ZHVILLIMI I INDUSTRISE TE PERPUNIMIT TE NAFTES, NJE ... · proçeseve teknologjikë të ndarjes...
Transcript of ZHVILLIMI I INDUSTRISE TE PERPUNIMIT TE NAFTES, NJE ... · proçeseve teknologjikë të ndarjes...
ZHVILLIMI I INDUSTRISE TE PERPUNIMIT TE NAFTES, NJE DREJTIM I
RENDESISHEM PER RRITJEN E VLERES TE KESAJ PASURIE KOMBETARE
Ing. Ajet Ylli; Ing. Nako Petro, Prof. As. Dr. Ismet Beqiraj; Ing.Kastriot Gishti,
Ing. Shpëtim Nishani
ABSTRAKT
Eksperimentet e para për distilimin e naftës në vendin tonë u bënë në Kuçovë në vitin 1934
në një impiant pilotë me kazan të thjeshtë.
Këto ishin distileri primitive që bazoheshin në vlimin e kazanëve direkt me zjarr dhe
kondensimin e avujve në nënprodukte nafte.
Shqiperia është një vendë prodhues i naftës bruto. Cilësia e naftës bruto është e rëndë, me
përmbajtje të larte squfuri deri në 5,5% dhe metalesh të rënda të cilat e bëjnë atë të
përshtatëshme për prodhim bitumi.
Kapaciteti i rafinerisë të naftës në Kuçovë në vitin 1972 arriti në 500 000 ton/vitë. Gjatë
viteve të punës të saj në këtë uzinë janë përpunuar më shumë se 10 milion ton naftë duke
prodhuar mijëra ton produkte për ekonominë kombëtare.
Rafinerija e Naftës në Cërrik do të niste ndërtimin 67 vjet më parë, në vitin 1951 në
bashkëpunim me specialistët Sovjetik, në kohën kur marrëdhëniet midis dy shteteve ishin të
mira. Në vitin 1961 u krye rikonstruksioni i uzinës duke rritur aftësine përpunuese në 500
mijë ton në vitë. Gjatë fuksionimit të saj u prodhuan benzinë, gazoil, vajguri ndriçues,lëndë
djegëse,bitum i markave të ndryshme etj.
Rafineria e Fierit dhe u ndërtua plotësisht nga inxhinierët dhe teknikët shqiptar. Deri në vitin
2004 struktura e prodhimit përfshinte prodhimin e mazutit si zë kryesor, si dhe bitumin e
lëngët, lëndës djegëse dhe holluesin.
Rërat bituminoze në vëndit tonë, prej kohësh kanë tërhequr vemendjen e specialistëve të huaj
dhe me vonë të atyre shqiptarë për rezervat e mëdha që ekzistojnë dhe vlerat që ato
paraqesin.Në këte sektor kërkohet që të sigurohen investime në futjen e teknollogjive të reja
në bashkëpunim me kompanite e huaja
Rafinerija e Ballshit e cila u vu në shfrytëzim në vitin 1978 .Kjo uzinë ka në vetvete gjithë
impiantet e nevojshme teknollogjike të një skeme të avancuar të përpunimit të naftës si dhe
gjithë sistemet ndihmëse.
Egzistenca e industrisë të përpunimit dhe shtimi i i nevojave për nënprodukte nafte bënë që
në vitin 1999 për herë të parë të miratohet kuadri regullator ligjor për subjektet që ushtrojnë
veprimtarin hidrokarbure në vëndin tonë.
I vetmi investim serioz në fushën e përpunimit i realizuar pas viteve ‘90 është Rafinerija e
Naftës RBH Beline Sh.a ,e cila ka si qëllim prodhimin e bitumit te markave te ndryshme. Një
rafineri tjetër me kapacitet 150 000 ton në vitë naftë bruto e ndërtuar në Lushnje, ka hyrë në
shfrytëzim në kohët e fundit.
Duket se rafineritë e privatizuara nuk mund të konkurojnë sot në ekonominë e tregut dhe për
këtë arsye nuk mund të mbahen në punë dhe të modernizohen nga pronarët aktuale.
Lidhur me prespektivën e kësaj industrie shpresat janë në gjetjen e vendburimeve të reja me
një naftë brut me cilësi më të mira si dhe gjetje e investitorëve të huaj seriozë dhe të fuqishëm
për të kthyer rafinerinë e Ballshit në një rafineri moderne të aftë të konkurojë në tregun e
karburantëve në vendin tonë.Të dhënat e mësiperme tregojne se ndërtimi i një rafinerije të re
do të ishte e mirëpritur.
Kombi shqiptar ka nje histori të madhe shumëplanëshe dhe shumë dimensionale. Të flasësh
për historinë, të tashmen dhe të ardhmen e naftës nuk duhet të jesh vetëm historian .
Çdo njeri që ka punuar në naftë e ka një histori,e cila pavarësisht se nuk është e shkruajtur në
letër ajo ekziston.
Në këtë 100 vjetorne kujtojmë dhe nderojmë punën vetmohuese dhe sakrifikuesetë të gjithë
naftëtarëve, kudo ku kanë punuar, përulemi me respekt për brezat që shkruan historinë e këtij
sektori të rëndesishëm të ekonomisë kombëtare.Në këtë ditë të shënuar ne duhet të bëjmë
edhe një bilanc të gjëndjes ku jemi, si dhe të shprehemipër atë çka duhet dhe mund të bejme
për të ardhmen
- Pak histori……
Rafineritë e naftës përpunojnë naftën bruto në një numër të madh produktesh nëpërmjet
proçeseve teknologjikë të ndarjes fizike dhe termo-kimike
Ato përbëhen nga shumë impiante të cilat transformojnë naftën e papërpunuar në produkte të
dobishme si gaz i thatë, gaz i lënget, benzinë, gazoil, vajguri, solar, vajra lubrifikantë, bitum
etj.Pjesa më e madhe e nënprodukteve të naftës përdoren si transportues të energjisë.
Çdo rafineri ka skemën e vet teknologjike, kombinimi i proçeseve teknologjike të saj
përcaktohet nga vëndndodhja e rafinerisë,produktet e kërkuara dhe konsideratat ekonomike.
Rafineria e parë e naftës u ndërtua në Ploeshti të Rumanisë me 1856 duke përdorur naftën
bruto që në atë kohë ishte e bollshme.
Në fillim të shekullit të XX,futja e motorit me djegie të brëndshme dhe përdorimi i saj në
mjetet e transportit krijuan një treg për nënprodukte nafte e cila ishte një shtysë për rritjen
mjaft të shpejtë të industrisë së përpunimit të naftës.
Pas luftës së dytë botërore,në fillim të viteve 1940 shumica e rafinerive të naftës kishin në
përbërje të tyre thjesht vetëm impiantet e distilimit atmosferik.
Disa të tjera kishin edhe impiantet e distilimit në vakum por edhe visbreking,proçesi cili
konsiston në uljen e viskozitetit të lëndëve djegëse .
Të gjitha proçeset e tjera janë zhvilluar gjatë luftës së dytë botërore ose disa vite pas saj.
Komercialisht këto rafineri nafte ishin në dispozicion 5-10 pas përfundimit të luftës së dytë
botërore dhe industria e përpunimit përjetoj një rritje shumë tëshpejtë.
Fuqia shtytëse për shtimin e rafinerive të përpunimit dhe perfeksionimit të tyre në teknologji
në mbarë boten ishin rritja e kërkesës,për benzinën e automjeteve dhe karburantet e avionëve.
Sot në bote funksionojnë më shumë se 700 rafineri nafte nga të cilat 82 janë në vëndet e
Bashkimit Europian.
Më shumë se 16 % e naftës bruto të prodhuar përpunohet në vendet e BE. Në vitin2015
kapaciteti i përpunimit ishte 15 milion b/ditë.
Që nga fillimi i recesionit në vitin 2008 Europa ka humbur 2.2 milion b/ditë nga përpunimi i
saj.
Për të konkuruar në tregje kapaciteti i përpunimit në rafineritë e naftës eshtë rritur,ndërsa
lëndët e para janë të zgjedhura,me përmbajtje të lartë të karburanteve dhe % të ulët squfuri.
Figura 1: Pamje e nje rafinerie nafte
Figura 2: Pamje e nje rafinerie nafte
Shumë prej rafinerive nëbotë kanë përmirsuar skemat e rafinimit, duke rritur numrin e oktanit
të benzinës, ndërsa përmbajtja e squfurit është ulur në përputhje me regulloret mjedisore .
Por pavarësisht kësaj,duhet pranuar se asnjë rafineri në botë nuk ka një bilanc të përsosur të
përdorimit të lëndëve të para, prodhimit të produkteve, lëndëve ndihmëse dhe parametrave
mjedisor.
- Fillimet e para të përpunimit të naftës ne vendin tone…..
Kuçova dhe naftëtarët janë lidhur me një histori të veçantë me njëri-tjetrin, jo vetëm për
Shqipërinë por edhe më gjërë.
Për herë të parë emri “Kuçovë” lexohet ne regjistrat e pronësisë së Perandorisë Osmane të
shekullit XVIII. Regjistrimi i parë i popullsisë së Kuçovës është bërë në vitin 1923 dhe ka
qenë një fshat me 45 shtëpi, me 313 banorë, nën juridiksionin e prefekturës Berat.
Vrojtimet e para për ekzistencën e naftës janë bërë në vitet 1914-1918 nga Ing. Gjeolog i
Naftës Ernest Novak, qytetar Çek, i cili ka qenë në Kuçovë në vitet e luftës së parë botërore, i
cili ka krijuar edhe zyrën e parë gjeologjike në Shqipëri.
Nga viti 1918 deri në vitin 1924 në Kuçovëerdhën shumë shoqëri të kërkimit të naftës si
AIPA, një shoqëri Anglo – Persiane, shoqëria Amerikane e Naftës si dhe shoqëri franceze etj.
Që nga ky moment Kuçova ose Devolli i asaj kohe u hodh në hartat gjeologjike të botës, u
njoh si vendburim nafte dhe filloi shfrytëzimi intensiv i saj.
Nga viti 1928 deri në vitin 1943 vendburimi i Kuçovës u shfrytëzua nga shoqëria AIPA.Kjo
shoqëri bëri marrëveshje me mbretin Zog që nëse prodhimi do ti kalonte 50 000 ton në vitë
do të ndërtonte një rafineri nafte.
Eksperimentet e para për distilimin e naftës në vendin tonë u bënë ne Kuçovë në vitin 1934
në një impiant pilotë me kazan të thjeshtë.
Distileria e parë është ndërtuar në vitin 1940, nga Shoqëria Italiane “ A.I.P.A.” që sot quhet
“A.G.I.P.”, dhe prodhonte vajgur ndriçues për nevojat e kësaj shoqërie.
Këtu punonin rreth 50 punëtorë shqiptarë,pa përfshirë specialistët e huaj.Shqiptaret bënin
punë të rëndomta.Gjithashtu në këtë kohë u ndërtua Laboratori Gjeologjik për qëllime të
kërkimit tënaftës i cili më vonëu zgjerua me pajisje dhe reagent për të bërë analizat e naftës
dhe nënprodukteve të saj.
Ishin Naftëtarët e Kuçovës që në shkurt të vitit 1936 i treguan shqiptarëve si të luftojnë për të
drejtat e tyre kundër shtypjes dhe shfrytëzimit.
Një tjetër distileri, me kapacitet 8-20 ton/ditë, u ngrit në Kuçovë nga pushtuesit gjermanë në
vitin 1944, por në kohën që po vihej në punë u shkatërrua nga bombardimet e aviacionit
anglez.
Këto ishin distileri primitive që bazoheshin në vlimin e kazanëve direkt me zjarr dhe
kondensimin e avujve në nënprodukte nafte.
- Përpunimi i naftës pas çlirimit, investimet ….
Pas çlirimit, në Janar 1945 u vu në shfrytëzim distileria Nr. 2, me kapacitet 40 ton/ditë,
ndërsa nëDhjetor 1945 u vu në shfrytëzim distileria Nr. 3, me kapacitet 180 ton/ditë,në fillim
në bashkëpunim me punëtorët italianë,por që më vonë drejtimi i teknologjisë u muar në dorë
nga punëtorët shqiptarë.
Në atë kohë përveç luftës kundër analfabetizmit, u punua per kualifikimin e punëtorëve dhe
teknikëve të mesëm në disa profesione që i duheshin përpunimit të naftës si
teknolog,fugist,pompist,laborant,mekanik etj.
Kualifikimi i punonjësve u vu në qendër të vëmendjes së shtetit shqiptar duke filluar me
hapjen e shkollave të natës, shkollën fillore e shtatëvjeçare, kurset profesionale, me shkollën
e rezervave të punës “FZO”(furnizimi i zonave operative) të naftës, shkollës së pare e të
mesme të naftës(Teknikumi i Naftës) në vitin 1951.
Të dyja distileritë e ndërtuara plotësonin një pjesë të mirë të nevojave të vendit në atë kohë.
Ndërtimi i distilerisë Nr. 3 zgjati rreth një vit dhe punoi deri në vitin 1956.
Teknologjia u përmirsua duke përdorur kollona distilimi me mbushje unazore dhe më vonë
me pjata distilimi.
Rritja e prodhimit të naftës dhe rritja e kërkesës së ekonomisë për nënprodukte nafte,
kërkonin domosdoshmërisht rritjen e kapacitetit përpunues dhe përmirësimin e teknologjisë
të përpunimit të naftës.
Krahas ndërtimit të rafinerive filloi dhe ndërtimi i tubacioneve për furnizimin e tyre me lëndë
të pare,kjo për faktin se mënyratë ndryshme të transportit jepnin kosto të ndryshme të
produktit.
Në vitin 1957 rafinerisë së naftës në Kuçovë ju bë një përmirësim i proçesit teknollogjik ku
për herë të parë u montua kollona e rektifikimit me pjata e cila u quajtë AVT -1, (inicialet e
para të fjalëve Atmosfere, Vakum, Tubolare) me kapacitet 200 000 tone/vitë, ky
rikonstruksion jo vetëm rriti kapacitetin përpunues por lehtësoj teknollogjinë dhe përmirësoi
cilësinë e nënprodukteve të prodhuara të cilat ishin: benzina, vajguri ndriçues, gazoili dhe,
bitum nafte.
Më 1961 u bë dhe rikonstruksioni i dytë i rafinerisë në Kuçovë, me ngritjen e një kollone të
dytë rektifikimi me pjata , e cila u quajtë AVT -2. Nga ky rikonstruksion përveç benzinës,
vajgurit ndriçues dhe gazoilit, u prodhua për herë të parë edhe vajguri avionësh TS1.
Nga kollona atmosferike prodhohej benzinë, vajguri dhe gazoili, të cilët pastroheshin në
repartet e rafinerisë dhe përdoreshin për ekonominë dhe popullaten, kurse nga kollona e
vakumit prodhohej solar, vaj, mazut dhe bitum të cilat përdoreshin për nevojat e ekonomisë
dhe për eksport.
Figura 3: Foto e nje grupi punonjesish dalë gjatë ndërtimit te AVT Kuçovë.
Uzina e Përpunimit të Naftës Kuçovë, që më vonë u pagëzua me emrin “11 Shkurti”, në
kujtim të grevës së punëtorëve të naftës të Kuçovës në vitin 1936, ishte uzina e parë e kësaj
natyre në Shqipëri, e cila u ndërtua me ndihmën e inxhinierave ruse dhe një grupi
inxhinierash shqiptarë që kishin kryer studimet në Rusi dhe Rumani.
Për shfytëzimin e kësaj uzine një rol të veçantë luajten punëtorët shqiptarë të cilët kishin
punuar bashkë me specialistët italianë në distilerinë e ndërtuar nga shoqëria A.I.P.A.
Në këtë uzinë, përveç përpunimit të naftës, nga personeli inxhiniero teknik janë kryer studime
dhe janë projektuar impiante për pastrimin e nënprodukteve të naftës.
Kështu në repartin e rafinerisë është prodhuar benzinë e pastër (sipas standarteve dhe
kërkesave të asaj kohe) që perdorej për automjete, vajguri ndriçues për popullaten, vajguri
TS-1, që përdorej si lëndë djegëse për motorrët reaktiv të avionave, gasoil i paster për
automjete, solar si lëndë djegëse dhe si lëndë e parë për prodhimin e grasos, vajra lubrifikantë
të tipeve të ndryshme Aftol 10, Aftol 18, Dp-11, Dp-14, etj, mazut si lëndë djegëse dhe bitum
i tipeve te ndryshëm që përdoreshin në industrinë e ndërtimit dhe pjesa më e madhe shkonte
për eksport .
Ishte Kuçova qyteti i parë i naftës në Shqipëri që u bë burim jetese jo vetëm për vendasit, por
dhe shumë të ardhur nga tëgjitha krahinat e vendit, nga Përmeti, Kolonja,Skrapari, Korça,
Pamje nga UPN gjate ndertimit
Shkodra etj, duke u bërë shembulli i bashkëjetesësdhe mbështetjes për njëri-tjetrin, ishte
Kuçova dhe naftëtaret e saj qëi treguan shqiptarëve se për të ndërtuar një jete më të mirë, për
vete dhe fëmijët e tyre,duhej punuar me sakrificë dhe përkushtim.
Figura 4: Reparti Koksit ne Rafinerin e Naftes ne Kuçove.
Uzina e përpunimit të Naftës Kuçovë ka meriten kryesore, jo vetëm që ishte uzina
“mëmë”dhe të tjerat ishin pjellë e saj, por sepse nëpërmjet kuadrove të saj, specialistëve të
mesëm dhe të lartë përpunoi sasi te konsiderueshme të naftës por edhe i pastroi nënproduktet
e saj duke i bërë të përdorëshme për ekonominë dhe industrinë.
Gjithashtu në vitin 1963 me studimet e bëra nga personeli inxhiniero-teknik i Uzinës së
Përpunimit të Naftës në Kuçovë u bë e mundur të ndërtohej impianti i prodhimit të koksit, me
kapacitet 46 000 ton/vitë, i cili plotësonte nevojat e industrisë së vëndit si lëndë djegëse dhe
pjesa tjetër dërgohej për eksport.
Në vitin 1971 ky impiant ndërpreu prodhimin për ndotje ambienti dhe kushte të rënda pune të
punonjësve.
Për të plotësuar kërkesat gjithnjë në rritje për nënprodukte nafte që vinte nga zhvillimi i
ekonomisë së vëndit, por edhe shtimi i prodhimit të naftës u bë e domosdoshme ndërtimi i
një impianti tjetër distilimi në Kuçovë në vitin 1961 që u quajt AVT 2, i cili u projektua dhe u
ndërtua nga spcialistët dhe inxhinierat shqiptarë, që u vu në punë me kapacitet të plotë në
vitin 1972 nga inxhiniret dhe teknikët e mesëm të kësaj uzine.
Kapaciteti i saj ishte 300 000 ton/vitë, pra kapaciteti total i përpunimit të naftës i AVT-1 dhe
AVT-2 arriti në 500 000 ton/vitë.
Pamje nga reparti i Koksit dhe AVT 1
dhe AVT 1
Për të përballuar këtë përpunim nafte dhe nënproduktet që nxirreshin nga nafta e përpunuar,
gjatë ndërtimit të AVT-2, u ndërtua Fabrika e Fuçive, për amballazhimin e bitumit për
eksport por edhe për përdorim brënda vendit, edhe kjo ishte e para fabrikë e llojit të vet në
vendin tonë.
Gjithashtu u punua në shtesën e depozitave në parqet e depozitimit të naftës bruto dhe
karburanteve, si dhe në zgjerimin, mekanizimin dhe përmirësimin e kushteve të punës së
punëtorëve në ambientet e repartit të bitumit duke shtrirë linjat përkatëse dhe ndërtuar vinça
urë për lehtësimin e mbushjes dhe transportit të fuçive të bitumit .
Figura 5 : Pamje nga ndertimi i AVT-2, te re ne uzinen e naftes Kuçove.
Specialistët me përvojë, teknikët e mesëm dhe kuadrot e larta te UPN Kuçovë, filluan të
jepnin ide për ngritjen dhe vënien në punë të uzinave të reja siç ishte, Uzina e Përpunimit të
Naftës Cërrik në vitet 1956 dhe Uzina e Përpunimit të Naftës Fier në vitin 1968.
Me Kuçovën lidhet jeta dhe veprimtaria e shumë specialistëve dhe kuadrove patriotë të
njohur në të gjithë vendin.
Për gjithë këtë punë vetmohuse, shkencore dhe me rrezik, për projektimin, ndërtimin dhe
shfrytëzimin me kompetencë dhe aftësi profesionale të këtyre impianteve do të përmendja
drejtuesit, personelin inxhiniero – teknik dhe punëtoret si: drejtuesit Koço Zoto, Ali
Zotka,Sela Reso, Jani Binishi, Petrika Ballauri, Ender Nexhipi, Zihni Baxhia, Koço Pepa,
Agron Çuedari, inxhinierat: Sherif Toptani, Ajet Ylli,Llazar Kreshpani, Enver
Karapici,Engjëll Shahu,Ilia Mihali, Vullnet Zylyftari, Dhimitër Sauli,Stilian Pili,Stathi
Kavaja, Ali Zaimi,Fatbardha Belliu dhe punonjës të kualifikuar, specialist dhe teknikë të
mesëm si Petro Gjoza,Fiqo Duro, Kristaq Çobo, Hekuran Roko, Kostandin Buçka, Haki
Çyberi, Stefan Rumbullaku, Xhevit Kalivaçi, Shaqir Rogu, Petraq Skendo, Riza Delibashi,
Nasi Nano,Muharem Bolaniu,Musa Kile, Jovan Mile, Marika Filipi, Mynyr Hoxha, Petraq
SkëndoVeli Brisku, Vangjel Gjoni, Barjam Ohri, Hyrije Mero, Natasha Aleksi, Liri
Ballabani, Jonuz Hoxha etj.
Në vitet 1974-1976 në Uzinat e Përpunimit të Naftës në vënd filluan punë rreth 60 inxhiniera
që perfunduan Shkollën e Lartë tek Fakulteti i Shkencave të Natyres, në degën Teknollog
Nafte dhe Gazi për uzinat e përpunimit.
Në bashkëpunim me Sektorin Shkencor Kimi Përpunimi Kuçovë, personeli inxhiniero-teknik
ka kryer studime për prodhime të reja, punë e cila u intensifikua më shumë pas vitit 1976.
Për nevojat e vendit u rikonstruktua impianti i pastrimit të vajit duke përmirësuar
teknollogjinë, duke përdorur pastrimin me dhera zbardhues dhe presa hidraulike.
Ky impiant u vu në punë në vitin 1980 dhe jo vetëm rriti kapacitetin deri në 3 000 ton/vitë
por dhe përmirësoi cilësinë e dy lloje vajrash që prodhoheshin, Aftol 18 dhe DP-14.
Në vitet 1980 -1984 nga bashkëpunimi me Sektorin Shkencor Kimi Përpunim të Naftës në
Kuçovë u arrit të projektoheshin dhe të viheshin në punë:
Impianti i bitumit të oksiduar që filloj nga puna në vitin 1984, që do të arrihej duke
oksiduar bitumin me ajër, i cili do të përdorej si lëndë e parë për prodhimin e kartonit
katrama.
Fabrika e Kartonit Katrama, e para e këtij lloji në vendin tonë, u projektua, ndërtua dhe u
vu në shfrytëzim në vitin 1984,me kapacitet 3 000 000 ml/vit.
Kjo fabrike me prodhimin e saj plotësonte nevojat vendit për karton katërma, i cili përdorej
për hidroizolim në proçese të ndryshme.Kjo fabrikë ndaloj prodhimin në vitin 1992.
Figura 6:Nje grup punonjesish në ditën e inagurimit të fabrikës të Katërmas Kuçovë,
në vitin 1984.
Bashkëpunimi i frytshëm me Sektorin Shkencor solli projektimin dhe ndërtimin e Fabrikës së
Pluhurave Larës në vitin 1986 me kapacitet 10 000 ton/vitë.Prodhimi i kësaj fabrike arriti të
plotësonte nevojat e vendit me këtë lëndë të nevojshme që kishin familjet tona.
Gjithashtu gjatë këtyre viteve personeli inxhiniero-teknik dhe punonjësit me përvojë kanë
projektuar, ndërtuar, rikonstruktuar dhe vënë në shfrytëzim disa linja të reja si:
Linja për prodhimine grasove (disa tipe), prodhimi i acidit naftenik, prodhimi i solventit që
kërkohej dhe përdorej nga industria ushqimore, impianti i pastrimit të gazit që përdorej për
popullatën, në fillim me gelqere dhe mëpas me monoetanol amine (MEA), që rriti sasinë dhe
cilësinë e gazit të pastruar, prodhimi i lëndëve aktive , të cilat ishin shumë të nevojshme për
metodat intensifikuese në shtresat e naftës, prodhimi i dinaftenatit të aluminit për përdorim
ushtarak dhe flakëhedhëset, prodhim për vaj armësh, prodhim të sapunit naftenik, emulsol,
etj.
Sipërfaqet ku shtriheshin gjithë repartet e përmëndura më sipër dhe dy AVT –të ishte 25
hektarë.
Për gjithë këtë punë kërkimore shkencore dhe aplikative respekt dhe vlerësim për drejtuesit
dhe personelin inxhiniero-teknik si Llambi Shella, Shpëtim Nishani, Agim Mimani, Maksim
Dhimitri, Koli Halilaj, Edmond Çilingiri, Albert Kume, Flora Balili, Donika Prenci, Vjollca
Mertiri, Ali Zaimi, Petrit Shyti, Donika Salca, Eli Cani, Lume Arapi Ibrahim Fetahu, Vasil
Mistrovica dhe punonjes te kualifikuar: Josif Xhako, Riza Skenderi, Edmond Çyberi, Sybi
Këlliçi, Vaso Bardhi, Dhori Ziu, Vasillaq Mertiri, Abedin Ajazi, Kristaq Shella etj.
Ritja e aftësive përpunuese dhe zbatimi i teknologjive të reja, si dhe ndërtimi i shumë linjave
të reja të cilat e çuan në 30 numrin e produkteve me bazë nafte dhe me gjerë solli edhe
rritjen e fuqisë punëtore nga 50punonjës në vitin 1945 në675 në vitin 1986.
Gjatë viteve të punës të saj në këtë uzinë janë përpunuar më shumë se 10 milion ton naftë
duke prodhuar mijëra ton produkte pë nevojat e ekonomisë kombëtare.
Për punë të mirë në realizimin e detyrave ekonomike kolektivi i UPN Kuçovë është dekoruar
3 herë nga Presidiumi i Kuvendit Popullor, ju janë akorduar urdhëra e medalje pune 73
punonjësve,dy punonjës janë shpallur heronj të punës socialiste:Sofije Kola dhe Xhavit
Kalivaçi.
Në vitin 1990 kapaciteti i rafinerisë erdhi duke u ulur si rezultat i mungesës të lëndës së parë
dhe në vitin 1994 kaloi ne konservim.
Duke parëmeritat e veçanta që ka Kuçova si për nxjerrjen e naftës, por veçanërisht në
përpunimin e naftës dhe prodhimin e shumë produkteve të veçanta për ekonominë shqiptare
Bashkia Kuçovë ka hedhur idenë për krijimin e Muzeut Kombëtar Industrial të Naftës në
natyrë, duke përdorur impiante të vjetër si per nxjerrjen e naftës, ashtu edhe për përpunimin e
saj.Mbështetja e organizmave shtetërore për vënien në jetë të kësaj ideje, e cila do të
tregojhistorinë e kërkimit , nxjerrjes dhe përpunimit të naftës në Kuçovë, por edhe në vëndin
tonë do të jetë njëvlerësim për punën e të gjithë brezavetë naftëtarëve .
- Rafineritë reja, Cërriku……
Rafinerija e Naftës në Cërrik do të niste ndërtimin67 vjet më parë,në vitin 1951në
bashkëpunim me specialistët Sovjetik, në kohën kur marrëdhëniet midis dy shteteve ishin të
mira.
Në vëndin e quajtur “kantieri“ në kryqëzimin e rrugës Papër–Cërrik u ndërtuan kapanone të
mëdhaja ku jetonin shumë punonjës të cilët ishin për ndërtimin dhe vënien në shfrytëzim të
saj.
Vëndndodhja e uzinës ishte pranë një terreni kodrinor 4 km larg nga qyteti i Cërrikut.Pranë
rafinerisë u ndërtua TECI dhe uzina mekanike. I gjithë kompleksi kishte një fuqi punëtore
rreth 500 vete .
Drejtori i parë i uzinës ka qene Selo Reso, ndërsa kryenxhinier Mirush Puto.Në vitin 1955nga
teknikumi i naftës në Kuçovë dolën tekniket e parë të cilët bashkë me specialistët sovjetik
lëshuan uzinën për herë të parë.Uzina filloi punë në vitin 1956.
Nafta në këtë rafineri transportohej me njëtubacion me gjatesi 30 km të gjatë nga vendburimi
i Kuçovës nëpërmjet dy stacioneve të pompimit Selita dhe Gostima. Nafta ishte viskoze me
përmbajtje squfuri deri në 6 %.
Ndër teknologët e parë që u dalluan mund të përmendim Simon Ranxha, Leonard
Mitrushi,Bahri Hazizi ,Hysen Voci, Dhimiter Toska,Jorgji Calja, Filip Gega,Lavdosh
Hametaj, Vasip Gura,Shefqet Lole, Alush Rexho, Ibrahim Gjevori.
Qyteti i Cërrikut do të përjetonte zhvillimin industrialfalë uzinës të përpunimit.Fillimisht
kapaciteti përpunues i naftes bruto në 800 ton /24 orë.
AVT krahas përpunimit të naftës bruto, kishte disa sektorë si parku i rezervuarëve, pastrimi i
vajgurit dhe vajrave lubrifikantë, prodhimi i solventit etj.
Në këtë sektor një kontribut të rëndësishëm kanë dhënë inxhinierët dhe tekniket si Ilia
Demo,Minella Cami,Kasem Mesha,Sabri Shupheja, Stefan Toska dhe më vonë Viktor
Ranxha.
Në vitin 1961 u krye rikonstruksioni i uzinës duke rritur aftësine përpunuese në 1500ton/dite
ose 450-500 mije tone në vitë.
Gjatë fuksionimit të saj u prodhuan benzinë, gazoil, vajguri ndriçues,lëndë djegëse,bitum i
markave të ndryshme etj.
Në vitin 1962 filloi prodhimi i vajrave lubrifikantë,Aftol 18, DP 14 si dhe vajguri TS1 për
aeroplanët MIG.
Në vitin 1965 filloi prodhimi i sapunit dhe acideve naftenike.Në të gjitha arritjet e kësaj uzine
një kontribut të madh kanë inxhinierët Mirush Puto,Safa Kumbaro,Qirjako Mihali, Ajet
Ylli,Ender Nexhipi,Petrika Ballauri, Ilija Mihali, Robert Spaho, Vasilika Koliçi,Tatjana
Suparaku,Burbuqe Selmani etj.
Në vitin 1969 u ndërtua impianti për prodhimin e solventit të nevojëshëm për ekstraktim në
industrinëushqimore .
Në vitin 1970 u hap shkolla e natës në degën përpunim nafte me profesor Minella Çami,
Robert Spaho dhe Mishelina Xhelo.
Uzina e përpunimit të naftës,krahas rritjes së prodhimit,dhe përparimit të njerëzve në
profesion, duke e vlerësuar punën si një betejë të vërtet ka patur dhe martiret e saj nëfronte
tëndryshme .
Disa prej tyre dhanë jetën në krye të detyrës, si Pranvera Shuku,Bejaze Shkëmbi,u dogjën në
flakët e zjarrit Beqo Beshiri,Anife Kabila etj, me obligimin për detyrën e ngarkuar.
Me rënien e prodhimit të naftës bruto në vitet 70 kapaciteti përpunues i saj u ul dhe në vitin
1992 ndërpreu prodhimin për të mos u vënë më në shfrytëzim .
Figura 7: Pamje nga uzina e naftës Cërrik para privatizimit në vitin 2013.
Në muajin Maj të vitit 2013 rafineria ju dha me konçension shoqërisë Kurum e cila premtoi
një investim prej48 milion euro për të rivënë në punë rafinerinë në një periudhë prej 18
muaj,por ajo e shkriu per skrap që në muajin e parë 5500 ton makineri e pajisje të saj.
- ……dhe më pas Fieri
Domosdoshmëria e intesifikimit të buqësisë kërkonte krahas të tjerash dhe prodhimin e
plehrave kimike. Për këtë arsye u vendos që në Fier të ndërtohej Uzina e Plehrave Kimike për
prodhimin e Nitrat Amonit.
Kjo uzinë e cila do të fillonte prodhimin në vitin 1968 ishte një projekt italian me teknologji
moderne.
Shkalla e lartë e automatizimit dhe ekzistenca e makinerive të mëdha lëvizëse të saj (pompa,
kompresorë, turbina etj) kërkonin jo vetëm një konsum të madh të energjisë elektrike por dhe
parametra të lartë të saj (të tensionit, rrymës, frekuencës etj.), gjë e cila nuk mund të sigurohej
nga sistemi energjitik ekzistues kombëtar, pasi burimi i rrymës ishte shumë larg konsumatorit
dhe kishte humbje të madhe të saj gjatë transmetimit.
Po ashtu kjo uzinë kërkonte dhe sasi të konsiderushme avulli për proçeset tenollogjike
kimike.
Arsyet e më sipërme kërkonin ndërtimin paralel me uzinën e nitrat amonit dhe të një TEC-i
(Termo-Elektro-Central) i cili filloj të ndërtohej paralelisht me uzinën e mësipërme pranë saj.
Si lëndë djegëse ky TEC do të përdorte mazutin.
Kapaciteti i pamjaftueshëm dhe infrastruktura e dobët për transportin e mazutit nga Rafineria
e Cërrikut në TEC-in Fier kërkonte ndërtimin dhe të një rafinerie nafte në Fier, pranë TEC-it.
Kjo strategji përforcohej dhe nga fakti që rezervat nëntokësore të naftës në Kuçovë kishin
rënë ndjeshëm dhe në rajonin e Cakranit ishin zbuluar rezerva të mëdha të naftës dhe gazit.
Kështu filloj projektimi dhe ndërtimi i shpejtë i Rafinerisë Naftës Fier krahas ndërtimit të
Uzinës të Nitrat Amonit dhe TEC-it.
Në këtë mënyrë u krijua kompleksi industrial teknologjike i Fierit, cili u pasua edhe me
ndërtimin e uzinave të tjera si ajo e prodhimit të KMC pranë Rafinerisë Naftës, që prodhonte
lëndë ndimëse për industrinë e nxjerrjes së naftës nga nëntoka dhe ndërtimi i dy uzinave të
tjera të prodhimit të plehrave kimike të uresë për bujqësinë.
Rafineria e Fierit u ideua dhe u ndërtua plotësisht nga inxhinierët dhe teknikët shqiptar.
Modeli i përdorur ishte ai i rafinerisë naftës ne Cërrik.
Projektimi i Rafinerisë Naftës Fier u bë nga Instituti i Naftës Fier, Sektori i Projekteve
Teknologjike të Naftës. Vënia në punë e uzinës u realizua në vitin 1968 .
Rreth viteve 1970 u krye një studim për rritjen e kapacitetit përpunues të kësaj rafinerie.Kjo
konsistonte në rritjen e sasisë të prodhimit të bitumit dhe për rrjedhoj dhe asaj të mazutit, me
qëllim që sasia e këtij të fundit për TEC-in të mos cënohej.
Nga studimi i bërë rezultoi se nyja më e ngushtë për realizimin e trajtimit të naftës deri në
500 000 ton/vitë ishte ngrohja e naftës.
Për këtë në 1971 u ndërtua dhe një furrë ngrohëse atmosferike F2 me kapacitet 2 000 000
kkal, paralel me atë ekzistuesen F1.
Për furnizimin dhe transportimin e naftës brut dhe produkteve të saj u ngrit infrastruktura
përkatëse; u ndërtua linja nëntokësore e furnizimit me naftë brut e Rafinerisë, u ndërtuan
linjat nëntokësore të shitjes së produkteve Rafineri-DSHK (Dega e Shpërndarjes së
Karburantëve) Fier, u ndërtua linja hekurudhore deri në Uzinë.
Gjithashtu u ndërtuan dy impiante të manipulimit të bitumit të lëngëshëm pranë Portit Detar
në qytetin e Vlorës dhe të Durrësit për të bërë të mundur eksportin e tij me anije çisternë.
Po ashtu një impiant i manipulimit të bitumit të lëngët u ndërtua në qytetin e Prrenjast për
eksport dhe furnizimin e zonës Juglindore të Shqipërisë me bitum të lëngët.
Këtu u prodhua dhe vajguri për avionat reaktiv, sapuni naftenik si dhe u bë pastrimi i
benzinës, vajgurit dhe gazoilit me sodë kaustike etj.
Këto procese u ndërprenë me vënien në shfrytëzim të Kombinatit Përpunimit Thellë të Naftës
(KPTHN) në Ballsh në vitin 1978.
Prishja e sistemit të centralizuar të ekonomisë shqipëtare mbas viteve 1990 dhe kalimi në
ekonominë e tregut krijuan probleme për mbijetesën e kësaj rafinerie.
Deri në vitin 2004 struktura e prodhimit përfshinte prodhimin e mazutit si zë kryesor, si dhe
të bitumit të lëngët, lëndës djegëse dhe të holluesit.
Me nxjerrjen jashtë pune të TEC-it Fier në vitin 2005 u hoq nga lista e prodhimit dhe mazuti,
pasi nuk kishte më treg për të.
Në këto kushte prodhimi i bitumit u bë zëri kryesor dhe jetik i rafinerisë.
Cilësia e lartë e bitumit bëri që mbas viteve 2004 të rritej veçanërisht kërkesa për eksport e
tij. Bitumi për eksport tregtohej me autobote në shtetet fqinjë si Mali i Zi, Serbia,
Maqedonia, Kosovë bile dhe Bullgaria.
Gazoili përzihesh me hidrokarburët e rikuperuara nga uji qarkullues dhe prodhohej lëndë
djegëse me densitet deri 0.960 gr/cm3, që përdorej në industrinë e prodhimit çimentos dhe
tullave.
Benzina përzihesh me hidrokarburët e rikuperuar nga pastrimi ujit industrial dhe përgatitej
hollues me densitet 0.840gr/cm3, e cila përdorej për injektim në puset e nxjerrjes naftës.
Pamje e përgjithshme e Rafinerisë Naftës Fier
Në plan të parë “Impiantet e Distilimit Atmosferiko-Vakum”, 1.kolona e distilimit atmosferik, 2. kolona e distilimit në
vakum, 3. kondesatori i benzinës, 4. ujë-ndarësi i benzinës, 5. furra e distilimit atmosferik, 6. furra e distilimit në
vakum, 7. dehidratorët, 8.oxhakët e furrave, 9. depozitat e bitumit dhe lëndës djegëse, 10. salla e amballazhimit të
bitumit në fuçi
2
1
34
5
6
7
7
8 8
9
10
Figura 8: Rafineria e Naftës në Fier.
Drejtori i parë i kësaj Rafinerije ka qënë Abedin Tajari,ndërsa kryeinxhinier Ilia Mihali .
Ndër inxhinierat e parë të kësaj uzine që kanë spikatur me punën tyre janë Ylli Bufi,Mezan
Sulejmani, Frederik Verria, Eqerem Sulejmani, Erefili Toska, Ylli Gjoni,Erefili Shyti,Aristir
Gjermeni, Lulëzim Murati etje.
Vlen të përmëndet puna e palodhur e teknologëve të naftës, përgjegjësave të turnit si Liko
Gjini, Nesti Kuqali,Spiro Gjikondi, Piro Çeliku,Lili Çerepi, Jani Tike, Lili Kola, Sokrat Rista,
Stavri Gjoni etj.
Figura 9:Pamje aktuale nga Rafineria e Naftës ne Fier.
- Rërat bituminoze eksperiment apo prespektivë.....
Rërat bituminoze në vëndit tonë, prej kohësh kanë tërhequr vemendjen e specialistëve të huaj
dhe me vonë të atyre shqiptarë për rezervat e mëdha që ekzistojnë dhe vlerat që ato paraqesin.
Ato përbëjnë një pasuri të madhe që ka vendi ynë si një material që ruan një rezervë të mirë
tëfuqisë kalorifike, që mund të gjejë përdorim në tregun hidrokarbur, qoftë si lëndë
djegëse,por edhe për marrjen e nënprodukteve të tjera gjatë përpunimit të thellë të saj.
Sot në botë ka mjaftë shtete që këto rezerva rëre bituminoze i shfrytëzojnë duke zgjidhur jo
vetëm problemin e lëndëve djegëse por dhe të karburanteve në përgjithësi.
Me vendim të posaçëm të Keshillit të Ministrave dt. 1 Janar 1976 u krijua sektori Shkencor
për studimin e rërave bituminoze me detyrë kryesore:
“Studimi dhe eksperimentimi i prodhimit të bitumit nga rërat bituminoze si dhe përdorimi i
tyre për shtrimin dhe asfaltimin e rrugeve”.
Në bërthamën e sektorit përfshihej grupi i punonjësve qëstudionte dhe eksperimentonte në
laborator dhe impintet pilot rërat bituminoze të vëndit tonë.
Krijimi i sektorit shkencor të rërave bituminoze vuri bazat e një pune të përqëndruar në
zgjidhjen përfundimtare të problemeve teknologjike të rërave bituminoze dhe shfrytëzimit
racional të tyre.
Rezultatet e arritura çelën mjaft perspektiva për shfrytezimin e rërave bituminoze në vendin
tonë.
Ranoret bituminozë të Shqipërisë janë formacione të ngopur me bitum nga të cilët lënda
organike nuk mund të nxirret me mënyren e zakonshme të nxjerrjes së naftës për vet vetite
fiziko-kimike të tyre.
Densiteti dhe viskoziteti i lartë nuk e lejojne bitumin të filtroi në shtresë në kushte natyrale.
Rëra bituminoze përbëhet nga një grumbullim rëre, argjile, bitumi dhe uji. Ajo është një
sistem i ndërlikuar shumëfazor, shumë nga vetite e tyre varen nga veprimi i forcave
ndërsipërfaqësore të fazave që përmbahen në sistem.
Rërat bituminoze shtrihen në shtresa të çimentuara mire, të vendosura në disa pako
produktive me trashësi qëshkojne nga 10 deri 20 metra.
Përmbajtja e bitumit në rërë leviz nga 4 deri 16 % në peshë, përmbajtja e ujit 3 deri 5 % në
peshë, pesha specifike e bitumit 1,015 deri 1,040 gr/cm3, përmbajtja e squfurit në bitum 3,5
deri 6 % në peshë.
Rërat bituminoze të Shqipërisë shtrihen nëdisa zona, por me kryesoret janë :
- Zona e Patosit me vendburimet Kasnice, Visokë, Patos.
- Zona e Selenicës me vendburimet Treblovë, Selenicë, Romës.
- Zona e Kuçovës.
- Zona e Lushnjes.
Punimet për studimin, eksperimentimin dhe shfrytëzimin e rërave bituminoze për nxjerrjes e
bitumit në vendin tonë kanë filluar që para çlirimit nga shoqëritë e huaja.
Shoqëria AIPA që zotëronte konçensionet e shfrytëzimit të naftës në Shqipëri ishte e
interesuar për venien në shfrytëzim të rërave bituminoze në zonat Patos dhe Kuçovë duke
bërë punime kërkim-zbulimi dhe llogaritje rezervash përkatësisht, ku ndër me kryesoret
përmëndim:
- G. Zotti – Kërkimi dhe studime të rërave bituminoze me anë të puseve dhe galerive
në fushën naftembajtëse të Devollit (Kuçovë), 20 Maj 1938.
- S. Zuber – Mbi Plotësimin e shfrytëzimit minerar të rërave naftëmbajtëse në Patos,
relacion 22 Qershor 1939.
- S. Zuber – Rikonjucion dhe studime në zonën e Patosit, relacion mbi shtrirjen e
rërave bituminoze të Patosit, 21 Maj 1941.
Shoqëria Italiane studimet laboratorike dhe provat pilot i përqëndruan në dy drejtime:
1. në përpunimin e rërave bituminoze të lagura me naftë bruto të alkalizuar me silikat
natriumi dhe të përpunuar me ujë të nxehtë, për nxjerrje bitumi.
2. në përpunimin e rërave bituminoze me anë të piroshisionit për të marrë drejtë për drejtë
produktet e shkatërimit termik të bitumit, të cilat të pastruara dhe pas distilimit të
fraksionuar atmosferik, mund të marrësh produkte të gatshëm për përdorim si benzine,
vajguri, gazoil dhe mbetje të rëndë.
Të dyja këto proçese u eksperimentuan në kushte laboratori dhe impianti pilot.
Nga laboratori qëndror i Kuçovës në fillim u rishikuan të gjitha dokumentacionet e mbetura
nga të huajt për rërat bituminoze dhe më vonë filluan të bëhen studime përkarakteristikat
kimiko-fizike të rerave bituminoze të Patosit si dhe punime kërkim-zbulimi për vlerësimin e
rezervave të rërave bituminoze.
Ndër studiuesit e parë vëndas që kryen punime në vitet 50-60 kanë qenë Koço Pepo dhe
EnverKarapici e cilët përpiluan një relacion mbi punimet e kryera, mbi industrializimin e
rërave bituminoze të Patosit.
Në vitin 1961 u muar përvojë në Rumani, duke marrë dokumentacionet përkatëse nga
përpunimi i rërave bituminoze të impianteve të vegjël në Derna-Tatarush të cilet punonin me
metodën e flotimit me uje te nxehtë, gjë që u pasqyrua nga Stilian Pili në raportin nga puna e
impianteve të përpunimit të rërave bituminoze në Derna-Tatarush, Rumani 1961.
Mbeshtetur në këtë përvojë u kryen eksperimentime në Laboratorin Qëndror të Naftës në
Kuçovë.
Të gjitha studimet dhe eksperimentimet e bëra deri ne vitin 1975 me gjithë qëllimin e mirë,
mbetën vetëm në prova laboratorike pilote, të cilat nuk mund të siguronin vënien e rërave
bituminoze në shfrytëzim në shkallë industriale.
Sikurse u përmënd sektori Shkencor i rërave Bituminoze filloi aktivitetin në Janar të vitit
1976, i cili me pas u organizuar si njësi shkencore për të përmbushur objektivat për vënien në
efiçencë të rërave bituminoze nëpërmjet studimeve dhe eksperimentimeve të plota.
Duke u mbështetur në studimet dhe punimet e bëra, u arrit që brënda një kohe të shkurtër të
zgjidhej skema e përshtatshme si dhe kushtet e ndarjes së mazutit nga rërat bituminoze.
Krahas studimeve laboratorike, filluan dhe studimet gjeologjike të kërkim-zbulimit në
bashkëpunim me nd/jet gjeologjike të Tiranës dhe Gjirokastrës. Të gjitha kampionet që
nxirreshin nga punimet gjeologjike, studioheshin dhe analizoheshin në laboratorë dhe
impiantet pilotë të sektorit shkencor të rërave bituminoze.
U kryen studime teknologjike për nxjerrjen e bitumit, me teknologji me uje të nxehtë të
alkalizuar duke projektuar dhe ndërtuar paisjet për impiante gjysëm industriale. Kështu
specialistë të sektorit të rërave Safa Kumbaro, Stilian Pili, Ilia Loli, Petraq Krastafillaku etj,
kryen studimin dhe projektimin e impiantit pilot dhe gjysëm industrial eksperimental për
nxjerrjen e bitumit nga rërat bituminoze.
Për rërat bituminoze të vëndburimeve Kasnicë, Visokë, Patos, Treblove, u kryen studime për
përcaktimin e karakteristikave kimiko-fizike dhe strukturës sëtyre, ku veçohen studimet e
kryera nga Milto Prendi dhe Ylli Gjoni.
Nga ndërmarja gjeologjike u përcaktuan rezervat gjelologjike dhe industriale për
vëndburimet Kasnic, Treblovë, Visokë, Patos të cilat rezultonin ne 500 milion tonë rezerva
rërë bituminize, me afërsisht 45 milion ton bitum që ndodhej në përbërje të tyre.
U përcaktuan rezervat me rëra bituminoze të zonës së Visokës (Kasnicës) dhe Treblovës te
cilat arrinin në 140 milion ton nga e cilat do të mundësohej nxjerrja e 14 milion ton bitum.
Duke u mbështetur në karakteristikat e rërave bituminoze dhe vleren e lartë të rezervave
gjeologjike dhe industriale u hartuan projekt-ide dhe projekti i zbatimit për nxjerrjen e rërave
bituminoze me kariere të hapur .
Mbështetur në eksperimentimet laboratorike, pilote dhe gjysëm industriale si dhe përvojën që
u muar në Kanada (1979) nga specialistet e këtij sektori për nxjerrjen e bitumit nga rëra
bituminoze u kalua në kushte industriale duke bërë projektet e zbatimit për ndërtimin e një
uzine në Kasnicë.
Në vitin 1981 përfundoi ndërtimi i uzinës në Kasnicë (Visokë) për nxjerrjen e bitumit nga
rërat bituminoze me metodën me ujë të nxehtë të alkalizuar me këto kapacitetin 1000 ton
përpunim rërë bituminoze në ditë ose 300 mijë ton ne vitë,e cila punoi deri ne Qershor të vitit
1986.
Kështu që në zonën e Kasnicës u krijua një kompleks i vogël industrial.Jo vetëm njësia e
Nxjerrjes së Bitumit nga Rërat Bituminoze por u krijua dhe miniera e parë për nxjerrjen e
rërave bituminoze me kapacitete nxjerrëse të mineralit nga më të mëdhat deri më sot në
Shqipëri.
Gjatë kohës së punës u provua se teknologjia, aparaturat dhe makinerit ishin parashikuar dhe
ndërtuar mirë. Parametrat e punës nga viti në vitë erdhën duke u përmirësuar .
Gjatë aktivitetit të saj uzina prodhoi 33.000 ton bitum dhe u përdorën për asfaltimin e
rrugëve në gjendje natyrale me shumë se 400.000 ton rërë bituminoze.
Në vitin 1984 në bashkëpunim me Ndërmarrjen e Mirëmbajtjes dhe Shtrimit të Rrugëve u
krye eksperimentimi i parë i rërave bituminoze për asfaltimin e rrugëve me asfalto beton.
Në atë kohë u shtruan 14 km rrugë nga Ura e Mbrostarit Fier deri në Kolonjë me parametra
brenda standardeve shtetërore të asfalto betonit.
Në aktivitetin e punës studimore të sektorit shkencor përfshihen dhe studimet e kryera për
prodhimin e pllakave me rëra bituminoze.
Provat treguan se rerat bituminoze mund te shfrytezoheshin si material ndertimi per
asfaltimin dhe shtrimin e rrugeve duke prodhuar asfaltobeton, pllaka asfaltobetoni te forta si
dhe duke shtruar direkt rruget e dyta, te treta dhe rruget e lagjeve.
Nga eksperimentimet u prodhua rreth 40.000 pllaka të cilat u përdorën në sheshin kryesor
në qytetin e Fierit dhe që i rezistuan kohës ne nje afate të gjate.
Në këtë uzine u punësuan sëbashku me karrierën e nxjerrjes të rërës bituminoze rreth 300
punonjes.
Gjate punës së kësaj uzine u eksperimentuan shume paisje dhe makineri dhe u bënë shumë
përmiresime konstruktive.
Nga studimet dhe eksperimentimet e kryera në sektorin shkencor duke u njohur dhe me
përvojen kanadeze për përpunimin e rërave bituminoze u arrit në përfundimin se rërat
bituminoze të Shqipërisë ndahen në dy tipe kryesore:
1. Rëra bituminoze të lagura me ujë të cilat kanë një strukturë të veçant. Këto lloj rëre
përpunohen me teknollogjine me uje të nxehtë.
2. Rëra bituminoze të lagura me bitum ose naftë të cilat nuk kanë cipa ujë, këto lloj rëre nuk
përpunohen me teknologjinë me ujë të nxehtë.
Sektori Shkencor i rërave Bituminoze ka bashkëpunuar me disa kompani dhe institucione të
ndryshme si:
- Firma Globex – Ka marrë kampione dhe i dërgoi për eksperimentime në Alberta
L.T.D. Kanada,viti 1984, dërgoi një program bashkëpunimi për teknollogjin me Solvent.
- Kompania shtetëtore Rumune ROMPETROL-GEOMIN, ka dërguar specialistë të
cilët kanë bashkëpunuar me specialistët tanë, në vitin 1990.
- Instituti Bullgar i studimeve të rrugëve ka dërguar specialistë të cilët sëbashku me
specialistët tanë kanë marrë kampione për eksperimentim, në vitin 1992.
- Firma Zvicerane R.T.R-S.A. 6900 Lugano, nëpërmjet Makina Importit bëri një
kontrat, për kryerjen e eksperimentimeve laboratorike në vitin 1986.
Në vitin 1988 u dërguan 6 ton rëre bituminoze dhe u kryen eksperimentime në impiantet
pilote të kesaj kompanie në Sardenje.
Pas eksperimentimit ne vitin 1990 kompania dha një oferta për rikonstruksionin e Uzinës
së Rërave Bituminoze Kasnicë e cila nuk u pranuan nga Ministria e Energjetikës e asaj
kohe për mungese fondesh.
Me gjithë përpjekjet që u bënë edhe në bashkëpunim me firmat e huaja nuk u arrit që kjo
uzinë të vazhdonte punë me kapacitet dhe rendimentin e parashikuar sipas projektit.
Në vitin 1994 puna shkencore në këtë sektor u nderpre dhe impiantet u konservuan.
Në vitin 1997 ky sektor pësoi shume dëme, një pjese e dokumentacioneve dhe studimeve u
dogjen.
Mendojm se egziston perspektiva në shfrytëzimin dhe përdorimin e rërave bituminoze.
Kërkohet që të sigurohen investime në futjen e teknollogjive të reja në bashkëpunim me
kompanite e huaja për prodhimin e bitumit për asfaltimin e rrugëve dhe prodhimin e pllakave
prej asfalto-betoni.
Sikurse u përmend specialistet shqiptare kanë kryer mjafte studime e projekte zbatimi, një
pjesë e mirë e tyre kanë punuar per shfrytëzimin industrial të rërave bituminoze të Shqipërise.
Eshte rasti të përmëndim specialistet, Koço Pepo, Stilian Pili, Safa Kumbaro, Enver Karapici,
Petraq Kristofillaku, Ylli Gjoni, Ilia Loli, Milto Prendi etje
- Kombinati Perpunimit te Thelle te Naftes, Ballsh, një zhvillim i ri
për rritjen e cilësisëtë karburanteve
Kombinati Perpunimit te Thelle te Naftes (KPTHN) në Ballsh, u ndërtua në periudhën 1970-
1978. KPTHN-ja është projekt i një marrëveshje ndërqeveritare midis Republikës së
Shqipërisë dhe Republikes Popullore të Kinës.
Ajo u projektua nga Instituti i projektimit në Pekin dhe u ndërtua nën asistencën e këtij
institute që sot ka emrin Sinopec Enginering(SEI). Rafinerija shtrihet në një sipërfaqe prej 90
ha dhe përbëhet nga dy linja kryesore teknologjike, atë të përpunimit të lëndës të parë dhe
sigurimit të anës sasiore të nënprodukteve të naftës dhe atë të përmisimit të cilësisë.
KPTHN-ja u projektua të përpunoj nafta të rënda (60% naftë Ballshi +40% naftë Gorishti)me
përmbajtje të lartë squfuri rreth 6.112 % dhe 512 mg /l kripëra.
Kapaciteti përpunues i projektuar ishte 1 milion ton naftë bruto dhe 250000 ton karburante
që do të vinin nga rafineritëegzistuese.
Figura 11: Pamje nga Kombinati Perpunimit te Thelle te Naftes ne Ballsh.
KPTHN-ja ka në vetvete gjithë impiantet e nevojshme teknollogjike të një skeme moderne të
të përpunimit të naftës si dhe gjithë sistemet ndihmëse.
Kapacitetet depozituese i KPTHN-se per lënden e pare jane 55000 m3, për gjysëm produkte
70000 m3, për produktet e gatshme (benzinë,gazoil, vajguri,GLN) 57000 m3dhe 30000 m
3
për vajrat lubrifikantë.
Në11 degët e karburantëve që shërbenin për marketingun e nënprodukteve të naftës kishte
rreth 65000 m3 kapacitete depozituese.
I vetmi terminal detar për eksportin e nënprodukteve të naftës në Vlorë ishte në dispozicion të
rafinerisë të naftës.
Me vënien në punë të KPTHN-se, u realizua rritja e pikës së shfrytëzimit të naftës bruto,
(prodhimi i produkteve me më vlerë, benzinë, vajguri e gazoil) nga rreth 25 %në impiantin e
distilimit primar, në 50% si dhe përmirësimi shumë i madh i cilësisë së benzinës, vajgurit
ndriçues, vajgurit të avionave dhe të gazoilit për automjete.
Vënia në punë e impiantëve të KPTHN-se, filloi me impiantin e distilimit atmosferik dhe atë
të koksifikimit të vonuar në dhjetor të vitit 1977 dhe më pas impiantet e tjerë sipas radhës
teknologjike, impianti i hidrogjenit, hidropastrimit, platformingut, pastrimit të gazit dhe
prodhimit të squfurit.
Figura 12: Pamje nga Reparti Prodhimit të Hidrogjenit.
Figura 13: Pamje nga Reparti i Distilimit Atmosferik.
Figura 14: Pamje Repartit të Koksifikimit të Vonuar.
Në fund, në korrik 1978 u vu në punë edhe Impianti i Krekingut Katalitik dhe Polimerizimit.
Specialistët kineze që kishin ardhur për të drejtuar vënies në shfrytëzim të uzinës, jo vetëm
nuk dhanë eksperiencën e tyre, por nuk morën pjesë nëpërfundimin e plotë të provave me
ngarkesë për vënien nëshfrytëzim të uzinës.Por personeli inxhiniero teknik nuk u dekurajua
dhe nuk e lëshoi veten,ai mobilizoj forcat dhe arriti të vëre në kohë në shfrytëzim të gjitha
repartet e uzines,pa avari,duke arritur të gjithë parametrat e projektuar.
Nga kjo betejë personeli inxhiniero teknik i uzinës doli më i formuar e i vendosur,me më
shumë besim për të ardhme. Ai duke përgjithsuar eksperiencën e tij dhe duke njohur e zbatuar
të dhënat e shkencës dhe teknikes bashëkohore,ju fut me guxim problemeve të dala për
përsosjen e teknologjisë të prodhimit dhe shtimin e asortimenteve të reja.
Kështu realizimi i detyrave të prodhimit, arritja e treguesve të lartë ekonomik dhe financiar,si
gjatë vitëve të para,por edhe në vazhdim,ishin fryte i punës të teknikëve dhe inxhinierëve,i
përpjekjeve për vënien në jetë tënjë serë studimesh për përmirsime të proçesit
teknologjik,uljes të humbjeve, rritjen e pikës së shfrytëzimit,prodhimin e nënprodukteve të
reja etj.
Duhet theksuar se si gjatë lëshimit të parë dhe gjatë shfrytëzimit kanë lindur probleme që pa
zgjidhjen e tyre,nuk mund të garantohej puna normale uzinës dhe realizimi i detyrave të
caktuara.
Problemet qëu evidentuan kishin te bënin me natyrën e naftës shqiptare dhe sidomos
përmbajtjen e lartëtë gazit sulfhidrik, squfurit dhe kriprave, korrozionin shumë të madh në
ftohësat e benzinës së impiantit të distilimit,korrozionin nëpjesën e sipërme të kamerave të
koksit gjë e cila çoi nëzevëndësimin e tyre me material të veshur me çelik inoks,bllokimi i
shlemoreve të kamerave të koksit çdo gjashtë muaj,zevëndësimi i gazit të Divjakës me gas
nga vendburimet e tjera dhe më vone edhe me gaz koksi për prodhimin e hidrogjenit, gjetja e
katalizatoreve më të përshtatshëm për Impiantet e Hidropastrimit dhe të Platformingut duke
rritur cilësine e produkteve .
Figura 15: Reparti i Hidropastrimit në Ballsh.
Në impiantin e distilimit atmosferik dhe koksifikimit u vu në punëturbokompresori i gazit me
gjysëm kapaciteti duke ulur humbjet dhe rritur sasinë e gazit djegës në rrjetin e uzinës,u
prodhua vajguri T 1 dhe TS 1,gazoili DS, asortimente këto që përdoreshin në fushën
ushtarake për mjetet e fluturimit ajror dhe lundrimit detar.
Figura 16: Kolektivi i turnit në repartin e hidropastrimit.
Në impiantin e hidropastrimit u rrit kapaciteti mbi atë të projektuar, u realizua pastrimi i
benzinës me hidrogjen e cila uli konsumin e sodes mbi 6 herë,u prodhua sulfuri i natriumit
produkt shumë i rëndësishem për industrinë e letrës,u prodhua solvent ushqimor etj.
Në vitet nëvazhdim u vu në punë impianti i stabilizimit të benzinës dhe prodhimit te gazit të
lëngët në repartin e koksit,i cili më pas u pastrua nga squfuri në impiantin e pastrimit të gazit
dhe më pas shërbeu si lëndë e parë në repartin e polimerizimit për prodhimin e benzinës
polimere.
Në Repartin e Platformingut u arrit që të prodhohet benzina B70 e cila përdorej për mjetet e
fluturimit ajror në fushen e mbrojtjes,prodhimin e tretësave organik dhe benzinave me numër
oktani të lartë.
Figura 17: Pamje e repartit të Platformingut.
Vetëm në vitet e para të punës numri nënprodukteve të prodhuara nga KPTHN-ja, nga 10
arriti në 22, produkte të cilat në atë kohë kënaqën më së miri nevojat e degëve të ndryshme të
ekonomisë.
Në repartet ndihmëse të KPTHN-se, u prodhuan pajisje e makineri tënjë shkalle vështirësie
shumë të lartë,si grupi i ingranazheve të pompave të presionit të lartë,pjesë këmbimi për
pompat e kompresorët, zëmra shkëmbyesish,pajisje të plota për uzinën dhe për të tretë etj.
Në 5 vitet e para KPTHN-ja, përpunoj më shumë se 4.3 milion ton naftë bruto dhe karburante
nga uzinat e tjera të naftës.
Gjatë viteve 1978-1983 KPTHN-ja, eksportoj 540000 ton virgin naftë, 270000 ton
gasoil,5000 ton squfur.
Vënia në shfrytëzim e KPTHN-se, solli një përmirsim të dukshëm cilësor të nënprodukteve të
naftës dhe jo vetëm u arrit në ate kohë të plotësoheshin nevojat e vendit por edhe një pjesë e
tyre të destinohej për eksport.
Numri asortimenteve për eksport në vitet në vazhdim u rrit.Me markën e KPTHN-së, u
eksportuan: benzoli, toluoli,ksiloli,gaz i lenget, squfuri etje.
Cilësia e këtyre produkteve në të gjitha rastet i përgjigjej kërkesave kontraktore dhe në asnje
rast nuk u bë pengesë për lëvrimin e tyre.
Humbjet në procesin teknollogjik u ulën deri ne 3 % nga 7 % që ishin në projekt duke marrë
me mijëra ton karburante më tepër të cilat rriten efektivitetin e punës të uzinës.
Me zbulimin e vendburimit të Cakranit në vijim të rritjes të shkallës së përpunimit të lëndëve
të para dhe prodhimit të sa më shumë produkteve nga uzina në vitin 1984 pranë KPTHN-së,
filluan të ngriheshin dhe merrnin jetë dy objekte të reja të rëndësishme, Uzina e Pastrimit të
Gazit dhe ajo e Prodhimit të Vajrave Lubrifikantë.
Uzina e pastrimit të gazit kishte një kapacitet të projektuar prej 1.5 milion m3gas/ditë dhe do
të plotësonte nevojat e ekonomisëme gaz teknologjik për prodhim hidrogjeni, gaz djegës dhe
squfur.
Për ndërtim-montimin eUzines se pastrimit të gazit, u përdorën 800 ton makineri,pajisje dhe
materiale te tjera.
Uzina e vajrave lubrifikante e cila ishte projektuar me naftë Cakrani, ishte e para në vendin
tonë.
Për ndërtim montimin e kësaj uzine u përdoren 8600 ton makineri,pajisje dhe materiale,u
montuan 60 rezervuare për depozitimin edhe ruajtjen e gjysëm produkteve,produkteve të
gatshme me një kapacitet të përgjithshëm prej 40000 ton.
Në përbërje të saj kishte 25 kollona fraksionimi,absorbimi dhe ekstraktimi,katër furra për
ngrohjen e lëndës së parë, 8 kompresora,një numër i madh pompash e shkëmbysash,vaskash
të ndryshme etj.
Në skemën teknologjike të Uzinës së Vajrave kishte 7 reparte teknologjike si distilimi në
vakum i mazutit,ku prodhoheshin 3 nga vajrat bazë,impianti i deasfaltizimit me propan ku
prodhohej vaj i katërt bazë ose “bright stocks”,ekstraktimi me furfurol ku largoheshin
hidrokarburet aromatik dhe përmirsohej indeksi i viskozitetit të vajrave,deparafinimi i cili
siguronte piken e ngrirjes ,impianti i hidropastrimit të vajrave, impianti blendingut të tyre dhe
pastrimit me dhera zbardhues.
Pas përfundimit të punimeve të ndërtim montimit të impianteve të kësaj uzine u kryen provat
pa dhe me ngarkesë në të gjitha makinerite edhe pajisjet në veçanti,deri në impiantet
komplekse.Kryerja e provave të vënies në shfrytëzim të impianteve të kësaj uzine me
teknologji të re,nxori në pah jo pak problem të karakterit teknik e teknologjik.
Por personeli inxhiniero teknik tregoi se jo vetëm ishte në gjendje të zotëronte arritjen e
teknikës bashkohore,por ti përmisonte dhe çonte ato me tej, në përputhje me kushtet konkrete
duke ja përshtatur teknollogjine lëndëve të para egzistuese.
Si rezultat i kësaj pune u arrit që provat të kryhen me sukses duke siguruar dhe përmisuar
treguesit e projektit si ata teknik e teknologjik ashtu edhe treguesit ekonomik dhe financiar.
Të gjitha këto nuk u arriten lehtë, vështirësit dhe problemet e krijuara u kapërcyen me punë
dhe djersë, ditën dhe natën,me organizime drejtim të përsosur të punëve nga personeli
inxhiniero teknik.
Fillimisht në impiantin e Blendingut i cili u projektua dhe u ndërtuanga specialistët e uzinës,
duke u nisur nga vajrat bazë të trajtuar edhe me shtesa do të prodhoheshin 16 lloje vajrash
lubrifikantë.
Ndërtimi i uzinës së vajrave lubrifikantë ishte një eveniment i rëndësishëm për industrinë e
përpunimit të naftës në vendin tonë.
Me vënien në shfrytëzim të kësaj uzine u arrit të prodhoheshin pothuaj të gjithë llojet e
lubrifikantëve që kërkonte ekonomia si për motora ashtu edhe për industrinë.Kapaciteti
prodhues i kësaj uzine ishte 30000 ton në vite.
Shqipëria arriti krahas karburanteve cilësore, të prodhonte vajrat e markës shqiptare duke
bërë të mundur jo vetëm plotësimin e nevojave të brendëshme por krijonte mundësi edhe për
ritjen e eksportit.
Qysh në vitin e parë të prodhimi pavarësisht ndryshimit të lëndës të parë u arrit që të
prodhohen 23000 ton vajra të ndryshëm ndërsa numri i asortimenteve u rrit me shpejtësi duke
kaluar numrin 40 lloje vajrash të një game shumë të gjerë.
Vënia në punë e kësaj uzine ka patur probleme të mëdha teknike të cilat u zgjidhën nga
mendja dhe përkushtimi i teknologëve shqiptarë pas largimit të atyre rumune.
Duke qënë që kjo uzinë ishte projektuar për të përpunuar mazut me origjinë naftën e
vendburimit të Cakranit, menjëherë pas provave të impiantëve u detyruam të përdorim si
lëndë tëpare mazut nga nafta e përzjerë që përpunohej në impiantin e distilimit atmosferik.
U desh të zgjidheshin një sërë problemesh, si zëvendësimi i pompave të fundit të kollonës së
vakumit pasi viskoziteti i produktit të fundit të kollonës me ndërrimin e naftës u rrit aq shumë
sa pompat sipas projektit rumun nuk ishin në gjendje ta tërhiqnin.
Një punë e vazhdueshme në këtë rafineri është kryer për ruajtjen e makinerive e pajisjeve nga
efekti i korrozionit, shërbimi i përditshëm, ndjekja dhe mbajtja e regjimeve teknologjike të
punës për zgjatjen e jetës të tyre ishin detyra të përherëshme të personelit inxhiniero teknik.
Disiplina që kërkon vetë teknologjia e prodhimit bëri që punonjësit e rafinerisë të dinin jo
vetëm të prodhonin por edhe tëdrejtonte dhe të aministronin.
Për këtë janë dekoruar me urdhëra e medalje punë shumë individ e kuadro e kolektiva të
veçantë si Ajet Ylli,Lavdosh Hameti, Qemal Varfi,Xhezmi Fetahu, brigada e shkarkimit të
koksit etj,.
Vlen të përmëndet përkushtimi i specialistëve të uzinës dhe personelit inxhiniero teknik në
përballimin dhe zgjidhjen në kohë të të gjitha problemeve teknike duke siguruar përpunimine
të gjithë naftës brut të prodhuar në vendin tonë dhe duke mos ndërprerë në asnjë çast
furnizimin e ekonomisë me produktet e naftës.
Në këtë kontekst duhet të përmendim persona të tillë si Ajet Ylli, kryeinxhinjeri i parë i
uzinës, Jorgaq Karandrea, kryetari i degës teknike, Koço Zvirina, kryeteknolog i uzines,
pergjegjesat e reparteve Petrika Ballauri,Mezan Sulejmani, Sali Kurteshi, Spiro Sofroni,
Jorgji Peshtani, Thoma Taka,Viron Vasili,Vasilika Karandrea, inxhinjerët teknologë Pellumb
Boriçi,Vangjel Haxhistasa,Nako Petro,Kastriot Gishti,Vladimir Qereshniku,Adem Sanxhaku,
Agim Shehu, Xhoxhi Kumani, Mihal Hudhra, Agim Yzeiri, Fiqiri Paja, Bilbil Nurja, Baftjar
Asllani,Petrit Jaze, Shkelqim Dalipi, Nuri Hado, Bajram Çela, Perikli Gjikuria, Vasil Nano,
Ismet Beqiraj, Ilirjan Manaj, Çuman Brahimaj, Dashnor Hoxha,Njazi Elezi, Agim Meçi,
Nimet Velija, Gezim Salillari, Burhan Yzeri, Gezim Aliaj, Migjen Xhaxha, Inxhinieret e
reparteve të mirëmbajtjes Foto Gjeci, Apostol Mici, Idris Lusha, Abedin Baboci, Spiro Pasko,
Merko Sulaj,Artur Beqo, Petraq Lika, Bilbil Saliaj,Robert Dhamo, Petraq Dhoska, Gezim
Goxhaj, Riza Doko,Refat Brahimllari etj.
Figura 18: Foto e nje grupi punonjësish te KPTHN Ballsh.
Me shume se 40 % e fuqisë punëtore te kësaj uzine ka qenë përbërë nga shoqet ku vlen të
përmëndet puna e inxhiniereve Liri Babani, Resmie Hoxha,Dallandyshe Shehu, Vojsava
Hudhra, Lejla Hysa,Dhoksi Bulo dhe teknollogeve Afërdita Mylka, Hamo Jahaj, Bukurie
Jazaj, Bete Heqimi, Lumturi Goxhaj, Xhuljeta Plaku, Burbuqe Sila, Xhemile Hoxha etj.
Meritë të veçantë kanë pasur edhe drejtuesit kryesorë të uzinës duke filluar nga Hasan
Hasani,Mirush Puto, Lavdosh Hametaj, Nako Petro etj.
Puna e specialistëve është mbështetur fuqimisht nga operatorët e impiantëve midis të cilët më
të spikatur kanë qenë Arqile Rrapi,Arqile Tupe,Rexhep Kile,Agur Jahaj, Xhevair Zifla, Bilbil
Zotaj, Asqeri Zyka, Gani Dushku, Sokrat Rista,Ilmi Pashaj,Margarit Bare, Kastriot Avduli,
Estref Qerimi, Sokrat Rista, Viktor Profka, Aleks Tupe, Ismet Braka, Mystehak Çakaj,
Mystehak Levanaj, Sotir Gjordeni, Mefail Xhafa, Baftjar Lamaj, Ajet Çela, Ylli Bare,
Muhamet Hoxha, Estref Qerimi, Ilirjan Xhanaj, Sami Xhaferri, Xhevdet Isufi, dhe të pasuar
nga brezi me i ri: Luan Metaetj., si dhe grupi i kamerave te koksit, Haxhi Cjapi, Sheme Putro,
Estref Muska, Mehmet Krasi etj.
Një mbështetje e fuqishme për punën e impianteve teknologjike kanë qenë dhe specialistet e
remontit mekanik ndër të cilët vlejn që të përmënden mjeshtra të tillë si Sokrat Dhamo,
Pelari, Pipi Topi, Qemal Bënja, Arqile Gjini, Bilbil Çela, Rexhep Ereqi, Petrit Dushi, Qerim
Lame, Reshat Hoxha, Iliaz Rizvani, Agim Harizi, Vladimir Kile, Faredin Ebeja, Shkelqim
Yzeiri, Pellumb Qorri, Skender Mesuti, Kostandin Zhuka, Engjell Hamataj, Shefqet Lamaj,
Drita Manari, Riza Toska, Dilaver Muharremi, Gjolek Isufi, Vasilika Rrapi, Astrit Muhameti,
etj.
Një homazh duam të bëjm në këtë ditë të shënuar për punonjësit që kanë dhënë jetën në krye
të detyrës si Valentina Guxo, Mysaret Velija, Xhevrije Koroveshi, Myqerem Paja, Shkëlqim
Muçaj.
Rafineritë e naftës ishin bërthamat e ndërtimit të shumë qyteteve,si Kuçova, Cërriku, Ballshi.
Në to kanë punuar shumë intelektuale dhe punëtor, teknik dhe inxhinier të cilët sollën
zhvillim, punësim, qytetërim dhe emancipim të këtyre qendrave.Ata ishin njerëzit më të
njohur që ndikuan në ecjen përpara të këtyre qyteteve.
- Hartimi i bazes ligjore per veprimtarite e perpunimit, transportimit
dhe tregtimit te naftes, gazit dhe nenprodukteve te saj
Egzistenca e industrisë të përpunimit dhe shtimi i i nevojave për nënproduktenafte bënë që
në vitin 1999 për herë të parë të miratohet kuadri regullator ligjor përsubjektet që ushtrojne
veprimtarin hidrokarbure në vëndin tone.
Nëligjin Nr.8450, datë 24.2.1999 “Për përpunimin, transportimin dhe tregtimin e naftës, të
gazit dhe nenprodukteve te tyre”,i ndryshuar,thuhet se“Shteti përcakton politikën e zhvillimit
të veprimtarive në fushën e përpunimit, transportimit dhe tregtimit të naftës, gazit dhe
nënprodukteve të tyre, si dhe ushtron funksionin e tij rregullator, në përputhje me nevojat e
vendit, të mbrojtjes kombëtare dhe të sigurimit publik, duke respektuar parimet e ekonomisë
se tregut.”
Në këtë ligj janë përcaktuar rregulla për licencimin dhe veprimtarinë e personave juridik si,
rafineritë e naftës dhe impiantet e përpunimit, naftesjellesa dhe gazsjellesa,shoqëritë e
tregtimit me shumicë, stacioneve të shitjes të karburantit etje.
Dispozitave të këtij ligji u nënshtrohen, pa asnjë dallim, të gjithë personat juridike, publike
ose private, vendas apo të huaj, që kanë si objekt të veprimtarisë së tyre përpunimin,
transportimin e tregtimin e naftës, gazit dhe nënprodukteve të tyre.
Në këtë ligj përcaktohet se rafineritë e naftës janë persona juridike, të themeluara në formën e
shoqërive aksionare, të cilat me marrjen e licencës së koncesionit, kryejnë veprimtarin e
përpunimin e naftës bruto, duke prodhuar nënprodukte të saj.
Në ligjin 71/2014 vendosen kerkesat që duhet të plotësohen nga personat juridik për
licensimin e rafinerive të naftës dhe impianteve të përpunimit.
VKM nr. 19, datë 14.01.2015 “Për procedurat dhë kushtet për dhënien licencës të
koncensionit për rafineri nafte” shfuqizoj VKM nr.553 /2004duke përshtatur legjislacionin
dhe përcaktuar procedura të qarta për zhvillimin e veprimtarive të tyre
Cilësia e nënprodukteve të naftës është një çështje që tejkalon sferen e interesave të
prodhuesve të karburanteve dhe shoqërive të tregtimit me shumicë.
Ajo është një sfidë e vërtet për të siguruar që lloje të ndryshme të lëndëve djegëse, nga të cilat
ne varemi në jetën e përditëshme, të transportohen në vendin e duhur, në kohën e duhur në
përputhje me kërkesat cilësore sipas standardeve shtetërore. Zinxhiri i shpërndarjes dhe
ruajtjes së karburantit duhet të përmbushi kushtet për mos prishjen e cilësisë.
Direktivat e BE 98/70/CE, 2003/17/CE, ndryshuar me 2009/30/EC kanë fiksuar limite të reja
për karakteristikat e benzinës dhe gazoilit që kanë të bëjnë me rrezatimet e gazrave në
atmosferë.
Karakteristikat e marra në konsideratë kanë të bëjne si me përbërjen, ashtu edhe me
efikasitetin e tyre. Këto direktiva janë pranuar dhe nga Shqipëria si vend që aspiron ti
bashkohet Unionit Europian.
Me vendime qeverie janë përcaktuar si rregulla teknike të detyrueshme për zbatim si vlerat
kufizuese të squfurit, plumbit, olefinave,aromatikeve, benzenit, hidrokarbureve policiklik
aromatik, ujit, oksigjenatëve dhe tregueseve të tjerë cilësorë për nënproduktet e naftës që
mund të vihen në qarkullim në territorin e Republikes te Shqiperise.
Në zbatim të nenit 23 të ligjit nr.8450, datë 24.02.1999 “Për përpunimin, transportimin dhe
tregtimin e naftës, gazit dhe nënprodukteve të tyre”, të ndryshuar, jane miratuar VKM nr.147,
datë 21.03.2007 “Për cilësinë e lëndëve djegëse, benzine dhe diezel”, dhe VKM nr. 781, datë
14.11.2012 “Për cilësinë e disa lëndëve të djegshme, të lëngshme, për përdorim termik, civil
e industrial, si dhe për përdorim në mjetet e transportit ujor (detar, lumor dhe liqenor)
Përgjegjësia e organizmave shteterore është që të sigurohet marrja e besueshme dhe efikase e
produkteve cilësore të rregulluara duke maksimizuar vlerën në mënyre transparente, me kosto
efektive dhe të barabartë për palët e interesuara, të cilat zhvillojnë veprimtari në tregun e
brëndëshëm dhe atë nderkombëtare, sipërmarrësëve të përfshirë në prodhimin, eksportin dhe
importin e nënprodukteve të naftës.
Çështjet teknike që përfshijnë lëndet djegëse për konsumatorët mbulohen me ligj nga ISHTI i
cili inspekton cilësinë dhe merr mostra gjatë gjithë zinxhirit të shpërndarjes primare nga
rafineritë në terminale, magazinimin e produkteve, transportin me tubacione, me automjete,
shitjen e tyre në stacionet e karburantit etj.
Për zbatimin e detyrave funksionale të përcaktuara me ligj, shteti ka në dispozicion të gjithë
logjistikën teknike dhe të burimeve njerëzore për të realizuar marrjen e mostrave në vendet
apo enët ku kërkohet, në përputhje me aktet nënligjore.
Të gjitha produktet e importuara testohen për specifikimet e tyre, duke përdorur metoda
standarde të pranuara ndërkombëtarisht. Nënproduktet e naftës të importuara shoqërohen me
çertifikatë cilësore dhe plotësojnë standardet e miratuara.
Çertifikatat e cilesisë janë lëshuar nga laboratorë te akredituar të pajisura me aparatura
bashkohore.
Pavaresisht perceptimit ne besojmë tek cilësia e produkteve dhe shërbimi që ofrojmë
institucionet shteterore përfaqëson një vlerë te kredibilitetit në marrëdhëniet e biznesit me
klientët, duke kryer në këtë mënyrë detyrat ligjore për të përmbushur kërkesat ndaj tyre, për
të verifikuar përputhshmërine dhe identifikuar mundesitë e biznesit.
- Ç’farë solli privatizimi????…
Kompania shtetërore “ARMO” u themelua në vitin 1999 pasi qeveria vendosi në atë kohë
ndarjen e kompanise te naftes Albpetrol Sh.a në tre kompani, prodhimit, rafinimit dhe
shërbimeve.
Për fat të keq gjendja e industrisë përpunuese në vendin tone është në ditët më të këqija.
Shkaterimi i industriesteperpunimit të naftes pas viteve ‘90 është një nga demet me i medha
që i është shkaktuar kombit shqiptar.
Në asnjë vënd ish komunist nuk ndodhi ajo që ndodhi në Shqipëri ku pasuria kombëtare u vu
në gijotine.
Ajo që u tha se për të ndërtuar ekonominë kapitaliste duhej të shkatërohej ajo socialiste ishte
shumë vulgare dhe fyese për shqiptaret.
Privatizimi i rafinerive të Ballshit dhe të Fierit nuk rezultoi siç ishte parashikuar.Pronarët e
rinj vetëm i shfrytëzuan këto rafineri duke mos bërë investimet e parashikuara në kontratën e
privatizimit.
Shfrytëzimi për një periudhë 40 vjeçare dhe mosfunksionimi i repartit të shkripëzimit për një
kohë të gjatë kanë bërë që shumë pajisje e linja teknologjike të konsumohen si rezultat i
përmbajtjes të lartë të agjentëve korrodiv.
Në këto vite të punës të uzinës me përjashtim të kamerave të koksit qe u zevëndësuan përpara
viteve 90 , nuk janë bërë zëvendësime të pajisjeve të mëdha.
Disa nga pajisjet e Krekingut Katalitik janë përdorur në reparte të tjera, Reparti i
Polimerizimit u shëndrua për prodhim solventi, Impianti i Platformingut u kalua në
konservim, ndërsa Uzina e Vajrave Lubrifikante, me përjashtim të Impiantit të Distilimit në
Vakum që realizon prodhimin e bitumit u ndalua, dhe është zhveshur plotësisht.
Impianti Stabilizimit të benzinës të koksifikimit dhe përfitimit të gazit të lëngët në Impiantin
e Koksifikimit është jashtë pune duke rritur humbjet teknologjike të rafinerisë dhe ndotur
mjedisin.
Pajisjen për transporterin dhe formimin e squfurit u çmontuan dhe u shitën.Skema
teknologjike e pastrimit të ujrave rafineris nuk plotëson kërkesat mjedisore dhe normat
higjeno sanitare.
Ujrat acide dhe mbetjet teknologjike të cilat duhet të riciklohen shkarkohen në lumë.Në këtë
sistem kërkohen ndërhyrje thelbësore.
Rregjimet teknologjike të reparteve kanë vështirësi për t’u mbajtur në një regjim normal
pune.
Situata aktuale nuk i përgjigjet parametrave të projektuar dhe numrit të produkteve.Kostua e
prodhimit është e lartë.
Kontrollet periodike të gjendjes teknike janë të pamjaftueshme dhe nuk ka garanci për
integritetin mekanik të makineri e pajisjeve,në reparte teknologjike dhe parqet e rezervuarëve
kërkohen riparime kapitale. Investimet kanë shërbyer vetëm për vazhdimësin e punës dhe nuk
i kanë shërbyer prespektivës.
Investimet e kryera për komandimin automatik të proçesit teknologjik në disa reparte janë të
pamjaftueshme.
Cilësia e prodhimit të produkteve me përjashtim të gazoilit dhe bitumit është problematike
dhe nuk mund të konkuroj në tregje.
Lënda djegëse që konsumohet për nevoja vetijake në rafineri dhe TEC ështëme përmbajtje
squfuri 3-4 % gjë e cila bie ndesh me direktivën 1999/32/EC.dheVKM nr.781 .
Për furnizimin me avull të uzinës dhe për të rritur pavarësinë e saj shoqëria ARMO sh.a e ka
të nevojëshme të investojë në brendësi të uzinës për ndërtimin e dy kaldajave me kapacitet 60
ton avull në orë pasi shpenzimet për mbajtjen e TEC-it janë shumë të larta.
Figura 19: Pamje e TEC-it Ballsh
Me përfundimin e gazësjellësit TAP transferimi i TEC-it tek CEZ do të ishte një mundësi e re
për prodhim energjie elektrike për sistemin energjitik.
Burimet e lëndës të parë dhe shpërndarja e produkteve të gatëshme kanë një rol jetik në
rentabilitetin e rafinerisë.Kostot e vazhdueshme në zinxhirin e funksionimit kanë ndikuar në
efektivitetin e saj.
Furnizimi me lëndë të parëi rafinerisë më parë sipas projektit bëhej me tubacione nga stacioni
i përgatitjes të naftës bruto në Usoje i cili sot është jashtë përdorimit.
Rrjeti i transportit nga vendburimet në stacionet e grumbullimit, dekantimit deri në rafineritë
e naftës ka qenë mbuluar nga kompania e naftës Albpetrol sh.a. Ky rrjet ka patur
infrastrukturën e tij, të pajisur nga tubacionet, parqet e rezervuarëve, stacionet e pompimit,
pajisjet kontrolluese e matëse etj.
Ky sistem unik ka qënë i projektuar për të siguruar një punë normale të uzinave të përpunimit
dhe kur ato punonin me kapacitet të plotëderi në 7000 ton në ditë ose 2.5 milion ton naftë në
vitë.
Një tubacion që transportonte deri 5000 ton naftë në ditë ka qenë i lidhur me Vlorën për
eksportin e saj.
Rjeti i tubacioneve të transportit të naftës ka patur një gjatësi 200 km dhe ka qenë i
përqëndruar në zonat naftëmbajtëse,ndërsa ai i nënprodukteve rreth 180 km dhe përfshin
rrjetin e gjysëm produkteve që do të transportoheshin për hollues nëvendburime ose për
përpunim të mëtejshëm në rafinerinë e naftës në Ballsh,produkteve të gatëshme që prodhohen
nga rafineritë e naftës për tregtim ose për eksport.
Një tubacion prej 52.5 km i gjatë shërben për transportimin e virgin naftës nga rafinerija në
depozitat e Nartës nga ku prej terminalit të saj eksportohej, ndërsa një degëzim shkonte në
uzinën e plehrave kimike si lëndë e parë në proçest kreking për marrjen e hidrogjenit dhe
prodhimin e amoniakut i cili ishte i nevojshëm për prodhimin e plehrave azotike.
Shumica e tubacioneve të mësipërme dhe stacioneve të pompimit u grabitën në vitin 1997 ose
janë jashtë përdorimit për shkak të amortizimit.
Është rastë i veçantë që rreth 2.2 milion ton naftë bruto dhe produkte të gatëshme në vite nuk
transportohen me tubacione dhe as me hekurudhë, por me automjete duke krijuar premisa për
ndotje mjedisi dhe rrezik për komunitetin.
Është e papranueshme që uzina të tilla të cilat përpunojnë sasi të mëdha të naftës bruto, të
furnizohem me makina jo vetëm për shkak të kostove të transportit i cili është një
dizavantazh shumë i madhë,por edhe të rrezikut që mbart ky lloj transporti për sigurinë
publike.
Shteti duhet t’u kërkoj kompanive të naftës që për të shitur sasitë e prodhuara të tyre në vend
ose eksport duhet të investojnë në transportin me tubacione.
Shpërndarja e produkteve të gatëshme me projekt kryhej me autoçisterna dhe hekurudhë.
Eksporti i produkteve kryhej nëpërmjet terminaleve.Eksporti i virgin naftës sipas projektit
kryhej nëpërmjet teminalit në Nartë në Vlorë ku kjo shoqëri zotëronte kapacitete depozituese
35000 m3.
Nafta brute që prodhohet sot nëShqipëri është e rëndë e natyrës asfalto rrëshinore me
përmbajtje të lartë squfuri dhe metalesh gjë që e bënë atë të përshtatëshme për prodhim
bitumi.
Prodhimi i saj vitet e fundit është rritur dhe ajo kryesisht është eksportuar.
I vetmi investim serioz në fushën e përpunimit i realizuar pas viteve ‘90 është Rafinerija e
Naftës e ndërtuar në ish Kombinatin Metalurgjik nga kompania RBH Beline Sh.a.Ky
investim i cili eshte miratuar me VKM nr. 808, date 16.11.2016 kap vlerën 12 milion
dollarëve.
Në skemën e saj përfshihet një impiant i kombinuar i distilimit atmosferik dhe distilimit në
vakum me kapacitet 200000 ton naftë në vite.
Figura 20: Rafinerija e Naftës R.B.H. Beline në ish Kombinatin Metalurgjik, Elbasan
Figura 21: Pamje nga Estakada e Pompave në R.B.H. Beline, Elbasan.
Duhet theksuar se kjo rafineri ne nivelin e zgjidhjes teknologjike dhe skemës të saj është
bashkohore dhe do tëkënaqi të gjitha kushtet, e cilësisë të prodhimit,kushteve të punës dhe
sidomos të raporteve të saj me mjedisin.Të gjitha pajisjet janë të çertifikuara sipas
standardeve të BE për rafineritë dhe impiantet e kësaj kategorie.Kjo rafineri ka të gjitha
elementët përkatës të një moduli rafinerie siç janë furrat e ngrohjes,kollona atmosferike e
distilimit primar , kollona e vakumit për prodhimin e bitumit .
Furrat janë projektuar me fuqi të madhe ,po ashtu diametri dhe konstruksioni i brëndëshëm i
kollonave të distilimit , shkembyesat e nxehtësisë ,ftohësat dhe në tëresi të gjitha pajisjet
teknologjike sipas skemës të rafinerisë.
Të gjitha materialet e pajisjeve dhe makinerive të tjera si pompa ,aparate kipi janë sipas
standardit për rafineritë.
Në mënyrë që të sigurohet operimi i saktë dhe i sigurtë , nënprodukte me cilësi të lartë
rafinerija kontrollohet me sisteme alarmi per çkyçjen e proceseve të veçanta në përputhje me
regullat dhe masat e nevojëshme për të parandaluar aksidentet e mundëshme.
Projekti i rafinerisë parashikon matjen e lëndëve të para ,produkteve të gatshme si dhe të
gjitha lendëve ndihmëse dhe reagentëve të nevojëshme për zhvillimin e proçesit teknologjik.
Prodhimi i llojeve të ndryshme të bitumit prej kësaj rafinerie do të ndihmoj që vendi jonë të
zëri pozicionin e duhur në tregun rajonal.
Në se nafta bruto e prodhuar në vitin 2017 do të ishte përpunuar në rafineritë e naftës në
vendin tonë prej saj do të prodhoheshin 700000 ton bitum me një vlerë të përgjithëshme mbi
250 milion dollarë.
Mendojm se trajtimi i këtij produkti për eksport nëpërmjet terminaleve detare, është një
mundësi e mirë për shtimin e prodhimit të tij.
Një rafineri tjetër me kapacitet 150000 ton në vitë naftë bruto për prodhim bitumi pranë ish
Uzinës të Plastmasit në Lushnje, ka hyrënë shfrytëzim në kohët e fundit. Liçenca e
koncensionit për këtë rafineri është miratuar me VKM nr.355, date 10.05.2016.
Figura 22: Pamje rafinerise AM Oil sh.a, Lushnje.
Rekomandime ….
Sot vlera e një nafte në tregun ndërkombëtar reflekton karakteristikat e saj të cilësisë të cilat
janë densiteti dhe përmbajtja e squfurit.I pari lidhet me potencialit e produkteve të bardha,
ndërsa e dyta me mbrojtjen e mjedisit.Specifikimet e mësipërm përcaktojnë koston e
prodhimit të naftës brute.
Shpenzimet në një rafineri nafte varen nga kapaciteti përpunues,lloj i lëndës të parë,
kompleksiteti i skemës teknollogjike dhe produktet përfundimtare që priten të merren.
Një rafineri nafte duhet të ketë fleksibilitet në burimet e furnizimit me lëndë të parë,
prodhimin e tyre sipas nevojave të tregut dhe shpërdarjen e produkteve.
Duket se rafineritë e privatizuara nuk mund të konkurojnë sot në ekonominë e tregut dhe
për këtë arsye nuk mund të mbahen në punë dhe të modernizohen nga pronarët aktuale.
Të gjitha sa permendëm më sipër jane dizavantazhe për naftën broto që prodhohet në vend.
Lidhur me prespektivën e kësaj industrie do të thoja që shpresat janë në gjetjen e
vendburimeve të reja me një naftë brut me cilësi më të mira si dhe gjetje e investitorëve
strategjik ,të huaj seriozë dhe të fuqishëm për të kthyer të paktën rafinerinë e Ballshit në një
rafineri moderne e aftë të konkurojë në tregun e karburantëve në vendin tonë.
Të dhënat e mësiperme tregojne se ndertimi i nje rafinerije te re do të ishte e mirëpritur në
tregun shqiptar dhe atë rajonal. Ndërtimi i saj do te arrij objektivat e meposhteme:
- Të plotësojë defiçitet që krijohen në treg për nënprodukte nafte në sasi dhe cilësi.
- Ti garantoj vëndit në pozicionin e importuesit produkte në përputhje me kërkesën.
- Të mbajë në Shqipëri valuten e huaj dhe vlerën e shtuar që transferohet jashtë vendit
për shkak të importit.
- Ti garantoj ekonomisë vlerën e shtuar si për prodhimin ashtu edhe për përpunimin e
naftës bruto.
- Të krijoj punësim, llogjistik etj.
- Të japi një kontributë financiar të ndjeshëm në ekonominë kombëtare, duke përfituar
më shumë taksa për pushtetin qëndror dhe lokal.
- Të përfitoj monedhë të huaj dhe të krijoj vlerë të shtuar nga eksporti i produkteve në
përputhje me koniukturat e tregut ndërkombëtar.
Vlerësimi i vëndndodhjes duhet të jetë një prioritet i lartë. Ajo mund të jetë në bregdetin e
Semanit pranë fushave naftëmbajtëse të Shqipërisë, por edhe në Porto Romano, zonë e cila
është miratuar nga qeveria shqipëtare si park energjitik, territor ku zhvillojnë veprimtarinë
e tyre të gjitha kompanitë e marketingut që operojnë në tregun shqipëtar, por edhe ne
Kosovë.
Nëpërmjet terminalit të saj rafinerija krahas përpunimit të naftës shqiptare, jo vetëm do të
importoj lëndë të parëtë zgjedhur me përmbajtje të ulët squfuri dhe të pasur me karburante,
por do të bëj edhe eksportin e nenprodukteve te naftës.
Për të konkuruar në tregje kapaciteti i saj mendojm se duhet të jetë më shumë se 4 milion
ton naftë në vitë.
Një vendim i drejtë dhe i mirë për këtë lloj investimi duhet të ballancoj konfigurimin e
rafinerisë me konkurencen llogjistike.
Nafta do të luaj një rol themelor në përmbushjen e kërkesave në të ardhmen për energji duke
nxitur rritje ekonomike të vendit edhe në dekadat që vijnë.
Por rafineritë e naftës duhet të prodhojnë për konsumatoret benzinë dhe naftë më të pastër
për tu përdorur në mjetet e transportit.
Mqn kërkesat e karburantit për automjete kanë ndryshuar, për ti bërë ato me efikase për të
prodhuar me pak emetime, industria e rafinimit duhet të përmbushi me sukses kërkesën
për prodhuar lëndë djegëse të pastra.Në fakt perbushja e kërkesave të reja për emetimin e
gazrave nga automjetet është plotesisht e mundur nëpërmjet përmisimeve që mund të vinë
nga rafineritë tona.
Një industri e fortë e rafinimit është thelbesore për energjinë dhe sigurinë ekonomike të
vendit.
Shteti duhet të mbështesi projektet e infrastrukturës duke i detyruar kompanitë e prodhimit
te naftës që tu kthehen skemat të transportit me tubacione të naftës dhe nënprdukteve të saj
gjë që do te riste efikasitetin e rafinerive të naftës.Shpenzimet që kryhen në sektorin e
naftës dhe nënprodukteve të saj do të çlironin fonde aq të medha që do të ndikonin
ndjeshëm në sektorë të tjere
Këto mundësi mund të rikrijohen, kuadrot e reja të cilët janë të etur për dije duhet të jenë
ambicioze qe me zgjuaresi dhe punë të përçojne traditat më të mira të brezave të mëparshëm,
për ringritjen e këtij sektori, i cili jo vetem do të zhvilloj ekonominë kombëtare,por do te
përkthehet në standard jetese dhe mirëqënie përshqipëtarët.
Kjo është një histori e shkurtër e përpunimit të naftës Shqiptare, e cila jo vetëm duhet të na
bëj krenar të gjithë, por edhe të njihen nga brezat që do vinë .
Ky simpozium është një mesazh për ditët e sotme, për këtë pasuri kombëtare që duhet të vihet
në shërbim të eknomisë, pasi ky vend ka nevoj përprogramim dhe ndërgjegjësim për
ringjalljen e vlerave të profesionalizmit të lartë dhe mbi të gjitha për dashurinë për vendin
dhe patriotizmin e spikatur tëShqipëtarëve.
AUTORE
AJET YLLI ,
NAKO PETRO ,
ISMET BEQIRI
KASTRIOT GISHTI ,
SHPETIM NISHANI