LA GAITA ¡ Ay, gaita melguera !

Dulciquina gaita, Quexíu de mimosa, Sonsonín de xana,

Que vienes de lloñe Cantando que canta Per ente les flores, Per ente la mata,

Con zalameríes, Tan blandia, tan blandia;

Y unes risiquines Llumíos de l' alba, Ó con señardades

De tardi enllutada.

Hay, gaita melguera, Mimosuca gaita ! Como del ensame

To zumbíu fai gala.

A veces yes triste Como el ¡ ay ! que llancia

Trastayá d' amores La probe rapaza;

Otres, aloyera, Reblincona pasas Finxendo rebelgos

Qu' alleguen á l' alma.

Tu son ye marmuriu Reguerín de plata;

Celosa nel fuelle Tormentes españan.

¡ Ay, gaita melguera, Dulciquina gaita ! Quexíu de mimosa, Soniquín de xana;

¡ Qué coses me dicis Que fienden á l' alma !

Enrique García Rendueles

Asturies, tierra céltiga.

Dimos pola flor del trébole, la foguera de San Xuan; L´aldega enardez col tocar de gaites;

Ascuchai ecoar a los rizosos astures en cueves inotes, Nel gris de los dólmenes ue la to heredá denota.

Erguete cola montaña y el clamor de les tos costes, Amontai la negritú del asturcón polos Cántabros,

Atresorai´l esplendior na fondura de les vueses mines, Esgarra los oyíos de los sordos col vuesu cantu astur.

La Güestia tras el texu, la vuesa llingua bable quier acallantar. Coyei´l azul del mar y la cruz de carbayu comu bandera,

Engarraivos escontra aquellos ciegos que la to cultura escurecen, Griescai por esa Asturies celta que arresiste a los embates.

Pelayu retrañe cualu Ñuberu nes vueses poles, El clangor de la sidra nos mitos que forxes,

Van y güelven les Xanes, el Cuélebre, el Trasgu, L´enraxonar del xiringüelu glaya: Covadonga!

Autor: Eliseo Mauas Pinto