e-spark 62
-
Upload
diocesan-vocation-centre -
Category
Documents
-
view
240 -
download
3
description
Transcript of e-spark 62
![Page 1: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/1.jpg)
E-Spark hija newsletter elettronika mahruga mic-Centru tal-Vokazzjonijiet tas-Seminarju,
tal-Virtu,Rabat . Tel: 21450354 - www.vokazzjoni.com
E Spark 62 Diċembru 2013
![Page 2: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/2.jpg)
E Spark 62 Diċembru 2013
Milied wieħed, ħames festi, stedina waħda
Sa mill-bidu tas-sena liturġika tagħha, l-Knisja
tħejjina għall-festi kbar tal-Milied permezz
taż-żmien tal-Avvent. Hemm ħames festi li
niċċelebraw fil-Milied: it-Twelid ta' Ġesù,
il-Familja Mqaddsa, Marija Omma Alla / Omm
il-Paċi, l-Epifanija, u l-Magħmudija ta' Ġesù.
Flimkien jiffurmaw stedina sħiħa biex bħal
Marija ngħożżu dawn il-ġrajjiet f'qalbna u
nixtarruhom sew. Bħar-rgħajja sempliċi – li taw
widen għal dak li qalu l-anġli u marru jħaffu
lejn l-għar – jeħtieġ inkunu miftuħin biex
nilqgħu l-esperjenza ta' Ġesù u nkunu lesti
nġorru din l-esperjenza magħna waqt li nfaħħru
lil Alla.
![Page 3: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/3.jpg)
Il-Maġi, il-kewkba, il-vjaġġ
Ahna, l-esperjenzi, il-verità
F'dan is-sens inkunu nixbħu ukoll lill-Maġi, għax
bħalhom irċevejna stedina biex nagħmlu vjaġġ
f'ħajjitna; qed infittxu l-verità. U bħalhom
nistaqsu, "fejn hu s-Sultan li twieled?" Il-kewkba
kienet takkumpanja lill-Maġi fil-vjaġġ
taghħhom. Aħna wkoll, b'diversi modi, niġu
akkumpanjati minn bosta kwiekeb li jdawwlu
t-triq tagħna biex nagħrfu f'ħajjitna l-verità li hi
Kristu, il-mibgħut tal-Missier. Dan id-dawl jasal
għandna f'diversi forom fl-esperjenza tal-
ħajja... Permezz ta' kuntatti personali u
b'relazzjonijiet tajbin... Bl-imħabba ta' Alla li
Hu jgħaddilna permezz ta' bnedmin oħra u
bil-profeti li jibgħatilna f'ħajjitna... Bil-kelma
tiegħu u bl-azzjoni ta' Kristu fis-sagramenti…
U kultant anke permezz ta' sitwazzjonijiet ftit
iebsin li ma nifhmuhomx, imma li fil-proċess
ikabbruna u jagħmluna aktar maturi.
E Spark 62 Diċembru 2013
![Page 4: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/4.jpg)
Hekk kif il-Maġi komplew it-triq tagħhom, u ma baqgħux iserrħu
biss fuqhom infushom, huma "reġgħu raw il-kewkba u ferħu."
Hekk ukoll aħna, meta noħorġu mill-fosdqa tal-egoiżmu tagħna u
nħallu lil Erodi warajna, mill-ġdid naraw viżjoni sabiħa
tal-ħajja; perspettiva li qabel ma konniex nindunaw biha, u
nieħdu n-nifs, nieħdu r-ruħ u nifirħu!
E S
pa
rk
6
2 D
iċ
em
bru
2
01
3
L-ostaklu tal-vjaġġ:
Erodi ... jew l-egoiżmu
Il-periklu l-kbir jibqa' Erodi li
jipprova jqarraq bil-Maġi u bina.
Erodi hu l-egoiżmu tagħna, li
jimpika, jgħir, jissuppervja u ma
jridx iċedi, jimxi bil-qerq u jara kif
jimmanipula, irid jikkontrolla kollox,
ifassal hu waħdu bla ma jagħti ċans
lil Alla jaħdem fih, maqbud b'ħafna
irbit. U jirrendi ruħu mdejjaq għax
jitlef il-perspettiva u s-sens
sabiħ tal-vjaġġ.
![Page 5: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/5.jpg)
Il-Maġi waslu,
raw u
inbidlu
Aħna bħall-Maġi wara li ltaqgħu maċ-ċkejkna tarbija. Ladarba
nkunu iċċelebrajna din l-esperjenza ta' Kristu-Magħna
(Għimmanu-El) jeħtieġ "ngħaddu minn triq oħra" – it-triq tar-
rikonċiljazzjoni, l-imħabba u l-maħfra. Għax ma jistax ikun li
f'ħajjitna nagħmlu esperjenza ta' Ġesù u mbagħad jibqa' kollox
l-istess, qisu ma ġara xejn! Mhux aktar mehdijin bina nfusna, imma
mħeġġin biex nagħmlu progress fit-triq li hemm quddiemna.
E Spark 62 Diċembru 2013
![Page 6: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/6.jpg)
E Spark 62 Diċembru 2013
Hu tassew miraklu kif dawn il-Maġi imxew flimkien. Aħna
msejħin – kulħadd skont il-vokazzjoni tiegħu – biex nimxu
flimkien; u dan mhux faċli! Il-vjaġġ hu proċess li fih nibdew
nifhmu lil xulxin, niskopru lil xulxin, naċċettaw lil xulxin.
Bil-mod nindunaw li dawk li qegħdin magħna fil-vjaġġ mhumiex
għadu, avversarju jew kompetitur, imma rigal u meħtieġa tassew
għall-maturità u l-qdusija tagħna, għax f'persuni oħra insibu
t-tweġiba li nkunu qed infittxu meta naraw dak li hu nieqes fina.
Għalhekk, aktar milli sempliċiment naċċetta lill-ħaddieħor,
jeħtieġ nara r-rikkezza, l-posittiv, is-sabiħ li hemm f'persuni
oħra. U dan iwassalni biex noħroġ minni nnifsi u ningħaqad aktar
ma' oħrajn għax nagħraf li flimkien isbaħ u aħjar. Li bla imħabba
ikun kollu għalxejn! Din hi l-komunità, din hi l-missjoni. Biex
tasal sa hawn mhux faċli, imma l-anqas ma hu impossibbli. Irridu
biss nemmnu u nidħlu għall-proċess. Ngħidu "le" għat-tpattija u
għall-aggressività... "Le" għaż-żamma tar-rabja ġo fina u
n-nuqqas ta' maħfra għal snin twal...
Il-vjaġġ ikompli... minni nnifsi għal għand oħrajn
![Page 7: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/7.jpg)
Il-Proġett tal-Bniedem
Bħala riżultat tat-tweġiba u l-impenn tagħna, l-Mulej jixħet fuqna l-
barka tiegħu u l-paċi tiegħu. "Il-Mulej jagħtik is-sliem," jew bħalma
ħabbru l-anġli, "paċi fl-art lill-bnedmin ta' rieda tajba." Biss biex iseħħ
dan is-sliem, barra li jkun imwieżen mit-talb, jeħtieġ li inħabirku b'ġesti
konkreti. Pereżempju, l-qsim tar-riżorsi tagħna, kulħadd skont il-ħila
tiegħu/tagħha. Li nġorru s-salib flimkien flok inħallu l-piż kollu fuq
ħaddieħor, u naqsmu flimkien is-sagrifiċċji u l-isforzi tagħna. Billi
nieħdu pożizzjoni u nħabirku biex isseħħ ir-rikonċiljazzjoni u l-maħfra.
E Spark 62 Diċembru 2013
Il-Ħolma t’Alla
Hawn tidħol it-tweġiba tagħna b'ħajjitna. U l-mudell
ta' kif għandna nwieġbu jagħtihulna l-Missier, li
bagħat lil Ibnu u jgħidilna "isimgħu lilu." Ġesù li ħa
fuqu r-rwol tal-"qaddej ta' Jahweh" imħabbar minn
Isaija, li "ma jgħajjatx, ma jgħollix leħnu, musbieħ
inemnem ma jitfihx, u qasba mġenġla ma jiksirhiex."
F'kelma waħda, Ġesù li ma jaqta' qalbu minn ħadd, u
li għalina spiċċa mdendel ma' salib. Il-ħolma ta' Alla
hi li kulħadd jilqa' s-salvazzjoni u nsiru verament
poplu wieħed.
![Page 8: e-spark 62](https://reader034.fdocuments.net/reader034/viewer/2022042507/568c35ee1a28ab0235961a81/html5/thumbnails/8.jpg)
Contact
Fr Michael and share your comments, suggestions,
ideas or problems
email: [email protected]
E Spark 62 Diċembru 2013
Kemm hu veru li
"Alla tana l-ħajja ta' dejjem u din
il-ħajja tinsab f'Ibnu."
Kristu, il-mibgħut tal-Missier
għalhekk ġie fostna: biex inissel
fina l-ħajja bil-kotra. U din
il-ħajja tinsab tassew fina li
nemmnu fih.
KRISTU – IL-MIBGĦUT TAL-MISSIER