ზოგადი უნარების ტესტი...1 ზოგადი...

1

ზოგადი უნარების ტესტი

ტესტი შედგება ორი - ვერბალური და მათემატიკური - ნაწილისგან.

ვერბალური ნაწილი 30 დავალებას ხოლო მათემატიკური ნაწილი 20 დავალებას შეიცავს.

ყოველ დავალებას ახლავს ოთხი ან ხუთი სავარაუდო პასუხი, რომელთაგან მხოლოდ ერთია

სწორი.

ტესტის თითოეულ ნაწილზე სამუშაოდ გეძლევათ 55 წუთი.

ყურადღებით წაიკითხეთ თითოეული დავალების ინსტრუქცია, კარგად გაიაზრეთ, რა

მოგეთხოვებათ დავალების შესრულებისას, და შემდეგ აირჩიეთ პასუხი.

ტესტის მაქსიმალური ქულაა 50

გამსვლელი მინიმალური ქულაა 17

2

ვერბალური ნაწილი

ანალოგიები

ამ სახის დავალებებში მოცემულია მუქი შრიფტით გამოკვეთილი ორი სიტყვა (საწყისი

წყვილი), რომელთა მნიშვნელობებს შორის არსებობს გარკვეული მიმართება. მათ გასწვრივ

მოცემულია სიტყვა, რომელსაც სავარაუდო პასუხებიდან უნდა შევუსაბამოთ ერთ-ერთი

ვარიანტი ისე, რომ სიტყვათა მნიშვნელობებს შორის მიმართება საწყის წყვილში არსებული

მიმართების მსგავსი (ანალოგიური) იყოს.

1.სიმბოლო : აღნიშვნა ტაბუ :

(ა) დაცვა

(ბ) დასჯა

(გ) დაწესება

(დ) დარღვევა

(ე) აკრძალვა

2. წისქვილის ბორბალი : წყალი პროპელერი :

(ა) ვერტმფრენი

(ბ) აპარატი

(გ) ძრავა

(დ) ფრთა

(ე) საჭე

3. ჭვავის ყანა : თავთავი ფიჭვნარი :

(ა) ხე

(ბ) ტყე

(გ) წიწვი

(დ) გირჩა

(ე) თესლი

4. ყაიმი : დასასრული ვეტო :

(ა) გაბათილება

(ბ) ნებართვა

(გ) უფლება

(დ) აკრძალვა

(ე) დაძლევა

3

5. იეროგლიფები : სიმბოლური ნიშნები მასშტაბი :

(ა) შეფარდება

(ბ) მანძილი

(გ) საზომი

(დ) სიგრძე

(ე) რიცხვი

6. მომცრო : უმცირესი უკეთესი :

(ა) კარგი

(ბ) უმჯობესი

(გ) სანიმუშო

(დ) უპირატესი

(ე) საუკეთესო

წაკითხული ტექსტის გააზრება

ყურადღებით წაიკითხეთ და გაიაზრეთ ტექსტი. თითოეული შეკითხვის სავარაუდო პასუხებიდან

აირჩიეთ ის ვარიანტი, რომელიც მართებულია მოცემული ტექსტის მიხედვით.

ახალი ზელანდია, ქვეყანა, რომელიც გაშენებულია ორ დიდ კუნძულზე, ბუნების

მრავალფეროვნებით გამოირჩევა. იქ შემორჩენილია სხვაგან უკვე დიდი ხნის წინ

გადაშენებული გვიმრის უძველესი ტყეები. მყინვარები მთებიდან დაბლობამდე – პირდაპირ

ცხელი გეიზერების შადრევნებამდე – აღწევს. ოდესღაც, ამ კუნძულებზე ადამიანის

გამოჩენამდე, ახალი ზელანდია ფრინველთა „ნაკრძალი“ იყო. აქ ოთხფეხა მტაცებლის

კვალსაც ვერ აღმოაჩენდით.

ახალზელანდიური ფრინველების ბევრმა სახეობამ უშფოთველი ცხოვრების

მრავალსაუკუნოვანი ისტორიის მანძილზე დაკარგა ფრენის უნარი. ზოგი კი სამუდამოდ

დაემშვიდობა ფრთებს. ახალი ზელანდიის მთებში და ველებზე ბინადრობს კუნძულის

არაოფიციალური სიმბოლო – კივი, უფრთო ფრინველი, რომლის ბუმბული ბეწვს

მოგვაგონებს, გრძელი ნისკარტი კი ბუსუსებითაა დაფარული. მას ევოლუციის პროცესში სხვა

ფრინველებისაგან განმასხვავებელი კიდევ ერთი უცნაურობა განუვითარდა – ნესტოები

ნისკარტის წვეროზე აქვს განლაგებული. კივი ღამის ბინადარია, საკვების მოძიებას

(ძირითადად ფოთლებსა და მიწაში) იგი მხოლოდ დაბინდებისას იწყებს. კუნძულებზე

ბინადრობდა, აგრეთვე, უფრთო წერო და დღესაც ბინადრობს უცნაური თუთიყუში კაკაპო,

რომელიც დღისით სოროში იმალება და მხოლოდ ღამით გამოდის მიწის ზედაპირზე. მას აქვს

ფრთები, მაგრამ არ აქვს „ძრავა“ – ფრენისთვის საჭირო კუნთები. ამიტომ მას მხოლოდ

ზევიდან ქვემოთ შეუძლია ფრენა.

ფრინველთა ამ სამყაროს ყველაზე გამოჩენილ წარმომადგენლად მიიჩნეოდა მოა,

დიდი ზომის, მოუქნელი ფრინველი, რომელსაც რუდიმენტული ფრთებიც არ შერჩენოდა,

4

თუმცა, ჰქონდა ღონიერი, მასიური ფეხები. ბოლოდროინდელი კვლევების თანახმად,

პოპულაციაში დედალი მოას რაოდენობა სჭარბობდა მამლებისას. შეიძლება ითქვას, რომ მათ

ფრინველთა ერთგვარი მატრიარქატი ჰქონდათ – დედლები, რომლებიც უფრო დიდი ზომისა

იყვნენ, აგრესიულ ტერიტორიულ პოლიტიკას ეწეოდნენ და მამლებს საკვებით მდიდარი

ადგილებიდან აძევებდნენ. ამ ფრინველის ერთადერთი ბუნებრივი მტერი გიგანტური

ახალზელანდიური არწივი იყო, რომელიც დღეს უკვე გადაშენებულია. კუნძულებზე

მაორების (ასე უწოდებენ ახალი ზელანდიის მოსახლეობას) დასახლებიდან სულ ორიოდე

საუკუნეში – სავარაუდოდ, მე-15 საუკუნეში – მოა მთლიანად ამოწყდა. კუნძულების

მოსახლეობის რაოდენობა იმ დროისთვის ძალზე მცირე იყო – ორი ათასს არ აღემატებოდა.

მოას გადაშენებაში „დიდი წვლილი შეიტანეს“ ძაღლებმა და ვირთხებმაც, რომლებიც

ახალმოსახლეებს ჩამოჰყვნენ.

მეცნიერები ამ უჩვეულო ფრინველით მე-19 საუკუნეში დაინტერესდნენ. ცოცხალი

მოას აღმოჩენის იმედით მოეწყო რამდენიმე ექსპედიცია კუნძულების ყველაზე ძნელად

მისადგომ ადგილებში. მოას პირველი მკვლევარი გახლდათ პალეონტოლოგი რიჩარდ ოუენი.

სწორედ მან დაამტკიცა, რომ 1839 წელს ახალ ზელანდიაში აღმოჩენილი ძვალი უზარმაზარ

ფრინველს ეკუთვნოდა და არა ხარს, როგორც თავდაპირველად ეგონათ. ოუენმა სიცოცხლის

45 წელი მიუძღვნა ამ ფრინველების შესწავლას. მან მოას რამდენიმე სახეობა აღწერა,

შეისწავლა ათასზე მეტი ძვალი და კვერცხის ნაჭუჭი, მუზეუმების შეკვეთით დაამზადა მისი

რამდენიმე ჩონჩხი.

მეცნიერთა ინტერესს აღვივებდა თვითმხილველთა ცნობები, რომლებმაც თითქოს

ნახეს ცოცხალი მოა. იტყობინებოდნენ, რომ ზელანდიის ერთ-ერთ კუნძულზე სელაპებზე

მონადირეები დააფრთხეს უზარმაზარმა ფრინველებმა, რომლებიც ტყიდან სანაპიროზე

გამოცვივდნენ. 1860 წელს მიწისმზომლებმა გიგანტური ფრინველის ნაფეხურები შეამჩნიეს.

კვალი კლდეებს შორის ბარდებში იკარგებოდა. ამ ადგილებში უამრავი გამოქვაბულია.

სწორედ იქ იმალებიან მოას უკანასკნელი წარმომადგენლები, – დაასკვნეს მიწისმზომლებმა.

ზოგიერთი ოპტიმისტი ზოოლოგი დღესაც არ კარგავს იმედს, რომ ზელანდიის მიუვალ

ტყეებში აღმოაჩენს მოას. მაგრამ ჯერჯერობით ყველა მცდელობა უშედეგო აღმოჩნდა. ალბათ

მოას კვალი ტყეში და გამოქვაბულებში აღარ უნდა ვეძებოთ – ისინი გადაშენდნენ, თუმცა,

მაორებს ჯერ კიდევ სჯერათ, რომ ბაკაპუნაკას მთაზე იმალება ერთი გადარჩენილი მოა.

7. რა მიმართებაა ტექსტის I და II აბზაცებს შორის?

(ა) I აბზაცში საუბარია იმ თავისებურების განმაპირობებელი გარემოების შესახებ, რომელიც

საერთოა II აბზაცში ნახსენები ყველა ფრინველისთვის.

(ბ) I და II აბზაცებში წარმოდგენილია ახალი ზელანდიის თავისებურების ორი

განსხვავებული ასპექტი.

(გ) I და II აბზაცებში მოცემულია ახალი ზელანდიის კუნძულების ბუნების დეტალური

დახასიათება.

(დ) II აბზაცში განზოგადებული სახით გადმოცემულია I აბზაცის ძირითადი შინაარსი.

5

8. რამ განაპირობა კივის ის უცნაურობა, რომელიც მას კუნძულის ბინადარი სხვა

ფრინველებისგან განასხვავებს?

(ა) მას ძალზე გრძელი ნისკარტი აქვს და სავსებით ბუნებრივია, რომ მისი ნესტოების

ადგილმდებარეობა შეიცვალა.

(ბ) მას ფრენა არ შეუძლია, ამიტომ მტრების მოგერიებას მხოლოდ ნისკარტით ახერხებს.

(გ) კივის მხოლოდ ყნოსვით შეუძლია მიაგნოს საკვებს, რომლის სპეციფიკურმა

ადგილმდებარეობამ განაპირობა მისი ნისკარტის თავისებურება.

(დ) კივის სხეული ბეწვით, ხოლო ნისკარტი ბუსუსებითაა დაფარული, ეს კი მას, როგორც

ღამის ბინადარს, სიცივისგან დასაცავად სჭირდება.

9. ქვემოთ ჩამოთვლილთაგან რომელშია ყველაზე ზუსტად ასახული მოას გადაშენების

ძირითადი მიზეზი?

(ა) მოას არ ჰყავდა ბევრი ბუნებრივი მტერი, ამიტომ ის ძალზე სწრაფად მრავლდებოდა,

რითაც მიიზიდა ახალმოსახლეთა და მათ მიერ ჩამოყვანილი ცხოველების ყურადღება.

(ბ) დედალი მოას აგრესიული მოქმედებების გამო მამლები, რომლებიც საკვების ნაკლებობას

განიცდიდნენ, თანდათან ამოწყდნენ, რამაც შემდეგ ფრინველთა ამ სახეობის გადაშენება

განაპირობა.

(გ) მიუხედავად იმისა, რომ მოას ბევრი ბუნებრივი მტერი არ ჰყავდა, მას ერჩოდა ძალზე

საშიში მტაცებელი – არწივი, რომლისგან თავის დაღწევა არ შეეძლო ფრთების არქონის გამო.

(დ) მოამ მრავალსაუკუნოვანი უშფოთველი არსებობის განმავლობაში დაკარგა ისეთი

უნარები, რომლებიც დაეხმარებოდა მას ახალ საფრთხეებთან გამკლავებაში.

10. IV-V აბზაცების თანახმად, მეცნიერთა მხრიდან მოასადმი ინტერესის გამოვლენა არ იყო

განპირობებული იმით, რომ:

(ა) მოა ეგზოტიკური ფრინველი იყო, რომლის სხვადასხვა სახეობის შესწავლა და

კლასიფიკაცია მეცნიერებისათვის ძალზე მნიშვნელოვანი იყო.

(ბ) საჭირო იყო კუნძულების მოსახლეობის შემზადება ამ უზარმაზარი ფრინველის

მოულოდნელი გამოჩენისათვის.

(გ) მნიშვნელოვანი იყო გიგანტური ფრინველის აგებულების, მისი მორფოლოგიისა და

ცხოვრების წესის შესწავლა.

(დ) არსებობდა მოასნაირთა ოჯახის გადარჩენილი წარმომადგენლის აღმოჩენის იმედი.

6

11. ავსტრალიელი მეცნიერი რექს გილროი დარწმუნებულია, რომ ცოცხალი მოა (მართალია,

არა გიგანტური, არამედ ბუჩქნარის პატარა მოა) დღესაც ბინადრობს ახალი ზელანდიის

ჩრდილოეთ კუნძულის ყველაზე მიუვალ ადგილებში. მისი მტკიცებით, მან აღმოაჩინა 35

ფრინველის ნაფეხური. სკეპტიკოსები ამ ინფორმაციას ირონიით აღიქვამენ, რადგან, მათი

აზრით, მოა უკვე დიდი ხნის წინ გადაშენდა. რა მიმართებაა მოცემულ ინფორმაციასა და

ტექსტის ბოლო აბზაცის ძირითად შინაარსს შორის?

(ა) მოცემული ინფორმაცია და ტექსტის ბოლო აბზაცში წარმოდგენილი მოსაზრებები მსგავსი

შინაარსისაა.

(ბ) მოცემული ინფორმაცია ტექსტის ბოლო აბზაცის საფუძველზე გამოტანილ დასკვნას, მის

შეჯამებას წარმოადგენს.

(გ) მოცემული ინფორმაცია ეჭვის ქვეშ აყენებს ტექსტის ბოლო აბზაცში წარმოდგენილ

მოსაზრებებს.

(დ) მოცემული ინფორმაცია ტექსტის ბოლო აბზაცის საწინააღმდეგო აზრს შეიცავს.

12. ტექსტის მთავარი მიზანია:

(ა) ახალი ზელანდიის კუნძულების მაგალითზე გვიჩვენოს, რამდენად მრავალფეროვანი

შეიძლება იყოს ველური ბუნება.

(ბ) ახალი ზელანდიის ბინადარ ფრინველთა მაგალითზე გვიჩვენოს, რა ცვლილებებს

განიცდის ველური ბუნება სხვადასხვა ფაქტორის ზემოქმედებით.

(გ) მეცნიერთა ბოლოდროინდელი აღმოჩენების მაგალითზე დაგვანახოს, რამდენი

საიდუმლოს ამოხსნაა შესაძლებელი ნამარხების შესწავლით.

(დ) გადაშენებულად მიჩნეული სხვადასხვა სახეობის მაგალითზე დაგვანახოს, რამდენად

მნიშვნელოვანია მეცნიერული შეუპოვრობა ახალი აღმოჩენების გასაკეთებლად.

7

ანალოგიები

ამ სახის დავალებებში მოცემულია მუქი შრიფტით გამოკვეთილი ორი სიტყვა (საწყისი წყვილი),

რომელთა მნიშვნელობებს შორის არსებობს გარკვეული მიმართება. დაადგინეთ, რა სახისაა ეს მიმართება.

სავარაუდო პასუხთა ყოველ ვარიანტში ასევე მოცემულია მნიშვნელობით ურთიერთდაკავშირებული

სიტყვების წყვილი. აირჩიეთ მათგან ის წყვილი, რომელშიც სიტყვათა მნიშვნელობებს შორის მიმართება საწყის

წყვილში არსებული მიმართების მსგავსია (ანალოგიურია). პასუხის არჩევისას გაითვალისწინეთ წყვილებში

სიტყვათა თანმიმდევრობა.

13. ჩააგდებს : ჩავარდება

(ა) გააბრაზებს : გაუბრაზდება

(ბ) მოისურვებს : მოუნდება

(გ) აღიარებს : გამოტყდება

(დ) გაიხარებს : გაუხარდება

(ე) გატეხს : გატყდება

14. ბიომრავალფეროვნება : ნაკრძალი

(ა) მემკვიდრეობა : გენეალოგია

(ბ) მწერლობა : გამომცემლობა

(გ) მეურნეობა : პროდუქცია

(დ) დოკუმენტაცია : არქივი

(ე) ადაპტაცია : გარემო

15. პროექტი : ნაგებობა

(ა) ფრაზა : გამონათქვამი

(ბ) ცნება : მნიშვნელობა

(გ) შესავალი : ფინალი

(დ) ტექსტი : აბზაცი

(ე) ამბავი : ნოველა

8

16. ორთქლი : აორთქლება

(ა) ფურცელი : გადაფურცვლა

(ბ) სიტყვა : მეტყველება

(გ) კანონი : დაკანონება

(დ) რიცხვი : აღრიცხვა

(ე) წებო : დაწებება

17. ფილმი გადაიღო : ფირი

(ა) ფრესკა დახატა : კედელი

(ბ) გარემოს შეეგუა : სახეობა

(გ) სპექტაკლი დადგა : სცენარი

(დ) ამბოხება მოაწყო : ბარიკადი

(ე) დისონანსი შეიტანა : კონფლიქტი

18. დარგო : დანერგა

(ა) იცნო : ამოიცნო

(ბ) იხილა : განიხილა

(გ) მოკაზმა : შეკაზმა

(დ) დანაღმა : განაღმა

(ე) დააკვირდა : გაუკვირდა

9

ლოგიკა

ამ სახის დავალებები განსხვავდება ერთმანეთისგან წინასწარი მონაცემებისა და გამოსატანი დასკვნების

თვალსაზრისით. ამიტომ განსაკუთრებული ყურადღება მიაქციეთ შეკითხვას, რომელიც ახლავს თითოეულ

დავალებას, და მოცემული ვარიანტებიდან აირჩიეთ შესაბამისი პასუხი.

ზოგიერთ შეკითხვაზე პასუხის გაცემას გაგიადვილებთ მონაცემების გამოსახვა ნახაზის ან დიაგრამის

ფორმით.

19. მოცემულია სამი წინადადება:

I. მხოლოდ ჩრდილოეთ პოლუსთან ბინადრობენ თეთრი დათვები.

II. ჩრდილოეთ პოლუსთან გავრცელებული ყველა სიცოცხლის ფორმა კარგადაა

ადაპტირებული დაბალი ტემპერატურის პირობებთან.

III. დათვის სახეობებს შორის მხოლოდ თეთრი დათვია ადაპტირებული დაბალი

ტემპერატურის პირობებთან.

III წინადადება:

(ა) გამომდინარეობს I წინადადებიდან II-ისგან დამოუკიდებლად.

(ბ) გამომდინარეობს II წინადადებიდან I-ისგან დამოუკიდებლად.

(გ) გამომდინარეობს I და II წინადადებებიდან ერთად, თუმცა, არ გამომდინარეობს არც ერთი

მათგანიდან დამოუკიდებლად.

(დ) გამომდინარეობს როგორც I, ისე II წინადადებიდან დამოუკიდებლად.

(ე) არ გამომდინარეობს მოცემული წინადადებებიდან.

20. მოცემულია:

• ჩემს ბიბლიოთეკაში არის წიგნები, რომლებიც ჯერ არ წამიკითხავს.

• ჩემს ბიბლიოთეკაში არსებული ყველა წიგნი მე თვითონ მაქვს შეძენილი.

ქვემოთ ჩამოთვლილთაგან რომელია აუცილებლად ჭეშმარიტი, თუ მოცემული დებულებები

ჭეშმარიტია?

(ა) ჩემს ბიბლიოთეკაში არსებული ზოგიერთი წიგნი უკვე წაკითხული მაქვს.

(ბ) ჩემ მიერ წაკითხული წიგნებიდან ერთი მაინც არის ჩემს ბიბლიოთეკაში.

(გ) ჩემ მიერ წაკითხული წიგნებიდან ერთი მაინც არ შემიძენია მე თვითონ.

(დ) ჩემ მიერ შეძენილი წიგნებიდან ერთი მაინც არ მაქვს წაკითხული.

(ე) ჩემ მიერ შეძენილი წიგნებიდან ერთი მაინც მაქვს წაკითხული.

10

21. ფიქრობენ, რომ რამდენადაც ევოლუციის პროცესში ზებრას შავ-თეთრი ზოლები

ჩამოუყალიბდა, ამ ნიშანს გარკვეული მნიშვნელობა უნდა ჰქონდეს შეგუებისთვის.

მკვლევართა ჯგუფმა ექსპერიმენტები ჩაატარა ზოლებიანი და ერთი ფერით შეღებილი

ზედაპირების გამოყენებით; აღმოჩნდა, რომ ზოგიერთი პარაზიტი მწერი თავს არიდებს

ზოლებიან ზედაპირზე დაჯდომას. ამის საფუძველზე მკვლევრებმა ივარაუდეს, რომ

შავთეთრი ზოლები ზებრას იმიტომ ჩამოუყალიბდა, რომ ეს მას პარაზიტი მწერებისაგან იცავს.

ქვემოთ ჩამოთვლილთაგან ყველაზე მეტად რომელი ვითარება განამტკიცებდა მკვლევართა

აღნიშნულ ვარაუდს?

(ა) ცხენისებრთა ოჯახის (რომელსაც ზებრა მიეკუთვნება) სხვადასხვა სახეობის საარსებო

გარემოთა შედარებამ აჩვენა, რომ, რაც უფრო მეტია სახეობის საარსებო გარემოში პარაზიტი

მწერი, მით უფრო ძლიერაა გამოხატული სახეობაში ზოლიანი შეფერილობა.

(ბ) ზოლიანი შეფერილობა ზებრას ეხმარება მტაცებელთაგან თავის დაცვაში, რადგან

არსებობს ოპტიკური ილუზია, რომლის გამოც ძნელია სწრაფად მოძრავი ზოლიანი ობიექტის

სიჩქარისა და მისგან დისტანციის შეფასება.

(გ) ზებრას ყველა სახეობა ერთსა და იმავე არეალში თანაარსებობს ცხენისებრთა ოჯახის

(რომელსაც ზებრა მიეკუთვნება) სხვა სახეობებთან, რომლებშიც თანაბრად გვხვდება

ზოლიანი, ერთგვაროვანი ან ლაქებიანი შეფერილობის ინდივიდები.

(დ) ზებრას ზოლიანი შეფერილობა კარგად ერწყმის მის საარსებო გარემოს, სავანას, რის

გამოც ის მტაცებლებისათვის ძნელად შესამჩნევია შორი მანძილიდან, მიუხედავად იმისა,

რომ სავანას ღია სივრცეებში მას ხე-ტყის საფარველი არ ფარავს.

(ე) თითოეულ ზებრას ზოლების უნიკალური განლაგება აქვს, რომლის მიხედვითაც ცნობენ

მას მისი რემის წევრები; და რამდენადაც ზებრას ყველა სახეობა სოციალურია, ზოლიან

შეფერილობას მათთვის დიდი მნიშვნელობა აქვს.

22. ნიკა და ნინო მსჯელობენ:

ნინო: თუ ანა ხვალ ექსკურსიაზე წავა, მაშინ ჩვენთან ერთად კინოში ვერ წამოვა.

ნიკა: მართალი ხარ. ხოლო თუ კინოში წამოვა, მაშინ თიკოს დაბადების დღეზე არ წავა.

ნინო: ისიც დანამდვილებით ვიცი, რომ ხვალ ანა კინოში ჩვენთან ერთად წამოვა ან ზეგ

დილით მაინც მესტუმრება შინ.

ნიკა: მაშინ გამოდის, რომ ანა ხვალ არც ექსკურსიაზე წავა და არც თიკოს დაბადების

დღეზე.

ქვემოთ ჩამოთვლილთაგან რომელს უნდა გულისხმობდეს ნიკა, რომ მისი დასკვნა

საფუძვლიანი იყოს?

11

(ა) თუ ანა ხვალ კინოში არ წავა ნინოსთან და ნიკასთან ერთად, მაშინ ის არც თიკოს

დაბადების დღეზე წავა.

(ბ) ანა ხვალ კინოში არ წავა ნინოსთან და ნიკასთან ერთად, მაგრამ ზეგ დილით ნინოს

ესტუმრება.

(გ) ანა ნინოსთან და ნიკასთან ერთად კინოში არ წავა ხვალ.

(დ) ანა ნინოს ესტუმრება ზეგ დილით.

(ე) ანა ნინოს არ ესტუმრება ზეგ დილით.

23. ცარიელ ადგილს მიუსადაგეთ და შემოხაზეთ ერთი სწორი პასუხი.

12



13



14



15


16

მათემატიკური ნაწილი

ამოცანები

31. 8 მ2 ფართობის მქონე ზედაპირის შესაღებად 1 ქილა საღებავია საჭირო. შესაღებია ოთახის

4 კედელი, რომელთაგან თითოეულის ფართობი 22 მ2-ის ტოლია. სულ რამდენი ქილა

საღებავია ამისათვის საჭირო?

(ა) 9

(ბ) 10

(გ) 11

(დ) 12

(ე) 13

32. თუ 2𝑎 + 7 = 3𝑏, მაშინ 6𝑎 − 9𝑏 =

(ა) −21

(ბ) −14

(გ) −10

(დ) 4

(ე) 10

33. მაგიდაზე მხოლოდ წითელი და ლურჯი ფანქრებია. მაგიდიდან აღებული ნებისმიერი

სამი ფანქრიდან ერთი მაინც აუცილებლად წითელი იქნება. ქვემოთ ჩამოთვლილთაგან

რომლის ტოლი შეიძლება იყოს მაგიდაზე ლურჯი ფანქრების რაოდენობა?

(ა) 6

(ბ) 5

(გ) 4

(დ) 3

(ე) 2

17

34. ერთი ტოლფერდა სამკუთხედის ფართობია a, მეორისა – b. თუ პირველი სამკუთხედის

ფუძის სიგრძე ისე შეეფარდება მეორის ფუძის სიგრძეს, როგორც 1 : 3, ხოლო პირველი

სამკუთხედის ფუძის შესაბამისი სიმაღლე ისე შეეფარდება მეორისას, როგორც 15 : 5, მაშინ:

(ა) b = 6a

(ბ) b = 3a

(გ) 9a = b

(დ) 2a = b

(ე) a = b

35. ჩამოთვლილთაგან რომლით შეიძლება დაბოლოვდეს კენტი ნატურალური რიცხვისა და

მისი მომდევნო კენტი რიცხვის ნამრავლის ციფრული ჩანაწერი?

(ა) როგორც 1-ით, ასევე, 3-ით

(ბ) როგორც 3-ით, ასევე, 5-ით

(გ) როგორც 5-ით, ასევე, 7-ით

(დ) როგორც 7-ით, ასევე, 9-ით

(ე) როგორც 9-ით, ასევე, 1-ით

36. ერთი მეასედის ნახევარია:

(ა) 0,002

(ბ) 0,005

(გ) 0,5

(დ) 0,02

(ე) 0,05

18

37. მართკუთხა პარალელეპიპედის ფორმის აუზის ფსკერი კვადრატია, რომლის ფართობია 9

მ2. აუზის კედლების საერთო ფართობი 24 მ2-ის ტოლია. რამდენი კუბური მეტრი წყალი

ჩაეტევა ამ აუზში?

(ა) 18

(ბ) 27

(გ) 36

(დ) 45

(ე) 54

38. ტურისტი ზღვის სანაპიროზე ველოსიპედით 15 კმ/სთ სიჩქარით მოძრაობდა. 2 საათის

განმავლობაში მან მთელი გზის 5÷6 ნაწილი გაიარა. დარჩენილი გზა ტურისტმა ფეხით, 4

კმ/სთ სიჩქარით გაიარა. რამდენი საათი იარა ტურისტმა ფეხით?

(ა) 3 სთ

(ბ) 2,5 სთ

(გ) 2 სთ

(დ) 1,5 სთ

(ე) 1 სთ

39. ისრებიანი საათის წუთებისა და საათების მაჩვენებელ ისრებს შორის მახვილი კუთხის

სიდიდე 60°-ზე მეტია. ჩამოთვლილთაგან რა დროს შეიძლება აჩვენებდეს საათი?

I. 12:15

II. 11:45

III. 04:30

(ა) მხოლოდ I

(ბ) მხოლოდ II

(გ) მხოლოდ III

(დ) მხოლოდ I და II

(ე) მხოლოდ II და III

19

40. 1 ქუდი 3 ლარით მეტი ღირს, ვიდრე 3 მაისური, ხოლო 3 ისეთივე ქუდი 49 ლარით უფრო

მეტი ღირს, ვიდრე 1 ისეთივე მაისური. რამდენი ლარით ძვირია 1 ქუდი 1 მაისურზე?

(ა) 9

(ბ) 11

(გ) 13

(დ) 15

(ე) 17

მონაცემთა საკმარისობა

41. მოცემულია პრიზმა და მის შესახებ ორი პირობა:

I. ამ პრიზმის წვეროების რაოდენობა 12-ის ტოლია.

II. ამ პრიზმის წიბოების რაოდენობა 18-ის ტოლია.

იმისათვის, რომ გავარკვიოთ რამდენი წახნაგი აქვს ამ პრიზმას:

(ა) I პირობა საკმარისია, II კი – არა.

(ბ) II პირობა საკმარისია, I კი – არა.

(გ) I და II პირობა ერთად საკმარისია, ცალ-ცალკე არც ერთი არ არის საკმარისი.

(დ) საკმარისია ცალ-ცალკე როგორც I, ასევე, II პირობა.

(ე) მოცემული პირობები არ არის საკმარისი.

20

42. სკოლისთვის ფეხბურთისა და კალათბურთის ბურთები იყიდეს. სულ – 24 ცალი.

მოცემულია ორი პირობა:

I. კალათბურთის ბურთების რაოდენობა ფეხბურთის ბურთების რაოდენობის მესამედი იყო.

II. კალათბურთის ბურთების რაოდენობა ფეხბურთის ბურთების რაოდენობაზე 12-ით

ნაკლები იყო.

იმის გასარკვევად, თუ ნაყიდი ბურთებიდან რამდენი იყო ფეხბურთის:



(გ) I და II პირობა ერთად საკმარისია, ცალ-ცალკე კი – არც ერთი არაა საკმარისი.

(დ) საკმარისია ცალ-ცალკე როგორც I, ასევე II პირობა.

(ე) მოცემული პირობები არაა საკმარისი.

43. a და b ნატურალური რიცხვებია. მოცემულია ორი პირობა:

I. 𝑎𝑏 კენტი რიცხვია.

II. 𝑎 + 𝑏 ლუწი რიცხვია.

იმის გასარკვევად, ლუწია თუ კენტი b რიცხვი:






21

44. რიცხვთა ღერძზე მდებარე A, E და N წერტილებიდან A წერტილი E და N წერტილებს

შორის მდებარეობს.


I. E წერტილის კოორდინატი დადებითია.

II. II. N წერტილის კოორდინატი უარყოფითია.

იმის გასარკვევად, დადებითია თუ არა A წერტილის კოორდინატი:



(გ) I და II პირობა ერთად საკმარისია, ცალ-ცალკე არც ერთი არ არის საკმარისი.

(დ) საკმარისია ცალ-ცალკე როგორც I, ასევე, II პირობა.

(ე) მოცემული პირობები არ არის საკმარისი.

45. n კენტი ორნიშნა რიცხვია.


I. n-ის ჩანაწერში ათეულების ციფრი 9-ჯერ მეტია ერთეულების ციფრზე.

II. n-ის ჩანაწერში ათეულების ციფრი 8-ით მეტია ერთეულების ციფრზე.

იმის გასარკვევად, თუ რის ტოლია n-ის ჩანაწერში ათეულების ციფრი:






22

46. a და b რიცხვებია.


I. 2𝑎 < 2𝑏 + 5.

II. 2𝑎 < 2𝑏 − 5.

იმის გასარკვევად, რომელია მეტი, a თუ b:





(ე) მოცემული პირობები არაა საკმარისი

47. მაღაზიაში წითელი, მწვანე და ლურჯი ფერის ფანქრები იყიდება. თითოეული

წითელი ფანქარი 5 თეთრი ღირს, მწვანე – 10 თეთრი, ხოლო ლურჯი – 15 თეთრი. ელენემ

ამ მაღაზიაში სამივე ფერის ფანქრები იყიდა, რაშიც სულ 60 თეთრი გადაიხადა.


I. ელენემ სულ 6 ცალი ფანქარი იყიდა.

II. ელენეს ნაყიდი ფანქრებიდან ლურჯი ფერის იყო 2 ფანქარი.

იმის გასარკვევად, თუ სულ რამდენი მწვანე ფანქარი იყიდა ელენემ:






23

48. დღის 13 საათზე A პუნქტიდან გავიდა ავტობუსი, რომელიც თანაბარი სიჩქარით

მოძრაობდა. 15 საათზე იმავე პუნქტიდან იმავე მიმართულებით გავიდა მოტოციკლი,

რომელიც ასევე თანაბარი სიჩქარით მოძრაობდა.


I. ავტობუსი 40 კმ/სთ სიჩქარით მოძრაობდა.

II. დაწევის მომენტში მოტოციკლს 160 კმ ჰქონდა გავლილი.

იმის გასარკვევად, თუ რა სიჩქარით მოძრაობდა მოტოციკლი:






49. m ორნიშნა ნატურალური რიცხვია.


I. m-ის ერთეულების ციფრი 8-ით მეტია ათეულების ციფრზე.

II. m-ის ერთეულების ციფრი 9-ჯერ მეტია ათეულების ციფრზე.

იმის გასარკვევად, თუ რის ტოლია m:






24

50. კოლოფიდან, რომელშიც მხოლოდ შავი და თეთრი ბურთულებია, შემთხვევით იღებენ

ერთ ბურთულას.


I. კოლოფში ბურთულების საერთო რაოდენობა 12-ის ტოლია.

II. თეთრი ბურთულების რაოდენობა 2-ჯერ მეტია შავი ბურთულების რაოდენობაზე.

იმის გასარკვევად, თუ რის ტოლია იმის ალბათობა, რომ კოლოფიდან ამოღებული

ბურთულა იქნება თეთრი ფერის:






ზოგადი უნარების ტესტი...1 ზოგადი...

Documents

Transcript of ზოგადი უნარების ტესტი...1 ზოგადი...