Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/226 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

THLAdo (june) 05, 2017 THAw|Anni (mondAy)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

SP Hotline number 7085-256-377

NEWS TOMkiMCHANCHIN LAKTAWI

Pradhan Mantri Ujjwala Yojana a hawng ding

imPHAL: June 5, 2017, 3:00PM hin City Con-vention Centre, Imphal hmunah Pradhan Mantri Ujjwala Yojana hawngna programme um a ta, hi huna hin Manipur CM N. Biren Singh khuollienin

\hang a tih. Hi huna hin Union Minister of state (DoNER), MoS PMO, personnel, Public Griev-ances, Pensions, Atomic Energy and Space Dr Ji-tendra khawmin hung uop a tih.

Addl. DC dingin Lalramsang InfimateCCPur: Manipur sawrkar chun June 3, 2017 khan MCS officer 4 hai sin a sawidanglam. Hi dungzui hin Pu Lalramsang Infi-mate, MCS, ADC/Chandel and PD/DRDA Chandel chu Addl. DC, CCPur & PD, DRDA, CCPur dinga ruot a nih. Chun, A.S. Elias, MCS, ADC/Pherzawl, CCPur(under order of transfer as Addl. CC, CC-Pur & PD, DRDA/CCPur)

chu Addl. DC, Chandel and PD, DRDA, Chandel dinga sawn a ni a. Jameson Sehlal Hangshing, MCS, SDO/BDO, Singhat (under order of transfer as SDO/BDO, Bungte Chiru) chu SDO/BDO Singhat dinga ruot a ni a, Stiff Khapu-dang, MCS, SDO/BDO, Bungte Chiru ( under order of transfer as SDO/BDO, Singhat) chu SDO/BDO, Bungte Chiru dinga ruot a nih.

Pi Lalruotmawi ruong hmu a nitah;Parvachawm VA in lawmthu an hril

PArvACHAwm: May 29, 2017 zantieng dar 6 vela Daido le Chiepui inkar Tuivai vadunga changsuol leia Tuivai vadungin a l>n Pi Lalruotmawi (42) w/o Lalroding of Parvachawm ruong tlawmngaipawi, YMA le HYA han ngawr taka an zawng hnungin a tlak a inthawk a ni 7 ni June 4, 2017 zingkar 9:30AM vel khan a tlakna hmuna in-thawk km. 3 vela hla Khaw-dungsei le Khawlien inkar vadungte suo ‘Sentuili’ an tina hmunah hmu a ni a, za-nikhan Khawlien-a inthawk Parvachawm tieng phur ng-hal a ni a. Ni 7 zet inhmang ta a ni leiin a ruong hi a se ta leiin zan inriek tir ta lovin June 4, 2017 zan ma khan Parvachawm thlanmuolah vuiliem ni dingin Parva-chawm lalpa \awngbau-a inthawk ei dawng. Ruong hmutu hi Pu H.D. Lalneihliana, Khawdungsei a ni a, a ruong hi Upa Albert K.T. Khuma Ina laklut a ni hnungin Parvachawm tieng phur a nih. Pi Lalruotmawi ruong

zawngna kawnga inrim taka zawngna sin thawtu Daido YMA & VC; N.E. Tlang-nuam YMA & VC; Khawl-ian YMA & VC; Phuaibuang YMA & VC; Ngopa YMA & VC; NE Khawdungsei YMA & VC; Chiahpui YMA & VC; Suangpuilawn YMA & VC; Vanbawng YMA & VC le HYA GHQ hai chun-gah Parvachawm Village Authority hmingin Parva-chawm lal Pu Thangkholun, Pherzawl District, Manipur chun lawmthu a hril. Thi le hring inkara le phing\am-dangchar in-huoma ruong zawngnaa hmalatu hai, ruong zawng-tu hai fak le dawn kawnga lo sawmdawltu Khawlian Rimawi English School le Chalfilf bieltu MLA Pu Ngurdingliana le khawtlang \huoituhai; Tui tla zawng hai \ulnaa hmang dinga \hangpuina petu Tipaimukh MLA Dr Chaltonlien Amo (Rs. 8000); Rs. 5000 a ral le Thangsuopuon a tuomtu Pu Lalditsang, MDC, Sen-vawn; Dr L. Fimate (Rs. 5000) an pekna chunga

Pherzawl VA chun law-mthu an hril bawk. Chun, sawrkar tienga mani hmazawn hma lo puitu hai bieltu MLA Dr Chalton-lien Amo le a rawihai, Po-lice Verification iengkim an lo sukfel pekna thuah lawmthu an hril bawk. Chanchin ei hriet danin Manipur CM N. Biren Singh in hiengang sietna tlung leia thi sungkuo hai kuomah zangnadawmna Rs. 4 lakh pei pek dinga a lo hril ta sa angin Pi Lalruotmawi Tuiva vadunga a tla hlum chungthu Imphal tienga HYA hotu Pi Thang\hatling le Pu Buotsai han an bawzui a, CM chun a ruong hmu a ni hunah zangnadawmna sum hi inhlan a ni ding thu a lo hril niin ei thu dawngna chun a hril. Hi baka hin Pu Robert L. Sungte, Juornalist in https://www.zoramobserver.com-a hi chungthu post a siem chu CM N. Biren Singh hin June 3, 2017 khan a twit-ter account hmangin DC le official hai a tir ding thu a zieklang bawk a nih.

Pi Lalruotmawi ruong hmutu hai (L) Pi Lalruotmawi

Ruong zawngna an sunzawmCCPur: June 1, 2017 a Lanva vadung-a tla nau-pang Kimngaihsiam ruong zawngna chu zani khawm khan sunzawm nawk a ni a. Tlawmngaipawl tum tum SYO, YVA, HYA le ALYC han a tlakna hmuna inthawk Tuinu leilak che-nah ruong zawngna hi an fepui a, Tuinu leilak-a in-thawk ZMB file chen YPA, HYA le ALYC le ZMB field a inthawk Tui\hapui vadung chen YMA, KKL, CYA, HYA, ALYC han ru-ong zawngna sin an thawh. Ringhlana hmun deu \henkhat hai chu JCB

hmanga huot an ni a bawk. VAwisun khawm hin Kimngaihsiam ruong za-wngna hi sunzawm la ning a tih. A ruong hmu tah a upa K. Lianlunmang khawm a sangnu ruong hmu a ni huna a ruola vui dingin District Hospital Morgue-ah a la um mek a nih. Zanikhan ruong ni awm tak Saidan leilak tieng a hung len nia th thedar a ni leiin ruong zawng pawl chun Kangvai le Saidan pel tieng chen ruong zawngin an fe tawl a, sienkhawm hmu ding a um naw leiin an hung kir nawk tawl.

imPHAL: “Ei rama nuh-meihai chunga nunrawngna le kut thlakna leia thubuoi-hai chingfeltu ding bikin Fast Track Court indin nih vat tang a tih” tiin Chief Minister Mr N. Biren Singh chun a hril. Hi thu hi De-partment of Planning, Gov-ernment of Manipur-in Pa-thiennia RIMS Jubilee hall, Imphal-a State Level Semi-nar on “Development Prior-ity of Manipur” a buotsai a hawngna huna a hril a nih.Khuol lien anga thu a hril-naa chun, hieng ang Semi-nar buotsaina san chu ei ram le hnam hmasawnna daltu le harsatnahai zawng dawka, chuong harsatnahai chingfel dan ding zawng suokna ding a nih tiin a hril a. Chuonga hmalâkna ding chun platform pakhat si-emin, thiemna hran hran nei academician, entrepreneurs, farmers, social workers, etc han mani thiemna le theina seng thaw khâwmin ei state-a economic stability a um theina dinga hmalak a hun tah a nih tiin a hril bawk. Seminar a inthawka ngaidân le recommenda-tions hai chu sawrkarin ngaivenin inclusive devel-opment a um theina dinga

a bawzui ding thu a hril lai zingin, inclusive develop-ment \ha tak a um theina dingin DONER chun As-sam le Tripura \hangin, Manipur ah “Hill Area Development Program” a hung siem vat ta ding niin a hril. Ei state-a drug traffick-ing le abuse a bo theina dingin sawrkâr chun hrât takin hma a lak mek a, ille-gal drugs a sumdawngtuhai man dingin dappui a thaw zinga a, drugs zawrtu man-hai chu na taka hrem pei an ni ding ti thu a hril bawk. Steering Committee Chairman Prof. N. Mohendro Singh chun, “Ei state-a plan-ning & development thar a um theina dinga pawimaw

hmasatak chu structural change a nih” tiin a hril ve. Seminar-a hin Manipur Assembly-a Speaker Mr Y. Khemchand, Social Welfare Minster Ms Nemcha Kipgen, Tribal & Hill Areas Minister Mr N. Kayasii, Dy Chairman State Planning Board Mr S. Rajen Sing hai khawm khuol chawngpu le khuol inza-mumhai angin an \hang. Sawrkâr Thar mipui thlawp \ul: Hienglai zing hin Manipur People’s Club, Khwai Thokchom Leikai, Imphal buotsainain Keishampat Thokchom Leikai ah Rajya Sabha MP thar Mr Ksh Bhabananda Singh lawmlutna hunser nei a ni a. Chief Minister chun thu hrilin, “Sawrkâr

thar chu thla thum chau a la ni a. Ei state ah inkhu-ongruol taka development a um a, khawtlâng nun ei siem\ha theina ding chun mipuiin thei tawpa sawrkâr ei thlawp a \ul a nih” tiin a hril. Chief Minister chun, “Kum 60 zet elections vawi tamtak nei a nih taa chu ieng rak a la danglam tak tak nawh a. Hi sawrkâr ruok hin chu mipuihai hringna le inzakaina la humhal a tum a nih. Sawrkar thar hin hming\hatna le lawmman a hnawtin a beisei nawh a, state mipuihai hmasawnna ding le \hatna ding chauva sin thawin danglamna int-lungtir a nuom a nih” tiin a hril bawk.

State-a Army hai nun-rawngna le chêt dudana-hai \ha a ti naw thu hrilin, sawrkarin a suktawp vat ta ding niin a hril. Nuhmei-hai chunga nunrawngna le kut hlakna tharum insuona (violence) hai demin, High Court phalna lain, nuhmei chunga kut thlakna le case rêng rêng inrang taka relfel vat vat a ni theina dingin Fast Track Court indin a nih ding thu a hril bawk. Lawmluta um Ra-jya Sabha member thar Ksh Bhabananda chun, “Hlawtlingna ding chun in-dikna le ringumna bakah in-pumkhatna a pawimawtak a. Ei ram le hnam hma-sawnna ding le khawtlâng siem\hatna dingin ka thei tawpin hma hung la veng ka tih” tiin a hril. Hi function-a hin PWD, Power, RD&PR, Commerce & Industries le IPR minister Th Biswajit Singh, Educa-tion, Labour & Employment minister Mr Th Radheshy-am Singh, Parliamentary Secretary (RD & PR) Mr Heikham Dingo Singh, Ex-MLA Dr Kh Loken Singh le BJP Manipur President hlui Mr Sh Shantikumar Sharma hai khawm an \hang.

Nuhmei thu reltu ding bik Fast Track Court indin dingSawrkâr tharin mipui thlawpna a mamaw: CM

Zu mana um hai suksiet

CCPur: Churachandpur Police han hmun tum tuma zu an man hai chu zani zingkar 7:30AM khan In-spector R.K. Anil Kumar Singh, Officer-in-charge, CCPur Police station in-

rawinain Police le VDF personnel han Sielmat leilak bul lai an suksiet/bunthlak. Zu bunthlaka um hai hi local zu an ni a, litre 600 vel niin Inspector R.K. Anil Kumar chun a hril.

Sawrkar in a hril angin thli le tuilien leia thi hai zangnadawmna Rs. 4 lakh pek an ni ding thu a hrilCCPur: Pu V. Hang-khanlian, Minister (Agri, Vety & Animal Husban-dary) chun zani zantieng 3:00PM khan CCPur khaw-pui sunga Tribe tum tum a Philanthropic Organisation tum tuma \huoitu hai YPA GHQ Hall, Hiangtam hmu-nah inpawlpuina a nei a. V. Hangkhanlian chun, district siem\hatna dinga ama mimal ngaidan chau ni loa, tlawmngaipawl tum tum hai ngaidan lakkhawm a nuom thu, Philanthropic Organisation tum tum hai le \hangkhawma sin tam tak thaw a ni thu, district in a mamaw hmasa tak lamlien \ha, tui dawn ding indaitawk le hriselna tieng-pangah BPL sungkuo hai ta dinga a thlawna hmu thei damdawi le a dang dang a ni ding ang taka an hmu theina dinga hma a lak thu hrilin tlawmngaipawl hai chu a hmalakna thlawp dingin a ngen a. Manipur a BJP sawrkar hi naupang takel a la ni sienkhawm

CM N. Biren Singh chu development tiengpang a ni phawt chun an hnik a, Dis-trict dang a sirna haiah de-velopment package a tiem anga district-ah reception nei inla iem district in ham\hatpui ei ta ti thuah in-rawntlangna nei nuom leia \huoituhai a ko khawm a ni thu hai a hril. Hi huna hin Tlawmngai Pawl President/Secretary han ngaidan hrilin, lun-gruol taka CM reception nei dinga inpeisa an ni thu an hril tawl. Hnam \huoituhai an hmupui zoin Disaster

Management chungthuah press/Media hai inpawlpui-na a nei nawk a. Chu hu-nah official-a an hriet vatlo Pherzawl district huomsun-ga Parvachawm mi Pi Lal-ruotmawi Tuivai vadunga a tlahlum, vawisuna a ruong hmua um le inzawmin State sawrkarin tuilien le thlipui leia thina tuok hai \hang-puina/zangnadawmna Rs. 4 lakh pek dinga a lo pu-ong angin zangnadawmna pek a ni ding thu; Lanva vadung a unau tlahlum hai khawm govt. policy umsa dungzuiin ruong hmu tah K. Lianlunmang ralna in

Rs. 4 Lakhs pek a nita thu le, a sangnu Kimngaihsiam khawm a ruong hmu a ni hun huna Rs. 4 lakh zang-nadawmna pek a ni ding thu Pu Hangkhanlian chun a hril a, iemani leia a ruong hmu loa a lo um khaw-min District Magisrate in thusuok siema a thi ngei a nih ti sukchiengna a siem chun zangnadawmna Rs. 4 lakh pek a ni ding thu a hril bawk. Chun, Cyclone Mora in a nuoi Kangkap le a se vela harsatna ruok sungkuo hai khawm a thil suksiet dan izira \hangpuina pek a ni ding thu, hi chungth-ua hin pek ding zat chie a hril theinaw thu; Chief Minister lawmlutna hun hmang dingin Philan-thropic Organisation tum tum han rem an ti tlang thu hrilin Lanva vadunga tlahlum naupang hai ruong zawngna kawngah district incharge minister a nina angina tlawmngaipawl hai chungah lawmthu a hril.

H.Mongjang a bomb sukpuoktu RPFimPHAL: June 3, 2017 a Imphal-Moreh Road a Khudengthabi bula H.Mongjang Village a bomb(IED) sukpuoktu kha kei ni pawl kan nih tiin PLA chun thusuok an siem. Bomb

hi PLA Army wing Revolu-tionary Peoples’ Front(RPF) in an sukpuok a nih tiin As-siatant Secretary Publicity, RPF chun thusuok a siem. Bomb puok huna khan 11 Assam Rifles a Junior Com-

mission Officer(JCO) pakhat \hangsain Assam Rifles per-sonnel 3 an hliem a nih. Hi thil tlung dodalnain zanikhan Moreh town sunga pawl tum tum \hangruol han darkar 24 Moreh bandh an thaw.

Forest & Environment Minister in vai liem

imPHAL: Dzuko Valley fang ding le Mount Isho tlang lawn ding nuhmei le pasal 60 vel hai chu zanikhan Manipur Moun-taineering and Training Association(MMTA) Of-fice, Minuthong, Imphal hmuna inthawk Forest & Environment Minister Th.Shyamkumar in a vai liem. Hi thil hi vawisuna World Environment Day

hmangna ding le inza-wma MMTA le Naga-land Adventures Asso-ciation hai \hangruola an huoihawt a nih. Tu kuma World Environment Day thupui chu “Connect-ing People to Nature” ti a nih. Hi hunserah hin K.Meghachandra, Direc-tor, DIPR le MMTA Pres-ident hlui Yembem Laba hai khawm an thang

CM in CAU Adminstra-tive Block a hawng

imPHAL: Zanikhan CM N.Biren Singh in Central Agricultur-al University(CAU), Iroisemba Administrative Block building thar bawla um chu a hawng. Sawrkar chun Corruption sukbo dingin hma nasa takin a lak. Corruption hi milien le milal haia inthawka in\an a

nih. Sawrkar sin lak na din-ga interview result khawm thamna pekna huna um nawna dingin interview zova inthawka ni 2/3 zovah result puonglang nghal pei ning a tih. Sin hrim hrim a thiem izir (merit basis) a lak ning a tih tiin CM in hi huna thu a hril huna a hril.

Ex-Pradhan in a unaupa a sat hlum

imPHAL: June 3, 2017 khan Irong Village, Thou-bal District-ah IRB Rifle-man Feroz chu a unaupa Latif in chem. Hmangin a sat h,um. Feroz le Latif hai unau hi inrem lo le insel rawp hlak an ni bakah Latif chun Feroz hi silai hmangin vawikhat a lo kap hliem ta bawk. Latif hi Ex-Pradhan a nih. Latif hi a tlan hmang leiin man a la ni nawh. Latif hi nuhmei nei ta hnung a ni a, sienkhawm tulai tak hin an in\he nia hril a nih.

Monica le a nu thattu ni dinga ringhla man; nuhmei ruolin a in an suosam

imPHAL: May 30, 2017 a Uripok Bachaspati Lei-kai, Imphal-a an chengna in sunga nuhmei inrai lai Soram Monica (30), w/o Irenbam Anil le a nu Soram (O) Lakkhipayri (60) nunrawng taka an ringa at hlumtu ni dinga ring-hla Khongbantabam Hitler Singh (30), s/o Khongban-tabam Imocha Singh chu Imphal West District Po-lice han an man a, CJM, Imphal West hmaah an inlangtir a, Court chun Hitler hi ni 11 sung Police custody-a sie a, thu indawn

chiengna nei dingin a rel hri phawt. Hitler hi Monica le lo inngaizawng hlak nia hril a nih. Hitler hi Police han June 2, 2017 a kha Uri-pok Khumanthem Leikai-a inthawka an man a nih. Hi tuolthatna le inza-wm hin nuhmei ruol chu zani zantieng 3:30PM khan Uripok Khumanthem

Leikai-a a chengna ina fein a in hi an vasuosam a, in-sunga thil um \henkhat an suksiet. Hitler hi thu indawnna nei mek a ni a, sienkhawm tuchena hin nufa hai hi a that a ni thu a lan puong naw niin SP, Imphal West District, Manipur chun a hril.

Miley Cyrus “One Love Manchester” Concert

ah-P4

Hmasawnna Thar2THLAdo (june) 05, 2017THAw|Anni (mondAy) ARTICLE/HEALTH & EMPLOYMENT NEWS

Editorial

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

ALL INDIA RADIO: CHURACHANDPUR PROGRAMMEdate: june 5, 2017 (Thaw\anni)

TrAnSmiSSion- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God : (Paite) Doni Donbiakmawi (dev)

5.05pm P Local Announcement/Prog. Summary

5.10pm P Minor Dialect (Vaiphei): C. Hoiniang & party

5.25pm P Science Hints (Paite): Uses of Computer - by T. Doumuanthang

5.30pm P

PAITE Prog. Sig. Tune & Announcement Announcer: Ellen1) Lian Elson & party (mod)2) T. Ginpaulson & party (mod)

6.00pm PHMAR Prog., sig. Tune & Announcement Announcer: Elizabeth1) Listener’s Choice (dev)

7:00PM PTHADOU Prog., sig. Tune & Announcement Announcer: Hemminthang1) Jaila-Ai (mod)

Farm & Home: Paite1. S. Pauginmuan (mod)2. Talk: Scope of Coffee plantation in Churachandpur- by K. Vungzamawi

Mobile phone lei

VAWISUN THUPUIKei ruok chu, in ta dinga \awng\ai chawlin, Lalpa chungah suol naw tawp ka tih; lampui

\ha le lampui indik khikhmu pei lem ka ti cheu. Lalpa chu \i phawt el unla, in lungril popovin titakzetin a rawng bawl unla, in ta

dinga thil a thaw ropui zie hi ngaituo ro khai. - 1 Samuel 12:23-24

B.V. SC & A.H. INCHUK THEI A NIHimPHAL: Academic Session 2017-18 a Manipur sawrkar tira College of Veterinary Science & A.H., Selesih, Aizawl, Mizoram le College of Veterinary Sciences & A.H. Jalukie, Nagland a B.V. S.C & A.H. Degree Course (kum 5 sung) inchuk nuomhai ta dingin hnina peklut hun a nih. Rs. 500/- (General/OBC/In-service candidates) le ST/SC/PH hai ta dingin Application Form Directorate of Vety & A.H. Services, Sanjenthong, Imphal-ah June 5-21, 2017 inkar sung lak thei le fill up zovin June 15-22, 2017 inkar sungin peklut thei ning a tih. Competitive Entrance Test chu July 2, 2017 ah nei ning a ta, Admit Card June 28-30, 2017 inkar sungin Directorate ah hin lak thei ning a tih. Thiemna Class XII Science passed, English, Physics, Chemistry le Biology haia marks 50% (ST/SC/PH) hmu, a tlawm takah kum 16 ni a \ul. In-service candidate hai ta din-gin June 22, 2017 chenin hnina lekha peklut thei ning a tih.

Manipur mipuihai tung le nghakhla em em el Coun-cil of Higher Secondary Education, Manipur hnuoia Class-XII Examination, 2017 le Board of Secondary Education, Manipur hnuoia Class-X Examination, 2017 result hai a hung suok ta a. Class-XII a chu a pumpuia pass percentage 68.81 a nih. Kum 2016 a pass percentage 65.22 a ni a, ni kum nekin tu kuma pass percentage chu 3.59% in an sang lem. Class-X a chun a pumpuia pass percentage 66.70 a ni a, kum 2016 a pass percentage chu 65.37 a ni a, tu kuma pass percentage chu ni kum nekin pass percentage 1.33% in an sang lem. A pumpui le a tlangpui thua chun ni kum nekin result a \ha lem a, an sang lem \het tina a nih. Class-XII Arts Stream-ah khan a pakhatna le pahnina nuhmei ve ve an ni a, Science Stream-ah khan a pakhatna pasal, pahnina pasal le nuhmei an ni a, pathumna chu nuhmei a nih. Commerce Stream-ah chun pakhatna a inthawka pathumna chen pasal vawng an nih. Class-X a chun pakhatna le pahnina nuhmei ve ve le pathumna chu pahni an um a, pasal ve ve an nih. Rank or Position holder a chun pasal han nuhmei an tlukzo nawh tina a nih. Tulai chu com-petitive exam haiah khawm nuhmei han hma an \huoi hlak. Tu kuma UPSC hnuoia Civil Services exam a khawm a pakhatna nuhmei a nih. Kum iemanizat liemtaa inthawk khan Civil Services exam a hin nuh-mei han topper nina hi an lak zawm ta zar zar a nih. Pasalhai ta dinga chona \ha tak a ni a, \hang lak nasat zuol a \ul. Manipur a Class-X le Class-XII exam result ei hang thlirlet chun private le mission school-hai chu hma \huoitu le rank holder-ah an la \hang pei. Sawrkar school-hai ta dingin inzak a um a, a muolphothlak hle. State Sawrkar, Educational Department a thawktuhai le sawrkar school a zirtirtuhai \hang an lak nasa zuol a \ul bek bek el a nih. An result hi sawrkar sum seng leh an phu naw taluo deu a nih. Class-X le Class-XII result chungchangah hin Churachandpur le Pherzawl District ngirhmun ei hang ennawn a, hmasawn nekin ei hnungtawl a, ei tla hnuoi ta hle. Top 10 rank holder a \hang ve phak hlak hai kha ei Nil let der kum an zingzut el tah. Tu kum hin Class-X ah rank 19-na la pakhat a um khiet. Class XII Arts Stream ah chun rank 7-na le rank 9-na hai ei hluo phak hram hram. Iengleia hieng lawm lawma class X le class XII exam result haiah ei tlase el am an ta a? ti hi students, Teachers, school neituhai, nu le pahai ei inennawn a, a san ding zawngsuoka ei insiem \ha a, \hang ei lak nasa nawk zuol nuom a um. District-wise a tu kuma Class-X Exam a pass per-centage a chun, Churachandpur le Pherzawl District chu a parukna ei nih. District tum tum han candidate an neizat, a pasi zat le pass percentage chu, Thoubal & Kakching Dis-trict in Candidates 6874 an nei a, candidates 4501 an passed a, pass percentage 79.82 ; Tamenglong & Noney candidates 1642 an nei a, candidates 1200 an passed a, pass percentage 73.08 ; Chandel & Teng-noupal in candidates 1641 an nei a, candidates 1191 an passed a, pass percentage 72.58 ; Ukhrul le Kam-jong in candidates 2257 an nei a, candidates 1594 an passed a, pass percentage 70.62 ; Imphal West in can-didates 6874 an nei a, candidates 4501 an passed a, pass percentage 65.48 ; Bishnupur in candidates 3270 an nei a, candidates 2044 an passed a, pass percent-age 62.51 ; Churachandpur le Pherzawl in candidates 3341 an nei a, candidates 2041 an passed a, pass per-centage 61.09 ; Senapati & Kangpokpi in candidates 4590 an nei a, candidates 2737 an passed a, pass per-centage 59.63 le Imphal East le Jiribam han candi-dates 5025 an nei a, candidates 2984 an passed a, pass percentage 59.38 a nih. Churachandpur le Pherzawl District-hai chu Class-X & XII exam haiah ei hnungtawl pei a, ei re-sult a tla hnuoi tul tul a, result chungchangah hin ei tlabalin ei tlase hle a, ei ngirhmun an hnuoi ta a nih. Ei District result sietna san hi; a san chi hran hran um a tih. Amiruokchu, a san bulpui tak chu Mobile Phone lei niin an lang. Mobile Phone hi a \ha a, ei lekha inchukna kawngah khawm a mi \hangpui thei a, sawr khawm ei sawr \angkai. Nisienlakhawm students han invetchilin ei addict a, ei lekha inchuk le subject-hai nekin ei ngaipawimaw lem a, lekha tiemna nekin mo-bile phone inhnel le tawknain hun ei hmang rawn ta lem leia ei result hi a hung se deu deu a nih ti inla ei hril suol taluo ring a um nawh. Hieng a ni lei hin students, nu le pa, zirtirtuhai le school neituhai mobile phone hmang le tawkna kawn-gah hin mani seng ei inennawn a, ei insiem \hat a \ul a nih. Mobile phone addict nekin ei lekha inchuk hi addict lem inla ei result hi tuta nek hin a hung \ha lem ngei beisei a um. Thil iengkim el hi a taluo a um a, a taluo a thaw chu a \ha naw a, mi suksetu a nih. Hi lei hin har that ei tiu a, mobile phone hmang hi a huntawk hriet seng tum ei tiu.

Assam-ah tuilien le mimkei leiin mi 13,000 han harsatna

GuwAHATi: Assam-a chun tulaia ruotui nasa taka a tlak leiin Barak valley region-a chun Rel service a sukbuoi pha bakah tuil-ien leiin mihriem 13,000 vel han harsatna nasa tak an tuok pha niin Assam State Disaster Management Authority official thusuok chun a hril. Darkar 24 liemta sung khan ruosur lei hin Lakh-impur, Jorhat le Biswanath district haiah khuo 28 haia chun tui a let niin official

thusuok chun a hril. Hi baka hin Dima Ha-sai district a chun mimkei a tlung leiin Barak Valley le infepawna Rel service chu sukchawl pha niin Northeast Frontier Railway (NFR) chun a hril. Brahmaputra vadung tui khawm an \hang pei a, Nimatighat hmuna chun \ium inchikna pel zar zarin a luong mek a, hi lei hin Lawng service \henkhat chu sukchawl pha a ni bawk. (IANS)

COnGrAtUlAtIOn tO All sUCCessFUl

CAndIdAtes OF Cl-X & Cl XII

H.Zaneisang

Tu kuma CL-X le Cl XII passed tharhai po po, lawmpuina chibai inr>ngin ka b<k cheu. Chu ruol ruol chun, mani inthladana lei khawm a ni thei; an naw leh harsatna dang dang leia la hlawtling zo ve lohai, lungril takin ka tuorpui cheu a. In hlawsamna’n sukbeidawng naw sienla cheu; hlawsamna hi hlawtlingna ban (lungphum) pawimaw tak a nih ti lungrila vawng tlat puma tha thara \hang nasa taka in l^k ka beisei. Kei hi thuziek ziektu’n Cl X ka exam vena kha kum 50 a lo hlei hiel tah. Kh^ng hun lai khan chu, Manipur pumpuia hin First Division-a passes 20 khat b^k an um ngai nawh. A n^wlpui lem chu III Division-a passed an nih. Tl^ngmihai ta ding lem chun First Divn kha v^na ra ang a la nih. Kei lem hi chu Third Divn-a khawm tling ph^k lo ka nih. Kei ni hun laia Cl X Second Divn-a passed thei chinhai kha chu Class 1 Officer inziek tling dinga ngai an nih. A tl^ngpuiin an inziek tling hrim a nih. Tulai ruok chu, Cl -X First Divn-a passed, a chung tieng hril zui ding um ta mang lova zui ral ei tam tah niin an lang. Hi hi thil pawi tak, thil inzakuma ngai ding a nih. Cl X kan in-exam ve lai khan chu, tulaia ‘Internal Mark’ inti ang hi kan la nei ve nawh. Pawl 10 ni sien, p^wl 12 khawm ni rawseh, First Divn-a passed thei chinhai chu mani subject master vieu dinga ngai le, an hnuoi t^wpah Class II Officer b>k inziek tling thei ding khawpa College zo dinga ngai le beisei an nih. Class X First Divisional ei tam t^k vei leh, ei zui ral pei niin an lang a, a va pawi deh aw !

Pu L.Ruoivel Pangamte’n Hmasawna Thar le magazine hrang hranga a hril rawp hlak angin, taksa khawsakna kawnga mi dawmsangtu ding chun Education naw hi chu a um naw ma ma chu a nih ! Ei society hi ei khawsakna hmun, Mizoram, Manipur, Assam le Meghalaya-hai khawm nisien, ka ram hang ti thei ding ei nei nawh a. Ei chengna state-haia hin hnam danghai chepdena kara l>ngin nau fahra chan ei chang a. Sawrkar development sum hrim hrim hlak chu hnam danghaiin a tak le a thau \ha \ha an mi fak zo pek a. Dik taka hril ding chun a rukawl khawm an mi hle nuom naw chu a ni tak tah hi tie maw ?

Ei beidawng luotin, ‘Hi khawvel thil vanrama ei sawm thei ding khawm ni hlei lo chu ….’ hang ti de hlak inla khawm; hnuoi taksa puta hi khawvel ei hluo s<ng hin chu a ni thei tak tak bawk si nawh. Ei Pathien thu’n, “Chungl>ng vatehai khi en ro, bu an tu nawh a, an s$k bawk nawh. Nisienlakhawm in Pa v^na mi chun a ch^wm sih a.” ti thu Mathai 6:26-a hin hang innghat ngawt ding ni inla, Bible thiemhai chun, “Chungl>ng vatehai hin bu tuin s$k nawhai sien khawm, an f^k ding lakh^wmin, ch^wl lai hrim an nei nawh. Leilung siem t$ra inthawk an umd^n dinga Pathienin a siem ang takin an umin an khawsa zing lem a nih.” an mi tip>k n^wk ^wm sih a. ,”

A iengpo khawm chu lo ni sien, vawis<na Cl X le Cl XII passed thar po pohai hi, mani intodelna lampuiah tl^na, khawvel thiemna insanglem tui chawi thei dingin kawtsuo pawimaw tak in paltlang mek chau a nih ti in inhriet tlat a pawimaw hle. Tuta in phak chen Cl X or Cl XII hi chu fakkhawp a la tling naw leiin taimak in insuo nawk zuol nuom a um takzet. Fak khawp inchuk dawk ding chun lampui hraw ding sei deu in la nei ti hrein, inthlada a thieng nawh. Cl X 1st Divn-a passed hnunga Cl XII 3rd Divn-a passed ti ang chi hi thil inzakuma ngai a hun tah. Kum tin First Divn-ah ei intlar del dulna hi kum tam fut an tah. Cl X result-a inthawk inkhi chun, HSA member sawmhni khat bek kum tin First Class Officer inziekkai ding ^wm hmel chu ei put tah. Amiruokchu, ei zui ral tiel tiel am a nih ti dingin Cl X chungtieng hin ei ri hi a dei deu tlat ta pei nisien a hawi a ? |hang lak nasat a \ul. Tuhma kum 25 vel hmaa pawl sawm III Div-a lo passed-hai hman officer an lo inziekkai thei a ni chun, I Div-a passed-hai ta ding lem chun ei thei ding a ni ringawt el. Amiruokchu, officer inziek kai ding

chun inthlada a thieng nawh. Mani ei in hmusitna ding ni naw sien, hang hril mei mei ka tih. Kum tin hin Cl X result hi inter-net ah ka lo en ve hlak a. Ei ni rawi Churachandpur tienga Zohnathlakhai a tam lem hi chu, Internal Marks le MIL-in division \ha ah a mi keikai mei mei ni sien a hawi. Chuleiin, ei division le ei hrietna tak tak inkar hi hla vieu rawi a tih, inthlada thei ei ni nawh. Sin \ha zawnga competitive exam-na hall ah ei in\hung pha, ei division ni lovin ei hrietna chau a nih ei sawr ding chu. Chuleiin, HSA member tin, abikin tu kuma Cl X le Cl XII passed-hai chau ni lo, a fail hai khawmin Tirko Paul \awngbau z<l deuin, “First or Second Div ah passed inti b>k b>k khawm ka ni nawh a, tu \um ka fail lei el in thil hre thei lo hrim hrim nia inngaia >kche in\hunga in\hung el khawm ka ni nawh a, thiemna field-a kan tlansiekna lam suo tah b>k b>ka inngai khawm ka ni bawk nawh. Amiruokchu hi thil pakhat hi ka thaw hlak; vawisuna ka result a \ha tam a sie tam theinghilin, hmatienga thil um, thiemna le hrietna tak tak nei dingin inthlada lo le zawmthaw lovin; mihriem ta dinga hun (time) pawimaw b>k b>k zie ngaituo le hre zing pumin ka hmaa khawvel intlansiekna ding uma hin sel takin hma tieng panin ka tlan \al \al a nih,” ti thei seng in la nuom a um b>k b>k. Vawisuna nunghak le tlangval, High Schools, colleges le Universities-a inch<k mekhai hi zinga hnam le kohran \huoitu dinghai in nih a. Thlarau ramah nisien, khawvel khawsak thiem inch<knaa khawm ni sien, mani ph^k chin b^k midanghai ei \huoi thei ngai nawh. Division \ha/insanga passed-hai an division-in ph<rna le taimak nawkzuolna pe sien la. Division inhnuoi deua hlawtlingna changhai le vawisuna la hlawsam hrihaiin “iem ka thei naw bikna ding san” tia thangtl^wmna \ha an nei beiseina leia hi thu hi ziek a nih. Tuhma deu khan chu Cl X result suok zo charin pass-hai lawmpuina inkhawm kha HSA-in a buotsai hlak kha niin ka hriet a. Vawisuna Hmar Students Association \huoitu haihin an sin le an mawphurna tak hi an hriet naw ve deu am an tah aw ? ti dingin a um. Inchuklaihai, an s^wla an hung inthlada nawna dingin, infui le sukph<r a pawimaw a; chu sin chu HSA \huoituhai liengkova innghat a nih. Headquarter le Block levelhai ah ei huoihawt thei naw a ni khawm a, unit le village level-haia bek ei thaw thei ta naw am ning a tih aw ? An naw leh, hieng thil ei thaw kum tin hai, kei patamtawmin ka lo hriet ph^k ve ta ngai naw lem ? Chuleiin, nang thiemna in hrang hranga thiem inch<k m>k, hei ngaituo vang vang la; vawisuna in sungkuo le i hnam dawmsanga a um theina dinga thil pawimaw hrang hrang hei dap vel ta. Mimal, sungkuo le hnam mi daws^ngtu dinga thil pawimaw tam tak i hriet am ? I ins<ng le ka ins<ng le ei hnam dawms^nga ei um a, mihai ei hnawt ph^k vena dinga pawimawtak chu EDUCATION ngei hi ni lo am a nih ? Chu chu m^wl taka hril ding chun ‘Mihai lekhabu zieksa hriet rawn’ a ne’l. A ziek pei hman an um chun thaw ro, eini inchuklaihai hin inrim taka mi lo zieksa na na na chu hre \eu dingin tiem tlut tlut el ei tiu. A tl^wm t^wpah ni khatah darkar 7 ng<k taka i subject i tiem a ni phawt chun, ruol hnung i hnawt bik ring a um nawh. Chu formula chu an tak bek nawh. Ni tin zing dar 3:30 ah tho la dar 7 chen lekha tiem la. Zan dar 6:30 ah \anin dar 10 chen tiem nawk rawh. Chu chu thil intak tak, awlsam tak bawksi a nih. Chu thawtheina ding chun nang a tumruna le mani inthununna (self-decipline) ah an nghat lien tak. Chuleiin, tiemtuhai, a b$kin HSA member thiem inch<k m>khaiin, mani sin le inch<kna seng, inrim, taima le ng<k taka thaw hi \awng\aina ng>nngawl, Pathienin a dawn ngei ngei hlak a nih ti lo hrie thar nawk seng ei tiu.

Dated Rengkai, the 4th June 2017.Phone 9862065735.

ATS in ISI agent ringhla an manSurAT: Gujarat Anti-Terrorist Squad (ATS)pawl chun zanikhan Surat hmu-nah ISI agent ni dinga ring-hla pasal pakhat an man. Mana um pa hi tulai hnaia Uttar Pradesh ATS han Mumbai hmuna ISI ring-hla mi pahni an man hai le

inzawmna nei nia hril a nih. UP ATS han tuta hma meta ISIS agents pahni an man hai chu Punjab le Lucknow cantonment area haia enthlatu sin lo thaw le tuta hma meta man Aftab Ali leh inzawmna nein i an ringhla a nih. (AIR)

Miz.Peace Accord Review CommitteeAizAwL: June 5, 2017 hin Mizoram inremna thuthlung enfeltu dinga sawrkarin an din Peace Ac-cord Review Committee chun an Chairman Chief Minister Lalthanhawla in-rawinain meeting nei an tih. Hi huna hin June 30, 1986-a India sawrkar le MNF han inremna thuthlung an ziek tuchena sukpuitling lova la um hai chungthu an hrilt-lang ding a nih. Peace Accord Review

Committee-a hin Home Minister Pu R. Lalzirliana Vice Chairman a ni a, Min-ister hlui Pu Lalrinmawia Ralte MLA member secre-tary niin Minister Pu P.C. Lalthanliana, Chief Sec retary Pu Lalmalsawma, MNF Defence Minister hlui R. Zamawia hai chu mem-ber an ni a, MNF inpe tahai aiaw pahni bakah Special invitee in MNF a tactical hqrts hotu Lalrawnliana hai members an nih.

Samruddhi corridor leiin lonei-tu 4 lungphu chawlin an thi tah

AurAnGAbAd: Maha-rashtra sawrkarin district 10-a talukas 30 haia khuo 354 hrawtlang dinga lane 8 metres 120 a lien le km. 710 a sei ding Samruddhi corridor expressway siem a tumna le inzawmin Au-rangabad district sunga lo-neitu 4 zet hai chu hi lam-pui siem dingin an ram a lak ding thu an hriet thut leia lung\hawng in lung-phu chawlin an thi tah. Hi expressway hi Oc-tober, 2017 a inthawka siem \an dingin Chief Minister Devendra Fad-

navis chun tulai hnai khan a lo puong ta a, lampui siemna hi kum 3 sunga zo dinga ti a nih. Loneitu lungphu chawl leia thi hai chu Shiva-nathappa Thenge (68), Vishwanath Hekde (62) le Lakshman Sundarne (65) hai an ni a, hieng leoneitu hai hi thla hmasa laia kha thi an nih tiin an sunghai chun an hril a. April 9, 2017 khawm khan loneitu Jadusinh Jalamsinh Me-her (63) of Palshi village lungphu chawlin a lo thi ta bawk a nih. (ENS)

Demonetisation in Rangkachak tawlrukna a sukbuoi

new deLHi: India pawi-sa notes thatna (demon-etisation) chun a ruk a rala rangkachak tawlrukna a suktlawm pha hle niin zanita Official thusuok chun a hril. Kum 2016-17 sung khan Custom han Delhi airport-ah rangkachak an man po kg. 240 a tling phak a, hi hi kum 2015-16 sunga custom han airport-a rangkachak an

man popo nekin kg. 190 in a tlawm lem a nih tiin official thusuok chun a hril. Kum 2015-16 sung khan Delhi a Indira Gandhi International Airport-ah rangkachak tawlruk man-na cases 355 zet a tlung a, hi hun sunga rangkachak mana um chu kg. 450 a tling phak a nih tiin Official thusuok chun a hril. (PTI)

Maneka Gandhi Operation thawnew deLHi: Union Women and Child Develop-ment minister Ms Maneka Gandhi chu a kal-a lung um leiin zanikhan All India In-stitute of Medical Sciences (AIIMS), New Delhi hmu-na operation thaw a nih. Ms Maneka Gandhi (60)

hi a taksa chau sienkhawm a ngirhmun a \ha a, tuta in-thawk ni 3-4 hnungah Hos-pital suoksan thei tang a tih tiin doctor han an hril. Ms Maneka Gandhi hi June 2, 2017 a kha AIIMS, New Delhi hmuna phingna an sawisel leia admit a nih.

NH-54-ah Blockade thaw an tumAizAwL: Kolasib District All NGO Committee chun Kolasib district Hospital-a inthawk Dr Zothansanga Za-deng sawndawk an dodalna fepui peiin Aizawl le Sil-char infepawna NH-54 ah blockade an thaw ding thu an puong.

All NGO Committee chun doctor sawnna thupek hi June 5, 2017 chena hnuk-kir a ninaw chun NH-54 hi an dang ding niin an hril. An nuorna le inzawm hin Zir-tawpni liemta khan sawrkar Offices le inchuknain hai an lo khar ta a nih.

Nuhmei vuokhlumna thuah mi 10 man, ASI suspended

bAriPAdA: Zani hmasa laia Mayurbhanj district-a Domuhani hmuna naupang \huoihmangtu ni ringhla le intumna leia nuhmei kum 48 mi Basanti Mohanta of Anla village mipuiin an vuokhlumna le inzawmin zanikhan Police han mi 10

an man bakah Assistant Sub-Inspector of Police B K Sathua chu a maw-phurna a zo nawh ti leiin a sina inthawk suspended a nih tiin Bangiriposi Police station in-charge Inspec-tor SC Roy chun a hril. (PTI)

Nuhmei chunga mawilo taka chang leiin Constable man

mAinPuri : Uttar Pradesh a chun Police con-stable Ishwar Dayal, Kar-hal gate Police outpost a um chu May 25 khan nuhmei chunga mawilo taka a chang leiin man a nih. Nuhmei kum 30 a upa hi case thlith-lai dingin Police station-ah a va fe a chu tak a hieng ang thil ditumlo hi tlung a

nih. Hi thil hi Mobile phone a record a ni a. Social me-dia haia tarlang a ni hnung a state sawrkarin action la dinga thusuok siemin Police constable Ishwar Dayal hi thu indawn fie dingin FIR Mainpuri police station -ah zieklut khum nghal a ni thu Superintendent of Police Rajesh S chun a hril.

Hmasawnna Thar3 THLAdo (june) 05, 2017THAw|Anni (mondAy) nATionAL/inTernATionAL & AdverTiSemenT

LAKTAwi

vAwK in|HAnGnA dAmdAwiI vawk zawr hun tlingna dingin kum khat nek tam nghak ngai tanaw nih.

A |HATnA:

* PIGROW mum hi Company-hai ti dan ang taka i pek chun thla 5 sungin kg. 70 chuongkai hman a tih.

* PIGROW mum hin, i vawk chu i pek \ana inthawk chawl der loin an \hang tir thei.

A PeK dAn dinG:* Vawk pakhatah nikhatah mum 20 (zingtieng mum 10 le zantieng mum 10) pek ding.* Box khat ah mum 600 a um a, chu chu thlakhat sunga a fakzo ding a nih.* Rawt phita pek in fak awlsam an ti lem.InCHAwk tHeInAHAI:1. Hmingi 2. L.K. Screen PrintingBethel, CCPur Lighthouse Lane, CCPur# 84148523913. Pet Care Centre, Tiddim Rd. CCPur.Order tam dan dungzuiin HOMe delIVery khawm kan thaw thei.

Happy Heart junior Collegebethel, Churachandpur, manipur

AdmiSSion noTiCeAdmission to Cl.XI (Arts only) is on for the academic session 2017 – 2018. Subjects offered: English , Po-litical Science, Education, Sociology, Geography, MIL/Alternative English. Prospectus and admission form are available in the Jr.College office. Experienced lecturers,with specialization in their respective subjects, constitutes Happy Heart Junior College teaching facul-ties.

Sd/- PrincipalHappy Heart Junior College

(4,5)

SieLmAT CHriSTiAn HiGHer SeCondAry SCHooLSielmat, Churachandpur

noTiCe To APPLiCAnTS For CLASS XiNew students applying for Class XI are informed to submit their admission application forms not later than 8th June, 2017 (Thursday) as there are very limited seats.

For old students who have passed Class X from SCHSS, the last date for admissions into Class XI is 6th June, 2017 (Tuesday).

Sd/- PrincipalSCHSS(5,6)

Bihar Class XII topper ni 14 sung

jail-a um dingPATnA: Bihar Board hn-uoia Class XII exam-a Arts topper Ganesh Kumar chu zani hmasa khan Court hmaah inlangtir a ni a, Court chun ni 14 sung Ju-dicial Custody-a um phawt dingin a rel. Mr Ganesh Kumar chun, Bihar School Exami-nation Board (BSEB) hnu-oia Class XII exam a \hang theina dingin document lem hmangin kum indiklo a ziek ti thu indawnna nei hunah Police kuomah an puong a nih. (IANS)

Naxals le Police an inkaptuo

rAiPur: Chhattisgarh-a Bijapur district sunga Sura-kheda village sunga ramh-nuoiah zanikhan Naxalite helpawl le Police hai an inkaptuo a, inkaptuonaa hin Nacalite cadre pakhat kap hlum a ni a, helpawl dang hai chu ramhnuoi tieng an inrelhmang. Inkaptuona hmuna dap-pui thaw a ni huna muzzle loading gun, country made 303 pistol, detonator \hen- khat, tiffin bomb le meihrui hai dapdawk a nih. Kap hluma um Naxal helpawl hming chu Ratan Ujji @ Hemla Ratan niin Bijapur SP K.L. Dhruv chun a hril (PTI)

|ek in mi 3 a deng hlum

nASHiK: Zani hmasa khan Nashik a chun ruosur le \ek tla leiin hmun hran hranah mi 3 in thina an tuok bakah In 8 a suksiet bakah ran 12 in an thi pha bawk niin district collec-tor chun a hril. Thina tuok hai chu Samadhan Sumrao (30) le Sunanda Gaikwad (32) of Malegaon le Vithal Ughade (25) of Igatpuri hai niin |ekin a denghlum an nitawl. (PTI)

NIA in hmun hran hran an

dap nawknew deLHi: Nation-al Investigation Agency (NIA) chun terror fund-ing chungthuah zanikhan Jammu and Kashmir-a hmun hran hran an dap nawk. Zanita NIA in hmun hran hran an dap hai lai hin Syed Ali Shah Geelani’s le inhnai Azaz Akbar cheng-nain a \hangsa. NIA chun zani hmasa khan Kashmir-ah hmun 14-15 vel le Delhi-ah hmun 7 an dap a, Rs. 1.15 crore bakah LeT le HM letter-heads, pendrives, laptops le document dang dang an man a nih. (TOI)

Pakistan thu hril India in a hniel

new deLHi: Pakistan in zani hmasaa Tata Pani-Krishna Ghati sector hmuna India sipai 5 a kap hlum nia a hril chu India in a hniel. Pakistan chun zani hmasa khan ceasefire bawsiein LoC-a Tata pani hmun nasa takin a hung kap a, India si-pai hai khawma an lo kaplet ve leiin nasa takin an inkap-tuo a nih. Hi inkaptuonaa hin Pakistan chun India si-pai 5 an thi bakah sipai tam tak an hliem a, an bunker khawm a suksiet vawng niin a hril a nih. Sienkhawm Pakistan intumna hi thudik-lo hulhuol a nih tiin senior Army Officer chun a hril a nih. (TNN)

K. Oil subsidy le Atal Pension a dingin Aadhar lo thei lo

new deLHi: Khawnvar-tui (K.Oil) subsidy dawng-tu ding hai le Atal Pension Yojana dawng ding hai chun lo thei lovin Aadhar number an peklut a \ul ta ding a nih tiin zanita Of-ficial thusuok chun a hril. K.Oil subsidy a dinga Aadhar number enrolment thaw theina hun tawpna tak chu September 30, 2017 le Atal Pension Yojana a dinga Aadhar enrolment

last date chu June 15, 2017 a nih tiin official thusuok chun a hril. Amiruokchu, Aadhar Card hmu hma po chun ra-tion card, driving license, voter identity card, Kisan Passbook thlalak le um, MGNREGS hnuoia Job Card le Gazetted officer or tehsildar han an pek cer-tificate hai identity proof-a la hmang thei a ni ding thu official thusuok chun a hril

bawk. Chun, Aadhaar num-ber le ration card peksuo-ka um hai annawleh cash transfer benefit a hmang bank account hai thlungza-wm vawng dingin sawrkar chun a tum. Hi thil hi indik-lo taka subsidies peksuok le beneficiaries han an hmu ding ang an hmu ngainaw sukbona dinga thaw tum a nih tiin official thusuok chun a hril. (AIR)

QR-SAM hlawtling takin a kapsuokCHAndiPur: India chun zanikhan Quick Reaction Surface-to-Air Missile (QR-SAM) chu Odisha-a Chandipur hmuna Integrated Test Range mobile launcher a inthawk hlawtling ta-kin ensinnain a kapsuok. QR-SAM hi India all weather tracked-chassis missile hmasa tak a nih.

QR-SAM hin air defence system nasa takin a sukh-rat pha ding niin official thusuok chun a hril.

PLA helicopter pahni India ram chungah an hung vuong

new deLHLi: Uttara-khand-a Chamoli district ram sung a chun zani hma-sa khan People’s Libera-tion Army of China (PLA) Helicopter pahni an hung vuonglut nia hril a ni a, hi chungthu hi Indian Air Force (IAF) chun an suizui mek niin an hril. Helicop-ter hung vuonglut hmua um hai hi Zhibia series attack Helicopters nia hril an ni a. Helicopter pahni hai hi minutes 5 vel hnungin China ram sung tieng an

vuonglut nawk nghal nia hril a ni a, hi hun sung hin India hnuoi sipai hai ngirh-mun chungtienga inthawk thla an lak ringhla a nih tiin official thusuok chun a hril. Tuta hma khawm khan Chinese Helicopters chu India ram sung km. 4.5 vel huomsungah a lo hung vu-ong ta a, tuta \um hi tukum March thlaa inthawk Chi-nese Helicopter India ram sunga dan kala a hung vu-onglut \um lina nitaa hril a nih.

Pawisa lem Rs. 1.4 crore anghu leh mi 2 man

TenKASi: Tamil Nadu-a Tirunelveli district-a chun zanikhan India pawisa lem Rs. 1.4 crore anghu ding dapdawk a ni a, hi le inza-wm hin pasal pahni Hassan (61) le Samidurai (49) hai man an nih tiin zanita Po-lice thusuok chun a hril. Hassan le Samidurai hai hi ringhlaum takin bus sta-tion lai bag khaia invak-kuol hmu an ni a, police han ringhla leia an dapnaah an

bag sungah pawisa lem Rs. 6 lakh an dapdawk a. Thu in-dawnna an nei huna an inpu-ongnaa inthawk Samidurai chengna in an va dap nawk a, chu hunah Rs. 2,000; Rs. 500 le Rs. 100 notes lem Rs. 1,36,60,000 anghu ding an dapdawk nawk niin Police chun an hril. Pawisa lem hai baka hin Police chun Xerox machine pathum an mansa bawk. (PTI)

Trump Naupa Barron lung a \hawngwASHinGTon: US Presi-dent Donald Trump naupa naupangtak, Melania le an nau, kum 11 mi Barron chu, kha hma meta nuhmei pakhat CNN TV a fiemthu thaw hlak Kathy Griffin-in a fiemthu thawnaa Donald Trump ring tana, a lu thisen kai neng nung ang siem TV-a a suklang chu a lo hmu leiin a pa a thi tak tak sawnin a lung a \hawng hle a, a lungrila a buoi hman vâng niin White House thusuok chun a hril. Ms Griffin fiemthu thaw TV a suklang hin thubuoi hla buoi a siem nasa em em a. A hnungah ngaidam an hnia chu a \angkai ta nawh tiin Trump sûnghai le \antuhai chun nasatakin an kal a. Griffin chu hremna na tak pek ni rawse ti chenin an phut a nih. Ms Griffin hi a thawkna CNN chun a ban tah a, anachu, action dang sawrkarin a chunga a lak a la um nawh. Kathy Griffin hin pho-tographer Tyler Shields leh hi video hi an lak/siem a nih a. Thlalak maksak tak tak siema fiemthu thaw fak zawng a nih. “I am sorry. I went too far. I was wrong” tiin a hrila chu an hnu taluo tah a. A kakhawk ding ding chu a nih zo tah. Hi video

hi New Year Eve program a present hlak laia siem niin CNN chun a hril a nih. President Trump chun, “Ngaidam inhni ringawt a huntâwk nawh. Hi nu hi a ‘damnaw’ lungrila kimlo a nih” tiin a hril a. Mela-nia chun, “Tulai khawvêl umdân ei thlîr chun, hieng ang thlalâk hi chu a tha naw khawp el, an dik naw a nih. A thawtu lungril ding le nîna ieng ang mi am a nia ti a min ngaituotir a nih” tiin pawi a ti thu a hril. Mi tamtakin social media ah an dem a, Kathy chu na taka hrem ding dâmin an ti bawk a. |henkhatin fiemthu mei mei an ti bawk a. Anachu, CIA le US Army hai chun an Com-mander in Chief sukhming-

sietna le hmusitna chu an ngaitha thei naw ding thu hrilin, investigation thawin mawphurna nei taphawt chu an phu tâwk hremna pek ngei an ni ding thu an hril. Ms Griffin chun hi thil hi Game of Thrones film-a mi a entawn niin a hril a. Game of Thrones (2011) laia mi ah khawm khan President George Bush lu hmawla tar lai lim suksuok leiin buoina lientak a lo um tah a nih. Barron hi naupang el a la nih a. Mi ngawichawi, lungril hrât lo le derdep tak a nih leiin hieng ang lungthawng thil hmu hi a thei nawh a. A pa a thi anga ngaina a nei leiin tuchen hin a lungril a la dam thei naw niin an hril.

Japan Sikul naupang han Drill an thaw veAbu, jAPAn: North Ko-rea chun a râlthuom \ha \hahai pholangin a \henum rambung abîkin Japan le South Korea chu an thi zing zing a. A naupangtak a inthawka a upa tak chenin a chawkluhai tho chu nîng a tih. Sikul naupang, kum 10 le hnuoi tieng hai chenin bomb laka inthawka invêng dan ding Drill an lo inchuk hiel el an tah. North Korea in a kap phakna china Japan khuo umhai, abîkin North Ko-rea le inri, Km 200 chena khuohai laia pakhat, Tokyo a inthawka Km 760 vela um Nursery sikul pakhata naupang 100 hai chun an hotuhai leh, bomb hung tla ding laka inthawka invêng dan ding an lo inchuk a. Naupanghai chu an aware tain an hnesaw ve tah hle niin an hotuhai chun an hril. Naupang 100 vel chun compound an sukfai a. Chu lai tak chun ‘siren’ inring takin a hung inri a. Naupanghai chu an school gymnasium tieng an tlân lut vawng nghâl a. Tukver umna pindan an hmu hmu haiah an tlân lut sap sap nghâl a nih. Kum 10-a upa

Taison Ito chun, “Siren kha an ring taluoa, ka ti a nih” tiin a hril a. Kanako Ono nu chun, “Hieng ang thil hi kan ni tin nun le inzawm tlat an tah. Ni tin TV ah North Ko-rea thu kan hriet zing zing hlak” tiin a hril. Pathiennia Drill an neina khuo hi mi 3, 500 vel umna a nih a. Hieng ang khuo hi tamtak Japan le North Korea inrina lai an um a. Indona suok naw hram sien an nuom zing laiin, North Korea-in Missile hmanga a hung kap phata lo insaseng dan ding zirtirna hi sikul tinin an lo inchuk sa a nih. North Korea hlak chun TV ah an hrosa khum zing a, nu-clear râlthuom test khawm vawi 12 a nei tah a nih.

Prime Minister Shinzo Abe chun town municipali-ties hai chun insanhim dan ding le insansuok dan ding ‘drill’ nei hlak dingin an hri-ettir vawng a. Hi hin mipui lai \ithawngna le inralringna a siem a, lo thei lova mani lo invêng dan ding training hai an nei a ngai tah a nih. Secu-rity expert hai chun, missile a inthawka invêng vawng sêng ni naw sienkhawm, hienga inchukna hin thina a inthawkin tamtak a sanhim thei a, sansuokna sin thaw khawm a awlsam pha hlak a nih, indo tak tak pha an umna ding hmunhaiah an um chun, tiin an hril. Admiral Yoji Koda chun, “Iengzam thiin iengzam dam an ta ti hriet thei an

naw laiin, hienga invêng dan ding basic procedure hai lo hrietlawk hin hringna tamtak a sanhim ding a nih” tiin a hril a. Naupang chite te khawm indo tak tak le bomb thlak huna chang dan ding an hriet deu fur tah niin a hril. Mipui \hangpuina ding le awareness dingin sawrkâr chun website haiah “tips” le ‘dos and don’t” hai an sie a. “Missile an hung kap chun In lien lien bel ro” ti dam, “tukver hnaiah um naw rawh: ti le, tukver bo pindan ah lut rawh” tihai ‘tips’ an sie fur el a nih. North Korea missile-in Japan a tlungna ding chun minute 10 vel a \ul a. Sawrkarin mipuihai an hriettirna ding le an lo insasengna ding hun chu minute tlâwmte chau a ni ding a nih.Abu sikula student hai chun “siren” an ri chara inthawka minute thum sungin an gym-nasium an tlung hmang vawng a, an lo insaseng vawng hman a nih. “Inveng-himna ding thatak chu a nih. Anachu, tak ram a ang naw taluoa, mang a hawi rum ru-min ka hriet” tiin nu pakhat Ono chun a hril.

Army Combat role ah nuhmei laklut dan ngaituo: Army Chief

new deLHi: Indian Army chun combat-ah nuhmei hai in\hangtir ve dan ding ngaituoin hma a lak mek a, a hmasa takin military police a dingin nuhmei laklut phawt tum a nih tiin Army Chief Gen. Bipin Rawat chun a hril. Hi thil hi \an vat ni tang a tih tiin a hril. Tu chena hin Indian Army-ah nuhmei hai chu medical, legal, education-

al, signals le engineering wings haia chau an um phal a ni a, logistical le opera-tional issues leiin nuhmei hai chu combat –ah sie/hmang an la ninaw a nih. Khawvel rambung tum tum hai lai tuchena hin Ger-many, Australia, Canada, US, Britain, Denmark, Fin-land, Norway, Sweden le Israel hai chau nuhmei hai combat role/indona hmuna sawr le hmang an la nih.

Kum 97 in MA exam a pek

PATnA: Bihar-a chun kum 97 zeta upa Raj Kumar Vaishya chun a tuhai neka naupang ding student hai ruolin MA exam a pek ve. Mr Vaishya hi kum 1938 a graduate ta a ni a, MA (economics) final year exam hi June 1, 2017 a inthawka kha Nalanda Open Univer-sity (NOU) Patna hmuna \an a ni a, exam hi kar thar

chen khi a aw ding a nih. A kum tam ta hle sienkhawm exam hall-a hin student dang hai ang bawkin darkar 3 sung zet an \hung ve a nih. Tukum kumbul khan Limca Book of Records chun Post-graduate degree exam dinga form fillup hai laia upa ta-kin Limca Book of Records chun a lo sinsie ta hrim a nih. (IANS)

Mirzapur hmuna PM hlui Rajiv Statue suksiet nia hrilmirzAPur: Uttar Pradesh-a Awaj Vikas colony hmuna park sunga in\hut Prime Minister hlui le fam lo chang tah Rajiv Gandhi lim (statue) chu mi \henkhatin an suksiet niin tuolsung mi han police an inhriettir a. Hi thil tlung le inzawm hin Police chun FIR an registered tiin SP, Ashish Tiwari chun a hril. Rajiv Statue suksieta um le inzawm hin Congress leaders hai khawmin Dis-trict Magistrate an inhmu-pui a, statue suksietuhai man nghal ding le National Security Act (NSA) hnuoia

case siem khum dingin an phut. Hi chungthua hin June 5, 2017 hin state President Raj Babbar hungtlung a ta,

chu huna Congress party in hma an lak pei dan ding an rel ding niin Congress MLA hlui Laliteshpati Tripathi chun a hril (PTI)

GSLV Mark III D-1 vawi zantieng kapsuok ding

SriHAriKoTA: India Space Research Organiza-tion (ISRO) rocket la lientak ding GSLV Mark III D-1 kap suokna dinga darkar 25 le a chenve count down Pathienni dar 3:58pm khan an \an a, Thaw\anni (June 5) zantieng dar 5:28pm hin kap suok nîng a tih. National space agency-in launch vehicle a siem

laia la hrattak GSLV Mark-III D-1 hin kap suok a nia inthawka minute 17 hnun-gah communication satel-lite GSAT-19 chu orbit ah hang sieng a tih. Satish Dhawan Space Centre, Sriharikota a in-thawka kap suok ding ISRO rocket hi second launch pad a inthawka kap suok nîng a tih. Count down nei a ni

sung hin second stage rock-et a thau (liquid fuel) chu lo thun mek nîng a tih. ISRO chun iengkim duong ang thlapin a \ha vawng niin a hril. Tuolsuok ngat GSLV Mark-III D-1 hi ton 640 z rik a nih a. Orbit ah hang sie a ni phât chu communi-cation le space exploration tieng India chun nasatakin hma sawn a ta, space tech-nology le application tienga a chunghnungna suklangna ropuitaka nîng a tih tiin ISRO thusuok chun a hril. GSLV Mark III D-1 hi ISRO-in solid, liquid cryo-genic propulsion technol-ogy hmanga a siem a ni a. Hi kawnga India thiemna pholangtu a ni a. GSLV hmasahai nek daia chang-kang a nih.

Hmasawnna Thar4 EntErtainmEnt / SportSTHLAdo (june) 05, 2017THAw|Anni (mondAy)

InternatIonal “Wonder Woman” En Le Inpâk A Hlâw

LoS AnGeLeS: Khawvêl Indopui 1-na suktawpna dinga buoina siemtu Greek God of War, Ares hnebana, khawvêl thar indin dinga mani In suoksana makhat chauva ke pensuok, nuhmei thilthawtheina le hratna hmanga khawvêl thar indintu “Wonder Woman” chu mi tamtak ring naw angin en nuom a hlawin, critic hai inpâk a hlâw hle. A changtunu chu Israel nunghâk Gal Gadot a ni leia rambung tamtak, abîkin Lebanon le Arab rambung \henkhatin Israel mi a ni lei ringawta an khap le dodal chu ring nêkin Critics han an dit a, an inpâk hle. Rotten Tomatoes ah inkhina nuhnungtaka chun critics han 93% an pek. DC film hlawtlingtak “The Dark Knight” (Batman) khan 94% a hmuh. “Wonder Woman” hi DC Comics film puitlinga siemhai laia nuhmei hero khat umna hmasatak a la nih. Hi hin Gal Gadot a hung dawmsang tah a nih. The Fast & Furious-a Israel nunghâk, “Batman v Superman: Dawn of Justice” a ‘Wonder Woman’ anga hung inlang \an, Gal Gadot ta dinga hlawtlingna ropuitak chau ni lovin Israel ta ding khâwma hlawtlingna a nih. Director Patty Jenkins

direct-a changtu danghai chu Chris Pine, Robin Wright hai an nih. The Chicago Tribune, Screen Rant, Reel Views, Colliders hai chun A Grade an pek deu vawnga, Star 5 lakah 4.4 Star an pek deu sêng bawk. An hnuoi pawl tak 3.5 Star petu, The Chicago Tribune-a Michael Phillips chun, “William M. Marston-in 1941 kuma a siem nuhmei superhero hi, thu nuizatum thlak, a tak anga inlang lo nisien khawm tulai huna ding chun titakzeta lak thei a ni takzie a tarlang a. DC Comics hai filma an siem puitlingin butak khuka ka khukpui hmasatak a la nih” tiin a hril. Collider chun, “DC le Marvel comics superhero action thiem tak tak an tam taa chu, Wonder Woman danglamna chu Gal Gadot ah a nih. Gadot hin a film pumpui hi a siem danglamin a sukropui danglam bik a nih” tiin a hril a. Screen Rant-a Molly chun, “Nuhmei superhero a tak rama la ang tak, le ni thei ding tak, a character legacy ang thoa nîna phu (changtunu) a nih” tiin a hril ve. “Wonder Woman” hi tulaia film thar tlângzar, abîkin DC Comics film hai lai chu sum hui lut rawntak a la nih.

Jessica Wright Fitness Program Thar, “Fi7ness”

dubAi: Tulai nilum taluoa inthawka insukdei dan ding tam takin an ngaituoa, tuifinriet pang an pan sup sup laiin tamtak chun an piengzie nal naw lei dâmin mi lai an um ngam nawh a. Mani inringzo taka mi lai khawm an um ve theina dinga ‘fitness’ program thar “Fi7ness” siemtu Jessica Wright khawm Dubai ah a ruolnu leh hun hmangin inhawi an tih hle. Ama khawm a trainer Esmee zara figure infit taka la um thei a nih ti an hriet a, midanghai khawma a thaw ang thawin hlâwtling ve hai sien a nuom a nih. A trainer Esmee leh Dubai Grosvenor House Hotel ah tlungin tuipui kamah hunawl an hmang a, zakuohnuoi (b ik in i ) tha r p romote malamin, an nal dun hle. Jessica hin kekawrte pawl-dal, a kawng lace var, Arab hai puon anga thui le bra, a rênga thup hmak thei a hâka, a thup ding tak a thup vawnga chu a malpui le phîng vel nalnahai a thup hne chuong nawh. Dubai thli lum takin a sam a mut lêng chiei chiei a, phaiphin khu le nisa lum vengna dingin sunglass bunin a ruolnu leh

tuipui pana an hei liem suk chu papui tak tak khawm an dak fan naw thei nawh. A personal t ra iner Esmee khawm a la fit hle. Jessica hin Mail Online a hril dan chun, châwlkâr sari Fitness Program a thaw hnung chun a taksa umdân a lungawi tah hle niin a hril. Mani inringzo nâwkna hi mi suk hratnawtu a nih tiin mani inringzo taka thil thaw \hat zie a hril bawk. Jessica hi ama puola Fitness program thar a siem, “Fi7ness by Jessica Wright” ti promote dinga Dubai inzin a nih. Ni tin, ni khatah darkar khat, ni sari sung, châwl sari regular taka Fitness Program hi zui chun taksa piengzie ni dan ding ang tak nal taka ni thei a nih, tiin a program hi mani inringzona dingin a promote a nih. Jessica Wright hi TV presenter inlâr Mark Wright (30) sangnu a nih a. Mark Wright hi a nuhmei Michelle Keegan (29) leh ni khat lai khan an innei anniversary vawi hnina lâwm zo chauh an nih. Jessica le inzui nuhnungtak chu TOWIE co-star hlui Ricky Rayment (27) a nia, tuhin chu ‘mal’a um, vacancy um lai tak a nih.

Nepal PM thar ding June 6-a thlang ding

US Defence Secretary James-in China A VauSinGAPore: North Ko-rea rekna ding kawnga an inthuruol lai zingin, US Secretary of Defence Mr James Mattis chun, South China Sea laia thlierkarhai lakluina le nei luina kawn-gah China-in sipai hrâtna hmanga laklui pei a tum a nih chun US in remti thei naw nih tiin China in-di-rect-in a vau. Singapore-a Security thua Conference-a thu hri-lin, Washington chun tu rambung khâwm sipai hrâtna/thawluina hmanga thlierkar hai siemfawma mâni chân ding hau bik a dit nawh a. Chuong ang mâni hmasielna chu a biel ta dingin a pawi hlak a.

US chun mâni hmasielna rêng rêng chu a ngai thei nawh a. Thil umdân pan-gngaia sukdanglamna ding rambung mal thil thaw chu pawm thei ngai naw nih, tiin a hril. President Trump chun South China Sea laia US interest le ram danghai

dikna chu humhal tlat an tiem a. China-in lawng fena lampui po po thu-nun vawng a tum chu a remti naw a nih. China chun South China Sea, kum tina Dollar trillion 6 neka tam sumdâwngna in-lawnna hi a rengin a hauh a nih.

BAI in Rs. 3 lakh pek dingin a puong

new deLHi: Badmin-ton Association of India (BAI) President Hemanta Biswa Sarma chun, zani-ta Thailand Open Grand

Prix title latu shuttler B Sai Praneeth kuomah lawmpuinain Rs. 3 lakh pek a ni ding thu zanikhan a puong.

KATHmAndHu: Nepal Parliament chun an Prime Minister thar ding inthlangna chu Thawlennia nei dingin a sawn. Prime Minster thar ding thlangna hi Pathienni dar 11am a nei ding ti a nia chu selkaltu CON (UML) in an sukbuoi ding an tih leiin dar 3Pm ah sawn nawk a nia chu, an nei thei chuong naw leiin Thawlenni-a dingin a sawn tah a nih. Selkaltu pawlhai hin Bharatpur Metro-politan City-a vote chu tiem \hat an ngên a nih. Ward No.19 a ballot paper \henkhat kei thler a nih leiin vote tiem chu a kim hmaa suktawp niin an hril a. Election Com-mission chun Ward No.19 a vote po po chu ‘invalid’ anga puongin re-poll nei dingin thu a pek tah a nih. Prime Minister dinga candidate umsun chu Nepali Congress President Mr Sher

Bahadur Deuba a nih a. Inrinni khan nomi-nation a filed tah. A hming hi out-going PM le Communist Party of Nepal (Mao-ist Centre) Chief Pushpa Kamal Dahal-in a proposed a. Nepali Congress \huoitu un Ram Chandra Poudel le Nepal Loktantrik Forum President Bijaya Kumar Gachhadar han an thlawp. Deuba \huoi coalition hin majority an command leiin a tling ngei ring a nih. Prime Minister thar thlang \ulna hi PM ni lai Pushpa kamal Dahal-in Nepali Con-gress leh Prime Minister in ni sawk dinga inremna ang dungzuiin an ban tah a nih. President Bidya Devi Bhandari chun an banna hi a pawmpek a, sawrkâr le Prime Minister thar thlang a ni hmakhat chu care-taker sin lo la thaw dingin an hriettir nghâl bawk.

UEFA CHAMPIONS LEAGUE FINAL REVIEW:

Real Madrid chun Juventus hnein a vawi 12-na dingin cup an lakInrinni zan khan UEFA Champions League final chu Cardiff khawpuiah Real Madrid le Italian champion Juventus hai an inkhel a, Real Madrid chun 4-1 tawpa hnein a vawi 12-na dingin cup an lak. Inkhel \an hlima inthawk minute 12 na chauah Cristiano Ronaldo chun Real Madrid ta dingin goal hmasa a thun a. Chu zo sawt nawte min-ute 27 naah Mario Madzu-kic chun Juventus ta dingin an goal bat a hung rul a, half chenah 1-1 in an in-ang tawk a nih. Half zo minute 61 naah Casemiro chun Real Ma-drid ta dingin goal dang a hung thunsa nawk a. Min-ute 64 naah Cristiano Ron-aldo bawkin goal pahat a hung thun nawk a. Juventus hai an hrat naw naksapah minute 84 naah Juventus player Juan Cuadrado chun red card a la hei hmu nawk a. Chu chu hmang \ang-

kaiin hun tawp tawm char minute 90 naah Real Ma-drid ta ding bawkin Marco Asensio chun goal dang a thunsa a, hun tawp chenah goal dang a lutsap tanaw leiin Real Madrid chu 4-1 in an hrat lem ta a nih. Inkhel hi an inhnetawk thawkkhat hle a, Real Ma-drid chun ball possession 52% an nei phak a, Ju-ventus chun 48% an nei phak bawk. Real Madrid-

in shot on target panga an nei lai Juventus khawma pali an nei ve. Goal zawn nawa shot Real Madrid-in 6 tawp an nei lai Juventus ruok chun vawikhat char an nei ve thung. Juventus tiengin Yellow Card 4 an hmu a, Real Madrid tiengin pathum an hmu bawk. Real Madrid haiin Cup an lak le inruolin an club President Florentino Perez chun, ‘Cristiano Ronaldo

hin a vawingana ding Bal-lon D’ Or a phu hle a, a lo dawng chun tukhawma hrilchier thei naw nihai, season tawp tienga a chet-dan hi mak danglam tak a nih,’ tiin a hril hiel a nih. Real Madrid Manager Zidane hi beiseina insang taluo lova manager maw-phurna pek a nih a. Anachu manager a nia inthawk thla 18 sung chauin Champions league vawihni a lak hman

Kum 10-16 inkar hai ta dingin Football coaching

CCPur: Sports Career Ma-nipur, CCPur Branch chun June 15, 2017 khin Ngathal playground-ah football inhnik kum 10-16 inkar hai ta dingin football coaching huoihawt a tum. Inhnikna nei hai ta dingin admission thaw thei hun a nih. Coach-ing Admission Fee Rs. 1700 ning a ta, hi hin thla khat fee, uniform set, stoking le ID card man hai a \hangsa vawng a nih. Monthly fee chu Rs. 500 a nih.

Coaching sung hin Coach M. Ratan, AIFF/AMFA, Asst. Coach Giya Aboi, AMFA bakah help-ers G. Hausonpau le James Vanlalhluna han training an pek ding a nih. A \hang nuom han Mawi Dukan, Bungmual, Sanglian Dawr of sahei road, New Lam-ka, James Ngahthal le Nu Niangpi Dawr, Hiangtam lamka haiah form lak le June 12, 2017 chena peklut thei ning a tih.

a, UEFA Super Cup le Club World Cup hai a dawngpui hmang a nih. Tuhin La Liga Champion thar hlawk an ni bawk. Tuhin ama chanchi-na hril tawp ta lo ding champions league vawihni a zawna la thei umsun a hung ni ta a nih. Juventus Coach Mas-siliano Allegri chun, ‘First

half chenah khan mawi ta-kin kan inkhel a, anachu second half khan kan inkhel dan a hung danglam a, ei hriet seng angin football inkhel chu mangsie ang ela mak ei ti zawng a tlung chang a um, goal kan insuo rawn leiin a hratnaw lemah kan \hang ta a nih,’ tiin a hril.

London terror attack-ah mi 6 an thi

London: Europe, abîkin Britain chun helpawlhai beina a tuok inzing ut el tah. An chêt dan zie le tu ham an nih a ti hriet intak deuh, civil narân anga um Muslim helpâwl tamtak mipui laia inzel ruhai chun London Bridge lunna lai tak Truck khal lutin mi an baw hrut a, paruk an thi a, 58 vel an hliem bawk. Police hai chun emer-gency call an hmu charin, thil tlung a inthawka minute riet velin a hmun an tlung a. Truck a inthawk suoka mi inlawn an hmu hmu chemte sun hrut velhai mi pathum chu leilak kawla Borough Market ah an kap hlum niin Mark Rowley, anti-terrorist group hotu chun a hril. Britain-in election a neina ding ni nga chauh a um tah a. Conservative Party chun hieng inbeinahai lei hin election campaign a khâr pha hiel an tah. Prime Minister Mr The-resa may chun, “Police hai a inthawka updates ka hmu danin, London-a inthatna râpthlâk tak hung tlung nawk hi helpawlhai kuthnung a

nih ti ka puong thei” tiin a hril. London Mayor Sadiq Khan chun hliem \henkhat chu an inrik hle leiin mithi hi an la pung el thei tiin a hril a. Hieng buoinahai leia inthlangna thul chu \ha a tin aw thu a hril. “Tulai hin Britain-in beina a tuok rawp a. A dang khawm tium la um mei a tih. Amiruokchu, hienga helpawlhai mi beina leia sawrkarin a thaw ding a \hul chu a \ha nawh. Ei zam naw a, ei dawl bawk ti ei suklang theina pakhat chu, Ningani (June 8) election khi neia, democracy dan taka ei za-lennahai, ei dikna le chanvo (human rights) ei nei a nih ti ei hrieta ei ngirpui ngam hi a nih” tiin a hril. Tuta London Bridge-a beina hi thla thum sûnga Britain-in bei a tuok vawi thumna an tah. March khan Central London ah mi pak-hatin Truck hmangin mi 5 a rawt hlum a. May 22 khan Manchester ah thichil bomb-in mi 22 a that a, June 3 in Truck bawkin mi 6 a rawt hlum nawk a nih. Tuta \uma mi rawt hlumtu pathum-

hai an kap hlumhai hin an awmah bomb ang deu an pai a, ana chu bomb an nawh, tiin police chun an hril. Mita hmutu Mark Rob-erts (53) chun, “Truck hin London Bridge laia kea inlawnhai a baw hrut a. Mi pawl khat tum nei a hawi. Mi paruk a rawt hlum zoin leilaka inthawkin a kawi thla a. Motor a inthawka tumin Borough Market tieng an tlân phei a. A râpthlâk taluo” tiin a hril. Taxi driver pakhatin BBC a hril dan chun, “Mi pathum Truck-a inthawkin an hung \um a. Market laia mipui an hmu hmu chu chemte’n an sun pei el a nih. Mi tamtak chu thlabarin an khêk chel chula, tamtak chu Market sûngah an tlân lut” tiin a hril. A thawtuhai hi an lan pu-ong nawa chu ISIS helpawl-haiin Ramadan thla le inza-wma an memberhai chu Truck, chemte le silaihai hmanga mipui an that thei zat zat that dinga Instant Message an thawndarna le inzawma thil tlung, an kut hnung nih dingin intelligent hai chun an ring. Prime Minister May chu ‘Cobra Security’ Pathienni khan inrawiin meeting an nei a. US President Trump chun a \ul ang ang Britain \hangpui an huom thu a pu-ong a. France chun Britain a thlawp tlat ding thu le an mi le sa pahni hliem an um thu a hril a. Australia khawmin demin Britain thlawp thu a puong a. An rammi pahni hliem enkawl an um niin an hril bawk.

Miley Cyrus “One Love Manchester” Concert ah

new yorK: American nunghâk hlasakthiem le lam thiem bawk, Miley Cyrus (24) chun a ruolnu Ariana Grande’n “One Love Manchester” ti benefit concert a neina dinga \hang dingin an buotsai mek laiin, London a fe hmain New York ah concert a la nei a, a chepuiin a fans hai a suktlâwm hle. A hla hit “We Can’t Stop” ti 4th Anniversary (June 3, 2013 a siem) lawmna a nih. 103.5 KTU buotsai KTUphoria Concert, Wantagh, New York ah Inrinni zan khan concert pui deu a nei a. Jean kekawr bul var, a malpui le kerai nalna po po suklang vawng theina ding le, a phing inthep dak

suklang theina dingin T-shirt chenve awm-tuom zakuo (cropped T-shirt) var, a chungah Jean Jacket var bawk hakin scarf varin a ring a khit a. Savun \ha chi Calf-length Booth bunin stage ah a hei inthepar vel chu a la \halai bawka, a râwl khawm a la \ha hle. Back up music remtuhai khawm, ama ang thova nuhmei Jean Jacket le ‘mode’ deuva inchei vawngin live guitar leh an hung rem dup dup chu en nghawk an um naw hle. A dung an sang bawk, lunghlu nabe le rângkachak nabe a be bawk a, a lunghlu thi chu scarf-in a hlie met leiin an lang \ha nawa chu man to tak a nih ti hrie thei a nih. Miley hin Ariana bomb-attack a tuok khan a private Jet inhmangtirin US tieng a hung kir a nih. Tuhin a ruolnu Ariana concert-a \hang dingin London a tlung nâwk tah. Khawvêl hi chu an nuom dan danin an pal let el a nih. Miley hin thla hmasak khan a single thar tak “Malubu” ti a tlângzar a, a ngaizâwng thar Liam Hemsworth le an chanchin a nih. Miley le Liam hi an film chang kawpna “The Last Song” an siem lai 2009 khan an inhmu a. Kum thum hnungah an inhuol a, 2013 khan an in\he nâwk a. Kum 2 hnung 2016 khan an inkawp nawk a, an lan zui zing a nih. Miley hin June 2, 2013-a a siem a hla hit, “We Can’t Stop” 4th anniversary a hmang mek a nih. Manchester City Council le British Red Cross han an buotsai “One Love Manchester” concert-a an pawisa hmu suok po po hi May 22 zana bomb puoka thi le hliemhai \hangpuina dinga pek suok vawng nîng a tih. Organizer hai chun $3 million vel hmu an inbeisei.

Punjab Police han Heroin Rs. 5 crore manhu leh mi 2 an manjALAndHAr: Punjab-a Jalandhar Police le Special Task Forces han zanikhan pasal pahni Sohan Singh of Jalandhar le Rajkumar @ Raja of Ludhiana hai chu Heroin No. 4 grams 500 ve ve leh an man. Heroin mana um hi Rs. 5 crore vel man-hu a nih tiin Commissioner of Police Praveen Kumar Sinha, Dy. Commissioner of Polie Rajinder Singh le Asst. IGP of Special Task

Force Mukhwinder Singh Bhullar han an hril. Makhan Singh le Chand Singh hai hi international drugs smuggler an ni a, inruithei hi Pakistan-a inthawka an laklut hlak, chu hnugna India ram hmun dang danga manto taka an zawrsawng nawk hlak niin an hril. (AIR)

Tokio Myers-i Britain Got Talent A LakLondon: Talent hran hran nei, mithiemhai thlang dawkna d inga ‘ t a len t competition’ Britain Got Talent 2017 Final round chu zofel a lo ni tah a. Thiemna le theina el hi a lo huntâwk nawh a, chapona le uongnahai nêkin inngaitlawm le zaidam nunnemhaiin chawimawina an dawng lem hlak ti khawm Result a inthawkin a chieng hlein an lang. Mi tamtak ring naw ang takin, harsatna tamtak kâra hung seilien, a rawng (dum) lei amanih ding annawleh inchuktir \hat lei , inngait lawmtak le thuhnuoirawltak classical pianist Tokio Myers (32) chu Britain Got Talent ah ‘talent nei thatak’ tiin lawmman pakhatna ($250, 000) inhlan a nih. Mi tamtak ditsak MerseyGirls hai chu pakuona an nih.Tokio hin ama nêka naupang magician Issy Simpson (8) le comedian Daliso Chaponda hai a khum a nih. Lawmman an hei puong chu a awi naw taluo a lâwm bawk, um ngaina hre lovin “Ka awi thei nawh” tiin hnuoi ah a zal tawp el a nih. Tokio hin hlaksakthiem in l â r l e f amtah Amy

Winehouse le Kenye West hai piano hmetin a lo support hlak a, an inzinnahai a zui hlak bawk. Amy Winehouse lem kha chu “Ka unu” tiin ama nun siemtu niin a hril. “Ka ngainat angin a mi ngaina em em a. Ka unu angin ka en a. Iengtiklai khawm a mi duota thu \ha ngawt a mi hril hlak. Keiah hin thil danglam a hmu nîng a tih, ‘Inngaitlawm takin um la, i ni ang angin um zing rawh’ a mi tih hlaka. Chu chu vawisuna ka nina (ka DNA) hi a nih” tiin ingawitlawm takin a hril.Tokio hin classical music le hlasak a thiem em em

a. Desree hla “Kissing You With Rag” a sak khan Judge hai a hne bik a nih. A naupang lai, music sikul a kai laiin an headmaster that a ni lai khawm a hmu niin The Sun chanchinbu a hril. Judge Amanda chun, “Hieng ang thiemna hi Royal Variety ah hmu ka châk. Iengkhawm lo a inthawkin i hung a, tuhin chu iengkim i nih tah” a tih a. Simon Cowell chun, “Iengkhawm lova inthawka hung ni lovin, harsatna tamtak pal tlanga hung i nih a. Chu chu artist i nîna le mihriem i nîna anga ding khâwmin a \ha a nih” tiin a hringnun harsatak, a seilienna hai hre zingin an fui. Tokio hin an headmaster pa an that lai a hmu thu a hril lei a nih. Br i ta in Got Talen t chun ta lent ropui tak tak tamtak a phawrlang a. Sawmpakhatna chen lahai chu: 11th DNA, 10th magician Ned Woodman, 9th dancers MerseyGirls, 8th The Missing People Choir, 7th singer Sarah Ikumu, 6th singer Kyle Tomlinson, 5th singers The Pensonalities, 4th comedian Matt Edwards, 3rd magician Issy Simpson le 2nd comedian Daliso Chaponda hai an nih.