27

დანართი N2

ურეკი-შეკვეთილის სარეკრეაციო ტერიტორიის გამოყენებისა და

განაშენიანების რეგულირების წესები

თავი I

ზოგადი დებულებები მუხლი 1. ურეკი-შეკვეთილის სარეკრეაციო ტერიტორიის გამოყენებისა და განაშენიანების რეგულირების წესები.

1 . , , ურეკი-შეკვეთილის სარეკრეაციო ტერიტორიის გამოყენებისა და განაშენიანების

რეგულირების წესები’’-ს მიზანია ტერიტორიების განაშენიანებისა და მიწის

ნაკვეთ(ებ)ის სამშენებლოდ გამოყენების პირობების დადგენა. აღნიშნული პირობები

ასახულ უნდა იქნას ურეკი-შეკვეთილის სარეკრეაციო ტ ე რ ი ტ ო რ ი ი ს დაგეგმარების

დოკუმენტებში. 2. ამ წესების საფუძველზე ხორციელდება ურეკი-შეკვეთილის სარეკრეაციო ტერიტორიის დაგეგმარების დოკუმენტების ზონირების ნაწილის შემუშავება.

3. დასახლებათა ტერიტორიების გამოყენებისა და განაშენიანების რეგულირების წესები მოიცავს:

ა) ურეკი-შეკვეთილის სარეკრეაციო ტერიტორიის დაგეგმარების დოკუმენტების

ზონირების ნაწილის შემუშავების პირობებს; ბ) დასახლებათა ტერიტორიების გამოყენებისა და განაშენიანების რეგულირების

საკითხთა კომისიის ფუნქციონირებას; გ) სპეციალური ზონალური შეთანხმების გაცემის წესს.

4. კულტურული მემკვიდრეობის და გარემოს დამცავი ზონებისათვის,

ტერიტორიების გამოყენება და განაშენიანების რეგულირება უნდა განხორციელდეს

არსებული განაშენიანების, განაშენიანების ძირითადი დებულებების და

კულტურული მემკვიდრეობის და გარემოს დაცვითი კანონმდებლობის მოთხოვნათა

შესაბამისად. მუხლი 2. წესებში გამოყენებულ ტერმინთა განმარტებები

1. აივანი - შენობის ფასადის სიბრტყიდან გამოწეული, მოაჯირით შემოკავებული

ჰორიზონტალური კონსტრუქციული/კონსოლური სიბრტყე, რომელიც წარმიადგენს

შენობის ძირითადი კონსტრუქციის ნაწილს და მის შიდა სივრცესთან არის

დაკავშირებული; 2. განაშენიანების რეგულირების გეგმა - ქალაქთმშენებლობითი დოკუმენტი,

რომელიც დასახლებათა ტერიტორიებისთვის ადგენს მიწათსარგებლობის ზონებს

(ქვეზონებს) ან/და აზუსტებს ცალკეული გეგმარებითი ერთეულების, განაშენიანების

არქიტექტურულ-გეგმარებით და სივრცით-მოცულობით მახასიათებლებს, შენობა-

ნაგებობების განთავსებას, მათ გეგმარებით პარამეტრებს; აზუსტებს უძრავი

კულტურული მემკვიდრეობის დაცვისა და განვითარების ქალაქთმშენებლობით

27

მახასიათებლებს, რელიეფის ორგანიზებას, ტერიტორიების კეთილმოწყობასა და

გამწვანებას, საინჟინრო და სატრანსპორტო ინფრასტრუქტურით უზრუნველყოფას; 3. განაშენიანების რეგულირების ხაზ(ებ)ი (წითელი ხაზ(ებ)ი) – მიწის ნაკვეთისათვის

(ნაკვეთებისათვის) ქალაქთმშენებლობითი დოკუმენტით დადგენილი წარმოსახვითი

მიჯნა, რომლის მიღმაც უნდა განთავსდეს შენობა-ნაგებობები; მიწის ნაკვეთისათვის

(ნაკვეთებისათვის) შეიძლება დადგინდეს ერთი ან რამდენიმე წითელი ხაზი;

4. განაშენიანების სავალდებულო ხაზები (ლურჯი ხაზები) - მიწის ნაკვეთისათვის

(ნაკვეთებისათვის) ქალაქთმშენებლობითი დოკუმენტით დადგენილი წარმოსახვითი

მიჯნა, რომელზედაც უნდა განთავსდეს შენობა-ნაგებობები; მიწის ნაკვეთისათვის

(ნაკვეთებისათვის) შეიძლება დადგინდეს ერთი ან რამდენიმე ლურჯი ხაზი; 5. გამოყენება - საქმიანობა, რომლისთვისაც პროექტდება მიწის ნაკვეთი ან შენობა-ნაგებობა ან რა დანიშნულებითაც მიწა ან შენობა-ნაგებობა გამოიყენება ან შეიძლება გამოყენებულ იქნას. აქ შედის ასევე ყველა დამხმარე გამოყენება.

6. გამოყენება, მთავარი - ოჯახის, დაწესებულების ან სხვა გამოყენების მთავარი ფუნქციის შესრულება.

7. გამოყენება, დროებითი - გამოყენება, რომელიც მოქმედებს დროის ფიქსირებულ

მონაკვეთში. 8. გამოყენება, შეუსაბამო - შენობა-ნაგებობა ან/და მიწის ნაკვეთი, რომლებიც არ

აკმაყოფილებს ურეკი-შეკვეთილის სარეკრეაციო ტერიტორიის მიწათსარგებლობის

გენერალური გეგმის მოთხოვნებს. 9. გამოყენების შეცვლა - ნაგებობის ან შენობის კლასიფიცირებული

გამოყენების შეცვლა. 10. გამწვანებული ტერიტორია - მიწის ნაკვეთი, რომლის ფართობის არანაკლებ 80%-სა

დაკავებულია მცენარეული საფარით, ღია სათამაშო მოედნით, ბილიკებით ან/და

ქვეითთათვის განკუთვნილი მოპირკეთებული გრუნტის ზედაპირით, სადაც

შესაძლებელია მოეწყოს დასასვენებელი/გასართობი ადგილები (მაგ. ბულვარი, პარკი,

ბაღი, სკვერი, გაზონი). 11. განაშენიანების დაბალი, საშუალო, მაღალი ინტენსივობა (სიმჭიდროვე) ‐ ამ წესებით განსაზღვრული განაშენიანების სიმჭიდროვის კოეფიციენტის მაჩვენებლით განპირობებული, ტერიტორიების ან მიწის ნაკვეთის განაშენიანების ინტენსივობა (სიმჭიდროვე).

12. ერკერი - შენობის ფასადის სიბრტყიდან გამოწეული გადახურული, კედლებით და

შემინული ღიობებით შემოსაზღვრული სივრცე, რომელიც წარმიადგენს შენობის

ძირითადი კონსტრუქციის ნაწილს; 13. ეზო - ღია, დაუკავებელი სივრცე მიწის ნაკვეთზე, გარდა შიდა ეზოსა, სადაც არ

დგას შენობა- ნაგებობები, გარდა იმ შემთხვევისა, თუ სხვაგვარად არაა მითითებული

ამ წესებში. 14. ეზო, წინა - ეზო, რომელიც ვრცელდება მიწის ნაკვეთის მთელ სიგანეზე, რომლის

სიღრმე/სიგრძე მინიმალური ჰორიზონტალური მანძილია მიწის ნაკვეთის უკანა

ხაზსა და მის პარალელურ ხაზს შორის. უკანა ეზოსადმი მოთხოვნები

განსაზღვრულია „დასახლებათა ტერიტორიების გამოყენებისა და განაშენიანების

რეგულირების ძირითადი დებულებებში“.

27

15. ეზო, უკანა - ეზო, უკანა. ეზო, რომელიც ვრცელდება მიწის ნაკვეთის მთელ სიგანეზე,

რომლის სიღრმე/სიგრძე მინიმალური ჰორიზონტალური მანძილია მიწის ნაკვეთის

უკანა ხაზსა და მის პარალელურ ხაზს შორის. უკანა ეზოსადმი მოთხოვნები

განსაზღვრულია „დასახლებათა ტერიტორიების გამოყენებისა და განაშენიანების

რეგულირების ძირითადი დებულებებში“.

16. ეზო, გვერდითი - ღია, დაუკავებელი სივრცე იმავე მიწის ნაკვეთზე შენობით და შენობის ხაზსა და მიწის ნაკვეთის გვერდითა ხაზს შორის.

17. ეზო, შიგა - სივრცე ღია ცის ქვეშ, რომელიც მდებარეობს მიწის დონეზე ან მის

მაღლა მიწის ნაკვეთზე და სამი ან მეტი მხრიდან შემოსაზღვრულია შენობის

კედლებით. 18. ვერანდა - გადახურული, ერთი ან ორი მხრიდან კედლებით შემოსაზღვრული ან

კედლებით შემოუსაზღვრავი და ღია მხრიდან/მხარეებიდან მოაჯირით შემოკავებული

სივრცე; 19. ლოჯია – შენობის ფასადში შეჭრილი, გადახურული, სამი მხრიდან კედლებით

შემოსაზღვრული და ფასადის მხრიდან გახსნილი და მოაჯირით შემოკავებული

სამყოფი; 20. მანსარდა – წარმოადგენს, შენობის ბოლო სართულის გადახურვის ზედა

ზედაპირს ზემოთ, გარე კედლებს, ქანობიანი სახურავის ფერდ(ებ)ის შიდა

ზედაპირებს და მასზედ მოწყობილ სამტრედეებს შორის არსებულ ისეთ

სხვენის სივრცეს, რომელიც გამოყენებულია საცხოვრებლად/სამყოფად.

მანსარდა ითვლება სრულ სართულად, როდესაც სხვენის იატაკის ზედაპირის

ფართობის 3/4-დან მანსარდის ჭერამდე საშუალო სიმაღლე არის 2,4 მეტრი

(მეათედის სიზუსტით) ან მეტი; 21. მიწის ნაკვეთი – ელემენტარული საკადასტრო ერთეული დადგენილი

შესაბამისი კანონმდელობით, ოფიციალურად დადგენილი საზღვრებით

(საკადასტრო საზღვარი) სარგებლობის/გამოყენების, განკარგვისა და

განვითარებისათვის. 22. მიწის ნაკვეთის ფართობი – ნაკვეთის საზღვრებით შემოფარგლული

ტერიტორიის ორთოგონალური პროექციის ფართობი. 23. მიწის ნაკვეთის საზღვარი - მიწის ნაკვეთის არსებული ან საპროექტო გამყოფი

ხაზი. 24. მიწის ნაკვეთის განაშენიანების ფართობი – კანონმდებლობით და ამ წესების შესაბამისად განსაზღვრული მიწის ნაკვეთის განაშენიანებული ნაწილის ფართობი.

25. მიწის ნაკვეთის გამწვანების კოეფიციენტი - მიწის ნაკვეთის გამწვანებული ზედაპირის ფართობის შეფარდება მიწის ნაკვეთის ფართობთან მეათედის სიზუსტით.

26. მიწის ნაკვეთის განაშენიანების კოეფიციენტი - მიწის ნაკვეთის

განაშენიანებული ზედაპირის ფართობის შეფარდება მიწის ნაკვეთის ფართობთან

მეათედის სიზუსტით. 27. მიწის ნაკვეთის განაშენიანების სიმჭიდროვის კოეფიციენტი - მიწის ნაკვეთზე

განთავსებული შენობა-ნაგებობების სართულების ჯამური ფართობის შეფარდება

მიწის ნაკვეთის ფართობთან მეათედის სიზუსტით.

27

28. მიწის ნაკვეთის გამოყენების სახეობა - მიწის ნაკვეთის არსებული ან დაგეგმარების დუკუმენტებით განსაზღვრული გამოყენების სახეობა.

29. მიწის ნაკვეთის მიჯნის ზონა - მიწის ნაკვეთის ნაწილი, რომელიც მიწის

ნაკვეთის სამეზობლო საზღვრიდან დაშორებულია 3 მეტრითა და ნაკლები მანძილით. 30. მიწის ნაკვეთი, შეუსაბამო - მიწის ნაკვეთი, რომლის სიგანე, ფართობი ან სხვა ზომა

არ შეესაბამებოდა დებულებებს ამ წესის ამოქმედების დროს. 31. მრავალ-ერთეულიანი საცხოვრებელი შენობები - შენობა, რომელიც

დაგეგმარებულია ან გამოიყენება მრავალბინიან საცხოვრებლად, სასტუმროდ ან

საერთო საცხოვრებელად. 32. მრავალბინიანი შენობა - საცხოვრებელი შენობა, რომელიც დაგეგმარებულია ან გამოიყენება სამი ან მეტი საცხოვრებელი ერთეულისათვის.

33. საზოგადოებრივი სივრცე – განაშენიანებული ტერიტორიების საზღვრებში

მდებარე ქუჩა, მოედანი, ხიდი, სკვერი, პარკი, ბაღი, წყლის ზედაპირი და მისი

სანაპირო ზოლი, ბუნებრივი ან ხელოვნული ლანდშაფტი, მიწის ნაკვეთებს შორის

გასასვლელი და სხვა მსგავსი ტიპის სივრცეები; 34. საზოგადოებრივი გზა - საზოგადოებრივი სივრცის ნაწილი, ნებისმიერი ქუჩა, ჩიხი ან მსგავსი მიწის ნაკვეთი, არსებითად ცარიელი მიწიდან ცამდე, რომელიც გადაცემულია მუდმივ საკუთრებაში საზოგადოებრივი მოხმარებისათვის.

35. სართული, მიწისზედა - სართული, რომლის იატაკის ნიშნულის მიწის ზედაპირიდან ამოწევის საშუალო სიმაღლე 1,8 მეტრი (მეათედის სიზუსტით) ან მეტია;

36. სართული, მიწისქვეშა - სართული, რომლის ჭერის მიწის ზედაპირიდან ამოწევის საშუალო სიმაღლე 1,8 მეტრს (მეათედის სიზუსტით) არ აღემატება;

37. სართული, მიწისპირა - სართული, რომლის იატაკის ნიშნულის მიწის ზედაპირიდან ამოწევის საშუალო სიმაღლე 1,8 მეტრამდეა (მეათედის სიზუსტით), ხოლო მისი ჭერის მიწის ზედაპირიდან ამოწევის საშუალო სიმაღლე 1,8 მეტრს (მეათედის სიზუსტით) აღემატება.

38. სართული, სრული – სართული, რომლის საშუალო სიმაღლე, იატაკის ნიშნულიდან ჭერამდე არის 2,4 მეტრი ან მეტი.

39. სართული, არასრული – ის სართული, რომლის საშუალო სიმაღლე, იატაკის ნიშნულიდან ჭერამდე 1.8 მეტრიდან 2.4 მეტრამდეა.

40. სასტუმრო - ნებისმიერი შენობა, რომელიც შეიცავს ექვს ან მეტ საძინებელ ერთეულს, რომლებიც დაგეგმარებული ან გამიზნულია, ან გამოიყენება, გაიცემა იჯარით ან ქირავდება, ან დაკავებულია სტუმრების მიერ დასაძინებლად.

41. საოჯახო სასტუმრო - ნებისმიერი შენობა, რომელიც შეიცავს ერთი ოჯახის

საცხოვრებელ ერთეულს და დამატებით ორ ან მეტ საძინებელ ერთეულს, რომლებიც

დაგეგმარებული ან გამიზნულია, ან გამოიყენება, გაიცემა იჯარით ან ქირავდება, ან

დაკავებულია სტუმრების მიერ დასაძინებლად. 42. საცხოვრებელ-სამუშაო ერთეული - ერთი ოჯახის საცხოვრებელი შენობა, რომლის პირველ ან მიწისპირა სართულზე დასაშვებია არასაცხოვრებელი ფართობის არსებობა, რომელიც არ უნდა იკავებდეს მთელი შენობის ნახევარზე მეტს.

43. სპეციალური (ზონალური) შეთანხმება - შეთანხმება, რომლის მიღება

სავალდებულოა მიწის ნაკვეთში და/ან შენობა-ნაგებობაში ცვლილებების შეტანამდე

27

ისეთი გამოყენების შემთხვევაში, რომელიც ამ წესების შესაბამისად მოითხოვს

სპეციალურ (ზონალურ) შეთანხმებას. 44. პარკი - საზოგადო ან კერძო მიწის ფართობი, შენობა-ნაგებობებითებით ან მათ

გარეშე, რომელსაც აქვს შენობა-ნაგებობის გარეთ აქტიური ან პასიური რეკრეაციული

დანიშნულება. 45. ტექნიკური სართული – ის სართული, რომლის საშუალო სიმაღლე, იატაკის ნიშნულიდან ჭერამდე 1.8 მეტრზე ნაკლებია.

46. ტერასა (ბანი) – გადაუხურავი, ერთი, ორი, სამი ან ოთხი მხრიდან კედლებით

შემოსაზღვრული და ღია მხრიდან/მხარეებიდან საჭიროების შემთხვევაში მოაჯირით

შემოკავებული ფართობი, აგრეთვე ისეთი ბრტყელი სახურავი ან ბრტყელი

სახურავის ნაწილი, რომლის ზედაპირი მოპირკეთებულია ისე რომ შესაძლებელია

მისი გამოყენება სამყოფად და ღია მხრიდან/მხარეებიდან შემოსაზღვრულია

მოაჯირით ან/და პარაპეტით. ტერასაზე შესაძლებელია მოეწყოს მარკიზი და

საჩრდილობელი. 47. უფლებრივი ზონირება - საქართველოს კანონმდებლობით დადგენილი

დასახლებათა ტერიტორიების ცალკეული ზონებისთვის სივრცითი განვითარების

პირობების დადგენა 48. ფუნქციური ზონირება - ქალაქთმშენებლობითი ზონირების ნაწილი, რომელიც

ახდენს ქალაქის ტერიტორიების იდენტიფიცირებას მათი გამოყენების სახეობის

მიხედვით. 49. ფრონტი, შენობის - ერთ ნაკვეთზე მდებარე შენობის ან ნაგებობის

ექსტერიერის კედლის სიგრძე, რომელიც მიმართულია საზოგადოებრივი გზისკენ ან

მის წინ მდებარე სხვა საკუთრებებისკენ. 50. ფრონტი, მიწის ნაკვეთის - ერთი მიწის ნაკვეთის საკუთრების ხაზ(ებ)ის სიგრძე

საზოგადოებრივი გზის ან სხვა მოსაზღვრე საკუთრებების გასწვრივ. 51. ქუჩა – განაშენიანებული ტერიტორიების საზღვრებში არსებული

გადადგილებისათვის განკუთვნილი ნებისმიერი მთავარი ან საზოგადოებრივი გზა,

რომელიც გადაცემულია საზოგადოებრივი გამოყენებისთვის და რომელიც

შესაძლებელია შედგებოდეს:

ა) არაუმცირეს 1.0 მ სიგანის, მხოლოდ ფეხით მოსიარულეთა სავალი

ნაწილისგან (ტროტუარისაგან) ; ბ) არაუმცირეს 5.0 მ სიგანის, ტრანსპორტისათვის განკუთვნილი სავალი

ნაწილისაგან და ფეხით მოსიარულეთა სავალი ნაწილებისგან (ტროტუარებისაგან).

52. ქუჩა, კერძო - გასვლის უფლება კერძო საკუთრების ტერიტორიაზე, რომელიც არ

არის გადაცემული საზოგადოებისთვის ან არ არის დაცული, როგორც

საზოგადოებრივი ქუჩა, რომლითაც უზრუნველყოფილია ორ ან მეტ ადგილთან

მისადგომი. 53. ღობე – წარმოადგენს მიწის ნაკვეთების გამმიჯნავ ნაგებობას, რომელიც შეიძლება

მდებარეობდეს, როგორც საკადასტრო საზღვერზე (საზიარო ღობე) ისე მიწის

ნაკვეთის საზღვრებში. თუ ღობის სხვადასხვა მხარეს ღობისა და გრუნტის

ზედაპირის გადაკვეთის ნიშნული სხვადასხვაა, მაშინ ყრუ ღობის მაქსიმალური

27

სიმაღლე განისაზღვრება უფრო მაღალი ნიშნულიდან; 54. ღია სივრცე - მიწის ფართობები, სადაც არ არის შენობები, ნაგებობები,

ავტომობილების გასაჩერებელი ადგილები, ქუჩები, ჩიხები ან აუცილებელი ეზოები.

ღია სივრცეში დასაშვებია ლანდშაფტური არქიტექტურა, ბუნებრივი

თავისებურებების დაცვა, შიდა ეზოებისა და რეკრეაციული ზონების მოწყობა. 55. შეწევის მანძილი - მინიმალური აუცილებელი მანძილი საკუთრების ხაზსა და შენობის ხაზს შორის.

თავი II

ადმინისტრაციული

დებულებები მუხლი 3. ურეკი-შეკვეთილის სარეკრეაციო ტერიტორიის (კომპლექსის) გამოყენებისა

და განაშენიანების რეგულირების წესების საკითხთა კომისია. მისი უფლებები და

მოვალეობები 1. , , ურეკი-შეკვეთილის სარეკრეაციო ტერიტორიის (კომპლექსის) გამოყენებისა და

განაშენიანების რეგულირების შემდგომი დახვეწისა და ეფექტური ფუნქციონირების

მიზნით, ოზურგეთის მუნიციპალიტეტთან ან ურეკი-შეკვეთილის სარეკრეაციო

ტერიტორიის მმართველობასთან (ასეთის არსებობის შემთხვევაში)

შესაძლებელია შეიქმნას , , ურეკი-შეკვეთილის სარეკრეაციო ტერიტორიის

გამოყენებისა და განაშენიანების რეგულირების საკითხთა კომისია”. 2. , , ურეკი-შეკვეთილის სარეკრეაციო ტერიტორიის გამოყენებისა და განაშენიანების

რეგულირების საკითხთა კომისია” კომპეტენციათა სფეროს შესაძლებელია

განეკუთვნებოდეს: ა) ურეკი-შეკვეთილის სარეკრეაციო ტერიტორიაზე განაშენიანების რეგულირების

გეგმების შეთანხმება; ბ) ურეკი-შეკვეთილის სარეკრეაციო ტერიტორიაზე სპეციალური ზონალური შეთანხმების შეთანხმება; გ) ურეკი-შეკვეთილის სარეკრეაციო ტერიტორიაზე სამშენებლო ნებართვების შეთანხმება; დ) შეუსაბამო მიწის ნაკვეთებისა და შენობა-ნაგებობების სტატუსის მინიჭებაზე

შეთანხმება. 3. კომისიის არსებობის შემთხვევაში, მისი ფუნქცია და უფლება-მოვალეობები

განისაზღვრება დებულებით, რომელსაც საქართველოს ეკონომიკისა და მდგრადი

განვითარების სამინისტროსთან შეთანხმებით ამტკიცებს ოზურგეთის

მუნიციპალიტეტის საკრებულო. მუხლი 4. მიწის ნაკვეთის დაყოფა, გაერთიანება და კონფიგურაციის

ცვლილება 1. მიწის ნაკვეთების ეფექტიანად განაშენიანებისათვის შესაძლებელია მიწის ნაკვეთ(ებ)ის დაყოფა და გაერთიანება კანონმდებლობის მოთხოვნათა დაცვით.

2. მიწის ნაკვეთის დაყოფის შედეგად წარმოქმნილი მიწის ნაკვეთების

27

სამშენებლოდ განვითარება ხდება იმ შემთხვევაში, თუ დაყოფის შედეგად ახლად

წარმოქმნილი მიწის ნაკვეთი აკმაყოფილებს ამ წესებით დადგენილი მიწის

ნაკვეთისადმი წაყენებულ მოთხოვნებს. 3. მიწის ნაკვეთის დაყოფისას შესაძლებელია სამშენებლოდ მხოლოდ იმ მიწის

ნაკვეთის განვითარება, რომლის ამ წესებით დადგენილი სამშენებლო პოტენციალი

(პარამეტრები/ზომები) არ არის ათვისებული, წინააღმდეგ შემთხვევაში ახლად

წარმოქმნილი მიწის ნაკვეთის სამშენებლოდ განვითარება დაუშვებელია. 4. სამშენებლო პოტენციალის მქონე და სამშენებლო პოტენციალის არმქონე მიწის

ნაკვეთების გაერთიანების შემთხვევაში ახლად წარმოქმნილი მიწის ნაკვეთის

სამშენებლოდ განვითარება ათვისებული სამშენებლო პოტენციალის გათვალისწინების

გარეშე დაუშვებელია.

5. ისეთი მიწის ნაკვეთის დაყოფა, რომელზეც განთავსებულია შენობა-ნაგებობები,

უნდა მოხდეს ისე, რომ დაცული იყოს , , ტექნიკური რეგლამენტის -

,,დასახლებათა ტერიტორიების გამოყენებისა და განაშენიანების რეგულირების

ძირითადი დებულებების’’ საქართველოს მთავრობის 2014 წლის 15 იანვრის №59

დადგენილების მე-V თავით მიწის ნაკვეთ(ებ)ზე შენობათა განთავსების პირობებისა

და მათი მაქსიმალური სიმაღლეების განსაზღვრისათვის დადგენილი მოთხოვნები.

6. მიწის ნაკვეთების სამშენებლოდ ეფექტიანად გამოყენებისათვის შესაძლებელია

მათი საზღვრების კონფიგურაციის შეცვლა, მესაკუთრეებს შორის სათანადო

ხელშეკრულების, მათ შორის, ნატურალური ან/და ფულადი კომპენსაციის

საფუძველზე; 7. მიწის ნაკვეთის სამშენებლოდ განვითარებისათვის, მიწის ნაკვეთის საკადასტრო

საზღვრების ის ადგილები სადაც იქმნება კუთხეები, აღნიშნული უნდა იქნეს

წერტილით, მისი კოორდინატებისა და აბსოლუტური ნიშნულის მითითებით. მუხლი 5. არსებული ზონების ცვლილების პირობები

1. არსებული ზონების ცვლილება წარმოადგენს ცვლილებას ურეკი-შეკვეთილის

ტურისტულ- სარეკრეაციო კომპლექსის ტერიტორიაზე დაგეგმარების დოკუმენტებში

და შესაბამისად საჭიროებს იგივე პროცედურების გავლას, რაც კანონმდებლობით

მათი დამტკიცებისთვის არის დადგენილი. გამონაკლისს წარმოადგენს ამ მუხლის

მე-2 და მე-3 პუნქტებში განსაზღვრული შემთხვევები. 2. ამ პუნქტში განსაზღვრულ შემთხვევებში, არსებული ზოგადი ფუნქციური

ზონების ცვლილება ხდება ზოგადი ადმინისტრაციული კოდექსის VI თავით

დადგენილი მარტივი ადმინისტრაციული წარმოების წესის შესაბამისად:

ა) ამ თავით განსაზღვრული ყველა არსებული ფუნქციური ზონების ცვლილება

ლანდშაფტურ-სარეკრეაციო ზონად; ბ) ამ თავით განსაზღვრული ყველა არსებული ფუნქციური ზონების, გარდა

ლანდშაფტურ- სარეკრეაციო ზონისა, ცვლილება სარეკრეაციო ზონად; გ) სამრეწველო და საზოგადოებრივ-საქმიანი ზონების ცვლილება

საცხოვრებელ ან სატრანსპორტო ზონად. 3. ამ პუნქტში განსაზღვრულ შემთხვევებში, არსებული კონკრეტული ფუნქციური

ზონების ცვლილება ხდება ზოგადი ადმინისტრაციული კოდექსის VI თავით

27

დადგენილი მარტივი ადმინისტრაციული წარმოების წესის შესაბამისად:

ა) ამ წესებით განსაზღვრული ყველა არსებული ფუნქციური ზონების

ცვლილება ლანდშაფტურ-სარეკრეაციო ზონად;

ბ) ამ წესებით განსაზღვრული ყველა არსებული ფუნქციური ზონების, გარდა ლანდშაფტურ-სარეკრეაციო ზონისა, ცვლილება სარეკრეაციო ზონად; გ) საცხოვრებელი ზონა 5 (სზ-5) – ის ცვლილება საცხოვრებელი ზონა 3 (სზ-3) – ად;

მუხლი 6. სპეციალური (ზონალური) შეთანხმება 1. სპეციალური (ზონალური) შეთანხმებამ ითვალისწინებს, ამ წესების შესაბამისად,

კონკრეტული მიწის ნაკვეთისთვის განსაზღვრული კ2 კოეფიციენტების

მნიშვნელობის მაქსიმუმ 10%–მდე გაზრდას (სათანადო დასაბუთების საფუძველზე). 2. სპეციალურ ზონალურ შეთანხმებას ინთანხმებს ურეკი-შეკვეთილის სარეკრეაციო

ტერიტორიის დასახლებათა ტერიტორიების გამოყენებისა და განაშენიანების

საკითხთა კომისია, ხოლო გადაწყვეტილებას იღებს ოზურგეთის მუნიციპალიტეტის

საკრებულო საქართველოს ეკონომიკისა და მდგრადი განვითარების სამინისტროსთან

შეთანხმებით. 3. სპეციალურ (ზონალურ) შეთანხმებაზე გადაწყვეტილება მიიღება მშენებლობის ნებართვის გაცემის პირველ სტადიაზე.

მუხლი 7. 200 მ2-მდე ფართობის მიწის ნაკვეთზე დასაშვებია მხოლოდ დროებითი

შენობა-ნაგებობების განთავსება კანონმდებლობის მოთხოვნათა შესაბამისად. მუხლი 8. ამ წესების მოთხოვნებთან შეუსაბამობა და განპირობებული

(იძულებითი) შეუსაბამობა 1. მიწის ნაკვეთებს და შენობა-ნაგებობებს, რომლებიც არ შეესაბამებიან ამ წესების

მოთხოვნებს, ენიჭებათ შეუსაბამო მიწის ნაკვეთებისა და შენობა-ნაგებობების

სტატუსი, რომელსაც ანიჭებს ადგილობრივი თვითმმართველობის აღმასრულებელი

ორგანო, ურეკი-შეკვეთილის სარეკრეაციო ტერიტორიის გამოყენებისა და

განაშენიანების საკითხთა კომისიასთან შეთანხმებით. 2. მიწის ნაკვეთები და შენობა-ნაგებობები, რომლებიც თავისი მახასიათებლებით არ

შეესაბამება შესაბამისი ზონის განაშენიანების რეგულირების მოთხოვნებს და

შესაბამისობის უზრუნველყოფა შეუძლებელია, ენიჭება განპირობებული

(იძულებითი) შეუსაბამო მიწის ნაკვეთებისა და შენობა-ნაგებობების სტატუსი. 3. შეუსაბამო და განპირობებული (იძულებითი) შეუსაბამო სტატუსის მქონე მიწის

ნაკვეთებისა და შენობა-ნაგებობების შემდგომი განვითარება (ტერიტორიის

გაფართოება, ფუნქციის/გამოყენების შეცვლა, რეკონსტრუქცია) ხორციელდება

მხოლოდ შეუსაბამობის აღმოფხვრის ან შემცირების პირობით. შემცირების პირობები

შესაძლებელია განისაზღვროს ეტაპობრივად, საბოლოო აღმოფხვრის მიზნით. 4. შეუსაბამობის აღმოფხვრის შემთხვევაში შეუსაბამო სტატუსის მქონე მიწის ნაკვეთებსა და შენობა-ნაგებობებებს ეხსნება შეუსაბამო სტატუსი.

27

თავი III

ზონირება მუხლი 9. ურეკი-შეკვეთილის სარეკრეაციო ტერიტორიის ზონირების დოკუმენტების შემადგენლობა

1. ურეკი-შეკვეთილის სარეკრეაციო ტერიტორიის ზონირების დოკუმენტებია: ა) მიწათსარგებლობის ზოგადი უფლებრივი ზონირების დოკუმენტი; ბ) მიწათსარგებლობის კონკრეტული უფლებრივი ზონირების

დოკუმენტი. 2. მიწათსარგებლობის ზონირების დოკუმენტი მოიცავს:

ა) ზოგად ფუნქციურ ზონებს; ბ) კულტურული მემკვიდრეობის და გარემოს დამცავ კონკრეტულ ზონებს. 3. მიწათსარგებლობის კონკრეტული უფლებრივი ზონირების დოკუმენტები მოიცავს:

ა) დასახლებათა ტერიტორიების გამოყენებისა და განაშენიანების რეგულირების

პირობებს;

ბ) მიწის ნაკვეთის განაშენიანების, განაშენიანების სიმჭიდროვის და გამწვანების

კოეფიციენტებს; გ) კონკრეტულ ფუნქციურ ზონებს და მათდამი ამ წესებით წაყენებულ მოთხოვნებს;

დ) კულტურული მემკვიდრეობის და გარემოს დამცავ კონკრეტულ ზონებს.

მუხლი 10. მიწათსარგებლობის ზოგადი უფლებრივი ზონირების დოკუმენტებით განსაზღვრული ზონების საზღვრები

1. მიწათსარგებლობის ზოგადი უფლებრივი ზონირების დოკუმენტის თვითოეული ზონის ტერიტორია გამოყოფილ უნდა იქნეს საზღვრებით.

2. ზონების ტერიტორიების საზღვრების დადგენისას, როგორც წესი, გამოყენებულ უნდა

იქნეს:

ა) დასახლებათა ტერიტორიის ადმინისტრაციული საზღვრები;

ბ) დასახლებათა განაშენიანებული ტერიტორიების

საზღვრები;

გ) ბუნებრივი და ხელოვნური საზღვრები/მიჯნები;

დ) დაცული ტერიტორიების საზღვრები; ე) კულტურული მემკვიდრეობის კონკრეტული ძეგლის ტერიტორიის ან/და დამცავი ზონების ტერიტორიის საზღვრები/ფარგლები; ვ) საცხოვრებელი, საზოგადოებრივ-საქმიანი, საკურორტო, სარეკრეაციო ტერიტორიების საზღვრები; ზ) ქუჩებისა და მაგისტრალების ტერიტორიების საზღვრები; თ) რკინიგზის, მილსადენებისა და სხვა საინჟინრო ინფრასტრუქტურის ტერიტორიების ან/და გასხვისების ზოლის საზღვრები.

27

3. მიწათსარგებლობის ზოგადი უფლებრივი ზონების ტერიტორიის გამოკვეთა

ხდება ფუნქციური, კულტურული მემკვიდრეობის და გარემოს დამცავი ზონების

საზღვრების დადგენის შედეგად. მუხლი 11. მიწათსარგებლობის კონკრეტული უფლებრივი ზონირების დოკუმენტებით

განსაზღვრული დასახლებათა ტერიტორიების გამოყენებისა და განაშენიანების

რეგულირების პირობები და ზონების საზღვრები 1. მიწათსარგებლობის კონკრეტული უფლებრივი ზონირების დოკუმენტში ასახული ტერიტორიული ზონებისათვის რეგლამენტებით დგინდება:

ა) ზონების ტერიტორიებზე მიწის ნაკვეთების განაშენიანების/სამშენებლოდ გამოყენების რეგულირების ძირითადი პარამეტრები და მათი დასაშვები მაჩვენებლები; ბ) ზონების ტერიტორიებზე შესაძლებელია დადგინდეს ისეთი გამოყენებების ჩამონათვალი, რომელთა განთავსებაც დასაშვებია ან დაუშვებელია.

2. სამშენებლოდ მიწის ნაკვეთების განაშენიანების რეგულირების ძირითადი პარამეტრები უნდა მოიცავდეს:

ა) მიწის ნაკვეთების განაშენიანების მაქსიმალურ კოეფიციენტს; ბ) მიწის ნაკვეთების განაშენიანების სიმჭიდროვის მაქსიმალურ კოეფიციენტს ან/და მიწის ნაკვეთების განაშენიანების მაქსიმალურ სიმაღლეს; გ) მიწის ნაკვეთების გამწვანების მინიმალურ კოეფიციენტს;

3. მიწის ნაკვეთების განაშენიანების/სამშენებლოდ გამოყენების რეგულირების

ძირითადი პარამეტრები შესაძლებელია ასევე მოიცავდეს:

ა) მაქსიმალურ მაჩვენებლებს განაშენიანების სართულიანობა/სიმაღლისათვის ან/და მოცულობისათვის; ბ) მიწის ნაკვეთების ფართობ(ებ)ის მინიმალურ და მაქსიმალურ ზომებს;

გ) განაშენიანების რეგულირების ხაზებს (წითელ ხაზებს);

დ) განაშენიანების სავალდებულო ხაზებს (ლურჯ ხაზებს);

ე) ავტომანქანების სადგომი ადგილების რაოდენობას;

ვ) განაშენიანების სივრცით-დაგეგმარებითი წყობის პირობებს (მაგ.: შენობების

ფასადების ერთი ხაზის გასწვრივ განთავსება, შენობების შეტყუპება, შენობების

სიმაღლეების განსაზღვრა, შენობების გადახურვის ტიპის განსაზღვრა და სხვა); ზ) სხვა პარამეტრებს, რომელთა მნიშვნელობა და მაჩვენებლები დგინდება განაშენიანების რეგულირების გეგმით და/ან სხვა ნორმატიული აქტებით.

4. მიწათსარგებლობის კონკრეტული უფლებრივი ზონირების დოკუმენტის თვითოეული ზონის ტერიტორია გამოყოფილ უნდა იქნეს საზღვრებით.

5. ზონების ტერიტორიების საზღვრების დადგენისას, როგორც წესი, გამოყენებულ

უნდა იქნეს:

ა) დასახლებათა ტერიტორიის ადმინისტრაციული საზღვრები;

ბ) დასახლებათა განაშენიანებული ტერიტორიების

27

საზღვრები; გ) ბუნებრივი და ხელოვნური

საზღვრები/მიჯნები;

დ) დაცული ტერიტორიების საზღვრები; ე) კულტურული მემკვიდრეობის კონკრეტული ძეგლის ტერიტორიის ან/და დამცავი ზონების ტერიტორიის საზღვრები/ფარგლები; ვ) საცხოვრებელი, საზოგადოებრივ-საქმიანი, საკურირტო, სარეკრეაციო ტერიტორიების საზღვრები; ზ) ქუჩებისა და საავტომობილო მაგისტრალების ტერიტორიების საზღვრები და

მათი ღერძულა ან/და შუა ხაზები; თ) რკინიგზის, მილსადენებისა და სხვა საინჟინრო ინფრასტრუქტურის

ტერიტორიების ან/და გასხვისების ზოლის საზღვრები; ი) ზონების ტერიტორიების განაპირას მდებარე ცალკეული მიწის ნაკვეთების

საზღვრები.

6. მიწათსარგებლობის კონკრეტული უფლებრივი ზონების ტერიტორიის გამოკვეთა

ხდება ფუნქციური, კულტურული მემკვიდრეობის და გარემოს დამცავი ზონების

საზღვრების დადგენის შედეგად. 7. უფლებრივი ზონების საზღვრების დადგენისას, როდესაც ხდება ფუნქციური

ზონების გადაფარვა კულტურული მემკვიდრეობის და გარემოს დამცავი ზონებით,

ასეთი ტერიტორიის საზღვრებში მოქმედებს კულტურული მემკვიდრეობის და

გარემოს დამცავი ზონებისათვის განსაზღვრული რეგულირება. მუხლი 12. მიწის ნაკვეთის განაშენიანების კოეფიციენტი კ-1

1. მიწის ნაკვეთის განაშენიანების კოეფიციენტი კ-1 განსაზღვრავს, კონკრეტული მიწის ნაკვეთის ტერიტორიის მაქსიმუმ რა ნაწილზეა დასაშვები შენობა-ნაგებობების განთავსება.

2. კ-1 კოეფიციენტი განისაზღვრება შენობა-ნაგებობის მიწისპირა სართულის იატაკის ზედაპირის გარე პერიმეტრში მოქცეული ფართობით.

3. იმ შემთხვევაში, როდესაც შენობა-ნაგებობას არ გააჩნია მიწიპირა სართული მაშინ

კ-1 კოეფიციენტი განისაზღვრება პირველი მიწისზედა სართულის იატაკის

ზედაპირის გარე პერიმეტრში მოქცეული ფართობით. 4. მიწის ნაკვეთის განაშენიანების კოეფიციენტით განსაზღვრულ საანგარიშო ფართობში არ შედის:

ა) შენობა-ნაგებობების მიწისქვეშა სართულ(ებ)ი; ბ) ქუჩის ზედაპირის დონეზე, შენობაში მოწყობილი ავტომობილის გასასვლელი;

გ) შენობა-ნაგებობები, როლებიც არ საჭიროებენ მშენებლობის ნებართვას.

5. კ-1 კოეფიციენტი მრგვალდება მეათედის სიზუსტით. მუხლი 13. მიწის ნაკვეთის განაშენიანების ინტენსივობის (სიმჭიდროვის)

კოეფიციენტი კ-2 1. მიწის ნაკვეთის განაშენიანების ინტენსივობის (სიმჭიდროვის) კოეფიციენტი კ-2

27

განსაზღვრავს, ცალკეულ ზონაში, კონკრეტული მიწის ნაკვეთის ტერიტორიაზე

დასაშვებ, შენობა-ნაგებობის მიწისპირა და მიწისზედა სართულების იატაკის

ძირთადი კონსტრუქციების ზედაპირების ჯამურ ფართობს. 2. კ-2 კოეფიციენტის საანგარიშო ფართობი გამოითვლება ქვემოთ განსაზღვრული ჩამონათვალის შესაბამისად

ა) მიწისპირა და მიწისზედა სრული სართულის იატაკის ძირითადი კონსტრუქციის

გარე კონტურში მოქცეული ზედაპირის ფართობი – კ-2 კოეფიციენტის საანგარიშო

ფართობში შედის სრულად; ბ) არასრული სართულის იატაკის კონსტრუქციის ზედაპირის ფართობი – კ-2 კოეფიციენტის საანგარიშო ფართობში შედის 1/2-ით; გ) სხვენში, რომელშიც მოწყობილია ისეთი მანსარდა, რომელიც წარმოადგენს სრულ

სართულს, მაშინ ასეთი მანსარდა – კ-2 კოეფიციენტის საანგარიშო ფართობში შედის

ასეთი სხვენის იატაკის ძირითადი კონსტრუქციის ზედაპირის ფართობის 3/4-ით; დ) სხვენში, რომელშიც მოწყობილია ისეთი მანსარდა, რომელიც წარმოადგენს

არასრულ სართულს, მაშინ ასეთი მანსარდა – კ-2 კოეფიციენტის საანგარიშო

ფართობში შედის ასეთ სხვენის იატაკის ძირითადი კონსტრუქციის ზედაპირის

ფართობის 1/3-ით; ე) მიწისპირა სართულზე არსებული კიბის უჯრედის იატაკის ძირითადი კონსტრუქციის ზედაპირის და შესაბამის სართულზე არსებული ლიფტის შახტის საერთო ფართობის ის ნაწილი, რომელიც 60 მ2-ზე მეტია – კ-2 კოეფიციენტის საანგარიშო ფართობში შედის სრულად; ვ) შენობისა და ქუჩის ზედაპირის გადაკვეთის დონე(ებ)ზე, შენობაში ავტომობილის

გასასვლელად მოწყობილი გვირაბის გზის ზედაპირის საერთო ფართობის ის

ნაწილი, რომელიც 50 მ2-ზე მეტია – კ-2 კოეფიციენტის საანგარიშო ფართობში შედის

სრულად; ზ) პირველ მიწისზედა სართულზე არსებული კიბის უჯრედის იატაკის ძირთადი

კონსტრუქციის ზედაპირის და შესაბამის სართულზე არსებული ლიფტის შახტის

საერთო ფართობის ის ნაწილი, რომელიც 60 მ2-ზე მეტია – კ-2 კოეფიციენტის

საანგარიშო ფართობში შედის სრულად; თ) პირველი მიწისზედა სართულის გარდა, სხვა მიწისზედა სართულზე არსებული

კიბის უჯრედის იატაკის ძირითადი კონსტრუქციის ზედაპირის და შესაბამის

სართულზე არსებული ლიფტის შახტის საერთო ფართობის ის ნაწილი, რომელიც 40

მ2-ზე მეტია – კ-2 კოეფიციენტის საანგარიშო ფართობში შედის სრულად; ი) აივანის იატაკის ძირითადი კონსტრუქციის ზედაპირის საერთო ფართობის ის

ნაწილი, რომელიც გამოწეულია შენობა-ნაგებობის ფასადის გარე კედლიდან 1,5 მ-ზე

მეტი მანძილით - კ-2 კოეფიციენტის საანგარიშო ფართობში შედის სრულად; კ) ვერანდის, ერკერის, ტერასის, ლოჯის იატაკის ძირითადი კონსტრუქციის

ზედაპირის ფართობი - კ-2 კოეფიციენტის საანგარიშო ფართობში შედის სრულად. 3. კ-2 კოეფიციენტის საანგარიშო ფართობი მრგვალდება მეათედის სიზუსტით.

მუხლი 14. მიწის ნაკვეთის გამწვანების კოეფიციენტი კ-3

27

1. მიწის ნაკვეთის გამწვანების კოეფიციენტით განისაზღვრება მიწის ნაკვეთის

ტერიტორიის ფართობის მინიმალური წილი, რომელიც არ უნდა იყოს დაფარული,

ან გადაფარული რაიმე წყალგაუმტარი (სამშენებლო თუ სხვა) მასალით, რომლის

ქვეშაც არ უნდა არსებობდეს რაიმე ნაგებობა, ან სათავსი და რომელიც განკუთვნილია

გამწვანებისათვის. 2. მიწის ნაკვეთის გამწვანების კოეფიციენტი არის მიწის ნაკვეთის გამწვანებული ზედაპირის, მიწის ნაკვეთის საერთო ფართობთან შეფარდების მინიმალური მაჩვენებელი.

3. კ-3 კოეფიციენტის დამრგვალება შესაძლებელია მეათედი სიზუსტით.

მუხლი 15. ფუნქციური ზონები

1. უფლებრივი ზონირების დოკუმენტების განხორციელების მიზნით, დასახლებათა

ტერიტორიები იყოფა

ა) ზოგად ფუნქციურ ზონებად:

ა.ა) ლანდშაფტურ-სარეკრეაციო ზონა – (ლსზ);

ა.ბ) სასოფლო-სამეურნეო ზონა – (სოფზ);

ა.გ) სარეკრეაციო ზონა _ (რზ);

ა.დ) საკურორტო-სარეკრეაციო ზონა – (სრზ);

ა.ე) საცხოვრებელი ზონა – (სზ);

ა.ვ) სატრანსპორტო ზონა – (ტზ);

ა.ზ) საზოგადოებრივ-საქმიანი ზონა – (სსზ);

ა.თ) სანიტარიული ზონა – (სანზ);

ბ) კონკრეტულ ფუნქციურ ზონებად:

ბ.ა) ლანდშაპტურ-სარეკრეაციო ზონა' – (ლსზ');

ბ.ბ) სასოფლო-სამეურნეო ზონა' – (სოფზ');

ბ.გ) სარეკრეაციო ზონა - (რზ);

ბ.დ) საკურორტო-სარეკრეაციო ზონა 1 (სრზ-1)

ბ.ე) საკურორტო-სარეკრეაციო ზონა 2 (სრზ-2)

ბ.ვ) საცხოვრებელი ზონა 1 - (სზ-1);

ბ.ზ)საცხოვრებელი ზონა 3 (სზ-3);

ბ.თ) საცხოვრებელი ზონა 5 - (სზ-5);

ბ.ი) სატრანსპორტო ზონა 1 – (ტზ-1);

ბ.კ) სატრანსპორტო ზონა 2 – (ტზ-2);

ბ.ლ) საზოგადოებრივ-საქმიანი ზონა 1 – (სსზ-1);

ბ.მ) საზოგადოებრივ-საქმიანი ზონა 3 – (სსზ-3);

ბ.ნ) სანიტარიული ზონა' _ (სანზ');

27

2. ტერიტორიის ზოგად ფუნქციურ ზონებად დაყოფა აისახება მიწათსარგებლობის გენერალური გეგმის შესაბამის მიწათსარგებლობის ზოგადი უფლებრივი ზონირების დოკუმენტში.

3. ტერიტორიის კონკრეტულ ფუნქციურ ზონებად დაყოფა აისახება

მიწათსარგებლობის გენერალური გეგმის შესაბამის მიწათსარგებლობის ზოგადი

უფლებრივი ზონირების დოკუმენტში, შესაბამის მიწათსარგებლობის კონკრეტული

უფლებრივი ზონირების დოკუმენტში და განაშენიანების რეგულირების გეგმის.

თავი IV

კონკრეტული ფუნქციური ზონები

მუხლი 16. ლანდშაფტურ-სარეკრეაციო ზონა' (ლსზ') წარმოადგენს ურეკი-

შეკვეთილის ტურისტულ-სარეკრეაციო კომპლექსის ტერიტორიის საზღვრებში

ბუნებრივი ლანდშაფტის ან ფასეული ხელოვნური ლანდშაფტის ტერიტორიას, სადაც

შესაძლებელია მისი ფუნქციონირებისათვის უზრუნველმყოფი ნაგებობების არსებობა

კანონმდებლობის შესაბამისად.

მუხლი 17. სასოფლო-სამეურნეო ზონა' – (სოფზ') წარმოადგენს ურეკი-შეკვეთილის

ტურისტულ-სარეკრეაციო კომპლექსის ტერიტორიის საზღვრებში არსებულ

სასოფლო- სამეურნეო ტერიტორიებს, სადაც შესაძლებელია მისი

ფუნქციონირებისათვის უზრუნველმყოფი დამხმარე შენობა-ნაგებობების არსებობა

კანონმდებლობის შესაბამისად.

მუხლი 18. სარეკრეაციო ზონა' (რზ') - წარმოადგენს სარეკრეაციო ზონას, რომელიც

მდებარეობს ურეკი-შეკვეთილის ტურისტულ-სარეკრეაციო კომპლექსის

ტერიტორიის საზღვრებში, მოიცავს ისეთ გამწვანებულ ტერიტორიებს, როგორიცაა

პარკი, ბაღი, ბულვარი, სკვერი და მსგავსი ტიპის სხვა ტერიტორიები, სადაც

შესაძლებელია ღია სათამაშო მოედნების, მცირე ზომის სასპორტო მოედნების,

მცირე არქიტექტურული და სკულპტურული ფორმების/ნაგებობების, შადრევნების

და სარეკრეაციო ზონა (რზ) ფუნქციონირების უზრუნველმყოფი შენობა-

ნაგებობების არსებობა კანონმდებლობის შესაბამისად. სარეკრეაციო ზონაში (რზ-)

სპეციალური (ზონალური) შეთანხმებით დასაშვებია სასაპორტო ნაგებობების,

ატრაქციონების, კვებისათვის და გართობისათვის განკუთვნილი შენობა-

ნაგებობების, კულტურულ-საგანმანათლებლო შენობა-ნაგებობების და რელიგიური

დანიშნულების ნაგებობების განთავსება. მუხლი 19. საკურორტო-სარეკრეაციო ზონები

1. საკურორტო-სარეკრეაციო ზონები. კონკრეტულ საკურორტო-სარეკრეაციო ზონებში

(სრზ)მთავარი და დასაშვები გამოყენებები

ა) საკურორტო-სარეკრეაციო ზონა 1 (სრზ-1): წარმოადგენს საკურორტო-

სარეკრეაციო ზონას, რომელიც მდებარეობს ურეკი-შეკვეთილის ტურისტულ-

სარეკრეაციო კომპლექსის ტერიტორიის საზღვრებში, სადაც შესაძლებელია

საოჯახო სასტუმროების, სასტუმროების, დასასვენებელი შენობა-ნაგებობების,

ერთი ან ორ ერთეულიანი საცხოვრებელი სახლების, კვებისათვის და

გართობისათვის განკუთვნილი მომსახურებების, მცირე კომერციული-

27

სავაჭრო მომსახურებების, გარაჟების და ზემოთ ნებადართული გამოყენებების

დამხმარე შენობა-ნაგებობების, ასევე დროებითი შენობა-ნაგებობები განთავსება.

ბ) საკურორტო-სარეკრეაციო ზონა 2 (სრზ-2): წარმოადგენს საკურორტო-

სარეკრეაციო ზონას, რომელიც მდებარეობს ურეკი-შეკვეთილის ტურისტულ-

სარეკრეაციო კომპლექსის ტერიტორიის საზღვრებში, სადაც შესაძლებელია

საოჯახო სასტუმროების, სასტუმროების, დასასვენებელი შენობა-ნაგებობების,

კვებისათვის და გართობისათვის განკუთვნილი მომსახურებების, სამკურნალო

მომსახურებების, მცირე კომერციული-სავაჭრო მომსახურებების, გარაჟების და

ზემოთ ნებადართული გამოყენებების დამხმარე შენობა- ნაგებობების, ასევე

დროებითი შენობა-ნაგებობების განთავსება.

2. საკურორტო-სარეკრეაციო ზონა 2 (სზ-2)-ში მდებარე 1000 მ2 ფართობზე

ნაკლები და 200 მ2 ფართობზე მეტი მიწის ნაკვეთის განვითარება დასაშვებია

საკურორტო-სარეკრეაციო ზონა 1 (სზ-1)-ისადმი განსაზღვრული მოთხოვნების

შესაბამისად;

3. ზომების რეგულირება კონკრეტულ საკურორტო-სარეკრეაციო ზონებში

ა) მინიმალური ფართობი, უბნის ან ქვეუბნის მაქსიმალური ინტენსივობა

(სიმჭიდროვე) მინიმალური სიგრძე და სიგანე, შეწევის მაძილები, მაქსიმალური

სიმაღლე, განაშენიანების, განაშენიანების სიმჭიდროვისა და გამწვანების

კოეფიციენტები უნდა შეესაბამებოდეს ცხრილ 1-ს;

ბ) ცხრილ 1-ში თითოეული კონკრეტული საკურორტო-სარეკრეაციო

ზონისათვის მოცემულია მინინალური ფართობი, ხოლო მაქსიმალური ფართობი

შეუზღუდავია.

ცხრილი 1

კონკრეტულ საკურორტო-სარეკრეაციო ზონებში ზომების რეგულირებაა,ბ,გ,დ,ე

კონკრე

ტული

საკურო

რტო-

სარეკრე

ციო

ზონები

მიწის

ნაკვეთ

ის

მინიმა

ლური

ფართო

ბი (მ2)

დამსვენ

ებე

ლთა

მაქსიმა

ლური

ინტენსი

ვობა

(სიმჭიდ

როვე)

(ადგილ

ი/

ჰექტარ

ზე)

მიწის

ნაკვეთის

ზომები

შეწევის

მანძილისადმი

მოთხოვნები

შენობი

ს

მაქსიმა

ლური

სიმაღლ

ე

(მეტრე

ბი)

მიწის

ნაკვეთი

ს

განაშენი

ანების

მაქსიმა

ლური

კოეფიცი

ენტი -

(კ-1)

მიწის

ნაკვეთი

ს

განაშენი

ანების

სიმჭიდ

როვის

მაქსიმა

ლური

კოეფიც

იენტი -

(კ-2)

მიწის

ნაკვეთი

ს

გამწვან

ების

მინიმა

ლური

კოეფიც

იენტი -

(კ-3)

მიწის

ნაკვეთ

ის

მინიმა

ლური

სიგანე/

ფრონტ

ი

(მეტრე

ბი)

მიწის

ნაკვეთ

ის

მინიმა

ლური

სიღრმე

/

სიგრძე

(მეტრე

ბი)

მინიმა

ლური

წინა

ეზო

(მეტრე

ბი)

მინიმა

ლური

გვერდ

ითი

ეზო

(მეტრე

ბი)

მინიმა

ლური

უკანა

ეზო

(მეტრე

ბი)

27

საკურო

რტო-

სარეკრე

აციო

ზონა 1

(სრზ-1)

200 მ2 100 10 მ 20 მ 3 მ 2.5 მ 3 მ 6 მ 0.3 0,6გ 0.3

400 მ2 10 მ 20 მ 4 მ 2.5 მ 3 მ 8მ 0.3 0,9გ 0.4

600 მ2 10 მ 20 მ 4 მ 2.5 მ 3 მ 10მ 0.3 1,2გ 0.4

საკურო

რტო-

სარეკრე

აციო

ზონა 2

(სრზ-2)

1000 მ2 300 25 მ 25 მ 5 მ 5 მ 5 მ - 0.3 1.5 გ 0.5

ა. დამხმარე კოშკების, სატელიტური ანტენების თეფშებისა და მსგავსი

ნაგებობების/სტრუქტურების სიმაღლეები დასაშვებია აღემატებოდეს მაქსიმალურ

სიმაღლეს, თუ დამტკიცებულია მშენებლობის ნებართვის გამცემის მიერ.

ბ. შეწევის მანძილებისადმი და შენობის მაქსიმალური სიმაღლეებისადმი დამატებითი

მოთხოვნები შესაძლებელია განისაზღვროს ურეკი-შეკვეთილის ტურისტულ-

სარეკრეაციო კომპლექსის კონკრეტული უფლებრივი ზონირების დოკუმენტით,

განაშენიანების რეგულირების გეგმით ან მიწის ნაკვეთის სამშენებლოდ გამოყენების

პირობებით.

გ. მიწის ნაკვეთის განაშენიანების სიმჭიდროვის მაქსიმალური კოეფიციენტების

გაზრდა შესაძლებელია მაქსიმუმ 10%-მდე, სპეციალური ზონალური შეთანხმების

საფუძველზე.

დ. ჰექტარზე დამსვენებელთა მაქსიმალური რაოდენობის/ადგილის განსაზღვრისას

გამოყენებულია სამშენებლო ნორმები და წესები 2,07,89 წ. „ქალაქმშენებლობა“.

ე. ორ ურთიერთმომიჯნავე მიწის ნაკვეთზე, ურთიერთმომიჯნავე გვერდითა ეზოების

მხარეს, მესაკუთრეთა ურთიერთშეთანხმებით, დასაშვებია სამეზობლო საზღვართან ან

სამეზობლო საზღვარზე შენობების განთავსება, ხოლო დარჩენილი აუცილებელი

გვერდითა ეზოს სიგანე ცხრილით განსაზღვრულზე სულ მცირე ორჯერ მეტი უნდა

იყოს.

მუხლი 20. კონკრეტული საცხოვრებელი ზონები 1. კონკრეტული საცხოვრებელი ზონები. კონკრეტულ საცხოვრებელ ზონებში (სზ)

მთავარი და დასაშვები გამოყენებებია:

ა) საცხოვრებელი ზონა 1 (სზ-1) – დაბალი ინტენსივობის (სიმჭიდროვის)

საცხოვრებელი ზონა, შესაძლებელია არსებობდეს მხოლოს სასოფლო-სამეურნეო

დანიშნულების მიწის ნაკვეთებზე, სადაც განაშენიანების მთავარი გამოყენებაა

ერთი ან ორი ოჯახის საცხოვრებელი სახლები. ასევე დასაშვებია სასოფლო-

სამეურნეო დანიშნულების შენობა- ნაგებობის არსებობა კანონმდებლობის

27

შესაბამისად, მათ შორის სამეზობლო თმენის პრინციპების დაცვით. ბ) საცხოვრებელი ზონა 3 (სზ-3) - დაბალი ინტენსივობის (სიმჭიდროვის)

საცხოვრებელი ზონა, სადაც განაშენიანების მთავარი გამოყენებაა ერთი ან ორი

ოჯახის საცხოვრებელი სახლები ან საცხოვრებელ-სამუშაო ერთეულები ან მრავალ-

ერთეულიანი (მრავალბინიანი) საცხოვრებელი სახლები და სასტუმროები. ასევე

დასაშვები გამოყენებებია: სახელმწიფო ან თვითმმართველობის საკუთრებაში

არსებული პარკები, რეკრეაციული ცენტრები, საცურაო აუზები, სპორტული

მოედნები, პოლიციისა და ხანძარსაწინააღმდეგო განყოფილების სადგურები,

საჯარო და სამთავრობო სამსახურები, საჯარო ბიბლიოთეკები, რელიგიური

დანიშნულების ნაგებობები, საბავშვო ბაღები, სკოლები და კოლეჯები,

საზოგადოებრივი ავტოსადგომების ტერიტორიები, გარაჟები, მცირე კომერციული-

სავაჭრო მომსახურებები, ზემოთ ნებადართული გამოყენებების დამხმარე შენობა-

ნაგებობები, ასევე დროებითი შენობა-ნაგებობები. გ) საცხოვრებელი ზონა 5 (სზ-5) - საშუალო სიმჭიდროვის საცხოვრებელი ზონა,

სადაც განაშენიანების მთავარი გამოყენებაა მრავალ-ერთეულიანი

(მრავალბინიანი) საცხოვრებლები, როგორიცაა: მრავალ ერთეულიანი

(მრავალბინიანი) საცხოვრებელი სახლები და სასტუმროები. ასევე დასაშვები

გამოყენებებია საზოგადოებრივი, ყოველდღიური მოხმარების და სამეზობლო

კომერციული ცენტრები, ამასთანავე ყველა გამოყენება, რომელიც დასაშვებია

საცხოვრებელ ზონა 3 (სზ-3)-ში. 2. კონკრეტული საცხოვრებელი ზონისადმი განსაზღვრული მოთხოვნების სხვა

კონკრეტულ საცხოვრებელი ზონაში განვითარების შესაძლებლობა.

ა) საცხოვრებელი ზონა 2 (სზ‐2)‐ში მდებარე 400 მ2 ფართობზე ნაკლები და 200 მ2

ფართობზე მეტი მიწის ნაკვეთის განვითარება დასაშვებია საცხოვრებელი ზონა 1

(სზ‐1)‐ისადმი განსაზღვრული მოთხოვნების შესაბამისად;

ბ) საცხოვრებელი ზონა 3 (სზ‐3)‐ში მდებარე 600 მ2 ფართობზე ნაკლები და 400 მ2

ფართობზე მეტი მიწის ნაკვეთის განვითარება დასაშვებია საცხოვრებელი ზონა 2

(სზ‐2)‐ისადმი განსაზღვრული მოთხოვნების შესაბამისად.

გ) საცხოვრებელი ზონა 3 (სზ-3)-ში მდებარე 400 მ2 ფართობზე ნაკლები და 200 მ2

ფართობზე მეტი მიწის ნაკვეთის განვითარება დასაშვებია საცხოვრებელი ზონა 1

(სზ-1)- ისადმი განსაზღვრული მოთხოვნების შესაბამისად.

3. ზომების რეგულირება კონკრეტულ საცხოვრებელ ზონებში ა) ზოგადი. მინიმალური ფართობი, უბნის ან ქვეუბნის მაქსიმალური

ინტენსივობა (სიმჭიდროვე), მინიმალური სიგრძე და სიგანე, შეწევის მაძილები,

მაქსიმალური სიმაღლე, განაშენიანების, განაშენიანების სიმჭიდროვისა და

გამწვანების კოეფიციენტები უნდა შეესაბამებოდეს ცხრილ 1-ს;

27

ბ) ცხრილ 1-ში თითოეული კონკრეტული საცხოვრებელი ზონისათვის

მოცემულია მინინალური ფართობი, ხოლო მაქსიმალური ფართობი შეუზღუდავია.

ცხრილი 2

კონკრეტულ საცხოვრებელ ზონებში ზომების რეგულირებაა,ბ,გ,დ

კონკრეტ

ული

საცხოვრ

ებელი

ზონები

მიწის

ნაკვეთ

ის

მინიმა

ლური

ფართო

ბი (მ2)

მაქსიმა

ლური

ინტენსი

ვობა

(სიმჭიდ

როვე)

(საცხოვრ

ებელი

ერთეულ

ები/

ჰექტარზ

ე)

მიწის

ნაკვეთის

ზომები

შეწევის

მანძილისადმი

მოთხოვნები

შენობი

ს

მაქსიმა

ლური

სიმაღლ

ე ა

(მეტრე

ბი)

მიწის

ნაკვეთი

ს

განაშენი

ანების

მაქსიმა

ლური

კოეფიცი

ენტი -

(კ-1)

მიწის

ნაკვეთი

ს

განაშენი

ანების

სიმჭიდ

როვის

მაქსიმა

ლური

კოეფიც

იენტი -

(კ-2)

მიწის

ნაკვეთი

ს

გამწვან

ების

მინიმა

ლური

კოეფიც

იენტი-

(კ-3)

მიწის

ნაკვეთ

ის

მინიმა

ლური

სიგანე/

ფრონტ

ი

(მეტრე

ბი)

მიწის

ნაკვეთ

ის

მინიმა

ლური

სიღრმე

/

სიგრძე

(მეტრე

ბი)

მინიმა

ლური

წინა

ეზო

(მეტრე

ბი)

მინიმა

ლური

გვერდ

ითი

ეზო

(მეტრე

ბი)

მინიმა

ლური

უკანა

ეზო

(მეტრე

ბი)

საცხოვრ

ებელი

ზონა 1

(სზ-1)

200 მ2 40 8 მ 20 მ 3 მ 1,5 მ 3 მ 6მ 0.3 0,6 გ 0.3

საცხოვრ

ებელი

ზონა 3

(სზ-3)

400 მ2 60 10 მ 25 მ 0 ბ 2 მ 5 მ 8 მ 0.3 0,9გ 0.3

საცხოვრ

ებელი

ზონა 5

(სზ-5)

600 მ2 80 20 მ 30 მ 0 ბ 2,5 მ 5 მ 1 0 ბ 0.3 1.2 გ 0.3

ა. დამხმარე კოშკების, სატელიტური ანტენების თეფშებისა და მსგავსი

ნაგებობების/სტრუქტურების სიმაღლეები დასაშვებია აღემატებოდეს მაქსიმალურ

სიმაღლეს, თუ დამტკიცებულია მშენებლობის ნებართვის გამცემის მიერ.

ბ. შეწევის მანძილებისადმი და შენობის მაქსიმალური სიმაღლეებისადმი

დამატებითი მოთხოვნები შესაძლებელია განისაზღვროს ურეკი-შეკვეთილის

ტურისტულ-სარეკრეაციო კომპლექსის კონკრეტული უფლებრივი ზონირების

დოკუმენტით, განაშენიანების რეგულირების გეგმით ან მიწის ნაკვეთის

სამშენებლოდ გამოყენების პირობებით.

გ. მიწის ნაკვეთის განაშენიანების სიმჭიდროვის მაქსიმალური კოეფიციენტების

გაზრდა შესაძლებელია მაქსიმუმ 10%-მდე, სპეციალური ზონალური შეთანხმების

27

საფუძველზე.

დ. ორ ურთიერთმომიჯნავე მიწის ნაკვეთზე, ურთიერთმომიჯნავე გვერდითა

ეზოების მხარეს, მესაკუთრეთა ურთიერთშეთანხმებით, დასაშვებია სამეზობლო

საზღვართან ან სამეზობლო საზღვარზე შენობების განთავსება, ხოლო დარჩენილი

აუცილებელი გვერდითა ეზოს სიგანე ცხრილით განსაზღვრულზე სულ მცირე

ორჯერ მეტი უნდა იყოს.

მუხლი 21. კონკრეტული სატრანსპორტო ზონა 1 (ტრ-1) წარმოადგენს

სატრანსპორტო ზონას, რომელიც მდებარეობს ურეკი-შეკვეთილის ტურისტულ-

სარეკრეაციო კომპლექსის ტერიტორიის საზღვრებში და მოიცავს ქუჩებს და

მოედნებს, მათ შორის საფეხმავლო გზებს, ტროტუარებს, საველოსიპედე

ბილიკებს და ქუჩის გამწვანებას. მუხლი 22. კონკრეტული სატრანსპორტო ზონა 2 (ტრ-2) წარმოადგენს

სატრანსპორტო ზონას, რომელიც მდებარეობს ურეკი-შეკვეთილის ტურისტულ-

სარეკრეაციო კომპლექსის ტერიტორიის საზღვრებში, სადაც შესაძლებელია

ავტოსადგომების, ავტოსადგურების და ავტომობილის საწვავით გასასამართი

სადგურების განთავსება კანონმდებლობის მოთხოვნათა შესაბამისად. მუხლი 23. კონკრეტული საზოგადოებრივ-საქმიანი ზონები 1. კონკრეტული საზოგადოებრივ-საქმიანი ზონები. კონკრეტულ

საზოგადოებრივ-საქმიან ზონებში (სსზ) მთავარი და დასაშვები გამოყენებებია: ა) საზოგადოებრივ-საქმიანი ზონა 1 (სსზ-1) – განაშენიანების საშუალო

ინტენსივობის (სიმჭიდროვის) საზოგადოებრივ-საქმიანი ზონა, სადაც

განაშენიანების მთავარი გამოყენებებია ადმინისტრაციული, კომერციული,

კვების, გასრთობი კულტურული, საგანმანათლებლო და სამედიცინო

დაწესებულებები. ასევე დასაშვები გამოყენებებია: ავტომობილის საწვავით

გასასამართი სადგურები და ავტოსადგურები. ბ) საზოგადოებრივ-საქმიანი ზონა 3 (სსზ-3) - განაშენიანების მაღალი

ინტენსივობის (სიმჭიდროვის) საზოგადოებრივ-საქმიანი ზონა, სადაც

განაშენიანების მთავარი გამოყენებაა მსხვილი სავაჭრო დანიშნულების შენობა-

ნაგებობები და ყოველდღიური მოხმარების სავაჭრო-კომერციული ცენტრები.

ასევე დასაშვები გამოყენებებია: გასართობი ცენტრები, კვების ობიექტები,

კინოთეატრები, საწყობები, სასტუმროები და სხვა მსგავსი გამოყენებები.

2. ზომების რეგულირება კონკრეტულ საზოგადოებრივ-საქმიან ზონებში

ა) ზოგადი. მინიმალური ფართობი, უბნის ან ქვეუბნის მაქსიმალური

ინტენსივობა (სიმჭიდროვე), მინიმალური სიგრძე და სიგანე, შეწევის მაძილები,

მაქსიმალური სიმაღლე, განაშენიანების, განაშენიანების სიმჭიდროვისა და

გამწვანების კოეფიციენტები უნდა შეესაბამებოდეს ცხრილ 3-ს

27

ცხრილი 3

კონკრეტულ საზოგადოებრივ-საქმიან ზონებში ზომების რეგულირებაა,ბ,გ

კონკრეტული

მიწის უბნის ან

მიწის ნაკვეთის

ზომები

შეწევის მანძილისადმი

მოთხოვნები

შენობის მიწის მიწის მიწის საზოგადოე

ბრივ ნაკვეთის ქვეუბნ

ის მიწის მიწის მინიმალუ

რი მინიმალური

მინიმალური

მაქსიმალური

ნაკვეთის ნაკვეთის ნაკვეთის -

საქმიანი მინიმალური მაქსიმალ

ური ნაკვეთის ნაკვეთის წინა ეზო გვერდით

ი უკანა ეზო სიმაღლე ა განაშენიანებ

ის განაშენიანების

გამწვანების ზონები ფართობი ინტენსივ

ობა მინიმალური

მინიმალური

(მეტრები) ეზო (მეტრები) (მეტრები) მაქსიმალური

სიმჭიდროვის

მინიმალური (მ2) (სიმჭიდრ

ოვე) სიგანე/ სიღრმე/ (მეტრები) კოეფიციენტ

ი მაქსიმალური

კოეფიციენტი (მუდმი

ვი ფრონტი სიგრძე - (კ-1) კოეფიციენტ

ი - (კ-3) საცხოვრე

ბელი (მეტრები) (მეტრები) - (კ-2)

ერთეულები/ ჰექტარ

ზე) საზოგადოე

ბრივ

-საქმიანი

ზონა 1

(სსზ-1)

400 მ2

-

20 მ

20 მ

0 ბ

0 ბ

0 ბ

0 ბ

0.6

3.0 გ

0.2-

საზოგადოებრივ

-საქმიანი

ზონა 3

(სსზ-3)

1000 მ2

-

30 მ

30 მ

0 ბ

0 ბ

0 ბ

15

0.6

-

0.2

ა. დამხმარე კოშკების, სატელიტური ანტენების თეფშებისა და მსგავსი

ნაგებობების/სტრუქტურების სიმაღლეები დასაშვებია აღემატებოდეს მაქსიმალურ

სიმაღლეს, თუ დამტკიცებულია მშენებლობის ნებართვის გამცემის მიერ.

ბ. შეწევის მანძილებისადმი და შენობის მაქსიმალური სიმაღლეებისადმი დამატებითი

მოთხოვნები შესაძლებელია განისაზღვროს ურეკი-შეკვეთილის ტურისტულ-

სარეკრეაციო კომპლექსის კონკრეტული უფლებრივი ზონირების დოკუმენტით,

განაშენიანების რეგულირების გეგმით ან მიწის ნაკვეთის სამშენებლოდ გამოყენების

პირობებით.

გ. მიწის ნაკვეთის განაშენიანების სიმჭიდროვის მაქსიმალური კოეფიციენტების

გაზრდა შესაძლებელია მაქიმუმ 10%-მდე, სპეციალური ზონალური შეთანხმების

საფუძველზე.

მუხლი 24. კონკრეტული სანიტარიული ზონა' (სანზ') წარმოადგენს ზონას, რომელიც იცავს სხვა ზონას მავნე ზემოქმედებისაგან, ამასთანავე გააჩნია გამაჯანსაღებელი და გამმიჯნავი ფუნქცია.

მუხლი 25. თუ კონკრეტული მიწის ნაკვეთი ხვდება ერთზე მეტ კონკრეტული

ფუნქციურ ზონის მოქმედების არეალში, მაშინ მისი სამშენებლო/განაშენიანების

მიზნით განვითარებისას არცერთი ამ ფუნქციური ზონის მოთხოვნა არ უნდა

დაირღვეს.

თავი V

27

ავტოსადგომები საზოგადოებრივი გზების მიღმა მუხლი 26. ზოგადი. შენობა-ნაგებობის აშენების, გადაკეთების, გაფართოების,

გამოყენების შეცვლის, ზომაში ან მოცულობაში გაზრდის შემთხვევაში,

საზოგადოებრივი გზის მიღმა მდებარე ავტოსადგომი უნდა მოეწყოს ამ თავის

შესაბამისად.

მუხლი 27. მოთხოვნები ავტოსადგომის სივრცესთან დაკავშირებით.

1. აუცილებელი რაოდენობა. ამ წესებით დაშვებული, თითოეული

გამოყენებისთვის საჭირო ქუჩის მიღმა მდებარე ავტოსადგომი სივრცეების

რაოდენობა არ უნდა იყოს ცხრილ 4-ში განსაზღვრულზე ნაკლები.

ავტოსადგომის დანაწევრებული სივრცის თითოეული ნაწილი შესაძლებელია

გამოითვალოს, როგორც ერთიანი სივრცე.

ცხრილი 4

საზოგადოებრივი გზების მიღმა მდებარე ავტოსადგომების ნუსხა

გამოყენება ავტოსადგომის სივრცეების აუცილებელი

რაოდენობა

თავშეყრა 1 საერთო ფართობის ყოველ 30 მ2 -ზე

საცხოვრებელი ერთეული 1 ყოველ საცხოვრებელ

ერთეულზე(ბინა/სახლი)

სასტუმრო 1 ორ სასტუმრო ერთეულზე(ოთახი)

სამედიცინო დაწესებულება 1 საერთო ფართობის ყოველ 20 მ2 -ზე

ოფისი 1 საერთო ფართობის ყოველ 30 მ2 -ზე

რესტორანი 1 საერთო ფართობის ყოველ 20 მ2 -ზე

საცალო ვაჭრობის ცენტრი 1 საერთო ფართობის ყოველ 20 მ2 -ზე

2. შერეული გამოყენებები. თუ მიწის ნაკვეთზე წარმოდგენილია შერეული

გამოყენებები, ავტოსადგომების აუცილებელი რაოდენობა უნდა შეადგენდეს

თითოეული გამოყენებისთვის განსაზღვრული რაოდენობების ჯამს.

3. მიწის ნაკვეთის მდებარეობა. ამ წესების თანახმად აუცილებელი ავტოსადგომი

სივრცეები უნდა განთავსდეს იმავე მიწის ნაკვეთზე, სადაც გამოყენებაა

წარმოდგენილი ან სადაც უზრუნველყოფილია ამგვარი გამოყენების ექსკლუზიური

გამოყენება სხვა მიწის ნაკვეთზე, რომელიც მდებარეობს იმავე ან ნაკლებად

შეზღუდულ ზონაში არაუმეტეს 150 მ რადიუსზე მთავარი მიწის ნაკვეთიდან.

27

თავი VI

შენობა-ნაგებობების იერ-სახის რეგულირება და ღობის სიმაღლეები

მუხლი 28. შენობა-ნაგებობების იერ-სახის რეგულირება

1. სახურავებისა და ღობეების მასალების ფერთა გამა და ინტენსიობ,

რეკომენდირებულია შეირჩეს გარემომცველი ბუნებრივი და ანთროპოგენური გარემოს

მაქსიმალურად გათვალისწინებით, არსებულ განაშენიანებაში დისონანსის შეტანისგან

დაცვის მიზნით; ღიობების დამცავი საშუალებები (ჟალუზების, გისოსების და სხვა)

უნდა მოეწყოს ფასადებთან ერთიან სისტემაში გადაწყვეტით.

2. სარეცხის საშრობი-გასაფენი, გათბობის, კონდიცირების და სხვა მსგავსი

მოწყობილობები/დანადგარები უნდა განთავსდეს შენობის შიგნით, ან აივანზე

სპეციალურად გამოყოფილ სათავსებში. სხვა შემთხვევაში, უნდა მოხდეს მათი

შემოსვა-შენიღბვა დეკორატიული ელემენტებით (ჟალუზი, ეკრანი და სხვა) და მათი

არქიტექტურულ-მხატვრული მხარის ფასადებთან ერთიან სისტემაში გადაწყვეტა. არაა

რეკომენდებული ასეთი მოწყობილობა-დანადგარების განთავსება ქუჩის მხარეს

ფასადზე;

3. ანტენები (სატელიტური,სატელევიზიოდა სხვა) უნდა განთავსდეს სახურავზე.

ტექნიკური აუცილებლობის შემთხვევაში დასაშვებია მათი განთავსება შენობის

ფასადზე, ქუჩის მხარეს გამომავალ ფასადის გარდა.

მუხლი 29. ღობის სიმაღლეები

ურეკი-შეკვეთილის სარეკრეაციო ტერიტორიაზე მიწის ნაკვეთის შემომსაზღვრელი

ღობის სიმაღლეები არ უნდა აღემატებოდეს ცხრილ 5-ში მოცემულ სიდიდეებს.

ცხრილი 5

ღობის მაქსიმალური სიმაღლეები

ეზოები სიმაღლე

წინა ეზო

მიწიდან 0.6 მეტრამდე ღობის ყრუ ნაწილი ღობის გამჭვირვალე ლითონის გისოსებიანი

ნაწილი

მიწიდან 1.8 მეტრამდე

უკანა ეზო

მიწიდან 0.6 მეტრამდე ღობის ყრუ ნაწილი ღობის გამჭვირვალე ლითონის გისოსებიანი

ნაწილი

მიწიდან 1.8 მეტრამდე

გვერდითი

ეზო

მიწიდან 0.6 მეტრამდე ღობის ყრუ ნაწილი

ღობის გამჭვირვალე ლითონის გისოსებიანი

ნაწილი

მიწიდან 1.8 მეტრამდე