Gasteizko erakunde publikoen eta herri ekimenaren … · arteko osagarritasuna euskalgintzan...
Transcript of Gasteizko erakunde publikoen eta herri ekimenaren … · arteko osagarritasuna euskalgintzan...
Gasteizko erakunde publikoen eta herri ekimenaren osagarritasuna euskalgintzan
Gasteizko erakunde publikoen eta herri ekimenaren osagarritasuna euskalgintzan
Leire Lopez-Gil Peciña
Hizkuntza Plangintza Graduondoa
2011-2012 ikasturtea
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
1
0. Aurkibidea
1. Sarrera ................................................................................................................................................ 2
2. Metodologia ....................................................................................................................................... 4
3. Datu historiko eta soziolinguistikoak ................................................................................................. 5
3.1 Datu historikoak .......................................................................................................................... 5
3.2 Datu soziolinguistikoak ................................................................................................................ 6
4. Taldeen azterketa ............................................................................................................................. 12
4.1. Erakunde publikoen azterketa................................................................................................... 12
4.1.1. Udalaren Euskara Zerbitzua ............................................................................................... 12
4.1.2. Arabako Foru Aldundiko Euskara Zerbitzua ....................................................................... 20
4.2. Erakunde publikoen arteko osagarritasuna .............................................................................. 28
4.3. Herri eragileen azterketa .......................................................................................................... 29
4.3.1 GEU elkartea ....................................................................................................................... 29
4.3.2 Gasteizko AEK ..................................................................................................................... 33
4.3.3 Gasteizko EHE ...................................................................................................................... 37
4.4. Herri ekimenaren arteko osagarritasuna .................................................................................. 41
5. Ondorioak: nolakoa da osagarritasuna? ......................................................................................... 42
6. Azken hitza ....................................................................................................................................... 56
7. Bibliografia ....................................................................................................................................... 58
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
2
1. Sarrera Lan honen nondik norakoak ulertzeko, abiatzen naizen hipotesiaren berri eman nahi diot
irakurleari. Hau da, duela urte batzuk Gasteizko euskararen egoera ikusteko aukera izan dut.
Hainbat dira euskalgintzaren inguruan diharduten erakunde edota eragileak. Beraz elkarren
arteko harremana aztertzea bururatu zitzaidan, elkarren artean osagarritasuna dagoen ikusi
nahi dut. Horrenbestez, honako hau litzateke nire hipotesia:
hainbat dira euskalgintzan aritzen diren erakunde edo eragileak. Hala ere, helburua bera
izanik, euskararen normalkuntza eta sustapena, alegia; lankidetza gehiegirik ez dagoela uste
dut. Hori hipotesi bat besterik ez da, kanpotik, inolako azterketarik egin gabe, esan
dezakedana. Alabaina, ez dut uste dena koordinazio gabe gauzatzen denik. Beraz, nire
lanaren abiapuntua osagarritasuna aztertzea izango da. Osagarritasunaren mailak, zertan
egiten duten lankidetza, eta abar.
Honekin batera, Robert Putnamen Gizarte Kapitala kontzeptua aztertu nahiko nuke. Batetik,
harreman sare sendoa nola beharko lukeen azaltzen duelako modu logiko eta zentzudunean.
Bestetik, sare trinkoak lortzeko konfiantza maila altua behar dela aipatzen duelako. Hau
guztia, geroago sakonduko dut. Baina aurrerapen bezala, kontzeptu hau oso interesgarria
iruditzen zait harremanak edozein erakunde, eragile zein talderen artekoa beharrezkoa dela
esaten duelako. Gizarte eredu bera aldarrikatzeko eta lortzeko guztien arteko lankidetza
beharrezkoa da, eta honekin batera, gauzak ondo eta zintzoki egiteko elkarren artean
konfiantza maila altua beharko luke izan.
Esan gabe doa, Gasteizko taldeen arteko harremanen berri, taldeak beraiek eman didatela.
Hau da, metodologia kualitatiboan oinarri duen elkarrizketa egin diet talde bakoitzari. Hots,
beraien erantzunak bateratuta, erakunde publikoen eta herri ekimenaren arteko
osagarritasun maila nolakoa den ikusteko aukera dugu. Honekin batera, beraz, eskerrak
eman nahi nizkioke guztiei beraien laguntza eta prestutasunagatik.
Bestalde, lanaren korpusarekin hasi aurretik nondik norakoak azalduko ditut. Lehenik eta
behin, erabilitako metodologia azalduko dut. Ondoren, datu historiko eta soziolinguistikoak
aurkeztuko ditut. Geroago, modu ulergarrian azaltzeko, alde batetik, erakunde publikoak
elkarren artean konparatuko ditut, eta beste alde batetik herri ekimeneko eragileak. Gero,
erakunde publikoak eragileekin alderatuko ditut. Amaitzeko, aurreko atalean ateratako
ondorioak aztertuko ditut, Putnamen Gizarte Kapitalaren kontzeptuaren ikuspegitik,
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
3
ondorio nagusi gisa. Izan ere, hori izango da abiapuntua, baina ez da teoria bakarra izango.
Azken batean, ikusiko dugun moduan, teoria horretan alderdia asko lantzen dira; orduan,
beste teoria batzuen laguntza bilatuko dut.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
4
2. Metodologia Lan hau aurrera eramateko, erabili dudan metodologia mota azalduko dut. Hots, datuak
jasotzeko, metodologia kualitatiboa erabili dut. Hau da, ikerketa datuen ekoizpenaren
prozesu gisa aurkeztuko dut; horrela, subjektuaren (nire) eta objektuaren (aztergai ditudan
taldeen) arteko harremana mantenduko da, objektua bera (aztergaia) eraikitzen dudan
bitartean.
Nire helburua aztergaiek dituzten gizarte praktikak aztertzea da, horretarako elkarrizketa
irekiak eta gidoiak dituzten ezaugarriak egokienak direnez, horiek erabili ditut. Honetaz gain,
eztabaida taldea, helburua kontutan hartuta, teknika aproposa litzateke. Baina burutzeko
oso zaila denez baztertu egin dut, aurretik aipatutako bietara mugatuta.
Hortaz, elkarrizketak banan banan egin ditut. Elkarrizketak erdi-egituratuak izan dira. Alegia,
hasieran gidoi zabal batekin galderak egin dizkiot elkarrizketatuari bere hitz askea bilatzeko.
Ondoren, berak aipatu ez dituen gauzak gidoi itxi baten bitartez galdetu dizkiot.
Gidoiak nik prestatu ditut, nire helburua lortze aldera. Hasieran, nire buruaren eta nire
lanaren helburuaren aurkezpena egin diet. Ondoren, eztabaida irekia pizteko, sarrera gai
gisa, beraien taldean zer egiten dute azaltzeko eskatu diet. Azkenik, gidoi itxiaren laguntzaz,
elkarrizketatuak aipatu ez dituen, baina, nire interesekoak diren beste hainbat gairi buruz
galdetu diet.
Esan gabe doa, elkarrizketekin bilatzen dudana ez dela soilik informazioa. Lehenengo
atalean azaldu dudan legez, ondorioak Putmmanen Gizarte Kapitalaren arabera aztertuko
ditut, orduan, beraien arteko harremanak nolakoak diren eta gainontzeko taldeei buruz nola
hitz egiten duten ere aztertuko dut. Hortaz, hiztunari nahi duena esaten utzi diot.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
5
3. Datu historiko eta soziolinguistikoak Atal honetan, Gasteizko datu historiko eta soziolinguistikoak azalduko ditut, gainetik bada
ere. Azken batean, lana kokatzeko, ezinbestekoa da testuingurua azaltzea.
3.1 Datu historikoak
Lehenik eta behin, gutxi gorabehera, azken hamabost urteetan euskalgintzak izan duen
bilakaera azalduko dut. Azalpenekin hasi aurretik, informazioa AEK eta EHE-ko kideek eman
didatela adierazi behar dut. Alegia, horien esanetan, ibilbidea herri ekimenetik sortuta eta
kudeatuta izan da.
Beraz, esandakoaren arabera, Kontseilua sortu aurretik, hainbat arazo zirela eta,
koordinazioaren beharra ikusi zuten. Hots, normalizazioaren dinamikan eragiteko asmoz,
Euskaltzaleon Elkargunea osatu zuten GEU elkarteak, EHE-ek, AEK-k eta hemen aztertuko ez
dudan Bagare elkartea. Jakina, dinamikak eta jarrerak instituzioekin adostu nahi zituzten;
horretarako, herri ekimenaren batasuna ematea ezinbestekoa ikusten zuten, horrela,
beraien artean minimoak adostuta, Udalera joan ahal izateko. Hau da, herri ekimena,
instituzioen aurrean beti osagarritasunean jokatu du. Gauzak hala, talde honen lehenengo
eginkizuna, EAJ-aren legislaturan ordenantzak arautzea izan zen. Aipatutako taldeen artean,
testu, eta, ondorioz, diskurtso bera, sortu zuten euskararen estatusa berma zedin. Hala ere,
lan handia egin eta gero, beraien ikuspuntua ez zuten aintzat hartu.
Denboran aurrera joan ahala, Euskaltzaleon Elkartea desagertu egin zen tresna horren balioa
galdu egin zelako; alabaina, Udalaren aurrean beti koordinazio lanetan ibili dira. Honen
ondoren, talde bakoitzak Udaleko Sektore Kontseiluan parte hartu du, EHE izan ezik. Baina,
jardunbidea bera zen; hau da, guztien artean adostutako gauzak eramaten zituzten Udaleko
egitura horretara, baita EHE-en oniritziarekin ere.
Bestalde, 2004an EBPN-a osatu zuen 50 000 biztanle baino gehiago dituen udalerrietan
aplikatzeko; beti ere, herritarren partaidetza bultzatuta. Hala, Gasteizen EBPN ezartzea
erabaki zen. Herri eragileek parte hartu zuten honen prestaketan, haiek lehenengo urrats
gisa ikusi zuten nahiz eta hartutako neurriak nahikoa ez zirela pentsatu. Artean,
euskalgintzak adostutako hainbat ekimen egon ziren. Adibidez, Udalak Bai Euskarari
ziurtagiriaren kudeaketa Kontseiluarekin batera bere gain hartu zuen, GEU elkarteak
kudeatzen duen mintzalaguna, eta beste hainbat gehiago. Izan ere, eragile guztiek,
normalizazioari dagokionean, estrategikoak izan daitezkeen puntuetan batera lantzea
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
6
erabaki zuten.
Gaur egun, euskalgintzak bi bide jorratzen ditu. Batetik, diru-laguntzen murrizketak direla
eta, presio bateratua egiten dute. Bestetik, Euskaraz Bizitzera Goaz aldarrikapen eguna
antolatzea hizkuntza politika egokiak ezar daitezen.
3.2 Datu soziolinguistikoak
Nire lanaren ezaugarriak kontutan hartuta, 2010ean www.euskaraba.com-en kaleratutako
datu soziolinguistikoak ekarri ditut hona; azterketa horrek hein handi batean nire lanarekin
bat datorrelako. Gauzak horrela, hainbat alderdi ikusiko ditugu: biztanleria, hizkuntza
gaitasuna, familia bidezko transmisioa, unibertsitatez kanpoko irakaskuntza, helduen
euskalduntzea, euskararen erabilera kalean,euskararen presentzia aisialdian eta kirolean,
eta, azkenik, ostalaritza eta zerbitzuak.
BIZTANLERIA
Gasteizek 236.525 biztanle zituen 2009ko urtarrilean. Hortaz, azken urteetako hazteko
joerari eusten dio; urtez urte biztanleria hazten baita. Hazkuntzaren oinarrizko bi osagaiek
datu positiboak ematen dituzte: saldo begetatiboa (727) eta migrazio saldoa (2.399).
Hiriko auzo berrietan biztanleriaren %6 bizi da dagoeneko: Salburuak 6.116 biztanle ditu; eta
Zabalganak, 7.216.
Gasteizko biztanleriak, adinaren arabera, honako egitura du:
• 19 urtera arte: %17,1
• 20 eta 64 urte bitartean: %66,6 (bi herenak)
• 65 urte edo gehiago: %16,3
2003. urtearekin alderatuta, adin tarte gazteena apurtxo bat txikiagoa da (2003an, %17,5)
eta zaharrena apurtxo bat handiagoa (2003an, %15,4).
Zonaldearen arabera esan behar da 2008an 0-14 urte bitarteko biztanleportzentaje
handienak honako zonaldeetan zegoela: Lakua (%24,6), Mendizorrotza (20,2%) eta San
Martin-Ariznabarra (%20,1). Bestalde 65 urte baino gehiagoko portzentaje handiak
dituztenak honakoak dira: Babesgabetuak eta Judimendi (%26,8), Zaramaga (%26,1) eta
Errota (Koroatzea-Gorbea) (%25,5).
HIZKUNTZA GAITASUNAREN BILAKAERA
Gasteizko biztanleen artean 5etik 3 erdaldun elebakarrak dira (%57). Elebidun hartzaileak,
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
7
hau da, euskaraz ondo hitz egin ez arren ondo ulertzeko gaitasuna dutenak, %18 dira.
Euskaldunak, berriz, biztanleriaren %25 dira (lau biztanletatik bat). 1986tik 2006ra laukoiztu
da euskaldunen portzentajea. Tarte txikiagoa hartuz, hamar urteren buruan, 1996etik
2006ra, euskaldunen portzentajeak 11 puntu egin du gora eta elebidun hartzaileen
portzentajea ere hazi egin da, maila askoz apalago batean bada ere. Erdaldun elebakarren
portzentajeak, beraz, behera egin du (12 puntu).
5 urteko adin-tarteak aztertuta, 35 urtetik gorako adin-tarte guztietan erdaldun elebakarrak
dira nagusi: erdia baino gehiago 35 eta 44 urteko bitarteko adin-tarteetan eta bi herenak
baino gehiago hortik gorakoetan. Gazteen artean 25 urtetik beherako adin-tarteetan
biztanleriaren erdia edo gehiago euskalduna da. 25 eta 29 urte-tartean antzeko kopuruak
dira euskaldunak, elebidun hartzaileak eta elebakarrak.
Adina erabakigarria da biztanleen hizkuntza-tipologia eraikitzeko orduan. Gazteen artean (15
eta 30 urte bitartekoak) ia erdiak (%47,4) euskaldunak direla ikusi ahal dugu. Portzentaje
hori are handiagoa da soil-soilik adin tarte gazteena kontuan hartzen badugu (15-19 urte
bitartekoen %61,6). Euskaldunak eta elebidun hartzaileak kontuan hartzen baditugu, hamar
gazteetatik zortzi (%78) elebidun hartzaileak dira (euskaraz ulertzen dute, alegia).
FAMILIA BIDEZKO TRANSMISIOA
Familia bidezko transmisioari buruz egin diren azken ikerketen arabera guraso euskaldun
berriak, hau da, euskara etxetik kanpo ikasi dutenak gero eta gehiago ari dira euskara
transmititzen, eta familia bidez transmititzen ez den kasuetan, eskola bidez ziurtatzen da,
neurri handi batean, seme-alaba horiek euskara ikasiko dutela. Izan ere, euskaldun berrien
seme-alaben %80tik gora elebidunak dira gaur egun.
Halere, euskaldun berrien %90ek familian gaztelania erabiltzen dute nagusiki. Hizkuntzaren
erabileran eragiten duten faktore nagusiak bi dira: hizkuntza hitz egiteko erraztasuna eta
hizkuntza horretako hiztunen harreman-sarea. Euskaldun berri askoren kasuan ez dira
baldintza horiek betetzen.
Familia bidezko transmisioaren nondik norakoa neurtzeko interesgarria da jakitea
derrigorrezko hezkuntza sisteman sartzeko garaian haurren egoera zein den. Horretarako 2
eta 4 urte bitarteko haurrak hartu daitezke kontuan:
- %29 da euskalduna (1996an %16,3 zen: 9 puntu gutxiago).
- %18k euskara izan du lehen hizkuntza.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
8
- %3,9k euskara du etxeko hizkuntza; eta %8k euskara eta gaztelania
UNIBERTSITATEZ KANPOKO IRAKASKUNTZA
Gasteizen orotara unibertsitate aurreko 105 ikastetxe dago (etapa guztiak kontuan hartuta),
horietatik 76 publiko dira eta 29 pribatu. Horietan 2008-2009 ikasturtean 37.589 ikasle aritu
dira, %54 ikastetxe publikoetan eta %46 pribatuetan. Honela:
- Haur hezkuntzan %26
- Lehen hezkuntzan %32,5
- DBHn %21,5
- Batxilergoan %10,7 eta Lanbide Heziketan %9,4 Ikas-ereduari dagokionez, unibertsitate
aurreko ikasleen erdiak (%55) A ereduan ikasten du, %25k B ereduan eta %20k D ereduan.
Adinaren eta etaparen arabera alde handiak daude:
- Haur Hezkuntzan B eredua da nagusia (%48,1) eta D eredua ere oso gertu dago (%44,4).
- Lehen Hezkuntzan bien arteko aldea handiagoa da eta A ereduak ere pisu handia (B
ereduan %45,8, D ereduan %24 eta A ereduan %20).
- Derrigorrezko Bigarren Hezkuntzan A eredua gailendu egiten da (%38,9) baina B eta D ere
gertu ditu (%30,7 eta %30,7, hurrenez hurren).
- Hortik gora, B eredua hezkuntza sistematik desagertzearekin batera, A ereduak hartzen du
nagusitasuna, D ereduaren gainetik, batez ere Lanbide Heziketan.
HELDUEN EUSKALDUNTZEA
Euskaltegietako datuak
Helduen euskalduntzea oso fenomeno zabaldua da euskal gizartean. Gasteizko daturik ez
dugu, baina egin berri den ikerketa baten arabera, euskal herritarren %65 euskara ikasten
saiatu da noizbait (Unesco Etxea: Erdaldunen euskararekiko aurreiritziak eta jarrerak).
Hori horrela, azpimarratu behar da urtero 6.000tik gora direla Gasteizko euskaltegietan eta
autoikaskuntza zentroetan euskara ikasten duten gasteiztarrak. Adierazgarria da, bestalde,
oraindik ere ikasleen kopuru handi bat (%21) hasierako urratsetan matrikulatu izana. Izan
ere, ikasleen erdia baino gehiago (%51) euskalduntzearen lehen mailan dago matrikulatua
(atalase maila, 1. eta 6. urratsak).
EUSKARAREN ERABILERA KALEAN
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
9
Soziolinguistika Klusterrak euskararen erabileraren kale neurketak egiten ditu 5 urtean
behin. Behaketa bidez kaleko elkarrizketetan euskararen erabilera jasotzen da. BAT
soziolinguistika aldizkarian Martinez de Luna (2007) irakasleak Arabako datuen irakurketa
argitaratu zuen 2007ko irailean. Irakurketa hori erabili da.
Bilakaera orokorra
Gasteizko kaleetan geratzen diren elkarrizketetatik %4 besterik ez da euskaraz. Hamazazpi
urteotan, Gasteizen, euskararen kale-erabilera bikoiztu egin da, ehuneko ehun hazi da.
Martinez de Lunaren hitzetan, “hitz potoloak dira, baina errealitate apala: 1989an %2koa
zen eta 2006an halako bi (%4)”.
Kale-erabilera, adin taldeka
Adin tarteka hartuta, Araba eta Gasteizko joerak ikusita, Araban erabilera pixka bat altuagoa
da baina ez dago alde esanguratsurik. Haurrak eta gazteak dira kalean euskara gehien
erabiltzen dutenak, batez ere Araban (%6,8 eta %6,6, hurrenez hurren), baina baita
Gasteizen ere (%5,8 eta %6,3, hurrenez hurren).
Gasteizen, heldu-haurren arteko harremanetan euskararen erabilera altuagoa da (%8,9)
beste konbinazio mota guztietan baino. Gainera, Gasteizen ez ezik, Hego Euskal Herriko
beste hiriburuetan ere beste horrenbeste gertatzen da.
Beste muturrean, hots, haurrik tartean egon ezean, helduen arteko erabilera apalagoa da
(%2,6) harreman horietan haurren bat tartean dagoenean baino (%3). Bestela esanda,
haurren presentziak helduen berauen harremanetan ere eragiten du, modu arinean bada
ere. Hala ere, ez dirudi haurrek beraiek direnik euskararen erabileran euren kabuz eragiten
dutenak; izan ere, solaskideen artean haurrak baino ez daudenean euskararen presentzia
inoiz baino baxuagoa da (%0,8).
EUSKARAREN PRESENTZIA AISIALDIAN ETA KIROLEAN
Arabako Herritarren %70k garrantzi handia ematen dio bere bizitzan aisialdiari eta %26k
nahikoa. Askoz gutxiago dira garrantzi handirik ematen ez diotenak (%3) edo batere
garrantzirik ematen ez diotenak (%1). Aisialdiaren balioa gorantz etorri da azken urteotan:
duela hamabi urteko datuekin alderatuta, gaur egun jendeak garrantzi handiagoa ematen
dio bere bizitzan aisialdiari (Prospekzio Soziologikoen Kabinetea. 2008)
Astegunetan gehien egiten diren aisialdiko jarduerak ondokoak dira:
- Lehen-lehenik telebista, bideoa edo DVDa ikustea (herritarren %32k aipatu dute gehien
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
10
egiten dituzten hiru jardueren artean), paseatu edo kalean egotea (%24k) eta familiarekin
egotea (%23k).
- Ondoren datoz lagunekin eta bikotekidearekin egotea (%18), irakurtzea (%18), musika
entzutea (%14), kirola egitea (%11), atseden hartu edo ezer ez egitea (%11), irratia entzutea
(%9) eta
ordenagailuarekin denbora pasatzea (%7). Ondoren jende gutxiagok egiten dituen beste
hainbat jarduera datoz. Gasteizko Udalak aisialdiko eskaintza eta zerbitzuak ditu, hainbat sail
eta zerbitzuren bidez: Gazteria, Gizartegintza, Kirolak, Kultura,… Eskaintza esanguratsuenak,
ziur asko, gizarte etxeetako programazioan biltzen dira. 2008-2009 ikasturtean 5.033
jarduera programatu ziren eta ia 100.000 plaza eskaini. Gauzatu, gutxiago gauzatu ziren:
4.213 orotara eta horietan 62.631 matrikula formalizatu ziren. Eskaintza horren parte
handiena (%67,8) Kirol Sailak antolatutako jarduerak dira eta orotara 41.000 matrikula
biltzen dituzte. Bigarren eskaintzarik handiena Kultura Sailak egin du: (%12,3). Beste lau
atalek eskaintzaren %4,5 eta %5 bitartean dute: Herritar Harremanen Sailak (%4,5), Gazteria
Zerbitzuak (%4,8 aparte kontabilizatua, nahiz eta zerbitzua Herritar Harremanen Sailaren
barruan egon) eta Osasun eta Kontsumo Sailak (%4,7).
Hizkuntzari dagokionez, 2008-2009 ikasturtean lau jardueratik hiru gaztelaniaz programatu
ziren. Euskarazko jardueren portzentajea %13 izan zen.
OSTALARITZA ETA ZERBITZUAK
Ostalaritza eta zerbitzuen esparruari dagokionez, establezimendu horien guztien %25
merkataritza arlokoak dira, ostalaritzakoak %7,8 eta zerbitzuetakoak %14,9 (bankuak,
aseguru etxeak eta antzekoak kontatu gabe). Arlo hauek, beraz, garrantzi handia dute hiriko
bizitza ekonomikoan. Ikuspegi soziolinguistikotik are lehentasun handiagoa dute arlo hauek,
beren eragina biztanle guzti-guztiengana heltzen delako eta hiriko hizkuntza paisaian pisu
handia dutelako. 2007an Siadeco enpresak Gasteizko merkataritza, ostalaritza eta zerbitzu
sektorean euskararen egoera aztertzeko ikerlana egin zuen, Euskara Zerbitzuaren eskariz.
Euskararen ezagutza
Establezimenduetako enplegatuen euskara gaitasuna aztertu zen, establezimendua kokatuta
dagoen zonaldearen eta jarduera-adarraren arabera. Laburbilduz honako emaitzak eskuratu
ziren:
- Euskaraz ongi edo oso ongi ulertzeko gaitasuna %12,9 da; hitz egitekoa %11,4; irakurtzekoa
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
11
%12,6; eta idaztekoa, berriz, %11,6. Hitz egiteko gaitasuna soilik hartuta, euskaldunen
ehunekoa % 11,4koa da, beraz.
- Establezimenduetako arduradunen artean, euskaldunez gain (%11,4) badago beste ia
euskaldunen multzo bat ere % 25,6koa. Era berean, beste ikerketa batean agertzen denez
(“Gasteizko txikizkako merkataritzaren giza baliabideei eragiten dieten ezberdintasun
faktoreak, eta sektorearen azterketa inmigrazioarekiko” txostena), hiriko txikizkako
merkataritza establezimenduetan lanean ari den pertsonen %28k euskara ulertzeko gai
direla adierazten dute.
Euskararen presentzia eta erabilera
Bezeroekiko komunikazioan, oro har, ahozko eta idatzizko komunikazioa kontuan hartuta,
euskararen batez besteko erabilera %5,2koa da. Beraz, bezeroekiko duten komunikazioaren
%94,8 erdaraz izaten da (gaztelaniaz nagusiki, baina tarteka beste hizkuntza batzuk ere
erabiliz). Zonalde eta jarduera adarraren arabera aldeak adierazgarriak dira. Euskararen
batez besteko erabilerarik altuena 1. zonaldean da (Erdialdea eta Alde Zaharra -%8,3-), eta
baxuena, aldiz, 4. zonaldean (auzoak -%2,6). Bestalde, ostalaritza establezimenduetan
gertatzen da batez besteko erabilera mailarik altuena (%7,4) eta zerbitzuetan, aldiz, baxuena
(%3,4). Txikizkako merkataritza establezimenduetan, batez besteko erabilera %4,5 da.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
12
4. Taldeen azterketa
4.1. Erakunde publikoen azterketa
4.1.1. Udalaren Euskara Zerbitzua
Hasteko, erakunde honen antolakuntza azalduko dut, laburki. Organoa hainbat pertsonek
osatzen dute, hamahiru pertsonek, hain zuzen. Alabaina, banaketa dago horien artean: lau
pertsona itzulpen lanetan dihardute, administrazioan hiru eta normalizazio arloan bost.
Horietaz gain, zerbitzu burua ere badago.
Alde batetik, Udalaren Euskara Zerbitzuak, hainbat arlo eta hartzaile ditu. Alegia, Gasteiz
osoa hartzen dute kontutan; beraz, bere jarduteko eremua anitza da. Hori horrela izanik,
aipatutako hirirako EBPN-n bederatzi esparru banatu dituzte Euskararen Sektore Kontseilua
sorturik: helduen euskalduntzea, irakaskuntza eta familia bidezko transmisioa, aisialdia,
kirolak, kultura, merkataritza, gazteak, immigrazioa eta genero ikuspegia. Hala, mahai hori
sortuta, Eusko Jaurlaritzak duen politikari jarraiki, EBPN garatzeko orduan parte-hartzea
bilatzen da, hainbat elkarte, enpresa, euskaltegiak eta talde politiko parte hartuta.
Bestalde, esparru bakoitzak bere ekintzak ditu, jakina; eta horietako bakoitzean elkarlana
ezberdina da. Esparru hauetan lan egiteko, beraz, eragileekin, oro har, lan mahai
independenteak osatu dituzte, sektore bakoitzari egokituta, alegia. Hortaz, banaka aztertuko
ditut.
Helduen Euskalduntzea
Datu soziolinguistikoak ikusita, helduen artean asko igo da euskaldunen kopurua, alegia,
askok ez zuten ama hizkuntzatzat euskara, baina ikasi dute. Beraz, esparru honetan, bi dira
helburu nagusiak; batetik, herritarren artean euskararen irakaskuntza bultzatzea, eta,
bestetik, euskara erabiltzeko espazioak edota aukerak eskaintzea euskara ikasleei eta ia-
euskaldunen kolektiboari; batez ere, aisialdiari lotuta. Lehenengoari dagokionez, lau dira
erabiltzen dituen estrategiak, eta bigarrenari, ordea, bi. Estrategia horiek aurrera eramateko,
jakina, ekintza ezberdinak antolatzen dituzte; batzuk beraien aldetik, eta beste batzuk aldiz,
elkarlanean.
Batetik, lehenengo helburuari dagokionez, lehenik, herritarren artean euskararen
irakaskuntza bultzatzeko, euskaltegiekin lankidetzan arituz, euren lana erraztu eta
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
13
eraginkorragoa izateko, hitzarmenak ditu euskaltegiekin. Honela, beraien propaganda
zabaltzen laguntzen dute, besteak beste. Bigarrenik, herritarrei euskalduntzean erraztasunak
eskaintzeko, diru-laguntzak ematen ditu. Hirugarrenik, sentsibilizazioa eta komunikazioa
lantzeko, euskaltegi bakoitzak egiten duen matrikulazio kanpainari dagokionean laguntza
ematen du. Laugarrenik, euskaltegietako eskaintza beste eragileekin koordinatuz
(merkataritza ganberarekin, ikastetxeekin…) sustatzeko, diru-laguntza bereziak ematen
dituzte merkatariei, gurasoei eta begirale edota hezitzaileei zuzendutakoak. Honetaz gain,
euskara ikastaroak antolatzen ditu, AEK euskaltegiarekin duen hitzarmen baten bitartez,
gurasoentzat, merkatarientzat, aitona-amonentzat eta ostalarientzat.
Bestetik, bigarren helburuari jarraiki, lehenik, euskaltegietara erakunde ezberdinetatik
iristen diren eskaintzak bateratzeko eta zabaltzeko, denon eskura dagoen urteko katalogoa
sortu du. Honekin batera, ikasleei orientazioa eskaintzeaz gain, programazio espezifiko baten
bidez, euskaltegiek dituzten programaziotik abiatuta, mintzapraktika programak abian jarri
dituzte. Bigarrenik, euskarazko harreman sareak sortzeko, gurasoen artean, batik bat, GEU
elkarteak antolatzen eta kudeatzen duen mintzalaguna aipatutako kolektibora zabaldu nahi
du.
Irakaskuntza eta familia bidezko transmisioa
Esan gabe doa Gasteizko gazte asko euskaldunak direla hezkuntza euskalduna dela eta, beraz
berebiziko garrantzia duen sektorea dela esan dezakegu. Horrenbestez, arlo honetan,
aurrekoan bezala, bi dira helburu nagusiak: udalaren hezkuntza programak hizkuntzaren
normalkuntzari begira jartzea eta familia aisialdirako eskaintzetan euskararen
normalkuntzaren presentzia indartzea.
Lehenengo helburua lortzeko, beraz, lau estrategia dira nagusi. Lehenengoa, udalaren eta
hezkuntza komunitatearen arteko komunikazioa hobetzea da. Horretarako, lan-mahaia
iraunkorra sortu du urtez urteko planak eta irizpideak eztabaidatzeko. Bigarrena, eskolaz
kanpoko ekintzetan euskararen normalizazioa bultzatzea da, hala, “eskolaz kanpo euskaraz”
programa zabaldu dute ikasleen artean, eskolaz kanpoko ikastaroan antolatzeko diru-
laguntzak arautu eta ematen ditu, udalekuen programetan hizkuntza ikuspegia txertatu
dute, eta, honetaz gain, euskarak presentzia gutxi duen eskoletan, interbentzio espezifikoa
egiten du eskolaz kanpoko ekintzetan agertzeko. Hirugarrena, ikastetxeen beharretatik
abiatuta, euskararen normalkuntza duten programak sortzen edota bermatzea. Bide
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
14
horretatik, ARIN aldizkaria kaleratzen du euskarazko produktuen katalogoarekin batera,
Euskararen Astea antolatzen du ikastetxeetan, euskal jolasak eskaintzen dituzte familientzat,
Mantangorri (Berria egunkariko haurrei zuzendutako atala) banatzen du eta ikastetxeek
familia-erabileran eragiteko dituzten beharrak eta proposamenak aztertu eta programa
horiek diruz lantzeko aukerak ikusten ditu. Azkenik, euskararen normalizazioa eduki
dezaketen programak identifikatzeko eta, aldi berean, lantzeko, pedagogian eta
normalkuntzan adituak direnen lantaldea osatu du hezkuntza programak aztertu eta txosten
bat osatzeko, batez ere, dauden programak normalizazio prozesuan erabilerei buruz
hausnartzeko. Halaber, gazteentzat soziolinguistika programak aurrera eramaten ditu.
Bestalde, familia aisialdirako eskaintzetan euskararen normalkuntzaren presentzia indartzea,
bigarren helburu gisa, bi estrategia nagusi jarraitzen ditu. Batetik, familia aisialdia aztertzen
du eta euskarazko irizpideak aplikatzen ditu. Hori lortzeko, udal sailarekin eta eragileekin
lantaldea osatu du. Bestetik, euskararen ekintzan zabalkundea egiteko, GEU elkarteak tuek
euskararen agendaren barruan atal espezifikoa sortu du.
Aisialdia
Aisialdia eremu konplexua dugu, hau da, eskaintza ugari dago, baina, orobat, euskarak ez du
lekurik horretan. Horretaz gain, oso garrantzitsua da euskaraz mintzatzeko guneak izatea;
hala ere esan bezala, gaur egun ez da hori gertatzen. Hortaz, hori aldatzeko, kasu honetan
ere, aisialdia osatzen duen lan mahaiak bi helburu planteatu ditu: aisialdian eragiten
dutenen artean normalizazioaren ikuspegia lantzea eta aisialdiko ekintzetan eta
programetan euskararen eskaintza, presentzia eta erabilera zabaltzea.
Hori horrela izanik, hainbat dira aurrera eramaten dituzten estrategiak. Lehenengoan, kasu,
hiru estrategia nagusi zehaztu ditu. Batetik komunikazioa eta koordinazioa lantzeko,
lehenengo gauza, aisialdia eta euskara lantaldea osatu du. Ondoren, begirale sara eratu du,
eta horiekin, topaguneak egin dituzte formatu ezberdinak esploratzeko. Esan gabe doa,
euskarazko begirale ikastaroan diruz laguntzen duela. Honekin batera, datu-basea osatu du
euskararen erabileraren inguruko datuak eta elkarteen beharrak jasotzeko. Bestetik,
eragiten duten enpresak eta elkarteak konpromisoak hartzen animatzeko, dinamizazio
programa kudeatzen du Udaleko Gazteria Zerbitzuarekin batera. Bertan, oro har, banakako
harremanak zaintzen dituzte enpresa eta elkarteekin, beraien egoera aztertzeko aukera
emanaz. Geroxeago, azterketa horietatik abiatuta, konpromiso zehatzak identifikatzen
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
15
dituzte neurriak gauzatzeko laguntza eskainita. Azkenik, laguntzak eta zerbitzuak eskaintzen
ditu, prozedura eta jarraipena egiteko bideak departamentuekin adosteaz gain, goian esan
bezala, diru-laguntzak, normalizazioaren inguruko formakuntza saioak antolatzen ditu.
Bigarren helburua aurrera eramateko, aldiz, bi dira estrategia nagusiak. Lehenengoa,
euskara erabiltzeko irizpideak lantzen ditu. Horretarako, Udaleko Kultura eta Gazteria
Zerbitzuekin bat eginda, Udalaren euskarazko eskaintzaren ikerketa eta ebaluazio zorrotza
egin du. Esan beharra dago, bereziki gazteei zuzendutako programak eta espazioak direla
identifikatu eta ebaluatu behar direnak; gerora begira, hobekuntzak garatzeko. Bigarrena,
hots, hainbat proiektu diruz laguntzea, hiru ekintzen bitartez osatzen da: euskara zinema
aretoetan bermatzea, Amaia zentroan aisialdia euskaraz dela bermatzea eta proiektu
zehatzak diruz laguntzea.
Kirola
Atal hau, osasungarria izateaz gain, sozializatzeko esparrua ere badela esan dezakegu. Beraz,
noski, hizkuntzak eragin zuzena izan dezake esparru honetan. Hori dela eta, sektore
horretan bi eragin esparru identifikatu dituzte, kirol programetan euskararen irizpideen
presentzia eta betetze maila, zein neurri edo konpromisoak hartzen dituzten taldeen
kopurua aztertzea oso garrantzitsua baita.
Beraz, lehenengoari lotuta, euskararen irizpideak aplikatzen dituzte prozedura eta bideak
sailekin adostuta. Bigarrenarekin, berriz, Arabako Foru Aldundiarekin elkarlana bultzatzen
dute. Gainera, bai formazioan eta sentsibilizazioan eragiteko bai laguntzak eta zerbitzuak
eskaintzeko, euskarazko baliabideak nahiz diru-laguntzak eskura jartzen ditu. Honekin
guztiarekin batera, eragiten duten enpresak eta elkarteak neurriak zein konpromisoak
hartzera animatzen dituzte dinamizazio programa bat gauzatzeko aukera eta laguntza
eskainita.
Kultura
Jakina denez, hizkuntza eta kultura oso lotuta daude, askotan batera doazela ere esan
dezakegu. Horrenbestez, euskarazko produktuen merkatuan eragitea eta euskarazko kultur
eskaintza koordinatzea eta zabaltzea lirateke esparru honen jardunbide nagusiak.
Egia esan, asko dira euskarazko produktuak, hortaz, merkatu horretan eragiteko lau eduki
ezarri dituzte: hasteko, produktu berriei jarraipena egitea egitasmoetan Euskara
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
16
Zerbitzuaren presentzia bermatuz. Ondoren sorkuntza euskaraz izaten bultzatzeko Gasteizko
sortzaile euskaldunon gida zabaldu du eta, horretaz gain, irakurzaletasuna pizteko Vitoria
Gasteiz saria antolatu du. Gero, euskarazko produktuen kontsumoa bultzatzeko, katalogoa
sortu dute. Azkenik, euskarazko produktuen kontsumoaren eskaintzari erantzuteko, liburu
eta jostailu dendetan euskarazko produktuak saltzera bultzatzen ditu.
Bestalde, kultur eskaintza koordinatzeko eta zabaltzeko, GEU elkarteak kudeatzen duen
euskararen agendaren bitartez, eragileen koordinazioa eta lankidetza areagotzeaz gain,
zabalkundea egiten ere laguntzen du.
Merkataritza
Ikus dezakegunez, merkataritza herritar guztiongan eragina duen sektorea da; azken finean,
denok ditugu harremanak merkatariekin. Hori horrela izanik, komunikazio ekintzen bidez,
euskarak arlo honetan duen irudian izango litzateke helburuetako bat, horrela, hau bera
erakargarriagoa eginda. Hori gutxi balitz, zerbitzuen eta laguntzen bitartez, sektore horren
interes eta premiei egokituta, euskararen presentzia, ezagutza eta erabilera handitzea du
helburutzat.
Hori guztia aurrera eramateko, alde batetik, lehenengo helburuari lotuta, egoera
irudikatzeko, lan ildoak, gestio planak eta irizpideak zehazteko lantaldea sortu du. Honekin
batera, Gasteizko hiritarren hizkuntza jokabideak aztertzen dituen ikerlana egin eta horren
komunikazioa eta zabalkundea egun du. Honetaz gain, Gasteizko denda euskaldunen
topagune informala sortu du, bakoitzak bere esperientzia konta dezan; eta, hemendik
abiatuta, euskal merkatalguneen datu-basea osatu du. Horretaz gain, sentsibilizatzeko nola
ahaleginak saritzeko, merkataritzan, alegia, euskara zabaltzeko eta sustatzeko kanpaina
sortu du, eta, horri lotuta, euskarazko produktuen katalogoan txertatzeaz gainera,
euskararen sustapenean praktikarik onena saritzen du.
Beste alde batetik, bigarren helburuari dagokionez, hiru dira darabilen estrategiak: batetik,
establezimenduei zerbitzuak helarazteko, horien eskaintzaren promozioa kudeaketa eta
jarraipena egiten du. Bestetik, zerbitzu zehatzak eskaintzeko, establezimenduen karteltxoak
euskarez ematera bultzatzeaz aparte, errotulu nagusia euskaraz emateko diru-laguntzak
ematen ditu eta euskara ikastaroak eskaintzen ditu. Azkenik, aurrerantzean kontutan
hartzeko, eragile izan daitezkeen merkatalguneak identifikatzen dituzte; hala,
lehentasunezko saltokietan, Merkataritza Euskalduntzeko Plangintza Integrala egin du.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
17
Gazteak
Hezkuntza bidezko transmisioan ikusi dugun legez, gazte asko elebidunak dira. Hala,
Udaleko Gazte Planaren barruan euskarari lotutako bi helburu txertatu eta zehaztu ditu
Euskara Zerbitzuak. Helburu horiek honako hauek dira: gazteekin batera hizkuntza
normalizazioaz hausnarketa egitea eta gazte taldeei laguntza ematea, beraien jarduna
euskaraz izateko.
Hori horrela izanik, lehenengo helburuarekin bat egiten duten bi estrategia proposatu ditu.
Lehenengoa, errealitatea hobeto ezagutzea da; horrenbestez, EHUrekin batera, “Euskara eta
Gazteak” ikerketa antolatu du. Horrekin batera, hausnarketarako eta eztabaidatzeko gureak
zabaltzeko, Soziolinguistika Gazteentzat programa abian jarri du. Horretaz gain, DBH eta
Batxilergoa euskaraz egiteko kanpainak babesten ditu.
Bestalde, bigarren helburuari jarraiki, eragiten duten enpresa eta elkarteak, dinamizazio
programaren bitartez, neurri eta konpromiso zehatzak hartzen animatzen ditu. Gainera,
laguntzak eta zerbitzuak eskaintzen ditu; esaterako, doako itzulpen zerbitzua dago
gazteentzat, edota, elkarteen eta enpresen ezaugarriak eta egoera aztertu du, gerora,
zerbitzuen katalogo bat osatzeko.
Immigrazioa
Gaur egun, etorkinen kopurua altua dela esan dezakegu. Hala ere, adituen iritziz, horrek ez
dio kalterik ekarri gure hizkuntzari. Pertsona hauek gure esparrura hurbildu bekar ditugu.
Gauzak horrela, etorkinei euskarari buruzko informazioa izango litzateke Euskara
Zerbitzuaren helburua. Horri lotuta hiru estrategia zehaztu dituzte: udalaren harrera
prozedura aztertzeko, Zerbitzu honetako teknikariekin bilerak antolatzen ditu. Honekin
batera, harreran txertatu beharreko informazioaren inguruan eztabaidatzen dute, beti ere,
formazio saioak jaso eta gero. Bukatzeko, informazioa eta sentsibilizazioa lantzeko, euskara
eta kulturartekotasunari lotutako hitzaldiak eta saioak antolatzen ditu.
Genero Ikuspegia
Euskararen datu soziolinguistakok emateko, genero ikuspegia kontutan hartu izan da. Hala
eta guztiz ere, beti ez da aintzat hartu, horrela, euskararen sustapenari dagozkion
jardunbide eta politiketan generoaren ikuspegia lantzea du helburu.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
18
Helburu hori lantzeko, alegia, datu soziolinguistiko nagusiak generoaren ikuspegitik
berrirakurri ditu, hiriko errealitate soziolinguistikoa genero ikuspegitik aztertu eta Euskara
Zerbitzuaren programetan genero ikuspegia lantzeko beharraren azterketa eginda. Hori
horrela, programaren azterketa eta egokitze proposamenak jorratu ditu.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
19
UDALEKO EUSKARA ZERBITZUAREN IRITZIA EUSKALGINTZAN DAGOEN OSAGARRITASUNAREN
INGURUAN
Goian ikusi dugun bezala, hainbat dira Euskara Zerbitzuak antolatzen dituen ekintzak.
Aipatutakoen artean, Udaleko beste hainbat zerbitzuak ageri dira. horietaz gain, GEU
elkartea ere ageri da. Zenbait ekintza antolatzen dituzte batera, eta EBPN-ko arduradunek
adierazi dutenez, oso harreman estua dute.
Horrenbestez, Eusko Jaurlaritzak Aholku Batzordea ezinbestekotzat jotzen duenez, hau da,
partaidetza beharrezkoa iruditzen zaienez, Euskararen Sektore Kontseiluaren bitartez
gauzatzen du hori. Gainera, hori litzateke EBPNaren oinarria. Alegia, bertan hainbat eragilek
hartzen dute parte, beraz, horien arteko harremana estua dela esan dezakegu. Talde
teknikoaz gain, talde politiko bakoitzeko ordezkaria (Bildu, PNV, PP eta PSOE), euskaltegiak
(AEK, IKA, Hegoalde eta Udaberria), GEU elkartea, Olabide Ikastola, Denon Eskola, Arabako
Bertsozale Elkartea, eta abar.
Horretaz gain, beste erakunde publikoekin, Arabako Foru Aldundiko Euskara Zerbitzuarekin
kasu honetan, elkarlana ona dela diote erakunde horietako elkarrizketatuek. Harreman
formala eta informala dute haien artean, azken finean, elkarlanean aritzen dira eta
konfiantza daukate. Bestalde, AFAko Euskara Zerbitzuarekin koordinazio handia dutela uste
dute, inoiz ez baitute, beraien iritziz ekimen bat aldi berean antolatu. Izan ere, koordinazioa
hobetu daitekeela uste dute.
Euskalgintzan dihardutenen artean ere koordinazioa dagoela iruditzen zaie. Adibidez, egun
puntualetan, beste edozein eragilerekin koordinatzen dira ekintzak antolatzeko orduan.
Beraien esanetan, inor ez da programaziotik kanpo geratzen, baina kritikak jaso izan
dituztela adierazi dute.
Hala eta guztiz ere, EHE eragileari buruz ez dute asko hitz egin, beraz, garrantzitsua iruditu
zitzaidan horri buruz galdetzea. Hots, Euskara Zerbitzuaren arabera, ez dituzte tirabirak
beraiekin, baina ez dira elkarlanean aritzen. Beraien ustez, harreman falta, orokorrean
hartuta, eragile bakoitzak ezartzen dituzten lehentasunen araberakoa da; eta, adierazi
duten bezala, EHE-ek eta Udaleko Euskara Zerbitzuak lehentasun ezberdinak dituzte.
Laburbilduz, atera dezakedan ondorio nagusia zera da: Sektore Kontseiluaren bitartez
Gasteizko euskalgintzaren aldeko harremanak sendotzea eta, noski, koordinazioa bilatzea
da. Hala ere, batik bat, lehentasunak direla eta koordinazioa ez da erabatekoa.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
20
4.1.2. Arabako Foru Aldundiko Euskara Zerbitzua
Jarraian, Arabako Foru Aldundiko Euskara Zerbitzuaren nondik norakoan azalduko ditut.
Hasteko, zerbitzu buruak, teknikari batek eta, une honetan, (hemendik gutxira utzi behar
baitu) administrari batek osatzen dute. Hala ere, esan beharra dago, beti ez dela izan
zerbitzu independentea; hau da, orain dela hiru urtera arte, gutxi gorabehera, Kultura eta
Kirol sailaren egituraren barruan zegoen kokatuta.
Orain, zerbitzu independentea den neurrian, eginkizunak ondo markatu ditu: Euskara eta
Kultura Zuzendaritzari euskararen normalizaziorako eta sustapenerako aplikatu beharreko
neurriak proposatzea, Udalekin, toki erakundeekin eta elkarteekin elkarlanean aritzea,
euskara sustatzeko jarduerak bultzatzea eta gizartearen hainbat eremutan euskara
ezartzeko edo biziberritzeko ekimenak eragitea edota aldeztea.
Goiko hori aintzat hartuta, Euskararen Aholku Batzordea osatu zuten. Horren helburu
nagusia, alegia, Araban euskara garatzeko eta sustatzeko aholku eta kontsulta organoa
izatea da. Esan gabe doa, batzordea euskararen normalizazioan eragina duten pertsonek
zein eragileek osatzen dutela. Gaur egun, hogeita zortzi dira parte hartzen duten eragileak,
eta, horiek, Arabako euskararen egoeraren argazkia egin dute; jakina, aurrerantzean jorratu
beharreko lan-ildoak zehazteko, eta, honen arabera, aholkuak eta iradokizunak egiteko.
Gainera, hizkuntzaren balioak ezarri dituzte Fishmanen “Reversing Language Shift”
liburuan ageri den edozein hizkuntzaren biziberritze prozesuari jarraiki.
Bestalde, Plan Estrategikoa gauzatzeko bi aldi izan zituzten. Batetik, gizarte eragileen eta
herritarren parte hartzea, esparruetako hausnarketa estrategikoa egiteko eta helburuak
nola estrategiak proposatzeko. Bestetik, Euskararen Foru Zerbitzua eta Euskararen Aholku
Batzordea kontrastatzea eta onartzea. Gainera, urtez urte, balorazioa egingo da eta betetze
maila zenbatekoa izan den kalkulatuko da.
Hori horrela izanik, lehentasuneko esparruak ezarri dira Arabako errealitatera ondo
egokitzeko, eta, jakina, Aholku Batzordearen barruan ere, esparru bakoitzari egokitutako
mahai bat osatu zen. Hortaz, honako hauek dira ezarritako esparruak: gazteak eta aisia,
helduen euskalduntzea, kulturgintza, merkataritza eta ostalaritza, familia transmisioa eta
irakaskuntza, komunikabideak eta Informazio eta Komunikaziorako Teknologia berriak (IKT)
eta administrazioa. Izan ere, oro har, sare sendoa sortzea da lehenbiziko helburua.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
21
Esan beharra dago, mahai bakoitzari diagnostikoa nola bi helburu nagusi zehaztea eskatu
zitzaiola, eta ondoren horiek lortzeko estrategiak eta dagozkien ekintzak zehaztea.
Gazteak eta Aisia
Mahai honen arabera, euskararen normalizaziorako oztopoak daude gazteriaren artean.
Horien ustez, beraz, aisialdian sortzen den giroa gazteleraz ematen da. Hori horrela izanik,
euskarari prestigio gehiago eman behar zaio, esparru honetan. Bestalde, aisialdi eskaintza
geroz eta euskaldunagoa izateak baikorki hartu dute.
Hortaz, honen harira, bi helburu zehaztu dituzte, goian esan bezala. Lehenengoa
euskarazko eskaintza bermatzea eta esparru berrietan zabaltzea da; eta, bigarrena,
euskarazko eskaintza gaztelaniazkoa baino erakargarria eta ezberdina izatea.
Hala, lehengoari lotuta, lau estrategia planteatu dituzte: lehenik, eragile guztien elkarlana
eta koordinazioa bultzatzea; bigarrenik, euskararen normalizaziorako eskaintza-ereduen
inguruan hausnarketa egitea eta horren inguruan prestakuntza lantzea; hirugarrenik,
sentsibilizazio ekimenak egitea, jarduera guztietan euskararen presentzia indartzeko; eta,
azkenik, ekintzen osotasuna kontutan hartuta, proposamenak egitea.
Bigarrenari lotuta, ordea, hauek dira ezarritako estrategiak. Hezitzaileen prestakuntza eta
formazioa garatzea ezinbestekotzat jo dute, eta, horretaz gain, ludikotasuna ondo saltzen
asmatu behar dute. Betiere, eskaintza-ereduaren inguruan hausnarketa eginda, horren
prestakuntza lantzea, jakina, eragile ezberdinen arteko koordinazioa ahaztu gabe.
Gauzak horrela, hainbat ekintza planteatu dituzte, hona hemen horietako batzuk:
koordinazio sistema bat sortzea, herrialde guztirako baliagarriak diren eskaintza
estandarrak eraikitzea, sentsibilizazio ekintzak antolatzea, eta abar.
Helduen euskalduntzea
Aholku Batzordearen mahai honen aburuz, esparru honetan plan zehatzik ez egoteak ez du
laguntzen. Gainera, instituzioek sentsibilizazio kanpainak egin beha lituzketela uste du. Izan
ere, ikasleen kopurua goraka doa, eta, horren ondorioz, normalizazioaren aldeko lana
aitortuta geratu da.
Hori aintzat hartuta, bi helburu ezarri dituzte; eta, horietako bakoitzarekin batera, alegia,
zenbait estrategia. Lehenik, Aldundiak epe luzerako plan bat aurrera eramatea proposatu
du instituzioek gizartean euskara ikasteko gogoa sortuta, nolanahi ere, tokian tokiko
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
22
errealitateri egokituta. Gainera, esparru desberdinean lankidetza bermatu eta sektorearen
garrantzia azpimarratu nahi du diskurtso berri baten bitartez. Bigarrenik, euskara landu eta
zabaltzeko ardura instituzioek bere egitea proposatzen du. Horrenbestez, gizartea
sentsibilizatzeaz gain, esparru honetan Udalen normalizazio plana eramateko ardura eta
laguntza ematea lortu nahi du.
Hori guztia lortzeko hainbat ekintzekin saiatu da, diru-laguntzak, hitzarmenak, matrikulazio
kanpainak, euskalduntzeko plan berezitua, besteak beste.
Kulturgintza
Sektore honen arabera, gizarteak, oro har, gero eta gutxiago hartzen du parte kulturgintza
jarduerak sustatzeko, gainera, Udalek, jarduera hauek antolatzea elkarteen esku utzi ohi
dute. Beraz, euskararen normalizaziorako oztopo handiak daudela dio. Alabaina,
euskarazko kultur eskaintza handitzen doa; elkarteek lan handia egin dute horren alde, eta,
hori, oso positiboki baloratzen du.
Hori dela eta, Arabako kulturgintzan diharduten elkarte eta erakundeen artean
komunikazioa elkar trukatzeko eta koordinazio egokia izateko sarea eratu nahi du.
Horretarako, alegia, baliabideak jarri dituzte eta mahai finkoa osatu dute kulturgintzan
diharduten guztien topaleku bezala. Honekin batera, herrialde mailako ikuspegi orokorra
eratzeko jarduera eta kanpaina bateratuak sortu nahi ditu. Bide batez, kultur eragileen
jarduna errazteko eta beraiek ere kultur eragile bihurtzeko, instituzioen inplikazioa lortu
nahi du. Hala, baliabideak eskainiko dira, komunikazioa eta elkarlana bultzatuko dira eta
eragileen ekimenak zaindu eta bultzatiko dituzte. Horrekin batera, euskara denona eta
denontzat dela zabaldu du.
Hortaz, horri lotutako hainbat ekintza planteatu dituzte. Adibidez, Arabako kulturgintzan
diharduten eragileen zerrenda osatu dute, gainontzekoek, edozertarako eskura izan
dezaten; gainera, mahai finkoa osatzea ere planteatu da. Hori gutxi balitz, urtero euskara
sustatzeko plan bat eraiki dute eta jarduera nagusiek euskara kontutan har dezaten, beste
plan bat aurrera eraman du.
Merkataritza eta Ostalaritza
Dakuskigunez, oso esparru erdalduna da hau, eta, halaber, bezero gehienek ez dute
euskarazko eskaririk egiten. Dena dela, pixkanaka, euskal merkatu interesgarria sortzen ari
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
23
de merkatarientzat erakundeek martxan jarritako planei esker. Horren harira, saltoki handi
batzuk ere euskalduntzen hasi dira, gainontzekoentzat erreferentzialak direnak.
Esan gabe doa, mahai honek, bi helburu zehaztu dituela esparru honetan euskararen
normalizazioan eragiteko.
Batetik, Arabako merkatu euskaldunaren eskariari erantzuteko eta dagoena sustatzeko
merkatariak eta ostalariak sentsibilizatu nahi ditu. Hori egin ahal izateko, prozesu horretan
gizartearen parte hartze aktiboa bermatu du; markatuari euskaldunei prestigioa emateko
Gida Komertziala osatu du; eta, erakundeek bideak errazte aldera, baliabideak (formazioa,
informazioa) eskaintzea eskatu du, behinik behin. Hori horrela, erreferenteak diren
komertzioekin ikerketa eta proba pilotuak egitea planteatzen da.
Bestetik, bertako produktu estrategikoen merkatua euskalduntzeko, ekoizleak sentsibilizatu
eta bertara eta mundura zabaltzeko baliabideak eman ditu. Modu horretan, elkarlana eta
Euskara Planak sustatzea zein bitartekoak bideratzea ezinbestekotzat jo du. Halaber, datuen
bitartez, etekin ekonomikoa erakutsi du, eta, marketin munduan, euskararen erabilera
sustatu nahi dute kontsumitzaile eta ekoizleak sentsibilizatu.
Horrenbestez, zenbait ekintza zehaztu dituzte hori gauzatu ahal izateko. Esaterako,
euskaldunak diren establezimenduei prestigioa ematea, sariak ematea, ikastaro berezituak
eskaintzea, eta abar.
Familia transmisioa eta Irakaskuntza
Jakina denez, askotan, ikastetxeetako eskolaz kanpoko jardueran euskararen transmisiotik
kanpo gelditzen dira. Haatik, bi horien artean ez dago koordinazio handirik. Gainera,
gurasoek eskalari egozten diote transmisioaren ardura. Ostera, euskarazko hezkuntzak
prestigio handia hartu du; horren ondorioz, guraso asko euskaldundu dira, maila apal
batean.
Hori ikusita, eskolaz kanpo ere euskaraz bizi ahal izateko, ikastetxez kanpoko eragileekin
elkarlanean aritzea berebiziko arrantzua duela uste du esparruko mahaiak. Honekin batera,
euskara berreskuratzeko, hezkuntza komunitate osoaren gogoeta, formazioa eta
partaidetza lortu nahi du.
Hortaz, lehenengoari jarraiki, honako hauek dira aurreikusten dituzten estrategiak: kanpoko
eragileak identifikatuta, elkarlaneko dinamika sortu eta suspertzea eta Plana diseinatuta,
praktika onak konpartitzea.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
24
Bestalde, bigarrenari lotuta, soziolinguistika oinarrietan jantzita, formazioa eskaintzea
izango litzateke estrategietako bat. Halaber, metodologia kontu-hartzailearen bidez,
euskararen sustapena egin dute, sentsibilizazioa eta hizkuntza gaitasun komunikatiboa
garatuz, orobat.
Horretarako, noski, kanpo eragileen errolda egin du, eskolaz kanpoko jardueretan ari diren
eragileei laguntza eskaini dio, eskaintzak aztertu ditu, guraso euskaldunen taldeei
sentsibilizazio eskaintzak egin dizkio, besteak beste.
Komunikabideak eta IKT-ak
Esan gabe doa, euskararen presentzia zein ohitura oso txikia dela hedabideetan. Mahai
honen iritziz, horren arrazoia Araba mailako hedabiderik ez izateari egozten diote. Baina,
gaur egun, teknologia berriek aukera asko ematen dituzte, eta, gutxienez, euskal
hedabideek Arabako lurraldea kontutan hartzen hasi dira.
Beraz, hau ikusita, gizartearen jarrerak aintzat hartuta, herrialdean eskuragarri dauden
euskarazko komunikabideak gehiago kontsumitzen laguntzeko, horiek eskura jarri ditu.
Horrekin batera, euskaraz sortutako publizitatea sustatu eta saritzeaz gain, diru-laguntzak
ere arautu ditu.
Bestalde, herri ekimenetik sortzek diren komunikabideen egitasmoak babesteko,
erakundeen arteko elkarlana sustatu nahi du. Hala, multimedia egitasmoa ikertuko lukeen
merkatu azterketa gauzatuta, inguruko esperientzien berri jaso du eta sortu diren
egitasmoak gizarteratu ditu.
Gauzak horrela, aldizkariekin nola egunkariekin hitzarmenak egitea proposatzen du,
harpidetza sustatzeko, alegia. Horretaz landa, www.euskaraba.com-en eskuragarri dauden
webguneen berri ematen da, euskarazko publizitate onenari saria ematen zaio, eta abar.
Administrazioa
Oro har, esparru honen euskalduntzean aurrerapauso handiak eman dira, hala ere, sektore
gutxi batzuetara mugatzen da. Gainera, kasu gehienetan, ez dago euskara erabiltzeko
motibaziorik ez asmorik. Alabaina, esan bezala, administrazioa euskalduntzeko egin diren
Erabilera Planek eragina izan dute, eta, egoera normalizatuagoa bilakatzen ari da
pixkanaka.
Hori dela eta, euskarazko eskariaren eta eskaintzaren artean lotura egiteko, gizartean eta
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
25
administrazioan bideak jartzea, eta, langileei, erabilera gehitzeko tresnak ematea dira
mahai honek zehaztu dituen helburuak.
Horiek aintzat hartuta, lehenengoari dagokionez, lau estrategia proposatu dituzte. Lehenik,
lanean euskaraz egitea erakargarri bihurtzea; bigarrenik, aurreko hori gauzatzeko,
erraztasunak jarri nahi ditu; hirugarrenik, normalkuntzan ari diren langileen prestakuntza,
estrategiak eta jarrerak lantzea; eta, azkenik, zeharkakotasuna, hots, administrazioaren leku
guztietan euskara bermatzea oso beharrezkotzat jo dute.
Bestalde, bigarrenari dagokionez, euskaraz lan egitea erakargarri bihurtu nahi dute, horrela,
erraztasunak jartzea ezinbestekotzat dute. Honekin batera, normalkuntzan ari diren
langileen prestakuntza, estrategiak eta jarrerak lantzea proposatu du, beti ere
administrazioko unitate guztiek euskara bere egiteko.
Gauzak horrela, erakundetan euskara sustatzeko komunikazio kanpainak, eta egitasmoak
burutu dituzte, adibidez. Horretaz gain, ahalegin berezia egingo da udal eta koadrila
bakoitzak bere EBPN eta Erabilera Plana garatu eta onar dadin.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
26
ARABAKO FORU ALDUNDIKO EUSKARA ZERBITZUAREN IRITZIA EUSKALGINTZAN DAGOEN
OSAGARRITASUNAREN INGURUAN
Hasteko, atal honen sarreran esan bezala, euskalgintzan dihardutenen artean sare sendoa
sortzea da helburu nagusia. Hots, administrazioaren eta elkarteen arteko harremana sortu
eta bermatu nahi du zerbitzu honek. Gauzak horrela, koadriletako teknikarien arteko
harreman mahaia sortu du, horiek, azken finean, bere jardun eremuko administrazioaren
eta elkarteen elkarlana bideratzen duten heinean, mahai horretan, guztien artean,
herrialdearen ikuspegia osatuko lukete.
Hala eta guztiz ere, Udaleko Euskara Zerbitzukoek adierazten ziguten bezala, lehentasunak
markatzeko zailtasunak daude; azken batean, talde bakoitzak bere ekimenari lehentasuna
eman nahi dio, eta, hala, desadostasunak datoz.
Bestalde, zerbitzuaren hartzailea herria dela azpimarratu digu Zerbitzu buruak, eta esan
bezala, Koadriletako teknikariek, horretan, bitartekari lana egiten dute. Hortaz, guztien
arteko lankidetza ezinbestekotzat jotzen du.
Hori ikusita, esate baterako, Gasteizko Udaleko Euskara Zerbitzuarekin harreman estua
dutela antzeman daiteke; hots, harreman jarraitua dute. Elkarren berri daukaten arren,
batzuetan hori ez da nahikoa izaten, honen ustez. Esan nahi da, denbora dela eta bilerak
egiteko zailtasunak dituzte, baina teknologia berrien laguntzari esker, elkarren berri dute.
Gainera, euskalgintzan dihardutenen artean, ekintzak antolatzeko orduan, besteak, beste,
koordinazio falta handia dagoela adierazi du. Azken batean, beti dago zer antolatu, eta,
askotan, gainontzekoak aintzat hartu gabe prestatzen dira gauzak. Horrenbestez, hori
saihesteko, agenda sortzea beharrezkoak dela aipatu du; horrekin elkarren berri izateaz
gain, koordinaziorako tresna erabilgarria izango dela pentsatzen baitu. Halaber, Udalarekin
harremana asko sentitu dela argi eta garbi baieztatzen du.
Herri ekimenarekin, orokorrean harremana dutela adierazten du, alabaina elkarlana
estuagoa izatea gustatuko litzaioke. Izan ere, salbuespenak salbuespen, elkar estimatzen
dutela aipatu da elkarrizketan; elkarlana beharrezkoa dela uste du plangintza guztiek
osotasuna izan dezaten. Nik, nire aztergaia kontutan izanik, GEU, EHE eta AEKri buruz
galdetu diot zuzenean, horiek direlako, beste batzuen artean, Gasteizen dauden talde
erreferenteak. Horrela, GEU elkartearekin harreman handia dute, AEK-renik ere
hitzarmenak dituzte eta herrialdean antolatzen diren ikastaroak emateko prest agertu
zirenez, elkarri laguntza eman diote. Orokorrean, euskaltegi sare nagusien berri dute. Izan
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
27
ere, EHE-ekin inoiz ez dute harremanik izan; bere ustez, talde horrek ez du ahaleginik egin
administrazio bezala ikusten duelako zerbitzua. Edonola ere, Aldundiko Zerbitzuak ere ez
du ahalegin berezirik egin azken horiekin biltzeko edota koordinatzeko.
Amaitzeko, EBPN dela eta, euskalgintzan diharduten guzti-guztien mahaia sortzea falta dela
azaldu da. Hau da, Araba mailan Euskara Plangintza guztiak kontutan hartuko lituzkeen
Aholku Batzordean, bitartekoak zehaztuta, denen arteko adostasun mahaia sortzea falta
dela adierazi du Zerbitzu buruak. Honekin batera, denbora ere arazo bezala ikusten du. Hau
da, ideiak badituzte, baina guztia egiteko ez dago denborarik. Gainera, lan egiteko modu
ezberdinak daudenez, elkarlana korapilatu egiten da; beraz, lan egiteko modua adostea eta,
horretan, benetan sinestea lagungarria litzateke honen esanetan. Dena den, saiakerak egin
dira, esate baterako, Topagunearekin batera, euskalgintzaren inguruko topaketak antolatu
zituzten.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
28
4.2. Erakunde publikoen arteko osagarritasuna
Administrazioko bi erakunde hauen ekimenak eta iritziak kontutan hartuta,
osagarritasunaren inguruko hausnarketa proposatuko dut; gerora begira, hemen
adierazitakoa herri ekimenerako alderatzeko eta ikuspegi orokorra irudikatzeko.
Hasteko, gorago ikusi dugun bezala, ikuspegi kontrajarriak dituzte AFAko zein Udaleko
elkarrizketatuek.
Hots, lehenengoaren ustez, koordinazioa badago, baina hutsune handiak daudela adierazi
du. Esate baterako, biltzeko arazoak dituzte eta e-mailez koordinatzen dira; eta, jakina,
Aldundiko Euskara Zerbitzu buruaren iritziz, zaila da eztabaidatzea eta adostasun batera
iristea bide hori erabilita. Izan ere, elkarren berri dute. Halaber, koordinazio falta hori
badagoela adierazi du behin baino gehiagotan ekimenak antolatu baitituzte aldi berean.
Aldiz, Udaleko Euskara Zerbitzuko elkarrizketatuek AFArekin koordinazio handia dutela esan
dute. Horien esanetan, hortaz, inoiz ez dute ekintzarik antolatu aldi berean, agenda
osatzeko guztien plangintzak aintzat hartzen dituztelako. Horretaz gain, harreman formala
nola informala dutela adierazi dute. Hala eta guztiz ere, beraien ustez, badago zer hobetu.
Laburbilduz, koordinazioa badagoela iruditzen zait, baina, agian, bileretan edota adostasun
mahaietan koordinatzea falta zaie. Izan ere, nabari da harreman estua eta konfiantza
dutela; edozein unetan elkar laguntzeko prest daudela azpimarratu baitute bi aldeek.
Bestalde, herri ekimenarekin harremana badagoela ikusi ahal izan dugu, baina osotasunera
iristeko pausoak falta direla garbi geratu da. Hau da, aztergai ditudanen artean, batetik,
GEU elkartearekin, adibidez, ekintza ugari antolatzen dituzte biek; eta, hitz egiten duten
modua ikusita, lankidetzan ari direla nabari da. Bestetik, helduen euskalduntzean,
kulturgintzan eta abarretan, AEKrekin ere harremana badagoela esan dute. Azkenik,
EHEekin inongo lankidetzarik ez dagoela ikusi dut. Udalekoekin behin baino ez dira bildu,
eta, AFAkoekin inoiz ez. Jakina da, euskalgintzaren historian, EHE sortu zenean, nazio
mailan, noski, herri mugimenduaren eta erakundeen arteko etena eman zela, halaber,
aurrerago azalduko dudan bezala, horrek ere Gasteizko euskalgintzan eragin zuzena izan
dezake.
Horrenbestez, beste elkarte eta eragileekin ere harremana dute eta lankidetzan aritzen
dira, baina, lan honetan, ez ditut horiek aztertuko.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
29
4.3. Herri eragileen azterketa
4.3.1 GEU elkartea
Herri eragileekin hasteko GEU elkartea aurkeztuko dut. Elkartea 1992. urtean jaio zen, izen
bera zuen aldizkariarekin batera. Hasieratik, beraz, helburu zehatzak zituen, jakina,
Gasteizen euskararen presentzia areagotzea eta euskal hiztunen komunitatea trinkotzea.
Gauzak horrela, ondoren ikusiko dugun legez, bertako euskaldunei kalitatezko euskarazko
kultur emanaldiak aurkeztean datza GEUren eskaintza nagusia. Horretaz gain, beste elkarte
handiagoetan ere parte hartzen du, horrela, ikuspegia zabaltzeko eta etengabe
eraberritzeko aukera du.
Gainera, gaur egun, Gasteizen elkarte erreferentea da; halaber, bazkide kopuru altua du,
une oro, babesa emateko prest. Jakina, bazkideekin harremana bermatzen du batzar
orokorren bitartez.
Horrekin batera, lau pertsona dihardute lanean; batetik, koordinatzailea eta horren
laguntzailea; eta bestetik, mintzalaguna antolatzeko beste bi langile.
Horrenbestez honako hauek dira gaur egun elkarteak dituen egitasmoak: Kultur errota,
GEUrekin mendira, Gasteizko irakurle kluba, GEA. Gasteizko euskararen agenda, Gasteizko
Mintzalaguna eta Nahi baduzu euskaraz.
Kultur errota
Programa hau, kulturarekin, oro har, zerikusia duten ekintzak antolatzean datza. Beraien
esanetan, formatu ertain-txikiko euskarazko eta kalitatezko kultur emanaldiak eskaintzen
dituzte. Ekintza horiek, beraz, Gasteizko Parral tabernan gauzatzen dira hileko azken
astearteetan. Adibide bezala, aurreko urtean Espazio Hutsak antzezlana, 7 kolore ikus-
entzunezkoa, Sokadei taldearen kontzertua, etab.
Gurekin Mendira
Noizbait, bazkide bati, Gasteizen Euskal Mendi Taldea sortzea egokia litzatekeela iruditu
zitzaion. Hortaz, 1995tik hona 90 bat irteera egin dituzte. Askotariko mendiak igo dituzte,
beti, hilabetean behin, hileko azkenaurreko igandean, hain zuzen ere.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
30
Gasteizko Irakurle Kluba
Euskal literaturaren inguruan eztabaidatzeko sortu zen talde hau. Alegia, gai, genero zein
mota ezberdinetako lanei buruz hitz egiten dute. Hilabete bakoitzean liburu bat irakurtzen
dute eta hileko azkenengo ostegunean solasaldiak egiten dituzte. Hori guztia, Iban Zalduak
koordinatzen du.
Nahi baduzu, euskaraz ekimena
Ekimen hau, Gasteizko merkataritza eta ostalaritzari zuzenduta dago. Arlo horietan
euskaraz dakitenei “euskaraz nahi baduzu” leloa duen pin bat banatzen zaie, horrela,
euskaldunei erraztasunak emanaz. Hala, 2011.urtean, Gasteizen, 100 saltoki edota
ostatuetan aurki daitezke pina daraman jendea. Horretaz gain, zerbitzu horiek Gasteizko
mapan kokatu dituzte eta beraien web orrialdean dago ikusgai.
GEA. Gasteizko Euskararen Agenda
Ekimen honen helburua Gasteizen antolatzen diren ekintza, jarduera eta ikuskizunen
inguruko informazioa biltze eta zabaltzea da. Proiektua aurrera eramateko, bi bide nagusi
jarraitzen dituzte. Batetik, GEA txosten elektronikoa zabaltzen du hilero elkarteak. Hau da,
posta elektronikoz bidaltzen zaie bazkideei. Horrekin batera, hedabideetara, eskoletara,
euskaltegietara, gizarte etxeetara eta gainerako eremu estrategikoetara zabaltzen dute.
Bestetik, www.gasteizkoagenda.com bloga sortu eta sare sozialetan ere zabaltzen dute gaur
egun teknologia berriek eskaintzen dituzten abantailak aprobetxatuta.
Gasteizko Mintzalaguna
Egitasmo honek bost urte bete ditu, eta gaur egun 600 bat lagunek parte hartzen dute.
Jakina, proiektuaren helburua euskararen normalkuntzan eragitea da. Hala, euskaraz hitz
egiteko ohitura duten pertsonak zailtasunak, ezintasunak edota ohitura falta dutenekin
elkartzen dira harreman sare euskaldunak sortzeko. Gainera, azpiatal bezala, gurasolaguna
kudeatzen du. Horretan, ikastetxe bereko gurasoak elkartzen dira etxeko hizkuntza
ohituretan eragiteko asmoarekin. Hortaz, astero ordubetez solasen dute, eta mintzakide
guztien arteko harremana pizte aldera, hilean behin ekintza osagarriak antolatzen dira;
mendi irteerak, hitzaldiak, besteak beste.
Halaber, GEU elkartea ez da sustatzaile bakarra izan, oro har, euskaltegi sarea euskara
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
31
taldeak eta ikastetxeak izan dira proiektuaren antolatzaileak, nahiz eta GEUk kudeatu.
Horretaz gain, babesleak eta laguntzaileak ditu.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
32
GEU ELKARTEAREN IRITZIA EUSKALGINTZAN DAGOEN OSAGARRITASUNAREN INGURUAN
Hasteko, elkarte honen ustez osagarritasuna dago. Berak, alegia, lan honetan aztertzen
diren talde guztiekin du harremana.
Batetik, herri eragileekin oso harreman estua duela adierazi du. Hots, ekintza asko,
elkarrekin antolatzen dituzte. Horretaz gain, elkarteak berak, AEK-k eta EHE-ek mahai
finkoa dutela adierazi du. Hau da, aurrera eraman beharreko proiektuak adosten dituzte.
Garbi dago, talde bakoitzak bere xede esparrua duela, beraz, bakoitzak bere lehentasunak
ditu. Hala eta guztiz ere, elkarlanean oso ondo moldatzen direla adierazi du
elkarrizketatuak. Gainera, mahai hori guztiz konfiantzazkoa dela esan du, harreman
pertsonalak bideratzeko ere balio izan zaiena. Bestalde, aipatutako eragileez gain, beste
hainbatekin ere harreman estua dute. Gainera, gorago azaldu bezala, agenda sortu dute
euskalgintzan dihardutenak (eta nahi duenak, noski) elkarren berri izateko. Azken finean,
elkarte honen ustez, osagarritasuna eta eragileen arteko laguntza ezinbestekoa da.
Ziurrenik, hobetzeko badutela adierazi du, baina horren alde ari direla azpimarratu du.
Bestetik, erakunde publikoekin ere oso harreman zuzena duela esan digu elkarrizketatuak.
GEU elkartea Udaleko Sektore Kontseiluko partaidea da, eta, horretaz gain, harreman
zuzenagoa ere badutela ematen du. Hots, telefono bidezko harreman estua dute; bai
Udaleko Euskara Zerbitzuko kideek baita elkarteak bereak ere, edozein arazo izanik,
elkarrengana jotzeko arazorik ez dute. Hala ere, Udalekoak, askotan, elkarteak eskainitako
laguntza dela eta, konfiantza handia sortu da, eta askotan laguntza eskatzean bestearen
lana oztopatu egiten da. Hala ere, hori oso positibotzat baloratu du; azken batean,
konfiantza izatearen seinale baita. Ordea, AFA-ko Euskara Zerbitzuarekin harremana
baduela esan digu, baina ez udalekoekin bezain bestekoa.
Hala ere, adibide bezala, “Nahi baduzu, euskaraz” merkataritza eta ostalaritzari
zuzendutako proiektua aurrera eraman dute. Udalak ere, bere EBPN-n, jakina, esparru
horretan esku hartzeko egitasmoa gauzatu du. Dakuskigunez, elkarrekin joan zitezkeen
proiektuak dira, baina ez da horrela gertatu. Egia esan, proiektuak ezberdinak dira, baina
xede esparrua berdina izanik ez da lankidetzarik sumatzen.
Laburbilduz, GEU elkartearen helburura euskararen normalizazioa da bere eremu guztietan,
horregatik antolatzen ditu hartzaile ezberdinak izango dituen ekintzak. Izan daiteke
talderen batekin harremanik ez izatea, baina, haien ustez, ez da hori gertatzen.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
33
4.3.2 Gasteizko AEK
Gasteizen lau dira euskaltegi sare nagusiak, horietako bat, noski, aztergai dugun hau; AEK,
hain zuzen ere. Horren eginkizun nagusia, euskaltegia izanik, helduen euskalduntze eta
alfabetatzean eragitea da. Alabaina, normalizaziorako plangintza ere gauzatua du.
Bestalde, AEK nazio mailako erakundea da, eta, bertan erabakitzen dena Gasteizera
ekartzen dute tokiko berezitasunak aintzat hartuta.
Esan bezala, helduen euskalduntzea da euskaltegi sare honen eginkizun nagusia, baina
horretaz gain, euskararen normalizazioaren alde egiten dutena azalduko dut lan honetan,
hori baita nire aztergaia.
Gauzak horrela, hiru ardatz nagusi zehaztu ditu; lehenik, hizkuntzaren ezagutza, bigarrenik,
hizkuntzaren sustapena eta erabilera, eta, hirugarrenik, hizkuntzaren normalizazioan
bultzada eman eta helduen euskalduntze eta alfabetatze alorra hobetzea eta eraginkortzea.
Hala, puto nagusi horiei jarraiki azalduko dut AEK-k daraman lan-ildoa.
Hizkuntzaren ezagutza
Euskararen ezagutza bermatze aldera, AEK-k hiru estrategia zehaztu ditu. Lehenengoa,
Gasteizen euskararen hazkundea lortzea da. Hori gauzatu ahal izateko, euskara ikastaroak
antolatzen dituzte. Gainera, askotan, sektore jakinekin hitzarmenak eginda, horiei
zuzendutako eskolak antolatzen dituzte.
Bigarrena, matrikulazioaren hazkundea eta ikasleen leialtasuna (birmatrikulazia) bultzatzea
da. Horretarako, propaganda egiten dute eta giro atsegina bultzatzen dute.
Hirugarrena, emaitzak hobetzea da; hau da, zertifikazio tasa igotzea. Beraz, herritarren
ezagutza maila igotzea eta erabileran eragiteko asmoz, eskoletan lanketa egitea suposatzen
die.
Hizkuntzaren sustapena eta erabilera
Euskararen sustapena eta erabilera bermatzeko AEK-k Egingo al dugu programa sortu zuen
duela hiru urte. Programa horren baitan, beraz, bi bide jorratzen dituzte. Alde batetik,
eskaintza kulturala, eta, beste alde batetik, eskaintza kultural horren berri emateko sortu
duten bloga (www.egingoaldugu.blogspot.com). Horretaz landa, hiru xede ditu programak.
Gasteizko AEK-ko ikasleen arteko harremana bermatu nahi du elkarren arteko ezagutza
bultzatuta. Horrekin batera, ikasleen ikas prozesuan eta motibazioan eragin nahi du haien
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
34
gustuko diten ekintzak antolaturik. Eta, azkenik, topaketen bitartez, euskaldun eta
euskaldungaien arteko harremana bultzatu nahi du.
Hizkuntzaren normalizazioan bultzada ematea eta helduen euskalduntze alfabetatzearen
alorra hobetzea eta eraginkortzea
Azken helburu honi lotuta, euskalgintzaren arteko koordinazioa ezinbestekoa ikusten dute.
Gorago aipatu bezala, normalizazioari dagokionean, AEK-k gainontzeko herri eragileekin
adostutako estrategiak jorratzen ditu. Izan ere, Gasteizen hizkuntza politika egokia bilatzeko
elkarlana ezinbestekotzat dute, horrela, herri ekimenak, ahots bakar batez, lanketa egiten
du. Bien bitartean, dakigun bezala, helduen euskalduntzea du helburu, eta, esan bezala,
hori eskolen bitartez egiten dute.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
35
AEK-REN IRITZIA EUSKALGINTZAN DAGOEN OSAGARRITASUNAREN INGURUAN
Talde honen ustez, euskararen normalizazioan eragiteko koordinazioa ezinbestekoa da.
Alegia, datu historikoetan azaldu dudan bezala, duela hainbat urte euskalgintzan
diharduten herri eragileak batera lan egiten hasi ziren. Halaber, talde horren iritziz,
bakoitzak, bere lehentasunak zein helburuak direla eta, beharrezkoak ikusten dituen
ekintzak antolatu behar ditu; hala ere, GEUk kudeatzen duen agendaren bitartez, egunak
beti errespetatzen dituzte.
Gauzak horrela, hizkuntza politika egokia lortzeko herri eragileen arteko harremana
ezinbestekoa dela deritzo, eta horretan dihardutela adierazi du elkarrizketatuak.
Esan bezala, Euskaltzaleon Elkargunea osatu zuten, baina arazoak zirela medio, desegin
behar izan zen. Alabaina, elkarlanean dihardute. Mahai finkoa osatu dute, euskalgintzari
lotutako gai guztiak eztabaidatzeko. Edozein gauzetarako babesa edo laguntza ematen
dute, eta, denboraren poderioz, harreman sendo eta onak egitera heldu dira.
Hots, euskalgintzako gainontzeko eragileekin elkarlanean ari dira, batez ere hizkuntza
politika egokiak sortze aldera. Beraz, instituzio publikoei, denek batera, presioa edota
proposamenak egitea komenigarria dela deritzo AEK-k. Hala ere, instituzioekin
konfrontazioak saihestu behar direla uste dute; azken batean, harremanak onak badira,
gauza gehiago lortzeko aukera dutela adierazi du. Aitzitik, presioa egitea ezinbestekotzat jo
dute; hau da, minimo batzuk ezarri behar dira euskararen biziraupena bermatzeko, eta
minimo horiek lortzeko herri ekimenaren presentzia eta horien eskakizunak errespetatzea
ezinbestekoa da.
Ordea, instituzioek eskaintzen dituzten organoak erabakigarriak ez izatearen akatsa aipatu
du. Ondo ikusten du elkargunea egotea, baina erabakiak hartzeko aukerarik ez emateak ez
du egoki ikusten. Azken finean, politikak garrantzia handia hartzen du kontu hauetan, eta
segun eta nor den indarrean dagoen gauza gehiago edo gutxiago egiten dira hizkuntza
politika egoki eta eraginkor baten alde.
Honen ustez, politika eta euskalgintza nahastea ez da erraza, azken batean, guzia horren
menpe dagoelako. Egia esan, euskararen aurkako diskurtsoa izatea gaizki ikusita dago, eta
beraz, gaur egun, Gasteizen, ez da aurkako joerarik ikusten; aitzitik, aldekoa ere ez. Hots,
euskara alde batera uzten da, ez da lantzen. Horrek, beraz, alde onak eta txarrak izan
ditzake. Batetik, ekintzak antolatzeko ez diete eragozpenik jartzen; baina, bestalde, ez dute
inolako erabaki sendorik hartzen eta normalizazioa, bizitza publikoan, batez ere, ez dute
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
36
zabaltzen. Adibidez, prentsan ez da euskarari buruzko berri gehiegirik agertzen, ondorioz
guztiz gutxietsita geratzen da. Hori ez dago instituzio publikoen eskua, soilik; baina,
garrantzia badu.
Honekin batera, Udalak helduen euskalduntzeko plana badu, eta diru-laguntzekin, besteak,
beste, eragile honi laguntza ematen dio.
Beraz, garbi dago gainontzeko herri eragileekin oso harreman onak eta eraginkorrak
dituztela, eta, neurri apalago batean bada ere, instituzio publikoekin ere lanean jarduten
dira.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
37
4.3.3 Gasteizko EHE
Euskal Herrian, duela 30 urte baino gehiago, EHE taldea sortu zen. Talde horrek nazio
mailan eragiten du; baina, tokian tokiko lana ere egiten du. Kasu honetan, Gasteizko taldea
dugu aztergai. Esan beharra dago, talde honen helburua, Euskal Herri osoan zehar, bera
dela; jakina, euskaldun eleanitzez osatutako nazioa. Horretarako, bi lan eragite proposatzen
dituzte: batetik aldaketa politikoa, eta, bestetik, baldintza sozialak bideratzea aldaketa
politikoa gauzatu ahal izateko. Halaber, herri mugimenduko taldea den heinean, egun,
euskarak duen egoera salatu egiten dute, eta, horrekin batera, aldaketa ahalbidetzeko,
alternatibak proposatzen dituzte; beti ere, eragile politikoei dagokie erabakiak hartzea,
alabaina, EHE-ek eztabaidatzen du alderdi horiek dagozkien urratsak eman ditzaten, beraiek
direlako baldintza juridikoak dituztenak.
Gauzak horrela, Gasteizen lehentasunak markatu dituzte taldearen lan ildoan.
Euskaraz Bizi Kanpaina
Euskaraz bizitzea da talde honek egin duen hautua, eta, beraz, bere ildo nagusia markatzen
duena. Duela urte batzuk, Euskaraz Bizi kanpainari hasiera eman zioten. Bertan, uler
dezakegun moduan, bizitzaren alderdi guztiak sartzen dira. Hortaz, hainbat eta hainbat dira
jarduteko esparruak. Gauzak horrela, kanpainaren helburuak eta edukiak laburbiltzen
dituen manifestua kaleratu zuten. Horrekin, aldaketak bultzatu nahi dituzte; alegia,
hausnarketarako baliabidetzat dute. Azken batean, jendeak aldaketaren beharra sentitu
behar du, beraz, horixe litzateke manifestuaren xedea eta eragin esparrua.
Hala, esan bezala, hainbat dira landu edota lantzen dituzten esparruak. Noski, guztiak
dinamika honen baitan kokatzen dira, helburu nagusia euskaraz bizitzea delako beti. Hortaz,
Gasteizen, zenbait arlo lantzen dituzte; esate baterako, hezkuntza, Udal Administrazioa eta
Hizkuntza Politika.
Hezkuntza
Duela urte batzuk, euskaraz bizitzearen alde borrokan jardutearen erabakia hartu zuen EHE-
ek. Hala, hezkuntza puntu estrategiko gisa markatu zuten; azken batean, hori baita
ezagutzaren alde dagoen indargunerik nabarmenena. Hortaz, lehentasun osoa eman diote
alor horri, beste batzuk alde batera utzi gabe. (hizkuntza politika, ordenantzak...)
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
38
Hori aurrera eramateko, ikasturtea bi zatitan banatu dute; alde batetik, irailetik urtarrilera
ikastetxeei nola Hezkuntza sailari interpelazioa egin diete; hots, euskal eskola burujabearen
mesedean, margoketak, kontzentrazioak eta abar burutu dituzte. Beste alde batetik,
urtarriletik aurrera, Gasteizek duen egoeraren berri eman dute ikastetxeetan zein kalean.
Azken horrek helburu aglutinatzailea du, eta hori apirilaren 21ean ospatuko den Euskaraz
Bizitzera Goaz egunean islatu zen. Bestela esanda, edukia zabaltzeko helburua du egun
horrek.
Udal Administrazioa
Esan dudan bezala, gaur egun, hezkuntza da lehentasuna Gasteizko EHE-entzat. Hala ere,
beste arlo asko jorratu dituzte dagoeneko, Udal administrazioa, besteak beste. Alor hori
hauteskunde garaian aztoratu zuten, eta lantzeko orduan, bi bide jorratu zituzten; batetik,
zehar lerroa ireki zuten euskalgintzarekin batera, eta, bestetik, beraien aldetik, alkate
hautagaiek euskaraz ez zekitela ikusita Alkate analfabetorik ez kanpaina diseinatu eta
bultzatu zuten. Alabaina, euskalgintza guztiak osatutako bilguneak egin behar zuen lanean
zentratu ziren. Horrenbestez, Kontseiluak dituen ordenantzak Gasteizen ezartzeko apustua
egin zuten hizkuntza politika eraginkorra dela uste dutelako. Nolanahi ere, edozein udalerri,
berezitasunak berezitasun, euskalduntzen joateko lehenengo pausua da, ondorioz lanketa
hori ezinbestekotzat jotzen zuten. Artean, horrekin lortu izan zena ordenantzen inguruko
eztabaida izan zen baina, inola ere, erabakia hartzea.
Hizkuntza Politika
Atal honetan, arazo larriak ikusten dituzte. Gaur egun dagoen marko politikoak ez du
laguntzen euskara lehenetsitako hizkuntza izatera. Alegia, udalerri erabat euskalduna ez da
konstituzionala; beraz, marko hori aldatzea ezinbestekoa da. Honekin batera, azpimarratzen
dute gauzatu diren aldaketa guztiak herritarren presioak bultzatuta izan dela. Izan ere,
borondate politikoak ere garrantzia handia izango luke alor honetan.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
39
EHE-REN IRITZIA EUSKALGINTZAN DAGOEN OSAGARRITASUNAREN INGURUAN
Eragile honen aburuz, euskalgintzan dihardutenen arteko kohesioa ezinbesteko baldintza
da. Horretarako, harreman dinamika sortzea garrantzitsua ikusten dute. Hala, Euskaltzaleon
Elkargunea izan zena berreskuratzea ona izango litzatekeela adierazi dute. Alabaina, nahiz
eta elkargunerik ez egon harremanak mantendu dira guztiek egindako esfortzuagatik.
Behintzat, puntu komunak aurkitu dituzte, hortaz, beraien helburua gure hori birsortzea
izango litzateke.
Ondoren, duela 30 urte dinamikak aurrera eramateko gauza gehiago antolatzen direla
baieztatu digute EHE-ko kideek. Bestela esan, orain dela 30 urte, jendeak militanteki,
borondatez hutsez lan egiten zuen; baina gaur egun, diru-laguntzak direla eta, gauzak asko
aldatu dira. Hau da, administrazioaren aldetik, diru-laguntzak eskatzea erasotzat hartu izan
dute. Jakina, diru-laguntzen menpe egotera eraman ditu tendentzia horrek, orduan, beste
bide batzuk guztiz baztertuta geratu dira. Poliki-poliki gauzak aldatu dira, erosotasuna
ekarri dute eragileengan, eta, horrek, azken finean, gauza gutxiago bideratzea ekarri du.
Horrekin batera, profesionalismoa eta espezializazioa, ikuspegi horretatik ikusita, kalterako
izan dela nabarmendu dute. Hots, bakoitzak bere lanean espezialista izatea ez dute gaizki
ikusten, baina, gaur egun espezialista dena arlo bakar batera mugatzen da gainontzekoari
jaramonik egin gabe. Beraz, hori onargaitza iruditzen zaie. Guztia aintzat hartu behar da,
eta bakoitzari egokitu zaion alorra landuta, beste batzuk ere jorratu behar dira guztiaren
arteko osotasuna izateko. Gainera, gaur egun, krisi garaian, hori nabarmendu da.
Horrenbestez, zaila da gune komuna izatea eta, are gehiago, hori mantentzea dinamika
baten segidan. Hala ere, esan bezala, EHE GEU eta AEK -rekin bildu izan da modu
egonkorrean. Honekin batera harreman pertsonalei buruz ere hitz egin dute. Azken batean,
segun eta nor dagoen talde bakoitzen funtzionamendu hobea edo okerragoa izango du.
Alabaina, adierazi bezala, herri ekimeneko beste eragileekin harremana mantentzen dutela,
batez ere haien irakurketak kontrastatzeko, eztabaidatzeko eta zenbait ekimen elkarrekin
antolatzeko.
Bestalde, administrazio publikoarekin osagarritasunik eta lankidetzarik ez dutela aipatzekoa
da. Bai Udalak baita AFA-k ere, parte-hartzeko guneak sortu ditu, baina EHE-ren ustez, gaur
egun, ez da euskalgintzak behar duena. Hau da, eztabaidatzeko guneak sortu dituzte, baina
ez dago estrategia politikorik hori bideratzeko. Gainera, batzorde horiek euskalgintzakoak ez
diren beste kide batzuez osatuta daude. Bertan, diru-laguntzei garrantzia gehiegi ematen
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
40
zaiela iruditzen zaie. Horretaz gain, Administrazioak antolatutako gune parte-hartzaileak
erabakigarriak ez izatea salatu dute. Baina alde positiboa ere ikusten diote; hots, eragileek
beraien informazioa elkar trukatu dezakete eta horrekin batera, dauden hizkuntza
proiektuen berri ere izan dezakete.
Gauzak horrela, abiapuntua bizi dugun egoera diglosikoa da. Talde honen iritziz egoera hori
gainditzeko erabakiak hartu behar dira. Hala, hizkuntza gutxitua lehenesten ez bada, nekez
lor daiteke hizkuntza politika eraginkorra. Ondorioz, alderdi politikoek borondatea erakutsi
behar dute, eta eragileak aintzat hartu behar dituzte; azken batean, euskalgintzaren
alorrean aurrerapauso garrantzitsuenak herritik etorri baitira.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
41
4.4. Herri ekimenaren arteko osagarritasuna
Aurretik dagoen atalean ikusi dugun moduan, hemen, aztergai ditudan eragileen arteko
lankidetza eta konfiantza maila oso altua da. Guztiek koordinazioa ezinbestekotzat dute,
eta, gainera, gutxi gorabehera, beraien arteko osagarritasun hori bermatuta dagoela
adierazi dute guztiek. Gorago aipatu bezala, mahai finkoa osatu dute GEU-k AEK-k eta EHE-
ek.
Gauzak horrela, elkarri laguntza eta babesa ematen diote beharrezkoa denean. Adibidez,
Instituzio Publikoetako edozein organotan plangintza edo proposamen bat aurkeztu
aurretik, beraien artean eztabaidatu eta adosten dute. Esan genezake administrazioaren
aurrean kohesioa areagotzen dela. Azken finean, hizkuntza politika eraginkorrak lortzeko
minimo batzuk ezartzea beharrezkoa ikusten dute; hortaz, elkarrekin sortutako
lankidetzaren bitartez, neurri batean, Administrazioari presioa egin diote.
Hala ere, azken auzi honi lotuta, AEK-k eta GEU-k ez dute inolako konfrontaziorik bilatzen
administrazioarekin, hori saihestea nahi delako. Gainera, bi horiek, hein batean,
Administrazioaren lan egiten dute. Honekin batera, GEU elkarteak oso positiboki baloratu
ditu erakunde publikoek sortutako organo parte-hartzaileak, gainontzeko biek ez bezala.
Lehenengoaren iritziz, positiboa da gauzak konpartitzeko esparru bat izatea, eta beste biek
hori ere positiboki baloratu dute. Aitzitik, bi horiek erabakigarria ez izatearen arazoa aipatu
dute behin baino gehiagotan.
Beste alde batetik, Instituzioekin duten lankidetza eta harreman maila oso ezberdina dela
azpimarratuko nuke. Esate baterako, EHE-ren ustez, diru-laguntzak jasotzeak arazoak ekarri
dizkio euskalgintzari. Batetik bakoitza bere zilborrera begira egotera bultzatzen duelako;
eta, bestetik, ekintza gutxiago antolatzeko gaitasuna dagoelako horren ondorioz.
Alabaina, gorago azaldu legez, Erakunde Publikoek eta bi herri eragileek xehe esparru bera
dute. Hau da, GEU-k eta Udaleko Euskara Zerbitzuak, bere plangintzaren baitan,
merkataritza dute; baina ez dituzte uztartzen. Ordea, helduen euskalduntzeari dagokionez,
lankidetza badagoela esango nuke bien artean antolatutako ikastaroei dagokienez
behintzat.
Hala ere, lankidetza handiagoa izan beharko litzatekeela azpimarratu dute hirurek.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
42
5. Ondorioak: nolakoa da osagarritasuna? Aurreko atal guztietan ikusi dugun bezala, inork ez du aipatu osagarritasunik ez dagoela.
Izan ere, orokorrean, gai hori dela eta, elkarrizketatuek nahiko pozik daudela adierazi dute
nahiz eta hobetzeko badagoela aipatu. Beraz, ondoriozta dezakegun moduan, denek uste
dute osagarritasuna beharrezkoa dela; alabaina, talde bakoitzak ikuspuntu ezberdinetik
begiratzen dio kontzeptu horri.
Esate baterako, erakunde publikoek osagarritasuna mahai parte-hartzaileetan ikusten dute
osagarritasunaren gakoa. Horiek garbi daukaten guztien arteko lana beharrezkoa dela
normalizaziorako bidean, hortaz, eztabaida guneak sortu dituzte, bai AFA-k baita Udalak
ere. Hots, helburu horrekin sortu baitira Euskararen Aholku Zerbitzua eta Euskararen
Sektore Kontseilua hurrenez hurren. Hala ere, herri ekimenak ez du nahikoa ikusten. Jakina,
partaidetza bultzatzea positiboki baloratu dute herri ekimeneko elkarrizketatu guztiek;
aitzitik, erabakiak hartzeko gunea ez izatea salatu dute. Bestela esanda, eztabaidatzeko
gunea egotea ezinbestekoa iruditzen zaie; baina, bertan, iritsitako adostasun eta ondorioak
ez dute inolako eraginik erabakitzeko aukerarik ez dutelako. Hori dela eta, alderdi politikoei
erantzukizuna eskatu diete. Hortaz, gorago aipatu bezala, herri ekimeneko kideek erakunde
publikoei, AFA-ri zein Udalari, bat eginda presioa eragitea erabaki zuten indar handiagoa
metatzeko. Azken finean, herri ekimenak eta erakunde publikoek elkar eraginean ari dira
bakoitzak bide ezberdinak hartu arren. Azken batean, amaierako helburua bera da
guztientzat baina bideak ezberdinak. Ondorioz, herri ekimenak beharrezkoak ikusten
dituen pausoak emateko presioa eragiten die, beti ere hizkuntza politika egoki baten alde.
Normalizazioa bidean, ostera, guztiek zeharlerroa irekitzearen alde daude. Hau da, arlo,
talde zein esparruetako elkarreragina izatearen aldekoak dira. Hala ere, elkarrizketatu
bakoitzak azaldu duenaren arabera, zeharkakotasuna modu ezberdinean ulertzen dutela
esan dezaket. Batetik, administrazioak, zeharlerroari berebiziko garrantzia ematen dio,
baina hori bere baitan ikusten du. Hau da, euskararen presentzia AFA-k zein Udalak
jorratzen eta kudeatzen dituzten zerbitzu guztietan euskararen presentzia eta hizkuntza
normalizatzeko ahalegina egoteaz arduratzen dira. Hots, zehar lerroa bere baitan egitea
proposatzen dute. Niri planteamendu hori egokia iruditzan zait. Azken batean
administrazioa euskalduntzeko ezinbestekoa da arlo guztiak EBPN-rekin bat egitea.
Bestetik, herri eragileek beste era batera ulertzen dute kontzeptua; alegia, horiek beraien
arteko elkarreraginean ikusten dute. Denek, alde batera, adosten dituzte normalizazioari
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
43
begira egin beharreko ibilbidea. Orduan, ikus genezakeen moduan, kontzeptu bera
ulertzeko bi modu ezberdin dituzte. Gauzak horrela, eragileek positiboki baloratzen dute
euskara administrazioko zerbitzu guztietan egotea, baina horri lotuta dauden hainbat
proiektu ez eramatea nabarmendu nahi izan dute. Erakunde publikoek ere oso ondo
ikusten dute eragileen arteko zehar lerroa beraien artean egitea, eta, nola ez, horiek
aurrera eramaten duten lana modu horretan eramatea, elkarreraginean, alegia; ezin
hobeto ikusten dute.
Bestalde, lan honen helburua euskalgintzan osagarritasuna eta koordinazioa dagoen
ikustea da. Beraz, talde bakoitzak gai horren inguruan duen iritziari garrantzia handia eman
diot. Gutxi gorabehera, elkarrizketatu guztiak arlo ezberdinen lanketa koordinatuaren
aldekoak dira. Baina, denok dakigun bezala, erabateko osagarritasuna lortzea oso zaila da.
Hala ere, elkarrizketatu gehienek adierazi duten bezala, koordinazioaren alde gehiago egin
zitekeen. Honekin batera, bitxikeria bat gaineratu nahiko nuke. Herri eragileek ez dira bere
burua justifikatzen ibili osagarritasunaren alde hitz egin dugunean; erakunde publikoek,
ordea, bai. Azken hauek behin eta berriz azpimarratu dute oso zaila dela lankidetzan aritzea
beste talde batzuekin. Hortaz, ikuspegi kontrajarriak ikus ditzakegu. Aitzitik, honek, nire
ustez, arrazoi logikoa dauka. Goiko paragrafoan esan dudan legez, administrazioak
zeharkakotasuna bete baitan ikusten du, eta, herri ekimenak, aldiz, ez. Ondorioz,
lehenengoak lan handia dauka barne mailako osagarritasuna lortzen eta, gainera,
lehentasunak markatu behar direnez, zaila da denbora izatea guztia egiteko. Adibidez,
Udaleko euskara zerbitzuak beste zerbitzu batzuekin lanketa bereziak egiten ditu, eta,
normala den moduan, indarrak horretan jarri dituzte. AFA-ko euskara zerbitzua, berriz,
eskualde bakoitzean dauden teknikarien bitartez herri ekimenetik gertuago kokatzen da.
Azken batean, herrietan errazagoa da lankidetzan aritzea elkarte edota eragile gutxiago
daudelako. Bien bitartean, herri eragileek, goian esan dudan moduan, zehar lerroa beraien
artean ikusten dute. Orduan, beraien arteko osagarritasuna bermatuta dago. Alegia, neurri
handi batean kohesioa dute eta lankidetzan aritzen dira; beraien helburu zehatza alde
batera, garrantzitsuena adostasunean lan egitea delako, hain zuzen ere. Hala eta guztiz ere,
bi alderdiak, Administrazio Publikoek eta herri eragileek, bat egiteko guneetan aukerak ere
badaude; administraziotik sortutako eztabaida mahaiak esate baterako. Horiei buruz
azalpenak emanda daudenez, harremanetarako beste bide garrantzitsu bat aipatuko dut.
Gaur egun, diru-laguntzak kudeatzea lehentasuneko ariketa da elkarte batzuentzat, horrela,
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
44
bi blokeen arteko harremanak areagotzen dira. Alabaina, badira horren aurka ageri diren
taldeak, EHE, besteak beste. Talde horren iritziz, diru-laguntzen kudeaketak erabat
baldintzatzen du eragile zein elkartearen jarduna, eta hori ez dute positibotzat hartzen.
Noski, diru kopuru hori, askotan, lagungarria izan daiteke, baina gerta daiteke ezer ez
jasotzea eta planifikatutako ekintzak bertan behera utzi behar izatea. Horregatik, EHE-
entzat diru-laguntzen kudeaketak ez du administrazioarekiko lotutarik eragiten. Hala ere,
gainerako herri eragileek askok jarrera malguagoa du administrazioaren aurrean, batez ere,
kontu hauek direla eta. Orduan, harremana handiagoa dela esango genuke.
Bestela esanda, administrazioak bere barnean eta herri ekimenak berean harreman sendo
eta eraginkorrak dituztela azpimarratuko nuke. Izan ere, gorago, atalez atal azaldutako
iritziek adierazten duten bezala, ekintzak antolatzeko orduan, talde bakoitzak bere
esparruko besteekin kontatzen du; baita proposamenak egiteko ere. Hortaz, nahiz eta
eztabaida mahaiak egon, bi esparruen arteko zubi hori falta dela nabarmenduko nuke.
Horrekin guztiarekin, pertsona edota taldeen arteko harremanek duten garrantzia
azpimarratuko nahiko nuke. Talde bakoitzeko arduradunak zer nolako jarrera duen
bestearekiko berebiziko eragina dauka euskararen aldeko normalizazioko lanean jarduteko.
Horretarako Robert Putnamek Sólo en la bolera: el colapso y resurgimiento de la
comunidad norteamericana (jatorrizko lana 2000koa da, itzulpena 2002koa) liburuan
azaldutako Gizarte Kapitalaren kontzeptua ekarriko dut. Labur azaltzeko, Putnamek Gizarte
Kapital sendoa lortzeko elkarte zein herritarren harreman sare sendoa lortu behar dela dio,
geroago ikusiko dugun bezala. Horretaz gain, parte-hartzaileen arteko konfiantza maila
altua egoteak garrantzia handia duela azpimarratzen du. Beraz, lehenik eta behin nire
aztergai diren taldeen arteko konfiantza mailak aztertuko ditut.
Behin eta berriz errepikatu dut lanean zehar lankidetzak berebiziko garrantzia duela
euskalgintzaren osagarritasunean. Askotan, lankidetza hori aurrera eramatea ez dago
pertsonen esku, erabat. Aitzitik, horiek dira protagonista eta motorra; hortaz, harremanak
nola garatzen dituzten ikusiko dugu:
HARREMAN PERTSONALAK
AFA Udala Geu AEK EHE
AFA --------- Harremana badago,
Harreman estua eta
Dirulaguntzak direla eta
Ez dago harremanik.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
45
konfiantzazkoa. Hala ere ez da behar bezain eraginkorra. Askotan, une berean ekintza antzekoak antolatu dituzte.
konfiantzazkoa edozein gauzetarako.
harremanak garatu dituzte, konfiantzazkoak. Nahiz eta beste alderdi batzuetan lankidetzrek ez egon.
Udala Harreman pertsonal ona, konfiantza badago. Baina, askotan, denbora dela eta ez dute elkarrekin lan egiten. Hala ere bien artean osagarritasuna dagoela ezpimarratu dute
-------------- Konfiantza maila altua. Beraiek sortutako eztabaida mahaietan partehartzea asko eskertzen dute, eta edozer gauzetarako beraiekin kontatzen dute
Ezagutza ikastaroak antolatzeko konfiantza dute. Berriz, normalkuntzaren bidean ez dute bat egiten, baina konfrontaziorik ez dago, eta inork ez du hori bilatzen
Ez dute inolako harremanik, ondorioz, ez dago konfiantzarik. Hala ere, elkar ezagutzen dutela azpimarratu dute, eta pertsonalki arazorik ez dutela nabarmendu dute.
Geu Harreman zuzena dute, konfiantzazkoa, alegia. AFAk eskaintzen dien laguntza asko eskertzen dute.
Lankidetzan aritzen dira zenbait ekintza antolatzeko eta eztabaida mahietan parte aktiboa hartzen dute.
------------------ Konfiantza eta harreman handia dago. Bilerak maiztasunez egiten dituzte eta normalizazioaren bidean eman beharreko urratsak adostu dituzte. Ekintza ugari elkarrekin antolatzen dituzte
Konfiantza eta harreman handia dago. Bilerak maiztasunez egiten dituzte eta normalizazioaren bidean eman beharreko urratsak adostu dituzte.
AEK Dirulaguntzak direla eta harremana gauzatu dute.
Ez dute konfrontaziorik bilatzen eta Udalarekin harreman ona
Harreman estua eta hurbilekoa dute. Konfiantza handia dutela azpimarratu
------------------- Harreman estua eta guztiz konfiantzazkoa dute. Normalizazioare
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
46
Hizkuntza politika eraginkorrak sortu nahian, presioa egiten diote talde honi, konfrontaziorik bilatu gabe.
izaten saiatzen dira. Hala ere, beraiek lanean presioa eragiten dute.
nahi izan dute. Edozein gauzetarako laguntzeko prest daude.
n inguruko erabakiak elkarrekin hartzen dituzte eta ekintza berezi eta garrantzitsuenak elkarrekin edota elkarren laguntzaz osatzen dituztela nabarmendu du.
EHE Ez dago harremanik.
Ez dute konfiantzazko harremanik. Erabaki eraginkorragoak hartu behar dituztela uste dute, eta, horrekin batera, Udalak sortutako eztabaida mahaia erabakikorra ez izatea konfiantza saihestu du.
Konfiantzazko harremana daukate eta elkarrekin hainbat eztabaida egin eta erabaki hartu dituzte.
Harreman pertsonal eta profesionala dute. Ekintza ugari elkarrekin antolatu eta beraien laguntza eta babesa une oro izaten dute.
----------------
Goian dugun taula horretan, ezkerrean ageri diren taldeen iritziak bildu nahi izan ditut. Lan
guztian zehar aipatu ditut harreman mota hauek, baina modu bateratuan ipini nahi nituen
garbiago gera dadin. Beraz, taula horretan bi gauza azpimarratuko nituzke gehien bat.
Batetik, administrazioa eta herri ekimenaren artean mugak badaudela; eta, bestetik, herri
ekimeneko hiru taldeek era ezberdinean garatzen dituela bere harremanak instituzioekin.
Hau da, herri eragileen jarrera ez da berdina instituzioen aurrean, hala ere, bakoitzaren
erabakia errespetatzen dute eta gauza guztiak elkarri kontatzen diote.
Alabaina, esan bezala, harremanen eta konfiantzaren auziak hobeto ulertze aldera,
Putnamen Gizarte Kapitala (2000) kontzeptua ekarriko dut.
Lehenik eta behin, kontzeptu hau James Colemanek asmatu zuela esan behar dut. Gizarte
harremanen baliabideen inguruan hausnartzen du, eta erlazioak zein garrantzitsuak diren
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
47
azpimarratu nahi du edozein lorpen eman ahal izateko. Hemendik abiatuta Putnamek
teoria osatu du, eta baliagarriagoa izango delakoan, beste autore batzuen gainetik
gailenduko dut. Horren aburuz, beste kapitalak bezalaxe, gizarte kapitala oso emankorra da.
Are gehiago, helburu askoren lorpena ahalbidetzen du. Halaber, konfiantza eta lankidetza
bultzatzen du. Batetik, elkarreraginak elkarrekikotasuna bermatzen du, ondorioz, trukea ere
bermatzen du. Bestetik, harremanen egiturak protagonistaren helburuak esfortzu eta kostu
gutxiagorekin lortzea ahalbidetzen du, beraz, ikus dezakegun bezala, etekin handia atera
daiteke lankidetzatik. Azkenik, helburu jakin batzuen inguruan antolatzeak konfiantza
sortzen du eta, modu horretan, gizarte kapitala bidera daiteke. Hala, horrekin guztiarekin
ez du adierazi nahi bakoitzak, bere interesetatik aldendu daitekeenik, hots, norbanakoen
lankidetzaz aurrera egitea da hemen proposatzen den eredua, ez, ordea, komunitatea. Ez
da azken honen ongizatea gailentzen pertsonalaren gainetik.
Beraz, Giza Kapitalaren estatutu teorikoa elkarreragiketan eta interdependentzian datza.
Horrenbestez, elkarrekintzan parte hartzen duten pertsonen arteko egitura sendoa sortzen
da Putnamek dioskun bezala; gainera, horrek kooperazioa eta koordinazioa eskatzen du.
Nolanahi ere, kontzeptua oso egokia da hemen lantzen ari den gaiarentzat. Lanaren
izenburuak dioen bezala, osagarritasuna aztertzea da helburua. Horretan, dakigun bezala,
koordinazio egokia eta lankidetza ezinbestekoa da, eta goian esan dudan legez, bakoitzak,
bere interesetik abiatuta, koordinazioa bilatu behar du lan gutxiagori etekin handiagoa
ateratzeko.
Horretaz gain, Putnamek eragileen arteko lotura bigarren urratsa dela adierazi du.
Aurrerago azalduko digun bezala, protagonisten elkarrekintza loturek ahalbidetzen duten
testuinguruetan gauzatzen dira. Osterantzean, Colemanek (Coleman, James. 1988. “Social
Capital in the Creation of Human Capital”.American Journal of Sociology 94 (eranskinak):
S95-S120) bi arazo ager daitezkeela azpimarratzen du: truke harremanaz ari garenez,
lehenik, truke objektua zein den zehaztu behar da eta, bigarrenik, harreman horiei
iraunkortasuna zerk ematen dion ikusi behar da. Jakina, arazoak honi ez segitzearekin
batera datoz. Hala, behin definizioa eta ohar batzuk ematearekin batera, Gizarte Kapitaleko
edozein egiturak erraztasunak eman dakioke beste horren baitan dagoen beste edozein
egiturari. Horrela, alderdi batzuk garrantzia handia hartu dute; hala nola, betebeharrak,
aukerak, informazio potentziala, arauak, autoritate harremanak eta gizarte antolakuntza
zein internazionala. Beraz, puntu horiekin giza kapitaletik zein fisikotik bereiz dezakegu
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
48
aztergai dugun kontzeptua. Azken bi horiek jabetza pribatua barnebiltzen duten bitartean,
gizarte kapitalak ez du zentzurik ondasun pribatuen kudeaketan. Beraz, pertsona bat
galtzen dugunean gizarte kapitala murrizten zaigu, ez, ordea, ondasun bat galtzen
dugunean.
Hori ikusita, Gasteizko euskalgintzak trukerako objektua zehaztu beharko lukeela
pentsatzen dut. Alegia, denek norabide berean ari dira lanean, baina bakoitzak bere
egituratik eta bere ikuspuntutik. Izan ere, oso ezberdina da herri ekimenak edota
instituzioek osatzen dituzten egiturak eta beraien baliabideak. Orduan, ez litzateke oso zaila
izango objektu hori zehaztea. Nolabait ere, esan bezala, beste alderdi batzuek ere parte
hartzen dute Colemanen (1988) aburuz Gizarte Kapitala jazotzean. Zaila litzateke gaur
egungo euskalgintzak alderdi horiek guztiak betetzea harremanak nahiko korapilatsuak
direlako.
Hori dela eta, Colemanek egindako azterketa alde batera utziko dut, aurrerantzean
Putnamena askoz egokia delako bi gauzengatik. Bederen, bi lerro ezberdin jarraitu dute
autoreek eta azken horrena konfiantzaren eta sareen inguruan sortzen du; lan honetarako,
praktikoki, aproposagoa dena. Bestela esanda, lehenengoak edozein gairako balioko lukeen
bitartean, bigarenarenak eremu murritzagoetan eragin dezake; agi danean, demokraziari
begira eginda dago.
Gauzak horrela, bi galdera planteatzen ditu hasieratik bere teoriaren nondik norakoak
azaltzeko: zergatik da Gizarte Kapitala mesedegarria kooperazioarentzat? Eta, zerk
bermatzen du kooperazio horrek zentzu kolektibo nola indibiduala izatea? Hemendik
abiatuta, erantzuna harremanen gizarte izaeran eta, nola ez, horretan parte hartzen duten
alderdietan ikusi du. Orduan, Putnamen ikuspegia hobeto ulertze aldera, hiru faktore
horiek hona ekarriko ditut.
Lehenik, Gizarte Kapitalaren oinarriak zehazten ditu. Hots, kontzeptua oso garrantzitsua da
bai jendartearentzat, baita norbanakoentzat ere. Jakina, teoria horretan sareek eta
pertsonen arteko loturek eragina daukate norbanakoengan, taldeengan nola
komunitateengan. Alegia, Gizarte Kapitalari dagokio pertsonen arteko loturen ordena
ezartzea; horrela, Putnamek gizarte antolakuntzaren baitan konfiantzak, arauek eta sareek
izan dezaketen protagonismoa azpimarratu du ekintza koordinatuek ekar ditzaketen onurei
buruz ari garenean. Hala ere, konfiantza betidanik lotu izan da emozioekin; aldiz, inplikazio
handia dauka harremanetan. Hobeto esanda, horrek harremanak bideratu eta errazten ditu
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
49
esfortzu gutxiagorekin etekin handiagoa ateratzeko, eta, horrekin batera, loturak
bermatzen ditu besteek izan dezaketen portaera ondorioztatzen lagun dezakeelako. Beraz,
elkarrekikotasuna ezinbestekoa da. Izan ere, lotura estua dago elkarrekikotasuna eta
konfiantzaren artean; halabeharrez, zerbait edo norbaitengan konfiantza jarriz gero,
erantzuna jasotzea espero dugu. Aitzitik, bi motatakoa izan daiteke: orekatua edo
espezifikoa. Lehenengoak, pareko hartzen dugun trukea gauzatzen denean ematen da, eta,
bigarrena, berriz, truke harreman etengabea ezartzen denean; hau da, unean ez da pareko
trukerik jazoko, baina denboran zehar izatea espero da. Bien bitartean, azken horrek onura
handiagoak ekar ditzake harreman luze eta sendoagoak sortzen dituelako. Ondorioz, horrek
norbanakoen arteko kooperazioa suspertzen du bientzat onurak bilatuta; eta, modu
horretan, gizarte konfiantza hazten da. Truke bakoitza unean ordaindu behar ez bada
fidagarritasuna suspertzen da eta gauza gehiago egin daitezke epe luzera. Nolanahi ere,
harremanak bermatzearekin batera, sarea sortzen da; konpromisoak eta beharrek
barnebiltzen dituena, alegia. Azken batean, autoreak dioskun legez, sareek kooperazioaren
mesederako arauak sortzen ditu; nahiz eta batzuetan etekin komunak ateratzea ezinezkoa
izan beste hainbat alderdiengatik.
Hori ikusita, aztergai ditugun taldeen arteko harremanak eta konfiantza mailak Gizarte
Kapitaren baitan ikusteko zailtasunak ditut. Instituzioen artean izan daiteke goian
aipatutako harreman espezifikoa izatea; hala ere, ez nuke esango horrelakoa denik.
Harremana ez da orekatua ez espezifikoa, harremana badute gauza puntualetarako, baina
sarea sortzen saiatu dira nahiz eta AFAko Euskara Zerbitzuko elkarrizketatuaren aburuz
sortu ez. Bestalde, herri ekimenaren artean hobeto ikus dezaket Putnamek azaltzen duen
harreman espezifiko hori. Alegia, beraien artean sarea sortu dute, eta gauza gehienak
elkarri kontatzen dizkiote. Are gehiago, badakite bestearen laguntza edonoiz izango dutela.
Beraz, ondoriozta dezakegu, azaldutako kontzeptuaren bidetik, Gizarte Kapitalak eskaintzen
dituen onurak jasoko dituztela. Harreman sendoa sortu dute, konfiantzazkoa.
Horrenbestez, kooperazioa ere ematen da.
Alderdi biei (Administrazioari eta herri ekimenari) dagokienean, ordea, ez dut horrelako
harremanik ikusten, ez behintzat orokorrean. Herri ekimeneko taldeek jarrera ezberdina
dute instituzioekiko. Hots, batetik, EHE-ek ez du inolako harremanik, bestetik, AEK-k
harreman orekatua izan dezake, nire ustez. Ekintza puntual batean trukea gauzatzen da.
Esan beharra dago ez dela aldi berekoa; alabaina, etengabeko harremanaren aurrean ez
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
50
gaudela garbi ikus daiteke. Ekintza bat beste ekintza batekin trukatzen dute inolako sarerik
sortu gabe. Azkenik, egoera ezberdina dugu. Geu elkarteak harreman sendoagoa gauzatu
du instituzioekin. Diru-laguntzak direla eta, trukea maiztasun handia izan du eta
nolabaiteko harreman sendoa sortu dute. Aitzitik, nire ustez, ez dute sarerik sortu.
Konfiantza badute, baina ez da sarea izateko bestekoa. Trukea ondasunetan oinarritu izan
da gehien bat, orduan, esfortzua eta kooperazioa ez du bultzatu, beraz, Gizarte Kapitalak
barnebiltzen dituen onurak ez dira eman.
Bestetik, bigarren faktore gisa, gizarte konpromisoa ikusi du. Horretarako, lehenik eta
behin, loturen nolakotasunen garrantzia azpimarratu du. Hobeto esanda, bi lotura mota
daude, alde batetik, konfiantzazkoa, erabat sendoa dena, eta beste alde batetik,
esporadikoa, konfiantzazkoa dena baina etengabeko harremanik gauzatzen ez denez lotura
ahula ezartzen duena. Horiek, bada, gauza ezberdinetarako erabil daitezkeela dio, izan ere,
ezinezkoa izango da gauza bera lortzea bata edo bestea erabilita bitarteko gisa. Hala,
Putnamek, kontzeptuaren izaera multiformea eta heterogeneoa dela eta, ezinbestean
kooperazioa areagotuko ez duela aitortu du.
Gauzak horrela, bigarren faktorea azaltzeari ekin dio; azken finean, horretan ikusten du
goian aipatutako arazoaren erantzuna. Beraz, hasteko, nozio horrek erreferentzia egiten dio
komunitateari, ez norbanakoari. Gizarte Kapitala ez da truke hutsa, sare trinkoak behar-
beharrezkoak dira. Trinkotasunak informatzeko eta komunikatzeko eginkizuna dauka.
Bakoitzak eman dezakeena une oro jakin daiteke modu horretan; beraz, horrek, neurri
handi batean, koordinazioarentzat, eta, ondorioz, kooperazioarentzat mesedegarria gerta
daiteke. Hau da, nire iritziz, izaera multiformea eta heterogeneoa izan behar du, baina
aipamen horrekin adierazi nahi diguna oso garrantzitsua da. Jakina, sareko pertsona
bakoitzak zenbat emateko prest dagoen ezagutzea ezinbestekoa da koordinazio egokia
izateko. Hortaz, elkarrekiko ematen den komunikazioak arazoak arintzen ditu. Horrekin
batera, sareen izaera horizontalaren eraginkortasuna ere azpimarratu digu. Esan gabe doa,
egitura horizontalean elkarrekikotasuna oso handia dela; eta, horrek, aldi berean,
konfiantza areagotzen duela kooperazioaren mesederako. Horren gisan, lankidetza
errazagoa eta bideragarriagoa da.
Bederen, hori irakurrita, instituzio publikoek sortutako eztabaida mahaiak datozkit burura.
Talde heterogeneo eta multiformea da, helburu bera dutenak, gainera. Dena dela, ez dira
adostasun batera iritsi. Esan bezala, talde askok beraien artean ez dute konfiantzarik eta ez
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
51
da sarerik existitzen. Alabaina, mahai horietan ez dago izaera horizontalik. Eztabaidatzea
denen aukera da; baina, azkenean erabakia batek bakarrik hartuko du. Horrela, Putnam
aburuz ezinezkoa da kooperazioa sustatzea.
Azkenik, egitura horizontalak dakarren ondorio gisa hirugarren faktorea aurkezten digu,
kooperazioa, alegia. Aurrekoetan ere auzi hori etengabe aipatu du. Jakina da ohiturak
kooperazioa lagunduko duela, baita interesak eta solidaritateak ere. Horrenbestez, arlo
asko jorratu beharko dira kooperazioa izateko.
Ondorioz, lan osoan zehar, eta taulan batez ere, azaldu dudan bezala, ezinezkoa litzateke
Gizarte Kapitalak dakarren onurak izatea hainbat alderdirengatik.
Alde batetik, ez dute konfiantzazko harremanik, eta gaur egungo antolakuntza moldearekin
ezinezkoa da. Talde guztien esfortzua ezinbestekoa da helburu komun hori lortzeko.
Bestalde, gune horizontalak eta erabakigarriak sortzea halabeharrezkoa da. Guztien
kolaborazioa bermatzeko berdintasunean parte hartu beha dute. Horrekin guztiarekin,
jendarte horretan dauden ohiturak ere paper garrantzitsua jokatzen dute. Hori dela eta,
euskalgintzan bertan, eta horren inguruan sarea sortzea lagungarria izan daiteke. Hau da,
taldeen arteko koordinazioa txalotuko duen sarea egoteak motibazioa areagotzen du. Are
gehiago, sare trinko horretatik kanpo dauden iritziak eta ekarpenak jasotzeak, zilegitasuna
emateaz gain, jarraitzeko bultzada eman dezake. Hala, Putnamekin bat nator: gizartea
horren jabe izatea ezinbestekoa da. Egia da ez dela gauza erreza, baina soziolinguistikaren
laguntzaz gauza asko lor daitezke.
Beraz, alderdi hori aztertzeko Iñaki Martínez de Lunak (Martínez de Luna, I. 2012: Euskarak
duen Framing Berri baten premia asetzeko proposamena "Bat Soziolinguistika 85 (argitara
bidean)" ) idatzitako artikuluan oinarrituko naiz.
Artikulu horretan, batik bat, gizarteak euskarari buruz duen iritzia aztertu da. Esan dudan
bezala, oso garrantzitsua da herritarrak euskararen aldeko iritzia izatea. Horrela, Martinez
de Lunak proposatutakoa azalduko dut. Bere iritziz, lotura estua dago iritzi publiko eta
komunikabideek idazten dutenaren artean; azken batean, artikuluan azaltzen den bezala,
jendeak garatzen dituen balorazioak eta iritziak ez dira eraikitzen informazio osoaren
gainean, baizik eta eskura duen informazio murritza baliatuta. Halaber, hizkuntza politika
eraginkorra lortzeko babesa ezinbestekoa dela esan du. Hala, herriaren borondateak eta
konpromisoa lortzeak bideragarria egingo luke.
Azalpenekin hasi aurretik, framinga errealitatearen hautemate eta irudikatzea gidatzen eta
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
52
bideratzen zituen egitura kognitiboa da. Eta euskararen inguruan bi framing egon dira, bat
aldarrikatzailea eta, bestea, uzkurra. Lehenengoari dagokionez, abertzaletasunaren
inguruan sortu zen; bigarrena, berriz, nortasun espainiardunaren baitan. Iritzi kontrajarriak
dira, eta ez du laguntzarik eskaintzen hizkuntza politika eraginkorra geratzeko Martínez de
Lunaren arabera. Hala ere, bi framing horien artean ere pertsona multzo zabala kokatzen
da. Orduan, planteamendu horiek bakar batean lerratzeko dauden aukerak aztertu dira.
Horrenbestez, framing berri baten premia azaldu digu artikuluaren idazleak. Indarrean
dauden bi horiek gainditu behar dira eta herritar gehienek bat egin behar dute beste
framing berriarekin. Izan ere, gehiengoaren oniritzia da bilatu behar dena gure
hizkuntzaren alde egiteko.
Gauzak horrela, hizkuntza ekologiak berebiziko eragina izan dezakeela aipatu da artikuluan,
eta nik ere bat egiten dit iritzi horrekin. Hala ere, kontzeptu horrekin hasi aurretik, Martinez
de Lunaren proposamenaren laburpen txikia idatziko dut.
Euskalgintza, euskararen biziraupenerako, noski, framing aldarrikatzailearen, aldekoaren,
baitan biltzen saiatu da jende guztia autorearen arabera. Alabaina, ez da nahikoa izan;
hortaz, honako hau da planteamendua:
euskararen inguruan dauden bi sentsibilitateak mugiaraztea eta, bi-biak biltzea hizkuntza
horren aldeko elkarlana egin ahal izango duten baldintza berrietara. Horretarako, lau
helburu zehatz ezarri genituen: a) Euskararen mamuak uxatzea; b) Framing Uzkurraren
eragina indargabetzea; c) Euskararen aldekotasuna piztu edota indartzea; d) Euskararen
komunitatea bortizkeria sinbolikotik askatzen hastea eta euskaltzale zintzoak auto-estimua
berreskuratzea. Lau maila horien lanketarako beharrezkoak diren edukiak Framing
Berriaren ardatz nagusitik eratorri beharko dira, gehienbat, baina baita Framing
Aldarrikatzailetik eta Framing Uzkurretik ere. (Martinez de Luna, 2012)
Halaber, hizkuntza eta kultura guztien alde jokatuko luke framing berria, beraz inor ez
legoke baztertuta. Hori bideratzeko, oinarri filosofiko hauek proposatu ditu:
Berdintasunaren Diskurtsoa, Hizkuntzen Iraunkortasuna eta Hizkuntzen Ekologia.
Ondorioz, egina dagoen bidea aintzat hartuta, laburki azaldu dudan asmo berri horrekin
euskararen aldeko iraganaren zein etorkizunaren ulermena eraikitzea; gizartearen,
komunikabidearen eta herri-agintarien agendetan euskara finkatzea eta herritarrak
euskararen aldeko jarduerara bultzatzea bilatu nahi da.
Ikus dezakegunez, aipatutako artikuluan azaldutako egitasmoa garrantzitsua izan daiteke
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
53
hemen egiten den proposamenerako. Hots, Puntamen aburuz, sare sendoa lortzeak
hainbat eta hainbat lorpen ahalbidetuko ditu. Aitzitik, euskalgintzak bat egin behar badu,
sarean dauden iritzi kontrajarriek ere bat egin behar dute hizkuntzaren mesederako. Esan
bezala, urteetan iritzi kontrajarriak izan dira Euskal Herrian euskarari dagokionean, baina
gizarte kapitala trinkoa nahi baldin badugu koordinazioa, elkarlana eta abar sustatzeko,
Martinez de Lunak proposatzen duen framing berri hori ere kontuan hartu behar dugu.
Azken batean, adostasunak bilatzea ez da gauza erreza, baina euskalgintzak saiakera eginez
gero, herriaren erantzuna ere norabide berekoa izatea litzateke egokiena. Nolanahi ere,
jendartearen kontua da; ondorioz, herriarekin landu beharrekoa.
Bestalde, arestian esan bezala, hizkuntza ekologiak garrantzia izan dezake jendearen
jarreran eragiteko.
Egia da, ekologiak zabalpena izan duela duela urte batzuk hona (Uranga, B. (2011).
Hizkuntza-ekologiaz. Hiznet-Hizkuntza Plangintza Graduondoko ikastaroa. UPV-EHU eta
Asmoz Fundazioa. http://hiznet.asmoz.org/ (1.5 irakasgaia).); alegia, ingurugiroa
errespetatzea guztiontzat onuragarria dela badakigu. Hasiera batean, ez zen erreza izan
jendean horren baitan lerrokatzea, baina, gaur egun, ingurugiroarekiko errespetu teoriko
minimoa badagoela esan dezakegu. Esan gabe doa, ekologia zientzia dela. Orduan, badu
aztermodua, ekosistemetan banatuta, alegia. Eremu zehatzei so egiten dio lehenik;
ondoren, eremu horien harremanak aztertzeko. Horren gisan, esparru guztien artean oreka
egotea ezinbestekoa da zientzia horren arabera. Hala eta guztiz ere, harremanak
dinamikoak eta aldakorrak direnez, beste zientzia batzuen laguntza beharrezkoa gerta
daiteke (Uranga. 2011). (Lan honetan jorratzen den gaia ikusita, garbi dago zientzia eta
teoria ezberdinen lanketak laguntza handia eskaini dezakeela.). Bestela esanda, teoria
horren arabera, harremanak oso garrantzitsuak dira; ondorioz harremanik ez belago
ezinezkoa izango litzateke ekosistema bat mantentzea. Beraz, aniztasunaren garrantzia
azpimarratzen da etengabe.
Gure eremura ekarrita, hizkuntza ekologiak hizkuntzen eta ingurumenaren arteko
harremanak aztertu eta deskribatzen ditu. Horrekin batera, Calvet hizkuntzalariak dioskun
bezala (Calvet, Louis-Jean 1999: “Pour une écologie des langues du monde”. Plon. Paris.),
hizkuntzak betetzen dituen funtzioak, transmisioa nola egiten den, hiztun kopurua
zenbatekoa den eta hizkuntza errepresentazioak kontuan hartzen ditu. Hala, modu
orokorrean hartuta, zaila izan daiteke era praktiko batean ulertzea. Beraz, ikerlarien artean
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
54
dauden bi adiera nagusiak aipatuko ditut, laburki bada ere. Batetik, hizkuntzen bere
ingurunearekin duten harreman ekologikoa daukagu, eta, bestetik, eremu zehatz batean,
ukipen-egoeran dauden hizkuntza desberdinen arteko harreman ekologikoak. Urangaren
(2011) arabera, aditu batzuen ustez, egoera kontrajarrian egon daitezke bi adiera horiek;
aitzitik, beste askorentzat, ordea, osagarriak izan daitezke. Idazleak bere burua bigarren
ardatzaren baitan kokatzen du eta bat nator bere hausnarketarekin. Hots, hizkuntza batek
bere ingurunean sortzen dituen harremanek eragin zuzena izan dezakete hizkuntza horren
biziraupenean, esate baterako; baita hizkuntza horrek beste batzuekin dituen harremanak
ere.
Adibidez, euskarak, bere ingurunean, ez ditu oso harreman egokiak izan hizkuntzaren
biziraupenerako, orokorrean. Hiztun komunitatea erabat zatituta egon da, eta oraindik ere
zatituta jarraitzen du. Gainera, kasu askotan, euskarak ez du hiztun talde horren identitatea
bermatu komunitatearen batasuna oztopatuta mantendurik. Horretaz gain, gogoratu nahi
dut, hizkuntza idatzia oso urria izan dela ondoko hizkuntzekin alderatuta; hau da, kulturatik
at egon da, ondorioz, ez du prestigio handirik izan. Hortaz, euskararen ekosistema ez da oso
ona izan.
Ukipen-egoeran dauden hizkuntzekin ere ez ditu harreman naturalak izan beraien menpe
egon delako. Hori dela eta, euskarak ezin izan du erabilera esparru guztietara zabaldu, ezta
funtzio guztiak bete ere.
Hori aintzat hartuta, goian aipatutako adiera horiek elkarrekin joan daitezke. Hizkuntza
baten ingurunean barneko harremana txarra bada, beste hizkuntzekin ere ez du oso
harreman ona garatuko.
Egia da, oro har, oso egoera larrian aurkitzen direla hainbat hizkuntza gaur egun. Joera
homogeneizatzailearen ondorioz, askoren transmisioa eten egin da galtzeko joera
areagotuz. Beraz, edozein hizkuntzaren galera txarra da gainontzekoentzat; azken finean,
aniztasuna galtzeak, hizkuntza gehiago desagertzea ekar dezake, eta, horrekin batera,
kultur aniztasuna.
Orduan, hizkuntza ekologiaren laguntzarekin hizkuntza guztien biziraupena bermatu nahi
da. Halaber, jendartea horren jabe bada, hizkuntzekiko errespetua izango du, eta, nolanahi
ere, tokian tokiko hizkuntzaren erabileraren alde egingo du, ondoan dauden hizkuntzekiko
harremanak deuseztatu gabe.
Beraz, pertsona guztien baitan ideia hori ezartzen bada, errazagoa izango litzateke
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
55
Putnamek aipatzen duen sarea lortzea eta Martinez de Lunak sortu duen framing berri
horren alde egitea.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
56
6. Azken hitza Duela urte asko, administrazioaren eta herri-ekimenaren arteko harremanik ez da eman,
are gutxiago ideologia ezberdinen arteko elkarlana. Alabaina, badira kasu batzuk lortu izan
dutenak. Egia da XX. mendean eten nabarmena gertatu zela bi alderdi horien artean
(Arruti, Iñaki. (2011). Euskalgintzaren nondik norakoak. Hiznet-Hizkuntza Plangintza
Graduondoko ikastaroa. UPV-EHU eta Asmoz Fundazioa. http://hiznet.asmoz.org/ (3.5
irakasgaia), horren ondorioz, inkomunikazioa oso handia izan zen. izan ere, desadostasunak
handiak ziren eta, bakoitzak bere bidea egin zuen. Aitzitik, euskalgintza zulo horretatik
atera behar zen, eta zenbait faktorek eraginda gauzatzen hasi zen aro berri bati hasiera
emanik. Hala ere, zenbait arazo edo oztopo direla eta, ez zen behar bezala eman.
Bestalde, Arrutik dioskun legez, euskararen aldeko mugimendua Mugimendu sozial Berri
bezala definituko genuke. Alegia, gizabanakoak historiaren lekuko soila izateaz gain,
historia horren subjektu protagonista da eta izan nahi du. Horrenbestez, identitateak
garrantzia du, klase sozialak alde batera utzita. Halaber, izaera defentsiboa du
mugimenduak eta politikaren erantzukizuna nabarmendu du. Gainera, antolakuntza maila
altuaren bidez parte hartzeko modu ez-konbentzionalak garatu dituzte errotikako aldaketa
bultzatuta.
Gauzak horrela, Gasteizko testuinguruan kokatuta (EAEko testuinguruan, oro har),
mugimendu horietan “militantzia” askoz txikiagoa da; hots, profesionalagoak dira. Orduan,
gaur egun, etengabe azaldu dudan bezala, elkarlana ezinbestekoa da. Bakoitzak, duen
eginkizuna ahaztu gabe, elkarlana bideratzeko pausuak eman behar ditu mugimendu hori
ahalik eta zabalena zein eraginkorrena izateko.
Jakina da hizkuntza baten normalizazioa ez dela berez gertatzen. Pauso kontzienteak eman
behar dira horretarako. Esan gabe doa, hiztun komunitateak edo sareak, Putnamen
definizioari jarraiki, eman behar dituela urratsak baina eragileek nola Administrazio
Publikoak erantzukizun handia dute. Azken batean, beraiek dira jendartea horren baitan
lerroka dezaketenak.
Ondorioz, goian aipatutako irtenbidea egokia litzatekeela iruditzen zait. Alegia, herriaren
babesa eta parte-hartzea bilatu behar da; beti ere, mugimendu antolatu baten barruan.
Hortaz, Putnamek proposatutako gizarte kapitala abiapuntu hartuta, eta herriaren
formakuntzaz lagundurik, sare sendo eta trinkoa lor daitekeela pentsatzen dut. Hori bai,
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
57
talde bakoitzak bere eginkizun, betebehar eta nortasuna alde batera utzi gabe. Azken
batean mugimendu heterogeneo baten beharra dago, uztargarria dena, noski.
Gasteizko erakunde publikoen eta herri ekimenaren Leire Lopez-Gil Peciña
arteko osagarritasuna euskalgintzan Hizkuntza plangintza graduondoa; 2012
58
7. Bibliografia
Arruti, I. (2011). Euskalgintzaren nondik norakoak. Hiznet-Hizkuntza Plangintza
Graduondoko ikastaroa. UPV-EHU eta Asmoz Fundazioa. http://hiznet.asmoz.org/ (3.5
irakasgaia).
Calvet, L.-J. 1999: “Pour une écologie des langues du monde”. Plon. Paris.
Coleman, J. 1988. “Social Capital in the Creation of Human Capital”. American
Journal of Sociology 94 (eranskinak): S95-S120.
Martínez de Luna, I. 2007: “Euskararen Kale-Erabilera Araban: 1989-2006”. Bat
Soziolinguistika 64 (61-71).
Martínez de Luna, I. 2012: “Euskarak duen Framing Berri baten premia asetzeko
proposamena”. Bat Soziolinguistika 85 (argitara bidean).
Putnam, R. (2002). Sólo en la bolera: el colapso y resurgimiento de la comunidad
norteamericana. Barcelona. Galaxia Gutenberg : Círculo de Lectores.
Uranga, B. (2011). Hizkuntza-ekologiaz. Hiznet-Hizkuntza Plangintza Graduondoko
ikastaroa. UPV-EHU eta Asmoz Fundazioa. http://hiznet.asmoz.org/ (1.5 irakasgaia).