BETI NIREKIN ZAUDE…

ESKERRIK ASKO!

Otoitzak – Haur Hezkuntza

3 – 5 URTETAKO NESKA-MUTILENTZAT

OTOITZBIDEA

LA SALLE

Bokazio, Pastoraltza eta Misioetarako Idazkaritza

Bilboko SektoreaDonostia, 2013

Argitalpen pribatua.Andereño agurgarria:

Zure ikasgela egunero betetzen duten haurtxo horien sinesmen-heziketan lagundu nahi dizun liburuxka hau hor duzu zure begien aurrean. Haurtxo horiek dituzu Jainkoa egunero zure eskuetan jartzen duen erregalorik handiena.

Zuk goizero zure ikasleen sinesmena eta lilura pizten erabiliko duzun tresnatxo samur, hurbileko bat izan nahi du “BETI NIREKIN ZAUDE…” izeneko liburuxka honek. Berak lagunduko dizu haurrek Jesus adiskidearen eta Jainko Aitaren aurpegi maitagarria aurki dezaten. Eta zu zara, “beraiekin egonik”, eginkizun horretan eskuhartzeko Jainkoak aukeratutako pertsona.

“Beti nirekin zaude…” liburuxkan otoitzak 10 gaietan bildurik daude. Egun bakoitzari bere bizigarria ematea da zure egitekoa. Zure ikasleen fede-heziketa argi dezakeen gogoeta labur batekin has zaitezke, eta gero liburuxkan azaltzen den otoitz bat errezatu. Isiltasun, barneratze, bake… jarrerak sortu beraiengan, keinu, hitz, adierazpen ezberdinen bidez parte hartzera bultzatuz…, bakarkako eta bat-bateko otioitzara eraginez. Lana errazagoa gerta dakizun, otoitz bakoitzak badu izenburu bat eta hor azaltzen da otoitzaren mamia.

Askotan, haurrentzako otoitz luzeegiak direla irudiko zaizu. Ez dituzte buruz ikasi behar. Ozenki eta zatika erreza itzazu eta, ondoren, haurrei errepikarazi. Gehienetan otoitz bakar batetik hiruzpalau ideia atera ahal izango dituzu; molda ezazu ideia bakoitzarekin otoitz ezberdin bat eta liburuxka honen aberastasuna areagotuko duzu.

Egunero begien aurrean dituzun neska-mutikoak dira zure ebanjelizatze-lanaren protagonistak. Beraiek dira Jesusen kuttunak, adiskideak: “utzi haurrei

niregana etortzen…” “…eta bedeinkatu egiten zituen eskuak buru gainean ezarriz”.

Izan bihotz eta heziketa zoriontsua bedi!

Ene adiskide on:

Jainkoak, jaio ginenetik, erregalo asko eman dizkigu. Gure ardura badu, familia on-on bat, lagunak, asko ikasteko ikastetxe bat… eman dizkigu.

Bidezkoa da eman digun guztiagatik eskerrak ematea eta egunero maite dugula esatea, aitatxo eta amatxori esaten diegun bezala.

Zure irakasleak erabiliko duen liburuxka honekin, lagundi egin nahi dizugu egunetik egunera Jainkoa, egin gaiten Aita Ona, eta adiskide den Jesus, bere semea, gehiago maitatzen.

Jainkoa gure Aita da. Gu haren seme-alabak gara. Horregatik guk egunero gogoan izaten dugu bera eta otoitz txiki bat errezatzen diogu.

Guztioi ikasturte zoriontsu bat opa dizuegu!

Ikastetxea

1. ESKOLARA JOATEN NAIZ

Kaixo Jesus!Oso pozik nago orain eskolara joaten naizelako eta han bapo ibiltzen naizelako.

2. ESKOLA

Eskerrik asko, Jauna!Nire eskolan ditudan neska-mutikoengatik eta bai irakaslearengatik ere.

3. NIREKIN EGUN GUZTIAN

Eskerrik asko, Jauna, egun berri honengatik,gaur lan eta jolas egingo dut nire ikastetxean.Arren, zaude nirekin egun osoan, ipuin bakoitzean, jolas eta abesti bakoitzean.Egingo ditugun gauza pozgarri guztiek

Zu ere zoriontsu egin zaitzatela.

4. DAMU DUT, JAUNA!

Jesus, gauza asko egin ditut: ebaki, margotu, jolastu… baina ezegitekoren bat ere egin dut ba; atseden garaian burrukan egin, irakasleari entzungor egin.Damu dut, Jauna!

5. BAI ONDO PASATZEN DUGULA ESKOLAN!

Jauna, bai ondo pasatzen dugula elkarrekin eskolan!Andereñoak irakurtzen eta idazten erakusten digu.Batzuetan, ipuinen bat kontatzen digu.Abestu, barre eta jolas egiten dugu.Gauzak ondo egiten ditugunean, denok pozik gaude.Zu ere, Jauna, pozik zaude denok elkarrekin hazten ikusita.

6. JESUS, ENE ADISKIDE

Jesus, pozik nago ikasgelan hainbeste lagun ditudalako.Zuk ere lagunak bazenituen; pozik nago, bai baitakitZu ere adiskide zaitudala.

7. DENOK ADISKIDE GARA

Eskerrik asko, Aita, adiskideengatik.Eskerrik asko entretenigarriak, jolasak eta jaiak izaten ditugulako.Lagundu iezadazu adiskide on bat izaten eta agintzen dizudana betetzen.Lagundu iezadazu oso gogoko ez ditudanekin ere adiskide ona izaten,Zuk denok maite baikaituzu.

8. ELKARBANATZEN DITUGU

Nireak ez diren gauzak asko dauzkat; eskatzen badizkidate, kostata uzten dizkiet.Jesus, erakuts iezadazu daukadan guztia nire ikaskideekin elkarbanatzen, erakuts iezadazu haiek maitatzen eta nire gauzak haiei uzten.

9. PAKEAK EGIN

Batzuetan lagunok haserretu egiten gara, batzuetan mokoka, batzuetan mutur joka.Lagun iezadazu, Jesus, eskua luzatzen!Elkarrekin jolas eta pakeak egiten, eta berriz ere adiskideak izaten.

10. ERAKUTS IEZAGUZU BARKATZEN

Besteek iraintzen nautenean.- Jesus, erakuts iezaguzu barkatzen.

Eztabaidetan eta haserre-amurrian. - Jesus, erakuts iezaguzu barkatzen.

Mendeku gura datorkigunean.- Jesus, erakuts iezaguzu barkatzen.

Petral eta erretxin nagoenean.- Jesus, erakuts iezaguzu barkatzen.

-

11. DENOK ELKARTURIK

Jesus, Zuri gustatzen zaizu guk elkarri entzutea eta gauzak elkarrekin egitea; lagun iezaguzu hori lortzen.

12. HOBEA IZATEN LAGUN IEZADAZU!

Pozik egon nahi nuke, baina, batzuetan haserre egoten naiz.Ikasgelan arretaz egon nahi nuke, baina berritsua naiz.Lagun iezadazu hobea izaten!

13. DENOK ELKARTURIK

Jauna,ikasgelako haur guztien adiskide izan nahi dut, eta ez nuke nahi inor bakarrik egoterik.

14. ESKERRIK ASKO, JESUS!

Jolas, barre eta kantari aritzea gustatzen zait.Etxean eta lagunekin jolas egitea gustatzen zait.Zuk ere nire adinean, jolas eta barre egiten zenuen, eta abestu.Zuk ere adiskideak bazenituen.Eskerrik asko, Jesus!

15. GURE AURKEZPENA

Jauna, … (neska-mutiko bakoitzaren izena)da nire izena.Ezagutzen nauzu eta nik zure izena ezagutzen dut.

- Zu Jesus zara -.

16. GURE JOSTAILUAK

Bai gauza atsegina dela adiskideak edukitzea!Eskerrik asko, Jauna!Jauna, txirringa bat badut, gainean jartzen eta ibiltzen badakit.Jauna, beribiltxoak baditut, beraiekin jolas eta lasterketak egin ditzaket.Eskerrik asko, Jauna, nire gauzak lagunei utzi eta zoriontsuak egin ditzakedalako.

17. BETI POZIK

Jesus, gure jolasak eta lanak, une goxoak eta txarrak eskaini nahi dizkizut.Lagun iezaguzu beti pozik egoten.

18. ESKERRIK ASKO!

Jainko Aita, eskerrik asko gure jostailu, handi eta txikiengatik, zahar eta berriengatik.Lagun iezaguzu gure jostailuak uzten jakin dezagun

beroiek oparitu zizkiguten pertsonei.

19. JOLASEAN …

Jesus, gaurko egunean zehar zoriontsu egin gaitzazu gure jolasetan.Lagun iezaguzu atseginak izaten, besteei jolasean uzten, tranparik gabe jolas egiten eta jolasean ez haserretzen.

20. JAIAK

Jesus, jaiak gustatzen zaizkit.Jaia alaitasuna da, jolas egitea da, barre egitea da, abestea da, gurasoekin, senideekin eta lagunekin bapo pasatzea da.Eskerrik asko jaiengatik!

21. ESKERRAK ANDEREARENGATIK

Gure andereñoarekin atsegina da ikastea.Beti dago lagundu eta aholkatzeko hurbil, eta berari esker irakurtzen eta idazten badakit.

Hain erraza da gurea bezalako andereñoak maitatzea!Eskerrik askoJainko maitea.

22. NIREKIN ZAUDE

Jainko maitea, beldur pixka bat ematen dit igerilekura botatzeak.Baina badakit ondoan zaitudala, bai hemen, bai uretan, nire pausu guztiak gidatuz.

Jainko maitea,Zu lehendabizi!

23. TOKI GUZTIETAN ZAUDE

Jainko maitea, soka saltoan ibiltzea atsegin dut, joko gehiago ere atsegin ditut.Mesedez, zatoz nirekin toki guztietara.Zatoz nirekin eta ikusiko duzu zein ondo pasatuko duzun.

Jainko maitea, egingo al dugu salto biok batera?

24. NIREKIN JOLASTUKO AL DUZU?

Jainko maitea, nire ondoan zaudeneangustatzen zait pilotari ematea.Biok elkarrekin, irabazteko prest.Pare gabeko bikote bat osatzen dugu biok.

Jainko maitea, prest al zaude?

25. BULTZA NAZAZU

Zabuka ibiltzean, Jainko maite, zeruraino iristen naiz ia.Altuago ere igo …Bultza nazazu, ea iristen naizen.

Jainko maitea, bultza egingo al zenidake?

26. ZURE BILA NABIL

Nire lagunak eta ni gordeketan ibiltzen gara.Oso dibertigarria da eta, nahiz eta zuk ikusten gaituzun, mesedez, ez daitezela konturatu.

Jainko maitea, prest zaude ala ez, oraintxe bertan noa zure bila!

27. NIRE BALOIA NAHI DUZU

Hain atsegin dut baloiaz jolastea euria ari duela ere parkera joaten naizela.Eta, ematen dizkiodan ostikadekin, agian … hara goraino joango da!

Jainko maitea, hor doa!

28. NIRE KOMETAREKIN ZURE BILA

Jainko maitea,

gure kometa aireratzen dugunean, gora eta gora doa beti.Zer gertatuko da egunen batean hodei baten atzean gorde arte igotzen bada?

Jainko maitea, zatoz, goazen gure kometa aireratzea!

29. ESKERRAK JOSTAGAILUENGATIK

Eskerrak, Jainko maitea, tren eta panpinengatik, baloi eta kometengatik, ematen dizkiguzun jostailu guztiengatik, gurasoengatik, lagunengatik,Jauna, geroz eta gehiago maite zaitut.

Jainko maitea, eskerrak egun honengatik.

Gorputza

30. NIRE BEGIEKIN

Aita,Zuk begi bi eman dizkidazu nik ikus dezadan.Egin ezazu, besteei laguntzeko eta besteak pozez betetzeko zer egin dezakedan ikus dezadala.

31. NIRE AHOAREKIN

Nire ahoarekin limurtu edo iraindu, mindu edo goretsi dezaket. Horzka egin edo muxu eman, gezurra edo egia esan dezaket.Beti egia esan nahi dut.Hau da gaurko nire otoitza, Jauna.

32. NIRE ESKUEKIN

Bi esku eman dizkidazu gauza asko egin ditzadan.Egin ezazu ez dezadala dena niretzat gorde.Egin ezazu nire gauzak besteei ematen jakin dezadala.

33. ESKUEKIN FORMA EMAN DEZAKET

Eskuekin ereduak egin, marraztu, igurtzi, agurtu, lagundu … dezaket …Eskerrik asko, Jauna, nire eskuekin

hainbeste gauza on egin ditzakedalako.

34. BEDEINKATU GAUR NIRE ESKUAK

Jesus, bedeinka itzazu gaur nire eskuak, eta bi eskuok gaur egingo dutena maitagarria eta bihozbera, sendoa eta ona izan dadila.

35. BADITUT ESKUAK

Baditut eskuak: itxita, jo eta min ematen duten ukabilak izan daitezke.Baditu eskuak: irekita, goxatu eta igurtzi dezakete.Nire eskuekin laztandu egin nahi dut, Jauna.

36. NIRE ZANGOEKIN

Jauna, zango bi eman dizkidazu lasterka egiteko: eskerrik asko.Erakuts iezadazu jolasean bakarrik daudenengana eta lagunik ez dutenengana lasterka egiten.Erakuts iezadazu triste dauden pertsonengana lasterka egiten,

poztu ditzadan.

37. HAZTEN ARI NAIZ

Lehen txikia nintzen, ez nekien ibiltzen, ezin nezakeen bakarrik lasterka egin, eskutik eramaten ninduten …Orain bakarrik gauza asko egiten ditut: txirringan ibili, irakurtzen hasi, etxean lagundu, ibiltzen ikasten ari naiz.Nire gurasoak pozik daude hazten ikusten nautelako.Eskerrik asko, Jesus, handiago egin nauzulako.

38. GAIXORIK NAGO

Batzuetan, Jauna, ondo nabil, ez daukat inongo minik, zoriontsu naiz!Baina beste batzuetan, gaizki nago, nire gorputza gaixorik dago.Lagun iezadazu, Jauna, zaintzen nautenei eskerrak ematen.

39. GAUR URTEAK DITUT

Jesus, gaur urteak ditut.Eskerrik asko jaio nintzenetik gaurdaino zaindu nauzulako, eta maite nauzulako.Lagun iezadazu sendo eta osasuntsu hazten, eta Zuk bezala besteak maitatzen.

Familia

40. SENDI ZORIONTSU BAT EGIN

Jesus, Jauna, poza ematen digu sendi zoriontsu batean bizi zinela jakiteak.Eskerrik asko gure gurasoengatik, eta gu maitatzen eta zaintzen gaituzten moduagatik.Lagun iezaguzu beroiek maitatzen.

41.BEDEINKATU ITZAZU NIRE GURASOAK

Jesus, bedeinkatu itzazu nire gurasoak eta maite nauten guztiak.Haientzat bihozbera, adeitsua eta esanekoa egin nazazu; laguntzen eta maitekor izaten jakin dezala.

42. BARKAMENA ESKATZEN DIZUT

Jesus, barkamena eskatzen dizut nire anaiarekin haserretu eta borrokatu naizen aldi guztiengatik, eta agintzen didatena egiteko nagi

aurkitzen naizen aldi guztiengatik.Arren, lagun iezadazu, ez ditzadala gauzak egin gabe utzi telebistaren erruagatik.

43. GAUR … (r)en URTEBETETXEA DA

Jesus, gaur …………. (r)en urtebetetzea da.Eskerrik asko jaio zenetik gaurdaino zaindu duzulako, eta maite duzulako.Lagun iezaiozu sendo eta osasuntsu hazten, eta Zuk bezala besteak maitatzen.

44. AMATXO GAIXORIK DAGO

Jesus, amatxo gaixo dago, lagun iezaiozu sendatzen, lagun iezadazu ama zaintzen.

45. ESKERRIK ASKO AITON-AMONENGATIK

Jauna, eskerrik asko aiton-amonengatik.

Eskerrik asko kontatzen dizkiguten kontuengatik, gauzak egiteko ematen diguten laguntzagatik.Eskerrik asko hainbeste maite gaituztelako.Eskerrik asko guri oinetakoak lotzeko eta kalera ateratzeko denbora hartzen dutelako.

46. NIRE JOKAERA EZ DA ONA

Jauna, gaizki egin dut nire gurasoekin haserretzean eta nire senideekin burrukan egitean, eta, batzuetan, gezurrak esatean.Horregatik, barkamena eskatzen dizut.

Eskerrik asko, Jauna!

47. NIRE SENIDEAK

Jesus, nire senideen alde eskatzen dizut.Erakuts iezadazu nire gauzak haiekin elkarbanatzen.

48. NIRE ANAIA TXIKIA

Jesus, eskerrik asko anaia txikia bat izango dudalako.Nire gurasoei lagundu nahi diet, nire anaiatxoa zainduz eta asko maitatuz.

49. BA DUT ETXE BAT

Jauna, eskerrik asko etxe bat dudalako; denok elkar maite dugu eta pozik gaude.

50. GURE ETXEAN

Besteak ikastetxera edo lanera doazenean etxean gelditzen diren guztien alde eskatzen dizugu, batzuk txikiagoak direlako, besteak zaharregiak direlako, eta beste batzuk etxea zaindu behar dutelako.Lagun iezaguzu haiei eskerrak ematen.

51. GURE GURASOEN LANAK

Jainko maitea, gaur ere lanean ari zaizkigun gurasoak zaindu ditzazula eskatzen dizugu: autobus eta trenetako gidariak zaindu, jendea lantegira iritsi dadin; meategi eta harrobietan lan egiten dutenak, uztak eta abereak zaintzen dituztenak; janariak ekartzen dituztenak eta azoketan saltzen dituztenak; gure osasuna zaintzen dutenak eta gure irakasle guztiak zaindu.

52. GURASOEK MAITATZEN NAUTE

Nire gurasoak maitasunez beteak daude.Niretzat ama aukeratu zenuenean, xamurtasunean pentsatu zenuen; niretzat aita aukeratu zenuenean, etxean pentsatu zenuen.Ez al d horrela, Jainkoa?

Jainko maitea, nire ama aukeratu zenuenean, ba al zenekien honenbeste maitatuko nuela?

53. ESKERRAK AITON-AMONENGATIK

Askotan aiton-amonei bisita egiten diet eta lore eta marrazkiak eramaten dizkiet.

Beraiek ea zer moduz eskolan galdetzen didate, beti nirekin egiten dute jolas eta ipuinak kontatzen dizkidate.

Eskerrik asko aiton-amonengatik,Jainko maitea.Hain onak dira!… batez ere nireak.

Eguberria

54. GAINEAN DUGU EGUBERRIA

Eskerrik asko, Jainkoa, laster Eguberria dugulako eta jaiotza jartzen dugulako.Eskerrik asko, Jainkoa, gero Erregeak datozelako eta jostailuak ekarriko dizkigutelako.Eskerrik asko, Jainkoa, bake eta poz egunak direlako.

55. EGUBERRIA MUNDU GUZTIAN

Aita, Eguberri-jai hauetan,Jesusen jaiotza ospatzen dugun honetan, pertsonek ez dezatela sufritu, ez goserik eta gaixotasunik izan.Mundu guztian alaitasuna eta itxaropena izan daitezela.

56. EGUBERRIAK FAMILIAN

Jesus, Jauna, triste daudelako Eguberri-jaiak ezin ospatu dituzten familien alde eskatzen dizut gaur.

57. HAINBESTE GAUZA ON

Jauna, erakuts iezaguzu dirurik kostatzen ez duten hainbeste gauza on aurkitzen: alaitasuna, maitasuna, bakea, adiskidetasuna.

58. EGUBERRIA OSPATU

Jauna, Eguberri alai honetan gauza negargarririk ez dadila gerta.Munduan bakea izan dadila eta elkarbanatu dezagula; eta behartsuek ere gure alaitasun berarekin jai hauek ospa ditzatela.

59. EGUBERRI-JAIEN ALAITASUNA

Eskerrik asko, Aita, Eguberri-jaien alaitasunagatik: oinetakoetan erregaloak aurkitzeak ematen duen pozagatik, argi politez apaindutako Eguberri-zuhaitzengatik, iruditxo eta mendiz apaindutako jaiotzagatik.Eskerrik asko, Aita, Eguberri-jaietako zorion guztiagatik, ematen dizkiguten erregalo polit guztiengatik.Batez ere, eskerrik asko, lehenengo Eguberri-egunean Jesus, haurra, jaio zelako.

60. HAURTXO TXIKIA

Loa, loa, ametsetan haurtxoa loa, loa, negua badoa.Haurtxo txiki bat sehaskatxoanBelengo estalpean izar bat zeruan ageri da hauxe da zoriona!

Jainko maitea, eskolan abesteko, gabonetako kantak entsaiatzen egon naiz.Zuri eskaintzen dizkizut!

61. TRANKATRAN

Trankatran, arre, arre, arre zaldiz datoz hiru errege:Baltasar, Maltxor eta GasparUrte-berri eta Urte-zahar.

Ai, oi, gabaren on!Jaio berri hori non dugu, non?

Jainko maitea, denok ikusi genuen zure izarra.

62. ESKERRAK OPARIENGATIK

Eguberri egunean, nire gozo eta opariak besteekin banatu nahi ditut.Nire gauzak ematean, Jauna, zuk diguzun maitasuna eskertzen dizut.

Jainko maitea, zuretzat opari polit batean pentsatzen egon naiz.Zer gustatuko litzaizuke Eguberri honetan?

63. JESUSEN URTEBETETZEA

Jauna, Eguberria zure urtebetetzea da, eta orain da zure maitasuna gehien konpartitzen dudan garaia.Nire lagun guztiei idazten diet eta beraientzat hoberena nahi dut.

Jainko maitea … jai hauetan gugandik oraindik hurbilago egon zaitezen nahi dugu denok.

64. JESUS MAITE DUT

Nire bihotzeko Jesus, ni bezalako haurtxoa zara, horregatik hainbeste maite zaitut, eta nire bihotza eskaintzen dizut, har ezazu, har ezazu, zurea da, nirea ez.

Jainko maitea, gu bezalako haur bat etorri da mundura.Eskerrik asko, Jauna.

65. OPARI BEREZIAK

Jainko maitea, opari batzuk ditut emateko: muxu bat, irribarre bat, nire maitasun osoa.Denontzat berdin banatu nahi dut.… lagunduko al didazu?

Jainko maitea, Eguberri maitasuna da.

66. EGUBERRIA

Eguberri-eguna, egun berezia da.Urte osoa zain eta, azkenean, iritsi da.Eskerrik asko, Jainko maitea, zure maitasun handiarengatik.Eskerrik asko egun berezi honengatik.

Jainko maitea, eskerrik asko

Jesus bidaltzeagatik.

67. JESUS, OPARIRIK ONENA

Eguberria denontzat da, berdin da adina, berdin kolorea.Eta Jesus gure oparirik onena da, zure maitasunaren frogarik onena, Jauna.

Jainko maitea,Eguberri-jaiak ospatzea miragarria da.

Hurrengoak laster iritsiko al dira?

Natura

68. LURRAREN HOTSAK

Eskerrik asko, Jauna, haizea eta musika, hegazkinak eta txorien txintak eta leihoetako euri tantak entzun ditzakegulako; gure izenak entzun ditzakegulako eta Zu, gure Aita zaren hori, belarri eta bihotzarekin entzun zaitzakegulako.

69. EURIAREN ERREGALOA

Eskerrik asko, Jainkoa, euriagatik eta ortzadarraren kolore politengatik eta haurrei putzuetan jolasten uzteagatik.

70. ZENBAT GAUZA HARRIGARRI

Jainkoak egin ditu gauza guztiak.Zerua, lurra, itsasoa, eguzkia, ilargia eta izarrak eman dizkigu.Berak eman dizkigu abereak, txoriak eta landareak, mundu guztia eman digu guztion etxe izan dadin, eta dena maite gaituelako egin du.Eskerrik asko, Jainkoa.

71. UDABERRIA

Eskerrik asko, loretxoak eman dizkiguzulako, bai eta fruituak ere.Eta beren etorrerarekin poza eta edertasuna dakarzkigutelako.

72. NEGUA

Aita, eskerrik asko neguagatik.Eskerrak egun hotz eta izoztuengatik,

orduan jauzika, korrika eta berotzen ibiltzen gara; elurragatik eta hango jolasengatik; soineko bero, berogailu eta otordu beroengatik.

73. UDA

Eskerrik asko, Aita, udak dakarzkigun poz guztiengatik, argitzen eta berotzen gaituen eguzkiagatik eta hain atsegin zaigun itsasoagatik.

74. UDAZKENA

Eskerrik asko, Jesus, udazkenean kanpoan egiten ditugun jolasengatik.Gustatzen zaigu hosto iharrekin jolas egitea eta beraien kolore politak begiratzea.Eskerrik asko, Jesus!

75. NIRE ZENTZUEKIN

Eguzkia distiratzen ikusten dut, errekaren joanagoa entzuten dut, zelaiko loreak usmatzen ditut, zeruko hegaztiei entzuten diet.Eskerrik asko, Jesus, eguzki, ur, lore eta txoriengatik.

76. ESKERRAK ABEREENGATIK

Aita, Jainkoa, laguntzen diguten abereengatik (behia, …) eskerrik asko; gure etxeak zaintzen dizkiguten eta itsuak gidatzen dituzten txakurrengatik.Bai eta ere eskerrik asko barre eragiten diguten abere bitxiengatik.Denak ondo zain ditzagula.

77. AITA, … EMAN DIGUZU

Aita, hainbeste gauza polit eman dizkiguzu …Lagun iezaguzu gauza horiek zaintzen, maitatzen eta gordetzen.

78. HANDI EGINGO NAIZENEAN

Jesus, gustatuko litzaidake, handiago egiten naizenean haizea kutsatuko duen fabrikarik ez izatea eta gizona natura hondatzen ez jarraitzea.

Oraindik txikia naizenez, Jesus, lagun iezadazu jolastoki eta ibilbide ditudan parkeak zaintzen.

79. JAINKOAK SORTU DU MUNDUA

Jainkoak sortu zuen mundua maite dut, biziz eta alaitasunez betea, eta gaur bezalako egun bat argitzen badu, eguzkiz betea, bihotzez ematen dizkiot berari eskerrak.

Jainko maitea, eskerrak horrelako gauza ederrak

sortzegatik.

80. ZEIN HANDI ZAREN

Jainko maitea, nire begiak ez dira nekatzen, zuhaitzak, ibaiak eta itsasoa begiratzean.Gauza guztiei kolore berezi bat eman diezu, hain polita, zuk bakarrik sor ditzakezu horrelakoak.

Kolore asko zenituen, itsasoa, zerua eta lurra sortzerakoan …Jainko maitea, bai ondo nahastu zenituela!

81. ESKERRAK EGUZKIAGATIK

Eskerrak eguzkiagatik, Jainko maitea.Distiratsu dagoen eta berotzen gaituen eguzki horrengatik.Zure maitasunaren xamurtasuna gogorarazten dit.

Jainko maitea, eguzkia distiratsu dago.Zu ere zoriontsua al zara gaur?

82. ESKERRAK IZARRENGATIK

Noizbehinka, zerura begiratzean, izar erratu bat ikusten dut.Gordetzea gustatuko litzaidake …Emango al didazu bat?

Jainko maitea, izarrak zeruan zintzilikatu zenituenean,

ba al zegoen bat niretzat?

83. ESKERRAK HAIZEARENGATIK

Jainko maitea, ez dut haizea ikusten, baina nire aurpegia laztantzen duenean edo ilea nahasten didanean sentitzen dut.Horrela zaude zu beti, nire ondoan momentu guztietan.

Jainko maitea, prest? Orain! Putz egin ezazu!

gehiago, gehiago, gehiago … !

84. ESKERRAK ABEREENGATIK

Zuk sortu zenituen xomorroak eta hegaztiak.Denak ezberdinak dira eta ni maite nauzun bezala maite dituzu denak, ez da, Jainkoa?

Jainko maitea, Zuk ezagutzen gaituzu.

Txoritxo horren izena esango al zenidake?

85. MASKOTA BAT NAHI DUT

Maskota bat izatea gustatuko litzaidake, zaindu eta maitatzeko.Txakurtxo bat izango banu,Jainko maitea, denok egingo genuke jolas berarekin:Zuk, nire lagunek eta nik.

Jainko maitea, zergatik ez didazu txakur txiki bat ematen?

Horrela, txakurtxoak egiten dituenean, bat erregalatuko dizut.

Ondo iruditzen al zaizu?86. ESKERRAK LANDAREENGATIK

Landareak eta zuhaitzak ederrak dira.Ez dakite hitz egiten, ez eta pentsatzen ere.Baina zu zaude, Jauna, zuk zaintzen dituzuEta ura ematen diezu egarriz daudenean.

Ura behar genuen, landareak lehorrak zeuden eta edan beharra zeukaten.Eskerrak, Jainko maitea, ura bidaltzeagatik!

Beharrean dauden

pertsonak

87. BAKEA GIZONEN ARTEAN

Jesus, denok elkarrekin bakean bizitzeko esan diguzu Zuk.Horregatik gizonen artean bakea izan dadila eskatzen dizugu, gerrak, indarkeria eta borrokak buka daitezela.

Bakea egin dezagula poza emanaz, bihozberaz izanaz, besteei lagunduz eta guztiei barkatuz.

88. GUZTIONTZAKO ETXE BAT

Jesus adiskide: babes itzazu beren etxe goxoak, hondamenagatik edo gerragatik, utzi behar izan dituzten guztiak, eta etxerik gabe dauden guztiak.

89. DAUKAGUNA ELKARBANATU

Jauna, hotzez daudenentzat beroa eskatzen dizugu; eman iezazkiezu etxea, sua, ogia eta jantziak.

Egin ezazu denok jakin dezagula daukaguna elkarbanatzen.

90. GAIZKI BIZI DIRENENGATIK

Jesus Jauna, gaur gaizki ibiliko diren haien alde eskatzen dizut: beren seme-alabentzat zer janik ez duten amen alde; beren familientzat aski irabazten ez duten aiten alde; gaixorik edo beldurrez bizi diren haurren alde; bakarrik eta nork maitaturik gabe bizi direnen alde.

91. BESTEENTZAT ZERBAIT

Jauna, besteen alde zerbait egiten jakin dezagula geurekoiak izan gabe,Zuk egin zenuen bezala.

92. JESUS, IZAN GUZTION ARDURA

Gure zori ona ez duten haur guztiez ardura zaitez, Jesus; ez baitute ez ikastetxerik, ez jantzirik, ez jostailurik, eta ezin daitezke gu bezain ondo bizi.Egin ezazu ez dezagula dena geuretzat gorde, gure gauzak besteei ematen jakin dezagula.

93. LANIK GABE

Jauna, lagun iezaiezu lanik ez dutenei.Familiei lagundu, langabeak adoretu ditzaten eta lehenbailehen lan bat aurki dezaten.Ez diezaiegula sekulan gaitz ordez gaitza itzuli.

94. LAGUN IEZAGUZU, JAUNA

Jainko Aita maitea: Eskerrik asko ikusi dezakegulako:

- itsuei lagun diezaiezula eskatzen dizugu.

Eskerrik asko entzun dezakegulako:- gorrei lagun diezaiezula eskatzen

dizugu.Eskerrik asko hitz egin dezakegulako:

- mutuei lagun diezaiezula eskatzen dizugu.

Eskerrik asko jauzika eta jolas egin dezakegulako:

- mundu guztiko haur gaixo eta ezinduei lagun diezaiezula eskatzen dizugu.

95. GAIXOEN ALDE

Jauna, gaixorik dauden pertsona guztiak onera egin dezatela eta, ahal balitz, senda daitezela eskatzen dizut.

96. GEURE POZA ELKARBANATU

Eskerrik asko, barre egiten eta triste daudenak pozten erakutsi diguzulako.Eskerrik asko pailazo, barrezko tebeo eta marrazki bizidunengatik.

97. GUZTION AITA ONA

Jainko Aita,Zutaz sekula entzun ez duten neska-mutikoen alde eskatzen dizugu, misiolarien bitartez Zu guztion Aita Ona zarela jakitera iritsi daitezen.

98. GURE ATSO-AGUREAK

Jauna, gaur gure inguruan bizi diren adineko pertsonak ditugu gogoan.Batez ere bakarrik daudenak, behartsuak eta, ikustera joango zaienik edo kalera aterako dituenik ez dutenak.Ez ditzagula ahaztu eskatzen dizugu.

Maria

99. JESUSEN AMA

Maria, zu zara Jesusen Ama, zu zara gure Ama.Eta Jesus bezala maite

gaituzu.Haren antzeko egin gaitzazu!

100. ASKO MAITE DUT AMATXO

Maria, nik badut ama, baina amarik ez duten haurrak badira.Maria Birjina, asmo maite dut amatxo.

101. AMATXO BEZALA

Maria, etxean zeundenean zuk taxutzen zenuen dena: garbiketa egin, gosariak prestatu, denok pozik egon zitezen, lagunak etxera deitu … Amatxok bezala.Maria, kalean zenbiltzanean, auzokoek deitutakoan gelditu egiten zinen, presaka ibili arren … Amatxo bezala.Maria, zuk Jesus zenuen buruan, lagun iezaguzu Jesusengan pentsatzen.

102. AMA ZARA

Maria, zu Jesusen amara zara.Beren seme-alabengatik hainbeste egiten duten ama guztien alde eskatzen dizugu; zuk ere asko egin baitzenuen Jesusen alde.

La Salleko Joan Bautista

103. LA SALLEKO JOAN BAUTISTA

Eskerrik asko, Jesus,La Salleko Joan Bautista haurren lagun egin zenuelako.Eskerrik asko, Jesus,La Salleko Joan Bautistak haur behartsu eta baztertuak maitasun xamurrez zaindu zituelako.

104. BABES GAITZAZU GUZTIOK

La Salleko Joan Bautista haurrak eta gazteak maite zenituen horrek, babes gaitzazu guztiok,

batez ere goserik, hotzez edo gaixorik dauden haurrak.

105. ESKERRIK ASKO LA SALLEKO JOAN BAUTISTA

Eskerrik asko, La Salleko Joan Bautista,gure adiskide zarelako.Eskerrik asko, Joan Bautista, gure guraso, irakasle eta Anaiek egunero zu gure adiskide zaitugula gogoratzen digutelako.

106. IKASTETXERIK GABEKO HAURRAK

Guk bezala haur guztiek ikastetxe bat izatea nahi izan zenuen zuk.Ikastetxerik ez duten eta gauza asko ezin ikasi ditzaketen haurren alde

eskatzen dizugu.

Pazkoa

107. AITA MAITEA

Jainko Aita maitea, eskerrik asko maite gaituzulako eta gure bizitzako egun guztietan zaintzen gaituzulako.Ez gaitezela zure maitasunaz ahaztu eta maitasun hori ordaindu diezazugula.

108. ALDAMENEAN ZAITUGU

Jesus, gure adiskide, Zu bizirik eta gure aldamenean zaudelako, ezerk ez digula beldurrik sartu behar gogoan edukitzen lagun iezaguzu.

109. GURE ARTEAN BIZI ZARA

Jesus, ez zara sekula aspertzen

gu maitatzen eta gure hutsegiteak barkatzen.Eskerrik asko, Jesus, gure artean bizi zarelako.

110. BARKATZEN LAGUN IEZAGUZU

Jesus, Jauna, badakigu nola barkatu zenituen zure hiltzaileak.Kalte egin digutenei barkatzen lagun iezaguzu.Ez dezagula inoiz gaitzik itzuli gaitz ordez.

111. GUREKIN BIZI ZARA

Jesus, guregatik hil zara, betidanik maitatu nauzulako.Baina oso pozik nago piztu zarelako eta gurekin bizi zarelako.

112. ESKERRIK ASKO HORRENBESTEKO MAITASUNAGATIK

Jesus, bai maite izan gaituzula.Eskerrik asko hainbesteko maitasunagatik.Jesus, zuk gugatik eta gizon-emakume guztiengatik sufritu duzu.

Eskerrik asko hainbesteko maitasunagatik.Jesus, zuk zure bizia eman duzu gu salbatzeko.Eskerrik asko hainbesteko maitasunagatik.Jesus, zu gurutzean hil zara gu beti bizi gaitezen.Eskerrik asko hainbesteko maitasunagatik.

Beste otoitz batzuk

113. GURE AITA

Gure Aita, zeruetan zarena, santu izan bedi zure izena, etor bedi zure erreinua, egin bedi zure nahia zeruan bezala lurrean ere.Emaguzu gaur egun honetako ogia; barkatu gure zorrak, guk ere gure zordunei barkatzen diegun ezkero eta ez gu tentaldira eraman, baina atera gaitzazu gaitzetik.

114. AGUR MARIA

Agur, Maria, graziaz betea;

Jauna da zurekin; bedeinkatua zara zu andre guztien artean, eta bedeinkatua da zure sabeleko fruitua, Jesus.

Santa Maria, Jaungoikoaren Ama, erregutu gu bekatarion alde orain eta geure heriotzako orduan. Amen.

115. AINTZA AITARI …

Aintza Aitari eta Semeari eta Espiritu Santuari.Hasieran zen bezala orain eta beti gizaldi eta gizaldietan. Amen.

116. JAINKO MAITEA

Jainko maitea, Zuk maitasunez bete duzu mundua.Eskerrik asko gu denoi emateagatik, ni bezalako neska-mutilei, arraza edo kolore bereiztu gabe.

Maitasuna, maitasuna eta maitasuna.Horixe da zuk ematen diguzuna,

Jainko maitea.

117. ESKERRAK, JESUS

Eskerrak ematen dizkizut, Jesus, aurrera jarraitzen laguntzen didan maitasunagatik.Besteekin ondo portatzen naizenean, maitasuna de … zuri nahi dizut erakutsi.

Jainko maitea, bai, Jesus zure semeak ere maite gaitu.

118. ESKERRAK LAGUNENGATIK

Nire lagunengatik nahi dizkizut eskerrak eman, Jauna.Haiek ere zure lagunak dira, denok elkarrekin elizara joaten gara eta zure neurrigabeko maitasunarengatik ematen ditugu eskerrak.

Jainko maitea, maitasuna zoragarria da.

119. JAINKO MAITEA, MAITE NAUZU

Beti izan dut zure maitasuna,Jainko maitea, inoiz ez zara niregandik aldendu.Nahiz eta ni lotan edo bidaian izan; oso oso urruti, beti zaude nire ondoan.

Jainko maitea.Zuk zuzendu eta maite nauzu … zaintzen eta aholkatzen nauzu …

maite nauzu.

120. JAINKO MAITEA, NIREKIN ZAUDE

Jainko maitea, zure besoak sumatzen ez baditut ere, nire ondoan sentitzen zaitut, egunero besarkatzen nauzu behar dudan maitasuna emanez, zuregan dagoen xamurtasuna emanez.

Jainko maitea, emadazu musu bat!

121. JAINKOAK LAGUNTZEN NAU

Jainko maitea, nire gogoak igartzen dituzunean beti lagundu nahi didazu …Asko gustatuko litzaidake jakitea ea arrainak amuari kosk egingo ote dion!

Zuk arrantzan dakizu, Jainko maite.Zergatik ez didazu

pixka bat laguntzen?122. JAINKO MAITEA, ZATOZ NIREKIN

Batzuetan galduta sentitzen naiz … oso bakarrik.Ez dakit zer egin ez eta nora joan ere.Eskerrik asko, Jainko, aurkitzeagatik.Zure alboan egonez hain naiz zoriontsu!

Jainko maitea, galdu egin naiz.

Mesedez, zatoz nirekin.

123. ENTZUTEN NAUZU

Oso, oso triste nagoenean, eta bakarrik negar egiteko gogoa dudanean,

Zuk, hain ongi ezagutzen nauzun horrek, hitz eta irribarre egiten didazu, agudo jolastera itzul nadila egiten duzu.

jainko maitea, sniff …Utz iezadazu zurekin hitz egiten … sniff,

zuri nire penak kontatzeko beharra daukat:

eta orduan heldu nintzen …eta gero …

Buaaaa!

124. MAITE NAUZU

Zergatik naiz hain txikia, Jainko?Uste dut sekula ez naizela nire anaia bezain handia izango, baina badakit zuk maite nauzula nahiz altua nahiz txikia izan.

Jainko maitea, laguntaldeko txikiena naiz.Egin al dezakezu besteak ez daitezela

haz nik haiek harrapatu arte?

125. EMADAZU PAZIENTZIA

Jainko maitea, batzuetan haserre bizian nago gauzak ez baitira ateratzen nik nahi dudan bezala.Mesedez, lagun iezadazu besteak ezagutzen eta erakutsi egokiena esaten une bakoitzean.

Jainko maitea, mesedez, lagun iezadazu

pazientzia izaten!

126. ZU BEZALAKOA IZAN NAHI DUT

Zugan pentsatzen dudanean, gauzak hobeto egiten ditut.Jarrai ezazu ni gidatzen, Jainko maitea, orain txikia banaiz eta behar zaitut handia izateko.

Handitzen naizenean, Zu bezalakoa izan nahi dut,

Jainko maitea.

127. ESKERRAK ZAINTZEAGATIK

Gauez ezin naiz esna egon, Jainko maitea, lo egin behar dut.Eskerrak beti zaintzeagatik!

Jainko maitea, amak, zuk beti zaintzen nauzula dio.

Ez al duzu inoiz oporrik hartzen?

128. ELKARREKIN AMESTUKO DUDU

Nire Jainkoa, zure laguntza guztia eskertu nahi dizut.Egunero behar zaitut eta beti nire alboan zaude, baita lotan nagoenean ere, ametsetan.

Jainko maitea, jadanik prest nago.Zer amestuko dugu gaur gauean?

129. ESNATUTA AL ZAUDE?

Jainko maitea, oraintxe esnatu naiz eta prest nago lan egiteko, jostatzeko eta pentsatzeko.Zu beti zaude esnatuta, zuk ez al duzu atsedenik hartzen?

Jainko maitea, esna al zaude?

130. EZAGUTZEN NAUZU

Jaio nintzenetik ezagutzen nauzu,Jainko maitea, ni orduan hain txikia nintzen, hitz egiten ere ez nekien …Orain handiagoa naizenez atsegin dut otoitz egitea, zurekin hitz egitea oheratzea noanean.

Jainko maitea, oroitzen al zara

umetxo nintzeneko garai hartaz?

131. BETI NIREKIN ZAUDE

Adiskide baten beharra dudan bakoitzean berari deitu behar izaten diot.Zurekin hitz egiteko, Jainko maite hori, nahikoa zait begiak ixtea eta otoitz egitea.

Jainko maitea, zein hurbil zaitudan

beti niregandik!

132. EZIN ZAITUT ENGAINATU

Noizbehinka, Jainko maitea, inork ikusten ez nauenean, bihurrikeriak egiten ditut.Badakit hori ez dagoela ondo.Gainera, zu ezin zaitut inoiz engainatu.

Jainko maitea, ikusten al duzu egiten dudan guztia?

133. ZUK ULERTZEN NAUZU

Gaur, zuk ez beste inork entzungo dituen gauzak esan behar dizkizut.Zuk ulertzen nauzu … baietz, Jainko maite hori?Gu bion arteko sekretutxoak dira.

Jainko maitea, ondo entzuten al nauzu orain?Badakit emeki-emeki ari natzaizula, zuk bakarrik entzun nazazun.

134. ZURE ADISKIDE TXIKIA NAIZ

Ni nauzu, Jainko maitea, ate joka dabilena.Ni, zure adiskide txikia, zurekin egon nahi duena.

Jainko maitea, ni nauzu.Hau bakarrik esan nahi nizun …

“Maite zaitut”.

135. ZURE ETXERA NOA

Zorionekoa naiz nire adiskide eta auzokoekin abestu eta otoitz egiten dudanean.Zure etxera goaz, Jauna, zure ontasun handia eskertzera.

Jainko maitea, badakizu elizara joan nintzela igandean eta denok zuri abesten egon ginela.Atsegin izan al zitzaizkizun gure abestiak?

136. EGIN DUDANA KONTATUKO DIZUT

Gaur gauza asko egin ditut, Jainkoa.Eskolara joan naiz, nire adiskideekin egin dut jolas, barre eta negar egin dut, eta logura baldin badut ere, une batetxoan zurekin hitz egin beharra daukat.

Jainko maitea, itxaron gaur egin dudan guztia kontatu arte: bada, … …. han egon naiz … … eta gero …. … eta … …

Aurkibidea

1.- Ikastetxea ……………………………….. 1 –

29

2.- Gorputza ……………………………….. 30 –

39

3.- Familia .……………………………….. 40 –

53

4.- Eguberria ……………………………….. 54 –

67

5.- Natura ……………………………….. 68 –

86

6.- Beharrean dauden pertsonak …….. 87 –

98

7.- Maria ………………………………… 99 –

102

8.- La Salleko Joan Bautista …………… 103–

106

9.- Pazkoa ………………………………… 107–

112

10.- Beste otoitz batzuk ………………… 113 –

136