MIDIKTE’ VANGG (Paunak 10:1-7)
“Thu siahuai tampi in kimanna neilo a, dikna in sihna pan honkhia
hi.” (Paunak 10:2)
Sumgum diktak pen tawntung nuntakna lobuang omlo hi. Tuate ngun leh kham tawh lei theih hilo hi. (Mat. 16: 26).Bangci bang dikna in sihna pan hong suakta sak thei hiam?Lungsim dikna. Mawhna peeI in mite akisap hunhun in huh in panpihna tawh diktak in bawl hi. (Mat. 25: 40-46 en in).Ngaihsutna, gamtatnate leh kampaute kihel hi. Midikte a hih abawlna peuh uhah muanhuai hi.
Hih mun a Paunakte in midikte leh midiklote’ nuntak kilamdan zia, mipil leh mihaite omziate hong lak hi. Gentehna in, aneu 2na en leng:
Bang hang in diklohna in kimanna neilo hiam?
“Kong kawciik atawn khualzin mite in khualzin hun abei cianga angah ding uh lungdamna vai gen in nei uh hi…. Kong tanzauu tawnte bangin kizemlo in gamta kampau lo uh hi. Etteh anei uh hia, Hehna dahna kahna athuak Topa mahmah in tua lampi mah tawna azin khin ahihi. A nung azuite in Ama khekhapte mu in lungdam in kipaak uh hi. Amah mualsuak ahih manin amau zong Ama nung azuih uh leh mualsuak thei ding cih thei uh hi. Kong tanzau azuite pen amau zia, apuansilh aniktente uh leh lamkal a alung hihmawhna thu tuamtuamte uh tawh buai uh hi. Gualnopna leh kidemnate tawh buai uha lamtawp a akong biang vai ding uh ngaihsun khalo uh hi. Nisim in akisiatna ding uh zuan in manlang semsem uh hi…Tawntung nuntakna dinga kipia thupha mite in ngah in, ngah tak sa ding uha, kipumpiak taak sa in a milimte khempeuh uh tann taak sa ding uh hi.”
E.G.W. (Amah ka teltheih nang in, That I may know Him, October 24)
MIDIKTE’ KAMPAUTE (Paunak 10:11-14)
Midikte leh mihaite koici pau uh hiam?
MIDIKTE
A kam in nuntakna tuikhuk ahihi. (n. 11)
Ko’nate itna tawh siin hi. (n. 12)
A kampaunate ah ciimna kimu hi. (v. 13)
MIHAITE
Thusia in akam tuam hi. (n. 11)
Buaina piangsak hi. (n. 12)
A kampau in siatna lam zuan hi. (v. 14) NABAL
ABIGAIL
Ciimna kammalte, lamlahnate leh thuhilhnate midikte kiang pan hong pai hi. A za a asanggte adingin tuinaak bang ahihi. Nuntak thak leh thuphate hong tunpih hi. Pasian in nuntak tuinak diktak ahih manin midikte in Pasian kammal gensawn uh hi. (Late. 36: 9; Jer. 2: 13; John 4: 14; 7: 38).
MIDIKTE’ LAMETNA (Paunak 11)
Midikte’ lametna bang hi mawk
hiam?Tu leh mailam
ading bang thupha sang uh
hiam?
(n. 3) “Mi thudikte a muanhuaina in makaih ding hi.”(n. 4) “Dikna in sih na pan honkhia hi.”(n. 5) “Mawh apengg mi dikna in lampi hoih ah makaih ding
hi.”(n. 6) “Miphate’ dikna in amau honkhia ding hi.”(n. 8) “Midikte thubuai pan ki honkhia hi.”(n. 9) “Midikte thutheihna tungtaawn in ki honkhia ding hi.”(n. 10) “Midikte a lungkim uh ciangin khuapi bup kipaak hi.”(n. 17) “Mi hehpih theite amau ading mah in hoih hi.(n. 18) “Dikna thu avawh mi in thamanh sang takpi ding hi.”(n. 19) “Dikna in nuntakna lam ah kha hi.”(n. 20) “Mawh penggte omzia ah Amah kipaak hi.”(n. 21) “Midikte’ suan leh khakkte ki honkhia ding hi.”(n. 25) “A cinghte ki limbawl ding hi.”(n. 28) “Midikte singkung pha bang ding uh hi.”(n. 30) “Midikte gah in nuntakna singkung ahihi.”(n. 31) “Midikte in leitung ah thuhkikna saang ding uh hi.”
Midikte’ lametna in manntak, kiniamkhiattak, deih-sakna tak, leh etlawmtak a ki thapiakna ahihi.
MIDIKTE’ OMZIA THUTE (Paunak 12)“Mi zuau theite Topa’ mai ah kihhuaia, thumann taka gamtat pen Ama lungkimna ahihi.” (Paunak 12:22)
Zuau thu leh zuau tatna in khem’ athaukte susia a akhemte mahmah zong kisia sak hi. Tua bangtePasian mai ah kihhuai hi. Thumann akitheih ciangin zuauthu pen mite in zong kih uh hi. Zuau gente ki muanglo in agamtat akampaute zong kimuang thei nawnlo hi. Akicianlo a agamta akampaute in midangte zong tua bang mah in ngaihsun uh hi. Khem tuah ding lauthawng in kiging den uh hi. Lungmuanna mu theilo uh hi.
“Christiante sepna bawlnate khempeuh nitang banga muh paisuak theih ahih ding kisam hi. Thumann in Pasian kiang pan hia; khemna cih namkimte khempeuh in Satan kiangpan ahihi..... Thumann bang lian gen ding thuol hilo hi. Thumann ih theih kei leh kigen theilo a; ngaihsut zia omsa, deihdante, theih cianlohna, khentat khialhna, cihte in hong telsiam saklo thei hi! Thumann thutak ahi Amah tawh ih kizopden kei leh thumann kigen theilo hi.”
E.G.W. (Reflecting Christ, February 26)
MIDIKTE’ SAN’ THAMANHTE(Paunak 13)
Midikte leh mihaite thamanh bang kilamdang
hiam?
MIDIKTE
“Neklim ding hi.” (v. 2)
“Kipaak ding hi.” (v. 9)
“Thamanh sang ding hi.” (v. 13)
“Ki pahtawi ding hi.” (v. 18)
“Na hoih kipia kik ding hi.” (v. 21)
“A lungkim dong in ne thei ding hi.” (v. 25)
MI-SIAHUAITE
“Siatna tuak ding hi.” (v. 3)
“A khuavak mit ding hi.” (v. 9)
“Siatna tuak ding hi.” (v. 13)
“Zawnna leh zumhna tuak ding hi.” (v. 18)
“Mawhneite siatna in delh hi.” (v. 21)
“Gilkialna thuak ding hi.” (v. 25)
Top Related