adau.edu.azadau.edu.az/img/page/tmp/uDfCnbMEYK.docx · Web viewBu xəstəliklər həşəratın...
Transcript of adau.edu.azadau.edu.az/img/page/tmp/uDfCnbMEYK.docx · Web viewBu xəstəliklər həşəratın...
AZƏRBAYCAN RESPUBLİKASI KƏND TƏSƏRRÜFATI NAZİRLİYİ
AZƏRBAYCAN DÖVLƏT AQRAR UNİVERSİTETİ
Bitkiçilik və bitki mühafizəsi kafedrası
İsmayılzadə N.N.
Məmmədov V.Ə.
Mövzu 1. Entomologiya və kənd təsərrüfatı bitkilərinə zərərverən canlılar haqqında anlayış, onların növ tərkibi, çoxalma və inkişafı. Zədə və zərər.
PLAN:
1. Entomologiya fənni, onun məqsəd və vəzifələri2. Həşəratların morfoloji quruluşu3. Zərərverici həşəratların növ tərkibi4. Həşəratlarda çoxalma üsulları5. Həşəratın inkişafı6. Həşəratların qidalanma xüsusiyyətləri7. Zədə və zərər haqqında anlayış.
ƏDƏBİYYAT
1. Məmmədova S.R. - Kənd təsərrüfatı entomologiyası, Bakı, Xəlilov B.B. 1986
3. Ağayev B.İ. - Ümumi entomologiya. Bakı, 2004
4. Hümbətov Ə.M.,Əliyeva. M.Q. - Entomologiyadan praktiki məşğələlər,
Bakı, 2009
5. Hümbətov Ə.M. - Həşəratın ekologiyası və ziyanlı həşəratla mübarizə metodları, Bakı, 2011
6. Горбацов И.В., Грилченко В.В., Захваткин Ю.А. Зашита растений отвредителей Москва, 2002, 472с
GƏNCƏ – 2017
Mövzu 1. Entomologiya və kənd təsərrüfatı bitkilərinəzərərverən canlılar haqqında anlayış, onların növ tərkibi,
çoxalma və inkişafı. Zədə və zərər.
Entomologiya sözü yunan sözlərinin birləşməsi olub həşərat aləmindən bəhs
edir. entomologiya sözünün yunanca mənası – entomon – həşərat, loqos – elm
deməkdir.
Entomologiya zoologiyanın bir hissəsi olmaqla başlanğıcını həmin elmdən
götürmüş və onun əsasında inkişaf etmişdir.
Zərərli həşəratlar kənd təsərrüfatı bitkilərinə hər il kəskin zərər vurur. Bunu
nəzərə alaraq respublikamızda zərərvericilərin bioloji xüsusiyyətləri və onlarla
mübarizə aparmaq üçün bir çox idarə və müəssisələr yaradılmışdır.
Respublikamızda 1924-cü ildə Muğan təcrübə stansiyası, 1925-ci ildə
Xanlar (Göy-göl) rayonunda entomoloji kabinet, 1925-ci ildə Gəncə şəhəri
yaxınlığında Az.ETPİ-nun nəzdində entomologiya şöbəsi fəaliyyət göstərməyə
başlamışdır.
Respublikamızda 1930-cu ildə Maştağa qəsəbəsində ÜİBMİ-nun stansiyası,
1935-ci ildə Zoologiya İnstitutu, 1959-cu ildə isə Gəncə şəhərində Az.ETBMİ-u
təşkil edilmişdir.
- Həşəratlar morfoloji quruluşuna, qohumluq dərəcəsinə, inkişafına və
bioloji xüsusiyyətlərinə görə müxtəlif siniflərə, dəstələrə və növlərə ayrılırlar.
- Nematodlar – nematoda sinfinin, müxtəlif dərili nematodlar fəsiləsinin
nümayəndəsidir. Bədəni uzunsov, armud formasında olmaqla sapvaridir. Kənd
təsərrüfatı bitkilərində fırlar əmələ gətirirlər.
- Gənələr – Hörümçəkkimilər sinfinin, gənələr dəstəsinin nümayəndəsidir.
- Böcəklər – Həşərat sinfi, sərtqanadlılar dəstəsinin nümayəndəsidir.
- Kəpənəklər – Həşərat sinfi, pulcuqluqanadlılar dəstəsinin nümayən-dəsidir.
- İlbislər – yumşaq bədənlilər sinfinin nümayəndəsidir.
- Çöl siçanı – siçanabənzər gəmiricilər dəstəsinin nümayəndəsidir.
2
Yuxarıda göstərilən, müxtəlif dəstələrin nümayəndəsi olan zərərvericilərdən
başqa, təbiətdə xeyirli həşəratlar da mövcuddur. Məsələn, bal arısı xeyirli
həşəratdır. Belə ki, meyvə ağaclarının tozlanmasında böyük rolu vardır. Bal arsının
istehsal etdiyi bal məhsulu insanlar üçün qiymətli qida məhsuludur.
Tut ipəkqurdu xeyirli həşəratdır. Onun istehsal etdiyi baramadan ipək sap
əldə edilir ki, bundan da sənayedə istifadə edilir.
Lak yastıcasının istehsal etdiyi lakdan sənayedə, xüsusilə təyyarə qayırmada
istifadə edilir.
Yuxarıda göstərilən xeyirli həşəratlardan başqa təbiətdə xeyirli yırtıcı və
tüfeyli həşəratlar da vardır.
Yırtıcılardan 7 və 2 nöqtəli parabizən, karabus böcəkləri və yırtıcı
bağacıqları göstərmək olar.
Tüfeyli həşəratlardan isə yumurta yeyən trixoqamma, telenomus, apanteles,
anilasta, habrobrakon minicisi və s. qeyd etmək olar.
Göstərilən yırtıcı və tüfeyli həşəratlar heç bir kənd təsərrüfatı bitkilərinə
zərər vermir, əksinə zərərvericilərin məhv edilməsində çox aktiv iştirak edirlər.
Həşərat bədəninin quruluşu – Həşərat bədəni əsasən üç hissədən ibarətdir:
baş, döş və qarıncıq.
Başda bir cüt bığcıq, 2-3 ədəd sadə göz, bir cüt mürəkkəb göz və ağız aparatı
yerləşir.
Döş öz-özlüyündə üç hissəyə bölünür: qabaq döş, orta döş və arxa döş.
Qabaq döşdə bir cüt qabaq ayaqlar, orta döşdə bir cüt orta ayaqlar və bir cüt
üst qanadlar, arxa döşdə isə bir cüt arxa ayaqlar və bir cüt alt qanadlar yerləşir.
Qarıncıq müxtəlif buğumların birləşməsindən ibarət olub, birinci buğumda
eşitmə orqanı, tənəffüs sistemi, qan dövranı sistemi, maddələr mübadiləsi, dişi
fərdlərdə qarıncığın nəhayətində yumurta qoyan, erkək fərdlərdə isə cütləşmə
orqanı və s. yerləşir.
Ağız aparatı – Həşəratlarda əsasən iki tip ağız aparatı mövcuddur: gəmirici
ağız aparatı və sorucu ağız aparatı.
3
Gəmirici ağız orqanları bərk qida maddələrini – yarpağı, meyvələri, toxumu,
gövdəni gəmirir və onları müəyyən dərəcədə xırdalayır. Gəmirici ağız aparatı üst
dodaq (labrum), üst çənələr (mandibula), alt dodaq (labrum) və alt çənələrdən
(maxillae) ibarətdir.
Üst dodaq qidalanma zamanı yeyilən qidanın xaricə atılmasının qarşısını
alır. Onun alt hissəsində yerləşən üst çənələr olduqca möhkəmdir, hərəkət edir,
qayçı kimi ağız-ağıza gəlir və qidanı gəmirməkdən ibarətdir. Üst dodaq və üst
çənələr sadə quruluşa malikdir. Alt çənələr və alt dodaq mürəkkəb quruluşa
malikdir. Alt çənələr əsas buğum, gövdəcik, hiss çıxıntısı, daxili və xarici
çeynəyici pərlərdən ibarətdir. Alt çənələr aşağıdan alt dodaq vasitəsilə örtülür. Alt
dodaq çənə altının altı, çənə altı, hiss çıxıntısından ibarətdir.
Sorucu ağız aparatı – üst dodaq, bir cüt tükşəkilli üst çənələr, bir cüt
tükşəkilli alt çənələr və 3-4 buğumlu alt dodaqdan ibarətdir. Üst dodağın üst
hissəsi yarıqdır, alt və üst çənələr alt dodağın içərisində yerləşir.
Sorucu ağız aparatı maye halında (hüceyrə şirəsi) olan qidanı qəbul etmək
üçün uyğunlaşmışdır. Həşərat qidalanan zaman xortumlu alt dodağı yarpaq
epidermisinin üzərinə qoyur və xortumunu yığır. Bu vaxt xortum və üst çənələrlə
əhatə olunmuş alt çənələrin uc hissəsi yarpağın içərisinə daxil olur. Alt çənələr
ağız-ağıza gəldikdə onun daxilində bir cüt kapilyar novcuqlar əmələ gəlir. Həmin
novcuğun biri ilə həşərat bitki hüceyrəsinin daxilinə xüsusi tüpürcək buraxır,
hüceyrə şirəsini durulaşdırır və ikinci novcuq vasitəsilə duru halına salınmış
mayeni sorur. Bu dövrdə həşəratın udlağı daima hərəkətdə olur ki, o da zəif də olsa
atmosfer təzyiq əmələ gətirir, həmin təzyiq nəticəsində aşağıdan yuxarıya doğru
mayenin hərəkət etməsinə kömək edir.
Bığcıqlar – Həşəratlarda bığcıqlar bir cütdür və buğumlardan ibarətdir.
Həşəratın həyatında bığcıqların iybilmə və hissetmə orqanı kimi böyük əhəmiyyəti
vardır. Bığcıqlar quruluşuna görə müxtəlif formada olur. Əsasən aşağıdakı formada
bığcıqlara təsadüf olunur:
4
Sapvari bığcıq, qılvari bığcıq, təsbehvari bığcıq, mişarvari, daraqvari,
oxlovvari, toppuzvari, iyvari, lövhəvari, lələkvari, dirsəkli, qılcıqdaşıyan və qeyri-
müntəzəm bığcıq.
Ayaqlar – Həşəratda ayaqlar 4 cürdür:
1. Yüyürücü ayaqlar – qarışqalarda, milçəklərdə və sümürgən böcəklərdə.
2. Tullandırıcı (atlandırıcı) ayaqlar – çəyirtgələrdə, şalada, sisəkdə,
birələrdə, cırcıramalarda.
3. Qazıcı ayaqlar – danadişi, lövhəbığ böcəklərdə.
Qanadlar – Həşəratlarda qanadlar əsasən iki cütdür. Bəzilərində isə bir
cütdür (milçəklərdə). Qanadlar iki cüt olduqda bir cütü orta döşə və bir cütü arxa
döşə birləşir. Bir cüt olduqda isə orta döşə birləşir. Qanadlar damarlanmasına,
bərkliyinə və s. bir neçə cür olur:
1. Pərdəqanadlılar – arılarda, qarışqalarda.
2. Sərt qanadlar – böcəklərdə.
3. Yarım sərt qanadlar – bağacıqlarda.
4. Pulcuqlu qanadlar – kəpənəklərdə və s.
Həşəratda çoxalma – Həşəratlarda çoxalma əsasən yumurta qoyma ilə
gedir. Buna baxmayaraq, bəzi həşərat növləri vardır ki, onlar yumurta qoymadan
diri sürfə doğur.
Həşəratlar aşağıdakı üsulla çoxalırlar:
- Əksər həşəratlar homogenetik, yaxud cinsi üsul ilə artır. Belə ki, bu
çoxalmada erkək həşəratla dişi həşəratın cütləşməsi yolu ilə gedir. Daha doğrusu
erkək və dişi həşəratın cütləşməsindən sonra yumurta hüceyrələri spermatozid ilə
birləşir (mayalanma gedir).
- Partenogenetik, yaxud bakirə çoxalma ysulu cinsi çoxalmanın əksinə
olaraq həşərat tərəfindən qoyulmuş yumurta mayalanmadan inkişaf edə bilir. Belə
ki, həmin yumurtaların hüceyrələri mayalanmamış rüşeym verir (məsələn, bal
arısında).
- Bakirə çoxalma əksər hallarda erkək fərdlərin tamamilə iştirakı olmadan da
gedə bilir (məsələn, mənənələrdə).
5
- Poliembrional, yaxud çoxrüşeymli çoxalma cinsi çoxalmadır. Belə ki, bu
çoxalmada yumurta hüceyrəsi qabıq içərisində bir çox hüceyrələrə bölünür. Hər bir
hüceyrə yeni bir rüşeymin başlanğıcını qoyur və bir yumurtadan bir neçə həşərat
çıxır (tüfeyli pərdəqanadlılarda).
- Pedogenez, yaxud sürfə fazasında çoxalma – bu çoxalma sürfə inkişaf
fazasında gedir. Belə ki, dişi fərdin yumurtalığında olan yumurtalar mayalanmır,
inkişaf edir və həmin yumurtalardan sürfələr çıxır (milçəklərdə).
Həşəratın inkişafı – Həşəratın inkişafı iki mərhələdə gedir: 1. Rüşeymin
inkişafı – bu inkişaf yumurta daxilində gedir (embrional inkişaf). 2. Rüşeymdən
sonrakı inkişaf (nostembrional) – həşərat yumurtadan çıxandan sonra başlayıb və
məhv olan zaman qurtarır.
- Yumurta (ovum) iri bir hüceyrə olub, daxilində protoplazma və nüvədən
başqa rüşeymin inkişafı üçün zəruri olan sarılıq əmələ gətirən qida maddələri
vardır. Yumurtanın müəyyən bir qütbündə bir deşik olur və onlar mikropilə
adlanır. Mikropilə vasitəsilə spermatozoid yumurta içərisinə daxil olur və onu
mayalayır. Bundan sonra sürfə, yaxud tırtıl yumurtadan çıxır. Yumurtadan çıxan
sürfə ilk zaman ağ rəngdə olmaqla zərif olur. Onun daxilində yumurta sarısının
qalığı seçilir və bir qədərdən sonra rəngi dəyişir və ağız orqanları bərkiməyə
başlayır. Bundan sonra sürfələr acgözlüklə qidalanmağa başlayır, böyüyür və
böyümə zamanı dövriyyəvari olaraq xitin kutikulasını atır (qabıq dəyişir). Hər bir
qabıq dəyişmə sürfə üçün bir yaş olur.
Bəzi sürfələr yumurtadan çıxdıqdan sonra yetkin fazaya oxşayır, bəziləri isə
oxşamır (sürfələr, tırtıllar).
Sürfələrin (tırtılların) əsas funksiyası qidalanma və böyümədən ibarətdir.
Ona görə də bu inkişaf dövrü kənd təsərrüfatı bitkilərinə daha çox zərər verirlər.
Sürfələr müxtəlif formalarda olurlar.
1. Kampodea şəkilli sürfələr – yaxşı inkişaf etmiş üç cüt döş ayağı vardır.
Sürfələri yırtıcıdır və bədən örtüyü möhkəmdir.
2. Tırtıl şəkilli sürfələr – 3 cür döş ayaqları və 2-8 cüt qarıncıq (yalançı)
ayaqları vardır. Mişarlayıcıların 7-8 cüt qarıncıq ayağı vardır (yalançı tırtıl).
6
3. Qurdabənzər sürfələr – bu sürfələrdə qarıncıq ayaqları yoxdur. Bəzi
sürfələrin başı və üç cüt döş ayaqları vardır. Uzunburun, qabıqyeyən, arılarda və
qarışqaların sürfələrində baş vardır, döş və qarıncıq ayaqları yoxdur.
Pupun inkişafı – Sürfə (tırtıl) öz böyüməsini bitirdikdən sonra artıq
qidalanmır, sonuncu dəfə qabıq dəyişir, həzm kanalını təmizləyir və pup halına
keçir. Pup inkişaf fazasında yetkin həşəratda olan orqanlar, o cümlədən qanadları,
bığcıqları, gözləri və s. görmək olur. Pup dövründə həşərat hərəkt etmir və
qidalanmır.
Əsasən üç tip pup vardır:
1. Sərbəst pup – bu tip puplar ən çox böcəklərdə, pərdəqanadlılarda,
torqanadlılarda və s. həşəratlarda olur. Burada bığcıqlar, ayaqlar və qanadlar
bədənə sərbəst birləşmişdir.
2. Örtülü (qapalı) puplar – burada bığcıqlar, ayaqlar və qanadlar bədənə
yapışmışdır. Bu tip puplar kəpənəklərə və bəzi böcəklərə aiddir.
3. Yalançı baramalar (pupari) – əksərən milçəklərdə olur. Burada puplar
xarici tərəfdən sürfənin möhkəm qabığı ilə əhatə olunmuşdur.
Rüşyemdəki sonrakı inkişaf müddətində həşərat nəinki böyüyür, hətta yetkin
hala keçmək üçün bir sıra dəyişikliklərə uğrayır. Buna da həşəratın metamorfozu
deyilir. Metamorfoz iki qrupa bölünür: 1. Tam metamorfozlu həşərat – buraya
daxil olan dəstələr dörd inkişaf fazası keçirir: yumurta, sürfə, pup və yetkin.
Nümaynədələrindən kəpənəklər, böcəklər, torqanadlılar, ikiqanadlılar və
pərdəqanadlılar dəstələrini göstərmək olar. 2. Natamam metamorfozlu həşərat –
bura daxil olan dəstələr üç inkişaf mərhələsi keçirir: - yumurta, sürfə və yetkin. Bu
çevrilmədə həşərat pup mərhələsi keçirmir. Nümayəndəsindən düzqanadlılar,
yarımsərt qanadlılar, iynəçələr, bərabərqanadlılar və s. dəstələrini göstərmək olar.
- Həşəratlar qidalanmalarına görə əsasən üç qrupa bölünür: monofaq,
oliqofaq və polifaq.
- Monofaq sözünün mənası, mono – bir, faq isə bitkidir. Bu qrupa aid olan
həşəratlar yalnız bir bitki ilə qidalanırlar. Məsələn, yonca yarpaq uzunburun
(fitonomus) böcəyi.
7
- Oliqofaq qrupuna aid olan həşəratlar isə bir fəsiləyə aid olan bir neçə bitki
ilə qidalanır. Məsələn, Kolorado kartof böcəyi (kartof, badımcan, bibər və pomidor
bitkiləri ilə qidalanır).
- Polifaq sözünün mənası, poli – çox, faq isə bitki deməkdir. Yəni çox bitki
ilə qidalanan həşəratlar Polifaq həşəratlara aiddir: düzqanadlılar (çəyirtkələr,
şalalar, sisəklər, danadişi), böcəklər (şıqqıldaq, qarabədən və lövhəbığ böcəklər),
pulcuqqanadlılar (sovkalar, odlucalar, qarışçılar) dəstələridir.
- Ağız aparatının tipindən asılı olaraq zərərverici bitkinin toxumalarını,
yarpaq, kök, meyvələrini parçalanıb dağılmasına və toxumanın bir hissəsinin məhv
olmasına səbəb olur. Nəticədə zədələnmiş bitkidə maddələr mübadiləsi pozulur,
boy artımı zəifləyir və ehtiyat qida maddələrinin toplanmasına mənfi təsir edir.
Bitkinin zədələnməsi bir çox iqlim amillərindən, aqrotexnikanın
səviyyəsindən, zərərvericinin sıxlığından, bitkinin inkişaf fazasından asılı olaraq
məhsulun miqdarına müxtəlif cür təsir edir.
Zədənin tipləri – Bitkilərin zədələnməsi xarakterik rəngarəng olub,
zərərvericinin ağız aparatının tipindən, inkişaf fazası və həyat tərzindən asılıdır.
Zədə tiplərinin xarakteri kifayət dərəcədə xarakterikdir və ziyankar
həşəratların təyinatında əsas əlamətdir.
Bitkinin zədlənməsi aşağıdakı kimidir:
I. Bitki yarpaqlarının zədlənməsi.
1. Kobud yeyilmə – gəmirici ağız orqanları olan zərərvericilər tərəfindən
zədələnmə nəticəsində olur. Məsələn, çəyirtgə, şala, sisək və s.
2. Deşikli yeyilmə – kələm sovkasının tırtılı, yarpaq yeyən böcəklər,
uzunburun apionlar, çılpaq ilbiz.
3. Fiqurlu yeyilmə – uzunburun sitonlar.
4. Skeletləşdirmə – birəciklərin sürfələri, kələm güvəsinin tırtılları və s.
5. Minalama – çuğundur milçəyinin sürfələri, alma güvəsinin kiçik yaşlı
tırtılları.
6. Rəng dəyişilmə – yonca və xaççiçəklilərin bağacığı, tütün tripi, tor gənəsi
7. Yarpaqların deformasiyası – mənənələr, çuğundur bağacığı.
8
II. Budaq, gövdə və kökün zədələnmələri.
1. Gövdənin gəmirilməsi – kökboğazı gəmirən sovkaların tırtılları, məftil
qurdları.
2. Gövdə daxilində yeyilmə – qarğıdalı gövdə kəpənəyinin tırtılı, şüşəqanad
kəpənəyinin tırtılı.
Həşəratlar bitkinin müxtəlif hissələri ilə qidalanmağa uyğunlaşmışlar.
Tırtılların əksəriyyəti yarpaqla qidalanır. Ancaq çəmən kəpənəyinin tırtılları
bitkinin gövdəsinin daxilinə keçib onu daxildən gəmirir.
Bir çox minalayıcı güvələrin tırtılları yarpağın epidermisinə toxunmayıb
yalnız onun parenximasını yeyir və beləliklə yarpaqda uzun yollar (minalar) açır.
Fır əmələgətirənlərdə qidalanma nəticəsində yarpaqda fırlar əmələ gəlir.
Eyni sözü fillokseranın yarpaq formasına demək olar.
9
Mövzu 2. Mühitin abiotik və biotik amillərinin zərərverici
canlıların həyatında rolu.
İsmayılzadə N.N.
Məmmədov V.Ə.
ƏDƏBİYYAT
1. Məmmədova S.R. – Kənd təsərrüfatı entomologiyası. Bakı – 1986. B.B.Xəlilov
2. Ağayev B.İ. - Ümumi entomologiya. Bakı, 2004
3. Hümbətov Ə.M -Həşəratın ekologiyası və ziyanlı həşəratla mübarizə metodları, Bakı, 2011
4. Горбацов И.В., Грилченко В.В., Захваткин Ю.А. - Зашита растений отвредителей
Москва, 2002, 472с
GƏNCƏ – 2017
10
Mövzu 22. Mühitin abiotik və biotik amillərinin zərərverici canlıların
həyatında rolu.
Mühit amilləri 2 qrupa bölünür:
1. Abiotik, yaxud təbiətin cansız amilləri. Buraya temperatur, rütubət, külək,
Günəş və torpaq amilləri aiddir.
2. Biotik amillər, yaxud təbiətin canlı amilləri. Buraya bitkilər, heyvanlar və
insanların fəaliyyəti nəticəsində əmələ gələn amillər daxildir.
Temperatur amili – Həşəratın yaşaması üçün temperatur amili vacibdir.
Həşərat istiqanlı olmadığı üçün bədəninin temperaturunu nizamlaya bilmir. Odur
ki, havanın temperaturu nə qədər olarsa həşəratın bədəninin temperaturu da o qədər
olur.
Temperatur həşərata optimum, minimum və maksimum prinsipi üzrə təsir
edir. Temperaturun maddələr mübadiləsində böyük rolu var və bioloji proseslərin
bütün komplekslərini dəyişə bilir.
Əksər həşərat +10 +350S temperaturda normal yaşayır. Temperatur +350S-
dən artıq olduqda, yaxud +100S-dən aşağı düşdükdə həşəratın orqanizmində
fizioloji və bioloji proseslər dayanır. Yəni həşərat öz fəallığını itirir.
Müsbət 350C ilə 500S temperatur arasında həşəratda müvəqqəti keyimə baş
verir və temperatur 500S-dən yuxarı olduqda isə həşərat yaşaya bilmir, məhv olur.
Temperatur azaldıqda həşəratın inkişafı, yüksək temperatura nisbətən ləng
gedir.
Rütubət amili – Həşəratın inkişaf etməsi üçün rütubət amili də əsas rol
oynayır. Həşəratın bədənində rütubət 60-90% ola bilər. Əksər həşəratın yaşayışı
üçün rütubət 35-75%-dir. Normadan artıq rütubət həşərata pis təsir edir. Çünki
nəfəs boruları üzərində olan suyun buxarlanması azalır, bu da hüceyrə
protoplazmasında normadan artıq su toplanmasına səbəb olur.
Havanın quraqlığı da həşərata mənfi təsir edir. Quraqlıq nəticəsində
həşəratın bədəni quruyur.
11
Həşəratın orqanizmində su bədən temperaturunu nizamlamaq, bəzi
maddələri həll etmək üçün lazımdır.
Külək amili – Bu amil həşəratın bir yerdən digər yerə yayılmasına təsir edir.
Belə ki, küləyin təsiri nəticəsində bir növ həşərat bir bitki üzərindən digər bitki
üzərinə keçir. Bundan başqa külək orqanizmdə olan suyu şiddətlə buxarlandırır.
Bunun nəticəsində də həşəratın bədəni quruyur və s. məhv olur. Digər tərəfdən,
külək bir sıra həşəratın qoyduğu xorionsuz yumurtalarını da qurudur.
Günəş amili – Bu amil həşərata həm istilik, həm də işıq amili kimi təsir
edir. Bəzi həşəratlarda işıq şüaları müsbət taksisə, bəzilərində isə mənfi taksisə
səbəb olur.
Günəş şüası həşərata bir istilik enerjisi kimi təsir edir. Bu təsir də hava
temperaturunun təsiri kimidir.
Torpaq (edafik) amilləri – Həşəratlar öz inkişaflarının müəyyən hissəsini
torpaqda keçirir. Belə ki, bəzi həşəratlar torpaqda pup halında və yaxud da yetkin
halda qışlayır, bəzi həşəratlar torpağa yumurta qoyur və bəzi həşəratlar inkişafını
torpaqda keçirir.
Həşəratın hamısında yaşamaq üçün əlverişli torpaq seçəm qabiliyyəti vardır.
Yəni torpaq həşəratın yaşaması üçün əlverişli olmadıqda həmin yeri tərk edib,
özünə müvafiq torpaq seçir.
- Biotik amil – Bu amilə insanların fəaliyyəti, heyvanlar, bitkilər amili
daxildir. Heyvanlar aləmində onların bir-biri ilə aşağıdakı münasibəti ola bilər:
- Fərqsiz əlaqələr – burada həşəratlar bir-biri ilə yanaşı yaşayır, ancaq heç
bir əlaqəsi olmur.
- Simbioz (müştərək) əlaqələr – bu əlaqədə canlılar bir yerdə yaşayaraq
yaşamaq üçün bir-birinə kömək edir.
- Antaqonist əlaqələr – bir canlı digərini yeməklə yaşayır. Antoqonist
əlaqələr aşağıdakı formalarda olur:
1. Yırtıcılıq – burada bir canlı digərinə hücum edib onu dərhal parçalayıb
yeyir. Məsələn, böcəklər dəstəsinin nümayəndəsi olan 2 və 7 nöqtəli parabizən
böcəkləri mənənələrə hücum edib onları yeyir, yəni yırtıcı həyat tərzi keçirir.
12
Yırtıcı həşəratlardan karabid böcəkləri, parabizənlərin yetkin və sürfələri,
sirfid milçəyinin sürfələrinin zərərvericilərin miqdarının azalmasında böyük
əhəmiyyəti vardır. Yırtıcı həşəratlardan başqa zərərvericilərin azalmasında, onlarla
qidalanan quşlar və məməlilər də mövcuddur.
Zərərvericilərlə qidalanan quşlardan ağacdələni, sığırçını, qara qarğanı,
dolaşanı, kiçik oxuyan quşları və başqalarını göstərmək olar. Bu quşlar torpağın
şumlanması zamanı torpaqda yaşayan məftil qurdlarını, lövhəbığ böcəklərin
sürfələrini, sovkaların tırtıllarını, eləcə də çəyirtkələri kütləvi surətdə yeyirlər.
Müxtəlif həşəratlarla qidalanan məməlilərdən kirpi, göstəbək və s.
göstərmək olar.
2. Tüfeylilik – burada bir tüfeyli həşərat digər bir zərərvericinin daxilində,
yaxud üzərində yaşayır və onunla qidalanır. Nəticədə zərərverici tədricən zəifləyir
və məhv olur. Tüfeylilər zərərvericilərin daxili orqanları və qanı ilə qidalanır.
Tüfeylilərdən trixoqramma, afelinus, apanteləs, anilasta, habrobrakon və s.
göstərmək olar. Əgər tüfeyli həşərnatın daxilində yaşayırsa ona endotüfeyli,
xaricində yaşayırsa, ektotüfeyli deyilir.
- Bitkilər aləmindən olan tüfeylilərdən göbələklər, bakteriyalar və virsular
həşəratda müxtəlif xəstəliklər törədir. Bu orqanizmlər suda və torpaqda yaşayaraq,
hava ilə yayılır.
Bəzi kəpənəklərin tırtılları (yemişan kəpənəyi, tut ipəkqurdu) bakteriya
xəstəliyi olan flyaşeridan böyük zərər çəkir. Bu xəstəlik çubuqşəkilli bakteriyalar
tərəfindən törədilir. Bakteriya ilə yoluxmuş tırtıl əvvəlcə süstləşir, qaralır, içərisi
iyli maye ilə dolur və bitkidən asılı halda məhv olur.
Həşəratda xəstəlik əmələ gətirən orqanizmlərə empuza və muskardin
göbələkləri də daxildir. Bundan empuza göbələyi çəyirtkələrdə xəstəlik əmələ
gətirir. Xəstələnmiş çəyirtkənin bədəni göbələyin mitelləri ilə örtülür, bu zaman
çəyirtkə hər hansı bir bitkinin üzərinə qalxıb oradan ayaqları ilə möhkəm yapışaraq
ölür.
Xəstəlik əmələ gətirən muskardin göbələklərinə misal olaraq yaşıl
muskardini göstərmək olar.
13
Həşəratlarda viruslar da xəstəlik törədir. Viruslar müxtəlif həşərat
tırtıllarında sarılıq xəstəliyi törədir.
Nəhayət, müxtəlif həşəratda ibtidai canlıların (Protozoa) nümayəndəsi olan
Nosema tərəfindən nezema xəstəlikləri də baş verir. Bu xəstəliklər həşəratın
təbiətdə sayca müəyyən qədər azalmasına səbəb olur. Həşərat miqdarının
azalmasında insanların da böyük rolu vardır. Belə ki, xam və dincə qoyulmuş
torpaqlardan istifadə edilməsi, kütləvi surətdə çoxalan həşəratın növ tərkibinin
dəyişməsinə və eləcə də onların miqdarca azalmasına səbəb olur. Əkin sahələrində
həşəratın növ tərkibi və miqdarca dəyişilməsi, yüksək aqrotexnikadan və təsərrüfat
tədbirlərinin təşkili səviyyəsindən də asılıdır.
Həşərat ilə bitkilər daima qarşılıqlı əlaqədədir. Belə ki, bir bitki ilə qidalanan
(fitofaq) hər hansı bir həşərat müəyyən bir bitki ilə bilavasitə əlaqədar olur, çünki
o, həşəratın qida mənbəyidir. Hər hansı bir yırtıcı (zoofaq) həşərat da bitki ilə
əlaqədardır, çünki onun qidalandığı həşərat bitki ilə qidalanır. Bu əlaqə bilavasitə
yox, dolayı əlaqədir. Digər tərəfdən bitkilər əksər həşəratın sığınacaq yeri hesab
olunur.
14
Mövzu 3. Kənd təsərrüfatı bitkiləri zərərvericilərinəqarşı aparılan mübarizə üsulları.
İsmayılzadə N.N.
Məmmədov V.Ə.
PLAN:
5. Aqrotexniki mübarizə üsulu6. Bioloji mübarizə üsulu7. Fiziki mübarizə üsulu8. Mexaniki mübarizə üsulu9. Kimyəvi mübarizə üsulu10.Karantin əsasları
ƏDƏBİYYAT
1. Məmmədova S.R. – Kənd təsərrüfatı entomologiyası. Bakı – 1986. B.B.Xəlilov
2. Ağayev B.İ. - Ümumi entomologiya. Bakı, 2004
3. Dünyamalıyev M.Z. - Karantin və xüsusi təhlükəli zərərli orqanizmlər. Eyvazov Ə.Q. Əhmədov S.Ə.və s.Bakı, «Nurlan», 2008
11.Горбацов И.В., Грилченко В.В., Захваткин Ю.А. - Зашита растений отвредителей
Москва, 2002, 472с
GƏNCƏ - 2017
15
Mövzu 3. Kənd təsərrüfatı bitkiləri zərərvericilərinə
qarşı aparılan mübarizə üsulları.
Kənd təsərrüfatı bitkiləri zərərvericilərinə qarşı müasir dövrdə müxtəlif
xarakterli mübarizə üsullarından istifadə edilir. tətbiq edilən mübarizə
tədbirlərindən aşağıdakıları göstərmək olar:
1. Aqrotexniki mübarizə üsulu
2. Bioloji mübarizə üsulu
3. Fiziki mübarizə üsulu
4. Mexaniki mübarizə üsulu
5. Kimyəvi mübarizə üsulu
6. Karantin əsasları
Təsərrüfatın şəraitindən, bitkinin xüsusiyyətindən və zərərvericinin
inkişafından asılı olaraq bu mübarizə üsullarının müəyyən qədər dəyişdirilməsi
mümkündür.
Göstərilən mübarizə üsullarının hər biri zərərvericilərlə mübarizədə həm
qarşıalıcı həm də qırıcı tədbirlər məqsədini güdür.
Qarşıalıcı mübarizədə məqsəd elə şərait yaratmaqdan ibarətdir ki,
zərərvericinin artıb çoxalması üçün əlverişsiz şərait yaradılsın, o, sürətlə inkişaf
edib kənd təsərrüfatı bitkilərinə zərər verə bilməsin.
Qırıcı mübarizə tədbiri isə zərərverici sürətlə artdıqda və bitki üçün təhlükəli
olduqda tətbiq edilir.
Bir zərərvericini və ya zərərverici qrupunu məhv etmək üçün yuxarıda
göstərdiyimiz mübarizə üsullarının biri digərini müntəzəm surətdə əvəz etməlidir.
Belə olduqda mübarizə tədbiri yüksək səmərə verə bilər.
16
I. Aqrotexniki mübarizə üsulu
Kənd təsərrüfatı bitkiləri zərərvericilərinə qarşı mübarizədə istifadə edilən
mübarizə üsulları içərisində əsas yeri aqrotexniki mübarizə üsulu tutur.
Zərərvericilərin miqdarının azalmasında aşağıdakı aqrotexnpiki tədbirlər
tətbiq edilir:
1. Növbəli əkin – sisteminin tətbiqi nəticəsində zərərvericilərin miqdarı
azalır. Məlumdur ki, bir sıra zərərvericilər bir bitki fəsiləsinə mənsub olan
(monofaq) və yaxud bir neçə qohum bitki ilə (oliqofaq) qidalanır.
Müəyyən bir tarlada bir neçə il daldbadal eyni bir bitki əkilərsə, o zaman
həmin bitki ilə qidalanan zərərvericilərin miqdarı kütləvi surətdə çoxalır və bitkiyə
böyük zərər vurur.
Düzgün növbəli əkin sisteminin tətbiqi nəticəsində zərərvericinin çoxu
xüsusilə monofaq və oliqofaq zərərvericilər məhv olur. Məlumdur ki, yonca yarpaq
uzunburun böcəyi bir neçə il ərzində çoxalır və onun sürfəsi monofaq olduğundan,
yəni yalnız yonca bitkisi ilə qidalandığından o, bitki üzəroində yaşayır. Odur ki, bir
tarlada yonca uzun müddət saxlandıqda zərərvericinin sürfələri artıb çoxalır və
kəskin surətdə zərər vurur. Ona görə də 5-6 illik yonca əkinində 1-2 illiklərə
nisbətən sürfənin miqdarı artır və bitki çox zədələnir.
2. Torpağın becərilməsi – Torpağın dərin şum edilməsi nəticəsində
bitkilərin inkişafı üçün bütün prosesləri yaratmaqla, torpaqda olan pambıq
sovkasının puplarına, məftil qurdlarına, danadişiyə, lövhəbığ böcəklərin sürfələrinə
və s. zrərvericilərə yaşayış üçün əlverişli olmayan şərait yaradır və onlara müəyyən
qədər öldürücü təsir edir.
Torpağın becərilməsi zərərvericilərə aşağıdakı istiqamətdə təsir edir:
- Zərərvericilərin qida mənbəsini ləğv etməklə bitkilərin alaqlardan
təmizlənməst, bitki qalıqlarının məhv edilməsi;
- Zərərvericiyə bilavasitə mexaniki təsir göstərir. Belə ki, becərmə alətləri ilə
zərərverici mexaniki surətdə əzilir və ya zədələnir. Bundan başqa zərərvericinin
17
torpaq səthinə çıxan yolu pozulur və torpağın dərin qatına düşərək oradan çıxa
bilmir.
Bundan başqa cərgəaraları becərildikdə də yuxarıda göstərilən proseslər
təkrar olur, zərərvericilərin inkişafı pozulur və onlar normal yaşaya bilmirlər.
3. Alaq otlarının məhv edilməsi – alaq otlarının məhv edilməsi mədəni
bitkilərin inkişafına yaxşı təsir götərir. Belə ki, onlar torpaqda olan qida
maddələrini mənimsəyir, mədəni bitkilərə kölgə salır, toxumu zibilləyir və nəhayət
kənd təsərrüfatı işlərini mürəkkəbləşdirir, eləcə də zərərvericilərin kütləvi
çoxalması üçün əlverişli şərait yaradır.
Kənd təsərrüfatına zərər verən bir çox zərərvericilər öz inkişaflarının ilk
mərhələsini alaq otları üzərində keçirir və sonra mədəni bitkiləri yoluxdurur
(məsələn, mənənələr).
Alaq otları ilin müxtəlif fəsillərində zərərvericilər üçün qida mənbəyi,
qışlama və sığınacaq yeridir.
Erkən yazda hələ pambıq cücərtiləri çıxmamış qışlama yerlərindən çıxan
hörümçək gənələri, mənənələr və tripis sahənin kənarlarında, dincə qoyulmuş
sahələrdə, arxların kənarlarında və s. yerlərdə bitən bir sıra alaq otları üzərində
qidalanaraq inkişaf edib çoxalır. Pambıq cücərtiləri yarpaqlayarkən həmin
zərərvericilər alaq otları üzərindən pambıq bitkisi üzərinə keçirlər və zərər
vururlar.
Bu göstərilənlərdən aydın olur ki, alaq otlarını həm əkin sahəsində, həm də
onun kənarlarında vaxtında məhv etmək çox mühüm aqrotexniki tədbirdir.
4. Gübrələmə – Mineral və üzvi gübrələrin verilməsi nəticəsində bitki yaxşı
inkişaf edir və zərərvericiyə qarşı davamlı olmaqla, ona vurulan ziyan o qədər də
nəzərə çarpmır. Bəzən gübrələrdən zərərvericinin məhv etməkdə istifadə edilir.
Məsələn, superfosfatla ilbizləri məhv etmək olur. Gecələr çılpaq ilbiz qidalanan
zaman superfosfat tarlaya dağıdılır. İlbizin bədəni üzərinə düşən gübrə kontakt
təsir edib, onu məhv edir.
5. Bitki qalıqlarının məhv edilməsi – sahədən məhsul yığıldıqdan sonra bir
sıra zərərvericilər tarlada qalan bitki qalıqları altında özlərinə sığınacaq tapırlar
18
məsələn, hörümçək gənəsi, tripslər, mənənələr və s. bunlar bitki qalıqları altında
qışlayırlar. Bitki qalıqları sahədən çıxarıldıqda göstərilən zərərvericilərin miqdarı
azalır.
II. Bioloji mübarizə üsulu
Bioloji mübarizə canlılar arasında gedən mübarizəyə əsaslanır, daha
doğrusu, bu mübarizədə bir canlının digər canlıya qarşı tətbiqi nəzərdə tutulur.
Bioloji mübarizə üsulu digər mübarizə üsulu ilə müqayisə edilərsə, onun
üstün cəhətləri vardır. Belə ki, bu mübarizənin tətbiqi ucuz başa çatır, insan,
heyvanlar və bitkilər üçün zərərsizdir, atmosferi çirkləndirmir. Bioloji mübarizədə
əksər hallarda zərərverici hələ bitkini zədələnməsindən əvvəl onu məhv edir.
Bioloji mübarizədə tüfeyli və yırtıcı həşəratdan, həşəratla qidalanan yırtıcı
quşlardan və ev toyuqlarından istifadə edilir.
Tüfeyli həşəratlar – kənd təsərrüfatı bitkiləri zərərvericilərinin məhv
edilməsində tüfeyli həşəratların böyük rolu vardır.
Zərərvericilərə qarşı mübarizədə tüfeylilərdən istifadə edilməsi o zaman
yaxşı fayda verir ki, təbiətdə tüfeylilərin həyat fəaliyyəti üçün əlverişli şərait olsun.
Bunu nəzərə alıb ilk növbədə zərərvericilər əleyhinə yerli tüfeylilərdən istifadə
edilməlidir.
Yerli tüfeyli həşərata misal olaraq yumurta yeyən trixoqrammanı,
habrobrakon minicisini, telenomusu, apantelesi və s. göstərmək olar.
Trixoqramma olduqca kiçik həşərat olub 0,5-0,8 mm uzunluqdadır. Tüfeyli
zərərverici həşəratların yumurtaları ilə qidalanır. Bu tüfeyli həşərat yumurtasını
müxtəlif kəpənəklərin – pambıq sovkası, alma meyvəyeyəni, qarğıdalı gövdə
kəpənəyinin, payızlıq əkin sovkası, karadrinanın, çəmən kəpənəyi və s. yumurtası
içərisinə qoyur. Tüfeylinin qoyduğu yumurtadan çıxan sürfə zərərvericinin
yumurtasının daxili möhtəviyyatını yeyib, onu məhv edir.
Telenomus tüfeylisi taxıl bitkisinin təhlükəli zərərvericisi ziyankar bağacığın
yumurtasını yoluxdurur. Daxili tüfeylidir.
19
Afelinus tüfeylisi qanlı mənənəni yoluxdurur. Bir dişi tüfeyli 100-ə qədər
yumurta qoya bilir. Qanlı mənənənin yetgin fərdlərinin daxili tüfeylisidir.
Habrobrakon minicisi – bu tüfeyli yerli tüfeyli olmaqla, pambıq sovkasının
tırtıllarının tüfeylisidir. Bu tüfeyli ilə pambıq sovkasının tırtıllarının yoluxması
bəzi illərdə 50%-ə qədər olur. Tüfeyli əvvəlcə tırtılı, yumurta qoyanı ilə sancıb iflic
edir, sonra isə yumurtasını onun üzərinə qoyur, yumurtadan çıxan sürfə tırtılın
daxilinə keçir və onun daxili orqanları ilə qidalanaraq onu məhv edir.
Yırtıcı həşəratlar – xeyirli yırtıcı həşəratlardan 2 və 7 nöqtəli parabizən
böcəklərini, qızılgözü, stetorus böcəyini, karabus böcəyini, yırtıcı tripisləri və s.
göstərmək olar.
Parabizən böcəklər – respublikamızın bütün bölgələrində geniş yayılmışdır.
Yırtıcının yetgin və sürfələri mənənələri parçalayaraq onlarla qidalanırlar. Yetkin
fərdlər sutka ərzində 130-a qədər, sürfələri isə daha aktiv şəkildə hərəkət etməklə
bir sutkada 270-ə qədər mənənəni yeyərək, onu məhv edir.
Qızılgöz – yırtıcısının yetkin fərdləri öz inkişafını davam etdirmək üçün
çiçəklərin nektar şirəsi ilə qidalanır, zərərverici ilə əlaqəsi yoxdur, ancaq onun
sürfəsi mənənə və tor gənəsi ilə çox aktiv surətdə qidalanır.
III. Fiziki mübarizə üsulu
Bu mübarizə üsulunda zərərvericilərə qarşı aşağı və yüksək temperaturdan,
müxtəlif şüa enerjisindən istifadə edilir. Bu mübarizə üsulu əsasən ən çox məhsul
saxlanılan anbarlarda aparılır.
Müəyyən edilmişdir ki, noxud və lobya dənyeyəni və bir sıra anbar
zərərvericilərini məhv etmək üçün, xüsusi elektrik qızdırıcıları və ya qaz
qızdırıcıları ilə anbarda +500S-dən yuxarı temperatur yaradılır, bu hal 15 dəqiqə
davam etdirilir. Belə yüksək temperaturda zərərvericilər məhv olur.
Aşağı temperatur, yəni -100S aşağı temperaturda zərərvericilərə öldürücü
təsir göstərə bilir.
20
Bu mübarizə üsulunda yandırmadan da istifadə edilir. Belə ki, meyvə
ağaclarının və üzüm tənəklərinin ölmüş qabıqları, eləcə də anbarlar süpürülən
zaman əldə edilən zibillər yandırılmalıdır.
Bəzi həşəratlar işıq şüalarına qarşı meyllidirlər. Yəni bir sıra kəpənəklər və
böcəklər axşamlar işıq şüasına uçurlar. Bunu nəzərə alaraq ultrabənövşəyi işıq
şüalarından istifadə etmək olar.
IV. Mexaniki mübarizə üsulu
Bu mübarizədə aşağıdakı tədbirlər həyata keçirilir:
1. Mexaniki mübarizə üsulunda zərərvericilərin əllə yığılıb məhv edilməsi.
Məsələn, pomidor yetişən zaman ona pambıq sovkasının tırtılları zərər vurur. Bu
vaxt kimyəvi zəhərlərdən istifadə etmək olmaz. Ona görə də zərərvericinin tırtılları
əllə yığılıb məhv edilməlidir. Kartofun qorxulu zərərvericisi olan Kolorado kartof
böcəyinin yetkin fərdlərinin və yumurtalarının əllə yığılıb məhv edilməsi.
2. Meyvə ağacları və üzüm tənəklərinin əsasən ştambının ölmüş qabıqlarının
toplanaraq yandırılması. Bu tədbiri aparmaqda məqsəd, bir sıra zərərvericilər
qışlamanı ştambların ölmüş qabıqları altında keçirir ki, ölmüş qabıqların soyularaq
yandırılması onların məhv olmasına səbəb olur.
3. Cinsi feremon tələlərdən istifadə etmək
4. Siçanabənzər gəmiricilərə qarşı tələlərdən istifadə etmək.
V. Kimyəvi mübarizə üsulu
Kənd təsərrüfatı bitkilərinə qarşı mübarizədə tətbiq edilən mübarizə üsulları
sistemində kimyəvi mübarizə üsulu əsas yerlərdən birini tutur.
Kimyəvi mübarizə üsulu qırıcı mübarizə üsuludur.
Kənd təsərrüfatı bitkiləri zərərvericilərinə qarşı mübarizədə kimyəvi zəhərlər
bəzi halda bilavasitə zərərvericinin özünə, digər halda qidalanma mühitinə
(yarpaqlar, torpaq, dənə və s.) təsir edir. Hər iki halda zərərverici orqanizm ilə
21
zəhər arasında təmas (kontakt) əmələ gəlir. Bu da orqanizmdə anatomik dəyişiklərə
və fizioloji funksiyaların pozulmasına səbəb olur, nəticədə zərərverici məhv edilir.
Kimyəvi mübarizədə çox böyük olan sahələrdə çiləmə yerüstü aparatlarla və
təyyarələr vasitələrlə aparılır. Kiçik sahələrdə isə əl çiləyicisi ilə aparılır.
Zəhərlərin süniləşdirilməsi. Canlı orqanizmlərə qarşı mübarizədə istifadə
edilmələrindən asılı olaraq aşağıdakı qrup zəhərlər vardır:
İnsektisidlər – bunlar həşərata qarşı mübarizədə istifadə edilən zəhərlərdir.
Funqisidlər – bu zəhərlər göbələk və viruslara qarşı tətbiq edilir.
Akarisidlər – bu zəhərlər gənələrlə mübarizədə tətbiq edilir.
Zoosidlər – onurğalı zərərvericilərə qarşı istifadə edilən zəhərlərdir.
Bakterisidlər – bakteriyalara qarşı işlədilən zəhərlərdir.
Nematosidlər – nematodlara qarşı işlədilən zəhərlərdir.
Lyarvisidlər – tırtıllar və sürfələrə qarşı istifadə edilən zəhərlərdir.
Ovisidəlr – həşərat və gənə yumurtalarını məhv etmək üçün tətbiq edilən
zəhərlərdir.
Afisidlər – mənənələri məhv etmək üçün istifadə edilən zəhərlərdir.
Altraktant – həşəratı özünə cəlb edir.
Orqanizmə fizioloji təsir etməsinə görə zəhərlər bağırsaq (daxili), kontakt
(xarici), intoksikant (bitki daxilindən təsir edən) zəhərlərə bölünür.
1. Bağırsaq (daxili) zəhərlər – bu zəhərlər qida ilə qidalanan həşərat və
siçanabənzər gəmiricilərin mədə-bağırsaq traktına düşdükdə onları məhv edir.
2. Kontakt zəhərlər – bu zəhərlər həşəratın, gənələrn, ilbizlərin dəri
örtüyündən daxilinə keçərək onu məhv edir. Buraya fosfamid, metafos, karbofos,
keltan, trixlormetafos-3 və s. daxildir.
3. İntoksikant sistem (bitki daxilindən təsir edən) zəhərlər. Bura daxil olan
preparatlardan gesis, karate, Bİ-58 və s. göstərmək olar.
4. Fumiqant zəhərlər – bu qrupa aid olan zhərlər zərərvericinin daxilinə
tənəffüs (traxeya) sistemi və dəri örtüyündən qaz, yaxud da buxar şəklində daxil
olub, onu məhv edir. Bu qrupa xlorpikrin, karbon-sulfid, eləcə də dixloretan,
naftalin, heksa-xlorbutadien və s. daxildir.
22
VI. Entomoloji karantin
Karantin tədbirində məqsəd hər hansı bir coğrafi ərazidə təsadüf edilən
zərərvericilər, xəstəliklər və alaq otlarının onların olmadığı yerə keçməsinin
qarşısını almaqdan ibarətdir. Bununla əlaqədar olaraq xarici və daxili karantin
tətbiq edilir.
Xarici karantində məqsəd, xarici ölkələrdə olan bir sıra təhlükəli
zərərvericilərin ölkəmizə keçməsinin qarşısını almaqdır.
Daxili karantində məqsəd bir ölkə daxilində yerləşən bir rayonda təsadüf
edilən zərərvericilərin digər rayona keçməsinə yol verməməkdir.
Karantin tədbirlərini yerinə yetirmək üçün respublikamızın sərhədlərində,
eləcə də rayonlarda karantin inspesiyaları fəaliyyət göstərirlər.
Mövzu 4. Müxtəlif bitkilərlə qidalanan düzqanadlılar və bitkilərin kök
sisteminə ziyan vuran böcəklər, onlarla mübarizə tədbirləri
İsmayılzadə N.N.
Məmmədov V.Ə.
PLAN:
1. Asiya, Mərakeş, səhra çəyirtkələrinin, şalaların, sisəklərin və danadişinin
morfologiyası və biologiyası, onlara qarşı mübarizə tədbirləri.
2. Şıqqıldaq böcək və payızlıq əkin sovkasının morfoloji-bioloji xüsusiyyətləri,
onlarla mübarizə tədbirləri.
23
ƏDƏBİYYAT
1. Məmmədova S.R, – Kənd təsərrüfatı entomologiyası. Bakı – 1986.
Xəlilov B.B.
2. Ağayev B.İ. - Ümumi entomologiya. Bakı, 2004
3. Hümbətov Ə.M., - Entomologiyadan prkatiki məşğələlər, Bakı, 2009 Əliyeva. M.Q.
4.Alaoglu Ö., Boyraz N. - Bitki koruma. Selçuk Üniversitesi, Ziraat
Guncan A.,BAştaş K.K. fakültəsi, Bitki koruma bölümü, 2014, 265 s.
5.Горбацов И.В., Грилченко В.В., Захваткин Ю.А. Зашита растений отвредителей Москва, 2002, 472с
GƏNCƏ - 2017
24
Mövzu 4. Müxtəlif bitkilərlə qidalanan düzqanadlılar və bitkilərin
kök sisteminə ziyan vuran böcəklər, onlarla mübarizə
tədbirləri
Kənd təsərrüfatı bitkilərinin bir qrupu müxtəlif bitkilərlə qidalanır ki,
bunlara polifaq həşəratlar deyilir.
Polifaqlara düzqanadlılar (çəyirtkələr, şalalar, sisəklər), sərtqanadlılar
(şıqqıldaq, qarabədən və lövhəbığ böcəklər), pulcuqqanadlıların payızlıq əkin
sovkassı və nümunələri daxildir.
Hörümçək gənələri, çılpaq ilbiz, nematodlar və siçanabənzər gəmiricilər də
polifaq həşəratdır.
Düzqanadlı həşərat (Orthoptera) – Buraya 3 yarım dəstə: çəyirtkələr, şalalar,
sisəklər və danadişi daxildir. Bu zərərvericilər bir-birlərindən xarici görünüşünə
görə fərqlənirlər.
Şala və sisəklərdə bığcıqlar bədənin yarısından uzun olub, dişi fərdlərdə
uzun yumurta qoyan vardır. Şalalarda dal ayaqların pəncəsi 4, sisəklərdə isə 3
büğümdan ibarətdir. Çəyirtkələrdə bığcıqlar bədənin yarısından qısa olub 26
buğumdan çox deyil. Yumurta qoyanı qısadır. Çəyirtkələrdə eşitmə orqanı
qarıncığın birinci halqasında, şalalarda isə qabaq ayaqların baldır hissəsində
yerləşir.
Çəyirtkələr (Acrididae) – Bitkilər üçün ən təhlükəlisi çəyirtkələrdir. Yaşayış
tərzlərinə görə çəyirtkələr iki qrupa bölünür: sürü və tək halda yaşayanlar. Sürü
halında yaşayan çəyirtkələrin 1m2 sahədə miqdarı 1000-2000-ə qədər ola bilir.
Sürü halında yaşayan çəyirtkələrdən Asiya, Mərakeş və səhra, tək halda
yaşayanlardan isə Zaqafqaziya xaçlı, bostan, göyqanadlı və s. göstərmək olar.
İtaliya çəyirtkəsi aralıq təşkil edir, bəzi illərdə tək, bəzi illərdə isə sürü halında
yaşayır.
Bitkilər üçün təhlükəli növlər sürü halında yaşayan çəyirtkələrdir.
25
Asiya çəyirtkəsi (Locusta migratoria L.) – Bədəni yaşıl, yaxud qonur
rəngdədir. Qanad üstlüyü uzun olub, üzərində qonur ləkələr vardır. Qanadları
şəffafdır. Bədəninin uzunluğu 60-75 mm-dir.
Asiya çəyirtkəsi əsasən çay vadilərində, göllərin ətrafında bitən qamışlıqda
yaşayır və çoxalır. Asiya çəyirtkəsi Araz, Kür və Qarasu çaylarının qamışlığında
vaxtaşırı çoxalır.
Asiya çəyirtkəsi respublikamıza başqa yerlərdən də uçub gələ bilər.
Asiya çəyirtkəsi bütün mədəni bitkilərə xüsusi olaraq ən çox dənli-taxıl
bitkilərinə zərər verir.
Mərakeş çəyirtkəsi (Dociostaurus maroccanus T.) – Bədəni sarımtıl-boz
rəngdə olub, üzərinəd tutqun rəngli xallar vardır. Qabaq kürəkciyində «X» şəklində
xüsusi naxış vardır. Bu naxış sürfə fazasında, yetkin fərdə nisbətən daha aydın
nəzərə çarpır. Qanadları şəffafdır. Dal ayaqların baldır hissəsi qırmızı rəngdədir.
Yetkin fərdlərin uzunluğu 25-38 mm-dir.
Azərbaycanda Mərakeş çəyirtkəsi başlıca olaraq yovşanlı sahələrdə yaşayıb,
çoxalır. Daimi çoxalma yerləri Eldar düzü, Ceyrançöl, Mil və Qarabağ
düzənliyidir.
Mərakeş çəyirtkəsi İran və Əfqanıstanda da kütləvi şəkildə çoxalıb
respublikamıza uçur və kənd təsərrüfatı bitkilərinə zərər verir.
Zərərverici dənli-taxıl, paxlalı, bostan, pambıq və s. bitkilərə ziyan verir.
Səhra çəyirtkəsi (Sohistocerca gregaria F.) – yetkin səhra çəyirtkəsi limonu-
sarı rəngdədir. Yetkin çəyirtkələrin uzunluğu 40-50 mm-ə çatır. Azərbaycanda
çoxalma yeri yoxdur. Bəzi illərdə İranın cənubundan uçaraq sərhəd rayonlarına
gəlir.
Bu çəyirtkə əsasən dənli-taxıl, texniki və tərəvəz bitkilərinə ziyan verir.
Çəyirtkələrin inkişafında ümumi cəhətlər çoxdur. Bütün növlərin inkişafı bir
il çəkir. Yazda qışlamış yumurtalardan çıxan sürfələr 1-2 ay müddətində yetkin
fərdə çevrilir. Yetkin çəyirtkələr 2-3 ay yaşayır və yumurta qoyaraq ölür.
Dişi fərdlər öz yumurtalarını torpağa qoyur. Yumurta qoyan zaman dişi fərd
qarıncığını əyərək yumurtaqoyanını torpağa yeridir. Bu zaman cinsi orqanın əlavə
26
vəzilərinin ifraz etdiyi köpükvari selik yuvaya buraxılır. Selik yumurtaları bir-
birinə yapışdırıb quruyur. Bu zaman dişi fərd torpaqda qarıncığına oxşar formada
küpəcik (kisəcik) hazırlayır. Küpəciklərin xarici səthinə torpaq dənələri yapışır və
kəltəni xatırladır. Küpəciklər bəzi növlərdə müxtəlif olur. Küpəciklərin uzunluğu
8-75 mm arasında dəyişir.
Hər bir çəyirtkə növü küpəcik daxilinə müxtəlif miqdarda yumurta qoyur.
Asiya çəyirtkəsi hər küpəciyə 55-115, Mərakeş çəyirtkəsi isə 35-40 yumurta qoyur.
Bir dişi fərd bütün həyatı boyu 2-3 küpəcik düzəldə bilir.
Çəyirtkələr yumurta qoymaq üçün müəyyən münasib yer seçir. Məsələn,
Asiya çəyirtkəsi çayın aşağıları və qamışlıqlara, Mərakeş çəyirtkəsi bitki örtüyü
seyrək olan xam torpaqlara yumurta qoyur. Yumurta qoyulan kimi rüşeym inkişafı
başlayır və qısa müddətdə inkişafı dayanır ki, o gələn ilin yazına qədər diapauzada
olur. Bunu temperaturun aşağı olması ilə izah etmək olar.
Yazda, əlverişli şərait olan kimi yumurtalardan sürfələr çıxmağa başlayır.
Azərbaycan şəraitində Mərakeş çəyirtkəsinin sürfələri martın axırı və aprelin
əvvəllərində, Asiya çəyirtkəsinin sürfələri isə mayın birinci ongünlüyündə
görünməyə başlayır.
Yumurtadan çıxan sürfələr qurdabənzər olur və torpaq səthinə çıxdıqdan
sonra onlar öz qabıqlarını, daha doğrusu dərisini atır və birinci yaş sürfələr olur.
Sürfələr 30-60 gün yaşayır və bu müddət ərzində 5 yaş keçirir.
Tək halda yaşayan çəyirtkələrdə sürfələr yumurtadan çıxdıqdan sonra onlar
bir yerə yığılmır və tək-tək hərə özü istədiyi istiqamətdə hərəkət edir.
Sürü halında yaşayan çəyirtkələrdə isə sürfələr yumurtadan çıxdıqda onlar
bir yerə toplaşır və sürü ilə uzaq məsafələrə hərəkət edir. Başqa sürülərlə
qarşılaşdıqda onlara qarışaraq daha iri sürülər əmələ gəlir.
Yetkin fərdlər bütün həyatı boyu qidalanır və böyük zərər vurur. Çəyirtkələr
sonuncu dəfə yumurta kisəciklərini qoyduqları yerdə də ölür.
27
Mübarizə tədbirləri
Çəyirtkələrlə mübarizədə əsasən kimyəvi, mexaniki və aqrotexniki
tədbirlrdən istifadə edilir.
Aqrotexniki mübarizə.
1. Tək halda yaşayan çəyirtkələrin kütləvi halda çoxalmasının qarşısını
almaq üçün xam və dincə qoylumşu torpaqlardan istifadə edilməlidir.
2. Otlaqların çox tapdanmasına və otarılmasına yol verilməməlidir.
3. Asiya çəyirtkəsinin çoxalma ocaqlarını məhv etmək məqsədilə çay və göl
daşqınlarından əmələ gələn su durğunları qurudulmalı və orada mədəni bitkilər
əkilməlidir.
Kimyəvi mübarizə. Çəyirtkələr əleyhinə bu mübarizədə əsasən toz halında
olan zəhərlər və zəhərli aldadıcı yemlər tətbiq edilir. Çünki səhra və yarımsəhra
yerlərdə su çətin tapıldığı üçün məhlullardan istifadə etmək məsləhət deyil.
Çəyirtkələrin həvəslə qidalandıqları zəhərli aldadıcı yemlər jmıx unu, adi
kəpək, ağac kəpəyi və s. zəhərlə qarışdırılması nəticəsində əldə edilir.
Çəyirtkələrin sürüdəki sıxlığından asılı olaraq hər hektara 10-20 kq aldadıcı
quru maddə və müvafiq miqdar zəhər sərf edilir.
Şalalar (Tettigoniidae) – geniş yayılmış növlərdən yaşıl şalanı (Tettigonia
viridissima L.), Göyçay şalasını (Poeclimon geoktschaicus S.), qaşqa şalanı
(Decticus albifrons), uzunquyruq şalanı (Tettidonia caudata Ch.) və s. göstərmək
olar.
Qeyd edilən növlər içərisində ən geniş yayılanı yaşıl şaladır. Azərbaycanın
bütün rayonlarında geniş yayılmışdır.
Şalalar xarici görünüşünə görə çəyirtkələrə çox bənzəyir. Yaşayış tərzləri və
inkişaf tsiklləri də, demək olar ki, çəyirtkələrdə olduğu kimidir.
Yazda (mart-may) torpaqda qışlayan yumurtalardan yetkin şalaya bənzər
kiçik qanadsız sürfələr çıxır, 10-15 gündən sonra onlar qabıq dəyişir. Bundan
28
başqa hər 10-15 gündən bir sürfələr qabıq dəyişir. Qabıqdəyişmə 5-7 dəfə təkrar
olunur. Beləliklə şalalar öz inkişafları dövründə 5-7 yaş keçirir.
Sürfələrin yetkin hala keçməsi 50-70 gündə başa çatır. Yetkin fərdlər də
sürfələr kimi fəal qidalanır.
Cinsi yetişkənliyə çatmış erkək şalalar səs çıxarır (oxuyur). Cütləşmədən
sonra dişi fərdlər torpağa tək və koma halında bir neçə yumurta qoyur. Bir gündə
dişi şala bir-birindən aralı 20 və daha çox yumurta qoyur. Torpağa qoyulmuş
yumurtalar qışlayır.
Şalalarda kannibalizm vardır. Onlar çəyirtkələr, digər həşəratlar, qurdlar və
s. ilə də qidalanır, hətta bir-birini yeyir.
Mübarizə tədbirləri. Şalalar çox həssas zərərvericidir. Ona görə də aparılan
mübarizə diqqətli və səliqəli olmalıdır. Şalalarla mübarizədə əsasən kimyəvi və
aqrotexniki tədbirlər həyata keçirilir.
Aqrotexniki tədbirlər – Alaq otları məhv edilməli, ətrafda olan kollar
qırılıb yandırılmalıdır, onların yerinə mədəni bitkilər əkilməlidir.
Kimyəvi mübarizə – şalalara qarşı daxili təsir edən zəhərlər və heksaxloran
dustu ilə tozlama aparılmalı, aldadıcı yemlər tətbiq edilir. Zəhərlərin dozası
çəyirtkələrdə olduğu kimidir.
Sisəklər (Gryloidae) – morfoloji quruluşuna görə sisəklər şalalara çox
oxşardır. Sisəklər yarımdəstəsi iki fəsiləyə bölünür: sisəklər və danadişilər.
Çöl sisyəi (Gryllus desertus Pall) – qara rəngli olub, üst və alt qanadları
yaxşı inkişaf etmişdir. Yumurtaqoyanı dal ayağın budundan 1,5 dəfə uzundur.
Bədəninin uzunluğu 12-19 mm-dir.
Respublikamızın bütün aran rayonlarında təsadüf olunur və başlıca olaraq
pambıq, tütün, tərəvəz, yonca, bostan və s. bitkilərə zərər verir. Sürfə və yetkin
fərdləri bitkilərlə qidalanır.
Çöl sisəyinin illik inkişaf tsikli, çəyirtkə və şalaların inkişaf tsiklindən
kəskin fərqlənir. Sisəklər həm yetkin, həm də sürfə mərhələsində qışlaya bilir.
Dişi çöl sisəyi yumurtalarını iyun-iyul aylarında tək-tək və ya topa halında
torpağa qoyur. Yumurta qoyduqdan 15-20 gün sonra sürfələr çıxmağa başlayır.
29
Sürfələr 3-4 dəfə qabıq dəyişir və torpaqda düzəltdiyi yuvacıq içərisində qışlayır.
Aprelin axırları və mayın əvvəllərində qışlamış sürfələr yuvacıqlardan çıxıb
bitkiləri zədələyir.
Mübarizə tədbirləri
Aldadıcı yemlərdən istifadə edilməlidir. Yemlərin hazırlanması və tətbiq
edilmə texnikası çəyirtkələrdə olduğu kimdir. Aldadıcı yemlər sisəklərin toplaşdığı
yerə səpilməlidir.
Adi danadişi (Gryllotalpa gryllotalpa L.) – yaxşı inkişaf etmiş qazıcı
ayaqlara malik, qonur rəngli, iri həşəratdır. Bədəninin uzunluğu 60 mm-ə çatır.
Adi danadişi Azərbaycanın bütün rayonlarında yayılmaqla tərəvəz, bostan,
bağ, çay, sitrus, texniki bitkilər (günəbaxan, pambıq və s.) və taxıl bitkilərinə zərər
vurur.
Zərərverici cavan bitkilər, xüsusilə ştillər və toxmacalar üçün daha
qorxuludur. Təbii şəraitdə danadişi bitkilərə aprel ayından başlayıb, iyun ayına
qədər, ştilliklərdə və parniklərdə isə fevral ayından zərər verir.
Zərərvericinin yaşlı sürfələri və yetkin fərdləri torpağın 1 metrə qədər
dərinliyində qışlayır. Yazda onlar şum qatına çıxır və torpağın lap üst səthinə qədər
qalxır. Burada onlar səpilmiş toxumlarla qidalanır, kökləri gövdənin yeraltı
hissəsini gəmirir.
Yetkin fərdlər aprel ayından başlayıb avqust ayına qədər öz yumurtalarını
torpağın 10-20 sm dərinliyinə qoyur. Hər yuvada 300-350 yumurta olur. Həmin
yumurtalardan 10-15 gündən sonra sürfələr çıxmağa başlayır. Beləliklə danadişinin
bütün inkişafı 12-14 ay ərzində başa çatır. ən çox rütubətli yerlərə meyllidir.
Mübarizə tədbirləri – 1. Adi danadişini aldadıcı yemlərlə məhv etmək olar.
Bu məqsədlə zəhərlənmiş buğda, arpa və qarğıdalı dənlərindən istifadə edliir.
Qaynadılmış dən, günəbaxan və ya çiyid yağı ilə (çəkiyə görə 3%) isladılır,
motador (çəkiyə görə 5%) qarışdırılır. Deməli, hər kiloqram dənə 30 q yağ, 50 q
isə zəhər sərf edilir.
30
Torpaq zərərvericilərinə qarşı şırımlara Barquzin 150 qr/100m2 və ya
Medvetoks 300 qr/100 m2 vermək olar.
Tarlalarda, botan və tərəvəz əkinlərində meyvə və meşə tingliklərində
danadişini məhv etmək üçün hər hektara 60-80 kq aldadıcı dən yemi dənsəpən
maşınla torpağa verilir.
Aldadıcı yem əkindən bir neçə gün qabaq tətbiq edilməlidir. Bu zaman
aldadıcı yem sahə üzərinə səpilir və malalanır. Əgər tarlada bitki cücərtiləri olarsa,
aldadıcı yemlər 2-3 sm dərinlikdə bitkilər və cərgəaralarına qoyulur. Cərgəaraları
olan əkin sahələrində cərgəarası becərilməlidir.
2. Parnikdə danadişi ilə mübarizə aparmaq üçün yuxarıdakı qaydada aldadıcı
yem hazırlamalı və hər çərçivəyə 30-50 q olmaqla torpağın 2-3 sm dərinliyinə eyni
miqdarda basdırılmalı, vegetasiya dövründə parniklərdə danadişini məhv etmək
üçün torpaq fosfamidlə çilənir. Bir çərçivəyə 10-12 l məhlul sərf edilir.
3. Danadişinin yuvasını, yollarını və özünü məhv etmək məqsədilə məhsul
yığımından sonra dərhal erkən dondurma şumu aparılmalıdır.
4. Payızda içərisində peyin olan çalalarda danadişiləri məhv etmək olar.
Çalalar 0,5 m dərinlikdə qazılır və içərisinə peyin doldurulur. Qışlamaq üçün
danadişilər buraya çox həvəslə yığılırlar.
Şıqqıldaq böcəklər (Elateridae) – kənd təsərrüfatı bitkiləri üçün şıqqıldaq
böcəklərin yetkin fərdləri qorxulu deyil. Ancaq onların torpaqda yaşayan
məftilqurdu adlanan sürfələri müxtəlif bitkilərin toxum və cücərtilərinə, kök
sisteminə böyük zərər vurur.
Böcəklərin bədəni uzunsov olmaqla, bir qədər yastıdır. Ayaqları qısa,
pəncələri 5 buğumludur. Böcəklərin qabaq döşündə alt tərəfdən barmaq şəkilli
kiçik çıxıntı, orta döşdə isə çökəkcik (oyuq) vardır. Böcək arxası üstə düşdükdə bu
çıxıntını çökəkciyin içərisinə salıb, böcək əyilir və tullanaraq üzü üstə düşür. Bu
zaman ön döşün çıxıntısı orta döşün çuxuruna burulur və şıqqıltıya bənzər səs
alınır ki, böcəyin adı da buradan götürülmüşdür.
31
Sürfələr (məftil qurdları) – sarımtıl, yaxud qəhvəyi rəngdədir. Başı yastı,
dəri örtüyü xitinləşmişdir. Onların bir bərabərdə üç cüt döş ayaqları vardır.
Zərərverici ən çox turş reaksiyalı meşə torpaqlarında yaşayır.
Məftil qurdları ən çox buğda, arpa, qarğıdalı, kartof, çuğundur, günəbaxan,
tütün, pambıq bitkilərini zədələyir. Onlar nəinki bitkinin kök sistemini, hətta
səpilmiş toxumları belə tamamilə yeyir. Meyvəköklülərdə (kartof, çuğundur,
yerkökü və s.) sürfə meyvələrin içərisinə girir. Meyvələrin daxilinə girən sürfələrin
açdığı yolla xəstəlik törədicilər daxil olaraq, meyvələri çürüdür və onları uzun
müddətə saxlamaq olmur.
Sürfələr parniklərdə və tingliklərdə də bitkiləri zədələyir. Təsadüf edilən
şıqqıldaq böcək növlərinin inkişaf tsiklləri, zədələmə xüsusiyyətləri və onlara qarşı
aparılan mübarizə üsulları bir-birinə bənzəyir.
Şıqqıldaq böcəklərin inkişafı zəif gedir. Bir nəslin inkişafı 3-5 ilə başa çatır.
Əksər növləri müxtəlif yaşlı sürfə və böcək fazasında qfşlayır. Qışlamış böcəklər
qışlama yerlərindən çıxır, aprel, iyul aylarında yumurta qoymağa başlayır. Sürfə 3-
4 ilə inkişaf edir. İyun, avqust aylarında torpağın 8-15 sm dərinliyində puplaşır.
Pup fazası 2-3 həftə davam edir və ondan çıxan böcəklər gələn ilin yazına qədər
torpaqda qalır.
Mübarizə təbdbirləri. Əsasən aşağıdakı tədöirlər həyata keçirilir.
1. Torpaq diqqətlə becərilməlidir. Heriklərdə kultivasiya aparılmalıdır. Dərin
dondurma şumu aparılmalıdır.
Şum zamanı kiçik yaşlı sürfələr və pupların bir qismi mexaniki əzilmə
nəticəsində məhv olur və zərərvericilərin sayını xeyli azaldır.
2. Məftil qurdu ilə yoluxmuş sahələrə az zədələnən bitkilər (birillik
paxlalılar) əkilməlidir.
3. Bitkinin inkişafını sürətləndirmək üçün üzvi və mineral gübrələr
verilməlidir.
Payızlıq əkin sovkası (Agrotis segetum Sohiff) – Orta böyüklükdə kəpənək
olub, qanadları açıldıqda 35-45 mm olur. Ön qanadları açıq-boz və ya tünd-qonur
32
rəngdədir. Qanadları üzərində sovkalara xas olan üç böyrəkvari, yumru və pazvari
ləkə vardır. Dişi kəpənəklərin bığcıqları daraqvari, erkəklərinki isə qılvaridir.
Tırtılı boz, torpaq rəngindədir. Beli üzərində tünd zolaq vardır. Tırtıllar
torpaqda yaşayır və əsasən də bitkilərin kökü və cücərtiləri ilə qidalanır. İri yaşlı
tırtılların uzunluğu 50 mm-ə çatır. ona toxunduqda dərhal qıvrılır.
Payızlıq əkin sovkasının zərərverici fazası tırtıllardır və onlar olduqca
müxtəlif mədəni bitkilər və alaq otları ilə qidalanır. Zədələyici bitkilərdən taxılı,
tütünü, pambığı, günəbaxanı, tərəvəz və bostan bitkilərini göstərmək olar.
Torpaqda yaşayan tırtıllar cücərtiləri və onun kök boğazını gəmirərək
bitkiləri tamamilə məhv edir. Zərərvericinin yaşlı tırtılları qışlayır. Tırtıllar soyuğa
olduqca davamlıdırlar. Tırtıllar adətən erkən yazda zərər vermir. Tırtıllar özlərinə
yuva düzəldib pup halına keçirlər. Yazda, aprelin 2-ci yarısında pupdan kəpənəklər
uçmağa başlayır. Kəpənəklər gecə uçur və qidalanır. Gündüzlər gizlənirlər. Uçan
kəpənəklər əlavə olaraq çiçəklərin nektar şirəsi ilə qidalanırlar. Bir dişi kəpənək
2000-ə yaxın yumurta qoya bilir.
İkinci nəslin kəpənəkləri iyulda uçmağa başlayır. Kəpənək yumurtalarını
tək-tək, alaq və ya mədəni bitkilər, yaxud torpaq üzərinə qoyur. 3-4 gündən sonra
yumurtalardan tırtıllar çıxır. Tırtıllar gündüzlər torpaqda gizlənir, gecələr isə
torpağın üst səthinə çıxıb, bitkilərin kök boğazını gəmirir. İyul ayının əvvəllərində
birinci nəslin tırtılları öz inkişafını bitirir. Bu vaxta qədər 5 dəfə qabıq dəyişərək 6
yaş keçirir, 2-ci nəsil isə bundan sonra başlayır.
Payızın əvvəllərində ikinci nəslin axırıncı yaşda tırtılları qışlamağa başlayır.
Mübarizə tədbirləri. 1. Aqromexaniki tədbir olaraq heriklər becərilməli və
orada olan alaq otları məhv edilməlidir.
Dərin dondurma şumu və cərgə aralarının becərilməsi tırtıl və pupların
əksəriyyətini məhv edir.
2. Bioloji mübarizə olaraq yumurtayeyən trixoqrammadan istifadə
edilməlidir.
33
3. Kimyəvi mübarizədə zərərvericinin iri yaşlı tırtıllarına qarşı 1,5 kq raqorla
50 kq şrot qarışığından alınan (hər hektara 50 kq hesabı ilə) aldadıcı yem verilməsi
yaxşı səmərə verir.
Mövzu 5. Dənli taxıl, çəltik və qarğıdalı bitkilərinin zərərvericiləri, onlarla
mübarizə tədbirləri
İsmayılzadə N.N.
Məmmədov V.Ə.
PLAN:
12.İsveç və hessen milçəklərinin morfoloji-bioloji xüsusiyyətləri, onlarla mübarizə tədbirləri.
13.Ziyankar bağacıq və buğda tripsinin morfoloji-bioloji xüsusiyyətləri, onlarla mübarizə tədbirləri.
14.Sümürtkən və taxıl böcəklərinin morfoloji-bioloji xüsusiyyətləri, onlarla mübarizə tədbirləri.
15.Çəltik ağcaqanadının morfoloji-bioloji xüsusiyyətləri, onlarla mübarizə tədbirləri.
ƏDƏBİYYAT
1. Məmmədova S.R, B.B.Xəlilov - Kənd təsərrüfatı entomologiyası. Bakı – 1986.
2. Ağayev B.İ. - Ümumi entomologiya. Bakı, 2004, 303 s.
34
3.Alaoglu Ö., Boyraz N. - Bitki koruma. Selçuk Üniversitesi, Ziraat
Guncan A.,BAştaş K.K. fakültəsi, Bitki koruma bölümü, 2014, 265 s.
6. Горбацов И.В., Грилченко В.В., Захваткин Ю.А. Зашита растений отвредителей Москва, 2002, 472с
GƏNCƏ – 2017
Mövzu 5. Dənli taxıl, çəltik və qarğıdalı bitkilərinin zərərvericiləri,
onlarla mübarizə tədbirləri
Dənli taxıl bitkilərinə müxtəlif bitkilərlə qidalanan zərərvericilər, gənələr,
yumru qurdlar, siçanabənzər gəmiricilər zərər vurur.
Ədəbiyyatlarda indiyə qədər buğda və arpa üzərində 200 növdən artıq
zərərverici həşərat qeyd edilmişdir.
Dənli taxıl bitkisinin xüsusiyyətlənmiş zərərvericilərindən İsveç və hessen
milçəyini, yaşılgöz milçək, köçəri və oturaq taxıl mənənələrini, buğda tripsini,
ziyankar və sivribaş bağacığı, ağ xalı taxıl böcəyini, kuzkanı, xaçdaşıyanı, taxıl
sümürgən böcəyini, taxıl mişarlayıcısını qeyd etmək olar.
İsveç milçəyi (Oscinella fritt L.). ikiqanadlılar (Diptera) dəstəsinin taxıl
milçəkləri (Chloropidae) fəsiləsinə mənsubduo.
Yetkin fərd 1,5-2 mm böyüklükdə olub, bədəni qara rəngdədir və metal
parıltısına malikdir. Bığcıqları 3 buğumludur.
Yumurtası silindrvari olub, uzunluğu 0,6 mm-dir. Sürfəsi ağ rəngdədir, ön
və dal hissəsi xeyli nazikdir. Sürfənin uzunluğu 4-5 mm-dir. Yalançı baraması
qonur-qəhvəyi rəngdədir.
İsveç milçəyi respublikamızda geniş yayılmaqla, dənli taxıl bitkilərinə, o
cümldəən arpa və buğdaya xeyli zərər vurur.
35
Zərərvericinin yaşlı sürfələri əsasən payızlıq və yabanı taxıl bitkilərinin
cücərtisinin gövdələri daxilində qışlayır. Azərbaycanda ildə 5 nəsil verməsi
göstərilir. Əsasən payız və yaz nəsilləri zərər verir. Yay nəsilləri çox zərər verə
bilmir.
Oktyabr ayında əmələ gələn payız nəslinin yetkin milçəkləri yumurta
qoymağa başlayır. Yumurtalar bitkinin gövdə, yarpaq və s. orqanlarının üzərinə
qoyulur. Yumurtadan çıxan sürfələr bitki gövdələrinin daxilinə girir. Onlar
mərkəzi yarpağı əsasında gəmirir. Bunun nəticəsində yarpaq soluxur, saralır və
sünbül başlanğıcı zədələnir. Sürfənin və yalançı baramanın inkişafı gövdə
daxilində gedir.
Zəif kollanmış bitki zərərvericiyə müqavimət göstərə bilmir və məhv olur.
Yaxşı kollanmış bitkilər məhv olmur, məhv olmuş gövdələrin yerinə yeni, əlavə
gövdələr verir.
Bəzi sortlar zərərvericiyə müqavimət göstərə bili rvə xeyli miqdarda əlavə-
yan gövdələr verir.
Mübarizə tədbirləri.
1. Payızlıq taxıllar optimal olan vaxtda səpilməlidir.
2. Aqrotexniki tədbirlərin bütün kompleksi (torpağın düzgün becərilməsi,
əlavə gübrələrin verilməsi və s.) həyata keçirilməlidir. Bunun nəticəsində bitkilər
yaxşı və bərabər inkişaf edir. bu da isveç milçəyinin zərər verməsini xeyli azaldır.
3. Məhsul vaxtında yığılmalı, bundan sonra kövşən çevrilməlidir.
4. Davamlı sortlar əkilməlidir.
5. Sürfələr çıxmağa başladığı gövdə Desis preparatından hektara 0,3-0,4 l
məsarif normasında emulsiyası ilə çiləmə aparmaq olar.
6. Həmçinin kimyəvi mübarizədə hektara 0,2 kq olmaqla Dentiz 2,5 %
preparatından istifadə olunmalıdır.
Hessen milçəyi (Mayetiola destructor S.) – İkiqanadlılar (Diptera)
dəstəsinin fır əmələgətirənlər (Cecidomyiidae) fəsiləsinə mənsubdur.
Yetkin fərd 3-3,5 mm böyüklükdə olmaqla, bədənləri bozumtul-boz və ya
qaramtıl rəngdədir.
36
Yumurtası silindrvaridir, 0,5 mm böyüklükdədir. Əvvəllər şəffaf, sonra isə
qonur-qırmızı rəngdə olur.
Yaşlı sürfələr ağ-süd rəngində olur. Ağız aparatı sorucudur. Bitkinin şirəsini
sormağa uyğunlaşmışdır. Yaşlı sürfənin uzunluğu 3,5-4,5 mm-dir. Yalançı
baramalar qonur-şabalıdı rəngdədir, kətan toxumuna oxşardır. Uzunluğu 3 mm-dir.
Azərbaycanın dağlıq və dağətəyi rayonlarının iqlimi mötədil olduğu üçün
hessen milçəyinin burada taxıl bitkilərinə vurduğu zərər, aran zonasına nisbətən
xeyli çoxdur.
Hessen milçəyi Azərbaycanda ildə 3-5 nəsil verə bilir. Əsas zərərverən payız
nəslidir.
Hessen milçəyi iri yaşlı sürfələr halında yalançı barama içərisində payızlıq
əkin sahələrində və yabanı taxıl bitkilərinin yarpaq qoltuğunda qışlayır. Yalançı
barama içərisində olan sürfə, yazda martın 2-ci yarısında pup halına keçir. Aprel
ayında puplardan milçəklər uçmağa başlayır. Bu dövr taxıl bitkilərinin borulama
dövrüdür. Pupdan uçan milçək qidalanmır, cütləşir və cəmi 5-6 gün yaşayırlar. Dişi
fərdlər yumurtalarını yarpaqlar üzərinə qoyurlar (200-350 ədəd). Qoyulmuş
yumurtalardan 4-7 gün sonra sürfələr çıxır. Sürfələr yarpaq üzərində hərəkət edib
yarpaq qoltuğuna və oradan da gövdə daxilinə keçir. Sürfələr gövdənin şirəsini
sorur. İnkişafını başa çatdıran sürfələr qidalandığı yerdəcə pup halına keçir. Puplar
öz inkişafını 18-20 gün müddətində başa çatdırır və yeni nəslin milçəkləri uçmağa
başlayır.
Sürfələrin inkişafı borulama dövrünə düşürsə, gövdələr sünbülləmə
dövründə əyilir və müxtəlif təsirlərdən gövdə yatır, belə bitkinin məhsulunu
yığmaq olmur.
Hessen milçəyi bütün taxıl bitkilərini, eləcə də yabanı dənli bitkiləri də
zədələyir.
Mübarizə tədbirləri – İsveç milçəyinə qarşı tətbiq edilən mübarizə
tədbirlərindən istifadə edilməlidir.
Yaşılgöz milçək (Chlorops pumilionis Byerk.). İkiqanadlılar dəstəsinin taxıl
milçəkləri fəsiləsinə mənsubdur.
37
Yaşılgöz milçəyin yayılması və həyat tərzinin öyrənilməsinə dair tədqiqat
işləri olduqca az aparılmışdır.
Yaşılgöz milçək başlıca olaraq yazlıq buğda əkinlərinə arpaya zərər vurur.
Bundan əlavə payızlıq buğda əkinlərinin cücərtiləri də bu zərərverici tərəfindən
zədələnir.
Yaşılgöz milçəyin süfrələri payızlıq taxıl cücərtilərinin gövdələri daxilində
qışlayır. Erkən yazdan başlayaraq davam etdirir və aprelin axırı, mayın
əvvəllərindən etibarən yalançı baramalar içərisində pup halına keçir. Havanın orta
gündəlik temperaturu 16,50 C –yə çatdıqdan sonra milçəklər yalançı baramalar
işərisindən xaricə uçmağa başlayır. Hər bir milçək 150-yə qədər yumurta verə bilir.
Yumurtadan çıxmış sürfələr yarpaqlar ilə qidalana bilmədiklərindən yarpaqların
qoltuq hissəsindən gövdə daxilinə keçir və orada qidalanır. Qidalanma nəticəsində
üst buğumlar arasında dərin şırımlar açılır və inkişafda olan sünbül zədələnir.
Vegetasiyanın sonuna yaxın sürfə bitkinin zədələyə bilmir, normal sünbül
əmələ gəlir və sürfə dənləri arasında sıxılaraq məhv olur.
Qışlama zamanı sürfələr gövdə daxilində olur.
Mübarizə tədbirləri.
1. İmkan daxilində yazlıq taxıllar tez səpilməlidir.
2. Bitkinin boy artmasını sürətləndirən bir sıra aqrotexniki tədbirlər
kompleksi, o cümlədən torpağın vaxtında və düzgün becərilməsi, gübrələnməsi
əlavə gübrələmə və s. Bu kimi bir sıra tədbirlər həyata keçirilməlidir.
3. Tez sünbül verən sortlardan istifadə edilməlidir. Çünki, tez sünbülləmə
nəticəsində hələ zərər verə bilməyən xeyli sürfə məhv olur.
4. Küləş üzlənməli, sonra isə dərin şum aparılmalıdır.
5. Kİmyəvi mübarizədə isveç milçəyinə qarşı istifadə olun preparatlar
tətəbiq edilir.
Mənənələr. Bərabərqanadlılar dəstəsinin (Homoptera) mənənələr
yarımdəstəsinə (Aphidinea) daxildir. 1 – 4 mm böyüklükdə qanadlı və qanadsız
həşəratlar olub, taxıl bitkilərinin bütün hissələrində yaşaya bilir. Deşib-soran ağız
aparatına malik olan bu həşərat qrupu bitkinin hüceyrə şirəsi ilə qidalanaraq
38
onların böyümə və inkişafını zəiflədir. Bəzi hallarda isə bitkini yaxud da onun ayrı
–ayrı gövdələrini məhv edir. Mənənələr başlıca olaraq partenogenetik (bakirə)
yolla çoxalırlar. Dişiləri 25 – 100 -ə qədər diri sürfə qoyur.
Mənənələrin özünəməxsus inkişafları vardır. Bu inkişafdan asılı olaraq onlar
iki bioloji qrupa – köçəri və oturaq mənənələrə bölünürlər.
Köçəri mənənələrin həyatı iki bitki ilə bağlıdır və mövsümdən asılı olaraq
qanunauyğun tərzdə bir bitkini digəri ilə əvəz edir. Bu mənənələr bütün yay
ərzində dənli taxıl bitkiləri ilə qidalanır və çoxalır. Payızda 1anadlı fərdlər ağaclar
üzərinə uçur və qışlamaq üçün orda da yumurta qoyur. Məsələn, meşə gilası
mənənəsi (Rhopalosiphumpadi L.). yazda bu bitki üzərində yumurta qoyur. Bir
müddət keçdikdən sonra onun koloniyaları əmələ gəlir və may ayından etibarən
artıq qanadlanmış mənənələr yulaf, çovdar, qarğıdalı, digər mədəni və yabanı taxıl
bitkiləri üzərinə keçərək, bütün yay müddətində bu bitkilər üzərində bakirə yolla
çoxalırlar.
Oturaq mənənələrin bütün inkişafı dənli bitkilər üzərində gedir. Payızlıq
dənli bitkilər üzərinə qoyulmuş yumurtaları qışlayır. Payızlıq dənli bitkilər üzərinə
qoyulmuş yumurtaları qışlayır. Yazdan başlayaraq payıza qədər arası kəsilmədən
bakirə çoxalma gedir. Əgər bu dövrdə mənənə üçün əlverişli olmayan qida mühiti
əmələ gəlirsə o zaman yayılmağa qadir olan qanadlı fərdlər əmələ gələrək nisbətən
zəif və hələ tam kobudlaşmamış dənli bitkilər üzərinə keçir. Doğrudur, burada
dabir bitkidən digər bitkiyə keçmə olur, lakin hər iki halda onun qida mühiti dənli
bitkidən ibarətdir.
Mənənələr öz yumurtalarını payızda payızlıq taxılların, bitki qalıqlarının və
yabanı taxıl bitkilərinin üzərinə qoyur. Yumurtalar ovalvarıdır. Uzunluğu 0,6 mm,
eni 0,2 mm –dir. Qışlayan bu yumurtalardan süfrələr sıxaraq bir neçə dəfə qabıq
dəyişir və dişi fərdlər əmələ gəlir. Bunlar binəcə dişilər adlanır.
Məhsul yığımından sonra mənənələr yabanı taxıl bitkiləri və bitki qalıqları
üzərində çoxalır. Sonra onlar payızlıq taxılların üzərinə keçir və qışlamaq üçün
yumurta qoymağa başlayır.
Mübarizə tədbirləri.
39
1. Taxıl mənənələri ilə aqrotexniki mübarizə məqsədilə torpağı vaxtında və
düzgün becərmək, bitkilərin böyüməsini sürətləndirən gübrələr vermək və s. bu
kimi tədbirlərlərin həyata keçirilməsinin böyük əhəmiyyəti vardır.
2. Məhsul yığımından sonra bitki qalıqlarını təmizləmək üçün kövşən
üzlənilməli, sonra isə dərin dondurma şumu aparılmalıdır, çünki mənənələr məhsul
yığımından sonra payızlıq taxıl əkinlərinin cücərtiləri əmələ gələnə qədər öz
inkişafını bitki qalıqları üzərində keçirir.
Əgər sahələr mənənə ilə kütləvi surətdə sirayətlənərsə bitkinin inkişaf
fazsından və sirayətlənmə dərəcəsindən asılı olaraq hər hektara 1,6 kq (0,8 faizli
məhlul) Aktara (Tiametoksam 250 qr/kq), hektara 60 qr Mostar 20 SP
preparatındna istifatə olunur.
Buğda tripsi (Hoplothrips tritici K.) – Tripslər dəstəsinin (Thysanoptera)
boruquyruqlular (Phlocothripidae) fəsiləsinə daxildir.
Yetkin fərd qaramtıl rəngdə olub, 1,5-2 mm böyüklükdədir. Sürfələr xarici
görünüşcə yetkin fərdə çox oxşardır, ancaq rəngi qırmızıdır.
Zərərverici deşib-soran ağız aparatına malik olub, taxıl bitkilərinin, o
cümlədən payızlıq və yazlıq buğdanın zərərvericisidir.
Sürfələr gövdə daxilində və torpağın üst qatında qışlayır. Erkən yazda
qışlamadan çıxan sürfələr nimfa fazasına çevrilir. Payızlıq taxılın sünbülləmə
dövrünə qədər olan müddət ərzində tripsin yetkin fazası əmələ gəlir.
Sünbülləmə dövrü yetkin dişi fərd öz yumurtalarını sünbül pulcuqları
içərisinə qoyur. Yumurtadan çıxan sürfə sünbül pulcuğu və süd yetişmə dövründə
olan dənlərin şirəsi ilə qidalanır. Qidalanma nəticəsində dənlərdə girintili-çıxıntılıq
əmələ gəlir. Belə dənlər çəkisini itirir və cılızlaşır.
Məhsul yığımı dövründə sürfələr torpağın üst qatına düşərək qışlamağa
gedir.
Mübarizə tədbirləri. Zərərverici gizli həyat keçirdiyi üçün onunla kimyəvi
mübarizə aparmaq çətinlik törədir. Buna baxmayaraq tripsə qarşı mostar 20 SP
preparatı ilə 100 qr/hek normasında istifadə etmək olar. Bundan Siperkor 25 EC
preparatını 0,2 qr/l nomrasında istifadə etmək olar.
40
Bir sıra aqrotexniki tədbirlər – kövşənliklərin üzlənməsi, dərin dondurma
şumu aparılmalı, gübrələr verilməlidir.
Ziyankar bağacıq (Eurygaster integriceps P.) – Yarımsərtqanadlılar
(Hemiptera) dəstəsinin qalxancıqlı bağacıqlar fəsiləsinə (Pentatomidae)
mənsubdur.
Yetkin bağacığın bədəninin uzunluğu 9-12 mm olmaqla, rəngi bozumtul-
sarıdan, tutqun darçınıya qədər dəyişə bilər. Başı üçbucaq formasındadır. Üst
qanadlar qarıncığı örtmür. Yumurtası girdə, zümrüdü-yaşıl olub, çəllək şəkillidir,
qabığı xeyli şəffafdır. Böyüklüyü 1,5 mm-dir.
Yumurtadan çıxan sürfənin ümumi böyüklüyü 2-2,2 mm, beşinci yazda
sürfənin uzunluğu 8-10 mm-dir. Sürfələr xarici görünüşünə görə yetkin bağacıqlara
bənzəyir, ancaq qanadlarının olmamasına görə yetkin fərdlərdən fərqlənir.
- Ziyankar bağacığın yetkin fərdləri meşələrdə, meşə zolaqlarında,
kolluqlarda, bağlarda və s. yerlərdə xəzəllər altında qışlayır.
Erkən yazda, martın axırları, aprelin əvvəllərində temperatur 9-110S olduqda
bağacıqlar qış yuxusundan oyanır və qışlama yerlərindən taxıl sahələrinə uçmağa
başlayır. Bağacıqlar uzaq məsafələrə, hətta 200 km-lə məsafəyə uçmaq
qabiliyyətinə malikdir.
Qışlama yerlərindən kütləvi şəkildə uçmaq, aran rayonlarında aprelin 2-ci
ongünlüyünə düşür. Qışlamadan çıxan bağacıqlar gövdələrin şirəsini sormaqla
qidalanır.
Bağacıqlar qışladıqları yerdən əkinlərə uçduqdan bir az sonra cütləşir və
yumurta qoyur. Hər dəfədə bir dişi fərd iki cərgə olmaqla 12-14 yumurta qoyur.
Yumurtalar yarpaqlara, gövdələrə və sünbüllərə qoyulur. Kütləvi yumurta
qoyuluşu 15-20 gün çəkir. Bir dişi fərd 200-ə qədər yumurta qoya bilir. Havanın
temperaturundan asılı olaraq yumurtanın inkişafı 8-14 gün çəkir. Yumurtadan
çıxan çürfə öz inkişafı dövrü 5 yaş keçirir. Sürfənin inkişafı 30-40 gün çəkir.
Sürfələr, eləcə də yetkin fərdlər sünbüldə dənin şirəsini sorur. Yetkin fərdlər 10-15
gün qidalandıqdan sonra qışlama yerlərinə uçurlar.
Zərərverici il ərzində bir nəsil verir.
41
Zərərvericinin vurduğu zərər nəticəsində yarpaqlar inkişafdan qalır və
saralır. Sünbülləmədən az qabaq sorma nəticəsində «ağ sünbüllülük», dənlərin
sorulması zamanı isə onların cılızlaşması baş verir və cücərmə qabiliyyəti aşağı
düşür. Zədələnmiş dənlərin unundan hazırlanmış xəmir pis acıyır, çörəyi boz rəngli
və dadı pis olur. Bağacıq dənlə qidalanan zaman tüpürcəyi vasitəsilə dənin
tərkibinə xüsusi ferment buraxır və ferment dəndə olan yapışqan, zülal və
nişastanın tərkibini dəyişir.
Azərbaycanda ziyankar bağacıq kütləvi çoxaldığı illərdə məhsulun 12%-ni
(hətta çox) məhv edilməsi qeyd edilmişdir.
Ziyankar bağacığın təbii düşmənlərindən yumurtayeyən telenomus, onların
azalmasında müsbət rol oynayır.
Ziyankar bağacıqdan başqa taxıl bitkilərinə müəyyən dərəcədə zərər verən
daha 2 növ – sivri baş və mavri bağacığına da təsadüf edilir.
Mübarizə tədbirləri. Ziyankar bağacığa qarşı mübarizədə aqrotexniki,
mexaniki, bioloji və kimyəvi mübarizə üsulları kompleksindən istifadə edilir.
1. Bitkilərin yaxşı böyüməsi üçün torpaq səpin üçün diqqətlə
hazırlanmalıdır, gübrələnməli, səpin dar cərgədə aparılmalı və alaq otları məhv
edilməlidir.
2. Bağacıqları qışlama yerlərində məhv etmək üçün onların normal qışlama
yerləri dağıdılmalıdır.
3. Aldadıcı sığınacaq yerləri yaratmaqla zərərvericini məhv etmək
mümkündür. Bunun üçün enliyarpaqlı bitkilərdən və alaq otlarından, kalışdan və s.
bu kimi otlardan bağacıqlara süni sığınacaq düzəldilir. Hər sığınacaq vofatoks
dustu ilə zəhərlənməli və hektara 3000-5000 ədəd qoyulmalıdır.
4. Zərərverici ilə mübarizə məqsədilə toyuqlardan istifadə edilməlidir.
5. 1 m2-də orta hesabla 2-dən çox bağacıq olduqda 5%-li karate (0,4-0,5
l/ha), 35%-li fozalon (2 l/ha) preparatlarının emulsiyası ilə çiləmə aparılması
məsləhət bilinir.
42
Sümürtgən böcəklər – Sərtqanadlılar (Coleoptera) lövhəbığ böcəklər
(Scarabacidae) fəsiləsinin nümayəndəsidir. Azərbaycanda 10-dan artıq sümürtkən
böcəkləri yaşayır.
Bunlardan üç növü – taxıl sümürtkəni (Anisoplia austriaca F.), ağ qalxanlı
sümürtkən (Anisophia leucaspis C.) və xaçlı sümürtkən (Anisoplia agricola P.)
başlıca zərərverici hesab olunur.
Taxıl sümürtgəninin qanadüstlüyü şabalıdı rəngdədir. Böyüklüyü 14-20 mm-
dir.
Hər üç böcəyin bığcıqları lövhəvaridir. Yumurtalar ağ rəngdə olmaqla,
kürəvaridir və diametri 2 mm-ə yaxındır. Sürfələr aypara («C») formasında
bükülmüş olur. Yaşlı sürfələrin uzunluğu 3,5 sm-ə çatır. pupu açıq formada
olmaqla ağ rəngdədir. Böyüklüyü 14-20 mm-dir.
Sümürtkən böcəklərin qışlamaları torpaqda sürfə fazasında gedir. Sürfələrin
inkişafı təxminən 22 aya başa çatır. bu müddət ərzində onlar iki dəfə qışlayır.
İnkişafının birinci ilində sürfələr bitki köklərinin əmici telləri ilə qidalanır.
İkinci yaşa keçən sürfələr cavan cücərtilərin kök boğazını gəmirir.
Sürfələr ikinci dəfə qışladıqdan sonra təxminən mayın axırları, iyunun
əvvəllərində özlərinə yuva düzəldərək onun içərisində pup halına keçir və 2-3
həftədən sonra puplardan böcəklər çıxmağa başlayır.
Böcəklərin puplardan uçması taxılların yetişmə dövrünə düşür və cavan
böcəklər süd və mum yetişmə dövründə olan dənlərlə qidalanır. Qidalanma zamanı
böcəklər sünbülü başı ilə eşir, bunun nəticəsində isə dənlərin bir qismi yerə
tökülür. Hər bir böcək həyatı boyu 7-8 qrama qədər dəni yerə tökür.
Əgər hər 1m2-də 40 böcək olarsa, məhsulun çox hissəsi məhv olur.
Böcəklər uçduqdan 10-12 gün sonra cütləşir və yumurta qoymağa başlayır.
Yumurtalar torpağın 8-20 sm dərinliyinə qoyulur. Bir dişi böcək 30-40 yumurta
qoya bilir. Yumurtanın inkişafı 3 həftə çəkir və sonra sürfələr çıxır. Sümürtkən
böcəklərin bir nəslinin inkişafı iki ildən bir qədər az vaxtda başa çatır. Nəticədə
böcəklər iki ildə bir nəsil verir.
43
Mübarizə tədbirləri. 1. Məhsul yığıldıqdan sonra dərhal dərin dondurma
şumu aparılmalıdır.
2. Cərgəaraları becərilən bitkilərdə kultivasiya aparılmalıdır. Bunun
nəticəsində sürfə və puplar mexaniki zədələnir və məhv olur.
3. Bitkilərin inkişafını sürətləndirmək məqsədilə aqrotexniki tədbirlər
vaxtında həyata keçirilməlidir.
4. Böcəklərə qarşı kimyəvi mübarizədə Karate Zeon preparatı ilə 0,2 l/ha
normasında istifadə olunur. Həmşinin Arrivo preparatı ilə 0,1 l/ha, Sumi-alfa 0,25
l/ha nomrasında tətbiq etmək olar.
Taxıl böcəyi (Zabrus tenebrioides G). Sərtqanadlılar dəstəsinin
(Coleoptera) karabid böcəklər fəsiləsinə (Carabidae) daxildir.
Taxıl böcəyinin yetkin fərdi qara rəngdə olub, bığcıqları, ağız aparatı,
pəncələri qonur qırmızıdır. Qanadüstlüyünün üzərində 9 zolaq vardır. Böcəyin
uzunluğu 14-16 mm-dir.
Sürfəsi çirkli-ağ rəngdədir. Axırıncı yaşda sürfənin uzunluğu 25 mm-ə çatır.
Taxıl böcəyinin həyat tərzi prof.N.H.Səmədov tərəfindən ətraflı
öyrənilmişdir.
Yetkin böcəklərə may ayının birinci yarısında təsadüf edilir. Böcəklər və
onların sürfələri gecə həyat tərzi keçirir. Gün batan kimi onlar gizləndikləri yerdən
çıxıb, sünbüllərə daraşır və bütün gecəni səhərə qədər təzə əmələ gəlmiş və
dolmaqda olan dənlərlə qidalanır. Gün çıxan kimi böcəklər sünbüllərdən düşür və
torpaq kəşəkləri altında gizlənir.
İsti yay günləri başladıqda böcəklər yay yuxusu keçirmək üçün 25-30 sm
dərinliyə qədər torpağa girir və sentyabrın əvvəllərinədək davam edir. Böcəklər
payızda cütləşdikdən sonra öz yumurtalarını (sentyabr-oktyabr) qoyurlar.
Yumurtalar topa halında torpağın 7 sm-ə qədər dərinlikdə qoyulur. Bir dişi fərd 30-
a qədər yumurta qoyur. Qoyulmuş yumurtalardan sentyabrın 2-ci yarısından sonra
sürfələr çıxır. Sürfələr ömürlərinin çoxunu torpaqda keçirir və yer üzərinə gecələr
çıxıb taxıl cücərtilərinin yarpaqları ilə qidalanırlar. Çeynənmiş yarpaqlar bir-birinə
yapışmış sap yumağı şəklində görünür.
44
Gündüzlər sürfələr taxılın yarpaqlarını yuvasına çəkir və orada onu çeynəyr.
Sürfələr olduqca acgöz qidalanır. Onlar yuvanın yaxınlığındakı cücərtiləri
yedikdən sonra başqa yerə keçərək yeni yuvalar düzəldir və qidalanmağa başlayır.
Yazda, mart-aprel aylarında qışlamış sürfələr pup halına keçir.
Beləliklə, taxıl böcəyi ildə bir nəsil verir.
Mübarizə tədbirləri. 1. Məhsul biçilən kimi kövşən üzdən, sonra isə
kotancıqlı kotanla azı 23-25 sm dərinliyində şumlanmalıdır.
2. Növbəli əkin sisteminə əməl olunmalıdır. Taxıldan sonra yonca, yaşıl
noxud, günəbaxan və s. əkilməlidir.
3. Böcəklərə qarşı kimyəvi mübarizədə Karate Zeon preparatı ilə 0,2 l/ha
normasında istifadə olunur. Həmşinin Arrivo preparatı ilə 0,1 l/ha, Sumi-alfa 0,25
l/ha nomrasında tətbiq etmək olar.
Zəlicik (Oulema melanopus L.). Sərtqanadlılar (Coleoptera) dəstəsinin
yarpaqyeyən böcəklər (Chrysomelidae) fəsiləsinin nümayəndəsidir.
Yetkin böcəyin rəngi əsasən yaşılımtıl – göy, ön döşü və ayaqları sarımtıl –
qırmızı, bığcıqları, pəncələri və budlarının zirvəsi qara rəngdədir. Qanadlar
üzərində aydın görünən nğqtələr cərgəsi də vardır. Uzunluğu 4 – 6 mm – dir.
Yumurtası ovalvarı olub, sarımtıl rəngdədir.
Sürfə açıq sarımtıl və ya ağ rəngdədir. Başı aradır. Sürfə bədəni üzərində
qonur rəngdə olmaqla seliklə örtülüdür. Bu selik bədənin ifrazı olub, sürfəni təbii
düşmənlərdən qoruyur. Sürfə formaca zəliyə oxşadığına görə ona “Zəlicik” adı
verilmişdir.
Pupu böcəklərə xas olan açıq tiplidir. Zəlicik yetkin halda qışlayır. Bu
böcəklər arpa və buğda əkinlərinə daraşaraq həvəslə qidalanırlar. Əlavə
qidalanmadan təxminən 10 – 15 gün sonra böcəklər yumurta qoymağa başlayırlar.
Bir dişi böcək 200 - ə qədər yumurta qoyur.
Yumurta qoyuluşundan 10 – 14 gün sonra onlardan sarı, kəhrəba rəngində
sürfələr çıxmağa başlayır.
Təxminən 14 – 16 gün müddətində sürfələrin inkişafı başa çatır və may
ayının birinci yarısından etibarən bitkilərdən yerə düşərək torpağın 2 – 3 sm
45
dərinliyində yuvacıqlar düzəldir. Bu yuvacıqlar içərisində sürfələr pup halına keçir.
15 - 20 gündən sonra pupdan yetkin böcəklər çıxır və onlar, torpağın üst qatında
yarıqlar arasında, ya da kəsəklər altında gələn ilin yazxına qədər qışlayır.
Zəlicik böcəyinin zədələnməsi nəticəsində yarpaqlar, bəzi hallarda isə, hətta
bitki tamamilə quruyur, bitkinin böyüməsi tamamilə dayanır, dən və saman
miqdarı azalır. Zəlicik ildə bir nəsil verir.
Mübarizə tədbirləri.
1. Məhsul yığılan kimi kövşənlik 5 – 6 sm dərinlikdə üzlənib, sonra azı 22
sm dərinlikdə şumlanmalıdır. Bunun nəticəsində puplar və cavan böcəklər
məhv olur.
2. Əgər tarlalarda zəlicik kütləvi çoxalmışdırsa, bu zaman böcəklər
yumurta qoyana qədər sahədə metafos çiləmə aparmaq lazımdır.
3. Kimyəvi mübarizədə Siperkor 25 EC 0,2 l/ha istifadə olunur.
Taxıl mişarçısı (Cephus pygmaeus L.). Pərdəqanadlılar dəstəsinin
(Hymenoptera) taxıl mişarçıları (Cephidae) fəsiləsinə mənsubdur.
Yetkin mişarçının rəngi əsasən qaradır. Erkək fərdlərdə qarıncığın 3,7 və 9
– cu, dişi fərdlərdə isə 4,6,9 – cu buğumları sarı zolaqlar ilə haşiyələnmişdir. Dal
ayaqların baldırları daxili tərəfdən qara, ayaqların rəngi isə çirkli
sarımtıldır.Döşün alt tərəfində sarı ləkələr vardır.Yumurta qoyanın ağız hissəsi
nəhayətindən yoğunlaşmışdır. Uzunluğu 8-9 mm – dir.
Yumurtaları şəffaf olub, ovalvarıdır. İnkişafından asılı olaraq həcmu
böyüyərək 0,8 mm - ə çatır.Süfrəsi çirkli – ağ, yaxud sarımtıldır. Ayaqsızdır.
Bədəni çılpaq olub, üzərində seyrək tükcüklər vardır.
Pupu açıq tiplidir. Nazik qabığa malik olan şəffaf barama içərisində
yerləşir. Taxıl mişarçısının sürfə fazası zərər verir. Sürfələr gövdə daxilində
yaşayaraq, əsas etibarilə payızlıq buğda və arpalara zərər vurur. Taxıl
mişarçısının zərərli fəaliyyəti nəticəsində məhsul 5-23 % azalır.
Mübarizə tədbirləri. Sürfələr bitkinin gövdəsi daxilində yaşadıqlarına görə
onlar əleyhinə yalnız aqrotexniki tədbirlərdən istifadə edilməlidir. Əsas mübarizə
tədbiri dərin dondurma şumu aparmaqdır. Bu tədbir nəticəsində sürfələrin 60 -70
46
% - i məhv olur. Zərərvericinin yalnız dənli bitkilərlə qidalandığını nəzərə alıb,
müəyyən əkin dövriyyəsinin həyata keçirilməsi zərərverici ilə mübarizədə yaxşı
nəticə verə bilir.
Kimyəvi mübarizədə Mostar 20 SP preparatından istifadə oluna bilər.
Qarğıdalının zərərvericiləri
Qarğıdalı bitkisi ilə qidalanan 130 növə qədər zərərverici ədəbiyyatlarda
qeyd edilmişdir. Bunların əksəriyyəti polifaq həşəratlardır. Bunlardan
düzqanadlıların bütün nümayəndələri, məftil qurdları, yalançı məftil qurdu,
qarğıdalı gövdə kəpənəyi, pambıq sovkası və s. göstərmək olar.
Qarğıdalının bir neçə xüsusiyyətlənmiş zərərvericiləri mövcuddur.
Qarğıdalı (peyin) böcəyi (Pentodon idiota H.). Sərtqanadlılar dəstəsi
(Coliptera), lövhəbığ böcəklər (Scarabaeidae) fəsiləsinə mənsubdur.
Böcək qaramtıl, yaxud qonuru-qaramtıl rəngdə olub, xarici görünüşünə görə
adi peyin böcəyini xatırladır.böcəyin uzunluğu 15-25 mm-dir.
Yumurtası çirkli ağ rəngdədir. Sürfəsi ağ rəngdədir və lövhəbığ böcəklərin
sürfəsi kimi bükülür.
Payızda puplardan böcəklər çıxmağa başlayır və bu böcəklər həmin yerdə də
qışlayır.
Qışlamış böcəklər aprel ayından etibarən qışlama yerlərindən çıxırlar.
Böcəklər gecə həyat tərzi keçirərək cavan cücərtiləri gəmirir, gündüzlər isə
kəsəklər altında gizlənir.
Yayın ortalarında cütləşmə prosesi gedir və yumurtalar torpağa qoyulur.
Yumurtadan çıxan sürfə qidalanır, böyüyür və inkişafını iki ildə başa çatdırır,
təxminən iyul ayında puplaşır. Həmin ilin payızında puplardan böcəklər çıxır və
onlar oradaca qışlayır.
47
Beləliklə, qarğıdalı böcəyi iki ildə bir nəsil verir.
Böcəklər əsasən kök boğazını, gövdəni gəmirir və nəticədə gövdədə dərin
oyuqlar əmələ gətirir. Bəzi hallarda hətta cavan cücərtilər tamamilə yeyilir.
Zədələnmiş bitki əvvəlcə soluxur, sonralar quruyur və qırılaraq yıxılır. Zədələnmə
nəticəsində tarlalarda xal-xal boş yerlər qalır.
Mübarizə tədbirləri.
1. İnkişafını bitirməyən sürfələri və qışlayan böcələri məhv etmək üçün
dərin dondurma şumu aparılmalıdır.
2. Cərgə aralarında kultivasiya aparılmalıdır.
3. Böcəklər zədələnmiş bitkilərin yanından əl ilə yığılıb məhv edilməlidir.
4. Cücərtilər daxildən təsir edən preparatların biri ilə dərmanlanmalıdır.
Kimyəvi mübarizədə Kruizer, Karate Zeon preparatlarından istifadə olunur.
Mənənələr. Azərbaycanda əsaən qarğıdalı bitkisinə əsasən adi taxıl
(Schizaphis graminum Rond) və qarğıdalı mənənəsi (Rhopalosiphum maydis F)
zərər verir. Taxıl və qarğıdalı mənənələri yumurta halında qışlayır. Mənənələr
qarğıdalının yarpaqlarının və başqa hissələrinin şirələrini sorurlar.
Mübarizə tədbirləri.
1. Sahələrdə, mərzlərdə, yol kənarlarında və s. yerlərdə olan alaq otları məhv
edilməlidir.
2. Qarğıdalı sahələrində məhsul yığımındn sonra dərin dondurma çumu
aparılmalıdır.
3. Əgər sahələrdə ayrı – ayrı bitkilər mənənə kaloniyaları ilə yoluxarsa
bitkilər Kruizer preparatrından, Mostar, Lannate, Arrivo preparatlarından çiləmə
aparmaq olar.
Qarğıdalının zərərvericiləri əleyhinə mübarizə tədbirləri sistemi.
Qarğıdalı əkinlərini zərərvericilərdən mühafizə etmək məqsədilə qarşıalıcı və qırıcı
mübarizə tədbirləri bütün ilboyu həyata keçirilməlidir.
48
Qarğıdalının zərərvericiləri əleyhinə mübarizə tədbirləri sisteminə aşağıdakı
əsa tədbirlərin həyata keçirilməsi daxildir.
1. Qarğıdalı imkan daxilində tez və qıs müddətə yığılmalıdır.
2. Qarğıdalı kolları yığılan zaman çalışmaq lazımdır ki, gövdələr dibdən (yer
səthindən 8 – 10 sm hündürlükdə) biçilsin. Bu tədbir tarlada qalan gövdə kəpənəyi
tırtıllarının ehtiyatını xeyli azaldır.
3. Gövdə kəpənəyi və pambıq sovkası tərəfindən zədələnən bitki qalıqları
bütün qış müddətində yığılmalı və müxtəlif məqsədlər (silos və s.) üçün sərf
edilməlidir.
4. Bir çox zərərvericilərin qışlama yerləri və yaz dövründə qida mənbələri
olan alaq otları, o cümlədən iri gövdəli alaq otları payızda biçilməli və yığılıb
yandırılmalıdır.
5. Qarğıdalı gövdələri yığılan kimi tarlada qalan qalıqlar dərhal üzlənməli
və bundan sonra dərin dondurma şumu aparılmalıdır. Pambıq sovkası, gövdə
kəpənəyi, qarğıdalı böcəyi və mənənələrinin miqdarının azalmasında bu tədbirin
böyük əhəmiyyəti vardır.
6. Əgər bitkinin gövdəsindən mal- qaraya yem və silos məqsədilə istifadə
edilirsə, bu zaman onlar doğranəlmalıdır.
7. Təsərrüfatlarda yanacaq məqsədilə istifadə edilən qarğıdalı gövdələri may
ayına qədər yandırılıb, qurtarmalıdır.
8. Müxtəlif qurdlar, yalançı məftil qurdları, payızlıq əkin sovkasının
tırtılları və danadişi ilə mübarizə məqsədilə səpindən əvvəl qarğıdalı toxumları
Kruizerlə istifadə edilməlidir.
9. Vegetasiya ərzində cərgə araları becərilməlidir. Bu tədbirin həyata
keçirilməsi nəticəsində məftil qurdlar, yalançı məftil qurdlar, gəmirici sovkaların
tırtılları, qarğıdalı böcəyi, pambıq sovkasının pupları və bir çox başqa
zərərvericilər ya mexaniki surətdə əzilərək məhv edilir, ya da onlar üçün əlverişli
olmayan şərait yaradılır.
49
11. Bir sıra zərərvericilərin, o cümlədən mənənələrin ilk çoxalma və yayılma
mənbələri olan sahələrdə və sahə kənarlarında alaq otları müntəzəm məhv
edilməlidir.
12. Qarğıdalı sahələrində mənənələr görünən kimi, onlar əleyhinə fosfamid
və ya metafos emulsiyası çilənməlidir.
13. Toxumluq qarğıdalı əkinlərində sovkaya qarşı mübarizə pambıq
əkinlərindəki kimi aparılmalıdır.
14. Yuxarıda qeyd edilən tədbirlərdən başqa qarğıdalı bitkisinin böyümə və
inkişafını sürətləndirən, bununla da bununla da onun zərərvericilərə qarşı
davamlılıq qabiliyyətini artıran bütün aqrotexniki tədbirlər vaxtında və düzgün
həyata keçirilməlidir.
Çəltik ağcaqanadı
Yetkin fərdin qanadları şəffafdır, qarıncığı nazikdir. Uzunluğu 2,5-3,5 mm-
dir. Cavan sürfələri sarımtıl-parıltılı, yaşlı sürfələri isə qonur-sarı rəngdədir.
Çəltiyə əsasən sürfələr zərər verir. Belə ki, onlar aşağı yarpaqların parenximi ilə
qidalanır. Zədələnmiş cücərtilər boyatmadan qalır, zərərvericinin kütləvi artım
dövründə hətta məhv olur. Birinci nəslin sürfələri bitkinin kütləvi şəkildə
cücərtiləri olan dövrdə zərər verir. Sürfələr çəltiyin yarpaqları ilə 6-7 gün qidalanır
və tordan örtük qurur və orada puplaşır.
Mübarizə tədbirləri.
1. Aqrotexniki tədbirlər kompleksi yerinə yetirilməlidir.
2. Kimyəvi mübarizədə 2,5% Desis (0,4 l/ha), preparatları ilə çiləmə
aparılmalıdır.
50
Mövzu 6.Birillik paxlalı bitkilər və yoncanın zərərvericiləri, onlarla mübarizə
tədbirləri
İsmayıl-zadə N.N.
Məmmədov V.Ə.
PLAN:
1. Kök yumrusu uzunburun böcəklərin morfoloji quruluşu, bioloji xüsusiyyəti və onlarla mübarizə tədbirləri.
2. Noxud və lobya dənyeyənləri, onların morfoloji quruluşu, bioloji xüsusiyyətləri, onlarla mübarizə tədbirləri
3. Fitonomus uzunburun böcəyi, onun morfoloji quruluşu, bioloji xüsusiyyəti və onlarla mübarizə tədbirləri
4. Toxumyeyən tixiusun morfoloji quruluşu və bioloji xüsusiyyəti, onunla mübarizə tədbirləri
5. Yonca bağacığının morfoloji quruluşu və bioloji xüsusiyyəti, onunla mübarizə tədbirləri
ƏDƏBİYYAT
1. Məmmədova S.R, B.B.Xəlilov – Kənd təsərrüfatı entomologiyası. Bakı,1986.
2.Горбацов И.В., Грилченко В.В., Захваткин Ю.А. Зашитарастенийотвредителей Москва, 2002, 472с
3.Klowden, M, Physiological Systems in Insects. and edition Academic Press. 2007, 150 s.
GƏNCƏ - 2017
51
Mövzu 6. Birillik paxlalı bitkilər və yoncanın zərərvericiləri,
onlarla mübarizə tədbirləri
Birillik dənli paxlalı bitkilər (lobya, noxud) bir sıra müxtəlif bitkilərlə
qidalanan zərərvericilər tərəfindən zədələnir. Bunlardan pambıq sovkası, çəmən
kəpənəyi, qammalı sovka, düzqanadlılar dəstəsinin bütün nümayəndələri, lövhəbığ
böcəklərin sürfələri və s. göstərmək olar. Birillik paxlalı bitkilərin bir sıra
xüsusiyyətlənmiş zərərvericiləri də vardır ki, bunların bir hissəsi qidalanma
tərzinə görə oliqofaq olub, yalnız paxlalılar fəsiləsinin nümayəndələri ilə qidalanır.
Dənyeyən böcəklər monofaqdır və bunların inkişaf tsikli yalnız bir bitki üzərində
gedir.
Paxlalı bitkilərin zərərvericiləri bitkilərin müxtəlif hissələri ilə
qidalanmalarına görə aşağıdakı dörd qrupa bölünür: 1. Kök və kökyumruları ilə
qidalananlar. 2. Cücərtilərlə qidalananlar. 3. yarpaqlarla qidalananlar. 4. Bitkinin
generativ orqanları ilə qidalananlar.
Kök və kökyumruları ilə qidalanan növlər dənli paxlalı əkinlərində geniş
yayılmaqla, bitkilərə böyük zərər verir. Onlar tez-tez kütləvi şəkildə çoxalmaları
ilə məşhurdurlar. Böcəklərin sürfələri tərəfindən zədələnmiş bitkilər az məhsul
verir və növbəli əkin dövriyyəsində azot toplamaq qabiliyyəti azalır. Paxlalı
bitkilərə kökyumrusu uzunburun böcəkləri böyük zərər vurur.
Paxlalı bitkilərin yarpaqları noxud mənənəsi, çuğundur bağacığı və bir sıra
mənənələr tərəfindən zədələnir.
Müxtəlif bitkilərlə qidalanan polifaq zərərvericilərin əksəriyyəti yarpaqlarla
qidalanır. Göstərilən zərərvericilər tərəfindən yarpaqların zədələnməsi nəticəsində
bitkidə assimilyasiya pozulur, bu da məhsuldarlığın azalmasına səbəb olur.
Dənli paxlalı bitkilərin generativ orqanları ilə qidalanan zərərverici növlər
böyük mənfi iqtisadi əhəmiyyətə malikdir.
Bura daxil olan noxud və lobya dənyeyənlərin fəaliyyəti xüsusi qeyd
edilməlidir.
52
Kök yumrusu uzunburun böcəklər. Bu növlər sərtqanadlılar dəstəsi
(Coleaptera) uzunburun böcək fəsiləsinə (Curculionidal) mənsubdur. Bu fəsiləyə
16-ya qədər növ daxildir. Bunlardan dənli paxlalılara əsasən iki növ zolaqlı
uzunburun (Sitona lineatus L.) və boz gilli uzunburunu (Sitona crinitus H.) zərər
vurur.
Kökyumrusu uzunburun böcəyi boz, yaxud qəhvəyi rəngdə olub,
yoğunlaşmış qişa xortuma malikdir. Bədəni üzərində zolaqlar vardır. Bədəninin
uzunluğu 4-5 mm-dir.
Boz qıllı uzunburunun qanadları üzərində qısa qıllar vardır. Bədəninin
uzunluğu 3,5-4,5 mm-dir.
Yumurtalar təzə qoyulan zaman sarımtıl-ağ rəngdədir. Oval formadadır,
uzunluğu 0,2-0,3 mm-dir. Yumurtanın sonrakı rəngi torpağın rənginə bənzədiyinə
görə tarla şəraitində onu müəyyən etmək çətindir.
Sürfələri təxminən 5 mm böyüklükdə olmaqla, qurdvaridir, ayaqları yoxdur,
ağ rəngdədir və azacıq bükülmüşdür.
Kökyumrusu uzunburun böcəyi bitki qalıqları altında və torpağın üst qatında
böcək halında qışlayır. Erkən yazda havanın temperaturu 7-100S-yə qalxan zaman
qışlama yerlərindən çıxaraq qidalanmağa başlayır. Qidalanma əvvəlcə çoxillik
paxlalı otlar üzərində gedir, daha sonra böcəklər əsas qidası olan birillik paxlalı
bitkilər üzərinə keçirlər. Böcəklər 10-15 gün qidalandıqdan sonra yumurta
qoymağa başlayır. Yumurta müxtəlif yerlərə, o cümlədən yarpaq və kökün üzərinə
qoyulur, onlar quruduqdan sonra torpağa tökülür. Bir dişi böcək 100-200-ə qədər
yumurta qoyur.
Yumurtanın rüşeym inkişafı 10-20 gün çəkir. Yumurtadan çıxan sürfələr
dərhal torpağın üst səthinə keçərək azotla zəngin olan yumurtalarla qidalanır.
Sürfələrin inkişafı 30-40 günə başa çatır. Bu müddətdə bir sürfə 4-8 ədəd kök
yumrusunu yeyə bilər. İnkişafını başa çatdırmış sürfələr torpağın 5-20 sm
dərinliyində yuva düzəldir, orada puplaşır və 10-15 gündən sonra həmin puplardan
böcəklər çıxmağa başlayır. Birillik paxlalıların vegetasiya müddəti qurtardıqda
böcəklər sahəni tərk edib, çoxillik bitki üzərinə keçib orada qidalanır.
53
Zərərvericinin böcək və sürfələrinin vurduğu zədələr nəticəsində bitki zəif
inkişaf edir və paxlalar içərisində olan dənlərin miqdarı azalır.
Ədəbiyyat məlumatlarına görə yarpaq səthi orta hesabla 13,5% zədələnən
cücərtilərdə hər hektardan 1,5 sentner dən itirildiyi göstərilir.
Mübarizə tədbirləri.
1. Məhsul tez yığılmalı və torpaqda olan pupları məhv etmək üçün sahə
dərhal şumlanmalıdır.
2. Birillik paxlalı bitkilər ilə çoxillik paxlalı yem bitkiləri bir-birindən 1 km
və daha çox məsafədə əkilməlidir. Belə olduqda birillik paxlalı bitkilərdən
böcəklər çoxillik paxlalılar üzərinə keçməsinin qarşısı alınır.
3. Böcəklərə qarşı 80%-li sevinin islan tozundan (2 kq/ha) və yaxud 5%-li
karate (0,3-0,4 l/ha), yaxud 35%-li fozalon (2 l/ha) preparatlarının emulsiyası ilə
çiləmə aparılması məsləhətdir.
Noxud dənyeyəni (Bruchus pisorum L.) – Sərtqanadlılar (Coleoptera)
dəstəsinin dənyeyənlər (Bruchidae) fəsiləsinin nümayəndəsidir.
Yetkin böcəklər 4-5 mm böyüklüyündə olub, qara rəngdədir. Kürəni-boz
tükcüklərlə örtülmüşdür. Qanadüstlüyü qısa olduğundan qarıncığı tam örtmür.
Üzərində qara və ağ ləkələr vardır.
Yumurtası sarı kəhrəba rəngindədir, nisbətən iridir, yaşıl paxla üzərində
aydın seçilir.
Sürfəsi krem rəngində olub, 5-6 mm-dir yoğundur, bükülmüş şəkildədir və
ayaqları yoxdur.
Pupu yetkin böcəyə bənzəyir, sarımtıl rəngdədir və böyüklüyü 4,5-5 mm-dir.
Noxud dənyeyəni monofaqdır və noxud bitkisi üzərində
xüsusiyyətlənmişdir.
– Anbarlara yığılmış və tarlalara tökülmüş noxud dəni içərisində böcək
halında qışlayır. Noxud bitkisi çiçəklədiyi vaxt qışlamadan çıxırlar. Böcəklər yaxşı
uçmaq qabiliyyətinə malikdir və anbardan uzaq məsafəyə uça bilir. Böcəklər bir
qədər çiçək pulcuqları və ləçəkləri ilə qidalandıqdan sonra yumurta qoymağa
başlayırlar. Bir dişi fərd 200-ə yaxın yumurta qoya bilir. Yumurtalar cavan paxlalar
54
üzərinə yapışdırılır. Yumurta qoyma 2 həftə davam edir. Qoyulmuş yumurtalardan
6-10 gün sonra krem rəngli kiçik sürfələr çıxır. Bu sürfələr ilk dəfə paxlaları üzdən
gəmirir və bir azdan onların içərisinə daxil olaraq noxud dənləri ilə qidalanırlar.
Sürfənin və eləcə də pupun bütün inkişafı bir noxud dənində gedir. Yayın sonunda
sürfə dənin daxilində pup halına keçir. Sürfə pup halına keçməmişdən əvvəl dəndə
iz açır ki, gələcəkdə böcəyin xaricə çıxması asanlaşsın.
Pupun inkişafı 3 həftə çəkir və pupdan çıxan böcək dənin içərisindən çıxmır,
gələn yaza qədər orada qışlayır.
Noxud dənyeyəni ildə bir nəsil verir.
Noxud dənyeyəninin zədələdiyi dənlərin çəkisi azalır və keyfiyyəti aşağı
düşür. Zədələnmiş dənlər pis dada malik olub, qida üçün zərərlidir.
Mübarizə tədbirləri.
1. Toxumluq üçün ayrılmış dən məhsulu dixloretan, heksaxloran, yaxud da
naftalinlə fumiqasiya edilməlidir. Heksaxloranla dərmanlama aparıldıqda hər bir
ton toxum məhsuluna 2-3 kq sərf edilməli və xüsusi dərmanlama maşını ilə
dərmanlanmalıdır. Dərmanlama naftalinlə aparıldıqda 1 tona 1 kq naftalin
qarışdırılmalı və ağzı bağlı qabda bir həftəyə qədər saxlanmalıdır.
Yeyinti məhsulu kimi istifadə ediləcək noxud dəni duz məhlulu ilə
təmizlənməlidir. Bu məqsədlə 10 l suya 3 kq duz qatlıb həll olunur, məhsul onun
içərisinə tökülür. Bu zaman zədələnmiş dənlər suyun üzərinə çıxır və o dənlər
yığılıb atılır. Sağlam dənlər isə yuyulub istifadə edilir.
2. Bitkinin çiçəkləməsindən əvvəl böcəklərə qarşı mübarizədə Bİ-59 (1,5-2
kq/ha) və yaxud 35%-li fozalon (1,5-2 kqha) emulsiyaları ilə çiləmə aparılması
məsləhətdir.
3. Məhsul vaxtında toplanmalı və yığım vaxtı dənlər tökülməsinə yol
verilməməlidir.
4. Məhsul yığılandan sonra bitki qalıqları tarladan çıxarılmalı və dərin
dondurma şumu aparılmalıdır. Digər aqrotexniki tədbirlər həyata keçirilməlidir.
55
Lobya dənyeyəni (Acanthoselides obtectus Say).
Sərtqanadlılar dəstəsinin (Coleoptera) dənyeyənlər (Bruchidae) fəsiləsinə
mənsubdur.
Böcək tünd qonur rəngdə olub, tükcüklərlə örtülmüşdür. Qanadlar üzərində
uzununa istiqamətlənmiş, qırıq xətlərdən ibarət 10 zolaq vardır. Qanadüstlüyü
qısadır vəqarıncığının axırıncı buğumlarını örtmür. Uzunluğu 0,6-0,7 mm-dir.
Sürfəsi qövsvari əyilmişdir və ayaqsızdır.
Lobya dənyeyəni daxili karantin obyektidir. Bu zərərverici lobya bitkisinin
bütün növ və sortlarını zədələyir.
Qışda anbarlarda lobya dəni ilə qidalanan böcəklərin bir qismi yazda ya
uçmaqla, yaxud da zədələnmiş toxumla tarlalara gəlir.
Anbarlarda böcəklər öz yumurtalarını birbaşa lobya dənlərinin, yaxud da
içərisində lobya dəni olan kisələrin üzərinə qoyur. Tarla şəraitində isə
yumurtalarını əsasən qabığı qurumuş yetişmiş paxlanın üzərinə qoyurlar. Hər bir
dişi fərd 80-100 ədəd yumurta qoya bilir. Yumurtalardan çıxan sürfələr dənlərlə
qidalanaraq onun içərisinə daxil olur. Bu zaman dəndə açılan yollar ekskrementlə
dolur. Noxud dənyeyənindən fərqli olaraq, hər bir lobya dəninin içərisində bir neçə
(25-ə qədər) sürfə qidalanıb yaşaya bilir. Sürfələrin inkişafı üç həftə çəkir və onlar
pup halına keçirlər. Puplardan çıxan böcəklər asanlıqla dənin qabığını gəmirib
xaricə çıxır. Lobya dənyeyəninin tam inkişaf tsikli 6-8 həftəyə başa çatır.
Zərərverici il ərzində 4 nəsil verir ki, onun iki nəslinin inkişafı anbar
şəraitində, iki nəslinin inkişafı tarla şəraitində gedir.
Lobya dənyeyəni ilə zədələnmiş dənlər ekskrementlə zibilləndiyinə və
içərisi yeyildiyinə görə toxumluq və qida kimi əhəmiyyətini itirir.
Mübarizə tədbirləri. 1. Lobya dənyeyənləri ilə yoluxmuş lobya
məhsulunun başqa rayonlara aparılması qəti qadağan edilməlidir.
2. Yoluxmuş dənlər və anbarlar fumiqasiya edilməlidir. Zəhərlərin məsarif
norması noxud dənyeyənindəki mübarizədə olduğu kimidir.
56
YONCANIN ZƏRƏRVERİCİLƏRİ
Fitonomus (Phytonomus variabilis H.). Böcəklər dəstəsinin (Coleoptera)
uzunburun böcəklər (Curculionidae) fəsiləsinin nümayəndəsidir.
Yetkin böcək sarımtıl-boz rəngdə olmaqla, böyüklüyü 5-8 mm-dir. Böcəyin
üzəri boz tükcüklərlə örtülmüşdür.
Yumurtası ellips şəkillidir, 0,5-0,6 mm-dir, sarı-kəhrəabı rəngdədir.
Sürfəsi yaşıldır, başı qaradır, uzunluğu 10 mm-ə çatır və ayaqsızdır.
Pupu ipək sapdan toxunmuş barama içərisində olur. Azərbaycanda geniş
yayılmaqla yonca bitkisinin təhlükəli zərərvericisidir.
Zərərverici qışı yetkin halda torpağın üst qatında və yaxud alaq otları altında
keçirir. Temperatur 120S yuxarı qalxdıqda böcəklər qış yuxusundan oyanır.
Azərbaycanın qərb rayonlarında noyabr ayından iyun ayının ortalarına kimi
yumurta qoyan böcəklərə rast gəlinir. Kütləvi surətdə yumurta qoyma dövrü mart-
aprel aylarıdır.
Sürfələr mart ayının ortalarından iyun ayının əvvəllərinə qədər külli
miqdarda inkişaf edir. Cavan böcəklərə may ayından etibarən təsadüf edilir.
fitonomusun fəal yaşayış dövrü ilin soyuq fəslinə doğru xeyli meyllidir.
- Böcəklər xortumları ilə bitkinin gövdəsini deşib yumurtaqoyanı vasitəsilə
ora yumurta qoyur. Hər bir dişi bir deşiyə 15-25 yumurta qoyur. Bir dişi böcək
2000-2500 ədədə qədər yumurta qoya bilir.
Yumurtanın rüşeym inkişafı 10-18 gündür. Yumurtadan çıxan sürfə
gövdənin ucuna doğru sürünərək cavan yarpaqların və təpə tumurcuğunun arasına
girib onları gəmirir. Sürfələr yarpaqlarla 15-28 gün qidalandıqdan sonra bir neçə
yarpağı bir-birinə birləşdirib arasında tordan barama hörür və onun içərisində pup
zalına keçir. Pupun inkişafı 7-11 gün çəkir. Pupdan çıxan cavan böcəklər bir
müddət yonca bitkisi ilə qidalanır, yay istilərinin düşməsi ilə əlaqədar olaraq yay
yuxusuna gedir. Havalar sərinləşən zaman onlar yay yuxusundan ayılır.
Fitonomusa əsas zərər verən mərhələsi onun sürfələridir.
Fitonomus il ərzində bir nəsil verir.
57
Mübarizə tədbirləri. 1. İmkan daxilində yonca dibdən çalınmalıdır.
2. Toxumluq üçün ikinci çalım saxlanmalıdır.
3. Yazda, vegetasiyanın başlanğıcında yoncalıqlar ağır malalarla
malalanmalıdır. Bu tədbir nəticəsində uzunburunun miqdarı azalır və bitkinin
böyüməsi sürətlənir.
4. Toxumluq üçün ayrılmış sahələrdə mübarizədə daxildən təsir edən
preparatlardan istifadə etmək olar.
5. Kimyəvi mübarizədə hektara 0,24 l olmaqla Siperkor 25 EC preparatından
istifadə olunması məsləhət görülür.
Toxumyeyən tixiuslar (Tychius cinsi). Böcəklər dəstəsinin (Coleoptera)
uzunburun böcəklər (Curculionidae) fəsiləsinə daxildir.
Tixiuslar 2-3 mm böyüklükdə olmaqla bədənləri və qanadlarının üzəri sıx
sarı və qızılı pulcuqlarla örtülmüşdür. Böcəklərin xortumu nazik və xeyli uzundur.
Sürfələri çirkli-ağ rəngdədir və ayaqsızdır.
Azərbaycanda toxumluq yonca əkinində üç növ tixius: sarı (Tychius flavus
B.), kürən (Tychius femoralis B.) və fır (Tychius medicaginis B.) böcəkləri zərər
vurur. Bu zərərvericilərdən ən çox yayılanı və zərər verəni sarı tixiusdur.
Yonca tarlalarında torpağın 5-15 sm dərinliyində böcək fazasında qışlayır.
Böcəklər mart ayından qışlama yerlərindən çıxmağa başlayır və havalar bir az
isindikdən sonra yarpaqlar, gövdələr, bəzi hallarda qönçə və çiçəkləri zədələyir.
Yoncada yaşıl paxlalar əmələ gəldiyi dövrdə böcəklərin cinsi məhsulları
yetişir. Onlar yumurtasını paxla boşluğuna qoyur. Dişi fərdin daxilində yumurtalar
tədricən yetişdiyinə görə yumurtaqoyma müddəti xeyli uzanır.
Bir paxla daxilinə 1-5-ə qədər yumurta qoyulur. Yumurtalardan çıxan
sürfələr paxla daxilindəki toxumlarla qidalanırlar. Hər bir sürfə ömrü boyu 2-7-yə
qədər toxum yeyə bilir. Toxumların mum yetişmə dövründə sürfələr torpağa keçir
və orada 7-10 gün müddətinə pup fazasına keçir. Pup dövrü 10-11 gün çəkir, sonra
ondan çıxan böcəklər qışlamaq üçün torpaqda qalırlar.
Tixius böcəkləri il ərzində bir nəsil verir.
58
Mübarizə tədbirləri. 1. Böcəklərin kütləvi surətdə qarşısını almaq
məqsədilə toxumluq yoncanı yalnız bir il saxlamalı, toxum almaq üçün ikinci biçin
yoncasından istifadə etməli və toxumluq yonca sahəsi köhnə yoncalıqlardan 1 km
aralı olmalıdır.
2. Böcəklərə qarşı mübarizədə 5%-li karate (0,3-0,5 l/ha) və 40%-li
fosfamid (2 l/ha) preparatlarının emulsiyasından çiləmə aparılması məsləhətdir.
Yonca bağacığı (Adelphocoris lineolatus G.). Yarımsərtqanadlılar
(Hemiptera) dəstəsinin bağacıqlar (Miridae) fəsiləsinə daxildir.
Yetkin fərdin bədəni uzunsov olub, 6,5-9,5 mm uzunluqdadır. Rəngi qonur,
yaxud sarımtıl yaşıldır. Bağacığın qabaq kürəkciyində iki qara nöqtə vardır.
Sürfəsi yaşılımtıl-qonur rəngdə omlaqla, qanad başlanğıcları yeni əmələ
gəlir.
Zərərverici bütün yonca sahələrində geniş yayılmaqla toxumluq və yemlik
yoncaya zərər vurur.
Yonca bağacığı yumurta fazasında qidalandığı bitkinin gövdəsi daxilində
qışlayır. Dişi bağacıq yumurtalarını bitkinin gövdəsi daxilinə qoyur.
Bir müddətdən sonra qışlamış yumurtalardan sürfələr çıxmağa başlayır.
Sürfələr qidalandıqdan 25-30 gün sonra yetkin hala keçir. Bir qədər sonra yetkin
dişi fərdlər yumurta qoymağa başlayır ki, bunlardan sonra ikinci nəslin sürfələri
çıxmağa başlayır.
Yetkin fərdlər və sürfələr yoncanın gövdəsinin, yarpaqlarının, qönçələrinin
və çiçəklərinin şirəsini sorur. Nəticədə qönçə və çiçəklər quruyaraq tökülür,
gövdələrin ucları isə quruyur.
Bağacıqlar yumurtalarını bitkinin cavan gövdələrinə, əsas etibarilə onların
aşağı hissəsinə qoyur. Dişi fərdlər yumurta qoymazdan əvvəl xortumları vasitəsilə
gövdədə deşiklər açır və yumurtalarını həmin deşiklərin içərisinə qoyur. Hər
gövdəyə 20-ə qədər yumurta qoyulur. Bir dişi 40-a qədər yumurta qoya bilir.
Azərbaycanda yonca bağacığınını 4-5 nəsil verməsi ehtimal olunur.
Mübarizə tədbirləri. 1. Gövdə daxilində yumurtaların qışlamasının
qarşısını almaq məqsədilə yemlik və toxumluq yoncalar dibdən biçilməlidir.
59
2. Toxumluq yonca sahəsində bağacığa qarşı mübarizə məqsədilə çiçəkləmə
fazasından əvvəl 2,5%-li desis (0,3-0,4 l/ha), Bİ-59 (1,5-2 l/ha) və s.
preparatlarının emulsiyası ilə çiləmə aparılması məsləhət bilinir.
Mövzu 7. Üzüm tənəklərinin zərərvericiləri və onlarla
mübarizə tədbirləri
İsmayıl-zadə N.N.
Məmmədov V.Ə.
PLAN:
1. Fillokseranın morfoloji quruluşu, bioloji xüsusiyyəti və onunla mübarizə tədbirləri.
2. Bağ tor gənəsi və üzüm fır gənəsinin morfoloji quruluşu, bioloji xüsusiyyətləri, onlarla mübarizə tədbirləri.
3. Üzüm unlu yastıcasının morfoloji quruluşu və bioloji xüsusiyyəti, onunla mübarizə tədbirləri.
4. Salxım yarpaq bükəninin morfoloji quruluşu və bioloji xüsusiyyəti, onunla mübarizə tədbirləri.
5. Zaqafqaziya mərmər böcəyinin morfoloji quruluşu və bioloji xüsusiyyəti, onunla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Xəlilov B.B., Səmədov N.H. – Azərbaycanda üzüm zərərvericilərinin kataloqu və təyinetmə cədvəli (dərs vəsaiti). Kirovabad, 1989
3. Xəlilov B.B., Əhmədov S.Ə., Əzimov A.M. – Azərbaycanda üzüm tənəklərinin zərərvericiləri və xəstəlikləri. Gəncə, 2000.
4. Rəsulov F.F. – Üzümlüklərdə salxım yarpaqbükəni əleyhinə feremon tələlərdən istifadə edilməsinin perspektivləri. Gəncə, 2005 5.Alaoglu Ö., Boyraz N. - Bitki koruma. Selçuk Üniversitesi, Ziraat
Guncan A.,B. Aştaş K.K. fakültəsi, Bitki koruma bölümü, 2014, 265 s.
6. Горбацов И.В., Грилченко В.В., Захваткин Ю.А. - Зашита растений отвредителей
60
Москва, 2002, 472с
GƏNCƏ -2017
Mövzu 7. Üzüm tənəklərinin zərərvericiləri və onlarla
mübarizə tədbirləri
Üzüm tənəklərinin bütün orqanları – kökü, yaşıl zoğları, yarpaqları və
gilələri müxtəlif növ zərərvericilər tərəfindən zədələnir. Nəticədə bitkinin inkişafı
zəifləyir və məhsuldarlığı azalır.
Respublikaməzda üzüm tənəklərinin geniş yayılmış bir sıra zərərvericiləri
mövcuddur. Onlardan filloksera, salxım yarpaqbükəni, üzüm unlu yastıcası,
mərmər böcəyi, bağ tor gənəsi və üzüm fır gənəsini göstərmək olar.
Filloksera (Viteus vitifolii Fiteh) – Bərabərqanadlılar dəstəsi (Homoptera),
filloksera (Phylloxeridae) fəsiləsinə mənsubdur.
Fillokseranın iki forması vardır: kök və yarpaq. Respublikamızda üzüm
tənəklərinə əsasən zərərvericinin kök forması zərər verir.
Yetkin dişi fillokseranın bədəni 1,2-1,5 mm uzunluqda olub ovalvaridir.
Xortumu uzundur, rəngi sarımtıl qəhvəyidir.
Yumurtası qoyulduğu ilk günlər qızılı-sarı, sonra isə qonur olmaqla 0,3 mm
uzunluqdadır.
Sürfəsi qızılı-sarı rəngdədir, yaş dəyişdikcə qonurlaşır. Qanadlı formalar iki
cüt şəffaf qanada malikdir. Qanadlı fillokseranın yumurtası iki cinslidir. Nisbətən
iri (0,4 mm uzunluqda) yumurtalardan dişi fərdlər, kiçik (0,25 mm uzunluqda)
yumurtalardan isə erkək fərdlər çıxır.
61
Fillokseranın vətəni ABŞ-dır. O, keçən əsrin 60-cı illərində Avropaya
gətirilmiş və oradan da bir sıra ölkələrə yayılmışdır. Respublikamızda filloksera
1925-ci ildə qeyd edilmişdir.
Hazırda zərərverici Qazax, Tovuz, Şəmkir, Göy-göl, Şamaxı, Şəki və s.
rayonlarında yayılmışdır.
Filloksera 1-ci və 2-ci yaşda olan sürfə fazasında, tənəyin kökləri üzərində,
torpağın 10-20 sm dərinliyində qışlayır. Tənək şiddətli sirayətləndikdə
fillokseranın 1 m dərinlikdə qışlayan fərdlərinə təsadüf edilir.
Yazda torpağın temperaturu 130-150S qalxdıqda sürfələr qış yuxusundan
oyanır və sürətlə qidalanmağa başlayır. Onlar qidalanaraq böyüyür. 4 dəfə qabıq
dəyişdikdən sonra sürfə yetkin dişi halını alır. Bir qədərdən sonra dişi fərdlər
yumurta qoymağa başlayır. Bir dişi fərd köklərin qabığı üzərinə 120-yə qədər
yumurta qoyur. Qoyulmuş yumurtalardan 5-10 gün sonra yeni nəslin sürfələri
çıxmağa başlayır. Bir nəslin inkişafı təxminən 25-30 günə başa çatır. Payızda
soyuqların düşməsi ilə əlaqədar sürfələr qidalanmasını dayandırır və qışlamağa
gedir.
Zərərverici il ərzində 6-7 nəsil verir.
Fillokseranın ayrı-ayrı nəsillərinin sürfələrinin bir qismi köklərin üzərinə
yayılır, digər qismi isə torpağın üst səthinə çıxaraq müxtəlif yollarla yayılıb,
yoluxmamış sahələrə yayılır.
Filloksera kök hüceyrələrinin şirəsini sormaqla qidalanır. Sorma nəticəsində
xırda köklər (saçaqlar) üzərində nisbətən kiçik qalınlaşmalar, çoxillik iri köklər
üzərində iri qalınlaşmalar əmələ gəlir. Bir az keçdikdən sonra kiçik qalınlaşmalar
quruyur və məhv olur. İri qalınlaşmaların əmələ gəlməsi nəticəsində isə toxumalar
genişlənir və kök qabığı çatlayır. Bu çatlardan kökün içərisinə daxil olan xəstəlik
törədən mikroorqanizmlər əvvəlcə yan, daha sonra isə əsas köklərin dağılması və
çürüməsinə səbəb olur.
Kök sistemi çürümüş tənəyin yarpaqları saralıb tökülür, salxımdakı gilələrin
həcmi kiçilir və məhsuldarlıq azalır. Beləliklə, tənəyin inkişafı ilbəil zəifləyir və 5-
10 ildən sonra tənək tamamilə quruyub məhv olur.
62
Filloksera əsasən köklü əkin materialı ilə yayılır və eyni zamanda bir
sahədən digərinə su, iş alətləri, heyvan, insanlar vasitəsilə də keçə bilir.
Mübarizə tədbirləri.
Zərərverici ilə mübarizədə aşağıdakı tədbirlər həyata keçirilir.
1. Fillokseraya davamlı calaqaltı materiallardan istifadə edilməlidir.
2. Yeni salınan üzümlük sahəsi filloksera ilə yoluxmuş üzümlərdən ən azı 2-
3 km aralı olmalı və yeni salınacaq sahəyə filloksera ilə yoluxmuş üzümlükdən
axıb gələn su buraxılmalıdır.
3. Əkin materialı mütləq dezinfeksiya edilməlidir. Tənək çubuğu
basdırılacaq yuvalara preparat istifadə olunması məsləhət görülür.
4. Vegetasiya dövrü torpağa heksaxlorbutadien verilməlidir. Preparat maye
halındadır, zərərvericiyə qaz halında təsir edir.
Yazda, yaxud payızda metilxlorbutadien əsasən PRVN-2,5 markalı kotan-
kultivatora qondarılmış FPÇ markalı fumiqatorla torpağa verilir. Zərərvericilərlə
yoluxmuş tənəkliklərin hər hektarına 150-250 kq zəhər sərf edilir.
Həddindən artıq rütubətli olan və ya təzə suvarılmış torpaqlarda dərmanlama
aparmaq olmaz, çünki torpağın rütubətli olması zəhərin buraxılmasına (qaz halına
keçməsinə) mane olur. Ona görə də dərmanlama torpağın quru və qızmış vaxtı
aparılmalıdır. Bu dövrdə torpağın temperaturunun 12-180S olması əlverişlidir.
Metilxlorbutadien cərgə aralarında torpağın 15-20 sm dərinliyinə
yeridilməlidir. Metilxlorbutadienin buxarı hava kütləsindən ağır olduğuna görə
onun buxarı aşağı qatlara, yəni 4 m dərinliyinə qədər gedə bilir.
Torpağın fumiqasiyası nəticəsində tənəklərin filloksera ilə yoluxması kəskin
surətdə azalır ki, bu da tənəyin inkişafına və məhsuldarlığına müsbət təsir göstərir.
Qeyd etmək lazımdır ki, metilxlorbutadienlə bir dəfə fumiqasiya aparmaqla
demək olar ki, fillokseranı tam məhv etmək mümkün olmur. Bunu nəzərə alaraq
mübarizə ardıcıl olaraq 3-4 ildən bir təkrar edilməlidir.
5. Tənəyin inkişafını sürətləndirmək məqsədilə bütün aqrotexniki tədbirlər
həyata keçirilməlidir.
6. Daxili və xarici karantin tədbirlərinə əməl edilməlidir.
63
Bağ tor gənəi (Schizotetranychus pruni O.). Gənələr dəstəsinin (Acarina)
tor gənələri (Tetranychidae) fəsiləsinə mənsubdur.
Yetkin fərd sarımtıl rəngdədir, 4 cüt ayağı vardır, uzunluğu 0,45-0,50 mm-
dir. Yumurtası kiçikdir, 0,13-0,14 mm-dir. Yetkin dişi fərd tökülmüş yarpaqlar
altında, tənəklərin çatlarında qışlayır. Yazda gənələr qışlama yerlərindən çıxaraq
yenicə əmələ gəlmiş yarpaqlar üzərinə daraşaraq oradan tədricən (bütün yay
dövründə) zərif cavan yarpaqlara keçirlər. Zərərverici yarpağın alt səthində tor
quraraq, orada yaşayır və inkişaf edir.
Yazda dişi fərdlər bir qədər qidalandıqdan sonra yarpağın altında qurduqları
torun telləri arasına yumurtalarını qoyurlar və 5-6 gündən sonra sürfələr çıxır.
Sürfələr 10-15 gündən sonra cinsiyyətcə yetişir. Bir nəslin inkişafı 15-20 günə başa
çatır. zərərvericinin ən çox miqdarına isti aylar olan iyul və avqust aylarında
təsadüf edilir. İl ərzində 7-8 nəsil verir.
Gənələr yarpaqların şirəsini sorduqda xlorofill dənələri parçalanır, su azalır,
fotosintez prosesi zəifləyir və zülalın miqdarı azalır. Gənələrlə yoluxmuş
yarpaqlarda sarı və qırmızı ləkələr əmələ gəlir. Belə zədələnmiş yarpaqlar
inkişafdan qalır və quruyaraq tökülürlər.
Orta və zəif tüklü yarpaqları olan üzüm sortları gənələrlə daha çox yoluxur
və orada tor qurub yaxşı yaşaya bilir. Sıx tüklü və tamam tüksüz olan üzüm
sortlarında gənə tor qura bilmədiyindən inkişaf edə bilmir.
Şiddətli yoluxmuş üzüm tənəklərində məhsul itkisi 30-40%-ə qədər azalır,
eləcə də şəkərin miqdarı gilələrdə 1-3% azalır.
Mübarizə tədbirləri. 1. Mütərəqqi aqrotexniki tədbirlər kompleksi həyata
keçirilməlidir.
2. Kimyəvi mübarizədə kontakt təsirə malik olan 50%-li neoron 1,2-1,6 l/ha,
40%-li poliqar 0,8 l/ha, peqas 0,8 l/h və s. preparatlarının emulsiyası ilə çiləmə
aparılması məsləhətdir. Həmçinin Avirmec EC preparatı ilə 25 qr/l normasında
çiləmə aparmaq məsləhətdir.
Üzüm fır gənəsi (Eriophyes vitis Pgst). Gənələr dəstəsi (Acarina) fır əmələ
gətirən gənələr (Eriophyidae) fəsiləsinin nümayəndəsidir.
64
Gənə adi gözlə çətin seçilir, uzunluğu 0,14-0,15- mm, bədəni uzunsovdur,
rəngi sarıdır.
Sürfəsi yetkin fərdə oxşardır, ancaq ondan kiçikdir. Zərərvericinin
biologiyası tam öyrənilməyib.
Yetkin fərdlər qabıq və tumurcuq pulcuqları altında qışlayır. Yazda
qışlamadan çıxır və yenicə əmələ gəlmiş yarpaqların alt tərəfinə keçərək
qidalanmağa başlayır. Qidalanma nəticəsində yarpağın alt səthində çökəkciklər
əmələ gəlir, bu çökəkliklər içərisində tellər yaranır və zərərverici yumurtalarını
həmin tellər arasına qoyur.
Beləliklə də zədələnmiş yarpaq üzərində ziyilciklər əmələ gəlir ki, bu da
gənələrin xarakterik zədəsi hesab edilir.
Vegetasiya müddətində bir neçə nəsil verir.
Mübarizə tədbirləri. 1. Bağ tor gənəsinə qarşı aparılan mübarizə tədbirləri,
eynilə bu zərəvericiyə də tətbiq edilə bilər.
Üzüm unlu yastıcası (Planococcus vitis Niet) – Bərabərqanadlılar dəstəsi
(Homoptera) unlu yastıcalar (Pseudococcus) fəsiləsinə mənsubdur. Yetkin dişi
fərdin bədəni yumşaq olmaqla ovalvaridir, sarımtıl qəhvəyi rəngdədir və bədəninin
üzəri unabənzər ağ maddə ilə örtülüdür. Nəhayətində 2 uzun sapvari çıxıntı uzanır.
Bədəninin uzunluğu 3-4 mm-dir. Sürfələr yetkin fərdə oxşayır.
Unlu yastıcanın yetkin dişiləri və sürfələri tənəklərin qabığı altında qışlayır.
Yazda qışlayan fərdlər yaşıl qabıqların şirəsini sormaqla qidalanır. Aprelin axırı və
mayın əvvəllərində yumurta qoyurlar. Yumurtalar çox da iri olmayan topa halında
(yumurta kisəsi daxilində) qoyulur. Yumurtanın embrional inkişafı 10-12 gün çəkir
və yumurtadan çıxan sürfələr qabıqların şirəsi ilə qidalanaraq inkişaf edir.
İyunun ortalarından başlayaraq ikinci nəslin əsas kütləsi tənəyin yaşıl
hissələrinə zoğlara, yarpaqlara, hətta salxımlara keçərək onlarla qidalanır.
Avqustun ortalarında üçüncü nəslin inkişafı başlayır və tənəyin yaşıl və
oduncaq hissəsi ilə qidalanır. Zərərverici bakirə üsulla çoxalır.
Unlu yastıcanın zərərli fəaliyyəti yarpaqların şirəsini sormaqla onun saralıb
quruyaraq tökülməsinə səbəb olur. Digər tərəfdən salxımlar üzərində qidalanan
65
zərərverici özündən xüsusi yapışqanvari maddə ifraz edir ki, bu da yetişmiş
salxımları çirkləndirir, onların əmtəlik keyfiyyətini azaldır. Yastıcanın ifrazatı ilə
şirələnmiş salxımdakı gilələr yemək üçün yararsız hala düşür.
Sentyabrın sonundan başlayaraq unlu yastıca yarpaqlardan ştamba keçir və
orada qabıq altında qışlayır.
Mübarizə tədbirləri. 1. Tənəklərdə budama və yaşıl hissələrində əməliyyat
aparılan zaman əldə edilən quru və yaşıl hissə sahədən kənara çıxarılmalıdır.
2. Tənəklərin ştambı ölmüş qabıqlardan təmizlənməli və kənara çıxarılıb
yandırılmalıdır.
3. Yastıcanın kütləvi çoxaldığı dövrdə (2 və 3-cü nəsil) tənəklər 35%-li
fazolon – 2,0 l/ha, raqor – 1,5 l/ha, 2,5%-li desis – 0,4 l/ha və s. preparatların biri
ilə dərmanlanmalıdır.
Salxım yarpaqbükəni (Lobesia botrana Den.et) – Kəpənəklər dəstəsi
(Lepidoptera) yarpaqbükənlər fəsiləsinə (Tortricidae) mənsubdur.
Kəpənəyin ön qanadları kürəni-qonur olmaqla, üzərində qonur, mavi-boz
rəngli ləkələr vardır. Dal qanadlar bozumtul-qonurdur. Qanadları açılan zaman 12-
13 mm uzunluqdadır.
Yumurtası sarımtıldır, uzunluğu 0,6-0,7 mm-dir. Tırtılı kiçik yaşda ağımtıl,
iri yaşda isə sarımtıl-yaşıl rəngdə olur. Axırıncı yaşda uzunluğu 12 mm-ə çatır.
- Zərərverici pup fazasında, ağ barama içərisində tənəklərin ştambı və
budaqlarda olan qabıqları altında qışlayır.
Yazda aprelin axırları və mayın əvvəllərində 1-ci nəslin kəpənəkləri uçmağa
başlayır. İlk kəpənəklərin uçmasından 10-12 gün keçdikdən sonra kütləvi uçuş
başlayır. Qışlamadan çıxan kəpənəklər bir müddət alaq otları və mədəni bitkilərin
çiçəklərinin nektar şirəsi ilə qidalanır və sonra yumurta qoymağa başlayır.
Yumurtalar qönçələrin üzərinə tək-tək qoyulur. Bir dişi fərd 40-a qədər yumurta
qoya bilir. Qoyulmuş yumurtalardan 5-6 gün sonra kiçik yaşlı tırtıllar çıxmağa
başlayır.
Birinci nəslin qoyduğu yumurtalardan kütləvi şəkildə çıxmasına
çiçəkləmənin əvvəlində təsadüf edilir. Bu nəslin tırtılları qönçələr və çiçəkləri
66
gəmirməklə qidalanırlar və tor vasitəsilə onları bir yerə sarıyır. Zədələnmiş
orqanlar quruyaraq tökülür. İnkişafını başa çatdırmış axırınca yaş tırtıllar tor
içərisində, eləcə də qabıq altında puplaşırlar.
İyun ayının 2-ci yarısından etibarən 1-ci nəslin pupundan 2-ci nəslin
kəpənəyi uçur. Bu nəslin dişi kəpənəkləri yumurtalarını yenicə əmələ gəlmiş
gilələrin üzərinə qoyurlar. Yumurtadan çıxan tırtıl giləni deşib onunla qidalanır.
Nəticədə zədələnmiş gilələr quruyaraq tökülür. Bu dövrdə hər bir tırtıl 4-9 ədəd
yaşıl giləni zədələyir. İnkişafını başa çatdırmış tırtıllar ştambın qabığı altına,
bağlama materialları altına keçib puplaşırlar.
İyulun axırları, avqustun əvvəllərindən puplardan kəpənəklər uçmağa
başlayır. Bu nəslin dişi kəpənəkləri yumurtalarını yetişməkdə olan gilələrin üzərinə
qoyurlar. Qoyulmuş yumurtadan çıxan tırtıl giləni deşib onun içərisinə girərək
qidalanır. Bir tırtıl 10 ədədə qədər giləni zədələyir. Zədələnmiş gilələr ya quruyur,
ya da çürüyür. Məhsula ən çox 3-cü nəslin tırtılları zərər vururlar.
Sentyabr ayının axırları tırtılların bir qismi gilələrdən ayrılaraq qabıq altına
keçib pup halına keçir və orada qışlayır. Tırtılların bir qismi isə məhsulla bərabər
yığılır.
Rütubət yüksək olduqda zərərverici sürətlə çoxalır. İl ərzində 3 nəsil verir.
Mübarizə tədbirləri. 1. Tənəyə forma verilib məftillə bağlanmalıdır. Bu
tədbir nəticəsində tənəklər arasında havalanma yaxşı gedir, nəmlik azalır və
tənəklərin arasına günəş şüası yaxşı düşür, bunlar da tırtılların inkişafı üçün
əlverişsiz şərait yaradır.
2. Tənəklərdə yaşıl əməliyyat vaxtında və düzgün aparılmalıdır.
3. Erkən yazda tənəklərin ştambları ölmüş qabıqlardan təmizlənməlidir.
4. Son illər zərərvericiyə qarşı kimyəvi mübarizənin aparılma vaxtı
kəpənəklərin uçuşu ilə müəyyən edilir. Bunun üçün cinsi feromon tələlərindən
istifadə edilir.
Əvvəllər bu iş üçün doşabdan hazırlanmış tələlərdən istifadə olunurdu, bu
isə özünü doğrultmurdu. Bundan başqa bunun tətbiqi təsərrüfatlarda işçi qüvvəsinə
tələbatı artırır və iqtisadi cəhətdən baha başa gəlir.
67
Göstərilənləri nəzərə alaraq hal-hazırda cinsi feromon tələlərindən istifadə
edilir. Bunun üçün parafinli kağızdan hazırlanmış üçbucaq şəkilli tələlər yer
səthindən 1,2 metr hündürlükdə tənəklərə asılır. Tələnin oturacaq hissəsinə
gecquruyan «pestifiks» markalı yapışqan sürtülür. Yapışqanın səthindən 2-3 sm
hündürlükdə isə kimyəvi sintez yolu ilə hazırlanmış rezin kapsula hopdurulmuş
feromon asılır. Rezin kapsula dişi kəpənəklərin cinsi orqanından da kəskin iy
buraxır və erkək fərdləri tələyə cəlb eləyir.
Bir kapsula feromonun cəlbetmə müddəti 25-30 gündür.
Az.ETBMİ-nin apardığı tədqiqatlar göstərmişdir ki, 1-ci nəslə qarşı ilk
dərmanlama küiləvi uçuşdan 3-5, ikinci və üçüncü nəslə qarşı isə 2-3 gün sonra
aparılmalıdır.
Bir tələyə sutka ərzində 15-dən az kəpənək düşərsə kimyəvi mübarizə
aparmaq məsləhət bilinmir.
Qeyd etmək lazımdır ki, sutka ərzində bir tələyə 25 ədəddən çox kəpənək
düşərsə kütləvi uçuş sayılır.
5. Salxım yarpaqbükəni tırtıllarına qarşı kimyəvi preparatlardan 25%-li
Arrivo – 0,35 l/ha, 5%-li karate – 0,3-0,4 l/ha, Fastak – 0,6 l/ha, Dursban – 1,5 l/ha
və s. birinin emulsiyası ilə çiləmə aparılması məsləhətdir.
Zaqafqaziya mərmər böcəyi (Polyphylla fullo L.). Böcəklər dəstəsi
(Coleoptera) lövhəbığ böcəklər fəsiləsinə (Scaradaeidae) mənsubdur.
Üzüm tənəklərinə mərmər böcəklər fəsiləsindən 10-a qədər böcək növü
zərər vurur. Bunlardan ən çox yayılanı və zərər verəni Zaqafqaziya mərmər
böcəyidir.
Yetkin fərdin qanadüstlüyü üzərində ağ mərməri naxışlar, ön kürəkciyinin
əsasında isə qara haşiyə vardır.
Bığcıqları lövhəvaridir. Uzunluğu 28-38 mm-dir.
Sürfəsi ağ rəngdə olmaqla çox iridir və «C» şəklində bükülmüşdür.
İyunun sonlarında qışlamış böcəklər kütləvi surətdə uçmağa başlayır.
Böcəklər ancaq gecələr fəal olur. O, tənək yarpaqları ilə qidalanır. Gündüzlər
otların altında və ya torpaq yarıqlarında gizəlnir.
68
Az müddətdən sonra böcəklər cütləşməyə başlayır və hər bir dişi fərd
torpağın 10-12 sm dərinliyinə 3-8 ədəd yumurta qoyur. Bir dişi böcək yaşadığı
dövründə 40-a qədər yumurta qoya bilir. Yumurtadan çıxan sürfə əsasən tənəyin
kök sistemi ilə qidalanır. Tənəklərə əsasən sürfələr zərər verir.
İnkişafını başa çatdırmış sürfələr torpağın 15-20 sm dərnliyində yuva
düzəldib orada pup halına keçir. Pup mərhələsi temperaturdan asılı olaraq 20-30
gün davam edir.
Böcəyin sürfələri cavan (əsasən tingliklərdə) və çoxillik üzüm tənəklərinin
kök sistemini gəmirməklə onlara böyük zərər vurur. İl ərzində bir nəsil verir.
Mübarizə tədbirləri.
1. Yazda və payızda cərgə araları şumlanmalıdır. Nəticədə torpaqda olan
sürfə və pupun bir qismi mexaniki təsirdən məhv olur.
Şum arxasınca sahəyə ev quşlarının buraxılması yaxşı nəticə verir. Belə ki,
ev quşları zərərvericinin sürfə və puplarını həvəslə yeyir.
2. Kimyəvi mübarizədə Karate Zeon preparatı ilə 0,3 l/ha normasında ciləmə
aparmaq məsləhətdir.
Mövzu 8 . Meyvə ağaclarının sorucu zərərvericiləri və onlarla
mübarizə tədbirləri
İsmayıl-zadə N.N.
Məmmədov V.Ə.
PLAN
69
1. Alma yaşıl mənənəsi, gavalı mənənəsi və qanlı mənənə, onların morfoloji quruluşu, bioloji xüsusiyyətləri, onlarla mübarizə tədbirləri.
2. Alma ballıcasının morfoloji quruluşu və bioloji xüsusiyyətləri, onlarla mübarizə tədbirləri.
3. Alma vergülşəkilli, bənövşəyi və kaliforniya çanaqlı yastıcalarının morfoloji quruluşu və bioloji xüsusiyyəti, onlarla mübarizə tədbirləri.
4. Qonur meyvə, qırmızı alma və armud fır gənələri, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Xəlilov B.B. – Azərbaycanda meyvə ağaclarının başlıca zərərvericiləri və onlarla mübarizə tədbirləri. Gəncə, 2002.
3. Məmmədova S.R., Xəlilov B.B. – Meyvə və subtropik bitkilərin zərərvericiləri. Bakı, 1974.
4. Osmolovskiy Q.E., Bondarenko N.V. – Gntomoloqiə. Leninqrad, «Kolos», 1980.
GƏNCƏ - 2017
Mövzu 8 . Meyvə ağaclarının sorucu zərərvericiləri və onlarla
mübarizə tədbirləri
Alma yaşıl mənənəsi (Aphis pemi Dey). – Bərabərqanadlılar dəstəsi
(Homoptera) mənənələr fəsiləsinin (Aphididae) nümayəndəsidir.
Yetkin fərd sarımtıl-yaşıldır. Uzunluğu 2 mm-dir. Yumurtası ovaldır, 0,5
mm-dir. Sürfəsi qonur yaşıldır.
Zərərverici alma, gavalı, heyva, zoğal, əzgil və s. bitkilərə zərər vurur.
Mənənə payızda zoğların tumurcuğu əsasında yumurta fazasında qışlayır.
Erkən yazda tumurcuqlar açılmağa başladığı dövrdə qışlamış yumurtalardan
sürfələr çıxır. Sürfələr əvvəlcə qabarlanmış tumurcuğun hüceyrə şirəsini sormaqla
70
qidalanırlar. Sonrakı nəsillərin yetkin və sürfələri yarpaqların hüceyrə şirəsi ilə
qidalanır. Nəticədə yarpaqlar qıvrılır, eybəcərləşir və quruyur.
Bütün vegetasiya dövründə bakirə yolla çoxalırlar. Bir dişi fərd 40-a qədər
sürfə doğur. Bir nəslin inkişafı 10-15 günə başa çatır. il ərzində 17-yə qədər nəsil
verir.
Mübarizə tədbirləri.
1. Qışlamış yumurtaları məhv etmək üçün ağacların istirahət dövründə
nitrofenin 2-3%-li məhlulu, DNOK-un 1%-li məhlulu çilənməlidir.
2. Zərərvericinin azalmasında 2 və 7 nöqtəli parabizən böcəyi və qızılgöz
böyük rol oynayır.
3. Kimyəvi mübarizədə 2,5%-li desis – 0,3-0,5 l/ha, karbofos – 0,1-0,2%,
Bİ-58 – 2 l/h, Lannat 1,5-2 l/ha, Karogen 150-300 ml/ha preparatlarının birinin
emulsiyası ilə çiləmə aparılmalıdır.
Gavalı mənənəsi (Hyalopterus pruni Fabr). – Bərabərqanadlılar dəstəsi
(Homoptera), mənənələr fəsiləsinə (Aphididae) mənsubdur.
Yetkin fərd solğun yaşıldır, üzəri ağ mum təbəqəsi ilə örtülmüşdür.
Uzunluğu 2,5-3 mm-dir. Sürfə yetkindən kiçikdir, ona oxşardır.
Zərərverici köçəridir. O öz inkişafını meyvə və qamış bitkisi üzərində
keçirir.
Zərərvericinin mayalanmış yumurtaları gavalı, ərik, şaftalı ağaclarının
tumurcuğunun kənarında, yaxud qabıq çatlarında qışlayır. Erkən yazda (martın
sonu, aprelin əvvəli) yumurtadan çıxan sürfə tumurcuqların hüceyrə şirəsini sorur.
Sonradan yarpaq üzərinə keçirlər.
Bakirə yolla çoxalır. İl ərzində bir neçə nəsil verir.
Mübarizə tədbirləri.
1. Bağların yaxınlığında olan qamışlıqlar məhv edilməlidir.
2. Alma yaşıl mənənəsinə qarşı aparılan mübarizə tətbiq edilməlidir.
Qanlı mənənə (Erosoma lanigerum Hausm) - Bərabərqanadlılar dəstəsi
(Homoptera), penfiqi (Penphigidae) fəsiləsinin nümayəndəsidir.
71
Yetkin fərd qonur, yaxud tünd-qırmızı rəngdə olub, üzəri ağ mumabənzər
maddə ilə örtülüb. Uzunluğu 2-2,3 mm-dir.
Sürfəsi yetkinə oxşayır. Yumurtası ovalvari olub, qəhvəyidir, uzunluğu 0,5
mm-dir.
Mənənə əzilən zaman bədənindən Qana bənzər maye çıxır. Ona görə də ona
qanlı mənənə deyilir.
İlk dəfə 1787-ci ildə ABŞ-dan İngiltərəyə, oradan da Avropaya yayılıb.
Keçmiş SSRİ-yə 1862-ci ildə Fransadan əkin materialı ilə keçib.
Zərərverici yetkin halda qışlayır. Bakirə yolla çoxalır. Bir dişi fərd 20-yə
qədər diri bala doğur.
Sürfə 15-20 gün ərzində 4 dəfə qabıq dəyişir, yetkin hala keçir və bakirə
yolla çoxalma qabiliyyətinə mənsub olur.
Rütubətin az olması mənənəyə pis təsir edir, quraqlıq zamanı isə kütləvi
surətdə qırılır. Şiddətli leysan yağışları pis təsir edir. İldə 12-15 nəsil verir.
Zərərverici qidalanan zaman bitkinin hüceyrəsinə tüpürcək buraxaraq onu
durulaşdırır, bu da şirənin sürətlə axmasına səbəb olur. Nəticədə zoğda, budaqda,
kökdə müxtəlif şişlər əmələ gəlir və həmin şişkinliklər çatlayır, həmin çatlardan
xəstəlik törədən zərərli mikroorqanizmlər daxil olur və onu çürüdür. Beləliklə,
ağac quruyub məhv olur.
Mübarizə tədbirləri.
1. Qurumuş budaqlar kəsilərək bağdan çıxarılmalıdır.
2. Bağlarda zərərvericinin tüfeylisi olan afelinus minicisinin artırılmasına
şərait yaradılmalıdır.
3. Kimyəvi mübarizədə 35% fozalon – 2-3 l/ha, Bİ-59 – 2 l/ha və s.
emulsiyası ilə çiləmə aparılmalıdır.
5. Ağaclar ölmüş qabıqlardan təmizlənməlidir.
6. Bütün aqrotexniki tədbirlər vaxtında həyata keçirilməlidir.
7. Daxili karantin tədbirlərinə əməl edilməlidir.
Alma ballıcası (Psylla mali Schmidbg) - Bərabərqanadlılar dəstəsi
(Homoptera), ballıcalar fəsiləsinə (Psillidae) mənsubdur.
72
Yetkin fərdin rəngi sarımtıl-yaşıldır. Dal ayaqlar atlandırıcıdır. Uzunluğu 2,5
mm-dir.
Sürfəsi yastıdır, tünd-qəhvəyidir.
Yumurtası uzunsov ovalvaridir. Uzunluğu 0,4 mm-dir. Zərərvericinin
yumurtaları meyvə tumurcuqlarının əsasında və qabıq qırışlarında qışlayır.
Yazda tumurcuqlar açılan zaman qışlamış yumurtalardan sürfələr çıxır və
tumurcuğun şirəsi ilə qidalanır. Sürfənin inkişafı 29-38 günə başa çatır və yetkin
hala keçir. Çonra yetkin fərdlər cütləşir və mayalanmış yumurtalar meyvə
tumurcuqları əsasına, qabıqların qırışlarına, çatlarına qoyulub qışlayır.
Zədələnmə nəticəsində yarpaqlar eybəcərləşir, qönçə və çiçəklər quruyaraq
tökülür. İldə bir neçə nəsil verir.
Mübarizə tədbirləri. 1. Qışlayan yumurtaları məhv etmək üçün nitrofenin
2-3%-li və DNOK-un 1%-li məhlulu çilənməlidir.
2. Kimyəvi mübarizədə Bİ-59 – 1,0-2,0 l/ha və ya Lannate – 1,5-2 l/ha,
Sumi alpha 1,5 l/ha, Bestseller 0,07-0,1 l/ha ilə çiləmə aparılmalıdır.
Alma vergülşəkilli çanaqlı yastıca (Lepidosaphes L.) - Bərabərqanadlılar
dəstəsi (Homoptera), çanaqlı yastıcalar (Diaspididae) fəsiləsinə mənsubdur.
Dişi çanaqlı yastıca uzunsovdur, vergülvaridir. Ağ və ya sarımtıl rəngdədir.
Uzunluğu 1-3 mm-dir. Həşəratın üzərini örtən qalxan qəhvəyi rəngdədir.
Yumurtası ovalvaridir, ağ rəngdədir, uzunluğu 0,3 mm-dir.
Sürfəsi uzunsovdur, sarımtıl-ağ rəngdədir. Uzunluğu 0,20-0,5 mm-dir.
Bu zərərverici alma, armud, şaftalı, heyva, ərik və s. bitkiləri zədələyir.
Zərərverici ölmüş dişilərin qalxanları altında yumurta fazasında bitkinin
gövdə və budağı üzərində qışlayır. Yumurtadan çıxan sürfələr ağacların gövdə,
budaq, yarpaq və meyvə başlanğıcına yayılaraq xortumları ilə hüceyrə şirəsini
sorur. Onların üzəri tədricən çanaqla örtülür. Sürfələrin inkişafı 4-5 həftəyə başa
çatır, 2 dəfə qabıq dəyişir və yetkin hala keçir. Bir dişi fərd 100-ə qədər yumurta
qoyur.
İldə bir neçə nəsil verir.
73
Bənövşəyi çanaqlı yastıca (Parlatoria oleae Colvee). - Bərabərqanadlılar
dəstəsi (Homoptera), çanaqlı yastıcalar (Diaspididae) fəsiləsinə mənsubdur.
Bədəni bənövşəyi rəngdədir. Çanağı ağ, yaxud bozdur. Böyüklüyü 2-2,5
mm-dir. Erkəklər bir cüt qanada malikdir. Uzunluğu 1 mm-dir. Qırmızımtıl-yaşıl
rəngdədir.
Yumurtası uzunsovdur, 0,1-0,2 mm-dir. Sürfə yetkinə oxşardır, ancaq ondan
kiçikdir. Alma, armud, ərik, şaftalı, gavalı, badam və s. bitkilərə zərər vurur.
Zərərverici yetkin və sürfə halında ağac qabıqları üzərində çanaq altında
qışlayır. Yazda qışlamadan çıxan dişilər yumurta qoyur. Bir dişi 50-70 ədəd
yumurta qoya bilir. Yumurtanın embrional inkişafı 1-2 həftədir. Sürfələr
budaqlarla, zoğlarla, yarpaq və meyvələrin şirəsini sormaqla qidalanır.
Sürfə 28-30 gündə 2 dəfə qabıq dəyişib yetkin hala keçir. Hər bir nəslin
inkişafı 50-60 gün davam edir. İkinci nəslin yetkin dişiləri qışlayır. İldə iki nəsil
verir.
Kaliforniya çanaqlı yastıcası (Quadraaspidiotus perniciosus C.) -
Bərabərqanadlılar dəstəsi (Homoptera), qalxanlı yastıcalar (Diaspididae) fəsiləsinə
aiddir.
Yetkin fərd limonu rəngdədir, uzunluğu 1-1,5 mm-dir.
Alma, armud, gavalı, albalı, gilas, şaftalı, ərik və s. bitkiləri zədələyir.
Daxili karantin obyektidir.
Zərərvericinin birinci yaş sürfələri qalxancıq altında qışlayır. Yazda
tumurcuqlar açıldıqda qışlamadan çıxan sürfələr qidalanır. Yetkin fərdlər diri sürfə
doğur. Sürfələr 20-25 gün inkişaf edib 2 dəfə qabıq dəyişir və yetkin hala keçir.
İldə 2-4 nəsil verir.
Yastıcalarla mübarizə tədbirləri.
1. Qurumuş budaqlar kəsilib bağdan kənara çıxarılmalıdır.
2. Yastıca daraşmış ağacların gövdə və budaqları metal şotkalarla
təmizlənməlidir.
3. Mütərəqqi aqrotexniki tədbirlər həyata keçirilməlidir.
74
4. Qışlamış fazalara nitrofenin 3%-li emulsiyası, yaxud №30SS-in 5%-li
emulsiyası çilənməlidir.
5. Vegetasiya müddətində Bİ-59 – 1,5-2,0 l/ha, Aktara 0,5-0,6 kq/ha
normada çiləmə aparmaq məsləhətdir.
6. Kaliforniya çanaqlı yastıca ilə əlaqədar olaraq daxili karantin tədbirlərinə
əməl olunmalıdır.
Qonur meyvə gənəsi (Bryobia redikorzevi R.) – Gənələr dəstəsi (Acarina),
qonur gənələr fəsiləsinə (Bryobidae) malikdir.
Yetkin ovalvari olub, qırmızı və ya qonurdur, 4 cüt ayağı vardır. Uzunluğu
0,60 mm-dir.
Yumurtası qırmızıdır, uzunluğu 0,15 mm-dir. Sürfəsi narıncıdır, 3 cüt ayağı
vardır, uzunluğu 0,16 mm-dir.
Əsasən alma ağaclarına, eləcə də armud, gavalı, ərik və s. zərər verir.
Zərərverici yumurta fazasında zoğ və budaqların qabığı üzərində qışlayır.
Tumurcuqlar açılan zaman qışlamış yumurtalardan sürfələr çıxır və
yarpaqların hüceyrə şirəsi ilə qidalanır. Bir nəslin inkişafı 25-30 gündür.
İldə bir neçə nəsil verir.
Qırmızı alma gənəsi (Panonychus Koch) - Gənələr dəstəsinin (Acarina),
hörümçək gənəsi fəsiləsinin (Tetranychidae) nümayəndəsidir.
Yetkini ovalvaridir, tünd qırmızı rəngdədir, uzunluğu 0,32-0,37 mm,
erkəklər isə 0,27-0,30 mm-dir.
Yumurtası narıncı-qırmızıdır, uzunluğu 0,13-0,15 mm-dir.
Sürfəsi limonu rəngdədir, 3 cüt ayağı var, böyüklüyü 0,2 mm-dir.
Zərərverici yumurta fazasında zoğ və budaqlar üzərində qışlayır. Mayın
ortalarında qışlamış yumurtalardan sürfələr çıxmağa başlayır. Sürfələrin inkişafı
20-25 gündə başa çatır.
Yetkin və sürfələr yarpağın alt səthində olmaqla onun hüceyrə şirəsini sorur,
nəticədə yarpaq quruyur.
Bir dişi fərd 40-50 ədədə qədər yumurta qoyur.
Kütləvi şəkildə miqdarına isti aylarda - iyul və avqustda rast gəlinir.
75
İldə 5-6 nəsil verir.
Armud fır gənəsi (Eriophyes pyri L.) - Gənələr dəstəsinin (Acarina), fır
əmələ gətirən fəsiləsinə (Eriophydae) mənsubdur.
Yetkin fərdin bədəni silindrvaridir, ağımtıl rəngdədir, 4 cüt ayağı var.
Uzunluğu 0,23 mm-dir.
Zərərverici yetkin halda armud ağacının tumurcuq pulcuqları arasında
qışlayır. Erkən yazda qışlamadan çıxan yetkinlər yarpaqlarla qidalanır və bir
müddətdən sonra yarpağın alt səthinə yumurta qoyur. Yumurtadan çıxan sürfə və
yetkin fərdlər yarpağın alt səthində qidalanır. Zədələnmiş yarpaqların üst səthində
fırlar əmələ gəlir. Belə yarpaqlar inkişaf etmir və quruyur.
Necə nəsil verməsi aydınlaşdırılmayıb.
Gənələrlə mübarizə tədbirləri.
1. Ağaclar quru budaqlardan, qabıqlardan təmizlənməlidir.
2. Aqrotexniki tədbirlər yerinə yetirilməlidir.
3. Qışlamış yumurtalara qarşı nitrofenin 3%-li, №30 SS-ın 5%-li və DNOK-
un 1%-li məhlulu ilə çiləmə aparılmalıdır.
4. Qönçələmə fazasında 50%-li neoron – 1,2-1,6 l/ha, 25%-li reqas – 0,8
l/ha, 60%-li pliktran – 0,8-1,0 l/ha preparatlarının biri ilə çiləmə aparmaq
məsləhətdir.
Mövzu 12. Kartof, çuğundur və günəbaxan bitkilərinin
zərərvericiləri və onlarla mübarizə tədbirləri
İsmayıl-zadə N.N.
76
Məmmədov V.Ə.
PLAN
1. Kartof gövdə nematodu, Kolorado kartof böcəyi və kartof güvəsinin morfoloji quruluşu, bioloji xüsusiyyətləri, onlarla mübarizə tədbirləri.
2. Çuğundur adi uzunburnu, çuğundur birəcikləri və çuğundur bağacığının morfoloji quruluşu və bioloji xüsusiyyətləri, onunla mübarizə tədbirləri.
3. Günəbaxan odlucasının morfoloji quruluşu və bioloji xüsusiyyəti, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Dünyamalıyev M.Z., Eyvazov Ə.Q., Əhmədov S.Ə., Quluyev C.A., Ələsgərova X.N. – Karantin və xüsusi təhlükəli zərərli orqanizmlər. Bakı, «Nurlan», 2008
3. Hüseynov K. – Ekoloji təmiz kartof istehsalında inteqrir mübarizənin təşkili Gəncə, 2016.
4. Alaoglu Ö., Boyraz N. - Bitki koruma. Selçuk Üniversitesi, Ziraat
Guncan A.,BAştaş K.K. fakültəsi, Bitki koruma bölümü, 2014, 265 s.
GƏNCƏ – 2017
Mövzu 12. Kartof, çuğundur və günəbaxan bitkilərinin
zərərvericiləri və onlarla mübarizə tədbirləri
77
Kartof bitkisinin zərərvericiləri o qədər də çox deyildir. Kartofa zərər verən
müxtəlif bitkilərlə qidalanan zərərvericilərdən məftil qurdu, sovkaların kök boğazı
gəmirən tırtıllarını, danadişi və lövhəbığ böcəkləri göstərmək olar.
Xüsusiyyətlənmiş zərərvericilərdən isə gövdə nematodu, Kolorado kartof
böcəyi və kartof güvəsini göstərmək olar.
Kartof gövdə nematodu (Ditylenchus destructor Th.) – Əsil yumru qurdlar
və ya nematodlar sinfinin (Nematoda), müxtəlif dərili nematodlar (Heteroderidae)
fəsiləsinə mənsubdur.
Kartof gövdə nematodunun yetkin fərdinin uzunluğu 1-1,3 mm-dir. Bədəni
möhkəm kutikula ilə örtülmüşdür ki, bu da onları xarici mühitin təsirindən
qoruyur.
Yumurtası 0,5 mm böyüklükdədir.
Sürfəsi ağımtıldır, xarici görünüşünə görə yetkin fərdə oxşayır, lakin
onlardan iki dəfə kiçikdir.
Zərərvericinin yayılma arealı və bioloji xüsusiyyətləri kifayət qədər
öyrənilməmişdir.
Kartof gövdə nematodu kartof əkinlərini, əsasən əkin materialını torpaq
vasitəsilə yoluxdurur. Gövdə nematodu torpaqda və kartof yumrularında bir neçə il
yaşaya bilir.
Nematod əkilmiş yumurtalardan cücərmiş bitkilərin gövdəsinin içərisinə
keçərək, gövdənin yoğunlaşmasına və əlavə budaqlanmasına səbəb olur. Bunun
nəticəsində buğum araları qısalır, yarpaqlar saralır və nəhayət quruyaraq məhv
olur.
Nematodun zərəri bununla bitmir. Onun əsas zərəri kök yumrularını
zədələməsidir. Zərər nəticəsində qabıq üzərində gümüşü-boz ləkələr əmələ gəlir və
qabıq bir çox yerdən çatlayır. Sonra zərərverici yumrunun daha dərin qatlarına
hərəkət edib qidalanmasını davam etdirir.
Gövdə nematodu bütün vegetasiya ərzində çoxalır və inkişaf edir. Bir dişi
fərd 250-yə qədər yumurta qoya bilir. Qoyulmuş yumurtalardan 2-6 həftə sonra
sürfələr çıxmağa başlayır.
78
Tarladan məhsulla birlikdə anbara gətirilən nematodlar orada inkişaf edib
gələcək üçün böyük ehtiyat yaradır.
Nematodun kütləvi çoxalması üçün havanın çox rütubətli omlasıdır.
Zədələnmiş yumruların içərisinə daxil olan zərərli mikroorqanizmlər onların
çürüyüb sıradan çıxmasına səbəb olur.
Nematod il ərzində bir neçə nəsil verir.
Mübarizə tədbirləri.
1. Daxili karantin tədbirlərinə əməl edilməlidir.
2. Növbəli əkin sisteminə əməl edilməli və nematodla yoluxmuş sahələrə 3-
4 il kartof əkilməməlidir.
3. Nematoda davamlı sortlar əkilməlidir.
4. Məhsul yığıldıqdan sonra yoluxmuş bitkilər sahədən kənara çıxarılmalı və
yandırılmalıdır.
5. Kimyəvi mübarizədə torpaq əkindən qabaq karbation preparatı ilə
dərmanlanmalıdır. Bunun üçün hər 1 m2-ə 10 l suda həll edilmiş 150-200 ml
preparat sərf edilməlidir.
Kolorado kartof böcəyi (Leptinotarsa decemlineata Say) – Böcəklər
(Coleoptera) dəstəsinin yarpaqyeyənlər (Chrysomolidae) fəsiləsinin
nümayəndəsidir.
Kolorado böcəyinin bədəni ovalvari olmaqla, uzunluğu 7-12 mm arasında
dəyişir. Bədən üst tərəfdən qabarıqdır, sarımtıl rəngdədir. Alnında üçbucağı
xatırladan ləkə vardır. Bığcığı 11 buğumdan ibarətdir. Qabaq kürəkciyi üzərində
11 ədəd ləkə vardır. Ortadakı ləkə ən böyük olmaqla «V» rəqəminə bənzəyir.
Qanadları üzərində uzununa 10 qara zolaq vardır. Qanadları qaramtıl-sarıdır.
Yumurtası qırmızımtıl-sarı, yaxud narıncı rəngdədir, ovalvaridir, uzunluğu
0,8-1 mm-dir.
Sürfəsi aşağı tərəfdən yastı, üst tərəfdən qabarıqdır. Ortası yoğundur,
qılçıqlarla örtülmüşdür. Rəngi əsasən narıncı-qırmızı olub, üzərində uzununa
düzəlmiş iki cərgə qara nöqtə vardır. Uzunluğu 15-16 mm-dir.
Pupu narıncı rəngdədir, uzunluğu 9 mm-ə çatır.
79
Böcəyin vətəni Şmiali Amerikanın cənub-qərb hissəsidir. Zərərverici oradan
Şimali Meksikaya, oradan Kolorado Ştatına yayılaraq kartof bitkisinə böyük zərər
vermişdir. Elə burada da onu Kolorado böcəyi adlandırmışlar.
Bu zərərverici 1922-ci ildə Fransada müşahidə edilmişdir. Bundan sonra
zərərverici avropanın bir sıra ölkələrinə yayılmışdır. İkinci dünya müharibəsi
zamanı alman faşistləri qəsdən bu zərərvericini bir ölkədən digər ölkələrə
yaymışlar.
Sonradan isə bu zərərverici keçmiş SSRİ-yə yayılmış, karantin tədbirlərinə
zəif əməl edilməsi nəticəsində Qazaxıstana, Orta asiya ölkələrinə, Zaqafqaziyaya,
eləcə də Azərbaycana yayılmışdır. Hal-hazırda respublikamızın elə rayonu yoxdur
ki, orada bu zərərvericiyə rast gəlinməsin.
Kolorado kartof böcəyi torpağın 25-30 sm dərinliyində böcək fazasında
qışlayır. Yazda temperatur 14-150S olduqda böcəklər torpağın üst səthinə çıxırlar
və acgözlüklə su içməyə başlayırlar. Bu dövrdə böcəklər kütləvi halda su arxları
kənarlarına toplaşırlar. Böcəklər su ehtiyatı topladıqdan sonra bir müddət kartof
bitkisinin yarpaqları ilə qidalanmağa başlayır. Əgər böcəklər qışlamadan çıxdığı
vaxt tarlada kartof cücərtiləri olmazsa, onlar bir müddət yabanı
badımcançiçəklilərlə qidalanırlar. Qida bitkiləri olmadıqda belə böcəklər aylarla ac
qala bilir.
Böcəklər qışlamadan çıxdıqdan təxminən bir ay sonra cütləşmə prosesi gedir
və dişi fərdlər yumurta qoymağa başlayırlar. Yumurta qoyma bütün vegetasiya
dövrü davam edir. Yumurtalar topa halında qoyulur. Hər bi topada 25-30 ədəd
yumurta olur. Yumurtalar kartof, badımcan, pomidor, bibər və s. bitkilərinin
yarpağının alt səthinə qoyulur. Bir dişi fərd 400-800 ədədə qədər yumurta qoya
bilir. Qoyulmuş yumurtalardan 5-10 gün sonra sürfələr çıxır, üç həftə qidalanır,
inkişaf edir, 4 dəfə qabıq dəyişir və bundan sonra pup halına keçirlər. Puplardan 6-
15 gün sonra böcəklər çıxır və ikinci nəslin inkişafı başlayır. Bu nəslin inkişafı da
birinci nəsildə olduğu kimi davam edir.
Havanın soyuması ilə əlaqədar olaraq böcəklər qışlamaya gedir.
80
Kartof bitkisinə ən çox sürfələr zərər verir. Belə ki, onlar bitkinin
yarpaqlarının ətli hissəsini tamamilə yeyir, orada yarpağın yalnız damarları qalır.
Zərərverici bir bitki ilə qidalandıqdan sonra digər sağlam bitki üzərinə keçir.
Yarpaqları yeyilmiş bitkinin inkişafı zəifləyir, eləcə də məhsuldarlıq aşağı düşür.
Zərərverici il ərzində 1-3 nəsil verir.
Mübarizə tədbirləri.
1. Daxili karantin tədbirlərinə əməl olunmalıdır.
2. Kiçik sahələrdə böcəklər əl ilə yığılıb məhv edilməlidir.
3. Sürfələrin 1-ci və 2-ci yaş dövrünün kütləvi artım dövründə xəstəlik
törədən mikrobioloji preparatlardan – boverin – 2 kq/ha, bitoksibasilin – 3 kq/ha və
dendrobasilin – 4 kq/ha məsarif normasında suspenziyası çilənməlidir.
4. Kimyəvi mübarizə olaraq 35%-li fozalon – 2 l/ha, 50%-li volaton – 1,5
l/ha, 5%-li karate – 0,4 l/ha və s. preparatlarının emulsiyası ilə çiləmə aparmaq
məsləhət bilinir. Həmçinin Arrivo (0,1l/ha), Mospilan (0,4 nkq/ha), Sumi-alfa
(0,25 l/ha) preparatlarının istifadəsidə tövsiyyə olunur.
Kartof güvəsi (Phthorimaea operculella L.) – Kəpənəklər (Lepidoptera)
dəstəsinin güvələr (Gelechidae) fəsiləsinə mənsubdur.
Yetkin kəpənək gümüşü-boz rəngdədir. Böyüklüyü 12-16 mm-dir.
Yumurtası ovalvaridir, ağ rəngdədir, 0,35-0,36 mm böyüklükdədir. Tırtılı açıq-sarı,
yaxud yaşılımtıl rəngdədir. Axırıncı yaşda uzunluğu 12 mm-ə çatır.
Pupu boz gümüşü barama içərisində olur.
Güvənin pupları qışlayır. Erkən yazda puplardan kəpənəklər uçurlar. Bir
müddət qidalanır, cütləşir və yumurta qoyurlar.
Dişi fərdlər yarpağın alt səthinə 2-3 ədəd yumurta qoyur. Yumurtanın
embrional inkişafı 5-7 gün çəkir, tırtılın inkişafı 20-25 gündə başa çatır.
Anbarlarda isə yumurtalar topa halında kartof yumrularının gözcüklərinə
qoyulur.
İnkişafını başa çatdırmış tırtıllar tarla şəraitində müxtəlif sığınacaq
yerlərində, anbarda isə kisələrin qırışqlarında, divar yarıqlarında pup halına keçir.
81
Kartof güvəsi daxili karantin obyektidir. Zərərverici kartof bitkisinin yarpaq,
gövdə və kök yumruları ilə qidalanır. Eyni zamanda güvə həm tarla şəraitində, həm
də anbarlarda zərər verir. İl ərzində 5-8 nəsil verir.
Mübarizə tədbirləri.
1. Alaq otları, o cümlədən yabanı badımcançiçəkli bitkilər məhv edilməlidir.
2. Daxili karantin tədbirlərinə əməl edilməlidir.
3. Kimyəvi mübarizədə 5%-li karate – 0,4 l/ha və 35%-li fozalon – 2,0 l/ha
preparatlarının emulsiyası ilə çiləmə aparmaq olar. Güvəyə qarşı Arrivo (0,16
l/ha), Desis (0,2 l/ha) və Siruks (0,16 l/ha) preparatlarının da istifadə etmək
məsləhət bilinir.
Çuğundurun zərərvericiləri
Çuğundur bitkisi zərif və şirəli bitki olduğu üçün zərərvericiləri özünə cəlb
edir. Çuğundur bitkisi üzərində 120 növ zərərvericiyə təsadüf olunur. Bunların
əksəriyyəti polifaq həşəratlardır. Bununla yanaşı çuğundur bitkisinin bir sıra
xüsusiyyətlənmiş zərərvericiləri vardır. Onlardan geniş yayılanları və
zərərverənləri çuğundur adi uzunburun böcəyi, çuğundur birəcikləri, çuğundur
bağacığı və s. göstərmək olar.
Çuğundur adi uzunburnu (Bothynoderes punctiventris G.) - Böcəklər
(Coleoptera) dəstəsinin uzunburun böcəklər (Curculionidae) fəsiləsinə mənsubdur.
Yetkin fərd bozumtul-qonur rəngdədir. Ön qanadları üzərində nöqtələrdən
ibarət 10 ədəd cərgə zolağı vardır. Uzunluğu 1,2-1,4 sm-dir.
Yumurtası ovalvaridir, sarımtıl ağ rəngdədir.
Sürfəsi ağdır, ayaqsızdır və qövsvari bükülmüşdür, axırıncı yaşda sürfənin
uzunluğu 30 mm-ə çata bilir.
Zərərverici böcək fazasında torpağın üst qatında qışlayır. Yazda həmin qatda
10-120S temperatur olduğu zaman onlar qış yuxusundan oyanır və torpağın üst
səthinə çıxırlar. Onlar əvvəlcə tərçiçəklilər fəsiləsinə mənsub olan bitkilərlə
qidalanır, sonra isə çuğundur cücərtiləri üzərinə keçirlər. Böcəklər çuğundur
yarpaqlarının ayəsini və saplaqlarını yeyir, nəticədə cücərtilər məhv olur.
82
Bir müddətdən sonra dişi fərdlər yumurta qoymağa başlayır. Yumurtalar
cücərtilərin kökləri ətrafına torpağın üst səthində böcəyin xortumu ilə düzəltdiyi
çökəkciyə qoyulur. Bir dişi böcək orta hesabla 200 ədədə qədər yumurta qoyur.
Qoyulmuş yumurtalardan 7-10 gün sonra sürfələr çıxır. Sürfələrin inkişafı 2-3 ay
çəkir. Bu müddət ərzində onlar çuğundur kökləri ilə qidalanır, orada çökəkciklər
əmələ gətirir. Belə zədələnmiş bitkilər zəif inkişaf edir, bəzən də quruyub məhv
olur.
İnkişafını başa çatdırmış sürfələr torpaqda yuva düzəldib orada pup halına
keçir. Təxminən iki həftədən sonra puplardan böcəklər çıxır və oradaca qışlamaya
gedir.
Zərərverici il ərzində bir nəsil verir.
Mübarizə tədbirləri.
1. Aqrotexniki tədbirlər həyata keçirilməlidir.
2. Ev quşlarından istifadə edilməlidir.
3. Səpin zamanı torpağa 30-35 kq/ha hesabilə 12%-li heksaxloran
verilməlidir.
4. Qışlamadan çıxan böcəklərə qarşı 85%-li sevinins suspenziyası,
vegetasiya dövründə 5%-li karate – 0,4 l/ha, 2,5%-li desis – 0,4 l/ha preparatlarının
emulsiyası ilə çiləmə aparmaq olar.
Çuğundur birəcikləri. Bunlar böcəklər dəstəsi (Coleoptera),
yarpaqyeyənlər (Chrysomelidae) fəsiləsinə mənsubdurlar.
Çuğundur bitkisi üzərində bir neçə növ birəciyə təsadüf edilir. Bunlardan
qarabaşaq birəsi və çuğundur birəciyi daha çox zərər verir.
Birəciklər kiçik 1,5-2,5 mm böyüklükdə böcəkdir. Bədəni tutqun rəngdə,
metal parlaqlığına malikdir. Dal ayaqları atlandırıcı tipdədir.
Birəciklər yetkin halda torpağın üst qatında və bitki qalıqları altında qışlayır.
Yazda böcəklər qışlama yerlərindən çıxır, ilk dəfə alaq otları ilə qidalanır, sahədə
çuğundur cücərtiləri əmələ gəldikdə onların üzərinə keçir. Cücərtilərlə qidalanan
böcəklər yarpaqda kiçik çökəkciklər əmələ gətirir. Şiddətli surətdə zədələnən
cücərtilər məhv olur.
83
Böcəklər bir müddət qidalandıqdan sonra cütləşmə prosesi gedir və dişi
böcəklər bitki kökləri yaxınlığına yumurta qoyur, özləri isə yaşamırlar. Qoyulmuş
yumurtalardan sürfələr çıxır və bitkinin kökü ilə qidalanır. İnkişafını başa çatdırmış
sürfələr torpaqda pup halına keçirlər.
Yayın ortalarında puplardan yeni nəslin böcəkləri çıxır və bitkinin üzərinə
daraşır. Bu dövrdə bitkilər xeyli inkişaf etdiyindən bir o qədər də zərər vura
bilmirlər.
Payızda havaların soyuması ilə əlaqədar olaraq böcəklər qışlama yerlərinə
gedirlər.
Mübarizə tədbirləri.
1. Aqrotexniki tədbirlər vaxtında yerinə yetirilməlidir.
2. Alaq otları müntəzəm olaraq məhv edilməlidir.
3. Qışlamadan çıxan böcəklərə, eləcə də 2-ci nəslin böcəklərinə qarşı
mübarizədə 85%-li Sevin – 2,0 kq/ha, 5%-li karate – 0,4 l/ha, 2,5%-li desis
preparatlarından istifadə etmək olar. Həmçinin Koru-alfa 0, 3 l/ha pestisidi də
istifadə oluna bilər.
Sürfələrə qarşı mübarizədə səpindən qabaq torpağa 12%-li heksaxloran
preparatından 30-40 kq torpağa verilməlidir.
Çuğundur bağacığı (Polymetrus cognatus F.) – Yarımsərtqanadlılar
(Hemiptera) dəstəsinin ot bağacıqları (Miridae) fəsiləsinə mənsubdur.
Çuğundur bağacığı alabəzək rənglidir, uzunluğu 3-5 mm-dir.
Yumurtası ovalvaridir və sarımtıl rəngdədir. Zərərvericinin yumurtaları
yonca, unluca, yovşan bitkiləri gövdəsi daxilinə qoyur. Yumurtadan çıxan sürfə
çoxillik paxlalılarla qidalanıb inkişaf edir. İnkişafını başa çatdırmış yetkin fərdlər
çuğundur sahələrinə uçurlar. Bir müddət çuğundur bitkisi ilə qidalandıqdan sonra
dişi fərdlər gövdəyə, yarpaq damarlarına və saplaqlara yumurta qoyur. Yumurtadan
çıxan sürfə bitkinin hüceyrə şirəsini sormaqla qidalanır. Zərərvericinin sonrakı
nəslinin inkişafı əvvəlki nəsildə olduğu kimidir. İldə 2-3 nəsil verir.
84
Zərərvericinin yetkin və sürfələri qidalanarkən bitki hüceyrələrinə
fermentlər buraxır və nəticədə bitki soluxur, yarpaqlar bükülür və əksər hallarda
cücərti məhv olur.
Mübarizə tədbirləri.
1. Müntəzəm olaraq bağacığın qışladığı alaq otları dibdən çalınıb məhv
edilməlidir.
2. Kimyəvi mübarizədə Bİ-58 – 2,0 l/ha, 2,5%-li desis – 0,4 l/ha, 35%-li
fozalon – 1,2-2,0 l/ha, koru-alfa 0, 3 l/ha preparatlarının emulsiyası ilə çiləmə
aparmaq olar.
Günəbaxanın zərəvericiləri
Günəbaxan odlucası (Homoesoma nebulellaH.)_- Kəpənklər dəstəsinin
(Lepidoptera) odlucalar (Pyralididae) fəsiləsinin nümayəndəsidir.
Qanadlar açılan zaman 20-27 mm böyüklükdə kəpənəkdir. Qabaq qanadları
arxa qanadlara nisbətən uzunsovdur, boz rəngdədir, yaxud bozumtul-sarıdır. Dal
qanadları nisbətən enlidir, ağ rəngdədir və tutqun damarları vardır. Yumurtası
südvari-ağ rəngdə olmaqla uzunsovdur. Uzunluğu 0,8 mm-dir.
Tırtılı açıq-bozdur, axırıncı yaşda 15 mm-ə qədər uzunluqda ola bilir.
Pupu 10-12 mm uzunluqda, açıq-qəhvəyi rəngdədir. İçərisində pup yerləşən
ipək saplardan hazırlanmış möhkəm baramaları 12-17 mm uzunluqdadır.
Respublikanın günəbaxan bitkisi becərilən bütün rayonlarında çox miqdarda
təsadüf edilən bu zərərverici ayrı-ayrı illərdə məhsula əsaslı surətdə zərərv urur.
Respublikamızda bu zərərverici demək olar ki, öyrənilməyib.
Son tədqiqatlara görə zərərvericinin axırıncı yaş tırtılları torpağın üst qatında
barama içərisində qışlayır. Yazın axırları, yayın əvvəllərində qışlamış tırtıllar
puplaşırlar. Günəbaxan bitkisinin çiçəkləməsi dövründə puplardan kəpənəklər
uçmağa başlayır və gecə həyat tərzi keçirməklə ilk əvvəl mürəkkəbçiçəkli və
günəbaxanın çiçəyinin nektar şirəsi ilə qidalanır.
85
Dişi kəpənəklər 250-300 ədəd yumurta qoyur. Ymurtalar çiçək tozcuqları
kənarının daxilinə bir-bir qoyulur. Qoyulmuş yumurtalardan 4-5 gündən sonra
tırtıllar çıxır.
Tırtıllar ilk əvvəllər çiçəklərin müxtəlif hissələri ilə, üçüncü yaşdan sonra isə
toxumların nüvəsi ilə qidalanırlar. Toxumların nüvəsi ya qismən və yaxud da
tamamilə yeyilir. Zədələnən günəbaxan səbətlərinin ayrı-ayrı hissələri hörümçək
torları ilə əhatə olunur, çirkli keçə təbəqəsi əmələ gəlir, ekskrementlə zibillənir.
Tırtılın inkişafı 3-4 həftəyə başa çatır. İnkişafını başa çatdırmış tırtıllar torpağa
düşərək puplaşmağa gedirlər. Zərərverici il ərzində 1-2 nəsil verir.
Mənfi iqtisadi əhəmiyyəti ondan ibarətdir ki, tırtılların çiçəklər və
toxumların nüvəsi ilə qidalanması nəticəsində məhsul kəmiyyətcən azalır və onun
keyfiyyəti pisləşir.
Mübarizə tədbirləri.
a. Mütərəqqi aqrotexniki tədbirlər həyata keçirilməlidir.
b. Zərərvericinin nisbi davamlı panser (qara tumlu günəbaxan)
sortlarından istifadə edilməlidir.
c. Kimyəvi mübarizədə Rebaunt preparatındna istifadə etmək lazımdır.
Mövzu 11. Meyvə ağaclarının gəmirici zərərvericiləri və onlarla
mübarizə tədbirləri
İsmayılzadə N.N.
Məmmədov V.Ə.
PLAN:
1. Alma meyvəyeyəni, gavalı meyvəyeyəni və şərq meyvəyeyənin morfoloji quruluşu, bioloji xüsusiyyətləri, onlarla mübarizə tədbirləri.
2. Alma güvəsinin morfoloji quruluşu və bioloji xüsusiyyətləri, onunla mübarizə tədbirləri.
3. Üfunətli ağacovanı, qırışıqlı qabıqyeyən və alma şüşəqanad kəpənəyinin morfoloji quruluşu və bioloji xüsusiyyəti, onlarla mübarizə tədbirləri.
86
4. Uzunburun böcəklərdən alma çiçəkyeyəni və kazarkanın morfoloji quruluşu və bioloji xüsusiyyəti, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Xəlilov B.B. – Azərbaycanda meyvə ağaclarının başlıca zərərvericiləri və onlarla mübarizə tədbirləri. Gəncə, 2002
3. Məmmədova S.R., Xəlilov B.B. – Meyvə və subtropik bitkilərin zərərvericiləri. Bakı, 1974
4. Горбацов И.В., Грилченко В.В., Захваткин Ю.А. - Зашита растений отвредителей
i. Москва, 2002, 472с
GƏNCƏ - 2017
Mövzu 11. Meyvə ağaclarının gəmirici zərərvericiləri və onlarla
mübarizə tədbirləri
Alma meyvəyeyəni (Laspeyreisa pomonella L.) – Kəpənəklər dəstəsi
(Lepidroptera), yarpaqbükənlər (Tortricidae) fəsiləsinin nümayəndəsidir.
Kəpənəyin rəngi bozdur, böyüklüyü 1,5-2 sm-dir. Yumurtası ağ süd
rəngindədir.
Tırtılı çəhrayı rəngdədir. Axırıncı yaşda tırtılın böyüklüyü 18 mm-dir.
Pupu qəhvəyidir, uzunluğu 10-12 mm-dir.
Alma, armud, şaftalı,ə rik, nar və s. bitkilərə zərər vurur.
Zərərverici xüsusi barama içərisində axırıncı yaş tırtıl fazasında ağacların
ölmüş qabığı altında və yarpaqlarında qışlayır. Qışlama əsasən ştambın torpağa
yaxın hissəsində gedir. Yazda temperatur +100S-dən yuxarı olduqda tırtıllar pup
halına keçir. Mayın axırında pupdan kəpənək uçur. Qışlamadan çıxan kəpənəklər
yumurtalarını yarpaq üzərinə qoyur. Sonrakı nəslin dişi kəpənəyi isə yumurtasını
meyvə üzərinə qoyur. Bir dişi fərd 150-yə qədər yumurta qoya bilir.
87
Yumurtanın embrional inkişafı 5-10 gündür.
Tırtıl 25-30 gün yaşayır və bu müddətdə 2-3 ədəd meyvəni
zədələyir.inkişafını başa çatdırmış tırtıllar qabıq altında barama toxuyub, orada pup
halına keçir və 7-8 gündən sonra pupdan 2-ci nəslin kəpənəkləri uçmağa başlayır.
Kəpənəklər bir müddət qidalanır, sonra isə öz yumurtalarını alma meyvəsi üzərinə
qoyur. İnkinci nəslin inkişafı da birinci nəsildəki kimi gedir.
İl ərzində 2 nəsil verir.
Mübarizə tədbirləri.
1. Ağacların əsasən ştambları ölmüş qabıqlardan təmizlənməli və bağdan
çıxarılıb yandırılmalıdır. Oyuqlar və gövdə yarıqları gillə doldurulmalıdır.
2. Tökülən meyvələr müntəzəm olaraq 3-5 gündən bir toplanıb bağdan
kənara çıxarılmalıdır.
3. Tutucu qurşaqlardan istifadə edilməlidir.
4. Cinsi feremon tələlərindən istifadə edilməlidir.
5. Hər bir nəslə qarşı Coragen 150-300 ml/ha, Avaunt 0,4 l/ha və fastak –
0,5-0,6 l/ha, dursban – 2,5 l/ha və s. emulsiyası ilə 2 dəfə çiləmə aparılması
məsləhətdir.
Cavalı meyvəyeyəni (Grapholitha funebrana Tr.) - Kəpənəklər dəstəsi
(Lepidroptera), yarpaqbükənlər (Tortricidae) fəsiləsinə mənsubdur.
Yetkin kəpənək boz rəngdədir. Böyüklüyü 12-17 mm-dir. Yumurtası ağ
rəngdə olub, böyüklüyü 1 mm-dir.
Tırtılı çəhrayıdır, uzunluğu 12-15 mm-dir. Pupu açıq qəhvəyi rəngdədir,
uzunluğu 6-7 mm-dir.
Həyat tərzi alma meyvəyeyənə oxşardır. Ancaq alma meyvəyeyəni
tumlulara, gavalı meyvəyeyəni isə çəyirdəklilərə zərər vurur.
Zərərvericinin axırıncı yaş tırtılları barama içərisində torpaqda, xəzəl və
bitki qalıqları altında qışlayır. Temperatur 15-170S-yə çatdıqda tırtıl pup halına
keçir. Kəpənəklər bir aya qədər uçur və meyvə başlanğıcına, yarpağa yumurta
qoyur. Yumurtanın embrional inkişafı 20-25 gün çəkir. Axırıncı yaş tırtıl torpağa
88
düşüb pup halına keçir və 10-12 gündən sonra pupdan 2-ci nəslin kəpənəkləri uçur.
İldə 2 nəsil verir.
Mübarizə tədbirləri.
1. Bitki qalıqları və xəzəl toplanıb sahədən çıxarılmalıdır. Cərgəarası
şumlanmalı və ağacın dibi bellənməlidir.
2. Ştamba tutucu və öldürücü qurşaq bağlanmalıdır.
3. Alma meyvəyeyəninə qarşı aparılan mübarizədə istifadə edilən kimyəvi
zəhərlərdən istifadə etmək olar.
Şərq meyvəyeyəni (Grapholitha molesta Busck) - Kəpənəklər dəstəsi
(Lepidroptera), yarpaqbükənlər (Tortricidae) fəsiləsinə mənsubdur.
Kəpənəyin rəngi bozumtul-qonurdur. Qanadlar açılan zaman uzunluğu 12-
14 mm-dir.
Yumurtası ovalvaridir, ağ rəngdədir və uzunluğu 0,4-0,5 mm-dir. Tırtılı
çəhrayı rəngdədir, axırıncı yaşda uzunluğu 12 mm-dir.
Pupu qəhvəyidiri, böyüklüyü 8-10 mm-dir. Zərərverici daxili karantin
obyektidir.
Şaftalıya, almaya, armuda, heyvaya və s. zərər vurur.
Zərərverici barama içərisində tırtıl fazasında, qabıq altında, gövdə
yarpaqlarında qışlayır. Yazda tırtıl pup halına keçir və pupdan 6-11 gün sonra
kəpənək uçur.
Yumurtalar yarpağın alt səthinə qoyulur. Yumurtadan çıxan tırtıl zoğun
ucundan onun daxilinə keçib qidalanır.
Bir dişi fərd 35-40 ədəd yumurta qoya bilir. Bir nəslin inkişafı 30-35 gündür.
İl ərzində 4-5 nəsil verir. Birinci və ikinci nəslin tırtılları zoğ və cavan budağa,
üçüncü və dördüncü nəslin tırtılları isə şaftalı meyvəsinə zərər vurur.
Mübarizə tədbirləri.
1. Daxili karantin tədbirlərinə əməl edilməlidir.
2. Alma meyvəyeyəninə qarşı aparılan mübarizə tədbirləri tətbiq edilə bilər.
Alma güvəsi (Hyponomeuta malinella L.) - Kəpənəklər dəstəsi
(Lepidroptera), güvələr fəsiləsinə (Uponomeutidae) mənsubdur.
89
Kəpənək gümüşü-boz rəngdədir, uzunluğu 18-20 mm-dir. Yumurtası ağ
rəngdədir.
Tırtılı sarımtıl-bozdur, uzunluğu 12 mm-dir.
Zərərvericinin kiçik yaşlı tırtılları qabıq altında qışlayır. Yazda qışlamadan
çıxan tırtıllar yarpaqlarla qidalanıb onları skletləşdirir və tor vasitəsilə yarpaqları
bir-birinə dolayır.
Tırtıl 35-40 gün qidalanır və sonra düzəltdiyi ağ barama içərisində pup
halına keçir. Pupdan 10-15 gün sonra kəpənək uçur. Kəpənək uçduqdan 8-10 gün
sonra cütləşir və zoğun qabığı üzərinə yumurta qoyur. Bir dişi 80-ə qədər yumurta
qoyur. Yumurtadan çıxan kiçik yaş tırtıl qışlamaya gedir. İldə bir nəsil verir.
Mübarizə tədbirləri.
1. İçərisində tırtıl və barama olan tor yumruları xüsusi alətlə kəsilib yığılmalı
və məhv edilməlidir.
2. Entobakterin – 4 kq/ha və dendrobasilin – 4-5 kq/ha preparatlarının
suspenziyası ilə çiləmə aparılmalıdır.
3. Kimyəvi mübarizədə Coragen 150-300 ml/ha, Avaunt 0,4 l/ha, Bİ-59 – 2
l/ha emulsiyası ilə çiləmə aparmaq məsləhətdir.
Üfunətli ağacovan (Cossus cossus L.) - Kəpənəklər dəstəsi (Lepidroptera),
ağacovanlar (Cossidae) fəsiləsinə mənsubdur.
İri kəpənək olmaqla, qanadları açılan halda erkək fərdlər 70 mm, dişi
fərdlərin uzunluğu isə 90 mm-dir. Rəngi bozdur, üzərindələkələr vardır. Yumurtası
ovalvaridir, açıq-qəhvəyi rəngdədir.
Tırtılı qırmızıdır, uzunluğu 30 mm-dir.
Zərərvericinin tırtılı budaq və oduncaq içərisində qışlayır. Yazda pup halına
keçir. Pupun inkişafı 12-20 gün çəkir.
Dişi fərdlər yumurtasını topa halında qabıqların qırışına qoyur. Bir dişi 800-
1000 ədəd yumurta qoya bilir. Yumurtadan çıxan tırtıllar oduncağın içərisinə girir
və onun özək hissəsi ilə qidalanır. Tırtıllar qidalanan zaman iyli-üfunətli maddə
ifraz edir. Elə adı da buradan götürülmüşdür. Zərərverici 2-3 ildə bir nəsil verir.
Mübarizə tədbirləri.
90
1. Şiddətli yoluxmuş budaqlar kəsilərək bağdan kənara çıxarılmalıdır.
2. Tırtılın açdığı deşik vasitəsilə ya dixloretan buraxılmalı, ya da dixloretan
pambığa hopdurulub deşikdən budağın içərisinə qoyulmalıdır və deşiyin üzəri gillə
suvanmalıdır.
Alma şüşəqanad kəpənəyi (Synanthedon myopaeformis B.) - Kəpənəklər
dəstəsi (Lepidroptera), şüşəqanad kəpənəklər (Aegeriidae) fəsiləsinə mənsubdur.
Yetkin kəpənəyin qanadları şüşə kimi parlaqdır. Uzunluğu 15-20 mm-dir,
tünd mavi rəngdədir.
Yumurtası ovalvaridir, qızılı-qəhvəyi rəngdədir, uzunluğu 1 mm-dir.
Tırtılı sarımtıl rəngdədir, uzunluğu 20 mm-dir.
Zərərvericinin 1 və 2 illik tırtılları qabıq altında qışlayır. Yazda tırtıllar
qidalanır və pup halına keçirlər. Pupun inkişafı 11-20 gün çəkir.
Dişi fərdlər yumurtalarını ağacların qabıqlarının qırış və yarıqlarına qoyur.
Bir dişi 200-250 ədəd yumurta qoya bilir. Yumurtadan çıxan tırtıl qabıqlardan içəri
daxil olur və canlı toxumaya qədər hərəkət edir.
Tırtıllar 2 dəfə qışlayır, sonra pup halına keçir. İki ildə 1 nəsil verir.
Alma çiçəkyeyəni (Anthonomus pomorum L.) – Böcəklər dəstəsi
(Coleoptera), uzunburun böcəklər (Curculionidae) fəsiləsinə mənsubdur.
Böcəyin rəngi qonur-bozdur. Başı uzanaraq xortum şəklini almışdır.
Uzunluğu 3,5-4,5 mm-dir.
Yumurtası ağ rəngdədir, ellips formasındadır.
Sürfə ayaqsızdır, ağ, yaxud sarı rəngdədir, uzunluğu uzunluğu 5-6 mm-dir.
Pupu azacıq sarımtıldır, qarıncığın nəhayətində çıxıntı şəklində mahmızı
vardır.
Zərərverici böcək halında ağacın dibinə yaxın yerdə böcək halında torpağın
üst qatında, bəzən xəzəl və bitki qalıqları altında qışlayır. Erkən yazda qışlamadan
çıxan böcəklər ağaca dırmaşır və tumurcuqlarla qidalanır, onlarda deşiklər açır,
oradan şirə açıxr. Dişi fərd xortumu ilə qönçədə deşik açıb yumurtasını onun
daxilinə qoyur. Yumurtanın embrional inkişafı 5-10 gündür.
91
Yumurtadan çıxan sürfə 15-20 gün yaşayır. Sürfələr qidalanan zaman
çiçəkdə olan erkək və dişiləri yeyir. Zədələnmiş qönçə və çiçəklər quruyub məhv
olur. İnkişafını başa çatdırmış sürfələr zədələdiyi qönçə içərisində pup halına keçir
və 7-12 gündən sonra böcək çıxır. İldə bir nəsil verir.
Mübarizə tədbirləri.
1. Bitki qalıqları sahədən çıxarılmalı və dərin dondurma (cərgəarası) şumu
aparılmalıdır.
2. Ağacların dibi bellənməlidir.
3. Aqrotexniki tədbirlər vaxtında yerinə yetirilməlidir.
4. Tumurcuq dövründə kimyəvi mübarizə olaraq Lannate 1,8-2,2 l/ha, Sumi
– alpha 1,5 l/ha preparatlarından istifadə oluna bilər.
Kazarka (Rhynchites Baccus L.) - Böcəklər dəstəsi (Coleoptera),
uzunburun böcəklər (Curculionidae) fəsiləsinin nümayəndəsidir.
Yetkin böcək qırmızı mis rənginə, yaxud yaşıla çalan qızılı rəngdədir.
Böcəyin başı uzanaraq xortum şəklini almışdır. Uzunluğu 4,5-6,5 mm-dir.
Yumurtası kiçikdir, ovalvaridir və şəffaf rənglidir. Sürfəsi ayaqsızdır, bədəni
sarımtıl rəngdədir.
Zərərverici böcək halında torpağın üst qatında, bitki qalıqları altında
qışlayır. Qışlamadan çıxan böcəklər tumurcuğu deşir və oradan çıxan şirə ilə
qidalanır. Ən çox almaya zərər vurur. Dişi böcək yumurtanı qönçənin daxilinə tək-
tək qoyur. Bir dişi 200-ə qədər yumurta qoya bilir. Yumurtanın embrional inkişafı
5-10 gündür. Sürfələr meyvələrin lətli hissəsi ilə qidalanır. Belə zədələnmiş meyvə
tökülür.
İnkişafını başa çatdırmış sürfələr torpağa düşüb puplaşır. İldə 1 nəsil verir.
Mübarizə tədbirləri.
1. Ağaclar çadır üzərinə (yazda) silkələnməlidir. Tökülən böcəklər yığılaraq
məhv edilməlidir.
2. Zədələnmiş meyvələr bağdan kənara çıxarılmalıdır.
92
3. Tumurcuq açılmağa başladığı dövrdə və çiçəkləmədən sonra 35%-li
fozalon – 2,0 l/ha, 5%-li karate – 0,4-0,5 l/ha preparatlarının emulsiyası ilə çiləmə
aparmaq məsləhətdir.
Qırışıqlı Qafqaz qabıqyeyəni (Scolytus rugulosus Rata) - Böcəklər
dəstəsi (Coleoptera), qabıqyeyənlər (İpidae) fəsil əsinə mənsubdur.
Böcəyin bədəni qara rəngdədir, uzunluğu – 2,3-2,8 mm-dir. Qanadlarının
üzəri qırışlıdır.
Yumurtası girdədir, ağ rəngdədir. Sürfəsi sarımtıl-ağ rəngdədir,
bükülmüşdür, uzunluğu 4-4,5 mm-dir. Pupu ağ rəngdədir və sərbəstdir.
Zərərvericinin sürfələri ştamb və budaqların qabığı altında qışlayır. Yazda
sürfə pup halına keçir və ondan böcəklər çıxır. Dişi böcək qabıqla oduncaq
arasında iz açır və yumurtalarını ora qoyur. Bir dişi 50-100 ədəd yumurta qoya
bilir. Yumurtadan çıxan sürfə qabıq və oduncaq hissədə qidalanaraq izlər (yollar)
açır. İl ərzində 2 nəsil verir.
Mübarizə tədbirləri.
Bağlara düzgün qulluq edilməli, budama vaxtında aparılmalı, zədələnmiş
budaqlar kəsilməli və yandırılmalı, ağacların ştambları və budaqları ölmüş
qasıqlardan təmizlənməlidir.
Mövzu 10. Subtropik və sitrus bitkilərinin zərərvericiləri
və onlarla mübarizə tədbirləri
İsmayıl-zadə N.N.
93
Məmmədov V.Ə.
PLAN
1. Uzunsov çay yastıcası, yumşaq yalançı çanaqlı yastıca və zeytun yalançı çanaqlı yastıcası və çubuqşəkilli yastıcanın morfoloji quruluşu, bioloji xüsusiyyətləri, onlarla mübarizə tədbirləri.
2. Nar mənənəsi və nar meyvəyeyənin morfoloji quruluşu və bioloji xüsusiyyətləri, onlarla mübarizə tədbirləri.
3. Sitrus ağqanadlısı və sitrus qırmızı gənəsinin morfoloji quruluşu və bioloji xüsusiyyəti, onlarla mübarizə tədbirləri.
4. Çılpaq ilbizin morfoloji quruluşu və bioloji xüsusiyyəti, onunla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Məmmədova S.R., Xəlilov B.B. – Meyvə və subtropik bitkilərin zərərvericiləri. Bakı, 1974
3. Səmədov N.H., İbrahimov H.R., Xəlilov B.B. – Azərbaycanda kənd təsərrüfatı bitkilərinin ziyanvericiləri və xəstəlikləri (Soraq kitabı). Bakı, 1965.
4. Горбацов И.В., Грилченко 5. В.В., Захваткин Ю.А. - Зашита растений отвредителей
i. Москва, 2002, 472с
GƏNCƏ – 2017
Mövzu 10. Subtropik və sitrus bitkilərinin zərərvericiləri
və onlarla mübarizə tədbirləri
Uzunsov çay yastıcası (Chloropulvinaria floccitera W.). –
Bərabərqanadlılar dəstəsi (Homoptera), koksidlər (Coccidae) fəsiləsinə mənsubdur.
Yetkin dişi fərdin rəngi yaşılımtıl-sarıdır, uzunluğu 3 mm-dir.
94
Yumurtasını xüsusi kisə içərisinə qoqyur. Bu kisənin uzunluğu 12 mm-ə
qədər olur.
Zərərvericinin 2-ci yaşda olan sürfələri çay və nəcib dəfnə yarpaqlarında
qışlayır. Yazda aprelin 2-ci yarısında qışlamadan çıxan sürfələr yarpaq və zoğların
şirəsini sormaqla qidalanır. Mayın ortalarına yaxın sürfələr yetkin hala keçir və 4-5
gündən sonra yumurta qoymağa başlayır. Həmin yumurtalardan mayın axırı,
iyunun əvvəllərində sürfələr çıxır. Bir dişi fərd 830-a qədər yumurta qoyur.
Zərərverənlərin sürfələrinə kütləvi halda iyunun birinci ongünlüyündə rast
gəlinir. Bəzən çay bitkisinin yarpaq məhsulu 25-60%-ə qədər azala bilir.
Mübarizə təbdirləri.
d. Əkin materialları ümumi qayda üzrə dezinfeksiya edilməlidir.
e. Zərərverici kütləvi çoxaldığı sahələrdə məhsul yığıldıqdan sonra
(payızda) Bay bay preparatı (3-4 l/ha) çilənməlidir.
Yumşaq yalançı çanaqlı yastıca (Coccus hesperidum L.). -
Bərabərqanadlılar dəstəsi (Homoptera), koksidlər (Coccidae) fəsiləsinə mənsubdur.
Yetkin fərdin bədəni yumurtavari olub, rəngi narıncı, yaxud sarımtıldır.
Polifaqdır.
Zərərvericinin 1-ci və 2-ci yaşda olan sürfələri qışlayır.
Aprelin axırları, mayın əvvəllərində inkişafını başa çatdırmış, qışlamış
sürfələr yetkin hala keçir. İyun ayının əvvəllərində birinci nəslin sürfələri kütləvi
əmələ gəlməyə başlayır, 2-ci nəslin sürfələrinə avqust, 3-cü nəslin sürfələrinə isə
oktyabrda təsadüf edilir.
Zərərverici bakirə üsulla çoxalır. Bir dişi fərd 360-a qədər sürfə verə bilir.
İl ərzində 3 nəsil verir.
Zərərverici bitkinin şirəsini sorur, nəticədə cavan bitkilər böyümə və inkişafı
zəifləyir, məhsul verən ağaclarda isə zərərvericinin yarpaqlar üzərinə buraxdığı
ifrazatında saprofit göbələklər çoxalır, onları çirkləndirir və əmtəəlik dəyərini aşağı
salır.
Mübarizə tədbirləri.
95
1. Qış və yay dövründə zərərverici əleyhinə mineral-yağ emulsiyası olaraq
30ss preparatının 3-5%-li məhlulu çilənməlidir.
2. Yay dövründə ayrı-ayrı nəsillər əleyhinə antio – 2 l/ha, Bİ-59 – 2 l/ha,
Aktara 0,7 kq/ha emulsiyası ilə çiləmə aparılmalıdır.
Zeytun yalançı çanaqlı yastıcası (Saissetia oleae B.) - Bərabərqanadlılar
dəstəsi (Homoptera), koksidlər (Coccidae) fəsiləsinin nümayəndəsidir.
Yetkin fərdin bədəninin uzunluğu 4 mm-dir.
Yumurtası uzunsovdur, ağımtıl və ya qəhvəyi rəngdə olur. Sürfəsi açıq-
qəhvəyi rəngdə olub, yastıdır və uzunsovdur.
Zərərverici sürfə fazasında budaqların üzərində qışlayır. Qışlamadan çıxan
sürfələr qidalanır, iyun ayında yetkin hala çevrilir və yumurta qoymağa başlayır.
Bir dişi fərd orta hesabla 2000-2500 ədəd yumurta qoya bilir. İyunun sonu,
iyulun əvvəllərində yumurtadan çıxan sürfə bir müddət qidalanır və sonra
qışlamaya gedir. İl ərzində 1 nəsil verir.
Zərərverici zeytun bitkisinin yarpaqları, budaqları və meyvələri ilə qidalanır.
Nəticədə bitki böyümə və inkişafdan qalır və meyvələr əmtəəlik dəyərini itirir.
Mübarizə tədbirləri.
1. Bu zərərvericiyə qarşı kimyəvi mübarizədə yay dövründə mineral yağların
1%-li emulsiyası, qış dövründə 2%-li emulsiyası ilə çiləmə aparılmalıdır.
2. Vegetasiya dövründə isə Bİ-58 – 2 l/ha, yaxud 35%-li fozalon – 2 l/ha,
2,5%-li desis – 0,4 l/ha emulsiyasının məhlulu ilə çiləmə aparmaq olar.
Nar mənənəsi (Rphis punicae P.) - Bərabərqanadlılar dəstəsi (Homoptera),
mənənələr (Aphididae) fəsiləsinə mənsubdur.
Yetkin fərd açıq-yaşıl rəngdə olub, ovalvaridir, uzunluğu 1,9-2 mm-dir.
Zərərvericinin mayalanmış yumurtaları narın budaqları üzərində qışlayır.
Aprelin sonu, mayın əvvəllərində qışlamış yumurtalardan sürfələr çıxır və zərif zoğ
və yarpaqlara daraşaraq onun şirəsini sorur. Mənənəyə ən çox mayın 3-cü
ongünlüyündə və iyun ayında təsadüf edilir. Sentyabrın axırlarında dişi fərdlər
yumurta qoyur və onlar qışlamaya gedir.
96
Vegetasiya dövrü fasiləsiz olaraq 13 nəsil verir. Zərərverici əvvəllər cavan
zoğların, yarpaqların, sonra isə qönçə, çiçək və meyvələrin üzərinə daraşır, onların
şirəsini sorur. Nəticədə bitkinin inkişafı zəifləyir, qönçə və çiçək quruyaraq
tökülür, meyvələr isə əmtəəlik dəyərini itirir.
Mübarizə tədbirləri.
1. Qışlamış yumurtalara qarşı mübarizədə ağacların sakitlik dövründə 1%-li
DNOK preparatları ilə çiləmə aparılmalıdır.
2. Vegetasiya dövründə Bİ-58 – 2,0 l/h, 2,5%-li desis – 0,4 l/ha məsarif
normasında emulsiyası ilə çiləmə aparılması məsləhətdir.
Nar meyvəyeyəni (Euzophera punicae Micre) – Kəpənəklər dəstəsi
(Lepidoptera), yarpaqbükənlər (Tortricidae) fəsiləsinə mənsubdur.
Respublikamızda nar bitkisinə 2 növ meyvəyeyən – nar meyvəyeyəni və
alma meyvəyeyəni zərər verir.
Nar meyvəyeyəni alma meyvəyeynəninə nisbətən daha zərərlidir. Odur ki,
ancaq bu meyvəyeyən haqqında məlumat verilir.
Yetkin fərd boz rəngdədir, ön qanadları ensiz, dal qanadlar isə enlidir.
Yumurtası açıq-sarı olub, böyüklüyü 0,75-1 mm-dir. Axırıncı yaş tırtıl kirli-
boz rəngdədir.
Zərərverici qışı 5-ci yaşda, tırtıl fazasında ağac qabığının yarıqlarında,
gövdənin qurumuş qabıqları altında ipəkdən hazırlanmış barama içərisində keçirir.
Yazda temperatur +120S-dən yuxarı qalxdıqda baramadakı tırtıl pup halına
keçir. Puplaşma dövrü mayın ortalarına qədər davam edir. Nar bitkisi çiçəkləyən
dövrdə 1-ci nəslin kəpənəkləri uçmağa başlayır.
Dişi kəpənəklər yumurtalarını ağacların qabığına, çiçək və çiçək saplağına
qoyurlar. Yumurtanın embrional inkişafı 6-8 günə başa çatır və bundan sonra
yumurtadan ağ rəngli tırtıl çıxır. O çiçəklərlə, qönçələrlə qidalanıb inkişaf edir.
qönçə və çiçəklə qidalanan tırtılın inkişafı 25-30 gün çəkir. Bu müddətdə onlar beş
dəfə qabıq dəyişir və altı yaş keçirir. İyunun sonu, iyulun əvvəllərində tırtıllar
qabıq altında və ya meyvə kasacığının içərisində pupa çevrilir. Pup dövrü 8-10 gün
çəkir. Puplardan ikinci nəslin kəpənəklərinin uçuşu avqustun 2-ci ongünlüyünə
97
qədər davam edir. Pupdan çıxan kəpənək 6-8 gündən sonra yumurta qoymağa
başlayır.
Dişi fərdlər yumaurtalarını əsasən meyvə kasacığına və onun yanlığına
qoyur. Yumurtanın inkişafı 6-8 gün çəkir. Yumurtadan tırtıllar avqustun birinci
ongünlüyündə çıxır. Kütləvi halda tırtıllara isə avqust ayının 2-ci ongünlüyündə
təsadüf olunur. İkinci nəslin tırtılları nar meyvəsini deşərək onun içərisinə keçir və
orada nar dənələri, eləcə də meyvə arakəsmələri ilə qidalanır.
Tırtılların qidalanması 20-25 gün çəkir. İnkişafını başa çatdırmış tırtıllar
qışlama yerlərinə keçərək pup halına keçirlər. İl ərzində 2 nəsil verir.
Zərərvericinin birinci nəsli əsasən qönçə və çiçəkləri zədələyir, nəticədə
zədələnmiş qönçə və çiçək quruyaraq məhv olur.
İkinci nəslin tırtılları isə əsasən nar meyvələrini zədələyir ki, belə
zədələnmiş meyvələr çürüyür və qida üçün yaramır, əmtəəlik dəyərini itirir.
Mübarizə tədbirləri.
1. Quruyub yerə tökülmüş qönçələr, çiçəklər və meyvələr toplanaraq bağdan
kənara çıxarılmalıdır.
2. Ağacların ştambları ölmüş qabıqlardan təmizlənməlidir.
3. Zərərvericinin hər bir nəslinə qarşı mübarizədə 2 dəfə 85%-li sevinin
0,3%-li suspenziyası, 5%-li karate – 0,5 l/ha, 35%-li fozalon – 2,0 l/ha, Avaunt
0,35 kq/ha emulsiyası ilə çiləmə aparılmalıdır.
Sitrus bitkilərinin zərərvericiləri.
Çubuqşəkilli çanaqlı yastıca (İnsulaspis gloverii Pack) -
Bərabərqanadlılar dəstəsi (Homoptera), yastıcalar (Diaspididae) fəsiləsinə
mənsubdur.
Çuğuqşəkilli çanaqlı yastıcanın çanağı nazik və çubuqşəkilli olur. Çanaq
üzərindən bir zolaq uzanır, çanağı iki bərabər hissəyə bölür. Çanağın uzunluğu 3,2
mm-dir. Rəngi qırmızı-qəhvəyi, yaxud sarımtıl-qəhvəyidir.
Zərərverici polifaqdır. Zərərverici yarpaqların, budaqların və meyvələrin
şirəsini sormaqla qidalanır.
98
Zərərverici yetkin və 2-ci yaşlı sürfələri qışlayır. Aprelin sonundan
başlayaraq birinci nəsil yumurta qoyur. İkinci nəslin yumurta qoyması iyunun,
üçüncü nəslin isə sentyabrın əvvəllərində başlayır.
İl ərzində 3 nəsil verir.
Mübarizə tədbirləri.
Vegetasiya ərzində hər bir nəslə qarşı ayrı-ayrılıqda 2,5%-li desis – 0,4 l/ha,
Bİ-58 (YENİ) – 2,0 l/ha, Bestseller 200 – 0,1l/ha normasında emulsiyası ilə çiləmə
aparıla bilər.
Sitrus ağqanadlısı (Dialeurodes Citri Ashm) - Bərabərqanadlılar dəstəsi
(Homoptera), ağqanadlılar (Aleyrodidae) fəsiləsinin nümayəndəsidir.
Yetkin fərd çox kiçik olub, uzunluğu 2 mm-ə yaxındır. Süd rəngində 2 cüt
zərif qanadları vardır.
Zərərverici sürfə və pup halında qışlayır. Yazda yetkin dişi fərdlər cavan
yarpaqların alt səthinə dağınıq halda yumurta qoyur və 6-7 gündən sonra sürfələr
çıxır. Sürfələr yarpağın üst səthinə daraşaraq, onun şirəsini sorur. İnkişafını başa
çatdırmış sürfələr 3 dəfə qabıq dəyişir və puparilərə çevrilirlər.
Sürfələrin inkişafı 25-30, puparilərin isə 15 gündə başa çatır və yetkin hala
keçir. Bir dişi fərd qidalandığı bitki növündən asılı olaraq 60-170-ə qədər yumurta
qoya bilir. İl ərzində 3-4 nəsil verir.
Sitrus ağqanadlısı limon, naringi, portağal, xirnik, çay və s. ilə qidalana bilir.
Mübarizə tədbirləri.
1. Daxili karantin tədbirlərinə əməl olunmalıdır.
2. Vegetasiya dövründə 2,5%-li desis – 0,4 l/ha, Bİ-58(YENİ) – 2,0 l/ha,
Mostar 20 (300 qr/ha) emulsiyası ilə çiləmə aparılmalıdır.
Sitrus qırmızı gənəsi (Pononychus citri Mc.) – Gənələr dəstəsi (Akarina),
tor gənələri fəsiləsinə (Tetraniychidae) mənsubdur.
Yetkin fərdin bədəni tünd-qırmızı rəngdədir, uzunluğu 0,3 mm-dir. Dişi fərd
erkəkdən böyükdür.
99
Yumurtası saplaqlıdır və yarpağın üst səthinə qoyulur. Zərərverici əsasən ən
çox limon və naringi bitkilərinə zərər vurur. Sitrus gənəsi yetkin, sürfə və yumurta
fazasında qışlayır. Qışlama yarpaqların əlt səthində gedir.
Aprelin axırlarından başlayaraq gənənin miqdarı artmağa başlayır. Sürfələr
və yetkin fərdlər əvvəllər yarpaq və zoğların, sonralar isə meyvələrin üzərinə
daraşaraq onların şirəsini sormaqla qidalanırlar.
Bir nəslin inkişafı 12-15 günə başa çatır. İl ərzində 9-12 nəsil verir.
Mübarizə tədbirləri.
1. Aqrotexniki tədbirlər həyata keçirilməlidir.
2. Kimyəvi mübarizədə Abalone (1,0-1,5 l/ha), Omite (2-2,25 l/ha)
emulsiyaları ilə çiləmə aparmaq məsləhət bilinir.
Çılpaq ilbiz (Parmacella ibera E.) – Yumşaqbədənlilərin çılpaq ilbizlər
(Limacidae) qrupuna məxsusdur.
Çılpaq ilbizlərin 7-yə qədər növü qeyd edilmişdir. Bunlardan ən geniş
yayılanı parmasella iberadır. Bu ilbizin cavan fərdləri qışlayır. Qışlama əsas
etibarilə limon və naringi bitkilərinin çətirləri altında torpağın 5-10 sm dərinliyində
gedir. Bu zərərverici portağal bitkisini, limon və naringi bitkilərinə nisbətən az
zədələyir.
Yazda qışlamadan çıxan ilbizlər müxtəlif sitrus bitkilərinə daraşır, onlarla
qidalanır, yumurta qoyur və yeni nəslin başlanğıcını verir. Payızda əmələ gələn
yeni nəslin cavan ilbizləri ağaclara dırmaşaraq yetişməkdə olan limon, naringi və
portağal bitkilərinin meyvələri ilə qidalanır, onları zədələyir. Ağacların aşağı
yarusunda olan meyvələr, yuxarı yarusa nisbətən daha çox zədələnir. Bu, onunla
əlaqədardır ki, aşağı yarusda olan budaqlar meyvənin təsirindən əyilərək torpaqla
təmasda olur.
Zərərvericinin zədələdiyi bitkinin inkişafı zəifləyir, zədələnmiş meyvələr isə
əmtəəlik dəyərini itirir.
Mübarizə tədbirləri. 1. Erkən yazda ağacların dib dairələri bellənməlidir.
2. Ağacların yerlə təmasda olan budaqları altına dayaqlar qoyulmalıdır.
100
3. İlbizlər qışlamadan çıxdıqları vaxt (mart-aprel) torpaq səthinin hər
hektarına 100 litr hesabilə karbation preparatının 1,5%-li məhlulu çilənməlidir.
Mövzu 13. Ehtiyat qida məhsullarının zərərvericiləri
və onlarla mübarizə tədbirləri
PLAN
1. Anbar və düyü uzunburun böcəklərinin morfoloji quruluşu, bəzi bioloji xüsusiyyətləri, onlarla mübarizə tədbirləri.
2. Çörək yonucusu və iri un böcəyinin morfoloji quruluşu və bioloji xüsusiyyətləri, onlarla mübarizə tədbirləri.
3. Dəyirman odlucası, cənub anbar odlucası, un odlucası və anbar güvəsinin morfoloji quruluşu, bəzi bioloji xüsusiyyətləri, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Alaoglu Ö., Boyraz N. - Bitki koruma. Selçuk Üniversitesi, Ziraat
Guncan A.,BAştaş K.K. fakültəsi, Bitki koruma bölümü, 2014, 265 s.
3. Горбацов И.В., Грилченко В.В., Захваткин Ю.А. Зашита растений отвредителей Москва, 2002, 472с
GƏNCƏ - 2017
101
Mövzu 13. Ehtiyat qida məhsullarının zərərvericiləri
və onlarla mübarizə tədbirləri
Anbarın xüsusiyyətlənmiş zərəvericilərindən anbar və düyü uzunburnu,
çörək yonucu, iri un böcəyi, kiçik un böcəyi, dəyirman odlucası, cənub anbar
odlucası, anbar güvəsi, dən güvəsi, un gənəsi və s. göstərmək olar.
Anbar uzunburnu (Sitophilus granarius L.) – Böcəklər dəstəsinin
(Coleoptera), uzunburun böcəklər (Curcullonidae) fəsiləsinə mənsubdur.
Yetkin fərd 2-4 mm uzunluqda olmaqla, tünd qəhvəyi və yaxud qara
rəngdədir. Başı uzanaraq xortum şəkli almışdır. Bədəninin üzəri uzunsov,
nöqtəvari çökəkciklərlə örtülmüşdür. Dal qanadlar inkişaf etməmişdir, ona görə də
böcək uça bilmir.
Yumurtası 0,7 mm uzunluqda olmaqla parlaqdır, sarımtıl rəngdədir.
Sürfəsi ayaqsızdır, ağ rəngdədir, bədəni yoğundur, 3 mm uzunluqdadır. Başı
sarımtıl, yaxud qəhvəyi rəngdədir.
Pupu 3-5 mm uzunluqda olub, ağımtıl rəngdədir. Zərərverici geniş
yayılmaqla əsasən buğda və arpaya böyük zərər verir.
Anbar uzunburnu əsasən divar və dirək yarıqlarında və bəzi sığınacaq
yerlərində böcək fazasında qışlayır. Bəzi hallarda sürfə və pup fazasında dənin
içərisində də qışlayır.
Anbarda temperatur +100S-dən yuxarı olduqda böcəklər qışlamadan çıxır,
fəallaşır və cütləşir. Anbarda temperatur +17-200S olan zaman dişi böcəklər
yumurta qoymağa başlayır.
Dişi böcək xortumu ilə dəni deşir və yumurtasını onun içərisinə qoyur. Hər
çalaya bir yumurta qoyur, üzərini ifraz etdiyi selikli maddə ilə örtür. Yumurtanın
embrional inkişafı 8-12 gün çəkir. Sürfənin inkişafı dən içərisində 20-30 günə başa
çatır və orada pup halına keçir. Pup dövrü 7-10 gün çəkir və bundan sonra böcək
çıxır.
102
Bir nəslin inkişafı təxminən 40-45 günə başa çatır. Zərərverici əlverişsiz
şəraitdə dözümlüdür. O, 40-60 gün ac qala bilir və 10 gün suda saxlandıqdan sonra
çıxarıldıqdan bir neçə saat sonra fəallaşır.
Böcəyin yaşaması üçün optimal temperatur 25-300S hesab olunur. Yoluxmuş
dənlərdə böcəklərin əsas kütləsi üst təbəqədə 70 sm dərinlikdə olur. Yetkin
böcəklər 6-10 ay yaşaya bilir.
Dənlərlə həm sürfələr, həm də böcəklər qidalanır. Zərərverici ilə zədələnmiş
dənlərdə, onların yalnız qabığı qalır. Digər tərəfdən, böcəklərin cəsədləri,
sürfələrin qabıqları və ekskrementləri ilə zibillənərək qida üçün yararsız hala
düşür. Sonrakı nəslin inkişafı birinci nəsildəki kimi gedir. İl ərzində 3-4 nəsil verir.
Düyü uzunburnu (Sitophilus oryzae L.) – Böcəklər (Coleoptera)
dəstəsinin uzunburun böcəklər (Curculionidae) fəsiləsinə mənsubdur.
Yetkin böcək anbar uzunburnuna oxşardır, uzunluğu 3 mm-ə çatır. Ön
kürəkciyin üzərində külli miqdarda nöqtələr şəklində çökəkciklər vardır. Qanadları
üzərində nöqtələrdən təşkil olunmuş uzununa şırımlar uzanır.
Düyü uzunburnu uçmaq qabiliyyətinə malikdir. Sürfəsi, yumurtası və pupu
anbar uzunburnuna oxşardır.
Zərərverici una, düyüyə, qarğıdalıya, arpaya, buğdaya, çörəyə, alma qaxına,
şabalıda, makarona və s. zərər verir. Düyü uzunburnunun yaşayış tərzi və zədələmə
xüsusiyyəti bir çox cəhətdən anbar uzunburnunda olduğu kimidir.
Düyü uzunburnu başqa anbarlara ancaq yoluxmuş məhsullar vasitəsilə deyil,
uçmaqla da keçə bilir. Dişi fərdlər daha çox yumurta qoymaq qabiliyətinə malikdir.
O, 500-dən artıq yumurta qoya bilir. Yumurtanın inkişafı 6-9, sürfəninki 12-17,
pupunku isə 7-9 günə başa çatır. Böcəklər 3-8 həftə yaşaya bilir. O, tarla şəraitində
də yaşayır, inkişaf edir və çoxalır. Tarlada əsasən qarğıdalı ilə qidalanır. Sürfələr
ən quru dənlərlə qidalanır. İl ərzində 8-ə yaxın nəsil verir.
Çörək yonucusu (Stegolium paniceun L.) – Böcəklər (Coleoptera)
dəstəsinin, yonucular (Anobiidae) fəsiləsinə mənsubdur.
Yetkin böcək silindrik formadadır və ön kürəkciyi iridir. Bədəni açıq-
qəhvəyi, yaxud qırmızımtıl-qonur rəngdədir. Üzəri ipəkvari tükcüklərlə
103
örtülmüşdür. Uzunluğu 3-8 mm-dir. Sürfəsi qövs şəklində bükülməklə 3 cüt döş
ayağına malikdir. Bədəni çirkli-ağ rəngdədir.
Zərəverici müxtəlif məhsullara – kofeyə, suxariyə, makarona, una, şokolada,
müxtəlif dənlərə və s. zərər vurur.
Çörək yonucusu iyun-iyul aylarında uçur. Bir müddətdən sonra yumurta
qoymağa başlayır. Bir dişi böcək məhsulların üzərinə topa halında 140-a qədər
yumurta qoya bilir. Hər bir topada 40-a qədər yumurta olur. Yumurta daxilində
rüşeymin inkişafı 8-12 gündə başa çatır.
Yumurtadan çıxan sürfə 1,5-2 ay müddətində inkişafını başa çatdırır.
Sürfələr qidalandığı məhsullarda izlər açır. Unda olduqda topa düzəldir və onun
daxilində puplaşır. Sonrakı nəsillərin inkişafı birinci nəsildəki kimi gedir. İl
ərzində 4-ə yaxın nəsil verir.
İri un böcəyi (Tenebrio melitor S.) - Böcəklər (Coleoptera) dəstəsinin,
qarabədən böcəklər (Tenebrionidae) fəsiləsinə mənsubdur.
Böcək qara, yaxud qonur rəngdədir, qanadları yaxşı inkişaf etmişdir.
Bığcıqları 11 buğumludur, təsbehvaridir. Böcəyin uzunluğu 3-5 mm-ə qədərdir.
Yumurtası ağdır, paxlaşəkillidir. Un qurdu adı ilə məşhur olan sürfəsi
çılpaqdır, əvvəllər ağ, sonralar isə açıq-sarı rəngdədir. Olduqca möhkəmdir.
Axırıncı yaşda uzunluğu 25-30 mm-ə çatır.
Pupu sarımtıl-ağ rəngdədir, uzunluğu 16-17 mm olur. İri un böcəyi geniş
yayılmış növdür. Əsasən una, buğda dənlərinə, çörəyə və s. zərər vurur.
Zərərverici inkişafını başa çatdırmış sürfə fazasında qışlayır. Yazda həmin
sürfələr puplaşır. Puplaşma əsasən un topaları daxilində gedir. May ayında həmin
puplardan böcəklər uçmağa başlayır. Böcəklər gecələr fəal olur. Dişi böcəklər 2-4
aylıq ömrü boyu 280-ə yaxın yumurta qoyur. Yumurtalar tək-tək, bəzən topa
halında məhsulların üzərinə qoyulur. Sürfə 240 gün yaşayır və bir neçə dəfə qabıq
dəyişir. Sürfələr üzərinə yumurta qoyduğu məhsulla qidalanır. İnkişafını bitirən
sürfə qidalanma yerini tərk edərək divarlar, tirlər və s. çatlarında puplaşırlar. Pupun
inkişafı 14-21 gün çəkir. İl ərzində bir nəsil verir.
104
Dəyirman odlucası (Ephestia kühniella L.) – Kəpənəklər (Lepidoptera)
dəstəsinin odlucalar (Pyralidae) fəsiləsinə mənsubdur.
Kəpənəyi boz rəngdədir, ön qanadları bozumtul kül rəngində olub, üzərində
tək-tək qara pulcuqlar vardır.
Dal qanadlar ağımtıldır, qanadları açılan zaman 20-25 mm olur.
Tırtılın rəngi dəyişkəndir, sarı, yaxud çəhrayı olur. Axırıncı yaşda uzunluğu
16 mm-ə çatır.
Dəyirman odlucası dəyirmanlarda və anbarlarda geniş yayılaraq, una, dənə,
quru meyvələrə və s. zərər vurur.
Zərərvericinin axırıncı yaşda olan tırtılları baramalar içərisində qışlayır.
Yazda tırtıllar pup halına keçir və bir müddətdən sonra kəpənəklər uçur.
Kəpənəklər gecələr fəaldır. Onlar un, dən və başqa məhsullara, kisələrə yumurta
qoyur. Yumurtadan çıxan tırtıl dərhal qidalanmağa başlayır və hörümçək sapları
vasitəsilə undan borular əmələ gətirir. İnkişafını başa çatdırmış tırtıllar divarlarda,
kisələr üzərində puplaşır. Yayın axırlarında puplardan kəpənəklər uçur.
Tırtıllar un və başqa məhsullarla qidalanaraq onları öz ifrazatları və
dəyişdikləri qabıqla çirkləndirir. Bundan başqa unu hörümçək toru ilə toplayıb bir
yerə yığır və onu yararsız hala salır. İl ərzində 2-3 nəsil verməsi ehtimal olunur.
Cənub anbar odlucası (Plodia interpuntella HG.) - Kəpənəklər
(Lepidoptera) dəstəsinin odlucalar (Pyralidae) fəsiləsinə mənsubdur.
Kəpənəyin ön qanadları ensizdir, qəhvəyi rəngdədir. Qanadlar açılan zaman
13-18 mm uzunluqdadır.
Yumurtası ovalvaridir, ağ, yaxud sarı rəngdədir. Uzunluğu 0,5 mm-dir.
Tırtılın bədəni sarı, başı açıq-qəhvəyidir. Uzunluğu 13 mm-ə çatır. Pupu qəhvəyi
rəngdədir.
Cənub anbar odlucası geniş yayılmaqla, xüsusilə qarğıdalı ununa, dənlərə,
qoz ləpəsinə, müxətlif konfetlərə, meyvə məhsullarına zərər verir.
Zərərverici əksər hallarda tırtıl, nadir hallarda isə pup halında qışlayır.
Apreldə uçan kəpənəklər gecə həyat tərzi keçirirlər. Bir dişi kəpənək qidalandıqları
məhsullar üzərinə tək-tək yumurta qoyur. Bir dişi fərd 200-ə qədər yumurta qoya
105
bilir. Yumurtadan çıxan tırtılların inkişafı 1-2 aya başa çatır. İnkişafını başa
çatdırmış tırtıllar yarımşəffaf barama içərisində puplaşır. Pupdan 8-10 gün sonra
kəpənək uçur. Beləliklə, zərərvericinin bir nəslinin inkişafı əlverişli şəraitdə 40-65
gün davam edir. Tırtıllar ipək sapdan xüsusi yuvalar düzəldir, onların içərisində
yaşayır və fəaliyyət göstərir. Belə yuvalar un, dən, qurudulmuş meyvələrlə
qidalandıqda əmələ gətirilir. İl ərzində 3-4 nəsil verməsi ehtimal olunur.
Un odlucası (Pyralis farinalis L.) - Kəpənəklər (Lepidoptera) dəstəsinin
odlucalar (Pyralidae) fəsiləsinə mənsubdur.
Kəpənəyin ön qanadları arxa qanada nisbətən ensizdir, arxa qanad isə
enlidir. Ön qanadloar bənövşəyi-qəhvəyidir, dal qanadlar isə bozumtuldur.
Qanadlar açılan zaman uzunluğu 20-25 mm-dir.
Tırtılın bədəni çirkli-ağ, yaxud sarımtıl-boz rəngdədir. Pupu qəhvəyidir,
uzunluğu 9-12 mm-dir.
Əsasən natəmiz saxlanılan anbar və dəyirmanlarda külli miqdarda artan un
odlucası una, dənə, kəpəyə və s. zərər verərək onları öz ekskrementi və hörümçək
sapları ilə çirkləndirir.
Dişi kəpənək yumurtasını koma halında un və digər məhsullar üzərinə
qoyur. Qoyulmuş yumurtalardan çıxan tırtıllar hörümçək sapları vasitəsilə boru
şəklində yollar düzəldir və onun daxilində qidalanır. İnkişafını başa vuran tırtıl
həmin borunun içərisində də puplaşır. Zərərverici il ərzində 2 nəsil verir.
Anbar güvəsi (Nemapogen granellus L.) - Kəpənəklər (Lepidoptera)
dəstəsinin həqiqi güvələr (Tineidae) fəsiləsinə mənsubdur.
Kəpənəyin ön qanadları ağ rəngdədir, üzərində qara, qonur ləkələr və
nöqtələr vardır. Qanadlar açılan zaman böyüklüyü 9-14 mm-dir.
Yumurtası kiçik, sarımtıl rəngdədir və ovalvaridir. Tırtılır çirkli-ağ, yaxud
sarımtıl-ağ rəngdədir. Axırıncı yaşda tırtılın uzunluğu 10 mm-dir.
Pupu qonur rəngdə olub, uzunluğu 4-7 mm-dir.
Anbar güvəsi geniş yayılmışdır. O, buğda, arpa, çovdar, vələmir dənlərinə,
suxarıya, yemiş və qabaq toxumuna zərər verir. Zədələnmiş dənlər qida kimi
yarasız hala düşür.
106
Zərərvericinin axırıncı yaşlı tırtılı barama içərisində qışlayır. Yazda tırtıl
barama içərisində puplaşır.
Pupun inkişafı 10-15 günə başa çatır və sonra kəpənək uçur. Dişi kəpənəklər
anbarda dənlər üzərinə dağınıq halda 1-3 ədəd yumurta qoyur. Bir dişi fərd 100-ə
qədər yumurta qoyur. Qoyulmuş yumurtanın embrional inkişafı 10-15 gün çəkir və
tırtıl çıxır. Tırtıllar dənin daxilini yeyir və bir neçə dəni hörümçək sapı vasitəsilə
bir-birinə birləşdirir. Bir tırtıl inkişafı dövründə 25-30 ədəd dəni zədələyə bilir.
Payızda inkişafını başa çatdıran tırtıllar dənin daxilindən çıxıb anbarın
müxtəlif yerlərinə – divarlara, dirəklərə və s. bu kimi yerlərə lırmaşaraq barama
düzəldir və onun içərisində yaza qədər sakitlik halında qalırlar.
Anbar güvəsi il ərzində bir nəsil verir.
Anbar zərərvericiləri ilə mübarizə tədbirləri
Anbar zərərvericiləri ilə mübarizə tədbirləri 2 qrupa bölünür: qarşısını alan
və məhvedici.
Qarşısını alan mübarizə tədbirlərinin həyata keçirilməsində məqsəd
məhsulların saxlanılmasından ötrü əlverişli, zərərvericilərin çoxalması üçün
əlverişsiz şərait yaratmaqdan ibarətdir.
Bunun üçün boş anbarlar yeni məhsulun qəbul edilməsinə hazırlanmalıdır.
Bu məqsədlə məhsul saxlanılacaq yerlər zibildən, tozdan və başqa qalıqlardan
təmizlənməlidir. Zibildən təmizlənmiş döşəmə altına 1-2 sm qalınlığında təzə
söndürülmüş əhəng tozu səpilməlidir.
Toplanmış bütün zibil binadan kənara çıxarılaraq yandırılmalıdır. Göstərilən
bu tədbirlər ardıcıl olaraq bütün il boyu həyata keçirilməlidir.
Anbarlara normal rütubətliyə malik olan dənlər tökülməlidir. Bütün
məhsullar vaxtında havalandırılmalıdır. Bunun üçün dən və dən məhsulları
saxlanan anbarlarda havadəyişən sistem olmalıdır.
Məhvedici mübarizə tədbirlərinə mexaniki, fiziki və kimyəvi tədbirlər
aiddir.
107
Mexaniki tədbir olaraq, əgər dən məhsulları anbar və un gənələri ilə
yoluxarsa, o zaman dən tığının üzərində olan yuvalar dırmıqlanıb toplanmalı və
məhv edilməlidir.
Un böcəkləri ilə yoluxmuş un isə ələkdən keçirilərək sürfələrin əmələ
gətirdikləri un topalarından azad edilməlidir.
Fiziki mübarizə tədbiri olaraq yuxarı və aşağı temperaturdan istifadə
edilməlidir. Süni qızdırıcılar (elektrik və qaz) vasitəsilə anbarda +500S-dən yuxarı
temperatur yaradılır ki, bu da zərərvericilərin məhv olmasına səbəb olur.
Temperatur +100S-dən aşağı olarsa zərərvericilərin fəaliyyəti zəifləyir. Sıfır
dərəcədə həşəratlar və gənələr məhv olur.
Anbar zərərvericilərilə kimyəvi mübarizə məqsədilə bir sıra tədbirlərdən, o
cümlədən anbarların aerozol üsulu ilə dərmanlanmasından, yaş üsul ilə
dezinfeksiyadan, binaların qaz halında təsir edən zəhərlərlə fumiqasiyasından,
dənlərin zərərsiz qaz halında olan paraşoklarla dərmanlanması və s. bu kimi
tədbirlərdən istifadə edilir.
Anbar və düyü uzunburun böcəklərə qarşı mübarizədə anbarın hər 1m2-ə 0,5
qr aktelik preparatı çiləndikdə qeyd edilən zərərvericilər 24 saatdan sonra 100%
məhv olur.
Anbarlar aerozol üsulu ilə dərmanlanmalıdır. Bu məqsədlə aerozol
generatorundan istifadə edilir. Dərmanlama zamanı boş anbar zibildən
təmizlənməlidir. Bundan sonra generatorun ucluğu pəncərə və ya qapıdan içəri
salınıb aerozol buraxılır və binanın içərisi duman təbəqəsi ilə doldurulur. İçərisində
aerozol dumanı olan bina 24-48 saat qapalı saxlanmalı və sonra havalanma
aparılmalıdır. Aerozol almaq üçün texniki heksaxloranın yaşıl yağda həll olunmuş
15%-li məhlulu istifadə olunur. Hər bir 1m3 həcmə 10-20 ml məhlul sərf
edilməlidir.
Qazlamada karbon-sulfid, xlorpikrin və dixloretandan istifadə edilir.
Xlorpikrin çiləyici aparatla binanın tavanına çilənir. Bundan başqa
xlorpikrin isladılmış kisələri tavandan da asmaq olar. Boş binanı qazladıqda hər
108
1m3-ə 15-20 qr, dənlə dolu olduqda isə hər 1m3-ə 25-40 qr xlorpikrin sərf
edilməlidir.
Siçanabənzər gəmiricilərə qarşı tələlərdən istifadə etmək olar. Kimyəvi
mübarizədə aldadıcı yemlərdən istifadə etmək olar. Bu məqsədlə 1 kq buğda çörəyi
xırda doğranmalı, 40-50 qr bitki yağı və 10 qr sink-fosfid ilə qarışdırılmalıdır.
Hazırlanmış aldadıcı yem siçan yuvasının ağzına 1-2 qr hesabilə qoyulmalıdır.
Mövzu 14. Tərəvəz və bostan bitkilərinin zərərvericiləri
və onlarla mübarizə tədbirləri
İsmayıl-zadə N.N.
Məmmədov V.Ə.
PLAN:
1. Kələm mənənəsi və bəzəkdi kələm bağacığının morfoloji quruluşu, bioloji xüsusiyyətləri, onlarla mübarizə tədbirləri.
2. Kələm ağ kəpənəyi, kələm güvəsi, kələm sovkası və turp ağ kəpənəyinin morfoloji quruluşu və bioloji xüsusiyyətləri, onlarla mübarizə tədbirləri.
3. Birəciklər və kələm gövdə gizli xortumlusunun morfoloji quruluşu, bioloji xüsusiyyətləri, onlarla mübarizə tədbirləri.
4. Kələm milçəyi və soğan milçəyinin morfoloji quruluşu, bioloji xüsusiyyətləri, onlarla mübarizə tədbirləri.
5. Bostan mənənsi və yemiş milçəyinin morfoloji quruluşu, bioloji xüsusiyyətləri, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Xəlilov B.B., Quliyev Ç.S. – Azərbaycanda bostan bitkilərinin zərərvericiləri və onlarla mübarizə tədbirləri. Gəncə, 1990
3. Alaoglu Ö., Boyraz N. - Bitki koruma. Selçuk Üniversitesi, Ziraat
Guncan A.,BAştaş K.K. fakültəsi, Bitki koruma bölümü, 2014, 265 s.
109
4. Горбацов И.В., Грилченко В.В., Захваткин Ю.А. Зашита растений отвредителей Москва, 2002, 472с
GƏNCƏ - 2017
Mövzu 14. Tərəvəz və bostan bitkilərinin zərərvericiləri
və onlarla mübarizə tədbirləri
Tərəvəz və bostan bitkilərinə bir sıra polifaq (müxtəlif bitkilərlə qidalanan)
zərərvericiləri zərər vurur. Onlardan düzqanadlılar dəstəsinin bütün nümayəndələri
(çəyirtkələr, şalalar, sisəklər, danadişi), lövhəbığ böcəklərin sürfələri, məftil qurdu,
sovkalar və s. göstərmək olar.
Bunlarla yanaşı tərəvəz və bostan bitkilərinə zərər verən bir sıra
xüsusiyyətlənmiş zərərvericilər mövcuddur. Bunlar aşağıdakılardan ibarətdir.
Kələm mənənəsi (Brevicoryne lrassicae L.) – Bərabərqanadlılar dəstəsi
(Homoptera), mənənələr fəsiləsinin (Aphididae) nümayəndəsidir.
Yetkin fərdin bədəni yumurtavaridir, üzəri mumabənzər örtüklə örtülüb.
Uzunluğu 1,9-2,3 mm-dir. Yumurtası ovalvaridir, qara rənglidir, uzunluğu 0,5
mm-dir.
Zərərverici yetkin, sürfə və yumurta fazasında yabanı xaççiçəkli bitkilər
üzərində qışlayır.
Qışlamadan çıxan fərd əvvəlcə yabanı xaççiçəkli bitkilərlə qidalanır və
sonra isə kələm bitkisi üzərinə keçir.
Bir dişi fərd 40-a qədər diri sürfə doğur. Bir nəslin inkişafı 10-15 gündə başa
çatır. Bakirə yolla çoxalır. İl ərzində 16-ya qədər nəsil verir.
Mübarizə tədbirləri.
1. Bitkinin inkişafını sürətləndirmək üçün mütərəqqi aqrotexniki tədbirlər
həyata keçirilməlidir.
2. Müntəzəm olaraq yabanı xaççiçəkli bitkilər məhv edilməlidir.
110
3. Zərərvericinin məhv edilməsində xeyirli yırtıcı həşəratlardan 7 və 2
nöqtəli parabüzən və qızılgözün böyük rolu vardır.
4. Kimyəvi mübarizədə 2,5%-li desis (0,4-0,5 l/ha, Sumi-alpha (0,3-0,4
l/ha), Lannate (35-50 ml/10 lt), Avaunt (50-100 ml/10lt) s. preparatlarla çiləmə
aparılması məsləhət bilinir.
Bəzəkli kələm bağacığı (Eurydema ventralis Rol.) – Yarımsərt qanadlılar
dəstəsi (Hemiptera), qalxanlılar fəsiləsinin (Pentatomidae) nümayəndəsidir.
Yetkin fərdin ön kürəkciyi qırmızı olmaqla, üzərində 6 qara ləkə vardır.
Uzunluğu 9-10 mm-dir.
Yumurtası çəlləkşəkillidir, böyüklüyü 1 mm-dir. Sürfəsi qırmızıdır, yetkin
fərdə oxşayır.
Zərərverici yetkin halda bağda, meşədə xəzəllərin, otların və bitki
qalıqlarının altında qışlayır. Erkən yazda yetkin fərdlər qışlamadan çıxıb, əvvəlcə
yabanı xaççiçəkli və sonra kələm bitkisi ilə qidalanırlar.
Erkək və dişi fərdlər cütləşdikdən sonra dişi fərdin yumurtası mayalanır və
dişi fərdlər yarpaq üzərinə iki cərgədə 12 ədəd olmaqla yumurta qoyur. Qoyulmuş
yumurtalardan 10-12 gündən sonra sürfələr çıxır. Sürfələr 4-5 dəfə qabıq
dəyişmədən sonra yetkin fərdə çevrilirlər.
Yetkin fərdlər, eləcə də sürfələr kələm bitkisinin yarpaqları ilə qidalanaraq
dairəvi zədələr əmələ gətirir ki, bu da baş bağlamaya mənfi təsir göstərir.
Bir nəslin inkişafı 25-30 gündə tamamlanır. İldə 2 nəsil verir.
Mübarizə tədbirləri.
1. Yabanı xaççiçəklilər məhv edilməlidir. Şitillər erkən əkilməli və digər
aqrotexniki tədbirlər həyata keçirilməlidir.
2. Əkin sahəsinə yaxın bağlarda və meşə qoruyucu sahələrdə olan xəzəllər
toplanıb yandırılmalıdır.
3. Kimyəvi mübarizədə 2,5%-li desis (0,4-0,5 l/ha, Sumi-alpha (0,3-0,4
l/ha), Lannate (35-50 ml/10 lt), Avaunt (50-100 ml/10lt) s. preparatlarla çiləmə
aparılması məsləhət bilinir.
111
Kələm ağ kəpənəyi (Pieris brassicae L.) – Pulcuqqanadlılar dəstəsi
(Lepidoptera) ağ kəpənəklər (Pieridae) fəsiləsinin nümayəndəsidir.
Yetkin kəpənək ağ rəngdədir, ön qanadı üzərində uc hissədə qara ləkə
vardır. Qanadları açılan halda uzunluğu 55-60 mm-dir.
Yumurtası sarı rəngdə olub, uzunsovdur. Uzunluğu 1,25 mm-dir.
Tırtılın bədəni üst tərəfdən yaşıl və alt tərəfdən sarıdır, üzərində qara
nöqtələr vardır. 3 cüt döş ayağı və 5 cüt qarıncıq ayaqlarına malikdir. Yaxırıncı
yaşda uzunluğu 40 mm-ə çatır.
Zərərvericinin pupları qışlayır. Aprel ayının əvvəllərində qışlamış puplardan
çıxan kəpənəklər bir müddət alaq otlarının və mədəni bitkilərin çiçəklərinin nektar
şirəsi ilə qidalanır və bir müddətdən sonra dişi fərdin yumurtalığında olan
yumurtalar yetişir və erkək-dişi fərdlər cütləşir, mayalanma prosesi gedir. Bundan
sonra dişi fərdlər kələm bitkisinin yarpaqlarının alt səthinə topa halında yumurta
qoyur. Yumurtanın embrional inkişafı 6-13 gündə başa çatır.
Bir dişi fərd 250 ədəd yumurta qoya bilir. Yumurtadan çıxan tırtılın inkişafı
20-25 gündə başa çatır və onlar bitki üzərində pup halına keçir, 10-15 gündən
sonra puplardan yetkin kəpənəklər uçur. İl ərzində 3-4 nəsil verir.
Zərərvericinin əsasən tırtılları zərər vurur. Tırtıllar kələmin yarpaqlarının ətli
hissəsini tamamilə yeyir. Belə zədələnmiş yarpaqlar quruyur və baş bağlaya bilmir.
Mübarizə tədbirləri.
1. Yabanı xaççiçəklilər və digər alaq otları məhv edilməlidir.
2. Təbiətdə olan apanteles tüfeylisi tırtılların məhv edilməsində fəal iştirak
edir. Bəzi illərdə tırtılların tüfeyli tərəfindən yoluxması 70-90% -ə qədər olur.
3. Kimyəvi mübarizə kələm baş bağlayana qədər aparılmalıdır.
4. Xəstəlik törədən mikrobioloji preparatlardan entobakterin - 3-4 kq/ha,
baverin - 3 kq/ha və dendrobasilin-100 preparatından 1 kq/ha suspenziyaları ilə
çiləmə aparılmalıdır.
5. Kimyəvi mübarizədə Karate Zeon (0,1 l/ha), Koru-alfa 5 (0,2 l/ha)
emulsiyası ilə çiləmə aparılması məsləhət bilinir.
112
Kələm güvəsi (Plutella maculipennis C.) – Kəpənəklər (Lepidoptera)
dəstəsi, güvələr (Plutellidae) fəsiləsinin nümayəndəsidir.
Yetkin fərd bozumtul-qonur, yaxud qəhvəyi rəngdədir. Arxa qanadlar
saçaqlıdır. Qanadları açıq halda 14-17 mm-dir.
Yumurtası ovalvaridir, açıq sarıdır, uzunluğu 0,4-0,5 mm-dir. Tırtılları
yaşıldır, 3 cüt döş ayağı və 5 cüt qarıncıq ayaqları vardır. Uzunluğu 9-12 mm-dir.
Zərərverici yabanı xaççiçəklilər və məhsul qalıqları üzərində tor barama
içərisində pup halında qışlayır.
Yazda (apreldə) qışlamış puplardan kəpənəklər uçur. Bir müddət qidalanır,
cütləşir və yarpaqların alt səthinə, damarlar boyu yumurta qoyur. Bir dişi fərd 300
ədədə qədər yumurta qoyur. Qoyulmuş yumurtanın embrional inkişafı 3-7 gündür.
Tırtılın inkişafı 9-15 günə başa çatır, bundan sonra onlar ağ barama toxuyub orada
puplaşır və 7-10 gündən sonra kəpənək uçur. İldə 5-dən az olmayaraq nəsil verir.
Mübarizə tədbirləri.
1. İl boyu yabanı xaççiçəkli bitkilər məhv edilməli, məhsul yığıldıqdan sonra
bitki qalıqları sahədən çıxarılmalıdır.
2. Tırtıllara qarşı mübarizədə mikrobioloji preparatlardan entobakterin-3 (3-
4 kq/ha), dendrobasilin-100 (1-1,2 kq/ha) və boverin (3 kq/ha) preparatlarının
suspenziyası çilənməlidir.
3. Kimyəvi mübarizədə Karate Zeon (0,1 l/ha), Koru-alfa 5 (0,2 l/ha)
emulsiyası ilə çiləmə aparılması məsləhət bilinir.
Kələm sovkası (Mamestra brassicae L.) - Kəpənəklər (Lepidoptera)
dəstəsi, gecə kəpənəkləri (Noctuidae) fəsiləsinin nümayəndəsidir.
Yetkin kəpənəyin ön qanadları bozumtul-qonur rəngdədir. Üzərində 3 ləkə –
böyrəkşəkilli, dairəvi və paz şəkilli vardır. Qanadları açılan zaman böyüklüyü 50
mm-dir.
Yumurta yarım kürəvaridir, sarımtıl rəngdədir, böyüklüyü 0,5 mm-dir.
Tırtıllar yaşımtıl-boz, yaxud qonur rəngdədir. Axırıncı yaşda uzunluğu 50
mm-dir.
113
Pupu qırmızımtıl-qəhvəyidir, uzunluğu 20-25 mm-dir. Əsasən respublikanın
dağlıq və dağətəyi rayonlarında çox yayılmışdır.
Zərərverici torpağın üst qatında 6-12 sm dərinlikdə pup halında qışlayır.
Aprel ayının əvvəli və mayın əvvəlində qışlamış puplardan kəpənəklər uçur,
qidalanır, cütləşir və yumurta qoyur. Yumurtalar topa halında (bir topada 100-200
ədəd) yarpağın alt səthinə qoyulur. Bir dişi fərd 1500 ədədə qədər yumurta qoya
bilir.
Yumurtanın embrional inkişafı 10-15 gün çəkir. Tırtıllar 45-60 gündə
inkişafını başa çatdırır, bu müddətdə 5 dəfə qabıq dəyişir və 6 yaş keçirir.
İnkişafını başa çatdırmış tırtıllar torpağa düşür və orada pup halına keçir. İkinci
nəslin inkişafı da birinci nəsildəki kimi gedir. İldə 2 nəsil verir.
Tırtıllar əsasən yarpaqlarla qidalanır, kələm baş bağladıqda isə yumrunu
deşərək onun içərisinə girib orada qidalanır. Belə zədələnmiş baş yumrusu öz
əmtəəlik dəyərini itirir və çürüyür.
Mübarizə tədbirləri.
1. Alaqlarla müntəzəm olaraq mübarizə aparılmalıdır.
2. Məhsul yığıldıqdan sonra bitki qalıqları sahədən çıxarılmalı və dərin
dondurma şumu aparılmalıdır.
3. Bitkinin inkişafını sürətləndirmək məqsədilə üzvi və mineral gübrələr
vaxtında verilməlidir.
4. Vegetasiya dövründə tırtıl və yumurtalar əllə yığılıb məhv edilməlidir.
5. Xəstəlik törədən mikrobioloji preparatlardan istifadə edilməsi
məsləhətdir.
6. Kimyəvi mübarizədə Karate Zeon (0,1 l/ha), Koru-alfa 5 (0,2 l/ha), Dentiz
2,5% (0,3 kq/ha) preparatlarının emulsiyası ilə çiləmə aparılması məsləhət bilinir
Turp ağ kəpənəyi (Pierisrapae L.) - Kəpənəklər (Lepidoptera) dəstəsi, ağ
kəpənəklər (Pieridae) fəsiləsinə mənsubdur.
Yetkin kəpənək kələm ağ kəpənəyinə oxşardır, ancaq ondan kiçikdir (40
mm).
114
Yumurtası çəlləkvaridir, açıq sarımtıl rəngdədir. Tırtıllar yaşılımtıl
rəngdədir, uzunluğu 20-25 mm-dir. Zərərverici pup halında quru çöplər üzərində
qışlayır.
Dişi fərd yumurtasını yarpağın alt və üst səthinə tək-tək qoyur. Yumurtanın
embrional inkişafı 5-10 gündür. Tırtılın inkişafı 20-30 gündə başa çatır. ildə 4-5
nəsil verir.
Zərərvericinin fəaliyyəti nəticəsində məhsulun kəmiyyəti azalır, əksər halda
zədələnmiş kələm başı çürüyür və onu uzun müddət saxlamaq olmur.
Mübarizə tədbirləri.
Kələm ağ kəpənəyinə qarşı aparılan mübarizə tədbirləri bu zərərvericiyə
qarşı da tətbiq edilə bilər.
Birəciklər – Böcəklər (Coleoptera) dəstəsi, yarpaqyeyənlər (Chrysomelidae)
fəsiləsinin nümayəndəsidir.
Bir neçə növü vardır: ağayaq, zolaqlı, göy və qara birəcik. Birəciklər
atlandırıcı ayaqlara malik olan 2-3 mm böyüklükdə böcəklərdir. Yumurtası
ovalvaridir, sarı rəngdədir. Böyüklüyü 0,3-0,4 mm-dir.
Sürfəsi açıq sarıdır və 3 cüt döş ayağı vardır. Pupu sərbəstdir, sarımtıldır.
Zərərverici yetkin halda torpağın üst qatında və bitki qalıqları altında
qışlayır.
Mayın əvvəlində qışlamadan çıxan böcəklər əvvəlcə yabanı xaççiçəkli
bitkilərlə qidalanır, sonra isə mədəni bitki üzərinə keçir.
Zərərvericinin yetkini və sürfələri kələm bitkisinin yarpaqları ilə
qidalanaraq, nəticədə yarpaqlarda yara kimi kiçik çökəkciklər əmələ gəlir. Bir
müddətdən sonra çökəkciklər deşilir. Zərərverici il ərzində 2 nəsil verir.
Mübarizə tədbirləri.
1. Alaq otları məhv edilməli və bitki qalıqları sahədən çıxarılmalı və dərin
dondurma şumu aparılmalıdır.
2. Mütərəqqi aqrotexniki tədbirlər həyata keçirilməlidir.
3. Kimyəvi mübarizədə 2,5%-li Dentiz (0,3 kq/ha) və ya Lannate (250
ml/100l su) preparatlarından istifadə edilməsi məsləhətdir.
115
Kələm gövdə gizli xortumlusu (Ceuthorrhynchus quadridens Pz) –
Böcəklər dəstəsinin (Coleoptera) uzunburun böcəklər fəsiləsinə (Curculaionidae)
mənsubdur.
Böcəyin xortumu uzun və nazikdir. Qara rəngdədir, böyüklüyü 2,5-3,2 mm-
dir.
Yumurtası ovalvaridir, uzunluğu 0,4-0,5 mm-dir. Sürfəsi sarımtıl, yaxud ağ
rəngdədir. Uzunluğu 2,5 mm-dir.
Zərərverici aprelin axırı, mayın əvvəlində qışlamadan çıxır və bir müddət
qidalanır, yarpaq damarları və gövdələrin qabıqları altına yumurta qoyur. Bir dişi
böcək 40-a qədər yumurta qoyur. Rüşeymin inkişafı 4-8 gün çəkir. Yumurtadan
çıxan sürfələr gövdənin daxilinə keçib özək hissəsi ilə qidalanır. Sürfə təxminən 30
gün qidalanır, 3 dəfə qabıq dəyişir, 4 yaş keçirir. İnkişafını başa çatdırmış sürfələr
gövdə daxilindən çıxıb torpağa düşür, yuva düzəldir və orada pup halına keçir. 2-3
həftədən sonra pupdan yeni böcək çıxır. Neçə nəsil verməsi müəyyən edilməyib.
Mübarizə tədbirləri.
1. Aqrotexniki tədbirlər həyata keçirilməlidir.
2. Kimyəvi mübarizədə 5%-li karate – 0,4 l/ha, 2,5%-li desis – 0,3-0,4 l/ha
emulsiyaları ilə çiləmə aparmaq olar.
Kələm milçəyi (Anthomyinae) – İkiqanadlılar (Diptera) dəstəsi, həqiqi
milçəklər (Musridae) fəsiləsinə mənsubdur.
Əsasən 2 növ – yaz (Delia brassicae B.) və yay milçəklərinə (Delia floralis
Fall) təsadüf edilir.
Kələm milçəkləri yalançı barama içərisində torpağın 3-20 sm dərinliyində
qışlayır. Qışlamadan çıxan dişi fərdlər torpağa yumurta qoymağa başlayır. Bir dişi
fərd 150-yə qədər yumurta qoya bilir. Rüşeymin inkişafı 5-10 gündə başa çatır.
Sürfələr kələmin kökü ilə qidalanır. Sürfənin inkişafı 3-4 həftə çəkir və onlar
torpağa keçib puplaşır. Neçə nəsil verməsi müəyyən edilməyib.
Soğan milçəyi (Delia Antiqua Mg.) - İkiqanadlılar (Diptera) dəstəsi, çiçək
milçəkləri (Anthomyidae) fəsiləsinin nümayəndəsidir.
116
Yetkin milçəyin rəngi bozdur. Uzunluğu 5-7 mm-dir. Yumurtası
uzunsovdur, uzunluğu 1 mm-dir.
Sürfəsi ağ rəngdədir, ayaqsızdır. Uzunluğu 10 mm-ə çatır.
Yalançı barama tünd-qəhvəyidir. Zərərverici yalançı barama içərisində
torpağın 10-20 sm dərinliyində qışlayır.
Dişi fərdlər yumurtalarını yarpaq və soğanaq pulcuğu üzərinə qoyur.
Yumurtanın rüşeym inkişafı 3-5 gün çəkir. Yumurtadan çıxan sürfə soğan yumrusu
içərisinə girib orada qidalanır. Sürfənin inkişafı 15-20 gündür. İnkişafını başa
çatdıran sürfələr soğan yumrusu içərisindən çıxıb torpaqda yalançı barama
içərisində pup halında qışlayır. İldə 2-3 nəsil verir.
Zərərvericinin sürfələri soğan başının içərisinə girib orada qidalanır. Belə
zədələnmiş yumruların əmtəəlik dəyəri aşağı düşür və belə yumrulardan ərzaq kimi
istifadə etmək olmur.
Mübarizə tədbirləri.
1. Mütərəqqi aqrotexniki tədbirlər həyata keçirilməlidir.
2. Kimyəvi mübarizədə 35%-li fozalon – 2 l/ha, 2,5%-li desis – 0,4 l/ha
preparatlarından istifadə etmək olar.
Bostan bitkilərinin zərərvericiləri. – Bostan bitkilərinə ən çox bostan
mənənəsi və yemiş milçəyi zərər verir.
Bostan mənənəsi (Aphis gossyypii G.) - Bərabərqanadlılar dəstəsi
(Homoptera), mənənələr fəsiləsinin (Aphididae) nümayəndəsidir. Bu zərərverici
respublikamızda geniş yayılıb qarpıza və yemişə zərər vurur.
Bostan mənənəsi yetkin və sürfə halında bitki qalıqları altında və alaq otları
üzərində qışlayır. Mart-aprel aylarında qışlamadan çıxan yetkin və sürfələr ilk dəfə
inkişaflarını alaq otları üzərində keçirir, sonra isə qarpız və yemiş cücərtiləri əmələ
gəldiyi dövrdə onların üzərinə keçərək qidalanır. Zərərverici az bir zamanda
çoxalaraq yarpaqların alt səthinə kalonya şəklində toplanaraq hüceyrə şirəsini
sormaqla qidalanır. Nəticədə hüceyrə şirəsi sorulmuş yarpaqlar qıvrılır, inkişafdan
qalır və bitki zəifləyir. Bostan bitkiləri üzərində mənənəyə ən çox may, iyun və
sentyabr aylarında təsadüf edilir. bostan mənənəsi il ərzində 18-20 nəsil verir. Bir
117
nəslin inkişafı 10-12 gündə başa çatır. Bakirə yolla, yəni diri bala doğmaqla
çoxalır. Zərərvericinin 3-4 nəslinin inkişafı alaq otları üzərində gedir, qalan
nəsillərin inkişafı isə bostan bitkiləri üzərində gedir.
Mübarizə tədbirləri.
1. Müntəzəm olaraq alaq otları məhv edilməlidir.
2. Bitkinin inkişafını yüksəltmək məqsədilə aqrotexniki tədbirlər kompleksi
həyata keçirilməlidir.
3. Kimyəvi mübarizədə desis – 0,4-0,5 l/ha, poliqor – 2 l/ha və Bİ-58
(YENİ)– 2 l/ha preparatlarının biri ilə çiləmə aparmaq olar.
Yemiş milçəyi (Myiopardalis pardalina Big) - İkiqanadlılar (Diptera)
dəstəsi, əlvan qanadlılar (Tephritidae) fəsiləsinin nümayəndəsidir.
Yetkin fərd sarı rəngdədir, kürəyində parlaq qara ləkə vardır. Uzunluğu 5,5-
6,5 mm-dir. Sürfəsi ağ rəngli olub, ayaqsızdır, uzunluğu 10 mm-dir.
Yemiş milçəyi yalançı barama halında torpağın 2-18 sm dərinliyində
qışlayır. Yemiş bitkisinin çiçəkləmə fazasında milçəklər yalançı baramalardan
uçması başlayır. Yetkin fərdlər yumurtaqoyanı ilə yemiş meyvəsini deşərək oradan
çıxan şirə ilə qidalanır. Dişi fərdlər uçduqdan 5-6 gün sonra yumurta qoymağa
başlayır. Yumurtalar yemiş meyvəsinin qabığı altına qoyulur. Bir dişi fərd 25-ə
qədər yumurta qoya bilir. Qoyulmuş yumurtanın embrioanl inkişafı 3-5 gün çəkir.
Yumurtadan çıxan sürfə 10-18 gün qidalanır. Belə ki, onlar yemişin lətli hissəsi ilə
qidalanaraq, orada izlər açır, hətta toxuma qədər gedib onunla da qidalanır.
İnkişafını başa çatdırmış sürfələr torpağa keçir və orada yemişin içərisində
puplaşır, 10-15 gündən sonra yeni nəslin milçəkləri uçur. İl ərzində 2 nəsil verir.
Mübarizə tədbirləri.
1. Məhsul yığıldıqdan sonra dərin dondurma şumu aparılmalıdır.
2. Növbəli əkin sisteminə əməl edilməlidir.
3. Yemiş milcəyinə qarşı Korsulfan 36 (3 l/ha) preparatı ilə çiləmə
aparılması məsləhət görülür. Dərmanlama 10-12 gündən sonra təkrar edilməlidir.
118
Mövzu 15. Pambıq və tütün bitkilərinin zərərvericiləri
və onlarla mübarizə tədbirləri
İsmayılzadə N.N.
Məmmədov V.Ə.
PLAN:
1. Pambıq və yonca mənənəsinin morfoloji quruluşu, bioloji xüsusiyyətləri, onlarla mübarizə tədbirləri.
2. Tütün tripsininin morfoloji quruluşu və bioloji xüsusiyyətləri, onunla mübarizə tədbirləri.
3. Pambıq sovkası, payızlıq əkin sovkası və tor gənəsinin morfoloji quruluşu, bioloji xüsusiyyətləri, onlarla mübarizə tədbirləri.
4. Tütün mənənəsi və fır nematodunun morfoloji quruluşu, bioloji xüsusiyyətləri, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Əliyev S. - Pambığın bar orqanlarına zərər verən sovkalar. Bakı, 1981 3. Məmmədova S.R., Əsgərov H.Y., Hüseynov C.H. – Azərbaycanda
pambıq bitkisinin zərərvericilərdən, xəstəliklərdən və alaq otlarından mühafizəsinə dair tədbirlər sistemi. Bakı, 1986.
4. Cəbrayıl H. Pambıq bitkisinin zərərvericilərinə qarşı inteqrir mübarizə. Gəncə, 2015.
5. Camalov H.İ., Səmədov İ.İ. – Trixoqramanın istehsalat şəraitində artırılması üsulları və pambıq sovkasına qarşı tətbiqi (dərs vəsaiti). Kirovabad, 1986
GƏNCƏ - 2017
Mövzu 15. Pambıq və tütün bitkilərinin zərərvericiləri
119
və onlarla mübarizə tədbirləri
Pambıq bitkisi zərif bitki olaraq bir sıra zərərvericilər tərəfindən zədələnir.
Pambıq bitkisi üzərində 200-ə yaxın həşərat və gənə növlərinə rast gəlmək olar.
Bir sıra polifaq həşəratlar müxtəlif illərdə kütləvi surətdə artaraq zərər vurur.
Bunlardan çəyirtkəkimiləri (Asiya, İtaliya, Mərakeş və s.), cırcıramaları, karadrina,
böyük pambıq mənənəsini, gövdə güvəsini və s. göstərmək olar.
Respublikamızın pambıq əkilən bütün bölgələrində geniş yayılan və zərər
verən xüsusiyyətlənmiş zərərvericilərdən pambıq (bostan) və yonca (akasiya)
mənənəsi, tütün tripsi, tor gənəsi, pambıq sovkası, payızlıq əkin sovkası və s. qeyd
etmək olar.
Mənənələr – Bərabərqanadlılar (Homoptera) dəstəsinin mənənələr
(Aphidinea) yarım dəstəsinə mənsubdur.
Respublikamızda pambığa ik növ mənənə zərər vurur: pambıq, yaxud bostan
(Aphis gossypii G.) və yonca, yaxud akasiya (Aphis craceivora K.) mənənəsi.
Pambıq mənənəsinin qanadsız dişi fərdləroinin rəngi olduqca dəyişkəndir,
sarıya, limonu-sarıya və tünd-qonura çalan rəngdə olur. Bığcıqları altı buğumludur.
Uzunluğu 1,25-2,1 mm-dir. Sürfələr yaşlarından asılı olaraq solğun-yaşıl və
sarımtıl-yaşıl rəngdə olur.
Yonca mənənəsi qonur və qonur-qara roəngdə olmaqla, pambıq
mənənəsindən fərqlənir.
Hər iki növün həyat tərzi, qidalanma xüsusiyyətləri, onlara qarşı mübarizə
tədbirləri, demək olar ki, eynidir.
Pambıq mənənəsi geniş yayılmaqla bir sıra mədəni və yabanı bitkilərlə
qidalanır. Pambıq mənənəsi əsasən yetkin halda, bəzən isə sürfə və nimfa halında
qışlayır. Bunlar qışlamadan çıxan zaman bağayarpağı, biyan, əməköməci və digər
bitkilərlə qidalanırlar.
Bir müddət keçdikdən sonra onlar yenicə cücərmiş pambıq bitkisi üzərinə
keçirlər və orada qidalanırlar. Pambıq mənənəsi bakirə yolla çoxalır.
120
Yazda havanın temperaturu 120S-dən yuxarı olduqda bu mənənə çoxalmağa
başlayır. Zərərvericiyə kütləvi halda may-iyun aylarında təsadüf edilir. Avqust və
iyul aylarında onların miqdarı nisbətən məhdudlaşır, zəif olur. Mənənənin inkişafı
üçün optimum temperatur 16-220S-dir. 250S-dən yuxarı temperatur mənənənin
inkişafına mənfi təsir edir.
Pambıq bitkisi üzərində ən çox iki dövrdə: yazda, pambıq cücərtiləri əmələ
gəldikdə və payızda qozalar açıldıqda təsadüf edilir. Məhsul yığıldıqdan sonra
mənənə yabanı bitkilər üzərinə keçərək qışlamaya gedirlər. Mənənə il ərzində 20-
yə qədər nəsil verir.
Mənənələr əsasən pambıq yarpaqlarının alt səthində olmaqla onun hüceyrə
şirəsini sorur. Sorma nəticəsində yarpaqlar qıvrılır, inkişafdan qalır, bunun
nəticəsində isə bitkinin inkişafı zəifləyir və məhsula mənfi təsir göstərir. Mənənə
eyni zamanda virus xəstəliklərini də yayır. Qozalar açıldığı dövrdə mənənələr
açılmış qoza üzərinə çıxıb yapışqanlı ifrazatı ilə lifləri çirkləndirir, ağımtıl örtük
əmələ gətirir və onu kəltənə çevirir. Belə çirklənməyə «ağ şirə» deyilir. Rütubətli
havada kif göbələkləri onları qara rəngə boyayır ki, buna da «qara şirə» deyilir.
Belə şirələnmiş liflərin emalı çətinləşir və keyfiyyəti aşağı düşür.
Mübarizə tədbirləri.
1. Yazın əvvəllərində pambıq əkiləcək sahənin kənarlarındakı və arxların
ətrafındakı alaq otları müntəzəm olaraq məhv edilməlidir.
2. Pambıq bitkisi sahəsi yanında bostan bitkiləri əkilməməlidir.
3. Bitkinin inkişafını sürətləndirmək məqsədilə müasir aqrotexniki tədbirlər
həyata keçirilməlidir.
4. Kimyəvi mübarizədə 2,5%-li desis – 0,4 l/ha, 40 %-li Roqor (1,5 l/ha),
Karate Zeon (0,1 kq/ha) preparatlarının emulsiyası ilə çiləmə aparılması
məsləhətdir.
5. Zərərvericilərin azalmasında təbiətdə mövcud olan yırtıcı parabüzən
böcəkləri və qızılgöz müsbət rol oynayır.
Tütün tripsi (Thrips tabaci L.) – Qovuqayaqlılar (Thysanoptera)
dəstəsinin, tripslər (Thripidae) fəsiləsinə mənsubdur.
121
Yetkin fərd açıq-sarımtıl rəngdə olmaqla üzərində qılçıqlar vardır. Bığcıqları
7 buğumludur. Uzunluğu 0,8-1 mm-dir.
Sürfələr yetkin fərdə oxşayır, ancaq bədəncə ondan kiçikdir. Yumurtası
böyrəkvaridir, şəffafdır. Uzunluğu 0,2-0,5 mm-dir. Tripsin yetkin fərdləri pambıq
və tütün bitkilərinə zərər verir. Zərərverici qışı yetkin halında torpağın üst səthində
və xəzəllərin altında keçirir. Aprelin ortalarından yetkin fərdlər qışlamadan çıxır və
mürəkkəbçiçəkli, eləcə də xaççiçəkli yabanı bitkilərlə qidalanaraq çoxalır.
Zərərvericinin 1-ci və 2-ci nəslinin inkişafı yabanı bitkilər üzərində gedir, sonra isə
onların inkişafı pambıq bitkisi üzərində gedir. Bir müddətdən sonra yetkin dişilər
yumurtalarını yarpaq saplaqlarının əsasında onun daxilinə qoyurlar. Bir nəslin
inkişafı 25-30 günə başa çatır. Çoxalma cinsi yolla gedir. Zərərverici il ərzində 6-8
nəsil verir.
Pambıq bitkisi üzərində tütün tripsinə may və iyun aylarında rast gəlinir.
Zərərvericinin pambıqla qidalanması nəticəsində yarpaqların alt səthində damarlar
boyu gümüşü ləkələr əmələ gəlir. Sonralar bu ləkələr quruyur və yerində yarıqlar
əmələ gəlir. Zədələnmə nəticəsində bitkinin böyüməsi zəifləyir və inkişafdan qalır.
Belə bitkilər körpə düşür.
Mübarizə tədbirləri.
1. Bütün il boyu yabanı mürəkkəbçiçəkli və xaççiçəkli bitkilər məhv
edilməlidir.
2. Məhsul yığıldıqdan sonra bitki qalıqları tarladan çıxarılmalı və dərin
dondurma şumu aparılmalıdır.
3. Zərərvericinin azalmasında parabüzən böcəkləri və yırtıcı trips böyük rol
oynayır.
4. Kimyəvi mübarizədə mənənəyə qarşı tətbiq edilən preparatlar tripsə qarşı
da tətbiq edilə bilər. Həmçinin Sumi-Alfa (0,5-0,6 l/ha) preparatından da istifadə
olunması məsləhət bilinir.
Tor gənəsi (Tetranychus urticae K.) – Gənələr dəstəsinin (Acariformes)
hörümçək gənələri (Tetranychidae) fəsiləsinə mənsubdur.
122
Yetkin gənə yaşılmtıl-sarı və ya narıncı rəngdə olur. Uzunluğu 0,36-0,47
mm, erkək fərdlər isə kiçik 0,22-0,28 mm böyüklükdədir. Yetkin fərdlərdə və
nimfalarda ayaqlar 4 cüt, sürfələrdə isə 3 cütdür. Yumurtası kürəvaridir, 0,14 mm
olub, adi gözlə çətin seçilir.
Zərərvericinin yetkin fərdləri bitki qalıqları altında qışlayır. Bundan başqa
qışlama kəsəklərin altında, tökülmüş yarpaq və qozaların altında keçirir. Qışlayan
gənələr qırmızı rəngdə olur və qışlamayan gənələrdən fərqlənir.
Qışlamış gənələr aprel ayının əvvəllərində, havanın gündəlik orta
temperaturu +100S-dən yuxarı olduqda qışlamadan çıxır və sarmaşıqla, qanqal,
bağayarpağı, zəncirotu və s. üzərində qidalanmağa başlayırlar. Havalar istiləşdikcə
alaq otlarının yarpaqları kobudlaşır və may-iyun aylarında onlar pambıq bitkisi
üzərinə keçərək onun yarpaqlarının hüceyrə şirəsini sormaqla qidalanmağa
başlayırlar.
Tor gənəsi alaq otlarından əvvəlcə tarlanın kənarlarındakı bitkilər üzərinə
keçir və sonradan oradan sahənin ortalarına yaylır. Bir dişi gənə 50-180-ə qədər
yumurta qoya bilir. Yumurtalar adətən yarpağın alt səthinə gənənin qurduğu torun
arasına qoyulur. Qoyulmuş yumurtanın embrioanl inkişafı 3-8 gündən sonra başa
çatır. Yumurtadan çıxan sürfələr yarpaqların alt səthində hördüyü tor içərisində
yaşayaraq qidalanır.
Hava şəraitindən asılı olaraq tor gənəsi il ərzində 15-18 nəsil verir.
Havanın isti və quraq keçməsi, daha doğrusu, havanın temperaturu 20-310,
rütubət isə 35-55% olduqda gənənin kütləvi surətdə çoxalması üçün əlverişli şərait
yaranır. Buna görə də gənənin ən çox miqdarına iyul-avqust aylarında təsadüf
edilir.
Pambıq bitkisində zədələnmənin xarici əlaməti ilk vaxtlar yarpaqların alt
səthində torlarla örtülmüş bozumtul, üst ətrəfində isə qırmızımtıl ləkələrin əmələ
gəlməsidir. Bu ləkələr tədricən böyüyərək bütün yarpaq səthini və bitkidəki
yarpaqları əhatə edir. Zədələnmiş yarpaqlarda fotosintez prosesi ləng gedir. Bunun
nəticəsində zədələnmiş yarpaqlar quruyaraq tökülür. Bunun nəticəsində isə məhsul
azalır.
123
Zərərvericinin azalmasında onun təbii düşməni olan yırtıcı qara bağacığı,
stetorus böcəyi, adi qızılgöz, yırtıcı tripis böyük rol oynayır.
Mübarizə tədbirləri.
1. Alaq otları müntəzəm olaraq məhv edilməlidir.
2. Məhsul yığıldıqdan sonra bitki qalıqları tarladan çıxarılmalı və sahə 28-30
sm dərinliyində şumlanmalıdır.
3. Bitkinin inkişafını sürətləndirmək məqsədilə mütərəqqi aqrotexnik
tədbirlər həyata keçirilməlidir.
4. Kimyəvi mübarizədə akarasid qrupa aid olan zəhərlərdən akreks – 2,0
kq/ha, antio – 2,0-2,5 l/ha, abalon 1,8 (0,3-0,4 l/ha) preparatlarının birinin
emulsiyası ilə çiləmə aparılmalıdır.
Pambıq sovkası (Chloridae armigera Hb.) – Kəpənəklər (Lepidoptera)
dəstəsinin sovkalar (Noctuidae) fəsiləsinə mənsubdur.
Yetkin kəpənəyin rəngi dəyişkəndir. Açıq-sarı, yaşılmtıl-sarı və açıq-
qəhvəyi rəngdə təsadüf edilir. Dal qanadları açıq-sarıdır. Ön qanadlar üzərində üç
ləkə – böyrəkşəkilli, dairəvi və paz şəkilli ləkə vardır. Bədəninin uzunluğu 12-18
mm, qanadlar açıldıqda isə 30-40 mm-dir.
Yumurtası kürəvaridir, açıq-sarı rəngdədir. Üzərində 25-28 radial qırışlar,
onların arasında 11-14 arakəsmə xətlər vardır. Böyüklüyü 0,5-0,6 mm-dir.
Tırtılın bədəni qılçıqlarla örtülmüşdür. 3 cüt həqiqi döş, 5 cüt yalançı-
qarıncıq ayaqları vardır. Tırtılların rəngi yaşılımtıl, çəhrayı və bənövşəyi-
qəhvəyidir. Kürək tərəfində 4 nazik, dalğalı xətdən ibarət bir zolaq uzanır. Tırtılın
axırıncı yaşda uzunluğu 35-40 mm-ə çatır. Pupu qırmızımtıl-qəhvəyi rəngdədir,
uzunluğu 15-20 mm-dir.
Pambıq sovkası polifaq zərərverici olaraq 350 növ yabanı və mədəni bitki ilə
qidalanır. O cümlədən qarğıdalıya, pomidora, noxuda, tütünə və digər mədəni
bitkilərə zərər vurur.
Pambıq sovkası torpağın 5-10 sm dərinliyində pup fazasında qışlayır. Yazda
torpağın 10 sm dərinliyində temperatur 16-170S olduğu zaman (mayın
əvvəllərində) qışlamış puplardan kəpənəklər uçmağa başlayır. Uçuşdan 5 gün
124
sonra yumurta qoyma başlayır. Kütləvi yumurta qoyma qönçələmə dövrü ilə bir
vaxta düşür. Dişi fərdlər yumurtalarını dağınıq halda bitkinin müxtəlif hissələrinə
qoyur. Dişi fərd öz inkişafı dövründə 500-3000-ə qədər yumurta qoya bilir.
Yumurta qoyma 15-18 gün çəkir.
Yumurtalar yarpaq və qönçə üzərinə tək-tək qoyulur. Yumurtanın rüşeym
inkişafı yayda 3-4, payızda isə 6-7 gün davam edir. Yumurtadan çıxan tırtıl ilk
dəfə yumurtadan azacıq böyük olur. Onlar ilk dəfə yarpaqla qidalanır, bir qədər
böyüdükdən sonra hərəkət edərək daha əlverişli qida – qönçə, çiçək və qoza
axtarır. Onlar qönçəni deşib onun içərisinə girərək qidalanırlar. Qidalandığı 15-20
gün müddətində tırtıl 5 dəfə qabıq dəyişir, 6 yaş keçirir və inkişafını başa çatdırır.
İnkişafını başa çatdırmış tırtıllar torpağa düşür və pup halına keçirlər. Puplar 10-12
gündə inkşafını bitirir və bundan sonra 2-ci nəslin kəpənəkləri uçur. Bu dövr
bitgidə qozaların fındıq boyda oldugu dövrə (iyulun əvvəlləri) düşür. Dişi fərdlər
yumurtalarını əksərən bitkinin zərif uc yarpaqları üzərinə qoyurlar. Yumurtralardan
çıxan tırtıllar yenicə əmələ gəlmiş qozanı zədələyərək onun içərisinə daxil olub
qidalanır. Belə zədələnmiş qozalar quruyaraq məhv olur. İkinci nəslin tırtılları
inkişafını 1-ci nəsildə olduğu kimi davam etdirir və axırıncı yaş tırtıllar torpağa
düşür və pup halına keçir. Puplardan 8-10 gün sonra 3-cü nəslin dişi fərdləri az
sonra bitkinin zərif uc yarpaqlarına, hətta bəzən qozanın üzərinə yumurta qoyur.
Yumurtadan çıxan tırtıl ilk dəfə zərif yarpaqla qidalanır və böyüdükdən sonra
yetişməkdə olan qozanı deşərək onun içərisinə girərək hətta çiyidlərlə qidalanır.
Belə zədələnmiş qozalar əksər vaxt açmır və quruyaraq məhv olur. Zərərverici
pambıq bitkisindən başqa noxud, pomidor, qarğıdalı, tütün və s. bitkilərə də zərər
vurur.
Havaların soyuması ilə əlaqədar olaraq sentyabr ayının ortalarından
başlayaraq 3-cü nəslin axırıncı yaşlı tırtılları torpağa düşərək torpağın 5-10 sm
dərinliyində pup mərhələsinə keçərək qışlamaya gedir. Zərərverici il ərzində 3
nəsil verir.
Mübarizə tədbirləri. 1. Zərərvericiyə qarşı aqrotexniki, mexaniki, bioloji
və kimyəvi mübarizə üsullarından istifadə edilir.
125
2. Alaq otları müntəzəm olaraq məhv edilməlidir. Tez qönçə verən sortlar
əkilməlidir və bir sıra aqrotexniki tədbirlər (torpağın becərilməsi, əlavə və əsas
gübrələrin verilməsi, suvarmanın aparılması və s.) vaxtında aparılmalıdır.
3. Tırtıllar əllə yığılmalı, ucvurma əməliyyatı aparılarkən pambığın uc
yarpağında olan yumurtaları məhv etmək üçün əldə edilmiş yaşıl kütlə toplanaraq
sahədən kənara çıxarılmalıdır.
4. Qarğıdalı əkinləri pambıq əkinlərindən aralı olmalıdır.
5. Zərərvericinin azalmasında təbiətdə mövcud olan yumurtaları yoluxduran
trixoqramma və tırtılları yoluxduran apanteləs, habrobrokon minicisi böyük rol
oynayır.
6. Tırtıllarda xəstəlik törədən dendrobasilin-30 – 4-5 kq/ha, bitoksibasilin –
3-4 kq/ha, baverin – 2-3 kq/ha preparatlarının suspenziyasından istifadə etmək
məsləhətdir.
7. Cinsi feremon tələlərindən istifadə etmək olar.
8. Kimyəvi mübarizə vaxtında aparılarsa yüksək səmərə verir. Belə ki,
zərərvericinin 1-ci nəslinə qarşı hər bir 100 ədəd bitkidə 5-6 ədəd kiçik yaşlı tırtıl
və 10-12 ədəd yumurta, 2-ci və 3-cü nəslə qarşı isə 10-12 kiçik yaşlı tırtıl və 20-25
yumurta olduqda mübarizəyə başlamaq məslhətdir. Kimyəvi mübarizədə 85%-li
sevinin islanan tozundan 2,0-2,5 kq/ha, 20%-li sumisidin – 0,6 kq/ha, 35%-li
fozalon – 2,0-2,5 l/ha, karate zeon– 0,5 kq/ha preparatlarının emulsiyası ilə çiləmə
aparılması məsləhət görülür.
Payızlıq əkin sovkası (Agrotis sogetum Sch) – Orta böyüklükdə kəpənək
olub, qanadları açılan zaman 35-40 mm-dir. Ön qanadları açıq-boz rəngdədir. Ön
qanadları üzərində böyrəkşəkilli, yumru və pazvari ləkələr vardır.
Tırtıllar boz, torpaq rəngindədir. Uzunluğu 50 mm-ə çatır. Ona toxunduqda
dərhal qıvrılır.
Payızlıq əkin sovkasının yaşlı tırtılları torpaqda qışlayır. Torpağın üst qatının
qızması ilə əlaqədar olaraq, onlar dərin qatlardan üst səthə çıxır və 5-6 sm
dərinlikdə pup halına keçirlər. Yazda aprelin ortalarında pupdan kəpənək uçmağa
başlayır. Kəpənəklər əsasən gecələr uçur və mədəni bitkilər, yaxud torpağa
126
yumurtalar qoyurlar. Bir dişi fərd 2000 ədədə qədər yumurta qoya bilir.
Yumurtanın embrional inkişafı 3-4 gündə başa çatır. inkişafını başa çatdırmış
tırtıllar pup halına keçir və pupdan 2-ci nəslin kəpənəyi uçur. Bir müddətdən sonra
yumurta qoyurlar. Tırtıllar öz inkişafı zamanı 5 dəfə qabıq dəyişir və 6 yaş keçirir.
İnkişafını başa çatdırmış tırtıllar torpağa düşür və orada qışlamaya gedir. İl ərzində
2-3 nəsil verirlər.
Mübarizə tədbirləri. 1. Dərin dondurma şumu və cərgə aralarının
becərilməsi zərərvericinin tırtıl və puplarının əksəriyyətini məhv edir.
2. Hər 100 kq toxum 5 kq 12%-li heksaxloran dustu ilə dərmanlanmalıdır.
3. Zərərvericinin iri yaşlı tırtıllarına qarşı 1,5 kq raqorla 50 kq şrot
qarışığından alınan (hər hektara 50 kq hesabilə) aldadıcı yem torpağa verilməlidir.
Tütünün zərərvericiləri
Respublikamızda tütün bitkilərinə dövriyəvi olaraq bəzi illərdə müxtəlif
bitkilərlə qidalanan adi danadişi, sovkaların kök boğazı gəmirən sovkaları, məftil
qurdları, lövhəbığ böcəklərin sürfələri və s. zərər verir.
Bunlarla yanaşı, tütün bitkisinin bir sıra xüsusiyyətlənmiş zərərvericiləri
mövcuddur. Bunlardan tütün tripsi, tütün mənənəsi, fır nematodu və s. göstərmək
olar.
Qeyd etmək lazımdır ki, yuxarıda tütün tripsi haqqında məlumat verilmişdir.
Tütün (şaftalı) mənənəsi (Myzldes persicae Sulz) – Bərabərqanadlılar
dəstəsinin (Homoptera) mənənələr (Aphididae) fəsiləsinə mənsubdur.
Nəsli davam etdirən fərdlər solğun yaşıl rəngdə olur. Bədəninin uzunluğu
1,4-2,5 mm-dir. Zərərverici polifaqdır və bir sıra bitkilərlə qidalanır, eyni zamanda
şaftalı bitkisi ilə də qidalanır.
Tütün mənənsi fakultativ köçəri mənənədir. Onun əsas sahib bitkiləri şaftalı
və alma bitkiləridir.
Mənənənin yumurtaları qışlayır. Qışlamış yumurtalar şaftalı və gavalı
ağaclarının budaqlarının qabıq qırışları arasına qoyulur. Qışlamış yumurtalardan
çıxan sürfələr şaftalı bitkisi üzərində qidalanır və sonra tütün bitkisi üzərinə keçir.
127
Mənənə bütün yaz və yay müddətində tütün bitkisi üzərində bakirə üsulla çoxalır.
Bir nəslin inkişafı 10-12 günə başa çatır. Vegetasiya dövründə 20-yə qədər nəsil
verir.
Zərərvericinin zərər vurması nəticəsində bitkinin böyümə və inkişafını
ləngidir. Mənənələr öz yapışqanlı ifrazatı ilə tütün yarpaqlarını çirkləndirir. Belə
yarpaqlar qurudulduğu zaman qaralır. Mənənələr tərəfindən zədələnmiş
yarpaqlardan harılanmış siqaret məmulatı pis iyə malik olur və quş lələyi iyi verir.
Mübarizə tədbirləri. 1. Tütün sahələri mümkün qədər şaftalı bağlarından
aralı əkilməlidir.
2. Məhsul yığıldıqdan sonra tarlada qalan tütün gövdələri dərhal sahədən
çıxarılmalıdır. Bununla tütünün xırda təpə yarpaqlarında onun inkişafını
zəifləndirmək olur.
3. Kimyəvi mübarizədə mənənənin kütləvi çoxalma dövrü 2,5%-li desis (0,4
l/ha), 35%-li fozalon (1,5-2 l/ha) və s. preparatların emulsiyası ilə çiləmə
aparılması məsləhətdir.
Fır nematodu (Meloidogyne Sp). – Nematodlar (Nematoda) sinfinin
müxtəlif dərili nematodlar (Heteroderidae) fəsiləsinə mənsubdur.
Dişi nematod armudşəkilli olmaqla ağ rəngdədir. Bədəninin uzunluğu 1,5
mm-dir. Sürfələri sapvaridir.
Respublikamızda parnik və tarla şəraitində yayılmışdır. Tütün bitkisindən
başqa bir sıra tərəvəz və bostan bitkiləri ilə də qidalanır.
Bir dişi nematod 300-2000 ədədə qədər yumurta qoya bilir. Yumurtadan
çıxan sürfə kökün böyümə nöqtəsini deşib içəri daxil olaraq qidalanır. Nematodun
inkişaf tsikli temperaturdan asılı olaraq 25-45 günə başa çatır.
Nematodun qidalanması nəticəsində kökdə müxtəlif böyüklükdə fırlar əmələ
gəlir. Belə bitkidə fizioloji proseslər pozulur, onun böyümə və inkişafı zəifləyir.
Şiddətli yoluxma zamanı bitki tamamilə məhv olur.
Mübarizə tədbirləri. 1. Növbəli əkin sisteminə əməl edilməlidir.
2. Bitkinin inkişafını sürətləndirmək üçün bütün mütərəqqi aqrotexniki
tədbirlər həyata keçirilməlidir.
128
3. Şitillərin sahəyə köçürülməsinə 30 gün qalmış hər 1m2-ə 200-400 ml
hesabilə 40%-li texniki DDB-nin torpağın 15 sm dərinliyə verilməsi yaxşı səmərə
verir.
4. Parnik və istixana şəraitində 1m3-ə 1 litr karbation verilməsi məsləhətdir.
Mövzu 9. Qərzəkli bitkilərin zərərvericiləri və onlarla
mübarizə tədbirləri
İsmayıl-zadə N.N.
Məmmədov V.Ə.
PLAN:
1. Qoz iri mənənəsi və qoz fır gənəsinin morfoloji quruluşu, bioloji xüsusiyyətləri, onlarla mübarizə tədbirləri.
2. Qoz meyvəyeyəni, onun morfoloji quruluşu və bioloji xüsusiyyətləri, onunla mübarizə tədbirləri.
3. Fındıq uzunburun böcəyi və yarpaqyeyən böcəyin morfoloji quruluşu və bioloji xüsusiyyəti, onlarla mübarizə tədbirləri.
ƏDƏBİYYAT
1. Məmmədova S.R., Xəlilov B.B. – Kənd təsərrüfatı entomologiyası. Baki, 1986
2. Səmədov N.H., İbrahimov H.R., Xəlilov B.B. – Azərbaycanda kənd təsərrüfatı bitkilərinin ziyanvericiləri və xəstəlikləri (Soraq kitabı). Bakı, 1965.
3. Горбацов И.В., Грилченко 4. В.В., Захваткин Ю.А. - Зашита растений отвредителей
Москва, 2002, 472с
129
GƏNCƏ - 2017
130
Mövzu 9. Qərzəkli bitkilərin zərərvericiləri və onlarla
mübarizə tədbirləri
Qoz bitkisinin zərərvericiləri.
Qoz iri mənənəsi (Pterocallis juglandis T.). – Bərabərqanadlılar dəstəsinin
(Homoptera) mənənələr (Aphididae) fəsiləsinə mənsubdur.
Azərbaycanda qoz ağacı üzərində iki növ mənənəyə – qoz iri mənənəsi və
qoz kiçik mənənəsinə təsadüf edilir. Bu növlərdən geniş yayılanı və ən çox
zərərverəni qoz iri mənənəsidir.
Qoz iri mənənəsi sarımtıl-limon rəngindədir, böyüklüyü 4 mm-ə qədərdir.
Bədəninin üst hissəsində iki cərgədə girdə ləkələr vardır.
Qoz iri mənənəsi əsasən yarpaqların üst səthində yaşayaraq yarpağın damarı
boyunca düzülüb onun şirəsini soraraq qidalanır. Qoz kiçik mənənsi isə əsasən
yarpaqların alt tərəfində yaşayır və qidalanır. Hər iki növ mənənə bakirə yolla
çoxalır.
Zərərvericinin kütləvi surətdə artımına may-iyun aylarında təsadüf edilir. İsti
keçən iyul-avqust aylarında isə onların miqdarı nisbətən azalır.
İldən neçə nəsil verməsi dəqiqləşməyib.
Mübarizə tədbirləri. Kütləvi çoxaldığı illərdə kimyəvi mübarizə olaraq Bİ-
58 (YENI)– 2,0 l/ha, 40%-li poliqor – 2,0 l/ha, 2,5%-li desis – 0,4 l/ha və s.
preparatlarının birinin emulsiyası ilə çiləmə aparmaq olar.
Qoz meyvəyeyəni (Sarrothripus musculana E.) – Kəpənəklər dəstəsinin
(Lepidoptera) yarpaqbükənlər (Tortricidae) fəsiləsinə mənsubdur.
Yetkin fərdin qanadları boz rəngdədir, uzunluğu 8-10 mm-dir, qanadları
açılan zaman uzunluğu 15-18 mm-dir.
Yumurtası ağ rəngdədir, uzunluğu 0,5 mm-dir.
Tırtılın rəngi yumurtadan ilk çıxan vaxt sarımtıl, sonra isə qırmızımtıl,
yaxud yaşılımtıl-qonur olur. Axırıncı yaşda uzunluğu 16 mm-ə çatır.
Pupu qəhvəyi rəngdədir, möhkəm barama içərisində olur, uzunluğu 11 mm-ə
çatır.
131
Zərərverici qoz ağacının yarpaqlarında, əsasən ştambın ölmüş qabıqları
altında barama içərisində axırıncı yaş tırtıl mərhələsində qışlayır. Erkən yazda
barama içərisində olan tırtıl pup mərhələsinə keçir. Aprel ayının axırları və mayın
əvvəllərində puplardan kəpənəklər uçmağa başlayır. Puplardan uçan kəpənəklər 8-
10 gün çiçəklərin nektar şirəsi ilə qidalanır və bu dövrdə dişi fərdin yumurtalığında
olan yumurtalar yetişir, formalaşır, bundan sonra cütləşmə prosesi gedir. Bundan
sonra dişi fərdlər yumurta qoymağa başlayır. Yumurtalar tək-tək olmaqla cavan
meyvələrin üzərinə qoyulur. Qoyulmuş yumurtalardan 5-6 gün sonra tırtıllar çıxır.
Tırtıllar meyvənin içərisinə girərək qidalanır. Bir tırtıl öz inkişafı dövründə 1-2
ədəd meyvəni zədələyə bilir. Tırtılların inkişafı 28-30 gün ərzində başa çatır.
inkişafını başa vurmuş tırtıllar ipək sap vasitəsilə sallanaraq yerə düşür, sonra
ağaca dırmaşaraq ştambın ölmüş qabığı altında, yarıqlarda puplaşır.
İyul-avqust aylarında puplardan kəpənəklərin kütləvi uçuşu başlayır. İkinci
nəslin dişi fərdləri yumurtalarını yetişmək ərəfəsi olan qoz meyvələrinin üzərinə
qoyulur. Yumurtanın embrional inkişafı 3-4 gündə başa çatır. yumurtadan çıxan
tırtıl yetişməkdə olan qozun daxilinə girib onun ləpəsi ilə qidalanır. Sentyabr
ayının axırlarında bu nəslin tırtılları qışlamaya gedir. Məhsul yığılan dövrdə
sağlam meyvələrlə birlikdə zədələnmiş, yəni içərisində tırtıl olan meyvələrdə
yığılır. Zədələnmiş meyvə içərisində olan tırtıl elə oradaca qışlamaya gedir.
Zərərverici il ərzində 2 nəsil verir.
Mübarizə tədbirləri.
1. Ağacların sakitlik dövründə ştamblar ölmüş qabıqlardan təmizlənməli və
əldə edilmiş kütlə yandırılmalıdır.
2. Yerə tökülmüş, zədələnmiş meyvələr müntəzəm olaraq toplanıb kənara
çıxarılmalıdır.
3. Kimyəvi mübarizə olaraq vegetasiya dövründə fastak – 0,5 l/ha, karate
zeon – 0,5 l/ha və s. preparatlarının birinin emulsiyası ilə çiləmə aparmaq olar.
Qoz fır gənəsi (Eriophyes tristriatus E.). Gənələr dəstəsinin (Acarina) fır
əmələ gətirən gənələr (Eriophyidae) qrupuna mənsubdur.
132
Qoz fır gənəsinin yetkin fərdləri 220 mikron uzunluqda canlıdır. Ayaqları 2
cütdür (tetrapodili). Bu əlamətinə görə tor gənəsindən fərqlənir.
Sürfələr xarici görünüşünə görə yetkin fərdə oxşayır.
Yumurtası kürəvaridir.
Qoz fır gənəsi çox az öyrənilmiş zərərvericidir. Gənə tərəfindən hüceyrə
şirəsi sorulan yarpaqlarda, yarpağın sorulan yerlərində onun üst səthi qabarır. Alt
tərəfində çökəkcik əmələ gəlir. Həmin çökəkciklərin içərisində keçə kimi tellər
yığımı olur. Gənə həmin tellərin arasında yaşayır. Yarpağın üst tərəfindəki fırlar
tünd-qəhvəyi rəngdə olur.
Qoz fır gənəsi cavan tinglər üçün daha qorxuludur.
Yarpaqların şiddətli surətdə zədələnməsi nəticəsində bitki böyümə və
inkişafdan qalır, zoğlar yetişmir.
Zərərvericisinin həyat tərzi öyrənilməmiş və onun nəslinin miqdarı
aydınlaşdırılmamışdır.
Mübarizə tədbirləri. Kimyəvi mübarizə olaraq raqor – 1,5 l/ha, reqas – 0,8
l/ha, neoran – 2,0 l/ha, pliktran – 1,2 l/ha preparatlarının emulsiyası ilə çiləmə
aparmaq olar.
Fındıq bitkisinin zərərvericiləri.
Fındıq uzunburnu (Curculio nucum L.). Böcəklər (Coleoptera) dəstəsinin
uzunburun böcəklər (Curculionidae) fəsiləsinin nümayəndəsidir. Fındıq
uzunburnunun başı xortum şəklində uzanmışdır. Qara rəngdədir, üzəri sarımtıl
pulcuqlarla örtülmüşdür.
Yumurtası ağ rəngdədir, sonraları qonurlaşır və ellipsvaridir. Pupu ağ
rəngdədir, uzunluğu 9 mm-dir.
Yazda orta temperatur +140S-dən yuxarı qalxdıqda böcəklər qışlama
yerlərindən çıxır və ağacların çətrinə dırmaşır, əvəllər tumurcuqlarla, sonralar isə
yarpaqla və zərif meyvələrlə qidalanır. May ayının axırlarında böcəklər cütləşir,
bundan 6-8 gün sonra yumurta qoymağa başlayır. Yumurta qoyarkən böcəklər zərif
meyvələri xortumu ilə deşir və həmin deşiyə bir yumurta qoyur. Rüşeymin inkişafı
133
8-10 gündə başa çatır. Yumurtadan çıxan sürfə meyvənin daxili ilə qidalanır.
İnkişafını başa çatdırmış sürfə fındığın qabığını deşib, onun daxilindən çıxıb
torpağa düşür və orada özünə yuva düzəldib pup halına keçir. Pup mərhələsi 2
həftəyə qədər davam edir, sonra böcək çıxır.
Zərərvericinin zərərli fəaliyyəti nəticəsində zədələnmiş meyvələr tökülür,
məhsuldarlıq azalır və əmtəəlik dəyəri pisləşir.
İl ərzində 1 nəsil verir.
Mübarizə tədbirləri.
1. Yerə tökülmüş meyvələr yığılaraq bağdan çıxarılmalı və məhv
edilməlidir.
2. Erkən yazda böcəklər çətirlərə daraşdığı dövrdə səhər tezdən kollar
mələfə üzərinə silkələnməli və tökülən böcəklər yığılıb məhv edilməlidir.
3. Kimyəvi mübarizədə böcəklərə qarşı 85%-li Sevin – 2,0 kq/ha, 35%-li
fozalon – 2,0 l/ha və ya 5%-li karate – 0,4 l/ha preparatları ilə çiləmə aparmaq olar.
Yarpaqyeyən böcək (Altica brevicollis F.). Böcəklər dəstəsinin
(Coleoptera) yarpaqyeyənlər (Chrysomelidae) fəsiləsinə mənsubdur.
Yetkin böcəyin bədəni tünd göydür, uzunluğu 4-5 mm-dir,
Yumurtası girdədir, ağımtıl rəngdədir.
Sürfəsi ağdır və yaxşı inkişaf etmiş 3 cüt döş ayağı vardır.
Zərərverici yetkin halda torpağın üst qatında və bəzən bitki qalıqları altında
qışlayır. Mayın əvvəllərində bitkidə zərif yarpaqlar əmələ gələndə, dişi fərdlər
yarpağın alt səthinə yumurta qoymağa başlayır. Yumurtalar topa şəklində qoyulur
və hər topada 15-20 ədəd yumurta ola bilir. Rüşeymin inkişafı 8-10 gün çəkir.
Sürfələrin kütləvi surətdə çıxmasına may ayının ortalarında təsadüf edilir. sürfənin
inkişafı təxminən 30 günə kimi davam edir. inkişafını başa çatdırmış sürfələr
torpağa düşüb pup halına keçir. İyul ayının əvvəllərində puplardan 2-ci nəslin
böcəkləri çıxır və bir neçə gündən sonra yumurta qoymağa başlayır. Bu dövrdə
yumurtanın rüşeym inkişafı 6-7 gündə başa çatır. Sürfələrin inkişafı isə 15-18
gündə başa çatır. Sonra sürfələr torpağa düşür, puplaşır və bir neçə gündən sonra
134
böcəklər çıxır. Onlar bir müddət yarpaqlarla qidalanır və sonra tökülmüş xəzəllər,
eləcə də torpağın üst qatına keçərək qışlamaya gedir. İl ərzində 2 nəsil verir.
Zərərvericinin zərərli fəaliyyəti nəticəsində yarpaqlarda skeletləşmə əmələ
gəlir. Bəzi hallarda yarpaqlarda yalnız damarlar qalır.
Mübarizə tədbirləri.
1. Payızda tökülmüş xəzəllər toplanıb yandırılmalıdır.
2. Cərgəaraları şumlanmalı, eləcə də ağacların dibi bellənməlidir.
3. Sürfələr kütləvi şəkildə olan dövrdə 35%-li fozalon – 2,0 l/ha, 5%-li
karate – 0,4 l/ha preparatlarının emulsiyası ilə çiləmə aparmaq məsləhətdir.
135