Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSVANGSEI INDANEK. SalbungBooking : 07-12-2017 to 08-12-2017delivery :30-01-2018 (tUe) Time :9AM-tillstockstOCK : 306Commercial refill available

HmasawnnaTharVol-33/106 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

TUOLBUOL (JANUARY) 30, 2018 THAWLeNi (TUesDAY)

NEWS TOMkiMcHANcHIN LAKTAWI

GAS NEWS Agency : SASBooking : 12th. nov. , 2017 to 12th. deC. 2017delivery :30-01-2018 (tUe) Time : 9AM till stock laststOCK : 306 /-rate:Rs. 848/-

Naga Peace Accord in Assam le NE states dang hai 1 inch khawm sukbuoi naw nih: HM Rajnath Singh NeW DeLHi: Central sawrkar le NSCN-IM han inbiekna an zo a ‘Naga peace accord’ sukpuitling a ni hunah Assam state \hangin Northeast states tum tum le Nagaland ramri hai chu ngaitha ni naw nih tiin zani khan Union Home Minister Rajnath Singh in Assam Chief Minister Sar-bananda Sonowal a tiem. Assam CM chun Dima Has-ao district a buoina tlung mek thu Rajnath Singh hi a hril a, “Greater Nagalim” thua buoina leiin mi 2 zetin an hringna an chan pha tah a nih. Rajnath Singh chun, ‘Naga peace accord’ sukfel a ni pha khawm Assam le Northeast states 1 inches

khawm lak pek an ni naw ding thu hrilin, Assam le Northeast states tum tuma um hai chu lungmuong taka um dingin a hril. Dima Hasao district a buoina hi chawlkar khat a tling ta ding a na, central sawrkar le NSCN-IM han

inbiekna an nei mekna-ah “Greater Nagalim” an-nawleh “Greater Naga-land” a um a, chu hnuoia chun Dima Hasao district a Naga hnam hai ‘satellite council’ pek ding an nih ti thuthang um leia pawl tum tum \hangruola protest an

huoihawt a nih. January 25, 2018 a inthawk Maibang area le a se vel-ah protest an huoihawt \an a, police hai leh an insukbuoina-ah mi 2 in an hringna an chan bakah midang 12 vel an hliem ta bawk. December 8, 2017 huna Rajnath Singh Nagaland-a an zin \um khawmin, ‘Naga accord’ le inzawmin North-east state dang hai a tawk buoi naw ding thu le, state border thuah tukhawm buoi lo dingin a lo hril tah a. Hi huna hin ‘Naga accord’ in Arunachal Pradesh, Assam le Manipur hai a tawk buoi ding am ti zawna an lo siem dawnna a Rajnath Singh hin a hril a nih.

Nagaland state le inzawma um Arunachal Pradesh, Assam le Manipur states haia hin tuhin BJP in sawrkarna an siem vawng a, hieng states pathum a Naga hnam hai chengna chu NSCN-IM chun Na-galand (Greater Nagaland) a khum lut dingin central sawrkar an nawr a nih. 1997 a inthawk khan state inter-locutor fethlengin NSCN-IM le central sawrkar han inbiekna an nei \an a nih, Nagaland sawrkar \hangin Nagaland state a pawl tum tum han Assembly election hma ngeia Naga political issues hi sukfel pek dingin central sawrkar an phsunzawmna phek 4-ah

NFSA hnuoia Centre Share Rs.25.43 Cr. Dist 3 Share pek suok

Mipui rawng hi Indiktaka bawl kan tum a nih: Karam SyamiMPHAL: CAF&PD, Rev-enue, Relief & Rehabilita-tion Minister Shri Karam Shyam chun, National Food Security Act (NFSA) April 2016 a inthawka a um china inthawkin sawrkar hmasa khan 2016-17 sung po Fair Price Shop hai marginal money le Transporters’ Fare (Rs.65 per Quinton) a la pek naw leiin tuhin pek suok mek a ni thu a hril. Zanita CAF & PD con-ference hall-a press confer-ence a neinaa chun, Public Distribution-a mipui ta din-ga rawngbawlna kawngah tuta sawrkar chun indiktak le inlangtlang takin mipui rawng a bawl ding thu a hril. Minister chun abikin NFSA Central Assistance (bufai) le Indian Oil Cor-poration thautui (Oil) hai indiktaka mipui kuom a tlunga, thautui le bufai hai khawm quality \ha tak pek a ni theina dingin theitaw-pin hma a lak niin a hril. “NFSA a um china in-thawkin a hmasatakna din-gin Transporter hai Bill chu

sukfel a ni tah. A hmasata-kin Imphal West district-a Fair Price Shop agent hai kuomah April 2016-March 2017 le April 2017-Septem-ber 2017 (thla 18) Cheque a rengin Rs. 2, 37, 89, 020 chu Cheque pahni Rs. 1, 57, 56, 044 le Rs. 80, 32, 976 haiin peksuok a nih” tiin minister chun a hril. Hi hun sunga mi bawkah Thoubal district ta dingin Rs. 2, 21, 82, 264 pek suok a nih a. Kangpok-pi district-a dingin April 2016-May 2017 sunga mi (thla 14) Rs.24, 75, 512 pek suok a nih bawk. District danghai po po chu an lekhahai sukfel a ni

phat leh concerned DC & DSO hai fethlenga pek an ni ding thu a hril bawk. “Sawrkar thlungpui-in NFSA Central Share Rs.25.43 Crore a hung pek thei ta leiin Food Security Act le inzawma Transport le Fair Price Shop hai har-satna chu tuhin ei hung phuhruk thei ta ding a nih” tiin a hril. Zani ta pek suok po hi Rs. 4, 84, 43, 778 a nih a. Hieng po po hi mipuihai hmakhuo ngaina leia seng-so niin, sawrkar chun mipui rawng indiktak le fel takin a bawl pei ding thu a hril bawk.>>sunzawmna phek 4-ah

Duma siem thil cheng tamtak manhu an man

CCPUR: January 29, 2018 khan ASP (Law & Order)/ (Ops) le officer dang dang hai inrawina le SP, CCPur enkaina hnuoiah District Police han CCPur khawpui sung a Old Bazar, Tuibong le New Bazar haia dawr le go-down hai an dapnaah Duma siem thil (tobacco products) cheng tam tak manhu ding dapdawkin an man. Thil an man hai lai

hin Sadar 901, Baba 120, Baba Black, Sajan Tobaco, Balkimi Tobacco, Rally Khaini Tobacco; Nerula Tobacco, Baba 120 le a dang dang a \hang a, thil mana um hi Rs. 4 lakh manhu vel ni dinga hisap a nih tiin Police thusuok chun a hril. Hieng thil mana um hai le hin a zawrtu mi 7 man an ni bawk.

|awng thua harsatna a um nawna dingin ‘teaching method’ siem danglam a \ul: Edn. Minister

iMPHAL: Education Min-ister Pu Thokchom Rad-heshyam chun tlangram le phairam a schools le an in-chuk hai chu enkhi a, abikin Primary stage a inchuk-lai le teachers han \awng thua harsatna an tuok hlak sukbona dingin ‘teaching method’ siem\hat a \ul a nih tiin a hril. Pu Radeshyam chun Manipur state hi hnam chi hran hran \awng tum tum hmang 36 zet chengna hmun a nih tiin a hril bawk. Zanita State Council of Educational Research and Training (SCERT), Mani-pur le National Council of Educational Research and Training (NCERT), New Delhi hai hmalakna a Mul-

tipurpose Hall, SCERT, Lamphelpat hmuna ‘Re-gional Consultation Work-shop on Post-NAS Inter-ventions’ hmangna huna khuollien ni puma Pu Radeshyam hin hi thu hi a hril a nih. Pu Radeshyam chun, teachers han students hai an inchuktirna kawngah an thlirna tukver an hawng

lien pei tah chu lawmum a ti thu a hril a, an subject chau ni lovin, naupanghai theina khel suokpui tumna hin inchuklai hai chu mi le inbiekna (communication), ngaituona thar neia thil thar siem suokna le harsatna an tuok huna mani a chingfel tumna lungril a pek ding a nih tiin a hril.

Pu Radeshyam in a hril peina-ah, NASA’s Space Settlement Competition Awardee le Class 10 in-chuklai Tapaswini Sharma project ‘Kirithra Orbiss’ a lawmpui thu a hril. Text books le marks insang tak hmu el hi a hun tawk nawh a, students hai chu sukphur a, thil thar anni ngeia an hmusuok le an siemsuok theina ding lampui siem pek ding an nih. Classrooms hai chu ngaituona thar neina le ‘research oriented’ hmuna siem ding an na, chu hmuna chun naupang lungril \ha le thienghlim tak nei hai chu miropui ni dinga sukphura keihruoi ding an nih tiin Pu Radeshyam chun a hril.

Martyrs’ Day hmang dingiMPHAL: Vawituk dar 10:10 AM le 11:04 AM inkar sung hin Home De-partment hmalakna in Gan-dhi Memorial Hall, Imphal-ah Martyrs’ Day hmang ning a tih. Hun hmangna a hin Governor Dr. Najma Heptulla le Chief Minis-ter Pu N. Biren Singh hai khuollien le functional president in \hang an ta, Manipur sawrkar hnuoia department le ministries tum tuma \huoitu han pro-gramme uop bawk an tih.

Inruithei Rs. 1 lakh manhu leh nuhmei pakhat maniMPHAL: Thoubal Polcie le Narcotics and Affairs of Border (NAB) \hangruol han January 28, 2018 zan-tieng 3PM khan All Li-long Anti Drug Association (ALADA) le Anti-Social Prevention Organisation (ASPO) hai \hangpuinain Lilong hmuna Ms Serabanu @ Abem (30), w/o Minha-dur Rahman of Lilong Ha-oreibi Chandrakhong cheng-nain an dap a, inruithei Rs. 1 lakh manhu leh an man. Inruithei mana um hai lai hin Heroin No. 4 88.3 grams; Brown Heroin No. 4 powder 13.3gm; WY (World is Yours) mum 1,275 le Nitrogen-10 mum 289 a \hangsa. Hi le inzawm hin Lilong Police station-ah case reg-istered le suizui mek a nih

tiin W. Basu Singh, SP of Police/NAB chun NAB Of-fice, Imphal-a Press confer-ence huna a hril. Thu indawnna nei hunah Ms Abem chun brown sugar kg. 1.5 zet chu Polie-a ASI Basiruddin of Lilong Haoreibi Lou Manga, tuta Noney Police Police station-a posting mek kuomah a lo pek ta niin an puong a, an bihmang leiin Police chun

man dingin an zawng mek niin Meghachandra chun a hril. Hi bka hin Jan. 4, 2018 khan NAB personnel M. Kishorekumar chu drugs a sumdawngtu mana um pakhat kuoma inthawka a lak brown sugar 1.7 kg a thupruk leiin a sina inthawk suspended niin judicial cus-tody-ah sie mek a nih tiin Meghachandra chun a hril.

Hmasawnna Thar2 TUOLBUOL (JANUARY) 30, 2018 THAWLeNi (TUesDAY) ARTiCLe/HeALTH & eMPLOYMeNT NeWs

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

EditorialThu lawmum

VAWISUN THUPUILalpa \ina chun kul nghettak a siem a; a thlahai chun inhumhimna hmun nei an tih. Lalpa \ina chu hringna tuikhur a na, thina chânghai pumpelna a nih. ~ Thuvarhai 14:26-27

SATHU UMBÛR RUOK LE TIPAIMUKH BIEL SAWRKAR OFFICE

~Daniel Lalsanhim

Sathu umbûr a ruok phât chu a neitu ta ding khawmin \angkaina a nei naw a. Vawm rátin tapsaingo a hluo thei \awk chau a. Pansak panthlang in kawl le kieng el chau ni lo, tu le te sathu lawr tum hmai mawk deuvin a’n kir hlawsam tir rawp hlak. Christmas le kum thar lawm laia vawk that naw hlak ran that a’n khât a, sathu umbûr khawm inpha mat hman lovin a ruok inhil bar a. Maikuong sathu changal hme inhuom bâwt inrawpna khawm chu râwp a sukna zuol saua. Sathu um nghal lo me chu, sathu changal hme inrâwp chu chil a thlawna mi’n lem liem tir tu chau a nih. Sathu umbûr a ruok leiin maikuong sathu changal, a tui buong kawra ei suong tum khawm a thu um remchang tak sithu chun lung tlu lo deuva suong a \ul lem tah. Sithua suong el naw chu thaw ding a um nawh. Republic day, Independence day le sawrkar nipui bîk am a ni chânga Tipaimukh biela sawrkar thawktu an hung viet anga sathu umbûra sathu thun chu Christmas, kum thar le vangduoi leia vawkvai that ngei ngei \ul. Chu hma po chu sathu umbûr inhil bawr bawr a sie hri a nih. Sâ a vang luot leia sathu umbûr a ruok inhil bawr bawr angin Tipaimukh biela sawrkar office hai chu thawktu hmel hmu ding a um ngai nawh. Sathu umbûr ruok ringawt hmanin in khat nu thlai suong a sukbuoi chun Tipaimukh biel sunga sawrkar office thawktu hai um naw leiin a biel mipui an sukbuoi nalawm. Sathu um naw changa sithu hme, chi-al hme mipui chana a tlung, lungawi deuva an suong el ang hin; birth certificate, tribe certificate le lekha pawimaw dang lâk ding ringawtin nei lei ni lovin mamawna an sang em leiin cheng tam tak sengin Churachandpur an hung rawp hlak a. Zing le zân suong insama an um lai Churachandpur fena’n bufai bag hni bag thum man ding an hmang ral phâk a. Hmar biel- Churachandpur lampui \hat naw leia kalman(fare) to em em hi mipui rêk tu pakhat a ni ve bawk. Hieng ang harsatna laka \hangpui tu ding chu dingdihlipa thlirin kum nga dan peia mipuiin sawrkara an palai ding an thlang hlak. Vawisun ni chen hin thutiem sukpuitling theitu ding le mipui mamaw phuhrûk thei tu ding an la um hri nawh. Hmasawnna kawnga Tipaimukh biel mipui ta dingin kawla ni eng suok ve thei lovin thlapa âwk I lem ang elin fakrukna thimpui âwkin indikna kawla hung suok chu a lem zova. Sawrkar hmasawnna Scheme hran hran hieng Pradhan Mantri Gramodaya Yojana(PMGJY), MGNREGS, Rozgar Nirman Yojana(RNY), Swarnajayanti Shahri Rozgar Yojana(SJSRY), Antyodaya Anna Yojana(AAY), National Rural Health Mission(NRHM), Pradhan Mantri Employment Generation Programme(PMEGP) le a dang dang hai hin hmasawnna intlun ta nekin mihriem chu Pathien thuthlung bawsietu’n a siem lem hlau. Hieng hmasawnna Scheme Tipaimukh biela ei hmang dân hai hi sawrkar laipuiin hung hrie nisienla lem chu a fund lak kir tak a nuom hiel ka ring. Tipaimukh biel chu sathu umbûr ruok ang lek sawrkar Office nei eini leiin Manipur biel dang en chun mihriem ei ang ve phâk tawk chau a hawi. Fâk le dawn châklâkna ding lampui ei National Highway hlak chu vangduoi thlak takin Tuiruong vadung \ieu pho ang chau a n’a. Khawvel mihriemin Digital Age (Computer Age) an chuongkaia, khum kil a’nthawk khawvel sak le thlang, sim le hmâr, kil tin kil tang an fang kuol let el lai Tipaimukh biela chu sawrkar hmalâkna’n ieng Telecom Network Tower khawm a la ngir teu nawh. Fûrpui khaw siet laia ruopui vân âwn hnuoia lem chu Mobile Handset pai chu lungtum pai nekin a nêp lem met chau. A vangneia siemin Mizoram network tower in\awmpui thei a la um hrâm a. Hi khawm hi nghei der chang a um bawk. Mipui aia ngir ta rau rau si chun hma lâk vat chi a nih. Parbung Police Station khawm sathu umbûr ruok ang thoa \angkaina nei ve lo a ni leiin Tipaimukh biela dân le thupêk a kengkaw ding an um naw a. Parbung PS chu favang tlanga lo hnawma vate \i nekin a nêp lem a. |angkaina a nei der naw ti inla a suol bêk ring a um nawh. Vate \i ang lek Police Station hang nei ve chu ram ropui ram

ni tla seng lo ram chu ei hmaa kilometer sing tam tak a la um ei inphat ka ring nawh. Ei politician hai lai hin, chu ram ropui chu tu’n am mi’n tlun thei ta’ng a t’a? Sathu umbûr khawm a ruok phât chu \angkai tah nekin hmun a hluo lem a. Tapsaingo a’nthawk sawn suok hiel a ni hlak. Police bo building ringawt Police Station chu aithing bil intam vawng a bil ruok ang a n’a. |angkaina le umzie a nei naw a. Vawk le bâwng ruol Assembly Hall chau naw chun hmangna ding dang a um nawh. Vangnei thlak takin Parbungin vawk le bâwng an lo râwt hlaua, building a \awp naw pha lem. Police um lo Police Station na ná na chu dân le thupêk chu ringnawtu mihai hmaa Bible sie ang a n’a. Zu le sa a hluor zuol a. Damdawi chu ruidawiin(inruina) a’n chang zo tah. |halai tam tak chu Donte’n Spasmindon) a dawn naw chun a tlei thei lo an um nuol a. Lalnunnem(Ganja) bova nun innêm thei lo hrangsie \halai an kat nuk bawk. Dáwn set set lova an khawsak hang en vuot chun hahmai dawk ver verin innui khawm a lo ni el thei. Lungril taka an hmakhuo thlir puma ngaituo chun, ei chipui, ei unau laina \awng khat hmang an ni meu si leiin an hmabâk an khoa, innuina ding a um nawh. Ka hril hnuolna ni lovin ka ngaituoa ramthim Tripura, Bhutan invawi rak rak nekin hnam sunga pawl hran hran hai rawngbawlna chia ka ruot. Hnam a ngirsuok naw chun pawl hin umzie a nei awm si nawh. Sawrkar laipuiin hun khawral le sengso a tlawm lem theina dinga MGNREGS le inzawm DBT(Direct Benefit Transfer) a hang hmang tum ngiela chu, Tipaimukh biel mipui chu Sathu umbûr ruok ang Bank Parbunga ei nei leiin biel dang ruolin kal ei pên thei ve naw phawt chu a nih. Hi lei hin kawitan deuvin mipui Bank account-a Job card sum ei la lâk thei hri naw a. Village Authority le sawrkar office-a sin a tlawm pha thei naw bawk. Job Card a hmang nawna dinga hmang le sawrkar office-a sawt tak tak a chambâng hlak inthielfai tumna khawm chu Tipaimukh biel Bank sathu umbûr ruok ang chau a ni leiin sawrkar hmangaina khawm chu tuhria ding chun ei la dawng ve phak naw a. Thanlon bielin SBI Branch thar kum 2017-a an hawng thar khi naupang fakthei inhnar takin a ruk takin kan hnar ngawi ngawi hlak. Thuneitu mipui aia ngir hai hin mipui harsatna hi an harsatnaa an mi ngai pêk hun ding nghakhla takin ka thlir. Tipaimukh biel sawrkar office hi sathu umbûr bit anga mitin tlân theia a um theina ding chun tuta National Highway Tuiruong vadung \ieu pho anga inhrawt hin mi ram haia National Highway ang a ni a \ul makmaw a. Tuta electric hrui kei zama um mêk khawm hi ram hmangaina lungril puta sinthaw a ni naw chun mani mipui mankhawng kam khum ang tluk ni mei ei tih. Chu chu ni naw hram sien nuom a um. National Highway hin a hmel hmang dik tak a put zo huna chu, a sunga cheng Hmar mipui hai hin khawpuia chenghai neka nei naw sa saa bufai man tam lema ei fâk rawp hlak hi bân ta’ng ei t’a. Rethei le harsa’n khawsa zing bík ta nawng ei t’a. MLA le MDC ngaisak naw khawm tuta ang hin inlang ta naw nia. Ei lo thlai hmasuok ei sie \âwp hlak hai hi Silchar, Aizawl, Churachandpur zuk châwm ta’ng ei t’a. Chu huna chu Lova ei sie \âwp hlak thlai thar man chu nupui kawnga mansate nghâk ta’ng a t’a. Papui dum ziel man le naupang fâkthei man bêk lo kêp ta’ng a tih. Ei tlangram hring dum duoi hi thlaler ram \awl, hnusawn ramin inchangtir phal lul naw’ng ei t’a. Nang le keia \hanglâkna zarin Tipaimukh biel sathu umbûr ruok ang lek te hi sathu ei la thun bit lal ding a nih. Chu chun pansak panthlang hung lût suok an t’a. Ei ram hausakna chu sumin inchangtir ei t’a. Ram lungsietum ram ni hlak kha, ram inhawi, bawng nene le khuoizu luongna ram Hmar hai Cannan ram la hung ni ngei a tih. Chuongang ngirhmun tlung ding hun chu ka thlir nitin hlak.

27 Tuolbuol 2018Lientlangpui, Lungthulien

Manipur-a BJP in sawrkarna an hung siem hnungin BJP sawrkar chun thil la thaw ngailo chi dang dang a hung \an thar a, thu lawmum tam tak a lo puong ta bawk. Hieng laizing hin Manipur Chief Minister N. Biren Singh in January 28, 2018 nia Hapta Kangjei-bung, Imphal hmuna “Well Wishing Ceremony” huna thu a hril thil/thu lawmum dang a puong nawk a, chu chu kum 2018 a HSLC le Higher Secondary Exam hung um dingah Government School-a kai student 1st, 2nd le 3rd Position hai kuomah lawmpuinain Rs. 5 lakh, Rs. 4 lakh le Rs. 3 lakh pek dingin a puong bakah rank 25 chena \hangphak hai Rs. 1 lakh seng le District toppers 1st le 2nd rank la hai kuomah lawm-puinain Rs. 1 lakh le Rs. 50,000 pek dinga a puong hai an nih. Hi thil hi Government school-a kai hai ta ding chun chona nasa tak le phurna petu a hung ni ngei ring a um leiin thil lawmum takel a nih. Hi baka hin CM N. Biren Singh chun Manipur puotienga kai student/inchuklaihai ta dingin policy thar siemin February 1, 2018 ah hawng a ni ding thu hi huna thu a hrilnaah a hril bawk a. A hril pei dan chun hi website-a inzieklut (in register) student han nat le sat an lo tuok hunah Rs. 50,000 chen le thina chen an lo tuok chun Rs. 2 lakh chen \hangpuina an dawng thei ding niin a hril a, hi thil khawm hi ram-danga lekha inchuk Manipur mi hai ta ding chun thil lawmum takel a ni bawk a nih. CM N. Biren in thu lawmum a hung puong hin Manipur-a sawrkar school hai ngirhmun inhnuoizie a sukchieng a. Chu le inzawma sawrkar school hai dawmsang, student hai hip le sukphur a, sawrkar school hai hming hung sukvul nawkna dinga thaw ni dinga an lang leiin CM Biren Singh in a thuhril hi hung sukpuitling ngei sien, a \ha zawngin sawrkar schools le private/mission school-a student hai karah inelna hung um sien nuom a um hle. Student chau ni loin a Schools hai ta ding khawmin puong nei ve sien ra \ha a hung insuo zuol sau ring a um. Kum iemanizat liemtaa inthawk Board Exams haia Manipur-a sawrkar school hai ngirhmun hi an hnuoi hle a, sawrkar school tam tak a pass khawm um loa Nil \hak \hak hlak an ni a, an pass percentage khawm a se hlak hrim a nih. Kum 2017 HSLC Exam hang thlirkir inla, Private Schools hai pass percentage 74% a ni laiin Govt. Schools a pass percentage chu 45.70 le Aided School hai percentage chu 51.15 chau a nih. Sawrkar schools haiah 1st le 2nd division-a passed um ve hlak tho hai sienkhawm tukum Board exam hung um dinga hin 1st, 2nd le 3rd position hai annawleh top 25 chen la phak ding khawpa thaw \ha chu an umnaw khawmin District toppers 1st le 2nd rank hai ta ding chun Pu Biren Singh in Cash Award a puong hi a taka a pek a ni phawt chun hmu ngei ngei tum ding an nih. CM Pu Biren Singh in sawrkar school hai siem\hat le student hai sukphurna dinga thu lawmum a hung puong le ramdanga lekha inchuk hai ta dinga policy siem le website hawng dinga a hril hai hi a takin hung sukpuitling ngei sienla nuom a um. Chun, January 25, 2018 khan RR. Rashmi, Chief Secretary, Manipur in Manipur-a Sub-Divisional Of-ficers le Block Development Officers (SDOs/BDOs) tin hai an headquarters le Sub-Division/Block hmun ngeiah iengtiklai khawm um a, sin thaw ta dinga Or-der an suo kha Division le Block um sia Officials hai hmel hmu phak loa um hai ta ding chun thu lawmum a ni a, Order kha insuo a ni ruola bo el loin zui le zawm a ni am ti sawrkarin fet takin hung enkai sien thil\ha ni ngei a tih. Hi thila ding hin SDOs/BDOs hai chu an mamaw le \ul dan izira private buildings le motor hai chen khawm hluo le hire dingin Chief Secretary chun an hriettir a ni a, Revenue Department, Rural Develop-ment le Finance Department hai chu Officers hai ma-maw phurukna dinga thil \ul hai pe le, District tina DC hai Order ensuitu dingin a dande bawk a nih. Hieng laizing hin District \henkhatah DC takngiel khawm a hmuna um lo an um chun, hieng a chunga Office hai hi indik takin a ensui ngam/thei chie dim ti chu ngaituo um tak a ni nawk a nih. Hi lei hin DC hai dande ringawt loin sawrkarin fet takin enkai sien Order hin ra an suo lem ring a um. Mitdelin a mitdel chanpui a kei\huoi theinaw ang bawkin mani station-a um pei/nuom lo Officer chun a hnuoia mi hai an station-a um dingin a thuhne ring a um naw a, ac-tion a lak ngam ring a um naw bawk a nih. A taka hmang lo dinga Order insuo hi sawrkarin sim ta sien nuom a um. Chu chun a Order insuotu sawrkar khawm a hming \hain inza hlaw bawk a tih.

Rahul Gandhi Meghalaya inzin ding a \hulsHiLLONG: January 30, 2018 a Tura, Meghalaya a AICC President Rahul Gandhi an zin tum chu Special Protection Group (SPG) han hmang dinga an peksuok kum 20 zeta upa ni tah Pawan Hans chopper an hnawl leiin a la \hul hri. MPCC thusuokin a hril dan chun, SPG hai chuongna

dinga chopper peka hin Rahul Gandhi khawm a chuong ve ding a na, chulei-in, Tura an zin tum hi a sahimna ding ngaituona leia \hul a nih tiin a hril. AICC President hin January 30, 2018 hin Tura a Congress \huoitu tum tum inhmupuiin, January 31, 2018 in Shillong tieng fe nawka party workers

hai leh meeting nei a, election cam-paign nei dinga programme a siem a nih. Chu lai zingin, zanita Shillong hmuna Congress in press conference a kona a chun, Rahul Gandhi Garo Hills-ah an zin ding a \hulna san chu choppers lei ni lovin hun intepter lei a nih tiin an hril thung.

Amarnath bus beina-ah LeT 8 an inrawlJAMMU: July 10, 2017 a Jammu and Kashmir a Amarnath Yatra bus beina le inzawma charge sheet chu zan-ikhan J&K police a SIT han an peklut a, pilgrims 8 zetin an thipui bus beitu lai Lashkar-e-Taiba (LeT) members 8 inrawla intum an nih. J&K police hai charge sheet chu phek 1,500 vela

s^ a na, Special Investigation Team (SIT) ruota um han suina an nei dung-zuia charge sheet siem niin, Sessions Court, Anantnag district le Chief Ju-dicial Magistrate (Juvenile Court), Anantnag district haiah peklut an nih. SIT in charge sheet a peklut dung-zui chun, Amarnath Yatra bus beina

a mawphurtu tak chu Pakistan mi le LeT member Abu Ismail a na, ama hi September 14, 2017 huna Security Forces hai le an inkaptuona-ah a thi tah a nih. December 12, 2017 a Se-curity Forces le LeT hai an inkap \um khawmin Abu Ismail le \hang kawp Pakistan mi bawk 2 kaphlum an nih.

Tripura in election sung ‘air ambulance’ a hire dingAGARTALA: February 18, 2018 a Tripura Assem-bly seats 60 umna elec-tion nei huna emergency thila hmang dingin Tripura sawrkar chun ‘air ambu-lance’ hire a tih. Air ambu-lance chu India rama com-pany ring tlak le suongum

tak hai ta hmang ding niin Tripura Transport Depart-ment thusuok chun a hril. Assembly election nei ding Northeast states pathum, Tripura, Meghalaya le Na-galand han air ambulance hi hmang dingin Election Commission in thupek a

siem a, chu le inzawma Tripura state a khawm hmang ding niin state Elec-tion Dept. official thusuok chun a hril. Tripura, Meghalaya le Nagaland a hai hin election phase khata zo ning an ta, February 18, 2018 hin Na-

galand le Meghalaya han inthlangna nei an ta, Tri-pura in February 27, 2018 hin inthlangna nei thung a tih. States pathum hai hin Assembly seats 60 seng an nei a, vote chu March 3, 2018 hin a ruola tiem ning an tih.

Vijay Gokhale in Foreign Secretary charge a lak

NeW DeLHi: Foreign Secretary dinga ruot thar Seasoned diplomat Vijay Keshav Gokhale chun zani khan Dr. S Jaishankar a inthawk Foreign Secretary charge a lak. Mr. Gokhale hi 1981-batch Indian For-eign Service officer le

Secretary (Economic Re-lations), Ministry of Ex-ternal Affairs mawphurna a chel laia Foreign Secre-tary dinga ruot a nih. Mr. Gokhale hi Min-istry of External Affairs, New Delhi-ah a lut hma in India Ambassador to Chi-na a na, Foreign Secretary mawphurna hi kum 2 sung chel a tih. China rama a um hma in Mr. Gokhale hi Hong Kong, Hanoi le New York haia Indian missions-ah sin a lo thaw bakah, top envoy to Ger-many mawphurna khawm a lo chel ta bawk.

Tripura Governor hlui DN Sahay a thiAGARTALA: Tripura Governor hlui le Chhattisgarh Gov-ernor hmasatak Dinesh Nandan Sahay chu zani khan dam-nawna leia hun sawt tak enkawl a ni hnungin Patna-ah kum 82 mi niin a thi. DN Sahay hin a naupasal 1 le nau nuhmei 2 a thisan a nih. DN Sahay hi IPS officer, Bihar -ah DGP rank chen a chel phak, a pension hnungin Samata Party zawmin Chhattisgarh Governor a hung kai a, 2003 le 2009 inkar sung khan Tripura Governor mawphurna a chel a nih.

Meghalaya MLA David A Nongrum an ban

sHiLLONG: Meghalaya Assembly election huna Congress ticket a ngir din-gin Independent MLA Da-vid A Nongrum chu zani khan MLA a nina a inthawk an ban. David A Nongrum hin an banna lekha As-sembly Speaker kuomah a peklut a, a chungthu hi la ngaituo ning a tih tiin As-

sembly Commissioner le Secretary Andrew Simons chun a hril. Meghalaya Assembly Speaker hlui Charles Pyngrope a naupa David A Nongrum hi Maw-ryngkneng constituency a ngir dingin chawlkar hma-saka Congress in an candi-dates list an suksuokna-ah a um ta hrim a nih.

Rajasthan le WB-ah LS seats 3 le Assembly seats 2 by-polls neiNeW DeLHi: Zani khan security venghimna khautak hnuoiah Raj-asthan le West Bengal haiah Lok Sabha seats 3 le Assembly seats 2-ah by-polls nei an nih. Ra-jasthan-ah Ajmer le Al-war Lok Sabha seats le

Mandalgarh Assembly constituency hai tluong taka inthlangna nei an na, inthlangna chu ruot law-kna hun taka \an niin, re-port ei hriet nuhnung tak dungzuiin 30.61% vote a tla. Ajmer MP Sanwar Lal Jat, Alwar MP Chand

Nath le Mandalgarh MLA Kirti Kumari hai an thi leia LS le Assembly seats hai hi by-polls nei an nih. West Bengal a chun Howrah district sunga Uluberia Lok Sabha seats le Noapara Assembly

Seat haiah by-polls nei an na, TMC MP Sultan Ahmed le Congress MLA Madhusudan Ghosh hai an thi leia hieng seats hai hi an ruok a nih. Zanita inthlangna nei hai hi Feb-ruary 1, 2018 hin a ruola vote tiem ning an tih.

Jaitley in LS-ah Economic Survey 2017-18 a pharNeW DeLHi: Zanita Par-liament Budget session \an huna President Ram Nath Kovind in thuhrilna a nei zo in Finance Minister Arun Jaitley in Lok Sabha-ah Economic Survey 2017-18 a phar. Economic Sur-vey 2017-18 chu English le Hindi version a mi Finance Minister hin a phar ve veh a, hi huna hin Prime Min-ister Narendra Modi, Union Ministers, Deputy Speaker M Thambidurai, opposi-tion \huoitu Mallikarjun Kharge, Mulayam Singh Yadav, Sudip Bandopadhy-

ay le Farooq Abdullah hai khawm Inpui-ah an um ve. Economic Survey 2017-18 thu hi Chief Eco-nomic Adviser Arvind Subramanian in a hril mawi a, demonetisation le GST

regime thar han kum liem-tah khan India economy-ah nghawng \ha tak an lo nei dai tah a nih tiin a hril. Economic Survey thua chun, kum thar hin India in ‘economic activity’-ah har-

tharna (revival) a tuok ding a nih tiin a hril. Chief Economic Ad-viser chun, ‘new tax filers’-ah Rs. 18 lakh vel in\hang ding a um a, mimal sumh-nar sukpung ding niin, tax luong lut rawn a tih tiin a hril. CEA chun kum thara Budget in agriculture, sta-bilizing GST, privatising Air-India le kawng tum tum haiah \hangpuina peng a ta, sumhnar a suktam ding a nih tiin a hril. February 1, 2018 hin Finance Minister in Inpui-ah Union Budget 2018-19 phar nawk a tih.

Pu MV Azad Phusam chunga lawmthu hrilnaPile natna inrik takel ka nei a, kan hnawm changin ka tawl a hung indawk tla a, kuta ka hang hnaw lut pha leh a sat in a hung sa a, na khawm a hung na hle hlak. Hi zo hin ni 3/4 vel inhnawm thei loin ka um a, thisen dam a hung suok a, a sungah a hnai a hung inkhal a, ka lu a hung sukhai a, ka ring thahrui a hung sukna el bakah ka pang a hung sukthak hlak bawk. MV Azad Phusam ka pan a, tuhin chu a mi enkawl dam ta a, ka lawm hle. Hi lei hin MV Azad Phusam le Pathien kuomah lawmthu ka hril.Address: CCPur Opp: J.P. Selection, Tiddim Road, Near ICI Church, ICI Road, Churachandpur. Contact Nos. : 7628890261/ 8014025567

Lawmthu hriltu -samuel, Old Bazar

3TUOLBUOL (JANUARY) 30, 2018 THAWLeNi (TUesDAY) NATiONAL/iNTeRNATiONAL & ADveRTiseMeNT Hmasawnna Thar

LAKTAWi

Zia-ul Haque chunga lawmthu hrilna Hun sawt taka inthawka ka natna hai chu, tawl sira thil inbawk lien tak le panna um, tawlna, inthip le sa em em el, inhnawm zata thisen suok, inhnawm zova ngirsuok thei lo, khup na le taksa pumpui sa hut hut hai an nih. Md. Zia-ul Haque Phusam ka pan a, a mi enkawl dam ta leiin ka lawm hle a, ama le Pathien chun-gah lawmthu ka hril. Pan theina hmun hai :1. Old Bazar, Zomi Colony, Opp. Muslim Masjid, Ccpur.2. Kekru Villa, North AOC, AMUCO/UCM Gate, Imphal.3. Contact Nos. : 8014254414 / 9615391873.

Lawmthu hriltu, -L. Tabitha salbung

INHMUN LEI DUH TANSaikot Children Home bulah hmun kan zuar a, A lei duh tan he No. 9612295702 ah hian biak theih kan ni e.

(29,30,1,3)

Office of theCHUrACHAndpUr dIstrICt BAdMIntOn AssOCIAtIOn

HIAnGtAM lAMKA

nOtICeChurachandpur,the29,2018

It is hereby inform toall ChurachandpurDistrictBad-minton Associationmember’s toattendthe GeneralBodyMeetingandElectiononthe3rd.February,2018,11:00AMatCDBAHall,HiangtamLamka,Churachand-pur. Allmembersarerequestedtopresentatthemeet-ingintime.

sd/- B. ZodinglianaPresident,

ChurachandpurDistrictBadmintonAssociation

GOVernMent OF MAnIpUrOFFICe OF tHe sUB-dIVIsIOnAl OFFICer:

CHUrACHAndpUr

nOtICeChurachandpur,the29thJanuary,2018

No.2/29/SDO/CH/ Settl.: Smt. Lalthangpui d/o (L)PhunaofRengkai,Churachandpur,hasappliedfor is-sueofcertifiedcopyofPattaNo.96/4135C.S.Dag.No.2065/2570 of 96-Khawpuibung Lourupmeasuring anareaof00.055acre(s)statingthatshehaslostthePatta(Jamabandi).Anyclaimorobjectionmaybesubmittedintheofficeoftheundersignedwithin15daysfromthedateofissueofthisnotice.NoclaimorObjectionafterthestipulateddatewillbeentertained.

sd/- Jangminlen luphoSub-DeputyCollector(Settl.),

Churachandpur.

HMAR WOMeN AssOCiATiONGeneral Headquarters

PRess ReLeAse28th January, 2018

Hmar Women Association General Headquarters chun tarik ni 27th January 2018 zana Hmarkhawlien-a Pu Norbar @ Bara (47) Finance Secretary HPC(D) Chair-man pawl tieng nunrawng taka that a nina chungah a thawtu hai demna insangtak kan pek a. Hieng anga hringna inlak unau le unau kara um vet hi hnam muol-phona suklangna chau a nih ti hre tharin tuta hnung chu hiengang hringna in lakpek hi um ta ngainaw raw seh. Hnam ta dinga hmasawnna dingin hiengang hring-na inlakpekna leiin intlun ngainaw nih. Mihaimi hmusit ding hin Hmar Hnam hi um ta ngainaw mei niu. Lusun sungkuo hai kan tuorpui hle a, Pathienin um-pui raw seh.

sd/- J.L. sawmi sd/- Rebecca Hmar President Secretary.

LAWMTHU HRILNATulai Sungnu Road siema um mek le inzawmin, Reng-kai BJP Unit chun Rengkai Area a fethlengna po Nula to Nula Black toping a siem dingin Pu V. Hangkhan-lian, Hon’ble Minister le Pu G.S. Haupu, Chairman, MANIREDA, Government of Manipur hai kuomah ei ngenna chu sukpuitling ding le thaw nghal dinga an mi tiem pek leiin an kuomah lawmthu hrilin ei hung khek suok a nih. Hmasawnna dinga hma ei lak peina ding a khawm ei insawmdawltuo pei ei beisei a nih.

sd/- Lalhunnghak sd/- vanlalring Secretary, President,

Rengkai BJP Unit, 58/AC Churachandpur

Nagpur Law University siemna dingin Rs. 750 crNAGPUR: Nagpur, Maharashtra hmuna Law University siemna dinga state sawrkarin Rs. 750 crore proposal a siem chu sawrkar thlungpuiin remtina a pek tah niin Maharash-tra Chief Minister Devendra Fadnavis chun a hril. Law University siemna ding hin 1st phase-ah Rs. 200 crore seng dinga riruong a na, fund peksuok a ni charin sin \an nghal ning a tih tiin Devendra Fadnavis chun a hril bawk. Maha-rashtra state sunga bawk Ujjwal Nagar le Manish Nagar inkar flyover Rs. 130 crore sengna ding khawm bawl tum a na, flyover lungpht hni a sukpung dingin sawrkarin hma a lak mek thu President in a hril. A hril peina-ah, ‘Prad-han Mantri Fasal Bima Yojana’ scheme hnuoiah loneituhai chu 2017 sung khan thlaichi le buchi hai a hma neka man tlawm lema pek an na, Rabi and Kharif crops hnuoiah loneitu 5.71 crore hai \hangpuina pek an ni bawk tiin President chun a hril. President chun sawrkar-in mi hnuoihnung le mirethei hai dawmsangna dinga schemes tum tum a siem hai a dawngtu ding han an hmu ngei chu sawrkarin a ngaipawimaw

tak a nih tiin a hril. Hi le inzawm hin sawrkar chun central le villages tum tum hai inthlung zawmna ding ‘Pradhan Mantri Gram Sa-dak Yojana’ scheme a siem a nih. ‘Broadband con-nectivity’ sukhmasawnna ding khawmin sawrkarin hma a lak mek a, tuhin 2.5 lakh Panchayats hai chu Broadband connection pek an ni tah. National Health Policy chungthu khawm Presi-dent hin a thuhrilna-ah a zep sa a, hi policy hi mina-ran le miharsa zuolhai awlsam lem le seng tlawm lema ‘healthcare facilities’ peka enkawlna dinga siem a nih tiin a hril. Hi le in-ruolin, pi le pu han thlai hna le hlohna hai hmanga damdawi an lo hmang hlak anga inenkawlna ‘National AYUSH Mission’ khawm siem changtlung pei a na, Yoga le Ayurveda hai khawm suklar pei an nih tiin President chun a hril.

Meg-ah 3.4 magni-tude in lir an hningsHiLLONG: Zani zingkar dar 2:32 AM vel khan West Garo hills, Meghalaya-ah 3.4 magnitude a hratin lir an hning. Lirhning chu 10 km biel sunga tlung niin India Meteorological Department thusuokin a hril a, lirhning leia thi le hliem an um nawh a, thil suksiet a nei thu re-port a um naw bawk.

AAP MP 3 le BJP MP 1-in intiem-kamna an nei

NeW DeLHi: Parliament Budget session nei hunah zani khan MP thar Aam Aadmi Party (AAP) mem-bers 3 le Bharatiya Janata Party (BJP) member 1 han MP dinga intiemkamna an nei. Intiemkamna hun chu Rajya Sabha Chairman M. Venkaiah Naidu in an rawi a, MPs 4 hai chu BJP MP le Union Minister of state for Housing and Urban devel-opment Hardeep Singh Puri le AAP MPs 3, Narain Das Gupta, Sushil Kumar Gup-ta le Sanjay Singh hai an nih. Puri hi Hindi \awngin an tiemkam a, Narain Das Gupta in English \awnga intiemkamin a zui a, Su-shil Kumar Gupta le Sanjay Singh han Hindi \awngin an intiemkam ve.

BSP \huoitu 2 banLUCKNOW: Uttar Pradesh state a Bahujan Samaj Party (BSP) hai chun party dan kala sin an thaw leiin zani khan an \huoitu pahni an ban. Bana um hai chu BSP coordinator Dr. Purshotam le Purkazi A/C MLA hlui Anil Kumar hai an na, Purkazi hi Muzaf-farnagar district sunga As-sembly constituency 5 hai laia \hang niin, Anil Kumar hi 2012 kum khan MLA a thlang tling a nih.

ITBP han a pakhat-na an lak

NeW DeLHi: January 26, 2018 a Rajpath, New Delhi hmuna Republic Day pa-rade neina a paramilitary le auxiliary forces \hang hai lai Indo-Tibetan Border Po-lice (ITBP) contingent han a pakhatna an lak. Assis-tant Commandant Akshay Deshmukh in ITBP squad 148 hai an rawi a, kum 2 hnunga lawmman an lak nawkna niin, an trophy chu Defence Minister Nirmala Sitharaman in hun sawt-nawte sungin a peksuok dinga ti a nih.

Chennai airport flyover-ah a tlahlum

CHeNNAi: Andhra Pradesh mi le Bengaluru hmuna IT Company a sin-thaw technician Chaitanya Vuyuru (32) S/o Janardhana Rao chu zani 6:30 AM vel khan Chennai airport fly-over a inthawk a tlahlum. Chaitanya hi flyover rei-ah a ngir a, chutaka inthawka tla thla niin police han an hril a, CCTV cameras a an lang dan chun Chaitanya hi an selfie tum annawleh a phone camera in flyover reia inthawk midang thla a lak tum niin an lang. Chaitanya a thlakna flyover hi domes-tic le international departure terminals a passengers hai thak lawnna a nih.

Shopian-a mi thattu man dingin NC in a phutJAMMU: Shopian district, Jammu and Kashmir hmu-na civil mi 2 thatna a \hang le FIR a an hming suklang sipai hai man dingin zani khan National Conference (NC) han sawrkar an ph

Hmasawnna Thar4 EntErtainmEnt / SportSTUOLBUOL (JANUARY) 30, 2018 THAWLeNi (TUesDAY)sun ZAWMnA.......

FA Cup:

Man. City in Cardiff hnein FA Cup fifth round an lut; Pep Guardiola in player hai venghim a ngenLONDON: Manchester United chun Pathienni khan Kevin De Bruyne le Raheem Sterling hai goal thun hman-ga second-tier Cardiff City 2-0 a hnein FA Cup fifth round an lut. Hieng laizing hin Cardiff City le Man. United inkhel huna winger Leroy Sane in hliemna a tuok le inzawmin City manager Pep Guardiola chun Refree chu players hai suknat ding lakah him lema veng dingin a ngen. Televi-sion replays-a an lang danin Leroy Sane chunga Joe Ben-nett chet dan chu Red Card hmu/pek thei ding khawp a ni a, sienkhawm player dang Brahim Diaz chunga a foul nawk hnungin field-a inthawk tirdawk chau a nih. Cardiff players han City

players hai chunga tharum an thaw dan hin Guardiola lunga awinaw hle a, hi thua hin referee Lee Mason chu games khel zo hnunga in-biepuiin a hril nghe nghe. Vawi tam tak referee hai chu players hai veng dingin ka hril ta a, City players chau ni loin Referee chun players hai po po a venghim ding a nih tiin Guardiola chun a hril.

Bennett chun a Twitter account fethlengin Leroy Sane chunga a chet danah ngaidam an hni a, counter at-tack thaw tumnaah a timing indiknaw lei a ni thu le a tum hrim a ninaw thu hrilin, hung damfel nawk vat dinga a dit-sak thu a hril. Leroy Sane hi a hliem leiin hun iemanichen chu a khelzawm theinaw el theia hril a nih.

Serie-A

Napoli chun Bologna hnein hma a \huoi nawk tahMiLAN: Napoli chun Pa-thienni khan Bologna chu 3-1 a hnea points 57 hmuin Serie A khel mekah hma\huoitu an ni nawk tah. Serie A khel meka hin Napoli chu hma\huoitu an ni zar zar a, sienkhawm pahnina ni mek Juventus in 9-men Chievo Verona 2-0 a an hne lei khan Napoli neka points 2 an hmu rawn lem leiin tawite sung Se-rie-A hma\huoitu an hung ni zau a. Amiruokchu Pathienni-a Napoli in Go-logna an hneban nawk lei khan hma\huoitu an nina chu an hung haukir nawk ta a nih. Napoli in Bologna

3-1 a an hne zan hin Dries Mertens chun goal hni a thun a nih. Result dang haia chun zani hmasa khan Milan in Lazio chu 2-1 in an hne bakah zanikhan Sampdoria in Roma 1-0 in an hne bawk. Serie-A fe meka hin Ju-

ventus chun matches 22 ah points 56 hmuin pahnina an ni a, Lazio chun matches 22 ah points 46; Inter Mi-lan in matches 22 ah points 44 le Roma chun matches 22 ah points 37 hmuin, pathumna, Palina le pan-gana an ni mek a nih.

Federer in a title defend nawk a tum thu a hrilMeLBOURNe: Austra-lian Open khel zo hlima Champion nina la nawktu tennis star \uoi theilo Rog-er Federer chun, kum 2019 Australian Open-ah a title defend dinga a khel nawk ding thu zanikhan a puong. Roger Federer hi kum 36 mi a nita a, 2018 Aus-tralian Open title a lak kha Grand Slam Title a lak 20- na a nita a, Grand Slam a

lak ta hai lai hin Australian Open title 6 a \hangsa a nih. Federer hin Australian Open men’s title vawi 6 lo la tah Novak Djokovic record an angpui ta bakah Ken Rosewall hnunga Aus-tralian Open title la upa tak a ni bawk. Ken Rosewell khan kum 35 mi a niin Australian Open title a lo lak ve a nih.

Sunil Chhetri birthday Delhi-ah Football Day a hmang ding

NeW DeLHi: Football Delhi chun Indian Football Captain Sunil Chhetri birth-day chu Delhi-ah Footbal Day a hmang dingin Pathi-enni zan khan puong a nih. Chhetri birthday hi Au-gust 3 a ni a, Chhetri birth-day ‘Delhi Football Day’ a hmang dinga thutlukna hi President Shaji Prabha-karan inrawinaa first exec-utive meeting huna siem lo nita a ni a, hi ni hi Delhi a chun football day a hmang a ni hlak ta ding thu Mr Prabhakaran chun a hril. Kum 33 a upa Chhetri hi Delhi hmuna football

khel \ana hun lo hmang a ni a, India ta dingin interna-tional matches 97 a khel ta a, kum 2005 a India ta din-ga a khela inthawk tuchena hin national team ta dingin goals 56 a thun ta a, ISL 2018 campaign fe meka hin Bengaluru ta dingin a khel mek a, tuta season fe mekah goal thun rawn tak pathumna nilai mek a nih. Chun, Football Delhi chun International hlui le Pro License coach Santosh Kashyap birthday ‘June 12’ chu Football Delhi Coach Education Day a hmang dingin a puong bawk.

caroline Wozniacki chun World No. 1 nina a hau nawk tahMeLBOURNe: Zani hmasa laia Aus-tralian Open nuhmei-ah set thuma Simona Halep a hneban hnungin Caroline Wozni-acki chun World No. 1 nina a hau nawk tah. Wozniacki hi kum 2010 khan World No. 1 a lo nita a nih. Hieng laizing hi Australian Open \han-ga major singles titles 3 a lo hlawsam Romania mi Simona Halep chu World No. 2 a hung nitah. WTA Ranking dangah Ukraine mi Elina Svitolina chu No. 3 a umin Wimble-don champion Garbine Muguruza chu No. 4 –ah a tlahnuoi a, Australian Open semi-finals a tla Angelique Kerber chu No. 9 ah a \hang a, Australian Opens semifinals chen lut ve Belgium mi Elise Mertens chu No. 37 a inthawk No. 20 in a kaitung. Roger Federer chun Australian Open title la sienkhawm Rafel Nadal la khum-khel zo loin World No. 2 ah a la um a, finalist Marin Cilic chun Grigor Dimitrov,

Alexander Zverev le Dominic Thiem hai chawmhlenin No. 3 a kai. Stan Wawrinka chu Australian Open zo hlimah hlapdawk nghal a ni leiin Top 10 a inthawk No. 15-ah a tlahnuoi. Semi-finalist Kyle Edmund chu No. 26 le Hyeon Chung chu 29 naah a kaitung. India mi Leander Paes chu ATP Chall-lenger tournament a lak hnungin doubles ranking-ah top 50 lai a lut.

I-League fixtureJanuary 30, 2018

East Bengal v/s Minerva - 2:00PMChurchill Brothers v/s NEROCA - 8:00PM

Football thunawi• Chelsea manager Antonio Conte chun tuta season a cup an lak theina dingin a squad in striker pathum an mamaw thu a hril.• Goalkeeper Joe Hart chun transfer win-dow khar a ni hmain West Ham le loan deal sukfel a nuom. Joe Hart (30) hi Manchester City a inthawk loan a um a nih.• Bayern Munich Chile midfielder Arturo Vidal (30) inchutu hai lai Manchester Unit-ed khawm a \hang.

• Arthur Masuaku chu FA Cup fourth round-ah West Ham le Wigan inkhel huna Nick Powell chil a sakkhum leiin thla 6 sung ban dingin FA in a puong. Hi lei hin an home a West Ham in Crystal Palace, Watford le Burnley bakah away fixtures-ah Brighton & Hove Albion, Liverpool le Swansea City hai le inkhel hunah a \hang theinaw ding a nih.• Tottenham chun Paris St- Germain a inthawk winger Lucas Moura chu contract ziekpui hman an inbeisei.

Angelina Jolie-in Syrian War Suktawp Dingin A NgenAMMAN: UN High Com-missioner for Refugees palai le Hollywood actress Ange-lina Jolie chun Pathienni khan Jordan rama Syria civil war leia raltlanhai Camp a va sir a, Syria rama civil war chu tawpsan tah dingin inhnam-hnuoina neihai po po a ngen. Actress a inthawka Produc-er le political agent ni Ange-lina Jolie chun raltlanhai umna camp ah press conference neiin, Syria rama civil war suktawpna dingin a tu el khawmin ‘politi-cal commitment le process \ha’ an nei naw niin Zaatari Refugee Camp-a raltlanhai an hmupui zovin a hril. Syria ramri a inthawka darkar chenve vel motor tlan Jordan sunga Refugee Camp hi za tel Puon In an tlar phei vawng a, deitak karah nau-pang bal tak takhai pil khu lai le chirhak lai an inhnela

anni lai a va \hang ve a nih. Hi hi Jordan a sir vawi ngana le hi Zaatari Camp a sir vawi thumna a nih tah. September 2012 le June 2013 khawm khan hi Camp hi a va sir. Kum 2013 a mi kha UN envoy a nia inthawka official visit hmasatak a nih. Ms Jolie chun, “Syrian war kum 8 a tling mek laia refugee camp beidawngum

tak hei sir nawk chu lungril a na em ema, an harsatna tuorhai hei hmu hin lainat an um a nih. UNHRC chu Jordan, Lebanin, Turkey le Iraq hai kuomah raltlanhai an lo mikhuol leiin a lawm hle a. Hieng ramahai hin raltlan maktaduoi 5 le ti met an um tah. Khawvel entawn tlak an nih” tiin a hril. Jolie hrildan chun refugee

tam lem chun fak le dawn ding sum le pai an nei tah nawh a, chawm hlawm tawp an nih tah. Mi pakhatin ni khatah Cheng thum (Dollar thum) vel peiin an khawsa niin a hril. (India rama 70% chu ni khata Dollar 2 hnuoia khawsa an la nih). “A umzie chu sungkuoin bu huntawk fak ding an nei nawh a, naupang sikul an kai thei nawh a, damdawi man ding an nei bawk nawh. Nuh-meite naupang tea pasal nei a \ula, thlasik dei lai puonlum bova khawsa vawng an nih” tiin a hril. “ H u m a n i t a r i a n a i d ringawt hi long-term thil a sukfel thei nawh a. Political inremna fumfe tak a \ul, chu chauh chu hienga rinumna le harsatna an tuor sansuok theitu ding chu a nih. Indona hi suktawp vat a \ul. Syrian

mipui lekha thiem tak tak le hausa neinung tak takhai raltlan kutdaw an inchang zo el tah hin a neka harsatna a lan tlun pei ding a nih. Lungril a them takzet” tiin chanchinbu-mihai a hril. Kum 42-a upa Angelina chun, “In\hangpuina chu a \ha taluo, anachu, sawt a dai nawh. Chu neka pawimaw chu Syria ramah remna le muongna a um a, political solution \hatak mi tin human rights inzaa a umna ding le nuhmeihai khawm inza an nina ding society siem a nih” tiin khawvel rambunghai a ngen. Zaatari Refugee Camp hi Syria war a suok leia 2012 a inthawka hawng a nih a. Jor-dan sawrkar record dan chun an ramah refugee 650, 000 an lut tah a, hi camp-a hin UN hrietpui 80, 000 ni tin fak ding chawm hlawm ngai an um.

Film |ha Tak Tak Chang Ding Ka Nei: Parineeti Chopra

MUMBAi: Actress Parineeti Chopra, “Gomaal Again” film-a hlawtling le inlar tak chun film \ha tak tak chang ding iemani zat a nei niin a hril. Hi thu hi Pathienni-a Grazia India Magazine (February issue) hawngnaa a hril a nih. Chanchinbumihai le an inpawlna hunah, “Gomaal Again” le inzawm 200 Crore Club a zawm chu iengtinam a um a ti zawna dawnin, “Ni kum khan “Gomaal Again” hi hit a kai leiin inhawi ka tih hle a. 200 Crore Club a \hang ve phak tah a nih. Kei chun 100 Crore Club chen \hang ve thei ding film siem/\hang ka nuom laiin 200 Crore Club chen chuongkai theia ka um hi lawmum ka tih. Tuta film ka chang dinghai khawm hi an pui thei a. Chu nek hmanin Brand endorsement ka nei le Contract ka signed hai an la \ha nawk zuol a nih” tiin a hril. Ms Chopra hin tulai hnai

hin a rikna nasatakin a tla hnuoi a. Hi lei hin producer hai lai ngaidan iengtinam a um a ti an indawn a. “Weight ka loss leiin producer hai mi ngaidan le hmudan chu a danglam ngei. Figure nal deu, iemani deu ei nei phat chu mi haiin iengtin takin amani role danglam deu play ding damin an mi beisei hlak. “Chuonga taksa inthlak-thleng an mi hmu pha chu an lungril a danglam hlak. Kei khawm a hma neka fit lema kan hriet leiin action tamna “Gomaal Again” kha ka chang a nih. Fit naw lang chu kha role kha ka chang ka ring nawh” tiin a hril. Film a role hran hran chang ding chun taksa inlang dan khawm a danglam ve pei a \ul thu a hril a. Nuhmei a piengzie taksa sukdanglam thei lo chu role a chang thei ding tlawm hleng a tih. Drug addict lem ka chang ding chun taksa cher deu ka tul a, thau deu chun an chang thei nawh” tiin a film chang ding dungzuia a taksa khawm siem danglam ve pei (weight loss or gain) a \ul thu a hril bawk. Parineeti Chopta hi tu tak hin film thar “Sandeep Aur Pinky” ti Arjun Kapoor leh an chang mek a. Dibkar Banerjee direct a nih. August 3 khin tlangzar hman beisei a nih.

Bruno Mars-in Grammys Award 2018 6 a lak

NeW YORK: Bruno Mars chun a R&B album “24K Magic” ah Grammy Award paruk lain a la rawntak a nih. Bruno Mars hin Album of the Year, Record of the Year, Song of the Year for No.1 Hit (That’s What I Like) ti le a dang danghai a lak a, a hui khawm rawntak a nih. Madison Square, New York ah Pathienni zana lawm-man semnaa chun hlimnain a sip a. “Oh My God! Thank you guys so much! Woe!” tiin a awi naw hiel a nih. Mars chun, “Hi lawmmanhai hi hlaphuoktu Babyface, Teddy Riley Jimmy le Terry Lewis) hai kan hlan” tiin a hlasak phuoktuhai a chawimawi nawk thung daih a. Eini lai leh chun ei lan tlau hle, hlaphuok-tuhai chawimawi nachang hi hriet ve a \ha. Tuchenah chu Bruno Mars hin Grammy Award

11 a dawng tah. Tuta \um chu nomination hautak Jay-Z, nomination 8 a neia chu pakhat khawm la lovin kut ruokin a kir ve thung. Rap Album of the Year DAMN) le Best Rap Song (HUM-BLE) hai a lak a nih. Kendrick Lamar khawm Award 5 lain tuchenah Grammy 12 a nei tah. Lamar hin lawmman a lak hmain pui deuvin a performed bawk. Dancer han American flag sen vai kuola hnung-tieng an lo thlawp bawk leiin a sukpui hle. Chu neka la pui nawk chu Kesha, a hnungtieng nuhmei ruol Dancers, Re-sistance Revival Chorus han an lo thlawp bawk a la pui lem a nih. Kesha hi Cyndi Lauper, Camila Cabello, Julia Michaels, Andra Day le Bebe Reha han a hla “Praying” an lo sakpuia

an pui dem dem hle. A var vawnga inthuoma mipui an hei inawi chu \henkhat chu an \ap hlawl a nih. Kesha hi a producer Dr Luke leh legal buoina an nei hnunga a perform naw-kna hmasatak le nomination pahni a neina hmasatak a la nih. Hi huna hin ni kum Las Vegas a Route 91 Harvet Festival (concert) laia kap hlumhai hrietzingna dingin “Tears in Heaven” Eric Clapton hla an hei sak chu mitthli suok naw an um nawh ti thei a nih. The Rolling Stone han Grammy pathumna dingin Best Traditional Blues Al-bum ah “Blue & Lonesome” ah an lak a. Ed Sheeran khawm Best Pop Vocal Album a lak ve. Little Big Town han Taylor Swift hlaphuok “Better man” ah Country Duo/Group an lak a. The Weeknd, Lin-Manuel Miranda, Reba McEntire, LCD Soundsystem, Portu-gal the Man le Shakira han an lak seng bawk. Thi hnunga chawimawi-na Posthumous Grammy chu actress Carrie Fisher, singer Leonard Cohen le engineer Tom Coyne hai inhlan an nih. Double win-ner hai chu Jason Isbell, Jus-tin Hurwitz le CeCe Winans hai an nih.

Namni Football sunzawmCCPUR: Republic Day leia Public Ground, CCPur hmu-na Zomi Namni Football Tournament fe mek sukchawla um chu sunzawm nawk a nih. Zanikhan Lenlai Club chun Lamka Sports Club 3-1 a hnein quarterfinals an lut. A hmain UKB quarterfinals an lo lut ta bawk. January 30, 2018, 12:00Noon hin Avoi FC le Sym-ropia inkhel an ta, 2:00PM in Bungmual Youth Club le Taqchapa United FC inkhel an tih.

Nagahai chun election a um chun, MLA hai chamlakah inban nuom nawng an ta, inremna tluontling a um theina ding chun alternative arrangement siem hmasak a \ul awm sia, chu chu a um thei naw an inlau a nih. Hi lei hin Naga mipui chun Election Hmaa Sukfel “solution before election” an ngen a. State Assembly khawmin ni kum khan resolution pass-in hi bawk hi a lo ngen tah a nih. NSCN (IM) le India sawrkar chu 1997 a inthawk khan Cease Fire neiin an inbiek ta a. Vawitam inbiek hnungin August 3, 2016 khan Framework Agreement BJP sawrkar leh an ziek a. Tuhin Full Agree-ment (Greater Nagalim) ziek an phut ta a nih. Ni kum khan helpawl hran hran paruk

khawmin an hung zawm ve a. Sawrkar le inremna tluontling an phut a nih. Hieng ang deu hin 1998 Assembly Election khawm kha Naga Hoho, NSF le NSCN (IM) han an boycott a. Ruling Congress le Independent han an contest a. Congress hratin seat 60 ah Seat 53 lain Independent in seat 7 an lak a, Congress sawrkar a ngir a nih. Tuhin chu political party po povin Elec-tion puong ta hnung an boycott a, election an ngir naw chun Constitutional Crisis um a ta, chu chun President Rule lo thei lovin an umtir ding a nih; inremna tluontling ziek (hmasak) a nih si naw chun. Centre-in Feb- 27 hmain Inremna Tluontling (Full Agreement) a ziekpui thei dim, hunin hril hung a tih.

Nagaland Political Party 11 han Assembly Election an Boycott

Chanchinbumihai kuomah, bufai chauh ni lovin thautui (Oil) khawm, sawrkar chun IOC official hai kuomah thautui thieng-hlim tak iengkhawm pawl lo vawng sem suok dingin an hriettir thu a hril a. Thautui thienghlim le thienghlim naw enfie pei ni bawkin a hril. Manipur a thautuihai an thienghlim naw a, Oil Pump \henkhatin an thautui khawnvartui an chawkpawl ti thuah IOC kuomah Oil Pump po po khar vawng phawta an thautuhai ‘check’ la thaw vawng dingin sawrkarin thu a pek ta niin a hril. A result chu zaingah hriet thei ning a tih. Hi thil hi Assembly Speaker Mr Y. Khemchand-in a motorhai thautui PCTC, Khuyathong-a a thun chu a khu a tam taluo a, thautui thienghlim naw lei nia a hriet thu

a hrila inthawka thaw niin Minister Karam Shyam chun a hril. Thautui thienghlim le thienghlim naw enfel dingin Sample (sawng thum) en-fel a ni a. Tinsukia a inthawka Malom Oil Depot-a hung le Malom a inthawka PCTC, Khuyathong-a lut nawk enfel a ni a. Tuchenah chu iengkhawm hriet thei a la ni naw thu a hril. “Hi thautui hi a thienghlim ngei a nih ti fie theina ei state ah a um naw leiin 3-tier sample hi enfel dingin Digboi Refinery Lab ah thawn a ni a. Thautui hi a thieng-hlim nawa khawnvartui or thil dang pawl an lo nei a nih ti hmu a ni chun a \ul an-gin legal action lak ning a tih” tiin a hril.(DIPR/Tape)

Mipui rawng hi Indiktaka bawl kan tum a nih: Karam Syam

Jacket sem ding hi quality \ha le man tam takel a nih. A hni nuom han email: rftchair-man@yahoo.com fethleng khawmin ap-plication peklut thei ning a ta, thu chieng

lem Lalgoumang Guite, Secretary, Ropiang Foundation (08837286507) le Zammuanlal Guite, Asst. Secretary, Ropiang Foundation (08794025196) hai contact thei ning a tih.

Jacket an sem ding

Field Investigators training neiCCPUR: National Achievement Survey (NAS) a Field Investigators dinga ruot sawrkar school tum tuma teacher han zani 10AM a inthawk Phungkhothang Govt. School-ah nikhat sung aw Training an nei. NAS hi National Council of Educational Research & Training (NCERT) in a huoi-hawt a nih. February 5, 2018 khin India ram pumpuiah tukuma class X exam ding hai ta dingin National Achievement Survey exam an nei ding a ni a, chu huna CCPur khawpui sunga private school haia khawm exam in neitir ning an ta, training-a \hang mi pahni pei Field Investigator in \hang an tih. Class X a Assessment of Achievement level test huna hin State Board, CBSE le ICSE a syllabus a inthawk question indawn

ning a ta, Mathematics, English, Science, Social Science le MIL hai huom a tih. India ram pumpuiah student han an lekha inchuknaah iengchen am achievement an nei thei ti hrietna dinga Assessment of Achieve-ment level test hi nei tum a ni bakah student hai home background, school teacher hai ngirhmun hriet theina dinga nei tum a nih.

Legal Services Camp a um dingCCPUR/iMPHAL: January 31, 2018, 10AM khin National Legal Services Au-thority enkainain Manipur State Legal Services Authority le Manipur sawrkar \hangruola huoihawtnain The Manipur Trade & Expo Centre, Lamboikhongnang-khong, Imphal East-ah ‘Legal Services Camp’ um a tih. Hi huna hin Manipur CM N. Biren Singh; Justice N. Kotiswar Singh, Acting Chief Justice, High Court of Manipur & Ex-

ecutive Chairman, Manipur State Legal Ser-vices Authority; L. Jayantakumar Singh, Minister (Law & Legislative Affairs) Govt. of Manipur le Justice Kh. Nobin Singh, Judge, High Court of Manipur & Chair-man, High Court Legal Services Commit-tee hai khawm \hang an tih. Legal Services Camp thiltum tak chu Welfare Legislation le Scheme tum tum, Welfare scheme um hai mipui hai hrilhriet le Dan chungchang mipui hrilhriet a nih.

_GoBack