adau.edu.azadau.edu.az/img/page/tmp/a8ucvY2h7l.docx · Web viewİqtisadiyyatın bazar...
Transcript of adau.edu.azadau.edu.az/img/page/tmp/a8ucvY2h7l.docx · Web viewİqtisadiyyatın bazar...
MÖVZU: 1. TEXNİKİ BİTKİLƏRİN TƏSNİFATI, ƏHƏMİYYƏTİ VƏ
BECƏRİLMƏ TARİXİ
Mühazirənin planı:
1. Texniki bitkilərin əhəmiyyəti2. Texniki bitkilərin təsnifatı3. Texniki bitkilər fənninin metodu4. Texniki bitkilərin becərilmə tarixi5. Texniki bitkilərin yayılması və məhsuldarlığı.
Ədəbiyyat
Cəfərov M. İ. və b. «Kənd təsərrüfatı bitkilərinin becərilmə və yığılma
texnologiyası»., Bakı, 2000, 264s.
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.
Hümbətov H. S., Məmmədov V. Ə., Qəbilov M. Y. Şəkərli və nişastalı
bitkilər, Bakı: “Elm və təhsil” nəşr. 2014, 328 s.
Məmmədov Q. Y., İsmayılov M. M. Bitkiçilik, Bakı, 2012, 356 s.
Novruzov Ç. M. və b. «Bitkiçilik»., Kirovabad, 1979, III, hissə, 72 s.
Yusifov Ə. N., Məmmədov C. Ş., Qasımov T. P., Rzayev M. F. Bitkiçiliyin
əsasları, Bakı, “Müəllim” nəşriyyatı, 2013, 302 s.
Yusifov M. A. Bitkiçilik, Bakı, “Qanun” nəşriyyatı, 2011, 368 s.
П. П. Вавилов «Растениеводства»., Москва, 1986, 512 с.
Д. С. Василев «Подсолнечник»., Москва, 1990, 173 с.
Г. С. Посыпанов и др. «Растениеводства», М., «Колос», 2006, ст. 611
Технические культуры / Под р. Я. В. Губанова М.:, Агропромиздат,
1986, 287 с.
2
TEXNİKİ BİTKİLƏRİN TƏSNİFATI, ƏHƏMİYYƏTİ VƏ BECƏRİLMƏ
TARİXİ
Texniki bitkilər çox qədim tarixə malikdir. Əsas texniki bitkilərdən hesab
edilən pambığın nə vaxtdan becərildiyini heç kim dəqiq bilmir. Alimlər Meksikada
mağaralarda tədqiqat apararkən orada pambıq qozasının və pambıq parçaların
qalıqlarına rast gəlmişlər. Bu qalıqların 7000 il yaşı olduğu müəyyən edilmişdir.
Onlar həm də müəyyən ediblər ki, o vaxtlar becərilən pambıqlar indi Amerikada
becərilən pambıqlara çox oxşayırmış. Hindistanda və Pakistanda çay kənarlarında
pambıq bitkisinin bizim eradan 3000 il əvvəl becərildiyi məlumdur. Elə təxminən
o vaxtlardan Misirdə Nil çayı ətrafında yaşayan insanlar da pambıq parçalar
hazırlayır və bu parçalardan paltar geyirdilər. Ərəb tacirləri pambıq parçaları
Avropaya bizim eradan 800 il əvvəl gətirmişlər. X. Kolumb 1492-ci ildə
Amerikanı kəşf edəndə Baham adalarında pambığın əkilib- becərildiyini
görmüşdür. 1500 - cü ildən sonra pambıq bitkisi bütün dünyaya məlum olmuşdur.
Texniki bitkilər fənni əsasən yaşıl halda tarlada becərilən texniki bitkiləri
(lifli, yağlı, efiryağlı, şəkərli, narkotik, dərman və s. bitkiləri) öyrənir. Texniki
bitkilər sahəsinə aparılan tədqiqatlar laboratoriya, tarla və vegetasiya tədqiqatları
yolu ilə aparılır və əldə olunmuş nəticələr riyazi – statistik metodla yaxud da
dispersiya üsulu ilə analiz edilib nəticələrin dürüstlüyü yoxlanır. Texniki bitkilər
sahəsindəki bəzi məsələlər (fizioloji, aqrokimyəvi və bioloji) vegetasiya evlərin-
də, istixanalarda, fitotronlarda və lizimetrlərdə qoyulan təcrübələrdə öyrənilir.
Tədqiqatlarda həmçinin öyrənilən amillərin bir-birindən asılılığı korrelyasiya
və reqressiya tənlikləri qurmaqla da yoxlanıla bilir.
İnsanlar kənd təsərrüfatı bitkilərinin becərilməsinə milyon illər bundan əvvəl
başlasalar da zaman dəyişdikcə bitkilərdə məhsuldarlığı artıran istehsal texnologiyası
da dəyişir və daim təkmilləşir. Belə dəyişmə texnologiyası aqrar bölmədəki dəyişik-
liklərə müvafiq olmalıdır. Müstəqilliyə yeni qədəm qoymuş ölkəmizin aqrar bölməsi
üçün dünya əkinçiliyində uzun illərin sınaqlarından çıxmış iqtisadiyyatın bazar
3
münasibətləri formasında tətbiq edilən əkinçilik texnologiyasından istifadə etmək çox
faydalıdır.
Bunu nəzərə alan ölkə prezidenti İ. H. Əliyev respublikamızda gedən aqrar
islahatlara bilavasitə rəhbərlik etməklə yanaşı, indi torpağın tam sahibi olan Azərbay-
can kəndlisinə yeni texnologiya tətbiq etməklə onu öz xalqının xeyrinə işlətməyi
tövsiyə edir və qeyd edir ki, bunsuz kənd təsərrüfatında inkişafa nail olmaq olmaz.
Aqrar bölmənin yüksəldilməsi, xalqımızın rifah halının yaxşılaşdırılması üçün tətbiq
ediləcək texnologiyada ali təhsilli kadrların da rolu həmişə böyük olmuşdur.
İqtisadiyyatın bazar münasibətlərinə keçməsi ilə əlaqədar ali təhsil sistemində də yeni
problemlər meydana çıxmışdır. Bunu nəzərə alaraq müasir istehsal texnologiyası
ehtiyatlara qənaət etməklə, ekoloji təmiz, torpaq münbitliyini get-gedə artırıb sabit-
ləşdirən, keyfiyyətli və yüksək məhsul istehsalını təmin edən texnologiyalar öyrənil-
məlidir. Qeyd edilən texnologiyalarla hər hansı hava şəraitində bitkilərdən lazımi
miqdar məhsul almaq mümkündür.
Texniki bitkilər kursunda ölkəmizin münbit torpaq-iqlim şəraitinin necə dəyərli
məhsullar istehsal etməyə imkanı olduğu, yeni becərmə texnologiyasının tətbiq
qaydaları, ali məktəb tələbələrinin bilik səviyyəsinə və dünyagörüşünə uyğun təsvir
edilmişdir. Texniki bitkilər kursunda istehsal texnologiyasının və kənd təsərrüfatı
bitkilərinin ümumi məsələləri ilə yanaşı, hər bitkinin özünəməxsus becərilmə
atrotexnikasının müasir metod və ya qaydaları öyrənilir. Texniki bitkilər kursunda
respublikamızda becərilən əksər texniki bitkilər barədə Azərbaycan dilində geniş,
səlis məlumatlar verilmişdir. Qeyd edək ki, bu vaxta qədər Azərbaycanda fəaliyyət
göstərən ali və orta ixtisas məktəblərində Azərbaycan dilində “Texniki bitkilər” adlı
sərbəst dərslik və ya dərs vəsaiti olmamışdır. Texniki bitkilər bitkiçilik kitablarında
təsvir olunan yığcam və bəsid formada öyrənilmişdir. Texniki bitkilər kursunda bir
sıra yeni texniki bitkilər və onların istehsal texnologiyası barədə də geniş məlumat
verilir. Qiymətli texniki bitkilərdən biyan, efiryağlı qızılgül, şəkər qamışı, amarant
və s. də bu qəbildəndir.
Xalqa xeyir verən və ölkəmizdə yetişdirilməsi mümkün olan hər bir texniki bitki
barədə materiallar texniki bitkilər kursunda öyrədilir. Yerfındığı (araxis) gündən-
4
günə respublikamızda inkişaf edən qənnadı sənayesi üçün əsas məhsul olduğundan,
onun da becərilmə və çoxaldılma texnologiyası barədə geniş məlumat verilir.
İnsan qidalarının əksəriyyətini bitkilər verdiyindən, onlar yarandıqları
dövrdən bitkiçiliklə məşğul olmağa başlayıblar. İnsanın çoxəsrlik təsərrüfat
fəaliyyəti prosesi nəticəsində o, ətraf təbiətdən çoxlu xeyirli bitki növlərini seçib
becərmiş və qoruyub saxlamışdır. Bu bitkilərdən həyat üçün ən vaciblərini insan öz
yaşayış yerinin yaxınlığında sistematik becərməklə bu günə kimi gətirib
çıxarmışdır. Bitkilərin becərilmə üsulları milyon illərdir ki, təkmilləşdirilir və indi
də davam etdirilir. Hətta onların bəziləri hazırda da yabanı halda bitir. Bu faydalı
bitkilər seçilib mədəniləşdirilir. Dünyanın bitki ehtiyatlarının tərkibi yeni-yeni növ
və formaların tapılıb mədəni əkinçiliyə daxil edilən faydalı bitkilər hesabına daim
zənginləşdirilir. Kənd təsərrüfatı bitkilərinin ehtiyatları xüsusən introproduksiya və
seleksiya işi nətiçəsində daimi artır.
Hazırda dünyada kənd təsərrüfatı bitkilərinin 1500-ə qədər növü geniş
istehsalat şəraitində becərilir. Bunlardan 1200 növü bilavasitə kənd təsərrüfatında
istifadə olunur ki, o da ümumi bitkiçiliyin 83 %-ni təşkil edir. Bunların ancaq 250
növü kənd təsərrüfatında daha böyük əhəmiyyət kəsb edir.
Lap qədimdən bu günə qədər daimi becərilən kənd təsərrüfatı bitkilərinin
əksəriyyəti o dövrkü əkinçilikdən bu günkü nəsillərə vərəsə kimi ötürülmüşdür.
Kənd təsərrüfatı bitkilərinin boy atmasını və inkişafını öyrənməyi asanlaşdır-
maq məqsədilə onları qruplara ayırıb təsnifat tərtib edirlər. Bunsuz həmin bitki-
lərdən yüksək və keyfiyyətli məhsul almaq yollarını, araşdırmaq çətin olur. Kənd
təsərrüfatı bitkilərinin tarla bitkiləri adlanan qrupu özünün botaniki, bioloji və
təsərrüfat nişanə-lərinə, məhsul növünə, becərilmə xüsusiyyətlərinə və nəhayət
növbəli əkindəki yerinə, məhsul yığımının mexanikləşdirilmə texnologiyası və s.
əlamətlərinə görə bir-birindən kəskin surətdə seçilir. Ona görə də müxtəlif
miqdarda çoxlu tarla bitkilərinin öyrənilməsini asanlaşdırmaq üçün kənd təsər-
rüfatı bitkilərini istehsalatda istifadə xüsusiyyətlərinə görə taxıllar, texniki bitkilər,
yem bitkiləri və bostan bitkiləri kimi dörd böyük qrupa bölürlər.
5
Texniki bitkilər Azərbaycan Respublikasında geniş yayılmışdır. Bu səbəbdən
Azərbaycanı texniki bitkilər laboratoriyası adlandırsaq heç də yanılmarıq.
Respublikamızın aparıcı texniki bitkisi pambıqdır. Bundan sonrakı yerləri tütün,
şəkər çuğunduru, günəbaxan, biyan, efir yağlı qızılgül və s. tutur.
Texniki bitkilərin xalq təsərrüfatı əhəmiyyəti böyükdür. Birinci növbədə bu
bitkilərin məhsulları yüngül və yeyinti sənayeləri üçün xammaldır. Bunların
emalından alınan bəzi məhsullar qüvvəli yem kimi istifadə edilməklə, digər
sahələrdə də istifadə edilir. Azərbaycanda 2013-cü ildə 42207 ha sahədə texniki
bitkilər əkilmişdir. Aqrotexniki nöqteyi-nəzərdən də əhəmiyyətli olan texniki
bitkilər əsasən cərgəaraları becərilən (toxavi) bitkilər olduqlarından vegetasiya
ərzində cərgələrarası becərilir və intensiv gübrələnir, beləliklə əkinçilik mədəniy-
yətinin yüksəldilməsində əvəzsiz rol oynayır.
Тexniki bitkilər sənaye üçün əsas xammal mənbəyi hesab olunur. Onları
təsərrüfatlarda istifadəsinə görə aşağıdakı qruplara ayırmaq olar:
I. Lifli bitkilər: Lifli bitkilər 3 böyük qrupa bölünür:
1. Meyvəsi və toxumu lifli bitkilər. Meyvəsinin üzərində lif olan bitkilərdən
kokos palmasını göstərmək olar. Toxumunun üzərində lif olan bitkilərə isə adi
pambıq və pambıq ağacı (seyba) misal göstərilə bilər. Bu bitkilərdən Azərbaycan-
da ən geniş becəriləni adi pambıq bitkisidir.
2. Gövdəsi lifli bitkilər. Gövdəsində lif olan bitkilərə lutya və ya toxuculuq
bitkiləri də deyilir. Bunlara cut, gicitkən, rami (çin gicitkəni) uzunlifli kətan,
kənaf, çətənə, kəndir otu, krotalariya və s. aiddir.
3. Yarpağı lifli bitkilər. Yarpağı lifli olan bitkilərdən irikəkilli ananas, lifli
banan, aqava, sizal,Yeni Zelandiya kətanı, sanseviera, furkreya və s. göstərilə
bilər.
II. Şəkərli bitkilər: Şəkər çuğunduru, şəkər qamışı, biyan və s.. Şəkərli
bitkilərdən respublikamızda çox istifadə ediləni şəkər çuğundurudur. Hələlik
istifadə edilməyəni isə şəkər qamışıdır.
6
III. Yağlı bitkilər: Günəbaxan, soya, gənəgərçək, yağlı kətan, göy xardal, ağ
xardal, payızlıq raps, yazlıq raps (kolza), turpəng, yağçiçəyi, araxis (yer fındığı),
küncüt, saflor, perilla (sudza), lalemantiya, yağlı lalə və s. bitki növləri.
IV. Efir yağlı bitkilər: Keşniş, acı nanə, efiryağlı qızılgül, sürvə, lavanda,
reyhan, cirə, zirə, razyana və s.
V. Narkotik tərkibli bitkilər. Tütün, tənbəki, tiryək xaş-xaşı (lalə) və s.
VI. Dərman əhəmiyyətli texniki bitkilər. Çaytikanı, sığırquyruğu, jen-şen,
dərman adaçayı, boyaqotu, kəndir və s.
VII. Rəng verən texniki bitkilər. Həna (xına), basma ( indiqofera), zəfəran
və s.
VIII. Tərkibində aşılayıcı maddələr olan bitkilər. mayaotu (xmel), sumaq,
sarağan və s.
IX. Yemlik texniki bitkilər. Amarant, topinambur (yerarmudu) və s.
MÖVZU: 2. LİFLİ BİTKİLƏR. TOXUM ÜZƏRİNDƏ LİFİ OLAN
BİTKİLƏR. PAMBIQ BİTKİSİNİN BECƏRİLMƏSİ
Mühazirənin planı:
1. Lifli bitkilər, toxumu üzərində lif olan bitkilər2. Pambıq bitkisinin xalq təsərrüfatı əhəmiyyəti3. Pambıq bitkisinin tarixi, yayılması və məhsuldarlığı 4. Pambıq bitkisinin botaniki və bioloji xüsusiyyətləri5. Pambıq bitkisinin növbəli əkində yeri6. Torpağın becərilməsi7. Pambıq bitkisinin gübrələmə sistemi8. Pambıq toxumunun səpinə hazırlanması, səpin müddəti, üsulu və norması. 9. Pambıq əkinlərinə qulluq işləri (alaqlara, zərərverici və xəstəliklərə qarşı
mübarizə tədbirləri, suvarma).10. Məhsulun yığılması
7
Ədəbiyyat
1. Aslanov H. Ə., Vəliyeva M. A. Pambıq bitkisi ilə aparılan tarla təcrübələrinin metodikası, Bakı: 2013, 310 s.
2. Aslanov H. Ə., Vəliyeva M. A. Pambıqçılıq. Bakı: “Elm” 2014, 520 s.3. Belousov A.S.Pambıq növbəli əkinlərin münbitliyə və məhsuldarlığa təsiri, Bakı,1977, 80 s.4. Cəfərov M. İ., Quliyev R. M., Səfərov N.Ə. Kənd təsərrüfatı bitkilərinin becərilmə və
yığılma texnologiyası. Bakı, «Maarif» 2000, 364 s.5. Güləhmədov X. O. Güləhmədov A. X. Pambıqçılıqdan təcrübə məşğələləri. Bakı: “Maarif” 2000, 174 s. 6. Güləhmədov X. O. Pambıqçılıq Bakı: “Agah” 2000, 241 s.7. Güləhmədov X. O. Pambıqçılıq Bakı:“Maarif”1976, 275 s. 8. H. S. Hümbətov, X. Q. Xəlilov. Pambıq lifinin texnologiyası. Bakı: “Nurlan”, 2012, 230 s. 9. Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.10. Q. Y. Məmmədov, M. M. İsmayılov. Bitkiçilik, Bakı, “şərq-qərb” nəş., 2012, 356 s.11. Qərib Məmmədov, Azər Cəfərov, Zemfira Mustafayeva. Əkinçilik və bitkiçiliyin əsasları (qısa kurs), Bakı, “Elm”, 2008, 324 s. 12. M. A. Yusifov Bitkiçilik, Bakı, “Qanun” nəşriyyatı, 2011, 368 s.13. П. П. Вавилов «Растениеводства»., Москва, 1986, 512 с.14. Г. С. Посыпанов и др. «Растениеводства», Москва, «Колос», 2006, ст. 498-50615. Г. С. Посыпанов и др. «Растениеводства», Москва, «Колос», 1997, ст. 389-397.16. Технические культуры / Под р. Я. В. Губанова М.:, Агропромиздат, 1986, 287 с.
LİFLİ BİTKİLƏR. TOXUM ÜZƏRİNDƏ LİFİ OLAN BİTKİLƏR.
PAMBIQ BİTKİSİNİN BECƏRİLMƏSİ
Lifli bitkilər sənaye üçün əsas xammal mənbəyi hesab olunur. Onları
təsərrüfatlarda istifadəsinə görə aşağıdakı qruplara ayırmaq olar:
1. Meyvəsi və toxumu lifli bitkilər. Meyvəsinin üzərində lif olan bitkilərdən
kokos palmasını göstərmək olar. Toxumunun üzərində lif olan bitkilərə isə adi
pambıq və pambıq ağacı (seyba) misal göstərilə bilər. Bu bitkilərdən Azərbaycan-
da ən geniş becəriləni adi pambıq bitkisidir.
2. Gövdəsi lifli bitkilər. Gövdəsində lif olan bitkilərə lutya və ya toxuculuq
bitkiləri də deyilir. Bunlara cut, gicitkən, rami (çin gicitkəni) uzunlifli kətan,
kənaf, çətənə, kəndir otu, krotalariya və s. aiddir.
8
3. Yarpağı lifli bitkilər. Yarpağı lifli olan bitkilərdən irikəkilli ananas, lifli
banan, aqava, sizal,Yeni Zelandiya kətanı, sanseviera, furkreya və s. göstərilə
bilər.
Toxumunun üzərində lif olan bitkilərdən Azərbaycanda ən geniş becəriləni adi
pambıq bitkisidir.
Pambıq bitkisinin əhəmiyyəti. Pambıq liflilər sinfinə aid olan çox qiymətli
texniki bitkidir. Onun ən qiymətli məhsulu mahlıcıdır. Strateji əhəmiyyətə malik
bitki kimi pambıq ölkə iqtisadiyyatının inkişafında mühüm rol oynayır.
Müxtəlif növ parçaların toxunulmasından başqa, pambıq mahlıcından tikiş
sapı, kəndir, balıq toru, müxtəlif qayışlar, rezin borular elektrik örtükləri, süni ipək,
partlayıcı maddələr və s. hazırlanır.
Pambıq çiyidi liflərdən təmizləndikdən sonra toxum materialı və müxtəlif
məhsullar almaq üçün işlədilir. Çiyidin tərkibində 17-25% yağ, 25%-ə yaxın zülali
maddə, 33% azotsuz ekstraktiv maddələr (yağlar, karbohidratlar nişasta, şəkər və
s.) 21% sellüloz və 10-20% su vardır. Pambığın tərkibində 74-ə qədər kimyəvi
element var. Çiyid yağından qənnadı və konserv sənayesində, süni piy və
marqarin hazırlanmasında istifadə edilir, texniki emalından qliserin, stearin (şam
istehsalı üçün ağ piy maddəsi), yağın tullantılarından sabun bişirmədə və sürtgü
materialı kimi istifadə olunur. Toxum sıxılaraq yağ alındıqdan sonra yerdə qalan
kütlə jmıx (cecə) adlanır. Jmıxdan zərərvericilərə qarşı aldadıcı yemlərin
hazırlanmasında istifadə olunur.
Çiyidin nüvəsindən zəhərli maddə qossipol ayrılır ki, ondan polimer
birləşmələr, laklar, istiyə davamlı örtüklər, dərmanlar, boyalar və digər məhsullar
hazırlanır. Zavod tullantısı qossipol mazutundan (qudron) sənayedə yüksək
temperatura davamlı formalar, dişli çarxlar və s. hazırlanmasında istifadə olunur.
Çiyidin üzəri tüksüz və ya tüklə yarımörtülür, bəzi növlərdə bir və ikiqat
lifaltlığı ilə tam örtülü olur ki, bu lifaltlığına pəmbəaltı deyilir. Birinci növ
pəmbəaltı lifdən tənzif toxunur və mahlıc əldə edilir. Digər növlərdən isə asetat
9
ipəyi, maqnit sarğıları, plastik kütlə, lak, sellofan, ebonit, partlayıcı maddə və
yumşaq mebel materialı hazırlanır.
Qısalifli pəmbəaltı hidroliz edilərək qlükoza və sorbit şəkəri alınır ki, bundan
da şəkər xəstəliyinə tutulmuş insanlar istifadə edirlər. Eyni zamanda qiymətli kağız
da hazırlanır.
Çiyidin üzərindən çıxarılmış şeluxa (qabıq) mal-qara üçün əla yem hesab
olunur. Pambığın gövdəsindən yanacaq və tikinti materialı, üzvi gübrə kimi
istifadə edilir. Pambıq qozasının qərzəklərindən kəndir, texniki spirt, aşı maddələri
və üzvi sirkə turşusu istehsalı üçün geniş istifadə edilir. Müəyyən edilmişdir ki,
pambıq bitkisinin müxtəlif orqanlarında 17 üzvi turşular vardır. Ümumiyyətlə
pambığın ayrı-ayrı orqanlarında çoxlu vitaminlər və boy stimulyatorları vardır.
Pambıq bitkisinin mahlıcından, çiyidindən və orqanlarından 120–dən artıq
müxtəlif növ məmulat hazırlanır.
Tarixi və yayılması. Pambığın becərilməsi çox qədim dövrlərdən məlumdur.
Bizim eradan 3000 il əvvəl Hindistanda və Çində pambıq becərilib və onun
lifindən ip hazırlanıb. Bizim eradan 500 il əvvəl Çindən Misirə və IV-V əsrlərdə
Orta Asiyaya və İrana yayılıb. Artıq IX və X əsrlərdə pambıq lifindən yüksək
keyfiyyətli parçalar toxunub. Zaqafqaziyada pambığın becərilməsinə XIII əsrdə
başlanılıb.
XVIII əsrin ikinci yarısında pambıq lifinin sənaye üsulu ilə emalı, pambığın
maşınla təmizlənməsi və lifin əyrilməsi genişlənməyə başladı.
Pambığın yer kürəsində əkin sahəsi 35 mln. hektar xam pambıq məhsulu isə 45
mln. tondan çoxdur. Əsas pambıq əkən ölkələr Çin, Hindistan, Pakistan, ABŞ, Orta
Asiya respublikaları, Braziliya, Meksika, Misir və Türkiyədir. Yer kürəsində
istehsal olunan məhsulun 80%-i bu ölkələrin payına düşür.
Ən qədim yazılar salnaməsində – hindlilərin Rinqividlər himnində (eramızdan
əvvəl 6000-1500-ci illərdə) pambığın istifadəsindən yazılmışdır. Sonralar «Mann»
qanunlarında (eramızdan 800 il əvvəl) və digər bir çox əsərlərdə həbəş, ərəb, çinli
və avropalı müəlliflər tərəfindən pambıq bitkisinin məhsulundan hazırlanan
maddələr, onun lifi, toxumu və s. haqqında qeydlər edilmişdir.
10
Eramızdan 600-700 il əvvəlki Sanqərib dövrünün gil əlyazmalarında pambıq
haqqında göstərilir ki, padşahın təcrübə tarlasında becərilən bitki «yun» verir.
X əsrdə pambıq ərəblər tərəfindən İspaniyaya gətirilir və birinci olaraq burada
toxuculuq sənayesi (Barselona şəhəri) yaradılır. Azərbaycanda ən çox pambıq əkini 1982 - ci ildə olub 305,9 min hektar, ən
çox pambıq istehsalı 1981- ci ildə olub 831,2 min ton, ən çox məhsuldarlıq isə
1979 - cu ildə əldə edilib 30,8 s/ha.
Azərbaycanda 2010 - 2013 - cü illərdə pambıqçılığın vəziyyətiƏkin sahəsi, min ha-la Məhsul istehsalı, min tonla Məhsuldarlığı, s/ha - la
İ l l ə r
2010 2011 2012 2013 2010 2011 2012 2013 2010 2011 2012 2013
30,2 42,8 29,2 23,4 38,2 66,4 57,0 45,1 12,7 15,5 19,5 19,3
Botaniki təsviri. Pambıq əmənkömənci ( Malvaceae) fəsiləsinin (Gossypium
L.) cinsinə daxildir. Hazırkı təsnifata görə 35 növü əhatə edir. Onlardan 5 növü
mədənidir. Təsərrüfat əhəmiyyətinə malik olan mədəni növlər aşağıda qeyd
edilənlərdir:
1. Tüklü pambıq (Meksika pambığı) – gossypium hirsutum L.
2. Misir pambığı – gossypium barbadense L. (G. Peruvianum Gav.) (vətəni
Barbados adalarıdır)
3. Ağacvarı pambıq – gossypium arboreum L.(vətəni Hindistan və Çin hesab
edilir)
4. Otvari pambıq – gossypium herbaceum L. (vətəni Afrika və cənubi
Asiyadır)
5. Qərbi Hindistan pambığı – gossypium trycuspitatum Lam.
Azərbaycanda birinci və ikinci növ becərilir. Bunları üç qrupa bölmək olar.
1) Orta və uzun lifli sortlar (tüklü pambıq); 2) Zərif lifli sortlar (Misir
pambığı);
3) Lifi rəngli sortlar.
11
Bitkinin boyu 90-130-180 sm-ə qədər olur. Mil kök sistemi torpağın 1,5-2,0
metrə qədər dərinliyinə işləyir. Birinci ayda kök sistemi çox tez inkişaf edir.
Qönçələmə fazasına qədər əsas kök intensiv inkişaf edir, sonra isə yan köklər
inkişaf etməyə başlayır. Əsas kök birinci iki həftədə orta hesabla sutkada 2-3 sm-ə
qədər artır.
Gövdəsi dikduran, möhkəm, tükcüklərlə örtülü aşağı hissəsi odunlaşmış olur.
Hər bir yarpaq qoltuğunda 2-3 tumurcuq olur.
Budaqları boy (monopodial) və bar (simpodial) budaqlarına ayrılır.
Monopodial budaqlar gövdənin aşağı hissəsindən iti bucaq altında ayrılaraq düz
xətt boyunca inkişaf edir və simpodial budaqlardan güclü olur. Bar budaqları boy
budaqlarından hündürdə yerləşir. Simpodial budaqlar çiçək daşıyan, meyvə verən
budaqlardır.
Buğumaralarının sayına görə bar budaqları hədsiz və hədli tipə ayrılır.
Üzərində birdən çox dirsək və ya buğum əmələ gətirən budağa hədsiz tip, yalnız
bircə buğum əmələ gətirən budağa isə hədli tip deyilir.
Hədsiz simpodial budaqlar buğumaralarının uzunluğuna görə 4 qrupa bölünür.
I – buğumarası qısa 3-5 sm, II – buğumarası orta 6-15 sm, III – buğumarası
uzun 16-25 sm, IV – buğumarası çox uzun 25 sm və daha çox.
Hədli tip budaqlanmaya bəzən «sıfır» tipli bar budaqları da deyilir. Belə
budaqda yalnız bir buğumarası əmələ gəlməklə, onun inkişafı dayanır və
buğumarasının sonundakı tumurcuq və yan tumurcuqlar meyvə üzvünə çevrilir.
Adətən budaqların axırında 3-4 meyvə orqanı da əmələ gələ bilər.
Rüşeym torpaqda kök atdıqdan sonra, ləpə yarpaqaltı dirsək torpaqda böyüyüb
yay kimi əyilərək torpağa müqavimət göstərir, ləpəyarpaqaltı dirsək partlamış
toxumun qılafını ləpə yarpaqları ilə birlikdə torpaq səthinə çıxarır. Böyrəkşəkilli
ləpə yarpaqlarının vəzifəsi cavan cücərtini ehtiyat qida maddəsi ilə təmin etməkdir.
Əsl yarpaqlar əsas gövdədə spiralvarı xətt üzrə növbə ilə əmələ gəlir. Birinci 4-6
yarpaq bir-birinə yaxın, iki-iki yerləşir.
12
İlk əmələ gələn yarpaqlar tamkənarlı, sonrakılar isə dilimli olur. Yarpaqda
dilimlərin sayı 3-5 bəzən 7-8-ədəd olur. Rəngi açıq-yaşıl, yaşıl, bəzən qırmızı
yarpaqlı pambıqlar da olur. Yarpaqların alt və üst tərəfləri tükcüklərlə örtülü olur.
Çiçək qönçənin inkişafından əmələ gəlir. Qönçə əmələ gəldikdən 25-30 gün
sonra çiçək açır. Çiçək iri, cəlbedici, iki cinsiyyətli və aktinomorfdur (müntəzəm).
Çiçəyin elementləri 5 dairədə yerləşir. 1-ci xarici dairədə 3 iri çiçəkyanlığı, 2-ci
dairədə bir-biri ilə birləşmiş 5 kasacıq, 3-cü dairədə 5 ədəd sərbəst ləçək, 4-cü
dairədə çoxlu sayda erkəkciklər, 5-ci dairədə isə dişicik yerləşir. Çiçəkyanlığı
çiçək kasacığının alt tərəfini örtərək meyvənin qidalanmasında iştirak edir. Pambıq
öz-özünü tozlayan bitkidir.
Kasacığın kənarları dişli və dalğavarı olmaqla, çiçək tacını alt tərəfdən
bürüyür.
Tac 5 iri ləçəkdən əmələ gəlib, rəngi ağ, sarı, açıq-sarı və s. olur. Ləçək
yarpaqları bir-birinə sıx düzülərək, yumurtalığı aşağı tərəfdən bürüyürlər. Odur ki,
pambıq çiçəyinin yumurtalığı yuxarı yumurtalıq adlanır. Yumurtalıqda 3-5 yuva və
hər yuvada 7-11 ədəd toxum kisəsi yerləşir.
Çiçəyin dişiciyi 3 hissədən – ağızcıq, sütuncuq və yumurtalıqdan ibarətdir.
Erkəkcik iki hissədən – erkəkcik gövdəsi və nazik tellərlə birləşmiş nəzərə
çapmayacaq dərəcədə xırda, sarı rəngli, tikanlı tozcuqlardan ibarətdir.
Pambığın meyvəsi qozadır. O, inkişaf edir, yetişərək açılır. Qozalar
yumurtavarı, konusvarı, yumru-yastı, kürəşəkilli və s. ola bilər. Qozanın diametri
5-6 sm, bir qozadan alınan xam pambığın kütləsi yabanı növlərdə 0,2-1,1 qr.
mədəni növlərdə 3-12 qr. olur. Orta liflilərdə isə 5-8 qr. arasında dəyişir. Qozanın
yuvasında dilimlər vardır ki, onları bir-birindən arakəsmələr ayırır. Belə dilimlər 3,
4, və 5 ədəd olur. Qozanın hər dilimində 5-11, orta hesabla bütün qozada isə 25-30
toxum olur.
Qozanın inkişaf dövrü iki mərhələyə bölünür. 1-ci mərhələdə qozalar böyüyür,
2-ci mərhələdə də 25-30 günə qozaların içərisindəki liflər və çiyid tam yetişir
Çiyid (toxum) - yumurtavarı və ya uzun olmayan armud formalı olub, eni və
uzunu müxtəlif ölçüdə olur. Çiyid rüşeymdən və onu örtən iki qat pərdədən daxili
13
və xarici möhkəm qatdan ibarətdir. Xarici qat odunlaşır ki, ona çiyidin qabığı
deyilir.
Çiyidin qalın tərəfi halaza, incə tərəfi isə mikropil adlanır.
Toxumun uzunluğu 6-12 mm, eni 5-8 mm olur. Bir çiyidin kütləsi 50-200 mq,
yabanı formalarda isə 10 mq ola bilir. Mütləq kütləsi 80-160 q-dır. Çiyidin rüşeymi
onun nüvəsi adlanmaqla 2 ləpə yarpağından (yarpaqda tünd rəngli ləkələr -
qossipol) və boy tumurcuğundan ibarətdir.
Pambıq çiyidi qabığının epidermis hüceyrələrinin uzununa böyüməsi
nəticəsində əmələ gələn liflər mahlıc adlanır.
Bioloji xüsusiyyətləri. Pambıq toxumu 10-12 0C temperaturda cücərməyə
başlayır. 20-25 0C-də isə daha sürətlə cücərirlər. Çıxışların alınması üçün minimal
temperatur 14-15 0C-dir. Generativ orqanların formalaşması və çiçəkləmə üçün 20 0C lazımdır. Bitkinin normal inkişafı üçün optimal temperatur 25 0C-dir. Çiçəkləmə
və qönçələmə dövründə daha çox temperatur (25-30 0C) tələb olunur. Faydalı
temperaturun cəmi 34000 - dir.
Pambıq nisbətən quraqlığa davamlıdır. Dərinə işləyən kök sistemi torpaqaltı
sulardan istifadə etməyə imkan verir. Transpirasiya əmsalı 500-600 - dür.
Suvarmaya tələbkar bitkidir. Yaxşı məhsul verdikdə hektara 5-8 min ton su sərf
edir. İşıqsevən qısa gün (9-10 saat) bitkisidir.
Boz torpaqlar, tünd-şabalıdı, şabalıdı, açıq-şabalıdı, çəmən torpaqlar pambıq
üçün yararlıdır. Qrunt suyu yaxın olan və turş torpaqlar pambıq üçün yararsızdır.
Qida elementlərinin mənimsənilməsi ayrı-ayrı inkişaf dövrlərində müxtəlif
olur. Çıxış dövründə bitki qida maddəsini az mənimsəməklə qönçələmə fazasına
qədər güclənir. Qönçələmədən yetişməyə qədər qida elementlərinin
mənimsənilməsi çox sürətlənir və sonradan yenə də zəifləyir. (Hektardan 50 kq N, 17
kq P, 50 kq K aparır.)
Növbəli əkində yeri. Pambıq becərilən bölgələrdə pambıq-yonca növbəli əkini
(6, 7, 8 və s. tarlalı) daha geniş yayılmışdır. Yonca bitkisi şoran torpaqları duzdan
yaxşı yuyub təmizlədiyinə görə ona fitomelarator adı verilmişdir. Bu bitki qısa
14
müddətdə torpaq səthini örtdüyünə görə yaranmış təbəqə torpaqaltı suyun torpağın
səthinə çıxmasının qarşısını alır.
Yoncanın torpağın dərin qatlarına və yanlara gedən kökləri vardır. Torpaqları
yuyarkən suda həll olan duzlar həmin köklərin açdığı izlərlə aşağı qatlara asanlıqla
axır.
Viltlə sirayətlənmiş tarlalarda yoncanın rolu xüsusilə böyükdür. Belə ki, viltin
törədicisi yoncanın kökündə inkişaf edə bilmir və onun miqdarı əhəmiyyətli
dərəcədə azalır.
Gübrələmə sistemi. Pambıq gübrəyə tələbkar bitkidir. Bir ton məhsulla
torpaqdan 50 kq azot, 17 kq fosfor və 50 kq kalium elementi aparır.
Qönçələmə fazasına qədər qida elementlərini eyni bərabərdə mənimsəmir.
Qönçələmə fazasına qədər qida maddələrinin ümumi miqdarının – azot və fosfor 3-
5 %, kalium 2-3 %, qönçələmənin başlanğıncından çiçəkləməyə qədər azot və
fosforun 25-30 %-ni, kaliumun 15-20 %-ni çiçəkləmədən meyvəəmələgəlməyə
qədər azot və fosfor 65-70 %, kaliumun 75-80 %-ni mənimsəyir.
Gübrələmədə üzvi və mineral gübrələrdən istifadə olunur. Onu da nəzərə
almaq lazımdır ki, yoncadan sonra əkilmiş pambıq torpaqda toplanmış qida
elementlərindən yaxşı istifadə edir və üzvi gübrəyə tələbatı çox az olur. Adətən
yoncadan 2-3 il sonra torpağa üzvi gübrə verilmir, yalnız mineral gübrədən istifadə
olunur. Mineral gübrələrin norması və verilmə üsulları torpaq tipindən, gübrənin
formasından və pambıq tarlasının növbəli əkində yerləşməsindən asılı olaraq
dəyişə bilər.
Azot gübrəsinin illik normasının 25 %-i səpinqabağı, 75 %-i isə səpin zamanı
və qönçələmə və çiçəkləmənin əvvəlində 3-4 yarpaq fazasında yemləmə şəklində
verilir. Birinci yemləməni cərgədən 15 sm aralı 12 sm dərinlikdə, II yemləməni
qönçələmə fazasında cərgədən 2 sm aralı tirədən 3-4 sm dərinə və üçüncü
yemləməni cərgə aralarının ortasına vermək lazımdır.
Azot çatmadıqda bitki zəif inkişaf edir, vilt xəstəliyinə tutulması sürətlənir.
Fosforun 60-70 %-i əsas şum altına, qönçələmə fazasında hektara 20 kq fosfor
isə yemləmə şəklində verilir.
15
Kalium elementi çatışmadıqda sulu karbonların mübadiləsi pozulur, qozaların
formalaşması güclü surətdə pisləşir, lifin texnoloji göstəriciləri nəzərə çarpan
dərəcədə aşağı enir.
Azot, fosfor və kaliumdan başqa pambıq bitkisinin inkişafında kükürd, kalsium
və maqnezium da əhəmiyyətli rol oynayır.
Kükürd çatışmadıqda bitkinin boyu gecikir, yarpaqlar sarı rəng alır.
Kalsium və maqneziumun miqdarı pambıqçılıq rayonlarının torpaqlarında
kifayət qədərdir. Pambıq əkən bölgələr üçün bor, manqan, mis, sink və molibdenli
gübrələrdən istifadə edilməsi səmərəlidir.
Torpağın becərilməsi. Dondurma şumu (payız şumu) əkinçilik mədəniyyətini
yüksəltməkdə əsas vasitədir. Torpaq payızda şumlandıqda, havalar gecələr şaxtalı,
gündüzlər isə mülayim keçdiyindən torpaq məsamələrində su gecələr donur,
gündüzlər isə əriyir. Bu prosesin nəticəsi olaraq torpaq dağılıb dənəvərləşir və
yumşalır.
Dondurma şumunun əsas göstəricilərindən biri onun dərinliyidir. Dərinlik
torpağın qranulometrik tərkibindən, qrunt suyunun səviyyəsindən, humus qatı və
əkin qatın qalınlığından asılıdır. Pambıqçılıq bölgələrində dondurma şumu əsasən
28-30 sm dərinliyində aparılır.
Şum qatı dərin olmayan, çınqıllı və qumsal torpaqlarda 25 sm-dən dərin şum
aparılması məsləhət görülmür.
Şirvanın şorlaşmış və şorakətvarı çəmən torpaqlarında şum qatının qalınlığı 20
sm-dir. Sonra torpağın yapışqanlı qatı gəlir. Burada şum qatını 2 sm artırmaq üçün
hər hektar sahəyə 30-40 ton peyin vermək lazımdır. Dərin şum apardıqda torpaqda
üzvi maddələrin toplanması və çürüməsi üçün əlverişli şərait yaranır. Əmələ gələn
çürüntü torpağın xırda və toz halında olan hissəciklərini bir-birinə yapışdıraraq iri
dənəli torpaq hissəciklərinin əmələ gəlməsinə səbəb olur.
Pambıq bitkisini özü ilə növbələndirən zaman sahəni pambıq çöplərindən azad
edərək tirələri düzləndirmək lazımdır. Pambıq gövdələrinin təmizlənməsini
noyabrın birinci ongünlüyündə başa çatdırmaq lazımdır. Viltlə sirayətlənmiş bitki
16
şaxlarını diqqətlə sahədən təmizləmək vacibdir. Sağlam gövdələri xırdalayıb üzvi
gübrə kimi torpağa qarışdırmaq olar.
Əgər pambıq yoncadan sonra növbələnirsə oktyabrın ikinci yarısında sahəni
28-30 sm dərinlikdə ön kotancıqlı kotanla şumlamaq lazımdır. Şumdan əvvəl
yoncanın kök boğazlarını kəsmək üçün 5-6 sm dərinliyində üzləmə aparılır.
Tarlanın vəziyyətindən asılı olaraq erkən yazda səpinqabağı, şumun iki iz
malalanması həyata keçirilir. Səpinə 5-10 gün qalmış malalama aparılır.
Səpin – Səpin üçün çiyidlərin təmizliyi 97 %, cücərmə qabiliyyəti isə 85 %
olmalıdır. Səpin keyfiyyətinə görə ilk açılmış qozalardan alınmış toxumlar daha
yaxşı hesab olunur.
Adətən çiyid zavodlarda dərmanlanır əvvəlcə üçxlorfenolyat mislə (TXFM),
sonra heksaxloranla 1 ton toxuma 7 kq hesabı ilə dərmanlanır. Çiyid 20 sm
qalınlıqda sərilir və kürəklə yaxşı qarışdırılır.
Çiyidi islatmaq üçün sement və ya asfalt döşənmiş meydançalarda 20-30 sm
qalınlığında və 1,0-1,5 m enində sərirlər. Bir ton çiyidə bir dəfəyə 250-300 litr su
çilənməlidir. İsladılmış çiyid 60-70 sm tığa yığılır. Suyun çilənməsi və tığın
qarışdırılması 3-4 saatdan bir təkrar olunur. İsladılma müddətində 1 ton quru çiyid
500-800 litr su uda bilir.
Kökçürümə xəstəliyi və hommoza qarşı 1 ton toxuma 10-12 kq 65%-li
fentiuramla dərmanlanır.
Səpin müddəti, üsulu və norması. İstər faraş, istərsə də gecikdirilmiş səpinlər
yaxşı nəticə vermir.
Ən yaxşı səpin müddəti torpaqda temperatur 11-120 C havanın temperaturu 13-
140 C olduğu vaxtdır. Torpaqda normal havalanma getdikdə və çiyid yaxşı
nəmləndikdə 10-15 günə normal çıxışlar alınır.
Səpin müddəti torpaq tipindən asılıdır. Qranulometrik tərkibi yüngül olan
torpaqlar (çınqıl qatı səthə yaxın) tez qızdığına görə səpin tez, ağır və gilli torpaq-
larda isə nisbətən gec aparılmalıdır.
17
Pambıq cərgəvi, kvadrat-yuva, və yuva üsulu ilə səpilir. Ən sadəsi cərgəvi
səpin üsuludur. Kvadrat-yuva üsulunda çiyid sərfi, 2 dəfə azalır və maşınla iki
istiqamətdə sahənin eninə və uzununa becərmə aparmaq mümkün olur.
Pambıqçılıqda cərgəarası 60 və 90 sm bitki arası məsafə isə 10-30 sm
götürülür.
Son dövrlərdə tirəyə səpin üsulu tətbiq edilir. Bu vaxt 20-30 sm hündürlüyündə
tirələr yaranır. Həmin tirələrdə torpaq yaxşı qızır, məsamələr yaranır və nəmlik
saxlanılır ki, bu da yaxşı çıxışların alınmasını təmin edir.
Hər hektara səpin norması cərgəarası məsafədən, toxumun keyfiyyətindən asılı
olaraq, 40-50 kq-dan 70-80 kq-a qədər dəyişir. Bitki sıxlığı hər hektarda 100-120
min olmalıdır. Toxumun basdırılma dərinliyi 4-5 sm-dir.
Qulluq işləri. Hektarda olan bitki sıxlığını müəyyən etmək üçün qidalanma
sahəsini bilmək lazımdır. Bir hektarı (10 000 m2) həmin ədədə bölərək yuvadakı
bitkilərin sayına vururuq (məs. 60 x 60 sxemində bir yuvada qidalanma sahəsi 0,6
m x 0,6 m = 0,36 m2 ; 10 000 m2 : 0,36 m2 = 27777 yuva, hər yuvada 3 bitki
saxlanarsa onda 27777 x 3 = 83333 bitki olmasını tapırıq).
Çıxışlar alınana qədər əgər qaysaq varsa yüngül mala ilə dağıtmaq lazımdır.
Çıxışlar alındıqdan sonra cərgəaralarının becərilməsinə başlanılır. Birinci
kultivasiya 6-8 sm dərinliyində cərgələrin hər tərəfindən 10-12 sm müdafiə zolağı
saxlanılmaqla aparılır. İkinci kultivasiyanı birinci vegetasiya suvarmasından 2-3
gün sonra aparırlar. İkinci yaxud üçüncü kultivasiyadan başlayaraq müdafiə
zonasını 15-16 sm çatdırırlar.
Suvarma - Pambığın nəmliyə olan tələbatını ödəmək üçün torpağın köklər
qidalanan qatında tarla rütubət tutumunu 65-70 %-də saxlamaq zəruridir. Arat və
vegetasiya suvarmaları mövcuddur. Torpaqda nəmlik ehtiyatının toplanması,
toxumun cücərməsi və çıxışların alınması üçün payız-qış dövründə ehtiyat
suvarması tətbiq edilir. Suvarma norması hektara 1000-1500 m3-dir.
Nəmlik itkisinin qarşısını almaq üçün yazda torpaq 1-2 iz malalanır.
Vegetasiya suvarmaları qönçələməyə qədər (2 dəfə), qönçələmə dövründə (3-4
dəfə) və yetişmə dövründə (1 dəfə) aparılır. Ümumiyyətlə vegetasiya dövründə
18
torpaq tipindən və qrunt sularının səviyyəsindən asılı olaraq pambıq 2-10 dəfəyə
qədər suvarılır. Torpağın vəziyyəti və çıxışlardan asılı olaraq birinci suvarmanı 3-4
həftədən sonra həyata keçirmək lazımdır.
Qulluq işlərindən daha əhəmiyyətlisi alaqlarla mübarizədir. Hektara 1-1,5 kq
herbisid 200 litr suda həll edilərək 20-30 sm enində cərgələrə çilənir.
Ucvurma da mühüm qulluq işlərindəndir. Bitkinin boy nöqtəsi qırılıb atılır, bu
üsul qönçələrin və çiçəklərin tökülməsinin qarşısını alır, bitkinin işıqlanması və
qidalanması üçün əlverişli şərait yaranır.
Xəstəlik və zərərvericiləri. Xəstəlikləri göbələklər, bakteriyalar və viruslar
törədir. Ən qorxulu xəstəliklər soluxma və hommozdur.
Vilt (soluxma) xəstəliyini Verticillium dahli göbələyi törədir (bu xəstəliyə
pomidor, kartof, günəbaxan, xiyar, badımcan, bibər, şaftalı, gilas, çiyələk, ətirşah,
payızgülü və s. tutulur). Bitki əsasən bu xəstəliyə qönçələmə və çiçəkləmə
fazasında tutularaq vegetasiyanın sonuna qədər davam edir. Xəstəliyə tutulmuş
bitkinin yarpaqlarının üzərində dilim şəkildə solğun-sarı ləkələr görünür, sonra bu
ləkələr qonurlaşır və quruyaraq tökülür. Bu hal boy tumurcuqlarında da olur.
Gövdəni bıçaqla çəpəki kəsdikdə boruların tam qəhvəyi rəngdə olması və
toxumanın parçalanması aydın görünür.
Hommoz – Xanthomonas malvacearum bakteriyası törədir. Pambıq cücərtisi
torpaq səthinə çıxdıqda ləpə yarpaqlarında tünd-yaşıl, şəffaf yağlı ləkələr olur.
Ləkə tədricən tündləşir və üst tərəfini ağ pərdə örtür.
Qoza üzərində dairəvi, batıq şəkildə olur. Gövdə üzərində uzunsov yarıq əmələ
gətirir, yarıq artdıqca bitki həmin yerdən nazilir, qaralır və nəhayət qırılır.
Qozalarda ləkələr çox olduqda qozanın yarı hissəsi açılır yaxud bəzən də tamamilə
açılmır. Qarşısını almaq üçün bir ton toxuma 7 kq 20 %-li misüçxlorfenolyat
preparatı işlədilir.
Kökçürüməsi – əsasən yeni cücərtilərdə olur və 6 əsl yarpaq əmələ gələnə
qədər bitkini zədələyə bilir (törədicisi Rhisoctonia Aderholdii göbələyidir).
Bitkinin kök boğazında tünd qəhvəyi ləkə şəklində əmələ gəlir. Qabıq çatlayır,
dağılır, gövdə çox nazilir, köklər xəstəliyə tutulur və bitki məhv olur.
19
Cərgəaralarını erkən becərmək nəmliyi azaltmaqla torpaqda qarşısını almaq
mümkündür.
Yarpaqların qıvrılması. Bu xəstəliyi viruslar törədir. Yarpaqların kənarları
yuxarıya və aşağıya doğru qıvrılır. Qönçələmə fazasından başlayaraq vegetasiyanın
sonuna qədər davam edir. Bəzən yarpaq dilimlərində qıvrılma boruşəkilli olur.
Yarpaq saplaqları və gövdə qırmızı rəng alır və yapışqanlı olur. Bu xəstəlik
məhsuldarlığı 50 %-ə qədər azalda bilir.
Pambığa 17 növ həşərat ziyan vurur. Ən qorxulusu pambıq sovkasıdır. Tor
gənəciyi, mənənə trips və s. də məhsuldarlığa xeyli ziyan vurur.
Pambıq sovkası – əsasən dörd nəsil verir. Bu nəsillər biri digərinin daxilində
əmələ gəlir. Torpaqda pup halında qışladıqdan sonra, aprelin axırı mayın
əvvəllərində puplardan kəpənəklər çıxıb uçaraq alaq otları və mədəni bitkilərin
(qarğıdalı, pomidor, noxud) üzərinə yumurtalarını qoyurlar. Sonrakı üç nəsil isə
pambıq bitkisinə ziyan vurur. (digərləri, tor gənəciyi (çor), payız sovkası, pambıq
mənənəsi, tütün tripsi və s. ).
Məhsulun yığılması. Qozalar eyni zamanda yetişmir. Onların yetişərək
açılması iki aya qədər (don düşənə qədər) davam edir.
Pambıq həm əllə, həm də maşınla yığılır. Birinci yığım maşınla aparılır.
Qabaqcadan yarpaqların tökülməsi üçün defolyasiya edilir, hər hektara 8-12 kq
maqnezium xlorat çilənir. Yarpaqlar tam tökülmədikdə bitkinin gövdəsini tam
qurutmaq üçün desikasiya, yəni hektara 25-30 kq maqnezium xlorat yaxud 50 kq
kalium xlorid-xlorat çilənir.
Toxumluq məhsulun əl ilə yığılmasına kolun aşağı və orta hissəsində 5-6 qoza
açıldıqda başlanılır.
Yığılmış pambığı asfalt döşəmələrə 10 sm qalınlığında sərərək qurudurlar. Bu
zaman kürəklə qarışdırmaq lazımdır. Yağmurlu günlərdə qurutma qurğusu olan
binalarda 60-80 0C-də qurudulur. Yüksək temperaturda qovurula və yana bilər.
20
MÖVZU: 3. LİFLİ BİTKİLƏR. TOXUM ÜZƏRİNDƏ LİFİ OLAN
BİTKİLƏR. PAMBIQ BİTKİSİNİN BECƏRİLMƏSİ
Mühazirənin planı:
1. Kətanın əhəmiyyəti. 2. Tarixi, mənşəyi və yayılması. 3. Botaniki təsviri və bioloji xüsusiyyətləri. 4. Növbəli əkində yeri. 5. Gübrələmə sistemi. 6. Torpağın becərilməsi. 7. Qulluq işləri və məhsul yığımı. 8. Yağlıq kətanın aqrotexniki xüsusiyyətləri. 9.
Ədəbiyyat
17. Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.18. Məmmədov Q. Y., İsmayılov M. M. Bitkiçilik, Bakı, “şərq-qərb” nəş., 2012, 356 s.19. Yusifov M. A. Bitkiçilik, Bakı, “Qanun” nəşriyyatı, 2011, 368 s.20. Вавилов П. П. «Растениеводства»., Москва, 1986, 512 с.21.Лен - долгунец / Под ред. Труша М. М. М.: «Колос», 1976, 87 с. 22.Объедков М. Г. Лен-долгунец. М.: Россельхозиздат, 1979, 169 с.
23. Посыпанов Г. С. и др. «Растениеводства», Москва, «Колос», 1997, ст. 389-39724. Посыпанов Г. С. и др. «Растениеводства», Москва, «Колос», 2006, ст. 498-506.25.Технические культуры / Под р. Я. В. Губанова М.:, Агропромиздат,
1986, 287 с.
21
GÖVDƏSI LİFLİ BİTKİLƏR. KƏTAN BİTKİSİNİN XALQ
TƏSƏRRÜFATI ƏHƏMİYYƏTİ VƏ BECƏRİLMƏ TEXNOLOGİYASI
Gövdəsində lif olan bitkilərə lutya və ya toxuculuq bitkiləri də deyilir. Bunlara
kətan, kənaf, çətənə, kəndir otu, cut, gicitkən, rami (çin gicitkəni) uzunlifli krota-
lariya və s. aiddir.
Əhəmiyyəti. Kətan ən yaxşı lifli bitkilər sırasına aiddir. Əsas etibarilə bu bitki
təbii lif və toxumundan yağ almaq üçün becərilir. Gövdəsində yağlıq kətana
nisbətən 2 dəfə artıq, 18-33% lif var. Kətan lifi yüksək texnoloji keyfiyyətlərinə
görə fərqlənir və toxuculuq sənayesinin əsas xammal mənbəyi hesab edilir. O, iki
dəfə pambıq lifindən, üç dəfə yundan möhkəmdir və ipək sapdan bir qədər geri
qalır. Ondan ən yaxşı müxtəlif məişət, texniki, qablaşdırma və s. materiallar
hazırlanır. Kətandan hazırlanmış məmulatlar keyfiyyətli, davamlı, gözəl, yüngül və
gigiyenikdir. Orta hesabla bir kq kətan lifindən 10 m2 batist, 2,4 m2 parça yaxud
1,6 m2 su keçirməyən parça (brezent) alınır. Toxuculuq sənayesi kətandan texniki
və məişət təyinatlı geniş çeşidli mallar: məhrəba, alt paltarı, ağ, geyim, yorğan,
qayış, qalın kətan parça (parusin), qablaşdırma materialı, kəndir, sap, qalın kəndir
və s. istehsal edir. Kətandan suya və odadavamlı divar kağızı hazırlanır. Texniki
parçalar çürüməyə qarşı yaxşı davamlıdır, onlar tədricən köhnəlib xarab olurlar.
Kətan lifinə tələbat hədsiz böyükdür. Kətan lifi pambıq və kimyəvi liflərlə
birgə tətbiq olunan ən yaxşı komponentlərdən biridir.
Kətanın toxumu böyük əhəmiyyət kəsb edir. Onun tərkibində 35-39%, yağlıq
kətanın toxumunda isə 42-44% yağ vardır. Toxumun tərkibində zülalın miqdarı
23%-dir. Toxumdan alınan yağ əsasən texniki məqsədlər üçün istifadə edilir. Yağı
möhkəm, nazik və elastiki təbəqə əmələ gətirir, tez qurumaq qabiliyyətinə
malikdir. Ondan yüksək keyfiyyətli əlif yağı, eləcə də lak və mina (emal, mina
çəkmək) hazırlanmasında istifadə olunur. Kətan yağı istehsal həcminə görə texniki
yağlar içərisində dünyada birinci yeri tutur. O, elektrotexnika, kağız və sabunbişir-
mə sənayesində, eləcə də ətriyyat və təbabətdə geniş tətbiq olunur. Kətan yağı
22
təbabətdə məlhəm və sürtgü dərmanları hazırlamaq üçü işlədilir. Yeyintidə də az
miqdarda istifadə edilir.
Yağ emalından sonra yerdə qalan tullantı (cecə, jmıx) yüksək zülallı qiymətli
yemdir. Onun tərkibində 6-12% yağ, 30%-ə qədər xam zülal var. Bir kq kətan
cecəsinin yemlik dəyəri 1,15 yem vahidinə bərabərdir.
Kətanın emalı zamanı alınan qısa liflər əsasən kobud parçaların hazırlanma-
sında istifadə olunur. Gövdə oduncağının tərkibində 64% sellüloza vardır ki, ondan
sıxılmış (presləmək) tikinti lövhələri, texniki karton, etil spirti, aseton və digər
materiallar hazırlanmasında xam mal kimi istifadə edilir.
Tarixi, mənşəyi və yayılması. Kətan bitkisi çox qədim zamanlardan becərilir.
Onun vətəni haqqında dəqiq fikir söyləmək çətindir. Kətan bizim eradan 4-5 min il
əvvəl Hindistan, Çin, Misir və Zaqafqaziyada məlum olub.
Təxminən kətanın vətəninin Hindistanın dağlıq rayonları, Çin və Aralıq dənizi
ölkələri (Zaqafqaziya, Anatoliya, Qərbi İran) olduğu güman edilir. Kətan bitkisi
asanlıqla yabanı formaya keçir. Bir çox ölkələrdə o cümlədən də cənubi Rusiyada
özünü yabanı bitki kimi göstərir. Rusiya ərazisinə Asiyadan keçmişdir. Hazırda
kətanı Avropanın, Asiyanın və şimali Amerikanın isti yerlərində və Şimali Afri-
kada becərilir.
Bu günə kimi kətanın mənşəyi haqqında heç bir düzgün fikir söylənməyib.
Ancaq bir neçə hipotez irəli sürülmüşdür. Bu hipotezlərin bəzilərində daryarpaq
kətanın yabanı halda İran körfəzi dövlətləri ərazilərindən başlayaraq Xəzər və Qara
dəniz sahillərinə qədər gəlib çıxdığı göstərilir. Başqaları isə göstərirlər ki, mədəni
kətan ilk dəfə öz başlanğıcını Hindistanın dağlıq ərazisindən götürmüşdür. Burada
bizim eradan 9 min il qabaq kətan bitkisinin becərilməsi haqqında arxeoloji
qazıntılar məlumat verir. Bəziləri isə kətanın ilk əkin sahələrinin Yaxın şərq,
Qafqaz (Azərbaycan), Avropa və Asiya ölkələri olduğunu qeyd edirlər. Bu
yerlərdə aparılan arxeoloji qazıntılar nəticəsində əldə edilən kətan qalıqlarına
əsaslanaraq alimlər onun Daş dövründə əkildiyini söyləyirlər.
Kətanın becərilməsinə Rusiya ərazisində qədim dövrlərdən başlanılıb. III-V
əsrlərdə kətan Rusiyanın Yaroslavl və Kostroma vilayətində becərilib. Artıq X
23
əsrdə Rusiyada kətandan istehsal olunan parça, iplik, lif və yağ yalnız ölkənin öz
ehtiyaclarını ödəmək üçün deyil, hətta xarici ölkələrə də satılırdı.
Kətanın yer kürəsində əkin sahəsinin 60%-dən çoxu MDB ölkələrində
cəmləşmişdir. Rusiya, Ukrayna və Belarus dövlətlərində əkin sahəsi daha çoxdur.
Polşa, Rumıniya, Fransa, Çexiya, Hollandiya və s. ölkələrdə də əkin sahəsi
əhəmiyyətli dərəcədədir.
Yer kürəsində əsas liflik kətanın əkin sahəsi 1,5 mln. hektardan çox, yağlıq
kətanınkı isə təxminən 1 mln. hektardır. Yağlıq kətanın əkinləri Argentina, ABŞ,
Kanada və Hindistanda daha çoxdur. Rusiya ərazisində əkin sahəsi 200 min
hektardır.
Kətanın lif məhsuldarlığı orta hesabla hektardan 0,4 tondur, lakin potensial
imkanı 1,6 və daha çoxdur.
“Tarixin atası” hesab edilən Herodot göstərir ki, Kolxididə kətandan
hazırlanan parça məmulatları ilə təkcə daxili tələbi ödəmir, onları bir çox Şərq və
Qərb dövlətlərinə də ixrac edirdilər.
Herodot qeyd edir ki, Dnepr və Dnestr çayları ətrafında yaşamış qədim skiflər
buğda, mərcimək, soğan, sarımsaqla yanaşı, kətan və çətənə də əkərək onlardan əla
keyfiyyətli parçalar toxuyarlarmış. Herodotun bu fikirlərini Dnepr çayı sahillərində
arxeoloji qazıntılar nəticəsində əldə edilmiş materiallar da təsdiq edir. Müəyyən
etmişlər ki, o dövrlərdə indiki Litva xalqları da kətançılıqla geniş surətdə məşğul
olmuşlar. Ərəb səyyahı İbn-Faldan 901-ci ildə Volqa və Ural ətrafı ərazilərdə olan
zaman kətandan hazırlanmış parçadan tikilmiş paltarda gəzənlərə rast gəlmişdir.
Xalq arasında kətanla bağlı bir çox əfsanələr, nağıllar uydurulmuş, xüsusi
təntənəli bayram günləri qeyd edilmişdir. Məhsulu topladıqdan sonra hər il 3
İyunda təntənəli bayram keçirirlərmiş.
Azərbaycan da kətanın qədim vətənlərindən biri sayılır. Lakin imperiyanın
əsarəti altına düşdükdən sonra Azərbaycanda bir çox sahələr kimi, kətançılıq da
unudulmuşdur. İndi Azərbaycan yenidən öz dövlət müstəqilliyini bərpa etmişdir.
Ona görə yaxın vaxtlarda sap istehsalını artırmaq və respublikanın tələbatını
24
ödəmək üçün Azərbaycanda kətançılığın inkişafı haqqında düşünmək lazım
gələcəkdir.
Botaniki təsviri. Kətan bitkisi bitkilər aləminin, çiçəkli bitkilər şöbəsinin,
ikiləpəlilər sinfinin, malpigiçiçəklilər sırasının kətankimilər (Linaceae) fəsiləsi-
nin, kətan (Linium L.) cinsinə daxil olan birillik və çoxillik ot tipli bitkidir. Müx-
təlif mənbələrə əsasən demək olar ki, kətan cinsinin dünyada 100-dən 200-ə qədər
növü məlumdur. Hazırda bunlardan lifinin uzunluğuna, keyfiyyətinə, davamlılığına
və toxumlarının yağvermə qabiliyyətinə görə daha məhsuldar olan bir növü elmi
əsaslarla müəyyən edib, mədəni hala keçirmişlər. Bu uzunlifli kətan – L.
usitalissimum adlandırılmışdır və əksər ölkələrdə geniş surətdə əkilib becərilir.
Hazırda onun beşə qədər növmüxtəlfliyi əldə edilmişdir. Bunlardan uzunlifli və
yaxud iplik L. elongata; lül – maşın ipliyi və yaxud aralıq təşkil edən L.
intermedia, qıvrım və ya yağtəbiətli (yağlı) L. brevimulicaulina, iritoxumlu L.
macrospermum və əyilən yarım qışlayan L. prostratanı göstərə bilərik.
Kətançılıq təsərrüfatı lif və yağ almaq məqsədilə inkişaf etdirilir. Liflik
məqsədilə uzunlifli kətandan, yağ məqsədləri üçün isə qıvrım və yaxud yağtəbiətli
(yağlı) kətandan (L. brevimulicaulina) istifadə edilir.
Mədəni kətan, əkilən və yaxud adi kətan (L. usitatissimum L.) hündürlüyü 30-
150 sm olub, öz-özünə tozlanan birillik ot tipli bitkidir. İsti ölkələrdə məs:
Hindistanda daha ucaboylu olur. Yalnız yuxarı hissədən budaqlanır. Əsas kökü
(mil kökü) olduqca qısadır, ağımtıl rəngdədir, bir neçə iri yan budaqlar (köklər)
əmələ gətirir. Ancaq çoxlu sayda xırda kök telləri olur.
Gövdəsinin əsas hissəsi dik dayanan və düz, nazik, silindir şəkilli, bəzən sadə,
yalnız yuxarı hissədən budaqlanan tutqun yaşıl rəngli zəif mum təbəqəsi ilə
örtülüdür. Gövdəsi tüksüz və demək olar ki, tüksüz yəni qısa tükcüklərlə örtülü
olur. Yarpaqları çoxsaylı, nisbətən seyrək növbəli və ya spiral şəkilli düzülmüş 2-3
sm uzunluqda 3-4 mm enində olmaqla xətvari və yaxud xətvari-lansetvari, nisbətən
iri lansetvari, nəhayəti sivri (iti) oturaq, yüngül göyümtül rəngli, nisbətən zəif
mum təbəqəsi ilə örtülü, kənarları hamar, 3 damarlıdır. Yarpaqları tükcüklərlə
örtülmüş və ya çılpaq, kənarları bütövdür. Çiçəkləri gövdənin nəhayətində yalançı
25
çətir (dixazi) şəklində toplanmışdır. Çiçək qrupu seyrək, əyri, bəzən qıvrım olmaq-
la çiçəkaltlığı lansetvaridir. Çiçəkləri nisbətən az üzvlü, çox hissəsi orta irilikdə və
yaxud xırda 1,5-2,4 sm diametrində, kifayət qədər uzun saplaqlı, yuxarı hissələrdə
yaxınlaşmışdır. Kasa yarpaqları 5-6 mm uzunluqda ot tipli, yumurtavari və ya
yumurtavari-lansetavri, uzunsov yumurtavari, yuxarı hissələrdə sivri və ya qısa
sivri, 2-5 əksər hallarda 3 damarlı, daxildə nisbətən geniş, ağ örtüklə haşiyələnmiş,
yuxarı hissədə kənarları kələ-kötür, nazik kirpiklidir. Ləçəkləri 12-15 sm
uzunluqda pazşəkilli, tərs yumurtavari, yuxarı hissələrdə bir neçəsi çəp dairəvi və
ya kütləşmiş, tam kənarlı, hamar və ya yüngül büzmələnən, mavi və ya göy rəngli,
nisbətən tünd damarlı, bəzən isə ağ, çəhrayı və ya qırmızı -bənövşəyi, aşağıya
doğru qurumuş ağ rəngli, əsasında sarı damarı olan və tez tökülən olur. Erkək-
cikləri xətvari, ağ rəngli, yuxarı hissəsi tikanlı göy saplıdır (damarlıdır). Erkəkcik
borusu qısa, həlqə şəkillidir. Tozluqları uzunsov, əsasən göy, bəzən isə sarı və ya
çəhrayı rəngli olur.
Dişiciyi bir ədəd, dairəvi, beş sütuncuqdan ibarətdir. Yumurtalığı (toxumluğu)
yumurta şəkilli, yaşıl rəngli, sütuncuğu pazşəkilli-xətvari, ağızcığı tünd göydən
bənövşəyi rəngə qədər dəyişilir. İyun və iyul aylarında çiçəkləyir.
Çiçəkləri sübh tezdən ilk günəş şüası dəyən kimi açılır, günortadan sonra
yumularaq tökülməyə başlayır. Nəmli və yağışlı günlərdə çiçək açmır.
Mayalanması ancaq həşəratlar vasitəsilə – çarpaz üsulla gedir. Meyvəsi 6-8 mm
uzunluğunda, 5,7-6,8 mm diametrdə, yastılaşmış şarşəkilli və ya şarşəkilli -
yumurtavarı olmaqla beş yuvalı qutucuqdur. Üzərində kasacığın izi qalmışdır.
Yuxarı hissəsi azacıq sivri, sarımtıl rəngli, əsas hissəsi antosian rənglə örtülməmiş,
bəzən yetişmədən əvvəl zəif rəngli, çatlamayan, yalançı arakəsməli, tüksüz
(hamar) bəzən isə kirpikli olur. Meyvəsi iyul-avqust aylarında yetişir
Bitkidə adətən 10 ədəd, bəzən isə az sayda toxum olur. Toxumları 3,3-5,0 mm
uzunluqda, yumurtavarı və ya uzunsov ellipsvarı, yanları qeyri-bərabər, güclü
yastılaşmış, əsasında dairəvi, yuxarısı sivri, açıq-qəhvəyi rəngdən tünd boz rəngə
qədər dəyişən, az hallarda yaşılımtıl-sarı, tamamilə hamar və parlaq olur.
26
Toxumun qabığı suya dəydikdə yumşalır, selikli maddəyə çevrilir. Uzunlifli
kətanın 1000 ədəd toxumunun kütləsi 4-5 qr. (12-13 qr.) gəldiyi halda, yağlıq
sortlarınkı 8-15 qram olur.
Qıvrım kətan (L. brevimulicaulina) əsas etibarı ilə toxum almaq üçün əkilib-
becərilir. Bu bitkinin gövdələrindən alınan lifin keyfiyyəti çox aşağı olur.
Qıvrım kətan alçaq boylu və yaxşı budaqlanandır. Gövdəsinin hündürlüyü 30-
50 sm olub, çox budaqlanandır. Yarpaqları müalicəvi xüsusiyyətlərə malik olmaqla
növbəli bəzən isə qarşı-qarşıya düzülmüşdür. Çiçəkləri beş üzvlüdür. Beş ədəd
inkişaf etmiş erkəkcikdən başqa ləçəklərin qarşısında beş ədəd tam inkişaf etməmiş
dişcik və sapları vardır. Yumurtalığı tamdır.
Gövdəsinin qurtaracağında 30-50-ə qədər içəriləri toxumla dolu olan beş yuvalı
qutucuqlar - meyvələr yerləşir. Hər yuva 2 yarım yuvaya bölünməklə hər birində 1
ədəd toxum olur.
Bunun toxumları uzunlifli kətanınkına nisbətən iri və yağlı olur. Qıvrım kətana
yağ verən kətan da deyilir. Bunu Hindistan, Argentina və bir çox cənub ölkələrində
əkib becərirlər. Dünya əkinçiliyində yağ verən kətan uzunlifli kətana nisbətən daha
çox əkilib-becərilir.
Bioloji xüsusiyyətləri. Uzun lifli kətan üçün yazın və yayın mülayim tempe-
raturu, növbə ilə yağan yağışları və açıq havası əlverişlidir. Kətanın toxumu 3-5 0C
temperaturda cücərməyə başlayır. Onun cücərtiləri mənfi 4 0C-yə qədər şaxtalara
dözürlər. Toxumun fəal cücərməsi və çıxışların alınması, torpaqda toxumun
basdırılma dərinliyində 7-9 0C temperatur olduqda qeydə alınır. Uzun lifli kətan
üçün faydalı temperatur cəmi səpin-cücərti dövründə 60 0C, cücərti-çiçəkləmənin
başlanğıcı 418-440 0C, çiçəkləmədən qutucuqların qonurlaşmasına qədər 410 0C-
dir. Bitkinin inkişafı üçün optimal temperatur 15-18 0C-dir. İsti havalar gövdənin
hündürlüyünü ləngidir. Bitkini xüsusən lazımi miqdarda nəmliklə təmin etmədikdə
artıq o, 22 0C temperaturda boy artımına görə əziyyət çəkir.
Uzun lifli kətan nəmliyə çox tələbkardır. Onun suya tələbatı qönçələmə və
çiçəkləmə dövründə xüsusən böyükdür. Torpaq nəmliyi TRT 70%-i həddində
olduqda o daha yaxşı inkişaf edir. Uzun lifli kətanın nəmliyə tələbatı eyni zamanda
27
onun inkişafının müxtəlif fazalarda müxtəlifdir. Toxumun şişməsi üçün öz
kütləsindən 100%-ə qədər artıq nəmlik tələb olunur. Optimal torpaq nəmliyində
(10 sm qatda 10-20 mm) cücərtilər bir bərabərdə alınır, çiçəkləmə fazasına qədər
nəmliyə tələbat artır və məhsuldar nəmlik ehtiyatı 0-20 sm qatda 30 mm və daha
artıq olduqda böyümə normal gedir. Kətan bitkisi torpaqda nəmlik artıq olduqda
dözmür və qrunt sularının səviyyəsi səthə yaxın olan ərazilərdə pis nəticələnir.
Eləcə də yetişmə zamanı yağıntıların artıq düşməsi arzuedilməzdir, belə ki, onun
hesabına bitkilərin yatmasına və müxtəlif xəstəliklərin inkişaf etməsinə səbəb olur.
Kətanın transpirasiya əmsalı 400-430-a bərabərdir.
Uzun lifli kətan uzun gün bitkisidir. Güclü günəş işığı gövdələrin şiddətli
budaqlanmasına, uzun lif məhsuldarlığının aşağı düşməsinə və onun keyfiyyətinin
pisləşməsinə səbəb olur.
K. A. Timiryazev qeyd etmişdir ki, münbit torpaqlarda kətan daha nazik və
elastiki lif məhsulu verir. Onun üçün mədəniləşdirilmiş gilli və gillicəli torpaqlar
daha yaxşı hesab olunur. Ən əlverişli torpaq məhlulunun reaksiyası pH=5,0-6,5-
dir.
Uzun lifli kətanın kök kütləsinin 80%-i 0-20 sm torpaq qatda, 14-18%-i 21-60
sm-lik qatda, 3-6%-i isə 51-100 sm-lik qatda yerləşir. Ona görə də məhsulun 80%-
dən çoxu 0-20 sm-lik qatdakı nəmlik və qida maddələrinin hesabına formalaşır.
Kətan üçün humusun miqdarı 2%-dən az olmayan, 100 qram torpaqda asan
hidroliz olunan azat 10 mq, fosfor və kalium 10-15 mq , həcmi kütləsi 1,3 q/sm3
olan torpaqlar daha əlverişlidir.
Qumlu və qumsal torpaqlar kətan üçün az yararlıdır. Ağır gillicəli və torflu turş
torpaqlar da kətan üçün az yararlıdır.
Kətanın aşağıdakı xarakterik inkişaf fazaları vardır: cücərti, iynəyə bənzər
yarpaqlar, qönçələmə, çiçəkləmə, yetişmə.
Cücərmə fazasında bitki iki ləpə yarpaqları və onların arasındakı kiçik
tumurcuqdan ibarət olur. İynəyə bənzər yarpaqlar fazada bitkinin hündürlüyü 10
sm-ə çatır və 5-7 cüt həqiqi yarpaqlar əmələ gəlir. Bu iki faza gövdənin yavaş
boyatması və kök sisteminin sürətli inkişafı ilə xarakterizə olunur. Sonra kətanda
28
sürətlə boy atma (artım sutkada 5-7 sm) dövrü başlayır, qönçələmənin başlanğıcına
qədər 12-20 gün davam edir, daha sonra bitkinin boyatması (sutkada 0,5-1 sm)
əhəmiyyətli dərəcədə zəifləyir, ancaq vegetasiyanın sonunda demək olar ki,
dayanır. Yetişmə zamanı kətanın gövdəsinin odunlaşması və qutucuqlarda
toxumların formalaşması sürətlə gedir.
Yağlıq kətan uzun lifli kətana nisbətən xüsusən yetişmə dövründə istiliyə
tələbkardır. Nəmliyə çox tələbat göstərən deyil. Yağlıq kətan üçün ən yaxşı
torpaqlar alaq otlarından təmiz qara torpaqlar hesab olunur.
Növbəli əkində yeri. Uzun lifli kətan növbəli əkinlərdə sələflərə və bitkilərin
düzgün növbələndirilməsinə tələbat göstərən bitkilərə aiddir. Kətanın daima eyni
tarlada əkilməsi yaxud tez-tez öz tarlasına qaytarılması, torpaqda patogenlərin -
fuzarioz, antraknoz və polisporiozun törədicilərinin toplanması üzündən, məhsul
azalır yaxud da tamamilə məhv olur.
Çoxillik paxlalı otları (üçyarpaq) uzun lifli kətan üçün daima daha yaxşı sələf
hesab etmək olmaz. D. N. Priyanişnikov kətanın məhsuldarlığına üçyarpağın
müsbət təsirini qeyd etmişdir. Üçyarpaqdan sonra kətan becərməyə ona görə
üstünlük verilərdi ki, gübrədən az istifadə olunsun. Yüksək münbit torpaqlarda
çoxillik otlar digər sələflərdən bir qədər geri qalır. Ona görə də intensiv növbəli
əkinlərdə kətanı yaxşı becərilmiş torpaqlarda payızlıq çovdar, yazlıq buğda,
kökümeyvəlilər, kartof, noxud və digər bitkilərdən sonra yerləşdirmək daha
məqsədə uyğundur. Bu sələflərdən sonra kətanın gövdəsi daha hamar, yatmaya
qarşı davamlı, mexaniki yığıma daha yararlı olur.
Lakin kartof altına verilmiş üzvi gübrənin yüksək normasında çox vaxt azotun
artıqlığı yaranır və kətan əkinlərinin yatmasına səbəb olur.
Qərbi Avropa ölkələrində (Hollandiya, Belçika və s.) çoxdan becərilən və yaxşı
gübrələnmiş torpaqlarda kətanın ən yaxşı sələfləri buğda, arpa, kartof, şəkər
çuğunduru və s. bitkilər hesab olunur. Üçyarpaqdan sonra becərilən kətan gec
yetişir və lifin keyfiyyəti nisbətən aşağı olur.
Uzun lifli kətanın məhsulu vaxtında yığılarsa ondan sonra növbəli əkində
yazlıq buğdanı, çuğunduru, kartofu və s. bitkiləri yerləşdirmək olar.
29
Gübrələmə sistemi. Uzun lifli kətanın qida maddələrinə tələbatı kifayət qədər
yüksəkdir. Bir ton lif yaratmaq üçün o torpaqdan 80 kq azot, 40 kq fosfor və 70 kq
kalium aparır ki, bu da 1 ton xam məhsulu yaratmaq üçün pambıq bitkisinin
apardığından 1,5 dəfə çoxdur.
Əsas qida elementləri uzun lifli kətanın məhsuldarlığına və keyfiyyətinə
müxtəlif dərəcədə təsir göstərir.
Azot elementi uzun lif məhsulunun artmasına səbəb olur. Lakin onun
çatışmaması bitkinin vegetasiya müddətini uzadır, onların yatmasına və çox
hissəsinin xəstəliklərlə zədələnməsinə səbəb olur, nəticədə məhsuldarlıq və lifin
keyfiyyəti əhəmiyyətli dərəcədə aşağı düşür. Azotun çatışmaması xüsusən
cinaqşəkilli fazada nəzərə çarpır.
Fosfor həyatının ilk dövrlərində kətan üçün çox vacibdir. Fosfor qidası kifayət
qədər olduqda bitkinin yetişməsi sürətlənir, lif və toxum məhsulu yüksəlir.
Kalium gövdədə ibtidai (başlanğıc) liflərin miqdarını artırır, lif çıxımı və onun
keyfiyyətini yüksəldir, bitkilərin yatması qorxusunu aşağı salır. Kalium elementi
kətanın boy atmasının birinci üç həftəsində və qönçələmə fazasında xüsusən
zəruridir.
Kətan mineral gübrələrdən qida elementlərini müxtəlif dərəcədə istifadə edir:
asan hidroliz olunan azot təxminən 30-90% mənimsənilir, fosfor 10-25%, kalium
isə 26-40%, torpaqdan isə müvafiq olaraq 20-30, 6-13 və 12-13%.
Çoxillik tədqiqatlarla müəyyən edilmişdir ki, daha yüksək və yaxşı keyfiyyətli
məhsul əldə etmək üçün kətan altına tam mineral gübrə verilməlidir. Məhsul artımı
40%, toxum məhsulu isə 30% olmuşdur.
Əgər hektardan 30-40 sentner quru ot məhsulu əldə edilmiş üçyarpaqdan sonra
kətan yerləşdirilərsə, kətan altına 15 kq azot verilməsi tövsiyə olunur, lakin məhsul
45-50 sentner olduqda kətan əkinlərinə azot gübrəsinin verilməsi məsləhət
görülmür.
Kətan hektardan 25 sentner dən məhsulu götürülmüş yazlıq taxıllardan sonra
yerləşdirilərsə 30 kq azot, yaxud hektara 1 sentner ammonium şorası; məhsuldarlıq
hektardan 25-35 sentner olduqda 20-25 kq azot, yaxud 0,6-0,7 sentner ammonium
30
şorası; hektardan 35 sentnerdən çox dən məhsulu götürüldükdə isə 15-17 kq azot,
yaxud hektara 0,5 sentner ammonium şorası verilməsi tövsiyə olunur.
Kətan altına tam mineral gübrə N : P : K, azotla zəif təmin olunmuş
torpaqlarda 1:2:3 nisbətində, azotla yüksək dərəcədə təmin olunmuş torpaqlarda isə
1:3:4 nisbətdə verilir.
Azot gübrəsi kətan altına yazda, fosfor və kalium isə payızda şum altına yaxud
şumdan dərhal sonra verilir. Mütəhərrik fosfor və kaliumla az təmin olunmuş
torpaqlarda, eləcə də ağır rabitəli torpaqlarda fosfor və kalium gübrələrini yaxşı
olar ki, iki müddətdə: 50%-ni payızda şum qabağı, 50%-ni isə erkən yazda,
torpağın səpinqabağı becərilməsindən əvvəl verilməsi daha yaxşıdır.
Mikroelementlərdən kətan xüsusən bor elementinə ehtiyac göstərir. Bor tərkibli
gübrələrin yazda kultivasiya qabağı hektara 0,2-0,3 sentner verilməsi tövsiyə
olunur.
Kətan altına mineral gübrələrdən əlavə hər 100 kq lif hesabı ilə hektara 100 kq
odun külü verilməsi tövsiyə olunur.
Əkinlərin alaqlanması, alabəzəkliyin olmaması və bitkilərin yatmasının
qarşısını almaq üçün kətan altına bilavasitə peyin verilmir.
Torpağın becərilməsi. Kök sisteminin zəif inkişaf etməsi və səpin dərinliyinin
cüzi olması ilə əlaqədar olaraq kətan torpağın becərilməsinə tələbkardır. Çox
hallarda torpağın becərilməsi sələflərdən asılıdır.
Kətan çoxillik alaqlardan sonra yerləşdirilərsə torpağın BDN-3, BDN-10
markalı ağır diskli malalarla iki istiqamətdə becərilməsinə başlanılır. Diskləmə
payız şumunun qaldırılmasından 2-3 həftə əvvəl aparılır. Payız şumu 22-25 sm
dərinliyində ön kotancıqlı kotanla aparılır.
Kətan əkinləri üçün dənli taxıl bitkilərinin məhsulu yığıldıqdan sonra onun
ardınca torpağın üzlənməsi 5-6 sm dərinliyində LDQ-5A, LDQ-10A, LDQ-15A
markalı diskli aqreqatlarla, yaxud PPL-5-25, PPL-10-25 markalı gavahınlı
aqreqatlarla aparılır. Əgər torpaq sürünən ayrıqla zibillənibsə üzləmənin dərinliyi
10-12 sm-dən az olmamalıdır. Sürünən ayrığın toxumları və onun kökümsov
31
gövdəsinin buğumaraları tez cücərir və növbəti şumlamada torpağın alt qatına
düşərək məhv olurlar.
Kətan kartofdan sonra yerləşdirildikdə, yığımdan dərhal sonra şum aparılıbsa,
adətən əlavə şumun aparılmasına ehtiyac tələb olunmur.
Gillicəli və gilli torpaqlarda erkən yazda torpağın becərilməsi 5-6 sm
dərinliyində pəncəli kultivatorla, eyni zamanda orta yaxud ağır dişli malalarla
birlikdə malalamanın aparılması məsləhət görülür. Bu torpaqlara kultivatorla
mineral gübrə verən zaman gübrənin basdırılma dərinliyi 10-12 sm-dən az
olmamalıdır.
Erkən yaz becərmələrindən bir həftə sonra səpinqabağı becərmədə kultivasiya
ilə malalamanın eyni vaxtda aparılmasıdır. Bu halda alaqlar daha tam cücərtilər
verir və kətanın səpinindən əvvəl torpaq becərən alətlərlə məhv edilir.
Torpağın səpinqabağı becərilməsində kətan əkinləri üçün kombinə edilmiş
yumşaldıcı-hamarlayıcı aqreqatlardan istifadə geniş tətbiq edilir.
Səpinə yaxşı hazırlanmış torpaqlarda kətanın tarla cücərməsi 70-80% təşkil
edir.
Toxumun səpinə hazırlanması və səpin. Səpin üçün hazırlanmış kətan
toxumlarının təmizliyi 97%-dən və cücərmə qabiliyyəti 85%-dən aşağı
olmamalıdır. Kətan toxumlarında alaq toxumlarının qarışığı 1 kq-da 180 ədəddən
artıq olmamalıdır.
Fuzarioz, antraknoz, pas və digər xəstəliklərlə mübarizə məqsədi ilə kətan
toxumları kimyəvi preparatlarla səpinqabağı yaxud qabaqcadan (5 ay əvvəl)
yarımquru üsulla (100 kq toxuma 1 litr su) dərmanlanır. Bununla toxumun nəmliyi
0,5% artır. Toxumların rütubətləndirilərək dərmanlanması üçün fenturam,
fenturam-molibdenatın nəmləndirici tozundan müxtəlif yapışqanlı əlavələrlə 100
kq toxuma 300 qram istifadə olunur.
Kətan toxumlarını dərmanlamamışdan öncə 4-5 gün ərzində isti havada beton
meydançada qızdırmaq səmərəlidir. 5-6 sm qalınlığında sərilmiş toxum gündə bir
neçə dəfə qarışdırılır.
32
Kətanın səpininə torpaq yetişdikdə və 10 sm-lik qatda temperatur 7-8 0C
olduqda erkən və qısa müddətdə (4-5 günə) başlanılır. Erkən səpinlərdə məhsul-
darlıq artır və lifin keyfiyyəti yaxşılaşır, eyni zamanda kətan bitkisinin göbələk
xəstəlikləri və zərərvericilərlə zədələnməsi aşağı düşür.
Səpinlərin bir həftə gecikdirilməsi lif və toxum məhsulunu 10-20% aşağı sala
bilər.
Aşağı temperaturda cücərmiş kətan yaz şaxtalarına yaxşı dözür. Lakin yaxşı
hazırlanmamış, nəmli və soyuq torpaqlarda səpinlərin hədsiz erkən aparılması
kətanın məhsulunu gecikmiş əkinlərdə olduğu qədər aşağı salır.
Səpin üsulu və norması. Kətan üçün ən yaxşı səpin cərgəarası 7,5 sm olan
darcərgəli üsuldur.
Hektara optimal səpin norması 25-30 mln. ədəd cücərmə qabiliyyətli toxum
hesab olunur. Səpin norması bölgədən, sortdan və səpinin təyinatından asılı olaraq
müəyyən edilir.
Nəmişlik çox düşən illərdə yüksək səpin normasında bitkilər yata bilər, bu da
ki, ilkin becərməni və məhsul yığımını çətinləşdirir. Eləcə də kasıb torpaqlarda sıx
əkinlər təhlükəlidir, burada kətan alçaqboylu olur. Lakin güclü alaqlanmış, eləcə də
ağır torpaqlarda, məhsul yığımı dövrünə az miqdarda bitki qaldığından, toxumun
səpin normasını 10-15% artırmaq lazımdır.
Toxumun ən yaxşı basdırılma dərinliyi ağır torpaqlarda 1,5-2 sm, yüngül
torpaqlarda isə 2-2,5 sm-dir. Nisbətən toxumun dərin səpilməsi cücərtilərin
sıxlığını nəzərə çarpacaq dərəcədə aşağı salır və kətanın məhsulunu azaldır.
Qulluq işləri. Kətanın əmtəəlik səpinləri üçün bir sıra aqrotexniki tədbirlər
nəzərdə tutulur: vərdənələmə, malalama, alaqlar və zərərvericilərlə mübarizə,
bütün bunlar konkret şərait nəzərə alınmaqla həyata keçirilir.
Aqrotexniki tədbirlərlə yanaşı əkinlərə qulluq işlərindən mühümləri alaq
otlarına, kətanın xəstəlik və zərərvericilərinə qarşı kimyəvi vasitələrin tətbiqidir.
Ayrı-ayrı illərdə onların uzun lifli kətana vurduğu zərər 30%-ə çatır.
Əkinlər ikievli birillik alaqlarla zibilləndikdə hektara 0,6-1,2 kq 80%-li 2M-4X
herbisidi çilənir. Su sərfi 200-300 litrdir.
33
Yaxşı olar ki, kətan əkinlərinə herbisid çilənməsi bitkinin boyu 5 sm-dən 8 sm-
ə qədər olduqda həyata keçirilsin. Bu dövrdə yarpaqlar gövdələrdə iti bucaq altında
yerləşir və mum təbəqəsi ilə örtülü olur, herbisidin onlara təsiri daha gec çiləmə
aparılmasına nisbətən nəzərə çarpacaq dərəcədə aşağı düşür. Aydın və quru hava
şəraitində 15-17 0C temperaturda əkinlərin çilənməsi daha səmərəlidir. Sərin
havada (12 0C) herbisid məhlulunun alaqların bədəninə daxil olması ləngiyir,
ancaq, quru və isti havada güclənir, lakin bu zaman da kətanın soluxmasına səbəb
olur.
Əkinlərin hər hektarına 0,75 kq 2M-4X və 9 kq ammonium nitrat yaxud 13 kq
ammonium karbonat qarışığının çilənməsi kətanın yaxşı boy atmasına və onun
alaqlardan daha tam təmizlənməsinə səbəb olur. Herbisidin tək çilənməsinə
nisbətən azotlu gübrələrlə qarışıq çilənməsi kətanın toxum məhsulunu 12-13%, lif
çıxımını isə 12-27% artırır. Həmin qarışığa hektara 0,25 kq bor, 0,1 kq sink və
molibden mikrogübrələrinin əlavə edilməsi məhsuldarlığa nəzərə çarpacaq
dərəcədə təsir göstərir. Bu halda lif çıxımı hektardan 1,5-2,0 sentner və toxum
məhsulu isə 1,3-1,5 sentner artır ki, bu da bitkidə fotosintez prosesinin güclənməsi
ilə əlaqədardır. Beləliklə kətanın bakterioz, fuzarioz, pas və digər xəstəliklərlə
yoluxması nəzərə çarpacaq dərəcədə aşağı enir.
Kətan əkən təsərrüfatlarda daha çox yayılmış ən qəddar alaq - sürünən ayrıqla
mübarizə aparılmasına böyük əhəmiyyət verilir. Bu alaqla güclü sirayətlənmiş
sahələrdə kətan lifinin məhsulu 20-25% aşağı düşür. Bu alağı məhv etmək üçün
natrium üçxlorasetat tətbiq olunur. Preparat dənli taxıl bitkilərinin və çoxillik otlar
layının üzlənməsindən sonra verilir. Qumsal torpaqlarda hektara təsir edici maddə
hesabı ilə 20 kq, gillicəli torpaqlarda isə 30 kq natrium üçxlorasetat verilir.
Kətan əkinlərində böyük əhəmiyyət kəsb edən qulluq işlərindən biri də
bitkilərin zərərvericilərdən, xüsusən hər yerdə yayılmış kətan birəsindən
mühafizəsidir. Birəyə qarşı cücərtilərin alınmasına 1-2 gün qalmış kətan əkinləri
aqreqatın 3-4 gedişi enində hektara 0,8 kq fosfamid preparatı (Bi-58 insektisidi) ilə
işlənilir. Bu məqsəd üçün hektara 0,8 kq 80%-li xlorofos da tətbiq edilir.
34
Kətan birəsinin miqdarı quru və isti havada 1 m2-də 10-dan artıq və nəmişli
havada 1 m2-də 20-dan artıq fərd olarsa çiləmə ştanqlı ciləyicilərlə aparılır. Məhlul
sərfi hektara 200-300 litrdir.
Mənənələrlə mübarizə məqsədi ilə hektara 15-25 kq 12%-li QXQÜ dustu ilə
cinaqşəkilli fazadan sonra tozlandırılır.
Məhsul yığımı. Uzun lifli kətanın dörd yetişmə fazası fərqləndirilir: yaşıl,
erkən sarı, sarı və tam. Yaşıl yetişmə çiçəklərin tökülməsinin arxasınca başlayır.
Bu fazada gövdə və qutucuqlar hələ yaşıl olurlar. Yalnız aşağı yarpaqları saralır və
quruyur. Toxumu əzərkən süd rəngli duru maye ayrılır. Kətanı bu fazada yığdıqda
liflər nazikləşir, ancaq zəif olur.
Erkən sarı yetişkənlik fazasında gövdənin aşağı yarısının yarpaqları tökülür,
qalanları isə uc yarpaqlar istisna olmaqla, saralırlar. Qutucuqdakı toxumlar
yaşılımtıl-sarı rəng alır. Kətan bu fazada yığıldıqda lif ən yaxşı keyfiyyətə malik
olur.
Sarı yetişkənlik fazasında bütün yarpaqlar saralır, yalnız onlar gövdənin təpə
hissəsində qalırlar, qutucuqlar qonurlaşmağa başlayır, toxumlar açıq-qəhvəyi rəng
alır, lifin keyfiyyəti bir qədər pisləşir.
Tam yetişmə fazasında bütün yarpaqlar tökülür, gövdə və qutucuqlar qonur
rəng alırlar, aşağı keyfiyyətli lif alınır.
Uzun lifli kətanın kombaynla yığımına başlanılmasına erkən sarı yetişkənlik
fazasından 2-3 gün əvvəl başlanılması tövsiyə olunur. Bu dövrdə yığılan kətan
daha çox yüksək keyfiyyətli uzun liflər verir. Toxum bu vaxtı tam formalaşmış
olur və yetişdikdən sonra səpin üçün yararlı olur.
Toxumçuluq təsərrüfatlarında uzun lifli kətanın seleksiya sortları sarı
yetişkənlik fazasında, yağlıq kətan isə tam yetişkənlik fazasında yığılır.
Uzun lifli kətanın texniki yetişkənliyi təxminən 8-10 gün, lakin isti hava
şəraitində bir qədər qısa ola bilər. Ona görə də tələb olunan müddəti gecikdirdikdə
çoxlu miqdarda məhsul itkisinə gətirib çıxarır.
Kətan yığımı daha çox mürəkkəb və zəhmət tələb edən bir işdir və kətançılıqda
bütün xərclərin 70-80%-i onun üzərinə düşür. Ona görə də kətan məhsulunun
35
yığım texnologiyasında səmərəli üsulların tətbiq edilməsi böyük istehsalat və
iqtisadi əhəmiyyət kəsb edir.
Kətan yığımında proqressiv və səmərəli üsul uzun illər yaxşı işlənılmış və
geniş sürətdə yoxlanılmış kombayn üsuludur.
Kombaynla yığım zamanı alınan qalaqda (koma) 52-84% qutucuq, 2-7%
toxum, 12-16% digər qarışıqlar olur. Adətən qalaqda nəmlik yüksək, 60-65%, o
cümlədən toxum qutucuqlarında 40-50% olur. Ona görə də kətan qalağı dərhal
quruducu şaxtalarda qurudulur, sonra isə toxum ayrılır və təmizlənir. Kətan
qalağının qurudulması və emalı məhsulun saxlanması və keyfiyyətindən asılıdır.
Nəm kətan qalağını 2-3 saat müddətində saxladıqda qızışma getdiyindən, mikrob
yoluxması və toxumların xarab olması artır. Toxumun nəmliyi 10 ±2% qalana
qədər qalağın qurudulması davam edir. Qalağın (tığ) qurudulması qurtaran kimi 2-
5 saat müddətinə qalın qatlarda nəmliyin tarazlaşdırılması üçün soyuq hava
üfürülür. Qalaq MB-2,5A taxıldöyəndə daima keyfiyyətə nəzarət etməklə
xırdalanır.
Uzun lifli kətanın ilkin emalı realizə olunan məhsulun növünə görə böyük
müxtəlifliyə malikdir. İsladılmış kətan gövdəsi, onun təmizlənməsi və
qurudulmasından ibarətdir. Müasir dövrdə kətan gövdəsini təsərrüfatlarda döşəmə
üçün hazırlanmış yerlərdə sərirlər. Kətan küləşi, (sərilən kətan küləşi),
şehləndirmək və su buxarında işləməklə isladılır.
Əsasən ən yaxşı tədqiq olunmuş üsul, kətan gövdəsinin nazik təbəqədə
sərilərək şeh damcı ilə nəmləndirilməsidir. Gövdənin nəmliyinə müvəffəq olmaq
üçün yağıntılar və şehin düşməsi zəruridir. Bu zaman mikroorqanizmlərin həyat və
fəaliyyəti nəticəsində pektin maddələri parçalanır. Sərmə üsulu ilə hazırlanan
isladılmış gövdənin alınması üçün iştirak edən əsas mikroorqanizmlər, ibtidai
göbələklər və bakteriyalardır, onlardan əsas Cladsporium herbarum Zink,
Alternarica tenuis Nees və s., eləcə də anaerob bakteriyalar və maya göbələkləri –
Bac. subtilus, Bac. megaterium, Bac. mycoides və s-dir. Mikroorqanizmlərin
mənbəyi torpaq hesab olnur. Şeh ilə islatmanın əsas faktorları istilik, nəmlik, işıq
və havadır. Gövdələr ultrabənövşəyi şüaların təsirindən parıltılı ağ rəngə çevrilir.
36
Kətan küləşinin qalıb yetişməsinə relyefin düz olması, daimi hava mübadiləsi
müsbət təsir göstərir.
Pektini parçalayan mikroorqanizmlərin həyat fəaliyyətinin optimal şərait üçün
gün ərzində küləşin nəmliyi 40-60%, kətanın sərilmə hündürlüyü 8-10 sm.,
temperatur 14-20 0C arasında tərəddüd etməlidir.
Küləşin və isladılmış kətan gövdəsinin zibillənməsi 10%-i, nəmliyi isə 25%-i
keçməməlidir.
Quru kətan gövdəsi yaxud küləşi 1 m3-də quru gövdənin orta sıxlığı 65 kq
yaxud küləşinki 80 kq olmaqla örtülü binaya yerləşdirilir. Örtülü binalarda dərzləri
nizamla aşağı qalın hissəsini bayıra çıxarmaq və ensiz hissəsini aşağı əyilməklə,
hər bir cərgə özündən əvvəlkinə perpendikulyar yerləşdirilir. İsladılmış kətan
gövdəsinin və küləşini tayalara vurulmuş halda saxlamaq olar.
İsladılmış kətan gövdəsinin uzun liflərinin istehsalı kətan zavodlarında
texnoloji xətlərdə həyata keçirilir. Kətanın ilkin emalının nisbətən yeni istiqaməti
lif tellərinin kətan küləşindən istehsal edilməsidir.
Yağlıq kətanın aqrotexniki xüsusiyyətləri. Səpinlər darcərgəli olmaqla, səpin
norması bir hektara 12-15 min ədəd cücərmə qabiliyyətli toxum götürülür.
Səpindən 3-4 gün sonra cücərtilər alınana qədər yüngül malalarla malalama
aparılır, rotasiya toxaları ilə torpaq qaysağı dağıdılır, cinaqşəkilli fazada herbisid
tətbiq olunur, zərərvericilər kütləvi göründükdə əkinlərə kimyəvi preparatlar
çilənir. Qutucuqların 60-70%-i yetişdikdə yağlıq kətan ikimərhələli üsulla (hissə-
hissə) yığılır. Biçilmiş kütlə taxıldöyən kombaynla, yaxud tam yetişkənlik
fazasında birbaşa kombaynla yığılır. Yığım zamanı gövdə torpaq səthindən 12 sm
yüksəkdən biçilir. Sərilmiş kütlə 6-7 gündən sonra toplanır.
Ən böyük iqtisadi səmərəyə arası kəsilmədən yığım üsuluna nail olmaqdır.
Təcili olaraq kətan qalağı təmizlənir. Toxum qurudularaq nəmliyi 12%-ə çatdırılır
və saxlama anbarlarına yığılır.
37
MÖVZU: 4. KƏNAF BİTKİSİNİN ƏHƏMİYYƏTİ VƏ BECƏRİLMƏSİ
Mühazirənin planı:
1. Xalq təsərrüfatı əhəmiyyəti. 2. Tarixi, yayılması və məhsuldarlığı. 3. Botaniki təsviri və bioloji xüsusiyyətləri. 4. Becərilmə texnologiyası (gübrələnməsi, torpağın becərilməsi, səpin) 5. Əkinə qulluq. 6. Yığım və kənafın ilkin işlənməsi.
Ədəbiyyat
26. Cəfərov M. İ., Quliyev R. M., Səfərov N.Ə. Kənd təsərrüfatı bitkilərinin becərilmə və yığılma texnologiyası. Bakı, «Maarif» 2000, 364 s.27. Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.28. Məmmədov Q. Y., İsmayılov M. M.. Bitkiçilik, Bakı, 2012, 356 s.29. Ахмедова Ф. Уменьшение концентрации вредных выделений при хранении луба кенафа. Сборник научных трудов 1 ИТЛП. Ташкент, 1987.30. Вавилов П. П. «Растениеводства»., Москва, 1986, 512 с.31. Капралова Н.П., Переверзев Г. А. Биологические особенности кенафа в условиях Узбекистана. Ташкент: Фан, 1973,105 с.32. Посыпанов Г. С. и др. «Растениеводства», Москва, «Колос», 2006, ст. 498-50633. Технические культуры / Под р. Я. В. Губанова / М.:, Агропромиздат, 1986, 287 с.34. Умаров А.Р. Содержание и качество первичного и вторичного волокна в стеблях кенафа в зависимости от условий произрастания. Хлопковая про-мышленность, 1981, № 1, 17 с.
KƏNAF BİTKİSİNİN ƏHƏMİYYƏTİ VƏ BECƏRİLMƏSİ
Xalq təsərrüfatı əhəmiyyəti. Kənaf qiymətli gövdə lifi verən bitkilər qrupuna
aiddir. Onun lifi möhkəmliyi, elastikliyi, hiqroskopikliyi ilə fərqlənir.
Kənaf bitkisinin gövdəsində 30%-ə qədər qaba lif, 16 %-ə qədər zərif lif
vardır. Kənaf bitkisinin quru gövdəsinin 10-24 %-i qədər lifi olur. Bu liflərdən
38
texniki parçaların hazırlanmasında istifadə edilir. Kənaf lifindən qablaşdırma
materialları, kisələr, çadırlar, müxtəlif növ kəndir lifləri (buraz, sicim, ip) və s.
hazırlanmasında istifadə edilir. Kənaf liflərindən bəzi xalça növlərinin də
hazırlanmasında istifadə edilir. Bir çox ölkələrdə kənaf bitkisinin turş dada malik
olan cavan yarpaqları müxtəlif yeməklərin hazırlanmasında, cavan budaqları isə
heyvanların yemləndirilməsində istifadə edilir.
Lifləri çıxarılmış gövdə qalıqlarından (daraqağzı) kağız və tikinti material-
larının hazırlanmasında istifadə edilir.
Kənaf toxumlarının tərkibində 20 % - yaxın qurumayan texniki yağ vardır.
Yod ədədi (100 qram yağda həll olan yodun qramla miqdarı) 100-ə yaxındır. Bu
yağlardan süni dəri hazırlanmasında, sabunbişirmədə və lak boya sənayesində
istifadə edilir. Kənafdan hazırlanmış jmıxdan kənd təsərrüfatı heyvanlarının
yemləndirilməsində və gübrə kimi istifadə edilir.
Neftlə çirklənmiş torpaqların ekoloji cəhətdən təmizlənməsi işində kənafdan
istifadə edilir.
Respublikamızın Abşeron yarımadasında neft məhsullarının və çoxlu miqdarda
buruq sularının səthə axıdılması və qrunt sularının səviyyəsinin qalxması
nəticəsində 20 min hektardan artıq torpaq sahəsi neftlə çirklənmişdir. Torpaqların
təmizlənməsi üçün kənaf bitkisinin xırdalanmış oduncaq lifləri BioKonversion™
maşını ilə neftlə çirklənmiş torpaqla qarışdırılır. Yüksək absorbent xassəli kənaf
lifləri karbohidrogen molekullarını özünə hopdurur və eyni zamanda öz üzərində
neft parçalayan mikroorqanizmlərin sürətlə çoxalıb artmasına əlverişli şərait
yaradır və beləliklə yeddi saatdan sonra torpaqdan neft təmizlənmiş olur. Digər
üsullara nisbətən neftlə çirklənmiş torpaqların ekoloji (kənafla) təmizlənməsi
nisbətən sadədir, az enerji sərf edir, nə su nə də məhsullardan istifadə olunmur,
atmosferə heç bir uçucu üzvi birləşmə atılmır. Eyni zamanda ekoloji təmizləmə
prosesi sürətlə baş verir, belə ki, bir BioKonversion™ maşını saatda 50 ton tullantı
emal etməyə qadirdir. Bu sürətlə bir neft çalası çəmi 56 saat ərzində tamamilə
təmizlənə bilər.
39
Tarixi, yayılması və məhsuldarlığı. Kənaf bitkisi yabanı halda Hindistanda və
Tropik Afrikada bitir. Kənaf mədəni halda əvvəlcə Hindistanda, sonra Çində,
İranda, Afrika ölkələrində, Amerikada və cənubi Avropada becərilməyə başlan-
mışdır.
Kənaf bitkisi Rusiyaya XIX əsrdə gətirilmişdir. Hazırda Hindistanda, Çində,
İndoneziyada, Braziliyada, ABŞ-da, Meksikada, Kubada, Keniyada, Sudanda və
başqa ölkələrdə geniş surətdə becərilir.
Kənaf MDB ölkələri içərisində ən çox Özbəkistanda becərilir. Onun əkin
sahəsi burada 18 min hektara yaxındır.
Kənaf bitkisinin gövdə məhsuldarlığı orta hesabla hektardan 10 ton, maksimum
20-25 ton, toxum məhsuldarlığı isə 1,5 tona qədərdir.
Botaniki təsviri və bioloji xüsusiyyətləri. Kənaf bitkisi bitkilər aləminin,
örtülü toxumlular şöbəsinin, iki ləpəlilər sinfinin, əmənkömənciçiçəklilər sırasının,
əmənkömənci (Malvaceae) fəsiləsinin Hibiscus cinsinin, çətənə hibiscusu (Hibis-
cus cannabinus-kənaf) növünə daxil olan birillik ot tipli lifli bitkidir. Bu cinsin
500-ə yaxın növü vardır. Bunların içərisində yalnız bir növ H. cannabinus L.
mədəni halda becərilir. Bu növün yarpaqlarının formasına və yarpaq saplağının
rənginə görə fərqlənən 5 növ müxtəlifliyi vardır.
Kənaf birillik ot bitkisidir. Mil kök sisteminə malikdir. Kökləri torpağın 2 m və
daha dərin qatlarına işləyə bilir. Gövdəsi dairəvi və yaxud yüngül qabırğalıdır,
qalınlığı (yoğunluğu) 1,5-2,5 sm-ə, uzunluğu 4-5 m-ə şatır.
Yarpaqları formalarına görə fərqlənirlər. Sadə ürək şəkilli və ya lentşəkilli,
mürəkkəb, 3-7 bölümlü yarpaqları vardır. Yarpaq saplaqları uzundur.
Kənafın çiçəkləri iridir. Kremi-sarı rəngli əsasında tutqun qırmızı xalları olan
ləçəkləri vardır. Tozcuqları 40 - a qədərdir. Dişiciyinin beş bölümlü ağızcığı
vardır. Kənaf öz-özünü tozlayan bitkidir. Lakin çarpaz tozlana da bilir. Çiçəklənmə
aşağıdakı çiçəklərin açılmasından başlayır. Hər bir çiçəyin yalnız bir gün ömrü
olur.
40
Kənafın meyvəsi beş yuvalı qutudur (qozadır). Hər bir bitki üzərində 20-30
qoza, hər qozada isə 15-30 ədəd toxum olur. Toxumu iri, üçüzlü, tutqun boz
rənglidir. 1000 toxumun kütləsi 20-28 qram olur.
Kənaf vegetasiya müddətində istiliksevən bitkidir. Onun tez yetişən sortları
vegetasiya ərzində 2600-3000 0C effektiv temperatur tələb edir. Vegetasiya
müddəti isə 140-160 gün çəkir. Kənafın gövdə əldə etmək üçün becərilən sortları
3-4 ay müddətində yetişir.
Səpilmiş kənaf toxumları 12 0C temperaturda 3 həftədən, 25-28 0C tempera-
turda isə 3-4 gündən sonra cücərti verir. -10, -1,5 0C temperatur cavan bitkiləri
məhv edir. Orta sutkalıq temperaturun 23-25 0C olması kənafa daha yaxşı təsir
edir. Vegetasiyanın sonunda temperatura tələbat kəskin azalır.
Kənaf bitkisinin nəmliyə tələbatı yüksəkdir. Nəmlik normasının 80 % -i kənaf
üçün optimal hesab edilir. Kənaf, suvarılan rayonlarda və ya atmosfer çöküntü-
lərinin miqdarı çox olan yerlərdə becərilir. Böyümə dövründə qönçələnmə və
kütləvi çiçəkləmə dövründə nəmliyə daha çox tələbat göstərir. Bu dövrdə kənaf
bitkisi hektarda 200 kq gövdə 50 kq - a yaxın lif məhsulu formalaşdırır.
Kənaf işıqsevən qısa gün bitkisidir. Kifayət qədər işıq düşməyən və çox sıx
əkilmiş sahələrdə bitkilər zəif və alçaq boylu olurlar.
Kənaf yüngül gizlicəli, humusla zəngin olan, çay kənarı torpaqlarda, boz və
çəmən torpaqlarında yaxşı bitir. Torpağın pH - nın 6 - 6,8 olması kənaf üçün
optimal hesab olunur. Bataqlaşmış və duzlu torpaqlar kənaf üçün əlverişli deyildir.
Özbəkistanda kənafın ən çox becərilən sortlarına misal olaraq Özbəkistan 1574
və Özbəkistan 1503 sortlarını göstərmək olar.
Becərilmə texnologiyası və yığımı. Növbəli əkinlərdə yeri və sələfləri.
Növbəli əkində kənafı yonca, qarğıdalı, pambıq, dənli və dənli-paxlalı bitkilərdən
sonra yerləşdirirlər. Pambıq – yonca - kənaf növbəli əkinlərində kənaf adətən
pambıqla növbələşir.
Gübrələnməsi. Kənaf bitkisi həddən artıq qida maddələri tələb edən bitkidir.
10 ton quru gövdəsi ilə kənaf bir hektar torpaqdan 120-150 kq azot, 60 -80 kq
fosfor, 120-160 kq kalium aparır. Vegetasiyanın əvvəlində kənaf fosfor və
41
kaliumu çox mənimsəyir. Azota tələbat isə qönçələnmə və çiçəkləmə fazasında
əhəmiyyətli dərəcədə artır.
Kənaf bitkisi altına üzvi və mineral gübrələr tətbiq olunur. Peyin yaxşı
çürümüş halda hektara 15-20 ton hesabı ilə dondurma şumunun altına verilir.
Mineral gübrələrin miqdarı isə torpağın münbitliyinə, tətbiq edilən aqrotexnikaya
və planlaşdırılmış məhsula görə hesablanır. Əgər hektardan 18-20 ton kənaf
gövdəsi əldə etmək planlaşdırılıbsa mütləq hektara 160-200 kq azot, 150-200 kq
fosfor, 90-120 kq kalium verilməlidir.
Kənaf altına verilən gübrələr kəsirlə verilir. Fosfor və kalium gübrələrinin 50
% - i dondurma şumu altına verilir. Qalan 50 % -i və azot gübrəsi səpin vaxtı və
vegetasiya ərzində yemləmə gübrəsi kimi tətbiq edilir.
Adətən kənaf bitkisi iki dəfə yemləndirilir. Birinci yemləmə cücərtilərin
alınmasından 25-30 gün sonra, ikinci isə birincidən 25-30 gün sonra qönçələmə
fazasında verilir.
Torpağın becərilməsi. Vegetasiyanın ilkin dövrlərində kənaf bitkisi yavaş
böyüyür və alaqlardan əziyyət çəkir. Ona görə də kənaf toxumlarının yaxşı
hazırlanmış münbit və alaqsız sahələrdə səpilməsi məsləhət görülür.
Torpağın becərilməsi sistemində dərin dondurma şumunun aparılması böyük
əhəmiyyət kəsb edir. Dondurma şumu 28-30 sm dərinlikdə ön kotancıqlı və ya
ikiyaruslu PYA-3-35 markalı kotanla aparılır. Əgər kənafın sələfləri dənli bitkilər
və yonca olarsa onların yığılmasından dərhal sonra üzləmə aparılmalıdır.
Kənaf bitkisi üçün torpağın yaz becərilməsi ilkin yazda malalama
aparmaqdan, bir və ya iki dəfə 8-16 sm dərinlikdə mala ilə birlikdə kultivasiya
çəkilməsindən ibarətdir. Səpindən əvvəl torpağın səthi diqqətlə hamarlanmalıdır.
Səpin. Səpin üçün yüksək kondisiyalı standartın tələblərinə cavab verən
toxum səpilməlidir. Səpin qabağı toxumlar qurudulur və 80 % -i TMTD ilə
dərmanlanır ( 1 ton toxuma 2 kq hesabı ilə). Kənaf toxumlarını səpin qatında 12-
15 0C temperatur olduqda səpirlər.
Lent şəkili və gencərgəli səpin üsulları tətbiq edilir. Kənaf bitkisinin yaşıl
gövdə əldə etmək məqsədi ilə becərilirsə lentşəkilli cərgəaraları 48-50 sm., lent
42
arası 10-12 sm olmaqla hektara 35-40 kq toxum normasında səpilməlidir. İkiqat
lentşəkilli səpində isə 70 x 20 sm sxemində səpilməsi məsləhət görülür. Yaxşı
hazırlanmış alaqlardan təmiz sahələrdə üç qat, dörd qat lentşəkilli səpin
aparılmaqla 45-50 kq/ha normasında səpin aparmaq olar.
Toxum almaq üçün kənaf bir cərgəli üsulla cərgəaraları 50-60 sm olmaqla
hektara 10-14 kq normasında səpilir.
Əkinə qulluq. Əkinə qulluq işləri cücərtilər əmələ gələnə qədər torpaqdakı kök
qalıqlarının təmizlənməsi, cərgəaralarının becərilməsi və dərindən yumşaldılması,
seyrəltmə, toxumluq əkinlərdə sort təmizləmə, yemləmə gübrələrinin verilməsi,
alaqlara, xəstəlik və zərərvericilərə qarşı mübarizə tədbirlərinin aparılması və
suvarmadan ibarətdir. Kənaf bitkisinə vegetasiyanın əvvəllərində bitkilərin yavaş
böyüdükləri dövrdə xüsusi qulluq göstərilməlidir.
Tam cücərtilər alındıqdan sonra cərgəaralarında birinci becərmə işləri başlanır.
Vegetasiya ərzində 3-4 dəfə kultivasiya və cərgəaralarının toxalanması məsləhət
görülür. Cərgəaralarının becərilməsi suvarmadan sonra torpaq quruyan kimi
aparılmalıdır.
Kənaf bitkisinin əsas zərərvericiləri gövdə kəpənəyi, pambıq sovkası, və fır
nematodu hesab edilir. Kənafın ən geniş yayılmış xəstəliyi kök çürüməsi
(rizoktonioz) hesab edilir. Kənaf bitkisinin bu xəstəliklə yoluxması hallarının
növbəli əkində noxuddan, silosluq qarğıdalıdan və çəltikdən sonra yerləşdirildikdə
aşağı düşdüyü müşahidə edilmişdir.
Kənaf becərilməsində suvarma əsas yerlərdən birini tutur. Qönçələməyə qədər
adətən 2-3 dəfə, qönçələmədən çiçəkləməyə qədər isə 3-4 dəfə suvarma aparılma-
lıdır.
Birinci suvarma bitkilərin hündürlüyü 10-15 sm olduqda, ikinci isə torpağın
nəmliyindən asılı olaraq bundan 15-20 gün sonra aparılır. Suvarma norması 700-
1200 m3/ha götürülür. Yığımdan qabaq suvarmanın aparılması lifin gövdədən yaxşı
aralanmasına kömək edir.
Yığım və kənafın ilkin işlənməsi. Lif almaq üçün becərilən kənaf bitkisinin
yığımı texniki yetişkənlik dövründə, bitkilərin yarıdan çoxunun çiçəklədiyi vaxt
43
aparılmalıdır. Qaba lifləri almaq üçün təzə kəsilmiş kənaf gövdələri LO-1 markalı
lif ayıranla işlənir. Gövdələrin kəsilməsi ilə onun lifinin ayrılması arasındakı vaxt
30 dəqiqədən artıq olmamalıdır. Əks təqdirdə lif ayrılması aşağı düşür cırbitlə
(daraqağzı) zibillənmə çoxalır. Alınmış lif nazik qatlarla yerə döşənir və qurudulur.
Qurutma müddəti hava şəraitindən və becərmə yerindən asılı olaraq fərqlənir.
Adətən bu vaxt bir gün çəkir. Qurutmadan sonra liflər taylara vurulub və lifayırma
zavodlarına göndərilir və yaxud saxlamaq üçün yerləşdirilir.
Yaşıl kənaf gövdələrinin yığılması ağır zəhmət tələb edən işdir. Lakin təkcə
lifin ayrılması mexanikləşdirilmişdir.
Toxumluq kənaf bitkilərini bitkilərin yarıdan çoxunun aşağıdan bir-iki qozaları
qonurlaşmağa başladıqda yığırlar. Yığım üçün JK-2,1 markalı maşınlardan və ya
başqa maşınlardan istifadə edilir. Kəsilmiş gövdələr 3-4 gün ərzində tarlada
qaldıqdan sonra dərz şəkildə bağlanaraq, bir necə dərz bir yerə yığılaraq qurumağa
qoyulur. Qurudulmuş dərzlər MLK- 4,5 A markalı hərəkətli (yığılmış topalara
yaxınlaşaraq) və yaxud stasionar dərz döyənlə xırdalanır. Toxumları təmizlənib
yığılır gövdələr isə yenidən dərz şəklində bağlanıb lif ayırma zavodlarına verilir.
MÖVZU: 5 TÜTÜN BİTKİSİNİN XALQ TƏSƏRRÜFATI ƏHƏMİYYƏTİ VƏ
BECƏRİLMƏSİ
Mühazirənin planı:
• Tütünün xalq təsərrüfatı əhəmiyyəti • Tütünün tarixi, yayılması və məhsuldarlığı • Tütünün botaniki və bioloji xüsusiyyətləri • Tütünün növbəli əkində yeri • Tütün üçün torpağın becərilməsi • Tütünün gübrələmə sistemi • Tütün toxumun səpinə hazırlanması, səpin müddəti, üsulu və norması • Tütün əkinlərinə qulluq işləri • Tütün məhsulun yığılması
44
Ədəbiyyat
1. Abbasov B. H. Tütünçülük, Bakı, 2003, 206 s. 2. Cəfərov M. İ. və b. Kənd təsərrüfatı bitkilərinin becərilmə və yığılma
texnologiyası., Bakı, 2000, 264 s. 3. Hümbətov H. S., Xəlilov X. Q. Texniki bitkilər. Bakı: 2010, s. 280 -323. 4. Qərib Məmmədov, Azər Cəfərov, Zemfira Mustafayeva. Əkinçilik və
bitkiçiliyin əsasları (qısa kurs), Bakı, “Elm”, 2008, 324 s.5. Məmmədov Q. Y.,. İsmayılov M. M. Bitkiçilik, Bakı, “şərq-qərb” nəş.,
2012, 356 s.6. Yusifov Ə. N. və baş. Bitkiçiliyin əsasları, Bakı, “Müəllim” nəşriyyatı,
2013, 302 s. 7. Yusifov M. A. Bitkiçilik, Bakı, “Qanun” nəşriyyatı, 2011, 368 s. 8. Вавилов П. П. «Растениеводства»., Москва, 1986, с. 476 - 483 9. Посыпанов Г. С. и др. «Растениеводства», Москва, «Колос», 2006, ст.
526-533. 10.Посыпанов Г. С. и др. «Растениеводства», Москва, «Колос», 1997, ст.
413 - 417
TÜTÜN BİTKİSİNİN XALQ TƏSƏRRÜFATI ƏHƏMİYYƏTİ VƏ
BECƏRİLMƏSİ
Əhəmiyyəti.Tütün bitkisi yarpaq almaq üçün becərilir ki, əldə edilmiş xammaldan
papiros, siqar və qəlyan tütünü kimi istifadə edilir.
Tütün yarpağında 1-3 % nikotin, 1 % efir yağı, 4-7 % qətran, 7-10 % zülal, 4-13 %
sulu karbonlar və 13-15 % kül elementləri vardır.
Tarixi, yayılması və məhsuldarlığı.Tütünün vətəni Amerikadır. Avropaya
gətirilməsi məşhur səyyah X. Kolumbun adı ilə bağlıdır. Avropaya 1518-ci ildə
toxumları gətirilərək Lissabonda Kral bağında bəzək bitkisi kimi əkilmişdir. Tez
bir zamanda Portuqaliya və İspaniyada geniş yayılmışdır. 1550-ci ildə
Portuqaliyada fransız elçisi Jan-Niko öz sarayında tütün yetişdirməyə başladı və
buradan Avropanın digər ölkələrinə yayıldı. 1560-cı ildə Jan-Niko tütünün
yarpaqlarından rəngsiz maddə alaraq özünün şərəfinə nikotin adlandırıb.
1828- ci ildə Passelt və Reyman tütün yarpağından təmiz halda nikotin almışlar.
Onun forması 1893-cü ildə Pinner tərəfindən təyin edilmişdir. 1924-cü ildə sovet
45
alimi A. A. Şmuk tütünün kimyəvi tərkibini təyin etmiş və mətbuatda dərc
etmişdir.
Rusiyada tütünçülüyün inkişafına 1883-cü ildən başlanmışdır.
Azərbaycanda tütün bitkisinin əkilib-becərilməsinə XIX əsrin 80-ci illərindən
başlanıb. İlk dəfə Balakən rayonunun dağətəyi hissəsində becərilməyə
başlanmışdır.
Hal-hazırda tütün dünyanın bir çox ölkələrində becərilir. Dünyanın 90-a yaxın
ölkəsi sənaye əhəmiyyətli tütün istehsalı ilə məşğul olur. Yer kürəsində əkin sahəsi
4 mln. hektardan çoxdur. 7 milyon tondan çox məhsul istehsal olunur. Dünyada
istehsal olunan tütün məhsulunun 60%-i Çin, ABŞ, Hindistan, Braziliyada,
Yaponiya, Türkiyə, İtaliya, Yunanıstan, CAR və İndoneziyanın payına düşür.
Məhsuldarlığı orta hesabla hektardan 15-20 sentnerə, qabaqcıl təsərrüfatlarda isə
30-35 sentnerə çatır.
Azərbaycanda istehsal olunan tütünün 75%-ə qədəri Şəki-Zaqatala bölgəsində
becərilir.
Tütünün Azərbaycanda əkin sahəsi 2013 - cü ildə 1215 ha, istehsalı 3452 ton,
məhsuldarlığı 28,4 s/ha olmuşdur.
Azərbaycanda 2010 - 2013 - cü illərdə tütün əkininin vəziyyəti
Əkin sahəsi,ha-la
Məhsul istehsalı,tonla
Məhsuldarlığı,s/ha - la
2010 2011 2012 2013 2010 2011 2012 2013 2010 2011 2012 2013
1 400 1 400 1 500 1 215 3 200 3 600 4 300 3 452 24 24,9 27,9 28,4
Botaniki təsviri. Tütün (Nicotiana tabacum L.) badımcançiçəklilər Solanaceae
fəsiləsindən olan birillik bitkidir.
Kök sistemi milşəkillidir. Torpağın 1-3 metr dərinliyinə işləyir. Əkin qatında
qüvvəli şaxələnərək saçaqlı kök sistemi formasını alır.
Gövdəsi 1,2-3,0 m. hündürlüyündə olmaqla enkəsiyi dairəvi, yaxud qabırğalıdır.
Gövdə yalnız yuxarı hissədə budaqlanır. Tez oduncaqlaşandır, sərt olduğu üçün
yerə yatmır. Yarpaqları saplaqlı və oturaqdır. Ayasının uzunluğu 10 -50 sm, eni 8-
46
30 sm-ə qədərdir. Gövdənin orta hissəsində yerləşən tipik yarpaqlar oval, dairəvi,
oval-ürəkvarı və ellips formalıdır. Bir bitkidə 12-50-ə qədər yarpaq əmələ gəlir,
lakin hamısı yetişmir.
Çiçəkləri gövdənin nəhayətində süpürgədə toplanır. Çiçək kasası badə formalı
uzunsovdur. Çiçəyin tacı bir-birinə birləşmiş beş ləçəkdən ibarət olmaqla uzun
borulu qıfa bənzəyir. Erkəkciyi beşdir. Dişiciyinin yumurtalığı ikiyuvalı, ağızcığı
ikidilimlidir. Öz-özünü tozlayan bitkidir.
Meyvəsi oval formalı, sivri yaxud küt nəhayətli, ikiyuvalı və çox toxumlu qozadır.
Toxumları xırda, tünd qəhvəyi rəngli, oval formalı, səthi torlu, mikropile hissəsi
azacıq əyridir. Mütləq kütləsi 35-100 mq-dır.
Bioloji xüsusiyyətləri. Tütün istilik sevən bitkidir, onun toxumu 10-12 0C
temperaturda cücərməyə başlayır. Əlverişli temperatur 25-30 0C-dir. 35 0C-dən
yuxarı temperaturda tütünün inkişafı dayanır. Vegetasiya dövründə faydalı
temperaturun cəmi 3200 0C- dir. Cavan bitkilər –2-3 0C-də məhv olurlar. Açıq
sahələrdə şitil yetişdirmək üçün plyonka altında 40-50 gün vaxt lazımdır. Kök
bağladığı dövrdə tütün bitkisi daha çox istilik tələb edir. Bu dövrdə istiliyin
normadan aşağı olması şitillərin boy atmasına mənfi təsir edir və tez
xəstələnməsinə səbəb olur. Payızın aşağı temperaturuna tütün yaxşı reaksiya
göstərir.
Tütün üçün tarla rütubət tutumu 65-80 %-dir. Nəmliyə daha çox tələbat şitilləri
sahəyə köçürdükdə və yarpaq əmələ gələrək inkişaf etdikdə başlayır və yarpaqların
yetişməsi dövrünə qədər davam edir. Sahəyə yeni köçürülmüş şitillər nəmlik
çatışmadıqda zəifləyir yaxud tamamilə məhv olurlar. Nəmlik çatışmadıqda bitkinin
boy atması ləngiyir, yarpaqlar xırda və qalın olur, çiçəkləməsi gecikir, və
məhsulun keyfiyyəti aşağı olur. Yarpaqların texniki yetişməsi dövründə və dərim
başlandıqda su sərfi bir qədər çoxalır. Rütubət az olduqda yarpaqlarda ətirli
maddələrin miqdarı çoxalır. Nəmlik lap az olduqda yarpaqda zülali maddələr
artdığına görə onun ətirliliyi və çəkim keyfiyyəti aşağı düşür. Lazımi qədər nəmliyi
olan torpağa əkilmiş bitki tez kök atıb möhkəmləndikdən sonra gələcəkdə baş
verən quraqlıq ona o qədər də təsir göstərmir, əlverişli şərait yarandıqda öz
47
inkişafını davam etdirir. Nəmlik artıq olduqda tütünün çəkimi boş olur və ətri
azalır. Nəmlik torpaqda uzun müddət davam etdikdə bitkilər islanıb çürüyür,
göbələk xəstəliklərinə tutulur və qidalanma rejimi pozulur. Transpirasiya əmsalı
500- 600 - dür.
Tütün işıqsevən bitkidir, işıq çatışmadıqda inkişaf gecikir və məhsulun keyfiyyəti
pisləşir.
Tütün üçün qranulometrik tərkibi yüngül, humusun miqdarı o qədər də çox
olmayan strukturlu torpaqlar yararlıdır.
Tütün yüngül, yumşaq və dənəvər strukturlu torpaqlarda güclü kök sistemi əmələ
gətirir, bitkinin böyüməsinə, kifayət qədər su və qida maddələri ilə təmin
olunmasına şərait yaranır. Çınqıllı torpaqlar, meşə yerindən və kol-kosdan
təmizlənmiş torpaqların da tütün əkinləri üçün istifadəsi məsləhətdir.
Xlorlu, kalsium və natriumlu birləşmələr tütünün yanmasını zəiflədir. Tütünü ağır
gillicəli və şoran torpaqlarda becərmək məsləhət görülmür.
Tütünün becərilməsi iki dövrdə: 1-ci şitillərin ləklərdə, istixanalarda yetişdirilməsi,
2-ci şitillərin tarlada (iyuldan) becərilməsi.
Şitillərin formalaşaraq 5- 6 yarpaq əmələ gətirməsi 45-50 gün çəkir. Tarlaya
köçürülən şitillərin texniki yetişkənliyi 80-120 gün davam edir. Tarlaya
köçürdükdən 10-15 gün sonra şitillərin kökləri güclənməyə başlayır.
Növbəli əkində yeri. Tütünün ən yaxşı sələfləri payızlıq taxıllar, qarğıdalı, birillik
taxıl və paxlalı yem otları, şəkər çuğundurudur. Eyni xəstəlik və zərərvericiləri
olduğuna görə tütünü bostan bitkiləri və günəbaxandan sonra növbələndirmək
olmaz. Fasiləsiz olaraq tütün öz yerinə əkildikdə xəstəlik və zərərvericilərə daha
sürətlə yoluxur, məhsuldarlıq azalır və keyfiyyəti pisləşir. Növbəli əkində tütün
eyni tarlada 2-3 ildən çox becərilməməlidir.
Torpağın becərilməsi. Dənli-taxıl bitkiləri yığıldıqdan sonra dərhal və ya 2-3
gündən gec olmayaraq kövşənlik 8-10 sm dərinlikdə üzlənir və payızın əvvəlində
27 sm dərinlikdə dondurma şumu qaldırılır. Yazlıq bitkilər altından çıxmış
sahələrdə sentyabrın 15-dək dondurma şumu edilməlidir.
48
Tütün plantasiyaları altından çıxmış sahələrdə noyabr ayının 25- dək şum
edilməlidir. Yazda şumu malalamaq və 2-3 dəfə kultivasiya çəkmək məsləhətdir.
Qış müddətində yağan qar, yağmur sularının torpaqda saxlanması məqsədilə
dondurma şumu edilmiş sahələr malalanmır. Çayır və ayrıq otu kimi alaqlarla
zibillənmiş sahələrdə iyul ayının ortalarında dərin qara herik şumu edilir.
Dondurma şumu aparılmış sahələrdə torpaqdakı nəmliyi saxlamaq məqsədilə
əmələ gəlmiş qaysağı dağıtmaq üçün yazda imkan olan kimi malalanmalıdır. Sonra
sahəni alaqlardan təmizləmək və yaz yağmurları nəticəsində torpaqda toplanmış
nəmlik itkisinin qarşısını almaq üçün 8-10 sm dərinlikdə pərşum edib arxasınca
malalamaq lazımdır. Tütün əkininə 5- 6 gün qalmış sahəni axırıncı dəfə 6 -7 sm
dərinlikdə kultivasiya edib malalamaq lazımdır.
Gübrələmə. Tütün bitkisi bir ton yarpaqla torpaqdan 60 kq azot, 17 kq fosfor, 46
kq kalium və 67 kq kalsium elementi aparır. Buna görə də tütün mineral və üzvi
gübrələrə həssasdır.
20 sentner məhsul əldə etmək üçün hektara 10-15 ton peyin, 50 kq azot, 80-120 kq
fosfor və 70-100 kq kalium gübrəsi vermək lazımdır. Fosfor və kaliumun 70 %-ni
şum altına, azotu, fosfor və kaliumun 25 %-ni yemləmə şəklində vermək məsləhət
görülür. Bu gübrələrin vaxtında və düzgün verilməsi çiçəkləməni, yarpaqların
yetişməsini tezləşdirir və bol məhsul alınmasını təmin edir. (N50 P80-120 K70-100)
Azot gübrəsi tütün bitkisinin məhsuldarlığını artırır, keyfiyyətini yaxşılaşdırır, azot
çatışmadıqda bitkilərin boyatması dayanır, onlar gec çiçəkləyir, yarpaqları xırda və
zəif, rəngi isə sarı olur. Yarpaqlar xırda olduğundan yığılmayaraq gövdələrin
üzərində qalır. Azot gübrəsinin artıq verilməsi məhsulun keyfiyyətini xeyli aşağı
salır, yarpaqlar kobudlaşır və tünd yaşıl rəng alır. Yarpaqlarda zülali maddələrin
miqdarı artır, sulu karbonlar isə azalır. Azotun artıq olması yarpaqların texniki
yetişməsini gecikdirir, xüsusən ilk dövrlərdə bitkinin inkişafına mənfi təsir
göstərir.
Tütünün tərkibində 2-3% ümumi azot və 1,5-2% nikotin olduqda ondan
hazırlanmış papirosun çəkim keyfiyyəti yaxşı olur.
49
Torpaqda kifayət qədər kalium olması tütünün normal yanmasına və onun
keyfiyyətinin yaxşılaşmasına səbəb olur. Kalium qidası tütünün ümumi inkişafına
müsbət təsir göstərir, yarpaqlarda sulu karbonların toplanmasına səbəb olur.
Kalium çatışmadıqda yarpaqlar kobud olur, kənarı aşağıya doğru qıvrılır və
üzərində qırmızıtəhər ləkələr əmələ gəlir.
Vegetasiyanın başlanğıcında birinci yemləmə şitilləmədən 10-12 gün sonra, ikinci
yemləməni isə birincidən 10 gün sonra vermək məsləhətdir.
Şitilin becərilməsi. Tütün yalnız şitil üsulu ilə becərildiyindən, şitilliklərdə,
polietilen örtük altında, günəş istixanalarında yetişdirilir. Xəstəlik və
zərərvericilərdən uzaq olmaq üçün şitillər yaxşı işıq düşən ləklərdə tütün
tarlasından 500 metr aralı yerlərdə becərilir. Şitil 35- 65 günə tarlaya köçürmək
üçün tam hazır olur.
Bir m2–ə 0,6 qram toxum səpilir, soyuq ləklərdə isə 1 qrama çatdırılır.
Qulluq işləri suvarma, havalandırma alaqların təmizlənməsi, yemləmə, xəstəlik və
zərərvericilərə qarşı mübarizədən ibarətdir.
Səpindən cücərtilərin alınmasına qədər 22-28 0C temperatur, çıxışdan sonra isə 25 0C əlverişlidir.
Şitilləri 3-4 dəfə üzvi və mineral gübrələrlə yemləndirmək lazımdır. Üzvi gübrə
kimi əsasən quş zılı (quş peyini) şirəsindən (1:20 nisbəti) istifadə edilir.
Mineral gübrələr məhlul halında 2 qr fosfor, 2 qr azot və 5 qr kalium 2 litr suda
həll edilərək 1 m2 - ə verilir. Şitil hazır olduqda hər m2 - də 2000-2500 ədəd olur.
Hər hektar açıq sahəyə 40-60 m2-lik ləklərdə şitil becərilməsi tələb olunur.
Şitillərin əkilməsi. Torpağın üst qatında temperatur 10-12 0C olduqda şitilləri
tarlaya köçürürlər.
Xırda yarpaqlı tütünlər 50 x 12 sm sxemində hektara 150-200 min ədəd, orta
yarpaqlılar – 60 x 20 -25 sm 80-90 min, iriyarpaqlılar – 70 x 30 və 90 x 30 sm 45-
55 min ədəd olur.
Tütün əkildikdə torpağın mailliyindən asılı olaraq şırımların dərinliyi 15-20 sm
olmalıdır. Cərgələrin uzunluğu 200 metrdən az olmamalıdır.
50
Əkinlərə qulluq. Əsas qulluq işləri cərgəaralarının becərilməsidir. Cərgəaralarının
becərilməsi 3- 4 dəfə hər 8-12 gündən bir 6-8 və 10-12 sm dərinliyində aparılır.
Suvarılan bölgələrdə 2-6 dəfə suvarma həyata keçirilir. Suvarma norması hektara
500-800 m3 - dir. Aşağı şitil yarpaqları, yarpaq qoltuğundakı bicləri təmizləmək və
ucunun vurulması həyata keçirilir. Çiçəkləmə başladıqdan sonra 3-4 dəfə aşağı
yarpaqlar təmizlənir və biclər vurulur. Belə qulluq məhsul artımına səbəb olur,
ehtiyat qida maddəsi biclərə və çiçək süpürgəsinə yox yarpaqlara sərf olunur.
Alaq otlarına qarşı şitilliklərə və sahələrə herbisidlərin çilənməsi (əl ilə) becərilmə
işlərinin sayını azaltmağa, bitkilərin qida maddələrini daha yaxşı mənimsəməsinə
şərait yaradır.
Generativ orqanlar sayılan qönçə, çiçək, qozalar və s. hazır qida maddələrindən
istifadə edirlər. Yarpaqlarda əmələ gələn qida maddələri bu orqanlara axdığından
yarpaqlar nazikləşir, keyfiyyəti aşağı düşür.
Aşağı şitil yarpaqlar təmizlənərək yandırılır. Təmizləmə işləri növbəti yaruslardakı
yarpaqların yaxşı inkişaf etməsinə səbəb olur. Çiçəkləmənin başlanğıcında 3- 4
dəfə qırılıb təmizlənir, eyni zamanda yan zoğlar da (biclər) təmizlənir. Bu qulluq
işləri məhsulu artırır və plastik maddələr təkrarən yan zoğlara və çiçək qrupuna
sərf olunmur, əksinə yarpaqlar tərəfindən istifadə olunur.
Məhsul yığımı və qurutma. Yarpaqların yetişməsi eyni vaxtda baş vermir.
Əvvəlcə ən yaşlı yarpaqlar, sonra orta və nəhayət yuxarı yarpaqlar yetişir.
Yarpaqlar əl ilə 2 ay ərzində 5-10 dəfəyə dərilir. Hər dərəndə bir bitkidən 3-7
yarpaq yığılır. Yığılmış yarpaqlar qurudulma yerlərində çeşidlənərək 5- 6 metrlik
iplərdən asılaraq qurudulur.
Qurudulmanın birinci mərhələsi yarpaqların tədricən saraldılmasıdır. Tədricən
qurudulduqda nişasta, zülal və xlorofil tədricən parçalanır, yarpaqların
keyfiyyətinə mənfi təsir göstərən zülali maddələr azalır, xlorofilin parçalanması
nəticəsində yarpaqlar sarı rəng alır. Bu da ki, keyfiyyətli məhsul alınmasının
başlıca şərtidir.
İkinci proses saralmış yarpaqların qurudulması, sonra isə rəngin fiksasiyası və
nəmləndirilib kameranın boşaldılmasıdır. Bu iş 6-7 günə başa çatdırılır.
51
Yarpaqların saralması 32-350 C temperaturda 80-85 % nisbi rütubətdə aparılır.
Texniki yetişkən yarpaqlar üçün qurutma müddəti 36-48 saat (40- 45 0C),
yetişməmiş yarpaqlar üçün isə 60 saatdır. Yarpağın zoğu və saplağı 50-55 0 C - də
quruyur.
Yığımdan sonra bir partiyanın qurudulması müddəti 100-125 saat çəkir. Bu üsulla
qurudulmuş yarpaqların 95 %-i 1-ci və 2-ci növ olur. Yarpağın nəmliyi 19 %-dən
yuxarı olmamalıdır.
Mövzu: 6. ŞƏKƏRLİ BİTKİLƏR. ŞƏKƏR ÇUĞUNDURUNUN XALQ TƏSƏRRÜFATI
ƏHƏMİYYƏTİ VƏ BECƏRİLMƏ TEXNOLOGİYASI
Mühazirənin planı:
1. Şəkər çuğundurunun əhəmiyyəti, yayılması, tarixi və becərilməsi.2. Şəkər çuğundurunun botaniki və bioloji xüsusiyyətləri 3. Şəkər çuğundurunun sələfləri, torpağın əsas və səpinqabağı becərilməsi,
gübrələmə. 4. Şəkər çuğunduru toxumlarının səpinə hazırlanması, səpin müddəti, üsulu və
norması.5. Şəkər çuğunduru əkinlərinə qulluq işləri (suvarma, alaqlarla, xəstəlik və
ziyanvericilərlə mübarizə).6. Məhsulun yığılması.7. Şəkər çuğundurunun sort və hibridləri
Ədəbiyyat
Cəfərov M. İ. və b. Kənd təsərrüfatı bitkilərinin becərilmə və yığılma texnologiyası, Bakı, 2000, 264 s.
Əliyev S. C., Aslanov A. Ə. Şəkər çuğunduru, Bakı, 1991, 36 s. Hümbətov H. S., Məmmədov V. Ə., Qəbilov M. Y. Şəkərli və nişastalı
bitkilər, Bakı: “Elm və təhsil” nəşr. 2014, 328 s. Hümbətov H. S., Xəlilov X. Q. Texniki bitkilər. Bakı: “Aytac”, 2010, s.100-
144. Hümbətov H. S., Şabanov M. C., Verdiyeva R. C. Şirəli yem bitkiləri.
Bakı: 2013, 152 s. Məmmədov Q. Y., İsmayılov M. M. Bitkiçilik, Bakı, “şərq-qərb” nəş.,
2012, 356 s. Yusifov M. A. Bitkiçilik, Bakı, “Qanun” nəşriyyatı, 2011, 368 s.
52
Вавилов П. П. Растениеводство. Москва, 1986, 512 с. Ильевич С. В., Ливинский Ф. А. И назвали свеклу сахарной, М:,1988,
173 с. Посыпанов Г. С. и др. Растениеводство. Москва, «Колос», 2006, 611с.
ŞƏKƏRLİ BİTKİLƏR. ŞƏKƏR ÇUĞUNDURUNUN XALQ TƏSƏRRÜFATI
ƏHƏMİYYƏTİ VƏ BECƏRİLMƏ TEXNOLOGİYASI
Kökümeyvəli bitkilər qrupuna çuğundur – beta; yerkökü – daucus carota;
(Apiaceae - kərəviz fəs. селдрейные) şalğam – brassica napus L. ssp. rapifera
Metzger); turneps (yemlik şalğam) brassica rapa L. ssp. rapifera Metzger), yem
turpu – (Raphanus sativus L. ssp. hybernus Alef. ) və sair cins və növlər daxildir.
Bu bitkilər botaniki cəhətcə müxtəlif olmalarına baxmayaraq eyni bioloji xassəyə
malik olmaqla birillik və çoxillikdirlər. Lakin mədəni formalarının bitkiləri tam
inkişafını iki ildə başa çatdırır.
Səpilmiş toxumdan vegetasiyanın birinci ili yoğunlaşmış ətli kök, kökün başcıq
hissəsində yarpaqlar, yarpaq qoltuqlarında isə yatmış tumurcuqlar əmələ gəlir.
Ömrünün ikinci ili tumurcuqlar inkişaf edərək gövdə tipli zoğ əmələ gətirirlər ki,
bunlar da toxum verir. Beləliklə səpindən yeni toxum alınana qədər iki il keçir.
Bəzi hallarda bitkilərin müəyyən qədəri hələ kökmeyvəsinin tam inkişaf
etmədiyi və lazımi qədər ehtiyat qida maddələri toplamadığı halda birinci ili
gövdələşmə və hətta meyvəvermə fazasına da keçir. Belə qüvvəli inkişaf cavan
bitkilərin yarovizasiya mərhələsinin sürətli keçməsinə səbəb olan alçaq
temperaturun təsirindən irəli gəlir. Buna gövdələşmə deyilir. Gövdələşmə
kökmeyvəsinin tez oduncaqlaşmasına və şəkərinin azalmasına səbəb olduğu üçün
normal vəziyyət hesab edilmir.
Kökümeyvəli bitkilərin Azərbaycanda əkin sahəsi 2010 - cu ildə 200 ha, ümu-
mi yığımı 3600 ton., məhsuldarlığı isə 210 s/ha olmuşdur.
Şəkər çuğundurunun əhəmiyyəti. Şəkər çuğunduru vacib texniki bitkidir.
Ondan həm şəkər istehsalı üçün həm də heyvandarlıqda yem kimi istifadə olunur.
53
Bu bitki Azərbaycanda yeganə şəkər istehsalı mənbəyidir. Dünya ölkələrinin 50-
dən çoxu şəkəri şəkər çuğundurundan istehsal edirlər. 70-ə yaxın ölkələr isə şəkəri
şəkər qamışından alırlar. Şəkər çuğundurunun tərkibində 18-22% şəkər vardır.
Yemlilik dəyərinə görə şəkər çuğunduru yem çuğundurundan 2 dəfə üstündür.
Yarpaqları xüsusilə qida elementləri ilə daha zəngindir. Yarpaqlarda 2-3% zülal,
0,4% yağ və müxtəlif vitaminlər vardır.
Şəkər çuğundurunun 1 sentneri 26 yem vahidi yaxud 1,2 kq proteinə
bərabərdir. Yarpağın bir sentneri isə 20 y.v.-nə bərabərdir.Yem çuğunduru müvafiq
olaraq 12 və 9 y.v.-ə bərabərdir. Şəkərin emalından sonra zavodlarda çoxlu
tullantılar (30 ton məhsuldan 24 ton tullantı) alınır ki, bu tullantılardan spirt,
qliserin, pektin kleyi, süd turşusu, limon turşusu istehsalı üçün istifadə edilir. Eyni
zamanda bu tullantıdan heyvandarlıqda yem kimi və təsərrüfatlarda üzvi gübrə
kimi də istifadə olunur. Tullantının quru halda 1 sentneri 80-85 yem vahidinə, yaş
və turş halda isə 8-10 yem vahidinə bərabərdir.
Onu da qeyd etmək lazımdır ki, şəkər çuğundurunun yarpaqları ilə heyvanların
çox yemləndirilməsinə yol vermək olmaz. Belə ki, yarpaqlarda həm təmiz halda,
həm də siloslaşdırılmış formada çoxlu quzuqulağı turşusu olur ki, bu da
heyvanlarda kalsium elementinin mübadiləsini pozur.
Şəkər çuğunduru hektardan 40-50 ton məhsul verərsə bundan 7-8 ton şəkər
alınır.
Bitkinin tarixi. Tədqiqatlarla müəyyən edilmişdir ki, şəkər çuğunduru yabanı
halda bitən, yarpaq çuğundurundan (Monqold növmüxtəlifliyindən) əmələ
gəlmişdir. Birinci dəfə şəkər çuğundurunun yarpaq forması mədəni hala salınıb.
Sonra (XVIII əsr) kökümeyvə formasına keçilib. Şəkər çuğunduru öz başlanğıcını
ağ tərəvəz çuğundurundan götürmüşdürki, o da az məhsuldar yarpaq çuğunduru
ilə məhsuldar yem çuğundurunun çarpazlaşdırılması yolu ilə alınmışdır. Yabanı
çuğundur bitkilərinə Kiçik Asiya, Zaqafqaziya, Aralıq dənizi, Xəzər dənizi və Qara
dəniz sahillərində rast gəlinir. Bu bitkinin becərilməsinə eramızdan 1500-2000 il
əvvəl başlanılmışdır. Dəclə və Fərat çayları vadilərində yaşayan insanlar bu
bitkinin yarpaqlarından müxtəlif xörəklər hazırlayırlarmış. Çuğundurun
54
kökümeyvə kimi becərilməsinə XVIII əsrin əvvəllərindən başlanılmışdır.
Çuğundur İran sözü olub müxtəlif dövrlərdə «çundur», «çuvundar»,
«çakendar», «şaqonder», «şuqundar», «çuğundur», və s. adlandırılmışdır.
Çuğundur sonralar Aralıq dənizi ölkələrinə, Fransa, İtaliya, İsveçrə,
İspaniyaya və s. yerlərə yayılmışdır.
Çuğundurda saxoroza olduğunu 1747-ci ildə Markqraf (Almaniya) qeyd
etmışdır. Şəkər çuğundurundan zavod üsulunda şəkər istehsalına başlamaq təklifini
1799-cu ildə Axard vermişdir. Şəkər çuğundurundan şəkər istehsal edən birinci
şəkər zavodu 1801- ci ildə Almaniyada tikilmişdir. Rusiyada ilk dəfə 1792-ci ildə
Moskva universitetinin professoru İ. Bindqeym kökümeyvəli çuğundurdan şəkər
almağı təklif etmışdır. M. Q. Pavlov (1792-1840) çuğundurun Moskva ətrafında
becərilməsinin mümkünlüyünü sübut etmişdir. 1802- ci ildə Rusiyada Tula
quberniyasının Alyabevo kəndində Yesipov tərəfindən ilk şəkər zavodu tikilmişdir.
Yayılması və məhsuldarlığı. Şəkər çuğunduru əsasən Ukraynada, Rusiyada,
Çində, Polşada, Fransada, İngiltərədə, Almaniyada, İtaliyada çox yayılıb. Onu
Belarusda, Yaponiyada, Belçikada, Macarıstanda, Türkiyədə Gürcüstanda və ABŞ
– da becərirlər. Yer kürəsində becərilən şəkər çuğunduru əkinlərinin 80%-i
Avropanın payına düşür.
Dünya əkinçiliyi sistemində (2013-cü il) 9,0 milyon hektardan çox əkin sahəsi
mövcuddur. Rusiyada 1,3 mil. ha-a yaxın (24,5 mil. ton) əkin sahəsi var, məhsul-
darlığı isə 17,8 ton/ha-dır.
Azərbaycanda bu bitkinin əkin sahəsi 2010- cu ildə 8500 ha, 2011-ci ildə
7300 hektar, 2012-ci ildə 3600 hektar, 2013- cü ildə isə 5466 hektar olmuşdur.
Respublikanın şəkərə olan illik tələbatı 300 min tondur.
Respublikada 2012-ci ildə 173 800 ton, 2013 - cü ildə isə 187923 ton şəkər
çuğunduru istehsal edilmişdir.
Mətbəx çuğundurunun Azərbaycanda əkin sahəsi 2010 - cu ildə 425 ha,
ümumi yığımı 4959 ton., məhsuldarlığı isə 117 s/ha olmuşdur.
Çuğundur yüksək məhsuldar bitkidir. Dünyada orta məhsuldarlığı 34,3 t/ha-dır.
Orta məhsuldarlıq Krasnodar diyarında hektardan 450 sen. Ukraynada isə 300-400
55
sentnerə, Azərbaycanda isə 334 sen.- ə (2013) çatır (2011-ci ildə 346 sen).
Botaniki təsviri. Çuğundur (Beta) cinsi unluca (tərəçiçəklilər) (Chenopo-
diaceae, маревые) fəsiləsinə daxil olan birillik, ikiillik və çoxillik növləri (14
yabanı, 1 mədəni) özündə birləşdirir. (ing. sugar beef, rus. сахарная свекла).
Tarixinə görə o Aralıq dənizi floristik vilayətinə daxildir. Çuğundur (Beta)
cinsinin bir neçə yarımnövü vardır. Onlardan adi çuğundur ssp. vulgaris polimorf
olmaqla çuğundurun bütün mədəni birillik və ikiillik formalarını özündə birləşdirir.
Öz növbəsində bu yarımnöv bir neçə növ müxtəlifliyinə bölünür: şəkər çuğunduru
(v. saccharifera), mətbəx çuğunduru (v. esculenta), yem çuğunduru (v. crassa) və
yarpaq (manqold) çuğunduru (v. cicla).
Çuğundurun növləri. İrimeyvəli - Beta maerorrhiza – nəmliyə tələbkar,
şaxtaya davamlı, dağlıq zona bitkisidir. Dəniz səviyyəsindən təxminən 1700-2000
m-ə qədər yüksəklikdə olan dağ zonalarında bitir. Torpağın 1,5 m dərinliyinə
işləyən yan kökləri əmələ gətirir. Meyvəkökünün kütləsi 10 kq-a çatır. Tərkibində
8-12%-ə qədər şəkər toplanır.
Gövdəsi şırımlı kimidir. Kökboğazı yarpaqları uzun saplaqlı, demək olar ki,
dairəvidir. Gövdə yarpaqları yumurta formalı, iridir.
Bu növün bütün yarpaqları antosian rənglidir. Meyvəsi (toxumu) olduqca iridir.
Haşiyəli meyvəli – Beta lomatogona – buna bir toxumlu çuğundurda deyilir.
Şaxtaya və quraqlığa davamlı, çoxillik alaq bitkisidir.
Azərbaycanın karbonatlı torpaqlarında təsadüf edilir. Şaxələnən və torpağın
dərin qatlarına işləyən kök əmələ gətirir. Xüsusi kök hissəsi bir qədər yoğunlaşmış,
qaba lifli kimidir. Meyvəkökün çəkisi 30-150 qram, şəkərliliyi isə 3,5-11%-ə
qədərdir. Kolu çoxgövdəlidir, ancaq yarpaqlanması zəifdir. Yarpaqları uzun
saplaqlı, uzunsov, yumurtavari, yaxud lansetvaridir. Çiçəkləri gövdələrin üzərində
bir-bir yerləşir. Çiçək yanlığının dilimləri ağ haşiyəli olduğuna görə haşiyəli
adlanır. Meyvəsi çox toxumludur.
Üç sütuncuqlu - Beta trigyna - yabanı növləri ən çox yayılanlar sırasındadır.
Əksər formaları şaxtaya davamlıdır. Azərbycanda Xəzər dənizi sahilində təsadüf
edilir. Kökümeyvənin kütləsi 7-10 kq, şəkərliliyi 9,6-14%-ə qədərdir. Gövdəsi
56
qabırğılı, antosian rəngli, gövdə yarpaqları yumurtavarı, yaxud lansetvarıdır. Çiçək
qrupu sıx və çoxçiçəkli sünbülə bənzərdir. Meyvəsi (kələfcəsi) 2-3 toxumludur.
Çoxillik çuğundur – Beta perenneae – quraqlığa, şoranlığa və xəstəliklərə
qarşı davamlıdır. Kökü silindirşəkilli, şaxəli, oduncaqlaşmışdır. Tərkibində 10-
12% şəkər olur. Kolu dağınıqdır. Gövdə yarpaqları yuxarı hissədə lansetvarı, orta
və aşağı mərtəbədə bir qədər enlidir. Kök boğazı yarpaqları (1-ci ili) uzun saplaqlı,
az hallarda zəif tüklü olur. Meyvəsi 2-3 toxumludur. Azərbaycan respublikasının
Apşeron rayonunda təsadüf edilir.
Şəkər çuğunduru ( Beta saccharifera ) ikiillik bitki olduğu üçün birinci ili
yarpaq və şirəli kökümeyvə əmələ gətirir, ikinci ili isə zoğ verərək çiçəkləyir və
meyvəsini verir (yəni toxumunu). Bəzən həyatının birinci ilində çiçək verən
bitkilərə də təsadüf edilir. Belə hal adətən yarovizasiya və işıq mərhələsini birinci
ildə keçirən bitkilərdə rast gəlinir. Mədəni çuğundurun kökümeyvəsi iri olub 0,3-
0,5 kq (8 kq) şəkərliyi 18-22%, bəzən də 24-25% olur. Meyvəkök ağ rəngli və
konus şəkillidir. Meyvəkök üç hissədən ibarətdir: a) yarpaq rozetinin yerləşdiyi-
başcıq; b) tumurcuqları və yan kökləri olmayan- boyuncuq; v) yan köklərin
meyvəyə birləşdiyi ən aşağı hissə-quyruqcuq.
Şəkər çüğundurunun yarpaqları kökün üzərində rozet şəklində düzülür. Yarpaq
ayası enli, saplaqları isə uzun olur. Hər bitkidə 50-90 ədəd yarpaq əmələ gəlir.
Yarpağın ömrü 25-70 gün arasında dəyişir. İlk dəfə əmələ gələn yarpaqların həyat
fəaliyyəti daha uzun olur. İlk yarpaqların ayası dəyirmi, sonrakılar isə uzunsov-
ürəkvari olur. Bir bitki 3000 m2 yarpaq sahəsi əmələ gətirə bilər. Bitkinin həyatının
ikinci ilində kökümeyvədə əvvəlcə rozet yarpaqlar, sonralar isə yarpaqlı zoğlar
əmələ gəlir. Zoğun aşağı hissəsində yarpaqlar iri yuxarı hissəsində isə xırda olur.
Xırda göyümtül-yaşıl rəngli çiçəkləri var. Çiçəkləri ikicinslidir, qruplarda
toplanmışdır. Hər qrupda 2-6 çiçək olur. Hər çiçəkdə 5 ləçək, 5 erkəkcik vardır.
Dişiciyinin ağzı üçdilimlidir. Erkəkciklər tez yetişdiyindən çarpaz tozlanırlar.
Çuğundurun meyvəsi xırda qozcuqdur. Yetişən zaman meyvələr bir-biri ilə
birləşərək kələfcə əmələ gətirirlər. Hər kələfcədə 2-6 toxum yerləşir. Kələfcəni
təşkil edən meyvələrin hər birisi nəhayətində dişicik ağzının üç çıxıntı kimi izi
57
qalmış xırda qozcuqdur. Meyvənin mütləq kütləsi 20-50 qram arasında dəyişir.
Toxumları böyrəkşəkilli və parlaqdır. Toxumluq kələfcələr kələ-kötür, qonuru-sarı
rəngli olur. Çuğundurun əsil toxumu parlaq qonuru - qırmızı rəngli qlafdan və
ikiləpəli rüşeymdən ibarətdir. Ləpələrin arasında gövdə tumurcuğu və kökcüyün
bünövrəsi (rüşeym kökcüyü), tumurcuqla kökcük arasında isə ləpəaltı dizcik
yerləşir.
Bioloji xüsusiyyətləri. Şəkər çuğundurunun toxumları 4-5 0C temperaturda
cücərməyə başlayır lakin, cücərti torpaq səthinə gec çıxır. Çıxışların tez alınması
üçün (5-6 gün) 15-20 0C temperatur lazımdır. Temperaturun 23 0C-dən çox olması
üzvü maddənin sintezini ləngidir. Normal böyüyüb kökümeyvə məhsulu yaratmaq
üçün 2200-2600 0C aktiv temperatur lazımdır. Bitki 1 ton kökümeyvə əmələ
gətirmək üçün 8 ton su sərf edir. Toxumun cücərməsi üçün öz kütləsinin 170%-i
qədər nəmlik tələb edir. Bitkinin normal inkşafı üçün nəmlik torpaqda ən azı tarla
rütubət tutumunun 70%-i həddində olmalıdır. Transpirasiya əmsalı 240-400
arasında dəyişir.
Şəkər çuğunduru işıq sevən uzun gün bitkisidir. Yarovizasiya mərhələsini 0-8 0C temperaturda keçirir. Yaz səpinlərində yarovizasiya mərhələsi yazda başa
çatmadığından bütün il boyu davam edir. Bəzi bitkilərdə yarovizasiya mərhələsi
qısa müddətdə başa çatdığından onlar birinci ili zoğ verib toxum əmələ gətirirlər.
Normal bitkilər ikinci il çiçəkləyib toxum verir. Bitkinin vegetasiya müddəti 1-ci
ili 150-170 gün, 2-ci ili isə 130 günə qədər davam edir.
İnkişaf fazaları: 1) cücərmə, 2) çatal, 3) I cüt əsl yarpaq, 4 ) II-III cüt əsl
yarpaq, 5) 7 yarpaq, 6) cərgəaralarının qapanması, 7) cərgəaralarının açılması, 8)
texniki yetişkənliyin başlanması.
Çuğundurun inkişafı həyatının birinci ilində üç dövrə ayrılır. 1-ci dövr 1,5-2
ay davam edir, bu dövrdə yarpaqlar və kök sistemi əmələ gəlir, 2-ci dövrdə
kökmeyvələr sürətlə böyüyür, 3-cü dövrdə isə kökümeyvələrdə şəkərin toplanması
sürətlə gedir.
Şəkər çuğundurunun suya tələbatı həyatının müxtəlif dövrlərində eyni deyildir.
Toxumun cücərməsi və cücərtilərin kök əmələ gətirməsi dövründə bitki suya daha
58
çox tələbat göstərir.
Şəkər çuğunduru üçün üzvi maddələrlə zəngin, yüngül və orta qranulometrik
tərkibli şabalıdı, qonur və qəhvəyi strukturlu torpaqlar daha əlverişlidir. Ağır,
möhkəm qaysaq əmələ gətirən gilli boz torpaqlar, daşlı, çınqıllı torpaqlar şəkər
çuğunduru becərmək üçün yaramır.
Zəif turş və neytral reaksiyalı (pH-6,5-7,5) torpaqlar çuğundur üçün daha
əlverişli hesab olunur. Torpaq reaksiyasının pH-6-dan aşağı olması bitkinin böyü-
məsinə mənfi təsir göstərir, zərərverici və xəstəliklərin təsirinə məruz qalır.
Qumlu və qumsal torpaqlardan yüksək məhsul götürmək üçün üzvi gübrədən
istifadə edilməlidir.
Şəkər çuğunduru üçün torpağın əkin qatında optimal sıxlıq (həcmi kütlə) 1,0-
1,4 q/sm3 həddində olmalıdır. Digər bitkilərdən fərqli olaraq çuğundur torpaqdan
xeyli artıq qida elementləri mənimsəyir. Şəkər çuğunduru bir ton əsas və əlavə
məhsulla torpaqdan 4-7 kq N, 1,0-3,5 kq P2O5, 5-9 kq K elementi aparır.
Azot qidası çatışmadıqda yarpaqlar zəif inkşaf edir, saralır və tez məhv olur.
Azotun çatışmaması fotesintezin intensivliyinə mənfi təsir göstərir. Belə ki,
kökümeyvənin böyüməsi və onda şəkər toplanması zəifləyir.
Fosfor çatışmadıqda bitkidə şəkərin sintezi azalır. Fosfor zülalın artmasına,
azot elementindən daha yaxşı istifadə edilməsinə və bitkinin vegetasiya
müddətinin qısalmasına səbəb olur.
Kalium bitkinin şaxtaya və quraqlığa davamlılığını artırır. Kalium
çatışmadıqda yarpaqların kənarı quruyur və kökümeyvədə şəkərin miqdarı tezliklə
aşağı düşür.
Kükürd çatışmadıqda yarpaqlarda qonur ləkələr əmələ gəlir və saralmağa baş-
layır. Dəmir çatışmadıqda yarpaqlarda xloroz xəstəliyi baş verir.
Məhsuldarlığın yüksəldirməsində və şəkərliliyin artırılmasında bor, sink,
molibden və kobalt kimi mikroelementlərin də böyük rolu vardır.
Növbəli əkində yeri. Şəkər çuğundurunu alaq otlarından təmiz, münbit və
nəmliklə kifayət qədər təmin olunmuş tarlalarda becərmək məqsədəuyğundur.
Şəkər çuğundurundan ötrü ən yaxşı sələflər – gübrələnmiş payızlıq buğda, payızlıq
59
arpa, qarğıdalı, birillik dənli-paxlalı bitkilərdir. Şəkər çuğundurunun özü müxtəlif
bitkilərdən ötrü – qarğıdalı, darı və dənli-paxlalılar üçün yaxşı sələfdir. Yaxşı olar
ki şəkər çuğunduru öz tarlasına 3-4 ildən sonra qaytarılsın.
Torpağın becərilməsi. Becərmədə əsasən alaq otları məhv edilir və torpağın
ehtiyat nəmliyi qorunub saxlanılır.
Üzləmə. Payızlıqların yığılması ilə eyni zamanda və ya dərhal ondan sonra
kövşən 5-7 sm dərinlikdə diskli üzləyicilər vasitəsilə, kökümsovgövdəli alaqlarla
zibillənmiş tarlalarda isə gəvahinli üzləyicilərlə 12-14 sm dərinlikdə üzlənir. Alaq
otu toxumlarının cücərməsini gücləndirmək üçün üzləmədən sonra sahədə 600-700
m3/ha həcmində aldadıcı suvarmalar aparılır və 3-4 həftədən sonra şum qaldırılır.
Əgər çuğundur əkiləcək sahə çoxilik köküpöhrəli alaqlardan tarla qanqalı, çəhrayı
qanqal, tarla sarmaşığı ilə zibillənmiş olarsa şumdan qabaq hektara 2,5-3,0 kq
miqdarında başdan-başa 2,4 D-nin amin duzu və ya 1,0-1,5 kq 2,4 D-nin butil efiri
10 kq ammonium şorası ilə qarışdırılaraq 300 litr su ilə sahəyə çilənməli, sonra
şum aparılmalıdır.
Dondurma şumu. Şum 28-30 sm dərinlikdə aparılır. Şum qatı kifayət qədər
dərin olmayan torpaqlarda torpaqdərinləşdirici tətbiq etmək lazımdır. Üzləmədən
sonra aparılan dondurma şumu önkotancıqlı kotanla oktyabr ayında gələcək
səpinin eninə aparılmalıdır. Dondurma şumundan əvvəl torpağa üzvi-mineral
gübrələr verilir.
Yaz becərməsi. Rütubəti saxlamaq üçün fevral ayında tarlanı şumun eninə
malalayırlar. Malalamadan sonra 10-14 sm dərinlikdə kultivasiya edilir. Əgər
payız-qış aylarında tarla suvarılmayıbsa səpinqabağı suvarma aparılır. Çünki, ağır
torpaqlarda səpsuvar keçirilməsi qaysaq əmələ gətirir və cücərtilər bunun altından
çıxa bilmirlər. Aratdan sonra torpaq yetişən kimi səpinqabağı kultivasiya aparılır
və mala çəkilir. Kultivasiyanın altına alaqlarla mübarizə məqsədilə müvafiq herbi-
sidlərin biri verilir.
Səpinqabağı hazırlıq bilavasitə çuğundur səpininə 3-4 gün qalmış aparılır.
Səpinqabağı kultivasiya şumun istiqamətində, toxumların basdırılacağı dərinlikdə
(3-4 sm) aparılır.
60
Cərgəarası becərilən bitkilərdən sonra şəkər çuğunduru yerləşdiriləcəksə sələf
bitkisinin məhsulu yığılan kimi sahə ön kotancıqlı kotanla şumlanır və payız-qış
dövründə müvafiq becərmələr aparılır.
Gübrələmə. Yüksək məhsul almaq üçün üzvi və mineral gübrələrin verilmə-
sinin böyük əhəmiyyəti vardır. Yuxarıda qeyd olunduğu kimi şəkər çuğunduru bir
ton əsas və əlavə məhsulla torpaqdan 4-7 kq N, 1,0-3,5 kq P2O5, 5-9 kq K elementi
aparır. Gübrə norması sələf bitkisindən və torpaqların qida maddələri ilə təmin
olunma dərəcəsindən asılı olaraq planlaşdırılır. Yaşıl gübrələr də məhsuldarlığı
xeyli artırır. Bu məqsədlə payızlıq taxıllar yığıldıqdan sonra noxud, soya, gülül,
lüpin səpilir və sentyabrın axırında şumlanıb torpağa basdırılır. Şəkər çuğunduruna
gübrələr planlaşdırılmış məhsula görə balans üsulu ilə verilməlidir. Respublikanın
suvarılan açıq şabalıdı torpaqları şəraitində hektardan 500 sentner kökmeyvə
məhsulu almaq üçün hektara 20 ton peyin və təsiredici maddə hesabı ilə
N140P150K100 verilməlidir. Fosfor və kalium əsas şum altına, azotun 30%-i
səpinqabağı becərmədə kultivasiya altına, 70%-i yemləmə gübrəsi kimi 2 dəfəyə –
yarısı seyrəltmədən sonra 2-3 cüt yarpaq fazasında və ikinci dəfə 7-ci həqiqi
yarpaq fazasında cərgəaraları qovuşanadək verilməlidir. Hektara təsiredici maddə
hesabı ilə 1,5 kq bor və 2,2-2,6 kq manqan verilməsi yaxşı nəticə verir.
Kökdənkənar yemləmədə hektara 20 kq fosfor, 20 kq kalium 50 litr suda həll
edilərək çilənir. Yemləmə gübrəsi peyin şirəsi ilə də aparılır. Bunun üçün
cərgələrin başında çala qazılır, peyin şirəsi ilə doldurulur və suvarma suyu ilə
axıdılır. Toxumların bakterial gübrələrlə işlənilməsi də müsbət nəticələr verir.
Toxumun səpinə hazırlanması. Şəkər çuğundurunun becərilmə texnologiya-
sının bir çox elementləri – səpin norması, səpin üsulu, bitki sıxlığı və s. əkiləcək
toxumun keyfiyyətindən asılıdır. Səpin üçün rayonlaşmış sortların I-ci
reproduksiyaya aid olan toxumları işlədilməlidir. Səpiləcək toxumun cücərmə
enerjisi ( bir cücərtiliyi) 85 %-dən, laboratoriya cücərmə qabiliyyəti (yeknəsəkliyi)
90%-dən və təmizliyi 98 %-dən az olmamalıdır. Dəqiq səpin aparmaq üçün səpilə-
cək toxum 3,5-4,5 mm və ya 4,5-5,5 mm diametrində olmaqla birtoxumluluğu
96% -dən az olmamalıdır.
61
Toxumlar səpindən qabaq cilalanmalı, çoxtoxumlu kələfcələr ayrı-ayrı
təktoxumlu meyvəciklərə xırdalanmalı, kalibrləşdirilməli və səthində qidalı
maddələrin, pestisidlərin örtüyü əmələ gətirilməlidir. Səpinqabağı, bilavasitə
təsərrüfatlarda 8 litr su və 1qr. kəhrəba turşusu qatışdırılaraq 100 kq toxuma
çilənməsi çox yaxşı nəticə verir.
Səpin müddəti, üsulu, norması və toxumun basdırılma dərinliyi. Şəkər
çuğunduru torpağın 5 sm dərinliyində temperatur 6-8 0C olduqda səpilməlidir.
Səpin qısa müddətdə 3-5 günə başa çatdırılmalıdır. Respublikanın əksər rayon-
larında şəkər çuğundurunu fevralın axırı – martın əvvəlində səpmək olar.
Suvarma şəraitində ən yaxşı səpin üsulu cərgəarası 60 sm olan gencərgəli
nöqtəvi səpindir. Pambıqçılıqla məşğul olan təsərrüfatlarda 60-90 sm-lik
cərgəaralarına və qarğıdalı-tərəvəz təsərrüfatlarında 70 sm-lik cərgələri becərməyə
imkan verən kompleks maşınlar olur. Ona görə də əgər təsərrüfatda çuğundurun
becərilməsinə aid xüsusi, kompleks çuğundur maşınları olmazsa, onda bu bitkinin
becərilməsində pambıq, qarğıdalı və ya tərəvəz texnikasından istifadə etməyə
imkan verən səpin üsulu seçilməlidir (CCT-8, CCH-12, CK-18, CKP-12, CCT-
12A).
400-500 sentner kökümeyvə məhsulu almaq üçün yığımqabağı hektarda 95-
100 min bitki olmalıdır. Cərgəarası 60 sm olan suvarma zonalarında bitkiarası
məsafə 10-15 sm götürülür. Hal-hazırda punktir səpin üsulu daha geniş tətbiq
olunan əlverişli üsul sayılır. Bu üsulda toxumlar arasında məsafə qoyulur, normal
cücərtilər alındığından seyrəltməyə ehtiyac qalmır. Hər metrə 20 toxum səpilir.
Adi texnologiya ilə becərdikdə cərgəarası 60 sm olduqda səpin norması hektara
10-12 kq, (bir metrə 35-38 kələfcə) 45 sm olduqda isə 30 kq götürülür.
Sənaye texnologiyasında hektara səpin norması 6-8 kq, (bir metrə 12-14
meyvə), alaqlardan təmiz, münbit, habelə xəstəlik və zərərvericilərdən təmiz
sahələrdə 1 metr cərgəyə 9-10 kələfcə,(4,5-6,0 kq) səpmək olar.
Səpin norması aşağıdakı adi düsturla təyin olunur:
62
N=
B×ST
×100
Burada:
N – hektara səpiləcək toxum, kq-la;
B – hektarda tələb olunan bitki, mln. ədədlə;
S – 1000 ədəd toxumun kütləsi, q;
T – səpiləcək toxumun yararlılıq dərəcəsi, %-lə. Tutaq ki, B = 0,1 milyon, S = 15 qr., T = 95%-
dir.
Onda N = 0,1 x 15
95x 100 = 1 ,58 kq
. Deməli bir hektarda 100 min bitki olması üçün 1,58
kq toxum səpilməlidir (təmiz toxum). Təsərrüfarlarda isə torpağa ən azı 25-30 kq toxum səpilir
və sonra onu çoxlu zəhmət çəkərək seyrəldirlər.
Çoxtoxumlu diploid şəkər çuğundurunun 1000 ədəd meyvəsinin kütləsi 25 qr-dan,
birtoxumlu diploid şəkər çuğundurununku 15 qr.- dan, çoxtoxumlu poliploid şəkər
çuğundurunun isə 1000 ədəd meyvəsinin kütləsi 30 qr-dan aşağı olmur.
Torpaq səpinə yaxşı hazırlandıqda və səpin üçün yüksək keyfiyyətli toxum
işlətdikdə hər metr cərgəyə 10-15 toxum səpib 6-7 cücərti saxlamaq məsləhətdir.
Səpin zamanı aqreqat saatda 4-5 km sürətlə hərəkət etməlidir. Toxum torpağın
qranulometrik tərkibindən asılı olaraq ağır boz torpaqlarda 2,5-3 sm, yüngül və
orta gilli şabalıdı, qonur və qəhvəyi torpaqlarda 3-5 sm, kövşənlik əkinlərində isə
2-3 sm dərinliyə basdırılmalıdır.
Əkinlərə qulluq. Əkinə qulluq vegetasiya suvarmalarından, cərgəaralarının
becərilməsindən, yemləmə gübrəsi verilməsindən, alaqlara, xəstəliklərə və
zərərvericilərə qarşı mübarizə aparmaqdan ibarətdir. Şəraitdən asılı olaraq
çuğundurun cücərtiləri 8-20 günə alınır. Çıxışı yaxşılaşdırmaq üçün səpindən 4-5
gün sonra, cücərtilərin boyu 0,5 sm-ə çatana qədər köndələninə mala çəkilir.
Cücərti varsa zədələməmək üçün aqreqatın hərəkət surəti saatda 2,5-3,0 km-dən
artıq olmamalıdır. Cücərtilər görünəndə 1-ci kultivasiyanı cərgələrin uzununa 4-5
sm dərinliyində apararaq cərgələr yumşaldılır və 8-10 sm cərgədən aralı müdafiə
zonası saxlanılır. Məqsəd cücərtilərin üzərini torpaqla basdırmamaqdır. Normal
bitki sıxlığı yaratmaq üçün seyrəltmə aparılır. Sıx əkinlərdə çatal fazasında 6-7
63
günə seyrəltmə apararaq bitki sıxlığını 90 minə çatdırırlar. 2-ci becərmə
seyrəltmədən sonra 10-12 sm dərinliyində aparılır. Suvarmalardan 2-3 gün sonra
kultivasiya çəkilir. Oktyabrın axırında yığımqabağı cərgəaraları 8-10 sm dərinlikdə
yumşaldırlar ki, yığımın keyfiyyəti yaxşılaşsın. Şəkər çuğunduru toxumu səpilmiş sahə arat olub-olunmamasından asılı olmayaraq səpin
zamanı açılmış şırımlarla hopdurma yolu ilə suvarılmalıdır. Suvarmadan sonra traktorun sahədə
hərəkəti mümkün olan kimi, təxminən suvarmadan 4-6 gün sonra, cücərtilər 6-7 mm olanda
kultivatorla və ya mala ilə cığıraçanın izi ilə malalanmalıdır. Vegetasiya dövründə 4-5 dəfə və
daha çox cərgəarası yumşaltma aparıla bilər. İkinci və sonrakı cərgəarası becərmə 8-10 sm
dərinlikdə aparılmalıdır. İkinci kultivasiya seyrəltmədən sonra, üçüncü və sonrakılar hər 10-14
gündən bir və ya ehtiyac olduqda aparılmalıdır. Bir qayda olaraq suvarma qabağı şırım açılmalı,
suvarmadan sonra torpaq ensiz sərt pəncələrlə yumşaldılmalı və sonra növbəti suvarmaya qədər
alaqları mexaniki üsul ilə məhv etmək üçün yastıkəsici ülgüclər və ikitərəfli kəsən pəncələri,
cərgələri mühafizəedici diskləri olan kultivatorla cərgəarası becərmə aparılmalıdır. Cərgələr
qovuşmamışdan qabaq suvarma üçün şırımlar açılmalıdır.
Şəkər çuğunduru respublikanın dağətəyi və aran rayonlarının suvarılan
torpaqlarında becərilir və vegetasiya müddətində Mil-Qarabağ, Muğan, Şirvan
bölgələrində 6-8 dəfə və Gəncə-Qazax bölgəsində 8-10 dəfə suvarılır. Mütərəqqi
suvarma üsulları ilə, cərgələr arasında açılmış şırımlarla (infiltrasiya) və
yağışyağdırma üsulu ilə suvarılmalıdır. Vegetasiyanın əvvəlində və axırında suvar-
ma normaları yüksək olmayıb 500-700 m3/ha təşkil edir. Yayın ortalarında
çuğundur güclü surətdə inkişaf edir, böyük miqdarda su sərf edir. Buna görə də
suvarma normaları 800-1000 m3/ha-a qədər artırılmalıdır. 1–ci suvarma kökün
qabıqdəyişmə dövründə, sonrakılar hər 10-15 gündən bir aparılır. 2-ci suvarma
seyrəltmədən sonra aparılmalıdır. Suvarmaların sayı, müddəti və norması torpaq-
iqlim şəraitindən və bitkinin vəziyyətindən asılı olaraq aparılır.
Şəkər çuğundurunun xəstəlik və zərərvericilərinə qarşı mübarizədə ilk
növbədə aqrotexniki və bioloji mübarizə üsullarından istifadə edilməlidir. Xüsusi
hallarda kimyəvi preparatlardan istifadə etmək olar. Şəkər çuğunduruna müxtəlif
həşəratlar ziyan vururlar. Bunlar çuğundur birəsi, yarpaq və kök mənənəsi,
yarpaqyeyən tırtıllar, çəmən kəpənəyi, məftil qurdları, minalı çibinlər və s.-dir.
64
Bunun üçün növbəli əkinlər yüksək aqrotexniki tədbirlərlə yanaşı bioloji və
kimyəvi mübarizə üsulları da tətbiq edilməlidir. Bioloji mübarizə tədbiri kimi,
trixoqrammadan və biopreparatlardan (hektara 2 kq bitoksibatsilin və 1 kq
denderobatsilin) istifadə edilir.
Zərərvericilərdən torpaqda qidalananlara qarşı mübarizə növbəli əkin, torpağın
becərilməsi və səpin qabağı hektara 100 kq dənəvər fosfamidin tətbiqidir. Çıxışları
zədələyən həşaratlara qarşı mübarizə məqsədilə insektisidlərdən istifadə olunur
(hektara 80%-li dirol 3 kq, qamma-izomer 50% 0,8 kq, polixlorkanfenon 50%-li 3
litr, leboysid 50%-li 1 litr, metafos 40%-li 1 litr).
Çuğundura çuğundur uzunburun böcəyi, mənənələr çox ziyan verə bilir. Bu
zərərvericilərlə mübarizə üçün onlar müşahidə edildikdə aşağıdakı maddələrdən
biri: 40 faizli metafos (1,0 kq/ha); 40 faizli bazudin (2,5 kq/ha); 50 faizli aktelik
(2,0 kq/ha) və ya əldə olan yeni preparatlarların biri çilənməlidir. Tarla
kəpənəyinin tırtıllarına qarşı da yuxarıdakı insektisidlərdən birini və ya tırtılların
kiçik yaşlarında biopreparatlardan bitoksibasillin – (3 kq/ha) və ya entobakterin (3-
4 kq miqdarında ) tətbiq oluna bilər.
Xəstəliklərdən unlu şeh, pas, yarpaq ləkəsi, kök çürümə, dəmgil (qoturluq),
serkosporoz, perenosporoz, virus xəstəliyi mozaika, sarılıq, xloroz və s.- dir.
Serkosporoz xəstəliyinə qarşı mübarizə məqsədilə, xəstəlik müşahidə
edilidikdə sahəyə aşağıdakı preparatların biri – 1 %-li bordo mayesi ( 6 kq/ha) və
unlu şehə qarşı 1 %-li kolloid kükürd suspenziyası (4-6 kq/ha) çilənməli və ya
döyülmüş kükürd çiçəyindən hektara 12-15 kq tozlanmalıdır.
Məhsulun yığılması. Şəkər çuğundurunda şəkər toplanması havanın orta
sutkalıq temperaturu 6-8 0C-yə enənə qədər davam edir. Respublikamızda belə
temperatur noyabr ayının birinci yarısında müşahidə olunur. Ona görə də şəkər
çuğundurunun yığımına oktyabr ayının sonunda başlanılmalı və noyabr ayının 10-a
kimi başa çatdırılmalıdır. Vegetasiyanın sonuna yaxın yarpaqlardakı qida
maddələri kökümeyvəyə axır və yarpaqlar tədricən saralıb quruyur. Yığım texniki
yetişgənlik dövründə, yəni kökümeyvələrdə şəkər faizi ilə əlaqədar aparılır. Əgər
tarlada yaşıl yarpaqlı massivlər olarsa yığımı gecikdirmək lazımdır.
65
Məhsul üçcərgəli kombaynla CKEM-3 və ya altıcərgəli BM-6A, KS-6, RKS-6
markalı kombaynla yığılır. Kombayn çuğunduru çıxarıb silkələyərək torpağını
tökür, yarpaqlarını kökdən ayırıb hər birisini ayrılıqda xırda tığlara yığır.
Sort və hibridləri. Şəkər çuğundurunun daha məhsuldar sort və hibridlərinin
alınmasında böyük işlər görülmüşdür. Dünya praktikasında birinci olaraq, şəkər
çuğundurunun birtoxumlu sort və hibridləri alınmışdır. Birtoxumlu sort və
hibridlərin istehsalat şəraitində geniş yayılması çuğundurçuluğun sənaye
texnologiyası əsaslarına keçməsinə şərait yaratmışdır. Belə səpinlərdə sənaye
texnologiyasına müvafiq kompleks tədbirlərin həyata keçirilməsi əsasında
çuğundurun əl əməyi tətbiq etmədən becərilməsinə tam şərait yaranmışdır. Şəkər
çuğunduru sahələrinin 70%-ə qədəri birtoxumlu sort və hibridlərlə səpilir.
Birtoxumlu sort, hibrid və yarımhibridlər. Birtoxumlu beloserkovsk -34.
(N-məhsuldar şəkərli) - Kiyev vilayətinin Beleserkovsk– təcrübə stansiyasında
Verxnyaçesk 1025 və Romon 153 sortlarının hibridləşdirilməsindən alınmış nəslin
təkrar seçilməsi yolu ilə yetişdirilmişdir. Məhsuldar sortdur. Kələfcələri xırda və
birtoxumludur. 1979-cu ildən rayonlaşdırılmışdır. Тoxumları çox yaxşı səpin
keyfiyyətinə malikdir. Birtoxumluq dərəcəsi 100%-dir. Məhsuldarlığına görə
standart birtoxumlu sort yalтuşkovskini keçir, kökmeyvələrinin yüksək texnoloji
xüsusiyyətləri ilə seçilir. Kökyeyən ziyanvericiyə, serkosporoz və virus sarılıq
xəstəliklərinə qarşı orta dərəcədə davamlıdır.
Birtoxumlu yaltuşkovski (N). Vinnitsk vilayətinin Yaltuşkovski seleksiya
məntəqəsində hibridləşdirmə, sonra çoxtəkrarlı seçmə yolu ilə yetişdirilmişdir.
Yüksək məhsuldar, çox şəkərli sortdur.
Birtoxumlu Ramonsk -9. (E – məhsuldar) Ümumittifaq ETŞÇİ-da alti sortun
qarışığından fərdi seçmə yolu ilə əldə edilmişdir. Yüksək məhsuldar sortdur.
Çoxtoxumlu sortlar. Pervomaysk- 028 (N). Krasnodarın Pervomaysk
seleksiya - təcrübə stansiyasında çoxtoxumlu sortlardan fərdi seçmə yolu ilə əldə
edilmişdir. Yüksək məhsuldar, çox şəkərli sortdur.
Ramonsk -06. (E) Ümumittifaq ETŞÇİ-nun Romansk təcrübə stansiyasında
çoxtoxumlu sortların qarışığından fərdi seçmə üsulu ilə yetişdirilmişdir.
66
Kiva F1 (Almaniya) Azərbaycanda 2002-ci ildən rayonlaşdırılmışdır.
Lena F1 (Almaniya) Azərbaycanda 2002-ci ildən rayonlaşdırılmışdır.
FDRH 0005 F1 (2006)
Ameli F1 (Fransa Florimond Despres firması) (2008)
“E” - Almanca “Ertraq” məhsuldar, “Z” - “Zucker” şəkər, “N” - “Normal”
məhsuldar-şəkərli deməkdir.
MÖVZU: 7. ŞƏKƏR QAMIŞI, ONUN XALQ TƏSƏRRÜFATI
ƏHƏMİYYƏTİ VƏ BECƏRİLMƏSİ
Mühazirənin planı:
Əhəmiyyəti və istifadəsi. Mənşəyi və tarixi. Botaniki təsviri və bioloji xüsusiyyətləri. Çilinglərinin hazırlanması və əkilmə texnologiyası: Növbəli əkində yeri. Тorpağın becərilməsi və gübrələnməsi: Əkinə qulluq və məhsulun yığılması.
Ədəbiyyat
35. Cəfərov M. İ., Quliyev R. M., Səfərov N.Ə. Kənd təsərrüfatı bitkilərinin becərilmə və yığılma texnologiyası. Bakı, «Maarif» 2000, 364 s.
36. Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.37. Hümbətov H. S., Məmmədov V. Ə., Qəbilov M. Y. Şəkərli və nişastalı
bitkilər, Bakı: “Elm və təhsil” nəşr. 2014, 328 s. 38. Məmmədov Q. Y., İsmayılov M. M.. Bitkiçilik, Bakı, 2012, 356 s.39. Yusifov M. A. Bitkiçilik, Bakı, “Qanun” nəşriyyatı, 2011, 368 s.40. Вавилов П. П. «Растениеводства»., Москва, 1986, 512 с.
67
41. Вульф Е. В., Малеева О. Ф. Мировые ресурсы полезных растений, (пищевые, кормовые, технические, лекарственные и др). Справочн. Л:. «Наука», 1969, с. 219.
42. Посыпанов Г. С. и др. «Растениеводства», Москва, «Колос», 2006, ст. 498-506.
43. Посыпанов Г. С. и др. «Растениеводства», Москва, «Колос», 1997, ст. 389-397.
44. Технические культуры / Под р. Я. В. Губанова М.:, Агропромиздат, 1986, 287 с.
ŞƏKƏR QAMIŞI, ONUN XALQ TƏSƏRRÜFATI ƏHƏMİYYƏTİ VƏ
BECƏRİLMƏSİ
Əhəmiyyəti və istifadəsi. Şəkər insanların fiziki və mənəvi iş qabiliyyətlərinin
saxlanılmasına və bərpa edilməsinə kömək göstərən ən əsas qida elementlərindən
biridir. Kristal şəkərin mənbəyi isə şəkər qamışı və şəkər çuğunduru hesab edilir.
Bütün dünyada şəkər istehsalının mənbəyi şəkər qamışı və çuğundurudur.
Dünya şəkər istehsalında bu iki bitkinin nisbətinin daim olaraq, dəyişməsinə
baxmayaraq, əksər illərdə şəkər istehsalının 60 %-i şəkər qamışın payına
düşmüşdür. Dünya üzrə, ayrı-ayrı illərdə 4-7 milyon hektar sahədə şəkər qamışı
əkilmişdir və bundan 20- 40 milyon ton şəkər alınmışdır.
Mədəni şəkər qamışı növünün gövdəsində orta hesabla 16-18 %, bəzən də 20-
21% şəkər olur. Gövdəsinin çəkisinə görə zavodda 13-14 % şəkər alınsa da faktiki
olaraq, 11 -12 % şəkər alınır. Bu bitkidən alınan məhsul kristallaşmış qamış
şəkəridir ki, bu da kimyəvi təmiz saxarozadır. Saxaroza şəkər qamışının hüceyrə
şirəsində toplanır və bitki üçün ehtiyat qida maddələri hesab edilir. Şəkər
qamışından külli miqdarda əlavə məhsullar da alınır ki, bunlar yemçilikdə, spirt
sənayesində və s. sahələrdə istifadə edilir. Xüsusi müaliçəvi əhəmiyyəti olan
natural romun alınmasında şəkər qamışı yeganə xammaldır. Asiya ölkələrində
küçələrdə qamış şirəsi satılır, hətta onun gövdəsini də saqqız kimi çeynəyirlər.
Mənşəyi və tarixi. Cənubi-şərqi Asiyada, Hindistanda pambıq bitkisi kimi 3
min il bundan əvvəl məlum olmuşdur. Makedoniyalı İsgəndər Hindistan və İranın
68
cənubunda şəkər qamışından istifadəni müşahidə etmiş, uzun müddətdən sonra
641-çi ildə Misirdə də onun əkilib-becərilməsinə nail olmuşdur. XII-XIII əsrdə
qamış Qərbi Avropada, 1498-ci ildə Portuqaliya və İspaniyada yayılmağa başla-
mışdır. Portuqaliyadan və İspaniyadan şəkər qamışı Madeyra, Azor və Kanar
adlarına gətirilmişdir. Bu adalarda şəkər qamışı becərmək üçün çox əlverişli şərait
olduğuna görə onun əkin sahələri kəskin artmış və axırıncı 300 ildə bu adalar
Avropanı qamış şəkəri ilə təmin edən başlıca tədarükçülər olmuşlar.
Mərkəzi Amerikaya (Santo-Dominqoya) şəkər qamışını Kanar adalarından X.
Kolumb gətirmişdir. Meksikada ilk dəfə 1631-ci ildə Ferdinand Kortes özü üçün
şəkər qamışı plantasiyası əkmiş, onu mədəni hala salmışdır. Sonra isə bu bitki
Braziliyaya (1533), Kubaya (1535) bir qədər sonra isə Argentinaya (1620) və
ABŞ-ın cənub ştatlarına yayılmışdır.
XIV, XVIII və XIX əsrlərdə şəkər qamışını Rusiyada aşağı Volqaboyunda və
Zaqafqaziyada beçərməyə başlamışlar. Bu zaman həmin bitki üzrə təcrübələr Vəhş
vadisində (Тacikistan respublikası) və Özbəkistanda (Denau) yaxşı nətiçələr
vermişdir. Azərbaycan respublikasının subtropik zonasında şəkər qamışının təbii
cəngəllikləri geniş yayılmışdır. Ona görə də bundan texniki bitki kimi şəkər və
digər məhsullar istehsal etmək respublikamız üçün xüsusi əhəmiyyət kəsb edir.
Çünki bizim respublikada adambaşına düşən əkin yerinin get-gedə azalması (0,53
ha) şəkəri, şəkər çuğundurundan yox, şəkər qamışından almağı günün problemi
kimi qarşıya qoymalıdır.
Şəkər qamışının müasir sortlarından Kavanxeri, D-74, SP-28-19, yaxın şərqdə
isə Farami sortu məşhurdur. Vəhş vadisində və Özbəkistanda şəkər qamışı-nın SP-
807, SP-28/19 sortları yaradılmışdır ki, bunlar hər hektardan 70-90 ton texniki
gövdə kütləsi verir.
Şəkər qamışı hesabına daha çox şəkər istehsal edən ölkələr Braziliya, Hindis-
tan, Kuba,Çin və Tailanddır (cədvəl 1).
Cədvəl 1
Dünyada ən çox şəkər qamışı yetişdirən ölkələr (FAO, 2007)
69
Ölkələr Əkin sahəsi (milyon ha)
İstehsalı(milyon ton)
Məhsuldarlığı(kq/ha)
Braziliya 6,70 514,00 76Hindistan 4,90 356,00 72Kuba 0,40 111,00 28Pakistan 1,03 54,70 53Çin 1,24 106,00 86Tailand 1,01 64,00 63ABŞ 0,40 27,75 78Avstraliya 0,40 36,00 85Kolumbiya 0,45 40,00 89Meksika 0,65 50,68 74Dünyada (cəmi) 22,0 1557,66 70
Botaniki təsviri və bioloji xüsusiyyətləri. Qırtıckimilər (Poaceae) fəsləsinə
daxil olan Saccharum cinsinin 18 növü (P. M. Jukovskiyə görə) vardır. Şəkər
qamışı (Saccharum) cinsinin 5 şəkərli növünün olduğu göstərilir: 1) Mədəni şəkər
qamışı (S. officinarum L.) əsasən tropik və subtropik ölkələrdə (Hindistanda, Yava
adasında, Cənubi Çində, Filippin adalarında, Kubada, Brazilyada, Afrikada və b.
yerlərdə) yayılmış 4-6 metr hündürlükdə çoxillik ot tipli bitkidir. Gövdəsinin en
kəsiyi 5 sm-ə çatır, sarı, bəzən zilqara və qırmızımtıl rəngdə olur. 2) Barberi şəkər
qamışı (S. Barberi İesw.) yarım mədəni növdür. Gövdəsi nisbətən nazikdir.
Tərkibində 16-18% saxaroza vardır. Yarpağı ensizdir. 3) Spontan şəkər qamışı (S.
spontaneum L.) yabanı növdür. Çox polimorfdur, xəsətliklərə davamlıdır. Orta
Asiyada, Hindistanda və cənubi-şərqi Asiyada geniş yayılmışdır. Gövdəsində 8-9
% saxaroza vardır. 4) Çin şəkər qamışı (S. sinense Roxb.) Mədəni və yabanı halda
rast gəlinir. Gövdəsi alçaq boylu, ensiz, qırmızımtıl-sarı rəngli, sulu, ancaq
möhkəmdir, şəkəri yüksəkdir. 5) Nəhəng şəkər qamışı (S. robustum Grassl.) çox
böyük, hündürboylu, gövdəsi şişkindir.
Şəkər qamışının elmi təsnifatı aşağıdakı kimidir:
Aləm: Bitkilər
Şöbə: Örtülütoxumlular
Sinif: Birləpəlilər
Sıra: Taxılçiçəklilər
Fəsilə: Taxıllar və yaxud qırtıckimilər (Poaceae)
70
Cins: Şəkər qamışı (Saccharum L.)
Bioloji xüsusiyyətləri. Şəkər qamışı qısa gün bitkisidir. Uzun gündə o çiçək-
ləmir. İşıq sevəndir, buludlu (tutqun) havalarda gövdədə şəkər toplanması azalır.
Şəkər qamışının vegetasiya müddəti tropik ölkələrdə tez yetişən sortlar üçün 10-12
ay, gec yetişən sortlar üçün 18-24 ay hesab edilir.
Şəkər qamışı yetişdirilən ölkələrdə əkinçilik ümumiyyətlə plantasiyalar şəklin-
dədir və şəkər qamışı maşınların köməyi ilə əkilib becərilir. İş-gücü çox, əl əməyi
ucuz olan ölkələrdə isə mexanikləşmə səviyyəsi aşağıdır. Qamış əkinçiliyi maşınla
aparıldığı təqdirdə xərc olduqca az olur və şəkər ucuz başa gəlir.
İqlimə tələbatı. Şəkər qamışı bitkisinin iqlim tələbatını geniş izah etməyə ehti-
yac yoxdur. Çünki şəkər qamışı isti iqlim bitkisidir. Ümumiyyətlə çəltik və qarğı-
dalı yetişdirilən yerlərdə suvarma imkanları varsa şəkər qamışı burada çox
asanlıqla becərilə bilər. Ancaq qışda şaxtadan zərər çəkməməlidir. İqtisadi cəhət-
dən gəlirli olması üçün daha çox istilik, yağmur və nəmlik tələb olunur.
Şəkər qamışının yetişdiyi və adaptasiya olduğu ölkələrə nəzər salsaq iqlimə
tələbatı daha aydın olar. Hindistan, Kuba, Braziliya, İndoneziya, Avstraliya kimi
qamış əkinçiliyinin məşhur olduğu ölkələrdə iqlim sözün tam mənasında tropikdir,
yəni son dərəcə yağışlı, nəmli, isti və işıqlıdır. Belə yerlərdə illik orta temperatur
20-25 0C - dən aşağı düşmür. Qamışın yağmurlara tələbatı 1500 mm - dən artıqdır.
Torpağa tələbatı. Şəkər qamışının torpağa tələbatı olduqca yüksəkdir. Qamışın
ən yaxşı yetişdiyi torpaqlar yaxşı qurudulmuş, qida maddələri ilə zəngin, su tutma
qabiliyyəti normal, qrunt sularının səviyyəsi yüksək olmayan, yüngül qranulo-
metrik tərkibli və asan isinə bilən allüvial torpaqlardır. Qumsal- qumlu və ya
qumlu-qumsal, əhəngli torpaqlarda da qamış əkilə bilər. Şəkər qamışı əkilən bölgə
və ölkələrdə torpaq hər mövsümdə işlənə bilən xüsusiyyətə malik olmalıdır.
Şəkər qamışı əkiləcək torpaqlarda üzvi maddələrin normal vəziyyətdə olması
tələb olunur. Çünki üzvi maddələrlə təminatı yaxşı olan torpaqlar asanlıqla isinə
bilir. Qamış əkiləcək torpaqların yaxşı havalanması, torpaq reaksiyasının normal
olması (pH= 6-7), torpağın fiziki, kimyəvi və bioloji fəaliyyəti arzu edilən səviyyə-
71
də olmalıdır. Bir çox bitkilərdə olduğu kimi şəkər qamışında da torpaq mikroorqa-
nizmlərinin fəaliyyəti, torpaq flora və faunasının son dərəcə aktiv olması lazımdır.
Çilinglərin hazırlanması. Çiling hazırlamaq üçün tam yetişməmiş, sağlam,
yaxşı inkişaf etmiş bitkilər seçilir. Yaz (may) əkini üçün keçən ilki əkinlərdən, qış
əkini üçün keçən ilki qış əkinlərindən çiling götürmək məsləhət görülür. Çiling
gövdənin yuxarı hissəsindən 2-3 gözü olmaqla 25-35 sm uzunluğunda kəsilir.
Gövdənin yuxarı hissəsində gözlər yaxşı inkişaf etmiş olur. Ona görə ki, orada
monosaxaridlər və mineral duzlar yüksək olur. Çilingi gövdənin aşağı hissəsindən
də hazırlamaq olar. Gövdənin orta hissəsindən isə 4-5 çiling götürmək olar. Çiling
iti alətlə kəsilməli, kəsilmiş yer hamar olmalıdır. Gözlər kəsim yerlərindən 2-3 sm
aralı olmalıdır. Çilingləri başqa yerə aparmaq lazım gələrsə onlar yarpaqla birlikdə
kəsilir, əkin yerində yarpaqlar qoparılır. Çilinglər kəsildikdən sonra 2-3 gün kölgə
yerdə saxlanılır.
Çilinglərinin əkilmə texnologiyası: Şəkər qamışı istehsalat şəraitində çiling-
ləri ilə artırılır. Torpaq hazırlandıqdan sonra kotanla araları 1,0-2,5 m olan şırımlar
açılır. Şırım arası məsafə torpağın tipindən, qranulometrik tərkibindən, strukturun-
dan və başqa şəraitlərdən asılıdır. Açılmış şırımlara və ya çuxurlara şəkər
qamışının çilingləri əkilir. Normal əkin aparılması əkin materialının (çilinglərin)
keyfiyyətindən asılıdır.
Şəkər qamışını çalalara (yuvalara) əkmək üçün 40-45 sm-ə qədər dərinliyi olan
şırımlar açılır. Şırımların içində xüsusi alətlərlə 25 sm dərinliyində 25 sm
diametrində xüsusi çalalar (yuvalar) açılır. Hər yuvaya 2-3 çiling qoyulur. Hektara
60-75 min çiling sərf olunur. Yuva açmadan çiling basdırma texnologiyası daha
çox yayılmışdır. Çiling əkərkən diqqət yetirmək lazımdır ki, onun qütblüyü
pozulmasın, yəni aşağı hissəsi aşağıya, yuxarı hissəsi isə yuxarı düşsün. Bu çilin-
gin kök bağlamasının normal getməsi üçün vacib amildir. Əkilmiş çilinglərin dibi
nəm torpaqla doldurulur. Bir neçə cərgə doldurulduqdan sonra cərgə araları kotanla
şumlanır ki, şırımlar örtülsün.
Çilingər cücərdikdən sonra ikinci dəfə cərgə araları şumlanır və bitkilərin dibi
doldurulur.
72
Hindistan şəraitində ən yaxşı əkin vaxtı noyabrın ikinci yarısı, dekabr aylarıdır.
Suvarma şəraitində əkini fevrala qədər aparmaq olar. Cərgə araları 150-200 sm,
bitki araları 90-135 sm götürülür.
Çilinglər basdırıldıqdan sonra əvvəlcə köklər əmələ gəlir, sonra isə tumurcuq
boyverməyə başlayır, bu proses üçün minimum temperatur 9-12 0C həddindədir.
Özbəkistandakı (Denau) təcrübədə şəkər qamışının cücərtiləri 15 0C temperaturda
çiling basdırdıqdan sonra 40-cı gün, 20 0C -də 20-ci gün, 24 0C temperaturda isə
16-cı gün torpaq səthinə çıxmışdır.
Kubanın tropik zonasında bu müddət 10-12 günə bərabərdir. Cücərtilərin
vaxtında çıxması üçün nəmlik şəraitinin də rolu böyükdür. Şəkər qamışının kollan-
ması tropiklərdə cücərtilər əmələ gəldikdən 10 gün sonra, subtropiklərdə isə 25-30
gündən sonra baş verir.
Kollanma fazasında çiling həqiqi kökləri əmələ gəlir. Həmin fazanın qurtar-
ması çiling basdırma dövründən hesablayanda tropik ölkələrdə 112, subtropiklərdə
isə 130 gün çəkir. Cərgələr arasında bitkilərin çataqlaşması - qovuşması fazasında
qamışın güclü böyümə dövrü başlayır. Bu dövrün müddətindən asılı olaraq gövdə
məhsuldarlığı artıb, azala bilər. Vegetasiya dövrü uzun olduqda məhsuldarlıq
yüksəlir və əksinə. Bu dövr subtropiklərdə 2-2,5, tropiklərdə isə 6-8 ay davam edir.
Növbəli əkində yeri. Şəkər qamışının becərilmə texnologiyası subtropik və
tropik ölkələrdə müxtəlifdir: tropiklərdə çoxillik bitki kimi, subtropiklərdə isə
növbəli əkin daxilində beçərilir. Növbəli əkində bir tarlada 1-2-3 il saxlanılıb,
sonra paxlalı bitkilərlə növbələşdirilir.
Şəkər qamışını bir tarlada bir neçə il becərdikdə torpaqda qida maddələri azal-
dığına və xəstəliklərə tutulduğuna görə məhsuldarlıq azalır.
ABŞ-ın Luiziana ştatında aparılan təcrübələr göstərmişdir ki, şəkər qamışını bir
tarlada 18 il becərildikdə məhsuldarlıq 846 sentnerdən 382 sentnerə enmişdir, yəni
məhsuldarlıq 2,5 dəfədən çox azalmışdır.
Tropik ölkələrdə şəkər qamışını bir tarlada 2-3 il becərdikdən sonra onu
paxlalı, taxıl və ya yağlı bitkilərlə əvəz edirlər. Belə növbəli əkinə misal olaraq
73
aşağıdakını göstərmək olar: 1 - sorqo və ya qarğıdalı, 2-paxlalılar, 3-5 şəkər
qamışı.
Hindistanda şəkər qamışı bir il istifadə olunur nadir hallarda bir sahədə 2-3 il
saxlanılır. Münbitliyi yüksək olan torpaqlarda şəkər qamışını bir sahədə 4 il-də
saxlamaq olar.
Тorpağın becərilməsi və gübrələnməsi: Şəkər qamışı əkmək üçün torpaq
şəraitdən asılı olaraq 30-40 sm-ə qədər dərinlikdə şumlanmalıdır. Şəkər qamışı
neytral torpaqlarda (pH 6,0-7,0) yaxşı məhsul verir. Turş torpaqlar əhənglənmə-
lidir. Hindistanlı alimlərin hesablamalarına görə şəkər qamışı hektardan 101 kq N,
213 kq P2O5, 337 kq K2O aparır.
Gillicə, suyu yaxşı saxlayan torpaqlarda hər hektara 163 kq N, 52 kq P205 və
440 kq K20 verdikdə daha yüksək məhsul (526 s/ha) alınır. Azot və kaliuma çox
tələbkar bitki olmaqla, güclü boyvermə fazasında yaxşı qidalanma tələb edir.
Əkinə qulluq. Əkindən dərhal sonra sırımalara doldurulmuş su buraxılır ki,
artıq su gözcüklərin inkişafına mane olmasın, əkilmiş çilinglər oksigenlə yaxşı
təmin olunsun. Belə olduqda sahədə seyrəklik aradan qalxmış olur.
Cücərtilər alındıqdan sonra cərgə aralarında toxalama (alaq vurma) başlanır.
Bu iş alaqların məhv edilməsinə və torpaq qaysaqlarının dağıdılmasına şərait
yaradır. Sonra cərgə aralarının becərilməsi (yumşaldılması) aparılır. Cücərtilərin
boyu 12-25 sm-ə çatdıqda dibi doldurulur. Güclü yağışlardan sonra da bitkilərin
dibi kotan və ya toxa (kərki, kətmən) ilə doldurulmalıdır. Dibdoldurma şəkər
qamışı üçün xüsusilə vacibdir. Çünki dibi doldurulmuş bitki, yaxşı kollanır, daha
çox gövdə əmələ gətirir və məhsuldarlığı yüksək olur.
Sonradan əmələ gəlmiş gövdələrdə şəkər az toplanır. Ona görə də onları
qoparırlar ki, əvvəl əmələ gəlmiş gövdələr daha yaxşı inkişaf etsin.
Suvarma aparılması lazım olan yerlərdə şəkər qamışı hər 10-12 gündən bir
suvarılır. Vegetasiya ərzində torpaq-iqlim şəraitindən asılı olaraq şəkər qamışı 12-
15 dəfə suvarılmalıdır. 1250-3000 mm atmosfer çöküntüsü düşən rayonlarda süni
suvarmasız, qalan yerlərdə suvarma üsulu ilə becərilir.
74
Məhsulun yığılması. Şəkər qamışı texniki yetişmə fazasında yığılır. Bu vaxt
onun gövdələri yetişmiş, tərkibində şəkərin miqdarı maksimuma çatmış olur.
Adətən bitki texniki yetişkənliyə süpürgələməyə başladıqda çatır. Praktikada isə
belə qəbul edilir ki, əgər gövdə buğumlardan asan sınırsa deməli o texniki yetiş-
kənliyə çatıb.
Məhsulun yığım texnologiyasına uyğun olaraq, gövdələr balta və digər kəsici
alətlərlə yer səthindən 4-5 sm hündürlükdə kəsilir. Kəsilmiş gövdələrdən qalan
kövşən qalıqları bir müddət dincəlmə fazası keçirib, sonra göyərməyə başlayır, 2-3
il dalbadal məhsul verir, bu sahəyə təkrar çiling basdırılmır. Şəkər qamışının
ikinci, üçüncü ili məhsulu “ratun” adlanır. Köhnə tarlada yeni cücərtilər məhsul
yığdıqdan 4-6 həftə sonra əmələ gəlir. Ratun məhsulu nisbətən aşağıdır, ancaq
iqtisadi baxımdan sərfəlidir.
Sahədə qalmış gövdələrdən ikinci məhsul 10 ay ərzində yetişir və yığılır.
Birinci ilin məhsulu yüksək (200-300 s/ha) olduğu halda ikinci il məhsuldarlıq
kəskin az olur, hektardan cəmi 150-200 sent məhsul götürülür.
Gövdənin tərkibindəki şəkərin miqdarı yığım vaxtından çox asılıdır. Hindistan
şəraitində noyabrda yığılmış məhsulda şəkər az olur. Əgər yığım dekabr və
yanvarda aparılarsa onda gövdədə şəkərin miqdarı maksimum olur. Yığımın
fevrala və marta qədər gecikdirlməsi də şəkərin yenidən azalmasına gətirib çıxarır.
Yığım vaxtı biçilməmiş bitki qalmamalıdır. Tam biçinin aparılmaması şəkər itkisi
deməkdir.
Yığılmış qamış gövdələri yarpaqdan təmizlənib, qəbul məntəqələrinə daşınır.
MÖVZU: 8. YAĞLI BİTKİLƏR. GÜNƏBAXANIN XALQ TƏSƏRRÜFATI
ƏHƏMİYYƏTİ VƏ BECƏRİLMƏ TEXNOLOGİYASI
Mühazirənin planı:
1. Yağlı bitkilərin və bitki yağlarının əhəmiyyəti2. Yağlı bitkilərin tarixi, yayılması və məhsuldarlığı.
75
3. Yağlı bitkilərin botaniki və bioloji xüsusiyyətləri.4. Yağlı bitkilərin sələfləri, torpağın əsas və səpinqabağı becərilməsi.5. Toxumların səpinə hazırlanması, səpin müddəti üsulu və norması.6. Günəbaxan, küncüt, gənəgərçək və raps əkinlərinə qulluq işləri (suvarma,
alaqlar, xəstəlik və zərərvericilərdən mühafizə).7. Yağlı bitkilərin məhsulunun yığılması.
Ədəbiyyat
Cəfərov M. İ. və b. Kənd təsərrüfatı bitkilərinin becərilmə və yığılma texnologiyası., Bakı, 2000, 264 s.
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s. Qərib Məmmədov, Azər Cəfərov, Zemfira Mustafayeva. Əkinçilik və
bitkiçiliyin əsasları (qısa kurs), Bakı, “Elm”, 2008, 324 s. Məmmədov Q. Y., İsmayılov M. M. Bitkiçilik, Bakı, 2012, 356 s. Yusifov Ə. N. və başq., Bitkiçiliyin əsasları, Bakı, 2013, 302 s. Yusifov M. A. Bitkiçilik, Bakı, “Qanun” nəşriyyatı, 2011, 368 s. П. П. Вавилов «Растениеводства»., Москва, 1986, 512 с. Д. С. Василев «Подсолнечник»., Москва, 1990, 173 с. Г. С. Посыпанов и др. «Растениеводства», Москва, «Колос», 2006, ст.
611
YAĞLI BİTKİLƏR
Yağlı bitkilərə günəbaxan, küncüt, yerfındığı (araxis), saflor, gənəgərçək, xaş-
xaş, yağçiçəyi, ağ xardal, soya, payızlıq raps, lallemantiya, yağlı kətan və s.
bitkilər aiddir. Yağlı bitkilər bitki yağları almaq üçün əkilib becərilir.
Bitki yağlarının böyük ərzaq və texniki əhəmiyyəti vardır. Onlardan yeyinti
sənayesində, konserv, qənnadı məmulatı və marqarin hazırlanmasında geniş
istifadə edilir. Eyni zamanda lak-boyaq, toxuculuq, ətriyyat, sabunbişirmə, gön-
dəri aşılama və digər sənaye sahələrində də istifadə olunur.
Bitki mənşəli yağlar üç atomlu spirtlərin mürəkkəb efirləridirlər (giliserin və
müxtəlif yağ turşularının nisbəti).
Bir qram yağ orqanizmdə yanarkən 39,8 kDj, 1 qram zülal 18,4-23,0 kDj, 1
76
qram sulu karbonlar isə 16,7-17,6 kDj enerji verir. Bir çox bitki yağları havanın
oksigeni ilə birləşərək quruyur və bərk elastik kütlə əmələ gətirirlər. Yağın quruma
qabiliyyəti onun əsas keyfiyyət göstəricisidir. Bitki yağlarının quruma qabiliyyəti
yod ədədi ilə təyin edilir. Yod ədədi – 100 qram yağın özünə neçə qram yod
birləşdirməsi deməkdir. Yod ədədi nə qədər yüksək olarsa yağın quruma
qabiliyyəti bir o qədər çox olar.
Quruma qabiliyyətinə görə bitki yağları 3 qrupa bölünür.
1) Quruyan yağlar – (yod ədədi 130-dan artıq). Kətan, yağçiçəyi, perilla,
lallemantiya – əsasən texniki məqsədlər üçün istifadə olunur.
2) Yarımquruyan yağlar – (yod ədədi 85-dən 130-a qədər). Günəbaxan, soya,
saflor, raps və s. qida məqsədi üçün istifadə olunur.
3) Qurumayan yağlar - (yod ədədi 85-dən aşağı). Yerfındığı, gənəgərçək və s.
tibb sahəsində və texniki məqsədlər üçün istifadə olunur.
Yağların vacib keyfiyyət göstəricilərindən biri də sərbəst turşu ədədidir.
Yağın sabunlaşması qabiliyyəti sabunlaşma ədədi ilə təyin edilir. Yəni 1 qram
yağın sabunlaşması zamanı əmələ gələn turşuların neytrallaşmasına sərf edilən
kalsium əsasının mq-la miqdarını göstərir.
İnsanların qidalanmasında bitki yağlarının əhəmiyyəti böyükdür. Bitki yağları
orqanizmdə digər yağlara nisbətən daha yaxşı mənimsənilir.
Yağlı bitkilər həm də bitki zülalı mənbəyidirlər. Toxumların yağı emal
edilərkən qalan jmıx və cecədə 35-40% zülal olur. Yağın emalından sonra qalan
cecənin bir sentneri 102 yem vahidinə yaxud 3,6 kq proteinə bərabərdir.
GÜNƏBAXANIN XALQ TƏSƏRRÜFATI ƏHƏMİYYƏTİ VƏ
BECƏRİLMƏ TEXNOLOGİYASI
Əhəmiyyəti. Azərbaycanda bitki yağlarından ən çox istifadə olunanı
günəbaxan yağıdır. Müasir günəbaxan sortların tərkibində yağın miqdarı 50-56%-
ə, zülalın miqdarı isə 16-19%-ə çatır. Günəbaxan yağının da böyük ərzaq və
77
texniki əhəmiyyəti vardır. Günəbaxan yağından yeyinti sənayesində, konserv,
qənnadı məmulatı, marqarin hazırlanmasında geniş istifadə edilir. Eyni zamanda
lak-boyaq, sabunbişirmə, gön-dəri aşılama, ətriyyat, toxuculuq və s. sənaye
sahələrində istifadə olunur. Yağlı bitkilər əkininin 75 % -ni günəbaxan təşkil edir.
Günəbaxan toxumlarının qabığından xammal kimi sənayedə heksoz və pentoz
şəkərlərinin alınmasında istifadə olunur. Heksoz şəkərlərindən spirt, pentoz
şəkərindən furfurol, süni lif, plastmas, qırılmayan şüşələr və s. alınır. Eyni
zamanda sənayedə müşəmbə, su keçirməyən parçalar və s. alınır.
Günəbaxanın yaşıl kütləsindən iri buynuzlu mal-qara üçün yem və keyfiyyətli
silos alınır.
Dənlər yığıldıqdan sonra qurudulmuş səbətlər heyvandarlıqda əlavə yem
mənbəyinə xidmət edir. Quru səbət çıxımı dənin 55-60%-ni təşkil edir. Səbətdən
hazırlanmış 1 sentner unda 80 yem vahidi, 3,8-4,3 kq asan həzm olunan protein
olur.
Cərgəarası becərilən bitki kimi günəbaxan bir çox kənd təsərrüfatı bitkiləri
üçün yaxşı sələfdir.
Bitkinin tarixi. Günəbaxanın vətəni Şimali Amerikanın cənub hissəsi olub,
Avropaya XVI-cı əsrdə İspanlar tərəfindən gətirilmişdir.
Avropada günəbaxandan yağ alınmasını ilk dəfə İngilislər fikirləşmişlər.
Onların bu sahədə 1716 - cı ildə aldıqları patent də mövcuddur. Lakin
günəbaxandan yağ almağa geniş miqyasda Rusiyada başlanılmışdır. Rusiyaya
günəbaxan toxumunu I Pyotr XVIII-ci əsrdə Hollandiyadan gətirmişdir. Əvvəllər o
dekorativ bitki kimi istifadə olunmuşdur. Sonralar bu bitkini yağ istehsalı və silos
almaq məqsədilə becərməyə başlamışlar.
Sənaye üsulu ilə günəbaxanın toxumundan ilk dəfə günəbaxan yağını 1835-cu
ildə Voronej vilayətinin (indiki Belqorod) Alekseyevka kəndinin sakini D. S.
Bokarev almışdır. D. S. Bokarev çətənə və kətan yağlarının alınması üsulları ilə
tanış olmuş və onu günəbaxana da tətbiq etmək qərarına gəlmişdir. İlk yağ emalı
zavodu tacir Papuşin tərəfindən D. S. Bokarevin iştirakı ilə Alekseyevka
78
kəndinin qrafı Şeremetevanın razılığı ilə 1865-ci ildə tikilmişdir. Yayılması və məhsuldarlığı. Dünya əkinçiliyi sistemində (2003) günəbaxanın
əkin sahəsi 22-23 milyon hektardan artıqdır. Bu bitki əsasən ABŞ-da (1,5 milyon
ha), Argentinada (2,0 milyon ha), Kanadada, Çində, Türkiyədə, Rumıniyada,
Fransada, Bolqarıyada, Macarıstanda, Ukraynada, Rusiyada, Moldovada, Şimali
Qafqazda və Gürcüstanda əkilir. Günəbaxanın dən məhsuldarlığı hektardan 12-14
sentnerdən 25-30 sentner arasında dəyişir. Azərbaycanda (2013) dənlik
günəbaxanın əkin sahəsi 9351 ha, ümumi yığımı 17 670 ton., məhsuldarlığı isə
19,4 s/ha olmuşdur.
Azərbaycanda bu bitki silos məqsədi üçün Cəlilabad, Masallı, Biləsuvar, Şəki,
Şamaxı və s. rayonlarda becərilir.
Azərbaycanda 2010 - 2013-cü illərdə dənlik günəbaxanın əkininin vəziyyətiƏkin sahəsi, ha-la Məhsul yığımı, tonla Məhsuldarlığı, ha/s-lə
2010 2011 2012 2013 2010 2011 2012 2013 2010 2011 2012 2013
9 000 11 300 11 000 9 351 15 500 19 600 19 100 17 670 17,1 17,5 17,3 19,4
Botaniki təsviri. Günəbaxan astra (Asteraceae) fəsiləsinin,
(mürəkkəbçiçəklilər Compositae) Helianthus cinsinin (Helianthus anus L.)
birillik bitkisidir. 264-ə qədər növü vardır. 25-i birillik, qalanları çoxillikdir.
Bu növ iki sərbəst növü özündə birləşdirir: mədəni günəbaxan – Helianthus
cultus; və yabanı günəbaxan – Helianthus ruderalis. Mədəni günəbaxan 2
yarımnövə ayrılır: səpin günəbaxanı - H. annus ssp. sativus, bəzək günəbaxanı H.
annus ssp. ornamentales.
Günəbaxanın güclü şaxələnən mil kökü vardır. O, rüşeym kökcüyündən 2 dəfə
sürətlə inkişaf edərək torpağın 2-4 metr dərinliyinə, ətrafa isə 100-120 sm işləyir.
Gövdələrinin hündürlüyü 0,7-2,5 metr, hətta 3-4 metrə çatan dik duran, üzəri tüklü
içərisi özəklə doludur.
Yarpaqları uzun saplaqlı iri, oval- ürək formalı, iti nəhayətli və kənarları mişar
kimidir. Gövdənin aşağı hissəsində 3-5 cüt yarpaqlar qarşı- qarşıya, sonrakılar isə
növbə ilə düzülürlər. Bir bitkidə 15-35 yarpaq olur.
79
Çiçəyi səbətdir. Yağlıq formalarda onun diametri 10-20 sm, çırtlama
formalarda isə 40 sm-dir. İkicinsli, çarpaz tozlanan bitkidir. Bir səbətdə 600-1200
çiçək olur. 5 erkəkcik və 1 dişicikdən ibarətdir. Dişicik tez yetişir. Meyvəsi toxum
hesab edilir və tum adlanır. Tumu uzunsov, pazşəkilli, 4 üzlü, sivri nəhayətli,
ikiləpəlidir. 1000 ədədinin kütləsi 35-75 qram, hətta 120 qrama çatan formaları
var.
Bioloji xüsusiyyətləri. Günəbaxan istiliyə, işığa, nəmliyə və qida maddələrinə
tələbkar bitkidir. Nəm torpaqda temperatur 4-6 0C olduqda toxumlar cücərməyə
başlayır. 10-12 0C temperaturda cücərtilər daha yaxşı əmələ gəlir. Cavan
cücərtiləri – 6 0C şaxtaya dözə bilir. Çərtmiş toxumları -10 0C qısamüddətli
şaxtaları keçirə bilir. Aktiv temperaturun cəmi tez yetişən sortlarda 1850 0C, erkən
yetişən sortlarda 2000 0C, orta yetişən sortlarda isə 2150 0C- dir. Bu temperaturun
2/3 hissəsi cücərəndən çiçəkləməyə qədər, 1/3 hissəsi isə çiçəkləmədən yetişməyə
qədər tələb olunur. Toxumlarını torpağa payızda və erkən yazda səpmək olar.
Vegetasiyanın əvvəlindən çiçəkləməyə qədər havanın orta sutkalıq temperaturunun
22 0C, çiçəkləmədən yetişməyə qədər isə 24-25 0C olması əlverişli hesab olunur.
Aşağı temperatur isə bitkilərin vegetasiya müddətini uzadır. 30 0C-dən yuxarı
temperatur günəbaxan bitkisinə öldürücü təsir göstərir.
Quraqlığa davamlı bitkidir. Nəmliyə tələbatı müxtəlifdir. Belə ki, günəbaxan
cücərtilərin alınmasından çiçəkləmə dövrünə qədər suya az tələbkardır. Çiçəkləmə
və dən dolma dövründə günəbaxanın nəmliyə tələbatı çoxalır. Bu dövrdə nəmliyə
tələbat vegetasiya ərzində ümumi tələbatın 75%-nı təşkil edir. Vegetasiya
müddətində bir bitki 200 kq su sərf edir. Günəbaxanın transpirasiya əmsalı 470-
570 arasında dəyişir.
Qranulometrik tərkibi yüngül olan münbit qara torpaqlarda günəbaxan yaxşı
məhsul verir. Bataqlıq, qumlu və turş torpaqlardan başqa qalan torpaqlarda yüksək
aqrotexnika tətbiq etməklə günəbaxandan istənilən məhsul götürmək mümkündür.
Qranulometrik tərkibi ağır olan və güclü şorlaşmış torpaqlarda günəbaxan
becərmək mümkün deyil. Torpağın reaksiyası pH 6,0-6,8-ə bərabər olmalıdır.
Qida elementlərinə münasibətinə gəldikdə günəbaxan bəzi bitkilərə nisbətən
80
bir ton dən üçün 2,0-2,5 dəfə artıq qida maddələri tələb edir.
Çiçəkləmə vaxtı günəbaxan azot elementinin 60% -ni, fosforun 80%-ni,
kaliumu isə 90%-ni sərf edir. İlkin inkişaf fazalarında isə bitki fosfora daha çox
tələbat göstərir.
Toxum tam yetişdikdə demək olar ki, azot və fosforun əsas hissəsi dəndə
toplanır. Kalium elementinin 10%-i dəndə, qalan 90%-i isə bitkinin vegetativ
orqanlarında toplanır.
İnkişaf fazaları. Səpindən tam yetişməsinə qədər günəbaxanın iikişafında
aşağıdakı fazalar ayırd olunur: cücərmə, birinci cüt həqiqi yarpaqların əmələ
gəlməsi, çiçək qrupunun - səbətciklərin əmələ gəlməsi, çiçəkləmə və yetişmə.
Səpindən cücərməyə qədər 9-15, cüçərtilərin çıxmasından səbətciklərin əmələ
gəlməsinin başlanmasına qədər 30-40 gün, səbətciklərin əmələ gəlməsindən
çiçəkləmənin başlanmasına qədər 19-28 gün, çiçəkləmənin başlanğıcından
toxumların dolmağa başlamasına qədər 14 - 17 gün, toxumların dolmağa
başlamasından tam yetişməsinə qədər 21-30 gün çəkir. Müxtəlif sortlarda
vegetasiya dövrunün ümumi uzunluğu 75-140 günə bərabərdir.
Ontongenezdə günəbaxan 12 əsas orqanogenez mərhələsi keçirir. I-II mərhələ-
lərdə gövdələrin buğumaraları diferensiasiya edir, III-IV mərhələlərdə böyümə
konusu uzanır və seqmentlərə bölünür, V mərhələdə 2 sm diametrində səbətciklər
əmələ gəlir, orta yarusda yarpaqlar inkişaf etməyə başlayır. VI - VII mərhələlərdə
gövdənin, səbətciyin və orta yarusdakı ayası boyük, enli-ürək formalı yarpaqların
(14-25- ci) intesiv böyüməsi baş verir. VIII mərhələdə səbətin bükümləri çevrilir,
açıq sarı rəngli dilcik çiçəkləri görünür. IX mərhələdə dişicik və erkəkciklər əmələ
gəlməsi müşahidə olunur, bitki çiçəkləyir. X - XI mərhələlərdə toxumlar əmələ
gəlir, toxumun qabığı ağ rəngli və yumşaq olur. Toxumlarda qidalı maddələr
toplanır, XII mərhələdə toxumlar yetişir.
Birinci mərhələlərdə günəbaxan nisbətən yavaş böyüyür və alaq otları onu
asanlıqla basır. Sonra tez böyüyür, səbətciklərin əmələ gəlməsindən çiçəkləməyə
qədər olan dövrdə maksimum yüksəkliyə çatır. Çiçəkləmə dövründə bitki çox
81
yavaş boy atır, çiçəkləmənin axırına doğru isə boyatma tamamilə kəsilir.
Səbətciklərin əmələ gəlməsinin başlanğıcına doğru günəbaxan təxminən 15% quru
maddə toplayır. Çiçəkləmənin başlanğıcına doğru quru maddələrin miqdarı 50%-ə
çatır.
Növbəli əkində yeri. Günəbaxan üçün ən yaxşı sələflər payızlıq və yazlıq dənli
taxıl bitkiləri, dənlik və silosluq qarğıdalıdır. Çoxillik otlar, şəkər çuğunduru və
sudanotu (sorqo) torpağın 1,5-2,0 metr dərinliyindəki nəmlikdən istifadə etdiyinə
görə bunlardan sonra günəbaxanı becərmək olmaz. Xəstəlik və zərərvericilərdən
mühafizə məqsədi ilə günəbaxan növbəli əkində öz yerinə 8-10 ildən sonra
qaytarılır.
Torpağın becərilməsi. Əgər günəbaxan payızlıq dənli taxıl bitkilərindən
sonra yerləşdirilirsə kövşənlik 12-25 günlük fasilə ilə 2 dəfə üzlənir. Birinci
üzləmə 6-7 sm, ikinci üzləmə isə 10-12 sm dərinlikdə aparılır. Torpaq quru olarsa
birinci üzləmədən sonra 600-700 m3 həcmində aldadıcı suvarma aparılır.
Üzləmənin aparılmasında məqsəd nəmlik itkisinin qarşısını almaq və alaq otları
toxumlarının cücərdilərək məhv edilməsidir. Sonra sahəyə üzvi və mineral gübrə
verərək 27-30 sm dərinliyində şum aparılır.
Yazda sahənin becərilməsində məqsəd torpaqda nəmlik ehtiyatını saxlamaq,
cücərmiş alaqları məhv etmək, normal günəbaxan cücərtiləri almaq üçün əlverişli
şərait yaratmaqdan ibarətdir. Bunun üçün sahə malalanır və alaqlar əmələ gəldikdə
kultivasiya çəkilir. Birinci kultivasiya 10-12 sm dərinlikdə, sonrakılar nisbətən az
dərinlikdə aparılır. Səpin qabağı torpağın üzlənməsi və hamarlanması herbisidlərin
bir bərabərdə verilməsinə (çilənməsinə), toxumların eyni dərinliyə basdırılmasına,
yaxşı çıxışlar alınmasına və bitkilərin bərabər böyüməsinə imkan yaradır.
Tarlada güclü alaqlanma olduqda promietrin və treflan herbisidlərinin
qarışığından istifadə olunur. Sahə arat edilir. Aratdan sonra torpaq yetişən kimi
səpinqabağı becərmə, yəni kultivasiya və malalama aparılır.
Gübrələmə. Yüksək məhsul əldə etmək üçün mühüm aqrotexniki tədbirlərdən
biri də üzvi və mineral gübrənin tətbiqidir.
Günəbaxan bitkisi 1 ton əsas və əlavə məhsulla torpaqdan 50-60 kq azot, 20-
82
25 kq fosfor və 120-160 kq kalium elementi aparır. Ona görə də üzvi və mineral
gübrələrdən istifadə etmədən günəbaxan bitkisindən yüksək məhsul götürmək
mümkün deyildir. Bunu nəzərə alaraq hektara 15-20 ton peyin, 2-3 sentner
superfosfat verilməlidir.
Payızda şum aparılarkən üzvi gübrələri T-150, K-701 traktorlarına qoşulan
PRT-10, mineral gübrələri isə MTZ-80-82 traktorlarına qoşulan 1 RMQ-4, RUM-
5, RUM-8 aqreqatları ilə verirlər.
Torpağa verilən peyin onu qidalı maddələrlə zənginləşdirir, torpağın fiziki
keyfiyyətini yaxşılaşdırır və mikrobioloji prosesləri gücləndirir.
Gübrələrdən istifadə edilməsi bitkilərin kök sisteminin və yerüstü orqanlarının
güclü inkişaf etməsinə şərait yaradır. Digər tarla bitkilərində olduğu kimi
gübrələrin çox hissəsi əsas şum altına, bir hissəsi səpinlə birlikdə və bir hissəsi isə
yemləmə şəklində verilir. Günəbaxan vegetasiyanın birinci dövründə fosfor
gübrəsinə xüsusi tələbat göstərir. Günəbaxan bitkisi fosfor qidası ilə yaxşı təmin
olunduqda dənlərdə yağ faizi artır.
Azot gübrəsi bitkinin boyunu sürətləndirir, iri yarpaqlar, gövdə və səbətlərin
formalaşmasını təmin edir. Lakin, yüksək azot norması tumlarda zülalın
toplanmasını artırır və yağlılığı tez aşağı salır. Azot elementi ən çox səbətlərin
əmələ gəlməsi və çiçəkləmə fazasında tələb olunur. Fosfor cücərti alındıqdan
çiçəkləməyə qədər, kalium isə səbətlərin əmələ gəlməsindən yetişmə fazasınadək
daha çox mənimsənilir.
Səpin zamanı cərgənin yan tərəflərinə 5-10 kq azot, 10-15 kq fosfor verdikdə
bitkilər ilk inkişaf fazalarında qida elementləri ilə yaxşı təmin olunmuş hesab
edilir. Cərgəaralarında becərmə işləri başlayarkən birinci kultivasiyada yemləmə
gübrəsi kimi hektara 30 kq azot və 30 kq fosfor cərgələrdən 12-14 sm aralı, 10-12
sm dərinliyə verilməlidir. Qalan gübrə normaları ikinci və üçüncü yemləmələrdə
verilir. Məhsuldarlığı artırmaq üçün manqan sulfat mikrogübrəsi əsas şum altına
hektara 1-2 kq normada verilir. Eyni zamanda bakterial gübrə fosforobakterinin
verilməsi də müsbət nəticə verir.
Gübrələrin tətbiqi təkcə mineral elementlərlə bitkilərin qidalanmasını yox, həm
83
də torpaq nəmliyindən məhsuldar istifadə olunmasını təmin edir və günəbaxanın ağ
və qonur çürümə xəstəliyinə qarşı davamlılığını artırır.
Toxumun səpinə hazırlanması, səpin müddəti, üsulu və norması. Səpin
üçün sağlam və yetişmiş toxumlardan istifadə olunmalıdır. Toxumların cücərmə
qabiliyyəti ən azı 96%, təmizliyi isə 99 % olmalıdır. Günəbaxan toxumları
cücərmə qabiliyyətini tez itirdiyindən səpin üçün yalnız keçən ilki toxumlardan
istifadə olunmalıdır. Cücərmə qabiliyyətini artırmaq üçün toxumlar isti havada
sərilərək qurudulur. Zərərvericilərə qarşı əvvəllər 1 ton toxuma 2-4 kq
heksaxloranın qamma izomeri ilə, göbələk xəstəliklərinə qarşı isə 1 ton toxuma
1,5-2,0 kq qranozanla dərmanlanırdı. İndi isə hər ton toxuma və ya 3 kq 65%-li
fentiuram, 2-3 kq TMTD, yalançı unlu şehə qarşı 4 kq apron, 0,3-0,5 kq sinklə
manqanın qarışığı ilə dərmanlanır.
Torpağın əkin qatında temperatur 4-6 0C olduqda səpin aparmaq mümkündür.
Gündəlik temperatur 10-12 0C olduqda cücərtilər daha tez alınır.
Səpin erkən yazda fevral ayının axırları və mart ayının əvvəllərində aparılır.
Son dövrlərdə günəbaxan gencərgəli punktir səpin üsulu ilə, yəni cərgəarası 70
sm olmaqla becərilir. Səpin üçün SUPN-8, SKPP-12 aqreqatlarından istifadə edilir.
Bitki sıxlığı hektarda 40-50 min ədədə bərabər olmalıdır. Cərgələrdə bitkilərarası
məsafə 30-40 sm-ə qədər, hər metrdə 3,0-3,5 bitki olmalıdır. Nəmlik ehtiyatı az
olan yerlərdə hektarda bitki sıxlığı 20-30 min və cərgələrdə bitkilərarası məsafə
50-60 sm, yəni hər metrdə 1,5-2,0 bitki olmalıdır. Səpin norması hektara 8-14 kq
toxum götürülür (silosluq səpinlərdə 35-40 kq). Toxumların basdırılma dərinliyi 6-
8 sm-ə bərabərdir.
Əkinlərə qulluq. Günəbaxanın səpinindən sonra cücərtilər alınana qədər
sahədə qaysaq əmələ gələrsə və alaq otlarının cücərtiləri varsa dərhal mala
çəkilməlidir. Əgər səpindən sonra torpaq səthi həddən artıq quruyarsa çıxışların
alınmasını gözləmədən torpaq səthi sıxlaşdırılmalıdır. Bunun üçün ZKK-6 markalı
kipləşdiricidən istifadə olunur. Səpin cərgəvi üsulla aparılıbsa malalama cərgələrə
perpendikulyar istiqamətdə həyata keçirilir. Əgər sahə alaqlı olarsa günəbaxanda 2
84
cüt yarpaq əmələ gələnə qədər malalamanı aparmaq mümkündür. Cərgəarası 70 sm
olduqda birinci kultivasiya 50 sm enində, ikinci kultivasiya isə 45 sm enində
aparılır.
Cərgəaraları KRN-4,2 və KRN -5,6 kultivatorları ilə becərilir. Alaq otlarına
qarşı prometrin yaxud treflan herbisidləri hektara 2-3 kq işlədilir.
Torpaq-iqlim şəraitindən və günəbaxanın vegetasiya müddətindən asılı olaraq
suvarmaların miqdarı (sayı) müəyyənləşdirilir. Birinci suvarma seyrəltmədən sonra
2-4 cüt yarpaq fazasında, ikinci suvarma səbətcik əmələ gəldikdə, üçüncü suvarma
çiçəkləmənin əvvəlində, dördüncü suvarma isə dən dolduğu dövrdə hektara 800-
1000 m3 olmaqla aparılır.
Günəbaxan çiçəkləyərkən mayalanmanın yaxşı getməsi və tumların boş
olmaması üçün bir hektar sahəyə 2 bal arısı ailəsini gətirmək zəruridir. Bu halda
məhsuldarlıq daha da yüksəlir.
Məhsulun yığılması. Günəbaxan toxumları hər sorta aid tipik rəngə çalanda,
yağ toplanması başa çatıb, rüşeym bərkidikdən sonra yığılmalıdır. Quraqlıq illərdə
toxumların dolması çiçəkləmədən 36-38 gün sonra, nəmli illərdə isə 48-50 gün
sonra başa çatır. Xarici əlamətlərinə görə günəbaxan toxumlarında 3 cür yetişmə
qeyd edilir: sarı, qonur və tam yetişmə.
1. Sarı yetişmədə yarpaqlar və səbətin alt tərəfi limonu- sarı rəng alır. Bu
dövrdə səbətdə nəmlik 78- 82%, tumda isə 30- 40% olur.
2. Qonur yetişmədə səbət tünd qonur rəng alır, səbətdə nəmlik 40-50%, tumda
isə 12-14% olur.
3. Tam yetişkənlikdə səbətin nəmliyi 18-20%, tumunku isə 10- 12%-ə çatır.
Toxumların orta nəmliyi 12-14 %-ə endikdə günəbaxanın yığımına başlanılır.
Bu dövrdə bitkilərin 80- 90 %-i qonuru- sarı, səbətlərin əksəriyyəti qonur, quru
olmaqla 10-12 %-i sarı rəngdə qalır. Nəmişli illərdə günəbaxanın yetişməsi
uzanaraq çiskinli havaların başlanması ilə bir yerə düşür ki, bu da sklerotina və boz
çürümə xəstəliyinin yayılmasına səbəb olur.
85
Yığımı qısa müddətdə aparmaq üçün desikasiya edilir. Desikasiya bitkinin
yetişməsini sürətləndirir, yığım müddətini qısaldır, ağ və boz çürüməni zərər-
sizləşdirir, quru və yüksək keyfiyyətli toxum alınmasına şərait yaradır.
Desikasiya məqsədi ilə maqnezium-xloratdan istifadə edilir. Kütləvi çiçək-
ləmədən 35-40 gün sonra toxumlarda nəmlik 30-35% olduqda əkinlərə
maqnezium- xloratın 60 %-li məhlulu (hektara 20 kq), 20 %-li reqlon (2 litr/ha)
və ya onların qarışığı (10 kq + 1 litr ) 100-150 litr suda həll edilir və 1 hektara
çilənir. Bu halda məhsul yığımına 10-12 gün tez başlamaq mümkündür.
Desikantlar tətbiq olunmuş sahələrdəki bitki qalıqları ilə heyvanların
yemləndirilməsi qadağandır. Yığımı gecikdirdikdə səbətlər tam quruyur, hektardan
2-3 sentner toxum məhsulu və ya 2-3 % yağlılıq itirilir. Yığım zamanı kombaynın
hərəkət sürəti saatda 5 km olmalıdır ki, toxumun zədələnməsi və xırdalanmasının
qarşısı alınsın.
Günəbaxan birbaşa kombayınla yığılır. Bu məqsədlə taxılyığan kombaynlara
xüsusi qurğu quraşdırılır. Yığımı taxıl kombaynları CK-5 “Niva”, PSP –1,5
tərtibatı ilə də aparmaq olar. Bu tərtibatla kombayn gövdələri 20 sm - lik
yüksəklikdən kəsərək 15 sm iriliyində xırdalayır, toxumlar isə bunkerə tökülür.
Yığım, bütün bitkilərin məhsul yığımında olduğu kimi, qısa müddətdə həyata
keçirilməlidir. Yığımdan sonra toxumlar alaq otlarının toxumlarından və digər yad
qarışıqlardan təmizlənib, 10-12% nəmlik həddinə qədər qurudulur, satış üçün
hazırlandıqda isə toxum 6-7 % nəmliyə qədər qurudulur.
Qurudulmuş toxumlar təmizlənir və saxlanma yerlərinə daşınır. Tərkibində
yağlılıq faizi çox olan toxumlar saxlanılarkən nəmliyi 7%-ə bərabər olmalıdır.
Toxumlar 1 metr təbəqədə (qalınlıqda) saxlanılır. Kisələrdə saxlanılan toxumların
nəmliyi isə 8-10%-ə yaxın olmalıdır.
Şərait olduqda günəbaxan intensiv texnologiya ilə də becərilə bilər. Bu
texnologiyada hər hektardan 2-2,5 ton toxum almaqla, becərmə texnologiyasındakı
əməliyyatların sayı adi texnologiyada olan 12-13 əməliyyatdan 7- 9-a qədər
azaldılır, çəkilən xərclər 20 % aşağı salınır və məhsulun maya dəyəri 7-8 %
ucuzlaşdırılır.
86
Toxumun yığımdan sonra işlənməsi. Yığımdan sonra toxumun içində bir çox
qarışıqlar – gövdə, səbətcik və yarpaq hissəcikləri olur. Bu qarışıqları toxuma
nisbətən nəmli olduqlarına görə yığımdan sonra dərhal təmizləmək vacibdir. Təzə
yığılmış toxumları yetişmək üçün yığımdan sonra 25-30 gün saxlayırlar. Bu
prosesi sürətləndirmək üçün digər qarışıqlardan toxumu təmizləyərək, nəmliyi 8-
10 % qalana qədər qurudurlar. Toxumlar saxlanılan yerlərdə 1 m hündürlüyündə
yığılır.
KÜNCÜT
Əhəmiyyəti. Küncüt bitkisi tərkibindəki yağın miqdarına görə birinci yeri
tutur. Toxumlarında 50-65%-ə qədər yağ, 16-18% zülal və 18% karbohidratlar
vardır. Küncüt yağı bitki yağları içərisində ən keyfiyyətli yağlar sırasına daxil
olub, öz qidalılıq dəyərinə görə zeytun yağına bərabərdir. Sarı rəngli iysizdir.
Ondan konserv və qənnadı məmulatlarının hazırlanmasında, tibdə, sabun
istehsalında və s. sahələrdə istifadə olunur.
Toxumlarından konfet, şərq şirniyyatları və qabığı təmizlənmişlərdən sonra
halva hazırlanır. Soyuq üsulla yağ alındıqdan sonra jmıxın tərkibində 8% yağ və
40% zülal olur ki, bu da qənnadı sənayesində istifadəyə yararlıdır. İsti üsulla alınan
jmıx heyvandarlıqda konsentrantlı yemdir. Bir sentner jmıx 132 yem vahidinə
bərabərdir.
Onun vegetativ orqanlarından, çiçəklərindən alınan xüsusi maddədən
ətriyyatda istifadə edilir.
Küncüt həm Asiya həm də Afrikanın qədim bitkisidir. Əsas küncüt becərən
ölkələr Hindistan, Çin, Birma, Pakistan, Koreya, Yaponiya, Əfqanıstan, Meksika
və Amerikadır. Əkinləri Özbəkistan, Türkmənistan və Tacikstanda da çoxdur.
Dəmyə şəraitdə məhsuldarlığı hər hektardan 10-12 sentner, suvarmada isə 18-20
sentnerdir.
Yunan alimi (tarixçi) Ksenofont deyirdi ki, döyüşçülər özlərini qorumaq üçün
bədənlərinə küncüt yağı sürtürdülər.
87
Botaniki təsviri. Küncüt (Sesamum indicum) küncütkimilər (Pedaliaceae)
ailəsinə daxildir. Küncütün gövdəsi 80-110 sm hündürlüyündə olub dik durandır.
Mil kökü torpağın 1 metrə qədər dərinə gedir, yan köklər isə çox budaqlanan olub
ətrafa yayılır.
Yarpaq saplaqları uzundur, yarpaq ayası bütöv və bölünmüş, kənarları isə tam
və ya dişli olur. Çiçəkləri zəngə oxşayır yarpaq qoltuğunda 1-2 ədəd olurlar. Çiçək
tacının rəngi ağ, çəhrayı və bənövşəyi olur. Öz-özünə tozlanan bitkidir.
Meyvəsi uzun 4 və ya 8 üzlü qutudur. Qutunun uzunluğu 3-4 sm, bir bitkidə
100-150 qutu olur. Yetişən zaman qutusu aralanır. Bir qutuda 70-80 toxum olur.
Toxumlar xırda, yastı, rəngi ağ, boz, qonur və qara olur. Min ədədinin kütləsi 3-5
qr arasında dəyişir.
Bioloji xüsusiyyətləri. Küncüt işıq və istilik sevən qısa gün bitkisidir.
Toxumları 15-18 0C-də cücərir. 1 0C şaxtada məhv olur. İnkişafı üçün ən yaxşı
temperatur 25-30 0C-dir. Temperaturun 12 0C-yə enməsi bitkinin inkişafını
dayandırır. Nəmliyə və qida elementlərinə tələbi yüksəkdir. Küncüt bitkisi cücərmə
və intensiv böyümə vaxtları nəmliyə çox tələbkar olur.
Küncüt yüngül mexaniki tərkibli münbit torpaqlarda yaxşı inkişaf edir. Ağır
gilli, bataqlı, şoran torpaqlarda, eyni zamanda qaysaq əmələ gətirən torpaqlarda bu
bitki yaxşı inkişaf etmir.
İlk çıxışlardan bir ay müddətinə küncüt zəif, çiçəkləmə dövründən isə sürətlə
böyüməyə başlayır. Vegetasiya müddəti 90-120 gün arasında dəyişir.
Becərilmə texnologiyası. Küncütün cücərtiləri nisbətən zəif böyüyür və alaq
otlarından çox zərər çəkir. Odur ki, bitki üçün alaqlardan təmiz və münbit tarlalar
ayrılmalıdır. Növbəli əkində küncüt üçün ən yaxşı sələflər payızlıq buğda,
qarğıdalı və dənli-paxlalı bitkilərdir. Tarlanı gec azad etdiyindən küncüt özü
payızlıq taxıllar üçün sələf ola bilməz. Növbəli əkində küncüt öz yerinə 6-7 ildən
sonra qaytarılmalıdır.
Küncüt qida maddələrinə tələbkardır. Əkinlərin hər hektarına 10 ton peyin, 30
kq azot, 30 kq fosfor və 30 kq kalium gübrələri verilir.
Əsas şumun dərinliyi 25-27 sm olur. Qış-yaz dövründə torpaqda nəmlik
88
ehtiyatı yaratmaq və alaqlarla mübarizə aparmaq üçün lazımi becərmə işləri (mala,
kultivasiya) aparılır. Yazda 2-3 dəfə, 8-10 sm dərinlikdə 1-ci kultivasiya,
sonrakılar dayaz olmaqla aparılır.
Səpin torpağın üst qatında gündəlik temperatur 15-16 0C olduqda aparılır. Bu
may ayının əvvəlinə təsadüf edir. Küncütün səpini taxılsəpən maşınlarla cərgəvi
üsulla (45-70 sm) aparılır. Səpin norması hektara 5-8 kq-dır. Toxumun basdırılma
dərinliyi 2-3 sm-ə bərabərdir. Səpindən sonra sahə (torpaq) kipləşdirilir və alaqlara
qarşı mübarizə tədbirləri həyata keçirilir. 3-4 dəfə cərgəarası becərmə aparılır.
Suvarma iki dəfə gönçələmə və kütləvi çiçəkləmədən sonra aparılır. Suvarma
norması hektara 800-1000 m3-dir.
Məhsulun yığılması. Küncütün məhsulu hissə-hissə yığılır. Yetişən zaman
toxumlar tökülür. Aşağıdakı qutular (karobkalar) qonurlaşanda otbiçən maşınlarla
biçilir və xırmanda qurudulur. Bitkilər və toxum qutuları quruduqca kombaynla
döyülür. Döyülmüş toxumlar çeşidlənib təmizlənir və qurudulur. Saxlanan
toxumların nəmliyi 9-10% olmalıdır.
GƏNƏGƏRÇƏK
Əhəmiyyəti. Gənəgərçək yağlı bitkilərdəndir. Dəninin (toxum) tərkibində 45-
59% qurumayan yağ var. Toxumun tərkibində zəhərli maddə, ritsin var. Toksiki
təsiri az olan ritsinin alkaloidi də var. İsti üsulla alınmış gənəgərçək yağından gön-
dəri, toxuculuq, lak-boyaq, sabunbişirmədə və sənayenin digər sahələrində istifadə
olunur. Soyuq üsulla alınmış yağdan (kostorovoe) tibbidə istifadə olunur. Bu üsulla
alınmış yağda zəhərli maddələrin hissəcikləri olmur.
Gənəgərçək jmıxından kazein kleyi alınır. Tərkibində 7,5% azot olduğundan
gübrə kimi istifadə olunur. Jmıxın hər sentnerində 92 yem vahidi var. Tərkibində
zəhərli maddə olduğundan heyvandarlıqda yem kimi istifadə olunmur.
Yayılması və məhsuldarlığı. Gənəgərçək Afrika mənşəlidir. Bu bitki
qədimdən Misirdə becərilmiş və oradan Asiya, Amerika və Avropaya yayılmışdır.
89
Yer kürəsində 1,5 mlyon hektardan çox əkin sahəsi mövcuddur. Ən çox
Hindistan və Braziliyada (500 min/ha) nisbətən Argentina, İtaliya, Rumıniya,
Ukrayna, Macarıstan və Bolqarıstanda becərilir. Rusiyada Şimali Qafqaz
ərazisində, Rostov vilayətində də əkin sahələri mövcuddur. Məhsuldarlığı
hektardan 8-10, ayrı-ayrı təsərrüfatlarda isə 15-20 sentnerə çatır.
Botaniki təsviri. Gənəgərçək südləyənlər (Euphorbiaceae) fəsiləsinin
Ricinus cinsinə aiddir. Üç növü var. Xırdameyvəli-Ricinus microcarpus g. Pop,
irimeyvəli- Ricinus macrocarpus g. Pop, və zənzibazarski – Ricinus sansibarinus
g. Pop.
Tropik və subtropik ölkələrdə çoxillik bitki kimi gənəgərçəyin hündürlüyü
10 m-ə çatır. By bitki yaxşı inkişaf etmiş kök sisteminə malikdir. Qışda məhv
olurlar. Gənəgərçəyin mil kökü torpağın 3-4 metr dərinliyinə, ətrafa isə 2 metrə
qədər yayılır. Güclü budaqlanan və budaqları dikdurandır. Hündürlüyü 1-3 metrə
çatır.
İran gənəgərçəyi nisbətən alçaqboyludur və yaşıl rənglidir. Qanı-qırmızı
gənəgərçək isə hündürboylu, rəngi qırmızı və şabalıdıdır. Yarpaqları iri və uzun
saplaqlıdır. Yarpaqlarda 7- 11 dilim var.
Çiçək qrupu 60-80 sm uzunluğunda qozadır. Bir bitkidə 2-dən 12- yə qədər
qotaz əmələ gəlir. Bir qotazda 50-200 ədədə qədər çiçək olur. Çiçəkləri xırda, sadə
və 5 ləçəklidir. Çarpaz tozlayan bitkidir. Meyvələri üçyuvalı şarşəkilli yaxud
uzunsov qutudur (karobkadır). Hər yuvada bir toxum var. İlk dəfə mərkəzi, sonra
yan çiçəklərdən əmələ gəlmiş qutular (karobkalar) yetişir. İran gənəgərçəyi yetişən
zaman qutular çatlayır və toxumlar tökülür. Qanı-qırmızıda isə əksinə tökülmür.
İran gənəgərçəyinin toxumları Qanı-qırmızı gənəgərçəyin toxumlarından xırda
olur. Mütləq kütləsi 200-500 qr arasında dəyişir.
Bioloji xüsusiyyətləri. İstilik sevən bitkidir. Toxumları 12-13 0C
temperaturda cücərməyə başlayır. Çıxışların yaxşı alınması üçün 18 0C temperatur
tələb olunur. Bitkinin normal inkişafı üçün tələb olunan temperatur 25-30 0C-yə
bərabərdir. Artıq mənfi 2 0C şaxtada bitki zədələnməyə başlayır.
90
Nəmliyə tələbkar bitkidir. Nəmlik çox olan yerlərdə yüksək məhsul verir.
Quraq yerlərdə yarpaq, çiçək və karobkalar (qozalar) tökülür. Quraqlıq olduqda
bitkidə yağın miqdarı aşağı düşür.
İşıq sevən və torpağa tələbkar bitkidir. Qida maddələri ilə zəngin qaratorpaq
və boz torpaqları sevir. Torpaq reaksiyası pH 6,0-7,3 daha əlverişlidir.
Qranulometrik tərkibi ağır gilli və duzlu torpaqlar gənəgərçək üçün yararlı deyildir.
Vegetasiya müddəti 90-120 gündür.
Becərilmə texnologiyası. Gənəgərçəyi növbəli əkində payızlıq buğda,
qarğıdalı və dənli-paxlalı bitkilərdən sonra yerləşdirmək olar. Gənəgərçək özü
yazlıq taxıllar üçün yaxşı sələfdir. Gənəgərçək fuzarioz xəstəliyinə tutulduğu üçün
öz tarlasına 8 ildən sonra qaytarılmalıdır. Qida elementlərinə tələbkardır. Bir ton
toxum yaratmaq üçün torpaqdan 72 kq azot, 17 kq fosfor və 59 kq kalium elementi
aparır. Ən yaxşı gübrə peyin hesab olunur. Hektara 20 ton peyin verdikdə
məhsuldarlıq xeyli artır. Mineral gübrələrdən azot və fosfor faydalıdır. Hektara 60-
90 kq azot və 90 kq fosfor verdikdə məhsuldarlıq 16-20% -ə qədər artır.
Torpağın becərilməsi payızlıqlar yığıldıqdan sonra üzləmə və avqust ayında
27-30 sm dərinliyində ön kotancıqlı kotanla şumlamaqdır. Erkən yazda 2-3 dəfə
kultivasiya və malalama aparılır.
Səpin üçün iri toxumlu sortlardan istifadə olunur. Toxumun təmizliyi 98%-
dən az olmamalıdır. Səpinqabağı toxumları qranozanla (2 kq/ha) dərmanlayırlar.
Torpağın 10 sm-lik qatında 120 C temperatur olduqda səpin başlanır.
Gənəgərçək punktir səpin üsulu ilə SUPN-8, SPÇ- 6MF aqreqatı ilə
cərgəarası 70 sm olmaqla səpilir. İritoxumlu sortlardan hektara 20-25 kq, xırda
toxumlulardan isə 10-12 kq sərf olunur. Toxumun basdırılma dərinliyi torpaq
tipindən asılı olaraq 6-10 sm-dir. Bitki sıxlığı hektara 45-60 min ədəd olur.
Səpinqabağı alaqlara qarşı treflan herbisidini kultivasiya ilə hektara 6-8 kq verirlər.
Çıxışlara qədər kəltənləri xırdalamaq üçün malalama aparılır. Alaqlar
göründükdə cərgəarası becərmələr başlanır. İki yarpaq fazasında seyrəltmə aparılır.
Qozaların yetişməsi eyni müddətdə olmur. Əvvəlcə mərkəzi qozalar sonra isə
ətrafdakılar yetişir. Odur kr, qozaları partlamayan sortları desikasiya edərək
91
(maqnezium xlor, 15 kq/ha + 100 litr su) kökü üzərində qurudurlar. Desikasiyadan
2 gün sonra yarpaqlar quruyur. Lakin, qozaların tam quruması əlverişli şəraitdə 12-
15 gün çəkir. Bu vaxt yığıma başlayırlar.
Məhsul birbaşa yaxud hissə – hissə yığılır. Qozaları partlamayanlar birbaşa
KKC-6 markalı kombaynla yığılır. Toxumu saxlayarkən onun nəmliyini 6%-ə
çatdırmaq lazımdır.
R A P S Əhəmiyyəti. Raps - Brassica napus L. Ssp. oleifera Metzg. (payızlıq-
biennis, yazlıq- annus) Kələmkimilər- Brassicaceae fəsiləsinin birillik ot
bitkisidir. Raps bitkisi ərzaq yağı və yem zülalı üçün perspektivli mənbədir.
Toxumun tərkibində 32-50% yağ və 23% zülal vardır. Köhnə sortların
toxumlarında heyvan orqanizminə zərərli təsir göstərən eruk turşusu (37-50%) və
qlükozinolitlər (5-7%) olduğundan yemə acı tam verirdi. Hal-hazırda əldə edilmiş
yeni sortların tərkibində eruk turşusu 5% və qlükozinolitlər isə 0,3-0,6%-dir. Raps
yağı yeyinti, sabunbişirmə, poliqrafiya və sənayenin digər sahələrində istifadə
olunur.
Raps bitkisini yaşıl kütlə, silos, senaj və ot unu kimi yemlər üçün becərmək
mümkündür. Yaşıl kütlənin hər sentnerində 16 yem vahidi var. Raps yaxşı bal
verən bitkidir. Bal arısı hər hektardan 100 kq-a qədər bal toplaya bilir.
Rapsın vətəni Aralıq dənizi ölkələri olub, buradan Hindistan və digər Asiya
dövlətlərinə yayılmışdır. Yer kürəsində rapsın əkin sahəsi 14-15 milyon hektara
çatır. Bu bitki ən çox Hindistan, Çin, Kanada ölkələrində becərilir (3-4 mln. ha).
Almaniya, Polşa, Fransa və s. ölkələrdə də əkin sahəsi əhəmiyyətli dərəcədədir.
Məhsuldarlığı hektardan 15-20 və 25-30 sentnerə çatır.
Botaniki təsviri. Raps xaççiçəklilər fəsiləsinin birillik ot bitkisidir. Yaxşı
inkişaf etmiş mil kök sistemi var. Gövdəsi yaxşı budaqlanır, hündürlüyü 100-130
sm -ə çatır. Yarpaqları açıq-yaşıl rəngli, ağ örtüklüdür, saplaqlı və oturaqdır.
Çiçəkləri salxımvari, ləçəkləri açıq-sarı rənglidir. Toxumları qının içərisində qara,
92
açıq-boz və tünd-şabalıdı rəngdədir. Toxumunun 1000 ədədinin kütləsi 3-7
qramdır.
Bioloji xüsusiyyətləri. Raps uzun gün bitkisidir. Çıxışdan budaqlanmaya
qədər 30-40 gün keçir. Yazlıq rapsın vegetasiya müddəti 90-110 gündür.
Tərkibində 30-40% (toxumunda) yağ var. Toxumları 1-3 0C-də cücərmə
qabiliyyətinə malikdir. Çıxışları –3-5 0C şaxtaya dözür. Nəmlik sevən bitkidir.
Payızlıq rapsın vegetasiya müddəti 290-320 gündür. Tərkibində 40-50% yağ
vardır. Çıxışdan 15-16 gün sonra budaqlanma başlayır. Çiçəkləmə 25-30 gün
davam edir, çiçəkləmənin axırından yetişməyə qədər isə 25-30 gün keçir. Bir ton
raps toxumu torpaqdan 60 kq azot, 24 kq fosfor, 42 kq kalium elementi aparır.
Becərilmə texnologiyası. Torpağın becərilməsi üzləmədən, əsas şumdan və
səpin qabağı becərmədən ibarətdir. Səpin adi cərgəvi üsulla aparılır, hektara 12-15
kq gencərgəli üsulda isə 6-8 kq toxum sərf edilir. Toxumun basdırılma dərinliyi 2-
3 sm-dir. Alaq otlarına qarşı 25% -li treflan herbisidini hektara 3 litr hesabı ilə
səpinqabağı kultivasiya altına verirlər. Zərərvericilərə qarşı 0,2-0,3 kq metafos
çilənir. Çiçəkləmə dövründə tarlanı dərmanlamaq olmaz, ona görə ki, bal arılarını
məhv edə bilərik. Rapsın meyvələrinin yetişməsi tədrici olduğundan qını asan
partlayır. Yığımı bir başa tam yetişmə dövründə taxıl yığan kombaynla aparmaq
olar. İsti havalarda yığım hissə - hissə aparılır.
Yaşıl kütlə üçün raps bitkisini erkən yazda səpirlər. Çıxış alınandan 50-60 gün
sonra bitkinin boyu 50-60 sm-ə çatır və birinci biçin aparılır. İkinci biçin
birincidən 45-50 gün sonra yer səthindən 10-12 sm hündürlüyündə yerinə yetirilir.
Birinci biçindən sonra 50-60 kq təsiredici maddə hesabı ilə azotla yemləmə verilir.
Mövzu: 9. SOYA BİTKİSİNİN ƏHƏMİYYƏTİ VƏ BECƏRİLMƏ ÜSULLARI
Mühazirənin planı:
Soya bitkisinin əhəmiyyəti Soya bitkisinin tarixi, yayılması və məhsuldarlığı Soya bitkisinin botaniki və bioloji xüsusiyyətləri Soya bitkisinin növbəli əkində yeri
93
Soya bitkisi üçün torpağın becərilməsi Soya bitkisinin gübrələmə sistemi Soya toxumlarının səpinə hazırlanması, səpin müddəti, üsulu və norması Soya bitkisinin əkinlərinə qulluq işləri (suvarma, alaqlara, zərərverici və xəstəliklərə
qarşı mübarizə tədbirləri) Məhsulun yığılması
Ədəbiyyat
Cəfərov M. İ. və baş. - Kənd təsərrüfatı bitkilərinin becərilmə və yığılma texnologiyası., Bakı, 2000, 264 s.
Əliyev C. Ə. və baş. Azərbaycan SSR-in suvarma şəraitində soyanın yetişdirilməsi. Bakı, 1982,51 s.
Əliyev S. C. və baş. - Zülal probleminin həllində dənli-paxlalı bitkilərin rolu, Kirovabad, 1988, 41 s.
Məmmədov Q. Y., İsmayılov M. M.. Bitkiçilik, Bakı, “şərq-qərb” nəş., 2012, 356 s. Yusifov Ə. N. və başq. Bitkiçiliyin əsasları, Bakı, “Müəllim” nəşriyyatı, 2013, 302 s. Алиев Д. А., Акперов З. И.. Фотосинтез и урожай сои. Москва-Баку, 1995, 116 с. Берт Д. Г., Фоке И., Клейн В.. Выращивание зернобобовых культур на промышленной
основе. Москва, «Колос» 1981, 159 с. Вавилов П. П. Растениеводство. Москва, 1986, 512 с. Лавиренко Г. Т. и др. Соя. Москва, 1978, 187 с. Посыпанов Г. С. Соя в Центральном Нечерноземье М.: Изд. во МСХА, 2005. Посыпанов Г. С. и др. Растениеводство. Москва, «Колос», 2006, 611с. Соя . Интенсивная технология. М:, изд. во Агропромиздат», 1988, 48 с. Спаар Д. и др. Зернобобовые культуры. Минск, 2000, 264 с. Федосеев Б. В. Механизированная технология возделывания и уборки бобовых культур.
Москва, «Росселхозиздат 1983, 183 с.
SOYA BİTKİSİNİN ƏHƏMİYYƏTİ VƏ BECƏRİLMƏ ÜSULLARI
Əhəmiyyəti. Soya hərtərəfli istifadə olunan qiymətli bitkidir. Dənində zülal
çox olduğuna görə paxlalı, yağ çox olduğuna görə isə yağlı bitkilər qrupuna aid
edilir. Dəndə 33-45% zülal (bəzi sortlarda hətta zülal 52%), 25-27% yağ və 25-
27% sulu karbonlar vardır.
Soya becərən təsərrüfatlar 2 məhsul: tam qiymətli zülal və bitki yağı alırlar.
Soyanın zülalı suda yaxşı həll olur və yaxşı həzmə gedir. Soya dənində olan zülal
arpaya nisbətən 3,6 qarğıdalı dəninə nisbətən isə 4 dəfə çoxdur. Soyanı ərzaq, yem
94
və texniki məqsədlər üçün becərirlər. Soya dənindən yağ, marqarin, soya pendiri,
süd, un, qənnadı məmulatı, konserv və başqa məhsullar alınır.
Soyadan alınan yağ sabunbişirmə sənayesi üçün xammaldır. Eyni zamanda lak
boyaq sənayesində də istifadə olunur. Dünyada bitki yağının istehsalına görə soya
birinci yer tutur. Onun payına 40%, günəbaxanın payına isə 18-20% düşür.
Soyanı digər dənli - paxlalı bitkilərdən fərqləndirən onun zülalının amin
turşularının tərkibinə görə heyvan mənşəli zülala yaxın olması və insan orqanizmi
tərəfindən asanlıqla mənimsənilməsidir. Soyanın tərkibində lizin, triptofan və
metionin kimi amin turşuları vardır. 1 kq buğda dənində 2,5 qram lizin olduğu
halda, 1 kq soya ununda 27 qram lizin vardır.
Soya unu və jmıxı heyvanlar üçün çox dəyərli yemdir. Jmıxda 47%-ə qədər,
unda isə 40%-ə qədər zülal vardır. 1 kq soya dənində 1,31-1,47 yem vahidi, 275-
338 qram həzm olunan protein olur. Ümumiyyətlə soyadan 400-ə qədər müxtəlif
növ məmulatlar alınır. Soyanı yaşıl yem və silos üçün də becərmək olar. Silos
məqsədi üçün qarğıdalı və sorqo ilə qarışıq əkilir. Soyanın 100 kq yaşıl kütləsində
21 yem vahidi, 3,5 kq həzm olunan zülal vardır. Gövdəsinin (samanının) 100 kq-da
32 yem vahidi, 5,3 kq zülal vardır ki, xırda davarlar (qoyunlar) tərəfindən yaxşı
yeyilir. Ot üçün biçilmiş kütləsinin 100 kq-da 51 yem vahidi, 15,4% zülal, 5,2%
yağ, 38,6% sulu karbonlar, 7,2% kül, 22,3% sellüloz vardır. Soya qiymətli yaşıl
gübrə və əla sələf bitkisidir.
Bitkinin tarixi, yayılması və məhsuldarlığı. Soyanın vətəni cənubi-şərqi
Asiya hesab olunur. O, çinlilərə bizim eradan 6 min il əvvəl məlum olub. Sonralar
Hindistan, Yaponiya, Koreya, Vyetnam və İndoneziyada becərilmişdir. Avropada
nisbətən gec, XVIII əsrdə becərilməyə başlanılıb. Uzaq Şərqdə yaşayan rus
mühacirləri soyanı qədimdən becəriblər.
Əkin sahəsinə görə dənli-paxlalı bitkilər içərisində soya dünyada birinci yeri
tutur. Dünya əkinçilik sistemində soyanın əkin sahəsi 67 mln. hektardır. Soyanı
təxminən 50-yə yaxın ölkədə becərirlər. Soyanın əkin sahəsi ABŞ-da 30 mln.,
Çində 15 mln., Braziliyada 3,0 mln. hektardır. Bu bitki Hindistanda, Yaponiyada,
Vyetnamda, İndoneziyada, Şimali Afrikada, Avstraliyada, Şimali və Cənubi
95
Amerikada, Ukraynada, Rusiyada, Moldaviyada, Şimali Qafqazda, Gürcüstanda və
Azərbaycanda da becərilir. Dünya üzrə orta məhsuldarlığı 14-15 sentnerdir.
Keçmiş SSRİ-də soyanın əkin sahəsi 1 mln. hektar, məhsuldarlığı isə orta
hesabla 10 sentner olmuşdur. Qabaqcıl təsərrüfatlarda suvarma şəraitində dən
məhsuldarlığı 25-30 sentner, yaşıl kütlə məhsuldarlığı isə 250-300 sentner
olmuşdur.
2013 - cü ildə Azərbaycanda paxlalıların əkin sahəsi 12729 ha olmuş, ümumi
yığımı 25326 ton, məhsuldarlığı isə 19,9 s/ha təşkil etmişdir.
Botaniki təsviri. Soya (Glicine) cinsi 40-dan artıq növü əhatə edir. Onlardan
yalnız mədəni soya – Glicine hispida adlanan növü geniş miqyasda becərilir.
Qalanları yarımmədəni və yabanı formada bəzi ölkələrdə əkilir, yaxud mədəni
növün qarışığı kimi təsadüf edilir. Mədəni soya növü aşağıda xarakterizə edilən
coğrafi-ekoloji yarımnövlərə ayrılır.
Hindistan yarımnövü – kolu 200 sm hündürlüyündə, gövdəsi qüvvəli
budaqlanandır. Çiçəkləri xırda, paxlaları orta irilikdə, toxumları xırdadır. Sortları
nisbətən gecyetişəndir.
Çin yarımnövü – kolu 100-150 sm hündürlüyündə, gövdəsi nazik, yaxşı
budaqlanan və zəif sarmaşandır. Ancaq yerə yatmağa da meyllidir. Yarpaqları
nazik və zərifdir. Çiçəkləri orta irilikdə, mavi rəngli, paxlaları orta irilikdə və
xırdadır. Hər paxlada 2-3 toxum olur. Toxumları xırda, yastıdır. Ancaq hind
yarımnövünün toxumlarına nisbətən iridir. 1000 ədəd toxumunun kütləsi 70-130
qramdır. Bütün sortları gecyetişəndir.
Mancuriya yarımnövü – kolu 60-90 sm hündürlüyündə, gövdəsi orta dərəcədə
budaqlanandır, nisbətən yoğundur. Sarmaşma qabiliyyətinə malik deyildir, ancaq
yerə də yatmır. Yarpaqları yuxarıdakı yarımnövlərin yarpaqlarına nisbətən iri və
qabadır. Çiçək salxımı qısa, az çiçəklidir. Paxlaları orta uzunluqda – 4-4,8 sm,
toxumları orta irilikdə, şişkindir. Toxum qılafı əksər sortlarında sarı rənglidir. 1000
ədəd toxumunun kütləsi 120-230 qramdır. Orta müddətdə yetişəndir. Dənində olan
yağın miqdarına görə bütün yarımnövlərdən üstündür.
96
Yaponiya yarımnövü – kolu 60-100 sm hündürlüyündə, gövdəsi orta dərəcədə
budaqlanan, yoğun, qabadır. Yarpaqları və çiçəkləri iridir. Çiçək salxımı uzun,
çoxçiçəkli, paxlaları iri və orta irilikdədir. Toxumları iri, kürəşəkilli, azacıq
yastıdır. 1000 ədəd toxumunun kütləsi orta hesabla 300 qramdır. Bu yarımnövün
bütün sortları zülalla zəngindir. Hündür gövdəli sortları gec, alçaq gövdəliləri tez
yetişir.
Bioloji xüsusiyyətləri. Soya istilik və rütubət sevən bitkidir. Çiçəkləmə və
yetişmə dövründə daha yüksək yəni 18-25 0C temperatur tələb edir. Toxumlar 6-8 0C temperaturda cücərir. Soyanın cücərtisi –2-5 0C ətrafında olan yaz şaxtalarını
yaxşı keçirir. Bu bitki çiçəkləmə və dəndolma fazasında ən çox su tələb edir.
Transpirasiya əmsalı 600-ə yaxındır. Səmərəli temperaturun miqdarı sortdan,
yetişmə müddətindən asılı olaraq 1700 0C - dən 3200 0C -yə qədər dəyişir.
Çiçəkləmə fazası 15-40 gün, gecyetişən sortlarda isə 80 günə qədər davam edə
bilir. Soya qısa gün bitkisidir. Şoran və şorakət torpaqlardan başqa digər torpaqlar
soya üçün əlverişlidir. Əsasən su ilə yaxşı təmin olunmuş şabalıdı, açıq-şabalıdı
boz-qonur torpaqlar və s. soya üçün yararlıdır. Soya neytral (pH-6,5-7,0) reaksiyalı
torpaqlarda daha yaxşı inkişaf edir.
Növbəli əkində yeri. Növbəli əkində soyanı dənli- taxıl, qarğıdalı və pambıq
bitkisindən sonra becərmək olar. Soyanı, soyadan, günəbaxandan, birillik dənli-
paxlalılardan və çoxillik paxlalı yem otlarından sonra əkmək olmaz.
Torpağın becərilməsi. Sələf dənli - taxıl bitkiləri olarsa məhsul yığılan kimi
küləş sahədən çıxarılmalı və kövşən yeri üzlənilməlidir.
Birinci üzləməni 6-8 sm dərinlikdə LDQ-5 və LDQ-10 markalı üzləyicilərlə
üzləmək, əgər ehtiyac varsa 2-ci üzləməni BDT-2,5 və BDT-3 markalı ağır diskli
üzləyicilərlə 10-12 sm dərinlikdə aparırlar. Üzləmədən 10-15 gün sonra sahə ПЯ-
5-35 markalı kotanla 28-30 sm dərinlikdə şumlanmalıdır.
Qarğıdalıdan sonra sahə iki iz ağır diskli mala ilə disklənməli və bundan sonra
əkin qatı dərinliyində (25-27 sm) şumlanmalıdır.
Yazda torpaq VP-8, VPN-5,6 markalı hamarlayıcılarla və ya təsərrüfatın
özündə hazırlanan alətlər ilə səthdən hamarlanmalıdır. Alaqlar göründükdə 6-8 sm
97
dərinlikdə kultivasiya çəkilməlidir. Səpinə 1 həftə qalmış təsiredici maddə hesabı
ilə 1,2-1,5 kq treflan herbisidi 200-300 litr suya qarışdıraraq POU, ON-400 və ya
OBT-1 yerüstü çiləyicilərlə çilənməli və başdan-başa becərən kultivatorla,
suvarılmamış sahələrdə isə BDT-2,5 və ya BDT–3 markalı üzləyicilərlə 8-10 sm
dərinlikdə torpağa qarışdırılmalıdır.
Gübrələnməsi. Soya gübrələməyə həssas bitkidir. Təcrübələrlə müəyyən
edilmişdir ki, soya 20 sentner dən məhsulu əmələ gətirmək üçün 142 kq N, 32 kq
P2O5, 35 kq K2O mənimsəyir (1 tonla 82 kq N, 26 kq P2O5, 47 kq K2O). Əsas şum
altına P2O5 60-90 kq, K2O 30-45 kq verilməlidir. Azot gübrəsinin 30%-i
səpinqabağı, qalan hissəsi yemləmə şəklində 2 dəfəyə, o cümlədən 40%-i çıxış
alınandan 2-3 həftə sonra, 30%-i isə paxla əmələgəlmə və dəndolma dövründə
verilməlidir. Gübrələr RUM-5 İ; RMQ-4 markalı gübrə səpən maşınlarla verilə
bilər.
Toxumun səpinə hazırlanması. Səpin üçün 1-ci sinfə aid olan sort toxumlar
götürülməlidir. Səpindən əvvəl toxum rizotorfinlə (nitragin) hektarlıq toxuma 200
qram hesabı ilə işlənməlidir. Həmin miqdar rizotorfin 1-2 litr suda həll edilərək
toxuma çilənməlidir. Bakterioz, kök çürüməsi, aminomikoz, fuzarioz
xəstəliklərinə qarşı mübarizə məqsədi üçün səpinə ən azı 3-4 həftə qalmış 1 ton
toxuma 1-2 kq 70%-li taciqran işlənilməlidir.
Məftil qurdlarına və bakterioz xəstəliyinə qarşı fentiuramın tətbiqi yaxşı nəticə
verir. 60%-li fentiuramdan 1 ton toxuma 4-6 kq işlətmək məsləhət görülür.
Toxum PSQİ-5, PS-10, «Mobitoks» maşınlarında yarımquru üsulla
dərmanlana bilər.
Səpin müddəti, üsulu və norması. Səpin əkin qatında temperatur 10-12 0C
olduqda aparılır. Toxumlar arat olunmuş sahələrə səpilir. Səpin SZSŞ-3,6; SPÇ-
6M; SZ-3,6; SZU-3,6 aqreqatlarla aparılır. Soya gencərgəli nöqtəvi üsulla, yəni
cərgəarası 45-60 sm və 70 sm olmaqla səpilə bilər. Mütləq kütlədən asılı olaraq
hektara 50-90 kq (400-600 min ədəd) cücərə bilən toxum səpilməlidir.
Əkinə qulluq. Arat olunmayan yerlərdə səpindən sonra dərhal suvarma
aparılmalıdır. Torpağın su-hava xassələrini yaxşılaşdırmaq üçün çıxış alınanadək
98
bir iz və çıxış vaxtı 1-2 iz KRN-38 yaxud torlu mala ilə malalayırlar. Vegetasiya
dövründə cargəaraları 2 dəfə KRN-4,2 markalı kultivatorla yumşaldılmalıdır.
Tor gənəciyinə və yarpaqyeyən həşəratlara qarşı vegetasiya müddətində
karbofosun 30%-li emulsiyası ilə hektara 1,0-1,5 kq, fosfamidlə (Bİ-58) 1 kq
normada çiləmə aparılır. Çiçəkləmədən sonra çiləmə kükürd tozu ilə əvəz edilir.
Bitkinin normal inkişafı üçün vegetasiya müddətində soya ən azı 4 dəfə
suvarılmalıdır. Birinci suvarma budaqlanma, 2-ci suvarma çiçəklənmənin
başlanğıcında, 3-cü suvarma paxlalar əmələ gəldikdə və 4-cü suvarma dən
dolmağa başladıqda keçirilməlidir. Suvarma yağış yağdırma üsulu ilə hektara 500-
600 m3, şırımlarla infiltrasiya yolu ilə 700-800 m3 su normasında keçirilir.
Məhsulun yığılması. Yetişərkən soya paxlası açılmır ona görə də dən itkisi az
olur. Dən məqsədi ilə əkdikdə soya tam yetişmə fazasında, yarpaqların töküldüyü,
gövdələrin quruduğu və paxlaların saralmağa başladığı dövrdə dəndə 14-16%
nəmlik olduqda SK-5 Niva, SK-4A, SKD-5P, SKD-5M, “Sibiryak” kombaynları
ilə yığılmalıdır. Kombaynın kəsici aparatı ən aşağıdan biçmək üçün
nizamlanmalıdır. Dənin qırılmasının qarşısını almaq üçün barabanla – deka
arasında məsafə CK- 4A, CK-5 kombaynlarda girəcəkdə 40 mm, çıxacaqda 28
mm-dən az olmamalıdır. Barabanın dövrlər sayı dəqiqədə 400-500 -ə
endirilməlidir.
Yetişməni sürətləndirmək məqsədilə gecyetişən sortlar əkilən sahələrdə
desikasiya aparılır. Bu məqsədlə dəndə nəmlik 40-45% olduqda maqnezium –
xlorat preparatının 20 kq-ı suya qarışdırılaraq sahəyə çilənir. Soya samanı yem
üçün istifadə ediləcəksə desikasiya aparılmır.
Yığılmış toxumda nəmlik 14% -dən çox olarsa asfalt meydançada günəş
altında qurudulmalı və digər qatışıqlardan təmizlənməlidir.
MÖVZU: 10. YER FINDIĞININ (ARAXİS) XALQ TƏSƏRRÜFATI
ƏHƏMİYYƏTİ VƏ BECƏRİLMƏ TEXNOLOGİYASI
99
Mühazirənin planı:
1. Araxis bitkisinin əhəmiyyəti2. Araxis bitkisinin tarixi, yayılması və məhsuldarlığı3. Araxis bitkisinin bioloji xüsusiyyətləri4. Araxis bitkisinin növbəli əkində yeri 5. Araxis bitkisi üçün torpağın becərilməsi6. Araxis bitkisinin gübrələmə sistemi 7. Araxis toxumlarının səpinə hazırlanması, səpin müddəti, üsulu və
norması. 8. Araxis bitkisinin əkinlərinə qulluq işləri (suvarma, alaqlara, zərərverici
və xəstəliklərə qarşı mübarizə tədbirləri) 9. Məhsulun yığılması
Ədəbiyyat
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s. Qərib Məmmədov, Azər Cəfərov, Zemfira Mustafayeva. Əkinçilik və
bitkiçiliyin əsasları (qısa kurs), Bakı, “Elm”, 2008, 324 s. M. İ. Cəfərov və b. «Kənd təsərrüfatı bitkilərinin becərilmə və yığılma
texnologiyası»., Bakı, 2000, 264s. Məmmədov Q. Y., İsmayılov M. M. Bitkiçilik, Bakı, “şərq-qərb” nəş.,
2012, 356 s. Yusifov Ə. N. və başq. Bitkiçiliyin əsasları, Bakı, “Müəllim” nəşriyyatı,
2013, 302 s. П. П. Вавилов «Растениеводства»., Москва, 1986, 512 с. Г. С. Посыпанов и др. «Растениеводства», М:, «Колос», 2006, ст. 611
YER FINDIĞININ (ARAXİS) XALQ TƏSƏRRÜFATI ƏHƏMİYYƏTİ VƏ
BECƏRİLMƏ TEXNOLOGİYASI
Əhəmiyyəti. Yerfındığı qiymətli yağlı bitkidir. Onun toxumlarında 48-66%
yağ, 23-38% zülal vardır. Araxis yağı konserv sənayesi, marqarin alınmasında,
sabunbişirmə sənayesində və tibbidə istifadə olunur. Yağın emalından sonra jmıxın
100
tərkibində 45% zülal və 8% yağ olur. Gövdəsinin tərkibində 11-19% zülal vardır
və heyvandarlıqda yem kimi istifadə olunur. Paxlasının ümumi kütləsinin 30-35%-
i qədər cecəsi (paxlanın qabığı) çıxır ki, bu cecədən izolyasiya materialı hazırlan-
masında və yanacaq kimi istifadə edilir.
Araxisin vətəni cənubi (mərkəzi) Amerika olub oradan Filippin adalarına,
Yaponiya, Çin və Hindistana yayılmışdır. Avropaya XVI-cı əsrdə Çindən
gətirilmişdir. Ona görə də uzun müddət onu Çin qozu adlandırmışlar. Dünya
əkinçiliyi sistemində əkin sahəsi 18-22 milyon hektara yaxındır. Ən çox əkin
sahələri İndoneziya, Çin və Hindistandadır. Rusiyaya XIX əsrdə gətirilib. Ukrayna
Zaqafqaziya və Orta Asiya ölkələrində geniş becərilir. Dünya üzrə orta
məhsuldarlığı hektardan 10 sentnerə bərabərdir. Dəmyə şəraitdə 5-8 sent., suvarma
şəraitində isə 40-60 sentner məhsul verir.
Botaniki təsviri. Yerfındığı – Arachis paxlalı bitkilər fəsiləsinə mənsubdur.
Toxumlarında yağın miqdarı çox olduğuna görə yağlı bitkilər qrupuna daxil
edilmişdir.
Yerfındığının çoxillik və birillik olmaqla 15 növü müəyyən edilmişdir.
Yalnız mədəni yerfındığı – Arachis hypogeae L. adlanan növü becərilir. Qalan
növləri yabanı formada yayılmışdır. Mədəni yerfındığı alçaqboylu, kolşəkilli,
birillik otvari bitkidir. Kökü torpağın dərinliyinə 180-200 sm, ətrafa 140 sm-ə
qədər işləyir. Azot toplayan bakteriyalar ağır gilli torpaqlarda çox zəif olur,
yumşaq və yüngül torpaqlarda yaxşı inkişaf edirlər.
Gövdəsi 15-75 sm hündürlüyündə, çox şaxələnən, yer səthinə sərilən, yaxud
dik vəziyyətlidir. Yan budaqlarının əsası dairəvi, yuxarı hissəsi 4-5 üzlüdür.
Yarpağı cütlələkşəkillidir. Əsas saplağının sonu cüt yarpaqcıqla qurtarır. İki cüt,
iri, tamkənarlı, tərs, yaxud düzyumurta formalı, uzunsov-oval yarpaqcıqları
vardır. Yarpaqcıqların səthi mum təbəqəsi ilə örtülü olduğu üçün yaşıl parıltı
verir. Gövdəsinin, budaqlarının, yarpaq saplağının üzəri və yarpaqcıqların alt
tərəfi tüklüdür. Yarpaqaltlıqları xətvarı-lansetvarı, yarımay formalı, yarısına
qədər yarpaq saplağına bitişmiş, tam kənarlı, zəif, yaxud kəskin tüklü, yaşıl
101
rənglidir. Ancaq yerfındığının bəzi formaları antosian (qonuru qırmızı) rəngli
olur.
Çiçəkləri gövdənin aşağı mərtəbəsindəki yarpaq qoltuqlarında az çiçəkli,
qısa saplaqlı salxım təşkil edir. Çiçəyinin tacı sarı-narıncı rənglidir. Dişiciyinin
yumurtalığı biryuvalıdır, ancaq toxum tumurcuğunun sayı 2-7-yə qədərdir.
Yerfındığının gövdəsinin torpaqda qalan hissəsində də çiçək əmələ gəlir,
bunlar adi çiçəklərdən ləçək yarpaqlarının şəffaf, (rəngsiz) olması və şərait
olmadığı üçün açılmaması ilə fərqlənirlər. Öz-özünü tozlayan bitkidir. Yerüstü
çiçəkləri çarpaz da tozlanır. Vegetasiya ərzində bir bitkidə 2000 və daha çox
çiçək əmələ gəlir və hamısı meyvə vermə qabiliyyətinə malik olur. Ancaq gec
əmələ gələn çiçəklər məhsul yığımına bir neçə gün qalmış açıldığına görə yetişə
bilmirlər. Çiçək mayalandıqdan sonra dişiciyin yumurtalığının aşağı hissəsi
uzununa böyüyərək hinofor adlanan xırda boru şəklində xaricə çıxır. Hinofor
əvvəl yuxarıya doğru uzanır, sonra aşağı əyilərək torpağa daxil olur. Torpağın 8-
10 sm dərinliyində üfüqi vəziyyətdə yerləşir, böyüməsini dayandırır,
nəhayətində olan yumurtalıq inkişafını davam etdirərək meyvə (paxla) əmələ
gətirir. Torpağa daxil ola bilməyərək açıq havada qalan hinoforlar quruyaraq
məhv olurlar.
Yerfındığının meyvəsi silindirvarı, barama formalı, düz, yaxud bir-iki hissə-
sindən boğulmuş olur. Hər paxlada 1-7, əksər hallarda 2-3 toxum əmələ gəlir.
paxlanın qabığı boz rənglidir, üzəri az-çox dərəcədə torlu və uzununa
qabırğalıdır. 1000 ədəd paxlasının kütləsi 600-1500 qramdır.
Toxumları uzunsov-oval, yuvarlaq, toxum qılafı ağ, qırmızı və çəhrayı
rənglidir. Toxumlarının uzunluğu 1,0-1,8 sm, eni 0,8-1,0 sm, qalınlığı 0,5-1,0
sm olur. 1000 ədəd toxumun kütləsi xırda toxumlularda 200-500 qr, orta irilikdə
olanlarda 500-800 qr, iri toxumlarda isə 800-1200 qramdır.
Bioloji xüsusiyyətləri. Araxis istilik sevən bitkidir. Toxumları 12-14 0C
temperaturda cücərməyə başlayır. Cücərtilər –1-1,5 0C şaxtalarda məhv olur.
102
Bitkinin inkişafı üçün optimal temperaturun miqdarı 25-28 0C-dir. 12 0C-dən aşağı
temperaturda meyvə əmələ gəlmir. Suya ən çox çiçəkləmə fazasının
başlanğıcından paxlaların əmələ gəlməsinə qədər tələbkardır. Bu dövrdə nəmliyin
çatışmaması çiçəkləməni dayandırır, meyvə əmələgəlməsi azalır və məhsuldarlıq
aşağı düşür.
Araxis işıq sevən, qısa gün bitkidir. Vegetasiya müddəti 120-160 gündür.
Duzlu və bataqlaşmış torpaqlar araxis əkinləri üçün yararsızdır.
Növbəli əkində yeri. Növbəli əkində araxisi köküpöhrəli və kökümsovgövdəli
alaqlardan təmiz tarlalarda, cərgəarası becərilən qarğıdalıdan, payızlıq taxıllardan
və tərəvəz bitkilərindən sonra əkmək məsləhət görülür.
Gübrələnməsi. Bitki əkiləcək sahəyə hektara 10-15 ton peyin, 2-3 sentner
superfosfat və 1 sentner kalium gübrələri verilir. Toxumların rizotorfinlə
işlənilməsi vacibdir. Qida elementlərinə tələbkardır. Bir ton əsas və əlavə məhsulla
torpaqdan 62 kq azot, 11 kq fosfor və 40 kq kalium elementi aparır.
Torpağın əsas becərilməsi kövşən yerinin üzlənməsi və dondurma şumunun
qaldırılmasından ibarətdir. Kövşənlik 5-7 sm dərinlikdə üzlənir, aldadıcı suvarma
aparılır, sentyabr-oktyabr aylarında 25-30 sm dərinliyində şum qaldırılır. Qışda
dekabr-fevral aylarında şum arat edilir.
Toxumun səpinə hazırlanması. Araxis bitkisi həm təmiz halda, həm də
paxlası ilə birlikdə səpilir. Paxla ilə səpildikdə səpinə 5-7 gün tez başlamaq
lazımdır. Səpin üçün iri və ağır toxumlar götürülür. Səpindən qabaq toxumlar
mikroelementlərlə və rizotorfinlə işlənilir. Araxisi qarğıdalı yaxud pambıq səpən
aqreqatlarla səpmək olar.
Səpin müddəti, üsulu və norması. Araxisi qarğıdalı yaxud pambıq bitkiləri
eyni müddətdə səpmək mümkündür. Səpin torpaqda temperatur 13-15 0C olduqda
aparılır. Səpin 70 sm gencərgəli üsulla aparılır (suvarma şəraitində 70 x 10-15 sm,
dəmyədə isə 70 x 25-30 sm). Hektara 30-80 kq toxum işlənir. Toxum 6-8 sm
dərinliyində basdırılır. Hektarda optimal bitki sıxlığı 100-120 mindir.
Əkinə qulluq. Əkinə əsas qulluq işləri sahənin alaqlardan təmiz və rütubətli
saxlanmasıdır. Çıxışlar alınana qədər mala çəkilir. Vegetasiya müddətində hər 10-
103
15 gündən bir suvarılır. Bir qayda olaraq 2-3 yarpaq, qönçələmə-çiçəkləmə
fazalarının başlanğıcında və meyvə əmələ gəlməyə başladıqda suvarılır. Sonra isə
payıza qədər ayda 2 dəfə suvarılmalıdır.
Suvarmadan sonra torpaq cərgəarası becərən kultivatorlarla becərilib
yumşaldılmalıdır. 1-ci becərmə 10-12 sm, 2-ci 8-10 sm, 3-cü 6-8 sm dərinlikdə
aparılır. Mühüm qulluq işlərindən biri kolun üstünə torpaq tökülməsidir. Bitkiləri
əl ilə aralayır və kolun ortasına 3-5 sm qalınlığında yumşaq və rütubətli torpaq
tökülür. Torpaq tökülməsi məhsulu artırır və sağlam paxlalar alınır.
Məhsulun yığılması. Payızda temperatur 12 0C-dən aşağı düşdükdə məhsul
yığımına başlanılır. Yığım vaxtı paxlaların yaxşı dolması, nüvələrin bərkliyi,
paxlanın səthində gözə çarpan torun olması və ayrı-ayrı yarpaqların sarı rəng
almasıdır. Məhsul AP-70 markalı yerfındığı yığan maşınla və yaxud müasir
maşınlardan biri ilə toplanır. Maşın bitkiləri torpaqdan çıxararaq silkələyib
təmizləyir və cərgə ilə yerə düzür. Bir qədər quruduqdan sonra adi taxılyığan
kombaynla yığılıb döyülür.
Yığılmış paxla 40 0C-də 5-7 sm qatda sərilib qurudulmalıdır. Bəlimdən və
torpaqdan təmizlənmiş paxlalarda nəmlik 8%-dən çox olmamalıdır.
Yerüstü hissə (bəlim) tayaya vurularaq yem kimi istifadə edilməlidir.
MÖVZU: 11. EFİR YAĞLI BİTKİLƏR (KEŞNİŞ, NANƏ VƏ S.),
ONLARIN XALQ TƏSƏRRÜFATI ƏHƏMİYYƏTİ VƏ YAYILMASI
Mühazirənin planı:
Xalq təsərrüfatı əhəmiyyəti və istifadəsi.
Tarixi, yayılması və məhsuldarlığı.
Botaniki təsviri və bioloji xüsusiyyətləri.
Тoxumun səpinə hazırlanması və səpini.
104
Qulluq işləri və yığımı.
Ədəbiyyat
1. Cəfərov M. İ., Quliyev R. M., Səfərov N.Ə. Kənd təsərrüfatı bitkilərinin becərilmə və yığılma texnologiyası. Bakı, «Maarif» 2000, 364 s.
2. Əliyev Ş. A. Tərəvəzçilik (II hissə). Bakı: 1997, 340 s. 3. Əliyev Ş. A. Tərəvəzçilik. Bakı: “Maarif”, 1988, 252 s.4. Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.5. Məmmədov Q. Y., İsmayılov M. M.. Bitkiçilik, Bakı, 2012, 356 s.6. Алиев Ш. А. Овощеводство западных районов Азербайджанской ССР и
основные проблемы его развития: Дис. …док. с/х наук. Ленинград-Пушкин, 1975, 487 с.
7. Вавилов П. П. «Растениеводства»., Москва, 1986, 512 с.8. Вульф Е. В., Малеева О. Ф. Мировые ресурсы полезных растений,
(пищевые, кормовые, технические, лекарственные и др). Справочн. Л:. «Наука», 1969, с. 219.
9. Посыпанов Г. С. и др. «Растениеводства», Москва, «Колос», 2006, ст. 498-506.
10.Посыпанов Г. С. и др. «Растениеводства», Москва, «Колос», 1997, ст. 389-397.
11.Технические культуры / Под р. Я. В. Губанова М.:, Агропромиздат, 1986, 287 с.
EFİR YAĞLI BİTKİLƏR (KEŞNİŞ, NANƏ VƏ S.), ONLARIN XALQ
TƏSƏRRÜFATI ƏHƏMİYYƏTİ VƏ YAYILMASI
Efir yağlı bitkilər sənayenin ətriyyat, qida və s. sahələrini və tibb sahəsinin
xammalla təchiz edilməsi işində mühüm rol oynayırlar.
MDB məkanında 30 növə yaxın efir yağlı bitkilər yetişdirilir. Onların əkin
sahəsi 200 min hektardan artıqdır. Onlardan ən geniş yayılanlar keşniş, acı nanə
(istiot nanəsi), efiryağlı qızılgül, sürvə, lavanda, reyhan, cirə, zirə, və razyanadır.
KEŞNİŞ
105
Xalq təsərrüfatı əhəmiyyəti və istifadəsi. Keşniş ətirli səbzə tərəvəz bitki-
lərindən biri olub, müxtəlif növ xörəklərdə ədvə, dad, ətir verici kimi işlədilir.
Keşniş əsas efir yağlı bitki hesab edilir. O efir yağlı bitkilərin əkin sahəsinin 80 % -
ni təşkil etməklə, təbii efir yağlarının 60 - 80%-ni verir. Keşnişin meyvələrində 1,4
- 2,1 % efir yağı vardır. Keşniş meyvələrindən efir yağını su buxarı vasitəsilə
alırlar. Bu yağ rəngsiz və bəzən sarımtıl rəngli maye olub, xoşagələn ətirli iyə və
dada malikdir. Onun tərkibində 20-dən artıq komponent vardır ki, bunlardan da ən
əsasları linalool (60-80 %), heraniol (3-5 %), linalil asetat (5%-ə qədər) və s. dir.
Tərkibində 18-28 % piy şəkilli yağlardan sabunbişirmədə olein turşuları alınma-
sında və metallurgiyada istifadə edilir. Keşnişin tərkibində orta hesabla 67 mq %
С vitamini, 278 mq % A provitamini, toxumlarında 16 %-ə qədər zülal maddəsi
vardır. Bundan başqa keşniş yağının tərkibində 5%-ə qədər geraniol spirti və 20 %-
ə qədər terpen qruplu başqa ətirli maddələr də vardır. Keşnişin toxumları özünə
məxsus kəskin iyə malik olub limon ətrini xatırladır, Bu cəhətdən keşniş
toxumlarından çörək-bulka, qənnadı məmulatları, marinadlar, pendir, kolbasa
məmulatları, likyor və pivə istehsalında aromat vermək üçün geniş istifadə edilir.
Keşnişin toxumlarından alınmış efir yağını ətriyyat sənayesində istifadə edirlər.
Keşniş bitkisinin yarpaqları, zərif zoğu və toxumları insanlar tərəfindən nəinki
ərzaq, dad və ətirverici kimi, eyni zamanda bəzi xəstəliklərin müalicəsində geniş
istifadə edilir. Keşnişin şirəsi ilə ürək ağrıları və ürək sancmalarını müalicə edirlər.
Keşniş yağı və meyvəsi iştaha artırıcı dərman kimi keçmiş Sovet Dövlət
Farmakopeyasının X nəşrinə daxil edilmişdir. Yağından bir sıra Qalen preparat-
larının tərkibində, meyvələrindən isə müxtəlif yeyinti məhsullarına xoş iy verən
maddə kimi geniş istifadə edilir. Keşnişdən alınan şrot (cecə) heyvandarlıqda yaxşı
yem kimi istifadə olunur.
Tarixi, yayılması və məhsuldarlığı. Keşniş Aralıq dənizi Mənşəli qədim bitki
hesab olunur. Rusiyaya XIX əsrin əvvəllərində gətirilmiş və mərkəzi
quberniyalarda becərilməyə başlanmışdır. Hazırda keşniş əkinləri daha çox
106
Rusiyanın mərkəzi qaratorpaq zonasında, Şimali Qafqazda, orta Volqa boyunda və
Ukraynada yayılmışdır. Məhsuldarlığı 0,6 -1 ton/ha təşkil edir.
Botaniki təsviri və bioloji xüsusiyyətləri. Keşniş kərəviz (Apiaceae) (çətir-
çiçəklilər) fəsiləsinə mənsub olub, onun botaniki adı Coriandrum sativum-dur.
Birillik ot tipli bitki olub, sıra ilə düzülmüş uzun saplaqlı və yumurtaşəkilli
yarpaqları vardır. Keşniş bitkisi kök boğazı ətrafında bir-birinə yaxın sıx, lakin
növbə ilə düzülmüş yarpaq qrupları əmələ gətirir. Tez yetişən sortları zəif, gec
yetişənləri isə qüvvəli yarpaqlar əmələ gətirir. Bitkisi silindrik, üzəri qabırğalı,
torpaq səthində düz duran, yaxud dirsəkvarı buğumlu, əyilmiş gövdəli olur.
Hündürlüyü şəraitdən asılı olaraq 130 sm və daha artıq olur. Xırda, bir evli,
ikicinsli çiçəkləri mürəkkəb çətir şəklində gövdəsinin başında yerləşir. Çiçəkləri
ilk önсə sadə çətirli, sonra isə 3-5-ci sıralarında baş gövdə və budaqların uclarında
yerləşən mürəkkəb çətir əmələ gətirir. Çiçək tacı çəhrayı rəngdədir. Ləçək yarpaq-
ları 5 ədəd, bir-birindən aralı olur. Ləçəkləri açıq-çəhrayı rəngli olanlar geniş
yayılmışdır. Dişiciyi iki yuvalı, aşağı yumurtalıqlıdır və hər yuvasında bir yumur-
tacığı olur. Toxumları kürəvi uzunsov-yumru formalı olub iki toxumcuqdan
ibarətdir. Toxumlarının diametri 2-7 mm arasında dəyişir və onların 1000 ədədi
4,5-7,0 q olur.
Çarpaz tozlanır. İkipaylı toxumdan ibarət meyvələri Avqust-Sentyabr aylarında
yetişir. Meyvələri yetişdikdə xoş ətirli iy verir.
Keşniş soyuğa davamlı kahı, ispanaq və acıtərəyə nisbətən istiliyə asan dözən,
uzun gün bitkisidir. Günün uzunluğuna və istiyə tələbkardır, lakin rozet yarpaqları
soyuğa davamlıdır. Qısa və sərin günlərdə rozet yarpaqları yaxşı böyüyür, yüksək
məhsul verir. Тoxum zoğu əmələ gətirmir və toxum vermir, ona görə də istifadə
müddəti uzanır. Rozet yarpaqları 3-5 irikəsimli yarpaqdan ibarətdir. Gövdə
yarpaqları çoxkəsimli, nazik, uzunsovdur. Səbzə kimi əsasən rozet yarpaqlarından
istifadə olunur.
Vegetasiya müddəti (kütləvi cücərmədən texniki yetişməyə qədər olan dövr)
səpin vaxtından asılı olaraq dəyişir və 35-40 gündən başlamış 50-60 günə qədər və
107
daha çox uzana bilir. Bu müddət həm də sortun xüsusiyyətindən asılıdır. Bitkilərin
normal böyüməsi üçün 17-25 0С temperatur tələb edir, Uzun müddət -2 °C və qısa
müddətdə -7 °C temperatura dözür. Soyuğa davamlı olmasına baxmayaraq istilikdə
özlərini qismən asan nizamlaya bilir. Lakin məhsuldarlıq aşağı düşür. Bəzi
bitkilərə nisbətən rütubətə xeyli tələbkardır. Onun transpirasiya əmsalı torpaq
tipindən asılı olaraq 500-700 arasında dəyişir, Torpaq və havanın nisbi rütubətliyi
75- 80%-dən az olmalıdır. Qida maddələrinə olduqca tələbkardır. Keşniş üçün
suyu özündən asan sızdıran torpaqlar daha əlverişlidir. Torpaq reaksiyası (pH)
neytrala yaxın olmalıdır.
Sortları: Pervomayski. Bu sortun kolunun hündürlüyü orta hesabla 50 sm-ə
kimidir, Gövdəsi düz durandır. Çox budaqlanan və orta dərəcədə yarpaqlanandır.
Gövdə və yarpaqları yaşıl rənglidir. Çiçəkləri açıq çəhrayı və çətiri sıxdır. Mərkəzi
çətirində orta hesabla toxumların sayı 30-a qədərdir, Toxumları olduqca iri, yumru-
kürəvi formalı və tutqun boz rənglidir. 1000 ədəd toxumun çəkisi 5-7 qramdır. Tez
yetişən sort olub, ərzaqlıq yetişkənliyinə kimi 40-50 gün, toxumların yetişməsinə
80 -100 gün vaxt tələb edir.
26 - B. Bu sortun kolunun hündürlüyü 60 sm-dək olub, gövdəsi düzduran və
zəif budaqlanandır. Gövdə və yarpaqları açıq yaşıl, çiçəkləri açıq çəhrayı rənglidir.
Çətiri olduqca sıx və mərkəzi çətirində 50 ədədə qədər toxum əmələ gətirir.
Toxumları xırda, yumru, kürəvi formalı, üzəri zəif qabırğalı, rəngi isə sarı-
bozumtuldur. 1000 ədəd toxumunun kütləsi 4,76 -6,96 qram arasında dəyişilir.
Orta yetişən sort olub ərzaqlıq yetişkənliyinə -dək 45-55 və fizioloji yetişkənliyinə
kimi 82-102 günədək vaxt tələb edir.
247-1. Bu sortun kolu yığcam olub, hündürlüyü 70 sm-ə kimidir, Gövdəsi
düzduran, zəif budaqlanan və kifayət qədər sıxdır. Gövdə və yarpaqları açıq yaşıl
rənglidir. Çiçəkləri açıq çəhrayı rənglidir. Çətiri olduqca sıxdır. Mərkəzi çətirində
toxumların sayı 55-ə kimi olur, Toxumları iri və yumru – kürəvi formalı, rəngi isə
açıq-bozumtul rənglidir, Orta hesabla 1000 ədəd toxumun kütləsi 6,4 qramdır. Orta
gecyetişən sortdur, Ərzaqlıq yetişkənliyinədək 73-80 gün, fizioloji yetişkənliyinə
kimi 84-105 gün vaxt tələb edir.
108
Yerli Gəncə. Bu sortun kolunun hündürlüyü 65 sm olur. Gövdəsi əsasən düz
duran və orta dərəcədə budaqlanandır. Gövdə və yarpaqlan tutqun-yaşıl rənglidir.
Qrup yarpaqları kök boğazından olduqca sıx əmələ gəlir, Rəngi tutqun qonuru
antosian piqmentliyə çalır. Qrup yarpaqları demək olar ki, torpaq səthində üfüqi
vəziyyətdə yerləşir, Yarpaq və saplaqları bir çox sortlara nisbətən qalın, ətirli, həm
də xoşagələn dada malikdir. Ərzaqlıq hissəsi olan saplaq, yarpaq və zəif zoğunu
biçdikdən sonra bir neçə gün təravətini itirmədən yaxşı qalır, Çiçəkləri cəzbedici
ağımtıl-çəhrayı rəngli və çətiri iri həm də sıx yerləşir. Mərkəzi çətirində toxumların
sayı 40-60 ədəd arasında dəyişir, Toxumları orta irilikdə olub, əsasən kürəvi
formalı və tutqun qəhvəyi-boz rəngə çalır. 1000 ədəd toxumun kütləsi 5,2- 6,5 q
olur. Ən tez yetişən sort olub, ərzaqlıq yetişkənliyinədək 35-45 gün, fizioloji
yetişkənliyinə kimi 60-90 gün vaxt tələb edir.
Torpağın seçilməsi. Səbzə tərəvəz bitkiləri torpağın münbitliyinə, münbit-
liyinə strukturuna çox tələbkar olduğundan, bitkiləri peyinlə (və ya digər üzvi
gübrə ilə) yaxşı gübrələnmiş və ya üzvi çürüntülərlə zəngin, yaşayış məntəqələrinə
yaxın alaqsız, su ilə təmin olunmuş və bərabər suvarıla bilən sahələrdə yerləşdir-
mək lazımdır. Baş soğan, sarımsaq, xiyar, kartof, paxlalı və bostan bitkiləri keşniş
bitkisi üçün ən yaxşı sələflərdir.
Torpağın hazırlanması. Keşniş səpiləcək torpaq sahəsi sələf bitkilərindən
azad olan kimi, bitki qalıqlarından təmizlənməli və üzləmə aparılmalıdır.
Üzləmədən 15-20 gün sonra hektara 25-30 ton peyin çürüntüsü, 300-350 kq
superfosfat, 100-150 kq kalium gübrəsi verilir və 25-30 sm dərinliyində dondurma
şumu aparılır. Тorpaq qatının qalınlığı imkan vermədikdə şumun dərinliyi onun
qalınlığına uyğunlaşdırılır. Erkən yazda tarlaya çıxmaq mümkün olan kimi sahə
dişli mala ilə malalanır və kultivatorla yumşaldılır. Payız-qış müddətində torpaq
çox sıxlaşmış olarsa, səpinqabağı ikiləmə aparılır. Sahə çox kəltənli olduqda
kultivasiyadan əvvəl və ya ikiləmədən sonra diskli mala ilə kəltənlər əzilməlidir.
Yay və payızda keşniş toxumunu səpmək üçün ayrılmış sahə sələfdən azad
olan kimi suvarılır, torpaq yetişdikdə (arat çıxan kimi) 25-30 sm dərinliyində
şumlanır. Sələf bitkisi altına peyin və fosfor gübrəsi verilməmişsə şum qabağı
109
hektara 25-30 ton peyin çüruntüsü, 300- 350 kq superfosfat və 100-150 kq kalium
gübrəsi verilir. Sələf bitkisi gübrələnmiş olduqda göstərilən miqdar 40-50%
azaldılır.
Hər iki səpin müddətində səpinqabağı hektara 1,5-2,0 sentner ammonium
şorası verilib, kultivatorla 10-12 sm dərinliyində torpağa qarışdırılır və sahə dişli
mala ilə malalanır.
Тoxumun səpinə hazırlanması və səpini. Səpin üçün ayrılmış toxumun
təsərrüfat yararlılığı hökmən müəyyənləşdirilməlidir. Cücərmə faizindən asılı
olaraq səpin normasına düzəliş-verilir və səpinə 10-15 gün qalmış qranozan və ya
ТMТD ilə quru halda dərmanlanır.
Kiçik sahələrdə keşniş əvvəlcədən hazırlanmış ləklərə əl ilə və ya əl toxumsə-
pənləri ilə cərgəvi üsulla səpilir. Geniş sahələrdə toxum traktora qoşulan səpici
maşınlarla 4-6 cərgəli lent üsulu ilə səpilir. Lentdə cərgəaraları
29 sm, lent araları isə 60-70 sm saxlanır.
İlboyu arası kəsilmədən məhsul almaq keşniş toxumu fevralın ikinci yarısı-
martın əvvəlindən başlayaraq oktyabrın axırınadək hər 10-15 gündən bir səpilir.
Erkən yazda məhsul almaq üçün keşniş toxumunu noyabrın ikinci yarısı və
dekabr ayında (qışqabağı) da səpmək olar.
Göstərilən səpin müddətləri respublikanın aran rayonlarına aiddir. Dağətəyi və
dağlıq rayonlarda keşnişin yaz səpini 15-25 gün gec, yay-payız səpini isə 10-12
gün tez aparılır.
Keşniş bitkisindən keyfiyyətli məhsul almaq üçün onun toxumlarının səpin
normasına riayət edilməlidir. Birinci sinif toxum keyfiyyətlərini nəzərdə tutmaqla
hektara səpin norması 12-16 kiloqramdır. Тoxumlar 1,5-2,0 sm dərinliyə
səpilməlidir.
Qulluq işləri. Keşniş əkinlərinə qulluq cərgəaralarında torpağın yumşaldıl-
masından, alaq otlarının təmizlənməsindən, suvarmadan və yemləmədən ibarətdir.
Cərgəaralarında torpaq yumşaldılmalıdır ki, torpaqda nəmlik saxlansın və su ilə
110
hava nisbətinin pozulmasına yol verilməsin. Yumşaltma hər dəfə suvarmadan və
güclü yağışlardan sonra aparılır.
Əkinlər bitkilərin tələbatına uyğun olaraq optimal nəmlikdə saxlanmalıdır.
Suvarmaq lazım gəldikdə lent aralarında şırımlar açılır (şırımaçanla) və lentlər
ləklərdə olduğu kimi suvarılır. Keşniş bitkiləri az su hopdurma üsulu ilə suvarıl-
malıdır. Bitkilər zəif böyüdükdə azotlu və kaliumlu gübrələrin qarışığı ilə yem-
ləmə aparılır. Kalium gübrəsi həmdə bitkilərin xəstəliklərə qarşı müqavimətini
artırır. Yemləmə məqsədilə hektara cərgəaralarına 200 kq ammonium şorası və 100
kq kalium gübrəsinin qarışığı verilir, torpaqla qarışdırılır və sahə suvarılır. Bu iş
məhsul yığımına azı 15-20 gün qalmış görülməlidir.
Yığım. Keşniş, bitkilərinin boyu 15-18 sm-ə çatdıqda məhsul yığımına
başlanmalı və çiçək zoğu əmələ gələnə qədər qurtarmalıdır. Bu bitkilər kök
boğazından bir qədər aşağıdan biçilir, torpaqdan və yararsız yarpaqlardan
təmizlənir, 200-250 q-lıq dəstələrə bağlanır. Səliqə ilə təmiz yeşiklərə və ya
kisələrə doldurularaq satışa göndərilir. Dəstə bağlayarkən ehtiyatlı olmaq lazımdır
ki, bitkilər əzilməsin.
Keşniş bitkisinin hektardan məhsuldarlığı orta hesabla 200-250 sen arasında
olur. Lakin, qranulometrik tərkibcə yüngül olan münbit torpaqlarda, vaxtında və
yaxşı qulluq edildikdə daha artıq məhsul görürmək olar. Bitkinin yerüstü hissəsi,
meyvəsi yetişən vaxt biçilib, dərz-dərz bağlandıqdan sonra açıq havada qurudulur.
Qurudulmuş hissələrin xırmanda döyülüb sovrulması nəticəsində meyvələr başqa
hissələrdən təmizlənib ayrılır və xüsusi kisələrə doldurulub tədarük məntəqələrinə
təhvil verilir.
ACI NANƏ ( İSTİOT NANƏSİ )
Əhəmiyyəti. Acı nanə (istiot nanəsi) həm qiymətli tərəvəz, həm də əhəmiyyətli
dərman bitkisidir. Onun tərəvəz kimi zərif zoğ və yarpaqlarından istifadə edirlər.
Nanənin körpə zoğ və yarpaqlarında 2-3%, çiçək qrupunda 6 %, gövdələrində 0,2 -
0,4% efir yağı olur ki, onun da 42-92% - ni mentol təşkil edir. Başqa maddələrlə
yanaşı onun yarpaqlarında xeyli askorbin turşusu, karotin və rutin vardır. Nanənin
111
zərif zoğ və yarpaqları təzə halda salat, həm də qurudulmuş halda müxtəlif
xörəklərin hazırlanmasında duza, turşuya qoyulmasında ədviyyə kimi istifadə
olunur. Ondan ətirli içkilər, qənnadı və ətriyyat məmulatları istehsal edilir.
Acı nanə həm elmi, һəm də xalq təbabətində geniş istifadə olunur. Belə ki,
ondan hazırlanan nanə arağı (nanə cövhəri) və spirt ekstraktı sancı, ürək
döyünməsi, ürək zəifliyi, iştahasızlıq, qusma və s. xəstəliklərə qarşı tətbiq edilir.
Qeyd etmək lazımdır ki, Abşeronda peyvənd üsulu ilə yetişdirilən hər iki növ
nanənin zərif, xoşagələn ətirli iyi vardır. Acı nanənin süfrəmizdə və xörəklərimizin
tərkibində ədviyyat tərəvəzi kimi geniş istifadə olunmasının çox mühüm müalicə
əhəmiyyəti vardır. Elmi əsasda öyrənilib müəyyən edilmişdir ki, acı nanənin
tərkibində bir sıra vacib üzvi maddələr vardır ki, onlar orqanizmdə maddələr
mübadiləsini normallaşdırır, mədə-bağırsaqda əmələ gələn spazmanı və köpməni
aradan qaldırır, həzm prosesinin fəaliyyətini artırır. Bundan əlavə, acı nanə böyrək
və sidik yollarını dezinfeksiya edir, qusmanı və ürəkbulanmanı dəf edir və ürək-
damar sisteminin fəaliyyətini artırır. Odur ki, acı nanədən xörəklərimizdə geniş
istifadə etmək son dərəcə faydalıdır.
Acı nanədən müasir təbabətdə bir sıra qiymətli müalicə preparatları hazırlanır.
Bu preparatlar ürək-damar sistemi xəstəliklərində, xroniki mədə-bağırsaq
xəstəliklərində, eləcə də böyrək və sidik yollarının iltihabında çox gözəl müalicəvi
təsir göstərir. Acı nanənin yağı validol, valokardin, Zelenin damcısı kimi vacib,
ürək xəstəliklərində çox işlənən dərmanların tərkibinə daxildir. Bundan əlavə acı
nanə yağından alınan mentol miqren xəstəliyinin müalicəsində çox faydalı
dərmandır. Azərbaycanda becərilən nanə bitkisindən daha geniş istifadə
olunmalıdır.
Tarixi, yayılması və məhsuldarlığı. Nanənin Azərbaycanda ümumiyyətlə 5
növünün olduğu göstərilir. Bunlardan 4- ü yabanıdır. Acı nanəyə isə dünyanın heç
bir yerində yabanı halda təsadüf olunmur. O mədəni bitki olub, orta əsrlərin
axırlarında ingilis botanikləri tərəfindən iki növ yabanı halda yayılan yarpız
nanəsini bir-birinə peyvənd etməklə yetişdirilmişdir. O tarixdən etibarən həmin bu
nanə “əkilən nanə” adını almış, xoşətirli iyinə və çox qiymətli kimyəvi tərkibinə
112
görə, əvvəlcə Avropa ölkələrinə, sonralar isə bütün dünya ölkələrinə yayılmış və
hazırda bir çox ölkələrdə geniş miqyasda becərilir. Acı nanənin vətəni İngiltərə
hesab edilir. Burada o XVI əsrdən becərilir. Rusiyaya 1887 ci ildə gətirilmiş,
sənaye üsulu ilə becərilməsinə isə 1892- ci ildən başlanmışdır. Hazırda Krasnodar
vilayətində onun əkin sahəsi 8 min hektara yaxındır. Hektardan quru kütlə
məhsuldarlığı 0,8-1,0 tondur. MDB-də əkilən nanə Ukraynada, Şimali Qafqazda,
Voronejdə və Belorusda sənaye əhəmiyyətli dərman bitkisi kimi geniş sahədə
becərilir.
Botaniki təsviri və bioloji xüsusiyyətləri. Nanə dalamaz (Lamiaceae) fəsilə-
sinə, nanə (Mentha), cinsinə acı nanə növünə (M. piperitta L.) daxildir. Hündür-
lüyü yarım metrə çatan qol-budaqlı çoxillik kökümsov gövdəli ot bitkisidir.
Kökümsov gövdələri torpaq altda çox şaxələnir və saçaqlı əlavə köklər verir. Kök
və kökümsov gövdənin əsas kütləsi torpağın üst 10-30 sm-lik qidalı qatında
yerləşir. Gövdələri sayca çox, düzduran, dördkünclü - lansetvari, səthi xırda
qırışıqlı, kənarları bütöv dilimli, rəngi açıq yaşıl, tünd yaşıl, bəzən bənövşəyi-yaşıl
olur. Qarşı-qarşıya düzülmüş, tünd-yaşıl rəngli yarpaqları vardır. Nəzəri cəlb edən
qırmızı-bənövşəyi rəngli xırda çiçəkləri gövdəsinin zirvəsində dəstə-dəstə
yerləşmişdir.
Çiçəkləri ikicinsli, çəhrayı və yasəməni rəngli olub boru şəkillidir. Çiçək qrupu
sünbülvari süpürgədir. Meyvəsi qutucuqdur. Toxumları xırda qəhvəyi rənglidir.
Nanə soyuğa davamlı, işığa orta tələbkar, uzun gün bitkisidir. Torpağın
münbitliyinə və rütubətinə tələbkardır. Yüngül, münbit və rütubətli torpaqlarda
yüksək məhsul verir. Acı nanənin bütün hissələri, xüsusən yerüstü hissəsi
xoşagələn ətirli iyə malikdir.
Acı nanənin bir çox növləri və çeşidləri vardır. Lakin onun iki növü bütün
dünyada məşhurdur. Onlardan birinə qara nanə, digərinə ağ və ya ingilis nanəsi
deyilir.
Qara nanənin gövdəsi və yarpaqlarının damarcıqları qırmızı-bənövşəyi rəngdə
olur. Buna baxmayaraq hər iki nanə xoşagələn zərif ətirli iyə və eyni kimyəvi
tərkibli efir yağına malikdir. Qara və ağ nanə ancaq peyvənd və ya çoxalma üsulu
113
(kök vasitəsilə) ilə yetişdirilir. Bu iki səbəbdən irəli gəlir: birinci, hər iki nanə çox
vaxt toxum yetişdirmir; ikinci, toxumlarından yetişən nanə isə öz nəslinə xas olan
ətirli iyə malik olmur. Bu çox qəribə olsa da həqiqətdir.
Acı nanə vegetasiyasında aşağıdakı inkişaf fazalarını keçirir: cücərtilərin əmələ
gəlməsi, tam cücərtilərin alınması, budaqlanma, qönçələmə, çiçəkləmənin
başlanğıcı və tam çiçəkləmə. Axırıncı faza texniki yetişkənliklə üst-üstə düşür.
Vegetasiya müddəti 80-100 gündür. Vegetasiyanın əvvəlində acı nanə yavaş
böyüyür. Budaqlanma fazasında böyümə sürətlənir, qönçələmədə maksimuma
çatır. Çiçəkləmə zamanı isə böyüməsi yavaşıyır.
Acı nanə istiliyə çox tələbkar deyildir. Yazda havanın temperaturu 3-5 0C
olduqda inkişafa başlayır. Onun böyüməsi üçün optimal temperatur 18-20 0C hesab
edilir. İsti yay aylarında budaqlanması zəifləyir və yağlılığı azalır. Kökləri -13 0C
şaxtaya dözür. Torpaqda temperatur 2-3 0C olduqda kökləri inkişafa başlayır.
İnkişafa başlamış köklərin şaxtaya davamlılığı azalır. Soyuqların qayıtması onların
məhvinə səbəb ola bilər. Acı nanənin cücərtiləri – 8 0C-yə dözə bilirlər.
Acı nanə işıqsevən, uzun gün bitkisidir. Bitkinin yarpaq səthi nə qədər çox
işıqlansa məhsuldarlıq və yağın tərkibindəki mentolun miqdarı bir o qədər çox
olar. Acı nanə nəmliyə də tələbkar bitkidir. Nəmlik normasının 80 % qədər
nəmliyin olması onun üçün optimal nəmlik hesab edilir. Torpağın münbitliyinə
tələbkardır. Yüngül, gillicəli, qumsal, münbit və rütubətli çaybasar torpaqlarında
yüksək məhsul verir. Qumlu, çınqıllı, ağır və bataqlaşmış torpaqlarda becərilməsi
məsləhət görülmür. Torpaq mühitinin optimal reaksiyası – pH 5-7 hesab olunur.
Əgər acı nanə hektardan 4, 36 ton yaşıl kütlə verərsə, o bu kütlə ilə torpaqdan 98,1
kq azot, 34,2 kq fosfor, 44,2 kq kalium aparır. Acı nanə altına vermək üçün azotun
nitrat forması, ammonium formasına nisbətən daha yaxşı hesab edilir.
Sortları. Respublikamızda tərəvəz məqsədi ilə yerli nanə sortlarından о
cümlədən Gəncə nanəsindən istifadə olunur. Tərkibində mentolu çox olan nanə
sortlarına Krasnodar - 2, Prilüks - 5, Yüksəkmentollu – 1, Kuban -6, Dərman -1və
s. daxildir. Sortlar bir-birindən kolunun yığcam və dağınıq olması, gövdəsinin
rəngi və hündürlüyü, yarpaqlarının rəngi, forması və səthinin düz yaxud qabırğalı
114
olması, tərkibindəki efir yağı, о cümlədən mentolun çox olması, gövdəsinin
zərifliyi və xoşa gələn dadı ilə fərqlənir.
Becərilmə texnologiyası və yığım. Növbəli əkində yeri. Nanə bir yerdə bir
neçə il becərilə bilər. Onun üçün ən yaxşı sələf payızlıq dənlilər, paxlalılar və
çoxillik otlar hesab edilir.
Gübrələnməsi. Əsas gübrə kimi hektara 20-60 ton peyin N45P45K45 dozasında
mineral gübrələrlə birlikdə yaxud da hektara 90-120 kq hesabı ilə azot, fosfor və
kalium gübrələri verilməlidir.
Torpağın hazırlanması. Payızda nanə əkən rayonlarda sələf bitkiləri
yığıldıqdan sonra torpaq 27-30 sm dərinlikdə şumlanıb malalanır və vərdənələnir.
Açıq cücərtilərin alınması üçün 1-2 yerüstü əməliyyat aparılır. Nanə əkilməzdən
qabaq torpaq kultivasiya edilir, mala çəkilir sonra isə əkinə başlanır. Yaz əkini
üçün torpaq payızdan hazırlanır. Dondurma şumu aparılır, yazda isə malalanır və
əkin qabağı kultivasiya (10-12 sm dərinlikdə) ilə birlikdə malalanma aparılır.
Əkinqabağı hektara 8 litr hesabı ilə treflan herbisidi verilir.
Əkin. Acı nanə demək olar ki, toxum əmələ gətirmir. Ona görə də onu
kökümsov gövdələri ilə və yaxud da şitilinin bölünməsi yolu ilə çoxaldılır.
Kökümsov gövdələr payızda xüsusi anaclıq plantasiyalarda 1-ci il üçün hazırlanır.
Onu KPM-2 maşını ilə qazıb çıxarırlar.
Sənaye texnologiyası ilə becərmədə təmizlənmiş xırdalanmış, müxtəlif uzun-
luqda olan kökümsov gövdələr kövşənlə birlikdə əkilir.
Yaz əkini üçün kökümsovlar 1,3-1,5 m enində ləklərdə saxlanılır. Onları 15-20
sm qalınlığında yığaraq üzərini sellofan və torpaqla (10-15 sm) örtüb üstünə 15-20
sm qalınlığında saman tökülür. Saxlama üçün optimal temperatur 1-3 0C hesab
edilir. Yazda ləklər açıldıqda əkin materialı seçilir. Sağlam kökümsovlar xırdalanır
və əkin yerinə göndərilir. Kökümsovların xırdalanması və əkinə hazırlanması işi
qısa müddətdə yerinə yetirilməlidir ki, onların qurumasına yol verilməsin. Əkin
materialını (şitilləri) keçən ilki plantasiyada bitkilərin hündürlüyü 8-12 sm-ə
çatdıqda hazırlayırlar. Onun özünün kökü və ana bitkinin kökündən kiçik bir
hissəsi olmalıdır. Əkin materialı ( şitillər) əllə çıxarılır. Şitillər hər 100 ədədi bir
115
dəstə olmaqla bağlanır, kökləri torpaqdan təmizlənir və əkmə yerinə göndərilir.
Ukraynanın Şimal rayonlarında nanəni tez-tez şaxta vurduğuna görə onu yazda
ilkin yazlıqlarla eyni vaxtda əkirlər. Moldovada, Krımda və Krasnodar vilayətində
ən yaxşı əkin müddəti payızın axırı (oktyabrın axırı, noyabrın əvvəli) hesab edilir.
Kökümsovları əl ilə və yaxud da şitiləkən maşının köməyi ilə 70 sm cərgəarası
olmaqla əkilir. Əl ilə əkində dibdolduran alətlə şırım açılır oraya bir və ya iki cərgə
şitil qoyulur və torpaqla örtülür. Mexanikləşdirilmiş əkin üçün isə KRN- 4,2
kultivatoruna xüsusi qurğu PP-6 qondarılmaqla ondan istifadə edilir. Hektara
kökümsov sərfi 1,2-1,5 tondur. Şitillər yazda 6-8, payızda isə 10-12 sm dərinliyə
basdırılır. Əkindən dərhal sonra sahə vərdənələnir.
Şitillər isə sahəyə SKN-6A markalı şitiləkənlə hektara 100-110 min bitki
olmaqla əkilir.
Əkinlərə birinci ili qulluq. Alaqları məhv etmək məqsədi ilə cücərtilər
alınmamışdan qabaq 2-3 dəfə malalama aparılır. Nanə əkinindən 3-6 gün sonra və
cücərtilərin alınmasına 5-6 gün qalmış herbisidlərdən üç xlorasetat natrium (11-17
kq/ha), prometrin (6-8 kq/ha), linuron (3-8 kq/ha) və başqa herbisidlər tətbiq edilir.
Cücərtilər alınandan sonra tam budaqlanma zamanı 2-3 dəfə cərgəarası becərmələr
və 1-2 dəfə alaqların əllə vurulması aparılır. Birinci kultivasiya 6-8 sm, ikinci 10-
12 sm, üçüncü isə 6-7 sm dərinlikdə yerinə yetirilir.
Yığımdan qabaq iri alaqlar və nanə sahəsini çirkləmədən qıvrım və göyümtül
nanələr məhv edilir.
Əkinlərə ikinci il qulluq. Acı nanə bir yerdə bir neçə il becərilə bilər. Zəif
çirklənmiş sahələr yığımdan 1 ay sonra N135P180K135 dozasında gübrələnir. Gübrələr
mala ilə torpağa basdırılır. Erkən yazda isə yuxarıda göstərilən herbisidlərlə
çilənmə və 1-2 dəfə cücərtilər alınmasından qabaq malalanma aparılır. Belə olduq-
da alınmış nanə cücərtiləri yaxşı inkişaf edir və alaqları üstələyir.
Güclü çirklənmiş sahələrdə isə ən yaxşı üsul sahənin təkrar şumlanmasıdır.
Təkrar şum payızın axırında torpaqda kifayət qədər nəmlik olduqda ön kotancıqlı,
diskli kəsici alətləri olan kotanla, sahənin eninə olmaqla, 16-18 sm dərinlikdə
aparılır. Kotanla eyni aqreqatda ağır mala olmalıdır. Təkrar şumdan əvvəl əsas şum
116
altına verilən normalarda üzvi və mineral gübrələr verilir. Qazılıb çıxarılmış
kökümsovlar təmizlənir və əkin üçün istifadə edilir. Sonra torpaq ağır, dişli
vərdənə ilə vərdənələnir. Erkən yazda torpaq cücərtilər alınana qədər və alındıqdan
sonra malalanır. Cücərtilər alınmasından 5-6 gün qabaq yuxarıda göstərilən
herbisidlər tətbiq edilir. Cücərtilər alındıqdan sonra buketləmə aparılır. Əvvəlki
cərgələrin eninə olmaqla yeni cərgələr açılır, 40 sm-lik kəsimlər, 20 sm-lik
buketlər əldə olunur. Sonra cərgəarası becərmələr və alaqların əllə vurulması
həyata keçirilir.
Nanəyə ən çox nanə mənənəsi, tor gənəciyi, nanə yarpaqyeyəni, nanə birəsi,
xəstəliklərdən isə pas, antraknoz, unlu şeh, və septorioz ziyan vurur. Onlarla
mübarizə məqsədi ilə aqrotexniki (növbəli əkinə əməl edilməsi, yüksək
aqrotexnika və s.) və kimyəvi tədbirlər həyata keçirilir. Pas xəstəliyinə qarşı 3-4
dəfə Bordo mayesi ilə çiləmə, unlu şehə qarşı isə kükürd tozu və yaxud kükürdlü
preparatlarla tozlama aparılır.
Nanə məhsulu bütövlükdə bitkinin yerüstü yaşıl hissəsi və ya quru yarpaqları
hesab edilir. Yığıma çiçəkləmə fazasında başlamalı və onu qısa müddətdə 7-10
günə başa çatdırmaq lazımdır. Nanə JBA-3,5 A markalı maşınla 6-8 sm
hündürlükdən biçilib sahəyə tökülür. Onların nəmliyi 30-45 %-ə endikdə yığılır və
işlənməyə göndərilir. Burada o havada quru-kütləsi alınana qədər qurudulur və
taxıl kombaynına xüsusi əlavələr edilməklə onlarda xırdalanır.
MÖVZU: 12. YEM ƏHƏMİYYƏTLİ TEXNİKİ BİTKİLƏR, AMARANT,
ONUN ƏHƏMİYYƏTİ VƏ BECƏRİLMƏSİ
Mühazirənin planı:
Tərkibi və müalicəvi xüsusiyyətləri. Botaniki təsviri və bioloji xüsusiyyətləri. Amarantın yayılması.
117
Amarantın yem əhəmiyyəti. Amarantın səpini.
Ədəbiyyat
Cəfərov M. İ. və başq. Kənd təsərrüfatı bitkilərinin becərilmə və yığılma texnologiyası. Bakı, «Maarif» 2000, 364 s.
Hümbətov H. S., Hüseynov A. R. Yem otları, Bakı: “Elm və təhsil” , 2013, 184 s.
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s. Məmmədov Q. Y., İsmayılov M. M. Bitkiçilik, Bakı, 2012, 356 s. Musayeva T. H. Gəncə - Qazax bölgəsində amarant (Amaranthus L.)
növlərinin fizioloji-biokimyəvi xüsusiyyətləri. K/t elm. nam. … dis. avtoreferatı: Gəncə, 2001, 21 s.
Yusifov Ə. N. və başq. Bitkiçiliyin əsasları, Bakı, “Müəllim” nəşriyyatı, 2013, 302 s.
Г. С. Посыпанов и др. «Растениеводства», М:, «Колос», 2006, ст. 611 П. П. Вавилов «Растениеводства»., Москва, 1986, 512 с. Технические культуры / Под р. Я. В. Губанова М.:, Агропромиздат,
1986, 287 с.
YEM ƏHƏMİYYƏTLİ TEXNİKİ BİTKİLƏR, AMARANT, ONUN
ƏHƏMİYYƏTİ VƏ BECƏRİLMƏSİ
Tərkibi və müalicəvi xüsusiyyətləri. Amarant tərkibində şəkərin az, zülalın isə
çox olması ilə xarakterizə edilir. Onun tərkibində makroelementlərdən K (1,2 %),
Ca (2,5% ) P (0,2%), mikroelementlərdən Si (0,8%) və Mg (1,1%) toplana bilir.
Tərkibində həmçinin biogen elementlər hesab olunan bor, dəmir, manqan, titan və
sink kimi elementlər də vardır. Hüceyrəsində 14 % öz maddəsi, 18 %, protein, 18 %
şəkər vardır. Amarantın bəzi növlərinin tərkibində 3 %-ə qədər rutin və ya P
vitamini vardır ki, bunlardan da askorutin, flakorbin və s. alınmasında istifadə
olunur. Həmçinin tərkibində pektin maddəsi də vardır.
Amarant toxumlarının qidalılıq dəyəri tərkibində zülal çox olduğu üçün priotet
qida bitkilərindən üstündür. Həmin zülallar aminturşuları ilə yaxşı balanslaşmış
118
vəziyyətdədir. Dənində 8 % - ə qədər yağ, 10 %-ə qədər skvalen aşkar olunmuşdur.
Skvalen kosmetik vasitələrin əsas komponenti hesab olunur və texnikada işlədilir.
Yarpaqlarında qida və müalicəvi vasitə hesab olunan nişasta, C, E, A
vitaminləri, piqmentlər, pektinlər və mikroelementlər vardır. Tərkibindəki qida
maddələrinin miqdarına görə tərəvəz kimi istifadə olunan amarantın göstəriciləri
ispanağa uyğundur, lakin zülalı ondan çoxdur. Maraqlı faktdır ki, Hindistan, Afrika
və Asiya ölkələri əhalisinin istifadə etdiyi bitki zülalının 50 % -ini amarant zülalı
təşkil edir. Qiymətli xüsusiyyətlərinə görə qənnadı istehsalçıları hələ 1930-cu
illərdə amarant toxumlarından əla pryanik, piroq, peçenye istehsal etmişlər.
Amarant mədə - bağırsaq, öskürək, baş ağrısı, sarılıq, kolit qəbizlik və s.
xəstəliklərin müalicəsində də istifadə edilir.
Amarant yağı (skvalen) dəri hüceyrələrini dağılmaqdan güclü mühafizə edir.
Ona görə də kosmetikada geniş tətbiq olunur.
Amarant zülalı insanların qidasına daxil edildikdə tam qiymətli, balanslaş-
dırılmış amin turşuları tərkibi yaradır. O insanların qidasında vitaminlər, mikroele-
mentlər və zülal çatışmazlığı zamanı qəbul edilən tərəvəz bitkisidir. Ona görə də
amarant yarpaqları geniş istifadə olunur. Ondan salat, şorba, qarnir və s. hazırlanır.
Amarantın yaşıl yarpaqları müxtəlif məhsullara zülal qatqısı kimi yararlıdır.
Amarantın qurudulmuş yarpaqları da istifadə edilir. Qurutmaq üçün ancaq
cavan yarpaqlar (uzunluğu 20 sm) yığılır, 20 sm-lik topalarla sərilərək təbii yolla
kölgədə qurudulur. Ondan şorbalara qatmaq, konserv bağlamaq, desert yeməklər və
s. hazırlanmasında istifadə edilir.
Amarant yarpaqlarından və toxumlarından ən çox yemək hazırlanması reseptləri
(nüsxələri) Argentina xalqlarına mənsubdur.
Amarantın körpə cücərtiləri onkoloji xəstəliklərin müalicəsində məsləhət
görülür. Xalq təbabətində o, amarantın, rutin, karationoidlər və s. bioloji aktiv
maddələrin mənbəyi kimi də qiymətləndirilir. Amarantın toxumları səpildikdən 4-5
həftə sonra cücərti verir. Qrunt suları səthə yaxın olmayan sahələrdə amarant il
boyu məhsul verir. Onu quraq isti və duzlu torpaqlarda da becərmək olar.
119
Botaniki təsviri. Amarant Chenopodiaseae (tərəçiçəklilər unluca) fəsiləsinə
(bəzi müəlliflərə görə amarant fəsiləsinə) daxil olan birillik, bir evli bitkidir.
Dünyada 65 cinsi və 900-ə yaxın növü məlumdur. Rusiyada başqa bir adi “qızıl
pencər”- dir və 17 növü (bəzi müəlliflərə görə 55-65 növü ) vardır. Azərbaycanda
isə amarantın yabanı halda bitən 6 növünün olduğu göstərilir.
E. V. Vulf isə onun 7 növünün olduğunu göstərir.
1. Jiminda amarantı (Amaranthus blitum L. ), 2. Quyruqlu amarant (A.
caudafusi L), 3. Şübhəli amarant (A. dubius Mart.), 4. Manteqissa amarantı ( A.
mantegazrianus Passerini) 5. Süpürgəvari amarant ( A. paniculatus L.) 6. Tikanlı
amarant (A. sipinosus L.) 7. Üçrəngli amarant (A. tricolor L.)
Amarantın bəzi növləri (A. retroflexus, A. blitum və b.) alaq kimi geniş
yayılmışdır. A. cauetatus, A. paniculatus və b. növləri qədimi dənli bitkilər hesab
olunur və bir çox ölkələrdə bu məqsədlə də becərilir. Şərqi Asya ölkələrində A.
gangeticus, A. mangostanus və b. növləri tərəvəz bitkisi kimi becərilir. A.
caudatus, A. hupochondiriakus növləri isə yaraşıqlı yarpaqları olduğu üçün
dekorativ bitkilər kimi əkilir.
Amarantın 4 növü dekorativ bitki kimi becərilir. Onlardan üçü çiçəkli dekorativ
hesab olunur: 1. Süpürgəli amarant (A. paniculatus). 2. Dərdli amarant (A.
hupochondriacus) və 3. Quyruqlu amarant (A. caudatus). Bir növ amarant isə
yarpaqlarına görə dekorativ hesab olunur. Bu üçrəngli amarantdır (A. tricolor).
Amarant sözü yunan sözlərindən əmələ gəlmişdir. A - inkar şəkilçisi,
“marayno” solmaq, saralmaq, “antxos” isə çiçək deməkdir. Yəni amarant
“solmayan çiçək” mənasını verir.
Hündürlüyü 2-3 m-ə qədər çatır. Gövdəsinin diametri 8-10 sm, bir bitkinin orta
kütləsi 3-5 kq ( bəzən 30 kq) olur. Yarpaqları iridir. Uzunsov - ellips şəkilli, sap-
laqlı, əsasında pazşəkilli, yuxarıda isə itidir. Çiçək qrupu qalın (gur) süpürgə şəkilli,
1,5 m-ə qədər uzunluqda müxtəlif formalarda sıxdır. Toxumları, xırda, ağ, çəhrayı,
qəhvəyi və qara rəngli, parlaqdır. 1000 toxumunun kütləsi 0,6 - 0,9 qr-dır. Bir
süpürgəsində 0,5 kq-a qədər toxum olur. Toxumları 8-10 ilə yaxın cücərmə
qabiliyyətini saxlayır. Bitkinin bütövlükdə yarpaq səthi indeksi 6-10 - a bərabərdir.
120
Bir bitki üzərində 500-1000 ədəd yarpaq yerləşir. 1 m2 torpaqda olan yarpaqlar bir
neçə yarusda yerləşir. Ona görə də ümumi yarpaq sahəsi 6-10 dəfə böyük olur.
Amarant C4 tipli bitki qrupuna daxil olmaqla yüksək fotosintetik qabiliyyətə
malikdir. Bu qabiliyyət ona hektardan 2000 sentnerə qədər fitokütlə (yaşıl kütlə)
toplamağa imkan verir.
Bioloji xüsusiyyətləri. Süpürgələmə fazasında sutkalıq boyverməsi 4-6 sm
olub, vegetasiya müddəti 85-150, kövşən yerinə səpində isə 80 gündür. Cücərtiləri
səpindən 4-5 gün sonra torpaq səthinə çıxsa da bu dövrdə boyverməsi zəifdir; 20-30
sm hündürlükdə olandan sonra çox sürətlə boy verir. Тoxumu qoz tamı verməklə,
İyulun axırı Sentyabr ərəfəsində yetişir. Amarant çuğundur tarlalarının ən qəddar
alağıdır; ağ amarant cənub rayonlarında geniş yayılmaqla, torpağı hədsiz dərəcədə
qurudur; ağ amarant bir hektar sahəyə 1,5-3 milyard toxum tökür.
Yayılması. Amarantın vətəni mərkəzi və cənubi Amerikadır. Amarant 8 min il
Cənubi Amerika və Meksika da paxlalı bitkilər və qarğıdalı ilə yanaşı əsas dənli
bitki hesab edilmişdir. O yerli əhali olan Asteklərin “buğdası” inklərin “çörəyi”
hesab olunurdu. İspanlar Amerikanı kəşf edəndən sonra bu bitki unuduldu. Asiyada
isə amarant Hindistanın, Pakistanın, Nepalın və Çinin dağ tayfalarının əsas dənli və
tərəvəz bitkisidir.
Rusiyada amarant XIX əsrdə peyda olmuş və alaq bitkisi kimi qəbul edilmişdir.
Hazırda Amerikada, Avropada, Asyada və Afrikada becərilir. Seleksiyaçılar hər bir
konkret iqlim şəraitinə uyğun olan amarant sortları yetişdirmişlər. Yeni yaradılmış
amarantların məhsuldarlığı qat-qat artıqdır.
Amarant qurudulduqda öz formasını 3-4 ay saxlaya bilir. Onu tez-tez qışda
istifadə üçün qurudurlar. Ona görə də amaranta “ insanların qış dostu” adı da
verilmişdir.
Yem əhəmiyyəti. Amarant əhəmiyyətli yem bitkisidir. Bir çox növləri dən,
yaşıl kütlə və silos hazırlamaq üçün istifadə edilir. Dəni ev quşları üçün qiymətli
yemdir. İri buynuzlu mal-qara və donuzlar onun yaşıl kütləsini və silosunu həvəslə
yeyirlər. Amarantda hazırlanmış silos alma iyi verir. 1930-cu illərin əvvəllərində
donuzçuluq təsərrüfatında amarantdan yem kimi istifadə etməyə başlayırlar; donuz
121
bu nəhəng bitkini kökünə kimi yeyir. Bu bitki olanda donuzlar noxudla vələmirin
qarışığı olan yemdən belə imtina edirlər. Biokimyaçılar donuzun bu yemə olan
həvəsinin “sirrini” açmağa başlayaraq, öyrənmişlər ki, amarantda çöl noxudu və
vələmirdən ikiqat az sellüloz olduğundan onun yemi zərif və ləzzətlidir. Sonra
müəyyən etmişlərki, burada iş təkcə sellülozun zərifliyindən getmir, donuz bu
bitkinin yaşıl kütləsi ilə bərabər toxumunu da yeyir. Toxumunda buğda, çovdar,
qarğıdalı və qarabaşaqdakından çox zülal vardır. Bundan başqa amarant zülalında
lizinin miqdarı vələmirdəki qədərdir. Digər taxıllarda bu qədər lizin yoxdur.
Amarant toxumunda yağ faizi buğdadan üç dəfə, qarğıdalıdan isə iki dəfə çoxdur.
Lizinlə zənginliyinə görə amarant bu gün də alimlərin diqqət mərkəzindədir.
Niyə başqa bitkilərdə bu qədər lizin yoxdur? Alimlər hələlik bu sirri aça
bilməyiblər.
Amarant zülalı ideal zülala yaxın tərkibli zülaldır. Buğda zülalı idealdan çox-
çox uzaqdadır. Soya zülalı da ideala çatmayır.
Yeni elmi işlər göstərir ki, amarant böyük faydalı iş əmsalına malikdir. Beləki,
bu bitkinin yaşıl kütlə əmələ gətirmə əmsalının intensivliyi bu əlamətə görə
birincilər sırasında duran şəkər qamışı, sorqo, qarğıdalı qədərdir. Seleksiyası və
becərilmə texnologiyasının mexanikləşdirilməsində bir çox çətinlikləri vardır.
Səpini. Amarantın səpin norması 500 - 800 qram/ha-dır. Səpin sxemi 60-40 sm
x 25-30 sm-dir. Тoxumun səpin dərinliyi 1-2 sm olur. Amarant 3 dəfə biçilir və
hektardan 200-400 tona qədər yaşıl kütlə (üç biçində cəmi), 50-60 sen. toxum
məhsulu verir.
Bu bitki barədə aparılan son elmi işlərdən məlum olur ki, amarant çox dəyərli
bir bitkidir. “XXI əsrin çörəyi”, qiymətli texniki və hədsiz məhsuldar yem
bitkisidir, bir sözlə universal bitki sayılır. 400 ilə yaxın müddətdə gərəksiz bir bitki
sayılan amarant, indi XXI əsrin ən böyük maraq kəsb edən bitkisinə çevrilmişdir.
MÖVZU: 13. TOPİNAMBURUN ( YERARMUDU)
XALQ TƏSƏRRÜFATI ƏHƏMİYYƏTİ VƏ BECƏRİLMƏ ÜSULLARI
122
Mühazirənin planı:
Xalq təsərrüfatı əhəmiyyəti. Tarixi, yayılması və məhsuldarlığı. Botaniki təsviri və bioloji xüsusiyyətləri. Torpağın becərilməsi və gübrələmə sistemi. Əkinə qulluq işləri və məhsulun yığılması. Sort və hibridləri. Yem əhəmiyyəti.
Ədəbiyyat
Hümbətov H. S., Məmmədov V. Ə., Qəbilov M. Y. Şəkərli və nişastalı bitkilər, Bakı: “Elm və təhsil” nəşr. 2014, 328 s.
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s. Hümbətov H. S., Şabanov M. C., Verdiyeva R. C. Şirəli yem bitkiləri.
Bakı, 2013, 152 s. Qəbilov M. Y. Yeralması (topinambur) bitkisinin öyrənilmə tarixi və coğrafi
yayılması // Azərbaycan Aqrar Elmi. 1998, № 3-4 (170) s. 46. Qəbilov M. Y. Yerarmudunun (Helianthus tuberosus L.) bioekoloji
xüsusiyyətləri və təsərrüfat əhəmiyyəti. Biol. elm. nam.. dis. Gəncə, 2008, 141 s.
Məmmədov Q. Y., İsmayılov M. M. Bitkiçilik, Bakı, 2012, 356 s. Ализаде А. В., Габилов М.Ю. Влияние способа посадки Топинамбура
(Helianthus tuberosus L.) на урожай клубней / Kür vadisinin ekoloji problemləri AZ.AEİ-nin elmi əsərləri I buraxılış Bakı, 1996, c 22.
Г. С. Посыпанов и др. «Растениеводства», М:, «Колос», 2006, ст. 611 П. П. Вавилов «Растениеводства»., Москва, 1986, 512 с. Технические культуры / Под р. Я. В. Губанова М.:, Агропромиздат,
1986, 287 с.
TOPİNAMBURUN ( YERARMUDU) XALQ TƏSƏRRÜFATI
ƏHƏMİYYƏTİ VƏ BECƏRİLMƏ ÜSULLARI
123
Xalq təsərrüfatı əhəmiyyəti. Yerarmudu əsasən texniki məqsədlər üçün
becərilir. Köküyumrularında quru maddəyə görə 30-40 % inulin vardır. Hidroliz
zamanı inulindən fruktoza alınır. Kök yumrularından spirt, pivə, şərab, çaxır
sirkəsi, yem droju (maya) və s. məhsullar alınır. Heyvanlar üçün kökümeyvələri və
yaşıl kütləsi yaxşı yemdir. Gövdə və yarpaqlarında çoxlu vitaminlər var.
Proteinin tərkibində bütün əvəzsiz amin turşuları var. Yaşıl kütləsində
əhəmiyyətli dərəcədə inulin olduğundan heyvan orqanizmində mədə şirəsinin
təsirin-dən asan həzm olunan fruktozaya çevrilir. Yaşıl kütləsi ilə təzə halda
heyvanları yemləndirmək olar. Yaşıl kütləsinin hər sentnerində 20-25 yem vahidi
vardır. Budaq-larında 25-30 % şəkər olur.
Silosunun hər sentnerində 18-25 yem vahidi var. Yumrular B qrupu vitaminləri
ilə zəngindir. Yumrular bişmiş, pörtmüş və çiy halda istifadə oluna bilər. Yumrular
həm də dərman əhəmiyyətlidir. Şəkərli diabet və başqa xəstəliklərin müalicəsində
istifadə edilir.
Tarixi, yayılması və məhsuldarlığı. Fəsilənin nümayəndələri kosmopolit
olaraq əsasən mülayim və subtropik iqlim zonasında daha çox yayılmışdır. Yabanı
halda yerarmudu bitkisi Şimali Amerikanın gilli torpaqlarında xüsusi ilə çay və
yollar ətrafında geniş yayılmışdır. Kolumellin işləri yerarmudu bitkisi haqqında ilk
yazılı mənbə kimi qiymətləndirilir. Lakin Linney səhv olaraq bitkinin Braziliya
ərazisində mənşə tapdığını göstərmişdir. Bu səhvi Dekandol da təkrar etmiş
yerarmudunun vətənin Braziliya və Peru olduğunu göstərmişdir.
Yerarmudunun mənşəyi haqqında ən düzgün elmi məlumatı Amerika botaniki
Aza Qrey vermişdir. O ilk dəfə olaraq yabanı və mədəni yerarmudunu ayrı -
ayrılıqda botaniki fərqlərini göstərməklə onların təsvirlərini vermişdir. Ona
göndərilən bitkinin botaniki xüsusiyyətlərini təsvir edərək belə nəticəyə gəlmişdir
ki, o heçdə bir çox alimlərin təsdiq etdikləri mədəni halda becərilən yerarmudu
yox, Şimali Amerikanın soyuq iqlim zonalarında yabanı halda yayılan doronikoid
topinambur (H. doronijoides L.) növüdür. A. Qrey bu bitkinin mənşəyi ilə bağlı
124
özünə qədər ki, bütün yanlışlığa son qoyaraq göstərdi ki, yerarmudu bitkisi Şimali
Amerikanın cənub ərazisində mənşə tapmışdır.
Yerarmudu (XVII əsrin 30-cu illərində İtaliya, Hollandiya və sonra İngiltərə
ərazisində becərilməyə başlamışdır. Şirin və müalicəvi əhəmiyyətli olması onun
Avropada çox sürətlə yayılmasına səbəb oldu. Yerarmudu bitkisini XVII əsrin 50-
60-cı illərindən İngilislər dərman bitkisi kimi becərirlər. Sonralar yerarmudu
(XVIII əsrdə) Şərq ölkələrinə gətirilib çıxarılmışdır. Belə bir fikir var ki,
yerarmudu Fransadan Almaniyaya oradan Çinə və nəhayət Qazaxıstana
gətirilmişdir. Qazax xalqı yerarmuduna «çin kartofu» deyir.
Şimali Asetiya, Kabardin və şimali Qafqazın digər rayonlarının sakinləri
topinamburu qida kimi 150 il bundan əvvəl istifadə edirdilər. Davidoviç S. S.
hesab edir ki, topinambur bitkisi Qafqaza, Avropanın Türkiyə və Bolqariya
regionlarından tez gəlmişdir. Bundan əlavə Polşada, Macarıstanda, Skandinaviya
ölkələrində, İngiltərə, Amerika və s. yerlərdə becərilir.
Aparılmış etnobotanik tədqiqatlar nəticəsində müəyyən edilmişdir ki,
Azərbaycana yerarmudunun gəlməsi 2 yolla olmuşdur:
1) Almanlar və rusların Azərbaycana sürgün edildiyi vaxt onlar özləri ilə
yerarmudu yumruları gətirmiş onlardan bəzək bağçılığında və qida kimi istifadə
etmişlər. Hazırda yerarmudunun yabanlaşmış formalarına Almanlar və ruslar
yaşamış ərazilərdə daha çox rast gəlinir.
2) 1930-cu illərdə Stavropol vilayətindən yerarmudunun əkin materialı
Azərbaycana gətirilərək respublikanın müxtəlif botaniki – coğrafi ərazilərində
becərilməyə başlanılmışdır. Bakı şəhərində Azərbaycan Botanika İnstitutunun
Nəbatat bağında 30-40 -cı illərdə M. Ə. Rəhimov tərəfindən gətirilmiş, yerarmudu
bitkisinin becərilməsi və öyrənilməsi üçün böyük əmək sərf edilmişdir.
Dünya əkinçiliyində yerarmudu hektardan 500-600 sentner yaşıl kütlə verir.
Bəzən 1000-1200 sentnerə də rast gəlinir. Qafqaz və orta Asyada yaşıl kütlə
məhsuldarlığı orta hesabla 200-1000 sent., köküyumru məhsuldarlığı isə 200-1300
s/ha - dır. Sibir və uzaq Şərqdə yaşıl kütlə məhsuldarlığı 300-1400 s/ha,
köküyumru məhsuldarlığı isə 90-200 s/ha təşkil edir.
125
Botaniki təsviri. Yerarmudu (Helinathus tuberosus L. Helianthus mollissimus
E Wats.) mürəkkəbçiçəklilər (astra) (Asteraceae) fəsiləsinə mənsub olan çoxillik
bitkidir. Bu bitkinin botaniki təsviri ilk dəfə təbiətşünas alim K. Linney (Sp. pl.:
1753, s. 905) tərəfindən verilmişdir. Helianthus cinsinin 100-dən çox növ
müxtəlifliyi içərisində yalnız 2- si - Helianthus annuus L. (günəbaxan) və
Helianthus tuberosus (yerarmudu) təsərrüfat əhəmiyyətinə malikdir.
Botanik Kokkerl Şimali Amerikanın müxtəlif ştatlarında yabanı halda yayılan
Helianthus tuberosus bitkisinin 7 növ müxtəlifliyini aşkar edib, onların botaniki
təsvirini vermişdir.Bunlar aşağılakılardır:
1. Var. tupicjus Cock. – gövdəsi çox sayda budaqlanandır, yan budaqların
üzərində çoxlu çiçək səbətcikləri yerləşmişdir.
2. Var. alexandri Cock. – bunu başqalarından fərqləndirən kök yumruların
sancaq formasında olmasıdır.
3. Var. nebrascensis Cock. – az budaqlanan, tezyetişən və parıldayan
yarpaqlardan ibarətdir.
4. Var. purpurellus Cock. – yarpaqları saplaqlı, tünd rəngli qısa qanadvaridir.
Kök yumruları xırdadır.
5. Var. fusiformis Cock. – yarpaqlar əsas hissədə pazvari, kök yumruları iri,
çəhrayı rəngli, azca iyvaridir.
6. Var. albus Cock. – gövdəsi nazik, az budaqlanan, yarpaq saplağı enli
qanadvari, kökyumrusu iri dairəvi olub, yer altında topa halında yerləşmişdir. Kök
yumrularının xarici qabığı ağımtıldır. Bu bitkinin kök yumruları qədim Hind
xalqlarının əsas qidasını təşkil etmişdir.
7. Var. puppureus Cock. – kök yumrusu iri, çəhrayı – bənövşəyi rəngli olub,
mədəni halda geniş sürətdə qida bitkisi kimi əkilib becərilir.
Yerüstü orqanların quruluşuna görə yerarmudu (Helianthus) cinsinin digər
nümayəndəsi olan günəbaxan bitkisinə oxşayır. Yarpaqlarının bir qədər xırda
olması, gövdənin daha çox budaqlanması, və çiçək qrupunun (səbətinin) xırda
olması ilə günəbaxandan fərqlənir.
126
Onun gövdəsi düz duran, yaxşı budaqlanan, yarpaqla sıx örtülü, yaşıl və yaxud
zəif bənövşəyi rəngli, hündürlüyü 2-4,5 m-ə çatır. Bir yumrudan 1-5-ə qədər zoğ
çıxır. Yarpaqları müxtəlif formada yumurtavari, uzanmış yumurtavari və ya enli
yumurtavari olur. Yarpaqları saplaqlıdır, iridir, yumurta şəkillidir, uc tərəfdən
itidir, kənarları iri dişli çıxıntılarla nəhayətlənir. Cücərmə fazasında yarpaqlar rozet
əmələ gətirir. Qönçələmə fazasında isə gövdənin aşağı hissəsindəki yarpaqlar
qarşı-qarşıya gövdənin orta və yuxarı hissəsində isə növbəli düzülürlər.
Topinamburun çiçəyi səbət tiplidir, ancaq günəbaxanın səbətindən bir qədər
kiçikdir, diametri 1,3-8 sm-dir. Çiçək qrupu əsas və yan budaqların uclarında
yerləşir. Əmələ gələn çiçəklərin sayı budaqlanma dərəcəsindən bir başa asılı
olaraq 1-dən-50-yə qədər dəyişə bilər. Çiçəklər külək və həşəratlar vasitəsi ilə
çarpaz tozlanır.
Meyvəsi toxumcadır və xırdadır. 1000 ədəd toxumun orta çəkisi 7-10 qramdır.
Toxumla çoxalma əsasən effektsizdir, lakin seleksiya məqsədi üçün və isti iqlim
şəraitində toxumla çoxaltmadan istifadə olunur. Toxumlar cücərdilərkən kök
birinci ili mil kök tipli olur. Kökün yer altında dərinliyə və yanlara inkişafı əsasən
torpaq tipindən asılıdır. Kök 2 metr dərinliyə kimi hərəkət edə bilir. Kök bitkinin
ümumi kütləsinin 8-10 %-ni təşkil edir.
Budaqlanma yeraltı və yerüstü tipli olur. Yerüstü budaqlanma akropetal (yəni
aşağı qarşı-qarşıya düzülmüş yarpaqların qoltuğunda) və baziopetal tipli (yuxarı
növbəli düzülən yarpaqların qoltuğundan) olur. Gövdənin yeraltı hissələrində 3-cü,
4-cü buğumaralarında stolon əmələ gəlir. Stolonların ölçüsü və çəkisi sortlardan və
becərilmə şəraitindən asılı olaraq müxtəlif ölçü və çəkidə olur.
Kök yumrusu armudvarı, uzunsov, hamar, kələ-kötür, ümumiyyətlə qeyri
müəyyən formalarda, stolonların rəngi isə açıq-sarı, qəhvəyi, bənövşəyi ola bilir.
Kartof yumrusundan fərqli olaraq stolonlarda gözlər bir qədər qabarıq olur. Bir
bitki kolunda təqribən 30-50-ə qədər kök yumrusu olur. Yabanılaşmış növlərdə
kök yumruları xırda, ancaq sayca çox olur. Topinamburun kök yumrularının
127
üzərində periderm qatı nazik və zərif olduğuna görə onun adi şəraitdə saxlanılması
çətinliklər törədir.
Bioloji xüsusiyyətləri. Helianthus tuberosus L. növündə kök yumrularının
əmələ gəlməsi gün uzunluğundan bir başa asılıdır. Beləki, topinambur uzun gün
bitkisi sayılır.
Hər il yerüstü kütlə vegetasiyanın sonunda məhv olur. Tərkibində polisaxarid
inulin və digər şəkərli maddələr olan yumrular isə qışa dözürlər. Yazda hər bir
yumrudan 3-ə qədər budaq əmələ gələrək kol təşkil edirlər. Tumurcuqlar torpaqda
5-6 0C temperaturda cücərməyə başlayırlar. 8-10 0C- də yaxşı cücərti verir və 3-4
həftədən sonra çıxışlar alınır. Yumrular əmələ gəlməzdən qabaq gövdənin
böyüməsi sürətlənir. Gövdənin maksimum inkişafı iyul-avqust aylarında müşahidə
edilir. Məhsul əsasən sentyabr-oktyabr aylarında formalaşır.
Ən yaxşı məhsul yay və payız ayları hədsiz isti keçəndə alınır. Faydalı
temperaturun miqdarı 2500-2800 0C-dir.
Topinamburun yerüstü kütləsi qısa müddətli – 8 0C şaxtaya, yumruları isə - 12 0C şaxtaya dözürlər. Torpaqda qar örtüyü altında havanın mənfi 35 0C şaxtasına
davamlıdırlar. 1 ton yaşıl kütlə ilə torpaqdan 3 kq azot, 1,2-1,4 kq fosfor və 4,5 kq
kalium aparır. Köküyumrularla müvafiq olaraq 2,0-2,5 kq azot və fosfor, 1 kq
kalium elementi aparır.
Mərkəzi qaratorpaq zolağının cənub - şərq şəraitində topinambur kök
yumruları ilə çoxaldılır: Bu bitki cənub bitkisi olduğundan onun çiçəkləməsi gec
baş verir və toxumlar yetişməyə imkan tapmır. Rusiyanın Orta və Şimal
hissələrində topinambur bitkisi ümumiyyətlə çiçəkləmir.
Torpağın becərilməsi. Torpağın becərilməsi kartof və kökümeyvəlilərdə
olduğu kimidir. Üzləmədən sonra 15 sm dərinliyində dondurma şumu aparılır.
Yazda lazım gəldikdə dondurma şumu malalanır. Sonra laydırsız kotanla becərmə
aparılır. Səpin qabağı tarlaya kultivasiya çəkilir.
Gübrələmə sistemi. Topinamburun gübrələnməsi torpağın münbitliyindən,
planlaşdırılmış məhsuldan, torpağın nəmliyindən və digər faktorlardan asılıdır.
Plantasiya yaradan zaman hektara 30-40 ton peyin və təsiredici maddə hesabı ilə
128
60-90 kq NPK verilir. Əgər plantasiya 8-10 il davam edərsə peyin verilməsini 4-5
ildən bir təkrar etmək lazımdır.
Qulluq işləri. Cücərtilər alınana qədər alaqlarla mübarizə məqsədi ilə 2-3 dəfə
malalama aparılır. Bitkinin boyu 10-15 sm-ə çatdıqda cərgəarası becərməyə
başlanılır. 30-40 sm-ə çatdıqda isə dibdoldurma aparılır. Yaşıl kütlə məhsulunu
artırmaq üçün ucvurma da aparılır.
İkinci və sonrakı illərdə çıxışlar nisbətən tez alınır. Yumrular torpağın müxtəlif
dərinliyində olduğuna görə birinci ildəkinə nisbətən çıxışlar bir bərabərdə olmur.
Çıxışlar alınana qədər və çıxışlardan sonra malalama aparılır, bitkinin boyu 15-20
sm- ə çatdıqda əkinlərə kultivasiya çəkilir. Sonrakı qulluq işləri birinci ildə olduğu
kimidir.
Məhsulun yığılması. Yaşıl kütləni oktyabr-noyabr aylarında biçmək olar.
Yaşıl kütləni silosyığan kombaynla biçirlər. Bitkini torpaq səthindən 5-6 sm
yüksəklikdən biçirlər. Qarışıq silos hazırlayan zaman yumruların bir hissəsini
payızda yığırlar. Adətən yazda gözcüklərdəki tumurcuqların cücərməsinə qədər
yumruları çıxarırlar. Yığım zamanı yumruların bir hissəsi plantasiyanı təzələmək
üçün (hər m2-də 8-10 ədəd) saxlanılır.
Sortları və hibridləri. Hazırda seleksiyaçılar tərəfindən generativ və vegetativ
hibridləşmə və digər üsullar ilə topinamburun bir çox sort və hibridləri
yaradılmışdır. Bu sort və hibridlərdən mərkəzi qaratorpaq zolağının cənub şərq
şəraitinə dözümlü bitkilər seçilmişdir. Sortlarından 1. Ağ məhsuldar, 2. Ağ Kiyev,
3. Ağ Voronej, 4.Voljiskaya – 2, 5. Naxodka, 6.Tezyrtişən, 7.Vadim, 8. Leninqrad
və s., hibridlərindən isə Hibrid № 120, Hibrid № 15, Bənovşəyi topinsolneçnik,
M-3, 58/6, VİR, Severnıy, Dauqova və s. göstərmək olar.
Yem əhəmiyyəti. Yerarmudu bütün kənd təsərrüfatı heyvanları üçün əla
yemdir. Onda olan qida maddələrinin keyfiyyəti bir çox yem bitkilərindən
üstündür, hətta yüksək keyfiyyətli yem bitkisi kimi tanınan qarğıdalıdan da geri
qalmır.
129
Yerarmudu digər yem bitkilərindən yüksək yem vahidinin olması ilə fərqlənir.
Tərkibindəki, (mütləq quru çəkiyə görə), həzm olunan zülalın miqdarına görə
günəbaxan bitkisinə bərabərdir və digər yem bitkilərindən üstündür.
Yerarmudunun gövdə yumrularından alınan yem vahidinin miqdarı, kartof,
şəkər və yem çuğundurundan alınandan çoxdur. Həzm olunan zülalın miqdarı
şəkər və yem çuğundurundan yüksəkdir. Yaşıl kütlə məhsuldarlığını və yumruların
tərkibindəki qida maddələrinin miqdarını nəzərə alsaq yerarmudu digər silosluq
bitkilərdən üstündür və aydın olur ki, onu ən dəyərli yem bitkilərinə aid etmək
lazımdır.
Yerarmudunun yaşıl kütləsinin ən yaxşı istifadəsi siloslaşdırmadır.
Yerarmudunun yaşıl kütləsi həm təzə həm də qurudulmuş halda çox yaxşı
siloslanır və gözəl silos əmələ gətirir. Yerarmudu silosu yaxşı iyi, dadı, rəngi,
yüksək yeyilməsi, yaxşı saxlanılması tərkibində turşuların çoxluğu ilə fərqlənilir.
Yerarmudunun yaşıl kütləsi siloslaşma zamanı şəkər minimunu 3-4 dəfə artırır
ki, bu da onun yaxşı siloslaşmasına və keyfiyyətli olmasına səbəb olur. Siloslaşmış
yaşıl kütlədə qıcqırma prosesinin gedişi normaldır. Yerarmudunun yaşıl kütləsinin
və silosunun iri buynuzlu heyvanlarda istifadəsi (sutkada 25-kq-a qədər) südün
miqdarını və yağlılığını artırır. Tərkibindəki əsas qida maddələrinin miqdarına
görə yerarmudunun yaşıl kütləsindən hazırlanmış silos qarğıdalı silosuna demək
olar ki, bərabərdir.
Lakin yerarmudunun yaşıl kütləsindən hazırlanmış silosu uzun müddət açıq
havada qalarsa onun rəngi tündləşir, tərkib pozulur və pis qoxu əmələ gəlir. Bu da
bir neçə səbəblərlə izah edilə bilər. Məlumdur ki, süd turşusu bakteriyaları
yerarmudunun epifit mikroflorasında çox az miqdarda olur. Buna görə də
yerarmudunun silosunda süd-turşulu qıcqırma prosesi çox zəif gedir və süd turşusu
az əmələ gəlir. Silosda süd turşusunun miqdarının az olması onun açıq havada tez
xarab olmasına gətirib çıxarır.
Süd - turşulu qıcqırma prosesinin gedişini artırmaq üçün yerarmudunun yaşıl
kütləsinə bir az saman ya da digər yem bitkilərinin yaşıl kütləsini əlavə etmək
lazımdır.
130
Yerarmudunu heyvandarlıqda tək silos kimi yox, həmdə təzə təbii və
qurudulmuş halda da istifadə etmək olar. Onun gövdə yumruları kənd təsərrüfatı
heyvanları üçün dəyərli qidadır.
Azərbaycanın suvarılan əkinçilik rayonlarında becərilən yerarmudunun
yumrularında olan proteinin miqdarı Rusiyanın orta qursağında becərilmiş
yerarmudundakından azdır, lakin azotsuz ekstraktiv maddələr çoxdur. Yerarmudu
yumrularında olan azotsuz ekstraktiv maddələrin miqdarı 12,0-14,8%-ə qədər
dəyişir. Bu göstəricinin miqdarı sortundan asılı olaraq 13,8-15,05% arasında dəyişə
bilir.
Bitkilərin su ilə yaxşı təmin edilməsi zamanı karbohidratlı maddələr, su
çatışmadıqda isə zülallı maddələr daha çox əmələ gəlir. Buradan aydın olur ki,
Azərbaycanın qərb zonasında süni suvarma şəraitində becərilən yerarmudu
yumrularında Rusiyaya nisbətən daha çox karbohidratlı maddələr toplanır. Rusiya
şəraitində süni suvarma aparılmadığına görə bitkilərin su ilə təminatı nisbətən
zəifdir.
Bir sıra Avropa ölkələrində xüsusilə də Fransada iri və xırda buynuzlu
heyvanların yerarmudunun kök yumruları ilə qidalandırılması geniş yayılmışdır. İri
buynuzlu heyvanlara (südlük inəklərə) sutkada 10 kq kök yumrularının
yedizdirilməsi tövsiyə edilir. Yumruların daha çox verilməsi heyvanlarda mədə-
bağırsaq sisteminin pozulmasına gətirə bilər. Qoyunların kökəldilməsi üçün verilən
yumruların miqdarı əvvəllər 0,5 kq sonra isə 2-3 kq olur (bir baş üçün).
Yerarmudu əkinləri donuzlar üçün xüsusilə dəyərli yem sayılır. Onlar çöldə
otlayarkən özləri yerarmudunun yumrularını torpaqdan çıxardıb həvəslə yeyirlər.
Donuzları bir başa çöldə yumrularla yemləmək bordaqda yemləməyə nisbətən
daha yaxşı nəticə verir. Tədqiqatlar sübut etmişdir ki, bir qrup donuzlar (44 kq
çəkidə) 30 gün ərzində çöldə otarıldıqda orta hesabla hər bir baş 14,5 kq çəkisini
artırmışdır. İkinci qrup donuzlardan (eyni diri çəkidə) bordaqda saxlanaraq 13,4 kq
artım əldə edilmişdir. Üçüncü qrup nəzarət qrupu olub heyvanların orta diri çəkisi
əvvəllər 46,5 kq olubsa da adi şəraitdə saxlanaraq hər bir başa orta hesabla 12,3 kq
çəki artımı vermişdir.
131
Yumruların çöldə istifadəsi qarışıq yemlərin sərfini 20 -50% azaldır,
heyvandarlıq məhsullarının maya dəyərini 30 - 40 % aşağı salır. Donuzların bir
başa çöldə otarılması zamanı yumruların çıxardılıb, daşınmasına və saxlanılmasına
ehtiyac qalmır. Azərbaycanın qərb rayonlarında becərilən yerarmudundan bol
məhsul alınması imkan verir ki, torpaq sahələrindən səmərəli istifadə olunsun.
MÖVZU:14. RƏNG VERƏN BİTKİLƏRİN (HƏNA, BASMA) XALQ
TƏSƏRRÜFATI ƏHƏMİYYƏTİ VƏ BECƏRİLMƏSI
Mühazirənin planı:
1. Əhəmiyyəti, tərkibi və istifadəsi. 2. Botaniki təsviri və bioloji xüsusiyyətləri. 3. Tarixi və yayılması. 4. Toxumlarının səpilməsi və vegetativ çoxaldılması5. Torpağın hazırlanması və qulluq işləri. 6. Açıq sahədə əkin vaxtı və yarpaq məhsuldarlığı. 7. Xəstəlikləri, ziyanvericiləri və onlara qarşı mübarizə tədbirləri. 8. Becərilmə texnologiyası və yığım.
Ədəbiyyat
Hümbətov H. S. Azərbaycanın Gəncə - Qazax və Şirvan bölgələrində həna və basma bitkilərinin becərilməsinin aqrotexniki xüsusiyyətləri. K/t. elm. nam. .... dis. Gəncə, 1999, 130 s.
Hümbətov H. S. Həna (Lawsonia) (monoqrafiya) - Gəncə: ADAU - nun nəşriyyatı, 2011, 145 s.
Hümbətov H. S. Basma (İndigofera) (monoqrafiya) Bakı: “Elm və təhsil” 2012, 82 s.
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s. Вульф Е. В., Малеева О. Ф. Мировые ресурсы полезных растений,
(пищевые, кормовые, технические, лекарственные и др). Справочн. Л:. «Наука», 1969, с. 219.
132
Дамиров И. А., Прилипко Л. И. Лекарственное растения Азербайджана. Баку, «Маариф» 1988, 319 с.
Мирзалиев Д. Д. Опытно- производственное выращивание хны и басмы в условиях сухих субтропиков Азербайджана.- XIX сессия советов ботанических садов Закавказья по вопросам интродукции растений и зеленого строительства. Баку, «Элм», 1983, с. 71- 72.
RƏNG VERƏN BİTKİLƏRİN (HƏNA, BASMA)
XALQ TƏSƏRRÜFATI ƏHƏMİYYƏTİ VƏ BECƏRİLMƏSI
Əhəmiyyəti, tərkibi və istifadəsi. Həna yeni texniki bitkilərdən ən qiymətlisi
sayılır. O ağbirçək nənələrimizin, gözəl-göyçək qız-gəlinlərimizin toy - bayram-
larda, el şənliklərində və xüsusi mərasimlərdə (xınayaxdılarda) sevə - sevə işlətdik-
ləri ən gözəl və təbii boyalardan biridir. Həna bitkisinin yarpaqlarından üyüdül-
müş tozu xüsusi ilə qiymətlidir. Bu toz əsas saç rəngləyicilərinin içərisində ən
geniş istifadə olunanıdır. Həna tozu yun və ipək parça və xalçaların rənglənmə-
sində, həmçinin tibdə müalicə vasitələri kimi istifadə edilir.
Həna bitkisinin kökündə büzüşdürüçü xassəyə malik qırmızı rəngli maddə -
alkonin vardır ki, bundan da farmakologiyada geniş istifadə olunur. Eyni zamanda,
həna kökündən alınan sarı boyaqdan parçaların boyanmasında istifadə olunur.
Həna bitkisinin çiçək yanlığında efir yağları vardır ki, ondan da “Mexudi” addanan
ətir hazırlanır.
Həna hələ qədim zamanlardan follikulit, ekzema, diatez, sarılıq, mədə
pozğunluğu, qızılça, göz, dalaq, ciyər, revmatizm, cüzam, baş və diş ağrıları, zob
və b. xəstəliklərin müalicəsində istifadə edilirmiş.
Həna tozuna həmçinin mərsin (Murtus communis L.), Hindistan badamı
(Terminalia catappa L.), Şleyxer şahtərəsi (Fumaria Schleiher L.) yunan qozu
( Juglans regia L.), gənəgərçək (Ricinus communus L.), toxumu və basma yarpağı
(İndigofera tinctoria L.) qarışdırılaraq işlədildiyi haqda məlumatlar vardır.
133
Qəhvəyi sarı rəngli rəngləyici maddədən (Lavson) yun və ipək parçalarının
rənglənməsində, habelə ət xörəklərinin boyanmasında istifadə olunur. Hənadan
alınan rəng günəş şüalarına qarşı davamlı olduğuna görə öz əlvan və parlaq rəngini
itirmədən uzun müddət qalır.
Həna tünd çayda həll olunduqda saça nəinki daha gözəl qızılı - şabalıdı rəng
verir, həm də ona faydalı bioloji təsir göstərməklə dibini bərkidir, saçın tökül-
məsinin və başda kəpək əmələ gəlməsinin qarşısını alır.
Həna bitkisinin çiçək yanlığından efir yağları alınmasında istifadə oluna bilər.
Hər hektardan 15-20 sent. çiçək yanlığı toplamaq mümkündür ki, bunun da yaş
kütləsinin 0,11% -ni, quru kütləsinin isə 0,52 %-ni efir yağı təşkil edir.
Həna yarpaqlarının tərkibində 12- dən çox maddə, o cümlədən 0,9-1,0 %
rəngləyiçi maddə vardır.
İlk dəfə Q. Тomazi (Tommasi G.) həna tozunun tərkibindəki rəngləyiçi
maddəni- lavsonu başqa rəngləyici maddələrdən ayırmış və onun naftaxinon 2 -
hidroksiddən ibarət olduğunu müəyyən etmişdir.
Naxçıvanda becərilmiş həna bitkisinin tərkibində 1,5, Şirvan və Abşeronda
0,46, İran hənasının tərkibində isə 1,14 % rəngləyici maddə vardır .
Məlumdur ki, hənanın tərkibində tanin və xeyli miqdarda K vitamini vardır.
Bəzən həna tozunu özündə tanin və büzüş-dürüçü maddələr saxlayan başqa
bitkilərin (şaftalı və s.) yarpaqları ilə qatışdıraraq , ekzemaya qarşı mübarizədə
istifadə edirlər.
Botaniki təsviri. Həna (Lawsonia inermis L.) ağlarot (Lythraceae) fəsiləsinin
Lawsonia cinsinə daxildir. Bu fəsiləyə tropik və subtropik ölkələrdə yayılmış 25
cinsdən olan 550-dən çox növ daxildir. MDB ərazisində bu fəsilənin 5 cinsə aid
olan 25 növünə təsadüf edilir. Bizim şəraitdə kifayət qədər geniş yayılmış cinsi
ağlarot (Lythrum) cinsidir.
Həna bitkisi ilk dəfə 1753 -cü ildə K. Linney tərəfindən təsvir edilmişdir. K.
Linneydən sonra bu bitki Burkil (Burkill İ. H) və Kortesi (Cortesi F.) tərəfindən
botaniki təsvir edilmişdir. Həmçinin həna bitkisi 1948-ci ildə İngiltərədə Oksford
134
Universitetinin nəşr etdirdiyi “Sudanın kənd təsərrüfatı” (Aqriculture in hte Sudan)
adlı əsərdə təsvir olunmuş, nəhayət V. P. Alekseyev “Subtropik bitkilər” jurnalında
bu bitkinin təsvirini vermişdir.
Həna (Lawsonia inermis L.) tropik və subtropik ölkələrdə bitən 6-7 m
hündürlükdə ağac və ya həmişəyaşıl kol bitkisi olub həyatını 25-30 il davam
etdirir. Xarici görünüşünə görə birgözü (Ligustrum lıcidium Ait.) xatırlatdığına
görə yunan həkimləri ona “liqustrum” deyirmişlər.
Bioloji xüsusiyyətləri. Mədəni halda həna bitkisinin quru və isti bölgələrdə,
yüngül qranulometrik tərkibli və məsaməli torpaqlarda becərildiyi göstərilir. Hava
rütubətinin həddən artıq olması, güclü küləklər, istilər bitkinin böyümə və
inkişafına mənfi təsir edir.
Təbii şəraitdə həna bitkisinin böyüməsi və inkişafı üçün minimal temperatur 8-
10 °C olmalıdır. Temperaturun 2-3 0C -yə enməsi bitkinin məhv olmasına səbəb
olur. Buna uyğun olaraq müəyyən edilmişdir ki, həna bitkisi Krım vilayətində
Zaqafqaziya və Orta Asiya respublikalarında birillik bitki kimi becərilə bilər.
Azərbaycan şəraitində aparılmış tədqiqatlar sübut etmişdir ki, həna bitkisi
neytral və zəif qələvili, humusla zəngin, yüngül və məsaməli, qumsal, boz qonur
və bozumtul şoran torpaqlarda becərilə bilər. Quru subtropik şəraitdə vaxtaşırı
suvarma aparmaqla həna bitkisindən yüksək keyfiyyətli və orta məhsuldarlığa
malik xammal əldə etmək olur.
Tarixi və yayılması. Həna bitkisinə yabanı halda Şimali Avstraliyadan (Mevil
adası) tutmuş Zond adalarından və Hindistandan keçməklə Ərəbistana qədər olan
ərazidə, Madaqaskarda, Şərqi və Şimali Afrikada rast gəlinir. Mədəni halda isə
Asiyada (yaşıllıq və su olan yerlərdə) Şimali, Şərqi və Qərbi Afrikada, tropik
Amerikada becərilir. Həna bitkisi Nil çayı sahillərində yağmurların miqdarı çox
olan qaratorpaq sahələrdə də becərilir.
Səpini. Тoxumu isti suda islatdıqdan sonra mart ayında parnikdə və torpaqda
lazımi qədər temperatur olan zaman birbaşa sahəyə səpilir. Belə olduqda səpilmiş
həna toxumlarını vaxtaşırı suvarmaq tələb olunur. Parnikdə aparılmış səpindən
135
alınan bitkilər açıq sahəyə çıxarıldıqda daha tez böyüyür həmin ilin oktyabr ayında
ondan məhsul almaq olur.
İranda həna toxumları həmin yerin torpaq-iqlim şəraitindən asılı olaraq
əvvəlcədən suvarılmış sahəyə səpilir. Lakin, səpindən əvvəl toxumlar 8 gün
ərzində suda isladılmalıdır.
İlk dəfə aparılmış tədqiqatların nəticələri göstərir ki, Aprel ayında istixanada
səpin aparıb, şitili iyul ayında açıq sahəyə əkdikdə, Azərbaycan şəraitində
vegetasiya müddəti həna bitkisinin çiçəkləməsi və toxumun tam yetişməsi üçün
kifayət etmir. Bitkilər avqust ayında çiçəklədikdə belə vegetasiyanın sonuna qədər
toxumlar tam yetişmədiyi üçün ondan səpin materialı kimi istifadə etmək yararlı
olmur. O zaman tədqiqatçılar belə nətiçəyə gəlmişlər ki, hənanın xarici ölkələrdə
qəbul edilmiş becərmə üsullarının heç biri bizim yerli şəraitdə müsbət nəticə
vermir. Eyni zamanda həmin tədqiqatçılar göstərirlər ki, toxumu yalnız həna
kollarını qapalı şəraitdə becərməklə almaq olar. Həmin tədqiqatçılara görə hər il
xaricdən onun toxumunu almaq daha ucuz başa gələr.
V. P. Alekseyev həna bitkisinin toxumla çoxalması üzərində tədqiqat apararaq
göstərmişdir ki, toxumlar səpindən əvvəl 7 gün isladılmalı və cücərti alınana qədər
isti yerdə saxlanılmalıdır. Müəllifə görə həna bitkisi toxumalarını quru halda da
səpmək olar, ancaq quru toxumlar çox seyrək və çətinliklə cücərti verir. Belə halda
səpilmiş toxumları ilk vaxtlar hər gün, sonralar isə 6-7 gündən bir suvarmaq
lazımdır.
R. M. Abbasov, V. İ. Maşanov apardıqları tədqiqatların nəticəsində göstərirlər
ki, həna toxumları yanvar-fevral aylarında, 25-30 0C temperaturda səpilməlidir. Bu
halda toxumların cücərməsi 71,0 -81,7 % təşkil edir.
U. K. Ələkbərov, A. Ə. Bayramov və C. D. Mirzəliyev həna toxumlarının
səpin vaxtını və normal çıxış alınması üçün lazım olan temperatur şəraitini təyin
etmək məqsədilə yanvar-aprel aylarında səpin aparmışlar. Aparılan tədqiqatlardan
müəyyən edilmişdir ki, standart əkin materialı kimi may ayında açıq sahəyə şitil
136
çıxarılması məqsədi ilə səpin yanvarın 20-nə kimi aparılmalıdır. Belə səpin üçün
temperaturun 18-25 0C olması daha yaxşı nəticə vermişdir.
Vegetativ çoxaldılması. Həna bitkisinin vegetativ yolla (həm örtülü, həm də
açıq şəraitdə) qələmlər (çiliklər) vasitəsilə çoxaldılması mümkündür. Bundan
başqa, həna bitkisinin budaqlarını basdırmaqla da çoxaltmaq olar. Bu üsulla
çoxaltma adətən, çoxillik həna bitkiləri olan istixanalarda aparılır. Həna bitkisi,
odunlaşmış gövdələrindən hazırlanmış qələmlərlə yanaşı, həmçinin yaşıl,
yarımodunlaşmış qələmləri (çilikləri) ilə də çoxalır. Yarımodunlaşmış qələmlərlə
çoxaltma payızda- oktyabr ayında aparılır. Bu məqsədlə açıq sahədə becərilən
bitkilərin 3-cü -5-ci buğumarasından 8-10 sm uzunluğunda qələmlər kəsilib
heteroauksin məhlulunda (1 litr suya 100 mq) 4-6 saat saxlandıqdan sonra əkilir.
Belə məhlul hazırlanıb təcrübədə istifadə edilən zaman temperaturu 25 0C - dən
yuxarı olmalıdır. Yuxarıda təsvir edilən qaydada hazırlanmış qələmlər, istixananın
ləmələrində torpaqdan, çay qumundan və çürümüş peyindən 1:1:1 nisbətində
hazırladığımız substratlara (qida qarışığına) vurulmuşdur. Qələmlərin yüksək kök
verməsinə nail olmaq üçün vurulduqdan (əkildikdən) sonra üstü kip şüşə və ya
polietilen örtüklə örtülmüşdür. Əks halda qələmlər üzərində rütubəti saxlamaq
olmur. Qələmlərin birinci köz tumurcuğu və ya uc tərəfindən 1 sm gövdəsi yer
səthində qalmaqla hər kv. m-ə 600-700 ədəd əkilməsi məqsədəuyğundur.
Əkindən 2-3 həftə sonra ayrı-ayrı qələmlərdə (çiliklərdə) köklər əmələ kəlməyə
başlamışdır. 30-40 gündən sonra isə əksər qələmlərdə kök sistemi əmələ gələrək
inkişaf edir. Bundan sonra yaxşı kök sisteminə malik olan qələmlər qidalı
dibçəklərə və ya birbaşa açıq sahəyə köçürülməlidir.
İstixanada çoxillik bitkilər olduqda qələmlə çoxaltmanı bütün il boyu davam
etdirmək olur. Açıq sahədən isə qələm götürmək üçün ən yaxşı vaxt axırıncı
biçindən (oktyabr) qabaqdır. Bu dövrdə istixanada da çox keyfiyyətli anac bitki
olur. Nəticədə götürülmüş qələmlər normal kök bağlayıb inkişaf edirlər.
İstixana şəraitində həna qələmlərinin üç istiqamətdə: şaquli, üfüqi və əksinə
əkilməsi sınaqdan keçirilmişdir. Bu təcrübəni aparmaqda məqsəd həna
qələmlərinin (çiliklərinin) polyarlıq (qütblük) qanununa tabe olub - olmamasını
137
öyrənmək olmuşdur. Həna qələmələrinin “əksinə” əkilməsi dedikdə qələmin
(çiliyin ) apikal (təpə, yuxarı) hissəsinin aşağı, bazal (qaidə, aşağı) hissəsinin isə
yuxarı vəziyyətdə əkini nəzərdə tutulur.
Üfüqi istiqamətdə əkilmiş qələmlərin qida sahəsinin böyüklüyü onlardan alınan
şitillərin daha yaxşı böyüməsinə, yan budaqlarının sayının çoxalmasına səbəb olur.
Bu vəziyyətdə əkilmiş qələmlərdən 2-4 ədəd müstəqil inkişaf edən şitil almaq olar.
Deməli üfüqi istiqamətdə basdırılmış qələmlərin vegetativ çoxaltmada əhəmiyyəti
şaquli və əksinə basdırılmış qələmlərə nisbətən yüksəkdir.
Torpağın hazırlanması və qulluq işləri. Həna bitkisi üçün torpaq adi
qaydada, yəni respublikada əkilib-becərilən digər şitiləkinli bitkilərdə (pomidor,
badımcan və s.) də olduğu kimidir. Sələf bitkiləri yığıldıqdan sonra 25-30 sm
dərinlikdə dondurma şumu aparılır. Torpağın əsas becərilməsi başqa yazlıq
cərgəarası becərilən bitkilərdə olduğu kimi aparılır. Yazda əkinə qədər dondurma
şumu malalanır, iki dəfə mala ilə birlikdə kultivasiya aparılır (8-10 və 5-6 sm
dərinlikdə).
Açıq sahədə əkin vaxtı və yarpaq məhsuldarlığı. Açıq sahəyə şitilləri əkilən
bitkilərdə əkin vaxtının düzgün təyin edilməsinin şitillərin sonrakı inkişafında
əhəmiyyəti əvəzedilməzdir. Yeni torpaq - iqlim şəraitində introduksiya edilmiş
bitkiləri açıq sahəyə əkən zaman xüsusilə diqqətli olmaq tələb olunur. Çünki, bu
torpaq-iqlim şəraiti bitkinin uyğunlaşıb yaşadığı ərazinin və ya onun vətəninin
torpaq-iqlim şəraitindən fərqlidir. Ona görə də çalışmaq lazımdır ki, bu bitkilər
əkilən zaman ekoloji amillərin təsiri nisbətən əlverişli olsun.
Həna bitkisi də yeni introduksiya olunmuş bitkilərdəndir. Vətənində çoxillik
bitki olmasına baxmayaraq Azərbaycan şəraitində özünü birillik bitki kimi aparır.
Yuxarıda qeyd olunduğu kimi həna toxumları istixanada səpilir və alınan şitillərə
4- 4,5 ay aqrotexniki qulluq göstərilməklə becərilir. İstixanada becərilib standart
hala düşmüş şitilləri açıq sahəyə əkməzdən bir ay qabaq istixananın temperaturu
açıq sahəyə uyğunlaşdırılır. Şirvan bölgəsində həna şitillərinin açıq sahəyə
əkilməsinin ən əlverişli vaxtı 20. IV ay, Gəncə-Qazax bölgəsində isə 20. V ay
138
hesab olunmalıdır. Həna bitkisi Şirvan bölgəsində iki biçində orta hesabla 10,8
s/ha, Gəncə-Qazax bölgəsində isə 13,0 s/ha quru yarpaq, məhsulu verə bilir.
Biçilməyib toxumluq üçün saxlanılan həna bitkilərindən isə 7,48 -8,74 s/ha toxum
məhsulu almaq olur.
Xəstəlikləri, ziyanvericiləri və onlara qarşı mübarizə tədbirləri. Həna (L.
inermis L.) respublikamızda becərilən yeni texniki bitkilərdən olduğu üçün onun
xəstəlik və zərərvericləri hələlik tam öyrənilməmişdir. Lakin vegetasiya
müddətində bu bitkinin üzərində mənənələr və rəngini dəyişmiş (saralmış,
qonurlaşmış və qaralmış) yarpaqlar müşahidə edilir. Bu yarpaqlar ya quruyaraq
tökülüb məhsuldarlığın azalmasına səbəb olur ya da bitkinin üzərində biçin vaxtına
qədər qalır. Biçindən sonra xammalı (yarpağı) gövdədən təmizləyərkən bu
yarpaqları seçmək işi çətinləşdirir. Bu işə çoxlu əmək sərf etmək lazım gəlir. Həna
bitkisinin də əsasən yarpaqları istifadə olunur. Rəngini dəyişmiş (xəstələnmiş)
yarpaqlar xammal üyüdülərkən alınan məhsulun rənginin dəyişməsinə və
keyfiyyətinin pisləşməsinə səbəb olur. Ona görə də bu bitkidə xəstəlik və
zərərvericilərlə mübarizə aparmağın böyük əhəmiyyəti vardır.
Həna toxumları səpilmiş istixana və parnikdə cücərtilərin alınmasından
təxminən 25-30 gün sonra, bəzən də sahədə becərmə zamanı bitkilərin əsasən uc
hissəsində cavan gövdələrin üzərində və yarpaqların alt səthində mənənələr
müşahidə olunur. Onlar gövdə və yarpaqların şirəsini soraraq onları böyüməyə
qoymur. Odur ki, mübarizə məqsədi ilə həna əkilmiş sahələrdə Bi-58 və yaxud da
fazalon məhlulu (0,2 %-li) ilə çiləmə aparılmalıdır. Əgər sahələrdəki bitkilərdə
gənələr müşahidə edilərsə 0,2 %-li fazalon preparatına kolloid kükürd (10 litr
suya 80 qram) məhlulu qarışdırılaraq çilənmə aparılmalıdır. İstixana şəraitində və
parnikdə həna şitilləri tez-tez suvarıldığından torpağın üst səthində (bitkilər sıx
olan yerlərdə) müəyyən kif göbələkləri inkişaf edir. Bunlarla mübarizə üçün hər
suvarmadan sonra şitillərin dibləri xüsusi hazırlanmış dırmıqla boşaldılmalıdır.
Yuxarıda qeyd edilən preparatlarla çiləmə aparıldıqda həna sahələri xəstəlik və
zərərvericilərdən qorunmuş olur.
139
Becərilmə texnologiyası və yığım. Həna üçün yaxşı sələflər payızlıq buğda,
çoxillik otlar, dənli-paxlalı və cərgə araları becərilən bitkilər hesab olunur. Həna
üzvi gübrələrə tələbkardır. Hektara 30 ton peyin və mineral gübrələr verilir. Peyin
və ya tam mineral gübrə (N90P90K60) dondurma şumu altına verilir. Azot gübrəsini
yazda yemləmə kimi də vermək olar.
Həna bitkisinin açıq sahəyə şitilləri əkilir. Şitillər cərgə araları 60 - 70 sm, bitki
araları 25-30 sm olmaqla şitiləkən maşınlarla və yaxud da əl ilə əkilir. Əkildikdən
sonra şitillərin üzərində olan yarpaqlar quruyub tökülür və bir neçə gündən sonra
yeni yarpaqlar əmələgəlməyə başlayır. Təxminən avqust ayının əvvəllərində (5-15.
VIII) həna bitkilərinin kütləvi çiçəkləməsi baş verir. Bu dövrdə bitkilərin I biçini
aparılır. Biçini əl ilə və xüsusi biçən maşınlarla aparmaq olar. Biçilmiş yaşıl kütlə
dərhal isti və kölgə yerlərə daşınmalı, nazik qatlarla sərilib qurudulmalıdır.
Qurutma işləri xüsusi istixanalarda və maşınlarda (çay yarpağı qurudan
maşınlarda) da aparıla bilər.
Tam quruduqdan sonra həna bitkisinin yarpağı gövdəsindən ayrılaraq, yarpaq
xüsusi dəyirmanda üyüdülüb toz halına salınaraq qablaşdırılmalıdır.
Sahə isə birinci biçindən sonra kultivasiya edilib, suvarılmalı və sonrakı qulluq
işləri aparılmalıdır. II biçin isə yenə də bitkilərin kütləvi çiçəkləməsi vaxtında,
təxminən oktyabrın axırlarında aparılmalıdır. II biçini gecikdirmək olmaz. Əks
təqdirdə bitkiləri ilkin payız şaxtaları vurur, məhsulun keyfiyyəti aşağı düşür və
xarab olur. II biçində də biçmə və qurutma işləri I biçindəki kimidir.
BASMA ( İNDİQOFERA)
Əhəmiyyəti, tərkibi və istifadəsi. Basma pambıq liflərinin boyanmasında,
xalçaçılıq sənayesində və təsviri incəsənət üçün ən davamlı rəngdir. Тozunun həna
tozu ilə müxtəlif nisbətlərdə qarışığından tünd qaradan açıq sarıya qədər müxtəlif
rəng çalarlığı yaratmaq mümkündür. Yarpaqları həmçinin dərman əhəmiyyətlidir.
140
Vyetnamda çiban və müxtəlif dəri-zöhrəvi xəstəlikləri, Hindistanda isə qara ciyər
xəstəliyinin müaliçəsində istifadə olunur.
Basma bitkisi tropiklərdə palma (Cocos nucifera L.) plantasiyalarında zərərli
alaqlara qarşı mübarizə məqsədi ilə əkilir. Onlar həm də torpağı azotla
zənginləşdirdikləri üçün böyük əhəmiyyət kəsb edirlər.
Basma bitkisinin yarpağında fermentlərin və ya zəif turşuların təsiri ilə
qlükozaya və aqlikon-indoksinə parçalanan rəngsiz qlükozid vardır. Aqlikon-
indoksin rəngsizdir, lakin əsası mühitdə havanın oksigeni ilə oksidləşir və göy
rəngli indiqoya çevrilir.
İndiqo boyaq maddəsi yaxın keçmişə qədər “ boyaq maddələrinin şahı ” (King
of the ohystuff) hesab edilirdi. Avropa xalqları uzun müddət bu boyağı “Hindistan
daşı” adlandırmışdır. İlk dəfə Mark Pol onun bitki mənşəli olduğunu göstərmişdir.
İndiqofera bitkisinin yarpaqlarından alınan basma adlı tozun tərkibində biçin
vaxtından asılı olaraq 7,39-8,42 mq/kq kalsium, 0,09-0,29 mq/kq fosfor, 9,6- 55,7
mq/kq karotin, 2,40- 4,13 % yağ, 7,40-9,60 % sellüoza, 15,43-17,73 % kül, 2,68-
3,56 % azot və s. maddələr olur.
İndiqo maddəsi basma bitkisinin yarpaqlarında çəki hesabı 0,6 %, bütövlükdə
isə 0,25 % təşkil edir.
Dünya bazarlarında müxtəlif çeşid, növ və sortlara ayrılmış çoxlu sayda indiqo
tozu satılır. Тərkibində 50 % indiqo boyağı olan toz aşağı növ, 82 % - dən çox olan
isə əla növ hesab edilir.
Təbii indiqo boyağının quruluşu alimlərə məlum olduqdan sonra onu süni yolla
sintez etməyə başladılar.
Botaniki təsviri və bioloji xüsusiyyətləri. Basma (İndiqofera) bitkisi paxla-
lılar (Fabaceae) fəsiləsinin İndiqofera (İndigofera) cinsinə daxildir. Bu cinsin
tropik ölkələrdə bitən 350-yə qədər növü vardır.
Basma bitkisini ilk dəfə boyaq indiqoferası (İ. tinctoria L.) adı ilə 1753-cü ildə
K. Linney təsvir etmişdir. Sonradan bu bitki Burkil (Burkill I. H.) tərəfindən 1935-
ci ildə, Dalziel (Dalziel I. M.) tərəfindən 1937-ci ildə təsvir olunmuşdur.
141
Basma bitkisi torpağa tələbkar olmaqla qumsal və münbit torpaqlarda yaxşı
inkişaf edir. Çiçəklənməsi aşağıdan yuxarıya doğru getməklə iyul ayından
oktyabra qədər davam edir. Vegetasiya müddəti 150-180 gündür. Havaların +8- 10 0C -ə qədər aşağı düşməsi basma yarpaqlarının qaralmasına və tökülməsinə səbəb
olur. Həna bitkisinə nisbətən suya az tələbkardır. Vegetasiya dövründə 3-4 dəfə,
nadir hallarda isə 5 dəfə suvarılır. Toxumları oktyabr-noyabr aylarında yetişir.
Azərbaycan MEA-nın Тorpaqşünaslıq və Aqrokimya institutunda 1976 -1977 -
ci illərdə indoqofera bitkisinin qida şəraitini öyrənmək məqsədilə vegetasiya və çöl
tədqiqatları aparılmışdır. Məlum olmuşdur ki, bu bitkinin azot, fosfor və kalium
elementləri ilə yanaşı, selen, molibden və s. mikroelementlərə də tələbatı çoxdur.
Tarixi və yayılması. Boyaq indiqoferası (İ. tinctoria L.) növü ancaq mədəni
halda Xorvatiya, İtaliya, Hindistan, Seylon, Çin, Filip-pin, Yaponya, Yava adası,
Malakka, tropik Afrika, Misir, Amerika, Britaniya, Honduras, Kolumbiya və
Gürcüstanın Batumi ətrafında becərilir. Azərbaycan xalqı indiqo (basma) boyağı
ilə XVIII əsrin sonu XIX əsrin əvvəllərində tanış olmuşlar.
XIX əsrin ortalarında Azərbaycanın Lənkəran qəzasındakı Cığırlı kəndində
becərilən indiqofera (basma) bitkisindən alınan boyaq Paris sərgisində qızıl medala
layiq görülmüşdür. Bu bir daha göstərir ki, Azərbaycanda indiqofera bitkisinin
becərilməsinə hələ qədimlərdən maraq göstərilmişdir. Lakin, bu maraq elmi
əsaslardan uzaq olmaqla pərakəndə şəkildə olmuşdur. XX əsrin 60-70- ci illərindən
isə bu bitki planlı elmi əsaslarla öyrənilir.
Onu da qeyd edək ki, ayrı-ayrı adamlar və çox təəssüf ki, bəzi hallarda alimlər
belə bu qiymətli bitki haqqında səthi biliyə malikdirlər. Hətta əsas saç
rəngləyicilərindən olan basma tozunun bitkidən yox, torpaqdan hazırlandığını
iddia edənlərə də rast gəlinir.
Torpağın hazırlanması və qulluq işləri. Basma bitkisi üçün torpaq adi
qaydada, yəni respublikada əkilib-becərilən digər paxlalı bitkilərdə (noxud, lobiya,
paxla və s.) də olduğu kimidir. Sələf bitkiləri yığıldıqdan sonra 25-30 sm
dərinlikdə dondurma şumu aparılır. Torpağın əsas becərilməsi başqa yazlıq
142
cərgəarası becərilən paxlalı bitkilərdə olduğu kimi aparılır. Yazda səpinə qədər
dondurma şumu malalanır, iki dəfə (8-10 və 5-6 sm dərinlikdə) mala ilə birlikdə
kultivasiya aparılır.
Səpini. İndiqofera (basma) əsasən toxumlarla çoxalır. Тoxum birbaşa sahəyə
səpilir. Тoxumlarının cücərməsi üçün yüksək hərarət və rütubət tələb olunduğun-
dan ən yaxşı səpin vaxtı iyun ayının əvvəlləri hesab edilir. Əlverişli şəraitdə
toxumlar 3-5 günə cücərərək torpağın üzünə çıxır. Səpindən əvvəl toxumların
isladılması cücərmə faizini qat-qat artırır. Basma toxumlarının cücərməsi üçün
torpağın rütubətli olması vacib şərtdir. Buna görə də basma toxumları arata
səpilməlidir. Yazda torpağın temperaturu 15-18 0C olduqda basma toxumları
səpildikdə müntəzəm çıxışlar alınır.
Xəstəlikləri, ziyanvericiləri və onlara qarşı mübarizə tədbirləri. Basma (İ.
tinctoria L.) bitkisinin də xəstəlik və zərərvericləri hələlik tam öyrənilməmişdir.
Lakin vegetasiya müddətində bu bitkinin də üzərində mənənələr və rəngini
dəyişmiş (saralmış, qonurlaşmış və qaralmış) yarpaqlar müşahidə edilir. Bu
yarpaqlar ya quruyaraq tökülüb məhsuldarlığın azalmasına səbəb olur, ya da ki,
bitkinin üzərində biçin vaxtına qədər qalır. Basma bitkisinin də əsasən yarpaqları
istifadə olunur. Rəngini dəyişmiş (xəstələnmiş) yarpaqlar üyüdülərkən alınan
məhsulun rənginin dəyişməsinə və keyfiyyətinin pisləşməsinə səbəb olur. Biçindən
sonra yarpağı gövdədən təmizləyərkən bu yarpaqları seçmək işi çətinləşdirir. Bu
işə çoxlu əmək sərf olunur.
Basma bitkiləri üzərində birinci biçinə qədər mənənələr, birinci biçinin
axırlarında isə pambıq sovkaları da müşahidə edilir. Həmin sovkalar qısa vaxt
ərzində əmələ gəlmələrinə baxmayaraq, yarpaqları yeyib ziyan vura bilirlər. Bu
sovkalar mənənələrə qarşı çiləmə aparılmayan sahələrdə əmələ gəlir. Onlara qarşı
mübarizə məqsədi ilə basma əkilmiş sahələrdə Bi-58 və yaxud da fazalon məhlulu
(0,2 %-li) ilə çiləmə aparılmalıdır. Əgər sahələrdəki bitkilərdə gənələr müşahidə
edilərsə 0,2 %-li fazalon preparatına kolloid kükürd (10 litr suya 80 qram)
143
məhlulu qarışdırılaraq çilənmə aparılmalıdır. Bu preparatlarla çiləmə aparıldıqda
basma sahələri xəstəlik və zərərvericilərdən qorunmuş olur.
Açıq sahədə səpin vaxtı və yarpaq məhsuldarlığı. Açıq sahəyə toxumları
səpilən bitkilərdə səpin vaxtının düzgün təyin edilməsinin bitkilərin sonrakı
inkişafında əhəmiyyəti əvəzedilməzdir. Yeni torpaq - iqlim şəraitində introduksiya
edilmiş bitkiləri açıq sahəyə səpən zaman xüsusilə diqqətli olmaq tələb olunur.
Çünki, bu torpaq-iqlim şəraiti bitkinin uyğunlaşıb yaşadığı ərazinin və ya onun
vətəninin torpaq-iqlim şəraitindən fərqlidir. Ona görə də çalışmaq lazımdır ki, bu
bitkilər əkilən zaman ekoloji amillərin təsiri nisbətən əlverişli olsun.
Basma bitkisi də yeni introduksiya olunmuş bitkilərdəndir. Yuxarıda qeyd
olunduğu kimi basma toxumları birbaşa açıq sahəyə səpilir və alınan cücərtilərə
3,5- 4,0 ay aqrotexniki qulluq göstərilməklə becərilir. Şirvan bölgəsində basma
bitkisinin açıq sahəyə səpilməsinin ən əlverişli vaxtı 20-25. IV ay, Gəncə-Qazax
bölgəsində isə 20 - 25. V ay hesab olunmalıdır. Basma bitkisi Şirvan bölgəsində iki
biçində orta hesabla 28,9 s/ha, Gəncə-Qazax bölgəsində isə 37,9 s/ha quru yarpaq
məhsulu verə bilir. Biçilməyib toxumluq üçün saxlanılan basma bitkilərindən isə
25,32 - 27,22 s/ha toxum məhsulu almaq olur.
Becərilmə texnologiyası və yığım. Basma üçün yaxşı sələflər payızlıq buğda,
çoxillik otlar, dənli-paxlalı və cərgə araları becərilən bitkilər hesab olunur. Basma
üzvi gübrələrə tələbkardır. Hektara 20-30 ton peyin və mineral gübrələr verilir.
Peyin və ya tam mineral gübrə (N90P90K60) dondurma şumu altına verilir. Azot
gübrəsini öz kökləri ilə də toplaya bilir. Basma bitkisinin açıq sahəyə toxumları
səpilir. Toxumlar cərgə araları 60 - 70 sm, bitki araları 10-15 sm olmaqla səpici
maşınlarla səpilir. Səpildikdən 5-7 gün sonra cücərtilər alınmağa başlayır.
Təxminən avqust ayının əvvəllərində (5-15. VIII) həna bitkisində olduğu kimi
basma bitkilərinin də kütləvi çiçəkləməsi baş verir. Bu dövrdə bitkilərin I biçini
aparılır. Biçini əl ilə və xüsusi biçən maşınlarla aparmaq olar. Biçilmiş yaşıl kütlə
dərhal isti və kölgə yerlərə daşınmalı, nazik qatlarla sərilib qurudulmalıdır.
Qurutma işləri xüsusi istixanalarda və maşınlarda (çay yarpağı qurudan
maşınlarda) da aparıla bilər.
144
Tam quruduqdan sonra basma bitkisinin yarpağı gövdəsindən ayrılaraq, yarpaq
xüsusi dəyirmanda üyüdülüb toz halına salınaraq qablaşdırılmalıdır.
Sahə isə birinci biçindən sonra kultivasiya edilib, suvarılmalı və sonrakı qulluq
işləri aparılmalıdır. II biçin isə yenə də bitkilərin kütləvi çiçəkləməsi vaxtında,
təxminən oktyabrın axırlarında aparılmalıdır. II biçini gecikdirmək olmaz. Əks
təqdirdə bitkiləri ilkin payız şaxtaları vurur, məhsulun keyfiyyəti aşağı düşür və
xarab olur. II biçində də biçmə və qurutma işləri I biçindəki və həna bitkisində
olduğu kimidir.
MÖVZU:15. ZƏFƏRAN BİTKİSİNİN ƏHƏMİYYƏTİ VƏ
BECƏRİLMƏSİ
Mühazirənin planı:
1. Zəfəranın xalq təsərrüfatı əhəmiyyəti.
2. Botaniki təsviri və bioloji xüsusiyyətləri.
3. Zəfəranın yayılması.
4. Zəfəranın becərilmə texnologiyası (əkilməsi, becərilməsi, gübrələnməsi,
suvarılması)
5. Zərərverici və xəstəlikləri
6. Zəfəranla müalicənin qaydaları
Ədəbiyyat
Hümbətov H. S., Xəlilov X. Q. Texniki bitkilər. Bakı: “Aytac”, 2010, 415 s.
İbadlı O.V. Müalicə bitkiləri. Zəfəran. Bakı: Çıraq, 1999,16 s. İbadlı O.V. Zəfəran. Bakı: “Tural” NPM, 2005, 28 s.
145
Вульф Е. В., Малеева О. Ф. Мировые ресурсы полезных растений,
(пищевые, кормовые, технические, лекарственные и др). Спра-
вочник. Л:. «Наука», 1969, с. 219.
Дамиров И. А., Прилипко Л. И. Лекарственное растения Азербай-
джана. Баку, «Маариф» 1988, 319 с.
ZƏFƏRAN (CROCUS SATİVUS L.) BİTKİSİNİN ƏHƏMİYYƏTİ VƏ
BECƏRİLMƏSI
Dünya bazarında yüksək alıcılıq qabiliyyətinə malik müalicəvi bitkilərin
ölkəmizdə yetişdirilməsi və inkişafı üçün həm təcrübə, həm də əlverişli iqlim
şəraiti mövcuddur. Belə bitkilərin yetişdirilməsi qida sənayesində tətbiq edilən bir
sıra ziyanlı konsentratları əvəz edərək insanların sağlamlığının qorunmasında
dönüş yarada bilər. Onlardan biri də zəfəran bitkisidir.
Zəfəranın xalq təsərrüfatı əhəmiyyəti. Zəfəranın qurudulmuş telləri qədim
vaxtlardan bəri ətirli ədviyya kimi müxtəlif Azərbaycan xörəklərinə qatılır. Xalq
təbabətində isə çay dəmləməsi, spirtdə cövhəri müxtəlif xəstəliklərin müalicəsində
istifadə olunur. Şərq təbabətində bitkidən hazırlanmış müalicə əhəmiyyətli
dərmanların 300-dən çoxunda zəfəran əsas komponent kimi istifadə olunmuşdur.
Zəfəranın tərkibində əsasən iki təsiredici maddə vardır: 1-pikrokrosin, 2-krosin.
Pikrokrosin qlikozidi təmiz halda rəngsiz və acı dadlı kristal maddədir. Parçalan-
dıqda 0,6 %-ə qədər efir yağı əmələ gətirir. Krosin isə sarı rəngli maddədir, suda və
spirtdə yaxşı həll olur, ferment təsirindən parçalandıqda iki hissə gensibioza adlı
şəkər əmələ gətirir ki, bu da hidroliz nəticəsində qlükozaya çevrilir. Krosin zəfəra-
nın boyayıcı maddəsidir. Elmi təbabətdə zəfəran tinktura şəklində (tinktura -
spirtdə və efirdə həll edilmiş dərman cövhəri) və tiryək damcısının tərkibində
mədə-bağırsaq xəstəliklərində sakitləşdirici və ağrıkəsici dərman kimi işlədilir.
Xalq təbabətində zəfərandan sinir sistemini tonuslandıran maddə kimi də istifadə
olunur.
146
Azərbaycan xalqı zəfəranın qurudulmuş tellərindən 50-dən çox şirniyyat
məmulatı hazırlanmasında istifadə edir. Ət və balıq xörəklərinə onun sulu məhlulu
əlavə edildikdə həmin məhsullar xoşagələn rəng alır, dadlı və xoş ətirli olur.
Zəfəran çox qədim zamanlardan bəri həm də qiymətli dərman və yaxşı sarı
boyaq kimi istifadə edilir. Hələ eramızdan çox-çox əvvəl İran, Vavilon, Midiya
hökmdarlarının ayaqqabıları zəfəranla sarı rəngə boyadılardı. Məşhur yunan
həkimi Hippokrat zəfərandan müalicə məqsədilə çox istifadə etmişdir.
Zəfəran qədim Misir, Babilistan, İran və digər Asiya ölkələrində, Romada
boyaq maddəsi kimi işlədilir, təbiblər onunla bir çox xəstəlikləri müalicə edirdilər.
Zəfəran iştahasızlığı, yuxusuzluğu, sinir zəifliyini aradan qaldırır, orqanizmi
gücləndirir. Hətta baş, ürək, göz, qulaq ağrıları zamanı zəfərandan istifadə effektli
sayılır, öskürəyin qarşısını alır, qızdırmanı salır. Vaxtilə zəfəran çox baha
olduğundan ondan əsasən şahlar, krallar və zadəganlar istifadə edərmişlər. Şahlar,
sultanlar və onların xanımlarının paltarları bu bitkinin rəngi ilə boyanardı. Kübar
qadınlar saçlarını zəfəranla boyayardılar. İngiltərədə isə həddən ziyadə qiymətli
bitki olduğu üçün qadınlara zəfəranla saçlarını boyamaq qadağan edilmişdi.
Avropada orta əsrlərdə saxta zəfəranı bazara çıxaranlar edam olunurdu.
Ümumiyyətlə, dünyada əsrlər boyu zəfəran möcüzəvi keyfiyyətlərə malik bitki
kimi sevilib, qorunub. İndi də belədir. Zəfərandan əsasən boyaçılıqda, əczaçılıqda
və yeyinti sənayesində istifadə olunur. Keçmişdə boyaçılıqda xalça və s. boyamaq
üçün geniş istifadə olunub. Buna səbəb həm boyama gücünün həddindən artıq çox
olması (öz miqdarının 100 min misli qədər), həm də xoşagələn parlaq sarı rəng
verməsi idi. Amma zəfəranın qiymətinin baha olduğuna görə indi boyaq maddəsi
kimi çox az istifadə olunur.
Azərbaycan dilindən başqa ərəb dilində də bu bitkiyə "zəfəran" deyilir. İspanca
"azafran", ingiliscə "saffron", fransızca "safrane", italyanca "zaferano" və hind
dilində "zuffron" adlanır.
Botaniki təsviri və bioloji xüsusiyyətləri. Zəfəran (Crocus) bitkilər aləminin
“örtülütoxumlular” şöbəsinin “ikiləpəlilər” sinfinin “quzqonmazçiçəklilər” sırası-
nın Zanbaqçiçəklilər (İridaceae) (süsənkimilər) fəsiləsinə aid olan bitkidir. Bu
147
bitkinin 1 qramı 100 litr suyu sarı rəngə boyayır. Dünyada zəfəranın 70 cinsinə aid
1800 növü məlumdur. Bunlardan yalnız biri mədəni halda becərilir. Mədəni
zəfəranın (Crocus sativus L.) yeraltı hissəsi yumru soğanaqlardan ibarətdir.
Zəfəran bu soğanaqlar vasitəsi ilə çoxaldılır. Hündürlüyü 0,2 m-ə qədər, birləpəli,
ensiz - tel yarpaqlı, 1-2 çiçək gətirən və yeraltı yumruları ilə çoxalan çoxillik ot
bitkisidir. Açıq qırmızı və ya qırmızı-bənövşəyi gözəl çiçəkləri vardır. Zəfəranı
dünyada məşhurlaşdıran onun çiçəyinin içərisindəki dişicik telləridir. Hər bir çiçək
tacının ortasından al-qırmızı rəngli (parlaq narıncıya çalan qırmızımtıl) üç ədəd
dişiciyi yetişir ki, bu çiçəklərin də son dərəcə xoşagələn ətirli iyi və acıtəhər dadı
olur. Bu tellərin əvəz olunmaz müalicəvi əhəmiyyəti midiyalılara, assurilərə hələ o
vaxtlar məlum idi. Dişiciyin ağzı baş tərəfdən qıfvari formada iriləşmişdir. Zəfəran
cinsinin adı yunanca “krokus” - (crokus sap deməkdir - dişi çiçəklərinə görə
verilmişdir), növün adı isə latınca “sativus” - əkilən sözlərindən götürülmüşdür.
Zəfəran bitkisində gövdə, demək olar ki, inkişaf etmir. Yarpaqları ensiz,
uzunsov, tünd yaşıl rəngdədir. Kök ətrafında yerləşərək rozet əmələ gətirir.
Uzunluğu 44-50 sm-ə çatır. Soğanaqların çiçəkvermə qabiliyyəti onların böyük-
lüyündən asılıdır. Diametri 1-2 sm olan soğanaqların çox az hissəsi çiçəkləyir.
Diametri 2-3 sm olan soğanaqların hərəsi orta hesabla bir çiçək verir. Diametri 3-4
sm olan olanların hərəsi 4-5 çiçək, diametri 4 sm-dən çox olanların hərəsi isə 8-9
çiçək verir. Hər çiçəkdə altı ləçək olur.
Payızda Oktyabr- Noyabr aylarında çiçək açır. Çiçək yağmurlu havalarda və
gecələr qapanır. Zəfəranın çiçəyinin dişiciyindən ədviyyat kimi istifadə olunur.
Soyuq və şaxtalı havalara tab gətirə bilən zəfəranın kökü -180 - dən +400-dək
temperaturda inkişaf edir. Amma çiçəkləmə dövründə, əksinə olaraq quru və
günəşli hava əlverişlidir, çünki zəfəranın çiçəkləri donmağa qarşı çox həssasdır.
Zəfəran bitkisi yüksək miqdarda maye tələb edir ki, bu səbəbdən də o yalnız
Kəşmirdə illik 1000-1500 mm yağıntı düşməsi səbəbi ilə suvarılmadan yetişdirilir.
Hətta illik 500 mm yağıntı düşən Yunanıstanda və 400 mm yağıntı düşən İspa-
niyada belə zəfəranı yalnız suvarma yolu ilə yetişdirmək mümkündür.
148
Tarixi və yayılması. Zəfəran neçə əsrlərdir ki, dünyada nadir, müalicəvi, həm
də müqəddəs çiçək sayılır. Bir çox mənbələrə görə zəfəranın becərilməsi 3-4 min
il bundan əvvələ təsadüf edir. Bu bitki əsasən İranda, İspaniyanın cənubunda və
Pakistanın Kəşmir əyalətində, həmçinin Azərbaycan, ABŞ, Mərakeş, Hindistanda,
Meksikada, Türkiyədə, Fransada, Misirdə, Əfqanıstanda və Çində becərilir. Bəzi
mənbələrdə qeyd olunur ki, bu nadir bitki Avropaya ərəb istilaları zamanı
aparılmışdır.
İran, İspaniya, İtaliya, Fransa, Türkiyə, Çin, Əfqanıstan, Meksika və digər
ölkələrdə bu bitkinin onlarca növü yetişdirilir. Bir sıra Avropa dövlətlərinin aqrar
siyasətində zəfəran perspektivli bitki kimi dəyərləndirilir, ona investisiya qoyul-
ması təbliğ edilir.
Zəfəranın əsas istehsalçısı İrandır. Belə ki, bu ölkənin payına ümumi zəfəran
istehsalının 65%-dən çoxu düşür. İran hər il 40-dan çox ölkəyə ümumilikdə 200
tona yaxın zəfəran ixrac edir. Bu ölkələr əsasən İspaniya, BƏƏ, Almaniya, İtaliya,
Fransa, Bəhreyn və İsveçrədir.
Azərbaycanda Abşeron yarımadası zəfəranı ilə tarixən məşhurdur. Bu bitki
Abşerona VIII-IX əsrlərdə kiçik Asiyadan gətirilib. 1941-ci ilə qədər hər il
yarımadada 600 kq-a qədər quru zəfəran hazırlanırmış. Hazırda Abşeron rayonu-
nun Bilgəh qəsəbəsində becərilən zəfəran ədviyyələrin ən qiymətlisi hesab olunur.
Azərbaycan mətbəxinin şah xörəyi sayılan əsl plovu da zəfəransız təsəvvür etmək
çətindir. Abşeronun mülayim qışı, günəşli yayı və münbit torpağı zəfəranın
becərilməsi üçün çox əlverişlidir. Hələ 1927- ci ildə Bilgəhdə “Zəfəran” sovxozu
da yaradılmışdı. 140 hektar sahəsi olan sovxozda il ərzində 140-150 kiloqram quru
zəfəran yığılardı. Dünya bazarında bir qram zəfəranın qiyməti keyfiyyətindən asılı
olaraq 1-10 manat arasında dəyişir. Qeyd edək ki, Bakının Məmmədli, Maştağa,
Nardaran, Pirşağı, Fatmayı kəndlərində yetişdirilən bu bitki yüksək keyfiyyətinə
görə həmişə fərqlənib. Məhsuldarlıq yüksək olduğundan daxili tələbatı ödəməklə
yanaşı, xarici ölkələrə də ixrac edilib. Hətta Abşeronda yarım tondan artıq
zəfəran yığıldığı vaxtlar da olub. Vaxtilə Bilgəh kəndində hər tərəf zəfəran idi.
Kəndin sakinləri bu bitkidən yaxşı qazanc götürürdü. Bilgəhdə “zəfəran”
149
sovxozunun ləğv edilməsi, torpaqların bir qismində yeni yaşayış evlərinin tikilməsi
zəfəran sahələrinin azalaraq 20 hektara enməsinə səbəb oldu. İndi Abşeronda il
ərzində təxminən 60-70 kiloqram zəfəran tədarük olunur. Halbuki təbii şəraiti
imkan verən əksər ölkələrdə onun qorunub artırılmasına xüsusi önəm verilir.
Bir kiloqram quru zəfəran almaq üçün 200-250 minə yaxın çiçək lazımdır.
Azərbaycanda ən keyfiyyətli zəfəran Bilgəhdə yetişir. Görünür, bu, kəndin
havasındandır. Bilgəh qəsəbəsində elə ailə var ki, 1 kiloqramadək quru zəfəran
istehsal edə bilir. Abşeronun iqlim və torpaq şəraitinin əlverişli olmasına
baxmayaraq bu bitkiyə ayrılan sahə çox azdır. Məhsuldarlıq isə son vaxtlar
aşağıdır. Hər sentnerin maya dəyəri baha başa gəlir. Bunun bir səbəbi də əkin
materialının az olması, əkən becərən texnikanın qıtlığıdır. Başlıca səbəbi isə
aqrotexniki tədbirlərin düzgün həyata keçirilməməsidir.
Nədənsə ölkəmizdə sahibkarlar bu sahənin perspektivlərini aydın görmürlər.
Bəlkə də bu, xaricdən və əsasən İrandan gətirilən ucuz zəfəran bazarını ələ
keçirməsi ilə bağlıdır. Orta hesabla hər bir insanın bu məhsula illik tələbatını cəmi
bir qramdan hesablasaq, Azərbaycanın zəfərana olan illik tələbatı 9 tona çata bilər.
Bu rəqəmin özü də zəfəranın perspektivinin böyük olmasından xəbər verir.
Əvvəllər belə hesab edilirdi ki, Azərbaycanda yalnız Abşeron yarımadasında
bu qiymətli bitkidən məhsul almaq mümkündür. Artıq məlumdur ki, Abşerondan
başqa Azərbaycanın digər bölgələrində də məsələn Bərdə rayonunda və Gəncə-
Qazax bölgəsində də zəfəran yetişdirmək mümkündür. Bunun üçün yeni texnolo-
giyalar tətbiq etmək, məhsulu tanıtdırmaq üçün ilk vaxtlar təbii ki, daha çox iş
görülməlidir.
Zəfəranın becərilməsi texnologiyası. Zəfəranın əkilməsi üçün torpaq yüngül,
qumsal olmalıdır. Yaxşı olar ki, torpağa hər hektara 20 ton hesabı ilə çürümüş
peyin verilsin. Ən yaxşı əkin vaxtı iyul-avqust aylarıdır.
Soğanaqlı yumruları əkməzdən qabaq iki faizli marqanes məhlulu ilə 40-50
dəqiqə ərzində dezenfeksiya etmək lazımdır. Əkin 5-12 sm dərinliyində, bitki arası
20-30 sm, cərgə arası 10-15 sm olmaqla aparılmalıdır. Yaxşı olar ki, əkindən sonra
hava quraq olarsa, bir dəfə bol suvarılsın.
150
Vegetasiya ərzində sonrakı qulluq qaydaları suvarmadan, yemləmə gübrə-
lərinin verilməsindən (iyul, avqust) və alaq otlarına qarşı mübarizədən, cərgəara-
larının yumşaldılmasından ibarət olmalıdır.
Zəfəran oktyabr-noyabr aylarında çiçəkləyir. Birinci il əkilmiş bitkilərdə 2-3 və
daha çox açıq bənövşəyi rəngli çiçəklər əmələ gəlir. Çiçəkləri səhər-səhər toplayır
və içərisindəki dişicik tellərini ayırırlar. Ayrılmış dişicik telləri gün düşməyən
yerdə 18-22 0C istilikdə qurudulur, sonra kiçik polietilen torbalara tökülür, bu
torbalar isə dəmir qablara qoyulub satışa göndərilir. Bu qayda ilə qurudulub
toplanmış telciklər öz ətrini, rəngini uzun müddət saxlayır. Yaxşı olar ki, tədarük
edilmiş zəfəran telləri ağzı kip bağlanan şüşə qablarda saxlanılsın. Bu qaydalara
əməl edilsə o, keyfiyyətini itirmədən 10-15 il qala bilər. Qurudulmuş zəfəran
ləçəklərini çay ilə birlikdə dəmləyib içmək olar. Bəzi ölkələrdə (məsələn, İspa-
niyada) zəfəran xüsusi ələklərin içərisində közərdilmiş kömür üzərində 15-20
dəqiqə müddətində qurudulur, sonra xüsusi qablarda dünya bazarına göndərilir.
Hesablamalar nəticəsində müəyyən edilmişdir ki, 1 kq zəfəran əldə etmək üçün
200 -250 minə qədər zəfəran bitkisinin çiçəyi tələb olunur.
Zəfəranın çoxalma əmsalı respublikamızın ayrı-ayrı rayonlarında 3-12 ədəd
olur. Soğanaqlı yumruların torpaqdan çıxarılması yerüstü yarpaqlarının tam
quruyan vaxtı aparılmalıdır. Bu təxminən may ayının axırlarına düşür. Yaxşı olar
ki, əkilmiş zəfəranın soğanaqlı yumruları 3-4 ildən bir çıxarılıb təmizlənsin,
ölçülərinə görə çeşidlənsin və sonra əkilsin və yaxud əkin vaxtına kimi quru sərin
yerdə saxlanılsın. Əks təqdirdə soğanaqlı yumrular torpaqda çox qaldıqda məh-
suldarlıq aşağı olur və cırlaşır.
Əkilməsi. Zəfəran Abşeronda iyul, avqust aylarında əkilir. Cərgəarası məsafə
30-50 sm, cərgədəki soğanaqların arasındakı məsafə 8-10 sm olmalıdır. Bundan sıx
əkildikdə məhsulun keyfiyyəti aşağı düşür. Soğanaqlar 15-20 sm dərinliyə əkilir.
Becərilməsi. Becərməyə çiçək yığımı qurtarandan sonra başlamaq lazımdır. Bu
zaman cərgə aralarına kultivasiya çəkmək lazımdır. Kultivatorun cərgəyə yaxın
dişləri 8-10 sm dərinliyə, orta dişləri isə 16 sm dərinliyə batmalıdır. Kultivatorun
yan dişləri cərgədən 10 sm aralı keçməlidir.
151
Cərgə aralarına kultivasiya çəkiləndə yığım dövründə tapdanıb bərkimiş
torpaqlar yumşalır, havanın daxil olması asanlaşır. Cərgələrin yanlarında qalan
müdafiə zolağı ketmənlə, cərgənin özü isə dəmir dırmıqla yumşaldılır, alaq otları
təmizlənir. Dırmıqlardakı dişlərin arası elə olmalıdır ki, iş vaxtı o, pöhrələrin
üstünə düşüb onları sındırmasın. Sonralar cərgə aralarında alaq və ya suvarmadan
sonra qaysaq bağladıqda kultivatorla yumşaldılır.
Gübrələnməsi. Abşeronun açıq-boz torpaqlarının tərkibində qida maddələri
azdır. Odur ki, torpağı əkinə hazırlayanda sahəyə əlavə gübrə vermək lazımdır.
Zəfəranın çiçəkləri yığıldıqdan sonra onun intensiv böyüməsi başlayır (noyabrın
axırı və ya dekabrın əvvəli). Odur ki, birinci dəfə əlavə gübrəni dekabrın
əvvəllərində səpmək olar. Zəfəran əkilərkən torpağa kifayət qədər superfosfat və
kalium duzu verildiyindən əlavə gübrə kimi yalnız ammonium şorasından istifadə
edilir. Dekabr və fevral aylarında hektara 150 kq ammonium şorası, ikinci ildən
etibarən isə hər hektara əlavə olaraq 200 kq superfosfat və 100 kq kalium duzu
verilir. Sahənin hər yerinə eyni miqdarda gübrə səpmək düzgün deyil. Çünki,
zəfəranın kökləri şaxələnmədən şaquli istiqamətdə uzanır. Kənara verilən gübrənin
ona heç bir faydası olmur.
Suvarılması. Suvarma zəfəranın məhsuldarlığını və yumru soğanaq çıxımını
artırır. Lakin suvarma zamanı bitkinin bioloji xüsusiyyətlərini nəzərə almaq
vacibdir. Hər şeydən əvvəl, yadda saxlamaq lazımdır ki, payızın əvvəlində yağışlar
olanda zəfəranın vegetativ orqanları sürətlə inkişaf edir. Bu zaman su qənaətlə
verilməlidir. Payız quraq keçdikdə isə yalnız oktyabr ayında bitkilər suvarılmalıdır.
Zərərvericiləri. Zəfəranın əsas zərərvericiləri dovşanlar və siçanlardır.
Dovşanlar zəfəran yarpaqlarını böyük iştaha ilə yeyir. Siçanlar isə torpağın altında
yuva düzəldib zəfəranın soğanlarını zədələyir və ya tamam yeyir. Zədələnmiş
soğanaqların yerüstü hissələri, yarpaqları saralır və quruyur. Ərəb dovşanları və
siçanları sink fosfid qarışdırılmış buğda dənələrini yuvaya qoymaqla məhv etmək
olar.
Xəstəlikləri. Rizoktoniya və sklerotina göbələk xəstəlikləri də zəfəranın
düşmənidir. Rizoktoniya xəstəliyinə tutulmuş plantasiyada yarpaqlar saralır. Bu
152
zaman göbələk mitseli soğanaqların səthini örtür və tədricən soğanağın içinə keçir.
Xəstələnmiş yumru soğanaqların üzərində içərisində hisə oxşayan kütlə ilə dolu
çuxurlar əmələ gəlir. Sklerotina göbələyi ilə xəstələnmiş yumru soğanaqlar
cücərməyə başlayır. Hər iki xəstəliyə tutulmuş soğanaqları dərhal seçib ayırmaq və
əkin qabağı formalinlə dərmanlamaq lazımdır. Bütün bunlarla yanaşı zəfəranın
əkilməsi, becərilməsi, yığılması mexanikləşdirilməlidir. Əgər belə olmazsa
yuxarıda adları çəkilən bütün tədbirlər həyata keçirilsə də yüksək məhsuldarlıqdan
söhbət gedə bilməz.
Hər bir zəfəran həvəskarı yuxarıda göstərilən qaydalara əməl etsə ev şəraitində
və həyətyanı sahəsində zəfəranı əkib becərə bilər. Onun zərif çiçəkləri evə yaraşıq
verər, 3-5 ədəd teli isə xörəklərinizi sap-sarı rəngə boyayar və əla tam verər. Qida
sənayesində, mətbəximizdə zəfəran işlətmək ənənəsini bərpa etmək, bu nadir
məhsulun üstünlüklərini təbliğ etmək, onu becərənlərə mənəvi və maddi dəstək
vermək zəfəranın becərilməsini stimullaşdıra bilər. Fikrimizcə, Kənd Təsərrüfatı
Nazirliyi rayon icra hakimiyyətləri ilə birlikdə maarifləndirici tədbirləri həyata
keçirsə, zəfəranla bağlı bir neçə saytın yaradılmasına təkan versə, bu məhsulu
yetişdirənlərin birliyi yaradılsa, həmin bitkiyə maraq artar, bu sahənin inkişafında
dönüş yarana bilər, yeni iş yerləri yaranar. Göyçayda Nar bayramı keçirildiyi kimi,
Bakıda da zəfəran bayramı təşkil etmək olar. Axı, zəfəran çiçəklərin sultanı, min
bir dərdin dərmanıdır. (Mənbə Elnur Hadıyev. Azərbaycan qəzeti).