MEDLEMSBLAD FOR NORDHORDLAND HUSFLIDSLAG

Nr 2 / mars 2009

Primstaven ynskjer alle lesarane sine GOD PÅSKE

2

ÅRSMØTET I NORDHORDLAND HUSFLIDSLAG 17.02.09

Årsmeldinga frå laget syner at me ved årsskiftet hadde 139 medlemmer. Styret har handsama 51 saker på 9 styremøter. Det har vore halde 3 medlemsmøter. Det første var på Strilamuseet på Seim der me og hadde besøk frå Os Husflidslag. Andre var tur til Os der me lærte hedebosaum, og tredje var i Fjøsen i Spjelneset der me bl.a laga julepynt i nålefilt. Det har vore 9 handarbeidstreff. Andre aktivitetar me har vore med på: Kulturdagane i Lindås, Meland og Radøy –”Møte mellom Kystkulturar”, kystsogedagane i Meland, landbruksdagen i Austrheim, kulturdagane i Austrheim og husflidsmessa. Ny brosjyre har vorte laga. Me har starta opp broderinemnd.Me har vore framme i lokalavisene fleire gongar. 13 kurs vart avvikla med 91 deltakarar. Me har og vore på kurs om innsamling, registrering og oppbevaring av gamle/eldre gjenstander. Årsmeldinga frå Husflidstova fortel om mange endringar og at situasjonen no ser lys ut. Husflidstova flytta frå Lindås til Ikenberget og hadde opning 22.november. Det har vore halde møte for produsentane. Stova har vore med på kulturdagane i Radøy og husflidsmessa. 9 styremøte har vore halde. Bunadsnemnda fortel om eit aktivt år med mykje fokus på brudedrakta. Nylaga krune kom frå Sylvsmidja på Voss i januar. På kulturdagane på Radøy fekk brudedrakta mykje merksemd saman med medlemmene frå Manndalen Husflidslag i samedraktene sine og våre medlemmer i sine bunader. I oktober var me inviterte til Osterøy museum og fekk mykje merksemd både med brudedrakta og grøntrøyedrakta. Draktene stod utstilt der til husflidsmessa vår, der brudedrakta var utstilt. Ved opninga av Husflidstova var bruda igjen framme. Det vart tatt bilder av brudedrakta. Dette kom på trykk i bladet ”Bunad” no i februar. Bunadsnemnda har no fått lokale ved sida av Husflidstova, der alt som er i nemnda si eige er samla.

Styret for Nordhordland Husflidslag 2009 Leiar: Aud Marit Halland 56373278 / 94857312 am-ah@online.no Nestleiar: Grethe Spurkeland 56351251/ 47415537 jspurkel@online.no Kasserar: Vigdis Olsen 97061265 olvig@broadpark.no Skrivar: Reidun Kvamme 56351757/ 90556210 reidun.kvamme@kvamme-gard.no Styremedlem: Svanhild Tofting 56355076/ 93499108 s-tof@online.no Varamedlem: Anne Grete Breisnes 56167032/ 97511208 agbrei@online.no ” Jarl Hansen 56178446/ 95845897 Studiesekretær: Beate Skag Storheim 95979336 beateskag@yahoo.no Revisor: Dagmar Lygre 56350895/ 97033172 ” Marte Hauge 56353275/ 97111091 marhau12@hotmail.com Messekomite: Halvor Rostrup 47674522 ” Kjersti Børilden 56169357/ 99361071 ” Svein Harald Bjørke 92663585 + 2 frå styret Primstaven: Anne Grete Breisnes 97511208 ” Øyvor H.Larsen 56351551/ 99532442 oyvorhl@c2i.net ” Aud Marit Halland

3

STYRET FOR P/L HUSFLIDSTOVA Leiar: Arild Hagenes 99034535 arhagene@online.no Dagleg leiar: Turid Tenden 56360744 husflidstova@bgnett.no Leiar for laget Aud Marit Halland Styremedlem: Grethe Vetås 56335263/ 97110256 ” Karin Myking Halland Varamedlem: Oddny Røyseth 56178324 ” Grethe Spurkeland

STYRET FOR BUNADSNEMNDA Leiar: Rannveig Reigstad 56350109/ 97081331 rannver@online.no Styremedlem: Oddny Røyseth 56178324 ” Torill Vågenes Geelmuyden 56355290/ 90826607 ” Randi Nedreås 99490187 ” Anna K.Vabø 56363523 ” Astrid Spjeldnes 56360401 Varamedlem: Ingebjørg M Kolstad 56373360 ” Ingunn Haug 56370062 ” Turid Tenden

Valnemnd: Marit Tvedt Ervik 56347133 Else Kruger 56350116 Kjersti Haugland 56370342 / 97761061 Vara: Ingvild Skår 95296782

Utsendingar til fylkesårsmøtet. Aud Marit Halland Vigdis Olsen Svanhild Tofting Vara: Anne Grete Breisnes Vara: Turid Tenden Vara: Arild Hagenes

Handarbeidstreff på Yrkesskulen

Den 2. mars var 21 damer samla til nytt handarbeidstreff. Sjølv om det var første dagen i vinterferien hadde mange tatt seg tid til ein kveld med strikkepinnar. Ingrid og Beate hadde med seg mønster til diverse påskehøner. I tillegg hadde Johanna med to ”spreke” kyllingar som sjarmerte mange til å leggja opp nokre masker i gult garn på 5 pinnar for å laga same modellane. Det vart strikka ivrig medan praten gjekk og me kosa oss med stompekaker og kaffi.

4

KURS I ENGELSK BRODERI Kursleiar på Dale på Radøy er Jorun Sætre. Broderikurset går over 5 ganger, 3 timar kvar gong. Ni damer er med, fem av dei var med på kurs 1 i haust, fire er nye her på kurs 2. Kursinnhald er påteikning av mønster, dei ulike stinga som vert nytta, ferdiggjering, vask og stell av det ferdige produktet. Engelsk broderi er ein gammal broderiteknikk, frå slutten av 1800 talet. Produkt frå den tida syner ein naturalistisk retning i motiva. I staden for å trekke ut trådar, klipper ein formene slik at stoffet blir bretta inn, og det vert sydd over konturane med knappholsting. - Konturane tyder ein type skråsting. Når knappholstinga vert sydd over, står motivet litt ut frå stoffet. - Motiva er ofte enkle frukt eller blomstermotiv. Engelsk broderi vart nytta til både pryd og nyttetekstilar. Dukar, brikker, løparar, lintøysett med overlaken, putevar, pyntehandkle, skittentøyposar, nattøyposar, lommetørklemapper, kappar til gardiner. Det eldste materialet som er funne er undertøy, forkle, dåpskjolar og barnetøy.

Over: Fremst ligg ein brikke Vigdis Olsen har sydd. Bak ligg eit putevar. Under: Kirsten Vesterheim syr med lupe og godt lys. Motivet er enkle blomstermotiv, kvit tråd på kvitt stoff. Venstre: Johanna Seim kom med nyinnkjøpt duk. Då vart det diskusjon om teknikk: Engelsk broderi eller veneziansk saum V.under: Vakre produkt frå Jorun Sætre si hand Ein duk, ein løpar, eit pyntehandkle

5

Brodering med 5.klassingane på Manger

Kvar tysdag i februar har underteikna vore på Manger Barneskule og brodert med 5. klassingane. Klassen vart delt i to, med 14 elevar i kvar gruppe. Det var mange motiverte og nysgjerrige elevar som møtte oss. Vigdis hadde kopiert av enkle motiv frå malebøker, og me hadde ”tigga” til oss restestoff frå Husflidstova. Kvar elev valde eit motiv som dei la under stoffet sitt og teikna over med grå blyant. Så var det klart for broderinga. Farge på molinegarn fekk dei velja, då me hadde eit lite restelager frå flyttinga av stova. ”Tre på nåla” måtte dei fleste ha hjelp til, men elles så imponerte mange med kor snart og nøyaktig dei lærte å brodera stilkesting. Det var nokre intense timar, men utruleg kjekt å sjå kor ivrige og flinke dei fleste 10 åringane var med nål og tråd. Resultat vart mange små og fine serviettar som vart ”nesten” ferdige. Læraren lova å gjera resten. Me frå husflidslaget vart veldig godt mottatt, og det vart sagt tydeleg frå at interessa frå skulen si side er stor. No står nålefilting med 7. klassingane for tur. Men det er mange skular, og mange elevar rundt om i Nordhordland. Så har me fleire hender og meir tid å avsjå er behovet og interessa for handarbeid enno tilstades.

Husflidshelsing frå Vigdis og Aud Marit

6

.

Medlemsmøte / handarbeidstreff / utstilling med Ingvild Skår Det vert medlemsmøte/ handarbeidstreff med utstilling på Seniorsenteret, Knarvik sjukeheim måndag 30. mars kl. 18.00 - Ingvild Skår vil syna oss utstillinga si med tova og malte bilete. - Referat frå fylkesårsmøtet og siste nytt ang. samarbeidet med Hillesvågen. Enkel servering. Pris kr. 30.- Alle er hjarteleg velkomne til ei triveleg husflidsstund.

Vidare aktivitetsplan for våren Handarbeidstreff : måndag 30.mars, 4.mai, 8.juni SOMMARMESSE i samarbeid med Hillesvåg Ullvarefabrikk LAURDAG 6.JUNI

Ledige plassar på vårkursa

Styret melder om at det framleis er ledige plassar på kursa til

Grete Hansen – Spinning av saueull. Ranveig Reigstad – Belte og bringeduk, perlebroderi Astrid Spjeldnes – Sying av kvithua Anne Grete Breisnes – Plantefarging

Karin T. Pedersen sitt skinnfell kurs vert flytta til hausten. Ny dato kjem i neste nummer av Primstaven. Nålefilting ved Anna Sofia Mellingen,tauarbeidskurset ved Kaspar Hansen og kniplingkurset ved NinaKarin Knutsen vert sett opp att til hausten. Sjå eiga annonse angåande brikkevevkurset til Sonja Berlin. .

7

.

www.bunad-magasinet.no: ”Vakker ny bruredrakt frå Nordhordland”, er tittelen på ein artikkel som står i nr.1 februar/ mars-utgåva av bladet BUNAD. Eit flott oppslag, med fine bilete av krune og drakt, og der bunadsnemnda i Nordhordland får velfortent ros. Bunadsnemnda starta opp arbeidet i 1974 og sette i gong med å rekonstruere bunadar. Dei rekonstruerte bunadar og mønster med skjortekantar, forklekantar, bringedukar og belte. I 1984 jobba dei med å rekonstruere grøntrøyedrakta. Festdrakta med raudt liv, og Masfjordbunaden med raudtrøye, vart rekonstruert på slutten av 1990 talet. I 8 år har dei jobba med bruredrakta som var ferdig i 2008. Mange har bidrege i arbeidet, og no når sjølve bruredrakta med krune er ferdig, er dei mange som er godt nøgde. Arbeidet i Nordhordland vert lagt merke til, og oppslaget i BUNAD syner nettopp det. PRIMSTAVEN gratulerer bunadsnemnda med godt arbeid.

Modell Gro Anne Spjeldnes Myking Fotograf Torill V. Geelmuyden, 5915 Hjelmås, email knge@online.no

Bruredrakt frå Nordhordland Den nye bruredrakta frå Nordhordland kan leigast ved å kontakte leiar i Bunadsnemnda i Nordhordland, Rannveig Reigstad, 5914 Isdalstø Tlf.: 56 35 01 09 eller P/L Husflidstova Blombakken 1, 5911 Alversund Tlf.: 56 36 07 44 post@husflidstova.no

8

POST TIL PRIMSTAVEN

Har de stoff til redaksjonen, som de trur kan vera av interesse for andre, ver gild å ta kontakt med oss: Øyvor H. Larsen, Bruvegen 44, 5914 Isdalstø Tlf. 56 35 15 51 /99 53 24 42; e-post: oyvorhl@c2i.net Anne Grete Breisnes, Kvalvågen, 5943 Austrheim Tlf. 56167032 / 97511208, e-post: agbrei@online.no Utgjevar: Nordhordland Husflidslag, Returadr.: Anne Grete Breisnes, 5943 Austrheim

KURS I BRIKKEVEV, SANDNES I MASFJORDEN Me minner om og ynskjer velkommen til sommarkurs. Kurs for nybyrjarar: sundag 28. – tysdag 30. juni. Kurs for vidarekomne: onsdag 1. – fredag 3. juli. Då det er stor interesse for kurset er det lurt å vera tidleg ute med påmelding. 12-14 deltakarar på kvart kurs. Pris: kr. 1280,- 24 timar. Aldersgrense 14 år. I år er det Nordhordland Husfldislag og Masfjorden kommune som arrangerer kursa. Påmelding til Nordhordland Husflidslag, v/ studieleiar Beate Skag Storheim: 959 79336. Velkommen! (Påmelde vil få nærare informasjon om kurset og evt mat og overnatting når det nærmar seg.) Vennleg helsing Nordhordland Husflidslag Sonja Berlin Anette Thorsheim v/ Aud Marit Halland sonja.berlin@tele2.se Masfjorden kommune Kontakt 90688976

anette.thorsheim@bluezone.no