BOQOK MUHELnaq junaq poyanam na tane sa roq ha, na xuwak chaq, li na xbabnu li nimla poyanam aan, bar wi xtane naruk chaq oxib nuquk li ha, barwi xtane ut na xye xkaba re li tzuul taqa, mare qawa toj wan sabiin maraj qawa jolom chakow ut na xye kiib oxibaq li raatin ut jokain na xye: ay at qa yuwa chakuy qa maak, chakoq chaq li muhel, chaan wi nimla poyanam li na tane ut aran na xnuq chaq oxib nuquk li ha.Jun chik wi junaq chinaal na tane ut na telenbak chi choch u tut maraj xkilok roq chire ha, aran na xuwak. Xbanaq lao li poyanam wank qa muhel, qa winqul, jokan naq li tzuul taqa wank ajwi xwinqul maraj ixqul ut naq na tane junaq li kachin na xchap chaq li xmuhel li tzuul ut aran li kachin na ok chi yajerk ut wi inka taa bok li xmuhel na ru na kam, na chape xbaan chiq ut maraj raxkeob, ut maaka xbanol kaajwi chi boqek li xmuhel. Jokan naq wi li nabej xtane li xkachin chi roq ha maraj chi ru pek, sa jumpaat ti xtoq chaq junaq li tzuum, chi ru aan na xsak li choch ut li pek ut jokan ajwi li ha ut yooq chi xyeebal: kim a lu, kim, mat kanaak chik, taw la baqel, taw la tzejwal, laaat li loq laj tzuul, loq laj taqa koq chaq lin yum, koq chaq li kachin, xikaq xtawbal li xbaqel ut li xtzejwal, yoo lu yoo wa chaan li nabej, na xbanu chi jokan re xbanbal li xkachin ut re naq inka t-yajerq, aran ajwi na xban chaq se yaal.Jun chik li xuwak, mare yal t xchaj re sa la xik chi maaka sa la chool, ma ta naq poyanam, mare ixq maraj winq x-jap-ire sa la xik, jo li ka naq ta wabI chelekbaqat xbaan ut aran tat xuwaq, ak xat xuwak aran, ut li xbanol aan: li ani ki xiben awe, mare winq, li xbano aan naq taa patz chaq li rismal xjolom ut aan ta te xsibtee wi sa wara ut sa xwaara ajwi lip o na banumank aan ut rikin aan kotzamiil li yajel.Jun chik li xuwak na inka xa naw bar ta wi xaq xibe chaq awib ut mare toj chi najt xat xuwak chaq, mare xkuent teleman, maraj toj panzos ut maraj toj bariiy ut ma waayi ta x-xokbal chaq la muhel, li na banumank aan naq junaq qawachin na ilok, na bakok ut aan ut na banunkre, ut li na xbaan aan: kaajwi naq na xkam chaq junaq kamiis ut maraj sut wank se ruq naqa ok chi xyaabankil, kim arin a xiwaam, kim ariin ut timiil naxyeut na ok chi xuxbankil chi timil ut tuqtu qoqyin na xbaanu ut na xkat xpom naq yook chi xbanunkil ut yook xyeebal kim koq chaq xmuhel li winq ain, laaat li jwal pap, jwal tzunun, kamchaq li xmuhel li winq ain, chu la ke rikin li xbaqel, rikin li xtzejwal, chaan laj ilonel, ut naxye kiib oxibaq raatin jwal pap, jwal tzunun ut aan na xtaqla xokbal li muhelej. Jwal pap aan xyuwaileb li pap ut li jwal tzunun aan xyuwaileb li tzunun. Aan li xbanol li na xuwak chi najt.Jun chik naq inka tzaqal na xpaab li yajel naqa boqe xmuhel, mare wan chaq riiq naq xtane chi ha ut tzaqal lublu chi tiik, li na banuman aan nake xyiib jun kanteel re saq kaw maraj re qan us ut chi ru an nake xyiib jun china winq ut nake ke xke roq ruq ut nake xset bayaq rixiij ut rismal li yaj ut nake xke choq rismal li china tzaak aan ut nake xke xwej ut xkamiis ut aan nake xke choq ruuchil li winq xuwajenaq ut nake xik bar xuwak wi chaq li winq, nake xlatz chaq sa xtoon li pek che re li ha bar wi xtane chaq ut nake xye chaq raatinul naq nake xkanab chaq ut nake xye: waayi li reqaj at tzuul, aan tkanaq arin, xkoq chaq xmuhel laj xiwan ut na ok x-xuxbankil yoo, yoo chaan ut tojo naq na xkanab chaq reqaj nake qaj chaq ut aran na kira li yaj.Ut jun chik naq lublu li yaj ut li yajel aan, aan rilom li tzuul chankeb re, mare qanachin ut maraj qawachin li na kulukre ut li xbanol aan naq nake xset li kim sa kaaxikutil li ochoch ut nake xke bayaq li anx ut nake xkat sa ru xaml ut nake xke bayaq li incienso rikin ut chi sa aan nake xsibtee li yaj ut nake xbok li xmuhel, aan li xuwajenaq aan, ut chi kamaan nake xban.