Ese_Pergjegjesia Sociale e Korporatave
-
Upload
jona-alija -
Category
Documents
-
view
121 -
download
11
description
Transcript of Ese_Pergjegjesia Sociale e Korporatave
PËRGJËGJËSIA SOCIALE E KORPORATAVE
1Jonida Alija, 2Dilsona Isallari
1Universiteti i Tiranës, Fakulteti i Ekonomik, Programi Master. Tiranë, Shqipëri
Email: [email protected]
2Universiteti i Tiranës, Fakulteti i Ekonomik, Programi Master. Tiranë, Shqipëri
Email: [email protected]
Abstrakt
Sot, Përgjegjësia Sociale është bërë një koncept i gjerë botëror, organizatat marrin në konsideratë interesat e
shoqërisë, duke marrë përgjegjësinë e ndikimit tek klientët, punonjësit, aksionerët, komunitetet dhe mjedisin në të
gjitha aspektet e operacioneve të tyre. Kjo është një nga çështjet më të rëndësishme globale me sfida serioze dhe
implikime në pothuajse të gjithë sektorët. Roli i korporatave në përgjithësi është kuptuar si një paradigmë tregtare
biznesi që fokusohet thjesht në parametrat ekonomike të suksesit. Korporatat janë konsideruar si institucione që
kujdesen për kërkesat e tregut duke ofruar produkte/shërbime dhe kanë barrën për krijimin e pasurisë dhe vendeve të
punës, pozicioni i tyre në treg ka qenë tradicionalisht një funksion i performancës financiare. Megjithatë, gjatë
viteve të fundit, si pasojë e globalizimit në rritje, shqetësimeve në lidhje me qëndrueshmërinë e ekonomisë botërore,
çështjeve ekologjike si dhe aftësisë për të adresuar sfidat globale të rëndësishme si ndryshimi i klimës, ndotja,
varfëria, sëmundjet dhe pabarazitë, perceptimi i rolit të korporatës në konteks më të gjerë shoqëror se sa ajo vepron,
ka ndryshuar. Ndërsa në të kaluarën njerëzit shpesh kanë pare te qeveria për të mbrojtur shoqërinë nga kërcënime
të tilla, sot është e qartë se qeveria nuk mund të bëjë punë vetëm. Palët e interesuara sot kanë ripërcaktuar rolin e
korporatës përtej performancës ekonomike, me një përgjegjësi më të gjerë të tyre ndaj shoqërisë, mjedisit dhe janë
vlerësuar nëse ata po kryejnë rolin e tyre në një mënyrë etike. Si rezultat i këtij ndryshimi ( nga ekonomia e thjeshtë
në ekonomi me një dimension të shtuar social) shumë forume, institucione dhe korporata kanë miratuar PSK. Ata
përdorin këtë term për të përcaktuar angazhimin e organizatës në shoqërinë dhe mjedisin në të cilin vepron. Më tej,
ka një përpjekje globale për të përforcuar programet dhe iniciativat PSK përmes skemave vendore dhe
ndërkombëtare.
.
Fjale kyce: Globalizim, Korporatë, Komunitet, Përgjegjësi sociale..
I. CFARË ËSHTË PËRGJEGJËSIA SOCIALE E KORPORATËS
Përgjegjesia Sociale e Korporatës përfshin përpjekje vullnetare, jo te përcaktuara me ligj, të
kompanive për të adresuar shqetësime sociale dhe mjedisore të aktorëve të tyre. PSK në këtë
mënyrë u kërkojnë kompanive që të jenë shumë më të përgjegjshme se vetëm për aksionerët e
tyre. PSK është pa dyshim një fenomen në rritje edhe pse nuk është pa kritikët e saj, përgjegjësia
sociale e korporatave është vazhdimisht duke fituar terren në vitet e fundit.
Në terma të përgjithshëm, PSK ka të bëjë me përgjegjësitë që korporatat kanë ndaj shoqërisë në
të cilën veprojnë. Përkundër qëllimit të standardizimit në lidhje me raportimin e PSK, raportet e
publikuara sot ndryshojnë në mënyrë të konsiderueshme si në përmbajtje dhe cilësi.
Kjo qasje e re në mënyrën e të bërit biznes, ka bërë që të rishikohen skemat tradicionale të
menaxhimit të biznesit, duke promovuar menaxhimin e ndryshimit organizativ të bazuar në
përqasjen e PSK, me qëllim përfundimtar për ta kthyer kompaninë në një motorr të zhvillimit
ekonomik, por në mënyrë etike dhe me përgjegjësi shoqërore.
i. Dimensionet e PSK
II. POR CILAT JANË PËRGJEGJËSITË SOCIALE TË BIZNESIT DHE PËRSE
KOMPANITË SOT NDËRMARRIN INICIATIVA SOCIALE
Kompanitë kanë përgjegjësi ndaj të gjithë grupeve të interesit që ndikojnë dhe ndikohen nga
veprimet e organizatave. Arsyet pse kompanitë përkrahin PSK variojnë nga përmirësimi i
aftësisë për të tërhequr investitorët, për të ulur riskun, për të adresuar shqetësimet e stakeholders
ve, për të rritur kërkesën për produktet ekologjike, për të forcuar imazhin e tyre në shoqëri etj.
Kompanitë globale janë subjekt i kërkesave në rritje nga aktivistët, punonjësit dhe investitorët që
të sillen në një mënyrë të qëndrueshme, duke marrë parasysh çështjet e rëndësishme sociale,
mjedisore dhe etike. Qëndrimet ndaj biznesit dhe marrëdhëniet e tij me shoqërinë janë duke
ndryshuar, të ndikuara nga ngjarjet e jashtme, kjo mund të jetë demostrim i problemeve sociale
që në thelb kanë ndryshuar mjedisin në të cilin kompanitë bëjnë biznes. Bizneset po ndërmarin
më shumë përgjegjësi sociale dhe kjo nuk ka kthim mbrapa. Një biznes i ndërgjegjshëm për
shoqërinë dhe mjedisin nuk është vetëm një mesazh i mirë por një biznes i mirë dhe i zgjuar.
Përgjegjësia sociale e biznesit tashmë nuk është një opsion por një praktikë standarte.
III. FUSHAT E PËRGJEGJËSISË SOCIALE
Ka një numër të çështjeve sociale ku bizneset pritet të përfshihen.
Mjedisi
Një fushë e rëndësishme e përgjegjësisë sociale lidhet me mjedisin natyror. Është shumë i
rëndësishëm përdorimi i burimeve natyrore me mençuri. Shoqëria jonë po përballet me mungesa
dhe shterim të burimeve që janë të amortizuara. Është detyrë e manaxhimit gjetja e burimeve te
reja në fusha si kontrolli i ndotjes së ajrit apo ujit, mbeturinave toksike, zhurmës së tepruar,
pesticideve kimike. Menaxhimi duhet të adoptojë politika të tilla të riciklimit që do të eliminojnë
ose të paktën do të minimizojne ndikimin negativ, duhet të zhvillojë mënyra ekonomikisht të
mundshme për të shmangur efektet e ngrohjes globale, metoda alternative për trajtimin e ujërave
të zeza, mbeturinave të rrezikshme.
Konsumatorët
Mbrojtja e interesave të konsumatorit është një detyrim social. Politikat organizative dhe
praktikat ndikojnë konsumatorët në shumë fusha duke përfshirë çmimet, performanën, cilësinë,
sigurinë, projektimin, garancinë, politikat e shërbimit, politikat e maketingut, saktësinë e
pretendimeve të reklamave, informacion të mjaftueshëm për përdorimin e produktit dhe
keqpërdorimin, çmim të drejtë, politikat mbi ankesat duke iu përgjigjur të konsumit, shpjegim të
qartë të politikave të kreditit, ekzistenca e taktikave të presionit në shitje dhe kështu me radhë.
Burimet njerëzore
Praktikat për një punësim të drejte në lidhje me minoritetet dhe gratë, programet për të lehtësuar
integrimin e grupeve të pakicave dhe grave në operacionet e kompanisë, politikat promovuese,
punësimi dhe avancimi i individëve në pozita të pafavorshme të tilla si invalidët, ish-kriminelë,
të varur nga droga, në pozitë të pafavorshme mendore dhe kështu me radhë. Progresi i
punonjësve në lidhje me arsimin, trajnimin profesional, sigurinë dhe shëndetin e punonjësve në
kuadër të shëndetit fizik dhe mendor, kushte të sigurta të punës.
Përfshirja e komunitetit
Organizatat me një përgjegjësi sociale mund të bëjnë një ndryshim të konsiderueshëm, duke
siguruar udhëheqje dhe ndihmë në përmbushjen e nevojave dhe aspiratat e komunitetit.
Kontributet për mirëqenien e komunitetit mund të jenë në fushat e arsimit, artit, shërbimet
shëndetësore, programet rekreative të komunitetit. Menaxhimi mund të inkurajojë përfshirjen e
punonjësve në projekte të tilla sociale.
IV. ARGUMENTET RRETH PËRGJEGJËSISË SOCIALE TË KORPORATAVE
PSK është një koncept që gjatë viteve është modifikuar, integruar, kritikuar, promovuar dhe të
gjithë shumë shpesh e kanë injoruar. PSK, në terma të thjeshtë, është mënyra në të cilën
korporata të mëdha, por edhe ndërmarrjet e vogla dhe të mesme, menaxhojnë biznesin dhe
politikat e tyre për të krijuar një ndikim pozitiv në shoqëri.
Ashtu sikurse ka disa që theksojnë rëndësinë e Përgjegjësisë Sociale të Korporatave, ka të tjerë
që kritikojnë konceptin dhe propozojnë që çdo akt i përgjegjësisë sociale që con në uljen e
fitimeve të korporatave do të jetë jashtë sferës së funksioneve të ligjshme të biznesit dhe do të
sfidojë qëllimin e ekzistencës dhe objektivave të tyre. Këta kritikë i shohin objektivat ekonomike
dhe shoqërore si në kundërshtim me njëri-tjetrin dhe si skaje të ndara të një vazhdimësie.
Argumentet pro Përgjegjësisë Sociale të Korporatave
“Shoqëria kërkon që bizneset si dhe të gjitha institucionet e tjera të mëdha të marrin përgjegjësi
sociale. Përgjegjësia sociale është tregues i pjekurisë, qytetërimit global.......bizneset që
ngurrojnë ose zgjedhin të mos hyjnë në arenën e përgjegjësisë sociale mund ta gjejnë veten
gradualisht te zhytur ne disavantazh me konsumatorin dhe publikun”( Keith Davis )
Përkrahësit e përgjegjësisë sociale paraqesin si argumente, që mbeshtesin konceptin disa nga
arsyet e cituara më poshtë:
Biznesi është i përfshirë në mënyrë të pashmangshme në çështjet sociale
Menaxherët para së gjithash janë qytetarë, në të njëjtën mënyrë si individët. Si të tillë ata kanë
përgjegjësi të njëjtë në kuadër të përmirësimit të shoqërisë si një e tërë. Për më tepër, një biznes
operon me burime sociale dhe është përgjegjësi e menaxhimit që ti perdorë këto burime në
mënyrën më të mirë të mundshme. Bizneset do të përfitonin duke qenë të shqetësuar në lidhje me
cështje të tilla shoqërore si papunësia, inflacioni dhe kështu me radhë.
Programet PSK krijojnë një imazh publik të favorshëm
Komuniteti tregon respekt për biznese të tilla që shfaqin sjellje të përgjegjshme shoqërore. Një
ndërmarrje shoqërore e ndërgjegjshme do të fitojë vullnetin e mirë të komunitetit duke krijuar një
mjedis më të mirë në marrëdhëniet biznes/konsumatorë dhe punëtor/menaxhim, gjë që është e
mirë për organizatën.
Shoqëria pret që bizneset të jenë të ndjeshme dhe të përgjegjshëm
Opinioni publik shkon thellë në pritje të qëllimeve të produktivitetit në bashkë-ekzistencë me
cilësinë e qëllimeve sociale të jetës.
Bizneset kanë burime
Bizneset zotërojnë pasuri të mëdha, kapacitet të madh për gjenerimin e pasurisë, një larmishmëri
të burimeve teknike, financiare dhe menaxheriale dhe përvojë në njohuritë që mund të zgjidhin
shumë probleme shoqërore dhe të sigurojnë udhëheqje të shoqërisë.
Shmangia e rregulloreve dhe ndërhyrjeve të tepruara të qeverisë
Ligjet nuk mund të miratohen për të gjitha rrethanat dhe kështu bizneset duhet të marrin
përgjegjësinë për të ruajtur një shoqëri të rregullt. Me sa më shumë përgjegjësi sociale të jenë
bizneset më pak rregullime nga ana e qeverisë mund të priten.
Bazuar në këto argumente do të ishte e natyrshme të supozohet se integrimi i përgjegjësisë së
zgjeruar sociale në aktivitetet dhe filozofinë e bizneseve është i dobishme për ta.
Argumentet kunder Përgjegjësisë Sociale të Korporatave
Menaxhimi është vetëm nën angazhimin moral dhe kontraktual të aksionerëve
Detyra primare e menaxhimit është që të punojë për aksionerët të cilët presin kthim maksimal
nga investimet e tyre. Politikat e marrjes së fitimit dhe përgjegjësisë sociale janë reciprokisht
ekskluzive dhe kështu çdo kontribut i bërë për shkaqe sociale redukton fitimet.
Në një ekonomi të lirë dhe demokratike, të gjitha grupet janë të prirur për t'u kujdesur për
problemet dhe përgjegjësitë e tyre
Pse duhet që menaxherët të jenë të shqetësuar me interesat e punëtorëve dhe konsumatorëve?
Çmimet duhet të jenë rezultat i forcave ekonomike të ofertës dhe kërkesës dhe jo nga aftësitë e
konsumatorëve për të paguar. Konsumatorët duhet të kujdesen për interesat e tyre. Në mënyrë të
ngjashme, punëtorët duhet të jenë përgjegjës për sigurinë e tyre dhe mirëqenien.
Menaxhimi nuk është i pajisur dhe i trajnuar si duhet në trajtimin e çështjeve dhe
aktiviteteve sociale
Do të ishte më mirë për të lënë interesat sociale në duart e njerëzve më të aftë në programet
sociale të tilla si mësues, punonjës social dhe kështu me radhë. Për më tepër, menaxhimi është aq
shumë i përfshirë në detyra jashtëzakonisht të imponuara nga funksionet drejtuese për rrjedhoje
nuk është e dëshirueshme imponimi i një detyrë shtesë si përgjegjësia sociale.
Bizneset e mëdha tashmë kanë fuqi të mjaftueshme ekonomike
Bizneset kontrollojnë ekonominë e vendit. Duke u dhënë atyre dhe fuqinë sociale kjo do të ishte
e dëmshme për mirëqenien e përgjithshme dhe optimale të shoqërisë. Një pushtet i tillë social
mund të ndikojë ne rezultatet politike, legjislative të cilat do të minojnë parimet e vërteta të
demokracisë.
V. POR SI PARAQITET E ARDHMJA E PSK, ÇFARË DUHET TË NDRYSHOJNË
BIZNESET, CILAT JANË TENDENCAT E REJA DHE FAKTORËT QË I KANË
BËRË KOMPANITË TË RISHIKOJNË EDHE NJËHERË PROGRAMET E
TYRE TË PËRGJEGJËSISË SOCIALE?
“Te menduarit ne mënyrë globale” dhe “Të menduarit në mënyrë lokale”
Në dekadat e fundit është parë një dëshirë në rritje e kompanive ndërkombetare për të fituar
përparësi në tregjet në zhvillim, duke zgjeruar operacionet dhe filialet. Megjithatë shumë nga
kompanitë kanë kuptuar se konkurrenca lokale nuk ishte aq e lehtë për tu kapërcyer.
Në ditët e sotme kompanitë kane nje ndjeshmëri të lartë sociale. Ato nuk fokusohen vetëm ne
pozicionimin apo shitjen e produkteve por kane gjithashtu dhe një strategji sociale pasi janë të
vetëdijshëm se markat nuk ndërtohen bazuar vetëm në cilësinë e mirë të produktit por dhe bazuar
ne emocionet, vlerat që individët i atribojnë këtyre produkteve. Disa nga trendet në lidhje me
përgjegjësinë sociale përmenden si më poshtë:
Tashmë nuk jane vetëm disa kompani të përqëndruara në këtë doktrinë, por pjesa më e
madhe e kompanive e kanë bërë pjesë të axhendës së tyre. Philip Kolter dhe Nancy Lee
ne librin “Corporate Social Responsibility” tregojnë se vlera e bamirësive është rritur nga
$9.6 b ne 1999 ne $12.19b. Pavarësisht disa kundërshtarëve si studimi ne “The
Economist” që pohon se PSK po shkatëron sistemin e tregtisë së lirë, cdo here e më tepër
kjo doktrinë e re po tërheq vëmendjen e njerzve të biznesit.
Që kur shprehja “triple bottom line” (njerëz, planet dhe fitim ) u shfaq ne 1994, u pa nje
një përshpejtim dhe një rritje nga cështje të sigurisë, shëndetit dhe mjedisit ne një
diapazon me te gjerë të cështjeve sociale, përfshirë ketu dhe te drejtat njerëzore dhe
diversitetet. Ekziston bindja se ka një korelacion pozitiv midis PSK dhe përfitueshmërisë
dhe se fitimi ecën dore më dorë me përgjegjësinë sociale dhe mjedisore.
Përgjegjësia sociale inicion një publikim te herë pas hershëm të aktiviteteve për
aksionerët dhe publikun në përgjithësi, si në raportin vjetor apo në raportet specifike të
PSK. Një transparence më e lartë rrit përgjegjësinë dhe besimin.
PSK përfason angazhimin në terma afatgjatë në ceshtje sociale të vecanta.
Ka një ndërgjegjësim në rritje në lidhje me PSK në mesin e fuqisë punëtore.
Deri më tani PSK janë aplikuar dhe adoptuar ne mënyrë të vullnetshme. Sot ekziston nje
debat nëse PSK duhet të vazhdojnë të jenë të vullnetshme apo të detyrueshme.
Të gjitha këto trende vënë theksin se bizneset duhet të manaxhojnë më mirë impaktet sociale dhe
mjedisore, pergjegjesia e korporatës tashmë duhet të pushojë së qeni një rrufe në qiell për
operacionet e biznesit, por të jetë pjesë e qëllimit dhe strategjisë së tij. Kjo implikon nje lidhje
me kulturën dhe vlerën e biznesit, një lidership të fortë dhe nje angazhim të lartë të
stakeholdersve.
Në ditët e sotme, ekonomia globale ka bërë që aksionet sociale të shëndrohen në një mjet
strategjik të biznesit. Bota është duke ndryshuar me shpejtësi, popullsia botërore po rritet me
shpejtësi dhe impakti i veprimeve dhe aktiviteteve tona po ndihet në shumë mënyra. Ndryshimet
klimaterike janë bëre një shqetësim serioz për komunitetin e biznesit sepse kompanitë janë një
ndër shkaktarët kryesorë të ndotjes mjedisore dhe të ngrohjes globale. Ky ndryshim ka implikime
të thella për biznesin, kjo do të thotë se edhe përgjegjësia sociale e biznesit është në pararojë të
këtij ndryshimi. Sipërmarrësit dhe menaxherët tashmë janë bërë më të ndjeshëm dhe të
ndërgjegjshëm përballë magnitudës së vërtetë të problemeve sociale. Duhet të theksojmë se kriza
e fundit ekonomike ka patur një ndikim të madh në këtë drejtim, sepse ka ulur besimin e
shoqërisë tek bota e biznesit. Kjo ka bërë që të rriten presionet e të gjithë grupeve të interesit për
kompani më të përgjegjëshme dhe kompanitë nga ana tjetër kanë përmirësuar qasjen e tyre ndaj
përgjegjësisë sociale. Vende të ndryshme nëpërmjet politikave të caktuara po i nxitin kompanitë
të jenë më të përgjegjëshme dhe të të rritin angazhimin e tyre në shoqëri, për të rifituar besimin e
humbur.
Tashmë PSK duhet të integrohen në AND-në e kompanive. Kompanitë duhet të thonë “duam të
fitojmë para, por sigurisht, ne gjithashtu shqetësohemi për efektin tonë mbi shoqërinë dhe
mjedisin, dhe kjo tregohet përmes llojit të punëve që ne ofrojmë, produkteve që prodhojmë dhe
mënyrat në te cilat ne përdorim burimet. Përgjegjësia sociale e kompanive duhet të jetë pjesë
integrale e strategjisë së biznesit dhe jo e një departamenti të vecantë. Në nivel kompanie,
objektivat strategjike duhet të jenë si për të maksimizuar vlerën e aksionerëve në afat të gjatë dhe
për të adresuar problemet më të mëdha të shoqërisë. Kompanitë kanë filluar të kuptojnë se PSK
është një model i ri i të bërit biznes. Tendenca më e rëndësishme në të ardhmen është kalimi nga
PSK tek qëndrueshmëria si një koncept që shkon përtej Përgjegjësisë Sociale të Korporatës.
Qëndrueshmëria ka tre dimensione bazë: qëndrueshmërinë ekonomike, përgjegjësinë sociale dhe
përgjegjësinë mjedisore. Organaizatat po i japin shumë rëndësi qëndrueshmërisë dhe zhvillimi i
qëndrueshëm ka filluar të ndryshojë kulturën e të bërit biznes. Sfida globale është sigurimi që
organizatat të zhvillojnë qëndrueshmërinë, për të përmirësuar performancën e tyre mjedisore,
sociale dhe financiare. Kjo kërkon ndryshime rrënjësore në mënyrën se si ato bëjnë biznes.
VI. KONKLUZIONE
Përgjegjësia Sociale e Korporatës nuk është një trill apo një trend kalimtar por një prirje e
domosdoshme e biznesit, për të cilën shumë kompani kanë filluar apo janë angazhuar ne një
mënyrë apo një tjetër. Një stategji implementimi e sukseshme e PSK shtron nevojën e radhitjes
së këtyrë iniciativave me objektivat e biznesit dhe vleren e korporatës, duke integruar
përgjegjësitë e korporatës përmes funksioneve të biznesit, për rrjedhojë në këtë mënyrë duke
rritur reputacionin e biznesit. Sfidat qëndrojnë në implementimin e principeve bazë të biznesit në
mënyrë që të krijojmë PSK shpejt, saktë dhe të fokusuara në atë që realisht ka rëndësi.
Fokusohimi në prioritete
Ndarja e financave për trajtimin e PSK të shihet si një investim nga i cili priten kthime
Raportimi i performances është një mënyrë e hapur dhe transparente, në mënyrë që të
gjithë të evidentojnë progresin dhe të identifikojnë fusha të tjera .
Prespektiva afatgjatë e organizatave, e cila përfshin angazhime të stakeholdersa-ve të brendshëm
dhe të jashtëm do të jetë një pikë kritike e suksesit të PSK. Pasuria duhet të krijohet përpara se të
shpërndahet. Përgjegjësia e krjimit të pasurisë i takon biznesit. Pergjegjësia dhe e drejta duhet të
ecin bashkë. Prandaj shoqëria nuk mund ti heqi biznesit të drejtat e tij, të cilat janë jetike për
krijimin e vlerës.
REFERENCA
[1]Michael Hopkins, “CSR Investment: The next ‘dot.com’ boom but without the crash”, Nov. 2001, [2]Green Paper Promoting a European framework for Corporate Social Responsibility COM 2001[3]http://blueandgreentomorroë.com/ëp-c...to-CSR-5MB.pdf[4]http://mhcinternational.com/monthly-features/articles/125-six-key-issues-on-corporate-social-responsibility[5] http://www.globaltrends.com/knowledge-center/features/resources/55-name12[6] http://www.social-economy-training.eu/index.php/m-news-events/m-vet-eco-eu-news/72-new-eu-csr-policy?showall=&start=3