Без названияqobiljon.uz/pdf/umid/2014/umid-2014-09.pdf · o`qituvchilar tomonidan...
Transcript of Без названияqobiljon.uz/pdf/umid/2014/umid-2014-09.pdf · o`qituvchilar tomonidan...
2014 yil
son
«Yagonasan, muqaddas Vatanim, sevgim va sadoqatim senga baxshida,
go‘zal O‘zbekistonim!
O`zbekiston Respublikasi o`z davlat mustaqilligini qo`lga kiritgan buyuk tarixiy sana
– 1 sentabr xalqimizning ijtimoiy-siyosiy, ma’naviy hayotida beqiyos o`rin tutadigan, har
yili eng ulug`, eng aziz bayram sifatida katta shodu xurramlik bilan nishonlanadigan qutlug`
ayyomdir. Bu yil istiqlolning shonli sanasini – milliy mustaqilligimizning yigirma uch
yilligini baland ruh va ko`tarinki kayfiyat bilan kutib oldik.
Xalqimiz o`z oldiga ezgu va ulug` maqsadlarni qo`yib, tinch-osoyishta hayot
kechirayotgan, avvalambor o`z kuch va imkoniyatlariga tayanib, demokratik davlat va
fuqarolik jamiyati qurish yo`lida ulkan natijalarni qo`lga kiritayotgan zamonda yashamoqda.
Biz o`z taqdirimizni o`zimiz belgilab, azaliy qadriyatlarimizga suyanib, shu bilan birga
rivojlangan davlatlar tajribasini hisobga olgan holda, istiqbolli, olijanob intilishlar bilan
yashayotganimiz, xalqimiz asrlar davomida orziqib kutgan ozod, erkin va farovon hayotni
barpo etayotganimiz, barcha imkoniyatlarimiz va bu yo`lda erishayotgan yutuqlarimizni
xalqaro hamjamiyat tan olganligi-aynan, mustaqillikning sharofati ekanligini anglayapmiz.
Bugungi yoshlar mustaqil O`zbekistonning kelajagi. Zotan, mana shu navqiron avlod
namoyandalarini qanchalik ma’naviy jihatdan barkamol, yetuk kishilar qilib voyaga
yetkazsak, ularning har birida or-nomus, milliy g`urur ruhini izchil shakllantirib borsak,
ko`zlangan yuksak taraqqiyot marralari sari, shu qadar komilu ishonch bilan ilgarilab
boramiz.
Prezidentimiz Islom Karimov tomonidan, joriy yilni ana shunday o`ta muhim
vazifalarni amalga oshirish, bu masalaga davlatimiz va jamiyatimiz, keng jamoatchiligimiz
e’tiborini jalb etish maqsadida, «Sog`lom bola yili» - deb e’lon qilindi.
Maktab – internatimizda ham davlatimiz mustaqilligining yigirma uch yilligini
nishonlash va o`tgan davr mobaynida qo`lga kiritilgan yutuq va natijalarni,
mamlakatimizning salohiyati va qudratini, uning xalqaro maydonda nufuzi tobora yuksalib
borayotganini, keng qamrovli islohotlarning mohiyati va ahamiyatini o`quvchi-yoshlarga
yanada chuqurroq ochib berish, xususan ta’lim tizimida amalga oshirilgan ulkan islohotlar
va erishilgan yutuqlar mohiyatini ochib beruvchi «Yagonamsan, muqaddas Vatanim,
sevgim va sadoqatim senga baxshida, go‘zal O‘zbekistonim!» degan ezgu g`oyani
o`zida mujassam etgan tashkiliy-amaliy ishlar amalga oshirilgani quvonchlidir.
Gulmiraxon Qo`shmonova
5-sonli Davlat ixtisoslashtirilgan
umumiy o’rta ta’lim maktab-internati
direktori, Xalq ta’limi a’lochisi
M. Tursunov
Ma’naviy-marifiy
ishlar bo`yicha
direktor o`rinbosari
FARZANDNING KASB TANLASHIDA OTA-ONANING TA’SIRI.
Kasb tanlash inson hayotidagi muhim qadamlardan biridir. Odatda insondan
hayotimizdagi asosiy qadriyatlar nima deb so`ralsa, u «Sevimli insonlar» va «Sevimli
ishim» deb javob beradi. Shuning uchun kasb tanlashda adashish kechirilmas xato.
Ko`p hollarda bu xatolik inson o`z-o`zini yaxshi bilmasligidan kelib chiqadi.
Ko`ngilga yoqadigan ish topish va bu ishda muvaffaqiyat qozonish uchun,
avvalambor o`zining xohish va moyilligini aniqlab olish kerak, keyin shunday kasb
tanlash kerakki, uning xohish moyilligiga mos tushishi kerak.
Har qaysi insonda turli layoqat, yashashdan maqsadi bo`ladi. Ba’zi birovlar
butun bir korxonani muvaffaqiyat bilan boshqaradilar, boshqalar uchun esa bitta
mas’uliyatli qaror qabul qilish ham azobli kechadi. Bundan shunday xulosa kelib
chiqadiki, bir odamga to`g`ri kelgan kasb ikkinchi insonga to`g`ri kelmasligi mumkin. hayotda xohishi,
qiziqishi layoqati, qadriyatlar tizimi, xarakteri bir-biriga to`la mos keladigan insonlar yo`q, faqat o`xshash
insonlar bor, ya’ni ularning ko`pchiligida shaxs turi bir-biriga to`la mos tushadi. Bu o`xshashlik har qaysi
odam uchun qaysi sohada muvaffaqiyat qozonish, qaysinisida esa ishlolmasligi haqida tasavvurga ega
bo`lishi kerakligi uchun muhim shart – sharoitdir.
Bugungi dolzarb muammolardan biri o`quvchilarni kasb-hunarga yo`naltirish samaradorligini
oshirish va maxsus ehtiyotga muhtoj bolalarga jamiyat ehtiyojidan kelib chiqib, kasb-hunarga to`g`ri va
ongli ravishda yo`naltirish masalalarini qamrab olgan amaliy uslubiy yordam, yo`naltiruvchi tavsiyalar
berish zarur.
Kasb-hunarga yo`naltirish ishlari butun pedagog jamoaning, mahalla ahlining, oilaning, barcha-
barchaning ishidir. Kasblarni to`g`ri tanlashda ota-onalarning roli beqiyos kattadir.
Xalqimizning bebaho qadriyatlaridan biri shuki, har bir bola ota-onasining, kattalarning bag`rida
tarbiyalanishi lozim. Bir bolaning taqdiri uchun nafaqat ota-ona, balki yetti mahalla mas’ul, degan hikmatli
so`z chuqur ma’noga ega. Agar bolaning hayoti izdan chiqqan bo`lsa, u to`g`ri yo`ldan adashsa, bunga o`z
vaqtida bolaga e’tiborsiz bo`lgan ota-ona, mahalla, maktab, sinf rahbari, umuman shu bola o`sayotgan
muhitga aloqasi bor barcha – aybdordir.
Bola esini tanidimi, uni biror foydali ishga yo`naltirib yuborish kerak.
Bolalarni kelajakda yaxshi inson bo`lishi hayotini to`g`ri tashkil etishi bo`yicha ularni ilk yoshdan
boshlab kasb-hunarga o`rgatib borish zarur.
Bunda ota-onalarning kasb-hunar haqida suhbatlashishlari, oilada ulg`ayayotgan bolalarda kasbiy
tasavvurlarini shakllanishining omili hisoblanadi. Shuning uchun kasb-hunarni, mehnat ko`nikmalari
elementlarini bolalarga maktabgacha bo`lgan yoshlaridanoq o`rgatib borish maqsadga muvvofiq. Bu davrda
bolalarga ma’lum vazifalar yuklatilib, ularda faoliyatiga nisbatan mas’uliyat hissi oshiriladi. Oiladagi muhit
bolaning rivojlanishini ta’minlash bilan birga uning mavjud imkoniyatlarini va aqliy tafakkurini o`stiradi.
Bolani mehnatsevar va intelektual salohiyatli bo`lib o`sishida oilaning roli katta farzandlarni mehnat
orqali tarbiyalash alohida ahamiyat kasb etadi.
Oila o`ziga xos turmush o`chog`idir. Bunda mehnat asosiy o`rin egallaydi. Farzandlar ota-onadan
mehnat qilishga, kasbga qiziqishga, shaxslararo ibratli munosabatga o`rganadi. Ota-onalar o`z farzandlarini
maqsadga intiluvchan etib, ishga bo`lgan mas’uliyatlarini shakllantirib borsa, maktab psixologi va
o`qituvchilar tomonidan bolaning maqsadlari hamda qobiliyati, qiziqishlari turli psixologik metodikalar
orqali aniqlansa va olingan natijalar asosida tegishli tavsiyalar berib borilsa, bolalarning kasb tanlashi bir
muncha oson bo`ladi.
Bolaning qanday kasbni tanlashi juda muhim hayotiy masala bo`lib, uni hal qilishda oila hamda
maktab jamoasining hamkorlikdagi olib boradigan kasb hunarga yo`naltirish ishlari ma’lum bir natijalarga
asoslangan hamda rejali bo`lishi darkor. Chunki kelajakda bolaning jamiyatda qanday o`ringa ega bo`lishi,
kasb hunarni egallashi yuqoridagi ishlarni qay tarzda amalga oshirishiga bog`liq.
Oila shunday makonki, unda hayotning davomiyligini ta’minlovchi shaxs shakllanadi.
Oilada o`z-o`zini to`g`ri anglagan bolalargina maktabda bilimlarni samarali egallaydi. O`z-o`zini
anglagan va bilimlarni chuqur o`zlashtirgan bolalargina komil inson sifatida shakllanadi.
Q.Qosimov
Jurnal
muharriri
S. Musaboyev
Mohir pedagog,
iste’dodli yozuvchi.
O`nlab asarlar muallifi
Siz nechanchi sinfda o`qiysiz?
( Maqola jurnalxonlarning talab va istaklariga ko`ra takroran nashr etidi)
Bu savol Sizga qiziq, balki erish tuyulishi mumkin. Lekin...
Biz aynan ana shu lekinga to`xtalib, biroz bosib o`tgan yo`limizga nazar
tashlasak. Biz hozir aytadigan fikrlarni har bir kishi do`ppini bir chekkaga olib
qo`yib, mulohazalarimizni aql tarozisiga qo`yib, o`z xulosasini chiqaradi degan
umiddamiz.
Bu yog`i oddiy arifmetika: Agar bir o`quvchi bitta dars jarayonida
arzimagan 10 daqiqani hayol surib-mi, boshqa keraksiz ishlar bilan chalg`ib-mi, uyqusirab-mi va
hokazolar bilan bekor o`tkazsa – bu bir kunda o`tilgan 6 soat darsda 60 daqiqa yoki 1 soat
yo`qotildi degani. Bu sonni bir o`quv yiliga ko`paytirsak – o`rtacha 204 soat bo`ladi. Agar 9 sinf
o`quvchisi 9 yilni ana shunday bekorchi 10 daqiqalar bilan o`tkazgan bo`lsachi – bu 1836 soatni
tashkil etadi. Agar bu ulkan sonni dars soatlariga aylantirsak nima bo`lishini bilasizmi?!!! 2754 soat
dars havoga uchdi degani. Agar bu sonni yillik o`quv soatlariga aylantirsak salkam 2,5 yillik dars
soatlari bajarilmay qolganiga guvoh bo`lamiz...
Biz arzimagan 10 daqiqani aytayapmiz. Bitta darsda 15 daqiqa yoki 20 daqiqa diqqat –
e’tiborsiz qatnashgan o`quvchi haqida, turli sabablar bilan – masalan, qarindoshnikidagi to`y
bahona 3 kun, dada va onaning tug`ilgan kuni bahonasida 2 kun, turli marosimlaru dangasalik bilan
maktabga bormagan o`quvchi haqida, uning bilim darajasi, odamiyligi haqida fikr yuritishga
yuragimiz bellamadi.
Aziz o`quvchi, haqiqatni o`zingizdan so`rab ko`ringchi - Siz nechanchi sinfda o`qiysiz?...
Maqtalganlar taltaymasinlar, tanbeh eshitganlar ruhan sinmasinlar va
achchiq qilmasinlar... Oldinda sizni yangi sinovlar kutadi.
* * * Hamma o`zicha xaq, har bir kishi o`ziga aloxida e’tiborni talab qiladi.
Nazarimda kelishmovchliklarning barchasi shundan yoxud shunga borib
taqaladi.
* * * Har qanday suhbat ham juda tez g`iybatga aylanib ketishi mumkinligini aslo unutmasligimiz shart!
* * * Garchi o`ylagan fikringiz ilgari boshqa kishi tomonidan zikr etilgan bo`lsa ham siz mana shu fikrga
mustaqil yetib kelgan bo`lsangiz, o`zingiz g`oya kashf eta olgansiz. Bundan faxrli va lazzatli narsa
bormi?!
* * * Biz o`zimiz o`ylab yurganga qaraganda ham saviyasizroqdirmiz.
* * * Kecha televizorda ko`rgan serialni gapirib berib, bir uy odamni og`ziga qaratib o`tirish bu xali bilim
emas, oddiy maxmadonalik xolos.
Akmaljon Toshboyev
Jismoniy tarbiya o`qituvchisi,
Boks bo`yicha bir qator musobaqalar g`olibi
O`zbek milliy kurashning turkumlarga bo`linishi,
tizimga tushirilishi va atamalari
Jismoniy mashqlarni klassifikatsiyalash ularni bir-biriga bog’liq bo’lgan guruxlarga bo’lish
demakdir. Bu guruhlardagi mashqlarning ba’zi xususiyatlari umumiy bo’lishi lozim. Jismoniy mashqlarni
klassifikatsiyalashni amaliy qiymatni bu mashqning umumiy qaysi xususiyati umumiy xususiyat sifatida
qabul qilinishi hamda mazkur xususiyat qanday muhim jixatlari bilan klassifikatsiyalashning asosi qilib
olinishi bilan belgilanadi.
Hozirgi kunda jismoniy tarbiya vositalarining tarixan tarkib topgan tizim va ularning qo’llanilish
metodlari asos qilib olingan klassifikatsiya amaliy jixatdan o’zini oqlagan klassifikatsiyalardan biri sifatida
namayon bo’ladi.
Milliy sport kurashida ham mashq materiallarining ko’pligi
hamda xilma-xilligiga ko’ra, o’z navbatida yana ham mayday
klassifikatsion birikmalarga bo’linadi. Amalda ko’pincha
mashqlarning ularning jismoniy qobiliyatlari (kuch, chaqqonlik,
chidamlilik va egiluvchanlikni) o’stirish uchun bo’lgan ahamiyatga
qarab klassifikatsiya qilinadi. Turli belgilarga qarab tuziladigan
klassifikatsiyalashning ko’p turlari ularni amaliy ahamiyatini inkor
etmay, mavjud ko’p mashqlarni bilib olishga, tizimga tushirishga
yordamlashadi.
Kurashda qo’llaniladigan amallarni, uslublarni guruhlari
bo’yicha klassifikatsiya chegarasidan chiqmasdan bir xil tartibga
solishni tuzimga tushirilgan deyishadi.
Respublika sport qo’mitasi, xalqaro sport klassifikatsiyasiga
asoslanib milliy sport kurashi bo’yicha musobaqalar qoidasini va
sport ustasi unvonini tasdiqlash to’g’risida 1997 yil qaror qabul qildi.
Shundan keyin milliy kurash respublikada to’liq huquqli sport
turiga aylandi. Hozirgi vaqtda jamoa birinchiligidan tortib, jumhuriyat
miqiyosigacha musobaqalar o’tkazilmoqda.
O’zbek milliy kurash sport klassifikatsiyasi xalqaro sport klassifikatsiyasiga qarab tuzilgan. Milliy
kurash bo’yicha yangi sport klassifikatsiyasi respublika milliy kurashini yanada rivojlantirishga, jismoniy
tayorgarlikni o’quv va tarbiya ishlari sifatini oshirishga ta’sir ko’rsatish kerak.
1. Sport unvonlari va razryadlari:
Milliy kurash bo’yicha quyidagi unvonlar va sport razrydlari beriladi:
Sport unvonlari:
a) O’zbekiston faxriy sport ustasi.
b) O’zbekiston sport ustasi.
c) O’zbekiston sport ustasiga nomzod.
d) Birinchi razryad
e) Ikkinchi toifa
f) Uchinchi toifa
g) Birinchi yoshlar toifasi
h) Ikkinchi yoshlar toifasi
O`zbekiston sport ustasi 18 yoshga va undan katta yoshdagi kurashchilarga shu unvonga belgilangan
norma va talabalarni bajargan, har doim musobaqalarga o’z fizkultura jamoasi nomidan tushadigan, jismoniy
tarbiya sog’lamlashtirish ishlarida faol qatnashuvchilarga beriladi.
Sport ustaligiga nomzod 1-2-3 sport unvonlari 16 va undan katta yoshdagi kishilarga beriladi.
O’smirlar unvonlari ikki yilgacha haqiqiy hisoblanadi, unvonga ega sportchi o’z unvonodan yuqori turadigan
sportchilar bilan olishuvga haqlidir. Unvon olish uchun musobaqada qatnashib unvon talablarini bajarish
zarur.
Sh. Qosimov
7 b sinf
o`quvchisi
2 sentabr – O`zbek matematik olimi, pedagog, davlat va jamoat
arbobi Toshmuhammad Niyozovich Qori-Niyoziy (1897-1970)
tavalludi
Qori Niyoziy, Sarimsoqov, X.Abdullaev, Sirojiddinov, O.Sodiqov, S.Yunusov,
Y.G`ulomov, Oybek, A.Qahhor, Zulfiya, S.Axmad, O.Sharofiddinov, L.Sarimsoqova,
X.Nosirova, Olim Xo`jaev kabi dunyoga tanilgan ilm fan, adabiyot va madaniyat
arboblari yetishib chiqdilar.
Tariximizda, yurtimizda bunday benazir siymolarning yashab o`tganligi,
mavjudligi o`ziga xos bir fenomen, ya’ni o`ta noyob hodisadir. Bu esa nafaqat
bugungi, balki ertangi avlodlarimizning ham ma’naviy boyligiga aylanib, xalqi-
mizga buyuk va qudratli kuch quvvat va madad berishi muqarrar.
I.Karimov
Toshmuhammad Niyozovich Qori-Niyoziy Xo`jand shahrida kosib oilasida tug`ilgan. U 1917 yili
Farg`onada birinchi o`zbek boshlang`ich maktabini ochdi. 1920
yili Qo`qonda pedagogika texnikumini ochdi va 1925 yilgacha
unga rahbarlik qildi.
U 1925 yili O`rta Osiyo Davlat dorilfununining fizika-
matematika fakultetiga o`qishga kirdi va uni 1929 yilda bitirdi. Qori-
Niyoziy yangi tipdagi maktablar uchun o`zbek tilida matematikadan
darsliklar, o`quv qo`llanmalar yaratdi.
Bundan tashqari, u birinchi bo`lib «Ruscha-o`zbekcha matematika
terminlari lug`ati»ni tuzdi va o`zbek tilida oliy matematikaning
boshlang`ich bo`limlari – analitik geometriya, differensial va integral
hisob, differensial tenglamalar darsliklarini yaratdi. Uning 1928
yili arab alifbosida «Analitik geometriya asoslari», 1931yili
«Tekislikda analitik geometriya», 1932 yili «Fazoda analitik
geometriya» va «Matematik tahlil asosiy kursi» asarlari nashr etildi.
Qori-Niyoziyni shogirdlaridan bir qismi farg`onalik «13 qaldirg`och» nomi bilan mashhur. Uning
ijodida matematika, astronomiya, fan, madaniyat, maorif tarixi katta o`rin tutgan. Buni biz 1950 yilda
«Ulug`bekning astronomiya maktabi» nomli monografiyasidan bilib olishimiz mumkin. Unda Ulug`bek
astronomiya maktabining vujudga kelishi tarixi, bu maktab va Ulug`bek rasatxonasida olib borilgan
kuzatishlar, rasadxonanining asosiy quroli - sekstantning tuzilishi, ishlash prinsipi bayon qilingan.
Qori-Niyoziy faol jamoatchi, Jahon astronomlari jamiyatining a'zosi va “Fan tarixi Jahon
Akademiyasi”ning muhbir a'zosi bo`lgan.
U 1970 yilda vafot etgan.
Avazbekov Abdullo
9 a sinf o`quvchisi
QIZIQARLI MATEMATIKA Ikki xonali sonlar ichida „ 49“ sonidan kvadrat ildiz chiqadi. Buni qarang-ki shu son raqamlaridan ham kvadrat
ildiz chiqadi. Ya’ni 39;24 .
Ikkita sonni sodda arifmetik amallar bilan birlashtirib undan eng katta son chiqarish uchun ularni ko`paytrish
kerak. Ya’ni 2∙3=6
“49” ni quyidagicha yozsak natijada yana 6 chiqadi: 6329449
Pichan uyumi haqidagi masala
Pichan uyumini ot bir oy davomida, echki 2 oyda, qo`y 3 oy davomida yeydi. Ot, echki va qo`y birgalikda
o`shanday pichan uyumini qancha vaqtda yeb bitiradi?
Yechish. Ot pichan uyumini bir oy davomida yegani uchun, yil davomida u 12 ta pichan uyumini yeydi. Echki
uni 2 oyda yegani uchun yiliga 6ta, qo`y esa yiliga 4 ta pichan uyumini yeydi. Birgalikda ular yil davomida 12 + 6 + 4
= 22 ta pichan uyumini yeydi. U ҳolda bir pichan uyumini birgalikda
12
22 oyda yeyishadi.
Sh.Usmonova
Oliy toifali ona tili
va adabiyot fani
o`qituvchisi
17 sentabr - O`zbekiston xalq yozuvchisi, noshir, tarjimon,
dramaturg Abdulla Qahhor (1907-1968) tavalludi
ABDULLA QAHHOR
O`zbek adabiyoti taraqqiyotiga ulkan hissa qo'shgan adib Abdulla
Qahhor 1907-yil 17-sentabrda Qo'qonda dunyoga keldi. Otasi Abduqahhor
temirchi tirikchilik o'tkazish uchun Qo'qon atrofidagi Buvayda, Yaypan,
Oqqo'rg'on, Qudash, Olqor qishloqlarining biridan ikkinchisiga ko'chib yurar,
oila biror qishloqda uzoqroq qo'nim topmasdi. Bolajak yozuvchi dastlabki
ma'lumotni Buvaydadagi eski maktabda oldi. So'ng Oqqo'rg'on qishlog'idagi jadid maktabida tahsil
ko'rdi. Sal keyinroq Qo'qondagi maktabda o'qidi. 1922 - 1924-yillarda Qo'qondagi o'qituvchilar
tayyorlash texnikumida tahsil ko'rdi. Abdulla Qahhor
1925-yili Toshkentga kelib, kechasi o'qib, kunduzlari
«Qizil 0'zbekiston» gazetasida ishladi. U 1930-yilda O'rta
Osiyo davlat universiteti (hozirgi O'zMU)ning
pedagogika fakultetini tugatdi.
Abdulla Qahhor ijodi 1924-yilda boshlangan.
Dastlab «Mushtum» jurnalida, «Yangi Farg'ona» va
«Qizil O'zbekiston» gazetalarida uning hikoya,
feleton va xabarlari bosildi. Abdulla Qahhorga katta
shuhrat keltirgan «Sarob» romani 1934-yilda yozildi.
Yozuvchi «Qo'shchinor chiroqlari» (1951) romani,
«Shohi so'zana» (1951), «Og'riq tishlar» (1954),
«Tobutdan tovush» (1962), «Ayajonlarim» (1967)
asarlari bilan o'zbek adabiyoti rivojiga salmoqli hissa
qo'shdi. Adibning «Sinchalak» (1958), «Muhabbat» (1968), «O'tmishdan ertaklar» (1965) qissalari
o'zbek nasri taraqqiyotida muhim o'rin tutadi.
Qahhor hikoyalari, birinchi navbatda, samimiyligi, ishontirish kuchi bilan kishini hayratda
qoldiradi. Yozuvchi tasviridagi hamma narsa hayot hodisasi, aynan bo'lib o'tgan voqea, real hayotning
bir bo'lagi, epizodi bo'lib gavdalanadi; hikoyalarning ko'pchiligi real hayotiy asosga ega, ular adibning
turmushda o'zi ko'rgan, eshitgan hodisalardan, tanish kishilar hayotidan olingan. Biroq ular hayotning
aynan nusxasi emas.
„Agar yozuvchilik turmushdan nusxa ko'chirishdan iborat bo’lsa, dunyoda bundan oson ish
bo'lmas edi”, - deydi adib.
Hayotdan aynan ko'chirish kitobdan ko'chirishday gap. Nusxa nusxa bo'lib qolaveradi. Bunday
narsalardan originallik kutib boimaydi. Griginallik hayot haqiqatini dildan o'tkazish, uni his qilish, unga
o'ylab yurgan gaplarni singdirish, tilaklaringni qo'shib ifodalash bilan yuzaga keladi". Zotan, yozuvchi
hikoyalaridagi hayotiylik, ishontirish kuchi, siri ana shunda. Bundan ham muhimi, yozuvchining o'sha
hayot hodisalarini o'ziga xos tarzda badiiy idrok etishi, mag'zini chaqib, ulardan xilma-xil original va
teran ma'nolar topishi - kashf etishi hikoyalariga o'ziga xos joziba baxsh etgan.
Mashhur hikoyanavis, qisqa so'zda ko'p ma'no ifodalash mahorati egasi Abdulla Qahhor
1968-yilning 25-mayida vafot etdi.
ABDULLA QAHHOR
ADABIYOT MUALLIMI
(Hikoya)
O'zining aytishiga ko'ra „nafis adabiyot muallimi"
o'rtoq Boqijon Baqoyev og'ilga kirib ta'bi xira bo'ldi:
sigirning qulog'iga yana kana tushibdi! Kanadan ham
ko'ra sigir uning achchig'ini keltirdi: kanani teray desa
qo'ymaydi - boshini silkiydi, pishqiradi.
- Hayvon! Sigir emas, hayvon! - dedi og'ilning
eshigini qattiq yopib.
- Hayvon!
Xotini Mukarram hovlida samovarga suv quyar edi.
- Hayvon! - dedi Baqoyev, - bu sigirni sotib, puliga
cho'chqa olish kerak!
- Shaharda cho'chqa asrash mumkin emas, - dedi
Mukarram samovarga ko'mir solayotib.
- Nima uchun? Taqiq qilinganmi? Kim aytdi? Men
aytib edimmi? To'g'ri, mumkin emas... albatta, mumkin
emas...
- Uyga kiring, Hamida keldi.
Hamida o'n olti yoshlardagi tiyrak, quvnoq qiz,
pochchasini ko'rib sevinib ketdi.
- Siz uyda ekansiz, bilsam daftarimni olib kelar
ekanman... esizgina...
O'rtoq Boqijon Baqoyevning ta'bi ochildi - sigir,
uning qulog'idagi ko'm-ko'k kana, g'o'qillab tumshug'i
bilan ariq yoqalarini buzib yurgan cho'chqa ko'z oldidan
ketdi.
- Texnikumdan rabfakka o'tibsan deb eshitdim,
rostmi? - dedi. Hmm... yaxshi qilibsan. Rabfakka o't,
deb men aytib edim shekilli? Hmm... Auff, zarda
bo'libman... Rabfak yaxshi. Men bir borgan edim.
Kanselariyaning eshigiga praktikum deb yozib qo'yipti.
To'g'ri emas. Praktikum, minimum, maksimum - bular
hammasi lotincha yoki lotinchaga yaqin so'zlar.
Men shaxsan shunday deb bilaman. Biroz jim qolishdi.
- Boqijon aka, - dedi qiz uyalibroq, - bir narsani
sizdan so'ramoqchi edim: biz sinfda Chexovning „Uyqu
istagi” ni o'qidik, go'dakni o'ldirgan qizni sud
qilmoqchimiz. Da’vogar go'dakning onasi - Rahima
bo'ladi, qoralovchi - Sharifjon. Sudyalar ham bo'ladi.
Men qizni oqlab, butun gunohni uning xo'jayiniga, yosh
qizni bu qadar berahm ekspluatatsiya qilgan kishiga
qo'ymoqchiman. Mana shu... Shuni yozdim. Shu
to'g'rida sizning fikringizni bilmoqchiman. Chexov
shunday demoqchi emasmi? O'rtoq Baqoyev o'ylab
turib, so'radi:
- Nafis adabiyot darsini sizlarga kim beradi?
Hakimov? Ahmoq odam! O'z ustida ishlamaydi. Savol
alomati hammavaqt „mi" dan keyin qo'yiladi desam,
kuladi. Gap bunda ham emas...
Mukarram samovar ko'tarib kirdi. Hamida irg'ib
turib, samovarni opasining qo'lidan oldi va stolga qo'ydi.
U homilador xotinga samovar ko'tartirib, qarab o'tirgan
pochchasidan o'pkalamoqchi edi, biroq uyaldi,
indamadi. O'rtoq Boqijon Baqoyev juda chanqab turgan
ekan, ustma-ust to'rt piyola choy ichdi va terladi.
- Chuchvaradan keyin choy juda yaxshi ketadi-
da, - dedi yuzidagi terni artib. Hmm... soqol ham o'sipti,
sartarosh bo'lmasa odamlar maymun bo'lib ketar edi.
Maymun juni to'kilib, odam bo'lgan. Bu haqda
Engelsning fikri bor...
- Haligini aytmadingiz, Boqijon aka, - dedi qiz, -
Chexov shunday demoqchi emasmi?
O'rtoq Baqoyev yana bir piyola choy so'radi.
- Chexovmi? Hmm... burjuaziya realizmi to'g'risida
so'zlaganda eng avval uning obyektiga diqqat qilish
kerak. Burjuaziya realistlari tushungan, ular aks ettirgan
obyektiv voqelikni
anglash lozim bo'ladi. Turgan gapki, Chexovning ijodi
boshdan-oyoq, butun mohiyati bilan ilk burjuaziya
realizmi, ya'ni... hmm... Mukarram, tovuqqa moyak
qo'ydingmi? Qo'yish kerak, bo'lmasa daydi bo'lib
ketadi... Tavba, tovuqdan ahmoq jonivor yo'q - moyak
qo'ysang tug'adi! Nima uchun moyak qo'ysang tug'adi?
Xo'roz nima uchun saharda qichqiradi? Ajoyib
psixologiya! Biologiya o'qiysizlarmi?
Hamida biologiyadan nimalar o'qiganini, bu
o'quv yilida yana nimalar o'tilajagini so'zlab berdi va
o'zining oqlash nutqida fiziologik asoslar ham ko'rsatish
niyati bor ekanini aytib, yana so'zni Chexov ustiga
burdi.
- Hmm... - dedi Baqoyev, - Chexov to'g'risida
o'zimning fikrim bor. Boshqalar nima desa desin, har
holda uning dunyoga qarashida... Uning dunyoga
qarashi Pushkin va Lermontovlarning dunyoga
qarashidan farq qiladi. Bir davr, bir sinf, bir mamlakat
yozuvchilari bo'lishlariga qaramasdan mutlaqo farq
qiladi!
- Chexov Pushkin bilan bir davrda yashagan emas-
ku,- dedi Mukarram, - bizning kutubxonada uning
Maksim Gorkiy bilan oldirgan surati bor. Chexov 1904 -
yilda o'lgan bo'lsa kerak.
O'rtoq Baqoyev biroz o'ng'aysizlandi.
- Sizlar qaysi Chexov to'g'risida gapirayotibsizlar?
Choydan quy!.. Bu Chexov haqidami? To'g'ri, bu 1904-
yilning birinchi yarmidami, ikkinchi yarmidami o'lgan...
Boshqa ro'molcha ber, bundan piyoz hidi kelayotipti.
Men ana-u Chexov, ilk burjuaziya realizmining
namoyandasi bo'lgan Chexov haqida so'zlayotibman.
- „Uyqu istagi" qaysi Chexovniki? - dedi Hamida.
- Hech shubhasiz, bu Chexovniki. Bu narsa birinchi
marta „Sovremennik" jurnalida bosilgan. Shundan keyin
o'rtoq Boqijon Baqoyev uzundan-uzoq so'zlab ketdi.
Uning nima to'g'rida so'zlayotganini Hamida bilmas edi.
Detirding degan allaqanday mashhur tanqidchi Shelling
degan yozuvchiga „sen dastyorga zor bo'lguncha
o'g'ling dastyor bo'ladi" deb xat yozgan; Marks
Dobrolyubovni Mering bilan bir qatorga qo'ygan;
Stending degan allaqanday bir dramaturg o'lar chog'ida
Demping degan bir tanqidchiga: „Agar butun
jonivorlarni xudo yaratgan bo'lsa, men uning zavqiga
qoyil emasman, echkemar ham jonivor bo'ldimi?"
degan... Hamidaning boshi og'irlashib ketdi, ikki marta
sekin, og'zini ochmasdan esnadi.
Hamida mezbonlar bilan xayrlashib ko'chaga
chiqqanda qorong'i tushgan edi, „Uyqu istagi" to'g'risida
pochchasidan hech qanday fikr ololmadi. Uning
so'zlaridan nima olgani haqida o'ziga hisob berar ekan,
g'uvillab turgan boshida shundan boshqa hech narsa
yo'q edi: praktikum, minimum, maksimum; Detirding,
Stending, Shelling, Mering, Demping...
Sentabr – geografiya va iqtisod bilim asoslari fanlari oyligi
TURKISTON, O`RTA OSIYO, MARKAZIY OSIYO HAQIDA TUSHUNCHA
A.Akbarov – 1-toifali geografiya fani o`qituvchisi
Turon, Turkiston, Turkiston gubernatorligi O`rta Osiyo,
Markaziy Osiyo kabi atamalarni
uchratamiz. Bunday nomlanishlar tarixiy yillar davomida o`z
mazmunini topgan bo’lib,
ularning birligi tabiiy – geografik o`lka sifatida qo`llanilsa, boshqa
birlari siyosiy – ma`muriy atama
hisoblanadi. Haqiqatdan ham o`rganilayotgan makon o’z
tarixiga ega. Chunki, bu hududda
- Amudaryo, Sirdaryo, Zarafshon va Murg`ob daryolari vodiylarida
bizning asrimizgacha va keyingi davrlarda bir necha buyuk
davlatlar bo`lgan. Jumladan ,
Baqtriya, Marg`iyona, Xorazm, Sug`diyona, Buyuk Amir Temur
imperiyasi, Xiva, Qo`qon
xonliklari, Buxoro amirligi va boshqalar, shuningdek , ХVI-
ХVII asr boshlarigacha bu hudud
bo`ylab Osiyoni Yevropa bilan tutashtirib turuvchi “Buyuk ipak
yo`li” o`tgan. Buyuk geografik
kashfiyotlar davridan boshlab (dengiz yo`llarining ochilishi va
taraqqiy etishi bilan) “Buyuk ipak
yo`li”ning mavqeyi sustlashib ketdi. Natijada bu hududda
joylashgan davlatlar dunyo
bozoridan asta – sekin uzilib qoldi. Keyinchalik yana bu
o`lkaning boy tabiiy resurslari,
ma`daniyati xorijiy davlatlarni o`ziga jalb etdi.
Tarixda Amir Temurning
“Mulki Turon, millati turk” degan iborasi bor. Bu iborada haqiqat
bor, chunki turkiy tillarda
so`zlashuvchi xalqlar Yevrosiyoning juda katta qismida
yashashgan. Shu bilan birga
boshqa tilda gaplashuvchi xalqlar bilan birga, doimo aloqada va
munosabatda bo`lib kelishgan.
Albatta bu ibora o`z davriga xos voqea va mezon hamda
mazmunga ega bo`lgan.
Hozirgi kunda Turon bu past tekislikning nomi bo`lib, O`rta
Osiyoning shimoliy – g`arbiy va
Qozog`istonning janubiy g`arbidagi tekislikdir. Shimoliy -
g`arbda Kasbiy bo`yi botig`i,
shimolda Ural oldi bukilmasi va Ural bilan chegaradosh, uni
G`arbiy Sibir tekisligidan
Kustanay soyligi ajratib turadi. Sharqda markaziy Qozog`iston
va Tiyanshanning shimoliy va
janubiy etaklari, Pomir tog`lari, janubda Kopetdog` oldi
bukilmasi, g`arbda Kaspiy
dengizi bilan chegaradosh.
Maydoni 1.5 mln km 2.
Turkiston Turonning kunchiqar va kunbotar kengligi bo`yicha
chamalanganda naq markazidir.
Beruniy Qoshg`ariy, Yassaviylar zamonidayoq Ulug`bek va
Boburlar davrida ham Turon so`zi
bilan birga Turonzamin va Turkiston iboralari ishlatilgan.
Ko`pincha Turkiston deganda
butun Turonni, Turon deganda esa butun Turkistonni
anglashilgan. Birinchi marta
“Turkiston” atamasi mamlakat ma`nosida 539- yili arab xalifaligi
vakillari bu hududga
kelmasdanoq fors mandalarida
uchray boshlagan. Ungacha yurtimiz Turon deb atalgan.
Turkiston- XIX asr va XX asr
boshlarida sobiq O`rta Osiyo va Qozog`istonni shuningdek
Markaziy Osiyoning Turkiy
xalqlar yashovchi qismini o`z ichiga olgan tarixiy geografik
oblast bo`lgan. Turkiston shartli
ravishda G`arbiy yoki rus Turkistoni (Qozog`istonning
janubiy qismi va O`rta Osiyoning
Rossiyaga qo`shilib olingan qismi), sharqiy yoki Xitoy
Turkistoni (Xitoydagi Sin`szan
provinsiyasi tarkibiga kirgan) hamda Afg`on Turkistonni
(Afg`onstonning shimoliy
qismi)ga bo`lingan. 1867 yili Rossiya imperiyasiga qo`shib
olingan G`arbiy Turkiston
xududida Turkiston general gubernatorligini tashkil qilingan.
1886 yildan rasman Turkiston
o`lkasi deb atala boshlagan. Inqilobdan so`ng 1918 yil aprelda
g`arbiy Turkiston hududida
Turkiston Avtonom Sovet
Sosialistik Respublikasi tuzilgan.
O`rta Osiyoda milliy davlat chegaralanishining o`tkazilishi
natijasida Turkiston nomi
iste`moldan chiqib, O`rta Osiyo termini bilan almashtirilgan.
O`rta Osiyo tabiiy geografik
o`lka. O`rta Osiyo berk havza bo`lib, Yevrosiyo materigining
deyarli qoq o`rtasida joylashgan.
O`lkaning chegarasi juda murakkab. Shuning uchun ham
turli tadqiqotchilar uning
chegaralari va umumiy maydonini turlicha belgilaydilar.
Jumladan N.L. Korjenevskiy
bo`yicha O`rta Osiyoning
maydoni 2mln, 213 ming km2 bo`lsa, I.S.Shukenda 2mln
400ming km2 , A.I.Kaminskiyda
2mln 500 ming km2 M.V.Qoriyev bo`yicha 2 mln 687 ming km2 dir.
Bu albatta olimlarning o`lkaning
shimoliy , janubiy , sharqiy va g`arbiy chekka nuqtalarini
qayerdan olishliklari bilan
bog`liqdir. Ba`zi bir olimlar O`rta Osiyoning geografik o`rnini
belgilashda 4 ta sobiq Ittifoqdosh
Respublika;larning hududini e`tirof etishadilar.
Hozirgi kunda O`rta Osiyo tabiiy
geografik o`lkasining chegaralari ko`pchilik tomoniodan
ma`qullangan va o`quv
adabiyotlarida aniq berilgan. O`lkaning eng shimoliy nuqtasi
38,8 gradus shimoliy kenglikda ,
Ayritov yaqinida, bo`lgan Safedkux tog` tizmasi bilan
Nishopur tog`lari tutashgan joyda
– Xarerud vodiysida (340 shimoliy kenglik) g`arbiy nuqtasi
Kaspiy dengizining Mang`ishloq
yarim orolidagi Tupqarag`ay
burnida (50,3 sharqiy uzunlik) va
sharqiy nuqatasi Savir tog`larining etagidagi Qora Irtish
daryosi vodiysida (85,6 sharqiy
uzunlik) jopylashgan. Shimoldan janubga 2200 km va sharqdan
g`arbga 2750 km ga yaqin
masofaga cho`zilgan. Uning umumiy maydoni 3300000 kv.
km atrofida (I.A.Hasanov,
P.N.G`ulomov, T-2002). Agarda O`rta Osiyoning tabiiy
geografik o`lka sifatida olinsa,
uning hududida 4 ta Respublika (O`zbekiston ,Turkmaniston,
Qirg`iziston, Tojikiston) to`liq
joylashgan. Qozog`iston Respublikasining ma`lum qismi
shu tabiiy – geografik o`lkadir. Iqtisodiy geografik nuqtai
nazardan 5 ta Respublikani
umumiy holda O`rta osiyo mamlakatlari deb bo`lmaydi,
shuning uchun ham Sobiq Ittifoq
davrida O`rta Osiyo va Qozog`iston Respublikalari deb
nomlanar edi.
Istiqlol sharofati bilan Mustaqil Respublikalar tarixiy
aloqalarni qayta tiklashga o`tdilar.
Ona zaminni, tabiiy sharoiti, uzoq tarixi, kelib chiqishi, dini, urf-
odatlari , an`analari, maqsadlari
rivojlanish imkoniyatlari, muommolari bir bo`lgan qozoq,
o`zbek, qirg`iz, tojik, turkman,
qaraqalpoq va boshqa halqlar yangi hayot qurishda va o`zaro
hamkorlik qilishga kirishdilar.
Respublika raxbarlarining 1993 yil Toshkent va Ashhabotda
bo`lib o`tgan yig`ilishida
Prezidentimiz I.A.Karimov Respublika nomlarini e`tirof
etgan holda ularni
umumlashtirib, “Markaziy Osiyo Davlatlari” deb yurutilishini taklif
etdi va bunga barcha raxbarlar
rozilik bildirdilar. Haqiqatdan ham ushbu zamindagi davlatlarni
Markaziy Osiyo davlatlari deb
nomlanishi ham iqtisodiy va ijtimoiy, ham tarixiy va siyosiy -
ma`muriy jihatdan to`g`ri va
asoslidir. (Biroq Markaziy Osiyo
deganda Osiyodagi tabiiy-
geografik o`lkani tushunmaslik kerak). Shu jihatdan olgan holda,
Markaziy Osiyo davlatlari
atamasi hozirgi kunga kelib ko`pchilik tomonidan qo`llab
quvvatlandi va ushbu nom ham
fanga va siyosatga kirib bormoqda. Shuni e`tiborga
olganda o`quv rejasiga kiritilgan .
O`rta Osiyo mamlakatlarining iqtisodiy va siyosiy geografiyasi
kursining nomini “Markaziy
Osiyo davlatlarining iqtisodiy va
siyosiy geografiyasi” deb
atalishini maqsadga muvofiq va asosli deb o`ylaymiz.
Sentabr – geografiya va iqtisod bilim asoslari fanlari oyligi
IQTISOD FANIDAN
TESTLAR
1. Makroiqtisodiyot fani — ... o`rganadi.
a) yalpi milliy taklif va talabning katta-kichikligini;
b) mamlakat iqtisodiyotiga tegishli hodisalarni va ularning umumiy sabablarini;
c) bozor haqidagi barcha narsalami;
d) mamlakatdagi eksport va import hajmini.
2. Mamlakatda yalpi taklifning yalpi talabdan ortib ketishi ... olib keladi.
a) bozordagi tovarlar narxining ortishiga;
b) bozordagi tovarlar narxi tushishiga;
c) iqtisodiy Inqirozga;
d) iqtisodiy rivojlanishga.
3. Yalpi milliy mahsulot — bu ...
a) bozordagi barcha tovarlar miqdori;
b) mamlakatdagi yil davomida yaratilgan mahsulot va xizmatlarning umumiy, narxi;
c) yalpi ichki mahsulotning o`zi;
d) markaziy bankdagi umumiy pul miqdori;
e) to`g`ri iavob ko`rsatilmagan.
4. Chakana narxlar indeksini belgilashda uning darajasi necha deb olinadi?
a) 50; b) 550;
c) 500; d) 5500.
5. Mahsulot hamda moliyaviy aktivlarning ,o`rtacha narxini ko`rsatuvchi ko`rsatkich nima deb
ataladi?
a) chakana narx; b) narxlar indeksi;
c) narx; d) indeks ko`rsatkichi.
6. Mamlakatda mehnat va xizmatlar xarid qilishga sarflangan mablag`ning umumiy miqdori nima
deb ataladi?
a) yalpi talab; b) yalpi taklif;
c) YMM; d)YIM.
7. Asosiy fondlarning eskirishini oldini olish maqsadida ... ajratiladi?
a) friksion ajratma;
b) amortizatsion ajratma;
c) mavsumiy ajratma;
d) davriy ajratma.
8. Real YMM bilan nominal YMM orasidagi nisbat nima?
a) narxlar indeksi;
bjrishlab chiqahsh ko`rsatkichi;
c) talab ko`rsatkichi;
d) taklif ko`rsatkichi.
9. Aholining turmush darajasi nima bilan baholanadi?
a) uning daromadi bilan;
b) uning hayoti davomiyligi bilan;
c) uning mulki bilan;
d) aholi jon boshiga to`g`ri keluvchi YIM bilan.
10. Inflyatsiya nima?
a) pulning kuchliligi;
b) pulning qadrsizlanishi;
c) talabning tushishi;
d) taklifning tushishi.
Ingliz tilini o`rganamiz
Legend of Leopard: The Samarkand Symbol
“By a legend, when Samarkand was built, a pal yang-leopard came down from
the Zerafshan mountains. The leopard roamed about the streets, approved buildings
and came back to the mountains. Since that time Samarkand residents were called
leopards. And all Samarkand’s flags and arms had an image of the leopard.” This
legend is told by Abu-Sand Abdurrahman Ibn Muhammad Idris.
Indeed, in Samarkand there are a lot of
monuments featuring images of leopard or lion
as a symbol of the greatness and power of
Samarkand people. The symbol of leopard can
be found not only in the architecture, but also in
the handicrafts and national currency.
The most famous images of leopards are made on
the portal of the Sherdor Madrassah. “Sher” in Persian
means “a lion”. They say that the symbol of the lion
was brought by Iranians, but during the Arab and
Turkic periods it was changed to the leopard. Since that
time it represents the power and strength of Great
Samarkand.
Bekmirzayev Bekzod Ahmedov Muhammadakbar
6 a sinf o`quvchisi 6 a sinf o`quvchisi
P
R
O
F
E
S
S
I
O
N
S
A.Tursunova
Ingliz tili
o`qituvchisi
A
N
I
M
A
L
S
O’SIMLIKLAR ATMOSFЕRANI IFLOSLANISHDAN SAQLAYDI
Z.Tursunova – 9 B sinf oquvchisi
Bugungi kunda biologik xilma-xillikni saqlashda o’rmonlarning o’rni katta. So’nggi yillarda
hukumatimiz tomonidan o’rmonlarga, o’rmon bilan bog’liq ekologik muammolarga, o’rmonlar barqarorligini
ta'minlashga e'tibor kuchaymoqda. Har yili 42 ming gеktar yеrda o’rmonlarni ko’paytirish, o’rmonlarning tabiiy
tiklanishiga ko’maklashish ishlari olib borilmoqda. O’rmonlarni qayta tiklash ishlarining 80 foizi cho’l
hududlarida amalga oshirilayapti. Xozir Orol dеngizining qurigan tubida 250 ming gеktar o’rmon ekinzorlari
barpo qilindi. «O’rmon to’g’risida»gi qonunning 27 moddasiga binoan, davlat o’rmon fondi uchastkalarida pichan
o’rish va mol boqish maxsus maydonchalardagina amalga oshirilishi kеrak. Rеspublikamiz o’rmon fondi 8 mln.
gеktar maydonda joylashgan. Afsuski, qonunning daraxtzor va butazorlarni noqonuniy kеsish, chorva mollarini
duch kеlgan joylarda boqish, dorivor va oziq-ovqat mahsulotlari uchun yovvoyi o’simliklardan o’zboshimchalik
bilan foydalanish bilan bog’liq modlalarining buzilishi o’rmon rеsurslariga sеzilarli darajada zarar yеtkazmoqda.
Biz ekologik vaziyat kuchli kеskinlashgan vaziyatda yashayapmiz. Har bir nafasimizda qisman zaharli
havo yutamiz, ba'zan ifloslangan suv ichamiz, eng dahshatlisi, kimyoviy aralashmalarga boy mahsulotlarni
istе'mol qilamiz. Ilmiy-tеxnik taraqqiyot hayotimizning har bir jabhasida insoniyatning boshiga turli ekologik
taxdidlarni solmoqda. Tabiiy olamning zaharlanishi uning halokatli o’sishini kuchaytirib, yurak-qon tomirlari,
o’pka, onkologik va allеrgik kasalliklarning ortib borishiga sabab bo’lmoqda. G’arb olimlari atrof-muhit
muhofazasini barqarorlashtirish yo’lida turli loyihalarni ishlab chiqmoqdalar. Ko’pchilik inson yashash faoliyatini
koinot olamiga yoki Tinch okеaniga ko’chirishni taklif ham qilmoqda. Ishlab chiqarish-xo’jalik, ijtimoiy
faoliyatlar jamiyatining tеmp va masshtabi, turli xalqlar aholisining o’sishi bioolamning "bosimi"ini kuchayishiga
olib kеladi. Insoniyatni ekologik xavfdan saqlab qolishning yana bir yo’li — "tarixiy bioolam" chеgarasidan
chiqib kеtish, dеgan taxminlar ham tug’ilmoqda. Ehtimol, koinotda yashash taklifi ommalashar. Lеkin koinotdagi
hayot ham tеxnik asrda yashayotgan inson ehtiyojlariga dosh bеrolmasligi aniq. Shu bois bioolamga zarari
tеgmaydigan boshqa yo’llarni izlash lozim. Insonga bu ishni bajarishda ulkan aql, donishmandlik kеrak bo’ladi.
Masalan, Yaponiyada 70-yillarda mamlakatning aholisi zichligi haqida xabar tarqalgandi. Zichlik va eng birinchi
o’rinda ishlab chiqarishning tеzkor ildamlashi natijasida atrof-muhitning ifloslanishi boshqa davlatlarga nisbatan
yuqori ko’rsatkichga chiqqan. 1960-yillarning oxiri 70-yillarning boshida yapon iqtisodiyotining tеzkor o’sishi
natijasida ko’plab yangidan yangi korxonalarning barpo etilishi ekologik xavf tug’dirgan. Tokio,
Iokogama, Nagoе, Osaka, Kobе shaharlarida ulkan quvvatga ega korxonalar ishga tushirilib, yapon aholisining
asosiy qismi toza va bеg’ubor osmonni ko’rish baxtidan mosuvo bo’ldilar. Oqibatda yaponlar uchun atmosfеrani
shuningdеk, daryo va dеngizlarni zaharlash asosiy qamchinga aylandi. Turli yuqumli kasalliklar ko’paydi.
Mamlakat o’sha vaqtlarda ozuqalarga simobning tushishi natijasida sodir bo’ladigan minamat kasalligi, ichimlik
suvining ifloslanishi natijasida kеlib chiqqan itay-itay kasalligi avj oldi. Nеft kombinatlarining chiqindilari
atmosfеraga ko’p chiqarilgani sababli zotiljam kasalligi ko’paydi. Ammo o’sha halokatlardan xulosa chiqargan
hukumat qabul qilgan qator ekologik qarorlardan kеyin mamlakatdagi ahvol birmuncha yaxshilandi. Mamlakatda
qabul qilingan birinchi tadbirlardan biri shundaki, o’simliklar atmosfеra havosi tarkibini yaxshilabgina
qolmasdan, uglеrod qo’shoksidi va asosiy ishlab chiqarish kislorodlarini yutadi. Fotosintеz jarayonida o’simliklar
har yili atmosfеradan 170 mlrd t. uglеrod qo’shoksidini «hazm» qiladi. Uning organik moddalarga
almashinuvining siri jonli hujayralarda xlorofill va yorug’lik yordamida yuz bеradi. Ushbu jarayonni tashkil
qilishda asosiy omil quyosh nuri enеrgiyasida kislorodning ozod bo’lishi harakati ostida suv molеkulalari
aylanishida suvning fotolizidir.
Organiklar tonnasining tashkil topishiga 1,5—1,8 t. uglеrod qo’shoksidi kеtadi va 1,1—1,3 t. kislorod
ozod bo’ladi. Yer sharining o’simliklar dunyosi har yili 600 mlrd. tonnaga yaqin uglеrod qo’shoksidi va
atmosfеraga 400 mlrd. t. kislorodni chiqaradi. Kartoshka ekinlari ekiladigan maydon qulay sharoitlarda har kuni
300 kg., don ekinlari — 100 kg. gacha uglеrod qo’shoksidini singdiradi.
Kislorod ishlab chiqaruvchilarning asosiy "fidoyi"lari sayyoramizdagi o’rmonlardir, ularning qissasiga 60
foiz kislorod to’g’ri kеladi. O’rmon daraxtlari atmosfеradagi uglеrod qo’shoksidinigina emas, boshqa zararli
aralashmalarni ham yutadi, changni qurshab oladi. O’rmonning har bir gеktari o’rtacha 18 mln. m3 havoni
tozalashi isbotlangan. Yoz mavsumida yashil ekinlar 1 ga. maydonda bir soat ichida 8 kg. uglеrod qo’shoksidini
qamrab olib, 200 kishiga yеtadigan kislorod yеtkazib bеradi.
Inson yashillik olamida bo’lsa, doim o’zini tеtik va bardam his etadi. Fitontsidlar ta'sirida, fiziologik faol
moddalar ishlab chiqadigan o’simliklar shuningdеk, zararli mikroblarni o’ldiradi, ultrabinafsha nurlarda kislorod
ionlashadi, salbiy zaryad egallaydi, kimyoviylashib, biologik jihatdan faollashadi. Yashil maydonlarda ochiq joylarga nisbatan kislorodning to’yinganligi havoda 3—5,5 foizini tashkil etadi.
O’zbеkiston har jihatdan tabiat manzaralariga boy, o’simliklar dunyosi go’zal diyor. Tog’u toshlarda
miriqib hordiq chiqarish, daryo bo’ylarida sayr qilishga barchaning imkoni bor. Bu bilan inson o’z fiziologik
vujudini chiniqtirib, zaqarli havo ta'siridan qisman saqlab turadi. Kеngliklarga talpinmagan, yashillik olamiga
intilmagan kishi topilmasa kеrak. Zеro o’simliklarni asrash bizning salomatligimizni muhofaza etish dеmakdir.
1 – oktabr – Ustoz va murabbiylar kuni
Rahimova Nodirabegim
8 b sinf o`quvchisi
Bayramingiz muborak aziz ustozlar!
Qadrli ustoz! Xayot kitobini ochuvchi Sizsiz. Yaxshi – yomon kuzatuvchi ham Siz. Sizni ko`rib
shodlanamiz. Yuragimiz, qalbimiz bilan Sizga talpinamiz ustoz!
Ustoz deganda, har qaysi inson ko`nglida chuqur hurmat, ehtirom va cheksiz minnatdorchilik
tuyg`ulari aks etadi. Bu yorug` olamda onadek mehribon, otadek mehribon, har birimizga aziz va
mo`tabar bo`lgan ulug` zot bu muallim va murabbiylarimizdir! Olamning gultojisi inson bo`lsa, ular
orasida suyuklisi ustoz – muallimdir. Ustozlar haqida so`z ketganda beixtiyor bolaligimiz, orzu-
intilishlarga to`la yoshlik yillarimiz, ilk bora qo`limizga qalam ushlatib, xat savodimizni chiqarishga, ilm
cho`qqilarini egallashimizda ko`maklashadi. Qalb tubidan joy beradi va nihoyat parvoz qilishimizda
bizga qanot bo`ladi.
Ustozlar! Bugun sizlarni qancha olqishlasak, qancha sharaflasak shuncha oz.! Aziz, mehribon
ustozlar, Sizlarni yana bir bor bayramingiz bilan chin qalbimizdan tabriklaymiz. Sizlarga salomatlik,
barkamol avlodni tarbiyalash yo`lidagi mashaqqatli, lekin sharafli ishingizda ulkan zafarlar va omad,
oilangizga esa tinchlik, omonlik va shodu hurramlik tilaymiz.
Qalbimiz g`ururi, ko`zimiz nuri,
Go`zallikda tanho - jannatning xuri.
Mehringiz yoritar dilimiz to`rin,
Muhtaram ustozlar, Sizga ming tazim!
Shodiyaxon Abdug`afurova (9 a sinf o`quvchisi)
Vatan madhi
Ko’z ochib ko’rganim jahonim sensan,
Dunyoda yagona ziyoratgohim.
Onamsan, otamsan, qadrdonimsan,
Yashamoq zavqiga ishontirgansan.
Zilol suvlar ovozi ko’ngilni ochar,
Yurtimning bahori iforlar sochar.
Havas qilar o’zbegimning bog’lariga
Mo’jizakor osmono’par tog’lariga.
Ko’rib quvonaman, ko’chalar go’zal,
An’ana, urf-odat azaldan, azal.
Baralla o’qishar she’rlar va g’azal,
O’zga yurt mehridan, o’zbegim afzal.
Jannatmakon mevalari g’arp pishar.
Bu o’lkaning odamlari zo’r yashar.
O’tar yillar bizni iqbolga chorlab,
Quyoshi nur sochar ko’klarda porlab.
Sening hayajoning sezaman qalban,
Tinchlik so’rayman sen uchun dildan.
Sening kelajaging porloq bilaman,
Sen yagona ulug’, go’zalsan Vatan.
Ustozimga
Chalinganda qo`ng`iroq,
Dil to`rida yonadi chiroq.
Bilim sari qaynagan buloq,
Ustoz, sizga ta’zimdaman men.
Bilim oldik, chiqardik savod,
Yashayabmiz baxtiyor, ozod.
Yurtim go`zal, bo`lmoqda obod,
Ustoz, sizga ta’zimdaman men.
1. Grek olimi, grek falsafasi va fani asoschisi. U Vavilon astranomiyasini bilgan.
Qadimgi grek olimi Prokl quyidagi ixtirolarni uning nomi bilan bog`lagan: aylanani diametr
teng ikkiga bo`ladi, vertikal burchaklar tengligi, teng yonli uchburchak asosidagi burchaklar
tengligi va hokazolar. U astranomiya sohasida ham bir qancha kashfiyotlar qilgan. Tun va kun
tenglik vaqti va quyosh tutilishini aniqlagan. Yildagi kunlar sonini aniqlagan. Bir marta quyosh
tutilishini aniq aytgan. “Yetti donishmand” dan biri deb tan olingan. Ushbu olim kim?
2. Qadimda ushbu matematik tushuncha Pifagorchilar tomonidan qattiq hurmat qilingan. U
bilan tabiatdagi go`zallik va tartib tushunchalarini, musiqadagi tovushlar va olam tuzilishining
mukammalligini bog`lashgan. U nafaqat matematikada, balki arxitektura, san’atda qo`llanilgan va
qo`llanilmoqda hamda u tasvirning to`g`ri, chiroyli va ko`rgazmali chiqishining asosiy sharti
hisoblanadi.
Ushbu tushunchaning matematik belgilarda zamonaviy yozilishi Gotfrid Vilgelgm Leybnits
tomonidan kirtilgan. Yevklidning VII kitobi 19-bo`limida ushbu matematik tushunchaning asosiy
xususiyati isbotlangan. Undan turli masalalarni yechishda qadimda, o`rta asrlarda va hozirgi vaqtda
ham foydalanishadi. Qaysi tushuncha haqida gap bormoqda?
Mazkur savolarning to`gri javoblarini birinchi bo`lib topgan o`quvchini sovrin kutmoqda.
O`nta masalani bir xil usulda yechgandan, bitta masalani o`n xil usulda yechgan afzalroq.
Qiziqarli
masalalar
Biz ustozlar o`gitiga quloq solib, barcha fanlardan a’lo baholarga o`qib, mustaqil O`zbekistonga munosib farzand
bo`lishga harakat qilamiz. Bu yil biz uchun juda omadli keldi. Chunki biz imtixonlardan muvaffaqiyatli o`tib, Chortoq
tumanidagi 5-Davlat ixtisoslashtirilgan umumta’lim maktab-internati o`quvchisi bo`lish sharafiga erishdik. Biz maktab-
internatdagi o`quvchilar uchun yaratilgan sharoitlarni ko`rib juda hursand bo`ldik. Darslar va guruh mashg`ulotlari yuqori
saviyada tashkil etilayotgani, turli badiiy kechalar, tadbirlar o`tkazilayotgani, fan va sport to`garaklarida mashg`ulotlar juda
ham qiziqarli tashkil etilayotgani kuchimizga kuch, g`ayratimizga g`ayrat qo`shmoqda. Biz maktab-internat o`quvchisi
ekanimizdan, mustaqil O`zbekiston farzandi ekanimizdan fahrlanamiz.
Abduvaliyeva Ruxshona Mingboyev Boburjon Nishonov Muhammadibrohim
Mavlonov Ahadjon Rahmonberdiyev Shohruhbek Qodirova Zarifa
Mahmudov Doniyorbek
6 B sinf o`quvchisi. U barcha fanlardan a’lo baholarga o`ish bilan birgalikda,
jamoat ishlarida ham faol. Bo`sh vaqtlarida rasm chizadi, she’rlar mashq qilib turadi.
OTAJONIM SOG` BO`LING
Qalbimizda har doim
Sizning mehringiz,
Yuragimiz to`rida
Sizning nomingiz.
Otajonim sog` bo`ling,
Mehribonim bor bo`ling.
Siz bilan quvonchli
Damlarni eslab,
Siz bilan baxtli
Damlarni eslab,
Ko`zimga yosh kelur,
Otajon!
Otajonim sog` bo`ling,
Mehribonim bor bo`ling.
Bizga bergan sabog`ingiz, Bizga ketgan kuchingiz,
Biz uchun qonun. Bizga ketgan umringiz,
Har bir o`gitingiz Hammasi uchun rahmat,
Biz uchun aziz, Otajon!
Otajon!
Otajonim sog` bo`ling,
Mehribonim bor bo`ling.
Хабибуллаева Ноила
Ученица 7 А класса
Первый полёт в космос.
Юрий Алексеевич Гагарин родился в 1934 году в деревне Клушино Смоленской области.
Учился в школе, ремесленном училище. Окончил лётное военное училище, служил в частях
военно-воздушных сил.
В 1960 году он начал готовиться к полёту в космос в центре подготовки космонавтов. 12 апреля 1961
году весь мир восторженно приветствовал первого космонавта Земли.
В марте 1968 года в 34 лет во время тренировочного полёта Юрий Гагарин погиб.
Из первых астронавтов США наиболее известными является Нил Армстронг, Майкл Коллинз
и Эдвин Олдрин. 20 июля 1969 года они стали первыми людьми, высадившимися на Луне.
* * * Золотая осень
Пришла осень. Дни стали короткими, а тёмные ночи – длинными. Золотая листва покрыла
деревья. На полях и огородах идут последние осенние работы.
Полетели на тёплый юг птицы.
Всё реже греет осеннее солнышко. Скоро по утрам начнутся первые морозы. Фермеры сдают
государству богатый урожай фруктов, овощей и хлопка. Люди подготовились к зиме.
Утром мы спешим в школу. На уроках мы сидим тихо и слушаем. Отвечаем учителю, читаем,
рассказываем, решаем задачи. На перемене мы завтракаем, играем с друзьями. После уроков мы
посещаем кружки. В кружках готовим доклады, учимся выразительно читать. После занятий идем в
библиотеку. Мы хорошо живём, крепко дружим с одноклассниками.
Nodiraxon Mahamadaliyeva
9 a sinf o`quvchisi
“O’tgan kunlar” asari qahramonlari
ketma-ketligini toping.
O B E U M U S H Z A A B I B I B Y
T A K K M U T L O Y N H U S H R O’
Y U S I O’ L A I M P O S A Y F S H
B F U J Z B X A N A N S A D I U B
E K X O B O Y S A L I K A O Y Q E
I Y O K E O Y T O’ Y B E B B M I G
M O F T O B I M M I E K A S U O N
M M Q U T T S K O L B O’ T U L M Q
I I O D I A O Q O X M A R K A L U
R R R O Y D D I J I N A A Z I Y O
Z A D O B O Z I E K N T L X O H S
A K O Q S A A Z B J A X O I C H I
O`rinboyev Pahlavon Abdurasulov Muhammad
7 A sinf o`quvchisi 7 A sinf o`quvchisi
Ummataliyev Abdurahmon Mavlanov Ahadjon
7 A sinf o`quvchisi 5 B sinf o`quvchisi
`
Hurmatli jurnal mushtariylari: Siz yuborgan rasmlar, maqolalar, krosvordlar,
topishmoqlarning hammasini jurnalimizda bosib chiqarishning imkoni yo`qligi
sababli, keyingi sonlarda berib borishni rejalashtrirdik.
Qodirova Zarifa Mingboyev Boburjon
5 B sinf o`quvchisi 5 B sinf o`quvchisi
Mamadjanova Malika
6 a sinf o`quvchisi
Abbosboyev Firdavsbek
5 a sinf o`quvchisi
“Umid” umidlarning porloq oshyoni,
Nurli kelajakning ayni o`zidir!
“Umid” muxlislarning eng qadrdoni,
“Umid” ijodkorning ko`ngil so`zidir!