Pimplea du lcis -----------------

-----------------Hunc fidibus novis,Hunc — sacrare plectro ---------------- decet --------------------

H o r a t i u s.

Plaude Musarum Chorus, et serena Fronte jucundis fruitor diebus :I ! licet gaudens redimito sacris

Tempora sertis.Nactus es Patrem facilem, benignum,Et Tuis svavem Studiis, Amicum,Qui Tibi magnum decus, et perennem

Addet honorem.Scilicet nactus rutila SCITOVSZKY Inclytum Mitra, caput hacce cujus ROSNYO nifallor decoravit ante

Jam duo lustra.

Ergo fac plenis Erato fibrillis,Fac genis carmen resonato laetis;Voce festiva modulare Dia

Tuque Thalia.Ad Lyram cantum, moderante Phaebo, Najadum turbae pariter ciete:Peuciensem tum celebrate SPONSUM

Vertice tonsum.Qui Deo, Regi, Patriaeque dulci Jugiter fidus: SIBI praeferenda Hic Loci splendet Cruce, Pallioque *)

Praesulis Archi.Rite. — Nimirum Regio decora,Qualis est sane plaga Peuciensis:Ad Dioecesim meruit regendam

Undique talem.Quem Chorus quid jam celebrando dicat? Pectus an doctum canat? aut sacratum Cor Polis? haeret. Memoretne raram

Dexteritatem ?

*) Episcopus Quinque-Ecclesiensis ex peculiari gratia Sedis Romanae habet privile­gium gestandi Palii Archi-Episcopalis, et Crucis aute se deferendae.

Dum potens fando, pariterque agendo,Integer vita, celebris Camaenis;Id celer promit, sibi quod moleste

Concipit alter.Ad fidem veram reduces Paterne Tractat, et pascit stipe liberali;Est bonus Craesis; bonus estque Codris,

Largus egenis.Tune jam Peuces Statione? vel Te Ista stat felix Statio? secundum Dixero Praesul! puto jure mecum

Dixerit omnis.Sede cum Petri rutilant verenda

ΛSceptra FERNANDI, quibus una cura est, Naviter CHRISTI gregis in salutem

Evigilare.Sceptra ter sancte vigilant, ferendum Hoc onus postquam TIBI dant, es Ipse Dux gregis, sub Te pia ducet altos

Causa triumphos.Rumpet effrontes operosa turbas Cura, nec crimen volitare inultum Mittet, aut luppos per ovile tutos

Posse vagari.

Namque cum noxis sociare dextram Qui vetat stricte, clypeos daturus Est Deus certo, quibus hasce virtus

Mascula sternat.Jam Chori Praeses bene ponderans haec Surgit, et dextram veneratus almam,Dedicat tales modulos Patrono

Doctus Apollo.Nunc ego Praesul venerande! Cleri,Gymnicae pubis simul ac Lycei Gratulor votis, resono, canoque

Corde precando:Vive ter felix! bone vive Praesul!Sors Tuis absit malefida rebus ;Vive Te Caeli foveant, beentque

Tempore quovis.Vive Doctorum, Cliaritumque votis,Aurei currant Tibi semper anni;VIVe! stet CLerVs, Vireat nIMIsqVe

Te DVCe PraesVL.