INTERREG III A ITALI-SHQIPERI...
Transcript of INTERREG III A ITALI-SHQIPERI...
INTERREG III A ITALI-SHQIPERI
2000-2006
“BiblioDoc-Inn”
Elbasani në fokus
Albanologji - Aktivitete rinore
Shotor - Dhjetor 2005
Redaktim
Treguesi
INTERREG III ITALI-SHQIPERI
Redaktorë: Steliana Sinani, Ornela Bardhi, Alba Abazi, Manola Lleshanaku
Përkthyes: Marsida Jashari
Perpunimi dixhital: Valter Messore
Drejtoreshë e Bibliotekës Publike të Elbasanit “Qemal Baholli”: Drita Cankja
Konsulente: Paola Grimaldi
Partner: Koperativa e Shërbimeve Kulturore Ninive
Një vend të veçantë në mirëbërësinë e Elbasanit zë emri i tregtarit Nazif Baholli, i cili ia ngriti lart emrin vetes me dhuratën shumë të çmuar, që i bëri qytetit të Elbasanit. Në perkujtim të të birit, Nazifi, si patriot me ide përparimtare, pati idenë të ngrinte në Elbasan një vepër kulturore, biblioteke publike, duke e pagëzuar me emrin e të birit: “Qemal Baholli”. Në fondet e saj fillimisht u futën 1000 vëllime.
TTRREEGGUUEESSII
Biografi e bibliografi analitike të autorëve të Literaturës shqiptare për fëmijë
Fondi i shfrytëzuar për punimin e këtij materiali është marrë nga fondi i bibliotekës së Elbasanit
“Qemal Baholli”
INTERREG III ITALI-SHQIPERI1
“Promovimi dhe zhvillimi i modeleve inovative të bashkëpunimit ndërmjet biliotekave dhe
qendrave të dokumentimit italo-shqiptare” (BiblioDoc-Inn) Aksi IV – Mizura 4.1 – Aksioni 4 – Nën Aksioni 4.1 Financuar nga Bashkimi Europian, projekti shënon arritje në drejtim të bashkëpunimit institucional të bibliotekave shqiptare me ato italiane. Ai promovon forma të bashkëpunimit ndërrajonal, krijon mundësira të njohjes së kulturave të dy popujve, të integrimit të bibliotekave shqiptare në rrjedhën e atyre europiane. Në këtë projekt janë përfshirë Biblioteka Kombëtare e Shqipërisë, biblioteka publike “Qemal Baholli” e qytetit të Elbasanit dhe biblioteka publike “Marin Barleti” e qytetit të Shkodrës.
Projekti synon arritjen e objektivave të tillë si: - Zbatimin e të drejtës për akces në informacion, të garantuara nga Bashkimi Europian, në
dobi të qytetarëve në përgjithësi; - Lehtësimin e procesit të integrimit europian përmes një informacioni të saktë mbi
probleme të bashkësisë me interes të veçantë për bashkëpunimin ndërkufitar; - Zvogëlimin e “dallimeve digjitale” përmes zbatimit të shpërndarjes së teknologjisë
infotelematike në administrimin publik në dobi të zonave më të prapambetura; - Promovimin e trashëgimisë biblio-dokumentare në përgjithësi, veçanërisht asaj të
përcaktuar si vlerë kulturore; - Modernizimin në planin e administrimit, përmirësimin cilësor dhe rritjen e shërbimeve
publike.
Për arritjen e këtyre objektivave projekti parashikon realizimin e një programi për hartimin e buletineve tematike periodike dygjuhëshe, kryesisht për konsultim në www.bcr.puglia.it/pem/bibliodocinn.htm, por edhe për konvertim në letër në përshtatje me shërbimet tradicionale të bibliotekave të përfshira në projekt; si edhe realizimin e një programi për hartimin e botimeve profesionale.
1 Në konferencën e mbajtur në Bari më 11-12 tetor të vitit 2001 në kuadër të INTERREG II, u vu në dukje gjendja e vështirë e
bibliotekave publike në Shqipëri. Rruga më e sigurtë dhe më efektive për rritjen e bashkëpunimit dhe përmirësimin e drejtimit bibliotekar është përfshirja e drejtpërdrejtë e disa bibliotekave publike dhe qendrave shqiptare të dokumentacionit në struktura-pilot përmes të cilave të pasqyrohen risitë dhe të konsolidohen në territorin shqiptar modele që nxitin zhvillim në këtë fushë.
Biografi e bibliografi analitike të autorëve të
literaturës shqiptare për fëmijë
Kristoforidhi, Kostandin
Kostandin Kristoforidhi lindi në qytetin e Elbasanit më 1827 ku mori mësimet e para. Shkollën e
mesme e kreu në Janinë, në gjimnazin “Zosimea”, ku më pas studiuan Naim e Sami Frashëri. Pas
mbarimit të gjimnazit punoi mësues i gjuhëve klasike në shkollat e Tiranës. Më pas ndoqi një kurs
(seminar) në Maltë dhe përsëri ushtroi profesionin e mësuesit në Elbasan, Tiranë, Kavajë, Durrës,
Krujë e Peqin. Në vitet e mëvonshme shkoi në Stamboll, ku qëndroi deri më 1872. Pak kohë punoi
edhe në Tunis, po mësues, pastaj u kthye përsëri në vendlindje. Duke u lidhur edhe me rilindësit e
tjerë ai krijoi një alfabet (Alfabeti i Stambollit) dhe shkroi librat e para shqip për shkollat. Kështu
më 1867 e 1868 Kristoforidhi hartoi Abetaret shqipe të titulluara “Abetar shqip” (gegërisht) dhe
“Alfavitar shqip” (toskërisht). Trashëgimia që ka lënë Kristoforidhi përfshin njëzet e pesë vepra.
Një pjesë janë origjinale të tjerat përkthime. Ndërmjet tyre ka dhe libra fetare si “Dhjata”, “Fjalët e
urta të Solomonit” etj. Veçanërisht kanë rëndësi librat “Gramatika e gjuhës shqipe” në dialektin
tosk shkruar në Kostandinopojë më 1882 dhe “Fjalori i gjuhës shqipe”shkruar në Athinë më 1904 i
cili u ribotua më 1961 nga Dr. Pr. Aleksandër Xhuvani, nën titullin “Fjalor shqip-greqisht”. Duke
qenë se për tekstet shkollore nuk kishte copa letrare të mirëfillta në gjuhën shqipe, Kristoforidhi u ul
e shkroi vetë ndonjë pjesë në prozë e ndonjë vjershë. Të tilla janë “Dy dhitë” (fabul), “Ylli i vogël
lart në qiell” (vjershë) etj. Kjo vjershë është botuar tek “Abetarja” në vitin 1872. Ky vit njihet edhe
si hap i parë i letërsisë sonë për fëmijë ose si guri i saj themeltar. Por vepra më e arritur dhe më me
vlerë e Kristoforidhit është “Gjahu i malësorëve”. Kostandin Kristoforidhi i mbylli sytë në
vendlindje, në vitin 1895, dhe sipas dëshirës së tij u varros në Kishën e Shinjonit, siç thuhet në
Elbasan ( kisha e Shën Joanit ose Shën Gjonit).
Guranjaku, Qamil
Shkrimtari Qamil Guranjaku ka lindur në Elbasan më 1914. Aty kreu dhe mësimet e para në
shkollën e mesme. Pasi mbaroi shkollën pedagogjike për disa vjet punoi mësues (1933 – 1943). Që
në bangat e shkollës së mesme nisi të merrej me letërsi. Një pjesë të krijimeve të veta i botoi në
gazetat e revistat e kohës. Pas pushtimit fashist të vendit, Qamil Guranjaku u bashkua me luftëtarët
e lirisë dhe ishte një nga drejtuesit e brigadës së 17 sulmuese. Edhe pse në kushte të vështira, gjatë
luftës ai nuk e ndau penën nga dora dhe shkroi shumë tregime, vjersha etj. ,për trimërinë dhë
heroizmin e shokëve të vet. Pas çlirimit Qamili punoi kryeredaktor i gazetës “Luftëtari” dhe më pas
në Ministrinë e Arsimit ku u muar me përgatitjen e teksteve shkollore. Nga mesi i viteve '40 gjer në
fillim të viteve '50, në shkollat tona punohej me antologjitë e përgatitura prej tij. Qamil Guranjaku
vdiq shumë i ri, në vitin 1949, dhe sa qe gjallë mundi të botojë vetëm një libër, që e titulloi “Lulet e
mia” (1944). Në të përmblodhi krijimet për të rriturit. Pas vdekjes së tij, nën kujdesin e shkrimtarit
Moisi Zaloshnja, u botuan dy libra të autorit: “Xixëllonjat e vogla” (përmbladhje me vjersha për
fëmijë) dhe “Dhjetë ditë pa bukë” (përmbledhje me tregime për fëmijë).
Shuteriqui, Dhimitër
Lindi në Elbasan më 1915. Filloren e kreu në Elbasan dhe Korçë. Të mesmen e mbaroi në liceun e
Korçës ndërsa studimet e larta i bëri në Grenobël e Lion të Francës për drejtësi e filozofi. Pas
mbarimit të studimeve punoi pedagog në shkollat e larta dhe për shumë vjet kryetar i Lidhjes së
Shkrimtarëve dhe Artistëve të Shqipërisë dhe mbron titullin profesor. Me letërsi nisi të merrej që në
vitet '30. Emrin e tij e gjen në periodikun letrar, shkencor e publicistik me krijime të shumta e të
ndryshme, si tregime, novela, romane, udhëpërshkrime, studime, kritika, recensa, tekste shkollore
për letërsinë etj. Që në vitet '30 ka qenë bashkëpunëtor i shumë gazetave e revistave si “Bota e Re”,
“ABC”, “Rilindja”, “Ylliria”, “Kombi”, “Përpjekja shqiptare”, “Drita”, “Nëntori”, “Ylli”, “Studime
fillologjike” e madje dhe revistat për fëmijë. Ka shkruar për të rriturit dhe për të vegjëlit, në poezi
dhe në prozë, dhe ka botuar me dhjetëra libra letrare, publicistike e shkencore, ndërmjet të cilave
përmendim: “Këngët e rinisë së parë” (vjersha, 1935), “Kangë” (vjersha, 1936), “O Ptoleme”
(poemë, 1944), “Mbi krahun e praruar të paqes” (vjersha,1950), “Çlirimtarët” (roman, pjesa e parë
më 1952, pjesa e dytë më 1954), “Fyelli i Marsiasit” (tregime, 1963), “Këngë në minierë” (tregime,
1968), “Te Qafa e Botës” (tregime, 1987), etj., të gjitha për të rriturit. Në fushën e shkencës letrare-
artistike e studimore ka botuar shumë libra si: “Metrika shqipe” (1947), “Letërsia e re shqipe”
(1950), “Antologji e letërsisë shqipe” (1955), “Skrime shqipe 1332-1850 (1965), “Nëpër shekujt
letrarë” (1973), “Autorë dhe tekste” (1977), “Mbi Barletin dhe shkrime të tjera” (1980), “Naim
Frashëri jeta dhe vepra” (1982), “Marin Beçikemi dhe shkrime të tjera” (1987) etj.
Për lexuesit e vegjël ka botuar përmbledhjet me tregime: “Gurnecka” (1957), “Tregime të zgjedhura
për fëmijë” (1975), “60 tregime në një” (1979), “Kur rendte hëna nëpër re” (1982), “Vërshimet e
vjeshtës” (1984). Vdiq në vitin 2004.
Çerma, Behxhet
Lindi në Elbasan më 1925, ku mbaroi edhe shtatëvjeçaren dhe vazhdoi të mesmen (pedagogjike).
Mori pjesë në Luftën Nacionalçlirimtare. Më pas ndoqi studimet për oficer, në ish Bashkimin
Sovjetik. Ka punuar në ushtri dhe mësues .Nisi të shkruaj dhe të botojë në fillim të viteve '50 si për
fëmijë ashtu dhe për të rriturit. Po në vitet '50 botoi dy libra:”Zgjimi ushtarak”(vjersha për të rriturit
1956), dhe “Vallja e milingonave” (poemë e dramatizuar për fëmijë 1959). Ka vdekur.
Ceka, Hyjni
Ka lindur në qytetin e Elbasanit, më 1932, në një familje me tradita atdhetare e arsimore dhe
shkollën shtatëvjeçare e të mësme pedagogjike, i ka kryer në qytetin e lindjes. Studimet e larta i
vazhdoi në Fakultetin Histori Folologji, të Universitetit të Tiranës, për gjuhë e letërsi shqipe.Ka
punuar mësues në fshatrat e Kurveleshit dhe në rrethin e qytetin e Elbasanit. Me letërsi ka nisur të
merret qysh i ri dhe ka bashkëpunuar në gazetat e revistat e kohës, si “Zëri i Rinisë”, “Shkumbini”,
“Fatosi”, “Pionieri”etj, me krijime në prozë.
Ka botuar tre libra për fëmijë, të tre në prozë: “Horizonte të elektrifikuara” (tregime, 1969),
“Muzika e jetës” (tregime, 1973) dhe “Gëzimi i motrave” (tregime, 1978). Jeton në Elbasan
Dakli, Bardhyl
Ka lindur në qytetin e Elbasanit më 1934, aty mbaroi dhe shkollën shtatëvjeçare e të mesme
(pedagogjike). Ka mbaruar Universitetin e Tiranës, për gjuhë e letërsi shqipe dhe punoi mësues
gjersa doli në pension. Botoi vetëm një libër për fëmijë: “Si mbeti pa bisht misëroku Fishko”
(përralla 1990). Jeton në Elbasan.
Tapia , Skënder
Lindi më 1935 në Elbasan ku kreu edhe shkollën shtatëvjeçare e dy klasë të mesme. Vitet e fundit të
shkollës së mesme i bëri në Tiranë, në Shkollën Pedagogjike “17 Nëntori”. Po në Tiranë vazhdoi
Insitutin dy vjeçar për gjuhë e histori. Më pas punoi mësues e Drejtor i Shtëpisë së Pionierit (sot
Qendra Kulturore e Fëmijëve) në Elbasan. Tanimë ka disa vjet që ka humbur dritën e syve e
megjithatë punon me durim e këmbëngulje dhe ka botuar disa libra për fëmijë, të gjithë me vjersha:
“Të kemi në zemër” (1972), “Pranë zemrës” (1973), “ Dallëndyshe, eja” (1974), “Qofsh i lumtur,
Adi” (1975), “Qeshin vogëlushët” (1977), “Ju këndoftë zemra” (1978), “Porsi partizanët” (1979)
dhe “Për ju këndoj” (1984). Veç këtyre ka shkruar dhe pjesë teatrale për fëmijët e për kukullat,
shumë tekste këngësh si “Gjuha jonë sa e mirë”, “Kur këndoj për ty moj nënë” etj., të cilat patën
sukses në kohën kur u muzikuan. Jeton në Elbasan.
Meksi, Thanas
Lindi në Elbasan më 1938, ku mbaroi shkollën shtatëvjeçare dhe të mesmen. Studimet e larta i bëri
për gjeografi histori në universitetin e Tiranës. Ka punuar udhëheqës pionierësh në shkollat
tetëvjeçare, drejtor shkollash, shef seksioni i arsimit të Elbasanit, në Insitutin e studimeve
Pedagogjike në Tiranë, në seksionin e arsim-kulturës në Elbasan, drejtor i shtëpisë së kulturës po në
Elbasan dhe keshilltar për kulturën në Bashkinë e Elbasanit. Ka botuar disa broshura si për
këngëtarin e njohur Isuf Myzyri, për kostumet popullore të rrethit të Elbasanit, etj. Për fëmijë ka
botuar tregimin me figura “Dafina shpatarake” më 1982.Jeton në Tiranë.
Karadaku, Shefki
Lindi më 1941 në qytetin e Elbasanit ku kreu dhe shkollën shtatëvjeçare dhe të mesme. Studimet e
larta i ndoqi në Universitetin e Histori Filologji në Universitetin e Tiranës, për gjuhë e letërsi
shqipe. Ka punuar redaktor në organe të ndryshme të shtypit, si në revistën “Ylli” etj. Tani ka një
shtëpi botuese private “Glob” në Tiranë. Me letërsi është marrë qysh i ri dhe ka shkruar dhe botuar
disa vepra, në poezi dhe prozë: “Këga e karrove të drithit” (vjersha, 1967), “Melodi të Shkumbinit”
(vjersha, 1968), “Rrugët e para” (1973), “Toka e etërve” (1985) etj. Për fëmijët ka botuar poemën
“Sokol Marini” (1974). Jeton në Tiranë.
Bishqemi, Astrit
Astrit Bishqemi u lind në qytetin e Elbasanit më 18 korrik 1943. Pas shkollës së mesme
pedagogjike, vazhdoi për matematikë-fizikë në Insitutin Pedagogjik 2-vjeçar të Shkodrës dhe
mandej studimet elarta për gjuhë e letërsi shqipe. Ka shërbyer arsimtar në shkolla të ndryshme
tetëvjeçare e të mesme të rrethit të vet, në Librazhd, në Peqin e në Elbasan dhe redaktor i gazetës
lokale “Shkumbini”.
Që nga viti 1981 (fillimisht pedagog i jashtëm), jep leksionet e lëndës letërsi për fëmijë në
Universitetin “Aleksandër Xhuvani” – Elbasan.
Është autor e bashkautor në disa tekste të shkollës tetëvjeçare dhe të lartë.
Mban titujt “Mësues i Merituar” dhe Prof. As. Dr. në shkencat filologjike.
Krijimin e parë e botoi te revista “Fatosi” më 1959. Më tej iu përkushtua tërësisht krijimtarisë
letrare për fëmijë, duke botuar këta libra:
Romane: “Me vështrimin lart” (1986), “Udhëtim i jashtëzakonsham” (fantastiko-shkencor, 1987,
2000), “Zemër, o bir!” (1999), “Fustanet e dallëndysheve” (2003), “Kronikë me tank” (2004).
Novela: “Gjoksshkëmbi” (fantastiko-shkencore, 1972), “Tregim për nënën trimëreshë” (1974),
“Përtej oborrit diellor” (fantastiko-shkencore, 1978), “Partizani fotograf” (1980), “Një verë plot
ngjarje” (1981), “Kur çelin livarëzat e arës” (1984), “Epitafi dinak” (1994), “Burgu i qelqtë” (1995,
2002), “Doriu i luftërave” (1996), “Zezona e qumështit” (1996), “Për një gotë çaj” (2004).
Vëllime me tregime: “Detyra” (1974), “Çelësi i depos” (1976), “Gëzofi i tokës” (fantastiko-
shkencor, 1977), “Kallëzimet e kokërrzave të breshërit” (fantastiko-shkencor, 1978), “Fidani i
dardhës” (1978), “Drugdhendësi i vogël” (1978), “Trimëria” (1985), “Dhëmbët e ujkut” (1996),
“Kur nisa rrugën e shkrimeve” (1997), “Thesi i gjallë” (1998), “Gjyshër e nipër” (2001), “Si ia
hodhëm kompjuterit” (2002), “Papuçe me princ Pisson” (2003).
Vëllime me përralla: “Libri i grisur” (1984), “Ali Baba dge dyzet hajdutët” (1993, 2003), “Gazmore
e 300 e ca... buzëqeshje sa?” (1996), “Shtëpiza ime” (2003), “Maçoku me celular” (2004), “Nga
ditari i një shkrimtari për fëmijë” (2005).
Bishqemi, Astrit
“Burgu i qelqtë”
Novela “Burgu i qelqtë” është ngritur mbi një gjetje artistike origjinale, mbi një fakt tepër të
thjeshtë e interesant. Diku, në një fshat të humbur malor, një mësues ka mundur të fusë një kokërr të
madhe ftoi në një poç qelqi. Kush e sheh çuditet nga kjo “mrekulli”. Ky truk fillon të shqetësojë
aparatin shtetëror të veshur me fodullëk. Në shkollë vijnë xhandarë dhe, si nuk e kuptojnë “çudinë”,
fusin në lojë edhe komandantin e tyre. Shkallë – shkallë, objekti me enigmë ngjitet deri në organet e
larta dhe arrin majën e piramidës, te mbreti. E vret mendjen dhe ky, por pa dobi. Atëherë në një
gosti të shtruar në pallat, pasi kanë ngrënë darkë, mbreti ua rrëfen poçin të ftuarve dhe kërkon nga
ata ta zgjidhin enigmën. Kësisoj, poçi kalon dorë më dorë, si veza e Kolombit. Dhe njerëzit e lartë
dhe të shquar të mbretërisë japin mendime nga më të ndryshmet, të karakterizuara nga pompoziteti,
mediokriteti, gjë që e zhvesh nga madhështia piramidën e mbretërisë. Ka gjithashtu situata komike
që e zbavisin mjaft lexuesin dhe e bëjnë të qeshë. Përsëri enigma ngel enigmë. Mbreti kureshtar
thërret atëherë mësuesin e thjeshtë nga fshati i largët, i cili i sqaron gjithçka...
Bishqemi, Astrit
“Zemër, o bir!”
Romani “Zemër, o bir!” ka për hero kryesor një nxënës të klasës së shtatë, Rubinin. Atij shokët i
bëjnë një lojë të pamatur, e akuzojnë si vjedhës. Djali që është tepër i ndjeshëm, për një çast humb
ndjenjat. Në vizitën që i bën mjeku, e nxjerr fëmijën të sëmurë nga zemra. E këshillon të mbajë
regjim, të mënjanohet nga ora e fiskulturës në shkollë, të mos lozë me top me shokët e t'u ruhet.
Emocioneve të forta... . Fëmija bie në depresion shpirtëror ditët e para. Mbyllet në vetvete, bëhet
pesimist për jetën, i humb interesi për mësimet. Por shokët e afrojnë në jetën e tyre gazmore e të
vrullshme, në lojën e tyre dhe kësisoj bëjnë që Rubini ta harrojë fare sëmundjen. Në vizitën e dytë
që i bën mjeku pas gjashtë muajsh, e nxjerr të shëruar djalin dhe këshillon të bëjë jetë normale
Ky është vetëm strumbullari I veprës, skeleti I saj. Mishin e përbëjnë njarjet e shumta që ndodhin në
shkollë e në qytet, në familjen e personazheve të veprës. Janë vitet 1990-93, kohë e trazicionit
demokratik në Shqipëri, kohë plot trazira e befasi.
Bishqemi, Astrit
Për një gotë çaj, Elbasan : Sejko, 2004. – 59 f. ; 17cm.
Në çdo kapitull të kësaj novele është treguar e njëjta ngjarje. Kemi të bëjmë me një vepër letrare me
vlera didaktike.Eshtë një lloj krijimi, që në muzikë quhet “variacione mbi një temë”. Një fabul e
thjeshtë, një bosht tematik subjektor i mban dhe i lidh të gjithë kapitujt në formë artistike. Kësisoj,
krijimi merr formën e një novele, po të një novele didaktike. Ngjarja është ndriçuar e është
vështruar nga kënde të ndryshme ideore e kopozicionale, nga regjistra të ndryshëm gjuhe: të
thjeshtë, të zakonshëm dhe të ngritur. Këtu mungon fjala përshkuese e autorit. Ligjërimi është vënë
në gojën e personave të ndryshëm. Në kreun e parë ngjarjen e perjeton një person i pranishëm, i cili
e rrëfen në kohën e tashme. Në kreun e dytë ndryshon koha e foljes, bëhet e kryer e thjeshtë, i
rrëfehet një gazetari. Në kreun e tretë na hyn një burrë a grua e pranishme, që tregon me emocion
(përdor fjali dëftore thirrmore, nxitëse, pyetëse, habitore). Në kreun e katërt pas daljes së një
artikulli në gazetë dhe pas një lexuseje që shprehet duke përdorur shumë onomatope, rradha u vjen
dy personazheve kryesor të ngjarjes. Dhe fabula e novelës vazhdon, ngjarjet rrjedhin. Fillojnë
hetimet e deponimet.... Kreu me titull “Mesele”, ka dy gjetje. Sëpari ngjarja fillonte rrëfehet nga
pika kulmore (gota që thyhet). Së dyti, me një regjister të thjeshtë gjuhe, ne ligjërim përdoren
shumë barbarizma. Shpesh njerëzve u është bërë zakon që të përsërisin në ligjërimin e tyre fjalë
parazite, të cilat shfrytëzohen në kreun pasardhës “Në fakt...domethënë”. Më tej rrëfejnë me rradhë
një matematikan, një gjygjtar e të tjerë. Në kreun e fundit flet një gjygjtar, ku fjalori i gjuhës së tij
është më i ngritur, por herë pas here, pa dashje del nga kjo gjuhë e stilit juridik. Këtij krijimi, pasi e
ke lexuar një herë, mund t’i ktheheshe t’i rikthehesh me sy humultues, dhe gjithnjë do të zbulosh
diçka të re, që autori ka dashur t’ua transmetojë lexuesve. Mund të themi se kjo ngjarje mund te
shrytëzohet nga mësuesit dhe bxënësit e shkollës 9-vjeçare si një provë për hartimin e një skice
letrare.
DDC: 821.93.3
Vendndodhja: B63
Bishqemi, Astrit
Gazmore – treqind e ca ! ... Buzëqeshje, sa ? Tiranë : Toena, 1996. – 106 f. ; 20cm.
Në këtë vëllim janë përmbledhur gazmore nga bota e madhe e vogëlushëve. Janë shënime të
shkurtra, nxjerrë nga ditari i autorit, i cili për njëzet e pesë vjet herë pas here hedh në bllok një fjalë
të këndëshme, një shprehje të bukur, një veprim a një sjellje të veçantë të fëmijëve që e rrethonin,
duke i perceptuar me sy e vesh të vëmendshëm, si prind, si edukator e si shkrimtar i tyre. Këtu nuk
janë shënuar të ashtuquajturat fjalë autonome (që kanë kuptim vetëm për fëmijët), me përjashtim të
ndonjë rasti. Gjithashtu vëmendja nuk është përqëndruar vetëm te stilemat, fjalët e shqiptuara jo
drejt për shkak të moshës. Janë përmbledhur më tepër ato fjalë a shprehje që nxjerrin në pah
arsyetimin naiv të fëmijëve, të folurit “figurativ” të tyre për shkak të fjalorit ende të varfër. Në
ndryshim nga rrëfenja, bukurinë e saj gazmorja e ka te melankolizmi. Shkurtësia e saj ka të bëjë
vetëm me atë që është më e vlefshme më e çmuar prandaj dhe autori i ka zhveshur ato nga fjalet e
teperta duke mos shënur as rrethanat as emrin e fëmijës, po vetëm fjalët e tij, dialogun. Termi ‘
gazmore’ i përdorur po ta shohësh me hollësi nuk është i saktë sepse ashtu si anekdota, tregohen per
ti berë të tjerët për të qeshur, grimcat e këtij vëllimi nuk janë thënë për humor, këtu gjithçka është e
rastësishme e papërsëritshme. Ato me të vërtetë kanë ngarkesë humoristike, por humori i tyre
shfaqet nga çiltërsia, naiviteti, zgjuarsia, gjykimi i moshës, kureshtja, etja pafund për dije.
DDC: 891.983.93.3
Vendndodhja: B 63
Bishqemi, Astrit
Kronik me tank, Elbasan : Sejko, 2004. – 196 f. ; 20cm
Ky roman ka për bazë një ngjarje reale, ndoshta të pabesueshme. Nxitjen dhe tharmin për të shkruar
këtë libër, autorit ia ka dhënë, viti 1997, ai vit i zymtë, që e gjymtoi rëndë jetën tonë, shoqërinë
shtetin. Ky roman është i përbërë nga tridhjetë e një kapituj në të cilën zhvillohet ngjarja e një
familje ku si të gjithë pati historinë e saj në atë vit jo të zakontë. Në çdo kapitull jepet me hollësi
rrjedha e ngjarjeve, gjithashtu në çdo kapitull jepen pjesë nga ditari i personazhit kryesor të këtij
romani. Në këtë ditar të ndarë në dy pjesë tregohen ngjarjet që ai përjeton gjithashtu dhe lajmet që
dëgjon. Siç thamë ditari përmban dy pjesë ku në pjesën e parë janë shënuar të gjitha ngjarjet e që
ndodhnin gjatë ditës të pasqyruara në median e shkruar ose vizive të cilat i citon nën titullin “teto
media”. Në pjesën e dytë të tij na paraqiten të gjitha ngjarjet e dëgjuara nga vetë personazhi të cilat i
citon nën titullin ”telefoni i prishur”. Në këtë roman është përdorur një gjuhë mjaftë e thjeshtë dhe
tërheqëse për vetë moshën e lexuesve. Ky libër gjen përdorim shumë të madh në shkolla në
programin e tyre mësimor.
DDC: 821.93.3
Vendndodhja: B63
Bishqemi, Astrit
Papuçe për princ Pisson, Elbasan: Sejko, 2003. – 125 f. ; 17cm
Ky libër është një përmbledhje tregimesh për fëmijë. Ky vëllim është i përbërë nga tre kapituj të
cilët janë :
1-Me stërmbesën time të përtej Adriatikut
2-Princi Pisso
3-Aventurë
Secili nga kapitujt është i përbërë nga gjashtë tregime. Në këtë libër është përdorur një gjuhë mjaft e
thjeshtë dhe e kuptueshme për fëmijët. Figurat artistike, krahasimet, përshkrimet që i janë bërë
ngjarjeve të ndryshme apo personazheve të këtyre pjesëve i bëjnë më interesantë dhe tërheqës
tregimet e këtij vëllimi.
DDC: 821.93.3
Vendndodja: B63
Bishqemi, Astrit
Udhëtim i jashtëzakonshëm. Tiranë : Naim Frashëri, 1987. – 126 f. ; 18 cm.
Libri fantastiko shkencor “një udhtim ijashtzakonshëm”e ka marrë fabulën nga një fushë e bukur
plot të pa njohura,sic është nëntoka.Shkrimtari Astrit Bishqemi,me një logjikë të besueshme,arrin të
krijojë para lexuesit imazhe të bukura plot kuriozitete shkencore.subjekti i romanit rrjedh
natyrshëm.Dy nxënës të apasionuar pas speleologjise, Arbini dhe Partini,te cilët gjatë kërkimeve në
shpellat nëntokësore të lashtësisë ,bëhen pjesëtarë të rastësishëm të ekuipazhit të një
nëndhesje(makinë nëntokësore)dhe aty njihen mësëmiri me funksionin e këtij mjeti kërkues,fruti i
punës shkencore të pasardhësve tanë.
Gjatë udhëtimit,autori ndalet shpesh për të lëvizur sa më tepër edhe psikologjinë e
bashkëudhëtarëve të fëmijëve.me mjeshtëri artistike autori ndalet tek figura e komandantit të
nëndhesëses,yllit dhe shkencëtarit të nëntokës,Esmeraldit,futet natyrshëm në psikologjine e tyre
përmes detajesh e veprimehs kuptimplote.Personazhet e ketij romani jane te afërt e të besueshëm
për lexuesin.Ata mbartin ne cdo gjë tiparet, virtytet e tokes që i lindi dhe janë të frymëzuar për
zbulime të reja mjft të vështira.Makina nuk e komandon psikologjine dhe ecurine e këtyre
heronjve.Per ta theksuar këtë ide autori ka arritur te jape një skenë të bukur e mjaft domethënëse:
defektin e makinës nëndhese ,personazhet karakterizohen nga shpirti i lartë i sakrificës,i
vetmohimit.Personazht janë dhënë në një proçes të tillë formimi që është në rritje. Kështu brënga
që mundon Arbinin dhe Partinin,për të mbuluar gabimin e bërë pa- dashje,përçon tek fëmijët idenë
e sinqeritetit.Përsa i përket gjuhës së përdorur në këtë roman bie në sy thjeshtësia,dialogët e
shkathët e me fjalë që kanë ngarkesë emocionale.Edhe emrat e personazsheve janë të gjetura.Kjo
bën që libri të lexohet me ëndje nga të gjithë grupmoshat.
DDC: 891.983-93-3
Vendodhja:B 63
Bishqemi, Astrit.
Me vështrimin lart. Tiranë : Shtupshkronja e Re , 1986. – 181 f. ; 14 cm.
Romani me vështrimin lart është një roman që pasqyron jetën e përdidshme të fëmijëve. Duhet
theksuar që në fillim se romani është shkruar me shumë dashuri dhe ngrohtësi nga ana e autorit. Në
qëndër të romanit është vendosur një grup fëmijësh, janë shqetësimet e tyre të përditshme për
mësimet, për njëri-tjetrin, është meraku i përbashkët i nxënesve, i mësuesve, i prindërve për shokun,
për fëmijën, për njeriun që ky të rritet e të brumoset me dije e kulturë, me moral të shëndoshë.
Heroi kryesor i romanit është Dashi, një fëmijë i zgjuar dhe i shkathët, plot temperament, shpirt të
madh e i ndjeshëm, por i pa vullnetshëm dhe indiferent ndaj shkollësdhe mësimeve. Pasioni itij i
zjarrtë për të rritur pëllumba, egoizmi fëminor dhe sedra e sëmurë fillojnë ta prishin djalin, aq më
tepër kur ky shoqërohet me dy të rinj mendjelehtë, që prbuzin punën dhe duan të jetojnë në kurriz të
të tjerëve, duke kryer akte rrugaçërie e gjeste të pahijshme. Autorime anë të këtij libri dënon të
shmtuarën, parazitizmin. e ndonjë njeriu të paformuar që përkohësisht bie viktimë e ndikimit të
mentaliteteve të sëmura dhe kuptimit të shtrëmbur mbi punën, siç është rasti i Stores. Fëmijët në
roman nuk janë soditës ndaj këtyre problemeve por janë pjesmarrës aktivë. Në faqe të tëra
shkrimtari çmon dhe poetizon virtytet e larta morale, ndjenjën e punës dhe shpirtin e sakrificës të
popullit tonë, siç ndodh me figurën e shoferit Besim dhe të mësuesit të dalë në pension.
Dashi, si karakter është dhënë me forcë psikologjike. Ky karakter i admirueshëm për guximin që ka
në gjak(kujtojmë këtu përgjigjen që i dha shoqes së tij se cfarë i pelqente tek pëllumbat-dëshirën për
trë fluturuar sa më lart në qiellin e kaltër!) jepet në zhvillim e në rritje. Ai i ndien thellë shpirtërisht
gabimet, skuqet, mbulohet me djersë, por edhe qan me lot të sinqertë kur shokët nuk e kuptojnë dhe
kështu i bindur dhe me besim, duke kapërcyer vështërsitë e rritjes, duke ndjerë dorën e ngrohtë të
njerëzve që e duan, hyn më në fund në jetë, jo si robot, por i vetëdijshëm për çdo hap që do të
hedhë.
Merita e autorit është se krahas heroit kryesor, me shumë natyrshmëri janë skalitur edhe tipa e
figura interesante e të dashura bindëse e jetësore si Ariela-komandantja e kompanisë, Daniela, Tiku,
mësuese Zana e të tjerë.
Nuk mund të mos përmendim këtu edhe humorin, në këto elementë kaq të domosdoshëm në librat
për fëmijë, që shkrimtari ka ditur të përdorë me vënd edhe në situata të vështira e gati dramatike,
humori që buron aq vetëdijshëm dhe i rrit gjallërinë, optimizmin.
Romani”Me vështrimin lart”shënon rritje në krijimtarinë e shkrimtarit A. Bishqemi dhe e bën këtë
libër që të rradhitet tek veprat më të mira.
DDC: 891. 983-93-3
Vendodhja: B 63
Bishqemi, Astrit
Çelësi idepos. Tiranë : Kombinati Poligrafik-Shtypshkronja e Re. – 76 f.; 14 cm.
Me mire se në çdo vëllim tjeter, në këtë përmbledhje autori ka gjetur me sukses jo vetëm”Çelësin e
depos” së armëve të partizanëve (siç vihet re në tregimin me këtë titull e që me të drejte është bërë
titulli i gjithë vëllimit), po edhe ”Çelësi”i depos se armëve të partizanëve nuk është as element
magjik dhe as një gjetje e arsyes së thatë të autorit por ide e thjeshtë, për të rrëfyer me natyrshmëri
një ngjarje të luftës, një humor të bukur dhe me art partizan. Luani i vogël shkon në çetë. Ai kërkon
armë nga komandanti dhe komisari dhe ky i fundit me shaka i thotë se i ka humbur çelesi i depos së
armëve dhe se kur ta gjejë çelësin do ta armatosë dhe atë. Por ja, që shpejt partizanet bien në një
betejë me armikun, i rrëmbejnë atij armët dhe e armatosin Luanin e vogel, duke i thënë me shaka”se
çelësi i depos” u gjet. Shkurt, thjeshtë dhe me nje prozë lakonike autori jep një veçori të madhe të
luftës sonë partizane. nuk ka asnjë dyshim se kështu autori ka ditur t’i pershtatet mirë edhe
psikologjise së fëmijëve, duke u mbeshtetur ne humorin, që është kërkesë e domosdoshme e të
vegjëlve.
DDC: 891. 983-93-3
Vendodhja: B 63
Bishqemi, Astrit
Kur nisa udhën e shkrimeve. Tiranë : Onufri. – 91 f. ; 22 cm.
Në vëllimin”Kur nisa udhen e shkrimeve”autori kërkon që ti fusë fëmijët brenda botës së të
shkrimtarëve, ti takojë ata me njerezit e mëdhenj të artit. Ky libër është më tepër një përmbledhje
me skica e portretizime për jetën krijuese të këtij autori të njohur të letërsisë për fëmijë. Ky libër i
drejtohet edhe nxënësve më të vegjël. Në këtë mënyrë qëllimi i vëllimit merr më shume diapazon
pedagogjik. Vëllimi niset në fillimet individuale, me dy artet pasionale, letërsine dhe pikturën me
anë të të cilave prezantohen tek të vegjlit ata artistë që ishin aq të thjeshtë, të dashur e bujarë.
Piktorë që flasin me pasion për pikturat e vështira, shkrimtarë që ruajnë në bibliotekat e tyre
personale romane prej letre e mermeri. janë pikërisht këta artistë që vijnë e shpalosen përpara nesh
nëpërmjet përshkrimit që i ka bërë autori ne libër.
DDC: 891. 983-93-3
Vendodhja: B 63
Bishqemi, Astrit
Detyra. Tiranë : Naim Frashëri, 1974. – 29 f.
Novela “Detyra ka në qendër një fabul të tillë si: Luftëtari, një partizan i trishtë dhe dy fshatarë
udhë rrëfyes që duhet te çojnë me patjetër një letër me rëndesi të madhe tek një bataljon tjetër
partizan, përtej lumit Shkumbin. Por lumi është i pakalueshëm. Kjo gjë Luftëtarit i shkakton trnditje
dhe shqetësim të mad. për të është hera e parë që po e kryente këtë detyrë. Natën, kur të gjithë
shokët flinin, ai ngrihet, dhe i vetëm e kalon me guxim lumin dhe arrin që ta dqrgojë letrën në
vendin e caktuar, duke e kryer plotësisht detyren e tij dhe duke i hapur rrugen fitoreve të reja
bataljonit partizan. Mbi këtë fabul të thjeshtë e interesante autori ka ndërtuar një tregim të
këndshëm dhe tërheqës duke patur parasysh që të transmetoje tek lexuesit e vegjel karakterin
edukativ të këtij tregimi. Partizani ploteson detyren në çdo rrethanë dhe para çdo vështirësie nuk
tërhiqet. Autori tregon gjithçka thjeshtë dhe ngjarja është e lehtë dhe e përshtatshme për fëmijët e
moshës së ulet shkollore.
DDC: 891. 983-93-3
Vendodhja: B 63
Bishqemi, Astrit
Tregime për nënën trimëreshë. Tiranë : Naim Frashëri, 1974. – 46 f. ; 14 cm.
Tek ky tregim behet fjalë për nënën trime Zeliha Allmeta, e cila dha jetën e saj për të shpëtuar dy
fëmijë të fshatit nga mbytja. Ketu autori riprodhon disa nga momentet kryesore e të bukura të jetës
së kësaj trimëreshe. Merita e autorit është se ai ka ditur të zgjedhë nga jeta e Zelihasë momentet më
të rëndësishme dhe të tregojë se heroizmi i saj nuk vjen si një veprim i rastit po si pasoje e heroizmit
te madh t popullit, heroizëm i cili tek akti i Shkurtes apo i Ademit, Ismetit apo Zelihasë gjen kulme
të reja për atdheun dhe mbi të gjitha për njeriun. Në pasqyrimin e jetës së saj si nënë autori ka
theksuar se ajo ishte vërtetë një nënë e mirë dhe e urtë, e dashur dhe punëtore që i donte fëmijët e
saj më shumë se sa jetën e saj. Pikërisht në emër të kësaj dashurie ajo dha jetën. Në aktin e fundit të
jetës së nënë Zelihasë autori trajton bukur heroizmin dhe thjeshtësinë e popullit tone. Në emërm të
jetës, në emër të dashurisë së madhe për njeriun nënë Zelihaja sulet midis ujrave të rrëmbyeshëm
dhe i shpëton jetën vajzës së vogël. Tregimi është shkruar me një gjuhë të thjeshtë e të kuptueshme
dhe në të njejtën kohë me një force konkrete qe arrin të krijojë skena të gjalla e të zhvillojë
fantazinë e fëmijës.
DDC: 891. 983-93-3
Vendodhja: B63
Bishqemi, Astrit
Një verë plot ngjarje. Tiranë : Naim Frashëri, 1981. – 184 f. ; 14 cm.
Ky është libri i 11-të i autorit për fëmijë Astrit Bishqemi. Gjëja e parë që të bie në sy në këtë vëllim
është aftësia dhe siguria e autorit për të treguar bukur e rrjedhshëm, me një mendim të njeshur e të
figurshëm. kjo novelë shquhet për shkrimin e bukur, të ngrohtë, për krijimin e njësërë tipash
jetësorë.
“Një verë plot njgarje”mbështetet në një fabul të gjetur e jetësore të asj kohe, siçishte ajo për
nismën e fshatarsisë për tufëzimin e bagëtive, autori ka ditur të ndërtojë me një arkitekturë të qartë e
funksionale tërë konstruktin e veprës. Shkruan me ndjenjë të ngrohtë dhe me frymëzim, novela të
tërheq që nga fillimi e deri në fund. Autori ka përshkruar me dashuri e imtësi deri në detaje jetën e
atëhershme të fshatit gjatë regjimit socialist, tipa ambiente tipik të tij. Ka ditur të seleksionojë në
lëndën e përgjithshmetë novelës atë çka është mëkarakteristike e më thelbësore në një ambient
fshati, të një apo disa elementë negativë.
Një punë të mirëka bërë autori edhe për zgjedhjen e skalitjen e personazheve. Eshtënë praktikën e
punëssë autorit që personazhet e krijuara pre tijtë zbulojnë përgjithësishtdhe vetëm si nëpërmjet
ballafaqimit të tyre në situata konkrete e të ndjerajetësore, ashtuedhe nëpërmjettekniavetë tjera
artistike, si dialogu, meditimi etj. Këstu mund të flasimpër një Servet, një Uran, njëxha Selim,
njëNure apo Qerim kulaku që sjellinpara neshtipa konkret e origjnalë.
Autorika një stil të qartë e të rrjedhshëm. Novela ka dramacitet i cili i jep aksionit më tepër
dinamizëm e u rrit atyre vlerat ideoemocionale. Novela është e pasur me ide të shumta, që burojnë
natyrshëm nga zhvillimi i subjektit. Gjuha me të cilën është shkruar vepra është e
qartë dhe e kuptueshme për të vegjëlit, larg moralizimeve e frazave të thata.
DDC: 891. 983-93-3
Vendodhja: B63
Bishqemi, Astrit
Drugdhënësi i vogël. Tiranë : Naim Frashëri, 1978. – 76 f. ; 14 cm.
Në këtë vëllimautori ka arritur të na japë personazhe që veprojnë, mendojnë e luftojnë e që kaqnë
individualitetin e tyre. Me idealet e tyre dhe me heroizmat që kryejnë, ata na mbeten të skalitur në
kujtesë për shumë kohë. I tillë bëhet për lexuesin Miçja i tregimit “Drugdhëndësi i vogël”që ngrihet
kundër padrejtësivë e dhunës. Personazhete vëllimit “Drugdhëndësi i vogël”bëhen të dashur me
bëmat e tyre, me optimizmin dhe shpirtin luftarak, veti këto që autori ka mundur ti japë duke
shpalosur botën e mbrendshme të tyre, dëshirat, mendimet dhe mjediset që e rrethojnë. Vndosja në
qëndër të tregimit, e shembujve dhe heronjëve pozitivë, nga rradhët e të mëdhejëveapo të vegjëlve
ua kanë shtuar edhe më tepër vlerën këtij tregimi, e ka bërë edhe më të afërt për lexuesin dhe më
jetësor, duke u bërë shembull imitimipër të vegjëlit. Një vend të veçantë në këtë tregim zë edhe
fjalori i gjuhës letrare të përdoruri cili është pasuruar dhe me shumë fjalë dhe shprehje të reja në
përshtatje me moshën e fëmijëve.
DDC: 891. 983-93-3
Vendodhja: B63
Bishqemi, Astrit
Epitafi Dinak. Tiranë : Botim i gazetes “Fjala e lirë”, 1994. – 64 f. ; 14 cm.
Në një vepër letrare, siçështë novela e Astrit Bishqemit “Epitafi Dinak”lexuesi është i interesuar
sidomos për të ndjekur bëmat e personazheve artistike, tek të cilat çdo autor plazmon ide e
mendime që shprehin një botë kuptim të caktuar por që edhe në vartësi nga këto botkuptime,
ndjekin dhe ecurinë e ngjarjeve e të fenomeneve qofshin ato historike apo thjeshtë fenomene letrare.
Gjithësesi në këtë novelë kemi të bëjmë me një vepër të mirëfilltë letrare që padyshim i merr vlerat
e saj nëpërmjet interpretimit artistik të historisë. Jo pa qëllim është futur trajtimi në veprën letrare i
një njgjarje të tillë edhe pse është zhytur thellë në mjegullat e kohës dhe pse mund të jetë
interpretuar ndryshe prapë se prapë ngërthen në vetvete një dram të madhe historike, që ka të bëjë jo
aq me fatin e një kombi se me fatin e një treve të tillë siç është ballkani. Dhe pse novela ka në
qëndër të saj luftën në Fushën e Kosovës, dhe pse në qendër të veprës gjejmë personazhe të tillë
historik siç janë: Sulltan Muratii Parë, Knajz Lazari, Miloshi i Drenicës etj, përsëri vëmëndja e
autorit nuk përqëndrohet në zhvillimet e betejave, aq të natyrshme për një vepër me këtë
këndvështrim, sesa në theksimin e faktit të madh historik, që në luftën kundër forcave osmane
popujt e Ballkanit e gjetën më në fund gjuhën e përbashkët që të shpëtonin njëherë e përgjithmonë
nga pesha e rëndë e frymëmarrëse e perandorisë Osmane. Lexuesit i mbeten në mendje ato pasazhe
që bëjnë fjalë për beslidhjen e ballkanasve mbi të cilën u mbështet lufta për çlirimin kombtar e
njëherësh për indenditetin e secilit komb. Me interes është paraqitur për lexuesit figura artistike e
mishëruar në luftëtarin e madh Milosh Kopilica. I lindur në trojet Ilire të malësisë së Sopotit.
DDC: 891. 983-93-3
Vendodhja: B63
Bishqemi, Astrit
Përtej oborrit diellor. Tiranë : Shtëpia botuese ”Naim Frashëri”,1978. – 113 f. ; 14 cm.
Letërsia artistike shkencore për fëmijë ka shënuar rritje e suksese në gjini e lloje të ndryshme të saj.
Veçanërisht zhanri fantastiko –shkencor ka ngjallur inbteres të madh tek lexuesit e vegjël për
mundësitë e mëdha shprehëse që ka, duke u mbështetur në një fantazi krijuese për të edukuar brexin
e ri me dashurinë ndaj shkencës e teknikës. Këto vepra bëhen zëdhënëse të shkencës që transformon
botën në dobi të njerëzimit.
Këtë temë trajton dhe shkrimtari Elbasanas, tashmë i njohur për fëmijë Astrit Bishqemi(Labinoti) në
novelën fantastiko-shkencore” Përtej oborrit diellor”, e cila ka një fabulë të ndërtuar me një
mjeshtëri, plot veprim dhe me një subjek të thjeshtë. Kjo bën që novela të jetë e kuptueshme dhe të
lexohet me dëshirë nga lexuesit e vegjël. Në qendër të saj janë vendosur tre personashe si Çlirimi,
Jonida e Shpëtimi të cilët bëhen kozmonautë, anëtarë të ekuipazhit të anijes kozmike”Shqiponja”,
rreth udhëtimit të së cilës shtjellohen dhe ngjarjet. Autori, duke u nisur nga hipoteza shkencore, i
jep krahë fantazisë dhe përpiqet të realizojë idenë e ekzistencës së jetës në hapësirat kozmike, në
planetë të tjerë jashtë galaktikës sonë. Në këtë libër autori nuk mbetet vetëm në të dhënat shkencore,
të cilat i ka organizuar bukur në një fabul tërheqëse që shtrihet edhe në planin shoqëror. Meritë
tjeter e këtij libri është se autori nëpërmjet tij u hap lexuesve të vegjël një horizont të gjërë, saktësia
shkencore e dhënies së njohurive, si dhe përshkrimit të fakteve dhe fenomeneve nga fusha të
ndryshme shkencore të natyrës. Është e pamundur të mos vësh re në novelë gërshetimin e logjikes
dhe saktësisë shkencore të së tashmes me të ardhmem, reales me fantastiken, paralelizmi midis
realitetit konkret e atij fantastiko-shkencor, krijojnë momente artistike tërheqëse që të emocionojnë.
Meanë të këtij fluturimi kozmik tre kozmonautët së bashku me to edhe lexuesit mësojnë shumë
gjëra dhe u ndiozet fantazia për të rejat e shkencës dhe teknikës.
Megjithatë novela e Astrit Bishqemit “Përtej oborrit diellor”bërbën një hap në krijimtarinë e autorit
si dhe në lëvrimin e zhanrit të ri fantastiko-shkencor të letërsisë sonë për fëmijë, mbasi ajo përveç
vlerave njohëse shkencore ka edhe vlera edukative, edukon tek fëmijët pasionin për shkencën dhe
teknikën, guximin, dashurin, nxit fantazin e mendimit shkencor dhe zgjeron horizontin.
DDC: 891. 983-93-3
Vendodhja: B63
Bishqemi, Astrit
Partizani fotograf. Tiranë : Shtëpia botuese “Naim Frashëri”, 1980. – 93 f. ; 14 cm.
Tema e luftës Nacionalçlirimtare ka qënë, është dhe do të mbetet gjithnmonë një temë e dashur për
fëmijët. Me heroizmat e bëmat e partizanëve, lexuesit e vegjël jo vetëm mësojnë për luftën por në
rradhë të parë, edukohen dhe frymëzohen prej tyre.
Autori në këtë novelë është munduar të gjejë një subjek dhe ngjarje të bukura domethënëse. Duke u
vënë në qëndër të novelës një partizan i ri që është njëkohësisht edhe fotograf, interesante e
intriguese, gjë që është pëlqyer nga lexuesite kësaj moshe. Nga partizani fotograf kanë mbetur
shumë fotografi, të cilat ai i ka bërë gjatë luftës. Në muze, këto fotografi epo mirë të themi këtë
“ditar me fotografi”e shikon gjyshi që ka luftuar bashkë me partizanin fotograf, dhe mbesa e vet.
Gjyshi veteran sheh fotografitë dhe nis e i shpjegon të mbesës se çfarë është fiksuar në to. Çdo
fotografi përbën një tregim më vete që lidhet organikisht me të tërën nëpërmjet personazheve e në
rradhë të parë, nëpërmjet Gojartit, heroit kryesor të novelës. Kjo është një gjetje e bukur, që ia ka
shtuar vlerat novelës. Është synuar që në çdo kapitull të sillet diçka e veçantë nga jeta e lufta e
normalistëve. Midis ngjarjeve të përshkruara në novelë spikatin disa që kanë ngarkesë më të madhe
emocionale e që mbajnë vulën e një origjinaliteti të dukshëm. Aftësia e autorit është se nga njëra
anë ka zgjedhur të tilla ngjarje, e i ka paraqitur në atë mënyrë që të lënë mbresa e të mbeten në
mendje. Por nga ana tjetër autori ka paraqitur gjëra të zakonshme tepër të njohura ose ka mbetur
thjeshtë tek “fotografimi”i realitetit. Novela, në tërësinë esaj të ngjall emocione. Mendimet dhe
ndjenjat janë të ngjeshura. Mënyra e dhënies së tyre, figurat, detajet disa herë të kujtojnë poezinë.
Astrit Bishqemi edhe në këtë novelë ashtu si në shumicën e krijimtarisë së tij, di të komunikojë me
të vegjëlit, dhe përgjithësisht ka një gjuhë të qartë, të rrjdhshme, e gërsheton mirë fjalën e autoritv
me atë të personazheve.
DDC: 891. 983-93-3
Vendodhja: B63
Vyshka, Musa
Ka lindur më 1943 në Elbasan ku mbaroi edhe shkollën shtatëvjeçare e të mesme. Studimet e larta i
bëri në Universitetin e Tiranës, në Fakultetin Histori Filologji, për gjuhë e letërsi shqipe. Pas
mbarimit të studimeve për disa vjet punoi mësues në shkollat e mesme të qytetit e më pas në
Insitutin e Lartë Pedagogjik ( sot Universiteti “A. Xhuvani”) në Elbasan. Pak kohë punoi libretist në
Taetrin “Skampa” e më pas përsëri pedagog në Universitetin e Elbasanit. Me letërsi është marrë që
kur ishte i ri dhe ka bashkëpunuar me gazeta e revista të kohës me poezi e prozë, si për të rriturit
ashtu dhe për fëmijët. Për lexuesit e rritur ka botuar librat “Ne njëzetvjeçaret” (vjersha, 1963),
“Këngë për ditët tona” (vjersha, 1967), “Treni i fundit” (tregime, 1972). Për lexuesit e vegjël ka
botuar disa libra, në prozë e në poezi: “Pranë vëllezërve” (poemë, 1968), “Aksioni ynë vazhdon”
(poemë, 1977), “Skronjëzat e arta” (poemë, 1979), “Historia e harabelit, ish gjumashit, ish
dembelit” (poemë, 1979), “Në hijen e blirit” (roman, 1980), “Në kopshtin tonë” (poemë, 1984),
“Këndoj për ju” (vjersha, 1984) dhe “Djali i partizanit” (tregime, 1985). Jeton në Tiranë.
Vyshka, Musa
Djali i partizanit. Tiranë : Shtëpia botuese “Naim Frashëri”, 1985. – 89 f. ; 14 cm.
Në përmbledhjen me tregime “Djali i partizanit”të autorit Musa Vyshka trajtohen disa tema si: tema
e luftës Nacionalçlirimtare(“Djali i partizanit”), atmosfera në përgjithësi e gjëndjes së Shqipërisë së
pas luftës (“Xhaketa e vjetër”, “Toka dhe librat”, “Kau”, “Një ditë në fund të vjeshtës”, “Xhaxhai”,
“Një problem i vështirë”, “Pas takimit” ) dhe kjo është shpalosur dhe në titujt e vetë kësaj
përmbledhjeje.
Kjo përmbledhje me tregime i merr më shumë vlerat e saj nga interpretimi artistik i histotisë
Tema e luftës dhe e pas luftës ka qenë dhe mbetet padyshim një nga temat më të parapëlqyera nga
fëmijët. Subjekti i temave të trajtuara i përshtatet moshës dhe psikologjisë së fëmijëve.
Tregimet janë shkruajtur me një gjuhë të qartë, të thjeshtë, duke ndërthurur mendimet e autorit me
fjalët e personazheve.
DDC: 891. 983-93-3
Vendodhja: 79
Minarolli, Vili
Ka lindur më 1944 në Elbasan, ku kreu edhe shkollën shtatëvjeçare. Të mesmen e vazhdoi në
Tiranë dhe studimet e larta në Universitetin e Tiranës, për matematikë. Ka punuar mësues në Berat
e pedagog në Universitetin e Tiranës e më pas në Insitutin e Studimeve Pedagogjike, drejtor në
Ministrinë e Arsimit, ambasador në Beograd, drejtor në Minisrinë e Punëve të Jashtme, sekretar i
Partisë Demokratike të Shqipërisë. Është doktor i shkencave matematike.
Në fillim të viteve '70 nisi të botojë tregime në revistat për fëmijë dhe në vitin 1974 publikoi të
vetmen përmbledhje me tregime, të titulluar “Unë dhe gjyshi”. Jeton në Tiranë.
Kallupi, Milanov
Lindi më 1948 në qytetin e Elbasanit ku kreu edhe shkollën shtatëvjeçare. Të mesmen e vazhdoi në
shkollën ushtarake “Skënderbej” ndërsa studimet e larta i bëri për oficer në Akademinë ushtarake.
Njëkohësisht ndoqi me korespondencë Universitetin e Tiranës, Fakultetin Histori Filologji, ku u
dipllomua për gjuhë e letërsi shqipe. Që i ri ka bashkëpunuar me gazetat e revistat e kohës, duke
botuar vjersha për fëmijë e të rritur. Ka punuar në rradhët e Ushtrisë Popullore, ndërsa tani ka dalë
në pension. Ka botuar disa libra për të rriturit:”Monologu i ushtarit” (vjersha, 1970), “Tinguj
alarmesh” (vjersha, 1971), “Erdhi një nënë” (vjersha, 1973), “Buka dhe pushka” (vjersha, 1976) etj.
Për fëmijët ka botuar vjersha poetike: “Çelin lulet” (1977), “Violinisti i vogël” (1979), “Ç'ka
dritarja që troket?” (1982), “Kali i bardhë i ujvarës” (1988), “Zilkat pranverore” dhe “Pup këtu e
pup atje”. Jeton në Elbasan.
Balliçi, Beatriçe
Ka lindur në qytetin e Elbasanit, më 1950, në një familje të njohur artdashësish. Shkollën
shtatëvjeçare e të mesme i ka kryer në qytetin e lindjes.Studimet e larta i mbaroi në Insitutin e Lartë
Pedagogjik “Aleksandër Xhuvani” (sot Universiteti “A.Xhuvani”) të Elbasanit. Më pas mbaroi
edhe studimet për gjuhë e letërsi shqipe, në Universitetin eTiranës. Për shumë vjet ka punuar
mësuese në fshatrat e rrethit të Elbasanit. Vitet e fundit jep gjuhë e letërsi shqipe në shkollat
tetëvjeçare të qytetit. Me letërsi është marrë qysh kur ishte nxënëse në shkollat e mesme
pedagogjike dhe për shumë vjet ka bashkëpunuar me shtypin letrar për fëmijët e të rriturit, duke
botuar poezi. Gjer më sot ka botuar disa përmbledhje poetike për të rriturit, si:”Kush mi fali
manushaqet”(1972), “Fjalë duke ecur”(1987)etj. Për fëmijët ka botuar përmbledhje poetike:”Kam
bërë buqetë”(1976), “Moj e vogla, moj e mira”(1978), “Sa të dua Shqipëri”( 1980), dhe “Shota”
(poemë për heroinën e popullit Shote Galica, 1985). Jeton në Elbasan.
Balliçi, Beatriçe
“Lule bore”
Këtë libër me 99 gjëegjëza autori ia kushton mbesës së tij Albës.Gjëegjëzat janë me këto tema:
kukulla, aeroplani, luga, xixëllonja, veza, shkallët, flutura, libri, qershia, rruga, bleta, macja, bilbili,
era, gjinkalla, jastëku, ylberi, lepuri, milingona, sonda, majmuni, kalaja, dëbora, këndesi, deti,
gjumi, qielli, djepi, peshku, vendlindja, sytë, bufi, lumi, nëna, dielli, televizori, lavatriçja, yjet,
atdheu, tjengulla, hëna dhe yjet, pylli, shiu, ariu, retë, thana, emri, goma, luleshtrydhet, kurora,
dhelpra, manushaqja, muajt e vitit, toka me planetet, gjuha shqipe, flamuri, pasqyra, kafazi,
akullorja, bebja, pula, stinët e vitit, çamçakizi i orbitit, bretkosa, breshka, vesa, macja, babagjyshi i
Vitit të Ri, ulliri, delet, retë, pikat e shiut, pinoku, macja, treni, gishtërinjtë, hidrocentrali, ora,
borëbardha, bubureza, lulet, tavolina, gënjeshtra, paraja, paqja, kopraci, dituria, cmirëziu,
ndershmëria, nënë Tereza, heroi, hëna, çelësi, peshku, pylli, era, celulari, përmendorja, liria.
Balliçi, Beatriçe
“Shota”
Ky libër është me poema të cilat i kushtohen Shote Galicës, gruas së Azem Galicës. Shota ishte një
vajzë malësore që kish lindur në Kaçanik të Kosovës. Aty ajo mësoi virtytet e të parëve të saj e u
rrit si shqiponjë mes shqipeve në male.
Ajo kishte shokë trima Fushë më fushë e mal më mal
Azem Bejtë, Hasan Prishtina pushka e Shotës nuk u ndal
Bajram Curr, Hoxhë Kadria. Dymbëdhjetë vjet me rradhë.
Balliçi, Beatriçe
Moj e vogla, moj e mira. Tiranë : Shtëpia botuese “Naim Frashëri”, 1978. – 35 f. ; 14 cm.
Në vëllimin “Moj e vogla, moj e mira” vërehet një tematikë e larme e përshtatshme për moshën e
fëmijëve të cilëve u kushtohet. Nëpërmjet vjershave pasqyrohen ato aspekte të realitetit tonë (të
viteve 1979), e aq sa mund të perceptohen ato nga fëmijët. Është merita e autores që ka mundur të
vëzhgojë me një këndvështrim të tillë si i vet fëmijës e që vjershat e vëllimit mbartin gjithsa është
në psikologjinë e tyre.
Gjen në vëllim vjersha që pohojnë nismën e rrugës për në fshatin e asaj kohe. (“Të një fshati të
bukur shumë”), qëndrimi ndaj punës e pronës (“Kam dy kushërira”), realitetin tonë(“Duar plot në
festat tona”) etj.
Karakteristik në këtë vëllim është sensi i natyrshëm i rrjedhës së vargjeve dhe kuptimi i qartë i asaj
që shkruan autorja: Fëmija gjen në to vetveten. Vjershat rrjedhin natyrshëm, ashtu si dhe vetë
mosha e fëmijës.
Vjershat e vëllimit janë të shkurtra, në shumicën e tyre ato mbartin fabula që gati gjithmonë marrin
shprehi të plotë në fund të tyre.
Kjo veçanësi i shkon për shtat natyrës së fëmijëve, nxit atyre kërshërinë.
Ndërthurja e vargjeve të lëmuara me fabulën i bën të bukura e tërheqëse vjershat e vellimit. Mënyra
e të shprehurit ka sjellë atë që mendimi dhe figura e përdorur të jenë organike, të thjeshtë dhe të
kuptueshëm.
Vëllimi shquhet për vlerat të mëdha ideo-artistike të shprehura në vepër.
DDC: 891. 983-93-3
Vendodhja: B22
Musai, Fatmir
Ka lindur në Elbasan më 1955, ku mbaroi dhe shkollën tetëvjeçare. Dy vjet të shkollës së mesme i
mbaroi në shkollën Ushtarake “Skënderbej” ndërsa dy vitet e fundit në shkollën e mesme “Dhaskal
Todri” në Elbasan. Më pas ndoqi studimet e larta në Universitetin e Tiranës, për gjjuhë e letërsi
shqipe. Ka punuar disa vjet si mësues letërsie në fshatrat e në qytetin e Librazhdit e pastaj
kryeredaktor i gazetës “Agimi” po në Librazhd. Më pas punoi mësues në Shallës e në qytetin e
Elbasanit si dhe korespondent i gazetës “Zëri i Popullit” në prefekturën e Elbasanit. Për lexuesit e
rritur ka botuar përmbledhjen me vjersha “Thirrja e jetës” (1976) ndërsa për lexuesit e vegjël ka
botuar më 1977 librin me vjersha “Në rodhan”. Jeton në Elbasan.
Rama, Ferit
Ka lindur në fshati Shënhill të Bradasheshit në rrethin e Elbasnit. Shkollën shtatëvjeçare e kreu në
Bradashesh ndërsa të mesmen pedagogjike në Elbasan. Ka mbaruar Insitutin e Lartë Pedagogjik të
Elbasanit (sot Universiteti A. Xhuvani) me korrespondencë. Për shumë vjet ka punuar në shkollat
tetëjeçare të rrethit të Peqinit e të Elbasanit, ku ka dhënë gjuhë e letërsi. Që i ri ka nisur të botojë tek
“Nëntori”, “Drita”, “Ylli” etj. Librin e parë e ka botuar në vitin 1982. Ai mbante titullin “Kënga e
millonait” (poema). Po në të njejtin vit botoi edhe poemën “Thirrjet e gjakut”. Më 1987 poemën
“Këngët e Bubulinës”. Jeton në Shënmëhill.
Kolla, Ylvie
Poetesha Ylvie Kolla (Spahiu) ka lindur në qytetin e Elbasanit më 25 Mars 1957. Më 1982 ka
mbaruar I. L. B të Tiranës, fakulteti “Agronomi”. Është dipllomuar dhe në degën Biologji – Kimi në
Universitetin “Aleksandër Xhuvani”. Ka shkruar: “Mendoni pak dhe do ta gjeni” (gjëagjëza), “Arrat
në thes” (poezi), “Firma dhe vula” (poezi), “100 gjëagjëza” (gjëagjëza), “Një kalë mbreti me patkoj
magneti” (fabula), “Dielli lotët ti përthan” (aforizma).
Kolla, Ylvie
“Mendoni pak dhe do ta gjeni”
Në këtë libër gjenden plot 54 gjëagjëza me tema të ndryshme si: buzëqeshja, droga, dëbora,
frigoriferi, vija e horizontit, era, gjuha, lulja artificiale, trasta, dera, dallga e detit, shtëpia, fjalori i
gjuhës së huaj, hija, shiu, loti, gozhda, radioja, ylli, ëndrra, zemra, furriku, kosherja e bletës, libri,
fotografia, krevati, qeni, qiriu, çorapet, aeroplani, duart, flaka, dordoleci, koha, emri, kapuçi,
breshka, shtëmba, kompjuteri, ylberi, televizori, iriqi, gjuha amtare, tavolina, fshesa elektrike,
lakuriqi i natës, hëna, topi i futbollit, ora, kalendari, llampa elektrike, byreku, fleta e kopjativit dhe
flamuri.
Treguesi