tuta sawrkar chu ka \huoi dingin a \ha, minister a chenve hai chu ka mi le sahai vawng an la nih a. Law Minister le Attorney General hai khawm ka lawyer hai vawng an nih” tiin a hril. General Musharraf hi 1999 Army coup-in sawrkar a laka, Nawaz Sharif in a hneban a. Tuhin Sharif chu Imran Khan-in a hung hneban tah a. Musharraf chu Pakistan kir ngam lova UAE-a um a nih. Pakistan a lut chun man dinga thupek um zing a nih. (Reuters)

sIelMAt CHrIstIAn HOspItAl & reseArCH Centre

Hieng a hnuoia specialist doctor pan nuom hai chun Sielmat Christian Hospital a pan thei ning a tih. Opera-tion alo \ul khawma thawthei nghal ning a tih. registra-tion Fee rs.300/- ning a ta, ticket booking 7:30am-6:30Pm chen thaw thei ning a tih. registration Contact no: 9862853047.1. eye (mit lam) specialist dnb (Ophth) mnams Fellow in Retina and Vitreous surgeries, CONSULTANT VITREORETINAL & TRAUMA. (March 2nd, 2019), Time: 10:AM2. dr. Chongrolien Chonzik m.s (Laparoscopic Surgeon)= 8-14 March, 2019, Time: 10:AM

(26,

27,2

8)

Sudan Mipui Han President Emergency Puong An ProtestKhartOum: Sudan President Mr Omar al-Bashir in an ram dan siem\hat tuma National Emergency a puong chu a mipuihaiin an dit naw hle a. Abikin, ama a la tling nawk peina dinga dan siema ama mi le sa bawk Prime Minister thar ding a ruotna chun mipui lung a suksen tah a nih. Police le security forces tamtak hmang an nia chu protester mipui an tam taluoa an dang hne chuong nawh. Mithi le hliem zat chu hriet chieng a lan nawh a, 50 nekin am tam ring a nih.President Omar hi 1989 a Islamic-backed coup a inthawka inlal a nih a. Kum 30 vel ro a rel tah. A sawrkar bawk la ngir tumin Cabinet le Provincial government hai khawm a \hiek vawng

tah a. An ram buoina tak economic crisis sukfeltu dingin ‘technocraft’ hai ko lut a tum thu a hril. Pathienni-a rally a \hanghai chun, “President Omar a thlak hmakhat kan protest tawpsan nawng kan tih” tiin police hai leh nasatakin an innek buoi a. Khartoum, twin city Omdurman rally-a \hanghai chun, “President emergency puong mei meiin mi sukdei

hne naw nih. Kan thiltum chu ama the thlak a nih” tiin an hril. Thlirtuhai le suituhai hril dan chun President Omar Emergency puong hi ‘beidawngna’ suklangtu ni tain an hril a. Sescurity forces le mipui inbeina nasa lem la suok pei dingin an ring thu an hril bawk. M r A l - M a m u r a , a hmuna hmutu chun, Burri ah, Al-Mamura, Khartoum,

Omdurman le Madani haiah mipui rally fe tamtak an um a. Burri ah lem chu protester han mi a hung taphawt Identity card an check a. President Omar tieng deuva mi an hriet lem chu an vuok pei” tiin a hril. Protester hai hin tyre hai an raw chawk a, thing kunghai le lung pucca road ah inzalin lampuihai an danga, nundan an chawkbuoi hle niin an hril. Al-Mamura ah dawrkai po po an inkhar vawnga rally an \hang a. Khartoum ah mi 300 vel protest hai police-in tear gas le rubber silaimu hmangin mipui an hnawtdar, hliem tamtak an um. Hienga mipui an hel zing lai khawmin Pathienni khan President Omar chun Province 18 a inthawka Premier thar, vice president thar le Governor thar dinghai a ruot. Agriculture state

Jazeera a Governor hlui Mohamed Tahir Eila chu Prime Minister thar dinga ruot a nih. PM Ei la chun, “Kan sawrkar thar hin \halai tamlem hai sin thar pek kan inbeisei a nih” tiin reporter hai a hril. Vice President nih lai Bakri Hassan chu banin Defense Minister General Awad Ibnouf chu additional role (Vice President) pek a nih bawk. Army of f icer 16 le National intelligence and Security Forces (NISS) officer pahni chu Governor dinga laklut vawng an nih bawk. Bashir chun, sipai uniform hakin, “Vawisun a inthawkin New Sudan history kan ziek \an a nih” tiin a hril. December a inthawka protest neu neu lo in\an taa hin Human Rights Watchers hai chun naupang le nuhmei \hangin mi 51 neka tam an thi tah tiin a hril.

Pulwama cRPF convoy motor beinaa hmang motor neitu hriet

new delhi: February 14, 2019-a Pul-wama, Jammu and Kashmir-a CRPF Con-voy motor thichil bomb hmanga beina bomb phurnaa hmang Maruti Ecco motor neitu hming hriet a nit ah tiin zanita NIA thusuok chun a hril. Motor kha JeM helpawl Adil Ahmad Dar in a khal le bomb sukpuoka CRPF

Convoy motor kha a thichil a ni a. Motor neitu/an chawtu nuhnung tak chu Sajjad Bhat of Bijbehara, Anantnag a nih. Sajjad hin February 4, 2019 a kha midang kuta inthawk an chawk/laksawng a nih. Sajjad hi Siraj-ul-Uloom, Shopian a student niin, February 23, 2019 khan J&K Police hai \hangpuinain NIA team in a chengna in an dap a, sienkhawm a lo um naw leiin man a la ni naw a, JeM a zawm ta nia hril a nih. Motor hi a hmasa taka an chawtu chu Mohammad Jaleel Ahmed Haqani, of Heaven colony, Anantnag a ni a, vawi 7 zet zawr kuol ta niin Sajjad hi an chawtu nuh-nung tak a nih tiin NIA thusuok chun a hril.

Hmasawnna Thar4 EntErtainmEnt / SportSthlavul (February) 26, 2019thawleni (tuesday)

Man. City chun penalty-a Chelsea hnein Carabao Cup an lakwembley: Pathienni zan khan inkhel hmunu-om um takel Wembley Stadium-ah Chelsea le Manchester City han Ca-rabao Cup Final an inkhel a. Inkhel pangngai hun bo hnunga khawm goal thun bik um loa 0-0 a an indraw leiin extra time inkheltir an ni a. Chu hnunga khawm goal thun bik um loa an lan draw zing leiin Penalty pet a ni a. Manchester City chun penalty-ah Chelsea 4-3 a hnein season fe meka major cup an lak hmasa tak dingin Carabao nopui an dawm tah. Penalty vawi 5 ve ve inpettir an ni a, Chel-sea tieng chu David Luiz le Jorginho han an lost

a, Eden Hazard, Emerson Palmieri le Cesar Azpili-cueta han an thun a. Man. City tieng chu Leroy Sane in a lost a, Raheem Ster-ling, Bernardo Silva, Ser-gio Aguero le Ilkay Gundo-gan han an petlut a nih. Chelsea le Man. City hai hi Carabao Cup vawi

5 ve ve lo la tah an ni a, tuta \um kha League cup final-ah Chelsea le Manchester City an inkhel hmasa takna a nih. Chelsea le Man. City hin 4-3-3 formation an hmang ve ve a, Chelsea manager Maurizio Sarri chun hmatawngah Eden Hazard le a sirah Pedro le

Willian an tlan tir a, Man. City manager Pep Guardi-alo chun Sergio Aguero a lai hmatawngah siein a sir-ah Rahim Sterling le Silva hai an tlantir thung. Chelsea hi Premier League match-ah Febru-ary 10, 2019 khan Man-chester City in 6-0 zeta a lo hnetah a ni leiin tuta \uma Carabao Cup an khel huna hin an fimkhur hle a, ball possession zawnga 38% chau ni hai sienkhawm de-fence an \ha a, ball pos-session 62% zet neiin Man. City chu khel \ha vieu hai sienkhawm Chelsea de-fence an paltlang hne naw leiin inkhel pangngai le ex-tra time tawp chenah 0-0 in an indraw pha a nih.

Premier League:

Liverpool in hma an \huoi; Arsenal chun Southampton hnein top 4 an kaiOld traFFOrd: Pathienni zan khan Manchester United chun an home Old Trafford-ah title contender Liverpool an mikhuol a. Hun tawp chenah a tu tieng tieng khawm goal thun bik um loin 0-0 a an indraw leiin point khat ve ve an hlawsuok a. Liv-erpool chun games 27 an khel ta haiah points 66 hmuin Man. City point khata lekhelin league table-ah hma an \huoi nawk tah. Man. United ruok chu Liverpool an indrawpui lei hin games 27 ah point 52 hmuin a pangana in an tla thla nawk tah. Pathienni zan match dangah

Arsenal chun an home Emir-ates stadium-ah Southampton a mikhuol a. Alexandre Lacazette

le Henrikh Mkhitaryan hai goal hmangin 2-0 in Southampton a hne. Arsenal in hratna an chang

lei hin games 27-ah points 53 hmuin, palina ngirhmun hau mek Man. United hluolan in table-ah a palina ngirhmun an hau tah. Goal hmasa minute 6 naah Alexandre Lacazette in Arsenal ta dingin goal a thun a, hi zo minute 17 naah Henrikh Mkhitaryan chun Arsenal ta dingin goal a hung thun nawk a. Second-half chena khawm Southampton in an goal bat hi an thungkir tanaw leiin Ar-senal chun Southampton 2-0 in an hne ta a nih. Southampton hin games 27-ah points 24 chau la niin a mawngdap a inthawk pathumna (18-na) in an la \hang mek a nih.

Real Madrid in Levante 2-1 in an hne, Ath. Bilbao, Atletico Madrid le Real Betis an hrat

madrid: February 25, 2019 (IST) khan Levante chun an home-ah Real Ma-drid an mikhuol a, Real Madrid chun Benzema le Bale hai penalty goal hmangin Levante 2-1 in an hne. Penalty hmasa minute 43 naah Karim Benzema in a thun a. Second-half minute 60 naah Roger Marti chun Levante ta dinga goal hung thunin an goal bat a hung thungkir a.

Sienkhawm minute 78 naah Real Madrid chun penalty an hlawsuok nawk leiin Garath Bale in a petlut a. Inkhel tawp chenah Le-vante in a thungkir tanaw leiin Real Madrid chun 2-1 in Levante hi a hne ta a nih. Levante le Real Madrid inkhel huna hin player pak-hat ve vein Red Card an hmu. Real Madrid hin games 24-ah point 45 hmuin pathumna an ni a, Levante

hin games 24-ah point 30 hmuin 13-na an ni mek. Chun, Pathienni zan khan Atletico Madrid in Alvaro Morata (31) le Saul Niguez (88) hai goal hman-gin an home-ah Villarreal 2-0 in an hne leiin games 25-ah points 50 Atletico Madrid chun hma\huoitu Barcelona an hnai pei. Barcelona hin games 25-ah point 57 an hmuta a, an karah point 7 a la tla a nih. Pathienni zan match

dang haiah Ath. Bilbao in Eibar 1-0 in a hne a, Lega-nes le Valencia 1-1 in an in-draw a, Real Betis in Val-ladolid 2-0 in a hne bawk.

Innei Zo Miley Cyrus WME Pre-Oscar Party ah

lOs angeles: Thla hni vel liemtah December 23, 2018 a Liam Hemsworth (29) le innei thar hlasakthiem Miley Cyrus (26) chun a nina (gender or sexuality) ‘pan sexual’ a nizie a puonglanga, nuhmei pasal thilah chu kawp thei tia an hril hnunga vawikhatna dingin tuol a suoka, WME Pre-Oscar Party \hang dingin a fea, a hnungah an pa khawm hmu a nih. Miley Cyrus chu Chanel boutique incheina a dum vawnga incheiin, rangkachak le lungmantam \hi hai awrin ‘pa’ deu si ‘nu tak’ bawk siin ama khata WME Pre-Oscar Party neina ding hmun a pan lai parking ah hmu a nih. Miley Cyrus incheina po po hi

French fashion house-a mi vawng an nih, a kutsebi hai chenin. A sam buong thal chu an tawm vawng a. Lusip ah Pony tail angin a khit a. Pheikhawk dum bawk insang lo a bun a, chain le \hi leh an hnawk vel el a nih. An cheina make-up khawm an lang nawa, natural tawp chu an nawh. A hmel en ruok chun a hlim hle ti hmu thei a nih. “Wrecking Ball” singer Miley Cyrus a hung suok hnung tawite hnungah a pasal Liam Hemsworth khawm casual deuva incheiin T-shirt mei mei le kekawr tluon dum leh a hung suok ve a. A dei met leiin zipper um jacket hakin lu khum um chi zakuo a hak bawka, Sneaker mei mei bunin ‘hunger Games’ changtupa chun an nu hnungah a hung zui a nih. Liam Hemsworth chu hei en khawmin a khakhmul a la um thur a, anachu, an sukfai a nih ti chu hmu thei a nih. A fai vawka a khakhmul ruok chu a sen thal thung. A hung lawn dana inthawkin a la fit hle ti hmu thei a nih a. An nu Miley Cyrus a lo fe le fe naw a uksak hmel rak nawh. Miley Cyrus le Liam hi Australia tienga innei dinga ring lai zingin December 23, 2018 khan Tennesse ah sunghai tlawmte hrietpuinain an innei a. Tuhin thla hni an pum hlum vel ding chauh a nih. Ieng chen am an dai ding ti chu an nupa kar thuin phur tang a tih. Miley chun ‘bisexual’ a nizie a puong tah a, Liam le an innei ta hnunga a khawsak zie khawmin a phur el thei or Liam in a ngaidan dan khawm nih thei a tih.

Ariana Grande Concert Ding Security A Fimkhur

lOs angeles: US nunghak hlasakthiem inlar tak el Ariana Grande (25) chun, May 2017 Manchester concert-a bomb puok ang kha a um nawk ta nawna dingin security fimkhur dingin a hril a, a fans hai khawm Bag inlang thei le an \ul chin chauh thuomhnaw chawi dingin a hril tawl. Twitter le Instagram-a a hnungzuituhai kuomah, tu kum chu concert en dinghai chun inlang tlang thei annawleh Bag chite chauh chawi phal a nih ding thu a hril a. “Dear Sweetener, thank u next tour audiences hai, friends le fans, tu kum concert chu security a ‘super strict’ ding a nih leiin fans thuomhnaw chawi ding neihai chun bag inlang tlang thei chau chawi dinga fielna e-mail kan hung thawn suok vat ta ding a nih” tiin a hril. “Hieng Bag hai hi man tlawmte te chau an nia chu hmangruo pawimaw chawina ding chun \ha tawk tak an nih. Lunginsiet takin e-mail instruction hi ngai pawimaw ro. Ka team han an ngaimaw a, bag inlang tlang thei taphawt chu a pawi naw vawng. A size ding chu la hung hril an tih, in lo nei ta khawmin a hun phaleh buoina a um nawna dingin ka lo hrillawk cheu a nih. Thank u!” tiin a post bawk. Twitter followers hai kuomah khawm a hrilfie pek pei a, an comment le qustion hai fel taka dawnin a hril tawl a. Ticketmaster.com ah detail hmu thei a ni thu hrilin, camera le recording devise (mobiles camera nei ti lo) chu phal a ni naw ding niin a hril bawk.

‘Fans pakhat peiin Bag pakhat chawi phal ning a ta, 100% clear a nih ding a nih. Clear Plastic-a siem, vonyl or PVC. 12’x6’x12’ or gallon khat keng (Ziploc bag or smaller) a nih ding a nih” tiin Ticketmaster.com khawmin a hril. An fimkhur tah hle. Ariana Grande chun Sweetener Tour hi March 18 khin Albany, New York ah \an a ta, October thla khin Switzerland ah zo a tih.

Olivia Coleman-in Oscar Best Actress A Lak

lOs angeles: British actress, ‘The Favourite’-a Queen Anne of England lem changtu Olivia Coleman (45) chu f i lm s iemna khawvela chawimawina insangtak Oscar 2019, 91st Academy Awards ah Pathienni (Feb.24) zan khan Best Actess a laka. Lawmna mitthli leh Award hi a hang dawng. Best Actor chu Queen hai hlasaktupa tak Freddie Mercury lem changtu Rami Malek-in ‘Bohemian R h a p s o d y ’ - a F r e d d i e Mercury lem hnesaw taka a changnaah a lak bawk. Best Film chu mak takin Peter Farrelly a biographical comedy-drama ‘Green Book’ in a lak ve tlat. Best Actress latu Olivia Coleman chun, award a dawng zova thu hrilin, hmun tina nuhmeite sin hran hran thawhai beiseina peiin, chite a inthawkin lientak hnena an chang thei thu a hril a. Ama khawm hmun phitu le sukfaitu (cleaner) a nih hlak a. Hieng ang hlawtlingna le chawimmawina insang hi chang ve nuomin a mangphana duthu a sama a tum ve hlak thu a hril. “In hriet naw theia chu, hmun sukfaitu sin ka thaw hlaka, hieng anga chawimawina insang hi ka beisei ve hlak” tiin ama thlawptu a ruolhai, co-star, le nauhai le an pa Ed kuomah lawmthu a hril a. Acting a lut theina ding lo latu director le a thawpuihai po po kuomah lawmthu a hril bawk.Olivia hin award dang dang lo la ve tah Glenn Close le Lady Gaga, Melissa McCarthy le Yalitza hai a khum vawng a nih. ‘The Wife’ a changtu Glenn Close khuma a lak chu mak tiin lawmnan a sipa. Glenn le Lady Gaga hai chu enin, “Ka ta dingin idol in lo nih zing hlaka, keiin ka lak bik hi a mawi nawh! Thank you!” tiin mitthli leh lawmthu a hril a. Lady Gaga chu flying-kiss a hei thawa, a hung thaw ve a, mipuiin kut an ben dur dur. Olivia Coleman hin Oscar bakah Golden Globes, BAFTAs le National Society of Film Critics hai khawm ‘The Favourite’ ah hin tu kum sung vawngin a lo lak tah.Oscars 2019: Full List of Winners chu a hnuoia hi a nih:

best Picture: ‘Green Book’ best director: Alfonso Cuaron for ‘Roma’

best actress: Olivia Coleman for ‘The Favourite’ best actor: Rami Malek for ‘Bohemian Rhapsody’

best supporting actress: Regina King for ‘If Beale Street Could Talk’

best supporting actor: Mahershala Ali for ‘Green Book’

best Foreign language Film: ‘Roma’ (Mexico) best animated Feature Film: ‘Spider-Man: Into The

Spider-Verse’ best Original screenplay: ‘Green Book’

best adapted screenplay: ‘BlacKkKlansman’ best Original score: ‘Black Panther’

best Original song: ‘Shallow’ from ‘A Star Is Born’ best documentary Feature: ‘Free Solo’

best documentary short: ‘Period.End Of Sentence’ best live action short: ‘Skin’

best animated short: ‘Bao’ best Cinematography: Alfonso Cuaron for ‘Roma’

best Production design: ‘Black Panther’ best Costume design: ‘Black Panther’

best hair and makeup: ‘Vice’ best sound editing: ‘Bohemian Rhapsody’ best sound mixing: ‘Bohemian Rhapsody’

best visual effects: ‘First Man’ best editing: ‘Bohemian Rhapsody’

FIFA Under-20WC Draw: US le Ukrain an inhmu dingzuriCh: FIFA 22nd Under-20 khel ding teams hai Pathienni zan khan draw nei a ni a, US, Ukraine, Ni-geria le Qatar hai Group D-ah an um. 2019 Africa Under-20 Cup of Nations runners up Senegal chu Pool A ah a mikhuoltu Poland, Colombia le Tahiti haileh an um tlang a. African Champion Mali chu Group E-ah an um. U-20 World Cup, 2019 hi May 23, 2019 a inthawk June 15, 2019 inkar sung Poland rama inkhel ning a ta, Poland khawpui 6 haiah match 7 vel seng inkhel ning a tih. Opening le final chu Lodz hmuna inkhel ning a tih.

the grOuPs at a glanCegroup a: Poland, Colombia, Tahiti, Senegalgroup b: Mexico, Italy, Japan, Ecuadorgroup C: Honduras, New Zealand, Uruguay, Norwaygroup d: Qatar, Nigeria, Ukraine, USA

group e: Panama, Mali, France, Saudi Arabiagroup F: Portugal, Korea Republic, Argentina, South Africa

Boruok Sosang Tak Karah Iran-in Missile Kap Suok Nawktehran: US le Iran, Israel le Iran kar leh boruok sosang lai takin Iran chun US le Israel theida zawng takin Strait of Hormuz laia military exercise a neina le inzawmin rambung tamtakin an khap Missile test thawin Cruise Missile a kap suok (test fire) nawk tah. M i l i t a r y E x e r c i s e neinaa thupuongtu Adm. Hamzeh Ali Kaviani chun, “I ran hmelmahai chun Iran a Missile program an khap hne chuong nawh” tiin uong deuvin a hril.

Far News agency hril dan chun, Pathienni-a kap suok (test fire) hi tuihnuoilawng (Submarine) a inthawka kap suok niin a hril. State TV hai chun hi Missile hi submarine danga inthawk le lawng chunga inthawk khawma kap suok el thei a ni thu a hri la. A details, ieng chen am a vuong thei, ieng anga insang am chungtieng a vuong thei, a target ieng ang chara indikin am a fuk thei tihai ruok a hril sa nawh. A d m . H a m z e h A l i

Kaviani chun, “Sub-surface le torpedoes hai kap suok theina thar kan nei hin, tui hnuoia ‘defensive chain of command’ chu siemfel a nih tah” tiin a hril. Revolutionary Guard’s aerospace division, Gen. Amirali Hajizadeh chun, “Hmelma han Missile nei mi danghai sienkhawm an hlawsama kan hlawtling tah. Boruoka Missile lo kap thlak a suksiet an tum (hlak) a chu, iengkim kan lo hrietlawk le inring leiin an hlawsam a nih” tiin test-fire an nei thei ringawt khawm a lawm hle.

Club 8 in entry form an peklut tahCCPur: Action for Wom-en and Child Advancement (AWCA) le CCPur District Sports Association (CDSA) \hangruola huoihawtnaa Public Ground, CCPur-a nuhmei hai ta ding bik 2nd Churachandpur District Women’s Football Tourna-ment um ding le inzawmin February 25, 2019 chen khan Club 8 in entry form an peklut. Hi tournament thu-pui chu Think equal, build smart and innovate for change” ti ning a ta, Champion in Trophy + Rs. 20,000 + Certificate le Runners-Up in Trophy + Rs. 10,000 + Certificate

dawng an ta, Semi final chen tlung han Rs 3000 dawng an tih. Hi baka hin Individual Award ah Best Player, Top-Scorer le Best Goalkeeper han Rs 2000 dawng an ta, tournament a \hang hai consolation prize pek ni bawk an tih. Tournament a hin CC-Pur district mi ni lo hai chu inkhel phal a ninaw ding thu Organizers han zanita reporter hai an inhmupui huna an hril. Hi tournament-a \hang nuom han CDSA Office, Hiangtam Lamka; AWCA Office, Lailam Veng; MS Jalhai En-terprise, Tuibong Bazar le Signature Graph-

ics, New Lamka haiah En-try form lak thei a nih.

Trial Selec-tion an nei

CCPur: Thadou Kuki Students Union (TKSU) GHQ le Madras FC \hangruolin February 25, 2019 khan Leisang play-ground-ah FC Madras a khel ding Under 15 trial Selection nei a ni a, mi 100 vel an \hang. February 26, 2019 hin Under 13 a ding Trial Se-lection nei nawk ning a ta. February 27, 2019 khin Final Selection um a tih.

Hmelhreitloin Rs.7 Lakh-in case Keikir dingin an ni tih: TamphaimPhal: February 27, 2011-a Thoubal police Commando han police cus-tody-a an thata hril Athok-pam Angousana nuhmei Tampha chun, Court-a a pasal thina casse police hai chunga fe mek chu hmel-hrietlo han Rs. 7 Lakh laa kei kir el dingin an va ngen niin a hril. Athokpam Angousana hi indik naw taka that case 1528, EEVFAM le CBI han an suihai laia \hang a nih a. An case hi CBI han an charge sheeted taa chu CJM Thoubal-in state sawrkarin prosecute-na

ding sanction (thu) a pek naw leiin a lo disposed tah a nih.Athokpam Tampha chun a pasal chu Police Custody-a thi a nih ti chieng taka hriet le fie a nih taa chu vawisun chenin rorelna indik ka la hmu naw tiin zani khan Manipur Press Club ah re-porter hai a hril. Police hai hekna case hi sawrkarin hek ding le hrem dinga thupekna a la nei naw leiin Court chun a la cheltang/hnawl ti ti a. State sawrkar kuomah ror-elna indik a um theina din-gin ‘prosecution sanction’

insuo pek dingin a ngen. Pawisa Rs.7 lakh pe ptumtuhai hin case keikir a lawmman hi la el dingin an hril a. Ieng angin nawr sienkawm intuma umhai hi thiemnaw inchangtir ni chuong nawng an ta, a hne chuong naw ding tiin an hril niin a hril bawk. Angousana naunu Athokpam Tanoubi chun a pa case CBI in an lak tah leiin a lawmthu a hrila, ni khat chu rorelna indik an la hmu ngei a beisei thu a hril. Sawrkar kuomah ‘prosecition fanction’ pe dingin a ngen ve. (IT)

Donald Trump, North Korea Nuclear Test Naw Sung chu Hlimw a s h i n g t O n : U S President Donald J. Trump chun, North Korea President Kim Jong Un le an inbiek a vawi hnina ding Feb. 27-28, Hanoi, Vietnam pan dinga an siem mek laiin, North Korea-in Nuclear Test a nei naw sung chu a hlim niin a hril a. Kim Jong Un leh inlaichinna \ha tak an nei niin a hril bawk. Hanoi pana a suok hma deuva newsmen hai an hmupuinaa chun, Kim leh inlaichinna \ha deuh, ‘a

very, very good relationship’ an nei niin a hril a. Thil tamlem ah chu an hmudan le ngaidan an ang niin a hril. T r u m p l e K i m h i America President le North Korea President hmaisana inbiekna hmasatak thla riet liemtaa Singapore-a an nei hnung khan a vawi hnina dingin Ningani khin Vietnam khawpui Hanoi ah inbiek 2-na nei nawk an tih. An inbiekna tak chu N o r t h K o r e a n u c l e a r bomb suksietna ding (de-

nuclearisation) thu a nih a. Ni kuma an inremna thu bawk kha a nih. Hienglai zing hin US Senator hai chun iengkhawm a ra suok neilo ding, North Korea nulcear suksietna ding thu um lo chun inremna siempui lo dingin an hril tawl. Trump chun, “Kan hmaw nawh. Thil inhmaw taka nawr ka nuom nawh. Testing um tah sien ka ti el a nih. Nuclear bomb testing a um naw sung chu ei hlim seng a nih” tiin a hril. (Reuters)