Noticiero Departamento di Enseñansa 11 di januari 2011 aña 2 - nr. 7

Edicion Special ‘Organisatie Ontwikkeling’

Kick-off – Sesion di Informacion 1

Puntonan cu a resalta

Evaluacion di e sesion

Input Noticiero

Un bista fotografico

Cu aña 2011 trece bon pa nos y

pa Enseñansa na Aruba

Bon aña! Nos ta yama bonbini na 2011, sperando cu e aña lo trece bon pa nos y nos famia, tanto esun na cas como esun di trabou. Animo y exito cu e trabou di tur dia pa nos por tin un aña fructifero pa Enseñansa na Aruba.

Mision y Vision Departamento di Enseñansa

Di acuerdo cu e planning cu a keda parti durante e prome sesion di e trayecto Organisatie Ontwikkeling, lo tene algun sesion di trabou na final di januari relaciona cu e mision y vision di Departamento di Enseñansa (DdE). Pronto e invitacionnan lo cuminsa sali pa e sesionnan cu lo tuma luga entre 26 y 28 di januari proximo. Ta spera di por conta cu participacion di cada trahado di nos departamento. Alabes nos ta recorda bo cu e ultimo dia pa entrega ‘aanvulling’ riba nos ‘mision y vision’ ta diabierna 14 di januari 2011 pa 12or di merdia. Attachment: Planning Organisatie Ontwikkeling

COLOFON

“Noticiero” ta un produccion di Departamento di Enseñansa. Redaccion / Layout: Jerney Robert-Harms Coreccion / Traduccion: Marlon van der Linde E-mail: info@ea.aw Telefon: 528-3400 / 528-3456

Kick-off Organisatie Ontwikkeling – Sesion di Informacion 1

Tur organisacion ta desaroya su mes constantemente. Departamento di Enseñansa (DdE) tambe kier mehora su procesonan di trabou y servicio y logra hunto cu’bo un organisacion caminda nos tur ta traha cu placer. Pa kick-off e trayecto ‘Organisatie Ontwikkeling’ (Desaroyo di Organisacion), mayoria trahado di DdE a ricibi na final di november 2010 un invitacion personal pa asisti na un sesion di informacion y intercambio di opinion y pensamento riba e topico aki. Durante e siman di 6 pa 10 di december a cuminsa cu e prome sesionnan caminda un total di 134 colega di diferente seccion y proyecto di nos departamento a participa. Durante e luna aki di januari ainda lo tin algun sesion mas, pa asina sigura cu cada trahado di nos departamento a participa y haya oportunidad di trece su puntonan dilanti. Siguientemente nos ta resumi e prome sesionnan. Introduccion

Nos director suplente A.M. Proveyer-Groot durante su introduccion a informa cu a cuminsa cu e proyecto aki desde mei 2010. Na e momento ey diferente persona a keda acerca pa aporta di un of otro manera, sinembargo e intencion ta pa nos tur wordo envolvi den e proceso aki. A traves di e noticiero interno a duna algun informacion inicial, pero durante e prome sesion kier a averigua kico cada trahado di nos departamento ta compronde y ta spera di e trayecto ‘Organisatie Ontwikkeling’.

Di unda nos ta bin

“Organisatie Ontwikkeling” no ta nada nobo pa DdE. A presenta un lista di diferente trayecto interno cu a tuma luga na DdE desde aña 2002. Den e documento Interne Trajecten DO 2002-2010 version Papiamento, por haya un splicacion cortico di algun di e trayectonan, manera “Nos pa Nos: trayecto di mision y vision Departamento di Enseñansa, balor comparti”, “Plan Nacional di Enseñansa (NOP)”, “Concepto Nota di Recomendacion Balor nucleo, Regla di Cas y Codigo di conducta “Hunto riba e mesun caminda”, “Nulmeting DdE door di Centrale Accountantsdienst (CAD)*” y e “Prioridadnan di Minister di Enseñansa”. Maneho

Minister di Enseñansa mr. drs. A.L. Dowers a keda convenci cu e proceso y proceduranan di nos departamento merece atencion y a inclui “Organisatie Ontwikkeling” como un di e 5 prioridadnan pa su maneho stipula pa 2010-2013. Den e documentonan Beleidsprioriteiten 2010-2013 por haya mas informacion di esaki.

Attachment: Interne Trajecten DO 2002-2010 (Papiamento) Overzicht Missie, Visie (version december 2010) NOP (hoofdstuk 2) Beleidsprioriteiten 2010-2013 * Rapport CAD ta obtenibel cerca coordinador di cada seccion / proyecto.

Input

Despues di un introduccion cortico, a pidi cada persona pa pone pa su mes riba papel kico p’e ta

‘Organisatie Ontwikkeling’ y durante un combersacion plenario e grupo a intercambia di opinion y

pensamento riba e topico aki. Den cada grupo mayoria a participa activamente treciendo aspectonan

importante dilanti, como tambe ideanan valioso. Tur loke a wordo menciona a keda nota riba ‘flap’ y esaki a

keda procesa den e documento Input informatiesessies 1.

Attachment: Input informatiesessies 1

Puntonan cu a resalta

Aprecio Waardering

Comunicacion Communicatie

Confiansa Vertrouwen

Facilidad Faciliteiten

Cuido di calidad Kwaliteitszorg

Personal & Organisacion (cuido) Recurso Humano (bienestar)

P&O (zorg) Human Resources

Profesionalisacion Curso pa (Re)capacitacion

Profesionalisering Deskundigheidsbevordering

Proceso, Procedura Processen, Procedures

Structura Structuur

Servicio (interno y externo) Service (intern en extern)

Sosten Steun

Transparencia Transparantie

Unificacion Binding (met organisatie en met elkaar)

Ehercicio

Pa ilustra cu cada un di nos por contribui na e desaroyo di nos organisacion, a haci un ehercicio caminda cada persona a nota riba un papel su contesta riba e pregunta “Kico abo por mehora den bo trabou?”.

Evaluacion di e sesion

Pa cera e sesion a pidi cada persona pa yena un formulario di evaluacion. A puntra cada participante con el

a haya e organisacion y proposito di e sesion, si e informacion tabata duidelijk, na kico e ta desea pa pone

mas atencion y si tin algun sugerencia. E contestanan a keda procesa den e documento

Evaluatieformulieren informatiesessies 1. E evaluacion ta duna un impresion general positivo, ta ilustra e

necesidad cu tin pa mehoracion y como tal ta pidi pa continuacion di e trayecto. Tambe diferente colega a

indica e deseo di keda envolvi cu e trayecto aki. Participacion, contribucion y aporte ta mas cu bonbini. Por

tuma contacto cu Anne-Marie Proveyer-Groot of Birgit Kreykenbohm of haci uzo di nos e-mail adres

info@ea.aw.

Attachment: Evaluatieformulieren informatiesessies 1

Input Noticiero Durante e sesionnan di ‘Organisatie Ontwikkeling’ e palabra ‘Comunicacion’ a keda menciona cada biaha. E

noticiero aki ta un medio (forma) cu ta wordo uza pa duna informacion. Mester corda si cu e ta logra su meta

na momento cu e informacion wordo lesa. Durante e sesionnan a pasa un formulario rond pa haya input riba

nos Noticiero, como tambe pa actualisa e lista di e-mail adres. Principalmente tabata busca un indicacion di

cuanto di nos ta ricibi y lesa e noticiero, y kier a duna e oportunidad na cada un pa duna comentario of

sugerencia. Nos ta gradici un y tur pa e feedback ricibi. Intencion sigur ta pa sigui amplia e noticiero y tur idea

ta bonbini.

Un bista fotografico