J / X' - · PDF file:, __'_ _ , 0 , _ ;' ;__ ' ' _ _:__''' ' __'. ' ' ' _'. ,_ :. _ ' ' - ' _ ,!'
''Tamarirt Tamjjudt''
58
Eugène Ionesco Tamarirt tam ýý u ḍt Mar-tamzgumt ⵎⴰⵔ-ⵜⴰⵎⵣⴳⵓⵏⵜ ⵜⴰⵎⴰⵔⵉⵔⵜ ⵜⴰⵎⵋⵋⵓⴹⵜ Isurri tt s Temazi γ t LAHSEN OULHADJ
-
Upload
lahsen-oulhadj -
Category
Documents
-
view
77 -
download
2
description
La traduction en langue amazighe du chef d'oeuvre théâtral de Ionesco, la Cantatrice chauve. Bonne lecture!
Transcript of ''Tamarirt Tamjjudt''
Eugène Ionesco
Tamarirt
tamýýuḍt
Mar-tamzgumt
ⵎⴰⵔ-ⵜⴰⵎⵣⴳⵓⵏⵜ
ⵜⴰⵎⴰⵔⵉⵔⵜ
ⵜⴰⵎⵋⵋⵓⴹⵜ
Isurri tt s Temaziγt
LAHSEN OULHADJ
3
Tamarirt
tamýýuḍt Mar-tamzgumt
-------------
ⵎⴰⵔ-ⵜⴰⵎⵣⴳⵓⵏⵜ
ⵜⴰⵎⴰⵔⵉⵔⵜ
ⵜⴰⵎⵋⵋⵓⴹⵜ
3
Udmawen
Mᵃˢ Smith
Mᵃˢˢᵃ Smith
Mᵃˢ Martin
Mᵃˢˢᵃ Martin
Mary, timikirit
Amγar n imssxsay n takat
4
Asktur
TAMDAYT TISS I ........................................................... 5
TAMDAYT TISS II ........................................................ 13
TAMDAYT TISS III ....................................................... 14
TAMDAYT TISS IV ...................................................... 14
TAMDAYT TISS V ....................................................... 19
TAMDAYT TISS VI ...................................................... 20
TAMDAYT TISS VII ..................................................... 20
TAMDAYT TISS VIII .................................................... 28
TAMDAYT TISS IX....................................................... 44
TAMDAYT TISS X ........................................................ 48
TAMDAYT TISS XI....................................................... 50
5
TAMDAYT TISS I
Agʷnes aburjwa n Ingliz d wattagen1 n Ingliz. Tadʷggat n Ingliz. Mᵃˢ Smith, ggu Ingliz, iskkusn γ
wattag d ilesan tissal2 n Ingliz, ar ikmmi assbsi n Ingliz, ar yaqqera yan uγmis3 n Ingliz, γ tama n
yat takat n Ingliz. Iga-nn tismmuqqal n Ingliz, kra n imswan4 mẓẓiynin, n Ingliz. Ɣ tama nnes γ
yan wattag n Ingliz yaḍn, Mᵃˢˢᵃ5 Smith, ultt Ingliz, ar tesgadda taγriwim6. Izri mad iggutn n tizi i
n ufessas n Ingliz. Izmaz7 n Ingliz utten sa-d-mrawtt n tayttiwin.
Mᵃˢˢᵃ SMITH
Hakk, tella tiss ṭṭeẓat. Neswa azkkif, necca isleman, ibaṭaṭen d taγarin n ilf aṛumi8, d tilfaf9 n
Ingliz. Tarwa swan aman n Ingliz. Necca nit tadʷggat-ad. Hati acku nezdeγ γ tesggʷin n London
d nela assaγ n Smith.
Mᵃˢ SMITH, izzugʷaz γ teγeri nnes,
yut s ils nnes.
Mᵃˢˢᵃ SMITH
Ibaṭaṭen uckan-d bahra d teγarin n ilf aṛumi, aẓaṭim n telfaf ur iga aqqbur. Aẓaṭim n bu-teḥanut n
teγʷmert ifulki bahra f win bu-teḥanut n umddur nneγ, is akkʷ bahra ifulki f win izddar n wasa.
Macc ur riγ ad iniγ aẓaṭim nnesen ur isker yat.
Mᵃˢ SMITH, izzugʷaz ar yaqqera,
yut s ils nnes.
Mᵃˢˢᵃ SMITH
Meqqar d γik-ann aẓaṭim n bu-teḥanut n teγʷmert ad akkʷ ifulkin…
Mᵃˢ SMITH, izzugʷaz ar yaqqera,
yut s ils nnes.
Mᵃˢˢᵃ SMITH
Tessnwa bahra Mary ibaṭaṭen takklit-ad. Takklit iggʷran ur ten bahra tessnwa. Ur ten ḥmeleγ γar
iγ bahra nwan.
1 Asamu, isuma (fauteuil);
2 Taccerbilt , t iccerbilin (pantoufle);
3 Iga t imiss lliɣ tt ilin inɣmisen n wass (journal);
4 Cclaɣʷem (moustaches);
5 Azigzel n Massa
6 T imlesit n iḍaṛṛen (chaussettes);
7 T in-tizi (pendule);
8 Iga t ay-lli mmu ttinin ɣ tefṛanṣiṣt ‘’le lard’’;
9 Tanfust (salade);
6
Mᵃˢ SMITH, izzugʷaz ar yaqqera,
yut s ils nnes.
Mᵃˢˢᵃ SMITH
Isleman reγan nit sul. Cciγ g- isen ay- lliγ ka. Snat tikkal. Uhu, kṛaḍt. Ar yyi skaren aman. Ura
keyyin teccit ten kṛaḍt tikkal. Macc, tiss kṛaḍt tikkal, teccit mad idrusn i snat tikkal zwarnin, lliγ
bahra cciγ nekkin. Maxx? Keyyin ad yad-lli icttan bahra. Ur d adurdu10 ad ak laḥ.
Mᵃˢ SMITH, izzugʷaz ar yaqqera,
yut s ils nnes.
Mᵃˢˢᵃ SMITH
Macc, irwas yyi is d azkkif is nn bahra s-is tezri tisent. Ila tisent uggar nnek. Ah, ah, ah. Ila ura
mad iggutn n tarrast11 d mad idrusn n uẓalim. Iγama g- i lliγ ur nniγ i Mary ad as teg imikk n
nnafε n Icinwiyen12. Takklit d-yuckan, rad ssneγ ma rad skereγ.
Mᵃˢ SMITH, izzugʷaz ar yaqqera,
yut s ils nnes.
Mᵃˢˢᵃ SMITH
Iwi-t-neγ ira yad-lli ad isu aman n temẓin13, rad yiri ad ten isu ar kiγ iga aqqʷlil. Irwas k. Teẓeṛit
aẓllug lli nn- iskar γ teṛḍḍumt? Macc nekkin, ffiγ-nn γ tegddut nnes aman n uqqʷlil14. Yaγ t fad
isu ten nit. Hélène terwas yyi : tega lall n tegemmi ittiqqenn, ar ttameẓ afus nnes15, d ar tekkat
abyanu16. Ur jju d nettat ad iran ad tesu aman n temẓin n Ingliz. Zund illi-t-neγ mẓẓiyn lli ur
issan γar tagʷfayt d ur icttan γar tagʷlla. Dar-s sin isggʷasen irwas yyi. Tela Peggy s wassaγ nnes.
Tasktit17 n tesfrrjelt18 d tedluγin19 tefulki bahra. Ixaṣṣa yad- lli ad nesu s usgʷri20 yat tegddut n
unẓiẓ21 n Bourgogne n Uṣṭṛalya, macc ur d- iwiγ anẓiẓ s usu22 ad ur nemmal i tarwa is aγ ccan
iḥlgan nneγ. Ixaṣṣa ad asen nelmed ad ur ssigʷuten γ tiremt d tissi.
Mᵃˢ SMITH, izzugʷaz ar yaqqera,
10
Iγ ira ufgan ad ictta nγedd iγ ila tirit n tiremt (l’appétit); 11
Tarnast nɣedd azzu. Iga yan wanaw n icagan igan zund aẓalim (poireaux); 12
Yan wanaw n ikjujen lli d-ittekkan tamazirt n Icinwiyen (anis étoilée); 13
Aman smmumnin (bière); 14
Tagdurt, t igdurin (carafe); 15
Ur ijllun idrimen nnes, issxsarn (économe); 16
Imiss n uẓawan (piano); 17
Tega yan anaw n iqqen (tartre); 18
Yan wanaw n immɣi (coing); 19
Yan wanaw n icakan (haricots); 20
Tiremt akkʷ iggʷran iɣ icca yan(dessert); 21
Aman n waḍil (vin); 22
Tadabut (table);
7
yut s ils nnes.
Mᵃˢˢᵃ SMITH
Mᵃˢˢᵃ Parker tessen yan bu-teḥanut igan ggu Ṛuma, ig s wassaγ Popesco Rosenfeld. Beḥḥra d-
yucka s Iṣṭambul. Iga awzzan23 mqqurn n yugurt. Iγera γ tinmel n imskaren n yugurt n Edirne24.
Rad dduγ, azkka, ad d dar-s seγeγ yat tegdurt n yugurt n Ṛuma igan win uflkluṛ. Ur bedda dar-
neγ tiγawsiwin zund xtt-inn γ γ- id, γ London.
Mᵃˢ SMITH, izzugʷaz ar yaqqera,
yut s ils nnes.
Mᵃˢˢᵃ SMITH
Yugurt ifulki bahra i wadis, d tegẓẓal, d ungaẓ n lmḥnýeṛ d tulγatin. May-ad as yyi inna uḍukṭuṛ
Mackenzie-King lli isifirn i tarwa n waḍýaṛen, Ayt Johns. Ifulki bahra. Nufa ad nesker inna s
inna. Ur a ittara i yan isafaren iγ ten ur yurem γ ixf nnes. Lliγ ta ur isker tamskart25 i Parker, isker
tt zwar i tasa nnes, meqqar ur yuḍen mani.
Mᵃˢ SMITH
Macc maxx lliγ injem uḍukṭuṛ immet Parker?
Mᵃˢˢᵃ SMITH
Acku tamskart teffaγ26 i uḍukṭuṛ, Parker uhu.
Mᵃˢ SMITH
Hiyya aḍukṭuṛ Mackenzie ur bahra isker yat. Ixaṣṣa yad- lli tamskart ad teffaγ dar sin- it-sen
nγedd ad akkʷ mmeten.
Mᵃˢˢᵃ SMITH
Maxx?
Mᵃˢ SMITH
Acku iqqan-d amsifer ittiqqenn ad immet d umaḍun iγ ur jjin s sin- it-sen. Amγar n tinawt ar
ittemtat d tinawt nnes, γ taḍḍingiwin. Ur ad d- itteγama.
Mᵃˢˢᵃ SMITH
Ur nufa ad nesgiddi yan umaḍun d yat tinawt.
23
W-ad issen bahra kra n teɣawsa (spécialiste); 24
T iɣremt n Andrinople lli illan ɣ Tuṛkya; 25
Iɣ ibbi bi-idammen kra n yan ad as ikkes aṭṭan lli g-is (opération chirurgicale); 26
Iɣ telkem teɣawsa (réussir);
8
Mᵃˢ SMITH
Maxx? Tinawt tela ura nettat timuḍan nnes. Hati aḍukṭur nnem yufa tadusi nnes zund ukan
tinawt. Ɣay-ad af d-iqqan ad ten iffeγ iman γ yat tizi nettan d umaḍun zund aḍukṭuṛ d tinawt
nnes.
Mᵃˢˢᵃ SMITH
Ah! Ur nn akkʷ g- is swangemeγ… Irwas is tidt ay-nna… imma, mad nn g-is tunnit keyyin?
Mᵃˢ SMITH
Masdd akkʷ iḍukṭuṛen gan γar iqqddacen. Ura imuḍan. Tayllant27 kad igan aγaras-aγaras28 γ
Ingliz.
Mᵃˢˢᵃ SMITH
Macc id bu- ill29 ur gan aγaras-aγaras.
Mᵃˢ SMITH
Yad-lli.
Ibedd.
Mᵃˢ SMITH d uγmis nnes bedda.
Tella yat teγawsa ggammiγ ad s-tt sseneγ. Maxx, γ tesga n waddad aγreman30, γ uγmis, ar bedda
akkan menckk ad lan willi mmutnin γ waxʷs31, willi lulnin uhu? Mad ur ikccemn ixf n yan ay-ad.
Mᵃˢˢᵃ SMITH
Ur jju g- is swangemeγ.
Yan imikk yaḍn n ufessas.
Izmaz sawelen sat tikkal.Afessas.
Izmaz sawelen kṛaḍt tikkal.
Izmaz ur a sul sawelen.
Mᵃˢ SMITH, γ uγmis nnes bedda.
Hakk, itteyura γ-id Bobby Watson immut.
Mᵃˢˢᵃ SMITH
Aḥḥ inu a Ṛebbi, igllin, man agu ad immut?
27
Taylelant (marine); 28
Eg aɣaras (être honnête); 29
Imillen/imilelen (marins); 30
Mell ɣ a tt ilin inɣmisen ɣ uɣmis dar azday d talaliyin d temttinin (l’état civil) 31
T iɣzi n tudert n kra n yan (âge);
9
Mᵃˢ SMITH
Maxx lliγ a ttuhamt? Illa nit γ ixf nnem. Immut sin isggʷasen ay-ad. Tekʷtit, hati nekka-d amḍel
nnes yan usggʷas d uzgen ay-ad.
Mᵃˢˢᵃ SMITH
Kʷtiγ t ad iga. Kʷtiγ t d ulggud. Macc, ur sseneγ maxx lliγ a ttuhamt ura keyyin lliγ t teẓeṛit γ
uγmis?
Mᵃˢ SMITH
Ur illa γ uγmis. Nesawel f temttint nnes kṛaḍ isggʷasen ay-ad. Kʷtiγ fell-as s tasmunt n
iswingimen32.
Mᵃˢˢᵃ SMITH
Wayyahu, ikka tt inn yufa tadusi nnes.
Mᵃˢ SMITH
Iga tafekka akkʷ ifulkin γ Bṛiṭanya. Ur a iskar s ay- lli dar-s illan γ waxʷs. Bobby igllin, zrin
kkuẓ isggʷasen ma s immut, ireγa nit sul. Afekka nit iddern. D manikk ad ifjjij!
Mᵃˢˢᵃ SMITH
Bobby igllin.
Mᵃˢ SMITH
Terit ad tennit igllin n Bobby.
Mᵃˢˢᵃ SMITH
Uhu, hati tamγart nnes aγ a swingimeγ. Tela assaγ zund nettan, Bobby, Bobby Watson. Lliγ lan
yan wassaγ, ar ittecqqu ad ten nebḍu iγ ten neẓeṛa munen. Ur a ten nesmmstay ay- lliγ immut
nettan. Macc, ar γil-ad nit sul, llan medden lli itteγalen is d amttin ad tega ar nn dar-s ttefcaden.
Is tt tessent?
Mᵃˢ SMITH
Ẓeṛiγ tt γar yat tekklit lliγ aγ nn-tesmaggar tizi γ umḍel n Bobby.
Mᵃˢˢᵃ SMITH
Ur tt jju ẓeṛiγ. Is tefulki?
Mᵃˢ SMITH
32
Iɣ a d-ittawi wawal wayyaḍ (association d’idées);
10
Dar-s tibbunkar gaddanin, macc ur nufa ad nini is tefulki. Teγzzif bahra, tedus bahra. Tibbunkar
nnes ur gaddantt, macc nufa ad nini is tefulki. Tegʷzzal d teqqucca bahra. Tega taslmadt n
uraren.
Izmaz uten smmus tikkal.
Tezri yat tizi iggutn.
Mᵃˢˢᵃ SMITH
Man agu as nnan rad ttahelen sin- it-sen?
Mᵃˢ SMITH
Tafsut-ann d-yuckan, iγ akkʷ ttatan.
Mᵃˢˢᵃ SMITH
Iqqan-d ad neddu s temγera nnes.
Mᵃˢ SMITH
Ixaṣṣa ad asen nawi tarragt. Man ta a rad asen nawi?
Mᵃˢˢᵃ SMITH
Maxx ad asen ur nefek yan γ sa iṭṭebṣilen n uẓṛef lli numeẓ γ temγera nneγ nekk d- ik d lli jju ur
nenawel?
Imikk n ufessas. Izmaz uten snat tikkal.
Mᵃˢˢᵃ SMITH
Ar ttebbi tasa lliγ tega tadgalt temẓẓiy nit sul.
Mᵃˢ SMITH
Ifulki lliγ ur skeren tarwa.
Mᵃˢˢᵃ SMITH
Ɣay-ann kad ten inn- ixaṣṣan! Tarwa! Tamγart tegllint, ma rad s- isen tesker yad-lli?
Mᵃˢ SMITH
Temẓẓiy sul. Teẓeḍaṛ ad sul tettahel. Tasnit33 tucka-d d-is bahra!
Mᵃˢˢᵃ SMITH
Ma rad s-tt ittawi γ tarwa? Yak tessent is dar-sen yan ufrux d yat tefruxt? Mad igan assaγ
nnesen?
33
Iga tt uzmez lli itt iḍfuṛn tamttint n kra n yan/yat (deuil);
11
Mᵃˢ SMITH
Bobby d Bobby zund imarawen nnesen. Dadda-s n Bobby Watson, awssar Bobby Watson iga
bu- idrimen d iḥmel afrux. Rad nit yaf ad yasi Bobby.
Mᵃˢˢᵃ SMITH
Ay-lli ikkan afella ay-ann. Imma ibba-s n Bobby Watson, tawssart Bobby Watson rad taf zund
ka mit, d-γ nettat, ad tasi Bobby Watson, illi-s n Bobby Watson. Ɣik-ad ma-s n Bobby Watson,
Bobby, rad taf ad daγ tettahel. Is illa kra n yan γ ixf nnes?
Mᵃˢ SMITH
Yan wayyaw n Bobby Watson.
Mᵃˢˢᵃ SMITH
Man wa? Bobby Watson?
Mᵃˢ SMITH
Man Bobby Watson af a tesawalt?
Mᵃˢˢᵃ SMITH
F Bobby Watson, iwi-s n uwssar Bobby Watson dadda-s-ann yaḍn n Bobby Watson, amttin.
Mᵃˢ SMITH
Ur d wanna, yan yaḍn. Ad iga d Bobby Watson, iwi-s n tewssart Bobby Watson ibba-s n Bobby
Watson, amttin.
Mᵃˢˢᵃ SMITH
Tesawelt f Bobby Watson lli igan imzznezen n tenfulin n imudduten.
Mᵃˢ SMITH
Ayt Bobby Watson gan akkʷ id imzznezen n tenfulin n imudduten.
Mᵃˢˢᵃ SMITH
Ma tta tawwuri-ad icqqan! Macc, illa g- is ṣaḥa iggutn.
Mᵃˢ SMITH
Yah, iγ ur tella teγnnant.
Mᵃˢˢᵃ SMITH
Man agu ad ur tella teγnnant?
12
Mᵃˢ SMITH
Akṛass34 d usmwass35 d ukṛass.
Mᵃˢˢᵃ SMITH
Ah! Kṛaḍ ussan γ imalass? Mad za iskar Bobby Watson tizi-ann?
Mᵃˢ SMITH
Ar ittesunfu, ar iggʷan.
Mᵃˢˢᵃ SMITH
Maxx lliγ ur iswwuri kṛaḍ ussan-ann iγ ur tella teγnnant?
Mᵃˢ SMITH
Ur ufiγ ad sseneγ akkʷ tiγawsiwin. Ur ufiγ ad d-rareγ f isqqsiten nnem ur igan yat.
Mᵃˢˢᵃ SMITH, iγez g-is uzmez.
Ar ttinit γik-ad fadd ad tejdert idammen36 γ udm inu.
Mᵃˢ SMITH
Tessent nit masdd uhu.
Mᵃˢˢᵃ SMITH
Irgazen gan akkʷ zund-zund! Ar γ- id tteγaman ass mad ila, igiṛṛu γ imi nγedd ar nn-teggam taẓult
d ar tekllum infuren, sin ignaren d mraw n tikkal γ wass, iγ ur a tessam ar kiγ ka.
Mᵃˢ SMITH
Ma rad tinit iγ teẓeṛit irgazen ar skaren zund tumγarin, ar kemmin ass mad ila, ar nn-tteggan
taẓult, ar nn-teggan baẓggʷaγ i infuren, ar ssan whisky?
Mᵃˢˢᵃ SMITH
Ur dar- i ssuqq, nekkin! Macc iγ tennit γik-ad ad yyi tezziwezt, awa… ur ḥmileγ man zund
taṭennaẓt-ad, hati tessent nit!
Teluḥ-nn taγriwin γ maggug, ar d-temmal uxʷsan nnes. Tenker.
Mᵃˢ SMITH, inker ura nettan,
iwades tamγart nnes, s imikk.
34
Ahad (mardi); 35
Amhad (jeudi); 36
Ar daγ nettini: neγ idammen γ udm n kra (humilier);
13
Ah! Maxx a tafullust inu iknefn lliγ a d-tessufust takat! Tessent nit is a ttiniγ may-ann s taḍṣa
(iga as ifassen, issuden tt.) Ma tta taḍṣa-ad nega nekknin imarayen iwssaren! Ack-d, rad nessxsi
tifawt neddu ma γ a neskar nunnu.
TAMDAYT TISS II
Willi nit daγ d Mary
Mary, tekcem-nn.
Nekkin ad igan timkirit. Zriγ yat tezzwit ifjjijn. Ddiγ s ssinima d yan urgaz, ẓeṛeγ yan ufilm γ
lantt temγarin. Nedda neswa aman-n-tudert37 d tegʷfayt, nγer ilmma aγmis lliγ d-neffuγ γ
ssinima.
Mᵃˢˢᵃ SMITH
Sitiγ38 is tezzrit yat tezzwit bahra iẓiln, is teddit s ssinima d yan urgaz d is teswit aman-n-tudert d
tegʷfayt.
Mᵃˢ SMITH
Imma aγmis?
MARY
Mᵃˢ d Mᵃˢˢᵃ Martin, inbgiwen nnun, llan γ imi n tegemmi. Ar s- i tteqqelen. Ur ssrqqeben ad d-
kcemen. Rad yad-lli d- iwen ccen imnesi.
Mᵃˢˢᵃ SMITH
Yah, yah. Ar s-isen netteqqel d yaγ aγ laẓ. Lliγ ten ur neẓeṛa uckan-d, rad imil necc war nnesen.
Ur necca yat ass mad ila. Ur ixaṣṣa yad- lli ad nn-tebbit.
MARY
Kʷnnin ad yyi t innan.
Mᵃˢ SMITH
Ur t nesker bismma.
MARY, tebaqqi Mary s taḍṣa.
Ilmma ar talla. Ar tezmumug.
Seγiγ-d yat tazzirt39 n teḥanut.
Mᵃˢˢᵃ SMITH
37
Yan wana n waman art en ssan medden (eau de vie); 38
Nurez, sitim, ẓuẓeḍ (espérer); 39
Iga yan uqqlluc (pot);
14
Mary inu ittuḥmaln, ṛẓem aggur, tesskcem-d Ayt Martin i Ṛebbi. Rad neles ibrdan nneγ d
ulggud.
Ayt Smith ffaγen γ ufasi. Teṛẓem
Mary aggur γ uẓlmaḍ lliγ d-kcemen
Ayt Martin.
TAMDAYT TISS III
Mary d Ayt Martin
MARY
Maxx lliγ nn-temaṭlem? Ur a skaren medden γik-ann. Ixaṣṣa ad d yad- lli tackem γ tizi. Is
tessnem? Skkus at γ γ-id, qqel at γil-ad.
Teffeγ.
TAMDAYT TISS IV
Willi daγ war Mary
Ayt Martin skkusen γ umnid n inger-at-sen, fissen. Ar temzmumugen s imikk.
Mᵃˢ MARTIN (amsiwal ixaṣṣa ad ittunna s yan wawal iẓḍayn,
ittalsn, ismuregn s imikk, ad ur infel meqqar-d γar s imikk40)
Suref yyi a Massa, macc irwas yyi, iγ ur jliγ, is kem yad maggareγ γ kra n mani.
Mᵃˢˢᵃ MARTIN
Ura nekkin, Mas, irwas yyi is k yad mmaggareγ γ kra n mani.
Mᵃˢ MARTIN
Ur kem yad ẓeṛiγ γ Manchester iγ aγ g- is smmaqqaren ussan?
Mᵃˢˢᵃ MARTIN
Irwas. Nekkin, giγ ultt Manchester. Macc ur bahra kʷtiγ a Mas, ur ufiγ ad iniγ is k ẓeṛiγ nγ uhu!
Mᵃˢ MARTIN
Ma γ ittuham yan ay-ad! Ura nekkin giγ ggu Manchester a Massa.
Mᵃˢˢᵃ MARTIN
Ma γ ittuham yan ay-ad!
40
Eg d manikk yaḍn s imikk (nuancer);
15
Mᵃˢ MARTIN
Ma γ ittuham yan ay-ad! Macc, nekkin, a Massa, feleγ tiγremt n Manchester mad itteggan*
smmus n imlassen.
Mᵃˢˢᵃ MARTIN
Ma γ ittuham yan ay-ad! Ma tta asmmaqqar-ad ittukʷcaḍn! Ura nekkin, a Mas, fleγ-nn tiγremt n
Manchester mad itteggan smmus n imlassen.
Mᵃˢ MARTIN
Umeẓeγ akabaṛ n uzzal41 n tiss ttamt d uzgen n taylgi, walli ilkkemn London tiss smmustt γar
smmus-d-mrawtt, a Massa.
Mᵃˢˢᵃ MARTIN
Ma γ ittuham yan ay-ad a Ṛebbi nu! Mad ittukʷcaḍn ay-ad! Ma tta asmmaqqar-ad42! Nessuda yan
ukabaṛ n uzzal nekk d- ik.
Mᵃˢ MARTIN
Ma γ ittuham yan ay-ad a Ṛebbi nu! Irwas nit is kem ẓeṛiγ, a Massa, γ ukabaṛ n uzzal?
Mᵃˢˢᵃ MARTIN
Irwas ukan, ur nniγ uhu, rad ig uzmez γik-ann d yad- lli maxx uhu? Macc ur kʷtiγ f yat a Mas!
Mᵃˢ MARTIN
Ar ttemudduγ γ teduli tiss snat43 a Massa. Ur tella teduli tiss snat γ Ingliz, mac ar bedda
ttemudduγ γ teduli tiss snat.
Mᵃˢˢᵃ MARTIN
Mad ittukʷcaḍn ay-ad! Ma γ ittuham yan ay-ad! Ma tta asmmaqqar-ad! Ura nekkin. Ar
ttemudduγ γ teduli tiss snat !
Mᵃˢ MARTIN
Ma γ ittuham yan ay-ad! Is nemmaqqar aṭṛeṣ γ teduli tiss snat a Massa!
Mᵃˢˢᵃ MARTIN
Irwas taγawsa-nna is tella d ur akkʷ nniγ uhu. Macc ur t sul kʷtiγ a Mas.
Mᵃˢ MARTIN
Tisi nu illa γ imkerr44 wiss ttam, tasqqift45 tiss ṣḍiṣt a Massa.
41
Imiss n tesudut (train); 42
Amnugger, asmaggar, asamma (coïncidence); 43
T iskki tiss snat (2e classe);
16
Mᵃˢˢᵃ MARTIN
Ma γ ittuham yan ay-ad! Ura nekkin tisi inu iga t imkerr wiss ttam, tasqqift tiss ṣḍiṣt a Massa
Mᵃˢ MARTIN
Ma γ ittuham yan ay-ad d asmmaqqar ittukcaḍn ay-ad! Irwas is nemmaggar γ tesqqift tiss ṣḍiṣt a
Massa.
Mᵃˢˢᵃ MARTIN
Irwas nit ilmma. Macc ur sul fell-as kʷtiγ a Mas!
Mᵃˢ MARTIN
Ay-iga Ṛebbi d tidt a Massa, hati ura nekkin ur fell-as kʷtiγ, macc ittuẓeḍaṛ is nettemẓeṛa γ-inn,
iγ akkʷ g- is swangemeγ, rad iniγ γik-ann a rad gentt teγawsiwin.
Mᵃˢˢᵃ MARTIN
Yah a wa yad-lli yah a wa a Mas.
Mᵃˢ MARTIN
Ma γ ittuman yan ay-ad!... Illa yad- lli dar- i tisi tiss kṛaḍt, γ tama n usksel, a Massa .
Mᵃˢˢᵃ MARTIN
Wakk a Ṛebbi ma γ ittuham yan ay-ad d ma ittukcaḍn ay-ad, dar- i yad- lli nekkin tisi tiss s ṣḍiṣt,
tama n usksel, γ umnid nnek a Mas.
Mᵃˢ MARTIN
Wakk a Ṛebbi ma γ ittuham yan ay-ad d ma tta asmmaqqar-ad!... Hiyya yad- lli nella γ umnid n
ger-at-neγ a Massa. Ɣ-inn aγ nettemẓeṛa!
Mᵃˢˢᵃ MARTIN
Ma γ ittuham yan ay-ad! Irwas nit macc ur sul fell-as kʷtiγ a Mas.
Mᵃˢ MARTIN
Ay-lli iga Ṛebbi d tidt a Massa, ura nekkin ur kʷtiγ f yat. Macc irwas yyi nit is γ- inn aγ
nettemẓeṛa.
Mᵃˢˢᵃ MARTIN
Ad iga, macc ur yyi t bahra teffeγ turda a Mas.
44
Afagu* (wagon); 45
Takumurt, tazqqa (le compartiment)
17
Mᵃˢ MARTIN
Ur d kemmin a Massa ad yyi innan ad as nn-geγ tasufra nnes γ usatem d tesnimmer yyi d tajj yyi
ad uteγ yan ugiṛṛu?
Mᵃˢˢᵃ MARTIN
Macc ɛɛad, nekkin ad iga a Mas! Ma γ ittuham yan ay-ad, ma γ ittuham yan ay-ad d ma tta
asmmaqqar-ad!
Mᵃˢ MARTIN
Ma γ ittuham yan ay-ad, mad ittukʷcaḍn ay-ad, ma tta asmmaqqar-ad! Hiyya tizi-ann aγ
nettemwassan a Massa ?
Mᵃˢˢᵃ MARTIN
Ma γ ittuham yan ay-ad d ma tta asmmaqqar-ad! Irwas yyi nit a Mas! Macc ur fell-as kʷtiγ.
Mᵃˢ MARTIN
Ura nekkin a Massa. Ur kʷtiγ f yat.
Imikk n ufessas. Izmaz uten snat tikkal, imikk uten yat tekklit.
Ms MARTIN
Zzeγ lliγ lliγ London, zdeγeγ γ tesukt n Bromfield a Massa.
Mᵃˢˢᵃ MARTIN
Mad ittukʷcaḍn ay-ad. Ma γ ittuham yan ay-ad! Ura nekkin zzeγ lliγ d-uckiγ s London zdeγeγ γ
tesukt n Bromfield a Massa
Mᵃˢ MARTIN
Ma γ ittuham yan ay-ad! Hiyya nemmaqqar γ tesukt n Bromfield a Massa.
Mᵃˢˢᵃ MARTIN
Ma ittukʷcaḍn ay-ad. Ma γ ittuham yan ay-ad! Irwas nit yad- lli, macc ur fell-as kʷtiγ a Massa
Mᵃˢ MARTIN
Zdeγeγ γ tegemmi tiss ṭẓa-d-mraw a Massa.
Mᵃˢˢᵃ MARTIN
Ma γ ittuham yan yad! Ura nekkin zdeγeγ γ tegemmi tiss ṭṭẓa-d-mraw a Mas.
Mᵃˢ MARTIN
18
Hiya, hiyya, hiyya, hiyya, hiyya nettemeẓra γ tegemmi-ann a Massa.
Mᵃˢˢᵃ MARTIN
Irwas ukan, macc ur fell-as kʷtiγ a Mas.
Mᵃˢ MARTIN
Zdeγeγ γ teduli tiss smmust, aggur wiss ttam a Massa.
Mᵃˢˢᵃ MARTIN
Manikk ad iga γay-ad ma γ ittuham yan a Ṛebbi nu! Manikk ad ittukʷcaḍ! Ma tta asmaqqar-ad!
Ura nekkin zdeγeγ γ teduli tiss smmust, aggur wiss ttam a Massa.
Mᵃˢ MARTIN
Ma γ ittuham yan ay-ad, ma γ ittuham yan ay-ad, ma γ ittuham yan ay-ad d ma tta asmaqqar-ad!
Tessent is dar- i illa γ teḥanut n teguni yan issi46. Issi nu iḥba s yan iḥnbel igan azgzaw. Taḥanut-
ann, issi d iḥnbel nnes azgazaw, tella-nn γ ttemi n yan uγgʷmmi ger tigemmi n waman47 d tin-
idlisen a Massa.
Mᵃˢˢᵃ MARTIN
Ma tta asmmaqqar-ad a Ṛebbi nu, ma tta asmmaqqar-ad! Taḥanut n teguni nu tela, ura nettat, yan
issi idlan s iḥnbel azgzaw. Tili-nn γ ttemi n yan uγgʷmmi ger tigemmi n waman d tin- idlisen a
Massa.
Mᵃˢ MARTIN
Ma γ ittuham yan ay-ad d mad ittukʷcaḍn ay-ad! Hiyya a Massa nezdeγ γ yat teḥanut d ar
neggʷan γ yan issi a Massa. Ɣ-inn irwas aγ nemmaggar.
Mᵃˢˢᵃ MARTIN
Ma γ ittuham yan ay-ad d ma tta asmmaqqar-ad! Irwas nit is nemmaggar iḍ n iḍ-gam. Macc ur
sul fell-as kʷtiγ a Mas.
Mᵃˢ MARTIN
Dar- i yat tefruxt mẓẓiyn, tafruxt inu mẓẓiyn, tezdeγ d- i a Massa. Dar-s sin issggʷassen, teg
taẓɛṛit, yili dar-s yat tiṭṭt tumlilt d yat yaḍn taẓggʷaγt, teẓil bahra. Assaγ nnes iga t Alice a Massa.
Mᵃˢˢᵃ MARTIN
Ma tta asmmaqqar-ad ikʷceḍ uzmez! Ura nekkin dar- i yat tefruxt, dar-s sin issggʷassen, yat tiṭṭt
tumlilt d yat tiṭṭt taẓggʷaγt, teẓil bahra, ig wassaγ nnes ura nettan Alice a Mas.
46
Iga t lkatri (lit); 47
Almyaḍi (toilettes);
19
Mᵃˢ MARTIN, s yan wawal itteγrradn ur ittenfaln.
Ma γ ittuham yan ay-ad! Ma tta asmmaqqar-ad! Mad ittukʷcaḍn ay-ad! Irwas is d yat ka-(y)-ann
a Massa!
Mᵃˢ MARTIN
Ma γ ittuham yan ay-ad! Irwas ukan nit a Massa
Izri mad iggutn n ufessas…
Uten izmaz agnar48 d ṭṭeẓa n tikkal!
Mᵃˢ MARTIN, lliγ iswangem mad iggutn, ibedd s imikk, ur akkʷ izreb,
isker tasga n Mᵃˢˢᵃ Martin lli xtelen ibaḍan n Mᵃˢ Martin, tebedd ura nettat s imikk;
Mᵃˢ Martin isker yan wawal idrusn, itteγrradn, simuregn s imikk .
Yah a Massa, ur g- is kra n turda, nettemẓeṛa yad, tegt tamγart inu nit…Elisabeth, ufiγ kem!
Mᵃˢˢᵃ MARTIN ar nn-ttakʷmur s Mᵃˢ Martin s imikk.
Ar ttesudunen ger-at-sen γik-ann.
Uten izmaz yat tekklit s mad iggutn n tedusi. Taytti n izmaz issiwden agdud.
Ayt Martin, nettenin, ur ssfdeden i yat.
MᵃˢˢᵃMARTIN
Donald, keyyin ay-nna a darling49!
Skkusen γ yan wattag,
ar ttesudun ger-at-sen, gʷinen.
Izmaz uten daγ mennawtt tikkal.
Ar tteskkal Mary, yan
uḍaḍ f imi nnes, tekcem-nn s ccuṛ s usrir,
ar nit tesawal d ugdud.
TAMDAYT TISS V
Willi nit daγ d Mary
MARY
Elisabeth d Donald tezbi ten tumert, ur ad yyi ssfleden. Rad awen iniγ yat tegzi50. Elisabeth ur
tega Elisabeth. Donald ur iga Donald. Had tamatert inu: arraw lli f isawel Donald ur iga illi-s n
48
Sin-imrawen (vingt); 49
Awal-ad illa g-is s tenglizt. Ujjiγ t γik-ann.
20
Elisabeth, ur d yan ufgan ay-ann! Tafruxt n Donald tela yat tiṭṭt tumlilt d yat yaḍn igan taẓggʷaγt
zund ukan illi-s n Elisabeth. Macc arraw n Donald ila tiṭṭt tumlilt γ ufasi d tiṭṭt taẓggʷaγt γ
uẓlmaḍ. Win Elisabeth, nettan, ila tiṭtt taẓggʷaγt γ ufasi d tiṭṭt tumlilt γ uẓlmaḍ. May-ad ad
isrrumman asmater51 n Donald lli immaggarn d uṛḍaḍ-ad iggʷran. Meqqar d ismmaqqaren-ad
issuhamen lli gan irwas timitar γ ur illa ales awal, Donald d Elisabeth lli yad- lli ur igan
imarawen n yan warraw, ur gan Donald d Elisabeth. Ar ak ittini iga Donald. Mad ur isker ad ifles
is iga Donald. Ura nettan mad ur tesker ad tefles is tega Elisabeth. Mad ur isker nettan ad ifles is
iga Elisabeth. Mad ur tesker nettat ad tefles is tega Donald : jlan akkʷ s sin- it-sen. Man wa ad iga
Donald n tidt? Man ta ad igan Elisabeth n tidt? Mad nn ka yufan ṣaḥa nnes ad aγ ijjlu γik-ad? Ur
sseneγ. Ad ur nemmaγ ad nessen. Ajj at aγ tiγawsiwim mek-ann nit lli gantt. (tesker kra n
iẓummẓẓal s umnid n waggur, imil turri-d, tesawel s ugdud). Assaγ inu n tidt iga Sherlock
Holmes.
Teffeγ.
TAMDAYT TISS VI
Willi daγ war Mary
Ar sawalen izmaz ay-lliγ ka ṛmin. Lliγ yat tizi iggutn, bḍan Ayt Martin, urri nit s γ illi γ tt inn
yad-lli kkan.
Mᵃˢ MARTIN
Ttu aγ, a winu, ay- lli izrin ger-at-neγ d γil-ad lliγ aγ daγ smunen ussan, mmaγ aγ ad daγ ur nejlu i
nger-at-neγ, dder aγ zund mad izrin.
Mᵃˢˢᵃ MARTIN
Yah, a winu.
TAMDAYT TISS VII
Willi daγ d Ayt Smith
Kcemen-d Ayt Smith γ uẓlmaḍ ihdumen lli nnesen bedda.
Mᵃˢˢᵃ SMITH
Timnisiwin a imddukkʷal inu ittuḥmalen. Suref at aγ iγ kʷen bahra neḥjjer. Neswagem ad awen
nerar issimγuren52 nnun d is ka nessen is rad d-tackim, waxxa aγ d ur tennam amya, ar nit
nettazzal neles ihdumen nneγ n uḥwac.
Mᵃˢ SMITH, ifqqɛa
50
Tayffart (secret); 51
Iγ ifeka yan timitar, umelan nγ anzaten ad ig kra n teγawsa d ay-lli g-is ira (l’argumentation); 52
Adduren (honneurs);
21
Ur necca amya ass mad ila. Kkuṣt tesragin ay-ad s- iwen netteqqel. Maxx lliγ nn-tettatam?
Ayt Smith skkusen γ umnid n inzrzaf.
Tiyyitin n izmaz mun-d d isurruyen,
s tedusi iggutn, kra iga t addad d nettan.
Ayt Martin, slawattinn nettat,
zund iγ nnukman d lluẓan53.
Ɣay-ann af icqqa wawal s izwar.
Yan ufessas iggutn innukman s izwar,
ilmma d ifssasen d terkkakin54 yaḍen
Mᵃˢ SMITH
Hm.
Afessas.
Mᵃˢˢᵃ SMITH
Hm, hm.
Afessas.
Mᵃˢˢᵃ MARTIN
Hm, hm, hm.
Afessas.
Mᵃˢ MARTIN
Hm, hm, hm. Hm.
Afessas.
Mᵃˢˢᵃ MARTIN
Hakk a wa hak hak.
Afessas.
Mᵃˢ MARTIN
Yut aγ akkʷ uṣmmiḍ.
Afessas.
Mᵃˢ SMITH
Meqqar ur illa uṣmmiḍ.
Afessas.
Mᵃˢˢᵃ SMITH
Ur illa umazzel55 n waḍu.
Afessas.
Mᵃˢ MARTIN
Ifulki lliγ ur illa.
53
Ḥccemen (timides); 54
Iγ a itterkkak ufgan (hésiter); 55
Iga t iγ a ittazzal waḍu (courant);
22
Afessas.
Mᵃˢ SMITH
Ah, la la la la.
Afessas.
Mᵃˢ MARTIN
Tella g- ik tecaga?
Afessas.
Mᵃˢˢᵃ SMITH
Uhu. Ar ittenuγcuf.
Afessas.
Mᵃˢˢᵃ MARTIN
Oh, a Mas, γ tegadda nnek, ur k ixaṣṣa γik-ann.
Afessas.
Mᵃˢ SMITH
Ul ur ila ussan.
Afessas.
MasMARTIN
Teγʷẓant.
Afessas.
Mᵃˢˢᵃ SMITH
Ar t nettini.
Afessas.
Mᵃˢˢᵃ MARTIN
Ar nettini ura afna56 n γik-nna.
Afessas.
Mᵃˢ SMITH
Tidt tella γ ger-at-sen.
Afessas.
Mᵃˢ MARTIN
Ɣik-ann ad illan.
Afessas.
Mᵃˢˢᵃ SMITH, i Ayt Martin.
Kʷnnin lli ittemuddun bahra, iqqan-d ad dar-un ili mad aγ ttinim.
Mᵃˢ MARTIN, i temγart nnes.
Ini, a winu, mad teẓeṛit γ ass-ad?
Mᵃˢˢᵃ MARTIN
Lahla akkʷ, ur ad yyi teflesem.
56
Taγawsa iga mar yat yaḍen, taɛnnuqqert (le contraire);
23
Mᵃˢ SMITH
Ur ad nn-neluḥ turda i ay- lli rad aγ tinit.
Mᵃˢˢᵃ SMITH
Rad nn-giγ teciḍem iγ yad- lli ikka iguyya nnun.
Mᵃˢ MARTIN, i temγart nnes.
Rad nn g- isen teciḍt, a winu, iγ yad- lli ikka agayyu nnem…
Mᵃˢˢᵃ MARTIN, ttebbenγel57.
A wa, ẓeṛiγ yat teγawsa γ ass-ad lli rad awen ur ikcem ixf. Yat teγawsa lli rad ur teflesem.
Mᵃˢ MARTIN
Ini t γil a winu.
Mᵃˢ SMITH
Ah, rad nefjjij.
Mᵃˢˢᵃ SMITH
Beḥḥra ubattaḥ!
Mᵃˢˢᵃ MARTIN
A wa γ ass-ad lliγ ddiγ s ugadaz ad d-seγeγ icakan58 lli d- itteggan fuffu59…
Mᵃˢˢᵃ SMITH
Ma rad ig may-ad!
Mᵃˢ SMITH
Ad yyi ur tebbit awal, a winu, a tacct.
Mᵃˢˢᵃ SMTIH
Ẓeṛiγ γ tesukt, γ tama n yat tin-tissi60 yan urgaz lli ilesan mad ifulkin, ili dar-s mad itteggan sin
ignaren d mraw n isggʷassen lli ur …
Mᵃˢ SMITH
Lli ur mit?
57
Iγ ar izzigiz ufgan ukan ar ittebnγal (gracieuse); 58
Icagan ura nettnin ur ttunna (légumes); 59
Ar ttilin atig iggutn, yattuyn, ireɣan (cher); 60
Ɣ illi γ assan medden man zund atay, aman mminin… (café);
24
Mᵃˢˢᵃ SMITH
Lli ur mit?
Mᵃˢ SMITH, i temγart nnes
Ad yyi ur tebbit awal, a winu, kad tegit gar.
Mᵃˢˢᵃ SMITH
Winu, hati keyyin ad izwarn tebbit yyi a awal. A afunas.
Mᵃˢ SMITH
Cct, mad iskar urgaz-ann?
Mᵃˢˢᵃ MARTIN
I wa rad tennam is ar skarkaseγ, isres yan ufud γ wakal ikʷnu.
Mᵃˢ MARTIN, Mᵃˢ SMITH, Mᵃˢˢᵃ SMITH
Uh!
Mᵃˢˢᵃ MARTIN
Yah, ikʷna
Mᵃˢ SMITH
Ur illa may-nna.
Mᵃˢˢᵃ MARTIN
Ʃɛad, ikʷna. Aẓeγ t inn ad sseneγ mad iskar…
Mᵃˢ SMITH
Ma zza?
Mᵃˢˢᵃ SMITH
Ar ikkres ifalan n idukan nnes lli ifsin.
KṚAḌ-ANN YAḌEN
Ifulki bahra!
Mᵃˢ SMITH
Mladd is d ur kemmin ur ad kem fleseγ.
Mᵃˢ MARTIN
25
Maxx uhu? Ar neẓeṛṛa tiγawsiwin bahra issuhamnin iγ a nezzigiz. Nekkin γ ass-ad nit ẓeṛiγ γ
umitru61 yan urgaz iskkus f yat tedʷkkant ar yaqqera aγmis nnes s ttawil.
Mᵃˢˢᵃ SMITH
Ma tta imẓli62-ad iga!
Mᵃˢ SMITH
Irwas is d ww-ann nit ad iga?
Ar nessflid i mad iggern i tannaqqust n waggur.
Mᵃˢ SMITH
Hakk kra igger i tenaqqust n waggur.
Mᵃˢˢᵃ SMITH
Iqqan-d ad γ- inn yili kra. Ad dduγ ad ẓeṛeγ (Tedda ad teẓeṛ. Teṛẓem, taḍu-d). Ur γ- inn kensis.
Teskkus daγ.
Mᵃˢ MARTIN
Rad awen fekeh yan umdya yaḍn.
Tannaqqst.
MasMARTIN
Hakk kra igger i tennqqust n waggur.
Mᵃˢˢᵃ MARTIN
Iqqan-d ad γ- inn yili kra. Ad dduγ ad ẓeṛeγ (Tedda ad teẓeṛ. Teṛẓem, taḍu-d). Ur γ- inn kensis.
Turri-d daγ s mmel nnes.
Mᵃˢ MARTIN lli ur issen mani sul ilkem γ wawal.
Ah!...
Mᵃˢˢᵃ MARTIN
Terit imil ad aγ tefekt yan umdya yaḍn.
61
Iga ukbaṛ n uzzal n ddu wakal (métro); 62
Kra n yan nna ur irwasn medden, ur igan zund medden (original, bizarre, extrentrique);
26
Mᵃˢ MARTIN
Yah..
Mᵃˢ SMITH
Hakk kra igger i tenaqqust n waggur.
Mᵃˢˢᵃ SMITH
Ur ad sul dduγ ad lgemeγ aggur.
Mᵃˢ SMITH
Macc illa kra γ imi waggur.
Mᵃˢˢᵃ SMITH
Takklit izwarn, ur g- is illa yan. Tiss snat ura nettat. Mad ak innan γil-ad rad g- is yili kra n yan?
Mᵃˢ SMITH
Acku kra isnanni tannaqqust!
Mᵃˢˢᵃ MARTIN
Meqqar d γik-ann ur ikalla.
Mᵃˢ MARTIN
Manikk? Lliγ nessfled i tennaqqust tesawel is illa kra n yan γ imi waggur ar as ittegger ad as d-
nelgem.
Mᵃˢˢᵃ MARTIN
Ur d bedda. Teẓeṛit γil-ad.
Mᵃˢ MARTIN
Ʃɛad bedda.
Mᵃˢ SMITH
Nekkin iγ ddiγ dar kra ar tteggereγ i tennaqqust ad kcemeγ. Nniγ nekkin medden ar akkʷ skaren
zund γik-ann. Kra iga tt takklit nna tesawel tennaqqust hati illa kra n yan γ imi waggur.
Mᵃˢˢᵃ SMITH
27
May-nna ikka yad-lli afella iγ g- is nexmmim. Macc γ tillawt, tiγawsiwin gantt manikk yaḍnin.
Teẓeṛit γil-ad nit.
Mᵃˢˢᵃ MARTIN
Teγʷẓan temγart nnek.
Mᵃˢ MARTIN
Ah! Kʷnnintin a tumγarin ar bedda ttenɛaremtt i ger-at-untt.
Mᵃˢˢᵃ SMITH
A wa ha yyi rad dduγ ad nn-aggʷeγ. Ad ur tennit is iqqur ixf inu, macc rad teẓeṛt is γ-inn ur illa
kensis! (Tedda teẓeṛ. Teṛẓem, teqqen taggurt.) Teẓeṛit, ur g- is kensis.
Turri-d s mmel nnes.
Mᵃˢˢᵃ SMITH
Ah! Irgazen-ad lli bedda iran ad iγʷẓinn macc ar bedda jllun!
Tannaqqust n waggur tesawel daγ.
Mᵃˢ SMITH
Hakk kra igger i tenaqqust n waggur. Iqqan-d ad γ- inn yili kra n yan.
Mᵃˢˢᵃ SMITH, lli bahra ifqqɛan.
Ad yyi sul tazent ad lgemeγ aggur. Teẓeṛit is ur iqqen may-ann aγjjaj. Turemt ar aγ temmal iγ
tesawel tennaqqust n wagggur, is jju γ- inn ur illa kensis.
Mᵃˢˢᵃ SMITH
Jju.
Mᵃˢ MARTIN
Ur t akkʷ teffeγ turda.
Mᵃˢ SMITH
Is d akkʷ ur yucka may-ann. Iγ tesawel tennaqqust n waggur is bedda γ- inn illa kra n yan.
Mᵃˢˢᵃ SMITH
Ur ira ad yasus.
Mᵃˢˢᵃ MARTIN
Argaz inu ura nettan iqqur ixf nnes.
28
Mᵃˢ SMITH
Illa γ- inn kra n yan.
Mᵃˢ MARTIN
Ay-lli ur illan ay-ann.
Mᵃˢˢᵃ SMITH, i urgaz nnes
Uhu.
Mᵃˢ SMITH
Ʃɛad.
Mᵃˢˢᵃ SMITH
Nniγ ak uhu. Yat ukan, ur ad yyi sul tezziwezt s ur d yat. Iγ terit ad nn-taggʷet, teddut keyyin nit.
Mᵃˢ SMITH
Rad dduγ.
Mᵃˢˢᵃ Smith tesmass iγariwen
Mᵃˢˢᵃ Martin tesmass ixf.
Mᵃˢ SMITH, idda ad iṛẓem aggur.
Ah! how do you do63! (Yut-nn s yan usmmaqqel Mᵃˢˢᵃ SMITH d Ayt Martin lli akkʷ ittuhamen.)
Amγar n imssxsay n takat ay-ad!
TAMDAYT TISS VIII
Willi nit daγ, amssxay n takat
Amssxsay (ila yan cemcrur64 bahra mqqurn ismrqqiyn d yat temlesit): Tifawin a id Mas d id
Massa (medden ar nit sul ttuhamen. Tefqqɛa Mᵃˢˢᵃ Smith, terar ixf nnes ura terur-d i wazul nnes)
Tifawin a Mᵃˢˢᵃ Smith. Zund iγ tefqqɛat.
Mᵃˢˢᵃ SMITH
Ah!
Mᵃˢ SMITH
Is ka tamγart inu jderen imikk idammen γ udm nnes lliγ ur teγʷẓa
63
Tawinest-ad tella s tenglizt. Ujjiγ tt s γik-ann nit. 64
Ar as tt inin itli ura nettan (casque);
29
Mᵃˢ MARTIN
Illa yad- lli yan umjiggiṛ, a Mᵃˢ Amγar n imssxsay n takat, ger Mᵃˢˢᵃ de Mᵃˢ Smith.
Mᵃˢˢᵃ SMITH, i Mᵃˢ Martin.
Ur iga tawwuri nnek! (I Mᵃˢ Smith.) Ar k tteḥuṛmuγ ad ur teskccumt ayt beṛṛa i immukrisen n
tewja nneγ.
Mᵃˢ SMITH
Ah, winu, ad akkʷ ur tegt i may-ann ay- lli ur iswi. Amγar iga yan umddakʷel aqqbur n ayt dar-i.
Ar yad- lli d- i tesqqar ma-s, baba-s, sseneγ t. Inna yyi ad as fekeγ afus n illi iγ dar- i tella, macc
immut.
Mᵃˢ MARTIN
Hati ur d- ikka la nettan la kʷnnin.
AMSSXSAY
Mad ka illan?
Mᵃˢˢᵃ SMITH
Argaz inu ar yad- lli ittini…
Mᵃˢ SMITH
Uhu, kemmin ad ukan ittinin.
Mᵃˢ MARTIN
Yah, nettat.
Mᵃˢˢᵃ MARTIN
Uhu, nettan.
AMSSXSAY N TAKAT
Ad awen ur γlin idammen. Ini at yyi mad illan a Massa.
Mᵃˢˢᵃ SMITH
Yah. Macc nnukmiγ ad s-ik saweleγ qqam-qqray, macc amssxsay n takat iga nit imsiki n
uγaras65.
AMSSXSAY N TAKAT
65
Bu-usged lli ittajjan medden ad kken aγaras inin ibkkaḍen lli skeren (confesseur);
30
Wakk-wakk?
Mᵃˢˢᵃ SMITH
Ar netteẓi acku argaz inu ar ittini masdd iγ a tesawal tennnqqust illa bedda kra n yan γ imi
waggur.
Mᵃˢ MARTIN
Iẓeḍaṛ ad ig uzmez γik-ann.
Mᵃˢˢᵃ SMITH
A wa nekkin ar ttiniγ iγ a tesawel tennaqqust is ur illa kensis.
Mᵃˢˢᵃ MARTIN
Taγawsa ittukʷcaḍ uzmez ad irwas γay-d nneγ.
Mᵃˢˢᵃ SMITH
Macc γay-ad illa s iskkiren n tilawt ur d s temitar n usgwingem,
Mᵃˢ SMITH
Ɣay-nna ur illa lliγ γ- id illa umssxsay n takat. Igger i tennaqqust, ṛẓemeγ aggur, afeγ t inn ibedd
ukan.
Mᵃˢˢᵃ MARTIN
Man agu ?
Mᵃˢ MARTIN
Ɣil-ad nit.
Mᵃˢˢᵃ SMITH
Yah, macc ur γ-inn illa kran yan ay-lliγ teskarri tennaqqust tiss kkuṣt tikkal. Tiss kkuṣt tikkal ur
ttumnid.
Mᵃˢˢᵃ MARTIN
Bedda. Kṛaḍt tikkal kad ittumnidn.
Mᵃˢ SMITH
Mᵃˢ Amγar, ajj yyi ura nekkin ad fekeγ kra n isqqsiten.
AMSSXSAY N TAKAT
Waxxa.
31
Mᵃˢ SMITH
Lliγ lgemeγ aggur ẓeṛiγ k, yak keyyin ad iskarrin tanqqust?
AMSSXSAY N TAKAT
Yah nekkin.
Mᵃˢ MARTIN
Tebeddt γ imi waggur? Ar teskirriyt ad d-teckemt?
AMSSXSAY N TAKAT
Ur t giγ d uskerkis66.
Mᵃˢ SMITH, i temγart nnes, s ternnawt.
Teẓeṛit? Ɣʷẓaneγ. Lliγ a nessflid i iskarrayen, hiyya kra n yan ar iskirriy tannaqqust. Ur tufit ad
tinit Amγar ur iga kra n yan.
Mᵃˢˢᵃ SMITH
Ad iga d uhu. Ar ak sawaleγ γar f kṛaḍt tikkal lli izwaren acku tiss kkuṣt tikkal ur ttumnid.
Mᵃˢ MARTIN
Lliγ teskkarri tennaqqust takklit izwarn, is d keyyin ay-ann?
AMSSXSAY N TAKAT
Uhu, ur d nekkin.
Mᵃˢ MARTIN
Irwas is d kra n yan yaḍn?
Mᵃˢ SMITH
Iggut mad tekkit γ imi waggur.
AMSSXSAY N TAKAT
Sin ignaren d smmus n tusdadin.
Mᵃˢ SMITH
Ur akkʷ teẓeṛit kenssis ?
66
Ssiskarkseγ (nier);
32
AMSSXSAY N TAKAT
Kensis. Ur g- is ales awal.
Mᵃˢˢᵃ SMITH
Is tessfledt i uskarray n snat tikkal?
AMSSXSAY N TAKAT
Yah, ur d nekkin ad iga uzmez. D ur γ- inn illa kensis.
Mᵃˢˢᵃ SMITH
Tarnnawt! Ɣʷẓaneγ.
Mᵃˢ SMITH, i temγart nnes.
Ad ur teḥmuqqit. ( I umssxsay n takat.) Mad yad- lli teskart γ imi n waggur?
AMSSXSAY N TAKAT
Walu. Beddeγ γ-inn. Ar swingimeγ γ kada n teγawsiwin.
Mᵃˢ MARTIN, i umssxsay n takat.
Macc tiss kṛaḍt tikkal… ur d keyyin ad iskarrin?
AMSSXSAY N TAKAT
Ʃɛad nekkin.
Mᵃˢ SMITH
Macc lliγ nelgem aggur ur γ- inn tellit.
AMSSXSAY N TAKAT
Acku hati is ḥbiγ… ad ḍṣṣaγ.
Mᵃˢ MARTIN
Ad ur teḍṣṣat a Mᵃˢ Amγar. Tammukrist isnnukman ay-ad.
Mᵃˢ MARTIN
Ɣ yat teguri, ur ta jju nessen iγ teskarri tennaqqust is illa kra γ imi waggur nγedd uhu!
Mᵃˢˢᵃ SMITH
Ur jju g- is kensis.
Mᵃˢ SMITH
Illa bedda g-is kra n yan.
33
AMSSXSAY N TAKAT
Rad kʷen d ssakceγ. Teγʷẓanem s sin- itun. Iγ tesawel tennaqqust n waggur, kra n tikkal ar γ-inn
ittili kra n yan, tikkal yaḍen ur a γ- inn ittili kensis.
Mᵃˢ MARTIN
May-ad ar ikccem ixf67 n yan.
Mᵃˢˢᵃ MARTIN
Ɣay-ann ad nn g- is unniγ ura nekkin.
AMSSXSAY N TAKAT
S wawal n tidt, ur akkʷ cqqantt teγawsiwin. (I Ayt Smith.) Ssudem at inger-at-un.
Mᵃˢˢᵃ SMITH
Hati nessudem yad inger-at-sen yan imikk ay-ad.
Mᵃˢ MARTIN
Rad ssudemen inger-at-sen azkka. Dar-sen akkʷ tizi.
Mᵃˢˢᵃ SMITH
Mᵃˢ Amγar, lliγ aγ tiwest ad tefrut68 may-ad, ili d ixf nnek, kkes cemrur nnek, ameẓ akal yan
imikk.
AMSSXSAY N TAKAT
Suref at yyi, macc ur ufiγ ad ggiwreγ mad iggutn. Riγ nit ad kkiseγ cemrur inu, macc ur dar- i tizi
ad skkuyseγ. ( Iskkus, ur ikkes cemrur nnes.) Ad awen kkeγ aγaras, uckiγ-d s dar-un f yat
teγawsa yaḍn. Dar- i yan usmmigel n tewwuri69.
Mᵃˢˢᵃ SMITH
Ma s rad ak za nawes γ tewwuri nnek?
AMSSXSAY N TAKAT
Rad yyi nit bahra tesurfem (innukma bahra); ah (ar immal s uḍaḍ Ayt Martin)… is ufiγ… γ
umnid nnesen…
Mᵃˢˢᵃ MARTIN
Ad ur tennukmut.
67
Taγawsa itteqqʷbal ixf n ufgan (logique); 68
Fek tifawin, ssisfiw (expliquer); 69
Mission de service.
34
Mᵃˢ MARTIN
Nega imddukkʷal iqqburen. Ar aγ ttinin inna ran.
Mᵃˢ SMITH
Ini.
AMSSXSAY N TAKAT
A wa. Is tenker takat γ tegemmi nnun?
Mᵃˢˢᵃ SMITH
Maxx lliγ tennit ghik-nna?
AMSSXSAY N TAKAT
Hati acku… suref at yyi, hati dar- i yan wanaḍ70 ad ssneseγ akkʷ takatin n teγremt.
Mᵃˢˢᵃ MARTIN
Takatin akkʷ!
AMSSXSAY N TAKAT
Yah, takatin akkʷ!
Mᵃˢˢᵃ SMITH, tejla,
Ur sseneγ… ur t nniγ, is teram ad nn-aggʷeγ?
Mᵃˢ SMITH, ar isdlfu.
Ur illa yat. Ur γ- id illa waḍu n uznunu.
AMSSXSAY N TAKAT, ira asuref,
Walu? Ur dar-un kra n takat idrusn γ inkan, kra ma ijddern γ usγar71 nγedd tasila n tegemmi72?
Kra n takat nna helli beḥḥra ireγan?
Mᵃˢˢᵃ SMITH
Rar-d amzzuγ nnek, hati ur riγ ad d- ik ameẓeγ tiɛnnuqqar, macc hati ur dar-neγ yat γil-ad. Rad ak
ttekkffeleγ iγ illa kra ad ak γereγ.
AMSSXSAY N TAKAT
Ad ur tettum, hati rad g- i teskerem yan ujmil mqqurn.
70
Asγʷay (ordre); 71
Agnar (grenier); 72
Agrur n tegemmi (cave):
35
Mᵃˢˢᵃ SMITH
Nefeka ak awal nneγ.
AMSSXSAY N TAKAT, i Ayt Martin,
Imma kʷnnin ur a dar-un ijdder kra?
Mᵃˢˢᵃ MARTIN
Waxxayt73 uhu.
Mᵃˢ MARTIN, i umssxsay n takat,
Tiγawsiwin nneγ skerentt ur gantt yat.
AMSSXSAY N TAKAT
Ur bahra gantt yat. Idrus bahra mad illan, kra n tewwuriwin ilan imikk, yat tanzllat, yan ugnnar.
Kra n imikk. Ur ad g- is netteks yat. Lliγ bahra ur tella tewwuri, drusentt bahra tesfekin 74 n
teyafut.
Mᵃˢ SMITH
Ur ar izzigiz yat. Inna tekkit iga γik-ann. Tasbbabt, tayyireza, assggʷass-ad iga zund takat, ur a
zzigizen.
Mᵃˢ MARTIN
Iγ ur llantt temẓin ur ad tili takat.
AMSSXSAY N TAKAT
Ura angi d-γ nettan.
Mᵃˢˢᵃ SMITH
Macc illa ṣṣkkʷaṛ.
Mᵃˢ SMITH
Hati acku ar t id nettawi γ beṛṛa.
Mᵃˢˢᵃ MARTIN
Takatin nettentin cqqantt. Ggutentt asen waẓayen75.
AMSSXSAY N TAKAT
Illa nit imikk, waxxa idrus. Yan igiḍ76 nγedd sin s unfus n tebutayt. Yat tefruxt nit temmut
imalass-ad izrin lliγ ur teqqen tabutayt.
73
(Malheureusement); 74
Tufekka, tasufut (prime); 75
Tankkist, tamukkest (taxe);
36
Mᵃˢˢᵃ MARTIN
Tettut tt?
AMSSXSAY N TAKAT
Uhu, is teγaldt is d timceḍt nnes ay-ann.
Mᵃˢ SMITH
Man zund γik-nna d nn- issaγn medden i urwas.
Mᵃˢˢᵃ SMITH
Is za teddit dar usbbab n iqqrcaden77?
AMSSXSAY N TAKAT
Ur γ- inn mad teskart. Ila adwas78 mar takat.
Mᵃˢ MARTIN
Ddu ekk-d, zzeγ dar- i, dar waggag79 n Wakefield.
AMSSXSAY N TAKAT
Ur dar- i azref ad ssnesaγ takat dar id waggag. Amγar nnesen rad as γlin idammen. Ar ssnesan
takatin nnesen s ixfawen nnesen nγedd ar asen ten ssnsantt tewaggagin.
Mᵃˢ SMITH
Ekk-d dar Ayt Durand.
AMSSXSAY N TAKAT
Ur as ufiγ ura nettan. Ur iga ggu Ungliz. Is as fekan tawmanit80 n Ingliz. Willi yumeẓen
tawmanit dar-sen azref ad ilin tigʷmma, macc ur dar-sen azref ad asen tentt issnes kra n yan yaḍn
takat iγ g-isentt tenker.
Mᵃˢˢᵃ SMITH
Macc lliγ g- is tenker takat, nessnesa tt nit.
AMSSXSAY N TAKAT
Isker may-nna s turkesa. Ur d nekkin ar ad t inn ickkem.
76
Assiṣmiḍ (asphyxie); 77
Isnfaden (allumettes): 78
Ila annal/tanilt (être assuré); 79
Tṭalb n Iṛumiyen (vicaire); 80
Asnti anamur n kra n yan (nationalité);
37
Mᵃˢ SMITH
Ura nekkin.
Mᵃˢˢᵃ SMITH
Lliγ bahra ur a teγawalt mani, Mᵃˢ Amγar, skkus sul imikk. Rad aγ teskert s ay- lli nera.
AMSSXSAY N TAKAT
Is teram ad awen alseγ i kra temssaḍṣatin?
Mᵃˢˢᵃ SMITH
Yah ad iga, tegit afgan ilan tisent81.
Tessudemt.
Mᵃˢ SMITH, Mᵃˢˢᵃ MARTIN, Mᵃˢ MARTIN
Yah, yah, timssaḍṣatin, ayyuz!
Ar kkaten ṛṛecc.
Mᵃˢ SMITH
Mad akkʷ bahra ifulkin lliγ iga uzmez timssaḍṣatin n imssxsay n takat lli bedda igan tidt, lli
dderen medden.
AMSSXSAY N TAKAT
Ar sawaleγ f teγawsiwin lli ddereγ nekkin nit. Tilawt, γar tilawt. Ur llan idlisen.
Mᵃˢ MARTIN
Ɣik-ann ad tega, tidt ur tella γ idlisen, macc tella γ tudert.
Mᵃˢˢᵃ SMITH
Ssfal!
Mᵃˢ MARTIN
Ssfal!
Mᵃˢˢᵃ MARTIN
Fess at, hati issfal.
AMSSXSAY N TAKAT, ar tt tekkat tekuḥḥut mennaw tikkal.
Suref at yyi, ad g- i ur tesmuqqulem s γik-nna. Ar yyi tesnnukmum. Tessenem is giγ amllaẓẓu.
81
Afalkay, amasin (charmant);
38
Mᵃˢˢᵃ SMITH
Iga afgan ilan tisent.
Tessudem t.
AMSSXSAY N TAKAT
Meqqar d γik-ann rad mmaγeγ ad ssfaleγ. Macc ttekkffel at yyi ad d ur tegem tamzzuγt.
Mᵃˢˢᵃ MARTIN
Macc iγ nn s- ik ur nega tamzzuγt ur ad ak nessfled.
AMSSXSAY N TAKAT
Ur ikka may-nna agayyu nu!
Mᵃˢˢᵃ SMITH
Hati nniγ awen t yad- lli : hati afrux ad iga.
Mᵃˢ MARTIN, Mᵃˢ SMITH
Ah a afrux ittuḥmaln!
Ssudemen t.
Mᵃˢˢᵃ MARTIN.
Ʃaqqed.
AMSSXSAY N TAKAT
A wa (Ar daγ ittekuḥḥu, issfal ilmma ar isawal ig as uγʷni taqqayt.) « Aydi d ufunas », umiyyen
ddereγ : yat tekklit yan ufunas yaḍn isaqqsa yan waydi yaḍn : « Maxx lliγ ur tezzɛluleft
aqqammu nnek? » « Asuref, as as inna waydi, acku γaldeγ is giγ ilu 82. »
Mᵃˢˢᵃ MARTIN
Man tifawt a rad d g- is nasi?
AMSSXSAY N TAKAT
Kʷnnin as ixaṣṣa ad s-tt yaf.
Mᵃˢ SMITH
Iγʷẓan.
Mᵃˢˢᵃ SMITH, tekkuzba83.
82
Yan umader bahra izurn (éléphant); 83
Iγ bahra ifqqɛa ufgan nγedd iγ as bahra γlin idammen (furieuse);
39
Tayyaḍ yaḍn
AMSSXSAY N TAKAT
Yan uɛlluc mẓẓiyn icca bahra asammγ84 ibbʷkn. Ukan sγʷin as ad yaru. Telul-d dar-s yat
tefunast. Macc, aɛlluc iga afrux, tafunast ur tufa ad as ttini «immi». Ur tufa ad as tini ura «baba»
d-γ nettan acku aγʷi imẓẓiy bahra. Sγʷin i uɛlluc ad ittahel d kra yat, d teγiwant85 tesker ay- lli
fell-as illan.
Mᵃˢ SMITH
S teγarast n Caen86.
Mᵃˢ MARTIN
Zund ilawan.
Mᵃˢˢᵃ SMITH
Illa akkʷ γ iγmisen.
Mᵃˢˢᵃ MARTIN
May-ann izri γ tama nneγ.
AMSSXSAY N TAKAT
Rad awen iniγ yat yaḍn. «Afullus.» Yat tekklit, yan ufullus ira ad isker ikzin. Macc ur dar-s
acagur87, acku ssuggʷan t id medden d ulggud.
Mᵃˢˢᵃ SMITH
Macc aydi lli ran ad isker afullus ur s- is issen kensis.
Mᵃˢ SMITH
Rad awen iniγ yat ura nekkin : «Algmaḍ d ubaγuγ». Yat tekklit, yan ulgmaḍ ilkem-nn yan
ubaγuγ ini as : «irwas yyi is k sseneγ! » Irar as d ubaγuγ: «Ura nekkin.» «Hiyya, ini as ulgmaḍ,
ad yyi tefekt idrimen. » «Abaγuγ ur a yakka idrimen », as as d-irur umudar-ann adiwan lli, fadd
ad irur, innttegn-nn γ yat tefrawt88 idran iktarn s tesmlalin89 d tamment n ifullusen. Algmaḍ imdi
as ukan g-is, ar iḍṣṣa s yat taḍṣa tanmillust90. Iḍi-d nit ubaγuγ tajnwit nnes ar isḍuhyu: « rad ak
84
T isi, taẓuka (verrre); 85
Tigemmi n tiγremt/teγiwant (mairie); 86
Yat tiγremt γ tagut n temazirt n Fṛanṣa; 87
Tawnza (chance); 88
Taγzut (vallée); 89
Iga yat wanaw n waddag lli yakkan tigʷmma ẓggʷaγnin (fraisier); 90
T in imillus, cciṭan (méphistophélique);
40
lmdeγ ad teddert!» ilmma imel as d timlli n iḍaṛṛen91 nnes. Ur dar-s acagur. Algmaḍ ifssus fell-
as. S tukkimt illan d ixf nnes as yut abaγuγ γ tuẓẓumt n ignzi, ig akkʷ izlallayen, ar isḍuhyu:
«Uhu! Uhu! Kkuẓ n id uhu! Ur giγ illi-k. »
Mᵃˢˢᵃ MARTIN
Mad nit ifulkin ay-nna.
Mᵃˢˢᵃ SMITH
Ur tt yaγ yat.
Mᵃˢ MARTIN (iγmec92 afus n Mᵃˢ Smith)
Ad ak yarγud.
AMSSXSAY N TAKAT, g-is tasmin.
Ur tesker yat. D yat ar snat, hati sseneγ tt nit.
Mᵃˢ SMITH
Wayyahu.
Mᵃˢˢᵃ SMITH
Macc may-ann ur iga tidt.
Mᵃˢ MARTIN, i Mᵃˢˢᵃ Smith,
Tawala nnem ay-ad, Massa.
Mᵃˢˢᵃ SMITH
Ssneγ yan. Rad awen tt ini. Azwir nnes iga t «Tadla».
Mᵃˢ SMITH
Tamγart inu tega bedda taṛumansit.
Mᵃˢ MARTIN
Tega ultt Ingliz igan taḥuṛṛit.
Mᵃˢˢᵃ SMITH
Ha tt id: Yat tekklit, yan isli iwi-d yat tadla n ijddigen i teslit nnes lli as innan «tanmmirt» ; macc
lliγ ur ta tenna «tanmmirt», nettan, ur isawel, yusi as ijddigen lli as ifeka fadd as isker yat
91
Irur, irwel, issukef (s’enfuir); 92
Ameẓ afus n kra d-is teziwelt (serrer);
41
tamssirdt nit, ini as « rad ten daγ asiγ», ini as «ar kiγ daγ» lliγ ten iga γ ufus nnes iddu nit s γ- id, s
γ-inn.
Mᵃˢ MARTIN
Ah, ifulki!
Issudem nγ ur issudem Mᵃˢˢᵃ Smith.
Mᵃˢˢᵃ MARTIN
Dar-k yat temγart a Mᵃˢ Smith lli mu akkʷ lan medden tasmin.
Mᵃˢ SMITH
Ad iga. Tamγart inu afulles93 ad tega s ixf nnes. Is akkʷ fell- i tefulles. Yat ukan, tega bahra
tawtemant94. Ar t ttinin medden.
Mᵃˢˢᵃ SMITH, i umssxsay n takat.
Yan yaḍn a Amγar.
AMSSXSAY N TAKAT
Uhu, izri uzmez.
Mᵃˢ MARTIN
Ɣar ini ka.
AMSSXSAY N TAKAT
Ṛmiγ bahra.
Mᵃˢ SMITH
Sker aγ s ujmil-ad.
Mᵃˢ MARTIN
I Ṛebbi.
AMSSXSAY N TAKAT
Uhu.
Mᵃˢˢᵃ MARTIN
Iqqur ul nnek. Nella f tergin ktinin.
93
Tanumert, taytti (l’intelligence); 94
Tela bahra timitar n tewtemt (féminine);
42
Mᵃˢˢᵃ SMITH, ar ttesudun iḍaṛṛen, ar tesḥuṭṭu, nγ wahli.
Giγ-nn s-ik Ṛebbi.
AMSSXSAY N TAKAT
Waxxa.
Mᵃˢ SMITH, γ umzzuγ n Mᵃˢˢᵃ Martin.
Ira! Rad aγ sul izziwez.
Mᵃˢˢᵃ MARTIN
Ttefu.
Mᵃˢˢᵃ SMITH
Hiyya walu. Ssugʷeteγ bahra.
AMSSXSAY N TAKAT
«Taytti n uṣmmiḍ95» : aḍggʷal inu, γ tesga n baba, iṭṭaf yad-lli yan wayyaw lli dar yan unttay96 lli
dar yan uḍggʷal lli iṭṭafn yan baba-s amγar γ tesga n ma-s lli yad- lli itaheln γ temγera nnes tiss
snat yat tefruxt lli igan ultt γ-inn lliγ tt issen γ yan γ imudduten nnes, tafruxt-ad lli bahra ittiri d
lli as yurun yan ufrux lli yiwin yat mmi- isafaren97 ur issenn tikṣṣaḍ lli gan γar tayyawt n yan
umazzal mẓẓiyn γ Taylelant98 n Ingliz lli d- issnker yan urgaz lli dar yat ibba-s lli isawaln
tasbbanyult zund ka mit d lli igan, irwas, tayyawt n yan umcnaw99 immutn γ mẓẓi nnes, ayyaw
nettan nit n yan bab ibaḥaren n waḍil lliγ d- ittukkas kra n waman n waḍil ur igan yat, macc dar-s
yan iwi-s n wayyaw nnes, lli bahra ur ittemussun, ig agumi γ tudert nnes lli itaheln yat tefruxt
bahra ifulkin, lli d yad- lli itteṛẓamn ; argaz nnes izwarn iga iwi-s n yan umuran100 ikkan aγaras
lli d- issnkern yat γ tefrexin nnes γ tirit101 ad tesker idrimen lli yufan ad tettahel yan ungʷmar lli
yad- lli issenn Rothschild lli ilan gʷma-s, lli infelen mennawtt tikkalt tawwuri, itahel, yaru yat
tefruxt lli ilan yan baba-s n baba-s amγar imdan, ar nn-ttegga tismmuqqal lli as ifeka yan
wayyaw nnes, aḍggʷal n yan ggu Beṛṭqqiz, iwi-s n yan bu imassen n iẓiḍ, lliγ bahra ur illa ẓẓleḍ,
lli iṭṭafn yan gʷma-s s tabbat lli yiwin yat temγart, illi-s n yan umsifer n temazirt102, lli igan
nettan nit gʷma-s tabbat n yan bu-ugʷfay, nettan nit imikr yan umsifer n temazirt yaḍn, itaheln
kṛaḍt tikkal; tiss kṛaḍt temγarin nnes…
Mᵃˢ MARTIN
95
Taytti n waḍu, axamuc, adxcam (rhume): 96
Anat, xali (oncel maternel); 97
Tamγart izznezan isafaren (phramcienne); 98
Ar tt tt inin i igumiyen d isrdasen lli tt ilin γ ill (la marine); 99
Ijnyuṛ (ingénieur); 100
Walli bahra iḥmeln tamazirt nnes (patriote); 101
Ay-lli ittegga ufgan γ ixf nnes, ay-lli itt ira ura nettan (désir); 102
(médecin de campagne);
43
Sseneγ tiss kṛaḍt temγarin-ad iγ ur jliγ. Ar tectta afullus γ yan uẓeṭṭa n uγiddu103.
AMSSXSAY N TAKAT
Ur d nettat ay-ann.
Mᵃˢˢᵃ SMITH
Ccct!
AMSSXSAY N TAKAT
Rad iniγ:...tiss kṛaḍt temγarin nnes tega illi-s n tamssarut104 akkʷ ifulkin γ tesga nnes lli igan
tamdwelt zikk…
Mᵃˢ SMITH
Zund tamγart inu.
AMSSXSAY N TAKAT
… tettahel yan bu-usammγ105, bahra ittiqqenn, lli skeren i yan ixf n usbiddad n ikabaṛen n uzzal
yan wazzan lli iḥṛecn isker aγaras nnes γ tudert…
Mᵃˢˢᵃ SMITH
Aγaras nnes n uzzal…
Mᵃˢ MARTIN
Zund γ tekkaṛḍiwin106.
AMSSXSAY N TAKAT
Ittahel yat tesbbabt n ṭẓa izmaz, baba-s iṭṭaf yan gʷma-s, amγar n yat teγremt mẓẓiyn, lli itaheln
yat teslmadt igan taẓɛṛit lli ilan yan wayyaw, angʷmar n tukkeḍt…
Mᵃˢ MARTIN
S tukkeḍt immutn?
AMSSXSAY N TAKAT
… itahel yat temγart yaḍn igan taslmadt iẓɛṛn lli ilan s wassaγ Marie, gʷma-s itahel s yat Marie
yaḍn, lli igan ura nettat taslmadt d teẓɛṛit…
Mᵃˢ SMITH
103
Mmel lliγ a itt ili uγiddu (guêpier); 104
Iga tt tamγart lli issarun tumγarin (sage-femme); 105
Argaz izzneza jjaj (vitrier); 106
(les cartes);
44
Lliγ tega taẓɛṛit ur ad teg γar Marie.
AMSSXSAY N TAKAT
… baba-s lli d-tessnker yat tewssart γ Kanaḍa lli igan tayyawt n yan waggag, ma-s mqqurn lli
ittehracn s uṣmmiḍ γ tegrest, zund akkʷ medden.
Mᵃˢˢᵃ SMITH
Tullist ma γ ittuham yan. Ur akkʷ bahra tekccem ixf n yan.
Mᵃˢ MARTIN
Iγ aγ yut uṣmmiḍ ad nectta icddaden.
Mᵃˢ SMITH
Taγawsa ur iqqenn aγjjaj ad tega, macc tega bezziz.
Mᵃˢˢᵃ MARTIN
Suref yyi a Mᵃˢ Amγar, ur yyi bahra tefaw tullist nnek. Ɣ tegira, iγ nelkem n ma-s mqqurn n
waggag ar aγ ttenckalentt teγawsiwin.
Mᵃˢ SMITH
Ar bedda netteckal d teḍaṛin n id waggag.
Mᵃˢˢᵃ SMITH
Yah a Amγar, aywa daγ! Medden ar awen t ttinin.
AMSSXSAY N TAKAT
Ah, ur sseneγ is rad as afeγ. Hati asmmigel n tewwuri aγ lliγ. Tekur-nn γ tizi lli illan.
Mᵃˢˢᵃ SMITH
Ur dar-neγ tin- tizi γ dar-neγ.
AMSSXSAY N TAKAT
Imma za izmaz?
Mᵃˢ SMITH
Ur a zzigizen. Dar-sen yan iman unnzray. Ar bedda mmalen afna107 n tizi lli illan.
TAMDAYT TISS IX
107
Taγawsa innzrin d tayyaḍ, afna, taɛnnuqqert (le contraire); .
45
Willi daγ , d Mary
MARY
Massa, Mas…
Mᵃˢˢᵃ SMITH
Mad terit?
Mᵃˢ SMITH
Ma s d-tuckit s γ-id?
MARY
Suref at yyi a Mas d Massa… d medden yaḍen… riγ… riγ… ura nekkin … ad awen iniγ yat
temssḍṣat.
Mᵃˢ MARTIN
Irwas yyi is d timkirit n imddukkʷal nneγ is tt ifel win ger tekuṭṭaṣ… Tera ura nettat ad tales i yat
temssḍṣat.
AMSSXSAY N TAKAT
Mad as ittini ixf nnes? (Ar g-is ismuqqul) Ah!
Mᵃˢˢᵃ SMITH
Maxx lliγ ur tekcemt ssuqq n ixf nnem? Ur akkʷ tellit a Mary…
AMSSXSAY N TAKAT
Ah! Nettat ay-ann! Ma tt a wa γay-ad.
Mᵃˢ SMITH
Imma keyyin?
Mᵃˢˢᵃ SMITH
Mad kullu iga γay-ad?
Mᵃˢ SMITH
Tegam imddukkʷal.
AMSSXSAY N TAKAT
Bahra akkʷ!
46
Mary tega tiwwa i umssxsay n takat.
MARY
Lliγ ka sul ẓeṛiγ…!
Mᵃˢ d Mᵃˢˢᵃ SMITH
Ah!
Mᵃˢ SMITH
Waw γ dar-neγ, γ tesggʷin n London.
Mᵃˢˢᵃ SMITH
Ur d-yucka!...
AMSSXSAY N TAKAT
Hati nettat ad issnesan takatin inu izwaren.
MARY
Giγ assnṣeḍ n waman mẓẓiyn.
Mᵃˢ MARTIN
Lliγ akkʷ gantt teγaswiwin γik-ad… imddukkʷal ittuḥmalen… issyafaten nnes gan mad ifrru yan,
gen win ufgan, ilin addur…
Mᵃˢˢᵃ MARTIN
Inna iga win ufgan hati ila addur.
Mᵃˢˢᵃ SMITH
Macc ur bahra ḥmileγ ad d- iγ tili γ γ- id… ger-at-neγ…
Mᵃˢ SMITH
Ur bahra teγera…
AMSSXSAY N TAKAT
Ah dar-un akkʷ imzzaγ n ulgamu108.
Mᵃˢˢᵃ MARTIN
Nekkin ar ttannayeγ masdd timikirit, waxxa ur riγ ad kcemeγ tawwuri ur igan tinu, ur sar tega
amr timikirt…
108
Iga ten iswingimen lli iskar ufgan f wayyaḍ waxxa ur gan tidt (oeillères, préjugés);
47
Mᵃˢˢᵃ MARTIN
Meqqar tufa ad teg kra n tebulist n isnusuten.
AMSSXSAY N TAKAT
Ajj yyi.
MARY
Ad akkʷ g-isen ur tegt ixf nnek!... Hati ur gan gar.
Mᵃˢ SMITH
Hum..hum…ar tesirksisem, sin itun, macc yan imikk… teram …
Mᵃˢ MARTIN
Yah, taguri-ann ad d-yuckan.
Mᵃˢ SMITH
…ad kʷen akkʷ ẓeṛen medden yan imikk…
Mᵃˢ MARTIN
Llantt kra n tuctal109 n Ingliz, suref at yyi iγ daγ fruγ aswingem inu, lli ur ssenen ayt beṛṛa, waxxa
gan iwzzanen, s tewisi nnes, fadd ad saweleγ γik-ad…hati ur a ttiniγ γay-ad f kʷnnin…
MARY
Riγ ad awen iniγ…
Mᵃˢ SMITH
Ad ur tinit yat…
MARY
Ʃɛad.
Mᵃˢˢᵃ SMITH
Away a illi Mary, ddu s unwal ar nn g-is taqqerat amareg nnem γ umnid n tisit110…
Mᵃˢ MARTIN
Yah, meqqar ur giγ timkirit ar aqqeraγ ura nekkin amareg inu γ umnid n tisit.
Mᵃˢˢᵃ MARTIN
109
Tudera n wallen (pudeur) ; 110
Iga ya teγawsa ifawn lli ttegga i isksal (la glace);
48
Taylgi-ad lliγ teẓeṛit ixf nnek γ tisit ur as bahra tekkest turda.
Mᵃˢ MARTIN
Acku ur yad- lli γ- inn lliγ…
MARY
Ufiγ, irwas, ad awen d- iniγ yat temdyazt mẓẓiyn.
Mᵃˢˢᵃ SMITH
Mary, a illi, iqqur bahra ixf nnem.
MARY
Rad awen d iniγ yat temdyazt, is tessfledem? Tamdyazt-ad tela azwir «Takat» s waddur n
Umγar.
TAKAT
Tiγʷẓnin111 ar smlmiḍentt γ tagant
Yat teẓeṛut tenker g-is takat
Ibergemmi tella g- is takat
Tagant tella g- is takat
Medden tenker g- isen takat
Tumγarin tenker g- isentt takat
Igḍaḍ tenker g- isen takat
Isleman tenker g-isen takat
Aman tenkeren g- isen takat
Ignna tenker g- is takat
Iγd tenker g- is takat
Aggu tenker g-is takat
Takat tenker g- is takat
Akkʷ ma illan tenker g- is takat
Tenker g- is takat, tenker g- is takat
Ar ttinin tamdyazt ḍin tt Ayt Smith s beṛra n teḥanut
TAMDAYT TISS X
Willi nit daγ, tar Mary
111
Polycandre n'est pas dans le dictionnaire. Une seule explication est donc possible : polyandre est une femme qui a plusieurs maris. Or ce mot aurait pu choquer. Comme c’était le cas pour Boris Vian qui, dans les années cinquante, écrivait "merdre" au lieu de "merde". Justement pour ne pas choquer l’auditoire. La même chose peut être dite d’Ionesco qui a écrit "polycandre" au lieu de "polyandre", ces créatures féminines sortant du bois et ayant plusieurs maris. Étant donné que nous n’avons pas un personnage équivalent dans la langue amazighe, j’ai juste employé le mont
« taγʷẓent »’’ qui veut littéralement dire «ogresse »
49
Mᵃˢˢᵃ MARTIN
Teẓẓma yyi…
Mᵃˢ MARTIN
Tella nit imikk n tereqqa γ tittiytin nnes…
AMSSXSAY N TAKAT
Is akkʷ bahra ifulki may-ann.
Mᵃˢˢᵃ SMITH
Meqqar d γik-ann…
Mᵃˢ SMITH
Tesugʷetem.
AMSSXSAY N TAKAT
Ssfled at, s tidt… akkʷ may-ad iga bahra taγawsa iẓlin s kiwan… macc may-ad iga awingem inu
n umaḍal. Tawwargit inu. Tamadayant inu112… d isskʷti yyi d is ixaṣṣa ad afuḍeγ. Lliγ dar-un ur
tella tin-tizi, nekkin, γ tesrgat d yat tusdadt tella dar-i takat γ tesga-ann yaḍen n teγremt. Ixaṣṣa ad
ḥaṛṛuγ. Waxxa ur iga may-ann mad iggutn.
Mᵃˢˢᵃ SMITH
Ma rad ig? Imikk n takat n inkan?
AMSSXSAY N TAKAT
Ur d akkʷ. Yat takat n walim d yat waγad113 mẓẓiyn n wadis.
Mᵃˢ SMITH
Hiyya rad g-iγ iγama wafuḍ nnek.
Mᵃˢˢᵃ SMITH
Tessrceqt aγ bahra!
Mᵃˢˢᵃ MARTIN
S tewisi nnun, nezzri yan smmust-d-merawtt n tusdadin n Descartes.
112
Ay-lli s a itt ini ifulki bahra bahra γ dar-s (idéal); 113
Tuqqedt (brülure) ;
50
AMSSXSAY N TAKAT iwades beṛṛa, imikk ibedd.
Imma za tamarirt tamýýuḍt?
Afessas yuman, annukmu.
Mᵃˢˢᵃ SMITH
Ar teskar i wazzar mek- lli bedda.
AMSSXSAY N TAKAT
Ah! Hiyya amsifaḍ, id Mas, id Massa.
Mᵃˢ MARTIN
Acagur114 ifukin, d takat ifulkin!
AMSSXSAY N TAKAT
Neẓuẓed t. I kiwan.
Idda umssxsay n takat.
Mun akkʷ d-is ar taggurt
urrin-d s id mmel nnesen.
TAMDAYT TISS XI WILLI DAƔ, ƔAR AMSSXSAY N TAKAT
Mᵃˢˢᵃ MARTIN
Ufiγ ad seγeγ tuzzalt n ugudil115 i gʷma, macc ur ad teseγt Iṛlanda i baba-k mqqurn.
Mᵃˢ SMITH
Ar nezzigiz s iḍaṛṛen, macc ar nereqqa s tifawt d tergin.
Mᵃˢ MARTIN
Walli izzneza tafunast γ ass-ad, azkka rad iṭṭef taglayt.
Mᵃˢˢᵃ SMITH
Ɣ tudert iqqan-d ad d-nesmuqqul γ usksel.
Mᵃˢˢᵃ MARTIN
Nufa ad neskkus γ wazya iγ t sul ur ila uzya.
114
Tawnza (chance); 115
Ucmir, aclliq, acllil (poche);
51
Mᵃˢ SMITH
Iqqan aγ d bedda ad neswigim akkʷ γ teγawsiwin.
Mᵃˢ MARTIN
Asalas116 illa γ ufella, akal illa γ izddar.
Mᵃˢˢᵃ MARTIN
Iγ nniγ yah, hati yat teγarast n wawal ay-ann.
Mᵃˢˢᵃ MARTIN
Kiwan d tirra117 nnes.
Mᵃˢ SMITH
Asi tazayyert, ḥllilt tt, rad teg gar.
Mᵃˢˢᵃ SMITH
Aslmad ar immal i imḥḍaṛen ad aqqeran, macc tamucca ar takka tabbat i tarwa nnes lliγ sul
mẓẓiyen.
Mᵃˢˢᵃ MARTIN
Meqqar aγ takka tefunat timγal nnes.
Mᵃˢ SMITH
Iγ lliγ γ temazirt, ḥmeleγ usuf118 d teggigt.
Mᵃˢ MARTIN
Ur ta tegit awssar ad telkemt may-ann.
Mᵃˢˢᵃ SMITH
Benjamin Franklin iγʷẓan: ur fell-as tezgam.
Mᵃˢˢᵃ MARTIN
Mad gan ussan n imalass?
Mᵃˢ SMITH
Monday, Tuesday, Wednesday, Thursday, Friday, Saturday, Sunday119.
116
Tasyut, t igjda, issili (plafond); 117
Aylli d-itteyuran f ufgan (destin); 118
Iγ iga ufgan awliwel, waẓ (solitude); 119
T inglizt as ten inn-iga Ionesco;
52
Mᵃˢ MARTIN
Edward is a clerck ; his sister Nancy is a typist, and his brother William a shop-assistant120.
Mᵃˢˢᵃ SMITH
Ma tta tawja-ad!
Mᵃˢˢᵃ MARTIN
Yuf dar- i yan ugḍiḍ γ yan igr yat tareγa γ yat tesmattayt121.
Mᵃˢ SMITH
Yuf ukan yan inrfel γ yat tegemmi tagʷfayt γ yan iγrem122.
Mᵃˢ MARTIN
Tigemmi n yan ggu Ingliz tega iγrem nnes nit.
Mᵃˢˢᵃ SMITH
Ur bahra sseneγ tasbbanyult ad s- is sslkemeγ iswingimen inu.
Mᵃˢˢᵃ MARTIN
Rad ak fekeγ tissal n teḍggʷalt inu iγ yyi tefekit isbder123 n urgaz nnem.
Mᵃˢ SMITH
Rad siggeleγ kra n waggag bu-Ʃisa akucan124 ad as taheleγ timikirt nneγ.
Mᵃˢ MARTIN
Aγrum iga addag lliγ iga uγrum ura nettan addag, d zzeγ tasaft125 aγ d-teffaγ tasaft, kra iga tt
taylgi γ telbbebest.
Mᵃˢˢᵃ SMITH
Dadda izdeγ γ temazirt macc ur iga tawwuri n temssarut.
Mᵃˢ MARTIN
Tanfult tega i tirra, amuck iga teγrdayt. Takʷmmart iga i mad t ittexrbacn.
Mᵃˢˢᵃ SMITH
120
Ura γ-id. 121
Iga tt yan imiss ar s-is ttasin medden tiγaswin igan zund amlal, amazir… (brouette); 122
Ibrgemmi ( palais); 123
Afnniq lliγ a tteggan kra nna immutn, tegertilt n temzgida (cercueuil); 124
Walli tt inin γ Iṛumiyen masdd Ʃisa dar-s yat teγara lli igan tin Wakuc (monophysite); Celui qui ne reconnaît qu'une nature dans la personne du Christ (en opposit ion à la définition donnée par le concile de Chalcédoine (451) selon laquelle la nature humaine et la nature divine coexistent dans une personne. 125
Iga yan wanw waddag lli mu daγ ttinin medde : akrruc d talsent (chêne);
53
Tamubil ar bahra tezzigiz, macc mmi- isnwa ar tteḥiyyal tiram.
Mᵃˢ SMITH
Ad ur tegem id bibi, ssudem at bu-umnem126.
Mᵃˢ MARTIN
Charity begins at home127.
Mᵃˢˢᵃ SMITH
Ar tteqqeleγ s isil128 ad d-yack ad yyi iẓeṛ γ bu-tuccaf inu129.
Mᵃˢ MARTIN
Nufa ad nemel masdd tanuflayt tamunant130 yuf iẓiḍ131.
Mᵃˢ SMITH
Arwass a acawwur132!
Lliγ ihiyya Mᵃˢ Smith awal nnes, ww-inn yaḍen
fissen yan imikk, ar ttuhamen. Nessen is illa kra
n ukkuzbu. Tayttiwin n izmaz kkuzban s imikk
ura nettenti. Tiruriwin lli d-yuckan ixaṣṣa
ad ttunnantt, s izwar, s yan wawal ikremn, icqqan.
Tacqqawt d ukkuzbu ar ttiguten. Ɣ isggʷra n
temdayt-ad, kkuẓ udmawen-ann ixaṣṣa ad
mmiggiren bedden, yan tama n wayyaḍ,
ar sḍuhyun iγ a sawalen, ḥiyyelen-d tukkimin,
skeren ad mmaγen.
Mᵃˢ MARTIN
Ur a nettegga i tesmmuqqal nnes acawwur asggan.
Mᵃˢˢᵃ SMITH
Macc iγ llan idrimen rad akkʷ neseγ inna nera.
Mᵃˢ MARTIN
Yuf yyi iγ neγiγ aqqʷlil iγ a ttirireγ urti.
126
Bu-umckukeḍ (conspirateur); 127
Ɣik-ad ad s-t yura Ionesco, γik-ad ad s-t ujjiγ; 128
Illi ttekkan waman, tilggʷit, abadu (aqueduc); 129
Iga illi γ aẓẓaḍen medden tumẓin, izregan, aḍuḥan (moulin); 130
Tamγuri tamunant ( progrès social); 131
Ṣṣkkʷaṛ (sucre); 132
Yat teγawsa lli tteggan medden i idukan nnes ad smlmiḍen (cirage);
54
Mᵃˢ SMITH
Kakatus, kakatus, kakatus, kakatus, kakatus, kakatus, kakatus, kakatus, kakatus, kakatus, kakatus.
Mᵃˢˢᵃ SMITH
Ma tta kakka, ma tta kakka, ma tta kakka, ma tta kakka, ma tta kakka, ma tta kakka, ma tta
kakka, ma tta kakka.
Mᵃˢ MARTIN
Ma tta amazzer-ad n kakka, ma tta amazzer-ad n kakka, ma tta amazzer-ad n kakka, ma tta
amazzer-ad n kakka, ma tta amazzer-ad n kakka, ma tta amazzer-ad n kakka, ma tta amazzer-ad n
kakka, ma tta amazzer-ad n kakka.
Mᵃˢ SMITH
Iḍan llan g- isen iggurdan, iḍan llan g- isen iggurdan.
Mᵃˢˢᵃ MARTIN
Kakus, kusis, kukus, cakkar, kuku!
Mᵃˢˢᵃ SMITH
Ar aγ teskert kukku, ar aγ teskart kukku.
Mᵃˢ MARTIN
Yuf yyi iγ sḍeṛeγ yat teglayt iγ ukʷereγ azger.
Mᵃˢˢᵃ MARTIN, tebeḥ bahra imi.
Ah! uh! ah! uh! ajj at yyi ad skirriγ133 uxʷsan.
Mᵃˢ SMITH
Kayman!
Mᵃˢ MARTIN
Rwaḥ at ad nemrreq Ulis134.
Mᵃˢ SMITH
Rad dduγ ad zdeγeγ γ uḥcuc γ taddagin inu n kakaw.
Mᵃˢˢᵃ MARTIN
133
Iγ a sawalen uxʷsan n kra n yan (grincer); 134
Iga yan udm bahra mqqurn γ t ilyadt n Homer (Ulysse);
55
Taddagin n kakaw γ tebḥirin n kakaw ur a akkantt kawkaw, d akkantt d kakaw. Taddagin n
kakaw n tebḥirin n kakaw ur a akkantt kawkaw, d akkantt d kakaw. Taddagin n kakaw n tebḥirin
n kakaw ur a akkantt kawkaw, d akkantt d kakaw.
Mᵃˢˢᵃ SMITH
Tiγrdayin lantt iγʷrban, iγʷrban ur lantt tiγrdayin.
Mᵃˢˢᵃ MARTIN
Ad ur teggert i aɛlluc!
Mᵃˢ MARTIN
Ad ur tesmasst aɛlluc!
Mᵃˢ SMITH
Ecc amucc, ad ur temacat s ilmec.
Mᵃˢˢᵃ MARTIN
Aelluc ijiyyec
Mᵃˢˢᵃ SMITH
Sḍiyyec amucc.
Mᵃˢ MARTIN
Sḍiyyec amucc immuccan, sḍiyyec amucc imuccan.
Mᵃˢ SMITH
Ismaccutten ismuccan.
Mᵃˢˢᵃ MARTIN
Asmaccu.
Mᵃˢˢᵃ SMITH
Lalla-Tamucca.
Mᵃˢ MARTIN
Telit yan ulamuc!
Mᵃˢ SMITH
Ar yyi tesmuccut.
56
Mᵃˢˢᵃ MARTIN
Lalla Tamucca ar ttecabba s uɛttuc.
Mᵃˢˢᵃ SMITH
Ad as tt ur tecuttect hati teṛeẓa.
Mᵃˢ MARTIN
Sully!
Mᵃˢ SMITH
Prudhomme!
Mᵃˢˢᵃ MARTIN, Mᵃˢ SMITH
François.
Mᵃˢˢᵃ SMITH, Mᵃˢ SMITH
Coppée.
Mᵃˢˢᵃ MARTIN, Mᵃˢ SMITH
Coppée Sully!
Mᵃˢˢᵃ SMITH, Mᵃˢ MARTIN
Prudhomme François.
Mᵃˢˢᵃ MARTIN
Gar id bu-uγliγel, gar id bu- iγliγel.
Mᵃˢ MARTIN
Mariette, sker taγʷrit!
Mᵃˢˢᵃ SMITH
Kricnaimmuti, Kricnaimmuti, Kricnaimmuti!
Mᵃˢ SMITH
Ababa135 bbah t! Ababa ur dar-s kabab. Kabab dar-s yan ubaba.
Mᵃˢˢᵃ MARTIN
Bazar, Balzak, Bazuka!
135
Anmγur n Ikatulkiyen (le pape);
57
Mᵃˢ SMITH
A, e, i, o, u, a, e, i, o, u, a, e, i, o, u, i!
Mᵃˢˢᵃ MARTIN
B, c, d, f, g, l, m, n, p, r, s, t, v, w, x, z!
Mᵃˢ MARTIN
Zzeγ tiskert ar aman, zzeγ isker ar tiskert.
Mᵃˢˢᵃ SMITH, ar teskart tadadit n ukabaṛ n uzzal.
Ddaf, ddaf, ddaf, ddaf, ddaf, ddaf, ddaf, ddaf, ddaf, ddaf, ddaf!
Mᵃˢ SMITH
Hati!
Mᵃˢˢᵃ Martin
Ur d!
Mᵃˢ MARTIN
I Ṛebbi!
Mᵃˢˢᵃ SMITH
Ɣ-inn
Mᵃˢ SMITH
Hati!
Mᵃˢˢᵃ MARTIN
I Ṛebbi!
Mᵃˢ MARTIN
Ɣ-
Mᵃˢˢᵃ SMITH
Id!
Kkuzban, ar sḍuhyun s ay-lli gan γ imzgan i nger-at-sen.
Tifawt tenesa. Ɣ tillas ar nessflid s tenaγa ittezrabn imikk
s imikk.
S AY-LLI GAN
58
Hati ur d i Ṛebbi γ- inn, hati i Ṛebbi γ- id, hati ur d i Ṛebbi γ- inn, hati i Ṛebbi γ- id, hati ur d i
Ṛebbi γ- inn, hati i Ṛebbi γ- id, hati ur d i Ṛebbi γ- inn, hati i Ṛebbi γ- id, hati ur d i Ṛebbi γ-inn,
hati i Ṛebbi γ- id, hati ur d i Ṛebbi γ-inn, hati i Ṛebbi γ- id!
Ibbi wawal s yat tekklit. Tili-d daγ tifawt. Mᵃˢ d Mᵃˢˢᵃ
Martin skkusen zund Ayt Smith lliγ tessfal temzgunt.
Tamzgunt tessfal daγ s Ayt Martin lli ttinin iwaliwen n Ayt
Smith γ temdayt tamzwarut lliγ a itteqqen waddal s imikk .
ADDAL
